ᒪᓕᒐᓕᐅᕐᕕᒻᒥ ᑲᑎᒪᔾᔪᑎᒥᓃᑦ ᐋᖅᑭᒋᐊᖅᓯᒪᓐᖏᑦᑐᑦ ᓇᕿᑦᑕᖅᑕᐅᓯᒪᔪᑦ ᓇᒡᒐᔾᔭᐅ, ᒫᑦᓯ 16, 2026 ᐃᖃᓗᐃᑦ, ᓄᓇᕗᑦ ᐋᖅᑭᒋᐊᕈᑎᑦ: ᐊᑏ ᐅᑎᖅᑎᓯᐅᒃ ᐋᖅᑭᒋᐊᖅᑕᐅᔪᐃᑦ ᑎᑎᕋᖅᑎᒧᑦ ᐅᕝᕙᓘᓐᓃᑦ ᑐᖏᓕᐊᓄᑦ ᒪᓕᒐᓕᐅᕐᕕᒻᒥ ᑲᑎᒪᔾᔪᑎᒥᓃᑦ ᓇᕿᔾᔪᑕᐅ ᓐᖏᓚᑦ ᑐᑭᓕᐊᖅᑕᐃᓐᓇᕆᓗᒋᑦ ᒪᓕᒐᓕᐅᖅᑏᑦ ᐊᐃᕙᓂᖏᑦ. ᓇᕿᑕᐅᓯᒪᑐᐃᓐᓇᖅᑐᐃᑦ ᐅᖃᐅᓯᐅᓪᓗᐊᑕᖅᑐᑦ. ᐅᖃᖅᑕᐅᒃᑲᓂᖅᑐᒥᒃ ᐊᓯᐊᑎᒍᓪᓘᓐᓃᑦ ᓲᕐᓗ ᓇᓗᓇᐃᖅᑕᐅᔪᖃᒃᑲᓐᓂᕆᐊᖃᖅᐸᑦ ᐋᖅᑭᒋᐊᖅᑕᐅᔪᓐᓇᖅᑐᑦ ᑭᓇᑐᐃᓐᓇᖅ ᒪᓕᒐᓕᐅᕐᕕᒻᒥ ᑲᑎᒪᔾᔪᑎᓂᑦ ᐅᖃᓕᒫᖅᑐᑦ ᓱᖅᑯᐃᒪᓂᐊᕐᒪᑦ ᐅᖃᖅᑕᒥᓂᕐᒥᒃ. ᑲᑎᒪᐅᑎᒥᓂᓕᕆᔪᑦ ᐅᖃᓕᒫᕋᓐᓂᑦᑎᑦᓯᔭᕆᐊᓖᑦ ᐊᔾᔨᒌᑉᐸ ᓐᖏᒻᒪᑎᒃ ᐅᖃᖅᑕᐅᔪᖅ ᑎᑎᕋᖅᓯᒪᔪᕐᓗ. ᐊᐃᕙᔾᔪᑎᒥᓃᑦ, ᓯᑎᐱᕆ 20, 1983, ᒪᑉᐱᑐᒐᖓ 27299. ᐴᓯᔅᓂᐅᑉ 6-ᖓᓐᓂᒃ ᓇᕿᑕᐅᔾᔪᑎᖓ, ᑎᓕᓯᔾᔪᑎᒃ 55

ᓄᓇᕗᑦ ᒪᓕᒐᓕᐅᕐᕕᖓ ᐅᖃᖅᑎ ᐊᖓᔪᖅᑳᖅ ᑕᐃᕕᑎ ᔪᐊᓇᓯ ᐊᐅᓚᑦᑎᔩᑦ ᐊᓪᓚᑦᑎᐅᑲᐃᓐᓇᖅᑐᖅ ᐊᓪᓚᑦᑎᐅᑉ ᑐᓪᓕᐊ ᒪᐃᑯᓪ ᐹᓪ ᓈᓐᓯ ᑐᐱᖅ ᐊᓪᓚᑦᑎᐅᑉ ᐃᑲᔪᖅᑎᖓ ᖂᔪ ᓄᓱᑦᑕᖅ ᒪᓕᒐᓕᕆᔨ ᒪᐃᑯᓪ ᓵᓐᑐᓗ ᐃᖅᓱᖅᑎ ᔮᓐ ᑖᐱᒃ ᑲᑎᒪᐅᑎᓂᒃ ᐋᖅᑭᒃᓱᐃᔩᑦ ᐅᖃᐅᓯᕐᒥᒃ ᐅᖃᐅᓯᕐᒧᑦ ᑎᒥᖓᑦ 926 ᓯᕗᒧᒋᐊᖅ ᐊᑐᕆᐊᖅ ᐃᖃᓗᐃᑦ, ᓄᓇᕗᑦ X0A 3H0 ᐊᖓᔪᖅᑳᖅ ᒍᐊᐃᓐ Hᐄᓕ- ᐊᕿᐊᕈᖅ (ᐃᖃᓗᐃᑦ−ᒪᓂᕋᔭᒃ) ᒥᓂᔅᑕ ᐃᓄᓕᕆᔨᒃᑯᓐᓄᑦ;ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂᑦ; ᒥᓂᔅᑕ ᑲᒪᒋᔭᖃᖅᑐᖅ ᐊᖏᕐᕋᖃᖏᓐᓂᕐᒥᒃ; ᒥᓂᔅᑕ ᑲᒪᒋᔭᖃᖅᑐᖅ ᐊᒃᖢᓂᕐᒥᒃ ᒥᒃᖠᒋᐊᖅᑎᑦᑎᓂᕐᒧᑦ;ᒥᓂᔅᑕ ᑲᒪᒋᔭᖃᖅᑐᖅ ᐊᕐᓇᐃᑦ ᑲᑎᒪᔨᖏᓐᓂᒃ; ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ (ᐃᖃᓗᐃᑦ-ᓂᐊᖁᙴ) ᒐᕙᒪᒃᑯᑦ ᓯᕗᒃᑲᖅᑕᖅᑎᖓ; ᒥᓂᔅᑕ ᐃᓕᓐᓂᐊᖅᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓯᓚᑦᑐᖅᓴᕐᕕᖕᒥᒃ ᕼᐋᓇ ᐊᖑᑎᐊᓗᒃ (ᐊᐃᕕᓕᒃ) ᐃᐊᑦᕗᑦ ᐊᑕᒍᑦᑖᓗᒃ (ᐊᒡᒍ) ᐊᖓᔪᖅᑳᖅ ᔮᓂᑦ ᐳᕉᔅᑐ (ᐃᖃᓗᐃᑦ-ᓯᓈ) ᒥᓂᔅᑕ ᐋᓐᓂᐊᖃᕐᓇᓐᖏᑦᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᐊᖓᔪᖅᑳᖅ ᔪᐊᔾ Hᐃᒃᔅ (ᐃᖃᓗᐃᑦ-ᑕᓯᓗᒃ) ᓄᓇᕗᒻᒧᑦ ᓯᕗᓕᖅᑎᐅᑦ ᑐᖓᓕᖓ; ᒥᓂᔅᑕ ᒪᓕᒐᓕᕆᓂᕐᒧᑦ; ᒥᓂᔅᑕ ᐃᖏᕐᕋᔪᓕᕆᓂᕐᒧᑦ ᒪᑭᒪᐅᑎᓄᓪᓗ; ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑐᓕᕆᓂᕐᒧᑦ ᑲᑎᒪᔨᓂᒃ; ᒥᓂᔅᑕ ᑲᒪᒋᔭᖃᖅᑐᖅ ᐃᓄᐃᑦ ᐱᔪᓐᓇᐅᑎᖏᓐᓄᑦ ᑲᑎᒪᔨᓂᒃ ᔭᐃᒥ ᖃᑉᓗᑦᓯᐊᖅ (ᐊᕐᕕᐊᑉ ᓂᒋᐊ) ᒍᐊᑕᓐ ᑲᐅᑕᒃ (ᐅᖅᑯᒻᒥᐅᑦ) ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓄᓂᖅ) ᒥᓂᔅᑕ ᐃᓕᖅᑯᓯᓕᕆᔨᒃᑯᑦ; ᒥᓂᔅᑕ ᐅᖃᐅᓯᓕᕆᓂᕐᒧᑦ; ᒥᓂᔅᑕ ᐊᕙᑎᓕᕆᓂᕐᒧᑦ; ᒥᓂᔅᑕ ᐆᒻᒪᖅᑯᑎᓕᕆᓂᕐᒧᑦ ᓴᐃᒪᓐ ᖁᓕᒃᑖᓇ (ᖁᕐᓗᖅᑑᖅ) ᐊᖓᔪᖅᑳᖅ ᓯᓯᐅᓪ ᓂᐅᓪᕙᓇ ᓚᐃᔪᓪ (ᓇᑦᓯᓕᒃ) ᓯᕗᓕᖅᑎ ᐋᕐᓗᒃ ᒪᐃᓐ (ᐊᕐᕕᐊᑉ ᐅᐊᓐᓇᖓ-ᑎᑭᕌᕐᔪᐊᖅ) ᓯᕗᓕᖅᑎ ᓄᓇᕗᒻᒥ; ᒥᓂᔅᑕ ᓯᕗᓕᖅᑎᓄᑦ ᒐᕙᒪᐅᖃᑎᒌᒃᑐᓕᕆᔨᒃᑯᓐᓄᓪᓗ; ᒥᓂᔅᑕ ᑮᓇᐅᔭᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᖃᖅᑳᖅᓯᒪᔪᓕᕆᓂᕐᒥᒃ; ᒥᓂᔅᑕ ᑲᒪᒋᔭᖃᖅᑐᖅ ᑲᓇᑕᐅᑦ ᓯᓚᑖᓃᖖᒑᖅᑐᓄᑦ; ᒥᓂᔅᑕ ᑲᒪᒋᔭᖃᖅᑐᖅ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᓐᓇᕐᓂᒃ; ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᒥᓴᓐ; ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᑎᒪᔨᖏᓐᓄᑦ; ᔮᓂ ᒪᐃᒃ (ᐸᓐᓂᖅᑑᖅ) ᕗᕆᐊᑦ ᐲᑕᓴᓐ (ᐃᖃᓗᒃᑑᑦᑎᐊᖅ) ᑕᐃᕕᑦ ᐳᐊᑐ (ᐅᖅᓱᖅᑑᖅ) ᐊᐃᕝᕙᓚᕼᐋ ᖃᒪᓂᖅ (ᐊᒥᑦᑐᖅ) ᑖᓂᐅᓪ ᖃᕝᕕᒃ (ᑕᓯᐅᔭᕐᔪᐊᖅ) ᐋᓕᒃᓵᓐᑐ ᓴᒻᒧᖅᑐᖅ (ᑲᖏᖅᖠᓂᐅᑉ ᐅᐊᓐᓇᖓ-ᐃᒡᓗᓕᒑᕐᔪᒃ) ᐃᓐᓇᖓᔪᖅ ᖂᑭᐊᖅ (ᓇᑦᓯᓕᒃ) ᐋᓕᒃᓵᓐᑐ ᓴᒻᒧᖅᑐᖅ (ᑲᖏᖅᖠᓂᐅᑉ ᐅᐊᓐᓇᖓ-ᐃᒡᓗᓕᒑᕐᔪᒃ) ᑯᕋᐃᒃ ᓯᒪᐃᓚᒃ (ᖃᒪᓂᑦᑐᐊᖅ) ᒥᓂᔅᑕ ᓄᓇᓕᖕᓂ ᒐᕙᒪᒃᑯᓂᓪᓗ ᐱᔨᑦᑎᖅᑎᒃᑯᑦ;ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᒃ; ᒥᓂᔅᑕ ᑲᒪᒋᔭᖃᖅᑐᖅ ᐅᔭᕋᖕᓂᐊᕐᓂᕐᒧᑦ; ᒥᓂᔅᑕ ᑕᐅᖅᓯᕋᕐᓂᕐᒥᒃ ᐱᓕᕆᐊᒃᓴᓕᒃ; ᐋᓂ ᑕᑦᑐᐃᓂ (ᑲᖏᖅᖠᓂᐅᑉ ᓂᒋᐊ) ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐊᒃᑯᒫᓂᒃ ᖃᐅᔨᓴᖅᑏᑦ ᓯᑏᕙᓐ ᑕᖅᑐ (ᖁᑦᑎᒃᑐᕐᒃ)

ᐅᖄᓚᐅᑖ (867) 975-5000 ᓱᒃᑲᕈᑖ (867) 975-5190 ᐊᑭᖃᓐᖏᑦᑐᖅ (877) 334-7266 ᖃᕋᓴᐅᔭᑎᒍᑦ ᑐᕌᕈᑎᖓᑦ: www.assembly.nu.ca

ᐃᓗᓕᖏᑕ ᓇᓕᖅᑲᖏᑦ ᑐᒃᓯᐊᕐᓂᕐᒧᑦ ᒪᑐᐃᖅᑕᐅᓂᖓ ....................................................................................................................................................... 1 ᒥᓂᔅᑕᐃᑦ ᐅᖃᐅᓯᒃᓴᖏᑦ ................................................................................................................................................................ 1 ᒪᓕᒐᓕᐅᖅᑏᑦ ᐅᖃᐅᓯᖏᑦ ............................................................................................................................................................ 8 ᑭᐅᔾᔪᑏᑦ ᐅᖃᐅᓯᒃᑯᑦ ᐊᐱᖅᑯᑎᒥᓂᕐᓄᑦ ................................................................................................................................... 12 ᐃᓕᑕᖅᓯᓂ ᐳᓛᖅᑎᓂ ................................................................................................................................................................. 13 ᐅᖃᐅᓯᒃᑯᑦ ᐊᐱᖅᑯᑏᑦ .................................................................................................................................................................. 13 ᖃᐅᔨᒃᑲᐃᒍᑎ ᐱᒋᐊᖅᑎᑕᑦᓴᓂᑦ ................................................................................................................................................. 27 ᐱᒋᐊᖅᑎᑕᑦ .................................................................................................................................................................................... 28 ᑲᑎᒪᓂᑐᐃᓐᓇᕐᓂᖅ ᐃᓱᒪᒃᓴᖅᓯᐅᕈᑎᖃᖅᑎᓪᓗᒋᑦ ᐱᖁᔭᒃᓴᓂ ᐊᓯᖏᓐᓂᓪᓗ ᐅᑯᐊ ᐱᖁᔭᒃᓴᐃᑦ ................................. 28 ᑲᑎᒪᔨᕋᓛᑦ ᑕᒪᐃᓐᓄᑦ ᐅᓂᒃᑳᖏᑦ ............................................................................................................................................. 59 ᐱᖓᔪᐊᓐᓂ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ .............................................................................................................................. 59 ᑲᑎᒪᔾᔪᑎᒃᓴᐃᑦ ............................................................................................................................................................................... 59

ᐃ. ᖃᐅᑕᒫᒧᑦ ᖃᐅᔨᒋᐊᕈᑎᑦ ᓇᒡᒐᔾᔭᐅ, ᒫᑦᓯ 16, 2026 ..................................................................................................................................................... 1 ᐅ. ᐊᖓᔪᖅᑳᑦ ᐅᓂᒃᑳᖏᑦ 42 – 7(1): ᒥᓂᔅᑕ ᐅᐸᑦᓯᒪᙱᑦᑐᖅ ᒪᓕᒐᓕᐅᕐᕕᖕᒥ (ᕼᐃᒃᔅ) ................................................................................................ 1 43 – 7(1): ᐃᓕᓴᖅᓯᓂᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᐃᖅᑲᓇᐃᔭᖅᑎᖏᓐᓂᒃ ᐅᐸᒃᑕᐅᖅᑳᐸᒃᑐᓂᒃ (ᕼᐄᓕ ᐊᕿᐊᕈᖅ) .................................................................................................................................................................... 1 44 – 7(1): AIRBUS A-350 ᖃᒃᓚᓱᒃᑐᒥ ᖃᐅᔨᓴᕐᓂᖅ (ᕼᐃᒃᔅ) ........................................................................................... 2 45 – 7(1): ᐊᒪᕐᕈᕐᓂᒃ ᖃᐅᔨᓴᕋᒃᓴᓂᑦ ᑲᑎᖅᓱᐃᓂᖅ (ᑯᓄᒃ) ................................................................................................. 3 46 – 7(1): ᑎᑎᕋᖅᓯᒪᔪᑎᒍᑦ ᑐᑭᓯᐅᒪᖃᑦᑕᐅᑎᓂᖅ − ᐅᔭᕋᖕᓂᐊᕋᓴᑦᑎᐊᕙᐃᑦ (ᓯᒪᐃᓚᒃ) ............................................ 3 47 – 7(1): ᑲᓇᑕᒥ−ᓄᓇᕗᒻᒥ ᐃᒡᓗᓕᕆᓂᕐᒧᑦ ᐃᑲᔫᑏᑦ − ᓇᖕᒥᓂᖅ ᐃᒡᓗᖃᖅᑐᓄᑦ ᐃᑲᔫᑏᑦ (ᓚᐃᔪᓪ) .................... 5 48 – 7(1): ᐃᓕᓐᓂᐊᕐᓂᖅ ᓄᓇᓖᓪᓗ (ᕼᐄᓕ ᐊᕿᐊᕈᖅ) ..................................................................................................... 5 49 – 7(1): ᑲᓇᑕᒥ ᑮᓇᐅᔭᓕᐊᓂᑦ ᑖᒃᓰᓕᕆᔨᒃᑯᑦ ᐃᑭᐅᐊᖅᑭᕕᖓ ᐃᓄᑦᑎᑑᖓᔪᖅ (ᒪᐃᓐ) .......................................... 6 50 – 7(1): ᐋᓐᓂᐊᕕᖕᒧ ᐊᐅᓪᓚᖅᐸᒃᑐᓄᑦ ᐊᑐᐊᒐᖅ ᐃᑲᔪᖅᑐᐃᔾᔪᑎᓪᓗ (ᐳᕉᔅᑐ) ........................................................... 7 ᐊ. ᒪᓕᒐᓕᐅᖅᑏᑦ ᐅᓂᒃᑳᖏᑦ ᒪᓕᒐᓕᐅᖅᑎᑉ ᐅᖃᐅᓯᖓ 54 – 7(1): ᐅᑭᐅᖅᑕᖅᑐᒥ ᐱᙳᐊᕕᔾᔪᐊᕆᐊᖅᑐᖅᓯᒪᓚᐅᖅᑐᑦ (ᐲᑕᓴᓐ) ............................ 8 ᒪᓕᒐᓕᐅᖅᑎᑉ ᐅᖃᐅᓯᖓ 55 – 7(1): ᐊᑯᓂᐊᓗᒃ ᐃᖅᑲᓇᐃᔭᖅᓯᒪᓕᖅᑐᖅ ᐹᑦᓯ ᑲᐅᑕᒃ ᖁᒃᓱᒃ (ᖃᑉᓗᑦᓯᐊᖅ)......... 9 ᒪᓕᒐᓕᐅᖅᑎᑉ ᐅᖃᐅᓯᖓ 56 – 7(1): ᓄᑕᖅᑲᓄᑦ ᖃᑕᙳᑎᒌᓄᓪᓗ ᐱᔨᑦᑎᕋᐅᑎᓄᑦ ᐱᐅᓯᒋᐊᕈᑎᑦ (ᒪᐃᒃ) ........... 10 ᒪᓕᒐᓕᐅᖅᑎᑉ ᐅᖃᐅᓯᖓ 57 – 7(1): ᓄᓇᓕᓐᓂ ᑐᖁᖓᔪᒃᑯᕖᑦ ..................................................................................... 10 ᐱ. ᑭᐅᔾᔪᑏᑦ ᐅᖃᐅᓯᒃᑯᑦ ᐊᐱᖅᑯᑎᓄᑦ ᐊᐱᖅᑯᑦ 21 – 7(1): ᐃᓐᓇᑐᖃᐃᑦ ᐱᓕᕆᐊᖏᑦ ᓄᓇᓕᓐᓂ ᐃᖅᑲᖅᑐᐃᔪᓕᕿᓂᕐᒧᑦ ᑲᑎᒪᔨᕋᓛᓂᑦ (ᕼᐃᒃᔅ)............11 ᐳ.

ᐅᖃᐅᓯᒃᑯᑦ ᐊᐱᖅᑯᑎᑦ 44 – 7(1): ᑐᑦᑐᓕᕆᓂᖅ ᕿᑎᕐᒥᐅᓂ (ᖁᓕᖅᑖᓇ) ............................................................................................................... 13 45 – 7(1): ᕕᐊᑖᕐᕕᒃ ᐅᐊᓐᑖᕐᕕᔅᓴᖅ ᐃᖃᓗᒃᑑᑦᑎᐊᕐᒥ (ᐲᑕᓴᓐ) ....................................................................................... 14 46 – 7(1): ᓄᓇᓕᖕᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔭᐅᔭᕆᐊᓕᖕᓄᑦ ᖃᐅᔨᓴᕐᓂᕐᒧᑦ ᐱᓕᕆᐊᖑᕙᑦᑐᑦ (ᖃᑉᓗᑦᓯᐊᖅ) .......................................................................................................................................................................... 16 47 – 7(1): ᒪᒃᑯᑦᑐᑦ ᐃᓐᓇᐃᓪᓗᑲᑎᒪᔨᖃᓛᑎᓐᓄᑦ ᐊᐃᑦᑑᑎᓄᑦ ᐱᓕᕆᐊᖅ (ᐊᖑᑎᐊᓗᒃ) ........................................... 18 48 – 7(1): ᓄᓇᓕᓐᓂ ᑐᖁᖓᔪᒃᑯᕕᖏᑦ (ᐳᐊᑐ) .................................................................................................................. 19 49 -7(1): ᖃᖓᑕᓲᒃᑯᕕᓐᓂ ᐱᖁᑎᕐᔪᐊᑦ (ᒪᐃᒃ) .................................................................................................................... 20 50 – 7(1): ᖃᖓᑕᓲᒃᑯᕕᓐ ᐱᖁᑎᕐᔪᐊᑦ (ᓴᒻᒧᖅᑐᖅ) ............................................................................................................. 22 51 – 7(1): ᐅᑭᐅᖅᑕᖅᑐᒥ ᓴᐳᑎᓯᒪᓂᖅ (ᑕᖅᑐ) .................................................................................................................... 24 52 – 7(1): ᓄᑖᖅ ᐃᖅᑲᓇᐃᔭᖅᑎᓄᑦ ᐊᖏᖃᑎᒌᒍᑦ (ᑲᐅᑐᒃ) ............................................................................................ 26 53 – 7(1): ᐅᖅᓱᐊᓗᓕᕆᔨᒃᑯᑦ ᐱᐃᓕᕆᐊᕆᓯᒪᔭᖏᑦ (ᖃᑉᓗᑦᓯᐊᖅ) ................................................................................. 26 ᐱᒋᐊᖅᑎᑕᑦ ᐱᒋᐊᖅᑎᑕᑦᓴᖅ 11 – 7(1): ᐅᖓᕙᕆᐊᖅᑕᐅᓂᖏᑦ ᑲᑎᒪᕐᔪᐊᕐᓇᐅᑉ ᐃᑲᕐᕋᖏᑦ ᐅᓪᓗᖏᓪᓗ − ᖃᐅᔨᒃᑲᐃᔾᔪᑎ ᐱᖁᔨᕗᖔᕈᑎᒧᑦ ᐱᒋᐊᖅᑎᑕᑦᓴᖅ 11 – 7(1): ᐅᖓᕙᕆᐊᖅᑕᐅᓂᖏᑦ ᑲᑎᒪᕐᔪᐊᕐᓇᐅᑉ ᐃᑲᕐᕋᖏᑦ ᐅᓪᓗᖏᓪᓗ (ᓴᒻᒧᖅᑐᖅ) ᒍ. ᒪᓕᒐᒃᓴᐃᑦ ᒪᓕᒐᒃᓴᖅ 2 - ᐊᑐᕈᒪᕐᓂᐊᖅᑐᑦ (ᐊᑭᑐᔪᖅᑐᕈᑏᑦ) ᐱᖁᔭᖅ, 2026-2027 - ᑲᑎᒪᔨᕋᓛᑦ ᐃᓱᒪᖅᓴᖅᓯᐅᕐᓂᖏᑦ......... 21 ᒪᓕᒐᒃᓴᖅ 2 - ᐊᑐᕈᒪᕐᓂᐊᖅᑐᑦ (ᐊᑭᑐᔪᖅᑐᕈᑏᑦ) ᐱᖁᔭᖅ, 2026-2027 - ᐱᖓᔪᐊᓐᓂ ᐅᖃᓕᒫᖅᑕᐅᓂᖓ..............58

ᓇᒡᒐᔾᔭᐅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 1 ᐃᖃᓗᐃᑦ, ᓄᓇᕗᑦ ᕿᑎᖅᑰ, ᒫᑦᓯ 12, 2026 ᒪᓕᒐᓕᐅᖅᑏᑦ ᐅᐸᒃᑐᑦ: ᐊᖓᔪᖅᑳᖅ ᒍᐊᐃᓐ ᕼᐄᓕ−ᐊᕿᐊᕈᖅ, ᒥᔅ ᕼᐋᓇ ᐊᖑᑎᐊᓗᒃ, ᒥᔅᑕ ᐃᐊᑦᕗᑦ ᐊᑕᒍᑦᑖᓗᒃ, ᐊᖓᔪᖅᑳᖅ ᔮᓂᑦ ᐱᑦᓯᐅᓛᖅ ᐳᕉᔅᑐ, ᐊᖓᔪᖅᑳᖅ ᔪᐊᔾ ᕼᐃᒃᔅ, ᐅᖃᖅᑎ ᑕᐃᕕᑎ ᔪᐊᓇᓯ, ᒥᔅᑕ ᔭᐃᒥ ᑲᑉᓗᑦᓯᐊᖅ, ᒥᔅᑕ ᒍᐊᑕᓐ ᑲᐅᑐᒃ, ᐊᖓᔪᖅᑳᖅ ᐳᕋᐃᔭᓐ ᑯᓄᒃ; ᒥᔅᑕ ᓴᐃᒪᓐ ᖁᓕᒃᑖᓇ, ᐊᖓᔪᖅᑳᖅ ᓯᓯᐅᓪ ᓂᐅᓪᕚᓇ ᓚᐃᔪᓪ, ᓯᕗᓕᖅᑎ ᐋᕐᓗᒃ ᒪᐃᓐ, ᒥᔅᑕ ᔮᓂ ᒪᐃᒃ, ᒥᔅᑕ ᕗᕆᐊᑦ ᐲᑕᓴᓐ, ᒥᔅᑕ ᑕᐃᕕᑦ ᐳᐊᑐ, ᒥᔅᑕ ᐊᐃᕙᓚᕼᐋᒻ ᖃᒪᓂᖅ, ᒥᔅᑕ ᐋᓕᒃᓵᓐᑐ ᓴᒻᒧᖅᑐᖅ, ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ, ᒥᔅᑕ ᓯᑏᕙᓐ ᑕᖅᑐ, ᐊᖓᔪᖅᑳᖅ ᐋᓂ ᑕᑦᑐᐃᓂ. >>ᑲᑎᒪᓯᒋᐊᖅᑐᑦ 13:30 ᑲᑎᒪᔾᔪᑎᒃᓴᖅ 1: ᑐᒃᓯᐊᕐᓂᕐᒧᑦ ᒪᑐᐃᖅᑕᐅᓂᖓ ᐅᖃᖅᑎ: ᐱᒋᐊᓚᐅᖅᑳᑎᓐᓇᑕ, ᒥᔅᑕ ᐊᑕᒍᑦᑖᓗᒃ ᑐᑦᓯᐊᓂᒃᑯᑦ ᒪᑐᐃᖅᓯᔪᓐᓇᕈᕕᑦ, ᐊᐱᕆᕙᒋᑦ. >>ᑐᒃᓯᐊᖅᑐᑦ ᐅᖃᖅᑎ: ᖁᔭᓐᓇᒦᒃ, ᒥᔅᑕ ᐊᑕᒍᑦᑖᓗᒃ. ᐅᓪᓗᒃᑯᑦ ᓄᓇᕗᒻᒥᐅᑦ, ᓇᒥᓕᒫᖅ ᑕᐅᑐᑦᑐᑦ, ᓈᓚᑦᑐᑦ. ᑐᙵᓱᒋᑦᓯ ᒪᓕᒐᓕᐅᕐᕕᐅᑉ ᑲᑎᒪᓂᖓᓄᑦ ᐱᒋᐊᕐᓂᐊᓕᖅᑎᓪᓗᑕ. ᑭᓯᐊᓂ ᑲᑎᒪᔪᑎᑦᑎᓐᓄᑦ ᑲᔪᓯᒋᐊᖄᖅᓚᐅᖄᑎᓐᓇᒍ, ᐅᖃᖅᑳᕈᒪᒋᕗᖓ ᑕᕝᕙᓂ ᑭᕿᖅᑖᓘᑉ ᓂᒡᒋᐊᓂ, ᐃᓛ ᑭᙵᕐᓂ ᐱᓗᐊᖅᑐᒥ ᐅᓪᓗᒥ ᐃᓗᕕᖅᓯᓚᖓᑎᓪᓗᒋᑦ ᐃᓱᒪᒋᑦᑎᐊᖅᐸᒃᑲ ᐊᒃᑲᒋᓚᐅᖅᑕᒪ ᓄᓕᐊᖓᓂᑦ, ᐊᕐᓈᕐᔪᒋᓚᐅᖅᑕᕋ (My Aunty Mary) ᕿᓕᑉᐸᓕᒃ, ᖃᑕᙳᑎᖐᑦ, ᕿᑐᖓᖏᓪᓗ, ᑭᖑᕚᓕᒫᖏᑦ ᐃᓱᒪᒋᑦᓯᐊᕐᓂᐊᖅᐸᒃᑲ ᐅᓐᓄᓴᐅᔪᖅ. ᑲᑎᒪᔾᔪᑎᑦᑎᓐᓄᑦ, ᑲᑎᒪᔾᔪᑎᒃᓴᖅ 2. (ᑐᓵᔨᑎᒎᓕᖅᑐᖅ) ᒐᕙᒪᒃᑯᑦ ᓯᕗᒃᑲᖅᑎᒋᑲᐃᓐᓇᖅᑕᖓ, ᒥᔅᑕ ᕼᐃᒃᔅ. ᑲᑎᒪᔾᔪᑎᒃᓴᖅ 2: ᒥᓂᔅᑕᐃᑦ ᐅᖃᐅᓯᒃᓴᖏᑦ ᒥᓂᔅᑕᑉ ᐅᖃᐅᓯᖓ 42 – 7(1): ᒥᓂᔅᑕ ᐅᐸᑦᓯᒪᙱᑦᑐᖅ ᒪᓕᒐᓕᐅᕐᕕᖕᒥ (ᕼᐃᒃᔅ) ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖃᐅᔨᒃᑲᐃᔪᒪᓪᓗᖓ ᑕᐃᕕᑦ ᐊᕿᐊᕈᖅ ᖃᐃᓯᒪᔾᔮᖏᒻᒪᑦ ᐃᒻᒥᒧᑦ ᐊᕝᕕᐊᕈᑎᖃᖅᖢᓂ. ᐅᖃᖅᑏ, ᒥᓂᔅᑕ ᐊᕿᐊᕈᖅ ᑕᕝᕙᓃᙱᑲᐃᓐᓇᑎᓪᓗᒍ, ᐅᑯᐊ ᒥᓂᔅᑕᐃᑦ ᑭᖑᕝᕕᐅᑎᓯᒪᑲᐃᓐᓇᕐᓂᐊᖅᑐᑦ ᐅᑯᓄᖓ ᐱᓕᕆᐊᒃᓴᓄᑦ: ᒐᕙᒪᒃᑯᑦ ᒪᓕᒐᓕᐅᕐᕕᖕᒥ ᓯᕗᒃᑲᖅᑕᖅᑎᐅᑲᐃᓐᓇᕐᓂᐊᖅᐳᖓ; ᓯᕗᓕᖅᑎ ᒪᐃᓐ ᒥᓂᔅᑕᐅᓚᐅᑲᖕᓂᐊᖅᑐᖅ ᐃᓕᓐᓂᐊᕐᓂᓕᕆᔨᒃᑯᓐᓄᑦ; ᐊᒻᒪᓗ ᒥᔅ ᕼᐄᓕ ᐊᕿᐊᕈᖅ ᒥᓂᔅᑕᐅᑲᐃᓐᓇᕐᓂᐊᖅᑐᖅ ᓄᓇᕗᒻᒥ ᓯᓚᑦᑐᖅᓴᕐᕕᒻᒧᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᖅ. ᒥᓂᔅᑕᐃ ᐅᖃᐅᓯᖏᑦ. ᒥᓂᔅᑐ ᑲᒪᒋᔭᓕᒃ ᖁᓪᓕᒃ ᐆᒻᒪᖅᑯᓯᓕᕆᔨᒃᑯᓐᓄᑦ, ᒥᔅ ᕼᐄᓕ ᐊᕿᐊᕈᖅ. ᒥᓂᔅᑕᑉ ᐅᖃᐅᓯᖓ 43 – 7(1): ᐃᓕᓴᖅᓯᓂᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᐃᖅᑲᓇᐃᔭᖅᑎᖏᓐᓂᒃ ᐅᐸᒃᑕᐅᖅᑳᐸᒃᑐᓂᒃ (ᕼᐄᓕ ᐊᕿᐊᕈᖅ) ᕼᐄᓕ ᐊᕿᐊᕈᖅ: ᖁᔭᓐᓇᒦᒃ ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᐅᖃᖅᑎᑦᑎᔩ, ᐅᓪᓗᒥ ᐃᓕᓴᕆᔪᒪᕙᒃᑲ ᐱᓕᕆᓪᓚᕆᒍᒪᕙᖕᓂᖏᑦ ᐱᓕᕆᔨᓪᓚᕆᐅᕙᖕᓂᖏᓪᓗ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ (QEC−ᑯᑦ) ᐅᐸᒃᑕᐅᖅᑳᖅᐸᒃᑐᑦ ᐃᖅᑲᓇᐃᔭᖅᑎᖏᑦ ᑕᖃᓱᐃᑦᑑᓪᓗᑎᒃ ᐱᓕᕆᕙᒃᑐᑦ ᓇᓗᙱᑦᑎᐊᕈᒪᓂᕐᒧᑦ ᐊᑐᖅᑕᐅᑦᑎᐊᕈᓐᓇᖅᑐᒥᒃ ᐆᒻᒪᖅᑯᒻᒥᒃ ᓄᓇᕗᒻᒥᐅᓄᑦ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 2 ᑖᒃᑯᐊ ᐃᖅᑲᓇᐃᔭᖅᑏᑦ ᐊᔪᙱᓐᓂᖃᑦᑎᐊᖅᖢᑎᒃ ᐱᓕᕆᔨᓪᓚᕆᐅᕗᑦ ᐊᐅᓚᑦᑎᕙᒃᖢᑎᒃ ᑲᒪᒋᔭᖃᖅᐸᒃᖢᑎᒡᓗ ᐃᓗᓕᖃᐅᑦᑎᐊᖅᑐᓂᒃ ᐆᒻᒪᖅᑯᒻᒧᑦ ᐊᑐᖅᑕᐅᕙᒃᑐᓂᒃ ᐃᓚᖏᓐᓂ ᐊᒃᓱᕈᕐᓇᕐᓂᖅᐹᓂ ᖃᓄᐃᓕᖓᓂᕆᔭᐅᔪᓂ ᑲᓇᑕᒥ. ᐱᓕᕆᕙᒃᐳᑦ ᓂᒡᓚᓱᒃᑐᒻᒪᕆᐊᓗᖕᒥ, ᐊᓄᕆᕐᔪᐊᕌᓗᖕᒥ, ᖃᐅᒪᑦᑎᐊᙱᖦᖢᓂᓗ, ᐃᑲᕐᕋᖏᑦ ᓈᒻᒪᙱᖦᖢᑎᒃ ᖃᐅᔨᑎᑕᐅᓯᒪᙱᖦᖢᑎᒡᓗ, ᓄᓇᓖᑦ ᐆᒻᒪᖅᑯᑎᖃᖁᓪᓗᒋᑦ ᖁᐊᖅᓵᕐᓇᖅᑐᒦᖁᓇᒋᓪᓗ. ᐊᖏᖅᓯᒪᓂᖏᑦ ᐅᖓᑖᓅᖓᕗᑦ ᐱᓕᕆᔾᔪᑎᓄᑦ ᖃᐅᔨᒪᓂᒻᒪᕆᖕᓄᑦ. ᑕᑯᒃᓴᐅᑎᑦᑎᕗᖅ ᐃᓗᐃᑦᑐᒥᒃ ᑲᒪᒋᔭᖃᕐᓂᕐᒥᒃ ᐃᓄᖕᓄᑦ ᐱᔨᑦᑎᕋᖅᑕᒥᓄᑦ. ᐅᖃᖅᑎᑦᑎᔩ, ᖃᒥᙶᖅᑐᖃᕌᖓᑦ ᐱᖁᑎᓂᒡᓘᓐᓃᑦ ᐊᔪᓕᖅᑐᖃᕌᖓᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐱᓕᕆᔨᖏᑦ ᐅᐸᑲᐅᑎᒋᕙᒃᖢᑎᒃ. ᐆᒻᒪᖅᑯᑎᑖᖅᑎᑦᑎᒐᓗᐊᖅᐸᑕ ᐅᓐᓄᐊᒃᑯᑦ, ᐅᐊᔭᓂᒃ ᐋᖅᑭᒃᓱᐃᕙᒡᓗᑎᒃ ᓯᓚᓗᒃᑐᐊᓘᑎᓪᓗᒍ, ᐅᕝᕙᓘᓐᓃᑦ ᐊᐅᓚᐅᑎᑦ ᐃᖏᕐᕋᐃᓐᓇᕋᓗᐊᖅᐸᑕ ᐱᖅᓯᖅᑎᓪᓗᒍ, ᑖᒃᑯᐊ ᐃᖅᑲᓇᐃᔭᖅᑎᑦ ᓄᓇᓕᖕᓂ ᐱᔭᐅᔭᕆᐊᓕᖕᓂᒃ ᓯᕗᓪᓕᐅᑎᑦᑎᖃᑦᑕᖅᐳᑦ. ᑕᐃᒪᐃᓕᐅᖅᖢᑎᒃ, ᑕᑯᒃᓴᐅᑎᑦᑎᕗᑦ ᓴᐱᓕᖅᓴᕋᐃᙱᓐᓂᕐᒥᒃ, ᓱᖏᐅᑎᔪᓐᓇᕐᓂᕐᒥᒃ, ᐊᔪᙱᓐᓂᖃᑦᑎᐊᕐᓂᕐᒥᒡᓗ ᐊᒃᓱᕈᕐᓇᕋᓗᐊᖅᑎᓪᓗᒍ. ᐅᖃᖅᑎᑦᑎᔩ, ᑖᒃᑯᐊ ᐃᖅᑲᓇᐃᔭᖅᑏᑦ ᑕᑯᔭᐅᒐᔪᙱᑦᑐᑦ, ᑭᓯᐊᓂ ᐊᒃᑐᐃᓂᕆᔭᖏᑦ ᐃᒃᐱᒋᔭᐅᓲᖑᕗᑦ ᐊᖏᕐᕋᕆᔭᐅᔪᓕᒫᓂᒃ, ᐃᓕᓐᓂᐊᕐᕕᖕᓂ, ᐋᓐᓂᐊᕕᖕᓂ, ᐊᒻᒪ ᓇᖕᒥᓂᕆᔭᐅᔪᓂᒃ ᓄᓇᕘᓕᒫᒥ. ᐱᓕᕆᔪᒪᑦᑎᐊᕐᓂᖏᑦ ᐊᔪᕐᓇᕐᓂᖅᐹᒥ, ᐱᓕᕆᐊᒃᓴᕐᓗ ᐱᕐᔪᐊᖑᓛᖑᑎᓪᓗᒍ, ᐃᓚᒋᔭᐅᓪᓚᕆᒃᐳᑦ ᓄᓇᕘᑉ ᐆᒻᒪᖅᑯᑎᓕᕆᔾᔪᑎᖏᓐᓄᑦ. ᐊᐱᕆᕙᒃᑲ ᒪᓕᒐᓕᐅᖅᑎᐅᖃᑎᒃᑲ ᐅᓪᓗᒥ ᖁᔭᓕᖃᑎᒋᔪᒪᓪᓗᒋᑦ ᖁᓪᓕᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᐱᓕᕆᑦᑎᐊᖃᑦᑕᕐᓂᖏᓐᓄᑦ, ᐊᔪᙱᑦᑎᐊᕐᓂᖏᓐᓄᑦ ᐱᔨᑦᑎᕋᕐᓂᖏᓐᓄᓪᓗ. ᐱᓕᕆᐊᖏᑦ ᓄᓇᕗᒻᒥ ᐆᒻᒪᖅᑯᑎᖃᖅᑎᑦᑎᕗᑦ, ᑲᓱᖅᓯᒪᑎᑦᑎᓪᓗᑎᒃ, ᐊᒻᒪ ᓯᕗᒻᒧᐊᒃᑎᑦᑎᓪᓗᑎᒃ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ: ᒥᓂᔅᑕᐃᑦ ᐅᖃᐅᓯᖏᑦ. ᐃᖏᕐᕋᔪᓕᕆᔨᒃᑐᑯᑦ ᐊᐅᓚᔪᓐᓇᐅᑎᓕᕆᔨᒃᑯᑦ ᒥᓂᔅᑕᖓᑦ, ᒥᔅᑕ ᕼᐃᒃᔅ. ᒥᓂᔅᑕᑉ ᐅᖃᐅᓯᖓ 44 – 7(1): AIRBUS A-350 ᖃᒃᓚᓱᒃᑐᒥ ᖃᐅᔨᓴᕐᓂᖅ (ᕼᐃᒃᔅ) ᐊᖓᔪᖅᑳᖅ ᔪᐊᔾ ᕼᐃᒃᔅ ᐅᖃᖅᑎᑦᑎᔩ, ᑕᒪᑐᓂ ᐅᑭᐅᕐᒥ -- ᐅᑭᐅᖑᖃᑦᑕᖅᓯᒪᔪᓂᓪᓗ ᑭᖑᓂᑦᑎᓐᓂ -- ᐃᖃᓗᐃᑦ ᖃᖓᑕᓲᒃᑯᕕᖓ ᖁᕕᐊᓱᖃᑦᑕᖅᓯᒪᒻᒪᑦ ᖃᐅᔨᓴᕆᐊᔅᓴᖅ ᓂᓪᓚᓱᑦᑐᒥᑦ ᓯᓚᒥᑦ ᐊᖏᓂᖅᐹᖑᖃᑕᐅᔪᓄᑦ ᖃᐅᔨᒪᔭᐅᓂᖅᐹᖑᔪᓄᓪᓗ ᖃᖓᑕᓲᓕᐅᖅᑎᓄᑦ ᑕᒪᑐᒪᓂ ᐊᕐᕌᒍᒥ, Airbus A350-900-ᓂᒃ ᑎᑭᑎᑦᑎᓚᐅᖅᑐᑦ ᖃᐅᔨᓴᕆᐊᖅᑐᖅᑐᑎᒃ ᐃᓚᖏᓐᓂᒃ ᐋᖅᑭᒋᐊᖅᑕᐅᓯᒪᔪᓂᒃ. ᑕᕆᐅᑉ ᐊᑭᐊᓂ ᓴᓇᔨᐅᔪᑦ ᐃᖃᓗᖕᓂ ᓄᖅᑲᖅᑕᕐᕕᐅᖏᓐᓇᖃᑦᑕᖅᓯᒪᔪᑦ ᓇᓗᓇᐃᒃᑯᑕᖅᑖᕋᓱᐊᖅᑎᓪᓗᒋᑦ, ᐱᖃᓯᐅᑎᓪᓗᒋᑦ ᐊᖏᔫᑕᐅᓂᖅᓴᑦ ᖃᖓᑕᓲᑦ ᓴᓇᔭᐅᓯᒪᔪᑦ 30-ᓂᒃ ᐅᑭᐅᓄᑦ.

Airbus−ᑯᑦ ᐱᓕᕆᓚᐅᖅᑎᓪᓗᒋᑦ ᕕᕗᐊᕆᒥ, ᐱᓕᕆᔨᓂᒃ Gulfstream−ᑯᓐᓂᙶᖅᑐᓂᒃ ᑐᙵᓱᒃᑎᑦᑎᓚᐅᕆᕗᒍᑦ −− ᖃᐅᔨᓴᖅᖢᑎᒃ ᓄᑖᓂᒃ ᐅᖅᓱᐊᓗᖃᐅᑎᓂᒃ ᐃᓕᐅᖅᑲᖅᑕᐅᔪᒃᓴᓂᒃ Gulfstream 800−ᒧᑦ. ᑖᒃᑯᐊ ᒫᓐᓇᕋᑖᖑᓚᐅᖅᑐᖅ ᓂᒡᓚᓱᒃᑐᒥ ᐆᒃᑐᕋᖅᑕᐅᓚᐅᖅᑐᑦ ᓇᓗᓇᐃᖅᓯᕗᑦ ᐃᖃᓗᐃᑦ ᖃᖓᑕᓲᒃᑯᕕᖓ ᓯᕗᓪᓕᖅᐹᖑᓪᓗᓂ ᓂᒡᓚᓱᒃᑐᒥ ᖃᐅᔨᓴᕐᕕᐅᓂᐊᕐᒪᑦ ᓯᓚᕐᔪᐊᒥ ᖃᖓᑕᓲᓕᐅᖅᑎᓄᑦ. ᐅᖃᖅᑎᑦᑎᔩ, ᑕᒪᒃᑯᐊ ᖃᐅᔨᓴᕐᓂᐅᔪᑦ ᑐᓴᕈᒥᓇᑐᐃᓐᓇᙱᑦᑐᑦ ᖃᖓᑕᓲᓕᕆᔨᓄᑦ, ᐱᒻᒪᕆᐅᔪᒥᒃ ᐃᑲᔫᑎᖃᕐᒪᑕ ᖃᖓᑕᓲᓄᑦ ᐊᑦᑕᓇᖅᑐᒦᖁᓇᒋᑦ, ᐱᑕᖃᖅᑎᑦᑎᓪᓗᑎᒃ ᐱᓪᓚᑦᑖᓂᒃ ᖃᓄᐃᓐᓂᐅᔪᓂᒃ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 3 ᐅᖃᖅᑎᑦᑎᔩ, ᐅᑭᐅᖅ ᓱᓕ ᐊᓂᒍᙱᒻᒪᑦ ᓄᓇᕗᒻᒥ. ᑕᑯᑐᐃᓐᓇᕆᐊᖃᖅᐳᒍᑦ ᓱᓕ ᐱᕕᒃᓴᒥᒃ ᑲᔪᓯᑎᑦᑎᒃᑲᓐᓂᕐᓂᕐᒥᒃ ᖃᐅᔨᓴᖅᓯᓂᕐᒥᒃ ᐅᐱᕐᖔᖅ ᑎᑭᓚᐅᙱᓐᓂᖓᓂ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᐊᕙᑎᓕᕆᔨᒃᑯᑦ ᒥᓂᔅᑕᖓ, ᒥᔅᑕ ᑯᓄᒃ ᒥᓂᔅᑕᑉ ᐅᖃᐅᓯᖓ 45 – 7(1): ᐊᒪᕐᕈᕐᓂᒃ ᖃᐅᔨᓴᕋᒃᓴᓂᑦ ᑲᑎᖅᓱᐃᓂᖅ (ᑯᓄᒃ) ᐊᖓᔪᖅᑳᖅ ᐳᕋᐃᔭᓐ ᑯᓄᒃ (ᑐᓵᔨᑎᒍᑦ): ᐅᖃᖅᑎᑦᑎᔩ, ᒪᓕᒐᓕᐅᕐᕕᖕᒥ ᑐᓴᖅᑎᑦᑎᔪᒪᕗᖓ ᐱᓕᕆᕝᕕᒋᔭᒃᑲ ᐃᑲᔪᖅᑐᐃᖏᓐᓇᕐᒪᑕ ᐊᖑᓇᓱᒃᑎᓂᑦ ᓄᓇᕗᒻᒥ ᐊᒪᖅᑯᓂᒃ ᖃᐅᔨᓴᒐᒃᓴᓂᒃ ᑲᑎᖅᓱᐃᑎᑦᑎᓪᓗᑎᒃ. ᐱᓕᕆᐊᖑᔪᒥᑦ ᐊᑭᓖᖃᑦᑕᖅᐳᑦ ᓄᓇᓕᖕᓂ ᐊᖑᓇᓱᒃᑎᖏᓐᓂ ᐊᒪᕈᖅᑕᐅᔪᓄᑦ ᖃᐅᔨᓴᒐᒃᓴᓂᓪᓗ ᑐᓂᓯᕙᒃᖢᑎᒃ ᓇᓃᓐᓂᖏᓐᓂᓪᓗ ᑎᑎᕋᖅᓯᒪᔪᓂᒃ. ᓴᖅᑭᑕᐅᕐᖓᓚᐅᖅᓯᒪᔪᖅ 2018−ᒥᑦ ᕿᑎᕐᒥᐅᓂᑦ 2019−ᒥ ᐃᓚᒋᐊᖅᑕᐅᓪᓗᓂ ᓄᓇᕗᓕᒫᒥᐅᓕᖅᖢᓂ. ᑖᓐᓇ ᐱᓕᕆᐊᖑᑎᓪᓗᒍ ᐊᑕᐅᓯᕐᒧᑦ ᐊᒪᖅᑯᒧᑦ $500.00- ᑖᖅᑎᑦᑎᖃᑦᑕᖅᐳᑦ ᓄᓇᕘᓕᒫᒥ, $900.00−ᑖᖅᑎᑦᑎᕙᒃᖢᑎᒃ ᐊᑕᐅᓯᕐᒧᑦ ᐊᒪᖅᑯᒧᑦ ᐃᓱᒫᓘᑕᐅᓗᐊᖅᑐᓂᑦ, ᓲᕐᓗ ᕿᙵᐅᑦ, ᑐᒃᑑᔮᖅᑑᑉ ᐃᓅᕕᐅᓪᓗ ᑐᒃᑐᖏᑦ ᐊᔾᔨᒌᙱᑦᑐᑦ. ᐱᓕᕆᐊᖑᔪᒥᑦ ᑐᕌᒐᖃᖅᐳᑦ ᐃᑲᔪᖅᑐᐃᔪᒪᓪᓗᑎᒃ ᐊᖑᓇᓱᒃᐸᒃᑐᓂᒃ ᓄᓇᕗᒻᒥ ᐊᖑᓇᓱᒃᑎᓄᑦ ᑮᓇᐅᔭᖅᑖᕆᔭᐅᔪᓐᓇᖅᑐᑦ ᐅᓄᖅᓯᒋᐊᖅᑕᐅᓗᑎᒃ. ᖁᕕᐊᓱᒃᐳᖓ ᑐᓴᖅᑎᑦᑎᔪᓐᓇᕋᒪ ᑲᑎᖦᖢᒋᑦ $278,700−ᓂᒃ ᐊᒪᖅᑯᓂᒃ ᖃᐅᔨᓴᒐᒃᓴᓂᒃ ᑲᑎᖅᓱᐃᓂᕐᒧᑦ ᐊᑭᓕᐅᑕᐅᓯᒪᓕᕐᒪᑕ ᓄᓇᕗᒻᒥ ᐊᖑᓇᓱᒃᑎᓄᑦ ᐄᐳᕈ 1-ᒥ 2025−ᒥᑦ ᐱᒋᐊᖅᖢᓂ, ᑭᒡᒐᖅᑐᐃᓪᓗᑎᒃ 476−ᓂᒃ ᐊᒪᖅᑯᓂᒃ ᖃᐅᔨᓴᒐᒃᓴᓂᒃ ᑐᓂᔭᐅᓚᐅᖅᑐᓂᒃ ᐊᕙᑎᓕᕆᔨᒃᑯᓐᓄᑦ. ᐅᖃᖅᑎᑦᑎᔩᑦ, ᐊᕙᑎᓕᕆᔨᒃᑯᑦ ᓱᓕ ᐱᓕᕆᐊᖃᒻᒪᕆᒍᒪᕗᑦ ᐱᐅᓯᒋᐊᖅᑎᑦᑏᓐᓇᕐᓗᑎᒃ ᐃᑲᔪᖅᑐᐃᔾᔪᑎᒥᒃ ᐊᖑᓇᓱᒃᐸᒃᑐᓂᑦ ᓄᓇᕗᒻᒥ ᐱᓕᕆᑎᑦᑎᓂᒃᑯᑦ ᓲᕐᓗ ᐊᒪᖅᑯᓂᒃ ᖃᐅᔨᓴᒐᒃᓴᓂᒃ ᑲᑎᖅᓱᐃᓂᕐᒥᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᒥᓂᔅᑕᐃᑦ ᐅᖃᐅᓯᖏᑦ. ᓄᓇᓕᖕᓂ ᐱᔨᑦᑎᖅᑎᒃᑯᑦ ᒥᔅᑕ ᓯᒪᐃᓚᒃ. ᒥᓂᔅᑕᑉ ᐅᖃᐅᓯᖓ 46 – 7(1): ᑎᑎᕋᖅᓯᒪᔪᑎᒍᑦ ᑐᑭᓯᐅᒪᖃᑦᑕᐅᑎᓂᖅ − ᐅᔭᕋᖕᓂᐊᕋᓴᑦᑎᐊᕙᐃᑦ (ᓯᒪᐃᓚᒃ) ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᕗᖓ ᒪᓕᒐᓕᐅᖅᑏᑦ ᑐᓴᖅᑎᑦᑐᒪᓪᓗᒋᑦ ᓄᓇᕗᑦ ᒐᕙᒪᒃᑯᖏᑦ ᑲᑐᔾᔨᖃᑎᖃᕐᒪᑕ ᐅᐊᓕᓂᕐᒥᐅᑦ ᐅᑭᐅᖅᑕᖅᑐᒥᐅᓪᓗ ᑲᑐᔾᔨᖃᑎᒋᔭᖏᓐᓂᒃ ᐊᑎᓕᐅᕆᓪᓗᑎᒃ ᑐᑭᓯᐅᒪᖃᑎᒌᖕᓂᕐᒧᑦ ᐊᖏᕈᑎᒥᒃ ᓯᕗᒧᐊᒃᑎᑕᐅᖁᓪᓗᒍ ᐱᕙᓪᓕᐊᓂᖓ ᐅᐊᓕᓂᕐᒥ ᑲᓇᑕᐅᑉ ᐅᔭᕋᖕᓂᐊᒐᒃᓴᑦᑎᐊᕙᓕᕆᓂᕐᒧᑦ ᐅᐸᓗᖓᐃᔭᐅᑎᒥᒃ. ᑕᒪᓐᓇ ᖃᓄᖅᑑᕈᑕᐅᓯᒪᕗᖅ ᐊᒻᒪᓗ ᓯᕗᒧᑦᐊᓪᓗᕈᑎᑦᑎᐊᕙᐅᓪᓗᓂ. ᐅᔭᕋᖕᓂᐊᒐᒃᓴᑦᑎᐊᕙᐃᑦ ᐱᒻᒪᕆᐊᓘᕗᑦ ᐅᓪᓗᒥᐅᓕᖅᑐᖅ ᓄᓇᕐᔪᐊᑦᑎᓐᓄᑦ. ᓴᓗᒪᔪᓂᒃ ᐆᒻᒪᖅᑯᑎᖃᖅᑎᑦᑎᓲᑦ, ᓴᙱᒃᑎᒋᐊᖅᑎᑦᑎᕙᒃᖢᑎᒃ ᐱᖁᑎᑖᕆᔭᐅᕙᒃᑐᓂᒃ, ᐃᑲᔪᖅᑐᐃᓪᓗᑎᒃ ᓂᕿᒃᓴᖃᑦᑎᐊᕐᓂᕐᒥᒃ, ᐱᐅᓯᒋᐊᖅᑎᑦᑎᓪᓗᑎᒃ ᓴᓇᕝᕕᖕᓂᒃ, ᐊᒻᒪ ᐱᕐᔪᐊᖑᓕᖅᐸᓪᓕᐊᑐᐃᓐᓇᖅᖢᑎᒃ ᑲᓇᑕᒥ ᐊᑦᑕᕐᓇᖅᑐᒦᑎᑦᑕᐃᓕᓂᕐᒧᑦ. ᐅᐊᓕᓂᕐᒥ ᐅᐊᖕᓇᖓᓂᓗ ᑲᓇᑕᐅᑉ ᐱᓯᒪᒃᖠᖅᑎᕗᑦ ᐃᓚᖏᓐᓂ ᐱᔪᒥᓇᓛᖑᔪᓂᒃ ᐅᔭᕋᖕᓂᐊᒐᒃᓴᐅᔪᓐᓇᖅᑐᓂᒃ. ᓄᓇᕗᑦ ᕿᑎᐊᓃᒻᒪᑦ ᓯᕗᓂᒃᓴᕆᓛᖅᑕᑦᑎᓐᓄᑦ. ᑭᓯᐊᓂ ᐱᔪᓐᓇᕐᓂᑐᐊᕆᔪᓐᓇᖅᑕᖓ ᓈᒻᒪᙱᓚᖅ. ᐅᐊᓕᓂᕐᒥ ᐅᑭᐅᖅᑕᖅᑐᒥᓗ, ᓵᙵᔭᖃᖅᐳᒍᑦ ᐊᔾᔨᒌᓂᒃ ᐊᓂᒍᖅᑎᓐᓇᓱᒋᐊᓕᖕᓂᒃ ᐃᓚᒋᔭᐅᓪᓗᑎᒃ ᓄᒃᑕᕐᓂᕐᒧᑦ ᐊᖅᑯᑎᖃᑦᑎᐊᙱᓐᓂᖅ, ᐊᕐᕌᒎᑉ ᐃᓚᐃᓐᓇᖓᓂ ᐃᒪᒃᑯᑦ ᐊᖅᑯᑎᖃᕐᓂᖅ, ᐆᒻᒪᖅᑯᑎᓄᑦ ᐊᔪᕐᓇᖅᑐᖅᓯᐅᕐᓂᖅ,

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 4 ᐊᑭᑐᓗᐊᕐᓂᖏᓐᓄᓪᓗ ᓇᑉᐸᖅᑎᖅᑕᐅᓯᒪᔪᓄᑦ ᐅᖓᓯᒃᑐᒦᑦᑐᓂ ᐊᕕᒃᓯᒪᓂᐅᔪᓂᑦ. ᐊᑕᐅᓯᑐᐊᑯᓗᒃ ᒐᕙᒪᖃᕐᕕᐅᔪᖅ ᐃᓄᑑᔾᔨᔪᓐᓇᙱᓚᖅ ᑕᒪᒃᑯᓂᖓ ᐊᒃᓱᕉᑕᐅᕙᒃᑐᓂᒃ. ᑖᓐᓇ ᑎᑎᕋᖅᓯᒪᔪᑎᒍᑦ ᑐᑭᓯᐅᒪᖃᑦᑕᐅᑎᓂᖅ ᓴᖅᑮᕗᖅ ᐱᓕᕆᔾᔪᑕᐅᓂᐊᖅᑐᒥᒃ ᑲᑐᔾᔨᖃᑎᒌᖕᓂᕐᒧᑦ ᐳᕆᑎᔅ ᑲᓚᒻᐱᐊᒥ, ᐋᓪᐴᑕᒥ, ᓴᔅᑳᑦᓱᐋᓐᒥ, ᒫᓂᑑᐸᒥ, ᔫᑳᓐᒥ, ᓄᓇᑦᓯᐊᕐᒥ, ᐊᒻᒪᓗ ᓄᓇᕗᒻᒥ. ᑲᑐᔾᔨᓗᑕ, ᐋᖅᑭᒃᓱᐃᓂᐊᖅᑐᒍᑦ ᐊᕕᒃᑐᖅᓯᒪᔪᓂᒃ ᐅᐸᓗᖓᐃᔭᐅᑎᓂᒃ ᑲᒪᒋᔭᖃᓪᓗᐊᑕᖅᑐᓂᒃ ᐱᖁᑎᕐᔪᐊᓂᒃ ᐸᕐᓇᐃᓂᕐᒥᒃ, ᐱᒻᒪᕆᐅᒋᔭᐅᔪᓂᒃ ᐱᕙᓪᓕᐊᑎᑦᑎᓂᕐᒥᒃ, ᐊᒻᒪ ᐊᐅᓚᑕᐅᔪᓂᒃ ᑭᒡᒐᖅᑐᐃᓂᕐᒥᒃ ᒐᕙᒪᑐᖃᒃᑯᓐᓄᑦ. ᓄᓇᕗᒻᒧᑦ, ᑕᒪᓐᓇ ᐱᔾᔪᑎᖃᖅᐳᖅ ᖃᐅᔨᒪᔭᐅᔪᒪᓪᓗᑎᒃ ᐅᑭᐅᖅᑕᖅᑐᖅ ᐅᑭᐅᖅᑕᖅᑐᒥᓗ ᓯᕗᓪᓕᖅᐸᐅᔾᔭᐅᓯᒪᔪᑦ ᑭᖑᓂᐊᒍᑦ ᐃᓱᒪᒋᔭᐅᑐᐃᓐᓇᙱᓪᓗᑎᒃ ᑭᓯᐊᓂᓗ ᐃᓕᐅᖅᑲᖅᑕᐅᓗᑎᒃ ᐱᒋᐊᕐᓂᖓᓂᑦ. ᓯᕗᒻᒧᐊᒃᑎᑦᑎᓂᐅᕗᖅ ᐃᒪᒃᑯᑦ ᐊᖅᑯᑎᒋᔭᐅᕙᒃᑐᓂᒃ, ᑐᓚᒃᑕᕐᕕᖕᓂᒃ, ᐆᒻᒪᖅᑯᓯᐅᕐᓂᕐᒥᒃ ᓇᒧᙵᐅᕙᓪᓕᐊᑎᑦᑎᓂᕐᒥᒡᓗ, ᐊᔪᕈᓐᓃᖅᑎᑦᑎᓂᕐᒥᒡᓗ ᓇᑉᐸᖅᑎᖅᑕᐅᓯᒪᔪᓂᒃ ᐱᔭᐅᔭᕆᐊᓕᖕᓂᒃ ᑲᒪᒋᔭᖃᑦᑎᐊᕐᓗᓂ ᐊᑐᖅᑕᐅᔪᓐᓇᖅᑐᓂᒃ ᐱᕙᓪᓕᐊᑎᑦᑎᓂᕐᒥᒃ ᑕᒫᓂ ᐅᑭᐅᖅᑕᖅᑐᒥ ᐊᕕᒃᓯᒪᓂᑦᑎᓐᓂ. ᓇᓗᓇᐃᖅᓯᓂᐅᖕᒥᔪᖅ ᐱᕙᓪᓕᐊᓂᖅ ᐊᒃᑐᐊᓂᖃᕋᓗᐊᕐᒪᖔᑦ ᐃᓄᐃᑦ ᐱᒻᒪᕆᐅᒋᔭᖏᓐᓂᒃ ᓴᙱᒃᑎᒋᐊᕐᓗᒍᓗ ᑮᓇᐅᔭᓕᐅᕋᓱᖕᓂᕐᒧᑦ ᓴᐃᒻᒪᖃᑎᒌᖕᓂᖅ. ᐃᓄᐃᑦ ᐱᓕᕆᖃᑎᒌᖕᓂᖏᑦ, ᐃᓚᐅᓂᖏᑦ, ᓯᕗᓕᖅᑎᐅᓂᖏᓪᓗ ᑐᙵᕕᒋᔭᐅᔭᕆᐊᖃᖅᐳᑦ ᓇᓕᐊᖕᓄᑐᐃᓐᓇᖅ ᐅᔭᕋᖕᓂᐊᒐᒃᓴᓄᑦ ᖃᓄᐃᓕᐅᕈᑕᐅᔪᒪᔪᓄᑦ ᓄᓇᕗᒻᒥ ᐃᓚᐅᑎᓪᓗᒍ. ᐅᖃᖅᑎᑦᑎᔩ, ᑖᓐᓇ ᑐᑭᓯᐅᒪᖃᑎᒌᖕᓂᕐᒧᑦ ᐊᖏᕈᑎ ᐊᑐᖅᑕᐅᓪᓚᕆᒋᐊᖃᙱᑦᑐᖅ. ᓴᖅᑭᑎᑦᑎᙱᓚᖅ ᑮᓇᐅᔭᑎᒍᑦ ᐊᖏᕈᑕᐅᓯᒪᔪᓂᒃ ᒪᓕᒐᖅᑎᒍᓪᓗ ᒪᓕᒋᐊᖃᖅᑎᑕᐅᔪᓂᒃ. ᑕᒪᓐᓇ ᐊᒃᑐᖅᓯᙱᓚᖅ ᑲᒪᒋᔭᒃᓴᕆᔭᑦᑎᓐᓂᒃ, ᓄᓇᕗᒻᒧᑦ ᐊᖏᖃᑎᒌᒍᑕᐅᓯᒪᔪᑎᒍᑦ. ᓯᕗᓂᑦᑎᓐᓂ ᐱᒋᐊᖅᑕᐅᓂᐊᖅᑐᑦ ᑕᕝᕙᙵᑦ ᐱᓕᕆᐊᒥᑦ ᐅᑎᕐᓂᐊᖅᑐᑦ ᒥᓂᔅᑕᐃᑦ ᑲᑎᒪᔨᖏᓐᓄᑦ ᐊᒻᒪᓗ ᒪᓕᒐᓕᐅᕐᕕᖕᒧᑦ ᐃᓱᒪᒃᓴᖅᓯᐅᕈᑕᐅᑦᑎᐊᕐᓂᐊᕐᒪᑕ. ᐃᒪᐃᑎᑦᑎᕙᒃᐳᖅ ᓄᓇᕗᒻᒥᒃ ᑲᑎᒪᖃᑕᐅᓗᓂ, ᐋᖅᑭᒃᓱᐃᓗᓂ ᐊᕕᒃᑐᖅᓯᒪᔪᓂ ᓯᕗᓪᓕᐅᔾᔭᐅᖁᔭᐅᔪᓂᒃ ᖃᓄᐃᓕᐅᕈᑎᒋᙱᖔᕐᓗᒋᑦ. ᐱᓕᕆᖃᑎᒌᖕᓂᒃᑯᑦ, ᐅᐊᓕᓂᕐᒥ ᐅᑭᐅᖅᑕᖅᑐᒥᓗ ᑭᒡᒐᖅᑐᐃᕕᐅᔪᑦ ᓴᙱᒃᑎᒋᐊᖅᑎᑦᑎᔪᓐᓇᖅᐳᑦ ᑲᓇᑕᐅᑉ ᐱᓕᕆᐊᒃᓴᖓᓂᒃ ᑕᑎᒋᔭᒃᓴᐅᓗᑎᒃ ᑲᒪᒋᔭᖃᑦᑎᐊᕐᓗᑎᒡᓗ ᐱᑎᑦᑎᔨᐅᓗᑎᒃ ᐱᒻᒪᕆᐊᓗᖕᓂᒃ ᐅᔭᕋᖕᓂᐊᒐᒃᓴᓂᒃ ᓄᓇᕐᔪᐊᓕᒫᒥ ᓂᐅᕐᕈᑎᖃᖅᐸᒃᑐᓄᑦ. ᓇᓕᒧᒌᓕᖅᑎᑦᑎᔪᓐᓇᖅᐳᒍᑦ ᓇᑉᐸᖅᑎᖅᑕᐅᓯᒪᔪᓄᑦ ᐸᕐᓇᐃᓂᕐᒥᒃ, ᐱᐅᓯᒋᐊᖅᑎᑦᑎᓗᑕ ᑮᓇᐅᔭᓕᐅᕋᓱᖕᓂᕐᒧᑦ ᓇᓗᓇᙱᑦᑎᐊᕐᓂᕐᒥᒃ, ᑭᒡᒐᖅᑐᐃᓗᑕᓗ ᐊᑕᐅᑦᑎᒃᑯᑦ ᒐᕙᒪᑐᖃᒃᑯᓐᓂ ᐃᑲᔪᖅᑐᖅᑕᐅᓂᕐᒥᒃ ᐱᔭᐅᔭᕆᐊᖃᓛᖑᔪᓄᑦ. ᓄᓇᕘᑉ ᓂᐱᖓ ᐊᑑᑎᖃᖅᐳᖅ ᐅᖃᖃᑎᒌᖕᓂᐅᔪᒥᑦ. ᓄᓇᒋᔭᕗᑦ ᓱᖁᑕᐅᕗᖅ. ᐃᑲᔫᑎᒃᓴᑦ ᓱᖁᑕᐅᕗᑦ. ᓄᓇᕗᒻᒥᐅᑦ ᓱᖁᑕᐅᕗᑦ. ᑕᒪᓐᓇ ᐱᓕᕆᖃᑎᒌᖕᓂᖅ ᓇᓗᙱᑦᑎᐊᕈᑕᐅᕗᖅ ᐅᑭᐅᖅᑕᖅᑐᒥ ᓯᕗᓕᖅᑎᐅᓂᖅ ᐃᓚᒋᔭᐅᓂᖓᓂᒃ ᑲᓇᑕᐅᑉ ᐱᒻᒪᕆᐊᓗᖕᓄᑦ ᐅᔭᕋᖕᓂᐊᒐᒃᓴᓄᑦ ᓯᕗᓂᒃᓴᑦᑎᓐᓄᑦ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, (ᑐᓵᔨᑎᒎᓕᖅᑐᖅ) ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᕐᒃᑎ: ᒪ’ᓇ. ᒥᓂᔅᑕᐃᑦ ᐅᖃᐅᓯᖏᑦ: ᓄᓇᕗᒻᒥᑦ ᐃᓪᓗᓕᕆᔨᕐᔪᐊᒃᑯᑦ ᒥᓂᔅᑕᖓ, ᒥᔅ ᓚᐃᔪᓪ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 5 ᒥᓂᔅᑕᑉ ᐅᖃᐅᓯᖓ 47 – 7(1): ᑲᓇᑕᒥ−ᓄᓇᕗᒻᒥ ᐃᒡᓗᓕᕆᓂᕐᒧᑦ ᐃᑲᔫᑏᑦ − ᓇᖕᒥᓂᖅ ᐃᒡᓗᖃᖅᑐᓄᑦ ᐃᑲᔫᑏᑦ (ᓚᐃᔪᓪ) ᐊᖓᔪᖄᖅ ᓯᓯᐅᓪ ᓚᐃᔪᓪ: ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᒍᑎᖃᖅᑐᖅ ᑐᓴᖅᑎᑦᑎᔪᒪᓪᓗᖓ ᑲᑎᒪᔨᓂᑦ ᐱᒻᒪᕆᐊᓘᔪᒥᑦ ᐱᓕᕆᐊᖑᕙᑦᑐᒥᒃ ᑖᓐᓇ ᑐᕌᖓᑦᑕᐅᑎᒋᔪᒥᑦ, ᑐᑭᖃᑦᑎᐊᖅᑎᒥᓪᓗ ᐃᑲᔪᕈᑕᐅᔪᖅ ᓄᓇᕗᒻᒥ ᐃᓪᓗᖏᓐᓂᑦ ᓇᒻᒥᓂᖃᖅᑎᐅᔪᓄᑦ. ᑲᓇᑕᒥ−ᓄᓇᕗᒻᒥ ᐃᓪᓗᖃᖅᑐᓄᑦ ᐃᑲᔫᑎ ᐃᑲᔪᕈᑕᐅᔪᖅ ᐱᔭᕆᐊᑭᓪᓕᑎᕆᔾᔪᑕᐅᓪᓗᓂ ᐊᑐᐃᓐᓇᐅᓂᖅᓴᐅᖁᓪᓗᒋᑦ ᐊᒻᒪᓗ ᐊᑭᑭᓐᓂᖅᓴᐅᔪᒥ. ᑖᓐᓇ ᐱᓕᕆᐊᖑᔪᖅ ᑎᓴᒪᓂ ᐃᓗᓕᖃᖅᑐᖅ: • ᐃᑲᔪᖅᑐᐃᓂᖅ ᓇᒻᒥᓂᖃᖅᑎᐅᔪᓂᑦ ᐃᓪᓗᓂ ᐊᑐᖅᑐᐊᖅᑕᐅᑎᑦᑎᔨᓂᑦ, • ᓄᓇᓕᖕᒥᐅᓄᑦ ᐃᒡᓗᖏᓐᓂᑦ ᐊᑐᖅᑐᐊᖅᑎᐅᔪᓂᑦ, • ᐱᓂᕐᓗᑦᑕᐅᓯᒪᔪᑦ ᐊᕐᓇᐅᓂᕐᓘᓐᓃᑦ ᐊᖑᑕᐅᓂᕐᓘᓐᓃᑦ ᐱᓪᓗᒍ ᐱᕋᑦᑕᐅᓂᒃᑯᑦ, ᐊᒻᒪᓗ ᓄᑖᖑᓛᖑᔪᖅ ᑖᓐᓇ • ᓇᒻᒥᓂᖅ ᐃᓪᓗᖃᖅᑎᓅᖓᔪᖅ. ᓇᒻᒥᓂᖅ ᐃᓪᓗᖃᑎᓄᑦ ᐃᑲᔫᑎᐅᔪᖅ ᐱᓕᕆᐊᖏᓐᓂᑦ ᐃᓚᒋᔭᐅᖃᑕᐅᔪᖅ ᐱᒋᐊᖅᑎᑕᐅᓯᒪᔪᖅ ᑏᓰᕝᕙ 2025- ᖑᑎᓪᓗᒍ. ᓇᒻᒥᓂᖅ ᐃᓪᓗᖃᖅᑎᐅᔪᓄᑦ ᐱᔪᓐᓇᖅᑐᑦ ᒪᓕᒋᐊᓕᖏᑎᒍᑦ ᒪᓕᔅᓯᒪᑉᐸᑕ $600.00-ᓂᑦ ᑮᓇᐅᔭᓂᑦ ᑕᖅᑭᑕᒫᖅ ᐊᑭᓕᖅᓱᐃᓐᓇᕆᐊᓕᓐᓄᑦ ᓇᒻᒥᓂᖅ ᐃᓪᓗᖃᕐᓗᓂ ᓄᓇᕗᒻᒥ. ᐅᖃᖅᑎᑦᑎᔩ, ᑲᔪᓯᓯᒪᓂᖓ ᑖᔅᓱᒪ ᐱᓕᕆᐊᖑᔫᑉ ᑕᑯᔪᒥᓇᑦᑎᐊᖅᓯᒪᔪᖅ ᐃᖏᕐᕋᑦᑎᐊᕐᓂᖓᑕ. ᑖᓐᓇ ᐱᒋᐊᖅᑎᑕᐅᓯᒪᓕᖅᑎᓪᓗᒍᓂ ᐱᓕᕆᐊᖑᔪᖅ, 208 ᐱᓇᓱᐊᖃᑕᐅᓯᒪᓕᖅᑐᑦ, ᒫᓐᓇ ᑕᖅᑭᑎᓐᓂᑦ, 139 ᐃᓪᓗᖃᖅᑎᐅᔪᑦ ᐊᖏᖅᑕᐅᓯᒪᔪᑦ ᐊᒻᒪᓗ ᐃᑲᔫᓯᐊᖅᑎᑕᐅᖃᑦᑕᓕᖅᑐᑦ. ᓇᒻᒥᓂᖅ ᐃᓪᓗᖃᕐᓂᖅ ᑖᓐᓇ ᐊᑑᑎᖃᑦᑎᐊᕐᓂᖅᐸᐅᔪᖅ ᐃᓚᒌᓐᓄᑦ ᐊᑯᓂᐅᔪᒃᑯᑦ ᐃᓪᓗᖃᕈᓐᓇᐅᑕᐅᓪᓗᓂ ᐊᒻᒪᓗ ᐃᒻᒥᓂᖅᓱᕈᓐᓇᕐᓂᕐᒥᑦ. ᒐᕙᒪᕗᑦ ᑕᑯᔪᒪᕗᑦ ᐊᒥᓱᒃᑲᓐᓂᕐᓂᑦ ᓄᓇᕗᒻᒥᐅᓂᑦ ᓇᒻᒥᓂᖅ ᐃᓪᓗᑖᖅᑐᓂᑦ, ᓇᒻᒥᓂᖅᑖᕆᕙᓪᓕᐊᓗᒍ, ᐊᒻᒪᓗ ᐊᒫᖅᑖᕈᑎᒋᓗᒍ ᓄᓇᓕᖓᓐᓂᒃ. ᓇᒻᒥᓂᖅ ᐃᓪᓗᖃᖅᑎᓄᑦ ᐃᑲᔫᑎᐅᔪᖅ ᐃᑲᔪᕈᑕᐅᔪᖅ ᑕᐅᑐᒐᕆᔭᐅᔪᖅ ᐊᑐᓕᖁᓪᓗᒍ ᑐᕌᖅᑕᐅᑎᒋᓯᒪᔪᓂᑦ ᐃᑲᔪᕐᓗᑎᑦ ᓇᒻᒥᓂᖅ ᐃᓪᓗᖃᖅᑎᐅᔪᓄᑦ, ᑮᓇᐅᔭᓄᑦ ᐊᔅᓱᕈᓗᐊᙱᓂᖅᓴᐅᓗᑎᑦ, ᐊᒻᒪᓗ ᓇᒻᒥᓂᖅ ᐃᓪᓗᕐᓂᖅ ᐱᔭᕐᓂᖅᓯᓂᖅᓴᐅᖁᓪᓗᒍ ᑎᑭᐅᓇᓱᒋᐊᒥᑦ ᐊᒻᒪᓗ ᑲᔫᓯᓐᓇᖅᑐᒥᑦ. ᐅᖃᖅᑎᑦᑎᔩ, ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑖᒃᑯᐊ ᑲᒪᔨᐅᔪᑦ ᓇᒻᒥᓂᖅ ᐃᓪᓗᖃᖅᑎᐅᔪᓄᑦ ᐱᓕᕆᐊᒥᑦ ᐊᒻᒪᓗ ᐱᓕᕆᐊᖃᖅᑐᑎᑦ ᓄᓇᕗᒻᒥᐅᑦ ᖃᐅᔨᒪᖁᓪᓗᒋᑦ ᑖᔅᓱᒥᖓ ᐱᔭᔅᓴᖅᑕᖃᕐᓂᖓᓄᒃ ᐊᒻᒪᓗ ᐃᑲᔪᖅᑕᐅᔪᓐᓇᖅᑐᑦ ᑐᔅᓯᕋᐅᑎᓕᐅᖅᑎᓪᓗᒋᑦ ᐃᑲᔫᓯᐊᔅᓴᒥᑦ. ᓄᓇᕗᒻᒥᐅᑦ ᑐᑭᒃᑲᓐᓂᕈᒪᑉᐸᑕ ᐃᑭᐊᖅᑭᕕᖓᓐᓅᕈᓐᓇᖅᑐᑦ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᑯᐊᐳᕇᓴᖓᑕ ᐅᕝᕙᓘᓐᓃᑦ ᐅᖄᓚᓗᑎᑦ 1-844-413-9355 ᐃᑲᔪᖅᑕᐅᔪᒪᓗᑎᑦ. ᑲᑎᒪᔨᐅᖃᑎᒃᑲ ᐃᓇᑉᐸᒃᑲ ᑖᔅᓱᒥᖓ ᑐᓴᖅᑎᑦᑎᖁᓪᓗᒋᑦᑕᐅᖅ ᓄᓇᓕᖁᑎᖏᓐᓂᑦ. (ᑐᓵᔨᑎᒎᕈᓐᓃᖅᑐᖅ) ᖁᐊᓇ, (ᑐᓵᔨᑎᒎᓕᖅᑐᖅ) ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᕐᒃᑎ: ᖁᔭᓐᓇᒦᒃ. ᒥᓂᔅᑕᐅᑲᐃᓐᓇᖅᑐᖅ ᓄᓇᕗᑦ ᓯᓚᑦᑐᕐᒃᓴᕐᕕᒃᑯᓐᓄᑦ, ᒥᔅ Hᐄᓕ−ᐊᕿᐊᕈᖅ. ᒥᓂᔅᑕᑉ ᐅᖃᐅᓯᖓ 48 – 7(1): ᐃᓕᓐᓂᐊᕐᓂᖅ ᓄᓇᓖᓪᓗ (ᕼᐄᓕ ᐊᕿᐊᕈᖅ)

