ᒪᓕᒐᓕᐅᕐᕕᒻᒥ ᑲᑎᒪᔾᔪᑎᒥᓃᑦ ᐋᖅᑭᒋᐊᖅᓯᒪᓐᖏᑦᑐᑦ ᓇᕿᑦᑕᖅᑕᐅᓯᒪᔪᑦ ᕿᑎᖅᑰ, ᔫᓂ 11, 2026 ᐃᖃᓗᐃᑦ, ᓄᓇᕗᑦ ᐋᖅᑭᒋᐊᕈᑎᑦ: ᐊᑏ ᐅᑎᖅᑎᓯᐅᒃ ᐋᖅᑭᒋᐊᖅᑕᐅᔪᐃᑦ ᑎᑎᕋᖅᑎᒧᑦ ᐅᕝᕙᓘᓐᓃᑦ ᑐᖏᓕᐊᓄᑦ ᒪᓕᒐᓕᐅᕐᕕᒻᒥ ᑲᑎᒪᔾᔪᑎᒥᓃᑦ ᓇᕿᔾᔪᑕᐅᓐᖏᓚᑦ ᑐᑭᓕᐊᖅᑕᐃᓐᓇᕆᓗᒋᑦ ᒪᓕᒐᓕᐅᖅᑏᑦ ᐊᐃᕙᓂᖏᑦ. ᓇᕿᑕᐅᓯᒪᑐᐃᓐᓇᖅᑐᐃᑦ ᐅᖃᐅᓯᐅᓪᓗᐊᑕᖅᑐᑦ. ᐅᖃᖅᑕᐅᒃᑲᓂᖅᑐᒥᒃ ᐊᓯᐊᑎᒍᓪᓘᓐᓃᑦ ᓲᕐᓗ ᓇᓗᓇᐃᖅᑕᐅᔪᖃᒃᑲᓐᓂᕆᐊᖃᖅᐸᑦ ᐋᖅᑭᒋᐊᖅᑕᐅᔪᓐᓇᖅᑐᑦ ᑭᓇᑐᐃᓐᓇᖅ ᒪᓕᒐᓕᐅᕐᕕᒻᒥ ᑲᑎᒪᔾᔪᑎᓂᑦ ᐅᖃᓕᒫᖅᑐᑦ ᓱᖅᑯᐃᒪᓂᐊᕐᒪᑦ ᐅᖃᖅᑕᒥᓂᕐᒥᒃ. ᑲᑎᒪᐅᑎᒥᓂᓕᕆᔪᑦ ᐅᖃᓕᒫᕋᓐᓂᑦᑎᑦᓯᔭᕆᐊᓖᑦ ᐊᔾᔨᒌᑉᐸᓐᖏᒻᒪᑎᒃ ᐅᖃᖅ ᑕᐅᔪᖅ ᑎᑎᕋᖅᓯᒪᔪᕐᓗ. ᐊᐃᕙᔾᔪᑎᒥᓃᑦ, ᓯᑎᐱᕆ 20, 1983, ᒪᑉᐱᑐᒐᖓ 27299. ᐴᓯᔅᓂᐅᑉ 6-ᖓᓐᓂᒃ ᓇᕿᑕᐅᔾᔪᑎᖓ, ᑎᓕᓯᔾᔪᑎᒃ 55

ᓄᓇᕗᑦ ᒪᓕᒐᓕᐅᕐᕕᖓ ᐅᖃᖅᑎ ᐊᖓᔪᖅᑳᖅ ᑕᐃᕕᑎ ᔪᐊᓇᓯ (ᕿᑭᖅᑖᓘᑉ ᓂᒋᐊ) ᐊᐅᓚᑦᑎᔩᑦ ᐊᓪᓚᑦᑎᐅᑲᐃᓐᓇᖅᑐᖅ ᐊᓪᓚᑦᑎᐅᑉ ᑐᓪᓕᐊ ᓯᑏᕙᓐ ᐃᓄᒃᓱᒃ ᕙᓐᑎ ᐱᐊᓐᔅ ᐊᓪᓚᑦᑎᐅᑉ ᐃᑲᔪᖅᑎᖓ ᖂᔪ ᓄᓱᑦᑕᖅ ᒪᓕᒐᓕᕆᔨ ᒪᐃᑯᓪ ᓵᓐᑐᓗ ᐃᖅᓱᖅᑎ ᒪᓕᒃᑐ ᓄᓱᑦᑕᖅ ᑲᑎᒪᐅᑎᓂᒃ ᐋᖅᑭᒃᓱᐃᔩᑦ ᐅᖃᐅᓯᕐᒥᒃ ᐅᖃᐅᓯᕐᒧᑦ ᑎᒥᖓᑦ ᑎᑎᖅᑲᒃᑯᕕᒃ 1200 ᐃᖃᓗᐃᑦ, ᓄᓇᕗᑦ X0A 0H0 ᐅᖄᓚᐅᑖ (867) 975-5000 ᓱᒃᑲᕈᑖ (867) 975-5190 ᐊᑭᖃᓐᖏᑦᑐᖅ (877) 334-7266 ᐊᖓᔪᖅᑳᖅ ᒍᐊᐃᓐ Hᐄᓕ ᐊᕿᐊᕈᖅ (ᐃᖃᓗᐃᑦ−ᒪᓂᕋᔭᒃ) ᒥᓂᔅᑕ ᐃᓄᓕᕆᔨᒃᑯᓐᓄᑦ;ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂᑦ; ᒥᓂᔅᑕ ᑲᒪᒋᔭᖃᖅᑐᖅ ᐊᖏᕐᕋᖃᖏᓐᓂᕐᒥᒃ; ᒥᓂᔅᑕ ᑲᒪᒋᔭᖃᖅᑐᖅ ᐊᒃᖢᓂᕐᒥᒃ ᒥᒃᖠᒋᐊᖅᑎᑦᑎᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐊᕐᓇᐃᑦ ᑲᑎᒪᔨᖏᓐᓂᒃ; ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ (ᐃᖃᓗᐃᑦ-ᓂᐊᖁᙴ) ᒐᕙᒪᒃᑯᑦ ᓯᕗᒃᑲᖅᑕᖅᑎᖓ; ᒥᓂᔅᑕ ᐃᓕᓐᓂᐊᖅᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓯᓚᑦᑐᖅᓴᕐᕕᖕᒥᒃ ᕼᐋᓇ ᐊᖑᑎᐊᓗᒃ (ᐊᐃᕕᓕᒃ) ᐃᐊᑦᕗᑦ ᐊᑕᒍᑦᑖᓗᒃ (ᐊᒡᒍ) ᐊᖓᔪᖅᑳᖅ ᔮᓂᑦ ᐳᕉᔅᑐ (ᐃᖃᓗᐃᑦ-ᓯᓈ) ᒥᓂᔅᑕ ᐋᓐᓂᐊᖃᕐᓇᓐᖏᑦᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᐊᖓᔪᖅᑳᖅ ᔪᐊᔾ Hᐃᒃᔅ (ᐃᖃᓗᐃᑦ-ᑕᓯᓗᒃ) ᓄᓇᕗᒻᒧᑦ ᓯᕗᓕᖅᑎᐅᑦ ᑐᖓᓕᖓ; ᒥᓂᔅᑕ ᒪᓕᒐᓕᕆᓂᕐᒧᑦ; ᒥᓂᔅᑕ ᐃᖏᕐᕋᔪᓕᕆᓂᕐᒧᑦ ᒪᑭᒪᐅᑎᓄᓪᓗ; ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑐᓕᕆᓂᕐᒧᑦ ᑲᑎᒪᔨᓂᒃ; ᒥᓂᔅᑕ ᑲᒪᒋᔭᖃᖅᑐᖅ ᐃᓄᐃᑦ ᐱᔪᓐᓇᐅᑎᖏᓐᓄᑦ ᑲᑎᒪᔨᓂᒃ ᔭᐃᒥ ᖃᑉᓗᑦᓯᐊᖅ (ᐊᕐᕕᐊᑉ ᓂᒋᐊ) ᕗᕆᐊᑦ ᐲᑕᓴᓐ (ᐃᖃᓗᒃᑑᑦᑎᐊᖅ) ᒍᐊᑕᓐ ᑲᐅᑕᒃ (ᐅᖅᑯᒻᒥᐅᑦ) ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓄᓂᖅ) ᒥᓂᔅᑕ ᐃᓕᖅᑯᓯᓕᕆᔨᒃᑯᑦ; ᒥᓂᔅᑕ ᐅᖃᐅᓯᓕᕆᓂᕐᒧᑦ; ᒥᓂᔅᑕ ᐊᕙᑎᓕᕆᓂᕐᒧᑦ; ᒥᓂᔅᑕ ᐆᒻᒪᖅᑯᑎᓕᕆᓂᕐᒧᑦ ᓴᐃᒪᓐ ᖁᓕᒃᑖᓇ (ᖁᕐᓗᖅᑑᖅ) ᐊᖓᔪᖅᑳᖅ ᓯᓯᐅᓪ ᓂᐅᓪᕙᓇ ᓚᐃᔪᓪ (ᓇᑦᓯᓕᒃ) ᒥᓂᔅᑐ ᑲᒪᒋᔭᖃᖅᑐᖅ ᓄᓇᕘᑉ ᐃᒡᓗᓕᕆᔨᕐᔪᐋᒃᑯᖏᓂ ᐊᖓᔪᖅᑳᖅ ᐋᕐᓗᒃ ᒪᐃᓐ (ᐊᕐᕕᐊᑉ ᐅᐊᓐᓇᖓ-ᑎᑭᕌᕐᔪᐊᖅ) ᓯᕗᓕᖅᑎ ᓄᓇᕗᒻᒥ; ᒥᓂᔅᑕ ᓯᕗᓕᖅᑎᓄᑦ ᒐᕙᒪᐅᖃᑎᒌᒃᑐᓕᕆᔨᒃᑯᓐᓄᓪᓗ; ᒥᓂᔅᑕ ᑮᓇᐅᔭᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᖃᖅᑳᖅᓯᒪᔪᓕᕆᓂᕐᒥᒃ; ᒥᓂᔅᑕ ᑲᒪᒋᔭᖃᖅᑐᖅ ᑲᓇᑕᐅᑦ ᓯᓚᑖᓃᖖᒑᖅᑐᓄᑦ; ᒥᓂᔅᑕ ᑲᒪᒋᔭᖃᖅᑐᖅ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᓐᓇᕐᓂᒃ; ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᒥᓴᓐ; ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᑎᒪᔨᖏᓐᓄᑦ; ᔮᓂ ᒪᐃᒃ (ᐸᓐᓂᖅᑑᖅ) ᑕᐃᕕᑦ ᐳᐊᑐ (ᐅᖅᓱᖅᑑᖅ) ᐊᐃᕝᕙᓚᕼᐋ ᖃᒪᓂᖅ (ᐊᒥᑦᑐᖅ) ᐃᓄᖃᕈᓐᓃᖅᑐᖅ (ᑕᓯᐅᔭᕐᔪᐊᖅ) ᐋᓕᒃᓵᓐᑐ ᓴᒻᒧᖅᑐᖅ (ᑲᖏᖅᖠᓂᐅᑉ ᐅᐊᓐᓇᖓ-ᐃᒡᓗᓕᒑᕐᔪᒃ) ᐃᓐᓇᖓᔪᖅ ᖂᑭᐊᖅ (ᓇᑦᓯᓕᒃ) ᐋᓕᒃᓵᓐᑐ ᓴᒻᒧᖅᑐᖅ (ᑲᖏᖅᖠᓂᐅᑉ ᐅᐊᓐᓇᖓ-ᐃᒡᓗᓕᒑᕐᔪᒃ) ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᖃᒪᓂᑦᑐᐊᖅ) ᒥᓂᔅᑕ ᓄᓇᓕᖕᓂ ᒐᕙᒪᒃᑯᓂᓪᓗ ᐱᔨᑦᑎᖅᑎᒃᑯᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᒃ; ᒥᓂᔅᑕ ᑲᒪᒋᔭᖃᖅᑐᖅ ᐅᔭᕋᖕᓂᐊᕐᓂᕐᒧᑦ; ᒥᓂᔅᑕ ᑕᐅᖅᓯᕋᕐᓂᕐᒥᒃ ᐱᓕᕆᐊᒃᓴᓕᒃ; ᐊᖓᔪᖅᑳᖅ ᐋᓂ ᑕᑦᑐᐃᓂ (ᑲᖏᖅᖠᓂᐅᑉ ᓂᒋᐊ) ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐊᒃᑯᒫᓂᒃ ᖃᐅᔨᓴᖅᑏᑦ ᓯᑏᕙᓐ ᑕᖅᑐ (ᖁᑦᑎᒃᑐᕐᒃ)

ᖃᕋᓴᐅᔭᑎᒍᑦ ᑐᕌᕈᑎᖓᑦ: www.assembly.nu.ca

ᐃᓗᓕᖏᑕ ᓇᓕᖅᑲᖏᑦ ᑐᒃᓯᐊᕐᓂᕐᒧᑦ ᒪᑐᐃᖅᑕᐅᓂᖓ ............................................................................................................................................... 1 ᐊᖓᔪᖅᑳᑦ ᐅᖃᐅᓯᖏᑦ .......................................................................................................................................................... 1 ᒪᓕᒐᓕᐅᖅᑏᑦ ᐅᖃᐅᓯᖏᑦ .................................................................................................................................................... 6 ᑭᐅᔾᔪᑎᑦ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᓄᑦ ................................................................................................................... 11 ᐃᓕᑕᖅᓯᓂᖅ ᑐᓵᔭᖅᑐᖅᓯᒪᔪᓂᒃ ᒪᓕᒐᓕᐅᕐᕕᒻᒧᑦ .......................................................................................................... 12 ᐅᖃᐅᓯᒃᑯᑦ ᐊᐱᖅᑯᑎᑦ ......................................................................................................................................................... 13 ᓴᖅᑭᑕᐅᓂᖏᑦ ᑎᑎᖅᑲᐃᑦ................................................................................................................................................... 26 ᑲᑎᒪᔨᕋᓛᑦ ᑲᑎᒪᑐᐃᓐᓇᖅᑎᓪᓗᒋᑦ ᐃᓱᒪᒃᓴᖅᓯᐅᖅᑕᐅᓂᖏᑦ ᒪᓕᒐᒃᓴᐃᑦ ᐊᓯᖏᓪᓗ ............................................. 27 ᑲᑎᒪᔨᕋᓛᑦ ᑲᑎᒪᑐᐃᓐᓇᓚᐅᖅᑎᓪᓗᒋᑦ ᐅᓂᒃᑳᖓᑦ ....................................................................................................... 40 ᐱᖓᔪᐊᓐᓂᒃ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᐃᑦ ................................................................................................................ 41 ᐊᖏᖅᑕᐅᓂᖏᑦ ᒪᓕᒐᒃᓴᐃᑦ ............................................................................................................................................... 41 ᑲᑎᒪᔾᔪᑎᒃᓴᐃᑦ ....................................................................................................................................................................... 42 ᐅᖃᖅᑎᐅᑉ ᐅᖃᐅᓯᒃᓴᖏᑦ ................................................................................................................................................... 43

ᐃ. ᖃᐅᑕᒫᒧᑦ ᖃᐅᔨᒋᐊᕈᑎᑦ ᕿᑎᖅᑰ, ᔫᓂ 11, 2026 ....................................................................................................................................................... 1 ᐅ. ᐊᖓᔪᖅᑳᑦ ᐅᓂᒃᑳᖏᑦ 82 - 7(2): ᑐᖅᑯᖅᑕᐅᓂᖏᑦ ᐱᔪᓐᓇᐅᑎᒧᑦ ᓅᑦᑎᕆᔾᔪᑎᓐ ᒪᓕᒐᐃᑦ (ᒪᐃᓐ) ............................................................. 1 83 - 7(2): ᐱᒋᐊᖅᑎᑕᖅ ᐃᓕᓐᓂᐊᒃᑲᓐᓂᕐᓂᖅ ᐃᖅᑲᓇᐃᔮᕆᔭᒃᓴᒧᑦ ᐅᖃᓕᒫᒐᖓ (ᐊᕿᐊᕈᖅ) ............................ 3 84 - 7(2): ᐊᑎᖓᑦ ᐊᓯᔾᔨᖅᑕᐅᓂᖓ ᓄᓇᕘᑉ ᓯᓚᐅᑉ ᐊᔾᔨᒋᔪᓐᓃᕐᓂᐊᓄᑦ ᓴᓇᕐᕈᑎᒋᔭᖓᑕ (ᑯᓄ) .................... 4 85 - 7(2): ᓄᓇᕘᑉ ᓯᓚᑦᑐᖅᓴᕐᕕᖓᑕ 2026 ᐅᐱᕐᖓᒃᑯᑦ ᐊᓂᒍᐃᔪᑦ ᐱᔮᕇᖅᑐᓄᓪᓗ ᖁᕕᐊᓲᑎᒋᔭᑦ (ᐊᕿᐊᕈᖅ) ........................................................................................................................................................................ 4 ᐊ. ᒪᓕᒐᓕᐅᖅᑏᑦ ᐅᓂᒃᑳᖏᑦ 87 - 7(2): ᐃᓕᓴᕆᔭᖃᓐᓂᖅ ᓂᕈᐊᖅᑎᖁᑎᓐᓂᒃ (ᖁᓕᒃᑖᓇ)...................................................................................... 6 88 - 7(2): ᐊᐅᓱᐃᑦᑐᕐᒥ ᖃᐅᓱᐃᑦᑐᕐᒥᓪᓗ ᐊᓂᒍᐃᔪᖁᑎᖏᑦ (ᑕᖅᑐ) ........................................................................ 6 89 - 7(2): ᓂᕈᐊᕐᕕᓐᓂ ᓄᑖᕈᖅᓯᒪᔪᑦ (ᐲᑕᓴᓐ) .............................................................................................................. 6 90 - 7(2): ᐸᕐᓈᖃᓐᓂᖅ ᐊᐱᖅᑯᑎᒃᓴᓂᒃ ᐅᑭᐊᒃᓵᒥᑦ ᑲᑎᒪᓂᒃᓴᒧᑦ (ᒪᐃᒃ) ................................................................ 7 91 - 7(2): ᐃᓄᒃᓱᖕᒥ ᖁᑦᑎᖕᓂᖅᓴᑦ ᐊᓂᒍᐃᔪᑦ (ᕼᐄᓕ-ᐊᕿᐊᕈᖅ) ............................................................................ 8 92 - 7(2): ᐊᓂᒍᐃᔪᑦ ᐃᖃᓗᖕᓂ (ᕼᐃᒃᔅ) ........................................................................................................................ 9 93 - 7(2): ᐃᓱᒪᒋᓪᓗᒋᑦ ᐅᐱᕐᖔᒃᑯᑦ ᑲᑎᒪᓂᕆᔭᕗᑦ (ᑯᓄ) ......................................................................................... 9 94 - 7(2): ᑕᑯᒃᓴᕈᖅᑕᒧᑦ ᒪᑐᐃᖅᑐᓐ ᒪᑐᐃᕆᔾᔪᑎᓐ (ᓯᒪᐃᓚᒃ) .................................................................................. 10 95 - 7(2): ᐊᓂᒍᐃᔪᓄᑦ ᖁᕕᐊᓲᑎᓕᐊᖑᔪᑦ (ᐊᕿᐊᕈᖅ) ............................................................................................ 11 ᐱ. ᑭᐅᔾᔪᑏᑦ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᓄᑦ

69 - 7(2): ᐃᓄᖃᙱᑦᑐᑦ ᐃᖅᑲᓇᐃᔮᑦ ᐊᕐᕕᐊᓂ (ᐊᕿᐊᕈᖅ) ................................................................................... 11 ᐳ. ᐅᖃᐅᓯᒃᑯᑦ ᐊᐱᖅᑯᑎᑦ 122 - 7(2): ᓂᕿᖃᑦᑎᐊᓐᓂᖅ ᐊᒥᒐᖅᓴᖏᓪᓗᑎᒃ (ᑕᖅᑐ).......................................................................................... 13 123 - 7(2): ᐆᒪᔪᓕᕆᓂᖅ ᑲᒪᒋᔭᑦ ᕿᑎᕐᒥᐆᑦ ᐊᒡᒍᖅᓯᒪᓂᐊᓂ (ᖁᓕᒃᑖᓇ) ........................................................... 16 124 - 7(2): ᑭᒡᒍᑎᒃᓴᖅ ᑎᑎᖅᑲᒃᑯᑦ ᑭᐅᔭᐅᓂᖓᑕ ᐳᕙᒡᓗᓐᓂᕐᒧᑦ (ᒪᐃᒃ) .............................................................. 18 125 - 7(2): ᓴᒃᑯ ᐃᓕᓐᓂᐊᕐᕕᖓ (ᐊᖑᑎᐊᓗᒃ) ........................................................................................................... 19 126 - 7(2): ᕿᑭᖅᑖᓗᒻᒥ ᑐᒃᑐᓕᕆᓂᖅ ᑲᒪᒋᔭᐅᓂᖓᓄᑦ (ᑲᐅᑐᖅ) ......................................................................... 21 127 - 7(2): ᓄᓇᓕᑦᑎᓐᓂ ᐱᖁᑎᔾᔪᐋᖏᓄᑦ (ᖃᑉᓗᑦᓯᐊᖅ) ....................................................................................... 22 128 - 7(2): ᐱᓕᕆᐊᖏᓄᑦ ᓴᓇᔨᑦ ᐅᓗᕆᐋᓇᔾᔭᐃᑯᑎᖏᓄᑦ ᐊᑭᓕᐆᑎᐅᓲᓪᓗ ᐋᓐᓂᖅᑐᓄᑦ ᑲᒥᓴᙵᑕ (ᖃᑉᓗᑦᓯᐊᖅ) .................................................................................................................................................................. 24 ᐸ. ᓴᖅᑭᑕᐅᓂᖏᑦ ᑎᑎᖅᑲᐃᑦ 34 - 7(2): ᐱᔪᓐᓇᐅᑎᒧᑦ ᓅᑦᑎᕆᔾᔪᑎᓐ ᒪᓕᒐᐃᑦ (ᒪᐃᓐ) ........................................................................................... 26 35 - 7(2): 2025 ᐊᖅᐸᓯᓛᖅ ᑮᓇᐅᔭᓕᐊᓄᑦ ᐊᕐᕌᒍᑕᒫᖅᓯᐅᑦ ᐅᓂᒃᑳᖓ (ᕼᐃᒃᔅ) ................................................ 26 36 - 7(2): ᒪᓕᒐᓄᑦ ᐱᔨᑦᑎᖅᑏᓐ ᑲᑎᒪᔨᖏᑦ ᓄᓇᕘᑉ 2022-2023 ᐊᕐᕌᒍᑕᒫᖅᓯᐅᑦ ᐅᓂᒃᑳᖓ (ᕼᐃᒃᔅ) ........ 26 37 - 7(2): ᑲᓇᑕᒥ ᐃᒪᕐᒥᐅᑕᓕᕆᔨᒃᑯᑦ - ᑲᓛᖠᑦ ᓇᑖᕐᓇᖏᓄᑦ - ᐅᐊᖕᓇᖅᐸᓯᕐᒥ ᐊᑦᓛᓐᑎᒃ ᐃᖃᓗᓕᕆᔨᑦ ᑎᒥᖏᑕ ᐊᒡᒍᖅᓯᒪᔭᖏᑦ ᐃᖃᓗᒐᓱᒡᕖᑦ (ᒪᐃᒃ) ....................................................................................................... 26 38 - 7(2): ᑎᑎᖅᓯᒪᔪᑦ ᐊᓂᒍᖅᓯᒪᖏᑦᑐᑦ ᒪᓕᒐᒃᑯᑦ ᐊᑐᖁᔭᐅᔪᑦ ᑐᖅᑯᖅᑕᐅᔪᒃᓴᓄᑦ (ᔪᐊᓇᓯ) .......................... 26 ᑎ. ᒪᓕᒐᒃᓴᐃᑦ ᒪᓕᒐᒃᓴᖅ 2 – ᖄᒃᑲᓐᓂᐊᒍᑦ ᐊᑐᑲᐃᓐᓇᖅᑕᐅᔪᒃᓴᑦ (ᐊᑭᑐᔫᑎᓐ) ᓇᐄᓴᐅᑖ 1. 2026-2027 – ᑲᑎᒪᔨᕋᓛᓄᑦ ᐃᓱᒪᒃᓴᖅᓯᐅᖅᑕᐅᓂᖓ ................................................................................................................................................ 27

ᒪᓕᒐᒃᓴᖅ 4 – ᐊᔾᔨᒌᖏᑦᑑᑎᓐ ᒪᓕᒐᓕᐊᖑᓯᒪᔪᓄᑦ ᒪᓕᒐᖅ – ᑲᑎᒪᔨᕋᓛᓄᑦ ᐃᓱᒪᒃᓴᖅᓯᐅᖅᑕᐅᓂᖓ ............. 33 ᒪᓕᒐᒃᓴᖅ 3 – ᒪᓕᒐᖅ ᐊᖅᑮᔾᔪᑎᒃᓴᖅ ᐃᓐᑲᒻ ᑖᒃᓯᐅᑉ ᒪᓕᒐᖓᓂᒃ – ᑲᑎᒪᔨᕋᓛᓄᑦ ᐃᓱᒪᒃᓴᖅᓯᐅᖅᑕᐅᓂᖓ .. 36 ᒪᓕᒐᒃᓴᖅ 2 - ᖄᒃᑲᓐᓂᐊᒍᑦ ᐊᑐᑲᐃᓐᓇᖅᑕᐅᔪᒃᓴᑦ (ᐊᑭᑐᔫᑎᓐ) ᓇᐄᓴᐅᑖ 1. 2026-2027 – ᐱᖓᔪᐊᓐᓂᒃ ᐅᖃᓕᒫᖅᑕᐅᓂᖓ ........................................................................................................................................................ 41 ᒪᓕᒐᒃᓴᖅ 3 - ᒪᓕᒐᖅ ᐊᖅᑮᔾᔪᑎᒃᓴᖅ ᐃᓐᑲᒻ ᑖᒃᓯᐅᑉ ᒪᓕᒐᖓᓂᒃ – ᐱᖓᔪᐊᓐᓂᒃ ᐅᖃᓕᒫᖅᑕᐅᓂᖓ ............ 41 ᒪᓕᒐᒃᓴᖅ 4 - ᐊᔾᔨᒌᖏᑦᑑᑎᓐ ᒪᓕᒐᓕᐊᖑᓯᒪᔪᓄᑦ ᒪᓕᒐᖅ – ᐱᖓᔪᐊᓐᓂᒃ ᐅᖃᓕᒫᖅᑕᐅᓂᖓ ....................... 41

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 1 ᐃᖃᓗᐃᑦ, ᓄᓇᕗᑦ ᕿᑎᖅᑰ, ᔫᓂ 11, 2026 ᒪᓕᒐᓕᐅᖅᑏᑦ ᐅᐸᒃᑐᑦ: ᐊᖓᔪᖅᑳᖅ ᒍᐃᐊᓐ ᕼᐄᓕ−ᐊᕿᐊᕈᖅ, ᒥᔅ ᕼᐋᓇ ᐊᖑᑎᐊᓗᒃ, ᒥᔅᑕ ᐃᐊᑦᕗᑦ ᐊᑕᒍᑦᑖᓗᒃ, ᐊᖓᔪᖅᑳᖅ ᔮᓂᑦ ᐱᑦᓯᐅᓛᖅ, ᐊᖓᔪᖅᑳᖅ ᔪᐊᔾ ᕼᐃᒃᔅ, ᐊᖓᔪᖅᑳᖅ ᑕᐃᕕᑎ ᔪᐊᓇᓯ, ᐊᖓᔪᖅᑳᖅ ᒍᐊᑕᓐ ᑲᐅᑐᒃ, ᐊᖓᔪᖅᑳᖅ ᐳᕋᐃᔭᓐ ᑯᓄᒃ; ᒥᔅᑕ ᓴᐃᒻᒪ ᑯᓕᒃᑖᓇ, ᐊᖓᔪᖅᑳᖅ ᓯᓯᐅᓪ ᓂᐅᓪᕚᓇ ᓚᐃᔪᓪ, ᐊᖓᔪᖅᑳᖅ ᐋᕐᓗᒃ ᒪᐃᓐ, ᒥᔅᑕ ᔮᓂ ᒪᐃᒃ, ᒥᔅᑕ ᕗᕆᐊᑦ ᐲᑕᓴᓐ, ᒥᔅᑕ ᑕᐃᕕᑦ ᐳᐊᑐ, ᒥᔅᑕ ᐊᐃᕙᓚᕼᐋᒻ ᖃᒪᓂᖅ, ᒥᔅᑕ ᑖᓂᐅᓪ ᖃᕝᕕᒃ, ᒥᔅᑕ ᐋᓕᒃᓵᓐᑐ ᓴᒻᒧᖅᑐᖅ, ᒥᔅᑕ ᓯᑏᕙᓐ ᑕᖅᑐ, ᐊᖓᔪᖅᑳᖅ ᐋᓂ ᑕᑦᑐᐃᓂ. >>ᑲᑎᒪᓯᒋᐊᖅᑐᑦ 013:29ᒧᐊᖅᑎᓪᓗᒍ ᑲᑎᒪᔾᔪᑎᒃᓴᖅ 1: ᑐᒃᓯᐊᕐᓂᕐᒧᑦ ᒪᑐᐃᖅᑕᐅᓂᖓ ᐅᖃᖅᑎ (ᐊᖓᔪᖅᑳᖅ ᑕᐃᕕᑎ ᔪᐊᓇᓯ):: ᐱᒋᐊᖅᐸᓪᓕᐊᑎᓪᓗᑕ, ᒥᔅᑕ ᒪᐃᒃ, ᑐᑦᓯᐊᕐᓂᒃᑯᑦ ᒪᑐᐃᖅᓯᒍᓐᓇᖅᐱᑦ? >>ᑐᒃᓯᐊᖅᑐᑦ ᐅᖃᖅᑎ: ᐅᓪᓗᒃᑯᑦ ᓄᓇᕗᒻᒥᐅᑦ, ᒪᓕᒐᓕᐅᖅᑏᑦ, ᐳᓛᕆᐊᖅᓯᒪᔪᑦ ᑐᙵᓱᑦᓯᐊᕐᓕᑦ. ᑲᑎᒪᔾᔪᑎᑦᑕ ᓈᓴᐅᑎᖓ 2, ᒥᓂᔅᑕᐃᑦ ᐅᖃᐅᓯᖏᑦ. ᓄᓇᕗᒻᒧᑦ ᓯᕗᓕᖅᑎ, ᒥᔅᑕ ᒪᐃᓐ. . ᑲᑎᒪᔾᔪᑎᒃᓴᖅ 2: ᐊᖓᔪᖅᑳᑦ ᐅᖃᐅᓯᖏᑦ ᐊᖓᔪᖅᑳᑉ ᐅᖃᐅᓯᖓ 82 - 7(2): ᑐᖅᑯᖅᑕᐅᓂᖏᑦ ᐱᔪᓐᓇᐅᑎᒧᑦ ᓅᑦᑎᕆᔾᔪᑎᓐ ᒪᓕᒐᐃᑦ (ᒪᐃᓐ) ᓯᕗᓕᖅᑎ ᐋᕐᓗᒃ ᒪᐃᓐ: ᐄ, ᒫ’ᓇ, ᐅᖃᖅᑎᑦᓯᔩ, ᐊᒻᒪ ᐳᓛᕆᐊᖅᓯᒪᔪᑦ ᐃᓕᑕᕆᒋᐊᓪᓚᒃᓯᓐᓇᕈᐊᕐᓂᕈᖕᓂ ᐅᖃᖅᑎᑦᓯᔩ, ᑲᓄᐃᒃᓴᙱᒃᑲᓗᐊᖅᖢᖓ. ᐅᖃᖅᑎᑦᓯᔩ, ᐅᑉᓗᒥᒃᑲᓐᓂᖅ, ᐃᓛᒃ, ᑲᑎᒪᓐᓂᕆᒋᓂᐊᒐᑉᑕ ᐃᓗᐊᓂ ᓯᑕᒪᓂᒃ ᒪᓕᒐᒃᓴᓂᒃ ᓴᖅᑮᓂᐊᕋᒪ ᑕᒡᕗᖓ ᐃᒡᓗᕐᔪᐊᕐᒧᑦ, ᑖᑉᑯᐊ ᒪᓕᒐᒃᓴᑦ ᓴᖅᑭᓐᓂᐊᖅᖢᒋᑦ, ᓴᖅᑭᑎᓐᓂᐊᕋᑉᑎᒍᑦ ᑖᑉᑯᐊ ᐊᑕᑉᓗᑎᒃ ᓄᓇᕗᑦ ᓇᖕᒥᓂᖅᓱᕐᓂᕐᒧᑦ ᐊᖏᖃᑎᒌᒍᑕᐅᓯᒪᔫᑉ ᒥᒃᓵᓄᑦ ᐊᑕᖕᒪᑕ ᐊᒻᒪ ᐃᑲᔪᕐᓂᐊᖅᖢᑎᒃ ᑖᒃᑯᐊ ᑎᑎᕋᖅᓯᒪᓂᖏᑦ ᒪᓕᒃᖢᒋᑦ ᑎᒍᓯᕙᓪᓕᐊᓂᕐᒥᒃ ᓄᓇᐃᑦ, ᐃᒪᐃᑦ, ᐊᒻᒪ ᓄᓇᒥᙶᖅᓯᒪᔪᑦ ᐊᑐᖅᑐᒃᓴᑦ ᒥᒃᓵᓄᑦ ᐄᐳᕈ 1-ᖑᓕᖅᐸᑦ, 2027 ᑕᒪᒃᑯᐊ ᐊᐅᓚᑕᐅᒍᒫᓕᕐᒪᑕ ᓄᓇᕗᑦ ᒐᕙᒪᖓᓄᑦ. (ᑐᓵᔨᑎᒍᑦ) ᑖᒃᑯᐊ ᒪᓕᒐᒃᓴᐃᑦ ᓴᖅᑭᖅᑎᑕᐅᓂᐊᖅᑐᑦ ᑎᑎᕋᖅᑕᐅᒋᐊᕐᖓᖅᓯᒪᔪᑦ ᒐᕙᒪᒃᑯᑦ ᓄᓇᖁᑎᖏᓐᓄᑦ ᒪᓕᒐᖅ, ᑎᑎᕋᖅᑕᐅᒋᐊᕐᖓᖅᑐᖅ ᐃᒥᕐᒧᑦ ᒪᓕᒐᖅ, ᑎᑎᕋᖅᑕᐅᒋᐊᕐᖓᖅᑐᖅ ᓄᓇᐅᑉ ᖄᖓᓂ ᐱᔪᓐᓇᐅᑎᓄᑦ ᐋᖅᑭᒋᐊᒃᑲᐃᓂᕐᒧᑦ ᒪᓕᒐᖅ, ᐊᒻᒪᓗ ᑎᑎᕋᖅᑕᐅᒋᐊᕐᖓᖅᑐᖅ ᐃᑦᑕᕐᓂᓴᖃᕐᕖᑦ ᐊᒻᒪᓗ ᐆᒪᔪᒥᓂᑐᖃᓕᓐᓂᑦ ᓄᓇᓂᑦ ᒪᓕᒐᖅ. ᐊᑕᐅᑦᑎᒃᑯᑦ, ᑖᒃᑯᐊ ᒪᓕᒐᐃᑦ ᐋᖅᑭᔅᓯᔪᑦ ᒪᓕᒐᐅᑉ ᐱᓕᕆᔾᔪᑎᔅᓴᓪᓗᐊᑕᖓᓐᓂᒃ ᓄᓇᕗᒻᒥ ᐱᑕᖃᕆᐊᖃᓪᓚᕆᒻᒪᑦ ᑖᓐᓇ ᓇᒻᒥᓂᖅᓱᕐᓂᖅ ᐱᒋᐊᖅᑎᑕᐅᔪᓐᓇᖅᓯᓚᐅᙱᓐᓂᖓᓂᒃ. ᐅᖃᖅᑎᑦᑎᔩ, ᑲᑎᒪᔩᑦ ᑐᓴᕐᓂᐊᖅᑐᑦ ᑕᐃᒎᓯᕐᒥᑦ “ᑕᕐᕋᖅᑐᕐᓂᖅ” ᐊᑐᖅᑕᐅᒐᔪᓐᓂᐊᕐᒪᑦ ᑖᒃᑯᓇᓂ ᒪᓕᒐᒃᓴᐅᔪᓂᑦ. ᓲᕐᓗ ᑕᕐᕋᖅᑐᕐᓂᖅ ᑐᑭᖃᖅᑐᖅ ᓄᓇᕗᑦ ᒐᕙᒪᒃᑯᑦ ᑎᑎᕋᖅᑕᐅᒋᐊᕐᖓᕈᑎᖏᑦ ᒪᓕᒐᔅᓴᒥᑦ ᑲᓇᑕᐅᑉ ᒐᕙᒪᒃᑯᑦ ᒪᓕᒐᖏᓐᓂᑦ ᐊᑦᑐᐊᓂᖃᖅᑐᓂᒃ ᒫᓐᓇ ᐊᑐᖅᑕᐅᔪᓂᑦ ᐊᐅᓚᑦᑎᔾᔪᑕᐅᓪᓗᑎᑦ ᓄᓇᓂᑦ, ᐃᒪᕐᓂᑦ, ᐊᒻᒪᓗ ᓄᓇᒦᖔᖓᔪᓂᑦ ᐊᐅᓚᑦᑎᓂᕐᒧᑦ ᓄᓇᕗᒻᒥ. ᑖᔅᓱᒥᖓ ᓲᕐᓗ ᑕᕐᕋᖅᑐᕐᓂᖅ ᐊᑐᖅᑕᐅᔪᖅ ᑲᔪᓯᓯᒪᐃᓐᓇᖅᑎᑕᐅᖁᓪᓗᒍ ᐊᒻᒪᓗ ᐃᓂᓪᓚᖓᓂᖃᑦᑎᐊᖁᓪᓗᒍ ᐱᔪᓐᓇᐅᑎᖓᓐᓂᒃ ᑐᓂᓯᓕᖅᑎᓪᓗᒋᑦ ᑲᓇᑕᐅᑉ ᒐᕙᒪᒃᑯᖏᑦ ᓄᓇᕗᒻᒧ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 2 ᒫᓐᓇ ᒪᓕᒐᐅᔪᑦ, ᐱᓕᕆᔾᔪᓯᖏᓪᓗ, ᐊᒻᒪᓗ ᒪᓕᒐᒃᑰᖓᔭᕆᐊᓖᑦ ᓱᓕ ᐃᓂᓪᓚᖅᑎᔅᓯᒪᐃᓐᓇᕐᓂᐊᖅᑐᑦ ᐊᑕᖏᐸᓗᓪᓗᒍ ᐊᔾᔨᖓᓐᓂᒃ, ᑖᒃᑯᐊ ᐃᓱᒪᓕᐅᖅᑎᐅᔪᑦ ᐱᔪᓐᓇᐅᑎᖃᖅᑎᐅᔪᑦ ᓅᓐᓂᐊᖅᑐᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ ᑕᕝᕗᖓ ᓄᓇᕗᑦ ᒐᕙᒪᒃᑯᖏᓐᓄᑦ. ᑖᓐᓇ ᐱᓕᕆᔾᔪᑕᐅᔪᖅ ᒪᓕᔅᓯᒪᔪᖅ ᔫᑳᓐᒥ ᐊᒻᒪᓗ ᓄᓇᑦᓯᐊᖅ ᓇᒻᒥᓂᖅᓱᕐᓂᕐᒧᑦ ᐱᓕᕆᐊᕆᓯᒪᔭᖏᓐᓂᑦ ᐊᒻᒪᓗ ᓇᓗᓇᙱᑦᑎᐊᖅᑐᒦᑎᑦᑎᖁᓪᓗᒋᑦ ᓄᓇᓕᓐᓂᑦ, ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂᑦ, ᒐᕙᒪᒃᑯᑦ ᐱᓕᕆᕝᕕᖁᑎᖏᓐᓂᑦ, ᓴᓇᔪᓕᕆᔨᒃᑯᑦ, ᐊᒻᒪᓗ ᐱᓕᕆᖃᑕᐅᔪᑦ ᐊᓯᖏᑦ ᐊᐅᓪᓛᖅᑎᕆᓂᖃᖅᑎᓪᓗᒋᑦ. ᐅᖃᖅᑎᑦᑎᔩ, ᓯᕗᓪᓕᖅᐹᖓᓐᓄᑦ ᐅᖃᓕᒫᖅᑕᐅᓂᖓᓅᑦᑕᐅᑎᒋᙱᖔᕐᓗᑕ, ᒐᕙᒪᒃᑯᑦ ᓴᖅᑭᑎᑦᑎᔪᒪᓯᒪᔪᑦ ᑖᒃᑯᓂᖓ ᒪᓕᒐᒃᓴᓂᒃ ᑎᑎᕋᖅᑕᐅᒋᐊᕐᖓᖅᓯᒪᓗᑎᑦ ᐋᖅᑭᔅᓯᒪᓗᒍ. ᑖᓐᓇ ᐊᑐᖅᑕᐅᒐᔪᓗᐊᙱᑦᑑᒐᓗᐊᖅ ᑕᐃᒫᒃ ᓄᓇᕗᒻᒥ, ᑭᓯᐊᓂ ᒪᓕᒐᓕᕆᓂᕐᒨᖓᑎᓪᓗᒍ ᓈᒻᒪᒋᔭᐅᒻᒪᑦ ᑕᐃᒫᒃ ᐱᓕᕆᐊᖑᖔᕐᓗᓂ ᐱᓕᕆᔾᔪᑎᓕᕆᔪᒻᒪᕆᐅᒻᒪᑦ, ᐱᔭᕆᐊᑐᔫᓪᓗᓂᓗ, ᐊᖏᔪᐊᓗᒻᒥᓪᓗ ᐃᓄᓐᓂᑦ ᐱᔾᔪᔾᔨᓂᕐᒧᑦ ᐃᓗᓕᖃᕐᒪᑦ. ᑖᒃᑯᐊ ᒪᓕᒐᒃᓴᐃᑦ ᑐᙵᕕᐅᓂᐊᖅᑐᑦ ᓄᓇᕗᑦ ᓯᕗᓂᔅᓴᖓᓄᑦ ᐱᔪᓐᓇᐅᑎᖃᕐᓂᕐᒥᑦ ᓄᓇᓂᑦ ᐊᒻᒪᓗ ᓄᓇᒥᖔᖓᔪᓂᑦ. ᐃᓂᓪᓚᖅᑎᑦᑎᒍᑕᐅᓂᐊᖅᑐᑦ ᒪᓕᒐᖅᑎᒍᑦ ᐱᓕᕆᔾᔪᑎᔅᓴᓕᐊᖑᓗᓂ ᓄᓇᕗᒻᒥ ᐱᔪᓐᓇᐅᑎᖃᕐᓂᕐᒥᓂᒃ ᐊᑐᖅᑎᑦᑎᓂᐊᕐᓗᓂ ᒫᓐᓇ ᑎᒍᒥᐊᖅᑕᐅᔪᒥᒃ ᑲᓇᑕᐅᑉ ᒐᕙᒪᒃᑯᖏᓐᓄᑦ ᑕᐃᒪᐃᓐᓂᖓᓄᑦ ᐱᒻᒪᕆᐅᓂᖅᐸᐅᖃᑕᐅᔪᖅ ᒪᓕᒐᕐᓂ ᐊᑦᑐᐊᓂᖃᖅᑐᓂᑦ ᓇᒻᒥᓂᖅᓱᕐᓂᕐᒧᑦ. ᑖᓐᓇᐅᒻᒥᑎᓪᓗᒍᓗ, ᑖᒃᑯᐊ ᒪᓕᒐᒃᓴᐃᑦ ᐋᖅᑭᓱᖅᓯᒪᒻᒪᑕ ᐱᑕᖃᕇᖅᑐᓂᒃ ᑲᓇᑕᐅᑉ ᒐᕙᒪᒃᑯᖏᓐᓂᑦ ᒪᓕᒐᖏᓐᓂᒃ ᐱᓯᒪᒻᒪᑕ, ᐊᓯᔾᔨᖅᑕᓗᐊᕐᕕᖃᙱᑦᑐᖅ ᐊᖏᔪᓄᑦ ᐊᑐᐊᒐᕐᓂ ᐊᓯᔾᔨᖅᑐᐃᓂᕐᒥᑦ ᒫᓐᓇᐅᑎᓪᓗᒍ ᐱᓕᕆᐊᖑᓂᖓᓂᒃ. ᑎᑭᐅᑎᔭᐅᔭᕆᐊᖃᖅᑐᓂᑦ ᑲᒪᒋᔭᕆᐊᖃᖅᑐᓂᑦ ᑐᕌᒐᕆᔭᐅᓪᓗᐊᑕᖅᑐᖅ ᓄᓇᕗᑦ ᒪᓕᒐᖃᖁᓪᓗᒍ ᐊᐅᓚᔪᓐᓇᑦᑎᐊᖅᑐᒥᒃ ᐱᓕᕆᔾᔪᑎᔅᓴᓄᑦ ᐸᕐᓇᐅᑎᒥᒃ ᐱᑕᖃᕐᓗᓂ ᐱᒋᐊᕐᕕᔅᓴᖓ ᓇᒻᒥᓂᖅᓱᕐᓂᕐᒧᑦ ᐅᓪᓗᖓᓐᓂᒃ. (ᑐᓵᔨᑎᒎᕈᓐᓃᖅᑐᖅ) ᑖᑉᑯᐊ ᓴᖅᑭᑎᓐᓂᐊᕋᑉᑎᒍᑦ ᑎᑎᕋᖅᓯᒪᓂᖏᑦ ᓴᖅᑭᑎᓐᓂᐊᕋᑉᑎᒍᑦ ᒫᓐᓇ, ᐱᕕᖃᖅᑎᑕᐅᔫᓪᓗᐊᕐᓂᐊᕐᒪᑕ ᒪᓕᒐᓕᐅᖅᑏᑦ ᑖᑉᑯᓂᖓ ᐅᖃᓕᒫᖅᑑᓪᓗᐊᕐᓗᑎᒃ ᕿᒥᕐᕈᓂᖃᖅᑑᓪᓗᐊᕐᓗᑎᓪᓗ ᓯᕗᓪᓕᖅᐹᖓᓂᒃ ᐅᖃᓕᒫᖅᑕᐅᓂᖃᓚᐅᖅᑳᖅᑎᓐᓇᒋᑦ, ᖃᐅᔨᒪᓕᑦᓯᐊᕐᓗᑎᓪᓗ ᓱᓇᓂᒃ ᐃᓗᓕᖃᕐᒪᖔᑕ, ᐊᒻᒪ ᐊᐱᖅᑯᓯᒃᓴᖃᕋᔭᕐᓂᖅᐸᑕᓪᓗ ᐃᓱᒫᓘᑎᒃᓴᖃᕋᔭᕐᓂᖅᐸᑕᓪᓗ ᐅᖃᐅᓯᕆᔫᓪᓗᐊᕋᔭᖅᖢᓂᒋᑦ. (ᑐᓵᔨᑎᒍᑦ) ᑕᐃᒫᒃ ᐱᓕᕆᐊᖑᓗᓂ ᓴᖅᑭᔮᑦᑎᐊᕐᓂᖃᕐᓂᐊᖅᑐᑦ ᐊᒻᒪᓗ ᓄᓇᕗᒻᒥᐅᓂᒃ ᐊᓯᖏᓐᓂᓪᓗ ᐱᓕᕆᖃᑕᐅᔪᓂᑦ ᕿᒥᕐᕈᔪᓐᓇᕐᕕᖃᖅᑎᑦᑎᓗᓂ ᒪᓕᒐᒃᓴᒥᒃ, ᓇᓗᓇᐃᕈᓐᓇᕐᓗᑎᓪᓗ ᒐᕙᒪᒃᑯᑦ ᐊᖏᕈᑕᐅᓯᒪᔪᓂ ᐊᑐᕐᓂᖏᓐᓂᒃ ᓲᕐᓗ ᑕᕐᕋᖅᑐᖅᑐᒥᒃ ᐊᔾᔨᐸᓗᖏᓐᓂᑦ ᐱᓕᕆᐊᖃᕐᓂᐊᕐᖓᑕ, ᐊᒻᒪᓗ ᐅᖃᐅᓯᖃᕐᕕᒋᔪᓐᓇᕐᓗᒍ ᐅᕝᕙᓘᓐᓃᑦ ᓇᓗᓇᐃᖅᓯᒋᐊᖁᔨᓗᑎᑦ ᓇᓪᓕᐊᓐᓂᑐᐃᓐᓇᖅ ᓇᓗᓇᐃᔭᕆᐊᒃᑲᓐᓂᕆᐊᖃᖅᑐᖃᕐᓂᖅᐸᑦ. ᓄᓇᕗᒻᒥᐅᓂᑦ ᐅᖃᐅᓯᔅᓴᓕᑦᑕᖃᕐᓂᖅᐸᑦ ᑖᒃᑯᐊ ᓴᖅᑭᖅᑕᐅᔪᑦ ᒪᓕᒐᒃᓴᑦ ᒥᔅᓵᓄᑦ ᐅᖃᐅᔾᔨᔪᓐᓇᖅᑐᑦ ᑖᒃᑯᓄᖓ ᐅᕗᖓ devolution@gov.nu.ca. ᕿᒥᕐᕈᔭᐅᓂᖓᓃᑦᑎᓪᓗᒍ ᐃᑲᔪᒃᑲᓐᓂᕐᓂᐊᖅᑐᖅ ᐋᖅᑭᑦᑎᐊᖅᓯᒪᔪᒥᒃ ᒪᓕᒐᒃᓴᓕᐅᕐᓂᕐᒧ ᐱᓕᕆᐊᖑᓗᓂ ᑖᒃᑯᐊ ᒪᓕᒐᒃᓴᐃᑦ ᓴᖅᑭᑦᑕᐅᓪᓚᕆᓚᐅᙱᓐᓂᖏᓐᓂᒃ ᐅᑭᐊᒃᓵᖅ 2026−ᒥ ᐊᒻᒪᓗ ᐅᑭᐅᒃᑯᑦ 2027-ᒥᑦ ᑲᑎᒪᓂᖃᓕᖅᐸᑕ. ᐅᖃᖅᑎᑦᑎᔩ, ᐅᖃᐅᓯᕆᓗᒋᑦᑕᐅᖅ ᒪᕐᕉᒃᑲᓐᓃᒃ ᓇᒻᒥᓂᖅᓱᕐᓂᕐᒨᖓᔫᒃ ᒪᓕᒐᙳᖅᑎᓯᒪᔪᑦ, ᑖᓐᓇ ᐅᖅᓱᐊᓗᓕᕆᓂᕐᒧᑦ ᒪᓕᒐᖅ ᐊᒻᒪᓗ ᐅᖅᓱᖅ ᐊᒻᒪᓗ ᒑᓴᓖᓄ ᐊᐅᓚᑦᑎᓂᕐᒧᑦ ᒪᓕᒐᖅ, ᓱᓕ ᐱᓕᕆᐊᖑᕙᓪᓕᐊᔪᖅ. ᑖᒃᑯᐊ ᒪᓕᒐᒃᓴᓕᐊᖑᕙᓪᓕᐊᔪᑦ ᐊᑐᖅᑐᑦ ᐊᔾᔨᖏᓐᓂᒃ ᒪᓕᑦᑐᑎᑦ ᓲᕐᓗ ᑕᕐᕋᖅᑑᑎᑎᒍᑦ ᐱᓕᕆᐊᖑᓪᓗᑎᑦ, ᑭᓯᐊᓂ ᓱᓕ ᑎᑎᕋᖅᑕᐅᒃᑲᓐᓂᕆᐊᖃᕐᒪᑕ ᐊᒻᒪᓗ ᑐᑭᓕᐅᖅᑕᐅᓗᑎᒃ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 3 ᓴᖅᑭᖅᑕᐅᓂᔅᓴᖏᑦ ᑖᒃᑯᐊ ᒪᓕᒐᒃᓴᐅᔪᑦ ᑭᒡᒐᖅᑐᐃᔪᖅ ᐱᒻᒪᕆᐅᔪᒥᒃ ᑎᑭᑦᑎᓯᒪᓂᖏᓐᓂ ᓄᓇᕗᒻᒥ ᓇᒻᒥᓂᖅᓱᕐᓂᕐᒧᑦ ᐃᖏᕐᕋᑎᓪᓗᒋᑦ. ᑕᑯᒃᓴᐅᑎᑦᑎᕗᖅ ᐊᖏᔪᒻᒪᕆᐅᔪᒥᒃ ᐱᕙᓪᓕᐊᓂᖃᖅᓯᒪᓕᕐᓂᖓᓂᒃ ᑕᐃᒪᙵᓂᒃ ᐊᑎᓕᐅᖅᑕᐅᓚᐅᖅᑎᓪᓗᒍ ᓇᖕᒥᓂᖅᓱᕐᓂᕐᒧᑦ ᐊᖏᖃᑎᒌᒍᑎ ᔮᓐᓄᐊᕆ 2024-ᖑᑎᓪᓗᒍ, ᐊᒻᒪᓗ ᑕᑯᒃᓴᐅᑎᑦᑎᕗᖅ ᐊᖏᖅᓯᒪᐃᓐᓇᕐᓂᑦᑎᓐᓂᒃ ᓴᖅᑭᔮᑦᑎᐊᕈᒪᓂᖃᕋᑦᑕ ᐊᒻᒪᓗ ᓄᓇᕗᑦ ᐅᐸᓗᖓᐃᔭᖅᓯᒪᑦᑎᐊᖁᓪᓗᒍ ᓄᑖᓂᑦ ᑲᒪᒋᔭᔅᓴᖅᑖᖅᐸᑦ ᐱᒋᐊᖁᓪᓗᒍ ᐄᐳᕈ 1, 2027-ᒥ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ, ᒥᓂᔅᑕᐃᑦ ᐅᖃᐅᓯᖏᑦ. ᐃᓕᓐᓂᐊᖅᑐᓕᕆᔨᒃᑯᓐᓄᑦ, ᒥᓂᔅᑕ ᐊᕿᐊᕈᖅ. ᐊᖓᔪᖅᑳᑉ ᐅᖃᐅᓯᖓ 83 - 7(2): ᐱᒋᐊᖅᑎᑕᖅ ᐃᓕᓐᓂᐊᒃᑲᓐᓂᕐᓂᖅ ᐃᖅᑲᓇᐃᔮᕆᔭᒃᓴᒧᑦ ᐅᖃᓕᒫᒐᖓ (ᐊᕿᐊᕈᖅ) ᐊᖓᔪᖅᑳᖅ ᑕᐃᕕᑦ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᕗᖓ ᑖᒃᑯᓂᖓ ᑐᓴᕐᓂᖅᑐᓂᒃ ᑐᓴᖅᑎᑦᑎᒍᒪᓪᓗᖓ: ᐃᓕᓐᓂᐊᖅᑐᓕᕆᔨᒃᑯᑦ ᓴᖅᑮᕋᑖᖅᓯᒪᒻᒪᑕ ᑖᓐᓇ ᓄᑖᖑᓪᓗᓂ ᕿᒥᕐᕈᐊᒐᖅ, ᐊᑎᖃᖅᓱᓂ ᐃᓕᓐᓂᐊᒃᑲᓐᓂᕐᓂᖅ. ᐅᖃᖅᑎᑦᑎᔩ, ᑖᓐᓇ ᕿᒥᕐᕈᐊᒐᖅ, ᐊᑐᐃᓐᓇᐅᓪᓗᓂ ᖃᕆᓴᐅᔭᒃᑯᑦ ᐊᒻᒪᓗ ᐸᐃᑉᐹᒃᑯᑎᒍᑦ, ᑕᐃᒪᓐᓇᐃᑎᓪᓗᒍ ᑖᒃᑯᐊ ᐃᑲᔪᖅᑐᐃᓇᓱᒃᑐᑦ ᑖᒃᑯᐊ ᖁᕝᕙᓯᓐᓂᓕᓐᓂᒃ ᐃᓕᓐᓂᐊᕐᕕᒻᒧᑦ ᐃᓕᓐᓂᐊᕐᕕᒻᒥᑦ ᖁᕝᕙᓯᓐᓂᖅᓴᓄᑦ ᐃᓕᓐᓂᐊᖅᑎᖏᓐᓄᑦ ᐊᒻᒪᓗ ᐃᖅᑲᓇᐃᔮᔅᓴᔅᓯᐅᖅᐸᓪᓕᐊᓕᖅᑎᓪᓗᒋᑦ ᓄᓇᕗᒻᒥ ᐊᒻᒪᓗ ᑕᒪᒃᑯᓂᖓ ᐊᔾᔨᒌᙱᑦᑐᓂᒃ ᐊᑐᐃᓐᓇᖃᕈᓐᓇᕐᓂᖓᓂᒃ ᓴᖅᑭᔮᖅᑎᑦᑎᓇᓱᒃᓱᓂ ᓴᖅᑭᔮᖅᑎᑦᑎᑦᑎᐊᕋᓱᒃᓱᑎᒃ. ᐊᒻᒪᓗ ᓇᓪᓕᐊᑦ ᐊᔾᔨᒌᙱᑦᑐᑦ ᐃᓕᓐᓂᐊᕆᐊᒃᑲᓐᓂᕐᕕᒃᓴᐅᔪᓐᓇᕋᔭᖅᑐᑦ ᑕᐃᑯᖓ ᓯᓚᑦᑐᖅᓴᕐᕕᒡᔪᐊᕐᒧᑦ ᐅᕝᕙᓘᓐᓃᑦ ᓯᓚᑦᑐᖅᓴᕐᕕᒻᒧᑦ ᐸᕐᓇᑉᐸᓪᓕᐊᑎᓪᓗᒋᑦ, ᐊᒻᒪᓗ ᐃᖅᑲᓇᐃᔮᕐᒧᑦ ᐸᕐᓇᐅᑎᔅᓴᕈᔪᖏᓐᓂᒃ ᐃᓱᒪᔅᓴᖅᓯᐅᕈᑎᔅᓴᖏᓐᓂᒃ ᓄᓇᕗᑦ ᓯᓚᑖᓂ, ᐊᒻᒪᓗ ᐊᑐᐃᓐᓇᐅᓪᓗᑎᒃ ᑕᒫᓂ ᑭᓱᐃᑦ ᑮᓇᐅᔭᖅᑖᕈᓐᓇᕋᔭᕐᒪᑕᑭᐊᖅ ᓲᕐᓗ ᑕᐃᒃᑯᐊ ᑮᓇᐅᔭᓂᑦ ᑐᓐᓂᖅᓴᐃᖃᑦᑕᖅᑐᐃᑦ ᐊᑐᐃᓐᓇᐅᑎᓪᓗᒋᑦ. ᑖᓐᓇ ᐸᕐᓇᑦᓯᒪᔭᕗᑦ ᑖᒃᑯᓄᖓ ᐃᓕᓐᓂᐊᖅᑎᖁᑎᑦᑎᓐᓄᑦ ᐅᖃᓕᒫᑦᑎᐊᖁᓪᓗᒋᑦ ᐊᒻᒪᓗ ᐃᓱᒪᒃᓴᖅᓯᐅᑦᑎᐊᖁᓪᓗᒋᑦ ᖃᓄᖅ ᐃᓕᓐᓂᐊᒃᑲᓐᓂᕐᓂᐊᕈᒪᓂᕐᒥᓂᒃ ᐅᕝᕙᓘᓐᓃᑦ ᐃᖅᑲᓇᐃᔮᒧᑦ ᐃᖅᑲᓇᐃᔭᕋᓱᒍᒪᓕᕐᓂᕐᒧᑦ. ᐅᖃᖅᑎᑦᑎᔩ, ᑖᓐᓇ ᕿᒥᕐᕈᐊᒐᖅ ᑖᒃᑯᓄᖓ ᐃᓕᓐᓂᐊᕐᕕᓕᒫᓄᑦ ᓇᔅᓯᐅᑎᓯᒪᓕᖅᓱᑎᒍᑦ ᐊᒻᒪᓗ ᓄᓇᕗᑦ ᐃᒡᓗᖁᑎᖏᓐᓄᑦ. ᑕᐃᒪᓐᓇᐃᑎᓪᓗᒍ ᑖᓐᓇ ᐊᑐᐃᓐᓇᐅᓂᐊᕐᒪᑦ ᑭᓱᐃᑦ ᐊᑐᐃᓐᓇᐅᒻᒪᑕᑭᐊᖅ ᐃᓕᓐᓂᐊᖅᑎᖁᑎᑦᑎᓐᓄᑦ. ᑕᐃᒪᓐᓇᐃᑎᓪᓗᒍ ᐊᒃᓱᕈᖅᐳᖓ ᑖᒃᑯᐊ ᐃᓕᓐᓂᐊᖅᑎᖁᑎᑯᓗᒃᐳᑦ ᐊᒻᒪᓗ ᐃᓚᖏᑦ ᑖᔅᓱᒥᖓ ᕿᒥᕐᕈᐊᒐᕐᒥᒃ ᕿᒥᕐᕈᐊᑦᑎᐊᕐᓗᓯ ᐊᒻᒪᓗ ᐊᔾᔨᒌᙱᑦᑐᓂᒃ ᐃᓱᒪᒃᓴᖅᓯᐅᕐᓗᑎᑦ ᓯᓚᑦᑐᓴᕐᕕᒻᒧᓘᓐᓃᑦ ᐃᓕᓐᓂᐊᕆᐊᒃᑲᓐᓂᕐᓂᕐᒧᓪᓘᓐᓃᑦ, ᐅᕝᕙᓘᓐᓃᑦ ᖃᓄᖅ ᐃᖅᑲᓇᐃᔮᒃᓴᐃᑦ ᐊᑐᐃᓐᓇᐅᑎᖏᓐᓄᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ: ᒥᓂᔅᑕᐃᑦ ᐅᖃᐅᓯᖏᑦ. ᐊᕙᑎᓕᕆᔨᒃᑯᓐᓄᑦ, ᒥᓂᔅᑕ ᑯᓄᒃ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 4 ᐊᖓᔪᖅᑳᑉ ᐅᖃᐅᓯᖓ 84 - 7(2): ᐊᑎᖓᑦ ᐊᓯᔾᔨᖅᑕᐅᓂᖓ ᓄᓇᕘᑉ ᓯᓚᐅᑉ ᐊᔾᔨᒋᔪᓐᓃᕐᓂᐊᓄᑦ ᓴᓇᕐᕈᑎᒋᔭᖓᑕ (ᑯᓄ) ᐊᖓᔪᖅᑳᖅ ᐳᕋᐃᐊᓐ ᑯᓄᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒍᑦ) ᐅᖃᖅᑎᑦᑎᔩ, ᓄᓇᕗᑦ ᒐᕙᒪᖓ ᐅᐱᒍᓱᒃᐳᖅ ᐃᓕᓴᖅᓯᔪᓐᓇᕋᒥᒃ ᔮᓱᐊ ᖁᒪᖔᐱᐅᑉ ᐃᓅᓯᖓᓂᒃ ᐃᑲᔪᖃᑦᑕᖅᓯᒪᓂᖓᓂᒡᓗ ᐊᑦᑎᖅᑕᐅᒃᑲᓐᓂᕐᓂᖓᓄᑦ ᓄᓇᕗᒻᒥ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐱᓕᕆᔾᔪᑕᐅᕙᒃᑐᖅ ᐃᒪᓐᓇ ᔮᓱᐊ ᐊᐃᐱᓕ ᖁᒪᖔᐱᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐊᔪᙱᓛᖑᓂᕐᒧᑦ ᐊᑐᖅᑕᐅᔪᓐᓇᖅᑐᖅ. ᑖᓐᓇ ᐊᑐᖅᑕᐅᔪᓐᓇᖅᑐᖅ ᒪᒃᑯᒃᑐᓄᑦ−ᐊᐅᓚᑕᐅᓪᓗᓂ ᐊᑐᖅᑕᐅᔪᓐᓇᖅᑐᖅ ᐋᖅᑭᒃᓱᖅᑕᐅᓯᒪᓪᓗᓂ ᓴᙱᓂᖅᑖᖅᑎᑦᑎᔪᒪᓪᓗᓂ ᓄᓇᕗᒻᒥᐅᓂᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐱᓕᕆᐊᖃᕈᓐᓇᕐᓂᕐᒥᒃ. ᒪᒃᑯᒃᑑᒐᓗᐊᕈᕕᑦ, ᐃᓐᓇᐅᒍᕕᑦ, ᐃᓕᓐᓂᐊᖅᑎᐅᒍᕕᑦ, ᐃᓕᓴᐃᔨᐅᒍᕕᑦ, ᓄᓇᓕᖕᓂ ᓯᕗᓕᖅᑎᐅᒍᕕᑦ, ᐅᕝᕙᓘᓐᓃᑦ ᓄᓇᒥᒃ ᓴᐳᔾᔨᔪᒪᑦᑎᐊᕈᕕᑦ, ᐃᑲᔫᑎᒃᓴᑦ ᐃᑲᔫᑎᒃᓴᐅᕗᑦ ᐊᒻᒪ ᑲᔪᖏᖅᓴᐃᔾᔪᑕᐅᔪᓐᓇᖅᖢᑎᒃ ᐃᓄᖕᓄᑦ ᓯᓚᒧᑦ ᐊᔪᙱᓛᖑᖃᑕᐅᓕᕐᓗᑎᒃ ᓄᓇᖏᓐᓂᒃ. ᔮᓱᐊ ᐱᒻᒪᕆᐅᒋᔭᐅᓪᓗᓂ ᐃᓚᒋᔭᐅᓚᐅᖅᐳᖅ ᓄᓇᕗᒻᒥ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᒪᒃᑯᒃᑐᓄᑦ ᐅᖃᐅᔾᔪᐃᔨᑦ ᑲᑎᒪᔨᕋᓛᖏᓐᓄᑦ ᐃᓱᒪᑦᑎᐊᖅᐸᒃᖢᓂᓗ ᓂᐱᒋᔭᐅᕙᒃᖢᓂ ᑲᔪᓰᓐᓇᖅᑐᓄᑦ ᐅᖃᖃᑎᒌᖕᓂᕆᔭᐅᔪᓄᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ, ᐊᓂᒍᐃᔪᓐᓇᕐᓂᕐᒧᑦ, ᐱᒻᒪᕆᐅᓂᖓᓄᓪᓗ ᐃᓄᐃᑦ ᖃᐅᔨᒪᓂᕆᔭᖏᑦ ᑕᐅᑐᖅᑰᖅᑕᖏᓪᓗ ᐋᖅᑭᒃᓱᐃᕙᓪᓕᐊᓂᐊᕐᓗᓂ ᓄᓇᕗᑦ ᓯᕗᓂᒃᓴᖓᓂᒃ. ᐃᑲᔪᖅᓯᒪᓂᖓ ᑕᑯᒃᓴᐅᑎᑦᑎᕗᖅ ᓴᙱᔪᒥᒃ ᐃᒃᐱᒍᓱᑦᑎᐊᕐᓂᕐᒥᒃ ᓄᓇᓕᖕᓂᒃ, ᐃᓕᖅᑯᓯᕐᒥᒃ, ᐊᕙᑎᒥᒡᓗ, ᑕᐃᑲᓃᓐᓂᖓᓗ ᑐᑭᖃᑦᑎᐊᖅᑐᒥᒃ ᐊᒃᑐᖅᓯᓂᖃᓚᐅᖅᐳᖅ ᑕᐃᒃᑯᓄᖓ ᐱᓕᕆᖃᑎᒋᔪᓐᓇᓚᐅᖅᑕᖏᓐᓄᑦ. ᐊᑦᑎᖅᑕᐅᒃᑲᓐᓂᕐᓂᖓ ᓴᖅᑭᑕᐅᓚᐅᖅᐳᖅ ᒪᒃᑯᒃᑐᑦ ᐅᖃᐅᔾᔨᒋᐊᖅᑎᑦ ᑲᑎᒪᔨᕋᓛᖏᓐᓄᑦ ᐅᐱᒋᔪᒪᓪᓗᒍ ᔮᓱᐊ ᐃᖅᑲᐅᒪᔭᐅᓂᖓ. ᐊᒻᒪ ᐃᓕᓴᕆᔪᒪᓪᓗᒍ ᐊᑯᓂᐊᓗᒃ ᐊᒃᑐᐃᓯᒪᓂᕆᔭᖓ ᐃᓕᓐᓂᐊᖃᑎᖏᓐᓄᑦ. ᐃᑲᔪᖅᑐᖅᑕᐅᓪᓗᓂ ᐊᖏᖅᑕᐅᓪᓗᓂᓗ ᖃᑕᙳᑎᖏᓐᓄᑦ, ᓄᓇᕗᑦ ᒐᕙᒪᖓ ᐱᒃᑯᒍᓱᒃᐳᖅ ᐊᑎᕐᒥᓂᒃ ᑲᔪᓯᑎᑦᑎᔪᓐᓇᕋᒥ ᐊᑐᖅᑕᐅᔪᒫᖅᑐᑎᒍᑦ ᐊᑐᐃᓐᓇᐅᒪᑎᑕᐅᔪᒥᒃ ᒪᒃᑯᒃᑐᓂᒃ ᓯᕗᓕᖅᑎᐅᒍᒪᓕᖁᓪᓗᒋᑦ, ᐅᔾᔨᕈᓱᓕᕐᓗᑎᑦ, ᖃᓄᐃᓕᐅᕈᑎᖃᕐᓗᑎᓪᓗ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᓄᓇᕘᓕᒫᒥ. ᔮᓱᐊ ᐊᐃᐱᓕ ᖁᒪᖔᐱᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐊᔪᙱᓛᖑᓂᕐᒧᑦ ᐊᑐᖅᑕᐅᔪᓐᓇᖅᑐᖅ ᑲᔪᓰᓐᓇᕐᓂᐊᖅᐳᖅ ᑎᓕᐅᕆᓂᕐᒥᒃ ᒪᒃᑯᒃᑐᓂᒃ ᓄᓇᕗᒻᒥᐅᓂᒃ ᐃᓚᐅᖁᓪᓗᒋᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᖃᓄᐃᓕᐅᕆᐊᕐᓂᕐᒧᑦ ᐊᑐᕐᓗᑎᒃ ᑕᑯᒃᓴᐅᑎᑦᑎᔪᓂᒃ ᐃᓄᐃᑦ ᐱᒻᒪᕆᐅᒋᔭᖏᓐᓂᒃ, ᓄᓇᓕᖕᓂ ᓴᙱᓂᕆᔭᐅᔪᓂᒃ, ᑲᒪᒋᔭᖃᕐᓂᕐᒥᒡᓗ ᓄᓇᒥᒃ. ᑭᒡᒐᖅᑐᖅᖢᒋᑦ ᓄᓇᕗᑦ ᒐᕙᒪᒃᑯᖏᑦ, ᖁᔭᓕᔪᒪᑦᑎᐊᖅᐸᒃᑲ ᔮᓱᐊ ᖃᑕᙳᑎᖏᑦ ᐅᕙᑦᑎᓐᓂᒃ ᐃᓕᓴᖅᓯᔪᓐᓇᖅᑎᑦᑎᓚᐅᕐᒪᑕ ᕿᒪᒃᓯᒪᔭᖏᓐᓂᒃ ᑕᐃᒪᓐᓇ. ᐃᑲᔪᕐᓂᖓ ᐳᐃᒍᖅᑕᐅᔾᔮᙱᑦᑐᖅ. ᓇᑯᕐᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᒥᓂᔅᑕᐃᑦ ᐅᖃᐅᓯᖏᑦ. ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᑦ ᓯᓚᑦᑐᓴᕐᕕᒃᑯᓐᓄᑦ, ᐊᕿᐊᕈᖅ. ᐊᖓᔪᖅᑳᑉ ᐅᖃᐅᓯᖓ 85 - 7(2): ᓄᓇᕘᑉ ᓯᓚᑦᑐᖅᓴᕐᕕᖓᑕ 2026 ᐅᐱᕐᖓᒃᑯᑦ ᐊᓂᒍᐃᔪᑦ ᐱᔮᕇᖅᑐᓄᓪᓗ ᖁᕕᐊᓲᑎᒋᔭᑦ (ᐊᕿᐊᕈᖅ)

