Nunavut Hansard — 11 March 2026 (Blues, Inuktitut)

2026-03-11 Blues Inuktitut

Nunavut — Debates (Hansard)

ᒪᓕᒐᓕᐅᕐᕕᒻᒥ ᑲᑎᒪᔾᔪᑎᒥᓃᑦ ᐋᖅᑭᒋᐊᖅᓯᒪᓐᖏᑦᑐᑦ ᓇᕿᑦᑕᖅᑕᐅᓯᒪᔪᑦ ᐊᐃᑉᐹ, ᒫᑦᓯ 11, 2026 ᐃᖃᓗᐃᑦ, ᓄᓇᕗᑦ ᐋᖅᑭᒋᐊᕈᑎᑦ: ᐊᑏ ᐅᑎᖅᑎᓯᐅᒃ ᐋᖅᑭᒋᐊᖅᑕᐅᔪᐃᑦ ᑎᑎᕋᖅᑎᒧᑦ ᐅᕝᕙᓘᓐᓃᑦ ᑐᖏᓕᐊᓄᑦ ᒪᓕᒐᓕᐅᕐᕕᒻᒥ ᑲᑎᒪᔾᔪᑎᒥᓃᑦ ᓇᕿᔾᔪᑕᐅ ᓐᖏᓚᑦ ᑐᑭᓕᐊᖅᑕᐃᓐᓇᕆᓗᒋᑦ ᒪᓕᒐᓕᐅᖅᑏᑦ ᐊᐃᕙᓂᖏᑦ. ᓇᕿᑕᐅᓯᒪᑐᐃᓐᓇᖅᑐᐃᑦ ᐅᖃᐅᓯᐅᓪᓗᐊᑕᖅᑐᑦ. ᐅᖃᖅᑕᐅᒃᑲᓂᖅᑐᒥᒃ ᐊᓯᐊᑎᒍᓪᓘᓐᓃᑦ ᓲᕐᓗ ᓇᓗᓇᐃᖅᑕᐅᔪᖃᒃᑲᓐᓂᕆᐊᖃᖅᐸᑦ ᐋᖅᑭᒋᐊᖅᑕᐅᔪᓐᓇᖅᑐᑦ ᑭᓇᑐᐃᓐᓇᖅ ᒪᓕᒐᓕᐅᕐᕕᒻᒥ ᑲᑎᒪᔾᔪᑎᓂᑦ ᐅᖃᓕᒫᖅᑐᑦ ᓱᖅᑯᐃᒪᓂᐊᕐᒪᑦ ᐅᖃᖅᑕᒥᓂᕐᒥᒃ. ᑲᑎᒪᐅᑎᒥᓂᓕᕆᔪᑦ ᐅᖃᓕᒫᕋᓐᓂᑦᑎᑦᓯᔭᕆᐊᓖᑦ ᐊᔾᔨᒌᑉᐸ ᓐᖏᒻᒪᑎᒃ ᐅᖃᖅᑕᐅᔪᖅ ᑎᑎᕋᖅᓯᒪᔪᕐᓗ. ᐊᐃᕙᔾᔪᑎᒥᓃᑦ, ᓯᑎᐱᕆ 20, 1983, ᒪᑉᐱᑐᒐᖓ 27299. ᐴᓯᔅᓂᐅᑉ 6-ᖓᓐᓂᒃ ᓇᕿᑕᐅᔾᔪᑎᖓ, ᑎᓕᓯᔾᔪᑎᒃ 55

ᓄᓇᕗᑦ ᒪᓕᒐᓕᐅᕐᕕᖓ ᐅᖃᖅᑎ ᐊᖓᔪᖅᑳᖅ ᑕᐃᕕᑎ ᔪᐊᓇᓯ ᐊᐅᓚᑦᑎᔩᑦ ᐊᓪᓚᑦᑎᐅᑲᐃᓐᓇᖅᑐᖅ ᐊᓪᓚᑦᑎᐅᑉ ᑐᓪᓕᐊ ᒪᐃᑯᓪ ᐹᓪ ᓈᓐᓯ ᑐᐱᖅ ᐊᓪᓚᑦᑎᐅᑉ ᐃᑲᔪᖅᑎᖓ ᖂᔪ ᓄᓱᑦᑕᖅ ᒪᓕᒐᓕᕆᔨ ᒪᐃᑯᓪ ᓵᓐᑐᓗ ᐃᖅᓱᖅᑎ ᔮᓐ ᑖᐱᒃ ᑲᑎᒪᐅᑎᓂᒃ ᐋᖅᑭᒃᓱᐃᔩᑦ ᐅᖃᐅᓯᕐᒥᒃ ᐅᖃᐅᓯᕐᒧᑦ ᑎᒥᖓᑦ 926 ᓯᕗᒧᒋᐊᖅ ᐊᑐᕆᐊᖅ ᐊᖓᔪᖅᑳᖅ ᒍᐊᐃᓐ Hᐄᓕ ᐊᕿᐊᕈᖅ (ᐃᖃᓗᐃᑦ−ᒪᓂᕋᔭᒃ) ᒥᓂᔅᑕ ᐃᓄᓕᕆᔨᒃᑯᓐᓄᑦ;ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂᑦ; ᒥᓂᔅᑕ ᑲᒪᒋᔭᖃᖅᑐᖅ ᐊᖏᕐᕋᖃᖏᓐᓂᕐᒥᒃ; ᒥᓂᔅᑕ ᑲᒪᒋᔭᖃᖅᑐᖅ ᐊᒃᖢᓂᕐᒥᒃ ᒥᒃᖠᒋᐊᖅᑎᑦᑎᓂᕐᒧᑦ;ᒥᓂᔅᑕ ᑲᒪᒋᔭᖃᖅᑐᖅ ᐊᕐᓇᐃᑦ ᑲᑎᒪᔨᖏᓐᓂᒃ; ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ (ᐃᖃᓗᐃᑦ-ᓂᐊᖁᙴ) ᒐᕙᒪᒃᑯᑦ ᓯᕗᒃᑲᖅᑕᖅᑎᖓ; ᒥᓂᔅᑕ ᐃᓕᓐᓂᐊᖅᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓯᓚᑦᑐᖅᓴᕐᕕᖕᒥᒃ ᕼᐋᓇ ᐊᖑᑎᐊᓗᒃ (ᐊᐃᕕᓕᒃ) ᐃᐊᑦᕗᑦ ᐊᑕᒍᑦᑖᓗᒃ (ᐊᒡᒍ) ᐊᖓᔪᖅᑳᖅ ᔮᓂᑦ ᐳᕉᔅᑐ (ᐃᖃᓗᐃᑦ-ᓯᓈ) ᒥᓂᔅᑕ ᐋᓐᓂᐊᖃᕐᓇᓐᖏᑦᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᐊᖓᔪᖅᑳᖅ ᔪᐊᔾ Hᐃᒃᔅ (ᐃᖃᓗᐃᑦ-ᑕᓯᓗᒃ) ᓄᓇᕗᒻᒧᑦ ᓯᕗᓕᖅᑎᐅᑦ ᑐᖓᓕᖓ; ᒥᓂᔅᑕ ᒪᓕᒐᓕᕆᓂᕐᒧᑦ; ᒥᓂᔅᑕ ᐃᖏᕐᕋᔪᓕᕆᓂᕐᒧᑦ ᒪᑭᒪᐅᑎᓄᓪᓗ; ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑐᓕᕆᓂᕐᒧᑦ ᑲᑎᒪᔨᓂᒃ; ᒥᓂᔅᑕ ᑲᒪᒋᔭᖃᖅᑐᖅ ᐃᓄᐃᑦ ᐱᔪᓐᓇᐅᑎᖏᓐᓄᑦ ᑲᑎᒪᔨᓂᒃ ᔭᐃᒥ ᖃᑉᓗᑦᓯᐊᖅ (ᐊᕐᕕᐊᑉ ᓂᒋᐊ) ᒍᐊᑕᓐ ᑲᐅᑕᒃ (ᐅᖅᑯᒻᒥᐅᑦ) ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓄᓂᖅ) ᒥᓂᔅᑕ ᐃᓕᖅᑯᓯᓕᕆᔨᒃᑯᑦ; ᒥᓂᔅᑕ ᐅᖃᐅᓯᓕᕆᓂᕐᒧᑦ; ᒥᓂᔅᑕ ᐊᕙᑎᓕᕆᓂᕐᒧᑦ; ᒥᓂᔅᑕ ᐆᒻᒪᖅᑯᑎᓕᕆᓂᕐᒧᑦ ᓴᐃᒪᓐ ᖁᓕᒃᑖᓇ (ᖁᕐᓗᖅᑑᖅ) ᐊᖓᔪᖅᑳᖅ ᓯᓯᐅᓪ ᓂᐅᓪᕙᓇ ᓚᐃᔪᓪ (ᓇᑦᓯᓕᒃ) ᐊᖓᔪᖅᑳᖅ ᐋᕐᓗᒃ ᒪᐃᓐ (ᐊᕐᕕᐊᑉ ᐅᐊᓐᓇᖓ-ᑎᑭᕌᕐᔪᐊᖅ) ᓯᕗᓕᖅᑎ ᓄᓇᕗᒻᒥ; ᒥᓂᔅᑕ ᓯᕗᓕᖅᑎᓄᑦ ᒐᕙᒪᐅᖃᑎᒌᒃᑐᓕᕆᔨᒃᑯᓐᓄᓪᓗ; ᒥᓂᔅᑕ ᑮᓇᐅᔭᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᖃᖅᑳᖅᓯᒪᔪᓕᕆᓂᕐᒥᒃ; ᒥᓂᔅᑕ ᑲᒪᒋᔭᖃᖅᑐᖅ ᑲᓇᑕᐅᑦ ᓯᓚᑖᓃᖖᒑᖅᑐᓄᑦ; ᒥᓂᔅᑕ ᑲᒪᒋᔭᖃᖅᑐᖅ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᓐᓇᕐᓂᒃ; ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᒥᓴᓐ; ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᑎᒪᔨᖏᓐᓄᑦ; ᔮᓂ ᒪᐃᒃ (ᐸᓐᓂᖅᑑᖅ) ᕗᕆᐊᑦ ᐲᑕᓴᓐ (ᐃᖃᓗᒃᑑᑦᑎᐊᖅ) ᑕᐃᕕᑦ ᐳᐊᑐ (ᐅᖅᓱᖅᑑᖅ) ᐊᐃᕝᕙᓚᕼᐋ ᖃᒪᓂᖅ (ᐊᒥᑦᑐᖅ) ᑖᓂᐅᓪ ᖃᕝᕕᒃ (ᑕᓯᐅᔭᕐᔪᐊᖅ) ᐃᓐᓇᖓᔪᖅ ᖂᑭᐊᖅ (ᓇᑦᓯᓕᒃ) ᐋᓕᒃᓵᓐᑐ ᓴᒻᒧᖅᑐᖅ (ᑲᖏᖅᖠᓂᐅᑉ ᐅᐊᓐᓇᖓ-ᐃᒡᓗᓕᒑᕐᔪᒃ) ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᖃᒪᓂᑦᑐᐊᖅ) ᒥᓂᔅᑕ ᓄᓇᓕᖕᓂ ᒐᕙᒪᒃᑯᓂᓪᓗ ᐱᔨᑦᑎᖅᑎᒃᑯᑦ;ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᒃ; ᒥᓂᔅᑕ ᑲᒪᒋᔭᖃᖅᑐᖅ ᐅᔭᕋᖕᓂᐊᕐᓂᕐᒧᑦ; ᒥᓂᔅᑕ ᑕᐅᖅᓯᕋᕐᓂᕐᒥᒃ ᐱᓕᕆᐊᒃᓴᓕᒃ; ᐋᓂ ᑕᑦᑐᐃᓂ (ᑲᖏᖅᖠᓂᐅᑉ ᓂᒋᐊ) ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐊᒃᑯᒫᓂᒃ ᖃᐅᔨᓴᖅᑏᑦ ᓯᑏᕙᓐ ᑕᖅᑐ (ᖁᑦᑎᒃᑐᕐᒃ)

ᐃᖃᓗᐃᑦ, ᓄᓇᕗᑦ X0A 3H0 ᐅᖄᓚᐅᑖ (867) 975-5000 ᓱᒃᑲᕈᑖ (867) 975-5190 ᐊᑭᖃᓐᖏᑦᑐᖅ (877) 334-7266 ᖃᕋᓴᐅᔭᑎᒍᑦ ᑐᕌᕈᑎᖓᑦ: www.assembly.nu.ca ᐃᓗᓕᖏᑕ ᓇᓕᖅᑲᖏᑦ ᑲᑎᒪᔾᔪᑎᒃᓴᖅ 1: ᑐᒃᓯᐊᕐᓂᕐᒧᑦ ᒪᑐᐃᖅᑕᐅᓂᖓ .............................................................................................................. 1 ᑲᑎᒪᔾᔪᑎᒃᓴᖅ 2: ᒥᓂᔅᑕᐃᑦ ᐅᖃᐅᓯᒃᓴᖏᑦ ....................................................................................................................... 1 ᑲᑎᒪᔾᔪᑎᒃᓴᖅ 3: ᒪᓕᒐᓕᐅᖅᑏ ᐅᖃᐅᓯᒃᓴᖏᑦ ................................................................................................................ 4 ᑲᑎᒪᔾᔪᑎᒃᓴᖅ 6: ᐅᖃᐅᓯᒃᑯᑦ ᐊᐱᖅᑯᑏᑦ .......................................................................................................................... 6 ᑲᑎᒪᔾᔪᑎᒃᓴᖅ 15: ᖃᐅᔨᒃᑲᐃᓂᖅ ᐱᒋᐊᖅᑎᒐᑦᓴᓂᑦ ..................................................................................................... 23 ᑲᑎᒪᔾᔪᑎᒃᓴᖅ 16: ᐱᒋᐊᖅᑎᑕᑦ ᐱᖁᔨᕗᖔᕈᑎᑦ ........................................................................................................... 24 ᑲᑎᒪᔾᔪᑎᒃᓴᖅ 18: ᑐᒡᓕᐊᓂ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ ....................................................................................... 24 ᑲᑎᒪᔾᔪᑎᒃᓴᖅ 19: ᑲᑎᒪᔨᕋᓛᑦ ᑕᒪᐃᓐᓄᑦ ᒪᓕᒐᒃᓴᓄᑦ ᐊᓯᖏᓐᓂᓪᓗ ᐃᓱᒪᖅᓴᖅᓯᐅᕐᓂᖏᑦ ................................ 26 ᑲᑎᒪᔾᔪᑎᒃᓴᖅ 20: ᑲᑎᒪᔨᕋᓛᑦ ᑕᒪᐃᓐᓄᑦ ᐅᓂᒃᑳᕐᓂᖏᑦ ............................................................................................ 30 ᑲᑎᒪᔾᔪᑎᒃᓴᖅ 22: ᑲᑎᒪᔾᔪᑎᒃᓴᐃᑦ .................................................................................................................................... 30

ᐃ. ᖃᐅᑕᒫᒧᑦ ᖃᐅᔨᒋᐊᕈᑎᑦ ᐱᖓᑦᑎᖅ, ᒫᑦᓯ 11, 2026 ................................................................................................................................................... 1 ᐅ. ᐊᖓᔪᖅᑳᑦ ᐅᓂᒃᑳᖏᑦ 24 – 7(1): ᒥᓂᔅᑕ ᐅᐸᑦᓯᒪᙱᑦᑐᖅ ................................................................................................................................... 1 25 – 7(1): ᒪᓕᒐᓕᕆᓂᕐᒧᑦ ᐃᓕᓐᓂᐊᒐᒃᓴᒥᑦ ᓇᓗᓇᐃᒃᑯᑕᖅᑖᖅᑐᑦ ........................................................................... 1 26 – 7(1): ᐃᓕᓴᕆᔭᐅᓯᒪᔪᖅ ᐃᖅᑲᓇᐃᔭᖅᑐᓕᕆᓂᕐᒧᑦ ᓇᓗᓇᐃᒃᑯᑕᖅᑖᖅᑎᑦᑎᓂᖅ ............................................ 2 27 – 7(1): ᐃᓕᓐᓂᐊᕈᑎᒃᓴᖅᑖᖅᑎᑕᐅᔪᑦ ......................................................................................................................... 3 ᐊ. ᒪᓕᒐᓕᐅᖅᑏᑦ ᐅᓂᒃᑳᖏᑦ 37 – 7(1): ᐅᐱᒍᓱᓐᓂᖅ ᐅᑭᐅᖅᑕᖅᑐᒥ ᐱᙳᐊᕕᔾᔪᐊᕆᐊᖅᑐᖅᓯᒪᔪᓂᑦ ................................................................... 4 38 – 7(1): ᖁᔭᓕᓂᖅ ᖁᓪᓕᖅ ᐃᑯᒻᒪᖅᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᓐᓂᑦ ᖁᕐᓗᖅᑑᒥ......................................................................................................................................................................................4 39 – 7(1): ᓄᓇᓕᓐᓂ ᐊᑭᓕᖅᓱᖅᑕᐅᒐᑎᒃ ᐃᑲᔪᖅᑏᑦ ................................................................................................... 4 40 – 7(1): ᖃᓕᕋᓕᓐᓂᐊᕐᓂᖅ ᐸᓐᓂᖅᑑᒥ ....................................................................................................................... 5 41 – 7(1): ᓄᓇᓕᓐᓂ ᐃᓪᓗᓕᕆᓂᖅ ................................................................................................................................ 5 42 – 7(1): ᓂᕈᐊᖅᑕᐅᕕᒋᓯᒪᔭᖓᑕ ᐃᑲᔪᖅᑎᖓ ᐊᐅᓪᓚᖅᑎᑕᐅᓂᖓ ᑐᐊᕕᕐᓇᖅᑐᒃᑯᑦ ........................................ 6 43 – 7(1): VHF ᓈᓚᐅᑎᓕᕆᔾᔪᑎᖏᑦ ᐱᐅᓯᒋᐊᖅᑕᐅᓂᖏᑦ ....................................................................................... 6 ᐱ. ᐅᖃᐅᓯᒃᑯᑦ ᐊᐱᖅᑯᑎᑦ 12 – 7(1): ᐊᖅᑯᓵᖅᑐᑦ ᐋᓐᓂᐊᕕᓕᐊᖅᑐᓄᑦ ᑐᑦᑕᕝᕕᒃᓴᖓ ᑲᖏᖅᖠᓂᕐᒥ ............................................................... 6 13 – 7(1): ᒥᑦᑕᕝᕕᐅᑉ ᐱᖁᑎᔾᔪᐊᖏᓄᑦ .......................................................................................................................... 8

14 – 7(1): ᒍᕋᐃᔅ ᐃᒃᐱᐊᔾᔫᔭᖓᓂ ᐊᖅᑯᑖ ᐅᒥᐊᕐᔪᐊᖃᕝᕕᖓᓗ .............................................................................. 10 15 – 7(1): ᖃᖓᑕᓲᖃᖅᑎᑦ ᐊᐅᓚᑦᑎᓲᓂᒃ ᓄᓇᕘᒥ ................................................................................................... 11 16 – 7(1): ᒥᑦᑕᕝᕕᐅᑉ ᐱᖁᑎᔾᔪᐊᖏᓄᑦ ........................................................................................................................ 13 17 – 7(1): ᐅᑭᐅᖅᑕᖅᑑᑉ ᑲᒪᒋᔭᐅᓂᖓ ᓇᖕᒥᓂᖃᓐᓂᓪᓗ .......................................................................................... 14 18 – 7(1): ᐃᖅᑲᔮᓄᑦ ᐊᑐᒐᒃᓴᓕᐋᓄᑦ ᐊᑐᐋᒐᖁᑎᑦᑕᓗ ............................................................................................. 16 19 – 7(1): ᐊᖅᑯᓵᖅᑐᑦ ᐋᓐᓂᐊᕕᓕᐊᖅᑐᓄᑦ ᑐᑦᑕᕝᕕᒃᓴᖓ ᑲᖏᖅᖠᓂᕐᒥ ............................................................. 17 20 – 7(1): ᒥᑦᑕᕝᕕᐅᑉ ᐱᖁᑎᔾᔪᐊᖏᓄᑦ ........................................................................................................................ 18 21 – 7(1): ᐃᓂᒋᔭᖏᑦ ᐃᓐᓇᑐᖃᑦᑕ ᓄᓇᓖᑦ ᐃᖅᑲᖅᑐᐃᔨᑦ ᑲᑎᒪᔨᕋᓛᖏᓐᓂ ..................................................... 19 22 – 7(1): ᐃᖃᓗᐃᑦ ᓄᒃᑭᒃᓴᐅᑏᑦ ᓯᒥᒃᑐᐃᓂᖓᑕ ᓴᓇᔭᖏᓄᑦ ............................................................................... 20 23 – 7(1): ᐊᖅᑯᓵᖅᑐᑦ ᐋᓐᓂᐊᕕᓕᐊᖅᑐᓄᑦ ᑐᑦᑕᕝᕕᒃᓴᖓ ᑲᖏᖅᖠᓂᕐᒥ ............................................................. 22 ᐳ. ᑎᑎᕋᖅᑕᐅᓯᒪᔪᑦ ᓴᖅᑭᑕᐅᓂᖏᑦ 17 – 7(1): ᑎᒃᑯᐊᖅᓯᓂᖅ ᑐᑭᓯᒋᐊᕈᑎᓂᑦ ᑲᙳᓇᖅᑐᓂᓪᓗ ᑲᒥᓯᓇᒥᒃ ᓄᓇᕗᒻᒧᑦ − ᖃᐅᔨᒃᑲᐅᑦ .......................................................................................................................................................................... ........................23 ᐸ. ᒪᓕᒐᒃᓴᐃᑦ 2 – 7(1): ᑮᓇᐅᔭᖅᑐᕈᑎᒃᓴᐃᑦᑦ (ᐊᑭᑐᔫᑏᑦ) ᐱᖁᔭᖅ, 2026-2027 − ᐃᓱᒪᒃᓴᖅᓯᐅᕈᑎᖃᕐᓂᖏᑦ .................... 24

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 1 ᐃᖃᓗᐃᑦ, ᓄᓇᕗᑦ ᐊᐃᑉᐹ, ᒫᑦᓯ 11, 2026 ᒪᓕᒐᓕᐅᖅᑏᑦ ᐅᐸᒃᑐᑦ: ᐊᖓᔪᖅᑳᖅ ᒍᐃᐊᓐ ᕼᐄᓕ−ᐊᕿᐊᕈᖅ, ᒥᔅ ᕼᐋᓇ ᐊᖑᑎᐊᓗᒃ, ᒥᔅᑕ ᐃᐊᑦᕗᑦ ᐊᑕᒍᑦᑖᓗᒃ, ᐊᖓᔪᖅᑳᖅ ᔮᓂᑦ ᐱᑦᓯᐅᓛᖅ, ᐊᖓᔪᖅᑳᖅ ᔪᐊᔾ ᕼᐃᒃᔅ, ᐊᖓᔪᖅᑳᖅ ᑕᐃᕕᑎ ᔪᐊᓇᓯ, ᒍᐊᑕᓐ ᑲᐅᑐᒃ, ᐊᖓᔪᖅᑳᖅ ᐳᕋᐃᔭᓐ ᑯᓄᒃ; ᒥᔅᑕ ᓴᐃᒻᒪ ᑯᓕᒃᑖᓇ, ᐊᖓᔪᖅᑳᖅ ᓯᓯᐅᓪ ᓂᐅᓪᕚᓇ ᓚᐃᔪᓪ, ᐊᖓᔪᖅᑳᖅ ᐋᕐᓗᒃ ᒪᐃᓐ, ᒥᔅᑕ ᔮᓂ ᒪᐃᒃ, ᒥᔅᑕ ᕗᕆᐊᑦ ᐲᑕᓴᓐ, ᒥᔅᑕ ᑕᐃᕕᑦ ᐳᐊᑐ, ᒥᔅᑕ ᐊᐃᕙᓚᕼᐋᒻ ᖃᒪᓂᖅ, ᒥᔅᑕ ᐋᓕᒃᓵᓐᑐ ᓴᒻᒧᖅᑐᖅ, ᒥᔅᑕ ᓯᑏᕙᓐ ᑕᖅᑐ, ᐊᖓᔪᖅᑳᖅ ᐋᓂ ᑕᑦᑐᐃᓂ. >>ᑲᑎᒪᓯᒋᐊᖅᑐᑦ 013:30−ᒧᐊᖅᑎᓪᓗᒍ ᑲᑎᒪᔾᔪᑎᒃᓴᖅ 1: ᑐᒃᓯᐊᕐᓂᕐᒧᑦ ᒪᑐᐃᖅᑕᐅᓂᖓ ᐅᖃᖅᑎ ᑐᒡᓕᐊ (ᑐᓵᔨᑎᒍᑦ): ᐅᓐᓄᓴᒃᑯᑦ ᐃᓘᓐᓇᓯ. ᐅᖃᖅᑎ ᔪᐊᓇᓯ ᐅᕙᓃᙱᑲᐃᓐᓇᕐᖓᑦ ᐅᓪᓗᒥ, ᑐᖏᓕᕆᓪᓗᓂᖓ ᐅᖃᖅᑎᐅᑲᐃᓐᓇᕐᓂᐊᕋᒪ ᐅᓪᓗᒥ ᑲᑎᒪᑎᓪᓗᑕ. ᒥᔅᑕ ᐊᑕᒍᑦᑖᓗᒃ ᑐᔅᓯᐊᕈᔾᔨᒍᓐᓇᖅᑮᑦ? ᖁᔭᓐᓇᒦᒃ, >> ᑐᒃᓯᐊᖅᑐᑦ ᐅᖃᖅᑎᑉ ᑐᒡᓕᐊ (ᑐᓵᔨᑎᒍᑦ): ᒫᓐᓇ ᖃᐅᔨᒪᓂᐊᕋᔅᓯᑦ, ᐅᓪᓗᒥ ᑲᓇᑕᒥ ᖁᖁᐊᕈᑏᑦ ᓂᓪᓕᑲᓪᓚᓐᓂᐊᕐᖓᑕ ᓂᐱᖃᕈᓐᓃᖅᑎᔅᓯᒪᓂᐊᖅᑲᓯᑦ 2-ᒨᖅᑲᑦ ᐅᓐᓄᓴ ᓂᓪᓕᑲᓪᓚᓐᓂᐊᕐᖓᑕᐃ ᐅᖄᓚᐅᑎᓯᑦ, ᐆᑦᑐᕋᕐᓂᐊᕐᖓᑕ. ᒥᓂᔅᑕᐃᑦ ᐅᖃᐅᓯᖏᑦ. ᒥᓂᔅᑕ ᐅᕙᓃᙱᒻᒪᑦ. ᒐᕙᒪᒃᑯᑦ ᓯᕗᒃᑲᖅᑕᖅᑎᒋᑲᐃᓐᓇᖅᑕᖓ, ᒥᓂᔅᑕ Hᐃᒃᔅ. ᑲᑎᒪᔾᔪᑎᒃᓴᖅ 2: ᒥᓂᔅᑕᐃᑦ ᐅᖃᐅᓯᒃᓴᖏᑦ ᒥᓂᔅᑕᑉ ᐅᖃᐅᓯᖓ 24 – 7(1): ᒥᓂᔅᑕ ᐅᐸᑦᓯᒪᙱᑦᑐᖅ ᐊᖓᔪᖅᑳᖅ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑐᙵᓱᒋᑦ, ᐃᔅᓯᕙᐅᑕᕐᒧᑦ. ᐅᖃᖅᑏ., ᖃᐅᔨᒪᖁᔭᒃᑲ ᒥᓂᔅᑕ ᑯᕋᐃᒃ ᓯᒪᐃᓚᒃ ᐅᕙᓃᒍᓐᓇᔾᔮᖏᒻᒪᑦ ᐅᓪᓗᒥ ᓯᓚ ᐱᔾᔪᑎᒋᓪᓗᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎᑉ ᑐᒡᓕᐊ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ Hᐃᒃᔅ. ᒥᓂᔅᑕᐃᑦ ᐅᖃᐅᓯᔅᓴᖏᑦ. ᓄᓇᕗᒻᒥ ᓯᓚᑦᑐᓴᕐᕕᒃᑯᓐᓄᑦ ᒥᓂᔅᑕᐅᑲᐃᓐᓇᖅᑐᖅ, ᒥᔅ Hᐄᓕ-ᐊᕿᐊᕈᖅ. ᒥᓂᔅᑕᑉ ᐅᖃᐅᓯᖓ 25 – 7(1): ᒪᓕᒐᓕᕆᓂᕐᒧᑦ ᐃᓕᓐᓂᐊᒐᒃᓴᒥᑦ ᓇᓗᓇᐃᒃᑯᑕᖅᑖᖅᑐᑦ ᐊᖓᔪᖅᑳᖅ Hᐄᓕ-ᐊᕿᐊᕈᖅ (ᑐᓵᔨᑎᒍᑦ): ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᕗᖓ ᐃᓕᓴᖅᓯᔪᒪᓪᓗᖓ ᓇᓗᓇᐃᒃᑯᑕᖅᑖᖅᑎᑕᐅᓵᓚᐅᖅᑐᓂᑦ ᒪᓕᒐᓕᕆᓂᕐᒧᑦ ᐃᓕᓐᓂᐊᒐᒃᓴᒥᑦ. ᐊᕐᕕᓂᓖᑦ ᐃᓕᓐᓂᐊᖅᑏᑦ ᐃᓕᓴᕆᔭᐅᓚᐅᖅᐳᑦ ᖁᕕᐊᓲᑎᖃᖅᑎᓪᓗᒋᑦ ᓄᓇᑦᑕ ᓯᓚᑦᑐᖅᓴᕐᕕᖕᒥ ᔭᓄᐊᕆ 23, 2026−ᒥ. ᒪᓕᒐᓕᕆᓂᕐᒧᑦ ᐃᓕᓐᓂᐊᒐᒃᓴᑦ ᑲᑎᙵᓪᓗᑎᒃ ᑎᓴᒪᐅᓪᓗᑎᒃ ᐃᓕᓐᓂᐊᒐᒃᓴᑦ ᐱᓕᕆᐊᖃᓪᓗᐊᑕᖅᖢᑎᒃ ᐃᖅᑲᖅᑐᐃᕕᖕᒥ ᒪᓕᒐᓕᕆᓂᕐᒨᖓᔪᓂᒡᓗ, ᓯᓚᑦᑐᖅᓴᕐᕕᖕᒥ ᑐᓵᔨᐅᓂᕐᒧᑦ/ᑐᑭᓕᐅᕆᔨᐅᓂᕐᒧᑦ ᐱᓕᕆᐊᒃᓴᒥᒃ. ᐃᓕᓐᓂᐊᖅᑏᑦ ᐃᓕᓐᓂᐊᖅᑕᒥᓂᒃ ᐊᓂᒍᐃᑦᑎᐊᖅᑐᑦ ᐃᓕᑕᕆᔭᐅᔾᔪᑎᑖᓲᖑᕗᑦ ᑕᑯᒃᓴᐅᑎᑦᑎᔪᑦ ᒪᓕᒐᓕᕆᔨᒃᑯᓐᓄᑦ ᐃᓕᓐᓂᐊᖅᑕᒥᓂᒃ ᐊᓂᒍᐃᑦᑎᐊᕐᓂᖏᓐᓂᒃ. ᑐᑭᓯᐅᒪᔪᐃᓐᓇᐅᔪᒍᑦ ᐃᖅᑲᖅᑐᐃᕕᖕᒥ ᐱᓕᕆᕐᔪᐊᕐᓇᕐᓂᖓᓂᒃ. ᑐᑭᓕᐅᕆᔨᐅᓗᓂ ᐃᖅᑲᖅᑐᐃᕕᖕᒥ ᐅᐃᒪᔮᕆᐊᖃᙱᑉᐳᑦ, ᐅᔾᔨᖅᓱᑦᑎᐊᕐᓗᑎᒃ ᐋᖅᑭᑦᑎᐊᖅᓯᒪᑎᑦᑎᕙᒡᓗᑎᒡᓗ. ᒪᓕᒐᓕᕆᓂᕐᒧᑦ ᐃᓕᓐᓂᐊᒐᒃᓴᑦ

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 2 ᑐᕌᒐᖃᖅᐳᑦ ᐃᓕᓐᓂᐊᖅᑎᓂᒃ ᐱᕙᒌᔭᖅᑎᑦᑎᔪᒪᓪᓗᑎᒃ ᑖᔅᓱᒥᖓ ᑲᒪᒋᔭᒃᓴᖃᕐᓂᐊᖅᑐᓂᑦ. ᐃᑲᔪᖅᑐᕈᒪᓪᓗᒋᑦ ᐃᓕᓐᓂᐊᖅᑕᖓᑕ ᐃᓚᖓᓂᒃ, ᐃᓕᓐᓂᐊᕐᕕᐊᕈᓯᖓ ᐋᖅᑭᒃᑕᐅᓯᒪᕗᖅ ᐃᖅᑲᖅᑐᐃᕕᙳᐊᙳᖅᑎᑕᐅᓪᓗᓂ ᐃᓕᓐᓂᐊᖅᑏᑦ ᐱᓕᕆᔭᕆᐊᖃᖅᑎᑕᐅᕙᒃᖢᑎᒃ ᑕᒪᐃᓐᓂᒃ ᐃᖅᑲᖅᑐᐃᕕᖕᒥ ᐱᓕᕆᐊᒃᓴᕆᔭᐅᕙᒃᑐᓂᒃ. ᐃᓕᓐᓂᐊᖅᑎᑦ ᐃᓕᓐᓂᐊᖅᑎᑕᐅᖃᑦᑕᖅᐳᑦ ᐱᔾᔪᑎᒋᔭᕆᐊᓕᖏᓐᓂᒃ ᐃᖅᑲᖅᑐᐃᕕᒃᑰᕈᑕᐅᔪᓂᓪᓗ, ᐃᓕᓐᓂᐊᖅᑎᑦ ᑐᙵᕕᖃᖅᑎᑕᐅᓪᓗᑎᒃ ᐊᕙᑎᖓᓂ ᐅᓄᖅᑐᓂᑦ ᐱᒻᒪᕆᐊᓗᖕᓂᑦ ᐅᖃᖃᑎᒌᒡᕕᐅᕙᒃᑐᒥᑦ. ᐅᑯᐊ ᐃᓕᓐᓂᐊᖅᑎᑦ ᐃᓕᓴᕆᓚᐅᕐᓚᕗᑦ: - ᑯᕆᔅᑎ ᐊᕿᐊᕈᖅ - ᓖᑎᐊ ᐊᖑᑎᕐᔪᐊᖅ - ᐃᓕᓴᐱ ᐊᕕᙵᖅ - ᓄᐊᒪᓐ ᕿᓚᕝᕙᖅ - ᒨᓇ ᒥᐅᓪᑕᓐ - ᕼᐅᕋᐃᓴᓐ ᐅᐃᓕ ᐃᓕᓴᕆᔪᒪᖕᒥᔭᕋ ᐃᓕᓴᐃᔨᒋᔭᐅᔪᖅ ᐃᓕᓐᓂᐊᒐᒃᓴᒧᑦ, ᒫᑭ ᑲᒃᑭ. ᖁᔭᓐᓇᒦᒃ ᐅᖃᖅᑎᑦᑎᔩ. ᐅᖃᖅᑎᑉ ᑐᒡᓕᐊ (ᑐᓵᔨᑎᒍᑦ): ᒥᓂᔅᑕᐃᑦ ᐅᖃᐅᓯᔅᓴᖏᑦ, ᐃᖅᑲᓇᐃᔭᖅᑐᓕᕆᔨᒃᑯᑦ ᒥᓂᔅᑕᖓ, ᒥᔅ ᑕᑦᑐᐃᓂ. ᒥᓂᔅᑕᑉ ᐅᖃᐅᓯᖓ 26 – 7(1): ᐃᓕᓴᕆᔭᐅᓯᒪᔪᖅ ᐃᖅᑲᓇᐃᔭᖅᑐᓕᕆᓂᕐᒧᑦ ᓇᓗᓇᐃᒃᑯᑕᖅᑖᖅᑎᑦᑎᓂᖅ ᐊᖓᔪᖅᑳᖅ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᕗᖓ ᓇᓗᓇᐃᖅᓯᔪᒪᓪᓗᖓ ᐱᓕᕆᐊᖑᓪᓚᑦᑖᖅᑐᓂᒃ ᐱᓕᕆᕝᕕᑦᑎᓐᓂ ᐱᐅᓯᒋᐊᖅᑎᑦᑎᔪᒪᓪᓗᑎᒃ ᑐᕌᒐᕆᔭᐅᔪᓂᒃ ᓄᓇᕗᑦ ᒐᕙᒪᖓᑕ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑎᓪᓗᐊᑕᖓᓂ−ᐱᓗᐊᖅᑐᒥ ᐊᖏᖅᓯᒪᓂᑦᑎᓐᓂ ᐊᑐᐃᓐᓇᐅᑎᑦᑎᔪᒪᓪᓗᑎᒃ ᐃᓕᓐᓂᐊᕈᑎᒃᓴᑦᑎᐊᕙᖕᓂᒃ, ᐱᓕᒻᒪᒃᓴᕈᑎᓂᒃ, ᐃᖅᑲᓇᐃᔮᕆᔭᐅᔪᒪᔪᓂᒡᓗ ᐱᕚᓪᓕᕈᑎᒃᓴᓂᒃ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᒃᑲᓐᓂᖅᑐᓂᒃ ᐱᕙᓪᓕᐊᑎᑦᑎᓗᑎᒡᓗ ᓴᙱᔪᒥᒃ, ᑭᒡᒐᖅᑐᐃᔪᓂᒃ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂᒃ. ᐅᖃᖅᑎᑦᑎᔩ, ᓄᕕᐱᕆ 2024−ᒥ, ᐃᖅᑲᓇᐃᔭᖅᑐᓕᕆᔨᒃᑯᑦ ᓴᖅᑭᑎᑦᑎᓚᐅᖅᐳᑦ ᐃᓕᓴᕆᔭᐅᓯᒪᔪᒥᒃ ᐃᖅᑲᓇᐃᔭᖅᑐᓕᕆᓂᕐᒧᑦ ᓇᓗᓇᐃᒃᑯᑕᖅᑖᕐᓂᕐᒧᑦ ᐱᓕᕆᐊᒥᒃ. ᑖᓐᓇ ᐱᓕᕆᐊᒃᓴᖅ ᑲᔪᓯᑎᑕᐅᕙᒃᐳᖅ ᐱᓕᕆᖃᑎᒋᔭᐅᓪᓗᑎᒃ ᕋᑦ ᕆᕗ ᓯᓚᑦᑐᖅᓴᕐᕕᖕᒥ ᐃᓕᓴᕆᔭᐅᓯᒪᓪᓗᓂᓗ ᒫᓂᑑᐸᒥ ᐱᓕᕆᕝᕕᖕᒥ ᑲᓇᑕᒥ ᐸᐃᑉᐹᖅᑖᖅᓯᒪᔪᖅ ᐱᓕᕆᔨᓪᓚᕆᑦ ᐃᖅᑲᓇᐃᔭᖅᑐᓕᕆᓂᕐᒧᑦ. ᐊᕐᕌᒎᓵᖅᑐᒥ ᓇᑉᐸᕐᒥᓗ, ᓯᕗᓪᓕᖅᐹᑦ ᐃᓕᓐᓂᐊᖃᑕᐅᔪᑦ−ᑕᒪᕐᒥᑦᑎᐊᖅ ᐃᓅᓪᓗᑎᒃ ᐃᖅᑲᓇᐃᔭᖅᑎᒋᔭᐅᓪᓗᑎᒃ ᓄᓇᕗᑦ ᒐᕙᒪᖓᓄᑦ−ᐱᐊᓂᓚᐅᖅᐳᑦ ᑕᒪᑐᒥᖓ ᐊᒃᓱᕈᕐᓇᖅᑐᒥᒃ ᐱᓕᕆᐊᒃᓴᒥᒃ ᐃᖅᑲᓇᐃᔭᐃᓐᓇᖅᖢᑎᒡᓗ ᐅᓪᓗᓕᒫᖅ ᓄᓇᕗᑦ ᒐᕙᒪᖓᓂ ᐱᓕᕆᐊᒃᓴᕆᔭᒥᓂ. ᐃᓕᑉᐸᓪᓕᐊᓚᐅᖅᐳᑦ ᐃᓕᓐᓂᐊᕐᕕᐊᕈᓯᕐᒥᑐᐃᓐᓇᐅᙱᑦᑐᖅ. ᐃᓚᐅᔪᑦ ᖃᐅᔨᓴᖃᑕᐅᓚᐅᖅᐳᑦ ᐅᐃᓂᐸᐃᒡᒧᑦ, ᐳᓛᕆᐊᖅᖢᑎᒃ ᕋᑦ ᕆᕗ ᓯᓚᑦᑐᖅᓴᕐᕕᖕᒧᑦ ᐱᓕᕆᖃᑎᖃᖅᖢᑎᒡᓗ ᐱᓕᕆᔨᓪᓚᕆᖕᓂᑦ, ᐱᒻᒪᕆᐅᔪᓂᒃ ᑲᑎᙵᖃᑎᖃᖅᖢᑎᒃ ᐅᓄᕐᓂᖅᓴᓂᒃ ᐃᖅᑲᓇᐃᔭᖅᑐᓕᕆᔨᒃᑯᓐᓂ ᓄᓇᓕᖏᓐᓂ. ᐅᖃᖅᑎᑦᑎᔩ, ᔭᓄᐊᕆ 23, 2026−ᒥ, ᐅᐱᒍᓱᒃᖢᑕ ᖁᕕᐊᓲᑎᖃᓚᐅᖅᐳᒍᑦ ᐃᓕᓐᓂᐊᖅᑕᐅᔪᒃᓴᓂᒃ ᓯᕗᓪᓕᖅᐹᓂᒃ ᐃᓕᓐᓂᐊᖅᑕᒥᓂᒃ ᐊᓂᒍᐃᔪᓂᒃ. ᐊᓕᐊᓇᐃᒍᓱᑦᑎᐊᖅᐳᖓ 17−ᓂᒃ ᓄᓇᕗᒻᒥ ᐃᓄᖕᓂᒃ ᐊᓂᒍᐃᔪᓂᒃ ᑭᒡᒐᖅᑐᐃᓪᓗᑎᒃ ᖁᓕᓂᒃ ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᓐᓂᒃ ᑐᑦᑕᕐᕕᖏᓐᓂᒡᓗ. ᑖᒃᑯᐊ ᐊᓂᒍᐃᔪᑦ ᓴᒃᑯᑦᑎᔪᓐᓇᖅᑎᑕᐅᕗᑦ ᑲᓇᑕᓕᒫᒥ ᖃᐅᔨᒪᔭᒥᓂᒃ ᖃᐅᔨᓴᕈᑕᐅᔭᕆᐊᓕᖕᒥᒃ ᐸᐃᑉᐹᖅᑖᕋᓱᒃᑎᓪᓗᒋᑦ ᐱᓕᕆᔨᓪᓚᕆᐅᓂᕐᒧᑦ ᐃᖅᑲᓇᐃᔭᖅᑐᓕᕆᔨᒃᑯᓐᓂ ᓇᓗᓇᐃᖅᑕᐅᓯᒪᔪᑦ−ᐃᓂᑖᖅᑎᑕᐅᑦᑎᐊᕐᓗᑎᒃ ᑲᓇᑕᓕᒫᒥ ᐃᓕᓴᕆᔭᐅᓯᒪᔪᒥᑦ ᐱᓕᕆᔨᓪᓚᕆᐅᓂᕐᒧᑦ ᑲᔪᓯᑦᑎᐊᕐᓗᓂ.

