Nunavut Hansard — 13 March 2026 (Blues, Inuktitut)

2026-03-13 Blues Inuktitut

Nunavut — Debates (Hansard)

ᒪᓕᒐᓕᐅᕐᕕᒻᒥ ᑲᑎᒪᔾᔪᑎᒥᓃᑦ ᐋᖅᑭᒋᐊᖅᓯᒪᓐᖏᑦᑐᑦ ᓇᕿᑦᑕᖅᑕᐅᓯᒪᔪᑦ ᐅᓪᓗᑐᐃᓐᓇᖅ, ᒫᑦᓯ 13, 2026 ᐃᖃᓗᐃᑦ, ᓄᓇᕗᑦ ᐋᖅᑭᒋᐊᕈᑎᑦ: ᐊᑏ ᐅᑎᖅᑎᓯᐅᒃ ᐋᖅᑭᒋᐊᖅᑕᐅᔪᐃᑦ ᑎᑎᕋᖅᑎᒧᑦ ᐅᕝᕙᓘᓐᓃᑦ ᑐᖏᓕᐊᓄᑦ ᒪᓕᒐᓕᐅᕐᕕᒻᒥ ᑲᑎᒪᔾᔪᑎᒥᓃᑦ ᓇᕿᔾᔪᑕᐅ ᓐᖏᓚᑦ ᑐᑭᓕᐊᖅᑕᐃᓐᓇᕆᓗᒋᑦ ᒪᓕᒐᓕᐅᖅᑏᑦ ᐊᐃᕙᓂᖏᑦ. ᓇᕿᑕᐅᓯᒪᑐᐃᓐᓇᖅᑐᐃᑦ ᐅᖃᐅᓯᐅᓪᓗᐊᑕᖅᑐᑦ. ᐅᖃᖅᑕᐅᒃᑲᓂᖅᑐᒥᒃ ᐊᓯᐊᑎᒍᓪᓘᓐᓃᑦ ᓲᕐᓗ ᓇᓗᓇᐃᖅᑕᐅᔪᖃᒃᑲᓐᓂᕆᐊᖃᖅᐸᑦ ᐋᖅᑭᒋᐊᖅᑕᐅᔪᓐᓇᖅᑐᑦ ᑭᓇᑐᐃᓐᓇᖅ ᒪᓕᒐᓕᐅᕐᕕᒻᒥ ᑲᑎᒪᔾᔪᑎᓂᑦ ᐅᖃᓕᒫᖅᑐᑦ ᓱᖅᑯᐃᒪᓂᐊᕐᒪᑦ ᐅᖃᖅᑕᒥᓂᕐᒥᒃ. ᑲᑎᒪᐅᑎᒥᓂᓕᕆᔪᑦ ᐅᖃᓕᒫᕋᓐᓂᑦᑎᑦᓯᔭᕆᐊᓖᑦ ᐊᔾᔨᒌᑉᐸ ᓐᖏᒻᒪᑎᒃ ᐅᖃᖅᑕᐅᔪᖅ ᑎᑎᕋᖅᓯᒪᔪᕐᓗ. ᐊᐃᕙᔾᔪᑎᒥᓃᑦ, ᓯᑎᐱᕆ 20, 1983, ᒪᑉᐱᑐᒐᖓ 27299. ᐴᓯᔅᓂᐅᑉ 6-ᖓᓐᓂᒃ ᓇᕿᑕᐅᔾᔪᑎᖓ, ᑎᓕᓯᔾᔪᑎᒃ 55

ᓄᓇᕗᑦ ᒪᓕᒐᓕᐅᕐᕕᖓ ᐅᖃᖅᑎ ᐊᖓᔪᖅᑳᖅ ᑕᐃᕕᑎ ᔪᐊᓇᓯ ᐊᐅᓚᑦᑎᔩᑦ ᐊᓪᓚᑦᑎᐅᑲᐃᓐᓇᖅᑐᖅ ᐊᓪᓚᑦᑎᐅᑉ ᑐᓪᓕᐊ ᒪᐃᑯᓪ ᐹᓪ ᓈᓐᓯ ᑐᐱᖅ ᐊᓪᓚᑦᑎᐅᑉ ᐃᑲᔪᖅᑎᖓ ᖂᔪ ᓄᓱᑦᑕᖅ ᒪᓕᒐᓕᕆᔨ ᒪᐃᑯᓪ ᓵᓐᑐᓗ ᐃᖅᓱᖅᑎ ᔮᓐ ᑖᐱᒃ ᑲᑎᒪᐅᑎᓂᒃ ᐋᖅᑭᒃᓱᐃᔩᑦ ᐅᖃᐅᓯᕐᒥᒃ ᐅᖃᐅᓯᕐᒧᑦ ᑎᒥᖓᑦ 926 ᓯᕗᒧᒋᐊᖅ ᐊᑐᕆᐊᖅ ᐃᖃᓗᐃᑦ, ᓄᓇᕗᑦ X0A 3H0 ᐅᖄᓚᐅᑖ (867) 975-5000 ᓱᒃᑲᕈᑖ (867) 975-5190 ᐊᑭᖃᓐᖏᑦᑐᖅ (877) 334-7266 ᖃᕋᓴᐅᔭᑎᒍᑦ ᑐᕌᕈᑎᖓᑦ: www.assembly.nu.ca ᐊᖓᔪᖅᑳᖅ ᒍᐊᐃᓐ Hᐄᓕ- ᐊᕿᐊᕈᖅ (ᐃᖃᓗᐃᑦ−ᒪᓂᕋᔭᒃ) ᒥᓂᔅᑕ ᐃᓄᓕᕆᔨᒃᑯᓐᓄᑦ;ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂᑦ; ᒥᓂᔅᑕ ᑲᒪᒋᔭᖃᖅᑐᖅ ᐊᖏᕐᕋᖃᖏᓐᓂᕐᒥᒃ; ᒥᓂᔅᑕ ᑲᒪᒋᔭᖃᖅᑐᖅ ᐊᒃᖢᓂᕐᒥᒃ ᒥᒃᖠᒋᐊᖅᑎᑦᑎᓂᕐᒧᑦ;ᒥᓂᔅᑕ ᑲᒪᒋᔭᖃᖅᑐᖅ ᐊᕐᓇᐃᑦ ᑲᑎᒪᔨᖏᓐᓂᒃ; ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ (ᐃᖃᓗᐃᑦ-ᓂᐊᖁᙴ) ᒐᕙᒪᒃᑯᑦ ᓯᕗᒃᑲᖅᑕᖅᑎᖓ; ᒥᓂᔅᑕ ᐃᓕᓐᓂᐊᖅᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓯᓚᑦᑐᖅᓴᕐᕕᖕᒥᒃ ᕼᐋᓇ ᐊᖑᑎᐊᓗᒃ (ᐊᐃᕕᓕᒃ) ᐃᐊᑦᕗᑦ ᐊᑕᒍᑦᑖᓗᒃ (ᐊᒡᒍ) ᐊᖓᔪᖅᑳᖅ ᔮᓂᑦ ᐳᕉᔅᑐ (ᐃᖃᓗᐃᑦ-ᓯᓈ) ᒥᓂᔅᑕ ᐋᓐᓂᐊᖃᕐᓇᓐᖏᑦᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᐊᖓᔪᖅᑳᖅ ᔪᐊᔾ Hᐃᒃᔅ (ᐃᖃᓗᐃᑦ-ᑕᓯᓗᒃ) ᓄᓇᕗᒻᒧᑦ ᓯᕗᓕᖅᑎᐅᑦ ᑐᖓᓕᖓ; ᒥᓂᔅᑕ ᒪᓕᒐᓕᕆᓂᕐᒧᑦ; ᒥᓂᔅᑕ ᐃᖏᕐᕋᔪᓕᕆᓂᕐᒧᑦ ᒪᑭᒪᐅᑎᓄᓪᓗ; ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑐᓕᕆᓂᕐᒧᑦ ᑲᑎᒪᔨᓂᒃ; ᒥᓂᔅᑕ ᑲᒪᒋᔭᖃᖅᑐᖅ ᐃᓄᐃᑦ ᐱᔪᓐᓇᐅᑎᖏᓐᓄᑦ ᑲᑎᒪᔨᓂᒃ ᔭᐃᒥ ᖃᑉᓗᑦᓯᐊᖅ (ᐊᕐᕕᐊᑉ ᓂᒋᐊ) ᒍᐊᑕᓐ ᑲᐅᑕᒃ (ᐅᖅᑯᒻᒥᐅᑦ) ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓄᓂᖅ) ᒥᓂᔅᑕ ᐃᓕᖅᑯᓯᓕᕆᔨᒃᑯᑦ; ᒥᓂᔅᑕ ᐅᖃᐅᓯᓕᕆᓂᕐᒧᑦ; ᒥᓂᔅᑕ ᐊᕙᑎᓕᕆᓂᕐᒧᑦ; ᒥᓂᔅᑕ ᐆᒻᒪᖅᑯᑎᓕᕆᓂᕐᒧᑦ ᓴᐃᒪᓐ ᖁᓕᒃᑖᓇ (ᖁᕐᓗᖅᑑᖅ) ᐊᖓᔪᖅᑳᖅ ᓯᓯᐅᓪ ᓂᐅᓪᕙᓇ ᓚᐃᔪᓪ (ᓇᑦᓯᓕᒃ) ᓯᕗᓕᖅᑎ ᐋᕐᓗᒃ ᒪᐃᓐ (ᐊᕐᕕᐊᑉ ᐅᐊᓐᓇᖓ-ᑎᑭᕌᕐᔪᐊᖅ) ᓯᕗᓕᖅᑎ ᓄᓇᕗᒻᒥ; ᒥᓂᔅᑕ ᓯᕗᓕᖅᑎᓄᑦ ᒐᕙᒪᐅᖃᑎᒌᒃᑐᓕᕆᔨᒃᑯᓐᓄᓪᓗ; ᒥᓂᔅᑕ ᑮᓇᐅᔭᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᖃᖅᑳᖅᓯᒪᔪᓕᕆᓂᕐᒥᒃ; ᒥᓂᔅᑕ ᑲᒪᒋᔭᖃᖅᑐᖅ ᑲᓇᑕᐅᑦ ᓯᓚᑖᓃᖖᒑᖅᑐᓄᑦ; ᒥᓂᔅᑕ ᑲᒪᒋᔭᖃᖅᑐᖅ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᓐᓇᕐᓂᒃ; ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᒥᓴᓐ; ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᑎᒪᔨᖏᓐᓄᑦ; ᔮᓂ ᒪᐃᒃ (ᐸᓐᓂᖅᑑᖅ) ᕗᕆᐊᑦ ᐲᑕᓴᓐ (ᐃᖃᓗᒃᑑᑦᑎᐊᖅ) ᑕᐃᕕᑦ ᐳᐊᑐ (ᐅᖅᓱᖅᑑᖅ) ᐊᐃᕝᕙᓚᕼᐋ ᖃᒪᓂᖅ (ᐊᒥᑦᑐᖅ) ᑖᓂᐅᓪ ᖃᕝᕕᒃ (ᑕᓯᐅᔭᕐᔪᐊᖅ) ᐋᓕᒃᓵᓐᑐ ᓴᒻᒧᖅᑐᖅ (ᑲᖏᖅᖠᓂᐅᑉ ᐅᐊᓐᓇᖓ-ᐃᒡᓗᓕᒑᕐᔪᒃ) ᐃᓐᓇᖓᔪᖅ ᖂᑭᐊᖅ (ᓇᑦᓯᓕᒃ) ᐋᓕᒃᓵᓐᑐ ᓴᒻᒧᖅᑐᖅ (ᑲᖏᖅᖠᓂᐅᑉ ᐅᐊᓐᓇᖓ-ᐃᒡᓗᓕᒑᕐᔪᒃ) ᑯᕋᐃᒃ ᓯᒪᐃᓚᒃ (ᖃᒪᓂᑦᑐᐊᖅ) ᒥᓂᔅᑕ ᓄᓇᓕᖕᓂ ᒐᕙᒪᒃᑯᓂᓪᓗ ᐱᔨᑦᑎᖅᑎᒃᑯᑦ;ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᒃ; ᒥᓂᔅᑕ ᑲᒪᒋᔭᖃᖅᑐᖅ ᐅᔭᕋᖕᓂᐊᕐᓂᕐᒧᑦ; ᒥᓂᔅᑕ ᑕᐅᖅᓯᕋᕐᓂᕐᒥᒃ ᐱᓕᕆᐊᒃᓴᓕᒃ; ᐋᓂ ᑕᑦᑐᐃᓂ (ᑲᖏᖅᖠᓂᐅᑉ ᓂᒋᐊ) ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐊᒃᑯᒫᓂᒃ ᖃᐅᔨᓴᖅᑏᑦ ᓯᑏᕙᓐ ᑕᖅᑐ (ᖁᑦᑎᒃᑐᕐᒃ)

ᐃᓗᓕᖏᑕ ᓇᓕᖅᑲᖏᑦ ᑐᒃᓯᐊᕐᓂᕐᒧᑦ ᒪᑐᐃᖅᑕᐅᓂᖓ ....................................................................................................................................................... 1 ᒥᓂᔅᑕᐃᑦ ᐅᖃᐅᓯᒃᓴᖏᑦ ................................................................................................................................................................ 1 ᒪᓕᒐᓕᐅᖅᑏ ᐅᖃᐅᓯᒃᓴᖏᑦ ......................................................................................................................................................... 7 ᑭᐅᔾᔪᑏᑦ ᐅᖃᐅᓯᒃᑯᑦ ᐊᐱᖅᑯᑎᒥᓂᕐᓄᑦ ..................................................................................................................................... 8 ᐃᓕᑕᖅᓯᓂ ᐳᓛᖅᑎᓂ ................................................................................................................................................................... 9 ᐅᖃᐅᓯᒃᑯᑦ ᐊᐱᖅᑯᑏᑦ .................................................................................................................................................................... 9 ᑲᑎᒪᓂᑐᐃᓐᓇᕐᓂᖅ ᐃᓱᒪᒃᓴᖅᓯᐅᕈᑎᖃᖅᑎᓪᓗᒋᑦ ᐱᖁᔭᒃᓴᓂ ᐊᓯᖏᓐᓂᓪᓗ ᐅᑯᐊ ᐱᖁᔭᒃᓴᐃᑦ ................................. 18 ᑲᑎᒪᔨᕋᓛᑦ ᑕᒪᐃᓐᓄᑦ ᐅᓂᒃᑳᖏᑦ ............................................................................................................................................. 24 ᑲᑎᒪᔾᔪᑎᒃᓴᐃᑦ ............................................................................................................................................................................... 24

ᐃ. ᖃᐅᑕᒫᒧᑦ ᖃᐅᔨᒋᐊᕈᑎᑦ ᐅᓪᓗᑐᐃᓐᓇᖅ, ᒫᑦᓯ 13, 2026 ........................................................................................................................................... 1 ᐅ. ᐊᖓᔪᖅᑳᑦ ᐅᓂᒃᑳᖏᑦ 35 – 7(1): 2025 ᐃᖅᑲᓇᐃᔭᖅᑎᑦ ᐃᓚᐅᑎᑕᐅᓂᖏᓐᓄᑦ ᖃᐅᔨᓴᕈᑎᑦ (ᑕᑦᑐᐃᓂ) ........................................................ 1 36 – 7(1): ᑲᑎᒪᔩᑦ − ᑐᓴᕆᐊᖅᑎᑦᑎᓂᖅ ᑲᑎᒪᔩᑦ ᑎᒃᑯᐊᖅᑕᒥᓂᐅᓂᖏᓐᓂᒃ(ᕼᐄᓕ ᐊᕿᐊᕈᖅ) ................................ 2 37 – 7(1): ᑲᖏᖅᖠᓂᕐᒥ ᖃᖓᑕᓲᕐᒥ ᐅᑕᖅᑭᕕᒃ ᒪᑐᐃᖅᑕᐅᓛᕐᓂᖓᓂᒃ ᑐᓴᕆᐊᖅᑎᑦᑎᔾᔪᑎ (ᕼᐃᒃᔅ) ........................ 3 38 – 7(1): ᕿᓚᐅᑦ ᑕᑯᕋᓐᓈᖅᑎᑦᓯᓂᖏᑦ 2026 (ᑯᓄᒃ) ....................................................................................................... 3 39 – 7(1): ᐃᓕᓐᓂᐊᕐᓂᓕᕆᔨᒃᑯᑦ ᐃᖅᑲᓇᐃᔭᖅᑏᑦ ᐱᓕᒻᒪᒃᓴᖅᑎᑕᐅᓂᖏᑦ 2025-2026 ᐃᓕᓐᓂᐊᕐᓇᑉ ᐊᕐᕌᒍᐊᓄᑦ (ᒪᐃᓐ⁄ᐊᕿᐊᕈᖅ) ............................................................................................................................................... 4 40 – 7(1): ᐃᖅᑲᐅᒪᑦᑎᓂᖅ ᐱᔨᑦᑎᕋᕈᑕᐅᕙᓚᐅᕐᓂᖓᓂᒃ ᐊᒻᒪᓗ ᐃᖅᑲᐅᒪᒋᔭᐅᖃᑦᑕᕐᓂᐊᕐᓂᖓ ᐅᓇᑕᖅᑎᒃᑯᑦ ᖃᖓᑕᓲᖅᐸᖓ 333 (ᓯᒪᐃᓚᒃ) ........................................................................................................................................... 5 41 – 7(1): ᑲᑎᖃᑎᒋᓚᐅᕐᓂᕋ ᒥᓂᔅᑕ ᐊᕐᓇᓄᑦ ᐊᒻᒪᓗ ᐊᕐᓇᐃᑦ ᐊᖑᑏᓪᓗ ᓇᓕᒧᒌᒋᐊᖃᕐᓂᖏᖕᓄᑦ (ᕼᐄᓕ ᐊᕿᐊᕈᖅ ................................................................................................................................................................................... 6 ᐊ. ᒪᓕᒐᓕᐅᖅᑏᑦ ᐅᓂᒃᑳᖏᑦ 51 – 7(1): ᑯᕆᔅ ᐳᑐᓕᒃ (ᓴᒻᒧᖅᑐᖅ) ......................................................................................................................................... 7 52 – 7(1): ᑲᓇᑕᑉ ᓯᕗᓕᖅᑎᕐᔪᐊᖓᑕ ᑐᓴᖅᑎᑦᑎᓂᖓ (ᐲᑕᓴᓐ) ........................................................................................ 7 53 – 7(1): ᓴᓪᓕᖅ ᐱᕙᓪᓕᐊᔪᓕᕆᔨᒃᑯᑦ ᑎᒥᖓ (ᐊᖑᑎᐊᓗᒃ) ............................................................................................ 7 ᐱ. ᑭᐅᔾᔪᑏᑦ ᐅᖃᐅᓯᒃᑯᑦ ᐊᐱᖅᑯᑎᓄᑦ 10 – 7(1): ᐅᖅᓱᖅᑑᑉ ᖃᐅᒻᒪᖅᑯᑎᓄᑦ ᐊᐅᓚᐅᑎᖃᕐᕕᖓ (ᕼᐄᓕ ᐊᕿᐊᕈᖅ)..................................................................7 11 – 7(1): ᐊᐱᖅᑯᑎ ᖃᓄᐃᓕᐅᕐᓂᖏᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑯᐊᐳᕇᓴᙵᑕ (ᕼᐄᓕ ᐊᕿᐊᕈᖅ)................8 ᐳ. ᐅᖃᐅᓯᒃᑯᑦ ᐊᐱᖅᑯᑎᑦ

39 – 7(1): ᐃᖅᑲᓇᐃᔭᖅᑏᑦ ᐊᖏᕈᑎᖓ (ᑲᐅᑐᖅ) ................................................................................................................. 9 40 – 7(1): ᓄᓇᓕᓐᓂ ᓈᓚᐅᑎᖃᕐᕕᖏᖕᓄᑦ ᐊᐃᑦᑑᓯᐊᖑᕙᑦᑐᑦ (ᐊᑕᒍᑦᑖᓗᒃ) .............................................................. 10 41 – 7(1): ᖃᖓᑕᓲᒃᑯᕖᑦ ᐱᖁᑎᕐᔪᐊᑦ (ᖃᑉᓗᑦᓯᐊᖅ) ......................................................................................................... 12 42 – 7(1): ᐳᔫᖅᑎᑦᑎᑦᑕᐃᓕᒪᔾᔪᑏᑦ ᐊᒻᒪᓗ ᓯᐅᕋᕋᓛᑦ (ᐊᖑᑎᐋᓗᒃ) ............................................................................... 13 43 – 7(1): ᓂᕿᑦᑎᐊᕙᓕᕆᓂᖅ ᐅᑭᐅᖅᑕᖅᑐᒥ ᑲᓇᑕᒥ ᐱᓕᕆᐊᖅ (ᑕᖅᑐ) ................................................................... 14 44 – 7(1): ᐱᖁᔨᕗᖔᕈᑏᑦ ᐊᖏᖅᑕᐅᓯᒪᔪᑦ ᑭᕙᓪᓕᕐᒥ ᒪᐃᔭᓄᑦ (ᓴᒻᒧᖅᑐᖅ) ................................................................ 16 45 – 7(1): ᐊᑭᖃᙱᓪᓗᒋᑦ ᑕᐅᖅᓰᖃᑎᒌᒍᓐᓇᕐᓂᕐᒧᑦ ᐊᖏᕈᑎ (ᖁᓕᖅᑖᓇ) ................................................................. 17 ᒍ. ᒪᓕᒐᒃᓴᐃᑦ ᒪᓕᒐᒃᓴᖅ 2 - ᐊᑐᕈᒪᕐᓂᐊᖅᑐᑦ (ᐊᑭᑐᔪᖅᑐᕈᑏᑦ) ᐱᖁᔭᖅ, 2026-2027 - ᑲᑎᒪᔨᕋᓛᑦ ᐃᓱᒪᖅᓴᖅᓯᐅᕐᓂᖏᑦ..... 21

ᐅᓪᓗᑐᐃᓐᓇᖅ, ᒫᑦᓯ 13, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 1 ᐃᖃᓗᐃᑦ, ᓄᓇᕗᑦ ᕿᑎᖅᑰ, ᒫᑦᓯ 12, 2026 ᒪᓕᒐᓕᐅᖅᑏᑦ ᐅᐸᒃᑐᑦ: ᐊᖓᔪᖅᑳᖅ ᒍᐃᐊᓐ ᕼᐄᓕ−ᐊᕿᐊᕈᖅ, ᒥᔅ ᕼᐋᓇ ᐊᖑᑎᐊᓗᒃ, ᒥᔅᑕ ᐃᐊᑦᕗᑦ ᐊᑕᒍᑦᑖᓗᒃ, ᐊᖓᔪᖅᑳᖅ ᔮᓂᑦ ᐱᑦᓯᐅᓛᖅ, ᐊᖓᔪᖅᑳᖅ ᔪᐊᔾ ᕼᐃᒃᔅ, ᐊᖓᔪᖅᑳᖅ ᑕᐃᕕᑎ ᔪᐊᓇᓯ, ᒥᔅᑕ ᔭᐃᒥ ᑲᑉᓗᑦᓯᐊᖅ, ᒥᔅᑕ ᒍᐊᑕᓐ ᑲᐅᑐᒃ, ᐊᖓᔪᖅᑳᖅ ᐳᕋᐃᔭᓐ ᑯᓄᒃ; ᒥᔅᑕ ᓴᐃᒻᒪ ᖁᓕᒃᑖᓇ, ᐊᖓᔪᖅᑳᖅ ᓯᓯᐅᓪ ᓂᐅᓪᕚᓇ ᓚᐃᔪᓪ, ᓯᕗᓕᖅᑎ ᐋᕐᓗᒃ ᒪᐃᓐ, ᒥᔅᑕ ᔮᓂ ᒪᐃᒃ, ᒥᔅᑕ ᕗᕆᐊᑦ ᐲᑕᓴᓐ, ᒥᔅᑕ ᑕᐃᕕᑦ ᐳᐊᑐ, ᒥᔅᑕ ᐊᐃᕙᓚᕼᐋᒻ ᖃᒪᓂᖅ, ᒥᔅᑕ ᐋᓕᒃᓵᓐᑐ ᓴᒻᒧᖅᑐᖅ, ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ, ᒥᔅᑕ ᓯᑏᕙᓐ ᑕᖅᑐ, ᐊᖓᔪᖅᑳᖅ ᐋᓂ ᑕᑦᑐᐃᓂ. >>ᑲᑎᒪᓯᒋᐊᖅᑐᑦ 09:00 ᑲᑎᒪᔾᔪᑎᒃᓴᖅ 1: ᑐᒃᓯᐊᕐᓂᕐᒧᑦ ᒪᑐᐃᖅᑕᐅᓂᖓ ᐅᖃᖅᑎ: ᐱᒋᐊᕈᑎᒋᓗᒍ ᒥᔅᑕ ᒪᐃᒃ, ᑐᔅᓯᐊᕐᓂᒃᑯᑦ ᒪᑐᐃᖅᓯᒍᓐᓇᕈᕕᑦ. ᒪᐃᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᑐᔅᓯᐊᕐᓗᑕ. >>ᑐᒃᓯᐊᖅᑐᖅ ᐅᖃᖅᑎ: ᐅᓪᓛᒃᑯᑦ ᓄᓇᕗᒻᒥᐅᑦ, ᓈᓚᒃᑐᑦ, ᑐᓵᔪᓪᓗ ᑕᓚᕖᓴᒃᑯᑦ, ᖃᕋᓴᐅᔭᒃᑯᓪᓗ. ᑲᑎᒪᔾᔪᑎᕗᑦ ᓈᓴᐅᑎᖓ 2, ᒥᓂᔅᑕᐃᑦ ᐅᖃᐅᓯᖏᑦ. ᐃᖅᑲᓇᐃᔭᖅᑐᓕᕆᔨᒃᑯᑦ ᒥᓂᔅᑕᖓ, ᒥᔅ ᑕᑦᑐᐃᓂ. ᑲᑎᒪᔾᔪᑎᒃᓴᖅ 2: ᒥᓂᔅᑕᐃᑦ ᐅᖃᐅᓯᒃᓴᖏᑦ ᒥᓂᔅᑕᑉ ᐅᖃᐅᓯᖓ 35 – 7(1): 2025 ᐃᖅᑲᓇᐃᔭᖅᑎᑦ ᐃᓚᐅᑎᑕᐅᓂᖏᓐᓄᑦ ᖃᐅᔨᓴᕈᑎᑦ ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᕕᐊᓱᒃᐳᖓ ᐃᓕᓴᖅᓯᔪᓐᓇᕋᒪ 2025−ᒥ ᐃᖅᑲᓇᐃᔭᖅᑏᑦ ᐃᓚᐅᑎᑕᐅᓂᖏᓐᓄᑦ ᖃᐅᔨᓴᕈᑎᑦ ᐱᐊᓂᒃᑕᐅᑦᑎᐊᓚᐅᕐᓂᖏᓐᓂᒃ ᒪᑐᓚᐅᖅᑐᖅ ᑎᓯᕝᕙᒥ. ᖁᔭᓕᔪᒪᕙᒃᑲ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᓕᒫᖏᑦ ᐱᕕᖃᖅᑎᓚᐅᖅᑐᓂ ᐃᓚᐅᓂᕐᒧᑦ. ᐃᓚᐅᓚᐅᖅᑐᑦ 60−ᐳᓴᖑᓪᓗᑎᒃ, 2,600 ᐅᖓᑖᓃᑦᑐᓂᒃ ᐃᖅᑲᓇᐃᔭᖅᑎᓂᒃ ᑐᓴᖃᑦᑕᓚᐅᖅᑐᑦ. ᑖᒃᑯᐊ ᓴᖅᑭᓚᐅᖅᑐᑦ ᓴᙱᔪᒥᒃ ᐊᖏᖅᓯᒪᑦᑎᐊᕐᒪᑕ ᓄᓇᕗᑦ ᒐᕙᒪᒃᑯᑦ ᓯᕗᓂᒃᓴᖓᓂᒃ ᐋᖅᑭᒃᓱᐃᔪᒪᓪᓗᑎᒃ. ᑕᐃᒪᓐᓇᑎᒋ ᑭᐅᖃᑦᑕᖅᑐᑦ ᓇᓗᓇᐃᖅᓯᑦᑎᐊᖅᐳᑦ ᐊᖏᖅᓯᒪᑦᑎᐊᖅᑐᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᕗᑦ ᐃᒃᐱᒍᓱᑦᑎᐊᕐᓂᖏᓐᓂᒃ ᐃᖅᑲᓇᐃᔭᕐᕕᖕᒥᓂᒃ, ᐃᖅᑲᓇᐃᔭᖃᑎᒥᓂᒃ ᐊᒻᒪ ᐱᔨᑦᑎᕋᐅᑎᑦᑎᐊᕙᖕᓂᖏᓐᓂᒃ ᓄᓇᕗᒥᐅᓄᑦ. ᐅᖃᖅᑎᑦᑎᔩ, ᐃᖅᑲᓇᐃᔭᖅᑏᑦ ᐃᓚᐅᑎᑕᐅᓂᖏᑦ ᑐᙵᕕᒋᔭᐅᕗᑦ ᖃᓄᐃᙱᑦᑎᐊᕐᓂᕐᒧᑦ ᐊᑑᑎᖃᑦᑎᐊᖅᑐᒥᒡᓗ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ. ᐃᖅᑲᓇᐃᔭᖅᑏᑦ ᑐᓵᔭᐅᒑᖓᒥᒃ, ᐃᑲᔪᖅᓱᖅᑕᐅᓂᕐᒥᓂᒃ, ᐊᒻᒪ ᐱᔪᓐᓇᕐᓂᖅᑖᖅᑎᑕᐅᓂᕐᒥᓂᒃ, ᒐᕙᒪᓕᒫᑦᑎᐊᖅ ᐊᒻᒪ ᓄᓇᕗᒥᐅᑦ ᐱᕚᓪᓕᓲᖑᕗᑦ. ᑕᑯᕙᕗᑦ ᓴᙱᓂᖅᓴᒥᒃ ᑲᑐᔾᔨᖃᑎᒌᖕᓂᕐᒥᒃ, ᑐᓴᐅᒪᖃᑎᒌᑦᑎᐊᕐᓂᖅᓴᐅᓂᕐᒥᒃ ᐱᐅᓯᒋᐊᖅᑎᑦᑎᓂᕐᒥᒡᓗ ᓴᖅᑭᑉᐸᓪᓕᐊᔪᓂᒃ ᐃᓄᖕᓄᑦ ᐱᔨᑦᑎᕋᖅᑕᑦᑎᓐᓄᑦ. ᐅᖃᖅᑎᑦᑎᔩ, ᐃᖅᑲᓇᐃᔭᖅᑏᑦ ᐃᓚᐅᑎᑕᐅᓂᖏᓐᓄᑦ ᐊᐱᖅᓲᑎᑦ ᐊᑑᑎᖃᕐᓂᖅᐹᖑᖃᑕᐅᕗᑦ ᑐᑭᓯᔪᓐᓇᖁᓪᓗᑕ ᐊᑐᖅᓯᒪᔭᖏᓐᓂᒃ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦᑕ. ᑕᒪᒃᑯᐊ ᖃᐅᔨᔾᔪᑕᐅᔪᑦ ᐃᑲᔪᖅᐸᒃᐳᑦ ᓇᓗᓇᐃᖅᓯᓂᕐᒥᒃ ᑭᓱᑦ ᑲᔪᓯᓂᖃᑦᑎᐊᕐᒪᖔᑕ ᓇᐅᒃᑯᓪᓗ ᐱᐅᓯᒋᐊᖅᑎᑦᑎᔪᖃᕈᓐᓇᕐᒪᖔᑦ. ᐱᒻᒪᕆᐅᓛᖑᔪᖅ, ᐅᕙᑦᑎᓐᓂᒃ ᐃᑲᔪᖅᐸᒃᐳᑦ ᐋᖅᑭᒃᓱᐃᕙᓪᓕᐊᓂᕐᒥᒃ ᐱᓕᕆᐊᖃᕐᓂᕐᒧᑦ ᐱᕙᒌᔭᖅᑕᐅᓯᒪᔪᓂᒃ ᑐᙵᕕᓕᖕᓂᒃ ᖃᐅᔨᔾᔪᑕᐅᔪᓐᓇᖅᑐᓂᒃ,