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 5 ᐊᖓᔪᖅᑳᖅ ᑕᐃᕕᑦ ᐊᕿᐊᕈᖅ: ᖁᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎᑦᑎᔩ, ᓇᖏᖅᓯᔪᓐᓇᖅᓯᖕᒥᒐᒪ ᑖᒃᑯᐊ ᐃᓕᓴᕆᔭᐅᓂᐊᖅᑎᓪᓗᒋᑦ 2026 ᐱᔭᕇᖅᓯᑎᓪᓗᒋᑦ ᖁᕕᐊᓲᑎᒋᔭᐅᓂᐊᖅᑐᐃᑦ ᑕᒫᓂ ᐊᒥᓱᓂᑦ ᓄᓇᓕᓐᓂᑦ ᑖᒃᑯᑎᒎᓇᖅ ᓄᓇᕗᑦ ᓯᓚᑦᑐᓴᕐᕕᒃᑯᑦ. ᑖᒃᑯᐊ ᖁᕕᐊᓲᑎᖃᖃᑦᑕᖅᐳᑦ ᐃᓕᓴᖅᓯᓪᓗᑎᒃ ᐃᓕᓐᓂᐊᖅᑎᖁᑎᑦᑎᓐᓂᒃ ᑕᒪᒃᑯᓂᖓ ᐱᓇᓱᕐᔪᐊᖃᑦᑕᖅᓯᒪᓪᓗᑎᒃ, ᐱᕚᓪᓕᕆᐊᖅᓯᒪᓪᓗᑎᒃ, ᐊᒻᒪᓗ ᐊᓂᒍᐃᓯᒪᓪᓗᑎᒃ. ᐊᒥᓱᐃᑦ ᐃᓕᓐᓂᐊᕈᑏᑦ ᐃᓕᓐᓂᐊᖅᑕᐅᕗᑦ ᐃᓕᓐᓂᐊᖅᑎᑦᑎᓐᓄᑦ, ᑭᓯᐊᓂ ᒫᓐᓇ ᓴᖅᑭᔮᖅᑎᒍᒪᔭᒃᑲ ᑖᒃᑯᐊ ᐅᓪᓗᒥᒧᑦ ᖁᕕᐊᓲᑎᒋᔭᐅᓯᒪᔪᐃᑦ: • ᑕᐃᑲᓂ ᒫᑦᓯ 31-ᖑᑎᓪᓗᒍ, ᑲᖏᖅᖠᓂᕐᒥ ᐃᓕᓴᖅᓯᓚᐅᖅᐳᑦ ᑖᒃᑯᓂᖓ ᐃᓄᖕᓂᒃ ᐃᑲᔪᖅᓱᐃᔨᐅᓂᕐᒧᑦ ᐃᓕᓐᓂᐊᒐᕐᒦᑦᑐᓂᒃ; ᐊᒻᒪᓗ • ᐄᐳᓪ 14-ᖑᑎᓪᓗᒍ, ᐊᕐᕕᐊᓂ ᑖᒃᑯᐊ ᐃᓂᒍᖅᑎᑦᑎᑎᓪᓗᒋᑦ ᐃᓄᓕᕆᔨᙳᕋᓱᓐᓂᕐᒧᑦ ᐃᓕᓐᓂᐊᖅᑏᑦ; • ᐄᐳᓪ 20-ᒥ, ᐃᖃᓗᒃᑑᑦᑎᐊᕐᒥ ᐃᓕᓴᕆᔭᐅᓚᐅᕆᕗᑦ ᑕᐃᒃᑯᐊ ᓂᕿᓕᐅᕐᓂᕐᒧᑦ ᐸᐃᑉᐹᖅᑖᖃᑦᑕᖅᑐᑦ; ᐊᒻᒪᓗ • ᑕᐃᑲᓂ ᐄᐳᓪ 23, ᑕᕝᕙᓂ ᓄᓇᑦᑕ ᐃᓕᓐᓂᐊᕐᕕᖓᓂ ᐃᓕᓴᖅᓯᓚᐅᖅᐳᑦ ᐃᓕᓐᓂᐊᖅᑐᐃᑦ ᑕᒪᒃᑯᓂᖓ ᐊᑯᓂᐅᙱᑦᑐᒧᑦ ᐊᑯᓂᐅᓂᖅᓴᒧᓪᓗ ᐸᐃᑉᐹᖅᑖᖅᓯᒪᔪᓄᑦ; • ᑕᐃᑲᓂ ᔫᓐ 5-ᖑᕋᑖᖅᑎᓪᓗᒍ, ᐱᔭᕇᖅᓯᔪᐃᑦ ᖁᕕᐊᓲᑎᖃᓚᐅᕆᕗᑦ ᑕᐃᑲᓂ ᐃᖃᓗᒃᑑᑦᑎᐊᕐᒥ ᐊᒻᒪᓗ ᑲᖏᖅᖠᓂᕐᒥ. ᑕᐃᑲᓂ ᑲᖏᖅᖠᓂᕐᒥ, ᐃᓕᓴᕆᔭᐅᓚᐅᖅᑐᐃᑦ ᑖᒃᑯᐊ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᓕᓐᓂᐊᖅᐸᓪᓕᐊᓂᖅ, ᐊᓪᓚᕝᕕᓕᕆᓂᕐᒧᓪᓗ, ᐊᒻᒪᓗ ᐃᓄᓕᕆᔨᙳᕋᓱᓐᓂᕐᒧᑦ; ᐃᖃᓗᒃᑑᑦᑎᐊᕐᒥ ᐃᓕᓐᓂᐊᖅᑏᑦ ᐃᓕᓴᕆᔭᐅᓚᐅᕆᕗᑦ ᐃᓄᖕᓂᒃ ᐃᑲᔪᖅᓱᐃᔨᐅᓂᕐᒧᑦ ᐃᓂᓐᓂᐊᒐᖅ, ᒥᑭᔫᓂᖅᓴᓄᑦ ᓄᑕᖅᑲᓄᑦ ᐃᓕᓐᓂᐊᖅᑐᓕᕆᓂᕐᒧᑦ ᐃᓕᓐᓂᐊᒐᖅ ᐊᒻᒪᓗ ᐊᓪᓚᒡᕕᓕᕆᓂᕐᒧᑦ ᐃᓕᓐᓂᐊᒐᖅ. ᐊᒻᒪᓗ ᒫᓐᓇᐅᓕᖅᑐᐃᓛᒃ ᐃᔅᓯᕚᖅᑎᓪᓗᑕ ᐅᓪᓗᒥ ᑕᕝᕙᓂ ᑭᖑᓪᓕᖅᐹᖅᓱᓕᖅᑎᓪᓗᑕ ᐅᐱᕐᖔᒥ ᐃᔅᓯᕚᖅᑎᓪᓗᑕ, ᑕᕝᕙ ᑕᐃᑲᓂ ᓄᓇᕗᑦ ᓄᓇᑦᑕ ᓯᓚᑦᑐᓴᕐᕕᒻᒥ ᒫᓐᓇ ᐃᓕᓴᖅᓯᓕᖅᐳᑦ, ᐃᓕᓴᖅᓯᓕᖅᑐᐃᑦ ᒫᓐᓇ ᑖᒃᑯᓂᖓ ᐊᕐᕌᒍᒥ ᐃᓕᓐᓂᐊᕈᑕᐅᓯᒪᔪᒥᒃ. ᑖᒃᑯᐊ ᐃᓕᓴᕆᔭᐅᔪᐃᑦ ᑐᓵᔨᐅᓂᕐᒧᑦ, ᖃᕆᓴᐅᔭᓕᕆᓂᕐᒧᑦ, ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᐋᓐᓂᐊᓯᐅᖅᑎᙳᕋᓱᓐᓂᕐᒧᑦ. ᐊᒻᒪᓗ ᑖᒃᑯᐊ ᐃᓕᓴᕆᔭᐅᓂᐊᕆᓪᓗᑎᒃ ᐊᕐᕋᒍᖓᓂ ᐱᔭᕇᖅᓯᕋᑖᖅᑐᐃᑦ ᓯᕗᓪᓕᖅᐹᒥ ᑖᒃᑯᓂᖓ ᓄᓇᕗᑦ ᐃᓕᓐᓂᐊᕐᓂᕐᒧᑦ ᐃᓕᓴᐃᔨᙳᕋᓱᓐᓂᕐᒧᑦ ᐃᓕᓴᐅᑏᑦ. ᑕᐃᒪᓐᓇᐃᑎᓪᓗᒍ ᑕᕝᕙᓂ ᐱᔭᕇᖅᓯᑎᓪᓗᒋᑦ ᑲᖏᖅᖠᓂᕐᒥ ᐊᒻᒪᓗ ᐃᖃᓗᖕᓂ ᐅᓪᓗᒥ ᓯᕗᓪᓕᖅᐹᑦ ᐃᓕᓴᕆᔭᐅᕗᑦ. ᐱᔭᕇᖅᓯᔪᐃᑦ ᑖᒃᑯᓂᖓ ᐃᓕᓐᓂᐊᕈᑎᕕᓂᐊᓂᒃ ᐊᕐᕌᒍᓂᒃ ᒪᕐᕉᓐᓄᒃ ᑖᒃᑯᐊ ᐃᓄᐃᑦ ᐅᖃᐅᓯᖏᑦ ᐊᒻᒪᓗ ᐱᖅᑯᓯᖏᓐᓂᒃ ᓴᙱᒃᑎᒋᐊᖅᑎᑕᐅᓪᓗᑎᓪᓗ ᑖᒃᑯᐊ ᐃᓅᓂᖏᓐᓂᒃ ᑕᕝᕙᓂᓗ ᐃᓕᓐᓂᐊᕐᕕᖃᐅᑦᑎᐊᖃᑦᑕᖅᓱᑎᒃ ᓄᓇᕗᒻᒥ ᐃᑲᔪᖅᑐᖅᑕᐅᑦᑎᐊᖅᓱᑎᓗ ᓴᐃᒻᒪᖅᑎᓯᒪᓕᖅᑎᓪᓗᒋᑦ ᐊᒥᓱᐃᑦ ᐊᔾᔨᒌᙱᑦᑐᓂᑦ ᐃᓕᓐᓂᐊᕈᑎᓂᒃ. ᓯᓚᑦᑐᖅᓴᕐᕕᒃᑯᑦ ᐅᐱᒍᓱᑦᑎᐊᖅᐳᑦ ᑖᒃᑯᐊ ᐱᔭᕇᖅᓯᒻᒪᑕ ᐊᒻᒪᓗ ᑕᐃᒃᑯᐊ ᐱᖃᑎᒋᓪᓗᑎᒍᑦ, ᒪᒧᐊᕆᐅᓪ ᓯᓚᑦᑐᓴᕐᕕᕐᔪᐊᖓᑦ. ᑭᖑᓪᓕᖅᐹᒥ ᐅᖃᕐᓗᖓ, ᑖᒃᑯᐊ ᐊᒃᓱᐊᓗᒃ ᐅᐱᓐᓇᕐᒪᑕ ᐊᒻᒪᓗ ᑖᓐᓇ ᐃᓕᓐᓂᐊᑐᐃᓐᓇᙱᒻᒪᑕ ᑕᕝᕗᖓ ᐃᓕᓴᖅᑕᐅᓂᖏᓐᓄᑦ, ᑕᕝᕙᓂ ᓇᓗᓇᐃᒃᑯᑕᕐᒥᒃ ᑐᓂᓯᔭᐅᓂᐊᕆᓪᓗᑎᒃ; ᑕᒪᒃᑯᐊ ᐃᓐᓇᕐᓄᑦ ᐃᓕᓐᓂᐊᕈᑎᒃᑲᓐᓃᑦ ᐊᒃᓱᐊᓗᒃ ᐅᐱᓐᓇᖃᑦᑕᕐᒪᑕ ᑖᒃᑯᐊ ᐃᓕᓐᓂᐊᖅᑎᖁᑎᕗᑦ ᐊᓂᒍᐃᓕᖅᑎᓪᓗᒋᑦ. ᑖᒃᑯᓂᖓ ᐱᔭᕇᓕᖅᑐᓂᒃ, ᐅᐱᒋᕙᔅᓯ ᐊᒻᒪᓗ ᖃᐅᔨᒪᔪᒍᑦ ᐅᐱᒍᓱᑦᑎᐊᖅᑐᒍᑦ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 6 ᐊᒻᒪᓗ ᖁᔭᓐᓇᒦᖅᑕᒃᑲ ᒥᓂᔅᑕᐅᖃᑎᒃᑲ ᑕᑯᔭᖅᑐᑲᐅᑦᑐᑲᐃᓐᓇᖅᑲᐅᒐᑦᑕ ᑕᒪᐅᙵᓇᐅᙱᓐᓂᑦᑎᓐᓂᑦ. ᑕᐃᒪᓐᓇᐃᑎᓪᓗᒍ ᒪᓕᒐᓕᐅᖅᑎᐅᖃᑎᒃᑲ ᑐᙵᓱᖁᕙᒃᑲ ᑖᒃᑯᐊ ᐃᓕᓴᕆᔭᐅᑎᓪᓗᒋᑦ ᓄᓇᕗᑦ ᓯᓚᑦᑐᖅᓴᕐᕕᖕᒥᑦ ᐱᔭᕇᖅᓯᕋᑖᖅᑐᐃᑦ ᑕᕝᕙᓂ 2026-ᒥ. ᖁᔭᓐᓇᒥᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᑲᑎᒪᔾᔪᑎᑦᑎᓐᓄᑦ ᑲᔪᓯᓗᑕ. ᓈᓴᐅᑎᖓ 3, ᒪᓕᒐᓕᐅᖅᑏᑦ ᐅᖃᐅᓯᖏᑦ. ᖁᕐᓗᖅᑑᕐᒧᑦ ᒪᓕᒐᓕᐅᖅᑎ, ᕿᓗᒃᑖᓇ. ᑲᑎᒪᔾᔪᑎᒃᓴᖅ 3: ᒪᓕᒐᓕᐅᖅᑏᑦ ᐅᖃᐅᓯᖏᑦ ᒪᓕᒐᓕᐅᖅᑎᐅᑉ ᐅᖃᐅᓯᖓ 87 - 7(2): ᐃᓕᓴᕆᔭᖃᓐᓂᖅ ᓂᕈᐊᖅᑎᖁᑎᓐᓂᒃ (ᖁᓕᒃᑖᓇ) ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓪᓗᒥᓕ ᑲᑎᒪᕐᔪᐊᕕᒻᒥ ᓂᑯᕕᑦᑐᖓ ᐃᓕᓴᕆᒍᒪᓪᓗᒋᑦ ᐃᓚᒃᑲ ᐊᒻᒪᓗ ᓄᓇᖅᑲᑎᒃᑲ ᖁᕐᓗᖅᑑᕐᒥ. ᐃᓕᑉᐹᓪᓕᖅᓯᒪᕗᒍᑦ ᐊᒻᒪ ᖁᕕᐊᓇᖅᓯᒪᓪᓗᓂᓗ ᐃᓕᑉᐸᓪᓕᐊᓂᕗᑦ, ᖁᔭᓕᕙᒃᑲ ᖁᕐᓗᖅᑑᕐᒥᐅᑕᐃᑦ ᐊᓯᔾᔨᑐᐃᑦᑐᒥᒃ ᐃᑲᔪᖅᓰᖃᑦᑕᕋᔅᓯᑦ ᖁᔭᓕᖃᑦᑕᖅᑐᓯᓗ ᐊᒻᒪᓗ ᐅᑉᐱᕈᓱᑦᑐᓯ ᐅᕙᓐᓂᒃ. ᐊᒻᒪᑦᑕᐅᖅ ᐊᔭᐅᕆᔾᔪᑏᓐᓇᕐᓂᐊᕋᔅᓯ, ᖁᕐᓗᖅᑑᕐᒥᐅᖑᔪᐃᑦ, ᐊᒻᒪ ᓄᓇᕗᒻᒥᐅᑕᓕᒫᑦ. ᓄᓇᓕᒐ ᖃᓄᐃᙱᑦᑎᐊᖁᕙᒃᑲ, ᓄᓇᒥᓪᓗ ᑯᕕᐊᒋᔭᖃᕐᓗᑎᒃ ᐊᐅᔭᐅᓂᖓᓂ. ᒪᓕᒐᓕᐅᖅᑎᐅᖃᑎᓐᓄᑦ, ᐱᔭᕆᐊᑐᓯᒪᔫᒐᓗᐊᖅ ᑭᓯᐊᓂ ᐱᕙᓪᓕᐊᑦᑎᐊᖅᓯᒪᔪᒍᑦ, ᐊᒻᒪ ᑲᔪᓰᓐᓇᓪᓚᕆᑦᑐᒥᒃ ᐊᔭᐅᕆᔾᔪᑏᓐᓇᕐᓂᐊᕋᒃᑯᑦ ᓄᓇᕗᑦ ᐊᒻᒪ ᓄᓇᓕᕗᑦ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ: ᒪᓕᒐᓕᐅᖅᑏᑦ ᐅᖃᐅᓯᖏᑦ. ᖁᑦᑎᒃᑯᖅᒧᑦ ᒪᓕᒐᓕᐅᖅᑎ, ᒥᔅᑕ ᑕᖅᑐ. ᒪᓕᒐᓕᐅᖅᑎᐅᑉ ᐅᖃᐅᓯᖓ 88 - 7(2): ᐊᐅᓱᐃᑦᑐᕐᒥ ᖃᐅᓱᐃᑦᑐᕐᒥᓪᓗ ᐊᓂᒍᐃᔪᖁᑎᖏᑦ (ᑕᖅᑐ) ᑕᖅᑐ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᓪᓗᒥ ᐊᓕᐊᓇᐃᒍᓱᒍᒪᓪᓗᖓ ᐃᓕᓐᓂᐊᕇᖅᑐᓂᒃ ᖃᐅᓱᐃᑦᑐᕐᒥ ᐊᒻᒪ ᐊᐅᓱᐃᑦᑐᕐᒥ. ᑖᒃᑯᐊ ᖁᑦᑎᖕᓂᖅᐹᒦᖦᖢᑎᒃ. ᒥᑭᑦᑑᑎᑯᓘᒐᓗᐊᖅᑎᓪᓗᒋᑦ ᑲᔪᓯᑦᑎᐊᕐᒪᑕ ᐊᓕᐊᓇᐃᒋᕙᒃᑲ, ᐊᑎᖏᑦ ᐅᖃᕐᓂᐊᕋᒃᑭᒃ ᖃᐅᓱᐃᑦᑐᒥ: ᑖᓄ ᑲᓪᓗᒃ, ᐊᒻᒪ ᔫᓂᔅ ᐃᓪᓚᐅᑦ. ᐊᒻᒪ ᐊᐅᓱᐃᑦᑐᒥ ᐅᒥᖕᒪᒃ ᐃᓕᓐᓂᐊᕐᕕᖕᒥ, ᐊᑎᖏᑦ ᑕᐃᓂᐊᕋᒃᑭᑦ: ᐊᐃᕙ ᖃᐅᓐᓇᖅ, ᐃᐅᕆᓐ ᔫᓂᐅ ᑭᒍᑦᑕᖅ, ᔭᐃᒥ ᑯᕆᔅᑕᓐᓴᓐ ᐊᒻᒪ ᑲᐃᑎ ᖃᐅᓐᓇᖅ. ᐊᒻᒪ ᐃᒃᐱᐊᕐᔪᖕᒥᐅᑕᑯᓗᒃ, ᓯᓚᑦᑐᓴᕐᕕᖕᒥ ᑕᒫᓂ ᐃᓱᓕᑦᑎᖃᑕᐅᔪᖅ ᑐᓵᔨᐅᓂᕐᒧᑦ: ᕼᐅᕋᐃᓴᓐ ᐅᐃᓕ. ᐊᓕᐊᓇᐃᒋᑦᑎᐊᖅᐸᒃᑲ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐃᖃᓗᒃᑑᑦᓯᐊᕐᒧᑦ ᒪᓕᒐᓕᐅᖅᑎ, ᐲᑕᓴᓐ. ᒪᓕᒐᓕᐅᖅᑎᐅᑉ ᐅᖃᐅᓯᖓ 89 - 7(2): ᓂᕈᐊᕐᕕᓐᓂ ᓄᑖᕈᖅᓯᒪᔪᑦ (ᐲᑕᓴᓐ)

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 7 ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓪᓗᖃᑦᑎᐊᕆᔅᓯ ᐃᓘᓐᓇᓯ, ᐃᖃᓗᒃᑑᑦᑎᐊᕐᒥᐅᑕᓕᒫᓪᓗ ᑕᑯᕋᓐᓈᖅᑐᐃᑦ. ᐅᓪᓗᒥ ᑭᖑᓪᓕᖅᐹᕐᒥ ᐃᔅᓯᕙᓂᖃᓕᕋᑦᑕ ᐅᐱᕐᖔᒃᑯᑦ ᐃᔅᓯᕙᓂᕆᔭᑦᑎᓐᓂ ᑲᑎᒪᕐᔪᐊᕐᕕᒻᒥ. ᑕᐃᑲᓂ ᓂᕈᐊᖅᑕᐅᓪᓗᖓᐃᓛᒃ ᓵᓚᖃᓚᐅᕋᒪ ᐊᒃᑑᕝᕙᒥ, ᑕᐃᒫᒃ ᑭᒡᒐᑐᑦᑎᐊᓪᓚᕆᒐᓱᔅᓯᒪᕙᒃᑲ ᓄᓇᖅᑲᑎᒃᑲ ᑕᕝᕙᓂ ᒪᓕᒐᓕᐅᖅᑎᐅᓪᓗᖓ. ᐊᒻᒪᓗᑦᑕᐅᖅ ᑕᕝᕙᓂ ᐊᐱᖅᓱᖃᑦᑕᖅᑐᖓ ᒥᓂᔅᑕᓂᒃ ᓯᓚᑖᓃᑦᑐᓂᓪᓗ. ᑕᐃᒃᑯᐊ ᐅᕙᓐᓄᑦ ᖃᐅᔨᒋᐊᖅᓯᒪᔪᐃᑦ ᐅᕙᓐᓄᑦ ᐃᓱᒫᓘᑎᒥᓂᒃ ᐅᖃᐅᓯᖃᖅᓯᒪᔪᐃᑦ ᒐᕙᒪᒃᑯᑦ ᐱᓕᕆᕕᖏᓐᓂ, ᑭᐅᖃᑦᑕᖅᓯᒪᕙᔅᓯ ᐊᒻᒪ ᑕᐃᒫᓪᓗ ᓄᑖᓂᒃ ᓴᖅᑭᑦᑐᖃᕋᐃᑉᐸᑦ ᑭᐅᖏᓐᓇᖃᑦᑕᓂᐊᕐᒥᔪᖓ. ᐅᓪᓗᒥ ᐱᔭᕇᕈᑦᑕ, ᒪᐅᖓ ᐅᑎᒃᑲᓐᓂᓛᖅᑐᒍᑦ ᐊᒃᑑᕝᕙᐅᓕᖅᑲᑦ. ᐊᒻᒪ ᓯᕗᓂᐊᒍᑦ, ᕼᐋᓕᕚᒃᔅᒧᑦ ᑲᑎᒪᕐᔪᐊᕆᐊᓛᕐᒥᔪᖓ ᐋᒡᒌᓯᐅᓕᖅᑲᑦ, ᐅᑎᕐᓗᑕᓗ ᑲᑎᒪᔨᕋᓛᑦ ᑲᑎᒪᓂᖏᓐᓄᑦ ᓰᑏᕝᕙᒥ. ᑕᐃᑲᓂ ᑲᑎᒪᓕᕈᑦᑕ, ᐃᔅᓯᕙᐅᑕᐅᓛᖅᑐᖓ ᑕᓚᕖᓴᒃᑯᑦ ᓈᓚᓐᓂᖃᖅᑎᑦᑎᓕᕈᑦᑕ ᐱᔾᔪᑎᖃᖅᑐᓂ ᐊᕐᕌᒍᑕᒫᖅᓯᐅᑏᑦ ᐅᓂᒃᑳᓕᐊᒥᓂᖏᓐᓂᒃ ᐃᒻᒥᒃᑯᑦ ᐱᓕᕆᔨᐅᔪᑦ ᒪᓕᒐᓕᐅᕐᕕᒻᒧᑦ, ᐊᒻᒪᓗ ᓇᓗᓇᐃᖅᑐᐃᕕᐅᓗᑕ ᑲᓇᑕᐅᑉ ᑕᒻᒪᖅᓯᒪᔪᖅᓯᐅᖅᑎᖓᓄᑦ ᓄᓇᕘᑉ ᑮᓇᐅᔭᓕᕆᔾᔪᑎᖏᓐᓂᒃ ᐱᔾᔪᑎᓕᒻᒥᒃ. ᑕᒫᓂ ᐃᖃᓗᑦᑑᑦᑎᐊᒦᓐᓂᐊᖅᑐᖓ ᐊᐅᔭᐅᓂᖓᓂ ᐊᓪᓚᕝᕕᓐᓂ ᐊᑐᐃᓐᓇᐅᖃᑦᑕᕐᓂᐊᖅᑐᖓ, ᐃᖃᓗᑦᑑᑦᑎᐊᑉ ᑯᐊᐸᒃᑯᖏᑕ ᐃᓚᖓᓂ. ᐊᒻᒪ ᑕᐃᑲᓃᙱᒃᑯᒪ, ᒪᐅᑏᓇ ᒪᓂᓪᕆᓂᖅ, ᑎᑎᕋᕐᕕᒋᔪᓐᓇᖅᑕᓯᑦ ᖃᕆᓴᐅᔭᒃᑯᑦ. ᖁᔭᓐᓇᒦᒃ ᐃᑲᔪᔪᒐᔅᓯ ᒪᓕᒐᓕᐅᖅᑎᕈᖅᑎᑕᐅᓪᓗᖓᓗ ᑕᐃᒪᙵᓗ ᒪᓕᒐᐃᓗᖅᑎᕈᔪᒐᒪ, ᖃᐅᔨᒪᓂᐊᖅᑯᓯᑦ ᑲᔪᓰᓐᓇᑦᑎᐊᖅᑐᒥᒃ ᐱᒻᒪᕆᐅᑏᓐᓇᕐᓂᐊᕋᒃᑭᑦ ᐱᕙᓪᓕᐊᒋᐊᖃᕐᓂᖏᑦ ᓄᓇᓕᕗᑦ. ᒪᑐᓗᒍ, ᖁᔭᓕᕙᒃᑲ ᒪᓕᒐᓕᐅᖅᑎᐅᖃᑎᒃᑲ ᑕᑎᒋᔭᐅᓯᒪᒐᒪ ᐅᖃᖅᑎᒧᑦ ᑐᖏᓕᐅᒍᓐᓇᖅᑐᖓ; ᐃᔅᓯᕙᐅᑕᐅᓪᓗᖓᓗ ᑲᑎᒪᑐᐃᓐᓇᓂᕐᒥ; ᑲᑎᒪᔨᓕᕆᔨᓄᓪᓗ ᑲᑎᒪᔨᐅᖃᑕᐅᓪᓗᖓ; ᐊᒻᒪᓗ ᑲᑎᒪᔨᕋᓛᓃᖃᑕᐅᓪᓗᖓ ᒪᓕᒐᕐᓄᑦ ᐱᕙᓪᓕᐊᔾᔪᓯᓄᑦ ᐱᔪᓐᓇᐅᑎᓄᓪᓗ; ᐃᔅᓯᕙᐅᑕᐅᓪᓗᖓᓗ ᑲᑎᒪᔨᕋᓛᖑᔪᓄᖑᑦ ᓇᐅᑦᑎᑐᖅᑎᐅᔪᑦ ᒐᕙᒪᒃᑯᑦ ᐊᐅᓚᓂᖏᓐᓄᑦ ᑮᓇᐅᔭᖅᑐᕈᑎᖏᓐᓄᓪᓗ. ᐊᐅᔭᒥ ᖁᕕᐊᓱᑦᑎᐊᕐᓂᐊᖅᑯᓯᑦ ᐊᑦᑕᓇᖅᑐᒦᙱᑦᑎᐊᕐᓗᓯ ᐃᓚᒌᓕᒫᖑᔪᓯ. ᐊᒻᒪ ᑕᐃᒫᒃ ᖁᔭᒋᕙᒃᑲ ᐃᓚᒃᑲ ᐃᑲᔪᖅᓰᖏᓐᓇᓪᓚᕆᒻᒪᑕ ᐊᐅᓪᓚᑲᐃᓐᓇᖃᑦᑕᓛᖅᑐᑯᓘᓕᕐᒥᒐᑦᑕ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ: ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐸᓐᓂᖅᑑᕐᒧᑦ ᒪᓕᒐᓕᐅᖅᑎ, ᒪᐃᒃ. ᒪᓕᒐᓕᐅᖅᑎᐅᑉ ᐅᖃᐅᓯᖓ 90 - 7(2): ᐸᕐᓈᖃᓐᓂᖅ ᐊᐱᖅᑯᑎᒃᓴᓂᒃ ᐅᑭᐊᒃᓵᒥᑦ ᑲᑎᒪᓂᒃᓴᒧᑦ (ᒪᐃᒃ) ᒪᐃᒃ: ᐅᖃᖅᑏ, ᖁᔭᓐᓇᒦᒃ. ᐅᓪᓗᒥ ᐅᓪᓗᒃᑰᖅᑯᖓ ᓄᓇᕗᒻᒥᐅᓂᒃ ᐸᓐᓂᑑᕐᒥᐅᓂᓪᓗ. ᑕᐃᒪ ᐅᓪᓗᒥ ᑭᖑᓪᓕᖅᐹᕋᑦᑕ ᑲᑎᒪᓪᓗᑕ. ᓇᓗᙱᑦᑎᐊᖅᑐᖓ ᐊᐱᖅᓱᕈᑎᔅᓴᖃᖅᑐᒎᒐᓗᐊᖅ, ᑭᖑᓪᓕᖅᐹᓕᕐᓂᑦᑎᓐᓄᑦ ᐊᑕᖐᔾᔮᕙᓪᓚᐃᙱᓐᓇᑦᑕ ᐅᓪᓗᒥ ᐊᐱᕆᔪᒪᒐᓗᐊᖅᑎᓪᓗᑕ ᒥᓂᔅᑕᓄᑦ. ᑭᓯᐊᓂ, ᐃᓂᔅᓴᓕᐅᕈᒪᓂᓐᓂᓪᓕ ᐅᑭᐊᔅᓵᒧᑦ ᐊᐱᖅᑯᑎᔅᓴᕆᓛᖅᑕᓐᓂᑦ, ᐅᖃᖅᑏ, ᓇᓗᓇᐃᖅᓯᑲᐃᓐᓇᕈᒪᒐᒪ, ᕿᑲᕈᔫᔭᖅᑎᓪᓗᑕ ᐊᐅᔭᖅ, ᓇᓕᐊᓐᓄᑭᐊᖅ ᒥᓂᔅᑕᒧᑦ ᐃᓱᒪᔅᓴᖅᓯᐅᕐᕕᖃᖅᑎᑦᑎᒐᓱᐊᕐᓂᐊᕋᒪ ᐅᑎᕐᒥᒍᑦᑕ ᐊᐱᖅᑯᑎᒋᓛᖅᑕᖏᓐᓂᒃ ᐅᕙᖓ. ᓇᓗᓇᐃᖅᓯᒍᒪᓗᐊᙳᐊᖅᑐᖓ ᑖᓐᓇ ᓇᔪᓚᐅᖅᓯᒪᔭᓐᓂᒃ ᒥᓂᔅᑕ ᒫᓐᓇ ᐅᓪᓗᒥᐅᔪᖅ ᐊᐱᖅᓱᓂᖅᐹᕆᖅᑰᖅᓯᒪᒐᒃᑯᒃ ᓄᓇᕗᑦ ᐊᑐᖅᑕᐅᓂᒃᓴᖓᑕ ᒥᒃᓵᓄᑦ. ᑕᐃᒪ ᐅᖃᖅᑎᑦᑎᔩ, ᐅᑭᐊᔅᓵᒧᑦ ᑭᓯᐊᓂ ᐸᕐᓇᓪᓗᖓ ᐅᓇ ᓴᖅᑭᕈᒪᔭᕋ ᒫᓐᓇ ᒐᕙᒪᒃᑯᑦ ᓴᖅᑭᓯᒪᔭᖓ ᓄᓇᕗᒻᒥ ᐸᕐᓇᐃᔩᑦ 2023-ᒥ (ᑐᓵᔨᑎᒍᑦ) ᓄᓇᕗᒻᒥ