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 6 ᐊᖓᔪᖄᖅ ᒍᐃᓐ Hᐄᓕ ᐊᕿᐊᕈᖅ: ᖁᔭᓐᓇᒦ ᐅᖃᖅᑎᑦᑎᔩ. ᓄᓇᕗᒻᒥ ᓯᓚᑦᑐᖅᓴᕐᕕᒃ ᐅᐱᒍᓱᒃᐳᑦ ᓴᖅᑭᔮᕐᓂᕐᒥᓂᒃ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᓂ. ᑕᒪᓐᓇ ᓴᖅᑭᔮᕐᓂᖓ ᑕᑯᔭᐅᕙᒃᐳᖅ ᐃᓕᓐᓂᐊᕐᕕᖏᓐᓂ ᐅᑭᐅᖅᑕᖅᑐᓕᒫᒥ ᐱᓕᕆᐊᒃᓴᑎᒍᓪᓗ ᒪᓂᒪᑎᖃᑦᑕᖅᑕᑦᑎᓐᓂ ᐊᔾᔨᒌᙱᕈᓘᔭᖅᑐᓂᒃ ᑲᔪᓯᑎᑦᑎᔾᔪᑕᐅᔪᓂᒃ ᐊᑐᖅᖢᑎᒃ. ᐱᒻᒪᕆᐅᓛᖑᔪᖅ, ᓯᓚᑦᑐᖅᓴᕐᕕᐅᑉ ᓴᖅᑭᔮᕐᓂᖓ ᑕᑯᔭᐅᕙᒃᐳᖅ ᐃᓕᓐᓂᐊᖅᑎᑎᒍᑦ ᐃᓕᓐᓂᐊᕆᐊᖅᐸᒃᑐᓄᑦ ᐱᓕᕆᐊᒃᓴᑦᑎᓐᓂ. ᓄᓇᕗᒻᒥ ᓯᓚᑦᑐᖅᓴᕐᕕᒃ ᐊᒃᓱᕉᑎᖃᖅᐳᖅ ᐱᐅᔪᓂᒃ ᐃᓕᑦᑎᕙᓪᓕᐊᖁᔨᓪᓗᑎᒃ. ᐱᓕᕆᓪᓚᑦᑖᕋᓗᐊᖅᐸᑕ ᐃᓕᓐᓂᐊᕐᕕᐊᕈᓯᕐᒥᓘᓐᓃᑦ, ᐃᓄᒃᑐᑦ ᖃᓪᓗᓈᑎᑐᓪᓘᓐᓃᑦ, ᐱᕙᒌᔭᕐᓂᕐᒧᑦ ᐃᓕᓐᓂᐊᒐᒃᓴᐅᒐᓗᐊᖅᐸᑦ ᐅᕝᕙᓘᓐᓃᑦ ᐃᓕᑕᕆᔭᐅᔾᔪᑎᑖᖅᓯᒪᒐᓗᐊᖅᐸᑦ, ᓯᓚᑦᑐᖅᓴᕐᕕᒃ ᓂᕆᐅᒃᐳᑦ ᐃᓕᓐᓂᐊᖅᑎᑦ ᐃᒻᒥᓂᒃ ᑕᑯᔪᓐᓇᕐᓗᑎᒃ ᓄᓇᓕᖏᓐᓂᒡᓗ ᐃᓕᓐᓂᐊᖅᑐᓂᒃ. ᓯᓚᑦᑐᖅᓴᕐᕕᒃ ᓂᕆᐅᒃᑭᕗᖅ ᐃᓕᓐᓂᐊᖅᑏᑦ ᐃᓕᑕᒥᓂᒃ ᐊᖏᕐᕋᐅᔾᔨᖃᑦᑕᕐᓂᖏᓐᓂᒃ. ᐊᕐᕌᒍ ᐱᒋᐊᓕᓵᖅᑎᓪᓗᒍ, ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᖅᑎᑦᑎᓚᐅᖅᐳᑦ ᐃᓕᓐᓂᐊᖅᑎᓂᒃ ᖁᔭᓕᕐᒥᓂᒃ ᓯᓚᑦᑐᖅᓴᕐᕕᖕᒥ ᐊᒥᓕᕆᓂᕐᒥᒃ ᐊᓐᓄᕋᔾᔨᐅᕐᓂᕐᒥᒡᓗ ᐃᓕᓐᓂᐊᒐᒃᓴᒥᒃ. ᐃᖃᓗᖕᓂ ᖃᑦᑎᕆᔩᑦ ᓄᑖᓂᑦ ᐊᓐᓄᕌᖏᓐᓄᑦ ᐃᓕᔭᕆᐊᓕᖕᓂᒃ ᐃᑲᔪᖅᑕᐅᔭᕆᐊᖃᖅᖢᑎᒡᓗ ᒥᖅᓱᖅᑕᐅᓗᑎᒃ. ᐊᒥᓕᕆᔨᓄᑦ ᐊᓐᓄᕋᔾᔨᐅᖅᑎᓄᓪᓗ ᑐᒃᓯᕋᖅᑐᖃᓚᐅᖅᐳᖅ ᐃᑲᔪᖁᔭᐅᓪᓗᑎᒃ, ᐊᖏᖅᑕᐅᓚᐅᖅᐳᓪᓗ. ᐃᓕᔭᕆᐊᓖᑦ ᒥᖅᓱᖅᑕᐅᓚᐅᖅᐳᑦ ᐅᑎᖅᑎᑕᐅᓪᓗᑎᒡᓗ ᖃᑦᑎᕆᔨᓄᑦ ᐃᖃᓗᖕᓂ. ᒥᑭᑦᑐᑯᓘᒐᓗᐊᖅᑎᓪᓗᒍ, ᐃᓚᒋᔭᐅᕗᖅ ᐊᒥᓱᓄᑦ ᒥᑭᑦᑐᓄᑦ ᐱᓕᕆᐊᖑᔪᓄᑦ ᓄᓇᑦᑎᓐᓂ ᑲᑎᙵᑎᑦᑎᓪᓗᓂ. ᐱᓕᕆᐊᖑᑎᑕᐅᓕᓚᐅᖅᐳᖅ ᐃᓄᐃᑦ ᓄᓇᑦᑎᓐᓂ ᐃᓕᓴᖅᓯᓪᓗᑎᒃ ᐊᔪᙱᑦᑐᓂᒃ ᖃᐅᔨᒪᔪᓂᒡᓗ ᐊᓯᑦᑎᓐᓄᑦ ᑭᒡᒐᖅᑐᐃᓪᓗᓂᓗ ᐃᒃᐱᒍᓱᑦᑎᐊᕐᓂᖏᓐᓂᒃ ᐱᔨᑦᑎᕋᖃᑦᑕᖅᑐᓂᒃ ᐃᓄᖕᓂᑦ ᐊᔾᔨᒌᙱᑦᑐᓂ ᐃᓂᖃᖅᑐᓄᑦ. ᑕᑯᒃᓴᐅᑎᑦᑎᕗᖅ ᐅᐱᒍᓱᖕᓂᕐᒥᒃ ᖁᔭᓕᓂᕐᒥᒡᓗ. ᖁᔭᓕᔪᒪᕙᒃᑲ ᐊᒥᓕᕆᓂᕐᒧᑦ ᐊᓐᓄᕋᔾᔨᐅᕐᓂᕐᒧᓪᓗ ᐃᓕᓐᓂᐊᖅᑏᑦ ᐱᓇᔪᐃᓐᓇᕐᓂᖏᓐᓄᑦ ᐱᓕᕆᓪᓚᑦᑖᖅᖢᑎᒃ ᐃᓕᓐᓂᐊᖅᖢᑎᒃ, ᐊᑐᕈᒪᐃᓐᓇᐅᔭᖅᖢᑎᒡᓗ ᐃᓕᑦᑎᕙᓪᓕᐊᔭᒥᓂᒃ ᐱᕚᓪᓕᖅᑎᑦᑎᔪᒪᓪᓗᑎᒃ ᐊᓯᒥᓂᒃ. ᐃᒃᐱᒋᑦᑎᐊᖅᐸᒃᑲ ᒥᖅᓱᖅᑎᑦ ᐱᓕᕆᐊᖏᑦ, ᐊᓐᓄᕌᓕᐅᖅᑎᑦ ᐊᒻᒪ ᑭᒃᑯᓕᒫᑦ ᓴᓇᕙᒃᑐᑦ ᐃᒃᐱᒍᓱᒃᖢᑎᒃ ᑲᒪᑦᑎᐊᖅᖢᑎᒡᓗ. ᖁᔭᓐᓇᒦᒃ ᐊᔪᙱᑕᕐᓂᒃ ᖃᐅᔨᑎᑦᑎᒐᕕᑦ ᓄᓇᖅᑲᑎᒌᓄᑦ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᑮᓇᐅᔭᓕᕆᔨᒃᑯᑦ ᒥᓂᔅᑕᖓᑦ, ᒥᔅᑕ ᒪᐃᓐ. ᒥᓂᔅᑕᑉ ᐅᖃᐅᓯᖓ 49 – 7(1): ᑲᓇᑕᒥ ᑮᓇᐅᔭᓕᐊᓂᑦ ᑖᒃᓰᓕᕆᔨᒃᑯᑦ ᐃᑭᐅᐊᖅᑭᕕᖓ ᐃᓄᑦᑎᑑᖓᔪᖅ (ᒪᐃᓐ) ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ ᐅᖃᖅᑎᑦᓯᔩ. ᐅᑉᓗᖅᓯᐊ ᑲᑎᒪᔨᐅᖃᑎᒃᑳ. ᐅᖃᖅᑎᑦᓯᔩ ᖁᕕᐊᓱᑦᑐᖓ ᐅᓂᒃᑳᖅᑑᓪᓗᐊᕋᒪ ᐅᑉᓗᒥ, ᑲᓇᑕᒥ ᑖᒃᓰᔭᕐᕕᒃᑯᑦ ᐃᑭᐊᖅᑭᕕᒃᑯᑦ ᐅᖃᓕᒫᒐᒃᓴᖓ ᑕᑯᑉᓗᒍ ᐃᓚᖓ ᐃᓄᒃᑑᖅᑎᑦᓯᒪᓂᐊᓕᕐᒪᑦ, ᐅᖃᓕᒫᒐᒃᓴᖅ ᐃᓚᖓ ᓄᓇᖃᖅᑳᖅᓯᒪᔫᓐᓄᑦ ᑐᕌᖓᔪᖅ ᑖᒻᓇ. ᑖᒻᓇ ᓯᕗᒧᐊᒃᔪᑕᐅᒻᒪᑦ ᖁᕕᐊᓇᖅᓱᓂᒡᓗ ᑐᑭᓯᐅᒪᕚᓪᓕᒃᑲᓐᓂᕈᑕᐅᔫᓪᓗᐊᕐᓂᐊᕐᒪᑦ ᐃᓄᐃᑦ ᓄᓇᓕᖁᑎᖏᓐᓄᑦ. ᖁᕕᐊᓇᖅᖢᓂᒡᓗ ᐃᓄᒃᑐᑦ, ᓄᓇᖃᖅᑳᖅᓯᒪᔪᑦ ᐅᖃᐅᓰᑦ ᐊᔾᔨᒌᖏᑦᑐᑦ ᑕᑯᒃᖢᒋᑦ ᐃᓄᒃᑐᑦ ᓯᕗᓕᐅᓯᒪᖕᒪᑦ ᑕᕝᕘᓇ ᑲᓇᑕᒥ ᑖᒃᓰᔭᕐᕕᒃᑯᑦ ᐅᖃᓕᒫᒐᒃᓴᖓᓂᑦ. ᑕᒪᓐᓇ ᓴᖅᑭᑎᑕᐅᖅᑳᓚᐅᖅᓯᒪᔪᖅ ᓄᓇᖃᖅᑳᖅᓯᒪᔪᓄᑦ ᑐᕌᖓᔪᖅ 2021ᖑᑎᒃᖢᒍ ᖃᑉᓗᓈᑐᑦ, ᐊᒻᒪ ᐅᐃᐅᐃᑎᑐᑦ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 7 ᑖᒻᓇ ᐋᖅᑭᑎᑖᓚᐅᖅᑳᖅᓯᒪᔪᖅ ᓄᓇᖃᖅᑳᖅᓯᒪᔪᓄᑦ ᑐᕌᖓᔪᖅ 2021-ᖑᑎᓪᓗᒍ ᖁᓪᓗᓈᑐᑦ ᐊᒻᒪᓗ ᐅᐃᕖᑎᑐᑦ, ᑖᓐᓇ ᐅᖃᓕᒫᒐᒃᓴᖅ ᑕᑯᑉᓗᒍ ᑐᑭᓯᒃᑲᓐᓂᕆᐊᕈᑐᐊᓂᓗᕐᒪᑦ ᓄᓇᖃᖅᑳᖅᓯᒪᔪᓄᑦ ᑐᕌᖓᔪᓂᑦ ᑖᑉᓰᔭᕐᓂᐅᑉ ᒥᒃᓵᓄᑦ, ᑮᓇᐅᔭᒃᑯᑦ ᐃᑲᔫᑕᐅᔫᓪᓗᐊᖅᑐᑦ ᒥᒃᓵᓄᑦ ᐊᒻᒪ ᐊᓯᖏᓐᓄᑦ ᓄᓇᓕᖕᓄᑦ ᑐᕌᖓᔪᓂᑦ ᑐᑭᓯᕚᓪᓕᕈᑕᐅᑦᑕᖅᑑᓪᓗᐊᖅᖢᓂ ᑖᓐᓇ ᓄᑖᖅ ᐃᓄᒃᑎᑐᑦ ᒪᑉᐱᒐᖓ ᐃᓚᖃᖅᑐᖅ ᑐᑭᓯᔾᔪᑎᔅᓴᓂᑦ ᐃᑲᔫᓯᐊᔅᓴᐃᓪᓗ ᐊᒻᒪᓗ ᐊᑭᓕᐅᓯᐊᔅᓴᐃᑦ ᐱᖃᓯᐅᑎᓪᓗᒋᑦ ᑖᒃᑯᐊ ᓱᕈᓰᑦ ᐃᓄᐃᑦ ᓯᕗᓪᓕᐅᑎᑕᐅᓂᖏᓄᑦ ᐱᓕᕆᐊᖅ. ᑖᓐᓇᓗ ᐃᓗᓕᖃᕐᒥᔪᖅ ᓇᓗᓇᐃᔭᖅᓯᒪᔪᓂᑦ ᐱᔨᑦᑎᕋᕈᑕᐅᖃᑦᑕᖅᑐᑦ ᑭᓲᓂᖏᓐᓂᑦ ᑖᒃᑯᑎᒎᓇ ᐅᑭᐅᖅᑕᖅᑐᒥᑦ ᐱᔨᑦᑎᕋᖅᑎᒃᑯᑦ ᐅᐊᐃᑦᕼᐅᐊᔅᒥᑦ, ᔨᐊᓗᓇᐃᒥ, ᐊᒻᒪᓗ ᐃᖃᓗᓐᓂ, ᐊᒻᒪᓗ ᐋᖅᑭᓱᖅᓯᒪᔪᓂᑦ ᑐᑭᒧᐊᒍᑎᔅᓴᓂᑦ ᐃᓄᓐᓅᖓᔪᓂᑦ ᓄᓇᓕᖏᓐᓂᑦ. ᐅᖃᖅᑎᑦᑎᔩ, ᑖᓐᓇ ᐱᓕᕆᐊᔅᓴᓕᐊᖑᓯᒪᔪᖅ ᐃᑲᔪᖅᑐᐃᒍᑕᐅᔪᖅ ᐱᓇᓱᐊᖅᑕᐅᓯᒪᔪᓂᑦ ᐱᐅᓯᕚᓪᓕᕆᐊᖅᑎᑦᑎᓂᕐᒧᑦ ᐃᓚᓕᐅᔾᔨᓯᒪᓂᕐᒧᓪᓗ ᐊᒻᒪᓗ ᐊᑐᕋᕐᓂᖅᑑᓗᑎᓪᓗ. ᑖᓐᓇᓗ ᓇᓛᒎᖓᒻᒥᔪᖅ ᐊᖏᖅᓯᒪᓂᕆᔭᖏᓐᓄᑦ ᐱᓕᕆᔪᒪᓂᕐᒧᑦ ᑕᕝᕙᓂ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓄᑦ ᐱᖁᔭᖅ, ᑖᒃᑯᐊ ᑲᓇᑕᒥ ᑮᓇᐅᔭᓕᐊᓂᑦ ᑖᒃᓰᓕᕆᔨᒃᑯᑦ ᓄᓇᖃᖅᑳᖅᓯᒪᔪᓄᑦ ᐸᕐᓇᐅᑎᖓ, ᐊᒻᒪᓗ ᐃᓄᐃᑦ ᓄᓇᖓᓐᓄᑦ ᐊᑐᐊᒐᕐᒥ. ᐱᕚᓪᓕᖅᑎᑕᐅᓪᓗᓂ ᑐᑭᓯᒋᐊᕈᑎᔅᓴᓂᑦ ᐃᓄᒃᑎᑐᑦ ᑐᓴᕆᐊᕈᑎᒋᓗᒋᑦ ᐃᑲᔪᖅᑐᖅ ᐃᓄᐃᑦ ᐃᓚᒌᑦ ᑐᑭᓯᑦᑎᐊᕈᓐᓇᓂᖅᓴᐅᖁᓪᓗᒋᑦ ᐊᒻᒪᓗ ᐊᑐᕈᓐᓇᕐᓗᑎᑦ ᐱᓕᕆᐊᔅᓴᐅᔪᓂᑦ ᐊᒻᒪᓗ ᐃᑲᔫᓯᐊᔅᓴᓂᑦ ᐊᑐᐃᓐᓇᐅᑎᑕᐅᔪᓄᑦ ᑖᒃᑯᓄᖓ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. >>ᐸᑦᑕᑐᖅᑐᑦ ᐅᖃᖅᑎ: ᓇᑯᕐᒦᒃ. ᒥᓂᔅᑕᐃᑦ ᐅᖃᐅᓯᖏᑦ. ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᒥᓂᔅᑕᖓᑦ, ᒥᔅ ᐳᕉᔅᑐ. ᒥᓂᔅᑕᑉ ᐅᖃᐅᓯᖓ 50 – 7(1): ᐋᓐᓂᐊᕕᖕᒧ ᐊᐅᓪᓚᖅᐸᒃᑐᓄᑦ ᐊᑐᐊᒐᖅ ᐃᑲᔪᖅᑐᐃᔾᔪᑎᓪᓗ (ᐳᕉᔅᑐ) ᐊᖓᔪᖅᑳᖅ ᔮᓂᑦ ᐳᕉᔅᑐ (ᑐᓵᔨᑎᒍᑦ): ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᔪᖓ ᐅᖃᐅᓯᖃᕈᒪᓪᓗᖓ ᐱᔨᑦᑎᕋᐅᑎᒥᒃ ᐃᓚᒌᓕᒫᑦᑎᐊᑲᓴᖕᓂᒃ ᐊᒃᑐᐃᕙᒃᑐᒥᒃ ᓄᓇᕗᒻᒥ, ᐋᓐᓂᐊᕕᓕᐊᖅᖢᑎᒃ ᐊᐅᓪᓚᖅᐸᒃᑐᓂᑦ, ᑐᓴᖅᑎᑦᑎᔪᒪᓪᓗᖓᓗ ᖃᐅᔨᒋᐊᕈᑎᒃᓴᓂᒃ ᐊᒃᓱᕈᕐᓇᖅᑐᒃᑰᓕᕌᖓᒥᒃ ᐃᒃᐱᒋᔭᖃᓕᕌᖓᒥᒡᓗ ᐃᓚᒋᔭᐅᓪᓗᓂ ᐋᓐᓂᐊᕐᕕᖕᒥ ᑲᒪᒋᔭᐅᑎᓪᓗᒍ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒫᓐᓇ ᐊᑕᖏᖅᖢᒋᑦ ᕿᒥᕐᕈᑎᑦᑎᕗᑦ ᐋᓐᓂᐊᕐᕕᖕᒧᑦ ᐊᐅᓪᓚᖅᐸᒃᑐᑦ ᐊᑐᐊᒐᖓᓂᒃ, ᐱᔾᔪᑎᖃᓗᐊᖅᖢᑎᒃ ᑐᑭᓯᓇᑦᑎᐊᖅᑐᒥᒃ, ᒪᓕᑦᑎᐊᖅᑐᒥᒃ, ᑭᐅᔪᓐᓇᕐᓗᑎᒡᓗ ᓄᓇᕗᒻᒥᐅᑦ ᐱᔭᕆᐊᓕᖏᓐᓂᒃ. ᕿᒥᕐᕈᑎᓪᓗᒋᑦ ᕿᒥᕐᕈᓚᐅᖅᐳᑦ ᖃᔅᓯᑲᓪᓚᖕᓂᒃ ᐱᔾᔪᑕᐅᓗᐊᖅᑐᓂᒃ, ᐱᖃᓯᐅᑎᓪᓗᒍ ᐋᖅᑭᑎᐊᖅᓯᒪᓂᖓ ᐊᑐᐊᒐᐅᑉ, ᓇᓗᓇᐃᖅᓯᑦᑎᐊᖅᖢᓂ ᒪᓕᒃᑎᖃᕈᓐᓇᖅᑐᓂᒃ ᐊᒻᒪᓗ ᑲᒪᒋᔭᕆᐊᖃᖅᑕᖏᓐᓂᒃ, ᐅᓐᓂᕐᓘᑕᐅᕙᒃᑐᑦ ᐱᕙᓪᓕᐊᓂᖓ ᐊᐅᓚᑦᑎᐊᕐᓂᖅᓴᐅᓕᕐᓗᓂ. ᐊᒻᒪᓗᑦᑕᐅᖅ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᖃᕆᑕᐅᔭᒃᑯᑦ ᑲᒪᒋᔭᐅᕙᒃᑐᓂᒃ ᐃᓚᒋᐊᖅᑎᑦᑎᒃᑲᓐᓂᖅᐳᑦ, ᐅᓄᖅᓯᒋᐊᖅᑎᑦᑎᓪᓗᑎᒃ ᑭᒍᑎᑦᑎᐊᕆᖕᓂᖅ ᐅᔾᔨᕆᔭᐅᓕᒃᑲᓐᓂᕈᑎᒃᓴᖏᑦ ᑭᒍᑎᕐᓗᒃᑕᐃᓕᑎᑦᑎᓂᕐᓗ, ᑭᒃᑯᑐᐃᓐᓇᐃᑦ ᐃᒃᐱᖕᓂᐊᔪᓐᓃᖅᑎᑕᐅᕙᒃᑐᑦ ᑭᒍᑎᓕᕆᔭᐅᑎᓪᓗᒋᑦ. ᓴᖅᑭᑕᐅᓂᖏᑦ ᐊᕕᒃᑐᖅᓯᒪᔪᓂ ᑲᒪᒋᔭᐅᖏᓐᓇᖅᑐᒃᑯᕕᑦ ᓴᖅᑭᓛᓕᖅᑐᕐᓗ ᐊᖅᑯᓵᕆᐊᖅ ᖁᐊᖅᓵᖅᓯᒪᔪᓄᑦ ᒪᒥᓴᕐᕕᒃ ᐃᑲᔫᑕᐅᓂᐊᕐᒥᔪᖅ ᓄᓇᕗᒥᐅᑦ ᑲᒪᒋᔭᐅᔪᓐᓇᕐᓗᑎᒃ ᐊᖏᕐᕋᖏᓐᓄᑦ ᖃᓂᓐᓂᖅᓴᐅᓗᑎᒃ. ᑕᒪᓐᓇ ᒪᓕᒃᑕᐅᕙᓪᓕᐊᖁᓪᓗᒍ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓴᖅᑭᑦᑎᓚᐅᖅᐳᑦ ᓄᓇᕗᒻᒥ ᐋᓐᓂᐊᕕᖕᒧᑦ ᐊᐅᓪᓚᖅᐸᒃᑐᑦ ᐅᖃᓕᒫᒐᖓᓂ. ᑖᓐᓇ ᐃᑲᔫᑎᒃᓴᖅ ᖃᕆᓴᐅᔭᒃᑯᑦ ᐱᔭᐅᔪᓐᓇᖅᐳᖅ ᐊᔪᕆᖅᓲᔾᔨᓯᒪᓪᓗᓂ ᑐᑭᓯᓇᑦᑎᐊᖅᖢᑎᒡᓗ ᖃᐅᔨᒋᐊᕈᑎᒃᓴᑦ ᓄᓇᕗᒻᒥᐅᑦ ᐊᐅᓚᑦᑎᑦᑎᐊᖁᓪᓗᒋᑦ ᐋᓐᓂᐊᕐᕕᖕᒧᑦ ᐊᐅᓪᓚᖅᓯᒪᑎᓪᓗᒋᑦ ᖃᐅᔨᒪᑦᑎᐊᕐᓗᑎᒃ

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 8 ᐅᖃᖅᑎᑦᑎᔩ, ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᑐᓕᕆᔨᑦ ᐃᖅᑲᓇᐃᔭᖅᑎᖏᑦ ᐱᓕᕆᖃᑎᖃᑦᑎᐊᓲᖑᖕᒥᔪᑦ ᖃᖓᑕᓲᓕᕆᔨᓂᒃ, ᐋᓐᓂᐊᕕᓕᐊᖅᑐᑦ ᑐᔪᕐᒥᕕᖏᓐᓂᒃ, ᐃᓗᐊᖅᓴᐃᔨᓂᒡᓗ ᓄᓇᕗᒥᐅᑦ ᑲᒪᒋᔭᐅᑦᑎᐊᖁᓪᓗᒋᑦ ᐱᔭᕆᐊᖃᖅᑕᖏᓐᓂᒃ. ᑎᓕᐅᖅᐸᑦᑎᒋᑦ ᖃᐅᔨᒋᐊᖁᓪᓗᑎᑦ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᑐᓕᕆᔨᓄᑦ ᐊᔪᕆᖅᓲᔾᔭᐅᔪᒪᒍᕕᑦ, ᐃᑲᔪᖅᑕᐅᔪᒪᒍᕕᑦ ᑐᓴᖅᑎᑦᑎᔪᒪᒍᔅᓯᓗ ᐊᐅᓪᓚᕐᓂᐊᕐᓂᓯ ᐊᒃᑐᖅᑕᐅᓂᐊᕐᒪᖔᑦ ᓯᓚᒧᑦ ᐅᕝᕙᓘᓐᓃᑦ ᖃᖓᑕᓲᑉ ᐊᐅᓚᐅᑎᖏᑦ ᓴᓇᔭᐅᔭᕆᐊᖃᕐᓗᑎᒃ ᑭᖑᕙᕆᐊᖅᑕᐅᓐᓂᖅᐸᑦ ᑕᑯᔭᐅᕝᕕᒃᓴᐃᓪᓗ ᐊᓯᔾᔨᖅᑕᐅᔭᕆᐊᖃᓕᕐᓗᓂ. ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᑐᓕᕆᔨᑦ ᐃᖅᑲᓇᐃᔭᖅᑎᖏᑦ ᐊᑐᐃᓐᓇᐅᕗᑦ ᐃᑲᕐᕋᓄᑦ 24−ᓄᑦ, ᐅᑯᓇᓂ ᓈᓴᐅᑎᓂᑦ: ᕿᑭᖅᑖᓗᖕᒥᐅᓄᑦ 1-866-371-3305 ᑭᕙᓪᓕᕐᒥᐅᓄᑦ 1-844-886-8020 ᕿᑎᕐᒥᐅᓄᑦ 1-844-886-8010 ᐅᖃᖅᑎᑦᑎᔩ, ᑐᕌᕆᔭᖃᖅᐳᒍᑦ ᐃᑲᔪᖅᑐᐃᔪᒪᓪᓗᑕ ᓄᓇᕗᒻᒥᐅᓂᒃ ᖃᓄᓕᒫᖅ ᐋᓐᓂᐊᕐᕕᓕᐊᕐᓗᑎᒃ ᐊᐅᓪᓚᖅᓯᒪᑎᓪᓗᒋᑦ. ᐱᓕᕆᖃᑎᒌᖕᓂᒃᑯᑦ ᑐᓴᐅᒪᖃᑎᒌᖕᓂᒃᑯᓪᓗ, ᐃᑲᔪᕈᓐᓇᖅᑐᒍᑦ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖃᑦᑕᖅᑐᑦ ᐊᑦᑕᕐᓇᖏᑦᑐᒦᖏᓐᓇᖁᓪᓗᒋᑦ, ᐃᑉᐱᒍᓱᑦᑎᐊᕐᓗᑎᒃ, ᑐᙵᕕᖃᑦᑎᐊᕐᓗᑎᓪᓗ ᐱᒻᒪᕆᐅᒋᔭᖏᓐᓂᑦ ᓄᓇᓕᑦᑎᓐᓂ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᑲᑎᒪᔾᔪᑎᕗᑦ ᓈᓴᐅᑎᖓ 3. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐃᖃᓗᑦᑑᑦᓯᐊ ᒪᓕᒐᓕᐅᖅᑎᖓ, ᒥᔅᑕ ᐲᑕᓴᓐ. ᑲᑎᒪᔾᔪᑎᒃᓴᖅ 3: ᒪᓕᒐᓕᐅᖅᑏᑦ ᐅᖃᐅᓯᖏᑦ ᒪᓕᒐᓕᐅᖅᑎᑉ ᐅᖃᐅᓯᖓ 54 – 7(1): ᐅᑭᐅᖅᑕᖅᑐᒥ ᐱᙳᐊᕕᔾᔪᐊᕆᐊᖅᑐᖅᓯᒪᓚᐅᖅᑐᑦ (ᐲᑕᓴᓐ) ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ ᐅᖃᖅᑏ. ᐅᓪᓗᒥ ᐅᐱᒋᒍᒪᒐᒃᑭᑦ ᐱᙳᐊᖅᑎᓕᒫᑦᑎᐊᖑᓚᐅᖅᑐᐃᑦ ᓄᓇᕘᒧ ᐅᑎᖅᓯᒪᔪᐃᑦ ᐅᔭᒥᑦᑕᐅᓯᒪᓪᓗᑎᒃ. ᐊᒻᒪ ᓄᓇᕗᒎᕈᓇ ᒍᓗᑖᕋᓱᓐᓂᐊᕐᖓᑕ ᓯᕗᓪᓕᐹᑦᑎᐊᒥᑦ, ᑖᓐᓇ ᐱᙳᐊᑦᑎᐊᓛᒥᓂᕐᓄᑦ ᐱᔾᔪᓯᐊᖑᓲᒥᑦ ᐱᔾᔪᓯᐊᖅᑎᑕᐅᒻᒪᑕ ᓄᓇᕗᒻᒥᐅᑕᐃᑦ, ᐅᐱᒋᓂᐊᖅᑲᕗᑦ. ᐅᖃᖅᑎᑦᑎᔩ, ᐊᒻᒪᑦᑕᐅᖅ ᐅᕙᓐᓃᖔᕐᓗᓂ, ᐅᐱᒍᓱᒍᒪᒻᒥᒐᒪ ᖃᖏᐊᒪ ᐃᕐᓂᖓᓂᒃ, 18 ᐊᑖᓂ ᐅᑭᐅᓕᓐᓂ ᕚᓕᐹᒥ ᓵᓚᖃᖃᑕᐅᓐᓂᕐᖓᑦ. ᖁᕐᓗᒃᑑᒥᐅᑕᐅᖃᑦᑕᖅᑐᐃᑦ ᐃᓚᒌᑦ, ᑭᓯᐊᓂ ᒫᓐᓇ ᐃᖃᓗᓐᓃᓯᒪᒻᒪᑕ ᐊᕐᕌᒎᓐᓂᒃ ᒪᕐᕉᓐᓂᒃ ᐊᓂᒍᖅᓯᒪᔫᓐᓂᒃ ᐊᕙᑎᓕᕆᓂᕐᒧᑦ ᐊᑖᑕᖓ ᐃᓕᓐᓂᐊᕐᖓᑦ ᓯᓚᑦᑐᓴᕐᕕᒻᒥᑦ. ᕋᐃ ᐲᑕᓴᓐ, ᑖᓐᓇ ᐊᑎᖅᐳᑦ ᑎᒍᒥᐊᑦᑎᐊᖅᑖᓗᒋᓚᐅᖅᑕᐃᑦ. ᐅᐱᒍᓱᑦᑎᑦᑎᓪᓚᕆᓚᐅᖅᑐᑎᑦ, ᓂᖏᐅᓪᓗ ᐃᑦᑐᐃᓪᓗᑦᑕᐅᖅ ᑕᑉᐹᖓᑦ ᑕᑯᓐᓈᖅᑰᒃ. ᐊᒻᒪ ᐅᖃᖅᑏ, ᐊᒻᒪ ᐃᕐᖑᑕᕋ ᑲᐃᓪ ᐊᓕᖃᕐᒪᒃ 23ᖑᓕᖅᑐᖅ, ᓇᓪᓕᐅᑎᓚᐅᕐᖓᑦ ᐃᑉᐸᔅᓴᖅ ᕼᐊᐱ ᐳᔅᕼᐃᕈᒪᔭᕋ. ᖁᔭᓐᓇᒦᒃ ᐅᖃᖅᑏ. >>ᐸᑦᑕᑐᖅᑐᑦ

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 9 ᐅᖃᖅᑎ: ᐊᔪᙱ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐊᕐᕕᐊᑦ ᓂᒋᐊᓄᑦ ᒪᓕᒐᓕᐅᖅᑎ, ᒥᔅᑕ ᖃᑉᓗᑦᓯᐊᖅ. ᒪᓕᒐᓕᐅᖅᑎᑉ ᐅᖃᐅᓯᖓ 55 – 7(1): ᐊᑯᓂᐊᓗᒃ ᐃᖅᑲᓇᐃᔭᖅᓯᒪᓕᖅᑐᖅ ᐹᑦᓯ ᑲᐅᑕᒃ ᖁᒃᓱᒃ (ᖃᑉᓗᑦᓯᐊᖅ) ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ ᐅᖃᖅᑏ. ᐅᓪᓗᒥ ᓂᑯᕕᑦᑐᖓ ᑲᑎᒪᕐᔪᐊᕕᒻᒥ ᐅᐱᒍᓱᒍᒪᓪᓗᖓ ᐊᑯᐊᓗᒃ ᐃᖅᑲᓇᐃᔭᖅᑎᐅᓯᒪᔪᒥᑦ ᐊᔅᓱᕈᖅᓯᒪᔪᒥᑦ ᐊᖏᖅᓯᒪᓂᖃᔅᓯᐊᖅᓯᒪᔪᒥᑦ ᐱᔨᑦᑎᕋᖅᑎᐊᖅᓯᒪᔪᐊᓘᓪᓗᓂ ᓄᓇᕗᒻᒥᐅᓂᑦ, ᓴᑭᒐ ᑖᓐᓇ ᐹᑦᓯ ᑲᐅᑕᒃ ᖁᒃᓱᒃ. ᐊᒥᓱᐊᓗᓐᓂ ᐱᒡᒐᓇᖅᑐᓂᑦ ᐊᓂᒍᐃᓯᒪᔪᖅ, ᓄᓇᕗᒻᒥᐅᑕᐃᑦ ᐊᖏᕐᕋᖃᕈᓐᓇᓂᐊᕐᖓᑕ ᓇᒻᒥᓂᕆᔭᒥᓃᑦ, ᐊᒻᒪᓗᑦᑕᐅᖅ ᐃᓪᓗᓕᕆᔨᒃᑯᑎᒍᑦ. ᐅᖃᖅᑏ, 1980ᐅᑎᓪᓗᒍ ᐹᑦᓯ ᐊᖏᖅᓯᒪᓂᕐᒥᓂᑦ ᓴᖅᑭᔮᖅᑎᑎᓪᓚᕆᑉᐸᓚᐅᖅᑐᑦ ᐃᓕᓐᓂᐊᖅᑎᓂᑦ ᐱᔭᕇᖅᑐᓂᑦ ᐃᑲᔪᖃᑦᑕᖅᑐᓂ, ᐊᖏᕐᕋᒥᓂ ᑕᐃᑲᓂ Eskimo Pointᒍᓂᕋᖅᑕᐅᖃᑦᑕᔪᔪᒥ, ᑕᐃᑲᓂ ᐃᓕᓐᓂᐊᖅᑐᓕᕆᓂᕐᒥᑦ ᐊᔭᐅᕆᔾᔪᔾᔨᖃᑦᑕᔪᔪᖅ ᐊᕐᕕᐊᒥ ᐃᓕᓐᓂᐊᖔᖃᑦᑕᖁᓪᓗᒋᑦ ᐊᐅᓪᓚᖏᖔᕐᓗᑎᒃ ᖁᕝᕙᓯᓐᓂᓕ 12 ᑖᕋᓱᐊᕐᓗᑎᒃ, ᐃᕐᓂᖓ ᖁᑦᑎᓂᖅᓴᒧᑦ ᐃᓕᓐᓂᐊᕆᐊᖁᓚᐅᖅᓯᒪᙱᒻᒪᒍ ᐊᐅᓪᓚᕐᓗᓃ. ᑭᖑᓂᐊᒍᓪᓕ ᐊᓯᖏᑦ ᓄᓇᓖᑦ ᒪᓕᔅᓴᓕᓚᐅᖅᓯᒪᔪᑦ ᒥᑭᔫᑕᐅᓂᖅᐹᖏᓐᓂᑦ ᖁᕝᕙᓯᓐᓂᓕ 12ᒧᑦ ᐃᓕᓐᓂᐊᕐᕕᖃᓕᖅᑐᑎᒃ. ᑕᐃᒫᒃ ᐸᕐᓇᓚᐅᖅᓯᒪᒻᒪᑕᐃᓛᒃ, ᐊᓯᔾᔨᓚᐅᖅᓯᒪᔭᖓ ᖁᑦᑎᓂᖅᓴᒥᑦ ᓄᓇᓕᒻᒥ ᐃᓕᓐᓂᐊᖃᑦᑕᕈᓐᓇᖁᓪᓗᒋᑦ. ᐊᒻᒪᑦᑕᐅᖅ ᐹᑦᓯ, ᐃᓪᓗᓕᕆᔨᕐᔪᐊᒃᑯᓐᓂ ᐃᖅᑲᓇᐃᔭᑦᑎᐊᖅᓯᒪᔪᐊᓗᒃ, ᐅᖃᐅᓯᐅᕙᓚᐅᖅᑐᖅ ᐃᖅᑲᓇᐃᔭᖃᑎᖏᓐᓄᑦ ᐊᓈᓇᒋᔭᐅᓂᕋᖅᑕᐅᓪᓗᓂ ᐃᓪᓗᓕᕆᔨᕐᔪᐊᒃᑯᓐᓄᑦ. ᐊᒻᒪ ᓄᓇᕗᒻᒥ ᑕᐱᕇᑦ ᐊᕐᓇᐃᑦ 19ᓂᑦ ᐊᑖᓂ ᐊᕐᕌᒍᓖᑦ ᐱᖓᔪᒋᔭᐅᓚᐅᕐᖓᑕ ᐅᔭᒥᑦᑕᐅᓪᓗᑎᒃ ᐱᙳᐊᕕᔾᔪᐊᕐᓂᖓᓂ ᐅᐊᐃᑦᕼᐅᐊᔅᒥ, ᔫᑳᓐᒥ. >>ᐸᑦᑕᑐᖅᑐᑦ ᐅᖃᖅᑏ, ᑖᒃᑯᐊ ᒪᕐᕉᖅ ᐊᕐᓈᒃ ᕼᐊᑭᖅᑏᒃ ᑕᐱᕆᔭᐅᖃᑕᐅᓚᐅᖅᑐᑦ ᐅᑯᐊ: ᔫᓐ ᓴᕕᑲᑖᖅ, ᐊᕐᕕᐊᓂᑦ ᑖᓐᓇ ᒫᓐᓇ ᐋᓐᑎᐊᕆᐅᒥ Hᐋᑭᖅᑎᐅᖃᑕᐅᔪᖅ Junior Varsity Team-ᒥ, ᑯᐊᓐᐅᐊᓪ, ᐋᓐᑎᐅᕆᐅᒥ. ᐊᒻᒪᓗ ᐋᔅᓕ ᐆᓕ, ᐊᕐᕕᐊᕐᒥᐅᑕᖅᑕᐅᖅ, ᒫᓐᓇ Notre-Dame Hounds-ᑯᓐᓄᑦ ᐱᙳᐊᖃᑦᑕᖅᑐᖅ, ᑕᐃᑲᓂ ᐊᑦᑖᓪ ᒨᕆ ᓯᓚᑦᑐᓴᕐᕕᖓᓂᒃ ᓅᑦᕆ−ᑕᐃᒻ ᐃᐅᓪᑳᒃᔅ, ᓴᔅᓯᑲᑦᓲᐅᐊᓐᒥ. ᐅᖃᖅᑏ, Hᐋᑭᕐᓂᕐᒥᒃ ᐅᖃᐅᓯᖃᖅᑎᓪᓗᖓ ᐅᐱᒍᓱᓪᓚᕆᒻᒥᒐᒪᑦᑕᐅᖅ, ᐊᕐᕕᐊᕐᒥᐅᑕᐃᑦ ᑲᑎᔅᓯᒪᓚᐅᕐᖓᑕ Kraft Hockeyville 2026-ᒥ ᐊᕐᕕᐊᑦ ᑭᖕ ᐱᙳᐊᕐᕕᖓᓄᑦ ᐱᒐᓱᐊᖅᑐᑎᒃ. ᑖᓐᓇ ᐊᑦᑎᖅᑕᐅᓚᐅᖅᓯᒪᒻᒪᑦ ᕌᓪᕝ ᑭᙳᓗᓚᐅᖅᓯᒪᔪᒥ ᐊᕐᕕᐊᓂ. ᑖᓐᓇ ᑐᓴᖅᑕᐅᑎᑦᑎᔾᔪᑎᒃ ᓴᖅᑭᖅᑕᐅᓚᐅᖅᑐᖅ ᓯᕙᑖᕐᕕᒻᒥ, ᒫᑦᓯ 14, 2026-ᒥ ᑖᓐᓇᓗ ᓄᓇᕗᑦ ᓄᓇᓕᖓ ᓂᕈᐊᖅᑕᐅᓚᐅᕐᖓᑦ ᑭᕙᓪᓕᕐᒦᑦᑐᖅ, ᐊᕐᕕᐊᑦ. ᐅᖃᖅᑏ, ᐅᑯᐊ ᐃᓚᖏᑦ ᐅᖃᓕᒫᕐᓂᐊᕋᒃᑭᑦ ᓯᕙᑖᕐᕕᒻᒥ, ᒫᑦᓯ 14-ᒥ ᓴᖅᑭᔮᔪᔪᑦ, ᐱᒋᐊᓚᐅᙱᓂᕐᓂ, ᐅᖃᐅᓯᔅᓴᒃᑲ ᐱᔭᕇᕈᓐᓇᕈᒪᔭᕋᓗᐊᒃᑲ. ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑎ ᐊᐱᕆᔪᖅ ᐱᔭᕇᖅᑎᑕᐅᒍᓐᓇᕈᒪᓪᓗᓂ ᐅᖃᐅᓯᔅᓴᖏᓐᓂᒃ, ᐋᒡᒑᖅᑕᐅᕚ? ᑐᓴᙱᓐᓇᒪ. ᒥᔅᑕ ᖃᑉᓗᑦᓯᐊᖅ, ᑲᔪᓯᒋᐊᕆᑦ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ.

"Kraft ᕼᐋᑭᕕᐅᓪ ᑐᓴᖅᑎᑦᑎᕗᑦ ᑲᓇᑕᒥ ᐊᕕᒃᑐᖅᓯᒪᔪᓂᒃ, ᓄᓇᕘᒥ ᓵᓚᒃᓴᖅᑐᓂᒃ 2026-ᒥ." ᐊᕐᕕᐊᑦ ᓄᓇᕗᑦ King ᓯᐊᕐᕆᔮᕐᕕᖓ ᑎᑎᕋᖅᑕᐅᓯᒪᔪᖅ. "ᖃᓄᐃᓕᐅᕐᓂᐊᓕᖅᐱᑕ": "ᑭᖑᓪᓕᕐᒥ ᐱᓕᕆᓂᐅᔪᖅ Kraft ᕼᐋᑭᕕᐅᓪ 2026-ᒥ ᐱᒋᐊᕐᓂᐊᖅᑐᖅ ᒫᑦᓯ 21, 2026-ᒥ, ᑖᒃᑯᐊ ᒪᕐᕉᒃ ᑭᖑᓪᓕᖅᐹᖑᔫᒃ ᐅᖃᐅᓯᐅᓛᖅᑐᑦ. ᑲᓇᑕᒥᐅᑦ ᑭᖑᓪᓕᖅᐹᒥᒃ ᐃᓱᒪᓕᐅᕈᑎᖃᓕᕐᓂᐊᖅᐳᑦ 2026-ᒥ ᓵᓚᖃᖅᑐᒥᒃ ᐃᓄᓕᒫᑦ ᓂᕈᐊᖅᑎᓪᓗᒋᑦ krafthockeyville.ca-ᒥ ᐊᐃᕐᕆᓕ 3-ᒥ 4-ᒧᑦ. Kraft Hockeyville 2026-ᒥ

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 10 ᓵᓚᒃᓴᖅᑐᖅ ᓴᖅᑭᑕᐅᓛᖅᑐᖅ ᐃᕐᖐᓐᓇᖅ ᕼᐋᑭᕐᓇᐅᑉ ᐅᓐᓄᖓᓂ ᑲᓇᑕᒥ ᐊᐃᕐᕆᓕ 4, 2026-ᒥ. ᐃᓚᒋᔭᐅᓪᓗᓂ ᒪᕐᕉᖕᓄᑦ ᓵᓚᖃᐅᓯᐊᒃᓴᓄᑦ: • ᑐᒡᓕᐊ ᐱᑎᑕᐅᓂᐊᖅᑐᖅ $100,000-ᓂᒃ ᕼᐋᑭᕐᕕᐅᑉ ᓄᑖᙳᕆᐊᖅᑎᑕᐅᓂᖓᓄᑦ. • Kraft Hockeyville 2026-ᒥ ᓵᓚᖃᖅᑐᑦ ᓄᓇᓖᑦ ᐱᑎᑕᐅᓂᐊᖅᐳᑦ $250,000-ᓂᒃ ᕼᐋᑭᕐᕕᖏᑦ ᓄᑖᙳᕆᐊᖅᑎᑕᐅᓂᖏᓐᓄᑦ, ᐊᒻᒪᓗ ᐱᕕᖃᖅᑎᑕᐅᓗᑎᒃ ᕼᐋᑭᖅᑎᕐᔪᐊᓄᑦ ᐱᙳᐊᕕᒡᔪᐊᕐᓇᐅᓚᐅᙱᓐᓂᖓᓂ ᓄᓇᓕᖏᓐᓄᑦ. “ᑲᓇᑕᒥᐅᑦ ᑕᑯᔭᖅᑐᕈᓐᓇᖅᐳᑦ krafthockeyville.ca ᐊᒻᒪ ᒪᓕᒍᓐᓇᖅᖢᑎᒃ @krafthockeyville ᐃᓐᔅᑕᒍᕌᒻᑯᑦ ᐃᓕᑦᑎᒃᑲᓐᓂᕈᒪᒍᑎᒃ ᒪᓕᒡᓗᑎᒡᓗ ᓵᓚᖃᕋᓱᐊᕐᓂᐅᔪᒥ ᖁᕕᐊᓲᑎᖃᕐᓂᐅᔪᒥ ᐆᒻᒪᑎᖓᓂ ᐊᒻᒪ ᐊᖏᕐᕋᖓᓂ ᐅᐱᒍᓱᖕᓂᐅᔪᒥ ᓇᓗᓇᐃᖅᓯᔪᒥ Kraft ᕼᐋᑭᕐᕕᖓᓂ." ᑕᐃᒪᑐᖅ ᑕᒻᒪᕐᓂᕈᒪ ᓇᓗᓇᐃᖅᓯᓗᖓ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑎᐅᑉ ᐅᖃᐅᓯᔅᓴᖏᑦ. ᐄ’, ᓴᓂᕌᓅᓗᐊᖅᑲᐅᖏᒃᑲᓗᐊᖅᑐᑎᑦ ᑕᒪᐅᖓᖅᓴᕋᐃᓗᐊᖅᑲᐅᖏᑦᑐᑎᑦ. ᐊᑕᐅᓯᕐᒥᒃ ᐅᖃᐅᓯᖃᖃᑦᑕᕆᐊᖃᓲᖑᒐᑦᑕ. ᑕᐃᒪᓕ ᒥᔅᑕ ᒪᐃᒃ, ᐸᓐᓂᖅᑑᕐᒧᑦ ᒪᓕᒐᓕᐅᖅᑎ. ᒪᓕᒐᓕᐅᖅᑎᑉ ᐅᖃᐅᓯᖓ 56 – 7(1): ᓄᑕᖅᑲᓄᑦ ᖃᑕᙳᑎᒌᓄᓪᓗ ᐱᔨᑦᑎᕋᐅᑎᓄᑦ ᐱᐅᓯᒋᐊᕈᑎᑦ (ᒪᐃᒃ) ᒪᐃᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᓪᓗᒃᑯᑦ ᐸᓐᓂᖅᑑᕐᒥᐅᑦ, ᓄᓇᕗᒻᒥᐅᑦ. ᐃᓛᒃ, ᑕᕝᕙᓂ ᑖᒃᑯᐊ ᒥᓂᔅᑕᐃᑦ ᐅᖃᓪᓚᖃᑦᑕᕐᖓᑕ ᓇᓗᓇᐃᕆᐊᓕᒻᒥᓂᒃ. ᑕᐃᒃᑲᐅ ᐅᖃᓪᓚᑦᑕᐅᖃᑦᑕᖅᑐᑦ ᒥᓂᔅᑕᓄᑦ ᓇᓗᓇᐃᖅᓯᕙᑦᑐᑦ ᖁᕕᐊᒋᔭᒃᑲ ᑕᒪᒃᑭᖅᑐᒋᑦ. ᐊᑕᐅᓯᕐᒥᒃ ᑭᓯᐊᓂ ᓇᓗᓇᐃᖅᓯᒍᒪᒐᒪ, ᑖᔅᓱᒪ ᒥᓂᔅᑕᐅᑉ ᓄᓇᕗᑦ ᐃᒡᓗᓕᕆᔨᕐᔪᐊᒃᑯᓐᓄᑦ ᐅᖃᐅᓯᐅᓚᐅᖅᑐᒥ ᒥᓂᔅᑕᒧᑦ ᒪᓕᒐᓕᐅᕐᕕᖕᒧᑦ. ᑕᒪᓐᓇ ᐃᓱᒫᓘᑎᒋᔭᐅᖃᑦᑕᕐᓂᑰᒻᒪᑦ ᓱᕈᓯᓕᕆᓂᖅ, ᐃᓄᓕᕆᓂᖅ. ᑕᕝᕙᓂ ᓇᓗᓇᐃᑦᑎᐊᓚᐅᕐᖓᒍᒃ ᑖᒃᑯᐊ ᖃᓄᖅ ᖃᐅᔨᒪᔭᐅᒻᒪᖔᑕ ᖃᐅᔨᓴᖅᑕᐅᒻᒪᖔᑕ ᑖᒃᑯᓄᖓᓗ ᑕᒻᒪᖅᓯᒪᔪᕐᓂᐊᖅᑎ, ᐱᔾᔪᑎᒋᓗᐊᙳᐊᖅᑐᒋᑦ ᑕᒪᒃᑯᐊ ᓱᕈᓯᓕᕆᓃᑦ, ᓄᑕᕋᓕᕆᓃᑦ, ᑎᒍᐊᕐᓃᑦ, ᑎᒍᐊᖅᑐᓕᕆᓃᑦ, ᐊᒻᒪᓗ ᐊᓯᖏᑦᑎᒍᑦ. ᑕᒪᒃᑯᐊ ᖃᓄᐃᙱᑦᑐᒦᖁᓪᓗᒋᑦ ᓇᓗᓇᐃᖅᓯᓚᐅᕐᖓᑦ ᐊᒻᒪ ᑕᕝᕗᖓ ᐃᓪᓗᒧᑦ ᓇᓗᓇᐃᖅᓯᓚᐅᖅᑐᓂ ᑕᒪᒃᑯᐊ ᑭᓪᓕᓯᓂᐊᖅᑎᒧᑦ ᑲᓇᑕᒥ, ᑕᒻᒪᖅᓯᒪᔪᓐᓂᐊᖅᑎᒧᑦ ᐊᑐᓕᖁᔭᐅᓯᒪᔪᑦ ᑕᕝᕙᓂ ᐃᓄᓕᕆᓂᐅᑉ ᐃᓗᐊᓂ, ᒐᕙᒪᒃᑯᑦ ᐃᓗᐊᓂ. ᓇᓗᓇᐃᓚᐅᕐᖓᒍᒃ ᑖᒃᑯᐊ ᐊᑐᓕᖁᔭᐅᓯᒪᔪᑦ ᒪᓕᓐᓂᐊᕐᓂᕋᖅᑐᓂᒋᑦ ᐋᖅᑭᒋᐊᕈᑕᐅᓂᐊᖅᑐᑎᓪᓗ ᑕᕝᕙᓂ ᐃᓄᓕᕆᓂᐅᑉ ᐃᓗᐊᓂ ᐊᐅᓚᓂᖓᑕ. ᐅᖃᖅᑎᑦᑎᔩ, ᐃᓛᒃ ᑕᒪᒃᑯᐊ ᕿᑐᕐᖓᕗᑦ ᓱᕈᓰᑦ, ᐃᕐᖑᑕᖅᐳᓘᓐᓃᑦ ᐅᔾᔨᕆᔭᐅᑦᑎᐊᕆᐊᖃᓪᓚᕆᓕᕐᖓᑕ ᐅᓪᓗᒥ ᐃᓱᒫᓗᓐᓇᖅᑐᒦᖁᓇᒋᑦ, ᓂᕿᔅᓴᖃᑦᑎᐊᖁᓪᓗᒋᑦ, ᑲᒪᒋᔭᐅᑦᑎᐊᖁᓪᓗᒋᓪᓗ. ᑖᓐᓇ ᒥᓂᔅᑕᕗᑦ ᓇᓗᓇᐃᓚᐅᖅᑕᖓ ᒥᓂᔅᑕ ᐊᕿᐊᕉᑉ ᑖᓐᓇ ᖁᕕᐊᒋᓪᓚᕆᓚᐅᕋᒃᑯ ᐱᖏᓐᓇᖏᓐᓂᖅᓴᒦᓐᓂᐊᕐᕙᓗᓕᕐᖓᑕ ᑕᕝᕙᓂ ᐃᓄᓕᕆᔨᒃᑯᑦ ᐃᓗᐊᒍᑦ ᐊᐅᓚᑕᐅᓂᖏᑦ ᓱᕈᓯᓕᕆᓃᑦ ᐃᓚᒌᓄᓪᓗ, ᑖᓐᓇᐅᓇ ᖁᕕᐊᒋᓗᐊᙳᐊᖅᓯᒪᒐᒃᑯ ᑕᐃᒫᒃ ᑕᕝᕙᓂ ᓇᖏᖅᓯᔾᔪᑎᒋᔭᕋ. ᓇᓗᓇᕈᓐᓃᖅᑐᖅ ᑖᒃᑯᐊ ᐃᓄᓕᕆᔾᔪᑏᑦ ᐊᑲᐅᓯᕙᓪᓕᑲᓐᓂᓂᐊᖅᑐᑦ ᑕᐃᒃᑯᐊ ᐅᖃᐅᓯᐅᓚᐅᖅᑐᑦ ᓇᓗᓇᐃᖅᑕᐅᓚᐅᖅᑐᑦ ᒪᓕᓪᓗᒋᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᒪᓕᒐᓕᐅᖅᑎᑉ ᐅᖃᐅᓯᖓ 57 – 7(1): ᓄᓇᓕᓐᓂ ᑐᖁᖓᔪᒃᑯᕖᑦ