ᐅᓪᓗᑐᐃᓐᓇᖅ, ᒫᑦᓯ 13, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 2 ᐋᖅᑭᒃᓱᖅᑕᐅᓯᒪᓪᓗᑎᒃ ᐃᖅᑲᓇᐃᔭᖅᑏᑦ ᓂᐱᖏᓐᓄᑦ, ᑕᐅᑐᒐᖃᓪᓗᐊᑕᖅᖢᑎᒡᓗ ᑐᑭᖃᑦᑎᐊᖅᑐᓂᒃ ᐊᓯᔾᔨᕐᓂᕆᔭᐅᔪᓂᒃ. ᑕᖅᑭᓂ ᐊᒡᒋᖅᑐᓂ, ᐅᖃᖅᑏ, ᐱᓕᕆᕝᕖᑦ ᐊᒻᒪ ᒐᕙᒪᒃᑯᑦ ᑎᒥᖁᑎᖏᑦ ᕿᒥᕐᕈᓇᖕᓂᐊᖅᑐᑦ ᖃᐅᔨᔭᒥᓂᒃ ᐊᒻᒪ ᓴᖅᑭᑦᑎᓗᑎᒃ ᑐᕌᒐᕆᔭᐅᔪᓂᒃ ᐊᐅᓚᔾᔭᐃᒋᐊᕐᓂᕐᒧᑦ ᐸᕐᓇᐅᑎᓂᒃ. ᑖᒃᑯᐊ ᐸᕐᓇᐅᑎᑦ ᑕᑯᒃᓴᐅᑎᑦᑎᕗᑦ ᑲᑐᔾᔨᓪᓗᑕ ᐊᖏᕈᑎᒋᓯᒪᔭᑦᑎᓐᓂᒃ ᐱᐅᓯᕚᓪᓕᖅᑎᑦᑎᕙᓪᓕᐊᖏᓐᓇᕈᒪᓪᓗᑕ ᒐᕙᒪᒃᑯᑦ ᐃᖅᑲᓇᐃᔭᖅᑎᓕᒫᖏᓐᓂᒃ. ᑖᒃᑯᐊ ᑕᓯᐅᖅᓯᓂᐊᖅᐳᑦ ᐱᓇᔪᒃᑕᐅᔪᓂᒃ ᓴᙱᒃᑎᒋᐊᖅᑎᑦᑎᔪᒪᓪᓗᑎᒃ ᓯᕗᓕᖅᑎᐅᓂᕐᒥᒃ, ᐱᐅᓯᒋᐊᖅᑎᑦᑎᓂᕐᒥᒃ ᐃᖅᑲᓇᐃᔭᕐᕕᒋᔭᐅᔪᒥ ᖃᓄᐃᙱᑦᑎᐊᕈᓐᓇᕐᓂᕐᒥᒃ, ᐱᐅᓯᒋᐊᖅᑎᑦᑎᓂᕐᒥᒃ ᐃᖅᑲᓇᐃᔮᓂᒃ ᐱᕚᓪᓕᖅᑎᑦᑎᓂᕐᒥᒃ, ᑲᔪᓯᑎᑦᑎᓂᕐᒥᒡᓗ ᐃᖅᑲᓇᐃᔭᕐᓂᕐᒧᑦ ᐃᓕᖅᑯᓯᕆᔭᐅᔪᒥᒃ ᑕᒪᕐᒥᑦᑎᐊᖅ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ ᐃᒃᐱᒋᔭᖃᕐᓗᑎᒃ ᐊᓐᓂᕆᔭᐅᓂᕐᒥᓂᒃ, ᐃᒃᐱᒋᔭᐅᑦᑎᐊᕐᓂᕐᒥᒃ ᓴᙱᓂᖃᖅᑎᑕᐅᓂᕐᒥᒡᓗ ᑐᓂᓯᔪᓐᓇᕐᓂᕐᒥᒃ ᐊᔪᙱᓐᓂᓕᒫᒥᒍᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᖅᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᒥᓂᔅᑕᐃᑦ ᐅᖃᐅᓯᖏᑦ. ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ, ᒥᔅ Hᐄᓕ ᐊᕿᐊᕈᖅ. ᒥᓂᔅᑕᐃᑦ ᐅᖃᐅᓯᖏᑦ 36 – 7(1): ᑲᑎᒪᔩᑦ − ᑐᓴᕆᐊᖅᑎᑦᑎᓂᖅ ᑲᑎᒪᔩᑦ ᑎᒃᑯᐊᖅᑕᒥᓂᐅᓂᖏᓐᓂᒃ ᐊᖓᔪᖅᑳᖅ ᒍᐃᓐ Hᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᐅᖃᖅᑏ, ᖁᕕᐊᓱᑉᐳᖓ ᑐᓴᖅᑎᑦᓯᔪᓐᓇᕋᒪ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᒫᓐᓇ 7−ᓂ ᑲᑎᒪᔨᖃᓕᖅᑐᑦ. ᐃᑦᓯᕙᐅᑕᖃᖅᑐᑎᑦ ᔩᓂ ᐃᕼᐊᓗᐊᕐᒥᒃ ᐃᑦᓯᕙᐅᑕᐅᓪᓗ ᑐᓪᓕᐊ ᒫᑕ ᓕᓂᐅ, ᑲᑎᒪᔩᑦ ᐅᑯᐊᖑᕗᑦ ᐋᓕᒃᔅ ᑯᒃ, ᓇᔭᑉ ᑲᓐ, ᕌᐱᓐ ᐊᓇᕈᐊᖅ, ᐹᓪ ᖃᓗᔾᔭᖅ, ᐊᒻᒪᓗ ᑐᕌᕙᔅ ᑲᓗᐊᖅ. ᐃᓚᒋᔭᐅᔪᑦ ᓴᙱᔪᓂᒃ ᐊᔾᔨᒌᙱᑦᑐᓂᒃ ᐊᔪᙱᓐᓂᖃᖅᑐᐃᑦ ᐊᑐᒃᑲᓐᓂᕈᓐᓇᖅᑐᓂᒃ ᐆᒻᒪᖅᑯᑎᓂᒃ, ᑮᓇᐅᔭᓕᕆᓂᕐᒥᒃ, ᐊᑐᐊᒐᕐᓂᒃ ᐱᕙᓪᓕᐊᑎᑦᓯᓂᕐᒥᒃ, ᐃᖅᑲᓇᐃᔭᖅᑐᓕᕆᓂᕐᒥᓪᓗ. ᑖᒃᑯᐊ ᐊᔾᔨᒌᙱᓐᓂᖏᑦ ᐃᑲᔪᖅᑐᐃᕗᑦ ᐊᐅᓚᑦᑎᑦᓯᐊᕐᓂᕐᒥᒃ ᑲᒪᑦᓯᐊᕐᓂᕐᒥᓪᓗ ᑎᒥᖁᑖ ᐊᐅᓚᓂᕆᔭᖏᓐᓂᒃ ᐊᑯᓂᐅᔪᒃᑯᓪᓗ ᖃᓄᖅᑑᕈᑎᒃᓴᓄᑦ ᑐᑭᒧᐊᒍᑎᒃᓴᓂᒃ. ᖁᕕᐊᓱᑉᐳᖓ ᓇᓗᓇᐃᖅᓯᔪᓐᓇᕋᒪ ᑕᓪᓕᒪᐃᑦ 7−ᖑᔪᓂ ᑲᑎᒪᔨᓂᑦ ᐃᓅᕗᑦ, ᑕᑯᒃᓴᐅᑎᑦᓯᓪᓗᓂ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᖏᖅᓯᒪᐃᓐᓇᕐᓂᖏᓐᓄᑦ ᓴᙱᔪᒥᒃ ᐃᓄᓐᓂᒃ ᑭᒡᒐᖅᑐᐃᔨᖃᕈᒪᓪᓗᑎᒃ ᐊᐅᓚᑦᓯᕝᕕᖃᖅᐸᓐᓂᕐᒧᑦ, ᐊᖏᖅᓯᒪᓂᖃᕐᓂᑎᓐᓄᑦ ᑲᒪᒋᔭᖃᕐᓂᕐᒧᑦ ᓴᙱᓕᖅᑎᑦᓯᓂᕐᒧᓪᓗ. ᐅᖃᖅᑎᑦᓯᔩ, ᓇᓗᓇᐃᖅᓯᔪᒪᒋᕗᖓ ᑭᒃᑯᑐᐃᓐᓇᓂᒃ ᐱᓇᓱᐊᖁᔨᓂᖅ ᐃᓐᓄᒃᓯᔪᒪᓂᕐᒧᑦ ᒫᓐᓇ ᐃᓐᓄᒃᑕᐅᓯᒪᙱᑦᑐᓂᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑲᑎᒪᔨᖏᓐᓂᒃ ᒫᓐᓇ ᒪᑐᐃᖓᔪᖅ ᒪᑐᓛᖅᓱᓂᓗ ᐄᐳᕈᓪ 1, 2026−ᒥ. ᐱᓇᓱᐊᕈᒪᔪᑦ ᖃᐅᔨᒋᐊᕈᓐᓇᖅᐳᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ ᑐᑭᓯᒋᐊᒃᑲᓐᓂᕈᒪᓗᑎᒃ ᖃᓄᖅ ᐊᑎᕐᒥᓂᒃ ᑐᓂᓯᔪᓐᓇᕐᒪᖔᑕ ᐃᓱᒪᒋᔭᐅᔪᒃᓴᓂᒃ. ᐅᖃᖅᑎᑦᓯᔩ, ᓂᕆᐅᑉᐳᖓ ᓯᕗᓕᖅᑎᐅᖏᓐᓇᕐᓂᐊᕐᓂᑦᑎᓐᓂᒃ ᑕᓯᐅᖅᑕᐅᓂᐊᕐᓂᖏᓐᓂᓪᓗ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑲᑎᒪᔨᖏᓐᓂᒃ ᑖᒃᑯᐊ ᐆᒻᒪᖅᑯᑎᓕᕆᔨᒃᑯᑦ ᐱᓕᕆᐊᖃᖅᑎᓪᓗᒋᑦ ᑲᔪᓯᑎᑦᓯᓂᕐᒧᑦ ᐊᑦᑕᕐᓇᙱᑦᑐᒥ, ᑕᑎᒋᔭᐅᔪᓐᓇᖅᑐᒥᒃ, ᑲᔪᓰᓐᓇᕈᓐᓇᖅᑐᒥᓪᓗ ᐆᒻᒪᖅᑯᒻᒥᒃ ᓄᓇᕗᒻᒥᐅᓄᑦ. ᖁᔭᓐᓇᒦᒃ, ᐅᖃᖅᑎᑦᓯᔩ. >> ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᒥᓂᔅᑕᐃᑦ ᐅᖃᐅᓯᖏᑦ, ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᑦ ᒥᓂᔅᑕᖓ, ᒥᔅᑕ Hᐃᒃᔅ.

ᐅᓪᓗᑐᐃᓐᓇᖅ, ᒫᑦᓯ 13, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 3 ᒥᓂᔅᑕᐃᑦ ᐅᖃᐅᓯᖏᑦ 37 – 7(1): ᑲᖏᖅᖠᓂᕐᒥ ᖃᖓᑕᓲᕐᒥ ᐅᑕᖅᑭᕕᒃ ᒪᑐᐃᖅᑕᐅᓛᕐᓂᖓᓂᒃ ᑐᓴᕆᐊᖅᑎᑦᑎᔾᔪᑎ ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᒪᓕᒐᓕᐅᖅᑎᐅᖃᑎᒃᑲ ᑐᓴᖅᑎᑦᑐᒪᕙᒃᑲ ᐱᒻᒪᕆᐅᔪᒥᒃ ᑲᖏᖅᖠᓂᕐᒥ ᒥᑦᑕᕐᕕᖕᒥ ᐅᑕᖅᑭᕕᒃᓴᐅᑉ ᒥᒃᓵᓄᑦ. ᖁᕕᐊᓱᒃᐳᖓ ᐅᖃᕈᓐᓇᕋᒪ ᓂᕆᐅᒃᐳᒍᑦ ᐊᑐᖅᑕᖅᐅᓚᐅᑲᖕᓂᐊᕐᓂᖓᓂᒃ ᐱᓕᕆᐊᒃᓴᖅ 1 ᓄᑖᒥ ᐅᑕᖅᑭᕕᖕᒥ ᑕᖅᑭᐅᑉ ᓄᙳᐊᓂ, ᑭᖑᓪᓕᖅᐹᒥᓗ ᐃᓐᓄᒃᑕᐅᔪᓐᓇᖅᓯᓗᓂ ᐄᐳᕈᓪ 2026 ᓄᙳᐊᓂ. ᑕᒪᓐᓇ ᐃᒪᓐᓇ ᑐᑭᖃᖅᐳᖅ, ᐃᑭᒪᕙᒃᑐᓄᑦ ᐊᐅᓚᑦᑎᓂᕆᔭᐅᕙᒃᑐᑦ—ᐊᒻᒪᓗᑦᑕᐅᖅ ᖃᖓᑕᓲᓕᕆᔨᑦ ᐃᖅᑲᓇᐃᔭᖅᑎᖏᑦ ᐊᒻᒪ ᑲᓇᑕᒥ ᖃᖓᑕᓲᓄᑦ ᐱᔨᑦᑎᕋᕐᕕᖃᕐᕕᒃ−ᓅᓐᓂᐊᓕᖅᐳᑦ ᐅᑕᖅᑭᕕᒋᔭᐅᔪᒥᑦ ᐱᓕᕆᐊᒃᓴᖅ 1-ᒧᑦ ᐃᒡᓗᕐᔪᐊᒧᑦ ᓴᓇᔭᐅᕙᓪᓕᐊᓕᖅᑐᒧᑦ ᐊᕐᕌᒍᑦ ᐱᖓᓱᑦ ᐅᖓᑖᓄᑦ. ᐅᖃᖅᑏ, ᑖᓐᓇ ᓇᑉᐸᓪᓗᐊᖓ ᐅᖓᑖᓅᖅᓯᒪᓕᖅᑐᖅ, ᐱᔭᕆᐊᑐᓂᖅᐹᓂᒃ ᐃᓪᓗᔅᓴᓂᒃ ᐱᔭᕇᖅᓯᒪᓕᖅᑐᑎᒃ. ᓄᓇ ᐊᐅᒃᓯᒪᓕᖅᐸᑦ ᐊᐅᔭᖅ, ᐅᑕᖅᑭᕕᑐᖃᖅ ᓱᕋᒃᑎᖅᑕᐅᓛᖅᑐᖅ ᐱᓕᕆᐊᖑᓯᒋᐊᕐᓗᓂᓗ ᐆᓇᖅᓯᑎᑦᑎᔾᔪᑎ ᐱᓕᕆᐊᒃᓴᖅ 2-ᒧᑦ. ᑳᓐᑐᓛᒃᑎᑦᑎᔨ ᐊᑐᕐᓂᐊᖅᑐᖅ ᖁᐊᖅᑎᑦᑎᔾᔪᑎᒥᒃ ᑐᙵᕕᖓ ᑯᕕᔭᐅᔪᓐᓇᖁᓪᓗᒍ ᑭᖑᕙᓯᙱᓪᓗᓂ. ᐱᓕᕆᔾᔪᓯᖅ 2 ᐃᒡᓗᕐᔪᐊᑉ ᖄᖓ ᐋᖅᑭᒃᓯᒪᓕᓪᓗᐊᖅᑐᖅ ᐅᑭᐊᒃᓵᖑᓕᖅᐸᑦ, ᐱᕕᖃᖅᑎᑦᑎᓗᓂ ᓴᓇᔭᐅᕙᓪᓕᐊᓕᕐᓗᓂ ᐃᓗᐊᓃᑦᑐᑦ ᐃᓗᓕᖏᑦ. ᐱᓕᕆᔾᔪᓯᖅ 1 ᑖᓐᓇᑐᐊᖅ ᒪᕐᕈᐃᖅᓱᓪᓗᐊᖅᖢᒍ ᓇᑎᖓ ᐊᖏᓂᖅᓴᐅᕗᖅ ᐅᑕᖅᑭᕕᖕᒥᑦ, ᐅᔾᔨᕐᓇᕐᓂᐊᖅᖢᓂᓗ ᐱᐅᓯᕚᓪᓕᖅᓯᒪᓂᖓ ᐊᐅᓪᓚᖅᐸᓪᓕᐊᔪᓄᑦ, ᑎᑭᑉᐸᓪᓕᐊᔪᓄᑦ ᐊᖅᑯᓵᖅᐸᓪᓕᐊᔪᓄᓪᓘᓐᓃᑦ ᑲᖏᖅᖠᓂᕐᒥ. ᑭᓯᐊᓂ ᐊᑕᖏᕐᓗᒍ ᐱᐊᓂᒃᓯᒪᓕᕐᓂᖓ ᐱᓕᕆᐊᖑᓂᐊᖅᑐᖅ ᐱᐊᓂᒃᑕᐅᒃᐸᑦ ᐱᓕᕆᔾᔪᓯᖅ 2, ᐋᖅᑭᒃᑕᐅᓯᒪᓪᓗᓂ ᐄᐳᕈᓪ 2028-ᒧᑦ. ᐱᕕᖃᕐᓂᓐᓂ ᖁᔭᓕᔪᒪᕙᒃᑲ ᑭᒃᑯᓕᒫᑦ ᐃᑲᔪᓚᐅᖅᑐᑦ ᑖᔅᓱᒧᖓ ᐱᓕᕆᐊᒃᓴᒧᑦ, ᐱᖃᓯᐅᑎᓪᓗᒋᑦ ᕼᐋᒻᒪᓚᑦᑯᑦ ᑲᖏᖅᖠᓂᕐᒥ, ᒥᑦᑕᕐᕕᖕᒥ ᐋᖅᑭᐅᒪᑎᑦᑎᔨᑦ, ᐃᖏᕐᕋᔪᓕᕆᔨᒃᑯᑦ ᑲᓇᑕᒥ, ᑮᓇᐅᔭᖃᖅᑎᑦᑎᓚᐅᖅᑐᑦ $63 ᒥᓕᐊᓐ ᑮᓇᐅᔭᓂᒃ ᐅᖓᑖᓂ ᐱᓕᕆᐊᖑᓂᓕᒫᖓᓂ, ᐱᓕᕆᐊᒃᓴᓄᓪᓗ ᐊᐅᓚᑦᑎᔨᓕᒫᑦ ᐊᓯᖏᓪᓗ ᐃᖏᕐᕋᔪᓕᕆᔨᒃᑯᑦ ᐱᖁᑎᕐᔪᐊᓄᓪᓗ ᓄᓇᕗᒻᒥ ᐃᖅᑲᓇᐃᔭᖅᑏᑦ ᓯᕗᒻᒧᐊᒃᑎᑦᑎᕙᓪᓕᐊᖏᓐᓇᖅᑐᑦ ᑖᔅᓱᒥᖓ ᐱᓕᕆᐊᒃᓴᒥᒃ ᐱᐊᓂᒃᑕᐅᓇᓱᖕᓂᖓᓄᑦ. ᖁᔭᓐᓇᒦᒃ, ᐅᖃᖅᑏ. >> ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᑖᕘᓇ ᐊᖅᑯᓵᓕᕈᑦᑕ ᑕᑯᔪᒫᖅᐸᕗᑦ. ᒥᓂᔅᑕᐃᑦ ᐅᖃᐅᓯᖏᑦ, ᐅᖃᐅᓯᓕᕆᓂᒃᑯᓐᓄᑦ ᒥᓂᔅᑕ, ᒥᔅᑕ ᑯᓄᒃ. ᒥᓂᔅᑕᐃᑦ ᐅᖃᐅᓯᖏᑦ 38 – 7(1): ᕿᓚᐅᑦ ᑕᑯᕋᓐᓈᖅᑎᑦᓯᓂᖏᑦ 2026 ᐊᖓᔪᖅᑳᖅ ᐳᕋᐃᔭᓐ ᑯᓄᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᐅᖃᖅᑏ, ᐅᐱᒍᓱᒃᐳᖓ ᐅᓪᓗᒥ ᓇᖏᖅᓯᔪᓐᓇᕋᒪ ᐃᓕᓴᕆᔪᒪᓪᓗᒋᑦ ᖁᓕᑦ ᓇᓪᓕᐅᓐᓂᖅᓯᐅᕐᓂᖅ ᕿᓚᐅᑦ, ᑐᑭᖃᑦᑎᐊᖅᑐᖅ ᐱᓕᕆᐊᖑᕙᓪᓕᐊᔪᖅ ᖁᕕᐊᓲᑎᖃᕈᑕᐅᓪᓗᓂ ᓴᙱᒃᑎᒋᐊᕈᑕᐅᓪᓗᓂᓗ ᐃᓄᒃᑐᑦ ᓂᔾᔭᐅᓯᔭᕐᓂᒃᑯᑦ ᐃᙱᐅᓯᓕᐅᕐᓂᒃᑯᓪᓗ ᐊᕐᕌᒍᓂ ᖁᓕᓂ ᐊᓂᒍᖅᑐᓂᒃ. ᑕᒪᑐᒪᓂ ᐊᕐᕌᒍᒥ, ᓇᓗᓇᐃᒃᑯᑦᑎᖅᓯᑎᓪᓗᑕ ᑖᔅᓱᒥᖓ ᓇᓗᓇᐃᒃᑯᑕᕐᒥᒃ, ᐱᒃᑯᒍᓱᖦᖢᑕ ᓇᒃᓴᓚᐅᖅᐳᒍᑦ ᕿᓚᐅᑦ ᖁᙱᐊᖅᑕᐅᔪᒃᓴᓂᒃ ᐱᖓᓱᓄᑦ ᓄᓇᓕᖕᓄᑦ, ᐊᑕᐅᓯᐅᑦᑕᖅᖢᑎᒃ ᐊᑐᓂᑦ ᐊᕕᒃᓯᒪᓂᕆᔭᐅᔪᓂ ᓄᓇᕗᒻᒥ. ᕖᕝᕗᐊᕆᐅᑎᓪᓗᒍ, ᖁᙱᐊᖅᑏᑦ ᒥᑦᑎᒪᑕᓕᖕᒥ, ᐊᕐᕕᐊᓂ ᐊᒻᒪ ᐃᖃᓗᒃᑑᑦᑎᐊᒥ ᑲᑎᓚᐅᖅᐳᑦ ᖁᕕᐊᓲᑎᖃᕆᐊᖅᑐᖅᖢᑎᒃ ᓂᔾᔭᐅᓯᔭᖅᑎᑦᑕ ᐊᔪᙱᓐᓂᕆᔭᖏᓐᓂᒃ. ᐅᐸᒍᑎᔪᑦ ᐅᓄᓚᐅᖅᐳᑦ ᐊᑐᓂ ᓄᓇᓕᖕᓂ, ᐊᒻᒪ ᐱᙳᐊᕐᕕᐅᔪᑦ ᑕᑕᑦᑎᐊᓚᐅᖅᐳᑦ ᖁᙱᐊᖅᑕᐅᔪᓕᒫᓄᑦ ᐊᑐᐃᓐᓇᐅᓚᐅᕆᓪᓗᑎᒃ ᖃᕋᓴᐅᔭᒃᑯᑦ

ᐅᓪᓗᑐᐃᓐᓇᖅ, ᒫᑦᓯ 13, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 4 ᐃᕐᖐᓐᓈᖅᑕᐅᑎᒃᑯᑦ. ᓄᓇᕗᒻᒥᐅᑦ ᑲᑎᑦᑐᓐᓇᓚᐅᖅᐳᑦ, ᓈᓚᒍᓐᓇᖅᖢᑎᒃ, ᖁᕕᐊᓲᑎᖃᖅᖢᑎᒡᓗ ᐃᓄᒃᑐᑦ ᐃᙱᐅᓯᒃᑯᑦ. ᐅᖃᖅᑏ, ᑕᒪᒃᑯᐊ ᓂᔾᔭᐅᓯᔭᕐᓂᐅᔪᑦ ᓄᓇᕗᒻᒥᐅᓄᑦ ᓴᖅᑭᖅᑎᑕᐅᓂᖏᑦ ᐊᔪᕐᓇᕈᓐᓃᖅᑎᑕᐅᓚᐅᖅᑐᖅ ᐱᓕᕆᖃᑎᖃᑦᑎᐊᖅᑐᑕ ᓄᓇᕗᑦ ᑐᙵᕕᒃᑯᓐᓂᒃ. ᑕᒪᓐᓇ ᐱᓕᕆᖃᑎᒌᖕᓂᖅ ᐊᒃᑐᐊᓂᖃᖅᐳᖅ ᐱᓕᕆᖃᑎᒌᖕᓂᕐᒥᒃ ᑲᑐᔾᔨᓂᑦᑎᓐᓂᒡᓗ ᐱᓕᕆᐊᖃᓪᓚᕆᒍᒪᓂᑦᑎᓐᓂᒃ ᓴᐳᔾᔨᓯᒪᔪᒪᓂᕐᒧᑦ ᐅᔾᔨᕐᓇᖅᓯᑎᑦᑎᔪᒪᓂᕐᒧᓪᓗ ᐃᓄᒃᑐᑦ. ᐅᖃᖅᑎᑦᑎᔩ, ᑖᒃᑯᐊ ᓂᔾᔭᐅᓯᔭᕐᓃᑦ ᐅᔾᔨᕐᓇᓗᐊᙳᐊᖅᐳᑦ ᑕᒪᑐᒪᓂ ᐊᕐᕌᒍᒥ ᐱᓕᕆᐊᖑᓂᐊᕐᓂᖏᓐᓄᑦ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ, ᐃᓄᒃᑐᑦ ᐅᖃᐅᓯᕐᒧᑦ ᑕᖅᑭᕆᔭᐅᔪᖅ, ᐱᕕᒃᓴᐅᑎᓪᓗᒍ ᐅᐱᒋᓪᓗᑎᒍᑦ, ᐅᔾᔨᕐᓇᖅᓯᑎᑦᑎᕙᒃᖢᑕ, ᐆᒻᒪᕆᐊᖅᑎᑦᑎᕙᒃᖢᑕᓗ ᐅᖃᐅᓯᑦᑎᓐᓂᒃ. ᓂᔾᔭᐅᓯᔭᕐᓂᖅ ᐊᑐᖅᑕᐅᖏᓐᓇᐅᔭᖅᐳᖅ ᖁᕕᐊᓲᑎᖃᕐᓂᕐᒧᑦ ᐊᒻᒪ ᐊᓯᐅᑎᑦᑎᑦᑕᐃᓕᒪᓂᕐᒧᑦ ᐅᖃᐅᓯᕐᒥᒃ, ᐅᓂᒃᑳᖅᑐᐊᓂᒃ, ᐊᒻᒪ ᐃᓕᖅᑯᓯᕆᔭᐅᔪᓂᒃ ᑭᖑᕚᕇᓄᑦ. ᕿᓚᐅᑦ ᑕᐃᒪᐃᓕᐅᑦᑎᐊᖅᐸᒃᐳᖅ ᑕᑯᒃᓴᐅᑎᑦᑎᓪᓗᓂ ᖃᓄᖅ ᐃᓄᒃᑐᑦ ᑲᔪᓯᕙᓪᓕᐊᖏᓐᓇᕐᓂᖓᓂᒃ ᐃᓱᒪᒃᓴᖅᓯᐅᑦᑎᐊᕐᓂᒃᑯᑦ ᒫᓐᓇᓕᓴᒃᑯᓪᓗ ᐊᑐᖅᑕᐅᕙᒃᑐᑎᒍᑦ. (ᑐᓵᔨᑎᒎᕈᓐᓃᖅᑐᖅ) ᐅᖃᖅᑎᑦᑎᔩ, ᑭᒡᒐᖅᑐᖅᖢᒋᑦ ᓄᓇᕗᑦ ᒐᕙᒪᒃᑯᖏᑦ, ᑐᙵᓱᒃᑎᑉᐸᒃᑲ ᓄᓇᕗᒻᒥᐅᑦ ᐃᓚᐅᖁᓪᓗᒋᑦ ᖁᕕᐊᓲᑎᖃᖅᑎᓪᓗᒋᑦ ᐊᕐᕌᒍᓂᒃ ᖁᓕᓂᒃ ᕿᓚᐅᑦ ᐃᖏᕐᕋᐃᓐᓇᖅᑐᒥᒡᓗ ᐃᓄᒃᑐᑦ ᓴᙱᓂᖃᖁᓪᓗᒍ ᑭᖑᕚᒃᓴᑦᑎᓐᓄᑦ. ᕿᓚᐅᑦ ᕿᓪᓕᖅᑐᑦ ᑐᓂᐅᖅᑲᖅᑕᐅᕙᒃᐳᑦ ᕼᐋᒻᓚᒋᔭᐅᔪᓄᑦ ᐃᙱᐅᓰᓪᓗ ᐱᔭᒃᓴᐅᓪᓗᑎᒃ ᐃᑭᐊᖅᑭᕕᒃᑯᑦ ᓇᐅᒃᑯᑐᐃᓐᓇ ᓇᓂᔭᒃᓴᐅᓪᓗᑎᒃ. ᐊᒻᒪᓗ ᑖᒃᑯᐊ ᕿᓪᓕᖅᑐᑦ ᑐᓐᓂᖅᓴᖅᑕᐅᓂᐊᕐᒥᔪᑦ ᐃᓕᔅᓯᓐᓄᑦ, ᐱᖃᕐᓂᐊᕐᒥᒐᔅᓯ ᐱᒃᓴᔅᓯᖕᓂᒃ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᑦᑕᐅᖅ. ᐊᓕᐊᓇᐃᕌᓗᖔᖑᓚᐅᖅᑐᖅ ᑖᒃᑯᐊ ᖁᙱᐊᖅᑎᑦᑐᐊᒍᓐᓇᓚᐅᕋᑦᑕ ᖃᕆᓴᐅᔭᒃᑯᑦ ᐃᕐᖐᓐᓇᖅ. ᒥᓂᔅᑕᐃᑦ ᐅᖃᐅᓯᖏᑦ. ᒥᓂᔅᑕᐅᑲᐃᓐᓇᖅᑐᖅ ᐃᓕᓐᓂᐊᖅᑐᓕᕆᔨᒃᑯᓐᓄᑦ, ᒥᔅᑕ ᒪᐃᓐ. ᒥᓂᔅᑕᐃᑦ ᐅᖃᐅᓯᖏᑦ 39 – 7(1): ᐃᓕᓐᓂᐊᕐᓂᓕᕆᔨᒃᑯᑦ ᐃᖅᑲᓇᐃᔭᖅᑏᑦ ᐱᓕᒻᒪᒃᓴᖅᑎᑕᐅᓂᖏᑦ 2025-2026 ᐃᓕᓐᓂᐊᕐᓇᑉ ᐊᕐᕌᒍᐊᓄᑦ ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. ᐅᑉᓛᑦᓯᐊ ᑲᑎᒪᔨᐅᖃᑎᒃᑲ ᐊᒻᒪ ᐅᑉᓛᑦᓯᐊᒃᑰᖅᖢᒍᑦ. ᒥᓂᔅᑕ ᐊᕿᐊᕈᖅ ᐃᓚᖏᓪᓗ. ᐅᖃᖅᑎᑦᓯᔩ, ᖁᕕᐊᓱᑦᑐᖓ ᐅᑉᓛᖅ ᑐᓴᖅᑎᑦᑎᔨᐅᓪᓗᐊᕋᒪ ᐃᓕᓐᓂᐊᖅᑐᓕᕆᔨᕐᔪᐊᒃᑯᑦ ᐊᒃᓱᕈᖅᖢᑎᒃ ᐱᓕᕆ’ᒪᑕ ᐃᓕᓐᓂᐊᕋᒃᓴᖅ ᒥᒃᓵᓄᑦ ᑕᒃᑯᐊ ᐃᓕᓐᓂᐊᕋᒃᓴᑦ ᐃᓕᓐᓂᐊᑎᑦᓯᔪᓄᑦ ᑐᕌᖓᑉᓗᑎᑦ ᐊᔾᔨᒌᙱᑐᑦ ᐱᔪᓯᖅᓯᒪᖦᖢᑎᑦ ᖃᓄᖅ ᐃᓕᓐᓂᐊᕐᕕᐅᑉ ᐃᓗᐊᓂ ᐱᓕᕆᓂᕆᖅᑕᒐᐃᑦ ᑕᐅᑐᖦᖢᒋᑦ. ᓯᕗᓕᖅᑎᕈᖅᐸᓪᓕᐊᔫᓪᓗᐊᕐᓂᕆᔭᖏᓪᓗ ᐱᔾᔪᑎᒋᖦᖢᒋᑦ ᐊᒻᒪ ᓄᓇᕗᑦ ᐃᓕᓐᓂᐊᕐᕖᑦᑕ ᐃᓗᐊ’ᓂᒃ ᐊᑕᐅᓯᐅᑎᑕᐅᑦᓯᐊᖅᑐᒥᒃ ᐊᔾᔨᒌᑦᑎᑕᐅᑎᐊᖅᑐᒥᒡᓗ ᐱᑕᖃᖁᔨᒧᑦ. (ᑐᓵᔨᑎᒎᓕᖅᑐᖅ) ᐊᑐᐃᓐᓇᕈᔅᓴᐃᓯᒪᓕᕇᕋᑦᑕ ᑲᑎᒪᕐᔪᐊᕐᓂᐅᒐᔭᖅᑐᓂᒃ ᐃᓕᓐᓂᐊᑎᑦᑎᓂᐅᒐᔭᖅᑐᓂᓗ ᐃᓕᓐᓂᐊᖅᑎᑦᑎᔨᐅᔪᓄᑦ ᐊᕕᑦᑐᖅᓯᒪᔪᓂ ᐊᖓᔪᖅᑳᖏᑦ ᑲᑎᒪᑎᑕᐅᖃᑦᑕᖅᑐᑎᑦ ᐊᒻᒪ ᐃᓕᓴᐃᔩᑦ ᐱᓪᓕᒻᒪᒃᓴᖅᑕᐅᕙᑦᑐᑎᑦ ᑲᑎᒪᕐᔪᐊᖅᑎᑕᐅᓪᓗᑎᓪᓗ. • ᓄᓇᕗᓕᒫᒥ ᐱᕙᓪᓕᐊᓂᖃᖅᑎᓪᓗᒋᑦ ᕖᕝᕗᐊᕆ 16-20-ᒧ ᐃᓕᓐᓂᐊᖅᑐᓕᕆᔨᒃᑯᑦ ᐅᑯᓂᖓ ᐃᓕᓐᓂᐊᑎᑦᑎᒍᓐᓇᓚᐅᖅᑐᐃᑦ: • ᐃᓄᓐᓂᒃ ᐃᓕᓐᓂᐊᖅᑎᓂᒃ ᑲᑎᒪᕐᔪᐊᑎᑦᑎᓪᓗᑎᒃ, ᑲᑐᔾᔨᖃᑎᖃᖅᑐᑎ ᓄᓇᕗᒻᒥ ᐃᓕᓴᐃᔩᑦ ᑲᑐᔾᔨᖃᑎᒌᖏᓐᓂᒃ; • ᐃᓕᓐᓂᐊᕕᒻᒥᓗ ᐃᓅᓯᓕᕆᕖᑦ, ᐃᓅᓯᓕᕆᔨᑦ ᐃᓕᓐᓂᐊᖅᑎᑕᐅᓚᐅᕐᒥᔪᑦ ᑭᕙᓪᓕᕐᒥ ᑲᖏᖅᓯᓂᕐᒥ;

