ᒪᓕᒐᓕᐅᕐᕕᒻᒥ ᑲᑎᒪᔾᔪᑎᒥᓃᑦ ᐋᖅᑭᒋᐊᖅᓯᒪᓐᖏᑦᑐᑦ ᓇᕿᑦᑕᖅᑕᐅᓯᒪᔪᑦ ᕿᑎᖅᑰ, ᔫᓂ 04, 2026 ᐃᖃᓗᐃᑦ, ᓄᓇᕗᑦ ᐋᖅᑭᒋᐊᕈᑎᑦ: ᐊᑏ ᐅᑎᖅᑎᓯᐅᒃ ᐋᖅᑭᒋᐊᖅᑕᐅᔪᐃᑦ ᑎᑎᕋᖅᑎᒧᑦ ᐅᕝᕙᓘᓐᓃᑦ ᑐᖏᓕᐊᓄᑦ ᒪᓕᒐᓕᐅᕐᕕᒻᒥ ᑲᑎᒪᔾᔪᑎᒥᓃᑦ ᓇᕿᔾᔪᑕᐅ ᓐᖏᓚᑦ ᑐᑭᓕᐊᖅᑕᐃᓐᓇᕆᓗᒋᑦ ᒪᓕᒐᓕᐅᖅᑏᑦ ᐊᐃᕙᓂᖏᑦ. ᓇᕿᑕᐅᓯᒪᑐᐃᓐᓇᖅᑐᐃᑦ ᐅᖃᐅᓯᐅᓪᓗᐊᑕᖅᑐᑦ. ᐅᖃᖅᑕᐅᒃᑲᓂᖅᑐᒥᒃ ᐊᓯᐊᑎᒍᓪᓘᓐᓃᑦ ᓲᕐᓗ ᓇᓗᓇᐃᖅᑕᐅᔪᖃᒃᑲᓐᓂᕆᐊᖃᖅᐸᑦ ᐋᖅᑭᒋᐊᖅᑕᐅᔪᓐᓇᖅᑐᑦ ᑭᓇᑐᐃᓐᓇᖅ ᒪᓕᒐᓕᐅᕐᕕᒻᒥ ᑲᑎᒪᔾᔪᑎᓂᑦ ᐅᖃᓕᒫᖅᑐᑦ ᓱᖅᑯᐃᒪᓂᐊᕐᒪᑦ ᐅᖃᖅᑕᒥᓂᕐᒥᒃ. ᑲᑎᒪᐅᑎᒥᓂᓕᕆᔪᑦ ᐅᖃᓕᒫᕋᓐᓂᑦᑎᑦᓯᔭᕆᐊᓖᑦ ᐊᔾᔨᒌᑉᐸ ᓐᖏᒻᒪᑎᒃ ᐅᖃᖅᑕᐅᔪᖅ ᑎᑎᕋᖅᓯᒪᔪᕐᓗ. ᐊᐃᕙᔾᔪᑎᒥᓃᑦ, ᓯᑎᐱᕆ 20, 1983, ᒪᑉᐱᑐᒐᖓ 27299. ᐴᓯᔅᓂᐅᑉ 6-ᖓᓐᓂᒃ ᓇᕿᑕᐅᔾᔪᑎᖓ, ᑎᓕᓯᔾᔪᑎᒃ 55

ᓄᓇᕗᑦ ᒪᓕᒐᓕᐅᕐᕕᖓ ᐅᖃᖅᑎ ᐊᖓᔪᖅᑳᖅ ᑕᐃᕕᑎ ᔪᐊᓇᓯ (ᕿᑭᖅᑖᓘᑉ ᓂᒋᐊ) ᐊᐅᓚᑦᑎᔩᑦ ᐊᓪᓚᑦᑎᐅᑲᐃᓐᓇᖅᑐᖅ ᐊᓪᓚᑦᑎᐅᑉ ᑐᓪᓕᐊ ᓯᑏᕙᓐ ᐃᓄᒃᓱᒃ ᕙᓐᑎ ᐱᐊᓐᔅ ᐊᓪᓚᑦᑎᐅᑉ ᐃᑲᔪᖅᑎᖓ ᖂᔪ ᓄᓱᑦᑕᖅ ᒪᓕᒐᓕᕆᔨ ᒪᐃᑯᓪ ᓵᓐᑐᓗ ᐃᖅᓱᖅᑎ ᒪᓕᒃᑐ ᓄᓱᑦᑕᖅ ᑲᑎᒪᐅᑎᓂᒃ ᐋᖅᑭᒃᓱᐃᔩᑦ ᐅᖃᐅᓯᕐᒥᒃ ᐅᖃᐅᓯᕐᒧᑦ ᑎᒥᖓᑦ ᑎᑎᖅᑲᒃᑯᕕᒃ 1200 ᐃᖃᓗᐃᑦ, ᓄᓇᕗᑦ X0A 0H0 ᐅᖄᓚᐅᑖ (867) 975-5000 ᓱᒃᑲᕈᑖ (867) 975-5190 ᐊᑭᖃᓐᖏᑦᑐᖅ (877) 334-7266 ᐊᖓᔪᖅᑳᖅ ᒍᐊᐃᓐ Hᐄᓕ ᐊᕿᐊᕈᖅ (ᐃᖃᓗᐃᑦ−ᒪᓂᕋᔭᒃ) ᒥᓂᔅᑕ ᐃᓄᓕᕆᔨᒃᑯᓐᓄᑦ;ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂᑦ; ᒥᓂᔅᑕ ᑲᒪᒋᔭᖃᖅᑐᖅ ᐊᖏᕐᕋᖃᖏᓐᓂᕐᒥᒃ; ᒥᓂᔅᑕ ᑲᒪᒋᔭᖃᖅᑐᖅ ᐊᒃᖢᓂᕐᒥᒃ ᒥᒃᖠᒋᐊᖅᑎᑦᑎᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐊᕐᓇᐃᑦ ᑲᑎᒪᔨᖏᓐᓂᒃ; ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ (ᐃᖃᓗᐃᑦ-ᓂᐊᖁᙴ) ᒐᕙᒪᒃᑯᑦ ᓯᕗᒃᑲᖅᑕᖅᑎᖓ; ᒥᓂᔅᑕ ᐃᓕᓐᓂᐊᖅᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓯᓚᑦᑐᖅᓴᕐᕕᖕᒥᒃ ᕼᐋᓇ ᐊᖑᑎᐊᓗᒃ (ᐊᐃᕕᓕᒃ) ᐃᐊᑦᕗᑦ ᐊᑕᒍᑦᑖᓗᒃ (ᐊᒡᒍ) ᐊᖓᔪᖅᑳᖅ ᔮᓂᑦ ᐳᕉᔅᑐ (ᐃᖃᓗᐃᑦ-ᓯᓈ) ᒥᓂᔅᑕ ᐋᓐᓂᐊᖃᕐᓇᓐᖏᑦᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᐊᖓᔪᖅᑳᖅ ᔪᐊᔾ Hᐃᒃᔅ (ᐃᖃᓗᐃᑦ-ᑕᓯᓗᒃ) ᓄᓇᕗᒻᒧᑦ ᓯᕗᓕᖅᑎᐅᑦ ᑐᖓᓕᖓ; ᒥᓂᔅᑕ ᒪᓕᒐᓕᕆᓂᕐᒧᑦ; ᒥᓂᔅᑕ ᐃᖏᕐᕋᔪᓕᕆᓂᕐᒧᑦ ᒪᑭᒪᐅᑎᓄᓪᓗ; ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑐᓕᕆᓂᕐᒧᑦ ᑲᑎᒪᔨᓂᒃ; ᒥᓂᔅᑕ ᑲᒪᒋᔭᖃᖅᑐᖅ ᐃᓄᐃᑦ ᐱᔪᓐᓇᐅᑎᖏᓐᓄᑦ ᑲᑎᒪᔨᓂᒃ ᔭᐃᒥ ᖃᑉᓗᑦᓯᐊᖅ (ᐊᕐᕕᐊᑉ ᓂᒋᐊ) ᕗᕆᐊᑦ ᐲᑕᓴᓐ (ᐃᖃᓗᒃᑑᑦᑎᐊᖅ) ᒍᐊᑕᓐ ᑲᐅᑕᒃ (ᐅᖅᑯᒻᒥᐅᑦ) ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓄᓂᖅ) ᒥᓂᔅᑕ ᐃᓕᖅᑯᓯᓕᕆᔨᒃᑯᑦ; ᒥᓂᔅᑕ ᐅᖃᐅᓯᓕᕆᓂᕐᒧᑦ; ᒥᓂᔅᑕ ᐊᕙᑎᓕᕆᓂᕐᒧᑦ; ᒥᓂᔅᑕ ᐆᒻᒪᖅᑯᑎᓕᕆᓂᕐᒧᑦ ᓴᐃᒪᓐ ᖁᓕᒃᑖᓇ (ᖁᕐᓗᖅᑑᖅ) ᐊᖓᔪᖅᑳᖅ ᓯᓯᐅᓪ ᓂᐅᓪᕙᓇ ᓚᐃᔪᓪ (ᓇᑦᓯᓕᒃ) ᒥᓂᔅᑐ ᑲᒪᒋᔭᖃᖅᑐᖅ ᓄᓇᕘᑉ ᐃᒡᓗᓕᕆᔨᕐᔪᐋᒃᑯᖏᓂ ᐊᖓᔪᖅᑳᖅ ᐋᕐᓗᒃ ᒪᐃᓐ (ᐊᕐᕕᐊᑉ ᐅᐊᓐᓇᖓ-ᑎᑭᕌᕐᔪᐊᖅ) ᓯᕗᓕᖅᑎ ᓄᓇᕗᒻᒥ; ᒥᓂᔅᑕ ᓯᕗᓕᖅᑎᓄᑦ ᒐᕙᒪᐅᖃᑎᒌᒃᑐᓕᕆᔨᒃᑯᓐᓄᓪᓗ; ᒥᓂᔅᑕ ᑮᓇᐅᔭᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᖃᖅᑳᖅᓯᒪᔪᓕᕆᓂᕐᒥᒃ; ᒥᓂᔅᑕ ᑲᒪᒋᔭᖃᖅᑐᖅ ᑲᓇᑕᐅᑦ ᓯᓚᑖᓃᖖᒑᖅᑐᓄᑦ; ᒥᓂᔅᑕ ᑲᒪᒋᔭᖃᖅᑐᖅ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᓐᓇᕐᓂᒃ; ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᒥᓴᓐ; ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᑎᒪᔨᖏᓐᓄᑦ; ᔮᓂ ᒪᐃᒃ (ᐸᓐᓂᖅᑑᖅ) ᑕᐃᕕᑦ ᐳᐊᑐ (ᐅᖅᓱᖅᑑᖅ) ᐊᐃᕝᕙᓚᕼᐋ ᖃᒪᓂᖅ (ᐊᒥᑦᑐᖅ) ᐃᓄᖃᕈᓐᓃᖅᑐᖅ (ᑕᓯᐅᔭᕐᔪᐊᖅ) ᐋᓕᒃᓵᓐᑐ ᓴᒻᒧᖅᑐᖅ (ᑲᖏᖅᖠᓂᐅᑉ ᐅᐊᓐᓇᖓ-ᐃᒡᓗᓕᒑᕐᔪᒃ) ᐃᓐᓇᖓᔪᖅ ᖂᑭᐊᖅ (ᓇᑦᓯᓕᒃ) ᐋᓕᒃᓵᓐᑐ ᓴᒻᒧᖅᑐᖅ (ᑲᖏᖅᖠᓂᐅᑉ ᐅᐊᓐᓇᖓ-ᐃᒡᓗᓕᒑᕐᔪᒃ) ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᖃᒪᓂᑦᑐᐊᖅ) ᒥᓂᔅᑕ ᓄᓇᓕᖕᓂ ᒐᕙᒪᒃᑯᓂᓪᓗ ᐱᔨᑦᑎᖅᑎᒃᑯᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᒃ; ᒥᓂᔅᑕ ᑲᒪᒋᔭᖃᖅᑐᖅ ᐅᔭᕋᖕᓂᐊᕐᓂᕐᒧᑦ; ᒥᓂᔅᑕ ᑕᐅᖅᓯᕋᕐᓂᕐᒥᒃ ᐱᓕᕆᐊᒃᓴᓕᒃ; ᐊᖓᔪᖅᑳᖅ ᐋᓂ ᑕᑦᑐᐃᓂ (ᑲᖏᖅᖠᓂᐅᑉ ᓂᒋᐊ) ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐊᒃᑯᒫᓂᒃ ᖃᐅᔨᓴᖅᑏᑦ ᓯᑏᕙᓐ ᑕᖅᑐ (ᖁᑦᑎᒃᑐᕐᒃ)