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 3 ᖁᕕᐊᓱᒃᐳᖓ ᒪᓕᒐᓕᐅᖅᑎᐅᖃᑎᒃᑲ ᑐᓴᖅᑎᑦᑐᓐᓇᕋᒃᑭᑦ ᐊᐃᑉᐸᖓ ᐃᓕᓐᓂᐊᖃᑕᐅᔪᖅ, ᐃᓚᖃᖅᖢᓂ ᖁᓕᓂᒃ ᓄᓇᕗᒻᒥ ᐃᓄᖕᓂᒃ ᐃᖅᑲᓇᐃᔭᖅᑎᓂᒃ, ᐱᒋᐊᓚᐅᖅᓯᒪᕗᖅ ᓯᑎᐱᕆ 2025−ᒥ ᓂᕆᐅᒃᐳᒍᓪᓗ ᖁᕕᐊᓲᑎᖃᓛᕐᓂᑦᑎᓐᓂᒃ ᐊᓂᒍᐃᔪᓂᒃ ᑕᒪᑐᒪᓂ ᐊᕐᕌᒍᒥ. ᖁᔭᓐᓇᒦᒃ ᐅᖃᖅᑎᑦᑎᔩ. ᐅᖃᖅᑎ ᑐᒡᓕᐊ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑕᑦᑐᐃᓂ. ᒥᓂᔅᑕᐃᑦ ᐅᖃᐅᓯᔅᓴᖏᑦ, ᐃᓄᓕᕆᔨᒃᑯᑦ ᒥᓂᔅᑕᖓᑦ, ᒥᔅ Hᐄᓕ-ᐊᕿᐊᕈᖅ. ᒥᓂᔅᑕᑉ ᐅᖃᐅᓯᖓ 27 – 7(1): ᐃᓕᓐᓂᐊᕈᑎᒃᓴᖅᑖᖅᑎᑕᐅᔪᑦ ᐊᖓᔪᖅᑳᖅ Hᐄᓕ-ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᖁᕕᐊᓱᒃᐳᖓ ᑐᓴᖅᑎᑦᑎᔪᓐᓇᕋᒪ ᑐᓂᔭᐅᓚᐅᖅᑐᓂᒃ ᐅᓖᐱᑲ ᐅᕿ ᐅᐃᓕᐊᒻᔅᒥᒃ ᐃᓕᓐᓂᐊᖅᑐᓄᑦ ᐃᑲᔫᑎᓂᒃ, ᑐᕌᖓᓗᐊᖅᑐᖅ ᓄᓇᕗᒻᒥᐅᓄᑦ ᐃᖅᑲᓇᐃᔮᖅᑖᕈᒪᔪᓄᑦ ᐃᓄᓕᕆᔨᐅᓂᕐᒧᑦ, ᐃᓅᓯᓕᕆᔨᐅᓂᕐᒧᑦ, ᐅᕝᕙᓘᓐᓃᑦ ᐃᓱᒪᓕᕆᔨᐅᓂᕐᒧᑦ. ᑖᓐᓇ ᐃᓕᓐᓂᐊᖅᑐᓄᑦ ᐃᑲᔫᑎ ᑐᕌᖓᑎᑕᐅᕗᖅ ᐃᑲᔪᖅᑐᐃᔾᔪᑕᐅᓪᓗᓂ ᐃᓕᓐᓂᐊᕐᓂᕐᒧᑦ ᐱᔭᐅᔪᒪᕙᒃᑐᓂᒃ ᐃᓄᖕᓄᑦ ᐊᖏᖅᓯᒪᑦᑎᐊᖅᑐᓄᑦ ᐅᔾᔨᕐᓇᖅᑐᒥᒃ ᐊᒃᑐᖅᓯᓂᖃᕈᒪᔪᓄᑦ ᓄᓇᓕᖏᓐᓂ. ᐱᔪᓐᓇᖅᑎᑕᐅᔪᑦ ᐅᑯᐊᖑᕗᑦ: • ᑖᓇᓴ ᑏᓐ ᐃᖃᓗᖕᒥᐅᑕᖅ, ᐃᓕᓐᓂᐊᖅᑐᖅ ᐃᓱᒪᓕᕆᓂᕐᒥᒃ ᓯᓚᑦᑐᖅᓴᕐᕕᒡᔪᐊᖓᓂ ᐋᑐᕚᒥ ᐱᕙᒌᔭᖅᓯᒪᓪᓗᓂᓗ ᓄᑕᖅᑲᓄᑦ ᐃᓱᒪᓕᕆᔨᙳᕈᒪᓪᓗᓂ. • ᓵᓐᑎᐅᓪ ᕿᓐᖑᖅ ᑰᒑᕐᔪᖕᒥᐅᑕᖅ, ᐃᓄᓕᕆᔨᐅᓂᕐᒧᑦ ᐃᓕᓐᓂᐊᖃᑕᐅᔪᖅ ᓄᓇᕗᒻᒥ ᓯᓚᑦᑐᖅᓴᕐᕕᖕᒥ ᐊᒻᒪ ᒥᒧᐊᕆᐅ ᓯᓚᑦᑐᖅᓴᕐᕕᒡᔪᐊᕐᒥ, ᐃᓄᓕᕆᔨᙳᕈᒪᓪᓗᓂᓗ. • ᓵᓚᑦ ᓯᒃᓯᒃ ᑲᖏᖅᖠᓂᕐᒥᐅᑕᖅ, ᐃᓕᓐᓂᐊᖅᑐᖅ ᐃᓱᒪᓕᕆᓂᕐᒥᒃ ᐋᑲᑎᐊ ᓯᓚᑦᑐᖅᓴᕐᕕᒡᔪᐊᕐᒥ, ᒥᑭᑦᑐᒥᒃ ᐱᕋᔭᒃᑐᓕᕆᓂᕐᒥᒃ ᐱᕋᔭᒃᑐᓕᕆᓂᕐᒥᒡᓗ ᒪᓕᒐᓕᕆᓂᕐᒥᒃ, ᐱᕙᒌᔭᖅᓯᒪᓪᓗᓂᓗ ᐃᓗᐊᖅᓴᐃᓂᕐᒧᑦ ᐃᓱᒪᓕᕆᔨᙳᕈᒪᓪᓗᓂ. • ᕙᐃᑦ ᕗᐃᓯ ᑲᖏᖅᖠᓂᕐᒥᐅᑕᖅ, ᑐᒡᓕᐊᓂ ᐊᕐᕌᒍᒥ ᐃᓕᓐᓂᐊᖅᑐᖅ ᓄᓇᕗᒻᒥ ᓯᓚᑦᑐᖅᓴᕐᕕᖕᒥ ᐃᓄᓕᕆᔨᐅᓂᕐᒧᑦ ᐃᓕᓐᓂᐊᒐᒃᓴᒥᒃ ᐃᓄᓕᕆᔨᙳᕈᒪᓪᓗᓂᓗ. • ᑲᑐᕇᓇ ᐋᓐᑐᓴᓐ ᑲᖏᖅᖠᓂᕐᒥᐅᑕᖅ, ᐊᐃᑉᐸᖓᓂᑦᑕᐅᖅ ᐊᕐᕌᒍᒥ ᐃᓕᓐᓂᐊᖅᑐᖅ ᓄᓇᕗᒻᒥ ᓯᓚᑦᑐᓴᕐᕕᒻᒥ ᐃᓄᓕᕆᔨᐅᓂᕐᒧᑦ ᐃᓕᓐᓂᐊᖅᑐᖅ ᐊᒻᒪᓗ ᐸᕐᓇᑦᑐᖅ ᐃᓄᓕᕆᔨᐅᓂᕐᒧᑦ. ᐃᓄᓕᕆᔨᒃᑯᑦ ᓴᖅᑭᑦᑎᓚᐅᖅᓯᒪᕗᑦ ᐃᓕᓐᓂᐊᕈᑎᒃᓴᖅᑖᕈᑎᒥᒃ 2023−ᒥ ᐃᓕᓴᕆᔪᒪᓪᓗᒍ ᒦᔅ ᐅᐃᓕᐊᒻᔅ ᐃᖅᑲᓇᐃᔮᕆᖃᑦᑕᖅᓯᒪᔭᖓ ᐃᓗᐊᖅᓴᐃᔨᐅᓂᕐᒧᑦ, ᐃᓄᓕᕆᔨᐅᓂᕐᒧᑦ, ᒐᕙᒪᓕᕆᓂᕐᒧᑦ, ᑲᓇᑕᒥ ᐊᓂᓴᕋᐃᑦᑐᓄᑦ ᑲᑎᒪᔨᓄᑦ, ᐊᒻᒪ ᑲᒥᓯᓇᐅᑉ ᑐᒡᓕᐊᓄᑦ ᓄᓇᕗᒻᒧᑦ. ᑖᓐᓇ ᐃᓕᓐᓂᐊᕈᑎᒃᓴᖅ ᐅᐱᒍᓱᒃᑐᖅ ᐃᖅᑲᐅᒪᔭᒥᓂᒃ ᐱᔨᑦᑎᕋᖅᓯᒪᓂᖓᓄᑦ ᐊᖏᖅᓯᒪᓂᖓᓄᓪᓗ ᐃᓅᖃᑎᒌᓄᑦ ᒪᓕᒐᓕᕆᓂᕐᒥᒃ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. >> ᐸᑦᑕᖅᑐᖅᑐᑦ ᐅᖃᖅᑎ: ᖁᔭᓐᓇᒦᑦᑕᐅᖅ. ᑲᑎᒪᔾᔪᑎᑦᑎᓐᓄᑦ ᓈᓴᐅᑎᖓ – 3, ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐅᖅᑯᕐᒥᐅᑦ ᒪᓕᒐᓕᐅᖅᑎᖓ, ᒥᔅᑕ ᑲᐅᑐᖅ.

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 4 ᑲᑎᒪᔾᔪᑎᒃᓴᖅ 3: ᒪᓕᒐᓕᐅᖅᑏ ᐅᖃᐅᓯᒃᓴᖏᑦ ᒪᓕᒐᓕᐅᖅᑎᑉ ᐅᖃᐅᓯᖓ 37 – 7(1): ᐅᐱᒍᓱᓐᓂᖅ ᐅᑭᐅᖅᑕᖅᑐᒥ ᐱᙳᐊᕕᔾᔪᐊᕆᐊᖅᑐᖅᓯᒪᔪᓂᑦ ᑲᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᕈᒪᑐᐃᓐᓇᖅᑐᖓ ᐅᖃᐅᓯᕗᑦ ᐅᐱᒋᒐᒃᑯᒃ ᓂᕈᐊᖅᑕᐅᓯᒪᕕᑦᑎᓐᓂ, ᐊᕐᕕᓂᓕᓂᒃ ᐃᓄᑦᑕᖃᕐᖓᑦ ᑲᖏᖅᑐᒑᐱᒻᒦᖔᖅᑐᓂᒃ ᑕᓪᓕᒪᐅᓪᓗᑎᒃ, ᑖᒃᔅ ᐊᑲᕙᒃ, ᑐᕈᐃ ᔪᐊᓇᔅ, ᔨᓕᐊᑦ ᐸᓖᑦᑐᖅ, ᓈᑎᐊ ᑲᐅᑐᖅ, ᑲᖏᖅᑐᒑᐱᒻᒥᑦ ᐊᒻᒪ ᐊᑕᐅᓯᖅ ᕿᑭᖅᑕᕐᔪᐊᕐᒦᖔᖅᑐᖅ, ᑏᓇ ᖁᓪᓗᐊᓕᒃ. ᖁᔭᓐᓇᒦᒃ, ᐅᖃᖅᑏ. >> ᐸᑦᑕᖅᑐᖅᑐᑦ ᐅᖃᖅᑎ: ᖁᔭᓐᓇᒦᑦᑕᐅᖅ. ᖁᕐᓗᖅᑑᑉ ᒪᓕᒐᓕᐅᖅᑎᖓ, ᒥᔅᑕ ᖁᓕᒃᑖᓇ. ᒪᓕᒐᓕᐅᖅᑎᑉ ᐅᖃᐅᓯᖓ 38 – 7(1): ᖁᔭᓕᓂᖅ ᖁᓪᓕᖅ ᐃᑯᒻᒪᖅᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᓐᓂᑦ ᖁᕐᓗᖅᑑᒥ ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᕈᑎᓪᓗᒋᑦ ᖁᕐᓗᖅᑑᕐᒥᐅᑕᐃᑦ ᐅᕙᖓᓗ, ᐅᕙᓐᓃᖔᕐᓗᓂᓗ ᒫᓐᓇ ᐊᑲᐅᓈᕐᓂᖓᓂ ᐃᓕᓴᖅᓯᒍᒪᒐᒪ ᖁᓚᓕᓗᖓᓗ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᖁᕐᓗᖅᑑᕐᒥᑦ, ᓯᐅᓪᑕᑦ ᒃᓕᖏᓐᐴᒃ, ᐲᑕ ᑳᐱᓐᑕ, ᐱᓕ ᒪᑯᐃᓕᐊᒻ, ᑖᒃᑯᐊ ᐊᖏᖅᓯᒪᑦᑕᐃᕐᓂᖏᑦ ᖃᐅᔨᒪᓂᐊᓗᖏᓪᓗ ᑕᐃᒫᒃ ᖃᐅᒪᖃᐃᓐᓇᑦᑎᐊᖅᑎᑦᑎᓯᒪᒻᒪᑕ ᖃᒥᖃᑦᑕᖏᑦᑎᐊᖅᑐᑕ ᐱᑐᖃᐅᓂᖅᐹᕐᒥ ᐊᐅᓚᐃᓐᓇᖅᑎᑦᑎᓪᓗᑎᒃ ᐆᒻᒪᖅᑯᑎᓕᐅᕈᑎᒥᒃ. ᑕᐃᒫᒃ ᐱᔭᕆᐊᑐᖃᑦᑕᕐᖓᑦ ᐱᑐᖄᓗᓐᓂᒃ ᐊᐅᓚᐃᓐᓇᖅᑎᑦᑎᒐᓱᐊᖅᑐᓂ ᑕᐃᒃᑯᐊ ᐃᓕᓴᕆᓪᓚᕆᑉᐸᒃᑲ, ᓯᐅᓪᑕᑦ, ᓕᓕᐊᑦ, ᐊᒻᒪᓗ ᐲᑕ ᐊᖏᖅᓯᒪᓂᖃᑦᑎᐊᖅᑐᐊᓘᒻᒪᑕ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᖅᑐᖅᑐᑦ ᐅᖃᖅᑎ: ᖁᔭᓐᓇᒦᒃ, ᒪᓕᒐᓕᐅᖅᑏᑦ ᐅᖃᐅᓯᖏᑦ. (ᑐᓵᔨᑎᒎᓕᖅᑐᖅ) ᑭᖑᓪᓕᐅᓕᕐᒥᔪᖅ ᑕᐃᒪ, ᒪᓕᒐᓕᐅᖅᑎᐅᔪᖅ ᐃᖃᓗᑦᑑᑦᑎᐊᕐᒧᑦ, ᖁᔭᓐᓇᒦᑦᑕᐅᖅ ᐅᖃᖅᑎᐅᑲᐃᓐᓇᕋᑖᕋᕕᑦ. ᖄᖏᐅᑎᒐᓛᕋᑖᕋᒪ ᑕᕝᕗᖓ, ᖁᔭᓐᓇᒦᒃ, ᒥᔅᑕ ᐲᑕᓴᓐ. ᒪᓕᒐᓕᐅᖅᑎᑉ ᐅᖃᐅᓯᖓ 39 – 7(1): ᓄᓇᓕᓐᓂ ᐊᑭᓕᖅᓱᖅᑕᐅᒐᑎᒃ ᐃᑲᔪᖅᑏᑦ ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓪᓗᒥ ᓂᑯᕕᑦᑐᖓ ᐃᓕᓴᖅᓯᒍᒪᓪᓗᖓ ᐊᒥᓱᐊᓗᓐᓂᑦ ᑮᓇᐅᔾᔭᔅᓴᑎᓐᓇᑎ ᐃᑲᔪᖃᑦᑕᖅᑐᓂᑦ ᓄᓇᑦᑎᓂ. ᑕᐃᒪᐃᑦᑐᓂᒃ ᐱᑕᖃᕐᓂᖏᑉᐸᑦ ᐱᙳᐊᕈᑎᕈᓘᔭᕐᓂᑦ ᐱᓕᕆᔾᔪᑎᓂᑦ ᐱᑕᖃᕋᔭᙱᑦᑐᖅ. ᐃᖃᓗᑦᑑᑦᑎᐊᕐᒥᑦ ᓄᓇᑦᑎᓐᓂ ᐃᑲᔪᖅᑎᖃᖅᐸᒃᑲᑦᑕ ᐹᔅᑭᑦᐹᓪᖅᑐᓂᑦ, ᐅᓇᓕᔅᓴᙳᐊᖑᔪᓂᑦ, ᐊᒻᒪ ᐃᖃᐃᓕᓴᖅᑐᓂᑦ ᐊᒻᒪ ᓄᑲᖅᑎᓂ ᐊᖏᔫᑎᓂᓪᓗ Hᐋᑭᖅᑎᐅᔪᓂᑦ ᐱᓕᕆᑎᑦᑎᖃᑦᑕᕐᖓᑕ. ᐅᖃᖅᑏ, ᖃᓄᐃᑦᑐᕈᓘᔮᓗᓐᓂᒃ ᐱᓕᕆᑎᑕᐅᓪᓗᑎᒃ ᑎᒥᖏᑦ ᖃᓄᐃᙱᑦᑎᐊᖅᑎᑕᐅᖃᑦᑕᕐᖓᑕ ᐊᒻᒪᓗ ᓇᓖᕌᕋᔅᓴᖅᑖᑦᑎᐊᖅᑎᑕᐅᕙᑦᑐᑎᒃ ᑭᓱᓕᕆᔪᒪᓛᕐᒪᖔᑕ ᐃᓅᓯᖏᓐᓂᒃ. ᐃᓚᖏᑦ ᐃᖃᓗᑦᑑᑦᑎᐊᕐᒥᐅᑕᐅᔪᑦ ᐃᓚᖏᑦ ᐃᖃᓗᑦᑑᑦᑎᐊᕐᒥᐅᑕᐅᑲᐃᓐᓇᑐᐃᓐᓇᖅᐸᑦᑐᑦ ᐊᑦᑐᖅᓯᔪᐃᓐᓇᐅᖃᑦᑕᕐᖓᑕ.

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 5 ᒪᕐᕉᒃ ᐊᑯᓂᐊᓗᒃ ᑖᒃᑯᐊᒃ ᐃᑲᔪᖅᑎᐅᓯᒪᔫᒃ ᐊᔅᓱᐊᓗᒃ ᑐᓂᓯᓯᒪᔫᒃ, ᑕᐃᕕᑎ ᐃHᐃᒋᑦᑐᖅ ᐊᒻᒪ ᑕᐃᕕᑎ ᓇHᐆᔭᖅ. 1979-ᒥᓂ ᑖᒃᑯᐊ ᐹᔅᑭᑦᐹᓪᖅᑎᑦᑎᖃᑦᑕᖅᓯᒪᒻᒪᑕ ᐊᐅᓚᑦᑎᐊᓪᓚᕆᑦᑐᐊᓗᓐᓂᒃ Wolverine-ᓂ ᐊᑎᖃᖅᑐᓂ. ᐃᖃᓗᑦᑑᑦᑎᐊᕐᒥ ᐊᒻᒪᓗ ᕿᑎᕐᒥᐅᓃᖔᖅᑐᓂᑦ ᓇᓗᓇᐃᒃᑯᑕᕈᓘᔮᓗᓐᓂᑦ ᓴᖅᑭᔮᖅᑎᑦᑎᕙᑦᑐᐃᑦ, ᐊᓪᓛᓪᓗ ᐊᕗᖔᓗᒃ ᑕᕆᐅᑉ ᐊᑭᐊᓄᑦ ᐱᙳᐊᕆᐊᖅᑐᖃᑦᑕᖅᓯᒪᔪᑦ. ᑕᐃᒫᒃ ᓄᓇᕘᒥᓪᓗ ᑕᐃᒃᑯᐊ ᑭᒡᒐᖅᑐᐃᔪᐃᑦ ᐱᙳᐊᕕᔾᔪᐊᖅᑐᓂ ᐃᓕᓴᕆᒋᕙᒃᑲ ᐊᒻᒪ ᓂᑯᕕᖁᑦᑕᕋᓗᐊᖅᑲᒃᑲ ᐃᓕᓴᖅᓯᑦᑎᐊᕐᓂᐊᕋᑦᑕ ᑕᐃᒃᑯᓂᖓ ᑮᓇᐅᔾᔭᔅᓴᒐᑎᒃ ᐃᑲᔪᖅᑎᐅᕙᑦᑐᓂᑦ ᓄᓇᓕᓐᓂ. ᖁᔭᓐᓇᒦᒃ. >>ᐸᑦᑕᑐᖅᑐᑦ ᐅᖃᖅᑎ: ᐅᐱᒍᓱᖃᑎᒋᕙᔅᓯᑦ. ᒪᓕᒐᓕᐅᖅᑏᑦ ᐅᖃᐅᓯᖏᑦ, ᐸᓐᓂᖅᑑᑉ ᒪᓕᒐᓕᐅᖅᑎᖓ, ᒥᔅᑕ ᒪᐃᒃ. ᒪᓕᒐᓕᐅᖅᑎᑉ ᐅᖃᐅᓯᖓ 40 – 7(1): ᖃᓕᕋᓕᓐᓂᐊᕐᓂᖅ ᐸᓐᓂᖅᑑᒥ ᒪᐃᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᓄᓇᕗᒻᒥᐅᑦ ᑕᐅᑐᑦᑐᑦ, ᐸᓐᓂᖅᑑᕐᒥᐅᓪᓗ ᐅᓪᓗᒃᑰᖅᑲᔅᓯᑦ, ᐊᒻᒪᓗ ᑖᒃᑯᐊ ᐅᕙᓂ ᐳᓛᕐᕕᒻᒦᑦᑐᑦ. ᑐᙵᓱᓪᓕ ᑕᕝᕗᖓ ᐃᓪᓗᒧᑦ. ᐅᖃᐅᓯᖃᕈᒪᔪᖓᓕ ᓄᑖᖑᙱᑦᑐᒥᒃ, ᓄᓇᓕᓐᓄᑦ ᐸᓐᓂᖅᑑᕐᒧᑦ ᐊᑑᑎᖃᐃᓐᓇᖅᑐᑦ ᐊᕐᕌᒍᑕᒫᖅ ᐅᑭᐅᕋᐃᒻᒪᑦ. ᑕᐃᒪ ᖃᓕᕋᓕᒐᓱᓐᓂᖅ ᒫᓐᓇ ᐊᐅᓚᒻᒪᑦ, ᐅᑭᐅᖅ ᒪᑐᐃᓚᐅᖅᑐᓂ. ᖃᓕᕋᓕᒐᓱᑦᑏᑦ 1,100,000 ᐅᖁᒪᐃᓐᓂᓕᓐᓂᒃ ᐱᔭᔅᓴᖃᖅᑎᑕᐅᒻᒪᑕ, ᒫᓐᓇᐅᔪᖅ ᑖᒃᑯᓄᖓ ᓚᐃᓴᓐᔅᑖᖅᓯᒪᔪᑦ, ᖃᓕᕋᓖᑦ ᑮᓇᐅᔭᓕᐅᕈᑕᐅᓂᐊᖅᑲᑕ ᓚᐃᓴᖃᕆᐊᖃᖅᐸᒻᒪᑕ, 90-ᓂᑦ ᓚᐃᓴᔅᓯᑖᖅᓯᒪᔪᖃᖅᓯᒪᓕᖅᑐᖅ ᐅᓪᓗᒥᒧᑦ. ᐃᑲᔪᖅᑎᖃᕈᑎ ᑕᐃᒪ ᐊᑕᐅᓯᕐᒥᒃ ᑖᒃᑯᐊ 180-ᕈᖅᑐᑦ ᖃᓕᕋᓕᒐᓱᑦᑐᑦ. ᐊᖑᑏᓪᓗ ᐊᕐᓇᐃᓪᓗ ᐊᒻᒪ ᐃᖃᓗᓕᕆᕕᒻᒥ ᐃᖅᑲᓇᐃᔭᖅᑐᑦ ᑕᒫᓂ 50-ᖏᓐᓃᒍᓐᓇᕐᓂᕋᖅᑕᐅᓯᒪᔪᑦ, ᑖᒃᑯᐊ ᐃᓕᓐᓂᐊᖅᑏᑦ 9-ᖑᓪᓗᑎᒃ ᐃᓕᓐᓂᐊᕐᕕᓐᓂᑦ ᐃᖅᑲᓇᐃᔭᖃᑕᐅᔪᑦ. ᒫᓐᓇ ᐅᓪᓗᒥᒧᑦ ᑖᒃᑯᐊ ᖃᓕᕋᓖᑦ ᐅᖁᒪᐃᓐᓂᖓ ᖃᓕᕋᓕᑦᑕᐅᓯᒪᓕᖅᑐᕉᖅ, ᐃᑉᐸᔅᓴᖅ ᑐᓴᖅᑎᑕᐅᓚᐅᖅᑐᖓ 635,995 ᐅᖁᒪᐃᓐᓂᖏᑦ. ᑖᒃᑯᐊ ᐃᖃᓗᓕᕆᕕᒃᑰᖅᓯᒪᓕᖅᑐᐃᑦ. ᑖᓐᓇ ᖃᓕᕋᓕᑦᑕᐅᓯᒪᔪᖅ ᑮᓇᐅᓕᐅᕈᑕᐅᓯᒪᕗᖅ ᒥᔅᓴᐅᓴᑦᑐᒋᑦ $840,000.00 ᑖᒃᑯᓄᖓ ᐃᖅᑲᓇᐃᔭᕐᕕᒦᑦᑐᓄᓪᓗ ᐊᒻᒪ ᖃᓕᕋᓕᓐᓂᐊᖅᑐᓄᑦ. ᑕᐃᒪ ᑕᒪᓐᓇ ᑕᐃᒪᐃᖏᓐᓇᕐᖓᑦ 1994-ᒥᓂᑦ, ᐃᓄᓐᓄᑦ ᓴᓇᐅᒐᐅᔪᖅ ᑖᓐᓇ ᐋᖅᑭᑦᑕᐅᓂᑯ ᓄᓇᓕᓐᓂᑦ, ᒐᕙᒪᒃᑯᓐᓂᑦ ᐃᑲᔪᖅᑎᖃᖅᑐᑎᒃ. ᒫᓐᓇ ᐊᕐᕌᒍᓂᑦ 32-ᓂᑦ ᐊᐅᓚᓕᖅᑐᖅ. ᑖᓐᓇ ᖃᓕᕋᓕᒐᓱᑦᑕᕐᓂᖅ ᐃᑲᔪᓪᓚᕆᖃᑦᑕᖅᑐᖅ ᐃᓄᓐᓂᒃ ᐃᖅᑲᓇᐃᔮᖃᖅᐸᖏᑦᑐᓂᒃ. ᓄᖅᑲᕐᓂᐊᕐᒥᒻᒪᑕ ᑕᐃᒪ ᑖᓐᓇ 1-ᒥᓕᐊᓐ ᐅᖁᒪᐃᓐᓂᖏᑦ 100,000, ᓄᖑᑕᐅᑉᐸᑦ. ᑕᐃᒪ ᑕᐃᒃᑯᐊ ᐃᖃᓗᒐᓱᖃᑕᐅᓚᐅᖅᑐᑦ 5,000−ᓂ ᐅᖁᒪᐃᓐᓂᓕᓐᓂᑦ ᐃᖃᓗᐃᖅᓯᒪᑐᐊᕈᑎᒃ ᐃᖃᓗᒐᓱᓐᓇᖅ ᓄᖅᑲᖅᑲᑦ, ᑕᐃᒃᑯᐊ ᐃᖅᑲᓇᐃᔮᖃᕈᓐᓃᑎᓪᓗᒋᑦ ᑮᓇᐅᔭᖅᑖᖑᖃᑦᑕᖅᑐᑦ ᐊᑐᓕᕐᓂᐊᕐᒥᔪᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. ᒪᒥᐊᓇ. >>ᐸᒃᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐊᑎᖁᑎᒃᑲ ᒪᓕᓪᓗᒋᑦ, ᐊᐃᕕᓕᖕᒧᑦ ᒪᓕᒐᓕᐅᖅᑎ, ᒥᔅ ᐊᖑᑎᐊᓗᒃ.

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 6 ᒪᓕᒐᓕᐅᖅᑎᑉ ᐅᖃᐅᓯᖓ 41 – 7(1): ᓄᓇᓕᓐᓂ ᐃᓪᓗᓕᕆᓂᖅ ᐊᖑᑎᐊᓗᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᑖᒃᑯᐊ ᐃᒡᓗᓕᕆᔨᒃᑯᓐᓄᑦ ᑲᑎᒪᔨᙳᕋᑖᕐᓂᑯᐃᑦ ᑕᐃᓂᐊᕋᒃᑭᑦ ᐊᑎᖏᑦ, ᐅᐱᒋᕙᒃᑲᓗ ᐱᖓᓱᓂᑦ ᐅᑭᐅᓂᑦ ᐊᑕᓚᖓᔪᐃᑦ. ᐃᒪᓕ ᐃᑦᑐᖅ, ᔩᓇ ᓈᑯᓛᒃ, ᐅᐃᓕᐊᒻ ᐸᓐᓂᐅᖅ, ᒥᐊᓕ ᐳᓪᓚᑦ. ᐅᐱᒋᕙᔅᓯ ᑕᐃᑲᓂ ᐅᕿᙱᑦᑑᓐᓇᖃᑦᑕᕐᒪᑦᑕᐅᖅ ᐃᒡᓗᓕᕆᔨᒃᑯᓐᓂᑦ ᑲᑎᒪᔨᐅᓪᓗᓂ ᑲᑎᒪᔨᐅᕋᑖᓚᐅᕋᒪ. ᐅᐱᒋᒍᒪᓪᓗᒋᑦ ᑖᒃᑯᐊ ᑲᑎᒪᔨᙳᕋᑖᖅᑐᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᒃᑕᑐᖅᑐᑦ ᐅᖃᖅᑎ: ᒪᓕᒐᓕᐅᖅᑏᑦ ᐅᖃᐅᓯᖏᑦ. ᒪᓕᒐᓕᐅᖅᑎ ᐊᒡᒍᒧᑦ, ᒥᔅᑕ ᐊᑕᒍᑦᑖᓗᒃ. ᒪᓕᒐᓕᐅᖅᑎᑉ ᐅᖃᐅᓯᖓ 42 – 7(1): ᓂᕈᐊᖅᑕᐅᕕᒋᓯᒪᔭᖓᑕ ᐃᑲᔪᖅᑎᖓ ᐊᐅᓪᓚᖅᑎᑕᐅᓂᖓ ᑐᐊᕕᕐᓇᖅᑐᒃᑯᑦ ᐊᑕᒍᑦᑖᓗᒃ: ᖁᔭᓐᓇᒦᒃ, ᐅᖃᖅᑏ. ᓇᓗᓇᐃᑐᐃᓐᓇᕈᒪᕗᖓᓕ ᑖᓐᓇ ᐊᒡᒍᒧᑦ ᑎᑎᕋᖅᑎᐅᔪᖅ ᐃᑲᔪᖅᑎᒋᔭᒐ, ᒨᓯᔅ ᐃᖃᖅᑕ. ᐅᓪᓛᖑᔪᖅ ᐋᓐᓂᐊᕕᓕᐊᕆᐊᖃᖅᑲᐅᓂᕐᒪᑦ ᑕᐃᒪ ᑕᒪᐅᖓ ᓱᒃᑲᔪᒃᑯᑦ ᐋᓐᓂᐊᕕᓕᐊᖅᑐᓄᑦ ᖃᖓᑕᓲᒃᑯᑦ ᐃᖃᓗᓐᓅᖓᐅᑎᑕᐅᓂᐊᕐᒪᑦ, ᐃᓱᒪᒋᓂᐊᖅᐸᕗᑦ ᐃᑲᔪᖅᑕᐅᖁᓂᐊᖅᐸᕗᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎᐊ: ᖁᔭᓐᓇᒦᒃ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᑐᓄᓂᐊᕐᒧᑦ ᒪᓕᒐᓕᐅᖅᑎ, ᒥᔅᑕ ᑯᓄᒃ. ᒪᓕᒐᓕᐅᖅᑎᑉ ᐅᖃᐅᓯᖓ 43 – 7(1): VHF ᓈᓚᐅᑎᓕᕆᔾᔪᑎᖏᑦ ᐱᐅᓯᒋᐊᖅᑕᐅᓂᖏᑦ ᐊᖓᔪᖅᑳᖅ ᕗᕋᐃᔭᓐ ᑯᓄᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᑐᓄᓂᕐᒥᖔᕐᓗᖓ ᑐᓴᖅᑎᑦᑎᔪᒪᕗᖓ ᑖᒃᑯᐊ ᐆᕚᕋᓛᑦ ᐅᖄᓚᐅᑏᑦ ᐊᔪᔅᓲᔭᕐᒪᑕ ᑕᐃᒃᑯᐊ ᐱᔪᓐᓇᐅᑎᖏᑦ ᐃᓐᓈᕉᑉ ᖄᖓᓃᑦᑐᑦ ᐋᖅᑭᒋᐊᖅᓯᒪᑕᐅᖏᔅᓲᔭᕐᒪᑕ ᐊᕐᕌᒎᓐᓄᑦ ᒪᕐᕉᓐᓄᒃ. ᑖᒃᑯᐊ ᐱᒻᒪᕆᐅᖃᑦᑕᕐᒪᑕ ᑐᓴᖅᑎᑦᑎᔾᔪᑎᐅᓪᓗᑎᒃ ᐱᖏᓐᓇᖅᑐᖃᓕᕌᖓᒥᓗ ᐊᒻᒪ ᑐᐊᕕᕐᓇᖅᑐᖃᕌᖓᒥᒃ. ᐊᒻᒪᓗ ᖃᓄᑐᐃᓐᓇ ᑐᓴᐅᒪᖃᑦᑕᐅᑎᔾᔪᑕᐅᕙᒃᖢᓂ ᐊᐅᓪᓚᖅᓯᒪᔪᓄᑦ ᑭᓇᒃᑯᑐᐃᓐᓇᕐᓄᑦ. ᑖᒃᑯᐊ ᐋᖅᑭᒋᐊᖃᕐᒪᕆᔅᓲᔭᖅᓯᒪᒻᒪᑕ ᑭᓯᐊᓂ ᖁᓕᒥᒎᖃᖃᑦᑕᖏᓐᓂᕐᒧᑦ ᑖᓐᓇ ᐋᖅᑭᒃᑕᐅᖏᔅᓲᔭᓚᐅᕐᒪᑦ. ᑕᒪᓐᓇ ᐋᖅᑭᑦᑕᐅᓇᓱᓐᓂᖓ ᑲᒪᒋᔭᐅᕙᓪᓕᐊᓕᖅᑑᒐᓗᐊᖅ ᐊᖑᓇᓱᒃᑐᓕᕆᔨᒃᑯᑦ ᑲᑎᒪᖃᑎᖃᖅᐸᓪᓕᐊᓕᖅᖢᑎᒃ ᒥᙳᐃᓯᕐᕕᓕᕆᔨᒃᑯᑦ, ᓄᓇᕗᑦ ᑐᙵᕕᒃᑯᓪᓗᑦ ᐊᒻᒪ ᕚᐱᓐᓛᓐᑯᑦ ᑲᑎᒪᖃᑎᒋᓂᐊᕆᓪᓗᒋᑦ.ᑕᒪᓐᓇ ᐸᕐᓇᒃᑕᐅᕙᓪᓕᐊᑎᓐᓇᓱᓐᓂᐊᖅᖢᒍ ᐋᖅᑭᒃᑕᐅᔪᓐᓇᖁᓪᓗᒍ ᑕᒪᑐᒧᖓ ᐊᕐᕌᒍᒧᑦ ᐊᕐᕌᒎᓂᐊᖅᑐᒥ ᐅᐱᕐᖔᕐᓘᓐᓃᑦ ᐅᐱᕐᖔᕐᓘᓐᓃᑦ. ᑖᔅᓱᒥ ᑐᓴᖅᑎᑦᑎᔪᒪᖅᑲᐅᓪᓗᖓ ᑖᓐᓇ ᐸᕐᓇᑉᐸᓪᓕᐊᓂᐊᓕᖅᑑᒐᓗᐊᖅ ᐋᖅᑭᒍᓐᓇᖅᓯᓛᖅᑑᒃᓴᐅᕗᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐊᑎᖁᑎᖃᕈᓐᓃᕋᒪ. ᑲᑎᒪᔾᔪᑎᒃᓴᖅ 6: ᐅᖃᐅᓯᒃᑯᑦ ᐊᐱᖅᑯᑏᑦ ᐊᐱᖅᑯᑦ 12 – 7(1): ᐊᖅᑯᓵᖅᑐᑦ ᐋᓐᓂᐊᕕᓕᐊᖅᑐᓄᑦ ᑐᑦᑕᕝᕕᒃᓴᖓ ᑲᖏᖅᖠᓂᕐᒥ (ᓴᒻᒧᖅᑐᖅ)