ᐅᓪᓗᑐᐃᓐᓇᖅ, ᒫᑦᓯ 13, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 5 • ᐃᓕᓐᓂᐊᕕᒻᒥ ᐃᓅᓯᓕᕆᔩᑦᑕᐅᖅ ᐃᓕᓐᓂᐊᖅᑎᑕᐅᓚᐅᕐᒥᔪᑦ ᖃᕆᓴᐅᔭᒃᑯᑦ ᕿᑎᕐᒥᐅᓄᕐ ᐊᒻᒪᓗ ᕿᑭᖅᑕᓂᒥᐅᓄᑦ • ᐃᓕᓐᓂᐊᖅᑎᓂᒃ ᐃᑲᔪᖅᑎᓂᒃ ᐱᓕᖕᒪᒃᓴᐃᓂᖅ ᖃᕋᓴᐅᔭᒃᑯᑦ ᐊᑐᐃᓐᓇᐅᑎᑕᐅᓚᐅᕐᒥᔪᖅ ᓄᓇᕗᓕᒫᕐᒥ; ᐊᒻᒪᓗ • ᓯᕗᓕᐊᖅᑐᑦ ᐃᓕᓴᕖᑦ ᐊᖓᔪᖅᑳᖏᑦ ᐸᐃᑉᐹᖅᑖᕋᓱᐊᕐᓂᖓ ᐃᖃᓗᓐᓂ ᖃᒪᓂ’ᑐᐊᕐᒥᓗ. ᐅᖃᖅᑏ, ᖁᕕᐊᓱᒻᒥᔪᖓ ᑐᓴᖅᑕᐅᑎᑦᑎᒋᐊᔅᓴᖅ ᐃᓕᓐᓂᐊᑎᑦᑏᓇᕐᓂᐊᕐᒥᒻᒪᑕ ᓄᑖᓂᑦ ᐃᓕᓐᓂᐊᕈᑎᔅᓴᓕᕆᓗᑎᑦ ᒫᑦᓯ-ᒥ, ᒫᑦᓯ 16-ᒥ 19-ᒧᑦ ᖁᑦᑎᓐᓂᓖᑦ 2-ᒥ ᐃᓕᓴᐃᔨᓕᒫᑦ ᓄᓇᕗᒻᒥ ᑲᑎᓛᖅᑐᐃᑦ ᐃᖃᓗᓐᓂ ᐃᓕᕝᕚᓕᖅᑎᑕᐅᓗᑎᑦ ᐱᓕᒻᒪᓴᖅᑕᐅᓗᑎᓪᓗ ᓄᑖᓂ ᐃᓕᓐᓂᐊᕈᑎᔅᓴᓂ ᐃᓕᓐᓂᐊᕈᑎᐅᓛᖅᑐᓂ ᐃᑲᔫᑎᓂᓪᓗ. ᐱᓇᓱᐊᕈᓯᖓᑕ ᑭᖑᓂᐊᓂ 23-ᒥ 26-ᒧᑦ ᖁᑦᑎᓐᓂᓕᒃ 3-ᒥ ᐃᓕᓴᐃᔨᓕᒫᑦ ᐊᔾᔨᖓᓂ ᐃᓕᓐᓂᐊᓚᕐᒥᔪᐃᑦ. ᐅᖃᖅᑏ, ᑐᕌᖅᑕᕆᒐᔭᕋᑦᑎᒍᑦ ᖃᐅᔨᒪᒐᓱᑦᑐᑕ ᓄᓇᕗᒻᒥ ᐃᓕᓐᓂᐊᕈᑏᑦ ᓴᖅᑭᔮᖅᑎᑦᑎᒐᓗᐊᕐᒪᖓᑕ ᐅᖃᐅᓯᖏᓐᓂᒃ ᐃᓕᖅᑯᓯᖏᓐᓂᒃ ᐊᑐᖅᓯᒪᔭᖏᓐᓂ ᐊᑐᓪᓚᕆᔅᓯᒪᔭᖏᓐᓂ ᓄᓇᕗᒻᒥᐅᑕᐃᑦ ᐊᒻᒪ ᐱᒍᒪᔭᖏᓐᓂᒃ ᐃᓕᓐᓂᐊᖅᑏᑦ ᐃᓚᒌᓪᓗ ᓄᓇᓖᓪᓗ ᐱᑎᑦᑎᒐᓱᐊᖅᑐᑎᑦ. ᑕᒪᐅᓇ ᑲᑎᒪᕐᔪᐊᑎᑦᑎᓂᒃᑯᑦ ᐱᓕᒻᒪᖅᓴᐃᓂᒃᑯᓪᓗ ᐃᓕᓐᓂᐊᖅᑐᓕᕆᔨᒃᑯᑦ ᐊᖏᖅᓯᒪᓂᖃᐃᓐᓇᕐᒪᑕ ᖁᑦᑎᑦᑐᓂ ᐃᓕᓐᓂᐊᖅᓯᓂᖃᕈᒪᓪᓗᑎᑦ ᐱᕙᓪᓕᐊᑎᑦᑎᑎᐊᕈᒪᓪᓗᑎᓪᓗ ᐃᖅᑲᓇᐃ.ᔭᖅᑎᓂᒃ ᐃᓕᓐᓂᐊᖅᑎᓂᓪᓗ. ᑕᐃᒫᒃ ᖁᕕᐊᓱᑉᐳᒍ ᐃᑲᔪᖅᓱᕈᓐᓇᕋᑦᑎᒍᑦ ᐃᓕᓴᕕᒻᒥ ᐃᖅᑲᓇᐃᔭᖅᓯᕗᓪᓗ ᐊᒻᒪᓗ ᐱᐅᔪᒥᒃ ᑕᒪᓐᓇ ᐊᑦᑐᐃᓂᐊᕐᒥᒻᒪᑦ ᐃᓕᓐᓂᐊᕕᓐᓂ ᓄᓇᕗᓕᒫᕐᒥ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᖁᔭᓐᓇᒦᒃ. ᒥᓂᔅᑕᐅ ᐅᖃᐅᓯᖏᑦ, ᒥᓂᔅᑕ ᓄᓇᓕᓐᓂ ᒐᕙᒪᒃᑯᑦ ᐱᔨᑦᓯᖅᑎᒃᑯᓐᓄᑦ ᒥᔅᑕ ᓯᒪᐃᓚᒃ ᒥᓂᔅᑕᐃᑦ ᐅᖃᐅᓯᖏᑦ 40 – 7(1): ᐃᖅᑲᐅᒪᑦᑎᓂᖅ ᐱᔨᑦᑎᕋᕈᑕᐅᕙᓚᐅᕐᓂᖓᓂᒃ ᐊᒻᒪᓗ ᐃᖅᑲᐅᒪᒋᔭᐅᖃᑦᑕᕐᓂᐊᕐᓂᖓ ᐅᓇᑕᖅᑎᒃᑯᑦ ᖃᖓᑕᓲᖅᐸᖓ 333 ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ: ᒪ’ᓇ, ᐅᖃᖅᑎᑦᓯᔩ. ᐅᑉᓛᑦᓯᐊᖅ ᑲᑎᒪᔨᐅᖃᑎᒃᑲ ᐱᓕᕆᔩᓪᓗ, ᖃᒪᓂ’ᑐᐊᒥᐅᑕᑉᓗ ᐅᑉᓗᖃᑦᓯᐊᕐᓂᐊᖅᐳᓯ. ᐅᖃᖅᑎᑦᓯᔩ, ᓇᖏᖅᓯᕗᖓ ᐅᑉᓗᒥ ᐱᑕᖅᓯᒪᑉᓗᖓ ᐃᐱᒍᓱᒻᒫᖅᖢᖓᓗ. ᑎᒻᒥᓲᖅ cc−130 ᐅᓇᑕᖅᑎᒃᑯᑦ ᖃᖓᑕᓲᖅᐸᖓ 333 ᐊᑐᕈᓐᓃᕐᓂᐊᓕᕐᒪᑦ. ᑖᒻᓇ ᑎᒻᒥᓲᖅ ᐃᑲᔪᕐᔪᐊᖅᓯᒪᔪᖅ ᓄᓇᕗᒻᒥᐅᑕᓂᒃ ᐊᓪᕌᒍᓂᒃ ᐊᒥᓱᓂᒃ. (ᑐᓵᔨᑎᒎᓕᖅᑐᖅ) ᐅᖃᖅᑏᑦ, ᑖᓐᓇ ᐊᑐᖅᑕᐅᖏᓐᓇᑦᓯᐊᖃᑦᑕᖅᓯᒪᖕᒪᑦ ᐅᓇᑕᖅᑎᒃᑯᑦ ᖃᖓᑕᓲᖅᐸᖓ 333 ᑐᐊᕕᕐᓇᖅᑐᓄᑦ ᕿᓂᕐᓂᐅᔪᓄᑦ, ᐊᒃᓱᕈᕐᓇᓂᖅᐹᐸᓗᖕᒥᒃ ᑎᒻᒥᕝᕕᒋᒋᐊᖓ ᑲᓇᑕᒥ. ᐊᑐᖅᑕᐅᖃᑦᑕᑎᓪᓗᒍ ᑎᒻᒥᓲᖅ ᐃᑲᔪᖅᐸᓚᐅᖅᑐᖅ ᓄᓇᓕᓐᓂ ᓄᓇᕗᒻᒥ. ᓯᓚ ᐱᔾᔪᑕᐅᕌᖓᑦ ᐅᖓᓯᓐᓂᕆᔭᐅᔪᓪᓗ ᐊᐅᓪᓚᑲᐅᑎᒋᔭᕆᐊᖓ ᐊᔪᕐᓇᕌᖓᑦ, ᐅᖃᖅᑎᑦᓯᔩ, ᓄᓇᕗᑦ ᓄᓇᖓ ᐊᖏᔪᒻᒪᑦ ᑐᐊᕕᕐᓇᖅᑕᒥᒃ ᕿᓚᒥᒃᑯᑦ ᑎᒻᒥᓲᖃᕈᒥᓇᓲᖑᒻᒪᑦ ᐅᖓᓯᑦᑐᓃᑦᑐᓂ. ᑖᓐᓇ ᐅᓇᑕᖅᑎᒃᑯᑦ ᖃᖓᑕᓲᖅᐸᖓ ᐊᑑᑎᖃᑦᓯᐊᖃᑦᑕᖅᓯᒪᓪᓇᕆᑦᑐᖅ ᓄᓇᓕᓐᓄ ᐱᔭᕆᐊᖃᓪᓚᕆᑦᑐᓂᒃ ᑐᙵᕕᒋᔭᓪᓚᕆᐅᓪᓗᓂᓗ ᓄᓇᕗᒻᒥᐅᑦ ᑖᒃᑯᐊ ᐃᑉᐱᒋᔭᖃᐅᖏᓐᓇᖃᑦᑕᕐᓗᒋᑦ ᑐᐊᕕᕐᓇᖅᑐᖃᕌᖓ. ᐅᖓᑕᐅᔾᔨᓯᒪᔪᑦ ᐊᑐᖅᑕᐅᒋᐊᖃᖅᓯᒪᓂᖓ, ᐅᖃᖅᑎᑦᓯᔩ, ᐅᓇᑕᖅᑎᒃᑯᑦ ᖃᖓᑕᓲᖅᐸᖓ 333 ᐃᓗᖏᕐᓱᓪᓚᕆᓂᖏᑕ ᑖᑉᑯᐊ ᐊᔪᙱᑦᓯᐊᕐᓂᖓᑕᓗ ᕈᐊᔭᓪ ᑲᓇᑕᒥ ᐅᓇᑕᖅᑏᑦ ᑎᒻᒥᓲᓕᕆᔨᖏᑦ, ᐃᖅᑲᓇᐃᔭᖅᑎᖏᑦ, ᐊᐅᓚᐅᓯᕆᔨᖏᑦ. ᐊᑐᐃᓐᓇᐅᖏᓐᓇᖅᐸᑦ ᓱᓕ ᑭᙳᖅᑕᐅᕌᖓᑕ ᐅᑭᐅᖅᑕᖅᑐᒥ.

ᐅᓪᓗᑐᐃᓐᓇᖅ, ᒫᑦᓯ 13, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 6 ᐅᖃᖅᑎᑦᑎᔩ, ᐅᓇᑕᖅᑎᒃᑯᑦ ᖃᖓᑕᓲᕐᔪᐊᖓ 333 ᐃᓱᓕᒻᒪ ᔮᓐᓄᐊᕆ 21, 2026-ᒥ ᐊᑯᓂ ᐊᑐᖅᑕᐅᓚᐅᖅᑎᓪᓗᑦ. ᑖᒻᓇ ᐊᑐᖅᑕᐅᓂᐊᕈᓐᓃᕋᓗᐊᖅᖢᓂ ᑎᒻᒥᓲᖅ ᐃᖅᑲᐅᒪᔭᐅᕙᓂᐊᖅᑐᖅ ᐃᑲᔪᕈᑎᐅᕙᓚᐅᕐᓂᖓᓂᑦ ᓄᓇᓕᖕᓂ ᑐᐊᕕᖑᕐᓇᖅᑐᖃᕌᖓ ᓄᓇᕗᒻᒥ ᑭᒡᒐᖅᑐᖅᓱᒋᑦ ᓄᓇᕗᑦ ᒐᕙᒪᒃᑯᑦ ᓄᓇᕗᒻᒥᐅᓗ. ᐅᖃᖅᑏ, ᑕᐃᒃᑯᐊ ᖁᔭᓕᒍᒪᓪᓗᒋᑦ ᐃᑲᔪᖅᐸᓚᐅᖅᑐᑦ ᐱᔨᑦᓯᖅᐸᓚᐅᖅᑐᑦ ᑖᑦᓱᒪᙵᑦ CC 138, ᐅᓇᑕᖅᑎᒃᑯᑦ ᖃᖓᑕᓲᕐᔪᐊᖓ 333 ᐃᓗᖏᖅᓱᕐᓂᖏᓐᓄᑦ ᐱᔨᑦᓯᕐᓂᖏᓐᓄᓪᓗ ᐱᕚᓪᓕᕈᑎᐅᓯᒪᕗᑦ ᐅᑭᐅᖅᑕᖅᑐᒥ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᒋᑦᓯᐊᖅᐸᕗᑦ ᑕᒪᒃᑯᐊ ᐅᓇᑕᖅᑐᑦᓴᒃᑯᑦ ᖃᖓᑕᔫᕐᔪᐊᖏᑦ ᐃᑲᔪᑎᖅᒌᖃᑦᑕᖅᓯᒪᑎᓪᓗᒋᑦ ᓄᓇᕗᒻᒥᐅᓂᒃ ᓄᓇᓕᖕᓃᙶᖅᓯᒪᔪᐃᓪᓗ ᖁᔭᒋᓯᒪᑦᑎᐊᖅᐸᕗᑦ. ᒥᓂᔅᑕᐃ ᐅᖃᐅᓯᒃᓴᖏᑦ ᒥᓂᔅᑕ ᑲᒪᒋᔭᓕᒃ ᐊᕐᓇᐃᑦ ᑲᑎᒪᔨᖏᓐᓄᑦ, ᒥᔅ ᕼᐄᓕ−ᐊᕿᐊᕈᖅ ᒥᓂᔅᑕᐃᑦ ᐅᖃᐅᓯᖏᑦ 41 – 7(1): ᑲᑎᖃᑎᒋᓚᐅᕐᓂᕋ ᒥᓂᔅᑕ ᐊᕐᓇᓄᑦ ᐊᒻᒪᓗ ᐊᕐᓇᐃᑦ ᐊᖑᑏᓪᓗ ᓇᓕᒧᒌᒋᐊᖃᕐᓂᖏᖕᓄᑦ ᐊᖓᔪᖅᑳᖅ ᒍᐊᐃᓐ ᕼᐄᓕ−ᐊᕿᐊᕈᖅ: ᖁᔭᓐᓇᒦᒃ ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ). ᑲᑎᖃᑎᖃᕋᑖᓚᐅᕋᒪ ᐊᖓᔪᖅᑳᖅ ᕆᐊᑦᓯ ᕙᓪᑎᐊᔾ, ᒥᓂᔅᑕ ᐊᕐᓇᓄᑦ ᐊᒻᒪᓗ ᐊᔾᔨᒌᑎᑦᓯᓂᕐᒧᑦ. ᐅᖃᐅᓯᖃᖅᓱᑕ ᓯᕗᓪᓕᐅᑎᐅᔪᓂᒃ ᐊᕐᓇᓄᑦ, ᕕᐊᖅᓯᐊᓄᑦ, ᐊᔾᔨᒌᙱᑦᑐᓄᑦ ᓄᓇᕗᒻᒥ. ᑕᒪᒃᑯᐊ ᐅᖃᐅᓯᕆᔭᕗᑦ ᐊᑐᖅᑕᑦᑕᑦᑕ ᓄᓇᓕᖁᑎᑦᑎᓐᓂ ᐊᑐᖅᑕᐅᕙᒻᒥᔪᓂᒃ. ᐱᓗᐊᖅᑐᒥᒃ ᐊᑦᑕᓇᖅᑕᐃᓕᓂᕐᒧᑦ, ᑮᓇᐅᔭᓕᐅᕈᑎᖃᑦᓯᐊᕆᖃᐊᕐᓂᕐᒧᑦ, ᐃᓕᖅᑯᓯᕐᒧᓪᓗ ᑐᙵᓂᖃᑦᓯᐊᖅᑐᒧᑦ. ᐅᖃᐅᓯᖃᖅᐸᓚᐅᖅᐳᒍᑦ ᓂᖏᖅᑕᐸᓐᓃᑦ, ᐱᑦᓯᐊᙱᑉᐸᓐᓃᑦ ᐃᓱᓕᖁᑉᓗᒋᑦ. ᑕᒪᓐᓇ ᐱᓕᕆᕙᑦᑐᓄᑦ ᑎᒥᐅᔪᓄᑦ ᐊᑐᖅᑕᐅᔭᑦᑐᓪᓗ, ᐃᓪᓗᖃᖅᑎᑕᐅᑲᐃᓐᓇᕐᕕᐅᕙᑦᑐᑦ ᐊᒻᒪᓗ ᑕᒪᒃᑯᐊ ᐱᔾᔭᐃᔭᖅᓯᒪᒍᓐᓇᓂᕐᒧᑦ ᓄᓇᓕᓐᓂ ᐱᔪᓂᒃ ᑕᒪᒃᑯᐊ ᐊᑦᓱᕈᕐᓇᖅᑐᑦ ᐱᓪᓗᒋᑦ. ᒥᓂᔅᑕ ᕙᓪᑎᐊᔾ ᓇᓗᓇᐃᕆᓚᐅᖅᐳᖅ ᒐᕙᒪᒃᑯᑦ ᐋᖅᑭᒋᐊᖅᐸᓪᓕᐊᓂᐊᓕᖅᑕᖏᓐᓂᒃ ᒪᓕᒐᐅᔪᓂᒃ ᐱᖁᔭᒃᓴᖅ C- 16 ᐅᖃᐅᓯᖃᖅᑐᖅ ᐊᐅᓚᑦᓯᓗᐊᖅᐸᑦᑐᓂᒃ ᐱᓂᕐᓗᐸᑦᑐᓂᒃ ᐊᕐᓇᓂᒃ, ᖃᕆᑕᐅᔭᓂᒃ ᐊᑐᖅᓱᑎᒃ ᐊᒻᒪᓗ ᐱᓂᕐᓗᓐᓂᐅᕙᑦᑐᓂᒃ ᖁᓄᔪᕐᓂᐊᕐᓂᒃᑯᑦ ᓄᑕᖅᑲᓂᒃ. ᐅᖃᖃᑎᒌᑦᑎᓪᓗᑕ ᐊᕐᓇᓂᒃ ᑮᓇᐅᔭᖃᖅᑎᑦᓯᑲᓐᓂᓂᕐᒧᓪᓗ ᐅᖃᐅᓯᖃᓚᐅᖅᐳᒍᑦ ᕙᓪᑎᐊᔾ−ᓗ ᒐᕙᒪᑐᖃᒃᑯᑦ ᑮᓇᐅᔭᖃᖅᑎᑦᓯᒍᓐᓇᓂᕐᓗᑎᑦ ᓇᒻᒥᓂᖁᑎᖃᖅᑐᓄᑦ ᒥᑭᔫᑎᓄᑦ, ᐊᕐᓇᓄᑦ ᐱᒋᔭᐅᔪᓄᑦ. ᐊᑐᐃᓐᓇᖃᕈᓐᓇᕐᓗᑎᑦ ᐊᑭᑐᔫᑎᓄᑦ ᑐᕌᖓᒍᓐᓇᖅᑐᓂᒃ ᐊᒻᒪᓗ ᐊᑐᐃᓐᓇᐅᒍᓐᓇᕐᓗᑎᑦ ᓄᓇᕗᒻᒥᐅᓄᑦ. ᒐᕙᒪᑐᖃᒃᑯᑦ ᑮᓇᐅᔭᖃᖅᑎᑦᓯᓂᕆᔭᖓᑦ ᑕᑯᑎᑦᓯᒋᐊᖃᕐᒪᑦ ᓄᓇᑦᑎᓐᓂ ᐃᓕᖅᑯᓯᑦᑎᓐᓂ, ᑮᓇᐅᔭᓕᐅᕈᑎᑦᓴᐅᔪᓂᒃ ᓄᓇᕗᒻᒥ. ᑕᒪᒃᑯᐊ ᐱᓯᖃᐅᑦᑐᑦ ᐱᕙᓪᓕᐊᕆᓂᕐᒥᒃ ᓄᓇᓕᓐᓂᓪᓗ ᓴᓇᕝᕕᐅᕙᑦᑐᓂᑦ ᐊᒻᒪᓗ ᓴᓇᓂᐅᕙᑦᑐᓂᒃ. ᑕᒪᒃᑯᐊᓗ ᐊᕐᓇᓄᑦ ᑲᑐᔾᔨᖃᑎᒌᖏᖕᓂᒃ ᐃᓚᒋᓗᒋᑦ ᐱᓇᓱᖃᑎᖃᑦᓴᐃᓐᓇᕈᒪᓂᐊᖅᐳᖓ ᒥᓂᔅᑕ ᕙᓪᑎᐊᔾ−ᒥᒃ ᐊᕐᓇᐃᑦ ᐱᓇᓱᒍᒪᔭᖏᑦ ᓯᕗᒧᑦᓯᐊᖁᓪᓗᒋᑦ ᐊᑦᑕᓇᙱᓂᖅᓴᐅᓕᖁᓪᓗᒋᓪᓗ ᐱᑦᓯᐊᓂᖅᓴᐅᓕᕐᓗᑎᑦ ᓄᓇᓕᓕᒫᑦ. ᖁᔭᓐᓇᒦᒃ, ᐅᖃᖅᑎᑦᓯᔩ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᑲᑎᒪᔾᔪᑎᕗᑦ ᓈᓴᐅᑎᖓ 3, ᒪᓕᒐᓕᐅᖅᑏᑦ ᐅᖃᐅᓯᖏᑦ. ᑲᖏᖅᓯᓂᐅᑉ ᐅᐊᓐᓇᖓᓄᑦ−ᐃᒡᓗᓕᒑᕐᔪᖕᒧᓪᓗ, ᒥᔅᑕ ᓴᒻᒧᖅᑐᖅ.

ᐅᓪᓗᑐᐃᓐᓇᖅ, ᒫᑦᓯ 13, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 7 ᑲᑎᒪᔾᔪᑎᒃᓴᖅ 3: ᒪᓕᒐᓕᐅᖅᑏ ᐅᖃᐅᓯᒃᓴᖏᑦ ᒪᓕᒐᓕᐅᖅᑏᑦ ᐅᖃᐅᓯᖏᑦ 51 – 7(1): ᑯᕆᔅ ᐳᑐᓕᒃ ᓴᒻᒧᖅᑐᖅ: ᖁᔭᓐᓇᒦᒃ, ᐅᖃᖅᑏ. ᐅᓪᓛᒃᑯᑦ ᐃᒡᓗᓕᒑᕐᔪᒥᐅᑦ, ᑲᖏᖅᓯᓂᕐᒥᐅᑦ. ᖁᕕᐊᒃᐳᖓ ᒥᓂᔅᑕ ᕼᐃᒃᔅ ᐅᓂᒃᑳᖅᑲᐅᖕᒪᑦ ᐅᑉᓛᖅ ᑕᐃᓐᓇ ᑲᖏᖅᖠᓂᕐᒥ ᐅᑕᖅᑭᔭᐅᖏᓐᓇᖅᑐᐊᓗᒃ, ᐅᑕᖅᑭᒡᕕᒃ ᒥᑦᑕᕐᕕᖕᒥ ᐊᑐᖅᑕᐅᒋᐊᕈᒫᓕᕐᒪᒡᒎᖅ ᖃᓂᑦᑐᒃᑯᑦ ᖁᕕᐊᓱᒃᑎᐊᒻᒪᕆᒃᐳᖓ. (ᑐᓵᔨᑎᒎᓕᖅᑐᖅ) ᑭᕙᓪᓕᕐᒥᐅᑕᓄᑐᐊᖅ ᐊᑑᑎᖃᔾᔮᙱᒻᒪᑦ, ᓄᓇᕗᒻᒥᐅᓕᒫᓄᑦ ᐊᑑᑎᖃᕐᓂᐊᖅᑐᖅ. ᐃᓱᒪᒋᓪᓗᒋᑦ ᐃᓚᒌᑦ, ᑐᕆᐊᔅ ᐳᑐᓕᒃ ᐱᖃᓐᓂᕆᔭᖏᓪᓗ ᐅᓪᓛᖅ ᐃᓗᕕᖅᓯᐅᖅᑕᐅᓂᖃᕐᓂᖓᕐᒪᑦ. ᒪᒥᐊᓇᐅᒐᓗᐊᖅ ᐃᓚᐅᙱᓐᓇᒪ ᐃᓗᕕᖅᑕᐅᑎᓪᓗᒍ. ᐆᒻᒪᑎᓐᓂᑦᑎᐊᖅᑑᒐᓗᐊᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᒪᓕᒐᓕᐅᖅᑎ ᐃᖃᓗᒃᑑᑦᓯᐊᕐᒧᑦ, ᒥᔅᑕ ᐲᑕᓴᓐ. ᒪᓕᒐᓕᐅᖅᑏᑦ ᐅᖃᐅᓯᖏᑦ 52 – 7(1): ᑲᓇᑕᑉ ᓯᕗᓕᖅᑎᕐᔪᐊᖓᑕ ᑐᓴᖅᑎᑦᑎᓂᖓ ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎᑦᓯᔩ. ᐅᑉᓛᒃᑯ ᑕᒪᔅᓯ. ᐃᑉᐸᑦᓴᖅ ᒥᓂᔅᑕᐅᑉ ᐅᖃᓚᐅᖅᑕᖏᑦ ᔭᓗᓇᐃᑉ−ᒥ ᐅᖃᕈᒪᓪᓗᒋᑦ ᖁᕕᐊᓪᓚᕆᓚᐅᕋᒪ. ᐃᑲᔫᑎᖃᕐᓂᐊᕐᒪᑦ ᐃᖃᓗᒃᑑᑦᓯᐊᕐᒥ ᕿᑎᕐᒥᐅᓄᓪᓗ ᓄᓇᕗᒻᒥᐅᓕᒫᓄᓪᓗ. ᐃᖃᓗᒃᑑᑦᓯᐊᕐᒧᑦ ᑲᖏᖅᖠᓂᕐᒧᑦ ᑖᒃᑯᐊ ᐃᑲᔪᕐᕕᖃᕈᓐᓇᕐᓂᐊᓕᖅᑐᑦ ᑎᒻᒥᓲᓄᑦ ᐅᓇᓕᑦᓴᔭᓄᑦ. ᑖᒃᑯᐊ ᐃᓗᓕᖏᑦ ᐊᒻᒪᓗ ᖃᖓᒃᑯᑦ ᓴᖅᑭᑕᐅᒍᒫᕐᒪᖔᑦ ᐅᑕᖅᑭᑐᐃᓐᓇᕐᓂᐊᓕᖅᐳᒍᑦ. ᐊᒻᒪᓗ ᖃᐅᓱᐃᑦᑐᒥ ᑖᓐᓇ ᑐᙵᕕᐅᓂᐊᕐᒥᔪᖅ ᐅᑭᐅᖅᑕᖅᑐᒥ ᓱᓕᒃᑲᓐᓂᖅ, ᓴᓇᒋᐊᓖᓪᓗ ᐱᓪᓗᒋᑦᑕᐅᖅ ᓂᕆᐅᓐᓂᐊᖅᐳᒍᑦ ᖃᖓᒃᑯᑦ ᓴᖅᑭᓛᕐᓂᖓᓂᒃ. ᓄᓇᕗᒻᒧᑦ ᕿᓚᒻᒥᐅᔾᔫᒥᔪᒃᑯᑦ ᓴᖅᑭᓂᐊᖅᑐᑦ $2 ᕕᓕᐊᓐ ᑮᓇᐅᔭᑦ ᐅᖓᑖᓂ ᐊᑭᖃᓗᐊᒻᒪᕆᓪᓗᑎᑦ. ᐊᒻᒪ ᖁᕐᓗᖅᑐᐊᕐᔪᒻᒥ ᐊᖅᑯᑎᓕᐅᕐᓂᖅ ᐅᖃᐅᓯᕆᓚᐅᖅᑕᕋ ᐃᑉᐸᑦᓴᖅ ᐱᒻᒪᕆᐅᔪᓄᑦ ᐱᔭᑦᓴᓄᑦ ᐃᓚᓕᐅᑎᔭᐅᓯᒪᓕᕐᒪᑦ. ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑎᑦᓴᖃᒃᑲᓐᓂᕐᓂᕐᒧᑦ ᑐᕌᖓᔪᑦᓴᐅᑕᐅᑉᓗᓂ. ᑖᒃᑯᐊ ᖁᕐᓗᖅᑐᐊᕐᔪᒻᒥ ᐊᖅᑯᑎᖓ ᐊᒻᒪᓗ ᑐᓚᒃᑕᕐᕕᖓᑕ ᐱᓕᕆᐊᕆᔭᐅᓂᖓ, ᐅᖃᐅᓯᕆᓚᐅᖅᑐᒍᓗ ᐃᑉᐸᒃᓴᖅ, ᒫᓐᓇ ᑖᓐᓇ ᐃᓚᓕᐅᓯᕆᓛᓕᕐᒪᑦ ᕿᑎᕐᒥᐅᓂᒃ. ᑖᒃᑯᐊ ᐅᐊᓕᓂᕐᒥᒃ ᕿᑎᕐᒥᐅᑦ ᓄᓇᓕᕆᔨᒃᑯᑦ ᐊᔭᐅᖅᑐᐃᓚᐅᖅᑐᑦ ᖁᔭᓐᓇᒦᖅᓱᒋᑦ, ᐊᒻᒪ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ ᐃᑲᔪᖅᑐᐃᓯᒪᓪᓚᕆᒻᒪᑕ. ᐊᔭᐅᖅᑐᐃᓯᒪᓕᕐᒪᑕ ᐅᑭᐅᖑᓕᖅᑐᑦ ᐊᕙᑎᑦ. ᑖᒃᑯᐊ ᐊᓯᔾᔨᕙᓪᓕᐊᕈᑎᓪᓚᕆᐅᓂᐊᖅᑐᖅ ᐃᖃᓗᒃᑑᑦᓯᐊᕐᒧᑦ ᓄᓇᕗᒻᒥᐅᓄᓪᓗ. ᐅᖃᖅᑲᐅᒐᒪ ᓂᕆᐅᒋᔭᓪᓚᕆᓐᓂᐊᕋᒪ. ᑖᒃᑯᐊ ᖃᖓᒃᑯᓪᓚᑦᑖᖅ ᓯᕗᒧᐊᖅᑕᐅᓕᕈᒫᕐᓂᖏᓐᓂᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐊᐃᕕᓕᒻᒧᑦ ᒪᓕᒐᓕᐅᖅᑎ, ᒥᔅ ᐊᖑᑎᐊᓗᒃ. ᒪᓕᒐᓕᐅᖅᑏᑦ ᐅᖃᐅᓯᖏᑦ 53 – 7(1): ᓴᓪᓕᖅ ᐱᕙᓪᓕᐊᔪᓕᕆᔨᒃᑯᑦ ᑎᒥᖓ ᐊᖑᑎᐊᓗᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᑖᒃᑯᐊᓕ ᓴᓪᓕᖅ ᐱᕙᓪᓕᐊᔪᓕᕆᔨᒃᑯᑦ ᑎᒥᖓ ᐅᐱᒋᒍᒪᓪᓗᑎᑦ 40 ᐊᕐᕌᒍᓂᒃ ᓇᒻᒥᓂᖅ ᐱᓕᕆᓯᒪᓕᕐᒪᑕ. ᓴᓪᓕᖅ ᐱᕙᓪᓕᐊᔪᓕᕆᔨᒃᑯᑦ ᑎᒥᖓ. 40 ᐊᕐᕌᒍᖃᓕᕐᒪᑕ. ᐅᐱᒋᔪᒪᓪᓗᒋᒃ ᓗᐃ ᐳᕉᔅ−ᒃᑯᑦ ᐃᓚᒌᑦ. ᐊᐱᕆᓚᐅᕋᓗᐊᕋᒃᑯ ᖃᖓ ᐱᒋᐊᕐᓂᑰᒻᒪᖔᖅ ᐅᓪᓗᖓᓂᒃ ᑕᖅᑭᖓᓂᒃ ᖃᐅᔨᒪᓚᐅᙱᒻᒪᑦ ᐃᒪᐃᓕᓚᐅᖅᑑᒐᓗᐊᖅ ᐊᐳᒡᒎᖅ ᐊᐅᓕᖅᑎᓪᓗᒍ ᐱᒋᐊᓚᐅᖅᓯᒪᔪᖅ 1986.