ᖃᕋᓴᐅᔭᑎᒍᑦ ᑐᕌᕈᑎᖓᑦ: www.assembly.nu.ca

ᐃᓗᓕᖏᑕ ᓇᓕᖅᑲᖏᑦ ᑐᒃᓯᐊᕐᓂᕐᒧᑦ ᒪᑐᐃᖅᑕᐅᓂᖓ ............................................................................................................................................... 1 ᐊᖓᔪᖅᑳᑦ ᐅᖃᐅᓯᖏᑦ .......................................................................................................................................................... 1 ᒪᓕᒐᓕᐅᖅᑏᑦ ᐅᖃᐅᓯᖏᑦ .................................................................................................................................................... 4 ᑭᐅᔾᔪᑎᑦ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᓄᑦ ..................................................................................................................... 7 ᐅᖃᐅᓯᒃᑯᑦ ᐊᐱᖅᑯᑎᑦ ........................................................................................................................................................... 9 ᓴᖅᑭᑕᐅᓂᖏᑦ ᑎᑎᖅᑲᐃᑦ................................................................................................................................................... 21 ᑲᑎᒪᔨᕋᓛᑦ ᑲᑎᒪᑐᐃᓐᓇᖅᑎᓪᓗᒋᑦ ᐃᓱᒪᒃᓴᖅᓯᐅᖅᑕᐅᓂᖏᑦ ᒪᓕᒐᒃᓴᐃᑦ ᐊᓯᖏᓪᓗ ............................................. 