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 7 ᓴᒻᒧᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᐊᐱᖅᑯᑎᒃᑲ ᐅᑉᓗᒥ ᒥᓂᔅᑕᐅᓕᖅᑐᒧᑦ ᐋᓐᓂᐊᖅᑐᓕᕆᓂᕐᒧᑦ. ᐱᔾᔪᑎᖃᖅᐳᖓ ᐋᓐᓂᐊᕐᕕᓕᐊᖅᐸᑦᑐᓄᑦ ᑐᔪᕐᒥᕕᖃᙱᓐᓂᖅ ᑲᖏᖅᖠᓂᕐᒥ. ᐅᖃᖅᑎ, ᒥᓂᔅᑕ ᐃᖅᑲᐅᒪᔪᒃᓴᐅᕗᖅ ᑖᒻᓇ ᐅᖃᐅᓯᕆᖃᑦᑕᖅᓯᒪᓕᕋᒃᑯ ᐃᒡᓗᒥ. ᐅᖃᖅᑏ, ᑭᖑᓪᓕᕐᒥᒃ ᐅᖃᐅᓯᕆᒐᒃᑯ ᒪᓕᒐᓕᐅᖅᑎᐅᓚᐅᖅᑐᓂᒃ ᒥᓂᔅᑕᐅᓚᐅᖅᓯᒪᔪᖅ ᐅᖃᓚᐅᖅᓯᒪᖕᒪᑦ, ᖃᐅᔨᓴᕋᓱᒍᒫᕐᓂᐊᖅᓯᒪᒻᒪᑕᒎᖅ ᐋᓐᓂᐊᕐᕕᓕᐊᖅᐸᑦᑐᓄᒃ ᑐᔪᕐᒥᕕᑦᓴᖃᕈᓐᓇᖃᔭᕐᒪᖔᖅ ᑲᖏᖅᖠᓂᕐᒥ. ᒥᓂᔅᑕᐅᓕᖅᑐᖅ ᑐᓴᖅᑎᑦᓯᔪᓐᓇᖅᐹ ᖃᓄᐃᓕᖓᓕᕐᓂᖓᑕ ᑕᒪᑐᒪᑉ ᐱᒻᒪᕆᐅᔫᑉ ᐃᖅᑲᓇᐃᔮᑉ? ᖁᔭᓐᓇᒦᒃ, ᐅᖃᖅᑎ. ᐅᖃᖅᑎ: ᖁᔭᓐᓇᒦᒃ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓᑦ, ᒥᔅ ᐳᕉᔅᑐ. ᐊᖓᔪᖅᑳᖅ ᐱᑦᓯᐅᓛᖅ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᐱᕐᖔᖅ 2025-ᒥ ᐊᑐᖅᑕᐅᓂᖏᑦ ᖃᐅᑕᒫᑦ ᐊᐅᓪᓚᕐᕕᓕᐊᖅ ᖃᑦᓯᑦ ᐋᓐᓂᐊᕐᕕᓕᐊᖅᐸᑦᑐᑦ ᑲᖏᖅᖠᓂᕐᒧᑦ ᐊᖅᑯᓵᖅᖢᑎᑦ, ᐅᓇ ᐃᒪᐃᓲᖑᒐᑦᑕ ᐃᒡᓗᕈᓯᓂᒃ ᖁᓕᓂᒃ ᐊᑐᖅᑐᐊᓲᖑᔪᒍᑦ ᐊᑐᖅᑕᐅᔪᓐᓇᖅᑐᓂᒃ ᑲᖏᖅᖠᓂᒃᑰᖅᑐᓄᑦ ᓯᓂᒃᑕᕆᐊᖃᕈᑎᑦ, ᐃᓂᖃᑲᐃᓐᓇᕆᐊᖃᕈᑎᓪᓘᓐᓂᑦ ᐅᓪᓗᐃᓐᓇᖅ. ᒫᓐᓇᐅᔪᖅ ᐊᑐᖅᑕᐅᕙᓐᓂᖏᑦ ᑐᔪᕐᒥᕕᖃᕆᐊᑐᙱᓐᓂᖓᓃᓛᕈᑕᐅᓯᒪᔪᑦ. ᐋᓐᓂᐊᕕᓕᐊᖅᐸᑦᑐᑦ ᐃᒻᒪᖄ ᐊᐅᓪᓚᓚᐅᙱᓐᓂᕐᒥᓂᒃ ᐋᓐᓂᐊᖅᑐᓕᕆᔨᐅᔪᑦ ᓇᐅᒃᑯᑦ ᓯᓂᒃᑕᕆᐊᖃᖅᑑᓛᖅᑐᒥᓪᓘᓐᓃᑦ ᐱᔪᓐᓇᖅᑎᑕᐅᖁᓪᓗᒋᑦ ᐋᓐᓂᐊᕕᓕᐊᖅᑐᑦ. ᐊᒻᒪᓗ ᐱᔨᑦᓯᕈᑎᖃᒃᑲᓐᓂᕆᐊᖃᕋᔭᕐᒪᖔᑦ ᑕᐃᒪᓐᓇᓘᓐᓃᑦ ᐱᔪᖃᕆᐊᖃᖅᐸᑦ ᖃᐅᔨᒋᐊᕋᔭᖅᐳᒍᑦ. ᖁᔭᓐᓇᒦᒃ, ᐅᖃᖅᑎ. ᐅᖃᖅᑎ: ᖁᔭᓐᓇᒦᑦᑕᐅᖅ. ᓯᕗᓪᓕᖅᐹᒥᒃ ᐃᓚᒋᐊᕈᑏᑦ ᐊᐱᕆᒋᐊᕈᒃ, ᒥᔅᑕ ᓴᒻᒧᖅᑐᖅ. ᓴᒻᒧᖅᑐᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒍᑦ) ᐅᖃᖅᑏ, ᑕᐃᔅᓱᒪᓂ ᒪᓕᒐᓕᐅᖅᑏᑦ ᑲᑎᒪᑎᓪᓗᒋᑦ ᑭᕙᓪᓕᕐᒥᐅᑕᐃᑦ ᒪᓕᒐᓕᐅᖅᑏᑦ ᑐᓴᖅᑎᑕᐅᓚᐅᕐᒪᑕ ᒥᓂᔅᑕᐅᓚᐅᖅᓯᒪᔪᒥᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᐅᖃᓚᐅᖅᑐᖅ ᐃᒪᓐᓇ “ᐊᑯᓐᓂᐊᓂ 2017 ᐊᒻᒪ 2021 ᐊᑯᓐᓂᖓ 3.6 ᓄᓇᕗᒻᒥᐅᑕᐃᑦ ᐋᓐᓂᐊᕆᐊᖅᑐᖢᑎᒃ ᐊᐅᓪᓚᖃᑦᑕᖅᑐᑦ ᐊᒻᒪ ᐱᖃᑎᖃᖅᑐᑦ ᑲᖏᖅᖠᓂᕐᒥ ᐅᓐᓄᑕᒫᑦ ᑕᐃᑲᓂ ᐅᓄᕐᓂᖃᖅᑐᑦ, ᑕᐃᒫᒃ ᓯᓂᒃᑕᖃᑦᑕᓚᐅᖅᑐᑦ.” ᒥᓂᔅᑕ ᑐᓴᖅᑎᑦᑎᔪᓐᓇᖅᐸ ᓇᐃᓴᐅᑎᓂᒃ ᐋᓐᓂᐊᕆᐊᖅᑐᖅᑐᑦ ᐱᖃᑎᒋᔭᖏᓪᓗ ᖃᔅᓯᐅᖕᒪᖔᑕ ᓯᓂᒃᑕᕆᐊᖃᖃᑦᑕᖅᑐᑦ ᑲᖏᖅᖠᓂᕐᒥ? ᖁᔭᓐᓇᒦᒃ, ᐅᖃᖅᑎ. ᐅᖃᖅᑎ: ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓ, ᒥᔅ ᐳᕉᔅᑐ. ᐊᖓᔪᖅᑳᖅ ᐱᑦᓯᐅᓛᖅ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓪᓗᒥ ᑖᒃᑯᐊ ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓂ ᐅᖃᖅᑲᐅᒐᒪᐃᓛᒃ ᐅᐱᕐᖔᖓᓂ 2025ᒥ ᐊᑐᖅᑕᐅᔪᕕᓃᑦ ᖃᐅᔨᓴᖅᑕᐅᕝᕕᐊ ᖃᐅᑕᒫᑦ ᒪᕐᕈᐃᓐᓇᐅᖃᑦᑕᖅᑐᕕᓃᑦ ᐋᓐᓂᐊᕆᐊᖅᑐᖅᑐᑦ, ᑲᖏᖅᖠᓂᕐᒥ ᓯᓂᒃᑕᕆᐊᖃᖃᑦᑕᖅᑐᑦ. ᐅᓪᓗᒥᒧᑦ ᑎᑭᓪᓗᒋ 2025−2026ᒥ ᑖᒃᑯᐊ ᐊᖅᑯᓵᖃᑦᑕᖅᑐᑦ. 24%−ᒧᑦ, 22%ᖑᓚᐅᖅᑑᒐᓗᐊᖅ 24%−ᙳᖅᑐᖅ. ᖁᔭᓐᓇᒦᒃ, ᐅᖃᖅᑎ. ᐅᖃᖅᑎ: ᓇᑯᕐᒦᒃ. ᑭᖑᓪᓕᖅᐹᒥᒃ ᐃᓚᒋᐊᕈᑏᑦ ᐊᐱᕆᒍᒃ, ᒥᔅᑕ ᓴᒻᒧᖅᑐᖅ. ᓴᒻᒧᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ ᐅᖃᖅᑎ. ᑕᐃᒪᐃᖁᓇᐅᒐᓗᐊᖅ. ᒥᓂᔅᑕ ᑲᖏᖅᖠᓂᕐᒧᐊᖁᓇᐅᒐᓗᐊᖅ. ᐋᓐᓂᐊᕆᐊᖅᑐᖅᓯᒪᔪᑦ ᒥᑦᑕᕐᕕᖕᒥ ᐅᑕᖅᑭᖃᑦᑕᕐᒪᑕ ᓯᓚ ᐱᐅᔪᓐᓃᕌᖓᑦ ᖃᖓᑕᓲᕐᓗ ᓄᖅᑲᕌᖓᑕ. ᑲᔪᓯᓂᐊᖅᐳᖓ. ᐅᖃᖅᑏ, ᒥᓂᔅᑕ ᐃᖅᑲᐅᒪᔪᒃᓴᐅᖕᒪᑦ ᒪᓕᒐᓕᐅᖅᑏᑦ ᑲᑎᒪᔨᒋᓚᐅᖅᓯᒪᔭᖏᑦ

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 8 ᑲᑎᒪᕐᔪᐊᖅᑎᓪᓗᒋᑦ ᐊᒃᑑᕝᕙ 25, 2024−ᖑᑎᓪᓗᒍ ᓴᖅᑭᑦᑎᓚᐅᖅᓯᒪᒐᒪ ᐱᖁᔨᕗᖔᕈᒻᒥᒃ 2024−ᒥ ᑭᕙᓪᓕᖅ ᒪᐃᔭᐃᑦ ᑲᑎᒪᓂᖏᓐᓂ. ᐱᖁᔨᕗᖔᖅᑐᕕᓂᖅ, ᐃᓚᖓ ᐱᖁᔨᕗᖔᖅᑕᐅᔪᖅ ᐊᓂᒍᖅᑎᑕᐅᔪᖅ ᑭᕙᓪᓕᕐᒥ ᒪᐃᔭᖓᑕ ᓴᖅᑭᑦᑎᖁᔨᓚᐅᖅᓯᒪᖕᒪᑕ ᑐᔪᕐᒥᕕᒃᓴᖓᓂᒃ ᐋᓐᓂᐊᕆᐊᖅᑐᖅᑐᑦ ᑲᖏᖅᖠᓂᕐᒥ. ᒥᓂᔅᑕ ᓇᓗᓇᐃᖅᓯᔪᓐᓇᖅᐸ ᖃᓄᐃᑦᑐᓂᒃ ᐱᓕᕆᕕᖓ ᐊᐅᓚᔾᔭᐃᓯᒪᓕᕐᒪᖔᑕ ᑭᐅᑎᓪᓗᒋᑦ ᑖᒃᑯᓂᖓ ᐱᖁᔨᕗᖔᕈᑎᒋᔭᐅᓚᐅᖅᑐᓂᒃ ᑭᕙᓪᓕᕐᒥ ᒪᐃᔭᖏᓐᓂᒃ? ᖁᔭᓐᓇᒦᒃ, ᐅᖃᖅᑎ. ᐅᖃᖅᑎ: ᖁᔭᓐᓇᒦᒃ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓ, ᒥᔅ ᐳᕉᔅᑐ. ᐊᖓᔪᖅᑳᖅ ᐱᑦᓯᐅᓛᖅ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑖᓐᓇ ᑕᒻᒪᕋᑖᕋᒃᑯ, ᑖᒃᑯᐊ ᐱᖓᓲᖃᑦᑕᖅᑐᑦ ᐅᓐᓄᐊᒃᑯᑦ, ᐅᓐᓄᒃᑯᑦ ᖃᐅᑕᒫᑦ ᓯᓂᒃᑕᖃᑦᑕᖅᑐᑦ ᑲᖏᖅᖠᓂᕐᒥ ᐋᓐᓂᐊᖃᑦᑕᖅᓯᒪᔪᑦ. ᐅᖃᖅᑲᐅᒐᒪ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑖᒃᑯᐊ ᕿᒥᕐᕈᓇᓚᐅᕐᒪᑕ ᐱᒋᐊᕐᓂᖓᓂᒃ ᖃᐅᔨᓚᐅᖅᑐᑦ ᐅᓄᕐᓂᕋᖃᑦᑕᖅᑕᖏᑦ ᑲᖏᖅᖠᓂᕐᒥ ᑖᒃᑯᐊ ᐃᓄᐃᓴᓗᐊᕐᒪᑕ ᑐᔪᕐᒥᕕᓕᐅᕆᐊᒃᓴᕉᖅ ᐊᖅᑯᓵᖅᑕᖅᑐᑦ ᓯᓂᒃᑕᖃᑦᑕᖅᑐᑦ ᑕᐃᑲᓂ. ᑭᓯᐊᓂ ᒫᓐᓇ ᑮᓇᐅᔭᓕᐅᕈᑕᐅᔪᓐᓇᙱᒻᒪᑦ ᑭᓯᐊᓂᓕ ᒫᓐᓇ ᐃᖅᑲᓇᐃᔭᖅᐸᓪᓕᐊᓕᖅᑐᑦ ᖃᓄᐃᓕᐅᕈᓐᓇᕐᒪᖔᑕ ᐃᑲᔪᖅᑐᖅᑕᐅᔾᔪᑎᒃᓴᖏᑦ ᐋᓐᓂᐊᕆᐊᖅᑐᖅᓯᒪᔪᑦ ᐊᖅᑯᓵᖅᓯᒪᔪᑦ ᑲᖏᖅᖠᓂᕐᒥ. ᐄ’, ᐃᓛᓐᓂᒃᑯᑦ ᓯᓂᒃᑕᕆᐊᖃᖃᑦᑕᕐᒪᑕ ᖃᐅᔨᒃᑲᐃᔪᒪᓪᓗᖓ ᐃᓘᓐᓇᔅᓯᓐᓂᒃ ᑕᐃᒃᑯᐊ ᓇᐃᓴᐅᑏᑦ ᑐᓴᐅᒪᔭᐅᓂᐊᕐᒪᑦ ᐋᓐᓂᐊᕆᐊᖅᑐᖅᑐᓄᑦ ᐅᖄᓚᕕᐅᔪᓐᓇᖅᑐᖅ 1-844-886-8020ᒧᑦ ᑕᐃᒃᑯᐊ ᐊᐅᓪᓚᕆᐊᖅᑐᖅ ᐋᓐᓂᐊᕆᐊᖅᑐᖅᓯᒪᔪᖅ ᑭᖑᕙᖅᐸᑕ ᖃᖓᑦᑕᐅᑎᒋᓂᐊᖅᑕᖏᑦ ᐊᑯᓂᐅᓂᖅᓴᖅ ᑕᐅᕙᓃᓐᓂᐊᕈᑎᑦ ᐃᓗᐊᖅᓴᙱᒃᑯᑎᑦ ᑕᐃᒃᑯᓂᖓ ᐃᖅᑲᓇᐃᔭᖅᑎᖏᖕᓄᑦ ᐊᐅᓪᓚᕆᐊᖅᑐᖅᓯᒪᔪᑦ ᐅᖄᓚᖃᑦᑕᕈᓐᓇᕐᓂᐊᖅᑐᑦ ᐃᑲᔪᕈᓐᓇᕐᓂᐊᕐᒪᑕ. ᓂᕿᓄᒡᓘᓐᓃᑦ ᕿᐱᖕᓄᒡᓘᓐᓃᑦ ᐃᑲᔫᑎᖃᕈᓐᓇᕐᓂᐊᖅᑐᑦ ᐊᑦᑕᕐᓇᙱᓪᓗᑎᑦ ᐅᖅᑰᓗᑎᒡᓗ ᑐᔪᕐᒥᔪᓐᓇᕐᓂᐊᕐᒪᑕ, ᐃᓛᒃ ᑕᐃᑲᓃᑦᑐᓐᓇᕐᓂᐊᕐᒪᑕ ᑭᖑᕙᖅᓯᒪᓂᖏᓐᓂᒃ. ᑕᐃᒪᓐᓇ ᐃᖅᑲᐃᑎᑦᑎᔪᒪᒃᑲᓐᓂᖅᖢᖓ ᑕᖅᑲᒃᑯᓂᖓ ᑕᑯᔭᕌᖓᒥᒃ ᐋᓐᓂᐊᕆᐊᖅᑐᖅᑐᑦ ᑕᐃᑲᓃᑦᑐᓂᒃ ᐋᓐᓂᐊᕆᐊᖅᑐᖅᓯᒪᔪᓂᒃ ᑕᑯᔭᕌᖓᒥᒃ ᐊᔪᓕᐅᖅᑲᔪᓂᒃ ᐅᖄᓚᖃᑦᑕᕐᓂᐊᖅᐳᑦ. ᐊᔾᔨᙳᐊᓂᒡᓗ ᑕᒪᒃᑯᓂᖓ ᓴᖅᑭᑦᑎᓂᐊᕌᖓᑕ ᐃᓱᒪᒃᓴᖅᓯᐅᑦᑎᐊᒃᑲᓐᓂᖃᑦᑕᖁᓪᓗᒋᑦ ᐃᓚᖏᑦ ᐃᓐᓇᑐᖃᐅᒻᒪᑕ. ᑕᐃᒪᓐᓇ ᐊᑦᑕᕐᓇᖅᑐᒦᑐᐃᓐᓇᕆᐊᖃᕐᒪᑕ ᐱᖁᑎᒋᔭᖏᒡᓗ ᐊᖏᕐᕋᖅᓯᒪᔪᓐᓃᖅᑎᓪᓗᒋᑦ. ᑕᐃᒪᓐᓇ ᐃᖅᑲᒍᓱᑦᑎᐊᖁᓪᓗᒋᑦ ᑲᙳᓇᖅᑐᑦ ᐱᔾᔪᑎᒋᓪᓗᒋᑦ. ᐅᖄᓚᖔᖃᑦᑕᕐᓗᑎᑦ ᑕᐃᔅᓱᒧᖓ ᐅᖄᓚᐅᑎᖃᕈᔅᓯ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐅᖃᐅᓯᒃᑯᑦ ᐊᐱᖅᑯᑏᑦ. ᐃᖃᓗᒃᑑᑦᓯᐊᑉ ᒪᓕᒐᓕᐅᖅᑎᖓ, ᒥᔅᑕ ᐲᑕᓴᓐ. ᐊᐱᖅᑯᑦ 13 – 7(1): ᒥᑦᑕᕝᕕᐅᑉ ᐱᖁᑎᔾᔪᐊᖏᓄᑦ (ᐲᑐᓴᓐ) ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐃᖅᑯᑎᒋᓂᐊᖅᑕᕋ ᒥᓂᔅᑕ ᕼᐃᒃᔅ−ᒧᑦ ᐃᖏᕐᕋᔾᔪᑎᓕᕆᓂᕐᒧᑦ ᐱᖁᑎᕐᔪᐊᓕᕆᓂᕐᒧᓪᓗ ᒥᓂᔅᑕ. ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᐱᓕᕆᕕᖓ ᖃᓄᖅ ᓄᓇᕗᒻᒥ ᒥᑦᑕᕐᕖᑦ ᐱᐅᓂᒃᓴᐅᓕᕐᓂᐊᕐᒪᑕ? ᐊᒻᒪᓗᑦᑕᐅᖅ ᑕᐃᒃᑯᐊ ᒥᑦᑕᕐᕖᓪᓗ ᖃᐃᖅᑲᒃᓴᖅᑕᐅᓗᑎᑦ ᐊᒻᒪᓗ ᐱᖁᑎᑖᒃᑲᓐᓂᕐᓗᑎᑦ ᐊᐅᓚᑦᑎᔾᔪᑎᒃᓴᓂᒃ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒥᓂᔅᑕ ᕼᐃᒃᔅ.

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 9 ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᒋᑦᑎᐊᖅᐸᕋ ᐊᐱᕆᖕᒪᑦ ᑲᑎᒪᔨ. ᐱᒻᒪᕆᐅᓇᓱᒋᓪᓗᒋᑦ ᑖᓐᓇ ᓇᓗᓇᐃᖅᓯᖅᑰᕐᒪᑦ ᐊᑦᑕᕐᓇᕐᔭᐃᖅᓯᒪᔭᕆᐊᖃᕐᒪᑕ ᐱᒻᒪᕆᐅᖕᒪᑦ ᒥᑦᑕᕐᕕᐅᔪᑦ. ᐊᒻᒪᓗᑦᑕᐅᖅ, ᒐᕙᒪᑐᖃᒃᑯᓐᓂ ᒥᑦᑕᕐᕖᑦ ᖃᐃᖅᑯᒃᓴᖅᑕᐅᔾᔪᑎᖏᓐᓂᒃ. ᐱᖓᓱᓂᒃ ᐱᓕᕆᐊᖃᖅᑐᒍᑦ ᐊᒡᒍᖅᑐᖅᓯᒪᓂᕐᒧᑦ ᖁᕐᓗᖅᑐᕐᒥ, ᐸᖕᓂᖅᑑᕐᒥ, ᑎᑭᕋᕐᔪᐊᕐᒥᓗ ᒫᓐᓇᐅᔪᖅ ᑲᒪᒋᔭᐅᔪᑦ ᒫᓐᓇᕋᑖᖑᓚᐅᖅᑐᖅ. 11-ᒧᐊᖅᑎᓪᓗᒍ ᐅᓐᓄᒃ ᑐᓴᐅᒪᖃᑎᒌᖃᑦᑕᓚᐅᖅᑐᒍᑦ ᐅᖃᖃᑎᖃᖅᖢᑕ ᐃᖏᕐᕋᔾᔪᑎᓕᕆᔨᒃᑯᑦ ᐱᓕᕆᕕᖓᖕᓂ ᕿᒥᕐᕈᓇᒃᑲᓐᓂᖅᖢᑕ ᒥᑦᑕᕐᕖᑦ ᑕᒪᒃᑯᐊ ᒥᕝᕖᓂᓛᒃ ᖃᐃᖅᑲᒃᓴᐅᔾᔪᑎᒃᓴᖏᓐᓂᒃ, ᒥᑦᑕᕐᕖᓪᓗ ᓇᓗᓇᐃᖅᑕᐅᔪᓂᖏᑦ ᐃᓕᓴᕆᔭᐅᔾᔪᑎᖏᓪᓗ ᒪᓕᒐᕐᒥᒃ ᒪᓕᑦᑎᐊᕐᓂᖏᖕᓄᑦ. ᑕᐃᒪᓐᓇ ᒥᑦᑕᕐᕕᖕᒥ ᐱᔨᔅᓯᕈᑎᖃᑦᑎᐊᖁᓪᓗᒋᑦ. ᑖᒃᑯᐊ ᒪᓕᒃᓯᒪᑦᑎᐊᕐᓂᐊᕐᒪᑕ ᐱᖁᔭᕐᔪᐊᕐᓂᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓯᕗᓪᓕᖅᐹᒥᒃ ᐃᓚᒋᐊᕈᑏᑦ ᐊᐱᖅᑯᑎᖕᓄᑦ, ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᒃᑕᐅᖅ ᑭᐅᖕᒪᑦ. ᐊᐱᖅᑯᑎᒐ ᑐᒡᓕᐊ, ᖃᖓᑕᓲᑦ ᐊᑦᑕᓇᕐᔭᐃᖅᓯᒪᔭᕆᐊᖃᕐᓂᖏᑦ ᐅᓗᕆᐊᓇᕐᔭᐃᖅᓯᒪᔭᕆᐊᖃᕐᓂᖏᑦ ᒥᓂᔅᑕᑉ ᐱᓕᕆᕕᖓ ᑐᓴᖅᑎᑦᑎᔪᓐᓇᖅᐹ ᒥᓂᔅᑕᐅᑉ ᐃᖅᑲᓇᐃᔭᖅᐸᓪᓕᐊᑎᓪᓗᒋᑦ ᖃᐅᔨᓴᕈᑎᓂᒃ ᓲᕐᓗᒃ ᖃᖓᒃᑯᑦ ᓄᓇᕗᒻᒧᐊᖅᐸᓪᓕᐊᔪᑦ ᔭᓗᓇᐃᑉ−ᒦᙶᖅᑐᑦ ᓄᓇᕗᒻᒧᙵᐅᔪᖅ ᖃᖓ ᖃᐅᔨᓴᕈᑎᑖᕐᓂᐊᖅᐸᑦ ᑕᕐᕋᖅᑑᑎᓂᒃ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒥᓂᔅᑕ ᐃᖏᕐᕋᔾᔪᑎᓕᕆᔨᒃᑯᓐᓄᑦ ᐱᖁᑎᕐᔪᐊᓕᕆᔨᒃᑯᓐᓄᓪᓗ, ᒥᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒫᓐᓇ ᐊᐱᕆᑦᑎᐊᕐᒪᑦ ᓈᒻᒪᓈᖅᑐᒃᑯᑦ ᐅᖃᖅᑲᐅᒐᒪ ᐅᖃᖃᑎᖃᖅᑲᐅᒐᒪ ᒥᓂᔅᑕᖓᓄᑦ ᐊᒫᓐᑕ ᓴᓐᒍᕆ ᐸᓖᓯᒃᑯᓪᓗ, ᐊᒻᒪᓗᑦᑕᐅᖅ ᑲᓇᑕᒥ ᑭᒡᓕᖏᖕᓄᑦ ᓇᓗᓇᐃᒃᑯᑎᖕᓄᑦ ᐅᔾᔨᕆᓚᐅᕋᑦᑎᒍᑦ ᐊᑯᓂᑲᓪᓚᒃ ᐅᔾᔨᕈᓱᓕᕋᑦᑕ ᑖᓐᓇ ᐃᓄᖃᖅᑐᖅ ᑲᓇᑕᒥ ᑕᒪᒃᑯᐊ ᐊᓯᔾᔨᕐᒪᑕ. ᐊᒻᒪᓗᑦᑕᐅᖅ, ᑖᒃᑯᐊ ᐅᔾᔨᖅᓱᑦᑎᐊᕆᐊᖃᓕᕐᒪᑕ ᑎᑭᑉᐸᓪᓕᐊᔪᓄᑦ ᓄᓇᑦᑎᐊᖑᓚᐅᖅᑑᒐᓗᐊᖅ ᓄᓇᕗᒻᒦᓕᕋᑦᑕ ᑕᐃᒪᓐᓇ ᓇᒧᙵᐅᑲᑕᒍᓐᓇᕋᑦᑕ ᐅᓪᓗᒥ ᐃᓅᓯᕗᑦ ᐃᓛᒃ ᐊᓯᔾᔨᕐᒪᑕ ᐊᒻᒪᓗᑦᑕᐅᖅ ᑕᒪᒃᑯᐊ ᐋᙵᔮᕐᓇᖅᑐᑦ ᑭᓯᐊᓂ ᖃᖓᒃᑯᑦ ᐱᓂᐊᕐᒪᖔᑕ ᑖᓐᓇ ᑲᒪᒋᔭᐅᓂᐊᕐᒪᖔᖅ ᐅᖃᕈᓐᓇᙱᑦᑐᖓ ᑭᓯᐊᓂ. ᓇᓗᓇᐃᕐᕕᒋᔪᓐᓇᖅᑕᕋ ᑲᓇᑕᒥ ᐊᑦᑕᕐᓇᕐᔭᐃᖅᓯᒪᓂᕐᒧᑦ ᐸᓖᓯᒃᑯᓐᓄᓪᓗ ᐃᖅᑲᓇᐃᔭᕐᓂᐊᖅᑕᕗᑦ ᐱᓕᕆᐊᕆᔭᐅᓪᓗᓂ ᐱᕐᔪᐊᖑᓗᓂ ᑕᒪᓐᓇ ᒐᕙᒪᑐᖃᒃᑯᓪᓗ ᒥᓂᔅᑕᖓᑦ ᑲᒥᓯᓇᖓᓪᓗ ᐸᓖᓯᒃᑯᑦ ᓄᓇᕗᒻᒧᑦ ᑕᐃᒪᓐᓇ ᑎᑭᖁᓚᐅᖅᓯᒪᒐᒃᑯ ᑕᑯᒃᓴᐅᑎᑦᑎᓂᐊᕋᑦᑕ ᑖᓐᓇ ᐱᕐᔪᐊᖑᓂᖓᓂᒃ. ᑐᓴᐅᒪᑎᓐᓂᐊᖅᐸᕋ ᑖᓐᓇ ᒪᓕᒐᓕᐅᖅᑎᐅᔪᖅ ᐅᖃᖃᑎᒌᓐᓂᑦᑕ ᐱᕙᓪᓕᐊᓂᕆᔭᖓᓂ. ᒫᓐᓇ ᓇᓗᓇᐃᑦᑎᐊᕈᒥᓇᐅᒍᓗᐊᖅ, ᑭᓯᐊᓂ ᒫᓐᓇ ᓇᓗᓇᐃᖅᓯᔪᒪᔪᖓ ᐱᓕᕆᑦᑎᐊᕋᓱᑦᑕᕗᑦ ᑕᒪᓐᓇ ᐱᓪᓗᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑐᒡᓕᐊᓂ ᑭᖑᓪᓕᖅᐹᒥᓗ ᐊᐱᖅᑯᑎ, ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᒃᑕᐅᖅ ᑭᐅᖕᒪᑦ. ᐅᖃᖅᑲᐅᒐᕕᑦ ᐅᐊᑦᑎᐊᖅ ᓂᓪᓕᐅᑎᖃᖅᖢᑎᑦ ᐸᓖᓯᒃᑯᓐᓂ ᑲᓇᑕᒥᓗ ᑎᑎᖅᑲᓐᓂᐊᕐᕕᓕᕆᔨᒃᑯᑦ ᐃᖅᑲᓇᐃᔭᖃᑎᖃᕐᓂᕋᖅᖢᑎᑦ ᐱᖁᔭᒃᓴᖅ Bill C−2 ᑖᓐᓇ ᓯᕗᒧᐊᒃᑎᑕᐅᓂᐊᕐᒪᑦ ᓱᒃᑲᓂᖅᓴᒃᑯᑦ ᒐᕙᒪᑐᖃᒃᑯᓐᓂ ᑖᓐᓇ ᐱᖁᔭᒃᓴᖅ ᖃᐅᔨᓴᖃᑦᑕᕐᓂᖅ ᑎᑎᖅᑲᓂᐊᕐᕕᒃᑰᖅᑐᓂᒃ. ᒫᓐᓇᐅᔪᖅ ᐱᖁᔭᕐᔪᐊᖅ ᒪᓕᒡᓗᒋᑦ ᑎᑎᖅᑲᐃᑦ ᕿᓂᖅᑕᐅᔭᕆᐊᖃᙱᒻᒪᑕ. ᐱᖁᔭᒃᓴᖅ C-2 ᑖᒃᑯᐊ ᖃᓄᐃᑦᑐᓂᒃ ᑎᑎᖅᑲᓂᒃ ᕿᒥᕐᕈᓇᒍᓐᓇᕐᓂᐊᕐᒪᖔᑕ ᖃᐅᔨᓴᐃᓗᑎᑦ ᑎᑎᖅᑲᐃᑦ ᑐᑭᖏᓐᓂᒃ, ᒥᑭᑦᑑᑏᑦ ᓲᕐᓗᒃ ᐋᙵᔮᕐᓇᖅᑐᑦ ᓴᙱᔪᑦ ᑕᐃᒪᓐᓇ ᑎᑎᖅᑲᓐᓂᐊᕐᕕᒃᑯᑦ ᐊᐅᓪᓚᖅᑎᑕᐅᔪᓐᓇᕐᒪᑕ. ᐊᐅᓪᓚᕈᓐᓇᕐᒪᑕ ᑭᓯᐊᓂ ᐱᖁᔭᕐᔪᐊᖅ ᐊᓯᔾᔨᖅᑕᐅᓚᐅᖅᑎᓪᓗᒍ ᑎᑎᖅᑲᐅᓯᐊᑦ ᑐᔫᓯᐊᖔᑦ ᑕᐃᒃᑯᐊ ᕿᓂᖅᑕᐅᔪᓐᓇᖅᑐᑦ ᑎᑎᖅᑲᐅᓯᐊᑦ

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 10 ᕿᓂᖅᑕᐅᔪᓐᓇᙱᑦᑐᑦ ᑭᓯᐊᓂᓕ ᑖᒃᑯᐊ ᒐᕙᒪᒃᑯᑦ ᓄᓇᕗᒻᒥ ᓂᒡᓕᐅᑎᒃᓴᖃᕐᓂᐊᕐᒪᖔᑕ ᐱᖁᔭᒃᓴᖅ C-2 ᐱᓪᓗᒍ ᑖᓐᓇ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᖏᕐᕋᔾᔪᑎᓕᕆᓂᕐᒧᑦ ᐊᐃᑉᐸᖓᓄᑦ ᐃᖏᕐᕋᔾᔪᑎᓕᕆᔨᒃᑯᓐᓄᑦ ᒥᓂᔅᑕᐅᓂᕋ ᐱᓪᓗᒍ ᐱᖁᔭᒃᓴᖅ 2 ᑖᓐᓇ ᖃᐅᔨᒪᔭᕗᑦ ᕿᒥᕐᕈᓇᓕᖅᑕᕗᑦ ᒫᓐᓇᐅᔪᖅ. ᓱᖅᑯᐃᖅᓯᒪᔭᒃᑲ ᒪᓕᒡᓗᒋᑦ ᐊᔾᔨᒌᙱᒻᒪᑕ ᖃᓄᐃᑦᑐᓂᒃ ᑎᑎᖅᑲᐅᓯᐊᑦ ᕿᓂᖅᑕᐅᔪᓐᓇᖅᑐᑦ ᓄᓇᖅᑲᑎᒋᙱᑦᑕᑦᑎᓐᓂᓪᓘᖔᖅᑐᓂᓛᒃ ᑲᓇᑕᐅᑉ ᓯᓚᑖᓂ. ᐅᓂᒃᑳᑦᑎᐊᒃᑲᓐᓂᕐᓗᖓ, ᐅᖃᖅᑏ ᐆᑦᑐᕋᓚᐅᖅᓯᒪᖕᒪᑕ ᑎᑎᖅᑲᕐᓂᐊᕐᕕᑎᒍᑦ ᕿᓂᖃᑦᑕᕐᓂᕐᒥᒃ ᐸᓖᓯᒃᑯᑦ ᑎᑎᖅᑲᐅᓯᐊᓂᒃ. ᑖᒃᑯᐊᓗ ᐅᖃᐅᓯᕆᔭᐅᖃᑦᑕᖅᑐᑦ ᓲᕐᓗᒃ ᒪᑐᐃᖅᑕᐅᑦᑎᐊᒃᑲᓐᓂᖁᓪᓗᒍ ᐆᒻᒪᖅᑯᑎᑕᐅᒃᑲᓐᓂᕐᓗᒍ ᐊᔾᔨᖐᒻᒪᑕ ᑎᓴᒪᐃᑦ ᑎᑎᖅᑲᐃᑦ ᑎᑎᖅᑲᓪᓚᑦᑖᓪᓗ ᑎᑭᑉᐸᓪᓕᐊᔪᑦ ᐊᓯᖏᑦ ᑖᓐᓇ ᐅᖃᐅᓯᕆᔭᐅᕙᓪᓕᐊᓕᕐᒥᔪᖅ. ᑖᓐᓇ ᒥᓂᔅᑕᒧᑦ ᒐᕙᒪᑐᖃᒃᑯᓐᓄᑦ ᐅᖃᐅᓯᕆᔭᐅᕙᓪᓕᐊᓕᖅᑐᖅ. ᑕᒪᓐᓇ ᑲᒪᒋᓂᐊᖅᑕᕗᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐊᓕᐊᓇᐃᑦ. ᒥᓂᔅᑕᐃᑦ ᐊᔾᔨᒌᙱᑦᑐᑦ ᑖᒃᑯᐊ ᓂᓪᓕᕈᓐᓇᕐᒪᑕ ᐊᑕᐅᑦᑎᒃᑯᑦ. ᖁᕐᓗᖅᑑᒧᑦ ᒪᓕᒐᓕᐅᖅᑎ, ᒥᔅᑕ ᖁᓕᒃᑖᓇ. ᐊᐱᖅᑯᑦ 14 – 7(1): ᒍᕋᐃᔅ ᐃᒃᐱᐊᔾᔫᔭᖓᓂ ᐊᖅᑯᑖ ᐅᒥᐊᕐᔪᐊᖃᕝᕕᖓᓗ (ᖁᓕᒃᑖᓇ) ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒋᓂᐊᖅᑕᒃᑲ ᓯᕗᓕᖅᑎᒧᑦ. ᓯᕗᓕᖅᑎ ᐃᖅᑲᐅᒪᔪᒃᓴᐅᖕᒪᑦ ᓄᓇᕗᑦ ᒐᕙᒪᒃᑯᖏᑦ ᓴᖅᑭᑦᑎᓚᐅᖅᓯᒪᖕᒪᑕ ᑐᓴᒐᒃᓴᓂᒃ ᓄᕖᕝᕙ 2025−ᒥ ᖁᕐᓗᖅᑐᐊᕐᔪᒃ ᐊᖅᑯᓯᐅᕐᓂᕐᒧᑦ ᑐᓚᒃᑕᕐᕕᓕᐅᕐᓂᕐᒧᑦ. ᑖᓐᓇ ᑎᓴᒪᐅᖕᒪᑕᒎᖅ ᐊᖏᔫᑏᑦ ᐱᓕᕆᐊᕆᔭᐅᔪᑦ ᑲᑐᔾᔭᐅᓪᓗᑎᒃ ᓯᕗᒧᐊᒃᑕᐅᓂᐊᖅᑐᑦ ᓄᓇᕗᑦ ᒐᕙᒪᒃᑯᖏᓐᓂ ᑐᙵᕕᒃᑯᓐᓂᒡᓗ. ᐊᓯᖓ ᐱᓕᕆᔭᐅᔪᖅ ᑭᕙᓪᓕᕐᒥᓗ ᐅᐊᔭᓕᐅᕐᓂᖅ ᐃᓕᐅᖅᑲᐃᓂᖅ, ᕿᑭᖅᑕᕐᔪᐊᒥᓗ ᐅᒥᐊᕐᔪᐊᓄᑦ ᑐᓚᒃᑕᕐᕕᒃ ᐊᒻᒪᓗᒃᑕᐅᖅ ᐃᖃᓗᖕᓂ ᐃᒪᕐᒧᑦ ᐆᒻᒪᖅᑯᑎᓕᐅᕈᑏᑦ. ᓯᕗᓕᖅᑎ ᓇᓗᓇᐃᖅᓯᔪᓐᓇᖅᐹ ᖃᓄᐃᑦᑐᓂᒃ ᐅᖃᖃᑎᖃᖅᐸᓪᓕᐊᓕᒪᖔᑕ ᒥᓂᔅᑕᐅᔪᑦ ᑲᓇᑕᒥ, ᐃᓛᒃ, ᐊᖓᔪᖅᑳᕐᔪᐊᖓᓂ ᐊᒻᒪᓗᑦᑕᐅᖅ ᑲᓇᑕᒥ ᒥᓂᔅᑕᐅᔪᓄᑦ ᖁᕐᓗᖅᑐᐊᕐᔪᑉ ᐊᖅᑯᑎ ᐱᓪᓗᒍ ᐋᑐᕚᒧᐊᖅᑎᓪᓗᒋᑦ ᑭᓱᓂᒃ ᐅᖃᐅᓯᖃᓚᐅᖅᐸᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓯᕗᓕᖅᑎ ᓄᓇᕗᒻᒥ, ᒥᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. ᒪ’ᓈᖅᖢᒍᓪᓗ ᒪᓕᒐᓕᐅᖅᐅᖃᑎᒐ ᐊᐱᖅᓱᖅᑐᖅ. (ᑐᓵᔨᑎᒎᓕᖅᑐᖅ) ᓯᕗᓕᖅᑎᐅᓂᖏᑦ ᐱᓕᕆᐊᒃᓴᓄᑦ ᑲᑎᒪᔨᑉ ᓇᓗᓇᐃᕋᑕᖅᑕᖓ ᑕᐃᓐᓇ ᖁᕐᓗᖅᑐᐊᕐᔪᖕᒥ ᐊᖅᑯᑎ ᑲᒪᒋᔭᐅᓂᖓ ᐅᐊᓕᓂᐊᓂ ᕿᑎᕐᒥᐅᑦ ᓄᓇᓕᕆᔨᒃᑯᑦ ᑯᐊᐳᕇᓴᓐ−ᒃᑯᓐᓄᑦ ᑲᒪᒋᔭᐅᖕᒪᑦ. ᒐᕙᒪᐅᔪᒍᑦ ᐃᑲᔪᖅᑐᐃᔪᑦ ᑕᒪᒃᑯᓂᖓ ᐊᖏᔫᑕᐅᔪᓂᒃ ᐅᕙᒍᑦ ᑳᓐᑐᕌᒃᑦ−ᑕᐅᓯᒪᙱᓐᓇᑦᑕ ᐱᓕᕆᐊᒃᓴᕆᙱᓐᓇᑦᑎᒍᑦ. ᑭᓯᐊᓂᓕ, ᐱᓕᕆᖃᑕᐅᓂᕆᔭᕗᑦ ᑖᒃᑯᓄᖓ, ᑖᒃᑯᐊ ᐱᓕᕆᔭᐅᔪᑦ ᓯᕗᒧᐊᒃᑕᐅᓂᖏᖕᓄᑦ ᐊᔾᔨᒋᙱᐊᕐᔪᖕᒪᒍ. ᐅᕙᒍᑦ ᑕᒪᑐᒥᖓ ᐱᓕᕆᙱᓐᓇᑦᑕ. ᑕᐃᒃᑯᐊ ᑳᓐᑐᕌᒃᑦ−ᑕᐅᓯᒪᔪᑦ ᓯᕗᓕᖅᐅᖕᒪᑕ ᑕᐃᒃᑯᓂᖓ ᐱᓕᕆᐊᖃᖅᖢᑎᑦ. ᖃᓄᐃᙱᑦᑎᐊᖁᓪᓗᒋᑦ ᐱᓕᕆᖃᑎᖃᕐᓂᕐᒥᒃ ᑕᒪᒃᑯᓂᖓ ᐱᓕᕆᐊᒃᓴᓂᒃ ᐱᓪᓚᑦᑖᖑᖁᓪᓗᒋᑦ. ᑕᐃᒃᑯᐊ ᒫᓐᓇ ᐃᑲᔪᖅᑑᑏᓐᓇᖅᑐᒍᓪᓕ ᒫᓐᓇ. ᑭᓯᐊᓂᓕ, ᑕᑯᖃᑦᑕᖅᑐᒍᑦ ᐊᑑᑎᖃᓪᓚᕆᒃᑕᖓᓂᒃ ᐃᓄᐃᑦ ᓯᕗᓕᖅᑎᐅᑎᓪᓗᒋᑦ ᐊᑑᑎᖃᕐᒪᑦ ᐊᖏᔫᑎᓂᒃ ᐱᓕᕆᐊᖃᖅᑎᓪᓗᒋᑦ. ᑮᓇᐅᔭᓕᐅᕋᓱᐊᕐᓂᕐᒧᑦ ᐋᖅᑭᖃᑎᒌᓐᓂᕐᒧᑦ