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 11 ᐅᖃᖅᑎ: ᖁᔭᓐᓇᒦᑦᑕᐅᖅ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᒪᓕᒐᓕᐅᖅᑎ ᐅᖅᓱᖅᑑᕐᒧᑦ, ᒥᔅᑕ ᐳᐊᑕ. ᐳᐊᑐ: ᖁᔭᓐᓇᒦᒃ ᐅᖃᖅᑎᑦᑎᔩ. ᐅᑉᓛᒃᑰᖅᐸᒃᑲ ᐅᖅᓱᖅᑑᕐᒥᐅᑕᐃᑦ ᕿᑎᕐᒥᐅᑕᐃᓪᓗ. (ᑐᓵᔨᑎᒎᓕᖅ)ᖁᔭᓐᓇᒦᒃ, ᐅᖃᖅᑏ. ᐅᓪᓗᒥ ᓂᑯᕕᑦᑐᖓ ᐅᖃᐅᓯᖃᕈᒪᓪᓗᖓ ᐅᖅᓱᖅᑑᕐᒥᐅᑦ ᓄᓇᓕᖓ ᐃᓱᒫᓘᑕᐅᔪᓄᑦ. ᐅᖃᖅᑎᑦᑎᔩ, ᐅᒃᐱᕈᓱᒃᑲᒪ ᓄᓇᕗᓕᒫᒥᐅᑕᐃᑦ ᑕᒪᒃᑯᐊ ᑐᖁᖓᔪᒃᑯᕕᖕᒥᒃ ᐱᑕᖃᑦᑎᐊᕆᐊᖃᕐᒪᑕ. ᑐᓴᒐᒃᓴᐃᑦ ᓴᖅᑭᑕᐅᓚᐅᖅᑐᑦ ᐅᖅᓱᖅᑑᕐᒥ ᐃᓛᒃ ᒐᕙᒪᒃᑯᓐᓂᑦ ᓴᖅᑭᑕᐅᔪᑦ ᓄᓇᓕᖕᓂ ᐸᕐᓇᐅᑎᓕᐊᕆᔭᐅᔪᖅ, ᓄᓇᓖᑦ ᒐᕙᒪᒃᑯᖏᓐᓂ ᐊᒃᓱᕈᖅᖢᑎᒃ ᑕᒪᑐᒧᖓ ᐃᖅᑲᓇᐃᔮᖃᕐᒪᑕ. ᑐᓴᒐᒃᓴᐃᑦ ᑖᒃᑯᐊ ᐃᒪᓐᓇ ᐅᖃᖅᓯᒪᓚᐅᕐᒪᑕ: “ᓈᒻᒪᒃᑐᒥᒃ ᑐᖁᖓᔪᒃᑯᕕᓕᖕᒥᒃ ᑐᐊᕕᕐᓇᖅᑐᒃᑯᑦ ᓯᕗᓪᓕᐅᔾᔭᐅᓯᓕᕐᒪᑦ ᐊᑯᓂᐊᓗᒃ ᓄᓇᓕᖕᓄᑦ.” ᑕᐃᒪᓐᓇ ᐅᖃᓚᐅᖅᑐᖅ. ᓄᓇᓖᑦ ᒐᕙᒪᒃᑯᖏᑕ ᕼᐋᒪᓚᒃᑯᑦ ᑲᑎᒪᔨᖏᑦ ᐃᓱᒫᓘᑎᖃᕐᒪᑕ ᑖᒃᑯᐊ ᐊᑐᖅᑕᐅᔪᑦ ᐊᖑᒻᒪᑎᙱᒻᒪᑦ ᐃᒡᓗ ᐅᐱᒍᓱᑦᑎᐊᕐᓗᑎᒃ ᑲᒪᑦᑎᐊᕐᕕᒃᓴᐅᒐᔭᖅᑐᓂᒃ ᐊᑦᑕᕐᓇᙱᑦᑐᒃᑯᑦ ᑐᖁᖓᔪᓂᒃ. ᒫᓐᓇᐅᔪᖅ ᑐᖁᖓᔪᒃᑯᕕᒃ 15 ᐃᓯᒐᑦ 10 ᐃᓯᒐᓂᒃ ᐊᒃᑎᒋᓂᖃᕐᒪᑦ ᒥᑭᑦᑐᑯᓘᓪᓗᓂ. ᓄᓇᓕᖕᓂ ᒐᕙᒪᒃᑯᓐᓂᓗ ᐱᔨᑦᑎᕋᖅᑏᑦ ᓇᖕᒥᓂᖓᓃᖦᖢᑎᒃ ᑖᒃᑯᐊ ᐃᓗᐊᓗ ᓯᓚᑖᓗ ᓴᓇᔭᐅᒃᑲᓐᓂᕆᐊᖃᓕᖅᑐᖅ. ᐱᓪᓚᕆᐅᕗᖅ ᑕᐃᒪ ᓲᕐᓗ ᑕᐃᓐᓇ ᑐᖁᖓᔪᒃᑯᕕᒃ ᓂᒡᓚᖅᑎᕈᑎᖃᙱᒻᒪᑦ. ᐊᑦᑕᕐᓈᕿᑐᐃᓐᓇᕐᒪᑦ ᓯᓚ ᐅᖅᑰᓯᑎᓪᓗᒍ. ᐃᑯᒻᒪᖅᑯᑎᖃᙱᖦᖢᓂ, ᐅᖅᑰᓴᐅᑎᖃᕋᓂᓗ, ᐋᓐᓂᐊᓯᐅᑏᑦ ᐃᖅᑲᓇᐃᔭᖅᑏᓪᓗ ᑕᐃᒃᑯᓂᖓ ᓂᒡᓕᓇᖅᑐᒦᑎᑦᑎᖃᑦᑕᕆᐊᖃᕐᒪᑕ ᖁᐊᕐᓇᕐᓗᓂᓗ ᑐᖁᖓᔪᒃᑯᕖᓪᓗ ᑖᒃᑯᐊ ᖃᐅᒻᒪᒃᑕᔫᒻᒥᒃ ᓲᕐᓗ ᐊᑐᖃᑦᑕᕐᒪᑕ ᐃᑯᒻᒪᖁᑎᓂᒃ. ᐃᓚᒌᑦ ᑕᒪᒃᑯᐊ ᐃᓂᖃᑦᑎᐊᕆᐊᖃᕐᒪᑕ ᐳᓛᕆᐊᖅᑎᓪᓗᒋᑦ, ᕿᒃᓵᒃᑎᓪᓗᒋᑦ ᐊᒃᓱᕈᕐᓇᖅᑐᒃᑰᒃᑲᓐᓂᖃᑦᑕᕐᒪᑕ ᑕᑯᔭᖅᑐᖅᑎᓪᓗᒋᑦ ᓄᒫᓱᒃᑐᑦ, ᐃᓛᒃ ᐃᓚᐃᖅᓯᒪᔪᑦ. ᑖᓐᓇ ᐊᒃᓱᕈᕐᓇᕐᓂᖅᓴᐅᓕᖃᑦᑕᕐᒪᑦ ᑐᖁᖓᔪᒃᑯᕕᒃ, ᐊᒃᓱᕈᕐᓇᖅᑐᒦᑎᑦᑎᖃᑦᑕᕐᒪᑦ. ᓗᐊᕐᕌᓂ ᕼᐋᒻᒪᓚᒃᑯᑦ ᑖᒃᑯᐊ ᖃᐅᔨᓴᐃᓚᐅᖅᑐᑦ ᐊᖑᒻᒪᑎᔪᓐᓇᕐᒪᖔᑕ, ᐊᖑᒻᒪᖕᒪᖔᑕ ᒪᓕᒐᖏᓐᓄᑦ ᑭᙴᒪᔭᐅᔪᓂᒃ ᐃᑯᒻᒪᖁᑎᖃᕆᐊᖃᕐᓂᖅ ᓂᒡᓚᖅᑎᕈᑎᖃᕆᐊᖃᕐᓂᖅ ᐳᓛᕐᕕᖃᕐᓗᑎᒡᓗ ᐊᑦᑕᕐᓇᔾᔭᐃᖅᓯᒪᓗᑎᒡᓗ ᐊᒻᒪ ᐱᖃᓯᐅᔾᔭᐅᓗᑎᒃ ᖃᔅᓯᕌᕐᓂᐊᕐᒪᖔᑕ, ᑮᓇᐅᔭᖅᑖᕐᕕᐅᔪᓐᓇᖅᑐᓪᓗ ᑭᓇᒃᑯᑦ ᐱᓕᕆᖃᑕᐅᖕᒪᖔᑕ ᓇᓗᓇᐃᖅᑕᐅᓪᓗᑎᒃ. ᐅᖃᖅᑏ, ᐃᓕᖕᓄᑦ ᐊᖏᖅᑕᐅᔪᒪᒐᓗᐊᖅᐳᖓ ᐃᓘᓐᓇᖏᓐᓄᑦ ᐱᔭᕇᕈᓐᓇᖁᓪᓗᒍ ᐅᖃᐅᓯᕋ. ᐅᖃᖅᑎ: ᒪᓕᒐᓕᐅᖅᑎ ᐊᐱᕆᕗᖅ ᐅᖃᐅᓯᒃᓴᕆᔭᒥᖕᓂᒃ ᐱᔭᕇᖅᓯᔪᒪᓪᓗᓂ. ᐋᒃᑳᖅᑐᖃᖅᐸ? ᑐᓴᙱᓐᓇᒪ, ᒥᔅᑕ ᐳᐊᑐ. ᐳᐊᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᑦᑕᐅᖅ ᑲᑎᒪᔨᐅᖃᑎᒃᑲ. ᑖᒃᑯᐊ ᑮᓇᐅᔭᐃᑦ ᐊᑐᖅᑕᐅᒐᔭᖅᑐᑦ $100,000 ᖃᐅᔨᓴᐃᓚᐅᖅᑎᓪᓗᒋᑦ ᖃᐅᔨᔭᐅᔪᑦ ᑐᓂᔭᐅᓚᐅᖅᑐᑦ. ᑕᐃᒪᙵᑦ ᓯᕗᕋᖅᐸᓪᓕᐊᓕᕐᒪᑕ ᓂᐅᕕᕈᓐᓇᕐᒪᖔᑕ ᓂᕐᓗᐊᕐᒥ ᐊᑐᖅᑕᐅᙱᑦᑐᓂᒃ, ᓄᓇᕗᑦ ᒐᕙᒪᒃᑯᖏᓐᓂᑦ. ᐊᒡᒍᖅᑐᖅᑕᐅᓗᓂ ᓄᓇ ᑖᓐᓇ ᐃᓗᐊᓃᒻᒪᑦ ᕼᐋᒪᓚᒃᑯᑦ ᓄᓇᖁᑎᐊᓂ. ᓄᓇᓕᖕᓄᑦ ᐱᔨᑦᓯᕈᑏᑦ ᐃᖏᕐᕋᔾᔪᑎᓕᕆᔨᒃᑯᓪᓗ ᐊᐅᓚᔪᓐᓇᐅᑎᓕᕆᔨᒃᑯᑦ ᐃᖅᑲᓇᐃᔭᖅᑐᐃᑦ. ᑖᔅᓱᒥᖓ ᐃᑲᔪᖅᑐᐃᔪᑦ ᓯᕗᒧᐊᑦᑎᐊᖁᓪᓗᒍ. ᑭᓯᐊᓂᓕ ᓇᓗᓇᐃᖅᓯᓚᐅᕐᒥᔪᑦ ᐃᑭᐊᕐᒥᒃᓴᖃᕐᒪᑦ ᐊᔅᐸᔅᑑᔅᓂᒃ ᐃᒡᓗᓂᒃ, ᑖᓐᓇᑦᑕᐅᖅ ᓴᓗᒻᒪᖅᓴᖅᑕᐅᔭᕆᐊᓕᒃ ᐊᒻᒪ ᐊᑭᑦᑐᖅᐹᓪᓕᕈᑎᒋᓂᐊᖅᑕᖓ ᑕᒪᑐᒧᖓ ᐱᒻᒪᕆᐅᔪᒧᑦ ᐱᓕᕆᐊᒧᑦ. ᑲᑎᒪᔨᐅᔪᑦ ᑖᒃᑯᐊ ᕼᐋᒻᒪᓚᒃᑯᑦ ᓯᕗᓪᓕᐅᔾᔨᓯᒪᔪᑦ ᑖᔅᓱᒥᖓ ᓄᓇᓕᖕᓂ ᓱᒃᑲᔪᒃᑯᓪᓗ ᐱᓕᕆᔭᐅᖁᔭᐅᒐᓗᐊᖅᖢᓂ ᑕᐃᓐᓇ ᐃᓂᒃᓴᐅᓂᐊᖅᑐᖅ. ᐅᖃᖅᑎ, ᓴᙱᔪᒃᑯᑦ ᐃᑲᔪᖅᑐᐃᕗᖓ ᕼᐋᒪᓚᖓᓂᒃ ᐅᖅᓱᖅᑑᑉ, ᐊᐱᖅᓲᑎᒃᓴᖃᕐᓂᐊᕐᒥᕗᖓ ᑕᒪᑐᒧᐊ ᒥᒃᓵᓄᑦ ᓈᒻᒪᒃᓯᒃᐸᑦ ᐊᐱᖅᓱᕐᓇᖅ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 12 ᐅᖃᖅᑎ: ᖁᔭᓐᓇᒦᑦᑕᐅᖅ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐊᑎᖁᑎᖃᕈᓐᓃᕋᒪ. ᓈᓴᐅᑎᖓ 4. ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᓄᑦ ᑭᐅᔾᔪᑎᑦ. ᐃᖅᑲᖅᑐᐃᔪᓕᕆᔨᒃᑯᑦ ᒥᓂᔅᑕᖓ, ᒥᓂᔅᑕ ᕼᐃᒃᔅ. ᑲᑎᒪᔾᔪᑎᒃᓴᖅ 4: ᑭᐅᔾᔪᑏᑦ ᐅᖃᐅᓯᒃᑯᑦ ᐊᐱᖅᑯᑎᒥᓂᕐᓄᑦ ᐊᐱᖅᑯᑦ 21 – 7(1): ᐃᓐᓇᑐᖃᐃᑦ ᐱᓕᕆᐊᖏᑦ ᓄᓇᓕᓐᓂ ᐃᖅᑲᖅᑐᐃᔪᓕᕿᓂᕐᒧᑦ ᑲᑎᒪᔨᕋᓛᓂᑦ ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᐅᓪᓗᒥ ᓇᖏᖅᓯᕗᖓ ᐃᓚᒋᐊᕈᒪᓪᓗᒋᑦ ᑭᐅᔾᔪᑎᒋᓚᐅᖅᑕᒃᑲ ᒪᓕᒐᓕᐅᖅᑎᒧᑦ ᐊᖑᑎᐊᓗᒻᒧᑦ ᐃᓄᑐᖃᐃᑦ ᐱᓕᕆᐊᖏᑦ ᓄᓇᓕᓐᓂ ᒪᓕᒐᓕᕆᓂᕐᒧᒃ ᑲᑎᒪᔨᖏᓐᓂ. ᐃᓄᑐᖃᐃᑦ ᐱᒻᒪᕆᐊᓗᒻᒥᒃ ᐱᓕᕆᐊᖃᖅᐸᑉᐳᑦ ᓄᓇᓕᓐᓂ ᒪᓕᒐᓕᕆᓂᕐᒧᑦ ᑲᑎᒪᔨᖏᓐᓂᑦ, ᐊᑐᐃᓐᓇᐅᑎᑦᓯᓂᕐᒧᑦ ᐃᓕᖅᑯᓯᑐᖃᕐᓂᒃ ᑕᓯᐅᖅᓯᓂᕐᒥᒃ, ᐱᖅᑯᓯᕐᓂᒃ ᖃᐅᔨᒪᓂᕐᒥᒃ, ᑲᔪᖏᖅᓴᐃᓂᕐᒥᓪᓗ ᒪᒃᑯᑦᑐᓂᒃ ᐃᓐᓇᕐᓂᓪᓗ ᐅᓗᕆᐊᓇᖅᑐᒦᑦᑐᓂᒃ ᐃᓚᐅᕙᑦᑐᓂᓪᓗ ᐃᖅᑲᖅᑐᐃᕕᓕᕆᓂᖅ ᐱᕋᔭᑦᑐᒥᓃᑦ ᒪᒥᓴᖅᑎᑕᐅᓂᖏᑦ ᓴᐃᒪᖃᑎᒌᓐᓂᒃᑯᑦ ᓄᓇᓕᐅᔪᓪᓗ ᐱᓕᕆᐊᖓᑦ. ᐃᓄᑐᖃᐃᑦ ᐊᓯᖏᓪᓗ ᐃᓄᐃᑦ ᐱᔭᑦᓴᖅᑖᖅᑎᑕᐅᒐᐃᒻᒪᑕ ᓄᓇᓕᓐᓂ ᒪᓕᒐᓕᕆᓂᕐᒧᑦ ᑲᑎᒪᔨᓄᑦ, ᒪᓕᒐᓕᕆᔨᒃᑯᑦ ᐱᑎᑦᓯᕙᑉᐳᑦ ᐊᑕᖐᑦᓯᐊᖅᑐᒥᒃ ᐱᓕᒻᒪᑦᓴᕐᓂᕐᒥᒃ. ᐱᓕᒻᒪᑦᓴᕐᓂᖅ ᑲᒪᒋᔭᖃᖅᑐᖅ ᐱᕋᔭᒃᐸᑦᑐᓄᑦ ᒪᓕᒐᓕᕆᔾᔪᑎᓂᒃ, ᐅᑎᖅᑎᑦᓯᓂᕐᒧᑦ ᒪᓕᒐᓕᕆᔾᔪᑎᓂᒃ ᑲᔪᓯᑎᑕᐅᓂᖏᓐᓄᑦ, ᐱᒻᒪᕆᐅᓂᖓ ᐅᖃᐅᓯᖃᕐᓂᖅ ᐱᔾᔪᑕᐅᓪᓗᐊᑕᖅᐸᑦᑐᓂᒃ ᐱᕋᔭᓐᓂᕐᒧᑦ ᐃᓕᖅᑯᓯᕆᔭᐅᔪᓂᒃ, ᐱᓕᕆᐊᑦᓴᖏᓪᓗ ᑲᒪᒋᔭᑦᓴᖏᓪᓗ ᓄᓇᓕᓐᓂ ᒪᓕᒐᓕᕆᓂᕐᒧᑦ ᑲᑎᒪᔨᖏᓄᑦ. ᐊᒻᒪᓗᑦᑕᐅᖅ, ᓄᓇᓕᓐᓂ ᒪᓕᒐᓕᕆᓂᕐᒧᑦ ᐃᖅᑲᓇᐃᔭᖅᑎ ᐱᑎᑦᓯᕙᑉᐳᖅ ᒪᓕᒐᓕᕆᓂᕐᒧᑦ ᑲᑎᒪᔨᓂᑦ ᐊᐅᓚᑦᓯᖏᓐᓇᕐᓂᕐᒧᓪᓗ ᐃᑲᔪᖅᑐᐃᓂᕐᒥᒃ. ᑕᒪᓐᓇ ᐃᓚᖃᖅᐳᖅ ᐋᖅᑭᑦᓱᐃᓂᕐᒧᑦ ᑲᑎᒪᓂᕆᔭᐅᔪᓂᒃ ᑲᑎᒪᔨᓄᑦ ᐱᕋᔭᑦᓯᒪᔪᓂᓪᓗ, ᐊᐅᓚᑦᓯᓂᕐᒧᑦ ᖃᐅᔨᒃᑲᐅᑎᖃᑦᑕᕆᐊᖃᕐᓂᕐᒧᑦ, ᑲᒪᒋᔭᖃᕐᓂᕐᒧᓪᓗ ᖃᐅᔨᒋᐊᒃᑲᓐᓂᕐᓂᕐᒥᒃ ᐊᓯᐊᒎᖔᖅᑎᑕᐅᔪᓄᑦ ᐱᔾᔪᑕᐅᔪᓄᑦ ᓇᓗᓇᐃᖅᓯᓂᕐᒧᑦ ᑕᒪᕐᒥᑦᓯᐊᖅ ᑲᔪᓯᓂᕆᔭᐅᕙᑦᑐᑦ ᐱᔭᕇᖅᑕᐅᒐᓗᐊᕐᒪᖔᑕ ᓈᒻᒪᑦᑐᒃᑯᑦ ᓈᒻᒪᓈᖅᑐᒃᑯᓪᓗ. ᑭᒃᑯᑐᐃᓐᓇᓂᒃ ᑐᓴᖅᑎᑦᓯᔪᖃᓚᐅᖅᑎᓪᓗᒍ ᑏᓯᒻᕙ 2025−ᒥ, ᒪᓕᒐᓕᕆᔨᒃᑯᑦ ᐱᖃᑦᑕᐃᓐᓇᖅᐳᑦ ᖃᐅᔨᒋᐊᕐᕕᐅᔪᒪᔪᓂᒃ ᐱᓇᓱᐊᕈᑎᓂᓪᓗ ᓄᓇᕘᓕᒫᒥ ᐃᓄᓐᓂᑦ ᐃᓚᐅᔪᒪᓇᔭᖅᑐᓂᒃ ᓄᓇᓕᓐᓂ ᒪᓕᒐᓕᕆᓂᕐᒧᑦ ᑲᑎᒪᔨᓄᑦ. ᕿᒥᕐᕈᓂᖅ ᑐᓂᔭᐅᓯᒪᔪᓂᒃ ᐱᔭᑦᓴᖅᑖᖅᑎᑦᓯᓂᕐᒧᓪᓗ ᓄᑖᓂᒃ ᑲᑎᒪᔨᑦᓴᓂᒃ ᓱᓕ ᑲᔪᓯᔪᖅ. ᒫᓐᓇᒧᑦ ᑎᑭᓪᓗᒍ, ᓴᓪᓕᕐᒥᐅᑕᓂᒃ ᓇᐅᔮᕐᒥᐅᓂᓪᓗ ᐃᓚᐅᔪᒪᔪᖃᓚᐅᙱᑦᑐᖅ ᐊᑎᕐᒥᓂᓪᓘᓐᓃᑦ ᑐᓂᓯᔪᖃᓚᐅᙱᑦᑐᖅ ᐃᓱᒪᒋᔭᐅᔪᑦᓴᓂᒃ. ᐱᓕᕆᕝᕕᒃ ᒪᑐᐃᖓᐃᓐᓇᖅᑐᑦ ᐱᓇᓱᐊᕈᑎᓄᑦ ᒪᓕᒐᓕᕆᔨᒃᑯᑦ ᑲᑎᒪᔨᖏᓐᓄᑦ ᑖᒃᑯᓇᙵᑦ ᐊᓯᖏᓐᓂᓪᓗ ᓄᓇᓕᓐᓂᑦ ᑲᔪᓯᓂᐊᖅᓱᑎᓪᓗ ᑐᓴᐅᒪᑎᑦᓯᓇᓱᓐᓂᕐᒧᑦ ᐱᓇᓱᐊᕐᓂᕆᔭᖏᓐᓂᒃ ᑕᒪᓐᓇ ᐱᓕᕆᐊᖑᕙᓪᓕᐊᓂᖓ ᓯᕗᒻᒧᐊᑉᐸᓪᓕᐊᑎᓪᓗᒍ. ᑎᓕᐅᕈᒪᓪᓗᒋᑦ ᐃᓄᑐᖃᐃᑦ ᐃᓚᐅᖁᓪᓗᒋᑦ, ᓄᓇᓕᓐᓂ ᒪᓕᒐᓕᕆᓂᕐᒧᑦ ᐃᖅᑲᓇᐃᔭᖅᑏᑦ ᑖᒃᑯᓂᖓ ᑲᑎᖃᑎᖃᖅᐸᑉᐳᑦ ᑐᓴᕋᓱᐊᖅᐸᑦᓱᑎᓪᓗ ᑲᑎᒪᔨᐅᓚᐅᖅᓯᒪᔪᓂᒃ. ᐅᖃᓕᒫᒐᕋᓛᑦ ᒪᓕᒐᓕᕆᓂᕐᒧᑦ ᑲᑎᒪᔩᑦ ᒥᑦᓵᓄᑦ ᐊᑐᐃᓐᓇᐅᒻᒥᔪᑦ ᑕᒪᐃᓐᓂᒃ ᓯᑕᒪᓂᒃ ᐅᖃᐅᓯᕐᓂᒃ ᐃᓕᑕᕆᔭᐅᓯᒪᔪᓂᒃ ᑎᓕᐅᕆᔾᔪᑕᐅᓇᓱᓪᓗᑎᒃ ᐃᓚᐅᖁᔨᓪᓗᑎᒃ. ᐃᓄᑐᖃᕐᒥᒃ ᐃᓚᐅᔪᒪᔪᖃᕋᐃᒻᒪᑦ, ᓄᓇᓕᓐᓂ ᒪᓕᒐᓕᕆᓂᕐᒧᑦ ᐃᖅᑲᓇᐃᔭᖅᑎ ᐃᑲᔪᖅᐸᑉᐳᖅ ᐱᓇᓱᐊᕐᓂᕐᒧᑦ ᐱᓕᕆᕙᓪᓕᐊᓂᖏᓐᓄᑦ, ᖃᓪᓗᓈᑎᑐᑦ ᐃᓄᒃᑎᑐᓪᓘᓐᓃᑦ, ᓇᓗᓇᐃᖅᓯᓂᕐᒧᑦ ᐱᕙᓪᓕᐊᓂᐅᔪᖅ ᐱᔭᐅᔪᓐᓇᕋᓗᐊᕐᒪᖔᑦ ᐃᓕᖅᑯᓯᒃᑯᓪᓗ ᓈᒻᒪᒃᑲᓗᐊᕐᒪᖔᑦ. ᖁᔭᓐᓇᒦᒃ, ᐅᖃᖅᑎᑦᓯᔩ. ᐅᖃᖅᑎ: ᖁᔭᓐᓇᒦᒃ. ᑲᑎᒪᔾᔪᑎᒃᓴᖅ 5. ᐃᓕᑕᖅᓯᓂᖅ ᐳᓛᖅᑎᓂᑦ. ᐊᒡᒍᒧᑦ ᒪᓕᒐᓕᐅᖅᑎ, ᒥᔅᑕ ᐊᑐᒍᑦᑖᓗᒃ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 13 ᑲᑎᒪᔾᔪᑎᒃᓴᖅ 5: ᐃᓕᑕᖅᓯᓂ ᐳᓛᖅᑎᓂ ᐊᑕᒍᑦᑖᓗᒃ: ᖁᔭᓐᓇᒦᒃ, ᐅᖃᖅᑏ. ᑖᒃᑯᐊᒃ ᐃᓕᓴᕆᔪᒪᔮᒃᑲᒃ, ᒨᓯᓯ ᐃᖃᖅᓴᖅ, ᑖᓐᓇ ᐃᒡᓗᓕᖕᒥ ᐃᖅᑲᓇᐃᔭᖅᑎᖁᑎᒋᔭᕋ ᐊᒻᒪ ᓄᓕᐊᖓ ᒍᓖᕆᐊ ᐃᖃᖅᓴᖅ, ᑖᒃᑯᐊ ᓄᓕᐊᕇᒃ. ᐅᖃᓚᐅᖅᓯᒪᑎᓪᓗᖓ, ᐋᓐᓂᐊᕕᖕᒧᙵᐅᑎᑕᐅᓚᐅᖅᓯᒪᖕᒪᑕ ᑐᐊᕕᕐᓇᖅᑐᒃᑯᑦ, ᒫᓐᓇ ᖃᓄᐃᙱᑦᑑᓕᕐᒪᑎᒃ ᖃᐅᒃᐸᑦ ᐊᖏᕐᕋᐅᔪᓐᓇᖅᓯᓂᐊᓕᖅᑑᒃ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ: ᑐᙵᓱᑦᑎᐊᕆᑦᑎ ᒪᓕᒐᓕᐅᕐᕕᒻᒧᑦ. ᑲᑎᒪᔾᔪᑎᒃᓴᖅ 5. ᒪᓕᒐᓕᐅᖅᑎ ᐃᖃᓗᐃᑦ ᑕᓯᓗᒻᒧᑦ, ᒥᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎ. ᐅᖃᖅᑎ, ᒫᓐᓇ ᐃᓕᓴᕆᔪᒪᔭᕋ ᐳᓛᕆᐊᖅᓯᒪᔪᖅ ᑖᓐᓇ ᒐᐳᕆᐊᓪ ᐋᓐᑐᐊᓐ ᑰᑎ, ᓄᓇᕗᒻᒥ ᑖᒃᑯᓂᖓ ᐊᒡᓂᑯ ᐄᒍᓪ ᐅᔭᕋᖕᓂᐊᕐᕕᖕᒥ ᐊᐳᖅᑐᕐᓂᐊᖅᑎᐅᔪᖅ, ᓄᓇᕗᒻᒥ ᐋᓪᓚᐅᙱᑦᑎᐊᖅᑐᖅ. ᐊᕐᕌᒎᓂᒃ 15ᓂᒃ ᓄᓇᕗᒻᒥᐃ ᖅᑲᓇᐃᔭᖅᓯᒪᓕᖅᑐᖅ, ᐱᓕᕆᖃᑦᑕᖅᑐᖅ ᒐᕙᒪᒃᑯᓐᓂ ᐃᖅᑲᓇᐃᔭᖃᑎᖃᕐᓇᐅᑉ ᐱᕙᓪᓕᐊᑎᑦᑎᓂᕐᒥᒃ ᐱᔅᓇᓯᓂᒡᓗ ᐊᐅᓚᑦᑎᓂᕐᒥᒃ. ᐅᖃᖅᑎᑦᑎᔩ, ᒐᕙᒪᒃᑯᑦ ᐊᓐᓂᕆᕙᐅᒃ ᐃᖅᑲᓇᐃᔭᖅᑏᑦ ᑕᒪᒃᑯᐊ ᐊᓐᓂᕆᔭᐅᕗᑦ ᐅᔭᕋᖕᓂᐊᕐᕕᖕᒥ ᐱᓕᕆᔭᐅᔪᑦ ᐃᑲᔪᖅᑐᐃᖕᒪᑦ ᓄᓇᕗᒻᒥ. ᒐᐳᕆᐊᓪ ᑐᙵᓱᒃᑎᑦᑐᒪᔭᕋ ᒪᓕᒐᓕᐅᕐᕕᖕᒧᑦ. ᖁᔭᓐᓇᒦᖅᐸᕋ ᐊᒡᓂᑯ ᐄᒍᓪᑯᑦ ᐊᐱᖅᑐᕐᓂᐊᖅᑎᒃᑯᑦ ᐊᒡᒍᖅᑐᓂ ᐅᓪᓗᓂ ᑲᑎᒪᖃᑎᒋᓂᐊᕐᓂᓐᓂᒃ ᓂᕆᐅᑦᑐᐊᖅᐳᖓ. ᖁᔭᓐᓇᒦᒃ. ᐅᖃᖅᑎ: ᑐᙵᓱᑦᓯᐊᕆᑦ ᒪᓕᒐᓕᐅᕐᕕᒻᒧᑦ, ᓄᓇᕗᒻᒥᐅᑦ ᐳᓛᕆᐊᖃᑦᑕᖅᑐᐃᓪᓗ ᓄᓇᕗᒻᒧᑦ ᑐᙵᓱᖃᑦᑕᕐᓕᑦ ᑕᕝᕗᖓ. ᑲᑎᒪᔾᔪᑎᒃᓴᖅ 6. ᐅᖃᐅᓯᒃᑯᑦ ᐊᐱᖅᑯᑏᑦ. ᖁᕐᓗᖅᑑᕐᒧᑦ ᒪᓕᒐᓕᐅᖅᑎ, ᒥᔅᑕ ᖁᓕᒃᑖᓇ. ᑲᑎᒪᔾᔪᑎᒃᓴᖅ 6: ᐅᖃᐅᓯᒃᑯᑦ ᐊᐱᖅᑯᑏᑦ ᐊᐱᖅᑯᑦ 44 – 7(1): ᑐᑦᑐᓕᕆᓂᖅ ᕿᑎᕐᒥᐅᓂ (ᖁᓕᖅᑖᓇ) ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎ. ᐊᐱᖅᑯᑎᒃᑲ ᐅᓪᓗᒥ ᐊᕙᑎᓕᕆᔨᒃᑯᑦ ᒥᓂᔅᑕᖓᓄᑦ ᑐᒃᑐᓕᕆᓂᐅᑉ ᒥᒃᓵᓄᑦ ᕿᑎᕐᒥᐅᓂ. ᒥᓂᔅᑕ ᖃᐅᔨᒪᖕᒪᑦ ᐱᓕᕆᕕᖓ ᑖᒃᑯᐊ ᓴᖅᑭᑦᑎᓚᐅᕐᒪᑕ ᓄᑖᓂᒃ ᐱᕙᓪᓕᐊᔪᓂᒃ ᑐᓴᖅᑎᑦᑎᓪᓗᑎᒃ ᓯᑎᐱᕆ 2025ᖑᑎᓪᓗᒍ ᐊᑎᓕᐅᖅᑕᐅᓚᐅᕐᒪᒡᒎᖅ ᑐᑭᓯᒪᖃᑎᒌᖕᓂᕐᒧᑦ ᐊᖏᕈᑎ ᓄᓇᑦᑎᐊᕐᒥᐅᑦ, ᒐᕙᒪᒃᑯᖏᓐᓄᑦ. ᐊᐅᓚᑕᐅᓂᖓᓂᒃ ᑐᒃᑐᑦ ᐅᐸᒃᑕᐅᒐᓱᒃᐸᒃᑐᑦ ᑕᐃᒃᑯᐊ ᓄᓇᕗᒻᒧᑦ ᓄᓇᑦᑎᐊᕐᒥᐅᓄᓪᓗ. ᑐᓴᖅᑎᑦᑎᓚᐅᕐᒪᑕ ᒪᕐᕉᒃ ᑖᒃᑯᐊᒃ ᒐᕙᒪᐅᔫᒃ ᐃᖅᑲᓇᐃᔭᖃᑎᒌᖕᓂᐊᕐᒪᑎᒃ ᐅᓄᑲᓪᓚᒃᑐᓂᒃ ᐱᓕᕆᔾᔪᑎᓂᒃ “ᐊᖏᕈᑎᖃᖅᖢᑎᒃ ᐊᒥᖅᑳᕈᒪᓪᓗᑎᒃ ᑐᓴᒐᒃᓴᓂᒃ ᓄᐊᑕᐅᔪᓂᒃ ᓄᐊᑦᑎᖅᓱᐊᖃᖅᑎᓪᓗᒋᑦ ᐱᓕᕆᐊᖃᖅᑎᓪᓗᒋᑦ ᑐᒃᑐᓕᕆᓂᕐᒥᒃ.” ᒥᓂᔅᑕ ᓇᓗᓇᐃᖅᓯᔪᓐᓇᖅᐸ ᑐᑭᓯᒪᖃᑎᒌᖕᓂᕐᒧᑦ ᐊᖏᕈᑎ ᖁᕐᓗᖅᑐᕐᒥ ᐊᖑᓇᓱᒃᑐᓕᕆᔨᖏᓐᓄᑦ ᑐᓂᔭᐅᓯᒪᓕᖅᐸᑦ, ᒥᓂᔅᑕ ᐊᖏᕈᓐᓇᖅᐸ ᓴᖅᑭᑦᑎᓂᕐᒥᒃ ᓄᑖᕈᕆᐊᖅᓯᒪᔪᒥᒃ ᑕᐃᓐᓇ ᑐᑭᓯᒪᖃᑎᒌᖕᓂᕐᒧᑦ ᐊᖏᕈᑎᒥᒃ ᒪᓕᒐᓕᐅᕐᕕᖕᒥ ᓴᖅᑭᑦᑐᓐᓇᕐᒪᖔᒍ ᑲᑎᒪᕐᔪᐊᕐᓂᖅ ᐱᔭᕇᓚᐅᙱᓐᓂᖓᓂᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐊᕙᑎᓕᕆᔨᒃᑯᑦ ᒥᓂᔅᑕᖓ, ᒥᔅᑕ ᑯᒃ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 14 ᐊᖓᔪᖅᑳᖅ ᐳᕋᐃᔭᓐ ᑯᓄ: ᖁᔭᓐᓇᒦᒃ, ᐅᖃᖅᑎᑦᑎᔩ. ᖁᔭᓐᓇᒦᒃ ᒪᓕᒐᓕᐅᖅᑎ ᐊᐱᕆᕋᑖᕋᕕᑦ ᑖᔅᓱᒥᖓ. ᑖᓐᓇ ᐊᖏᖃᑎᒌᒍᑎ ᑎᑎᕋᖅᑕᐅᓯᒪᔪᖅ ᖁᕐᓗᖅᑐᖅ (ᑐᓵᔨᑎᒍᑦ): ᐊᖏᖃᑎᒌᒍᑎᓄᑦ ᓱᖅᑯᐃᖅᓯᒪᖃᑎᒌᖕᓂᕐᒧᑦ ᒫᑦᓯ 25ᖑᑎᓪᓗᒍ ᐃᖏᕐᕋᔾᔪᑎᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔪᑦ ᑖᓐᓇᐅᕙᓪᓕᐊᙱᑦᑐᖅ. ᑖᓐᓇ ᖃᐅᔨᒋᐊᕈᒪᔭᕋ ᑖᓐᓇ ᑐᑭᓯᒪᖃᑎᒌᖕᓂᕐᒧᑦ ᐊᖏᕈᙱ ᐊᐱᖅᑯᑎᒋᔭᖓᓄᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒪᓕᒐᓕᐅᖅᑎ ᖁᕐᓗᖅᑐᕐᒧᑦ, ᐊᐱᕆᒃᑲᓐᓂᕆᑦ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐱᓕᕆᕕᓯ ᑐᓴᖅᑎᑦᑎᓚᐅᕐᒪᑦ ᓯᑎᐱᕆ 2025ᖑᑎᓪᓗᒍ. ᐊᖏᖃᑎᒌᒍᑎᐅᔪᒥᒎᖅ ᐊᑎᓕᐅᓚᐅᕐᒪᑕ ᓯᑎᐱᕆ 2025ᒥ ᓄᓇᑦᑎᐊᕐᒥ ᐊᒻᒪ ᓄᓇᕗᓪᓗ ᒐᕙᒪᒃᑯᖏᓐᓄᑦ ᑕᐃᒃᑯᐊ ᐱᓪᓗᒋᑦ ᑐᒃᑐᑕᐅᒐᓱᒃᐸᒃᑐᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐊᕙᑎᓕᕆᔨᒃᑯᑦ ᒥᓂᔅᑕᖓ, ᒥᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᑖᓐᓇ ᑭᐅᔪᓐᓇᙱᓚᐅᑲᒃᑲᒃᑯ, ᐅᑎᕐᕕᒋᓂᐊᖅᐸᕋ ᐅᓪᓗᖓ ᐊᓯᖔᖓᓂ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᖁᔭᓐᓇᒦᒃ. (ᑐᓵᔨᑎᒎᓕᖅᑐᖅ) ᑖᓐᓇ ᐊᐱᖅᑯᑎᖓ ᑎᒍᔭᐅᑐᐃᓐᓇᑲᐃᓐᓇᕐᒪᑦ. ᐊᓯᐊᓅᕐᓂᐊᖅᐳᖓ ᑲᑎᒪᔨᒧᑦ. ᑲᑎᒪᔨᐅᖃᑕᐅᔪᖅ ᐃᖃᓗᒃᑑᑦᑎᐊᕐᒧᑦ, ᒥᔅᑕ ᐲᑕᓴᓐ. ᐊᐱᖅᑯᑦ 45 – 7(1): ᕕᐊᑖᕐᕕᒃ ᐅᐊᓐᑖᕐᕕᔅᓴᖅ ᐃᖃᓗᒃᑑᑦᑎᐊᕐᒥ (ᐲᑕᓴᓐ) ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎ. ᐊᐱᖅᑯᑎᒐ ᐅᓪᓗᒥ ᒥᓂᔅᑕᒧᑦ ᑲᒪᔪᒧᑦ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᐋᖓᔮᕐᓇᖅᑐᓕᕆᓂᕐᒧᓪᓗ ᑲᑎᒪᔨᖏᓐᓄᑦ. ᐃᖃᓗᒃᑑᑦᑎᐊᕐᒥᐅᑦ ᑕᐃᒃᑯᐊ ᓂᕈᐊᓚᐅᕐᒪᑕ ᓄᓇᕗᑦ ᒐᕙᒪᒃᑯᖏᑦ ᕕᐊᑖᕐᕕᖕᒥᒃ ᕙᐃᓂᑖᕐᕕᖕᒥᒃ ᒪᑐᐃᖅᓯᖁᓪᓗᒋᑦ ᐃᖃᓗᒃᑑᑦᑎᐊᕐᒥ. ᐊᕐᕌᒍᑦ 7 ᐊᓂᒍᖅᓯᒪᓕᖅᑐᑦ. ᐅᓪᓗᒥ ᓱᓕ ᓂᐅᕕᕐᕕᖃᙱᒻᒪᑕ. ᒐᕙᒪᒃᑯᓐᓂᓪᓗ ᑐᓴᖅᑎᑦᑎᓚᐅᙱᑦᑐᑦ ᖃᖓ ᒪᑐᐃᓛᕐᒪᖔᑦ ᕕᐊᑖᕐᕕᒃ. ᒪᑐᐃᖅᑕᐅᒃᐸᑦ ᑕᐃᓐᓇ ᓂᐅᕐᕈᑎᖃᖃᑦᑕᙱᓐᓂᖅᓴᐅᓂᐊᕐᒪᑕ ᐱᕋᔭᒡᓗᑎᒃ ᐃᒥᐊᓗᖕᓂᒃ. ᐃᖃᓗᒃᑑᑦᑎᐊᖅ ᑖᓐᓇ ᐃᒥᐊᓗᖃᕈᓐᓇᖅᑎᑕᐅᔪᖅ, ᐱᔪᓐᓇᐅᑎᖃᕐᓗᑎᒃ ᑎᑭᓴᐃᔪᓐᓇᖅᑑᒐᓗᐊᑦ. ᑖᒃᑯᐊ ᑎᒍᔭᐅᓚᐅᖅᓯᒪᖕᒪᑕ ᐱᔪᓐᓇᐅᑏᑦ ᑖᒃᑯᐊ ᓇᖕᒥᓂᖃᖅᑐᓄᑦ ᐊᐅᓚᑕᐅᔪᓐᓇᖅᑐᖅ. ᐱᓇᓱᐊᕈᓯᕐᓄᑦ ᐊᑕᐅᓯᕐᒧᓪᓘᓐᓃᑦ ᐅᓪᓗᕐᒧᓪᓘᓐᓃᑦ ᑭᐅᔭᐅᔪᓐᓇᓚᐅᖅᑐᖅ ᐱᔪᓐᓇᐅᑎᑖᕈᓐᓇᓚᐅᖅᑐᖅ ᑖᓐᓇ ᐃᓄᖕᒧᑦ ᐊᑕᐅᓯᕐᒧᑦ ᑲᒪᒋᔭᐅᓕᖅᑎᓪᓗᒍ. ᓄᓇᖃᖅᑐᑦ ᐊᑲᖅᓴᙱᓯᒪᓕᕐᒪᑕ ᑖᔅᓱᒥᖓ, ᐊᒻᒪᓗ ᐅᓪᓗᒥ ᑖᒃᑯᐊ ᓇᒻᒪᓈᖅᓯᒪᙱᒻᒪᑕ ᐃᓚᖏᑦ ᖃᕆᓴᐅᔭᒃᑰᕆᐊᓖᑦ. ᒥᓂᔅᑕ ᓇᓗᓇᐃᖅᓯᒍᓐᓇᖅᑲ ᖃᖓᒃᑯᑦ ᒪᑐᐃᖅᓯᓛᕐᒪᖔᑕ ᕕᐊᑖᕐᕕᕐᒥ ᕙᐃᓂᑖᕐᕕᖕᒥᓗ ᐃᖃᓗᒃᑑᑦᑎᐊᕐᒥ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᑲᒪᒋᔭᖃᖅᑐᖅ ᐃᒥᐊᓗᓕᕆᓂᕐᒧᑦ, ᓱᕐᕋᓐᓇᖅᑐᓕᕆᓂᕐᒧᓪ, ᒥᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪᑦᓇ, ᐅᖃᖅᑎᑦᓯᔩ. ᒪᑦᓈᖅᖢᒍᓗ ᐊᐱᖅᓱᖅᑐᖅ. (ᑐᓵᔨᑎᒎᓕᖅᑐᖅ) ᓄᓇᕗᑦ ᒐᕙᒪᖓ ᐊᒻᒪ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᑎᒪᔨᖏᑦ ᐱᓕᕆᕙᓪᓕᐊᕗᑦ ᑎᓕᐅᕆᔪᒪᓪᓗᑎᒃ ᑲᒪᒋᔭᖃᑦᑎᐊᕐᓂᕐᒥᒃ ᐃᒥᐊᓗᖕᒥᒃ ᐃᓕᖅᑯᓯᕆᔭᐅᕙᒃᑐᓂᒃ ᓄᖅᑲᖅᑎᑦᑎᔪᒪᓪᓗᑎᒡᓗ ᒪᓕᒐᕐᓂᒃ ᓱᕋᐃᓪᓗᑎᒃ ᐃᒥᐊᓗᖕᓂᒃ ᓂᐅᕐᕈᑎᖃᖅᐸᒃᑐᓂᒃ, ᑕᑯᓯᒪᓪᓗᑕᓗ ᐅᓄᖅᓯᕚᓪᓕᖅᑐᓂᒃ ᒪᓂᒪᔪᓂᒃ ᓴᙲᓐᓂᖅᓴᓂᒃ ᐃᒥᐊᓗᖕᓂᒃ ᓲᕐᓗ ᕕᐊ, ᕙᐃᓂ, ᓴᐃᑐ, ᑰᓗᓂᓪᓗ ᓂᐅᕕᕐᕕᑦᑎᓐᓂ ᑕᒪᓐᓇ ᐃᓚᒋᔭᐅᓪᓗᓂ ᐱᓇᔪᒃᑕᐅᔪᒧᑦ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 15 ᐱᔾᔪᑎᒋᓪᓗᒍ ᐃᖃᓗᒃᑑᑦᑎᐊᖅ ᒫᓐᓇᐅᔪᖅ, ᓇᓗᓇᐃᖅᓯᒪᔪᖃᙱᑦᑐᖅ ᖃᖓ ᓂᐅᕕᕐᕕᒃᑖᕋᔭᕐᒪᖔᑦ ᓄᓇᓕᖕᓂ. ᑕᐃᒪᐃᒃᑲᓗᐊᖅᑎᓪᓗᒍ, ᐃᓕᑉᐸᓪᓕᐊᔪᒍᑦ ᓂᐅᕕᕐᕕᐅᕙᒌᖅᑐᓂᒃ ᑲᖏᖅᖠᓂᕐᒥ ᐃᖃᓗᖕᓂᓗ ᓇᐅᑦᑎᖅᓱᑦᑎᐊᕋᓱᒃᖢᒍᓗ ᖃᓄᐃᓕᐅᕐᒪᖔᑕ ᑕᐃᒃᑯᐊ ᓂᐅᕕᕐᕕᑦ ᑐᕌᒐᖃᖅᖢᑕ ᐸᕐᓇᐅᑎᓕᐅᕈᒪᓪᓗᑕ ᐃᖃᓗᒃᑑᑦᑎᐊᕐᒧᑦ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᓯᕗᓪᓕᖅᐹᕐᒥᒃ ᐃᓚᒋᐊᕈᑏᑦ ᐊᐱᕆᒍᒃ, ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᐊᒻᒪᓗ ᖁᔭᓐᓇᒦᖅᐸᕋ ᒥᓂᔅᑕ ᑭᐅᔾᔪᑎᖓᓄᑦ. ᐃᓂᒃᓴᖃᑦᑎᐊᖏᑉᐸᑦ ᑖᒃᑯᐊ ᑲᑎᒪᔩᑦ ᑐᒃᓯᕋᐅᑎᓕᐅᕆᐊᖃᑐᐃᓐᓇᖅᑐᑦ ᑳᓐᑐᕌᒃᑖᕋᓱᐊᕈᒪᔪᓄᑦ. ᒫᓐᓇᒧᑦ ᑎᑭᑦᑐᒍ ᑐᒃᓯᕋᐅᑎᓂᒃ ᐱᔪᒪᔾᔪᑎᓂᑦ ᓴᖅᑭᑦᑎᔪᖃᓚᐅᙱᑦᑐᖅ ᓄᓇᓕᖕᓂᑦ. ᓄᑖᒥᒃ ᐊᐅᓚᑦᑎᔪᒪᒍᑎᒃ ᐱᐊᑖᕐᕕᖕᒥ ᐅᐃᓂᑖᕐᕕᖕᒥᓪᓗ ᑕᐃᒪᓕ ᑲᑎᒪᔩᑦ ᒪᓂᓴᐅᑎᖃᑐᐃᓐᓇᕋᔭᖅᐳᑦ, ᖃᐅᔨᒪᓐᖏᑦᑐᖓ ᖃᓄᐃᒻᒪᑦ ᓄᑖᓂᒃ ᐱᔭᕆᐊᖃᕋᔭᕐᒪᖔᑕ ᓄᓇᕗᑦ ᒐᕙᒪᒃᑯᖏᑦ ᑮᓇᐅᔭᓕᐅᖅᐸᒌᖅᑎᓪᓗᒋᑦ ᒫᓂ 2 ᐊᒻᒪ 4 ᒥᓕᐊᓂᒃ ᐊᕐᕌᒍᑕᒫᑦ ᒪᕐᕉᖕᓂᒃ ᑲᒥᓴᓄᑦ ᐊᐅᓚᑕᐅᔫᖕᓂᒃ ᐃᖃᓗᖕᓂ ᑲᖏᖅᖠᓂᕐᒥᓗ. ᐄ, ᑖᒃᑯᐊ ᑮᓇᐅᔭᓕᐅᕈᑕᐅᔪᑦ ᐱᖓᔪᐊᓐᓂ ᐱᐊᑖᕐᕕᒻᒥ ᐅᐃᓂᑖᕐᕕᒻᒥ ᓄᓇᕗᒻᒥ ᑮᓇᐅᔭᖃᑦᑎᑦᑎᒐᔭᖅᑐᔅᓴᐅᔫᒐᓗᐊᑦ ᐊᐅᓚᓂᖏᓐᓄᑦ ᐅᕝᕙᓘᓐᓃᑦ ᐊᖏᔫᑕᐅᓂᖅᓴᓄᑦ ᒪᑐᐃᖅᑕᐅᓂᐊᖅᑐᒧᑦ ᒪᒥᓴᕐᕕᒻᒧᑦ. ᐅᖃᖅᑏ, ᒥᓂᔅᑕ ᑐᓴᕐᕕᒋᔪᒪᔭᕋ ᖃᖓ ᐃᖃᓗᑦᑑᑦᑎᐊᕐᒥᐅᑦ ᑐᓴᖅᑎᑕᐅᓛᕐᒪᖔᑕ ᑲᑎᒪᔨᓂᒃ ᑐᒃᓯᕋᐅᑎᓕᐅᕐᓂᐊᖅᑎᓪᓗᒋᑦ ᐱᔅᓂᓯᖃᖅᑐᓂᒃ ᐃᖃᓗᑦᑑᑦᑎᐊᕐᒥ ᐃᓂᒃᓴᖃᖅᑎᑦᑎᔪᒪᓪᓗᑎᒃ ᐱᐊᑖᕐᕕᖕᒥ ᐅᐃᓂᑖᕐᕕᖕᒥᓪᓗ ᒪᑐᐃᖅᓯᔪᓐᓇᕐᓂᐊᕐᒪᑕ ᐃᖃᓗᒃᑑᑦᑎᐊᕐᒥ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒥᓂᔅᑕ ᑲᒪᒋᔭᖃᖅᑐᖅ ᐃᒥᐊᓗᓕᕆᔨᒃᑯᑦ ᓱᕐᕋᓐᓇᖅᑐᓕᕆᔨᒃᑯᓪᓗ ᑲᑎᒪᔨᖏᓐᓄᑦ, ᒥᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ (ᑐᓵᔨᑎᒍᑦ): ᒪᑦᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᓪᓗ ᐊᐱᕆᒻᒪᑦ ᒪᓕᒐᓕᐅᖅᑎ. ᐄ’, ᑐᑭᓯᔪᖓ ᑖᒃᑯᐊ ᓄᓇᓖᑦ ᓂᕆᐅᓐᓂᐊᖅᑐᔅᓴᐅᒻᒪᑕ ᑕᒪᑐᒪ ᒥᔅᓵᓄᑦ. ᐄ, ᐊᑯᓂᑲᓪᓚᐅᓕᖅᑐᖅ ᓂᕈᐊᕐᓂᖅᑕᖃᓚᐅᖅᑎᓪᓗᒍ 2017-ᒥ ᐃᑲᔪᖅᑐᐃᑦᑎᐊᓚᐅᕐᖓᑕ ᓂᐅᕕᕐᕕᒻᒥ ᒪᑐᐃᖅᓯᖁᔨᓪᓗᑎᒃ. ᒫᓐᓇᐅᔪᖅ ᑖᒃᑯᐊ ᑲᑎᒪᔩᑦ ᕿᒥᕐᕈᔪᑦ ᐊᔾᔨᒌᓐᖏᑦᑐᓂᒃ ᓇᓖᕌᕈᑎᒃᓴᓂᒃ ᓂᐅᕕᕐᕕᒃᑖᕈᓐᓇᕐᒪᖔᑕ ᓄᓇᓕᖕᓄᑦ. ᓇᓖᕌᒐᒃᓴᑦ ᐃᓱᒪᒃᓴᖅᓯᐅᕈᑕᐅᔪᑦ ᐃᓚᖃᖅᐳᑦ ᐊᑕᖏᖅᑐᒥᒃ ᓯᐊᒻᒪᒃᑎᕆᕝᕕᖕᒥᒃ ᓂᐅᕕᕐᕕᖃᕐᓗᓂ, ᒥᑭᓐᓂᖅᓴᒥᒃ ᑕᐅᑐᒐᖃᓪᓗᐊᑕᖅᑐᒥᒃ ᓂᐅᕕᕐᕕᖃᕐᓗᓂ, ᐅᕝᕙᓘᓐᓃᑦ ᓇᖕᒥᓂᕆᔭᐅᔪᒥᒃ ᓇᖕᒥᓂᕆᔭᐅᔪᒥᒃ ᐊᐅᓚᑦᑎᔪᖃᕐᓗᓂ ᑭᒡᒐᖅᑐᐃᔨᐅᓗᓂ ᑭᒡᒐᖅᑐᐃᓗᓂ ᑲᑎᒪᔨᓂᒃ. ᑕᒪᒃᑯᐊ ᓇᓖᕌᕈᑎᐅᔪᑦ ᐃᓱᒪᒃᓴᕐᓯᐅᕈᑕᐅᔪᑦ, ᐊᒻᒪᓗ ᑐᓴᕐᓯᒪᓪᓗᑕ ᓄᓇᓕᐅᔪᓂᑦ ᓱᓕ ᐱᔪᒪᓂᖃᕐᒪᑕ ᓴᖅᑮᓂᕐᒧᑦ ᑭᓱᑐᐃᓐᓇᕐᒥᒃ ᑕᐃᑲᓂ ᓄᓇᓕᐅᔪᒥ. ᑕᓯᐅᖅᑕᐅᕙᒃᑲᑦᑕ ᓄᓇᓖᑦ ᐱᔪᒪᔭᖏᓐᓂᑦ ᑕᑯᒍᒪᓪᓗᑕ ᐱᕙᓪᓕᐊᓂᐅᔪᓂᑦ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ (ᑐᓵᔨᑎᒍᑦ): ᐊᐃᑉᐹ ᑭᖑᓪᓕᖅᐹᕆᓗᒍᓗ ᐃᓚᒋᐊᕈᑎᑦ, ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᖅᐸᕋ ᑭᐅᒻᒪᑦ ᒥᓂᔅᑕ. ᖃᐅᔨᒪᔪᐃᓐᓇᐅᔪᒍᑦ ᐅᒥᐊᕐᔪᐊᒃᑯᑦ ᐅᓯᔭᐅᔪᒃᓴᑦ ᐅᓪᓗᖅᓯᐅᑎᖏᓐᓂᒃ, ᐱᖁᑎᓂᒃ ᑎᑭᑎᑦᑎᔪᒪᒍᕕᑦ ᐅᒥᐊᕐᔪᐊᒃᑯᑦ ᐃᖃᓗᒃᑑᑦᑎᐊᕐᒧᑦ ᐋᒌᓯ ᓄᙳᐊᓂ ᐅᕝᕙᓘᓐᓃᑦ ᓯᑎᐱᕆ ᐱᒋᐊᓕᓵᖅᑎᓪᓗᒍ ᐊᕐᕌᒍᑕᒫᑦ, ᑎᑭᓴᐃᔭᕆᐊᖃᖅᐳᑎᑦ ᔫᓂ ᐱᒋᐊᓕᓵᖅᑎᓪᓗᒍ. ᑕᖅᑮᒃ ᒪᕐᕉᒃ ᐊᓂᒍᖅᓯᒪᓕᖅᑑᒃ. ᓇᓗᓇᕈᓐᓃᖅᑐᖅ ᐃᖃᓗᒃᑑᑦᑎᐊᖅ ᕕᐊᑖᕐᕕᒃᑕᖃᔾᔮᔪᓐᓃᕐᒪᑦ ᐅᐃᓂᑖᕐᕕᒃᑕᖃᔾᔮᔪᓐᓃᖅᖢᓂᓗ ᐅᑭᐊᒃᓵᖅ, ᐊᒻᒪᓗ ᓈᒻᒪᒃᑐᒥᒃ ᐃᒡᓗᒥᒃ ᓇᓂᓯᔪᖃᙱᑉᐸᑦ ᐅᕝᕙᓘᓐᓃᑦ ᓴᓇᔭᐅᔪᖃᙱᑉᐸᑦ ᒫᓐᓇᒫᒃᑯᑦ, ᓇᓗᓇᕈᓐᓃᖅᑐᖅ ᐊᕐᕌᒍ ᒪᑐᐃᖅᑐᖃᔾᔮᙱᓐᓂᖓᓂᒃ. ᕕᐊ, 24 ᐃᐳᐃᑦᑐᑦ, ᐃᖃᓗᖕᓂ ᑲᖏᖅᖠᓂᕐᒥᓘᓐᓃᑦ ᓂᐅᕕᖅᑕᐅᔪᓐᓇᖅᐳᑦ $90 ᑐᖔᓂ ᓂᐅᕕᖅᑕᐅᔪᓐᓇᖅᖢᑎᒡᓗ ᐅᓪᓗᓄᑦ ᑕᓪᓕᒪᓄᑦ ᐱᓇᓱᐊᕈᓯᕐᒥ. ᐃᖃᓗᑦᑑᑦᑎᐊᕐᒥ, ᐊᑭᖓ $120 ᐅᖓᑖᓃᒻᒪᑦ ᐱᐊᑖᒧᑦ. ᑭᓯᐊᓂ, ᐱᕙᒌᔭᖅᓯᒪᔭᕆᐊᖃᖅᐳᒍᑦ ᓯᕗᓂᐊᒍᑦ, ᓯᕗᓪᓕᕐᒥ

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 16 ᐅᑕᖅᑭᔭᕆᐊᖃᑐᐃᓐᓇᕆᐊᖃᕋᑦᑕ ᐱᓇᓱᐊᕈᓯᓕᒫᒧᑦ ᐱᔪᓐᓇᐅᑎᑖᕋᓱᒡᓗᑕ; ᑭᖑᓂᐊᒍᑦ ᐃᒥᐊᓗᒃᑖᕐᕕᖕᒧᑦ ᐅᖄᓚᓲᖑᕗᒍᑦ, ᔭᓗᓇᐃᕝᒦᒐᔪᒃᖢᓂ, ᑎᑭᓴᐃᓂᖅ ᓇᑭᑐᐃᓐᓇᖅ ᐊᑭᑐᓂᖅᓴᐅᓇᔭᕐᒪᑦ ᐅᓯᔭᐅᔾᔪᑎᖏᓐᓄᑦ, ᐊᒻᒪᓗ ᐊᑭᖃᕋᔭᖅᖢᓂ $150 ᐅᖓᑖᓄᑦ ᑖᔅᓱᒧᖓᔅᓴᐃᓐᓇᖅ ᕕᐊᒧᑦ. ᐊᑭᓖᑐᐊᕌᖓᑦᑕ ᐃᒥᐊᓗᒃᑖᕐᕕᖕᒧᑦ ᐅᑕᖅᑭᓲᖑᔪᒍᑦ ᐅᓪᓗᕐᒥᒃ ᐊᑕᐅᓯᕐᒥᒃ ᒪᕐᕉᖕᓂᒡᓘᓐᓃᑦ ᑲᓇᐃᑎᐊᓐ ᓄᐊᑦᑯᓐᓄᑦ ᐊᒡᔭᖅᑕᐅᓂᐊᕐᒪᑦ ᐃᖃᓗᒃᑑᑦᑎᐊᕐᒧᑦ. ᑕᐃᒃᑯᐊ ᐅᓯᑲᑦᑕᖅᑎᐅᔪᑦ ᐱᑐᐊᖅᐸᑕ ᐱᓇᓱᐊᕈᓯᓕᒫᒧᑦ ᑎᑭᑕᐅᓇᓱᓲᖑᒻᒪᑕ ᓄᓇᓕᓐᓄᑦ. ᐅᖃᖅᑏ, ᐱᓇᓱᐊᕈᓰᒃ ᒪᕐᕉᒃ ᑎᑭᓴᖅᑕᐅᓚᐅᖅᑳᖅᑎᓐᓇᑕ ᐊᑭᓖᒃᑲᓐᓂᕆᐊᖃᓕᓲᖑᒐᑦᑕ ᓂᐅᕕᕐᕕᖃᓐᖏᓇᑦᑕ. ᑖᓐᓇ ᐊᖏᖅᑕᐅᓚᐅᖅᓯᒪᔪᖅ ᓂᕈᐊᕐᓂᒃᑯᑦ ᐊᕐᕌᒍᑦ 7 ᐊᓂᒍᖅᓯᒪᓕᖅᑐᑦ. ᖁᕕᐊᓱᒃᐳᖓ ᑐᓴᕆᐊᔅᓴᖅ ᑲᓇᑕ ᐱᓕᕆᐊᖃᕐᒪᑦ ᓄᑖᒥᒃ ᐊᑭᖃᙱᑦᑐᒥᒃ ᑕᐅᖅᓰᖃᑎᒌᓐᓂᕐᒧᑦ ᐊᖏᕈᑎᒥᒃ ᑲᓇᑕᐅᑉ ᐊᕕᑦᑐᖅᓯᒪᓂᖏᑕ ᐊᒻᒪᓗ ᐅᑭᐅᖅᑕᖅᑐᒥ ᐊᕕᑦᑐᖅᓯᒪᔪᑦ ᑭᓪᓕᖏᓐᓄᑦ, ᑕᒪᓐᓇ ᐲᖅᓯᑐᐃᓐᓇᕆᐊᖃᕐᒪᑦ ᐊᑭᓖᒋᐊᖃᕐᓂᕐᒥᒃ ᐱᔪᓐᓇᐅᑎᒥᒃ, ᐊᑭᑭᓪᓕᒋᐊᕈᑕᐅᒐᔭᖅᑐᓂᓗ, ᒥᑭᔫᒐᓗᐊᖅ, ᐱᑦᔪᑎᒋᓪᓗᒍ ᐅᓯᔭᐅᔾᔪᑎᖏᑕ ᐊᑭᖏᑦ ᐊᑭᑦᑐᕆᐊᕈᑕᐅᕙᒻᒪᑕ ᐅᕙᑦᑎᓐᓄᑦ. ᒥᓂᔅᑕ ᐊᖏᕈᓐᓇᖅᑳ ᐱᓕᕆᖃᑎᖃᕐᓂᐊᕐᓂᕋᕐᓗᓂ ᓇᒻᒥᓂᖃᑦᑎᐅᔪᓂᒃ ᐃᖃᓗᑦᑑᑦᑎᐊᕐᒥᐅᓂᒃ ᑭᓱᓂᒃ ᐊᑐᐃᓐᓇᖅᑕᖃᕐᒪᖔᖅ ᐅᕝᕙᓘᓐᓃᑦ ᑭᓱᒥᒃ ᓴᓇᔪᓐᓇᕐᒪᖔᑕ. ᑕᐃᓐᓇ ᐱᐊᑖᕐᕕᒃ ᐅᐃᓂᑖᕐᕕᔅᓴᖅ ᐊᑐᐃᓐᓇᐅᓕᕈᓐᓇᖁᓪᓗᒍ ᐃᖃᓗᑦᑑᑦᑎᐊᕐᒥᐅᓄᑦ ᒫᓐᓇᒫᖅ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᒪᐃᓐ. ᐊᖓᔪᖅᑳᖅ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᖅᐸᕋᓗ ᒪᓕᒐᓕᐅᖅᑎ ᑕᒪᑐᒥᖓ ᐊᐱᖅᑯᑎᖃᕐᒪᑦ. ᐃᓚᒋᓪᓗᓂᐅᒃ ᓇᓖᕌᕈᑎᓄᑦ ᐱᓕᕆᐊᖑᔪᓄᑦ ᑲᒥᓴᓐᑯᑦ ᐱᓕᕆᐊᖃᖅᑐᑦ ᕿᒥᕐᕈᓪᓗᑎᒃ ᐃᖃᓗᑦᑑᑦᑎᐊᕐᒥ ᐊᒻᒪᓗ ᖃᓄᐃᑦᑐᒥᒃ ᐱᐅᓂᖅᐹᖑᒐᔭᕐᒪᖔᖅ, ᐄ, ᐊᖏᕈᓐᓇᖅᑐᖓ ᑖᒃᑯᐊ ᑲᑎᒪᔩᑦ ᐱᓕᕆᖃᑎᖃᖁᓪᓗᒋᑦ ᓇᒻᒥᓂᖃᑦᑎᐅᔪᓂᒃ ᐃᖃᓗᑦᑑᑦᑎᐊᕐᒥ. ᖁᔭᓐᓇᒦᖅᐸᕋᓗ ᑖᓐᓇ ᐊᐱᕆᔪᖅ. (ᑐᓵᔨᑎᒎᕈᓐᓃᖅᑐᖅ) ᒪ'ᓇ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᐊᕐᕕᐊᑦ ᓂᒋᐊᓄᑦ ᒪᓕᒐᓕᐅᖅᑎ, ᒥᔅᑕ ᖃᑉᓗᑦᓯᐊᖅ. ᐊᐱᖅᑯᑦ 46 – 7(1): ᓄᓇᓕᖕᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔭᐅᔭᕆᐊᓕᖕᓄᑦ ᖃᐅᔨᓴᕐᓂᕐᒧᑦ ᐱᓕᕆᐊᖑᕙᑦᑐᑦ (ᖃᑉᓗᑦᓯᐊᖅ) ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒋᓂᐊᖅᑕᕋ ᒥᓂᔅᑕᖓᓐᓄᑦ ᐋᓐᓂᐊᖃᕐᓇᓐᖏᑦᑐᓕᕆᔨᒃᑯᑦ ᐱᔾᔪᑎᖃᖅᑐᖅ ᓄᓇᓕᓐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑭᙴᒪᔭᐅᔪᓂᒃ ᖃᐅᔨᓴᕐᓂᕐᒧᑦ. ᐅᖃᖅᑏ, ᐱᒋᐊᕈᑎᖃᕈᒪᔪᖓ ᖁᔭᓐᓇᒦᕈᒪᓪᓗᒍ ᒥᓂᔅᑕ ᒫᓐᓇᕋᑖᖑᓚᐅᖅᑐᖅ ᑎᑎᕋᓚᐅᕐᒪᑦ ᐅᕙᓐᓄᑦ ᐱᔾᔪᑎᖃᖅᑐᓂᒃ ᓄᑖᓂᒃ ᓄᓇᓕᓐᓂ ᐋᓐᓂᐊᖃᕐᓇᓐᖏᑦᑐᓕᕆᓂᕐᒧᑦ ᑭᓐᖒᒪᔭᐅᔪᓂᒃ ᖃᐅᔨᓴᕐᓂᕐᒥᒃ ᐱᓕᕆᐊᒥᒃ ᐱᓕᕆᕝᕕᖓᑕ ᐱᓕᕆᐊᕆᔭᖓᓂᒃ ᐊᕐᕕᐊᓂ, ᐃᒡᓗᓕᒻᒥ ᐊᒻᒪᓗ ᑕᓗᕐᔪᐊᓂ. ᐅᖃᖅᑏ, ᒥᓂᔅᑕ ᐃᖅᑲᐅᒪᔪᔅᓴᐅᒻᒪᑦ ᑎᑎᕋᓚᐅᖅᓯᒪᔭᖓ ᐃᒪᓐᓇ ᐅᖃᖅᓯᒪᓚᐅᖅᑐᖅ: "ᖄᒃᑲᓐᓂᐊᒍᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᑭᒡᓕᓯᓂᐊᖅᑕᐅᓯᒪᔪᑦ, ᓄᓇᓕᖕᓂ ᑐᓴᕋᓱᒡᕕᐅᑲᑕᒃᑐᑦ ᖃᐅᔨᓴᕈᒪᓪᓗᑎᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔭᐅᔭᕆᐊᓕᖕᓂᒃ ᓄᓇᓖᑦ ᑕᐅᑐᒃᑕᖓᒍᑦ." ᒥᓂᔅᑕ ᑐᓴᖅᑎᑦᑎᔪᓐᓇᖅᐹ ᐅᓪᓗᒥ ᑕᒪᓐᓇ ᐱᕙᓪᓕᐊᓂᕆᔭᖓ ᐊᒻᒪᓗ ᓇᓗᓇᐃᖅᓯᔪᓐᓇᖅᐹ ᖃᖓ ᑭᖑᓪᓕᖅᐹᖅᓯᐅᑎᑦ ᐅᓂᒃᑳᑦ ᖃᐅᔨᓴᕈᑕᐅᓚᐅᖅᑐᓂᒃ ᑐᓂᔭᐅᓛᕐᒪᖔᑕ ᓄᓇᓕᖕᓄᑦ ᓴᖅᑭᑕᐅᓗᑎᒡᓗ ᒪᓕᒐᓕᐅᕐᕕᖕᒥ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 17 ᐅᖃᖅᑎ (ᑐᓵᔨᑎᒍᑦ): ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓ, ᒥᔅ ᐳᕉᔅᑐ. ᐊᖓᔪᖅᑳᖅ ᔮᓂᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖃᐅᔨᓴᓵᑲᐃᓐᓇᕋᒪ. ᐱᓯᒪᙱᑕᐃᓐᓇᕋᒃᑭᑦ ᐅᓪᓗᖅᓯᐅᑎᖏᑦ ᖃᖓᒃᑯᑦ ᐱᐊᓂᒃᑕᐅᓇᔭᕐᒪᖔᑦ ᕿᒥᕐᕈᔭᐅᓂᖓ. ᕿᒥᕐᕈᒐᓱᓐᓂᐊᖅᐸᕋ ᑭᐅᔾᔪᑎᔅᓴᒥᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᓯᕗᓪᓕᖅᐹᖅ ᐃᓚᒋᐊᕈᑏᑦ ᐊᐱᕆᑦᑕᕈᒃ, ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᓱᒫᓘᑕᐅᖏᓐᓇᖅᑐᖅ ᐊᕐᕕᐊᓂ ᐋᓐᓂᐊᓯᐅᖅᑎᑖᒃᑲᓐᓂᕆᐊᖃᕐᓂᖅ ᐋᓐᓂᐊᕕᑦᑎᓐᓂ. ᓯᕕᑐᔪᒧᑦ, ᓂᕆᐅᒃᐳᖓ ᓄᑖᖅ ᐃᓄᐃᑦ ᓄᓇᖓᑦ ᓯᓚᑦᑐᖅᓴᕐᕕᒡᔪᐊᖅ ᐊᕐᕕᐊᓂ ᐱᓕᕆᖃᑎᖃᑦᑎᐊᕐᓂᐊᖅᑐᖅ ᓄᓇᕗᒻᒥ ᓯᓚᑦᑐᖅᓴᕐᕕᖕᒥ ᒪᓂᒪᑎᑦᑎᓗᑎᒃ ᐱᓕᕆᐊᒃᓴᓂᒃ ᐃᑲᔪᕐᓂᖅᓴᐅᔪᓂᒃ ᐃᓄᖕᓂᒃ ᐃᓕᓐᓂᐊᕈᓐᓇᕐᓗᑎᒃ ᐱᓕᒻᒪᒃᓴᕐᓗᑎᒡᓗ ᐱᔭᕆᐊᓕᖕᓂᒃ ᓇᓗᓇᐃᒃᑯᑕᖅᑖᕐᓗᑎᒃ ᐃᓗᐊᖅᓴᐃᔨᐅᓂᕐᒧᑦ. ᒥᓂᔅᑕ ᖃᐅᔨᒪᒻᒪᑦ ᒐᕙᒪᒃᑯᑦ ᒫᓐᓇᕋᑖᖑᓚᐅᖅᑐᖅ ᑕᖅᑭᑦ ᐱᖓᓱᑦ ᓈᔭᕌᖓᑕ ᐅᓂᒃᑳᓕᐊᕆᓯᒪᔭᖏᑦ ᐅᖃᖅᓯᒪᖕᒪᑕ ᐊᕝᕙᕆᓐᖏᑕᖏᑦ ᐋᓐᓂᐊᖃᕐᓇᓐᖏᑦᑐᓕᕆᔨᒃᑯᑦ ᐊᕐᕕᐊᓂ ᐃᓐᓄᒃᑕᐅᓯᒪᖕᒪᑕ. ᑖᒃᑯᐊ ᐅᓂᒃᑳᑦ 20-ᖑᒻᒪᑕ ᐃᓐᓄᒃᓯᒪᓐᖏᑦᑐᑦ. ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᖃᓄᖅ ᐱᓕᕆᕕᖓ ᓄᓇᓕᖕᓂ ᐋᓐᓂᐊᖃᕐᓇᓐᖏᑦᑐᓕᕆᓂᕐᒧᑦ ᑭᓐᖒᒪᔭᐅᔪᓂᒃ ᖃᐅᔨᓴᐃᓂᖅ ᑕᒪᑐᒥᖓ ᐱᓕᕆᐊᖃᕐᓂᐊᕐᒪᖔᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓ, ᒥᔅ ᐳᕉᔅᑐ. ᐊᖓᔪᖅᑳᖅ ᔮᓂᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑐᑭᓯᐅᒪᔭᒃᑯᓪᓕ ᑖᒃᑯᐊ ᓄᓇᓕᓐᓂ ᐋᓐᓂᐊᖃᕐᓇᓐᖏᑦᑐᓕᕆᓂᕐᒧᑦ ᑭᓐᖒᒪᔭᐅᔪᑦ ᖃᐅᔨᓴᖅᑕᐅᓂᖏᑦ ᐱᔭᕇᖅᑕᐅᓯᒪᒋᐊᖃᖅᑐᑦ ᐊᑐᐃᓐᓇᐅᓕᕐᓗᑎᓪᓗ ᐊᐅᔭᒃᑯᑦ. ᐅᖃᖅᑏ, ᖃᖓᑐᐃᓐᓇᒃᑯᑦ ᖃᐅᔨᓴᑦᑎᐊᑐᐊᕌᖓᑦᑕ ᐋᓐᓂᐊᖅᑐᓕᕆᓂᐅᑉ ᒥᒃᓵᓄᑦ, ᐱᖃᓯᐅᑎᓪᓗᒋᑦ ᐃᖅᑲᓇᐃᔭᖅᑏᑦ ᐊᒻᒪ ᐱᓕᕆᐊᓐᖑᖅᑎᑕᐅᓯᒪᔪᑦ ᐋᖅᑭᒃᓯᒪᔪᑦ, ᑐᑭᓯᕚᓪᓕᕈᑎᒋᕙᒃᑲᑦᑎᒍ ᖃᓄᑎᒋ ᑮᓇᐅᔭᓂᒃ ᐊᑐᕆᐊᖃᕐᒪᖔᑦᑕ ᐃᖅᑲᓇᐃᔭᖅᑎᓂᒃ ᓄᓇᓕᖕᓂ ᐋᓐᓂᐊᕕᖕᓂ. ᕿᒥᕐᕈᖃᑦᑕᖅᑐᒍᑦ ᐊᔾᔨᒌᓐᖏᑦᑐᓂᒃ ᑐᓴᒐᒃᓴᓂᒃ ᐃᑲᔫᑎᒋᔪᓐᓇᖅᑕᑦᑎᓐᓂᒃ ᐱᐅᓯᕚᓪᓕᖅᑎᑦᑎᔪᓐᓇᕋᑦᑕ ᐋᓐᓂᐊᖃᕐᓇᓐᖏᑦᑐᓕᕆᓂᕐᒧᑦ ᐱᔨᑦᑎᕈᑎᓂᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑏᑦ, ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᓚᖓᑦ ᓄᓇᓕᑦᑕ ᐋᓐᓂᐊᖃᕐᓇᓐᖏᑦᑐᓕᕆᓂᕐᒧᑦ ᓯᕗᓪᓕᐅᑎᓯᒪᔭᖓ ᐊᖏᓪᓕᒋᐊᖅᑕᐅᖁᓪᓗᒍ ᒫᓐᓇ ᐋᓐᓂᐊᕕᒃ ᐊᕐᕕᐊᓂ. ᒥᓂᔅᑕ ᐃᖅᑲᐅᒪᔪᔅᓴᐅᒻᒪᑦ ᑕᐃᓐᓇ ᐃᓇᖏᓚᐅᖅᓯᒪᔭᖓ ᑐᓴᖅᑎᑦᑎᓚᐅᖅᓯᒪᖕᒪᑦ ᒪᓕᒐᓕᐅᕐᕕᖕᒥ ᑲᑎᒪᑎᓪᓗᒋᑦ ᐅᑐᐱᕆ 31, 2024-ᒥ, ᐊᕐᕕᐊᑦ ᐋᓐᓂᐊᕕᖓ ᐊᖏᒡᓕᒋᐊᖅᑕᐅᓂᐊᕐᓂᖓᓂᒃ ᐱᔭᕇᖅᑕᐅᓚᐅᖅᑎᓪᓗᒍ ᖃᒪᓂᑦᑐᐊᖅ ᐊᒻᒪᓗ ᖁᕐᓗᖅᑐᒥ ᐃᓇᖏᖅᑕᐅᔾᔪᑎᒃᓴᖏᑦ. ᑖᓐᓇ ᓄᑖᖅ ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᐱᓕᕆᕝᕕᖓ ᖃᖓ ᐊᖏᓪᓕᒋᐊᖅᑕᐅᓂᐊᕐᒪᖔᑦ ᐊᕐᕕᐊᑦ ᐋᓐᓂᐊᕕᖓ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᐳᕉᔅᑐ. ᐊᖓᔪᖅᑳᖅ ᔮᓂᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖃᔅᓯᑲᓪᓚᖕᓂᒃ ᐋᖅᑭᒃᓱᐃᔪᖃᖅᐸᓪᓕᐊᕗᖅ ᓄᑖᙳᕆᐊᖅᑎᑦᑎᔪᖃᖅᐸᒃᖢᓂᓗ. ᑐᙵᓱᒃᕕᖓ, ᐃᓚᐅᓪᓗᓂ ᓇᑎᖓ ᒥᖑᐊᖅᑕᐅᓂᖓᓗ, ᐊᒻᒪᓗ ᐃᓯᕆᐊᕐᕕᖓ, ᐱᓕᕆᐊᖑᕙᓪᓕᐊᕗᑦ. ᖃᐅᔨᒪᔪᒍᑦ ᑕᒪᓐᓇ ᐊᑲᐅᙱᓕᐅᕈᑕᐅᓯᒪᒻᒪᑦ ᐊᒥᓱᓄᑦ ᐊᕐᕕᐊᕐᒥᐅᓄᑦ,

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 18 ᒪᔪᕋᕋᓱᐊᕐᓂᖅ ᓯᕕᑐᔪᒧᑦ ᐱᒡᒐᓇᕐᒪᑦ. ᑕᒪᔾᔭ ᐃᓚᒋᕚ ᐋᖅᑭᒋᐊᕈᑕᐅᔪᓄᑦ ᐊᒻᒪᓗ ᓄᑖᙳᕆᐊᖅᑎᑕᐅᔪᓄᑦ. ᓱᓕᒍᒪ ᐃᒐᐅ ᐊᓂᐊᕝᕕᖏᑦ ᓄᑖᕈᕆᐊᖅᑕᐅᓂᐊᕆᐊᖏᑦ, ᐊᒻᒪᓗ ᓂᕆᐅᒋᔭᐅᔪᖅ ᓴᓇᔭᐅᒋᐊᕐᓂᐊᕆᐊᖓ ᐊᐅᔭᐅᓂᐊᖅᑐᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐅᖃᐅᓯᒃᑯᑦ ᐊᐱᖅᑯᑏᑦ. ᐊᐃᕕᓕᖕᒧᑦ ᒪᓕᒐᓕᐅᖅᑎ, ᒥᔅ ᐊᖑᑎᐊᓗᒃ. ᐊᐱᖅᑯᑦ 47 – 7(1): ᒪᒃᑯᑦᑐᑦ ᐃᓐᓇᐃᓪᓗᑲᑎᒪᔨᖃᓛᑎᓐᓄᑦ ᐊᐃᑦᑑᑎᓄᑦ ᐱᓕᕆᐊᖅ (ᐊᖑᑎᐊᓗᒃ) ᐊᖑᑎᐊᓗᒃ: ᖁᔭᓐᓇᒦᒃ, ᐅᖃᖅᑏ. (ᑐᓵᔨᑎᒎᓕᖅᑐᖅ) ᐊᐱᖅᑯᑎᒋᓂᐊᖅᑕᕋ ᒥᓂᔅᑕᖓᓐᓄᑦ ᐃᓕᖅᑯᓯᓕᕆᔨᒃᑯᑦ, ᐃᑦᑕᕐᓂᓴᓕᕆᔨᒃᑯᓪᓗ. ᐱᔾᔪᑎᖃᖅᑐᖅ ᐱᓕᕆᕕᐅᑉ ᐃᓅᓱᒃᑐᓄᑦ ᐃᓐᓇᐃᓪᓗ ᑲᑎᒪᔨᕋᓛᖏᓐᓄᑦ ᑐᓂᕐᕈᓯᐊᓄᑦ ᐱᓕᕆᐊᒧᑦ. (ᑐᓵᔨᑎᒎᕈᓐᓃᖅᑐᖅ) ᒪᒥᐊᓇᖅ, ᓄᕙᕈᔪᑦᑐᐊᓘᒐᒪ, ᖃᑎᑦᑐᖅᑐᐊᓘᓕᕋᒪ. (ᑐᓵᔨᑎᒎᓕᖅᑐᖅ) ᐅᖃᖅᑏ, ᑐᑭᓯᔪᖓ ᐃᓕᓴᕆᓪᓗᒍᓗ ᐱᓕᕆᕕᐅᑉ ᐃᓅᓱᒃᑐᐃᑦ ᐃᓐᓇᐃᓪᓗ ᑲᑎᒪᔨᕋᓛᖏᑦ ᑐᓂᕐᕈᓯᐊᑦ ᑮᓇᐅᔭᖃᖅᑎᑦᑎᖃᑦᑕᕐᒪᑕ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐃᓐᓇᕐᓂᑦ ᒪᒃᑯᖕᓂᖅᓴᓄᑦ. ᐅᖃᖅᑏ, ᐱᓕᕆᕝᕕᐅᑉ ᐊᖏᖅᑕᐅᓯᒪᔪᑦ 2025-2026-ᒧᑦ ᐱᓕᕆᐊᒃᓴᓄᑦ ᐸᕐᓇᐅᑎᖏᑦ ᐅᖃᖅᓯᒪᕗᑦ ᐃᓚᖓᑦ ᐱᓕᕆᕝᕕᐅᑉ ᓯᕗᓪᓕᐅᑎᓯᒪᔭᖓᑦ 2025-ᒧᑦ "ᐸᕐᓇᐃᓗᑎᒃ ᐊᒻᒪ ᓴᖅᑭᑦᑎᓗᑎᒃ ᐊᐃᑦᑑᑎᓂᒃ ᐊᒻᒪ ᐃᑲᔫᑎᓂᒃ ᑐᓴᒐᒃᓴᓂᒃ ᑲᑎᒪᑎᓪᓗᒋᑦ ᑭᕙᓪᓕᕐᒥ ᓄᓇᓕᖕᓂ." ᒥᓂᔅᑕ ᓇᓗᓇᐃᖅᓯᒍᓐᓇᖅᑲ ᓇᓕᐊᓐᓂ ᑭᕙᓪᓕᕐᒥ ᓄᓇᓕᒻᒥ ᑖᒃᑯᐊ ᑐᓂᕐᕈᓯᐊᑦ ᐊᒻᒪᓗ ᑐᓂᕐᕈᓯᐊᑦ ᑲᑎᒪᓂᐅᓚᐅᕐᒪᖔᑕ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᓕᖅᑯᓯᓕᕆᔨᒃᑯᑦ ᒥᓂᔅᑕᖓ, ᒥᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᐃᓐᓇᕐᓄᑦ ᐊᐃᑦᑑᑎᓄᑦ ᐃᑲᔫᑎᑦ ᑮᓇᐅᔭᖃᖅᑎᑦᑎᓚᐅᖅᐳᑦ 18−ᓂᒃ ᐱᓕᕆᐊᒃᓴᓂᒃ ᐊᒃᑐᐊᓂᓕᖕᓂᒃ ᐃᓐᓇᐃᑦ ᐃᓚᐅᑎᑕᐅᕙᖕᓂᖏᓐᓄᑦ ᑲᔪᓰᓐᓇᕐᓂᐊᖅᖢᑎᒡᓗ 2025-2026−ᒥ. ᖃᐅᔨᒐᓱᐊᖅᑐᖓ ᓇᓕᐊᓐᓂᒃ ᐊᕕᑦᑐᖅᓯᒪᔪᓂᒃ ᓄᓇᕗᒻᒥ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᓯᕗᓪᓕᖅᐹᒥ ᐃᓚᒋᐊᕈᑏᑦ ᐊᐱᕆᒍᒃ, ᒥᔅ ᐊᖑᑎᐊᓗᒃ. ᐊᖑᑎᐊᓗᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᐅᖃᖅᑏ, ᐱᕕᖃᕐᓂᓐᓂ ᖁᕕᐊᓲᑎᖃᕐᓂᓐᓂ ᐃᓕᖅᑯᓯᓕᕆᔨᒃᑯᑦ ᐱᓕᕆᐊᕆᕙᑦᑕᖏᓐᓂ ᑮᓇᐅᔭᖃᖅᑎᑦᑎᓗᑎᑦ ᐃᓅᓱᑦᑐᓄᑦ ᐃᓐᓇᕐᓄᑦ. ᒥᓂᔅᑕ ᐅᖃᖅᕈᓐᓇᖅᐸ ᖃᑦᑎ ᓄᓇᓖᑦ ᑮᓇᐅᔭᖃᖅᑎᑕᐅᓯᒪᕙᑦ ᑖᒃᑯᓇᙵᑦ ᑐᓂᕐᕈᓯᐊᖑᕙᑦᑐᓂᑦ 2024-2025- ᒥ ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓂ? ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᖁᔭᓐᓇᒦᒃ. ᐃᓕᖅᑯᓯᓕᕆᔨᒃᑯᑦ ᒥᓂᔅᑕᖓᑦ, ᒥᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᑖᓐᓇ ᓇᓂᒡᓗᒍ ᐅᖃᕋᓱᓕᖅᑕᕋ 99 (14:30:34) ᖁᔭᓐᓇᒦᒃ. ᑖᒃᑯᐊ ᐅᖃᖅᓯᒪᔫᒐᓗᐊᑦ. ᑖᒃᑯᓇᓂᐅᖅᑰᖅᑐᖅ. ᑖᒃᑯᐊ ᓄᓇᓖᑦ 23 ᓄᓇᓖᑦ ᐅᖃᖅᓯᒪᔪᑦ ᑎᑎᕋᖅᓯᒪᔪᑦ ᐃᒡᓗᓕᒃ, ᒥᑦᑎᒪᑕᓕᒃ, ᖁᕐᓗᖅᑑᖅ, ᑕᓗᕐᔪᐊᖅ, ᑲᖏᖅᖠᓂᖅ, ᑯᒑᕐᔪᒃ, ᐊᕐᕕᐊᑦ, ᖃᐅᓱᐃᑦᑐᖅ, ᐊᐅᓱᐃᖅᑐᖅ, ᐃᖃᓗᐃᑦ, ᑎᑭᕋᕐᔪᐊᖅ, ᑲᖏᖅᖠᓂᖅ, ᐃᖃᓗᐃᑦ, ᑲᖏᖅᖠᓂᖅ, ᑖᒃᑯᐊ ᑕᕝᕙ ᐊᕐᕌᒎᓚᐅᖅᑐᓂᒃ 2025-21 ᖃᒪᓂ’ᑐᐊᑐᐃᓐᓇᐅᕗᖅ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᖁᔭᓐᓇᒦᒃ. ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑏᑦ, ᒥᔅ ᐊᖑᑎᐊᓗᒃ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 19 ᐊᖑᑎᐊᓗᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᐅᖃᖅᑎᑦᓯᔩ, ᒫᓐᓇ ᐱᕕᖃᒃᑲᓐᓂᕈᒪᒋᕗᖓ ᐃᓇᑦᓱᒪᓪᓗᒋᑦ ᓴᓪᓕᕐᒥᐅᑕᑦ ᓇᐅᔮᕐᒥᐅᑦ ᑐᑦᓯᕋᕋᓱᖅᐸᓪᓗᑎᒃ ᑖᑦᓱᒧᖓ ᑐᓂᕐᕈᓯᐊᕐᒥᒃ. ᒥᓂᔅᑕᐅᔪᖅ ᐅᖃᕈᓐᓇᖅᐹ ᖃᑦᓯᑦ ᑐᓂᔭᐅᓯᒪᓕᖅᐸᑦ ᑐᑦᓯᕋᐅᑏᑦ? ᑐᕌᖓᔪᒧᑦ ᐃᓅᓱᑦᑐᓄᑦ ᐃᓐᓇᕐᓄᑦ ᑲᑎᒪᔨᐊᓛᖏᖕᓄᑦ ᑕᕝᕙᓂ ᐊᕐᕌᒍᕆᔭᑉᑎᒻᓂ 2025-2026? ᐊᒻᒪ ᐅᖃᕈᓐᓇᖅᐸ ᖃᑦᓯᑦ ᐊᖏᖅᑕᐅᓂᑰᓯᒪᓕᖅᐸᑦ? ᖁᔭᓐᓇᒦᒃ, ᐅᖃᖅᑎᑦᓯᔩ. ᐅᖃᖅᑎ: ᖁᔭᓐᓇᒦᒃ. ᐃᓕᖅᑯᓯᓕᕆᔨᒃᑯᑦ ᒥᓂᔅᑕᖓᑦ, ᒥᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᑖᓐᓇ ᐊᐱᖅᑯᑎᑦᑎᐊᕙᐅᓪᓗᓂ ᖁᔭᓐᓇᒦᒃ ᐊᐱᕆᖅᑰᕐᒪᑦ ᒪᓕᒐᓕᐅᖅᑎ. ᑭᐅᑦᑎᐊᕐᓂᐊᕋᒃᑯ ᒫᓐᓇ ᑭᐅᔪᓐᓇᙱᓚᐅᑲᖦᖢᒍ, ᐅᓪᓗᖅ ᐊᓯᐊᓂᒃ ᑭᐅᔪᓐᓇᖅᓯᓂᐊᖅᑕᕋ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᖁᔭᓐᓇᒦᒃ. ᒪᓕᒐᓕᐅᖅᑏ ᐅᑎᕐᕕᐅᓂᐊᕋᕕᑦ ᖃᐅᔨᒪᓂᐊᕋᕕᑦ. ᐅᖃᐅᓯᒃᑯᑦ ᐊᐱᖅᑯᑏᑦ. ᐅᖅᓱᖅᑑᑉ ᒪᓕᒐᓕᐅᖅᑎᖓ ᒥᔅᑕ ᐳᐊᑐ. ᐊᐱᖅᑯᑦ 48 – 7(1): ᓄᓇᓕᓐᓂ ᑐᖁᖓᔪᒃᑯᕕᖏᑦ (ᐳᐊᑐ) ᐳᐊᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᐊᐱᖅᑯᑎᒃᑲ ᐅᓪᓗᒥ ᓄᓇᓖᑦ ᓄᓇᓕᓐᓂ ᐱᔨᔅᓯᖅᑐᓕᕆᔨᒃᑯᓐᓄᑦ. ᒥᓂᔅᑕ ᐃᖅᑲᐅᒪᔪᒃᓴᐅᕗᖅ ᐅᖃᖅᑲᐅᒐᒪ ᓈᒻᒪᑦᑐᒥᒃ ᑐᖁᖓᔪᓕᕆᔨᕐᕕᒻᒥ ᐅᖅᓱᖅᑑᕐᒥ. ᒥᓂᔅᑕ ᐅᖃᕈᓐᓇᖅᐹ ᐅᓪᓗᒥ ᖃᓄᐃᓕᖓᓕᕐᒪᖔᑦ ᐅᖅᓱᖅᑑᕐᒥᐅᑦ ᖃᓄᐃᓕᖓᓕᕐᓂᖓᓄᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓄᓇᓕᓐᓂ ᐱᔨᑦᓯᖅᑏᑦ ᒥᓂᔅᑕᖓᑦ, ᒥᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᒃ ᐊᐱᕆᒻᒪᑦ, ᐊᐱᖅᑯᑎᖃᕐᒪᑦ ᐱᓕᕆᐊᕆᓯᒪᔭᑉᑎᒻᓂ ᐅᖅᓱᖅᑑᕐᒥ. ᑖᒃᑯᐊ ᓄᑖᕐᒥᒃ ᑐᖁᖓᔪᒃᑯᕕᖃᓕᖁᓪᓗᒍ ᓄᑖᙳᕆᐊᖅᑕᐅᔪᖅ ᓄᑖᙳᕆᐊᖅᑕᐅᓪᓗᓂᓘᓐᓃᑦ. ᐃᑉᐱᓇᖅᑑᒻᒪᑦ ᓄᓇᓕᑦᑎᓐᓂ ᐃᑉᐱᒋᑦᑎᐊᕈᒪᒐᑉᑎᒍᑦ ᐃᓅᒍᓐᓃᖅᑐᖁᑎᒋᕙᑦᑕᕗᑦ. ᐱᓕᕆᖃᑎᖃᑦᓴᐃᓐᓇᖅᐳᒍᑦ ᕼᐊᒻᓚᒃᑯᓐᓂ ᖃᓄᐃᓕᐅᕈᓐᓇᕐᓂᑦᑎᓐᓂᒃ. ᐊᑯᓂ ᐅᖃᐅᓯᐅᓕᖅᑑᒐᓗᐊᖅ. ᒫᓐᓇᐅᔪᖅ ᐅᖅᓱᖅᑑᕐᒥ ᖁᑦᓯᓂᖅᐹᒦᖃᑕᐅᔫᒐᓗᐊᖅ ᐱᓕᕆᐊᖑᔪᑦᓴᒥᒃ ᑐᖁᖓᔪᓕᕆᕝᕕᑦᓴᒧᑦ. ᑕᐃᒪᐃᓕᖓᑦᑕᖅᐳᖅ ᐅᕙᑦᑎᓐᓂᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓯᕗᓪᓕᖅᐹᒥᒃ ᐃᓚᒋᐊᕈᑏᑦ ᐊᐱᖅᑯᑎᒋᔭᐃᑦ, ᒥᔅᑕ ᐳᐊᑐ. ᐳᐊᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᑭᐅᒐᕕᑦ. ᐅᖅᓱᖅᑑᖅ ᑖᒃᑯᐊ ᓄᓇᓕᒻᒥ ᐸᕐᓇᐅᑎᐅᑦᓴᐃᓐᓇᕈᓐᓇᖅᑐᓕᒃ. ᐅᖃᖅᓯᒪᒻᒥᒻᒪᑦ ᐅᖃᖅᓱᒋᑦ ᐊᒃᑐᐊᔪᑦ ᑐᖁᖓᔪᓕᕆᕝᕕᒻᒧᑦ ᑐᐊᕕᕐᓇᖅᑐᖅ, ᐊᐅᓚᑕᐅᑦᓯᐊᓕᖁᓪᓗᒍ, ᑲᒪᒋᔭᐅᑦᓯᐊᓕᖁᑉᓗᒍ ᐃᓗᕕᖃᕐᕕᕗᑦ. ᓇᓗᓇᐃᖅᓯᒍᓐᓇᑐᑦᓴᐅᓕᕐᓗᑕᓘᓐᓃᑦ ᐃᓂᑦᓴᒥᒃ. ᒫᓐᓇᒃᑯ ᓄᓇᓖᑦ ᓇᒻᒥᓂᖅ ᐃᓗᕕᕐᕕᓐᓂᒃ ᐳᐊᕐᕆᔭᕆᐊᖃᖅᐸᓚᐅᖅᓯᒪᒻᒪᑕ. ᐃᓚᐅᙱᑦᓱᑎᑦ ᕼᐊᒻᓚᒃᑯᑦ ᑲᒪᙱᑦᓱᑎᒃ ᐃᓗᕕᖃᕐᕕᒻᒥᒃ. ᑲᑎᒪᔩᑦ ᐱᙳᖅᑎᑕᐅᕙᓪᓕᐊᕗᑦ ᐱᒃᑯᒋᔭᖃᑦᓯᐊᕈᒪᓪᓗᑎᑦ ᐃᓗᕕᖅᓯᓕᕆᓂᕐᒥᒃ ᑐᖁᖓᔪᓂᒃ ᑲᒪᕙᓐᓂᕐᒥᒃ. ᑕᒪᓐᓇ ᐱᒻᒪᕆᐅᕗᖅ ᖃᓄᐃᙱᑦᓯᐊᓂᖅᓴᖏᑕ ᓄᓇᓖᑦ. ᒥᓂᔅᑕ ᐅᖃᕈᓐᓇᖅᐹ ᖃᓄᐃᑦᑐᓂᒃ ᐃᑲᔪᖅᑐᐃᕈᑎᑦᓴᖃᖅᐹ ᕼᐊᒻᓚᐅᔪᓄᑦ ᐃᓗᕕᖃᕐᕕᓕᕆᓂᕐᒧᑦ? ᖁᔭᓐᓇᒦᒃ, ᐅᖃᖅᑏ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 20 ᐅᖃᖅᑎ: ᖁᔭᓐᓇᒦᒃ. ᓄᓇᓕᓐᓂ ᐱᔨᑦᓯᖅᑏᑦ ᒥᓂᔅᑕᖓᑦ, ᒥᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᒃ ᐊᐱᕆᒻᒪᑦ. ᓄᓇᓖᑦ ᐊᑐᓂ ᐊᑭᑐᔪᖅᑐᕈᑎᒃᓴᑦ ᐃᓗᐃᒃᑲᐃᑦ ᐊᑭᓕᖅᑕᐅᖃᑦᑕᖅᑐᑦ ᑕᐃᒃᑯᓂᖓ ᐊᑐ:ᕈᓐᓇᕋᔭᖅᑐᑦ. ᑕᐃᒃᑯᐊ ᐃᓗᕕᖃᕐᕖᑦ ᐸᖅᑭᑦᑎᐊᖁᓪᓗᒍ. ᑕᐃᒪᓐᓇ ᐋᖅᑭᒃᓯᒪᔪᓐᓇᖅᑐᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑎᒋᔭᐃᑦ, ᒥᔅᑕ ᐳᐊᑐ. ᐳᐊᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᒻᒪᓗ ᖁᔭᓐᓇᒦᒃ ᑭᐅᒐᕕᑦ. ᐅᖃᖅᑏ, ᓄᓇᕗᒻᒥᐅᑦ ᓄᓇᓕᖁᑎᖏᑦ ᓈᒪᔪᓂᒃ ᑐᖁᖓᔪᒃᑯᕕᖃᕆᐊᓖᑦ ᐊᒻᒪᓗ ᐃᖅᑲᐅᒪᔪᒃᓴᐅᕗᑎᑦ ᑕᐃᓐᓇ ᒥᓂᔅᑕᐅᓚᐅᖅᓯᒪᔫᑉ ᑎᑎᕋᖅᑕᖏᑦ ᒪᓕᒐᓕᐅᕐᕕᖕᒧᑦ ᓴᖅᑭᑕᐅᓚᐅᖅᓯᒪᖕᒪᑕ. ᑕᒪᓐᓇ ᐱᓪᓗᒍ. ᑕᐃᑲᓂ ᑎᑎᖅᑲᓂ ᐃᒪᐃᓕᖓᔪᖃᓚᐅᖅᑐᖅ: “ᒐᕙᒪᒃᑯᑦ ᐱᓕᕆᕝᕕᖏᑦ ᐃᖅᑲᓇᐃᔭᖃᑎᖃᑦᑎᐊᕐᓗᑎᒃ ᕼᐊᒻᓚᒃᑯᓐᓂ, ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᒃ, ᑮᓇᐅᔭᓕᕆᔨᒃᑯᓐᓂᒡᓗ ᐱᔾᔪᑎᒋᓗᒋᑦ ᖃᓄᖅ ᐊᐅᓚᑕᐅᓂᐊᕐᒪᖔᑦ ᑐᖁᖓᔪᒃᑯᕖᑦ. ᐊᒻᒪᓗ ᑲᒪᒋᔭᐅᑦᓯᐊᕐᓗᑎᑦ ᑕᐃᒃᑯᐊ ᑎᒦᑦ.” ᒥᓂᔅᑕᖃᐃ ᐅᓪᓗᒥ ᓇᓗᓇᐃᖅᓯᔪᓐᓇᖅᐹ ᑖᓐᓇ ᐃᖅᑲᓇᐃᔮᕆᔭᐅᔪᖅ ᖃᓄᐃᓕᖓᓕᕐᒪᖔᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓄᓇᓕᓐᓂ ᐱᔨᑦᓯᖅᑏᑦ ᒥᓂᔅᑕᖓᑦ, ᒥᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᐊᒻᒪᓗ ᖁᔭᓐᓇᒦᖅᖢᒍ ᑖᓐᓇ ᐊᐱᖅᑯᑎᒋᖕᒪᒍ. ᓄᓇᓕᖕᓂ ᐱᔨᑦᑎᖅᑏᑦ ᑕᒪᑐᒥᖓ ᐊᑕᐅᓯᐅᙱᑦᑐᓄᑦ ᐊᕐᕌᒍᓄᑦ ᐱᓕᕆᖃᓯᒪᓕᕐᒪᑕ. ᐊᒻᒪ ᑕᐃᓐᓇ ᒥᓂᔅᑕᐅᓚᐅᖅᓯᒪᔪᖅ ᑖᔅᓱᒥᖓ ᑲᒪᒋᔭᖃᖅᓯᒪᓕᖅᖢᓂ ᐊᕐᕌᒍᒐᓴᐅᓕᖅᑐᓄᑦ. ᑕᐃᒃᑯᐊ ᐃᓗᕕᖃᕐᕕᓕᒫᑦᑎᐊᑦ ᓄᓇᕗᒻᒥ ᕿᒥᕐᕈᓇᒍᒪᔭᕗᑦ. ᓱᑯᑦᑎᐊᓃᒻᒪᖔᓪᓗ ᓇᓗᓇᐃᕐᓗᒋᑦ. 2024- ᖑᑎᓪᓗᒍ ᐊᖏᖅᑕᐅᓚᐅᖅᓯᒪᔪᒍᑦ ᐱᖁᑎᕐᔪᐊᓕᕆᓂᕐᒧᑦ ᑲᓇᑕᒥ, ᑲᓇᑕᐅᑉ ᒐᕙᒪᒃᑯᖏᑦ. ᑖᓐᓇ ᑮᓇᐅᔭᖃᖅᑎᑕᐅᓗᑎᒃ ᐄ’, ᕿᒥᕐᕈᓇᒃᑕᐅᓂᐊᖅᑐᑦ ᑕᐃᒃᑯᐊ ᐃᓗᕕᖃᕐᕖᑦ ᓇᐅᒃᑯᑦ ᐱᐅᓯᒋᐊᒃᑲᓐᓂᕈᓐᓇᕐᓂᐊᕐᒪᑕ. ᐊᒻᒪᓗ ᑭᙴᒪᔭᐅᔪᑦ ᑕᒪᒃᑯᐊ ᐋᖅᑭᒋᐊᕐᓗᒋᑦ ᓄᓇᓕᖏᖕᓂ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐅᖃᐅᓯᒃᑯᑦ ᐊᐱᖅᑯᑏᑦ. ᒪᓕᒐᓕᐅᖅᑎ ᐸᖕᓂᖅᑑᕐᒧᑦ, ᒥᔅᑕ ᒪᐃᒃ. ᐊᐱᖅᑯᑦ 49 -7(1): ᖃᖓᑕᓲᒃᑯᕕᓐᓂ ᐱᖁᑎᕐᔪᐊᑦ (ᒪᐃᒃ) ᒪᐃᒃ: ᖁᔭᓐᓇᒦᒃ, ᐅᖃᑏ. ᑖᓐᓇ ᐊᐱᖅᑯᑎᒋᓂᐊᖅᑕᕋ ᐸᓐᓂᖅᑑᒥ ᒥᕝᕕᖓᑕ ᒥᔅᓵᓄᑦ. ᖃᖓᑕᓲᒃᑯᕖᑦ ᐱᖁᑎᕐᔪᐊᖏᑦ. ᑖᓐᓇ ᑐᕌᖅᑎᓐᓂᐊᖅᑕᕋ ᐃᖏᕐᕋᔪᓕᕆᔨᒃᑯᑦ ᒥᓂᔅᑕᖓᖕᓄᑦ ᐊᐱᖅᑯᑎᒋᓂᐊᖅᑕᕋ. ᑖᓐᓇ ᐱᔾᔪᑎᖃᖅᑐᖅ ᐸᓐᓂᖅᑑᑉ ᒥᕝᕕᖓᓂᒃ. ᑕᐃᒪ ᒥᓂᔅᑕ ᖃᐅᔨᒪᒻᒪᑦ ᑖᒃᑯᐊ ᓄᓇᕗᑦ ᒐᕙᒪᖏᑦ ᑐᓂᓯᓚᐅᖅᓯᒪᒻᒪᑕ ᖃᐅᔨᓴᕈᑎᒥᓂᕐᓂᒃ 2017-ᖑᑎᓪᓗᒍ ᑲᓇᑕᐅᑉ ᐃᖏᕐᕋᔪᓕᕆᔨᒃᑯᖏᖕᓄᑦ. ᑕᕝᕘᓇ ᑖᓐᓇ ᑮᓇᐅᔭᖃᖅᑎᑦᑎᔨᐅᖃᑦᑕᖅᑐᖅ, ᑕᐃᔭᐅᖃᑦᑕᖅᑐᖅ National Trade Corridor Fund ᑲᓇᑕᒥ ᑕᐅᖅᓰᓂᕐᒧᑦ ᐊᖅᑯᑎᖓ ᑮᓇᐅᔭᖃᕐᕕᖓ (ᑐᓵᔨᑎᒎᓕᖅᑐᖅ) ᑮᓇᐅᔭᖃᖅᑎᑕᐅᔪᓐᓇᕐᓂᐊᕐᒪᑕ ᓄᒃᑎᖅᑕᐅᓂᖓ ᐸᖕᓂᖅᑑᑉ ᑭᒻᒥᕉᓪᓗ ᒥᕝᕕᖏᑦ ᐊᓯᐊᓄᑦ ᓄᒃᑎᖅᑕᐅᔪᒪᓪᓗᑎᒃ. (ᑐᓵᔨᑎᒎᕈᓐᓃᖅᑐᖅ) ᖃᐅᔨᒪᒻᒥᔪᖅᑕᐅᖃᐃ ᑖᒃᑯᐊ ᓄᓇᕗᒻᒥ ᒥᕝᕖᑦ ᖃᐅᔨᓴᖅᑕᐅᖃᑦᑕᓲᖑᖕᒪᑕ ᑖᒃᑯᐊ ᖃᐅᔨᓴᕈᑎᒥᓂᖏᑦ ᓄᓇᕗᒻᒥ ᖃᖓᑕᓲᒃᑯᕖᑦ 20 ᐊᕐᕌᒍᓄᑦ ᐊᑭᑐᔫᑏᑦ ᑭᙴᒪᒋᔭᐅᔪᑦ ᖃᐅᔨᓵᖑᔪᑦ