ᐅᓪᓗᑐᐃᓐᓇᖅ, ᒫᑦᓯ 13, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 8 ᐅᐱᒋᒍᒪᓪᓗᒍ ᑖᓐᓇ ᑕᐃᒪ ᕿᑎᕈᓘᔭᓚᖓᔪᐃᑦ ᓄᓇᑦᑎᓐᓂ ᑖᔅᓱᒥᖓ ᖁᕕᐊᓲᑎᖃᕐᓗᑎᒃ ᓇᒻᒥᓂᖃᖅᑎᐅᔪᖅ 40 ᐊᕐᕌᒍᑦ ᐃᖏᕐᕋᓕᕐᒪᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐊᑎᖁᑎᖃᕈᓐᓃᕋᒪ. ᑲᑎᒪᔾᔪᑎᑦᑎᓐᓄᑦ ᐅᑎᕈᑦᑕ. ᐊᐱᖅᑯᑕᐅᓚᐅᖅᑐᓄᑦ, ᒪᒥᐊᓇᖅ. ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᓄᑦ ᑭᐅᔾᔪᑏᑦ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᒥᓂᔅᑕᕆᔭᖓ, ᒥᔅ ᕼᐄᓕ−ᐊᕿᐊᕈᖅ. ᑲᑎᒪᔾᔪᑎᒃᓴᖅ 4: ᑭᐅᔾᔪᑏᑦ ᐅᖃᐅᓯᒃᑯᑦ ᐊᐱᖅᑯᑎᒥᓂᕐᓄᑦ ᐊᐱᖅᑯᑎ 10 – 7(1): ᐅᖅᓱᖅᑑᑉ ᖃᐅᒻᒪᖅᑯᑎᓄᑦ ᐊᐅᓚᐅᑎᖃᕐᕕᖓ ᐊᖓᔪᖅᑳᖅ ᒍᐃᓐ ᕼᐄᓕ−ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᒪᕐᕉᒻᒪᑎᒃ ᐅᑎᕈᑏᒃᑲᒃ 10- 7(1). ᐅᖃᖅᑏ, ᐅᓪᓗᒥ ᓇᖏᖅᓯᕗᖓ ᐃᓚᒋᐊᕈᒪᓪᓗᒍ ᑭᐅᔾᔪᑎᒋᓚᐅᖅᑕᕋ, ᒫᑦᓯ 9, 2026, ᒪᓕᒐᓕᐅᖅᑎ ᐅᖅᓱᖅᑑᕐᒧᑦ ᖃᓄᑎᒋ ᐊᑐᓚᐅᖅᐸᑦ ᐃᑯᒻᒪᖅᑯᑎᓕᐅᖅᑎᓪᓗᒋᑦ ᒐᕙᒪᑐᖃᒃᑯᓐᓂᙶᖅᑐᓂᒃ. ᑖᒃᑯᐊ ᐅᑭᐅᖅᑕᖅᑐᒥ ᐆᒻᒪᖅᑯᑎᓕᕆᓂᕐᒧᑦ ᑮᓇᐅᔭᖃᕐᕕᒃ ᐃᑲᔪᓛᖅᑐᖅ ᐃᒪᓐᓇᐸᓗᓐᓂᒃ $25.8 ᒥᓕᐊᓐᓂᒃ ᑮᓇᐅᔭᓂᑦ ᑐᓂᓯᓚᐅᕐᒪᑕ ᓴᓇᔭᐅᓂᒃᓴᖓᓄᑦ ᖃᐅᒻᒪᖅᑯᑏᑦ ᐊᐅᓚᐅᑎᖃᕐᕕᒃᓴᖓᓄᑦ. ᒪᓕᒐᓕᐅᖅᑎ ᐊᐱᕆᓚᐅᕐᒥᒻᒪᑦ ᑖᓐᓇ ᐅᖅᓱᐊᓗᑐᙱᑦᑐᓂᒃ ᐆᒻᒪᖅᑯᑎᓕᐅᕈᑎᒋᓐᓂᖓᓂᒃ ᑖᒃᑯᐊ ᐃᓚᒋᔭᐅᔪᒫᖅᑐᑦ ᓴᓇᔭᐅᓕᕈᓂ. ᓄᑖᖅ ᖃᐅᒻᒪᖅᑯᑎᓄᑦ ᐊᐅᓚᐅᑎᖃᕐᕕᖓ ᐅᖅᓱᖅᑑᕐᒥ ᐊᑐᓕᖅᑎᑦᑎᓂᖃᓛᖅᑐᖅ ᓄᑖᖑᓛᖑᔪᒥᒃ ᐊᑐᖅᑕᐅᕙᑦᑐᒥᒃ ᐊᒻᒪᓗ ᑲᓱᖅᑎᑦᑎᔪᓐᓇᓛᕆᓪᓗᓂ ᓄᑖᕈᕆᐊᖅᑎᒐᒃᓴᓂᒃ ᐆᒻᒪᖅᑯᑎᓕᐅᕐᓂᕐᒧᑦ ᐱᓕᕆᐊᕐᓂᒃ ᐅᐃᒍᖃᕐᕕᓄᑦ. ᓄᑖᑦ ᐊᐅᓚᐅᑏᑦ ᑎᑎᖅᑐᒐᐅᔭᖅᓯᒪᓂᖏᓐᓃᑦᑐᑦ ᐊᑐᓕᖅᑎᑦᑎᒍᓐᓇᖅᑐᑎᑦ ᓄᑖᕈᕆᐊᖅᑎᒐᒃᓴᓂᒃ ᐆᒻᒪᖅᑯᑎᓕᐅᖅᑐᓂᒃ, ᐃᓚᒋᐊᕈᑎᑕᖃᕆᐊᖃᕐᒪᑦ ᓱᓇᒃᑯᑖᖏᓐᓂᒃ ᑕᒪᓐᓇ ᐊᑐᖅᑕᐅᔪᓐᓇᓪᓚᑦᑖᖁᓪᓗᒍ. ᐅᓪᓗᒥ ᑐᒃᓯᕋᐅᑎᓕᐅᖅᓯᒪᔪᖃᙱᑦᑐᖅ ᓄᑖᕈᕆᐊᖅᑎᒐᒃᓴᓂᒃ ᐊᑐᕐᓗᑎᑦ ᐆᒻᒪᖅᑯᑎᓕᐅᕈᑎᓂᒃ ᐱᓕᕆᐊᕐᓂ ᐅᖅᓱᖅᑑᕐᒥ. ᐊᐱᖅᑯᑎ 11 – 7(1): ᖃᓄᐃᓕᐅᕐᓂᖏᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑯᐊᐳᕇᓴᙵᑕ ᐊᒻᒪᓗ ᐊᐃᑉᐹ ᐊᐱᖅᑯᑎ 11 – 7(1). ᐅᖃᖅᑏ, ᓇᖏᖅᓯᕗᖓ ᐅᓪᓗᒥ ᐃᓚᒋᐊᕈᒪᓪᓗᒍ ᐊᐱᖅᑯᑎᐅᓚᐅᖅᑐᒧᑦ ᑭᐅᔾᔪᑎᒋᓚᐅᖅᑕᕋ ᒫᑦᓯ 9, 2026-ᒥ. ᐊᐱᖅᑯᑎᐅᓚᐅᖅᑐᒧᑦ ᐊᐃᕕᓕᒻᒥᐅᒧᑦ ᖁᓪᓕᒃᑯᑦ ᑐᑦᓯᕋᕈᑎᒋᔭᖓᑦ ᑐᓴᕆᐊᕈᒪᓪᓗᓂ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑯᐊᐳᕇᓴᙵᑕ ᑐᒃᓯᕋᐅᑎᓕᐅᖁᔨᔾᔪᑎᖏᑦ ᖃᐅᔨᓵᖑᓂᖏᖕᓄᑦ ᖃᐅᒻᒪᖅᑯᑏᑦ ᐊᐅᓚᐅᑎᖃᕐᕕᖏᑦ. ᑳᓐᑐᕌᒃᑦ ᓴᖅᑭᖅᓯᒪᔪᖅ ᑕᐃᑲᙶᖅᑐᖅ ᑐᒃᓯᕋᐅᑎᓕᐅᖁᔨᔾᔪᑎᒥᒃ ᐱᔭᐅᓚᐅᖅᑐᖅ ᓄᕖᕝᕙ 2025, ᐊᒻᒪᓗ ᐃᖅᑲᓇᐃᔮᖃᖅᐸᓪᓕᐊᓕᖅᑐᑎᑦ. ᐃᓚᒋᓪᓗᓂᐅᒃ ᑖᓐᓇ ᑳᓐᑐᕌᒃᑦ, ᖃᐅᔨᓴᖅᑐᑦ ᑕᒪᐃᓐᓂ ᐊᒥᓱᓂᒃ ᓄᓇᕗᒻᒥ ᐃᑯᒻᒪᖅᑯᑎᖃᕐᕕᖏᑦ, ᓴᓪᓕᖅ ᐃᓚᒋᓪᓗᒍ. ᑖᒃᑯᐊ ᐱᔭᕇᖅᓯᓯᒪᕗᑦ ᐅᐸᒋᐊᖃᓚᐅᖅᑕᒥᓂᒃ ᓄᓇᖓᓂ ᒫᓐᓇ ᑭᖑᓪᓕᖅᐹᒥᒃ ᐅᓂᒃᑳᑦ ᓂᕆᐅᒋᔭᐅᓂᐊᖅᑐᑦ ᔫᓂ 2026-ᒥ. ᐊᐱᖅᑯᑎᖃᓚᐅᕐᒥᒻᒪᑦ ᓴᓪᓕᕐᒥ ᐃᑯᒻᒪᖅᑯᑎᓕᐅᕐᓂᖅ ᓯᕿᓂᕐᒧᑦ ᑖᒃᑯᐊ ᑐᑦᓯᕋᕈᑕᐅᔪᑦ ᓯᕿᓂᕐᒨᖅᑐᑦ ᕚᑕᓖᖏᓪᓗ ᑐᖅᑯᑕᕐᕕᑦᓴᖏᑦ ᐱᐊᓂᒃᑕᐅᓯᒪᓕᖅᑐᑦ. ᑭᓱᓪᓗ ᐱᔭᕆᐊᖃᕐᓂᐊᖅᐸᑦ ᐊᑦᑕᓇᙱᑦᑐᒃᑯᑦ

ᐅᓪᓗᑐᐃᓐᓇᖅ, ᒫᑦᓯ 13, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 9 ᑲᓱᖅᓯᒪᓕᖁᓪᓗᒍ ᐃᑯᒻᒪᖅᑯᑎᓕᕆᓂᕐᒧᑦ ᐊᒻᒪᓗ ᑖᒃᑯᐊ ᖃᓄᑎᒋ ᐱᒍᓐᓇᖅᑎᒋᓂᐊᕐᒪᖔᑕ ᐊᑭᑦᑐᕈᑎᐅᒃᑲᓐᓂᕐᓂᐊᖅᑐᓪᓗᓂ ᖃᓄᒃᑲᓐᓂᕐᓗ ᐋᖅᑭᒋᐊᕈᑎᐅᒍᓐᓇᖅᑐᓂᒃ ᐱᓇᓱᓐᓂᐊᕐᓗᑎᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᑲᑎᒪᔾᔪᑎᒃᓴᖅ 5, ᐳᓛᕆᐊᖅᓯᒪᔪᓂᒃ ᐃᓕᓴᖅᓯᓂᖅ. ᒪᓕᒐᓕᐅᖅᑎ ᖃᒪᓂ’ᑐᐊᕐᒧᑦ, ᒥᔅᑕ ᓯᒪᐃᓚᒃ. ᑲᑎᒪᔾᔪᑎᒃᓴᖅ 5: ᐃᓕᑕᖅᓯᓂ ᐳᓛᖅᑎᓂ ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ: ᒪ’ᓇ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᒪᐃᔪ ᓵᓐ ᕗᕆᓐᑭᒪ, ᓂᑯᕕᒋᑦ. ᐅᓇᑕᖅᑎᒃᑯᑦ ᑲᑐᔾᔨᓪᓗᑎᑦ ᐱᓕᕆᐊᑦᓴᓖᑦ ᐅᑭᐅᖅᑕᖅᑐᒥ ᓄᓇᕗᒻᒥ ᐅᕙᓃᑦᑐᖅ ᒪᓕᒐᓕᐅᕐᕕᒻᒥ ᐅᓪᓗᒥ. ᒪᐃᔪ ᓵᓐ ᕗᕆᓐᑭᒪ 20 ᐊᓪᕌᒍᓂᑦ ᐅᖓᑖᓂ ᐱᓕᕆᓯᒪᓕᖅᑐᖅ ᑲᓇᑕᐅᑉ ᐅᓇᑕᖅᑐᒃᓴᓂ ᐊᒻᒪᓗ ᐊᒥᓱᓂᒃ ᐱᓕᕆᐊᖃᖅᖢᓂ ᓯᕗᓕᖅᑎᐅᑦᑕᒻᒫᖅᖢᓂᓗ ᑲᓇᑕᐅᑉ ᐃᓗᐊᓂ, ᐊᒻᒪᓗ ᑲᓇᑕᐅᑉ ᓯᓚᑖᓂ. (ᑐᓵᔨᑎᒎᓕᖅᑐᖅ) ᓄᓇᕗᒻᒥ ᐃᖅᑲᓇᐃᔭᖃᑎᖃᑦᑎᐊᓲᖅ ᓄᓇᕗᑦ ᒐᕙᒪᒃᑯᖏᓐᓂ, ᓄᓇᓕᓐᓂ, ᐱᓕᕆᖃᑎᒋᓲᖏᓐᓂᓪᓗ ᑎᒥᐅᔪᓂᒃ ᐃᑲᔪᖅᑐᐃᓪᓗᓂ ᑐᐊᕕᕐᓇᖅᑐᓕᕆᓂᕐᒧᑦ ᐊᐅᓚᑦᑎᓲᖑᓪᓗᓂ, ᕿᓂᖅᑎᐅᓪᓗᓂ ᐸᖅᓴᐃᔨ, ᐊᒻᒪᓗ ᐊᓯᖏᓐᓂᒃ ᐅᓇᑕᖅᑏᑦ ᐊᐅᓚᑦᑎᓂᖃᖅᑎᓪᓗᒋᑦ ᓄᓇᕗᓕᒫᕐᒥ. ᖁᔭᓐᓇᒦᕈᒪᕙᕋ ᒪᐃᔪ ᕗᕆᓐᑲᒪ ᐱᔨᑦᑎᖅᐸᓐᓂᖓᓄᑦ ᐊᒻᒪᓗ ᐱᓕᕆᖃᑎᖃᐃᓐᓇᕐᓂᖓᓄᑦ ᐃᑲᔪᖅᑐᐃᓪᓗᓂ ᐊᑦᑕᕐᓇᖅᑕᐃᓕᑎᑦᑎᓂᕐᒥᒃ ᖃᓄᐃᙱᓐᓂᖏᓐᓂᓪᓗ ᓄᓇᕗᒻᒥᐅᑦ. (ᑐᓵᔨᑎᒎᕈᓐᓂᖅᑐᖅ) ᒪ’ᓇ, ᐅᖃᖅᑎᑦᓯᔩ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᐳᓛᕆᐊᖅᓯᒪᔪᓂᒃ ᐃᓕᓴᖅᓯᓂᖅ. ᐃᖃᓗᐃᑦ−ᑕᓯᓗᒃ, ᒥᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᖅᑕᕋ ᒪᓕᒐᓕᐅᖅᑎᐅᖃᑎᒐ ᐃᓕᓴᖅᓯᒻᒪᑦ ᒪᐃᔪ ᕗᕆᓐᑭᒪᒥᒃ; ᐃᓕᓴᕆᓂᐊᕋᑖᖅᑕᕋᓗᐊᕋᓗ, ᑭᓯᐊᓂᓕ ᓵᓐ−ᒃᑲᓐᓂᕐᒥᒃ ᐃᓕᓴᖅᓯᓂᐊᕋᒪ ᒪᓕᒐᓕᐅᕐᕕᒻᒥ ᐅᕙᓂ, ᑖᓐᓇᑦᑕᐅᖅ ᐋᓪᓚᐅᙱᑦᑐᖅ ᐃᖃᓗᓐᓂ, ᓵᓐ ᓕᐊᔅᑐ, ᓇᒻᒥᓂᖁᑎᓕᒃ ᕙᐃᑯ ᑎᓕ ᐅᑭᐅᖅᑕᖅᑐᒥ ᑕᒫᓂ ᐃᖃᓗᓐᓂ. ᑕᒪᐅᖓ ᓅᓚᐅᖅᓯᒪᒻᒪᓂᒃ 2000-ᖑᑎᓪᓗᒍ, ᐅᖃᖅᑏ, ᓄᓇᓕᑦᑎᓐᓄᑦ ᐱᔨᑦᑎᕋᖃᑦᑕᕐᒥᔪᖅ. ᓵᓐ ᑐᒃᓯᐊᕐᕕᖕᒥᓗ ᐃᓚᒋᔭᐅᖃᑕᐅᓪᓗᓂ, ᐊᑭᓕᖅᓱᖅᑕᐅᙱᑦᑐᓂᓗ ᐃᖅᑲᓇᐃᔭᖃᑦᑕᖅᓯᒪᓪᓗᓂ. ᓇᒥᕈᓘᔮᓗᒃ ᑖᓐᓇ ᑕᑯᖃᑦᑕᖅᑐᕋ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᑐᙵᓱᑦᑎᐊᕆᑦ ᒥᔅᑕ ᓕᐊᔅᑐ. ᑲᑎᒪᔾᔪᑎᕗᑦ ᓈᓴᐅᑎᖓ 6, ᐅᖃᐅᓯᒃᑯᑦ ᐊᐱᖅᑯᑏᑦ. ᐅᖅᑯᕐᒥᐅᓄᑦ ᒪᓕᒐᓕᐅᖅᑎ, ᒥᔅᑕ ᑲᐅᑐᖅ. ᑲᑎᒪᔾᔪᑎᒃᓴᖅ 6: ᐅᖃᐅᓯᒃᑯᑦ ᐊᐱᖅᑯᑏᑦ ᐊᐱᖅᑯᑎ 39 – 7(1): ᐃᖅᑲᓇᐃᔭᖅᑏᑦ ᐊᖏᕈᑎᖓ ᑲᐅᑐᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓇ ᐊᐱᖅᑯᑎᒋᓂᐊᖅᑕᕋ ᐃᖅᑲᓇᐃᔭᖅᑐᓕᕆᔨᒃᑯᑦ ᒥᓂᔅᑕᖓᖕᓄᑦ.

ᐅᓪᓗᑐᐃᓐᓇᖅ, ᒫᑦᓯ 13, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 10 ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᖕᓄᑦ ᐃᓚᒋᔭᐅᖃᑕᐅᓚᐅᖅᖢᖓ ᖁᔭᓐᓇᒦᕈᒪᔭᒃᑲ ᑕᐃᒃᑯᐊ ᐊᒃᓱᕈᖅᓯᒪᓪᓗᑎᒃ ᐊᑎᓕᐅᕆᒪᐅᕐᒪᑕ ᑲᑐᔾᔨᖃᑎᒌᑦ ᐊᖏᕈᑎᖏᑦ ᒐᕙᒪᒃᑯᑦ. ᐊᒻᒪᓗ ᑖᓐᓇ ᐊᐱᕆᔪᒪᔭᕋ ᑭᓱᓂᒃ ᐃᓗᓕᖃᐅᕐᒪᖔᑦ ᑕᐃᓐᓇ ᐊᖏᕈᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᖅᑲᓇᐃᔭᖅᑐᓕᕆᔨᒃᑯᑦ ᒥᓂᔅᑕᖓ, ᒥᔅ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᒻᒪᓗ ᖁᔭᓐᓇᒦᒃ, ᑖᓐᓇ ᐊᐱᖅᑯᑎᒋᒐᖕᓂ. ᓇᓗᓇᐃᕈᒪᓪᓗᒋᑦ ᑕᐃᒃᑯᐊ ᐱᕐᔪᐊᖑᓂᖏᑦ ᐃᓄᐃᑦ ᐅᖃᐅᓯᖏᓐᓄᑦ ᖁᔭᓐᓇᒦᕈᓯᐊᖅᑖᕆᔭᐅᖃᑦᑕᖅᑐᖅ, ᑕᐃᒃᑯᓄᖓ ᑮᓇᐅᔭᖅᑖᒃᑲᓐᓂᐅᑎᒋᔭᐅᖃᑦᑕᕐᒪᑕ ᐃᓄᒃᑎᑑᕈᓐᓇᖅᑐᓂᒃ. 2000-ᒥ ᐱᒋᐊᕐᓗᒍ 6,000-ᒧᑦ ᑎᑭᓪᓗᒍ ᐅᖃᕈᓐᓇᕐᓂᖓ ᒪᓕᒡᓗᒍ. ᑕᐃᒫᒃ ᒐᕙᒪᒃᑯᓐᓂ ᐃᖅᑲᓇᐃᔭᖅᑐᑦ ᐱᔨᑦᑎᖃᑦᑕᕈᓐᓇᕐᓂᐊᕐᒪᑕ ᐃᓄᐃᑦ ᐅᖃᐅᓯᖓ ᐊᑐᖅᖢᒋᑦ. 9%−ᒥ ᐃᓚᓕᐅᔪᑦ ᐅᑭᐅᖅᑕᖅᑐᒥᐅᑕᐅᔾᔪᓯᖏᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᓄᑦ. ᑕᕝᕙ ᐃᓗᓕᖏᑦᑕ ᐃᓚᐃᓐᓇᑯᓗᖏᑦ ᓇᓗᓇᐃᖅᑕᒃᑲ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᓚᒋᐊᕈᑏᑦ ᐊᐱᕆᒍᒃ ᒥᔅᑕ ᑲᐅᑐᒃ. ᑲᐅᑐᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑖᒃᑯᐊ ᒪᓕᒐᓕᐅᖅᑏᑦ ᐃᓱᒪᒃᓴᖅᓯᐅᕈᑎᖃᕐᓂᐊᕐᒪᑕ ᒐᕙᒪᒃᑯᑦ 2026- 2027 ᑮᓇᐅᔭᑦ ᐊᑐᕈᒫᕐᓂᐊᖅᑐᓂᒃ ᐅᐱᕐᖔᖅᓯᐅᒻᒥᒃ ᑲᑎᒪᕐᔪᐊᓕᕈᑎᑦ. ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᖃᓄᖅ ᐊᒃᑐᐃᓂᖃᕐᓂᐊᕐᒪᖔᑦ ᑖᒃᑯᐊ ᓄᑖᑦ ᑲᑐᔾᔨᖃᑎᒌᖕᓂᕐᒧᑦ ᐊᖏᕈᑏᑦ ᒐᕙᒪᒃᑯᑦ ᐊᑐᕈᒫᕐᓂᐊᖅᑐᖁᑎᖏᑦ ᐱᓪᓗᒋᑦ ᑮᓇᐅᔾᔭᒃᓵᓄᑦ ᐃᑲᔫᓯᐊᓄᓪᓗ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᖅᑲᓇᐃᔭᖅᑐᓕᕆᔨᒃᑯᑦ ᒥᓂᔅᑕᖓ, ᒥᔅ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᒻᒪᓗ ᖁᔭᓐᓇᒦᒃ ᑖᓐᓇ ᐊᐱᖅᑯᑎᒋᒐᖕᓂ. ᐊᑭᑐᔪᖅᑐᕈᑎᒃᓴᐃᑦ ᑕᒪᑐᒪᓂ ᐃᓚᒋᔭᐅᖃᑕᐅᓂᐊᓚᐅᖅᑕᕋ ᑕᒪᑐᒪᓂ ᐱᓇᓱᐊᕈᓯᕐᒥ. ᒫᓐᓇ ᑭᐅᔪᓐᓇᙱᑕᕋ ᑭᓯᐊᓂ ᖁᔭᓐᓇᒦᖅᐸᒋᑦ ᐊᐱᖅᑯᑎᒋᒐᖕᓂ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑏᑦ, ᒥᔅᑕ ᑲᐅᑐᒃ. ᑲᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑖᓐᓇ ᒥᓂᔅᑕ ᖃᐅᔨᒪᖕᒪᑦ ᖁᓪᓕᒃᑯᑦ ᑲᑐᔾᔨᖃᑎᒌᓐᓂᕐᒧᑦ ᐊᖏᕈᑎᖏᑦ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᖕᓄᑦ ᐃᓱᓕᓚᐅᕐᒪᑦ ᑎᓰᕝᕙ 2024-ᒥ. ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᐅᓪᓗᒥ ᐋᔩᖃᑎᒌᖕᓂᖅ ᓱᑯᑦᑎᐊᓃᓕᕐᒪᖔᖅ ᑖᒃᑯᓂᖓ ᑎᒥᐅᔪᓂᒃ ᐊᒻᒪ ᑲᑐᔾᔨᖃᑎᒌᖏᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᖅᑲᓇᐃᔭᖅᑐᓕᕆᔨᒃᑯᑦ ᒥᓂᔅᑕᖓ, ᒥᔅ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᒻᒪᓗ ᖁᔭᓐᓇᒦᖅᖢᒍ ᑖᓐᓇ ᐊᐱᖅᑯᑎᒋᒐᖕᓂ. ᖁᓪᓕᒃᑯᑦ, ᐄ’, ᐃᓱᓕᓚᐅᕐᒪᑦ ᑎᓰᕝᕙ 2024-ᒥ. ᖁᓪᓕᒃᑯᑦ ᐊᔩᖃᑎᒌᖕᓂᒃᑰᖅᐸᓪᓕᐊᓕᖅᑐᑦ ᒫᓐᓇ ᑎᓰᕝᕙ 2025 ᐊᒻᒪᓗ ᐄᐳᕈᓪ 2026 ᑕᐃᑲᑦᑎᐊᖑᓕᖅᑐᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐅᖃᐅᓯᒃᑯᑦ ᐊᐱᖅᑯᑏᑦ. ᐊᒡᒍᒧᑦ ᒪᓕᒐᓕᐅᖅᑎ, ᒥᔅᑕ ᐊᑕᒍᒃᑖᓗᒃ. ᐊᐱᖅᑯᑎ 40 – 7(1): ᓄᓇᓕᓐᓂ ᓈᓚᐅᑎᖃᕐᕕᖏᖕᓄᑦ ᐊᐃᑦᑑᓯᐊᖑᕙᑦᑐᑦ ᐊᑕᒍᒃᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᑯᐊ ᐊᐱᖅᑯᑎᒋᓂᐊᖅᑕᕋ ᐃᓕᖅᑯᓯᓕᕆᔨᒃᑯᑦ ᒥᓂᔅᑕᖓᖕᓄᑦ ᐱᔾᔪᑎᓕᒃ ᓄᓇᓕᖕᓂ ᓈᓚᐅᑎᓄᑦ ᑮᓇᐅᔭᖃᖅᑎᑦᑎᓂᐅᖃᑦᑕᖅᑐᖅ. ᐅᖃᖅᑏ, ᒪᓕᒐᓕᐅᖅᑎᐅᖃᑕᐅᓪᓗᖓ ᐊᒻᒪ

ᐅᓪᓗᑐᐃᓐᓇᖅ, ᒫᑦᓯ 13, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 11 ᑭᒡᒐᖅᑐᐃᓪᓗᖓ ᐊᒡᒎᑉ ᓂᕈᐊᖅᑕᐅᕕᖓᓂ, ᑐᑭᓯᔪᖓ ᖃᓄᖅ ᐱᕐᔪᐊᖑᑎᒋᖕᒪᖔᑦ ᑕᐃᒃᑯᐊ ᓈᓚᐅᑏᑦ ᓄᓇᓕᖕᓂ ᑐᓴᖅᓴᐅᕙᑦᑐᑦ. ᐊᒻᒪᓗ ᑮᓇᐅᔭᖃᖅᑎᑦᑎᖃᑦᑕᕐᒪᑕ ᑖᒃᑯᐊ ᐃᓕᖅᑯᓯᓕᕆᔨᒃᑯᑦ ᐃᑲᔫᑎᒋᔭᐅᓂᐊᖅᖢᑎᑦ ᐊᐅᓚᔾᔪᑏᑦ ᑮᓇᐅᔭᖅᑐᕈᑎᖏᖕᓄᑦ. ᒥᓂᔅᑕᖃᐃ ᓇᓗᓇᖅᓯᔪᓐᓇᖅᐸ ᓄᓇᓕᖕᓂᓗ ᑐᓴᖅᑎᑦᑎᔪᓐᓇᖅᐸ ᑎᒥᐅᔪᓂᒃ ᑕᒪᑐᒪᑉ ᒥᒃᓵᓄᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᓕᖅᑯᓯᓕᕆᔨᒃᑯᑦ ᒥᓂᔅᑕᖓ, ᒥᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᑖᓐᓇ ᐅᖃᓪᓚᒡᕕᖕᒧᑦ ᑮᓇᐅᔭᖅᑖᕈᑎᐅᖃᑦᑕᖅᑐᖅ, ᐊᑐᐃᓐᓇᐅᖃᑦᑕᖅᑐᖅ ᑕᐃᒃᑯᓄᖓ ᐃᓕᖅᑯᓯᓕᕆᔨᒃᑯᓐᓄᑦ ᑮᓇᐅᔭᕐᓂᒃ ᐱᓇᓱᒍᑎᑕᖃᓲᖅ ᔮᓐᓄᐊᕆ ᓄᖑᓚᐅᙱᓐᓂᖓᓂ ᐱᓇᓱᒍᓐᓇᖅᐸᖦᖢᑎᑦ ᕼᐊᒻᓚᐅᔪᖅ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᖁᔭᓐᓇᒦᒃ. ᓯᕗᓪᓕᖅᐹᒥᒃ ᐃᓚᒋᐊᕈᑏᑦ ᐊᐱᖅᑯᑎᖕᓄᑦ, ᒥᔅᑕ ᐊᑕᒍᒃᑖᓗᒃ. ᐊᑕᒍᒃᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐊᐱᖅᑯᑎᒃᑲ ᒥᓂᔅᑕᒧᑦ ᐃᓕᖅᑯᓯᓕᕆᔨᒃᑯᓐᓄᑦ, ᐊᒻᒪᓗ ᐱᔾᔪᑎᖃᖅᑐᑎᒃ ᐱᓕᕆᕝᕕᒋᔭᖓᑕ ᓄᓇᓕᓐᓂ ᓈᓚᐅᑎᓄᑦ ᐊᐃᑦᑑᓯᐊᕆᔭᐅᓲᖏᑦ. ᐅᖃᖅᑏᑦ, ᒪᓕᒐᓕᐅᖅᑎᐅᓪᓗᖓ ᑭᒡᒐᖅᑐᐃᓪᓗᖓ ᐊᒡᒍᒧᑦ, ᑐᑭᓯᐅᒪᕗᖓ ᐊᒻᒪᓗ ᐃᓕᓴᖅᓯᓪᓗᖓ ᐱᒻᒪᕆᐊᓘᓂᖓᓂᒃᓄᓇᓕᓐᓂ ᓈᓚᐅᑎᖃᕐᕖᑦ. ᐅᖃᖅᑏ, ᐱᓕᕆᕝᕕᑉ ᓇᓚᐅᑎᖃᕐᕕᓄᑦ ᐊᐃᑦᑑᓯᐊᑦ ᑮᓇᐅᔭᖃᖅᑎᑦᑎᓲᑦ ᓄᓇᓕᐅᔪᑦ ᑐᓴᕋᒃᓴᖏᓐᓂᒃ ᑲᑐᔾᔨᖃᑎᒌᑦ ᐃᑲᔪᖁᓪᓗᒋᑦ ᐊᐅᓚᑦᑎᔾᔪᑎᖏᓐᓄᑦ. ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᖃᓄᖅ ᐱᓕᕆᕝᕕᖏᑦ ᑐᓴᖅᑎᑦᑎᓲᖑᒻᒪᖔᑕ ᓄᓇᓕᓐᓂ ᑲᑐᔾᔨᖃᑎᒌᓂᓪᓗ ᓄᓇᕗᓕᒫᕐᒥ ᐱᒻᒪᕆᐅᔪᑉ ᐱᓕᕆᐊᑉ ᒥᒃᓵᓄᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᓕᖅᑯᓯᓕᕆᔨᒃᑯᑦ ᒥᓂᔅᑕᖓ, ᒥᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᓄᓇᓕᓐᓂ ᓈᓚᐅᑎᖃᕐᕕᓄᑦ ᐊᐃᑦᑑᓯᐊᑦ ᐱᓕᕆᐊᖓᓄᑦ, ᐊᑐᐃᓐᓇᐅᒪᑎᑕᐅᓲᖑᒻᒪᑕ ᐃᓕᖅᑯᓯᓕᕆᔨᒃᑯᑦ ᐱᓕᕆᕝᕕᖓᓂ ᐊᒻᒪᓗ ᐱᓇᓱᐊᕈᓐᓇᓲᖑᓪᓗᑎᑦ ᐃᓱᓕᓚᐅᙱᓐᓂᖓᓂ ᔮᓐᓄᐊᕆ ᕼᐊᒻᓚᑦ ᑲᑎᒪᔨᖏᑎᒍᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ ᖁᔭᓐᓇᒦᒃ. ᓯᕗᓪᓕᖅᐹᖅ ᐃᓚᒋᐊᕈᑎ ᐊᐱᖅᑯᑎᖕᓄᑦ, ᒥᔅᑕ ᐊᑕᒍᒃᑖᓗᒃ. ᐊᑕᒍᒃᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᐊᒥᓱᓄᑦ ᓄᓇᕗᒻᒥ ᓄᓇᓕᐅᔪᓄᑦ, ᓄᓇᓕᓐᓂ ᓈᓚᐅᑎᖃᕐᕖᑦ ᑐᓴᐅᒪᑎᑦᑎᒍᑕᓪᓗᐊᑕᐅᓲᖑᖕᒪᑕ. ᐅᖃᖅᑏ, ᓈᓚᐅᑎᖃᕐᕖᑦ ᐃᓕᓐᓂᐊᖅᑎᑦᑎᒍᑎᒃᓴᓂᑦ ᑐᑭᓯᒋᐊᖅᑎᑦᑎᔾᔪᑕᐅᓲᑦ, ᓯᓚᓐᓂᐊᕈᑎᒋᔭᐅᕙᑦᑐᑎᑦ, ᐅᔾᔨᖅᓱᓕᖅᑎᑦᑎᓪᓗᑎᑦ ᓄᓇᓕᓐᓂ ᖃᓄᐃᓕᐅᕈᑕᐅᓂᐊᖅᑐᓂᒃ, ᐊᒻᒪᓗ ᐃᓄᒃᑎᑐᑦ ᐊᑐᕐᔫᒥᑎᑦᑎᔾᔪᑕᐅᕙᑦᑐᓂ. ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᖃᑦᑎᑦ ᓄᓇᓕᓐᓂ ᓈᓚᐅᑎᖃᕐᕖᑦ ᑮᓇᐅᔭᖅᑖᓲᖑᖕᒪᖔᕐᒥᒃ ᑖᒃᑯᓇᙵᑦ ᐊᐃᑦᑑᓯᐊᕈᑏᑦ ᐱᓕᕆᐊᖓᓂᒃ 2024-20225 ᑮᓇᐅᔭᓕᕆᓐᓇᑉ ᐊᕐᕌᒍᐊᓂ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒥᓂᔅᑕ ᐃᓕᖅᑯᓯᓕᕆᔨᒃᑯᓐᓄᑦ, ᒥᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᓂᕈᐊᖅᑕᐅᓚᐅᖅᑳᖅᑎᓐᓇᖓ ᒪᓕᒐᓕᐅᕐᕕᒻᒧᑦ ᑭᒡᒐᖅᑐᐃᓪᓗᖓ ᐊᒡᒍᒧᑦ, ᐊᑯᓂᐊᓗᒃ ᐊᑭᓕᖅᓱᖅᑕᐅᙱᖦᖢᖓ ᐃᒡᓗᓕᖕᒥ ᓈᓚᐅᑎᖃᕐᕕᖓᓂ ᐃᖅᑲᓇᐃᔭᖃᑦᑕᓚᐅᖅᓯᒪᖓᒪ.

