ᒪᓕᒐᓕᐅᕐᕕᒻᒥ ᑲᑎᒪᔾᔪᑎᒥᓃᑦ ᐋᖅᑭᒋᐊᖅᓯᒪᓐᖏᑦᑐᑦ ᓇᕿᑦᑕᖅᑕᐅᓯᒪᔪᑦ ᕿᑎᖅᑰ, ᒪᐃ 21, 2026 ᐃᖃᓗᐃᑦ, ᓄᓇᕗᑦ ᐋᖅᑭᒋᐊᕈᑎᑦ: ᐊᑏ ᐅᑎᖅᑎᓯᐅᒃ ᐋᖅᑭᒋᐊᖅᑕᐅᔪᐃᑦ ᑎᑎᕋᖅᑎᒧᑦ ᐅᕝᕙᓘᓐᓃᑦ ᑐᖏᓕᐊᓄᑦ ᒪᓕᒐᓕᐅᕐᕕᒻᒥ ᑲᑎᒪᔾᔪᑎᒥᓃᑦ ᓇᕿᔾᔪᑕᐅᓐᖏᓚᑦ ᑐᑭᓕᐊᖅᑕᐃᓐᓇᕆᓗᒋᑦ ᒪᓕᒐᓕᐅᖅᑏᑦ ᐊᐃᕙᓂᖏᑦ. ᓇᕿᑕᐅᓯᒪᑐᐃᓐᓇᖅᑐᐃᑦ ᐅᖃᐅᓯᐅᓪᓗᐊᑕᖅᑐᑦ. ᐅᖃᖅᑕᐅᒃᑲᓂᖅᑐᒥᒃ ᐊᓯᐊᑎᒍᓪᓘᓐᓃᑦ ᓲᕐᓗ ᓇᓗᓇᐃᖅᑕᐅᔪᖃᒃᑲᓐᓂᕆᐊᖃᖅᐸᑦ ᐋᖅᑭᒋᐊᖅᑕᐅᔪᓐᓇᖅᑐᑦ ᑭᓇᑐᐃᓐᓇᖅ ᒪᓕᒐᓕᐅᕐᕕᒻᒥ ᑲᑎᒪᔾᔪᑎᓂᑦ ᐅᖃᓕᒫᖅᑐᑦ ᓱᖅᑯᐃᒪᓂᐊᕐᒪᑦ ᐅᖃᖅᑕᒥᓂᕐᒥᒃ. ᑲᑎᒪᐅᑎᒥᓂᓕᕆᔪᑦ ᐅᖃᓕᒫᕋᓐᓂᑦᑎᑦᓯᔭᕆᐊᓖᑦ ᐊᔾᔨᒌᑉᐸᓐᖏᒻᒪᑎᒃ ᐅᖃᖅ ᑕᐅᔪᖅ ᑎᑎᕋᖅᓯᒪᔪᕐᓗ. ᐊᐃᕙᔾᔪᑎᒥᓃᑦ, ᓯᑎᐱᕆ 20, 1983, ᒪᑉᐱᑐᒐᖓ 27299. ᐴᓯᔅᓂᐅᑉ 6-ᖓᓐᓂᒃ ᓇᕿᑕᐅᔾᔪᑎᖓ, ᑎᓕᓯᔾᔪᑎᒃ 55

ᓄᓇᕗᑦ ᒪᓕᒐᓕᐅᕐᕕᖓ ᐅᖃᖅᑎ ᐊᖓᔪᖅᑳᖅ ᑕᐃᕕᑎ ᔪᐊᓇᓯ ᐊᐅᓚᑦᑎᔩᑦ ᐊᓪᓚᑦᑎᐅᑲᐃᓐᓇᖅᑐᖅ ᐊᓪᓚᑦᑎᐅᑉ ᑐᓪᓕᐊ ᒪᐃᑯᓪ ᐹᓪ ᐅᐃᓐᑎ ᐸᓐᔅ ᐊᓪᓚᑦᑎᐅᑉ ᐃᑲᔪᖅᑎᖓ ᖂᔪ ᓄᓱᑦᑕᖅ ᒪᓕᒐᓕᕆᔨ ᒪᐃᑯᓪ ᓵᓐᑐᓗ ᐃᖅᓱᖅᑎ ᑲᑎᒪᐅᑎᓂᒃ ᐋᖅᑭᒃᓱᐃᔩᑦ ᐅᖃᐅᓯᕐᒥᒃ ᐅᖃᐅᓯᕐᒧᑦ ᑎᒥᖓᑦ 926 ᓯᕗᒧᒋᐊᖅ ᐊᑐᕆᐊᖅ ᐃᖃᓗᐃᑦ, ᓄᓇᕗᑦ X0A 3H0 ᐊᖓᔪᖅᑳᖅ ᒍᐊᐃᓐ Hᐄᓕ ᐊᕿᐊᕈᖅ (ᐃᖃᓗᐃᑦ−ᒪᓂᕋᔭᒃ) ᒥᓂᔅᑕ ᐃᓄᓕᕆᔨᒃᑯᓐᓄᑦ;ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂᑦ; ᒥᓂᔅᑕ ᑲᒪᒋᔭᖃᖅᑐᖅ ᐊᖏᕐᕋᖃᖏᓐᓂᕐᒥᒃ; ᒥᓂᔅᑕ ᑲᒪᒋᔭᖃᖅᑐᖅ ᐊᒃᖢᓂᕐᒥᒃ ᒥᒃᖠᒋᐊᖅᑎᑦᑎᓂᕐᒧᑦ;ᒥᓂᔅᑕ ᑲᒪᒋᔭᖃᖅᑐᖅ ᐊᕐᓇᐃᑦ ᑲᑎᒪᔨᖏᓐᓂᒃ; ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ (ᐃᖃᓗᐃᑦ-ᓂᐊᖁᙴ) ᒐᕙᒪᒃᑯᑦ ᓯᕗᒃᑲᖅᑕᖅᑎᖓ; ᒥᓂᔅᑕ ᐃᓕᓐᓂᐊᖅᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓯᓚᑦᑐᖅᓴᕐᕕᖕᒥᒃ ᕼᐋᓇ ᐊᖑᑎᐊᓗᒃ (ᐊᐃᕕᓕᒃ) ᐃᐊᑦᕗᑦ ᐊᑕᒍᑦᑖᓗᒃ (ᐊᒡᒍ) ᐊᖓᔪᖅᑳᖅ ᔮᓂᑦ ᐳᕉᔅᑐ (ᐃᖃᓗᐃᑦ-ᓯᓈ) ᒥᓂᔅᑕ ᐋᓐᓂᐊᖃᕐᓇᓐᖏᑦᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᐊᖓᔪᖅᑳᖅ ᔪᐊᔾ Hᐃᒃᔅ (ᐃᖃᓗᐃᑦ-ᑕᓯᓗᒃ) ᓄᓇᕗᒻᒧᑦ ᓯᕗᓕᖅᑎᐅᑦ ᑐᖓᓕᖓ; ᒥᓂᔅᑕ ᒪᓕᒐᓕᕆᓂᕐᒧᑦ; ᒥᓂᔅᑕ ᐃᖏᕐᕋᔪᓕᕆᓂᕐᒧᑦ ᒪᑭᒪᐅᑎᓄᓪᓗ; ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑐᓕᕆᓂᕐᒧᑦ ᑲᑎᒪᔨᓂᒃ; ᒥᓂᔅᑕ ᑲᒪᒋᔭᖃᖅᑐᖅ ᐃᓄᐃᑦ ᐱᔪᓐᓇᐅᑎᖏᓐᓄᑦ ᑲᑎᒪᔨᓂᒃ ᔭᐃᒥ ᖃᑉᓗᑦᓯᐊᖅ (ᐊᕐᕕᐊᑉ ᓂᒋᐊ) ᒍᐊᑕᓐ ᑲᐅᑕᒃ (ᐅᖅᑯᒻᒥᐅᑦ) ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓄᓂᖅ) ᒥᓂᔅᑕ ᐃᓕᖅᑯᓯᓕᕆᔨᒃᑯᑦ; ᒥᓂᔅᑕ ᐅᖃᐅᓯᓕᕆᓂᕐᒧᑦ; ᒥᓂᔅᑕ ᐊᕙᑎᓕᕆᓂᕐᒧᑦ; ᒥᓂᔅᑕ ᐆᒻᒪᖅᑯᑎᓕᕆᓂᕐᒧᑦ ᓴᐃᒪᓐ ᖁᓕᒃᑖᓇ (ᖁᕐᓗᖅᑑᖅ) ᐊᖓᔪᖅᑳᖅ ᓯᓯᐅᓪ ᓂᐅᓪᕙᓇ ᓚᐃᔪᓪ (ᓇᑦᓯᓕᒃ) ᐊᖓᔪᖅᑳᖅ ᐋᕐᓗᒃ ᒪᐃᓐ (ᐊᕐᕕᐊᑉ ᐅᐊᓐᓇᖓ-ᑎᑭᕌᕐᔪᐊᖅ) ᓯᕗᓕᖅᑎ ᓄᓇᕗᒻᒥ; ᒥᓂᔅᑕ ᓯᕗᓕᖅᑎᓄᑦ ᒐᕙᒪᐅᖃᑎᒌᒃᑐᓕᕆᔨᒃᑯᓐᓄᓪᓗ; ᒥᓂᔅᑕ ᑮᓇᐅᔭᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᖃᖅᑳᖅᓯᒪᔪᓕᕆᓂᕐᒥᒃ; ᒥᓂᔅᑕ ᑲᒪᒋᔭᖃᖅᑐᖅ ᑲᓇᑕᐅᑦ ᓯᓚᑖᓃᖖᒑᖅᑐᓄᑦ; ᒥᓂᔅᑕ ᑲᒪᒋᔭᖃᖅᑐᖅ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᓐᓇᕐᓂᒃ; ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᒥᓴᓐ; ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᑎᒪᔨᖏᓐᓄᑦ; ᔮᓂ ᒪᐃᒃ (ᐸᓐᓂᖅᑑᖅ) ᕗᕆᐊᑦ ᐲᑕᓴᓐ (ᐃᖃᓗᒃᑑᑦᑎᐊᖅ) ᑕᐃᕕᑦ ᐳᐊᑐ (ᐅᖅᓱᖅᑑᖅ) ᐊᐃᕝᕙᓚᕼᐋ ᖃᒪᓂᖅ (ᐊᒥᑦᑐᖅ) ᑖᓂᐅᓪ ᖃᕝᕕᒃ (ᑕᓯᐅᔭᕐᔪᐊᖅ) ᐋᓕᒃᓵᓐᑐ ᓴᒻᒧᖅᑐᖅ (ᑲᖏᖅᖠᓂᐅᑉ ᐅᐊᓐᓇᖓ-ᐃᒡᓗᓕᒑᕐᔪᒃ) ᐃᓐᓇᖓᔪᖅ ᖂᑭᐊᖅ (ᓇᑦᓯᓕᒃ) ᐋᓕᒃᓵᓐᑐ ᓴᒻᒧᖅᑐᖅ (ᑲᖏᖅᖠᓂᐅᑉ ᐅᐊᓐᓇᖓ-ᐃᒡᓗᓕᒑᕐᔪᒃ) ᑯᕋᐃᒃ ᓯᒪᐃᓚᒃ (ᖃᒪᓂᑦᑐᐊᖅ) ᒥᓂᔅᑕ ᓄᓇᓕᖕᓂ ᒐᕙᒪᒃᑯᓂᓪᓗ ᐱᔨᑦᑎᖅᑎᒃᑯᑦ;ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᒃ; ᒥᓂᔅᑕ ᑲᒪᒋᔭᖃᖅᑐᖅ ᐅᔭᕋᖕᓂᐊᕐᓂᕐᒧᑦ; ᒥᓂᔅᑕ ᑕᐅᖅᓯᕋᕐᓂᕐᒥᒃ ᐱᓕᕆᐊᒃᓴᓕᒃ; ᐋᓂ ᑕᑦᑐᐃᓂ (ᑲᖏᖅᖠᓂᐅᑉ ᓂᒋᐊ) ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐊᒃᑯᒫᓂᒃ ᖃᐅᔨᓴᖅᑏᑦ ᓯᑏᕙᓐ ᑕᖅᑐ (ᖁᑦᑎᒃᑐᕐᒃ)

ᐅᖄᓚᐅᑖ (867) 975-5000 ᓱᒃᑲᕈᑖ (867) 975-5190 ᐊᑭᖃᓐᖏᑦᑐᖅ (877) 334-7266 ᖃᕋᓴᐅᔭᑎᒍᑦ ᑐᕌᕈᑎᖓᑦ: www.assembly.nu.ca ᐃᓗᓕᖏᑕ ᓇᓕᖅᑲᖏᑦ ᑐᒃᓯᐊᕐᓂᕐᒧᑦ ᒪᑐᐃᖅᑕᐅᓂᖓ ............................................................................................................................................... 1 ᒥᓂᔅᑕᐃᑦ ᐅᖃᐅᓯᒃᓴᖏᑦ ........................................................................................................................................................ 2 ᒪᓕᒐᓕᐅᖅᑏ ᐅᖃᐅᓯᒃᓴᖏᑦ ................................................................................................................................................. 7 ᐃᓕᓴᖅᓯᓂᖅ ᐳᓛᕆᐊᖅᓯᒪᔪᓂᑦ ᒪᓕᒐᓕᐅᕐᕕᖕᒧᑦ ............................................................................................................ 8 ᐅᖃᐅᓯᒃᑯᑦ ᐊᐱᖅᑯᑏᑦ ........................................................................................................................................................... 9 ᑎᑎᕋᖅᓯᒪᔪᑦ ᓴᖅᑭᑎᑕᐅᓂᖏᑦ .......................................................................................................................................... 21 ᑲᑎᒪᔾᔪᑎᒃᓴᐃᑦ ....................................................................................................................................................................... 24

ᐃ. ᖃᐅᑕᒫᒧᑦ ᖃᐅᔨᒋᐊᕈᑎᑦ ᕿᑎᖅᑰ, ᒪᐃ 21, 2026 ....................................................................................................................................................... 1 ᐅ. ᐊᖓᔪᖅᑳᑦ ᐅᓂᒃᑳᖏᑦ 2 – 7(2): ᒥᓂᔅᑕ ᐃᒡᓗᒥᑦ ᐅᐸᒍᑎᓯᒪᙱᑦᑐᖅ (ᓯᒪᐃᓚᒃ) .............................................................................................. 2 3 – 7(2): ᑐᓴᖅᑎᑦᑎᔾᔪᑎ ᑮᓇᐅᔭᖅᑑᑎᒃᓴᓄᑦ ᐅᖃᐅᓯᖏᓂᒃ (ᒪᐃᓐ) .......................................................................... 3 4 – 7(2): ᒥᓂᔅᑐ ᓴᐅᑐᕌᓐᑦ ᑎᑭᓐᓂᒃᓴᖓ ᐊᒻᒪᓗ ᐱᑕᖃᕆᐊᖃᓐᓂᕗᑦ ᐱᖁᑎᔾᔪᐊᒧᑦ ᑐᖅᑯᒐᓂᒃ (ᕼᐄᓕ ᐊᕿᐊᕈᖅ) ......................................................................................................................................................................... 3 5 – 7(2): ᓴᓇᔭᒃᓴᐃᑦ ᑲᓇᑕᒥ ᐊᖏᕐᕋᒃᓴᓄᑦ ᐊᖏᖃᑎᒌᒍᑎᖓ (ᓚᐃᔪᓪ) .................................................................. 4 6 – 7(2): ᑲᓇᑕᒥ ᓇᑦᑎᕋᔭᑦ ᓴᓇᐅᒪᔭᐅᔪᓄᑦ ᐅᓪᓗᖓ ᓄᓇᕘᒥᓪᓗ ᓇᑦᑎᕋᓱᒃᑎᓄᑦ ᑲᑎᒪᔾᔪᐊᓐᓂᖅ 2027 (ᓯᒪᐃᓚᒃ) .......................................................................................................................................................................... 5 7 – 7(2): ᐊᓯᐅᖅᑲᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᓂᕕᐊᖅᓵᓪᓗ (ᕼᐄᓕ ᐊᕿᐊᕈᖅ) .......... 6 ᐊ. ᒪᓕᒐᓕᐅᖅᑏᑦ ᐅᓂᒃᑳᖏᑦ 16 – 7(2): ᐊᒡᓃᑯ ᐄᒍ ᐅᔭᕋᓐᓂᐊᕝᕕᖓ (ᐲᑐᓴᓐ) ......................................................................................................... 7 17 – 7(2): ᐅᐱᕐᖔᒃᑯᑦ ᐅᓪᓗᒧᑦ ᐊᐅᓪᓛᖃᑦᑕᓐᓃᑦ (ᓯᒪᐃᓚᒃ) ..................................................................................... 7 18 – 7(2): ᐸᖕᓂᖅᑑᑉ ᐅᖅᑯᐄᕝᕕᖓ ᐅᒥᐊᓄᑦ ᐱᐅᓯᒋᐊᕈᑎᖏᑦ (ᒪᐃᒃ) .................................................................... 7 19 – 7(2): ᐃᓄᓕᕆᔨᒃᑯᑦ ᓴᓇᔨᖏᑕ ᐊᓂᒍᐃᔾᔪᑖᓄᑦ ᑕᑯᒃᓴᐅᑎᑕᑦᑕ ᐱᔭᕇᖅᓯᔪᑦ (ᖃᑉᓗᑦᓯᐊᖅ) ........................ 8 ᐱ. ᐅᖃᐅᓯᒃᑯᑦ ᐊᐱᖅᑯᑎᑦ 8 – 7(2): ᐊᓯᐅᔾᔭᐃᖅᓯᒪᔪᖅ ᐊᓪᓕᖅᐹᖅ ᑮᓇᐅᔭᒃᓴᓄᑦ (ᖁᓕᒃᑖᓇ) ............................................................................ 9 9 – 7(2): ᒍᕋᐃᔅ ᐃᒃᐱᐊᕐᔫᔭᐅᑉ ᓴᓇᔭᐅᕐᔪᐋᕐᓂᒃᓴᖓᓄᑦ (ᐲᑐᓴᓐ) ............................................................................. 10 10 – 7(2): ᑎᑎᕋᕐᕕᖓᓄᑦ ᐃᑯᐊᓪᓚᒃᑐᓕᕆᔨᑦ ᐊᖓᔪᖅᑳᖓᑕ (ᐊᑕᒍᑦᑖᓗᒃ).......................................................... 11 11 – 7(2): ᐳᕙᒡᓗᖕᓇᖅ ᑐᐴᑭᓚᐅᓯᔅ (ᒪᐃᒃ) ................................................................................................................. 13

12 – 7(2): ᐅᖅᓱᖅᑑᒥ ᑐᐊᕕᕐᓇᖅᑐᒧᑦ ᐃᓂᓪᓚᒃᑕᐅᓂᖓ (ᐳᐊᑕ) ............................................................................ 15 13 – 7(2): ᑐᐊᐸᓕᕆᔾᔪᑎ ᐊᒻᒪᓗ ᑐᐊᐸᓕᐋᖑᖃᑦᑕᖅᑐᓄᑦ (ᐊᖑᑎᐋᓗᒃ) .............................................................. 17 14 – 7(2): ᑭᒡᓕᕆᔭᑦᑕ ᐅᖓᑕᐆᔾᔨᔪᓄᑦ ᐃᓱᒪᒋᔭᕆᐊᓕᕗᑦ ᑭᕙᓪᓕᕐᒥ (ᖃᑉᓗᑦᓯᐋᖅ) ........................................... 18 15 – 7(2): ᓄᓇᕘᑉ ᓄᓇᐅᑉ ᐊᑐᖅᑕᐅᓂᒃᓴᖓᓄᑦ ᐸᕐᓈᖑᓯᒪᔪᒧᑦ (ᒪᐃᒃ) ................................................................ 20 ᐳ. ᓴᖅᑭᑕᐅᓂᖏᑦ ᑎᑎᖅᑲᐃᑦ 8 – 7(2): ᐅᓂᒃᑳᖓ ᐊᖓᔪᖅᑳᑉ ᓂᕈᐊᖅᑐᓕᕆᔨᐅᑉ ᓄᓇᕘᒥ ᖃᓄᐃᓐᓂᕕᓂᐊᓄᑦ 7-ᖓᓂ ᓂᕈᐊᕕᒡᔪᐊᓐᓂᖃᖅᑎᓪᓗᒋᑦ (ᔪᐊᓇᓯ) ....................................................................................................................... 21 9 – 7(2): 2024-25 ᐊᕐᕌᒍᑕᒫᖅᓯᐅᑦ ᐅᓂᒃᑳᖓ ᑲᒪᑦᑎᐋᕐᓂᕐᒧᑦ ᑲᒥᓴᓇᐅᑉ ᓄᓇᕘᒥ (ᔪᐊᓇᓯ) .......................... 21 10 – 7(2): ᐅᓂᒃᑳᖓ ᐊᑭᓕᐅᑕᐅᓂᖏᓄᑦ ᑭᖑᕝᕕᐅᑎᔾᔪᑎᓐ, ᖃᐅᑕᒫᖅᓯᐅᑎᓐ, ᐊᑭᓕᒐᒃᓴᐅᓲᑦ, ᐱᕚᓪᓕᐅᑎᔾᔪᑏᓪᓗ ᒪᓕᒐᓕᐅᖅᑎᓄᑦ ᓄᓇᕘᑉ ᒪᓕᒐᓕᐅᕐᕕᖓᓄᑦ ᐊᑯᓐᓂᐊᓄᑦ ᐃᑉᐳᕈ 1, 2024 ᑎᑭᖢᒍ ᒫᑦᔨ 31, 2024 (ᔪᐊᓇᓯ) ............................................................................................................................................ 22 11 – 7(2): 2023-24 ᑕᒻᒪᖅᓯᒪᔪᖅᓯᐅᖅᑕᓐ ᑮᓇᐅᔭᐅᑉ ᐅᓂᒃᑳᖏᑦ ᓄᓇᕘᑉ ᒪᓕᒐᓕᐅᕐᕕᐊᓄᑦ ᓄᖅᑲᖅᓯᒪᔪᓄᑦ ᐊᑭᓕᐅᑕᐅᓲᑦ ᒪᓕᒐᖓᓄᑦ (ᔪᐊᓇᓯ) ......................................................................................................................... 22 12 – 7(2): 2023-24 ᑕᒻᒪᖅᓯᒪᔪᖅᓯᐅᖅᑕᓐ ᑮᓇᐅᔭᐅᑉ ᐅᓂᒃᑳᖏᑦ ᓄᖅᑲᖅᓯᒪᔪᑦ ᐊᑭᓕᐅᑎᒋᓲᖏᑦ ᒪᓕᒐᖓᓄᑦ (ᔪᐊᓇᓯ) .......................................................................................................................................................................... 22 13 – 7(2): ᑎᑎᖅᑲᓐ ᓇᒃᓯᐅᔾᔭᓐ ᒥᓂᔅᑐᒥᑦ ᐋᓐᓂᐊᖅᑐᓕᕆᔨᒃᑯᓐᓄᑦ ᐱᔾᔪᑎᓕᒃ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᒧᑦ 4 - (7)1 ᓄᖑᓱᐃᑦᑐᓐ ᖃᐅᔨᓵᖑᕙᖕᓂᖏᓄᑦ (ᖁᓕᒃᑖᓇ) ........................................... 22 14 – 7(2): ᑎᑎᖅᑲᓐ ᓇᒃᓯᐅᔾᔭᓐ ᐱᔾᔪᑎᖃᖅᑐᑦ ᐋᖅᑭᐅᒪᕕᒃ ᑕᕆᐅᑉ ᐃᖅᑲᖓᓄᑦ ᓄᓇᙳᐋᓕᐅᕆᔪᑦ ᐱᔭᒃᓴᖓᓄᑦ (ᖃᑉᓗᑦᓯᐋᖅ) .......................................................................................................................................... 22 15 – 7(2): ᑎᑎᖅᑲᓐ ᓇᒃᓯᐅᔾᔭᓐ ᐱᔾᔪᑎᖃᖅᑐᓐ ᕿᓂᖅᑐᓄᑦ ᐸᖅᓴᐃᔭᓄᓪᓗ ᐱᖁᑎᕐᔪᐋᖏᓄᑦ ᓴᓂᕋᔭᖕᒥ (ᖃᒪᓂᖅ) ........................................................................................................................................................................ 22 16 – 7(2): ᑎᑎᖅᑲᓐ ᓇᒃᓯᐅᔾᔭᓐ ᒥᓂᔅᑐᖓᓂᒃ ᐋᓐᓂᐊᖅᑐᓕᕆᔨᒃᑯᓐ: ᑭᖑᓂᐊᒍᑦ ᑲᑎᒪᔨᕋᓛᑦ ᕿᒥᕐᕈᐃᑲᓐᓇᖅᑐᓐ ᐃᓱᒪᓕᐅᕆᔭᖏᓄᑦ 2026-27 ᑮᓇᐅᔭᖅᑑᑎᒃᓴᐃᑦ ᐱᓕᕆᕝᕕᐊᓄᑦ ᐋᓐᓂᐊᖅᑐᓕᕆᔨᒃᑯᓐ (ᐲᑐᓴᓐ) ........................................................................................................................................................................... 23

17 – 7(2): ᑎᑎᖅᑲᓐ ᓇᒃᓯᐅᔾᔭᓐ ᒥᓂᔅᑐᖓᓂᒃ ᐋᓐᓂᐊᖅᑐᓕᕆᔨᒃᑯᓐ ᐱᔾᔪᑎᖃᖅᑐᖅ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᒧᑦ 29 – 7(1) ᑐᐊᕕᕐᓇᖅᑐᒃᑯᑦ ᖃᖓᑕᓲᑦ ᐱᔨᑦᑎᖅᑕᖏᓄᑦ ᓄᓇᕘᒥ (ᐲᑐᓴᓐ) ............ 23 18 – 7(2): ᑎᑎᖅᑲᓐ ᓇᒃᓯᐅᔾᔭᓐ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓂ ᐱᔾᔪᑎᖃᖅᑐᖅ ᓄᒃᑭᒃᓴᐅᑏᑦ ᓯᒥᒃᑕᐅᓯᒪᔪᒧᑦ ᐱᔭᒃᓴᖓᓄᑦ (ᒪᐃᒃ) ........................................................................................................................... 23 ᑎᑎᕋᖅᓯᒪᔪᖅ ᓴᖅᑭᑕᐅᓂᖓ 19 – 7(2): ᑎᑎᖅᑲᓐ ᓇᒃᓯᐅᔾᔭᓐ ᐸᖕᓂᖅᑑᑉ ᐃᓄᐃᑦ ᑯᐋᐸᒃᑯᖏᓂ ᐱᔾᔪᑎᓕᒃ ᑯᐋᐸᒃᑯᓐᓄ ᑲᑐᔾᔨᖃᑎᒌᒍᑎᓄᑦ ᒪᓕᒐᖓᓄᑦ (ᒪᐃᒃ) .............................................................................................. 23

ᕿᑎᖅᑰ, ᒪᐃ 21, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 1 ᐃᖃᓗᐃᑦ, ᓄᓇᕗᑦ ᕿᑎᖅᑰ, ᒪᐃ 21, 2026 ᒪᓕᒐᓕᐅᖅᑏᑦ ᐅᐸᒃᑐᑦ: ᐊᖓᔪᖅᑳᖅ ᒍᐃᐊᓐ ᕼᐄᓕ−ᐊᕿᐊᕈᖅ, ᒥᔅ ᕼᐋᓇ ᐊᖑᑎᐊᓗᒃ, ᒥᔅᑕ ᐃᐊᑦᕗᑦ ᐊᑕᒍᑦᑖᓗᒃ, ᐊᖓᔪᖅᑳᖅ ᔮᓂᑦ ᐱᑦᓯᐅᓛᖅ, ᐊᖓᔪᖅᑳᖅ ᔪᐊᔾ ᕼᐃᒃᔅ, ᐊᖓᔪᖅᑳᖅ ᑕᐃᕕᑎ ᔪᐊᓇᓯ, ᐊᖓᔪᖅᑳᖅ ᒍᐊᑕᓐ ᑲᐅᑐᒃ, ᐊᖓᔪᖅᑳᖅ ᐳᕋᐃᔭᓐ ᑯᓄᒃ; ᒥᔅᑕ ᓴᐃᒻᒪ ᑯᓕᒃᑖᓇ, ᐊᖓᔪᖅᑳᖅ ᓯᓯᐅᓪ ᓂᐅᓪᕚᓇ ᓚᐃᔪᓪ, ᐊᖓᔪᖅᑳᖅ ᐋᕐᓗᒃ ᒪᐃᓐ, ᒥᔅᑕ ᔮᓂ ᒪᐃᒃ, ᒥᔅᑕ ᕗᕆᐊᑦ ᐲᑕᓴᓐ, ᒥᔅᑕ ᑕᐃᕕᑦ ᐳᐊᑐ, ᒥᔅᑕ ᐊᐃᕙᓚᕼᐋᒻ ᖃᒪᓂᖅ, ᒥᔅᑕ ᑖᓂᐅᓪ ᖃᕝᕕᒃ, ᒥᔅᑕ ᐋᓕᒃᓵᓐᑐ ᓴᒻᒧᖅᑐᖅ, ᒥᔅᑕ ᓯᑏᕙᓐ ᑕᖅᑐ, ᐊᖓᔪᖅᑳᖅ ᐋᓂ ᑕᑦᑐᐃᓂ. >>ᑲᑎᒪᓯᒋᐊᖅᑐᑦ 013:30ᒧᐊᖅᑎᓪᓗᒍ ᑲᑎᒪᔾᔪᑎᒃᓴᖅ 1: ᑐᒃᓯᐊᕐᓂᕐᒧᑦ ᒪᑐᐃᖅᑕᐅᓂᖓ ᐅᖃᖅᑎ: ᐅᓐᓄᓴᒃᑯᑦ ᐊᒻᒪᓗ ᑐᙵᓱᒋᑦᓯ. ᐱᒋᐊᙱᑦᓂᑦᑎᓐᓂ ᒥᔅᑕ ᐊᑕᒍᑦᑖᓗᒃ, ᑐᔅᓯᐊᕐᓂᒃᑯᑦ ᒪᑐᐃᖅᓯᔪᓐᓇᕈᕕᑦ ᐊᐱᕆᕙᒋᑦ. >>ᑐᔅᓯᐊᖅᑐᑦ ᐅᖃᖅᑎ: ᖁᔭᓐᓇᒦᒃ, ᒥᔅᑕ ᐊᑕᒍᑦᑖᓗᒃ. ᐱᒋᐊᙱᓂᑦᑎᓐᓂ ᑲᑎᒪᔾᔪᑎᓄᑦ ᑐᙵᓱᖁᑦᓯᐊᖅᐸᒃᑲ ᒪᓕᒐᓕᐅᖅᑎᓕᒫᑦ, ᑕᒫᓂ ᐅᐱᕐᖔᖅ ᑲᑎᒪᓂᕆᓂᐊᖅᑕᑎᓐᓄᑦ. ᓄᓇᕗᒻᒥᐅᓪᓗ ᐱᓗᐊᖅᑐᒥᒃ ᐃᓐᓇᕆᔭᕗᑦᑕᐅᖅ ᓈᓚᒃᑐᑦ, ᑐᓵᔪᑦ ᑕᓚᕖᓴᒃᑯᑦ, ᓈᓚᐅᑎᒃᑯᑦ, ᑐᙵᓱᑦᓯᐊᕆᑦᓯᑦ ᖃᕆᑕᐅᔭᒃᑯᓪᓘᓐᓃᑦ, ᑕᕝᕙᐅᕗᑏᖅᐸᑦᓯ. ᒫᓐᓇᓗ ᐃᖅᑲᐅᒪᓂᖃᓂᖃᕐᓂᕐᒥᒃ ᐃᓕᓴᖅᓯᒍᒪᓪᓗᖓ ᒪᕐᕉᓐᓂᒃ ᐱᓗᐊᖅᑐᒥᒃ ᑖᒃᑯᐊᒃ ᑐᖁᕋᑖᓚᐅᕐᒪᑎᒃ ᐃᓕᓴᕆᔪᒪᓪᓗᒋᒃ. ᓯᕗᓪᓕᖅ ᑖᓐᓇ ᓗᐃ ᑕᐹᕐᔪᒃ, ᑭᒡᒐᖅᑐᐃᔨᐅᖃᑦᑕᖅᓯᒪᔪᖅ ᐊᒥᑦᑐᕐᒧᑦ. ᑐᒡᓕᐊᓂ ᐊᒻᒪᓗ ᐱᖓᔪᐊᓐᓂ ᒪᓕᒐᓕᐅᕐᕗᐃᖃᑦᑕᓚᐅᖅᓯᒪᔪᓂᒃ. ᐃᖅᑲᓇᐃᔮᕆᖃᑦᑕᖅᓯᒪᓚᐅᖅᑕᖓ ᐊᔾᔨᒌᙱᑦᑐᓂᑦ ᐃᓚᒋᔭᐅᖃᑦᑕᖅᓯᒪᓪᓗᓂ ᐊᖓᔪᖅᑳᖅ ᒐᕙᒪᒃᑯᓐᓄᑦ ᐊᖓᔪᖅᑳᖃᕐᕕᒻᒥ ᓄᓇᕗᒻᒧ. ᒪᐃᔭᐅᓚᐅᖅᓯᒪᓪᓗᓂ ᐃᒡᓗᓕᖕᒥ ᐊᒻᒪᓗ ᑲᑎᒪᔩᑦ ᑖᒃᑯᐊ ᐃᒃᓯᕙᐅᑕᕆᓚᐅᖅᓱᓂᒋᑦ, ᐃᒃᓯᕙᐅᑕᕆᔭᐅᓚᐅᖅᓱᓂ ᐃᓄᐃᑦ ᐅᖃᐅᓯᖏᓐᓄᑦ ᑕᐃᒎᓯᓕᐅᖅᑎᓄᑦ. ᐃᓅᓯᓕᒫᕐᒥᓂ ᑖᓐᓇ ᐊᖏᔪᕐᔪᐊᕐᒥᒃ ᐃᓄᐃᑦ ᐱᔪᓐᓄᑎᖏᓐᓂᑦ ᐅᖃᐅᓯᓕᕆᓂᕐᒥᓪᓗ ᐱᓕᕆᐊᖃᖅᓯᒪᔪᖅ, ᐃᓕᓴᕆᑦᓯᐊᖅᐸᕗᑦ. ᑖᓐᓇᓗ ᑐᖏᓕᐊ ᐃᖅᑲᐅᒪᑦᓯᐊᕈᒪᒋᕙᕗᑦᑕᐅᖅ ᐋᓚᓐ ᒪᒃᓴᒐᖅ. ᑖᓐᓇ ᐊᐃᕙᔪᐃᖃᑕᐅᖃᑦᑕᖅᓯᒪᓚᐅᕐᒪᑦ ᑐᙵᕕᒃ federation of ᓄᓇᕗᑦᖑᓚᐅᖅᓯᒪᔪᖅ (TFN), ᓄᓇᕗᑦ ᐊᖏᖃᑎᒌᒍᑎᖓ ᐊᑎᓕᐅᖅᑕᐅᒐᓱᐊᓕᖅᑎᓪᓗᒍ. ᓯᐊᕈᙳᖅᑎᓪᓗᒍ ᐊᖓᔪᖅᑳᕆᔭᐅᓚᐅᖅᓯᒪᓪᓗᓂ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ, ᐊᒻᒪᓗ ᑲᑎᒪᔨᐅᖃᑦᑕᖅᓯᒪᓚᐅᖅᓯᒪᓪᓗᓂ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓂ. ᐋᓚᓐ ᐃᑉᐱᒋᔭᐅᖃᑦᑕᑦᓯᐊᖅᓯᒪᓚᐅᖅᐳᖅ ᑕᕝᕙᓂ ᑐᓵᔨᐅᖃᑦᑕᖅᓯᒪᓪᓗᓂ ᓂᐱᖓ ᐃᓕᓴᕆᔭᐅᖃᑦᑕᖅᓯᒪᔪᖅ ᐊᒥᓱᓄᑦ ᓄᓇᕗᒻᒥᐅᓄᑦ. ᑖᒃᑯᐊ ᒪᓕᒐᓕᐅᕐᕕᒻᒥ ᑲᑎᒪᓃᑦ ᑲᔪᓯᖃᑦᑕᖅᑎᓪᓗᒋᑦ ᐅᕙᓂ. ᒫᓐᓇᑦᑕᐅᖅ ᒫᓐᓇᐅᔪᒥᑦᑕᐅᖅ ᐱᕕᖃᖅᑎᑕᐅᒍᒪᒋᕗᖓ ᖁᔭᓕᓂᕐᒥᒃ ᑖᓐᓇ ᑲᒪᓯᓇᐅᕋᑖᖅᑐᖅ, ᐄᕙ ᐋᕆᐊᖅ, ᑲᒥᓯᓇᐅᕝᕕᒋᓚᐅᖅᑕᖓ ᐃᓱᓕᕋᑖᓚᐅᕐᒪᑦ. ᒪᓕᒐᓕᐅᖅᑎᐅᖃᑎᓕᒫᒃᑲ ᑭᒡᒐᖅᑐᕐᓗᒋᑦ ᑖᓐᓇ ᒪᓕᒐᓕᐅᕐᕕᒃ, ᖁᔭᓐᓇᒦᕈᒪᑦᓯᐊᖅᐸᕗᑦ ᑖᓐᓇ ᐊᒻᒪᓗ ᓯᕗᓂᒃᓴᖓᓂ ᑲᔪᓯᓂᖃᑦᓯᐊᖁᓪᓗᒍ ᐱᔨᑦᓯᕋᕐᓂᕆᓚᐅᖅᑕᖓ ᓇᑯᕐᒦᕈᒪᓪᓗᒍᒃ. ᑭᓯᐊᓂᑦᑕᐅᖅ ᓯᕗᒧᑦ ᓂᕆᐅᒍᒪᒋᕗᑦᑕᐅᖅ ᒫᓐᓇᒫᒃᑯᑦ ᒐᕙᒪᑐᖃᒃᑯᓐᓂᑦ ᓄᑖᕐᒥᒃ ᑎᒃᑯᐊᖅᑕᐅᔪᖃᕐᓂᐊᕐᒪᑦ ᑲᒥᓯᓇᒥ, ᓂᕆᐅᒍᓐᓇᕐᓂᐊᖅᑐᑦ ᓄᓇᕗᒻᒥᐅᑦ.