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 21 ᑐᓴᖅᑎᑦᑎᒋᐊᕈᑏᑦ ᑕᕝᕗᖓ ᐃᓪᓘᑉ ᐃᓕᔭᐅᓚᐅᖅᓯᒪᔪᑦ, ᓴᖅᑭᖅᑎᑕᐅᓪᓗᑎᑦ ᒪᓕᒐᓕᐅᖅᑏᑦ ᑲᑎᒪᑎᓪᓗᒋᑦ ᒫᑦᓯᐅᑎᓪᓗᒍ 2023. ᑖᒃᑯᐊ ᐅᓂᒃᑳᖅᓯᒪᔪᑦ ᓇᓗᓇᐃᖅᓯᓯᒪᔪᑦ ᐃᒪᐃᓕᓯᒪᔪᑦ: (ᑐᓵᔨᑎᒎᓕᖅᑐᖅ) “ᒥᕝᕕᒃ ᑖᓐᓇ ᐊᖏᒡᓕᒋᐊᖅᑕᐅᔪᓐᓇᙱᑦᑐᑦ. ᓄᑖᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᑦ ᐱᓪᓗᒋᑦ. ᐊᒻᒪᓗ ᐅᓪᓗᒥᓯᐅᑕᐅᓕᕐᓗᓂ ᐊᐅᓪᓛᕐᓗ:ᒋᑦ.” (ᑐᓵᔨᑎᒎᕈᓐᓃᖅᑐᖅ) ᐃᓪᓗᓕᐅᕐᕕᔅᓴᒧᖅᑲᐃ ᐊᓯᖏᓐᓄᓪᓗ ᐊᑑᑎᖃᕈᓐᓇᖅᑐᖅ ᑖᓐᓇ ᒥᕝᕕᐅᔪᖅ ᒫᓐᓇ ᓅᑕᐅᒐᔭᕐᓂᖅᑲᑦ ᐊᓯᐊᓄᑦ. ᓄᓇᓖᑦ ᑖᓐᓇ ᐊᖏᓪᓕᕙᓪᓕᐊᓂᖓ ᒪᓕᓪᓗᒍ. ᒥᕝᕕᒃ ᑖᓐᓇ ᐃᒫᓄᑦ ᖃᓂᑦᑐᒻᒪᕆᑯᓘᒻᒪᑦ, ᐃᒪᐅᑉ ᑭᓪᓕᖓᑕ. ᑕᐃᒪ ᐊᑑᑎᖃᑦᑎᐊᕈᓐᓇᕋᔭᖅᑐᖅ ᓅᑕᐅᔪᓐᓇᕋᔭᕐᓂᖅᑲᑦ ᐃᓂᖓᓂ. ᖃᐅᔨᓴᕈᑎᒥᓃᑦ ᑕᕝᕙᙵ 2014−2017 (ᑐᓵᔨᑎᒎᓕᖅᑐᖅ) ᐊᑕᐅᓯᐅᙱᑦᑐᓂᒃ ᐱᔭᕇᖅᓯᓚᖅᑐᑦ MMM ᑲᑐᔾᔨᔩᑦ ᑎᒥᖓ Group Ltd. ᓄᑖᒥᒃ ᒥᕝᕕᓕᐅᕈᓐᓇᕐᓂᐊᕐᒪᑕ ᐸᓐᓂᖅᑑᒥ. ᑖᓐᓇ ᒥᓂᔅᑕ ᐅᓪᓗᒥ ᓇᓗᓇᐃᖅᓯᔪᓐᓇᖅᐹ ᐱᓕᕆᕕᐊ ᖃᓄᖅ ᐸᕐᓇᐅᓯᐅᖅᓯᒪᖕᒪᖔᑦ ᐸᖕᓂᖅᑑᑉ ᒥᕝᕕᖓ ᐊᓯᐊᓄᑦ ᓅᑕᐅᔪᓐᓇᖁᓪᓗᒍ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᑦ ᒥᓂᔅᑕᖓᑦ, ᒥᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᐄ’, ᖃᐅᔨᒪᓪᓗᖓ ᑖᓐᓇ ᐊᑕᐅᓯᐅᙱᑦᑐᓄᑦ ᐊᕐᕌᒍᓄᑦ ᐅᖃᐅᓯᐅᓯᒪᓕᕐᒪᑦ. ᐊᒻᒪ ᐊᒃᓱᕉᑎᒋᖃᑦᑕᖅᓯᒪᓪᓗᓂᐅᒃ ᑖᔅᓱᒪᑉ ᒪᓕᒐᓕᐅᖅᑎᐅᑉ. ᐊᒻᒪᓗ ᐅᖃᓪᓚᖃᑎᒋᓚᐅᖅᖢᒍ ᐅᓪᓛᖅ ᐱᓇᓱᐊᕈᓯᐅᓚᐅᖅᑐᒥᓗ. ᑕᒪᑐᒪᓂ ᐋᖅᑭᒃᓯᓯᒪᙱᑦᑐᒍᑦ ᓄᒃᑎᕈᑎᒃᓴᓂᒃ ᒥᕝᕕᒻᒥᒃ. ᑭᓯᐊᓂ ᑳᓐᑐᖃᒃᑦ−ᑖᖅᑎᑦᑎᓚᐅᖅᑐᒍᑦ ᑕᐃᓐᓇ ᒥᕝᕕᐅᑉ ᖄᖓ ᓴᓇᔭᐅᒃᑲᓐᓂᕈᓐᓇᕐᓂᐊᕐᒪᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓯᕗᓪᓕᖅᐹᒥᒃ ᐃᓚᒋᐊᕈᑏᑦ ᐊᐱᕆᒍᒃ, ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐅᖃᑏ. ᖁᔭᓐᓇᒦᒃ, ᒥᓂᔅᑕ. ᐃᓛᒃ, ᐊᐱᕆᒃᑲᓐᓂᕈᒪᓪᓗᒍ ᒥᓂᔅᑕ ᑖᓐᓇ ᒪᓕᒐᓕᐅᖅᑏᑦ ᐃᔅᓯᕙᑎᓪᓗᒋᑦ ᐊᖏᓚᐅᖅᓯᒪᒻᒪᑕ $512,000.00 ᐊᑭᑐᔫᑎᓄᑦ. ᐊᒻᒪᓗ ᑖᓐᓇ ᐅᖓᕙᕆᐊᖅᑕᐅᓯᒪᓪᓗᓂ ᑮᓇᐅᔭᖅ ᓇᓗᓇᐃᖅᑕᐅᓯᒪᔪᖅ ᑕᕝᕙᓂ 2019 ᒪᓕᒐᓕᐅᖅᑏᑦ ᐃᔅᓯᕚᖅᑎᓪᓗᒋᑦ. ᑖᓐᓇ ᐱᔾᔪᑎᒋᓪᓗᒍ ᐃᖅᑲᓇᐃᔮᙳᕋᔭᕐᓂᖓ ᓅᑕᐅᓂᕆᒐᔭᖅᑕᖓ ᐸᓐᓂᖅᑑᑉ ᒥᕝᕕᖓᑕ. (ᑐᓵᓕᔨᑎᒎᓕᖅᑐᖅ) ᓄᓇᕗᒻᒥᐅᑦ ᒥᕝᕕᖏᑦ ᐊᕐᕌᒍᓄᑦ ᐊᕙᑎᓄᑦ ᐊᑭᑐᔪᖅᑐᕈᑎᒃᓴᐃᑦ ᐅᖃᖅᓯᒪᖕᒪᑕ ᓇᓕᖅᑯᑎᖅᑕᐅᓯᒪᔪᑦ ᑮᓇᐅᔭᖅᑐᕈᑎᖏᑦ ᑕᒫᓂ $189 ᒥᓕᐊᓐ ᑮᓇᐅᔭᐅᓂᐊᕋᓱᒋᔭᐅᓚᐅᖅᑐᑦ. ᑖᓐᓇᖃᐃ ᒥᓂᔅᑕᕆᔭᐅᔪᖅ ᒫᓐᓇ ᐅᓪᓗᒥᓯᐅᒻᒥᒃ ᓇᓕᖅᑯᑕᖅᑕᐅᓯᒪᔪᓂᒃ ᐱᓯᒪᕙ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᑦ ᒥᓂᔅᑕᖓᑦ, ᒥᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐄ’. ᖁᔭᓐᓇᒦᒃ ᑕᒪᒃᑯᐊ ᐊᐱᖅᑯᑎᒋᒐᕕᒋᑦ. ᐅᓪᓗᒥᓯᐅᑎᓂᒃ ᓈᓴᐅᑎᓂᒃ ᐱᓯᒪᙱᖦᖢᖓ ᑕᐃᓐᓇ ᖃᐅᔨᓵᖑᔪᖅ ᐱᔭᕇᖅᑕᐅᖕᒪᑦ ᕿᒥᕐᕈᓇᒍᓐᓇᖅᓯᓚᐅᖅᑕᕗᑦ ᑮᓇᐅᔭᖅᑐᕈᑎᒃᓴᖏᑦ ᒪᑯᓄᖓᓗ ᐱᓕᕆᐊᖑᔭᕆᐊᓕᖕᓂᒃ ᐋᖅᑭᒃᓱᖅᖢᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑏᑦ, ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᑯᐊ ᒪᓕᒃᑲᒃᑭᑦ 2020-2024−ᒧᑦ ᑎᑭᐅᒪᓪᓗᑎᑦ ᓄᓇᕗᒻᒥ ᒥᕝᕕᐅᔪᑦ ᖃᐅᔨᓴᖅᑕᐅᓯᒪᓂᖏᑦ ᒪᓕᑦᑐᒋᑦ. ᑖᒃᑯᐊ ᐅᖃᖅᓯᒪᐃᓐᓇᓲᖑᓯᒪᒐᓗᐊᕐᖓᑦ ᑖᒃᑯᐊ ᖃᐅᔨᓴᕈᑎᒥᓃᑦ ᒪᓕᑦᑐᒋᑦ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 22 2014-ᖑᑎᓪᓗᒍ ᑖᒃᑯᐊ ᖃᐅᔨᓴᕈᑎᒥᓃᑦ ᒪᓕᑦᑐᒋᑦ ᑭᒻᒥᕈᓪᓗ ᒥᕝᕕᖓ, ᐸᓐᓂᖅᑑᕐᓗ ᒥᕝᕕᖓ ᓇᓗᓇᐃᖅᑕᐅᔪᒥᓃᑦ ᓅᒍᓐᓇᖅᓯᒍᓐᓇᕐᓂᕐᒧᑦ ᐊᓯᐊᓄᑦ. (ᑐᓵᔨᑎᒎᓕᖅᑐᖅ) ᑖᒃᑯᐊᒃ ᒪᕐᕉᒃ ᓇᓗᓇᐃᖅᑕᐅᓚᐅᖅᑑᒃ ᐊᓯᐊᓄᑦ ᓅᔪᓐᓇᖁᓪᓗᒋᒃ. ᑖᓐᓇ 2014- ᒥᐅᓚᐅᖅᓯᒪᔪᖅ ᖃᐅᔨᓵᖑᓚᐅᖅᖢᓂ. (ᑐᓵᔨᑎᒎᕈᓐᓃᖅᑐᖅ) ᐱᔭᕇᖅᑕᐅᑎᓪᓗᒋᑦ ᖃᐅᔨᓴᖅᑕᐅᓂᒥᓃᑦ. ᐄ’, ᑖᓐᓇ ᐊᐱᕆᒃᑲᓐᓂᕈᒪᓪᓗᒍ ᒥᓂᔅᑕ ᐱᓇᓱᐊᕈᓯᐅᓚᐅᖅᑐᒥ ᑲᓇᑕᐅᑉ ᒐᕙᒪᒃᑯᖏᑦ ᐅᑭᐅᖅᑕᖅᑐᒧᑦ ᓇᓗᓇᐃᖅᓯᓚᐅᕐᖓᑕ ᑮᓇᐅᔭᓂᒃ ᐊᑐᕐᓂᐊᖅᑐᓂᑦ ᑕᒪᔅᓱᒧᖓ ᓄᑖᕐᒧᑦ ᐅᑭᐅᖅᑕᖅᑐᒧᑦ ᐊᑭᑐᔫᑎᓄᑦ ᑮᓇᐅᔭᖃᖅᑎᑦᑎᓂᐅᓂᐊᖅᑐᒧᑦ, ᑖᓐᓇ ᐃᓚᖃᓚᐅᕐᖓᑦ ᓄᑖᙳᖅᑎᑕᐅᓂᐊᕐᓂᖓ ᑲᖏᖅᓯᓂᕐᒥ ᒥᕝᕕᐅᔪᖅ. (ᑐᓵᔨᑎᒎᓕᖅᑐᖅ) ᑖᓐᓇᖃᐃ ᒥᓂᔅᑕᕆᔭᐅᔪᖅ ᓄᑖᕐᓂᒃ ᑐᒃᓯᕋᐅᑎᓂᒃ ᑐᓐᓂᖅᑯᑎᖃᕐᓂᐊᖅᐸ ᑲᓇᑕᐅᑉ ᒐᕙᒪᒃᑯᖏᓐᓄᑦ, ᓄᒃᑎᖅᑕᐅᔪᓐᓇᖁᓪᓗᒋᑦ ᐸᓐᓂᖅᑑᑉ ᐊᒻᒪᓗ ᑭᒻᒥᕉᑉ ᒥᕝᕕᖏᒃ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᑦ ᒥᓂᔅᑕᖓᑦ, ᒥᓂᔅᑕ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑕᐃᑦᓱᒪᓂ ᑭᖑᓪᓕᕐᒥᒃ ᖃᐅᔨᓴᐅᑏᑦ ᐱᔭᕇᓚᐅᖅᑐᑦ. 12 ᐊᕐᕌᒍᑦ ᐊᓂᒍᖅᓯᒪᓕᕇᖅᑐᑦ. ᐱᓕᕆᕕᒃᐳᑦ ᑕᒪᑐᒪᓂ ᐊᕐᕌᒍᒥᒃ 2026-2027-ᒥ ᖃᐅᔨᒪᔨᑕᕐᒥᒃ ᕿᒥᕐᕈᓇᑦᑎᑦᑎᓂᐊᖅᑐᒍᑦ ᑖᒃᑯᓂᖓ ᐸᐃᑉᐹᕐᓂᒃ ᓇᓗᓇᐃᖅᑲᐅᔭᕐᓂᒃ. ᖃᓄᐃᓕᐅᕈᓐᓇᕐᒪᖔᑦ ᖃᓄᐃᓕᐅᕈᓐᓇᖏᒻᒪᖔᓪᓗ ᑕᒪᒃᑯᓂᖓ ᕿᒥᕐᕈᓇᖕᓂᐊᖅᑐᒍᑦ. ᑐᑭᓯᒃᑲᓐᓂᐅᑎᒃᓴᓪᓗ ᑕᒪᒃᑯᐊᖑᓂᐊᕐᒪᑕ, ᐅᑯᐊ ᒥᓂᔅᑕᐅᖃᑎᒃᑲ ᐱᖃᑎᒋᓗᒋᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐅᖃᐅᓯᐅᒃᑯᑦ ᐊᐱᖅᑯᑏᑦ, ᑲᖏᖅᓯᓂᐅᑉ ᐅᐊᓐᓇᖓᓄᑦ ᐃᒡᓗᓕᒑᕐᔪᒻᒧᑦ ᒪᓕᒐᓕᐅᖅᑎ, ᒥᔅᑕ ᓴᒻᒧᖅᑐᖅ. ᐊᐱᖅᑯᑦ 50 – 7(1): ᖃᖓᑕᓲᒃᑯᕕᓐ ᐱᖁᑎᕐᔪᐊᑦ (ᓴᒻᒧᖅᑐᖅ) ᓴᒻᒧᖅᑐᖅ: ᖁᔭᓐᓇᒦᒃ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᐅᑯᐊ ᐊᐱᖅᑯᑎᒋᓂᐊᖅᑕᒃᑲ ᐃᖏᕐᕋᔾᔪᑎᓕᕆᓂᕐᒧᑦ ᐱᖁᑎᕐᔪᐊᓕᕆᓂᕐᒧᓪᓗ ᒥᓂᔅᑕᕆᔭᐅᔪᒧᑦ. ᓯᕗᓪᓕᕐᒥᒃ ᖁᔭᓐᓇᒦᕈᒪᔭᕋ ᑖᓐᓇ ᒥᓂᔅᑕ, ᐱᓇᓱᐊᕈᓯᐅᓚᐅᖅᑐᒥᒃ ᒪᓕᒐᓕᐅᕐᕕᐅᑉ ᐃᓗᐊᓂᒃ ᓇᓗᓇᐃᖅᓯᓚᐅᕐᒪᑦ ᑲᖏᖅᖠᓂᐅᒡᒎᖅ ᐅᑕᖅᑭᕕᖓ ᒪᑐᐃᖅᑕᐅᓂᐊᓕᖅᑐᖅ. ᒥᓂᔅᑕ ᖃᐅᔨᒪᔪᒃᓴᐅᔪᖅ ᑲᓇᑕᐅᑉ ᒐᕙᒪᒃᑯᖏᑦ ᐱᓇᓱᐊᕈᓯᐅᓚᐅᖅᑐᒥ ᓇᓗᓇᐃᖅᓯᓚᐅᕐᒪᑕ, ᐅᑭᐅᖅᑕᖅᑐᒥ ᐊᑦᑕᕐᓇᕐᔭᐃᖅᓯᒪᓂᕐᒧᑦ ᑐᕌᖓᔪᑦ ᐱᖁᑎᕐᔪᐊᑦ ᑮᓇᐅᔭᓕᖅᑕᐅᓗᑎᒃ ᐃᓚᓕᐅᓪᓗᒍ ᑲᖏᖅᖠᓂᐅᑉ ᐅᑕᖅᑭᕕᐊ ᓄᑖᙳᕆᐊᖅᑕᐅᓗᒍ. ᐊᒻᒪᓗ ᐃᒪᐃᓕᓚᐅᖅᓯᒪᔪᑦ “ᑐᒡᓕᐊᓂ ᓄᑖᙳᕆᐊᖅᑎᑦᑎᓂᖅ ᑕᐃᓐᓇ ᒥᕝᕕᐅᑉ ᖄᖓ ᓴᓇᔭᐅᒃᑲᓐᓂᕐᓗᓂ ᑮᓇᐅᔭᖃᖅᑎᑕᐅᓗᑎᒃ ᐅᑯᐃᖅᑕᖅᑐᒥ ᐱᖁᑎᕐᔪᐊᑉ ᑮᓇᐅᔭᖁᑎᖏᑦ ᐊᑐᕐᓗᒋᑦ, ᓄᑖᙳᕆᐊᖅᑎᑕᐅᒃᐸᑦ ᑖᒃᑯᐊ ᐅᓇᑕᖅᑐᒃᓴᐃᑦ ᐱᓕᕆᕝᕕᐊᓄᑦ ᐃᑲᔫᑕᐅᓪᓚᕆᒍᓐᓇᖅᑐᖅ.” ᑖᓐᓇ ᑐᑦᑕᕐᕕᓪᓚᕆᐅᖃᑦᑕᕐᒪᑦ ᒥᕝᕕᒃ ᑭᕙᓪᓕᕐᒥᑦ. ᐅᖃᖅᑏ, ᑖᓐᓇ ᐱᕐᔪᐊᖑᔪᖅ ᐱᓕᕆᐊᖑᔪᒪᔪᖅ, ᒥᓂᔅᑕᖃᐃ ᓇᓗᓇᐃᖅᓯᔪᓐᓇᖅᐹ ᑖᓐᓇ ᐃᖅᑲᓇᐃᔮᖑᑉᐸᑦ ᖃᖓ ᐱᔭᕇᖅᑕᐅᕝᕕᖃᕐᓂᐊᕐᒪᖔᑦ. ᐊᒻᒪᓘᓐᓃᑦ ᓂᕈᐊᖅᓯᕐᓂᐊᕐᒪᖔᑦ ᑳᓐᑐᕌᒃᑦ−ᑎᐅᓂᐊᖅᑐᒥᒃ, ᑕᒪᓐᓇ ᐱᒋᐊᖅᑎᑕᐅᓂᐊᖅᑎᓪᓗᒍ ᐱᓕᕆᕕᐊᓄᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᑦ ᒥᓂᔅᑕᖓᑦ, ᒥᔅᑕ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐄ’, ᐅᑯᐊ ᑕᕝᕙ ᑎᒍᒥᐊᖅᐸᒃᑲ ᑲᓇᑕᐅᑉ ᒐᕙᒪᒃᑯᖏᓐᓄᑦ ᑮᓇᐅᔭᑦ ᑐᒃᓯᕌᕆᔭᐅᔪᓐᓇᖅᑐᑦ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 23 ᑕᒪᓐᓇ ᐱᒋᐊᓕᑕᐃᓐᓇᖅᑕᕗᑦ ᖃᓄᕐᓗ ᑕᐃᒃᑯᐊ ᑐᒃᓯᕋᐅᓯᐅᖅᑐᑦ ᑲᒪᒋᔭᐅᓂᐊᕐᒪᖔᑦ. ᐱᖁᑎᕐᔪᐊᓕᕆᓂᕐᒧᑦ ᒥᓂᔅᑕᕆᔭᐅᔪᖅ ᑕᒫᓃᒻᒪᑦ, ᐅᖃᓪᓚᖃᑎᒋᓚᐅᖅᑐᒍ ᐅᓪᓛᖅ. ᐄ’, ᐱᕐᔪᐊᖑᔪᑦ ᑕᒪᒃᑯᓂᖓ ᑲᑐᔾᔨᖃᑎᒌᓐᓂᒃᑰᕈᑎᒋᔭᐅᓂᐊᖅᑐᑦ ᐱᓪᓗᒋᑦ, ᖃᓄᖅᑑᕈᑎᒋᔭᕆᐊᖃᕐᓂᐊᖅᑕᕗᑦ ᖃᓄᖅ ᐱᓕᕆᐊᖑᔪᖅ ᑲᒪᒋᔭᐅᓂᐊᕐᒪᖔᖅ. ᑕᐃᒪ ᐱᕕᖃᖅᑎᑕᐅᒐᑦᑕ ᑕᒪᓐᓇ ᐊᑐᕈᒪᔭᕗᑦ ᑭᓯᐊᓂᑦᑕᐅᖅ ᑕᐃᒃᑯᐊ ᐊᖅᑯᑎᒋᔭᐅᓲᑦ ᑐᒃᓯᕋᐅᓯᐅᕐᓂᖅ ᐱᓪᓗᒍ, ᑕᒪᒃᑯᐊ ᐱᕙᓪᓕᐊᓕᑕᐃᓐᓇᖅᑕᕗᑦ ᐸᕐᓇᐃᕙᓪᓕᐊᓕᖅᖢᑕᓗ, ᐋᖅᑭᑦᑎᐊᖅᓯᒪᒍᒪᒐᑦᑕ ᐸᕐᓇᐃᓂᖅ ᑕᒪᑐᒪᓂ ᐊᕐᕌᒍᒥ ᐱᔭᕇᖅᑕᐅᓂᐊᖅᑐᖅ ᐊᒻᒪᓗ 2027-ᒥ ᑕᒪᓐᓇ ᐱᒋᐊᖅᑎᑦᑐᒪᔭᕗᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓪᓕᖅᐹᖅ ᐊᐱᖅᑯᑎᕕᑦ ᐃᓚᒋᐊᕈᑎᖓ, ᒥᔅᑕ ᓴᒻᒧᖅᑐᖅ. ᓴᒻᒧᖅᑐᖅ: ᖁᔭᓐᓇᒦᒃ, ᐅᖃᖅᑏ. (ᑐᓵᔨᑎᒎᓕᖅᑐᖅ) ᐊᒻᒪᓗ ᖁᔭᓐᓇᒦᖅᑐᒍ ᒥᓂᔅᑕ ᑭᐅᒻᒪᑦ. ᐱᓇᓱᐊᕈᓯᐅᓚᐅᖅᑐᒥ ᑲᓇᑕᐅᑉ ᒐᕙᒪᒃᑯᑦ ᐃᒪᓐᓇ ᐅᖃᓚᐅᖅᑐᑦ, “ᐅᑭᐅᖅᑕᖅᑐᒥ ᐃᑲᔪᖅᓲᑏᑦ ᑐᖏᓕᕆᔭᐅᓪᓗᑎᒃ ᐱᓕᕆᐊᕆᔭᐅᓕᖅᑐᑦ ᓯᕗᒧᐊᒍᑎᒋᔭᐅᕙᓪᓕᐊᒍᓐᓇᕐᓂᐊᕐᒪᑦ. ᐅᓪᓗᒥ ᒪᕐᕉᒃ ᓇᓗᓇᐃᖅᑕᐅᓚᐅᖅᑐᑦ ᐃᖃᓗᒃᑑᑦᓯᐊᕐᒥᒃ, ᑲᖏᖅᓯᓂᕐᒥᓗ. ᑖᒃᑯᐊ ᒥᑭᓐᓂᖅᓴᐃᑦ ᑲᓇᑕᒥ ᐅᓇᑕᖅᑐᒃᓴᓄᑦ ᐃᑲᔫᑕᐅᒍᓐᓇᕐᓂᐊᖅᑐᑦ ᐊᒻᒪᓗ ᐅᐸᒐᕐᓂᙱᑦᑐᒥ ᐅᑭᐅᖅᑕᖅᑐᒦᑦᑐᒥ ᒥᑦᑐᓐᓇᖃᑦᑕᕐᓂᐊᖅᖢᑎᒃ ᐊᒻᒪᓗ ᑖᒃᑯᐊ ᑐᑦᑕᕐᕕᓪᓗᐊᕆᔭᐅᔪᓄᑦ ᐃᑲᔪᖅᓲᑕᐅᓂᐊᖅᑐᑦ ᑭᓯᐊᓂ ᒥᑭᓐᓂᖅᓴᐅᓗᑎᒃ. ᑲᓇᑕᒥ ᐅᓇᑕᖅᑐᒃᓴᐃᑦ ᑕᒪᒃᑯᓄᖓ ᒥᑦᑐᓐᓇᖃᑦᑕᕐᓂᐊᖅᑐᑦ ᒪᑯᐊᓗ ᖃᖓᑕᓲᖏᖕᓄᑦ ᐊᑐᖅᑕᐅᔪᓐᓇᕐᓂᐊᖅᖢᑎᒃ.” ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᑕᐃᓐᓇ ᑲᖏᖅᖠᓂᕐᒥᒃ ᒥᕝᕕᒃ ᐊᖏᒡᓕᒋᐊᖅᑕᐅᒃᑲᓐᓂᕆᐊᖃᕐᓂᐊᕐᒪᖔᖅ ᓄᑖᙳᕆᐊᖅᑎᑕᐅᒃᑲᓐᓂᕐᓂᐊᕐᒪᖔᓪᓗ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒥᓂᔅᑕ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᑕᒪᒃᑯᐊ ᑐᓴᖅᑕᐅᑎᑦᑎᔾᔪᑕᐅᓚᐅᖅᑐᓂᓛᒃ ᓄᑖᖑᕕᐅᑎᒻᒪᑕ ᓱᓕ. ᑐᑭᓯᒐᓱᐊᕋᑦᑕ ᓱᓕ ᖃᓄᓪᓚᑦᑖᖅ ᐊᑐᕋᔅᓴᐅᓂᐊᕐᒪᖔᑕ, ᖃᑦᑎᓂᓪᓗ ᐃᖅᑲᓇᐃᔮᕐᓂᒃ ᓴᖅᑭᖅᑎᕆᓂᐊᕐᒪᖔᑕ ᓄᓇᓕᓐᓄᑦ. ᑕᐃᒃᑯᐊ ᐅᓇᓕᒃᑯᕕᐅᒐᔭᖅᑐᐃᑦ. ᒫᓐᓇ ᑭᐅᔪᓐᓇᙱᑲᓚᐅᖅᑕᕋ ᐊᐱᖅᑯᑎᖓ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑎᒋᔭᕕᑦ ᐃᓚᒋᐊᕈᑎᖓ, ᒥᔅᑕ ᓴᒻᒧᖅᑐᖅ. ᓴᒻᒧᖅᑐᖅ: ᖁᔭᓐᓇᒦᒃ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᐅᑎᕐᕕᖃᕈᒪᒐᒪ ᐃᓱᒫᓗᓇᖅᑐᒥᒃ ᓴᖅᑭᓚᐅᖅᑕᖕᓂᒃ ᒪᓕᒐᕝᓕᐅᕐᕕᐅᕋᑖᔪᔪᒥ. ᐅᖃᖅᑏ, ᖃᐅᔨᒪᒐᕕᑦ ᐊᒥᓱᑦ ᒐᕙᒪᒃᑯᑦ ᐃᓪᓗᖁᑎᖏᑦ ᓄᓇᕗᒻᒥ ᐊᑦᑎᖅᑕᐅᖃᑦᑕᖅᓯᒪᒻᒪᑕ ᐃᓕᓴᕆᔭᐅᒍᒪᓯᒪᔪᓄᑦ ᐃᓄᓐᓄᑦ ᓄᓇᕗᒻᒥᐅᓄᓪᓗ. ᐆᑦᑑᑎᑦᑎᐊᕚᓘᔪᖅ ᐱᑦᓯᐅᓛᖅ, ᐲᑕ ᐱᑦᓯᐅᓛᖅ ᐃᓕᓐᓂᐊᕐᕕᖓ ᑭᙵᕐᓂ. ᒥᓂᔅᑕ ᑕᐃᒪ ᖃᐅᔨᒪᒻᒪᑦ ᐊᒥᓱᐊᓗᐃᑦ ᒥᕝᕖᑦ ᑲᓇᑕᒥ ᐊᑦᑎᖅᑕᐅᓯᒪᒻᒪᑕ ᓯᕗᓕᖅᑎᕐᔪᐊᖑᓂᑰᔪᓄᑦ ᐊᓯᖏᓐᓄᓪᓗ ᓯᕗᓕᖅᑎᐅᔪᓄᑦ. ᑭᓯᐊᓂᓕ ᖃᑦᑏᓐᓇᕕᔾᔪᐊᑯᓗᐃᑦ ᐱᑕᖃᖅᑲᓂᓛᒃ ᒥᕝᕖᑦ ᓄᓇᕗᒻᒥ ᐊᑦᑎᖅᑕᐅᓯᒪᙱᒻᒪᑕ. ᒥᓂᔅᑕ ᐊᖏᕈᓐᓇᖅᑳ ᐱᓕᕆᕕᖓ, ᑕᖅᑲᐅᖓ ᑐᓴᕆᐊᕈᓐᓇᕐᓂᐊᕐᓗᓂ ᓂᕈᐊᕋᔅᓴᓂᒃ ᓄᐊᑦᑎᓗᑎᒃ ᓄᓇᕗᒻᒥᐅᓂᑦ, ᐊᑎᕆᔭᐅᖁᔭᖏᓐᓂᑦ ᓈᒻᒪᑦᑐᓂᑦ ᓄᓇᕘᑉ ᒥᕝᕕᖏᓐᓄᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᑦ ᒥᓂᔅᑕᖓ, ᒥᔅᑕ Hᐃᒃᔅ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 24 ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐄ’, ᑕᑯᕙᑦᑐᖓ ᐊᔾᔨᒌᙱᑦᑐᓂᑦ ᑲᓇᑕᒥ ᓯᓚᕐᔪᐊᕐᒥᓗ ᐊᑦᑎᖅᑕᐅᓯᒪᔪᓂᑦ ᐅᐊᑦᑎᐊᕈ ᑕᒫᓂ ᑕᒫᓂᒥᐅᑕᐅᖃᑦᑕᖅᑐᒥᓂᕐᓃᑦ. ᐃᓱᒪᒋᓪᓚᕆᓚᐅᖅᓯᒪᙱᓇᒃᑯᒃ ᑭᓯᐊᓂ, ᑭᓯᐊᓂ ᑎᒍᔪᓐᓇᖅᑕᕋ ᐃᓱᒪᔅᓴᖅᓯᐅᕈᑎᒋᓂᐊᕐᓂᕋᕐᓗᒍᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᖁᑦᑎᑦᑐᕐᒧᑦ ᒪᓕᒐᓕᐅᖅᑎ, ᒥᔅᑕ ᑕᖅᑐ. ᐊᐱᖅᑯᑦ 51 – 7(1): ᐅᑭᐅᖅᑕᖅᑐᒥ ᓴᐳᑎᓯᒪᓂᖅ (ᑕᖅᑐ) ᑕᖅᑐ: ᖁᔭᓐᓇᒦᒃ, ᐅᖃᖅᑏ. (ᑐᓵᔨᑎᒎᓕᖅᑐᖅ) ᐊᐱᖅᑯᑎᒃᑲ ᑐᕌᖓᙳᓱᑦᑐᐃᑦ ᓯᕗᓕᖅᑎᖓᓄᑦ ᓄᓇᕗᑦ. ᓯᕗᓕᖅᑎ ᖃᐅᔨᒪᒻᒪᑦ ᑲᓇᑕᐅᑉ ᐊᖏᔪᖅᑳᒻᒪᕆᖓ ᑐᓴᖅᑕᐅᑎᑦᑎᓚᐅᕐᖓᑦ ᐊᖏᔪᐊᓗᒻᒥᒃ ᐱᔾᔪᑎᖃᖅᑐᒥ ᐅᑭᐅᖅᑕᖅᑐᒥ ᓇᒻᒥᓂᖃᕐᓂᕐᒥᒃ. ᑲᓇᑕᒥ ᓯᕗᓕᖅᑎᕐᔪᐊᑉ ᐅᖃᐅᓯᖓ ᐃᒪᐃᓕᓚᐅᕐᖓᑦ ᐅᖃᓕᒫᕐᓗᒋᑦ “ᐅᑭᐅᖅᑕᖅᑐᒥᒃ ᐃᑲᔪᖅᓰᓂᖅ ᐅᓇᓕᖃᕐᕕᐅᔪᓄᑦ ᓴᙱᓕᖅᑎᑦᑎᒋᐊᕐᓂᐅᒐᓱᑉᐳᖅ ᐅᓇᑕᖅᑐᔅᓴᓂᑦ ᐅᑯᐃᖅᑕᖅᑐᒥ ᓴᖅᑭᔮᕐᓂᕆᔭᖏᓐᓂᒃ” ᑖᓐᓇ ᑲᓱᖅᓯᒪᔪᕈᓘᔭᐃᑦ ᐊᔾᔨᒌᙱᑦᑐᐃᑦ ᐃᑲᔪᖅᓰᖃᑎᒌᑦᑐᐃᑦ, ᑲᓇᑕᒥ ᐅᓇᓕᒃᑯᑦ ᓴᖅᑭᔮᕐᓂᖅᓴᐅᒍᓐᓇᕐᓂᐊᕐᖓᑕ ᐅᐸᒋᐊᑦᑕᐅᑎᒋᓂᖅᓴᐅᒍᓐᓇᕐᓗᑎᓗ ᐅᑭᐅᖅᑕᖅᑐᒥ. ᑕᒪᐅᓇ ᐱᑕᖃᖅᑎᑦᑎᓂᒃᑯᑦ ᐱᖁᑎᕐᔪᐊᕐᓂᒃ ᐃᖏᕐᕋᔾᔪᑎᓂᓪᓗ, ᐃᑲᔪᖅᓰᒍᑎᓂᑦ. ᐊᒻᒪ ᐃᓯᕋᔅᓴᐅᓂᖅᓴᐅᓕᕐᓗᑎᒃ ᐊᒻᒪ ᑎᑭᑎᑕᐅᔭᕆᐊᓖᑦ ᐱᔭᕆᐊᑭᓐᓂᖅᓴᒃᑯᑦ ᑎᑭᑎᑕᐅᖃᑦᑕᕐᓗᑎᑦ ᐊᕐᕌᒍᓕᒫᕐᓗ ᐊᐅᓚᒍᓐᓇᕐᓗᑎᒃ. ᐅᓪᓗᒥ ᒪᕐᕉᓐᓂᒃ ᑐᑦᑕᕐᕖᓐᓂᒃ ᓴᖅᑭᖅᑕᐅᔪᖃᙳᓱᒻᒪᒡᒎᖅ, ᕙᐃᑦᕼᐅᐊᔅ-ᒥ ᐊᒻᒪᓗ ᖃᐅᓱᐃᑦᑐᒥ. ᑕᒪᒃᑯᐊ ᐃᓚᖃᕐᓂᐊᖅᑐᐃᑦ ᒥᕝᕕᓐᓂ, ᓂᐅᕋᐃᕕᓐᓂ, ᓱᓇᒃᑯᑖᓂ, ᑕᐃᒫᒎᖅ ᕿᓚᒻᒥᐅᓂᖅᓴᖅ ᐅᐸᒋᐊᖃᑦᑕᕈᓐᓇᓂᐊᕐᖓᑕ ᐸᖅᓴᐃᒋᐊᖃᓕᕋᐃᑉᐸᑕ ᓄᓇᒥᓘᓐᓃᑦ ᐱᕐᕈᓗᐊᕿᔪᖃᕐᓂᕋᐃᑉᐸᑦ ᐊᔾᔨᒌᙱᑦᑐᕈᓘᔭᕐᓂᒃ. ᐅᖃᖅᑏ, ᑖᓐᓇ ᐱᒻᒪᕆᐊᓗᒃ ᖃᐅᓱᐃᑦᑐᕐᒥᐅᓄᑦ ᑐᓴᖅᑕᐅᒋᐊᖓ. ᓯᕗᓕᖅᑎ ᓇᓗᓇᐃᖅᓯᒍᓐᓇᖅᑳ ᖃᓄᐃᓕᐅᖃᑎᖃᖅᓯᒪᒻᒪᖔᑦ ᑲᓇᑕᐅᑉ ᐊᖓᔪᖅᑳᒻᒪᕆᒋᔭᖓᓂ ᐋᑐᕚᒥ ᑲᑎᒪᕋᑖᕐᓂᕆᓚᐅᖅᑕᖏᓐᓂ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓄᓇᕗᒻᒧᑦ ᓯᕗᓕᖅᑎ, ᒥᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔨ ᐊᒻᒪᓗ ᒪ’ᓈᖅᖢᒍ ᐊᐱᖅᓱᖅᑐᖅ ᒪᓕᒐᓕᐅᖅᑎᐅᖃᑎᒐ. (ᑐᓵᔨᑎᒎᓕᖅᑐᖅ) ᐊᐅᓚᑕᐅᔪᓂᒃ ᐃᑲᔪᖅᓰᓂᐊᕐᓂᕋᖅᑐᑎᒃ ᑐᓴᖅᑕᐅᑎᑦᑎᕋᑖᑦᑎᐊᔪᒻᒪᑕ ᐅᖃᐅᓯᕆᒍᓐᓇᖅᓯᓚᐅᙱᓐᓇᑦᑎᒍᑦ ᓱᓕ ᑲᓇᑕᐅᑉ ᐊᖓᔪᖅᑳᒻᒪᕆᖓᓄᑦ. ᐅᖃᐅᓯᕆᑐᐃᓐᓇᖔᕐᓗᒍᓕ ᐅᐊᑦᑎᔭᐅᒋᐊᖃᕐᓂᖓ ᓇᒻᒥᓂᕆᔭᐅᔮᕆᐊᖃᕐᓂᖓ ᐅᑭᐅᖅᑕᖅᑐᖅ. ᑕᐃᓐᓇ ᑲᓇᑕᐅᑉ ᓯᕗᓕᖅᑎᖓ ᐅᖃᓕᖅᑭᑦᑖᖏᓐᓇᖃᑦᑕᖅᓯᒪᔪᖅ ᓴᙱᑉᐸᑕ ᓄᓇᓖᑦ ᐅᐊᑦᑎᑦᑎᐊᕈᓐᓇᖅᑐᐃᑦ ᓇᒻᒥᓂᖃᑦᑎᐊᕐᓗᑎᒃ ᐅᑭᐅᖅᑕᖅᑐᒥ. ᑕᒪᒃᑯᓂᖓᑐᐊᖅ ᐱᔾᔪᑎᖃᙱᒻᒪᑦ, ᒥᕝᕕᓐᓂᒃ, ᖃᖓᑕᓲᓂᒃ, ᐅᒥᐊᕐᔪᐊᓂᓪᓗ ᐃᓄᓐᓂᖔᖅ ᐱᔾᔪᑎᖃᕐᓂᖅᓴᐅᒻᒪᑦ. ᑕᑯᓐᓈᖅᑐᒍ ᖃᐅᓱᐃᑦᑐᖅ ᓄᓇᓕᖓ, ᑕᐃᒪᐃᖁᔨᓪᓚᕆᒃᑲᓗᐊᖅᑐᒍᑦ ᐅᓇᑕᖅᑐᓴᒃᑯᑦ ᑐᓴᖅᑕᐅᑎᑦᑎᒐᐃᑉᐸᑕ ᐃᓕᐅᖅᑲᐃᓂᐊᕐᓂᕋᕐᓗᑎᒃ ᐱᕕᖃᖅᑎᑦᑎᒃᑲᓐᓂᖃᑦᑕᖅᑲᑕ ᖃᐅᓱᐃᑦᑐᕐᒥᐅᓂᒃ ᓄᓇᖃᖅᑐᓂ ᐃᓄᓐᓂᒃ. ᓄᓇᕗᒻᒥ ᐊᖏᕐᕋᖃᕐᓂᕋᖅᓯᒪᓕᖅᑐᓂ ᐊᑯᓂᒻᒪᕆᐊᓗᒃ ᐊᔭᐅᕆᔾᔪᔾᔨᖃᑦᑕᖅᓯᒪᔪᒍᑦ ᒐᕙᒪᑐᖃᒃᑯᓐᓂ ᑲᑐᔾᔨᖃᑎᑦᑎᓐᓂᑦ. ᐅᐊᑦᑎᔭᐅᒋᐊᖃᕐᓂᑐᐊᖓ ᑕᑯᓐᓈᖅᑕᐅᖁᓇᑎᒍᑦ, ᓄᓇᓖᑦᑕᐅᖅ ᐱᕚᓪᓕᖁᓪᓗᒋᑦᑕᐅᖅ ᐆᒻᒪᖅᑯᑎᓕᐅᕐᓂᒃᑯᑦ, ᖃᐅᒻᒪᖃᖅᐸᓕᐅᕐᓂᒃᑯᑦ ᑖᒃᑯᐊᑦᑕᐅᖅ ᐊᖏᖅᑕᐅᖃᑕᐅᒍᓐᓇᕋᔭᖅᑑᔮᕐᖓᑕ ᐊᑕᐅᓯᐅᙱᑦᑐᒧᑦ ᐊᑐᖅᑕᐅᒍᓐᓇᕐᓗᑎᒃ. ᖃᐅᓱᐃᑦᑐᕐᒧᑦ ᑕᐃᒫᒃ ᐃᑲᔫᑎᓂᒃ ᓴᖅᑭᖅᑐᖃᓪᓚᕆᓐᓂᐊᖅᑑᔮᖅᑐᖅ ᖃᐅᓱᐃᑦᑐᕐᒧᑦ. ᖁᔭᓐᓇᒦᒃ, ᐅᖃᖅᑏ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 25 ᐅᖃᖅᑎ: ᖁᔭᓐᓇᒦᒃ. ᓯᕗᓪᓕᖅᐹᒥ ᐃᓚᒋᐊᕈᑏᑦ ᐊᐱᕆᔭᕐᓄᑦ, ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᑦᑕᐅᖅ ᑭᐅᒐᕕᙵ, ᓯᕗᓕᖅᑏ. ᐅᖃᖅᑏ, ᐱᓇᓱᐊᕈᓯᐅᓚᐅᖅᑐᒥ ᒐᕙᒪᑐᖃᒃᑯᑦ ᑐᓴᖅᑕᐅᑎᑦᑎᔾᔪᑎᖓᓂᒃ ᐅᖃᓚᐅᕐᖓᑕ ᓄᑖᒡᒎᖅ ᑖᒃᑯᐊ ᑐᑦᑕᕐᕕᐅᓂᐊᖅᑐᐃᑦ ᐅᑭᐅᖅᑕᖅᑐᒥ ᐃᑲᔪᖅᓰᕕᐅᔪᓪᓗ. ᑕᐃᒪᐃᓐᓂᐊᕐᖓᑕᒎᖅ ᐅᖃᓕᒫᕐᓗᒋᑦ ᐃᓕᐅᖅᑲᐃᓯᓐᓈᓂᐊᕐᖓᑕ $2,670,000,000 ᕕᓕᐊᓐ ᑮᓇᐅᔭᓂᒃ.” ᑕᕝᕗᖓ ᐅᖃᓕᒫᖅᑕᕋ ᐃᓱᓕᓪᓗᒍ. ᓯᕗᓕᖅᑎ ᓇᓗᓇᐃᖅᓯᒍᓐᓇᖅᑲ ᖃᓄᖅ ᑐᑭᓯᐅᒪᔾᔪᑎᓂᒃ ᒐᕙᒪᑐᖃᒃᑯᑦ ᑐᓂᓯᓯᒪᒻᒪᖔᑕ, ᖃᓄᖅ ᐊᕕᑦᑐᖅᑕᐅᓗᑎᒃ ᑮᓇᐅᔭᑦ ᐊᑐᖅᑕᐅᓛᕐᒪᖔᑕ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ, ᓄᓇᕗᒻᒧᑦ ᓯᕗᓕᖅᑎ, ᒥᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᖅᑕᕋᑦᑕᐅᖅ ᒪᓕᒐᓕᐅᖅᑎ ᐊᐱᕆᒻᒪᑦ ᑕᐃᒫᒃ ᐊᐱᖅᑯᑎᑦᑎᐊᕚᓗᓐᓂᒃ. ᑕᐃᒫᑦᑕᐅᖅ ᐊᐱᖅᓱᖅᑐᒍᑦ ᑖᒃᑯᓂᖓᔅᓴᐃᓐᓇᖅ ᒐᕙᒪᑐᖃᒃᑯᓐᓂᒃ ᑲᑐᔾᔨᖃᑎᑦᑎᓐᓂ. ᓄᓇᓖᑦ ᓇᓕᐊᑐᐃᓐᓇᖅ ᑕᑯᓐᓈᕐᓗᑎᒍᑦ ᑐᑦᑕᕐᕕᕈᖅᑎᑕᐅᓛᖅᑐᖅ ᐅᓇᓕᒃᑯᓐᓄᑦ, ᖃᐅᓱᐃᑦᑐᕐᓗ. ᑕᐃᒫᒃ ᑮᓇᐅᔭᓂᒃ ᐃᓕᐅᖅᑲᐃᕕᐅᑦᑎᐊᕈᓐᓇᓛᕐᖓᑕ ᐊᔾᔨᒌᙱᑦᑐᒃᑯᑦ. ᑭᓯᐊᓂ ᒫᓐᓇᒧᑦ ᓇᓗᓇᐃᖅᑐᐃᕕᐅᓚᐅᙱᓐᓇᑦᑕ ᒐᕙᒪᑐᖃᒃᑯᓐᓄᑦ. ᑭᓯᐊᓂ ᑐᓴᐅᒪᖃᑎᒌᑦᑎᐊᓂᖅᓴᕈᕋᓱᒃᑲᓗᐊᖅᑐᒍᑦ ᑲᓇᑕᒥ ᐅᓇᑕᖅᑐᓴᒃᑯᓐᓂ ᐊᓯᖏᓐᓂᓪᓗ ᒐᕙᒪᒃᑯᑦ ᐱᓕᕆᕕᖏᓐᓂᑦ. ᖃᓂᒌᓪᓗᑕ ᐅᖃᖃᑎᒌᖃᑦᑕᕆᐊᖃᕋᑦᑕ ᖃᐅᔨᓯᒪᒐᑦᑎᒍᑦ ᑖᓐᓇ. ᐊᒻᒪᑦᑕᐅᖅ ᐅᑭᐅᖅᑕᖅᑐᕐᖏᓛᒃ ᑕᑯᓐᓈᖅᑕᐅᓂᖅᓵᓘᓕᖅᑎᓪᓗᒍ ᐱᓕᕆᕕᐅᓂᖅᓴᐅᓕᖅᑎᓪᓗᒍᓗ ᒐᕙᒪᑐᖃᒃᑯᓐᓄᑦ. ᓄᓇᕗᑦ ᒐᕙᒪᖓ ᑐᓴᖅᑕᐅᒍᒪᒻᒥᔪᖅᑕᐅᖅ. ᖃᐅᔨᒪᑦᑎᐊᕈᒪᓪᓗᑕᓗ ᓄᓇᓖᑦ ᐱᒍᒪᔭᖏᑦ ᓴᖅᑭᖅᑕᐅᖃᑕᐅᕙᒃᑲᓗᐊᕐᒪᖔᑕ ᓴᓇᔪᖃᓕᕋᐃᑉᐸᑦ, ᐸᕐᓇᑕᐅᔪᖃᓕᕋᐃᑉᐸᓪᓗ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐊᐱᕆᒍᒃ, ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ, ᓯᕗᓕᖅᑏ. ᓯᕗᓕᖅᑎ ᑕᐃᒪ ᖃᐅᔨᒪᒻᒪᑦ ᓄᑖᖑᔪᖅ ᐃᒃᐱᐊᕐᔫᑉ ᓴᓂᐊᓂ ᑐᓚᑦᑕᕐᕕᐅᒐᔭᖅᑐᖅ ᐅᓇᓕᒃᑯᓐᓄᑦ ᐅᖃᐅᓯᐅᓚᐅᖅᓯᒪᒻᒪᑦ 2007−ᖑᑎᓪᓗᒍ ᒐᕙᒪᑐᖃᒃᑯᓐᓄᑦ. ᐅᖃᖅᑏ, 2025−ᖑᓕᕐᖓᑦ ᑕᐃᓐᓇ ᓱᓕ ᑐᓚᑦᑕᕐᕕᒃ ᐊᐅᓚᙱᑦᑐᖅ. ᓯᕗᓕᖅᑎ ᐅᖃᕈᓐᓇᖅᑳ ᖃᓄᐃᑦᑐᓂᒃ ᑐᑭᓯᐅᒪᔾᔪᑎᓂᒃ ᑐᓂᓯᔭᐅᓯᒪᒻᒪᖔᑦ ᒐᕙᒪᑐᖃᒃᑯᓐᓄᑦ ᑖᔅᓱᒥᖓ ᑐᓚᑦᑕᕐᕕᔅᓴᒥᒃ ᐱᔾᔪᑎᖃᖅᑐᒥᒃ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓕᖅᑎ ᓄᓇᕗᒻᒧᑦ, ᒥᔅᑕ ᓯᕗᓕᖅᑎ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᐊᒻᒪ ᖁᔭᓐᓇᒦᒃ ᒪᓕᒐᓕᐅᖅᑎ ᐊᐱᕆᒻᒪᑦ ᑕᐃᒫᒃ. ᐱᓪᓗᒍᓕ ᓇᓂᓯᕕᒻᒥ ᐅᖅᓴᒃᓴᕆᐊᖅᑐᕐᕕᐅᖃᑦᑕᕆᐊᖃᕋᔭᖅᑐᖅ, ᐅᖃᖃᑎᖃᖃᑦᑕᖅᓯᒪᔪᒍᑦ ᒐᕙᒪᑐᖃᒃᑯᓐᓂ ᑲᑐᔾᔨᖃᑎᑦᑎᓐᓂ ᑖᓐᓇ ᐱᓪᓗᒍ. ᑭᓯᐊᓂ ᒫᓐᓇ ᐅᖃᕈᓐᓇᕐᒪᖔᕐᒪ ᖃᐅᔨᒪᙱᓐᓇᒪ ᑐᓴᖅᓯᒪᔭᓐᓂᒃ. ᓄᓇᕗᑦ ᒐᕙᒪᒃᑯᖏᓐᓄᑦ ᐱᖁᑎᒋᔭᐅᙱᒻᒪᑦ. ᑐᑭᓯᓯᒪᔪᖓᓕ ᐊᖓᔪᖅᑲᐅᑎᐅᓪᓗᑕᐃᓛᒃ ᑐᑭᓯᑎᑕᐅᓯᒪᔪᒍᑦ ᑖᓐᓇ ᐱᔭᕆᐊᑐᔪᖅᓯᐅᖅᓯᒪᒻᒪᒡᒎᖅ ᒪᑐᐃᖅᑕᐅᒐᓱᓐᓂᕆᔭᖓ. ᒪᓕᒐᓕᐅᖅᑎᐅᑉ ᑐᓴᐅᒪᓂᖅᓴᕆᑐᐃᓐᓇᕆᐊᓕᖓ ᐃᑉᐱᐊᔪᒻᒥᙶᕐᖓᑦ. ᒐᕙᒪᑐᖃᒃᑯᑦ ᐸᕐᓇᓯᒪᔭᖏᓪᓗ ᐊᓯᔾᔨᖅᓯᒪᑐᐃᓐᓇᕆᐊᖃᓕᕐᖓᑕ ᑭᓯᐊᓂ ᐅᖃᐅᓯᕆᓗᐊᕈᓐᓇᙱᓐᓇᒃᑯ ᐊᓯᐊᒍᑦ. ᑭᓯᐊᓂ ᑐᓴᐅᒪᖃᑎᒌᑦᑎᐊᓂᖅᓴᐅᓕᕐᓂᕈᑦᑕ ᒐᕙᒪᑐᖃᒃᑯᑦ ᑎᒥᖁᑎᖏᓪᓗ ᓄᓇᓖᓪᓗ ᑖᓐᓇᖃᐃ ᑐᑭᓯᐅᒪᔾᔪᑎᓂᒃ ᑐᓂᓯᔭᐅᓛᖅᑐᖅ ᓄᑖᕈᕆᐊᖅᓯᒪᔪᓂᒃ ᒐᕙᒪᑐᖃᒃᑯᓐᓂ ᐱᔾᔪᑎᖃᖅᑐᓂᒃ ᑕᐃᔅᓱᒥᖓ ᓇᓂᓯᕕᒻᒥ. ᑕᐃᒪᐃᒍᒪᑉᐸᓪᓗ ᐅᖃᖃᑎᖃᕆᐊᙵᕐᓂᖓ ᑕᐃᒃᑯᓂᖓ ᐊᓪᓚᕝᕕᖓ ᐊᒻᒪ ᒐᕙᒪᑐᖃᒃᑯᓐᓂᒃ ᐃᑲᔪᕈᓐᓇᖅᑐᖓ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᑦᑕᐅᖅ. ᐅᖃᐅᓯᒃᑯᑦ ᐊᐱᑯᑏᑦ. ᐅᖅᑯᕐᒥᐅᑦ ᒪᓕᒐᓕᐅᖅᑎᖓ, ᒥᔅᑕ ᑲᐅᑐᒃ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 26 ᐊᐱᖅᑯᑦ 52 – 7(1): ᓄᑖᖅ ᐃᖅᑲᓇᐃᔭᖅᑎᓄᑦ ᐊᖏᖃᑎᒌᒍᑦ (ᑲᐅᑐᒃ) ᑲᐅᑐᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓪᓗᑐᐃᓐᓇᐅᑎᓪᓗᒍ ᒫᑦᓯ 13, 2026 ᒥᓂᔅᑕᖓ ᐃᖅᑲᓇᐃᔭᖅᑐᓕᕆᔨᒃᑯᑦ ᑐᑭᓯᕙᓪᓕᐊᓚᐅᙱᒻᒪᑦ ᐊᐱᖅᑯᑎᓐᓂ. ᒪᓕᒐᓕᐅᕐᕕᒃ ᐃᓱᒪᔅᓴᖅᓯᐅᕈᑎᖃᕐᓂᐊᕐᖓᑦ ᒐᕙᒪᒃᑯᑦ 2026-2027−ᒧᑦ ᐊᑭᑐᔪᖅᑐᕈᑎᔅᓴᖏᓐᓂᒃ ᐅᐱᕐᖔᖅ ᐃᔅᓯᕙᓂᐊᓕᖅᑲᑕ ᒪᓕᒐᓕᐅᕐᕕᒻᒥ. ᒥᓂᔅᑕᕆᔭᐅᔪᖅ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᐅᖃᕈᓐᓇᖅᑲ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑕ ᐊᖏᖃᑎᒌᒍᑎᖓ ᐊᑎᓕᐅᖅᑕᐅᓂᕆᓚᐅᖅᑕᖓ ᖃᓄᖅ ᐊᑦᑐᖅᓯᓂᐊᖅᑲ ᒐᕙᒪᒃᑯᑦ ᑮᓇᐅᔾᔭᔅᓵᔅᓴᖁᑎᖏᓐᓂᒃ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᖅᑲᓇᐃᔭᖅᑐᓕᕆᔨᒃᑯᑦ ᒥᓂᔅᑕᖓ, ᒥᔅ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᐊᐱᕆᒻᒪᑦ ᑕᐃᒫᒃ. ᑖᒃᑯᐊ ᐊᑐᕈᒫᕐᓂᐊᖅᑐᐃᑦ ᐊᖏᖅᑕᐅᓚᐅᙱᒻᒪᑕ ᓱᓕ. 26-27 ᐊᕐᕌᒍᖓᓄᑦ ᒪᓕᒐᓕᐅᕐᕕᒻᒥ ᐊᖏᖅᑕᐅᓚᐅᙱᒻᒪᑕ ᓱᓕ ᑭᐅᔪᓐᓇᙱᑕᕋ. ᑭᐅᔪᓐᓇᖅᓯᓛᖅᑕᕋᓗᐊᕋ ᐊᑐᕈᒫᕐᓂᐊᖅᑐᖁᑎᖏᑦ ᐊᖏᖅᑕᐅᒌᖅᑲᑕ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐊᕐᕕᐊᑦ ᓂᒡᒋᐊᓄᑦ ᒪᓕᒐᓕᐅᖅᑎ, ᒥᔅᑕ ᖃᑉᓗᑦᓯᐊᖅ. ᐊᐱᖅᑯᑦ 53 – 7(1): ᐅᖅᓱᐊᓗᓕᕆᔨᒃᑯᑦ ᐱᐃᓕᕆᐊᕆᓯᒪᔭᖏᑦ (ᖃᑉᓗᑦᓯᐊᖅ) ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒃᑲ ᑐᕌᖓᙳᓱᑦᑐᐃᑦ ᒥᓂᔅᑕᐅᔪᒧᑦ ᐃᖏᕐᕋᔪᓕᕆᔨᒃᑯᓐᓄᑦ ᐱᖁᑎᕐᔪᐊᓕᕆᔨᒃᑯᓐᓄᑦ ᓄᓇᕗᒻᒥ. ᐱᔾᔪᑎᖃᖅᑐᑦ ᐅᖅᓱᐊᓗᓕᕆᔨᒃᑯᑦ ᐱᓕᕆᐊᖏᓐᓂᒃ ᑕᐃᒃᑯᐊᓕ ᑲᒪᔨᐅᒻᒪᑕ ᐅᖅᓱᐊᓗᓕᕆᔨᒃᑯᖏᓐᓂᒃ ᒐᕙᒪᒃᑯᑦ. ᒥᓂᔅᑕ ᑕᐃᒪ ᐃᖅᑲᐅᒪᒻᒪᑦ ᒪᓕᒐᓕᐅᕐᕕᒃ ᐊᖏᔪᒻᒪᑦ $12,200,000−ᓂᒃ ᐊᑭᑐᔪᖅᑐᕈᑎᔅᓴᓂᒃ ᐊᕐᕌᓂᓴᕐᓂ ᓄᑖᒧᑦ ᐊᕐᕌᒍᒨᖅᑕᐅᓪᓗᑎᒃ ᐅᑭᐅᒃᑯᑦ 2025−ᒥ ᐃᔅᓯᕙᓂᖃᖅᑎᓪᓗᒋᑦ. ᐱᔾᔪᑎᖃᖅᑐᓂ ᓄᑖᖑᔪᓂᒃ ᐊᕐᕕᐊᓂ ᐅᖅᓱᐊᓗᖃᐅᑎᓕᐅᕐᓂᐅᒐᔭᖅᑐᒥᒃ. ᒥᓂᔅᑕ ᑕᐃᒪ ᖃᐅᔨᒪᒻᒪᑦ ᐱᓕᕆᕕᖓᑕ 2026-2027−ᒥ ᐊᑭᑐᔪᖅᑐᕈᑎᔅᓴᖏᑦ ᐃᓚᖃᙱᑦᑎᐊᕐᖓᑕ ᑮᓇᐅᔭᓂᒃ ᑖᔅᓱᒧᖓ ᑐᕌᖓᒐᔭᖅᑐᓂᒃ ᐱᓕᕆᐊᖑᔪᒧᑦ. ᑭᖑᕙᖅᑕᐅᔪᖅ ᑖᓐᓇ ᓄᓇᓖᑦ ᑕᐃᒪ ᐃᓱᒫᓘᑎᒋᔭᖏᑦ ᓴᖅᑭᔮᖏᓐᓇᓂᐊᖅᐳᑦ. ᒥᓂᔅᑕ ᓇᓗᓇᐃᖅᓯᒍᓐᓇᓕᖅᑳ ᐅᓪᓗᒥ ᓄᓇᔅᓴᖓ ᓂᕈᐊᖅᑕᐅᕙᓪᓕᐊᓯᒪᓕᕐᒪᖔᑦ ᐊᒻᒪᓗ ᓇᓗᓇᐃᖅᓯᒍᓐᓇᖅᑲ ᑮᓇᐅᔭᓂᒃ ᐃᓚᓕᐅᔾᔨᖁᔨᓛᕐᒪᖔᑦ 2027-2028−ᒥ ᐊᑭᑐᔪᖅᑐᕈᑎᔅᓴᖏᓐᓂᒃ ᑕᕝᕙᓂ ᐊᕐᕌᒍᑦᑎᓐᓂ ᐅᑭᐊᔅᓵᖅ ᐃᔅᓯᕙᓂᖃᓕᕈᑦᑕ ᓴᖅᑭᖅᑕᐅᓛᖅᑐᓂ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᑦ ᒥᓂᔅᑕᖓ, ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᖅᑕᕋ ᒪᓕᒐᓕᐅᖅᑎ ᑖᔅᓱᒥᖓ ᐊᐱᖅᑯᒻᒥᒃ ᓴᖅᑭᖅᓯᒻᒪᑦ. ᐱᓕᕆᐊᖑᔭᖅᓯᒪᒻᒪᑦ ᐅᓇ ᑕᐃᓐᓇ ᓄᓇᒋᓂᐊᓚᐅᖅᓯᒪᔭᖓ ᓂᕈᐊᖅᑕᐅᓚᐅᖅᓯᒪᔪᖅ ᐱᕕᑭᓗᐊᕆᔭᐅᓚᐅᖅᓯᒪᒻᒪᑦ ᑕᐅᓇᓂᒥᐅᓄᑦ. ᓈᒻᒪᓂᖅᓴᒥᒃ ᓄᓇᓯᐅᖅᓯᒪᒻᒪᑕ. ᑖᒃᑯᐊ ᑕᖅᑭᑦᑎᓐᓂ ᐅᕝᕙᓂ ᐅᐊᑦᑎᐊᕈᒃᑲᓐᓂᖅ ᐱᔭᕇᖅᑕᐅᕕᔅᓴᖃᓕᖅᑑᒐᓗᐊᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓯᕗᓪᓕᖅᐹᒥᒃ ᐃᓚᒋᐊᕈᑏᑦ ᐊᐱᕆᒍᒃ, ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕᐅᓪᓗᑎᑦ ᐃᓕᓴᖅᓯᓂᐊᖅᐹ ᓄᑖᖅ ᐅᖅᓱᐊᓗᖃᐅᑎ ᐊᐅᓚᓛᔾᔮᙱᒻᒪᑦ ᖁᓖᑦ ᐊᕐᕌᒍᑦ ᐊᓂᒍᖅᑲᑕ, ᑎᑭᒐᓱᐊᖅᑎᓪᓗᑕ ᓄᓇᓕᓐᓂ ᐅᖅᓱᐊᓗᖃᕆᐊᖃᕐᓂᕐᒧᑦ ᐱᔭᕆᐊᓕᖏᓐᓂᒃ ᓱᓕ ᐱᑎᑕᐅᔭᕆᐊᖃᕐᒪᑕ. ᒥᓂᔅᑕ ᖃᐅᔨᒪᔪᒃᓴᐅᖕᒪᑦ ᐅᓪᓗᒥᐅᔪᖅ ᐅᖅᓱᐊᓗᖃᐅᑎᒥᒃ ᐱᖃᓯᐅᑎᓪᓗᒍ ᖃᐅᒪᖏᑦ. ᒥᓂᔅᑕ ᓇᓗᓇᐃᖅᓯᒍᓐᓇᖅᑳ ᐱᓕᕆᕝᕕᖓ ᐃᖅᑲᓇᐃᔮᖃᕐᒪᑕ ᑲᒪᒋᔭᐅᓗᑎᑦ ᑕᒪᒃᑯᐊ ᐱᔾᔪᑏᑦ? ᖁᔭᓐᓇᒦᒃ, ᐅᖃᖅᑏ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 27 ᐅᖃᖅᑎ (ᑐᓵᔨᑎᒍᑦ): ᐃᖏᕐᕋᔪᓕᕆᔨᑦᑐᖅ ᐊᐅᓚᔪᓐᓇᐅᑎᓕᕆᔨᒃᑯᑦ ᒥᓂᔅᑕᖓ, ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᖅᐸᕋᑦᑕᐅᖅ ᑖᔅᓱᒥᖓ ᐊᐱᖅᑯᒻᒥᒃ ᓴᖅᑭᖅᓯᒻᒪᑦ ᑲᑎᒪᔨᐅᖃᑕᐅᔪᖅ. ᓴᖅᑭᓚᐅᕐᒪᒍ ᐅᕙᓐᓄᑦ ᐱᓇᓱᐊᕈᓰᒃ ᒪᕐᕉᒃ ᐃᑯᒻᒪᖅᑯᑎᖏᑦ ᑕᐃᔅᓱᒪᑉ ᐊᑲᐅᙱᒻᒪᑕᒎᖅ. ᑕᐃᒪᓕ ᐃᓕᓴᕆᑎᓪᓗᒍ ᕿᒥᕐᕈᓇᒃᑎᓪᓗᒋᑦ ᑕᒪᒃᑯᓂᖓ ᐱᖁᑎᐅᔪᓂᒃ, ᐅᔾᔨᕈᓱᓐᓂᐊᖅᐳᖑᑦ ᖃᔅᓯᑖᓚᕌᕐᓂᐊᕐᒪᖔᑕ ᑖᒃᑯᐊ ᐋᖅᑭᒃᓱᖅᑕᐅᑎᓪᓗᒋᑦ, ᐲᔭᖅᑕᐅᓛᖅᑎᓪᓗᒋᑦ. ᒫᓐᓇ ᐱᒻᒪᕆᐅᖕᒪᑦ ᑕᐃᓐᓇ ᐃᓗᓕᕆᔭᖓ. ᑕᒪᓐᓇ ᒪᒥᐊᑉᐳᖓᓗ ᐊᑯᓂᑲᓪᓚᕈᓗᒃ ᐋᖅᑭᒃᓱᖅᑕᐅᓇᓱᓕᕐᒪᑦ. ᑳᓐᑐᕌᒃᑦ−ᑎᐅᔪᖅ ᑕᐃᓐᓇ ᐱᓕᕆᑦᑎᐊᓚᐅᖅᑐᖅ. ᑭᓯᐊᓂ ᓯᓚ ᐱᔾᔪᑎᒋᓪᓗᒍ ᐅᐸᒍᓐᓇᐃᓪᓕᐅᖅᑲᑲᑦᑕᕐᒪᑦ. ᑕᐃᒃᑯᐊᓕ ᐊᑐᕆᐊᖃᖅᑕᖏᑦ ᐊᑐᖅᑕᐅᑲᐃᓐᓇᕆᐊᓖᑦ ᐃᑯᒻᒪᖅᑯᑎᖏᖕᓄᑦ ᑕᐃᑲᓃᓚᐅᖅᑑᒐᓗᐊᖅ ᑭᓯᐊᓂ ᓯᓚ ᐱᐅᙱᓐᓂᖓᓄᑦ ᑕᐃᑯᙵᕈᓐᓇᐃᓪᓕᐅᖅᑲᔪᖅ ᑳᓐᑐᕋᒃᑦ−ᓯᒪᔭᖅ. ᐅᓪᓗᒥ ᓴᓇᔭᐅᒃᑲᓐᓂᕐᓂᐊᖅᑐᕉᖅ ᐱᒋᐊᒃᑲᓐᓂᕐᓂᐊᖅᑐᑦ. ᑕᒪᒃᑯᐊ ᑐᓴᒐᒃᓴᐃᑦ ᒫᓐᓇ ᐱᓯᒪᔭᒃᑲ ᒪᓕᒡᓗᒋᑦ ᑕᐃᑲᓃᖅᑐᖅ ᐅᓪᓗᒥ ᐃᖅᑲᓇᐃᔭᕐᕕᒃᓴᖓᖕᓂᒃ.ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑎᒋᔭᐃᑦ, ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᖅᐸᕋᓗ ᒥᓂᔅᑕ ᑭᐅᖕᒪᑦ. ᒥᓂᔅᑕ ᐃᖅᑲᐅᒪᔪᒃᓴᐅᖕᒪᑦ ᐱᖁᔭᒃᓴᕐᒥᒃ ᓴᖅᑭᑦᑎᓚᐅᕐᒪᑕ ᑕᓪᓕᒪᖓᓂ ᒪᓕᒐᓕᐅᖅᑏᑦ ᑲᑎᒪᔨᖏᑦ. ᑐᒃᓯᕋᐅᑎᓕᐅᖅᑎᓪᓗᒋᑦ ᐊᓯᔾᔨᖅᑕᐅᖁᓪᓗᒍ ᐅᖅᓱᐊᓗᓕᕆᓂᕐᒧᑦ ᐱᓕᕆᔨᖓ ᓄᑖᑦ ᑕᐃᔭᐅᓕᖅᖢᓂ ᐅᖅᓱᐊᓗᓕᕆᓂᕐᒧᑦ ᑲᒥᓯᙵ ᑭᓯᐊᓂ ᐱᖁᔭᒃᓴᖅ ᐊᓂᒍᖅᑎᑕᐅᓚᐅᙱᒻᒪᑦ. ᓱᖅᑯᐃᖅᓯᓯᒪᔪᖓ ᑖᔅᓱᒪᑉ ᐊᓯᔾᔨᕈᑎᐅᔪᖅ ᑖᒃᑯᐊ ᑲᑎᒪᔩᑦ ᒐᕙᒪᒃᑯᑦ ᓯᓚᑖᓃᓐᓂᖅᓴᐅᓕᕋᔭᕐᒪᑕ ᐊᔾᔨᒋᓪᓗᓂᐅᒃ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᖏᑕ. ᐆᒃᑑᑎᒋᓗᒍ ᐅᖅᓱᐊᓗᖃᐅᑎᓂᒃ ᖃᑦᑕᐅᔭᓂᒃ ᑮᓇᐅᔭᖃᖅᑎᑕᐅᓕᕋᔭᕐᓗᑎᒃ ᐅᑎᖅᑕᖅᑐᒃᑯᑦ ᑮᓇᐅᔭᑎᒍᑦ ᒪᓕᒐᓕᐅᕐᕕᒃᑰᖃᑦᑕᙱᖔᕐᓗᑎᒃ ᐊᑭᑐᔪᖅᑐᕈᙱᒃᓴᑎᒍᑦ. ᐊᖏᖅᑕᐅᔭᕆᐊᖃᖅᑐᑎᒍᑦ. ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᓄᑖᖑᔪᑦ ᑖᒃᑯᐊ ᒐᕙᒪᒃᑯᑦ ᐸᕐᓇᒃᓯᓯᒪᖕᒪᖔᑕ ᐱᖁᔭᒃᓴᒥᒃ ᓄᑖᒥᒃ ᓴᖅᑭᑦᑎᓂᐊᕐᒪᖔᑕ ᑲᑎᒪᔨᐅᓂᖅᐳᑦ ᐃᓱᓕᓚᐅᙱᓐᓂᖓᓂ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᐃᖏᕐᕋᔪᓕᕆᔨᑦᑐᖅ ᐊᐅᓚᔪᓐᓇᐅᑎᓕᕆᔨᒃᑯᑦ ᒥᓂᔅᑕ, ᒥᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ. ᖁᔭᓐᓇᒦᖅᐸᕋ ᑲᑎᒪᔨ ᓴᖅᑭᑦᑎᖕᒪᑦ ᐃᓱᒫᓘᑎᒥᓂᒃ. ᐅᒃᐱᕈᓱᒃᑐᖓ ᐅᖅᓱᐊᓗᓕᕆᔨᒃᑯᑦ ᓲᕐᓗᒃ ᑖᒃᑯᐊ ᐃᒻᒥᓂᒃ ᐊᐅᓚᔪᓐᓇᕐᓂᖅᓴᐅᖁᓪᓗᒍ ᒐᕙᒪᒃᑯᑦ ᓯᓚᑖᓂ ᓲᕐᓗ ᖁᓪᓕᒃᑯᑎᑐᑦ. ᐅᕝᕙᓘᓐᓃᑦ ᐱᓕᕆᔭᐅᔪᓐᓇᖅᐸᑦ ᐱᖁᔭᕐᔪᐊᑎᒍᑦ ᐋᖅᑭᒃᓯᒪᓂᕆᔭᖓ ᑖᒃᑯᐊ ᐃᓂᓪᓚᒍᓐᓇᕐᓂᐊᕐᒪᑕ. ᒫᓐᓇ ᐱᔭᕐᓂᖅᓲᑎᖏᓐᓂᒃ ᕿᒥᕐᕈᓇᒃᑲᑦᑕ ᐊᓂᒍᖅᑎᑕᐅᓚᐅᙱᒻᒪᑦ ᓯᕗᓪᓕᕐᒥ, ᑕᕝᕙᓂ ᒪᓕᒐᓕᐅᖅᑏᑦ ᑲᑎᒪᔨᒋᓕᖅᑕᖏᓐᓂᑦ. ᐱᖁᔭᒃᓴᒥᒃ ᓴᖅᑭᑦᑎᓐᓂᕈᑦᑕ ᑭᓯᐊᓂ ᐅᖃᖃᑎᒌᖅᓯᒪᓕᖅᑐᖓ ᐊᖓᔪᖅᑲᐅᑎᖏᓐᓄᑦ ᐱᖁᑎᕐᔪᐊᓕᕆᔨᒃᑯᖑᑦ ᐊᐅᓚᔪᓐᓇᐅᓯᕆᔨᒃᑯᑦ ᓄᒃᑕᐅᓯᕆᔨᒃᑯᓪᓗ ᐃᓗᐊᓂ ᑖᔅᓱᒥᖓ ᒐᕙᒪᒃᑯᑦ ᓇᓛᒎᙱᑦᑐᒃᑯᑦ ᓂᕆᐅᓇᖅᑐᒥᒃ ᓴᖅᑭᑦᑎᖁᓇᙱᒻᒪᑦ ᓲᕐᓗ ᐊᑭᑐᔪᐊᓘᖕᒪᑕ ᑕᐃᒃᑯᐊ ᖃᑦᑕᐅᔭᖃᐅᑎᐊᓗᐃᑦ ᐅᖅᓱᐊᓗᖃᐅᑏᑦ. ᐊᑭᑐᖕᒪᑕ. ᑐᙵᓱᒃᑎᑦᑎᐊᖅᐸᕋ ᐊᐱᑯᑎᒋᔭᖓ ᐊᒻᒪᓗ ᓂᕆᐅᑦᑎᐊᖅᐳᖓ ᓯᕗᓂᒃᓴᑦᑎᓐᓂ ᑖᔅᓱᒪ ᒥᒃᓵᓄᑦ ᑐᓴᖅᑎᑦᑎᖃᑦᑕᕆᐊᖃᓛᕐᓂᓐᓄᑦ. ᖁᔭᓐᓇᒦᒃ. ᐅᖃᖅᑎ: ᐊᑎᖁᑎᖃᕈᓐᓃᕋᒪ. ᑲᑎᒪᔾᔪᑎᕗᑦ ᓈᓴᐅᑎᖓ 7, ᑎᑎᖅᑲᑎᒍᑦ ᐊᐱᖅᑯᑏᑦ. 8, ᑎᑎᖅᑲᑎᒍᑦ ᐊᐱᖅᑯᑎᕕᓂᕐᓄᑦ ᑭᐅᔾᔪᑏᑦ. 9, ᒪᑐᐃᖅᓯᔾᔪᑎᓄᑦ ᑭᐅᔾᔪᑏᑦ. 10, ᐊᑎᓕᐅᖅᓯᒪᔪᑎᒍᑦ ᑐᑦᓯᕋᐅᑏᑦ. 11, ᐊᑎᓕᐅᖅᓯᒪᔪᑎᒍᑦ ᑐᑦᓯᕋᐅᑎᓄᑦ ᑭᐅᔾᔪᑏᑦ. 12, ᑲᑎᒪᔨᕋᓛᑦ ᑲᑎᒪᔨᕋᓛᖑᑲᐃᓐᓇᖅᑐᓪᓗ ᐅᓂᒃᑳᖏᑦ ᕿᒥᕐᕈᓇᓚᐅᖅᑎᓐᓇᒋᑦ ᐱᖁᔭᒃᓴᓂᒃ ᐊᓯᖏᓐᓂᒡᓗ. 13, ᑎᑎᖅᑲᑦ ᓴᖅᑭᑕᐅᓂᖏᑦ. 14, ᐱᖁᔨᕗᖔᓕᐅᕐᓂᕐᒧᑦ ᖃᐅᔨᒃᑲᐃᔾᔪᑏᑦ. ᒥᔅᑕ ᓴᒻᒧᖅᑐᖅ. ᑲᑎᒪᔾᔪᑎᒃᓴᖅ 14: ᖃᐅᔨᒃᑲᐃᒍᑎ ᐱᒋᐊᖅᑎᑕᑦᓴᓂᑦ