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 8 ᐊᑐᖅᑕᐅᓂᖓᓄᑦ ᐸᕐᓇᐅᑏᑦ (ᑐᓵᔨᑎᒎᕈᓐᓃᖅᑐᖅ) ᓴᖅᑭᑕᐅᓂᑯ ᒫᑦᓯ 2026, ᑕᕝᕙᓂ ᒪᓕᒃᑕᐅᔪᒃᓴᑦ ᒪᓕᒐᓕᕆᓂᕐᒥ ᐅᖃᖅᓯᒪᒻᒪᑦ. ᑖᓐᓇ ᐊᖏᖃᑎᒌᒍᑦ ᒪᓕᑦᑕᐅᓗᓂ ᓇᓗᓇᐃᒃᑯᑕᖓ 11.3.2 ᑖᒃᑯᐊ ᓄᓇᐅᑉ ᓄᓇᕗᑦ ᓄᓇᖓᑕ ᐸᕐᓇᑕᐅᓂᖓᓄᑦ ᓇᓗᓇᐃᖅᓯᒪᔾᔪᑏᑦ ᑖᒃᑯᓄᖓ ᓄᓇᕗᒻᒥᐅᑕᐃᑦ ᓄᓇᓖᓪᓗ ᒪᑭᒪᑦᑎᐊᓛᖁᔨᔾᔪᑎᒥᒃ ᐅᖃᖅᓯᒪᔪᖅ. ᐅᓇᑦᑕᐅᖅ ᑕᕝᕙᓂ ᐅᖃᖅᓯᒪᙱᒻᒪᑦ ᐊᖏᖃᑎᒌᒍᑎᒥᒃ ᐱᒻᒪᕆᐅᖅᑰᖅᑐᖅ ᐃᓄᓐᓄᑦ, ᐃᓄᐃᓪᓗ ᓄᓇᖁᑎᖏᓐᓄᑦ, ᐊᖏᖃᑎᒌᒍᑎᒦᑦᑐᑦ ᓇᒻᒪᖃᖅᑐᖅ 11, 11.2.1 ᐅᖃᕐᕕᖃᖅᑎᑕᐅᒃᑲᓐᓂᕈᒪᒐᓗᐊᖅᑐᖓ, ᐅᖃᖅᑏ, ᖁᔭᓐᓇᒦᒃ. ᐅᖃᖅᑎ: ᒪᓕᒐᓕᐅᖅᑎ ᐊᐱᕆᕗᖅ ᐅᖃᐅᓯᒃᓴᕆᔭᒥᖕᓂᒃ ᐅᓪᓗᒥ ᐃᓱᓕᒍᒪᓪᓗᓂᐅᒃ. ᐋᒃᑳᖅᑐᖃᖅᐹ? ᑐᓴᙱᑉᐳᖓ, ᒥᔅᑕ ᒪᐃᒃ, ᑲᔪᓯᒃᑲᓐᓂᓚᐅᕐᒥᒋᑦ. ᒪᐃᒃ: ᐊᔭᐃᖅᑯᖓᖃᐃ. ᐋᒡᒐᐃ. ᐃᓛᒃ ᑖᓐᓇ ᓇᓗᓇᐃᕈᒪᓪᓗᒍ ᒐᕙᒪᒃᑯᑦ ᓄᓇᐅᑉ ᐊᑐᕐᓂᕆᓛᖅᑕᖓᓄᑦ ᑐᕌᕈᑎᒥᒃ ᐃᓚᓯᒃᑲᓐᓂᖁᔨᒐᓗᐊᖅᑐᖓ ᐃᓱᒪᔅᓴᖅᓯᐅᕈᑕᐅᓂᐊᕐᖓᑦ ᒐᕙᒪᒃᑯᓐᓄᑦ ᓛᕈᒪᒐᓗᐊᖅᑐᖓ ᐊᐱᖅᑯᑎᒋᓛᖅᑐᒍᓗ ᐅᑭᐊᔅᓵᖅ. ᑕᒪᓐᓇ ᐅᓇ 11.2.1(B) ᐅᖃᖅᓯᒪᒻᒪᑦ ᖃᓪᓗᓈᑎᑐᑦ ᐅᖃᓕᒫᕐᓂᐊᕋᒃᑯ: (ᑐᓵᔨᑎᒍᑦ) “ᐱᔾᔪᑎᓪᓚᕆᖓ ᓄᓇᐅᑉ ᐊᑐᖅᑕᐅᓂᖓᓄᑦ ᐸᕐᓇᓐᓂᖅ ᓄᓇᕗᒻᒥ ᓄᓇᑖᕐᕕᐅᓯᒪᔪᓂ ᑖᓐᓇ ᓄᓇ ᓴᐳᒻᒥᔭᐅᒋᐊᖃᕐᓂᐊᖅᑐᖅ ᓴᖅᑭᔮᖅᑎᑕᐅᓗᓂᓗ ᓯᕗᓂᑦᑎᓐᓂ ᖃᓄᐃᙱᑦᑎᐊᕐᕕᐅᒍᓐᓇᓛᕐᖓᑦ ᐃᓄᖃᖅᑐᓄᑦ, ᐱᓗᐊᖅᑐᒥᒃ ᓄᓇᕗᒻᒥᐅᑕᕐᓄᑦ ᓄᓇᑖᕐᕕᐅᓯᒪᔪᒦᑦᑐᓄᑦ ᐃᓱᒪᒋᔭᖃᕆᐊᖃᑦᑕᕐᓗᑎᒃ ᐱᒍᒪᔭᓕᒫᖏᓐᓂᒃ ᑲᓇᑕᒥᐅᑕᓕᒫᑦ; ᐊᔾᔨᐅᙱᑦᑐᒥᒡᒎᖅ ᓵᙵᔭᐅᓂᐊᖅᑐᖅ ᓴᐳᒻᒥᔭᐅᓂᖓ, ᓴᖅᑭᔮᕆᐊᖅᑎᑕᐅᓂᖏᑦ ᒫᓐᓇ ᓯᕗᓂᕆᓛᖅᑕᑎᓐᓂᓗ ᐃᓄᐃᑦ ᖃᓄᐃᙱᑦᑎᐊᖁᓪᓗᒋᑦ ᐃᓄᐃᑦ ᓄᓇᖁᑎᖏᓐᓃᑦᑐᐃᑦ.” (ᑐᓵᔨᑎᒎᕈᓐᓃᖅᑐᖅ) ᑖᓐᓇ ᑕᕝᕙᓃᙱᒻᒪᑦ, ᐅᖃᖅᓯᒪᔪᖅᑕᕋᓗᐊᖅᑐᓂ ᐊᖏᖃᑎᒌᒍᑎᒧᑦ 11-ᒧᑦ, ᑖᓐᓇ ᐅᑭᐊᒃᓵᖅ ᐊᐱᖅᑯᑎᒋᓛᕈᒪᔭᕋ ᖃᓄᐃᓕᖓᓛᕐᒪᖔᑕ ᒐᕙᒪᒋᔭᕗᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐃᖃᓗᐃᑦ ᒪᓂᕋᔭᖕᒧᑦ ᒪᓕᖓᓕᐅᖅᑎ, ᕼᐄᓕ ᐊᕿᐊᕈᖅ. ᒪᓕᒐᓕᐅᖅᑎᐅᑉ ᐅᖃᐅᓯᖓ 91 - 7(2): ᐃᓄᒃᓱᖕᒥ ᖁᑦᑎᖕᓂᖅᓴᑦ ᐊᓂᒍᐃᔪᑦ (ᕼᐄᓕ-ᐊᕿᐊᕈᖅ) ᐊᖓᔪᖅᑳᖅ ᒍᐃᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ, (ᑐᓵᔨᑎᒎᓕᖅᑐᖅ) ᖁᔭᓐᓇᒦᒃ, ᐅᓐᓄᓴᒃᑯᑦ ᐃᖃᓗᖕᒥᐅᑕᐃᓪᓗ ᐊᒻᒪᓗ ᐊᒃᓱᐊᓗᒃ ᓯᕿᓐᓂᑦᑎᐊᖅᖢᓂ ᓯᓚᑦᑎᐊᕚᓘᖕᒪᑦ, ᖁᕕᐊᓇᖅ ᑭᖑᓪᓕᖅᐹᖅᓯᐅᖅᑎᓪᓗᑕ ᐅᓪᓗᒥ. ᐅᓪᓗᒥ ᓇᖏᖅᓯᕗᖓ ᑕᐃᒃᑯᐊ ᐃᓱᓕᑦᑎᔪᑦ ᖁᑦᑎᖕᓂᓕᖕᒥᒃ 12-ᒥ ᐃᓄᒃᓱᒃ ᐃᓕᓐᓂᐊᕐᕕᖓᓂ, ᖁᕕᐊᓲᑎᒋᔪᒪᓪᓗᒍ ᑖᓐᓇᓗ ᑭᖑᓪᓕᖅᐹᖅᓯᐅᑦ ᐊᒃᓱᐊᓗᒃ, ᖁᕕᐊᓇᖅᖢᓂ ᑖᒃᑯᐊ ᐊᒃᓱᕈᑦᑎᐊᖅᖢᑎᒃ ᐃᓕᓐᓂᐊᓚᐅᕐᒪᑕ ᐱᔭᕐᓂᙱᑦᑐᖅᓯᐅᖃᑦᑕᖅᓯᒪᓪᓗᑎᒃ. ᐊᖓᔪᖅᑳᑎᑦ, ᐃᓕᓴᐃᔨᑎᑦ, ᓄᓇᖅᑲᑎᑎᓪᓗ ᐅᐱᑉᐳᑦ, ᐊᖏᖅᓯᒪᑦᑎᐊᖅᖢᓯ ᐃᓕᓐᓂᐊᖅᓯᒪᒐᔅᓯ ᐊᒻᒪᓗ ᑭᓱᓕᒫᓄᑦ ᒪᑐᐃᖅᓯᕕᐅᕗᑎᑦ ᐊᓪᓗᕆᐊᒃᑲᓐᓂᕋᕕᑦ. ᐃᓕᓴᕆᔪᒪᒋᓪᓗᒋᑦ ᑕᐃᒃᑯᐊ ᐊᖓᔪᖅᑳᖏᑦ, ᐃᑦᑐᖏᑦ, ᓄᑲᖏᑦ, ᐊᖓᔪᖏᑦ, ᐃᓚᖏᓪᓗ ᐃᑲᔪᖅᓱᑦᑎᐊᖅᓯᒪᒐᒃᑭᑦ ᒪᒃᑯᑐᑦ. ᐅᑕᖅᑭᑦᑎᐊᖅᓯᒪᔪᑦ ᐊᔪᕐᓇᕈᓐᓃᖅᑎᑦᑎᕚᓪᓕᖅᖢᓂᓗ. ᐃᖅᑲᓇᐃᔭᖅᑏᑦ ᐃᓕᓐᓂᐊᕐᕕᖕᒥ ᐃᓕᓴᐃᔨᖏᑦ ᑖᒃᑯᓂᖓ ᐃᑲᔪᖅᓯᒪᔪᑦ ᐊᒻᒪᓗ ᖁᔭᓇᒦᕌᓗᒃ ᑖᒃᑯᐊ ᐃᑲᔪᖅᓯᒪᒐᕕᒋᑦ ᐃᓕᓴᖅᑏᑦ. ᓯᓚᑦᑐᖅᓴᕐᕕᒡᔪᐊᓄᑦ ᑕᐃᒪ ᓴᓇᔨᓪᓚᕆᙳᕆᐅᖅᓴᕐᓂᖅ ᐃᖅᑲᓇᐃᔮᖅᑖᕐᓂᖅ ᐅᕝᕙᓘᓐᓃᑦ ᐊᖏᕐᕋᖅᓯᒪᐃᓐᓇᕐᓗᑎᒃ. ᖃᐅᔨᒪᒐᕕᑦ ᐅᐱᒋᔭᐅᒐᕕᑦ ᐅᒃᐱᕆᔭᐅᒐᕕᓪᓗ ᓄᓇᖅᑲᑎᖕᓄᑦ ᐊᒻᒪᓗ ᐃᑲᔪᕐᓂᐊᕐᓃᑦ ᓄᓇᕗᒻᒧᑦ ᐊᓯᐊᓄᓪᓗ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 9 ᐃᓱᓕᑦᑎᑎᓪᓗᑎᑦ ᑕᐃᑲᓃᑦᑐᒥᓇᖅ ᐱᒋᐊᓕᓵᖅᑲᐅᑎᓪᓗᑎᑦ. ᐅᐱᑦᑐᒍᑦ, ᖁᕕᐊᓲᑎᖃᖅᑐᒍᑦ. ᑕᐃᒪᑐᖅ ᑲᔪᓯᑦᑎᐊᕆᑦ ᓯᕗᓂᒃᓴᑦᑎᓐᓄᑦ. ᑭᖑᓪᓕᖅᐹᖅ, ᒪᓕᒐᓕᐅᖅᑎᐅᖃᑎᒃᑲ ᐊᑏ, ᐊᖏᕐᕋᐅᑦᑎᐊᕐᓂᐊᖅᐳᓯᑦ ᐅᓐᓄᒃ, ᐅᕝᕙᓘᓐᓃᑦ ᖃᐅᒃᐸᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ: ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐃᖃᓗᐃᑦ ᑕᓯᓗᖕᒧᑦ ᒪᓕᒐᓕᐅᖅᑎ, ᕼᐃᒃᔅ. ᒪᓕᒐᓕᐅᖅᑎᐅᑉ ᐅᖃᐅᓯᖓ 92 - 7(2): ᐊᓂᒍᐃᔪᑦ ᐃᖃᓗᖕᓂ (ᕼᐃᒃᔅ) ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᐃᓯᓚᐅᙱᓐᓂᑦᑎᓐᓂ ᐅᓪᓗᒥ ᒪᓕᒐᓕᐅᖅᑎᐅᖃᑎᒃᑲ ᓯᕗᕐᖓᓐᓂ ᖁᕕᐊᓲᑎᖃᖅᑲᐅᒐᑦᑕ ᑕᒫᓂ ᐃᖃᓗᖕᓂ. ᖁᕕᐊᓈᓗᒃ ᑕᑯᓪᓗᒋᑦ ᐅᐱᑦᑐᑦ, ᖁᕕᐊᓱᒃᑐᑦ, ᑕᐃᒃᑯᐊᓗ ᕿᐊᖃᑦᑕᖅᓯᒪᔪᑦ ᐊᒃᓱᕈᓗᐊᒧᑦ ᐃᓕᓐᓂᐊᖅᑕᒥᖕᓂᒃ ᐱᔾᔪᑎᖃᖅᖢᑎᒃ. ᑕᒪᓐᓇ ᐊᓪᓗᕆᐊᕈᑎᑦᑎᐊᖅ, ᐃᓕᓴᕆᓗᒋᓪᓗ. ᐃᑉᐸᒃᓴᖅ ᓂᕆᑎᓪᓗᑕ ᒪᒃᑯᒃᑐᓂᒃ ᓱᕈᓯᓛᓂᑦ ᐱᔭᕇᖅᑐᑯᓗᖕᓂᒃ ᑕᑯᓚᐅᕐᒥᒐᒪ. ᑕᒪᒃᑯᐊ ᐃᓐᓇᕈᓕᖅᑐᑦ ᐃᓱᓕᑦᑎᕙᓪᓕᐊᓕᖅᑐᑦ, ᑕᐃᒃᑯᐊᓗ ᒥᑭᔫᑕᐅᓂᖅᐹᑦ ᐃᓕᓐᓂᐊᖅᑏᑦ ᐱᐊᓂᒃᑐᑯᓗᐃᑦ ᐊᓐᓄᕌᑦᑎᐊᖅᓯᒪᓪᓗᑎᒃ ᐊᒻᒪᓗ ᑕᐃᒃᑯᐊ ᓯᓚᑦᑐᖅᓴᕐᕕᖕᒥᑦ ᐃᓱᓕᑦᑎᔪᑦ, ᐃᓄᒃᓲᓪᓗ ᐃᓕᓐᓂᐊᕐᕕᖓᓂ ᑖᓐᓇ ᒪᓕᒐᓕᐅᖅᑎᐅᖃᑎᒐ ᐃᓕᓴᕆᖅᑲᐅᒪᒋᑦ ᐊᒻᒪᓗ ᐅᖃᖅᑲᐅᖕᒪᑦ ᐊᒃᓱᕈᑦᑎᐊᖅᖢᑎᒃ ᐃᑲᔪᖅᓱᖅᑕᐅᑦᑎᐊᖅᖢᑎᒡᓘᖃᑦᑕᕐᒪᑕ ᐊᖓᔪᖅᑳᖏᓐᓄᑦ ᐃᓕᓴᐃᔨᖏᓐᓄᓪᓗ. ᒫᓂ 60ᖏᓐᓃᖅᑰᖅᑐᑦ ᐃᒃᑯᐊ ᐃᓱᓕᑦᑎᓂᐊᖅᑐᑦ ᐃᓄᒃᓲᑉ ᐃᓕᓐᓂᐊᕐᕕᖓᓐᓂ ᐊᒻᒪᓗ ᐅᐃᕖᑦ ᐃᓕᓐᓂᐊᕐᕕᖓᓐᓂ. ᖁᕕᐊᓲᑎᕙᕗᑦ ᑕᐃᒃᑯᐊ ᐃᓱᓕᑦᑎᕙᓪᓕᐊᔪᑦ, ᐃᓕᓴᕆᓪᓗᒋᓪᓗ ᐊᒃᓱᕈᑦᑎᐊᖅᖢᑎᒃ ᐱᓇᔪᓚᐅᖅᓯᒪᖕᒪᑕ ᐊᒻᒪᓗ ᑕᐃᒃᑯᐊ ᐱᙳᐊᖅᑎᐅᖃᑦᑕᖅᑐᑦ ᐊᒃᓱᐊᓗᒃ ᐅᐱᑉᐳᖓ, ᐅᐱᒋᕙᒋᑦ ᑕᐃᒃᑯᐊ ᒪᒃᑯᒃᑐᑦ ᐃᓐᓇᕈᓕᖅᑐᑦ ᐃᓐᓇᕈᖅᐸᓪᓕᐊᓕᖅᑐᓪᓗ. ᐊᑏᑐᖅ ᐱᐅᓂᖅᐹᒧᑦ ᓴᖅᑭᕕᐅᓂᐊᖅᐳᑦ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ: ᐅᐱᒍᓱᑉᐳᒍᐃᓛᒃ ᐃᓱᓕᑦᑎᕙᓪᓕᐊᔪᓂᒃ ᐃᓕᓐᓂᐊᕐᓂᒃᑯᑦ. ᑭᓯᐊᓂ ᐃᓕᓐᓂᐊᕐᓂᖅ ᑲᔪᓰᓐᓇᐃᓐᓇᐅᔭᕐᒪᑦ. ᐅᖃᐅᓯᒃᑯᑦ ᐊᐱᖅᑯᑏᑦ. ᑐᓄᓂᕐᒧᑦ ᒪᓕᒐᓕᐅᖅᑎ. ᒪᒥᐊᓇᖅ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᑕᕝᕙᓃᒃᑲᑦᑕ. ᐱᖓᓱᑦ ᓯᕘᕋᓴᓗᐊᑲᓴᒃᑲᒪᐃᓛᒃ ᒪᒥᐊᑉᐳᖓ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᑐᓄᓂᕐᒧᑦ ᒪᓕᒐᓕᐅᖅᑎ, ᑯᓄᒃ. ᒪᓕᒐᓕᐅᖅᑎᐅᑉ ᐅᖃᐅᓯᖓ 93 - 7(2): ᐃᓱᒪᒋᓪᓗᒋᑦ ᐅᐱᕐᖔᒃᑯᑦ ᑲᑎᒪᓂᕆᔭᕗᑦ (ᑯᓄ) ᐊᖓᔪᖅᑳᖅ ᐳᕋᐃᐊᓐ ᑯᓄᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐊᐱᕆᔪᒪᖃᑦᑕᕋᓗᐊᖅᖢᖓ ᐊᓕᐊᓇᐃᒍᓱᓚᐅᑲᒃᑲᓗᐊᖅᐳᖓ. ᓄᓇᖅᑲᑎᒃᑲ ᒥᑦᑎᒪᑕᓕᖕᒥᐅᑦ ᕼᐊᓘᖅᐸᒃᑲ. ᑲᔾᔮᕐᓇᖅᓯᔪᐊᐃᓐᓅᓕᕐᒪᑦ ᐅᐱᕐᖔᕋᐃᓐᓅᓪᓗᓂ. ᐊᐅᓪᓚᖅᓯᒪᔪᒥᓇᕐᓂᐊᓕᕐᒥᖕᒪᑦ ᑕᐃᒪ ᐅᐱᕐᖔᓕᒫᖅ ᑲᔾᔮᕐᓇᕈᔪᐃᓐᓇᕐᓗᓂ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 10 ᐃᖅᑲᐃᑎᑦᑎᒋᐊᕈᒪᑐᐃᓐᓇᖅᖢᖓ ᓯᓚ ᐊᓯᔾᔨᖅᐸᓪᓕᐊᖃᑦᑕᓕᕐᒪᑦ ᓇᖏᐊᕐᓇᖅᓯᓵᓕᕙᓪᓕᐊᕙᒃᖢᓂᓗ ᐊᒻᒪᓗ ᐊᕐᕌᒎᔪᒥ ᑕᒫᓂ ᐅᖅᑰᓂᖅᓴᐅᓂᐊᕐᓂᕋᖅᑕᐅᓯᒪᓪᓗᓂ ᓯᓚᓐᓂᐊᖅᑐᓕᕆᔨᒃᑯᓐᓂ, ᐊᒃᑕᕐᓇᖅᑐᖃᑐᐃᓐᓇᕆᐊᖃᕐᓂᖓᓂᒃ. ᐅᔾᔨᖅᓱᑦᑎᐊᖃᑦᑕᖁᔨᕗᖓ ᐊᒻᒪ ᑖᒃᑯᐊ VHF-ᒧᑦ ᐅᖄᓚᔪᓐᓇᐅᑏᑦ ᐋᖅᑭᒃᓯᒪᑦᑎᐊᙱᒻᒪᑕ ᓱᓕ ᒥᑦᑎᒪᑕᓕᐅᑉ ᖃᓂᒋᔮᓄᑦ ᐊᔪᙱᒃᑲᓗᐊᖅᖢᑎᒃ ᐅᖓᓯᖕᓂᖅᓴᒧᑦ ᐊᔪᕐᒪᑕ ᓱᓕ ᐊᒻᒪ ᓯᓈᖓᓃᖃᑦᑕᖅᑐᓄᑦ ᓯᑯᒧᑦ ᐅᔾᔨᖅᓱᑦᑎᐊᖃᑦᑕᖁᔨᕗᖓ. ᐅᐱᕐᖔᖅᐸᓪᓕᐊᓕᖅᑎᓪᓗᒍ ᐊᓄᕌᖅᑐᓪᓛᓘᑲᑕᓚᐅᕐᒪᑦ ᐊᓄᕌᕐᓂᖅᓴᐅᑲᑕᑐᐃᓐᓇᕆᐊᖃᕐᒪᑦ ᓯᓚ ᐅᖅᑰᓂᖅᓴᐅᓂᖓᓄᑦ ᐊᒻᒪ ᑲᔾᔭᐅᓴᑦᑎᐊᖁᕙᒃᑲ. ᐅᐱᕐᖔᖅᓯᐅᑦᐊᕐᓂᐊᖅᐳᓯ. ᑐᓱᒐᓗᐊᖅᐳᖓ ᐱᔭᒃᓴᖃᖃᑦᑕᕋᒪ ᑭᓯᐊᓂ ᑕᐃᓐᓇ ᒪᓕᒐᓕᐅᖅᑎᐅᓂᕋ ᐊᒃᓱᕉᑎᒌᓐᓇᕐᓂᐊᖅᐸᕋ ᐊᒻᒪᓗ ᑖᓐᓇ ᐃᖅᑲᓇᐃᔭᖅᑎᒐ ᐊᐃᑐᕆᐊᓐ ᐆᑦᑐᕙᒃ ᐊᐱᕆᔭᐅᔪᓐᓇᖅᑐᖅ, ᐅᕙᓐᓄᑦ ᑐᓴᖅᑎᑦᑎᔪᓐᓇᕐᓂᐊᕐᒥᔪ ᐊᒻᒪ ᑭᖑᓪᓕᖅᐹᕐᒥ ᖁᔭᓕᑦᑎᐊᖅᐳᖓ ᒪᓕᒐᓕᐅᖅᑎᐅᖃᑎᓐᓄᑦ ᐊᐱᖅᓱᖅᑕᐅᑦᑎᐊᑲᑕᓚᐅᕋᒪ. ᐊᔪᕈᓐᓃᖅᓴᖅᑕᐅᑦᑎᐊᖅᖢᖓ ᒫᓐᓇ ᑲᙳᓱᓗᐊᕈᓐᓃᕐᔫᒥᓪᓗᖓ ᐱᔪᓐᓇᖅᓯᕙᓪᓕᐊᓪᓗᖓ, ᖁᔭᓕᑦᑎᐊᖅᑐᖓ ᐃᑲᔪᖅᑐᑦᑎᐊᓚᐅᕐᒪᑕ ᑖᒃᑯᐊᓗ ᒥᓂᔅᑕᐅᖃᑎᒃᑲ ᖁᔭᒋᑦᑎᐊᖅᐸᔅᓯ ᐃᑲᔪᖅᑐᑦᑎᐊᓚᐅᕋᔅᓯᑦ. ᐃᖅᑲᓇᐃᔭᖃᑎᒋᑦᑎᐊᕈᒪᕙᔅᓯ ᐊᒻᒪ ᐅᑭᐊᒃᓵᖑᓛᖅᑐᒥ ᑲᑎᒪᑦᑎᐊᓛᕆᕗᒍᑦ. ᓄᖅᑲᖓᑦᑎᐊᕐᓂᐊᖅᐳᓯᑦ, ᑲᔾᔭᐅᓴᑦᑎᐊᕐᓗᓯᓗ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᖁᔭᓐᓇᒦᒃ, ᒪᓕᒐᓕᐅᖅᑏᑦ ᐅᖃᐅᓯᖏᑦ. ᖃᒪᓂᑦᑐᐊᕐᒧᑦ ᒪᓕᒐᓕᐅᖅᑎ, ᓯᒪᐃᓚᒃ. ᒪᓕᒐᓕᐅᖅᑎᐅᑉ ᐅᖃᐅᓯᖓ 94 - 7(2): ᑕᑯᒃᓴᕈᖅᑕᒧᑦ ᒪᑐᐃᖅᑐᓐ ᒪᑐᐃᕆᔾᔪᑎᓐ (ᓯᒪᐃᓚᒃ) ᐊᖓᔪᖅᑳᖅ ᑲᕋᐃᒡ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᒻᒪᓗ ᐅᓐᓄᓴᒃᑯᑦ ᒪᓕᒐᓕᐅᖅᑏᑦ, ᐊᐅᔭᖃᑦᑎᐊᕐᓂᐊᖅᐳᓯᑦᑐᖅ. ᐅᓇ ᖃᒪᓂᑦᑐᐊᕐᒥ ᐱᒋᐊᓚᐅᕐᒪᑦ ᑲᑐᔾᔨᖃᑎᒌᖕᓂᒃᑯᑦ ᑖᓐᓇ ᓴᖅᑭᓚᐅᖅᓯᒪᔪᖅ ᐊᒡᓂᑯ ᐄᒍᓪ ᐊᒻᒪᓗ ᓯᓚᑦᑐᖅᓴᕐᕕᒃᑯᑦ. ᐊᕐᕌᒎᓕᖅᑐᖃᐃ ᒪᑐᐹᓐᒃᒥ ᑕᐃᓐᓇ ᓇᔪᒐᖓᓐᓂ ᐊᖓᔪᖅᑲᐅᑎᒋᔭᐅᔪᖅ ᑲᑎᒪᖃᑎᒋᓚᐅᖅᓯᒪᒐᒃᑯ. ᐃᓕᓐᓂᐊᕈᑎᒃᓴᓂᒃ ᑕᒪᒃᑯᓂᖓ ᓴᖅᑮᒃᑲᓐᓂᒍᒪᓚᐅᖅᑐᑦ ᐊᒻᒪᓗ ᐃᒃᑯᐊ ᓂᕿᓕᐅᕐᓂᕐᒥᒃ ᐃᓕᓐᓂᐊᖅᑐᑦ. ᑕᒪᓐᓇ ᐅᖃᐅᓯᕆᓗᐊᙳᐊᓚᐅᕋᒃᑯᒃ. ᑲᖏᖅᖠᓂᕐᒥ ᐅᔭᕋᖕᓂᐊᕐᕕᖃᖦᖤᕐᒪᑦ ᐊᒻᒪᓗ ᐃᖃᓗᒃ ᐊᒻᒪᓗ ᓄᓘᔮᑦ ᑕᐃᒃᑯᐊ ᓂᕿᓕᐅᖅᑎᖃᖅᑐᐃᓐᓇᐅᔭᕆᐊᖃᕐᒪᑕ ᐅᔭᕋᖕᓂᐊᕐᕕᓖᑦ. ᖃᒪᓂᑦᑐᐊᕐᒥ ᑕᐃᒪᐃᑦᑐᒥᒃ ᐃᓕᓐᓂᐊᕈᑎᒃᓴᒥᒃ ᓴᖅᑭᔮᖅᑐᖃᓕᖅᑐᑦ 17-ᖑᒋᐊᓖᑦ ᐃᓐᓇᐅᓂᖅᓴᐅᓗᑎᒡᓘᓐᓃᑦ, ᖃᓪᓗᓇᐅᔭᕈᓐᓇᕐᓗᑎᒃ, ᓈᓴᐅᓯᕆᔪᓐᓇᕐᓗᑎᒃ. ᑕᒪᒃᑯᐊ ᐃᑲᔫᑕᐅᔪᓐᓇᖅᑐᑦ ᐱᓕᒻᒪᒃᓴᕐᓗᑎᒃ ᐃᓕᓐᓂᐊᕐᕕᖕᓂ ᐃᓕᓐᓂᐊᕐᓗᑎᒃ ᑰᖃᕐᕕᒻᒥ ᓂᕿᓕᐅᕆᐅᖅᓴᕐᓗᑎᑦ ᐃᓄᒋᐊᓄᑦ, ᐳᓚᕋᖅᑐᓕᕆᓂᖅ, ᒪᑯᐊᓗ ᑐᙵᓇᖅᑎᑦᑎᔩᑦ ᐱᓕᒻᒪᒃᓴᐅᑎᓪᓚᕆᐊᓘᔪᓐᓇᕐᒪᑕ ᑕᐃᒃᑯᓄᖓ ᐊᒻᒪᓗ ᑰᖃᕐᕕᖕᒥ ᐊᑦᑕᓇᔾᔭᐃᖅᓯᒪᓂᖅ, ᓴᓗᒪᑎᑦᑎᓂᖅ ᑭᓱᓕᒫᑦᑎᐊᓂᒃ ᐃᓕᓐᓂᐊᕐᓗᑎᑦ ᒪᑯᓇᙵᑦ ᓂᕿᓂᒃ ᐱᕈᖅᑐᕕᓂᕐᓂᒃ ᐊᓯᖏᓐᓂᒡᓗ. ᖃᒪᓂ’ᑐᐊᕐᒥᐅᑦ ᑕᐃᒪᐃᑦᑐᒥᒃ ᐃᓕᓐᓂᐊᕆᐊᕈᒪᒍᕕᑦ ᖃᐅᑉᐸᓂᓐᓇ ᒪᑐᕝᕕᒃᓴᖃᕐᓂᐊᕐᒪᑦ ᔫᓂ 12-ᒥ. ᑕᐃᑯᖓ ᓯᓚᑦᑐᖅᓴᕐᕕᖕᒧᑦ ᓯᓚᑦᑐᖅᓴᕐᕕᓕᐊᕈᓐᓇᖅᑐᑎᑦ ᐃᓕᓐᓂᐊᖃᑕᐅᔪᒪᒍᕕᑦ. ᐊᑏ ᑲᔪᓯᑦᑎᐊᕐᓕᑦ ᑕᐃᒃᑯᐊ ᐃᓚᐅᔪᒪᔪᑦ ᑕᐃᒪᑐᖅ ᐃᓕᓐᓂᐊᓚᐅᕐᓗᑎᒃ ᓇᓂᑐᐃᓐᓇᖅ ᓂᕿᓕᐅᕐᕕᖕᓂᓘᓐᓃᑦ ᐅᔭᕋᖕᓂᐊᕐᕕᓐᓂᓘᓐᓃᑦ ᓂᕿᓕᐅᖅᑎᙳᓛᖅᐳᑦ. ᖁᔭᓐᓇᒦᒃ, ᐅᖃᖅᑏ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 11 ᐅᖃᖅᑎ: ᖁᔭᓐᓇᒦᒃ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐃᖃᓗᐃᑦ−ᓂᐊᖁᙴᒧᑦ ᒪᓕᒐᓕᐅᖅᑎ ᐊᕿᐊᕈᖅ. ᒪᓕᒐᓕᐅᖅᑎᐅᑉ ᐅᖃᐅᓯᖓ 95 - 7(2): ᐊᓂᒍᐃᔪᓄᑦ ᖁᕕᐊᓲᑎᓕᐊᖑᔪᑦ (ᐊᕿᐊᕈᖅ) ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐱᒋᐊᓚᐅᙱᓐᓂᓐᓂ ᓄᑲᕋ ᓇᓪᓕᐅᑎᒻᒪᑦ ᓇᓪᓕᐅᓐᓂᑦᓯᐅᑦᑎᐊᕇᖅᐸᕋ ᑕᑉᐹᓂ ᐊᐅᓱᐃᑦᑐᕐᒥ, ᐊᐃᒧ ᐊᕿᐊᕈᖅ. (ᑐᓵᔨᑎᒎᓕᖅᑐᖅ) ᑕᒫᓂ ᒫᓂ ᑕᒪᑐᒪᓂ ᐃᓱᓕᑦᑎᔪᓂ ᐱᔭᕐᓂᙱᑦᑐᕐᔪᐊᒻᒪᕆᐊᓗᒃ ᐅᕙᓐᓄᑦ. ᐃᖃᓗᖕᒥᐅᑦ ᑕᐃᒃᑯᐊ ᐃᓕᓐᓂᐊᕐᕖᑦ ᐊᑕᐅᓯᐅᙱᑦᑐᑦ ᐃᓱᓕᑦᑎᕙᓪᓕᐊᔪᓂᒃ ᖁᕕᐊᓲᑎᖃᕐᓂᐊᕐᒪᑕ. ᓄᓇᑦᑕ ᓯᓚᑦᑐᖅᓴᕐᕕᖓᓄᑦ ᑕᐃᑯᙵᕈᓐᓇᖅᓯᓚᐅᕋᒪ ᑲᑎᖦᖢᒋᓪᓗ ᑕᐃᒃᑯᐊ ᐃᓱᓕᑦᑎᕙᓪᓕᐊᔪᑦ ᐊᒻᒪ ᐆᒻᒪᕆᑦᑐᓪᓚᒻᒪᕆᐊᓘᓚᐅᖅᑐᖅ ᑕᐃᑲᓃᑎᓪᓗᖓ. ᐊᒻᒪᓗ ᐃᓕᓐᓂᐊᕐᕕᐊᓗᖕᓂ 21-ᒥᐅᖅᑰᖅᑐᖅ ᐅᐸᒍᓐᓇᓛᙱᓐᓇᒪ ᑭᓯᐊᓂ ᖁᕕᐊᓱᖃᑎᒋᓂᐊᖅᐸᒃᑲ. ᐊᑎᖏᑦ ᑕᐃᔭᐃᓐᓇᕆᓗᒋᑦ ᑕᐃᒃᑯᐊ ᓂᐱᓕᐅᖅᑕᐅᓯᒪᓗᑎᒃ ᑭᓯᐊᓂᐅᓂᐊᖅᑐᖅ ᐅᓄᖅᑐᐊᓘᖕᒪᑕ ᐃᓱᓕᑦᑎᕙᓪᓕᐊᓂᐊᖅᑐᑦ ᑕᒫᓂ ᐃᖃᓗᖕᓂ. ᐊᒻᒪᓗ ᐃᓕᓐᓂᐊᕐᕕᒃ ᐊᑯᓐᓂᖅᓱᖅᑐᓄᑦ ᐃᕐᓂᕋᐃᓐᓇ ᑕᐃᑯᖓ ᐃᓕᓐᓂᐊᕆᐊᕐᓂᐊᓕᕐᒪᑦ. ᑕᒪᓐᓇ ᐊᒃᓱᐊᓗᒃ ᐃᑉᐱᒋᓪᓗᑎᒃᑯᑦ ᓄᓕᐊᕋᓗ ᑕᐃᑲᓃᑦᑐᓐᓇᙱᒃᑲᓗᐊᕐᓗᑕ. ᑕᐃᒃᑯᓄᖓ ᖁᕝᕙᓯᓐᓂᓕᒃ 8−ᒥ ᐃᓱᓕᑦᑎᔪᑦ ᐃᓕᓐᓂᐊᕐᕕᐊᓗᖕᒧᐊᖅᐸᓪᓕᐊᔪᒃ ᐊᒃᓱᐊᓗᒃ ᐱᔨᒥᒃᓱᒎᑕᐅᖕᒪᑦ ᒪᒃᑯᒃᓯᒐᒥᒃ ᐃᓐᓇᕈᖅᐸᓪᓕᐊᓂᐊᓕᕋᒥᒃ. ᖁᕕᐊᓲᑎᕙᒃᑲ ᑕᐃᒃᑯᐊ. ᖃᐅᔨᒪᓪᓗᖓ ᐊᖓᔪᖅᑳᖏᑦ ᑕᐃᑲᓃᓛᖅᑐᑦ ᐅᐱᑦᑐᐊᓗᐃᑦ ᓲᖃᐃᒻᒪᑦ. ᖁᕕᐊᓱᖃᑎᒋᕙᒃᑲ. ᐊᒻᒪᓗ ᑕᐃᒃᑯᐊ ᑕᑯᖃᑦᑕᙱᑦᑕᕗᑦ ᐃᓕᓴᐃᔩᑦ, ᐃᓕᓴᕐᕕᐅᑉ ᐊᖓᔪᖅᑳᖓ, ᖃᐅᑕᒫᑦᑎᐊᖅ ᐅᐸᖃᑦᑕᕐᒪᑕ ᖁᔭᓐᓇᒦᖅᐸᒃᑲ ᑕᐃᑲᓃᑦᑐᓐᓇᕐᒪᑕ. ᐃᓱᓕᑦᑎᔪᓄᑦ ᐅᐸᒃᑳᖓᒪ ᐊᓈᓇᒃᑯᖏᑦ ᖁᔭᓐᓇᒦᖏᓐᓇᐅᔭᖅᑕᒃᑲ ᑐᐹᖅᓴᐃᔨᒋᔭᐅᖃᑦᑕᕐᒪᑕ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᑦᑕᐅᖅ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᑕᐃᒫᖅᐸᓪᓚᐃᒻᒪᑕ. ᐅᖃᐅᓯᒃᓴᕋᓴᐅᑦᑕᕋᑖᖅᑯᑦ. ᑲᑎᒪᔾᔪᑎᑦᑕ ᓈᓴᐅᑎᖓ 4, ᐅᖃᐅᓯᒃᑯᑦ ᑭᐅᔾᔪᑎᕕᓂᕐᓄᑦ ᐃᓚᒋᐊᕈᑏᑦ. ᓄᓇᕗᑦ ᓯᓚᑦᑐᖅᓴᕐᕕᒃᑯᓐᓄᑦ ᒥᓂᔅᑕ ᐊᕿᐊᕈᖅ. ᑲᑎᒪᔾᔪᑎᒃᓴᖅ 4: ᑭᐅᔾᔪᑎᑦ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᓄᑦ ᑭᐅᔾᔪᑎᒃ ᐅᖃᐅᓯᒃᑯᑦ ᐊᐱᖅᑯᑎᒧᑦ 69 - 7(2): ᐃᓄᖃᙱᑦᑐᑦ ᐃᖅᑲᓇᐃᔮᑦ ᐊᕐᕕᐊᓂ (ᐊᕿᐊᕈᖅ) ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓇ ᐊᐱᖅᑯᑦ ᐊᐱᖅᑯᑕᐅᓚᐅᖅᑐᖅ ᐊᕐᕕᐊᑦ ᓂᒋᐊᓄᑦ ᔭᐃᒥ ᖃᑉᓗᑦᓯᐊᕐᒧᑦ, ᑖᓐᓇ ᒍᐃᐊᓐ ᕼᐄᓕ−ᐊᕿᐊᕈᖅ ᐃᓕᓯᒪᑲᐃᓐᓇᖅᑎᓪᓗᒍ ᑖᒃᑯᓄᖓ ᓄᓇᕗᒻᒥ ᓯᓚᑦᑐᖅᓴᕐᕕᒃᑯᒃ ᓈᓴᐅᑖ 69-7 (2), ᐅᓪᓗᖓ ᐊᐃᑉᐱᖅ ᔫᓂ 2, 2026 ᐱᔾᔪᑎᖃᖅᖢᓂ ᐃᖅᑲᓇᐃᔮᑦ ᐃᓐᓄᒃᑕᐅᓯᒪᙱᑦᑐᑦ ᐊᕐᕕᐊᓂ. ᐅᓪᓗᒥ ᓇᖏᖅᓯᕗᖓ ᑭᐅᔪᒪᓪᓗᖓ ᐊᐱᖅᑯᑎᒋᔭᐅᓚᐅᖅᑐᖅ ᒪᓕᒐᓕᐅᖅᑎ ᖃᑉᓗᑦᓯᐊᕐᒧᑦ ᔫᓂ 2, 2026-ᒥ. ᐊᐱᖅᑯᑎᖃᓚᐅᖅᑐᑦ ᐃᓐᓄᒃᑕᐅᓯᒪᙱᑦᑐᑦ ᐃᓂᖏᑦᑕ ᒥᒃᓵᓄᑦ. ᐃᒪᐃᓕᓚᐅᖅᖢᓂ 23-ᖑᖕᒪᑕ ᑕᐃᒃᑯᐊ ᒫᓐᓇ ᓄᓇᖓᓂ 8 ᐃᓐᓄᒃᑕᐅᓪᓗᓂ, ᑕᐃᒃᑯᐊ 15 ᐃᓐᓄᒃᑕᐅᓯᒪᙱᑦᑐᑦ ᒪᕐᕉᒃ ᐃᓐᓄᒃᑕᐅᓯᒪᔫᒃ ᐃᖅᑲᓇᐃᔭᑲᐃᓐᓇᖅᑐᓄᑦ, ᒪᕐᕉᒃ ᐊᑭᑦᑐᕋᐅᑎᓄᑦ ᐃᓕᐅᖅᑲᖅᑕᐅᒃ− ᐃᓛᒃ, ᐋᖅᑭᒃᑕᐅᓯᒪᔪᑦ ᐊᒻᒪᓗ ᑎᓴᒪᑦ ᑮᓇᐅᔭᖃᖅᑎᑕᐅᓪᓗᑎᑦ ᒐᕙᒪᒃᑯᑦ ᓯᓚᑖᓄᑦ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 12 ᑖᒃᑯᐊ ᐃᖅᑲᓇᐃᔮᑦ ᐊᖅᑯᓯᐅᖅᑎᑎᒍᑦ ᑮᓇᐅᔭᖃᖅᑎᑕᐅᔪᖅ ᑕᒪᓐᓇᓗ ᐃᓱᓕᓐᓂᐊᓕᖅᖢᓂ. ᐊᑕᐅᓯᖅ ᐃᖅᑲᓇᐃᔮᖅ ᑕᕝᕗᖓ ᓄᓇᓕᖕᓄᑦ ᓄᒃᑎᖅᑕᐅᔪᖅ ᐊᒻᒪᓗ ᐃᓕᓴᐃᔨᙳᕆᐅᖅᓴᕐᓂᕐᒧᑦ ᐃᓕᓐᓂᐊᕈᑦ ᑖᓐᓇ ᐊᑐᐃᓐᓇᕈᖅᓯᒪᓚᐅᖅᑐᖅ ᐊᓯᐊᓄᑦᑕᐅᖅ ᓄᓇᓕᖕᒧᑦ ᓄᒃᑎᖅᑕᐅᓂᐊᖅᑐᖅ. ᒪᕐᕉᒃ ᐊᐅᓚᑕᐅᓂᖏᖕᓄᑦ ᑭᙴᒪᔭᐅᔪᑦ ᑖᒃᑯᐊ ᐃᓕᔭᐅᓂᐊᖅᑐᑦ ᑎᓴᒪᓪᓗ ᐃᖅᑲᓇᐃᔭᖅᑐᓕᕆᔩᑦ ᐱᕙᓪᓕᐊᔾᔪᓯᖏᑦ ᒪᓕᑦᑕᐅᓪᓗᑎᒃ ᐃᓐᓄᒃᑕᐅᓇᓱᖕᓂᐊᖅᑐᑦ. ᐃᓚᖏᑦ ᑕᐃᒃᑯᐊ ᐊᒃᑐᐃᓂᖃᖃᑦᑕᖅᑐᑦ ᑖᒃᑯᓂᖓ ᐃᖅᑲᓇᐃᔭᓂᒃ ᐃᓚᖃᖅᐳᑦ ᐃᖅᑲᓇᐃᔭᖅᑏᑦ ᐃᒡᓗᒃᓴᖃᑎᓐᓂᖏᑦ ᑎᑎᕋᕐᕕᒃᑕᖃᙱᓐᓂᖓ ᐊᒻᒪᓗ ᐱᔭᕇᖅᑕᐅᕙᓪᓕᐊᓂᖏᑦ ᐃᓕᓐᓂᐊᖅᑐᑦ. ᐊᑐᐊᒐᑦ ᐱᕙᓪᓕᐊᔾᔪᓰᓪᓗ ᑖᒃᑯᐊ ᐊᑐᖅᑕᐅᓂᐊᖅᑐᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑲᑎᒪᔾᔪᑎᑦᑎᓐᓄᑦ, ᓈᓴᐅᑎᖓ 5, ᐳᓛᕆᐊᖅᓯᒪᔪᓂᒃ ᐃᓕᑕᖅᓯᓂᖅ. ᐱᒋᐊᖅᑳᕐᓗᖓᖃᐃ ᓇᔭᑦᓴᕋ ᑕᕝᕙᓃᒻᒪᑦ, ᓇᔭᑦᓴᑯᑖᕋ, ᑭᙵᕐᒥᐅᑕᑦᓴᔭᐅᓪᓗᓂ ᓯᐊᔭ ᑭᐅᕆᐊᐃ. ᑐᙵᓱᑦᓯᐊᕆᑦ ᒪᓕᒐᓕᐅᕐᕕᖕᒧᑦ. >>ᐸᑦᑕᑐᖅᑐᑦ ᐃᖃᓗᐃᑦ−ᒪᓂᕋᔭᖕᒧᑦ ᒪᓕᒐᓕᐅᖅᑎ ᕼᐄᓕ−ᐊᕿᐊᕈᖅ. ᑲᑎᒪᔾᔪᑎᒃᓴᖅ 5: ᐃᓕᑕᖅᓯᓂᖅ ᑐᓵᔭᖅᑐᖅᓯᒪᔪᓂᒃ ᒪᓕᒐᓕᐅᕐᕕᒻᒧᑦ ᐊᖓᔪᖅᑳᖅ ᒍᐃᐊᓐ ᕼᐄᓕ−ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᒫᓐᓇ ᐃᓕᓴᖅᓯᔪᒪᔪᖓ ᓯᐊᔭ ᑭᐅᕆᐊᐃ ᑖᓐᓇ ᐊᐅᓚᑦᑎᔨ ᖁᓪᓕᒃᑯᓐᓄᑦ, ᐆᒻᒪᖅᑯᑎᓕᕆᔨᒃᑯᓐᓄᑦ ᐊᐅᓚᑦᑎᔨᐅᔪᖅ. ᑖᓐᓇ ᐊᒃᓱᐊᓗᒃ ᐅᕙᓐᓄᑦ ᐃᑲᔪᖅᑎᐅᖃᑦᑕᖅᑐᖅ. ᐊᒻᒪ ᑕᕝᕙᓂ ᐱᕈᓚᐅᕋᓐᓄᒃ ᐊᖅᑯᑎᒥ ᑕᕝᕙᓂᒃᓴᐃᓐᓇᖅ ᐃᓅᓯᑦᑎᓐᓂ ᒪᒃᑯᑦᑎᓪᓗᑕ. ᑖᓐᓇᑦᑕᐅᖅ ᑐᙵᓱᖁᔭᕋ ᑕᕝᕗᖓ ᒪᓕᒐᓕᐅᕐᕕᖕᒧᑦ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᐳᓛᕆᐊᖅᓯᒪᔪᓂᒃ ᐃᓕᑕᖅᓯᓂᖅ. ᐃᖃᓗᑦᑑᑦᓯᐊᕐᒧᑦ ᒪᓕᒐᓕᐅᖅᑎ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᓕᓴᖅᓯᔪᒪᔪᖓ ᐊᕝᕙᖅ ᐲᑕᓴᓐ ᒪᓕᒐᓕᐅᖅᑎᐅᓚᐅᖅᓯᒪᔪᖅ ᖁᕐᓗᖅᑑᕐᒥ, ᒫᓐᓇ ᐊᐅᓚᑦᑎᔨᐅᔪᑦ ᓄᓇᕗᑦ ᒐᕙᒪᒃᑯᖏᑕ ᐸᖅᓴᐃᔨᒃᑯᖏᖕᓄᑦ. ᒫᓐᓇ ᐃᖃᓗᒃᑑᑦᓯᐊᕐᒥᓗ ᑕᐃᑯᖓ ᓄᒃᑎᖅᓯᒪᔪᖅ. ᐱᒻᒪᕆᐅᓂᖅᐹᖑᖅᑰᖅᑐᖅ ᐅᔪᕈᒋᒐᒃᑯ. ᑐᙵᓱᒋᑦ ᒪᓕᒐᓕᐅᕐᕕᖕᒧᑦ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᒥᔅᑕ ᐲᑕᓴᓐ ᒪᕐᕉᖑᙱᑦᑐᖅ ᒥᔅᑕ ᐲᑕᓴᓐ ᐅᓪᓗᒥ ᐊᓕᐊᓇᐃᑦ. ᐳᓛᕆᐊᖅᓯᒪᔪᓂᒃ ᐃᓕᑕᖅᓯᓂᖅ. ᐃᖃᓗᐃᑦ−ᓯᓈᓄᑦ ᒪᓕᒐᓕᐅᖅᑎ, ᒥᔅ ᐳᕉᔅᑐ. ᐊᖓᔪᖅᑳᖅ ᐱᑦᓯᐅᓛᖅ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎ. ᒫᓐᓇ ᐃᓕᓴᖅᓯᔪᒪᔪᖓ, ᑐᙵᓱᒃᑎᓪᓗᒍ ᒪᓕᒐᓕᐅᕐᕕᖓᓄᑦ, ᒪᒥᐊᓇᖅ, ᖃᓂᒋᔭᑦᑎᓐᓂ ᐃᓅᖃᑎᒌᓚᐅᖅᓯᒪᒐᓐᓄᒃ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 13 ᐊᒻᒪᓗᑦᑕᐅᖅ ᐅᖃᖅᑏ, ᐃᓕᓴᖅᓯᒃ, ᐃᓛᒃ, ᑎᓕᐅᕆᔪᒪᔪᖓ ᐊᑐᐊᒐᓕᕆᔨᐅᔪᑦ ᑕᒪᒃᑯᐊ ᐃᖅᑲᓇᐃᔭᖅᑐᑦ ᐃᓐᓄᒃᓯᒪᙱᒻᒪᑕ ᐊᑐᐊᒐᓕᕆᔨᐅᓂᕐᒧᑦ ᐃᖅᑲᓇᐃᔮᒃᓴᐃᑦ ᓄᓇᕗᑦ ᒐᕙᒪᒃᑯᖏᓐᓄᑦ ᓯᐊᕋᒧᑦ ᐅᖃᖃᑦᑕᕆᐊᖅᑐᕆᑦᑎ. ᑕᐃᒃᑯᐊ ᑕᐃᒪᓐᓇ ᐃᓕᓐᓂᐊᕈᓐᓇᕐᒪᖔᑕ ᖃᓄᖅ, ᑕᒪᑐᒥᖓ ᐃᖅᑲᓇᐃᔭᕐᓂᕆᔭᑦᑎᓐᓂᒃ ᓄᓇᕗᒻᒥᐅᓂᒃ ᑐᙵᓱᒃᑎᑉᐸᔅᓯ ᒪᓕᒐᓕᐅᕐᕕᖕᓄᑦ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᐳᓛᕆᐊᖅᓯᒪᔪᓂᒃ ᐃᓕᑕᖅᓯᓂᖅ. ᖃᒪᓂ’ᑐᐊᕐᒧᑦ ᒪᓕᒐᓕᐅᖅᑎ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒫᓐᓇ ᐃᓕᓴᖅᓯᔪᒪᔪᖓ ᐱᖃᓐᓂᕆᔭᒃᑲᓂᒃ ᑭᐅᓪᕕᓐ ᐲᑕᓴᓐ. ᐱᖃᓐᓇᕆᓕᕋᓐᓄᒃ ᐊᕐᕌᒍᓂᒃ 6−ᓄᑦ. ᓯᕗᓪᓕᖅᐹᒥᒃ ᒪᓕᒐᓕᐅᖅᑎᙳᖅᑎᓪᓗᒍ ᑕᒪᐅᓇᑐᐃᓐᓇᖅ ᓂᕈᐊᕐᓇᖅ ᓄᓇᕗᒻᒥ ᑐᐊᕕᕐᓇᖅᑐᓕᕆᔨᒃᑯᓐᓄᑦ ᐃᖅᑲᓇᐃᔭᖅᑐᖅ ᐊᒃᓱᐊᓗᒃ ᐸᖅᓴᐃᓪᓗᓂ ᐃᓅᓯᓂᒃ ᐃᓅᓕᐊᖃᖃᑦᑕᖅᑐᖅ ᓄᓇᕗᒻᒥ. ᐊᒃᓱᐊᓗᒃ ᐱᐅᓯᒋᐊᖅᑎᓯᒪᔭᖓ ᐸᖅᓴᐃᔨᒃᑯᑦ ᐱᓕᕆᐊᖏᑦ. ᖁᔭᓐᓇᒦᒃ, ᑭᐅᓪᕕᓐ. ᒪᓕᒐᓕᐅᕐᕕᖕᒧᑦ ᑐᙵᓱᒋᑦ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᑐᙵᓱᑦᓯᐊᕐᓕᑦ. ᖁᕐᓗᖅᑐᕐᒧᑦ ᒪᓕᒐᓕᐅᖅᑎ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᒻᒪᓗᑦᑕᐅᖅ ᐃᓕᓴᕆᔪᒪᔭᕋ ᑖᓐᓇ ᑭᐅᓪᕕᓐ ᐲᑕᓴᓐ. ᐃᓅᓂᑯᖅ ᖁᕐᓗᖅᑐᕐᒥ. ᐊᒃᓱᐊᓗᒃ ᐅᓄᖅᑐᓂᒃ ᐃᑲᔪᕈᑎᖃᖃᑦᑕᖅᑐᖅ ᓄᓇᕗᒻᒥ. ᓂᕆᐅᑦᑎᐊᖅᐳᖓ ᐃᓚᐅᓂᐊᕐᓂᖓᓂᒃ ᐸᖅᓴᐃᔨᒃᑯᓐᓂ ᕿᓂᖅᑐᓄᑦ ᓄᓇᕗᒻᒥ ᐸᖅᑭᔭᐅᑦᑎᐊᖅᑐᐊᓘᔪᒍᑦ. ᓯᕗᒧᐊᑦᑎᐊᕐᓂᐊᖅᐳᓯ ᒪᓕᒐᓕᐅᕐᕕᖕᒧᑦ ᑐᙵᓱᒋᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑐᙵᓱᒋᑦ, ᐊᒻᒪᓗ ᐅᐱᒋᑦᓯᐊᖅᐸᕗᑦ ᐳᓛᕆᐊᖅᓯᒪᔪᐃᑦ ᐊᒻᒪᓗ ᓄᓇᕗᒻᒥᐅᑦ ᐳᓛᕆᐊᖃᑦᑕᕆᑦᓯ ᑲᑎᒪᙱᒃᑲᓗᐊᕈᑦᑕ ᑖᓐᓇ ᒪᓕᒐᓕᐅᕐᕕᒃ ᐳᓛᕆᐊᕐᓇᐅᖃᑦᑕᕐᒪᑦ ᑐᑭᓯᒋᐊᕐᕕᐅᖃᑦᑕᕈᓐᓇᖅᖢᓂᓗ. ᑲᑎᒪᑎᓪᓗᑕᓗ ᑕᑯᒥᓇᖃᑦᑕᕐᒪᑦ ᐳᓛᕆᐊᖃᑦᑕᖅᑎᓪᓗᒋᑦ ᓄᓇᕗᒻᒥᐅᑦ. ᑐᙵᓱᑦᑎᑦᓯᒋᐊᓪᓚᑐᐃᓐᓇᕆᕗᖓ. ᓈᓴᐅᑎᖓ 6, ᐅᖃᐅᓯᒃᑯᑦ ᐊᐱᖅᑯᑏᑦ. ᒪᓕᒐᓕᐅᖅᑎ ᑕᖅᑐᖅ. ᑲᑎᒪᔾᔪᑎᒃᓴᖅ 6: ᐅᖃᐅᓯᒃᑯᑦ ᐊᐱᖅᑯᑎᑦ ᐊᐱᖅᑯᑦ 122 - 7(2): ᓂᕿᖃᑦᑎᐊᓐᓂᖅ ᐊᒥᒐᖅᓴᖏᓪᓗᑎᒃ (ᑕᖅᑐ) ᑕᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒋᓂᐊᖅᑕᕋᖅ ᒥᓂᔅᑕᒧᑦ ᑲᒪᔪᓄᑦ ᐊᔪᖅᓴᓗᐊᖅᑕᐃᓕᒪᓂᕐᒧᑦ. ᐅᖃᖅᑏ, ᐅᖃᐅᓯᖃᒃᑲᓐᓂᕈᒪᒐᒪ ᓂᕿᒃᓴᖃᑦᑎᐊᕆᐊᖃᕐᓂᖅ ᐱᔾᔪᑎᒋᓪᓗᒍ. ᒥᓂᔅᑕ ᖃᐅᔨᒪᖕᒪᑦ ᐃᓄᐃᑦ ᑕᐱᕇᑦ ᑲᓇᑕᒥ ᐅᓂᒃᑳᓂᒃ ᓴᖅᑭᑦᑎᓚᐅᕐᒪᑕ ᐊᑐᓕᖁᔭᓕᐅᖅᓯᒪᓪᓗᑎᑦ ᑭᖑᕝᕕᖅᑕᐅᖁᓪᓗᒍ ᐃᓇᖏᖅᑕᐅᓂᖅ ᒐᕙᒪᑐᖃᒃᑯᑦ ᓂᕿᑦᑎᐊᕙᓕᕆᓂᕐᒧᑦ ᐱᓕᕆᔾᔪᑎᒋᔭᖓᑦ ᓄᑖᒥᒃ ᓵᙵᕕᖃᕐᓗᑎᑦ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 14 ᐅᖃᖅᑏ, ᑖᒃᑯᐊ ᒪᓕᒐᓕᐅᖅᑎᐅᓪᓗᖓ ᖁᑦᑎᒃᑐᕐᒧᑦ, ᑭᒡᒐᖅᑐᐃᒐᒪ ᑲᓇᑕᒥ ᐅᖓᓯᓐᓂᖅᐹᒥᒃ ᓄᓇᖁᑎᖃᖅᑐᓂᒃ. ᐃᓚᖓᑦ ᐊᑐᓕᖁᔭᓕᐊᕆᔭᐅᔪᖅ ᐅᓂᒃᑲᓂᒃ ᐃᒪᓐᓇᐃᓕᖓᓚᐅᕐᒪᑦ “ᓂᕿᑦᑎᐊᕙᓕᕆᔨᒃᑯᑦ ᑲᓇᑕᒃᑯ ᓂᐅᕐᕈᑎᑦ ᓂᐅᕕᕐᕕᖕᓂ ᐊᑑᑎᖃᙱᒻᒪᑦ ᐊᐅᓚᔾᔭᐃᙱᒻᒪᑦ, ᑕᒪᒃᑯᐊᓕ ᐃᑲᔪᕈᑎᖏᑦ ᑕᒪᐅᖓᐃᓐᓈᖅᖢᑎᑦ ᓂᐅᕕᖅᑏᓪᓗ ᑮᓇᐅᔾᔭᒃᓴᖅᑖᖃᖅᑐᑦ ᓂᐅᑯᐊᒃᓴᖏᖕᓂᒃ ᑮᓇᐅᔾᔭᒃᓵᖃᓕᖅᖢᑎᑦ ᐊᑭᑐᔪᐊᓗᖕᓂᒃ.” ᒐᕙᒪᑐᖃᒃᑯᓐᓄᑦ ᐱᓕᕆᔭᐅᔪᖅ ᑖᒃᑯᓂᖓ ᐃᑲᔪᖅᑐᐃᔾᔪᑎᖃᖔᕐᓗᑎᑦ ᐅᓯᔭᐅᔾᔪᑎᖏᖕᓄᑦ, ᐅᓯᔭᐅᔾᔪᑎᖏᑕ ᐊᑭᖓᑕ. ᑖᒃᑯᐊ ᐊᑭᑦᑐᕆᐊᕈᑎᐅᖃᑦᑕᕐᒪᑕ ᓂᕿᓄᑦ ᐊᒻᒪ ᐃᓅᔾᔪᑎᓄᑦ. ᐃᑲᔪᖅᑐᐃᔾᔪᑏᑦ ᒪᓕᒃᓯᒪᓗᑎᑦ ᓂᐅᕕᖅᑏᑦ ᑕᑯᒃᓴᐅᑎᑦᑎᓗᑎᒃ ᑮᓇᐅᔭᑦ ᐊᑐᖅᑕᐅᑦᑎᐊᕐᒪᖔᑕ ᐅᓯᔭᐅᔾᔪᑎᖏᖕᓄᑦ. ᐊᐱᖅᑯᑎᒐ ᒥᓂᔅᑕᒧᑦ ᐅᓇ, ᖃᓄᕐᓕ ᓄᓇᕗᑦ ᒐᕙᒪᒃᑯᖏᑦ ᐃᓱᒪᕙᑦ ᐱᔾᔪᑎᖃᖅᖢᑎᑦ ᐊᑐᓕᖁᔭᓕᐊᖅ ᐱᓪᓗᒍ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒥᓂᔅᑕ ᑲᒪᒋᔭᖃᒋᔭᖃᖅᑐᖅ ᐊᒃᖢᓗᐊᖅᑕᐃᓕᒪᓂᕐᒧᑦ, ᕼᐄᓕ ᐊᕿᐊᕈᖅ. ᐊᖓᔪᖅᑳᖅ ᒍᐃᐊᓐ ᕼᐄᓕ−ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᖅᑕᕋᓗ ᑲᑎᒪᔨ ᐊᐱᕆᖕᒪᑦ. ᖃᐅᔨᒪᒐᑦᑕᐃᓛᒃ ᑕᒪᒃᑯᐊ ᓂᕿᒃᓴᖃᑦᑎᐊᕆᐊᖃᕐᓂᖅ ᐊᒃᓱᕈᕐᓇᐃᓐᓇᕐᒪᑦ ᓄᓇᑦᑎᓐᓂ. ᐱᓕᕆᕕᕗᑦ ᐃᖅᑲᓇᐃᔭᖅᑐᑦ ᐅᓄᑲᓪᓚᑦᑐᓂᒃ ᐱᒋᐊᕈᑎᓂᒃ ᑭᐅᔾᔪᑎᒃᓴᐅᓂᐊᖅᑐᒥᒃ ᑕᒪᒃᑯᓄᖓ. ᑲᑎᒪᔨᐅᑉ ᐊᐱᖅᑯᑎᖓ ᐱᓪᓗᒍ, ᒥᓂᔅᑕ ᑦᓴᐊᑎᐅᓪ ᑖᒃᑯᐊ ᑲᑎᒪᑎᑦᑎᓚᐅᕐᒪᑦ ᐅᐱᕐᖔᒃᑯᑦ. ᖃᐃᖅᑯᔨᓯᒪᓪᓗᓂ ᐃᓄᖕᓂᒃ ᓄᓇᖃᖅᑳᖅᓯᒪᔪᑦ ᑎᒥᖁᑎᒋᔭᖏᖕᓂᒃ ᑲᓇᑕᓕᒫᕐᒦᙶᖅᑐᓂᒃ ᐃᓚᐅᓂᐊᕐᒪᑕ ᑲᑎᒪᑎᓪᓗᒋᑦ ᐅᖃᐅᑕᐅᓗᑎᑦ ᓂᕿᓂᒃ ᐊᔪᖅᓴᕆᐊᖃᙱᓐᓂᖅ ᐊᒻᒪᓗ ᓂᕿᑦᑎᐊᕙᓕᕆᓂᖅ ᐅᑭᐅᖅᑕᖅᑐᒥ ᐱᓕᕆᔾᔪᑎᖓ ᑕᒪᒃᑯᐊ ᑲᑎᒪᔪᓄᑦ ᐅᖃᐅᓯᕆᔭᐅᓚᐅᖅᑐᑦ. ᑖᒃᑯᐊ ᐊᔪᖅᓴᓗᐊᖅᑕᐃᓕᒪᓂᕐᒧᑦ ᐊᑭᑐᓗᐊᖅᑕᐃᓕᒪᓂᕐᒧᑦ ᐱᓕᕆᕕᐅᔪᑦ ᐃᓚᐅᔪᓐᓇᓚᐅᕐᒪᑕ ᐃᓕᑉᐹᓪᓕᖅᖢᑎᒡᓗ ᑲᓇᑕᐅᑉ ᒐᕙᒪᒃᑯᖏᑕ ᐸᕐᓇᐅᑎᒋᔭᖏᖕᓂᒃ. ᐊᒻᒪᓗᑦᑕᐅᖅ, ᖃᓄᐃᓕᐅᕈᑎᖃᕐᓂᐊᕐᒪᑕ ᓂᕿᑦᑎᐊᕙᓕᕆᓂᕐᒧᑦ ᐅᑭᐅᖅᑕᖅᑐᒥ. ᐃᓕᑉᐹᓪᓕᕈᑎᖃᓚᐅᖅᑐᑦ ᑖᒃᑯᐊ ᐃᒡᓗᒌᓕᖅᑎᑕᐅᔭᕆᐊᖃᕐᒥᒻᒪᑕ ᐊᕐᕌᒍᓄᑦ ᐅᓄᖅᑐᓄᑦ ᐱᓕᕆᔭᑦᑎᓐᓂ ᐊᔪᖅᓴᓗᐊᖅᑕᐃᓕᒪᓂᖅ ᒪᑭᒪᓂᕐᒧᑦ ᐸᕐᓇᐅᑏᑦ ᒪᓕᒐᓕᐅᕐᕕᖕᒥ ᓴᖅᑭᑕᐅᓯᒪᔪᑦ. ᑖᒃᑯᐊ ᐸᕐᓇᐅᑏᑦ ᓄᓇᕗᑦ ᑐᙵᕕᒃᑯᓪᓗ ᓴᓇᓯᒪᔭᖓ ᐃᒃᓯᕙᐅᑕᐅᖃᑕᐅᔪᖅ ᓄᓇᕗᒥᓗ ᑲᑎᒪᑎᓪᓗᒍ ᐊᔪᖅᓴᓗᐊᖅᑕᐃᓕᒪᓂᕐᒧᑦ ᑲᑎᒪᔨᐅᔪᓂᒃ. ᑖᒃᑯᐊ ᑕᕝᕙ ᓂᐱᖃᖅᑐᑦ ᓄᓇᓕᖕᓃᖔᖅᓯᒪᔪᓂᒃ ᐅᖃᐅᓯᖃᖅᓯᒪᓪᓗᑎᑦ ᑮᓇᐅᔭᑲᓐᓂᕐᓂᒃ ᐱᔪᒪᓪᓗᑎᑦ ᓄᓇᓕᖕᓂ ᐊᑐᖅᑕᐅᔪᓐᓇᕐᓂᖅᓴᐅᓗᑎᒃ ᐊᑭᑭᓪᓕᒋᐊᕈᑏᑦ, ᐊᖑᓇᓱᑦᑎᓐᓄᓪᓗ ᐃᑲᔪᕈᑎᐅᓗᑎᒃ, ᐃᓄᐃᓪᓗ ᐋᖅᑭᔅᓱᐃᖔᖅᑎᑕᐅᓗᑎᒃ ᑕᒪᒃᑯᓂᖓ ᐋᖅᑭᒋᐊᕈᑎᓂᒃ ᐊᑲᐅᙱᓕᐅᕈᑎᓄᑦ. ᐊᒻᒪᓗᑦᑕᐅᖅ ᑕᒪᒃᑯᐊ ᑐᓴᒐᒃᓴᐃᑦ ᐃᖅᑲᓇᐃᔭᕐᕕᑦᑎᓐᓅᖅᑕᐅᖏᓐᓇᖅᑐᑦ ᓄᓇᓕᖕᓃᖔᖅᑐᑦ, ᑖᒃᑯᐊ ᑖᔅᓱᒪᙵᑦ ᐅᖃᐅᓯᕆᔭᐅᖃᑦᑕᖅᓯᒪᔪᑦ ᐊᑯᓂᑲᓪᓚᕈᓗᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓪᓕᖅᐹᒥᒃ ᐃᓚᒋᐊᕈᑎ ᐊᐱᕆᒍᒃ, ᒥᔅᑕ ᑕᖅᑐ. ᑕᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎᑦᑎᔩ. ᐊᑐᓕᖁᔭᓕᐊᖅ ᐃᒪᓐᓇᐃᓕᖓᖕᒪᑦ: “ᒐᕙᒪᑐᖃᒃᑯᑦ ᓄᑖᖅ ᐱᓕᕆᔾᔪᑎᖓ ᒪᓕᒐᖅᑎᑦᑎᔭᕆᐊᓕᒃ ᓂᐅᕐᕈᑏᑦ ᐊᑭᖏᓐᓂᒃ ᑕᑎᖃᙱᑐᐃᓐᓇᕐᓗᑎᑦ ᐊᓂᒍᖅᑎᑦᑎᓂᕐᒧᑦ ᒪᓕᒐᖏᓐᓄᑦ. ᐊᑭᖏᖕᓂᖅ ᒪᓕᒐᖃᕐᓗᑎᑦ ᑕᐃᒪᓐᓇ ᐊᑐᖅᑕᐅᔪᓐᓇᕐᓂᖅᓴᐅᓂᐊᕐᒪᑦ ᒪᓕᒃᓯᒪᓂᒃᓴᐅᓗᑎᒡᓗ ᐊᑭᑐᓗᐊᙱᑦᑐᓂᒃ ᐱᔪᓐᓇᕐᓂᐊᕐᒪᑕ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 15 ᐃᑲᔪᕈᑏᑦ ᐊᑭᓕᖅᑕᐅᖃᕐᓗᑎᑦ ᑕᒪᒃᑯᐊ ᓴᖅᑭᔮᖅᑎᐊᕐᓗᑎᑦ ᐊᑭᖏᓐᓂᒃ ᓂᖀᑦ ᓂᐅᕈᑕᐅᖃᑦᑕᖅᑐᑦ ᐊᒻᒪ ᑭᒡᓕᖏᑦ ᓂᕿᑦᑎᐊᕙᖕᓄᑦ ᐱᔾᔪᑎᖏᓪᓗ ᐊᑭᑦᑐᕆᐊᕈᑎᖓᑕ ᑕᐃᒪᓐᓇ ᐊᑭᖏᓐᓄᑦ. ᑐᕌᒐᒃᓴᖃᕐᓗᑎᒃ ᐊᔾᔨᒌᔾᔫᒥᓂᐊᕐᒪᑕ ᓄᓇᓕᖕᓂ ᐊᑭᖏᓐᓂᒃ ᐊᒻᒪᓗᑦᑕᐅᖅ ᑕᐃᒃᑯᐊ ᓂᐅᕕᕐᕕᖃᖃᑦᑕᖅᑐᑦ ᓇᓗᓇᐃᖅᓯᖔᖃᑦᑕᕐᓗᑎᒃ.” ᒥᓂᔅᑕᒧᑦ ᐊᐱᖅᑯᑎᒐ: ᓄᓇᕗᑦ ᒐᕙᒪᒃᑯᖏᑕ ᖃᓄᖅ ᐃᓱᒪᖃᖅᐸᑦ ᑖᔅᓱᒥᖓ ᐊᑐᓕᖁᔭᓕᐊᒧᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒥᓂᔅᑕ ᕼᐄᓕ−ᐊᕿᐊᕈᖅ. ᐊᖓᔪᖅᑳᖅ ᒍᐊᐃᓐ ᕼᐄᓕ−ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎᑦᑎᔩ. ᖁᔭᓐᓇᒦᖅᐸᕋᓗ ᑲᑎᒪᔨ ᐊᐱᕆᖕᒪᑦ. ᑕᕝᕙᙵᑦ ᐱᔭᒃᑲ ᐊᑐᓕᖁᔭᓕᐊᓃᖔᖅᑐᑦ ᐱᔭᕗᑦ, ᑕᐃᒪᓐᓇ ᓴᖅᑭᔮᑦᑎᐊᕐᓂᖅᓴᐅᔭᕆᐊᖃᕐᒪᑕ ᐱᓕᕆᐊᑉ ᐊᐅᓚᑕᐅᓂᕆᔭᖓᒍᑦ ᑕᐃᒪᓐᓇ ᐊᔭᐅᖅᑐᐃᔾᔪᑕᐅᖏᓐᓇᖅᑐᖅ. ᑐᓴᖃᑦᑕᕐᒥᔭᕗᑦᑕᐅᖅ ᐊᒻᒪ ᐃᔨᒋᓂᖅᓴᐅᓪᓗᑎᒃ ᐱᓕᕆᕕᑦᑎᓐᓄᑦ ᖁᕝᕙᕆᐊᕐᓗᒋᑦ ᑕᒪᒃᑯᐊ ᐃᓄᖕᓄᑦ−ᑲᒪᒋᔭᐅᔪᑦ ᓂᕿᒃᓴᖅᓯᐅᕐᓂᕐᒧᑦ. ᑖᒃᑯᐊ ᐃᔨᒋᔭᐅᓂᖅᓴᐅᓪᓗᑎᑦ ᓄᑖᑦ ᑐᕌᖓᔪᑦ, ᓲᕐᓗᒃ ᐅᑦᑑᑎᖃᕐᓗᖓ, ᖃᐅᔨᓴᐃᓗᑎᒃ, ᐃᑲᔪᖅᑐᐃᓗᑎᒡᓗ ᐃᓄᐃᑦ ᓂᕿᖏᑦ ᓂᐅᕐᕈᑕᐅᕙᒻᒪᖔᑕ ᐃᑲᔪᖅᑐᖅᑕᐅᔪᓐᓇᕐᒪᖔᑦ, ᖃᓄᕐᓗ ᐊᖑᓇᓱᑦᑏᑦ ᐃᑲᔪᖅᑕᐅᔪᓐᓇᕐᒪᖔᑕ, ᐊᒻᒪ ᐃᑲᔪᕐᓗᑎᒍᑦ ᓄᓇᓕᓐᓂᑦ ᑎᒥᖁᑎᒋᔭᐅᔪᑦ ᐱᓕᕆᓪᓚᕆᑦᑐᑦ ᑕᐃᒃᑯᐊ ᓂᕿᒃᓴᖅᓯᐅᖅᐸᑦᑐᑦ ᓄᓇᕗᒻᒦᑦᑐᑦ. ᑲᑎᒪᔨᐅᑉ ᐊᐱᖅᑯᑎᖓᓄᑦ, ᐃᓕᓴᖅᓯᔪᒍᑦ ᓴᖅᑭᔮᑦᑎᐊᕆᐊᖃᕐᓂᖏᓐᓂᒃ ᑖᓐᓇ ᐅᖃᐅᓯᐅᖏᓐᓇᖅᑐᖅ ᑐᓴᖅᓴᐅᓪᓚᕆᖦᖢᓂᓗ ᓴᖅᑭᔮᑦᑎᐊᖁᔨᔪᓄᑦ ᐅᖃᓪᓚᖃᑦᑕᖅᑎᓪᓗᒋᑦ ᐃᓕᖅᐹᓪᓕᒃᑲᓐᓂᕈᒪᔪᒍᑦ ᓯᕗᓂᒃᓴᑦᑎᓐᓂᑦ ᓄᑖᙳᖅᑕᐅᒋᐊᖅᐸᑦ ᐅᑭᐅᖅᑕᖅᑐᒥᑦ ᓂᕿᑦᑎᐊᕙᓕᕆᓂᕐᒧᑦ ᐱᓕᕆᔾᔪᑕᐅᔪᖅ ᖃᓄᑐᐃᓐᓇᖅ ᑕᐅᑦᑐᖃᕐᓂᐊᖅᐸᑦ. ᖁᔭᓐᓇᒦᒃ, ᐅᖃᖅᑏᑦ. ᐅᖃᖅᑎ: ᖁᔭᓐᓇᒦᒃ. ᑐᒡᓕᐊ ᐊᒻᒪᓗ ᑭᖑᓪᓕᖅᐹᖅ ᐃᓚᒋᐊᕈᑏᑦ, ᒥᔅᑕ ᑕᖅᑐ. ᑕᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎᑦᑎᔩ. ᒥᓂᔅᑕ ᐃᖅᑲᐅᒪᔪᒃᓴᐅᖕᒪᑦ, ᐅᖃᐅᓯᖃᓚᐅᖅᑕᕋᓗᐊᖓ, ᐊᐱᖅᑯᑎᖃᓚᐅᕋᒪ ᐅᑭᐅᒃᑯᑦ ᑕᐃᒃᑯᐊ ᑲᑎᒪᕐᔪᐊᖅᑎᓪᓗᑕ ᓂᕿᑦᑎᐊᕙᓕᕆᓂᕐᒧᑦ ᑲᑎᒪᔾᔪᖃᓚᐅᕐᒪᑕ ᒫᑦᓯᒥ. ᐋᑐᕚᒥ ᑲᑎᒪᓚᐅᕐᒪᑕ ᒐᕙᒪᑐᖃᒃᑯᓐᓂ ᐃᓗᓕᕆᔨᑐᖃᒃᑯᖏᓐᓄᑦ ᐋᖅᑭᒃᑕᐅᓪᓗᓂ. ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᓄᓇᕗᑦ ᒐᕙᒪᒃᑯᖏᑦ ᐃᓚᐅᓚᐅᖅᐹᑦ ᑕᕝᕙᓂ ᐊᒻᒪᓗᑦᑕᐅᖅ ᐅᓂᒃᑳᕈᓐᓇᖅᐹ ᖃᓄᖅ ᐊᓯᔾᔩᓂᐊᕐᒪᖔᑕ ᐅᑭᐅᖅᑕᖅᑐᒥ ᓂᕿᑦᑎᐊᕙᓕᕆᓕᔾᔪᑎᓂᒃ ᐱᓕᕆᔭᐅᔪᖅ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒥᓂᔅᑕ ᑲᒪᒋᔭᖃᖅᑐᖅ ᐊᖦᖢᓗᐊᖅᑕᐃᓕᒪᓂᕐᒧᑦ, ᒥᓂᔅᑕ ᕼᐄᓕ ᐊᕿᐊᕈᖅ. ᐊᖓᔪᖅᑳᖅ ᒍᐊᐃᓐ ᕼᐄᓕ−ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎᑦᑎᔩ. ᖁᔭᓐᓇᒦᖅᐸᕋᓗ ᑲᑎᒪᔨ ᐊᐱᕆᒃᑲᓐᓂᕐᒪᑦ. ᑖᒃᑯᐊ ᑭᒡᒍᓯᕆᖅᑲᐅᔭᕋ ᓯᕗᓪᓕᕐᒥᑦ ᓂᕿᓕᕆᓂᕐᒧᑦ ᑲᑎᒪᔪᑦ ᑭᒡᒐᖅᑐᐃᖃᓚᐅᕋᑦᑕ ᐃᓄᓕᕆᔨᒃᑯᓐᓂᒃ ᐊᔪᖅᓴᓗᐊᖅᑕᐃᓕᒪᓂᕐᒧᑦ ᐱᓕᕆᕕᖓᓐᓃᖔᖅᑐᓂᒃ ᐃᓚᐅᔪᖃᓚᐅᕐᒪᑦ ᑕᐃᒃᑲᓂ ᐅᓂᒃᑳᖅᓯᒪᓪᓗᓂᓗ. ᐃᖅᑲᓇᐃᔭᖅᑎᕗᑦ ᐱᓕᕆᖃᑎᒋᓪᓗᓂᒋᑦ. ᐊᒻᒪᓗᑦᑕᐅᖅ ᓯᕗᒧᐊᓕᖅᑎᓪᓗᑕ, ᐃᖅᑲᓇᐃᔭᖃᑎᖃᖅᑐᒍᑦ ᑕᐃᒃᑯᓂᖓ ᓄᓇᕗᑦ ᑐᙵᕕᒃᑯᓐᓂᒃ ᐃᑲᔪᖃᑎᒌᖦᖢᑕ ᐊᒻᒪᓗᑦᑕᐅᖅ ᑖᒃᑯᐊ ᐅᖃᐅᓯᐅᑎᓪᓗᒋᑦ. ᓯᕗᒧᐊᑉᐸᓪᓕᐊᑎᓪᓗᑕ, ᓂᕆᐅᑦᑎᐊᖅᐳᒍᑦ