ᕿᑎᖅᑰ, ᒪᐃ 21, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 2 ᖁᔭᒋᔪᒪᑦᓯᐊᕆᕙᕋᑦᑕᐅᖅ ᓄᓇᕗᒻᒥ ᑭᒡᒐᖅᑐᐃᓪᓗᑕ ᑕᕝᕙᓂ ᒪᓕᒐᓕᐅᕐᕕᒻᒥ, Governor General- ᖑᕋᑖᓚᐅᕐᒥᔪᖅᑕᐅᖅ ᑖᓐᓇ ᒥᐊᓕ ᓴᐃᒪᓐ, ᐊᖏᔪᕐᔪᐊᕐᒥᑦᑕᐅᖅ ᐱᓕᕆᐊᖃᖅᓯᒪᓚᐅᕐᒪᑦ ᑲᓇᑕᓕᒫᕐᒥ. ᐱᔨᑦᓯᕋᓚᐅᖅᑎᓪᓗᒍ ᐃᓄᓐᓂᓗ ᑭᒡᒐᖅᑐᐃᑦᓯᐊᓚᐅᖅᓱᓂ ᑕᒪᑦᓱᒨᓇ. ᑲᑎᒪᔾᔪᑎᑦᑎᓄᑦ ᓱᓕ ᑲᔪᓯᒋᐊᓚᐅᖅᑳᖅᑎᓐᓇᑕ ᒫᓐᓇᐅᔪᒥ ᑐᓴᖅᑎᑦᓯᒍᒪᒋᕗᖓ ᒪᓕᒐᓕᐅᖅᑎᐃᖃᑎᒃᑲᓂ, ᑖᓐᓇ ᑐᓴᕈᑎ ᐱᓯᒪᓕᕋᒃᑯᒃ ᑖᔅᓱᒪᙵᑦ ᑲᒥᓯᓇᐅᑉ ᑐᖏᓕᐊᓄᑦ ᓄᓇᕗᒻᒧᑦ. ᐃᒪᐃᓕᖓᔪᖅ: ᑮᓇᐅᔭᓄᑦ ᐅᖃᐅᓯᓪᓗᐊᑕᖅ ᑲᔪᓯᒋᐊᓚᐅᖅᑎᓐᓇᑕ ᒪᓕᒐᓕᐅᕐᕕᐅᑉ ᑲᑎᒪᔾᔪᑎᒃᓴᖏᓄᑦ, ᐱᔭᒃᓴᒪ ᐃᓚᒋᔭᖓᓂᒃ ᑲᒪᒋᔭᖃᕆᐊᖃᕋᒪ ᑐᓴᖅᑎᓪᓗᒍ ᐃᒡᓗᖁᑎᕗᓐ ᐅᓇ ᓇᒃᓯᐅᔾᔭᐅᓯᒪᔪᖅ ᑐᓴᖅᑎᑦᑎᔪᑎᒃᓴᖅ ᐃᒡᓕᓐᓇᖅᑐᒥᑦ ᑐᖓᓕᐅᔪᖅ ᑲᒥᓴᓇᐅᑉ ᓄᓇᕘᒧᑦ. ᐃᒪᓐᓇ ᐅᖃᖅᓯᒪᔪᖅ: “ᐅᖃᖅᑎᑦᑎᔩ, ᐅᖃᐅᔾᔨᒋᐊᕈᒪᕗᖓ ᐊᑐᓕᖁᔨᒐᒪ ᓄᓇᕗᑦ ᒪᓕᒐᓕᐅᕐᕕᖓᓄᑦ, ᐅᑯᓄᖓ ᑲᔪᓯᑎᑕᐅᓂᖏᑦ ᐅᑯᐊ ᐱᖁᔭᒃᓴᐃᑦ 2026-ᒥ ᐅᐱᕐᖔᒃᑯᑦ ᑲᑎᒪᕐᔪᐊᓕᖅᐸᑕ ᑐᒡᓕᐊᓂ ᑲᑎᒪᕐᔪᐊᕐᓂᖃᖅᑎᓪᓗᒋᑦ 7-ᒋᔭᖓᓂ ᒪᓕᒐᓕᐅᕐᕕᖕᒥ: • ᐱᖁᔭᒃᓴᖅ 1, ᑮᓇᐅᔭᖃᖅᑎᓯᔾᔪᑎᓄᑦ (ᐊᐅᓚᔾᔪᑏᑦ ᐋᖅᑭᐅᒪᔾᔪᑎᓄᓪᓗ) ᐱᖁᔭᖅ, 2026-2027; ᐊᒻᒪᓗ • ᐱᖁᔭᒃᓴᖅ 2, ᐃᓚᒋᐊᕈᑏᑦ ᑮᓇᐅᔭᖃᖅᑎᓯᔾᔪᑎᓄᑦ (ᐊᑭᑐᔫᑎᓄᑦ) ᐱᖁᔭᖅ, ᓈᓴᐅᑖ. 1, 2026-2027 ᑎᑎᕋᖅᑐᖅ, ᓘ ᐱᓕᑉ, ᑐᓪᓕᐊ ᓄᓇᕗᑦ ᑲᒥᓯᓇᖓ” ᐅᖃᖅᑎ: ᖃᐅᔨᒪᖁᔨᒋᕗᖓᑦᑕᐅᖅ ᒪᓕᒐᓕᐅᖅᑎᖃᑎᒃᑲᓂ ᓄᓇᕗᒻᒥᐅᓄᓪᓗ ᑖᒃᑯᐊ ᒪᓕᒐᓕᐅᖅᑏᑦ ᐱᖓᓱᑦ ᑕᕝᕙᓃᔾᔮᖏᒻᒪᑕ ᐊᔾᔨᒌᙱᑦᑐᓂᑦ ᐱᔾᔪᑎᖃᖅᓱᑎᑦ, ᖃᖓᑕᔫᖏᑦ ᓄᖅᑲᖅᑎᑕᐅᖃᑦᑕᓚᐅᕐᒪᑕ; ᑕᓯᐅᔭᕐᔪᐊᕐᒧ ᒪᓕᒐᓕᐅᖅᑎ ᐊᒻᒪᓗ ᐅᖅᑯᕐᒥᐅᖅ ᐊᒻᒪᓗ ᑕᕝᕗᖓ ᑲᑎᒪᓂᑦᑎᓐᓄᑦ ᕿᓚᒥᐅᔪᒃᑯᑦ ᑕᒪᐅᙵᕋᓱᐊᖅᑑᒐᓗᐊᑦ ᐊᒻᒪᓗ ᖁᑦᑎᑦᑐᕐᒧᑦ ᒪᓕᒐᓕᐅᖅᑎ ᐅᓪᓗᒥᑦᑕᐅᖅ ᐃᓚᒋᔭᐅᖃᑕᐅᔾᔮᖏᒻᒪᑦ ᖃᐅᔨᒪᖁᔨᓪᓗᖓ. ᑲᑎᒪᔾᔪᑎᑦᑎᓐᓄᑦ ᑲᔪᓯᓗᑕ. ᑲᑎᒪᔾᔪᑎᒃᓴᖅ 2. ᒥᓂᔅᑕᐃᑦ ᐅᖃᐅᓯᖏᑦ. (ᑐᓵᔨᑎᒎᓕᖅᑐᖅ) ᐊᑕᑲᐃᓐᓇᖅᑐᖅ ᒐᕙᒪᒃᑯᑦ ᓯᕗᒃᑲᑕᖅᑎᖓ, ᒥᔅᑕ ᓯᒪᐃᓚᒃ. ᑲᑎᒪᔾᔪᑎᒃᓴᖅ 2: ᒥᓂᔅᑕᐃᑦ ᐅᖃᐅᓯᒃᓴᖏᑦ ᒥᓂᔅᑕᑉ ᐅᖃᐅᓯᖓ 2 – 7(2): ᒥᓂᔅᑕ ᐃᒡᓗᒥᑦ ᐅᐸᒍᑎᓯᒪᙱᑦᑐᖅ (ᓯᒪᐃᓚᒃ) ᐊᖓᔪᖅᑳᖅ ᑯᕋᐃᒡ ᓯᒪᐃᓚᒃ: ᒪ’ᓇ, ᐅᖃᖅᑎᑦᑎᔩ, ᒪᓕᒐᓕᐅᖅᑎᐅᖃᑎᒃᑲ. ᖁᕕᐊᓇᑯᓂ ᑲᑎᒪᓚᖓᓕᕐᒥᒐᑦᑕ, ᑲᑎᒪᑦᑕᕐᓂᐊᓕᖅᖢᑕᓗ, ᑲᑎᒪᒃᑲᓐᓂᕐᓂᐊᓕᕐᒥᑉᓗᑕ. (ᑐᓵᔨᑎᒎᓕᖅᑐᖅ) ᐅᖃᖅᑎᑦᑎᔩ, ᖃᐅᔨᒃᑲᐃᒍᒪᕗᖓ ᐅᑉᐱᓇᖅᑐᖅ ᔪᐊᔾ ᕼᐃᒃᔅ, ᐅᕙᓃᒍᓐᓇᔮᙱᒻᒪᖅ ᕿᑎᖅᑰᑎᒥ, ᒪᐃ 22-ᕈᕋᓱᐊᕐᓂᖓᓂ, ᒐᕙᒪᑐᖃᒃᑯᓪᓗ ᑲᓇᑕᐅᑉ ᐊᕕᒃᑐᖅᓯᒪᓂᖏᓐᓂᓪᓗ ᑲᑎᒪᔭᖅᑐᖅᓯᒪᒻᒪᑦ ᑭᒃᑯᓕᒫᑦ ᐱᔪᓐᓇᐅᑎᖏᓐᓄᑦ.

ᕿᑎᖅᑰ, ᒪᐃ 21, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 3 ᖃᐅᔨᒃᑲᐃᒍᒪᒻᒥᔪᖓᑦᑕᐅᖅ ᑕᐃᕕᑎ ᐊᕿᐊᕈᖅ, ᒥᓂᔅᑕ, ᒪᐃ 21-ᒥ, ᐅᓪᓗᑐᐃᓐᓇᕐᒥ, ᒪᐃ 22-ᒧᑦ ᐅᕙᓃᖃᑕᐅᔪᓐᓇᔮᙱᒻᒪᑦ ᐃᓚᖏᓐᓂ ᐱᔾᔪᑎᖃᕐᓗᓂ. ᑕᕝᕙᓃᖏᓐᓂᖏᓐᓂᒃ ᐅᑯᐊ ᒥᓂᔅᑕᐃᑦ ᐊᑕᑲᐃᓐᓇᖃᑦᑕᓂᐊᖅᑐᐃᑦ ᐃᓂᖏᓐᓂ: ᐅᕙᖓ, ᒐᕙᒪᒃᑯᓐᓄᑦ ᓯᕗᒃᑲᑕᖅᑎᐅᓗᖓ, ᒥᓂᔅᑕᐅᓗᖓᓗ ᐃᖏᕐᕋᔪᓕᕆᔨᒃᑯᓐᓄᑦ ᐊᐅᓚᔾᔪᓐᓇᐅᑎᓕᕆᔨᒃᑯᓐᓄᑦ; ᓯᕗᓕᖅᑎ ᒪᐃᓐ, ᐊᑕᑲᐃᓐᓇᓂᐊᖅᑐᖅ ᐃᓕᓐᓂᐊᖅᑐᓕᕆᔨᒃᑯᓐᓄᑦ, ᒪᓕᒐᓕᕆᔨᒃᑯᓐᓄᑦ ᒥᓂᔅᑕᐅᓗᓂ; ᐊᒻᒪ ᒥᓂᔅᑕ ᕼᐄᓕ ᐊᕿᐊᕈᖅ, ᐊᑕᑲᐃᓐᓇᓂᐊᖅᑐᖅ ᒥᓂᔅᑕ ᑲᒪᔨᐅᓗᓂ ᓄᓇᕗᒻᒥ ᓯᓚᑦᑐᓴᕐᕕᒻᒥ. ᖁᔭᓐᓇᒦ, ᐅᖃᖅᑏ. ᐅᖃᖅᑎ: ᖁᔭᓐᓇᒦᑦᑕᐅᖅ. ᒥᓂᔅᑕᐃᑦ ᐅᖃᐅᓯᖏᑦ. ᑮᓇᐅᔭᓕᕆᓂᕐᒧᑦ ᒥᓂᔅᑕ, ᒥᔅᑕ ᒪᐃᓐ. ᒥᓂᔅᑕᑉ ᐅᖃᐅᓯᖓ 3 – 7(2): ᑐᓴᖅᑎᑦᑎᔾᔪᑎ ᑮᓇᐅᔭᖅᑑᑎᒃᓴᓄᑦ ᐅᖃᐅᓯᖏᓂᒃ (ᒪᐃᓐ) ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. ᐃᒃᓯᕙᐅᑖᓚᓵᖅᐸᒋᑦ. ᖁᕕᐊᓇᑯᓂ ᐅᑎᖅᓯᒪᓕᕐᒪᒐᑦᑕ ᐊᒻᒪ ᒪᓕᒐᓕᐅᖅᑎᐅᖃᑎᒃᑲᓗ ᑕᕝᕙᓃᓕᕐᒥᒐᑦᑕ ᖁᕕᐊᓇᑯᓂ. ᒫᓐᓇ ᖁᕕᐊᓱᒃᑐᖓ ᐅᖃᐅᑎᔫᓪᓗᐊᕋᒃᑭᑦ ᒪᓕᒐᓕᐅᑎᐅᖃᑎᒃᑲ, ᓴᓇᑦᑕᐃᓕᐅᕌᓂᒃᐸᑦ, ᓇᒡᒐᔾᔭᐅ, ᒪᐃ 25, 2026-ᒥᑦ, ᑖᒃᑯᐊ ᑮᓇᐅᔭᑦ ᐊᑐᖅᑐᒃᓴᐃᑦ 2026-2027-ᒧᑦ ᑐᕌᖓᔪᑦ ᓴᖅᑭᑎᑦᑐᒫᕋᒃᑭᑦ ᓄᓇᕗᑦ ᒐᕙᒪᒃᑯᑦ ᐱᔾᔪᑎᓗᒋᑦ. ᑕᕝᕙᓂ ᐃᓗᐊᓂ ᓇᓗᓇᐃᔭᖅᓯᒪᓂᐊᖅᑐᑦ ᑮᓇᐅᔭᑦ ᐊᑐᖅᑐᒃᓴᐃᑦ ᒥᒃᓵᓄᑦ 2026-2027-ᒧᑦ ᓇᒧᑦ ᑮᓇᐅᔭᑦ ᑐᕌᖓᓂᐊᕐᒪᖔᑕ. ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᖁᔭᓐᓇᒦᒃ. ᒥᓂᔅᑕᐃᑦ ᐅᖃᐅᓯᖏᑦ. ᒪᒥᐊᓇᖅ. ᒥᓂᔅᑕᐃᑦ ᐅᖃᐅᓯᖏᑦ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ, ᒥᓂᔅᑕ ᕼᐄᓕ ᐊᕿᐊᕈᖅ. ᒪᒥᐊᓇᖅ. ᒥᓂᔅᑕᑉ ᐅᖃᐅᓯᖓ 4 – 7(2): ᒥᓂᔅᑐ ᓴᐅᑐᕌᓐᑦ ᑎᑭᓐᓂᒃᓴᖓ ᐊᒻᒪᓗ ᐱᑕᖃᕆᐊᖃᓐᓂᕗᑦ ᐱᖁᑎᔾᔪᐊᒧᑦ ᑐᖅᑯᒐᓂᒃ (ᕼᐄᓕ ᐊᕿᐊᕈᖅ) ᐊᖓᔪᖅᑳ ᒍᐊᐃᓐ ᕼᐋᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᑐᙵᓱᒋᔅᓯ ᒪᓕᒐᓕᐅᖅᑎᐅᖃᑎᒃᑲ ᐅᑎᕋᔅᓯ. ᐅᖃᖅᑏ, ᑕᖅᑭᕆᓚᐅᖅᑕᖓᓂ ᖁᕕᐊᓱᓚᐅᖅᑐᖓ ᑐᙵᓱᑦᑎᑦᑎᒋᐊᔅᓴᖅ ᒥᓂᔅᑕᐅᔪᒥᒃ ᕆᐱᑲ ᑳᓐᑐᕌᖑᔪᒥᒃ, ᐅᑭᐅᖅᑕᖅᑐᓕᕆᓂᕐᒧᑦ ᒥᓂᔅᑕᐅᔪᖅ ᐊᒻᒪ ᐅᑭᐅᖅᑕᖅᑐᒥ ᑲᓇᑕᒥ ᐱᕙᓪᓕᐊᑎᑦᑎᓂᕐᒧᑦ ᑎᒥᐅᔪᒥᒃ, ᐃᖃᓗᐃᑦ ᖃᐅᒪᓕᐅᕐᕕᖓᓂ ᐳᓛᕆᐊᖅᑐᓂ. ᑖᓐᓇ ᑲᑎᒪᓂᕆᓚᐅᖅᑕᕗᑦ ᑲᔪᓰᓐᓇᖅᑐᒥ ᐆᒻᒪᖅᑯᑎᓕᐅᕈᑎᖃᕆᐊᖃᕋᑦᑕ ᓄᓇᕗᒻᒥ. ᐅᖃᐅᓯᖃᓚᐅᖅᑐᒍᓪᓗ ᑮᓇᐅᔭᓂᑦ ᐃᓕᐅᖅᑲᐃᑦᑎᕕᐅᖃᑦᑕᖏᑉᐸᑕ ᓯᕗᓂᑐᖃᑦᑎᓐᓄᑦ ᑐᕚᕆᔭᔅᓴᐅᖏᓐᓇᔮᙱᒻᒪᑕ ᐆᒻᒪᖅᑯᑎᓕᐅᕈᑎᒧᑦ ᓄᓇᕗᒻᒥᐅᓕᒫᓄᑦ. ᑖᓐᓇ ᐳᓛᕆᐊᕐᓂᕆᔭᖓ ᐱᕕᖃᖅᑎᑎᑦᑎᐊᓚᐅᖅᑐᖅ ᓇᓗᓇᐃᖅᑐᐃᕕᐅᒍᓐᓇᖅᑐᓂ ᑲᔪᓰᓐᓇᖅᑐᒥ ᒐᕙᒪᑐᖃᒃᑯᑦ ᑲᑐᔾᔨᖃᑎᒋᓂᐊᕈᑦᑎᒍ ᐱᖁᑎᕐᔪᐊᖅᑖᕆᒋᐊᖃᓪᓚᕆᑦᑕᑎᓐᓄᑦ. ᑕᐃᒫᓪᓗ ᑐᕚᖃᙱᓂᖅᓴᐅᓂᐊᕈᑦᑕ ᐅᖅᓱᐊᓗᒃᑐᖅᑐᓂ ᓴᓗᒪᔪᓂᑦ ᐆᒻᒪᖅᑯᑎᓕᐅᕈᑎᖃᕐᓗᑕ. ᑕᑯᓐᓇᙳᐊᖅᑐᒍᑦ ᓯᕗᒧᑦ ᑕᐃᒃᑯᐊ ᓯᕗᓪᓕᖅᐹᒥᓃᑦ ᐆᒻᒪᖅᑯᑎᓕᐅᕈᑎᒥᓃᑦ ᒥᑭᔫᑕᐅᓂᖅᓴᓄᑦ ᐊᓯᓂᑦᑕᐅᑎᒐᓱᐊᕐᓗᑎᒍ. ᑕᐃᒫᒃ ᑐᕚᕆᔭᔅᓴᐅᓗᑎ ᐆᒻᒪᖅᑯᑎᓕᐅᕈᑕᐅᓗᑎᑦ ᐊᒻᒪᑦᑕᐅᖅ ᓱᕈᐃᕙᓪᓕᐊᖏᓐᓂᖅᓴᐅᓗᑎ ᐊᕙᑎᒥ ᓄᓇᓕᖁᑎᑦᑎᓐᓂ. ᐅᖃᖅᑏ, ᑕᒪᑐᒪ ᑐᐊᕕᕐᓇᕐᓂᖓ ᓇᓗᓇᙱᑎᐊᖅᑐᖅ. ᒫᓐᓇ ᑐᐊᕕᕐᓇᕐᓂᐅᕋᑖᓚᐅᖅᑐᖅ ᐅᖅᓱᖅᑑᒥ ᕼᐋᒻᒪᓚᖓᓂ ᓴᖅᑭᔮᖅᑎᑦᑎᕗᖅ ᒫᓐᓇᑦᑕᐅᑎᒋ ᐊᒃᑐᖅᓯᒍᓐᓇᕐᓂᕆᔭᖏᑦ ᐱᖁᑎᕐᔪᐊᑭᔅᓴᓗᐊᕐᓂᐅᑉ ᓄᓇᓕᓐᓄᑦ ᐊᒻᒪ ᑭᒃᑯᑐᐃᓐᓇᐃᑦ ᐊᑦᑕᓇᖅᑐᒦᒋᐊᖃᙱᓐᓂᖏᓐᓄᑦ. ᒥᓂᔅᑕ ᓵᓐᑐᕌᓐ ᓯᕗᓕᖅᑎᐅᓂᖓ ᐊᖏᖅᓯᒪᓂᖃᕐᓂᖓᓗ

ᕿᑎᖅᑰ, ᒪᐃ 21, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 4 ᓴᙱᓕᖅᑎᑦᑎᒋᐊᕈᒪᓪᓗᓂ ᐅᑭᐅᖅᑐᖅᑐᒥ ᓄᓇᖃᖅᑳᑐᒥᓃᑦ ᑲᑐᔾᔨᒋᓲᖏᓐᓂ ᑲᔪᓯᑎᒍᓐᓇᖅᑲᕗᑦ ᑕᒪᓐᓇ. ᐳᓛᕆᐊᕈᓐᓇᓚᐅᕋᑦᑎᒍ ᕿᒥᕐᕈᐊᖅᑐᑎᒍ ᐃᖃᓗᓐᓂ ᐆᒻᒪᖅᑯᑎᓕᐅᕐᕕᖓ, ᓇᒻᒥᓂᖅ ᑕᑯᓪᓗᑎᒍ ᐃᔨᑦᑎᓐᓄᑦ, ᖃᓄᖅ ᐊᐅᓚᑕᐅᖃᑦᑕᕐᒪᖔᖅ ᑕᐃᒫᒃ ᓇᓗᓇᙱᑦᑎᐊᓚᐅᖅᑐᖅ ᑲᑐᔾᔨᖃᑎᒌᒋᐊᖃᕐᓂᐊᕋᑦᑕ ᐆᒻᒪᖅᑯᑎᓕᕆᓃᑦ ᑲᔪᓯᑎᓪᓗᑎᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕᐃᑦ ᐅᖃᐅᓯᖏᑦ. ᐃᓪᓗᓕᕆᔨᕐᔪᐊᒃᑯᑦ ᒥᓂᔅᑕᖓ, ᒥᔅ ᓚᐃᔪᓪ. ᒥᓂᔅᑕᑉ ᐅᖃᐅᓯᖓ 5 – 7(2): ᓴᓇᔭᒃᓴᐃᑦ ᑲᓇᑕᒥ ᐊᖏᕐᕋᒃᓴᓄᑦ ᐊᖏᖃᑎᒌᒍᑎᖓ (ᓚᐃᔪᓪ) ᐊᖓᔪᖅᑳᖅ ᓯᓯᐅᓪ ᓚᐃᔪᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓪᓗᒥ ᓂᑯᕕᑦᑐᖓ ᑲᑎᒪᖅᔪᐊᕐᕕᒃ ᖃᐅᔨᒃᑲᕈᒪᓪᓗᒍ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᐊᑎᓕᐅᖅᓯᒪᓕᕐᖓᑕ ᐊᖏᖃᑎᒌᒍᑎᑎᒍᑦ ᑮᓇᐅᔭᖅᑖᕆᓂᐊᖅᑕᖏᓐᓂ ᑲᓇᑕᒥ ᐃᓪᓗᓕᐅᕈᑎᔅᓴᐅᔪᓂᑦ. ᑖᓐᓇ ᐊᖏᖃᑎᒌᒍᑎ ᓴᖅᑭᖅᓯᓂᐊᖅᑐᖅ ᑮᓇᐅᔭᓪᓗᐊᑲᓪᓛᓗᓐᓂᑦ ᒐᕙᒪᑐᖃᒃᑯᓐᓂ ᑕᐃᒫᓪᓗ ᐃᑲᔪᕐᓂᖃᕐᓂᐊᖅᑐᓂ ᐃᓪᓗᑭᔅᓴᕐᓂᓪᓚᕆᐊᓗᓐᓂᑦ ᐱᓕᕆᐊᖃᕋᓱᑦᑎᓪᓗᑕ. ᐅᖃᖅᑏ, ᐊᖏᖃᑎᒌᒍᑎᐅᑉ ᐊᑖᒍᑦ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᐱᑎᑕᐅᓂᐊᖅᑐᑦ ᐃᓱᖃᖅᑐᓄᑦ $241- ᒥᓕᐊᓐᓂᑦ ᒐᕙᒪᑐᖃᒃᑯᓐᓂ ᑮᓇᐅᔭᓂᑦ ᐃᑲᔪᕈᑕᐅᓂᐊᖅᑐᓂ 725-ᓂ ᓄᑖᓂᑦ ᐃᓪᓗᓕᐅᕋᓱᓪᓗᑎᑦ ᓄᓇᕗᓕᒫᒥ. ᐃᓪᓗᓕᕆᔨᒃᑯᑎᒍᑦ ᐊᒻᒪᓗᑦᑕᐅᖅ ᐊᑭᑐᓗᐊᙱᑦᑐᓂᑦ ᐊᒻᒪ ᐃᑲᔪᖅᑲᖅᑕᐅᔪᓂᑦ ᐃᓪᓗᓂ. ᖁᔭᓕᔭᕋ ᒥᓂᔅᑕ ᕌᐳᑦᓴᓐ, ᒐᕙᒪᑐᖃᒃᑯᑦ, ᓄᓇᕗᑦ ᑐᙵᕕᒃᑯᓪᓗ, ᑲᑐᔾᔨᖃᑕᐅᖑᓐᓇᖅᓯᒪᒻᒪᑕ ᓯᕗᒧᐊᒃᑎᑦᑎᑎᓪᓗᑕ ᐃᓪᓗᓕᕆᓂᕐᒥ ᓄᓇᕗᒻᒥ. ᑮᓇᐅᔭᐃᑦ ᐃᑲᔪᖅᓯᓪᓚᕆᓐᓂᐊᖅᑐᑦ ᐃᓪᓗᓕᕆᔨᕐᔪᐊᒃᑯᑦ ᐃᓪᓗᓕᐅᕐᓂᕆᔭᖏᓐᓂᑦ 425-ᓂᑦ ᓄᑖᓂᑦ ᐃᓪᓗᓕᕆᔨᒃᑯᑎᒍ ᐃᓪᓗᓴᓂᑦ ᐊᒻᒪ ᐃᑲᔪᕐᓂᐊᕐᒥᔪᖅ 150-ᓂᑦ ᐃᓪᓗᓕᐅᖅᑐᖃᖅᑎᓪᓗᒍ ᐃᑲᔪᖅᓯᖅᑕᐅᔪᓄᑦ ᐊᑭᑐᔪᓄᑦ ᐃᓪᓗᓕᐅᕋᓱᑎᑦᑎᒐᓱᓐᓂᕆᔭᑦᑎᓐᓂ. ᑕᐃᒫᒃ ᑲᑐᔾᔨᖃᑕᐅᓪᓗᑎ ᐃᓪᓗᓕᐅᖃᑕᐅᖃᑦᑕᓂᐊᕐᖓᑕ ᓄᓇᕗᒻᒥᐅᓄᑦ ᐃᑲᔪᖅᑕᐅᑲᓐᓂᕆᐊᓕᓐᓄᑦ ᐃᓪᓗᒋᔭᐅᒐᔭᖅᑐᓂᑦ. ᐊᖏᖃᑎᒌᒍᑎᑦᑕᐅᖅ ᐃᑲᔪᕐᓂᐊᕐᒥᔪᖅ 150-ᓂᑦ ᐊᑭᑐᓗᐊᙱᑦᑐᓂᑦ ᐃᓪᓗᓂᑦ ᑕᕝᕘᓇ ᓄᓇᕗᒻᒥ ᐊᑭᑐᓗᐊᙱᑦᑐᓂ ᐃᓪᓗᖃᖅᑎᑦᑎᓂᕐᒥ ᐃᓪᓗᓕᐅᕈᒪᓕᖅᑎᑦᑎᒍᑎᑦᑎᓐᓂ ᐊᑐᖅᑐᑎᒃ. ᑕᐃᒫᒃ ᓴᖅᑭᖅᓯᖃᑦᑕᕐᖓᑕ ᐊᑭᑐᓗᐊᙱᓂᖅᓴᐅᔪᓂᑦ ᐃᓪᓗᓂ ᑲᑐᔾᔨᖃᑎᖃᖅᑐᑎ ᓇᒻᒥᓂᖃᐅᑎᓕᓐᓂᑦ. ᐅᖃᖅᑏ, ᑕᒪᒃᑮᒃ ᑖᒃᑯᐊᒃ ᐃᑲᔪᖃᑦᑕᖅᑐᐃᑦ ᐃᓪᓗᔅᓴᓂᑦ ᓴᖅᑭᖅᑎᕆᒃᑲᓂᖅᑐᑎᑦ ᐃᑲᔪᖃᑦᑕᓂᐊᖅᑐᑎᓪᓗ 150,000-ᓂᑦ ᐃᓪᓗ ᐊᑕᐅᓯᖅ ᐃᓛᒃᑯᑦ ᐊᖏᖅᑕᐅᒍᓐᓇᖅᑐᓄᑦ ᐱᖃᑕᐅᓗᑎᑦ ᐃᓄᐃᑦ ᑲᑐᔾᔨᖃᑎᒌᖏᑦ, ᕼᐋᒻᒪᓚᐃᑦ, ᑮᓇᐅᔭᓕᐅᕋᓱᑦᑎᐅᙱᑦᑐᑦ ᑎᒥᐅᔪᐃᑦ ᐊᒻᒪᓗ ᓇᒻᒥᓂᖃᐅᑎᓖᑦ. ᑐᒃᓯᕋᐅᑏᑦ ᐊᕐᕌᒍᓕᒫᖅ ᑐᓂᔭᔅᓴᐅᔪᑦ ᐊᒻᒪ ᑐᑭᓯᒃᑲᓐᓂᕈᑎᔅᓴᐃᑦ ᐱᔭᔅᓴᐅᒻᒥᔪᑦ nunavuthousing.ca−ᒥ ᖃᕋᓴᐅᔭᒃᑯᑦ. ᐅᖃᖅᑏ, ᑖᓐᓇ ᐊᖏᖃᑎᒌᒍᑎᒃ ᐃᑲᔪᖅᓰᓂᐊᕐᒥᔪᖅ ᓄᓇᕗᒻᒥ ᓄᓇᓕᓐᓂ ᐃᓪᓗᓕᐅᖅᑎᓂᑦ ᐊᒻᒪᑦᑕᐅᖅ ᐊᑯᓂ ᓯᕗᓂᑐᖃᖅᑎᓐᓄᑦ ᐱᕙᓪᓕᐊᑎᒐᔅᓴᐅᔪᓂᑦ ᓴᖅᑭᖅᓯᓂᐊᖅᑐᑦ ᓄᓇᕗᒻᒥᐅᓄᑦ. ᐊᑭᑐᔪᑦ ᐃᓪᓗᓕᐅᕈᑏᑦ, ᐱᖁᑎᕐᔪᐊᑭᓗᐊᕐᓂᕗᓪᓗ ᐊᒻᒪ ᐃᓪᓗᓕᐅᕐᕕᕗᑦ ᐊᐅᔭᖅ ᒥᑭᓗᐊᖃᑦᑕᕐᖓᑦ ᑕᐃᒫᒃ ᐃᓪᓗᓕᐅᕋᓱᑦᑐᓂ ᐊᑦᑐᐃᖅᓯᑲᒻᒪᖃᑦᑕᕐᖓᑕ. ᐊᖏᖃᑎᒌᒍᑎ ᐱᒡᒐᓇᖅᑐᓕᒫᕐᓂ ᐋᖅᑭᓯᔾᔮᖏᒻᒥᔫᒐᓗᐊᖅ ᑭᓯᐊᓂ ᓯᕗᒧᑦ ᐊᓪᓗᕆᐊᖅᑎᐊᕐᓂᓪᓚᕆᐅᔪᖅ ᐃᓪᓗᑖᖅᑎᑎᒃᑲᓐᓂᕋᓱᓐᓂᕐᒥᒃ ᓄᓇᕗᒻᒥ. ᐅᖃᖅᑏ, ᐃᓪᓗᓕᕆᓂᖅ ᓄᓇᕗᒻᒥ ᐱᖁᑎᕐᔪᐊᓕᕆᓂᑐᐃᓐᓇᐅᙱᒻᒪᑦ, ᐃᓪᓗᓕᕆᓂᖅ ᐊᑦᑐᖅᓯᕙᑦᑐᖅ ᐋᓐᓂᐊᖅᑕᐃᓕᓕᕆᓂᕐᒥᒃ, ᐃᓕᓐᓂᐊᕐᓂᕐᒥᒃ, ᐃᖅᑲᓇᐃᔭᕐᓂᕐᒥᒃ, ᐊᑦᑕᓇᖅᑐᒦᓐᓂᕐᒥᓪᓗ ᐊᒻᒪ ᖃᓄᐃᙱᑦᑎᐊᕋᓱᓐᓂᕐᒥ. ᐃᓕᐅᖅᑲᐃᖏᓐᓇᕈᑦᑕ ᐃᓪᓗᓕᕆᓂᕐᒧᑦ ᑕᐃᒫᒃ ᖃᑦᑏᓐᓇᕈᕐᔫᒥᒐᔭᖅᑐᐃᑦ ᓂᓐᓂᐅᓗᐊᖃᑦᑕᖅᑐᐃᑦ, ᐃᑲᔪᖅᓯᖅᑕᐅᓪᓗᑎᓪᓗ ᐃᓚᒌᑦ, ᓴᙱᓕᖅᑎᑕᐅᔾᔫᒥᓗᑎᓪᓗ ᓄᓇᓕᖁᑎᓕᒫᕗᑦ. ᖁᔭᓐᓇᒦᒃ, ᐅᖃᖅᑏ.