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 28 ᐱᒋᐊᖅᑎᑕᑦᓴᖅ 11 – 7(1): ᐅᖓᕙᕆᐊᖅᑕᐅᓂᖏᑦ ᑲᑎᒪᕐᔪᐊᕐᓇᐅᑉ ᐃᑲᕐᕋᖏᑦ ᐅᓪᓗᖏᓪᓗ − ᖃᐅᔨᒃᑲᐃᔾᔪᑎ ᐱᖁᔨᕗᖔᕈᑎᒧᑦ (ᓴᒻᒧᖅᑐᖅ) ᓴᒻᒧᖅᑑᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖃᐅᔨᒃᑲᐃᕗᖓ ᐱᖓᔪᐊᓐᓂ ᒫᑦᓯ 18, 2026−ᒥ ᐆᒥᖓ ᐱᖁᔨᕗᖔᓛᕋᒪ. ᓅᑦᑎᕗᖓ ᐊᐃᑉᐱᖅᑕᐅᓪᓗᖓ ᑲᑎᒪᔨᖓᓄᑦ ᐃᖃᓗᐃᑦ ᑕᓯᓗᖕᒧᑦ. ᐅᖃᖅᑏ, ᐊᖏᖅᑕᐅᖁᓪᓗᒍ ᐋᖅᑭᒃᓱᐃᔪᓐᓇᕐᓂᐊᕐᒪᑦ ᑲᑎᒪᕐᔪᐊᕐᓂᐅᑉ ᐃᑲᕐᕋᖏᓐᓂᒃ ᐅᓪᓗᖏᓐᓂᒡᓗ ᐅᖃᖅᑎᐅᑉ ᐃᓱᒪᒋᔭᖓ ᓈᒻᒪᒃᓴᕐᓂᖓ ᒪᓕᒡᓗᒍ ᒪᓕᒐᓕᐅᕐᕕᖕᒥ ᑕᕝᕙᓂ ᑲᑎᒪᕐᔪᐊᖅᑎᓪᓗᒋᑦ ᒪᓕᒡᓗᒋᑦ ᐱᔭᕇᕋᓱᖕᓂᖏᓐᓂᒃ ᐱᓕᕆᐊᒃᓴᖏᓐᓂᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓈᓴᐅᑎᖓ 15, ᐱᖁᔨᕗᖔᓕᐅᕐᓂᐊᕐᓂᕐᒧᑦ ᖃᐅᔨᒃᑲᐃᔾᔪᑏᑦ, ᓯᕗᓪᓕᖅᐹᕐᒥᒃ ᐅᖃᓕᒫᖅᑕᐅᓂᖏᑦ ᐱᖁᔭᒃᓴᑦ. 16, ᐱᖁᔨᕗᖔᕈᑏᑦ. ᒥᔅᑕ ᓴᒻᒧᖅᑑᖅ. ᑲᑎᒪᔾᔪᑎᒃᓴᖅ 16: ᐱᒋᐊᖅᑎᑕᑦ ᐱᒋᐊᖅᑎᑕᖅ 11 – 7(1): ᐅᖓᕙᕆᐊᖅᑕᐅᓂᖏᑦ ᑲᑎᒪᕐᔪᐊᕐᓇᐅᑉ ᐃᑲᕐᕋᖏᑦ ᐅᓪᓗᖏᓪᓗ (ᓴᒻᒧᖅᑐᖅ) ᓴᒻᒧᖅᑑᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᓘᓐᓇᖏᓐᓄᑦ ᒪᓕᒐᓕᐅᖅᑐᓄᑦ ᐱᖁᔨᕗᖔᕈᑎᒐ ᐅᓪᓗᒥ ᐱᓕᕆᔪᒪᓪᓗᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒪᓕᒐᓕᐅᖅᑎ ᐊᐱᕆᕗᖅ ᐱᖁᔨᕗᖔᕈᑎᒥᓂᒃ ᐱᓕᕆᐊᖃᕈᒪᓪᓗᓂ ᐅᓪᓗᒥ. ᐋᒃᑳᖅᑐᖃᖅᐸ? ᑐᓴᙱᓐᓇᒪ, ᒥᔅᑕ ᓴᒻᒧᖅᑑᖅ ᑲᔪᓯᒋᑦ. ᓴᒻᒧᖅᑑᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᓅᑦᑎᕗᖓ ᐊᐃᑉᐱᖅᑕᐅᓪᓗᖓ ᒪᓕᒐᓕᐅᖅᑎᖓᓄᑦ ᐃᖃᓗᐃᑦ ᑕᓯᓗᒃ. ᐅᖃᖅᑏ, ᐊᖏᖅᑕᐅᖁᓪᓗᒍ ᐋᖅᑭᒃᓯᔪᓐᓇᕐᓂᐊᕐᒪᑦ ᐃᑲᕐᕋᖏᓐᓂᒃ ᐅᓪᓗᖏᓐᓂᒡᓗ. ᐅᖃᖅᑏ, ᐃᓱᒪᒋᔭᖓ ᒪᓕᒡᓘᒍ ᐱᔭᕇᖅᓯᓇᓱᖕᓂᖏᓐᓂᒃ ᑲᑎᒪᔾᔪᑎᒃᓴᖏᓐᓂᒃ ᑲᑎᒪᕐᔪᐊᖅᑎᓪᓗᒋ ᒪᓕᒐᓕᐅᖅᑏᑦ ᑲᑎᒪᔨᖏᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐱᖁᔨᕗᖔᕈᑎ ᓈᒻᒪᒃᑐᖅ. ᓈᒻᒪᒃᓴᖅᑐᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐅᖃᖅᑎ: ᖁᔭᓐᓇᒦᒃ. ᓈᒻᒪᒃᓴᙱᑦᑐᑦ. ᑲᔪᓯᕗᖅ. ᑲᑎᒪᔾᔪᑎᕗᑦ 17, ᓯᕗᓪᓕᖅᐹᕐᒥ ᐅᖃᓕᒫᖅᑕᐅᓂᖏᑦ ᐱᖁᔭᒃᓴᑦ. 18, ᑐᒡᓕᐊᓂ ᐅᖃᓕᒫᖅᑕᐅᓂᖏᑦ ᐱᖁᔭᒃᓴᑦ. 19, ᑲᑎᒪᑐᐃᓐᓇᕐᓂᖅ ᐃᓱᒪᒃᓴᖅᓯᐅᕈᑎᖃᖅᑎᓪᓗᒋᑦ ᐱᖁᔭᒃᓴᓂᒃ ᐊᓯᖏᓐᓂᒡᓗ. ᐱᖁᔭᒃᓴᖅ 1, 2, 3 ᐊᒻᒪᓗ 4. ᐊᒻᒪᓗ ᐱᔪᓐᓇᕐᓂᖃᖅᑎᑕᐅᓂᕋ ᑕᒡᕘᓇ ᐱᖁᔨᕗᖔᕈᑎ ᓈᓴᐅᑎ 11-7(1) ᑲᑎᒪᔩᑦ ᑲᑎᒪᑐᐃᓐᓇᕐᓂᐊᖅᑐᐃᑦ ᐅᓂᒃᑳᕆᐊᓚᐅᙱᓐᓂᕐᒥᓂᒃ ᐅᓂᒃᑳᕈᒪᓕᖅᐸᑕ ᑭᓯᐊᓂ ᑲᑎᒪᔨᑐᐃᓐᓇᐃᑦ ᐱᒋᐊᓚᐅᖅᑳᖅᑎᓐᓇᒋᑦ 20 ᒥᓂᑦᓂᒃ ᓄᖅᑲᖓᑲᐃᓐᓇᕐᓂᐊᕋᑦᑕ. ᐃᖅᓱᑦᑏ. >>ᓄᖅᑲᖓᑲᐃᓐᓇᖅᑐᑦ 15:14 ᐊᒻᒪᓗ ᐱᒋᐊᒃᑲᓂᖅᑐᑦ 15:45 ᑲᑎᒪᔾᔪᑎᒃᓴᖅ 19: ᑲᑎᒪᓂᑐᐃᓐᓇᕐᓂᖅ ᐃᓱᒪᒃᓴᖅᓯᐅᕈᑎᖃᖅᑎᓪᓗᒋᑦ ᐱᖁᔭᒃᓴᓂ ᐊᓯᖏᓐᓂᓪᓗ ᐅᑯᐊ ᐱᖁᔭᒃᓴᐃᑦ Take 28 starts here ᐃᒃᓯᕙᐅᑕᖅ (ᑐᓵᔨᑎᒍᑦ): ᑲᑎᒪᒋᓚᐅᕐᒥᑕ ᑲᑎᒪᑐᐃᓐᓇᑎᒡᓗᑕ, ᑕᕝᕙᓂ ᑲᑎᒪᑐᐃᓐᓇᖅᑎᓪᓗᑕ ᐱᓕᕆᐊᒃᓴᖃᖅᑐᒍᑦ ᐅᑯᓂᖓ ᐱᖁᔭᒃᓴᖅ 1, 2, 3, ᐊᒻᒪᓗ 4. ᖃᓄᐃᓕᐅᕈᒪᕙᑦ ᑲᑎᒪᔨᕋᓛᑦ. ᒥᔅᑕ ᑕᖅᑐ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 29 ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒻᒪ ᕿᒥᕐᕈᓇᒍᒪᕗᒍᑦ ᐱᖁᔭᒃᓴᖅ 2, ᑖᒃᑯᐊ ᓄᓇᓕᖕᓂ ᐱᔨᔅᓯᕋᖅᑎᒃᑯᑦ, ᐊᕙᑎᓕᕆᔨᒃᑯᑦ, ᐃᓕᖅᑯᓯᓕᕆᔨᒃᑯᑦ, ᓄᓇᕗᒥ ᓯᓚᑦᑐᓴᕐᕕᒃ, ᐊᒻᒪ ᑭᖑᓪᓕᖅᐹᖅ ᒪᓕᒐᓕᐅᕐᕕᐅᑉ ᑎᑎᕋᕐᕕᖓᑕ ᐊᑐᕈᒫᖅᑕᖏᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐊᖏᖃᑎᒌᑉᐱᑖ ᑖᓐᓇ ᐱᖁᔭᒃᓴᖅ 2, ᐱᓕᕆᖅᑳᕐᓂᐊᕋᑦᑎᒍ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᓂᔅᑕ ᓯᒪᐃᓚᒃ, ᐊᐱᕆᔪᒪᒡᓗᒍ ᐃᖅᑲᓇᐃᔭᖅᑎᓂᑦ ᐅᐸᖁᔨᕖᑦ ᑕᑲᓄᖓ ᐊᐱᖅᓱᖅᑕᐅᕕᖕᒧᑦ? ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐄ’. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᑲᑎᒪᔨᕋᓛᑦ ᒥᓂᔅᑕᐃᑦ ᐃᖅᑲᓇᐃᔭᖅᑎᖏᑦ ᑕᐅᓄᖓ ᓵᑦᓯᓐᓄᐊᖁᕕᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐃᖅᓱᑦᑏ, ᐅᑯᐊ ᐃᓯᖅᑎᓚᐅᒃᑭᑦ. ᑎᑎᕋᖅᑕᐅᓯᒪᓂᐊᕐᒪᑦ, ᒥᓂᔅᑕ ᓯᒪᐃᓛᒃ ᑭᓇᒃᑰᖕᒪᖔᑕ ᐃᖅᑲᓇᐃᔭᖅᑎᑎᑦ ᑕᐃᑲᐃᓐᓇᑭᑦ. ᐱᔭᕇᕈᕕᑦ ᒪᑐᐃᕈᑎᑎᑦ ᐅᖃᐅᓯᕆᓂᐊᕋᕕᒋᑦ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐅᓪᓗᒃᑯᑦ ᑲᑎᒪᔨᐅᖃᑎᒃᑲ. ᖁᕕᐊᓱᑦᑐᖓ ᓵᒃᓯᖕᓄᐊᕆᐊᒃᓴᖅ ᐅᓪᓗᒥ ᑯᕆᔅᑐ ᑰᓇᓐ, ᑐᖏᓕᖓ ᓄᓇᓕᖕᓂ ᒐᕙᒪᒃᑯᓐᓂ ᑕᓕᖅᐱᓐᓃᑦᑯᑐᖅ, ᓴᐅᒥᓐᓃᑦᑐᖅ, ᐋᑕᒻ ᕕᓱ, ᐃᑲᔪᖅᑎᐅᑲᐃᓐᓇᖅᑐᖅ ᒥᓂᔅᑕᒧᑦ, ᐊᒻᒪᓗᑦᑕᐅᖅ ᑭᐊᓐ ᑰᐱ, ᐃᑲᔪᖅᑐᐃᔪᖅ ᑮᓇᐅᔭᓕᐅᕋᓱᐊᕐᓂᕐᒧᑦ. ᑖᒃᑯᓄᖓ 2026-2027 ᐊᑐᕈᒫᖅᑕᖏᓐᓂ ᐅᖃᐅᓯᖃᕐᓂᐊᑎᓪᓗᑕ ᐅᑯᐊ ᒥᔅᓴᐅᓴᖅᑕᐅᓯᒪᔪᑦ ᐊᕐᕌᒍᓄᑦ ᑕᓪᓕᒪᓄᑦ ᐸᕐᓇᐅᑏᑦ, 2026-2031−ᒧᑦ ᑖᒃᑯᓂᖓ ᑲᒪᒋᔭᐅᔪᑦ ᑮᓇᐅᔭᓂᑦ ᐱᕈᖅᓴᐃᑦᑎᐊᖁᓪᓗᑕ ᐊᑐᑦᑎᐊᖁᓪᓗᒋᑦ, ᓴᖅᑭᔮᑦᑎᐊᕐᓗᑎᒃ, ᐅᐸᓗᖓᐃᖅᓯᒪᓗᑎᒃ ᐊᐅᓚᔪᓐᓇᐅᓯᒃᑯᕕᓕᕐᒧᑦ ᐊᑐᖅᑕᐅᓂᐊᖅᑐᓂᒃ ᐊᑦᑕᕐᓇᖏᑦᑐᒃᑯᑦ ᓄᓇᓕᓐᓂ ᐃᑲᔪᖅᑐᐃᖁᓪᓗᒋᑦ. ᐃᒃᓯᕙᐅᑖᖅ, 2026-2027−ᒥ ᑮᓇᐅᔭᓕᕆᓐᓇ ᐊᕐᕌᒍᐊᓂ ᓄᓇᓕᓐᓂ ᐱᔨᑦᓯᖅᑎᒃᑯᑦ ᐊᑐᕈᒫᖅᑕᖏᑦ ᐊᑭᑐᔪᓄᑦ $1.28518 ᒥᓕᐊᓐ ᑮᓇᐅᔭᐃᑦ. ᐊᑐᕈᒫᖅᑐᑦ ᑖᒃᑯᐊ ᐊᑭᑐᔪᓄᑦ ᐃᕐᖐᕐᓇᖅ ᐱᖁᑎᒋᔭᐅᔪᓄᑦ ᐊᑦᑕᕐᓇᖅᑐᓄᑦ ᓄᓇᓕᓐᓂ ᐊᔪᕈᕐᓃᖅᓴᖁᓪᓗᒋᑦ ᐱᕚᓪᓕᕈᓐᓇᖁᓪᓗᒋᑦ, ᐊᒻᒪ ᐱᕈᖅᐹᓪᓕᖁᓪᓗᒋᑦ ᐱᔭᕆᐊᖃᖅᑕᖏᑦ. ᐃᒃᓯᕙᐅᑖᖅ, ᑖᒃᑯᐊ ᓯᕗᓪᓕᐅᓯᒪᔪᑦ ᐱᓕᕆᕕᐅᑉ 2026-27−ᒥ ᐊᑭᑐᔪᖅᑐᕈᑎᒃᓴᐃᑦ ᐊᑦᑕᕐᓇᙱᓐᓂᖅᓴᐅᖁᓪᓗᒋᑦ ᑕᒪᒃᑯᐊ ᓄᓇᓕᓐᓂ ᐱᔨᑦᓯᕈᑎᐅᖃᑦᑕᖅᑐᑦ, ᐃᒪᖃᑦᑎᐊᖁᓪᓗᒋᒡᓗ. 2026-2027−ᒧᑦ ᐱᓕᕆᕕᕗᑦ ᐊᑐᕈᒫᖅᑐᖁᑎᑦ ᒥᒃᓴᐅᓴᒃᓯᒪᔪᐃᑦ $63.7 ᒥᓕᐊᓂᑦ ᑮᓇᐅᔭᑦ ᐊᑭᑐᔪᖅᑐᕈᑎᒃᓴᐅᓂᐊᕐᓗᑎᒃ ᓄᓇᓕᖕᓂ ᐊᑐᒐᒃᓴᐅᓗᑎᒃ. ᐅᑯᐊ, $49.5 ᒥᓕᐊᓐ ᑮᓇᐅᔭᑦ ᓴᓇᔾᔪᑕᐅᓗᑎᒃ ᓄᓇ, ᐃᒥᕐᒧᑦ ᓴᓗᒻᒪᖅᓴᐃᔾᔪᑎᔅᓴᐃᑦ 6−ᓂ ᓄᓇᓕᖕᓂ, ᐊᒻᒪᓗᑦᑕᐅᖅ ᐃᒪᖃᐅᑎᖏᓐᓄᑦ ᐊᑕᐅᓯᕐᒧᑦ ᐊᑕᐅᓯᕐᒧᑦ ᓄᓇᓕᖕᒧᑦ ᐊᑐᖅᑕᐅᓂᐊᕐᓗᑎᒃ. $9.1 ᒥᓕᐊᓐ ᑮᓇᐅᔭᑦ ᑲᑦᑎᕆᕕᖕᓂ ᐊᕐᕕᐊᓂ, ᑎᑭᕋᕐᔪᐊᓂᓗ $5.1 ᒥᓕᐊᓐ ᑮᓇᐅᔭᑦ ᓄᓇᓯᐅᑎᒃᑯᕕᔅᓴᓄᑦ ᐃᒡᓗᓕᖕᒥᐅᑦ. ᑖᒃᑯᐊ ᐃᓚᖏᑦ ᑐᐊᕕᕐᓇᕐᓂᖅᐹᖑᔪᓂᑦ ᑭᖒᒪᔭᐅᔪᓂᒃ ᐱᓕᕆᕕᒃᑖᖁᒡᓗᒋᑦ ᓄᓇᕗᒥ ᓄᓇᓕᐅᔪᓂᑦ. ᐃᒃᓯᕙᐅᑖᖅ, ᓄᓇᓖᑦ ᐊᑦᑕᕐᓇᙱᑦᑐᒥᑦ ᐃᒪᖃᑦᑎᐊᖁᓪᓗᒋᑦ. ᑖᓐᓇ ᓯᕗᓪᓕᐅᑎᓯᒪᒐᑦᑎᒍᑦ ᐱᓕᕆᕕᐅᓪᓗᑕ. ᓄᓇᓕᓐᓂ ᐅᓄᑲᒡᓚᑦᑐᑦ ᐃᒥᕐᒥᒃ ᓴᓗᒻᒪᒃᓴᐃᔾᔪᑏᑦ, ᒫᓐᓇ ᒪᓕᒐᕐᓂᑦ ᒪᓕᒍᓐᓃᖅᓯᒪᒻᒪᑕ ᓴᓗᒻᒪᖅᓴᐃᔾᔪᑏᑦ ᐃᒥᕐᒥᒃ ᐊᐅᓚᓂᖏᓐᓂᑦ. ᐃᓚᖏᓪᓗ ᓴᓗᒻᒪᖅᓴᖅᑕᐅᔾᔪᑎᖏᑦ ᓄᓇᓕᖕᓂ ᑖᒃᑯᐊ ᐱᓕᕆᔭᐅᔭᕆᐊᖃᓲᖑᓕᕐᒪᑕ ᐱᐅᓂᖓᓄᑦ, ᐃᒥᕐᖏᓛᖅ ᐱᐅᖏᓐᓇᖁᓪᓗᒍ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 30 ᐱᓕᕆᕕᐅᑉ $49.5 ᒥᓕᐊᓐ ᑮᓇᐅᔭᐃᑦ ᐊᑐᖅᑕᐅᓂᐊᖅᑐᑦ ᐃᒥᕐᒧᑦ ᓴᓗᒻᒪᒃᓴᐃᔾᔪᑎᓄᑦ, ᐱᑐᖃᕐᓂᑦ ᑭᖑᕝᕕᖅᓯᓂᐊᖅᑐᑦ, ᓄᑖᓂᓪᓗ ᓴᓇᓗᑎᒃ ᓴᓗᒻᒪᖅᓴᐃᔾᔪᑎᑖᕐᓗᑎᒃ ᒪᓕᒐᕐᓂᑦ ᒪᓕᒃᓯᒪᓂᐊᕐᒪᑕ. ᑖᒃᑯᐊ ᓄᑖᕈᕆᐊᕈᑎᐅᔪᑦ ᐱᐅᓯᒋᐊᖅᑐᑦ ᑕᒪᒃᑯᓂᖓ ᓱᕈᐃᔭᐃᔾᔪᑎᓂᒃ ᐊᒻᒪ ᓴᙱᑦᑎᒋᐊᕐᓗᒋᑦ ᓇᐅᑦᑎᖅᓱᐊᖃᕐᓂᖅ. ᐊᐅᓚᑦᑎᔪᓐᓇᐅᑎᖏᓪᓗ ᑕᑎᒋᔭᐅᔪᓐᓇᑦᑎᐊᕐᓗᑎᒃ ᓄᓇᓕᖕᓂ ᒪᓕᒐᕐᓂᑦ ᐃᒥᓕᕆᓂᕐᒧᑦ ᒪᓕᖁᒡᓗᒋᑦ. ᑖᒃᑯᐊ ᑮᓇᐅᔭᐃᑦ ᐱᐅᓯᒋᐊᖅᑎᑦᑎᓂᐊᖅᑐᑦ ᐃᒪᖃᖅᑎᑦᑎᓂᕐᒧᑦ ᐊᒻᒪ ᐱᔨᔅᓯᕈᑎᖏᑦ ᐊᕝᕕᐊᕈᑎᒋᓂᐊᙱᒻᒪᑕ, ᐊᒻᒪ ᑎᖅᑎᑎᑦᑎᖃᑦᑕᕆᐊᖃᕐᓂᐊᙱᒻᒪᑕ ᐃᒥᕐᒥᒃ. ᐃᒥᓕᕆᔾᔪᑏᑦ ᓴᓗᒪᖅᓴᐅᑎᖏᑦ ᐱᓕᕆᕕᑦᑎᓐᓂ ᑮᓇᐅᔭᖃᖅᑎᑕᐅᔪᑦ ᑐᐊᕕᕐᓇᖅᑐᒃᑯᑦ ᑭᐅᔭᕆᐊᖃᓕᕌᖓᑕ ᓄᓇᓕᖕᓂ ᐊᐅᓚᑦᑎᔪᑦ. ᓄᑖᓪᓗ ᖃᑦᑎᕆᕖᑦ ᐊᕐᕕᐊᓂ, ᑎᑭᕋᕐᔪᐊᓂᓗ ᐱᐅᓯᒋᐊᖅᑎᑦᑎᓂᐊᖅᑐᑦ ᐃᖅᑲᓇᐃᔭᖅᑎᖃᕐᓂᖅᓴᐅᖁᒡᓗᒋᑦ, ᖃᑦᑎᕆᔩᓪᓗ ᐊᑦᑕᕐᓇᙱᓪᓗᑎᒃ ᐊᒻᒪ ᓱᓇᒃᑯᑎᖏᑦ ᐃᓂᖃᑦᑎᐊᕐᓗᑎᒃ. ᑖᒃᑯᐊ ᐃᒡᓗᓕᖕᒥ ᓄᓇᓯᐅᑎᐅᑎᒃᑯᕕᐅᓂᐊᖅᑐᖅ ᐊᑦᑕᕐᓇᙱᓐᓂᖅᓴᐅᖁᓪᓗᒋᑦ ᐱᔨᔅᓯᕈᑎᖏᑦ ᕼᐊᒻᓚᐅᔪᑦ ᓄᓇᓯᐅᑎᖏᑦ ᐊᑦᑕᕐᓇᖏᓐᓂᖅᓴᐅᖁᒡᓗᒋᑦ ᐱᖁᑎᒋᔭᐅᔪᑦ ᓱᕋᓐᓇᓵᕐᓂᐊᕐᒪᑕ. ᑖᒃᑯᐊ ᑲᑎᓪᓗᒋᑦ ᐱᓕᕆᐊᕆᔭᐅᔪᑦ ᓴᙱᑦᑎᑦᑎᒋᐊᖃᖅᑐᑦ ᐊᐅᓚᔪᓐᓇᓂᖅᓴᐅᖁᒡᓗᒋᑦ ᓇᖕᒥᓂᖅ ᕼᐊᒻᓚᐅᔪᑦ. ᑖᒃᑯᐊᓗ ᓴᓇᓂᕐᒧᑦ ᐱᓕᕆᕕᕗᑦ $64.5 ᒥᓕᐊᓐᓂᒃ ᑮᓇᐅᔭᓂᒃ ᑮᓇᐅᔭᖃᖅᑎᑦᑎᔪᒪᔪᑦ ᐃᖅᑲᓇᐃᔭᕐᕕᕗᑦ ᓄᓇᓕᖕᓂ ᕼᐊᒻᓚᐅᔪᑦ ᐱᖁᑎᖏᓐᓂᑦ, ᐊᒻᒪ ᓯᕕᑐᔪᒧᑦ ᓇᖕᒥᓂᖁᑎᒋᔭᐅᔪᑦ ᓄᖑᖕᐸᓪᓕᐊᖁᓇᒋᑦ. ᐱᖃᓯᐅᔾᔨᓯᒪᔪᑦ $21 ᒥᓕᐊᓂᑦ ᑮᓇᐅᔭᓂᑦ ᓄᓇᓯᐅᑎᒃᑯᕕᖓᓐᓂᑦ ᕼᐊᒻᓚᒃᑯᑦ, $18 ᒥᓕᐊᓐ ᑮᓇᐅᔭᑦ ᓄᓇᓕᐅᔪᑦ ᒐᕙᒪᖓᑕ ᑮᓇᐅᔭᖅᑐᕈᑎᔅᓴᖏᑦ ᐃᓗᐃᒃᑲᐅᓪᓗᑎᒃ ᓇᓗᓇᐃᖅᑕᐅᓯᒪᔪᑦ ᓄᓇᓕᖕᓂ ᐊᑐᖅᑕᐅᔪᒪᔪᓄᑦ $9 ᒥᓕᐊᓐ ᑮᓇᐅᔭᑦ ᐃᖃᓗᓐᓂ, ᐊᑭᑐᔪᖅᑐᕈᑎᔅᓴᑦ, $5.5 ᒥᓕᐊᓐ ᑮᓇᐅᔭᑦ ᓄᓇᓯᐅᑎᓄᑦ, $5 ᒥᓕᐊᓐ ᑮᓇᐅᔭᑦ ᐱᔨᔅᓯᕈᑎᓄᑦ, $3. ᒥᓕᐊᓐ ᑮᓇᐅᔭᑦ ᓄᓇᓖᑦ ᕼᐊᒻᓚᖏᑕ ᑎᑎᕋᐅᔭᖅᓯᒪᓂᕐᒧᑦ ᐸᕐᓇᐅᑎᖏᑦ, $1.8 ᒥᓕᐊᓐ ᑮᓇᐅᔭᑦ ᖃᑦᑎᕆᔾᔪᑎᒃᓴᑦ ᐊᓯᔾᔨᖅᑕᐅᓂᖓ, $700,000.00 ᒥᑭᑦᑑᑎᓄᑦ ᖃᐅᔨᓴᐃᔾᔪᑕᐅᓂᐊᖅᑐᑦ. ᑖᒃᑯᐊ ᓄᓇᓕᖕᓂ ᕼᐊᒻᓚᐅᔪᑦ ᓴᓇᕐᕈᑎᖃᕈᓐᓇᖁᒡᓗᒋᑦ ᐸᕐᓇᐃᔪᓐᓇᕐᓂᐊᕐᒪᑕ ᐱᔨᔅᓯᕈᑎᖃᕐᓗᑎᒃ ᐊᐅᓚᔪᓐᓇᐅᑎᓂᑦ ᑭᖑᕙᖅᓯᒪᙱᑦᑐᒃᑯᑦ. ᐃᒃᓯᕙᐅᑖᖅ, ᐱᓕᕆᕕᐅ ᐊᑭᑐᔪᖅᑐᕈᑎᒃᓴᖏᑦ ᐱᖃᓯᐅᔾᔨᓯᒪᔪᑦ ᑮᓇᐅᔭᖃᖅᑎᑦᑎᓂᖅ ᐱᕙᓪᓕᐊᔾᔪᑎᒃᓴᓂᒃ, ᐳᓚᕋᕐᔪᑎᒃᓴᓂᒡᓗ, ᐱᖁᑎᒋᔭᖏᑦ ᓄᓇᓕᖕᓂ ᑕᒪᒃᑯᓄᖓ ᐱᓕᕆᔾᔪᑕᐅᖃᑦᑕᖅᑐᑦ, ᐊᒡᒍᖅᑐᖅᓯᒪᓂᕐᒧᓪᓗ ᐱᕙᓪᓕᐊᖁᒡᓗᒋᑦ. 2026-27−ᒥ ᐱᓕᕆᕕᕗᑦ $750,000.00 ᐱᓕᕆᕕᕗᑦ ᓱᕋᖅᓯᒪᔪᓂᑦ ᓴᓇᔾᔪᑕᐅᓂᐊᖅᑐᑦ ᑮᓇᐅᔭᓕᐅᕈᑎᖃᕋᓱᖕᓂᕐᒧᑦ ᐱᓕᕆᕕᖏᓐᓄᑦ ᐱᖃᓯᐅᔾᔨᓯᒪᔭᖏᑦ ᐳᓚᕋᖅᑏᑦ ᐅᐸᒃᐸᑦᑕᖏᑦ, ᖃᐅᔨᓴᐃᔾᔪᑎᓗ ᐅᒥᐊᕐᔪᐊᖅ ᓄᓕᐊᔪᒻᒧᑦ. ᑕᐃᒪᓐᓇ ᐳᓚᕋᖅᑐᓕᕆᓂᕐᒧᑦ ᐱᕙᓪᓕᐊᑎᑦᑎᓂᐊᖅᑐᖅ, ᐃᓕᖅᑯᓯᕐᒧᓪᓗ ᖃᐅᔨᓴᐃᓂᕐᒧᓪᓗ ᓄᓇᓕᖕᓂ ᓇᒻᒥᓂᕆᔭᐅᔪᓄᑦ ᐱᕕᔅᓴᐅᔪᓄᑦ ᐱᓗᐊᖅᑐᓂ ᒥᑭᓐᓂᖅᓴᓂᑦ ᓄᓇᓕᐅᔪᓂᒃ ᐅᖓᓯᑦᑐᓂ. ᑖᒃᑯᐊ ᓄᑖᕈᕆᐊᖅᑕᐅᑉᐸᑕ ᐱᓕᕆᕕᐅᔪᑦ, ᐱᖁᑎᒋᔭᐅᔪᑦ ᐃᑲᔪᖅᑐᐃᓂᐊᖅᑐᑦ ᐊᑦᑕᕐᓇᙱᑦᑐᒦᑯᒡᓗᒋᑦ, ᐊᐅᓚᔪᓐᓇᖁᒡᓗᒋᑦ, ᐃᑲᔪᕈᓐᓇᕐᓗᑎᒡᓗ ᑮᓇᐅᔭᓕᐅᕈᑕᐅᔪᓐᓇᖅᑐᓂᑦ. ᐃᒃᓯᕙᐅᑖᖅ, ᐱᓕᕆᕕᐅᑉ ᐊᑭᑐᔪᖅᑐᕈᑎᒃᓴᖓ ᓴᓇᔭᐅᓯᒪᔪᖅ ᐊᒃᑐᐃᓂᕆᓂᐊᖅᑕᖏᑦ ᓄᓇᕗᒻᒥ ᑮᓇᐅᔭᖅᑐᕈᑎᒃᓴᖏᓐᓄᑦ ᒐᕙᒪᑐᖃᒃᑯᓐᓃᖔᖅᑐᓂᒡᓗ. ᓄᓇᕗᑦ ᒐᕙᒪᒃᑯᖏᓐᓄᑦ ᐃᑲᔪᖅᑐᐃᔾᔪᑏᑦ ᐱᓕᕆᐊᒃᓴᐃᑦ ᐊᑐᐃᓐᓇᐅᖁᒡᓗᒋᑦ, ᒪᓕᒐᕐᓂᓪᓗ ᒪᓕᖁᒡᓗᒋᑦ ᐊᒻᒪᓗᑦᑕᐅᖅ ᓄᓇᓕᐅᔪᑦ ᒐᕙᒪᑐᖃᒃᑯᑦ ᐱᓕᕆᔾᔪᑎᖏᓐᓂᒃ ᐊᑐᕈᓐᓇᖁᒡᓗᒋᑦ ᓯᓚᑖᓃᖓᖅᑐᓂᒡᓗ ᑮᓇᐅᔭᓂᑦ. ᑖᒃᑯᐊ ᐱᓕᕆᖃᑎᒌᖕᓂᐅᔪᑦ ᑖᒃᑯᓂᖓ ᐱᐅᓯᒋᐊᖅᑎᑦᑎᓂᐊᖅᑐᑦ ᐱᖁᑎᕐᔪᐊᓕᕆᓂᕐᒧᑦ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 31 ᐱᔨᑦᑎᖅᑎᒃᑯᑦ ᐊᑭᑐᔫᑎᓅᓕᖓᔪᑦ ᐋᖅᑭᑦᑕᐅᕙᑦᑐᑦ ᐸᕐᓇᓂᒃᑯᑦ, ᐊᖅᑯᑎᐅᓂᐊᖅᑐᒃᑯᑦ ᐃᓱᒪᒋᔭᐅᓪᓗᑎᒃ ᖃᓄᐃᓐᓂᕆᔭᐅᔪᑦ ᐅᓗᕆᐊᓇᕈᑕᐅᒍᓐᓇᖅᑐᑦ, ᐅᐸᓗᖓᐃᖅᓯᒪᑦᓯᐊᕐᓂᖓ ᓄᓇᓖᑦ ᐊᑭᑐᓗᐊᖏᔾᔫᒥᔪᒥᒃ ᐊᑯᓂᓗ ᐊᒃᑐᐃᕈᑕᐅᔪᓐᓇᖅᑐᓂᑦ ᐊᐅᓚᑕᐅᓂᖏᑦ. ᓄᖅᑲᐅᓯᕐᓗᖓ ᐃᒃᓯᕙᐅᑖᖅ, ᐱᔨᔅᓯᖅᑎᒃᑯᑦ 2026-2027−ᒥ ᐊᑭᑐᔫᑎᕗᑦ ᐊᑐᕈᒪᕗᑦ $128.518 ᒥᓕᐊᓐ ᑮᓇᐅᔭᓂᒃ, ᑕᑯᑎᒃᓯᔪᖅ ᑮᓇᐅᔭᖅᑐᕈᑎᒃᓴᑦᓯᐊᕙᐅᓂᐊᖅᑐᖅ ᐃᒥᖅᑕᕈᑎᑦᓯᐊᕙᒻᒧᑦ, ᐊᑦᑕᓇᑦᑕᐃᓕᓂᕐᒧᑦ ᓴᓇᔭᐅᕙᑦᑐᓂᑦ, ᐊᒻᒪᓗ ᐊᑯᓂᒃᑯᑦ ᑲᔪᓯᑦᓴᐃᓐᓇᕈᓐᓇᕐᓗᑎᒃ ᑮᓇᐅᔭᓕᐅᕈᑎᒃᓴᓄᑦ ᐱᖁᑏᑦ. ᑕᒪᒃᑯᐊ ᑮᓇᐅᔭᖅᑐᕈᑕᐅᔪᑦ ᐃᑲᔪᖅᑐᐃᒍᑎᐅᕗᑦ ᓄᓇᓕᖕᓂ ᐅᓪᓗᒥ, ᓯᕗᓂᒃᓴᒧᑦ ᐅᐸᓗᖓᐃᔭᖅᓯᓐᓈᑦ. ᖁᔭᓐᓇᒦᖅᐸᒃᑲ ᑲᑎᒪᔨᐊᓛᑦ ᐃᑉᐱᒍᓱᑦᓯᐊᕐᓂᖓᓄᑦ ᐊᒻᒪ ᑭᐅᒐᓱᑦᓯᐊᖅᐸᒥᓂᐊᖅᐳᖓ ᐊᐱᖅᑯᑎᒃᓴᖃᕈᑎᒃ. ᖁᔭᓐᓇᒦᒃ, ᐃᑦᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ ᒥᓂᔅᑕ ᓯᒪᐃᓚᒃ. ᒪᓕᒐᑐᐃᓐᓇᕐᓃᒃ ᒪᑐᐃᕈᑎᒃᓴᖃᖅᑐᖃᖅᐹ? ᑲᔪᓯᒋᑦ ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᕕᐊᓱᑉᐳᖓ ᒪᑐᐃᕈᑎᖃᕆᐊᒥᒃ. ᑲᑎᒪᔨᐊᓛᑦ ᕿᒥᕐᕈᓚᐅᖅᑎᓪᓗᒋᑦ 2026-2027 ᐊᑭᑐᔫᑎᓄᑦ ᓄᓇᓖᑦ ᐱᔨᑦᑎᖅᑎᒃᑯᖏᓐᓂ. ᐱᔨᑦᓯᖅᑎᒃᑯᑦ ᐱᙳᖅᑎᑕᐅᓚᐅᖅᐳᑦ ᐄᐳᕈᓪ 1, 2025, ᒐᕙᒪᒃᑯᑦ ᐃᓂᓪᓚᒋᐊᕐᒪᑕ. ᐱᔨᔅᓯᑎᒃᑯᑦ ᐊᑐᓕᖁᔭᖓ ᐊᑭᑐᔫᑎᔪᑦ 2026-2027−ᒥ, $128.518 ᒥᓕᐊᓐᓃᑦᑐᖅ ᑮᓇᐅᔭᓂᒃ. ᐊᑭᑐᔫᑎᓄᑦ ᐱᓕᕆᐊᒃᓴᑦ ᐱᔭᑦᓴᑦ ᑲᒪᒋᔭᐅᓕᖅᑐᑦ ᐱᔨᑦᓯᖅᑎᒃᑯᓐᓄᑦ, ᐊᐅᓚᑕᐅᕙᓚᐅᖅᑑᒐᓗᐊᑦ ᐱᕙᓪᓕᐊᔪᓕᕆᔨᒃᑯᓐᓄᑦ ᐃᖏᕐᕋᔪᓕᕆᔨᒃᑯᓐᓄᑦ. ᐱᔨᑦᓯᖅᑎᒃᑯᑦ ᓄᓇᓕᓐᓂ ᐃᑲᔫᑎᐅᕙᑦᑐᓂᑦ ᐱᕙᓪᓕᐊᕈᑎᑦᓴᓄᑦ, ᐊᑐᐊᒐᖓᓪᓗ ᓅᕖᕝᕙ 2024−ᒥ ᓄᑖᙳᕆᐊᖅᑕᐅᓚᐅᖅᓯᒪᕗᖅ ᐃᓱᓕᕝᕕᖃᒪᐅᖅᓱᓂ 2028−ᒥ. ᐅᓪᓗᖅᓯᐅᑎᑦ ᐊᑐᐊᒐᕐᓄᑦ ᐊᑕᐅᓯᐅᖏᑦᑐᓄᑦ ᐊᑭᑐᔫᑎᓄᑦ ᑐᕌᖓᕗᑦ, ᑕᒪᒃᑯᐊᓗ ᓇᓕᐊᓐᓄᕋᐅᑕᐅᕙᑦᑐᑦ ᐱᕈᑎᓄᑦ, ᐊᒻᒪ ᓯᖃᓕᔾᔪᑎᓄᑦ ᓯᐅᕋᑦᓴᒧᑦ, ᐊᒻᒪ ᖃᑦᑎᕆᔾᔪᑎᓄᑦ ᐊᒻᒪᓗ ᑲᔪᓯᑦᓴᐃᓐᓇᕈᓐᓇᖅᑐᓄᑦ ᐱᔨᑦᓯᕋᐅᑎᓄᑦ. ᐱᔨᑦᓯᑎᒃᑯᑦ ᐃᒻᒥᒃᑰᖓᔪᑦ ᐊᑐᐊᒐᖅ ᓄᓇᒃᑰᕈᑎᖃᖅᐹᓂᕐᒧᑦ 2027−ᒥ ᐃᓱᓕᕝᕕᖃᖅᐳᖅ ᒫᑦᓯᐅᓕᖅᐸᑦ. 2025ᒥ- 2026−ᒧᑦ ᐊᑭᑐᔪᖅᑐᔫᑎᓄᑦ ᓄᓇᓕᓐᓂ ᐱᔨᑦᓯᑎᒃᑯᓐᓄᑦ $10 ᒥᓕᐊᓐᓂᒃ ᑮᓇᐅᔭᓂᑦ ᓄᑖᒥᒃ ᐱᔨᑦᓯᕋᐅᑎᐅᑦᓴᐃᓐᓇᕈᓐᓇᕐᓂᐊᖅᑐᒧᑦ. ᑕᕝᕙ 2026-2027 ᐊᑭᑐᔫᑎᓄᑦ ᐱᔨᑦᓯᑎᒃᑯᓐᓂᑦ ᐃᓚᓕᐅᕆᓯᒪᕗᑦ $5 ᒥᓕᐊᓐᓂᑦ ᑮᓇᐅᔭᓂᒃ ᑕᒪᑐᒧᖓ. ᑐᓴᒐᒃᓴᑦ ᐱᔨᑦᓯᑎᒃᑯᓐᓂᑦ ᑕᑯᑎᑦᓯᕗᑦ, ᑐᕌᒐᖃᖅᐳᑦ ᑲᒪᓵᓕᕙᓪᓗᑎᒃ ᓴᓇᒋᐊᕆᐊᓕᓐᓂ ᓄᓇᓖᑦ ᐱᖁᑎᖏᓐᓂᒃ ᑐᐊᕕᓐᓇᖅᑐᖃᖏᔾᔫᒥᓕᖁᓪᓗᒍ, ᐊᒡᒍᖅᑕᐅᓗᑎᓪᓗ ᑖᒃᑯᐊ ᑮᓇᐅᔭᐃᑦ ᑲᔪᓰᓐᓇᓂᐊᖅᑐᓄᑦ ᓄᑖᖑᕆᐊᖅᑕᐅᓂᐊᖅᑐᓄᑦ, ᑐᐊᕕᓐᓇᖅᑐᓄᓪᓗ. ᐃᓇᑦᑎᕗᑦ ᒥᓂᔅᑕᒥᒃ ᐊᕐᕋᒍᑕᒫᑦ ᒪᓕᒐᓕᐅᕐᕕᒻᒧᑦ ᓴᖅᑭᑦᓯᖃᑦᑕᖁᓪᓗᒋᑦ ᐅᓂᒃᑳᓂᒃ. 2025-2026 ᐊᑭᑐᔫᑎᓄᑦ ᐊᑭᑐᔫᑎᖁᑎᒋᓚᐅᖅᑕᖏᑦ ᓄᓇᓖᑦ ᒐᕙᒪᒃᑯᓪᓗ ᐱᔨᑦᓯᑎᒃᑯᑦ $6.15 ᒥᓕᐊᓐ ᑮᓇᐅᔭᐃᑦ, ᑮᓇᐅᔭᖃᕈᑕᐅᕙᓚᐅᑦᑐᑦ ᐱᖁᑎᓄᑦ ᒥᑭᔫᑎᓄᑦ. ᐊᑐᓕᖁᔭᐅᔪᖅ 2026-2027 ᐊᑭᑐᔫᑎᓄᑦ ᐱᖃᓯᐅᑎᓯᒪᕗᑦ $18. ᒥᓕᐊᓐᓂᒃ ᑮᓇᐅᔭᓂᑦ ᐃᒻᒥᒃᑰᖓᔪᖅ ᑮᓇᐅᔭᖃᕈᑕᐅᕙᓐᓂᐊᖅᑐᖅ ᓄᓇᓕᖕᓄᑦ. ᑐᓴᒐᒃᓴᑦ ᐱᔨᖅᑎᒃᑯᓐᓂᑦ ᑕᑯᑎᑦᓯᕗᑦ 2026-2027 ᐱᒋᐊᓕᖅᐸᑦ, ᐅᔭᖅᑲᓂᑦ ᓯᖃᓖᔾᔪᑎᑦ ᑲᔪᓰᓐᓇᕐᓂᐊᖅᑐᖅ ᐱᓕᕆᐊᖑᓂᖓ ᐊᒻᒪᓗ ᑮᓇᐅᔭᐃᑦ ᑐᓂᔭᐅᓕᕐᒥᓗᑎᑦ ᓄᓇᓕᓐᓄᑦ ᐊᑭᑐᔫᑎᓄᑦ ᑮᓇᐅᔭᖃᕈᑕᐅᔪᓂᑦ. ᑕᒪᒃᑯᐊ ᓄᑖᕐᓂᒃ ᐸᕐᓇᐅᑎᓂᒃ ᓴᖅᑮᔾᔮᙱᑦᑐᑦ ᐊᒻᒪᓗ ᐱᒋᐊᖅᖢᒍ ᑕᕝᕙᓂ 2026-2027-ᒥ, ᓂᕆᐅᒋᔭᐅᔫᒐᓗᐊᑦ ᑲᔪᓰᓐᓇᕐᓂᐊᖅᑐᑦ ᓄᓇᓕᓐᓄᑦ ᐃᓚᐅᔪᓄᑦ ᓄᓇᒃᑰᕈᑎᖃᕐᕕᓕᐅᖅᐸᓪᓕᐊᔪᓄᑦ. ᐃᓇᑦᑎᕗᑦ ᐱᔨᑦᑎᒃᑯᓐᓂᑦ ᑲᑎᒪᔩᑦ ᑐᕌᖅᐸᓪᓕᐊᓕᖁᓪᓗᒋᑦ ᐊᓯᐊᓄᑦ ᓄᓇᓕᓐᓄᑦ. ᒥᓂᔅᑕᐅᔪᕐᓗ ᐃᓇᑦᑎᕗᕐᓗ ᐅᓂᒃᑳᓕᐅᖅᐸᖁᓪᓗᒍ ᒪᓕᒐᓕᐅᕐᕕᒻᒧᑦ ᑮᓇᐅᔭᖅᑐᕈᑕᐅᕙᑦᑐᓂᒃ ᐱᓇᓱᑦᑕᐅᔪᓂᓪᓗ ᑖᒃᑯᐊ ᐊᑖᓂ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 32 ᒪᐃ 29, 2023-ᒥ ᓄᓇᕗᑦ ᒐᕙᒪᒃᑯ ᐃᒻᒪᑦᑕᐅᕙᑦᑐᓂᒃ ᐸᕐᓇᒍᑎᐅᔪᖅ ᐃᒡᓗᒨᖅᑕᐅᓚᐅᖅᓯᒪᕗᖅ ᒪᓕᒐᓕᐅᕐᕕᒻᒥ. ᒪᓕᒐᓕᐅᖅᑏᑦ ᐃᓱᒫᓘᑎᖃᖃᑦᑕᖅᓯᒪᕗᖅ ᑐᓴᖅᑎᑕᐅᕈᓘᔭᕈᑎᐅᕙᑦᑐᓂᒃ ᑎᖅᑎᑦᑎᖁᔭᐅᕙᓪᓗᑎᒃ ᐃᒥᕐᒥᒃ, ᖃᓄᐃᑎᒋᓂᖓᑕᓗ ᐃᒥᖅᑕᐅᕙᑦᑐᑦ ᓄᓇᓕᓐᓂᑦ. 2026-2027 ᐊᑭᑐᔫᑎᓄᑦ ᑕᕝᕙ $54 ᒥᓕᐊᓐ ᑮᓇᐅᔭᖃᕈᑎᐅᓂᐊᖅᐳᖅ ᐃᒥᖅᑕᐅᕙᑦᑐᓄᑦ ᐊᒻᒪᓗ ᑭᓈᓗᕝᕕᐅᕙᑦᑐᓄᑦ. $5.1 ᒥᓕᐊᓐ ᑮᓇᐅᔭᐃᑦ ᑐᕌᖓᔪᑦ ᐃᖏᕐᕋᔪᓕᕆᔨᒃᑯᓐᓄᑦ ᐱᖁᑎᕐᔪᐊᓕᕆᔨᒃᑯᓄᓪᓗ ᐱᓕᕆᐊᕆᑦᓴᐃᓐᓇᕐᓂᐊᖅᑕᒥᓄᑦ ᓄᑖᙳᕆᐊᖅᑎᑦᑎᑎᓪᓗᒋᑦ ᑲᖏᖅᓯᓂᕐᒥ. ᑕᒪᒃᑯᐊ ᐱᖁᑏᑦ ᓄᓇᕗᑦ ᒐᕙᒪᒃᑯᑦ ᐱᒋᕙᐃᑦ. ᐊᓯᖏᑦ ᐊᒥᐊᒃᑯᑦ ᑮᓇᐅᔭᐃᑦ ᐊᐅᓚᑕᐅᕗᑦ ᓄᓇᓕᓐᓂ ᐱᔨᖅᑎᒃᑯᓐᓄᑦ, ᐱᓕᕆᐊᖑᔪᓐᓇᖅᑐᓂ ᐃᓚᖏᓐᓂ ᓄᓇᓕᓐᓂ. ᒐᕙᒪᒃᑯᑦ ᒪᓂᒪᑎᑦᓯᓪᓗᑎᒃ ᐊᑭᑦᑐᕋᐅᑦᓯᑦᑎᖃᑦᑕᖅᓯᒪᕗᑦ ᑕᒪᒃᑯᐊ ᐊᑦᑕᖅᑕᐅᕙᑦᑐᑦ ᐱᓪᓗᒋᑦ ᖃᐅᔨᓴᕈᑎᐅᕙᔅᓯᒪᔪᑦ ᓄᓇᓕᓐᓂ. ᐸᕐᓇᐅᑎᐅᓕᕋᑖᖅᑐᓂᒃ ᐱᔨᖅᑎᒃᑯᓐᓂᑦ ᑕᑯᑎᑦᑎᕗᑦ ᑕᒪᒃᑯᐊ ᐊᑦᑐᐊᖃᑕᐅᔪᑦ ᐱᕙᓪᓕᐊᔭᐅᓂᖏᑕ ᐊᑦᑕᖅᑕᐅᕙᑦᑐᐃᑦ ᐱᓪᓗᒋᑦ, ᑭᓯᐊᐃᓂᑦᑕᐅᖅ ᑲᔪᓯᒍᓐᓇᖅᑎᒋᓂᖏᑦ ᐊᑦᑐᐊᔭᐅᓂᖃᕐᒥᒻᒪᑦ. ᓂᕆᐅᑉᐳᑦ ᑲᑎᒪᔩᑦ ᑕᒪᑐᒪᑉ ᐱᕙᓪᓕᐊᔭᐅᓂᖓᑕ. 2025-ᒥᓕ 2026 ᐊᑭᑐᔫᑎᓄᑦ ᒐᕙᒪᒃᑯᓐᓂ ᐱᔨᑦᑎᕋᖅᑎᒃᑯᓐᓂ, ᑕᒫᓂ $750,000.00 ᑮᓇᐅᔭᓂᒃ ᓄᓇᓕᓐᓂ ᖃᐅᔨᓴᕈᑎᓄᑦ ᐱᓕᕆᐊᑦᓴᐅᔪᓐᓇᖅᑐᓪᓗ ᐊᑭᑐᔫᑎᐅᙱᑦᑐᓄᑦ ᐱᖁᑎᓄᑦ. ᐊᑐᓕᖁᔭᐅᓂᖓ 2026-2027 ᐱᔨᑦᑎᕋᖅᑎᒃᑰᓕᖅᑐᓂᒃ $750,000.00 ᑮᓇᐅᔭᑦ ᑐᕌᖓᔪᑦ ᓄᓇᓕᓐᓄᑦ ᖃᐅᔨᓴᕈᑎᐅᖃᑦᑕᖅᑐᑦᓴᓄᑦ. ᑲᑎᒪᔩᑦ ᐃᓇᑦᑎᕗᑦ ᑲᑎᒪᕕᒃ ᐅᓂᒃᑳᓕᐅᖃᑦᑕᖁᓪᓗᒋᑦ ᒪᓕᒐᓕᐅᖅᐸᖁᓪᓗᒋᑦ ᑮᓇᐅᔭᖅᑐᕈᑎᒋᕙᑦᑕᖏᓐᓂᑦ ᐱᓇᓱᑦᑕᖏᓐᓂᓪᓗ. ᐱᔨᑦᑎᕋᐅᑎᓕᕆᔨᒃᑯᑦ 2026-2027 ᐊᑭᑐᔫᑎᓄᑦ ᐱᖃᓯᐅᑎᓯᒪᒻᒥᔪᖅ ᐱᕙᓪᓕᐊᔪᓕᕆᕝᕕᐅᔪᓄᑦ ᐃᖏᕐᕋᔅᓴᐃᓐᓇᕈᑎᑦᓴᖏᓐᓄᑦ, ᑕᒪᒃᑯᐊ ᐊᐅᓚᑕᐅᕙᓚᐅᖅᑑᒐᓗᐊᑦ ᐱᕙᓪᓕᐊᔪᓕᕆᔨᒃᑯᓐᓄᑦ ᐃᖏᕐᕋᔪᓕᕆᔨᒃᑯᓐᓄᑦ. ᑲᑎᒪᔩᑦ ᐃᓇᑦᑎᕗᑦ ᒥᓂᔅᑕᒥᒃ ᐅᓂᒃᑳᓕᐅᖅᐸᖁᓪᓗᒋᑦ ᒪᓕᒐᓕᐅᕐᕕᒻᒧᑦ ᑮᓇᐅᔭᖅᑐᕈᑎᒋᕙᑦᑕᖏᓐᓂᒃ ᐱᓇᓱᑦᑕᒥᓐᓂᓪᓗ ᑖᒃᑯᓇᓂᒃ. ᒪᓕᒐᓕᐅᖅᑏᑦ ᐃᓇᑦᑎᕗᑦ ᐱᔨᑦᑎᕋᐅᑎᓕᕆᔨᒃᑯᑦ ᐊᖏᓪᓕᒋᐊᖁᔨᓪᓗᑎᑦ ᑮᓇᐅᔭᖃᖅᑎᑦᓯᓂᖏᑦ ᐱᖃᓯᐅᓪᓗᒋᑦ ᐋᖅᑭᒋᐊᕈᑎᑦᓴᓄᑦ ᑕᒪᒃᑯᓄᖓ ᐱᖁᑎᒋᔭᐅᔪᓄᑦ ᓄᓇᕗᑦ ᐱᕙᓪᓕᐊᔪᓕᕆᔨᒃᑯᑦ ᑯᐊᐳᕇᓴᓐ-ᒃᑯᓐᓄᑦ, ᑖᒃᑯᐊ ᐃᓱᓕᑉᐳᑦ ᒪᑐᐃᕈᑎᒋᔭᒃᑲ 2026-2027 ᐊᑭᑐᔫᑎᑦᓴᕆᔭᖏᑕ ᐱᔨᑦᑎᕋᐅᑎᓕᕆᔨᒃᑯᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᑲᔪᓯᓂᐊᓕᕐᒥᓗᑕ ᐊᑐᓃᑦᑕᕐᓗᒋᑦ K-2-ᒥ ᐱᒋᐊᕐᓂᐊᖅᑐᒍᑦ ᐊᑭᑐᔫᑎᓅᖓᔪᑦ ᓇᓕᖅᑲᖏᑦ. ᑖᒃᑯᐊ ᕿᒥᕐᕈᓂᐊᓕᕐᒥᔭᕗᑦ, ᐊᐱᖅᑯᑎᑦᓴᖃᖅᐸᑦ ᒪᑐᐃᕈᑎᐅᔪᒧᑦ. ᒪᓕᒐᓕᐅᖅᑎ ᑲᖏᖅᓯᓂᖅ ᐅᐊᓐᓇᖓᓄᑦ ᐃᓪᓗᓕᒑᕐᔪᒻᒧᑦ, ᒥᔅᑕ ᓴᒻᒧᖅᑐᖅ. ᓴᒻᒧᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑕᑯᑉᓗᒍ ᐊᑭᑐᔫᑎᓄᑦ ᓈᓴᐅᑎᖏᓐᓂᒃ ᑕᒪᒃᑯᐊ ᐸᕐᓇᐅᑎᐅᔪᑦ ᐊᓯᖏᓐᓂᒃ ᓄᓇᓕᐅᔪᓂ, ᐊᐱᖅᑯᑎᖃᖅᐳᖓᓕ ᐸᕐᓇᐅᑎᖃᕐᒪᖔᔅᓯᑦ ᓄᑖᙳᕆᐊᖅᑕᐅᓇᔭᖅᐸᑦ ᐃᒥᕐᒧᑦ ᓴᓗᒻᒪᖅᓴᐃᕝᕕᐅᔪᖅ ᐃᓪᓗᓕᒑᕐᔪᒻᒥ? ᖁᔭᓐᓇᒦᒃ, ᐃᔅᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᑦᓯᕙᐅᑖᖅ. ᖁᔭᓐᓇᒦᓪᓗ ᐊᐱᕆᒻᒪᑦ. ᐃᒥᕐᒥᒃ ᓴᓗᒻᒪᖅᓴᐃᓂᖅ ᓯᕗᓪᓕᐅᔾᔭᐅᓯᒪᓪᓚᕆᒻᒪᑦ ᓄᓇᕗᒻᒥ, ᓄᓇᓖᑦ ᐊᒥᓱᑦ ᐱᑐᖃᙳᖅᐸᓪᓕᐊᒻᒪᑕ ᓄᑖᙳᕆᐊᖅᑕᐅᕙᓪᓕᐊᒋᐊᖃᓕᖅᑐᓂᑦ. ᐱᓕᕆᐊᖑᕙᓪᓕᐊᔪᑦ ᑲᔪᓯᕙᓪᓕᐊᔪᑦ ᐱᕙᓪᓕᐊᓯᒪᔪᑦ ᐸᕐᓇᓐᓂᒃᑯᑦ, ᐊᑭᑐᔫᑎᓂᒃ ᑕᕝᕙ ᐊᖏᖅᑕᐅᔭᕆᐊᓖᑦ, ᓄᓇᓖᓪᓗ ᓴᓇᒍᓐᓇᖅᓯᕙᓪᓕᐊᓕᕋᔭᖅᑐᑦ ᐅᐸᓗᖓᐃᔭᖅᓯᒪᓕᖅᑲᑕ ᑖᒃᑯᐊᓗ ᓇᕝᕚᖅᑕᐅᓯᒪᓕᖅᑲᑕ ᐊᑭᑐᔫᑎᑦᓴᓄᑦ ᑮᓇᐅᔭᐃᑦ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 33 ᒫᓐᓇ ᓴᓇᔭᐅᙱᑦᑐᑦ ᓱᓕ Hᐋᒻᒪᓗᒃᑯᓐᓂᑦ ᐱᓕᕆᖃᑎᖃᑦᓴᐃᓐᓇᖅᑐᑦ ᕿᒥᕐᕈᖃᑎᖃᖅᑐᑎᑦ ᐱᔭᕆᐊᓕᖏᓐᓂᒃ ᐱᕙᓪᓕᐊᒍᑎᔅᓴᓂᓪᓗ ᐃᑲᔪᖅᑐᐃᒍᑎᑦᓴᐅᓇᔭᖅᑐᓂᒃ ᐃᓱᒪᒋᔭᐅᓇᔭᖅᑐᓂᒃ ᐊᑭᑐᔫᑎᓄᑦ ᐊᑐᕈᓐᓇᕋᔭᖅᑐᓄᑦ. ᖁᔭᓐᓇᒦᒃ, ᐃᑦᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᓯᒪᐃᓚᒃ. ᒪᓕᒐᓕᐅᖅᑎᒃ ᑲᖏᖅᓯᓂᑉ ᐅᐊᓐᓇᖓᓄᑦ ᐃᓪᓗᓕᒑᕐᔪᒻᒧᓪᓗ. ᓴᒻᒧᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᑦᓯᕙᐅᑖᖅ.

Hᐋᒻᒪᓚᒃᑯᑦ ᐃᓪᓗᓕᒑᕐᔪᒻᒥ ᒫᓐᓇ ᐸᕐᓇᐅᑎᖃᕐᒪᑕ ᑖᓐᓇ ᓴᓇᕝᕕᖓ ᓄᓇᒃᑰᕈᑎᖃᕐᕕᖓ ᓴᓇᔭᐅᖁᑉᓗᒍ> ᑕᑯᙱᑕᐃᓐᓇᕋᒪ ᐊᓯᔾᔨᖅᑕᐅᒍᑎᔅᓴᖓᑕ ᓄᑖᙳᕆᐊᖅᑕᐅᓂᔅᓴᖓᑕᐃᓛᒃ ᐃᓪᓗᓕᒑᕐᔪᒻᒥ. ᐃᓪᓗᓕᒻᒧᑦ ᑕᑯᒐᓗᐊᖅᐳᖓ. ᑐᓴᖅᑎᒍᓐᓇᖅᐸᙵ ᑖᑦᓱᒧᖓ ᐃᔅᓯᕙᐅᑖᖅ? ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᔨᑦᑎᕋᐅᑎᓕᕆᔨᒃᑯᑦ ᐊᑐᓂ ᓄᓇᓕᓐᓂ ᐱᓕᕆᖃᑎᖃᖅᐸᑦᑐᒍᑦ ᐱᔭᕆᐊᖃᖅᑕᖏᓐᓂᒃ, ᑎᑎᕋᐅᔭᖅᓯᒪᓂᖓ ᐃᓪᓗᓕᒑᕐᔪᒻᒧᑦ ᐱᔭᕇᖅᑕᐅᓚᐅᖅᓯᒪᓚᐅᖅᑐᖅ, ᓴᓇᔭᐅᕙᓪᓕᐊᓛᖅᑐᑦᓴᐅᓕᖅᐳᖅ ᕿᓚᒥᒃᑯᑦ. ᖁᔭᓐᓇᒦᒃ, ᐃᔅᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒪᓕᒐᓕᐅᖅᑎ ᑲᖏᖅᓯᓂᕐᒧᑦ, ᐃᓪᓗᓕᒑᕐᔪᒻᒧᑦ, ᒥᔅᑕ ᓴᒻᒧᖅᑐᖅ. ᓴᒻᒧᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᑦᓯᕙᐅᑖᖅ. ᑕᑯᑉᓗᖓ ᖃᑦᑎᕆᔾᔪᑏᑦ ᐊᓯᔾᔨᖅᑕᒥᓂᐅᔪᖅ ᓄᓇᓕᓐᓂ ᐃᓚᖏᓐᓂ ᓄᓇᕗᒻᒥ. ᓇᓪᓕᐊᑦ ᓄᓇᓖᑦ ᐊᕐᕌᒍᕆᔭᑦᑎᓐᓂ ᐊᓯᔾᔨᖅᑕᐅᓂᐊᖅᐸᑦ ᖃᑦᑎᕆᔾᔪᑎᖏᑦ? ᖁᔭᓐᓇᒦᒃ, ᐃᑦᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᓴᒻᒧᖅᑐᖅ. ᒥᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᔅᓯᕙᐅᑖᖅ. ᖁᔭᓐᓇᒦᒃ ᒪᓕᒐᓕᐅᖅᑎ ᐊᐱᕆᒻᒪᑦ. ᓄᓇᓕᒻᒥ ᖃᑦᑎᕆᔾᔪᑎᑖᓛᖅᑐᓂᒃ ᓴᓂᕋᔭᒃ, ᑕᓗᕐᔪᐊᕐᓗ. ᐊᒻᒪᓗ ᑭᖑᓂᐊᒍᑦ ᖃᑦᑎᕆᔾᔪᑎᑖᓛᕐᒥᔫᒃ ᐃᓪᓗᓕᒑᕐᔪᒃ ᐊᒻᒪ ᑎᑭᕋᕐᔪᐊᖅ. ᖁᔭᓐᓇᒦᒃ, ᐃᔅᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᓯᒪᐃᓚᒃ. ᒪᓕᒐᓕᐅᖅᑎ ᑲᖏᖅᓯᓂᖅ ᐃᓪᓗᓕᒑᕐᔪᒃ, ᒥᔅᑕ ᓴᒻᒧᖅᑐᖅ. ᓴᒻᒧᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᔅᓱᒥᖓ ᐅᖃᐅᓯᐅᔪᒥᒃ ᑭᖑᓪᓕᖅᐹᕆᓂᐊᖅᑕᕋ ᐊᐱᖅᑯᑎᓐᓂᒃ, ᑭᓯᐊᓂ ᑕᒻᒪᖅᑐᑦᓴᐅᒐᓗᐊᖅᐳᖓ ᖃᓄᑭᐊᖅ ᑐᑭᓯᑎᓐᓂᐊᖅᐸᕐᒪ, ᐃᒃᓯᕙᐅᑖᖅ. ᐅᖁᐊᓯᖃᖅᑐᖅ ᑲᖏᖅᓯᓂᕐᒥ Hᐋᒻᒪᓚᒃᑯᑦ ᐊᓪᓚᕝᕕᔅᓴᖓ ᐊᓯᔾᔨᖅᑕᐅᓂᑦᓴᖓ ᐃᓕᑦᓯᓐᓃᒃᑲᔭᕈᓂ, ᐱᓕᕆᕕᔅᓯᖕᓂ ᑭᓯᐊᓂ ᐸᕐᓇᐅᑎᖃᕐᒪᖔᖅ ᑐᑭᓯᒍᒪᔪᖓ? ᐊᓪᓚᕝᕕᐅᑉ ᐊᓯᔾᔨᖅᑕᐅᒐᔭᕐᓂᖓᑕ Hᐋᒻᒪᓚᒃᑯᑦ. ᖁᔭᓐᓇᒦᒃ, ᐃᑦᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᓴᒻᒧᖅᑐᖅ. ᒥᓂᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᑦᓯᕙᐅᑖᖅ. ᐱᑕᖃᙱᑦᑐᒍᑦ ᐸᕐᓇᐅᑎᓂᒃ ᒫᓐᓇ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐊᑎᖁᑎᓐᓃᒻᒥᔪᖅ ᐃᖃᓗᑦᑑᑦᓯᐊᕐᒧᑦ, ᒥᔅᑕ ᐲᑕᓴᓐ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 34 ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᑦᓯᕙᐅᑖᖅ. ᐊᐱᖅᑯᑎᒐᓕ ᑖᒃᑯᐊ ᓄᓇᓕᓐᓄᑦ ᑮᓇᐅᔭᖅᑖᕈᑎᐅᓪᓗᐊᑕᖅᐸᑦᑐᑦ, ᑐᓴᖅᑎᑦᑎᒍᑎᓯᑦ ᐅᖃᕐᒪᑦ; “ᐃᓚᖏᑦ ᑮᓇᐅᔭᓂᒃ ᑮᓇᐅᔭᒃᑲᓐᓂᕐᓂᒃ ᑐᕌᖓᒍᑕᐅᓂᐊᓕᖅᑐᓄᑦ ᐱᓯᒪᒻᒪᑕ.” ᐅᓂᒃᑳᕆᔪᓐᓇᖅᐱᐅᒃ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᒃᑯᐊ ᓄᓇᓕᓐᓄᑦ ᐊᑭᑐᔫᑎᓂᒃ ᑮᓇᐅᔭᖃᖅᑎᑦᑎᓂᖅ Hᐋᒻᒪᓚᒃᑯᑦ ᐱᔪᓐᓇᕐᓂᖃᖅᑐᔅᓴᐅᖁᑉᓗᑎᒍᑦ ᓴᙱᓂᖃᕐᓂᖅᓴᐅᓗᑎᒃ, Hᐋᒻᒪᓚᒃᑯᑦ ᐃᓱᒪᓕᐅᕈᓐᓇᓕᕐᓗᑎᒃ ᓇᓪᓕᐊᑦ ᓯᕗᓪᓕᐅᔾᔭᐅᔪᔅᓴᐅᒻᒪᖔᑦ ᐱᓕᕆᐊᑦᓴᒥᓐᓂᒃ, Hᐋᒻᒪᓚᒃᑯᑦ ᑕᐃᒪᐃᓕᐅᖅᐸᓐᓂᐊᓕᖅᑐᑦ. ᖁᔭᓐᓇᒦᒃ, ᐃᑦᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐲᑕᓴᓐ ᓱᓕᓗ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᑦᓯᕙᐅᑖᖅ. ᓄᑖᕐᒥᒃ ᐊᖅᑯᑎᖃᕆᐊᓚᐅᙱᓂᑦᓯᖕᓂᒃ, ᑖᒃᑯᐊ ᑐᔅᓯᕋᖅᐸᑦᑐᑦ ᒪᓕᑦᑕᐅᕙᑦᑎᓪᓗᒋᑦ, ᖃᑦᑎᐅᕙᓚᐅᖅᐸᑦ ᑮᓇᐅᔭᐃᑦ ᐊᑐᓂ ᑐᑦᓯᕋᖃᑦᑕᕈᓐᓇᓚᐅᖅᐸᑦ ᑮᓇᐅᔭᓂᒃ? ᐊᒥᓱᑦ ᖃᑦᑎᓂᒃ ᐊᐱᖅᑯᑎᒋᕙᕋ, ᐊᔾᔨᒋᓂᐊᕐᒪᖔᒍᒃ ᐊᑐᐃᓐᓇᐅᓚᐅᖅᑐᓂᒃ ᐅᕝᕙᓗ ᒥᑭᓂᖅᓴᐅᓗᓂ ᐊᖏᓂᖅᓴᐅᓗᓂᓘᓐᓃᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒻᒪᓗ ᖁᔭᓐᓇᒦᒃ ᐅᑕᖅᑭᑦᑎᐊᕋᔅᓯ. ᐃᖃᓗᒃᑑᑦᓯᐊᕐᒧᑦ ᕿᑎᕐᒥᐅᓄᑦ $1,208,000.00-ᖑᓚᐅᖅᑐᑦ $308 ᒥᓕᐊᓐ-ᖑᔪᑦ ᑮᓇᐅᔭᑦ ᑕᕝᕙᓂ ᕿᑎᕐᒥᐅᓄᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑕᐃᓐᓇ ᓄᑕᐅᙱᓂᖅᓴᖅ ᑖᒃᑯᑎᒎᓈᖅᑐᖅ ᑕᑯᓐᓇᕐᓗᒍ, ᐊᕐᕌᒍᑕᒫᖅ ᑮᓇᐅᔭᖃᖅᑎᑦᑎᖃᑦᑕᕐᒪᑕ ᓲᕐᓗᒃ ᓴᓇᔪᒪᔭᖓᑕ ᑮᓇᐅᔭᑦ ᓄᑕᐅᙱᑦᑐᓂᒃ ᓄᑖᕐᓄᑦ ᓄᑦᑎᖅᑕᐅᖃᑦᑕᕐᒪᑕ ᓇᖕᒥᓂᖅ ᐃᓱᒪᖅᓲᑎᒋᔪᓐᓇᕐᓂᐊᕐᒪᔾᔪᒃ, ᓇᓕᐊᒃ ᓯᕗᓪᓕᐅᓂᐊᕐᒪᖔᖅ. ᑖᓐᓇ ᑭᐅᔭᕋᓗᐊᑦ ᑭᓯᐊᓂ ᖃᑦᑎᓂᒃ Hᐋᒻᒪᓚᒃᑯᑦ ᐊᕐᕌᒍᖅ ᐊᑕᐅᓯᕐᒥᒃ, ᖃᑦᑎᓂᒃ ᑮᓇᐅᔭᓂᒃ ᐱᔪᓐᓇᖅᐸᑦ? ᓲᕐᓗᒃ ᐆᑦᑑᑎᒋᓗᒍᒃ ᐃᖃᓗᑦᑑᑦᓯᐊᖅ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᓂᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑕᐃᒃᑯᐊ ᒪᓕᒐᐃᑦ ᒪᓕᑐᐃᓐᓇᖃᑦᑕᖅᑕᕗᑦ, ᓲᕐᓗᒃ Hᐋᒻᒪᓚᒃᑯᑦ ᑖᒃᑯᓄᖓ ᐊᑐᐊᒐᐃᑦ ᒪᓕᒐᖏᑦ ᐃᓗᐊᓃᑦᑐᑦ ᒪᓕᖃᑦᑕᖅᑕᕗᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ.