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 16 ᓴᙱᑦᑎᒋᐊᖁᓪᓗᒍ ᖁᕝᕙᕆᐊᖁᓪᓗᒋᓪᓗ ᐃᓚᒌᑦᑐᑦ ᓄᓇᓕᖕᓂᑦ ᐊᒻᒪ ᑭᐅᔭᐅᖁᓪᓗᒍ ᓂᕿᖃᑦᑎᐊᕆᐊᖃᕐᓂᖅ ᓄᓇᕗᒻᒥ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐅᖃᐅᓯᒃᑯᑦ ᐊᐱᖅᑯᑏᑦ. ᖁᕐᓗᖅᑑᕐᒧᑦ ᒪᓕᒐᓕᐅᖅᑎ, ᒥᔅᑕ ᖁᓕᒃᑖᓇ. ᐊᐱᖅᑯᑦ 123 - 7(2): ᐆᒪᔪᓕᕆᓂᖅ ᑲᒪᒋᔭᑦ ᕿᑎᕐᒥᐆᑦ ᐊᒡᒍᖅᓯᒪᓂᐊᓂ (ᖁᓕᒃᑖᓇ) ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒋᓂᐊᖅᑕᕋ ᐊᕙᑎᓕᕆᔨᒃᑯᑦ ᒥᓂᔅᑕᖓᓐᓄᑦ. ᐅᖃᖅᑏ, ᑲᑎᒪᔨᐅᖃᑎᒐ ᕿᑭᖅᑖᓗᖕᒦᙶᖅᑐᑦ ᐊᐱᖅᑯᑎᖃᖃᑦᑕᕐᒪᑕ ᐱᒻᒪᕆᐅᔪᓂᑦ ᐱᔾᔪᑎᒋᓪᓗᒍ ᑐᒃᑐᓕᕆᓂᖅ ᐊᒡᒍᖅᑐᖅᓯᒪᓂᐊᑕ ᐃᓗᐊᓂ. ᒥᓂᔅᑕ ᐅᓪᓗᒥ ᐊᐱᕆᓗᒍ ᑐᒃᑐᓕᕆᓂᕐᒥᒃ ᐅᕙᖓ ᐊᒡᒍᖅᑐᖅᓯᒪᓂᖁᑎᐊᑕ ᐃᓗᐊᓂ. ᒥᓂᔅᑕ ᖃᐅᔨᒪᖕᒪᑦ ᐱᓕᕆᕕᖓ ᓴᖅᑭᑦᑎᓚᐅᖅᓯᒪᖕᒪᑦ ᑐᓴᒐᒃᓴᓂᒃ ᓯᑏᕝᕙ 2025-ᖑᑎᓪᓗᒍ ᑐᓴᖅᑎᑦᑎᓪᓗᑎᑦ ᐊᑎᓕᐅᖅᑕᐅᒻᒪᒎᖅ ᑐᑭᓯᐅᒪᖃᑎᒌᖕᓂᕐᒧᑦ ᐊᖏᖃᑎᒌᒍᒻᒥ ᓄᓇᑦᓯᐊᖅ ᒐᕙᒪᒃᑯᖏᓐᓂ ᑖᒃᑯᐊ ᑐᒃᑐᐃᑦ ᐱᔭᐅᓇᓱᑉᐸᒃᑐᑦ ᒥᐊᓂᕆᔭᐅᓂᖏᖕᓄᑦ ᐱᓪᓗᒋᑦ. ᑐᓴᖅᑎᑦᑎᓚᐅᖅᑑᒃ ᒪᕐᕉᒃ ᑖᒃᑯᐊ ᒐᕙᒪᐅᔫᒃ ᐃᖅᑲᓇᐃᔭᖃᑎᒌᖕᓂᐊᕐᒪᑕ ᐊᔾᔨᒌᙱᑦᑐᓄᑦ ᐅᓄᑲᓪᓚᒃᑐᓂᒃ ᐊᖏᖃᑎᒌᒃᓯᒪᓗᑎᒃ “ᑐᓴᒐᒃᓴᓂᒃ ᐊᒥᖅᑳᖁᓪᓗᒋᑦ ᓄᐊᑕᐅᓂᑯᓂᒃ ᓇᐅᑦᑎᖅᓱᐊᖃᖅᑎᓪᓗᒋᑦ ᐱᓕᕆᖃᖅᑎᓪᓗᒋᓪᓗ ᑐᒃᑐᒃᓂ.” ᒥᓂᔅᑕ ᑐᓴᖅᑎᑦᑎᔪᓐᓇᖅᐹ ᖃᓄᖅ ᑖᓐᓇ ᐊᑐᓕᖅᑎᑦᑎᔾᔪᑕᐅᔪᖅ ᐊᑐᓕᖅᑎᑕᐅᒻᒪᖔᖅ ᐊᖏᕈᑎ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒥᓂᔅᑕ ᐊᕙᑎᓕᕆᔨᒃᑯᓐᓄᑦ, ᒥᓂᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᖁᔭᓐᓇᒦᒃ ᒪᓕᒐᓕᐅᖅᑏ ᐊᐱᖅᑯᑎᓂᒃ. (ᑐᓵᔨᑎᒎᓕᖅᑐᖅ) ᐊᐅᓚᑦᑎᔨᐅᖃᑎᒌᑦ ᑖᒃᑯᐊ ᐆᒪᔪᓕᕆᔨᕐᔪᐊᒃᑯᓪᓗ ᑖᒃᑯᐊ ᐃᖅᑲᓇᐃᔭᖃᑎᖃᖅᑐᑦ ᓄᓇᓕᖕᓂ ᐊᖑᓇᓱᑦᑐᓕᕆᔨᒃᑯᓐᓂ ᑖᒃᑯᐊ ᐊᐅᓚᑕᐅᔪᑦ ᐊᐅᓚᑦᑎᑦᑎᔾᔪᑎᐅᔪᑦ. ᐊᐱᖅᑯᑎᖓ ᓇᓗᓇᐃᒃᑲᓐᓂᓚᐅᕐᓕᐅᒃ ᐊᐱᖅᑯᑎᖓᑕ ᐃᓚᖓ ᐃᖅᑲᐅᒪᙱᓇᒃᑯ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒪᓕᒐᓕᐅᖅᑎ ᒥᔅᑕ ᖁᓕᒃᑖᓇ, ᐊᐱᕆᒋᐊᒃᑲᓐᓂᕈᒃ ᐊᐱᖅᑯᑎᒋᒋᐊᕐᖓᕋᑖᖅᑕᐃᑦ. ᖁᓕᒃᑖᓇ (ᑐᓴᔩᑎᒍᑦ): ᖁᔭᓐᓇᒦᒃ ᐅᖃᖅᑏ. ᐅᖃᐅᓯᖃᕋᑖᖅᐳᖓ ᐊᖏᕈᑎᐅᓯᒪᔪᖅ ᑐᑭᓯᐅᒪᖃᑎᒌᓐᓂᕐᒧᑦ ᓄᓇᕗᑦ ᒐᕙᒪᒃᑯᑦ ᐊᒻᒪ ᓄᓇᑦᓯᐊᖅ ᒐᕙᒪᒃᑯᖏᑦ, ᑖᒃᑯᐊ ᐊᒥᖅᑳᖃᑎᒌᑉᐸᓐᓂᖏᑦ ᑐᓴᕋᒃᓴᓂᑦ ᐱᕙᓪᓕᐊᓂᖏᓐᓂᑦ ᐊᒻᒪ ᖃᐅᔨᓴᕐᓂᖏᓐᓂᑦ ᑐᒃᑐᐃᑦ. ᑐᓴᖅᑎᑦᑎᒍᓐᓇᖅᐸᑦ ᑖᓐᓇ ᒥᓂᔅᑕ ᑖᑦᓱᒪᑉ ᐊᖏᕈᑎᐅᑉ ᐃᕕᖅᑎᑕᐅᓂᑦᓴᖓᓄᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒥᓂᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄᒃ (ᑐᓵᔨᑎᒍᑦ): ᖁᔭᓐᓇᒦᒃ ᐅᖃᖅᑏ. ᖁᔭᓐᓇᒦᓪᓗ ᒪᓕᒐᓕᐅᖅᑎ ᐊᐱᕆᒻᒪᑦ. ᐊᖏᕈᑎᐅᔪᖅ ᑐᑭᓯᐅᒪᖃᑎᒌᓐᓂᕐᒧᑦ ᑖᒃᑯᐊ ᓄᓇᒥ ᐊᑐᖅᑕᐅᕙᑦᑐᓂᒃ ᑕᒪᐃᓐᓄᑦ, 2023-ᒥᐅᖅᑰᖅᑐᖅ ᐊᖏᕈᑎᐅᔪᖅ ᐊᑎᓕᐅᖅᑕᐅᓚᐅᖅᓯᒪᒻᒪᑦ, ᐊᒻᒪᓗ ᓄᓇᓕᓐᓄᑦ ᖁᕐᓗᖅᑐᒥᐅᓄᑦ ᑐᓴᕋᑦᓴᐅᑉᓗᓂ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 17 ᐊᐱᖅᑯᑎᐅᖅᑰᓚᐅᖅᑑᒐᓗᐊᖅ ᓯᕗᓂᐊᓂ ᐃᑦᓯᕙᓂᐅᓚᐅᖅᓯᒪᔪᒥᒃ ᐊᐅᓚᔨᑉᓗᒍ ᑎᑎᖅᑲᑎᒍᑦ ᑭᐅᓚᐅᖅᓯᒪᒐᑉᑯ ᑖᓐᓇ ᐊᐱᖅᑯᑎᒋᔮ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓯᕗᓪᓕᖅᐹᒥᒃ ᐃᓚᒋᐊᕈᑏᑦ, ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕ ᖃᐅᔨᒪᒻᒪᑦ, ᐱᓕᕆᕝᕕᖓᑕ ᑲᒪᕙᒻᒪᑕ ᐊᒪᖅᑯᓂᒃ ᖃᐅᔨᓴᕋᑦᓴᓂᑦ ᐱᕙᓐᓂᖏᓐᓂᒃ. ᓄᑖᒥᒃ ᐊᖏᕈᑎᒥᒃ ᑐᓴᕋᖃᑦᑕᕋᑖᔪᒻᒪᑦ “ᐊᖏᕈᑎᐅᓯᒪᔪᒧᑦ ᐱᕙᓪᓕᐊᓪᓗᑎᑦ ᑕᒪᑉᑯᓄᖓ ᐊᒪᖅᑯᓄᑦ ᐊᒻᒪᓗ ᑐᒃᑐᖁᑎᒋᔭᐅᔪᓂᑦ ᐱᖃᑎᒋᓗᒋᑦ ᑲᑐᔾᔨᖃᑎᒋᔭᐅᔪᑦ ᐆᒪᔪᓕᕆᓂᕐᒧᑦ ᐊᔪᕐᓇᖏᑉᐸᑦ.” ᑐᓴᖅᑎᑦᓯᔪᓐᓇᖅᐸ ᓄᑖᒥᒃ ᑐᓴᕋᑦᓴᖃᕐᒪᖔᖅ ᑖᓐᓇ ᐃᖅᑲᓇᐃᔮᖅ ᐱᓪᓗᒍ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐊᕙᑎᓕᕆᔨᒃᑯᓐᓄᑦ ᒥᓂᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᐊᐱᖅᑯᑎᒋᒻᒪᒍ ᒪᓕᒐᓕᐅᖅᑎᐅᑉ. ᐊᐱᖅᑯᑎᐅᔪᖅ ᐊᑕᐅᓯᙱᑦᑐᒥᒃ ᐊᐱᖅᑯᑎᖃᖅᑰᔨᒻᒪᑦ, ᐊᒻᒪᖅᑯᓂᒃ ᖃᐅᔨᓴᕐᓂᕐᒧᑦ ᐊᒻᒪ ᑐᒃᑐᓂ ᐅᖃᐅᓯᖃᓕᕆᓪᓗᓂ. ᑐᑭᓯᓇᖅᓯᑎᑦᑎᐊᓚᐅᕆᑦ ᓇᓪᓕᐊᓂᒃ ᐅᖃᐅᓯᖃᖅᐱᑦ, ᐊᒪᖅᑯᓄᑦ. ᐊᒪᖅᑯᓂᒃ ᖃᐅᔨᓴᕈᑎᐅᕙᑦᑐᓂᒃ ᐅᕝᕙᓗ ᑐᒃᑐᓂᒃ? ᓇᓪᓕᐊᓐᓂᒃ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒪᓕᒐᓕᐅᖅᑎ ᖁᓕᒃᑖᓇ, ᐊᐱᖅᑯᑏᑦ ᓇᓗᓇᐃᕆᐊᑦᑎᐊᒃᑲᓐᓂᕈᒃ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑖᓐᓇ ᐊᒪᖅᑯᓅᓕᖓᔪᑦ ᑖᓐᓇᓕ ᐊᖏᕈᑎᐅᔪᖅ ᐱᓪᓗᒍ ᑐᑭᓯᐅᒪᖃᑎᒌᓐᓂᐅᓯᒪᔪᖅ, ᑖᒃᑯᐊ ᑐᒃᑐᐃᑦ ᐅᐸᑉᐸᑦᑕᖏᓐᓄᑦ ᑲᑐᔾᔨᖃᑎᒋᔭᐅᔪᓪᓗ ᐆᒪᔪᓕᕆᔨᐅᖃᑕᐅᔪᑦ ᐊᖏᕈᑎᐅᔪᒥ ᐊᒪᖅᑯᓂᒃ ᖃᐅᔨᓴᕋᑦᓴᓂᑦ ᓇᕝᕚᖃᑦᑕᓂᕐᒧᑦ. ᐊᖏᕈᑎᓕᐅᖅᑐᖃᓚᐅᖅᓯᒪᒻᒪᑦ, ᑖᓐᓇ ᐱᓪᓗᒍ ᑐᓴᖅᑎᑕᐅᒍᒪᒐᓗᐊᖅᑐᖓ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒥᓂᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᐊᐱᖅᑯᑎᒋᔭᓐᓄᑦ. ᐄ’, ᐊᖏᕈᑎᐅᔪᖅ ᐊᑎᓕᐅᖅᑕᐅᓚᐅᖅᓯᒪᔪᖅ, ᐅᐱᕐᖔᖑᑎᓪᓗᒍ 2023 ᑖᒃᑯᐊ ᐊᕙᑎᓕᕆᔨᒃᑯᑦ ᐊᓯᔾᔩᓚᐅᖅᐳᑦ ᐊᒪᖅᑯᓂᒃ ᓇᕝᕚᖅᐸᓐᓂᐊᖏᓐᓂᒃ ᐊᒻᒪᓗ ᖃᐅᔨᓴᕋᑦᓴᓂᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑐᒡᓕᐊ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑎ. ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ ᐅᖃᖅᑏ. ᒥᓂᔅᑕ ᖃᐅᔨᒪᔪᒃᓴᐅᒋᕗᑦ ᓯᕗᓕᕆᓚᐅᖅᑖ ᒥᓂᔅᑕᐅᔪᖅ ᑐᓴᖅᑎᑦᓯᓚᐅᖅᓯᒪᒻᒪᑦ ᒪᓕᒐᓕᐅᕐᕕᒻᒧᑦ ᐅᖃᖅᓱᒍ “ᑖᕕᓐ ᐊᒻᒪ ᔫᓂᐊᓐ ᑐᒃᑐᐃᑦ ᐅᓗᕆᐊᓇᖅᑐᒦᓐᓂᕋᖅᑕᐅᒻᒪᑕ ᐊᒻᒪᓗ ᐊᓯᔾᔨᖅᑕᐅᑐᐃᓐᓇᕆᐊᖃᓕᖅᓱᑎᒃ ᐊᑦᑕᓇᓪᓚᕆᑦᑐᒦᓕᕐᓂᖏᓐᓂᒃ ᒐᕙᒪᑐᖃᒃᑯᑦ ᐊᑦᑕᓇᐅᖅᑑᒥᑦᑐᑦ ᒪᓕᒐᖏᓐᓂᒃ.” ᒥᓂᔅᑕ ᐅᖃᕈᓐᓇᖅᐸ ᖃᓄᖅ ᐃᓱᒪᖃᕐᒪᖔᕐᒥᒃ ᑕᒪᓐᓇ ᐱᓪᓗᒍ, ᐊᒻᒪ ᑐᓴᖅᑎᑦᓯᔪᓐᓇᖅᐸ ᐅᓪᓗᒥ ᖃᓄᐃᓕᖓᔭᐅᓂᐊᕐᓂᕆᔭᖏᑕ ᐃᒪᐃᑦᑑᓂᕋᖅᑕᐅᓂᖏᑦ ᑐᑦᑐᐃᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐊᕙᑎᓕᕆᔨᒃᑯᓐᓄᑦ ᒥᓂᔅᑕ ᑯᓄᒃ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 18 ᐊᖓᔪᖅᑳᖅ ᐳᕋᐃᔭᓐ ᑯᓄᒃ (ᑐᓵᔨᑎᒍ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᒪᓕᒐᓕᐅᖅᑎ ᐊᐱᕆᒻᒪᑦ. ᑐᕋᒃᓴᐃᑦ ᐱᓯᒪᙱᑕᐃᓐᓇᕋᒃᑭᑦ ᑭᐅᒍᓐᓇᓛᖅᐸᒋᑦ ᑎᑎᕋᖅᓯᒪᔪᑎᒍᑦ ᐊᐱᖅᑯᑎᐅᓚᐅᖅᑐᒧᑦ. ᒪᓕᒐᓕᐅᖅᑎ ᑎᑎᖅᑲᑎᒍᑦ ᑭᐅᒐᓱᒍᓐᓇᓛᖅᐸᕋ ᐅᐊᑦᓯᐊᒃᑲᓐᓂᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐅᖃᐅᓯᒃᑯᑦ ᐊᐱᖅᑯᑏᑦ. ᐸᓐᓂᖅᑑᒧ ᒪᓕᒐᓕᐅᖅᑎ, ᒥᔅᑕ ᒪᐃᒃ. ᐊᐱᖅᑯᑦ 124 - 7(2): ᑭᒡᒍᑎᒃᓴᖅ ᑎᑎᖅᑲᒃᑯᑦ ᑭᐅᔭᐅᓂᖓᑕ ᐳᕙᒡᓗᓐᓂᕐᒧᑦ (ᒪᐃᒃ) ᒪᐃᒃ: ᖁᔭᓐᓇᒦᒃ, ᐅᖃᖅᑏ. ᐅᓪᓗᑰᖅᐸᒃᑲ, ᓄᓇᕗᒻᒥᐅᑉ ᐸᓐᓂᑑᕐᒥᐅᑦ ᐃᓚᑯᓗᒃᑲᓗ. ᒫᓐᓇ ᐊᐱᖅᑯᑎᔅᓴᖃᖅᑐᖓ ᖃᓂᒻᒪᓐᓇᙱᑦᑐᓕᕆᔨᒃᑯᑦ ᒥᓂᔅᑕᖓᓐᓄᑦ. ᑕᐃᒪ ᒥᓂᔅᑕ ᖃᐅᔨᒪᒻᒪᑦ, ᑕᕝᕗᖓ ᒪᓕᒐᓕᐅᕐᕕᒻᒧᑦ ᓴᖅᑮᓚᐅᖅᓯᒪᒐᒪ ᑎᑎᖅᑲᓂᒃ ᑖᒃᑯᓇᙶᖅᑐᑦ ᕼᐋᒻᒪᓚᒃᑯᑦ ᑲᑎᒪᔨᖏᓐᓂᒃ, ᕼᐋᒻᒪᓚᒃᑯᖏᓐᓂᒃ ᐸᓐᓂᖅᑑᒥ. ᑖᓐᓇ ᑎᑎᖅᑲᖅ ᑐᕌᖓᓚᐅᖅᓯᒪᒻᒪᑦ ᓯᕗᓕᖅᑎᓐᓄᑦ, ᐱᓗᐊᖅᑐᒥᖃᐃ ᑲᓇᑕᐅᓪᓗ ᓄᓇᕗᓪᓗ ᒥᓂᔅᑕᖏᓐᓄᑦ ᖃᓂᒪᓐᓇᙱᑦᑐᓕᕆᓂᕐᒨᖓᔪᓄᑦ. ᐊᒻᒪᓗ ᑕᐃᑦᓱᒪᓂ ᐊᐱᕆᓚᐅᖅᓯᒪᒻᒥᒐᒃᑯ ᑖᔅᓱᒥᖓ. ᑕᒪᓐᓇ ᐱᔾᔪᑎᒋᓪᓗᒍ ᐅᓪᓗᖓᓂ ᓯᕗᓪᓕᖅᐹᒥᒃ ᐅᐱᕐᖓᔅᓵᖅ ᒫᓐᓇ ᑲᑎᒪᓕᖅᑎᓪᓗᑕ, ᓇᓗᓇᐃᖅᓯᓚᐅᖅᓯᒪᒻᒪᑦ ᒥᓂᔅᑕ, ᐃᓛᒃ ᓇᓗᓇᐃᖅᓯᕕᒋᓪᓗᒍ ᑖᒃᑯᓂᖓ ᐃᓪᓗᒧᑦ ᓴᖅᑭᑕᐅᓯᒪᔪᓂᒃ ᐊᐱᕆᒐᒃᑯ, ᑭᐅᓚᐅᖅᓯᒪᒻᒪᑦ “ᐱᔪᓐᓇᖅᓯᑐᐊᕈᓂ ᑭᐅᓛᕐᓂᐊᕐᓂᕋᖅᑐᓂ” ᑎᑎᖅᑲᓂᒃ ᑕᐃᒃᑯᓄᖓ ᓴᖅᑭᓚᐅᖅᓯᒪᔭᖏᓐᓂᑦ ᐅᕙᖓ. ᒥᓂᔅᑕᖃᐃ ᐅᓪᓗᒥ ᑭᖑᓪᓕᖅᐹᒥᒃ ᑲᑎᒪᓕᕐᒥᑎᓪᓗᑕ, ᒥᓂᔅᑕᖃᐃ ᓇᓗᓇᐃᖅᓯᔪᓐᓇᖅᑲ ᐅᕙᓐᓄᑦ ᑖᓐᓇ ᓇᓗᓇᐃᖅᓯᓂᐊᕐᓂᕋᓚᐅᖅᓯᒪᔭᖓ ᑭᐅᔾᔪᑎᒋᓗᓂᐅᒃ ᐃᓪᓗᒧᑦ ᓴᖅᑭᕐᓗᓂᐅᒃ, ᐅᓪᓗᒥ ᓴᖅᑭᕈᓐᓇᕐᓂᐊᕐᒪᖔᒍ ᑎᑎᖅᑲᖅ ᕼᐋᒻᒪᓚᒃᑰᓐᓅᖓᔪᖅ ᐸᓐᓂᖅᑑᒥ. ᑖᓐᓇ ᐅᓪᓗᖅ ᐊᑐᖅᑕᕗᑦ ᑲᑎᒪᓂᖅᐳᑦ ᐊᓂᒍᓚᐅᙱᓐᓂᖓᓂ? ᖁᔭᓐᓇᒦᒃ, ᒥᓂᔅᑕ. ᐅᖃᖅᑎ: ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᒥᓂᔅᑕ, ᐳᕉᔅᑐ. ᐊᖓᔪᖅᑳᖅ ᔮᓇᑦ ᐳᕉᔅᑐ (ᑐᓵᔨᑎᒍᖅ): ᖁᔭᓐᓇᒦᒃ, ᐅᖃᖅᑏ. ᐱᓯᒪᓪᓗᒍᒃ ᑎᑎᖅᑲᖅ ᓵᓐᓂ. ᖃᓄᐃᑦᓴᙱᑦᓯᐊᖅᑐᖓ ᐃᑭᐊᖅᑭᕕᖓᓄᑦ ᐊᐅᓪᓚᖅᑎᒐᔭᕐᓗᒍ ᐊᑲᐅᓈᓕᖅᐸᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓪᓕᖅᐹᒥ ᐃᓚᒋᐊᕈᑏᑦ, ᐊᐱᕆᒍᒃ ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᒃ, ᒥᓂᔅᑕ. ᑐᑭᓯᓇᑦᑎᐊᖅᐸᓪᓚᐃᓐᓂᙱᓐᓇᒪ ᑭᐅᔭᐅᙱᑦᑐᖓ ᑕᕝᕘᓇ ᓯᕗᓪᓕᖅᐹᒃᑯᑦ ᐊᐱᖅᑯᑎᒋᔭᓐᓄᑦ. ᑕᐃᒪ ᐃᑉᐸᔅᓴᖅ ᒪᓕᒐᓕᐅᖅᑏᑦ ᑲᑎᒪᑎᓪᓗᒋᑦ ᑕᕝᕙᓂ ᒥᓂᔅᑕ ᓴᖅᑮᓚᐅᕐᒥᒻᒪᑦ ᑕᕝᕗᖓ ᒪᓕᒐᓕᐅᕐᕕᒻᒧᑦ ᖃᓂᒪᓐᓇᙱᑦᑐᓕᕆᔨᒃᑯᑦ ᐊᖏᔪᖅᑳᖓᑕ ᐅᓂᒃᑳᓕᐊᕆᓯᒪᔭᖓᓂᒃ ᐳᕙᓪᓗᓐᓇᐅᑉ ᒥᔅᓵᓄᑦ. ᑖᓐᓇ ᐱᓕᕆᐊᖑᓯᒪᒻᒪᑦ ᑕᑯᓪᓗᒍ ᖁᔭᓕᔾᔪᑎᒋᔭᕋ ᑲᒪᒋᔭᐅᓯᒪᒻᒪᑦ. (ᑐᓵᔨᑎᒍᑦ) ᒥᓂᔅᑕ ᐅᖃᕈᓐᓇᖅᐸ ᖃᓄᖅ ᐋᓐᓂᐊᖅᑐᓕᕆᔨᒃᑯᑦ ᐱᓇᓱᓐᓂᐊᕐᒪᖔᑕ ᐊᑐᓕᖁᓚᐅᖅᑕᖓᓂᒃ ᐋᓐᓂᐊᖅᑐᓕᕆᔨᒻᒪᕆᐅᑉ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᒥᓂᔅᑕ ᐳᕉᔅᑐ. ᐊᖓᔪᖅᑳᖅ ᔮᓇᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᓄᓇᕗᑦ ᒐᕙᒪᒃᑯᑦ ᐊᖏᖅᓯᒪᑦᓯᐊᖅᐳᑦ ᐳᕙᓪᓗᓐᓂᖅ ᓄᖑᑕᐅᑦᓯᐊᖁᓪᓗᒍ ᓄᓇᕗᒻᒥ 2030 ᑎᑭᒐᓱᓐᓂᖓᓄᑦ. ᑕᒪᒃᑯᐊ ᐳᕙᓪᓗᓐᓂᐅᕙᑦᑐᑦ ᐊᕐᕌᒍᑕᒫᑦ ᓄᖑᑉᐸᓪᓕᐊᓯᒪᔫᒐᓗᐊᑦ ᐅᑭᐅᑦ ᐱᖓᓱᑦ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 19 ᐱᕙᓪᓕᐊᓯᒪᓂᖓᓂᒃ ᖃᐅᔨᓯᒪᔪᒍᑦ. ᐱᓇᓱᐊᖅᓯᒪᓂᑦᑎᓐᓄᑦ ᑲᑐᔾᔨᖃᑎᖃᖅᓯᒪᓂᑦᑎᓄᓪᓗ ᐋᓐᓂᐊᖅᑐᓕᕆᔨᒃᑯᑦ ᐱᖃᑎᒋᔭᖏᓪᓗ ᐱᓕᕆᑦᓴᐃᓐᓇᖅᐳᑦ ᐳᕙᓪᓗᓐᓂᐅᓕᖅᓯᒪᔪᒥᒃ ᐊᕐᕕᐊᓂ, ᓇᐅᔮᓂᓪᓗ ᓴᖅᑭᓵᓚᐅᖅᑐᓂᒃ ᖃᐅᔨᓴᓕᖅᓱᑎᒃ ᓄᓇᓕᓐᓂ ᐊᑐᓂ. ᐊᒻᒪᓗ ᐃᒪᐃᑦᓴᐃᓐᓇᕐᒥᔪᒍᑦ, ᐅᖃᖅᑏ, ᕿᒥᕐᕈᖃᑦᑕᕐᓗᑎᒍᑦ ᑲᔪᓯᑦᓯᐊᖃᑦᑕᕋᓗᐊᕐᒪᖔᑕ ᐱᓇᓱᐊᕐᓂᕆᔭᕗᑦ. ᐊᓯᔾᔨᖅᑐᖃᕆᐊᖃᖅᐸᓪᓗ ᑕᒪᒃᑯᐊ ᐱᓪᓗᒋᑦ ᐋᖅᑭᕚᓪᓕᖁᑉᓗᑕ. ᐅᓇᑦᑕᐅᖅ ᐃᒪᐃᒐᓱᒃᓯᒪᖕᒥᔪᒍᑦ ᓴᖅᑮᓚᐅᖅᑐᒍᑦ ᖃᕆᑕᐅᔭᒃᑯᑦ ᓄᓇᕗᑦ ᒐᕙᒪᒃᑯᖏᑦ, ᐃᓛᒃ ᖃᕆᑕᐅᔭᒃᑯᑦ ᐅᖃᓕᒫᒐᕐᓂᒃ ᓄᓇᕗᑦ ᒐᕙᒪᒃᑯᓐᓄᑦ ᑮᓇᐅᔭᖃᖅᑎᑕᐅᓪᓗᓂ 23-ᓂᒃ ᐃᓱᐊᖅᓴᐃᔩᑦ ᑖᒃᑯᓇᙵᑦ ᐋᖅᑭᒃᓱᐃᓐᓂᖅᓱᑎᒃ ᑐᙵᕕᒃᑯᑦ, ᒐᕙᒪᒃᑯᓪᓗ ᐳᕙᓪᓗᓕᕆᓂᕐᒧᑦ ᑲᑎᒪᐃᓐᓇᖅᐸᓚᐅᕐᒪᑕ ᐳᕙᓪᓗᓐᓂᕐᒥᒃ ᓄᖑᑦᓯᕙᓪᓕᐊᒍᒪᓪᓗᑎᒃ. ᐱᑦᓯᐊᕐᓂᖅᓴᐅᑦᓴᐃᓐᓇᕈᒪᓲᖑᕗᒍᑦ ᒪᓕᑦᓯᐊᕐᓗᑕ ᐱᐅᓛᓂᒃ ᑐᓴᕈᑎᐅᒍᓐᓇᑦᓯᐊᖅᑐᓂᒃ ᑖᑦᓱᒪᙵᑦ ᐋᓐᓂᐊᖅᑐᓕᕆᔨᕐᔪᐊᕐᒥᒃ ᐱᔪᒥᒃ ᓄᖒᑦᓯᒐᓱᓐᓂᕐᒧᑦ ᐳᕙᓪᓕᕐᓂᕐᐅᔪᒥᒃ ᐊᓯᖏᓐᓂᓘᓐᓃᑦ ᖃᓂᒃᑯᑦ ᐋᓐᓂᐊᖅᑖᖑᕙᑦᑐᓂᒃ ᓄᖑᓐᓇᓱᒃᑲᑦᑎᒍᑦ ᓄᓇᕗᒻᒥ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑐᒡᓕᐊ ᐊᒻᒪᓗ ᑭᖑᓪᓕᖅᐹᖅ ᐃᓚᒋᐊᕈᑏᑦ ᐊᐱᕆᓚᐅᕐᒥᒍᒃ ᒪᓕᒐᓕᐅᖅᑎ, ᒪᐃᒃ. ᒪᐃᒃ: ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ, ᒥᓂᔅᑕ. ᑕᒪᒃᑯᐊ ᑕᕝᕙᓂ ᓘᑦᑖᑦ ᐊᖏᔪᖅᑳᕐᔪᐊᕐᒧᑦ ᐅᖃᐅᓯᕆᔭᐅᓯᒪᔪᑦ ᑖᒃᑯᐊ ᐃᓄᐃᑦ ᑕᐸᕇᒃᑯᓐᓄᑦ ᐃᓄᐃᑦ ᑲᑐᔾᔨᖃᑎᒌᖏᑦ ᑕᒫᓂ ᑲᓇᑕᒥ, ᑕᐃᒪ ᐱᔭᔅᓴᒥᒃ ᓴᖅᑮᕙᓪᓕᐊᓯᒪᓂᖓ ᐃᓱᒪᒋᕋᑖᕋᓗᐊᕋᒃᑯ. ᖁᔭᓐᓇᒦᒃ, ᐊᐱᖅᑯᑎᒐ ᑖᓐᓇ ᒥᓂᔅᑕ ᖃᐅᔨᒪᒻᒪᑦ ᐱᓕᕆᕝᕕᒋᔭᖓ ᓴᖅᑮᓚᐅᖅᓯᒪᒻᒪᑦ ᓇᓗᓇᐃᖅᓯᓪᓗᑎᒃ ᐊᕐᕌᓂ ᐊᒃᑑᕝᕙᐅᑎᓪᓗᒍ ᑕᒪᔅᓱᒥᖓ ᐳᕙᓪᓗᓐᓇᐅᑉ ᒥᔅᓵᓄᑦ ᐱᓕᕆᕙᓪᓕᐊᖑᔮᕐᔪᓐᓂᕋᖅᑐᑎᒃ, ᑖᓐᓇ ᐳᕙᓪᓗᓐᓇᖅ ᑕᒫᓂ ᓄᓇᕘᒥ ᓴᖅᑭᔮᖁᔭᐅᙱᕝᕙᓗᑦᑐᓂ ᐊᕐᕌᒍᖓ ᓇᓗᓇᐃᕐᓗᒍ 2030-ᒥ. (ᑐᓵᔨᑎᒍᑦ) ᒥᓂᔅᑕ ᐅᖃᕈᓐᓇᖅᐸ ᐋᓐᓂᐊᖅᑐᓕᕆᔨᒃᑯᑦ ᓈᒻᒪᑦᑐᒥᒃ ᐱᔾᔪᑎᑦᓴᖃᕋᓗᐊᕐᒪᖔᑕ ᑖᓐᓇ ᑐᕌᒐᖅ ᐊᓂᒎᔾᔭᐅᖁᓪᓗᒍ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᐳᕉᔅᑐ. ᐊᖓᔪᖅᑳᖅ ᔮᓇᖅ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑖᓐᓇ ᐱᒻᒪᕆᐅᓪᓗᓂ ᐊᐱᖅᑯᑎᖓ ᖁᕕᐊᒋᓪᓗᒍ. ᐳᕙᓪᓗᓐᓂᕐᒧᑦ ᐱᓕᕆᐊᒧᑦ ᑮᓇᐅᔭᖅᑐᕈᑎᑦᓴᐃᑦ 2025-2026-ᒥ $3.5-ᒥᓕᐊᓐᒦᑦᑐᖅ ᑮᓇᐅᔭᖅᑖᕈᑕᐅᓪᓗᐊᖅᑐᒥᒃ ᐊᒻᒪ $2.9-ᒥᓕᐊᓐᒃᑲᓐᓃᑦ ᑖᒃᑯᐊ ᑐᕌᖓᒋᐊᖅᑐᒧᑦ ᑲᑐᔾᔨᖃᑎᓐᓇᓱᒻᒪᑦ ᑮᓇᐅᔭᖃᖅᑎᑦᓯᓂᖅ ᐱᓪᓚᕆᐊᓘᒻᒪᑦ ᑕᒪᑐᒧᖓ. ᓯᕗᒧᓐᓇᓱᑦᑐᑕ ᑖᒃᑯᐊ ᐊᑐᑦᓯᐊᕋᓱᑦᑕᕗᑦ ᑮᓇᐅᔭᐃᑦ. ᐊᒥᒐᕈᑦᑕ ᑮᓇᐅᔭᐃᑎᒍᑦ ᓱᓕ ᕿᓄᒃᑲᓐᓂᕈᓐᓇᕋᑦᑕ ᑮᓇᐅᔭᒃᑲᓐᓂᕐᓂᒃ. ᒫᓐᓇᓕ ᑮᓇᐅᔭᖃᖅᑎᑕᐅᕗᒍᑦ ᐱᔭᕆᐊᖃᕐᓂᕗᑦ ᒪᓕᑦᑐᒍ ᐸᕐᓇᐅᑎᒋᔭᕗᑦ ᒫᓐᓇ ᐊᑐᖅᓱᒋᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᐊᐃᕕᓕᖕᒧᑦ ᒪᓕᒐᓕᐅᖅᑎ, ᐊᖑᑎᐊᓗᒃ. ᐊᐱᖅᑯᑦ 125 - 7(2): ᓴᒃᑯ ᐃᓕᓐᓂᐊᕐᕕᖓ (ᐊᖑᑎᐊᓗᒃ) ᐊᖑᑎᐊᓗᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᑖᓐᓇᓕ ᐊᐱᖅᑯᑎᒋᓚᖓᔭᕋ ᒥᓂᔅᑕᒧᑦ ᐃᓕᓐᓂᐊᖅᑐᓕᕆᔨᒃᑯᓐᓄᑦ. ᓯᕗᓪᓕᕐᒥ ᐃᓱᒪᒋᕙᔅᓯ ᐃᓚᒌᓯᒍᑦ ᓄᓕᐊᓪᓗ. (ᑐᓵᔨᑎᒍᑦ) ᑖᒃᑯᐊ ᖃᐅᔨᒪᒻᒪᑦ ᐃᓕᓐᓂᐊᖅᑐᓕᕆᔨᒃᑯᑦ ᑮᓇᐅᔭᕐᔪᐊᓂ ᐊᑐᖅᓯᒪᓕᕐᒪᑕ ᓄᑖᙳᕆᐊᕆᓇᓱᑦᓱᑎᒃ ᓴᒃᑯ ᐃᓕᓐᓂᐊᕐᕕᖓᓂ ᓴᓪᓕᕐᒥ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 20 ᐅᑭᐅᖅ ᐱᒋᐊᓕᓵᖅᑎᓪᓗᒍ ᒪᓕᒐᓕᐅᕐᕕᒻᒥ ᐊᖏᕈᑎᖃᓚᐅᖅᐳᑦ ᐃᓕᓐᓂᐊᖅᑐᓕᕆᔨᒃᑯᑦ 2026-2027-ᒧᑦ ᐊᑭᑐᔫᑎᓄᑦ ᑮᓇᐅᔭᖅᑑᑎᑦᓴᓂᒃ ᑕᒪᑐᒧᖓ. ᒥᓂᔅᑕ ᐅᓪᓗᒥ ᑐᓴᖅᑎᑦᓯᔪᓐᓇᖅᐸ ᐅᓪᓗᓕᐊᖓᓯᒪᔪᒥᒃ ᖃᖓᒃᑯᑦ ᐱᔭᕇᖅᑕᐅᒐᔭᕐᒪᖔᖅ ᑕᒪᓐᓇ ᐃᖅᑲᓇᐃᔮᖑᔪᖅ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᓕᓐᓂᐊᖅᑐᓕᕆᔨᒃᑯᓐᓄᑦ ᒥᓂᔅᑕ, ᐊᕿᐊᕈᖅ. ᐊᖓᔪᖅᑳᖅ ᑕᐃᕕᑦ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐊᒻᒪᓗ ᖁᔭᓐᓇᒦᒃ ᐅᒃᐱᒍᓱᑦᑎᐊᕋᕕᑦ. ᑖᓐᓇ ᐃᓕᓐᓂᐊᕐᕕᒃ ᓴᓇᔭᐅᔪᖅ ᒫᓐᓇ ᓂᕆᐅᒌᒃᓯᒪᔭᕘᒐᓗᐊᖅ ᓅᕖᕝᕙ 2027-ᒥ ᐱᔭᕇᖅᑕᐅᓗᓂ. ᑭᓯᐊᓂ, ᖃᐅᔨᒪᓪᓗᑕ ᐊᔾᔨᒌᙱᑦᑐᓂᒃ ᓴᖅᑭᑦᑐᖃᖃᑦᑕᖅᓯᒪᓂᑰᓂᖓᓄᑦ ᑖᓐᓇ ᑭᖑᕙᖓᑐᐃᓐᓇᕆᐊᓕᒃ ᐊᐅᔭᖓᒍᑦ 2028. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᓯᕗᓪᓕᖅᐹᕐᒥ ᐃᓚᒋᐊᕈᑏᑦ ᐊᐱᕆᓚᐅᕐᒥᒍᒃ, ᒥᔅ ᐊᖑᑎᐊᓗᒃ. ᐊᖑᑎᐊᓗᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒍᑦ) ᑐᑭᓯᑎᑦᑎᒋᐊᕈᑏᑦ ᑐᓂᔭᐅᓯᒪᔪᐃᑦ ᒥᓂᔅᑕᐅᑉ ᐱᓕᕆᕕᖓᓄᑦ ᐅᖃᖅᓯᒪᒻᒪᑕ ᓴᒃᑯ ᐃᓕᓐᓂᐊᕐᕕᒃ ᐱᓕᕆᐊᖑᓂᖓ ᐅᑯᓂᖓ ᐃᓚᖃᕐᖓᑦ. ᐅᖃᓕᒫᕐᓗᒋᑦ, ᐲᔭᖅᑕᐅᓗᓂ ᒫᓐᓇ ᐃᓐᓇᐃᑦ ᐃᓕᓴᕕᖓ ᐊᒻᒪᓗ ᓱᓪᓗᑯᑖᑉ ᑲᓱᕈᑎᖓ ᐊᑐᖅᑕᐅᕙᓪᓕᐊᓕᕐᓗᑎᓪᓗ ᑲᓕᒐᔅᓴᐅᔪᐃᑦ ᐃᓕᓐᓂᐊᕐᕕᕋᓛᑦ. ᑖᒃᑯᐊ ᐃᓐᓇᕐᓄᑦ ᐃᓕᓴᕕᐅᑲᐃᓐᓇᓂᐊᕐᓗᑎᒃ. ᒥᓂᒡᑕ ᓇᓗᓇᐃᖅᓯᒍᓐᓇᖅᑳ ᖃᓄᐃᓕᖓᓕᕐᒪᖔᑦ ᐊᐅᓪᓛᖅᓯᒐᓱᐊᕐᓂᖓ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᐊᕿᐊᕈᖅ. ᐊᖓᔪᖅᑳᖅ ᑕᐃᕕᑦ ᐊᕿᐊᕈᖅ (ᑐᓵᔨᑎᒍᑦ) ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᐃᓕᓐᓂᐊᖅᑐᓕᕆᔨᒃᑯᓐᓄᑦ ᒥᓂᔅᑕᐅᓪᓗᖓ ᑲᒪᔨᐅᒐᒪ ᐃᓱᒪᔅᓴᖅᓯᐅᖃᑎᒋᑦᑎᐊᕆᐊᖃᕐᓂᐊᕋᒃᑯ ᓯᓚᑦᑐᓴᕐᕕᐅᑉ ᒥᓂᔅᑕᖓ ᐊᒻᒪᓗᑦᑕᐅᖅ ᐅᖃᐅᑎᔭᕋ ᒪᓕᒐᓕᐅᖅᑎ ᐅᖃᖃᑎᒌᓕᕈᓐᓄᒃ ᑖᓐᓇ ᖁᑦᑎᑦᑐᐊᓗᒻᒥᒃ ᓯᕗᓪᓕᐅᒋᐊᖃᖅᑎᓐᓂᐊᖅᑕᕗᑦ ᐊᐅᓪᓛᖅᑕᐅᒍᓐᓇᕐᓂᐊᕐᖓᑕ ᑭᓗᖃᙳᐊᖏᓪᓗᑎᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑐᒡᓕᐊᓂ ᐊᒻᒪ ᑭᖑᓪᓕᖅᐹᖅ ᐊᐱᖅᑯᑏᑦ, ᒥᔅ ᐊᖑᑎᐊᓗᒃ. ᐊᖑᑎᐊᓗᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒍᑦ) ᐃᓱᒫᓘᑎᓂᑦ ᐅᖃᐅᔾᔭᐅᓯᒪᒐᒪ, ᑰᕝᕕᖓᒎᖅ ᓴᓂᐊᓃᑦᑐᖅ ᓴᒃᑯ ᐃᓕᓴᕕᒃ ᓱᕋᐃᖃᑦᑕᖅᓯᒪᒻᒪᑦ ᐱᖁᑎᓂᑦ, ᐊᑕᐅᓯᕐᒥᒃ ᐃᓪᓗᒥᓪᓗ ᓄᓇᓕᖓᓂ. ᒥᓂᔅᑕᒧᑦ ᑎᑎᕋᕐᓂᐊᖅᑐᖓ ᑖᓐᓇ ᐱᔾᔪᑎᒋᓗᒍ ᐅᐱᕐᖔᒃᑯᑦ ᐃᔅᓯᕙᓂᕗᑦ ᐃᓱᓕᑉᐸᑦ. ᐊᖏᕈᓐᓇᖅᑳᐱᓕᕆᕕᖓ ᕿᒥᕐᕈᖁᓗᒍ ᐃᓱᒫᓘᑎᓐᓂᒃ ᐅᖃᐅᓯᕆᓂᐊᖅᑕᓐᓂᒃ ᒥᓂᔅᑕᒧᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᓕᓐᓂᐊᖅᑐᓕᕆᔨᒃᑯᓐᓄᑦ, ᒥᓂᔅᑕ ᐊᕿᐊᕈᖅ. ᐊᖓᔪᖅᑳᖅ ᑕᐃᕕᑦ ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒥᒃ, ᐅᖃᖅᑏ. ᖁᔭᓐᓇᒦᓪᓗ ᒪᓕᒐᓕᐅᖅᑎ ᑖᔅᓱᒥᖓ ᐅᖃᐅᓯᖃᕋᕕᑦ ᐃᓱᒫᓗᓐᓇᖅᓯᔪᖃᓲᖑᒻᒪᑦ ᐃᓛᒃ. ᐅᖃᕋᑖᕐᖓᑦ ᑭᖑᕙᕆᐊᖅᑕᐅᑐᐃᓐᓇᕆᐊᖃᕐᓂᐊᕐᖓᑕ ᐊᐅᔭᒥ 2028-ᒧᑦ. ᑖᓐᓇ ᐅᖃᐅᓯᕆᕋᑖᖅᑕᖓ ᐃᓱᒫᓘᑎᐅᔪᓄᑦ ᐃᓚᒋᔭᐅᒻᒪᑦ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 21 ᑎᑎᕋᕐᕕᐅᒍᒪ ᑭᐅᒍᓐᓇᑦᑎᐊᓛᖅᑐᖓ ᐃᓱᒫᓘᑎᖃᕈᔅᓯᑦ. ᑖᓐᓇᐃᓛᒃ ᐊᖏᔪᐊᓗᒻᒥᒃ ᓴᓇᒋᐊᖅᑕᐅᒻᒪᑦ ᓴᒃᑯ ᐃᓕᓐᓂᐊᕐᕕᖓ. ᑕᕝᕙᙶᖅᑐᓂ ᓴᓂᕌᓃᑦᑐᓂᒃ ᐊᑦᑐᖅᓯᖃᑦᑕᒥᒻᒪᑦᑕᐅᖅ. ᑖᔅᓱᒪ ᐃᓕᓴᕕᐅᑉ ᓴᓂᐊᓂ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒪᓕᒐᓕᐅᖅᑎᓄᑦ ᐊᐱᖅᑯᑏᑦ. ᐅᖅᑯᕐᒥᐅᒧᑦ ᒪᓕᒐᓕᐅᖅᑎ, ᑲᐅᑐᒃ. ᐊᐱᖅᑯᑦ 126 - 7(2): ᕿᑭᖅᑖᓗᒻᒥ ᑐᒃᑐᓕᕆᓂᖅ ᑲᒪᒋᔭᐅᓂᖓᓄᑦ (ᑲᐅᑐᖅ) ᑲᐅᑐᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᕙᑎᓕᕆᔨᒃᑯᑦ ᒥᓂᔅᑕᖓ ᐊᐱᖅᓱᕈᒪᔭᕋ ᐅᓪᓗᒥ. ᐅᖃᖅᑏ, ᒪᓕᒐᓕᐅᖅᑎᐅᖃᑎᒐ ᐊᒡᒍᒧᑦ ᐊᒻᒪ ᐸᓐᓂᖅᑑᕐᒧᑦ ᒪᓕᒐᓕᐅᖅᑎᐅᖃᑏᒃᑲᒃ ᑐᑦᑐᑦ ᐊᐅᓚᑕᐅᓂᖏᓐᓂᑦ ᐊᐱᖅᑯᑎᖃᖃᑦᑕᕐᖓᑕ ᐅᓪᓗᒥ ᐆᑦᑐᕐᓂᐊᕐᒥᒐᒪᑦᑕᐅᖅ. ᐅᖃᖅᑏ, ᑐᑭᓯᑎᑦᑎᒋᐊᕈᑏᑦ ᓴᖅᑭᖅᑕᐅᓯᒪᔪᐃᑦ ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᓐᓄᑦ ᐅᖃᖅᓯᒪᒻᒪᑕ ᐊᕙᑎᓕᕆᔨᒃᑯᒡᒎᖅ ᐱᓕᕆᕕᖓᑦ ᐊᑐᓕᖁᔭᓕᐅᖅᓯᒪᓕᕐᖓᑕ ᐊᓯᔾᔩᖁᔨᓪᓗᑎᒃ ᑲᑎᓪᓗᑎᒃ ᑐᑦᑐᑦᑕᐅᒍᓐᓇᖅᑐᓂᑦ ᕿᑭᖅᑖᓘᑉ ᑐᑦᑐᖏᓐᓂᒃ. ᑎᑎᕋᖅᓯᒪᔪᖅ ᐅᖃᖅᓯᒪᒻᒪᑦ ᐅᖃᓕᒫᕐᓗᒋᑦ: “ᒪᓕᓪᓗᒋᑦ ᓈᓴᐃᓂᐅᓯᒪᔪᐃᑦ ᑐᑦᑐᓂᑦ ᐊᒻᒪᓗᑦᑕᐅᖅ ᖃᐅᔨᓴᕐᓂᓕᕆᓂᕐᒧᑦ ᑐᒃᑭᓯᔭᐅᓯᒪᔪᐃᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᓪᓗ ᓄᓇᕗᑦ ᒐᕙᒪᖓ ᐊᑐᓕᖁᔨᓄᑦ ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ, ᐋᖅᑭᒋᐊᖅᓯᖁᔭᐅᓪᓗᑎᒃ ᒫᓐᓇ ᕿᑭᖅᑖᓗᒻᒥ ᑐᑦᑐᑦᑕᐅᒍᓐᓇᖅᑐᓂ ᑕᕝᕗᖓ ᐊᖑᑕᐅᒻᒪᖔᑦ, ᐊᕐᓇᓪᓘᒻᒪᖔᕐᓘᓐᓃᑦ ᐃᓱᒪᙱᓪᓗᑎᒃ 6,000-ᓂᑦ ᑐᑦᑐᒍᓐᓴᖅᓯᑎᑦᑎᒍᒪᓪᓗᑎᒃ. ᑖᒃᑯᐊ 12.3%-ᖏᓐᓂᒎᖅ ᑐᑦᑐᐃᑦ ᐃᓚᙵᖅᑕᐅᒐᔭᖅᑐᐃᑦ ᐊᒻᒪᑦᑕᐅᖅ ᐊᕐᕌᒍᑕᒫᖅ 125-ᓂᒃ ᑐᑦᑐᓂᒃ ᐃᓚᔭᐅᖃᑦᑕᖁᔭᐅᓪᓗᑎᒃ.” ᑎᑎᕋᖅᑕᐅᒍᓐᓇᓂᐊᕐᖓᑦ ᑲᑎᒪᔪᑎᓄᑦ ᒥᓂᔅᑕ ᓇᓗᓇᐃᖅᓯᒍᓐᓇᖅᑳ ᐱᓕᕆᕕᖓ ᑕᐃᒫᒃ ᐊᑐᓕᖁᔨᓯᒪᒻᒪᖔᖅ 6,000-ᓂᒃ ᑐᑦᑐᒍᓐᓇᖅᓯᖁᓪᓗᒋᑦ ᕿᑭᖅᑖᓗᒻᒥᐅᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐊᕙᑎᓕᕆᔨᒃᑯᓐᓄᑦ, ᒥᓂᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᐊᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒥᓪᓗ ᑲᑎᒪᔨ ᐊᐱᕆᒻᒪᑦ. ᑕᐃᒪ ᑖᓐᓇᓴᐃᓐᓇᖅ ᐊᐱᖅᑯᑎ ᑭᐅᓕᖅᑭᑦᑖᓕᕋᒃᑯᒃ ᖃᖓᓂᒃᑭᐊᖅ ᐅᓪᓗᓂ ᖃᑦᑎᓂᒃᑭᐊᖅ. ᒪᓕᑐᐃᓐᓇᓂᐊᕐᒥᔪᑦ ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᐋᖅᑭᑦᑕᒥᓐᓂᒃ. ᐅᑕᖅᑭᒐᑦᑎᒍᑦ ᑐᓂᓛᖅᑕᖏᑦ ᐆᒪᔪᓕᕆᔨᕐᔪᐊᒃᑯᑦ ᓄᓇᕗᑦ ᒐᕙᒪᖓᓄᑦ. ᑕᐃᑲᓂ ᐃᓱᒪᑖᕆᐊᖃᓛᖅᑐᒍᑦ ᐊᖏᕐᓂᐊᕐᒪᖔᑦᑎᒍᑦ ᐊᑐᓕᖁᔭᓕᐊᖏᑦ. ᑕᐃᑲᓂ ᑕᐃᒪ ᑐᑦᑐᑦᑕᐅᔪᓐᓇᖅᑐᓕᒫᑦ ᐋᖅᑭᑦᑕᐅᒍᓐᓇᖅᓯᓛᖅᑐᐃᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓪᓕᖅᐹᕐᒥ ᐃᓚᒋᐊᕈᑏᑦ ᐊᐱᕆᒍᒃ, ᒥᔅᑕ ᑲᐅᑐᖅ. ᑲᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕ ᑕᐃᒪ ᖃᐅᔨᒪᒻᒪᑦ ᐅᓪᓗᒥᐅᔪᖅ ᒪᓕᒐᕆᔭᖏᑦ ᓄᓇᕗᒻᒥ ᐆᒪᔪᓕᕆᓂᕐᒧᑦ ᒪᓕᒐᕐᔪᐊᑦ ᐱᔾᔪᑎᖃᖅᑐᑦ ᑐᑦᑐᑦᑕᐅᔪᓐᓇᖅᑐᓕᒫᓂ ᐊᒻᒪ ᑰᑕᖃᙱᓪᓗᑎᒃ ᑐᑦᑐᑦᑕᐅᔪᓐᓇᖅᑐᓂᑦ ᐃᓱᖃᖅᑎᑦᑎᓂᐅᔪᐃᑦ. 26-27-ᒥ 550-ᐅᒐᔭᖅᑐᑦ ᑐᑦᑐᐃᑦ, ᐊᒻᒪᓗᑦᑕᐅᖅ 110-ᓂᒃ ᐊᕐᓇᓪᓗᓐᓂᒃ ᓄᕐᕋᖃᙱᑦᑐᓂᒃ. ᒥᓂᔅᑕ ᓇᓗᓇᐃᔭᐃᔪᓐᓇᖅᑲ ᖃᓄᓪᓚᑦᑖᖅ ᐊᑐᓕᖁᔨᓂᐊᕐᒪᖔᑕ ᐊᓯᔾᔨᖅᑕᐅᑎᑦᑎᒐᓱᓪᓗᑎᒃ ᑐᑦᑐᑦᑕᐅᔪᓐᓇᕐᓂᖏᑦ ᐊᕐᓇᓪᓗᐃᑦ? ᖁᔭᓐᓇᒦᒃ, ᐅᖃᖅᑏ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 22 ᐅᖃᖅᑎ: ᒥᓂᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᐊᓐ ᑯᓄᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᑲᑎᒪᔨ ᐊᐱᕆᒻᒪᑦ ᑕᐃᒫᒃ. ᐱᓕᕆᕕᖓ ᐊᕙᑎᓕᕆᔨᒃᑯᑦ ᐊᑐᓕᖁᔭᓕᐊᔅᓴᖃᙱᑦᑐᑦ ᒫᓐᓇ. ᐆᒪᔪᓕᕆᔩᑦ ᑲᑎᒪᔨᕋᓛᖏᑦ ᐊᒻᒪᑦᑕᐅᖅ ᐆᒪᔪᓕᕆᔨᕐᔪᐊᒃᑯᑦ ᐊᑐᓕᖁᔭᓕᐅᖅᓯᒪᔫᒐᓗᐊᑦ ᐅᖃᕈᑎᒍᓐᓇᙱᓐᓇᒃᑭᑦ. ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ ᐋᖅᑮᑉᐸᑕ ᑖᒃᑯᐊ ᐋᖅᑭᑦᑎᕆᔨᐅᒻᒪᑕ ᐊᑐᓕᖁᔭᓕᐅᖅᑎᐅᓪᓗᑎᑦ ᑐᒃᑐᑦᑕᐅᔪᓐᓇᖅᑐᓕᒫᓂᒃ. ᑕᐃᑲᓂ ᑕᐃᒪ ᐋᖅᑭᑦᑕᐅᓕᕋᔭᖅᑯᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑐᒡᓕᐊ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑏᑦ, ᒥᔅᑕ ᑲᐅᑐᖅ. ᑲᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕᑦᑕᐅᖅ ᖃᐅᔨᒪᒻᒪᑦ ᒫᓐᓇ ᒐᕙᒪᒃᑯᑦ ᒪᓕᒐᖏᑦ ᐱᔾᔪᑎᖃᖅᑐᐃᑦ ᑲᑎᓪᓗᒋᑦ ᑐᒃᑐᑦᑕᐅᔪᓐᓇᖅᑐᓕᒫᓂᒃ ᐊᒥᓱᓕᐅᖅᑕᐅᓚᐅᕐᖓᑕ ᓄᓇᕗᑉ ᐱᕙᓪᓕᐊᔪᖁᑎᖏᓐᓂᒃ ᔪᓚᐃ 2022-ᒥ. ᒪᓕᒐᕋᓛᖏᑦ ᐅᖃᖅᓯᒪᒻᒪᑕ ᐃᒫᒃ ᐅᖃᓕᒫᕐᓗᒋᑦ “ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ ᓱᓕ ᐃᓱᒪᑖᓚᐅᑎᒻᒪᑕ ᑐᒃᑐᑦᑕᐅᔪᒪᔪᓕᒫᓂᒃ ᕿᑭᖅᑖᓗᒻᒥ.” ᒥᓂᔅᑕ ᓇᓗᓇᐃᖅᓯᒍᓐᓇᓕᖅᑳ ᐅᓪᓗᒥ ᖃᓄᐃᓕᖓᓕᕐᒪᖔᖅ ᑖᓐᓇ ᐃᓱᒫᓗᒋᔭᐅᓯᒪᔪᖅ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒥᓂᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᑲᑎᒪᔨ ᐊᐱᕆᒐᕕᑦ. ᒫᓐᓇ ᐅᑕᖅᑭᒐᑦᑕ ᑭᖑᓪᓕᖅᐹᖓᓂᒃ ᑲᑎᒪᓂᕆᓛᖅᑕᖓᓂᒃ ᑕᖅᑭᑎᓐᓂ ᑕᕝᕙᓂ ᑲᑎᒪᒋᐊᓖᑦ. ᐊᒻᒪ ᒪᓕᑐᐃᓐᓇᕐᓂᐊᖅᑐᒍᑦ ᖃᓄᐃᓕᖓᔪᓂᒃ ᑐᓂᓯᔭᐅᒻᒪᖔᕐᒪ. ᐅᖃᕈᓐᓇᕋᓗᐊᖅᑐᖓ ᑭᓯᐊᓂ ᑕᐃᒃᑯᐊ ᑐᐊᕕᖅᓵᕆᒍᓐᓇᙱᓐᓇᒃᑭᑦ. ᐅᑕᖅᑭᒋᐊᖃᕐᓂᐊᕋᑦᑎᒍᑦ ᑐᓂᓛᖅᑕᖏᑦ ᐆᒪᔪᓕᕆᔨᕐᔪᐊᒃᑯᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᑐᐊᕕᕐᓗᑎᑦ ᐅᑕᖅᑭᑐᐃᓐᓇᓕᕐᒥᓗᑎᑦ. >>ᐃᓪᓚᖅᑐᑦ ᑖᓐᓇ ᐃᓛᒃ ᐋᖅᑭᑦᑕᐅᒋᐊᓕᒃ ᓂᕆᐅᒋᔭᕕᔾᔪᐊᕌᓗᒻᒪᑦ. (ᑐᓵᔨᑎᒎᕈᓐᓃᖅᑐᖅ) ᐊᕐᕕᐊᑦ−ᓂᒡᒋᐊᓄᑦ ᒪᓕᒐᓕᐅᖅᑎ, ᖃᑉᓗᑦᓯᐊᖅ. ᐊᐱᖅᑯᑦ 127 - 7(2): ᓄᓇᓕᑦᑎᓐᓂ ᐱᖁᑎᔾᔪᐋᖏᓄᑦ (ᖃᑉᓗᑦᓯᐊᖅ) ᖃᑉᓗᑦᓯᐊᖅ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᐊᐱᖅᑯᑎᒃᑲ ᐅᓪᓗᒥ ᑐᕌᖓᙳᓱᑦᑐᐃᑦ ᓄᓇᓕᓐᓂ ᐱᔨᑦᑎᕋᖅᑎᒃᑯᓐᓄᑦ ᒥᓂᔅᑕᖓᓄᑦ. ᒥᓂᔅᑕ ᑕᐃᒪ ᖃᐅᔨᒪᒻᒪᑦ ᒪᓕᒐᓕᐅᕐᕕᒃ ᑲᑎᒪᒃᑲᓐᓂᓛᕐᒥᒻᒪᑦ ᑕᕝᕙᓂ ᐊᕐᕌᒍᑦᑎᓐᓂ ᐅᑭᐊᒃᓵᖅ ᐃᔅᓯᕙᓂᕆᓛᖅᑕᖓᓂ. ᒐᕙᒪᒃᑯᑦ 2027-2028−ᒧᑦ ᐊᑭᑐᔪᖅᑐᕈᑎᔅᓴᖏᑦ ᓴᖅᑭᖅᑕᐅᓛᕐᖓᑕ ᐊᒻᒪ ᐃᓱᒪᔅᓴᖅᓯᐅᕈᑕᐅᓗᑎᑦ ᑕᐃᑲᓂᐅᓛᖅᑐᖅ. ᐅᖃᖅᑏ, ᐃᓕᓴᖅᓯᓪᓚᕆᒃᑲᒪ ᖃᐅᔨᒪᓪᓗᖓᓗ ᒐᕙᒪᒃᑯᑦ ᐱᖁᑎᖏᑦ ᐃᓱᓕᕝᕕᖃᙱᑦᑑᙱᒻᒪᑕ ᐊᒻᒪᓗ ᓯᕗᓪᓕᐅᑎᑕᐅᔭᕆᐊᓖᑦ ᐋᖅᑭᑦᑕᐅᖃᑦᑕᕆᐊᖃᕐᖓᑕ. ᐊᕐᕌᒍᓂᒃ ᐊᓂᒍᕋᑖᖅᓯᒪᔪᓂᒃ ᒐᕙᒪᒃᑯᑦ ᐃᑲᔪᖅᓰᓯᒪᔪᐃᑦ