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 11 ᑲᓇᑕᐅᓪᓗ ᐱᕈᖅᓴᖅᑕᐅᓂᖓᓄᑦ ᐊᖏᔪᐊᓘᖕᒪᑦ ᑲᒪᓇᕐᒪᓂᓛᒃ ᐃᓄᖕᓂᒃ ᓯᕗᒃᑲᖅᑕᖅᑎᖃᕐᒪᑕ ᑕᒪᑐᒪᑉ ᐱᓕᕆᔭᐅᓂᖓ ᐱᓕᕆᐊᒃᓴᐃᑦ. ᑕᒪᒃᑯᓂᖓ ᐅᖃᖃᑎᖃᐃᓐᓇᕐᓂᐊᖅᐳᒍᑦ ᑳᓐᑐᕌᒃᑦ−ᑕᐅᓯᒪᔪᓂᒃ ᐊᖑᒻᒪᑏᓐᓇᓱᐃᓐᓇᕐᓂᐊᖅᐸᕗᑦ ᐱᕙᓪᓕᐊᑎᓪᓗᒋᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᓯᕗᓪᓕᖅᐸᖅ ᐃᓚᒋᐊᕈᑎᖓ ᐊᐱᖅᑯᑎ, ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᒥᓂᔅᑕ. ᑕᐃᒪ ᓯᕗᓕᖅᑎ ᖃᐅᔨᒪᔪᔅᓴᐅᒻᒪᑦ ᑕᐃᓐᓇ ᑳᓐᑐᕌᒃᑦ−ᑖᖅᓯᒪᔪᖅ ᖃᓄᖅ ᐊᑦᑐᖅᓯᒐᔭᕐᒪᖔᑕ ᓄᓇᕗᒻᒥ ᐊᕙᑎᓕᕆᔨᒃᑯᓐᓄᑦ ᑐᓂᓯᕋᑖᔪᒻᒪᑦ. ᓂᕈᐊᖅᑎᒋᓯᒪᔭᒃᑲ ᐱᖃᑕᐅᒐᓱᐊᖁᔭᒃᑲ ᑲᑎᒪᔩᑦ ᕿᒥᕐᕈᓂᖃᓕᕐᒥᑉᐸᑕ ᒫᓐᓇᐅᓛᖅᑐᖅ. ᓯᕗᓕᖅᑎ ᓇᓗᓇᐃᖅᓯᒍᓐᓇᖅᑳ ᖃᓄᖅ ᒐᕙᒪᓕᕆᔨᒃᑯᑦ ᑐᑭᒧᐊᖃᑎᖃᓛᕐᒪᖔᑕ ᓄᓇᕗᑦ ᒐᕙᒪᖓᑕ ᑐᓂᓛᖅᑕᖏᓐᓂ ᓄᓇᕗᒻᒥ ᐊᕙᑎᓕᕆᔨᒃᑯᓐᓄᑦ ᑲᑎᒪᔨᖏᓐᓄᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᓄᓇᕗᑦ ᓯᕗᓕᖅᑎᖓ, ᒥᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᑦᑕᐅᖅ ᒪᓕᒐᓕᐅᖅᑎ ᐊᐱᕆᖕᒪᑦ. ᑕᐃᒃᑯᐊ ᕿᒥᕐᕈᒐᔭᖅᑐᐃᑦ ᐅᖃᐅᓯᕆᓗᒋᑦ ᒐᕙᒪᒃᑯᑦ ᑐᑭᒧᐊᑦᑎᑕᐅᓯᒪᔪᒥᒃ ᐱᖃᑕᐅᓂᖃᕐᓂᐊᖅᑐᑦ ᐊᒻᒪ ᐊᕙᑎᖓ ᖃᐅᔨᓴᖅᑕᐅᑎᓪᓗᒍ ᐊᖏᔪᐊᓗᒃ ᑖᓐᓇ ᖁᕐᓗᖅᑐᐊᕐᔪᒻᒥ ᐊᖅᑯᑎᓕᐊᖑᒐᓱᑦᑐᖅ ᑐᓚᒃᑕᕐᕕᓪᓗ. ᑐᑭᒧᐊᑦᑎᑕᐅᒋᐊᖃᕐᓂᐊᕐᖓᑦ ᖃᐅᔨᒪᔨᑕᖏᓐᓄᑦ ᐊᕙᑎᓕᕆᔨᒃᑯᓐᓃᙶᖅᑐᓄᑦ. ᖃᐅᔨᒪᕈᓘᔭᕕᐅᑎᒻᒪᑕ ᑐᒃᑐᐃᑦ ᓇᔪᒐᕆᓲᖏᓐᓂ ᐊᒻᒪ ᐱᓱᕝᕕᒋᓲᖏᓐᓂ, ᐊᒻᒪ ᒐᕙᒪᒃᑯᓗᑦᑕᐅᖅ ᓄᓇᓕᓐᓂ ᐱᔨᑦᑎᕋᖅᑎᒃᑯᖏᑦ ᐱᖃᑕᐅᓂᐅᓴᒻᒥᔪᐃᑦ. ᐱᕙᓪᓕᐊᔪᓕᕆᓂᕐᒥᒃ ᑕᑯᓐᓈᖅᑕᒐᖃᖅᑐᑎᒃ. ᑕᐃᒫᒃ ᑐᑭᒧᐊᑦᑎᑕᐅᓯᒪᓪᓗᑕ ᓂᓪᓕᐊᕕᖃᕈᓐᓇᕐᓂᐊᖅᑐᒍᑦ ᐃᒻᒥᒃᑯᑦ ᒐᕙᒪᐅᑎᓪᓗᑕᐃᓛᒃ ᑭᒃᑯᓕᒫᓄᑦ. ᐱᓗᐊᖅᑐᒥᓗ ᑕᐃᓐᓇ ᐅᓂᒃᑳᕐᕕᒋᓛᖅᑕᕗᑦ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ ᑕᐃᒪᐃᓕᐅᖅᓯᒪᕗᒍᑦ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᖁᔭᓐᓇᒦᒃ. ᐊᐃᑉᐸᖓ ᐊᒻᒪᓗ ᑭᖑᓪᓕᖅᐹᖅ ᐃᓚᒋᐊᕈᑎ ᐊᐱᖅᑯᑎ, ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᒥᓂᔅᑕ, ᓯᕗᓕᖅᑏ ᑭᐅᒐᕕᙵ. ᓯᕗᓕᖅᑎ ᓇᓗᓇᐃᖅᓯᒍᓐᓇᖅᑳ ᖃᓄᖅ ᒐᕙᒪᒃᑯᑦ ᐱᓕᕆᖃᑎᖃᕐᒪᖔᑕ ᕿᑎᕐᒥᐅᓂ ᐃᓄᐃᑦ ᑲᑐᔾᔨᖃᑎᒌᖏᖕᓂᒃ ᑖᔅᓱᒥᖓ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᓯᕗᓕᖅᑎ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖓ ᐱᒻᒪᕆᐊᓘᓪᓗᑎᑦ ᐱᖃᑕᐅᔪᐃᑦ ᒐᕙᒪᒃᑯᓐᓄᑦ ᐆᒧᖓᑐᐊᖑᙱᑦᑐᖅ ᐱᓕᕆᐊᖑᔪᒧᑦ. ᑕᑯᖃᑦᑕᖅᑕᕗᑦ ᐊᑑᑎᖃᕈᓐᓇᕕᐅᑎᒻᒪᑦ ᓄᓇᕗᑦ ᑐᙵᕕᒃᑯᓪᓗ ᐊᒻᒪ ᓄᓇᕗᒻᒥ ᐊᕕᑦᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐱᓕᕆᖃᑎᒋᖃᑦᑕᕈᑦᑎᒍᑦ ᐊᔾᔨᒌᓂᒃ ᐃᓱᒫᓘᑎᖃᕋᑦᑕ ᐋᓐᓂᐊᖅᑕᐃᓕᓕᕆᓂᕐᒥᒃ, ᐃᓪᓗᓕᕆᓂᕐᒥ ᐊᒻᒪ ᐱᖁᑎᕐᔪᐊᓕᕆᓂᕐᒥᒃ ᓄᓇᓕᓐᓂ. ᑕᐃᓐᓇ ᐊᑦᓱᐊᓗᒃ, ᐃᓛᒃ, ᑲᑐᔾᔨᖃᑎᒌᑦᑎᐊᕐᕕᒋᒐᑦᑎᒍᑦ ᐱᓗᐊᖅᑐᒥ ᕿᑎᕐᒥᐅᓂ ᖁᕐᓗᖅᑐᐊᕐᔪᒻᒥ. ᓂᕈᐊᖅᑕᐅᓯᒪᓪᓗᑕ ᖃᐅᔨᒪᐃᓐᓇᕋᓱᖃᑕᐅᔪᒍᑦ. ᑕᐃᒃᑯᐊᓗ ᑳᓐᑐᕋᒃᑦ−ᒥ ᕿᑎᕐᒥᐅᑦ ᓄᓇᓕᕆᔨᒃᑯᑦ ᑯᐊᐳᕇᓴᓐ−ᒃᑯᑦ. ᐃᓚᒋᔭᐅᔾᔪᑎᓕᖁᑎᖃᕐᖓᑕ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ ᐃᓚᒋᔭᐅᓪᓗᑎᑦ. ᑕᐃᒪ ᓯᓚᑎᐊᕐᔪᐊᓂᑦᑕᐅᖅ ᐊᐅᓚᑕᐅᒻᒪᑕ ᑖᒃᑯᐊ ᑕᕝᕘᓇ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ.

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 12 ᐅᖃᖅᑎ: ᖁᔭᓐᓇᒦᒃ. ᖁᑦᑎᒃᑐᕐᒧᑦ ᒪᓕᒐᓕᐅᖅᑎ, ᒥᔅᑕ ᑕᖅᑐ. ᐊᐱᖅᑯᑦ 15 – 7(1): ᖃᖓᑕᓲᖃᖅᑎᑦ ᐊᐅᓚᑦᑎᓲᓂᒃ ᓄᓇᕘᒥ (ᑕᖅᑐ) ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒃᑲ ᑐᕌᖓᙳᓱᑦᑐᐃᑦ ᐅᓪᓗᒥ ᒥᓂᔅᑕᕆᔭᐅᔪᒧᑦ ᐃᖏᕐᕋᔪᓕᕆᓂᕐᒧᑦ ᐱᖁᑎᕐᔪᐊᓕᕆᓂᕐᒧᓪᓗ ᓄᓇᕗᒻᒥ. ᐅᖃᖅᑎ, ᒪᓕᒐᓕᐅᖅᑎᐅᓪᓗᖓ ᒪᓕᒐᓕᐅᕐᕕᒻᒥ ᖁᑦᑎᒃᑐᕐᒧᑦ ᑭᒡᒐᖅᑐᐃᒐᒪ ᓄᓇᕗᒻᒥ ᐅᖓᓯᓛᖑᔪᓂᑦ ᓄᓇᓕᓐᓂ ᖃᐅᓱᐃᑦᑐᕐᒥ, ᐊᐅᓱᐃᑦᑐᕐᒥ ᐃᒃᐱᐊᕐᔪᒻᒥᓗ. ᐅᖃᖅᑏ, ᑖᒃᑯᐊ ᐃᓱᒫᓗᒋᔭᖏᑦ ᑕᕝᕙᓂ ᒪᓕᒐᓕᐅᖅᑎᐅᑎᓪᓗᖓ ᐅᖃᐅᓯᕆᖃᑦᑕᕐᓂᐊᕋᒃᑭᑦ ᐃᓱᒫᓗᒋᔭᖏᑦ ᑕᒪᒃᑮᑦ ᐱᖓᓱᑦ. ᐅᖃᖅᑏ, ᒥᓂᔅᑕ ᐃᖅᑲᐅᒪᓂᐊᕐᖓᑦ ᓄᓇᕗᑦ ᒐᕙᒪᖓᑦ ᑐᓴᖅᑕᐅᑎᑦᑎᔪᒻᒪᑦ ᔪᓚᐃ 2025- ᖑᑎᓪᓗᒍ. ᖁᓕᓄᑦ ᐊᕐᕌᒍᓄᑦ ᐃᖏᕐᕋᔪᓕᕆᓂᕐᒥᒃ ᐊᖏᖃᑎᒌᒍᑎᓕᐅᖅᓯᒪᒻᒪᑕ ᐋᓐᓂᐊᕕᓕᐊᖃᑦᑕᕋᔭᖅᑐᓄᑦ, ᐃᖅᑲᓇᐃᔭᖅᑏᓪᓗ ᐊᐅᓪᓚᖃᑦᑕᕐᓂᕆᒐᔭᖅᑕᖏᓐᓄᑦ ᐃᓚᒌᓪᓗ. ᒥᓂᔅᑕ ᓇᓗᓇᐃᖅᓯᒍᓐᓇᖅᑳ ᖃᓄᖅ ᐱᓕᕆᕕᖓ ᐃᖏᕐᕋᔪᓕᕆᔨᒃᑯᑦ ᐱᖃᑕᐅᓯᒪᒻᒪᖔᑕ ᐊᐅᓚᑕᐅᒐᓱᑦᑎᓪᓗᒍ ᑖᓐᓇ ᐊᖏᖃᑎᒌᒍᑎ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐊᐅᓚᔪᓐᓇᐅᑎᓕᕆᔨᒃᑯᑦ ᒥᓂᔅᑕᖓᑦ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᓇᐃᓈᕐᓗᒍᒃ ᕿᑎᖓᓂ ᐊᖏᖃᑎᒌᒍᑎᓂᒃ ᑐᓂᐅᖅᑲᐃᔨᐅᒐᑦᑕ ᑲᑐᔾᔨᖃᑎᒋᓲᑦᑎᓐᓂᒃ ᐱᓕᕆᖃᑎᖃᖅᐸᑦᑐᒍᑦ ᑕᕝᕙᓂ ᐋᓐᓂᐊᖅᑕᐃᓕᓕᕆᔨᒃᑯᓐᓂ ᐃᖅᑲᓇᐃᔭᖅᑐᓕᕆᔨᒃᑯᓂᓪᓗ, ᑭᓪᓕᓕᐅᖅᑐᑎᒃ ᖃᓄᖅ ᐊᖏᖃᑎᒌᕈᑎᒃᑯᑦ ᐱᓕᕆᐊᖑᒋᐊᖃᓛᕐᒪᖔᖅ ᐊᒻᒪ ᖃᐅᔨᒪᒐᓱᐊᖏᓐᓇᑦᑕᓕᖅᑲᕗᑦ ᖃᖓᑕᓲᓕᕆᔨᒃᑯᑦ ᒪᓕᒃᑲᓗᐊᕐᒪᖔᑕ ᐊᖏᖃᑎᒌᒍᑎᓂᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᓚᒋᐊᕈᑎ ᐊᐱᖅᑯᑏᑦ, ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕ ᑕᐃᒪᑦᑕᐅᖅ ᐊᐅᓚᔨᒻᒪᑦ ᒐᕙᒪᒃᑯᑦ ᑐᓴᖅᑕᐅᑎᔾᔨᔾᔪᑎᖓ ᐃᒪᐃᓕᓚᐅᖅᓯᒪᒻᒪᑦ ᐅᖃᓕᒫᕐᓗᒋᑦ “ᓇᓖᕌᕋᔅᓴᒥᒃ ᐱᓗᑎᒃ ᐃᒃᑦᓴᐃᓐᔾ ᐃᓐᑲᒻ ᑯᐊᐳᕇᓴᓐ−ᒃᑯᓐᓂᑦ, ᓂᐅᕕᕐᓂᐊᕐᓗᑎᒃ ᓇᒻᒥᓂᖃᕈᑎᐅᔪᒥᒃ ᑲᓇᐃᑎᐊᓐ ᓄᐊᑦ−ᒃᑯᓐᓂ.” ᐅᖃᖅᑏ, ᑕᐃᓐᓇ ᖃᖓᑕᓲᖅ ᐱᔨᑦᑎᕋᖃᑦᑕᖅᑐᖅ ᑕᒪᒃᑮᒃ ᐃᑉᐱᐊᕐᔪᒻᒥ, ᖃᐅᓱᐃᑦᑐᕐᒥᓪᓗ, ᒥᓂᔅᑕ ᓇᓗᓇᐃᖅᓯᒍᓐᓇᖅᑳ ᒐᕙᒪᒃᑯᑦ ᖃᓄᖅ ᐃᓱᒪᒋᔭᖃᖅᓯᒪᓕᕐᒪᖔᑕ ᓇᒻᒥᓂᖅᑖᖃᑕᐅᒐᓱᓐᓂᐊᕐᒪᖔᑕᓘᓐᓃᑦ ᑲᓇᐃᑎᐊᓐ ᓄᐊᑦ−ᒃᑯᓐᓂ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᖏᕐᕋᔪᓕᕆᔨᒃᑯᓐᓄᑦ ᐊᐅᓚᔪᓐᓇᐅᑎᓕᕆᔨᒃᑯᓐᓄᑦ ᒥᓂᔅᑕᖓ, Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᓚᒋᐊᑐᐃᓐᓇᕐᓗᒍᒃ ᑭᐅᔾᔪᑎᒋᖅᑲᐅᔭᕋ, ᑕᐃᒃᑯᐊ ᒐᕙᒪᓕᕆᔨᒃᑯᑦᑕᐅᖅ ᐱᖃᑕᐅᖃᑦᑕᕐᒥᔪᑦ ᐊᖏᖃᑎᒌᒍᑎᒥᒃ ᑎᒍᒥᐊᖅᑎᐅᔪᑦ ᐋᓐᓂᐊᕐᕕᓕᐊᖅᑐᓄᑦ ᐊᐅᓪᓚᖃᑦᑕᖅᑐᓄᑦ. ᐊᒻᒪ ᐃᓚᒋᔭᐅᔾᔪᑎᑖᕐᓂᐊᕈᑦᑕ ᕿᒥᕐᕈᔭᐅᔪᖅ ᑖᓐᓇ ᖃᖓᑕᓲᓕᕆᔨᓂᑦ ᐃᓚᒋᔭᐅᔾᔪᑎᑖᕋᓱᓛᕐᒪᖔᑦᑕ ᕿᒥᕐᕈᔭᐅᑐᐃᓐᓇᖅᑐᖅ. ᐊᐅᓚᒍᓐᓇᕋᔭᕐᒪᖔᖅ ᐃᓚᒋᔭᐅᒍᑦᑕ ᐊᐅᓚᑦᑎᐊᕈᓐᓇᕋᔭᕐᒪᖔᖅ ᖃᐅᔨᓴᖅᑕᐅᑐᐃᓐᓇᖅᑐᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑭᖑᓪᓕᖅᐹᕐᒥᒃ ᐃᓚᒋᐊᕈᑏᑦ ᐊᐱᕆᒍᒃ, ᒥᔅᑕ ᑕᖅᑐᖅ. ᓯᑏᕙᑦ ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕᑦᑕᐅᖅ ᖃᐅᔨᒪᒻᒪᑦ ᐊᐅᓱᐃᑦᑐᖅ ᐅᐊᓐᓇᓯᓐᓂᖅᐹᖑᒻᒪᑦ ᐅᖓᓯᓛᖑᓪᓗᓂ ᓄᓇᓖᑦ ᐊᓯᖏᓐᓂᒃ ᑲᓇᑕᒥ. ᐅᑎᐅᑎᒌᒃ ᐊᐅᓱᐃᑦᑐᕐᒥ ᐋᑐᕚᒧᑦ $7,000.00-ᐅᓗᐊᕈᓐᓇᕐᖓᑕ

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 13 ᐅᑎᐅᑎᒌᓪᓗᑎᒃ, ᑖᓐᓇᓗ ᐊᑭᓕᖅᑕᐅᒍᓐᓇᙱᒻᒪᑦ ᓄᓇᕗᒻᒥᐅᑐᐃᓐᓇᕐᓄᑦ. ᐅᖃᖅᑏ, ᑲᓇᐃᑎᐊᓐ ᓄᐊᑦ ᑲᑐᔾᔨᖃᑎᖃᖅᐸᒥᒻᒪᑕ ᑭᐊᓐ ᕗᐊᕆᒃ−ᒃᑯᓐᓂ ᐊᐅᓱᐃᑦᑐᕐᒥ ᐱᔨᑦᑎᕋᖅᑐᑎᒃ. ᒥᓂᔅᑕ ᓇᓗᓇᐃᖅᓯᒍᓐᓇᖅᑳ ᖃᓄᖅ ᒐᕙᒪᒃᑯᑦ ᐃᖏᕐᕋᔪᓕᕆᓂᕐᒧᑦ ᐊᖏᖃᑎᒌᒍᑎᖓ ᑲᒪᔾᔪᑕᐅᖃᑦᑕᕐᒪᖔᖅ ᐊᑭᑐᔪᐊᓗᓐᓂᑦ ᖃᖓᑦᑕᐅᑎᓂᒃ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᒥᓂᔅᑕᒋᔭᐅᔪᖅ ᐃᖏᕐᕋᔪᓕᕆᔨᒃᑯᓐᓄᑦ ᐱᖁᑎᕐᔪᐊᓕᕆᔨᒃᑯᓐᓄᑦ ᓄᓇᕗᒻᒥ, ᒥᔅᑕ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐋᔩᕋᖃᑎᒌᑦᑎᓪᓗᑕ ᐊᖏᖃᑎᒌᖑᔪᒥᒃ ᐱᔨᑦᑎᕋᖃᑦᑕᕐᓂᐊᖅᑐᓄᑦ ᐃᓚᖓ ᒪᓕᑦᑕᐅᖁᔪᔭᕗᑦ ᐊᑭᑭᓐᓂᖅᓴᐅᑎᑦᑎᖃᑦᑕᕐᓂᐊᕐᖓᑕᒎᖅ ᑭᒃᑯᑐᐃᓐᓇᕐᓂᒃ, ᑕᐃᒫᒃ ᒐᕙᒪᐅᓪᓗᑕ ᐊᑭᑐᓂᖅᓴᒐᓛᒻᒥᒃ ᐊᑭᓕᖅᓱᐃᑎᖃᑦᑕᖅᑯᒍᑦ, ᑭᒃᑯᑐᐃᓐᓇᐃᑦ ᐊᑭᑭᓐᓂᖅᓴᐅᖃᑦᑕᕐᓂᐊᕐᖓᑕ. ᐊᒥᓲᓗᐊᙱᑦᑐᓄᑦ ᑭᓯᐊᓂ ᐃᔅᓯᕙᐅᑕᕐᓄᑦ ᑐᕌᖓᕙᒻᒥᔫᒐᓗᐊᑦ. ᓯᕗᓂᑐᖃᖓᓂᒃ ᐸᕐᓇᒃᑯᔅᓯ ᐊᐅᓪᓚᕐᓂᐊᕐᓂᕆᔭᔅᓯᖕᓄᑦ ᐊᑭᑭᓐᓂᖅᓴᐅᒍᓐᓇᖅᑐᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐅᖃᐅᓯᒃᑯᑦ ᐊᐱᖅᑯᑏᑦ. ᐅᖅᑯᕐᒥᐅᓄᑦ ᒪᓕᒐᓕᐅᖅᑎ, ᒥᔅᑕ ᑲᐅᑐᖅ. ᐊᐱᖅᑯᑦ 16 – 7(1): ᒥᑦᑕᕝᕕᐅᑉ ᐱᖁᑎᔾᔪᐊᖏᓄᑦ (ᑲᐅᑐᖅ) ᑲᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒃᑲ ᑐᕌᖓᙳᓱᑦᑐᐃᑦ ᐃᖏᕐᕋᔪᓕᕆᓂᕐᒧᑦ ᐱᖁᑎᕐᔪᐊᓕᕆᓂᕐᒧᑦ ᓄᓇᕗᒻᒥ ᒥᓂᔅᑕᖓᓄᑦ. ᒥᓂᔅᑕ ᑲᑎᒪᑐᐃᓐᓇᖅᑎᓪᓗᑕ ᑭᐅᓪᓚᕆᒍᓐᓇᓚᐅᙱᒻᒪᑦ ᖃᓄᐃᑦᑑᔮᓚᐅᕋᓂᓗ. ᐅᖃᖅᑏ, ᐱᓕᕆᕕᖓᑕ 2026- 27-ᒥ ᐊᑭᑐᔪᖅᑐᕈᑎᔅᓴᖏᑦ ᐃᓚᖃᕐᖓᑕ $4.5-ᒥᓕᐊᓐ ᑮᓇᐅᔭᓂᑦ, ᒥᑭᔫᑕᐅᓂᖅᓴᓄᑦ ᐊᑭᑐᔪᓄᑦ ᐊᒻᒪ ᓂᐅᕕᕈᑎᔅᓴᐅᓪᓗᑎᑦ ᖃᖓᑕᓲᒃᑯᕕᒻᒥᒃ ᓱᓇᒃᑯᑖᕐᓄᑦ. ᐃᓱᒫᓘᑎᓂᒃ ᑐᓂᓯᔭᐅᖃᑦᑕᕋᒪ ᑲᖏᖅᑐᒑᐱᒎᖅ ᓄᑖᕐᓂᒃ ᐅᖁᒪᐃᑦᑐᓂᒃ ᓄᓇᓯᐅᑎᑖᕆᐊᖃᕋᓗᐊᕐᖓᑦ. ᐊᒻᒪ ᒥᓂᔅᑕ ᖃᐅᔨᒪᒻᒪᑦ ᑲᖏᖅᑐᒑᐱᒃ ᖃᓐᓂᒃᑲᐅᓂᖅᐹᖑᖃᑕᐅᒻᒪᑦ ᓄᓇᕗᒻᒥ. ᒥᓂᔅᑕ ᓇᓗᓇᐃᖅᓯᒍᓐᓇᖅᑳ ᐱᓕᕆᕕᖓᑕ 2026-27-ᒥ ᐊᑭᑐᔪᖅᑐᕈᑎᔅᓴᖏᑦ ᐃᓚᖃᕐᒪᖔᑕ ᓄᑖᕐᓂᑦ ᐅᖁᒪᐃᑦᑐᓂᒃ ᓄᓇᒃᑰᕈᑎᑖᕈᑎᔅᓴᓂᒃ ᑲᖏᖅᑐᒑᐱᐅᑉ ᖃᖓᑕᓲᒃᑯᕕᖓᓄᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᑦ ᒥᓂᔅᑕᖓ, ᒥᔅᑕ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᒃ ᒪᓕᒐᓕᐅᖅᑎᑦᑕᐅᖅ ᐊᐱᕆᒻᒪᑦ. ᐊᓯᐊᓂᖔᖅ ᒪᑉᐱᖅᓯᑲᐃᓐᓇᕆᐊᖃᕋᒪ. ᐄ’, ᑖᓐᓇ ᓇᓗᓇᐃᖅᑕᐅᑎᒋᐊᖃᕐᓂᐊᖅᑕᕋ ᑭᓯᐊᓂ ᖃᐅᔨᒪᔪᖓ ᓱᓇᒃᑯᑖᖅᑕᖃᕐᖓ. ᒪᒥᐊᑦᑐᖓ, ᐅᖃᖅᑏ, ᕿᓂᒃᑲᓐᓂᕆᐊᖃᕐᓂᐊᕋᒃᑯᒃ ᑖᓐᓇ ᑭᐅᔾᔪᑎᒐ. ᐃᓚᒋᐊᕈᑎᒥᒃ ᐊᐱᕆᑉᐸᑦ ᑭᐅᔾᔪᑎᖓ ᓇᓂᓯᒪᒍᓐᓇᕐᓂᐊᖅᐸᓪᓚᐃᔭᕋ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓯᕗᓪᓕᖅᐹᕐᒥᒃ ᐃᓚᒋᐊᕈᑏᑦ ᐊᐱᕆᒍᒃ, ᒥᔅᑕ ᑲᐅᑐᖅ. ᑲᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐱᓕᕆᕕᐅᑉ ᑐᔅᓯᕌᖏᑦ 2026-2027-ᒥ ᐊᑭᑐᔪᖅᑐᕈᑎᔅᓴᖏᑦ ᐃᓚᖃᕐᖓᑕ $1.45-ᒥᓕᐊᓐ ᑮᓇᐅᔭᓂᒃ, ᓄᑖᕐᓄᑦ ᐱᓕᕆᓂᐅᒐᔭᖅᑐᓄᑦ ᓄᑖᕐᓄᑦ ᖃᖓᑕᓲᕐᓄᑦ ᐃᑭᐅᕋᕐᕕᓐᓂ. ᒥᓂᔅᑕ ᓇᓗᓇᐃᖅᓯᒍᓐᓇᖅᑳ ᓇᓕᐊᑦ ᒥᕝᕕᒃ ᐱᑖᓛᕐᒪᖔᖅ ᓄᑖᕐᓂᒃ ᖃᖓᑕᓲᒃᑯᕕᒃ ᒪᔪᕋᐅᑎᓂᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐱᖁᑎᕐᔪᐊᓕᕆᓂᕐᒧᑦ ᐃᖏᕐᕋᔪᓕᕆᓂᕐᒧᑦ ᒥᓂᔅᑕ, ᒥᔅᑕ Hᐃᒃᔅ.

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 14 ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒪᒥᐊᒃᑲᓐᓂᕐᒥᔪᖓᐃᓛᒃ, ᐅᖃᖅᑏ, ᑖᔅᓱᒥᖓᐅᙱᑦᑐᐊᓗᒃ ᒪᑉᐱᖅᓯᖅᑲᐅᓪᓗᖓ ᑖᓐᓇ ᑭᖑᓂᐊᒍᑦ ᑭᐅᒋᐊᕋᓱᒋᐊᖃᕐᓂᐊᖅᑕᕋ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑭᖑᓪᓕᖅᐹᕐᒥ ᐃᓚᒋᐊᕈᑏᑦ ᐊᐱᕆᒋᐊᕈᒃ, ᒥᔅᑕ ᑲᐅᑐᖅ. ᑲᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑖᔅᓱᒪᑉ ᐱᓕᕆᕕᐅᑉ ᑐᔅᓯᕌᖏᑦ 2026-27-ᒥ ᐊᑭᑐᔪᖅᑐᕈᑎᔅᓴᐃᑦ ᐃᓚᖃᕐᖓᑕ $1-ᒥᓕᐊᓐ ᑮᓇᐅᔭᓂᒃ, ᓄᑖᕐᓂᒃ ᒥᕝᕕᒻᒧᑦ ᐋᖅᑭᐅᒪᑎᑦᑎᒍᑎᔅᓴᓂᒃ ᐋᖅᑭᒋᐊᖅᓯᒍᑎᔅᓴᓐᓂᓗ. ᒥᓂᔅᑕ ᓇᓗᓇᐃᖅᓯᒍᓐᓇᖅᑳ ᖃᓄᐃᑦᑐᓄᑦ ᐱᓕᕆᓂᐅᔪᓄᑦ ᑖᒃᑯᐊ ᑮᓇᐅᔭᑦ ᑐᕌᕐᓂᐊᕐᒪᖔᑕ 2026-27-ᒥ? ᖁᔭᓐᓇᒦᒃ. ᐅᖃᖅᑎ: ᖁᔭᓐᓇᒦᒃ. ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᑦ ᒥᓂᔅᑕᖓᑦ, ᒥᔅᑕ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᑕᐃᒫᒃᑲᓐᓂᕐᖏᓛᒃ ᒪᒥᐊᒃᑲᓐᓂᕆᕗᖓ. ᑖᒃᑯᐊ ᐸᐃᑉᐹᒃᑲ ᐅᐃᒻᒪᔅᓯᒪᒻᒪᑕ ᑲᙳᑦᑎᓕᕋᒪ ᑕᐃᒪᐃᖏᓐᓇᖅᐸᙱᒃᑲᓗᐊᕋᒪ. ᑭᖑᓂᐊᒍᑦ ᑖᒃᑯᐊ ᑭᐅᒐᓱᒍᓐᓇᓛᖅᑕᒃᑲ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓂᕆᐅᒍᒫᖅᐳᑦ ᑭᐅᔾᔪᑎᓂ. ᐊᐱᖅᑯᑏᑦ. ᒪᓕᒐᓕᐅᖅᑏᑦ ᐊᐱᖅᑯᑎᖏᑦ, ᐊᒥᑦᑐᕐᒧᑦ ᒪᓕᒐᓕᐅᖅᑎ, ᒥᔅᑕ ᖃᒪᓂᖅ. ᐊᐱᖅᑯᑦ 17 – 7(1): ᐅᑭᐅᖅᑕᖅᑑᑉ ᑲᒪᒋᔭᐅᓂᖓ ᓇᖕᒥᓂᖃᓐᓂᓪᓗ (ᖃᒪᓂᖅ) ᖃᒪᓂᖅ: ᖁᔭᓐᓇᒦᒃ, ᐅᖃᖅᑏ. ᐅᓪᓗᒥ ᐊᐱᖅᑯᑎᖃᖅᐳᖓ ᓯᕗᓕᖅᑎᒧᑦ. ᓯᕗᓕᖅᑏ, ᐃᖅᑲᐅᒪᕗᑎᑦ ᒐᕙᒪᒃᑯᑦ ᐋᑐᕚᒨᙵᐅᓯᒪᓵᓚᐅᕐᒪᑕ ᓇᓗᓇᐃᔭᐃᓪᓗᑎᒃ ᐃᓱᒫᓘᑎᓂᒃ, ᐅᑭᐅᖅᑕᖅᑑᑉ ᐊᑦᑕᕐᓇᖅᑕᐃᓕᓂᖓᓂᒃ ᐊᒻᒪ ᑲᓇᑕᒧᑦ ᐃᓚᒋᔭᐅᑦᑎᐊᕐᓂᖓᓂᒃ. ᐃᑲᔪᖅᑐᐃᕗᖓ ᑖᓐᓇ ᒐᕙᒪᒃᑯᑦ ᐱᓇᔪᒃᑕᖓᑦ, ᐱᓇᔪᒃᑎᓪᓗᒋᑦ ᒪᓐᓇ ᓴᖅᑭᑦᑎᓇᓱᐊᖅᑎᓪᓗᒋᑦ ᐊᖏᔫᑎᓂᒃ. ᓯᕗᓕᖅᑎ ᐃᖅᑲᐃᒻᒥᔪᖅ ᓴᖅᑭᑦᑎᓚᐅᖅᑐᖓ ᐃᒃᐸᒃᓴᖅ ᐃᒃᓯᕙᑎᓪᓗᑕ ᐅᕙᓂ ᑲᑎᒪᕕᒻᒥ, ᐱᑕᖃᕆᐊᖃᕐᓂᖓᓂᒃ ᓄᓇᓕᖓᓂ ᓴᓂᕋᔭᐅᑉ. ᑎᒃᑯᐊᖅᑕᐅᓯᒪᔪᒥᒃ ᓲᕐᓗᒃ ᐱᖏᓐᓇᖅᑐᓕᕆᔨᒃᑯᓐᓄᑦ ᑐᖅᑲᖅᑕᕐᕕᙳᕐᓗᓂ ᓄᓇᕗᒻᒥ. ᐊᒻᒪ ᑖᓐᓇ ᐱᕕᒋᔭᕋ ᐊᑐᕈᒪᒋᕙᕋ ᖁᔭᒋᓗᒍ ᓄᓇᕗᒻᒥ Hᐋᒻᒪᓚᒃᑯᑦ ᑲᑐᔾᔨᖃᑎᒌᖏᑦ ᐱᖁᔨᕗᖔᓚᐅᖅᓯᒪᒻᒪᑕ ᖄᖏᖅᑎᑦᑎᓪᓗᑎᒡᓗ ᑕᐃᑲᓂ 2024 ᐊᕐᕌᒍᑕᒫᖅᓯᐅᑎᖏᓐᓂᒃ. ᓯᕗᓕᖅᑎ ᓇᓗᓇᐃᖅᓯᔪᓐᓇᖅᐹ ᒐᕙᒪᒃᑯᑦ ᑕᒪᑐᒪᑉ ᒥᒃᓵᓄᑦ ᓇᒦᒻᒪᖔᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓯᕗᓕᖅᑎ ᓄᓇᕗᒻᒧᑦ, ᒥᔅᑕ ᒪᐃᑦ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. ᒪ’ᓈᖅᑐᒍᓪᓗ ᒪᓕᒐᓕᐅᖅᑎᐅᖃᑎᒐ ᐊᐱᖅᓱᕐᒪᑦ. ᑖᑉᑯᐊ ᓄᓇᓕᖕᓄᑦ ᐱᔨᑦᓯᕋᖅᑐᓕᕆᔩᑦ ᑕᒪᔅᓱᒥᖓ ᑐᐊᕕᕐᓇᖅᑐᓕᕆᓂᕐᒥᒃ ᑎᒍᒥᐊᓗᐊ’ᒪᑕ ᓇᓗᓇᐃᔭᐃHᐅᐊᖅᖢᖓ ᓯᕗᓪᓕᖅᐹᕐᒥᒃ. ᑐᐊᕕᕐᓇᖅᑐᓕᕆᔩᑦ ᓄᓇᕗᒻᒥᑦ ᕿᓂᖅᑕᐅᔪᖃᕆᐊᖃᓕᕌᖓᑦ ᐆᒃᑑᑎᒋᓗᒍᒃ, ᐱᓕᕆᓂᖅᐹᖑᑦᑕᕐᒪᑕ ᑖᒃᑯᐊ ᒪ’ᓈᖅᓯᐃᒪᔭᕗᑦ. ᐋᑐᕚᒧᓕᐊᓚᐅᖅᑎᖦᖢᑕ ᒐᕙᒪᑐᖃᒃᑯᑦ ᒥᓂᔅᑕᐅᖁᑎᖏᓐᓂᒃ ᐊᒻᒪ ᓯᕗᓕᖅᑎᕐᔪᐊᖅ ᒫᒃ ᑳᓂ, ᑖᒃᑯᐊ ᐅᖃᖃᑎᑦᑕᐅᔭᓚᐅᕋᑉᑎᒍᑦ ᑲᑎᖃᑎᒋᑦᑕᐅᔭᖅᖢᑎᒍᓪᓗ, ᐊᑑᑎᓕᓚᐅ’ᒑ ᑕᒪᓐᓇ. ᓲᕐᓗᒃ ᓯᕗᓪᓕᖅᐹᖅᓯᐅᑕᐅᓚᐅᕐᒪᑕ ᑖᒃᑯᐊ ᑲᑎᒪᓂᕆᓚᐅᑕᕗᑦ ᖃᐅᔨᒪᓕᖅᑐᕋᐅᓂᓗᖦᖢᑕ ᒥᓂᔅᑕᐅᖃᑎᒌᑦ ᕿᑎᐊ’ᓂ.