ᕿᑎᖅᑰ, ᒪᐃ 21, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 5 ᐅᖃᖅᑎ: ᒥᓂᔅᑕ ᓄᓇᓕᓐᓂ ᐱᔨᑦᑎᕋᖅᑎᒃᑯᓐᓄᑦ, ᒥᔅᑕ ᓯᒪᐃᓚᒃ. ᒥᓂᔅᑕᑉ ᐅᖃᐅᓯᖓ 6 – 7(2): ᑲᓇᑕᒥ ᓇᑦᑎᕋᔭᑦ ᓴᓇᐅᒪᔭᐅᔪᓄᑦ ᐅᓪᓗᖓ ᓄᓇᕘᒥᓪᓗ ᓇᑦᑎᕋᓱᒃᑎᓄᑦ ᑲᑎᒪᔾᔪᐊᓐᓂᖅ 2027 (ᓯᒪᐃᓚᒃ) ᐊᖓᔪᖅᑳᖅ ᑯᕋᐃᒡ ᓯᒪᐃᓚᒃ: ᒪ’ᓇ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᐅᖃᖅᑏ, ᐅᓪᓗᒥ ᓇᖏᖅᓯᕗᖓ ᐃᓕᓴᖅᓯᔪᒪᓪᓗᖓ ᕿᓰᑦ ᐅᓪᓗᕆᒻᒪᒍ ᐅᓪᓗᒥ, ᑕᒫᓂ ᑲᓇᑕᓕᒫᒥ ᐊᒻᒪᓗ ᓄᓇᕗᒻᒧᑦ ᐃᓄᖕᓄᑦ ᐊᒃᓱᐊᓗᒃ ᐃᑲᔫᑕᐅᓯᒪᓪᓗᓂ, ᓇᑦᑎᖅ ᑕᒪᓐᓇ ᐃᓅᓂᑦᑎᓐᓄᑦ ᐊᑕᓂᖃᕐᒪᑦ. ᐊᕐᕌᒍᒐᓴᓐᓄᑦ ᓇᑦᑏᑦ ᓂᕿᒋᔭᕗᑦ, ᐊᓐᓄᕌᕆᔭᕗᑦ, ᓴᓇᔾᔪᑎᒋᔭᕗᑦ, ᐆᒪᔪᓪᓗ ᐅᐱᒋᔭᐅᓪᓗᑎᒃ. ᑕᒪᒃᑯᐊ ᖃᐅᔨᒪᔭᕗᑦ ᓱᓕ ᖃᐅᔨᒪᔭᐅᔪᑦ ᐅᓪᓗᒥᒧᑦ ᐊᒻᒪᓗ ᐊᑑᑎᖃᓪᓚᕆᒃᖢᓂ ᓄᓇᓕᖕᓄᑦ ᐅᓪᓗᒥᒧᑦ ᑎᑭᖦᖢᒍ. ᓇᑦᑎᖅᓯᐅᖃᑦᑕᕐᓂᖅ ᑕᒪᓐᓇ ᐊᒃᓱᐊᓗᒃ ᐱᖅᔪᐊᖅᑐᖅ ᓂᕆᑦᑎᐊᕙᖃᖅᑎᑦᑎᓪᓗᓂ ᓂᕿᑦᑎᐊᕙᐅᒻᒪᑦ, ᐆᒻᒪᖅᑯᑎᖁᐅᑦᑎᐊᖅᖢᓂ ᐃᓅᓯᕆᔭᐅᓪᓗᓂᓗ ᑭᒃᑯᓕᒫᓄᑦ. ᐊᒻᒪᓗ ᒪᑯᐊ ᓇᑦᑎᕐᓂᑦ ᓴᓇᐅᒐᐃᑦ ᐊᑐᖅᑕᐅᖃᑦᑕᖅᑐᑦ ᑭᓱᓕᒫᓄᑦ ᒥᖅᓱᖅᑎᓄᑦ, ᐊᖑᓇᓱᑦᑎᓄᑦ, ᐊᒻᒪᓗ ᓴᓇᙳᐊᖅᑎᐅᖃᑦᑕᖅᑐᓄᑦ. ᐅᖃᖅᑏ, ᓇᑦᑏᑦ ᒪᑭᒪᐅᑎᒋᕙᕗᑦ ᐃᓅᓯᑦᑎᓐᓄᑦ ᐊᑕᓪᓗᓂ ᐊᒻᒪᓗ ᐱᔨᔅᓯᖅᑐᖃᕐᓂᑦ ᐊᑐᖅᑎᑦᑏᓐᓇᖅᖢᓂ ᑐᙵᕕᒋᔭᐅᓪᓚᕆᒃᖢᓂ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᐊᒻᒪᓗ ᐊᑐᖅᑕᐅᑦᑎᐊᖅᖢᑎᑦ ᑕᒪᒃᑯᐊ ᐆᒪᔪᑦ. ᑕᐃᒪᐃᒃᑲᓗᐊᖅᑎᓪᓗᒍ, ᐅᖃᖅᑏ, ᑐᑭᓯᔭᐅᓂᕐᓗᖃᑦᑕᖅᑐᑦ ᓄᓇᕗᒻᒥᐅᑕᐅᙱᑦᑐᓄᑦ, ᐃᓄᐃᑦ ᑕᐃᒪᓐᓇ ᑐᖁᑦᑎᑲᐅᑎᒋᓲᑦ ᐊᒻᒪᓗ ᑐᑭᓯᐅᒪᔭᐅᑦᑎᐊᖏᖦᖢᓂ. ᐅᓪᓗᖃᖅᑎᓪᓗᒍ ᐊᒃᓱᐊᓗᒃ ᑕᒪᓐᓇ ᐱᕚᓪᓕᐅᑎᒋᔪᓐᓇᖅᑕᕗᑦ ᓱᓕᔪᓂᒃ ᑕᖅᑲᒃᑯᐊ ᓄᓇᕗᒻᒥᐅᑕᐅᙱᑦᑐᑦ ᐅᖃᐅᑎᕙᓪᓕᐊᓗᑎᒃᑯᑦ ᐃᓄᐃᓪᓗ ᓂᐱᖏᑦ ᑐᓴᖅᑕᐅᑦᑎᐊᕐᓗᑎᑦ. ᐅᖃᖅᑏ, ᒐᕙᒪᒃᑯᑦ ᐊᖏᖅᓯᒪᑦᑎᐊᖅᐳᑦ ᑕᒪᑐᒧᖓ ᐊᒻᒪᓗ ᒪᑯᐊ ᑕᑯᓐᓇᖅᑕᕗᑦ ᓇᑦᑎᖅᓯᐅᖃᑦᑕᖅᑐᑦ ᓄᓇᓕᖁᑎᕗᑦ ᒪᑭᒪᐅᑎᒋᒐᑦᑎᒃᑯᑦ ᐊᒻᒪᓗ ᐱᕚᓪᓕᐅᑎᒋᔭᐅᔪᓐᓇᖅᖢᓂ ᑲᓇᑕᐅᑉ ᐃᓗᐊᓂ ᐊᒻᒪᓗ ᓯᓚᑖᓂ. ᖁᕕᐊᓱᒃᑐᖓ ᑖᓐᓇ ᐱᒋᐊᖅᑎᑕᐅᔪᖅ ᐱᕚᓪᓕᐅᑎᒋᔭᐅᓪᓚᕆᓐᓂᐊᖅᑐᖅ ᐃᖅᑲᓇᐃᔮᕆᔭᑦᑎᓐᓄᑦ. 2027 ᓄᓇᓕᖕᓂ ᐱᔨᑦᑎᖅᑏᑦ ᐃᖃᓗᓕᕆᔨᒃᑯᓪᓗ ᓯᕗᓪᓕᖅᐹᑦᑎᐊᕐᒥᒃ ᑲᑎᒪᕐᔪᐊᖅᑎᑦᑎᓂᐊᖅᑐᑦ ᑭᓱᓕᒫᕐᓂᑦ ᑭᖑᓂᑦᑎᓐᓂ ᐅᓪᓗᒥᐅᓕᖅᑐᖅ ᐊᒻᒪᓗ ᓯᕗᓂᒃᓴᑦᑎᓐᓄᑦ ᓇᑦᑎᖅᓯᐅᓚᐅᕐᓗᓂ ᓂᐅᕐᕈᑕᐅᖃᑦᑕᕐᓂᖏᓐᓄᑦ ᑎᑭᓪᓗᒍ. ᐃᓐᓇᐃᑦ, ᒪᒃᑯᑦᑐᑦ, ᒥᖅᓱᖅᑏᑦ, ᐊᖑᓇᓱᒃᑏᑦ, ᐊᓐᓄᕋᔾᔨᐅᖅᑏᑦ, ᑕᒪᒃᑯᐊᓕᒫᑦᑎᐊᑦ ᐃᓚᐅᓂᐊᖅᑐᑦ ᓄᓇᕗᒻᒥ ᑲᓇᑕᒥᓗ ᑕᒪᓐᓇ ᒪᑭᒃᑲᓐᓂᖁᓪᓗᒍ ᓯᕗᓂᒃᓴᕗᓪᓗ ᑕᑯᓐᓇᕐᓗᑎᒃᑯᑦ. ᐱᕚᓪᓕᐅᑎᒋᓂᐊᖅᑕᕗᑦ ᖃᐅᔨᒪᔭᕗᓪᓗ ᑕᒪᒃᑯᐊ ᐅᖃᐅᓯᕆᓗᒋᑦ, ᓂᐅᕐᕈᑎᖃᕐᕕᒋᔪᓐᓇᖅᑕᕗᓪᓗ ᑕᒪᒃᑯᐊ ᑕᑯᓐᓇᕐᓗᒋᑦ ᐃᓄᐃᑦ ᖃᐅᔨᒪᔭᖏᑦ ᑐᑭᓯᔭᐅᒃᑲᓐᓂᖁᓪᓗᒍ. ᐅᖃᖅᑏ, ᑕᒪᓐᓇ ᑲᑎᒪᖅᔪᐊᕐᓂᖅ ᐊᒃᓱᐊᓗᒃ ᒪᑭᑉᐹᓪᓕᐅᑎᒋᔪᓐᓇᖅᑕᕗᑦ ᐊᒻᒪᓗ ᓄᓇᕗᒻᒥ ᓇᑦᑏᑦ ᐱᐅᓂᖅᐹᕐᓂᒃ ᓴᓇᐅᔭᖃᑦᑕᕐᓂᖏᑦ. ᑕᖅᑭᓂᑦ ᐊᒡᒋᖅᑐᓂᑦ ᐱᓕᕆᕕᕗᑦ ᓄᓇᓕᖕᓂ ᐊᒻᒪᓗ ᐊᒃᑐᖅᑕᐅᓯᒪᔪᓂᑦ ᑲᑎᒪᑎᑦᑎᓂᐊᖅᑐᑦ ᓯᕗᓪᓕᐅᔾᔭᐅᔪᑦ ᑕᒪᒃᑯᐊ ᓇᓗᓇᐃᖅᑕᐅᔪᓐᓇᓂᐊᕐᒪᑕ. ᐅᖃᖅᑏ, ᓯᕗᓂᒃᓴᑦᑎᓐᓂ ᓇᑦᑎᓕᕆᓂᖅ ᑕᒪᓐᓇ ᒪᑭᑕᑦᑎᐊᖅᑐᖅ ᐃᑲᔪᕈᑎᒋᔭᐅᒻᒪᑦ ᑕᒪᒃᑯᓄᖓ ᓇᑦᑎᖅᓯᐅᖃᑦᑕᖅᑐᓄᑦ. ᓇᑦᑎᓕᕆᓂᖅ ᑕᒪᓐᓇ ᒪᑭᒪᑦᑎᐊᕈᓐᓇᕐᓂᐊᖅᑐ ᓯᕗᓂᔅᓴᑦᑎᓐᓂ. ᐊᑏ, ᒪᓕᒐᓕᐅᖅᑏᑦ ᐃᓕᓴᖅᓯᖁᕙᒃᑲ ᐅᓪᓗᓕᖅᑕᐅᓯᒪᓂᖓᓂᒃ ᐊᒻᒪᓗ ᑕᐃᒃᑯᐊ ᓄᓇᓖᑦ ᖃᐅᑕᒫᑦᑎᐊᖅ ᑕᒪᓐᓇ ᐊᑐᖅᑕᐅᖃᑦᑕᕐᒪᑦ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᒃᑐᖅᑐᑦ

ᕿᑎᖅᑰ, ᒪᐃ 21, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 6 ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᓇᑦᑎᓕᕆᓂᖅ ᑕᒪᓐᓇ ᒪᑭᒪᑦᑎᐊᕈᓐᓇᕐᓂᐊᖅᑐᖅ ᓯᕗᓂᒃᓴᑦᑎᓐᓂ. ᐊᑏ, ᒪᓕᒐᓕᐅᖅᑏᑦ ᐃᓕᓴᖅᓯᖁᕙᒃᑲ ᐅᓪᓗᓕᖅᑕᐅᓯᒪᓂᖓᓂᒃ ᐊᒻᒪᓗ ᑕᐃᒃᑯᐊ ᓄᓇᓖᑦ ᖃᐅᑕᒫᑦᑎᐊᖅ ᑕᒪᓐᓇ ᐊᑐᖅᑕᐅᖃᑦᑕᕐᒪᑦ. >>ᐸᑦᑕᒃᑐᖅᑐᑦ ᐅᖃᖅᑎ: ᒪ’ᓈᖅᐸᒋᑦᑕᐅᖅ. ᑖᒃᑯᐊᓗ ᕿᓯᕋᔭᐃᑦ ᐊᓐᓄᕌᕗᑦ ᑕᑯᒥᓇᑦᓯᐊᖃᑦᑕᖅᑐᑦ ᑕᕝᕙᓂ ᒪᓕᒐᓕᐅᕐᕕᒻᒥ ᐊᑐᖅᑕᐅᑎᓪᓗᒋᑦ. ᒥᓂᔅᑕᐃᑦ ᐅᖃᐅᓯᖏᑦ, ᐊᕐᓇᓂ ᑭᒡᒐᖅᑐᐃᔪᖅ, ᒥᓂᔅᑕ Hᐄᓕ ᐊᕿᐊᕈᖅ. ᒥᓂᔅᑕᑉ ᐅᖃᐅᓯᖓ 7 – 7(2): ᐊᓯᐅᖅᑲᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᓂᕕᐊᖅᓵᓪᓗ (ᕼᐄᓕ ᐊᕿᐊᕈᖅ) ᐊᖓᔪᖅᑳᖅ ᒍᐃᓐ Hᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒍᑦ) ᐊᒻᒪ ᒪᓕᒐᓕᐅᖅᑎᐅᖃᑎᒃᑲ ᖃᐅᔨᒪᓪᓗᑎᑦ, ᐅᓪᓗᒥ ᐃᓱᒪᒋᕙᕗᑦ ᑭᙴᒪᔭᐅᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ. ᐊᒻᒪ ᑖᓐᓇ, ᐅᖃᖅᑏ, ᑕᒪᓐᓇ ᐊᒃᓱᐊᓗᒃ ᐱᕐᔪᐊᖑᔪᖅ ᐊᒻᒪᓗ ᐊᒥᓱᓄᑦ ᑕᒪᓐᓇ ᐊᑐᖅᑐᐊᓪᓗᓂ, ᕖᕝᕗᐊᓕᒥ ᑲᓇᑕᒥ ᓄᓇᖃᖅᑳᖅᓯᒪᔪᑦ ᑲᑎᒪᑎᑦᑎᑎᓪᓗᒋᑦ ᑭᙴᒪᔭᐃᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᓯᒪᔪᑦ, ᒪᑯᐊᓗ ᒪᕐᕉᓐᓂᒃ ᑕᕐᓂᖃᕐᓂᕋᖅᑕᐅᔪᑦ ᒪᓕᒐᓕᕆᔨᒃᑯᓐᓄᑦ ᒥᓂᔅᑕᕆᔭᐅᔪᖅ, ᔪᐊᔾ Hᐃᒃᔅ, ᔫᑭᐸ ᑰᑦᑎᖅ, ᐊᖓᔪᖅᑳᑉ ᑐᖏᓕᐊ ᖁᓪᓕᒃᑯᓐᓄᑦ, ᑲᑎᒪᖃᑕᐅᓚᐅᖅᑐᑦ. ᖁᔭᓐᓇᒦᕈᒪᓪᓗᒋᑦ ᓄᓇᕗᑦ ᑐᙵᕕᒃᑯᑦ ᑕᐃᑯᖓ ᐅᐸᖃᑕᐅᓚᐅᕐᒪᑕ, ᑖᒃᑯᐊ ᐃᑲᔪᖅᑎᒋᓪᓚᕆᑦᑕᕗᑦ ᑲᑐᔾᔨᖃᑎᒌᓐᓂᒃᑯᓪᓗ ᑕᒪᓐᓇ ᐱᓕᕆᐊᕆᖃᑦᑕᖅᖢᑎᒃᑯᑦ. ᐃᖅᑲᓇᐃᔭᖃᑎᒌᓪᓗᑎᒃᑯᓪᓗ ᓄᓇᓖᑦ ᑎᒥᖁᑎᖏᑦ, Hᐋᒻᒪᓚᒃᑯᖏᑦ 25-ᓂ ᓄᓇᕗᑦ ᓄᓇᓕᖕᓂᑦ, ᒪᑯᐊᓗ ᕿᒫᕕᐅᖃᑦᑕᖅᑐᑦ ᐃᑲᔪᖅᑎᒋᔭᐅᖃᑦᑕᖅᓯᒪᓂᖏᓐᓄᓪᓗ. ᑕᒪᓐᓇ ᑲᑎᒪᓂᖅ ᖃᐅᔨᒪᔭᕗᑦ ᓄᓇᓕᖕᓄᑦ ᓯᕗᒃᑲᖅᑕᖅᑎᒋᔭᐅᖃᑦᑕᕐᒪᑕ ᑲᑐᔾᔨᖃᑎᒌᓐᓂᒃᑯᑦ ᐊᒃᓱᕉᑎᒋᔭᕗᑦ. ᒪᕐᕉᓐᓄᒃ ᐅᓪᓘᓐᓄᒃ ᑲᑎᒪᑎᓪᓗᑕ ᑭᒡᒐᖅᑐᐃᔩᑦ ᓇᑭᕈᓘᔮᖅᑐᑦ ᑕᐃᑲᓃᖃᑦᑕᓚᐅᖅᑐᑦ, ᐅᖃᐅᓯᖃᖅᖢᑎᒃ ᐃᓄᖕᓂᒃ ᓂᐅᕐᕈᑎᖃᖃᑦᑕᕐᓂᖅ, ᐊᐅᐸᖅᑐᓂᒃ ᐊᓐᓄᕌᖅᓯᒪᓂᖅ. ᐊᒻᒪᓗ ᑐᓴᓚᐅᖅᖢᑕ ᑕᒪᒃᑯᐊ ᐊᐅᓚᔾᔭᒃᑕᐅᕙᓪᓕᐊᔪᑦ ᐊᓯᔾᔨᖅᐸᓪᓕᐊᓕᕐᓗᑎᑦ ᑕᒪᓐᓇ ᐊᑐᖅᐸᓪᓕᐊᓪᓗᑎᒃᑯᑦ, ᑲᑐᔾᔨᖃᑎᒌᓐᓂᒃᑯᑦ ᖃᓄᖅᑑᕈᑎᒋᓂᐊᖅᑕᕗᑦ ᐊᒃᑐᐃᓂᖃᓪᓚᕆᖃᑦᑕᕐᒪᑦ ᐃᓚᔮᕇᖕᓄᑦ, ᓄᓇᓕᓐᓄᓪᓗ. ᐅᖃᖅᑏ, ᒪᒃᑯᒃᑐᑦ ᐅᖃᓪᓚᒋᐊᖅᑐᓚᐅᖅᓯᒪᔪᑦ ᐅᖃᓚᐅᖅᓯᒪᒻᒪᑦ: ᑕᐃᒪᑐᖅ ᑭᖑᓪᓕᖅᐹᖑᓗᑕ ᑭᙴᒪᔭᐅᔪᑦ ᐃᓄᐊᖅᑕᐅᖃᑦᑕᖅᑐᓪᓗ ᑕᒪᓐᓇ ᓄᖑᖁᓇᖅ. ᑕᒪᓐᓇ ᐊᒃᓱᐊᓗᒃ ᑐᓴᓚᐅᖅᑕᕋ, ᐊᑏ ᒪᒃᑯᒃᑐᑦ ᓂᐱᖏᑦ ᑐᓵᓚᕗᑦ ᖃᓄᖅᑑᖃᑎᒋᓗᑎᒃᑯᓪᓗ. ᐅᖃᖅᑏ, ᒫᓐᓇᕈᓘᓚᐅᖅᑐᖅ ᑖᓐᓇ ᐃᖅᑲᓇᐃᔮᕆᓂᐊᖅᑕᕋ ᔭᓂᕗ ᕆᑦᓱᑦᓴᓐ ᐱᖃᑎᒋᓪᓗᒍ, ᑖᓐᓇ ᖃᐅᔨᒪᔨᑕᕆᔭᐅᔪᖅ. ᐃᖃᓗᓐᓃᒃᑎᓪᓗᒋᑦ ᓄᓇᕗᒻᒥ ᐃᓄᖕᓂᒃ ᓂᐅᕐᕈᑎᖃᖃᑦᑕᕐᓂᖅ ᑕᒪᓐᓇ ᐅᖃᐅᓯᕆᓚᐅᖅᓯᒪᔭᕗᑦ. ᓄᓇᕗᑦ ᒐᕙᒪᒃᑯᓪᓗ ᑕᒪᒃᑯᓇᙵᑦ ᖃᓄᖅᑑᕈᑎᒃᓴᓂᑦ ᑐᑭᒧᐊᕈᑎᒃᓴᓂᑦ ᕿᓂᖅᖢᑎᒃ. ᓄᓇᕗᒻᒥᐅᑦ ᖃᐅᔨᒪᑦᑎᐊᖁᔭᕗᑦ ᑕᒪᓐᓇ ᑲᑐᔾᔨᖃᑎᒌᓐᓂᒃᑯᑦ ᐱᓕᕆᐊᕆᔭᐅᒻᒪᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑲᑎᒪᔾᔪᑎᑦᑕ ᓈᓴᐅᑎᖓ 3-ᒨᓚᐅᖅᑳᖅᑎᓐᓇᑕ, ᑕᕝᕗᖓ ᒪᓕᒐᓕᐅᕐᕕᒻᒧᑦ ᐳᓛᕆᐊᖅᓯᒪᔪᓂ ᐃᓕᓴᖅᓯᓚᐅᒃᑲᓵᕈᒪᒐᒪ. ᒪᓕᒐᓕᐅᖅᑎᕐᔪᐊᖅ ᓄᓇᕗᒻᒧᑦ, ᑐᙵᓱᑦᓯᐊᕆᑦ ᓗᐊᕆ ᐃᓪᓚᐅᑦ, ᑕᒫᓃᖃᑕᐅᒐᕕᑦ. ᑐᙵᓱᑦᑎᑕᐅᓕ. >>ᐸᑦᑕᑐᖅᑐᑦ

ᕿᑎᖅᑰ, ᒪᐃ 21, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 7 ᐅᖃᖅᑎ: ᒪᓕᒐᓕᐅᖅᑏᑦ ᐅᖃᐅᓯᖏᑦ. ᒪᓕᒐᓕᐅᖅᑏᑦ ᐅᖃᐅᓯᖏᑦ, ᐱᒋᐊᖅᑐᖃᕈᒪᕚ? ᑕᕝᕙ. ᐃᖃᓗᑦᑑᑦᓯᐊᕐᒧᑦ ᒪᓕᒐᓕᐅᖅᑎ, ᒥᔅᑕ ᐲᑕᓴᓐ. ᑲᑎᒪᔾᔪᑎᒃᓴᖅ 3: ᒪᓕᒐᓕᐅᖅᑏ ᐅᖃᐅᓯᒃᓴᖏᑦ ᒪᓕᒐᓕᐅᖅᑎᑉ ᐅᖃᐅᓯᖓ 16 – 7(2): ᐊᒡᓃᑯ ᐄᒍ ᐅᔭᕋᓐᓂᐊᕝᕕᖓ (ᐲᑐᓴᓐ) ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒪᓕᒐᓕᐅᖅᑎᐅᖃᑎᒃᑲ ᑕᐃᒃᑯᐊ ᐅᐊᓕᓂᕐᒥᐅᑦ, ᐊᒡᓃᑯ ᐄᒍᓪᑯᒡᒎᖅ ᑖᒃᑯᐊ ᐊᐃᑉᐹᓂᒃ ᓇᓗᓇᐃᖅᓯᓚᐅᖅᓯᒪᒻᒪᑕ $2.4-ᐱᓕᐊᓐ ᑮᓇᐅᔭᓂᑦ ᐃᓕᓯᓂᐊᖅᑐᑦ ᐊᖅᑯᓯᐅᕈᓐᓇᕐᓂᐊᕐᒪᑕ ᑖᕙᓂ ᐊᕕᒃᑐᖅᓯᒪᔪᖁᑎᑦᑎᓐᓂ ᓄᓇᕗᒻᒥᓪᓗ, 2030-ᒥ ᑖᒃᑯᐊ ᑲᑐᔾᔨᖃᑎᒌᓐᓂᒃᑰᕐᓗᑎᒃ ᐱᓕᕆᐊᖃᕐᓂᐊᖅᑐᑦ ᐃᑲᔫᑕᐅᓪᓚᕆᒍᓐᓇᕐᒪᑦ ᑭᒃᑯᓕᒫᕐᓄᑦ ᓄᓇᕗᒻᒥᐅᓄᑦ. ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ ᑖᒃᑯᐊ ᐱᓕᒻᒪᒃᓴᐅᑎᓂᒃ ᐃᓕᓐᓂᐊᕈᑎᒃᓴᓂᒃ ᐋᖅᑭᒃᓱᐃᕙᓪᓕᐊᔪᐃᑦ ᓯᕗᓂᒃᓴᑦᑎᓐᓂ ᐃᖅᑲᓇᐃᔮᖑᓂᐊᖅᑐᑦ ᐃᓱᒪᒋᓪᓗᒋᑦ ᐊᒻᒪᓗ ᓇᓗᓇᐃᖅᓯᔪᖃᓚᐅᕐᒥᒻᒪᑦ ᐃᑉᐸᒃᓴᖅ ᑲᓇᑕᐅᑉ ᒐᕙᒪᒃᑯᖏᑦ ᑮᓇᐅᔭᓕᖅᓯᓂᐊᕐᒪᑕ $50-ᒥᓕᐊᓐ ᑮᓇᐅᔭᓂᒃ, ᑕᒪᓐᓇ ᐱᒋᐊᖁᓪᓗᒍ ᖁᕐᓗᖅᑐᐊᕐᔪᖕᒥ. ᑖᒃᑯᐊ ᓇᓗᓇᐃᖅᑕᐅᓯᒪᔪᑦ ᐊᒻᒪᓗ ᑲᓇᑕᒥ ᓯᕗᓕᖅᑎᕐᔪᐊᖅ ᐅᖃᐅᓯᕆᓚᐅᖅᑕᖓ ᐃᖃᓗᒃᑑᑦᑎᐊᕉᖅ ᑕᐃᓐᓇ ᑐᑦᑕᕐᕕᒋᔭᐅᓂᐊᖅᑐᖅ ᐅᓇᑕᖅᑐᒃᓴᓄᑦ, ᑮᓇᐅᔭᓕᖅᑕᐅᓂᐊᖅᖢᓂᒡᓗ ᐊᒻᒪᓗ ᐃᑲᔫᑕᐅᓪᓚᕆᖕᓂᐊᖅᖢᑎᒃ ᐊᖏᖃᑎᒌᒍᑎᓄᑦ ᐊᓯᖏᓐᓄᓪᓗ. ᐃᓄᐃᑦ ᑎᒥᖁᑎᖏᑦ ᐃᓄᖕᓂᑦ ᐃᖅᑲᓇᐃᔭᖅᑎᑦᑎᖃᑦᑕᖅᑐᑦ ᐱᐅᓂᖅᓴᒥᒃ ᐃᓅᓯᖃᖁᓪᓗᒋᑦ ᐃᓚᔮᕇᑦ, ᐊᒻᒪᓗ ᐊᒃᓱᕉᑎᒋᓂᐊᕐᒥᔭᕋ ᑕᐃᓐᓇ ᐃᖃᓗᒃᑑᑦᑎᐊᕐᒥ ᒥᕝᕕᒃ ᕿᑯᓕᖅᑕᐅᖁᓪᓗᒍ ᐃᑲᔫᑕᐅᒃᑲᓐᓂᕈᓐᓇᕐᓂᐊᕐᒪᑦ. ᐃᓗᓕᑯᓘᔭᖏᑦ ᑕᒪᒃᑯᐊ ᑐᑭᓯᒃᑲᓐᓂᕈᒪᓂᐊᖅᑕᒃᑲ ᓯᕗᓂᒃᓴᑦᑎᓐᓂ ᐊᒻᒪᓗ ᓄᓇᕗᑦ ᒐᕙᒪᒃᑯᑦ ᖃᔅᓯᓂᒃ ᑮᓇᐅᔭᓂᑦ ᐃᓕᓯᓂᐊᕐᒪᖔᑦ ᑕᕝᕗᖓ ᐃᑲᔫᑕᐅᒃᑲᓐᓂᕈᓐᓇᕐᓂᐊᕐᒪᑕ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᖃᒪᓂᑦᑐᐊᕐᒧᑦ ᒪᓕᒐᓕᐅᖅᑎ, ᒥᔅᑕ ᓯᒪᐃᓚᒃ. ᒪᓕᒐᓕᐅᖅᑎᑉ ᐅᖃᐅᓯᖓ 17 – 7(2): ᐅᐱᕐᖔᒃᑯᑦ ᐅᓪᓗᒧᑦ ᐊᐅᓪᓛᖃᑦᑕᓐᓃᑦ (ᓯᒪᐃᓚᒃ) ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ: ᒪᑦᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᖃᒪᓂᖅᑐᐊᕐᒥᐅᑕᑦ ᐊᖏᕐᕋᑦᑎᓐᓂ, ᐅᐱᕐᖔᖑᓕᕐᒪᑦ ᑕᐃᒪ ᐊᒥᓱᐊᓗᐃᑦ ᐊᐅᓪᓚᖅᓯᒪᔪᒃᓴᐅᔪᑦ ᓂᕐᓕᕐᓂᐊᖅᑐᑦ, ᐃᓪᓗᕋᓛᕐᒥᓃᑦᑐᑦ, ᐊᐅᓪᓚᖃᑦᑕᖅᑐᑦ ᖃᐅᑕᒫᖅ ᑕᐃᒪᐃᓕᖓᔪᑦ. ᐊᑏ, ᐃᓱᒪᒋᑦᑎᐊᖅᓯᐅᒃ ᑕᖅᑲᓐᓇ ᐆᒪᔪᓪᓗ ᐊᓯᖏᓪᓗ. ᑕᐃᒃᑯᐊ ᓱᒃᑲᔪᐊᓘᒻᒪᑕ ᑐᒃᑐᑦ ᐊᓯᖏᓪᓗ, ᑎᓴᒪᓂᑦ ᓂᐅᖃᕋᒥᒃ. ᐱᓗᐊᕐᓗᒋᑦ ᑕᐃᒃᑯᐊ ᓈᓚᒃᑐᑦ ᐃᖃᓪᓕᐊᖃᑦᑕᖅᑐᑦ ᐃᓄᑐᐊᖑᓪᓗᑎᒃ, ᐊᖑᓇᓱᒋᐊᖃᑦᑕᖅᑐᓪᓗ. ᐊᑏ, ᐅᖃᖃᑦᑕᕆᑦ ᓇᒧᙵᐅᓂᐊᕐᒪᖔᖅᐱᑦ ᖃᓄᕐᓗ ᐊᑯᓂᐅᑎᒋᔪᖅ ᐊᐅᓪᓚᖅᓯᒪᓂᐊᕐᒪᖔᖅᐱᑦ, ᕿᓂᖅᑏᑦ ᑕᐃᒃᑯᐊ ᐊᑐᕐᕗᐃᔪᓐᓇᖅᑐᑦ ᓇᓃᒃᐳᖔ ᓇᕿᑦᑕᒐᑯᓗᓐᓂᒃ ᐱᖃᕐᒪᑕ ᐊᑏ ᑕᐃᒃᑯᓄᖓ ᐊᐃᒃᓯᖃᑦᑕᕆᑦ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᐸᓐᓂᖅᑑᕐᒧᑦ ᒪᓕᒐᓕᐅᖅᑎ, ᒥᔅᑕ ᒪᐃᒃ. ᒪᓕᒐᓕᐅᖅᑎᑉ ᐅᖃᐅᓯᖓ 18 – 7(2): ᐸᖕᓂᖅᑑᑉ ᐅᖅᑯᐄᕝᕕᖓ ᐅᒥᐊᓄᑦ ᐱᐅᓯᒋᐊᕈᑎᖏᑦ (ᒪᐃᒃ) ᒪᐃᒃ: ᖁᔭᓐᓇᒦᒃ, ᐅᖃᖅᑏ. ᐊᓕᐊᓇᐃᑦ...ᓈᒻᒪᓈᑦᑎᐊᙱᑲᐃᓐᓇᕐᖓᑦ. ᑕᐃᒫ?