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 23 ᓄᓇᕗᒻᒥ ᒐᕙᒪᕋᓛᕆᔭᖏᓐᓂᒃ ᐱᕙᓪᓕᐊᑎᑦᑎᑎᓪᓗᒋᑦ ᐊᕐᕌᒍᑕᒫᑦ ᐱᖁᑎᕐᔪᐊᖅᑖᕆᐊᓕᖏᓐᓂᒃ, ᐸᕐᓇᐅᑎᖏᓐᓂᒃ. ᐊᑕᐅᓯᐊᖅᑐᑎᑦ ᑖᒃᑯᐊ ᑕᐃᔭᐅᖃᑦᑕᓚᐅᖅᓯᒪᔪᑦ ᑲᑎᑎᖅᑕᐅᓯᒪᔪᐃᑦ ᓄᓇᓖᑦ ᑲᔪᓰᓐᓇᕈᑎᖏᓐᓄᑦ ᐸᕐᓇᐅᑏᑦ. ᒥᓂᔅᑕ ᓇᓗᓇᐃᕆᒍᓐᓇᖅᑳ ᖃᓄᓪᓚᑦᑖᖅ ᐊᑭᑐᔪᖅᑐᕐᓂᕐᒧᑦ ᐸᕐᓇᓐᓂᖅ ᐊᓯᔾᔨᖅᑕᐅᒋᔅᓴᖅ ᐃᓱᒪᒋᔭᐅᒻᒪᖔᖅ? ᐃᓱᒪᑖᖅᐸᓪᓕᐊᒐᓱᓕᖅᑎᓪᓗᒋᑦ ᓇᓕᐊ ᐱᓕᕆᐊᔅᓴᖅ ᑮᓇᐅᔭᖃᖅᑎᑕᐅᓛᕐᒪᖔᑕ ᐊᒡᒋᖅᑐᒥᒃ 2027-2028 ᐊᑭᑐᔪᖅᑐᕈᑎᔅᓴᖏᓐᓂ? (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᖁᔭᓐᓇᒦᒃ. ᐱᔨᑦᑎᖅᑎᒃᑯᑦ ᒥᓂᔅᑕᖓ, ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᑲᑎᒪᔨ ᐊᐱᕆᒻᒪᑦ ᐱᔾᔪᑎᖃᖅᑐᒥᒃ ᐊᑭᑐᔪᖅᑐᖅᑐᓂᒃ ᐸᕐᓇᐅᑎᖏᓐᓂᒃ ᒐᕙᒪᒃᑯᑦ. ᒫᓐᓇ ᓄᑖᓂᒃ ᐊᖏᔪᓂᑦ ᐊᓯᔾᔨᖅᓯᒋᐊᔅᓵᙱᑦᑐᒍᑦ. ᐃᑲᔪᖅᑎᒌᑦᑕ ᐱᔭᔅᓴᖅᑖᕆᓯᒪᔭᕗᑦ ᑐᙵᕕᒋᒐᑦᑎᒍᑦ. ᓄᓇᓕᓐᓂ ᐱᔨᑦᑎᕋᖅᑎᒃᑰᓪᓗᑕ ᑲᔪᓰᓐᓇᕐᓂᐊᖅᑐᒍᑦ ᐱᓕᕆᖃᑎᖃᕐᓗᑕ ᕼᐊᒻᓚᐃᑦ ᑲᑐᔾᔨᖃᑎᒌᖏᓐᓂᒃ, ᐊᒻᒪᓗ ᐃᓛᒃᑯᑦ ᕼᐊᒻᓚᐅᔪᓂᑦ ᐱᒍᒪᔭᖏᑦ ᐱᒋᐊᓕᖏᓪᓗ ᐊᑭᑐᔪᖅᑐᖅᑐᐃᑦ ᐱᓪᓗᒋᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑐᒡᓕᐊ ᐊᒻᒪᓗ ᑭᖑᓪᓕᖅᐹᖅ, ᓯᕗᓪᓕᖅᐹᒥᒃ ᐃᓚᒋᐊᕈᑏᑦ ᐊᐱᕆᒍᒃ, ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ: ᖁᔭᓐᓇᒦᒃ, ᐅᖃᖅᑏ. ᑖᓐ ᐅᓕ ᐃᓪᓗᖁᑎᖓ ᐊᕐᕕᐊᓂ ᑲᑎᕝᕕᓪᓚᕆᐊᓘᒻᒪᑦ ᐊᕐᕕᐊᕐᒥᐅᓄᑦ. ᓄᓇᓕᕗᓪᓗ ᐃᓄᒋᐊᔅᓯᕙᓪᓕᐊᓪᓗᑎᒃ ᑐᕚᖃᖅᐸᒻᒪᑕ ᐱᙳᐊᕐᕕᒻᒥ ᖃᓄᐃᖁᓇᒍᓗ ᐊᒥᐊᓱᓗᓐᓄᑦ ᑲᑎᕝᕕᐅᖃᑦᑕᕐᖓᑦ ᑕᐃᓐᓇ ᐱᙳᐊᕐᕕᖓ. ᐊᕐᕌᒍᓂᑦ ᐊᓂᒍᕋᑖᖅᓯᒪᔪᓂᒃ ᐊᒥᓱᑲᓪᓛᓗᐃᑦ ᓴᐅᓂᖏᓐᓂᒃ ᐊᑲᐅᙱᓕᐅᕈᑏᑦ ᖃᐅᔨᔭᐅᓯᒪᒻᒪᑕ ᑕᕝᕙᓂ ᐃᓪᓗᒥ. ᕼᐊᒻᓚᒃᑯᖏᓪᓗ ᓴᓇᒋᐊᕋᓱᖃᑦᑕᖅᓯᒪᔫᒐᓗᐊᑦ. ᑭᓯᐊᓂ, ᐱᓕᕆᔾᔪᑎᖏᑦ ᐃᓱᓕᑦᑕᕐᕕᖃᕐᒥᒻᒪᑕ. ᐅᖃᖅᑏ, ᒫᓐᓇ ᐊᕐᕕᐊᑦ ᐱᖁᑎᕐᔪᐊᓄᑦ ᐸᕐᓇᐅᑎᓄ ᓇᓗᓇᐃᖅᓯᓯᒪᒻᒪᑦ ᐊᔅᓱᐊᓗᒃ ᓴᓇᒋᐊᖅᑕᐅᒋᐊᖃᕐᓂᕋᖅᑕᐅᓪᓗᓂ ᐃᓪᓗᒃ ᑕᐃᓐᓇ. ᒥᓂᔅᑕ ᓇᓗᓇᐃᖅᓯᒍᓐᓇᖅᑳ ᑭᓱᓪᓚᑦᑖᓂᒃ ᐊᑐᐃᓐᓇᖃᕐᒪᖔᖅ ᐱᓕᕆᕕᖓ ᐊᑐᖅᑕᐅᒍᓐᓇᕋᔭᖅᑐᓂᒃ ᕼᐋᒻᒪᓚᒃᑯᖏᓐᓄᑦ ᐱᓕᕆᐊᕆᒋᐊᓕᖏᓐᓂ ᓴᓇᒍᓐᓇᓛᕐᖓᑕ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓄᓇᓕᓐᓂᑦ ᐱᔨᑦᓯᖅᑎᒃᑯᑦ, ᒥᓂᔅᑕᖓ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑮᓇᐅᔭᑦ ᑐᔅᓯᕌᔅᓴᐃᑦ ᐱᓪᓗᒋ ᐱᓕᕆᕕᕗᑦ ᐃᑲᔪᑏᒋᓲᖏᑦ ᕼᐋᒻᒪᓚᓄᑦ ᓴᓇᒋᐊᖅᓯᒋᐊᖃᖅᑎᓪᓗᒋ ᕼᐋᒻᒪᓚᒃᑯᑦ ᐱᖁᑎᖏᓐᓂ, ᒫᓐᓇ ᐱᓕᕆᕕᕗᑦ ᐊᖏᖅᓯᓯᒪᔪᖅ ᑲᔪᓰᓐᓇᕈᓐᓇᖅᑐᓄᑦ ᓴᓇᒋᐊᖅᓯᖃᑦᑕᕈᑎᓂᒃ $440,723.00 ᑐᙵᕕᖓᓄᑦ ᐋᖅᑭᒋᐊᕈᑎᔅᓴᓄᑦ ᐃᓪᓘᑉ. ᐊᒻᒪᑦᑕᐅᖅ ᐊᓯᖏᓐᓂᒃ ᑮᓇᐅᔭᓂᑦ ᑐᔅᓯᕌᔅᓴᖅᑕᖃᕐᒥᔪᖅ ᑲᓇᑕᒥ ᓴᙱᔪᒥᑦ ᐱᕈᖅᓴᐃᓂᕐᒧᑦ ᑮᓇᐅᔭᖁᑎᖏᓐᓂᑦ. ᐊᒻᒪᓗᑦᑕᐅᖅ ᕼᐋᒻᒪᓚᐃᑦ ᐊᑭᑐᔪᖅᑐᖅᑐᓄᑦ ᑮᓇᐅᔭᑦ ᐊᑕᐅᑎᒃᑯᑦ ᑐᓂᔭᐅᓲᑦ ᑕᐃᑰᓈᖓᔪᐃᑦ ᓄᓇᓖᑦ ᑲᔪᓰᓐᓇᕈᑎᔅᓴᖏᓐᓄᑦ ᓄᓇᓖᑦ ᐸᕐᓇᐅᑎᖏᓐᓂ ᑕᕝᕘᓇ ᐊᑭᑐᔪᖅᑐᕈᑎᔅᓴᓂᑦ ᐸᕐᓇᒍᑕᐅᒍᓐᓇᖃᑦᑕᕐᖓᑕᑦᑕᐅᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑭᖑᓪᓕᖅᐹᑕᐃᓐᓇᖅ ᐊᐱᖅᑯᑏᑦ. ᒥᔅᑕ, ᖃᑉᓗᑦᓯᐊᖅ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 24 ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᖃᖅᑏ. ᐊᕐᕕᐊᑦ ᒫᓐᓇ ᓯᐊᕐᕆᔮᕐᕕᖓ ᓴᓇᔭᐅᓐᓂᕐᖓᑦ ᖁᓕᒐᓛᓗᐃᑦ ᐊᕐᕌᒍᑦ ᐊᓂᒍᓕᖅᑐᐃᑦ ᐊᒻᒪ ᐊᓯᓂᑦᑕᐅᒋᐊᖃᓪᓚᕆᓕᖅᑐᓂ. ᐱᔨᑦᑎᕋᑦᑎᐊᖅᓯᒪᔪᐊᓗᒃ ᓄᓇᓕᓐᓂᑦ, ᑭᓯᐊᓂ ᓄᑖᒥᑦ ᐃᓪᓗᑖᕆᐊᖃᓕᕐᖓᑕ ᐊᕐᕌᒍᓕᒫᒥ ᐊᑐᖅᑕᐅᒍᓐᓇᕋᔭᖅᑐᒥᒃ ᐊᔾᔨᒌᙱᑦᑐᓂᑦ ᐱᓕᕆᕕᐅᓗᓂ. ᒥᓂᔅᑕ ᓇᓗᓇᐃᖅᓯᒍᓐᓇᖅᑳ ᖃᓄᐃᓕᖓᕙᑦ ᐊᖏᖅᑕᐅᔪᓐᓇᐅᑎᖏᑦ ᐋᖅᑭᔅᓯᒐᓱᓕᕋᐃᑉᐸᑕ ᑕᓪᓕᒪᓄᑦ ᐊᕐᕌᒍᓄᑦ ᐊᑭᑐᔪᓄᑦ ᐸᕐᓇᐅᑎᖏᓐᓂᒃ ᓴᓇᔾᔪᑎᔅᓴᐅᔪᓂᑦ ᓄᑖᓂᑦ ᓯᐊᕐᕆᔮᕐᕕᓐᓂᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒥᓂᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ, ᑲᑎᒪᔨ ᐊᐱᕆᒻᒪᑦ. ᐱᔾᔪᑎᖃᖅᑐᒥᒃ ᐱᓕᕆᐊᑦᑎᓐᓂ ᐱᓕᕆᔾᔪᑎᑦᑎᓐᓂᑦ ᐊᕐᕕᐊᒥ ᓯᐊᕐᕆᔮᕐᕕᑦᑖᕈᑎᔅᓴᖏᓐᓂᑦ. ᐱᓕᕆᕕᕗᑦ ᕼᐋᒻᒪᓚᓂᑦ ᓈᓚᖃᑦᑕᖅᑐᐃᑦ, ᓄᓇᕗᒻᒥᓗ ᑲᑐᔾᔨᖃᑎᒌᖏᓐᓂᑦ, ᑕᑯᓐᓈᕆᐊᕈᓐᓇᖅᑐᒍᑦ ᖃᓄᐃᑦᑐᓂᒃ ᐊᓯᖏᓐᓂᑦ ᒐᕙᒪᑐᖃᒃᑯᑦ ᑮᓇᐅᔭᓂᑦ ᐊᑐᐃᓐᓇᕈᐃᓛᕐᒪᖔᑦ. ᐊᔭᐅᖏᓐᓇᕋᑦᑎᒍᑦ ᐃᒃᑯᐊ ᐊᖏᓪᓕᒋᐊᖅᑎᑦᑎᖁᓪᓗᒋᑦ ᐱᖁᑎᕐᔪᐊᓕᐅᕈᑎᔅᓴᓂᑦ ᓄᓇᓕᓐᓄᑦ. ᑕᐃᒫᓪᓗ ᐃᓅᓯᕐᒧᑦ ᐃᑲᔫᑎᖃᑦᑎᐊᓲᖑᒻᒪᑕ ᐱᔭᔅᓴᖃᐃᓐᓇᑎᑦᑎᓪᓗᑎᑦ ᐅᓚᕕᓴᖅᐸᑦᑐᑎᓪᓗ, ᑕᐃᒫᒃ ᐃᓚᖏᓪᓗ ᕼᐋᑭᕐᕖᑦ ᐃᓗᐊᓂ ᐱᙳᐊᕐᕕᖃᖃᑦᑕᕐᒥᒻᒪᑕ ᓱᕈᓯᕐᓄᑦ ᐃᖃᐃᓕᓴᑦᑎᐊᕕᔅᓵᓗᐃᑦ. ᑕᐃᒫᒃ ᓈᓚᖃᑦᑕᕐᓂᐊᖅᑐᒍᑦ ᐊᕐᕕᐊ ᕼᐋᒻᒪᓚᖓᑕ ᑐᔅᓯᕌᖏᓐᓂᑦ ᐊᓯᓃᖁᔨᑎᓪᓗᒋᑦ ᕼᐋᑭᕐᕕᒋᔭᖓᓂᒃ ᖃᓄᖅ ᐃᑲᔪᕈᓐᓇᕐᒪᖔᑦᑕ ᖃᐅᔨᒋᐊᑦᑎᐊᕐᓂᐊᖅᑐᒍᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐅᖃᐅᓯᒃᑯᑦ ᐊᐱᖅᑯᑏᑦ. ᐊᕐᕕᐊᑦ ᓂᒡᒋᐊᓄᑦ ᒪᓕᒐᓕᐅᖅᑎ, ᒥᔅᑕ ᖃᑉᓗᑦᓯᐊᖅ. ᐃᓕᓴᕆᒃᑲᓐᓂᖅᐸᒋᑦ. ᐊᐱᖅᑯᑦ 128 - 7(2): ᐱᓕᕆᐊᖏᓄᑦ ᓴᓇᔨᑦ ᐅᓗᕆᐋᓇᔾᔭᐃᑯᑎᖏᓄᑦ ᐊᑭᓕᐆᑎᐅᓲᓪᓗ ᐋᓐᓂᖅᑐᓄᑦ ᑲᒥᓴᙵᑕ (ᖃᑉᓗᑦᓯᐊᖅ) ᖃᑉᓗᑦᓯᐊᖅ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᐅᑯᐊ ᐊᐱᖅᑯᑎᒋᓂᐊᖅᑕᒃᑲ ᐃᖅᑲᓇᐃᔭᖅᑏᑦ ᐊᑦᑕᕐᓇᕐᔭᐃᖅᓯᒪᓂᕐᒧᑦ ᑮᓇᐅᔾᔭᒃᓵᑦ ᓇᓪᓕᐅᒃᑯᒫᖅᑕᐅᓯᒪᓂᖏᓐᓂᓪᓗ ᑲᒥᓴᓐ. ᐅᖃᖅᑏ, ᓈᓴᐅᑎᒃᑲ ᐋᖅᑭᒃᓱᖅᑎᐊᖅᓯᒪᑉᐸᑕ ᑖᒃᑯᐊ ᐊᐱᖅᑯᑎᒃᓴᒃᑲ ᐱᔾᔪᑎᓖᑦ ᒥᓂᔅᑕᐃᑦ ᑲᑎᒪᔨᓕᒫᖏᑕ ᐃᖅᑲᓇᐃᔮᖏᓐᓄᑦ. >>ᐃᓪᓚᖅᑐᑦ ᐅᓪᓗᒥ ᐊᐱᖅᑯᑎᖃᕈᒪᔪᖓ ᐃᖃᓗᑦᑑᑦᓯᐊᕐᒥᐅᑦ ᒪᓕᒐᓕᐅᖅᑎᐊᑕ ᐊᐱᖅᑯᑎᒋᖃᑦᑕᓚᐅᖅᑕᖏᑦ ᐱᔾᔪᑎᓖᑦ ᐃᖅᑲᓇᐃᔭᖅᑏᑦ ᓇᓪᓕᐅᒃᑯᒫᖅᑕᐅᓯᒪᓂᕐᒧᑦ ᒪᓕᒐᕐᔪᐊᑦ ᐋᖅᑭᒋᐊᖅᑕᐅᓂᐊᕐᓂᖓ. ᐊᒻᒪᓗ ᑲᑎᒪᔨᓚᕋᓛᖑᓪᓗᑕ, ᐃᒃᓯᕙᐅᑕᕆᔭᐅᓪᓗᖓᓗ, ᖃᓄᐃᓕᖓᓕᕐᒪᖔᖅ ᑖᓐᓇ ᑐᑭᓯᐅᒪᔪᒪᔭᕋ. ᒥᓂᔅᑕ ᖃᐅᔨᒪᖕᒪᑦ ᓄᓇᑦᓯᐊᕐᒥᐅᑦ ᐃᖅᑲᓇᐃᔭᖅᑏᑦ ᓇᓪᓕᐅᒃᑯᒫᖅᑕᐅᓯᒪᓂᖏᓐᓄᑦ ᒪᓕᒐᕐᔪᐊᖅ ᑲᒥᓴᓇᖓᓐᓄᑦ ᐊᖏᖅᑕᐅᓚᐅᖅᓯᒪᔪᑦ ᐱᓇᓱᐊᕈᓯᐅᓚᐅᖅᑐᒥ. ᑖᒃᑯᐊ ᐃᓱᒫᓘᑎᒋᔭᐅᔪᑦ ᐱᔾᔪᑎᓖᑦ ᓇᓪᓕᐅᒃᑯᒫᖅᑕᐅᓯᒪᓂᖏᑦ ᖃᑦᑎᕆᔩᑦ ᐊᒻᒪᓗ ᐅᐸᖅᑳᓲᑦ ᒪᓗᖕᓈᕿᔪᖃᖅᑎᓪᓗᒍ. ᒥᓂᔅᑕ ᓇᓗᓇᐅᖅᓯᔪᓐᓇᖅᐹ ᖃᓄᐃᒻᒪᑦ ᒪᓕᒐᒃᓴᖅ ᐋᖅᑭᒋᐊᖅᓯᔪᖅ ᓴᖅᑭᑕᐅᓚᐅᙱᒻᒪᖔᖅ ᒫᓐᓇ ᐅᐱᕐᖔᖅᓯᐅᒻᒥ ᑲᑎᒪᕐᔪᐊᖅᑎᓪᓗᑕ? ᖁᔭᓐᓇᒦᒃ, ᐅᖃᖅᑏ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 25 ᐅᖃᖅᑎ: ᖁᔭᓐᓇᒦᒃ. ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑏᑦ ᐊᑦᑕᕐᓇᖅᑐᒦᑦᑕᐃᓕᒪᓂᕐᒧᑦ ᐊᒻᒪᓗ ᓇᓪᓕᐅᒃᑯᒫᒃᑯᑦ ᑮᓇᐅᔭᖃᖅᑎᑕᐅᖃᑦᑕᖏᓐᓄᑦ ᑲᒥᓴᓐ, ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐄ’, ᖁᔭᓐᓇᒦᖅᖢᒍᓗ ᑖᓐᓇ ᐊᐱᕆᖕᒪᑦ, ᐊᐱᖅᑯᑎᖃᕐᒪᓂᓛᒃ. ᑕᐃᒃᑯᐊ ᓱᓕ ᐊᑯᓂᕈᓗᒃ ᓄᓇᑦᓯᐊᕐᒥᐅᒃ ᑲᒪᒋᓚᐅᕐᒪᔾᔪᒃ ᐋᖅᑭᒋᐊᖅᑕᐅᓂᖓ, ᐊᒻᒪᓗ ᓄᓇᕗᒻᒧᐊᖅᑕᐅᓚᐅᖅᑎᓐᓇᒍ ᐃᓱᓕᑕᐅᓗᓂ ᑭᓯᐊᓂᐅᓚᐅᕐᒪᑦ. ᑕᐃᒪᐃᓕᓵᖅᑲᐅᑎᓪᓗᖓ, ᐊᒻᒪᓗ ᓄᓇᑦᓯᐊᕐᒥ ᐊᓂᒍᖅᑎᑕᐅᓯᒪᓕᕐᒪᑦ, ᒥᓂᔅᑕᐃᑦ ᑲᑎᒪᔨᖏᓐᓄᑦ ᑲᒪᒋᔭᐅᓂᐊᖅᑐᒃᓴᐅᓕᖅᑐᖅ, ᐊᒻᒪᓗ ᐊᔾᔨᖏᓐᓂᒃ ᓴᖅᑭᑦᑎᓂᐊᕐᒪᖔᑦᑕ ᓄᓇᑦᓯᐊᑉ ᐊᔾᔨᒋᓗᓂᔾᔪᒃ ᐅᕝᕙᓘᓐᓃᑦ ᓄᓇᕗᒻᒥ ᓴᖅᑭᑕᐅᓯᒪᓕᓂᐅᒻᒪᖔᑦ. ᑕᐃᒃᑯᐊ ᐅᖃᓪᓚᖃᑎᒋᓪᓗᒋᑦ ᑕᒪᒃᑯᐊ ᐱᕙᓪᓕᐊᔾᔪᓰᑦ ᒪᓕᑐᐃᓐᓇᕐᓂᐊᖅᑕᕗᑦ ᓯᕗᒧᐊᑉᐸᓪᓕᐊᖁᓪᓗᒍ ᑖᓐᓇ ᒪᓕᒐᒃᓴᖅ, ᒪᓕᒐᕐᔪᐊᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓯᕗᓪᓕᖅᐹᖅ ᐃᓚᒋᐊᕈᑎ ᐊᐱᕆᒍᒃ, ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ: ᒪ’ᓇ ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᖃᖓ ᑖᓐᓇ ᒪᓕᒐᒃᓴᖅ ᒪᓕᒐᓕᐅᕐᕕᖕᒧᑦ ᓴᖅᑭᑕᐅᓛᕐᒪᖔᖅ ᐋᖅᑭᒋᐊᖅᑕᖁᓪᓗᒋᑦ ᑕᐃᒃᑯᐊ ᐋᖅᑭᒃᓱᑲᓐᓂᕆᐊᓖᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒥᔅ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᒻᒪᓗ ᖁᔭᓐᓇᒦᖅᖢ ᑖᓐᓇ ᐊᐱᖅᑯᑎᒋᖕᒪᒍ. ᐅᓇ ᐅᓪᓘᓕᖅᐹᓚᔪᓐᓇᙱᖦᖢᒐ. ᓇᓗᓇᐃᖅᓯᔪᓐᓇᕐᓇᖓᓗ ᐅᓪᓗᕆᓂᐊᖅᑕᖓᓐᓂᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑭᖑᓪᓕᖅᐹ ᐊᐱᖅᑯᑏᑦ. ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕ ᐃᖅᑲᐅᒪᔪᒃᓴᐅᕗᖅ ᒫᓐᓇᕈᓘᓚᐅᖅᑐᖅ ᐃᖅᑲᓇᐃᔭᖅᑏᑦ ᐊᑦᑕᓇᔾᔭᐃᖅᓯᒪᓂᖏᓐᓄᑦ ᓇᓪᓕᐅᒃᑯᒫᖅᓯᒪᓂᖏᓐᓄᑦ ᑎᑎᖅᑲᖁᑎᖏᑦ 2026-ᒧᑦ ᒪᓕᒐᓕᐅᕐᕕᒻᒧᑦ ᓴᖅᑭᑦᑎᓚᐅᕐᒪᑦ ᐊᒻᒪᓗ ᐸᕐᓇᐅᓯᐅᖅᓯᒪᓪᓗᓂ. ᐅᓇ ᓯᕗᓪᓕᐅᓪᓗᓂ “ᕿᒥᕐᕈᓇᒡᓗᒋᑦ ᐃᖅᑲᓇᐃᔭᕐᕕᒻᒥ ᐋᓐᓂᐊᓇᖃᕐᓇᙱᑦᑐᓕᕆᓂᖅ ᐊᑦᑕᓇᔾᔭᐃᖅᓯᒪᓂᕐᓗ ᒪᓕᒐᐃᑦ, ᐊᒻᒪᓗ ᐅᔭᕋᖕᓂᐊᕐᕕᒻᒧᑦ ᑐᕌᖓᔪᑦ” ᑭᕙᓪᓕᕐᒥᐅᑦ ᐅᓄᖅᑐᑦ ᐅᔭᕋᓐᓂᐊᕐᕕᖕᓂ ᐃᖅᑲᓇᐃᔭᕐᒪᑦ, ᑕᒪᓐᓇ ᐱᕐᔪᐊᖑᔪᖅ. ᒫᓐᓇ ᒪᓕᒐᐃᑦ ᒫᓐᓇ ᐊᑐᖅᑕᕗᑦ ᐃᓱᒪᒃᓴᖅᓯᐅᕈᑕᐅᕙᑦ ᑭᓱᑦ ᐊᓯᔾᔨᖅᑕᐅᓂᐊᕐᒪᖔᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑏᑦ ᐊᑦᑕᕐᓇᖅᑐᒦᑦᑕᐃᓕᓂᖏᓐᓄᑦ ᐊᒻᒪᓗ ᓇᓪᓕᐅᒃᑯᒫᒃᑯᑎᒍᑦ ᑮᓇᐅᔭᖃᖅᑎᑕᐅᓂᖏᓐᓄᑦ, ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᒻᒪᓗ ᖁᔭᓐᓇᒦᖅᖢᒍ ᑖᓐᓇ ᐊᐱᖅᑯᑎᒋᖕᒪᒍ. ᓄᑖᓂᒃ 2028-ᒥ ᓴᖅᑭᑦᑎᔪᒪᔪᒍᑦ. ᐊᒻᒪᓗ ᐊᐱᖅᑯᑖ, ᐄ’, ᐅᔭᕋᓐᓂᐊᕐᕖᑦ ᓄᓇᕗᒻᒥ ᐅᔭᕋᓐᓂᐊᕐᕕᖕᓄᑦ ᐊᑦᑕᓇᔾᔭᐃᖅᓯᒪᔾᔪᑏᑦ ᒪᓕᒐᖏᖕᓂᑦ ᒪᓕᒋᐊᓖᑦ, ᑕᐃᒪᐃᑦᑑᒻᒪᑦ, ᒫᓂ ᑖᒃᑯᐊ ᒪᓕᒐᐃᑦ ᕿᒥᕐᕈᓇᑦᑕᐅᓂᐊᖅᑐᑦ ᑖᒃᑯᐊ ᐊᖅᑯᑎᒋᓗᒋᑦ, ᐃᒃᑯᐊ ᓇᖕᒥᓂᖅ ᑲᑎᒪᔨᖃᕐᒪᑕ, ᑕᐃᒃᑯᑎᒎᓇᖅ ᐊᖅᑯᓵᓚᐅᕐᓗᒋᑦ ᑭᓯᐊᓂᐅᓂᐊᖅᑐᑦ. ᐊᒻᒪᓗ ᑕᒪᒃᑯᐊ ᐊᒃᑐᖅᑕᐅᓯᒪᔪᑦ