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 15 ᑐᒃᓯᕋᕐᓂᖅᑕᖃᓗᐊᓚᐅᙱᑦᑐᖅ ᓄᓇᓕᒻᒧᑦ ᐊᑕᐅᓯᕐᒧᑦ ᑐᕌᖓᔪᒥᒃ. ᓴᓂᕋᔭᒃ ᓰᑦᑐᒥᒃ ᐱᔭᕆᐊᓕᒃ, ᑕᐃᒪᓕᐅᖅᑐᓂᒃ ᐃᓛᒃ ᑲᑎᒪᓚᐅᖅᑎᓪᓗᖓᐃᓛᒃ ᑕᐃᒪᐃᓕᐅᖅᑐᓂᒃ ᐱᑕᖃᓗᐊᓚᐅᙱᑦᑐᖅ, ᑭᓯᐊᓂ ᓄᓇᕗᓗᒃᑖᕐᒧᑦ ᑐᕌᖓᔪᓂᒃ ᐅᖃᖅᓯᒪᓚᐅᖅᑐᒍᑦ. ᒐᕙᒪᑐᖃᒃᑯᑦ ᑮᓇᐅᔭᐃᔭᕆᐊᓖᑦ ᓄᓇᕗ’ᒥᐅᑦ ᐱᔭᕆᐊᖃᖅᑕᖏᑦ ᐊᒥᓲ’ᒪᑕ ᐃᓗᓕᖃᖅᖢᓂᓗ ᑕᒪᓐᓇ ᐊᒥᓱᓂᒃ. ᑕᒪᓐᓇ ᑐᓴᖅᑕᐅᑦᓯᐊᓚᐅᖅᑑᒐᓗᐊᖅ. ᐅᖃᖅᑎᑦᓯᔩ, ᒪ’ᓇ. ᐅᖃᖅᑎᑦᓯᔩ. ᐅᖃᖅᑎ: ᖁᔭᓐᓇᒦᒃ. ᓯᕗᓪᓕᖅᐹᒥᒃ ᐃᓚᒋᐊᕈᑏᑦ ᐊᐱᕆᒍᒃ, ᒥᔅᑕ ᖃᒪᓂᖅ. ᖃᒪᓂᖅ: ᐄ’, ᖁᔭᓐᓇᒦᒃ, ᐅᖃᖅᑏ. ᐅᓂᒃᑳᓵᕋᓗᐊᖅᑎᓪᓗᑎᑦ ᑭᓯᐊᓂ ᐃᑉᐸᒃᓴᖅ ᐃᒃᓯᕙᑎᓪᓗᑕ ᑕᕝᕙᓂ ᑲᑎᒪᕕᖕᒥ, ᓯᕗᓕᖅᑎ ᐅᖃᓚᐅᖅᑐᖅ ᐋᑐᕚᓕᐊᓚᐅᕐᓂᖏᑦᑕ ᒥᒃᓵᓄᑦ. ᑲᓇᑕᒥ ᓯᕗᓕᖅᑎᕐᔪᐊᖅ ᐊᒻᒪ ᓯᕗᓕᐅᖅᑎᕗᑦ ᓯᕗᓕᐅᖅᑎᐅᖃᒋᓪᓗᓂᒋᑦ. ᓇᓗᓇᐃᖅᓯᔪᓐᓇᖅᐲᑦ ᑭᓱᒡᓚᕆᖕᓂᒃ ᐅᖃᖅᑲᐅᒐᓗᐊᖅᑕᐃᑦ ᐅᓂᒃᑳᕋᓗᐊᑐᐃᓐᓇᖅᖢᑎᑦ ᑕᒪᑐᒪᑉ ᒥᒃᓵᓄᑦ ᓇᓗᓇᐃᖅᓯᓯᒪᓪᓚᕆᖕᒪᖔᑦ, ᑭᓱᒥᒃ ᑐᓴᓚᐅᕐᒪᖔᖅᐱᑦ ᐱᔾᔪᑎᖃᖅᖢᑎᑦ ᑕᒪᓐᓇ ᐱᖏᓐᓇᖅᑐᓕᕆᓂᖅ ᑕᒫᓂ ᓄᓇᕗᒻᒥ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓄᓇᕗᒻᒧᑦ ᓯᕗᓕᖅᑎ, ᒥᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. ᐄ’, ᐊᒥᓱᓂᒃ ᐅᖃᐅᓯᒃᓴᖃᓚᐅᖅᑐᒍᑦ ᒥᓂᔅᑕᐅᖃᑎᒌᑦᑐᑎᒍᑦ ᐊᔾᔨᖐᙱᑦᑐᓄᓪᓗ ᒥᓂᔅᑕᕆᔭᐅᔪᓄᑦ ᑐᓴᖅ− ᖃᓄᖅ, ᑐᑭᓯᑎᑦᓯᓂᓗᓚᐅᖅᖢᑕ ᐊᔾᔨᒌᙱᑐᓂᒃ ᐅᕙᖓ ᓯᕗᓕᖅᑎᐅᓂᕋ ᐊᑐᖅᖢᒍ ᐊᔾᔨᒌᙱᑐᓂᒃ ᐅᖃᐅᓯᖃᑦᑕᓚᐅᖅᐳᖓ ᐋ’ᓂᐊᖅᑕᐃᓕᐅᓕᕆᓂᕐᒥᒃ, ᐃᒡᓗᓕᕆᓂᕐᒥᒃ, ᐱᖁᑎᕐᔪᐊᓕᕆᓂᕐᒥᒃ, ᐊᐅᓪᓛᖅᑐᓕᕆᓂᕐᒥᒃ, ᐅᑭᐅᖅᑕᖅᑑᑉ ᓴᐳᒻᒥᔭᐅᒋᐊᖃᕐᓂᖓᑕ ᒥᒃᓵᓄᑦ. ᑕᒪᒃᑯᓂᖓ ᐊᔾᔨᒌᙱᑐᓂᒃ ᐅᖃᐅᓯᖃᖅᑕᓚᐅᖅᑐᒍᑦ. ᑖᒃᑯᐊ ᑐᑭᓯᑎᓐᓂᓗᓚᐅᕋᑉᑎᒍᑦ ᒥᓂᔅᑕᐅᖃᑎᒋᔭᕗᑦ ᒐᕙᒪᑐᖃᒃᑯᑦ ᐃᓗᐊ’ᓂᓯᐅᖅᑐᑦ ᑐᑭᓯᑎᓐᓂᓗᓚᐅᕋᑉᑎᒍᑦ. ᐱᔭᕆᐊᖃᒐᕗᑦ ᓄᓇᕗᑉ ᐃᓗᓂᐊ ᓄᓇᓕᓗᒃᑖᑦ ᑕᐅᑐᖦᖢᒋᑦ ᐊᒥᓱᕐᔪᐊᑦᓯᐊᒥᐊᖑ’ᒪᑕ ᑐᑭᓯᑎᓐᓂᓗᓚᐅᒃᑲᕗᑦ ᐊᒻᒪ ᐱᓕᕆᖃᑎᒋᓱᐊᕋᑉᑎᒍᑦ ᒐᕙᒪᑐᖃᒃᑯᑦ ᑮᓇᐅᔭᖏ’ᓂ ᐃᓕᓯᓂᐊᕌᖓᑕ, ᐅᕙᒍᑦ ᓄᓇᕗᑦ ᒐᕙᒪᒃᑯᑦ ᑮᓇᐅᔭᖁᑎᖓᓂᒃ ᐃᓕᓯᖃᑕᐅᑦᑕᖅᑑᓪᓗᐊᕐᓂᐊᕐᓂᕋᖅᖢᑕ. ᑕᒪᒃᑯᐊ ᓯᕗᓪᓕᖅᐹᖅᓯᐅᑎᑐᐃᓐᓇᐅᒐᓗᐊᖅᖢᑎᑦ ᑲᑎᒪᓐᓂᕋᓚᐅᒐᕗᑦ ᐊᑑᑎᖃᖅᑐᓚᐅ’ᔪᐃᑦ. ᐊᒻᒪ ᑖᑉᑯᐊ ᒥᓂᔅᑕᐅᖃᑎᒃᑲ ᐱᓕᕆᖃᑎᖃᕐᓂᓗᒃᑐᐃᓇᖅᑐᑦ ᒫᓐᓇᒧᑦ ᑎᑭᖦᖢᒍ ᒐᕙᒪᑐᖃᒃᑯ’ᓃᙶᖅᓯᒪᔪᓂᒃ. ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᖁᔭᓐᓇᒦᒃ. ᑭᖑᓪᓕᖅᐹᒥᒃ ᐃᓚᒋᐊᕈᑏᑦ ᐊᐱᕆᓚᐅᕐᒥᒍᒃ, ᒥᔅᑕ ᖃᒪᓂᖅ. ᖃᒪᓂᖅ: ᐄ’, ᖁᔭᓐᓇᒦᒃ, ᐅᖃᖅᑏ. (ᑐᓵᔨᑎᒍᑦ) ᑖᓐᓇ ᒥᓂᔅᑕ ᐃᖅᑲᐅᒪᔪᒃᓴᐅᕗᖅ ᓄᓇᕗᑦ ᒐᕙᒪᒃᑯᑦ ᐊᒻᒪᓗ ᓄᓇᕗᑦ ᑐᙵᕕᒃᑯᑦ ᑎᒥᖁᑎᖏᑦ ᓴᖅᑭᑦᑎᓚᐅᕐᒪᑕ ᐅᑭᐅᖅᑕᖅᑐᒥ ᑲᓇᑕᒥᐅᑕᐅᖃᑎᐅᓂᖅᐳᑦ ᐊᒻᒪᓗ ᐊᑦᑕᓇᙱᑦᑐᒦᓐᓂᖅ ᓯᑏᕝᕙ 2025-ᒥ. ᓯᕗᓕᖅᑎ ᓇᓗᓇᐃᔭᐃᔪᓐᓇᖅᐹ ᖃᓄᖅ ᐃᖅᑲᓇᐃᔭᖃᑎᖃᕐᒪᖔᖅ ᓄᓇᕗᑦ ᑐᙵᕕᒃᑯᑦ ᓯᕗᒃᑲᖅᑕᖅᑎᖏᓐᓂᒃ ᑕᒪᓐᓇ ᐱᕙᓪᓕᐊᖁᓪᓗᒍ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓄᓇᕗᒻᒧᑦ ᓯᕗᓕᖅᑎ, ᒥᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒍᑦ) ᐊᒻᒪᓗ ᖁᔭᓐᓇᒦᒃ ᑖᓐᓇ ᐊᐱᖅᑯᑎᒋᒐᖕᓂ. ᐊᑦᑕᓇᔾᔭᐃᖅᓯᒪᓂᖅ ᑲᓇᑕᒥᐅᑕᐅᖃᑎᑕᐅᓂᖅᐳᓪᓗ ᑖᒃᑯᐊ ᑎᑎᖅᑲᑦ ᐊᒃᓱᐊᓗᒃ ᐱᕐᔪᐊᖑᔪᑦ ᐃᓗᓕᖃᐅᕈᓘᔭᖅᖢᓂ ᐊᔾᔨᖏᙱᑦᑐᓂᒃ.

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 16 ᐱᕐᔪᐊᖑᓂᖅᐹᖑᖅᑰᖅᑐᖅ ᑖᒃᑯᐊ ᑐᑭᒧᐊᕈᑏᑦ ᑕᐃᒫᑐᐃᓐᓇᖅ ᐋᑐᕚᒧᑦ ᑐᓴᖅᑎᑦᑎᓇᓱᖃᑦᑕᖅᑐᒍᑦ ᐊᑦᑕᓇᔾᔭᐃᖅᓯᒪᓂᖅ, ᑲᓇᑕᒥᐅᑕᐅᖃᑕᐅᓂᖅᐳᓪᓗ ᓄᓇᓕᕗᑦ ᐆᒻᒪᕆᐊᖁᓪᓗᒋᑦ. ᓲᕐᓗᒃ ᐆᑦᑑᑎᒋᓗᒍ ᓴᓂᕋᔭᒃ ᐃᒡᓗᓕᒡᓗ ᒪᑭᒪᑦᑎᐊᕆᐊᓖᒃ ᑲᓇᑕᒥᐅᑕᐅᖃᑕᐅᒐᑦᑕ ᐊᒻᒪ ᑕᒪᓐᓇ ᐅᔾᔨᕆᔭᐅᑦᑎᐊᕆᐊᓕᒃ ᑲᓇᑕᐅᑉ ᒐᕙᒪᒃᑯᖏᓐᓄᒃ ᑭᓱᓂᒃ ᑭᙴᒪᔭᖃᕐᒪᖔᑦᑕ ᐃᑲᔪᒃᑲᓐᓂᕈᒪᓪᓗᒋᒃ ᓴᓂᕋᔭᒃ ᐊᒻᒪᓗ ᐃᒡᓗᓕᒃ. ᐊᑭᓱᕉᑎᒋᓗᒎᔭᕆᐊᖃᕐᓂᐊᖅᑐᖅ. ᐊᒻᒪᓗ ᐊᖏᖃᑎᒋᔭᒃᓴᕆᕚᖓ ᒪᑯᐊ ᐊᐳᖅᑕᐅᑏᑦ ᐅᓄᖅᑐᕐᔪᐊᒻᒪᕆᐊᓘᖕᒪᑕ ᓄᓇᓕᓕᒫᓂᒃ ᐊᒻᒪ ᑲᓇᑕᐅᑉ ᒐᕙᒪᒃᑯᖏᓐᓂᒃ ᐃᑲᔪᖅᑎᖃᕆᐊᖃᖅᖢᑕ ᐃᓄᑑᔾᔪᔾᔨᔪᓐᓇᑎᓐᓇᑦᑕ. ᓄᓇᕗᑦ ᑐᙵᕕᒃᑯᑦ ᐱᓪᓗᒍ ᑕᐃᒫᑐᐃᓐᓇᖅ ᐃᖅᑲᓇᐃᔭᖃᑎᒋᔭᕗᑦ. ᐃᖅᑲᓇᐃᔭᖃᑎᒋᑦᑎᐊᖅᑕᕗᑦ ᓲᕐᓗᒃ ᐊᖓᔪᖅᑳᖑᑲᐃᓐᓇᖅᑐᖅ ᐹᓪ ᐃᕐᖓᐅᑦ ᐃᖅᑲᓇᐃᔭᖃᑎᒋᑦᑎᐊᕋᑦᑎᒃᑯᑦ ᑕᐃᒪᙵᓂᑦ ᐊᔾᔨᒌᙱᑦᑐᓂᒃ ᐃᖅᑲᓇᐃᔮᖁᑎᖃᖅᖢᖓ ᐃᖅᑲᓇᐃᔮᖃᖅᖢᖓ ᐱᓯᒪᒐᑦᑕ. ᐊᒻᒪᓗ ᑕᒪᓐᓇ ᑐᒥᕕᒋᓪᓚᕆᒃᑕᕗᑦ ᑐᓴᐅᒪᖃᑎᒌᖕᓂᖅ ᑕᑎᒌᒍᓐᓇᕐᓂᕐᓗ. ᑕᐃᒪᓐᓇ ᐃᖅᑲᓇᐃᔭᖃᑎᖃᖅᐳᒍᑦ ᑐᙵᕕᒃᑯᓐᓂ. ᐃᓗᓕᑯᓘᔭᖃᐅᖅᑑᒐᓗᐊᑦ ᑭᓯᐊᓂ ᐱᕕᑭᑦᑑᒐᑦᑕ ᑕᕝᕗᖓ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᖁᔭᓐᓇᒦᑦᑕᐅᖅ. ᐅᖃᐅᓯᒃᑯᑦ ᐊᐱᖅᑯᑏᑦ. ᐊᒡᒍᒧᑦ ᒪᓕᒐᓕᐅᖅᑎ, ᒥᔅᑕ ᐊᑕᒍᒃᑖᓗᒃ. ᐊᐱᖅᑯᑦ 18 – 7(1): ᐃᖅᑲᔮᓄᑦ ᐊᑐᒐᒃᓴᓕᐋᓄᑦ ᐊᑐᐋᒐᖁᑎᑦᑕᓗ (ᐊᑕᒍᑦᑖᓗᒃ) ᐊᑕᒍᒃᑖᓗᒃ: ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒃᓴᖃᖅᑐᖓ. (ᑐᓵᔨᑎᒍᑦ) ᐅᑯᐊ ᐊᐱᖅᑯᑎᒋᓂᐊᖅᑕᒃᑲ ᒥᔅ ᑕᑦᑐᐃᓂ ᐃᖅᑲᓇᐃᔭᖅᑐᓕᕆᓂᕐᒧᑦ ᒥᓂᔅᑕᕆᔭᐅᔪᖅ. ᑖᓐᓇ ᒥᓂᔅᑕ ᖃᐅᔨᒪᔪᒃᓴᐅᕗᖅ ᒐᕙᒪᒃᑯᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᐅᓂᒃᑳᖏᑦ ᐅᖃᖅᓯᒪᖕᒪᑕ ᑕᒫᓂ 5,728−ᖑᖕᒪᑕ ᐃᖅᑲᓇᐃᔮᒃᓴᐃᑦ ᐃᓂᖏᑦ ᒐᕙᒪᒃᑯᑦ ᐱᓕᕆᕕᖏᖕᓄᑦ ᑎᒥᖏᓐᓄᓪᓗ. 2,000−ᖑᔪᑦ ᑖᒃᑯᓇᓂ ᐃᓐᓄᒃᑕᐅᓯᒪᙱᑦᑐᑦ 35%-ᒦᒻᒪᑕ. ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᖃᓄᐃᑦᑐᓂᒃ ᐸᕐᓇᐅᓯᐅᖅᓯᒪᖕᒪᖔᑦ ᑕᒪᓐᓇ ᐱᔾᔪᑎᒋᓪᓗᒍ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᖅᑲᓇᐃᔭᖅᑐᓕᕆᔨᒃᑯᑦ ᒥᓂᔅᑕᖓ, ᒥᔅ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᖅᖢᒍᓗ ᑖᓐᓇ ᐊᐱᖅᑯᑎᒋᖕᒪᒍ. ᒫᓐᓇᐅᔪᖅ 5,7000-ᓂᒃ ᐃᖅᑲᓇᐃᔭᖅᑎᖃᖅᑐᒍᑦ. ᒪᒥᐊᓇᖅ. ᑕᐃᒃᑯᐊ ᐊᐱᖅᑯᑎᒋᔭᑎᑦ ᑐᑭᓯᒋᐊᓚᐅᕐᓗᒋᑦ ᑭᐅᓂᐊᖅᑕᒃᑲ. ᓵᓐᓃᓐᓇᓱᒋᖅᑲᐅᒐᓗᐊᕋᒃᑭᑦ. ᐅᑕᖅᑭᑦᑎᐊᕈᕕᑦ ᐊᓯᐊᓂᒃ ᐊᐱᖅᑯᑎᖃᕈᕕᑦ, ᐊᐱᖅᑯᑎᖃᓕᕈᕕᑦ ᑕᐃᓐᓇ ᕿᓂᕐᓂᐊᖅᐸᕋ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓯᕗᓪᓕᖅᐹᒥᒃ ᐃᓚᒋᐊᕈᑏᑦ ᐊᐱᕆᒍᒃ, ᒥᔅᑕ ᐊᑕᒍᒃᑖᓗᒃ. ᐊᑕᒍᒃᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐄ’, ᐃᑉᐸᒃᓴᖅ ᑲᑎᒪᕐᔪᐊᖅᑎᓪᓗᑕ ᐊᕙᑎᓕᕆᔨᒃᑯᑦ ᒥᓂᔅᑕᖓᖕᓄᑦ ᐊᐱᖅᓱᓚᐅᖅᓯᒪᒐᒪ ᖃᓄᐃᒻᒪᑦ ᑕᐃᒃᑯᐊ ᐃᖅᑲᓇᐃᔮᒃᓴᐃᑦ ᐃᒡᓗᓕᖕᒦᓚᐅᖅᑑᒐᓗᐊᑦ ᐊᓯᐊᓄᑦ ᓅᑕᐅᓚᐅᕐᒪᖔᖏᑦ. ᑐᑭᓯᐅᒪᓂᕋ ᒪᓕᖦᖢᒍ ᓯᐊᖕᒪᒃᑎᖅᑕᐅᓯᒪᔪᓃᑦᑐᑦ ᐲᖅᑕᐅᔭᕌᖓᑦᑕ ᓄᑖᓂᒃ ᑕᐃᑯᖓ ᐃᓇᖏᖅᑎᒃᓴᖏᖕᓂᒃ ᐋᖅᑭᒃᓯᒋᐊᓖᑦ.

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 17 ᐃᖅᑲᓇᐃᔭᖅᑐᓕᕆᔨᒃᑯᑦ ᒥᓂᔅᑕᖓ ᓇᓗᓇᐃᖅᓯᔪᓐᓇᖅᐹ ᖃᓄᐃᑦᑐᓂᒃ ᓄᑖᓂᒃ ᐊᑐᐊᒐᖃᓕᕐᒪᖔᑦ ᒐᕙᒪᒃᑯᑦ ᑕᐃᒪᓐᓇᑦ ᐃᓐᓄᒃᑕᐅᓯᒪᓚᐅᖅᑑᒐᓗᐊᑦ ᐲᖅᑕᐅᑎᓪᓗᒋᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᖅᑲᓇᐃᔭᖅᑐᓕᕆᔨᒃᑯᑦ ᒥᓂᔅᑕᖓ, ᒥᔅ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᒡᓗ ᐊᐱᖅᑯᑎᒋᒐᖕᓂ. ᑖᓐᓇ ᓯᕗᓪᓕᖅᐹᖅ ᐊᐱᖅᑯᑎᒋᖅᑲᐅᔭᐃᑦ ᒐᕙᒪᒃᑯᑦ ᐱᓕᕆᕝᕕᖏᖕᓂᒃ ᐃᖅᑲᓇᐃᔭᖃᑎᖃᖅᑐᒍᑦ ᓇᓗᓇᐃᔭᖅᖢᑎᒃᑯᑦ ᑕᐃᒃᑯᐊ ᐃᖅᑲᓇᐃᔮᑦ ᐃᓐᓄᒃᑕᐅᓂᐊᖅᑐᑦ. ᐊᒻᒪ ᑕᒪᒃᑯᐊ ᐃᓘᓐᓇᖏᑦ ᕿᒥᕐᕈᓇᓕᖅᑕᕗᑦ ᓲᕐᓗᒃ ᐲᖅᓯᔪᖃᖅᐸᑦ ᓄᓇᓕᖕᓂ ᐊᑕᐅᓯᕐᒥᒃ ᑭᓱᓄᖔᖅ ᑭᓱᓂᖔᖅ ᐃᖅᑲᓇᐃᔮᓂᒃ ᑕᐃᑯᖓ ᐃᓕᓯᓂᐊᕐᒪᖔᑦᑕ. ᑕᒪᒃᑯᐊ ᒐᕙᒪᒃᑯᑦ ᐱᓕᕆᕝᕕᖏᑦ ᐅᖃᓪᓚᖃᑎᒋᖅᑳᕐᓗᒋᐅᔭᕆᐊᖃᓲᖑᔪᒍᑦ. ᑲᑐᔾᔨᖃᑎᒌᖕᓂᒃᑰᖃᑎᒋᓗᑎᒃᑯᓪᓗ ᓲᕐᓗᒃ ᐱᔨᑦᑎᖅᑏᑦ ᐱᓕᕆᕕᖓᑦ ᑐᓴᖅᑎᑕᐅᒍᑦᑕ ᑭᓱᑦ ᖃᓄᐃᑦᑐᓂᒃ ᐃᖅᑲᓇᐃᔮᓂᒃ ᐱᔭᕆᐊᖃᕐᒪᖔᑦ, ᓇᓗᓇᐃᖅᓯᓕᓲᖑᔪᒍᑦ ᐃᓐᓄᒍᓐᓇᕐᓂᐊᕐᒪᖔᑦᑎᒃᑯᑦ ᑕᐃᒃᑯᐊ ᐃᖅᑲᓇᐃᔮᑦ ᐃᓂᖏᑦ ᐃᓕᓯᒪᑲᐃᓐᓇᕐᓂᐊᖅᑐᓂᒃ ᐅᕝᕙᓘᓐᓃᑦ. ᑕᐃᒪᙵᓕᒫᖅ ᐱᔨᑦᑎᕈᑎᓂᒃ ᑕᒪᒃᑯᓂᖓ ᓈᒪᔪᓂᒃ ᓴᖅᑭᔮᖅᑎᑦᑎᓇᓱᖃᑦᑕᖅᑐᒍᑦ ᓄᓇᓕᖕᓄᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑐᖏᓕᐊᓂ ᐃᓚᒋᐊᕈᑏᑦ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑏᑦ, ᒥᔅᑕ ᐊᑕᒍᒃᑖᓗᒃ. ᐊᑕᒍᒃᑖᓗᒃ: ᖁᔭᓐᓇᒦᒃ, ᐅᖃᖅᑏ. (ᑐᓵᔨᑎᒍᑦ) ᖁᔭᓐᓇᒦᕈᒪᓪᓗᒍᓗ ᒥᓂᔅᑕ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ. ᒥᓂᔅᑕ ᖃᐅᔨᒪᔪᒃᓴᐅᕗᖅ ᒐᕙᒪᒃᑯᑦ ᐃᖅᑲᓇᐃᔭᕐᓂᕐᒧᑦ ᐅᓂᒃᑳᖏᑦ ᐅᖃᖅᓯᒪᖕᒪᑕ ᑲᑎᓕᒫᖅᖢᒋᑦ ᑕᒫᓂ 1,056 ᓄᓇᕗᒻᒥᐅᑦ ᐃᓄᐃᑦ ᐃᖅᑲᓇᐃᔭᖅᑐᑦ ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᖕᓂ ᐊᒻᒪᓗ ᑎᒥᙳᖅᑎᓯᒪᔭᖏᖕᓂᒃ. 85%-ᓂᒃ ᐃᓄᓐᓂᒃ ᐃᖅᑲᓇᐃᔭᖅᑎᑖᕐᓂᐊᕈᑦᑕ ᒐᕙᒪᒃᑯᑦ ᑕᒫᓂ 2,900 ᓄᑖᓂᒃ ᐃᓄᖕᓂᒃ ᐃᖅᑲᓇᐃᔮᖅᑎᑖᕆᐊᓖᑦ. ᒥᓂᔅᑕᖃᐃ ᓇᓗᓇᐃᖅᓯᔪᓐᓇᖅᐹ ᑕᐃᒪᓐᓇ ᑕᐃᒪᐃᑦᑐᒥᒃ ᑐᕌᒐᓕᐊᕆᓯᒪᔭᕐᒥᓂᒃ ᑎᑭᐅᑎᔪᓐᓇᕐᓂᐊᕐᒪᖔᕐᒥᒃ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᖅᑲᓇᐃᔭᖅᑐᓕᕆᔨᒃᑯᑦ ᒥᓂᔅᑕᖓ, ᒥᔅ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᒻᒪᓗ ᖁᔭᓐᓇᒦᒃ ᐊᐱᖅᑯᑎᒋᒐᖕᓂ. ᓄᓇᕗᑦ ᒐᕙᒪᒃᑯᑦ ᑐᙵᕕᒃᑯᓪᓗ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᑦ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᑐᖃᖓᔪᓂᒃ ᐋᖅᑭᒃᓯᓯᒪᓕᖅᑐᑦ 2024-ᒥ. ᐊᒻᒪ ᐃᓕᓐᓂᐊᕐᓂᕐᒧᑦ ᐸᕐᓇᐃᓂᕐᒧᓪᓗ ᐋᖅᑭᒃᓱᐃᕙᓪᓕᐊᔪᒍᑦ ᐱᓕᕆᕕᖕᓄᑦ ᐊᑐᖅᑕᐅᓂᐊᖅᑐᓂᒃ. ᐊᒻᒪ ᕿᒥᕐᕈᓇᒃᑕᐅᓗᑎᑦ ᐃᓄᐃᑦ ᐃᖅᑲᓇᐃᔭᖅᑎᑖᖁᓪᓗᒋᑦ ᓄᓇᕗᑦ ᐃᓗᐊᓂ. ᐊᒻᒪᓗ ᐅᖃᖅᑲᐅᒐᒪ ᑕᐃᒃᑯᐊ ᐃᖅᑲᓇᐃᔭᑯᑖᒃᑐᑦ ᐃᓕᓴᕆᔭᐅᓚᐅᕐᒪᑕ. ᐃᓕᓐᓂᐊᓯᓐᓈᑦ ᐃᖅᑲᓇᐃᔭᖅᑐᓂᒃ ᐱᔪᒪᔪᒍᑦ. ᐊᒻᒪ ᐃᖅᑲᓇᐃᔭᑲᐃᓐᓇᖅᑐᓂᒃ ᐃᓕᓯᕙᓪᓕᐊᓗᑕ ᐃᖅᑲᓇᐃᔭᓪᓚᕆᙳᓛᕋᒥᒃ ᓯᕗᓂᒃᓴᒥ. ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᖕᓄᑦ ᐸᕐᓇᐅᑎᓂᒃ ᐋᖅᑭᒃᓯᓯᒪᖕᒥᔪᒍᑦ ᒐᕙᒪᒃᑯᑦ ᐱᓕᕆᕝᕕᓕᒫᖏᖕᓄᑦ ᐊᑐᖅᑕᐅᖃᑦᑕᖅᑐᓂᒃ. ᖁᔭᓐᓇᒦᒃ, ᐅᖃᖅᑏ. ᐊᒻᒪᓗ ᖁᔭᓐᓇᒦᒃ ᐊᐱᖅᑯᑎᒋᖅᑲᐅᒐᖕᓂ. ᐅᖃᖅᑎ: ᖁᔭᓐᓇᒦᒃ. ᐅᖃᐅᓯᒃᑯᑦ ᐊᐱᖅᑯᑏᑦ. ᐊᐃᕕᓕᖕᒧᑦ ᒪᓕᒐᓕᐅᖅᑎ, ᒥᔅ ᐊᖑᑎᐊᓗᒃ. ᐊᐱᖅᑯᑦ 19 – 7(1): ᐊᖅᑯᓵᖅᑐᑦ ᐋᓐᓂᐊᕕᓕᐊᖅᑐᓄᑦ ᑐᑦᑕᕝᕕᒃᓴᖓ ᑲᖏᖅᖠᓂᕐᒥ (ᐊᖑᑎᐋᓗᒃ) ᐊᖑᑎᐊᓗᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᓯᕗᓪᓕᕐᒥᒃ ᑖᓐᓇ ᐅᖃᐅᓯᕆᓂᐊᖅᑕᕋ ᐋᓐᓂᐊᕐᓇᙱᑦᑐᓕᕆᔨᒃᑯᓐᓄᑦ.

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 18 6−ᖑᒐᑦᑕ ᑭᕙᓪᓕᕐᒥ ᓄᓇᓖᑦ, ᖃᐅᔨᖃᑦᑕᖅᓯᒪᓕᖅᑐᒍᑦ ᓄᓇᓕᐅᖃᑎᑦᑎᓐᓂᒃ ᐅᑕᖅᑭᔪᓂᒃ ᐊᑯᓂᐊᓗᒃ ᐋᓐᓂᐊᔪᓂᒃ ᒥᑦᑕᕐᕕᖕᓂ. ᓯᓚᑦᑕᐅᕌᓂᖃᑦᑕᙱᑦᓱᓂᓗ ᑲᖏᖅᓯᓂᖅ. ᐊᒻᒪᓗ ᓇᒦᕝᕕᒃᓴᖃᕈᓐᓇᐃᓪᓕᖃᑦᑕᖅᓱᑎᒃ. ᑕᐃᓐᓇᓗ ᓯᓂᒃᑕᕐᕕᒋᖃᑦᑕᖅᑕᕗᑦ −ᒋᔭᐅᖃᑦᑕᖅᑐᑦ 10−ᓂᒃ ᐃᒡᓕᖃᕐᓂᕋᓚᐅᖅᑕᐃᑦ ᐋᓐᓂᐊᖅᑐᓄᑦ ᓈᒻᒪᙱᑦᑐᕐᔪᐊᒻᒪᕆᐊᓗᒃ. ᑕᑉᐸᐅᖓᓗ ᒪᔪᕋᕆᐊᖃᖅᓱᓂ ᐊᒻᒪᓗ ᑖᓐᓇ ᓇᑎᕐᒥ ᖃᕆᐊᕆᔭᐅᔪᑦ ᐱᑐᖄᓘᓪᓗᑎᑦ ᐋᓐᓂᐊᖅᑐᒧᑦ ᓈᒻᒪᙱᑦᑐᕐᔪᐊᒻᒪᕆᐊᓗᒃ, ᑲᓐᓱᖃᖅᑐᓄᓪᓗ ᐊᒻᒪ ᐊᓂᕐᓂᑭᑦᑐᓄᑦ. ᐊᒻᒪᓗ ᑕᐃᓐᓇ ᑭᒍᓯᕆᔭᐅᔭᖅᑐᖃᑦᑕᕐᒪᑕ ᓄᑕᕋᐃᑦ ᑕᐃᑲᓃᒋᐊᖃᖅᓱᑎᓪᓗ ᐊᒥᓱᐃᑦ ᑭᕙᓪᓕᕐᒥᐅᑕᐃᑦ ᐊᑯᓂᐊᓗᒃ ᐅᑕᖅᑭᖃᑦᑕᖅᑐᒍᑦ ᒥᑦᑕᕐᕕᖕᒥ. 6 ᐃᑲᕐᕋᓘᓐᓃᑦ12-ᓄᑦ ᐃᑲᕐᕋᓂᓪᓘᓐᓃᑦ ᐅᑕᖅᑭᓕᖃᑦᑕᖅᑐᒍᑦ. ᑭᓇᒃᑯᒃᑭᐊᕐᖏᒃᑯᐊ ᐱᖓᓱᐃᑦ ᐃᓕᖕᓄᑦ ᐅᖃᕐᓂᖅᐸᑦ? ᐃᓄᐃᑦ ᐅᖄᓂᖃᑦᑕᙱᒻᒪᑕ ᑕᐃᒃᑯᓄᖓ ᐋᓐᓂᐊᕐᓇᙱᑦᑐᓕᕆᔨᒃᑯᓐᓄᑦ ᑭᕙᓪᓕᕐᒥ. ᑕᐃᒫᒃ ᒪᓂᑐᐃᓐᓇᖃᑦᑕᓕᖃᑦᑕᕐᒪᑕ ᐃᓚᖏᑦ. ᑕᕝᕙᓂ ᐃᓪᓗᐊᓗᒃᑖᖁᔨᓪᓚᕆᒃᑐᒍᑦ ᓯᓂᒃᑕᕐᕕᒃ ᐋᓐᓂᐊᕐᕕᓕᐊᖅᑕᖅᑐᓄᑦ. ᓇᐅᔮᕐᒥᐅᑕᐃᑦ ᐱᒍᒪᓚᐅᕆᓪᓗᑎᒃ ᐊᒻᒪᓗ ᓴᓪᓕᕐᒥᐅᑕᐃᑦ. ᖃᐅᔨᓚᐅᕋᒪᓕ ᓄᓇᖅᑲᑎᒐᓂᒃ ᐃᒫᒃ ᑐᔪᕐᒥᒋᐊᖃᓕᖅᑐᖅ ᐃᓄᖕᓂᒃ ᐃᓚᒥᓂᒃ. ᑕᒡᕙ ᐊᖏᕐᕋᐅᒧᖅ ᐃᓅᒍᓐᓃᕆᐊᖅᑐᖅᓱᓂ. 6 ᐅᓪᓗᓂ ᑕᐃᑲᓃᓚᐅᖅᑐᖅ ᓯᓚᒧᑦ ᐱᔾᔪᑕᐅᓪᓗᓂᓗ ᐱᔾᔪᑎᖃᖅᓱᓂᓗ ᓯᓚᒧᑦ. ᑕᐃᒫᒃ ᐃᑲᔪᖅᑕᐅᒃᑲᓐᓂᕈᒪᒐᓗᐊᖅᑐᒍᑦ ᑭᕙᓪᓕᕐᒥᐅᑕᑎᒍᑦ, 6 ᓄᓇᓖᑦ, ᐊᔪᓕᐅᖅᑲᖃᑦᑕᖅᑐᑦ ᒥᑦᑕᕐᕕᒻᒥᓗ ᐊᑯᓂᐊᓗᒃ ᐅᑕᖅᑭᓕᖃᑦᑕᖅᓱᑎᒃ ᓂᕆᔾᔪᑎᒃᓴᒥᓪᓗ ᑐᓂᔭᐅᔾᔮᒐᑎᒃ. ᐋᓐᓂᐊᕐᓗᓂ ᐊᓕᐊᓇᐃᒍᒥᓇᙱᑦᑐᕐᔪᐊᕐᒪᕆᐊᓗᒃ ᑕᐃᒪᐃᑦᑐᒃᑰᕐᓗᓂ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᐊᐱᖅᑯᑎᖃᖅᑐᐃᑦ ᒥᔅ ᐊᖑᑎᐊᓗᒃ, ᑖᔅᓱᒧᖓ ᑕᒪᑐᒪᑉ ᒥᒃᓵᓄᑦ. ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᑐᕌᖓᖅᑰᕐᒪᑦ, ᐊᐱᖅᑯᑎᖃᖅᐲᑦ? ᒥᔅ ᐊᖑᑎᐊᓗᒃ. ᐊᖑᑎᐊᓗᒃ: ᐅᖃᐅᓯᒃᓴᑐᐃᓐᓇᐅᖅᑲᐅᒻᒪᑦ ᑖᓐᓇ. ᐃᑲᔪᖅᓯᒋᐊᕈᑎᒐ ᐋᓕᒃᔅᒧᑦ. ᐅᓇᓕ ᐃᖅᑲᖅᑐᐃᔨᕋᓛᒃᑯᓐᓄᑦ. (ᑐᓵᔨᑎᒍᑦ) ᖁᔭᓐᓇᒦᒃ, ᐅᖃᖅᑏ. ᑕᒻᒪᖅᑯᖔ? ᐅᖃᖅᑎ: ᐄ’, ᒪᒥᐊᓇᖅ. ᑖᓐᓇ ᐅᖃᐅᓯᕆᔭᐃᑦ ᒪᓕᒐᓕᐅᖅᑏᑦ ᐅᖃᐅᓯᖓᓂᒃ ᐅᖃᐅᓯᕆᔪᓐᓇᖅᑲᐅᒐᓗᐊᖅᖢᒍᖃᐃ, ᑖᓐᓇ ᐊᐱᖅᑯᑎᖃᕈᕕᑦ ᒫᓐᓇᐅᔪᒥᒃ, ᑖᔅᓱᒧᖓ ᐅᖃᐅᓯᕆᔭᕐᓄᑦ ᑐᕌᖓᒋᐊᖃᖅᑰᕐᒪᑦ ᒫᓐᓇ. ᐊᑎᖁᑎᒃᑲ ᒪᓕᒡᓗᒋᑦ, ᒥᔅᑕ ᐅᖅᓱᖅᑑᕐᒧᑦ ᒪᓕᒐᓕᐅᖅᑎ, ᒥᔅᑕ ᐳᐊᑐ. ᐊᐱᖅᑯᑦ 20 – 7(1): ᒥᑦᑕᕝᕕᐅᑉ ᐱᖁᑎᔾᔪᐊᖏᓄᑦ (ᐳᐊᑐ) ᐳᐊᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒃᑲ ᐅᓪᓗᒥ ᐃᖏᕐᕋᔪᓕᕆᔨᒃᑯᓐᓄᑦ ᐱᖁᑎᕐᔪᐊᓕᕆᔨᒃᑯᑦ ᓄᓇᕗᒻᒥ. ᒥᓂᔅᑕ ᖃᐅᔨᒪᒻᒪᑦ ᐱᓕᕆᕝᕕᖓ 2026-2027 ᑮᓇᐅᔭᖅᑐᕈᑎᑦᓴᐃᑦ ᑮᓇᐅᔭᖅᑕᖃᕐᒪᑕ ᑕᒪᒃᑯᐊ ᖃᐅᒻᒪᖅᑯᑎᖏᑦ ᒥᑦᑕᕐᕕᐅᑉ ᐊᓯᔾᔨᖅᑕᐅᖁᓪᓗᒋᑦ ᐊᒻᒪᓗ ᐃᓂᓪᓚᖓᓂᖏᑦ ᒥᑦᑕᕐᕕᑎᓐᓂ. ᖁᕕᐊᓱᑉᐳᖓ ᐃᖏᕐᕋᔪᓕᕆᔨᒃᑯᑦ ᐱᓕᕆᐊᕆᕙᓪᓕᐊᒻᒪᔾᔪᒃ. ᒥᓂᔅᑕ ᐅᖃᕈᓐᓇᖅᐹ ᖃᖓ ᐱᒋᐊᖅᑕᐅᓪᓚᑦᑖᕈᒫᕐᒪᖔᖅ ᐃᖅᑲᓇᐃᔮᖑᓂᖓ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᑦ, ᒥᓂᔅᑕᖓ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᓇᕝᕚᑲᐃᓐᓇᕐᓕᐅᒃ. ᐃᒻᒪᖄ ᒪᓕᒐᓕᐅᖅᑎ ᐊᐃᑉᐹᓂᒃ ᐊᐱᕆᒃᑲᓐᓂᓚᐅᕐᓗᓂ, ᓇᓂᓂᐊᖅᐸᕋ. ᖁᔭᓐᓇᒦᒃ, ᐅᖃᖅᑎ. ᐅᖃᖅᑎ: ᖁᔭᓐᓇᒦᒃ. ᐅᖅᓱᖅᑑᕐᒧᑦ ᒪᓕᒐᓕᐅᖅᑎ, ᒥᔅᑕ ᐳᐊᑐ.