ᕿᑎᖅᑰ, ᒪᐃ 21, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 8 ᐊᓕᐊᓇᐃᒍᓱᑦᑐᖓᑦᑕᐅᖅ ᑕᕝᕗᖓ ᐅᑎᕐᒥᒐᑦᑕ, ᐊᒻᒪᓗ ᑖᒃᑯᐊ ᑕᒫᓂ ᑕᒪᐅᙵᖅᓯᒪᔪᑦ ᑐᙵᓱᑦᑎᐊᕐᓕᑦ. ᐋᑐᕚᒥᓗ ᒪᓕᒐᓕᐅᖅᑎᒋᔭᕗᑦ ᑕᐃᔪᒪᒋᓪᓗᒍ, ᐅᖃᐅᓯᒥᓂᖓᑕ ᐃᓚᖓᓂ ᐅᖃᙳᓱᒃᑲᒪ ᐸᓐᓂᖅᑑᕐᒧᑦ ᑐᓚᑦᑕᕐᕕᒻᒧᑦ ᐋᖅᑭᒋᐊᕈᑎᔅᓴᒥᒃ. ᓇᓗᓇᐃᖅᓯᓯᒪᒻᒥᒻᒪᑕᑦᑕᐅᖅ ᑲᓇᑕᐅᑉ ᒐᕙᒪᒃᑯᖏᑦ ᐃᒪᕐᒥᐅᑕᓕᕆᔨᒃᑯᑦ. ᑖᓐᓇ ᐋᖅᑭᒋᐊᕆᐊᖃᓪᓚᕆᒻᒪᑦ, 2013-ᒥ ᖃᓄᐃᙱᑦᑎᐊᓚᐅᖅᓯᒪᔪᖅ ᓇᑉᐸᖅᑕᐅᒻᒪᑦ ᑐᓚᑦᑕᕐᕕᖓ ᐸᓐᓂᖅᑑᑉ, ᒫᓐᓇᒃᑰᓕᖅᑐᖅ ᑕᐃᔅᓱᒧᖓᑐᖃᖅ ᐃᓚᖓᓂ ᐅᑎᖅᓯᒪᕈᔪᓕᕐᖓᑦ ᐃᒃᑲᓗᐊᒧᑦ ᐊᒻᒪᓗ ᐋᖅᑭᒋᐊᒃᑲᓐᓂᕆᐊᖃᓪᓚᕆᑦᑐᓂ. ᑖᓐᓇᐅᓇ ᐸᓐᓂᖅᑑᕐᒥ ᑐᓚᑦᑕᕐᕕᑦᑖᕐᓂᖅ ᓯᕗᓪᓕᖅᐹᖑᓚᐅᖅᓯᒪᔫᔮᕐᖓᑦ ᑕᒫᓂ ᓄᓇᕘᑉ ᐃᓗᐊᓂ, ᑖᓐᓇ ᐱᔾᔪᑎᒋᓪᓗᒍ ᖁᕕᐊᓲᑎᒋᒐᒃᑯᒃ ᑖᒃᑯᐊ ᑲᓇᑕᐅᑉ ᒐᕙᒪᒃᑯᖏᑦ ᓇᓗᓇᐃᖅᓯᓯᒪᒻᒪᑕ ᑮᓇᐅᔭᓂᒃ, ᑕᒪᔅᓱᒧᖓ ᐊᑐᕐᓂᐊᖅᑐᓂᑦ, ᐸᓐᓂᖅᑑᖅ ᐃᓚᒋᔭᐅᒻᒪᑦ. ᑖᓐᓇ ᑕᒪᔅᓱᒧᖓ ᑲᒪᔪᒧᑦ ᒥᓂᔅᑕᒧᑦ ᐊᐱᖅᑯᑎᒋᓛᕐᒥᒐᒃᑯᒃ, ᓇᓗᓇᐃᑐᐃᓐᓇᖅᑕᕋ ᑕᐃᒫᒃ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᖁᔭᓐᓇᒦᑦᑕᐅᖅ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐊᕐᕕᐊᑦ ᓂᒡᒋᐊᓄᑦ, ᒥᔅᑕ ᖃᑉᓗᑦᓯᐊᖅ. ᒪᓕᒐᓕᐅᖅᑎᑉ ᐅᖃᐅᓯᖓ 19 – 7(2): ᐃᓄᓕᕆᔨᒃᑯᑦ ᓴᓇᔨᖏᑕ ᐊᓂᒍᐃᔾᔪᑖᓄᑦ ᑕᑯᒃᓴᐅᑎᑕᑦᑕ ᐱᔭᕇᖅᓯᔪᑦ (ᖃᑉᓗᑦᓯᐊᖅ) ᖃᑉᓗᑦᓯᐊᖅ: ᒪᑦᓇ, ᐅᖃᖅᑎᑦᓯᔩ. ᐅᑯᐊ ᐅᖃᓕᒫᕐᓂᐊᕋᑉᑭᑦ ᐊᑏᑦ ᐃᓕᑕᕆᒍᐊᖅᖢᒋᑦ, ᑕᐃᑲᓂ ᐊᕐᕕᐊᓂ ᐄᐳᓗ 14, 2026-ᖑᓚᐅᖅᑐᒥᑦ ᐃᓕᓐᓂᐊᒐᓂᓚᐅᖅᑐᑦ ᐊᓕᓚᔫᑎᑖᖅᖢᑎᑦ, ᑖᒃᑯᓄᖓ Social Services Worker Diploma Program-ᖑᓂᕋᖅᑕᐅᔪᖅ; ᔫᓕᐊᓇ ᐊᓂᖔᑦ, ᑕᐃᓯ ᐊᓄᐄ, ᔭᓯᑲ ᐊᓄᐄ, ᒨᕆ ᐋᕐᓗᖅ, ᑲᐃᓚ ᖃᑉᓗᑦᓯᐊᖅ, ᒪᕐᓯᐊ ᖃᐅᕌᕐᔪᒃ, ᑐᕇᓴ ᑰᒻᒪᒃ, ᓴᒫᓐᑕ ᖁᒃᓱᒃ, ᐄᑕᓐ ᓇᐸᔪᖅ, ᐃᓕᓴᐱ ᐱᖑᖅᓴᑦ, ᐹᓕᔮᓐ ᐅᓗᐊᓪᓗᐊᖅ, ᐊᒻᒪ ᑖᒻᓇ ᐊᑕᐅᓯᖅ ᐃᓕᓐᓂᐊᒐᓂᖃᑕᐅᓚᐅᖅᑐᖅ ᑕᐃᔭᐅᔪᖅ Bachelor of Social work ᐃᓕᓴᐱ ᐅᓗᐊᓪᓗᐊᖅ-ᐃᓴᑭᐊᖅ. ᑕᐃᒪᑐᖅ ᐊᔭᐅᖅᑐᑲᓐᓂᖅᖢᒋᓪᓗ ᒥᓂᔅᑕᐅᔪᑦ ᐃᓄᓕᕆᔨᒃᑯᓐᓄᑦ, ᐊᒻᒪ ᒥᓂᔅᑕᐅᔪᖅ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᑖᒃᑯᐊ ᑕᐃᒐᓂᓵᖅᑕᒃᑲ ᐊᕐᕕᐊᕐᒥᐅᓄᑦ ᑐᕌᖓᔪᓂᑦ ᐱᓕᕆᐊᒃᓴᓂᑦ ᑕᐃᒪᑐᖅ ᓂᕆᐅᒃᐳᖓ ᐅᒃᑯᐃᖅᑐᖃᕐᓂᐊᕐᓂᖓᓂᒃ ᑕᖅᑭᓂᑦ ᐅᑭᐅᓂᑦ ᖃᐃᔪᓂᑦ. ᒪᑦᓇ, ᐅᖃᖅᑎᑦᓯᔩ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐊᑎᖁᑎᖃᕈᓐᓃᕋᒪ. ᑲᑎᒪᔾᔪᑎᕗᑦ ᓈᓴᐅᑎᖓ-4, ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᓄᑦ ᑭᐅᔾᔪᑎᑦ, 5 – ᐳᓛᕆᐊᖅᓯᒪᔪᓂᑦ ᐃᓕᓴᖅᓯᓂᖅ, ᒥᔅᑕ ᓯᕗᓕᖅᑎ ᓄᓇᕗᒻᒧᑦ, ᒥᔅᑕ ᒪᐃᓐ. ᑲᑎᒪᔾᔪᑎᒃᓴᖅ 5: ᐃᓕᓴᖅᓯᓂᖅ ᐳᓛᕆᐊᖅᓯᒪᔪᓂᑦ ᒪᓕᒐᓕᐅᕐᕕᖕᒧᑦ ᓯᕗᓕᖅᑎ ᐋᕐᓗᒃ ᒪᐃᓐ: ᒪᑦᓇ, ᐅᖃᖅᑎᑦᓯᔩ. ᐃᓕᑕᕆᒍᐊᖅᖢᒍ, ᐃᓕᑕᕆᐊᓂᒃᑲᓗᐊᒃᑲᑦ ᒪᓕᒐᓕᐅᖅᑎᕐᔪᐊᕆᔭᕗᑦ, ᓗᐊᕆ ᐃᓪᓚᐅᑦ, ᑐᙵᓱᒋᑦ ᒪᓕᒐᓕᐅᕐᕕᒻᒧᑦ. ᑲᑎᒪᖃᑎᒋᑦᑕᐅᔭᖅᓯᒪᖦᖢᒍ ᐃᑲᔪᖅᑎᒌᓐᓂᕐᒥᒃ ᐊᑐᖅᑕᖅᓯᒪᒐᒻᓄᒃ, ᑕᒪᓐᓇ ᑲᔪᓯᖁᓐᓇᑯᓂ, ᑐᙵᓱᒋᑦ. ᐊᒻᒪ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᒃᑯᓐᓂᙶᖅᓯᒪᔪᖅ, ᑖᔅ ᐊᖑᑎᙳᕐᓂᖅ, ᑐᙵᓱᒋᑦ ᑕᕝᕗᖓ ᒪᓕᒐᓕᐅᕐᕕᒻᒧᑦ ᐊᒻᒪ ᖁᐊᓇ ᑐᙵᓱᑦᑎᑦᓯᓚᐅᕋᕕᑦ ᑲᐱᓯᓕᑦᑑᕐᒧᑦ, Hope Bay-ᒧᑦ. ᐅᔭᕋᒃᑕᕆᐊᑦ ᑐᓴᖅᑎᑦᓯᓚᐅᖅᑎᓪᓗᒋᑦ. ᐊᒻᒪ ᑐᓄᓐᓂ ᐃᒃᓯᕚᖅᑐᖅ ᐃᓕᑕᕆᒍᐊᖅᖢᒍ, (ᑐᓵᔨᑎᒎᓕᖅᑐᖅ) ᐃᓕᑕᕆᔪᒪᓪᓗᒍ ᓄᖅᑲᖅᓯᒪᓕᖅᑐᖅ ᓵᔭᓐᑦ ᓯᑳᑦ ᓴᐃᑎᐅᓪ, ᑖᓐᓇ 28-ᓂᑦ ᐅᑭᐅᓄᑦ ᐱᔨᑦᓯᓕᖅᑐᖅ ᑲᓇᑕᒥ ᑎᒻᒥᓲᓄᑦ ᐅᓇᓕᔅᓴᔭᒃᑯᖏᓐᓄᑦ.

ᕿᑎᖅᑰ, ᒪᐃ 21, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 9 ᓄᓇᕗᒻᒨᓚᐅᖅᓯᒪᔪᖅ 28-ᓂ ᐱᓕᕆᓯᒪᔪᖅ, 2007-ᒥ ᐃᖃᓗᓐᓃᖃᑕᐅᓚᐅᖅᓯᒪᔪᖅ ᓇᓄᖅ ᐱᓂᐊᕐᓂᖃᖅᑎᓪᓗᒍ ᐱᓕᒻᒪᔅᓴᖅᑎᓪᓗᒋᑦ, ᑐᙵᓱᒋᑦ ᒪᓕᒐᓕᐅᕐᕕᒻᒧᑦ, ᐱᔨᑦᓯᖅᓯᒪᓂᓐᓄᓪᓗ ᖁᔭᓐᓇᒦᒃ. (ᑐᓵᔨᑎᒎᕈᓐᓃᖅᑐᖅ) ᐊᒻᒪ ᖃᐅᔨᒪᔭᐅᔪᖅ ᑕᕝᕗᖓ ᒪᓕᒐᓕᐅᕐᕕᒻᒧᐊᓕᓵᙱᖦᖢᓂᓪᓗ, ᒥᔅᑕ ᒪᐃᒃ ᑯᐊᑦᓂ, ᐱᓕᕆᒍᓐᓃᖅᑑᒐᓗᐊᖅ (ᑐᓵᔨᑎᒎᓕᖅᑐᖅ) ᓄᖅᑲᖅᓯᒪᓕᖅᑑᒐᓗᐊᖅ ᐱᕕᖃᕋᓱᒃᑯᕕᑦ ᑕᕝᕙᓂ ᐃᒡᓗᒥᑦ ᐃᖅᑲᓇᐃᔭᑦᑕᐃᓕᙱᑦᓯᐊᖅᑐᑎᑦ, ᑐᙵᓱᒋᑦ. ᖁᔭᓐᓇᒦᒃ, ᐅᖃᖅᑎᑦᓯᔩ. ᐅᖃᖅᑎ: ᖁᔭᓐᓇᒦᒃ, ᑐᙵᓱᑦᓯᐊᕐᓕᑦ ᐃᓘᓐᓇᖏᑦ. ᑲᑎᒪᔾᔪᑎᑦᑕ ᓈᓴᐅᑎᖓ – 6, ᐅᖃᐅᓯᒃᑯᑦ ᐊᐱᖅᑯᑏᑦ. ᖁᕐᓗᖅᑑᕐᒧᑦ ᒪᓕᒐᓕᐅᖅᑎ, ᒥᔅᑕ ᖁᓕᒃᑖᓇ. ᑲᑎᒪᔾᔪᑎᒃᓴᖅ 6: ᐅᖃᐅᓯᒃᑯᑦ ᐊᐱᖅᑯᑏᑦ ᐊᐱᖅᑯᑦ 8 – 7(2): ᐊᓯᐅᔾᔭᐃᖅᓯᒪᔪᖅ ᐊᓪᓕᖅᐹᖅ ᑮᓇᐅᔭᒃᓴᓄᑦ (ᖁᓕᒃᑖᓇ) ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᑎᑦᓯᐊᕐᒥᒐᑦᑕ ᐊᓕᐊᓇᐃᑦ. ᐊᐱᖅᑯᑎᒐ ᐃᓄᓕᕆᔨᒃᑯᓐᓄᑦ, ᐅᖃᖅᑏ, ᑐᓴᕈᒥᓇᑦᓯᐊᓚᐅᕐᒪᑦ ᐅᖃᐅᓯᐅᓯᒪᓚᐅᕐᓂᖓ ᑮᓇᐅᔭᓕᐅᓪᓚᑦᑖᕈᑎᐅᒍᓐᓇᖅᑐᒥᒃ ᒥᓂᔅᑕᐅᑉ ᑭᐅᔾᔪᑎᒋᔭᖓᓄᑦ ᐊᐱᖅᑯᑎᐅᔪᔪᒥᒃ ᐅᑯᐅᖅ ᐃᑦᓯᕙᓂᖃᖅᑎᓪᓗᑕ, ᒪᓕᒐᓕᐅᖅᑎᐅᔪᒧᑦ ᖁᑦᓯᑦᑐᒧᑦ. ᒥᓂᔅᑕ ᐃᖅᑲᐅᒪᔪᒃᓴᐅᕗᖅ ᓯᕗᓕᕆᓚᐅᖅᑕᕋ ᐅᖃᓚᐅᖅᓯᒪᒻᒪ ᐃᓪᓗᒥ ᐊᕐᕌᓂᐅᔪᔪᖅ, ᐅᖃᖅᖢᓂ ᐃᓄᓕᕆᔨᒃᑯᑦ ᖃᐅᔨᓵᓂᒃᓯᒪᓕᕐᒪᑕ ᐅᖃᐅᓯᐅᔪᒧᑦ ᐊᒻᒪ ᓄᓇᓕᓐᓂ ᐅᖃᖃᑎᖃᖅᐸᓪᓕᐊᓂᐊᖅᐳᑦ ᖃᐅᔨᓚᐅᖅᑕᒥᓐᓂᒃ. ᒥᓂᔅᑕᐅᔪᖅ ᑐᓴᖅᑎᑦᓯᔪᓐᓇᓕᖅᐸ ᖃᓄᐃᓕᖓᓕᕐᒪᖔᖅ ᑖᓐᓇ ᐃᖅᑲᓇᐃᔮᖑᓯᒪᔪᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᓄᓕᕆᔨᒃᑯᓐᓄᑦ ᒥᓂᓴ Hᐄᓕ ᐊᕿᐊᕈᖅ. ᐊᖓᔪᖅᑳᖅ ᒍᐃᓐ Hᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᖅᐸᕋᓗ ᐊᐱᖅᑯᑎᒋᒻᒪᒍᒃ ᒪᓕᒐᓕᐅᖅᑎᐅᑉ. ᑖᓐᓇ ᖃᐅᔨᓴᕐᓂᐅᓯᒪᔪᖅ ᐱᐊᓂᒃᑕᐅᔪᒻᒪᑦ, ᓴᖅᑭᓯᒪᔪᑦ ᕿᒥᕐᕈᔭᐅᔪᑦ ᐊᑦᑐᐊᔪᑦ ᐱᓕᕆᐊᒃᓴᐅᔪᓕᒫᓄᑦ ᐃᓄᓕᕆᔨᒃᑯᑎᒍᑦ ᐃᓕᑕᕆᓪᓗᑎᒍ ᑮᓇᐅᔭᒧᑦ ᐊᑦᓱᕈᕈᑕᐅᕙᓐᓂᖓ ᓄᓇᕗᒻᒥᐅᓂ, ᖃᓄᖅᑑᕈᑎᒋᒐᓱᕋᑦᑎᒍ ᑕᒪᓐᓇ ᐃᑲᔫᓯᐊᖅᑐᓕᕆᓂᐅᕙᑦᑐᖅ ᑮᓇᐅᔾᔭᓴᑦᑕᐅᒍᓐᓇᓪᓗᐊᖅᑐᓂᒃ ᑖᒃᑯᐊ ᐃᓚᒌᑦ ᑕᑯᓪᓗᒋᑦ. ᐅᓐᓂᖅᓯᐅᒃᑲᓐᓂᕈᒥᓇᓛᖅᑐᖅ ᐱᕙᓪᓕᐊᓂᕗᑦ ᒪᓕᓪᓗᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐊᐱᖅᑯᑎᓐᓄᑦ ᐃᓚᒋᐊᕈᑏᑦ, ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕ ᖃᐅᔨᒪᒐᔭᕐᒪᑦ ᐃᓄᓕᕆᔨᒃᑯᑦ ᐊᓪᓚᑦᓯᖃᑦᑕᖅᓯᒪᒻᒪᑕ ᐅᓂᒃᑳᓕᐊᓂᑦ ᖃᐅᔨᓴᕐᓂᐅᓯᒪᔪᓂᑦ ᑕᒪᑐᒧᖓ, ᐅᓇᓗ ᐅᖃᖅᑕᐅᓯᒪᓪᓗᓂ ᐅᓂᒃᑳᓂᒃ; ᑖᓐᓇ ᑭᒃᑯᓕᒫᕐᓄᑦ ᑮᓇᐅᔭᓕᐅᕈᑎᐅᓪᓗᐊᕈᓐᓇᖅᑐᖅ ᖃᓄᕐᓗ ᐊᑦᑐᐊᓂᖃᙱᓪᓗᓂ ᐱᔾᔪᑕᐅᔪᓐᓇᖅᑐᓂᒃ, ᐊᒻᒪᓗ ᑮᓇᐅᔭᖃᖅᑎᒍᓂᐅᒍᓐᓇᖅᐸᑦ ᒐᕙᒪᒃᑯᓐᓂ. ᑮᓇᐅᔭᓕᐅᕈᑎᐅᓪᓗᐊᕈᓐᓇᕐᓂᖅ ᐊᑭᑭᓐᓂᖅᓴᐅᒐᔭᖅᑐᖅ ᑭᓯᐊᓂᑦᑕᐅᖅ ᐅᓄᖅᓯᒋᐊᕆᐊᖃᕋᔭᕐᒥᔪᖅ ᐊᑦᑐᐃᓂᖃᑦᓯᐊᖁᓪᓗᒍ ᑮᓇᐅᔭᑦ ᐊᒥᒐᓗᐊᖅᐸᑦᑐᑦ ᐱᓪᓗᒋᑦ. ᒥᓂᔅᑕ ᐅᖃᕈᓐᓇᖅᐸ ᖃᓄᖅ ᑮᓇᐅᔭᖃᖅᑎᑦᓯᒋᐊᖃᕋᔭᖅᐸᑦ ᐊᑐᓕᖅᑎᑦᓯᓂᐊᕈᑎᒃ ᑮᓇᐅᔾᔭᔅᓵᒧᑦ ᓈᒻᒪᓪᓗᐊᕈᓇᖅᑐᓂᑦ.

ᕿᑎᖅᑰ, ᒪᐃ 21, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 10 ᐅᖃᖅᑎ: ᖁᔭᓐᓇᒦᒃ. ᐃᓄᓕᕆᔨᒃᑯᓐᓄᑦ ᒥᓂᔅᑕ, Hᐄᓕ ᐊᕿᐊᕈᖅ. ᐊᖓᔪᖅᑳᖅ ᒍᐃᓐ Hᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᒃ ᐊᐱᖅᑯᑎᒋᒻᒪᒍᒃ ᑖᓐᓇ. ᐊᑭᖏᑦ ᐊᑭᒋᒐᔭᙳᐊᖅᑕᖏᑦ ᓇᓚᐅᑦᓵᖅᑕᐅᓯᒪᔪᑦ ᕿᒥᕐᕈᓯᒪᓪᓗᒍ ᑲᔪᓯᓇᔭᖅᐸᑦ, ᖃᓄᐃᓕᖓᒐᔭᖅᐸᓪᓕ ᐊᔪᕐᓇᖅᑐᖅᓯᐅᓗᐊᖅᑐᖃᖃᑦᑕᕈᓐᓃᕋᔭᖅᐸ ᑕᒫᓂ $185-ᒥᓕᐊᓐᓂᖃᐃ ᐊᑭᖃᖃᑦᑕᕋᔭᖅᐳᖅ. ᖃᐅᔨᓴᖅᑎᐅᓂᖓ ᑲᔪᓯᒍᓐᓇᖅᑎᒋᓂᖓᓂᒃ ᑐᑭᓯᒍᑎᐅᓚᐅᖅᑐᖅ ᑖᓐᓇ ᐃᑲᔫᓯᐊᕈᑎᐅᕙᑦᑐᖅ ᒪᓕᑦᓯᐊᕐᒪᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐅᖃᐅᓯᐅᓚᐅᖅᓯᒪᔪᓂᑦ ᑕᐃᔅᓱᒪᓂ, ᖃᓄᖅ ᓄᓇᓖᑦ ᐃᓚᐅᒍᑎᒃ ᐱᖃᑕᐅᒍᑎᓪᓗ ᐃᓚᐅᓪᓗᐊᕐᒪᖔᑕ ᑕᒪᑐᒧᖓ. ᕿᒥᕐᕈᒋᐊᖃᕐᓂᐊᖅᑐᒍᑦ ᐊᑭᒋᒐᔭᖅᑕᖓᓂᑦ, ᑭᓱᓪᓗ ᑮᓇᐅᔾᔭᔅᓵᖑᓪᓗᐊᕈᓐᓇᕐᒪᖔᑦ ᑐᑭᓯᒐᓱᓪᓗᒍ ᐊᔾᔨᒌᙱᓐᓂᖏᓪᓗ ᑕᑯᓪᓗᒋᑦ. ᖁᔭᓐᓇᒦᒃ, ᐅᖃᖅᑎᑦᓯᔩ. ᐅᖃᖅᑎ: ᖁᔭᓐᓇᒦᒃ. ᑐᓪᓕᐊᓂ ᐊᒻᒪ ᑭᖑᓪᓕᖅᐹᖅ ᐊᐱᖅᑯᑎᕕᑦ ᐃᓚᒋᐊᕈᑎᖓ, ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᒥᓂᔅᑕ ᑭᐅᒐᕕᑦ. ᒥᓂᔅᑕ ᖃᐅᔨᒪᒻᒪᑦ ᐊᓐᓇᐅᒪᓇᓱᓐᓂᖅ ᐊᑭᑦᑐᖅᐸᓪᓕᐊᑐᐃᓐᓇᕐᒪᑦ ᓱᖁᓯᕙᓪᓕᐊᖏᔅᓱᓂ, ᑐᓴᕋᒃᓴᐃᑦ ᑕᒫᓂ ᖃᐅᔨᒍᑎᐅᓲᑦ ᒐᕙᒪᒃᑯᓐᓂ 11,000 ᓄᓇᕗᒻᒥᐅᑦ ᐃᑲᔫᓯᐊᖅᐸᓚᐅᖅᐳᑦ 2023-2024-ᒥ. ᒐᕙᒪᒃᑯᑦ ᒫᓐᓇᓕᓴᐅᓂᖅᓴᐃᑦ ᐅᓂᒃᑳᖏᑦ ᐃᑲᔫᑎᐅᕙᑦᑐᓄᑦ ᑮᓇᐅᔭᖅᑑᑎᖃᓚᐅᖅᐳᑦ $67.7-ᒥᓕᐊᓐ ᑮᓇᐅᔭᓂᑦ ᐃᑲᔫᓯᐊᕈᑎᐅᕙᓚᐅᖅᑐᒥᓂᕐᓄᑦ 2024-2025-ᒥ. ᑕᒪᒃᑯᐊ ᐋᖅᑭᒋᐊᕈᑏᑦ ᐃᑲᔫᓯᐊᕈᑎᐅᕙᑦᑐᓄᑦ ᒪᓕᒐᕈᓯᖏᑦ ᐅᓄᖅᓯᒋᐊᕈᒫᕐᓂᖏᑦ ᑮᓇᐅᔭᖅᑖᖑᕙᑦᑐᑦ 2023 ᐱᒋᐊᖅᓱᒍ, ᖁᕐᓗᖅᑑᖅ ᓄᓇᓕᒻᒥ ᐊᒡᒍᖅᑐᖅᓯᒪᔪᓂ (ᓄᓇᐅᑉ ᐊᕕᑦᑐᖅᓯᒪᓂᖓᒍᑦ) zone 2-ᒦᓐᓂᕋᖅᑕᐅᒻᒪᑦ. ᐅᖃᕈᓐᓇᖅᐸ ᒥᓂᔅᑕ ᖃᓄᐃᓕᖓᓛᕐᒪᖔᑦ ᖃᖓᒃᑯᑦ ᐅᓄᖅᓯᒋᐊᓛᕐᒪᖔᑦ ᑕᖅᑭᑕᒫᖅᓯᐅᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᓄᓕᕆᔨᒃᑯᓐᓄᑦ ᒥᓂᔅᑕ, Hᐄᓕ ᐊᕿᐊᕈᖅ. ᐊᖓᔪᖅᑳᖅ ᒍᐃᓐ Hᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᓪᓗ ᐊᐱᖅᑯᑎᒋᒻᒪᒍᒃ ᒪᓕᒐᓕᐅᖅᑎᐅᑉ. ᕿᒥᕐᕈᓴᐃᓐᓇᖅᐳᒍᑦ ᓄᑖᙳᕆᐊᕈᑎᓂᒃ ᑐᓴᕋᑦᓴᓂᒃ ᐃᑲᔫᓯᐊᖅᑐᓕᕆᓂᕐᒧᑦ ᐱᖁᔭᖅ ᒪᓕᑦᑐᒍ. ᑐᓴᕋᔅᓴᖃᒃᑲᓐᓂᓛᕐᒥᔪᖅ ᐊᒻᒪ ᕿᒥᕐᕈᖃᓯᐅᑎᓛᑦᓯᐊᕐᒥᔭᕗᑦ ᑕᒪᕐᒥᒃ. ᖁᔭᓐᓇᒦᒃ, ᐅᖃᖅᑎᑦᓯᔩ. ᐅᖃᖅᑎ: ᖁᔭᓐᓇᒦᒃ. ᐃᖃᓗᑦᑑᑦᓯᐊᕐᒧᑦ ᒪᓕᒐᓕᐅᖅᑎ, ᒥᔅᑕ ᐲᑕᓴᓐ. ᐊᐱᖅᑯᑦ 9 – 7(2): ᒍᕋᐃᔅ ᐃᒃᐱᐊᕐᔫᔭᐅᑉ ᓴᓇᔭᐅᕐᔪᐋᕐᓂᒃᓴᖓᓄᑦ (ᐲᑐᓴᓐ) ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓪᓗᒥ ᐅᖃᐅᓯᒃᓴᒃᑲ ᐱᓕᕆᐊᓪᓚᕆᐅᕙᓪᓕᐊᓕᖅᑐᓂ ᕿᑎᕐᒥᐅᓂ. ᑕᐃᓐᓇ ᒍᕋᐃᔅ ᐸᐃᒥ (Grays Bay) ᐃᓚᒋᓪᓗᓂᔾᔪᒃ ᑖᒃᑯᐊ ᓄᓇᕗᒻᒥ ᐊᕙᑎᓕᕆᔨᒃᑯᑦ ᕿᒥᕐᕈᓚᐅᖅᑐᑦ ᑲᓄᖅ ᐊᒃᑐᖅᑕᐅᑎᒋᒐᔭᕐᓂᖏᓐᓂᒃ ᑕᐃᒃᑯᓄᖓ ᐅᔭᕋᖕᓂᐊᕈᒪᔪᓄᑦ. ᐊᐱᖅᑯᑎᒋᓂᐊᖅᑕᕋᓕ ᓯᕗᓕᖅᑎᑦᑎᓐᓄᑦ ᐊᐱᖅᑯᑎᒋᓂᐊᕐᓗᒍ ᖃᐅᔨᒪᓂᐊᕋᑦᑕ ᓄᓇᕗᑦ ᒐᕙᒪᒃᑯᑦ ᐃᑲᔪᖅᓱᖅᐸᒍ ᑕᐃᓐᓇ ᒍᕋᐃᔅ ᐸᐃᒥ ᐊᑐᕆᐊᓕᐅᕐᓂᐅᒍᒪᔪᖅ. ᖁᔭᓐᓇᒦᒃ, ᐅᖃᖅᑎᑦᓯᔨ.