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 26 ᐅᖃᓪᓚᖃᑎᒋᔭᐅᓂᐊᖅᖢᒋᑦ. ᑕᐃᒪᐃᓕᖓᕗᒍᑦ ᒫᓐᓇ. ᐊᒻᒪᓗ ᖁᔭᓐᓇᒦᒃ ᐊᐱᖅᑯᑎᖃᕋᕕᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐅᖃᐅᓯᒃᑯᑦ ᐊᐱᖅᑯᑏᑦ. ᐊᑎᖁᑎᖃᕈᓐᓃᕋᒪ. ᑲᔪᓯᓗᑕ ᓈᓴᐅᑎᖓ 7, ᑎᑎᖅᑲᑎᒍᑦ ᐊᐱᖅᑯᑏᑦ. 8, ᑎᑎᖅᑲᑎᒍᑦ ᐊᐱᖅᑯᑎᒋᔭᕐᓄᑦ ᑭᐅᔾᔪᑏᑦ. 9, ᒪᑐᐃᖅᓯᔾᔪᑎᓄᑦ ᐊᐱᖅᑯᑏᑦ. 10, ᐊᑎᓕᐅᖅᓯᒪᑎᒍᑦ ᑐᑦᓯᕋᐅᑏᑦ. 11, ᐊᑎᓕᐅᖅᓯᒪᔪᑎᒍᑦ ᑐᑦᓯᕋᐅᑎᓄᑦ ᑭᐅᔾᔪᑏᑦ. 12, ᐅᓂᒃᑳᑦ ᑲᑎᒪᔨᕋᓛᑦ ᑲᑎᒪᔨᕋᓛᖑᑲᐃᓐᓇᖅᑐᑦ ᒪᓕᒐᒃᓴᓂᑦ ᐊᓯᖏᓐᓂᓪᓗ ᕿᒥᕐᕈᔨᓂᒃ. 13, ᑎᑎᖅᑲᑦ ᓴᖅᑭᑕᐅᓂᖏᑦ. ᓄᓇᕗᒻᒧᑦ ᓯᕗᓕᖅᑎ, ᒥᔅᑕ ᒪᐃᓐ. ᑲᑎᒪᔾᔪᑎᒃᓴᖅ 13: ᓴᖅᑭᑕᐅᓂᖏᑦ ᑎᑎᖅᑲᐃᑦ ᓴᖅᑭᑕᐅᔪᖅ ᑎᑎᖅᑲᒃ 34 - 7(2): ᐱᔪᓐᓇᐅᑎᒧᑦ ᓅᑦᑎᕆᔾᔪᑎᓐ ᒪᓕᒐᐃᑦ (ᒪᐃᓐ) ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᖁᕕᐊᓱᒃᑐᖓ ᒪᓕᒐᒃᓴᑦ ᓯᕗᓪᓕᖅᐹᖅᓯᐅᑏᑦ ᓴᖅᑭᑦᑐᓐᓇᕋᒃᑭᑦ ᓇᖕᒥᓂᖅᓱᕐᓂᖅ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ: ᑎᑎᖅᑲᑦ ᓴᖅᑭᑕᐅᓂᖏᑦ. ᒪᓕᒐᓕᕆᔨᒃᑯᓐᓄᑦ, ᒥᓂᔅᑕ Hᐃᒃᔅ. ᓴᖅᑭᑕᐅᔪᖅ ᑎᑎᖅᑲᒃ 35 - 7(2): 2025 ᐊᖅᐸᓯᓛᖅ ᑮᓇᐅᔭᓕᐊᓄᑦ ᐊᕐᕌᒍᑕᒫᖅᓯᐅᑦ ᐅᓂᒃᑳᖓ (ᕼᐃᒃᔅ) ᓴᖅᑭᑕᐅᔪᖅ ᑎᑎᖅᑲᒃ 36 - 7(2): ᒪᓕᒐᓄᑦ ᐱᔨᑦᑎᖅᑏᓐ ᑲᑎᒪᔨᖏᑦ ᓄᓇᕘᑉ 2022-2023 ᐊᕐᕌᒍᑕᒫᖅᓯᐅᑦ ᐅᓂᒃᑳᖓ (ᕼᐃᒃᔅ) ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᒪᕐᕉᓐᓂᒃ ᓴᖅᑭᑦᑎᓂᐊᕋᒪ 2025 ᐅᓄᙱᓛᑦ ᐃᑲᕐᕋᖅᓯᐅᑏᑦ ᐊᕐᕌᒍᑕᒫᖅᓯᐅᑏᑦ ᐅᓂᒃᑳᖏᑦ ᐊᒻᒪᓗ ᒪᓕᒐᓕᕆᔩᑦ ᑲᑎᒪᔨᖏᑦ ᓄᓇᕗᒻᒥ 2022-2023 ᐊᕐᕌᒍᑕᒫᖅᓯᐅᑎᖏᑕ ᐅᓂᒃᑳᓕᐊᖑᔪᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑎᑎᖅᑲᑦ ᓴᖅᑭᑕᐅᓂᖏᑦ. ᐸᓐᓂᖅᑑᕐᒧᑦ ᒪᓕᒐᓕᐅᖅᑎ, ᒥᔅᑕ ᒪᐃᒃ. ᓴᖅᑭᑕᐅᔪᖅ ᑎᑎᖅᑲᒃ 37 - 7(2): ᑲᓇᑕᒥ ᐃᒪᕐᒥᐅᑕᓕᕆᔨᒃᑯᑦ - ᑲᓛᖠᑦ ᓇᑖᕐᓇᖏᓄᑦ - ᐅᐊᖕᓇᖅᐸᓯᕐᒥ ᐊᑦᓛᓐᑎᒃ ᐃᖃᓗᓕᕆᔨᑦ ᑎᒥᖏᑕ ᐊᒡᒍᖅᓯᒪᔭᖏᑦ ᐃᖃᓗᒐᓱᒡᕖᑦ (ᒪᐃᒃ) ᒪᐃᒃ: ᖁᔭᓐᓇᒦᒃ, ᐅᖃᖅᑏ. ᑖᒃᑯᐊ ᑕᕝᕗᖓ ᐃᓪᓗᒧᑦ ᓴᖅᑭᕈᒪᒻᒥᔭᒃᑲ, ᐃᒪᕐᒥᐅᑕᓕᕆᔨᒃᑯᑦ ᖃᓕᕋᓕᓕᕆᓂᕐᒧᑦ ᐃᖃᓗᓕᕆᓂᕐᒧᑦ ᑕᒫᓂ ᐃᒪᖁᑎᑦᑎᓐᓂ. ᑖᒃᑯᐊ ᒪᓕᒐᓕᐅᖅᑎᐅᖃᑎᒃᑲ ᑖᒃᑯᓂᖓ ᕿᒥᕐᕈᐊᑦᑎᐊᖁᒻᒥᔭᕋᓗᐊᒃᑲ ᐊᒻᒪᓗ ᐊᐱᖅᑯᑎᔅᓴᖃᓛᖅᑐᖓ ᑖᒃᑯᐊ ᒥᔅᓵᓄᑦ ᐅᑭᐊᔅᓵᖅ ᒪᓕᒐᓕᐅᖅᑏᑦ ᑲᑎᒪᓕᕐᒥᑉᐸᑕ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑎᑎᖅᑲᑦ ᓴᖅᑭᑕᐅᓂᖏᑦ. ᓴᖅᑭᑕᐅᔪᖅ ᑎᑎᖅᑲᒃ 38 - 7(2): ᑎᑎᖅᓯᒪᔪᑦ ᐊᓂᒍᖅᓯᒪᖏᑦᑐᑦ ᒪᓕᒐᒃᑯᑦ ᐊᑐᖁᔭᐅᔪᑦ ᑐᖅᑯᖅᑕᐅᔪᒃᓴᓄᑦ (ᔪᐊᓇᓯ) ᐅᖃᖅᑎ: ᑕᐃᒫᕈᔅᓯ ᐊᑕᐅᓯᕐᒥᒃ ᓴᖅᑭᑦᑎᔪᒪᔪᖓ, ᑖᓐᓇ ᓇᓗᓇᐃᖅᓯᔪᖅ ᒪᓕᒐᑎᒍᑦ ᒪᓕᒐᐃᑦ ᒪᓕᖦᖢᒋᑦ ᑕᕝᕗᖓ ᒪᓕᒐᓕᐅᕐᕕᒻᒧᑦ ᓴᖅᑭᑕᐅᖃᑦᑕᕆᐊᖃᖅᑐᐃᑦ ᑎᑎᖅᑲᑎᒍᑦ ᑖᒃᑯᐊ ᓂᕆᐅᒋᓂᐊᖅᐸᓯᑦ. ᖁᔭᓐᓇᒦᒃ, ᐅᖃᖅᑏ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 27 ᑲᑎᒪᔾᔪᑎᑦᑎᓐᓅᕐᓗᑕ: 14, ᖃᐅᔨᒃᑲᐃᔾᔪᑏᑦ ᐱᖁᔨᕗᖔᕈᑕᐅᓂᐊᖅᑐᓂᑦ. 15, ᖃᐅᔨᒃᑲᐃᔾᔪᑏᑦ ᐱᖁᔨᕗᖔᕈᑕᐅᓂᐊᖅᑐᓂᒃ ᓯᕗᓪᓕᖅᐹᕐᒥᒃ ᐅᖃᓕᒫᖅᑕᐅᖁᓪᓗᒋᑦ ᒪᓕᒐᒃᓴᑦ. 16, ᐱᖁᔨᕗᖔᕈᑏᑦ. 17, ᓯᕗᓪᓕᖅᐹᕐᒥᒃ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ. 18, ᑐᒡᓕᐊᓂ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ. 19, ᑲᑎᒪᑐᐃᓐᓇᕐᓂᖅ ᐃᓱᒪᒃᓴᖅᓯᐅᕈᑎᖃᖅᑎᓪᓗᒋᑦ ᒪᓕᒐᒃᓴᓂᑦ ᐊᓯᖏᓐᓂᒡᓗ. ᐊᒻᒪᓗ ᐱᔪᓐᓇᕐᓂᖅᑖᖅᑎᑕᐅᓯᒪᓂᕋ ᒪᓕᒃᑐᒍ ᐱᖁᔨᕗᖔᕈᑦ 4-7(2), ᑲᑎᒪᑐᐃᓐᓇᕐᓂᐊᖅᑐᐃᑦ ᐱᔭᕇᓚᐅᙱᓐᓂᓕᒫᖏᓐᓂ. ᑭᓯᐊᓂ, ᑕᕝᕗᖓ ᑲᑎᒪᑐᐃᓐᓇᓚᐅᙱᓐᓂᖏᓐᓂ, 20 ᒥᓂᔅᓯ ᓄᖅᑲᖓᑲᐃᓐᓇᕐᓂᐊᕋᑦᑕ. ᐃᖅᓱᑦᑏ. >>ᑲᑎᒪᓂᖅ ᓄᖅᑲᖓᑲᐃᓐᓇᓯᒋᐊᖅᐳᖅ 15:09 ᐊᒻᒪ ᑲᑎᒪᑐᐃᓐᓇᕐᓂᖅ ᐱᒋᐊᒃᑲᓐᓂᖅᐳᖅ 15:35 ᑲᑎᒪᔾᔪᑎᒃᓴᖅ 19: ᑲᑎᒪᔨᕋᓛᑦ ᑲᑎᒪᑐᐃᓐᓇᖅᑎᓪᓗᒋᑦ ᐃᓱᒪᒃᓴᖅᓯᐅᖅᑕᐅᓂᖏᑦ ᒪᓕᒐᒃᓴᐃᑦ ᐊᓯᖏᓪᓗ ᐃᒃᓯᕙᐅᑕ (ᒥᔅᑕ ᕗᕋᑦ ᐲᑕᓴᓐ)(ᑐᓵᔨᒃᑯᑦ): ᖁᔭᓐᓇᒦᒃ. ᑕᕝᕙᓂ ᑲᑎᒪᔨᕋᓛᑦ ᑲᑎᒪᑐᐃᓐᓇᖅᑎᓪᓗᒋᑦ, ᐅᑯᐊ ᑲᑎᒪᔾᔪᑎᒃᓴᕗᑦ ᑲᒪᒋᔭᒃᓴᐃᑦ ᐅᓪᓗᒥ: ᒪᓕᒐᒃᓴᑦ 2, 3 ᐊᒻᒪ 4. ᑲᑎᔨᕋᓛᑦ ᖃᓄᖅ ᑲᔪᓯᒋᐋᕈᒪᕙᓐ? ᒥᔅᑕ ᑕᖅᑐ. ᑕᖅᑐ: ᖁᔭᓐᓇᒦᒃ ᐃᒃᓯᕙᐅᑖᖅ. ᑲᔪᓯᔪᒪᔪᒍᑦ ᐃᓱᒪᒃᓴᖅᓯᐅᕆᓂᕐᒧᑦ ᐅᑯᓂᖓ; ᒪᓕᒐᒃᓴᖅ 2, ᖄᒃᑲᓐᓂᐊᒍᑦ ᐊᑐᑲᐃᓐᓇᖅᑕᐅᔪᒃᓴᑦ (ᐊᑭᑐᔫᑎᓐ) ᓇᐄᓴᐅᑖ 1. 2026-2027, ᒪᓕᒐᒃᓴᖅ 3, ᒪᓕᒐᖅ ᐊᖅᑮᔾᔪᑎᒃᓴᖅ ᐃᓐᑲᒻ ᑖᒃᓯᐅᑉ ᒪᓕᒐᖓᓂᒃ, ᐊᒻᒪ ᒪᓕᒐᒃᓴᖅ 4, ᐊᔾᔨᒌᙱᑦᑐᓄᑦ ᒪᓕᒐᓄᑦ ᐋᖅᑭᒋᐊᕈᑎ ᒪᓕᒐᖅ. ᖁᔭᓐᓇᒦᒃ, ᐃᒃᓯᕙᑐᐋᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑕᖅᑐ. ᐊᖏᖃᑎᒌᑉᐱᑕ ᓯᕗᓪᓕᖅᐹᕐᒥ ᒪᓕᒐᒃᓴᖅ – 2, ᐱᓕᕆᓂᐊᕐᓗᑎᒍᑦ? ᐃᓚᖏᑦ ᑲᑎᒪᔩᑦ: ᐊᖏᖅᐳᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐊᐱᕆᔪᒪᔭᕋ ᒥᓂᔅᑕ ᒪᐃᓐ ᐃᖅᑲᓇᐃᔭᖅᑎᓐᓂ ᓵᔅᓯᓐᓄᐊᖁᔨᕖᑦ? ᖁᔭᓐᓇᒦᒃ. ᐊᖓᔪᖅᑳᖅ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. ᐄ’, ᒪ’ᓇ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᑲᑎᒪᔨᕋᓛᑦ ᒥᓂᔅᑕᐅᑉ ᐃᖅᑲᓇᐃᔭᖅᑎᖏᑦ ᓵᔅᓯᓐᓄᐊᖁᓪᓗᒋᑦ. ᐃᓚᖏᑦ ᑲᑎᒪᔩᑦ: ᐊᖏᖅᐳᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᖅᓱᑦᑏ, ᐅᑯᐊ ᐃᓯᖅᑎᓚᐅᒃᑭᑦ. ᑎᑎᕋᖅᓯᒪᓂᐊᕐᒪᑦ, ᒥᓂᔅᑕ, ᐃᖅᑲᓇᐃᔭᖅᑎᑎᑦ ᑭᓇᒃᑰᒻᒪᖔᑕ ᑕᐃᓗᒋᑦ, ᒪᑐᐃᕈᑎᑎᑦ ᐅᖃᐅᓯᕆᓂᐊᕋᕕᒋᑦ. ᒪᓕᒐᒃᓴᖅ 2 – ᖄᒃᑲᓐᓂᐊᒍᑦ ᐊᑐᑲᐃᓐᓇᖅᑕᐅᔪᒃᓴᑦ (ᐊᑭᑐᔫᑎᓐ) ᓇᐄᓴᐅᑖ 1. 2026-2027 – ᑲᑎᒪᔨᕋᓛᓄᑦ ᐃᓱᒪᒃᓴᖅᓯᐅᖅᑕᐅᓂᖓ ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᑕᓕᖅᐱᓐᓄᑦ ᓴᐅᒥᓐᓄᑦ ᑐᖏᓕᖓ ᑖᓂᐅᓪ, ᑮᓇᐅᔭᓕᕆᔨᒃᑯᓐᓄᑦ. ᐊᒻᒪᓗᑦᑕᐅᖅ ᓴᐅᒥᓐᓄᑦ ᐹᓪ ᓰᓕ, ᐃᖏᕐᕋᔾᔪᓯᕆᔨᒃᑯᑦ ᐊᐅᓚᔪᓐᓇᐅᓯᕆᔨᒃᑯᑦ ᓄᓇᕗᒻᒥ ᑐᖏᓕᖓᑦ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 28 ᖁᔭᓐᓇᒦᒃ, ᖁᔭᓐᓇᒦᒃ ᓵᔅᓯᓐᓄᐊᖅᐳᖓ ᐅᓂᒃᑲᐅᓯᖃᕆᐊᖅᑐᖅᓯᒪᓪᓗᖓ ᒪᓕᒐᒃᓴᖅ – 2, ᐃᓚᒋᐊᕈᑎᓄᑦ ᑐᓂᔭᒃᓴᑦ ᐊᑭᑐᔪᓄᑦ ᒪᓕᒐᕐᔪᐊᖅ #1 (2026-2027). ᑖᒃᑯᐊ ᒪᓕᒐᒃᓴᐃᑦ ᕿᓂᖅᑐᒍᑦ ᒪᓕᖦᖢᑎᒍᑦ $273.91-ᒥᓕᐊᓐ ᑮᓇᐅᔭᑦ ᐃᓚᒋᐊᕈᑏᑦ ᐊᑭᑐᔪᓄᑦ ᐊᑐᒐᔅᑲᓄᑦ 2026-2027. ᑖᒃᑯᐊ ᑐᑭᓯᕋᖅᑕᕗᑦ ᐊᕐᕌᓂᓴᐃᑦ ᐊᑭᑐᔪᖅᑐᕈᑎᒃᓴᕕᓃᑦ ᓄᒃᑎᖅᑕᐅᖁᓪᓗᒋᑦ ᐊᖏᖅᑕᐅᓚᐅᖅᓯᒪᔫᒐᓗᐊᑦ, ᐊᑐᖅᑕᐅᓯᒪᙱᑦᑐᑦ ᓱᓕ. ᐊᑭᑐᔪᓂᑦ ᑕᒪᒃᑯᐊ ᑮᓇᐅᔭᐃᑦ ᐊᑐᖅᑕᐅᙱᓐᓂᑯᑦ ᓄᒃᑎᖅᑕᐅᑎᓪᓗᒋᑦ ᐱᓕᕆᕕᖕᒧᑦ ᓄᖑᑕᐅᙱᓐᓂᑯᓄᑦ ᐊᕐᕌᒍᒧᑦ ᓄᑖᕐᒧᑦ ᓄᒃᑎᖅᑕᐅᖁᓪᓗᒋᑦ, ᑭᓯᐊᓂ ᐊᖏᖅᑕᐅᔭᕆᐊᓖᑦ ᑮᓇᐅᔭᐃᑦ ᐊᑐᖅᑕᐅᓂᐊᕐᒪᑕ ᓯᕗᓂᒃᓴᑦᑎᓐᓂ ᐊᕐᕌᒍᓂ. ᑕᐃᒪᓐᓇ ᐱᔭᕇᕆᐊᖃᕐᒪᑕ ᐱᓕᕆᐊᒃᓴᐃᑦ ᑕᐃᒪᐃᓕᐅᕆᐊᖃᖅᐸᑦ. ᓄᓇᕗᑦ ᒐᕙᒪᒃᑯᖏᑦᑕ ᑮᓇᐅᔭᖅᑐᕈᑎᒃᓴᖏᑦ ᐊᑐᖅᑕᐅᓂᐊᖅᑐᑦ ᐊᖏᖅᑕᐅᖃᑦᑕᕆᐊᖃᕐᒪᑕ ᑕᐃᒪᓐᓇ ᐱᔾᔪᑎᒋᓪᓗᒍᒃ ᐊᖏᖅᑕᐅᓇᓱᑉᐳᑦ ᐱᓕᕆᕖᑦ, ᐊᖏᖅᑕᐅᓯᒪᓗᑎᒃ ᐱᔨᑦᓯᕈᑎᖃᕐᓂᐊᕐᒪᑕ ᑕᒪᒃᑯᓄᖓ ᐊᑭᑐᔪᖅᑐᕈᑎᒃᓴᓄᑦ ᐱᓕᕆᐊᖑᓂᐊᖅᑐᓂ 2026-2027 ᐊᕐᕌᒍᐊᓂ. (ᑐᓵᔨᑎᒎᕈᓐᓃᖅᑐᖅ) ᐃᒃᓯᕙᐅᑖᖅ, ᑕᒪᓐᓇ ᓇᓗᓇᐃᔭᕈᐊᖅᖢᒍ ᐅᖃᐅᓯᕆᕙᕋ. ᑖᒃᑯᐊ ᐊᖏᖅᑕᐅᕌᓂᒃᓯᒪ’ᒪᑕ, ᒪᓕᒐᓕᐅᕐᕕᐅᑉ ᐃᓗᐊᓂ. ᑖᑉᑯᐊ ᐱᓕᕆᐊᒃᓴᑦ ᐊᑭᑐᔪᖅᑐᕈᑏᑦ, ᐊᑭᑐᔪᖅᑐᕈᑎᓄᑦ ᒥᒃᓴᐅᓯᒪᔪᑦ ᑮᓇᐅᔭᖅᑐᕈᑏᑦ ᒪᓕᒡᓗᒋᑦ. ᐊᒻᒪ ᑕᒪᓐᓇ ᓇᓗᓇᐃᔭᒃᑲᓐᓂᕈᐊᖅᖢᒍ ᓄᑖᕐᓂᒃ ᑮᓇᐅᔭᕐᓂᒃ ᐊᖏᖅᑕᐅᑎᑦᓯᓂᓗᙱᑦᑐᒍᑦ ᑕᒪᒃᑯᐊ ᐱᓕᕆᐊᒃᓴᐃᑦ ᒥᒃᓵᓄᑦ. (ᑐᓵᔨᑎᒎᓕᖅᑐᖅ) ᐅᓄᕐᓂᕆᔭᖏᑦ ᑐᒃᓯᕋᖅᑕᕗᑦ ᐊᕐᕌᓂᓴᐃᑦ ᓄᒃᑎᖅᑕᐅᖁᓪᓗᒋᑦ ᒥᒃᓴᐅᓴᒃᑕᐅᓯᒪᔪᑦ ᓇᐃᓴᐅᑏᑦ ᖃᔅᓯᓪᓚᕆᐅᖕᒪᖔᑕ ᓇᓗᓇᐃᖅᑕᐅᓛᖅᑐᑦ ᑎᑎᕋᖅᑕᐅᑦᑎᐊᕐᓗᑎᑦ 2025-2026 ᑮᓇᐅᔭᖅᑐᕈᑎᕕᓃᑦ ᐱᔭᕇᖅᐸᑕ. ᑭᖑᕐᖓᒍᑦ ᐅᑎᓛᕐᒥᔪᒍᑦ ᐋᖅᑭᒋᐊᕈᑎᒃᓴᖏᓐᓂᑦ ᐱᔭᕆᐊᖃᕐᓂᖏᑦ ᒪᓕᒡᓗᒋᑦ. ᒪᓕᒐᒃᓴᖅ – 2, ᒪᓕᒡᓗᒍ ᑮᓇᐅᔭᐃᑦ ᐊᑐᙱᓐᓂᑯᑦ 140-ᓂ ᐱᓕᕆᐊᒃᓴᓄᑦ ᐊᑐᖅᑕᐅᓂᐊᖅᑐᑦ ᓄᒃᑎᖅᑕᐅᖁᔭᕗᑦ ᐊᕐᕌᒍᒧᑦ ᓄᑖᕐᒧᑦ. ᑖᒃᑯᐊ ᑐᒃᓯᕋᐅᑏᒃ ᒪᕐᕉᓕᖅᑲᖓᓪᓗᑎᒃ, ᓯᕗᓪᓕᖅ ᑖᓐᓇ 124-ᖑᔪᑦ ᐱᓕᕆᐊᒃᓴᐃᑦ. ᒐᕙᒪᒃᑯᑦ ᑖᒃᑯᐊ ᑮᓇᐅᔭᓂᒃ ᐊᑭᑐᔪᖅᑐᕈᑎᓄᓪᓗ ᑳᓐᑐᕌᒃᑦ−ᓯᒪᓕᕇᖅᑐᑦ, ᒪᓕᒃᓯᒪᑦᑎᐊᖁᓪᓗᒋᓪᓗ ᑖᒃᑯᓂᖓ. ᒪᓕᒐᒃᓴᖅ ᑖᓐᓇ $255.1-ᒥᓕᐊᓂᒃ ᑐᒃᓯᕋᖅᑐᖅ ᐱᓕᕆᕕᑦᑎᓐᓂ 26-27 ᐊᖏᖅᓯᒪᓪᓗᑕ. ᐱᖃᑎᖓ 16-ᖑᔪᓄᑦ ᐱᓕᕆᐊᒃᓴᑦ, ᒪᓕᒐᓕᐅᕐᕕᖕᒥ ᐊᖏᖅᑕᐅᓯᒪᔪᑦ, ᑭᓯᐊᓂᓕ ᒫᓐᓇ ᓯᕗᒧᐊᒍᓐᓇᙱᑦᑐᑦ ᓱᓕ ᒪᓕᒐᖅᑎᒍᑦ ᑖᒃᑯᐊ ᑳᓐᑐᕌᒃᑦ−ᖃᙱᒻᒪᑕ ᓱᓕ. ᒪᓕᒐᒃᓴᖅ – 2, $18.81-ᒥᓕᐊᓂᒃ ᑮᓇᐅᔭᓂᒃ ᐱᓕᕆᕖᑦ ᓄᒃᑎᕆᖁᔨᔪᑦ ᐱᓕᕆᐊᒃᓴᐃᑦ ᑖᒃᑯᐊ ᐱᓕᕆᔭᐅᔪᓐᓇᕐᓂᐊᕐᒪᑕ. ᑖᒃᑯᐊ ᒪᓕᒐᓕᐅᕐᕕᖕᒥ ᐊᖏᖅᑕᐅᖏᑉᐸᑕ ᑭᖑᓂᑦᑎᓐᓂ ᐊᖏᖅᑕᐅᓯᒪᓂᑰᒐᓗᐊᑦ ᑮᓇᐅᔭᖅᑐᕈᑏᑦ ᐃᓱᓕᓐᓂᐊᕐᒪᑕ ᓄᖅᑲᖅᑎᑕᐅᓗᑎᒡᓗ, ᑭᓯᐊᓂ ᐱᓕᕆᐊᒃᓴᐃᑦ ᑭᖑᕙᕆᐊᖅᑕᐅᓗᑎᑦ ᑭᓯᐊᓂ ᑭᙳᕐᖓᒍᑦ ᐊᖏᖅᑕᐅᒃᐸᑕ. ᑖᓐᓇ ᑕᐃᒪᐃᓕᖓᑎᓪᓗᒍ ᐊᒃᓱᕈᕐᓇᒃᓯᒐᓚᑦᑐᖅ ᐊᑦᑕᕐᓇᖅᓯᑐᐃᓐᓇᕆᐊᖃᕐᒪᑕ ᐱᓕᕆᐊᒃᓴᕗᑦ. ᑕᒪᒃᑯᐊ ᑭᒡᓕᓕᐅᕋᓱᖃᑦᑕᖅᑕᕋᓗᐊᕗᑦ ᐊᕐᕌᓂᓴᐃᑦ ᐊᑐᖅᑕᐅᙱᑦᑐᑦ ᐊᕐᕌᒍᒧᑦ ᓄᑖᕐᒧᑦ ᓄᒃᑎᑕᐅᓂᖓ ᐊᑭᑐᔪᖅᑐᕈᑎᒃᓴᐃᑦ ᐊᑭᑦᑐᖅᐸᓪᓕᐊᖕᒪᑕ. ᑖᒃᑯᐊ ᖃᐅᔨᒪᓂᐊᖅᐳᓯᑦ ᑲᑎᒪᔨᕋᓛᖑᔪᓯᒍᑦ ᐊᑭᑐᔪᖅᑐᕈᑎᒃᓴᐃᑦ ᐊᕐᕌᒍᒧ ᐊᑕᐅᓯᐅᙱᑦᑐᒧᑦ ᑐᕌᖓᔪᑦ, ᓂᕆᐅᖃᑦᑕᕆᐊᖃᖅᑐᒍᑦ ᐃᓚᖏᑦ ᐊᑐᖅᑕᐅᖏᓐᓂᑯᐃᑦ ᐊᕐᕌᒍᒧᑦ ᓄᑖᕐᒧᑦ ᓅᒃᑕᐅᖁᓪᓗᒋᑦ ᐅᑯᐃᖅᑕᖅᑐᒥᐅᑕᐅᒐᑦᑕ ᐃᒡᓗᓕᐅᕐᓂᖅ ᐊᒥᒐᕐᒪᑦ ᐊᐅᔭᒃᑯᑦ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 29 ᐊᑭᑐᔪᖅᑐᕈᑎᒃᓴᓂ ᐊᒡᒍᖅᑐᕐᓗᒋᑦ ᐃᒪᐃᓕᖓᔪᑦ ᑐᒃᓯᕋᖅᑕᕗᑦ: $72.6-ᒥᓕᐊᓐ ᑮᓇᐅᔭᑦ ᓄᓇᓕᓐᓂ ᐱᔨᔅᓯᖅᑎᒃᑯᓐᓄᑦ ᐱᓕᕆᔾᔪᑕᐅᓂᐊᖅᑐᑦ ᓄᓇᓖᑦ Hᐋᒻᒪᓚᖏᓐᓄᑦ, ᓄᓇᓕᖕᓂᓗ ᐊᐅᓚᔪᓐᓇᐅᑏᑦ ᐱᓕᕆᔭᐅᓗᑎᑦ; $39.37-ᒥᓕᐊᓐ ᑮᓇᐅᔭᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᐊᔾᔨᒌᙱᑦᑐᓄᑦ ᐱᓕᕆᔾᔪᑕᐅᓂᐊᖅᑐᑦ ᓄᓇᕗᒻᒥ ᐸᖅᑭᒃᓯᕖᑦ ᓯᕕᑐᔪᒧᑦ ᓯᕗᓪᓕᖅᓯᐅᑎᖓ ᑲᖏᖅᖠᓂᕐᒥ, ᓄᓇᕗᒻᒥ ᐸᖅᑭᒃᓯᕕᒃ ᐱᖓᔪᖓᓐᓂ ᐱᓕᕆᔭᐅᓂᖓ ᐃᖃᓗᖕᓂ, ᓄᓇᕗᒻᒥ ᓇᔪᒐᖃᕐᕖᑦ ᐸᖅᑭᒃᓯᕕᐅᑉ ᑐᒡᓕᐊᓂ ᐱᓕᕆᔭᐅᓂᖓ ᐃᖃᓗᒃᑑᑦᓯᐊᕐᒥ, ᒪᒥᓴᕐᕕᒃ ᐃᖃᓗᓐᓂ, ᐃᓛᒃ. ᓄᓇᕗᒻᒥ ᕿᑭᖅᑕᓂ ᐋᓐᓂᐊᕐᕕᖕᒥ ᑐᖁᓴᐃᓯᕕᐅᖃᑦᑕᖅᑐᖅ ᓱᓇᒃᑯᑎᓂ ᓴᓇᕐᕈᑎᖏᓐᓄᑦ ᐱᓚᒃᑐᐃᔾᔪᑎᒐᓚᖕᓄᑦ; $15.25-ᒥᓕᐊᓐ ᑮᓇᐅᔭᑦ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᓕᕆᐊᒃᓴᓄᑦ, ᐃᖃᓗᒃᑑᑦᓯᐊᕐᒥ ᐃᓕᓐᓂᐊᕐᕕᒻᒥ ᑐᙵᕕᓕᐅᕐᓂᐊᖅᑐᑦ ᐊᒻᒪ ᖃᑦᑎᕈᑎᖏᓐᓂᒃ, ᓄᑖᕐᒥᒃ ᐃᓕᓐᓂᐊᕐᕕᓕᐅᕐᓗᑎ ᐃᓕᓐᓂᐊᕐᕕᐊᓗᖕᒥ ᑕᓗᕐᔪᐊᕐᒥᒃ, ᐸᖕᓂᕐᒥᒃ ᑕᐃᔭᐅᔪᖅ; ᐊᑕᒍᑦᑖᓗᒃ ᐃᓕᓐᓂᐊᕐᕕᖓᓂᒃ; ᕕᒃᑐ ᓴᒻᒧᖅᑐᖅ ᐃᓕᓐᓂᐊᕐᕕᖓ ᓄᑖᕈᕆᐊᖅᑕᐅᓗᓂ ᐃᒡᓗᓕᒑᕐᔪᒻᒥ; ᓴᒃᑯᒥ ᐃᓕᓐᓂᐊᕐᕕᒃ ᓄᑖᕈᕆᐊᖅᑕᐅᒻᒥᓗᓂ ᐃᓚᔭᐅᒋᐊᕐᓗᓂᒡᓗ; ᓄᑖᕈᕆᐊᖅᑕᐅᓗᑎᒡᓗ ᐅᓄᑲᓪᓚᒃᑐᑦ ᐃᓕᓐᓂᐊᕐᕖᑦ; $123.08-ᒥᓕᐊᓐ ᑮᓇᐅᔭᑦ ᐃᖏᕐᕋᔾᔪᓯᕆᔨᒃᑯᓐᓄᑦ ᐊᐅᓚᔪᓐᓇᐅᓯᕆᔨᒃᑯᓐᓄᑦ ᓄᓇᕗᒻᒥ ᑲᔪᓯᔪᑦ ᐊᔾᔨᒌᙱᑦᑐᓂᒃ ᐱᓕᕆᔾᔪᑕᐅᓂᐊᖅᑐᑦ ᐅᓄᑲᓪᓚᒃᑐᓂᑦ ᐱᖃᓯᐅᖦᖢᒋᑦ: ᑲᖏᖅᖠᓂᕐᒥ ᒥᑦᑕᕐᕕᒻᒥ ᐅᑕᖅᑭᕕᒻᒧᑦ ᐱᐅᓯᒋᐊᖅᑕᐅᓗᑎᒡᓗ ᒥᕝᕕᖏᑦ ᑖᒃᑯᐊ ᓄᓇᓕᓐᓃᒃᑐᑦ ᐃᒡᓗᖁᑎᒋᔭᖏᑦ; ᑲᖏᖅᖠᓂᕐᒥ ᐃᒥᕐᒧᑦ ᓴᓗᒻᒪᖅᓴᐃᔾᔪᑎᑦ ᓄᑖᕈᕆᐊᖅᑕᐅᓗᓂ; ᑲᖏᖅᖠᓂᕐᒥ ᑭᓈᓗᒃᑯᕕᖕᒥ ᐋᖅᑭᒃᑕᐅᓗᓂ; ᑭᕙᓪᓕᕐᒥ-ᕿᑭᖅᑖᓗᖕᒥᓗ ᑕᐃᒃᑯᐊ ᐅᐊᔭᐃᑦ ᖃᕋᓴᐅᔭᕐᒧᑦ ᓴᓇᔾᔪᑎᖏᓐᓄᑦ; ᑲᖏᖅᖠᓂᕐᒧᓪᓗ ᓱᓪᓗᖏᓐᓄᑦ ᐊᓯᖏᓐᓄᓪᓗ ᐱᓕᕆᐊᕐᓄᑦ; $441,000 ᓄᓇᕗᒻᒥ ᓯᓚᑦᑐᓴᕐᕕᒻᒥ, ᐃᖃᓗᒃᑑᑦᓯᐊᕐᒥ ᑐᔪᕐᒥᕕᓕᐅᖁᓪᓗᒋᑦ ᐃᓕᓐᓂᐊᕆᐊᖅᑐᓄᑦ ᓄᓇᑦᑕ ᐃᓕᓐᓂᐊᕐᕕᖓᓄᓪᓗ ᓱᓪᓗᖏᑦ ᓴᓇᔭᐅᓗᑎᑦ; $8.08-ᒥᓕᐊᓐ ᑮᓇᐅᔭᓕᕆᔨᒃᑯᓐᓄᑦ ᑕᒪᒃᑯᓄᖓ ᐸᕐᓇᐃᖁᓪᓗᒋᑦ ᖃᕋᓴᐅᔭᒃᑯᑦ ᑮᓇᐅᔭᖁᑎᒋᔭᐅᔪᑦ; $3.31-ᒥᓕᐊᓐ ᑮᓇᐅᔭᑦ ᐃᓄᓕᕆᔨᒃᑯᓐᓄᑦ ᑲᖏᖅᖠᓂᕐᒥ ᐃᓐᓇᕐᓄᑦ ᓇᔪᒐᖓᑦ ᑕᐃᓐᓇ ᐅᖅᓱᐊᓗᖃᐅᑎᐊ ᐅᖅᑰᓴᐅᑎᖏᓪᓗ ᐊᓯᔾᔨᖅᑕᐅᓗᓂ, ᑮᓇᐅᔭᓕᐅᕋᓱᐊᙱᑦᑐᓄᑦ ᐊᑭᑐᔪᕈᑏᑦ, ᐊᒻᒪ ᓇᔭ ᐄᓴᐱᐅᓪ ᐊᖏᕐᕋᖃᕐᕕᖓᓐᓄᑦ ᓴᓇᔭᐅᔾᔪᑎᒋᓂᐊᖅᑕᖓᓐᓄᑦ; $4.23-ᒥᓕᐊᓐ ᑮᓇᐅᔭᑦ ᐊᕙᑎᓕᕆᔨᒃᑯᑦ ᑲᖏᖅᑐᒑᐱᖕᒥ ᒥᕐᖑᐃᓯᕐᕕᒻᒧᑦ ᑕᓗᕐᔪᐊᕐᒥᓗ ᐊᓪᓚᒡᕕᖓ ᐆᒪᔪᓕᕆᓂᕐᒧᑦ; $5.77-ᒥᓕᐊᑦ ᒪᓕᒐᓕᕆᔨᒃᑯᓐᓄᑦ ᖁᕐᓗᖅᑐᒥ ᐃᓚᕗᑦ ᑕᐃᓐᓇ ᓄᑖᕈᕆᐊᖅᑕᐅᓗᓂ ᐃᒡᓗᖁᑎᖓ; ᐃᖅᑲᖅᑐᐃᕕᖕᒥᓗ ᖃᕋᓴᐅᔭᓕᕆᔾᔪᑏᑦ; ᑲᖏᖅᖠᓂᕐᒥᓗ ᖃᑦᑕᐅᔭᖓ ᐊᓯᔾᔨᖅᑕᐅᓗᑎᑦ ᐅᖅᓱᐊᓗᖃᐅᑏᑦ; $150,000 ᑮᓇᐅᔭᑦ ᑖᒃᑯᐊ ᐃᓕᖅᑯᓯᓕᕆᔨᒃᑯᓐᓄᑦ ᓇᑎᕋᖓ ᐊᓯᔾᔨᖅᑕᐅᓂᐊᕐᒪᑦ ᖁᕐᓗᖅᑐᕐᒥ; $1.63-ᒥᓕᐊᓐ ᑮᓇᐅᔭᑦ ᐊᐅᓚᑦᑎᔨᒃᑯᑦ ᒐᕙᒪᐅᖃᑎᒌᒃᑐᓕᕆᔨᒃᑯᓪᓗ ᐊᑐᕐᓂᐊᖅᑕᖏᑦ ᒥᑭᑦᑑᑎᓂ ᐱᓕᕆᐊᒃᓴᓄᑦ ᐊᑭᑐᔪᓄᑦ. (ᑐᓵᔨᑎᒎᕈᓐᓃᖅᑐᖅ) ᐃᒃᓯᕙᐅᑖᖅ, ᐊᐱᖅᑯᑎᒃᓴᓄᑦ ᑭᐅᒋᐊᖅᑐᕐᓂᐊᕋᒪ ᑖᒃᑯᐊ ᑮᓇᐅᔭᖅᑐᕈᑎᒃᓴᐃᑦ ᒥᒃᓵᓄᑦ ᐅᕝᕙᓘᓐᓃᑦ ᐊᑭᑐᔪᖅᑐᕈᑏᑦ ᖃᓄᖅ ᐋᖅᑭᒃᓯᒪᓂᖏᑕ ᒥᒃᓵᓄᑦ. ᑭᓯᐊᓂ, ᐃᒃᓯᕙᐅᑖᖅ, ᐅᖃᖅᐳᖓ, ᐃᓛᒃ, ᑐᓴᖅᑎᑦᓯᕗᖓ ᑖᒃᑯᐊ ᐃᓗᓕᖏᓐᓂᒃ ᐱᐅᓂᖅᓴᐅᓂᐊᖅᑐᑦ ᐃᕐᕋᕕᖏᑦᑕ ᐊᐱᖅᑯᕈᐊᕐᓂᕈᑉᓯ ᒥᓂᔅᑕᐅᔪᓄᑦ ᐊᐱᖅᑯᑎᒃᓴᕆᔭᖅᓯᑦ ᑐᕌᖅᑎᑕᐅᑦᑕᖅᐸᑕ ᐱᐅᓂᖅᓴᐅᓇᔭᕐᓂᖓᓂ. ᒪ’ᓇ, ᐃᒃᓯᕙᐅᑖᖅ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 30 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᒪᐃᑦ. ᑲᑎᒪᔩᑦ ᒪᑐᐃᕈᑎᖓᓐᓄᑦ ᐅᖃᐅᓯᒃᓴᖃᖅᐹᑦ ᐊᐱᖅᑯᑎᓅᓚᐅᙱᓂᑦᑎᓐᓂ? ᐱᑕᖃᙱᒻᒪᑦ, ᒪᒃᐱᖓ 4-ᒧᐊᓗᐊᕐᓗᓯᑦ ᐃᓚᒋᐊᕈᑎᖓ ᑮᓇᐅᔭᖅᑐᕈᑎᒃᓴᓄᑦ ᒪᓕᒐᒃᓴᖅ, #1, 2026-2027-ᒧᑦ. ᒪᒃᐱᒐᖅ 4-ᖓᓄᐊᕐᓗᓯᑦ, ᓄᓇᕗᑦ ᒐᕙᒪᒃᑯᖏᑕ ᐊᑭᑐᔪᖅᑐᕈᑎᒃᓴᖏᑦ #1, 2026-2027-ᒧᑦ. ᒪᒃᐱᒐᖅ 4- ᖓᓄᐊᕐᓗᓯᑦ, ᓄᓇᕗᑦ ᒐᕙᒪᒃᑯᖏᑕ ᐊᑭᑐᔪᖅᑐᕈᑎᒃᓴᖏᑦ #1, 2026-2027. ᐱᓕᕆᕕᖓᑦ ᐊᐅᓚᑦᑎᔩᑦ ᒐᒪᓕᕆᔨᒃᑯᓪᓗ, ᓯᕗᖓᒍᑦ ᐊᖏᖅᑕᐅᓯᒪᙱᑦᑐᖅ, ᑲᑎᓪᓗᒋᑦ $1,625,000. ᑮᓇᐅᔭᑦ. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᒪᔩᑦ, ᒪᒃᐱᒐᖅ 5-ᒧᒪᕐᓗᓯᑦ, ᓄᓇᕗᑦ ᒐᕙᒪᒃᑯᖏᑕ ᐃᓚᒋᐊᕈᑎᖓ ᐊᑭᑐᔪᖅᑐᕈᑎᒃᓴᓄᑦ, #1, 2026-2027, ᐱᓕᕆᕕᖓ ᑮᓇᐅᔭᓕᕆᔨᒃᑯᑦ, ᓯᕗᖓᒍᑦ ᐊᖏᖅᑕᐅᓯᒪᓚᐅᙱᑦᑐᖅ, ᑲᑎᖦᖢᒋᑦ $8,525,000 ᑮᓇᐅᔭᑦ. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᒪᔩᑦ ᒪᒃᐱᒐᖅ 6-ᒧᐊᕐᓗᓯᑦ, ᒪᓕᒐᓕᕆᔨᒃᑯᑦ ᐱᓕᕆᕕᖓ, ᓯᕗᖓᒍ ᐊᖏᖅᑕᐅᓚᐅᙱᑦᑐᑦ, ᑲᑎᓪᓗᒋᑦ ᐊᖏᔪᖅᑳᖃᕐᕕᐊᓄᖅ, $2,378,000 ᑮᓇᐅᔭᑦ. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐃᖅᑲᖅᑐᐃᕕᓕᕆᓂᕐᒧᑦ ᑲᑎᓪᓗᒋᑦ, $3,237,000 ᑮᓇᐅᔭᑦ. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᓪᓗᒋᑦ ᐊᓄᓪᓚᒃᓰᕕᓕᕆᔾᔪᑏᑦ, $154,000 ᑮᓇᐅᔭᑦ. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᓪᓗᒋᑦ ᐱᓕᕆᕕᓕᒫᕐᓄᑦ, $5,769.000 ᑮᓇᐅᔭᑦ. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᒪᔩᑦ, ᒪᒃᐱᒐᖅ 7-ᒧᐊᓚᐅᕐᒥᒋᑦᑎ. ᐃᓕᖅᑯᓯᓕᕆᔨᒃᑯᑦ ᐱᖅᑯᓯᓕᕆᔨᒃᑯᑦ, ᓯᕗᖓᒍᑦ ᐊᖏᖅᑕᐅᓚᐅᙱᑦᑐᖅ. ᑲᑎᖦᖢᒋᑦ ᐱᓕᕆᕕᒻᒧᓕᒫᑦ $150,000 ᑮᓇᐅᔭᑦ. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᒃᐱᒐᖅ 9-ᒧᐊᕆᔅᓯᑦ. ᐃᓕᓐᓂᐊᖅᑐᓕᕆᔨᒃᑯᑦ ᐱᓕᕆᕕᖓ, ᓯᕗᖓᒍᑦ ᐊᖏᖅᑕᐅᓚᐅᙱᑦᑐᖅ. ᑲᑎᓪᓗᒋᑦ, $15,248,000. ᐊᖏᖅᐱᓯᐅᒃ?