ᐅᓪᓗᑐᐃᓐᓇᖅ, ᒫᑦᓯ 13, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 12 ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᖃᔅᓯᑦ ᑐᒃᓯᕌᑦ ᑐᓂᔭᐅᓯᒪᒻᒪᖔᑕ ᐱᓕᕆᕝᕕᖓᓄᑦ ᓄᓇᓕᓐᓂ ᓈᓚᐅᑎᖃᕐᕕᓄᑦ ᐊᐃᑦᑑᓯᐊᑦ ᐱᓕᕆᐊᖓᓄᑦ ᒫᓐᓇ 2025-2026 ᑮᓇᐅᔭᓕᕆᓐᓇᑉ ᐊᕐᕌᒍᐊᓄᑦ, ᐊᒻᒪᓗ ᓇᓗᓇᐃᖅᓯᔪᓐᓇᖅᐹ ᖃᑦᑎᑦ ᐊᖏᖅᑕᐅᓂᕐᒪᖔᑕ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑎᒋᔭᐃᑦ, ᒥᔅᑕ ᐊᑕᒍᒃᑖᓗᒃ. ᐊᐱᖅᑯᑎ 41 – 7(1): ᖃᖓᑕᓲᒃᑯᕖᑦ ᐱᖁᑎᕐᔪᐊᑦ ᐊᑕᒍᒃᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒃᑲ ᑐᕌᖅᑎᙳᓱᑦᑕᒃᑲ ᒥᓂᔅᑕᒧᑦ ᐃᖏᕐᕋᔪᓕᕆᔨᒃᑯᓐᓄᑦ ᐊᒻᒪᓗ ᐱᖁᑎᕐᔪᐊᓕᕆᓂᕐᒧᑦ ᓄᓇᕗᒻᒥ. ᐅᖃᖅᑏ, ᖁᕕᐊᓪᓚᕆᓚᐅᖅᑐᖓ ᐅᖃᐅᓯᖃᕆᐊᒃᓴᖅ ᒐᕙᒪᒃᑯᑦ ᑐᒃᓯᕋᐅᑎᓕᐅᖁᔨᔾᔪᑎᒥᒃ ᓴᒃᑯᐃᓯᒪᔪᔪᑦ ᔮᓐᓄᐊᕆᐅᑎᓪᓗᒍ ᑕᒫᓂ ᐊᕐᕌᒍᒥ ᑎᑎᖅᑐᒐᐅᔭᖅᑕᐅᓂᖓᓄᑦ ᓄᑖᖅ ᖃᖓᑕᓲᕐᒥ ᐅᑕᖅᑭᕕᒃᓴᕐᒧᑦ ᐊᕐᕕᐊᓂ. ᓄᓇᓕᑦᑕ ᐅᑕᖅᑭᕕᖓ ᐊᓯᔾᔨᖅᑕᐅᔭᕆᐊᖃᕐᒪᑦ. ᐅᖃᖅᑏ, ᑐᒃᓯᕋᐅᑎᓕᐅᖁᔨᔾᔪᑎ ᒪᑐᓚᐅᖅᑐᖅ ᑕᖅᑭᖅ ᐱᒋᐊᕋᑖᖅᑐᒥᓂᐅᑎᓪᓗᒍ ᑕᒫᓂ ᐊᒻᒪᓗ ᑐᒃᓯᒋᐊᕈᑏᑦ ᓴᖅᑭᖅᑎᑕᐅᔪᑦ ᒐᕙᒪᒃᑯᓐᓄᑦ ᐅᖃᖅᓯᒪᔪᑦ ᐊᒥᓲᓂᖏᑦ ᑲᒻᐸᓂᐅᔪᑦ ᑐᓂᓯᓯᒪᕗᑦ ᑐᒃᓯᕋᐅᑎᓂᒃ. ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᖃᔅᓯᑦ ᑐᒃᓯᕋᐅᑏᑦ ᑐᓐᓂᖅᑯᑎᒋᔭᐅᓯᒪᖕᒪᖔᑦ ᐱᓕᕆᕕᐊᓄᑦ ᑖᒃᑯᑎᒎᓇᖅ ᑕᒪᑐᒪᓂ 2025-2026 ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓂ? ᐊᒻᒪ ᓇᓗᓇᐃᖅᓯᔪᓐᓇᖅᐹ ᖃᔅᓯᑦ ᐊᖏᖅᑕᐅᓚᐅᕐᒪᖔᖏᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᑦ ᒥᓂᔅᑕᖓ, ᒥᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᖦᖢᒍ ᑖᓐᓇ ᐊᐱᖅᑯᑎᒋᖕᒪᒍ. ᑕᒪᓐᓇ ᖁᕕᐊᒋᓪᓚᕆᑦᑕᕗᑦ ᐊᕐᕕᐊᓂ ᐅᑕᖅᑭᕝᕕᓕᐅᕐᓂᐊᕋᑦᑕ. ᐄ’, ᐊᖏᖃᑎᒌᖅᑰᖅᑐᒍᑦ ᓄᑖᙳᕆᐊᖃᓪᓚᕆᑦᑐᑦ. ᓇᓗᓇᐃᖅᓯᔪᓐᓇᙱᑦᑐᖓ ᖃᖓ ᑕᐃᓐᓇ ᑳᓐᑐᕌᒃᑦ ᑐᓐᓂᖅᑯᑕᐅᓂᐊᕐᒪᖔᑦ. ᑕᑯᒋᐊᓚᐅᕐᓗᒍ ᑭᓯᐊᓂᐅᔭᕆᐊᖃᕐᓂᐊᖅᑐᖓ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑏᑦ, ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖃᐅᔨᒪᓪᓗᖓ ᐊᕐᕕᐊᓂ ᐅᑕᖅᑭᕕᒃᓴᖓ ᓴᓇᔭᐅᓂᐊᕐᓂᖓᓄᑦ ᑮᓇᐅᔭᓕᖅᑐᕈᑏᑦ ᐃᓚᓕᐅᔾᔭᐅᓯᒪᙱᑦᑐᑦ 2026-2027 ᐊᑭᑐᔪᖅᑐᕈᑎᒃᓴᓄᑦ. ᑮᓇᐅᔭᖃᖅᑎᑕᐅᓂᐊᖅᐸᖃᐃ ᑖᓐᓇ ᐅᑕᖅᑭᕕᒃᓴᓕᐊᕆᔭᐅᓯᒪᔪᖅ 2027-2028 ᐊᑭᑐᔪᖅᑐᕈᑎᒃᓴᖏᓐᓂᒃ? ᑕᐃᒃᑯᐊ ᓴᖅᑭᖅᑕᐅᓂᐊᕐᒪᑕ ᑕᒪᑐᒪᓂ ᐊᕐᕌᒍᒥ ᐅᑭᐊᒃᓵᖅᓯᐅᖕᒥᒃ ᑲᑎᒪᕐᔪᐊᓕᕈᑦᑕ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᐃᖏᕐᕋᔪᑎᓕᕆᔨᒃᑯᑦ ᐱᖁᑎᕐᔪᐊᓕᐊᕆᔨᒃᑯᓪᓗ ᒥᓂᔅᑕᖓᑦ, ᒥᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐄ’, ᑕᐃᒪᓐᓇ ᓂᕆᐅᓐᓂᖃᖅᑐᒍᑦ. ᑕᒪᒃᑯᐊᓕᒫᑦ ᐊᖅᑯᓵᖅᑕᐅᔭᕆᐊᓖᑦ ᐊᖅᑯᓵᕐᓗᒋᑦ ᑭᓯᐊᓂᐅᓂᕐᒪᑦ. ᐄ’, ᒪᑯᓄᖓ ᐊᑭᑐᔪᖅᑐᕈᑎᒃᓴᓄᑦ, ᐄ’ ᑕᐃᒪᐃᓕᖓᓂᐊᖅᑐᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑎᒋᔭᐃᑦ, ᒥᔅᑕ ᖃᑉᓗᖅᓯᐊ. ᖃᑉᓗᖅᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕ, ᐃᖅᑲᐅᒪᓂᐊᖅᑐᒃᓴᐅᕗᖅ ᒐᕙᒪᒃᑯᑦ ᑳᓐᑐᕌᒃᑦ−ᓴᓂᑦ ᑕᖅᑲᐅᖓᐃᓚᐅᕐᒪᑕ ᔪᓚᐃ 2024−ᒥ, ᓄᑖᑦ ᒪᑯᓄᖓ ᓄᒃᑕᐅᑎᓄᑦ ᐅᖅᑯᐊᑦ ᐊᑕᐅᓯᐅᙱᑦᑐᓂᒃ ᒥᕝᕕᓐᓂ ᐃᓚᓕᐅᖅᖢᒍ ᐊᕐᕕᐊᑦ.

ᐅᓪᓗᑐᐃᓐᓇᖅ, ᒫᑦᓯ 13, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 13 ᑖᒃᑯᐊ ᑳᓐᑐᕌᒃᑦ−ᓴᐃᑦ ᐅᖃᖅᓯᒪᔪᑦ ᐃᒪᐃᓕᖓᓪᓗᑎᒃ “ᐊᕐᕕᐊᑦ ᐱᖓᓱᓂᑦ ᐹᓕᒻᒥᒃ ᓄᓇᓯᐅᑎᓄᑦ ᐃᓂᖃᕐᕕᖃᕐᓂᐊᖅᑐᖅ ᐊᖏᓂᖓ ᑲᑎᓕᒫᖅᖢᒍ 260 ᑭᑉᐹᕆᑦᑐᑦ ᒦᑕᐃᑦ ᐊᒻᒪ ᓄᓇ ᑕᒪᓐᓇ ᕿᒥᕐᕈᓇᖅᑕᐅᔭᕆᐊᓖᑦ ᐅᑕᖅᑭᕕᒃᓴᐅᑉ ᐃᓂᒃᓴᖓᓂᒃ. ᒥᓂᔅᑕᖃᐃ, ᓇᓗᓇᐃᖅᓯᔪᓐᓇᖅᐸ ᖃᓄᐃᓕᖓᓕᕐᒪᖔᑦ ᑖᓐᓇ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᖏᕐᕋᔾᔪᑎᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᑦ ᒥᓂᔅᑕᖓᑦ, ᒥᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐄ’. ᑐᑭᓯᐅᒪᓂᕋ ᒪᓕᒃᖢᒍ ᐱᔭᕇᖅᑕᐅᕙᓪᓕᐊᓯᔪᖅ, ᐊᒻᒪᓗ ᓂᕆᐅᒃᐳᒍᑦ ᐊᑭᑐᔪᖅᑐᕈᑎᓕᕆᓂᐊᓕᕈᑦᑕ ᑕᒪᒃᑯᐊ ᐱᕙᓪᓕᐊᓂᐊᕐᒪᑕ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐅᖃᐅᓯᒃᑯᑦ ᐊᐱᖅᑯᑏᑦ. ᐊᐃᕕᓕᐅᑉ ᒪᓕᒐᓕᐅᖅᑎᖓ, ᒥᔅ ᐊᖑᑎᐊᓗᒃ. ᐊᐱᖅᑯᑎ 42 – 7(1): ᐳᔫᖅᑎᑦᑎᑦᑕᐃᓕᒪᔾᔪᑏᑦ ᐊᒻᒪᓗ ᓯᐅᕋᕋᓛᑦ ᐊᖑᑎᐊᓗᒃ: ᖁᔭᓐᓇᒦᒃ ᐅᖃᖅᑎᑦᑎᔩ. ᑖᓐᓇᓕ (ᑐᓵᔨᑎᒎᓕᖅᑐᖅ) ᖁᔭᓐᓇᒦᒃ, ᐅᖃᖅᑏ. ᐅᓇ ᐊᐱᖅᑯᑎᒋᓂᐊᖅᑕᕋ ᓄᓇᓕᓐᓂ ᐱᔨᑦᑎᖅᑏᑦ ᒥᓂᔅᑕᖓᓐᓄᑦ >>ᐃᓪᓚᖅᑐᑦ ᒥᓂᔅᑕ, ᖃᐅᔨᒪᔪᖅ ᓄᓇᓕᖕᓄᑦ ᐱᕐᔪᐊᕌᓗᐃᑦ ᒪᑯᓂᖓ ᑐᐊᐸᖃᑦᑎᐊᕐᓂᖅ ᐊᒻᒪᓗ ᑕᒪᒃᑯᐊ ᓯᖁᑦᑎᕆᔾᔪᑏᑦ, ᐊᓯᖏᒡᓗ. ᑕᒪᓐᓇ ᐊᑯᓂᐊᓗᒃ ᓴᓪᓕᕐᓂ ᐃᓱᒫᓘᑎᒋᓯᒪᓕᕋᑦᑎᒃᑯᑦ ᐳᔪᐊᓗᖃᑦᑕᕐᒪᑦ ᐊᐅᔭᒃᑯᑦ. ᑕᒪᓐᓇ ᐊᓂᕐᓂᑭᑦᑐᓄᑦ ᐊᒃᓱᐊᓗᒃ ᐊᑲᐅᖃᑦᑕᙱᒻᒪᑦ ᐳᔫᓗᐊᖃᑦᑕᑎᒡᓗᒍ ᐊᒻᒪ ᐊᖅᑯᑎᑯᑖᖅᑕᖃᖅᖢᓂ ᒥᕝᕕᖕᒥ ᓄᓇᓕᖕᓄᑦ, ᑕᒪᓐᓇᓗ ᐊᑲᐅᙱᓪᓕᐅᕈᑕᐅᓗᐊᖃᑦᑕᖅᖢᓂ. ᕼᐊᒻᓚᒃᑯᑦ, ᐅᖃᖅᓯᒪᔪᑦ ᓯᖁᑎᕆᔾᔪᖕᒥᑦ ᐱᑖᕆᐊᓕᒎᖅ ᑕᒪᓐᓇ ᖃᓄᖅᑑᕈᑎᒋᔭᐅᓇᓱᑦᑎᒡᓗᒍ. ᒥᓂᔅᑕ, ᓇᓗᓇᐃᖅᓯᔪᓐᓇᖅᐸ ᖃᓄᐃᑦᑐᑦ ᑮᓇᐅᔭᑦ ᐃᑲᔪᖅᓲᑏᓪᓗ ᐊᑐᐃᓐᓇᐅᒪᖔᖏᑦ ᐱᓕᕆᕕᖓᓐᓂᒃ ᑕᐃᒪᐃᑦᑐᖅᓯᐅᑎᓂᒃ ᐱᔪᓐᓇᕐᓂᐊᕐᒪᑕ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓄᓇᓕᓐᓂ ᐱᔨᑦᓯᖅᑎᒃᑯᑦ ᒥᓂᔅᑕᖓᑦ, ᒥᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ: ᒪ’ᓇ ᐅᖃᖅᑎᑦᑎᔩ, ᐊᒻᒪᓗ ᒪ’ᓇ ᒪᓕᒐᓕᐅᖅᑎ ᐊᐱᖅᓱᕋᕕᑦ. (ᑐᓵᔨᑎᒎᓕᖅᑐᖅ) ᐱᔾᔪᑎᒋᓪᓗᒍ ᑕᐃᒃᑯᐊ, ᑕᐃᒃᑯᐊ ᑐᐊᐸᓂᒃ ᐳᔫᔭᐃᔭᐃᔾᔪᑏᑦ ᑖᒃᑯᐊ ᓄᓇᓖᑦ ᑕᐃᒃᑯᐊ ᓄᓇᓕᖏᑦᑕ ᒐᕙᒪᖏᑦ ᑕᐃᒃᑯᐊ ᑮᓇᐅᔭᖅᑖᕆᖃᑦᑕᕐᒥᔪᖅ ᕼᐊᒻᓚᒃᑯᑦ ᑐᒃᓯᕋᐅᑎᓕᐅᕐᓂᒃᑯᑦ. ᑕᐃᒪᐃᑦᑐᒥᒃ ᐱᔪᓐᓇᕐᒥᔪᑦ ᐊᔪᙱᑦᑐᓐᓇᕐᒥᔪᑦ ᑕᐃᑰᓇ ᐊᑐᕐᓗᑎᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓯᕗᓪᓕᖅᐹᖅ ᐃᓚᒋᐊᕈᑏᑦ ᐊᐱᕆᒍᒃ, ᒥᔅ ᐊᖑᑎᐊᓗᒃ. ᐊᖑᑎᐊᓗᒃ: ᖁᔭᓐᓇᒦᒃ ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᓇᐅᔮᑦ ᕼᐊᒻᓚᒃᑯᖏᑦ ᐅᖃᓚᐅᕐᒪᑕ ᑖᒃᑯᐊᒎᖅ ᓯᖃᓕᑦᑎᕈᒥᒃ ᐅᔭᕋᖕᒧᑦ ᐱᔭᕆᐊᖃᕐᒪᑕ. ᐃᑲᔪᕐᓂᐊᕐᒪᑕ ᕼᐊᒻᓚᒃᑯᓐᓂᑦ ᑐᐊᐸᓕᐅᕈᓐᓇᕐᓂᐊᕐᒪᑕ ᑖᒃᑯᐊ. ᒥᓂᔅᑕ, ᓇᓗᓇᐃᖅᓯᔪᓐᓇᖅᐹ ᖃᓄᐃᑦᑐᓂᒃ ᑮᓇᐅᔭᓂᑦ ᐊᑐᐃᓐᓇᖅᑕᖃᕐᒪᖔᖅ ᐱᓕᕆᕕᖓᓐᓂᑦ ᑕᐃᒪᓐᓇᐃᑦᑐᒥ ᐱᔪᓐᓇᖁᓪᓗᒋᑦ? ᐱᒻᒪᕆᐅᔪᖅ ᑕᒪᒃᑮᒃ ᓴᓪᓖᑦ ᓇᐅᔮᓪᓗ ᑐᐊᐸᖃᐅᑦᑎᐊᕆᐊᖃᕐᒪᑕ. ᓯᐅᕋᓕᕆᒃ (ᑐᓵᔨᑎᒎᓕᖅᑐᖅ) ᑐᐊᐸᓕᐅᕈᑎᖃᕆᐊᖃᕐᒪᑕ.

ᐅᓪᓗᑐᐃᓐᓇᖅ, ᒫᑦᓯ 13, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 14 ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᖃᓄᐃᑦᑐᓂᒃ ᑮᓇᐅᔭᓂᒃ ᐊᑐᓐᓇᖅᑕᖃᕐᒪᖔᖅ ᐱᓕᕆᕕᖓᖕᓂ? ᓄᑖᓂᒃ ᓴᓇᓂᐊᕐᒪᑕ ᓲᕐᓗᒃ ᑐᐊᐸᑕᕐᕕᒃᓴᓂᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓄᓇᓕᖕᓂ ᐱᔨᑦᓯᖅᑎᒃᑯᑦ ᒥᓂᔅᑕᖓᑦ, ᒥᓂᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᖅᐸᕋᓗ ᑖᓐᓇ ᐊᐱᖅᓱᕐᒪᑦ. ᓄᓇᓕᖓ ᓇᐅᔮᓪᓕ ᐱᓪᓗᒍ ᓂᐅᕕᖅᑕᐅᕙᓐᓂᖏᑦ ᐅᔭᕋᕐᓂᒃ ᓯᖁᓪᓗᐃᔾᔪᑏᑦ, ᓯᐅᕋᓕᐅᖃᑦᑕᖅᑐᓂᒃᑯᐊᖃᐃ? ᐄ’. ᑭᐅᖅᑲᐅᔭᒻᒪ ᐊᔾᔨᒋᓪᓗᓂᐅᒃ, ᐊᑐᓂ ᕼᐊᒻᓚᒃᑯᑦ ᓇᒻᒥᓂᖁᑎᖃᐅᖅᑐᑦ. ᐃᓱᒪᖅᓱᖅᑐᑦ ᐱᓇᓱᐊᕈᒪᒍᑎᑦ. ᐊᑐᕐᓗᑎᑦ ᑕᐃᒃᑯᓂᖓ ᑮᓇᐅᔭᓂᒃ ᓂᐅᕕᕐᓗᑎᑦ ᓯᖁᓪᓗᐃᔭᐅᑎᒥᒃ ᓄᓇᓕᖏᖕᓄᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᑭᖑᓪᓕᕐᒥᒃ ᐊᒻᒪᓗ ᑭᖑᓪᓕᖅᐹᖅ ᐃᓚᒋᐊᕈᑎ ᐊᐱᖅᑯᑎᖕᓄᑦ, ᒥᔅ ᐊᖑᑎᐊᓗᒃ. ᐊᖑᑎᐊᓗᒃ: ᖁᔭᓐᓇᒦᒃ, ᐅᖃᖅᑏ. ᐱᒻᒪᕆᐅᒻᒪᑦ ᑕᒪᒃᑮᒃ ᓴᓪᓖᑦ ᐊᒻᒪᓗ ᓇᐅᔮᑦ ᐱᖁᑎᖃᕈᑎᑦ ᓯᐅᕋᖅᑕᕈᑎᒃᓴᒥᒃ. ᒥᓂᔅᑕ ᓇᓗᓇᐃᔭᐃᔪᓐᓇᖅᐹ ᑭᓱᓂᒃ ᑮᓇᐅᔭᓂᒃ ᐊᒻᒪᓗ ᐃᑲᔪᖅᑐᐃᔾᔪᑎᓂᒃ ᐊᑐᐃᓐᓇᐅᔪᖃᕐᒪᖔᖅ ᐱᓕᕆᕝᕕᖓᓂᒃ ᓄᑖᕐᓂᒃ ᐅᔭᕋᑦᑕᕐᕕᓕᐅᕈᑎᒃᓴᓂᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓄᓇᓕᓐᓂ ᒐᕙᒪᓄᓪᓗ ᐱᔨᑦᑎᖅᑏᑦ ᒥᓂᔅᑕᖓ, ᒥᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᖁᔭᓪᓇᒦᒃ ᒪᓕᒐᓕᐅᖅᑎᐅᑉ ᐊᐱᖅᑯᑎᖓᖕᓄᑦ ᓄᑖᕐᒥᒃ ᐅᔭᕋᑦᑕᕐᕕᑖᕐᓂᕐᒥᒃ ᐊᑐᓂ ᕼᐊᒻᓚᒃᑯᑦ ᐱᖃᑦᑕᕈᓐᓇᕐᓂᐊᕐᒪᑕ ᓯᐅᕋᔮᕐᒥᒃ. ᐱᓕᕆᕝᕕᒃ ᐃᖅᑲᓇᐃᔭᖃᑎᖃᖅᐸᑦᑐᖅ ᐊᑐᓂ ᕼᐊᒻᓚᐅᔪᓂᒃ ᑭᓱᓂᒃ ᐱᔭᕆᐊᖃᕐᒪᖔᕐᒥᒃ ᖃᐅᔨᖁᓪᓗᒋᑦ. ᐊᑐᓂ ᐅᔭᕋᑦᑕᕐᕖᑦ ᐊᔾᔨᒌᖃᑦᑕᙱᒻᒪᑕ ᐊᑐᓂ ᓄᓇᓕᐅᔪᓂ, ᐅᖓᓯᓐᓂᖅᓴᐅᓲᑦ ᐃᓚᖏᑦ, ᐊᑯᓂᐅᓂᖅᓴ ᓯᖁᖅᑎᕆᕙᑦᑐᑦ. ᒪᓕᑦᑐᑦ ᑭᓱᖃᕐᒪᖔᑕ ᑕᐃᑲᓂ, ᑕᐃᒪᐃᒻᒪᑦ ᐱᓕᕆᕝᕕᒃ ᐃᖅᑲᓇᐃᔭᖃᑎᖃᐃᓐᓇᖅᑐᑦ ᐊᑐᓂ ᕼᐊᒻᓚᓂ ᖃᐅᔨᖁᓪᓗᒋᑦ ᑭᓱᑦ ᐊᑐᐃᓐᓇᐅᒻᒪᖔᑦ ᐊᒻᒪᓗ ᑮᓇᐅᔭᖃᕈᑎᒃᓴᑦ ᓇᓖᕌᕋᒃᓴᐅᔪᓂᒃ ᐊᑐᐃᓐᓇᐅᒪᑐᐃᓐᓇᕆᐊᓕᓐᓂᒃ, ᐃᖅᑲᓇᐃᔭᖃᑎᖃᖅᑐᑎᑦ ᐊᑐᓂ ᕼᐊᒻᓚᒃᑯᑦ. ᖃᐅᔨᓂᐊᖅᑐᒍᑦ ᖃᓄᐃᓕᐅᕈᓐᓇᕐᒪᖔᑦᑕ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐅᖃᐅᓯᒃᑯᑦ ᐊᐱᖅᑯᑏᑦ. ᖁᑦᑎᒃᑐᕐᒧᑦ ᒪᓕᒐᓕᐅᖅᑎ, ᒥᔅᑕ ᑕᖅᑐ. ᐊᐱᖅᑯᑎ 43 – 7(1): ᓂᕿᑦᑎᐊᕙᓕᕆᓂᖅ ᐅᑭᐅᖅᑕᖅᑐᒥ ᑲᓇᑕᒥ ᐱᓕᕆᐊᖅ (ᑕᖅᑐ) ᑕᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎᑦᑎᔩ. ᐊᐱᖅᑯᑎᒋᓂᐊᖅᑕᕋ ᒥᓂᔅᑕᖓᖕᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ. ᒥᓂᔅᑕ ᐃᖅᑲᐅᒪᒍᓂ ᐃᑉᐸᒃᓴᖅ ᐅᖃᓪᓚᒃᑎᓪᓗᒍ ᒪᓕᒐᓕᐅᕐᕕᖕᒥ ᑲᓇᑕᓕᒫᒥ ᓂᕿᑦᑎᐊᕙᓕᕆᓂᕐᒧᑦ ᑕᖅᑭᖃᕐᓂᖅ. ᒥᓂᔅᑕ ᐅᖃᓚᐅᕐᒪᑦ ᐃᒪᓐᓇ: “ᐃᓕᓴᖅᓯᕗᖓ ᐊᑭᑐᔪᐊᓘᓕᕐᒪᑕ ᓂᖀᑦ ᐊᒃᓱᕈᕐᓇᖅᓯᖕᒪᒡᓗ ᐃᓚᖏᖕᓂᒃ ᓄᓇᓕᖕᓂ ᓄᓇᕗᒻᒥᐅᓄᑦ ᐅᓄᖅᑐᓂᒃ ᓂᕿᒃᓴᖃᖃᑦᑕᕈᓐᓃᖃᑦᑕᕐᒪᑦ.” ᐅᖃᓚᐅᕐᒪᑦ ᑕᐃᒪᓐᓇ. ᐅᖃᖅᑏ, ᑖᓐᓇ ᓱᓕᑦᑎᐊᖅᑐᖅ ᐃᒃᐱᐊᕐᔪᖕᒥ ᓄᓇᖁᑎᒋᔭᓐᓂ ᖃᐅᓱᐃᑦᑐᒥ ᐊᐅᓱᐃᑦᑐᒥᐅᓂᒡᓗ ᑕᐃᒪᐃᒻᒪᑦ. ᑖᒃᑯᐊ ᐅᖓᓯᓐᓂᖅᐹᑦᓯᐊᒃ ᓄᓇᓖᒃ ᑲᓇᑕᒥ. ᐅᖃᖅᑏ, ᒥᓂᔅᑕ ᖃᐅᔨᒪᖕᒪᑦ ᐊᖓᔪᖅᑳᕆᓚᐅᖅᑕᖓᑦ ᓄᓇᕗᑦ ᑐᙵᕕᒃᑯᑦ ᐊᕐᕌᓂ ᑎᒃᑯᐊᖅᑕᐅᓚᐅᕐᒪᑦ ᑲᓇᑕᐅᑉ ᒐᕙᒪᒃᑯᖏᖕᓄᑦ ᓯᓚᑖᒍᑦ ᕿᒥᕐᕈᓇᒃᑎᐅᓂᐊᕐᓗᑎᒃ ᒐᕙᒪᑐᖃᒃᑯᑦ ᓂᕿᑦᑎᐊᕙᓕᕆᓂᕐᒧᑦ ᑲᓇᑕᒥ ᐱᓕᕆᔾᔪᑎᖓᓄᑦ.