ᕿᑎᖅᑰ, ᒪᐃ 21, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 11 ᐅᖃᖅᑎ: ᖁᔭᓐᓇᒦᒃ. ᓄᓇᕗᒻᒧ ᓯᕗᓕᖅᑎ, ᒥᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᒍᕋᐃᔅ ᐸᐃᒥ ᐱᓕᕆᐊᖑᔪᖅ ᓯᑕᒪᐅᒻᒪᑦ, ᓯᑕᒪᐅᔪᓂᒃ ᐃᓄᓐᓄᑦ ᓯᕗᓕᐅᖅᑕᐅᔪᓂᒃ ᐱᓕᕆᐊᒃᓴᐅᔪᓂᒃ ᓄᓇᕗᒻᒥ ᓴᐳᓐᓂᐊᓂᕐᒧᑦ ᖃᓄᖅᑑᕈᑎᐅᔪᒥᒃ. ᒐᕙᒪᕗᑦ ᑕᒡᕙ ᐃᑲᔪᖅᑐᐃᕙᒃᑐᒍᑦ ᐊᒻᒪᓗ ᑲᑎᖃᑎᒋᓯᒪᓪᓗᑎᒍᑦ ᐱᓇᓱᒃᓯᒪᔪᑦ ᒍᕋᐃᔅ ᐸᐃᒥ ᐊᑐᕆᐊᓕᐅᕋᓱᓐᓂᐅᓯᒪᔪᒥ. ᐊᑕᐅᓯᐊᙱᑦᓱᑕ ᐅᖃᖃᑎᒋᒐᓱᑦᓯᐊᖅᓱᑎᒍᑦ ᐃᑉᐸᑦᓴᖅ ᑐᓴᖅᑎᑦᑎᒍᑎᐅᓚᐅᖅᑐᖅ ᒥᓂᔅᑕ ᕼᐋᑦᓴᓐᒥᑦ ᑐᓴᕈᒥᓇᑦᓯᐊᓚᐅᕐᒪᑦ, ᓇᓗᓇᙱᑦᓯᐊᖅᓱᓂ ᑕᐅᑐᒃᑐᒻᒪᕆᐅᓕᕐᒪᑦ ᐅᑭᐅᖅᑕᖅᑐᖅ ᒐᕙᒪᑐᖃᒃᑯᓐᓃᑦᑐᓂᒃ. ᑖᓐᓇ ᖁᕕᐊᓇᖅᑐᖅ. ᖁᔭᓐᓇᒦᒃ. ᐅᖃᖅᑎ (ᑐᓵᔨᑎᒍᑦ): ᓯᕗᓪᓕᖅᐹᖅ ᐃᓚᒋᐊᕈᑎᓐᓄᑦ. ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᓕᑕᕆᖅᑰᕋᑉᑎᒍᑦ ᑐᓴᕈᒥᓇᖅᑐᑦ, ᑐᓴᕈᒥᓇᙱᑦᑐᑦ ᐱᓕᕆᐊᖑᔪᓂᒃ ᐊᖏᔫᑎᓂᒃ ᐱᔪᑦ. ᑖᓐᓇ ᑐᓴᕈᒥᓇᖅᑐᑦ ᑕᐅᑐᓐᓂᖅᓴᕆᓂᐊᕋᒃᑭᑦ. ᓈᒻᒪᙱᑦᑐᓂᒃ ᐊᐱᖅᑯᑎᖃᐃᓐᓇᖅᐸᙱᓐᓇᒪ ᑖᒃᑯᐊᓕ ᓄᓘᔮᑦ ᐱᔾᔪᑎᖃᖅᑐᑎᒃ ᐊᐱᖅᓱᖅᐸᑦᑐᑦ. ᖃᓪᓗᓈᓂ “Oceans North”ᒥᒃ ᐊᑎᖃᖅᑐᑦ ᑐᓂᓯᓯᒪᒻᒪᑕ ᕿᒥᕐᕈᓂᐅᔪᒥᒃ ᒍᕋᐃᔅ ᐸᐃᒥ ᑐᓚᑦᑕᕐᕕᑦᓴᒧᑦ ᐊᖅᑯᑎᑦᓴᒧᑦ ᐱᓕᕆᐊᒃᓴᐅᔪᒥᒃ. ᐊᐱᖅᑯᑎᒐᓕ ᓯᕗᓕᖅᑎᒧᑦ ᑖᓐᓇ ᓄᓇᕗᑦ ᒐᕙᒪᒃᑯᑦ ᖃᐅᔨᒪᒍᓂᔾᔪᒃ ᖃᓄᕐᓕ ᑕᐃᒪ ᑖᑦᓱᒪ ᓂᓪᓕᕐᕕᖃᕈᓐᓇᕋᔭᖅᐸᑦ ᑖᓐᓇ ᐅᖃᐅᓯᐅᔪᖅ ᐱᓪᓗᒍ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓄᓇᕗᒻᒧᑦ ᓯᕗᓕᖅᑎ, ᒥᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐄ, ᖃᐅᔨᒪᑦᓯᐊᖅᐳᒍᑦ ᑐᑦᓯᕋᕈᑎᐅᔪᒥᒃ ᕿᒥᕐᕈᔭᐅᖁᔨᔪᓂᒃ ᖃᓄᑎᒋ ᐃᓗᓕᑎᒋᖃᕐᓂᖏᓐᓂᒃ ᖃᓄᑎᒋᓪᓗ ᐱᓂᐊᕐᒪᖔᑦ. ᖃᐅᔨᒪᓪᓚᕆᙱᑦᓱᖓ ᑕᒪᑐᒧᖓ ᑐᑦᓯᕋᕈᑎᐅᔪᒧᑦ. ᐊᕙᑎᓕᕆᓂᕐᒧᓪᓕ ᕿᒥᕐᕈᓂᐅᔪᖅ ᒍᕋᐃᔅ ᐸᐃᒥᒃ ᐱᓕᕆᐊᖑᔪᒧᑦ. ᐃᓚᐅᔪᒫᖅᐳᒍᑦ ᐅᑉᐱᕆᓪᓗᑎᒍᑦ ᐱᓇᓱᐊᕆᐊᖃᖅᑕᕗᑦ ᓄᓇᑖᕈᑎ ᒪᓕᑦᑐᑎᒍᑦ ᑖᒃᑯᐊ ᓄᓇᕗᒻᒥ ᐊᕙᑎᓕᕆᔨᒃᑯᑦ, ᐃᒪᓕᕆᔨᒃᑯᑦ ᐃᓚᒋᓪᓗᒋᑦ ᐱᙳᖅᑎᑕᐅᓯᒪᔪᐃᑦ ᑎᒦᑦ ᑕᒪᒃᑯᐊ ᐃᓚᐅᕝᕕᖃᑦᓯᐊᕈᒫᖅᑐᒍᑦ ᑕᐃᑦᓱᒧᖓ ᐃᖅᑲᓇᐃᔮᖑᒍᒪᔪᒧᑦ ᒐᕙᒪᒃᑯᑦ ᑎᒥᖁᑎᖓ ᐊᑕᐅᓯᐅᙱᑦᑐᖅ ᐊᕙᑎᓕᕆᓂᕐᒥᒃ ᕿᒥᕐᕈᒍᒫᖅᓱᑎᒃ, ᖃᓄᕐᓗ ᓈᒻᒪᙱᑦᑐᓂᒃ ᖃᓄᖅᑑᕈᑎᖃᕋᓱᐊᕐᓗᓂ ᓈᒻᒪᓗᐊᕋᔭᙱᑦᑐᓂ ᑭᓯᐊᓂ ᐱᐅᓛᒃᑯᓪᓗ ᓇᐅᒃᑯᑦ ᓴᖅᑭᒍᓐᓇᕋᔭᖅᓱᓂ. ᐃᓚᐅᕝᕕᖃᕈᒪᑦᓯᐊᓛᖅᑐᒍᑦ ᐱᕙᓪᓕᐊᑦᓯᐊᕐᓂᖓ ᑕᒪᑐᒪ ᒪᓕᓪᓗᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐊᐃᑉᐹ ᑭᖑᓪᓕᖅᐹᕆᓗᒍ, ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᓯᕗᓕᖅᑎ ᑭᖑᓪᓕᖅᐹᒥ ᐊᐱᖅᑯᑎᒋᓂᐊᖅᑕᕋ ᑭᐅᕋᑖᕐᒪᒍ. ᑕᐃᒃᑯᐊ ᓄᓇᓕᖕᓃᑦᑐᑦ ᐊᓯᖏᓪᓗ ᓄᓇᓕᐅᔪᑦ ᐃᓚᐅᑦᑎᐊᖁᓪᓗᒋᑦ ᑖᒃᑯᓄᖓ ᐊᕙᑎᓕᕆᔨᒃᑯᑦ ᓈᓚᖕᓂᖃᖅᑎᓪᓗᒋᑦ. ᐊᐱᕆᓂᐊᖅᑲᐅᒐᓗᐊᖅᑐᖓ ᓄᓇᕗᒻᒥ ᒐᕙᒪᒃᑯᑦ ᐃᓚᐅᓂᐊᕐᒪᖔᑕ ᓈᓚᖕᓂᖃᖅᑎᑦᑎᑎᓪᓗᒋᑦ ᑕᐃᒃᑯᐊ. ᖁᔭᓐᓇᒦᒃ, ᐅᖃᖅᑎ. ᐅᖃᖅᑎ: ᖁᔭᓐᓇᒦᒃ. ᐊᐱᖅᑯᑎᒥᒃ ᑐᓴᙱᓐᓇᒪ. ᐊᑎᖁᑎᒃᑲ ᒪᓕᒡᓗᒋᑦ, ᐊᒥᑦᑐᕐᒧᑦ ᒪᓕᒐᓕᐅᖅᑎ, ᒥᔅᑕ ᐊᑕᒍᑦᑖᓗᒃ. ᐊᒡᒍ. ᐊᐱᖅᑯᑦ 10 – 7(2): ᑎᑎᕋᕐᕕᖓᓄᑦ ᐃᑯᐊᓪᓚᒃᑐᓕᕆᔨᑦ ᐊᖓᔪᖅᑳᖓᑕ (ᐊᑕᒍᑦᑖᓗᒃ)

ᕿᑎᖅᑰ, ᒪᐃ 21, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 12 ᐊᑕᒍᑦᑖᓗᒃ: ᖁᔭᓐᓇᒦᒃ, ᐅᖃᖅᑏ. ᐊᒡᒍᒧᑦ ᒪᓕᒐᓕᐅᖅᑎᐅᕗᖓ, ᐊᒥᑦᑐᕐᒥᐅᙱᑦᑐᖅ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒋᓂᐊᖅᑕᕋ ᒥᓂᔅᑕᖓᓐᓄᑦ ᓄᓇᓕᖕᓂ ᐱᔨᑦᓯᖅᑎᒃᑯᓐᓄᑦ ᑖᓐᓇ ᑎᑎᕋᕐᕕᖓᑦ ᑲᒪᖕᒪᑦ ᖃᑦᑎᕆᔨᒃᑯᑦ ᐊᖓᔪᖅᑳᖓᑕ ᑎᑎᕋᕐᕕᖓᓐᓂᒃ. ᒥᓂᔅᑕ ᖃᐅᔨᒪᖕᒪᑦ ᐅᓄᖅᑐᑦ ᓄᓇᓕᖕᓂ ᐃᒡᓗᖁᑎᖏᓐᓂ ᐃᑯᐊᓪᓚᒃᑐᓄᑦ ᐊᓯᐅᔨᖃᑦᑕᖅᓯᒪᖕᒪᑕ. ᐊᕐᕌᒍᓂ ᐊᓂᒍᖅᑐᓂ ᐊᕐᕌᓂ ᑭᑉᓯᒐᖅ ᓯᐊᕐᕆᔮᕐᕕᒃ ᐃᑯᐊᓪᓚᓚᐅᕐᒪᑦ ᐃᒡᓗᓕᖕᒥ. ᐅᖃᖅᑎ, ᐃᑯᐊᓪᓚᓚᐅᖅᓯᒪᔪᖅ ᕕᕗᐊᕆ 2025ᖑᑎᓪᓗᒍ. ᒫᓐᓇ ᒪᐃ 2026ᖑᓕᖅᑐᖅ. ᒥᓂᔅᑕ ᑐᓴᖅᑎᑦᑎᔪᓐᓇᖅᐹ ᐅᓪᓗᒥ ᑎᑎᕋᕐᕕᖓᑕ ᖃᑦᑎᕆᔨᒃᑯᑦ ᖃᐅᔨᓴᕈᑎᒋᔭᕕᓂᖓ ᐱᔾᔪᑎᒋᓪᓗᒍ ᑭᑉᓯᒐᕐᒥᒃ ᓯᐊᕐᕆᔮᕐᕕᒃ ᐃᑭᓚᐅᖅᑎᓪᓗᒍ ᐱᑎᓪᓗᒍ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒪᒥᐊᑉᐳᖓ ᐊᒡᒎᑉ ᒪᓕᒐᓕᐅᖅᑎᖓᓄᑦ. ᓄᓇᓕᖕᓂ ᐱᔨᑦᓯᖅᑎᒃᑯᑦ ᒥᓂᔅᑕᖓᑦ, ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᖅᐸᕋᑦᑕᐅᖅ ᑖᓐᓇ ᐊᐱᕆᖕᒪᑦ. ᑲᑎᒪᔨᐅᖃᑎᑦᑕ, ᑕᒻᒪᙱᒃᑯᒪ ᑎᑎᕋᕐᕕᖓ ᖃᑦᑎᕆᔨᒃᑯᑦ ᑕᐃᒃᑯᐊ ᕿᒥᕐᕈᓇᖃᑦᑕᓚᐅᕐᒪᑕ ᑖᒃᑯᓂᖓ ᑭᓯᐊᓂ ᖃᐅᔨᒋᐊᒃᑲᓐᓂᕐᓂᐊᕋᒪ ᐅᑎᕐᕕᒋᓂᐊᕋᒃᑯ ᑖᓐᓇ ᑲᑎᒪᔨᐅᖃᑕᐅᔪᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓪᓕᖅᐹᕐᒥ ᐃᓚᒋᐊᕈᑏᑦ ᐊᐱᕆᒍᒃ, ᒥᔅᑕ ᐊᑕᒍᑦᑖᓗᒃ. ᐊᑕᒍᑦᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᒃᑑᐸ 2025ᖑᑎᓪᓗᒍ ᑎᑎᕋᕐᕕᖓ ᓄᓇᕗᒻᒥ ᑲᙳᓇᖅᑐᓕᕆᓂᕐᒧᑦ ᑐᓴᒃᓴᓕᕆᓂᕐᒧᓪᓗ ᑲᒥᓯᓇ ᓴᖅᑭᑦᑎᓚᐅᕐᒪᑦ ᐅᓂᒃᑳᓂᒃ ᐊᒃᑐᐊᓂᖃᖅᑐᓂᒃ ᐃᑯᐊᓪᓚᓚᐅᖅᑐᒥᒃ ᐃᖃᓗᖕᓂ. ᐅᓂᒃᑳᖅ ᐅᖃᓚᐅᕐᒪᑦ ᐃᒪᓐᓇ “ᐃᖅᑲᓇᐃᔭᖅᑏᑦ ᐊᓯᔾᔨᑲᑕᖕᓂᖓᓄᑦ ᖃᑦᑎᕆᔨᒃᑯᑦ ᑎᑎᕋᕐᕕᖓᓐᓂ ᒫᓐᓇᐅᔪᖅ 11-ᖑᔪᑦ ᐊᖏᖅᑕᐅᓯᒪᔪᑦ ᐃᖅᑲᓇᐃᔮᒃᓴᐃᑦ ᑭᓯᐊᓂ ᒪᕐᕈᐃᓐᓈᖕᓂᒃ ᐃᖅᑲᓇᐃᔭᖅᑎᖃᖅᑐᑦ ᒫᓐᓇ.” ᑖᓐᓇ ᐅᖃᖅᑏ, ᐊᒃᓱᐊᓗᒃ ᐃᓱᒫᓗᖕᓇᕐᒪᑦ ᒥᓂᔅᑕ ᑐᓴᖅᑎᑦᑎᔪᓐᓇᖅᐹ ᖃᓄᐃᓕᖓᓕᕐᒪᖔᑦ ᐃᖅᑲᓇᐃᔭᖅᑎᑖᖅᓯᒪᓕᕐᒪᖔᑕ ᖃᑦᑎᕆᔨᒃᑯᑦ ᑎᑎᕋᕐᕕᖓ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒥᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᒃᑲᓐᓂᖅᐸᕋ ᐊᐱᕆᖕᒪᑦ. ᑖᓐᓇ ᖃᑦᑎᕆᔨᒃᑯᑦ ᐊᖓᔪᖅᑳᖓᑕ ᑎᑎᕋᕐᕕᖓ ᐊᑑᑎᖃᓪᓚᕆᖕᒪᑦ ᐊᓪᓚᒡᕕᒃ. ᑕᐃᓐᓇ ᑲᒪᖕᒪᑦ ᓄᓇᓕᓕᒫᓄᑦ ᐱᒻᒪᕆᐅᖕᒪᑕ ᐃᖅᑲᓇᐃᔭᖃᑦᑕᖅᑕᖏᑦ ᐃᖅᑲᓇᐃᔭᖅᑎᑖᕋᓱᒃᑐᑦ ᒫᓐᓇᐅᔪᖅ ᕿᒥᕐᕈᓇᒃᑐᑦ ᐃᖅᑲᓇᐃᔮᖅᑖᕋᓱᒃᑐᓂᒃ. ᐃᓐᓄᒃᑕᐃᔪᐃᓐᓇᐅᖁᓇᖅᑐᑦ ᑖᒃᑯᐊ ᐃᖅᑲᓇᐃᔮᒃᓴᐃᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑎᕕᑦ, ᒥᔅᑕ ᐊᑕᒍᑦᑖᓗᒃ. ᐊᑕᒍᑦᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕ ᖃᐅᔨᒪᖕᒪᑦ ᑎᑎᕋᕐᕕᖓ ᖃᑦᑎᕆᔨᒃᑯᑦ ᒫᓐᓇᕋᑖᖅ ᓴᖅᑭᑦᑎᓚᐅᕐᒪᑕ ᑐᓴᕈᑎᓂᒃ ᐱᔾᔪᑎᒋᓪᓗᒍ ᐊᑦᑕᓇᔾᔭᐃᖅᓯᒪᓂᖅ ᑲᑉᐳᔾᔭᐅᑎᓄᑦ. ᑐᓴᖅᑎᑦᑎᓚᐅᖅᑐᑦ ᑖᒃᑯᐊ ᐊᑐᓗᐊᖁᓇᒋᑦ ᓵᕐᓗ ᑲᑉᐳᔾᔭᖅᑐᓂᒃ ᐊᖏᕐᕋᕆᔭᐅᔪᓂ ᐃᑯᐊᓪᓚᙱᓐᓂᖅᓴᐅᖁᓪᓗᒋᑦ ᐃᒡᓗᖏᑦ ᐊᖏᕐᕋᐃᑦ ᐊᒻᒪᓗ ᐃᒡᓗᕋᓛᑦ ᐊᖏᕐᕋᖃᖅᑐᓪᓗ ᑕᐃᒃᑯᐊ ᖃᐅᔨᓴᖅᑕᐅᖁᓪᓗᒋᑦ ᐅᐊᐃᔭᖃᕐᕕᖏᑦ ᑲᑉᐳᔾᔭᐅᑎᖃᖅᑎᖏᑦ ᐱᓕᕆᔨᒻᒪᕆᖕᒧᑦ. ᒥᑭᑦᑑᑕᐅᓂᖅᓴᓂᒃ ᓄᓇᓕᖕᓂ ᐃᖅᑲᓇᐃᔭᖅᑎᓂᒃ ᑕᐃᒪᐃᑦᑐᓂᒃ ᐱᑕᖃᙱᒻᒪᑕ ᐱᑕᖃᙱᓐᓂᖅᓴᐅᖕᒪᑕ ᐊᖏᔫᑕᐅᓂᖅᓴᓂᒃ ᓄᓇᓕᖕᓂ. ᒥᓂᔅᑕ ᐊᒻᒪ ᐃᓕᓴᕆᔭᐅᔾᔪᑎᖃᖅᑐᓂᒃ ᖃᐅᔨᓴᖅᑎᖃᖅᑰᙱᒻᒪᑕ ᓄᓇᓕᓕᒫᑦ

ᕿᑎᖅᑰ, ᒪᐃ 21, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 13 ᐅᐊᐃᔭᓂᒃ. ᑖᓐᓇ ᒥᓂᔅᑕ ᓇᓗᓇᐃᖅᓯᔪᓐᓇᖅᐸ ᐃᖅᑲᓇᐃᔭᖃᑎᖃᕐᒪᖔᑦ ᖃᓄᖅ ᓄᓇᓖᑦ ᒐᕙᒪᒃᑯᖏᓐᓂᒃ ᐊᒻᒪ ᓄᓇᓕᖕᓂ ᑎᒥᖁᑎᒋᔭᐅᔪᑦ ᐃᖅᑲᓇᐃᔭᕐᓂᕐᒧᑦ ᖃᓄᖅ ᑖᒃᑯᐊ ᖃᐅᔨᓴᖅᑎᑖᒃᑲᓐᓂᕈᓐᓇᕐᒪᖔᑕ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓄᓇᓕᓐᓂ ᐱᔨᑦᓯᖅᑏᑦ ᒥᓂᔅᑕᖓ, ᒥᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑖᓐᓇᑦᑕᐅᖅ ᐊᐱᖅᓲᑎᖃᕐᒪᑦ ᐅᐊᐃᔭᓂᒃ ᖃᐅᔨᓴᐃᓂᕐᒥᒃ ᐃᒡᓗᓃᑦᑐᓂᒃ ᖃᓄᐃᙱᒃᑲᓗᐊᕐᒪᖔᑕ ᓄᓇᓕᖕᓂ ᐳᓚᕋᖅᑎᓐᓇᓱᖃᑦᑕᖅᑕᕗᑦ ᐊᑯᓚᐃᑦᑐᒃᑯᑦ ᐱᔪᓐᓇᑐᐊᕌᖓᑕ. ᓄᓇᓕᖕᓂᓗ ᑲᑐᔾᔨᖃᑎᒌᖏᑦ ᑎᒥᖁᑎᒋᔭᖓ ᑕᐃᒃᑯᐊ ᓄᓇᓕᖕᓄᐊᕋᓱᖃᑦᑕᖅᑐᑦ ᐱᔪᓐᓇᖅᓯᑐᐊᕌᖓᒥᒃ. ᑖᒃᑯᐊ ᓂᑭᑦᑖᖅᑕᐅᖃᑦᑕᖅᑐᑦ ᓇᒧᙵᕐᓂᖏᑦ ᖃᖓᓗ ᐳᓛᕆᐊᕈᓐᓇᕐᒪᖔᑕ ᐋᖅᑭᒃᓱᐃᖃᑦᑕᖅᑐᑦ. ᒫᓐᓇ ᑖᓐᓇ ᑭᐅᔭᐅᓇᓱᒃᑐᖅ ᐱᓕᕆᔭᐅᔪᖅ. ᐃᖅᑲᓇᐃᔭᖅᑕᐅᔪᑦ ᑖᒃᑯᐊ ᐊᒃᓱᐊᓗᒃ ᐱᒻᒪᕆᐅᑎᑕᕗᑦ. ᖃᑦᑎᕆᔨᒃᑯᑦ ᐊᖓᔪᖅᑳᖓᑦ ᑎᑎᕋᕐᕕᖓᑦ ᑲᒪᒋᔭᐅᕙᓪᓕᐊᔪᖅ ᑖᒃᑯᐊ ᓄᓇᓕᖕᓅᕋᓱᖃᑦᑕᖅᑐᑦ ᐱᔪᓐᓇᖅᓯᑐᐊᕈᑎᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐅᖃᐅᓯᒃᑯᑦ ᐊᐱᖅᑯᑏᑦ. ᐸᓐᓂᖅᑑᕐᒧᑦ ᒪᓕᒐᓕᐅᖅᑎ, ᒥᔅᑕ ᒪᐃᒃ. ᐊᐱᖅᑯᑦ 11 – 7(2): ᐳᕙᒡᓗᖕᓇᖅ ᑐᐴᑭᓚᐅᓯᔅ (ᒪᐃᒃ) ᒪᐃᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐊᐱᖅᑯᑎᒋᓂᐊᖅᑕᕋ ᖃᓂᒪᓐᓇᙱᑦᑐᓕᕆᔨᒃᑯᑦ ᒥᓂᔅᑕᖓᓐᓄᑦ. ᑕᐃᒪ ᒥᓂᔅᑕ ᖃᐅᔨᒪᒻᒪᑦ ᐅᑭᐅᕐᒥ ᒪᓕᒐᓕᐅᖅᑏᑦ ᑲᑎᒪᑎᓪᓗᒋᑦ ᓴᖅᑮᓚᐅᖅᓯᒪᒐᒪ ᑎᑎᖅᑲᒥᒃ ᑖᒃᑯᓇᙶᖅᑐᒥᒃ ᕼᐋᒪᓚᒃᑯᑦ ᐸᓐᓂᖅᑑᒥ. ᑖᓐᓇᖅ ᑎᑎᖅᑲᖅ ᑎᑎᕋᖅᑕᐅᓯᒪᔪᖅ ᑖᒃᑯᓄᖓ ᕼᐋᒻᒪᓚᒃᑯᓐᓄᑦ ᑐᕌᖓᓪᓗᓂ ᓯᕗᓕᖅᑎᓄᑦ ᐱᓗᐊᖅᑐᒥᒃ ᑖᒃᑯᓄᖓ ᒪᕐᕉᓐᓄᑦ ᑲᓇᑕᐅᑉ ᒐᕙᒪᒃᑯᖏᓐᓄᑦ ᓄᓇᕗᑦ ᒐᕙᒪᒃᑯᖏᓐᓄᑦ, ᑖᒃᑯᐊ ᒥᓂᔅᑕᖏᑦ ᑕᒪᒃᑭᖅᓯᒪᔪᑦ. ᑖᓐᓇ ᑎᑎᖅᑲᖓᑦ ᐃᓱᒫᓘᑎᖓᑕ ᓇᓗᓇᐃᖅᓯᓯᒪᑦᑕ ᐳᕙᓪᓗᖃᑦᑕᕐᓂᐅᑉ ᓄᓇᕗᑦ ᐃᓗᐊᓂ ᐊᒻᒪᓗ ᖃᓄᖅ ᐱᑕᖃᕆᐊᖃᕐᓂᖓᓂᒃ ᐊᐅᓚᑕᐅᑦᑎᐊᕐᓗᓂ ᑲᒪᒋᔭᐅᑦᑎᐊᕐᓗᓂ ᑖᒃᑯᓄᖓᓕᒫᖅ ᒐᕙᒪᒃᑯᓐᓄᑦ ᖁᓕᕇᓄᑦ, ᒐᕙᒪᑐᖃᒃᑯᓐᓄᑦ, ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᓄᓪᓗ. ᑖᓐᓇ ᐱᔾᔪᑎᒋᓪᓗᒍ ᐋᖅᑭᒋᐊᖁᔭᐅᓪᓗᓂ ᐳᕙᓪᓗᑦᑐᓕᕆᓂᖅ. ᒥᓂᔅᑕᖃᐃ ᓇᓗᓇᐃᖅᓯᔪᓐᓇᖅᑲ ᑎᑎᕋᖅᓯᒪᒍᓂ ᑕᕝᕗᖓ ᒪᓕᒐᓕᐅᕐᕕᐅᑉ ᐃᓗᐊᓄᑦ ᓴᖅᑭᒍᓐᓇᕐᓗᓂ ᓇᓕᖅᑲᖓᓂᒃ ᑭᐅᔾᔪᑎᒥᓂᖓᓂᒃ ᑖᒃᑯᓄᖓ ᕼᐋᒻᒪᓚᒃᑯᑦ ᐸᓐᓂᖅᑑᒥ ᑎᑎᖅᑲᖓᓄᑦ? ᑖᓐᓇ ᐊᐱᖅᑯᑎᒋᔭᕋ ᓯᕗᓪᓕᕐᒥ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓᑦ, ᒪᑕᒻ ᐳᕉᔅᑐ. ᐊᖓᔪᖅᑳᖅ ᔮᓇᑦ ᐱᑦᓯᐅᓛᖅ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᖅᐸᕋ ᑖᓐᓇ ᑲᑎᒪᔨ ᐊᐱᕆᖕᒪᑦ. ᑖᒃᑯᐊ ᐊᖏᖅᑐᖓ ᓴᖅᑭᑦᑎᓛᕐᓂᐊᕐᓂᓐᓂᒃ ᑭᒡᒍᓯᐅᔪᒥᒃ ᐱᔪᓐᓇᖅᓯᑐᐊᕈᒪ ᓯᕗᓂᒃᓴᑦᑎᓐᓂ ᑲᑎᒪᕐᔪᐊᖅᑎᓪᓗᑕ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑭᖑᓪᓕᖅᐹᒥ ᐃᓚᒋᐊᕈᑏᑦ ᐊᐱᕆᒍᑦ, ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᖁᔭᓐᓇᒦᒃ, ᒥᓂᔅᑕ. ᑕᐃᒪ ᒥᓂᔅᑕᑦᑕᐅᖅ ᖃᐅᔨᒪᒻᒥᒻᒪᑦ ᑖᓐᓇ ᐱᓕᕆᕝᕕᒋᔭᖓ ᖃᓂᒪᓐᓇᙱᑦᑐᓕᕆᔨᒃᑯᑦ ᐊᕐᕌᓂ ᓇᓗᓇᐃᖅᓯᓚᐅᖅᓯᒪᒻᒪᑦ ᐃᒪᐃᓕᖓᔪᒥᒃ (ᑐᓵᔨᑎᒎᓕᖅᑐᖅ) “ᓯᕗᒧᐊᒃᑎᑦᑎᓂᖅ ᑕᐃᒃᑯᐊ ᐳᕙᒡᓗᖕᓇᖅ ᓄᖑᖁᓪᓗᒍ ᓄᓇᕗᒻᒥ”.

ᕿᑎᖅᑰ, ᒪᐃ 21, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 14 (ᑐᓵᔨᑎᒎᕈᓐᓃᖅᑐᖅ) ᑖᓐᓇᖃᐃ ᓇᓗᓇᐃᖅᓯᒪᓂᖓ ᒪᓕᓪᓗᒍ ᑖᓐᓇ ᐸᓐᓂᖅᑑᕐᒥ ᓇᓗᓇᐃᖅᑕᐅᓚᐅᖅᓯᒪᒻᒥᒻᒪᑦ ᐳᕙᓪᓗᓐᓇᖅᑐᖃᕈᓐᓃᕐᓂᖓᓂᒃ ᐸᓐᓂᖅᑑᕐᒥ ᔪᓚᐃᖑᑎᓪᓗᒍ 2025, ᐊᒻᒪᓗ ᑖᒃᑯᐊ ᕼᐋᒻᒪᓚᒃᑯᑦ ᑎᑎᖅᑲᖓ ᐊᐅᓚᔾᔭᒋᐊᖁᔨᓯᒪᒋᓪᓗᓂ ᓴᖅᑮᖁᔨᓪᓗᑎᒃ ᑖᓐᓇ ᐸᓐᓂᖅᑑᖅ ᐆᑦᑑᑕᐅᓗᓂ ᓄᓇᓕᓐᓂ ᐳᓚᓪᓗᖃᑦᑕᖅᑐᐃᑦ ᑕᒪᒃᑯᐊ ᐋᖅᑭᒋᐊᒃᑲᓐᓂᖁᔭᐅᓪᓗᑎᒃ ᐊᒻᒪᓗ ᑕᒪᐅᓇ ᐸᓐᓂᖅᑑᖅ ᐊᑐᖅᑕᐅᓗᓂ ᖃᓄᖅ ᐋᖅᑭᒋᐊᕈᑏᑦ ᐊᑐᖅᑕᐅᖃᑦᑕᕐᒪᖔᑕ ᐱᓗᐊᖅᑐᒥᓪᓗ ᑕᒪᒃᑯᓇᙵᑦ ᐃᓄᐃᑦ ᑖᒃᑯᐊ ᐱᓗᐊᖅᑐᒥᒃ ᐊᑦᑐᖅᑕᐅᓯᒪᔪᑦ ᐆᑦᑑᑕᐅᒍᓐᓇᖅᓯᖁᓪᓗᒍ ᓄᓇᖃᖅᑳᑐᒥᓂᕐᓄᑦ ᑕᕝᕙᓂ ᓯᓚᕐᔪᐊᒥ. ᑕᒪᓐᓇ ᐋᖅᑭᒋᐊᒃᑲᓐᓂᕆᐊᖃᕐᓂᖓ ᐱᔾᔪᑎᒋᓪᓗᒍ ᐳᕙᓪᓗᑦᑐᓕᕆᓂᐅᑉ. ᒥᓂᔅᑕᖃᐃ ᓇᓗᓇᐃᖅᓯᒍᓐᓇᖅᑲ ᑖᓐᓇ ᑲᒪᒋᔭᖓ ᖃᓂᒪᓐᓇᙱᑦᑐᓕᕆᓂᖅ ᑖᔅᓱᒧᖓ ᐊᑐᓕᖁᔭᐅᓯᒪᔪᒧᑦ ᐸᓐᓂᖅᑑᒥ ᕼᐋᒻᒪᓚᖏᓐᓄᑦ? ᑖᓐᓇ ᖃᓄᐃᓕᖓᓕᕐᒪᖔᑦ ᓇᓗᓇᐃᖅᓯᒍᓐᓴᖅᐳᖃᐃ. ᖁᔭᓐᓇᒦᒃ. ᐅᖃᖅᑎ: ᐋᓐᓂᐊᖃᕐᓇᙱᑦᑐᔨᕆᒡᒃᑯᑦ ᒥᓂᔅᑕᖓ, ᒥᔅ ᐳᕉᔅᑐ. ᐊᖓᔪᖅᑳᖅ ᔮᓇᑦ ᐱᑦᓯᐅᓛᖅ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐱᒋᐊᕈᒪᓪᓗᖓ ᖁᔭᓐᓇᒦᕈᒪᔭᒃᑲ ᓄᓇᓖᑦ ᑕᐃᒃᑯᐊ ᓄᓇᖃᖅᑐᑦ ᑕᐃᒪᓐᓇ ᐱᓕᕆᐊᖃᓚᐅᖅᑐᑦ. ᐅᓂᒃᑳᑦᑕᖅᖢᑎᒃ ᐱᓕᕆᖃᑎᖃᖅᖢᑎᒡᓗ ᐳᓚᕋᖅᑕᐅᑎᓪᓗᒋᑦ ᑕᐃᔅᓱᒪᓂ ᐃᖅᑲᓇᐃᔭᖅᑎᓪᓗᒋᑦ. ᐅᑎᖅᑎᑕᐅᓇᓱᒃᑎᓪᓗᒍ ᖃᐅᔨᓴᖅᑕᐅᖃᑦᑕᖅᑐᓪᓗ ᐳᕙᒡᓗᖕᓇᖅᑐᖃᙱᒃᑲᓕᐊᓕᕐᒪᖔᑕ ᑕᐃᒪᓐᓇ ᖃᓄᐃᙱᓐᓂᖅᓴᐅᖁᓪᓗᒋᑦ, ᐋᓐᓂᐊᙱᓐᓂᖅᓴᐅᖁᓪᓗᒋᑦ ᐊᒻᒪᓗᑦᑕᐅᖅ ᐃᑲᔪᖅᑕᐅᓗᑎᒃ ᓄᖑᑎᖅᑕᐅᖁᓪᓗᒍ ᐳᕙᒡᓗᖕᓇᖅ. ᓄᖑᑎᕆᓂᖅ ᑕᒪᑐᒧᖓ ᐳᕙᒡᓗᖕᓂᕐᒥ ᐱᒻᒪᕆᐊᓘᖕᒪᑦ. ᑕᐃᒃᑯᐊ ᓄᓇᓕᖕᓂ ᐱᓕᕆᑦᑎᐊᖅᑐᒻᒪᕆᐅᓚᐅᕐᒪᑕ, ᓇᖕᒥᓂᖅ ᐋᓐᓂᐊᖅᑕᐃᓕᒪᓂᕐᒨᕐᒪᑕ ᑭᓯᐊᓂ ᐊᓯᒥᑦᑕᐅᖅ ᓴᐳᒻᒥᐅᓯᖅᓯᒪᖁᓪᓗᒋᑦ. ᐅᖃᕈᓐᓇᖅᑐᖓᓕ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᖅᑲᓇᐃᔭᖃᑎᖃᖃᑦᑕᕐᒪᑕ ᖃᐅᔨᒪᔨᑕᒻᒪᕆᖕᓂᒃ ᑕᒪᑐᒧᖓ ᐃᖅᑲᓇᐃᔭᖅᑐᓂᒃ ᐊᒻᒪ ᑕᑯᒃᓴᐅᑎᑦᑎᖃᑦᑕᕐᓂᕐᒥᒃ ᐃᖅᑲᓇᐃᔭᕐᔪᐊᖅᓯᒪᓂᕆᔭᖏᓐᓂᒃ ᐱᒻᒪᕆᐅᔪᓂᒃ ᐱᓕᕆᖃᑎᒋᔭᖏᓐᓂᒃ ᐱᖃᑎᖃᖅᖢᑎᒃ ᓄᖑᑎᑕᐅᓇᓱᒃᑎᓪᓗᒍ ᐳᕙᒡᓗᖕᓇᖅ ᐸᖕᓂᖅᑑᕐᒥ. ᑖᓐᓇᓗ ᐆᒃᑑᑎᑦᑎᐊᕙᓪᓚᕆᐅᓪᓗᓂ ᑭᓯᐊᓂᓕ ᐃᓗᓕᑯᓘᔭᖏᓐᓂᒃ ᐱᓯᒪᙱᑦᑐᖓ ᒐᕙᒪᑐᖃᒃᑯᓐᓂᙶᖅᑐᓂᒃ ᑭᓯᐊᓂ ᐅᖃᕈᓐᓇᖅᑐᖓ ᐅᑎᕐᕕᒋᓂᐊᖅᑕᕗᑦ. ᑕᐃᒃᑯᐊ ᐃᖅᑲᓇᐃᔭᖅᑏᑦ ᐅᖃᖃᑎᒋᓂᐊᖅᐸᒃᑲ ᓇᓃᓕᕐᒪᖔᑦ ᑕᒪᓐᓇ. ᖁᔭᓐᓇᒦ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑎᒋᔭᐃᑦ. ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᖁᔭᓐᓇᒦᓪᓗ, ᒥᓂᔅᑕ. ᑖᓐᓇᐃᓛᒃ ᐅᖃᐅᓯᕆᔭᕗᑦ ᐊᕐᕌᓂ ᓇᓗᓇᐃᖅᑕᐅᓯᒪᒻᒪᑦ ᑖᒃᑯᐊ ᒪᓕᑦᑐᒍ ᐅᑯᐊ ᑕᐃᒪ ᐋᖅᑭᑉᐸᓪᓕᐊᒐᓛᑦᑐᒥᒃ ᓇᓗᓇᐃᖅᓯᓯᒪᒻᒪᑦ ᑖᒃᑯᐊ ᐱᔾᔪᑎᒋᓪᓗᒋᑦ ᐳᕙᓪᓗᖃᑦᑕᕐᓂᖅ ᓲᕐᓗᖃᐃ ᑕᑯᔅᓴᐅᔪᓐᓃᖁᔭᐅᓪᓗᓂ ᑕᒫᓂ ᐊᕐᕌᒎ ᒪᓕᓪᓗᒍ 2030. ᑕᐃᒪᑦᑕᐅᖅ ᑖᒃᑯᐊᖏᓛᒃ ᓄᓇᓕᓐᓃᑦᑐᑦ ᐃᑲᔪᖅᓱᓲᖑᒻᒪᑕ ᑕᒪᒃᑯᐊ ᓱᑎᒋᔭᐅᖑᑎᓪᓗᒋᑦ ᐊᒻᒪ ᑖᒃᑯᐊ ᒐᕙᒪᒃᑯᓪᓗ ᓄᓇᕗᑦ ᒐᕙᒪᒃᑯᖑᑦ, ᑐᙵᕕᒃᑯᓪᓗ ᑕᕝᕙᓃᖃᑕᐅᓲᖑᒻᒪᑕ. ᐅᖃᖅᑎᑦᑎᔩ, 2030 ᑕᕝᕙᑦᑎᐊᖑᓕᕐᒥᒻᒪᑦ, ᐅᓪᓗᒥᖃᐃ ᐆᑦᑑᑎᒋᓗᒍ 1,500 ᐅᓪᓗᐃᑦ ᑕᐃᒪᑐᐊᖑᓕᕐᒥᒻᒪᑦ 2030 ᑎᑭᓚᐅᙱᓐᓂᖓᓂ. ᒐᕙᒪᒃᑯᖅᑲᐃ, ᓇᓗᓇᙱᑦᑑᒐᓗᐊᖅ ᖃᓄᖅ ᓄᓇᕗᑦ ᑐᙵᕕᒃᑯᓐᓂᑦ ᑖᒃᑯᓇᙵᑦ ᐊᕐᕌᒍᓄᑦ ᐊᒥᓱᓄᑦ ᑮᓇᐅᔭᖅᑐᕈᑎᔅᓴᓂᒃ ᓇᓗᓇᐃᖅᓯᓯᒪᒻᒪᑕ ᑖᔅᓱᒧᖓ ᐱᓕᕆᐊᖑᓂᐊᕐᓂᖓᓄᑦ ᐳᕙᓪᓗᖃᑦᑕᕐᓂᐅᑉ, ᐳᕙᓪᓗᔭᐃᖅᓯᒪᓂᐅᓪᓗ ᐊᓯᖏᑎᒍᓪᓗ ᑕᐃᒫᒃ ᐳᕙᓪᓗᓐᓇᖅ ᐱᑕᖃᕈᓐᓃᖁᓪᓗᒍ. ᒥᓂᔅᑕᖃᐃ ᓇᓗᓇᐃᖅᓯᒍᓐᓇᖅᑲ ᓱᓇᓂᒃ ᐋᖅᑭᒋᐊᕈᑎᔅᓴᓂᒃ ᐃᑲᔫᑎᔅᓴᒃᑲᓐᓂᕐᓂᒃ ᐃᑲᔫᑎᔅᓴᑲᓐᓂᕐᓂᑦ, ᑖᒃᑯᐊ ᖃᓄᖅ ᖃᓄᐃᑦᑑᒻᒪᖔᑕ ᐊᑐᖅᑕᐅᓂᐊᖅᑲᑦ ᑖᓐᓇ ᐳᕙᓪᓗᓐᓇᖅ ᐱᑕᖃᕈᓐᓃᕆᐊᖃᖅᑲᑦ ᓄᓇᕗᑦ ᐃᓗᐊᓂ ᐊᕐᕌᒍ ᑕᐃᓐᓇ ᐊᒡᒋᖅᑐᖅ 2030, 2030 ᒪᓕᓪᓗᒍ? ᓇᓗᓇᐃᖅᓯᒃᑲᓐᓂᖁᓇᖅᑑᒐᓗᐊᖅ ᒥᓂᔅᑕ ᑖᔅᓱᒥᖓ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓ, ᒥᔅ ᐳᕉᔅᑐ.