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 31 ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᒪᔩᑦ, ᒪᒃᐱᒐᖅ 10-ᒧᐊᕐᓗᓯᑦ. ᐋᓐᓇᐃᖃᕐᓇᙱᑦᑐᓕᕆᔨᒃᑯᑦ ᐱᓕᕆᕕᖓᑦ, ᓯᕗᖓᒍᑦ ᐊᖏᖅᑕᐅᓚᐅᙱᑦᑐᑦ. ᑲᑎᓪᓗᒋᑦ, $39,372,000 ᑮᓇᐅᔭᑦ. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᒪᔩᑦ, ᒪᒃᐱᒐᖅ 11-ᒨᓚᐅᕆᑦᑎ. ᐊᕙᑎᓕᕆᔨᒃᑯᑦ ᐱᓕᕆᕕᖓᑦ, ᓯᕗᖓᒍᑦ ᐊᖏᖅᑕᐅᓚᐅᙱᑦᑐᖅ. ᑲᑎᓪᓗᒋᑦ, $4,234,000 ᑮᓇᐅᔭᑦ. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᒃᐱᒐᖅ 12-ᒧᐊᕐᓗᓯᑦ. ᐃᖏᕐᕋᔾᔪᑎᓕᕆᔨᒃᑯᑦ ᐊᐅᓚᔪᓐᓇᐅᓯᕆᔨᒃᑯᑦ ᓄᓇᕗᒻᒥ, ᓯᕗᖓᒍᑦ ᐊᖏᖅᑕᐅᓚᐅᙱᑦᑐᖅ. ᑲᑎᖦᖢᒋᑦ ᐊᐅᓚᔪᓐᓇᐅᓰᑦ, $67,896,000 ᑮᓇᐅᔭᑦ. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᒃᐱᒐᖅ 13-ᒧᐊᕐᓗᓯᑦ. ᑲᑎᓪᓗᒋᑦ ᐃᖏᕐᕋᔪᓐᓇᐅᓯᕆᔨᒃᑯᑦ, $46,471,000 ᑮᓇᐅᔭᑦ. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᑉᐱᒐᖓ 14, ᑲᑎᑦᑐᒋᑦ ᑐᓴᖅᑐᓕᕆᔾᔪᑎᓄᑦ, $8,393,000 ᑮᓇᐅᔭᑦ. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᑦᑐᒋᑦ ᐅᖅᓱᐊᓗᓕᕆᔨᒃᑯᑦ, $319,000 ᑮᓇᐅᔭᑦ. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᑦᑐᒋᑦ, $123,079,000 ᑮᓇᐅᔭᑦ. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑏᑦ, ᒪᑉᐱᒐᖅ 16-ᒧᐊᕐᓗᑕ. ᓄᓇᓕᓐᓂ ᐱᔨᑦᓯᖅᑎᒃᑯᑦ, ᐊᖏᖅᑕᐅᕌᓂᓐᓂᖏᑦᑐᑦ. ᑲᑎᑦᑐᒋᑦ ᐃᑲᔪᑐᑏᑦ ᓄᓇᓕᓐᓄᑦ, $43,784,000 ᑮᓇᐅᔭᑦ. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᑉᐱᒐᖓ 17, ᑮᓇᐅᔭᓕᐅᕈᑎᓄᑦ, $28,817,000 ᑮᓇᐅᔭᑦ. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 32 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᑦᑐᒋᑦ, $72,609,000 ᑮᓇᐅᔭᑦ. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. 18-ᒧᐊᓕᕐᒥᓗᓯᑦ. ᐃᓄᓕᕆᔨᒃᑯᑦ, ᓯᕗᓂᐊᒍᑦ ᐊᖏᖅᑕᐅᕌᓂᔅᓯᒪᖏᑦᑐᑦ. ᑲᑎᑦᑐᒋᑦ $3,306,000 ᑮᓇᐅᔭᑦ. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕ: (ᑐᓵᔨᑎᒍᑦ): ᖁᔭᓐᓇᒦᒃ. ᑕᐃᒪ ᒪᓕᒐᒃᓴᒧᑦ 2−ᒧᐊᕐᓗᓯ ᐸᐃᑉᐹᖁᑎᓯᓐᓂᑦ ᑖᒃᑯᐊ ᐊᑐᓃᕐᓂᐊᕋᑦᑎᒍᑦ ᒪᓕᒐᑦᓴᐃᑦ. ᒪᓕᒐᒃᓴ 2, ᐃᓚᒋᐊᕈᑎ ᐊᑭᑐᔫᑎᓄᑦ ᒪᓕᒐᖅ, 1, 2026−2027, ᑎᑎᕋᖅᓯᒪᔪᖅ 1. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕ: (ᑐᓵᔨᑎᒍᑦ): ᖁᔭᓐᓇᒦᒃ. ᑎᑎᕋᖅᓯᒪᔪᑦ 2. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕ: (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑏᑦ, ᐅᐃᒍᖓᓅᕐᓗᓯ 2 ᒪᒃᐱᒐᖓ 2, ᐃᓚᒋᐊᕈᑏᑦ ᒫᑦᓯ 31, 2027−ᒧᑦ ᑎᑭᑐᒍ. ᐊᑭᑐᔫᑎᓄᑦ − ᑲᑎᑦᑐᒋᑦ. $273,909,00. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕ: (ᑐᓵᔨᑎᒍᑦ): ᖁᔭᓐᓇᒦᒃ. ᑎᑎᕋᖅᓯᒪᔪᓂ 3. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕ: (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑏᑦ, ᐅᑎᕐᒥᓗᓯ ᒪᒃᐱᒐᖓᓄᑦ 1, ᑎᑎᕋᖅᓯᒪᔪᓂ 4. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕ: (ᑐᓵᔨᑎᒍᑦ): ᖁᔭᓐᓇᒦᒃ, ᑎᑎᕋᖅᓯᒪᔪᓂ 5. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕ: (ᑐᓵᔨᑎᒍᑦ): ᖁᔭᓐᓇᒦᒃ, ᑎᑎᕋᖅᓯᒪᔪᓂ 6. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕ: (ᑐᓵᔨᑎᒍᑦ): ᖁᔭᓐᓇᒦᒃ, ᑎᑎᕋᖅᓯᒪᔪᓂ 7. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕ: (ᑐᓵᔨᑎᒍᑦ): ᖁᔭᓐᓇᒦᒃ, ᒪᓕᒐᓕᐅᖅᑏᑦ ᐊᖏᖅᐸᑦ ᒪᓕᒐᒃᑦᓴ 2 ᐃᓘᓐᓈᓂᑦ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 33 ᐃᒃᓯᕙᐅᑕ: (ᑐᓵᔨᑎᒍᑦ): ᒪᓕᒐᓕᐅᖅᑏᑦ ᐊᖏᖅᐸᑦ ᒪᓕᒐᒃᒃᓴᑦ 2 ᑲᑎᒪᔾᔪᑎᓅᑕᐅᒍᓇᓕᑐᖅ ᐱᖓᔪᐊᓐᓂ ᐅᖃᓕᒫᖅᑕᐅᓂᐊᕐᒪ, ᐊᖏᖅᐱᓯᐅ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᕈᒪᒍᒪᔪᖓ ᒥᓂᔅᑕ ᐱᓕᕆᔨᖓ. ᒥᓂᔅᑕ ᒪᐃᓐ, ᓄᖃᐅᓯᕐᓂ ᓇᐃᑦᑐᒥᒃ ᐅᖃᐅᓯᒃᓴᖃᖅᑐᑏᑦ? ᓯᕗᓕᖅᑎ ᐋᕐᓗᒃ ᒪᐃᓐ: ᒪᓐᓇ, ᐃᒃᓯᕙᐅᑖᖅ, (ᑐᓵᔨᑎᒎᓕᖅᑐᖅ) ᖁᔭᓐᓇᒦᕈᒪᓪᓗᒋᑦ ᒪᓕᒐᓕᐅᖅᑏᑦ ᐃᑲᔪᑐᐃᓂᖏᓐᓄᑦ, ᐊᒻᒪᓗ ᖁᕕᐊᒋᕙᒃᑲ ᐊᐱᖅᓱᓪᓚᕆᓚᐅᒪᑕ ᑲᑎᒪᔨᐊᓛᓂᑦ ᑖᓐᓇ ᒪᓕᒐᒃᑦᓴ ᐱᓪᓗᒍ, ᖁᔭᓐᓇᒦᖅᓱᒋᑦ ᐃᖃᓇᐃᔭᖅᑎᓪᓚᕇᑦ. ᑮᓇᐅᔭᓕᕆᔨᒃᑯᓐᓂ, ᐃᖏᕐᕋᔪᓕᕆᔨᒃᑯᓐᓂᓪᓗ. ᑕᒪᒃᑯᐊ ᐊᑭᑐᔫᑎᓂ ᐱᔭᒃᓴᐃᑦ, ᐅᖃᖃᐅᒐᒪ, ᐱᔭᕆᐊᖃᓪᓚᕆᖕᒪᑕ, ᓂᕆᐅᓪᓚᕆᖕᓂᐊᖅᐳᖓ ᑖᒃᑯᐊ ᐸᐃᑉᐹᒦᑐᐃᓐᓇᕈᓐᓃᓕᕐᓗᑎ ᐱᔭᐅᓪᓚᑦᔅᑕᓕᕐᓗᑎᒃ. ᖁᔭᓐᓇᒦᐸᒃᑲ ᐃᖃᓇᐃᔭᖃᓚᐅᖅᑐᑦ ᐊᑭᑐᔫᑎᓄᑦ ᐃᖃᓇᐃᔭᖅᑏᑦ (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᒪᐃᓐ. ᐃᖅᓱᑦᑎ, ᑖᒃᑯᐊ ᐊᐱᖅᓱᑕᐅᔪᑦ ᐊᓂᑎᒃᑭᑦ. >>ᐸᑦᑕᑐᖅᑐᑦ ᐃᒃᓯᕙᐅᑕᖅ (ᑐᓵᔨᑎᒍᑦ): ᒪᓕᒐᓕᐅᑏᑦ ᐃᒃᓯᕙᐃᓐᓇᕐᓗᓯ ᑲᔪᓯᒋᐊᑲᐅᑎᒋᓂᐊᕋᑦᑎᒍᑦ, ᒪᓕᒐᒃᑦᓴ 4. ᖁᔭᓐᓇᒦᒃ. ᒥᓂᔅᑕ ᒪᐃᓐ ᐱᓕᕆᔨᖕᓂ ᓵᖕᓂᖃᑎᖃᕈᒪᕕᑦ? ᓯᕗᓕᖅᑎ ᐋᕐᓗᒃ ᒪᐃᓐ (ᑐᓵᔨᑎᒍᑦ): ᒪ’ᓇ, ᐃᒃᓯᕙᐅᑖᖅ, ᐄ’. ᐃᒃᓯᕙᐅᑕᖅ (ᑐᓵᔨᑎᒍᑦ): ᑲᑎᒪᔨᐊᓛᑦ ᐊᖏᖅᐹᑦ ᐱᓕᕆᔨᖏᑦ ᓵᑦᑎᓐᓃᔪᓐᓇᕐᓗᑎᑦ? ᐃᓚᖏᑦ ᑲᑎᒪᔩᑦ: ᐊᖏᖅᐳᒍᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᖅᓱᑦᑎ, ᑕᑉᐸᐅᖓᐅᑎᒃᑭᑦ. ᖃᐅᔨᒪᓂᐊᕋᑦᑕ ᒥᔅᑕ ᒪᐃᓐ, ᑭᒃᑰᓂᖏᑦ ᐱᓕᕆᔨᑎᑦ ᒪᑐᐃᕈᑎᓅᓕᕐᒥᓗᑎᑦ. ᒪᓕᒐᒃᓴᖅ 4 – ᐊᔾᔨᒌᖏᑦᑑᑎᓐ ᒪᓕᒐᓕᐊᖑᓯᒪᔪᓄᑦ ᒪᓕᒐᖅ – ᑲᑎᒪᔨᕋᓛᓄᑦ ᐃᓱᒪᒃᓴᖅᓯᐅᖅᑕᐅᓂᖓ ᓯᕗᓕᖅᑎ ᐊᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ, (ᑐᓵᔨᑎᒎᓕᖅᑐᖅ) ᐱᓕᕆᖃᑎᒃᑳ ᒪᓕᒐᑦᓴᒧᑦ ᑐᖏᓕᕋ ᑖᓂᐅᓪ ᔭᖕ, ᑮᓇᐅᔭᓕᕆᔨᑯᓐᓂ; ᒪᓕᒐᓕᕆᓂᕐᒧᑦ ᑖᓂᐅᓪ ᒪᐅᓐᑦ, ᒪᓕᒐᓕᕆᔨᒃᑯᓐᓂᑦ. ᐃᒃᓯᕙᐅᑖᖅ, ᓵᖕᓃᑉᐳᖓ ᒪᓕᒐᒃᓴ 4, ᐊᕿᒋᐊᕈᑎᐅᔪ ᑖᒃᓯᔭᕈᑎᐅᔪᑦ ᒪᓕᒐᖅ, ᐅᓄᖅᓯᒋᐊᕐᓂᐊᖅᓱᑎᑦ ᓄᓇᕗᒻᒥ ᕿᑐᖓᓕᖕᓄᑦ ᐃᑲᔫᑎᐅᕙᒃᑐᑦ ᓄᓇᕗᒻᒥ ᕿᑐᕐᖓᓕᖕᓄᑦ ᐃᑲᔫᑎᐅᕙᒃᑐᑦ ᑖᒃᓯᔭᕈᑎᐅᕙᙱᑦᑐᑦ ᑕᕿᑕᒫᑦ ᑐᕌᖅᑎᑕᐅᓲᖑᔪᑦ ᐱᔪᓐᓇᑐᓂᑦ ᕿᑐᕐᖓᖃᖅᑐᓂᑦ 18 ᑐᖔᓂ. ᐃᑲᔫᑎᐅᓗᐊᑕᕐᓂᐊᖅᑐᑦ 2025-2026−ᒧᑦ $29.00−ᒥᒃ ᑕᖅᑭᑕᒫᑦ ᐊᑐᓂ ᓄᑕᖅᑲᑦ. ᑖᓐᓇ ᒪᓕᒐᑦᓴ ᒪᕐᕈᐃᖅᓯᔪ ᐃᑲᔫᑎᐅᕙᒃᑐᓂᑦ ᐱᒋᐊᖅᓱᒍ 2026-2027 ᐃᑲᔪᕈᑎᐅᕙᒃᑐᓂᑦ. ᐲᖅᓯᒍᑕᐅᓂᐊᕐᒥᔪᖅ 3% CPI−ᒧᑦ, ᑖᒃᑯᐊ ᓂᐅᕕᖅᐸᒃᑐᑦ, ᐊᑭᑦᑐᕈᑕᐅᕙᒃᑐᓄᓪᓗ ᐊᕿᐱᐊᕈᑎᐅᔪ, ᐃᑲᔫᑎ ᐊᓯᔾᔨᖃᑦᑕᖁᓪᓗᑎ ᐊᕐᕌᒍᑕᒫ ᐊᑭᑦᑐᐸᓪᓕᐊᓂᑦ ᒪᓕᒡᓗᒋᑦ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 34 ᐅᖃᖃᑎᒋᓚᐅᖅᓱᒋᑦ ᒪᓕᒐᓕᕆᔨᒃᑯᑦ, ᓇᓗᓇᐃᓚᐅᖅᐸᕗᑦ ᓄᓇᕗᒻᒥ ᐃᖃᓇᐃᔭᖅᑐᓄᑦ ᐃᑲᔫᑎᓄᑦ ᑎᑎᕋᖅᓯᒪᔪᑦ ᓯᖁᒥᑦᑎᑐᐃᓐᓇᕆᐊᖃᕐᒪᑦ ᐃᓗᓕᖏᓂ 12(1) ᐱᔪᓐᓇᐅᑏ ᑭᒃᑯᓕᒫᑦ ᐃᓚᐃᓐᓇᓱᒋᐊᖃᙱᓐᓂᕐᒥᒃ ᐱᔨᑦᓯᕋᐅᑎᐅᔪᓂᑦ ᑕᒪᒃᑯᓇᖓᑦ ᓯᖁᒥᑦᑎᓂᒃᑯᑦ ᑮᓇᐅᔭᓕᐅᑎᓄᑦ ᑕᐃᒪᐃᒻᒪᑦ ᐲᖅᑕᐅᖁᔭᕗᑦ ᐃᑲᔫᑎᐅᕙᒃᑐᑦ ᓄᓇᕗᒻᒥ ᕿᑐᖓᕐᓄᑦ ᐃᑲᔫᑕᐅᕙᒃᑐᑦ ᓈᓴᖅᑕᐅᕙᖕᓂᖏᑦ. ᓂᕆᐅᒃᐳᒍᑦ ᑲᑭᑦᑐᑲᓐᓂᕈᑎᐅᓂᐊᖅᑐᖅ $2.3ᒥᓕᐊᓐ ᑮᓇᐅᔭᑦ ᓄᑕᖅᑲᓄᑦ ᐃᑲᔫᑏᑦ. ᑲᔪᓯᒃᐸᑦ, ᐊᖅᑭᒋᐊᕈᑎᐅᔪᑦ ᓯᑏᕝᕙ 1, 2026, ᑲᔪᓯᒋᐊᖃᓕᓛᖅᑐᑦ ᔪᓚᐃ 1−ᒥ, ᐅᑎᕐᕕᐅᓂᖃᕈᓐᓇᕐᓗᑎ ᐃᑲᔫᑎᑦ ᒪᓕᓪᓗᒋᑦ ᑲᓇᑕᒥᑦ ᑖᒃᓯᓕᕆᔨᒃᑯᑦ ᐅᓪᓗᖅᓯᐅᑎᖏᑦ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐃᒃᓯᕙᐅᑖᖅ. ᐃᒃᓯᕙᐅᑕ: (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᒪᐃᓐ, ᑲᑎᒪᔨᕋᓛᓄᑦ ᒪᓕᒐᓕᕆᓂᕐᒧᑦ ᐅᖃᐅᓯᒃᓴᖃᖅᐸᑦ? ᑲᔪᓯᒋᑦ, ᒥᔅᑕ ᖃᑉᓗᑦᓯᐊᒃ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᒥᓂᔅᑕ ᒪᐃᓐ. ᐃᒃᓯᕙᐅᑕᐅᓂ ᑲᑎᒪᔨᕋᓛᓂᑦ ᒪᓕᒐᓂᐊᓂᓕᕆᓂᕐᒧᑦ, ᐅᖃᐅᓯᒃᓴᖄᕐᔪᒍᒪᕗᖓ ᒪᑐᐃᕈᑎᓐᓂ ᑲᑎᒪᔨᐊᓛᖅᑎᒍᑦ ᐃᓱᒪᒃᓴᓯᐅᖅᐸᓪᓕᐊᓕᖅᑎᓪᓗᒋᑦ ᒪᓕᒐᑦᓴᒥᒃ 4, ᒪᓕᒐᖅ ᐊᕿᒋᐊᕈᑎᐅᔪᖅ ᑖᒃᓯᔭᓂᕐᒧᑦ ᒪᓕᒐᐅᔪᒥᒃ. ᑲᑎᒪᔨᕋᓛᑦ ᐃᓕᑕᖅᓯᕗᑦ ᐃᓘᓐᓇᓂᑦ ᐱᔾᔪᑕᐅᔪᒥᒃ ᒪᓕᒐᑦᓴᒧᑦ, ᒥᓂᔅᑕᐅᑉ ᐅᓂᒃᑳᕆᖅᑲᐅᖕᒪᒍ ᒪᑐᐃᕈᑎᒥᓂᒃ. ᑲᑎᒪᔨᕋᓛᑦ ᐃᑲᔪᖅᑐᐃᕗᑦ ᐅᓄᖅᓯᒋᐊᖅᑕᐅᓂᖏᑦ ᐃᑲᔫᑎᑦᓴᑦ, ᑲᔪᖏᖅᓴᐃᕗᓪᓗ ᕿᒥᕈᖁᓪᓗᒋᑦ ᐊᕐᕌᒍᑕᒫᑦ ᑕᒪᑐᒪᙵᑦ ᑮᓇᐅᔭᖏᓐᓂᒃ. ᑲᑎᒪᔨᕋᓛᑦ ᐃᓇᑦᓯᒋᕗᑦ ᑮᓇᐅᔭᓕᕆᔨᒃᑯᓐᓂᑦ ᐱᓕᕆᖃᑎᖃᑦᓯᐊᖁᓪᓗᒋᑦ ᐃᓄᓕᕆᔨᒃᑯᓐᓂ. ᒪᓕᒐᓕᕆᔨᒃᑯᓐᓂᒃ, ᐊᓯᖏᓐᓂᓪᓗ ᑲᑐᔾᔨᖃᑎᒋᒃᑕᒥᓂ ᑕᒫᕐᓗᑎ ᒐᕙᒪᒃᑯᑦ ᐱᓇᓱᒃᑕᖏᑦ ᓄᖑᐹᓪᓕᑦᓯᖁᓪᓗᒍ ᐊᒃᑐᓗᐊᖅᑐᓂᒃ ᑕᐃᒪᐃᑦᑐᓂᒃ ᑮᓇᐅᔭᖅᑎᒍᑦ ᐃᑲᔫᑎᐅᕙᒃᑐᓂᑦ ᐊᑦᑎᓛᒥᒃ ᑮᓇᐅᔾᔭᕈᑎᐅᕙᒃᑐᒍᑦ ᐃᑲᔪᕈᑎᐅᒃᑲᓐᓂᕈᓐᓇᕐᓗᓂ. ᐃᓱᓕᑉᐳᑦ ᑖᒃᑯᐊ ᒪᑐᐃᕈᑎᒃᑲ. ᖁᔭᓐᓇᒦᒃ, ᐃᑦᓯᕙᐅᑖ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᖃᕐᓗᑦᓯᐊᖅ. ᒪᓕᒐᓕᕆᔨ ᐅᖃᐅᓯᒃᓴᖃᑐᐃᓐᓇᖅᐹ ᐊᐱᖁᑎᓅᓚᐅᙱᓐᓂᑎᓐᓂᑦ? ᑕᑯᙱᑕᐃᓐᓇᕋᒪ. ᒥᔅᑕ ᒪᐃᒃ, ᐊᐱᖁᑎᑦᓴᖃᖅᑐᑎᑦ? ᑲᔪᓯᒋᑦ. ᒪᐃᒃ: ᖁᔭᓐᓇᒦᒃ, ᐃᔅᓯᕙᐅᑖᖅ, ᒥᓂᔅ ᑖᓐᓇ ᓱᕈᓯᕐᓄᒃ ᐃᑲᔫᑕᐅᖃᑦᑕᖅᑐᖅ ᐊᐱᖁᑎᒋᔪᒪᔭᕋ. ᐃᓛᒃ ᖃᓄᐃᒋᙱᑕᕋ ᖁᕝᕙᕆᐊᕐᖓ ᑖᑯᓄᖓ ᐃᓚᒌᓄᒃ ᐱᔭᐅᖃᑦᑕᕐᓂᐊᕐᑐᑦ ᑮᓇᐅᔭᖅ. ᑖᓇ ᖃᐅᔨᒍᒪᔪᖓ ᐃᓛᒃ ᖃᖓᓂᑦ ᐊᑭᑦᑐᕆᐊᓪᓚᕆᑕᐃᓐᓇᖓᖔᖅ ᑕᕝᕙᓂ ᒪᓕᒐᓕᐅᕐᕕᒃᑰᖅᑐᒥᒃ? ᖁᔭᓐᓇᒦᒃ, ᐃᔅᓯᕙᐅᑖ. ᐃᒃᓯᕙᐅᖃ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᐅᓄᖅᓯᒋᐊᖃᑦᑕᓯᒪᔪᖅ ᓯᕗᓂᐊᓂ ᐊᑭᑦᑐᐸᓪᓕᐊᓃᑦ ᐱᔾᔪᑕᐅᓪᓗᑎᑦ. ᐅᖃᖃᐅᒐᒪ ᒪᑐᐃᕈᑎᓐᓂ 3%−ᒥᒃ ᑭᒡᓕᖃᕐᒪᑦ, ᑕᒪᒃᑯᐊ ᓲᕐᓗᒃ ᐊᑭᑦᑐᕆᐊᕈᑏᑦ 3% ᐅᖓᑖᓄᕌᖓᑕ ᐃᑲᔫᑎᓂᒃ ᐅᓄᖅᓯᒋᐊᖅᑎᓯᕙᒃᑐᖅ ᐊᕿᑦᓯᒪᓂᖏᑦ ᒪᓕᒃᑐᒋᑦ. ᖃᐅᔨᒪᔭᑎᒍᑦ ᑖᓐᓇ ᓯᕗᓪᓕᖅᐹᑦᓯᐊᖑᕗᖅ ᐃᑲᔪᕈᑎᐅᔪᓄᑦ ᐅᓄᖅᓯᒋᐊᖅᑕᐅᓂᖓ ᐃᒫᑎᒋᐊᓗᒃ ᐊᖏᔪᒥᒃ ᐱᔮᕆᓪᓗᓂ ᓅᑕᐅᔪᑦ ᓅᑦᓯᒍᑎᐅᔪᓂᒃ ᑮᓇᐅᔭᓂᒃ ᒪᓕᒐᐃᑦ ᐊᕿᒋᐊᖅᑕᐅᓪᓗᑎᑦ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐃᒃᓯᕙᐅᑖᖅ. ᐃᒃᓯᕙᐅᑕ: (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᓐ, ᒥᔅᑕ ᒪᐃᒃ, ᐃᓚᒋᐊᕈᑎᓂ? ᑲᔪᓯᒋᑦ. ᒪᐃᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᖁᔭᓐᓇᒦᒃ, ᒥᓂᔅᑕ. ᑕᐃᒪ ᑖᓐᓇ ᑐᔅᓯᕋᐅᑕᐅᔪᖅ ᒫᓐᓇ ᒪᓕᒐᐅᑉ ᐊᓯᔾᔨᕆᐊᕈᑎᒋᓂᐊᖅᑕᖓ ᐅᓄᖅᓯᒋᐊᕐᖓᑦ. ᑕᐃᒪ ᑕᐃᒃᑯᐊ ᑖᒃᑯᓂᖓ ᑕᖅᑲᒃᑯᐊ ᑮᓇᐅᔭᑎᒍᑦ ᐃᑲᔪᖅᑕᐅᒍᑎᒋᖃᑦᑕᖅᑕᖓᑦ ᖃᓄᑎᒋ ᖁᕝᕙᕆᐊᕐᒪᖔᖅ ᓇᓗᓇᐃᖅᓯᒍᓐᓇᖅᑭᑦ ᒥᓂᔅᑕ? ᖁᔭᓐᓇᒦᒃ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 35 ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. ᐊᒻᒪ ᒪ’ᓇ ᒪᓕᒐᓕᐅᖅᑎ ᐊᐱᖅᓱᕐᒪᑦ ᐊᖏᓪᓕᒋᐊᕐᓂᕆᓂᐊᒑ ᒫᓐᓇ ᐋᖅᑭᒃᓯᒪᓂᖓ ᑕᐅᑐᒃᑯᑎᒍᑦ $348.00-ᑖᖅᑕᒻᒪᑕ ᐃᓚᒋᔭᐅᔪᑦ ᐊᕐᕌᒍᑕᒫᑦ, ᐊᖏᒡᓕᕆᐊᕐᓂᖅ ᒪᓕᓪᓗᒍ $696.00 ᐊᕐᕌᒍᑕᒫᑦ ᑮᓇᐅᔭᖅᑖᕆᔭᐅᑦᑕᕐᓂᐊᖅᑐᖅ. ᐅᑯᐊ ᐊᖅᑯᑎᒋᑦᑕᕋᑦᑎᒍᑦ ᑲᓇᑕᒥ ᐅᑦᑕᑯᓯᐊᓕᕆᔩᑦ (ᑲᓇᑕᒥ ᑖᒃᓯᔅᓕᕆᔩᑦ ᑎᒥᖓ) ᑕᕝᕘᓇ ᑎᑭᕝᕕᐅᑦᑕᕋᔭᖅᑐᑦ ᑕᖅᑭᑕᒫᑦ. ᒪ’ᓇ, ᐃᒃᓯᕙᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᒪᐃᓐ. ᒥᔅᑕ ᒪᐃᒃ ᑲᔪᓯᒋᑦ. ᒪᐃᒃ: ᖁᔭᓐᓇᒦᒃ. ᐃᑲᔪᖅᑕᐅᒋᐊᖃᕐᓂᖅᐹᑦ ᑕᐃᒃᑯᐊ ᓈᓚᑦᑐᔅᓴᐅᕗᑦ. ᑖᓐᓇᓕ ᑭᖑᓪᓕᖅᐹᒥᑦ ᐊᐱᖅᑯᑎᒋᓕᖅᑕᕋ ᑖᔅᓱᒧᖓ ᒪᓕᒐᕐᒧᑦ ᐊᓯᔾᔨᕋᓱᐊᖅᑐᒧᑦ: ᑕᐃᒪ ᐅᖃᖅᑲᐅᒐᕕᑦ ᑖᓐᓇᒎᖅ ᒪᓕᒐᖅ ᐊᑐᓕᕆᐊᕐᓂᐊᖅᑐᖅ ᓰᑏᕝᕙ 1, 2026; ᑖᒃᑯᓄᖓ ᐱᔭᐅᖃᑦᑕᕐᓂᐊᓕᕐᓂᖏᓐᓂᑦ, ᑭᓯᐊᓂ ᑕᕝᕙᙵᑦ ᐱᒋᐊᖅᓯᒪᒍᓐᓇᕐᓂᐊᕐᓂᕋᐃᒐᕕᑦ ᔪᓚᐃ 1, 2026 ᑖᓐᓇ ᖃᓄᕐᖑᓇ ᔪᓚᐃ 1−ᒥ ᐱᒋᐊᕋᓂ ᑭᓯᐊᓂ ᓰᑏᕝᕙ 1-ᒥ ᐱᒋᐊᓛᕐᖓᑦ? ᑐᑭᓯᐅᒪᑦᑎᐊᓂᐊᕐᖓᑕ ᑕᖅᑲᒃᑯᐊ ᓇᓗᓇᐃᕆᐊᒃᑲᓐᓂᕈᓐᓇᖅᑭᐅ ᓱᒻᒪᑦ ᑕᐃᒪᐃᓕᖓᒻᒪᖔᖅ? ᖁᔭᓐᓇᒦᒃ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᒪᓕᒐᔅᓴᖅ ᑎᑎᖃᖅᓯᒪᒻᒪᑦ ᑕᐃᒫᒃ ᐊᑐᓕᕐᕕᔅᓴᖃᖅᑎᒐᓱᑦᑐᖅ ᔪᓚᐃ 1-ᒥ, ᑖᒃᑯᐊ ᑮᓇᐅᔭᑦ ᐃᖏᕐᕋᓯᒋᐊᕋᔭᖅᑐᑦ ᑲᓇᑕᒥ ᑖᒃᓯᓕᕆᔨᒃᑯᑦ ᐊᖅᑯᑎᒋᔭᐅᓗᑎᑦ. ᑮᓇᐅᔭᓕᕆᔨᒃᑯᑦ ᑲᓇᑕᒥ ᑖᒃᓯᓕᕆᔨᒃᑯᓐᓂ ᐱᓕᕆᖃᑎᖃᖅᑐᑎᑦ ᖃᐅᔨᓯᒪᒻᒪᑕ ᒫᓐᓇ ᖃᓂᓐᓂᖅᐹᖅ ᐊᑭᓕᖅᑕᐅᕕᒋᔪᓐᓇᖅᑕᖓ ᓰᑏᕝᕙᒥᐅᓛᕐᖓᑦ, ᑭᖑᕙᖅᓯᒪᒐᓗᐊᕐᓗᑎᑦ. ᑭᓯᐊᓂ ᑐᓴᕈᒥᓇᕐᓂᖃᖅᑐᑦ, ᒪᓕᒐᔅᓴᖅ ᐊᖏᖅᑕᐅᑉᐸᑦ ᑕᐃᒫᒃ ᑐᔅᓯᕌᕆᒐᑦᑎᒍᑦ ᐱᒋᐊᖅᓴᕋᐃᔅᓯᒪᔪᓂᑦ ᑕᕝᕙᙵᑦ ᔪᓚᐃ ᐱᒋᐊᖅᑎᑕᐅᒐᔭᖅᑐᐃᑦ ᑖᒃᑯᐊ ᑮᓇᐅᔾᔭᔅᓵᖏᑦ ᔪᓚᐃᒥ ᐱᒋᐊᖅᓯᒪᙳᐊᕐᓗᑎᑦ ᐊᕐᕌᓂᓂᑦ ᓰᑏᕝᕙᒥ ᑮᓇᐅᔭᖅᑖᓪᓚᕆᐅᒍᓐᓇᕐᓗᑎᑦ ᑖᒃᑯᐊ ᓄᐊᔅᓯᒪᔪᐃᑦ. ᖁᔭᓐᓇᒦᒃ. ᑐᑭᓯᓇᖅᓯᑎᑦᑎᐊᕋᓱᑦᑕᕋᓗᐊᕋ. ᖁᔭᓐᓇᒦᒃ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᒪᐃᓐ. ᐅᖃᐅᓯᔅᓴᑐᐃᓐᓇᓕᑦᑕᖃᖅᐸᓪᓚᐃᒍᓐᓃᕐᖓᑦ. ᒪᓕᒐᔅᓴᖅ 4- ᒨᕆᔅᓯ ᑕᕝᕙᓂ ᒪᓕᒐᔅᓴᒃᑯᕕᔅᓯᓐᓂᑦ ᑎᑎᕋᖅᓯᒪᓂᖏᑎᒍᑦ ᕿᒥᕐᕈᓂᐊᕋᑦᑎᒍᑦ ᓈᓴᐅᑎᖏᑎᒍᑦ. ᒪᓕᒐᔅᓴᖅ 4, ᒪᓕᒐᖅ ᐋᖅᑭᒋᐊᕆᔾᔪᑕᐅᔪᖅ ᑮᓇᐅᔾᔭᓵᓄᑦ ᑖᒃᓰᔭᐃᔭᕐᓂᕐᒧᑦ ᒪᓕᒐᕐᔪᐊᖓᓂᒃ. ᑎᑎᕋᖅᓯᒪᓂᖓ 1. ᐊᖏᖅᑭᓯᐅᒃ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᓈᓴᐅᑎᓕᒃ 2. ᐊᖏᖅᑭᓯᐅᒃ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᓈᓴᐅᑎᓕᒃ 3. ᐊᖏᖅᑭᓯᐅᒃ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᓈᓴᐅᑎᓕᒃ 4. ᐊᖏᖅᑭᓯᐅᒃ?