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 19 ᐳᐊᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᓚᒋᐊᕈᑎᒋᓗᒍ ᒥᓂᔅᑕ ᐃᖅᑲᐅᒪᔪᒃᓴᐅᒻᒪᑦ ᒐᕙᒪᒃᑯᑦ ᒪᓂᒪᑎᑦᓯᔪᒻᒪᑕ ᔪᓚᐃ 2024-ᒥ, ᐊᑭᑦᑐᕋᐅᑎᑦᓴᒧᑦ ᓱᓇᒃᑯᑖᓄᑦ ᐱᕋᓚᒃᑯᕕᔅᓴᒥᒃ ᓄᓇᕗᑦ ᒥᑦᑕᕐᕕᖏᓐᓂᒃ, ᐅᖅᓱᖅᑑᖅ ᐃᓚᒋᓪᓗᒍ. ᒥᓂᔅᑕ ᐅᓪᓗᒥ ᑐᓴᖅᑎᑦᓯᔪᓐᓇᖅᐹ ᖃᓄᐃᓕᖓᓕᕐᒪᖔᖅ ᐱᓕᕆᐊᒃᓴᐅᓯᒪᓂᕆᔭᖓ ᐅᖅᓱᖅᑑᕐᒥ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᑦ ᒥᓂᔅᑕᖓ, Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᓯᕗᓪᓕᖅᐹᕐᒥ ᐊᐱᕆᖅᑲᐅᔮᓄᑦ, ᑳᓐᑐᕌᒃᑦ ᑐᓂᔭᐅᓯᒪᓕᖅᓱᓂ ᓴᓇᔭᐅᓯᒋᐊᓛᖅᓱᓂ ᐅᐱᕐᖔᖅ/ᐊᐅᔭᖅ, ᑕᒪᒃᑯᐊ ᓯᐅᕋᑦᑕᕐᕕᑦᓴᐃᑦ ᕿᒥᖅᑯᔭᐅᑉᓗᑎᑦ ᐊᒻᒪ ᓱᓇᒃᑯᑖᑦ ᐱᖁᑎᓄᑦ ᐱᕋᓚᒃᑯᕕᔅᓴᒧᑦ, ᑖᑉᑯᐊ ᑮᓇᐅᔭᖅᑐᕈᑎᑦᓴᑦ ᐊᖏᖅᑕᐅᒍᑎᒃ ᑖᓐᓇ ᐊᐱᖅᑯᑎᒋᔮᓄᑦ ᐊᑭᑦᑐᕋᐅᑎᑦᓴᐅᓗᓂ ᐱᒍᓐᓇᖅᓯᓛᖅᑐᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑐᖏᓕᐊᓂ ᐃᓚᒋᐊᕈᑎ ᐊᒻᒪᓗ ᑭᖑᓪᓕᖅᐹᖅ, ᒥᔅᑕ ᐳᐊᑐ. ᐳᐊᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕ ᐃᖅᑲᐅᒪᔪᔅᓴᐅᕗᖅ ᓄᓇᕗᒻᒥ ᒥᑦᑕᕐᕕᖏᑦ ᐅᑭᐅᑦ ᐊᕙᑎᓄᑦ 20-ᓄᑦ ᐊᑭᑐᔫᑎᓄᑦ ᑐᓴᕋᔅᓴᖅ ᒫᑦᓯ 10, 2023-ᒥ ᐃᒡᓗᒨᖅᑕᐅᓚᐅᖅᓯᒪᒻᒪᑦ. ᒥᓂᔅᑕ ᐅᖃᕈᓐᓇᖅᐸᑦ ᖃᖓᒃᑯᑦ ᑐᓴᕋᒃᓴᓂᒃ ᐊᓪᓚᑦᓯᑲᓐᓂᕈᒫᕐᒪᖔᑕ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᐃᖏᕐᕋᔪᓕᕆᔨᒃᑯᑦ ᐱᖁᑎᕐᔪᐊᓕᕆᔨᒃᑯᑦ, ᒥᓂᔅᑕᖓ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᖅᐸᕋ ᐊᐱᕆᖕᒪᑦ. ᐅᖃᖃᑎᒋᒋᐊᖃᕐᓂᐊᖅᑕᒃᑲ ᐱᓕᕆᔨᒃᑲ ᖃᓄᐃᓕᖓᓕᕐᒪᖔᑦ ᐊᒻᒪ ᐊᑐᐃᓐᓇᐅᑎᒍᓐᓇᓛᕐᓗᒋᑦ ᓇᓕᖅᑲᐃᑦ ᐊᒻᒪ ᖃᖓᒃᑯᑦ ᐅᓪᓗᖅᓯᐅᑏᑦ ᒪᓕᓪᓗᒋᑦ ᐋᖅᑭᒃᑕᐅᓯᒪᖕᒪᖔᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐅᖃᐅᓯᒃᑯᑦ ᐊᐱᖅᑯᑏᑦ, ᑕᒪᑐᒪᓂ. ᐊᐃᕕᓕᒻᒧᑦ ᒪᓕᒐᓕᐅᖅᑎ, ᒥᔅᑕ ᐊᖑᑎᐊᓗᒃ. ᐊᐱᖅᑯᑦ 21 – 7(1): ᐃᓂᒋᔭᖏᑦ ᐃᓐᓇᑐᖃᑦᑕ ᓄᓇᓖᑦ ᐃᖅᑲᖅᑐᐃᔨᑦ ᑲᑎᒪᔨᕋᓛᖏᓐᓂ (ᐊᖑᑎᐋᓗᒃ) ᐊᖑᑎᐊᓗᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒃᑲ ᐅᑉᓗᒥ ᒪᓕᒐᓕᕆᔨᒃᑯᑦ ᒥᓂᔅᑕᖓᓐᓄᑦ. ᐅᖃᐅᓯᖃᖅᐳᖅ ᐃᓐᓇᐃᑦ ᐃᓚᐅᕙᓐᓂᕆᔭᖏᑦ ᐃᖅᑲᖅᑐᐃᔨᑦ ᑲᑎᒪᔨᕋᓛᖏᓐᓂᒃ. ᒪᓕᒐᓕᐅᖅᑎᐅᑉᓗᖓ ᐊᐃᕕᓕᖕᒧᑦ, ᑭᒡᒐᖅᑐᖅᓱᖓ ᓴᓪᓕᖅ ᐊᒻᒪ ᓇᐅᔮᑦ, ᐊᔭᐅᖅᑐᐃᓪᓚᕆᑉᐸᒃᑲᒪ ᐃᓚᐅᑦᓯᐊᖃᑦᑕᖁᓪᓗᒋᑦ ᐃᓐᓇᐃᑦ ᐃᓄᐃᓪᓗ ᖃᐅᔨᒪᓂᑐᖃᖏᑦ ᐃᖅᑲᖅᑐᐃᔪᓕᕆᓂᕐᒥᒃ. ᐅᖃᖅᑏ, ᑐᑭᓯᕗᖓ ᐃᓕᑕᖅᓯᑉᓗᖓᓗ ᒪᓕᒐᕐᓂᐊᖅᑐᓕᕆᔨᒃᑯᑦ ᐱᓕᕆᐊᒃᓴᖓᑦ ᐃᖅᑲᖅᑐᐃᔪᓕᕆᓂᕐᒥᒃ, ᐃᖅᑲᖅᑐᐃᕕᒃᑰᙱᑦᑐᒧᑦ ᐱᐅᓯᐅᔪᓐᓇᖅᑐᒥᒃ ᑐᓂᔭᐅᖔᕈᓐᓇᕐᓗᑎᒃ ᐃᖅᑲᖅᑐᒐᑦᓴᐅᔪᑦ ᓄᓇᓖᑦ ᐃᖅᑲᖅᑐᐃᔨᕋᓛᖏᓐᓄᑦ. ᒥᓂᔅᑕᐅᔪᖅ ᐅᓂᒃᑳᕈᓐᓇᖅᐹ ᖃᓄᖅ ᐃᑲᔪᖅᑐᐃᕙᓐᓂᖏᓐᓂᒃ ᐃᓐᓇᕐᓂᒃ? ᐊᒻᒪᓗ ᐊᓯᖏᓐᓂᒃ ᑲᑎᒪᔨᐅᖃᑕᐅᔪᓂᒃ ᓄᓇᓖᑦ ᐃᖅᑲᖅᑐᐃᔨᕋᓛᖏᓐᓂ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᖅᑲᖅᑐᐃᔪᓕᕆᔨᒃᑯᑦ ᒥᓂᔅᑕᖓ, ᒥᔅᑕ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᐃᓐᓇᐃᑦ ᐅᖃᐅᓯᐅᒑᖓᑦ ᓲᕐᓗᒃ ᑭᒡᒐᖅᑐᖅᓱᒋᑦ ᐃᓐᓇᐃᑦ ᓄᓇᓖᑦ ᖃᓄᐃᑦᑐᒧᑦ ᐃᓚᐅᖃᑦᑕᕈᑎᒃ. ᓄᓇᓕᓐᓂ ᐃᖅᑲᖅᑐᐃᔨᕋᓛᑦ ᐊᒻᒪᓗ ᓄᓇᓕᓐᓂ ᐱᓕᕆᔨᖁᑎᒋᔭᐅᕙᑦᑐᑦ ᐊᔾᔨᒌᙱᑦᑐᓂᒃ ᐃᓚᒌᓄᑦ, ᐃᓐᓇᕐᓄᓪᓗ ᐱᓕᕆᖃᑕᐅᕙᑦᑐᑦ ᐃᑲᔪᖅᑐᐃᒍᑎᖃᑦᑎᐊᖁᑉᓗᒍ. ᑕᒪᒃᑯᐊ ᐱᕋᔭᑦᑕᐅᕙᑦᑐᓄᑦ ᑲᒪᕙᑦᑐᑦ

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 20 ᐃᓚᐅᒍᓐᓇᑦᑎᐊᖃᑦᑕᖁᓪᓗᒋᑦ. ᑖᒃᑯᐊ ᓇᐃᓈᑐᐃᓐᓇᖅᓱᒋᑦ ᐅᖃᖅᑕᒃᑲ, ᐊᐱᖅᑯᑎᔅᓴᖃᒃᑲᓐᓂᖅᐸᑦ ᑭᐅᒐᓱᒃᑲᓐᓂᕐᓂᐊᖅᐳᖓ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓯᕗᓪᓕᖅᐹᕐᒥ ᐃᓚᒋᐊᕈᑏᑦ ᐊᐱᖅᑯᑎᓐᓄᑦ, ᒥᔅ ᐊᖑᑎᐊᓗᒃ. ᒪᒥᐊᓇᖅ ᒥᔅᑕᓚᕋᑖᕋᒃᑭᑦ, ᒥᔅ ᐊᖑᑎᐊᓗᒃ. ᐊᖑᑎᐊᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᒪᓕᒐᓐᓂᐊᖅᑐᓕᕆᔨᒃᑯᑦ ᑐᓴᕋᔅᓴᖃᔪᒻᒪᑕ ᓄᓇᓖᑦ ᐃᖅᑲᖅᑐᐃᔨᕋᓛᖏᑦ ᐃᓱᓕᑦᑐᒍ ᑎᓰᕝᕙ 28, 2025. ᒥᓂᔅᑕ ᑐᓴᖅᑎᑦᑎᔪᓐᓇᖅᐹ ᖃᑦᓯᑦ ᓄᓇᓖᑦ ᐃᖅᑲᖅᑐᐃᔨᕋᓛᖏᑦ ᑎᒃᑯᐊᖅᑕᐅᓚᐅᖅᐸᑦ? ᑕᕝᕙ ᑖᓐᓇ ᑐᓴᕈᑎᔅᓴᐅᔪᖅ ᓴᖅᑭᖅᑕᐅᓚᐅᖅᑎᓪᓗᒍ. ᐊᒻᒪ ᐱᑕᖃᕐᓂᖅᐸᑦ ᓴᓪᓕᕐᒥ, ᓇᐅᔮᓂᓪᓗ ᐱᓯᒪᔪᖃᖅᐹ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᖅᑲᖅᑐᐃᔪᓕᕆᔨᒃᑯᑦ ᒥᓂᔅᑕᖓ, ᒥᔅᑕ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᓄᓇᓖᑦ ᒪᓕᓪᓗᒋᑦ ᑎᑎᕋᖅᓯᒪᔪᖁᑎᖃᙱᒃᑲᓗᐊᖅᑐᖓ, ᑭᓯᐊᓂ ᑐᓴᖅᓯᒪᔭᒃᑯᑦ ᓄᓇᓖᑦ 21-ᖑᔪᑦ ᐃᖅᑲᖅᑐᐃᔨᕋᓛᑦ ᐊᒻᒪᓗ ᒪᓕᒐᕐᓂᐊᓕᕆᔨᖁᑎᖏᑦ ᓄᓇᕗᒻᒥᐅᑕᐅᔪᐃᓐᓇᐃᑦ ᐃᓄᐃᓐᓇᐅᓪᓗᑎᑦ. ᒫᓐᓇ 26-ᖑᕗᑦ ᐃᖅᑲᓇᐃᔮᑦ ᑕᕝᕙᓂ ᐃᓐᓄᑦᑕᐅᓯᒪᔪᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐃᓚᒋᐊᕈᑏᑦ ᐊᐱᕆᒍᒃ, ᒥᔅ ᐊᖑᑎᐊᓗᒃ. ᐊᖑᑎᐊᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᒫᓐᓇ ᐱᕕᖃᕈᒪᓪᓗᖓ ᐃᓕᑕᕆᔪᒪᓪᓗᒋᑦ ᓄᓇᕗᒻᒥᐅᑕᐃᑦ, ᓄᓇᓖᑦ ᐃᖅᑲᖅᑐᐃᔨᕋᓛᖏᓐᓂᑦ ᐃᓚᐅᕙᒃᓯᒪᔪᑦ. ᐱᒻᒪᕆᒻᒥᒃ ᐱᓕᕆᕙᓐᓂᖏᓐᓄᑦ ᐃᖅᑲᖅᑐᐃᔪᓕᕆᓂᕐᒧᑦ. ᒥᓂᔅᑕ ᐅᖃᕈᓐᓇᖅᐹ ᖃᓄᖅ ᐃᑲᔪᖅᑐᐃᕙᒻᒪᖔᑕ ᐃᓐᓇᕐᓂᑦ, ᑕᒪᒃᑯᐊ ᑕᑕᑎᕆᐊᓖᑦ ᒪᓕᓪᓗᒋᑦ ᐃᓚᐅᒍᒪᒐᔭᖅᑐᓄᑦ ᓄᓇᓖᑦ ᐃᖅᑲᖅᑐᐃᔨᕋᓛᖏᓐᓂ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᖅᑲᖅᑐᐃᔪᓕᕆᔨᒃᑯᑦ ᒥᓂᔅᑕᖓ, ᒥᔅᑕ Hᐃᒃᔅ. ᐊᖓᔪᖅᑳᖅ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒋᖅᑲᐅᔮᓄᑦ ᑐᓴᕋᔅᓴᒃᑲ ᑖᒃᑯᐊ ᓄᓇᓪᓖᑦ ᑕᒪᕐᒥᒃ ᐃᖅᑲᖅᑐᐃᔨᕋᓛᖏᑦ ᐃᓐᓄᑦᑕᐅᓯᒪᔪᑦ. ᑖᒃᑯᐊᓕ ᑕᑕᑎᕆᐊᓖᑦ ᐊᐱᖅᑯᑎᐅᔪᒧᑦ ᖃᐅᔨᒋᐊᕆᐊᖃᖅᐳᖓ ᓇᓕᐊᑦ ᑭᑐᓄᑦ ᐃᑲᔪᕈᓐᓇᕋᔭᖅᑐᓂᑦ ᐱᓕᕆᕝᕕᓐᓂᓪᓗ ᖃᐅᔨᒋᐊᕈᓐᓇᕋᔭᖅᐳᖓ ᑲᒪᓪᓗᐊᖅᑐᒧ ᑐᓂᔪᓐᓇᓛᕐᒪᒍᒃ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᐸᓐᓂᖅᑑᕐᒧᑦ ᒪᓕᒐᓕᐅᖅᑎ, ᒥᔅᑕ ᒪᐃᒃ. ᐊᐱᖅᑯᑦ 22 – 7(1): ᐃᖃᓗᐃᑦ ᓄᒃᑭᒃᓴᐅᑏᑦ ᓯᒥᒃᑐᐃᓂᖓᑕ ᓴᓇᔭᖏᓄᑦ (ᒪᐃᒃ) ᒪᐃᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐊᓕᐊᓇᐃᕌᓗᖔ, ᓇᖏᖅᓯᒐᒪ. ᐊᐱᖅᑯᑎᖃᕐᓂᐊᖅᑐᖓᓕ ᖁᓪᓕᒃᑯᑦ ᖃᐅᒻᒪᖅᑯᓯᕆᔨᒃᑯᑦ ᒥᓂᔅᑕᖓᓄᑦ, ᐱᔾᔪᑎᓕᒃ ᓄᒃᑭᔅᓴᐅᑏᑦ ᑰᒑᓗᒻᒥᒃ ᑰᖕᒧᑦ ᐆᒻᒪᖅᑯᑎᓕᐅᕐᓂᕐᒧᑦ ᐱᓕᕆᐊᖑᓂᕋᖅᑕᐅᕙᑦᑐᖅ. ᑕᐃᒪ ᒥᓂᔅᑕ ᖃᐅᔨᒪᒻᒪᑦ ᐊᒻᒪᓗ ᑖᒃᑯᐊ ᖁᓪᓕᒃᑯᑦ ᓇᓗᓇᐃᖅᓯᓚᐅᖅᓯᒪᒻᒪᑕ ᐊᕐᕌᓂ, ᓅᕖᕝᕙ 2025, ᐱᔾᔪᑎᒋᓪᓗᒍ ᑖᓐᓇ ᓄᒃᑭᔅᓴᐅᑏᑦ ᐱᓕᕆᐊᕆᔪᒪᔭᖓ ᑰᒑᓗᒻᒥᒃ, ᖃᐅᒪᔾᔪᑎᓕᐅᕐᓗᑎᒃ ᑰᑉ ᑕᓰᑦ ᐊᑐᕐᓗᒋᑦ. ᑕᕝᕙᓂ ᐱᕙᓪᓕᐊᔪᑦ ᑐᓴᕋᒃᓴᓂ ᐅᖃᓕᒫᖅᑐᒍ, ᖁᓪᓕᒃᑯᑦ ᑐᙵᓱᑦᑎᑦᑎᓯᒪᔪᑦ ᑖᒃᑯᐊ ᑲᓇᑕᐅᑉ ᒐᕙᒪᒃᑯᑦ ᐃᓱᒪᓕᐊᒥᓂᖓ ᑐᐊᕕᕐᓇᖅᑐᒃᑯᑦ, ᑖᓐᓇ ᑰᒑᓗᒃ ᐱᓕᕆᐊᖑᖁᓪᓗᒍ. ᐆᒥᖓ ᐱᖅᑯᑎᖃᖅᑐᖓ: ᒥᓂᔅᑕᖃᐃ ᓇᓗᓇᐃᖅᓯᒍᓐᓇᖅᑲ ᑖᒃᑯᐊ ᖁᓪᓕᒃᑯᑦ ᖃᓄᑎᒋᒃ ᐱᓕᕆᓂᖃᕆᐊᖃᕐᒪᖔᑕ ᑖᔅᓱᒧᖓ ᑰᒑᓗᒻᒧᑦ ᑰᖕᒧᑦ ᐆᒻᒪᖅᑯᑎᓕᐅᕐᓂᕐᒧᑦ ᐱᓕᕆᐊᕐᒧᑦ, ᖃᐅᒪᔾᔪᑎᓕᐅᕈᑎᔅᓴᐅᔪᒫᕐᓂᐊᖅᑐᒧᑦ? ᖁᔭᓐᓇᒦᒃ, ᐃᒃᓯᕙᐅᑖᖅ.

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 21 ᐅᖃᖅᑎ: ᖁᔭᓐᓇᒦᒃ. ᖁᓪᓕᖅ ᐆᒻᒪᖅᑯᓯᓕᕆᔨᒃᑯᑦ ᒥᓂᔅᑕᒋᔭᖓ, ᒥᔅ Hᐄᓕ ᐊᕿᐊᕈᖅ. ᐊᖓᔪᖅᑳᖅ Hᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᖃᐸᕋᓗ ᐊᐱᕆᒻᒪᑦ ᒪᓕᒐᓕᐅᖅᑎ. ᖁᓪᓕᒃᑯᑦ ᐃᓗᖏᖅᓱᑦᓯᐊᖅᐳᑦ ᒐᕙᒪᐅᔪᓂᒃ ᐱᓕᕆᖃᑎᖃᑦᓯᐊᕆᐊᖏᑦ, ᑲᓇᑕᐅᑉ ᒐᕙᒪᒃᑯᖏᓐᓂ, ᒐᕙᒪᑦᑎᓐᓂᒃ, ᐃᓄᐃᓪᓗ ᑲᑐᔾᔨᖃᑎᒌᖏᓐᓂᒃ, ᓄᓇᓕᑦᑎᓐᓂᓪᓗ ᐱᕚᓪᓕᖁᑉᓗᒋᑦ ᐊᒻᒪᓗ ᓇᕝᕚᖅᓯᒪᑦᓯᐊᖁᓪᓗᒋᑦ ᐊᒻᒪ ᐊᑭᑐᓗᐊᙱᑦᑐᒥᒃ ᐃᑯᒻᒪᔅᓴᐅᑎᖃᕈᓐᓇᖁᓪᓗᒋᑦ. ᐊᕐᕌᒍᓄᑦ ᐊᒥᓱᓄᑦ ᓄᓇᕗᑦ ᒐᕙᒪᒃᑯᑦ ᐊᖅᑯᑎᑦᓴᒥᒃ ᕿᓂᖅᓯᒪᒻᒪᑕ, ᐅᖅᓱᐊᓗᑐᐃᓐᓇᖅᑐᖅᑐᕈᓐᓃᖅᑐᓂᒃ ᐊᑐᕈᓐᓇᕐᓗᑎᒃ. ᐊᑕᐅᓯᐅᙱᑦᑐᖅ ᕿᒥᕐᕈᕙᕗᑦ ᐅᖅᓱᐊᓗᑦᑐᙱᑦᑐᓄᑦ ᐆᒻᒪᖅᑯᑎᓕᐅᕈᑕᐅᔪᓐᓇᖅᑐᓂᒃ. ᐅᖃᕈᓐᓇᖅᐳᖓ ᖁᓪᓕᒃᑯᑦ ᐊᔭᐅᖅᑐᐃᔾᔭᖏᒻᒪᑕ ᑕᒪᑐᒪᙵᑦ ᐱᓕᕆᐊᒥᒃ, ᓯᕗᓕᐅᖅᑕᐅᕗᓪᓕ ᓄᒃᑭᔅᓴᐅᑎᒃᑯᓐᓄᑦ. ᐅᖃᖅᑲᐅᒐᕕᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑯᐊᐳᕇᓴᓐ-ᑯᑦ ᖁᓪᓕᒃᑯᑦ ᐃᑲᔪᕈᒍᑎᐅᒍᓐᓇᖅᑐᓂᒃ ᑐᓴᕋᔅᓴᓂᒃ ᑕᖅᑲᐅᖓ ᑐᓴᐅᒪᑎᑦᓯᓂᕐᒧᓪᓗ ᐃᓚᐅᔫᒐᓗᐊᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᓚᒋᐊᕈᑏᑦ ᐊᐱᕆᒍᒃ, ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᖁᔭᓐᓇᒦᒃ ᒥᓂᔅᑕ ᑖᔅᓱᒥᖓ ᓇᓗᓇᐃᖅᓯᒐᕕᑦ. ᑕᐃᒪ ᒥᓂᔅᑕᐃᓛᒃ ᖃᐅᔨᒪᒻᒥᒻᒪᑦᑕᐅᖅ ᑖᓐᓇ ᓂᕈᐊᖅᑕᐅᓯᒪᔪᖅ ᑰᒑᓗᒻᒥᒃ, ᑖᓐᓇ ᓈᒻᒪᒋᔭᐅᙱᒻᒪᕆᒻᒪᓪᓕ ᐸᓐᓂᖅᑑᕐᒥᐅᑦ ᐃᓄᖏᖕᓄᑦ. ᐃᓂᒋᒐᔭᖅᑕᖓ ᑕᐃᓐᓇ ᑰᒑᓗᒃ, ᑕᑉᐸᐅᖓ ᐸᓐᓂᖅᑑᕐᒧᑦ ᑰᒻᒪᑦ ᑰᖓ. ᐊᒻᒪ ᐊᕐᕌᒍᓂᖅᑲᐃ ᑮᓇᐅᔭᓕᐅᕋᓱᓐᓂᒃᑯᑦ ᐃᖃᓗᓕᕆᓂᕐᒥᒃ ᑮᓇᐅᔭᓕᐅᕈᑕᐅᓯᒪᒻᒪᑦ ᑲᔪᓯᓪᓗᓂᓗ ᐅᓪᓗᒥ. ᑕᐃᒫᒃ ᐊᒥᓱᑦ ᐃᓱᒫᓘᑎᓖᑦ ᑖᔅᓱᒥᖓ ᓴᖅᑮᓯᒪᔪᓪᓕ ᐸᓐᓂᖅᑑᖅ, ᑖᓐᓇ ᑰᒑᓗᒃ ᓂᕈᐊᖅᑕᐅᓯᒪᓂᖓ ᐱᔾᔪᑎᒋᓪᓗᒍ. ᖃᓄᕐᓗ ᓴᖅᑭᓯᒪᒻᒪᖔᖅ, ᓂᕈᐊᖅᑕᐅᓐᓂᕐᒪᖔᓪᓗ ᖃᓄᖅ, ᐸᓐᓂᖅᑑᕐᒥᐅᑦ ᑐᑭᓯᒐᓱᐊᖏᓐᓇᖅᑑᒐᓗᐊᑦ. ᓇᓗᓇᙱᑦᑐᖅ ᐊᒃᑐᐃᑲᒻᒪᓐᓂᐅᓴᓂᖓᓄᑦ ᐊᑭᕋᖅᑑᑕᐅᒻᒪᑦ ᐆᒪᔪᓄᑦ, ᐊᒻᒪᓗ ᐃᖃᓗᓕᕆᓂᕐᒧᑦ ᑮᓇᐅᔭᓕᐅᕈᑕᐅᒐᓱᖃᑦᑕᕐᓂᖓᓄᑦ. ᐆᒥᖓ ᓇᓗᓇᐃᖅᓯᒃᑲᓐᓂᕈᒪᒻᒥᔪᖓ ᓂᕈᐊᖅᑕᐅᖃᑎᒋᓯᒪᔭᕋ ᐃᓄᐃᑦ ᑲᑐᔾᔨᖃᑎᒌᒃᑯᑦ ᑭᒡᒐᖅᑐᖅᑎᖓᑦ ᕕᓕ ᐃᑦᑐᐊᖓᑦ ᐱᓇᓱᐊᕈᓯᐅᓚᐅᖅᑐᒥᒃ ᓴᖅᑭᓚᐅᕐᒥᒻᒪᐅᒃ ᕿᑭᖅᑕᓂᒃᑯᑦ ᑲᑎᒪᔨᖏᑦ ᑲᑎᒪᑎᓪᓗᒋᑦ. ᐸᓐᓂᖅᑑᕐᒥᐅᑦ ᖃᐅᔨᒪᔭᐅᖁᔭᕗᑦ ᑖᓐᓇᓗ ᑭᒡᒐᖅᑐᖅᑎᐅᖃᑎᒐ ᐸᓐᓂᖅᑑᒧᑦ, ᑕᒪᔅᓱᒧᖓ ᑰᒻᒨᑦᑐᓂᒃ ᖃᐅᒪᔾᔪᑎᐅᒐᔭᖅᑐᓂᒃ ᐊᑭᕋᖅᑐᙱᑦᑐᒍᑦ. ᐆᒥᖓ ᐊᑭᕋᖅᑐᖅᑐᒍᑦ ᑰᒑᓗᒻᒦᓐᓂᑯᖓᓄᑦ. ᐃᓂᒋᒐᔭᖅᑕᖓ ᑕᐃᓐᓇ ᐱᒻᒪᕆᐅᓗᐊᕐᖓᑦ ᐃᓄᓐᓄᑦ. ᑮᓇᐅᔭᓕᐅᕈᑕᐅᒻᒪᑦ. ᐊᖏᕐᕋᕆᔭᐅᕙᒻᒪ ᐊᐅᔭᓕᒫᖅ ᑕᐅᕗᖓ ᑰᓐᓂᖓᑕ ᐃᓱᖓ ᑕᕆᐅᕐᒨᖓᔪᖅ. ᑕᐃᒫᒃ ᑕᕝᕙ ᐊᑭᕋᖅᑐᖅᑐᒍᑦ. ᕿᑭᖅᑕᓂᒃᑯᑦᑕᐅᖅ ᓯᕗᓕᖅᑎᖏᑦ ᐊᖏᖃᑎᒌᓯᒪᕙᓗᒍᓐᓃᖅᑐᑦ ᑖᔅᓱᒧᖓ. ᑖᒃᑯᐊ ᑭᓯᐊᓂᑦᑕᐅᖅ ᐃᓱᒫᓘᑎᒥᓐᓂᒃ ᓴᖅᑮᓯᒪᒻᒪᑕ ᑕᐃᒪ ᕿᑭᖅᑕᓂᒃᑯᑦ ᐊᕕᒃᓯᒪᕈᔪᕝᕙᓗᒃᑑᔮᖅᑐᑦ ᑕᕝᕘᓇ ᑖᓐᓇ ᐱᔾᔪᑎᒋᓪᓗᒍ. ᑭᓯᐊᓂᓕ, ᐆᒥᖓ ᒥᓂᔅᑕᒥᒃ ᐱᔾᔪᑎᒋᓪᓗᒍ ᑖᒃᑯᐊ ᐅᖃᖅᑕᒃᑲ ᐊᐱᕆᔪᒪᔭᕋ, (ᑐᓵᔨᑎᒎᓕᖅᑐᖅ) ᒥᓂᔅᑕᐅᔪᖅ ᐃᑲᔪᖅᑐᐃᕙ ᐃᓂᑦᓴᕆᔭᖓᖅᑕᕋᓂᒃ ᓯᒥᑦᑕᐅᓂᖅᐸᑦ ᐄᓪᓘᕝᕙ ᐋᒡᒐᓘᕝᕙ? ᖁᔭᓐᓇᒦᒃ, ᐅᖃᖅᑎ. ᐅᖃᖅᑎ: ᖁᔭᓐᓇᒦᒃ. ᐆᒻᒪᖅᑯᑎᓕᕆᔨᒃᑯᑦ ᒥᓂᔅᑕᕆᔭᖓ, ᒥᔅ ᕼᐄᓕ ᐊᕿᐊᕈᖅ. ᐊᖓᔪᖅᑳᖅ ᒍᐊᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ. ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᐊᒻᒪ ᖁᔭᓐᓇᒦᖅᐸᕋ ᑖᔅᓱᒥᖓ ᐃᓚᒋᐊᕈᑎᒥᓂᒃ ᐊᐱᕆᕋᑖᕐᒪᑦ.

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 22 ᓱᖅᑯᐃᖅᓯᒪᔭᕋᓕ ᖁᔭᓕᑦᑎᐊᖅᐳᖓ ᑐᓴᖅᓯᒪᒐᑦᑕ ᐸᖕᓂᖅᑑᕐᒥᐅᑦ ᓂᐱᖏᓐᓂᒃ ᑖᔅᓱᒪᑉ ᒥᒃᓵᓄᑦ. ᓱᖅᑯᐃᖅᓯᓯᒪᔪᖓ ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕇᓴᓐ ᑖᒃᑯᐊ ᑐᓴᕋᓱᐊᕐᓂᖃᖅᑐᑦ ᐸᖕᓂᖅᑑᕐᒥᐅᓂᒃ ᑐᓴᕋᓱᐊᖅᓯᒪᔪᑦ ᐊᒻᒪ ᐃᓱᒫᓘᑎᒋᔭᐅᔪᓂᒃ ᑐᓵᖃᑦᑕᖅᓯᒪᔪᑦ ᐃᖅᑯᓪᓕᐅᑎᒋᔭᐅᔪᓂᒃ ᑖᔅᓱᒧᖓ ᐱᓕᕆᐊᒃᓴᒧᑦ. ᑖᒃᑯᐊ ᐃᓱᒪᒃᓴᖅᓯᐅᕈᑕᐅᓂᐊᖅᑐᑦ ᐃᖅᑲᓇᐃᔭᖅᑕᐅᔫᑉ ᒥᒃᓵᓄᑦ. ᐊᒻᒪᑦᑕᐅᖅ, ᓇᓗᓇᐃᖅᓯᔪᒪᔪᖓ ᖁᓪᓕᒃᑯᑦ ᑖᒃᑯᐊ ᐃᓚᐅᑎᒻᒪᑕ ᑖᒃᑯᓂᖓ ᐃᓂᒃᓴᖓᓂᒃ ᓂᕈᐊᖅᖠᕐᓂᕐᒧᑦ ᐃᓚᐅᓯᒪᑎᒻᒪᑕ. ᑖᒃᑯᐊ ᐃᓱᒫᓘᑏᑦ ᖃᐅᔨᓴᖅᑕᐅᒧᑦ ᑕᐃᒃᑯᓄᖓ ᐱᓕᕆᐊᒃᓴᒧᑦ ᓯᕗᓕᖅᑎᒧᑦ ᓄᓇᕗᒻᒥ ᓄᒃᑭᒃᓴᐅᑎᒃᑯᓐᓄᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᖁᔭᓐᓇᒦᒃ. ᐊᐃᑉᐹᓂ ᐃᓚᒋᐊᕈᑏᑦ ᐊᐱᕆᒍᒃ, ᐊᒻᒪᓗ ᑭᖑᓪᓕᖅᐹᖓᑦ, ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐅᖃᖅᑏ. ᐊᓕᐊᓇᐃᕌᓗᖔᖅ. ᖁᔭᓐᓇᒦᒃ. ᐄ’, ᑖᓐᓇ ᑐᑭᓯᓇᑦᑎᐊᖅᑐᖅ. ᑕᐃᒪ ᓇᓗᓇᐃᖅᓯᒃᑲᓐᓂᕐᓗᖓᖃᐃ, ᐅᖃᖅᑎᑦᑏᔩ, ᑖᒃᑯᐊ ᐸᓐᓂᖅᑑᕐᒥᐅᑦ ᕼᐊᒻᓚᒃᑯᑦ ᑲᑎᒪᔨᖏᑦ ᐆᒪᔪᕐᓂᐊᖅᑎᒃᑯᓪᓗ ᑲᑎᒪᔨᖏᑦ ᓄᒃᑭᒃᓴᐅᑎᒃᑯᓐᓄᑦ ᑖᒃᑯᓄᖓ ᑲᑎᒪᖃᑕᐅᑐᐃᓐᓇᖅᓯᒪᔪᒥᓂᐅᓪᓗᑎᑦ ᐃᑲᔪᖅᑐᐃᓂᕋᖅᑕᐅᓯᒪᒻᒥᒻᒪᑕ. ᓄᒃᑭᒃᓴᐅᑎᒃᑯᑦ ᑕᕝᕘᓇ ᓱᓕᙱᑦᑐᒥᒃ ᐊᑐᕆᐊᖅᓯᒪᔪᐃᑦ ᐸᓐᓂᖅᑑᕐᒥᐅᓄᑦ. ᑖᒃᑯᐊᑦᑕᐅᖅ ᓄᒃᑭᒃᓴᐅᑎᒃᑯᑦ ᔮᓐᓄᐊᕆᒥᐅᖅᑰᖅᑐᖅ ᖃᐅᔨᔪᔪᐃᑦ ᐸᓐᓂᖅᑑᕐᒥᐅᑦ ᑲᑎᒪᕕᔾᔪᐊᖃᑕᐅᓪᓗᑎᑦ ᑰᒑᓗᒃ ᐱᔾᔪᑎᒋᓪᓗᒍ ᐸᓐᓂᖅᑑᕐᒥᐅᑦ ᐱᖁᑎᕗᖔᕈᑎᒃᑯᑦ ᑲᑎᒪᕐᔪᐊᓂᒃᑯᑦ ᕿᐱᓗᔪᔪᑦ ᑖᔅᓱᒧᖓ ᑰᒑᓗᑉ ᐱᓕᕆᐊᖑᔪᒪᓂᖓᓂᒃ. ᑭᓯᐊᓂ, ᐅᖃᖅᑎᑦᑎᔩ, ᐊᐱᕆᔪᒪᔪᖓ ᒥᓂᔅᑕᒥᒃ ᑲᑎᖃᑎᖃᕈᓐᓇᕋᔭᕐᒪᖔᑦ ᐸᓐᓂᖅᑑᕐᒥᐅᑦ ᕼᐊᒻᓚᒃᑯᑦ ᑲᑎᒪᔨᖏᓐᓂᒃ? ᐊᒻᒪᓗ ᐆᒪᔪᕐᓂᐊᖅᑎᒃᑯᑦ ᑲᑎᒪᔨᖏᖕᓂᒃ? ᑕᒪᓐᓇ ᐱᔾᔪᑎᒋᓪᓗᒍ ᐃᓱᒫᓘᑕᐅᓯᒪᔪᖅ. ᑖᓐᓇ ᐱᔾᔪᑎᒋᓪᓗᒍ ᑰᒑᓗᒻᒥᒃ ᖃᐅᒪᔾᔪᑎᓕᐅᕈᒪᓂᐅᔪᖅ ᑖᒃᑯᓇᙵᑦ ᓄᒃᑭᒃᓴᐅᑎᒃᑯᓐᓂ. ᐊᐱᕆᕗᖓ ᑕᐃᒫᒃ ᐸᓐᓂᖅᑑᕐᒨᕈᓐᓇᖃᔭᕐᒪᖔᖅ ᑲᑎᒪᖃᑎᖃᕆᐊᖅᑐᕐᓗᓂ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᒥᓂᔅᑕᕆᔭᖓ, ᒥᔅ ᕼᐄᓕ ᐊᕿᐊᕈᖅ. ᐊᖓᔪᖅᑳᖅ ᒍᐊᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ. ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᖅᐸᕋᓗ ᑖᓐᓇ ᑲᑎᒪᔨ ᐊᐱᕆᖕᒪᑦ. ᐄ’. ᑲᑎᒪᔨ ᐅᖃᖅᑲᐅᖕᒪᑦ ᔮᓐᓄᐊᕆ 30-ᐅᑎᓪᓗᒍ ᐊᕐᕌᒍᕆᔭᑦᑎᓐᓂ ᑭᐅᑎᒡᓗᒋᑦ ᐃᓱᒫᓘᑎᒋᔭᖏᖕᓂᒃ ᐸᖕᓂᖅᑑᕐᒥᐅᓄᑦ ᓄᓇᕗᒻᒥ ᓄᒃᑭᒃᓴᐅᑎᒃᑯᑦ ᑯᐊᐳᕆᓴᓐ−ᒃᑯᑦ ᓄᐊᒃᑎᖕᒪᑕ ᓱᓕᒎᖅ ᑐᓴᒐᒃᓴᓂᒃ ᐃᓱᒫᓘᑎᒋᔭᖏᖕᓂᒃ. ᑭᓯᐊᓂ, ᐃᓱᒪᓕᐅᕈᑎᖃᖅᓯᒪᙱᑦᑐᑦ ᑖᔅᓱᒪᑉ ᒥᒃᓵᓄᑦ ᐊᒻᒪ ᑐᓴᕆᐊᒃᑲᓐᓂᕈᒪᔪᑦ ᑖᒃᑯᓇᙵᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᖃᓄᐃᓕᐅᖁᔨᕐᒪᖔᑕ ᕿᑭᖅᑖᓗᒃ ᑯᐊᐳᕇᓴᓐ−ᒃᑯᓪᓗ ᑖᓐᓇ ᓯᓄᒧᐊᒃᑎᑕᐅᓚᐅᙱᓐᓂᖓᒃ. ᒫᓐᓇ ᐅᖃᖃᑎᒌᒃᐸᓪᓕᐊᓂᖏᓐᓂᒃ ᖁᓪᓕᒃᑯᑦ ᓇᐅᑦᑎᖅᓱᐊᖃᐃᓐᓇᕐᓂᐊᖅᑐᑦ ᑖᔅᓱᒥᖓ ᐱᓕᕆᐊᖃᖅᑎᓪᓗᒋᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᖁᔭᓐᓇᒦᒃ. ᐅᖃᐅᓯᒃᑯᑦ ᐊᐱᖅᑯᑏᑦ. ᐅᖃᐅᓯᒃᑯᑦ ᐊᐱᖅᑯᑏᑦ. ᐃᒡᓗᓕᒑᕐᔪᖕᒧᑦ−ᑲᖏᖅᓯᓂᐅᓪᓗ ᐅᐊᖕᓇᖓᓄᑦ ᒪᓕᒐᓕᐅᖅᑎ, ᒥᔅᑕ ᓴᒻᒧᖅᑐᖅ. ᐊᐱᖅᑯᑦ 23 – 7(1): ᐊᖅᑯᓵᖅᑐᑦ ᐋᓐᓂᐊᕕᓕᐊᖅᑐᓄᑦ ᑐᑦᑕᕝᕕᒃᓴᖓ ᑲᖏᖅᖠᓂᕐᒥ (ᓴᒻᒧᖅᑐᖅ) ᓴᒻᒧᖅᑐᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐊᐱᖅᓱᖅᑎᓐᓄᐊᕐᓂᐅᓴᒐᒪ, ᑭᖑᓪᓕᖅᐹᖅ ᑖᒻᓇ ᐊᐱᖅᓲᑎᒋᖅᑲᐅᔭᕋ. ᑭᐅᔭᐅᖅᑰᙱᒻᒪᑦ ᐊᐱᕆᒃᑲᓐᓂᕈᒪᓕᕐᒥᔭᕋ.