ᕿᑎᖅᑰ, ᒪᐃ 21, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 15 ᐊᖓᔪᖅᑳᖅ ᔮᓇᑦ ᐱᑦᓯᐅᓛᖅ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᓕᐊᓇᐃᒍᓱᑦᑎᐊᖅᑐᖓ ᐅᖃᕆᐊᒃᓴᖅ ᑲᑎᒪᔨ ᑖᓐᓇ ᐳᕙᒡᓗᒃᑐᑦ ᑕᐃᒃᑯᐊ ᐅᓄᕈᓐᓃᖅᐸᓪᓕᐊᓪᓚᕆᒃᓯᒪᖕᒪᑕ ᐊᕐᕌᒍᑦ ᐱᖓᓱᑦ ᐃᓗᐊᓂ. ᑕᐃᒃᑯᐊᓗ ᑲᒪᒋᔭᐅᓂᖏᑦ ᓯᕗᒧᐊᖕᓂᖃᑦᑎᐊᖅᑐᖅ ᖃᐅᔨᒪᓪᓗᑕ ᐳᕙᒡᓗᒃᑐᖑᑦ ᐃᓄᐃᓴᒡᓕᕙᓪᓕᐊᓂᖏᓐᓄᑦ 2024-2025ᒧᑦ, 2026ᒧᑦ, ᒪᒥᐊᓇᖅ. ᐸᕐᓇᐅᑎᒋᔭᕗᑦ ᐱᖃᓯᐅᔾᔨᓯᒪᔪᖅ $3,500,000-ᓂᒃ ᑮᓇᐅᔭᓂᒃ. ᕗᑦ 1- ᒦᑦᑐᑦ. ᑖᒃᑯᐊ $2,900,000 ᑐᖔᓃᕌᕐᔪᑐᐃᓐᓇᖅᑐᑦ ᑖᒃᑯᐊ ᑮᓇᐅᔭᖅᑐᕈᑎᒃᓴᐃᑦ. ᓯᕗᒻᒧᒃᐸᓪᓕᐊᑎᓪᓗᑕ 2030-ᒧᑦ ᑖᒃᑯᐊ ᐊᖏᕈᑎᒋᔭᐅᓯᒪᔪᑦ, ᑕᐃᒪᓐᓇ ᓱᕐᕋᔾᔮᙱᑦᑐᑦ ᐅᓄᕐᓂᕆᔭᖏᑦ ᐊᒻᒪᓗ ᐃᖅᑲᐃᑎᑦᑎᔪᒪᑐᐃᓐᓇᖅᖢᖓ: ᑕᐃᒃᑯᐊ ᖃᐅᔨᓴᖅᑕᐅᖃᑦᑕᕆᑦᑎ, ᐃᓅᓕᓴᖅᑕᐅᖃᑦᑕᕐᓗᓯ ᑎᒥᓯ ᑲᒪᒋᑦᑎᐊᕐᓗᒍ. ᖁᔭᓐᓇᒦᒃ. ᐅᖃᖅᑎ: ᖁᔭᓐᓇᒦᑦᑕᐅᖅ. ᐅᖃᐅᓯᒃᑯᑦ ᐊᐱᖅᑯᑏᑦ, ᐅᖅᓱᖅᑑᕐᒧᑦ ᒪᓕᒐᓕᐅᖅᑎ, ᒥᔅᑕ ᐳᐊᑐ. ᐊᐱᖅᑯᑦ 12 – 7(2): ᐅᖅᓱᖅᑑᒥ ᑐᐊᕕᕐᓇᖅᑐᒧᑦ ᐃᓂᓪᓚᒃᑕᐅᓂᖓ (ᐳᐊᑕ) ᐳᐊᑐ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᐊᐱᖅᑯᑎᒃᑲ ᐅᓪᓗᒥ ᑐᕌᖓᙳᓱᑦᑐᐃᑦ ᒥᓂᔅᑕᐅᔪᒧᑦ ᓄᓇᓕᓐᓂ ᐱᔨᑦᑎᕋᖅᑎᒃᑯᓐᓄᑦ. ᒥᓂᔅᑕ ᑕᐃᒪ ᖃᐅᔨᒪᒻᒪᑦ ᓄᓇᓕᖓᑦ ᐅᖅᓱᖅᑑᕐᒥᐅᓪᓗ ᒪᑭᑉᐸᓪᓕᐊᓯᒪᒻᒪᑕ ᐅᑭᐅᖃᓚᐅᖅᑐᑎᒃ ᐱᔭᕆᐊᑐᔪᐊᓗᒻᒥᒃ. ᐃᓱᒫᓗᐃᓐᓇᐅᔭᕐᖓᑦ ᐃᒥᓕᕆᔾᔪᑎᕗᑦ ᐊᒻᒪᑦᑕᐅᖅ ᖃᐅᒻᒪᐃᑦ ᖃᒥᖃᑦᑕᕐᓂᖏᑦᑕᐅᖅ ᐱᔭᕆᐊᑐᑎᑦᑎᓪᓚᕆᓯᒪᒻᒪᑕ. ᒫᓐᓇ ᐱᕕᖃᕐᓂᓐᓂ ᑐᓵᔪᖃᖅᑎᓪᓗᒍ ᐅᖅᓱᑑᕐᒥᐅᑦ ᐃᖅᑲᓇᐃᔭᖅᑎᖏᑦ ᕼᐋᒻᒪᓚᒃᑯᖏᑕ ᖁᔭᓐᓇᒦᕈᒪᒐᒃᑭᑦ ᐱᔭᕆᐊᑐᔪᖅᓯᐅᖅᑐᐊᓘᓪᓗᑎᒃ ᐱᓇᓱᐊᕈᓯᓂ ᑕᖅᑭᓂᒃ ᐱᓕᕆᓯᒪᒻᒪᑕ. ᐅᖃᖅᑎ, ᐱᒻᒪᕆᐊᓘᔪᖅ ᓄᓇᕗᒻᒥᐅᓕᒫᑦᑎᐊᑦ ᒫᓐᓇᓕᓴᐅᔪᓂᑦ ᑐᐊᕕᕐᓇᖅᑐᓄᑦ ᐸᕐᓇᐅᑎᖃᖅᐊᑕ ᐊᔾᔨᒌᙱᑦᑐᕈᓘᔮᓗᓐᓂᒃ ᖃᓄᐃᓐᓂᐅᔪᓐᓇᖅᑐᓂᒃ ᐃᓱᒪᒋᐊᖅᓯᒪᓗᑎᒃ. ᐱᔭᕆᐊᖃᕐᓂᖅᑕᖃᕐᖓᑦ ᐊᑖᓂ ᓄᓇᕗᒻᒥ ᑐᐊᕕᕐᓇᖅᑐᓕᕆᔨᒃᑯᑦ ᐱᖁᔭᕐᔪᐊᖓᑕ ᑕᕝᕘᓇ. ᒥᓂᔅᑕ ᓇᓗᓇᐃᕈᒍᓐᓇᖅᑲ ᖃᓄᖅ ᐱᓕᕆᕕᖓᑕ ᑐᐊᕕᕐᓇᖅᑐᓕᕆᔨᒃᑯᖏᑦ ᐱᓕᕆᖃᑎᖃᑎᖃᖅᓯᒪᒻᒪᖔᑕ ᐅᖅᓱᖅᑑᕐᒥᐅᑦ ᕼᐋᒻᒪᓚᖓᓂᑦ ᖃᐅᔨᒪᑦᑎᐊᕋᓱᓪᓗᑎᒃ ᑐᐊᕕᕐᓇᖅᑐᓄᑦ ᐸᕐᓇᐅᑎᖏᑦ ᓄᑖᕈᕆᐊᖅᑕᐅᓯᒪᒐᓗᐊᕐᒪᖔᑕ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓄᓇᓕᓐᓂ ᐱᔨᑦᓯᖅᑎᒃᑯᑦ ᒥᓂᔅᑕᖓ, ᒥᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒡ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᑦᑕᐅᖅ ᒪᓕᒐᓕᐅᖅᑎ ᐊᐱᕆᒻᒪᑦ ᑕᐃᒫᒃ ᑐᐊᕕᕐᓇᖅᑐᓕᕆᓂᐅᑉ ᐊᐅᓚᑕᐅᓂᖓᑕ ᒥᔅᓵᓄᑦ. ᓄᓇᓕᓐᓂ ᐱᔨᑦᑎᕋᖅᑎᒃᑯᑦ ᐊᔾᔨᒌᙱᑦᑐᓂᒃ ᐱᓕᕆᖃᑎᖃᖅᐸᑦᑐᑦ ᖁᓪᓕᐅᑉ ᐆᒻᒪᖅᑯᑎᓕᕆᔨᒃᑯᓐᓂᒃ ᖃᒥᑦᑐᖃᖃᑦᑕᕐᓂᖓ ᐱᔾᔪᑕᐅᓪᓗᓂ ᐊᒻᒪ ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᓪᓗ ᐱᓕᕆᖃᑎᖃᑦᑕᖅᑕᕗᑦ ᓄᓇᓕᓐᓄᑦ ᐱᓕᕆᓪᓗᑕ ᓄᓇᕗᒻᒥ. ᐊᒻᒪᑦᑕᐅᖅ ᓄᓇᕗᒻᒥ ᕼᐋᒻᒪᓚ ᑲᑐᔾᔨᖃᑎᒌᖏᑦ ᐱᓕᕆᖃᑎᒋᕙᒻᒥᔭᕗᑦ ᐃᓛᒃᑯᓪᓗ ᕼᐋᒻᒪᓚᐅᔪᓂᑦ ᖃᐅᔨᒐᓱᑦᑐᑕ ᓄᑖᕈᕆᐊᖅᑕᐅᒋᐊᖃᕐᒪᖔᑕ. ᓄᓇᓖᑦ ᐊᔾᔨᒌᙱᑦᑐᐃᓐᓈᓘᒻᒪᑕ.

ᕿᑎᖅᑰ, ᒪᐃ 21, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 16 ᐊᔾᔨᒌᙲᑦᑐᓂᒃ ᐱᖁᑎᖃᖅᑐᑎᒃ, ᐊᔾᔨᒌᙱᑦᑐᓂᒃ ᐱᒍᒪᔭᖃᖅᑐᑎᒃ, ᑕᐃᒫᒃ ᑐᐊᕕᐊᕆᓗᒋᑦ ᐱᔭᕆᐊᑐᖃᑦᑕᕐᖓᑦ ᐊᔾᔨᒌᙱᑦᑐᕈᓘᔮᓗᒡᒍᑕᐅᓂᖏᑦ ᐱᔾᔪᑕᐅᓪᓗᓂ. ᑕᕝᕙ ᑖᒃᑯᐊ ᐱᓕᕆᖃᑎᒌᑉᐸᑦᑐᐃᑦ ᒐᕙᒪᒃᑯᑦ ᐱᓕᕆᕕᖏᑦ ᑐᐊᕕᕐᓇᖅᑐᓕᕆᓂᖅ ᐸᕐᓇᐅᑎᖃᑦᑎᐊᕋᓗᐊᕐᒪᖔᑕ ᖃᐅᔨᒪᒐᓱᑦᑎᓪᓗᑎᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᑦᑕᐅᖅ. ᓯᕗᓪᓕᖅᐹᕐᒥ ᐃᓚᒋᐊᕈᑏᑦ ᐊᐱᕆᒍᑦ, ᒥᔅᑕ ᐳᐊᑐ. ᐳᐊᑐ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᐃᐳᓘᖑᑎᓪᓗᒍ ᑕᕝᕙᓂ ᐊᕐᕌᒍᑦᑎᓐᓂ ᒥᓂᔅᑕᐅᑉ ᐱᓕᕆᕕᖓ ᐱᕙᓪᓕᐊᔪᓄᑦ ᓴᖅᑭᖅᓯᔪᒻᒪᑕ ᑲᑐᔾᔨᖃᑎᖃᕐᓂᖓᕐᖓᑕᒎᖅ ᑲᓇᑕᒥ ᐊᐅᐸᖅᑐᒥᒃ ᓴᓐᓂᖓᔪᓕᖕᓂᒃ ᑐᐊᕕᕐᓇᖅᑐᓕᕆᔨᒃᑯᓐᓂᒃ. ᑕᐃᓐᓇ ᑐᓴᖅᑕᐅᑎᑦᑎᔾᔪᑎᖓ ᐅᖃᓚᐅᖅᓯᒪᔪᖅ “ᑖᒃᑯᐊᒎᖅ ᑲᓇᑕ ᐊᐅᐸᖅᑐᒥᒃ ᓴᓐᓂᖓᔪᓕᖕᓂᒃ ᐱᓕᕆᖃᑎᖃᕐᖓᑕ ᑐᐊᕕᕐᓇᖅᑐᓄᑦ ᐅᐸᒋᐊᕈᓐᓇᕐᓂᖓ ᓱᒃᑲᓕᓕᖅᑎᒋᐊᖅᑕᐅᒐᓱᑦᑐᓂ ᐊᒻᒪ ᖃᐅᔨᒪᒐᓱᑦᑐᑎᒃ ᓄᓇᓖᑦ ᐊᑐᐃᓐᓇᖃᖅᐸᒃᑲᓗᐊᕐᒪᖔᑕ ᐃᑲᔪᖅᓯᖅᑕᐅᔾᔪᑎᒋᒋᐊᖃᓪᓚᕆᑦᑕᖏᓐᓂᒃ ᐃᑲᔪᖅᑕᐅᒋᐊᖃᓕᕋᐃᑉᐸᑕ.” ᐅᖃᖅᑏᑦ, ᖁᔭᓕᒍᒪᔭᒃᑲ ᑲᓇᑕᒥ ᐊᐅᐸᖅᑐᒥᒃ ᓴᓐᓂᖓᔪᓖᑦ ᑐᐊᕕᕐᓇᖅᑐᓕᕆᔨᒃᑯᑦ ᐱᒻᒪᕆᐊᓗᓐᓂᒃ ᐱᓕᕆᓯᓯᒪᒻᒪᑕ ᑲᓇᑕᓕᒫᒥ. ᒥᓂᔅᑕ ᐅᓂᒃᑳᖃᕈᓐᓇᖅᑲ ᐃᓚᖏᓐᓂᒃ ᓴᖅᑭᖅᑕᐅᓯᒪᔪᓂᒃ ᑲᑐᔾᔨᖃᑎᒌᓐᓂᒃᑯᑦ? ᐅᖃᖅᑎ: ᐱᔨᑦᓯᖅᑏᑦ ᒥᓂᔅᑕᖓ, ᒥᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒡ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᓚᖏᑦ ᐊᐅᐸᖅᑐᒥᒃ ᓴᓐᓂᖓᔪᓖᑦ ᐱᓕᕆᐊᕆᓲᖏᑦ ᐱᓕᕆᖃᖅᑕᖅᑐᑎᒃ ᐃᓕᓐᓂᐊᑎᑦᑎᔨᓂᒃ ᐱᓕᒻᒪᔅᓴᐃᖃᑦᑕᖅᑐᑎᒃ ᐋᓐᓂᐊᖅᑕᐅᓕᓕᕆᓂᕐᒧᑦ ᑐᐊᕕᕐᓇᖅᑐᓕᕆᓂᕐᒥᒃ ᐊᓯᖏᓐᓂᓗ. ᑖᒃᑯᐊ ᐃᑲᔪᖃᑦᑕᖅᓯᒪᒻᒪᑕ ᑲᓇᑕᒥ ᐊᐅᐸᖅᑐᒥᒃ ᓴᓐᓂᖓᓕᓖᑦ ᐊᓯᐊᒍᓪᓗᑦᑕᐅᖅ ᐃᑲᔪᖃᑦᑕᖅᓯᒪᒻᒥᔪᐃᑦ ᐃᑲᔪᕈᓐᓇᕋᐃᒐᒥᒃ ᐱᓕᒻᒪᔅᓴᐃᓂᒃᑯᓪᓗ ᐋᓐᓂᐊᖅᑕᐃᓕᓕᕆᓂᕐᒧᑦ ᑐᐊᕕᕐᓇᖅᑐᓕᕆᓂᕐᒥᒃ ᓄᓇᕗᒻᒥ ᐱᓕᒻᒪᓴᖅᑕᐅᓪᓗᑎᒃ ᑕᐃᒃᑯᐊ ᐅᐸᖅᑳᕆᐊᖃᓲᑦ ᑐᐊᕕᕐᓇᖅᑐᒧᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ, ᐊᐱᖅᑯᑎᒋᔭᐃᑦ ᒥᔅᑲ ᐳᐊᑐ. ᐳᐊᑐ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᒥᓂᔅᑕᑦᑕᐅᖅ ᖃᐅᔨᒪᒻᒪᑦ ᐅᖅᓱᖅᑑᖅ ᐃᒥᖏᓐᓂᒃ ᑎᖅᑎᑎᑦᑎᖃᑦᑕᖁᔭᐅᓯᒪᓕᕐᖓᑕ ᑕᖅᑭᒐᓚᑲᓪᓚᒻᒪᕆᓐᓄᑦ. ᒐᕙᒪᒃᑯᓪᓗ ᑳᓐᑐᕌᖏᑦ ᐱᒐᓱᐊᒐᔅᓴᒥᒃ ᓴᖅᑭᖅᓯᓚᐅᖅᓯᒪᒻᒪᑕ ᔫᓐ 2025−ᒥ ᐅᖃᓕᒫᕐᓗᒋᑦ, “ᐱᕙᓪᓕᐊᑎᑦᑎᒐᔭᖅᑐᒥᒃ ᐱᓕᕆᐊᔅᓴᓂᒃ ᐅᓂᒃᑳᓕᐅᕐᓗᑎᒃ ᐸᕐᓇᐅᑎᔅᓴᐅᓂᐊᖅᑐᓂᒃ ᓯᕗᓂᑐᖃᑦᑎᓐᓄᑦ ᑲᒪᒋᔭᐅᒋᐊᖃᕐᓂᐊᖅᑐᓂᒃ ᐃᒥᓕᕆᔾᔪᑎᔅᓴᐅᔪᓂᑦ ᓈᒻᒪᑦᑎᑕᐅᒐᓱᓪᓗᑎᒃ 2055−ᒧᑦ.” ᒥᓂᔅᑕ ᓇᓗᓇᐃᕆᒍᓐᓇᖅᑲ ᖃᖓ ᓄᑖᑦ ᐃᒥᓕᕆᕖᑦ ᐅᖅᓱᖅᑑᒧᑦ ᐃᓚᓕᐅᔾᔭᐅᓛᕐᒪᖔᑕ ᐱᓕᕆᕕᖓᑕ ᑕᓪᓕᒪᓄᑦ ᐊᕐᕌᒍᓄᑦ ᐊᑭᑐᔪᖅᑐᕈᑎᔅᓴᖏᓐᓄᑦ ᐸᕐᓇᐅᑎᖏᓐᓄᑦ? ᖁᔭᓐᓇᒦᒃ, ᐅᖃᖅᑎ. ᐅᖃᖅᑎ: ᒥᓂᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒡ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᑦᑕᐅᖅ ᒪᓕᒐᓕᐅᖅᑎ ᐊᐱᕆᒻᒪᑦ. ᐃᒥᓕᕆᕕᒻᒥ ᐃᒥᓕᕆᔾᔪᑎᖓᓂ ᐅᖅᓱᖅᑑᕐᒥᐅᑕᐃᑦ ᖃᖓᓗᑦᑕᐅᖅ ᑕᓪᓕᒪᓄᑦ ᐊᕐᕌᒍᓄᑦ ᐸᕐᓇᐅᑎᓅᖅᑕᐅᒐᔭᕐᒪᖔᑦ.

ᕿᑎᖅᑰ, ᒪᐃ 21, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 17 ᑖᓐᓇ ᓄᓇᓕᒃ ᐃᓚᒋᔭᐅᒻᒪᑦ ᕿᒥᕐᕈᔭᐅᓛᖅᑐᓄᑦ ᑎᑎᕋᖅᑕᐅᖃᓯᐅᔾᔭᐅᒋᐊᓵᖅᑐᖅ ᐃᒥᓕᕆᔾᔪᑎᑖᕋᔭᖅᑐᓄᑦ ᑭᓯᐊᓂ ᐊᓯᖏᓐᓂ ᓄᓇᓕᓐᓂ ᓯᕗᓪᓕᐅᔪᖃᕐᒥᒻᒪᑦ. ᑐᑭᓯᒃᑲᓐᓂᕈᑎᔅᓴᓂᒃ ᐱᕕᒋᒃᑲᓐᓂᓛᕐᓗᒍ ᑭᐅᑦᑎᐊᕈᓐᓇᖅᑕᕋᓗᐊᕋ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᐊᐃᕕᓕᖕᒧᑦ ᒪᓕᒐᓕᐅᖅᑎ, ᒥᔅ ᐊᖑᑎᐊᓗᒃ. ᐊᐱᖅᑯᑦ 13 – 7(2): ᑐᐊᐸᓕᕆᔾᔪᑎ ᐊᒻᒪᓗ ᑐᐊᐸᓕᐋᖑᖃᑦᑕᖅᑐᓄᑦ (ᐊᖑᑎᐋᓗᒃ) ᐊᖑᑎᐊᓗᒃ: ᖁᔭᓐᓇᒦᒃ ᐅᖃᖅᑎᑦᑎᔨ. ᑖᓐᓇᓕ ᐊᐱᖅᑯᑎᒋᓂᐊᖅᑕᕋ ᓄᓇᓕᖕᓄᑦ ᐱᔨᑦᑎᖅᑎᒧᑦ. ᐅᖃᖅᑎᑦᑎᔨ, ᓇᐅᔮᓃᕋᑖᓚᐅᕋᒪ ᑭᒡᒐᕋᒃᑭᑦ ᐃᓛᒃ ᓇᐅᔮᕐᒥᐅᑕᐃᑦ ᐊᒻᒪᓗ ᓴᓪᓕᕐᒥᐅᑕᐃᑦ. ᑖᒃᑯᐊ ᑲᑎᖃᑎᒋᓚᐅᖅᓱᒋᑦ ᓇᐅᔮᑦ ᑲᑎᒪᔨᖏᓐᓂᒃ ᕼᐋᒻᒪᓚᒃᑯᓐᓂ ᑖᒃᑯᐊ ᑲᑎᖃᑎᔭᒃᑲᓂᒃ ᑐᒃᓯᕋᕐᓂᖃᓚᐅᖅᑐᐃᑦ ᕼᐋᒻᒪᓚᒃᑯᑦ ᑲᑎᒪᔨᖏᑦ ᐃᒪᐃᑦᑐᒥᒃ ᓄᓇᓕᖕᓄᑦ ᓯᖃᓕᒃᓯᔾᔪᑎᒥᒃ ᐅᔭᕋᖕᓄᑦ, ᔭᕋᖕᓂᒃ ᓯᖃᓕᒃᓯᔾᔪᑎᒥᒃ ᑐᒃᓯᕋᕐᓂᖃᓚᐅᖅᑑᒐᓗᐊᑦ ᑖᓐᓇ ᐱᒍᒪᔭᕆᓪᓚᕆᓚᐅᖅᑖ ᑖᓐᓇ ᓯᖃᓕᒃᓯᔾᔪᑦ. ᐊᒻᒪ ᐊᓯᖏᓐᓂᐅᒐᓗᐊᖅ ᒫᓐᓇᐅᔪᖅ ᑖᓐᓇ ᐅᖃᐅᓯᕆᕙᕋ. ᖁᔭᓐᓇᒦᒃ, ᐅᖃᖅᑎᑦᓯᔩ. ᒥᓂᔅᑕ ᖃᐅᔨᒪᔪᒃᓴᐅᔪᖅ ᓄᓇᑦᑎᓐᓂ ᓴᓪᓕᕐᒥ ᓯᐅᕋᖅ ᒪᕋᐅᓗᐊᓕᕐᒪᑦ ᐊᓯᐊᓂᒃ ᓯᐅᕋᖅᑕᕐᕕᖕᒥᒃ ᐱᒍᒪᓪᓗᑎᒃ ᕼᐋᒻᒪᓚᒃᑯᑦ ᐊᐱᖅᓲᑎᖃᖅᑑᒐᓗᐊᑦ ᑖᔅᓱᒥᖓ, ᐊᕙᓂᖔᖅ ᐊᑭᑦᑎᓐᓂ ᓯᐅᕋᑦᑎᐊᕙᐅᓂᖅᓴᐅᓪᓗᓂ ᒪᕋᑐᐃᓐᓈᓘᙱᔅᓱᓂ ᓄᓇᓕᕗᑦ ᒪᕋᐃᓐᓇᐅᓗᐊᓕᕐᒪᑦ. ᒪᕋᐃᓐᓈᓘᖃᑦᑕᓕᕐᒪᑦ ᐊᐅᔭᒃᑯᑦ ᑖᓐᓇᓗ ᐱᐅᙱᑦᑐᐊᓘᓪᓗᓂ, ᐳᕙᑦᑎᐊᕆᙱᑦᑐᓄᑦ ᐊᓂᕐᓂᑦᑎᐊᕆᙱᑦᑐᓄᑦ, ᑖᓐᓇ ᓯᐅᕋᑦᑎᐊᕙᐅᓂᖅᓴᖅ ᓇᓂᔭᐅᓯᒪᔪᖅ ᐊᑭᑦᑎᓐᓂ ᑖᓐᓇ ᑐᐊᕕᕐᓇᕈᔪᒃᑑᔭᖅᑐᖅ ᒫᓐᓇᐅᔪᖅ ᐊᐅᔭᑭᑦᑐᐊᓘᓂᐊᕐᒥᒐᑦᑕ. ᑕᒪᐅᖓ ᓄᖅᑳᓪᓚᓕᖅᑐᖓ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᒥᔅ ᐊᖑᑎᐊᓗᒃ, ᐊᐱᖅᑯᑎᒥᒃ ᑐᓴᙱᓐᓇᒪ. ᐊᐱᖅᑯᑎᖕᓄᑦ ᑐᕌᒋᒋᐊᑲᐃᓐᓇᕆᑦ. ᒥᔅ ᐊᖑᑎᐊᓗᒃ. ᐊᖑᑎᐊᓗᒃ: ᑖᓐᓇ ᐊᐱᖅᓲᑎᒋᔭᕋ ᐱᒋᐊᖅᑕᐅᑲᐅᑎᒋᒍᓐᓇᕐᒪᖔᑦ ᓯᐅᕋᖅ ᓄᓇᑦᑎᓐᓂ, ᐊᑭᑦᑎᓐᓃᑦᑐᖅ. ᐊᖏᖅᑕᐅᒋᐊᖃᖃᑦᑕᖅᑰᕐᒪᑦ ᓄᓇᓕᖕᓄᑦ ᐱᔨᑦᓯᖅᑎᒧᑦ. ᑖᓐᓇ ᐊᐱᖅᑯᑎᒋᓪᓗᒍ ᐊᒻᒪᓗ ᐅᔭᕋᒃ ᓯᖃᓕᒃᑎᔾᔪᑦ ᓇᐅᔮᓄᑦ? ᖁᔭᓐᓇᒦᒃ. ᐅᖃᖅᑎ: ᓄᓇᓕᓐᓂ ᐱᔨᑦᓯᖅᑎᒃᑯᑦ ᒥᓂᔅᑕᖓ, ᒥᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒡ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎ. ᖁᔭᓐᓇᒦᓪᓗ ᒪᓕᒐᓕᐅᖅᑎ ᐊᐱᕆᒻᒪᑦ ᑐᐊᐸᓕᐅᕈᑎᐅᑉ ᒥᔅᓵᓄᑦ, ᐅᔭᕋᓛᓕᐅᕈᑏᑦ ᒥᔅᓵᓄᑦ ᓂᕈᐊᖅᑕᐅᓯᒪᕕᒋᔭᖓᓄᑦ. ᓄᓇᓕᓐᓂ ᐱᔨᑦᑎᕋᖅᑎᒃᑯᑦ ᕼᐋᒻᒪᓚᒃᑯᓐᓂ ᐃᓛᒃᑯᑦ ᐱᓕᕆᖃᑎᖃᖅᐸᑦᑐᐃᑦ ᓇᓂᓯᒐᓱᑦᑎᓪᓗᒋᑦ ᐅᔭᕋᑦᑕᕕᔅᓴᐅᔪᓂᒃ ᐊᒻᒪ ᓯᖁᓪᓕᖅᑎᕆᓂᖅ ᐅᔭᕋᓐᓄᑦ ᓄᖅᑲᖓᑲᐃᓐᓇᖅᑎᑕᐅᒻᒪᑦ ᓄᑖᓂᓪᓗ ᑐᔅᓯᕋᐅᑎᓂᒃ ᐱᒍᓐᓇᙱᑲᐃᓐᓇᖅᑐᑎᒃ. ᐱᔨᑦᑎᕋᖅᑎᒃᑯᑦ ᕼᐋᒻᒪᓚᓂᒃ ᐱᓕᕆᖃᑎᖃᓲᖑᒐᓗᐊᑦ ᕿᓂᖅᑎᓪᓗᒋᑦ ᐅᔭᕋᓛᖅᑕᕕᔅᓴᓂᒃ ᐊᒻᒪ ᕼᐋᒻᒪᓚᖏᑦ ᓂᐅᕕᖃᑦᑕᕈᓐᓇᕋᔭᖅᑐᐃᑦ ᑭᓇᑐᐃᓐᓇᖅ ᐃᓛᒃ ᓇᒻᒥᓂᖃᐅᑎᓖᑦ ᑐᔅᓯᕋᐅᑎᓕᐅᕐᓂᖅᑲᑕ ᐅᕝᕙᓘᓐᓃᑦ ᕼᐋᒻᒪᓚᒃᑯᑦ ᑐᔅᓯᕋᕐᓂᖅᑲᑕ ᓄᓇᓕᓐᓂ ᐱᔨᑦᑎᕋᖅᑎᒃᑯᓐᓂᒃ ᑕᐃᒪᐃᑦᑐᓂᒃ ᐱᓕᕆᐊᖃᕋᓱᐊᕈᓐᓇᕋᔭᖅᑐᒍᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓪᓕᖅᐹᕐᒥ ᐃᓚᒋᐊᕈᑏᑦ ᐊᐱᕆᒍᒃ, ᒥᔅ ᐊᖑᑎᐊᓗᒃ.