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 36 ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᒪᔩᑦ ᐊᖏᖅᑭᓯᐅᒃ ᒪᓕᒐᔅᓴᖅ ᐃᓘᓐᓇᖓ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᑲᑎᒪᔩᑦ ᐊᖏᖅᑭᓯ ᒪᓕᒐᒃᓴᖅ 4 ᐱᖓᔪᐊᓐᓂᒃ ᐅᖃᓕᒫᖅᑕᐅᒍᓐᓇᖅᓯᓂᕋᕐᓗᒍ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᖁᔭᓕᒍᒪᔭᕋ ᒥᓂᔅᑕ ᐱᓕᕆᔨᖏᓪᓗ. ᒪᑐᓯᒍᑎᔅᓴᓂᑦ ᐅᖃᐅᓯᔅᓴᖃᒐᓛᑉᐲᑦ? ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. ᑲᑎᒪᔩᑦ ᐃᑲᔪᖅᑐᐃᓯᒪᒻᒪᑕ ᑕᒪᑦᓱᒥᖓ ᒪ’ᓈᓪᓚᕆᑦᑐᒍᑦ. ᑖᒃᑯᐊ ᐃᑲᔪᖅᑕᐅᔭᕆᐊᓖᑦ ᓄᑕᖅᑲᑦ ᐃᓱᒪᒋᒃᖢᒋᑦ ᓇᒡᓕ’ᓇᓪᓚᕆᒻᒪᑕ. ᑕᒪᓐᓇᓪᓗ ᐊᔪᖅᓴᕐᓂᖅ, ᑮᓇᐅᔭᖃᑦᓯᐊᖏᓐᓂᕐ, ᓂᕿᖃᑦᓯᐊᖏᓐᓂᑦ, ᓄᑕᖅᑲᓂᒃ ᐊᑦᑐᐃᑕᑎᖦᖢᒍ ᓈᒻᒪᙱᓐᓂᖓᓂᒃ, ᑕᒪᓐᓇ ᓈᒻᒪᙱ’ᒪᑦ. ᑐᑭᓯᓯᒪᒐᑉᑕ ᖃᐅᔨᒪᔪᐃᓐᓇᐅᔪᒍᑦ. ᒥᑭᔫᒐᓗᐊᒥᒃ ᐃᑲᔪᕐᓂᖃᖅᑑᓪᓗᐊᕐᓂᐊᕐᒪᑦ ᑕᒪᓐᓇ ᖁᕕᐊᓇᓪᓚᕆᑦᑐᖅ. ᑖᒃᑯᐊ ᓄᑕᖅᑲᑦ ᓄᓇᕗᑦ ᐃᓗᐊᓃᑦᑐᑦ ᐃᑲᔪᖅᑕᐅᔭᕆᐊᓖᑦ ᐃᓱᒪᓕᒋᑉᓗᒋᑦ. ᒪ’ᓇ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ ᒥᓂᔅᑕ ᒪᐃᓐ. ᐃᓱᑦ ᑏᑦ, ᐱᓕᕆᔨᖏᑦ ᐊᓂᑎᓚᐅᕐᒥᒃᑭᑦ ᐅᖃᕆᐊᖅᑐᕕᒻᒥ. >>ᐸᑦᑕᑐᖅᑐᑦ ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᑲᑎᒪᔩᑦ. ᒫᓐᓇ ᓄᖅᑲᑲᐃᓐᓇᒐᓛᓪᓗᑕ ᐱᓕᕆᔨᖏᑦ ᑖᒃᑯᐊ ᐊᓯᔾᔨᑲᐃᓐᓇᕆᐊᖃᕐᖓᑕ. ᐃᔅᓯᕙᐅᑕᔅᓯᓐᓃᑐᐃᓐᓇᕆᔅᓯ. >>ᑲᑎᒪᔨᕋᓛᑦ ᓄᖅᑲᑲᐃᓐᓇᖅᑐᓐ 16:07ᒥ ᑲᑎᒪᓯᒋᐊᒃᑲᓐᓂᖅᖢᑎᒃ 16:08ᒥ ᐃᔅᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᕼᐃᒃᔅ ᐊᐱᕆᒍᒪᔭᕋ ᐱᓕᕆᔨᖃᖅᑮᑦ ᐃᕝᕕᑦ ᓴᓂᐊᓃᖁᓂᐊᖅᑕᖏᓐᓂᑦ ᑲᑎᒪᔨᕋᓛᑦ ᓵᖓᓂᑦ? ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ ᐃᔅᓯᕙᐅᖅᑖ. ᐄ’. ᐃᔅᓯᕙᐅᑕᖅ (ᑐᓵᔨᑎᒍᑦ): ᐊᖏᖅᑭᓰ ᒥᓂᔅᑕᐅᑉ ᐱᓕᕆᔨᖏᑦ ᓵᔅᓯᓐᓃᖃᑕᐅᖁᓪᓗᒋᑦ ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᐃᖅᓱᑦᑏ, ᐱᓕᕆᔨᖏᑦ ᐃᓯᖅᑎᑲᐃᓐᓇᒃᑭᑦ. ᐊᒻᒪ ᑎᑎᕋᖅᑕᐅᒍᓐᓇᕐᓂᐊᕐᖓᑦ, ᒥᔅᑕ ᕼᐃᒃᔅ, ᐱᓕᕆᔩᒃᑭᑦ ᑭᒃᑰᒻᒪᖔᑎᒃ ᓇᓗᓇᐃᓚᐅᕐᓗᒋᑦ ᒪᑐᐃᖅᓯᒍᑎᓅᕈᓐᓇᖅᓯᔪᑎᑦ. ᒪᓕᒐᒃᓴᖅ 3 – ᒪᓕᒐᖅ ᐊᖅᑮᔾᔪᑎᒃᓴᖅ ᐃᓐᑲᒻ ᑖᒃᓯᐅᑉ ᒪᓕᒐᖓᓂᒃ – ᑲᑎᒪᔨᕋᓛᓄᑦ ᐃᓱᒪᒃᓴᖅᓯᐅᖅᑕᐅᓂᖓ

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 37 ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ ᐃᔅᓯᕙᐅᖅᑖ. ᓴᐅᒻᒥᓃᑦᑐᖅ ᐊᖓᔪᖅᑳᖅ ᒪᓕᒐᓕᕆᓂᕐᒧᑦ ᑖᒪᔅ ᐃᐅᓪᕗᐊᔅ; ᐊᒻᒪ ᐅᕙᖓ ᑕᓕᖅᐱᖓᓂᒃ ᐊᐅᓚᑦᑎᔨᐅᔪᖅ ᐊᑐᐊᒐᓕᕆᓂᕐᒧᑦ, ᓯᑏᕙᓐ ᓵᑕᒃ. ᐃᔅᓯᕙᐅᑖᖅ, ᐅᓪᓗᒥ ᑕᕝᕙᓃᑉᐳᖓ ᐅᖃᐅᓯᖃᕈᒪᓪᓗᖓ ᒪᓕᒐᒃᓴᖅ 3-ᒥᒃ, ᑭᓱᑐᐃᓐᓇᕐᓄᑦ ᒪᓕᒐᕐᓄᑦ ᐋᖅᑭᒋᐊᕆᓂᕐᒧᑦ ᒪᓕᒐᕐᒥᑦ. ᓄᓇᕗᑦ ᒐᕙᒪᒃᑯᑦ ᐊᑐᓲᖑᕗᑦ ᑭᓱᑐᐃᓐᓇᕐᓂᑦ ᒪᓕᒐᖅᑎᒍᑦ ᐋᖅᑭᒋᐊᖅᑕᐅᓪᓗᑎᒃ ᒪᓕᒐᐃᑦ ᑕᒻᒪᖅᓯᒪᔪᑦ ᐋᖅᑭᒋᐊᕈᑕᐅᓪᓗᑎᒃ, ᓈᒻᒪᙱᑦᑐᓂᑦ, ᓄᑕᐅᙱᓗᐊᓕᖅᑐᓪᓘᓐᓃᑦ ᑕᐃᒎᓯᑦ ᓄᓇᕗᒻᒥ ᒪᓕᒐᖏᓐᓂᒃ ᐋᖅᑭᒋᐊᖅᑕᐅᓗᑎᒃ ᐱᓕᕆᔾᔪᑎᓄᓪᓗ ᐱᐅᓯᒋᐊᖅᑕᐅᓗᑎᒃ. ᒪᓕᒐᒃᓴᖅ 3 ᐋᖅᑭᒋᐊᕆᓂᖅ 24-ᓂ ᒪᓕᒐᕐᓂᑦ. ᑖᓐᓇ ᒪᓕᒐᒃᓴᖅ ᐃᓇᖐᕗᖅ ᖃᓪᓗᓈᑎᑑᖓᔪᓂᒃ ᐅᖃᐅᓯᕐᓂᒃ ᑐᑭᓯᓇᖅᑐᓂᒃ ᐅᖃᐅᓯᕐᓂᒃ ᓇᓕᒧᒃᓱᖅᑐᓂᒃ, ᒪᓕᒐᓕᐊᖑᔪᖅ ᑕᑯᒃᓴᐅᓂᖅᓴᐅᓕᕐᓗᓂ ᐊᔪᕐᓇᙱᓐᓂᖅᓴᐅᓕᕐᓗᓂᓗ ᑭᒃᑯᑐᐃᓐᓇᓄᑦ ᑐᑭᓯᔭᐅᔪᓐᓇᕐᓗᓂ. ᐲᔭᖅᑕᐅᓪᓗᑎᒃ ᐱᔭᕆᑐᔪᑦ ᐊᒻᒪ ᓄᑕᐅᙱᑦᑐᑦ ᒪᓕᒐᓕᕆᓂᒃᑯᑦ ᐅᖃᐅᓯᖅᑕᑦ, ᒪᓕᒐᒃᓴᖅ ᐱᐅᓯᒋᐊᖅᑎᑦᑎᕗᖅ ᐊᑐᐃᓐᓇᐅᓂᖏᓐᓂᒃ ᒪᓕᒐᑦ ᑐᑭᓯᓇᕐᓂᖅᓴᐅᓕᕐᓗᑎᒃ ᑐᑭᓕᐅᖅᑕᐅᔪᓐᓇᕐᓗᑎᒡᓗ. ᖄᒃᑲᓐᓂᐊᒍᑦ ᓄᑖᙳᕆᐊᖅᑎᑦᑎᓂᕐᒥᒃ ᒪᓕᒐᑎᒍᑦ ᐅᖃᐅᓯᖅᑕᕐᓂᒃ, ᒪᓕᒐᒃᓴᖅ ᐱᔪᓐᓇᖅᑎᑦᑎᕗᖅ ᖃᕆᑕᐅᔭᒃᑯᑦ ᓴᖅᑭᑎᑕᐅᔪᓂᒃ ᒪᓕᒃᑕᐅᔭᕆᐊᓕᖕᓂᒃ ᒪᓕᒃᑕᐅᕙᒃᑐᓂᒡᓗ ᐃᓚᓕᐅᔾᔭᐅᔪᓐᓇᕐᓗᑎᒃ ᖃᐅᔨᒋᐊᕐᕕᐅᔪᓐᓇᕐᓗᑎᒃ. ᐋᖅᑭᒋᐊᖅᑕᐅᓯᒪᔪᖅ ᐅᖃᐅᓯᖅᑕᖅ ᐃᓕᓴᖅᓯᕗᖅ ᒫᓐᓇᓕᓴᕐᓂᒃ ᐊᑐᖅᑕᐅᕙᒃᑐᓂᒃ ᓴᖅᑭᑎᑦᑎᓂᕐᒥᒃ ᑕᐃᒪᐃᑦᑐᓂᒃ ᑎᑎᕋᖅᓯᒪᔪᓂᒃ ᖃᕆᑕᐅᔭᒃᑯᑦ ᐱᑎᑦᑎᙱᖔᕐᓗᑎᒃ ᑎᑎᕋᖅᓯᒪᔪᓂᒃ. ᐊᒻᒪ ᓱᓕ, ᒪᓕᒐᒃᓴᖅ ᐅᖃᐅᓯᖃᖅᑐᖅ ᒥᑭᑦᑐᓂᒃ ᑕᒻᒪᖅᓯᒪᔪᓂᒃ ᖃᐅᔨᔭᐅᔪᓂᒃ ᕿᒥᕐᕈᔭᐅᒐᔪᒃᑐᒃᑯᑦ ᓄᓇᕗᒻᒥ ᒪᓕᒐᐃᑦ ᐅᖃᓕᒫᒐᖏᓐᓂᒃ. ᐅᖃᐅᓯᖅᑕᖏᑦ ᐋᖅᑭᒋᐊᖅᑕᐅᓪᓗᑎᒃ ᐋᖅᑭᒋᐊᕐᓗᒋᓪᓗ ᑖᒃᑯᐊ ᐱᔾᔪᑕᐅᔪᑦ ᒪᓕᒐᒃᓴᖅ ᑐᑭᓯᓇᖅᓯᑎᑦᑎᒃᑲᓐᓂᖅᐳᖅ, ᑕᒻᒪᖅᑕᖅᓯᒪᙱᖦᖢᓂ ᐊᒻᒪ ᐊᔾᔨᒌᒡᔫᒥᓕᖅᑎᑦᑎᓪᓗᓂ ᓄᓇᕘᑉ ᒪᓕᒐᖏᓐᓂᒃ. ᖁᔭᓐᓇᒦᒃ ᐃᒃᓯᕙᐅᑖᖅ, ᐊᐱᖅᓱᖅᑕᐅᔪᒪᒍᒪ ᐊᐱᖅᓱᖅᑕᐅᔪᓐᓇᖅᓯᔪᖓ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᕼᐃᒃᔅ. ᑲᑎᒪᔨᕋᓛᖑᔪᐃᑦ ᒪᓕᒐᓕᕆᓂᕐᒧᑦ ᒪᑐᐃᖅᓯᒍᑎᔅᓴᖃᕆᕚ? ᑲᔪᓯᒋᐊᕆᑦ, ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᔅᓯᕙᐅᑖᖅ. ᐃᒃᓯᕙᐅᑕᕆᔭᐅᓪᓗᖓ ᑲᑎᒪᔨᕋᓛᖑᔪᓄᑦ ᒪᓕᒐᓕᕆᓂᕐᒧᑦ, ᓇᐃᑦᑑᒐᓗᐊᓂᑦ ᒪᑐᐃᖅᓯᔾᔪᑎᓂᑦ ᐅᖃᐅᓯᖃᕈᒪᒐᒪ ᑲᑎᒪᑐᐃᓐᓇᓂᕐᒥ ᐃᓱᒪᒃᓴᖅᓯᐅᕈᑎᖃᓐᖑᓱᑦᑎᓪᓗᒋᑦ ᒪᓕᒐᒃᓴᖅ 3-ᒥ ᖃᓄᐃᑦᑐᑐᐃᓐᓇᕐᓄᑦ ᒪᓕᒐᕐᓄᑦ ᐋᖅᑭᒋᐊᖅᓯᔾᔪᑎᐅᔪᒥᑦ ᒪᓕᒐᒃᓴᐅᔪᒥᒃ. ᑲᑎᒪᔨᕋᓛᑦ ᑐᑭᓯᓯᒪᒻᒪᑕ ᒪᓕᒐᒃᓴᐅᑉ ᐱᔾᔪᑎᖏᓐᓂᑦ, ᒥᓂᔅᑕᐅᑉ ᓇᓗᓇᐃᖅᑐᖅᑲᐅᒻᒪᒋᑦ ᒪᑐᐃᖅᓯᔾᔪᑎᖏᓐᓂ ᐅᖃᐅᓯᖏᓐᓂ. ᑖᓐᓇ ᑎᑎᕋᖅᓯᒪᓂᑐᐃᓐᓇᖏᓐᓂᑦ ᐋᖅᑭᒋᐊᖅᓯᓂᐅᒐᓱᐊᕐᒪᑦ. ᐱᓪᓗᒍᓕ ᐃᓚᓕᐅᔾᔨᓂᖅ ᑐᑭᖏᓐᓂᒃ, ᑲᑎᒪᔨᕋᓛᑦ ᖃᐅᔨᒪᒻᒪᑕ ᐱᒻᒪᕆᐅᓂᖓᓂᑦ ᖃᐅᔨᒪᔭᐅᒐᓱᐊᖅᐸᑕ ᑎᑎᕋᖅᓯᒪᔪᑦ ᐃᓗᓕᓖᑦ ᒪᓕᑦᑕᐅᔭᕆᐊᓕᓐᓂᑦ ᐊᒻᒪᓗ ᐊᔾᔨᒌᓕᖅᑎᑕᐅᓯᒪᔪᑦ ᐊᑐᐃᓐᓇᐅᒐᓗᐊᕐᒪᖔᑕ ᑕᖅᑲᒃᑯᓄᖓ ᐃᓄᑐᐃᓐᓇᕐᓄᑦ. ᐆᑦᑑᑎᒋᔭᒃᓴᐅᔪᖅ ᑲᓇᑕᒥ ᐃᓪᓗᓕᐅᑕᐃᑦ ᖃᓄᐃᓕᖓᒋᐊᖃᕐᒪᖔᑕ ᒪᓕᒐᖏᑦ ᑲᓇᑕᒥ, ᑖᒃᑯᐊ ᐃᓚᓕᐅᑎᔭᐅᓯᒪᒻᒪᑕ ᐃᓪᓗᐃᑦ ᖃᓄᐃᓕᖓᒋᐊᖃᕐᓂᖏᓐᓄᑦ ᒪᓕᒐᖏᓐᓂ ᓴᓇᔭᐅᓯᒪᔪᓂᑦ ᒪᓕᑦᑐᑎᒃ ᓄᓇᕗᒻᒥ ᐃᓪᓗᓕᐅᕐᓂᕐᒧᑦ ᒪᓕᒐᕐᔪᐊᖓᒍᑦ. ᑕᕝᕙ ᐃᓱᓕᑉᐳᑦ ᒪᑐᐃᖅᓯᔾᔪᑎᒃᑲ. ᖁᔭᓐᓇᒦᒃ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᑉᓗᑦᓯᐊᖅ. ᒪᓕᒐᓕᐅᖅᑏᑦ ᐅᖃᐅᓯᔅᓴᑐᐃᓐᓇᖃᖅᑳᑦ ᐊᐱᖅᓱᕆᐊᓚᐅᙱᓂᔅᓯᓐᓂᑦ? ᐃᓵᑦᑐᖃᖏᒻᒪᑦ, ᒪᓕᒐᔅᓴᖅ 3-ᒨᕆᔅᓯ ᒪᓕᒐᒃᑯᕕᔅᓯᓐᓂ ᐃᔾᔪᔪᓂᑦ ᑎᑎᕋᖅᓯᒪᓂᖏᑎᒍᑦ ᕿᒥᕐᕈᓂᐊᕋᑦᑎᒍᑦ ᓈᓴᐅᑎᖏᑎᒍᓂᓛᒃ. ᒪᓕᒐᔅᓴᖅ, ᖃᓄᐃᑦᑐᑐᐃᓐᓇᕐᓂᑦ ᐋᖅᑭᒋᐊᖅᓯᔾᔪᑎ ᒪᓕᒐᖅ. ᒪᑉᐱᑐᒐᖅ 1-ᒨᕆᔅᓯ. ᑎᑎᕋᖅᓯᒪᓂᖓ 1, ᐊᖏᖅᑭᓯᐅᒃ?

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 38 ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᑎᑎᕋᖅᓯᒪᓂᖓ 2. ᐊᖏᖅᑭᓯᐅᒃ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑎᑎᕋᖅᓯᒪᓂᖓ 3. ᐊᖏᖅᑭᓯᐅᒃ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑎᑎᕋᖅᓯᒪᓂᖓ 4. ᐊᖏᖅᑭᓯᐅᒃ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑎᑎᕋᖅᓯᒪᓂᖓ 5. ᐊᖏᖅᑭᓯᐅᒃ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᑎᑎᕋᖅᓯᒪᓂᖓ 6. ᐊᖏᖅᑭᓯᐅᒃ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᑎᑎᕋᖅᓯᒪᓂᖓ 7. ᐊᖏᖅᑭᓯᐅᒃ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᑎᑎᕋᖅᓯᒪᓂᖓ 8. ᐊᖏᖅᑭᓯᐅᒃ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᑎᑎᕋᖅᓯᒪᓂᖓ 9. ᐊᖏᖅᑭᓯᐅᒃ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᑎᑎᕋᖅᓯᒪᓂᖓ 10. ᐊᖏᖅᑭᓯᐅᒃ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᑎᑎᕋᖅᓯᒪᓂᖓ 11. ᐊᖏᖅᑭᓯᐅᒃ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᑎᑎᕋᖅᓯᒪᓂᖓ 12. ᐊᖏᖅᑭᓯᐅᒃ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᑎᑎᕋᖅᓯᒪᓂᖓ 13. ᐊᖏᖅᑭᓯᐅᒃ?

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 39 ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᑎᑎᕋᖅᓯᒪᓂᖓ 14. ᐊᖏᖅᑭᓯᐅᒃ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᑎᑎᕋᖅᓯᒪᓂᖓ 15. ᐊᖏᖅᑭᓯᐅᒃ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᑎᑎᕋᖅᓯᒪᓂᖓ 16. ᐊᖏᖅᑭᓯᐅᒃ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᑎᑎᕋᖅᓯᒪᓂᖓ 17. ᐊᖏᖅᑭᓯᐅᒃ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᑎᑎᕋᖅᓯᒪᓂᖓ 18. ᐊᖏᖅᑭᓯᐅᒃ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᑎᑎᕋᖅᓯᒪᓂᖓ 19. ᐊᖏᖅᑭᓯᐅᒃ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᑎᑎᕋᖅᓯᒪᓂᖓ 20. ᐊᖏᖅᑭᓯᐅᒃ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᑎᑎᕋᖅᓯᒪᓂᖓ 21. ᐊᖏᖅᑭᓯᐅᒃ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᑎᑎᕋᖅᓯᒪᓂᖓ 22. ᐊᖏᖅᑭᓯᐅᒃ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᑎᑎᕋᖅᓯᒪᓂᖓ 23. ᐊᖏᖅᑭᓯᐅᒃ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᑎᑎᕋᖅᓯᒪᓂᖓ 24. ᐊᖏᖅᑭᓯᐅᒃ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 40 ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᒪᔩᑦ ᐊᖏᖃᑦᑕᕋᑖᕋᔅᓯ ᐃᔨᒃᑯᑦ ᐊᒻᒪ ᓂᐊᖁᒃᑯᑦ. ᑲᑎᒪᔩᑦ ᐊᖏᖅᑭᓯ ᒪᓕᒐᔅᓴ 3 ᐃᓘᓐᓇᖓᓂ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᒪᔩᑦ ᐊᖏᖅᑭᓯ ᒪᓕᒐᔅᓴᖅ 3 ᑲᒪᔾᔪᑎᓅᖅᑕᐅᒍᓐᓇᓯᒻᒪᑦ ᐱᖓᔪᐊᓐᓂᒃ ᐅᖃᒫᖅᑕᐅᕕᔅᓴᖓᓄᑦ? ᑲᑎᒪᔩᑦ ᐃᓚᖏᑦ: ᐊᖏᖅᐳᒍᑦ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᖁᔭᓐᓇᒦᕈᒪᔭᕋ ᒥᓂᔅᑕ ᐱᓕᕆᔨᖏᓪᓗ. ᒥᓂᔅᑕ ᕼᐃᒃᔅ ᓇᐃᑦᑐᓂᒃ ᒪᑐᓯᒍᑎᔅᓴᖃᖅᑮᑦ? ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ ᐃᔅᓯᕙᐅᖅᑖ, ᖁᔭᓐᓇᒦᓪᓗ ᑲᑎᒪᔩᑦ ᑲᑎᒪᑐᐃᓐᓇᕐᓂᕐᒥ ᐃᑲᔪᖅᓱᕋᔅᓯ. ᒥᑭᔪᕈᓘᔮᖅᑑᒐᓗᐊᖅ ᐋᖅᑭᒋᐊᕆᒍᑎᑐᐃᓐᓇᐅᔮᖅᑐᖅ ᑭᓯᐊᓂ ᐃᑲᔪᕐᓂᖃᕐᓂᐊᕐᒥᒻᒪᑦ ᒐᕙᒪᒃᑯᓐᓂᑦ ᐊᐅᓚᑦᑎᑎᓪᓗᑕ ᒪᓕᒐᕐᓂᑦ ᒪᓕᑦᑎᐊᕋᓗᐊᕐᒫᖓᑕ, ᐊᒻᒪᓗ ᒪᓕᒐᖅᐳᑦ ᑐᑭᓯᑦᑕᐅᑎᒋᔭᔅᓴᐅᒐᓗᐊᕐᒪᖔᑕ. ᑖᒃᑯᐊ ᐱᓕᕆᐊᖑᓪᓗᑲᓪᓚᔅᓯᒪᔪᐊᓘᒻᒪᑕ ᒥᔅᑕ ᐃᐅᓪᕗᐊᔅᑯᓐᓄᑦ ᐅᖃᓕᒫᖅᑖᓘᓯᒪᓪᓗᑎᑦ ᒪᓕᒐᔅᓴᐃᑦ ᒪᓕᒐᕈᓘᔭᐃᑦ, ᑕᐃᒫᓪᓗ ᖃᐅᔨᒃᑲᐃᖃᑦᑕᕐᖓᑕ ᐊᓯᔾᔩᒋᐊᖃᓕᕋᐃᒐᑦᑕ ᒥᑭᔫᑕᐅᒐᓗᐊᓂᑦ ᑕᐃᒪᐃᑦᑐᓂᒃ. ᖁᔭᓐᓇᒦᒃ, ᐃᔅᓯᕙᐅᑖᖅ. >>ᐸᑦᑕᑐᖅᑐᑦ ᐃᔅᓯᕙᐅᑕᖅ (ᑐᓵᔨᑎᒍᑦ): ᐃᖅᓱᑦᑏ ᐱᓕᕆᔨᖏᑦ ᐊᓂᑎᑲᐃᓐᓇᓚᐅᕐᒥᒃᑭᑦ ᐅᖃᕆᐊᖅᑐᕕᒻᒥ. ᑲᑎᒪᔩᓪᓕ ᓱᔪᒪᓕᖅᑲᑦ? ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᔅᓯᕙᐅᑖᖅ. ᐱᒋᐊᖅᑎᑦᑎᕗᖓ ᓄᖅᑲᐸᓪᓕᐊᒍᒪᓕᖅᑐᖓ. ᖁᔮᓐᓇᒦᒃ, ᐃᔅᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᐱᖁᔨᕗᖔᕈᑎᑕᖃᕐᖓᑦ ᐱᕙᓪᓕᐊᓂᕆᔭᔅᓯᓐᓂᒃ ᐅᓂᒃᑳᖁᔨᓕᖅᑐᒥᒃ ᒫᓐᓇ ᓂᑯᕕᙳᓱᓕᕋᒪ. ᓈᒻᒪᓴᖅᑐᐃᑦ? ᖁᔭᓐᓇᒦᒃ. ᓈᒻᒪᓴᙱᑦᑐᐃᑦ ᐊᑭᕋᑦᑐᖅᑐᑦ? ᐱᖁᔨᕗᖔᕈᑎ ᑲᔪᓯᔪᖅ. ᖁᔭᓐᓇᒦᒃ. >>ᑲᑎᒪᔨᕋᓛᑦ ᓄᖅᑲᑲᐃᓐᓇᖅᑐᓐ 16:16 ᐊᒻᒪᓗ ᒪᓕᒐᓕᐅᖅᑎᓐ ᑲᑎᒪᓯᒋᐊᒃᑲᓐᓂᖅᑐᓐ 16:16-ᒥ ᐅᖃᖅᑎ: ᐃᖏᓚᐅᕐᒥᒋᑦᓯ. ᑲᑎᒪᔾᔪᑎᔅᓴᑦᑕ ᓈᓴᐅᑎᖓ 20, ᑲᑎᒪᑐᐃᓐᓇᓚᐅᖅᑎᓪᓗᒋᑦ ᐅᓂᒃᑳᑦ. ᒥᔅᑕ ᐲᑐᓴᓐ. ᑲᑎᒪᔾᔪᑎᒃᓴᖅ 20: ᑲᑎᒪᔨᕋᓛᑦ ᑲᑎᒪᑐᐃᓐᓇᓚᐅᖅᑎᓪᓗᒋᑦ ᐅᓂᒃᑳᖓᑦ ᐲᑐᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑲᑎᒪᔨᕋᓛᑦ ᐃᓱᒪᖅᓴᖅᓯᐅᕈᑎᖃᕋᑖᖅᑐᑦ ᒪᓕᒐᔅᓴᖅ 2, 3, ᐊᒻᒪ 4, ᐊᒻᒪᓗ ᐅᓂᒃᑳᕈᒪᓕᖅᑐᐃᑦ ᒪᓕᒐᔅᓴᖅ 2, 3, ᐊᒻᒪ 4 ᐱᖓᔪᐊᓐᓂ ᐅᖃᓕᒫᖅᑕᐅᔪᓐᓇᓯᒻᒪᑕ. ᐅᖃᖅᑏ, ᐱᒋᐊᖅᑎᑦᑎᕗᖓ ᐅᓂᒃᑳᖏᑦ ᑲᑎᒪᔨᕋᓛᑦ ᓈᒻᒪᒋᐅᖁᓪᓗᒋᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐱᖁᔨᕗᖔᕈᑎᑕᖃᕐᒪᑦ. ᐊᐃᑉᐱᖅᑕᐅᕚ? ᒥᔅᑕ ᖁᓕᒃᑖᓇ. ᐱᖁᔨᕗᖔᕈᑎᒥᒃ ᓈᒻᒪᑦᓴᖅᑐᑦ ᐃᓵᓪᓕᑦ, ᓈᒻᒪᖏᑦᑐᑦ? ᐱᖁᔨᕗᖔᕈᑦ ᑲᔪᓯᕗᖅ. ᑲᑎᒪᔾᔪᑎᑦᑕ ᓈᓴᐅᑎᖓ 21, ᐱᖓᔪᐊᓐᓂ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ. ᐃᓕᓴᕆᕙᕋ ᑮᓇᐅᔭᓕᕆᔨᒃᑯᓐᓄᑦ, ᒥᓂᔅᑕ ᒪᐃᓐ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 41 ᑲᑎᒪᔾᔪᑎᒃᓴᖅ 21: ᐱᖓᔪᐊᓐᓂᒃ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᐃᑦ ᒪᓕᒐᒃᓴᖅ 2 - ᖄᒃᑲᓐᓂᐊᒍᑦ ᐊᑐᑲᐃᓐᓇᖅᑕᐅᔪᒃᓴᑦ (ᐊᑭᑐᔫᑎᓐ) ᓇᐄᓴᐅᑖ 1. 2026-2027 – ᐱᖓᔪᐊᓐᓂᒃ ᐅᖃᓕᒫᖅᑕᐅᓂᖓ ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᐱᒋᐊᖅᑎᑦᑎᕗᖓ ᐊᐃᑉᐱᑕᐅᓪᓗᖓ ᒪᓕᒐᓕᐅᖅᑎᐅᔪᒧᑦ ᐃᖃᓗᐃᑦ ᑕᓯᓗᒻᒧᑦ, ᒪᓕᒐᒃᓴᖅ 2, ᑮᓇᐅᔭᓂᑦ ᐃᓚᒋᐊᖅᓯᒍᒪᔾᔪᑎ (ᐊᑭᑐᔪᓄᑦ) ᓈᓴᐅᑎᓕ 1, 2026-2027 ᐅᖃᓕᒫᖅᑕᐅᖁᓪᓗᒍ ᐱᖓᔪᐊᓐᓂ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᐱᖁᔨᕗᖔᕈᒻᒧ. ᓈᒻᒪᔅᓴᖅᑐᑦ? ᓈᒻᒪᑦᓴᖏᑦᑐᑦ? ᐱᖁᔨᕗᖔᕈᑦ ᑲᔪᓯᕗᖅ, ᐊᒻᒪᓗ ᑖᓐᓇ ᒪᓕᒐᒃᓴᖅ ᐱᙳᖅᑎᑕᐅᒍᓐᓇᕐᓂᐊᓯᕗᖅ. >>ᐸᑦᑕᑐᖅᑐᑦ ᑲᑎᒪᔾᔪᑎᑦᑕ. ᓈᓴᐅᑎᖓ 21, ᐱᖓᔪᐊᓐᓂ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ. ᒪᓕᒐᓕᕆᔨᒃᑯᓐᓄᑦ, ᒥᓂᔅᑕ ᕼᐃᒃᔅ. ᒪᓕᒐᒃᓴᖅ 3 - ᒪᓕᒐᖅ ᐊᖅᑮᔾᔪᑎᒃᓴᖅ ᐃᓐᑲᒻ ᑖᒃᓯᐅᑉ ᒪᓕᒐᖓᓂᒃ – ᐱᖓᔪᐊᓐᓂᒃ ᐅᖃᓕᒫᖅᑕᐅᓂᖓ ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᐱᒋᐊᖅᑎᑦᑎᕗᖓ ᐊᐃᑉᐱᑕᐅᓪᓗᖓ ᒪᓕᒐᓕᐅᖅᑎᐅᔪᒧᑦ ᐊᕐᕕᐊᑦ ᐅᐊᓐᓇᖓᓄᑦ−ᑎᑭᕋᕐᔪᐊᒧᓪᓗ, ᒪᓕᒐᒃᓴᖅ 3 ᖃᓄᐃᑦᑐᑐᐃᓐᓇᕐᓂᑦ ᒪᓕᒐᕐᓂᑦ ᐋᖅᑭᒋᐊᖅᓯᔾᔪᑎ ᒪᓕᒐᕐᒧᐊᖅ, ᐱᖓᔪᐊᓐᓂᒃ ᐅᖃᓕᒫᖅᑕᐅᖁᓪᓗᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐱᖁᔨᕗᖔᕈᑎᒥᒃ ᓈᒻᒪᒃᓴᖅᑐᑦ? ᓈᒻᒪᒃᓴᖏᑦᑐᑦ? ᐱᖁᔨᕗᖔᕈᑦ ᑲᔪᓯᒋᕗᑦᑕᖅ. ᐊᒻᒪᓗ ᑖᓐᓇ ᒪᓕᒐᒃᓴᖅ ᐱᙳᖅᑎᑕᐅᒍᓐᓇᕐᓂᐊᓯᒋᕗᖅ. ᐱᖓᔪᐊᓐᓂ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ. ᑮᓇᐅᔭᓕᕆᔨᒃᑯᓐᓄᑦ, ᒥᓂᔅᑕ ᒪᐃᓐ. ᒪᓕᒐᒃᓴᖅ 4 - ᐊᔾᔨᒌᖏᑦᑑᑎᓐ ᒪᓕᒐᓕᐊᖑᓯᒪᔪᓄᑦ ᒪᓕᒐᖅ – ᐱᖓᔪᐊᓐᓂᒃ ᐅᖃᓕᒫᖅᑕᐅᓂᖓ ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᐱᒋᐊᖅᑎᑦᑎᕗᖓ ᐊᐃᑉᐱᑕᐅᓪᓗᖓ ᒪᓕᒐᓕᐅᖅᑎᐅᔪᒧᑦ ᐃᖃᓗᐃᑦ−ᓂᐊᖅᑯᖒᒧᑦ, ᑖᓐᓇ ᒪᓕᒐᒃᓴᖅ 4, ᒪᓕᒐᕐᔪᐊᖅ ᐋᖅᑭᒋᐊᕆᔾᔪᑕᐅᔪᖅ ᑮᓇᐅᔾᔭᒃᓵᑦ ᑖᒃᓯᔭᐃᔭᖅᑕᐅᓂᖏᓐᓂᑦ ᒪᓕᒐᔪᐊᕐᒥ, ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐱᖁᔨᕗᖔᕈᑎᒧᑦ ᓂᕈᐊᓚᐅᒋᑦᓯᑦ ᓈᒻᒪᒃᓴᖅᑐᑦ? ᓈᒻᒪᒃᓴᖏᑦᑐᑦ? ᑲᔪᓯᒋᕗᖅ. ᑖᓐᓇᓗ ᒪᓕᒐᒃᓴᖅ ᐱᙳᖅᑎᑕᐅᒍᓐᓇᕐᓂᐊᖅᓯᒋᕗᖅ. >>ᐸᑦᑕᖅᑐᑐᑦ ᒪᓕᒐᒃᓴᖅ 4 ᑲᔪᓯᕗᖅ. ᒫᓐᓇᐅᔪᖅ ᒥᔅ ᐸᓐᔅ, ᖃᐅᔨᒋᐊᕈᓐᓇᖅᐲᑦ, ᑲᒥᓯᓇᐅᑉ ᑐᖏᓕᐊ ᑕᕝᕗᖓ ᒪᓕᒐᓕᐅᕐᕕᒻᒧᑦ ᐃᓯᕈᓐᓇᖅᓯᒻᒪᖔᑦ? ᖃᐅᔨᒋᐊᓚᐅᕐᓕ. ᐊᖏᖅᑕᐅᓂᖏᑦ ᒪᓕᒐᒃᓴᐃᑦ ᑲᒥᓯᓇ ᐱᓕᑉ: ᒪᓕᒐᓕᐅᖅᕕᒻᒧᑦ ᒪᓕᒐᓕᐅᖅᑏᑦ, ᐃᖏᓪᓗᓯ. ᓄᓇᕘᑉ ᑲᒥᓯᓇᐅᑉ ᑐᒡᓕᕆᔭᐅᓂᕋ ᐊᑐᕐᓗᒍ, ᖁᕕᐊᓱᑦᑐᖓ ᐅᑯᐊ ᒪᓕᒐᔅᓴᑦ ᐱᖑᖅᑎᑦᑐᓇᕐᓂᐊᕋᒃᑭᑦ:

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 42 ᒪᓕᒐᒃᓴᖅ 1, ᑮᓇᐅᔭᖅᑐᕈᑏᑦ (ᐊᐅᓚᔾᔪᑏᑦ ᒪᑭᒪᐅᑏᓗ) ᒪᓕᒐᖅᔪᐊᖓ, 2026-ᒥ-2027-ᒧᑦ; ᒪᓕᒐᒃᓴᖅ 2, ᑮᓇᐅᔭᖅᑐᕈᑏᑦ ᐃᓚᒋᐊᕈᑎᖏᑕ (ᐊᑭᑐᔪᖅᑐᕈᑏᑦ) ᒪᓕᒐᕐᔪᐊᖓᑦ, ᓈᓴᐅᑎᓕᒃ 1, 2026-2027; ᒪᓕᒐᒃᓴᖅ 3, ᒥᑭᔫᑏᑦ ᒪᓕᒐᑦ ᐋᖅᑭᒋᐊᖅᑕᐅᓂᖏᓐᓄᑦ ᒪᓕᒐᕐᔪᐊᖅ; ᐊᒻᒪ ᒪᓕᒐᒃᓴᖅ 4, ᒪᓕᒐᕐᔪᐊᖅ ᐋᖅᑭᒋᐊᖅᓯᔾᔪᑕᐅᓂᐊᖅᑐᖅ ᐃᓐᑲᒻᑖᒃᓯᓕᕆᓂᕐᒧᑦ ᒪᓕᒐᕐᔪᐊᕐᒥᒃ. ᐱᕕᖃᕐᓂᓐᓂ ᖁᔭᓐᓇᒦᕈᒪᔭᕋ ᓄᓇᕘᒧᑦ ᑲᒥᓯᓇᐅᓚᐅᖅᑐᖅ ᐄᕙ ᖃᒪᓂᖅ ᐋᕆᐊᒃ ᐱᔨᔅᓯᑎᐊᕈᓐᓇᓚᐅᕐᒪᑦ ᓄᓇᕘᒧᑦ, ᓄᓇᕘᒥᐅᓄᓪᓗ. >>ᐸᒃᑕᑐᖅᑐᑦ ᑭᖑᓕᖅᐹᖅ ᐅᖃᐅᓯᕆᓂᐊᖅᑕᕋ. ᐊᐅᔭᖅ ᑕᕝᕙᑦᑎᐊᖑᓕᕐᒥᒪᑦ ᖃᒡᓕᖕᒥᒻᒪᑦ, ᐊᐅᔭᐅᓕᖅᐸᒌᖅᖢᓂᓗ ᐊᓇᖏᓕᐊᓘᓕᕐᒪᑦ, ᓯᕗᓪᓕᕕᓂᑦᑎᑐᑦ ᐊᐅᓪᓚᖅᓯᒪᖃᑕᕐᓂᐊᓕᕐᒥᔪᒍᑦ ᓄᓇᒃᑯᑦ ᐃᒪᒃᑯᓪᓗ ᑕᒪᓐᓇ ᖃᐅᔨᒪᔭᓯᑦ. ᐅᒥᐊᖅᑐᕐᓗᑕ ᐊᒻᒪᓗ ᑎᓴᒪᓕᒡᓗᑕ ᓄᓇᒃᑯᑦ. ᐊᒻᒪᑕᐅᖅ ᐊᐱᖅᓱᕈᒪᔭᔅᓯ ᓯᕗᓕᕐᒥ ᖁᔭᓐᓇᒦᕐᓗᖓ. ᑕᖃᔪᓐᓇᖏᑦᑐᓯ. ᓯᕗᓕᖅᑎ ᖁᖓᑎᐊᖃᑦᑕᖅᑐᖅ ᑭᐅᖃᑕᖅᑐᖅ, ᑕᑯᒃᓴᐅᖃᑕᖅᑐᖅ ᓴᐃᒪᓪᓗᓂ. ᐊᒻᒪᓗ ᒥᓂᔅᑕᖁᑎᖏᑦ ᐅᖃᒡᓚᒃᖢᑎᒃ ᐊᒃᓱᐊᓗ ᑕᑯᒥᓇᖃᑕᖅᑐᓯᑦ, ᑕᓚᕖᓴᑯᑦ ᑕᐅᑐᐃᓐᓇᐅᔭᕋᒪ. ᐱᔪᓇᕐᓂᕐᔪᐊᖃᕋᒪ ᑕᓚᕖᓴᒥ ᑕᐅᑐᑦᑎᐊᕐᓗᖓ ᐊᒻᒪ ᓯᐅᑏᒃᑲᒃ ᐊᒻᒪᒡᓗᑎᒃ. ᑕᒪᑐᒥᖓ ᖁᔭᓐᓇᒦᖅᑕᔅᓯ ᐊᒃᓱᐊᓗᒃ. ᐅᑎᖅᐸᓪᓕᐊᓂᐊᓕᕐᒥᒐᔅᓯ ᓄᓇᔅᓯᓐᓄᑦ ᐊᖏᕐᕋᕈᔅᓯ, ᐊᖏᕋᐅᑎᓪᓗᓯ ᐊᖅᑯᑎᒋᓂᐊᖅᑕᓯᓗ ᓈᒻᒪᑦᑎᐊᖁᔪᒥᓇᖅ ᐊᒻᒪ ᑐᒃᓯᐊᖃᑦᑕᕐᓂᐊᖅᐳᒍᑦ, ᐊᖏᕐᕋᖅᓯᒪᓕᕈᔅᓯᓗ ᑕᒪᑐᒪᓂ ᐊᐅᔭᒥ ᖁᕕᐊᓱᑦᑎᐊᕐᓂᐊᖅᐳᓯ. ᖁᔭᓐᓇᒦᒃ. ᑕᐃᒫᖅᖢᖓᓗ. >>ᐸᒃᑕᑐᖅᑐᑦ ᐅᖃᖅᑎ: ᐃᖏᓚᐅᕐᒥᒋᑦᓯ ᒪᓕᒐᓕᐅᖅᑏᑦ. ᑲᑎᒪᔪᑎᑎᓐᓄᑦ. ᐃᓛᖃᐃ ᓄᖃᖅᐸᓪᓕᐊᓚᐅᙱᓂᑦᑎᓐᓂ, ᐅᖃᐅᓯᒃᓴᖃᕐᒥᒐᒪᑕᐅᖅ. ᑲᑎᒪᔪᑎᑦᑕ ᓈᓴᐅᑎᖓ 22, ᓱᓕᐅᒻᒪᑦ, ᑲᑎᒪᔪᑎᒃᓴᑦ. ᐊᒡᓚᒃᑎᒪᕆᒃ. ᑲᑎᒪᔾᔪᑎᒃᓴᖅ 22: ᑲᑎᒪᔾᔪᑎᒃᓴᐃᑦ ᑎᑎᕋᖅᑎ (ᐃᓄᒃᓱᒃ)(ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑲᑎᒪᒃᔪᑎᒃᓴᑦ ᐊᒃᑑᕝᕙ 22: 1. ᑐᒃᓯᐊᕐᓂᖅ 2. ᐊᖓᔪᖅᑳᑦ ᐅᖃᐅᓯᖏᑦ 3. ᒪᓕᒐᓕᐅᖅᑏᑦ ᐅᖃᐅᓯᖏᑦ 4. ᑭᐅᔾᔪᑎᑦ ᐅᖃᐅᓯᒃᑯᑦ ᐊᐱᖅᑯᑎᓄᑦ 5. ᐃᓕᑕᖅᓯᓂᖅ ᐳᓛᖅᑎᓂᑦ 6. ᐅᖃᐅᓯᒃᑯᑦ ᐊᐱᖅᑯᑎᑦ 7. ᑎᑎᖅᑲᒃᑯᑦ ᐊᐱᖅᑯᑎᑦ 8. ᑭᐅᔾᔪᑎᑦ ᑎᑎᖅᑲᒃᑯᑦ ᐊᐱᖅᑯᑎᓄᑦ

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 43 9. ᑭᐅᔾᔪᑎᑦ ᒪᑐᐃᕈᑎᒧᑦ 10. ᐊᑎᓕᐅᕈᑕᐅᓯᒪᔪᑦ 11. ᑭᐅᔾᔪᑎᑦ ᐊᑎᓕᐅᕈᑕᐅᓯᒪᔪᓄᑦ 12. ᑲᑎᒪᔨᕋᓛᑦ ᑲᑎᒪᔨᕋᓛᖑᑲᐃᓐᓇᖅᑐᓪᓗ ᒪᓕᒐᒃᓴᓂᑦ ᐊᓯᖏᓐᓂᓪᓗ ᐅᓂᒃᑳᖏᑦ 13. ᑎᑎᖅᑲᓂᑦ ᓴᖅᑭᑎᕆᓂᖅ 14. ᖃᐅᔨᒃᑲᐃᒍᑎᑦ ᐱᒋᐊᖅᑎᑕᒃᓴᓂᑦ 15. ᖃᐅᔨᒃᑲᐃᒍᑎᑦ ᐱᒋᐊᖅᑎᑕᒃᓴᓂᑦ ᒪᓕᒐᒃᓴᐃᑦ ᐅᖃᓕᒫᕐᓂᒃᓴᒥᒃ ᓯᕗᓪᓕᖅᐹᖓᓐᓂᒃ 16. ᐱᒋᐊᖅᑎᑕᐃᑦ 17. ᓯᕗᓪᓕᖅᐹᒥᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 18. ᐊᐃᑉᐹᓂᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 19. ᑲᑎᒪᔨᕋᓛᑦ ᑕᒪᐃᓐᓄᑦ ᒪᓕᒐᒃᓴᓄᑦ ᐊᓯᖏᓐᓂᓪᓗ ᐃᓱᒪᖅᓴᖅᓯᐅᕐᓂᖏᑦ 20. ᑲᑎᒪᔨᕋᓛᑦ ᑕᒪᐃᓐᓄᑦ ᐅᓂᒃᑳᖓᑦ 21. ᐱᖓᔪᐊᓐᓂᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 22. ᑲᑎᒪᔾᔪᑎᒃᓴᐃᑦ ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎᐅᑉ ᐅᖃᐅᓯᒃᓴᖏᑦ ᐅᖃᖅᑎ: ᖁᔭᓐᓇᒦᒃ, ᐊᓪᓚᑎᒪᕆᒃ. ᑲᑎᒪᔪᑎᑎᓐᓂ ᓄᖃᓚᐅᖄᖅᑎᓐᓇᑕ, ᐅᖃᐅᓯᒃᓴᖃᕐᒥᒐᒪᑕᐅᖅ. ᐊᒻᒪᓗ ᑐᓴᖅᑎᑦᓯᒋᐊᒃᓴᖅ ᖁᕕᐊᒋᕗᖓᑕᐅᖅ ᑕᒪᐅᓇᑐᐃᓐᓇᖅ ᓂᕈᐊᕆᐊᖃᓛᕐᒪᑕ ᑕᐅᓇᓂ ᑕᓯᐅᔭᕐᔪᐊᑉ ᐃᓂᒋᔭᖓᓄᑦ. ᑖᓐᓇᓗ ᐋᕿᒃᓯᒪᓕᖅᖢᓂ ᓇᒡᒐᔭᐅᖑᓛᖅᑐᒥ, ᓯᑏᕝᕙ 28, 2026. ᑕᒪᒃᑯᐊᓗ ᖃᐅᔨᒪᔭᐅᔭᕆᐊᓖᑦ ᐊᒻᒪᓗ ᐅᓪᓗᐃᑦ ᖃᓄᐃᓕᖓᔭᕆᐊᖃᕐᒪᖔᑕ, ᑕᐃᑲᙵᑦ ᓄᓇᕗᑦ ᓂᕈᐊᖅᑐᓕᕆᔨᕐᔪᐊᑉ ᐊᓪᓚᕕᖓᓂᑦ ᑕᒪᑯᐊ ᑐᑭᓯᓇᖅᑎᑕᐅᒍᒫᕐᓂᐊᕐᒪᑕ ᑕᐅᓇᓂ ᓴᓂᑭᓗᐊᕐᒥᐅᑦ ᖃᐅᔨᒪᖁᑦᓯᐊᖅᐸᕗᑦ. ᐊᒻᒪᓗ ᓂᕆᐅᒃᑭᕗᖓ ᑕᕝᕗᖓ ᑐᖓᓱᑎᒍᓐᓇᓛᕋᑦᑎᒍᑦ ᓄᑖᖅ ᒪᓕᒐᓕᐅᖅᑎ ᑕᕝᕗᖓ ᐃᒡᓗᔪᐊᖅᑎᓐᓄᑦ ᐅᑭᐊᒃᓵᒥ ᑲᑎᒪᓕᕈᑦᑕ. ᐊᓯᐊᒍᑦ, ᒫᓇ ᐱᕕᖃᕈᒪᒋᕗᖓᑕᐅᖅ ᑕᒪᑯᐊ ᑲᑎᒪᓂᑦᑎᓂ ᐅᐱᕐᖓᒃᓵᖑᔪᒥᒃ. ᐅᕙᓂ ᖃᐅᑕᒫᑦ ᑲᑎᒪᑎᓪᓗᑕ ᐃᑲᔪᖅᑎᖃᐃᓇᐅᔭᕋᑦᑕ. ᑖᑯᐊ ᐱᔨᑲᑖᑯᓗᐃᑦ, ᐱᔨᑦᓯᕋᐃᓐᓇᕐᒪᑕ, ᖁᔭᒋᔪᒪᓪᓗᒋᑦ. ᐊᑎᖏᑦ ᑕᐃᓗᒋᑦ: ᓯᕗᓕᕐᒥᒃ ᑖᕙᙵᑦ ᑭᖓᕐᓃᙶᓚᐅᖅᑐᑦ ᐲᑕ ᐱᓯᐅᓛᖅ ᐃᓕᓂᐊᕕᒻᒥ ᐃᓕᓂᐊᖅᑏᑦ: ᑲᓚᐃᑦ ᐃᑐᖅ ᐊᒻᒪ ᑲᑐᕆᑦ ᐳᓚᑦ. >> ᐸᑦᑕᑐᖅᑐᑦ ᐊᒻᒪᓗ ᑖᑯᐊ ᐃᖅᑲᓇᐃᔭᖅᑏᑦ, ᑕᐃᑲᙵ ᐃᖅᑲᓇᐃᔭᖅᑏᑦ ᐃᓕᓂᐊᖅᕕᒻᒥ ᑳᑎ ᓴᐅᑭ ᐊᒻᒪᓗ ᐲᑕ ᐅᐃᒋᓐᔅ, ᓇᑯᕐᒦᖅᐸᕗᑦ. ᑕᒫᖓᓪᓗ ᐃᖃᓗᐃᑦ ᐃᓕᓂᐊᕐᕕᐊᓗᒻᒦᙵᖅᓯᒪᔪᐃᑦ, ᖁᔭᒋᔪᒪᔭᒃᑲ ᑖᒃᑯᐊ ᐊᒪᐃᔭ Hᐄᓕ−ᐊᕿᐊᕈᖅ, ᓇᑕᓖ ᐋᖁᐊᖅ, ᐋᓇᐱᐅᓪ ᐊᒃᐸᓕᐊᓗᒃ, ᑳᑎᐊ ᕗᕋᐅᓐ, ᕗᐃᐋᓐᓇ ᒎᓅ ᐊᒻᒪᓗ ᑭᐊᓇᑦ ᒫᑎᐅᓯ.

ᕿᑎᖅᑰ, ᔫᓂ 11, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 44 >>ᐸᑦᑕᑐᖅᑐᑦ ᓇᑯᕐᒦᑦᓯᐊᕆᕙᕗᑕᐅ ᓯᐅᕈ ᐆᑮᑦ. ᐊᓯᐊᒍᑦ ᓱᓕ ᒪᓕᒐᓕᐅᖅᑏᑦ ᖃᐅᔨᒪᔪᒃᓴᐅᕗᓯ, ᑲᓇᑕᐅᑉ ᑭᖕ ᑭᒐᖅᑐᖅᑎᖓ ᑕᐃᑲᖓ ᐊᓪᓚᕕᖓᓂ ᑐᓂᓯᐅᖃᐃᖃᑕᖅᓯᒪᒪᑕ ᑭᖕ ᑦᓵᕈᓪᔅ ᐱᖓᔪᐊᑦ ᐅᔭᒥᖓᓂᒃ ᑲᓇᑕᒥᐅᑕᐅᖃᑎᑎᓐᓄᑦ ᓇᑭᑐᐃᓐᓇᓕᒫᖅ. ᐊᒻᒪᓗ ᓄᓇᕗᒥᐅᒐᓴᐃᑦᑕᐅᖅ ᑕᒪᒃᓱᒪᙵᑦ ᐃᓕᓴᕆᔭᐅᔪᑎᒥ ᑐᓂᔭᐅᓯᒪᒋᕗᑦ, ᖁᕕᐊᒃᑯᑎᑦᓯᐊᖅᐸᕗᑦ ᑕᒪᐃᓐᓂ. ᒫᓇ ᐱᕕᖃᕐᓂᓐᓂ ᐃᓕᑕᕆᔪᒪᑦᓯᐊᖅᐸᒃᑲ ᐱᖓᓱᐃᑦ ᑖᔅᓱᒪᖓ ᑭᖕ ᐅᔭᒥᖓᓐᓂᒃ ᑐᓂᔭᐅᕋᑖᖅᓯᒪᔪᐃᑦ ᐊᒻᒪᓗ ᖃᐅᔨᒪᔭᐅᑦᓯᐊᖅᑐᐃᑦ ᒪᓕᒐᕕᐅᕐᕕᒻᒥ ᐃᓪᓗᕐᔪᐊᕐᒥ. ᒥᔅ ᕕᐊᑎ ᓄᕙᓕᖓ ᕗᕉᔅᑐ, ᒥᔅ ᒥᐊᕆ ᒪᓂᖅ ᓇᓱᒃ ᐊᒻᒪᓗ ᒥᔅ ᕙᓛᓐᑏᓇ ᑐᓗᒑᕐᔪᒃ. ᐅᐱᒋᑦᓯᐊᖅᐸᕗᑦ. >> ᐸᒃᑕᑐᖅᑐᑦ ᒪᓕᒐᓕᐅᖅᑏᑦ ᖃᐅᔨᒪᒐᑦᓯ, ᑖᑯᐊ ᑐᑭᓕᐅᕆᔨᕗᑦ, ᑐᓵᔨᕗᑦ ᐊᖏᔪᕐᔪᐊᒻᒪᕆᐊᓗᒻᒥᒃ ᐱᓕᕆᓯᒪᒻᒪᑕ ᓄᓇᕗᑦ ᑎᒥᖁᑎᒋᔭᖏᓐᓄᑦ, ᒪᓕᒐᓕᐅᕐᕕᒃ ᐃᓚᒋᖃᓯᐅᑎᓪᓗᓂᐅᒃ. ᖁᔭᓐᓇᒦᖃᑎᒋᑦᓯᐊᕈᒪᕙᑦᓯ, ᖁᕕᐊᒃᑯᑎᑦᓯᐊᕐᓗᓯ ᐊᒻᒪᓗ ᑖᑯᐊ ᐅᐱᒋᑎᐊᕐᓚᕗᑦ ᐊᒃᓱᕈᑦᓯᐊᖅᓯᒪᓪᓗᑎ ᑐᓵᔨᐅᓂᕐᒥᓂᒃ ᑐᑭᓕᐅᕆᔨᐅᓂᕐᒥᓂᒃ ᓄᓇᕗᒻᒥᐅᑦ ᑐᑭᓯᐅᒪᒍᓐᓇᖁᓪᓗᒋᑦ ᐅᖃᐅᓯᑦᑎᒍᑦ ᑐᑭᓯᐅᒪᒍᓇᕐᓗᑎᑦᑕᐅᖅ ᑲᑎᒪᔾᔪᑎᒋᔭᑦᑎᓐᓂ. ᐅᐱᒋᑦᓯᐊᖅᐸᕗᑦ, ᖁᔭᒋᑦᓯᐊᖅᐸᕗᑦ, ᒥᔅ ᕙᓛᓐᑏᓇ, ᒥᔅ ᓇᓱᒃ ᐊᒻᒪᓗ ᒥᔅ ᕗᕉᔅᑐ. >> ᐸᑦᑕᑐᖅᑐᑦ ᐊᒻᒪᓗ ᑲᒥᓯᓇᑦᑕ ᐅᖃᐅᓯᕆᕋᑖᖅᑕᖏᑦ, ᐃᑲᔪᖅᑐᑐᐃᓇᕐᓗᒋᑦ ᑕᒫᓂ ᐊᐅᔭᐅᓂᐊᖅᑐᒥ, ᓄᓇᓯᓐᓅᖅᐸᓪᓕᐊᑎᓪᓗᓯ. ᐊᑲᐅᓈᖅᑐᑯᑦ ᐊᒻᒪᓗ ᐊᑦᑕᓇᙱᑦᓯᐊᖅᑐᒥᒃ ᐊᐅᔭᖃᑦᓯᐊᖁᕙᑦᓯ ᐃᓚᒋᔭᓯ, ᓄᓇᖃᑎᓯ ᐃᑉᐱᒋᖃᓯᐅᑎᑦᓯᐊᕐᓗᒋᑦ, ᐊᒻᒪᓗ ᑕᑰᑎᓛᕆᕗᒍᑦ ᐊᒃᑑᕝᕙᒥ ᑲᑎᒪᓂᖃᓛᖅᑎᓪᓗᑕ. ᑕᐃᒪᐃᑦᑎᓪᓗᒍ, ᑖᓇ ᐃᒡᓗᕐᔪᐊᕐᒥ ᑲᑎᒪᓂᖅ ᓄᖅᑲᕆᕗᖅ, ᐊᒻᒪᓗ ᐱᒋᐊᑲᓐᓂᓛᖅᓱᑕ ᓯᑕᕐᒥᐅᓕᖅᐸᑦ, ᐊᒃᑑᕝᕙ 22, 2026 ᓯᕿᙳᔭᖅ 1:30-ᑉᐸᑦ. ᐃᖅᓱᑦᑏ. >>ᑲᑎᒪᔪᑦ ᓄᖃᖅᑐᑦ 16:33-ᒧᐊᖅᑎᓪᓗᒍ