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 23 (ᑐᓵᔨᑎᒎᓕᖅᑐᖅ) ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ. ᐅᖃᐅᓯᕆᒃᑲᓐᓂᕐᓂᐊᖅᑕᕋ ᑖᒃᑯᐊ ᐃᓚᒋᐊᕈᑎᒋᖅᑲᐅᔭᕋ ᐊᐱᖅᑯᑎᒐ. ᐅᐊᑦᑎᐊᖅ ᐃᓕᖕᓄᑦ ᐊᐱᖅᑯᑎᒋᖅᑲᐅᔭᕋ. ᐅᖃᖅᑏ, ᒥᓂᔅᑕ ᐃᖅᑲᐅᒪᔪᒃᓴᐅᖕᒪᑦ ᑭᖑᓂᑦᑎᓐᓂ ᒪᓕᒐᓕᐅᖅᑏᑦ ᑲᑎᒪᔨᒋᓚᐅᖅᑕᖓ ᐊᒃᑑᕝᕙ 25, 2024-ᒥ ᑲᑎᒪᕐᔪᐊᖅᑎᓪᓗᒋᑦ ᓴᖅᑭᑦᑎᓚᐅᖅᓯᒪᒐᒪ ᐱᖁᔨᕗᖔᕈᑎᓂᒃ. 2024-ᒥ ᑭᕙᓪᓕᕐᒥ ᒪᐃᔭᐃᑦ ᑲᑎᒪᔨᖏᖕᓃᙶᖅᑐᓂᒃ. ᐃᓚᖏᑦ ᐱᖁᔨᕗᖔᕈᑕᐅᓚᐅᖅᑐᑦ ᑭᕙᓪᓕᕐᒥ ᒪᐃᔭᐃᑦ ᓴᖅᑭᑦᑎᖁᔨᓚᐅᕐᒪᑕ ᑐᔪᕐᒥᕕᐅᖃᑦᑕᕐᓂᐊᖅᑐᒥᒃ ᑲᖏᖅᖠᓂᕐᒥ ᐋᓐᓂᐊᕆᐊᖅᑐᖅᑐᓄᑦ. ᒥᓂᔅᑕ ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᖃᓄᐃᑦᑐᓂᒃ ᐊᐅᓚᔾᔭᐃᓯᒪᖕᒪᖔᑦ ᐱᓕᕆᕕᖓ ᑖᒃᑯᓂᖓ ᑭᐅᑎᓪᓗᒍ ᐱᖁᔨᕗᖔᕈᑎᓂᒃ ᑭᕙᓪᓕᕐᒥ ᒪᐃᔭᐃᑦ ᑲᑎᒪᔨᖏᖕᓄᑦ? ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᖁᔭᓐᓇᒦᒃ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓ, ᒥᔅ ᐳᕉᔅᑐ. ᐊᖓᔪᖅᑳᖅ ᐱᑦᓯᐅᓛᖅ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓕᑦᑎᐊᖅᐳᖓ ᑲᑎᒪᔨᑉ ᑖᔅᓱᒥᖓ ᐊᐱᖅᑯᑎᒋᒃᑲᓐᓂᖅᑕᖓᓂᒃ. ᐅᖃᖅᑐᖓ ᑖᓐᓇ ᒪᒥᐊᓇᖅ ᑎᑎᕋᖅᑎᓪᓗᖓ ᑐᓴᖅᑲᐅᓐᓂᙱᓐᓇᒃᑯ ᐊᐱᖅᑯᑎᖓ. ᐅᖃᕈᓐᓇᖅᑐᖓ ᒪᐃᔭᐅᔪᑦ ᐱᒻᒪᕆᐅᖕᒪᑕ ᐊᒃᑐᖅᑕᐅᓯᒪᔪᑦ. ᑕᒪᒃᑯᓄᖓᓗ ᑭᐅᖃᑦᑕᕆᐊᖃᖅᖢᑎᑦ ᑐᒃᓯᕋᖅᑕᐅᔪᓄᑦ, ᖃᐅᔨᒪᔭᒃᑯᓪᓕ ᐱᓕᕆᕕᑦᑎᓐᓂ ᒪᑐᐃᙶᖅᑐᒋᑦ ᐃᓱᒪᒃᓴᖅᓯᐅᕈᑎᓂᒃ ᖃᓄᐃᓕᐅᕈᓐᓇᕐᒪᖔᑕ ᑕᐃᒃᑯᐊ ᑲᖏᖅᖠᓂᕐᒥ ᐊᖅᑯᓵᖅᓯᒪᔪᑦ ᐋᓐᓂᐊᕆᐊᖅᑐᕐᓗᑎᑦ ᖃᓄᖅ ᑲᒪᒋᔭᐅᑦᑎᐊᒃᑲᓐᓂᕈᓐᓇᕐᒪᖔᑕ ᓯᓂᒃᑕᕐᓂᐊᖅᑎᓪᓗᒋᓪᓘᓐᓃᑦ ᐱᐅᓂᖅᓴᒃᑯᑦ ᐊᑦᑕᕐᓇᙱᓐᓂᖅᓴᒃᑯᑦ ᑲᒪᒋᔭᐅᖁᓪᓗᒋᑦ. ᒫᓐᓇ ᓯᓂᒃᑕᕐᕕᖕᒥ ᑕᐃᑲᓂ ᐃᒡᓗᕈᓯᖃᖅᑎᑦᑎᖃᑦᑕᖅᑐᑦ ᐅᓯᑲᖅᑕᖃᑦᑕᖅᑐᓪᓗ ᓂᕆᑎᑦᑎᕙᒃᑭᓪᓗᑎᑦ ᐋᓐᓂᐊᕆᐊᖅᑐᖅᑐᓂᒃ. ᑳᓐᑐᕌᒃᑦ−ᑕᐅᓯᒪᔪᖅ ᑕᐃᒪᐃᑦᑐᓂᒃ ᐱᔨᔅᓯᕋᖁᓪᓗᒋᑦ. ᖃᐅᔨᒪᖕᒪᑕ ᑕᖅᑲᒃᑯᐊ ᓇᖕᒥᓂᖃᖅᑏᑦ ᐃᖏᕐᕋᔾᔪᑎᓖᑦ ᐅᓯᑲᖅᑕᕈᓐᓇᖅᑐᑦ ᑲᖏᖅᖠᓂᕐᒥ ᐱᑕᖃᓗᐊᑎᒻᒪᑕ. ᑕᐃᒪᓐᓇ ᐱᐅᓂᖅᐹᓂᒃ ᐃᓱᒪᒃᓴᖅᓯᐅᕈᑎᖃᕆᐊᖃᕋᑦᑕ ᐱᔨᔅᓯᕈᑎᖃᕐᓂᐊᖅᑎᓪᓗᒋᑦ ᐃᓗᐃᑦᑑᓈᖅᓯᒪᓂᖅᓴᒃᑯᑦ. ᐃᒡᓗᕈᓯᖃᖅᑎᑦᑎᑐᐃᓐᓇᙱᓪᓗᑎᒃ. ᐅᖃᖅᑏ, ᐊᖏᑦᑎᐊᖅᐳᖓ ᐅᖃᖃᑎᖃᕐᓂᐊᕐᓂᕐᒥᒃ ᑲᑎᒪᔨᖃᑎᒋᔭᒃᑲᓂᒃ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᖃᓄᖅ ᓯᕗᒧᐊᒍᑎᖃᒃᑲᓐᓂᕈᓐᓇᕐᓂᐊᕐᒪᖔᑕ ᑖᒃᑯᓂᖓ ᐅᖃᐅᓯᖃᖅᑎᓪᓗᒋᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐊᑎᖁᑎᖃᕈᓐᓃᕋᒪ. ᑲᑎᒪᔾᔪᑎᕗᑦ ᒪᓕᒡᓗᒋᑦ ᓈᓴᐅᑎᖓ 7. ᑎᑎᖅᑲᑎᒍᑦ ᐊᐱᖅᑯᑏᑦ. 8. ᑎᑎᖅᑲᑎᒍᑦ ᐊᐱᖅᑯᑎᕕᓂᕐᒧᑦ ᑭᐅᔾᔪᑏᑦ. ᓈᓴᐅᑎᓕᒃ 9. ᒪᑐᐃᖅᓯᔾᔪᑎᓄᑦ ᑭᐅᔾᔪᑏᑦ. ᓈᓴᐅᑎᖓ 10. ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑏᑦ. 11. ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑎᓄᑦ ᑭᐅᔾᔪᑏᑦ. ᓈᓴᐅᑎ 12. ᑲᑎᒪᔨᕋᓛᑦ ᑲᑎᒪᔨᕋᓛᖑᑲᐃᓐᓇᖅᑐᓪᓗ ᐅᓂᒃᑳᖏᑦ ᕿᒥᕐᕈᓇᓚᐅᖅᑎᓪᓗᒋᑦ ᐱᖁᔭᒃᓴᓂᒃ ᐊᓯᖏᓐᓂᒡᓗ. 13. ᑎᑎᖅᑲᑦ ᓴᖅᑭᑕᐅᓂᖏᑦ. 14. ᐱᖁᔨᕗᖔᓕᐅᕐᓂᐊᕐᓂᕐᒧᑦ ᖃᐅᔨᒃᑲᐃᔾᔪᑏᑦ. ᐅᖅᑯᕐᒥᐅᑦ ᒪᓕᒐᓕᐅᖅᑎᖓ, ᒥᔅᑕ ᑲᐅᑐᒃ. ᑲᑎᒪᔾᔪᑎᒃᓴᖅ 15: ᖃᐅᔨᒃᑲᐃᓂᖅ ᐱᒋᐊᖅᑎᒐᑦᓴᓂᑦ ᐱᒋᐊᖅᑎᑕᖅ 17 – 7(1): ᑎᒃᑯᐊᖅᓯᓂᖅ ᑐᑭᓯᒋᐊᕈᑎᓂᑦ ᑲᙳᓇᖅᑐᓂᓪᓗ ᑲᒥᓯᓇᒥᒃ ᓄᓇᕗᒻᒧᑦ − ᖃᐅᔨᒃᑲᐅᑦ ᑲᐅᑐᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖃᐅᔨᒃᑲᐃᕗᖓ ᕿᑎᖅᑰᒻᒥ ᒫᑦᓯ 12, 2026-ᒥ ᐆᒥᖓ ᐱᖁᔨᕗᖔᕐᓂᐊᕋᒪ ᓅᑦᑎᓗᖓ. ᑕᐃᒪᐃᒻᒪᑦ ᓅᑦᑎᕗᖓ ᐊᐃᑉᐱᖅᑕᐅᓪᓗᖓ ᒪᓕᒐᓕᐅᖅᑎᖓᖕᓄᑦ ᐃᖃᓗᐃᑦ−ᑕᓯᓗᖕᒧᑦ ᑖᓐᓇ ᒪᓕᒐᓕᐅᖅᑏᑦ ᑲᑎᒪᔨᖏᑦ ᐊᑐᓕᖁᔭᓕᐅᖁᓪᓗᒋᑦ ᑲᒥᓯᓇᖓᓐᓄᑦ ᓄᓇᕗᒻᒥ ᑖᓐᓇ ᒥᔅᑕ ᔭᐃ ᕆᑦᓱᑦ ᕕ. ᕼᐊᓪ ᑎᒃᑯᐊᖅᑕᐅᖁᓪᓗᒍ ᑐᓴᒐᒃᓴᓕᕆᓂᕐᒧᑦ ᑲᙳᓇᖅᑐᓕᕆᓂᕐᒧᓪᓗ

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 24 ᑲᒥᓯᓇᒋᔭᐅᓕᕐᓂᐊᕐᒪᑦ ᐱᒋᐊᕐᓗᒍ ᒫᑦᓯ 23, 2026-ᒥ. ᐅᖃᖅᑏ, ᓈᒻᒪᒃᓯᑉᐸᑦ ᐱᕕᒃᓴᕋ ᐃᓘᓐᓇᖏᖕᓄᑦ ᐊᖏᖅᑕᐅᔪᒪᓂᐊᖅᑐᖓ ᐅᓪᓗᒥ ᐱᖁᔨᕗᖔᒃᑯᑦ ᑲᒪᒋᔪᒪᓪᓗᒍ ᑖᓐᓇ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑲᑎᒪᔾᔪᑎᕗᑦ 15. ᐱᖁᔨᕗᖔᓕᐅᕐᓂᐊᕐᓂᕐᒧᑦ ᖃᐅᔨᒃᑲᐃᔾᔪᑏᑦ ᓯᕗᓪᓕᖅᐹᒥᒃ ᐅᖃᓕᒫᖅᑕᐅᖁᓪᓗᒋᑦ ᐱᖁᔭᒃᓴᑦ. ᓈᓴᐅᑎᖓ 16. ᐱᖁᔨᕗᖔᕈᑏᑦ. ᒥᔅᑕ ᑲᐅᑐᒃ. ᑲᑎᒪᔾᔪᑎᒃᓴᖅ 16: ᐱᒋᐊᖅᑎᑕᑦ ᐱᖁᔨᕗᖔᕈᑎᑦ ᐱᒋᐊᖅᑎᑕᖅ 17 – 7(1): ᑎᒃᑯᐊᖅᓯᓂᖅ ᑐᑭᓯᒋᐊᕈᑎᓂᑦ ᑲᙳᓇᖅᑐᓂᓪᓗ ᑲᒥᓯᓇᒥᒃ ᓄᓇᕗᒻᒧᑦ − ᖃᐅᔨᒃᑲᐅᑦ ᑲᐅᑐᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᓘᓐᓇᖏᖕᓄᑦ ᐊᖏᖅᑕᐅᔪᒪᒐᓗᐊᖅᐳᖓ ᐅᓪᓗᒥ ᐱᖁᔨᕗᖔᕈᑎ ᑲᒪᒋᔭᐅᖁᓪᓗᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐊᖏᖅᑕᐅᔪᒪᒐᓗᐊᖅᑐᖅ ᑖᑦᓱᒪᙵᑦ ᐱᖁᔨᕗᖔᕈᑎᒥᓂᒃ ᐅᓪᓗᒥ ᐱᓕᕆᐊᕆᔪᒪᓪᓗᓂᐅᒃ. ᐋᒃᑳᖅᑐᖃᖅᐹ? ᑐᓴᙱᓐᓇᒪ ᑲᔪᓯᒋᑦ ᒥᔅᑕ ᑲᐅᑐᒃ. ᑲᐅᑐᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᒪᐃᒻᒪᑦ ᑎᑎᕋᖅᓯᒪᓂᖓ 61 ᑐᓴᒐᒃᓴᓂᒃ ᓴᐳᒻᒥᐅᓯᖅᓯᒪᓂᕐᒧᑦ ᐊᒻᒪᓗ ᑲᙳᓇᖅᑐᓂᒃ ᐱᖁᔭᕐᔪᐊᖅ ᑐᓴᒐᒃᓴᓕᕆᓂᕐᒧᑦ ᑲᙳᓇᖅᑐᓕᕆᓂᕐᒧᓪᓗ ᑲᒥᓯᓇ ᑎᒃᑯᐊᖅᑕᐅᖃᑦᑕᕐᒪᑦ ᓄᓇᕗᑦ ᑲᒥᓯᓇᖓᓄᑦ ᒪᓕᒐᓕᐅᖅᑏᑦ ᐊᑐᓕᖁᔭᓕᐅᓚᐅᖅᑎᓪᓗᒋᑦ ᑎᑎᕋᕐᕕᒋᖅᑳᕐᓂᐊᕐᓗᓂ ᐊᕐᕌᒍᓄᑦ ᑕᓪᓕᒪᓄᑦ ᐱᑦᑎᐊᕐᓂᓕᒫᖓᓂᒃ. ᐊᒻᒪ ᐃᒪᐃᒻᒪᑦ, ᒪᓕᒐᓕᐅᖅᑏᑦ ᑲᑎᒪᓕᔨᖏᑦᑕ ᑲᑎᒪᔨᓕᕆᔨᒃᑯᑦ ᑲᑎᒪᔨᖏᖕᓂᒃ ᑖᒃᑯᓂᖓ ᓂᕈᐊᖅᓯᖅᓯᒪᓕᕐᒪᑕ ᐃᖅᑲᓇᐃᔭᕐᓂᐊᖅᑐᒥᒃ. ᐊᒻᒪ ᐃᒪᐃᒻᒪᑦ, ᒪᓕᒐᓕᐅᖅᑏᑦ ᑲᑎᒪᔨᖏᑦ ᐸᕐᓇᒃᓯᒪᖕᒪᑕ ᐊᑐᓕᖁᔭᓕᐅᖁᓪᓗᒋᑦ ᑎᒃᑯᐊᖅᑕᐅᓂᒃᓴᖓᓄᑦ ᐃᖅᑲᓇᐃᔮᕐᒧᑦ ᑕᕝᕗᖓ. ᑕᐃᒪᐃᒻᒪᑦ, ᓅᑦᑎᕗᖓ ᐊᐃᑉᐱᖅᑕᐅᓪᓗᖓ ᒪᓕᒐᓕᐅᖅᑎᖓᖕᓄᑦ ᐃᖃᓗᐃᑦ−ᑕᓯᓗᖕᒧᑦ ᒪᓕᒐᓕᐅᖅᑏᑦ ᑲᑎᒪᔨᖏᑦ ᐊᑐᓕᖁᔭᓕᐅᖁᓪᓗᒋᑦ ᑲᒥᓯᓇᖓᖕᓄᑦ ᓄᓇᕗᒻᒥ ᑖᓐᓇ ᒥᔅᑕ ᔭᐃ ᕆᑦᓱᑦ ᕕ. ᕼᐊᓪ ᑎᒃᑯᐊᖅᑕᐅᖁᓪᓗᒍ ᑐᓴᒐᒃᓴᓕᕆᓂᕐᒧᑦ ᑲᙳᓇᖅᑐᓕᕆᓂᕐᒧᓪᓗ ᑲᒥᓯᓇᒋᔭᐅᓂᐊᕐᓗᓂ ᐱᒋᐊᕐᓗᒍ ᒫᑦᓯ 23, 2026. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐱᖁᔨᕗᖔᕈᑦ ᓈᒻᒪᒃᑐᖅ. ᐊᖏᖅᑐᑦ? (ᑐᓵᔨᑎᒎᓕᖅᑐᖅ) ᓈᒻᒪᓴᖅᑎᑦ? ᐊᑭᕋᖅᑐᖅᑐᑦ? ᐱᒋᐊᖅᑎᑕᖅ ᑲᔪᓯᕗᖅ. ᑖᓐᓇ ᒥᔅᑕ ᕼᐊᓪ ᐱᒋᐊᕐᓂᐊᓕᖅᑐᖅ ᓄᓇᕗᒻᒥ ᑐᓴᐅᒪᔪᓕᕆᔨᐅᓂᕐᒧᑦ ᐊᒻᒪ ᑲᙳᓇᖅᑐᓕᕆᓂᕐᒧᑦ ᑲᒥᓯᓇᒋᔭᐅᓂᐊᖅᖢᓂ ᐱᒋᐊᕐᓗᓂ ᒫᑦᓯ 23, 2026. >> ᐸᑦᑕᑐᖅᑐᑦ ᐅᖃᖅᑎ: ᑲᑎᒪᔾᔪᑎᕗᑦ ᓈᓴᐅᑎᖓ 17. ᓯᕗᓪᓕᖅᐹᒥᒃ ᐅᖃᓕᒫᖅᑕᐅᓂᖏᑦ ᐱᖁᔭᒃᓴᑦ. 18. ᑐᒡᓕᐊᓂ ᐅᖃᓕᒫᖅᑕᐅᓂᖏᑦ ᐱᖁᔭᒃᓴᑦ. ᑮᓇᐅᔭᓕᕆᔨᒃᑯᑦ ᒥᓂᔅᑕᖓᑦ, ᒥᔅᑕ ᒪᐃᓐ. ᑲᑎᒪᔾᔪᑎᒃᓴᖅ 18: ᑐᒡᓕᐊᓂ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ ᒪᓕᒐᒃᓴᖅ 1 - ᑮᓇᐅᔭᐃᑦ ᐊᑐᖅᑕᐅᑲᐃᓐᓇᕐᓂᐊᖅᑐᑦ (ᐊᐅᓚᔾᔪᑏᑦ ᐋᖅᑭᐅᒪᐃᓐᓇᕈᑏᓪᓗ) ᒪᓕᒐᖅ, 2026-2027 - ᐊᐃᑉᐹᓂᒃ ᐅᖃᓕᒫᖅᑕᐅᓂᖓ

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 25 ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᒃ, ᐅᖃᖅᑏ. ᐱᒋᐊᖅᑎᑦᑎᕗᖓ ᐊᐃᑉᐱᑕᐅᓪᓗᖓ ᒪᓕᒐᓕᐅᖅᑎᐅᔪᒧᑦ ᐃᖃᓗᐃᑦ−ᓯᓈᒧᑦ, ᐱᖁᔭᔅᓴᖅ 1, ᑮᓇᐅᔭᓂᒃ ᐊᑐᑲᐃᓐᓇᖅᑕᐅᓂᐊᖅᑐᓂᑦ ᑐᔅᓯᕋᐅᑏᑦ 2026-2027-ᒧᑦ ᐊᐃᑉᐹᓂ ᐅᖃᓕᒫᖅᑕᐅᖁᓪᓗᒍ. ᐅᖃᖅᑏ, ᑖᓐᓇ ᐱᖁᔭᒃᓴᖅ ᐱᒍᓐᓇᑎᑦᑎᔪᖅ ᒐᕙᒪᖓᓂ ᓄᓇᕗᑦ ᑮᓇᐅᔭᓂᒃ ᐊᑐᑲᐃᓐᓇᕈᓐᓇᕐᓗᑎᑦ ᐊᐅᓚᒍᑎᔅᓴᓂᒃ ᐋᖅᑭᐅᒪᒍᑎᔅᓴᓂᑦ 2026-2027 ᐊᕐᕌᒍᖓᓄᑦ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᖁᔭᓐᓇᒦᒃ. ᓂᕈᐊᕈᒪᔪᖃᕐᖓᑦ ᓈᒻᒪᓴᖅᑐᐃᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐅᖃᖅᑎ: ᖁᔭᓐᓇᒦᒃ. ᐊᑭᕋᖅᑐᖅᑐᐃᑦ? ᐱᖁᔨᕗᖔᕈᑎ ᑲᔪᓯᔪᖅ. ᐱᖁᔭᔅᓴᖅ 1, ᑲᑎᒪᑐᐃᓐᓇᓂᕐᒧᑦ ᑐᓂᔭᐅᑦᑕᐅᑎᒋᕗᖅ. ᐊᐃᑉᐹᓂᒃ ᐅᖃᓕᒫᖅᑕᐅᓂᖏᑦ ᐱᖁᔭᔅᓴᑦ? ᑮᓇᐅᔭᓕᕆᔨᒃᑯᑦ ᒥᓂᔅᑕᖓᑦ, ᒥᓂᔅᑕ ᒪᐃᓐ. ᒪᓕᒐᒃᓴᖅ 3 - ᑮᓇᐅᔭᐃᑦ ᐃᓚᒋᐊᕈᑎᖏᑦ (ᐊᐅᓚᔾᔪᑏᑦ ᐋᖅᑭᐅᒪᐃᓐᓇᕈᑏᓪᓗ) ᒪᓕᒐᖅ, ᓈᓴᐅᑎᖓ 2, 2025-2026 - ᐊᐃᑉᐹᓂᒃ ᐅᖃᓕᒫᖅᑕᐅᓂᖓ ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᒪᒥᐊᑉᐳᖓ ᐃᓵᑦᑕᐅᑎᒋᒃᑲᓐᓂᕋᑕᙱᓐᓇᒪ. ᐱᒋᐊᖅᑎᑦᑎᕗᖓ ᐊᐃᑉᐱᖅᑕᐅᓪᓗᖓ ᒪᓕᒐᓕᐅᖅᑎᐅᔪᒧᑦ ᑲᑎᖅᓯᓂᐅᑉ ᓂᒋᐊᓄᑦ, ᐱᖁᔭᒃᓴᖅ 3 ᑮᓇᐅᔭᓂᒃ ᐃᓚᒋᐊᖅᓯᒍᒪᔾᔪᑎ ᐊᐅᓚᒍᑎᔅᓴᓂᑦ ᐋᖅᑭᐅᒪᒍᑎᔅᓴᓂᑦ ᓈᓴᐅᑎᓕᒃ 2, 2025-2026−ᒥ ᐊᐃᑉᐹᓂ ᐅᖃᓕᒫᖅᑕᐅᖁᓪᓗᒍ. ᐅᖃᖅᑏ, ᑖᓐᓇ ᐱᖁᔭᔅᓴᖅ ᑮᓇᐅᔭᓂᒃ ᐃᓚᒋᐊᖅᓯᑎᑦᑎᒍᓐᓇᓂᐊᖅᑐᖅ ᐊᐅᓚᒍᑎᔅᓴᓂᒃ ᐋᖅᑭᐅᒪᒍᑎᔅᓴᓂᒃ ᓄᓇᕗᑦ ᒐᕙᒪᖓᓄᑦ ᑮᓇᐅᔭᓕᕆᔾᔪᑏᑦ ᐊᕐᕌᒍᖓᓄᑦ ᐃᓱᖃᖅᑐᒧᑦ ᒫᑦᓯ 31, 2026. (ᑐᓵᔨᑎᒎᕈᓐᓂᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᓂᕈᐊᕈᒪᔪᖃᓕᕐᖓᑦ ᓈᒻᒪᓴᖅᑐᐃᑦ ᐃᓵᓪᓕᑦ. ᐊᑭᕋᖅᑐᖅᑐᐃᑦ? (ᑐᓵᔨᑎᒎᕈᓐᓃᖅᑐᖅ) ᑲᔪᓯᕗᖅ ᑖᓐᓇᓗ ᐱᖁᔭᒃᓴᖅ 3, ᑲᑎᒪᔨᑐᐃᓐᓇᕐᓄᑦ ᐱᓕᕆᐊᕆᔭᐅᔪᓐᓇᖅᓯᕗᖅ. ᑐᒡᓕᐊᓂ ᐅᖃᓕᒫᖅᑕᐅᓂᖏᑦ ᐱᖁᔭᒃᓴᑦ. (ᑐᓵᔨᑎᒎᓕᖅᑐᖅ) ᒥᓂᔅᑕ ᑮᓇᐅᔭᓕᕆᔨᒃᑯᓐᓄᑦ, ᒥᓂᔅᑕ ᒪᐃᓐ. ᒪᓕᒐᒃᓴᖅ 4 - ᑮᓇᐅᔭᐃᑦ ᐃᓚᒋᐊᕈᑎᖏᑦ (ᐊᑭᑐᔪᓄᑦ) ᒪᓕᒐᖅ, ᓈᓴᐅᑎᖓ 4, 2025-2026 - ᐊᐃᑉᐹᓂᒃ ᐅᖃᓕᒫᖅᑕᐅᓂᖓ ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᐱᒋᐊᖅᑎᑦᑎᕗᖓ ᐊᐃᑉᐱᑕᐅᓪᓗᖓ ᒪᓕᒐᓕᐅᖅᑎᐅᔪᒧᑦ ᑐᓄᓂᕐᒧᑦ ᐱᖁᔭᔅᓴᖅ 4, ᑮᓇᐅᔭᓂᒃ ᐃᓚᒋᐊᖅᓯᒍᒪᔾᔪᑏᑦ ᐊᑭᑐᔫᓄᑦ ᓈᓴᐅᑎᓕᒃ 4, 25, 26-ᒥ ᐊᐃᑉᐹᓂ ᐅᖃᓕᒫᖅᑕᐅᖁᓪᓗᒍ. ᐅᖃᖅᑏ, ᑖᓐᓇ ᐱᖁᔭᔅᓴᖅ ᑮᓇᐅᔭᓂᒃ ᐃᓚᒋᐊᖅᑕᐅᑎᑦᑎᒍᓐᓇᕐᓂᐊᖅᑐᖅ ᐊᑭᑐᔪᑐᕈᑎᔅᓴᓄᑦ ᐊᑐᖅᑕᐅᓂᐊᖅᑐᓂᒃ ᓄᓇᕗᑦ ᒐᕙᒪᖓᓄᑦ ᑮᓇᐅᔭᓕᕆᔾᔪᑎ ᐊᕐᕌᒍᖓᓄᑦ ᐃᓱᖃᖅᑐᓄᑦ ᒫᑦᓯ 31, 2026. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᖁᔭᓐᓇᒦᒃ. ᐱᖁᔭᒃᓴᒧᑦ. ᓂᕈᐊᖁᔭᐅᓕᕋᑦᓯ. ᐊᑏ, ᓈᒻᒪᒃᓴᖅᑐᑦ? ᓈᒻᒪᒃᓴᙱᑦᑐᑦ? ᐱᖁᔨᕗᖔᕈᑦ ᑲᔪᓯᕗᖅ. ᑖᓐᓇ ᐱᖁᔭᒃᓴᖅ 4 ᑲᑎᒪᔨᑐᐃᓐᓇᕐᓄᑦ ᐱᓕᕆᐊᕆᔭᐅᒍᓐᓇᖅᓯᒋᕗᖅᑕᐅᖅ. ᑲᑎᒪᔾᔪᑎᒃᓴᖅ ᓈᓴᐅᑎᖓ 19. ᑲᑎᒪᑐᐃᓐᓇᓂᕐᒧᑦ ᐃᓱᒪᒃᓴᖅᓯᐅᕈᑎᖃᕐᓗᑎᑦ ᐱᖁᔭᒃᓴᓂᒃ ᐊᓯᖏᓐᓂᒡᓗ. ᒪᓕᒐᒃᓴᖅ 1, 2, 3, ᐊᒻᒪᓗ 4, ᐃᒃᓯᕙᐅᑕᖅ ᐲᑕᓴᓐ, ᑕᕝᕙᓂ ᐃᒃᓯᕚᖅᑎᓪᓗᒍ ᑭᓯᐊᓂ ᐱᒋᐊᓚᐅᙱᓐᓂᑦᑎᓐᓂ ᑲᔪᓯᒋᐊᓚᐅᙱᓐᓂᑦᑎᓐᓂ 20 ᒥᓂᔅᓯᒥᒃ ᓄᖅᑲᖓᑲᐃᓐᓇᕐᓂᐊᕋᑦᑕ. ᐃᖅᓱᑦᑏ.

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 26 >>ᓄᖅᑲᑲᐃᓐᓇᖅᑐᑦ 15:18 ᐊᒻᒪᓗ ᑲᑎᒪᑐᐃᓐᓇᕐᓂᖅ ᐱᒋᐊᖅᑐᖅ 15:47 ᑲᑎᒪᔾᔪᑎᒃᓴᖅ 19: ᑲᑎᒪᔨᕋᓛᑦ ᑕᒪᐃᓐᓄᑦ ᒪᓕᒐᒃᓴᓄᑦ ᐊᓯᖏᓐᓂᓪᓗ ᐃᓱᒪᖅᓴᖅᓯᐅᕐᓂᖏᑦ >>ᑲᑎᒪᑐᐃᓐᓇᕐᓂᖅ ᐱᒋᐊᖅᑐᖅ 15:47 ᐃᒃᓯᕙᐅᑕᖅ (ᕗᕆᐊᑦ ᐲᑕᓴᓐ)(ᑐᓵᔨᑎᒍᑦ): ᐄ’, ᓈᒻᒪᔅᓯᒐᑦᑕ ᑲᑎᒪᒋᐊᖁᓕᖅᑲᒃᑲ. ᑲᑎᒪᑐᐃᓐᓇᓂᕐᒥ ᐅᓪᓗᒥ ᐱᔭᔅᓴᖃᖅᑐᒍᑦ ᐅᑯᓂᖓ. ᐱᖁᔭᔅᓴᖅ 1, 2, 3 ᐊᒻᒪ 4. ᑲᑎᒪᔨᕋᓛᑦ ᓱᒍᒪᕙᑦ, ᒥᔅᑕ ᑕᖅᑐ? ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᔅᓯᕙᐅᑕᖅ. ᑲᑎᒪᔩᑦ ᕿᒥᕐᕈᒋᐊᕈᒪᔪᑦ ᑮᓇᐅᔭᑦ ᐊᑭᑐᔪᖅᑐᕈᑎᔅᓴᖏᓐᓂᒃ ᐃᓕᓐᓂᐊᖅᑐᓕᕆᔨᒃᑯᑦ ᐊᒻᒪ ᐱᕕᖃᕈᑦᑕ ᐋᓐᓂᐊᖅᑕᐃᓕᓕᕆᔨᒃᑯᑦ ᐱᓕᕆᕕᖓ. ᖁᔭᓐᓇᒦᒃ, ᐃᔅᓯᕙᐅᑕᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑕᖅᑐ. ᐊᖏᖅᑭᑕ ᐱᖁᔭᔅᓴ 2-ᓕᕆᖅᑳᕐᓂᐊᕋᑦᑕ. ᒫᓐᓇ ᒥᓂᔅᑕᐅᑲᐃᓐᓇᖅᑐᖅ ᒥᔅᑕ ᒪᐃᓐ ᐱᓕᕆᔪᓂᒃ ᐃᕝᕕᑦ ᓴᓂᐊᓃᖁᔪᓐᓇᕐᒪᖔᖅᐱᒋᑦ ᑲᑎᒪᔨᕋᓛᑦ ᓵᖓᓂ? ᒪᓕᒐᒃᓴᖅ 2 - ᑮᓇᐅᔭᖅᑐᕈᑎᒃᓴᐃᑦ (ᐊᑭᑐᔫᑎᓄᑦ) ᐱᖁᔭᖅ, 2026-2027 - ᑲᑎᒪᔨᕋᓛᑦ ᐃᓱᒪᒃᓴᖅᓯᐅᕐᓂᖏᑦ ᓯᕗᓕᖅᑎ ᐋᕐᓗᒃ ᒪᐃᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑕᖅ. ᐄ’. ᐃᒃᓯᕙᐅᑕᖅ (ᑐᓵᔨᑎᒍᑦ): ᑲᑎᒪᔩᑦ ᐊᖏᖅᑲᑦ ᐱᓕᕆᔨᖏᑦ ᒥᓂᔅᑕᐅᑉ ᓴᓂᐊᓃᒍᓐᓇᖁᓪᓗᒋᑦ ᐃᓕᔅᓯ ᓵᖓᓂ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐃᖅᓱᖅᑏ, ᐃᖏᑎᒋᐊᖅᑐᓚᐅᕐᒥᒃᑭᑦ ᐱᓕᕆᔨᖏᑦ. ᐊᒻᒪ ᑎᑎᕋᖅᑕᐅᒍᓐᓇᓂᐊᕐᖓᑦ ᒥᓂᔅᑕᐅᑲᐃᓐᓇᖅᑐᖅ ᒪᐃᓐ ᐱᓕᕆᔨᑎᑦ ᑭᒃᑰᒻᒪᖔᑕ ᓇᓗᓇᐃᓚᐅᕐᓗᒋᑦ ᒪᑐᐃᖅᓯᒍᑎᓅᕈᓐᓇᖅᓯᔪᑎᑦ. ᖁᔭᓐᓇᒦᒃ. ᓯᕗᓕᖅᑎ ᐋᕐᓗᒃ ᒪᐃᓐ (ᑐᓵᔨᑎᒍᑦ): ᐅᕙᓃᖃᑎᒃᑲ ᐅᓪᓗᒥ ᒥᓂᔅᑕᐅᑉ ᑐᖏᓕᖓ ᕇᐱᑲ ᕼᐊᐃᓐᓄ ᐊᒻᒪ ᐊᐅᓚᑦᑎᔨᐅᔪᖅ ᐊᑭᑐᔪᖅᑐᕈᑎᓄᑦ ᕕᐅᕆ ᑯᐊᓐᑦᕙᐃᑦ ᐊᒻᒪ ᐅᕙᓃᒻᒥᔪᖅ ᐃᑲᔪᕆᐊᖅᓯᒪᔪᖅ ᒫᑎᐅ ᓘᔅᒧᐊ, ᑮᓇᐅᔭᓕᕆᔨᐅᔪᖅ ᐊᒻᒪ ᐊᐅᕆᐅᓪ ᓯᑖᒃᑕᐃᐅᓪ, ᑖᓐᓇ ᐊᑐᐊᒐᕐᓂᒃ ᐸᕐᓇᓂᕐᒧᓪᓗ ᐊᖓᔪᖅᑳᖑᔪᖅ. ᓯᕗᓪᓕᖅᐹᒥᒃ, ᐃᔅᓯᕙᐅᑖᖅ, ᖃᓄᐃᙱᑦᑎᐊᖁᕙᕋ ᒥᓂᔅᑕ ᐊᕿᐊᕈᖅ. ᐅᕙᓂ ᐱᓕᕆᑦᑎᐊᓂᖅᓴᓪᓚᕆᐊᓘᒐᔭᕐᒥᒻᒪᑦ ᐅᕙᓃᖔᖅᑲᑉᐸᑦ ᐃᓕᓐᓂᐊᖅᑐᓕᕆᔨᒃᑯᓐᓂᒃ ᑭᒡᒐᖅᑐᐃᔭᖅᑐᖅᓯᒪᓗᓂ. ᐃᒃᓯᕙᐅᑕᖅ, ᐊᓕᐊᓇᐃᒍᓱᒃᐳᖓ ᐅᓪᓗᒥ ᐅᖃᐅᓯᕆᔪᓐᓇᕋᒃᑭᑦ ᐃᓕᓐᓂᐊᕐᓂᓕᕆᔨᒃᑯᑦ ᑐᒃᓯᕋᖅᓯᒪᔭᖓᑦ 2026−2027-ᒧᑦ ᐊᑭᑐᔫᑎᓂᒃ ᓇᓚᐅᑦᑖᖅᑕᐅᓯᒪᔪᓂᒃ, ᑲᑎᓪᓗᒋᑦ ᐊᑭᖃᖅᑎᒋᔪᑦ $32,180,000−ᓂᒃ. ᓄᓇᕗᒻᒥ 45−ᖑᔪᑦ ᐃᓕᓐᓂᐊᕐᕖᑦ ᐊᑭᑐᔫᑎᓂ ᑮᓇᐅᔭᖃᕆᐊᖃᖅᐳᑦ ᐊᖏᖅᓯᒪᔭᖏᓪᓗ ᐃᓕᓐᓂᐊᕐᓂᕐᒧᑦ. ᐃᓕᓐᓂᐊᕐᕕᕗᑦ 11,170−ᓂᑦ ᐃᓕᓐᓂᐊᖅᑎᖃᖅᐳᑦ ᒥᑭᓛᓂ ᖁᑦᑎᖕᓂᓖᑦ 12−ᒧᑦ, 2,091−ᖑᓪᓗᑎᒃ ᕿᑎᕐᒥᐅᓂ, 3,556−ᖑᓪᓗᑎᑦ ᑭᕙᓪᓕᕐᒥ ᐊᒻᒪ 5,523-ᖑᓪᓗᑎᑦ ᕿᑭᖅᑖᓗᖕᒥ. ᐃᒃᓯᕙᐅᑕᖅ, ᐅᑯᐊ ᐊᑭᑐᔫᑎᓄᑦ ᐱᓕᕆᐊᒃᓴᑦ ᐱᒋᐊᕐᓂᐊᖅᑐᑦ ᐅᕝᕙᓘᓐᓃᑦ ᑲᔪᓯᑎᑕᐅᓂᐊᖅᑐᑦ 2026−2027- ᒥᑦ ᑮᓇᐅᔭᓕᕆᓂᕐᒧᑦ ᐅᑭᐅᕐᒥᑦ ᓄᓇᕗᒻᒥᑦ. • ᓴᓇᔭᐅᓂᖓ ᓄᑖᙳᕆᐊᖅᑕᐅᓂᖓ ᐃᓚᒋᐊᖅᑕᐅᓂᖓᓗ ᓴᒃᑯ ᐃᓕᓐᓂᐊᕐᕕᒃ ᓴᓪᓕᕐᒥ ᑲᔪᓰᓐᓇᕐᓂᐊᖅᑐᖅ. ᐱᓕᕆᐊᒃᓴᖅ ᐱᕕᖃᕈᑕᐅᓂᐊᖅᐳᖅ ᓴᓪᓕᕐᒥᐅᓄᑦ ᖃᓄᐃᙱᑦᑎᐊᖅᑐᒧᑦ