ᕿᑎᖅᑰ, ᒪᐃ 21, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 18 ᐊᖑᑎᐊᓗᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᒥᓂᔅᑕ ᓄᓇᓕᖕᓄᑦ ᖃᐅᔨᒪᔪᒃᓴᐅᔪᖅ ᑕᒪᒃᑯᓂᖓ ᓯᐅᕋᖅᑕᐅᑎᒐᓚᐃᑦ ᐊᒻᒪᓗ ᐃᒡᓗᓕᕆᔨᒃᑯᓐᓄᑦ ᒥᓂᔅᑕᐅᔪᖅ ᓯᐅᕋᖅᑕᕆᐊᖃᖃᑦᑕᕐᒪᑕᐃᓛᒃ ᓄᓇᑖᕆᐊᖃᓕᕋᐃᒻᒪᑕ ᐃᒡᓗᓄᑦ. ᑖᓐᓇ ᖃᓄᐃᓕᖓᕙᑭᐊᖅ? ᐊᑐᐃᓐᓇᕈᖅᐸᓪᓕᐊ? ᑕᒪᒃᑯᐊ ᓯᐅᕋᖅᑕᕐᓃᑦ ᐃᒡᓗᓄᑦ ᑐᙵᕕᐅᓂᐊᖅᑐᐃᑦ? ᑖᓐᓇᑦᑕᐅᖅ ᐊᐱᖅᑯᑎᒋᔭᕋ ᐃᒡᓗᓕᕆᔨᒃᑯᓐᓄᑦ. ᑕᐃᒫᑦᑎᐊᖅ. ᖁᔭᓐᓇᒦᒃ, ᐅᖃᖅᑎᑦᓯᔩ. ᐅᖃᖅᑎ: ᒥᔅ ᐊᖑᑎᐊᓗᒃ, ᑖᓐᓇ ᐊᐱᖅᑯᑎᒋᔭᐃᑦ ᑕᐃᔅᓱᒧᖓᑦᓴᐃᓐᓇᖅ ᒥᓂᔅᑕᒧᑦ ᑐᕋᖓᐃᓐᓇᕆᐊᓕᒃ. ᐊᓯᐊᓂᒃ ᒥᓂᔅᑕᒧᑦ ᓴᖑᒍᓐᓇᙱᓚᐅᑲᒃᑐᐃᑦ ᑭᓯᐊᓂ ᑖᓐᓇ ᓄᓇᓕᓐᓂ ᐱᔨᑦᓯᖅᑎᒃᑯᓐᓄᑦ ᑐᕌᖓᔪᓄᑦ ᐊᐱᕆᒋᐊᕈᓐᓇᖅᑐᑎᑦ. ᒥᔅ ᐊᖑᑎᐊᓗᒃ. ᐊᖑᑎᐊᓗᒃ: ᑕᐃᒪ. ᖁᔭᓐᓇᒦᒃ, ᐅᖃᖅᑎᑦᑎᔨ. ᐊᐱᖅᑯᑎᖃᖅᐱᑦ ᒥᓂᔅᑕ ᓄᓇᓕᓐᓂ ᐱᔨᑦᓯᖅᑎᒃᑯᓐᓄᑦ ᑐᕌᖓᔪᒥᒃ ᐃᓚᒋᐊᕈᑎᒋᔭᐃᑦ? ᒥᔅ ᐊᖑᑎᐊᓗᒃ. ᐊᖑᑎᐊᓗᒃ: ᐄ, ᒪᒥᐊᓇᖅ. ᑖᓐᓇ ᐅᖃᐅᓯᕆᑲᐃᓐᓇᓕᖅᐸᕋ ᐋᖅᑭᑦᑎᐊᖅᐸᑦ ᐅᖃᐅᓯᕆᒃᑲᓐᓂᕐᓂᐊᖅᐸᕋ. ᐅᖃᖅᑎ: ᖁᔭᓐᓇᒦᒃ. ᐊᑎᖁᑎᒃᑲ ᒪᓕᒡᓗᒋᑦ, ᐊᕐᕕᐊᑦ ᓂᒋᐊᓄᑦ, ᒥᔅᑕ ᖃᑉᓗᑦᓯᐊᖅ. ᐊᐱᖅᑯᑦ 14 – 7(2): ᑭᒡᓕᕆᔭᑦᑕ ᐅᖓᑕᐆᔾᔨᔪᓄᑦ ᐃᓱᒪᒋᔭᕆᐊᓕᕗᑦ ᑭᕙᓪᓕᕐᒥ (ᖃᑉᓗᑦᓯᐋᖅ) ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎ. ᐅᖃᐅᓯᖃᙳᓱᑦᑐᖓ ᑭᓪᓕᖏᓐᓂᒃ ᖃᓕᕇᑦᑐᓂᒃ ᑭᕙᓪᓕᕐᒥ. ᓯᕗᓕᖅᑎᒧᑦ ᐊᐱᖅᑯᑎᖃᙳᓱᑦᑐᖓ ᐱᔾᔪᑎᖃᙳᓱᖅᑐᖓ ᑭᓪᓕᓕᐊᖑᓯᒪᔪᓂᒃ ᖃᓕᕇᓕᖅᑎᑕᐅᓯᒪᔪᓄᑦ ᐊᔾᔨᒌᙱᑦᑐᓄᑦ. ᑖᓐᓇ ᑲᐱᓱᓕᖅᑐᒥ ᐱᓕᕆᐊᖑᔪᖅ ᐊᕐᕕᐊᑦ ᖃᓂᒋᔭᐸᓗᐊᓂ ᕼᐋᒻᒪᓚᒃᑯᓐᓄᑦ ᐃᑲᔪᖅᓯᖅᑕᐅᓯᒪᓕᕐᖓᑦ ᐊᒻᒪᓗ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ. ᒫᑦᓯᐅᑎᓪᓗᒍ ᑕᕝᕙᓂ ᐊᕐᕌᒍᒥ ᓄᓇᕗᒻᒥ ᐊᕙᑎᓕᕆᔨᒃᑯᑦ ᓴᖅᑭᖅᓯᔪᒻᒪᑕ ᖃᐅᔨᓴᓚᐅᖅᑐᑎᒃ ᐅᓂᒃᑳᓕᐊᒥᓂᖏᓐᓂᒃ ᐱᓕᕆᐊᖑᒍᒪᔪᑦ ᐱᓪᓗᒍ. ᐅᓂᒃᑳᓕᐊᒥᓂᖏᑦ ᐅᖃᖅᓯᒪᔪᒻᒪᑕ ᐅᖃᓕᒫᕐᓗᒋᑦ. “ᑖᓐᓇ ᐱᓕᕆᐊᖑᒍᒪᔪᖅ ᑐᔅᓯᕋᐅᑎᖓ ᐃᓱᒫᓗᒋᔭᐅᓗᐊᔾᔮᕙᓪᓚᐃᙱᑦᑐᖅ ᑭᒃᑯᑐᐃᓐᓇᕐᓄᑦ ᐊᒻᒪᓗᑦᑕᐅᖅ ᐊᑦᑐᐃᓂᕐᓄᓪᓗᐊᔾᔮᓇᓂ ᐊᕙᑎᖓᓂᒃ ᐊᒻᒪ ᐃᓅᖃᑎᒌᑦᑐᓂᒃ.” ᑕᕝᕗᖓ ᐅᖃᓕᒫᕐᓗᒋᑦ.” ᐅᖃᖅᑎ, ᑐᑭᓯᓯᒪᒐᒪ ᑖᓐᓇ ᐱᓕᕆᓂᐅᔪᖅ ᑲᔪᓯᒍᓐᓇᔾᔮᙱᒻᒪᑦ ᑭᓯᐊᓂ ᒐᕙᒪᑐᖃᒃᑲᓐᓂᑦ ᐊᖏᖅᑕᐅᑉᐸᑕ ᑭᓯᐊᓂ ᑖᓐᓇ ᐊᖏᖅᑕᐅᙲᓐᓇᑐᐃᓐᓇᕆᐊᖃᕐᒥᒻᒪᑦ ᐃᓱᒫᓘᑎᖃᕐᓂᕋᖃᑦᑕᖅᓯᒪᒻᒪᑕ ᑭᓪᓕᖓᓐᓂᒃ ᖃᓕᕇᒃᑎᖃᑎᒋᓯᒪᔭᕗᑦ ᓄᓇᕗᒻᒥ ᓯᓚᑖᓂᒥᐅᑕᐃᑦ. ᑐᑭᓯᐅᒪᔾᔪᑎ ᒐᕙᒪᒃᑯᓐᓂᙶᖅᑐᐃᑦ ᐅᖃᖅᓯᒪᒻᒪᑕ ᐱᓕᕆᕕᖓᒡᒎᖅ ᒐᕙᒪᓕᕆᔨᒃᑯᑦ ᐋᔩᖃᖃᑎᒌᖃᑕᐅᒻᒪᑕ ᐱᔾᔪᑎᖃᖅᑐᓂᒃ ᐊᑐᓕᖅᑎᑕᐅᓂᖏᓐᓂᒃ ᑭᓪᓕᖏᓐᓂᒃ ᖃᓕᕇᑦᑎᓯᒪᔪᐃᑦ ᓄᓇᑖᕈᑎᓂᑦ ᑕᒫᓂ. ᓯᕗᓕᖅᑎ ᓇᓗᓇᐃᖅᓯᒍᓐᓇᖅᑳ ᑕᐃᓐᓇ ᕼᐅᒃ ᑲᖏᖅᓱᐊᓗᒃ ᐃᓱᒫᓗᒋᔭᐅᓂᖓ ᐅᖃᐅᓯᐅᓯᒪᒐᓗᐊᕐᒪᖔᑦ ᐱᓕᕆᕕᖓᓄᑦ ᑲᑎᒪᖃᑎᒌᑦᑎᓪᓗᒋᑦ? ᖁᔭᓐᓇᒦᒃ, ᐅᖃᖅᑎ. ᐅᖃᖅᑎ: ᓄᓇᕗᒻᒧᑦ ᓯᕗᓕᖅᑎ, ᒥᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. ᒪ’ᓈᖅᖢᒍᓗ ᐊᐱᖅᓱᖅᑐᖅ ᒪᓕᒐᓕᐅᖅᑎᐅᖃᑎᒐ. (ᑐᓵᔨᑎᒎᓕᑐᖅ) ᑕᐃᒃᑯᐊᓕ ᑕᓇᐃ ᐃᖅᑭᓖᑦ ᓄᓇᑖᕆᒐᓱᐊᖅᑕᖏᑦ ᓄᓇᕗᒻᒨᖓᔪᐃᑦ. ᑖᓐᓇ ᑐᓴᖅᑕᐅᓪᓚᕆᖁᔭᕋ ᒐᕙᒪᕗᑦ ᐃᑲᔪᖅᓰᖃᑦᑕᕐᖓᑦ ᐊᓪᓚᐃᑦ ᐱᔪᓐᓇᐅᑎᖏᓐᓂᒃ ᓄᓇᕗᒻᒥ ᐊᒻᒪ ᑐᙵᓱᑦᑎᑦᑎᓪᓗᑕ ᖁᕕᐊᒋᔭᖃᖅᑐᑕᓗ ᐱᔭᕇᖅᑕᐅᑦᑎᐊᖅᓯᒪᒻᒪᑦ ᓄᓇᑖᕈᑎᒋᓯᒪᔭᖏᑦ ᒪᕐᕈᐃᑦ ᐊᓪᓚᐃᑦ ᑲᑐᔾᔨᖃᑎᒌᖏᑦ ᐊᔾᔨᒌᙱᑦᑐᑦ ᒐᕙᒪᑐᖃᒃᑯᓐᓂᒃ ᐱᓕᕆᖃᑎᖃᖅᑐᑎᒃ.

ᕿᑎᖅᑰ, ᒪᐃ 21, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 19 ᑭᐅᒐᓱᓪᓗᒍᓕ ᐊᐱᖅᑯᑎᖓ ᒪᓕᒐᓕᐅᖅᑎᐅᑉ ᖃᐅᔨᒪᓪᓚᕆᙱᓐᓇᒪ ᑖᒃᑯᓂᖓ ᐃᓗᓕᖏᓐᓂᒃ ᐱᓯᒪᙱᓐᓇᒪ ᒫᓂ ᑖᓐᓇ ᐱᓕᕆᓂᐅᔪᖅ ᐅᖃᐅᓯᐅᓯᒪᒻᒪᖔᑦ ᑲᑎᒪᔪᓂ. ᒫᓐᓇᓕ ᓵᖓᑦᑎᓂᖅᓴᐅᒻᒪᑕ ᐊᑐᓕᖅᑎᑦᑎᓇᓱᓐᓂᕐᒥᒃ ᐸᕐᓇᐅᑎᓂᒃ ᓄᓇᑖᕈᑎᔅᓴᖏᓐᓄᑦ, ᓄᓇᑖᕈᑎᓄᑦ. ᐅᕙᒍᓪᓕ ᒐᕙᒪᐅᓪᓗᑕ ᐊᑐᓕᖅᑎᑦᑎᓂᖅ ᐊᓪᓚᐃᑦ ᓄᓇᑖᕈᑎᖓᓂ ᐱᓕᕆᐊᖑᔭᕆᐊᖃᕐᖓᑦ ᐊᑭᖃᙱᑦᑎᐊᕐᓗᓂ ᓄᓇᕗᑦ ᒐᕙᒪᖓᓄᑦ. ᑮᓇᐅᔭᖅᑐᓂᐊᖅᑲᑦ ᐊᑐᓕᖅᑎᒐᓱᓪᓗᒍ ᑕᐃᒃᑯᐊᓗ ᒪᕐᕈᐃᑦ ᐊᓪᓚᐃᑦ ᑲᑐᔾᔨᖃᑎᒌᖏᑦ ᐱᓕᕆᖃᑎᒌᓐᓇᕐᓗᑎᒍᑦ. ᒐᕙᒪᑐᖃᒃᑯᑦ ᑐᓴᖁᔭᕗᑦ ᓈᒻᒪᑦᑐᓂᒃ ᑮᓇᐅᔭᖃᖅᑎᑕᐅᔭᕆᐊᖃᖅᑐᒍᑦ ᐊᑐᓕᖅᑎᑦᑎᒍᑎᔅᓴᓂᒃ ᐱᓕᕆᐊᖓ ᑲᔪᓯᒍᓐᓇᓂᐊᕐᖓᑦ. ᖁᔭᓐᓇᒦᒃ, ᐅᖃᖅᑎ. ᐅᖃᖅᑎ: ᓯᕗᓪᓕᖅᐹᕐᒥ ᐊᐱᖅᑯᑎᒋᔭᐃᑦ, ᐃᓚᒋᐊᕈᓄᑦ, ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑕᐃᒃᑯᐊ ᑐᓴᐅᒪᔾᔪᑏᑦ ᐊᑐᐃᓐᓇᕈᖅᑎᑕᐅᓯᒪᔪᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᐅᖃᖅᓯᒪᔪᑦ ᑕᐃᒃᑯᐊ ᑭᒡᓕᓕᐅᖅᑕᐅᓯᒪᔪᓂᒃ ᑲᒪᔨᐅᔪᑦ. ᐃᑲᔪᖅᓱᐃᙱᑦᑐᖅ ᑖᔅᓱᒥᖓ ᑕᓯᕐᒥ ᐱᓕᕆᐊᕆᔭᐅᔪᓂᒃ ᑕᒫᓂ ᐊᕕᒃᑐᖅᓯᒪᔪᖁᑎᑦᑎᓐᓂ ᐊᑐᖅᓯᓐᓈᖅᑐᖅ ᖃᒪᓂᑦᑐᐊᑉ ᖃᓂᒋᔮᓃᑦᑐᖅ, ᑲᖏᖅᖠᓂᐅᑉ ᖃᓂᒋᔮᓃᑦᑐᖅ ᐊᒻᒪᓗ ᑭᕙᓪᓕᕐᒥ ᓱᓪᓗᓕᑯᑖᓕᐅᕐᓂᐊᕐᓂᖏᑦ ᐱᑐᒃᓯᒪᐅᑎᓂᒃ. ᑕᒪᑐᒪᓂ ᑖᓐᓇ ᓯᕗᓕᖅᑎ ᑲᑎᒪᖃᑎᖃᓚᐅᖅᑐᖅ ᒫᓂᑑᐸᒥ ᓯᓄᓕᖅᑎᒋᔭᐅᔪᓂ ᑖᓐᓇ ᐅᖃᐅᓯᕆᔭᖅᑐᖅᖢᓂᐅᒃ. ᑖᓐᓇᖃᐃ ᓯᕗᓕᖅᑎ ᓇᓗᓇᐃᖅᓯᔪᓐᓇᖅᐳᖅ ᖃᓄᐃᑦᑐᓂᒃ ᖃᓄᖅᑑᕈᑎᒃᓴᓕᐅᓚᐅᕐᒪᖔᑦ ᑖᒃᑯᐊ ᑲᑎᒪᖃᑎᒋᓪᓗᓂᔾᔪᒃ ᒫᓂᑑᐸᒥ ᒥᓂᔅᑕᐅᖃᑎᓂ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓄᓇᕗᒻᒧᑦ ᓯᕗᓕᖅᑎ, ᒥᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ ᐅᖃᖅᑎᑦᓯᔨ. (ᑐᓵᔨᑎᒍᑦ) ᐄ, ᓇᓗᓇᐃᖅᓯᔪᓐᓇᖅᑐᖓ ᑖᒃᑯᐊ ᐅᖃᐅᓯᕆᓚᐅᖅᑕᕗᑦ ᑕᒪᒃᑯᐊ ᑭᒡᓕᓕᐅᖅᑕᐅᓯᒪᔪᑦ ᒥᒃᓵᓄᑦ ᐊᒻᒪᓗ ᑲᑎᒪᖃᑎᒌᒃᖢᑕ ᐅᔾᔨᕆᔾᔫᒥᓚᐅᖅᑐᒍᑦ ᑕᒪᓐᓄᑦ ᒐᕙᒪᒃᑯᓐᓄᑦ ᓯᕗᓕᖅᑎᒋᔭᐅᒐᓐᓄᑦ ᐊᒻᒪᓗ ᑕᒪᒃᑯᐊ ᓄᓇᖃᖅᑳᖅᓯᒪᔪᑦ ᑎᒥᖁᑎᖏᑦ ᑐᑭᓯᐅᒪᖃᑎᒋᒐᑦᑎᒃᑯᑦ ᐊᒻᒪᓗ ᐃᑲᔪᖅᓱᑦᑎᐊᖅᖢᑎᒃᑯᑦ. ᐅᕙᖓᓕ, ᐄ, ᓄᓇᕗᑦ ᑐᙵᕕᒃᑯᑦ ᑕᐃᒃᑯᓄᖓ ᑎᒍᒥᐊᖅᑕᐅᖕᒪᑕ ᐊᒻᒪᓗ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ. ᒫᓂᑑᐸᒥᓗ ᑕᐃᒃᑯᐊ ᐃᖅᑭᓖᑦ ᑲᑐᔾᔨᖃᑎᒌᖏᑦᑕᐅᖅ ᑖᒃᑯᓂᖓ ᑲᒪᒋᔭᖃᖅᑐᑦ. ᑖᒃᑯᐊ ᓇᐃᒡᓕᑎᖅᖢᒋᑦ ᐊᑐᓕᖅᑎᑕᐅᓂᖓ ᑖᓐᓇ ᐊᖏᕈᑦ ᐃᓗᓕᑯᓘᔭᖏᑦ ᐋᖅᑭᒃᑕᐅᒃᐸᑦ ᓄᓇᕗᒻᒥ ᐃᖅᑭᓖᑦ ᐅᖃᐅᓯᕆᔭᖏᑦ ᐅᖃᐅᓯᕆᔭᖏᑦ ᐋᖅᑭᒃᑕᐅᒃᐸᑕ ᑖᒃᑯᐊ ᐊᑐᓕᖅᑎᑕᐅᕙᓪᓕᐊᓂᐊᖅᑐᑦ ᒐᕙᒪᒃᑯᓐᓄᑦ. ᑮᓇᐅᔭᖅᑐᕐᓂᐊᖅᑑᒐᓗᐊᖅ ᑭᓯᐊᓂ ᒐᕙᒪᒃᑯᑦ ᐃᖅᑲᓇᐃᔭᖃᑎᒌᖏᓐᓇᕐᓂᐊᖅᑐᑦ ᑕᐃᒃᑯᓄᖓ ᐃᖅᑭᓖᑦ ᑲᑐᔾᔨᖃᑎᒌᖏᓐᓂᒃ ᒪᕐᕉᕐᓄᑦ ᐱᔪᓐᓇᕐᓂᖅᑖᖅᑎᑕᐅᓯᒪᖕᒪᑦ. ᑖᓐᓇᓗ ᐃᓱᓕᑕᐅᕙᓪᓕᐊᓕᖅᖢᓂ ᐊᑐᓕᖅᑎᑕᐅᓂᐊᕐᓂᖓᑕ ᐃᓗᓕᑯᓘᔭᖏᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐃᓚᒋᐊᕈᑏᑦ ᐊᐱᕆᒍᒃ, ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᓱᒫᓘᑎᖃᖅᖢᖓ ᑖᒃᑯᐊ ᑲᓇᑕᐅᑉ ᒐᕙᒪᒃᑯᖏᓐᓂᒃ ᐃᖅᑲᓇᐃᔭᖅᑏᑦ ᐊᖏᖃᑎᒌᒋᐊᖃᖅᑐᑦ ᑕᒪᒃᑯᐊ ᑭᒡᓕᓕᐅᖅᑕᐅᓯᒪᔪᑦ ᐱᓪᓗᒋᑦ ᑭᓯᐊᓂ ᑭᓱᒥᒃ ᑕᖏᓕᖕᒥᒃ ᓴᓇᓚᐅᙲᓐᓇᖅᑐᒍᑦ.

ᕿᑎᖅᑰ, ᒪᐃ 21, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 20 ᑖᓐᓇ ᓯᕗᓕᖅᑎ ᓇᓗᓇᐃᖅᓯᔪᓐᓇᖅᐸ ᖃᓄᖅ ᑕᒪᓐᓇ ᓴᙱᓂᖅᑖᖅᐸᓪᓕᐊᓂᐊᕐᓂᐅᑉ ᐱᕙᓪᓕᐊᔾᔪᓯᖓ ᐅᖃᖅᓯᒪᓂᐊᕐᒪᑦ ᑭᖑᓪᓕᖅᐹᖅᓯᐅᑏᑦ ᒪᓕᒐᕐᓄᑦ ᐃᓱᒪᓕᐅᕈᑎᒋᔭᐅᔪᑦ ᓄᓇᕗᒻᒥ ᓴᓇᔭᐅᓂᐊᖅᐳᖅ ᓄᓇᕗᒻᒥᐅᓄᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓄᓇᕗᒻᒧᑦ ᓯᕗᓕᖅᑎ, ᒥᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ ᐅᖃᖅᑎᑦᓯᔨ (ᑐᓵᔨᑎᒎᓕᖅᑐᖅ) ᐊᒻᒪᓗ ᖁᔭᓐᓇᒦᖅᖢᒍᓗ ᑖᓐᓇ ᐊᐱᖅᑯᑎᒋᖕᒪᒍ. ᑖᒃᑯᐊ ᐱᔭᒃᓴᖅᑖᖅ ᑎᒍᓂᐊᖅᑕᕗᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ. ᐃᓚᖏᑦ ᑕᐃᒃᑯᐊ ᐊᖏᖅᑕᐅᓂᐊᖅᑐᑦ ᑲᓇᑕᐅᑉ ᒐᕙᒪᒃᑯᖏᓐᓄᑦ ᐱᔭᐅᓂᐊᕐᒪᑕ ᓄᓇᕗᑦ ᒥᓂᔅᑕᖓᓐᓄᑦ. ᐃᓛᒃ, ᒐᕙᒪᐅᓪᓗᑕ ᐃᓱᒪᓕᐅᕈᑎᒋᓂᐊᖅᑕᕗᑦ ᑕᒫᓂ ᖃᓂᓐᓂᖅᓴᐅᓗᑎᒃ ᐋᖅᑭᒃᑕᐅᖃᑦᑕᕐᓂᐊᕐᓂᖏᓐᓂᒃ. ᐄ, ᑕᒪᓐᓇ ᐊᑯᓂᐊᓗᒃ ᐱᓕᕆᐊᕆᓯᒪᓕᖅᑕᕗᑦ. ᑭᓯᐊᓂ ᑕᒪᒃᑯᐊ ᐃᓱᒪᓕᐅᕈᑎᒋᔭᐅᖃᑦᑕᖅᑐᑦ ᐋᑐᕚᒥ ᒐᕙᒪᒃᑯᖏᓐᓄᑦ ᒫᓂ ᐅᕙᒍᑦ ᒐᕙᒪᐅᓪᓗᑕ ᓯᕗᓂᒃᓴᑦᑎᓐᓂᓪᓗ ᒐᕙᒪᐅᓂᐊᖅᑐᑦ ᑕᐃᒃᑯᐊ ᑎᒍᓯᕙᓪᓕᐊᓂᐊᓕᕐᒪᑕ ᑕᒪᒃᑯᓂᖓ ᐃᓱᒪᓕᐅᕈᑎᒋᔭᐅᖃᑦᑕᕐᓂᐊᖅᑐᓂᒃ. ᐱᔭᕐᓂᔾᔮᙱᑦᑐᑦ ᑕᒪᒃᑯᐊ ᓄᓇᒥᙶᖅᑐᑦ ᐱᔾᔪᑎᒋᓪᓗᒋᑦ ᐊᒻᒪᓗ ᐊᔾᔨᒌᙱᑦᑐᓂᒃ ᐃᓱᒪᖃᐅᕈᓘᔭᖃᑦᑕᕐᓂᐊᕐᒪᑕ ᒪᑯᐊᓗ ᐱᓕᕆᐊᖑᓂᐊᖅᑐᑦ ᑲᔪᓯᓂᐊᕐᒪᖔᖏᑦ ᑲᔪᓯᑎᑕᐅᔾᔮᙱᒻᒪᖔᖏᓪᓗ. ᑕᐃᒪ ᓂᕆᐅᒃᐳᒍᑦ 2027−ᒥ ᓴᙱᓃᑦ ᖃᐃᑕᐅᓪᓚᕆᖕᓂᐊᖅᑐᑦ 2027−ᖑᓕᖅᐸᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᑦᑕᐅᖅ. ᐅᖃᐅᓯᒃᑯᑦ ᐊᐱᖅᑯᑏᑦ. ᐸᓐᓂᖅᑑᕐᒧᑦ ᒪᓕᒐᓕᐅᖅᑎ, ᒥᔅᑕ ᒪᐃᒃ. ᐊᐱᖅᑯᑦ 15 – 7(2): ᓄᓇᕘᑉ ᓄᓇᐅᑉ ᐊᑐᖅᑕᐅᓂᒃᓴᖓᓄᑦ ᐸᕐᓈᖑᓯᒪᔪᒧᑦ (ᒪᐃᒃ) ᒪᐃᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐊᐱᖅᑯᑎᒃᓴᖃᖅᑐᖓ ᐊᕙᑎᓕᕆᔨᒃᑯᑦ ᒥᓂᔅᑕᖓᓐᓄᑦ. ᐅᑭᐅᖅ ᑕᐃᒪ ᐊᐱᕆᓚᐅᖅᓯᒪᒻᒥᒐᒃᑯ ᒪᓕᒐᓕᐅᖅᑏᑦ ᐅᑭᐅᖅᓯᐅᒻᒥᒃ ᑲᑎᒪᑎᓪᓗᒋᑦ. ᑖᓐᓇ ᐅᖃᖅᓯᒪᔪᒐᒪ ᐊᐱᖅᑯᑎᒋᒃᑲᓐᓂᓛᕈᒪᓪᓗᒍ ᐆᒥᖓ ᐱᔾᔪᑎᓕᒃ ᑖᒃᑯᐊ ᓄᓇᕗᑦ ᐸᕐᓇᐃᔨᒃᑯᑦ ᐱᓕᕆᐊᕆᓯᒪᔭᖓᓂᒃ ᓄᓇᕗᑦ ᓄᓇᖓᑕ ᐊᑐᖅᑕᐅᓂᒃᓴᖓᑕ ᐸᕐᓇᑕᐅᓂᖓᓄᑦ ᐊᒻᒪᓗ ᑖᒃᑯᐊ ᐸᕐᓇᐃᔨᒃᑯᑦ ᑎᑎᕋᖅᓯᒪᓪᓗᑎᒃ ᑲᓇᑕᐅᑉ ᒐᕙᒪᒃᑯᖏᓐᓄᑦ, ᓄᓇᕗᑦ ᒐᕙᒪᒃᑯᖏᓐᓄᑦ, ᓄᓇᕗᑦ ᑐᙵᕕᒃᑯᓐᓄᑦ. ᐊᕐᕌᒍᑦ ᐱᖓᓱᐸᓘᓕᕐᒥᔪᑦ ᑕᐃᒪᙵᑦ ᑎᑎᕋᓚᐅᖅᓯᒪᒻᒪᑕ ᐸᕐᓇᐃᔨᒃᑯᑦ. ᐅᖃᖅᑎᑦᑎᔩ, ᑖᓐᓇ ᐅᑭᐅᖅ ᒪᓕᒐᓕᐅᖅᑏᑦ ᐅᑭᐅᖅᓯᐅᑎᖓᓂ ᑲᑎᒪᑎᓪᓗᒋᑦ ᐅᖃᐅᓯᕆᓚᐅᖅᓯᒪᔭᕋ ᒥᓂᔅᑕᒧᑦ ᐊᐱᖅᑯᑏᓛᒃ, ᒥᓂᔅᑕᓗ ᓇᒻᒥᓂᖅ ᐅᖃᓚᐅᖅᓯᒪᓪᓗᓂ (ᑐᓵᔨᑎᒎᓕᖅᑐᖅ), “ᐊᒃᓱᕉᑎᒋᓂᐊᖅᑕᕗᑦ ᑕᒪᓐᓇ ᕿᒥᕐᕈᓇᒃᑕᐅᓂᖓ ᐱᔭᕇᖅᑕᐅᖁᓪᓗᒍ ᒫᓐᓇᒫᖅ ᐊᔪᕐᓇᙱᓐᓂᖅᐹᖓᓂ ᐃᓱᓕᓪᓗᒍ.” (ᑐᓵᔨᑎᒎᕈᓐᓃᖅᑐᖅ) ᑖᓐᓇ ᐅᑭᐅᖅ ᐊᐱᕆᓚᐅᖅᑎᓪᓗᖓ ᑭᐅᔾᔪᑎᒋᓚᐅᖅᓯᒪᔭᖓ. ᒥᓂᔅᑕᖃᐃ ᓇᓗᓇᐃᖅᓯᒋᐊᒃᑲᓐᓂᕈᓐᓇᖅᐸ ᐅᓪᓗᒥ ᖃᓄᑎᒋ ᓯᕗᒧᑦ ᐃᖏᕐᕋᒋᐊᖅᓯᒪᓕᕐᒪᖔᑦ ᑖᓐᓇ ᐅᖃᐅᓯᕆᓚᐅᖅᓯᒪᔭᖓ ᐱᔾᔪᑎᒋᓪᓗᒍ ᐊᒻᒪ ᕿᒥᕐᕈᔭᐅᓂᕆᔭᖓ ᓄᓇᕗᑦ ᓄᓇᖓᑕ ᐸᕐᓇᑕᐅᓂᖓ? ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᐊᕙᑎᓕᕆᔨᒃᑯᑦ ᒥᓂᔅᑕᖓ, ᒥᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄ: ᖁᔭᓐᓇᒦᒃ, ᐅᖃᖅᑎᑦᑎᔨ. ᖁᔭᓐᓇᒦᒃ, ᒪᓕᒐᓕᐅᖅᑎ ᐊᐱᖅᑯᑏᑦ. ᐄ, ᑕᒪᓐᓇ ᑲᑎᒪᔾᔪᑕᐅᓯᒪᓕᖅᑐᖅ ᓄᓇᕗᑦ ᒐᕙᒪᒃᑯᑦ ᓯᕗᓕᖅᑎᖏᓐᓂ ᑲᑎᒪᔾᔪᑕᐅᓯᒪᓕᖅᖢᓂ ᓂᕈᐊᖅᓯᒪᓕᖅᑑᒐᓗᐊᑦ ᑭᓯᐊᓂ ᑐᓴᖅᑎᑦᑎᓂᕐᒥᒃ ᒫᓐᓇ ᐅᑕᖅᑭᖕᒪᑕ.