ᐅᓪᓗᑐᐃᓐᓇᖅ, ᒫᑦᓯ 13, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 15 ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᖃᓄᖅ ᑖᔅᓱᒪᙵᑦ ᐃᓚᖕᒪᖔᑕ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓᑦ, ᒥᔅ ᐳᕉᔅᑐ. ᐊᖓᔪᖅᑳᖅ ᐱᑦᓯᐅᓛᖅ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᒃᑕᐅᖅ ᐊᐱᕆᒐᕕᑦ. ᐃᖅᑲᓇᐃᔭᖅᑎᕗᑦ ᐊᑐᐃᓐᓇᐅᖏᓐᓇᐅᔭᖅᑐᑦ. ᐊᒻᒪ ᓂᓪᓕᕐᕕᐅᔪᓐᓇᕐᓗᑎᒃ ᐅᖃᐅᔾᔨᒋᐊᖃᖅᐸᒃᑭᓪᓗᑎᒡᓗ ᑕᒪᒃᑯᓂᖓ ᑕᐃᒪᐃᑦᑐᓂᒃ. ᐃᓗᓕᑯᓘᔭᖏᖕᓂᒃ ᐱᓯᒪᙱᓐᓇᒪ ᖃᓄᖅ ᐃᓚᐅᒻᒪᖔᑕ. ᑭᐅᓇᓱᓐᓂᐊᖅᐸᒋᑦ ᐱᑐᐊᕈᒃᑭᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓯᕗᓪᓕᖅᐹᒥᒃ ᐃᓚᒋᐊᕈᑏᑦ ᐊᐱᖅᑯᑎᖕᓂᒃ, ᒥᔅᑕ ᑕᖅᑐ. ᑕᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎᑦᑎᔩ. ᒥᓂᔅᑕ ᖃᐅᔨᒪᖕᒪᑦ ᓄᓇᕗᑦ ᓕᕗᕈᓪ−ᒧᑦ ᐃᓚᒋᔭᐅᓚᐅᖅᑐᖅ ᐱᖓᔪᐊᓐᓂ ᑲᑎᒪᔾᔪᐊᖅᑎᓪᓗᒋᑦ ᐱᖁᔭᓕᐅᖅᑎᕐᔪᐊᑦ ᑖᒃᓱᒪᑉ ᒥᒃᓵᓄᑦ. ᒐᕙᒪᑐᖃᒃᑯᑦ ᒥᓂᔅᑕᖓᑦ ᐃᓄᓕᕆᔨᑐᖃᒃᑯᓐᓄᑦ ᓇᓗᓇᐃᖅᓯᓚᐅᕐᒪᑦ ᒐᕙᒪᑐᖃᒃᑯᒡᒎᖅ ᒐᕙᒪᑐᖃᒃᑯᑦ $200 ᒥᓕᐊᓐᓂᒃ ᑮᓇᐅᔭᓂᒃ ᐊᑐᕐᓂᐊᕐᒪᑕ ᑕᒪᑐᒧᖓ ᐃᒪᓐᓇ ᐃᒪᓐᓇᐃᑦᑐᓄᑦ ᐃᑲᔪᖅᑐᐃᔾᔪᑎᓄᑦ ᐅᑭᐅᖅᑕᖅᑐᒥ ᓂᕿᑦᑎᐊᕙᓕᕆᓂᕐᒧᑦ. ᒥᓂᔅᑕ ᐅᖃᓚᐅᕐᒥᖕᒪᑦ ᑲᑎᒪᕐᔪᐊᕐᓂᐊᕐᒪᑕ ᑕᖅᑭᕆᔭᑦᑎᓐᓂ ᓂᕿᑦᑎᐊᕙᓕᕆᓂᕐᒧᑦ. ᒥᓂᔅᑕᖓ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᖃᕈᓐᓇᖅᐹ ᐃᓚᐅᓂᐊᕐᒪᖔᑕ ᓂᕿᑦᑎᐊᕙᓕᕆᓂᕐᒧᑦ ᑲᑎᒪᕐᔪᐊᕈᑎᖃᓕᕈᑎᒃ? ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᖁᔭᓐᓇᒦᒃ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓ, ᒥᔅ ᐳᕉᔅᑐ. ᐊᖓᔪᖅᑳᖅ ᐱᑦᓯᐅᓛᖅ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᓄᓕᕆᔨᒃᑯᑦ ᑖᒃᑯᐊ ᓯᕗᒃᑲᖅᑕᖅᑎᐅᖕᒪᑕ ᑕᒪᑐᒧᖓ. ᑕᐃᒃᑯᐊ ᐃᓚᐅᓂᐊᕐᒥᔪᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑭᖑᓪᓕᖅᐹᖅ ᐊᐱᖅᑯᑎᒋᔭᐃᑦ, ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎᑦᑎᔩ. ᒥᓂᔅᑕ ᖃᐅᔨᒪᖕᒪᑦ ᒪᓕᒐᕋᓛᑦ ᐊᑖᓂ ᓄᓇᕗᑦ ᐃᓗᐊᓂ ᓂᖃᐃᓱᕐᓂᕐᒧᑦ ᐃᑲᔪᐃᓂᕐᒧᑦ ᐱᖁᔭᕐᔪᐊᖅ ᐅᓂᒃᑳᖅᓯᒪᖕᒪᑕ ᖃᔅᓯᑦ ᑖᓚᓂᒃ ᑮᓇᐅᔭᓂᒃ ᑐᓂᓴᖃᑦᑕᕆᐊᖃᕐᒪᖔᑕ ᓄᓇᕗᒻᒥᐅᓄᑦ ᓂᖃᐃᓱᖅᑎᐅᔪᓄᑦ ᐊᑭᓕᐅᑕᐅᓂᐊᕐᓗᑎᒃ ᓂᕿᓄᑦ ᐊᓯᖏᓐᓄᒡᓗ. ᑖᒃᑯᐊ ᐊᑭᑦᑐᕆᐊᓚᐅᖅᓯᒪᙱᒻᒪᑕ 2023−ᒥᓂᑦ. ᒥᓂᔅᑕ ᓇᓗᓇᐃᖅᓯᔪᓐᓇᖅᐸ ᐱᓕᕆᕕᖓ ᐃᓄᓕᕆᔨᒃᑯᑦ ᐱᓕᕆᕕᖓᖕᓂᒃ ᖃᓄᖅ ᐃᖅᑲᓇᐃᔭᖃᑎᖃᖃᑦᑕᕐᒪᖔᑕ, ᓈᒻᒪᒃᑲᓗᐊᕐᒪᖔᑕ ᖃᐅᔨᓴᐃᓗᑎᒃ ᓂᐅᕕᕈᑕᐅᖃᑦᑕᖅᑐᓂᒃ ᐊᑭᖏᓐᓂᒃ ᓂᕿᑦᑎᐊᕙᖕᓂᒃ ᓂᐅᕕᕈᓐᓇᖁᓪᓗᒋᑦ ᑕᐃᒃᑯᐊ ᓂᖃᐃᓱᖅᑎᐅᔪᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓ, ᒥᔅ ᐳᕉᔅᑐ. ᐊᖓᔪᖅᑳᖅ ᐱᑦᓯᐅᓛᖅ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᖅᑲᓇᐃᔭᖅᑏᑦ ᐱᓕᕆᕕᖓ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᖅᑲᓇᐃᔭᖃᑎᖃᖃᑦᑕᖅᑐᑦ ᐊᖓᔪᖅᑲᐅᑎᓂᒃ ᒐᕙᒪᒃᑯᑦ ᐃᓗᐊᓂ. ᑐᓴᒐᒃᓴᒃᑲᓐᓂᕐᓂᒃ ᐱᓇᓱᒡᓗᑎᒃ ᑐᓴᐅᒪᑦᑎᐊᕐᓗᑎᒃ ᐃᓱᒪᓕᐅᕈᓐᓇᕐᓂᐊᕐᒪᑕ. ᓂᕿᑦᑎᐊᕙᖕᓂᒃ ᓂᕿᓕᕆᔨᖃᕐᒥᔪᒍᑦ ᐅᖃᐅᔾᔨᒋᐊᖅᑎᐅᖃᑦᑕᖅᑐᓂᒃ ᐊᒻᒪᓗᑦᑕᐅᖅ ᓂᕿᑦᑎᐊᕙᖕᓂᒃ ᑕᒪᒃᑯᐊ ᐃᓛᒃ ᓂᕆᖃᑦᑕᖁᓪᓗᒋᑦ. ᐃᓄᓕᕆᔨᒃᑯᑦ ᐱᓕᕆᕕᖓᓂᒃ ᐃᖅᑲᓇᐃᔭᖃᑎᖃᖃᑦᑕᖅᑐᑦ ᑕᐃᒃᑯᐊ. ᓄᓇᕗᒻᒥᓗ ᑭᒡᓕᓯᓂᐊᖅᑎᒃᑯᑦ ᐱᓕᕆᕕᖓ ᐅᖃᒐᕐᓇᙱᑦᑑᒐᓗᐊᖅ ᖃᓪᓗᓈᑎᑐᑦ ᑕᐃᒃᑯᐊᑦᑕᐅᖅ ᐃᖅᑲᓇᐃᔭᖃᑦᑕᕐᒥᔪᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᙶᖅᑐᓂᒃ ᐊᖓᔪᖅᑲᐅᑎᓂᒃ ᒐᕙᒪᒃᑯᓐᓂ ᑐᓴᐅᒪᑦᑎᐊᕐᓗᑎᒃ ᐃᓱᒪᓕᐅᖃᑦᑕᕐᓂᐊᕐᒪᑕ. ᖁᔭᓐᓇᒦᒃ, ᐅᖃᖅᑏ.

ᐅᓪᓗᑐᐃᓐᓇᖅ, ᒫᑦᓯ 13, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 16 ᐅᖃᖅᑎ: ᖁᔭᓐᓇᒦᑦᑕᐅᖅ. ᒪᓕᒐᓕᐅᖅᑏᑦ ᐅᖃᐅᓯᒃᑯᑦ ᐊᐱᖅᑯᑏᑦ. ᒪᒥᐊᓇᖅ. ᒪᓕᒐᓕᐅᖅᑎ ᑲᖏᖅᓯᓂᐅᑉ ᐅᐊᖕᓇᖓᓄᑦ ᐃᒡᓗᓕᒑᕐᔪᖕᒧᓪᓗ, ᒥᔅᑕ ᓴᒻᒧᖅᑐᖅ. ᐊᐱᖅᑯᑎ 44 – 7(1): ᐱᖁᔨᕗᖔᕈᑏᑦ ᐊᖏᖅᑕᐅᓯᒪᔪᑦ ᑭᕙᓪᓕᕐᒥ ᒪᐃᔭᓄᑦ ᓴᒻᒧᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒃᑲ ᒥᓂᔅᑕᖓᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ. ᒥᓂᔅᑕ ᐃᖅᑲᐅᒪᖕᒪᑦ ᐱᖓᔪᐊᓐᓂ ᑲᑎᒪᕐᔪᐊᖅᑎᓪᓗᑕ ᑕᕝᕙᓂ ᓴᖅᑭᑦᑎᔪᓐᓇᖅᓯᓚᐅᕋᒪ ᐱᖁᔨᕗᖔᕈᑎᕕᓂᖏᓐᓂᒃ ᒫᓐᓇᕋᑖᖅ ᑲᑎᒪᓚᐅᖅᑎᓪᓗᒋᑦ ᑭᕙᓪᓕᕐᒥ ᒪᐃᔭᖏᑦ. ᐅᖃᖅᑏ, ᑭᕙᓪᓕᕐᒥ ᒪᐃᔭᐅᔪᑦ ᐊᑕᖏᐊᖦᖢᑎᒃ ᐊᖏᖅᓯᓚᐅᕐᒪᑕ ᐅᑯᓂᖓ ᐱᖁᔨᕗᖔᕈᑎᓂᒃ ᐅᖃᓕᒫᕐᓂᐊᕋᒃᑭᑦ ᑎᑎᕋᖅᓯᒪᓂᐊᕐᒪᑕ ᑲᑎᒪᔾᔪᓂᒃ. ᐃᒪᓐᓇᐃᓕᖓᔪᑦ, “ᐱᖁᔨᕗᖓ ᒪᐃᔭᖏᑦ ᑭᕙᓪᓕᕐᒥ ᐃᑲᔪᖅᑐᐃᖁᓪᓗᒋᑦ ᓇᓗᓇᐃᖅᓯᓗᑎᒃ ᐋᓐᓂᐊᕆᐊᖅᑐᖅᑐᑦ ᑐᔪᕐᒥᕕᒃᓴᖓᓂᒃ ᕼᐋᒪᓚᖓᓂ ᑲᖏᖅᖠᓂᕐᒥᐅᑦ ᐊᖑᒻᒪᑎᓕᕐᓂᐊᕐᒪᑕ ᐃᓂᒃᓴᕆᓂᐊᖅᑕᖓᓂᒃ ᐋᓐᓂᐊᕆᐊᖅᑐᖅᓯᒪᔪᑦ ᑭᕙᓪᓕᕐᒥᐅᓂᙶᖅᑐᑦ”. ᑕᐃᒪᓐᓇ ᐅᖃᓚᐅᖅᑐᑦ, ᐅᖃᖅᓯᒪᔪᑦ. ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᐅᖃᖅᓯᒪᒃᐹ ᖃᓄᖅ ᑭᐅᓂᐊᕐᒪᖔᑕ ᑭᕙᓪᓕᕐᒥ ᒪᐃᔭᖏᑕ ᑖᔅᓱᒧᖓ ᐱᖁᔨᕗᖔᕈᒻᒧᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓ, ᒥᔅ ᐳᕉᔅᑐ. ᐊᖓᔪᖅᑳᖅ ᐱᑦᓯᐅᓛᖅ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᓚᐅᕋᒪᐃᓛᒃ ᐃᑉᐸᒃᓵᓂ ᒪᐃᔭᒥᒃ ᑕᐃᒃᑯᐊ ᒪᐃᔭᖑᔪᑦ ᐅᕙᑦᑎᓐᓄᑦ ᐊᒃᑐᐃᓂᐊᓪᓚᕆᖕᒪᑕ ᖃᐅᔨᒪᔭᒃᑯᓪᓖ, ᑭᓯᐊᓂ ᑖᒃᑯᓂᖓ ᑎᑎᕋᖅᓯᒪᔪᓂᒃ ᑭᐅᓚᐅᙱᑦᑐᒍᑦ. ᑭᓯᐊᓂ ᐅᖃᖅᑏ, ᐊᓕᐊᓇᐃᒍᓱᑦᑎᐊᕋᔭᖅᑐᖓ ᑲᑎᒪᖃᑎᖃᕆᐊᒃᓴᖅ ᒪᐃᔭᐅᔪᓂᒃ ᑲᑎᑉᐸᑕ ᐅᖃᖃᑎᒋᑦᑎᐊᒻᒪᕆᒍᓐᓇᕐᓂᐊᕋᒃᑭᑦ ᑖᔅᓱᒪᑉ ᐃᓱᒫᓘᑎᖏᑕ ᐱᔾᔪᑎᒋᓪᓗᒋᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓯᕗᓪᓕᖅᐹᒥᒃ ᐃᓚᒋᐊᕈᑏᑦ ᐊᐱᖅᑯᑎᒋᔭᐃᑦ, ᒥᔅᑕ ᓴᒻᒧᖅᑑᖅ. ᓴᒻᒧᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕ ᐅᖃᓚᐅᕐᒪᑦ ᐱᓕᕆᕕᖓᒎᖅ ᖃᐅᔨᓴᐃᓯᒪᓕᕐᒪᑕ ᑮᓇᐅᔭᓕᐅᕈᑕᐅᔪᓐᓇᕐᒪᖔᖅ ᑕᒪᓐᓇ. ᓴᖅᑭᑦᑎᔪᓐᓇᓛᖅᐹ ᒪᓕᒐᓕᐅᕐᕕᖕᒥ ᑖᒃᑯᓂᖓ ᐱᓕᕆᔭᐅᓂᑯᓂᑦ ᐃᓱᓕᓚᐅᙱᓐᓂᖓᓂᒃ ᐅᑭᐅᒃᑯᑦ ᑲᑎᒪᕐᔪᐊᕈᑎ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒥᓂᔅᑕ ᐳᕉᔅᑐ. ᐊᖓᔪᖅᑳᖅ ᐱᑦᓯᐅᓛᒃ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒫᓐᓇ ᐊᖏᑲᐅᑎᒋᔾᔮᙱᒃᑲᓗᐊᖅᑐᖓ, ᐅᑎᕐᕕᒋᓛᖅᐸᕋ ᑲᑎᒪᔨ ᑖᒃᓱᒪᑉ ᒥᒃᓵᓄᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐃᓚᒋᐊᕈᑎ ᐊᐱᕆᒍᒃ, ᒥᔅᑕ ᓴᒻᒧᖅᑐᖅ. ᓴᒻᒧᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᖏᕐᕙᓚᑦᑎᙱᑦᑐᖅ, ᒥᓂᔅᑕ ᐊᖏᕈᓐᓇᖅᐹ ᑲᖏᖅᖠᓂᕐᒨᖁᓪᓗᒍ ᐅᐱᕐᖔᒃᑯᑦ ᑲᑎᒪᕐᔪᐊᓚᐅᙱᓂᑦᑎᓐᓂ ᑭᕙᓪᓕᕐᒥ ᓯᕗᓕᖅᑎᐅᔪᓂᒃ ᑲᑎᒪᖃᑎᖃᕈᓐᓇᕐᓂᐊᕐᒪᑦ ᕿᒥᕐᕈᓇᖕᓂᐊᕐᒪᑦ ᑭᙴᒪᔭᖏᓐᓂᒃ ᑭᕙᓪᓕᕐᒥᐅᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒥᓂᔅᑕ ᐳᕉᔅᑐ. ᐊᖓᔪᖅᑳᖅ ᐱᑦᓯᐅᓛᒃ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑲᐅᒐᒪ ᖃᐃᖁᔭᐅᑐᐊᕈᒪ ᑕᐃᕗᖓ ᐊᓕᐊᓇᐃᒍᓱᑦᑎᐊᕐᓂᐊᖅᑐᖓ ᑕᐃᕗᙵᕆᐊᒃᓴᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒪᓕᒐᓕᐅᖅᑎ ᖁᕐᓗᖅᑑᒧᑦ, ᒥᔅᑕ ᖁᓕᒃᑖᓇ.

ᐅᓪᓗᑐᐃᓐᓇᖅ, ᒫᑦᓯ 13, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 17 ᐊᐱᖅᑯᑎ 45 – 7(1): ᐊᑭᖃᙱᓪᓗᒋᑦ ᑕᐅᖅᓰᖃᑎᒌᒍᓐᓇᕐᓂᕐᒧᑦ ᐊᖏᕈᑎ ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒃᑲ ᑐᕌᖓᙳᓱᑦᑐᐃᑦ ᓄᓇᓕᓐᓂ ᐱᔨᑦᑎᕋᖅᑎᑯᓐᓄᑦ. ᐃᑉᐸᑦᓴᖅ ᒥᓂᔅᑕ ᖃᐅᔨᒃᑲᐃᓚᐅᕐᖓᑦ ᑲᑎᒪᕐᔪᐊᕕᒻᒥ ᓄᓇᕗᒡᒎᖅ ᓯᕗᓕᐅᕆᓕᕐᖓᑦ ᑐᑭᒧᐊᒃᑎᑦᑎᒐᓱᑦᑐᑎᒃ ᑳᓇᑕᐅᑉ ᐃᓗᐊᓂ ᑕᐅᖅᓯᕋᐅᑎᓂᕐᒧᑦ ᐊᖏᖃᑎᒌᒍᑎᒥᒃ. ᐊᒻᒪᑦᑕᐅᖅ, 2026-ᖑᑎᓪᓗᒍ ᓄᓇᕗᒎᖅ ᐃᔅᓯᕙᐅᑕᕆᔭᐅᓛᕐᖓᑦ ᑲᑎᒪᔨᕋᓛᓄᑦ, ᐊᒻᒪ ᓯᕗᓪᓕᐅᖁᔭᐅᓯᒪᔪᐃᓪᓗ ᑲᓇᑕᒥ ᐃᓱᒪᖅᓱᕐᓗᓂ ᑕᐅᖅᓯᕋᕐᓂᕐᒧᑦ ᐊᓯᔾᔨᖅᑕᐅᓂᐊᕐᓂᖓᑕᒎᖅ. ᖃᓄᓪᓚᑦᑖᖅ ᐊᓯᔾᔨᖅᑕᐅᒐᓱᐊᕐᒪᖔᑕ ᓇᓗᓇᐃᖅᓯᒍᓐᓇᖅᑳ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓄᓇᓕᓐᓂᑦ ᐱᔨᑦᑎᖅᑎᒃᑯᑦ ᒥᔅᑕ ᓯᒪᐃᓚᒃ. ᐊᖓᔪᖅᑳᖅ ᒍᕋᐃᒃ ᓯᒪᐃᓚᒃ: ᒪ’ᓇ, ᐅᖃᖅᑎᑦᓯᔩ. ᐊᒻᒪ ᒪ’ᓇ (ᑐᓵᔨᑎᒎᓕᖅᑐᖅ) ᐊᒻᒪ ᒪᓕᒐᓕᐅᖅᑎ ᐊᐱᕆᒻᒪ ᑕᐃᒫᒃ ᖁᔭᓐᓇᒦᒃ. ᒫᓐᓇ ᐊᓯᔾᔨᖅᑕᐅᓯᒪᙱᑦᑐᖅ ᑲᓇᑕᒥ ᑕᐅᖅᓯᕋᕐᓂᕐᒧᑦ ᐊᖏᖃᑎᒌᒍᑎ. ᖃᐅᔨᓴᖅᑕᐅᑐᐃᓐᓇᖅᑐᐃᑦ ᐱᔭᕆᐊᑭᓪᓕᑎᖅᑕᐅᔪᓐᓇᕐᒪᖔᖅ. ᑕᐃᒃᑯᐊ ᐃᓕᓴᕆᔭᐅᔾᔪᑎᓖᑦ ᐸᐃᑉᐹᓖᑦ ᑲᓇᑕᒥ ᓇᒥᑐᐃᓐᓇᖅ ᐃᖅᑲᓇᐃᔭᕈᓐᓇᖁᓪᓗᒋᑦ ᑕᒪᒃᑯᐊ ᐳᓪᓚᓕᕆᔨᕈᓘᔭᐃᑦ, ᓄᑭᓪᓚᐅᓯᓕᕆᔨᕈᓘᔭᐃᑦ ᓇᒥᑐᐃᓐᓇᖅ ᐃᖅᑲᓇᐃᔭᕈᓐᓇᓂᐊᕐᖓᑕ ᑭᓱᑐᐃᓐᓇᐃᑦ ᐊᑐᐃᓐᓇᐅᓂᖅᓴᐅᒍᓐᓇᕐᓂᐊᕐᖓᑕ ᑲᓇᑕᐅᑉ ᐃᓗᐊᓂ ᑕᐅᖅᓰᓂᒃᑯᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓯᕗᓪᓕᖅᐹᖅ ᐃᓚᒋᐊᕈᑎ. ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᒥᓂᔅᑕ ᑭᐅᒐᕕᙵ. ᒥᓂᔅᑕᐅᖅ ᐅᖃᔪᒥᒻᒪᑦ ᐃᔅᓯᕙᐅᑕᕆᔭᐅᓪᓗᑎᒡᒎᖅ ᑳᓇᑕᐅᑉ ᐃᓗᐊᓂ ᑕᐅᖅᓯᕋᕐᓂᕐᒧᑦ ᑲᑎᒪᔨᖏᓐᓂ, ᓄᓇᕗᑦ ᐅᖃᐅᓯᖃᖃᑦᑕᕈᓐᓇᕐᓂᐊᕐᖓᑦ ᒐᕙᒪᑐᖃᒃᑯᓐᓂ ᐊᕕᖅᓯᒪᓂᐅᔪᓂᓪᓗ ᒥᓂᔅᑕᐅᔪᓄᑦ. ᐊᒻᒪ ᐅᖃᖅᓯᒪᒻᒥᒻᒪᑦ ᑖᒃᑯᐊᒎᖅ ᐊᐳᖅᑕᕈᑎᓂᑦ ᐲᔭᐃᒐᓱᐊᖅᑐᑎᒃ ᒪᓕᒐᖅᑎᒍᑦ ᐊᐳᖅᑕᕈᑕᓕᐊᖑᓯᒪᔪᓂᑦ ᐊᒻᒪ ᐊᔾᔨᒌᓕᕐᔫᑎᑦᑎᒐᓱᐊᖅᑐᑎᒃ. ᐊᒻᒪᑦᑕᐅᖅ, ᐃᖅᑲᓇᐃᔭᖅᑏᑦ ᑲᓇᑕᒥ ᓇᒥᕈᓘᔭᖅ ᐃᖅᑲᓇᐃᔭᕈᓐᓇᖅᓴᐅᓂᐊᕐᖓᑕ. ᒥᓂᔅᑕ ᓇᓗᓇᐃᖅᓯᒍᓐᓇᖅᑳ ᖃᓄᖅ ᓈᓴᐅᑎᓕᒃ 24-ᒃᑯᑦ ᐊᖏᖃᑎᒌᒍᑎᓂᒃ ᖃᓄᖅ ᑖᓐᓇ ᐊᐅᓚᓂᐊᕐᒪᖔᖅ ᐊᒻᒪᓗ ᖃᓄᖅ ᒐᕙᒪᒃᑯᑦ ᓇᒻᒥᓂᖃᐅᑎᓄᑦ ᐃᑲᔫᑎᓂᑦ ᐊᑦᑐᖅᓯᓂᐊᕐᒪᖔᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓄᓇᓕᓐᓂ ᐱᔨᑦᓯᖅᑎᒃᑯᑦ ᒥᓂᔅᑕᖓ, ᒥᔅᑕ ᓯᒪᐃᓚᒃ. ᐊᖓᔪᖅᑳᖅ ᒍᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᑦᑕᐅᖅ ᐊᐱᕆᒻᒪᑦ ᑕᐃᒫᒃ. ᑖᓐᓇ ᐱᓕᕆᐊᕗᑦ ᐊᑐᖅᓯᒐᔭᙱᑦᑐᐃᑦ ᓈᓴᐅᑎᓕᒃ 24-ᒧᑦ ᐊᖏᖃᑎᒌᒍᑎᓂᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒥᔅᑕ ᖁᓕᒃᑖᓇ, ᑭᖑᓪᓕᖅᐹᒥ. (ᑐᓵᔨᑎᒎᓕᖅᑐᖅ) ᐊᐃᑉᐸᖓ ᑭᖑᓪᓕᖅᐹᓪᓗ ᐊᐱᖅᑯᑏᑦ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᒥᓂᔅᑕ. ᑕᐃᒪ ᐅᖃᖅᑏ, ᐋᒡᒌᓯ ᓄᙳᕈᔪᐊᓂ 2026- ᒥᒎᖅ ᓄᓇᕗᑦ ᐅᐸᑦᑕᐅᓯᒪᓛᕐᖓᑦ ᐃᔅᓯᕙᐅᑕᕆᔭᐅᓗᓂ ᑕᐅᖅᓯᕋᐅᑎᖃᕐᓂᐅᑉ ᒥᔅᓵᓄᑦ ᓄᓇᕗᑉ ᐃᓗᐊᓂᓗ. ᒥᓂᔅᑕ, ᓄᓇᓕᕋᓛᖑᓂᖅᓴᐅᔪᓄᑦ ᐃᒃᑯᐊᖃᐃ ᑲᑎᒪᔨᖏᑦ ᐅᐸᔅᓯᑎᑕᐅᒍᓐᓇᖅᑲᑦ? ᐃᖃᓗᓐᓃᓐᓇᕈᔪᒃ ᑲᑎᒪᔭᖅᑐᖃᑦᑕᕐᖓᑕ, ᐊᒻᒪᓗ ᓄᓇᕗᑦ ᐊᖏᓂᐊᓗᐊᓂ ᐊᔾᔨᒌᙱᑦᑑᑕᐅᓂᐊᓗᐊᓂ ᓴᖅᑭᔮᖅᑎᑦᑎᓗᐊᖃᑦᑕᖏᒻᒪᑕ ᑕᕝᕙᓂ. ᒥᓂᔅᑕ ᑲᑎᒪᓂᕆᔭᖏᓐᓂᑦ ᐊᖏᔪᖅᑳᖃᕐᕕᑐᐃᓐᓇᐅᙱᑦᑐᓄᑦ ᑲᑎᒪᑎᑦᑎᖁᔭᕋᓗᐊᕋ. ᖁᔭᓐᓇᒦᒃ. ᐅᖃᖅᑎᑦᑎᔨ: ᖁᔭᓐᓇᒦᒃ. ᒥᓂᔅᑕ ᓯᒪᐃᓚᒃ. ᐊᖓᔪᖅᑳᖅ ᒍᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᑦᑕᐅᖅ ᑲᑎᒪᔨ ᐊᐱᕆᒻᒪᑦ ᑕᐃᒫᒃ. ᐊᖏᖃᑎᒋᔭᕋ ᑲᑎᒪᖃᑦᑕᕆᐊᖃᕋᑦᑕᑦᑕᐅᖅ ᐊᓯᐊᓂ ᓄᓇᓕᓐᓂ ᓄᓇᕗᑦᑎᐊᕚᓘᑉ ᐃᓗᓂᐊ ᓄᓇᓕᖁᑎᕗᑦᑕᐅᖅ

ᐅᓪᓗᑐᐃᓐᓇᖅ, ᒫᑦᓯ 13, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 18 ᓴᖅᑭᔮᖅᑎᑦᑎᒋᐊᕈᓐᓇᕐᖓᑕ ᐃᓕᖅᑯᓯᖏᓐᓂᒃ, ᐊᕕᑦᑐᖅᓯᒪᓂᖏᓪᓗ ᖃᓄᖅ ᐊᔾᔨᒌᙱᑦᑐᒥᒃ ᐃᓅᓯᖃᕐᒪᖔᑕ ᑕᑯᔭᐅᒍᓐᓇᕋᔭᕐᖓᑕ. ᐃᓅᓯᖃᑦᑕᕋᑦᑕᐃᓛᒃ ᐱᐅᔫᑎᐊᓗᓐᓂᒃ ᐊᔾᔨᒌᙱᑦᑑᑕᐅᑎᐅᒐᓗᐊᓂᒃ. ᓄᓇᓖᑦ ᑲᑎᒪᕋᓛᕐᓂᐅᓂᖅᓴᐅᔪᓄᑦ ᑕᑯᓐᓈᕈᓐᓇᕋᔭᖅᑐᒍᑦ ᑖᔅᓱᒥᖓ. ᑕᐃᒃᑯᐊ ᑭᓯᐊᓂ ᑎᑭᓐᓂᐅᓴᔪᐃᑦ ᑕᑯᓐᓈᖅᑐᒋᑦ ᐃᖃᓗᓐᓃᒋᐊᖃᓪᓚᕆᓛᕐᖓᑕ, ᑕ.ᐃᒪᐃᓕᖓᓛᖅᑯᑦ ᑭᓯᐊᓂ, ᐅᒡᒍᓇᖅᑑᒐᓗᐊᖏᓛᒃ ᐃᖃᓗᓐᓃᒋᐊᖃᓛᕐᖓᑕ. ᐊᓯᖏᓐᓂᒃ ᑲᑎᒪᓂᖃᓕᕈᑦᑕ ᑕᑯᒋᐊᕈᓐᓇᓛᖅᑐᖓ ᐊᓯᖏᓐᓂᑦ ᓄᓇᓕᓐᓃᒍᓐᓇᓛᙱᒃᑲᓗᐊᕐᒪᖔᑦᑕ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎᑦᑎᔨ: ᐅᖃᐅᓯᒃᑯᑦ ᐊᐱᖅᑯᑎ ᐊᑎᖁᑎᖃᕈᓐᓃᕋᒪ. ᑲᑎᒪᔾᔪᑎᕗᑦ ᒪᓕᓪᓗᒋᑦ ᓈᓴᐅᑎᖓ 7, ᑎᑎᖅᑲᑎᒍᑦ ᐊᐱᖅᑯᑏᑦ. 8, ᑎᑎᖅᑲᑎᒍᑦ ᐊᐱᖅᑯᑎᕕᓂᕐᓄᑦ ᑭᐅᔾᔪᑏᑦ. 9, ᒪᑐᐃᖅᓯᔾᔪᑎᓄᑦ ᑭᐅᔾᔪᑏᑦ. 10, ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑏᑦ. 11, ᐊᑎᓕᐅᖅᓯᒪᔪᑎᒍᑦ ᑐᑦᓯᕋᐅᑎᓄᑦ ᑭᐅᔾᔪᑎᑦ. 12, ᑲᑎᒪᔨᕋᓛᑦ ᑲᑎᒪᔨᕋᓛᖑᑲᐃᓐᓇᖅᑐᓪᓗ ᐅᓂᒃᑳᖏᑦ ᕿᒥᕐᕈᓇᓚᐅᖅᑎᓪᓗᒋᑦ ᐱᖁᔭᑦᓴᓂᑦ ᐊᓯᖏᓐᓂᓪᓗ. 13, ᑎᑎᖅᑲᑦ ᓴᖅᑭᑕᐅᓂᖏᑦ. 14, ᐱᖁᔨᕗᖔᓕᐅᕐᓂᐊᕐᓂᕐᒧᑦ ᖃᐅᔨᒃᑲᐃᔾᔪᑏᑦ. 15, ᐱᖁᔨᕗᖔᓕᐅᕐᓂᐊᕐᓂᕐᒧᑦ ᖃᐅᔨᒃᑲᐃᔾᔪᑏᑦ ᓯᕗᓪᓕᖅᐹᒥᒃ ᐅᖃᓕᒫᖅᑕᐅᖁᓪᓗᒋᑦ ᐱᖁᔭᒃᓴᑦ. 16, ᐱᖁᔨᕗᖔᕈᑏᑦ. 17, ᓯᕗᓕᖅᐹᒥᒃ ᐅᖃᓕᒫᖅᑕᐅᓂᖏᑦ ᐱᖁᔭᒃᓴᑦ. 18, ᑐᒡᓕᐊᓂ ᐅᖃᓕᒫᖅᑕᐅᓂᖏᑦ. ᐱᖁᔭᒃᓴᑦ. 19, ᑲᑎᒪᓂᑐᐃᓐᓇᕐᓂᖅ ᐃᓱᒪᒃᓴᖅᓯᐅᕈᑎᖃᖅᑎᓪᓗᒋᑦ ᐱᖁᔭᒃᓴᓂ ᐊᓯᖏᓐᓂᓪᓗ ᐅᑯᐊ ᐱᖁᔭᒃᓴᐃᑦ 1, 2, 3, ᐊᒻᒪ 4. ᒥᔅᑕ ᐲᑕᓴᓐ ᐃᒃᓯᕙᐅᑕᒦᑦᑎᓪᓗ. ᑲᔪᓯᓚᐅᙱᓐᓂᑦᑎᓐᓂᒃ ᑲᑎᒪᓂᒧᑦ, 20 ᒥᓂᑦᔅᒥ ᓄᖅᑲᖓᑲᐃᓐᓇᕐᓂᐊᕋᑦᑕ. ᐃᖅᓱᑦᑏ. >>ᒪᓕᒐᓕᐅᖅᑏᑦ ᓄᖅᑲᖓᑲᐃᓐᓇᖅᑐᑦ 10:04 ᐊᒻᒪᓗ ᑲᑎᒪᔨᕋᓛᑦ ᐱᒋᐊᖅᑐᑎᑦ 10:30 ᑲᑎᒪᔾᔪᑎᒃᓴᖅ 19: ᑲᑎᒪᓂᑐᐃᓐᓇᕐᓂᖅ ᐃᓱᒪᒃᓴᖅᓯᐅᕈᑎᖃᖅᑎᓪᓗᒋᑦ ᐱᖁᔭᒃᓴᓂ ᐊᓯᖏᓐᓂᓪᓗ ᐅᑯᐊ ᐱᖁᔭᒃᓴᐃᑦ ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ ᐅᑎᕋᔅᓯᑦ ᑲᑎᒪᑐᐃᓐᓇᕐᓂᖅ ᐱᒋᐊᖁᓕᖅᑕᕋ. ᑲᑎᒪᑐᐃᓐᓇᕐᓂᕐᒥ ᐱᓕᕆᐊᔅᓴᖃᖅᑐᒍᑦ ᐅᑯᓂᖓ ᐱᖁᔭᔅᓴᖅ – 1, 2, 3 ᐊᒻᒪ 4. ᑲᑎᒪᔨᕋᓛᑦ ᓱᒍᒪᕙᑦ, ᒥᔅᑕ ᑕᖅᑐ? ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᔅᓯᕙᐅᑖᖅ. ᑲᔪᓯᒍᒪᔪᒍᑦ ᕿᒥᕐᕈᓂᕆᔭᑦᑎᓐᓂᒃ ᐊᑭᑐᔪᖅᑐᕈᑎᔅᓴᖏᓐᓂᒃ ᐃᓄᓕᕆᔨᒃᑯᑦ. ᖁᔭᓐᓇᒦᒃ, ᐃᔅᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑕᖅᑐ. ᐊᖏᖃᑎᒌᑉᐱᑖ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᒪᓕᒐᒃᓴᖅ 2 - ᐊᑐᕈᒪᕐᓂᐊᖅᑐᑦ (ᐊᑭᑐᔪᖅᑐᕈᑏᑦ) ᐱᖁᔭᖅ, 2026-2027 - ᑲᑎᒪᔨᕋᓛᑦ ᐃᓱᒪᖅᓴᖅᓯᐅᕐᓂᖏᑦ ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐱᓕᕆᐊᕆᖅᑳᕐᓂᐊᕐᓗᒍᒃ ᐱᖁᔭᔅᓴᖅ – 2. ᐊᐱᕆᒍᒪᔭᕐ ᒥᓂᔅᑕ Hᐄᓕ, ᐃᖅᑲᓇᐃᔭᖅᑎᓂᑦ ᐃᕝᕕᑦ ᓴᖓᓃᖁᔨᓂᐊᖅᑮᑦ, ᑲᑎᒪᔨᕋᓛᑦ ᓵᖓᓂ? ᐊᖓᔪᖅᑳᖅ ᒍᐃᓐ Hᐄᓕ−ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᔅᓯᕙᐅᑖᖅ. ᐄᖑᔪᖓ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ. ᑲᑎᒪᔩᑦ ᐊᖏᖅᑳᑦ ᒥᓂᔅᑕ ᓴᓂᐊᓃᒍᓐᓇᖁᓪᓗᒋᑦ ᐱᓕᕆᔨᖏᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ.