21 ᑲᑎᒪᔨᕋᓛᑦ ᑲᑎᒪᑐᐃᓐᓇᓚᐅᖅᑎᓪᓗᒋᑦ ᐅᓂᒃᑳᖓᑦ ....................................................................................................... 43 ᑲᑎᒪᔾᔪᑎᒃᓴᐃᑦ ....................................................................................................................................................................... 43

ᐃ. ᖃᐅᑕᒫᒧᑦ ᖃᐅᔨᒋᐊᕈᑎᑦ ᕿᑎᖅᑰ, ᔫᓂ 04, 2026 ....................................................................................................................................................... 1 ᐅ. ᐊᖓᔪᖅᑳᑦ ᐅᓂᒃᑳᖏᑦ 62 - 7(2): ᐸᐃᕆᕝᕕᓐᓄᑦ ᐃᑲᔫᑎᖓ ᑮᓇᐅᔭᖅ (ᕼᐃᓕ-ᐊᕿᐊᕈᖅ) ............................................................................. 1 63 - 72): ᐱᒋᐊᖅᑕᐅᓂᖓ ᐊᓱᐃᓪᓛᒃ - ᐃᓄᒃᑎᑐᑦ ᐅᖃᐅᓯᒧᑦ ᓇᓗᓇᐃᕈᑖ (ᑯᓄ) ................................................ 2 64 - 7(2): ᐃᑲᔪᐃᓂᖃᓐᓂᖅ ᓄᓇᓕᖏᓂᒃ ᓇᒥᓕᒫᖅ ᓄᓇᕘᒥᑦ (ᓯᒪᐃᓚᒃ) .............................................................. 2 65 - 7(2): ᑕᕐᕇᔭᖃᓐᓂᖅ ᖃᐅᔨᒪᓂᐅᕐᒧᑦ ᓴᖅᑭᑎᑕᐅᔪᒥᒃ (ᕼᐃᓕ-ᐊᕿᐊᕈᖅ) .......................................................... 4 ᐊ. ᒪᓕᒐᓕᐅᖅᑏᑦ ᐅᓂᒃᑳᖏᑦ 63 - 7(2): ᖁᔮᕆᕙᕗᑦ ᒪᐃ ᕼᒻᙵᑦ ᒧᓱ ᒪᓂᖅ (ᒪᐃᓐ) ................................................................................................ 4 64 - 72): ᕿᑎᕐᒥᐅᑦ ᐃᓕᓐᓂᐊᕝᕕᐊᓂ ᐊᓂᒍᐃᔪᑦ (ᐱᑖᓴᓐ) ........................................................................................ 5 65 - 72): ᓄᓇᕗᑦ ᒪᒃᑯᒃᑐᖏᑦ ᓄᓇᕐᔪᐋᕐᒧᑦ ᐊᐅᓪᓛᖅᑐᓐ ᐃᓚᖏᑦ (ᖃᑉᓗᑦᓯᐊᖅ) .................................................. 