Hᐋᒻᒪᓚᒃᑯᓂᒃᑯᐊᑦ ᐊᒥᒐᙱᑦᑐᓂᒃ ᑮᓇᐅᔭᖅᑖᖃᑦᑕᖁᒐᑦᑎᒃᑯᑦ, ᒪᓕᒐᖅᑎᒍᑦ ᒪᑯᐊ ᐊᑐᕆᐊᓕᖏᑦ ᐊᖑᒻᒪᑎᖁᓪᓗᒋᑦ. ᐄ’, ᖁᕕᐊᓇᖅ ᐅᖃᖅᑲᐅᒐᕕᑦ Hᐋᒻᒪᓚᒃᑯᑦ ᐃᓗᐃᒃᑲᑦ ᑮᓇᐅᔭᑦ ᐱᖃᑦᑕᖅᑕᖏᑦ ᐅᓄᖅᓯᒋᐊᖅᑕᐅᓂᐊᖅᑐᑦ. ᖁᔭᓐᓇᒦᒃ ᑕᐃᒪᐃᓕᖅᑲᐅᒐᕕᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᐲᑕᓴᑦ. ᒥᔅᑕ ᓯᒪᐃᓚᒃ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 35 ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐄ’, Hᐋᒻᒪᓚᒃᑯᓐᓂᒃ ᐃᖅᑲᓇᐃᔭᖃᑎᖃᐃᓐᓇᕐᓂᐊᖅᑐᒍᑦ ᖃᓄᐃᑦᑐᓂᒃ ᐊᓯᔾᔨᕐᓂᓐᓂ ᐋᖅᑭᒋᐊᖅᓯᔪᓐᓇᕐᓂᐊᕐᒪᖔᑦᑕ, ᐱᔨᑦᑎᖅᑎᐊᕐᓂᖅᓴᐅᔪᒪᒐᑦᑕ Hᐋᒻᒪᓚᒃᑯᓐᓄᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐊᕐᕕᐊᑦ ᓂᒋᐊᓄᑦ, ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᔅᓯᕙᐅᑖᖅ. ᐱᓕᕆᕕᓯᑦ ᑐᒃᓯᕌᖏᑦ 2026-2027 ᐊᑭᑐᔪᖅᑐᕈᑎᒃᓴᐃᑦ ᐃᓚᖃᖅᑐᑦ $49.553 ᒥᓕᐊᓐᓂᒃ ᑮᓇᐅᔭᓂᑦ, ᓄᓇᕗᑦ ᒐᕙᒪᒃᑯᑦ ᑮᓇᐅᔭᖁᑎᖏᑦ ᐊᑐᖅᑐᒃᓴᐃᑦ ᐃᒥᕐᒧᑦ ᓱᕈᕐᓄᓪᓗ ᑐᕌᖓᔪᑦ ᐊᑭᑐᔪᖅᑐᕈᑏᑦ. ᑕᐃᒪᐃᓕᖓᑎᓪᓗᒍ 44.4%-ᖑᕗᑦ ᑲᑎᓕᒫᕐᓗᒋᑦ ᑖᒃᑯᐊ ᐊᑭᑐᔪᖅᑐᕈᑎᒃᓴᐃᑦ ᐊᑐᕈᒫᕐᓂᐊᖅᑕᖏᑦ 2026-2027 ᐊᕐᕌᒍᐊᓂ. ᖃᔅᓯᕌᕐᓂᐊᕋᓱᒋᔭᐅᕙᑦ ᑲᑎᓕᒫᕐᓗᒋᑦ ᑮᓇᐅᔭᖅᑐᕈᑏᑦ, ᐊᓯᔾᔨᕐᓂᐊᕐᓗᑎᒃ ᐅᕝᕙᓗᓐᓃᑦ ᓄᑖᙳᕆᐊᖅᑎᑕᐅᑉᐸᑕ ᐃᒥᕐᒧᑦ ᓱᕈᕐᓄᓪᓗ ᐃᒥᕐᓄᑦ ᐊᑐᕐᓂᐊᖅᑐᑦ ᓄᓇᕗᑦ ᓄᓇᓕᖁᑎᓕᒫᖏᓐᓂ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᔅᓯᕙᐅᑖᖅ. ᐊᒻᒪᓗ ᖁᔭᓐᓇᒦᒃ ᑖᓐᓇ ᐊᐱᖅᑯᑎᒋᒐᖕᓂ. ᒫᓐᓇ ᑖᓐᓇ ᑭᐅᔪᓐᓇᙱᖦᖢᒍ ᓄᓇᓖᑦ ᐃᒃᑯᐊ ᐊᔾᔨᒌᙱᑦᑐᓂᒃ ᑭᙴᒪᔭᖃᕐᒪᑕ. ᐃᓚᖏᓪᓗ ᓲᕐᓗᒃ ᐃᒥᖅᑕᕐᕕᖏᑦ ᐅᖓᓯᓐᓂᖅᓴᐅᖕᒪᑕ. ᒪᑯᐊᓗ ᐊᒃᑕᕐᕖᑦ ᐊᔾᔨᒌᙱᑦᑐᓂᒃ ᑕᐃᒃᑯᐊ ᑭᙴᒪᔭᖃᖅᑐᑦ ᓄᓇᓕᓕᒫᑦ. ᑖᓐᓇ ᑭᐅᔪᓐᓇᙱᖦᖢᒍ ᑕᐃᒪᐃᓐᓂᖓ ᐱᔾᔪᑎᒋᓪᓗᒍ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ: ᖁᔭᓐᓇᒦᒃ. ᐊᕐᕕᐊᑦ ᓂᒋᐊᓄᑦ, ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐅᓇ ᐊᐱᖅᑯᑎᒋᓂᐊᖅᑕᕋ ᐊᑭᑐᔪᖅᑐᕈᑎᒃᓴᐃᑦ ᐃᓗᐃᒃᑲᐃᑦ ᖃᑦᓯᓂᒃ ᑮᓇᐅᔭᓂᒃ ᐱᔪᓐᓇᖅᐸᑦ ᕼᐊᒻᓚᒃᑯᑦ ᐊᕐᕌᒎᑉ ᐃᓗᐊᓂ ᑖᒃᑯᐊ ᐊᑐᕐᓗᒋᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ: ᖁᔭᓐᓇᒦᒃ. ᓄᓇᓕᓐᓂ ᐱᔨᑦᓯᖅᑏᑦ ᒥᓂᔅᑕᖓᑦ, ᒥᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᖅᖢᒍᓗ ᑖᓐᓇ ᐊᐱᖅᑯᑎᒋᖕᒪᒍ. ᐃᓄᐃᑦ ᐅᓄᕐᓂᖏᑦ ᒪᓕᖃᑦᑕᖅᑕᕗᑦ ᐊᒻᒪᓗ ᒪᑯᐊ ᐱᖁᑎᕐᔪᐊᑦ ᓲᕐᓗᒃ ᐊᖅᑯᑏᑦ ᒪᓕᒐᐃᑦ ᑕᐃᒃᑯᐊ ᒪᓕᖃᑦᑕᕆᐊᖃᕋᑦᑎᒃᑯᑦ ᐊᔾᔨᒌᙱᖦᖢᑎᒡᓗ ᓄᓇᓖᑦ ᐊᑐᓂ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ: ᖁᔭᓐᓇᒦᒃ. ᐊᕐᕕᐊᑦ ᓂᒋᐊᓄᑦ ᒪᓕᒐᓕᐅᖅᑎ, ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒻᒪᓗ ᖁᔭᓐᓇᒦᖅᖢᒍ ᑖᓐᓇ ᒥᓂᔅᑕ ᑭᐅᖕᒪᑦ. ᓇᓕᐊᒃ ᓄᓇᕗᑦ ᕼᐊᒻᓚᒃᑯᖏᖕᓂ ᑎᑎᕋᕐᕕᒃᑖᕆᐊᖃᖅᐸᑦ ᓄᑖᓂᕐᓂᒃ, ᐱᙳᐊᕐᕕᖕᓂᒃ, ᐊᒻᒪᓗ ᓯᐊᕐᕆᔮᕐᕕᖕᓂ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ: ᖁᔭᓐᓇᒦᒃ. ᓄᓇᓕᓐᓂ ᐱᔨᑦᓯᖅᑏᑦ ᒥᓂᔅᑕᖓᑦ, ᒥᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒻᒪᓗ ᖁᔭᓐᓇᒦᒃ ᐊᐱᖅᑯᑎᒋᒐᖕᓂ. ᐊᔾᔨᖐᙱᒻᒥᔪᑦ ᑕᐃᒃᑯᐊ ᕼᐊᒻᓚᒃᑯᑦ ᑐᒃᓯᕋᖅᑎᐅᖃᑦᑕᕐᒪᑕ ᑮᓇᐅᔭᓂᒃ ᒪᑯᓄᖓ ᐱᖁᑎᕐᔪᐊᓄᑦ ᐊᑐᕐᓂᐊᖅᑐᓂᒃ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ: ᖁᔭᓐᓇᒦᒃ. ᐊᕐᕕᐊᑦ ᓂᒋᐊᓄᑦ, ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒻᒪᓗ ᖁᔭᓐᓇᒦᒃ ᑖᓐᓇ ᑭᐅᖕᒪᑦ. ᐊᕐᕕᐊ ᓂᓪᓕᐅᑎᒋᓗᒍ, ᑕᐃᓐᓇ ᓯᐊᕐᕆᔮᕐᕕᖓ. ᐊᒻᒪᓗ ᑕᐃᒃᑯᐊ ᐸᕐᓇᐅᓯᐊᕆᔭᐅᓯᒪᔪᑦ ᒪᑯᓄᖓ ᐱᖁᑎᕐᔪᐊᑦ ᐊᕐᕕᐊᑦ ᓯᐊᕐᕆᔮᕐᕕᖓ

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 36 ᑕᐃᒪᙵᓂᒃ 1981-ᒥ ᐊᐅᓚᑕᐅᓯᒪᓕᕐᒪᑦ ᑖᒃᑯᓄᖓ ᕼᐊᒻᓚᒃᑯᓐᓄᑦ. ᑕᐃᓐᓇ ᓄᑕᐅᙱᓐᓂᖅᐹᖑᖕᒪᑦ ᕼᐋᑭᕐᕕᒃ ᓄᓇᕗᒻᒥ ᐊᒻᒪᓗ ᓄᑖᙳᕆᐊᖅᑎᑕᐅᔭᕆᐊᖃᓪᓚᕆᖦᖢᓂ. ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᐊᕐᕕᐊ ᓄᑖᕐᒥᒃ ᓯᐊᕐᕆᔮᕐᕕᖕᒥᒃ ᓴᓇᕕᐅᓛᕐᒪᖔᖓ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ: ᖁᔭᓐᓇᒦᒃ. ᓄᓇᓕᓐᓂ ᐱᔨᑦᓯᖅᑏᑦ ᒥᓂᔅᑕᖓᑦ, ᒥᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᒪ’ᓇ, ᐃᒃᓯᕙᐅᑖᖅ. ᐊᒻᒪᓗ ᖁᔭᓐᓇᒦᒃ ᐊᐱᖅᑯᑎᒋᒐᖕᓂ ᐊᕐᕕᐊᑦ ᓯᐊᕐᕆᔮᕐᕕᖓ. ᕼᐊᒻᓚᒃᑯᓐᓂᒃ ᐃᖅᑲᓇᐃᔭᖃᑎᖃᕈᓐᓇᖅᑐᒍᑦ ᑕᐃᒃᑯᐊ ᐸᕐᓇᐅᑏᑦ ᒪᓕᒡᓗᒋᑦ. ᐊᒻᒪᓗ ᓇᓗᓇᐃᖅᓯᔪᓐᓇᖅᑐᒍᑦ ᑮᓇᐅᔭᓂᒃ ᐊᑐᕆᐊᓖᑦ ᐊᑐᐃᓐᓇᐅᓂᐊᕐᒪᖔᖏᑦ. ᓈᓚᒍᓐᓇᑦᑎᐊᖅᑐᒍᑦ ᕼᐊᒻᓚᒃᑯᓐᓂ ᖃᓄᖅ ᐃᑲᔪᕈᓐᓇᕐᓂᐊᕐᒪᖔᑦ ᓯᐊᕐᕆᔮᕐᕕᒃ ᐱᓪᓗᒍ ᐊᕐᕕᐊᓂᑐᐃᓐᓇᙱᑦᑐᖅ ᐊᓯᖏᓐᓂᒡᓗ ᑕᐃᒃᑯᐊ ᓯᐊᕐᕆᔮᕐᕕᓕᖕᓂᒃ ᐅᖃᖃᑎᖃᕈᓐᓇᖅᑐᒍᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ: ᖁᔭᓐᓇᒦᒃ. ᒪᓕᒐᓕᐅᖅᑎ ᐊᐃᕝᕙᓚᕼᐋ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᐱᖅᑯᑎᒐᓕ ᑖᓐᓇ ᓄᓇᓕᖕᓂ ᓄᓇᓯᐅᑎᖃᕐᕕᐅᔪᑦ. ᑕᕝᕙᓂ $21 ᒥᓕᐊᙳᖕᒪᑦ ᑮᓇᐅᔭᑦ. ᓴᓂᕋᔭᒃ ᐱᓇᔪᒃᓯᒪᖕᒪᖔᖅ ᖃᐅᔨᒪᙱᖦᖢᒍ. ᑐᓴᕋᓱᒃᑐᖓᓕ ᖃᖓ ᐱᔪᒃᓴᐅᑕᒫᖑᖕᒪᖔᑦ ᓄᓇᓯᐅᑎᖃᕐᕕᐅᔪᓄᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ: ᖁᔭᓐᓇᒦᒃ. ᒪᓕᒐᓕᐅᖅᑎ ᐊᒥᑦᑐᕐᒥᐅᖅ. ᒥᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᖦᖢᒍᓗ ᐊᐱᕆᖕᒪᑦ. ᓴᓂᕋᔭᒃ ᓄᓇᓯᐅᑎᖃᕐᕕᖕᒥᒃ ᐱᔪᒪᓚᐅᖅᑐᑦ. ᑖᓐᓇ ᐃᓚᓕᐅᔾᔭᐅᓯᒪᙱᑦᑐᑦ ᑕᒪᑐᒪᓂ ᐊᕐᕌᒍᒥ. ᑭᓯᐊᓂ, ᐅᓪᓗᒥ ᑕᐃᒃᑯᐊ ᐱᓕᕆᐊᕆᓂᐊᖅᑕᕗᑦ ᐱᔭᕇᖅᐸᑦ ᐃᓱᒪᒃᓴᖅᓯᐅᕈᑎᒋᓂᐊᖅᑕᕗᑦ. ᑮᓇᐅᔭᓂᒃ ᐊᓯᖏᓐᓂᒃ ᐃᓚᓕᐅᕐᓗᒍ ᑲᓇᑕᐅᑉ ᒐᕙᒪᒃᑯᖏᓐᓃᙶᖅᑐᑦ ᑮᓇᐅᔭᑦ ᐊᒻᒪᓗ ᐊᑭᑐᔪᖅᑐᕈᑎᒃᓴᓄᑦ ᐊᑐᖅᑐᒃᓴᐃᑦ ᕼᐊᒻᓚᒃᑯᓐᓃᑦᑐᑦ ᐊᑭᑐᔪᖅᑐᕈᑎᓂᒃ ᐅᖃᐅᓯᖃᖅᑎᓪᓗᑕ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐊᒥᑦᑐᕐᒧᑦ ᒪᓕᒐᓕᐅᖅᑎ, ᒥᔅᑕ ᖃᒪᓂᖅ. ᖃᒪᓂᖅ: ᑕᐃᒫᖅᑐᖓ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑎ ᐸᖕᓂᖅᑑᕐᒧᑦ, ᒥᔅᑕ ᔮᓂ ᒪᐃᒃ. ᒪᐃᒃ: ᖁᔭᓐᓇᒦᒃ, ᐃᔅᓯᕙᐅᑖᖅ. ᒥᓂᔅᑕ ᑐᙵᓱᒋᔅᓯ. ᑖᓐᓇ ᐊᐱᖅᑯᑎᒋᔪᒪᔭᕋ ᓄᓇᓕᓐᓂ ᐊᓪᓚᕝᕕᒃ ᐱᙳᐊᕐᕕᐅᓯᓐᓈᖅᑐᖅ ᐸᓐᓂᖅᑑᒥ, ᓯᑏᕝᕙ 2024-ᖑᑎᓪᓗᒍ ᒥᓂᔅᑕᕆᔭᐅᔪᖅ ᓄᓇᓕᓐᓂ ᒐᕙᒪᓂᓪᓗ ᐱᔨᑦᑎᕋᖅᑎᒃᑯᓐᓄᑦ ᑕᐃᔅᓱᒪᓂ ᓴᖅᑮᓚᐅᖅᓯᒪᒻᒪᑦ ᑕᕝᕙᓂ ᒪᓕᒐᓕᐅᕐᕕᒻᒥ ᑖᒃᑯᐊ ᓴᖅᑭᑕᖏᑦ (ᑐᓵᔨᑎᒎᓕᖅᑐᖅ) ᑐᒃᓯᕋᐅᑎ ᐊᖏᖅᑕᐅᓂᐊᕐᓂᖓ ᐸᕐᓇᐃᓂᕐᒨᖅᑕᐅᓂᐊᖅᖢᓂ 2025-2026 ᐊᕐᕌᒍᐊᓂ. ᐸᖕᓂᖅᑑᖅ ᕼᐊᒻᓚᒃᑯᑦ ᑎᑎᕋᕐᕕᖓ ᐱᙳᐊᕐᕕᒃ (ᑐᓵᔨᑎᒎᕈᓐᓃᖅᑐᖅ) ᑖᑦᓱᒧᖓᐅᔪᑦᓴᐅᔪᖅ. ᑖᓐᓇ ᐅᓪᓗᒥ ᖃᓄᐃᓕᖓᓕᕐᒪᖔᖅ ᑖᔅᓱᒪᑉ ᒥᓂᔅᑕᐅᑉ ᑲᒪᒋᔭᖓᑕ ᐃᓗᐊᓃᖅᑰᕐᒪᑦ. ᖃᓄᐃᓕᖓᓕᕐᒪᖔᖅ ᐅᓪᓗᒥᐅᔪᖅ? ᖃᐅᔨᒋᐊᖅᑐᖓ. ᖁᔭᓐᓇᒦᒃ, ᐃᑦᓯᕙᐅᑖᖅ. ᐃᒃᓯᕙᐅᑕᖅ: ᖁᔭᓐᓇᒦᒃ, ᒪᓕᒐᓕᐅᖅᑎ ᐸᖕᓂᖅᑑᕐᒧᑦ. ᒥᓂᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒻᒪᓗ ᖁᔭᓐᓇᒦᒃ ᐊᐱᕆᖕᒪᑦ. ᐄ’, ᐊᑎᓕᐅᖃᑕᐅᓯᒪᔪᑦ ᕼᐊᒻᓚᒃᑯᓪᓗ ᐃᖅᑲᓇᐃᔭᖃᑎᒋᓂᐊᖅᖢᑎᒃᑯᑦ. ᖁᔭᓐᓇᒦᒃ, ᐃᒃᓯᕙᐅᑖᖅ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 37 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑎ ᐸᖕᓂᖅᑑᕐᒧᑦ, ᒥᔅᑕ ᔮᓂ ᒪᐃᒃ. ᒪᐃᒃ: ᖁᔭᓐᓇᒦᒃ, ᐃᔅᓯᕙᐅᑖᖅ. ᖁᔭᓐᓇᒦᒃ, ᒥᓂᔅᑕ. ᑕᒪᒃᑯᐊᓕᑭᐊᖅ ᐃᓱᒪᒋᔭᐅᖃᑦᑕᖅᑑᒐᓗᐊᑦ ᓴᖅᑭᕈᒪᑐᐃᓐᓇᖅᑕᕋᐅᓇ. ᐸᓐᓂᖅᑑᖅ ᕼᐋᑭᕐᕕᖓ ᓯᑯᙳᐊᖑᙱᒻᒪᑦ. ᑕᐃᒪ ᓯᓚᖓ ᐊᓯᔾᔨᖅᐸᓪᓕᐊᑐᐃᓐᓇᕐᖓᑦ ᕿᓚᒥᕈᓗᒃ ᐊᑐᖃᑦᑕᓕᕐᒥᒻᒪᑦ ᐸᓐᓂᖅᑑᕐᒦᑦᑐᖅ ᕼᐋᑭᕐᕕᒃ. ᓯᑯᓇᓵᖅᐸᑦᑐᓂ ᐊᐅᓴᕋᐃᓕᖅᑐᓂ. ᐃᓅᓱᑦᑐᐃᑦ ᑕᒪᒃᑯᐊ ᐱᙳᐊᕐᕕᓪᓚᕆᒋᒻᒪᐅᒃ. ᑕᒪᓐᓇᓕᑭᐊᖅ ᖃᓄᐃᓕᖓᕙ ᐸᓐᓂᖅᑑᒥ ᐸᕐᓇᓯᒪᓂᕐᓂᒃ ᐅᓪᓗᓂ ᐊᒡᒋᖅᑐᓂᒃ? ᖁᔭᓐᓇᒦᒃ, ᐃᔅᓯᕙᐅᑖᖅ. ᐃᒃᓯᕙᐅᑕᖅ: ᖁᔭᓐᓇᒦᒃ, ᒪᓕᒐᓕᐅᖅᑎ ᐸᖕᓂᖅᑑᕐᒧᑦ. ᒥᓂᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑕᐃᒃᑯᐊ ᓂᓚᐃᑦ, ᓯᑯ, ᐅᖃᐅᓯᕆᔭᐃᑦ ᖃᓄᖅ ᒫᓐᓇ ᐸᕐᓇᐅᑎᓃᙱᑦᑐᖅ. ᐊᑭᑐᔪᖅᑐᕈᑎᒃᓴᐃᑦ ᐅᖃᐅᓯᕆᔭᐅᑎᓪᓗᒋᑦ. ᐃᓛᒃ ᐸᕐᓇᐅᑎᓂᒃ ᓇᓕᐊᑐᐃᓐᓇᕐᓃᙱᑦᑐᖅ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑎ ᐸᖕᓂᖅᑑᕐᒧᑦ, ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐃᔅᓯᕙᐅᑖᖅ. ᒐᕙᒪᐃᓪᓕ ᐃᓱᒪᒌᖅᓯᒪᔪᓪᓕ ᐃᓚᖏᑦ. ᓯᓚᐅᑉ ᐊᓯᔾᔨᐸᓪᓕᐊᓂᖓ ᐱᓪᓗᒍ ᐊᑦᑐᖅᑕᐅᓯᒪᒻᒪᑦ ᐸᓐᓂᖅᑑᖅ. (ᑐᓵᔨᑎᒎᓕᖅᑐᖅ) ᓯᓚᑉ ᐊᓯᔾᔨᕐᓂᖓᓄᑦ. (ᑐᓵᔨᑎᒎᕈᓐᓂᖅᑐᖅ) ᑲᓇᑕᒥ ᓯᓚᐅᑉ ᐊᓯᔾᔨᐸᓪᓕᐊᓂᖓ ᐸᕐᓇᐃᓯᒪᓂᕆᔭᖓ ᖃᓄᑭᐊᖅ ᕿᒥᕐᕈᔭᐅᕙᑦᑐᕐᓗᑭᐊᖅ, ᑕᒫᓂᓗᑭᐊᖅ ᐅᑭᐅᖅᑕᖅᑐᒥ ᐊᑐᓕᖅᑕᐅᒋᐊᕐᓂᐊᖅᑐᒃᓴᐅᕗᖅ. ᑖᓐᓇ ᐱᔾᔪᑎᒋᓪᓗᒍ ᓯᓚᐅᑉ ᐊᓯᔾᔨᐸᓪᓕᐊᓂᖅᑕᖃᖅᓯᒪᙱᑉᐸᑦ ᐊᐱᖅᑯᑎᒋᒐᔭᙱᓐᓇᒃᑯᑦ. ᑖᓐᓇ ᒐᕙᒪᒃᑯᓐᓄᑦ ᐃᓱᒪᒋᔭᐅᓪᓚᕆᒋᐊᓕᒃ ᓯᓚᐅᑉ ᐊᓯᔾᔨᐸᓪᓕᐊᓂᖓ ᒪᓕᑦᑐᒍ ᐱᙳᐊᕐᕕᐅᔪᐃᑦ, ᐊᑐᕆᐊᖑᔪᐃᑦ, ᐸᓐᓂᖅᑑᑉ ᓯᓚᑖᓄᓪᓗ ᐊᖅᑯᑎᒋᔭᐅᕙᑦᑐᐃᑦ ᒪᒃᑯᐊᑐᐃᓐᓇᐃᑦ ᓄᓇᓕᓐᓂ ᑕᐃᒪᐃᑦᑐᑦ. ᐊᖅᑯᑎᑖᖅᑐᐸᓪᓕᐊᒋᐊᖃᕐᓂᖏᓐᓂᒃ ᐃᓱᒫᓘᑎᒋᓪᓗᒍ. ᑖᓐᓇ ᐅᖃᐅᓯᑐᐃᓐᓇᖅ ᒫᓐᓇ ᐊᓯᐊᓂᒃ ᐊᐱᖅᑯᑎᖃᕈᒪᒻᒥᒐᒪ ᐃᔅᓯᕙᐅᑖᖅ. ᑕᐃᒪ ᑖᒃᑯᐊ ᐱᓕᕆᕕᒋᔭᖓ 2026-2027−ᒧᑦ ᐊᑭᑐᔫᑎᓄᑦ ᒥᔅᓴᐅᓴᒃᓯᒪᔪᑦ $21 ᒥᓕᐊᓐ ᑮᓇᐅᔭᑦ ᐊᐱᖅᑯᑕᐅᖅᑲᐅᒻᒥᔫᒐᓗᐊᖅ. ᐅᕘᓇᖔᕐᓕ ᐊᐱᖅᑯᑎᒋᔪᒪᒐᒃᑯ ᑖᒃᑯᐊ ᒐᕙᒪᒃᑯᑦ ᓇᓗᓇᐃᖅᓯᒪᔭᖏᑦ ᑐᑭᓯᓇᖅᑐᑦ. ᐱᒋᐊᕐᓗᒍ 2026-2027, ᑖᒃᑯᐊ ᓄᓇᓕᓐᓂ ᐱᔨᑦᑎᖅᑏᑦ ᐊᑐᕈᓐᓃᐸᓪᓕᐊᓂᐊᕐᖓᑕᒎᖅ ᑕᒪᒃᑯᓄᖓ ᓄᓇᓯᐅᑎᖃᕐᕕᐅᔪᓄᑦ. ᐊᒻᒪᓗ ᓄᑖᓂᒃ ᐱᕙᓪᓕᐊᒍᑎᔅᓴᓂᒃ ᐱᑕᖃᔾᔮᔪᓐᓃᖅᑐᓂ. ᑕᐃᒪ ᑖᓐᓇ ᑐᑭᓯᓇᖅᑐᓂ ᑕᐃᒪᐃᓕᖓᓪᓗᓂ. ᑖᒃᑯᐊᓕᑭᐊᕐᖓᐃ ᖃᓄᖅ ᑐᓴᕐᕕᒋᓯᒪᕕᓯᐅᒃ ᓄᓇᕗᒻᒥ ᑲᑐᔾᔨᖃᑎᒌᓂᒃ ᓄᓇᓖᑦ ᒐᕙᒪᖏᑦ ᑖᔅᓱᒥᖓ ᐱᔾᔪᑎᖃᖅᑐᖅ ᐊᓯᔾᔨᕐᓂᐅᔪᒥᒃ. ᖁᔭᓐᓇᒦᒃ, ᐃᔅᓯᕙᐅᑖᖅ. ᐃᒃᓯᕙᐅᑕᖅ: ᖁᔭᓐᓇᒦᒃ, ᒪᓕᒐᓕᐅᖅᑎ ᐸᖕᓂᖅᑑᕐᒧᑦ. ᒥᓂᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᑦᓯᕙᐅᑖᖅ. ᐊᒻᒪᓗ ᖁᔭᓐᓇᒦᓪᓗ ᑲᑎᒪᔨ ᐊᐱᕆᖕᒪᑦ ᑕᐃᒫᒃ. ᑲᑎᒪᖃᑎᒋᓛᖅᑕᕗᓂᒃᑯᐊ ᑲᑎᒪᖃᑎᒋᕙᑦᑕᕗᑦ ᓄᓇᕗᒻᒥ ᕼᐊᒻᓚᐃᑦ ᑲᑐᔾᔨᖃᑎᒌᖏᑦ. ᑖᒃᑯᐊ ᐃᓱᒪᖅᓱᓂᖅᓴᐅᖃᑦᑕᕈᒪᓯᒪᓕᕐᖓᑕ ᕼᐊᒻᓚᐃᑦ. ᑕᐃᒫᒃ ᑕᕝᕙ ᑐᕌᖅᐸᓪᓕᐊᕗᒍᑦ ᑕᒪᐅᖓ. ᕼᐊᒻᓚᒃᑯᑦ ᓇᒻᒥᓂᖅ ᐊᐅᓚᑦᑎᖃᑦᑕᕈᓐᓇᓂᖅᓴᐅᒍᒪᓚᐅᕐᖓᑕ. ᐋᖅᑭᑦᑎᕆᖃᑦᑕᓂᖅᓴᐅᒍᒪᓪᓗᑎᓪᓗ ᓇᒻᒥᓂᖅ ᓯᕗᓪᓕᐅᖁᓂᐊᖅᑕᖏᓐᓂᒃ. ᑕᐃᒫᒃ ᑕᕝᕙ ᑕᐃᒪᐃᑉᐳᑦ. ᖁᔭᓐᓇᒦᒃ, ᐃᑦᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑎ ᐸᖕᓂᖅᑑᕐᒧᑦ, ᒥᔅᑕ ᔮᓂ ᒪᐃᒃ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 38 ᒪᐃᒃ: ᖁᔭᓐᓇᒦᒃ, ᐃᔅᓯᕙᐅᑖᖅ. ᖁᔭᓐᓇᒦᒃ ᑖᔅᓱᒥᖓ ᑭᐅᒐᕕᑦ ᑐᑭᓯᓇᖅᑐᓂᓗ. ᐊᒃᑑᕝᕙ 2022-ᖑᑎᓪᓗᒍ ᓄᓇᓕᓐᓂ ᒐᕙᒪᓂᓪᓗ ᐱᔨᑦᑎᖅᑎᒃᑯᑦ ᓇᓗᓇᐃᖅᓯᓚᐅᖅᓯᒪᒻᒪᑕ ᑕᕝᕙᓂ ᒪᓕᒐᓕᐅᕐᕕᒻᒥ. ᑖᒃᑯᐊ ᓇᓗᓇᐃᖅᑕᐅᓪᓗᑎᒃ ᓄᑖᖑᔪᑦ ᐊᓪᓚᕕᔅᓴᑦ ᑭᒻᒥᕈᑦ, ᑲᖏᖅᓯᓂᕐᒥᓗ ᑕᕝᕙᓂ ᐸᕐᓇᓯᒪᓂᖏᑦ ᐃᓗᐊᓃᑦᑐᑦ. ᑕᐃᒪ ᑖᓐᓇ ᒥᓂᔅᑕᐅᑉ ᑲᒪᒋᔭᐃᑦ ᓇᓗᓇᐃᖅᓯᓯᒪᒻᒥᒻᒪᑦ ᐸᕐᓇᑕᐅᓂᖏᑦ ᑎᑎᕋᐅᔭᖅᑕᐅᓂᖏᑦ ᑮᓇᐅᔭᑦ ᑮᓇᐅᔭᖅᑐᕈᑎᒃᓴᖏᑦ ᑖᒃᑯᐊ ᒪᓕᑦᑐᒋᑦ. ᑮᓇᐅᔭᖅᑐᕈᑎᔅᓴᐃᑦ ᓇᓗᓇᐃᖅᓯᓯᒪᒻᒪᑕ ᑕᕝᕗᖓ ᐃᓯᕈᓐᓇᖅᓯᖁᓪᓗᒋᑦ ᑎᑎᕋᐅᔭᖅᑕᐅᓂᖏᓐᓄᑦ Lease on Phase. ᑕᐃᒫᒃ ᑕᕝᕙᓂ 2026-2027 ᑮᓇᐅᔭᖅᑐᕐᓂᖓᓂᒃ ᑖᒃᑯᐊ ᓄᑖᑦ, ᓄᑖᖑᓂᐊᖅᑐᑦ ᑭᒻᒥᕈᕐᒥ ᐊᓐᓂᑭᑦᑐᕐᕕᐅᒐᔭᖅᑐᖅ ᐊᒻᒪ ᑭᙵᕐᓂ, ᐊᒻᒪᓗ ᓄᑖᖑᒐᔭᖅᑐᖅ ᕼᐊᒻᓚᒃᑯᑦ ᐊᓪᓚᕝᕕᒋᒐᔭᖅᑕᖓ ᑭᒻᒥᕈᕐᒥ. ᑐᑭᓯᔪᒪᔪᖓ ᑖᒃᑯᐊ ᖃᓄᖅ ᐱᓕᕆᐊᑦᓴᐅᔪᑦ ᓂᕈᐊᖅᑕᐅᓂᕐᒪᖔᑕ? (ᑐᓵᔨᑎᒎᓕᖅᑐᖅ) ᐱᓕᕆᐊᑦ ᓂᕈᐊᖅᑕᒥᓃᑦ. ᖃᓄᖅ ᓂᕈᐊᖅᑕᐅᓂᖅᑲᓄᑯᐊ ᐱᓕᕆᐊᔅᓴᐃᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ: ᖁᔭᓐᓇᒦᒃ, ᒪᓕᒐᓕᐅᖅᑎᖓᑦ ᐸᖕᓂᖅᑑᑉ. ᒥᓂᔅᑕ ᓯᒪᐃᓚᒃ. ᐊᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᖅᐸᕋᓗ ᑖᓐᓇ ᐊᐱᕆᔪᖅ. ᐱᓕᕆᕝᕕᒋᔭᐅᔪᖅ ᑲᒪᒋᔭᖃᖅᐸᒃᐳᖅ ᑕᐅᑦᑐᒃᓴᖓᓄᑦ ᑮᓇᐅᔭᖁᑎᒋᔭᐅᓂᐊᖅᑐᓂᒃ ᐱᓕᕆᐊᒃᓴᒥᒃ ᐃᑲᔪᖅᑐᐃᔪᒪᓪᓗᑎᒃ ᕼᐋᒻᓚᒋᔭᐅᔪᓂᒃ ᓯᕗᒻᒧᐊᒃᑎᑦᑎᕙᓪᓕᐊᔪᒪᓪᓗᑎᒃ ᓯᕗᓪᓕᖅᐸᐅᔾᔭᐅᓯᒪᔪᓂᒃ ᓇᑉᐸᖅᑎᖅᑕᐅᓯᒪᔪᓄᑦ ᐱᓕᕆᐊᖑᔪᓄᑦ. ᑖᒃᑯᐊ ᑮᓇᐅᔭᑦ ᐱᓕᕆᐊᒃᓴᓂᑦ ᐱᐊᓂᒃᓯᓯᒪᔪᑦ ᐱᕙᒌᔭᖅᑕᐅᓂᖏᓐᓂᑦ ᑕᐅᑦᑐᒃᓴᖓᓄᐊᕈᓐᓇᖁᓪᓗᒋᑦ, ᐱᓕᕆᐊᒃᓴᐅᑉ ᐊᖏᓂᖓ, ᑎᑎᕋᐅᔭᖅᑕᐅᔭᕆᐊᓕᑦ, ᐊᑭᒋᓂᐊᕋᓱᒋᔭᐅᔪᓪᓗ ᓇᓗᓇᐃᖅᑕᐅᔪᓐᓇᕐᓂᐊᕐᒪᑕ ᓴᓇᔭᐅᔪᒃᓴᓄᑦ ᑮᓇᐅᔭᓂᒃ ᕿᓂᓚᐅᙱᓐᓂᖏᓐᓂᒃ ᐊᑭᑐᔪᓂᒃ ᐸᕐᓇᐃᕙᓪᓕᐊᑎᓪᓗᒋᑦ. 2026-2027 ᑮᓇᐅᔭᓕᕆᓐᓇᐅᑉ ᐊᕐᕌᒍᖓᓄᑦ, ᓴᓇᒪᓂᖓᑕ ᑕᐅᑦᑐᒃᓴᖓᓄᑦ ᑮᓇᐅᔭᑦ ᐃᓚᖃᖅᐳᑦ ᖃᔅᓯᑲᓪᓚᖕᓂᒃ ᕼᐋᒻᒪᓚᒃᑯᓐᓂ ᓯᕗᓪᓕᐅᔾᔭᐅᔭᕆᐊᓕᖕᓂᒃ ᐱᕙᒌᔭᖅᑕᐅᑐᐃᓐᓇᕆᐊᖃᓕᖅᑐᓂᒃ ᑕᐅᑦᑐᒃᓴᖓᓄᑦ. ᑭᒻᒥᕈᑦ ᐱᔾᔪᑎᒋᓪᓗᒍ, ᓯᐊᕐᕆᔮᕐᕕᖕᒧᑦ ᐸᕐᓇᒃᑕᐅᓂᖓ ᐱᐊᓂᒃᑕᐅᓵᓚᐅᖅᑐᖅ ᒐᕙᒪᑐᖃᒃᑯᑦ ᓄᓇᓕᕋᓛᖑᓂᖅᓴᓄᑦ ᑮᓇᐅᔭᖁᑎᖏᓐᓂᒃ ᓯᐊᕐᕆᔮᕐᕕᖕᒧᑦ ᐸᕐᓇᐃᓂᕐᒧᑦ ᑲᑎᙵᔪᓂᒃ. ᐱᓕᕆᕝᕕᐅᑉ ᓴᓇᒪᓂᖓᑕ ᑕᐅᑦᑐᒃᓴᖓᓄᑦ ᑮᓇᐅᔭᖃᖅᑎᑦᑎᔾᔪᑎᑎᒍᑦ, ᑭᒻᒥᕈᒻᒥ ᓯᐊᕐᕆᔮᕐᕕᒃ ᓴᓇᒪᓂᖓᑕ ᑕᐅᑦᑐᒃᓴᖓᓄᑦ ᐱᓕᕆᐊᖑᓂᐊᖅᐳᖅ 2026-2027 ᐊᕐᕌᒍᖓᓂ. ᓯᕗᒻᒧᐊᒃᑎᒋᐊᕐᓗᒍ ᑖᓐᓇ ᐱᓕᕆᐊᒃᓴᖅ ᐱᕕᖃᕈᑕᐅᓂᐊᖅᐳᖅ ᐱᓕᕆᕝᕕᖕᒥ ᐊᒻᒪ ᕼᐋᒻᒪᓚᒃᑯᓐᓂ ᐋᖅᑭᒋᐊᖅᓯᔪᓐᓇᕐᓗᑎᒃ ᐱᓕᕆᐊᒃᓴᒥᒃ ᐋᖅᑭᒃᓯᓗᑎᒡᓗ ᑕᒻᒪᖅᑕᖅᓯᒪᙱᑦᑐᓂᒃ ᓴᓇᔭᐅᓂᒃᓴᒧᑦ ᐊᑭᒋᓂᐊᕋᓱᒋᔭᐅᔪᓂᒃ ᐱᓕᕆᐊᖅ ᐃᓱᒪᒋᔭᐅᔪᓐᓇᕐᓂᐊᕐᒪᑦ ᓯᕗᓂᒃᓴᒥ ᐊᑭᑐᔪᑦ ᑮᓇᐅᔭᖃᖅᑎᑕᐅᔾᔪᑎᓄᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒻᒪᓗ ᐱᔾᔪᑎᒋᓪᓗᒍ ᑭᒻᒥᕈᒻᒥ ᕼᐋᒻᒪᓚᒃᑯᑦ ᐊᓪᓚᕝᕕᖓ, ᕼᐋᒻᒪᓚᒃᑯᑦ ᐊᓪᓚᕝᕕᖓ ᐱᓕᕆᐊᖅ ᐱᒋᐊᕐᓂᐊᖅᑐᖅ ᐸᕐᓇᐃᓂᕐᒧᑦ ᐊᒻᒪ ᓴᓇᒪᓂᔅᓴᖓᓄᑦ 2026-2027 ᑮᓇᐅᔭᓕᕆᓐᓇᐅᑉ ᐊᕐᕌᒍᖓᓂ ᐱᓕᕆᕝᕕᐅᑉ ᓴᓇᒪᓂᖓᑕ ᑕᐅᑦᑐᒃᓴᖓᓄᑦ ᑮᓇᐅᔭᖃᖅᑎᑦᑎᓂᕐᒧᑦ ᓄᓇᓕᓐᓂᑦ ᒐᕙᒪᓕᕆᓂᕐᒧᑦ ᓯᕗᓪᓕᐅᔾᔭᐅᔭᕆᐊᓕᓐᓄᑦ ᐱᓕᕆᐊᒃᑯᑦ. ᑖᓐᓇ ᐱᓕᕆᐊᖅ ᐃᑲᔪᖅᑐᐃᔪᖅ ᓯᕗᓪᓕᐅᔾᔭᐅᔭᕆᐊᖃᒻᒪᕆᒃᑐᓂᒃ ᓄᓇᓕᖕᓂ ᐊᐅᓚᔪᓐᓇᐅᑎᓄᑦ ᐱᓕᕆᐊᓂᒃ ᐸᕐᓇᒃᑕᐅᑐᐃᓐᓇᕆᐊᓕᖕᓂᒃ ᐋᖅᑭᒃᓯᒪᓂᒃᓴᖓᓄᑦ ᖄᖏᐅᑎᔪᓐᓇᓕᖅᑐᓂᒃ. ᐱᐅᓯᒋᐊᖅᑕᐅᒃᐸᑦ ᑭᒻᒥᕈᒻᒥ ᕼᐋᒻᒪᓚᒃᑯᑦ ᑎᑎᕋᕐᕕᖓ ᑕᐅᑦᑐᒃᓴᖓᓄᑦ ᐱᕕᖃᕈᑕᐅᓂᐊᖅᐳᖅ ᐱᓕᕆᕝᕕᖕᒥ ᐊᒻᒪ ᕼᐋᒻᒪᓚᒃᑯᓐᓂ ᐋᖅᑭᒃᓱᐃᔪᓐᓇᕐᓗᑎᒃ ᐃᒡᓗᐃᑦ ᓴᓇᒪᓂᖓᑕ ᑕᐅᑦᑐᒃᓴᖓᓄᑦ ᐊᒻᒪ ᑎᑎᕋᐅᔭᖅᑎᓄᑦ ᐸᕐᓇᐅᑎᓂᒃ, ᓇᓗᓇᐃᖅᓯᓗᑎᒃ ᐊᑕᖏᕐᓗᒍ ᐱᓕᕆᐊᒃᓴᖅ, ᐋᖅᑭᒃᓯᓗᑎᒡᓗ ᐊᑐᖅᑕᐅᑦᑎᐊᕈᓐᓇᖅᑐᓂᒃ ᓴᓇᔭᐅᔪᒃᓴᓄᑦ ᐊᑭᒋᓂᐊᕋᓱᒋᔭᐅᔪᓂᒃ. ᓴᓇᒪᓂᖓᑕ ᑕᐅᑦᑐᒃᓴᖓ ᐱᐊᓂᒃᑕᐅᒃᐸᑦ, ᐱᓕᕆᐊᒃᓴᖅ ᐃᓱᒪᒃᓴᖅᓯᐅᕈᑕᐅᔪᓐᓇᕐᓂᐊᖅᑐᖅ ᓄᓇᕗᑦ ᒐᕙᒪᒃᑯᑦ ᐊᑭᑐᔫᑎᓄᑦ ᐸᕐᓇᐅᑎᖏᓐᓄᑦ ᓯᕗᓂᒃᓴᒥ ᓴᓇᔭᐅᔪᒃᓴᓄᑦ ᑮᓇᐅᔭᓄᑦ. ᖁᔭᓐᓇᒦᒃ, ᐃᒃᓯᕙᐅᑖᖅ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 39 ᐃᒃᓯᕙᐅᑕᖅ (ᑐᓵᔨᑎᒍᑦ): ᒪᓕᒐᓕᐅᖅᑎ ᐊᐃᕕᓕᒻᒧᑦ, ᕼᐋᓇ ᐊᖑᑎᐊᓗᒃ. ᐊᖑᑎᐊᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᖅᑖ. ᐊᖑᑎᐊᓗᒃ. ᖁᔭᓐᓇᒦᒃ, ᒥᓂᔅᑕ ᓄᓇᓕᓐᓂᑦ ᐱᔨᑦᑎᕋᖅᑎᒃᑯᓐᓄᑦ. ᐅᓇ ᐊᐱᖅᑯᑎᒋᒐᓱᑦᑕᕋ (ᑐᓵᔨᑎᒎᓕᖅᑐᖅ) ᐱᓕᕆᕕᓯ 2025-2026 ᐊᑭᑐᔪᖅᑐᕈᑎᔅᓴᖏᑦ ᐃᓚᖃᕐᖓᑕ 5.4-ᒥᓕᐊᓂ ᑮᓇᐅᔭᓂᑦ ᕼᐋᒻᒪᓚᐃᑦ ᐃᖏᕐᕋᓲᖑᖁᑎᖃᖅᑎᑦᑎᓂᕐᒧᑦ ᕼᐋᒻᒪᓚᐅᔪᓄᑦ. ᐅᓪᓗᒥᒧᑦ ᖃᑦᑎᓂᑦ ᑮᓇᐅᔭᓂᑦ ᑕᕝᕙᙵᑦ ᐊᑐᖅᑐᖃᖅᓯᒪᓕᖅᑲ? ᐊᒻᒪᑦᑕᐅᖅ ᑎᑎᕋᖅᓯᒪᔪᓂᑦ ᓱᓇᒃᑯᑖᕆᔭᐅᔪᓂᑦ ᓴᖅᑭᖅᓯᒍᓐᓇᓛᖅᑭᑦ 2026-2027 ᐊᕐᕌᒍᖓᓂ ᐱᓕᕆᐊᖑᔪᓂᑦ ᑕᕝᕘᓇ? ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒪᓕᒐᓕᐅᖅᑎ ᐊᐃᕕᓕᒻᒧᑦ, ᒥᓂᔅᑕ ᓯᒪᐃᓚᒃ. ᐊᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᖅᑖ. ᖁᔭᓐᓇᒦᓗ ᐊᐱᕆᒻᒪᑦ ᑕᐃᒫᒃ. ᑖᓐᓇ ᑭᐅᔪᓐᓇᓛᖅᑕᕗᑦ 2026-2027-ᒥ ᐊᕐᕌᒎᓛᖅᑐᒥ. ᑭᓯᐊᓂ ᐅᓂᒃᑳᕆᓛᕐᒥᒐᑦᑎᒍᑦ 2026-2027-ᒥ ᐊᑐᖅᑐᒥᓃᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒪᓕᒐᓕᐅᖅᑎ ᐊᐃᕕᓕᒻᒧᑦ. ᐊᖑᑎᐊᓗᒃ: ᖁᔭᓐᓇᒦᒃ, ᐃᒃᓯᕙᐅᖅᑖ, ᐊᒻᒪᓗ ᒥᓂᔅᑕ ᓯᒪᐃᓚᒃ. ᐊᒻᒪᓗ ᑖᓐᓇ ᐊᐱᖅᑯᑎᒋᒃᑲᓐᓂᖅᑕᕋ (ᑐᓵᔨᑎᒎᓕᖅᑐᖅ) ᓄᓇᕗᒻᒥ ᑐᐊᕕᕐᓇᖅᑐᓕᕆᔨᒃᑯᑦ (ᑐᓵᔨᑎᒎᕈᓃᖅᑐᖅ) ᑮᓇᐅᔭᓕᖅᑕᐅᓲᖑᕙᑭᐊᖅ ᑖᓐᓇ ᓄᓇᓕᖕᓄᑦ, ᐃᓛᒃ ᐊᑐᕈᓐᓇᖃᑦᑕᖅᐱᑕᑭᐊᖅ ᖃᓄᖅ ᐊᒃᑎᒋᔪᒥᒃ? ᐃᓚᖏᑦ ᐊᑯᓂ ᕿᓂᓕᖃᑦᑕᕐᒪᑕ ᑕᒫᓂ ᓄᓇᒥ ᕿᓂᖅᑏᑦ, ᐃᒪᕐᒥᐅᑕᐅᙱᑦᑐᑦ, ᐃᓛᒃ ᐃᒪᕐᒥᒃ ᕿᓂᖅᑎᐅᖏᑦᑐᑦ ᑕᒫᓂ ᓄᓇᒥ ᕿᓂᖅᑏᑦ. ᐊᒻᒪᓗ ᓇᒻᒥᓂᖅ ᑭᓯᐊᓂ ᐃᖏᕐᕋᔪᑎᓂᑦ ᓯᑭᑑᓂᓪᓗ ᕼᐋᓐᑕᓂᓪᓗ ᐊᑐᖃᑎᑦᑕᕆᐊᖅᓱᑎᒃ ᓱᕋᒃᑲᓗᐊᕋᐃᒻᒪᑕᓗ ᐊᑭᓕᖅᑕᐅᒍᓐᓈᓂᖃᑦᑕᖏᒃᓱᑎᒃ, ᖃᓄᑭᐊᖅ ᑖᓐᓇ ᑲᒪᒋᔭᐅᒋᐊᒃᑲᓐᓂᕈᓐᓇᐸ ᐃᓚᖏᑦ ᓴᓇᙱᑦᑎᐊᒻᒪᕆᑦᑐ ᐃᑲᔪᕆᐊᖅᓱᑎᒃ ᓱᕋᐅᔾᔨᖃᑦᑕᕐᓂᖏᓐᓄᑦ ᐱᖁᑎᖏᓐᓂᑦ ᓇᖕᒥᓂᖏᓐᓂᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ ᐊᐃᕕᓕᒃ ᒪᓕᒐᓕᐅᖅᑎᖓ. ᒥᓂᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᖅᑖ. ᖁᔭᓐᓇᒦᓪᓗ ᐊᐱᕆᒻᒪᑦ ᑕᐃᒫᒃ. ᑖᓐᓇ ᐊᐅᓚᒍᑎᔅᓴᒥᑦ ᐋᖅᑭᐅᒪᒍᑎᔅᓴᒥᑦ ᐊᐱᖅᑯᑎᐅᒻᒪᑦ ᐊᑭᑐᔪᖅᑐᕈᑎᔅᓴᓕᕆᙱᒻᒪᑦ, ᐅᖃᕐᕕᒋᑐᐃᓐᓇᕐᓗᒍᖃᐃ, ᐱᓕᕆᕕᕗᑦ ᕼᐋᒻᒪᓚᓂᑦ ᐱᓕᕆᖃᑎᖃᕋᓱᐊᖃᑎᖃᖃᑦᑕᖅᑐᑦ ᐸᖅᓴᐃᔪᓕᕆᓂᕐᒥᑦ. ᐃᑲᔪᕈᓐᓇᕐᓂᓕᒫᑦᑎᒍᑦ ᐃᑲᔪᕋᓱᑉᐸᑦᑕᕋᓗᐊᕗᑦ ᓇᓂᓯᑦᑎᐊᖃᑦᑕᖁᓪᓗᒋᑦ. ᑭᓯᐊᓂ ᐊᐅᓚᒍᑎᓄᑦ ᑐᕌᖓᒻᒪᑦ ᐊᐱᖅᑯᑎ. ᖁᔭᓐᓇᒦᒃ, ᐃᒃᓯᕙᐅᖅᑖ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐊᐃᕕᓕᒃ ᒪᓕᒐᓕᐅᖅᑎᖓ. ᐊᖑᑎᐊᓗᒃ: ᖁᔭᓐᓇᒦᒃ, ᐃᒃᓯᕙᐅᖅᑖ. (ᑐᓵᔨᑎᒎᓕᖅᑐᖅ) ᑕᐸᓱᓐᓂᐊᕐᓂᕋᓚᐅᙱᓇᒃᑭᑦ, ᑕᐸᓱᓐᓂᐊᕐᕋᓚᐅᕋᓗᐊᙱᓇᒃᑭᑦ ᑕᐸᓱᒃᑲᒃᑭᑦ ᓱᓕ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐊᒡᒍ ᒪᓕᒐᓕᐅᖅᑎᖓ, ᒥᔅᑕ ᐊᑕᒍᑦᑖᓗᒃ. ᐊᑕᒍᑦᑖᓗᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᕼᐋᑭᕐᕕᒃ ᐃᓪᓗᓕᒻᒥᑦ ᓴᓂᑭᓗᐊᕐᒥᓗ ᐃᑭᔅᓯᒪᒻᒪᑎᒃ. ᑕᐃᒃᑯᐊᓕᑭᐊᖅ ᓇᓪᓕᐅᒃᑯᒫᓂᑦ, ᓇᓪᓕᐅᒃᑯᒫᖃᕐᓂᖅᑲᑦ ᐊᓯᓃᒍᑎᔅᓴᓂᑦ ᓯᐊᕐᕆᔮᕐᕕᖏᓐᓄᑦ? (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒪᓕᒐᓕᖅᑎ ᐊᒡᒍᒧᑦ. ᒥᓂᔅᑕ ᓯᒪᐃᓚᒃ. ᐊᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᖅᑖ. ᖁᔭᓐᓇᒦᓪᓗ ᐊᐱᕆᒻᒪᑦ ᑕᐃᒫᒃ. ᐊᓯᓂᑦᑕᐅᕙᓪᓕᐊᓛᕐᒪᖔᑕ ᐃᑭᔪᔪᑦ ᓯᐊᕐᕆᔮᕐᕕᒃ, ᐱᓕᕆᕕᕗᑦ ᕼᐋᒻᒪᓚᒃᑯᓪᓗ ᓱᓕ ᕼᐋᒻᒪᓚᐃᑦ

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 40 ᓇᓪᓕᐅᒃᑯᒫᓕᕆᔨᖏᓐᓂᑦ ᓱᓕ ᐱᓕᕆᖃᑎᖃᖅᑐᑦ, ᑐᑭᓯᒐᓱᐊᖅᑐᐃᑦ ᓱᓕ, ᓇᓪᓕᐅᒃᑯᒫᓕᕆᔪᐃᑦ ᓱᓕ. ᖁᔭᓐᓇᒦᒃ, ᐃᒃᓯᕙᐅᖅᑖ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐊᒡᒍ ᒪᓕᒐᓕᐅᖅᑎᖓ, ᐱᔭᕇᖅᑑᖅ? ᐊᐱᖅᑯᑎᔅᓴᓕᑦᑕᖃᒃᑲᓂᖅᑳ? ᒪᓕᒐᓕᐅᖅᑎ ᐊᕐᕕᐊᑦ ᓂᒋᐊᓄᑦ, ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᖅᑖ. ᐱᓕᕆᕕᓯ ᑕᓪᓕᒪᓄᑦ ᐊᕐᕌᒍᓄᑦ ᐊᑭᑐᔪᓄᑦ ᐸᕐᓇᐅᑎᖏᑦ ᐅᖃᖅᓯᒪᒻᒪᑕ 15.322-ᒥᓕᐊᓐᓂᑦ ᑮᓇᐅᔭᑦ ᐊᑐᖅᑕᐅᔪᖃᓛᕐᖓᑦ ᓴᓂᒃᑯᕕᓐᓂᑦ ᓄᑖᕈᕆᐊᖅᓯᓗᑎᑦ 9-ᓂᑦ ᓄᓇᓕᓐᓂᑦ, 2027-2028 ᐊᕐᕌᒍᖓᓂᑦ. ᓱᒻᒪᓪᓕ ᑮᓇᐅᔭᓂᑦ ᐃᓕᐅᖅᑲᐃᓯᒪᔪᖃᙱᓚᖅ ᓴᓂᒃᑯᕕᓐᓂᑦ ᓄᑖᕈᕆᐊᖅᓯᒋᑎᔅᓴᐅᔪᓂᑦ, ᐃᓛᒃ ᐋᖅᑭᒋᐊᖅᓯᒍᑎᔅᓴᐅᔪᓂᑦ, 2026-2027 ᐊᕐᕌᒍᖓᓄᑦ? ᖁᔭᓐᓇᒦᒃ, ᐃᒃᓯᕙᐅᖅᑖ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ ᐊᕐᕕᐊᑦ ᓂᒋᐊᓄᑦ ᒪᓕᒐᓕᐅᖅᑎ. ᒥᓂᔅᑕ ᓯᒪᐃᓚᒃ. ᐊᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᖅᑖ. ᖁᔭᓐᓇᒦᓪᓗ ᑲᑎᒪᔨ ᐊᐱᕆᒻᒪᑦ ᑕᐃᒫᒃ ᐱᔾᔪᑎᖓ ᐅᓪᓗᒥ ᐊᕐᕕᐊᑦ ᐊᒻᒪ ᑲᖏᖅᑐᒑᐱᒻᒥᑦ ᓴᓂᒃᑯᕕᖏᑦ ᓄᑖᕈᕆᐊᖅᑕᐅᓂᖏᑦ ᐆᑦᑐᕋᐅᑕᐅᒻᒪᑕ ᖃᓄᐃᑦᑐᓚᑦᑖᓂᑦ ᒪᓕᒐᕐᓂᑦ ᒪᓕᒋᐊᖃᓛᕐᒪᖔᑕ ᖃᐅᔨᓴᖅᑕᐅᓯᓐᓈᖅᑐᑎᒃ, ᖃᐅᔨᒪᔭᕗᑦ ᑕᕝᕙ ᑖᒃᑯᐊ ᒪᕐᕉᒃ ᓄᓇᓖᒃ ᐆᑦᑐᕋᐅᑎᐅᓂᐊᖅᑑᒃ ᐊᓯᔾᔨᖅᓯᒃᑲᓐᓂᕆᐊᖃᓛᙱᒃᑲᓗᐊᕐᒪᖔᑦᑕ ᐊᓯᖏᓐᓂᑦ ᓄᓇᐃᑦ ᓴᓂᒃᑯᕕᖏᓐᓂᑦ ᖃᐅᔨᓴᕈᑕᐅᓗᑎᒃ. ᑖᒃᑯᐊᑦᑕᐅᖅ ᐊᑭᑐᔪᖅᑐᕈᑎᔅᓇᖏᑦᑕᐅᖅ ᐊᕐᕌᒍᒧᑦ ᓄᑖᒧᑦ ᐊᐅᓪᓛᖅᑕᐅᒍᓐᓇᓛᕐᒥᔪᐃᑦ ᑲᔪᓯᖁᓪᓗᒋᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐊᕐᕕᐊᑦ ᓂᒋᐊᓄᑦ ᒪᓕᒐᓕᐅᖅᑎ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑭᐅᒐᕕᙵ. ᐅᓪᓗᒥᓕᑭᐊᖅ ᒥᔅᓴᐅᓯᔭᐅᓯᒪᔪᖅ ᖃᑦᑎᕌᕋᔭᖅᑲ ᓄᑖᕈᕆᐊᖅᑕᐃᓐᓈᓘᑉᐸᑕ ᓴᓂᒃᑯᕕᖏᑦ ᓄᓇᓕᓕᒫᓂᑦ ᓄᓇᕗᒻᒥ? ᖁᔭᓐᓇᒦᒃ, ᐃᒃᓯᕙᐅᖅᑖ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᓯᒪᐃᓚᒃ. ᐊᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᖅᑖ. ᖁᔭᓐᓇᒦᓪᓗ ᑲᑎᒪᔨ ᐊᐱᕆᒻᒪᑦ ᑕᐃᒫᒃ. ᑖᓐᓇ ᑭᐅᒍᓐᓇᖏᑲᓚᐅᖅᑕᕗᑦ, ᐃᓛᒃᑯᑦ ᕼᐋᒻᒪᓚᐃᑦ ᐊᔾᔨᒌᙱᑦᑐᓂᑦ ᓴᓂᒃᑯᕕᖃᕐᖓᑕ, ᐃᓚᖏᑦ ᐃᑲᔪᖅᑕᐅᒋᐊᖃᕐᓂᖅᓴᐅᓪᓗᑎᑦ ᐃᓚᖏᑦ ᐃᑲᔪᖅᑕᐅᒋᐊᖃᙱᓂᖅᓴᐅᓪᓗᑎᑦ, ᐊᔾᔨᒌᙱᑦᑐᕈᓘᔮᓗᓐᓂᓂᓛᒃ ᐱᔾᔪᑎᖃᖅᑐᒍᑦ ᑭᐅᒍᓐᓇᖏᔾᔪᑎᑦᑎᓐᓂᑦ. ᑭᓯᐊᓂ ᓄᓇᓖᑦ ᐃᓛᒃᑯᑦ ᕿᒥᕐᕈᖃᑦᑕᕆᐊᖃᖅᐸᑲᑦᑎᒍ ᖃᐅᔨᒪᑦᑎᐊᕋᓱᑦᑐᑕ ᓴᓂᒃᑯᕕᖏᑦ ᓈᒻᒪᒃᑲᓗᐊᕐᒪᖔᑕ, ᐃᓄᐃᑦ ᖃᐅᔨᒪᔭᑐᖃᖏᓪᓗ ᒪᓕᖃᑦᑕᕈᓐᓇᕐᓂᐊᕋᑦᑕ ᐊᕙᑎᕐᒥᑦ ᑲᒪᑦᑎᐊᕐᓂᕐᒥᑦ ᑲᒪᒋᑦᑎᐊᕋᓱᑉᐸᑦᑕᕗᑦ. ᑲᔾᔨᖃᑎᖃᖅᑐᑕ ᐃᓛᒃᑯᑦ ᕼᐋᒻᓚᐅᔪᓂᑦ, ᕼᐋᒻᒪᓚᒃᑯᑦ ᐊᓪᓚᕝᕕᒋᓐᓂᑦ. ᖁᔭᓐᓇᒦᒃ, ᐃᔅᓯᕙᐅᖅᑖ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ: ᒪ’ᓇ, ᒫᓐᓇ ᑭᐅᓂᖅ (ᑐᓵᔨᑎᒎᓕᖅᑐᖅ) ᐊᔪᕐᓂᕋᕋᕕᑦ ᑎᑎᕋᖅᓯᒪᔪᒥᑦ ᖃᓄᓪᓚᕆᒃ ᑕᕝᕙᓂ ᑖᑉᓱᒪ ᐊᐱᖅᑯᑎᒋᔭᕐᒪ ᒥᒃᓵᓄᑦ ᑎᑎᕋᖅᓯᒪᔪᒥᑦ ᐅᕙᑉᑎᓐᓄᑦ ᑐᓂᓯᓇᔭᕈᕕᑦ ᖁᕕᐊᓇᕋᔭᖅᑐᖅ. ᒪ’ᓇ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᑉᓗᑦᓯᐊᖅ. ᒥᓂᔅᑕ ᓯᒪᐃᓚᒃ. ᐊᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᖅᑖ. ᖁᔭᓐᓇᒦᒃ ᐊᐱᕆᒻᒪᑦ. ᑖᒃᑯᐊ ᖃᐅᔨᓴᖅᑕᐅᕋᑖᖅᓯᒪᙱᒻᒪᑕ ᓱᓕ ᓄᓇᓕᓕᒫᑦ ᕼᐋᒻᒪᓚᖏᓐᓂᑦ ᑖᓐᓇ ᑕᕝᕙ ᐱᔾᔪᑎᒋᓪᓗᒍ ᖃᑦᓯᓂᑦ ᑮᓇᐅᔭᓂᑦ ᐊᑭᖃᕐᓂᐊᕐᒪᖔᑦ ᕼᐋᒻᒪᓚᓕᒫᓄᑦ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 41 ᒫᓐᓇ ᑕᐃᒃᑯᐊ ᐊᕐᕕᐊᓂᑦ, ᑲᖏᖅᖢᒑᐱᓗ, ᓴᓂᐅᖕᒪᑕ ᐃᒻᒪᖃ ᖃᑦᓯᕌᕐᒪᖔᑕ ᐅᓂᒃᑳᕈᓐᓇᕐᓂᐊᖅᑐᒍᑦ ᑐᙵᕕᒋᓗᒋᑦ ᑖᒃᑯᐊ. ᐊᑐᓂᒃ ᐊᔾᔨᒌᙱᒻᒪᑕ ᕼᐋᒻᒪᓚᒃᑯᑦ ᐊᑐᕐᓂᐊᖅᑕᖏᓐᓂᑦ, ᖃᓄᑎᒋᓪᓗ ᐃᖅᑲᓇᐃᔭᕆᐊᖃᕐᒪᖔᑕ ᑭᓈᓗᒃᑯᕕᖏᓐᓂᑦ ᐱᔾᔪᑎᒋᓪᓗᒋᑦ. ᓄᓇᕗᑦ ᐊᒻᒪ ᐃᒥᖅᐳᑦ ᓴᐳᒻᒥᐅᓯᖅᑕᐅᖁᓪᓗᒍ. ᓄᓇᓖᑦ ᐊᔾᔨᒌᙱᒻᒪᑕ ᐊᑭᓕᕆᐊᖃᖅᑕᖏᑦ ᑕᒪᒃᑯᓄᖓ. ᖁᔭᓐᓇᒦᒃ, ᐃᒃᓯᕙᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐊᐱᖅᑯᓯᖃᖅᐸᑦ ᓱᓕ ᒪᓕᒐᓕᐅᖅᑏᑦ? ᐱᓕᕆᕕᖓ ᓄᓇᓕᓐᓂᑦ ᐱᔨᑦᓯᕈᑏᑦ ᑖᒃᑯᓂᖓ ᐊᑭᑐᔪᖅᑐᕈᑎᒃᓴᖏᑦ $127,768.00? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒪᒃᐱᒐᒃ K-5-ᒧᐊᓚᐅᕆᑦᑎ. ᕿᒥᕐᕈᓇᖕᓂᖃᖅᑕᕗᑦ ᓄᓇᓕᖕᓂᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐃᑲᔪᖅᑐᐃᔾᔪᑏᑦ ᐊᐱᖅᑯᑎᒃᓴᖃᖅᐸᑦ ᑕᕝᕙᓂ ᒪᒃᐱᒐᕐᒥᑦ? ᒥᔅᑕ ᓴᒻᒪᖅᑐᖅ. ᓴᒻᒧᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᖅᑖ. ᐱᓕᕆᕕᓯ ᐱᓕᕆᐊᖃᖃᑦᑕᕐᒪᑕ ᐊᕐᕌᒍ ᐃᒡᓗᓕᒑᕐᔪᖕᒥᑦ ᑖᒃᑯᓂᖓ ᓄᑖᕈᕆᐊᖅᓯᓂᕐᒥᑦ ᐃᓂᖁᑎᒋᔭᖓᓂᒃ, ᒪᑐᓯᒪᓕᕐᒪᑦ ᑕᐃᓐᓇ ᓇᔪᒐᖅ ᐊᕐᕌᒍᑦ ᑎᓴᒪᓄᑦ ᑕᓪᓕᒪᓄᓪᓗ, ᑕᐃᓐᓇ ᒥᓂᔅᑕᕆᔭᐅᓚᐅᖅᓯᒪᔪᖅ ᐅᖃᓚᐅᖅᓯᒪᒻᒪᑦ ᐅᖃᖃᑎᖃᕐᓂᐊᕐᒪᑕᒎᖅ ᓄᓇᕗᒥ ᐊᑭᓕᒃᓴᖅᑖᕐᕕᐅᖃᑦᑕᖅᑐᒥᑦ ᐊᑐᖅᑐᐊᕐᕕᖕᒥ ᐃᒡᓗᓕᒑᕐᔪᒻᒦᑦᑐᖅ ᑕᐃᓐᓇ ᓴᓇᔭᐅᔾᔪᑎᒃᓴᖓᓂᒃ. ᒫᓐᓇ ᐱᓕᕆᔭᐅᓯᒪᕚ? ᓇᒧᙵᖅᓯᒪᕚ ᐅᖃᖃᑎᒌᖕᓂᐅᑉ ᐊᓯᐊᒍᑦ? ᑖᓐᓇ ᑮᓇᐅᔭᑎᒍᑦ ᐊᑐᖅᑕᐅᒐᔭᖅᑐᖅ ᐃᒡᓗᓕᒑᕐᔪᖕᒥ ᐊᐅᔭᒃᑯᑦ ᑮᓇᐅᔭᓕᐅᕈᑕᐅᔪᓐᓇᕋᔭᕐᒪᒥᔪᖅ ᑕᐃᓐᓇ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᓴᒻᒧᖅᑐᖅ. ᒥᓂᔅᑕ ᓯᒪᐃᓚᒃ. ᐊᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᖅᑖ. ᖁᔭᓐᓇᒦᖅᐸᕋ ᐊᐱᕆᒻᒪᑦ. ᑖᓐᓇ ᒫᓐᓇ ᐊᑭᑐᔪᖅᑐᕈᑎᒃᓴᖅᑎᓐᓃᖏᒻᒪᑦ ᕿᒥᕐᕈᓇᕈᓐᓇᕐᒥᔪᒍᑦ ᖃᓄᖅ ᐃᑲᔪᕈᓐᓇᕋᕐᒪᖔᑕ ᑖᓐᓇ ᐊᐅᓚᑕᐅᔪᓐᓇᖁᓪᓗᒍ ᒫᓐᓇ ᐸᕐᓇᐅᓯᒋᓯᒪᔭᕗᑦ ᐳᓚᕋᑦᑐᓕᕆᓂᕐᒧᑦ ᐅᐸᒐᒃᓴᖅ ᑕᐃᓐᓇ ᐱᐅᓯᒋᐊᖅᑕᐅᖁᓪᓗᒍ, ᖃᓄᕐᓗ ᐃᑲᔪᖅᑐᖅᑕᐅᒃᑲᓐᓂᕈᓐᓇᕐᒪᖔᑦ. ᖁᔭᓐᓇᒦᒃ, ᐃᒃᓯᕙᐅᖅᑖ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᔅᑕ ᔮᓂ ᒪᐃᒃ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᖅᑖ. (ᑐᓵᔨᑎᒎᓕᖅᑐᖅ) ᐃᑲᔪᕐᓗᒋᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐃᒪᕐᒥᐅᓯᕆᓂᕐᒧᑦ ᐃᑭᕐᒥᑦ ᐃᖃᓪᓕᐊᕐᓂᖅ ᑕᐃᓐᓇ ᐱᔾᔪᑎᒋᓪᓗᒍ. ᑭᓱ ᓈᒻᒪᒃᑲᔭᖅᐸ ᓇᓗᓇᐃᖅᓯᒍᑎ ᑕᑯᓯᒪᙱᓇᑦᑕ ᑐᑭᓯᒐᒃᓴᓂᑦ ᐃᖅᑲᓪᓕᐊᕈᑎᒃᓴᓄᑦ. ᐱᖓᓲᓕᖅᑲᖓᒻᒪᑕ ᐃᖅᑲᓕᐊᕈᑎᐅᖃᑦᑕᖅᑐᑦ ᐸᓐᓂᖅᑑᕐᒥ, ᐃᖃᓗᒃᐱᒻᒥᒃ, ᐊᒻᒪ ᓯᔾᔭᒃᐸᓯᖕᒥ ᖃᓕᕋᓕᖕᓂᐊᕐᓂᖅ, ᐊᒻᒪ ᐃᑭᕐᒥᑦ ᖃᓕᕋᓕᖕᓂᐊᕐᓂᖅ. (ᑐᓵᔨᑎᒎᕈᓐᓃᖅᑐᖅ) ᓇᓗᓇᐃᕆᐊᒃᑲᓐᓂᕈᓐᓇᖅᑲᒍ ᖃᓄᖅ ᐃᖃᓗᓕᕆᔨᒃᑯᑦ ᑕᕝᕙᓂ ᐊᐅᓚᓂᖓ ᖃᓄᐃᑦᑑᒻᒪᖔᖅ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ ᓯᒪᐃᓚᒃ. ᐊᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᖅᑖ. ᐱᔾᔪᑎᒋᓪᓗᒍ ᐃᖅᑲᓪᓕᐊᖅᑏᑦ, ᑖᓐᓇ ᐊᐅᓚᓂᐅᑉ ᑐᕌᖓᒻᒪᑦ ᐊᑭᑐᔪᖅᑐᕈᑎᓅᙱᑦᑐᖅ, ᑭᓯᐊᓂ ᕿᓂᕈᓐᓇᕐᒥᔪᒍᑦ ᓇᐅᒃᑯᑦ ᐃᑲᔪᖅᑐᕈᓐᓇᕐᒪᖔᑦᑕ ᓈᓚᒍᓐᓇᑦᑎᐊᕐᓂᐊᖅᑐᒍᑦ ᐸᓐᓂᖅᑑᕐᒥᑦ ᐃᖃᓪᓕᐊᖅᑎᓄᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᔅᑕ ᒪᐃᒃ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 42 ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᖅᑖ. ᐃᓛᒃ ᒥᑦᑎᒪᑕᓕᒃ, ᑲᖏᖅᑐᒑᒃ, ᕿᑭᖅᑕᕐᔪᐊᖅ, ᑖᒃᑯᐊᖑᑯᐊ ᐆᑦᑑᑎᒋᓗᒍᖃᐃ ᐸᓐᓂᖅᑑᖅ ᐊᑭᑐᔫᑎᓂᑦ ᐱᓕᕆᓂᖅᑕᖃᕐᖓᑦ, ᐃᖃᓗᓕᕆᕕᑦᑕᖃᕐᖓᑦ, Fish Plant, ᑕᒪᒃᑯᐊᓕ ᓂᓪᓕᐅᑕᐅᕙᙱᒻᒪᑕ ᑕᐃᒫᒃ ᑕᕝᕙᓂ ᐊᑭᑐᔫᑎᓂᑦ ᓇᓗᓇᐃᖅᓯᒪᙱᑎᐊᖅᑐᑦ? ᐅᕝᕙᓘᓐᓃᑦ ᐅᒥᐊᖅᑖᕈᑎᔅᓴᐃᑦ ᑕᒪᐅᖓ ᑐᕌᖓᔪᑦ ᓱᓇᕈᓘᔭᐃᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ ᓯᒪᐃᓚᒃ. ᐊᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᖅᑖ. ᐅᖃᖅᑲᖅᐅᒐᒪ ᐊᑭᑐᔪᖅᑐᕈᑎᒃᓴᑦᑎᓐᓂᒃ ᓈᓚᒍᒪᑦᑎᐊᕐᓂᐊᖅᑐᑦ ᐃᑲᔪᖅᑐᐃᒍᓐᓇᕐᓗᑦ ᑭᓯᐊᓂ ᑕᐃᒃᑯᐊ ᓇᖕᒥᓂᖃᖅᑐᑦ ᐃᖃᓪᓕᐊᖅᑎᐅᖃᑦᑕᖅᑐᑦ ᑕᐃᒪᓐᓇᐃᑦᑐᓂᒃ ᓇᖕᒥᓂᖃᕈᑎᒃ, ᐱᓕᕆᔪᒪᔭᖓᓂᒃ ᐅᖃᖃᑎᖃᕈᓐᓇᖅᑐᒍᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑏᑦ ᓱᓕ ᐊᐱᖅᑯᑎᒃᓴᖃᖅᐹᑦ? ᐊᖏᖅᐱᓯ ᐱᓕᕆᕕᖓ ᓄᓇᓕᖕᓂᑦ ᐱᔨᔅᓯᖅᑎᒃᑯᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐃᑲᔫᑏᑦ ᐊᑭᑦᑐᕈᒫᖅᑕᖓ $750,000.00 ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ.