ᐅᓪᓗᑐᐃᓐᓇᖅ, ᒫᑦᓯ 13, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 19 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐃᖅᓱᑦᑏ, ᐃᓯᖅᑎᓚᐅᕐᒥᒃᑭᑦ. ᑭᒃᑰᒻᒪᖔᑕ ᐱᓕᕆᔨᑎᑦ ᓇᓗᓇᐃᓚᐅᕐᓗᒋᑦ, ᒪᑐᐃᖅᓯᒍᑎᓅᕈᓐᓇᖅᓯᔪᑎᑦ. ᒥᓂᔅᑕ ᕼᐄᓕ−ᐊᕿᐊᕈᖅ. ᐊᖓᔪᖅᑳᖅ ᒍᐃᓐ Hᐄᓕ−ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᔅᓯᕙᐅᑖᖅ. ᖁᕕᐊᓱᑉᐳᖓ ᐅᓪᓗᒥ ᐅᕙᓃᖃᑎᖃᕆᐊᔅᓴᖅ, ᒥᓂᔅᑕᐅᑉ ᑐᖑᓕᖓᓂᒃ ᐃᓄᓕᕆᔨᒃᑯᓐᓄᑦ, ᒥᔅᑕ ᔮᓇᑕᑦ ᐃᐅᓪᔅᕘᑦ, ᐊᒻᒪ ᐃᓄᓕᕆᔨᒃᑯᑦ ᑮᓇᐅᔭᓕᕆᔨᖓ, ᒥᔅᑕ ᑐᕙᐃᑕᑦ ᑖᒃ. ᐃᔅᓯᕙᐅᑖᖅ, ᖁᕕᐊᓱᑉᐳᖓ ᐅᕙᓃᒋᐊᔅᓴᖅ ᐅᖃᐅᓯᖃᕆᐊᖅᑐᕐᓗᖓ ᑐᔅᓯᕌᖑᔪᓂᒃ 2026-2027-ᒥ ᐊᑭᑐᔪᖅᑐᕈᑎᔅᓴᖏᓐᓂᒃ ᐃᓄᓕᕆᔨᒃᑯᑦ ᑲᑎᒪᑐᐃᓐᓇᕐᓂᕐᒧᑦ. ᐃᓄᓕᕆᔨᒃᑯᓐᓄᑦ ᑐᔅᓯᕋᖅᑐᑦ $3.5 ᒥᓕᐊᓐ ᑮᓇᐅᔭᓂᒃ, ᐊᑭᑐᔪᖅᑐᕈᑎᔅᓴᓂᑦ 2026-2027-ᒧᑦ. ᒥᑭᔫᑎᓄᑦ ᐊᑭᑐᔪᓄᑦ $2 ᒥᓕᐊᓐ ᑮᓇᐅᔭᑦ ᑲᒪᔾᔪᑕᐅᒍᓐᓇᓛᖅᑐᑦ ᐃᓄᓕᕆᔨᒃᑯᑦ ᐃᓪᓗᖁᑎᖏᓐᓂᒃ ᓱᓇᒃᑯᑖᖏᓐᓂᓪᓗ ᓄᓇᕘᓕᒫᕐᒥ. ᐊᒻᒪ ᐊᖏᓛᖑᓗᒍ ᑮᓇᐅᔭᐃᑦ ᑖᒃᑯᐊ ᐊᓪᓚᕝᕕᓐᓂᑦ ᐊᓯᔾᔩᒍᑕᐅᓪᓚᕆᓐᓂᐊᖅᑐᐃᑦ, ᐃᑲᔪᑦᑎᐊᕈᓐᓇᕐᓂᐊᕐᖓᑕ ᐃᓄᓕᕆᔨᕗᑦ ᐅᓗᕆᐊᓇᖅᑐᒦᓛᖑᕙᑦᑐᓂᒃ ᐃᑲᔪᖅᐸᑦᑐᓂᒃ. ᓱᕈᓰᓪᓗ, ᐃᓐᓇᐃᓪᓗ ᖁᐊᖅᓵᖅᓯᒪᓂᕐᒦᑎᓪᓗᒋᑦ, ᐃᓂᔅᓴᖃᑦᑎᐊᖃᑦᑕᖅᑲᑕ ᐊᓪᓚᕝᕕᖃᖃᑦᑕᖅᑲᑕ ᐱᐅᓪᓚᕆᒻᒪᑦ, ᒪᒥᓴᕆᐊᖅᑐᑦᑎᐊᕈᓐᓇᕐᓂᐊᕐᖓᑕ ᐊᔅᓱᕈᖅᑎᑕᐅᒃᑲᓐᓂᙱᓪᓗᑎᒃ. ᐊᒻᒪᑦᑕᐅᖅ, ᓄᓇᓯᐅᑎᑐᖃᐃᑦ ᓄᑖᓄᖔᖅ ᐊᓯᓂᑦᑕᐅᓂᐊᕐᒥᔪᑦ, ᐃᓚᒌᑦ ᓱᕈᓰᓪᓗ ᐳᓛᕆᐊᖅᑎᑕᐅᑦᑎᐊᖃᑦᑕᕈᓐᓇᕐᓂᐊᕐᖓᑕ ᐊᒻᒪᓗ ᐋᓐᓂᐊᕐᕕᓕᐊᕈᔾᔭᐅᖃᑦᑕᕐᓗᑎᒃ. ᐊᒻᒪᑦᑕᐅᖅ, ᑮᓇᐅᔭᑦ ᐊᑐᖅᑕᐅᓂᐊᕐᒥᔪᑦ ᐊᓪᓚᕝᕕᔅᓯᐅᑕᕈᓘᔭᕐᓂᒃ ᓄᑖᕈᕆᐊᖅᓯᒍᑕᐅᓗᑎᑦ. ᐊᒥᐊᒃᑯᖏᑦ $1.5 ᒥᓕᐊᓐ ᑮᓇᐅᔭᑦ, ᐊᑭᑐᔪᖅᑐᕈᑎᔅᓴᓄᑦ ᑐᕌᖓᓂᐊᖅᑐᐃᑦ. ᓄᓇᓕᓐᓂ ᑮᓇᐅᔭᓕᐅᕋᓱᑦᑎᐅᙱᑦᑐᓄᑦ ᖃᓄᐃᙱᑦᑎᐊᖅᑐᓕᕆᔨᐅᔪᓄᑦ. ᑕᒪᒃᑯᐊ ᑲᑐᔾᔨᖃᑎᒌᖑᔪᐃᑦ ᐱᔭᕆᐊᑐᔪᖅᓯᐅᖏᓐᓇᖃᑦᑕᕐᖓᑕ ᐊᓪᓚᕝᕕᑦᑖᕋᓱᐊᖅᑐᑎᒃ, ᐃᖅᑲᓇᐃᔭᖅᑏᓪᓗ ᐃᓪᓗᖃᕆᐊᖃᖅᑐᑎᒃ ᓄᖅᑲᖃᑦᑕᖁᓇᒋᑦ. ᐊᖏᖃᑎᒌᒍᑎᑎᒍᑦ ᑮᓇᐅᔭᑦ ᑖᒃᑯᐊ ᐃᑲᔪᖅᓰᖃᑦᑕᕐᓂᐊᖅᑐᑦ ᓂᐅᕕᕋᓱᑦᑎᓪᓗᒋᑦ ᐋᖅᑭᒋᐊᕆᒐᓱᑦᑎᓪᓗᒋᑦ ᐊᑭᑐᔪᖅᑐᖅᑐᓂᒃ ᐱᑕᖃᕆᐊᖃᓪᓚᕆᑦᑐᓂᒃ ᐊᖏᓪᓕᒋᐊᖅᑎᑦᑎᔪᓂᒃ ᐱᓕᕆᔾᔪᑎᐅᔪᓂᑦ ᐱᑕᖃᕆᐊᖃᓪᓚᕆᑦᑐᓂᑦ ᐱᔨᑦᑎᕋᐅᑎᓂᑦ ᓱᕈᓯᕐᓄᑦ, ᒪᒃᑯᒃᑐᓄᑦ, ᐃᓚᒌᓄᓪᓗ ᓄᓇᕗᓕᒫᕐᒥ. ᑮᓇᐅᔭᓕᐅᕋᓱᑦᑎᐅᙱᑦᑐᐃᑦ ᑲᑐᔾᔨᖃᑎᒌᑦ ᑐᔅᓯᕋᕈᓐᓇᕐᓂᐊᖅᑐᐃᑦ, ᐱᓕᕆᐊᖏᑦ ᑐᕌᖓᑦᑎᐊᖅᑲᑕ ᐃᓄᓕᕆᔨᒃᑯᑦ ᐱᔭᔅᓴᖅᑖᕆᓯᒪᔭᖏᓐᓄᑦ ᐊᒻᒪ ᒪᑭᒪᓂᕐᒥᒃ ᐸᕐᓇᐅᑎᒥᒃ ᒪᓕᑦᑎᐊᖅᑲᑕ. ᓂᕿᑦᑎᐊᕙᓕᕆᓂᕐᒥᒃ, ᐃᓅᓯᕐᒥᒃ ᐃᓅᑦᑎᐊᕋᓱᓐᓂᕐᒥᒃ, ᒪᒥᓴᕐᓂᕐᒥᒃ, ᐊᒻᒪᑦᑕᐅᖅ ᐃᓚᒌᑦ ᖃᓄᐃᙱᑦᑎᐊᕋᓱᓐᓂᖏᓐᓄᑦ ᑮᓇᐅᔭᖃᖅᑎᑕᐅᕖᙵᕋᓱᓐᓂᐊᖅᑐᐃᑦ ᐱᒋᐊᖅᑎᑦᑎᒍᑕᐅᓗᑎᒃ ᑮᓇᐅᔭᓕᐅᕋᓱᑦᑎᐅᙱᑦᑐᓄᑦ ᑎᒥᐅᔪᓄᑦ. ᐃᓄᓕᕆᔨᒃᑯᑦ ᐊᖏᖅᓯᒪᓂᖃᑦᑎᐊᖅᑐᑦ ᐱᐅᔪᓂᒃ ᐱᔨᑦᑎᕋᐅᑎᖃᕈᒪᓪᓗᑎᒃ ᓄᓇᕗᒻᒥᐅᓄᑦ. ᑮᓇᐅᔭᓂᒃ ᐊᑭᑐᔪᖅᑐᕈᑎᔅᓴᓂᒃ ᐱᒋᐊᖃᓪᓚᕆᒃᑲᑦᑕ, ᐱᓕᕆᔾᔪᑎᕗᑦ ᓴᖅᑭᔮᑦᑎᐊᕈᓐᓇᕐᓂᐊᕐᖓᑕ ᓄᓇᕗᓕᒫᕐᒥ. ᑕᐃᒫᒃ ᒪᓕᑦᑐᑦ ᓯᕗᓪᓕᐅᖁᓯᒪᔭᑦᑎᓐᓂᒃ, ᐃᓚᒌᑦ ᖃᓄᐃᙱᑦᑎᐊᖁᓪᓗᒋᑦ ᓄᓇᓖᓪᓗ ᓴᙱᓂᖅᑖᖁᓪᓗᒋᑦ. ᐃᓕᔅᓯᖕᓄᑦ ᐃᑲᔪᖅᓯᖅᑕᐅᖏᓐᓇᕈᒪᓂᐊᕐᒥᔪᒍᑦ ᐱᔨᑦᑎᕋᑦᑎᐊᕐᓂᖅᓴᐅᒐᓱᑦᑎᓪᓗᑕ ᓄᓇᕗᓕᒫᕐᒥ, ᐊᒻᒪ ᑐᙵᓱᑦᑎᑉᐸᒃᑲ ᖃᓄᑐᐃᓐᓇᑦᑎᐊᖅ ᐊᐱᕆᒍᒪᒍᔅᓯᑦ, ᐅᖃᕈᒪᒍᔅᓯᓘᓐᓃᑦ ᒪᓕᒐᓕᐅᖅᑏᑦ. ᖁᔭᓐᓇᒦᒃ, ᐃᔅᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ Hᐄᓕ−ᐊᕿᐊᕈᖅ. ᐃᑦᓯᕙᐅᑕᕆᔭᐅᔪᖅ ᑲᑎᒪᔨᕋᓛᕐᓄᑦ ᒪᑐᐃᖅᓯᒍᑎᔅᓴᖃᕆᕚ? ᐄ’, ᑲᔪᓯᒋᐊᕆᑦ, ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᕕᐊᓱᑦᑐᖓ ᐅᖃᐅᓯᖃᕆᐊᒃᓴᖅ ᒪᑐᐃᖅᓯᔾᔪᑎᑦᑎᓐᓂᑦ ᐱᔾᔪᑎᓪᓗᒋᑦ ᒪᓕᒐᓕᐅᖅᑎᑐᐃᓐᓇᐃᑦ ᑲᑎᒪᔨᖏᑦ ᕿᒥᕐᕈᓂᖃᓐᖑᓱᑦᑎᓪᓗᒋᑦ ᑐᒃᓯᕌᖑᔪᓂᑦ 2026-2027−ᒥ ᐊᑭᑐᔪᖅᑐᕈᑎᒃᓴᒥ ᒥᔅᓴᐅᑎᔭᐅᓯᒪᔪᓂ ᐃᓄᓕᕆᒃᑯᑦ

ᐅᓪᓗᑐᐃᓐᓇᖅ, ᒫᑦᓯ 13, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 20 ᐱᓕᕆᕕᖓᓄ. ᑖᒃᓱᒪᐅᑉ ᐱᓕᕆᕕᐅᔫᑉ ᑐᒃᓯᕌᖏᑦ ᐊᑭᑐᔪᖅᑐᕈᑎᒃᓴᑦ ᑮᓇᐅᔭᑦ ᐊᑐᕈᒫᕐᓂᐊᖅᑐᑦ 2026-2027−ᒥ ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓂ $3.5 ᒥᓕᐊᓐ ᑮᓇᐅᔭᐅᖕᒪᑕ. ᑖᓐᓇ ᐊᖏᓪᓕᒋᐊᕆᒐᓱᓐᓂᐅᔪᖅ 45%−ᐸᓗᓐᓂᑦ ᑐᒃᓯᕌᕆᔪᔭᖏᓐᓂᑦ 2025-2026−ᒥ ᐊᑭᑐᔪᖅᑐᕈᑎᒃᓴᓂ. ᑖᒃᓱᒪᑉ ᐱᓕᕆᕕᐅᔫᑉ ᑮᓇᐅᔭᓕᐅᕋᓱᐊᖅᑎᐅᖏᑦᑐᓄᑦ ᐊᑭᑐᔪᖅᑐᕈᑎᒃᓴᖏᑦ ᑮᓇᐅᔭᑦ ᑮᓇᐅᔭᖅᑖᕆᐊᓐᖓᔪᒻᒪᑕ 2023-2024-ᒥ ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓂ. ᐅᐃᒍᖓ A-15 ᑖᒃᓱᒪ ᐱᓕᕆᕕᐅᔫᑉ ᑐᓂᕐᕈᑎᒃᓴᖏᑕ ᐊᖏᖃᑎᒌᒍᑎᑎᒍᓪᓗ ᑮᓇᐅᔭᖅᑎᒍᑦ ᐃᑲᔫᑎᖏᑕ ᐊᑐᐊᒐᖓ ᓇᓗᓇᐃᖅᓯᓯᒪᒻᒪᑦ ᑖᒃᓱᒪᒎᖅ ᑮᓇᐅᔭᐅᑉ ᓴᖅᑭᔮᓚᕿᔾᔪᑎᖓ ᑕᒪᓐᓇᐅᒻᒪᑦ “ᐃᑲᔪᖅᓰᓂᕐᒥᑦ ᐊᑭᑐᔪᓂᑦ ᐱᓕᕆᐊᖑᔪᓂᑦ ᐱᒋᐊᖅᑎᑕᐅᓯᒪᔪᓂᑦ ᓄᓇᓕᓐᓂ ᖃᓄᐃᙱᑦᑎᐊᕋᓱᐊᕐᓂᕐᒧᑦ ᑐᕌᖓᔪᓂᑦ ᑮᓇᐅᔭᓕᐅᕋᓱᐊᖅᑎᐅᖏᑦᑐᓄᑦ ᐱᓕᕆᐊᖃᕋᓱᐊᖅᑐᓄᑦ ᒐᕙᒪᒃᑯᑦ ᐊᓪᓗᖅᓯᒪᔭᖏᓐᓂᑦ ᐊᐅᓚᑦᑎᔾᔪᑎᖏᓐᓂ.” ᑖᓐᓇ ᐊᑐᐊᒐᖅ ᓇᓗᓇᐃᖅᓯᓯᒪᒻᒥᔪᖅ ᑖᓐᓇᒎᖅ ᐱᓕᕆᓂᐅᔪᖅ “ᓴᖅᑭᔮᕐᓂᐊᖅᑐᖅ ᐊᑯᓂᐅᓂᖅᓴᐅᖏᑦᑐᖅ ᒪᑭᒪᓂᖅ ᐸᕐᓇᐅᑎ ᓴᖅᑭᔮᕐᓂᕆᔭᖓᓂᑦ.” ᐃᓗᓕᖓ ᓈᓴᐅᑎᓕᒃ 11-ᒥ ᑕᐃᑲᓂ ᑲᑐᔾᔨᖃᑎᒌᓐᓂᐅᔪᒥ ᐊᔪᖅᓴᓗᐊᖅᑐᓂᑦ ᓄᖑᔾᔫᒥᑎᑦᑎᓂᕐᒧᑦ ᐱᖁᔭᕐᔪᐊᖓ ᐱᔭᕆᐊᖃᖅᑎᑎᒻᒪᑦ ᒥᓂᔅᑕᐅᔪᒥ ᒪᓕᒐᓕᐅᕐᕕᒻᒧᑦ ᓴᖅᑭᖅᓯᖃᑦᑕᕆᐊᖃᖅᑐᓂ ᐊᕐᕌᒍᑕᒫᖅᓯᐅᑎᓂᑦ ᐅᓂᒃᑳᓕᐊᒥᓂᕐᓂᑦ ᒪᓕᒐᓕᐅᖅᕕᒻᒧᑦ ᐱᓕᕆᕕᖓᑕ ᐱᓕᕆᐊᕆᓯᒪᔭᖏᓐᓂᑦ ᐱᖁᔭᕐᔪᐊᖅ ᐱᓪᓗᒍ ᐊᒻᒪᓗ ᐊᑐᓕᖅᑎᑕᐅᓂᖓᓂᑦ ᒪᑭᒪᓂᖅ ᐸᕐᓇᐅᑎ. ᑕᐃᒃᑯᐊ 2023-2024-ᒥ ᐊᕐᕌᒍᑕᒫᖅᓯᐅᑎᖏᑦ ᐅᓂᒃᑳᓕᐊᒥᓃᑦ ᒪᓕᒐᓕᐅᖅᕕᒻᒧᑦ ᓴᖅᑭᖅᑕᐅᔪᒻᒪᑕ ᕖᕝᕗᐊᕆ 25, 2025-ᒥ. ᒪᓕᒐᓕᐅᖅᑏᑦ ᑲᔪᖏᖅᓴᐃᕗᑦ ᒥᓂᔅᑕᐅᔪᒥᑦ ᑲᔪᓯᖁᔭᐅᓪᓗᓂ ᐃᓚᓕᐅᔾᔨᖃᑦᑕᓂᕐᒥᑦ ᐃᓗᓕᖅᑐᔪᓂᑦ ᑐᑭᓯᑎᑦᑎᒋᐊᕈᑎᓂᑦ ᐱᓕᕆᕕᖓᑕ ᑮᓇᐅᔭᐃᕈᑎᒥᓂᖏᓐᓂᑦ ᐊᑖᒍᑦ ᑮᓇᐅᔭᓕᐅᕋᓱᐊᖅᑎᐅᖏᑦᑐᓄᑦ ᐊᑭᑐᔪᖅᑐᕈᑎᒃᓴᑦ ᑮᓇᐅᔭᑦ ᓯᕗᓂᕆᓛᖅᑕᑎᓐᓂ ᐊᕐᕌᒍᑕᒫᖅᓯᐅᑎᓂ ᐅᓂᒃᑳᓕᐊᒥᓂᕐᓂ ᒪᓕᒐᓕᐅᖅᕕᒻᒧᑦ ᓴᖅᑭᖅᑕᐅᒐᐃᑉᐸᑕ ᒪᓕᓪᓗᑎᒃ ᑲᑐᔾᔨᖃᑎᒌᓐᓂᐅᔪᒥ ᐊᔪᖅᓴᓗᐊᖅᑐᓂᑦ ᓄᖑᔾᔫᒥᑎᑦᑎᓂᕐᒧᑦ ᐱᖁᔭᕐᔪᐊᖓᓂᑦ. ᒪᓕᒐᓕᐅᖅᑏᑦ ᖃᐅᔨᒪᒻᒪᑕ ᑖᓐᓇ ᐱᓕᕆᕕᐅᔪᖅ ᑮᓇᐅᔭᓂᑦ ᐊᑐᐃᓐᓇᐅᑎᑦᑎᕙᒻᒥᒻᒪᑦ ᐊᐅᓚᒍᑎᒃᓴᑦ ᐋᖅᑭᐅᒪᑎᑦᑎᒍᑎᒃᓴᓄᑦ ᐊᑐᕈᒫᕐᓂᐊᖅᑐᖁᑎᖏᒍᑦ ᐃᑲᔪᕈᑎᐅᕙᑦᑐᓂᑦ ᐱᖁᑎᕐᔪᐊᓕᕆᓂᕐᒥᑦ−ᐊᑦᑐᐊᓂᖃᖅᑐᓄᑦ ᐱᒋᐊᖅᑎᑕᐅᒍᒪᔪᓄᑦ ᑕᒪᒃᑯᓄᖓ ᐋᓐᓂᖅᑕᐅᓂᐅᓴᔪᓄᑦ ᕿᒫᕕᓐᓄᑦ, ᐊᖏᕐᕋᖃᙱᑦᑐᓄᑦ ᓯᓂᑦᑕᖅᕕᓐᓄᑦ ᐊᒻᒪᓗ ᖃᓄᐃᙱᑦᑎᐊᕋᓱᐊᕐᓂᕐᒧᑦ ᐅᐸᒐᐅᔪᓄᑦ. ᐆᑦᑑᑎᒋᓗᒍ, ᑖᓐᓇ ᐱᓕᕆᕕᐅᔪᖅ ᑐᓴᖅᑕᐅᑎᑦᑎᔪᒻᒪᑦ ᔮᓐᓄᐊᕆ 2025-ᒥ “ᑐᓂᕐᕈᑎᖃᕈᓐᓇᕐᒪᑕᒎᖅ ᑮᓇᐅᔭᓂᑦ ᐃᓱᖃᖅᑐᓂᑦ $50,000-ᓂᒃ ᑮᓇᐅᔭᓕᐅᕋᓱᐊᖅᑎᐅᙱᑦᑐᓄᑦ ᑎᒥᐅᔪᓄᑦ, ᐊᖑᓇᓱᑦᑐᓕᕆᔨᒃᑯᑦ ᑲᑐᔾᔨᖃᑎᒌᖏᓐᓄᑦ, ᓄᓇᓖᑦ ᒐᕙᒪᕋᓛᖏᓐᓄᑦ ᐊᒻᒪᓗ ᓇᒻᒥᓂᖃᐅᑎᓄᑦ ᐃᓪᓗᒃᓴᓄᑦ, ᐃᖅᑲᓇᐃᔭᖅᑎᑦᑎᒍᑎᒃᓴᓂᑦ ᓴᓇᔨᓄᑦ ᐊᒻᒪᓗ ᐊᓯᖏᓐᓄᑦ ᐊᑭᓕᕆᐊᓕᓐᓄᑦ ᐱᔾᔪᑎᖃᖅᑐᓄᑦ ᐃᑯᕐᕋ ᐃᓪᓗᕋᓛᑦ ᓴᓇᔭᐅᓂᖏᓐᓄᑦ.” ᑖᔅᓱᒪᑉ ᐱᓕᕆᕕᐅᔫᑉ 2023-2024-ᒥ ᐊᕐᕌᒍᑕᒫᖅᓯᐅᑎᖏᑦ ᐅᓂᒃᑳᓕᐊᒥᓃᑦ ᐊᑖᒍᑦ ᑲᑐᔾᔨᖃᑎᒌᓐᓂᐅᔪᒥ ᐊᔪᖅᓴᓗᐊᖅᑐᓂᑦ ᓄᖑᔾᔫᒥᑎᑦᑎᓂᕐᒧᑦ ᐱᖁᔭᕐᔪᐊᖓᑕ ᐃᒪᓐᓇ ᓇᓗᓇᐃᖅᑐᐃᓯᒪᔪᒻᒪᑕ: “ᓄᓇᕗᒻᒥ ᑲᑎᒪᐅᑎᒥᓂᐅᔪᑦ ᐊᔪᖅᓴᓗᐊᖅᑐᓂᑦ ᓄᖑᔾᔫᒥᑎᑦᑎᓂᕐᒧᑦ ᒪᑭᒪᓂᖅ ᐸᕐᓇᐅᑎᖓ ᓴᖅᑭᖅᓯᖁᔨᕗᖅ ᓴᙱᓂᖅᓴᐅᔪᓂᑦ ᐃᑲᔫᑎᐅᔪᓂᑦ ᓄᓇᓖᑦ ᖃᓄᐃᙱᑦᑎᐊᖁᓪᓗᒋᑦ ᐊᒻᒪᓗ ᓴᖅᕿᖅᑕᐅᓂᖏᓐᓄᖅ ᓄᓇᓕᓐᓂ ᖃᓄᐃᙱᑦᑎᐊᕋᓱᐊᖅᑐᓄᑦ ᐅᐸᒐᐅᔪᓂᑦ ᓄᓇᓕᓕᒫᓂ. ᑲᑐᔾᔨᖃᑎᖃᖅᑐᑎᒃ ᐱᓕᕆᕕᐅᔪᔪᒥᑦ ᓄᓇᓕᓐᓂᑦ ᒐᕙᒪᒃᑯᓂᓪᓗ ᐱᔨᑦᑎᕋᖅᑎᑯᓐᓂᑦ ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖓᓂᑦ, ᐃᓄᓕᕆᔨᒃᑯᑦ ᐱᓕᕆᕕᖓᑦ ᓄᓇᓕᓐᓄᑦ ᐳᓚᕋᔪᔪᑦ ᐃᑉᐱᐊᕐᔪᒻᒧᑦ, ᑭᙵᕐᓄᑦ, ᖃᒪᓂ’ᑐᐊᕐᒧᑦ, ᖁᕐᓗᑦᑑᕐᒧᓪᓗ ᑐᑭᓯᒐᓱᐊᖅᑐᑎᒃ ᐃᓛᒃᑯᑦ ᓄᓇᓖᑦ ᑕᑯᓐᓇᖑᐊᖅᑕᖏᓐᓂᑦ ᖃᓄᐃᑦᑐᓂᑦ ᖃᓄᐃᙱᑦᑎᐊᕋᓱᐊᖅᕕᐅᔪᓂᑦ ᑕᑯᔪᒪᒻᒪᖔᑕ.” ᒪᓕᒐᓕᐅᖅᑏᑦ ᓂᕆᐅᑦᑎᐊᖅᐳᑦ ᑐᓴᖅᑎᑕᐅᖃᑦᑕᓛᕐᓂᕐᒥᓄᑦ ᑕᒪᒃᑯᐊ ᖃᓄᐃᓕᖓᓕᕐᒪᖔᑕ ᓇᓗᓇᐃᖅᑐᐃᕕᐅᓛᕐᓂᕐᒥᓄᑦ ᐊᓯᖏᓪᓗ ᑕᐃᒪᐃᑦᑐᑦ ᐱᒋᐊᖅᑎᑕᐅᓯᒪᔪᑦ. ᐅᑭᐅᒃᑯᑦ 2024-ᒥ ᐃᒃᓯᕙᓂᕆᔭᖓᓂ, ᒪᓕᒐᓕᐅᖅᕕᒃ ᐊᖏᖅᓯᔪᔪᖅ $450,000−ᓂᑦ ᑮᓇᐅᔭᓂᑦ ᐃᓚᒋᐊᕈᑎᓂᑦ ᐊᑭᑐᔪᓄᑦ ᓂᐅᕕᐅᑎᒃᓴᖏᓐᓂᑦ ᐊᑐᓕᖅᑎᑦᑎᒍᑎᒃᓴᖏᓐᓂᓪᓗ ᐃᓄᓕᕆᔨᒃᑯᑦ ᖃᕋᓴᐅᔭᒃᑯᑦ ᐃᓄᓕᕆᔾᔪᑎᖓᓂᑦ. ᐱᔾᔪᑎᒋᓪᓗᒍ ᐱᒻᒪᕆᐅᓂᖓ ᑖᒃᓱᒪ ᖃᕋᓴᐅᔭᓕᕆᔾᔪᑎᐅᑉ ᑲᒪᔾᔪᑎᐅᔪᓐᓇᕐᓂᖓ ᐃᓱᒫᓘᑎᒋᔭᐅᔪᔪᓂᑦ

ᐅᓪᓗᑐᐃᓐᓇᖅ, ᒫᑦᓯ 13, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 21 ᐅᖃᐅᓯᐅᔪᔪᓂᑦ ᑲᓇᑕᐅᑉ ᑕᒻᒪᖅᓯᒪᔪᖅᓯᐅᖅᑎᖓᓄᑦ ᐱᔾᔪᑎᖃᖅᑐᓂᑦ ᓱᕈᓯᕐᓄᑦ ᐃᓚᒌᓄᓪᓗ ᐱᔨᑦᑎᕋᐅᑎᐅᔪᓂᑦ ᓄᓇᕗᒻᒥ, ᒪᓕᒐᓕᐅᖅᑏᑦ ᑲᔪᖏᖅᓴᐃᕗᑦ ᒥᓂᔅᑕᐅᔪᒥᒃ ᐱᑎᑦᑎᖃᑦᑕᖁᔭᐅᓪᓗᓂ ᐅᖓᓯᒌᑦᑕᖏᑦᑐᓂᑦ ᖃᓄᐃᓕᖓᓕᕐᒪᖔᑕ ᓇᓗᓇᐃᖅᑐᐃᖃᑦᑕᓂᕐᒥᑦ ᒪᓕᒐᓕᐅᖅᕕᒻᒧᑦ ᐊᑐᓕᖅᑎᑦᑎᒐᓱᑦᑎᓪᓗᒋᑦ ᓄᑖᒥᑦ ᖃᕋᓴᐅᔭᓕᕆᔾᔪᑎᒥᑦ. ᑕᕝᕙ ᐃᓱᓕᑉᐳᑦ ᒪᑐᐃᖅᓯᔾᔪᑎᒃᑲ ᐅᖃᐅᓰᑦ ᐱᓪᓗᒋᑦ ᑐᒃᓯᕌᖑᔪᑦ 2026-2027-ᒥ ᐊᑭᑐᔪᖅᑐᕈᑎᒃᓴᖏᑦ ᒥᒃᓴᐅᓯᔭᐅᓯᒪᔪᑦ ᐱᓕᕆᕕᖓᓄᑦ ᐃᓄᓕᕆᔨᒃᑯᑦ. ᖁᔭᓐᓇᒦᒃ, ᐃᔅᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒫᓐᓇ ᒪᑉᐱᖅᑐᒐᖏᑎᒍᑦ ᕿᒥᕐᕈᒋᐊᙳᓱᓕᕋᑦᑎᒍᑦ ᐊᑭᑐᔪᖅᑐᕈᑎᔅᓴᐃᑦ, ᐱᒋᐊᖅᑳᕐᓗᑕ D-3-ᒥ. ᐃᓄᓕᕆᔨᒃᑯᑦ ᑮᓇᐅᔭᓕᕆᔨᖏᑦ ᑲᑎᓪᓗᒋᑦ ᑐᔅᓯᕌᖑᔪᐃᑦ $3,500,000 ᒥᓕᐊᓐ ᑮᓇᐅᔭᑦ. ᒪᓕᒐᓕᐅᖅᑎ ᐊᐱᖅᑯᑎᔅᓴᖃᖅᑲᑦ? ᒥᔅᑕ ᓴᒻᒧᖅᑐᖅ. ᓴᒻᒧᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᒥᓂᔅᑕᐅᑉ ᒪᑐᐃᖅᓯᒍᑎᒋᕋᑖᖅᑕᖏᓐᓂᒃ ᒪᑉᐱᖅᑐᒐᖓ 3-ᖓᓂ, ᑮᓇᐅᔭᓕᐅᕋᓱᑦᑎᐅᙱᒡᒎᖅ ᑐᔅᓯᕋᕈᓐᓇᓛᕐᖓᑕ ᐱᓕᕆᐊᖏᑦ ᒪᓕᑦᑎᐊᖅᑲᑕ ᐃᓄᓕᕆᔨᒃᑯᑦ ᐱᔭᔅᓴᖅᑖᕆᓯᒪᔭᖏᓐᓂᑦ ᐊᒻᒪᑦᑕᐅᖅ ᒪᑭᒪᓂᖅ ᐸᕐᓇᐅᑎᒥᒃ ᒪᓕᑉᐸᑕ. ᓂᕿᔅᓴᖃᑦᑎᐊᖅᑐᓕᕆᓂᕐᒥᒃ, ᐃᖅᑲᓇᐃᔭᕆᐅᖅᓴᑎᑦᑎᓂᕐᒥᒃ, ᒪᒥᓴᐃᓂᕐᒥᒃ, ᖃᓄᐃᙱᑦᑎᐊᕋᓱᑦᑎᑦᑎᓂᕐᒥᓪᓗ, ᐊᖏᕐᕋᖃᙱᑦᑐᓂᓪᓗ ᐃᑲᔪᕐᓂᕐᒧᑦ. ᐊᐱᖅᑯᑎᒐᓕ ᓄᓇᓕᕋᓛᖑᓂᖅᓴᐅᔪᐃᑦ ᐱᓪᓗᒋᑦ, ᐃᓪᓗᓕᒑᕐᔪᑦᑎᑐᑦ ᑕᐃᒃᑯᐊᓕ ᐃᖅᑲᓇᐃᔭᖅᑎᖃᙱᒻᒪᑕ ᐃᓄᓕᕆᔨᒃᑯᖏᑦ.