ᕿᑎᖅᑰ, ᒪᐃ 21, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 21 ᑕᒪᒃᑯᐊ ᓄᓇᕗᑦ ᑐᙵᕕᒃᑯᑦ ᓂᕈᐊᓚᐅᙱᓐᓂᖏᓐᓂᑦ ᓴᖅᑭᑦᑎᔪᒪᓚᐅᙱᒻᒪᑕ ᓄᑖᓂᒃ ᐅᖃᐅᓯᒃᓴᐅᓂᐊᖅᑐᒥᒃ ᑖᔅᓱᒥᖓ ᖃᓄᖅᑑᕈᑕᐅᓯᒪᔪᒥᒃ. ᓂᕈᐊᓚᐅᖅᓯᒪᓕᖅᑎᓪᓗᒋᑦ ᑖᒃᑯᓂᖓ ᑐᓴᖅᑎᑦᑎᓂᐊᖅᑐᑦ ᓄᓇᕗᑦ ᑐᙵᕕᒃᑯᓐᓂᒃ ᐊᒻᒪ ᑕᐃᒃᑯᓄᖓ ᐸᕐᓇᐃᔨᓂᒃ ᑐᓴᖅᑎᑦᑎᓛᖅᖢᑎᒃ ᖃᓄᖅ ᐋᔩᖃᑎᒌᓚᐅᕐᒪᖔᑕ ᓄᓇᕗᑦ ᒐᕙᒪᒃᑯᑦ ᒥᓂᔅᑕᖏᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᓯᕗᓪᓕᖅᐹᒥ ᐃᓚᒋᐊᕈᑏᑦ ᐊᐱᕆᓚᐅᕐᒥᒍᑦ, ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᖁᔭᓐᓇᒦᒃ, ᒥᓂᔅᑕ. ᑕᒪᒃᑯᓂᖓᓕᕆᓕᕋᐃᒐᑦᑕ ᐊᐃᕕᓕᐅᖃᑕᐅᓂᑰᒐᒪ ᓱᓇᐅᕝᕙ ᑕᐃᒪᐃᑦᑐᒃᑰᕆᐊᖃᓛᖅᑐᒍᑦ. ᐅᓪᓗᒥ ᐱᔭᕆᐊᑐᒐᓚᑦᑐᑎᒍᑦ. ᑖᓐᓇ ᐊᐱᖅᑯᑎᒋᒐᒃᑯᐃᓛᒃ ᐅᑭᐅᖅ ᑖᔅᓱᒧᖓ ᒥᓂᔅᑕᒧᑦ ᓇᓗᓇᐃᖅᓯᓚᐅᖅᓯᒪᒻᒪᑦ ᐃᒪᐃᓕᖓᔪᒥᒃ (ᑐᓵᔨᑎᒎᓕᖅᑐᖅ) “ᓱᓖᓛᒃ ᐊᑕᐅᓯᐅᙱᑦᑐᑦ ᓄᓇᕗᑦ ᒐᕙᒪᒃᑯᓐᓄᑦ ᐊᒻᒪᓗ ᓄᓇᕗᑦ ᑐᙵᕕᒃᑯᓐᓄᑦ ᐅᖃᐅᓯᕆᔭᐅᔭᕆᐊᓖᑦ ᐊᓯᔾᔨᕐᓂᖅᑕᖃᕐᓂᐊᕐᒪᑦ ᑖᒃᑯᓇᓂ ᓄᓇᐃᑦ ᐊᑐᖅᑕᐅᓂᖏᓐᓄᑦ ᐸᕐᓇᐅᑏᑦ.” (ᑐᓵᔨᑎᒎᕈᓐᓃᖅᑐᖅ) ᑖᓐᓇ ᓇᓗᓇᐃᒃᑲᓐᓂᕆᐊᕈᓐᓇᖅᑲᐅᒃ ᓱᓇᓂᒃ ᐱᔾᔪᑎᖃᖅᑐᑎᒃ ᑖᓐᓇ ᓇᓗᓇᐃᕆᐊᕈᓐᓇᖅᑲᒍ ᐱᓪᓗᐊᑕᐃᑦ ᓇᓗᓇᐃᖅᑕᐅᔪᑦ. ᑖᓐᓇ ᐱᔾᔪᑎᒋᔾᒍ ᐊᐱᖅᑯᑎᒋᔭᕋ ᐅᖃᖅᑎᑦᑎᔨ. ᖁᔭᓐᓇᒦᒃ. ᐅᖃᖅᑎ: ᐊᕙᑎᓕᕆᔨᒃᑯᑦ ᒥᓂᔅᑕᖓ, ᒥᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ: ᖁᔭᓐᓇᒦᒃ, ᐅᖃᖅᑎᑦᑎᔩ. ᖁᔭᓐᓇᒦᒃ, ᒪᓕᒐᓕᐅᖅᑎ ᐊᐱᕆᕋᑖᕋᕕᑦ. ᐄ, ᑕᒪᓐᓇ ᐅᖃᐅᓯᕆᒃᑲᓐᓂᕈᒪᓗᐊᙱᓚᐅᑲᒃᖢᒍ ᑕᒪᓐᓇ ᓄᖅᑲᖓᓚᐅᑲᖕᒪᑦ, ᑖᓐᓇᓗ ᐊᐱᖅᑯᑎᖓ ᖃᐅᔨᒪᔾᔪᑎᒋᓂᐊᖅᐸᕋ, ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᖁᔭᓐᓇᒦᒃ. ᒫᓐᓇ ᑖᓐᓇ ᐅᑎᕐᕕᐅᓛᕐᓂᐊᕐᓂᕋᖅᑕᐅᓯᒪᒻᒪᑦ. ᐅᖃᐅᓯᒃᑯᑦ ᐊᐱᖅᑯᑏᑦ. ᑲᔪᓯᓚᐅᕐᒪᑕ. ᑲᑎᒪᔾᔪᑎᑦᑕ ᓈᓴᐅᑎᖓ 7, ᑎᑎᖅᑲᑎᒍᑦ ᐊᐱᖅᑯᑏᑦ; 8, ᑎᑎᖅᑲᑎᒍᑦ ᐊᐱᖅᑯᑎᕕᓂᕐᓄᑦ ᑭᐅᔾᔪᑏᑦ; 9, ᒪᑐᐃᖅᓯᔾᔪᑎᓄᑦ ᑭᐅᔾᔪᑎᑦ; ᐊᑎᓕᐅᖅᓯᒪᔪᑎᒍᑦ ᑐᑦᓯᕋᐅᑏᑦ; 11, ᐊᑎᓕᐅᖅᓯᒪᔪᑎᒍᑦ ᑐᑦᓯᕋᐅᑎᓄᑦ ᑭᐅᔾᔪᑎᑦ; 12, ᑲᑎᒪᔨᕋᓛᑦ ᑲᑎᒪᔨᕋᓛᖑᑲᐃᓐᓇᖅᑐᑦ ᐅᓂᒃᑳᖏᑦ ᕿᒥᕐᕈᓇᓚᐅᖅᑎᓐᓇᒋᑦ ᐱᖁᔭᑦᓴᑦ ᐊᓯᖏᓐᓂᓪᓗ; 13, ᑎᑎᖅᑲᐃᑦ ᓴᖅᑭᑕᐅᓂᖏᑦ. ᑲᑎᒪᔾᔪᑎᒃᓴᖅ 13: ᑎᑎᕋᖅᓯᒪᔪᑦ ᓴᖅᑭᑎᑕᐅᓂᖏᑦ ᑎᑎᕋᖅᓯᒪᔪᖅ ᓴᖅᑭᑕᐅᓂᖓ 8 – 7(2): ᐅᓂᒃᑳᖓ ᐊᖓᔪᖅᑳᑉ ᓂᕈᐊᖅᑐᓕᕆᔨᐅᑉ ᓄᓇᕘᒥ ᖃᓄᐃᓐᓂᕕᓂᐊᓄᑦ 7-ᖓᓂ ᓂᕈᐊᕕᒡᔪᐊᓐᓂᖃᖅᑎᓪᓗᒋᑦ (ᔪᐊᓇᓯ) ᐅᖃᖅᑎ: ᑕᓪᓕᒪᓂᒃ ᑕᕝᕗᖓ ᒪᓕᒐᓕᐅᕐᕕᒻᒧᑦ ᓴᖅᑭᖅᓯᕗᖓ. ᓯᕗᓪᓕᖅᐹᖓ ᑖᓐᓇ ᐅᓂᒃᑳᖅ ᓂᕈᐊᖅᑐᓕᕆᔨᕐᔪᐊᖅ ᓄᓇᕗᒻᒧᑦ, ᑖᓐᓇ 7−ᒋᔭᖓᓂ ᓂᕈᐊᓚᐅᖅᑎᓪᓗᒋᑦ ᓄᓇᕗᒻᒥ ᖃᓄᐃᓕᐅᓚᐅᕐᒪᖔᑕ ᑖᒃᑯᐊ ᐅᓂᒃᑳᖅᑐᑦ. ᑎᑎᕋᖅᓯᒪᔪᖅ ᓴᖅᑭᑕᐅᓂᖓ 9 – 7(2): 2024-25 ᐊᕐᕌᒍᑕᒫᖅᓯᐅᑦ ᐅᓂᒃᑳᖓ ᑲᒪᑦᑎᐋᕐᓂᕐᒧᑦ ᑲᒥᓴᓇᐅᑉ ᓄᓇᕘᒥ (ᔪᐊᓇᓯ) ᑖᓐᓇ ᑐᖏᓕᐊ ᓴᖅᑭᑕᕋ 2024-2025ᒥ ᐊᕐᕌᒍᑕᒫᖅᓯᐅᑏᑦ ᐅᓂᒃᑳᖅ ᓄᓇᕗᒻᒥ ᓱᓕᔪᓕᕿᓂᕐᒧᑦ ᑲᒥᓯᓇᒋᔭᑦᑎᓐᓄᑦ.

ᕿᑎᖅᑰ, ᒪᐃ 21, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 22 ᑎᑎᕋᖅᓯᒪᔪᖅ ᓴᖅᑭᑕᐅᓂᖓ 10 – 7(2): ᐅᓂᒃᑳᖓ ᐊᑭᓕᐅᑕᐅᓂᖏᓄᑦ ᑭᖑᕝᕕᐅᑎᔾᔪᑎᓐ, ᖃᐅᑕᒫᖅᓯᐅᑎᓐ, ᐊᑭᓕᒐᒃᓴᐅᓲᑦ, ᐱᕚᓪᓕᐅᑎᔾᔪᑏᓪᓗ ᒪᓕᒐᓕᐅᖅᑎᓄᑦ ᓄᓇᕘᑉ ᒪᓕᒐᓕᐅᕐᕕᖓᓄᑦ ᐊᑯᓐᓂᐊᓄᑦ ᐃᑉᐳᕈ 1, 2024 ᑎᑭᖢᒍ ᒫᑦᔨ 31, 2024 (ᔪᐊᓇᓯ) ᐱᖓᔪᐊᑦ ᑖᓐᓇ ᓴᖅᑭᑕᕋ ᐅᓂᒃᑳᑦ ᐅᓂᒃᑳᖅ ᑖᒃᑯᐊ ᑮᓇᐅᐃᑦ ᑐᓂᔭᐅᖃᑦᑕᖅᑐᑦ ᐊᒻᒪᓗ ᖃᓄᖅ ᐊᑐᖅᑕᐅᖃᑦᑕᕐᒪᖔᑕ ᒪᓕᒐᓕᐅᖅᑏᑦ 6−ᒋᔭᖓᓂ ᒪᓕᒐᓕᐅᕐᕕᐅᓚᐅᖅᑐᓂᑦ ᑕᐃᑲᙵᑦ ᐱᒋᐊᕐᓗᓂ ᐄᐳᕈᓪ 1, 2024 ᑎᑭᓪᓗᒍ ᒫᑦᓯ 31, 2025. ᑎᑎᕋᖅᓯᒪᔪᖅ ᓴᖅᑭᑕᐅᓂᖓ 11 – 7(2): 2023-24 ᑕᒻᒪᖅᓯᒪᔪᖅᓯᐅᖅᑕᓐ ᑮᓇᐅᔭᐅᑉ ᐅᓂᒃᑳᖏᑦ ᓄᓇᕘᑉ ᒪᓕᒐᓕᐅᕐᕕᐊᓄᑦ ᓄᖅᑲᖅᓯᒪᔪᓄᑦ ᐊᑭᓕᐅᑕᐅᓲᑦ ᒪᓕᒐᖓᓄᑦ (ᔪᐊᓇᓯ) ᑎᑎᕋᖅᓯᒪᔪᖅ ᓴᖅᑭᑕᐅᓂᖓ 12 – 7(2): 2023-24 ᑕᒻᒪᖅᓯᒪᔪᖅᓯᐅᖅᑕᓐ ᑮᓇᐅᔭᐅᑉ ᐅᓂᒃᑳᖏᑦ ᓄᖅᑲᖅᓯᒪᔪᑦ ᐊᑭᓕᐅᑎᒋᓲᖏᑦ ᒪᓕᒐᖓᓄᑦ (ᔪᐊᓇᓯ) ᓯᑕᒪᒋᔭᖓᑦ ᓴᖅᑭᑕᕋ ᑎᑎᖅᑲᖅ 2023-2024 ᑖᒃᑯᐊ ᑮᓇᐅᔭᓕᕆᓂᕐᒧᑦ ᓇᓗᓇᐃᖅᓯᔾᔪᑏᑦ ᑭᒡᓕᓯᓂᐊᖅᑕᐅᓯᒪᓪᓗᑎᒃ ᑕᕝᕘᓇ ᒪᓕᒐᓕᐅᕐᕕᒻᒥ ᓄᖅᑲᕕᒃᑐᓄᑦ ᐱᖁᔭᐅᑉ ᐊᑖᒍᑦ. ᑖᓐᓇ ᑕᓪᓕᒪᒋᔭᖓ ᓴᖅᑭᑕᕋ 2023-2024 ᑭᒡᓕᓯᓂᐊᖅᑕᐅᓯᒪᔪᑦ ᑮᓇᐅᔭᐃᑦ ᐅᓂᒃᑳᖅᓯᒪᔪᑦ ᑕᕝᕙᓂ ᐊᑖᓂ ᖄᒃᑲᓐᓂᐊᒍᑦ ᓄᖅᑲᕕᒃᑐᓄᑦ ᐃᑲᔫᑏᓄᑦ ᐱᖁᔭᖅ. 13 ᑎᑎᖅᑲᐃᑦ ᓴᖅᑭᑕᐅᓂᖏᑦ. ᖁᕐᓗᖅᑑᑉ ᒪᓕᒐᓕᐅᖅᑎ ᒥᔅᑕ ᖁᓕᒃᑖᓇ. ᑎᑎᕋᖅᓯᒪᔪᖅ ᓴᖅᑭᑕᐅᓂᖓ 13 – 7(2): ᑎᑎᖅᑲᓐ ᓇᒃᓯᐅᔾᔭᓐ ᒥᓂᔅᑐᒥᑦ ᐋᓐᓂᐊᖅᑐᓕᕆᔨᒃᑯᓐᓄᑦ ᐱᔾᔪᑎᓕᒃ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᒧᑦ 4 - (7)1 ᓄᖑᓱᐃᑦᑐᓐ ᖃᐅᔨᓵᖑᕙᖕᓂᖏᓄᑦ (ᖁᓕᒃᑖᓇ) ᖁᓕᒃᑖᓇ (ᑐᓵᔨᑎᒍᑦ): ᐋᓐᓂᐊᖅᑐᓕᕆᓂᕐᒧᑦ ᒥᓂᔅᑕᖓᓄᑦ ᑭᐅᔾᔪᑎᖓᓄᑦ ᐃᔅᓯᕙᑎᓪᓗᑕ 2026−ᒥ ᐅᑭᐅᒃᑯᑦ ᐅᖃᐅᓯᖃᖅᑐᖅ ᖃᐅᔨᓴᖅᑕᐅᑉᐸᑦᑐᖅ ᐋᓐᓂᐊᕈᑕᐅᕙᑦᑐᓂᒃ. ᐃᓇᑉᐸᒃᑲ ᒪᓕᒐᓕᐅᖅᑎᓕᒫᑦ ᕿᒥᕐᕈᖁᓪᓗᒋᑦ ᑎᑎᕋᖅᓯᒪᔪᓂᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᑦᑕᐅᖅ. ᑎᑎᖅᑲᑦ ᓴᖅᑭᑕᐅᓂᖏᑦ. ᐊᕐᕕᐊᑦ ᓂᒋᐊᓄᑦ, ᒥᔅᑕ ᖃᑉᓗᑦᓯᐊᖅ. ᑎᑎᕋᖅᓯᒪᔪᖅ ᓴᖅᑭᑕᐅᓂᖓ 14 – 7(2): ᑎᑎᖅᑲᓐ ᓇᒃᓯᐅᔾᔭᓐ ᐱᔾᔪᑎᖃᖅᑐᑦ ᐋᖅᑭᐅᒪᕕᒃ ᑕᕆᐅᑉ ᐃᖅᑲᖓᓄᑦ ᓄᓇᙳᐋᓕᐅᕆᔪᑦ ᐱᔭᒃᓴᖓᓄᑦ (ᖃᑉᓗᑦᓯᐋᖅ) ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᒡᓗᒨᖅᓯᒍᒪᕗᖓ ᑎᑎᕋᕈᑎᐅᓚᐅᖅᑐᒥᒃ ᐋᖅᑭᐅᒪᕕᒃ ᓄᓇᙳᐊᓕᕆᓂᐅᔪᖅ. ᐅᖃᖅᑏ, ᑖᓐᓇ ᐱᓕᕆᐊᖑᔪᖅ ᐊᑯᓂᒃᑯᑦ ᑐᕌᖓᒻᒪᑦ ᐊᑦᑕᓇᖅᑕᐃᓕᓂᕐᒧᑦ ᑕᕆᐅᕐᓂ ᐃᒪ,ᕐᓂ ᐊᒻᒪᓗ ᐊᕐᕌᒍᑕᒫᑦ ᐅᒥᐊᕐᔪᐊᕐᒧᑦ ᐅᖅᓱᐊᓗᒻᒥᒃ ᐅᓯᕙᓐᓂᕆᔭᖏᓐᓂᒃ. ᐅᖃᖅᑏ, ᐊᐱᖅᑯᑎᖃᖅᐳᖓ ᒥᓂᔅᑕᐅᔪᒧᑦ, ᐊᐱᖅᑯᑎᖃᓛᖅᐳᖓ ᐃᑦᓯᕙᓂᑦᑎᓐᓂᒃ. ᐃᓇᑉᐸᒃᑲ ᒪᓕᒐᓕᐅᖅᑎᓕᒫᑦ ᕿᒥᕐᕈᓛᖁᓪᓗᒋᑦ ᑎᑎᕋᖅᓯᒪᔪᓂᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓈᓴᐅᑎᖓ 13. ᑎᑎᖅᑲᐃᑦ ᓴᖅᑭᑕᐅᓂᖏᑦ, ᐊᒥᑦᑐᕐᒧᑦ ᒪᓕᒐᓕᐅᖅᑎ, ᒥᔅᑕ ᖃᒪᓂᖅ. ᑎᑎᕋᖅᓯᒪᔪᖅ ᓴᖅᑭᑕᐅᓂᖓ 15 – 7(2): ᑎᑎᖅᑲᓐ ᓇᒃᓯᐅᔾᔭᓐ ᐱᔾᔪᑎᖃᖅᑐᓐ ᕿᓂᖅᑐᓄᑦ ᐸᖅᓴᐃᔭᓄᓪᓗ ᐱᖁᑎᕐᔪᐋᖏᓄᑦ ᓴᓂᕋᔭᖕᒥ (ᖃᒪᓂᖅ)

ᕿᑎᖅᑰ, ᒪᐃ 21, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 23 ᖃᒪᓂᖅ: ᐄ, ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᖁᕕᐊᓱᑉᐳᖓ ᐃᒡᓗᒨᖅᓯᒋᐊᒥᒃ ᑎᑎᕋᕈᑎᒋᓚᐅᖅᑕᓐᓂᒃ ᑲᓇᑕᐅᑉ ᓯᕗᓕᖅᑎᐊᓄᑦ ᐊᓯᖏᓐᓄᑦ ᓯᕗᓕᖅᑎᐅᔪᓄᓪᓗ ᓄᑖᒥᒃ ᕿᓂᕐᓂᕐᒧᑦ ᑐᐊᕕᕐᓇᖅᑐᓕᕆᓂᕐᒧᑦ ᓴᓇᔪᖃᕆᐊᖃᕐᓂᖓᓂᒃ ᓴᓂᕋᔭᖕᒥ. ᐃᓇᑉᐸᒃᑲ ᒪᓕᒐᓕᐅᖅᑎᓕᒫᑦ ᕿᒥᕐᕈᖁᓪᓗᒋᑦ ᑎᑎᕋᖅᓯᒪᔪᓂᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᑦᑕᐅᖅ. ᑎᑎᖅᑲᐃᑦ ᓴᖅᑭᑕᐅᓂᖏᑦ, ᒥᔅᑕ ᒪᓕᒐᓕᐅᖅᑎ ᐃᖃᓗᒃᑑᑦᓯᐊᕐᒧᑦ, ᒥᔅᑕ ᐲᑕᓴᓐ. ᑎᑎᕋᖅᓯᒪᔪᖅ ᓴᖅᑭᑕᐅᓂᖓ 16 – 7(2): ᑎᑎᖅᑲᓐ ᓇᒃᓯᐅᔾᔭᓐ ᒥᓂᔅᑐᖓᓂᒃ ᐋᓐᓂᐊᖅᑐᓕᕆᔨᒃᑯᓐ: ᑭᖑᓂᐊᒍᑦ ᑲᑎᒪᔨᕋᓛᑦ ᕿᒥᕐᕈᐃᑲᓐᓇᖅᑐᓐ ᐃᓱᒪᓕᐅᕆᔭᖏᓄᑦ 2026-27 ᑮᓇᐅᔭᖅᑑᑎᒃᓴᐃᑦ ᐱᓕᕆᕝᕕᐊᓄᑦ ᐋᓐᓂᐊᖅᑐᓕᕆᔨᒃᑯᓐ (ᐲᑐᓴᓐ) ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ ᐅᖃᖅᑏ. ᒪᕐᕉᓐᓂᒃ ᑎᑎᕋᖅᓯᒪᔪᓂᒃ ᐃᓪᓗᒨᖅᓯᕗᖓ. ᓯᕗᓪᓕᖅᐹᖅ ᐃᓪᓗᒨᖅᐸᕋ ᐃᑦᓯᕙᐅᑕᐅᓪᓗᖓ ᑲᑎᒪᔨᑐᐃᓐᓇᕐᓂᒃ ᐊᒻᒪᓗ ᑎᑎᕋᕈᑎᐅᓚᐅᖅᑐᒥᒃ ᐊᔾᔨᖓᓂᒃ ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᐱᖅᑯᑎᐅᓚᐅᖅᑐᒧᑦ ᑕᒪᒃᑯᐊ ᐃᓱᒪᒃᓴᖅᓯᐅᕈᑕᐅᓪᓗᑎᒃ 2026-2027 ᐊᑭᑐᔫᑎᑦᓴᐃᑦ ᑖᒃᑯᐊᓗ ᑲᑎᒪᔨᕋᓛᑦ ᑲᑎᒪᓂᖃᖅᑎᓪᓗᒋᑦ 2026ᒥ ᒪᓕᒐᓕᐅᕐᕕᒻᒥ. ᑎᑎᕋᖅᓯᒪᔪᖅ ᓴᖅᑭᑕᐅᓂᖓ 17 – 7(2): ᑎᑎᖅᑲᓐ ᓇᒃᓯᐅᔾᔭᓐ ᒥᓂᔅᑐᖓᓂᒃ ᐋᓐᓂᐊᖅᑐᓕᕆᔨᒃᑯᓐ ᐱᔾᔪᑎᖃᖅᑐᖅ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᒧᑦ 29 – 7(1) ᑐᐊᕕᕐᓇᖅᑐᒃᑯᑦ ᖃᖓᑕᓲᑦ ᐱᔨᑦᑎᖅᑕᖏᓄᑦ ᓄᓇᕘᒥ (ᐲᑐᓴᓐ) ᑖᓐᓇ ᐊᐃᑉᐹ ᑎᑎᕋᖅᓯᒪᔪᖅ ᐃᓪᓗᒨᖅᑕᕋ ᒪᓕᒐᓕᐅᖅᑎᐅᓪᓗᖓ ᐃᖃᓗᒃᑑᑦᓯᐊᒧᑦ ᐊᐱᖅᑯᑎᖃᓚᐅᖅᓯᒪᒐᒪ ᑎᑎᖅᑲᑎᒍᑦ ᐊᒻᒪᓗ ᒪᓕᒐᓕᐅᕐᕕᒻᒥ ᐅᑭᐅᖅ ᐃᑦᓯᕙᓂᖃᖅᑎᓪᓗᑕ 2026−ᒥ ᐅᖃᐅᓯᖃᖅᓱᖓ ᑐᐊᕕᕐᓇᖅᑐᓕᕆᓂᐅᔪᒥᒃ ᖃᖓᑕᓲᒃᑯᑦ ᓄᓇᕗᒻᒥ. ᐃᓇᑉᐸᒃᑲ ᒪᓕᒐᓕᐅᖅᑎᓕᒫᑦ ᕿᒥᕐᕈᓛᖁᓪᓗᒋᑦ ᑖᒃᑯᓂᖓ ᑎᑎᕋᖅᓯᒪᔪᓂᒃ. ᖁᔭᓐᓇᒦᒃ. ᐅᖃᖅᑎ: ᑎᑎᖅᑲᐃᑦ ᓴᖅᑭᑕᐅᓂᖏᑦ, ᐸᓐᓂᖅᑑᒧᑦ ᒪᓕᒐᓕᐅᖅᑎ, ᒥᔅᑕ ᒪᐃᒃ. ᑎᑎᕋᖅᓯᒪᔪᖅ ᓴᖅᑭᑕᐅᓂᖓ 18 – 7(2): ᑎᑎᖅᑲᓐ ᓇᒃᓯᐅᔾᔭᓐ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓂ ᐱᔾᔪᑎᖃᖅᑐᖅ ᓄᒃᑭᒃᓴᐅᑏᑦ ᓯᒥᒃᑕᐅᓯᒪᔪᒧᑦ ᐱᔭᒃᓴᖓᓄᑦ (ᒪᐃᒃ) ᒪᐃᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᒪᕐᕉᓐᓂᑦᑕᐅᖅ ᑕᕝᕗᖓ ᑎᑎᖅᑲᓂᒃ ᓴᖅᑭᔫᒥᔪᖓ ᒪᓕᒐᓕᐅᕐᕕᐅᑉ ᐃᓗᐊᓄᑦ. ᑖᓐᓇ ᓯᕗᓪᓕᖅ ᐱᔾᔪᑎᖃᖅᑐᖅ ᐅᑭᐅᖅ ᑕᕝᕗᖓ ᓴᖅᑮᓚᐅᖅᓯᒪᒐᒪ ᑎᑎᖅᑲᖏᓐᓂᒃ ᕼᐋᒻᒪᓚᒃᑯᑦ ᑲᑎᒪᔨᖏᑦᑕ ᐆᒪᔪᕐᓂᐊᑎᒃᑯᑦ ᐊᒻᒪᓗ ᐃᖃᓗᓕᕆᔨᒃᑯᑦ. ᑕᐃᒪ ᑎᑎᖅᑲᐅᓯᐊᖅᓯᒪᒐᒪ ᕿᑭᖅᑕᓃᒃᑯᓐᓂᑦ ᑖᒃᑯᐊ ᕿᑭᖅᑕᓃᒃᑯᓐᓄᑦ ᑐᕌᖓᓯᒪᔪᐃᑦ ᑎᑎᖅᑲᐅᓂᕋᕋᑖᖅᑕᒃᑲ. ᐅᕙᖓᓕ ᒪᓕᒐᓕᐅᖅᑎᐅᓪᓗᖓ ᕿᑭᖅᑕᓂᒃᑯᑦ ᐊᖓᔪᖅᑳᖓᓂᑦ ᑎᑎᖅᑲᐅᓯᐊᖅᓯᒪᔪᖓ ᐊᒻᒪᓗ ᓄᒃᑭᔅᓴᐅᑎᒃᑯᓐᓂᑦ, ᓄᒃᑭᔅᓴᐅᑎᒃᑯᓐᓂᙶᖓᔪᑦ ᑭᓯᐊᓂ ᐃᓄᑦᑎᑐᑦ ᐅᖃᖅᓯᒪᙱᒻᒪᑕ. ᑎᑎᕋᖅᓯᒪᔪᖅ ᓴᖅᑭᑕᐅᓂᖓ 19 – 7(2): ᑎᑎᖅᑲᓐ ᓇᒃᓯᐅᔾᔭᓐ ᐸᖕᓂᖅᑑᑉ ᐃᓄᐃᑦ ᑯᐋᐸᒃᑯᖏᓂ ᐱᔾᔪᑎᓕᒃ ᑯᐋᐸᒃᑯᓐᓄ ᑲᑐᔾᔨᖃᑎᒌᒍᑎᓄᑦ ᒪᓕᒐᖓᓄᑦ (ᒪᐃᒃ) ᐊᒻᒪᓗ ᐊᐃᑉᐸᖓ ᓴᖅᑭᕈᒪᔭᕋ ᑕᕝᕙᓂ ᑎᑎᖅᑲᖅᑕᐅᖅ ᑕᒪᒃᑯᓄᖓ ᑯᐊᐸᐅᔪᓄᑦ ᐊᑦᑐᖅᑕᐅᓯᒪᓂᖏᓐᓄᑦ ᑕᒻᒪᖅᓯᒪᔪᖅᓯᐅᖅᑎᐅᑉ ᐅᓂᒃᑳᖏᓐᓄᑦ ᒥᔅᓵᓅᖓᔪᐃᑦ ᐃᓱᒫᓘᑏᑦ ᑕᐃᒪ ᒪᓕᒐᓕᐅᖅᑎᐅᖃᑎᒃᑲ ᑖᒃᑯᓂᖓᑦᑕᐅᖅ ᕿᒥᕐᕈᒍᓐᓇᖁᔭᒃᑲ ᒫᓐᓇ ᓴᖅᑭᑕᖏᓐᓂᒃ ᑕᕝᕗᖓ ᐃᓪᓗᒥ. ᐅᖃᖅᑎ: ᖁᔭᓐᓇᒦᒃ. ᑲᑎᒪᔾᔪᑎᑦᑎᓐᓄᑦ ᓈᓴᐅᑎᖓ 14, ᐱᖁᔨᕗᖔᓕᐅᕐᓂᐊᕐᓂᕐᒧᑦ ᖃᐅᔨᒃᑲᐃᔾᔪᑏᑦ; 15, ᐱᖁᔨᕗᖔᕐᓂᐊᕐᓂᕐᒧᑦ ᖃᐅᔨᒃᑲᐃᔾᔪᑏᑦ ᓯᕗᓪᓕᖅᐹᒥ ᐅᖃᓕᒫᖁᓪᓗᒋᑦ ᐱᖁᔭᒃᓴᑦ; 16, ᐱᖁᔨᕗᖔᕈᑏᑦ; 17,

ᕿᑎᖅᑰ, ᒪᐃ 21, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 24 ᓯᕗᓪᓕᖅᐹᕐᒥ ᐅᖃᓕᒫᖅᑕᐅᓂᖏᑦ ᐱᖁᔭᒃᓴᑦ; 18, ᑐᒡᓕᐊᓂ ᐅᖃᓕᒫᖅᑕᐅᓂᖏᑦ ᐱᖁᔭᒃᓴᑦ; 19, ᑲᑎᒪᑐᐃᓐᓇᕐᓂᖅ ᐃᓱᒪᒃᓴᖅᓯᐅᕈᑎᖃᖅᑎᓪᓗᒋᑦ ᐱᖁᔭᒃᓴᓂᒃ ᐊᓯᖏᓐᓂᒡᓗ; 20, ᑲᑎᒪᑐᐃᓐᓇᓚᐅᖅᑎᓪᓗᒋᑦ ᐅᓂᒃᑳᑦ; 21, ᐱᖓᔪᐊᓐᓂ ᐅᖃᓕᒫᖅᑕᐅᓂᖏᑦ ᐱᖁᔭᒃᓴᑦ; 21, ᐱᖓᔪᐊᓐᓂ ᐅᖃᓕᒫᖅᑕᐅᓂᖏᑦ ᐱᖁᔭᒃᓴᑦ; 22, ᑲᑎᒪᔾᔪᑏᑦ ᑎᑎᕋᖅᑎᐅᑉ ᑐᒡᓕᐊ, ᒥᔅ ᐸᓐᔅ. ᑲᑎᒪᔾᔪᑎᒃᓴᖅ 22: ᑲᑎᒪᔾᔪᑎᒃᓴᐃᑦ ᑎᑎᕋᖅᑎᐅᑉ ᑐᒡᓕᐊ ᐸᓐᔅ (ᑐᓵᔨᑎᒍᑦ): ᑲᑎᒪᔾᔪᑎᑦᓴᐃᑦ ᐅᓪᓗᖅ ᑕᓪᓕᒻᒥᕐᒥ ᒪᐃ 22, 2026, ᐅᓪᓛᒃᑯᑦ 9−ᒥ ᑲᑎᒪᖏᐊᓯᒃᑲᓐᓂᓛᖅᑐᑦ. ᑲᑎᒪᔾᔪᑎᒃᓴᐃᑦ ᒪᐃ 22-ᒧᑦ: 1. ᑐᒃᓯᐊᕐᓂᖅ 2. ᐊᖓᔪᖅᑳᑦ ᐅᖃᐅᓯᖏᑦ 3. ᒪᓕᒐᓕᐅᖅᑏᑦ ᐅᖃᐅᓯᖏᑦ 4. ᑭᐅᔾᔪᑎᑦ ᐅᖃᐅᓯᒃᑯᑦ ᐊᐱᖅᑯᑎᓄᑦ 5. ᐃᓕᑕᖅᓯᓂᖅ ᐳᓛᖅᑎᓂᑦ 6. ᐅᖃᐅᓯᒃᑯᑦ ᐊᐱᖅᑯᑎᑦ 7. ᑎᑎᖅᑲᒃᑯᑦ ᐊᐱᖅᑯᑎᑦ 8. ᑭᐅᔾᔪᑎᑦ ᑎᑎᖅᑲᒃᑯᑦ ᐊᐱᖅᑯᑎᓄᑦ 9. ᑭᐅᔾᔪᑎᑦ ᒪᑐᐃᕈᑎᒧᑦ 10. ᐊᑎᓕᐅᕈᑕᐅᓯᒪᔪᑦ 11. ᑭᐅᔾᔪᑎᑦ ᐊᑎᓕᐅᕈᑕᐅᓯᒪᔪᓄᑦ 12. ᑲᑎᒪᔨᕋᓛᑦ ᑲᑎᒪᔨᕋᓛᖑᑲᐃᓐᓇᖅᑐᓪᓗ ᒪᓕᒐᒃᓴᓂᑦ ᐊᓯᖏᓐᓂᓪᓗ ᐅᓂᒃᑳᖏᑦ 13. ᑎᑎᖅᑲᓂᑦ ᓴᖅᑭᑎᕆᓂᖅ 14. ᖃᐅᔨᒃᑲᐃᒍᑎᑦ ᐱᒋᐊᖅᑎᑕᒃᓴᓂᑦ 15. ᖃᐅᔨᒃᑲᐃᒍᑎᑦ ᐱᒋᐊᖅᑎᑕᒃᓴᓂᑦ ᒪᓕᒐᒃᓴᐃᑦ ᐅᖃᓕᒫᕐᓂᒃᓴᒥᒃ ᓯᕗᓪᓕᖅᐹᖓᓐᓂᒃ 16. ᐱᒋᐊᖅᑎᑕᐃᑦ 17. ᓯᕗᓪᓕᖅᐹᒥᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 18. ᐊᐃᑉᐹᓂᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 19. ᑲᑎᒪᔨᕋᓛᑦ ᑕᒪᐃᓐᓄᑦ ᒪᓕᒐᒃᓴᓄᑦ ᐊᓯᖏᓐᓂᓪᓗ ᐃᓱᒪᖅᓴᖅᓯᐅᕐᓂᖏᑦ 20. ᑲᑎᒪᔨᕋᓛᑦ ᑕᒪᐃᓐᓄᑦ ᐅᓂᒃᑳᖓᑦ 21. ᐱᖓᔪᐊᓐᓂᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 22. ᑲᑎᒪᔾᔪᑎᒃᓴᐃᑦ ᖁᔭᓐᓇᒦᒃ.

ᕿᑎᖅᑰ, ᒪᐃ 21, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 25 >>ᐸᒃᑕᑐᖅᑐᑦ ᐅᖃᖅᑎ: ᑖᓐᓇ ᓯᕗᓪᓕᖅᐹᖅ ᑲᑎᒪᓂᕗᑦ ᐅᐱᕐᖔᒥ ᐃᓱᓕᓚᐅᑲᑉᐳᖅ ᐊᒻᒪᓗ ᐱᒋᐊᒃᑲᓐᓂᓛᕆᓪᓗᑕ ᖃᐅᑉᐸᑦ ᐊᐃᑉᐱᐅᓕᖅᐸᑦ ᒪᐃ 22, 9−ᒥ ᐅᓪᓛᒃᑯᑦ. ᐃᖅᓱᖅᑏ. >>ᑲᑎᒪᓂᖅ ᓄᖅᑲᖅᑐᖅ 15:07ᒧᐊᖅᑎᓪᓗ

ᕿᑎᖅᑰ, ᒪᐃ 21, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 26