6 66 - 7(2): ᓇᑦᓯᓕᖕᒥ ᐊᓂᒍᐃᔪᑦ (ᓚᐃᔪᓪ) ....................................................................................................................... 7 ᐱ. ᑭᐅᔾᔪᑏᑦ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᓄᑦ 55 - 7(2): ᐃᓄᐃᑦ ᐃᖅᑲᓇᐃᔭᖅᑎᖏᓄᑦ (ᑕᑦᑐᐃᓂ) .................................................................................................... 7 57 - 7(2): ᐱᓕᕆᐋᖏᑕ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ (ᕼᐃᓕ-ᐊᕿᐊᕈᖅ) ................................................................ 8 75 - 7(2): ᑲᐳᑎᒧᑦ ᑲᐱᓯᓃᑦ ᖃᐅᔨᓵᕆᔭᒃᓴᐃᓪᓗ (ᐳᕉᔅᑐ) ........................................................................................... 9 ᐳ. ᐅᖃᐅᓯᒃᑯᑦ ᐊᐱᖅᑯᑎᑦ 84 - 7(2): ᒥᑦᑕᕐᕕᓐᓂ ᐱᖁᑎᔾᔪᐋᖏᓄᑦ (ᑕᖅᑐ)............................................................................................................ 9

85 - 7(2): ᐱᓕᕆᐋᖏᓄᑦ ᓄᓇᕘᑉ ᐃᒡᓗᓕᕆᔨᕐᔪᐋᖏᑕ (ᑲᐅᑐᖅ) ........................................................................... 11 86 - 7(2): ᐱᔪᓐᓇᐅᑎᓐ ᓅᑎᖅᑕᐅᓂᖏᓄᑦ (ᐲᑕᓴᓐ) .................................................................................................. 12 87 - 7(2): ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ (ᖁᓕᒃᑖᓇ) .............................................................................. 