K-2-ᒧᑦ ᐅᑎᕐᓗᓯ ᒪᒃᐱᒐᕐᒧᑦ. ᑲᑎᒪᔩᑦ ᐊᖏᖅᐸᑦ ᓄᓇᓕᖕᓂᑦ ᐱᔨᔅᓯᖅᑎᒃᑯᑦ ᐊᑭᑐᔪᖅᑐᕈᑎᒃᓴᖏᑦ $128,518,000.00 ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᑲᑎᒪᔩᑦ ᐊᖏᖅᐸᑦ ᐱᔭᕇᕋᑦᑎᒃᑯᑦ ᓄᓇᓕᖕᓂᑦ ᐱᔨᔅᓯᖅᑎᒃᑯᑦ ᐊᑐᕈᒫᖅᑕᖏᑦ ᐊᑭᑐᔪᓄᑦ ᐱᔭᕇᕐᒪᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒪᑐᔾᔪᑎᒃᓴᖃᖅᐲᑦ, ᒥᓂᔅᑕ ᓯᒪᐃᓚᒃ? ᐊᖏᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᖅᑖ. ᖁᔭᓐᓇᒦᒃᑕᐅᖅ ᐊᐱᖅᓱᕋᑖᕋᔅᓯ. ᑕᒪᒃᑯᐊ ᐊᐱᖅᓲᑏᑦ ᑖᒃᑯᐊ ᐱᔾᔪᑎᒋᓪᓗᒋ ᓯᕗᒧᐊᒍᓐᓇᕐᓂᐊᕋᑦᑕ ᐱᐅᓯᒋᐊᕈᑎᐅᖃᑦᑕᕐᓂᐊᖅᑐᓂᑦ. ᖁᔭᓐᓇᒦᖅᐸᕗᑦ ᐃᖅᑲᓇᐃᔭᖅᑏᑦ ᑕᒫᓃᖃᑎᒋᔭᕗᑦ ᐊᒻᒪᓗᑦᑕᐅᖅ ᐊᒡᓚᕕᑦᑎᓃᑦᑐᑦ ᐊᒃᓱᕈᖅᖢᑎᒃ ᐃᖅᑲᓇᐃᔭᖃᑦᑕᖅᓯᒪᒻᒪᑕ ᑖᒃᑯᓂᖓ ᐋᖅᑭᒃᓱᐃᓪᓗᑎᒃ. ᑖᒃᑯᐊ ᐊᕐᕌᒍᓂ ᕿᒥᕐᕈᓇᖕᓂᐊᖅᑐᒍᑦ ᐃᒪᖃᐅᑎᓄᓪᓗ ᐃᓪᓗᓕᕆᔾᔪᑎᑦ ᐄᓚᒃ ᑕᒪᒃᑯᓂᖓ ᐱᓕᕆᔾᔪᑎᐅᔪᓂᒃ ᐋᖅᑭᒃᓱᐃᓂᐊᖅᑐᒍᑦ, ᐸᕐᓇᒃᓯᒪᔪᑦ ᑖᒃᑯᐊ ᑎᖅᑎᑦᑎᖃᑦᑕᕆᐊᓖᑦ ᐃᒥᕐᒥᒃ ᑕᐃᒪᓐᓇᐃᖃᑦᑕᖁᓇᒋᑦ ᐱᐅᓯᒋᐊᖅᑎᑦᑎᓇᓱᑦᑐᒍᑦ. ᖁᔭᓐᓇᒦᒃ ᐃᑲᔪᖅᑐᐃᑦᑎᐊᕋᔅᓯ, ᖁᔭᓐᓇᒦᒃ. >>ᐸᑦᑕᑐᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᓯᒪᐃᓚᒃ. ᐃᖅᓱᖅᑏ, ᐅᑯᐊ ᐊᓂᑎᓚᐅᒃᑭᑦ ᐃᖅᑲᓇᐃᔭᖅᑏᑦ. ᑕᒫᓂ ᐃᒃᓯᕚᖅᑐᑦ ᐃᒃᓯᕚᕆᔅᓯᑦ. ᐊᕙᑎᓕᕆᔨᒃᑯᑦ ᐱᓕᕆᕕᖓᓄᐊᕐᓂᐊᓕᖅᐳᒍᑦ. ᐃᒃᓯᕙᐅᑕᖅ (ᕗᕆᐊᑦ ᐲᑕᓴᓐ) (ᑐᓵᔨᑎᒍᑦ): 10-ᒥᓂᑦᔅ ᕿᑲᑲᐃᓐᓇᕐᓂᐊᕋᑦᑕ, ᐃᖅᑲᓇᐃᔭᖅᑎᖏᑦ ᐃᓯᕋᓱᓐᓂᖏᓐᓂᑦ. ᖁᔭᓐᓇᒦᒃ. >>ᓄᖅᑲᑲᐃᓐᓇᖅᑐᑦ 16:47 ᐊᒻᒪᓗ ᐱᒋᐊᒃᑲᓂᖅᑐᑎᑦ 17:06

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 43 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᓈᒻᒫᓂᓕᕋᑦᑕ ᑲᑎᒪᔩᑦ ᑲᑎᒪᓂᑐᐃᓐᓇᒧᑦ ᐅᑎᖁᓕᖅᓱᒍ. ᐊᕙᑎᓕᕆᔨᒃᑯᑦ ᑖᓐᓇ ᒥᓂᔅᑕ ᑯᓄ ᐱᓕᕆᔨᖁᑎᓂᒃ ᑕᒫᓂᖃᑎᖃᕈᒪᕕᑦ? ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐄ’, ᑕᒫᓃᖁᔨᕗᖓ. ᐃᒃᓯᕙᐅᑕᖅ: ᐊᖏᖅᐸᑦ ᑲᑎᒪᔨᕋᓛᑦ ᐱᓕᕆᔨᖏᑦ ᓵᑦᑎᓐᓃᔪᓐᓇᖁᓪᓗᒋᑦ? ᖁᔭᓐᓇᒦᒃ. ᐃᖅᓱᑏ, ᑖᒃᑯᐊ ᑕᑉᐸᐅᙵᐅᑎᒃᑭᑦ. ᖃᐅᔨᒪᓂᐊᕋᑦᑕ ᒥᔅᑕ ᑯᓄᒃ, ᐱᓕᕆᔨᑎᑦ ᑭᒃᑰᓂᖏᓐᓂᒃ ᐅᖃᕐᓗᑎᑦ ᒪᑐᐃᕈᑎᓄᐊᕐᒥᓗᑎᑦ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᕕᐊᓱᒃᐳᖓ ᐊᕙᑎᓕᕆᔨᒃᑯᑦ ᐊᑭᑐᔫᑎᑦᓴᖁᑎᒋᔭᖏᑦ 2026-2027−ᒥ ᐃᑦᓯᕙᖃᑎᒃᑲ ᓯᑏᕙᓐ ᒪᓐᓴᐅᓪ. ᑖᓐᓇ ᑐᖏᓕᐅᑲᐃᓐᓇᖅᑐᖅ ᐊᕙᑎᓕᕆᓂᕐᒥᒃ ᐊᒻᒪ ᓇᐃᐆᒥ ᐸᓪᓗᖅ, ᑐᖏᓕᐅᑉ ᐃᑲᔪᖅᑎᖓ ᐊᒻᒪᓗ ᑐᓴᙱᓐᓇᒃᑯ ᐊᕙᑎᓕᕆᔨᒃᑯᓐᓂ ᐊᒻᒪ ᓂᐅᓪ ᑭᒍᑦᑕᖅ ᐆᒪᔪᓕᕆᔩᑦ ᐊᐅᓚᓂᖏᓐᓄᑦ ᑲᒪᔪᖅ. ᑕᕝᕙᓂ ᐊᕐᕌᒍᒋᔭᑦᑎᓐᓂ ᐊᕙᑎᓕᕆᔨᒃᑯᑦ ᑐᑦᓯᕋᖅᐳᑦ ᐊᑭᑐᔫᑎᓄᑦ ᑮᓇᐅᔭᖅᑐᕈᑎᑦᓴᓂᒃ $2,600,000−ᓂᒃ ᑖᒃᑯᐊ ᑮᓇᐅᔭᖅᑐᕈᑎᑦᓴᑦ ᑖᒃᑯᐊᒃ ᒪᕐᕉᒃ ᑕᐅᑐᓪᓗᐊᑕᕆᔭᐅᓂᐊᖅᖢᑎᒃ ᐆᒪᔪᓕᕆᓂᖅ ᐊᒻᒪ ᒥᕐᖑᐃᖅᓯᕐᕖᑦ ᐊᔾᔨᐅᙱᑦᑐᓪᓗ ᓄᓇᐃᑦ. ᐆᒪᔪᓕᕆᓂᕐᒧᑦ ᐊᐅᓚᓂᖏᑦ ᖃᐅᔨᓴᖅᑎᖏᓪᓗ ᐊᑭᑐᔫᑎᓂᒃ $760,000−ᓂᒃ ᐊᑐᓲᖑᔪᑦ $50,000−ᓂᒃ ᓄᑖᕈᙱᖃᕈᑎᑦᓴᓄᑦ ᐆᒪᔪᓕᕆᕝᕖᑦ. ᑖᒃᑯᐊ ᐊᑐᖅᑕᐅᒍᒫᕐᓂᐊᖅᓯᒪᓂᖏᑦ ᒪᓕᑦᑐᒋᑦ ᓴᓇᔭᐅᔪᖃᕆᐊᖃᕌᖓᑦ ᐊᓪᓚᕝᕕᒋᔭᖏᑕ ᐆᒪᔪᓕᕆᕝᕖᑦ ᓄᓇᕗᒻᒥ. ᑐᐊᕕᕐᓇᖅᑐᖃᖅᐸᑦ ᓂᕆᐅᓇᙱᑦᑐᒥᓪᓘᓐᓃᑦ ᐊᕐᕌᒎᑉ ᐃᓗᐊᓂ ᑕᒪᑐᒪᓂ ᐊᕙᑎᓕᕆᔨᒃᑯᑦ ᐱᓕᕆᖃᑎᖃᖅᐸᑉᐳᑦ ᐃᖏᕐᕋᔪᓕᕆᔨᒃᑯᓐᓂᒃ ᐱᖁᑎᕐᔪᐊᓕᕆᔨᒃᑯᓐᓂᒃ. ᐃᑲᔪᖅᑎᒋᓪᓗᒋᑦ ᐃᖅᑲᓇᐃᔭᖅᑏᑦ ᓴᓇᒋᐊᕆᐊᓖᑦ ᓯᕗᓪᓕᐅᔾᔭᐅᓂᖏᓪᓗ ᒪᓕᑦᑐᒋᑦ ᑮᓇᐅᔭᐃᓪᓗ ᐊᑐᐃᓐᓇᐅᑎᒋᓂᖏᑦ ᒪᓕᑦᑐᒋᑦᑕᐅᖅ ᐱᕙᑦᑐᑦ. ᐆᒪᔪᓕᕆᓂᕐᒧᑦ ᐊᐅᓚᔾᔪᑎᖏᑦ ᖃᐅᔨᓴᕐᓂᕐᒧᑦ $770,000.00 ᐊᓯᔾᔨᖅᑕᐅᖁᓪᓗᒋᑦ ᓇᓕᐊᓐᓄᕋᐅᑕᐅᕙᑦᑐᑦ ᐱᖁᑏᑦ ᖃᐅᔨᓴᕐᕕᒻᒦᑦᑐᓄᑦ ᐱᖁᑏᑦ. ᑲᑎᑦᑐᒋᑦ ᐅᓄᖅᓯᒋᐊᖅᑐᑦ $400,000.00-ᓂᒃ ᐊᕐᕌᓂᐅᓚᐅᖅᑐᒥ. ᐊᖏᔫᑏᑦ ᐱᓕᕆᐊᒃᓴᑦ ᒥᕐᖑᐃᖅᓯᕐᕕᓐᓄᑦ ᐊᔾᔨᐅᙱᑦᑐᑦ ᓄᓇᓄᑦ 2026-2027-ᒥ ᐱᖁᑎᕐᔪᐊᑦ ᓴᓇᔭᐅᓂᑦᓴᖏᓐᓄᑦ ᐊᒡᒍᑎᓐᓂ ᒥᕐᖑᐃᖅᓯᕐᕕᖓᓂ ᐅᐊᓐᓇᖓᓃᑦᑐᖅ ᑲᖏᖅᑐᒑᐱᐅᑉ. ᑖᓐᓇ ᑭᖑᕙᕆᐊᖅᑕᐅᖃᑦᑕᖅᓯᒪᔪᖅ ᐅᓄᖅᓯᒋᐊᖅᓯᒪᓂᖏᓐᓄᑦ ᑮᓇᐅᔭᖅᑐᕐᓂᖏᑦ ᐱᖁᑏᑦ ᑭᓯᐊᓂ ᑲᔪᓯᕙᓪᓕᐊᓯᒪᓕᕆᕗᖅ ᑲᑐᔾᔨᖃᑎᒋᔭᐅᓪᓗᑎᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᑦ. ᒫᑦᓯ 2025-ᒥ ᓄᓇᕗᑦ ᒐᕙᒪᒃᑯᑦ ᐊᖏᕈᑎᓕᐅᓚᐅᖅᐳᑦ ᐊᕙᑎᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᑦ ᐱᖁᑎᕐᔪᐊᓕᕆᔨᒃᑯᓪᓗ ᓄᓇᕗᒻᒥ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓂ. ᓇᓗᓇᐃᕆᓯᒪᓪᓗᑎᒃ ᑖᒃᑯᐊ ᑕᒪᕐᒥᒃ ᐱᓇᓱᐊᖃᑎᒌᑦᓯᐊᕐᓂᐊᕐᒪᑕ ᓴᓇᓂᕐᒥᒃ ᐊᒻᒪᓗ ᐊᑐᖅᑐᐊᖃᑎᒌᓪᓗᑎᒃ ᑲᖏᖅᑐᒑᐱᒻᒦᑦᑐᒥᒃ. ᑲᑐᔾᔨᖃᑎᒌᓐᓂᒃᑯᑦ ᕿᑭᖅᑕᓂᒃᑯᑦ ᓄᓇᕗᑦ ᒥᕐᖓᐃᖅᓯᕐᕕᒃᑯᑦ ᐊᑭᓖᕙᓐᓂᐊᖅᐳᑦ ᓄᑖᒧᑦ ᐃᒡᓗᒧᑦ ᐊᒻᒪᓗ ᓴᓇᒋᐊᓕᓐᓂᒃ ᐱᖃᓯᐅᑎᓗᑎᒃ ᓄᓇᓕᒻᒥ. ᐃᓪᓗᓕᐅᒐᑦᓴᐃᑦ ᑲᖏᖅᑐᒑᐱᒻᒨᖅᑕᐅᓚᐅᖅᓯᒪᔪᑦ ᐊᐅᔭᖅ 2025-ᒥ ᐊᒻᒪᓗ ᓴᓇᔭᐅᒋᐊᖅᓯᒪᓕᕆᓪᓗᓂ. ᓇᐅᑦᓯᖅᑐᑐᐃᓐᓇᕐᓂᐊᖅᐳᒍᑦ ᑖᒃᑯᐊ ᐸᐸᑦᓯᐊᕐᓗᒋᑦ ᓄᓇᕗᒻᒥ ᒥᕐᖑᐃᖅᓯᕐᕖᑦ ᐊᒻᒪᓗ ᑐᐱᕐᕖᑦ ᑕᒪᒃᑯᐊ ᒪᓕᑦᓱᒋᑦ ᐃᓄᓐᓄᑦ ᐃᑲᔫᑎᓄᑦ ᐊᖏᕈᑎᓕᐊᖑᓯᒪᔪᖅ. ᓄᖅᑲᐅᓯᕐᓗᖓ ᐃᑦᓯᕙᐅᑕᖅ, ᐊᕙᑎᓕᕆᔨᒃᑯᑦ ᐊᑭᑐᔫᑎᓄᑦ ᐸᕐᓇᐅᑎ ᐊᖏᓗᐊᙱᑦᑐᖅ, ᑕᐅᑐᓐᓂᖅᓴᐅᓪᓗᑕ ᓇᐅᒃᑯᑦ ᐊᑑᑎᖃᑦᓯᐊᕐᓂᖅᓴᐅᒍᓐᓇᖅᑐᓂᒃ ᐱᔭᕆᐊᖃᖅᑕᖏᓐᓂᒃ ᓯᕗᓪᓕᐅᔾᔭᐅᔪᓂᓪᓗ ᓄᓇᕗᒻᒥᐅᓄᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄᒃ. ᑲᑎᒪᔨᕋᓛᓂ ᒪᑐᐃᕈᑎᑦᓴᖃᖅᐸᑦ. ᒥᔅᑕ ᒪᐃᒃ, ᑲᔪᓯᓗᑎᑦ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒻᒪᓗ ᒥᓂᔅᑕ ᐃᖅᑲᓇᐃᔭᖅᑎᑎᓪᓗ, ᑐᙵᓱᒋᔅᓯ. ᑕᐃᒪ ᐅᖃᐅᓯᔅᓴᖃᖅᑐᖓ ᑖᒃᑯᐊ ᐱᔾᔪᑎᒋᓪᓗᒋᑦ ᑭᒡᒍᑐᖅᖢᒋᑦ ᒪᓕᒐᓕᐅᖅᑎᑐᐃᓐᓇᐃᑦ. ᕿᒥᕐᕈᓯᒪᑎᓪᓗᒋᑦ ᑖᔅᓱᒥᖓ ᑐᔅᓯᕋᐅᑕᐅᔪᒥᒃ 2026-2027 ᐊᑭᑐᔫᑎᓄᑦ ᒥᔅᓴᐅᓴᔅᓯᒪᔪᑦ ᑕᕝᕙᙵᑦ ᐊᕙᑎᓕᕆᔨᒃᑯᓐᓂᑦ. ᐊᕙᑎᓕᕆᔨᒃᑯᑦ ᑐᔅᓯᕋᖅᑐᑦ ᐊᑭᑐᔪᓄᑦ

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 44 ᑮᓇᐅᔭᖅᑐᕈᑎᒋᓂᐊᖅᑕᒥᖕᓂᒃ ᑕᕝᕗᖓ 2026-2027 ᑲᑎᑦᑐᒍ ᑖᓐᓇ ᑮᓇᐅᔭᖅ ᑐᔅᓯᕋᖅᑕᖓ, $2,650,000.00 ᑮᓇᐅᔭᑦ ᐊᑐᖅᑐᒃᓴᒋᓂᐊᖅᑕᖓᓄᑦ. ᐊᕙᑎᓕᕆᔨᒃᑯᑦᑕᐅᖅ ᑐᔅᓯᕋᕐᒥᔪᑦ 2025 ᑐᔅᓯᕋᖅᓯᒪᒻᒥᔪᑦ 2025-2026 ᐊᑭᑐᔪᓄᑦ ᒥᔅᓴᐅᓴᔅᓯᒪᔪᓄᑦ $3,600,000.00 (ᑐᓵᔨᑎᒎᓕᖅᑐᖅ) ᑮᓇᐅᔭᖃᖅᑎᑦᓯᓗᑎᑦ ᐊᓪᓚᕝᕕᖓᓂ ᐆᒪᔪᓕᕆᔨᒃᑯᑦ ᐃᑉᐱᐊᕐᔪᒻᒥ ᐊᓯᔾᔨᖅᑕᐅᓂᑦᓴᖓᓄᑦ ᑭᓯᐊᓂ ᑖᒃᑯᐊ ᐊᖏᖅᑕᐅᓚᐅᖅᓯᒪᔪᙱᒻᒪᑕ ᑮᓇᐅᔭᐃᑦ ᒪᓕᒐᓕᐅᕐᕕᐅᓚᐅᖅᑐᒥ. $459,000.00 ᐊᒥᐊᒃᑯᖏᑦ ᐊᑐᖅᑕᐅᙱᑦᑐᑦ ᐊᖏᖅᑕᐅᓕᓚᐅᖅᐳᑦ ᒪᓕᒐᓕᐅᕐᕕᒻᒥ ᐃᑦᓯᕙᑎᓪᓗᒋᑦ ᐅᑭᐅᖑᔪᖅ 2025-ᒥ. (ᑐᓵᔨᑎᒎᕈᓐᓃᖅᑐᖅ) ᑖᒃᑯᐊᖕᐃᓛᒃ ᒪᓕᒐᓕᐅᖅᑎᑐᐃᓐᓇᐃᑦ, ᑖᒃᑯᓂᖓ ᐊᕙᑎᓕᕆᔨᒃᑯᓐᓂ ᓇᓗᓇᐃᖅᓯᓯᒪᑦᑎᐊᖁᔨᕗᑦ ᐸᕐᓇᓯᒪᓂᕐᒥᓂᒃ ᑖᒃᑯᓄᖓ ᑭᖑᕝᕕᖅᑕᐅᓂᐊᖅᑐᓄᑦ ᐆᒪᔪᓕᕆᔨᒃᑯᓐᓄᑦ ᐊᓪᓚᕝᕕᐅᓂᐊᖅᑕᓄᑦ. ᓯᑏᕝᕙ 10-ᖑᑎᓪᓗᒍ 2029 ᑲᓇᑕᐅᑉ ᒐᕙᒪᒃᑯᖏᑦ, ᓄᓇᕗᑦ ᒐᕙᒪᒃᑯᓪᓗ ᓇᓗᓇᐃᖅᓯᓚᐅᖅᓯᒪᕗᑦ $4,700,000 ᑖᒃᑯᐊ ᑲᓇᑕᐅᑉ ᑮᓇᐅᔭᖅᑐᕈᑎᖏᓐᓂ ᑕᕝᕙᙶᖓᓄᐊᖅᑕᐅᓪᓗᑎᒃ ᑲᓇᑕ ᐊᕙᑎᒧᑦ ᑮᓇᐅᔭᑦ ᑖᒃᑯᓄᖓ ᐃᑲᔪᕈᑕᐅᓂᐊᖅᑐᓂᒃ ᓴᖅᑮᔾᔪᑕᐅᓂᐊᖅᑐᓄᑦ ᒥᕐᖑᐃᓯᕐᕕᐅᓂᐊᖅᑐᒧᑦ ᖃᓂᒋᔮᓂ ᑲᖏᖅᑐᒑᐱᐅᑉ. (ᑐᓵᔨᑎᒎᓕᖅᑐᖅ) ᒪᓕᒐᓕᐅᕐᕕᒻᒥ ᐃᑦᓯᕙᑎᓪᓗᒋᑦ 2022−ᒥ ᑐᓴᖅᑎᑕᐅᓚᐅᖅᐳᑦ ᐊᕙᑎᓕᕆᔨᒃᑯᑦ ᕿᑭᖅᑕᓂᒃᑯᓐᓂ ᐱᓕᕆᖃᑎᖃᕐᒪᑕ ᑭᖑᓪᓕᖅᐹᒥᒃ ᐊᖏᕈᑎᓕᐅᓕᖅᓱᑎᒃ. ᓴᓇᔭᐅᓂᔅᓴᕆᔭᖏᑕ ᑲᑐᔾᔨᕈᑎᒋᓂᐊᖅᑕᖏᑦ ᐃᒡᓗᒃᓴᐅᔫᑉ ᒥᕐᖑᐃᖅᓯᕐᕕᒻᒥ. ᑐᓴᕋᐅᑎᐅᓚᐅᖅᑐᑦ ᐊᕙᑎᓕᕆᔨᒃᑯᓐᓂᑦ ᐅᖃᖅᓯᒪᕗᑦ ᐊᖏᕈᑎᓕᐊᖑᓚᐅᖅᑐᖅ ᐊᖏᖅᑕᐅᓚᐅᖅᓯᒪᓂᖓᓂᒃ ᑎᓰᕝᕙ 2023−ᒥ. ᒪᓕᒐᓕᐅᖅᑏᑦ ᑐᓴᖅᑎᑕᐅᑦᓴᐃᓐᓇᕈᒪᓂᐊᖅᐳᑦ ᖃᓄᐃᓕᖓᓕᕐᓂᖓᑕ ᑕᒪᑐᒪᑉ ᐱᓕᕆᐊᖑᔫᑉ ᐃᓇᑦᓯᕗᓪᓗ ᒥᓂᔅᑕᒥᒃ ᐃᒡᓗᒨᖅᓯᓛᖁᓪᓗᒍ ᐊᔾᔨᒋᔭᖓᓂᒃ ᐊᖏᕈᑎᐅᑉ ᑭᖑᓪᓕᖅᐹᖅᓯᐅᑎᖓᓂᒃ ᒪᓕᒐᓕᐅᕐᕕᒻᒥ ᕿᓚᒥᐅᔾᔫᒥᔪᒃᑯᑦ. (ᑐᓵᔨᑎᒎᕈᓐᓃᖅᑐᖅ) ᒪᓕᒐᓕᐅᕐᕕᑦᑕᐅᖅ ᖃᐅᔨᓚᐅᖅᓯᒪᕗᖅ $1,040,000.00 ᐊᑭᑐᔫᑎᓄᑦ ᐅᖓᕙᕆᐊᕆᓪᓗᑎᒃ ᑖᔅᓱᒪ ᐃᓪᓗᓕᐅᑉ ᐆᒪᔪᓕᕆᓂᕐᒧᑦ ᑐᕌᖓᔪᓂᒃ ᖃᐅᔨᓴᕐᕕᐅᒐᔭᖅᑐᖅ ᐋᖅᑭᒋᐊᖅᑕᐅᓂᕆᒐᔭᖅᑕᖓ, ᓴᓇᒋᐊᖅᑕᐅᒐᔭᖅᑕᖓᓄᑦ ᑕᕝᕙᓂ ᒪᓕᒐᓕᐅᖅᑏᑦ ᐃᑦᓯᕚᖅᑎᓪᓗᒋᑦ ᐅᑭᐅᒃᑯᑦ 2025. (ᑐᓵᔨᑎᒎᓕᖅᑐᖅ) ᑐᓴᒐᒃᓴᐃᑦ ᐊᑐᐃᓐᓇᐅᑎᑕᐅᔪᑦ ᐊᕙᑎᓕᕆᔨᒃᑯᓐᓄᑦ ᑕᑯᑎᑦᓯᓯᒪᕗᑦ ᐊᖏᖅᑕᐅᓯᒪᓂᖏᓐᓂᒃ ᖃᐅᔨᓴᕈᑎᐅᔪᒥᒃ ᐅᖃᖃᑎᖃᕈᓐᓇᓕᕐᓗᑎᒃ ᑲᓇᑕᐅᑉ ᒐᕙᒪᒃᑯᖏᓐᓂᒃ ᐊᑐᖅᑐᐊᖅᑕᐅᒍᓐᓇᕐᓗᑎᒃ ᐃᓂᑦᓴᖓ ᑲᓇᑕᒥ ᐅᑭᐅᖅᑕᖅᑐᖅ ᖁᑦᓯᑦᑐᒥ ᖃᐅᔨᓴᕐᕕᒋᔭᖓᓂ ᐃᖃᓗᑦᑑᑦᓯᐊᒦᑦᑐᒥᒃ. (ᑐᓵᔨᑎᒎᕈᓐᓃᖅᑐᖅ) ᒥᓂᔅᑕ ᑕᕝᕙᓂ ᐱᓕᕆᖃᑕᐅᑎᓪᓗᒍ ᑖᒃᑯᓄᖓ ᒪᓕᒐᓕᐅᖅᑎᑐᐃᓐᓇᕐᓂᒃ ᑐᓴᖅᑎᑕᐅᓚᐅᕐᒪᑕ ᑖᓐᓇ ᐊᕙᑎᓕᕆᔨᒃᑯᑦ ᐃᖅᑲᓇᐃᔮᖃᕐᓂᕋᖅᑐᑎᒃ ᑖᓐᓇ ᐱᔾᔪᑎᒋᓪᓗᒍ ᐊᖏᖃᑎᒌᒍᑦ (ᑐᓵᔨᑎᒎᓕᖅᑐᖅ) ᐊᖏᖃᑎᒌᒍᑎᐅᒋᐊᙵᖅᑐᒥᒃ ᑐᓴᖅᑎᑕᐅᔪᒪᐃᓐᓇᕐᓂᐊᖅᐳᑦ ᒪᓕᒐᓕᐅᖅᑏᑦ ᖃᓄᐃᓕᖓᓕᕐᓂᖓᑕ ᐃᖅᑲᓇᐃᔮᖑᔫᑉ ᐃᓇᑦᓯᕗᓪᓗ ᒥᓂᔅᑕᒥᒃ ᐃᓪᓗᒨᖅᓯᓛᖁᓪᓗᒍ ᑭᖑᓪᓕᖅᐹᖅᓱᕈᑎᒥᒃ ᐊᖏᕈᒻᒥᒃ ᒪᓕᒐᓕᐅᕐᕕᒻᒧᑦ ᕿᓚᒻᒥᐅᔾᔫᒥᔪᒃᑯᓪᓗ. ᐊᕙᑎᓕᕆᔨᒃᑯᑦᑕᐅᖅ 2025-2026 ᐊᑭᑐᔫᑎᓄᑦ ᒥᔅᓴᐅᓴᔅᓯᒪᓂᖓ ᐃᓚᐅᖅᑐᖅ ᑖᔅᓱᒥᖓ ᐊᑕᐅᓯᐊᖅᑐᒥᒃ ᑮᓇᐅᔭᖅᑐᕈᑕᐅᓂᐊᖅᑐᖅ ᓂᐅᕕᕈᑕᐅᓂᐊᖅᑐᖅ $550,000.00 ᑖᒃᑯᓄᖓ ᐊᐳᑕᐃᔭᐃᔾᔪᑎᓄᑦ ᒪᕐᕉᓐᓄᒃ ᑕᕝᕙᓂ ᐃᖃᓗᐃᑦ ᑰᖓ ᒥᕐᖑᐃᖅᓯᕐᕕᖓᓂ. (ᑐᓵᔨᑎᒎᓕᖅᑐᖅ) ᑕᒪᑦᓱᒪᐅᑉ ᓂᐅᕕᕈᑎᐅᔫᑉ ᐱᔾᔪᑎᖃᓚᐅᖅᑐᖅ ᐊᑐᐃᓐᓇᐅᖏᓐᓇᖃᑦᑕᖁᓪᓗᒍ ᒥᕐᖑᐃᖅᓯᕐᕕᓕᐊᖅᐸᑦᑐᑦ. ᒪᓕᒐᓕᐅᖅᑏᑦ ᐃᓇᑦᑎᕗᑦ ᑲᔪᓯᑦᓯᐊᕈᓐᓇᖅᑎᒋᓂᖏᑕ ᑕᐃᒪᓐᓇᑦᑕᐅᖅ ᓂᐅᕕᖅᑐᖃᕈᓂ ᐊᓯᖏᓐᓂᒃ ᒥᕐᖑᐃᖅᓯᕐᕕᐅᔪᓂ. (ᑐᓵᔨᑎᒎᕈᓐᓃᖅᑐᖅ) ᑖᑦᓱᒥᖓ ᒥᓂᔅᑕᒥᒃ ᑲᔪᓯᑦᑎᐊᖁᔨᕗᖅ ᓴᖅᑮᔪᓐᓇᖁᓪᓗᒍ ᑕᕝᕙᓂ ᐅᓂᒃᑳᓂᒃ ᓴᖅᑮᔪᓐᓇᖁᓪᓗᒍ ᒪᓕᒐᓕᐅᕐᕕᐅᑉ ᐃᓗᐊᓂ ᓇᓗᓇᐃᖅᓯᓯᒪᑦᑎᐊᖅᑐᓂᒃ ᐊᕙᑎᓕᕆᔨᒃᑯᑦ ᐱᓕᕆᓂᖏᓐᓂᒃ, ᑮᓇᐅᔭᖅᑐᕈᑎᒥᓂᕐᓂᒃ ᐊᒻᒪᓗ ᐱᕙᓪᓕᐊᓇᓱᑦᑕᖏᓐᓂᒃ ᑖᒃᑯᓄᖓ ᐱᔾᔪᑎᖃᖅᑐᑎᒃ ᓄᓇᕗᒻᒥ ᒥᕐᖑᐃᓯᕐᕕᓕᕆᓂᐅᑉ ᐃᓗᐊᓂ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 45 ᐃᓚᒋᐊᒃᑲᓐᓂᕐᓗᒍ ᑖᓐᓇ ᑐᓴᕋᑎᔅᓴᐅᒐᔭᖅᑐᖅ ᐱᔾᔪᑎᖃᖅᑐᖅ ᑖᒃᑯᓄᖓ ᐳᓛᕆᐊᖅᐸᑦᑐᓄᑦ ᒥᕐᖑᐃᖅᓯᕐᕕᔪᓂᑦ ᐅᓄᕐᓂᖏᓐᓂᒃ. (ᑐᓵᔨᑎᒎᕈᓐᓃᖅᑐᖅ) ᑕᐃᒪᓐᓇ ᐅᓂᒃᑳᓕᐅᖅᐸᓐᓂᖅ ᐊᑑᑎᖃᑦᓯᐊᕋᔭᖅᑐᖅ ᒪᓕᒐᓕᐅᖅᑎᓕᒫᓄᑦ ᕿᒥᕐᕈᓕᕌᖓᑕ ᐊᑦᑐᐃᓂᖃᕐᓂᖏᑕ ᒥᕐᖑᐃᖅᓯᕐᕖᑦ ᐱᓕᕆᐊᒃᓴᐅᔪᑦ ᐊᒻᒪᓗ ᐊᑦᑐᐊᓂᖃᖅᑐᖅ ᐊᑭᑐᔫᑎᓅᖓᔪᑦ. ᒪᓕᒐᓕᐅᖅᑏᑦ ᐊᑐᓕᖁᔨᒋᕗᑦ ᐊᕙᑎᓕᕆᔨᒃᑯᑦ ᐊᕐᕌᒍᑕᒫᑦ ᐅᓂᒃᑳᓕᐅᖅᐸᓐᓂᖏᑦ ᐃᓗᓕᖃᖅᐸᖁᓪᓗᒋᑦ ᐊᑐᖅᐸᓐᓂᖏᓐᓂᒃ ᓄᓇᒥᒃ ᐃᒪᕐᒥᓪᓗ ᑕᕆᐅᕐᒥᓪᓗ ᐊᑐᖅᐸᑦᑐᓂᒃ ᐱᖁᑎᓂᒃ ᐊᓯᖏᓐᓂᓗ ᐊᑭᑐᔫᑎᐅᔪᓂᒃ. (ᑐᓵᔨᑎᒎᕈᓐᓃᖅᑐᖅ) ᑖᓐᓇ ᐃᓱᓕᒻᒥᔪᖅ ᒪᑐᐃᕈᑎᒧᑦ ᐅᖃᐅᓯᔅᓴᖃᕐᕕᒋᔭᕋ ᑖᒃᑯᓄᖓ ᑐᑦᓯᕋᐅᑕᐅᔪᓄᑦ 2026- 2027 ᐊᑭᑐᔫᑏᑦ ᒥᔅᓴᐅᓴᑦᑕᐅᓂᖏᓐᓄᑦ ᑕᕝᕙᓂ ᐊᕙᑎᓕᕆᔨᒃᑯᑦ ᐃᓗᐊᓂ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒪᑉᐱᒐᖏᑦ ᐊᑐᓃᖅᑕᕐᓗᒋᑦ ᐊᑭᑐᔫᑏᑦ.

I-3, ᐱᒋᐊᕐᕕᒋᓗᒍ. ᐊᕙᑎᓕᕆᔨᒃᑯᑦ ᐱᓕᕆᐊᓄᑦ ᐊᐅᓚᑦᓯᔾᔪᑏᑦ, $2,650,000 ᐊᑐᓕᖁᔭᐅᔪᖅ. ᐊᐱᖅᑯᑎᑦᓴᖃᖅᐸᑦ ᒪᓕᒐᓕᐅᖅᑎᑦ. ᒥᔅᑕ ᒪᐃᒃ. ᒪᐃᒃ (ᑐᓵᔨᑎᒍᑦ): ᐱᓕᕆᕝᕕᓯ 2025-2026 ᐊᑭᑐᔫᑎᓄᑦ ᐱᖃᓯᐅᑎᔪᖅ $750,000−ᓂᒃ ᐆᒪᔪᓕᕆᕝᕕᐅᔫᑉ ᓄᑖᙳᕆᐊᖅᑕᐅᓂᒃᓴᖏᓐᓄᒃ. ᐅᓪᓗᒥᒧᑦ ᖃᔅᓯᑦ ᑮᓇᐅᔭᐃᑦ ᐊᑐᖅᑕᐅᓯᒪᓕᖅᐸᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᕿᓄᕗᖓ ᓂᑭ ᑖᑦᓱᒪᙵᑦ ᑭᐅᔪᓐᓇᖁᑉᓗᒍ ᐊᔪᕐᓇᙱᑉᐸᑦ ᐊᖅᑯᑎᒋᓗᑎᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐄ’, ᐊᖏᖅᐳᖓ. ᖁᔭᓐᓇᒦᒃ. ᐊᑏ, ᑲᔪᓯᒋᑦ, ᒥᔅ ᓂᑭ. ᓂᑭ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑮᓇᐅᔭᑦ ᐊᑐᕈᒫᕐᓂᐊᖅᑐᖁᑎᖏᓐᓃᑦᑐᖃᙱᑦᑐᖅ. ᒫᓐᓇ ᑮᓇᐅᔭᓂᒃ ᐊᑐᖅᓯᒪᙱᑦᑐᒍᑦ ᓴᓂᕐᕙᒃᑕᐅᓯᒪᔪᓃᑦᑑᒐᓗᐊᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐃᔅᓯᕙᐅᑖᖅ. ᐃᓛᒃ ᐊᐱᕆᔪᒪᑐᐃᓐᓇᕋᒪ ᑖᒃᑯᐊ ᑐᑦᓯᕌᕆᔭᖏᑦ ᐱᔾᔪᑎᒋᓪᓗᒋᑦ. ᓇᓪᓕᐊᒃ ᑕᐃᒪ ᐆᒪᔪᓕᕆᔨᒃᑯᓐᓄᑦ ᐊᓪᓚᕝᕕᐅᔪᖅ ᐋᖅᑭᒋᐊᖅᑕᐅᕙᑦ ᑖᒃᑯᓄᖓ ᑮᓇᐅᔭᓄᑦ ᑐᑦᓯᕋᕈᑕᐅᓯᒪᔪᓄᑦ? ᖁᔭᓐᓇᒦᒃ, ᐃᑦᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᔅᑕ ᒪᐃᒃ. ᒥᓂᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒻᒪᓗ ᖁᔭᓐᓇᒦᖅᖢᒍ ᑖᓐᓇ ᐊᐱᖅᑯᑎᒋᖕᒪᒍ. ᒫᓐᓇ ᑎᑎᕋᕐᕕᖕᓂ ᓄᑖᙳᕆᐊᖅᑎᑦᑎᙱᑦᑐᒍᑦ ᑭᓯᐊᓂ ᐅᑯᐊ ᑲᒪᒋᔪᒪᔭᕗᑦ ᐆᒪᔪᓕᕆᕖᑦ. ᓄᓇᕗᒻᒥ ᐱᖃᖅᑐᐃᓐᓇᐅᖕᒪᑕ ᐊᓯᔾᔨᕈᒪᓪᓗᑎᒃᑯᒃ ᐃᒃᐱᐊᕐᔪᒃ, ᐊᕐᕕᐊᑦ, ᖃᒪᓂ’ᑐᐊᖅ, ᐃᒡᓗᓕᒃ, ᑭᙵᐃᑦ, ᑰᒑᕐᔪᒃ, ᖁᕐᓗᖅᑑᖅ ᐊᒻᒪ ᑲᖏᖅᖠᓂᖅ. ᒪᕐᕉᒃ ᑎᑎᕋᕐᕖᒃ ᑕᓗᕐᔪᐊᕐᒦᑦᑑᒃ ᕿᑭᖅᑕᕐᔪᐊᕐᒥᓪᓗ ᓄᑖᙳᕆᐊᖅᑎᑕᐅᔭᕆᐊᖃᖅᑑᒃ. ᐊᒻᒪ ᑕᐃᒃᑯᐊ ᐊᒥᐊᒃᑯᑦ ᓄᓇᕗᒻᒦᑦᑐᑦ 50, ᐊᓯᔾᔨᖅᑕᐅᔭᕆᐊᓖᑦ ᓄᑖᙳᕆᐊᖅᑎᑕᐅᓪᓗᑎᒡᓘᓐᓃᑦ. ᐄ’, $750,000.00 ᐄ’, ᑖᓐᓇ ᓱᓕᔪᖅ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᔅᑕ ᑯᓄᒃ. ᐊᑎᖁᑎᓐᓂ, ᒥᔅᑕ ᖃᑉᓗᑦᓯᐊᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᔅᑕ ᖃᑉᓗᑦᓯᐊᖅ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 46 ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕕᓯ ᐊᑭᑐᔪᖅᑐᕈᑎᒃᓴᐃᑦ ᓇᐃᒡᓕᑎᖅᓯᒪᔪᑦ ᐅᖃᖅᓯᒪᖕᒪᑕ ᐆᒪᔪᓕᕆᕖᑦ ᑎᑎᕋᕐᕕᖏᑦ ᐊᓯᔾᔨᖅᑕᐅᓂᐊᕐᒪᑕ ᐊᕐᕕᐊᑦ, ᖃᒪᓂ’ᑐᐊᖅ ᑭᙵᕐᓂᓪᓗ ᐊᒻᒪᓗ ᐸᕐᓇᐃᓂᕐᒧᑦ ᖃᐅᔨᓴᐅᑎᓂᒃ ᐱᒋᐊᕈᒪᓕᖅᖢᑎᑦ, ᖃᑦᓯᑐᕋᔭᙳᐊᖅᐸᑦ ᓄᑖᒥᒃ ᓴᓇᓗᓂ ᐆᒪᔪᓕᕆᔩᑦ ᑎᑎᕋᕐᕕᖓᖕᓂ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᓂᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᓐᓇ ᒥᔅᑕ ᒫᓐᓯᐅᓪ−ᒧᑦ ᑭᐅᔭᐅᖁᓪᓗᒍ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐊᑏ, ᒥᔅᑕ ᒫᓐᓯᐅᓪ. ᒫᓐᓯᐅᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒻᒪᓗ ᖁᔭᓐᓇᒦᒃ ᑖᓐᓇ ᐊᐱᖅᑯᑎᒋᒐᖕᓂ. ᐅᐊᑦᑎᐊᖅ ᑲᑎᒪᔨᕋᓛᓂᒃ ᑭᐅᔭᐅᓪᓗᓂ ᐱᓕᕆᕕᒃᐳᑦ ᑮᓇᐅᔭᓂᒃ ᑐᒃᓯᕌᖃᓚᐅᖅᓯᒪᔪᒍᑦ ᐃᒃᐱᐊᕐᔪᖕᒥ ᑎᑎᕋᕐᕕᒃ ᐊᓯᔾᔨᖅᑕᐅᖁᓪᓗᒍ. ᐊᑭᑐᓗᐊᓚᐅᕐᒪᑦ ᑕᒫᓂ $5, $6 ᒥᓕᐊᓐ ᑮᓇᐅᔭᑦ ᐊᑭᖃᖅᑐᒥᒃ ᕿᓂᕆᐊᖃᕋᔭᖅᑐᒍᑦ ᓄᑖᑦᑎᐊᒻᒪᕆᖕᒥᒃ ᓴᓇᔪᒪᓂᐊᕈᑦᑕ. ᐊᒻᒪᓗ ᑭᖑᓪᓕᕐᒥᒃ ᒪᓕᒐᓕᐅᖅᑏᑦ ᐃᒃᓯᕚᖅᑎᓪᓗᒋᑦ ᑕᐃᒪ ᐱᒋᐊᑦᑎᐊᒻᒪᕆᒋᐊᖃᓕᖅᐳᒍᑦ. ᓇᓗᓇᐃᖅᓯᓗᑕᓗ ᖃᓄᖅ ᑮᓇᐅᔭᖅᑐᙱᓐᓂᖅᓴᐅᓗᑎᒃ ᓴᓇᔪᓐᓇᖅᐱᑎᒍᑦ ᐊᒻᒪᓗ ᐊᑕᐅᓯᐅᙱᑦᑐᑦ ᑕᐃᒃᑯᐊ ᓄᑖᓂᒃ ᐱᑕᕆᐊᓖᑦ ᓇᓗᓇᐃᖅᓯᔭᕆᐊᖃᕐᓂᐊᖅᑐᒍᑦ ᖃᓄᖅ ᑕᐃᒃᑯᐊ ᒪᑭᑕᕙᒌᖅᑐᑦ ᐃᖅᑲᓇᐃᔭᖃᑎᒋᓗᒋᑦ ᕿᑭᖅᑕᓂᒃᑯᓪᓘᓐᓃᑦ ᐃᓄᐃᑦ ᑲᑐᔾᔨᖃᑎᒌᖏᑦ ᑲᒪᒋᐊᓂᕈᒪᒐᑦᑎᒃᑯᑦ. ᑭᓯᐊᓂ ᑕᒫᓂ $6 ᒥᓕᐊᓐ ᑮᓇᐅᔭᖏᖕᓃᑦᑐᑦ. ᐊᒻᒪᓗ ᑐᓴᖅᓯᒪᓪᓗᑕ ᐊᑭᑐᓗᐊᕐᒪᒡᒎᖅ ᑕᐃᒪᓐᓇᑎᒋ ᑮᓇᐅᔭᖅᑐᕐᓂᐊᖅᐸᑦ ᐊᑕᐅᓯᖅ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᑭᐅᒐᕕᑦ. ᐊᑎᖁᑎᓐᓂ, ᒥᔅᑕ ᐊᑕᒍᒃᑖᓗᒃ. ᐊᑕᒍᒃᑖᓗᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᒪᓕᒐᓕᐅᖅᑏᑦ $1.04 ᒥᓕᐊᓐᓂᒃ ᑮᓇᐅᔭᓂᒃ ᓄᑕᐅᙱᑦᑐᓂᒃ ᓄᑖᓄᑦ ᓄᒃᑎᕆᓚᐅᕐᒪᑕ ᖃᐅᔨᓴᕐᕕᒃ ᓄᑖᙳᕆᐊᖅᑎᑕᐅᖁᓪᓗᒍ ᐅᑭᐅᖅᓯᐅᖕᒥᒃ ᑲᑎᒪᕐᔪᐊᖅᑎᓪᓗᒋᑦ 2025-ᒥ. ᐅᓪᓗᒥᐅᓕᖅᑐᖅ ᖃᓄᐃᓕᖓᓕᖅᐸ ᑖᓐᓇ ᐱᓕᕆᐊᖑᒍᒪᔪᖅ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᔅᑕ ᐊᑕᒍᒃᑖᓗᒃ. ᒥᓂᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᒫᓐᓇ ᑖᓐᓇ ᓄᖅᑲᖓᑎᑕᐅᑲᐃᓐᓇᓕᖅᑐᖅ ᐅᖃᐅᓯᕆᒃᑲᓐᓂᓚᐅᕐᓗᑎᒃᑯ ᑭᓯᐊᓂ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑯᓄᒃ. ᐊᓯᖏᑦ? ᐊᑎᖁᑎᖃᙱᓐᓇᒪ. ᒥᔅᑕ ᓴᒻᒧᖅᑐᖅ. ᓴᒻᒧᖅᑐᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᐅᖃᖅᑲᐅᒐᕕᑦ ᑲᖏᖅᖠᓂᖅ ᓄᑖᒥᒃ ᑎᑎᕋᕐᕕᒃᑖᕆᐊᖃᕐᒪᑦ ᐆᒪᔪᓕᕆᔨᒃᑯᓐᓄᑦ ᐊᑐᖅᑕᐅᓂᐊᖅᑐᒥᒃ. ᖃᓄᖅ ᐸᕐᓈᕆᔭᐅᕙᓪᓕᐊᓕᖅᐸ ᒫᓐᓈ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᔅᑕ ᓴᒻᒧᖅᑑᖅ. ᒥᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒻᒪᓗ ᖁᔭᓐᓇᒦᒃ ᑖᓐᓇ ᐊᐱᖅᑯᑎᒋᒐᖕᓂ. ᒫᓐᓇᐅᔪᖅ ᐸᕐᓈᕆᔭᐅᔭᕆᐊᓕᒃ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᔅᑕ ᓴᒻᒧᖅᑐᖅ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 47 ᓴᒻᒧᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ. ᖃᖓ ᐸᕐᓈᕆᔭᐅᔪᓄᑦ ᖃᖓ ᐸᕐᓇᓯᒋᐊᓛᕋᕕᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᔅᑕ ᓴᒻᒧᖅᑑᖅ. ᒥᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑲᖏᖅᖠᓂᖅ ᐅᖃᖅᑲᐅᒐᑦᑕ ᐅᐊᑦᑎᐊᖅ ᐊᑭᑐᓗᐊᕐᓂᕋᖅᑕᐅᖕᒪᑦ ᖃᓄᖅᑑᕈᑎᒋᔭᕆᐊᖃᖅᑕᕗᑦ ᐊᑭᑭᓐᓂᖅᓴᐅᓗᒍ ᓴᓇᔭᐅᔪᓐᓴᕐᓂᐊᕐᒪᑦ ᑕᐃᓐᓇ ᓄᑖᖅ ᐆᒪᔪᓕᕆᔩᑦ ᑎᑎᕋᕐᕕᖓ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐊᑎᖁᑎᓐᓂ, ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑕᐃᒃᑯᐊ ᑐᓴᐅᒪᔾᔪᑎᔅᓯᖕᓃᑦᑐᑦ ᐊᑭᑐᔪᖅᑐᕈᑎᒃᓴᐃᑦ ᓄᑕᐅᙱᑦᑐᓂᒃ ᓄᑖᓄᑦ ᓄᒃᑎᖅᑕᕕᓃᑦ ᐊᖏᖅᑕᐅᓯᒪᓕᕐᒪᑕᒎᖅ ᐊᒻᒪᓗ ᑮᓇᐅᔭᖅᑐᕈᑎᒃᓴᖏᑦ ᒫᓐᓇ ᐅᖃᐅᓯᕆᔭᐅᓕᖅᖢᑎᑦ ᑲᓇᑕᐅᑉ ᒐᕙᒪᒃᑯᖏᖕᓄᑦ. ᐊᑐᖅᑐᐊᕈᓐᓇᕐᓂᐊᕐᒪᑕ ᖃᐅᔨᓴᐃᕕᖕᒥ ᐃᖃᓗᒃᑑᑦᓯᐊᕐᒥ. ᐅᓪᓗᒥ ᑖᒃᑯᐊ ᐅᖃᓪᓚᖃᑎᒋᔭᑎᑦ ᑲᓇᑕᐅᑉ ᒐᕙᒪᒃᑯᖏᑦ ᖃᓄᐃᓕᖓᓕᖅᐸᑦ? ᐊᒻᒪᓗ ᖃᑦᓯᕌᕐᓂᐊᕋᓱᒋᔭᐅᕙᑦ ᐊᑐᖅᑐᐊᖅᑕᐅᒃᐸᑦ ᐊᕐᕌᒎᑉ ᐃᓗᐊᓂ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖁᓕᒃᑖᓇ. ᒥᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒻᒪᓗ ᖁᔭᓐᓇᒦᒃ ᑖᓐᓇ ᐊᐱᖅᑯᑎᒋᒐᖕᓂ. ᒫᓐᓇ ᐅᓪᓗᒥᒧᑦ ᑎᑭᖦᖢᒍ ᑕᐃᒃᑯᐊ ᓈᓴᐅᑏᑦ ᓱᓕ ᐱᓯᒪᙱᑕᕗᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑯᓄᒃ. ᐊᓯᖏᑦ ᐊᐱᖅᑯᑎᒃᓴᐃᑦ? ᒪᓕᒐᓕᐅᖅᑏᑦ. ᐱᑕᖃᙱᒻᒪᑦ. ᐊᖏᖅᐱᑖ ᐊᕙᑎᓕᕆᔨᒃᑯᑦ ᑲᑎᓕᒫᖅᖢᒋᑦ $2,650,000.00, ᐊᖏᖅᐱᓯᐅᒃ? ᐃᓚᖏᑦ ᒪᓕᒐᓕᐅᖅᑏᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐊᖏᖅᐱᑖ ᐊᕙᑎᓕᕆᔨᒃᑯᑦ ᑲᑎᓕᒫᖅᖢᒋᑦ ᐊᑭᑐᔪᖅᑐᕈᑎᒃᓴᐃᑦ $2,650,000.00 ᐱᔭᕇᕐᒪᑦ? ᐃᓚᖏᑦ ᒪᓕᒐᓕᐅᖅᑏᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐊᖏᖅᐱᓰ ᐊᕙᑎᓕᕆᔨᒃᑯᑦ ᐱᐊᓂᖕᒪᑕ? ᐃᓚᖏᑦ ᒪᓕᒐᓕᐅᖅᑏᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᑐᔾᔪᑎᖃᖅᐲᑦ? ᒥᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒻᒪᓗ ᖁᔭᓐᓇᒦᖅᑕᐃᓐᓇᕆᓪᓗᒋᑦ ᒪᓕᒐᓕᐅᖅᑏᑦ ᑖᒃᑯᐊ ᐃᑲᔪᖅᓱᖅᑕᐅᖕᒪᑕ ᐃᓕᔅᓯᖕᓄᑦ ᐃᑲᔪᖅᓱᕐᓂᐊᕐᒥᔭᒃᑲ ᐊᓯᔾᔨᖅᑕᐅᔪᓐᓇᖁᓪᓗᒋᑦ ᑕᐃᒃᑯᐊ ᐆᒪᔪᕐᓂᐊᖅᑏᑦ ᑎᑎᕋᕐᕕᖏᑦ ᓯᕗᓂᒃᓴᑦᑎᓐᓂ. ᐊᑭᑐᔪᖅᑐᕈᑎᒃᓴᐃᑦ ᐱᓪᓗᒋᑦ. ᖁᔭᓐᓇᒦᒃ. >>ᐸᑦᑕᑐᖅᑐᑦ ᐃᒃᓯᕙᐅᑕᖅ (ᑐᓵᔨᑎᒍᑦ): ᐃᖅᓱᑦᑏ, ᐅᑯᐊ ᐊᓂᑎᑲᐃᓐᓇᒃᑭᑦ. 5 ᒥᓂᔅᓯ ᓄᖅᑲᖓᓚᐅᕐᓗᑕ ᓄᓇᕗᑦ ᓯᓚᑦᑐᖅᓴᕐᕕᒃᑯᖏᑦ ᓵᑦᓯᖕᓃᓐᓂᐊᕐᒪᑕ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 48 >>ᑲᑎᒪᑐᐃᓐᓇᕐᓂᖅ ᓄᖅᑲᑲᐃᓐᓇᖅᑐᖅ 16:47 ᐊᒻᒪᓗ ᐱᒋᐊᒃᑲᓂᖅᑐᑦ 17:06 Take 52 starts here ᐃᒃᓯᕙᐅᑕᖅ (ᑐᓵᔨᑎᒍᑦ): ᐄ’, ᖁᔭᓐᓇᒦᒃ ᐅᑎᒃᑲᓐᓂᕈᓐᓇᕐᒥᒐᔅᓯ. ᒫᓐᓇ ᑲᑎᒪᑐᐃᓐᓇᕐᓂᖅ ᑲᔪᓯᒋᐊᙳᓱᑦᑐᖅ. ᒥᓂᔅᑕ ᕼᐄᓕ ᐊᕿᐊᕈᖅ ᐊᐱᕆᒍᒪᔭᕋ ᐱᓕᕆᔨᖃᕐᒪᖔᑦ ᓴᓂᐊᓃᖁᓂᐊᖅᑕᖏᓐᓂᒃ ᑲᑎᒪᔨᕋᓛᑦ ᓵᖏᓐᓂ? ᐊᖓᔪᖅᑳᖅ ᒍᐃᓐ ᕼᐄᓕ ᐊᕿᐊᕈᖅ (ᑐᓵᔨᑎᒍᑦ): ᐄ’ᖑᔪᖓ, ᐃᔅᓯᕙᐅᑕᖅ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᑲᑎᒪᔩᑦ ᐊᖏᖅᑳᑦ ᐱᓕᕆᔨᖏᑦ ᒥᓂᔅᑕᐅᑉ ᓴᓂᐊᓃᒍᓐᓇᖁᓪᓗᒋᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐃᖅᓱᑦᑏ, ᐃᓯᖅᑎᑲᐃᓐᓇᓚᐅᕐᒥᒃᑭᑦ. ᐊᒻᒪ ᑎᑎᕋᖅᑕᐅᒍᓐᓇᓂᐊᕐᖓᑕ ᒥᓂᔅᑕ ᕼᐄᓕ ᐊᕿᐊᕈᖅ ᐱᓕᕆᔨᑎᑦ ᑭᒃᑰᒻᒪᖔᑕ ᓇᓗᓇᐃᓚᐅᕐᓗᒋᑦ ᒪᑐᐃᖅᓯᒍᑎᓅᕈᓐᓇᖅᓯᔪᑎᑦ. ᐊᖓᔪᖅᑳᖅ ᒍᐃᓐ ᕼᐄᓕ ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᔅᓯᕙᐅᑖᖅ. ᐅᕙᖓ ᑕᓕᖅᐱᐊᓂ ᐊᖓᔪᖅᑳᖓ ᓯᓚᑦᑐᓴᕐᕕᐅᑉ ᔮᑭ ᐳᕋᐃᔅ ᐊᒻᒪ ᑮᓇᐅᔭᓕᕆᔨᒻᒪᕆᖓ ᓯᓚᑦᑐᓴᕐᕕᐅᑉ ᐳᓚ ᓚᕙᓪ. ᖁᔭᓇᒦᒃ, ᐃᔅᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᔅᓯᕙᐅᑖᖅ. ᑲᑎᒪᔩᓪᓗ. ᖃᐅᔨᒪᒐᔅᓯ ᒥᓂᔅᑕ ᐊᕿᐊᕈᖅ ᐅᕙᓃᒍᓐᓇᙱᒻᒪᑦ ᐃᓇᖏᖅᓯᒪᑲᐃᓐᓇᕋᒃᑯ. ᑕᐃᓐᓇ ᐅᓂᒃᑳᑦᑎᐊᕐᓂᖅᓴᐅᒐᔭᕐᒥᔪᖅ ᐅᕙᓐᓂᒃ. ᐱᓕᕆᑦᑎᐊᕋᓱᓐᓂᐊᖅᑯᖓ. ᖁᕕᐊᓱᑉᐳᖓ ᓴᖅᑭᖅᓯᒋᐊᔅᓴᖅ ᓯᓚᑦᑐᖅᓴᕐᕕᐅᑉ ᑐᔅᓯᕌᖓᓐᓂᒃ ᐊᑭᑐᔪᖅᑐᕈᑎᔅᓴᓂᒃ. ᓯᓚᑦᑐᖅᓴᕐᕕᒃ ᑐᔅᓯᕋᖅᑐᖅ $2,300,000ᓂᒃ ᑮᓇᐅᔭᓕᕆᔾᔪᑏᑦ ᐊᕐᕌᒍᒋᓂᐊᖅᑕᖓᓄᑦ. $500,000 ᒥᑭᑐᔫᑎᓄᑦ ᐊᑭᑐᔪᖅᑐᖅᑐᓄᑦ ᐊᒻᒪ $1,500,000 ᓱᕋᓚᐅᙱᓐᓂᖏᓐᓂ ᓴᓇᒋᐊᖅᓯᒍᑎᔅᓴᓂᒃ. ᐊᒻᒪ $300,000−ᓂᒃ ᖃᕆᓴᐅᔭᓕᕆᔾᔪᑎᓄᑦ. ᑖᒃᑯᐊ ᒥᑭᔫᑏᑦ ᐊᑭᑐᔪᑦ ᐃᑲᔪᖅᓰᖃᑦᑕᖅᑐᐃᑦ ᖃᐅᑕᒫᑦ ᓯᓚᑦᑐᓴᕐᕕᐅᑉ ᐊᐅᓚᓂᕆᔭᖏᓐᓄᑦ, ᓄᓇᓯᐅᑎᖏᓐᓄᓪᓗ, ᐃᓪᓗᓯᐅᑎᖏᓐᓄᓪᓗ. 26-27−ᒥ ᑮᓇᐅᔭᑦ ᐊᑐᖅᑕᐅᓂᐊᖅᑐᐃᑦ ᐃᖏᕐᕋᓲᓄᑦ ᐅᖅᓱᐊᓗᖃᐅᑎᓂᒃ ᐊᓯᓃᓂᕐᒧᑦ ᐊᕐᕕᐊᓂ ᑮᓇᐅᔭᓕᕆᕕᖏᑕ ᐊᓪᓚᕝᕕᖓᓂ ᐊᒻᒪ ᖃᒪᓂ’ᑐᐊᕐᒥ, ᑲᖏᖅᓯᓂᕐᒥᓗ ᓴᓇᑐᓕᖅᓴᕕᓐᓂ. ᐊᒻᒪ ᐅᖅᓱᐊᓗᒃ ᑯᕕᔭᒥᓂᖅ ᓴᓗᒻᒪᓴᖅᑕᐅᓗᓂ ᐱᖅᑯᓯᓕᕆᕝᕕᐅᑉ ᓴᓂᐊᓂ, ᐊᒻᒪᑦᑕᐅᖅ ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᑦ ᐱᓕᕆᖃᑎᒋᓛᕐᒥᔭᕗᑦ ᐊᓯᖏᓐᓂ ᓄᓇᓕᓐᓂ ᑲᒪᒋᒋᐊᓕᑦᑎᓐᓂᒃ ᑲᒪᓗᑕ. ᐊᑭᑐᓛᑦ ᑖᒃᑯᐊ ᓯᓚᑦᑐᓴᕐᕕᐅᑉ ᑐᔅᓯᕌᖏᑦ ᓱᕋᓚᐅᙱᓐᓂᖏᓐᓂᒃ ᓴᓇᒋᐊᖅᓯᒍᑎᔅᓴᐃᑦ ᐊᒻᒪ ᐊᓯᓐᓃᒍᑎᔅᓴᐃᑦ ᐃᓐᓇᐃᑦ ᐃᓕᓴᕕᖏᓐᓄᑦ. ᑖᒃᑯᐊ ᑮᓇᐅᔭᑦ ᓴᓇᒋᐊᖅᓯᒍᑎᔅᓴᐅᒐᔭᖅᑐᐃᑦ ᐊᕐᕕᐊᓂ, ᖃᒪᓂ’ᑐᐊᕐᒥ, ᐃᖃᓗᑦᑑᑦᓯᐊᕐᒥ, ᐃᖃᓗᓐᓂ, ᐃᓪᓗᓕᒻᒥ, ᓴᓂᕋᔭᒻᒥ ᐊᒻᒪ ᑲᖏᖅᓯᓂᕐᒥ ᐊᒻᒪ ᑮᓇᐅᔭᖏᑦ ᐊᒥᐊᒃᑯᖏᑦ ᑐᐊᕕᕐᓇᖅᑐᓄᑦ ᓴᓇᒋᐊᓕᓐᓄᑦ ᑐᕌᖓᒐᔭᖅᑐᐃᑦ. ᓄᓇᕗᑦ ᓯᓚᑦᑐᖅᓴᕐᕕᒃ ᓱᓕ ᐊᖏᓪᓕᒋᐊᕇᓐᓇᕐᖓᑦ ᐊᑦᑐᕐᓂᕆᕙᑦᑕᖓᓂᒃ ᖃᕆᓴᐅᔭᕐᓂ ᐃᓕᓐᓂᐊᑎᑦᑎᒍᑎᖃᖅᑐᑎᒃ ᐊᕐᕌᒍᑕᒫᑦ. ᐊᖏᖅᑕᐅᑉᐸᑕ ᐅᑯᐊ ᑮᓇᐅᔭᐃᑦ ᐊᓯᓐᓃᒍᓐᓇᕋᔭᖅᑐᒍᑦ ᐱᑐᖃᖅᓯᒪᔪᓂᒃ ᐊᒻᒪ ᓄᓇᕗᑦ ᓯᓚᑦᑐᓴᕐᕕᐅᑉ ᑲᓱᖅᓯᒪᔾᔪᑎᖏᑦ ᐱᐅᑏᓐᓇᕋᓱᓪᓗᒋᑦ. ᑕᕝᕙ ᑖᒃᑯᐊ ᐊᑭᑐᔪᖅᑐᕈᑎᔅᓴᕗᑦ ᐸᕐᓇᓯᒪᔭᕗᑦ 2026-2027 ᐊᕐᕌᒍᖓᓄᑦ. ᖁᕕᐊᓱᓐᓂᐊᖅᑯᖓᑦᑕᐅᖅ ᑭᐅᒐᓱᒋᐊᔅᓴᖅ ᐊᐱᖅᑯᑎᔅᓴᖃᕐᓂᕈᔅᓯ ᖃᓄᐃᑦᑐᑐᐃᓐᓇᕐᓂᒃ. ᖁᔭᓐᓇᒦᒃ, ᐃᔅᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ ᐊᑐᑲᐃᓐᓇᖅᑐᖅ ᒥᓂᔅᑕ ᕼᐄᓕ ᐊᕿᐊᕈᖅ. ᒪᓕᒐᓕᐅᖅᑎᑐᐃᓐᓇᐃᑦ ᒪᑐᐃᖅᓯᒍᑎᔅᓴᖃᕆᕙᑦ? ᒥᔅᑕ ᖃᒪᓂᖅ, ᑲᔪᓯᒋᐊᕈᓐᓇᓕᖅᑐᑎᑦ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 49 ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ): ᖁᕕᐊᓱᑉᐳᖓ ᒪᑐᐃᖅᓯᒍᑎᓄᑦ ᐅᖃᐅᓯᖃᕆᐊᔅᓴᖅ ᐱᔾᔪᑎᓗᒋᑦ ᒪᓕᒐᓕᐅᖅᑎᑐᐃᓐᓇᐃᑦ ᑲᑎᒪᔨᖏᑦ. ᕿᒥᕐᕈᓂᖃᙳᓱᑦᑎᓪᓗᒋᑦ ᑐᒃᓯᕌᖑᔪᓂᒃ 2026−2027−ᒥ ᐊᑭᑐᔪᖅᑐᕈᑎᔅᓴᖏᓐᓂᒃ ᓄᓇᕗᑦ ᓯᓚᑦᑐᓴᕐᕕᐅᑉ. ᓯᓚᑦᑐᓴᕐᕕᐅᑉ ᑐᔅᓯᕌᖓ ᐊᑭᑐᔪᖅᑐᕈᑎᔅᓴᑦ 2026-2027 ᑮᓇᐅᔭᓕᕆᔾᔪᑏᑦ ᐊᕐᕌᒍᖓᓄᑦ. $2,300,000−ᐅᒻᒪᑕ. ᑖᒃᑯᐊ ᑮᓇᐅᔭᑦ ᐊᔾᔨᑐᐃᓐᓇᖏᑦ ᑐᔅᓯᕌᖑᖃᑦᑕᖅᓯᒪᔪᓂᑦ ᐊᕐᕌᒍᓂᑦ ᑎᓴᒪᓂᒃ ᐊᓂᒍᖅᑐᓂᒃ. ᑕᐃᑲᓂ ᐅᑭᐅᒃᑯᑦ 2025−ᒥ ᐃᔅᓯᕙᓂᖃᖅᑎᓪᓗᒋᑦ ᒪᓕᒐᓕᐅᕐᕕᒃ ᐊᖏᓚᐅᖅᓯᒪᒻᒪᑦ $1,209,000−ᓂᒃ ᑮᓇᐅᔭᓂᒃ ᐃᓚᒋᐊᖅᓯᒍᒪᔾᔪᑎᓂᒃ ᐊᑭᑐᔪᖅᑐᖅᑐᓄᑦ ᐊᒥᓱᑲᓪᓚᓐᓄᑦ ᐱᓕᕆᐊᖑᔪᓄᑦ ᓴᓇᒋᐊᖅᓯᓂᐅᔪᓄᑦ ᐊᒻᒪ ᖃᕆᓴᐅᔭᓕᕆᓂᐅᔪᓄᑦ. ᒪᓕᒐᓕᐅᖅᑏᑦ ᑲᔪᖏᖅᓴᐃᕗᑦ ᓯᓚᑦᑐᓴᕐᕕᒻᒥ ᐃᓚᓕᔾᔨᖃᑦᑕᖁᔨᓪᓗᑎᒃ ᑐᑭᓯᐅᒪᔾᔪᑎᓂᒃ ᐊᑭᑐᔪᖅᑐᕈᑎᓂᒃ ᐊᑐᖅᓯᒪᔭᖏᓐᓂ ᑕᐃᑲᓂ ᐅᓗᐊᓃᓪᓗᑎᒃ ᒪᓕᒐᖅᑎᒍᑦ ᐊᕐᕌᒍᑕᒫᑦ ᐅᓂᒃᑳᓕᐊᕆᒋᐊᖃᖅᐸᑦᑕᖏᓐᓂᒃ. ᓯᓚᑦᑐᓴᕐᕕᐅᑉ 2022-2023 ᐊᕐᕌᒍᑕᒫᖅᓯᐅᑎ ᐅᓂᒃᑳᓕᐊᒥᓂᖓ ᒪᓕᒐᓕᐅᕐᕕᒻᒨᖅᑕᐅᔪᔪᖅ ᓄᕖᕝᕙ 9, 2023−ᒥ. ᑕᐃᒃᑯᐊᓕ 2023−2024 ᐊᒻᒪ 2024-2025 ᐊᕐᕌᒍᑕᒫᖅᓯᐅᑏᑦ ᐅᓂᒃᑳᓕᐊᒥᓃᑦ ᒪᓕᒐᓕᐅᕐᕕᒻᒨᖅᑕᐅᓯᒪᙱᑦᑐᐃᑦ ᓱᓕ. ᓄᕖᕝᕙ 5, 2020ᒥ ᒥᓂᔅᑕ ᑲᒪᔨᐅᔪᖅ ᓯᓚᑦᑐᖅᓴᕐᕕᒻᒧᑦ ᒪᓕᒐᓕᐅᕐᕕᒻᒧᑦ ᓴᖅᑭᖅᓯᔪᒻᒪᑕ ᐅᓂᒃᑳᓕᐊᖑᑲᐃᓐᓇᖅᓯᒪᔪᓂᒃ. ᐃᓐᓇᐃᑦ ᐃᓕᓴᕕᖏᑦ, ᓄᓇᕗᑦ ᐊᕕᑦᑐᖅᓯᒪᓂᖏᑎᒍ ᒪᓕᒐᓕᐅᕐᕕᒻᒧᑦ. ᑖᒃᑯᐊ ᐅᓂᒃᑳᓖᐊᒥᓃᑦ ᐃᓗᓕᖅᑐᐃᔪᓂᒃ ᓇᓗᓇᐃᖅᑐᐃᓂᖃᔪᔪᖅ ᖃᓄᐃᓕᖓᓕᕐᒪᖔᑕ ᐃᓕᓐᓂᐊᕐᕖᑦ, ᐃᓐᓇᐃᑦ ᐃᓕᓴᕕᖏᑦ. ᒪᓕᒐᓕᐅᖅᑏᑦ ᑕᑯᒻᒪᑕ ᐊᒥᓱᑲᓪᓚᐃᑦ ᓄᓇᓕᓐᓂ ᐃᓐᓇᐃᑦ ᐃᓕᓴᕕᖏᑦ ᓴᓇᔭᐅᓐᓂᕐᖓᑕ. ᖁᓕᒐᓚᐅᓕᖅᑐᑦ ᐊᕐᕌᒍᑦ ᐊᓂᒍᖅᓯᒪᔪᑦ. ᒪᓕᒐᓕᐅᖅᑏᑦ ᑲᔪᖏᖅᓴᐃᕗᑦ ᒥᓂᔅᑕᒥᒃ ᒪᓕᒐᓕᐅᕐᕕᒻᒨᖅᓯᖃᑦᑕᖁᔨᓪᓗᓂ ᐅᓪᓗᒥᒨᖓᔪᓂᒃ ᐅᓂᒃᑳᓕᐊᒥᓂᕐᓂᒃ ᐱᒍᓐᓇᖅᓯᑐᐊᓪᓚᕆᑉᐸᑦ. ᓄᓇᕗᑦ ᓯᓚᑦᑐᖅᓴᕐᕕᐅᑉ ᒫᓐᓇ ᐱᓕᕆᐊᔅᓴᓂᒃ ᐸᕐᓇᐅᑎᖓ ᓇᓗᓇᐃᖅᓯᓯᒪᔪᖅ ᐃᓚᖓᒎᖅ ᓯᕗᓪᓕᐅᑎᓐᓂᐊᖅᑕᖓ. ᓯᕗᓪᓕᐅᑎᓯᒪᔭᖓ ᑕᒪᓐᓇᐅᒻᒪᒡᒎᖅ ᓴᓇᓗᑎᒃ ᐸᕐᓇᐅᑎᓂᒃ ᐃᓐᓇᐃᑦ ᐃᓕᓴᕕᖏᑕ ᓄᑖᕈᕆᐊᖅᑕᐅᒍᑎᔅᓴᖏᓐᓂᒃ ᐊᓯᓐᓂᑦᑕᐅᒍᑎᔅᓴᖏᓐᓂᓪᓗ. ᑖᒃᑯᐊ ᐱᓕᕆᐊᔅᓴᓄᑦ ᐸᕐᓇᐅᑎᖏᑦ ᐅᖃᖅᓯᒪᒻᒥᔪᑦ ᓯᓚᑦᑐᓴᕐᕕᒎᖅ ᓱᓕ ᑲᔪᓯᒻᒪᑦ ᐱᓕᕆᓪᓗᓂ ᓄᓇᕗᑦ ᒐᕙᒪᖓᑕ ᐊᑭᑐᔪᖅᑐᖅᑐᓄᑦ ᐱᕙᓪᓕᐊᔾᔪᓯᕆᔭᖏᓐᓂᒃ ᓄᑖᕈᕆᐊᖅᓯᒐᓱᑦᑐᑎᒃ ᓯᓚᑦᑐᓴᕐᕕᐅᑉ ᐱᖁᑎᖏᓐᓂᑦ ᑐᒪᐅᖓ ᓱᕋᓚᐅᙱᓐᓂᖏᓐᓂᒃ ᓴᓇᒋᐊᖅᓯᒍᑎᔅᓴᓂᒃ ᑮᓇᐅᔭᓂᒃ ᑐᔅᓯᕋᖅᐸᑦᑐᑎᒃ. ᓯᓚᑦᑐᓴᕐᕖᑦ ᒪᕐᕉᓕᖅᑲᖓᔪᓂᒃ ᐱᖓᓲᓕᖅᑲᖓᔪᓂᒃ ᑲᑎᒪᖃᑕᐅᖃᑦᑕᕐᖓᑕ. ᐃᓕᓐᓂᐊᕈᑎᓂᒃ ᐱᓕᒻᒪᓴᖅᑕᐅᒋᐊᓕᓐᓂᒃ ᐅᖃᐅᓯᖃᖅᑐᑎᒃ ᐊᒻᒪᓗᑦᑕᐅᖅ ᐊᑭᑐᔪᖅᑐᖅᑐᓂᒃ ᐱᒋᐊᓕᖏᓐᓂᒃ. ᑕᐃᑲᓂ ᒪᓕᒐᓕᐅᕐᕖᑦ ᐃᔅᓯᕙᓂᕆᔭᖓᓂ ᐊᒃᑑᕝᕙ 29, 2024−ᒥ ᐊᖓᔪᖅᑳᖓ ᓯᓚᑦᑐᓴᕐᕕᐅᑉ ᐅᖃᔪᒻᒪᑦ ᑲᑎᒪᑎᓪᓗᒋᑦ ᑲᑎᒪᑐᐃᓐᓇᓂᕐᒥᒃ ᑕᐃᓐᓇᒎᖅ ᓯᓚᑦᑐᓴᕐᕕᒃ ᓇᓗᓇᐃᖅᓯᓯᒪᒻᒪᑦ ᖁᓕᓐᓂᒃ ᐃᓐᓇᕐᓄᑦ ᐃᓕᓴᕕᓐᓂ ᐊᓯᓐᓂᖅᑕᐅᖁᔭᕋᓗᐊᖏᓐᓂᑦ. ᒪᓕᒐᓕᐅᖅᑏᑦ ᑲᔪᖏᖅᓴᐃᕗᑦ ᒥᓂᔅᑕᐅᔪᒥᒃ ᐅᖓᓯᒌᑦᑕᙱᑦᑐᓂᒃ ᓇᓗᓇᐃᖅᑐᐃᖃᑦᑕᖁᔭᐅᓪᓗᓂ ᓯᓚᑦᑐᓴᕐᕕᐅᑉ ᐱᓕᕆᐊᕆᔭᖏᓐᓂᒃ ᑕᕝᕘᓇ. ᒪᓕᒐᓕᐅᖅᑏᑦᑕᐅᖅ ᐃᓕᓴᖅᓯᔪᑦ ᐱᒻᒪᕆᐅᒻᒪᑦ ᓯᓚᑦᑐᓴᕐᕕᒃᑯᑦ ᐱᓕᕆᖃᑎᖃᖃᑦᑕᖅᑲᑕ ᓇᒻᒥᓂᖃᐅᑎᓕᓐᓂᒃ ᐱᕙᓪᓕᐊᑎᑦᑎᓗᑎᒃ ᐱᖁᑎᕐᔪᐊᖅᑖᕆᒋᐊᓕᖏᓐᓂᒃ ᐃᓕᓐᓂᐊᑎᑦᑎᒍᓐᓇᓂᐊᕐᖓᑕ ᐅᖁᒪᐃᑦᑐᓂᒃ ᓄᓇᓯᐅᑎᓂᒃ ᐊᖁᒋᐅᖅᓴᓂᕐᒥᒃ, ᐅᔭᕋᓐᓂᐊᖅᑐᓕᕆᓂᕐᒥᒃ, ᐊᒻᒪ ᓴᓇᔨᐅᓂᕐᒥᒃ ᐊᖓᔪᖅᑳᖃᕐᕕᑐᐃᓐᓇᕆᙱᑕᖏᓐᓂ. ᒪᓕᒐᓕᐅᕐᕕᒃ ᐃᔅᓯᕙᓂᖃᖅᑎᓪᓗᒍ ᒫᑦᓯ 5, 2024 ᒥᓂᔅᑕ ᑲᒪᔨᐅᔪᖅ ᓯᓚᑦᑐᓴᕐᕕᒻᒧᑦ ᐅᖃᔪᒻᒪᑦ ᑕᐃᓐᓇᒎᖅ ᐅᔭᕋᓐᓂᐊᓂᕐᒥᒃ ᐱᓕᒻᒪᔅᓴᐃᕕᒃ ᐊᐃᑉᐹᓂᒃ ᐱᕙᓪᓕᐊᓂᖓᓃᓐᓂᐊᕐᖓᑦ ᓴᓇᑐᓕᖅᓴᕕᒻᒥ ᑲᖏᖅᓯᓂᕐᒥ. ᓯᓚᑦᑐᓴᕐᕕᒎᖅ ᐱᓕᕆᖃᑎᖃᐃᓐᓇᖅᑐᖅ ᓄᓇᓕᓐᓂ ᒐᕙᒪᒃᑯᓐᓂ ᐱᔨᑦᑎᕋᖅᑎᒃᑯᓐᓂᒃ ᑖᔅᓱᒧᖓ ᐱᒻᒪᕆᐊᓘᔪᒧᑦ ᐅᔭᕋᓐᓂᐊᕐᓂᕐᒥᒃ ᐃᓕᓐᓂᐊᖅᑎᑦᑎᕕᐅᔪᒧᑦ, ᓴᖅᑭᖅᑕᐅᕙᓪᓕᐊᙳᓱᑦᑐᒥᒃ ᐊᕐᕌᒍᓂᒃ ᐊᒡᒋᖅᑐᓂ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 50 ᐊᓯᖏᑦᑕᐅᖅ ᓄᓇᓖᑦ ᑲᖏᖅᓯᓂᐅᑉ ᓯᓚᑖᓃᑦᑐᑦ ᐃᓕᓐᓂᐊᑎᑦᑎᒍᓐᓇᖅᑎᑕᐅᒋᐊᖃᓛᕐᒥᔪᑦ ᓇᓗᓇᐃᖅᑕᐅᑐᐊᖅᑲᑕ ᒐᕙᒪᒃᑯᓐᓄᑦ ᑮᓇᐅᔭᖅᑎᒍᑦ ᐃᑲᔪᕈᓐᓇᕐᓂᕆᔭᖏᓐᓂ. ᑕᐃᒫᒃ ᐃᓕᓴᐃᔨᓯᐅᕐᓗᑎᑦᑕᐅᖅ ᐅᔭᕋᓐᓂᐊᕐᓂᕐᒥᒃ ᑐᑭᒧᐊᒍᑎᔅᓴᓕᕆᒐᔭᖅᑐᓂᒃ. ᒪᓕᒐᓕᐅᖅᑏᑦᑕᐅᖅ ᑲᔪᖏᖅᓴᐃᔪᑦ ᒥᓂᔅᑕᐅᔪᒥᒃ ᐅᓂᒃᑳᖃᖃᑦᑕᖁᔭᐅᓪᓗᓂ ᖃᓄᖅ ᐱᕙᓪᓕᐊᔭᐅᒻᒪᖔᑦ ᑖᓐᓇ. ᑕᕝᕙ ᐱᔭᕇᖅᐳᖅ ᒪᑐᐃᖅᓯᒍᑎᔅᓴᒃᑲ ᐅᖃᐅᓯᔅᓴᒃᑲ ᐱᓪᓗᒋᑦ 2026-2027−ᒥ ᐊᑭᑐᔪᖅᑐᕈᑎᔅᓴᖏᑦ ᓄᓇᕗᑦ ᓯᓚᑦᑐᖅᓴᕐᕕᐅᑉ. ᖁᔭᓐᓇᒦᒃ, ᐃᔅᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒫᓐᓇ ᑕᐃᒪ ᒪᑉᐱᖅᑐᒐᖏᑎᒍᑦ ᕿᒥᕐᕈᓕᕐᓚᕗᑦ ᐊᑭᑐᔪᖅᑐᕈᑎᔅᓴᐃᑦ.