Hᐋᒻᒪᓚᒃᑯᑦ ᑐᔅᓯᕋᕈᓐᓇᕋᔭᖅᑳᑦ ᑕᕝᕙᙵ ᑮᓇᐅᔭᓂᑦ? ᖁᔭᓐᓇᒦᒃ, ᐃᔅᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓇᒦᒃ, ᒥᔅᑕ ᓴᒻᒧᖅᑐᖅ. ᒥᓂᔅᑕ Hᐄᓕ−ᐊᕿᐊᕈᖅ. ᐊᖓᔪᖅᑳᖅ ᒍᐃᓐ Hᐄᓕ−ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᑦᓯᕙᐅᑖᖅ. ᖁᔭᓐᓇᒦᖅᐸᕋᓗ ᐊᐱᕆᒻᒪᑦ, ᐱᒻᒪᕆᐅᒻᒪᐃᓛᒃ ᖃᐅᔨᒪᓪᓗᑎᒍᑦ ᓄᓇᓖᑦ ᒥᑭᓐᓂᖅᓴᑦ ᐱᑕᖃᖅᐸᙱᒻᒪᑕ ᑮᓇᐅᔭᓕᐅᕋᓱᑦᑎᐅᙱᑦᑐᓂᒃ ᑎᒥᐅᔪᓂᒃ. ᐄ’, Hᐋᒻᒪᓚᒃᑯᑦ ᐊᔪᙱᑎᑕᐅᓯᒪᔪᑦ ᑐᑦᓯᕋᕋᓱᒍᓐᓇᕐᓗᑎᒃ ᑖᒃᑯᐊᑎᑐᑦ, ᑮᓇᐅᔭᓕᐅᕋᓱᙱᑦᑐᑎᑐᑦ. ᖁᔭᓐᓇᒦᒃ, ᐃᔅᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ Hᐄᓕ−ᐊᕿᐊᕈᖅ. ᒥᔅᑕ ᓴᒻᒧᖅᑐᖅ. ᓴᒻᒧᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᑦᓯᕙᐅᑖᖅ. ᑐᓴᖅᑎᓯᒪᕕᓯᒍᑦ ᐃᓪᓗᓕᒑᕐᔫᑉ Hᐋᒻᒪᓚᒃᑯᖏᑦ ᑐᑦᓯᕋᕋᓱᒍᓐᓇᕐᓂᖏᓐᓂᒃ, ᒥᑭᓂᖅᓴᐅᔪᓂᓪᓘᓐᓃᑦ ᓄᓇᓖᑦ ᑐᓴᖅᑎᓯᒪᕕᓯᐅᒃ ᐱᒐᓱᒍᓐᓇᕐᓂᖏᓐᓂᒃ? ᖁᔭᓐᓇᒦᒃ, ᐃᔅᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᓴᒻᒧᖅᑐᖅ. ᒥᓂᔅᑕ Hᐄᓕ−ᐊᕿᐊᕈᖅ. ᐊᖓᔪᖅᑳᖅ ᒍᐃᓐ Hᐄᓕ−ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᖅᐸᕋᓗ ᐊᐱᕆᒃᑲᓐᓂᕐᒪᑦ. ᑖᓐᓇ ᐱᓕᕆᐊᒃᓴᖅ ᑐᓴᕋᔅᓴᖅᑎᒎᖅᑎᑕᐅᕙᑦᑐᖅ ᓄᓇᕗᓕᒫᕐᒧᑦ ᑐᕌᖓᔪᒧᑦ, ᒫᓐᓇ ᐊᑐᐃᓐᓇᖅᑕᖃᒃᑲᓐᓂᕐᒥᔪᖅ ᑕᖅᑳᓂ. ᖁᔭᓐᓇᒦᒃ, ᐃᑦᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ Hᐄᓕ−ᐊᕿᐊᕈᖅ. ᐱᐊᓂᒃᑐᑎᑦ? ᐊᑎᖁᑎᓐᓃᒻᒥᔪᖅ ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕝᕕᓯ ᐊᑐᓕᖁᔭᓯ 2026-2027 ᐊᑭᑐᔫᑎᓄᑦ, ᐱᖃᓯᐅᑎᔪᖅ $2 ᒥᓕᐊᓐᓂᒃ ᑮᓇᐅᔭᓂᒃ ᒥᑭᔫᑎᓄᑦ ᐱᖁᑎᓄᑦ. ᑖᓐᓇ ᐅᓄᖅᓯᒋᐊᖅᑐᖅ 120%-ᒥᒃ ᓯᕗᓂᐊᓂ ᐊᑐᖅᑕᐅᓚᐅᖅᑐᓂᒃ. ᑖᓐᓇ ᖃᓄᖅ ᐃᓱᒪᓕᐅᕈᑕᐅᓯᒪᕙ ᐅᓄᖅᓯᒋᐊᖅᑕᐅᓯᒪᓂᖓ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖁᓕᒃᑖᓇ. ᒥᔅ Hᐄᓕ−ᐊᕿᐊᕈᖅ. ᐊᖓᔪᖅᑳᖅ ᒍᐃᓐ Hᐄᓕ−ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᔅᓯᕙᐅᑖᖅ. ᖁᔭᓐᓇᒦᖅᐸᕋ ᐊᐱᖅᑯᑎᒋᖕᒪᒍ. ᐅᓄᖅᓯᒋᐊᕌᕐᔪᓐᓂᖓ ᒥᑭᔫᑎᓄᑦ, ᐱᖁᑏᑦ ᓄᑖᙳᕆᐊᖅᑕᐅᒋᐊᖃᖅᓯᒪᔪᑦ ᖃᑦᓯᒐᓚᐅᓯᒪᓂᖏᓐᓄᑦ ᑐᑦᓯᕋᕈᑎᐅᔪᖅ ᑖᒻᓇ ᓄᑖᙳᕆᐊᕈᑎᓄᑦ, ᓴᓇᒋᐊᕈᑎᓄᑦ, ᐃᓐᓇᕐᓄᑦ ᐊᖏᕐᕋᐅᔪᒥᒃ ᐊᓪᓚᕝᕕᒻᒥ, ᐃᓅᓱᑦᑐᓄᓪᓗ ᐊᓪᓚᕝᕕᒻᒥᓪᓗ.

ᐅᓪᓗᑐᐃᓐᓇᖅ, ᒫᑦᓯ 13, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 22 ᐊᒻᒪᓗ ᓄᑖᙳᕆᐊᖅᑕᐅᒋᐊᖃᕐᓂᖏᑕ ᓄᓇᒃᑰᕈᑎᕗᑦ ᐊᑐᖅᑕᐅᕙᑦᑐᓄᑦ ᐃᓄᓕᕆᔨᒃᑯᓐᓄᑦ ᓄᓇᓖᑦ ᐃᓚᖏᖕᓂᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐄᓕ ᐊᕿᐊᕈᖅ. ᐊᑎᖁᑎᓐᓃᒻᒥᔪᖅ, ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑭᓱ ᒥᑭᔫᑏᑦ ᐱᖁᑎᓄᑦ ᐸᕐᓇᐅᒍᑕᐅᕙᑦ 2026-2027 ᐊᕐᕌᖏᓐᓂᒃ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᔅᑕ ᖃᑉᓗᑦᓯᐊᖅ. ᒥᓂᔅᑕ ᕼᐄᓕ ᐊᕿᐊᕈᖅ. ᐊᖓᔪᖅᑳᖅ ᒍᐃᓐ ᕼᐄᓕ ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᖅᐸᕋᓗ ᐊᐱᖅᑯᑎᒋᖕᒪᒍ. ᑕᐃᒪ ᒥᑭᔫᑎᓄᑦ ᐱᖁᑎᑖᕈᑏᑦ ᓴᓇᒋᐊᕈᑎᓄᑦ ᓴᓇᒋᐊᕈᑎᑦᓴᓄᑦ ᐃᓅᓱᑦᑐᓄᑦ ᐊᖏᕐᕋᐅᔪᓄᑦ ᐃᖃᓗᓐᓂ, ᐊᓪᓚᕝᕕᒻᒧᓪᓗ ᓄᑖᙳᕆᐊᕈᑎᑦᓴᒧᑦ ᑭᙵᕐᓂ, ᐊᒻᒪ ᐊᓪᓚᕝᕕᒻᒧᑦᑕᐅᖅ ᓴᐳᔾᔨᒋᐊᕈᑎᑦᓴᒧᑦ ᐊᑦᑕᓇᖅᑕᐃᓕᒪᓂᕐᒧᓪᓗ ᑕᓗᕐᔪᐊᕐᒥ, ᐊᒻᒪ ᓄᓇᕗᓕᒫᒥ ᓇᓪᓕᐅᒃᑯᒫᑦ ᑮᓇᐅᔭᐃᑦ ᑐᑦᓯᕋᖅᑐᖃᒃᑲᓐᓂᕋᔭᖅᐸᑦ ᑕᐃᒪᐃᓲᖑᒻᒪᑦ ᐊᕐᕌᒍᑕᒫᑦ. ᐊᒻᒪᑦᑕᐅᖅ, ᓄᓇᒃᑰᕈᑎᓄᑦ ᐱᒻᒥᔪᖅ ᐊᑕᐅᓯᖅ ᐊᕐᕕᐊᒧᑦ ᑐᕌᖓᔪᖅ, ᐊᐅᓱᐃᑦᑐᒧᓪᓗ ᐃᖃᓗᓐᓄᑦ, ᑭᙵᐃᑦ, ᐊᒻᒪᓗ ᖁᓪᓗᖅᑐᕐᒧᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐄᓕ ᐊᕿᐊᕈᖅ. ᐊᑎᖁᑎᓐᓃᒻᒥᔪᖅ, ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕝᕕᓯ 2025-2026 ᐊᑭᑐᔫᑎᓅᖓᔪᑦ $1.5 ᒥᓕᐊᓐᓂᒃ ᑮᓇᐅᔭᓂᒃ ᐱᖃᓯᐅᑎᓯᒪᒻᒪᑕ ᑮᓇᐅᔭᓕᐅᕋᓱᑦᑎᐅᙱᑦᑐᓄᑦ ᐊᑭᑐᔫᑎᓄᑦ ᑐᕌᖓᔪᑦ. ᒫᓐᓇᒧᑦ ᑎᑭᑦᑐᒍ ᖃᑦᓯᑦ ᐊᑐᖅᑕᐅᓯᒪᓕᖅᐸᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᑉᓗᑦᓯᐊᖅ. ᒥᓂᔅᑕ ᕼᐄᓕ ᐊᕿᐊᕈᖅ. ᐊᖓᔪᖅᑳᖅ ᒍᐃᓐ ᕼᐄᓕ−ᐊᕿᐊᕈᖅ: ᖁᔭᓐᓇᒦᒃ, (ᑐᓵᔨᑎᒎᓕᖅᑐᖅ) ᐃᒃᓯᕙᐅᑖᖅ. ᖁᔭᓐᓇᒦᖅᐸᕋ ᐊᐱᖅᑯᑎᒋᖕᒪᒍ. ᐅᐱᒋᓪᓚᕆᑉᑲᑦᑎᒍ ᑖᓐᓇ ᑖᒃᑯᐊ ᑮᓇᐅᔭᐃᑦ ᓄᓇᓕᖕᓄᑦ ᑐᖅᑯᖅᓴᐃᒍᑎᒋᖃᑦᑕᕋᑦᑎᒍᑦ ᐊᒥᓱᓪᓗ ᓄᓇᓕᓐᓂ ᓄᓇᓕᖕᓃᑦᑐᓄᑦ ᑎᒥᐅᔪᓄᑦ ᐊᑐᖅᑕᐅᓪᓚᕆᑦᓯᐊᖅᓯᒪᔪᑦ ᑕᒪᕐᒥᓪᓗ ᐊᑐᖅᑕᐅᓯᒪᓕᖅᓱᑎᑦ ᑮᓇᐅᔭᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐄᓕ ᐊᕿᐊᕈᖅ. ᒥᔅᑕ ᑕᖅᑐᖅ ᐊᑎᖁᑎᓐᓃᒻᒥᔪᖅ. ᑕᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕝᕕᓯ 2026 ᐊᑭᑐᔫᑎᓄᑦ ᐱᖃᓯᐅᑎᓯᒪᔪᑦ $900,000−ᓂᒃ ᒥᑭᔫᑎᓄᑦ ᐱᖁᑎᓄᑦ. ᓇᓪᓕᐅᒃᑰᒫᓯ ᐅᖃᖅᓯᒪᖕᒪᑕ ᐊᓯᔾᔨᐸᓪᓕᐊᕋᑦᓯᐅᒡᒎᖅ ᑭᙵᕐᓂ ᐋᓐᓂᐊᕐᕕᖓ, ᐊᒻᒪ ᐃᒃᐱᐊᕐᔪᒻᒥ ᐋᓐᓂᐊᕐᕕᖓ ᐊᓪᓚᕝᕕᑦᓴᑦᓯᐊᕙᖃᖁᓪᓗᒋᑦ ᑮᓇᐅᔭᑦ ᐊᑭᑐᔫᑎᓄᑦ ᑖᒃᑯᐊ ᑮᓇᐅᔭᑦ ᐊᑐᖅᑕᐅᓪᓗᑎᑦ. ᖃᓄᐃᓕᖓᑦᑕᓕᕐᒪᖔᑦ ᑐᑭᓯᒍᒪᓪᓗᖓ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑕᖅᑐ. ᒥᓂᔅᑕ ᕼᐄᓕ−ᐊᕿᐊᕈᖅ. ᐊᖓᔪᖅᑳᖅ ᒍᐃᓐ ᕼᐄᓕ−ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᖅᐸᕋᓗ ᐊᐱᕆᖕᒪᑦ. ᑖᓐᓇ ᑭᐅᒍᓐᓇᕈᓂ ᐱᓕᕆᔨᒐ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᔅᑕ ᑖᖕ. ᐊᑏᒎᖅ. ᑖᖕ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ ᐊᐱᖅᑯᑎᒋᖕᒪᒍ. ᑭᙵᓂ ᐊᓪᓚᕝᕕᒃᓴᒧᑦ ᒫᓐᓇ ᕿᒥᕐᕈᔭᐅᕙᓪᓕᐊᒻᒪᑕ ᐊᓪᓚᕝᕕᑦᓴᐃᑦ ᓈᒻᒪᒃᑲᓗᐊᕐᒪᖔᑕᓘᓐᓃᑦ ᐊᑐᕋᑦᓴᐅᓂᖏᖕᓂᒃ. ᕿᒥᕐᕈᔭᐅᓯᒪᔪᑦ

ᐅᓪᓗᑐᐃᓐᓇᖅ, ᒫᑦᓯ 13, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 23 ᖃᐅᔨᓴᖅᑕᐅᑉᓗᓂ ᐃᓂᑦᓴᖓ. ᑕᐃᒪ ᓴᓇᔨᒧᑦ ᕿᒥᕐᕈᔭᐅᓛᖅᑐᖅ ᖃᓄᖅ ᓴᓇᔭᐅᔭᕆᐊᖃᓛᕐᒪᖔᖅ ᐊᓪᓚᕝᕕᑦᓴᒧᑦ. ᑕᐃᒪᐃᓕᖓᑦᑕᓕᖅᐳᖅ ᐊᓪᓚᕝᕕᒃ ᑕᐃᓐᓇ. ᐃᒃᐱᐊᕐᔪᒻᒥᓪᓕ ᐃᖅᑲᓇᐃᔭᖃᑎᖃᖅᑐᒍᑦ ᓄᓇᓕᒻᒥᑦᑕᐅᖅ ᐊᓪᓚᕝᕕᒃᓴᒥᒃ ᓴᓇᒋᐊᕈᑎᑦᓴᒧᐃᓛᒃ ᖃᑦᓯᑐᒐᔭᕐᒪᖔᑦ ᑐᑭᓯᓇᓱᓕᕐᒥᔪᒍᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᔅᑕ ᑕᖅᑐᖅ. ᑕᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᑭᐅᒐᕕᑦ. ᐱᓕᕆᕝᕕᓯ 2023-2024 ᐊᕐᕌᒍᑕᒫᖅᓯᐅᑎᖏᖕᓂᒃ ᓄᖑᕝᕚᓪᓕᖁᓪᓗᒋᑦ ᓱᒃᑰᓗᐊᖅᐸᑦᑐᑦ ᐊᕐᕌᒍᑕᒫᑦ ᐅᓂᒃᑳᖓ. ᕖᕝᕗᐊᕆ 25, 2025-ᒥ ᓴᖅᑭᖅᑎᑕᐅᓚᐅᖅᓯᒪᖕᒪᑦ ᒪᓕᒐᓕᐅᕐᑯᒻᒧᑦ. ᐅᓂᒃᑳᖅ ᐅᖃᖅᓯᒪᓚᐅᖅᓯᒪᕗᖅ “ᒪᑭᒪᓂᐅᑉ ᐸᕐᓇᐅᑎ” ᐃᑲᔪᕈᑏᑦ ᓄᓇᓖᑦ ᖃᓄᐃᙱᑦᓯᐊᓂᑦᓴᖏᖕᓄᑦ ᐊᒻᒪᓗ ᓄᓇᓕᓐᓂ ᖃᓄᐃᙱᑦᓯᐊᕐᓂᕐᒧᑦ ᐅᐸᒃᑕᕐᕕᖃᓕᖁᓪᓗᒍ ᓄᓇᓕᓕᒫᓂᒃ. ᓄᓇᓕᓐᓂ ᒐᕙᒪᓂᓪᓗ ᐱᔨᑦᑎᖅᑎᒃᑯᑦ ᐃᓚᒋᓪᓗᒋᑦ, ᓄᓇᕗᑦ ᑐᙵᕕᒃᑯᓪᓗ ᑖᒃᑯᐊ ᐃᓄᓕᕆᔨᒃᑯᑦ ᓄᓇᓕᖕᓂ ᐳᓚᕋᑲᑕᐅᖅᐸᑦ ᐃᒃᐱᐊᕐᔪᒻᒥ, ᑭᙵᕐᓄᑦ, ᖃᒪᓂ’ᑐᐊᕐᒧᑦ, ᖁᕐᓗᖅᑐᕐᒧᓪᓗ ᑐᑭᓯᓇᓱᑦᓱᑎᑦ ᓄᓇᓖᑦ ᑕᐅᑐᙳᐊᕋᔭᖅᑕᖓᖕᓂᒃ ᖃᓄᐃᑦᑐᓂᒃ ᐃᓂᑦᓴᖃᖁᔨᒐᔭᕐᒪᖔᑖ ᖃᓄᐃᙱᑦᓯᐊᕐᓂᕐᒧᑦ ᐅᑕᖅᑕᕐᕕᐅᔪᓂᒃ. ᒫᓐᓇᒧᑦ ᑎᑭᑦᑐᒍ ᖃᓄᐃᓕᖓᑦᑕᓕᖅᐸᑦ ᑖᒃᑯᐊ ᐅᐸᒃᑕᕐᕕᐅᓕᖅᑐᑦ ᓄᓇᓕᐅᔪᓂᒃ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᔅᑕ ᑕᖅᑐᖅ. ᒥᓂᔅᑕ ᕼᐄᓕ−ᐊᕿᐊᕈᖅ. ᐊᖓᔪᖅᑳᖅ ᒍᐃᓐ ᕼᐄᓕ−ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᖅᐸᕋ ᐊᐱᖅᑯᑎᒋᒃᑲᓐᓂᕐᒪᒍ. ᓄᓇᓕᓐᓂ ᖃᓄᐃᙱᑦᓯᐊᕐᓂᕐᒧᑦ ᐅᐸᒃᑕᕐᕕᖏᑦ ᐆᒻᒪᑎᓐᓃᓪᓚᕆᒻᒥᒻᒪᑕ. ᐅᐱᒋᓪᓚᕆᑉᐸᑦᑕᕗᑦ ᓄᓇᓖᑦ ᐱᓕᕆᖃᑦᑕᖅᓯᒪᔭᖓ ᐅᓪᓗᒥᒧᑦ ᐱᓕᕆᖃᑎᖃᖅᓱᑎᑦ ᐃᓄᓕᕆᔨᒃᑯᓐᓂ ᐱᒻᒪᕆᐅᖕᒪᑦ. ᒫᓐᓇ ᐊᓯᐊᓂᒃ ᓇᐅᒃᑯᑦ ᑮᓇᐅᔭᓕᐅᕈᑎᑦᓴᐅᒍᓐᓇᖅᑐᓂᒃ ᕿᒥᕐᕈᔪᒍᑦ ᑕᒪᒃᑯᐊ ᐱᕙᓪᓕᐊᑲᓐᓂᓕᖁᓪᓗᒋᑦᑕᐅᖅ ᓄᓇᓕᖕᓂᒃ ᐊᓯᖏᖕᓂᒃ ᓯᕗᒧᐊᖏᓐᓇᖁᑉᓗᒍᓗ ᑕᒪᓐᓇ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ ᕼᐄᓕ ᐊᕿᐊᕈᖅ. ᐊᓯᐊᓂᒃ ᐊᑎᖁᑎᖃᖅᐳᖓ ᐱᑕᖃᙱᑕᐃᓐᓇᕋᒪ. ᐊᐱᖅᑯᑎᖃᖅᑐᖃᕈᒪᙱᑉᐸᑦ. ᑕᑯᙱᑕᐃᓐᓇᕋᒪ. ᐊᖏᖅᐱᓰ ᑖᒃᑯᐊ ᐃᓄᓕᕆᔨᒃᑯᑦ $3,500,000. ᐊᑭᑐᔫᑎᑦᓴᓅᖓᔪᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑏᑦ, ᐱᐊᓂᒃᑲᓐᓂᒍᑦ ᐃᓄᓕᕆᔨᒃᑯᑦ. ᖁᔭᓐᓇᒦᒃ. ᓄᖅᑲᐅᓯᕈᑎᖕᓄᑦ, ᒥᓂᔅᑕ ᕼᐄᓕ ᐊᕿᐊᕈᖅ. ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐊᖓᔪᖅᑳᖅ ᒍᐃᓐ ᕼᐄᓕ ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᖅᐸᒃᑲ ᒪᓕᒐᓕᐅᖅᑏᑦ ᐊᐱᖅᑯᑎᒋᖅᑲᐅᔭᔅᓯᖕᓄᑦ ᐅᖃᐅᓯᕆᔭᔅᓯᖕᓄᑦ. ᐱᓕᕆᔨᒃᑲᓗ ᖁᔭᓐᓇᒦᖅᓱᒋᑦ. ᑲᑐᔾᔨᖃᑎᒌᑦᓱᑕ ᐱᓚᐅᕋᑦᑕ ᐊᑦᓱᕈᖅᑐᒻᒪᕆᐅᕙᒻᒪᑕ ᑕᐅᑐᑦᑕᐅᙱᑦᓱᑎᑦ ᓯᕗᒧᖁᓪᓗᒋᑦ ᑕᒪᒃᑯᐊ.

ᐅᓪᓗᑐᐃᓐᓇᖅ, ᒫᑦᓯ 13, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 24 ᐃᓕᑕᕆᔪᒪᓪᓚᕆᑦᑐᒍ ᒥᔅᑕ ᑖᖕ ᐊᓯᐊᓅᓛᓕᕐᒥᒻᒪᑦ ᐱᓕᕆᕝᕕᑦᑎᓐᓂ ᐱᔨᑦᓯᓚᐅᕐᓂᖓᓄᑦ ᖁᔭᓐᓇᒦᖅᐸᕋ. ᖁᔭᓐᓇᒦᒃ ᑕᒪᑦᓯ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐄᓕ ᐊᕿᐊᕈᖅ. ᐃᖅᓱᑦᑏ, ᐊᓂᑎᒍᓐᓇᓕᕈᕕᒋᑦ ᐊᐱᖅᓱᖅᑕᐅᔪᑦ. >>ᐸᑦᑕᑐᖅᑐᑦ ᐃᒃᓯᕙᐅᑕᖅ (ᑐᓵᔨᑎᒍᑦ): ᐱᐊᓂᒻᒪᑕ ᐱᓕᕆᐊᑦᓴᕗᑦ ᑲᑎᒪᔩᑦ ᓇᖏᖅᓯᓂᐊᓕᖅᐳᒍᑦ ᑭᐅᓂᐊᓕᕐᓗᑕ ᐅᖃᖅᑎᒧᑦ. ᖁᔭᓐᓇᒦᒃ, ᐅᖃᖅᑏ. >>ᑲᑎᒪᔩᑦ ᑲᑎᒪᓂᖓ ᐱᔭᕇᖅᑐᖅ ᐊᒻᒪᓗ ᒪᓕᒐᓕᐅᖅᑏᑦ ᑲᑎᒪᒋᐊᓯᒃᑲᓐᓂᖅᑐᑎᑦ 10:54 ᐅᖃᖅᑎ: ᖁᔭᓐᓇᒦᒃ. ᑲᑎᒪᔾᔪᑎ 20, ᒥᔅᑕ ᐲᑕᓴᓐ, ᐅᓂᒃᑳᖏᑦ ᑲᑎᒪᔩᑦ. ᑲᑎᒪᔾᔪᑎᒃᓴᖅ 20: ᑲᑎᒪᔨᕋᓛᑦ ᑕᒪᐃᓐᓄᑦ ᐅᓂᒃᑳᖏᑦ ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᑏ. ᑲᑎᒪᔨᕋᓛᑎᑦ ᐃᓱᒪᒃᓴᖅᓯᐅᕈᑎᖃᖅᑲᐅᒻᒪᑕ ᐱᖁᔭᒃᓴᖅ 2 ᐊᒻᒪᓗ ᐱᔭᕇᕈᒪᓕᖅᖢᑎᑦ. ᐅᖃᖅᑏ, ᐱᒋᐊᖅᑎᑦᑎᕗᖓ ᐅᓂᒃᑳᖏᑦ ᑲᑎᒪᔨᑐᐃᓐᓇᐃᑦ ᐊᖏᕈᑕᐅᖁᓪᓗᒋᑦ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐱᖁᔨᕗᖔᕈᑎᑕᖃᕐᒪᑦ. ᐊᐃᑉᐲᔪᖅ, ᒥᔅᑕ ᒪᐃᒃ. ᓈᒻᒪᒃᓴᙱᑦᑐᑦ? ᐃᓚᖏᑦ ᒪᓕᒐᓕᐅᖅᑏᑦ: ᐊᖏᖅᑐᑦ. ᐅᖃᖅᑎ: ᐱᖁᔨᕗᖔᕈᑦ ᑲᔪᓯᕗᖅ. 21. ᐱᖓᔪᐊᓐᓂ ᐅᖃᓕᒫᖅᑕᐅᓂᖏᑦ ᐱᖁᔭᒃᓴᑦ. ᑲᑎᒪᔾᔪᑎᒃᓴᐃᑦ 22. ᑲᑎᒪᔾᔪᑎᕗᑦ. ᐊᓪᓚᑦᑎᒻᒪᕇᒃ. ᑲᑎᒪᔾᔪᑎᒃᓴᖅ 22: ᑲᑎᒪᔾᔪᑎᒃᓴᐃᑦ ᑎᑎᕋᖅᑎ: ᖁᔭᓐᓇᒦᒃ. (ᑐᓵᔨᑎᒎᓕᖅᑐᖅ) ᐃᖅᑲᐃᒍᑎ ᑲᑎᒪᔨᐊᓛᑦ 1-ᒦᙶᖅ ᐅᓪᓗᖅ ᑲᑎᒪᓂᐊᖅᑐᑦ. ᑲᑎᒪᔾᔪᑎᒃᓴᐃᑦ, ᒫᑦᓯ 16: 1. ᑐᒃᓯᐊᕐᓂᖅ 2. ᐊᖓᔪᖅᑳᑦ ᐅᖃᐅᓯᖏᑦ 3. ᒪᓕᒐᓕᐅᖅᑏᑦ ᐅᖃᐅᓯᖏᑦ 4. ᑭᐅᔾᔪᑎᑦ ᐅᖃᐅᓯᒃᑯᑦ ᐊᐱᖅᑯᑎᓄᑦ 5. ᐃᓕᑕᖅᓯᓂᖅ ᐳᓛᖅᑎᓂᑦ 6. ᐅᖃᐅᓯᒃᑯᑦ ᐊᐱᖅᑯᑎᑦ 7. ᑎᑎᖅᑲᒃᑯᑦ ᐊᐱᖅᑯᑎᑦ 8. ᑭᐅᔾᔪᑎᑦ ᑎᑎᖅᑲᒃᑯᑦ ᐊᐱᖅᑯᑎᓄᑦ 9. ᑭᐅᔾᔪᑎᑦ ᒪᑐᐃᕈᑎᒧᑦ

ᐅᓪᓗᑐᐃᓐᓇᖅ, ᒫᑦᓯ 13, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 25 10. ᐊᑎᓕᐅᕈᑕᐅᓯᒪᔪᑦ 11. ᑭᐅᔾᔪᑎᑦ ᐊᑎᓕᐅᕈᑕᐅᓯᒪᔪᓄᑦ 12. ᑲᑎᒪᔨᕋᓛᑦ ᑲᑎᒪᔨᕋᓛᖑᑲᐃᓐᓇᖅᑐᓪᓗ ᒪᓕᒐᒃᓴᓂᑦ ᐊᓯᖏᓐᓂᓪᓗ ᐅᓂᒃᑳᖏᑦ 13. ᑎᑎᖅᑲᓂᑦ ᓴᖅᑭᑎᕆᓂᖅ 14. ᖃᐅᔨᒃᑲᐃᒍᑎᑦ ᐱᒋᐊᖅᑎᑕᒃᓴᓂᑦ 15. ᖃᐅᔨᒃᑲᐃᒍᑎᑦ ᐱᒋᐊᖅᑎᑕᒃᓴᓂᑦ ᒪᓕᒐᒃᓴᐃᑦ ᐅᖃᓕᒫᕐᓂᒃᓴᒥᒃ ᓯᕗᓪᓕᖅᐹᖓᓐᓂᒃ 16. ᐱᒋᐊᖅᑎᑕᐃᑦ 17. ᓯᕗᓪᓕᖅᐹᒥᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 18. ᐊᐃᑉᐹᓂᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 19. ᑲᑎᒪᔨᕋᓛᑦ ᑕᒪᐃᓐᓄᑦ ᒪᓕᒐᒃᓴᓄᑦ ᐊᓯᖏᓐᓂᓪᓗ ᐃᓱᒪᖅᓴᖅᓯᐅᕐᓂᖏᑦ ᒪᓕᒐᒃᓴᖅ 1 ᒪᓕᒐᒃᓴᖅ 3 ᒪᓕᒐᒃᓴᖅ 4 20. ᑲᑎᒪᔨᕋᓛᑦ ᑕᒪᐃᓐᓄᑦ ᐅᓂᒃᑳᖓᑦ 21. ᐱᖓᔪᐊᓐᓂᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 22. ᑲᑎᒪᔾᔪᑎᒃᓴᐃᑦ ᖁᔭᓐᓇᒦᒃ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᐅᓪᓗᑐᐃᓐᓇᐅᒻᒪᑦ ᑕᒫᓂ ᐱᓇᓱᐊᕈᓯᐅᑉ ᓄᙳᐊᓂ ᑕᖃᐃᖅᓯᑦᓯᐊᕐᓂᐊᖅᐳᓯ. ᑭᓯᐊᓂ ᑖᓐᓇ ᑲᑎᒪᓂᕗᑦ ᐅᓪᓗᒥ ᐱᔭᕇᖅᐳᖅ. ᐊᒻᒪᓗ ᐱᒋᐊᒃᑲᓐᓂᕐᓂᐊᕆᓪᓗᑕ ᓇᒡᒍᔾᔭᐅᖑᓕᖅᐳᑦ ᒫᑦᓯ 16, ᓯᕿᙳᔭᖅ 1:30-ᑉᐸᑦ. ᐃᖅᓱᑦᑏ. >>ᒪᓕᒐᓕᐅᖅᑏᑦ ᑲᑎᒪᓂᖓ ᐱᔭᕇᖅᑐᖅ 10:58

Document details

Collection	Nunavut — Debates (Hansard)
Citation	2026-03-13 Blues Inuktitut
Type	statute
Volume / chapter	20260313 Blues Inuktitut
Language	en
Format	pdf
Source	TERRITORIAL
Identifier	030b03737068b88c2bc48ceb65d531f31ba5e985

Source file is stored in the law ingest library (pdf).