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 27 ᓇᓗᓇᐃᒃᑯᑕᕐᓄᓪᓗ ᒪᓕᒃᑐᓂᒃ ᐃᒡᓗᕐᔪᐊᓄᑦ ᐊᒻᒪ ᐱᙳᐊᕐᕕᖓ ᓂᕈᑐᕐᔪᐊᕐᓗᓂ, ᐱᔨᑦᑎᕋᐅᑎᒃᑲᓐᓂᓪᓗ ᒪᒃᑯᒃᑐᓄᑦ ᓄᑕᖅᑲᓄᑦ ᐊᖓᔪᖅᑳᖏᓐᓄᓪᓗ. ᑲᖐᒋᔭᐅᔪᖅ ᐱᐊᓂᖕᓂᐊᕐᒪᖔᑦ ᐅᑐᐱᕆ 2028−ᒥ. • ᑕᓗᕐᔪᐊᕐᒥ ᓄᑖᖅ ᐊᖓᔪᒃᖡᑦ ᐃᓕᓐᓂᐊᕐᕕᖓ ᐱᓕᕆᐊᖅ ᐱᓕᕆᐊᖑᐃᓐᓇᕐᓂᐊᖅᐳᖅ ᓴᓇᔭᐅᕙᓪᓕᐊᓕᖅᐸᑦ. ᐱᓕᕆᐊᖅ ᐱᐊᓂᒃᑕᐅᕝᕕᒃᓴᖃᖅᑐᖅ ᔪᓚᐃ 2026−ᒥ. ᓄᑖᖅ ᐊᖓᔪᒃᖡᑦ ᐃᓕᓐᓂᐊᕐᕕᒃᑖᓵᖓ ᐃᓚᒋᐊᕈᑕᐅᑦᑎᐊᕐᓂᐊᖅᑐᖅ ᓄᓇᓕᖕᓄᑦ, ᐊᒻᒪ ᒫᓐᓇ ᐃᓄᒋᐊᓗᐊᕈᓐᓃᕈᑕᐅᓗᓂ ᐃᓕᓐᓂᐊᕐᕕᖕᒥ. • ᐱᓕᕆᕝᕕᒃᐳᑦ ᓄᑖᙳᕆᐊᖅᑎᑦᑎᕙᓪᓕᐊᖏᓐᓇᕐᓂᐊᖅᐳᑦ ᖃᕆᑕᐅᔭᓕᕆᔾᔪᑎᖏᓐᓂᒃ. ᐊᓯᔾᔨᖅᑕᐅᔭᕆᐊᖃᖅᑐᑦ ᐋᖅᑭᒃᑕᐅᓗᑎᒡᓘᓐᓃᑦ ᖁᖁᐊᕈᑏᑦ, ᑕᓚᕖᓴᒃᑯᑦ ᐊᔾᔨᓕᐅᕈᑎᑦ, ᑐᓴᖅᑕᐅᑎᑦᑎᔾᔪᑏᑦ ᐊᒻᒪ ᐅᖃᓚᐅᑏᑦ ᐊᐅᓚᔾᔪᑎᖏᑦ. ᐊᓯᔾᔨᖅᑕᐅᒃᑲᓐᓂᕆᐊᖃᕐᓂᐊᕆᓪᓗᑎᒃ ᐃᑭᐊᖅᑭᕕᖕᓅᕈᑏᑦ ᓲᕐᓗ ᖃᕆᑕᐅᔭᑦ, ᖃᕆᑕᐅᔭᒃᑯᑦ ᐃᑭᐊᖅᑭᔾᔪᑎᑦ, ᖃᕆᑕᐅᔭᒃᑯᑦ ᑎᑎᖅᑲᖅᑖᕐᕖᑦ ᖃᕆᑕᐅᔭᒃᑰᖅᑐᑦ ᑎᑎᕋᕐᕕᑦ ᐊᒻᒪ ᐸᐃᑉᐹᓂ ᓴᖅᑭᑎᕈᑏᑦ, ᐊᔪᙱᑦᑐᐃᓐᓇᐅᒐᓗᐊᕐᒪᖔᑕ ᐅᓪᓗᒥᑦ ᐊᑐᖅᑕᐅᖃᑦᑕᖅᑐᓄᑦ. • ᐱᓕᕆᕝᕕᒃᐳᑦ ᑲᔪᓯᓂᐊᖅᑐᑦ ᐊᑐᔅᓲᔭᕈᓐᓇᕐᓂᖓᓄᑦ ᐋᖅᑭᒃᓱᐃᔾᔪᑎᒃᓴᓂᒃ. ᐊᑐᐃᓐᓇᕆᐊᖃᖅᑐᑦ ᐃᒡᓗᕐᔪᐊᒧᑦ ᓲᕐᓗ ᐋᖅᑭᒃᓯᒪᓂᖓ, ᐅᖅᑰᓴᐅᑏ, ᐊᐅᓚᐅᑏ, ᐃᒡᓘᑉ ᖄᖏᑦ, ᐃᒡᓘᑉ ᓴᓂᕌᓂᑦᑐᑦ, ᓇᑎᖏᑦ, ᐊᑭᓐᓇᖏᑦ, ᐃᒐᓛᑦ ᐊᒻᒪ ᐊᓂᐊᕝᕖᑦ. ᐅᑯᐊ ᐃᓚᖏᑦ ᐋᖅᑭᒃᓱᕆᐊᖃᓚᐅᓲᖑᔪᑦ ᐊᓯᔾᔨᖅᑕᐅᓗᑎᒡᓘᓐᓃᑦ, ᐃᓱᓕᔾᔪᔾᔨᒃᐸᑕ ᐊᑐᕈᓐᓇᕐᓂᖏᓐᓂ ᐅᖓᑖᓅᕈᑎᒃᐸᑕᓘᓐᓃᑦ. ᑖᒃᑯᐊ ᑮᓇᐅᔭᐃᑦ ᐊᑐᖅᑐᑦᓴᐃᑦ ᐱᕕᖃᖅᑎᑦᓯᔪᑦ ᐅᕙᑦᑎᓐᓂᑦ ᓯᕗᓪᓕᐅᔾᔨᓂᕐᒥᑦ ᐊᑭᑐᔫᑎᓄᑦ ᐱᓕᕆᐊᓂᑦ ᑕᐃᒃᑯᓂᖓᓗ ᑲᑐᔾᔨᖃᑎᖃᕐᓂᕐᒥᑦ ᐃᖏᕐᕋᔪᓕᕆᔨᒃᑯᓐᓂᑦ ᒪᑭᒪᔾᔪᑎᓂᓪᓗ ᓄᓇᕗᒻᒥᑦ. ᐊᒻᒪᓗᒃᑲᓐᓂᖅᑕᐅᖅ, ᑖᒃᑯᐊ ᑮᓇᐅᔭᖁᑎᒋᔭᐅᔪᑦ ᐅᕙᑦᑎᓐᓂᒃ ᐱᕙᒌᔭᖅᑎᑦᑎᒋᕗᑦ ᓇᓕᐊᖕᓄᑐᐃᓐᓇᖅ ᐱᔭᐅᔭᕆᐊᓕᖕᓄᑦ ᐋᖅᑭᒃᓱᖅᑕᐅᔭᕆᐊᓕᖕᓄᑦ ᐊᓯᔾᔨᕆᐊᓖᓄᓪᓘᓐᓃᑦ ᐃᑲᔪᕈᒪᓂᕐᒧᑦ ᒥᑭᒡᓕᒋᐊᖅᑎᑦᑎᔪᒪᓂᕐᒧᑦ ᐊᒃᑐᖅᓯᓂᐅᑐᐃᓐᓇᕆᐊᓕᖕᓂᒃ ᑲᔪᓯᑎᑕᐅᕙᖕᓂᖏᓐᓄᑦ ᐃᓕᓐᓂᐊᕐᕕᖕᒥ ᐱᓕᕆᐊᒃᓴᕆᔭᐅᕙᒃᑐᑦ. ᐃᒃᓯᕙᐅᑖᖅ, ᐃᓕᓐᓂᐊᕐᓂᓕᕆᔨᒃᑯᑦ ᐊᔾᔨᒌᙱᑦᑐᓂᒃ ᒥᑭᑦᑐᓄᑦ ᐊᑭᑐᔫᑎᓄᑦ ᐱᓕᕆᐊᒃᓴᖁᑎᖃᖅᐳᑦ ᑕᒪᓐᓇᓗ ᑲᔪᓰᓐᓇᕐᓂᐊᖅᖢᓂ 2026-2027−ᒥ. ᑖᒃᑯᐊ ᑮᓇᐅᔭᐃᑦ ᐊᑐᖅᑐᒃᓴᑦ ᐱᓕᕆᐊᒃᓴᓄᑐᐊᖑᖃᑦᑕᙱᓚᑦ ᖃᓄᐃᙱᑦᑎᐊᕈᑏᑦ ᐊᑦᑕᕐᓇᖅᑕᐃᓕᒪᔾᔪᑎᓪᓗ ᐊᑐᖅᑕᐅᒐᔪᒃᐳᑦ, ᑭᓯᐊᓂᑦᑕᐅᖅ ᒥᑭᑦᑐᓂ ᐱᓕᕆᐊᒃᓴᐅᖃᑦᑕᕐᒥᔪᑦ ᓲᕐᓗ ᐱᒡᒐᖅᑐᓄᑦ ᒪᔪᕋᐅᑏᑦ, ᖁᒻᒧᒍᑏᑦ ᐱᒡᒐᖅᑐᓂ ᐃᒃᓯᕙᐅᑕᕐᓄᑦ ᐊᒻᒪ ᐅᖁᐃᔭᐃᔭᐅᑎᓄᑦ. ᑭᖑᓪᓕᖅᐹᒥ, ᐊᕐᕌᒍᑕᒫᑦ ᕿᒥᕐᕈᖃᑦᑕᕋᑦᑕ ᑐᒃᓯᕋᖅᑕᐅᔪᓂ ᐃᓕᓐᓂᐊᕐᕕᖕᒥ ᕙᓯᓂᒃ ᐊᒻᒪ ᐃᓕᓐᓂᐊᖅᑐᓕᕆᔨᒃᑯᑦ ᐃᖏᕐᕋᔾᔪᑎᖏᓐᓂ. 2026-2027−ᒥ, ᓯᕗᓪᓕᐅᑏᓐᓇᕐᓂᐊᖅᑕᕗᑦ ᕙᓯᖃᕆᐊᖃᕐᓂᖅ ᓄᓇᕘᓕᒫᒥ. ᖁᔭᓐᓇᒦᒃ, ᐃᒃᓯᕙᐅᑖᖅ. ᓂᕆᐅᒃᐳᖓ ᐊᐱᖅᑯᑎᒃᓴᓂᒃ ᐅᖃᐅᓯᒃᓴᓂᒡᓗ ᑲᑎᒪᔨᕋᓛᓄᑦ ᕿᒥᕐᕈᑎᓪᓗᑕ ᑖᒃᑯᓂᖓ ᐊᑭᑐᔫᑎᓄᑦ ᐊᑐᖅᑐᒃᓴᓂᒃ 2026-2027-ᒧᑦ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐃᒃᓯᕙᐅᑕᖅ. ᐊᐱᖅᑯᓯᒃᓴᖃᕐᓂᐊᕐᒪᑕ ᑲᑎᒪᔩᑦ ᓇᓗᓇᙱᖦᖢᓂ ᑖᒃᑯᐊ ᑮᓇᐅᔭᑦ ᐊᑭᑐᔪᖅᑐᕈᑎᓄᑦ ᑮᓇᐅᔭᑦ ᐋᖅᑭᒃᓯᒪᔭᖏᓐᓄᑦ ᐅᖃᐅᓯᐅᑎᓪᓗᒋᑦ 2026-2027−ᒧᑦ. ᖁᐊᓇᖅ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ ᒥᓂᔅᑕᐅᑲᐃᓐᓇᖅᑐᖅ ᒪᐃᓐ. ᒪᓕᒐᓕᐅᖅᑎᑐᐃᓐᓇᕐᓄᑦ ᑲᑎᒪᔨᖏᑦ ᒪᑐᐃᖅᓯᒍᑎᓂᒃ ᐅᖃᐅᓯᔅᓴᖃᕆᕙᑦ? ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᕕᐊᓱᑦᑐᖓ ᐅᖃᐅᓯᖃᕆᐊᒃᓴᖅ ᒪᑐᐃᖅᓯᔾᔪᑎᑦᑎᓐᓂᑦ ᐱᔾᔪᑎᓪᓗᒋᑦ ᒪᓕᒐᓕᐅᖅᑎᑐᐃᓐᓇᐃᑦ ᑲᑎᒪᔨᖏᑦ ᕿᒥᕐᕈᓂᖃᓐᖑᓱᑦᑎᓪᓗᒋᑦ ᑐᒃᓯᕌᖑᔪᓂᑦ 2026-2027−ᒥ ᐊᑭᑐᔪᖅᑐᕈᑎᒃᓴᖏᓐᓂᑦ ᐱᓕᕆᕕᖓᑕ ᐃᓕᓐᓂᐊᖅᑐᓕᕆᔨᒃᑯᑦ.

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 28 ᑖᒃᓱᒪ ᐱᓕᕆᕕᐅᔫᑉ ᑐᒃᓯᕌᖏᑦ ᐊᑭᑐᔪᖅᑐᕈᑎᒃᓴᑦ ᐊᑐᕈᒫᕐᓂᐊᖅᑐᑦ 2026-2027-ᒥ ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓂ $32.18 ᒥᓕᐊᓐ ᑖᓚᐅᒻᒪᑕ. ᑖᒃᓱᒪ ᐱᓕᕆᕕᐅᔫᑉ ᑐᒃᓯᕌᖏᑦ ᐊᑭᑐᔪᖅᑐᕈᑎᒃᓴᑦ ᒥᒃᓴᐅᓯᔭᐅᓯᒪᔪᑦ 2026-2027-ᒥ ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓂ ᐃᓚᖃᕐᒪᑕ ᑮᓇᐅᔭᓂᑦ ᑐᕌᖓᔪᓂᑦ ᑲᔪᓰᓐᓇᖅᑐᓄᑦ ᐊᖏᔫᔫᓐᓄᑦ ᐊᑭᑐᔪᖅᑐᖅᑑᓐᓄᑦ ᐱᓕᕆᓂᐅᔪᓄᑦ ᓄᑖᕈᕆᐊᖅᓯᓪᓗᑎᒃ ᓴᒃᑯ ᐃᓕᓐᓂᐊᖅᕕᖓᓂᑦ ᓴᓪᓕᕐᒥ ᐊᒻᒪᓗ ᓴᓇᓂᕐᒧᑦ ᓄᑖᒥᑦ ᖁᑦᑎᓂᖅᓴᓄᑦ ᐃᓕᓐᓂᐊᕕᒃᓴᒥᑦ ᑕᓗᕐᔪᐊᕐᒥ. ᑖᒃᓱᒪ ᐱᓕᕆᕕᐅᑉ ᑕᓪᓕᒪᓄᑦ ᐊᕐᕋᒍᓄᑦ ᐊᑭᑐᔪᓄᑦ ᐸᕐᓇᐅᑎᖓ ᓇᓗᓇᐃᖅᓯᓯᒪᒻᒪᑦ ᓴᓇᔭᐅᒋᐊᕐᓂᖓ ᓄᑖᖑᔪᖅ ᓄᑲᖅᑎᖅᐹᖏᓐᓂᑦ ᒍᕋᐃᑦ 12-ᒧᑦ ᐃᓕᓐᓂᐊᖅᕕᒃ ᐃᑉᐱᐊᕐᔪᒻᒥ ᐱᒋᐊᓛᕐᒪᑦ 2029-2030 ᑮᓇᐅᔭᓕᕆᔾᔪᑎᑦ ᐊᕐᕋᒍᖓᓂ. ᑖᒃᓱᒪ ᐱᓕᕆᕕᐅᑉ 2024-2025-ᒥ ᐊᑭᑐᔪᖅᑐᕈᑎᒃᓴᖏᑦ ᒥᒃᓴᐅᓯᔭᐅᓯᒪᔪᔪᑦ ᐃᓚᖃᔪᒻᒪᑕ $1.5 ᒥᓕᐊᓐ ᑖᓚᓂᑦ ᑐᕌᖓᔪᓂᑦ ᐸᕐᓇᑕᐅᓂᖓᓄᑦ ᐊᒻᒪᓗ ᑎᑎᕋᐅᔭᖅᑕᐅᓂᖓᓄᑦ. ᒪᓕᒐᓕᐅᖅᑏᑦ ᖃᐅᔨᒪᒻᒪᑦ ᑖᓐᓇ ᐱᓕᕆᕕᒃ ᐃᓱᒪᒃᓴᖅᓯᐅᕈᑎᖃᖅᐸᒻᒪᑦ ᐊᒥᓱᑲᓪᓚᓐᓂᑦ ᐱᔾᔪᑎᐅᔪᓂᑦ ᐊᑭᑐᔪᓄᑦ ᐸᕐᓇᓂᕐᒥ ᐱᕙᓪᓕᐊᔾᔪᑎᖏᓐᓂᑦ, ᐱᖃᓯᐅᔾᔨᔪᓂᑦ ᖃᓄᑎᒋ ᐃᓕᓐᓂᐊᖅᕕᒃ ᐊᑐᖅᑕᐅᑎᒋᕙᒻᒪᖔᖅ. ᒪᓕᒐᓕᐅᖅᑏᑦ ᑲᔪᖏᖅᓴᐃᕗᑦ ᒥᓂᔅᑕᐅᔪᒥᑦ ᐊᑯᓐᓂᑭᑦᑐᓂᑦ ᓇᓗᓇᐃᖅᑐᐃᖃᑦᑕᖁᔭᐅᓪᓗᓂ ᓴᖅᑭᖅᓯᖃᑦᑕᕐᓗᓂᓗ ᖃᓄᑎᒋ ᐃᓕᓐᓂᐊᖅᕖᑦ ᐊᑐᖅᑕᐅᑎᒋᕙᒻᒪᖔᑕ ᐃᓕᓐᓂᐊᖅᑐᓕᕆᔨᒃᑯᑦ ᐱᖁᔭᖅᑎᒍᑦ ᐊᕐᕌᒍᑕᒫᖅᓯᐅᑎᓂ ᐅᓂᒃᑲᓕᐊᒥᓂᕐᓂ ᓴᖅᑭᕆᐊᖃᖃᑦᑕᖅᑕᖏᒍᑦ ᐊᑖᒍᑦ ᐃᓕᓐᓂᐊᖅᑐᓕᕆᓂᐅᑉ ᐱᖁᔭᕐᔪᐊᖓᒍ. ᑕᐃᑲᓂ ᐅᑭᐅᒃᑯᑦ 2025-ᒥ ᐃᒃᓯᕙᓂᖓᓂ, ᒪᓕᒐᓕᐅᖅᕕᒃ ᐊᖏᖅᓯᔪᒻᒪᑦ $23.058 ᒥᓕᐊᓐ ᑖᓚᓂᑦ ᐊᑭᑐᔪᖅᑐᕈᑎᒃᓴᓂᑦ ᐊᕐᕌᓂᓴᕐᓂᒃ ᓄᑖᒧᑦ ᐊᕐᕌᒍᒧᑦ ᐊᐅᓪᓛᖅᑕᐅᓗᑎᒃ ᑐᕌᖓᔪᑦ ᐊᒥᓱᑲᓪᓚᓐᓄᑦ ᐃᓕᓐᓂᐊᕕᓐᓂᑦ ᓄᑖᕈᕆᐊᖅᓯᓂᕐᒧᑦ, ᓴᓇᓂᕐᒧᑦ, ᐊᒻᒪᓗ ᐊᓯᓃᓂᕐᒧᑦ ᐱᓕᕆᓂᐅᔪᓄᑦ. ᑮᓇᐅᔭᓂᑦ ᐃᓚᒋᐊᖅᓯᒍᒪᔾᔪᑏᑦ ᐃᓚᖃᓚᐅᕐᒥᔪᑦ $1.472 ᒥᓕᐊᓐ ᑖᓚᓂᑦ ᐊᑭᑐᔪᖅᑐᕈᑎᒃᓴᓂᑦ ᐊᕐᕌᓂᓴᕐᓂᑦ ᓄᑖᒧᑦ ᐊᕐᕌᒍᒧᑦ ᐊᐅᓪᓛᖅᑕᐅᔪᓂᑦ ᑐᕌᖓᔪᓂᑦ ᐃᓕᓐᓂᐊᖅᑐᓕᕆᔨᒃᑯᑦ ᐅᓪᓗᓕᒫᖅ ᓄᑲᖅᑎᖅᐹᖑᔪᓂᑦ ᐃᓕᓴᕕᓐᓂ ᐃᓕᓐᓂᐊᑎᑦᑎᔪᓐᓇᕐᒪᖔᑕ ᖃᐅᔨᓴᕐᓂᐅᔪᒧᑦ. ᓯᑎᐱᕆ 2023-ᒥ, ᐃᓕᓐᓂᐊᖅᑐᓕᕆᔨᒃᑯᑦ ᑐᓴᖅᑕᐅᑎᑦᑎᔪᔪᑦ ᐃᓕᓐᓂᐊᖅᕕᖏᑦ ᓂᐊᖁᓐᖒᒥ, ᐃᒡᓗᓕᒑᕐᔪᒻᒥ, ᑭᒻᒥᕈᕐᒥ, ᖁᕐᓗᑦᑑᒥ ᐊᒻᒪᓗ ᑎᑭᕋᖅᔪᐊᕐᒥ ᖃᐅᔨᓴᕐᓂᐅᔪᓄᑦ ᐃᓚᓕᐅᑎᔭᐅᓯᒪᒻᒪᑕ. ᑕᐃᓐᓇ ᑐᓴᖅᑕᐅᑎᑦᑎᔾᔪᑎ ᓇᓗᓇᐃᖅᓯᔪᔪᖅ “ᑕᕝᕙᓐᖓᑦ ᖃᐅᔨᓴᕐᓂᐅᔪᓂ ᐃᓕᑦᑕᐅᔪᑦ ᐊᑐᖅᑕᐅᓛᕐᒪᑕ ᐃᓕᓐᓂᐊᖅᑐᓕᕆᔨᒃᑯᑦ ᓯᕗᓂᑐᖃᑦᑎᓐᓄᑦ ᐸᕐᓇᐅᑎᓕᐅᓕᖅᑲᑕ ᖃᐅᔨᒪᓇᓱᐊᕐᓗᑎᓪᓗ ᑲᔪᓰᓐᓇᖅᑎᒐᒃᓴᐅᒻᒪᖔᑕ ᐅᓪᓗᓕᒫᖅ ᐃᓕᓐᓂᐊᖅᑎᑕᐅᖃᑦᑕᕐᓂᖏᑦ ᐃᓕᓴᕕᓐᓂ ᓄᑲᖅᑎᖅᐹᑦ ᓄᓇᕗᒻᒥ ᐃᓕᓐᓂᐊᖅᕕᓕᒫᓂ.” ᒪᓕᒐᓕᐅᖅᑏᑦ ᓂᕆᐅᑦᑎᐊᖅᐳᑦ ᑲᔪᓰᓐᓇᖅᑐᓂᑦ ᓇᓗᓇᐃᖅᑐᐃᕕᐅᖃᑦᑕᓛᕐᓂᕐᒥᓄᑦ ᖃᓄᐃᓕᖓᓕᕐᒪᖔᖅ ᑖᓐᓇ ᐱᒪᕆᐊᓘᔪᖅ ᐱᒋᐊᖅᑎᑕᐅᓯᒪᔪᖅ. ᐃᓕᓐᓂᐊᖅᑐᓕᕆᔨᒃᑯᑦ ᑐᒃᓯᕌᖏᑦ ᐊᑭᑐᔪᖅᑐᕈᑎᒃᓴᑦ ᐊᑐᕈᒫᕐᓂᐊᖅᑐᑦ 2026-2027 ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓂ ᐃᓚᖃᕐᒪᑦ $500,000-ᓂᑦ ᓂᐅᕕᐅᑎᒃᓴᐅᔪᓂᑦ ᓱᕈᓯᖅᑕᐅᑎᓂᑦ. ᒪᓕᒐᓕᐅᖅᑏᑦ ᖃᐅᔨᒪᒻᒪᑕ ᓱᕈᓯᖅᑕᐅᑎᓄᑦ ᐃᓯᖅᓯᒪᑎᑦᑎᕕᒃᓴᓂᑦ ᐊᒥᒐᖅᐸᒻᒪᑕ ᓴᐳᒻᒥᑦᑎᒐᔭᖅᑐᓂᑦ ᓯᓚᒧᑦ ᓱᕋᑦᑕᐅᓂᐅᓴᓂᖏᓐᓄᑦ ᐊᒻᒪᓗ ᐱᕋᔭᓐᓂᒃᑯᑦ ᓱᕋᐃᔭᖅᑕᐅᓂᒃᑯᑦ ᓱᓕ ᐃᓱᒫᓗᒋᔭᐅᖏᓐᓇᕐᒪᑦ. ᒪᓕᒐᓕᐅᖅᑏᑦ ᑲᔪᖏᖅᓴᐃᕗᑦ ᐃᓕᓐᓂᐊᖅᑐᓕᕆᔨᒃᑯᓐᓂᑦ ᐱᓕᕆᖃᑎᖃᖁᔭᐅᓪᓗᑎᒃ ᓄᓇᓕᓐᓂ ᐃᓕᓐᓂᐊᖅᑐᓕᕆᓂᕐᒧᑦ ᑲᑎᒪᔨᖏᓐᓂᑦ ᐊᒻᒪᓗ ᓄᓇᓖᑦ ᒐᕙᒪᕋᓛᖏᓐᓂᑦ ᓇᓗᓇᐃᖅᑐᐃᓗᑎᒃ ᓈᒻᒪᑦᑐᓂᑦ ᓄᓇᓯᐅᑎᒃᑯᕕᒃᓴᓂᑦ ᓄᓇᓕᖏᓐᓂ ᓯᕈᓯᖅᑕᐅᑏᑦ ᐃᓯᖅᓯᒪᕕᖃᓐᖏᓐᓂᖓᓄᑦ ᐊᒃᑐᖅᑕᐅᑲᒻᒪᖃᑦᑕᖅᑐᑦ ᓱᕈᓯᖅᑕᐅᑎᖃᖅᑎᑦᑎᒐᓱᐊᖅᑎᓗᒋᑦ, ᐱᓗᐊᖅᑐᒥ ᓂᓪᓚᓱᓐᓂᖅᐹᖏᓐᓂ ᑖᕐᓂᖅᐹᖏᓐᓂᓗ ᑕᖅᕐᑭᓂ ᐊᕐᕌᒎᑉ ᐃᓗᐊᓂ. ᑕᕝᕙ ᐃᓱᓕᑉᐳᑦ ᒪᑐᐃᖅᓯᔾᔪᑎᒃᑲ ᐅᖃᐅᓯᒃᓴᐃᑦ ᐱᓪᓗᒋᑦ ᑐᒃᓯᕌᖑᔪᑦ 2026-2027-ᒥ ᐊᑭᑐᔪᖅᑐᕈᑎᒃᓴᖏᑦ ᒥᒃᓴᐅᓯᔭᐅᓯᒪᔪᑦ ᐃᓕᓐᓂᐊᖅᑐᓕᕆᔨᒃᑯᑦ ᐱᓕᕆᕕᖓᓄᑦ. ᖁᔭᓐᓇᒦᒃ.

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 29 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑕᖅᑐ. ᒪᓕᒐᓕᐅᖅᑏᑦ ᐅᖃᐅᓯᔅᓴᑐᐃᓐᓇᖃᖅᑭᓯ ᐊᐱᖅᑯᑎᓅᓚᐅᙱᓐᓂᑦᑎᓐᓂᒃ? ᑕᑯᙱᓐᓇᒪ ᒫᓐᓇ. ᒪᑉᐱᖅᑐᒐᖏᑎᒍᑦ ᕿᒥᕐᕈᒋᐊᓕᕐᓚᕗᑦ ᐊᑭᑐᔪᖅᑐᕈᑎᔅᓴᑦ.

G-3ᒥ ᐱᒋᐊᕐᓗᑕ. ᐃᓕᓐᓂᐊᖅᑐᓕᕆᔨᒃᑯᑦ ᑮᓇᐅᔭᓕᕆᔨᒃᑯᖏᑦ ᑲᑎᑦᑐᒋᑦ ᐊᑭᑐᔪᖅᑐᕈᑎᔅᓴᖏᑦ $32,180,000. ᐊᐱᖅᑯᑎᔅᓴᖃᕐᕕᐅᕙᑦ ᒪᓕᒐᓕᐅᖅᑎᓂᑦ? ᐃᖅᑲᐃᑎᒋᐊᕐᓗᓯᖃᐃ ᒪᓕᒐᓕᐅᖅᑏᑦ. ᖃᓄᑐᐃᓐᓇᖅ ᐊᐱᕆᒍᓐᓇᖅᑐᓯ ᐃᓕᓐᓂᐊᖅᑐᓕᕆᔨᒃᑯᓐᓄᑦ ᐊᑭᑐᔪᖅᑐᕈᑎᔅᓴᓄᑦ ᑐᕌᖓᑦᑕᑐᐊᖅᑲᑕ ᐊᑭᑐᔪᖅᑐᓕᕆᒐᑦᑕ. ᒥᔅᑕ ᐊᑕᒍᑦᑖᓗᒃ. ᐊᑕᒍᑦᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᔅᓯᕙᐅᑕᖅ. ᐊᐱᖅᑯᑎᒐᓕ ᐱᓕᕆᕕᐅᑉ ᖃᖓ ᐅᓪᓗᓕᒫᖅ ᐃᓕᓐᓂᐊᕈᓐᓇᖅᓯᑎᑦᑎᓛᖅᑲᑦ ᒥᑭᔫᑕᐅᓂᖅᐹᖏᓐᓂᒃ ᐅᓪᓗᓕᒫᖅ ᓄᓇᕗᒻᒥ ᐃᓕᓴᕕᓕᒫᖏᓐᓂᒃ? ᖁᔭᓐᓇᒦᒃ, ᐅᖃᖅᑏ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ ᐊᐱᕆᒐᕕᑦ ᑕᐃᒫᒃ. ᐊᑕᑲᐃᓐᓇᖅᑐᖅ ᒥᓂᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᐊᐱᕆᖕᒪᑦ ᑕᐃᒫᒃ. ᑕᑯᓐᓈᖅᑐᒋᑦ ᐃᓕᓴᕖᑦ ᓄᓇᕗᓕᒫᒥ ᒫᓐᓇ 13−ᖑᔪᐃᑦ ᐃᓕᓴᕖᑦ ᐱᒋᐊᖅᑎᑦᑎᓯᒪᓕᕇᖅᑐᑦ ᐃᓪᓗᓕᒫᖅ ᐃᓕᓐᓂᐊᑎᑦᑎᓂᕐᒥᒃ ᒥᑭᔫᑕᐅᓂᖅᐹᖏᓐᓂᒃ. 16−ᖑᒻᒪᑕ ᓱᓕ ᐃᓕᓴᕖᑦ ᐅᓪᓗᓕᒫᒥ ᐃᓕᓐᓂᐊᑎᑦᑎᖃᑦᑕᙱᑦᑐᐃᑦ ᒥᑭᔫᑕᐅᓂᖅᐹᖏᓐᓂ. ᐃᓕᓐᓂᐊᖅᑐᓕᕆᔨᒃᑯᑦ ᐊᑐᓕᖅᑎᑦᑎᕙᓪᓕᐊᒍᒪᓂᐊᕐᖓᑕ ᐅᓪᓗᓕᒫᖅ ᐃᓕᓐᓂᐊᖃᑦᑕᕈᓐᓇᕐᓂᖏᓐᓂᒃ ᒥᑭᔫᑕᐅᓂᖅᐹᑦ ᐊᒻᒪ ᖃᖓᒃᑰᕐᓂᕆᒐᔭᖅᑕᖓ ᑕᒪᓐᓇ ᒪᓕᒃᑲᔭᕐᒥᔪᖅ ᐱᓕᕆᔾᔪᑎᔅᓴᓂᒃ ᐊᑐᐃᓐᓇᖃᕐᓂᖏᑦ ᒪᓕᓪᓗᒋᑦ. ᐊᑭᑐᔪᖅᑐᖅᑐᓂ ᐃᓚᖏᑦ ᐋᖅᑭᔅᓯᕕᐅᒋᐊᖃᕐᖓᑕ ᐅᓪᓗᓕᒫᖅ ᒥᑭᔫᑕᐅᓂᖅᐹᑦ ᐃᓕᓴᒍᓐᓇᓂᐊᖅᑲᑕ. ᖃᓄᐃᔅᓇᙱᒃᑯᕕᑦ ᒥᓂᔅᑕᐅᑉ ᑐᖏᓕᖓ ᕼᐊᐃᓐᓄ ᑭᐅᖁᔭᕋᓗᐊᕋ ᖃᖓᒃᑰᖅᑕᕐᓂᐅᔪᓂᒃ ᓇᓗᓇᐃᖅᓯᒃᑲᓐᓂᕈᓐᓇᕐᖓᑦ. ᖁᔭᓐᓇᒦᒃ, ᐃᔅᓯᕙᐅᑕᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᔅ ᕼᐊᐃᓐᓄ. ᕼᐊᐃᓐᓄ: ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᒪᓕᒐᓕᐅᖅᑏ ᐊᐱᕆᒐᕕᑦ. ᑕᐃᒪ ᑮᓇᐅᔭᑦ ᒪᓕᑦᑐᒋᑦ ᐊᑐᐃᓐᓇᐅᓂᖏᑦ ᐅᓪᓗᓕᒫᖅ ᓄᑲᖅᑎᖅᐹᖑᓛᑦ ᐃᓕᓐᓂᐊᖅᑏᑦ ᓴᖅᑭᑉᐸᓪᓕᐊᓂᐊᕐᓂᖓ ᐃᓕᓐᓂᐊᕐᕕᓐᓂ. ᒫᓐᓇ ᐊᒥᒐᕐᓂᖏᓐᓄᑦ ᑮᓇᐅᔭᐃᑦ ᐸᕐᓇᓯᒪᔭᕗᑦ ᑲᖏᖅᖠᓂᖅ ᐊᒻᒪ ᐊᕐᕕᐊᕐᒧᑦ. ᑭᖑᓂᐊᒍᑦ ᑭᓲᓂᐊᕐᒪᖔᑕ, ᓇᓂᐅᓂᐊᕐᒪᖔᑦ, ᖃᔅᓯᕌᕋᔭᕐᒪᖔᑕᓗ ᖃᐅᔨᓇᓱᒃᑕᕗᑦ ᐃᓕᔅᓯᓐᓄᑦ ᐸᐃᑉᐹᒃᑯᑦ ᓴᖅᑭᒃᑲᔭᕋᑦᑎᒍᑦ ᐊᒻᒪ ᓄᓇᕗᓕᒫᒧᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ ᕼᐊᐃᓐᓄ. ᒥᔅᑕ ᖃᒪᓂᖅ. ᖃᒪᓂᖅ: ᐄ’, ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᐱᖅᑯᑎᖃᖅᑐᖓᓕ ᓄᓇᒃᑰᕈᑎᒧᑦ ᕙᓯᒧᑦ ᑐᖅᑯᕐᕖᑦ ᐃᓕᓐᓂᐊᕐᕕᒃᐳᑦ ᕙᓯᑖᓚᐅᕋᓗᐊᕐᒪᑦ ᐊᖏᔪᑦᑎᐊᕚᓗᖕᒥᒃ ᕼᐋᒪᓚᒃᑯᑦ ᓄᓇᒃᑰᕈᑎᒃᑯᕕᖃᙱᖦᖢᑎᒡᓗ ᐊᒻᒪ ᐃᓕᓐᓂᐊᕐᕕᒃ ᑐᖅᑯᕐᕕᒃᓴᖃᕋᓂ ᐃᖏᕐᕋᙲᓐᓇᖃᑦᑕᕐᒪᑦ ᐊᑯᓂ, ᐃᓛᒃ ᐅᑭᐅᖅ ᓂᒡᓚᓱᖓᕐᒪᑦ ᐃᖏᕐᕋᙲᓐᓇᖅᑐᖅ. ᐸᕐᓇᒃᑕᐅᓐᓂᙱᒻᒪᓪᓗᑭᐊᖅ ᕙᓯ ᑐᖅᑯᕐᕕᒃᓴᖓᓄᑦ ᑕᐃᒪᓐᓇ ᓄᓇᒃᑰᕈᑎᑦᑎᐊᕆᐊᓗᒃᑲᓗᐊᖅᖢᑎᒃ ᐊᑐᖅᐸᙱᑦᑐᖅ ᖁᐊᖑᓐᓇᕐᒪᑦ. ᖁᔭᓐᓇᒦᒃ, ᐃᒃᓯᕙᐅᑖᖅ.

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 30 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. ᐄ’, ᑖᒃᑯᐊ ᓄᓇᒃᑰᕈᑎᑦ ᐊᒡᒋᐊᖅᑐᕈᑎᑦ ᐃᓛᒃ ᑖᒃᑯᐊ ᑕᐅᑐᒃᖢᒋᑦ ᑮᓇᐅᔭᑦ ᑐᓂᔭᐅᑦᑕᖅᑐᑦ ᑮᓇᐅᔭᐃᔭᕐᓂᕆᔭᕗᑦ ᑕᒪᒃᑯᓄᖓ ᑐᖅᑲᖅᑕᕐᕕᖏᓐᓄᑦ ᑐᕌᖓᔪᖅᑕᖃᑦᑕᙱᒻᒪᑦ ᑮᓇᐅᔭᕐᓂᒃ. ᑕᒪᓐᓇ ᑐᓴᖅᓯᒪᔭᕋᓗᐊᖅᐳᑦ ᐃᓕᓐᓂᐊᖅᑐᓕᕆᔨᕌᓛᑦ ᐊᑐᖅᑕᐅᑦᑕᕐᓂᖏᑦ ᑖᒃᑯᐊ ᓄᑕᖅᑲᑦ ᐃᓕᓐᓂᐊᕋᔭᖅᑑᒐᓗᐃᑦ. ᑕᒪᓐᓇ ᑐᓴᖅᓯᒪᒐᓗᐊᖅᖢᑎᒍᑦ ᑮᓇᐅᔭᑦ ᐊᒥᒐᕐᓂᕆᔭᖓ ᑕᐅᑐᒃᖢᒍ ᓄᓇᒃᑰᕈᑎᓄᐃᓐᓇᖅ ᑐᕌᖓᔪᖅ ᒫᓐᓇ ᑮᓇᐅᔭᖅᑕᓕᒃ. ᒪ’ᓇ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ ᒥᓂᔅᑕᐅᓚᐅᑲᒃᑐᖅ ᒪᐃᓐ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᒪᒥᐊᓇᖅ ᓄᖅᑲᕐᓂᐊᓕᕋᑦᑕ ᐊᖅᑯᑎᒡᒎᖅ ᒪᑐᖕᒪᑕ ᓯᓚ ᐱᔾᔪᑎᒋᓪᓗᒍ. ᑲᑎᒪᔾᔪᑎᒃᓴᖅ 20: ᑲᑎᒪᔨᕋᓛᑦ ᑕᒪᐃᓐᓄᑦ ᐅᓂᒃᑳᕐᓂᖏᑦ ᐊᖓᔪᖅᑳᖅ ᑕᐃᕕᑎ ᔪᐊᓇᓯ (ᐅᖃᖅᑎ) (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᕼᐃᒃᔅ. ᐱᖁᔨᕗᖔᕈᑦ ᓈᒻᒪᖕᒪᑦ. ᐊᖏᖅᑐᑦ. ᖁᔭᓐᓇᒦᒃ. ᐊᑭᕋᖅᑐᖅᑐᑦ. ᐱᖁᔨᕗᖔᕈᑦ ᑲᔪᓯᕗᖅ. ᓇᖏᖅᓯᓂᐊᓕᕋᒪ ᓄᖅᑲᖅᐸᓪᓕᐊᓂᐊᓕᕋᑦᑕ. ᐃᖅᓱᑦᑏ, ᐅᑯᐊ ᐊᓂᑎᑲᐃᓐᓇᒃᑭᑦ. ᑲᔪᓯᓂᐊᕋᑦᑕ, ᑲᔪᓯᒃᑲᓐᓂᕈᑦᑕ ᒥᔅᑕ ᖃᒪᓂᖅ ᐊᐱᕆᓂᐊᓕᖅᐳᖅ. ᑲᑎᒪᑐᐃᓐᓇᕐᓂᖅ ᓈᓴᐅᑎᓕᒃ 20, ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᓱᒪᒃᓴᖅᓯᐅᕈᑎᖃᖅᑲᐅᔪᒍᑦ ᐱᖁᔭᒃᓴᖅ 2 ᐊᒻᒪ ᓄᖅᑲᖅᐸᓪᓕᐊᔪᒪᓕᖅᖢᖓ. ᐅᖃᖅᑎ, ᐱᖁᔨᕗᖓ ᑖᒃᑯᐊ ᑲᑎᒪᑐᐃᓐᓇᕐᓂᕐᒧᑦ ᐅᓂᒃᑳᑦ ᐊᖏᖅᑕᐅᖁᓪᓗᒋᑦ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᐱᖁᔨᕗᖔᖅᑕᖃᕐᒪᑦ ᐊᐃᑉᐲᔪᖅ. ᒥᔅᑕ ᒪᐃᓐ. ᐊᖏᖅᑐᑦ. ᐊᑭᕋᖅᑐᖅᑐᑦ. ᐱᖁᔨᕗᖔᕈᑦ ᑲᔪᓯᕗᖅ. ᓈᓴᐅᑎᓕᒃ 21 ᐱᖓᔪᐊᓐᓂ ᐅᖃᓕᒫᖅᑕᐅᓂᖏᑦ ᐱᖁᔭᒃᓴᑦ. ᑲᑎᒪᔾᔪᒃᓴᖅ 22. ᑲᑎᒪᔾᔪᑎᒃᓴᐃᑦ. ᑎᑎᕋᖅᑎ. ᑲᑎᒪᔾᔪᑎᒃᓴᖅ 22. ᑲᑎᒪᔾᔪᑎᒃᓴᐃᑦ. ᑎᑎᕋᖅᑎ. ᑲᑎᒪᔾᔪᑎᒃᓴᖅ 22: ᑲᑎᒪᔾᔪᑎᒃᓴᐃᑦ ᑎᑎᕋᖅᑎ (ᑐᓵᔨᑎᒍᑦ): ᖁᔭᓐᓇᒦᒃ, ᐃᖅᑲᐃᑎᑦᑎᔪᒪᓪᓗᖓ ᒪᓕᒐᓕᐃᖅᑎᑐᐃᓐᓇᐃᑦ 9−ᒥ ᐅᓪᓛᒃᑯᑦ ᓯᓚ ᒪᓕᒡᓗᒍ ᑲᑎᒪᓂᐊᖅᑐᑦ. (ᑐᓵᑎᔨᑎᒎᕈᓐᓃᖅᑐᖅ) ᑲᑎᒪᔾᔪᑎᒃᓴᖅ ᖃᐅᒃᐸᒧᑦ ᒫᑦᓯ 11, 1. ᑐᒃᓯᐊᕐᓂᖅ 2. ᐊᖓᔪᖅᑳᑦ ᐅᖃᐅᓯᖏᑦ 3. ᒪᓕᒐᓕᐅᖅᑏᑦ ᐅᖃᐅᓯᖏᑦ 4. ᑭᐅᔾᔪᑎᑦ ᐅᖃᐅᓯᒃᑯᑦ ᐊᐱᖅᑯᑎᓄᑦ 5. ᐃᓕᑕᖅᓯᓂᖅ ᐳᓛᖅᑎᓂᑦ 6. ᐅᖃᐅᓯᒃᑯᑦ ᐊᐱᖅᑯᑎᑦ 7. ᑎᑎᖅᑲᒃᑯᑦ ᐊᐱᖅᑯᑎᑦ 8. ᑭᐅᔾᔪᑎᑦ ᑎᑎᖅᑲᒃᑯᑦ ᐊᐱᖅᑯᑎᓄᑦ

ᐊᐃᑉᐹ, ᒫᑦᓯ 11 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 31 9. ᑭᐅᔾᔪᑎᑦ ᒪᑐᐃᕈᑎᒧᑦ 10. ᐊᑎᓕᐅᕈᑕᐅᓯᒪᔪᑦ 11. ᑭᐅᔾᔪᑎᑦ ᐊᑎᓕᐅᕈᑕᐅᓯᒪᔪᓄᑦ 12. ᑲᑎᒪᔨᕋᓛᑦ ᑲᑎᒪᔨᕋᓛᖑᑲᐃᓐᓇᖅᑐᓪᓗ ᒪᓕᒐᒃᓴᓂᑦ ᐊᓯᖏᓐᓂᓪᓗ ᐅᓂᒃᑳᖏᑦ 13. ᑎᑎᖅᑲᓂᑦ ᓴᖅᑭᑎᕆᓂᖅ 14. ᖃᐅᔨᒃᑲᐃᒍᑎᑦ ᐱᒋᐊᖅᑎᑕᒃᓴᓂᑦ 15. ᖃᐅᔨᒃᑲᐃᒍᑎᑦ ᐱᒋᐊᖅᑎᑕᒃᓴᓂᑦ ᒪᓕᒐᒃᓴᐃᑦ ᐅᖃᓕᒫᕐᓂᒃᓴᒥᒃ ᓯᕗᓪᓕᖅᐹᖓᓐᓂᒃ 16. ᐱᒋᐊᖅᑎᑕᐃᑦ 17. ᓯᕗᓪᓕᖅᐹᒥᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 18. ᐊᐃᑉᐹᓂᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 19. ᑲᑎᒪᔨᕋᓛᑦ ᑕᒪᐃᓐᓄᑦ ᒪᓕᒐᒃᓴᓄᑦ ᐊᓯᖏᓐᓂᓪᓗ ᐃᓱᒪᖅᓴᖅᓯᐅᕐᓂᖏᑦ • ᒪᓕᒐᒃᓴᖅ 1 • ᒪᓕᒐᒃᓴᖅ 2 • ᒪᓕᒐᒃᓴᖅ 3 • ᒪᓕᒐᒃᓴᖅ 4 20. ᑲᑎᒪᔨᕋᓛᑦ ᑕᒪᐃᓐᓄᑦ ᐅᓂᒃᑳᖓᑦ 21. ᐱᖓᔪᐊᓐᓂᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 22. ᑲᑎᒪᔾᔪᑎᒃᓴᐃᑦ ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᒪᓂᕗᑦ ᐅᓪᓗᒥ ᐱᔭᕇᖅᐳᖅ ᐱᒋᐊᒃᑲᓐᓂᕐᓂᐊᖅᓱᑕ ᖃᐅᑉᐸᑦ ᐱᖓᑦᓯᐅᓕᖅᐸᑦ ᒫᑦᓯ 11, ᓯᕿᕐᖑᔭᖅ 1:30−ᑉᐸᑦ. ᐃᖅᓱᑦᑏ. >>ᑲᑎᒪᓂᖅ ᓄᖅᑲᖅᑐᖅ 16:07ᒧᐊᖅᑎᓪᓗᒍ

Document details

Collection	Nunavut — Debates (Hansard)
Citation	2026-03-11 Blues Inuktitut
Type	statute
Volume / chapter	20260311 Blues Inuktitut
Language	en
Format	pdf
Source	TERRITORIAL
Identifier	67775bee729fff3c95cdb98dc45b5948c76a3f60

Source file is stored in the law ingest library (pdf).