N-3 ᓯᕗᓪᓕᖅᐹᖑᓗᒍ. ᓄᓇᕗᑦ ᓯᓚᑦᑐᖅᓴᕐᕕᒃ ᐊᖓᔪᖅᑳᖃᕐᕕᖓ. ᓄᓇᕗᑦ ᓯᓚᑦᑐᓴᕐᕕᒃ ᐊᖓᔪᖅᑳᖃᕐᕕᖓ ᐊᑭᑐᔪᖅᑐᕈᑎᔅᓴᐃᑦ $2,300,000.00 ᐊᐱᖅᑯᑎᔅᓴᖃᕐᕕᐅᕙ ᑲᑎᒪᔨᓄᑦ? ᒥᔅᑕ ᓴᒻᒧᖅᑑᖅ. ᓴᒻᒧᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᔅᓯᕙᐅᑖᖅ. ᓯᓚᑦᑐᓴᕐᕕᒃ ᑕᐃᒪ ᖃᐅᔨᒪᒻᒪᑦ ᑕᐃᓐᓇ ᐃᓐᓇᐃᑦ ᐃᓕᓴᕕᖓ ᐃᓪᓗᓕᒑᕐᔪᒻᒥ ᐱᓪᓗᒍ. ᑕᕝᕙᓂ ᒪᑐᐃᖅᓯᒍᑎᒋᖅᑲᐅᔭᔅᓯᖕᓂᑦ ᐅᖃᐅᓯᕆᖅᑲᐅᔭᔅᓯᖕᓂᑦ ᐅᖃᖅᑲᐅᒐᔅᓯ ᓯᓚᑦᑐᓴᕐᕕᐅᒡᒎᖅ ᓱᕋᓚᐅᙱᓐᓂᖏᑦ ᓴᓇᒋᐊᕈᑎᔅᓴᖏᑦ ᑮᓇᐅᔭᓂᒃ ᑐᔅᓯᕋᕋᔅᓯ ᐊᑐᖅᑕᐅᒐᔭᖅᑐᓂᒃ ᓴᓇᒋᐊᖅᓯᓂᕐᒧᑦ ᐊᓯᔾᔩᓂᕐᒧᓪᓗ ᒫᓐᓇ ᐃᓐᓇᐃᑦ ᐃᓕᓴᕕᒋᔭᖏᓐᓂᒃ. ᑭᓯᐊᓂ ᑕᑯᙱᓐᓇᒪ ᐃᓪᓗᓕᒑᕐᔪᒃ ᑕᐃᔭᐅᓯᒪᔫᔮᙱᒻᒪᑦ. ᓴᓇᒋᐊᖅᑕᐅᓛᕐᓗᓂᓘᓐᓃᑦ ᐊᓯᓐᓂᑦᑕᐅᒋᐊᓛᕐᓗᓂ. ᑕᕝᕙᓂ ᑎᑎᕋᖅᓯᒪᔭᔅᓯᓐᓂ ᐅᖃᖅᓯᒪᒻᒪᑦᑕ ᓯᓚᑦᑐᓴᕐᕕᒎᖅ ᐃᓐᓇᐃᑦ ᐃᓕᓴᕕᖓ ᐊᓯᓐᓂᑦᑕᐅᒋᐊᖃᖅᐸᓪᓚᐃᒻᒪᑦ ᓴᓇᔭᐅᒋᐊᖃᖅᑐᓂᓘᓐᓃᑦ. ᑖᓐᓇ ᖃᓄᐃᓕᖓᓕᕐᒪᖔᑦ ᓇᓗᓇᐃᖅᑐᐃᕕᐅᒍᓐᓇᖅᐳᖓ? ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᓴᒻᒧᖅᑐᖅ. ᒥᓂᔅᑕᐅᑲᐃᓐᓇᖅᑐᖅ ᕼᐄᓕ ᐊᕿᐊᕈᖅ. ᐊᖓᔪᖅᑳᖅ ᕼᐄᓕ ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᔅᓯᕙᐅᑖᖅ. ᖁᔭᓐᓇᒦᓪᓗ ᑲᑎᒪᔨ ᐊᐱᕆᒻᒪᑦ ᑕᐃᒫᒃ. ᐄ’, ᒪᓕᒐᓕᐅᖅᑎ ᓱᓕᔪᖅ. ᐃᓪᓗᓕᒑᕐᔪᒃ ᑕᕝᕙᓂ ᑎᑎᖅᑕᐅᖁᑕᐅᓯᒪᙱᒻᒪᑦ 2026-2027−ᒥ ᑮᓇᐅᔭᓕᕆᔾᔪᑏᑦ ᐊᕐᕌᒍᖓᓄᑦ. ᖁᔭᓐᓇᒦᒃ, ᐃᔅᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕᐅᑲᐃᓐᓇᖅᑐᖅ ᕼᐄᓕ ᐊᕿᐊᕈᖅ. ᒥᔅᑕ ᓴᒻᒧᖅᑐᖅ. ᓴᒻᒧᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖃᖓ ᐸᕐᓇᐅᑎᓄᑦ ᐃᓚᓕᐅᑎᔭᐅᓛᖅᑲᑦ ᓴᓇᒋᐊᖅᑕᐅᓗᓂᓘᓐᓃᑦ ᐊᓯᓂᑦᑕᐅᓂᔅᓴᖓᓄᓪᓘᓐᓃᑦ ᐃᓐᓇᐃᑦ ᐃᓕᓴᕕᖓ ᐃᓪᓗᓕᒑᕐᔪᒻᒥ? ᖁᔭᓐᓇᒦᒃ, ᐃᒃᓯᕙᐅᖅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᓴᒻᒧᖅᑐᖅ. ᒥᓂᔅᑕᐅᑲᐃᓐᓇᖅᑐᖅ ᒥᔅ ᕼᐄᓕ ᐊᕿᐊᕈᖅ. ᐊᖓᔪᖅᑳᖅ ᒍᐊᐃᓐ ᕼᐄᓕ ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᑲᑎᒪᔨ ᐊᐱᕆᑲᓂᕐᖓᑦ. ᐃᓘᓐᓇᖏᑦ ᓄᓇᓕᓐᓂᑦ ᐃᓐᓇᐃᑦ ᐃᓕᓴᕕᖏᑦ ᐃᓱᒪᔅᓴᖅᓯᐅᕈᑕᐅᖃᑦᑕᖅᑐᐃᑦ ᐊᑭᑐᔪᖅᑐᕈᑎᔅᓴᓂᑦ ᑐᔅᓯᕋᕐᓂᐊᓕᕋᐃᒻᒪᑕ, ᐄ, ᐅᖃᐅᓯᖏᑦ ᑎᑎᕋᖅᑕᐅᕋᑖᖅᑐᑦ ᐃᓱᒪᔅᓴᖅᓯᐅᕈᑕᐅᒍᓐᓇᓛᓕᖅᑐᐃᑦ. (ᑐᓵᔨᑎᒎᕈᓐᓃᖅᑐᖅ)ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕᐅᑲᐃᓐᓇᖅᑐᖅ ᐊᕿᐊᕈᖅ. ᑭᖑᓪᓕᐅᓕᕐᒥᔪᖅ ᑕᐃᒪ, ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᓄᓇᕗᑦ ᓯᓚᑦᑐᓴᕐᕕᐅᑉ ᒫᓐᓇ ᐱᓕᕆᐊᔅᓴᓄᑦ ᐸᕐᓇᐅᑎᖏᑦ ᐅᖃᖅᓯᒪᒻᒪᑕ ᐃᓚᖓᒡᒎᖅ ᓯᕗᓪᓕᐅᑎᑕᐅᓯᒪᔪᖅ ᑕᒪᓐᓇᐅᒻᒪᑦ, ᓴᓇᓗᑎᑦ ᐸᕐᓇᐅᑎᔅᓴᓂᑦ ᐃᓐᓇᐃᑦ ᐃᓕᓴᕕᒋᓐᓂᑦ ᓄᑖᕈᕆᐊᖅᑕᐅᒍᑎᔅᓴᖏᓐᓂᑦ, ᓴᓇᒋᐊᖅᑕᐅᒍᑎᔅᓴᖏᓐᓂᑦ, ᐊᓯᓂᑕᐅᒍᑎᔅᓴᖏᓐᓂᓪᓘᓐᓃᑦ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 51 ᒪᓕᒐᓕᐅᕐᕕᒃ ᐃᔅᓯᕙᓐᓂᖃᖅᑎᓪᓗᒍ ᐊᑦᑑᕝᕙ 29, 2024-ᒥ ᐊᖓᔪᖅᑳᖓ ᓯᓚᑦᑐᓴᕐᕕᐅᑉ ᐅᖃᔪᒻᒪᑦ ᑲᑎᒪᓂᖃᖅᑎᓪᓗᒋᑦ, ᑲᑎᒪᑐᐃᓐᓇᕐᓂᕐᒥᑦ, ᑖᓐᓇᒎᖅ ᓯᓚᑦᑐᓴᕐᕕᒃ ᓇᓗᓇᐃᖅᓯᓯᒪᒻᒪᑦ ᖁᓕᓂᒃ ᐃᓐᓇᕐᓄᑦ ᐃᓕᓴᕕᓐᓂᑦ ᐊᓯᓂᑦᑕᐅᖁᔭᕋᓗᐊᖏᓐᓂᑦ, ᑕᕝᕗᖓ. ᓇᓕᐊᓐᓂᒃ ᓄᓇᓕᓐᓂᑦ ᐃᓐᓇᐃᑦ ᐃᓕᓴᕕᖏᑦ ᓇᓗᓇᐃᖅᑕᐅᓯᒪᕙᑦ ᑕᕝᕙᓂᑦ, ᐊᒻᒪᓗ ᐊᕐᕕᐊᑦ ᑎᑎᖅᑕᐅᖃᑦᑕᐅᓯᒪᕚ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᑉᓗᑦᓯᐊᖅ. ᐊᑕᑲᐃᓐᓇᖅᑐᖅ, ᒥᓂᔅᑕ ᕼᐄᓕ ᐊᕿᐊᕈᖅ. ᐊᖓᔪᖅᑳᖅ ᒍᐊᐃᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ, (ᑐᓵᔨᑎᒎᓕᖅᑐᖅ) ᐃᒃᓯᕙᐅᑖᖅ. ᖁᔭᓐᓇᒦᓪᓗ ᑲᑎᒪᔨ ᐊᐱᕆᒻᒪᑦ ᑕᐃᒫᒃ. ᑖᒃᑯᐊ ᑎᑎᖅᑐᖅᑕᐅᓯᒪᔪᑦ ᖁᑦᑎᓛᒦᑎᑕᕗᑦ ᖁᓖᑦ ᐃᓐᓇᐃᑦ ᐃᓕᓴᕕᖏ ᐊᓯᓂᑦᑕᐅᔭᕆᐊᓖᑦ ᓱᓕ ᐋᖅᑭᑎᖅᑕᐅᒻᒪᑦ, ᐃᓚᒋᔭᐅᒻᒪᑕ ᐊᖏᓂᖅᓴᒧᑦ ᖃᐅᔨᓴᕐᓂᕆᓂᐊᖅᑕᑎᓐᓄᑦ ᑮᓇᐅᔭᖃᖅᑎᒍᓐᓇᖏᒃᑲᓗᐊᕐᒪᖔᑎᒍᑦ ᓄᓇᕗᑦ ᒐᕙᒪᖓᑕ ᓯᓚᑖᓂᑦ. ᐊᓯᖏᓐᓂᑦᑕᐅᖅ ᐃᓕᓐᓂᐊᖅᑏᑦ ᐊᖏᕐᕋᖏᓐᓂᑦ ᐃᓱᒪᖅᓴᖅᓯᐅᕈᑎᖃᕆᐊᖃᕐᒥᒐᑦᑕ, ᐊᒻᒪᓗ ᐱᖅᑯᓯᓕᕆᕕᒻᒥᑦ, ᑕᐃᒃᑯᐊ ᐃᓄᐃᑦ ᐃᓕᖅᑯᓯᖏᓐᓂᑦ ᐃᓕᓐᓂᐊᑎᑦᑎᕕᐅᓲᑦ. ᑎᑎᕋᖅᑕᕗᑦ ᑭᖑᓪᓕᐹᖅᓯᐅᑎᒨᕈᑦᑕ ᑲᑎᒪᔨᓄᑦ ᑐᓂᒍᓐᓇᑦᑎᐊᓛᖅᑕᕗᑦ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, (ᑐᓵᔨᑎᒎᓕᖅᑐᖅ) ᐃᒃᓯᕙᐅᖅᑖ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐊᑕᑲᐃᓐᓇᖅᑐᖅ ᒥᓂᔅᑕ. ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᖅᑖ. ᐅᓇ ᑭᖑᓪᓕᖅᐹᖅ ᐊᐱᖅᑯᑎᒋᙳᓱᓕᖅᑕᕋ, ᖃᑦᑎ ᑮᓇᐅᔭᑦ ᒥᔅᓴᐅᓯᔭᐅᓯᒪᕙᑦ ᐊᓯᓃᑉᐸᑕ ᐃᓘᓐᓇᖏᓐᓂᑦ ᖁᓕᓂ ᐃᓐᓇᕐᓄᑦ ᐃᓕᓴᕕᓐᓂᑦ? ᖁᔭᓐᓇᒦᒃ, ᐃᒃᓯᕙᐅᖅᑖ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᑉᓗᑦᓯᐊᖅ. ᒥᓂᔅᑕᐅᑲᐃᓐᓇᖅᑐᖅ ᕼᐄᓕ ᐊᕿᐊᕈᖅ. ᐊᖓᔪᖅᑳᖅ ᒍᐊᐃᓐ ᕼᐄᓕ ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒻᒪ ᖁᔭᓐᓇᒦᒃ ᑲᑎᒪᔨ ᐊᐱᕆᒃᑲᓂᕐᖓᑦ. ᒪᓕᑦᑐᒋᑦ ᒥᔅᓴᐅᓯᔭᐅᓯᒪᔪᑦ ᐊᓯᓂᓪᓗᒋᑦ ᑖᒃᑯᐊ ᖁᓕᓕᒫᑦ ᐃᓐᓇᐃᑦ ᐃᓕᓴᕕᖏᑦ 6-ᓂᑦ $10- ᒥᓕᐊᓐ ᑮᓇᐅᔭᐅᒍᓐᓇᖅᑐᑦ ᐃᓛᒃᑯᑦ, ᖁᓖᕋᕐᓗᒍ ᑖᒃᑯᐊ ᑕᐃᕋᑖᖅᑕᒃᑲ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, (ᑐᓵᔨᑎᒎᓕᖅᑐᖅ) ᐃᒃᓯᕙᐅᖅᑖ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐊᑕᑲᐃᓐᓇᖅᑐᖅ ᒥᓂᔅᑕ ᐊᕿᐊᕈᖅ. ᐊᑎᖁᑎᖃᕈᓐᓃᕐᒥᒐᒪ ᐊᐱᕆᔪᒪᔪᖃᒃᑲᓂᖅᑳ? ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᖅᑖ. 2025-2026 ᐊᑭᑐᔪᖅᑐᕈᑎᒃᓴᓃᑦᑎᓪᓗᑕ $300,000-ᓂᒃ ᐊᑭᑐᔪᖅᑐᕈᑎᒃᓴᓂᑦ ᐱᖁᑎᕐᔪᐊᓕᕆᔾᔪᑎᐅᓂᐊᖅᑐᖅ ᖃᕆᓴᐅᔭᓄᓪᓗ ᐅᓪᓗᒥᒧᑦ ᑎᑭᑦᑐᒍ. ᖃᔅᓯᓂᑦ ᑮᓇᐅᔭᐃᑦ ᐊᖅᑐᑕᐅᓯᒪᓕᖅᐸᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖁᓕᒃᑖᓇ. ᒥᓂᔅᑕᑲᐅᓐᓇᖅᑐᖅ ᕼᐄᓕ ᐊᕿᐊᕈᖅ. ᐊᖓᔪᖅᑳᖅ ᒍᐊᐃᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ, (ᑐᓵᔨᑎᒎᓕᖅᑐᖅ) ᐃᒃᓯᕙᐅᑖᖅ. ᑲᑎᒪᔨ ᖃᓄᐃᒃᓴᖏᑉᐸᑦ ᐊᖏᔪᖅᑳᖅ ᑭᐅᖁᓪᓗᒍ. (ᑐᓵᔨᑎᒎᕈᓐᓃᖅᑐᖅ) ᓇᑯᕐᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅ ᐳᕋᐃᔅ ᐊᑏ. ᐳᕋᐃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᖅᑖ, ᖁᔭᓐᓇᒦᒃᑕᐅᖅ ᑖᓐᓇ ᐊᐱᕆᖕᒪᑦ ᑲᑎᒪᔨ. ᓯᓚᑦᑐᓴᕐᕕᖕᒥ ᐊᕐᕌᒍ ᑕᓪᓕᒪᐃᑦ ᓯᓚᑦᑐᓴᕐᕕᒃ ᓴᓇᓇᓱᖕᒪᑕ ᑐᓴᒐᒃᓴᓄᑦ ᖃᕆᓴᐅᔭᓕᕆᔾᔪᑎᒋᔭᖏᓐᓂᑦ ᐊᑐᖅᑕᐊᓂᐊᖅᑐᑦ, ᑖᒃᑯᐊ ᐊᖏᖅᑕᐅᓯᒪᔪᑦ ᓄᓇᕗᑦ ᒐᕙᒪᒃᑯᖏᓐᓂᑦ ᓯᓚᑦᑐᓴᕐᕕᒃ ᑖᒃᑯᐊ ᒐᕙᒪᒃᑯᑦ ᓯᓚᑖᓂ ᑮᓇᐅᔭᓂᑦ ᑐᒃᓯᕋᖃᑦᑕᕐᒪᑕ ᐊᕐᕌᒍᒋᔭᑦᑎᓐᓂᒃ ᓂᕆᐅᑦᑐᒍᑦ ᑮᓇᐅᔭᐃᑦ ᓄᖑᑕᐅᓂᐊᕋᓱᒋᓪᓗᒋᑦ ᐊᑐᕈᒫᖅᑕᖏᓐᓂᒃ ᐊᒡᒋᖅᑐᒥᓗ ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓂ ᓂᕆᐅᑦᑎᐊᖅᐳᒍᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒪᒥᐊᓇᖅ. ᖁᔭᓐᓇᒦᒃ, ᒥᔅ ᐳᕋᐃᔅ ᑭᐅᒐᕕᑦ. ᒥᔅᑕ ᖁᓕᒃᑖᓇ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 52 ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᑦᑕᐅᖅ ᑭᐅᒐᕕᑦ. ᖃᓄᐃᑦᑐᓂᒃ ᐱᓕᕆᔭᐅᓯᒪᕙᑦ ᑖᒃᑯᓄᖓ ᑮᓇᐅᔭᓄᑦ ᐊᑐᕐᓂᐊᖅᑐᓄᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖁᓕᒃᑖᓇ. ᕼᐄᓕ ᐊᕿᐊᕈᖅ ᒥᓂᔅᑕᐅᑲᐃᓐᓇᖅᑐᖅ. ᐊᖓᔪᖅᑳᖅ ᒍᐊᐃᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ, (ᑐᓵᔨᑎᒎᓕᖅᑐᖅ) ᐃᒃᓯᕙᐅᑖᖅ. ᖁᔭᓐᓇᒦᑦᑕᐅᖅ ᐊᐱᕆᒻᒪᑦ ᑖᓐᓇ. ᑮᓇᐅᔭᐃᑦ ᐊᑐᖅᑕᐅᔪᑦ ᖃᕆᓴᐅᔭᓂᑦ ᑭᖑᕕᖅᑎᔅᓯᔾᔪᑎ ᖃᕆᓴᐅᔭᕋᓛᓄᑦ ᐊᒻᒪ ᐱᑐᒍᑎᓄᑦ ᓄᑖᕈᕆᐊᖅᑕᐅᓪᓗᑎᒡᓗ ᐱᑐᕝᕕᖏᑦ ᑕᐃᒃᑯᐊ ᐃᓕᓐᓂᐊᖅᑏᑦ ᐊᑐᖃᑦᑕᖅᑕᖏᑦ ᓯᓚᑦᑐᓴᕐᕕᖏᓐᓂᓪᓗ ᐃᓐᓇᐃᑦ ᐃᓕᓐᓂᐊᕐᕕᖏᓐᓂᑦ. ᐆᑦᑑᑎᒋᓗᒍ ᐃᓚᖏᑦ ᖃᕆᓴᐅᔭᐃᑦ ᑖᒃᑯᐊ 2016-ᓂᓴᐅᒻᒪᑦ, ᐊᒃᓱᐊᓗᒃ ᓱᒃᑲᔪᒥ ᐊᓯᔾᔨᖃᑦᑕᕐᒪᑕ ᖃᕆᓴᐅᔭᐃᑦ ᐃᓗᓕᕆᔭᖏᑦ. ᑕᐃᒪᐃᑦᑐᑦ ᐊᒃᓱᐊᓗᒃ ᐱᑐᖃᙳᖅᓴᕋᐃᒻᒪᑕ ᑕᐃᒃᑯᐊ ᐃᓕᓐᓂᐊᖅᑏᑦ ᑕᐃᒪᐃᑦᑐᓂᑦ ᓄᑖᓂᒃ ᖃᕆᓴᐅᔭᖃᖁᓪᓗᒋᑦ ᐊᑐᖅᑕᐅᓂᐊᖅᑐᖅ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, (ᑐᓵᔨᑎᒎᓕᖅᑐᖅ) ᐃᒃᓯᕙᐅᖅᑖ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕᐅᑲᐃᓐᓇᖅᑐᖅ ᕼᐄᓕ. ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᖅᑖ, ᐊᒻᒪᓗ ᖁᔭᓐᓇᒦᒃ ᑭᐅᕋᑖᕋᕕᑦ. ᑭᖑᓪᓕᖅᐹᒥ ᐊᐱᖅᑯᑎᒋᓂᐊᖅᑕᕋ, ᑐᒃᓯᕋᐅᑎᖓ 2026-2027-ᒥᑦ ᐊᑭᑐᔪᖅᑐᕈᑎᒃᓴᖏᑦ ᓯᓚᑦᑐᓴᕐᕕᒃᑯᑦ $300,000-ᖑᒻᒪᑕ ᑕᐃᒃᑯᐊ ᖃᕆᓴᐅᔭᓄᑦ ᐊᑐᖅᑕᐅᓂᐊᖅᑎᓪᓗᒍ. ᖃᓄᐃᑦᑐᓂᒃ ᐸᕐᓇᒃᓯᒪᒐᔅᓯ 2026-2027 ᐱᓕᕆᔾᔪᑕᐅᓂᐊᖅᑐᓂᑦ? ᖁᔭᓐᓇᒦᒃ, ᐃᒃᓯᕙᐅᖅᑖ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖁᓕᒃᑖᓇ. ᒥᓂᔅᑕᐅᑲᐃᓐᓇᖅᑐᖅ ᕼᐄᓕ ᐊᕿᐊᕈᖅ. ᐊᖓᔪᖅᑳᖅ ᒍᐊᐃᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ, (ᑐᓵᔨᑎᒎᓕᖅᑐᖅ) ᐃᒃᓯᕙᐅᑖᖅ. ᖁᔭᓐᓇᒦᑦᑕᐅᖅ ᑖᓐᓇ ᐊᐱᕆᒻᒪᑦ. 2026-2027-ᒥ, ᑲᔪᓯᑐᐃᓐᓇᖅᑐᖅ ᐱᓕᕆᔭᐅᔪᖅ 2025-2026-ᒥ ᐱᒋᐊᖅᑕᐅᓚᐅᖅᑐᓂᒃ. ᖁᔭᓐᓇᒦᒃ, ᐃᒃᓯᕙᐅᖅᑖ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ ᑭᐅᒐᕕᑦ, ᒥᓂᔅᑕᐅᑲᐃᓐᓇᖅᑐᖅ ᕼᐄᓕ ᐊᕿᐊᕈᖅ. ᐊᐱᖅᑯᑎᒃᓴᖃᖅᑯᕈᓐᓃᕐᒪᑦ ᐃᓴᒃᓯᒪᔪᓂᑦ. ᐊᖏᖅᐹᑦ ᑲᑎᒪᔩᑦ ᐊᖏᖅᑳᑦ ᓄᓇᕗᒻᒥ ᓯᓚᑦᑐᓴᕐᕕᒃ ᐊᖏᔪᖅᑳᖃᕐᕕᖓ ᐊᑭᑐᔪᖅᑐᕈᑎᒃᓴᖏᑦ $2,300,000.00 ᐊᑐᕈᒫᖅᑕᖏᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐊᖏᖅᐱᓰ ᐊᑭᑐᔪᖅᑐᕈᑎᒃᓴᖏᑦ $2,300,000 ᕿᒥᕐᕈᔭᐅᓂᖏᑦ ᐊᑐᕈᒫᖅᑐᑦ ᐱᔭᕇᕐᒪᑕ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᒪᔩᑦ ᐊᖏᖅᐸᑦ ᑖᓐᓇ ᓄᓇᕗᒻᒥ ᓯᓚᑦᑐᓴᕐᕕᒃ ᐊᑐᕈᒫᖅᑕᖏᑦ ᐊᑭᑐᔪᓄᑦ ᐱᔭᕇᖅᐹᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᑐᓯᒋᐊᕈᑎᖃᖅᑮᑦ, ᒥᓂᔅᑕᐅᑲᐃᓐᓇᖅᑐᖅ ᒥᓂᔅᑕ ᕼᐄᓕ ᐊᕿᐊᕈᖅ? ᐊᖓᔪᖅᑳᖅ ᒍᐊᐃᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ, (ᑐᓵᔨᑎᒎᓕᖅᑐᖅ) ᐃᒃᓯᕙᐅᑖᖅ. ᖁᔭᓐᓇᒦᕈᒪᓪᓗᒋᑦ ᑲᑎᒪᔨᕋᓛᑦ ᑖᒃᑯᓂᖓ ᐊᐱᖅᓱᖃᑦᑕᕋᑖᕐᒪᑕ, ᐱᓗᐊᖅᑐᒥᑦ ᖁᔭᓐᓇᒦᕆᓪᓗᒋᑦ ᐃᖅᑲᓇᐃᔭᖅᑏᑦ

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 53 ᓯᓚᑦᑐᓴᕐᕕᒻᒦᖔᖅᑐᑦ ᐊᒃᓱᐊᓗᒃ ᐃᑲᔪᕐᓂᖃᕐᒪᑕ ᐅᕙᓐᓄᑦ, ᖁᔭᓐᓇᒦᖅᑕᐃᓐᓇᕆᕝᕙᔅᓯ ᑖᔅᓱᒪ ᒥᒃᓵᓄᑦ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐃᖅᓱᖅᑏ, ᐅᑯᐊ ᐊᓂᑎᑲᐃᓐᓇᒃᑭᑦ. 5-ᒥᓂᑦ ᕿᑲᑲᐃᓐᓇᕐᓂᐊᖅᐳᒍ ᐃᓕᖅᑯᓯᓕᕆᔨᒃᑯᑦ ᐱᓕᕆᐊᒃᓴᖏᑦ ᑲᒪᒋᓂᐊᕋᑦᑎᒍᑦ ᐊᑭᑐᔪᖅᑐᕈᑎᒃᓴᖏᑦ. ᖁᔭᓐᓇᒦᒃ. >>ᑲᑎᒪᑐᐃᓐᓇᕐᓂᖅ ᓄᖅᑲᑲᐃᓐᓇᖅᑐᖅ 18:04 ᐊᒻᒪᓗ ᐱᒋᐊᒃᑲᓂᖅᑐᑦ 18:08 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ ᐅᑎᕋᔅᓯ. ᑲᑎᒪᓂᐊᖅᑐᒍᑦ ᑕᐃᒃᑯᓂᖓ ᐃᓕᖅᑯᓯᓕᕆᔨᒃᑯᑦ ᐱᓕᕆᕕᖓᑕ ᐊᑭᑐᔪᖅᑐᕈᑎᒃᓴᖏᓐᓂᑦ ᐅᖃᐅᓯᖃᕐᓗᑕ. ᒥᓂᔅᑕ ᑯᓄᒃ ᐃᖅᑲᓇᐃᔭᖅᑎᓂᑦ ᓵᔅᓯᓐᓄᐊᖁᔨᕕᑦ? ᐊᖓᔪᖅᑳᖅ ᐳᕋᐃᔭᓐ ᑯᓄᒃ (ᑐᓵᔨᑎᒍᑦ): ᐄ’, ᐃᒃᓯᕙᑖᖅ. ᓵᓐᓄᐊᖁᔭᒃᑲ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᒪᔩᑦ ᐊᖏᖅᐹᑦ ᒥᓂᔅᑕ ᐃᖅᑲᓇᐃᔭᖅᑎᖏᑦ ᓵᔅᓯᓐᓄᐊᖁᓪᓗᒋᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐃᖅᓱᖅᑏ ᐅᑯᐊ ᐃᓯᖅᑎᓚᐅᒃᑭᑦ. ᒥᓂᔅᑕ ᑯᓄᒃ ᐃᖅᑲᓇᐃᔭᖅᑎᑦᑎᑦ ᓵᖕᓃᑦᑐᑦ ᑭᓇᒃᑰᖕᒪᖔᑕ ᐅᖃᐅᓯᕆᑲᐃᓐᓇᒃᑭᑦ ᒪᑐᐃᖅᓯᔾᔪᑎᓅᓕᕐᓗᑎᑦ. ᐊᖓᔪᖅᑳᖅ ᐳᕋᐃᔭᓐ ᑯᓄᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒻᒪᓗ ᑲᑎᒪᔩᑦ. ᐊᓕᐊᓇᐃᒍᓱᑉᐳᖓ ᐱᕕᔅᓴᖃᖅᑎᑕᐅᒐᒪ ᐅᓂᒃᑲᐅᓯᖃᕐᓂᐊᖅᑎᓪᓗᒍ ᐃᓕᖅᑯᓯᓕᕆᔨᒃᑯᑦ 2026-2027-ᒧᑦ ᐊᑭᑐᔪᓄᑦ ᐊᑐᖅᑐᒃᓴᓂᒃ. ᑖᒃᑯᐊ ᐃᖅᑲᓇᐃᔭᖅᑎᒃᑲ ᑕᕝᕙᓃᖃᑎᒋᔭᒃᑲ, ᑐᕇᓴ ᕼᐃᐅᔅ, ᒥᓂᔅᑕ ᑐᒡᓕᐊ, ᐊᒻᒪ ᔩᓂ ᐋᕆᐊᖅ-ᖁᓪᓗᐊᓕᒃ, ᒥᓂᔅᑕ ᑐᒡᓕᐊᑕ ᐃᑲᔪᖅᑎᖓ; ᐊᒻᒪ ᑯᕆᔅᑕᐳ ᓛᖕ, ᑐᑭᒧᐊᒃᑎᑦᑎᔨ ᐊᐅᓚᑦᑎᔨᖓᓄᑦ, ᐊᒻᒪᓗ ᑭᐅᕈᓚᐃᑦ ᐅᐃᑐᓐ, ᑐᑭᒧᐊᒃᑎᑦᑎᔨ ᐃᑦᑕᕐᓂᓴᓕᕆᓂᕐᒧᑦ. ᐱᓕᕆᕝᕕᒃ ᑐᒃᓯᕋᖅᑐᑦ $1,500,000-ᒥᒃ ᐊᑭᑐᔪᓄᑦ ᓇᓚᐅᑦᑖᖅᓯᒪᔪᓄᑦ ᓴᓂᕐᕙᒃᑕᐅᓯᒪᔪᑦ, ᐃᑦᑕᕐᓂᓴᖃᕐᕕᓐᓄᑦ ᐊᒻᒪ ᐅᖃᓕᒫᒐᖃᕐᕕᓐᓄᑦ ᐊᑭᖃᖅᑎᓪᓗᑎᑦ $1−ᒥᓕᐊᓐ ᐊᒻᒪ $500,000 ᐊᑐᓂ. ᑖᒃᑯᐊ ᑮᓇᐅᔭᑦ ᐊᐅᓚᑕᐅᓲᖑᕗᑦ ᐱᓇᔫᑎᓂᑦ- ᑐᙵᕕᓕᓐᓂᑦ ᐊᐃᑦᑑᑎᓂᑦ ᐃᑲᔫᑎᓂᓪᓗ ᐱᓕᕆᐊᒃᓴᓂᑦ. ᑕᒪᒃᑮᒃ ᐱᓕᕆᐊᑦ ᑐᓂᐅᖅᑲᖅᑕᐅᕙᑉᐳᑦ ᒥᓂᔅᑕᐅᕝᕕᒃᑯᑎᒍᑦ ᐊᐃᑦᑑᑎᓄᑦ ᐃᑲᔫᑎᓄᓪᓗ ᐊᑐᐊᒐᖅ ᑮᓇᐅᔭᓕᐅᕋᓱᐊᖅᑎᐅᙱᑦᑐᓄᑦ ᑲᑐᔾᔨᖃᑎᒌᓄᑦ ᕼᐋᒻᒪᓚᒃᑯᓐᓄᓪᓗ ᑯᐊᐳᕇᓴᒋᔭᐅᔪᓄᑦ. ᐅᑯᐊ ᐱᓕᕆᐊᑦ ᐋᖅᑭᓱᖅᑕᐅᓯᒪᕗᑦ ᐃᑲᔪᖅᓱᕈᑕᐅᓪᓗᑎᒃ ᐋᖅᑮᒋᐊᕐᓂᕐᒧᑦ ᐃᓪᓗᓂᒃ ᐅᕝᕙᓘᓐᓃᑦ ᐃᑲᔪᖁᓪᓗᒋᑦ ᐊᓯᖏᓐᓂᑦ ᑮᓇᐅᔭᖅᑖᕈᓯᐊᖅᑎᑦᑎᖃᑦᑕᕐᓂᕐᒧᑦ ᓄᑖᓄᑦ ᐃᓪᓗᓄᑦ. ᐃᒃᓯᕙᐅᑖᖅ, ᖁᕕᐊᓱᓐᓂᐊᖅᐳᖓ ᑭᐅᔭᕆᐊᔅᓴᖅ ᐊᐱᖅᑯᑎᔅᓴᖃᕈᔅᓯ ᑲᑎᒪᔩᑦ ᑖᒃᑯᓄᖓ ᐅᓂᒃᑳᕆᐊᖅᑐᖅᓯᒪᑎᓪᓗᑕ ᐅᕝᕙᓘᓐᓃᑦ ᐃᓱᓕᑉᐸᑦ ᐊᐱᕆᔪᓐᓇᕐᓂᐊᖅᑐᓯ .ᖁᔭᓐᓇᒦᒃ, ᐃᒃᓯᕙᐅᑕᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄᒃ. ᒪᓕᒐᓕᐅᖅᑎ ᐃᒃᓯᕙᐅᑕᖓ ᒪᑐᐃᕈᑎᓄᑦ ᐅᖃᐅᓯᒃᓴᖃᖅᐹ? ᐊᑏ. ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᕕᐊᓱᒃᑐᖓ ᒪᑐᐃᖅᓯᔾᒧᑎᓂᒃ ᐅᖃᓕᒫᕈᓐᓇᕋᒪ ᑭᒡᒐᖅᑐᖅᖢᒋᑦ ᒪᓕᒐᓕᐅᖅᑎᑐᐃᓐᓇᐃᑦ ᑲᑎᒪᔨᖏᑦ, ᕿᒥᕐᕈᓇᓚᐅᖅᑎᓪᓗᑕ ᐃᓕᖅᑯᓯᓕᕆᔨᒃᑯᑦ 2026-2027 ᐊᑭᑐᔪᖅᑐᕈᑎᒃᓴᖏᓐᓂᒃ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 54 ᐊᑭᑐᔪᖅᑐᕈᑎᒃᓴᑦ 2026-2027 ᐊᕐᕌᒍᐊᓂ $1.5 ᒥᓕᐊᓐᖑᔪᑦ. ᑖᒃᑯᐊ ᑮᓇᐅᔭᑦ ᐊᑐᕐᓂᐊᖅᑐᑦ ᐃᑦᑕᕐᓂᓴᖃᕐᕕᖕᓄᑦ ᐊᒻᒪ ᑭᒃᑯᑐᐃᓐᓇᕐᓄᑦ ᐊᑐᖅᑕᐅᔪᓐᓇᖅᑐᓄᑦ ᐅᖃᓕᒫᒐᖃᕐᕕᖕᓄᑦ. ᐃᓕᖅᑯᓯᓕᕆᔨᒃᑯᑦ ᑐᒃᓯᕌᕆᔭᖏᑦᑕ ᓈᓴᐅᑎᖏᑦ ᓱᕐᕋᓐᖏᑦᑐᑦ ᑕᑯᓐᓇᕈᑦᑎᒍᑦ 2025-2026 ᐊᑭᑐᔪᖅᑐᕈᑎᒃᓴᖅᑖᕆᔭᐅᓚᐅᖅᑐᑦ. ᐅᔾᔨᕆᓚᐅᕐᒥᔪᒍᑦ ᐃᓕᖅᑯᓯᓕᕆᔨᒃᑯᑦ ᓴᓂᕐᕙᐃᓯᒪᓂᖏᓐᓂᒃ $10 ᒥᓕᐊᓐᓂᒃ ᐃᑦᑕᕐᓂᓴᖃᕐᕕᖕᓄᑦ ᑐᒃᓯᕌᕆᔪᓐᓇᖅᑕᖏᓐᓂᒃ ᐅᑎᖅᑎᒋᐊᑐᓐᖏᑦᑐᓂᒃ. ᐊᑭᑐᔪᖅᑐᕈᑎᒃᓴᐃᑦ ᑮᓇᐅᔭᑦ ᐅᑎᖅᑎᒋᐊᑐᓐᖏᑦᑐᑦ ᓴᓂᕐᕙᒃᑕᐅᓲᖑᕗᑦ ᖄᖏᕐᓂᑯᓕᐅᕋᓱᓐᖏᑦᑐᓄᑦ ᓄᓇᓕᖕᓂ ᑎᒥᓐᖑᖅᑎᑕᐅᓯᒪᔪᓄᑦ ᐊᒻᒪ ᕼᐋᒻᓚᒃᑯᓐᓄᑦ, ᐊᑐᖅᑕᐅᔪᓐᓇᕐᓂᐊᕐᒪᑕ ᐃᑦᑕᕐᓂᓴᖃᕐᕖᑦ ᓴᓇᔭᐅᕙᓪᓕᐊᓂᖏᓐᓄᑦ ᓄᑖᓐᖑᕆᐊᖅᑕᐅᓂᖏᓐᓄᓪᓘᓐᓃᑦ ᐊᒻᒪ ᑕᒪᒃᑯᓄᖓ ᑐᕌᖓᔪᓄᑦ ᓱᓇᒃᑯᑖᓄᑦ. ᐅᔾᔨᕆᓚᐅᕐᒥᔪᒍᑦ ᐃᓕᖅᑯᓯᓕᕆᔨᒃᑯᑦ ᐊᖏᖅᑕᐅᕙᒌᖅᓯᒪᔪᑦ 2025-2026 ᐊᑭᑐᔪᖅᑐᕈᑎᖏᑦ ᑲᑎᓕᒫᖅᖢᒋᑦ 44−ᓄᑦ ᓄᓇᓕᖕᓄᑦ ᑎᒥᓐᖑᖅᑎᑕᐅᓯᒪᔪᓄᑦ ᑮᓇᐅᔭᖅᑖᕐᕕᐅᓚᐅᖅᑐᑦ ᐊᖏᕈᑎᑎᒍᑦ ᑕᐃᒪᓐᖓᓂᑦ 2016-2017 ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓂ. ᐅᔾᔨᕆᓚᐅᕐᒥᔪᒍᑦ 2026-2027 ᐊᑭᑐᔪᖅᑐᕈᑎᒃᓴᖏᑦ ᓄᑖᓂᒃ ᑐᓴᐅᒪᔾᔪᑎᓂᒃ ᐃᓕᓯᓯᒪᓐᖏᑐᑦ ᖃᔅᓯᑦ ᑮᓇᐅᔭᖅᑖᖅᑎᑕᐅᓚᐅᕐᒪᖔᖏᑦ ᑖᒃᑯᓇᓐᖓᑦ ᐃᓕᖅᑯᓯᓕᕆᔨᒃᑯᓐᓂᑦ. ᒪᓕᒐᓕᐅᖅᑎᑐᐃᓐᓇᐃᑦ ᐃᓕᖅᑯᓯᓕᕆᔨᒃᑯᓐᓂᒃ ᐊᔭᐅᖅᑐᐃᕗᑦ ᐃᓚᓕᐅᔾᔨᓯᒪᖃᑦᑕᖁᓪᓗᒋᑦ ᖃᔅᓯᑦ ᑎᒥᓐᖑᖅᑎᑕᐅᓯᒪᔪᑦ ᑮᓇᐅᔭᖅᑕᖅᑎᑕᐅᓚᐅᕐᒪᖔᖏᑦ ᐃᓕᖅᑯᓯᓕᕆᔨᒃᑯᑦ ᐅᑎᖅᑎᒋᐊᑐᓐᖏᑦᑐᑦ ᑮᓇᐅᔭᖁᑎᖏᓐᓂᑦ. ᒪᓕᒐᓕᐅᖅᑏᑦ ᐅᔾᔨᕆᓚᐅᕐᒥᔪᑦ ᓴᓂᕐᕙᐃᓚᐅᕐᓂᖏᓐᓂᒃ $500,000−ᓂᒃ ᑭᒃᑯᑐᐃᓐᓇᐃᑦ ᐃᓯᕈᓐᓇᖅᑕᖏᓐᓄᑦ ᐅᖃᓕᒫᒐᖃᕐᕕᖕᓄᑦ ᐊᑐᖅᑐᒃᓴᓂᒃ. ᑕᒃᑯᐊ ᑮᓇᐅᔭᑦ ᐊᑐᖅᑕᐅᔪᒃᓴᒫᓐᖑᖅᑎᑕᐅᓯᒪᔪᑦ ᓄᑖᓐᖑᕆᐊᖅᑕᐅᒧᓐᓇᕐᓂᐊᕐᒪᑕ ᒫᓐᓇ ᐊᑐᖅᑕᑦ ᐅᖃᓕᒫᒐᖃᕐᕖᑦ. ᒥᓂᔅᑕ ᒫᓐᓇᕈᓘᓚᐅᖅᑐᖅ ᒪᓕᒐᓕᐅᖅᑎᑐᐃᓐᓇᐃᑦ ᑲᑎᒪᔨᖏᑦᑕ ᓵᖓᓐᓃᑎᓪᓗᒍ, ᒪᓕᒐᓕᐅᖅᑏᑦ ᐊᐱᖅᑯᑎᖃᖃᑦᑕᓚᐅᖅᑐᑦ ᓄᑖᒥᒃ ᓄᓇᕗᒻᒥ ᐃᑦᑕᕐᓂᓴᖃᕐᕕᖕᒥᒃ ᓴᓇᔭᐅᔪᖃᕐᓂᐊᕐᒪᖔᖓ. ᒪᓕᒐᓕᐅᖅᑏᑦ ᖃᐅᔨᒪᓚᐅᖅᑐᑦ ᑖᓐᓇ ᐱᓕᕆᐊᖑᔪᒪᔪᖅ ᐊᖏᔪᓪᓚᕆᐅᓂᐊᕐᓂᖓᓂᒃ ᒫᓐᓇᓗ ᐸᕐᓈᕆᔭᐅᕙᓪᓕᐊᓕᕐᓂᖓᓂᒃ, ᓂᕆᐅᒃᐳᓪᓗ ᑖᓐᓇ ᐱᕐᔪᐊᖅ ᖃᓄᐃᓕᐅᔭᐅᕙᓪᓕᐊᓕᕐᒪᖔᖓᓂᒃ ᐅᓂᒃᑳᕐᕕᐅᔭᖅᑐᖃᑦᑕᕐᓂᐊᕐᓂᕐᒥᓂᒃ. ᐃᓱᓕᑉᐳᑦ ᒪᑐᐃᖅᓯᔾᔪᑎᒃᑕ ᐃᓕᖅᑯᓕᕆᔨᒃᑯᑦ 2026-20. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᑉᓗᑦᓯᐊᖅ. ᒫᓐᓇ ᒪᑉᐱᒐᖏᑎᒍᑦ ᕿᒥᕐᕈᓇᖕᓂᐊᓕᖅᐳᑦ ᐊᑭᑐᔪᖅᑐᕈᑎᓄᑦ F-3-ᒥ ᐱᒋᐊᕐᓗᑕ ᒪᒃᐱᒐᖓᓂ. ᐃᓕᖅᑯᓯᓕᕆᔨᒃᑯᑦ ᐊᖓᔪᖅᑳᖃᕐᕕᐊᖏᑦ, ᑲᑎᓪᓗᒋᑦ ᐊᑐᕈᒫᖅᑕᖏᑦ ᐊᑭᑐᔪᓄᑦ, $1,500,000. ᐃᓕᖅᑯᓯᓕᕆᔨᒃᑯᑦ ᐱᓪᓗᒋᑦ ᐊᐱᖅᑯᑎᒃᓴᖃᖅᐹ ᑲᑎᒪᔩᑦ? ᒥᔅᑕ ᓴᒻᒧᖅᑐᖅ. ᓴᒻᒧᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᖅᑖ. ᑐᓴᖅᑎᑦᑎᔪᓐᓇᖅᐲᑦ ᑕᐃᒃᑯᐊ ᐃᑦᑕᕐᓂᓴᖃᕐᕕᒃᓴᖅ ᓄᑖᖅ ᐱᓪᓗᒍ ᑐᓴᖅᑎᑦᑎᔪᓐᓇᖅᐲᑦ ᓴᓇᔭᐅᔪᒃᓴᒫᖅ ᐱᓪᓗᒍ ᖃᓄᐃᓕᖓᒻᒪ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᓴᒻᒧᖅᑐᖅ. ᒥᓂᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄᒃ: (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᖅᑖ. ᒫᓐᓇᐅᔪᖅ ᑕᐃᓐᓇ ᐃᑦᑕᕐᓂᔅᓴᒃᑯᕕᒃᓴ ᒫᓐᓇ ᐸᕐᓇᐅᑎᒋᔭᐅᓕᖅᑐᑦ, ᑭᖑᓪᓕᖅᐹᖅᓯᐅᑎᓂᑦ ᑭᓯᐊᓂ ᐅᖃᐅᓯᐅᕙᓪᓕᐊᔪᖅ. ᒫᓐᓇ ᐸᕐᓇᐅᑎᖓ ᑕᕝᕙᓃᖏᑦᑐᖅ ᑭᓯᐊᓂ ᑮᓇᐅᔭᖅᑖᕈᑎᒃᓴᖏᓐᓂᒃ ᐊᓯᖏᓐᓂᒃ ᑎᒥᐅᔪᓂᑦ ᐱᓇᓱᑲᑕᒃᑐᑦ ᐃᑲᔪᕈᑎᓂᑦ ᑮᓇᐅᔭᖅᑐᕈᑎᒃᓴᓂᒃ. ᑲᓇᑕᐅᑉ ᒐᕙᒪᒃᑯᖏᓐᓂᑦ ᑐᓂᓯᓯᒪᔪᓂᑦ $51-ᒥᓕᐊᓂᒃ, ᓄᓇᕗᑦ ᑐᙵᕕᒃᑯᑦ ᑐᓂᓂᓯᒪᔪᑦ $10-ᒥᓕᐊᓂ ᑮᓇᐅᔭᓂᑦ, ᑖᔅᓱᒪ ᕿᑎᕐᒥᐅᑦ ᑲᑐᔾᔨᖃᑎᒌᑦ $5-ᒥᓕᐊᓂᑦ ᑮᓇᐅᔭᓂᑦ ᑐᓂᓯᓯᒪᒃᖤᖅᐳᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ $5-ᒥᓕᐊᓂᑦᑕᐅᖅ ᑮᓇᐅᔭᓂᑦ ᑐᓂᓯᓯᒪᓪᓗᑎᑦ. ᑕᕝᕙ ᑮᓇᐅᔭᑎᒍᑦ ᐊᖏᕈᑎᒋᔭᐅᓯᒪᔪᐃᑦ ᐃᑦᑕᕐᓂᓴᒃᑯᕕᐅᒐᔭᖅᑐᓂᑦ ᐃᓄᖕᓄᑦ. ᖁᔭᓐᓇᒦᒃ, ᐃᒃᓯᕙᐅᖅᑖ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 55 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄᒃ. ᐊᓯᖏᑦ ᐊᐱᖅᑯᑎᒃᓴᖃᖅᐹᑦ. ᐱᑕᖃᙱᑕᐃᓐᓇᕐᒪᑕ, ᑖᒃᑯᐊ ᐃᓕᖅᑯᓯᓕᕆᔨᒃᑯᑦ ᐃᑦᑕᕐᓂᓴᓕᕆᔨᒃᑯᑦ. ᒪᒥᐊᓇᖅ ᑲᔪᓯᒋᑦ ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᖅᑖ. ᑖᒃᑯᐊ ᐃᑦᑕᕐᓂᓴᖃᕐᕕᔅᓴᖅ ᐃᖅᑲᓇᐃᔮᖑᔫᒐᓗᐊᖅ ᓱᓕ, ᑭᓯᐊᓂ ᐸᕐᓇᐅᑎᒥ ᒪᓕᑦᑐᒋᑦ ᖃᖓ ᐅᓪᓗᖅᓯᐅᑎᖃᖅᐸᑦ ᖃᐅᔨᓴᖅᑕᐅᓂᖓ ᐱᐊᓂᑦᑕᐅᓇᔭᕐᓂᖓ? ᖁᔭᓐᓇᒦᒃ, ᐃᒃᓯᕙᐅᖅᑖ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖁᓕᒃᑖᓇ. ᒥᓂᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᖅᑖ. ᒫᓐᓇᐅᔪᕐᓕ ᓱᓕ ᐸᕐᓇᑕᐅᕙᓪᓕᐊᔪᖅ, ᐋᖅᑭᔅᓱᐃᒐᓱᒃᑲᓗᐊᖅᐳᑦ ᐊᖏᕈᑎᑦᓴᒥᑦ ᐃᑦᑕᕐᓂᓴᖃᕐᕕᔅᓴᒧᑦ ᓄᓇᕗᑦ ᒐᕙᒪᒃᑯᑎᒍᑦ ᓯᕗᓪᓕᖅᐹᒥᑦ ᐊᖏᕈᑎᓕᐅᖅᑳᖅᓯᒪᒋᐊᖃᓛᕋᑦᑕ, ᑭᖑᓂᐊᒍᑦ ᐱᒃᑲᓐᓂᓛᖅᑑᒐᓗᐊᑦ. ᐃᓱᒪᓕᐅᕈᑕᐅᒍᒫᕐᒥᒪᑦᑕᐅᖅ ᓄᓇᕗᑦ ᒐᕙᒪᒃᑯᖏᓐᓄᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄᒃ. ᒥᔅᑕ ᖁᓕᒃᑖᓇ ᐱᐊᓂᑦᑐᑎᑦ? ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᖅᑖ. ᐱᓕᕆᕝᕕᓯ ᐊᖏᕈᑎᒋᓚᐅᖅᓯᒪᔭᖓ 2025-2026 ᐊᑭᑐᔫᑎᓄᑦ ᓇᓕᖅᑲᖏᑦ ᐅᖃᖅᓯᒪᒻᒪᑕ ᓯᑕᒪᑦ ᐃᒡᓗᐃᑦ ᑐᓂᔭᐅᓚᐅᖅᑐᑦ $700,000-ᓂᒃ ᐃᑲᔪᕈᑎᐅᔪᓂᒃ 2024-2025 ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓂ. ᖃᑦᑎᑦ ᐃᓪᓗᕐᔪᐊᑦ ᑮᓇᐅᔭᖃᖅᑎᑕᐅᓯᒪᕙᑦ 2025-2026-ᒥ ᖃᑦᑎᓂᓪᓗ ᑐᓂᔭᐅᓚᐅᖅᐸᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᑉᓗᑦᓯᐊᖅ. ᒥᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᖅᑖ. ᐅᑕᖅᑭᑲᐃᓐᓇᕆᑦ ᓇᕝᕚᕋᓱᑲᐃᓐᓇᕋᒃᑯ ᑐᓴᕋᒃᓴᖅ. ᒫᓐᓇ 2025-2026−ᒥ ᐃᑦᑕᕐᓂᓴᓕᕆᓂᕐᒧᑦ ᑮᓇᐅᔭᐃᑦ ᐃᒡᓗᓄᑦ ᓯᑕᒪᐅᒻᒪᑕ. 2025-2026 ᐃᑦᑕᕐᓂᓴᖃᕐᕖᑦ, ᐱᖓᓱᑦ ᐃᑦᑕᕐᓂᓴᖃᕐᕖᑦ, ᕿᑎᕐᒥᐅᓂ ᐃᑦᑕᕐᓂᓴᖃᕐᕕᓕᕆᔩᑦ, ᐃᒡᓗᓕᒻᒥᓗ ᐊᒻᒪᓗ ᕿᑎᕐᒥᐅᑦ ᐃᑦᑕᕐᓂᓴᓕᕆᔨᖁᑎᖏᑦ. ᖃᑦᓯᐅᓂᕋᕐᒪᖔᑕ ᐊᐱᖅᑯᑎᖃᕋᑖᕐᖓᑦ, ᐱᖓᓱᑦ ᑰᒐᓛᒃ ᐃᑦᑕᕐᓂᓴᖃᕐᕕᖓ, ᖃᐅᒻᒪᔪᖅ 2025 ᐃᓄᐃᓐᓇᖅᑐᑦ ᑕᐅᑐᖦᖢᑎᒃ ᑖᓐᓇ ᐃᑦᑕᕐᓂᓴᖃᕐᕕᖓ ᕿᑎᕐᒥᐅᓄᑦ ᐃᑦᑕᕐᓂᖅᓴᖃᕐᕕᒃ ᐊᐅᓚᑕᑦ. ᖁᔭᓐᓇᒦᒃ, ᐃᔅᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄᒃ. ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᑭᐅᒻᒪᑦ. ᖁᔭᓐᓇᒦᒃ, ᐃᔅᓯᕙᐅᑖᖅ. ᒫᓐᓇᒧᑦ ᑎᑭᑦᑐᒍ ᖃᓄᐃᑦᑐᑦ ᑐᒃᓯᕋᐅᑕᐅᓯᒪᕙᑦ ᐃᑦᑕᕐᓂᓴᖃᕐᕕᓐᓄᑦ ᑮᓇᐅᔭᖃᕈᑕᐅᔪᑦᓴᓂᒃ 2025−2026 ᐊᕐᕌᒍᖓᓂ? ᖁᔭᓐᓇᒦᒃ, ᐃᔅᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᑉᓗᑦᓯᐊᖅ. ᒥᓂᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᕐᕌᒍᒋᔭᑦᑎᓐᓄᑦ ᐊᕐᕌᒎᒥ ᓇᓪᓕᐊᓂᒃ ᐅᖃᐅᓯᖃᕐᒪᖔᖅᐱᑦ ᐅᖃᒃᑲᓐᓂᕈᒃ? ᖁᔭᓐᓇᒦᒃ, ᐃᑦᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᔅᓯᕙᐅᑖᖅ. ᐊᐱᖅᑯᑎᒋᒃᑲᓐᓂᑐᐃᓐᓇᕐᓗᒍ. ᒫᓐᓇᒧᑦ ᑎᑭᑦᑐᒍ ᖃᓄᐃᑦᑐᑦ ᑐᑦᓯᕋᐅᑕᐅᓯᒪᕙᑦ ᐃᑦᑕᕐᓂᓴᓕᕆᕝᕕᐅᔪᓄᑦ ᑮᓇᐅᔭᖃᖅᑎᑕᐃᓂᖏᑦ 2025-2026 ᐊᕐᕌᒍᖓᓂ? ᖁᔭᓐᓇᒦᒃ, ᐃᑦᓯᕙᐅᑖᖅ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 56 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᑉᓗᑦᓯᐊᖅ. ᒥᓂᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᑦᓯᕙᐅᑖᖅ. ᑐᕇᓴ ᕼᐃᐅᔅ ᑭᐅᖁᓂᐊᕋᒃᑯ ᑖᔅᓱᒧᖓ. ᖁᔭᓐᓇᒦᒃ. ᐃᒃᓯᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᔅ ᕼᐃᐅᔅ, ᑲᔪᓯᓗᑎᑦ. ᕼᐃᐅᔅ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᕐᕌᒍᑕᒫᑦ ᑕᑯᒃᓴᐅᑎᑦᑎᖃᑦᑕᕋᑦᑕ ᓄᓇᓕᖕᓄᑦ ᕼᐋᒪᓚᒃᑯᓐᓄᑦ, ᑯᐊᐸᕇᓴᓄᑦ ᐊᔾᔨᒌᙱᑦᑐᓄᑦ ᑮᓇᐅᔭᓕᐅᕋᓱᓗᐊᙱᑦᑐᓄᓪᓗ. ᐊᕐᕌᒍᑕᒫᑦ ᐊᔾᔨᒌᙱᑉᐸᖦᖢᑎᒃ ᑐᒃᓯᕋᖅᑐᑦ ᓴᖅᑭᑦᑎᔪᒪᔪᑦ ᐃᑦᑕᕐᓂᓴᓕᕆᕝᕕᖕᓂᒃ ᑕᑯᔭᒐᖃᕐᕕᖕᓂᒡᓘᓐᓃᑦ. ᐊᕐᕌᒍᒋᔭᑦᑎᓐᓂ ᒪᑐᕋᑖᑦᑎᐊᓚᐅᕐᒪᑦ ᔮᓄᐊᕆ 31−ᖑᑎᓪᓗᒍ ᒪᑐᕋᑖᓚᐅᕐᒪᑦ ᑐᒃᓯᕋᖅᑐᑦ ᑕᐃᒃᑯᐊ ᒫᓐᓇ ᐅᓪᓗᒥ ᕿᒥᕐᕈᔭᐅᕙᓪᓕᐊᓕᑕᐃᓐᓇᖅᑲᐅᖕᒪᑕ ᓱᓕ ᓇᓗᔪᒍᑦ ᖃᔅᓯᑦ ᑐᒃᓯᕋᕐᓂᕐᒪᖔᑕ. ᑕᐃᒃᑯᐊ ᓇᓗᓇᐃᓛᕐᒥᔭᕗᑦ ᐊᖏᕈᑎᒃᑯᑦ ᐊᖏᖅᑕᐅᔪᑦ ᐊᖏᖅᑕᐅᙱᑦᑐᓪᓘᓐᓃᑦ ᑐᑭᓯᒋᐊᕐᕕᐅᒃᑲᓐᓂᕋᔭᖅᖢᑎᒃ ᖃᓄᐃᒻᒪᑦ ᐊᖏᖅᑕᐅᓚᐅᙱᒻᒪᖔᑕ, ᖃᓄᒃᑲᓐᓂᖅ ᐃᑲᔪᕈᓐᓇᕐᒪᖔᑦᑕᓘᓐᓃᑦ. ᖁᔭᓐᓇᒦᒃ, ᐃᒃᓯᕙᐅᑕᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ ᑕᐃᒫᒃ ᑭᐅᒐᕕᑦ, ᒥᔅ ᕼᐃᐅᔅ. ᐊᐱᖅᑯᑎᑦᓴᖃᖅᑐᖃᒃᑲᓐᓂᙱᒻᒪᑦ. ᒪᓕᒐᓕᐅᖅᑏᑦ ᐊᖏᖅᐸᑦ ᐃᓕᖅᑯᓯᓕᕆᔨᒃᑯᑦ ᐃᑦᑕᕐᓂᓴᓕᕆᔨᒃᑯᑦ $1,500,000 ᐊᑭᑐᔫᑎᑦᓴᓅᖓᔪᑦ? ᐃᓚᖏᑦ ᒪᓕᒐᓕᐅᖅᑏᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑏᑦ ᐊᖏᖅᐸᑦ ᑖᒃᑯᐊ ᐃᑦᑕᕐᓂᓴᓕᕆᔨᒃᑯᑦ $1,500,000 ᐊᑭᑐᔫᑎᑦᓴᖁᑎᒋᔭᖏᓐᓂᒃ? ᐃᓚᖏᑦ ᒪᓕᒐᓕᐅᖅᑏᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑏᑦ ᐊᖏᖅᐸᑦ ᐱᐊᓂᒃᑲᑦᑎᒍᑦ ᐃᑦᑕᕐᓂᓴᓕᕆᔨᒃᑯᑦ? ᐃᓚᖏᑦ ᒪᓕᒐᓕᐅᖅᑏᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᑐᓯᔾᔪᑎᓄᑦ, ᒥᓂᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ ᑖᒃᑯᓂᖓ ᕿᒥᕐᕈᐊᖅᑲᐅᒐᔅᓯ ᐊᒻᒪᓗ ᑖᒃᑯᐊ ᕿᒥᕐᕈᐊᖅᑕᐅᒃᑲᓐᓂᕐᓂᐊᖅᖢᑎᒃ ᐅᖃᐅᓯᐅᕆᖅᑲᐅᔭᕗᑦ ᕿᒥᕐᕈᐊᖅᑕᐅᕙᓪᓕᐊᖕᒪᑕ ᓱᓕ, ᐊᑕᖏᖅᖢᑎᒃ ᐅᖃᐅᔾᔭᐅᔪᓐᓇᙱᓚᐅᑲᒃᑲᔅᓯ ᒪᒥᐊᑉᐳᖓ. ᑭᓯᐊᓂ, ᐃᑲᔪᖅᑐᕐᓂᕆᔭᔅᓯ ᑖᔅᓱᒥᖓ ᖁᔭᒋᑦᑎᐊᖅᐸᕗᑦ ᐊᒻᒪ ᐃᑲᔪᖅᑐᖅᑕᐅᖏᓐᓇᕈᒪᓪᓗᑕ ᑖᒃᑯᓂᖓ ᐃᓄᐃᑦ ᐅᖃᐅᓯᖓ ᐊᒻᒪ ᐱᖅᑯᓯᖓ ᐱᕕᕐᔪᐊᖑᖕᒪᑦ ᓄᓇᕗᒻᒧᑦ ᓴᙱᒃᑎᒋᐊᖅᑎᒃᑲᓐᓂᕆᐊᖃᖅᖢᑎᒍᓪᓗ ᐃᓄᐃᑦ ᐱᖅᑯᓯᖓ ᐱᒻᒪᕆᐅᖕᒪᑦ ᓄᓇᕗᒻᒥ. ᖁᔭᓐᓇᒦᒃ ᑖᔅᓱᒧᖓ ᐅᖃᐅᓯᖃᖅᑲᐅᒐᔅᓯ. ᑕᕝᕙᑐᐊᖅ. ᐳᐳᐸᑦᑕᒃᑐᖅᑐᑦ ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄᒃ. ᑖᒃᑯᐊ ᐱᓕᕆᖁᑎᖏᑦ ᐃᖅᓱᑦᑏ ᐊᓂᑎᒃᑭᑦ. 30−ᒥᓂᑦᒥᒃ ᓄᖅᑲᖓᑲᐃᓐᓇᕐᓂᐊᖅᐳᒍᑦ ᓂᕆᔭᔅᓴᕗᑦ ᖃᐃᑕᐅᒻᒪᑕ ᒪᓕᒐᓕᐅᕐᕕᒃ ᑲᒪᒋᓯᒋᐊᓚᐅᙱᓐᓂᑦᑎᓐᓂᒃ. ᖁᔭᓐᓇᒦᒃ. >>ᑲᑎᒪᓂᖅ ᓄᖅᑲᑲᐃᓐᓇᖅᑐᖅ 18:26 ᐊᒻᒪᓗ ᐱᒋᐊᒃᑲᓂᖅᑐᖅ 19:00 >>ᑲᑎᒪᑐᐃᓐᓇᕐᓂᖅ ᐱᒋᐊᒃᑲᓂᖅᑐᖅ 18:59ᒧᐊᖅᑎᓪᓗᒍ

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 57 ᐃᒃᓯᕙᐅᑕᖅ (ᑐᓵᔨᑎᒍᑦ): ... ᖁᔭᓐᓇᒦᒃ, ᐅᑎᑦᓯᐊᕐᒥᒐᑦᑕ ᐅᓐᓄᕈᕐᒥᑕᓚᐅᖅᑐᑕ. ᐅᑎᓕᕆᕗᒍᑦ ᑲᑎᒪᔨᕋᓛᑦ ᑖᒃᑯᐊ ᒪᓕᒐᓕᐅᕐᕕᐅᑉ ᐊᓪᓚᕝᕕᖓ, ᐊᑭᑐᔪᖅᑐᑦ ᑲᑎᑦᑐᒋᑦ $250,000. ᐅᖃᖅᑏ, ᑕᕝᕙᓃᖃᑎᖃᕈᒪᕕᑦ ᐊᐱᖅᓱᕐᕕᖕᒥ? ᐅᖃᖅᑎ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᖏᕈᑦᓯ ᐄᖑᒐᓗᐊᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᑲᑎᒪᔨᕋᓛᑦ ᓈᒻᒪᓴᖅᐹᑦ ᐱᓕᕆᔨᖏᑦ ᓵᔅᓯᓐᓃᖁᓪᓗᒋᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐅᖃᖅᑎ: ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᕕᐊᑦᑐᖓ ᑕᒫᓂᖃᑕᐅᔪᓐᓇᕋᒪ ᓵᒋᔭᑦᓯᓐᓄᑦ ᐊᒻᒪᓗ ᑕᕝᕙᓃᖃᑎᒋᔮᒃᑲ ᑖᒃᑯᐊ ᐊᓪᓚᑦᑎᒻᒪᕇᒃ ᖃᐅᔨᒪᔭᓯ, ᓯᑏᕙᓐ ᐃᓄᒃᓱᒃ ᐊᒻᒪᓗ ᑖᓐᓇ ᑕᓕᖅᐱᓃᑦᑐᖅ, ᑐᑭᒧᐊᑦᑎᑦᑎᔨᐅᓪᓗᓂ ᐊᐅᓚᑦᑎᓂᕐᒧᑦ ᑮᓇᐅᔭᓕᕆᓂᕐᒧᓪᓗ ᒪᓕᒐᓕᐅᕐᕕᖕᒥ, ᑖᓐᔭ ᐅᐃᓐᒥᐅᓪ. ᑖᒃᑯᐊ ᐅᓪᓗᒥ ᐅᖃᐅᓯᕆᔭᕗᑦ ᑐᒃᓯᕋᐅᑎᕋᑦᑕ 2026-2027 ᐊᑭᑐᔪᖅᑐᕈᑏᑦ ᒪᓕᒐᓕᐅᕐᕕᖕᒧᑦ ᓄᓇᕗᒻᒥ. ᒪᓕᒐᓕᐅᖅᑏᑦ ᖃᐅᔨᒪᔪᔅᓴᐅᕗᓯ ᑖᓐᓇ ᑐᒃᓯᕋᖅᑕᕗᑦ 2026-2027-ᒥ ᑕᕝᕙᓂ $250,000−ᖑᒻᒪᑦ ᐊᒻᒪᓗ ᑖᓐᓇ ᐊᖏᓗᐊᖅᓯᒪᓇᓂ ᐊᑭᑐᔪᖅᑐᕈᑎᒋᓯᒪᔭᑦᑎᓐᓂ. ᓯᕗᓪᓕᐅᑎᒍᒪᓯᒪᔭᕗᑦ ᑕᕝᕙᓂ ᐊᕐᕌᒎᓛᖅᑐᒧᑦ 2026-2027, ᐅᑯᐊ ᓇᓗᓇᐃᕋᕐᔪᓪᓗᖏᑦ: ᐅᖅᑰᓴᐅᓯᓕᕆᓂᕐᒧᑦ ᐊᒻᒪᓗ ᑖᓐᓇ ᐃᓪᓗᐊᕐᔪᐊᖅ ᐊᓂᖅᓵᑦᑎᐊᕈᓐᓇᕐᓂᐊᖁᓪᓗᒍ ᐊᒻᒪᓗ ᐋᖅᑭᒋᐊᖅᑕᐅᒍᓐᓇᖁᓪᓗᒋᑦ ᑕᒪᒃᑯᐊ ᐊᐅᓚᑦᑎᓯᒪᕙᑦᑕᖏᑦ ᒪᓕᒐᓕᐅᕐᕕᐅᑉ ᐃᓗᐊᒍᑦ. ᐊᒻᒪᓗ ᑕᒪᒃᑯᐊ, ᓲᕐᓗ ᐊᓪᓚᕝᕕᐅᑉ ᐃᓕᕈᑕᖏᑦᑕᐅᖅ ᑎᐳᐃᓪᓗ, ᓵᓪᓗ ᑕᒪᒃᑯᐊ ᐊᓯᔾᔨᕆᐊᖃᕐᒪᑕ, ᖃᕆᓴᐅᔭᐃᓪᓗ ᐃᓚᒋᓪᓗᒋᑦᑕᐅᖅ. ᑖᒃᑯᐊᖑᕗᑦ ᐱᒋᐊᕈᑎᒃᑲᓂ ᐊᒻᒪᓗ ᐊᐱᖅᑯᑎᖃᕐᓂᐊᕈᑦᓯ ᑭᐅᒐᓱᐊᖃᑦᑕᕐᓂᐊᕆᕙᒃᑲ. ᐃᒃᓯᕙᐅᑖᖅ, ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒪᒃᐱᖓᖅ A-3-ᒥᑦ ᐱᒋᐊᕐᓗᑕ. ᐊᓪᓚᕝᕕᖓ ᒪᓕᒐᓕᐅᕐᕕᐅᑉ, ᒪᓕᒐᓕᐅᕐᕕᐅᑉ ᐊᐅᓚᓂᖏᓐᓄᑦ, ᑲᑎᑦᑐᒋᑦ ᐊᑭᑐᔪᓄᑦ ᐊᑭᓕᐅᑎᑦ $250,000. ᐊᐱᖅᑯᑎᔅᓴᖅᑕᖃᖅᑳ? ᑕᑯᙱᓐᓇᒪ. ᐊᖏᖅᐱᓰ ᒪᓕᒐᓕᐅᕐᕕᐅᑉ ᐊᓪᓚᕝᕕᖓ ᐊᑭᑐᔪᖅᑐᕈᑎᔅᓴᖏᑦ $250,000-ᖑᒻᒪᑕ? ᐊᖏᖅᐱᓰ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᒪᔩᑦ ᐊᖏᖅᐹᑦ ᐱᔭᕇᕋᑦᑎᒍ ᐊᓪᓚᕝᕕᖓ ᒪᓕᒐᓕᐅᕐᕕᒻᒧᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᑐᓯᔾᔪᑎᓐᓂ ᐅᖃᐅᓯᔅᓴᖃᖅᑮᑦ, ᒥᔅᑕ ᐅᖃᖅᑏ? ᐅᖃᖅᑎ: ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᕆᕙᒃᑲ ᑖᒃᑯᐊ ᐃᖅᑲᓇᐃᔭᖅᑎᕗᑦ ᒪᓕᒐᓕᐅᕐᕕᖕᒥ. ᐸᕐᓇᓯᒪᑦᑎᐊᖅᑰᕐᒪᑕ ᐊᐱᖅᑯᑎᖃᕐᕕᐅᖏᓐᓇᑦᑕ, ᖁᔭᒋᑦᓯᐊᖅᐸᑦᓯᓗ ᑖᒃᑯᐊ ᒫᓐᓇᐅᔪᒥ ᐊᖏᕈᓐᓇᕋᔅᓯᐅᒃ ᐊᕐᕌᒎᓛᑦᖅᑐᒧᑦ ᐊᑐᕐᓂᐊᖅᑕᕗᑦ $250,000. ᑕᐃᒪᓗ. ᖁᔭᓐᓇᒦᒃ. >>ᐸᑦᑕᑐᖅᑐᑦ ᐃᒃᓯᕙᐅᑕᖅ (ᑐᓵᔨᑎᒍᑦ): ᐃᓱᓕᑉᐳᖅ ᑲᑎᒪᑐᐃᓐᓇᕐᓂᖅ ᑲᑎᒪᔨᕋᓛᑦ ᑕᒪᐃᓐᓄᑦ. ᒪᓕᒐᒃᓴᖅ 2-ᒨᕐᓗᓯ ᑕᕝᕙᓂ ᐃᔾᔪᔪᖁᑎᔅᓯᓐᓂᒃ. ᒪᒥᐊᓇᖅ. ᐃᖅᓱᒃᑏ, ᖁᔭᓐᓇᒦᒃ, ᑖᒃᑯᐊ ᐊᓂᑎᒍᓐᓇᓕᖅᑕᑎᑦ. ᒪᒥᐊᓇᐅᒐᓗᐊᖅ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 58 ᓱᓕᒃᑲᓐᓂᖅ, ᐃᓱᓕᑉᐳᖅ ᑲᑎᒪᑐᐃᓐᓇᕐᓂᖅ ᑲᑎᒪᔨᕋᓛᑦ ᑕᒪᐃᓐᓄᑦ. ᒪᓕᒐᒃᓴᖅ 2-ᒨᕐᓗᓯ ᑕᕝᕙᓂ ᐃᔾᔪᔪᖁᑎᔅᓯᓐᓂ. ᖁᔭᓐᓇᒦᒃ. ᑲᑎᒪᑐᐃᓐᓇᕐᒥᑦ ᑲᑎᒪᔨᕋᓛᑦ ᑕᒪᐃᓐᓄᑦ ᐱᒋᐊᒃᑲᓂᕐᓂᐅᓴᔪᒍᑦ. ᐊᖏᖃᑎᒌᑉᐱᑕ ᒪᓕᒐᒃᓴᖅ 2 ᐱᓕᕆᐊᕆᔪᒪᓪᓗᑎᒍᑦ, ᑮᓇᐅᔭᖅᑐᕈᑎᔅᓴᐃᑦ ᐊᑭᑐᔫᑎᓄᑦ ᒪᓕᒐᖅ, 2026-2027. ᑎᑎᕋᖅᓯᒪᓂᖏᑦ ᓇᓪᓕᑭᑕᕐᓗᒋᑦ. ᒪᓕᒐᒃᓴᖅ 2, ᑮᓇᐅᔭᖅᑐᕈᑎᔅᓴᐃᑦ ᐊᑭᑐᔫᑎᓄᑦ ᒪᓕᒐᖅ, 2026-2027 ᑎᑎᕋᖅᓯᒪᓂᖓ 1; ᐊᖏᖅᐱᓰ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᑎᑎᕋᖅᓯᒪᓂᖓ 2? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᑎᑎᕋᖅᓯᒪᓂᖓ 3? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒥᒃ. ᐅᐃᒍᖓ ᒪᒃᐱᒐᖅ 2-ᒥ, ᐅᐃᒍᖓ, ᐊᒥᓲᓂᖏᑦ ᓴᓂᕐᕙᒃᑕᐅᓯᒪᔪᑦ ᑮᓇᐅᔭᓕᕆᔾᔪᑎᔅᓴᐃᑦ ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓄᑦ ᐃᓱᓕᓪᓗᒍ ᒫᑦᓯ 31, 2027, ᑮᓇᐅᔭᖃᕐᕕᖓ 2 ᐊᑭᑐᔪᖅᑐᕈᑎᓄᑦ, ᑲᑎᑦᑐᒋᑦ ᐊᑭᑐᔪᖅᑐᕈᑎᓄᑦ ᑮᓇᐅᔭᖅᑐᕈᑎᔅᓴᐃᑦ $373,217,000. ᐊᖏᖅᑐᐃᓐᓇᐅᕕᓰ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑎᑎᕋᖅᓯᒪᓂᖓ 4? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑎᑎᕋᖅᓯᒪᓂᖓ 5? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑎᑎᕋᖅᓯᒪᓂᖓ 6? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᑲᑎᒪᔩᑦ ᐊᖏᖅᐹᑦ ᒪᓕᒐᒃᓴᖅ 2-ᒥᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᒪᔩᑦ ᐊᖏᖅᑳᑦ ᒪᓕᒐᒃᓴᖅ 2 ᑲᑎᒪᔾᔪᑎᔅᓴᓄᑦ ᐃᓕᔭᐅᖁᓪᓗᒍ ᐱᖓᔪᐊᓐᓄᑦ ᐅᖃᓕᒫᖅᑕᐅᖁᓪᓗᒍ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᓇᐃᓈᖅᓯᒪᔪᑦ ᓄᖅᑲᐅᓯᕈᑎᑎᑦ. ᓯᕗᓕᖅᑎ ᒪᐃᓐ? ᑕᐃᒪᐃᓕᖓᒻᒪᑦ.

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 59 >>ᐃᓪᓚᖅᑐᑦ ᐃᒃᓯᕙᐅᑕᖅ (ᑐᓵᔨᑎᒍᑦ): ᐱᔭᕇᖅᑯᑦ ᐱᓕᕆᐊᒃᓴᕗᑦ ᒪᓕᒐᓕᐅᕐᕕᒻᒥ, ᐊᒻᒪᓗ ᓂᑯᕕᓐᓂᐊᓕᖅᑯᖓ ᓄᖅᑲᕆᐊᕐᓂᐊᓕᕋᑦᑕ. >>ᑲᑎᒪᑐᐃᓐᓇᕐᓂᖅ ᓄᖅᑲᖅᑐᖅ ᐊᒻᒪᓗ ᒪᓕᒐᓕᐅᖅᑏᑦ ᑲᑎᒪᓂᖓ ᐱᒋᐊᖅᑐᖅ 19:07 ᐅᖃᖅᑎ: ᑲᑎᒪᔾᔪᑎᑦᑎᓐᓄᑦ, ᑲᑎᒪᔾᔪᑎᒃᓴᖅ 20, ᑲᑎᒪᑐᐃᓐᓇᖅᑎᓪᓗᒋᑦ ᐅᓂᒃᑳᑦ, ᒥᔅᑕ ᐲᑕᓴᓐ. ᑲᑎᒪᔾᔪᑎᒃᓴᖅ 20: ᑲᑎᒪᔨᕋᓛᑦ ᑕᒪᐃᓐᓄᑦ ᐅᓂᒃᑳᖏᑦ ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑲᑎᒪᔨᕋᓛᖁᑎᑎ ᐃᓱᒪᒃᓴᖅᓯᐅᕈᑎᖃᕋᑖᖅᑯᑦ ᒪᓕᒐᒃᓴᖅ 2-ᒥ ᐊᒻᒪᓗ ᓇᓗᓇᐃᖅᓯᒍᒪᕗᖓ ᒪᓕᒐᒃᓴᖅ 2 ᐱᔭᕇᕐᖓᑦ ᐊᒻᒪᓗ ᐊᑐᐃᓐᓇᐅᓕᖅᑯᖅ ᐱᖓᔪᐊᓐᓂ ᐅᖃᓕᒫᖅᑕᐅᓂᖓᓄᑦ. ᐅᖃᖅᑏ, ᐱᖁᔨᕗᖔᖅᐳᖓ ᐅᓂᒃᑳᖓ ᑲᑎᒪᔨᕋᓛᑦ ᑕᒪᐃᓐᓄᑦ ᐊᖏᖅᑕᐅᖁᓪᓗᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐱᖁᔨᕗᖔᕈᑎᑕᖃᕐᒪᑦ. ᐊᐃᑉᐱᖅᑕᐅᕚ? ᒥᔅᑕ ᓯᒪᐃᓚᒃ. ᓈᒻᒪᓴᖅᑐᑦ? ᐊᑭᕋᖅᑐᖅᑐᑦ? ᐱᖁᔨᕗᖔᕈᑎ ᑲᔪᓯᔪᖅ. ᐱᖓᔪᐊᓐᓂ ᐅᖃᓕᒫᖅᑕᐅᓂᖏᑦ ᐱᖁᔭᒃᓴᑦ. ᑮᓇᐅᔭᓕᕆᓂᕐᒧᑦ ᒥᓂᔅᑕᖓ, ᒥᔅᑕ ᒪᐃᓐ. ᑲᑎᒪᔾᔪᑎᒃᓴᖅ 21: ᐱᖓᔪᐊᓐᓂ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ ᐱᖁᔭᒃᓴᖅ 2 − ᑮᓇᐅᔭᖅᑐᕈᑎᔅᓴᐃᑦ (ᐊᑭᑐᔫᑎᓄᑦ) ᐱᖁᔭᖅ, 2026-2027 - ᐱᖓᔪᐊᓐᓂ ᐅᖃᓕᒫᖅᑕᐅᓂᖓ ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᐱᖁᔨᕗᖔᖅᐳᖓ, ᐊᐃᑉᐱᑕᐅᓪᓗᖓ ᒪᓕᒐᓕᐅᖅᑎ ᐃᖃᓗᐃᑦ−ᑕᓯᓗᒻᒧᑦ ᒪᓕᒐᒃᓴᖅ 2, ᑮᓇᐅᔭᖅᑐᕈᔅᓴᐃᑦ (ᐊᑭᑐᔫᑎᓄᑦ) ᐱᖁᔭᖅ, 2026-2027 ᐱᖓᔪᐊᓐᓂ ᐅᖃᓕᒫᖅᑕᐅᖁᓪᓗᒍ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᐱᖁᔨᕗᖔᕈᑦ ᓈᒻᒪᑦᑐᖅ, ᓈᒻᒪᓴᖅᑐᑦ? ᓈᒻᒪᓴᙱᑦᑐᑦ? ᑖᓐᓇᑦᑕᐅᖅ ᑲᔪᓯᒋᕗᖅ. ᐱᖁᔭᒃᓴᖅ 2 ᑲᒥᓯᓇᒧᑦ ᐊᖏᖅᑕᐅᒍᓐᓇᖅᓯᕗᖅ. ᑖᒃᑯᐊ ᑲᑎᒪᔾᔪᑎᕗᑦ 22, ᑲᑎᒪᔾᔪᑎᒃᓴᐃᑦ. ᒥᔅᑕ ᐃᓄᒃᓱᒃ. ᑲᑎᒪᔾᔪᑎᒃᓴᖅ 22: ᑲᑎᒪᔾᔪᑎᒃᓴᐃᑦ ᑎᑎᕋᖅᑎ: ᖁᔭᓐᓇᒦᒃ. ᖃᐅᑉᐸᑦ ᐅᓪᓛᒃᑯᑦ ᑲᑎᒪᓂᖅ ᐱᒋᐊᓛᖅᑐᑦ 10-ᒧᐊᖅᐸᑦ. ᑲᑎᒪᔾᔪᑎᒃᓴᐃᑦ, ᒫᑦᓯ 17: 1. ᑐᒃᓯᐊᕐᓂᖅ 2. ᐊᖓᔪᖅᑳᑦ ᐅᖃᐅᓯᖏᑦ 3. ᒪᓕᒐᓕᐅᖅᑏᑦ ᐅᖃᐅᓯᖏᑦ 4. ᑭᐅᔾᔪᑎᑦ ᐅᖃᐅᓯᒃᑯᑦ ᐊᐱᖅᑯᑎᓄᑦ

ᐅᓪᓗᑐᐃᓐᓇᖅ, ᒫᑦᓯ 16, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 60 5. ᐃᓕᑕᖅᓯᓂᖅ ᐳᓛᖅᑎᓂᑦ 6. ᐅᖃᐅᓯᒃᑯᑦ ᐊᐱᖅᑯᑎᑦ 7. ᑎᑎᖅᑲᒃᑯᑦ ᐊᐱᖅᑯᑎᑦ 8. ᑭᐅᔾᔪᑎᑦ ᑎᑎᖅᑲᒃᑯᑦ ᐊᐱᖅᑯᑎᓄᑦ 9. ᑭᐅᔾᔪᑎᑦ ᒪᑐᐃᕈᑎᒧᑦ 10. ᐊᑎᓕᐅᕈᑕᐅᓯᒪᔪᑦ 11. ᑭᐅᔾᔪᑎᑦ ᐊᑎᓕᐅᕈᑕᐅᓯᒪᔪᓄᑦ 12. ᑲᑎᒪᔨᕋᓛᑦ ᑲᑎᒪᔨᕋᓛᖑᑲᐃᓐᓇᖅᑐᓪᓗ ᒪᓕᒐᒃᓴᓂᑦ ᐊᓯᖏᓐᓂᓪᓗ ᐅᓂᒃᑳᖏᑦ 13. ᑎᑎᖅᑲᓂᑦ ᓴᖅᑭᑎᕆᓂᖅ 14. ᖃᐅᔨᒃᑲᐃᒍᑎᑦ ᐱᒋᐊᖅᑎᑕᒃᓴᓂᑦ 15. ᖃᐅᔨᒃᑲᐃᒍᑎᑦ ᐱᒋᐊᖅᑎᑕᒃᓴᓂᑦ ᒪᓕᒐᒃᓴᐃᑦ ᐅᖃᓕᒫᕐᓂᒃᓴᒥᒃ ᓯᕗᓪᓕᖅᐹᖓᓐᓂᒃ 16. ᐱᒋᐊᖅᑎᑕᐃᑦ 17. ᓯᕗᓪᓕᖅᐹᒥᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 18. ᐊᐃᑉᐹᓂᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 19. ᑲᑎᒪᔨᕋᓛᑦ ᑕᒪᐃᓐᓄᑦ ᒪᓕᒐᒃᓴᓄᑦ ᐊᓯᖏᓐᓂᓪᓗ ᐃᓱᒪᖅᓴᖅᓯᐅᕐᓂᖏᑦ ᒪᓕᒐᒃᓴᖅ 1 ᒪᓕᒐᒃᓴᖅ 3 ᒪᓕᒐᒃᓴᖅ 4 20. ᑲᑎᒪᔨᕋᓛᑦ ᑕᒪᐃᓐᓄᑦ ᐅᓂᒃᑳᖓᑦ 21. ᐱᖓᔪᐊᓐᓂᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 22. ᑲᑎᒪᔾᔪᑎᒃᓴᐃᑦ ᖁᔭᓐᓇᒦᒃ. >>ᐸᑦᑕᑐᖅᑐᑦ ᐅᖃᖅᑎ: ᐱᔪᓐᓇᖅᑎᑕᐅᓂᕋ ᒪᓕᒃᖢᒍ ᐱᖁᔨᕗᖔᕈᑎ 11-7(1), ᐱᒋᐊᒃᑲᓐᓂᓛᕆᕗᒍᑦ ᒫᑦᓯ 17-ᒥ 10:00- ᒧᐊᖅᐸᑦ ᐅᓪᓛᒃᑯᑦ. ᐃᖅᓱᖅᑏ. >>ᑲᑎᒪᓂᖅ ᓄᖅᑲᖅᑐᖅ 19:11