15 88 - 7(2): ᐱᓕᕆᐋᖏᓄᑦ ᓄᓇᕘᑉ ᐃᒡᓗᓕᕆᔨᕐᔪᐋᖏᑕ (ᖃᑉᓗᑦᓯᐊᖅ) .................................................................. 16 89 - 7(2): ᓄᓇᕗᑦ ᐸᕐᓇᐃᔨᒃᑯᑦ ᑲᒥᓴᙵᓄᑦ (ᒪᐃᒃ) ................................................................................................... 17 90 - 7(2): ᒥᑦᑕᕐᕕᓐᓂ ᐱᖁᑎᔾᔪᐋᖏᓄᑦ (ᐊᖑᑎᐋᓗᒃ) ............................................................................................... 19 ᐸ. ᓴᖅᑭᑕᐅᓂᖏᑦ ᑎᑎᖅᑲᐃᑦ 28 – 7(2): ᐃᖅᑲᓇᐃᔭᖅᑏᓐ ᐅᓗᕆᐋᓇᓲᓄᑦ ᐊᑭᓕᖅᑕᐅᔾᔪᑎᖏᓄᓪᓗ ᑲᒥᓴᙵᑕ 2026 ᑎᒥᐊᓄᑦ ᐸᕐᓈᕆᔭᖏᑦ (ᑕᑦᑐᐃᓂ) .............................................................................................................................................. 21 ᑲ. ᐱᒋᐊᖅᑎᑕᐃᑦ ᐱᒋᐊᖅᑎᑕᖅ 009 - 5(1): ᓄᖅᑲᖓᑯᑖᕐᓂᖅ - ᖃᐅᔨᒃᑲᐃᒍᑦ (ᕋᒻᐴᑦ) ........

Error! Bookmark not defined. ᐱᒋᐊᖅᑎᑕᖅ 009 - 5(1): ᓄᖅᑲᖓᑯᑖᕐᓂᖅ (ᕋᒻᐴᑦ) ..................................... Error! Bookmark not defined. ᑯ. ᒪᓕᒐᒃᓴᐃᑦ ᒪᓕᒐᒃᓴᖅ 1 - ᑮᓇᐃᔭᑦ ᐊᑐᖅᑕᐅᑲᐃᓐᓇᕐᓂᐊᖅᑐᑦ (ᐊᐅᓚᔾᔪᑏᑦ ᐋᖅᑭᐅᒪᐃᓐᓇᕈᑏᓪᓗ) ᒪᓕᒐᖅ, 2026-2027 – ᑲᑎᒪᔨᕋᓛᓄᑦ ᐃᓱᒪᒃᓴᖅᓯᐅᖅᑕᐅᓂᖓ ................................................................................................................. 22

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 1 ᐃᖃᓗᐃᑦ, ᓄᓇᕗᑦ ᕿᑎᖅᑰ, ᔫᓂ 04, 2026 ᒪᓕᒐᓕᐅᖅᑏᑦ ᐅᐸᒃᑐᑦ: ᐊᖓᔪᖅᑳᖅ ᒍᐃᐊᓐ ᕼᐄᓕ−ᐊᕿᐊᕈᖅ, ᒥᔅ ᕼᐋᓇ ᐊᖑᑎᐊᓗᒃ, ᒥᔅᑕ ᐃᐊᑦᕗᑦ ᐊᑕᒍᑦᑖᓗᒃ, ᐊᖓᔪᖅᑳᖅ ᔮᓂᑦ ᐱᑦᓯᐅᓛᖅ, ᐊᖓᔪᖅᑳᖅ ᔪᐊᔾ ᕼᐃᒃᔅ, ᐊᖓᔪᖅᑳᖅ ᑕᐃᕕᑎ ᔪᐊᓇᓯ, ᐊᖓᔪᖅᑳᖅ ᒍᐊᑕᓐ ᑲᐅᑐᒃ, ᐊᖓᔪᖅᑳᖅ ᐳᕋᐃᔭᓐ ᑯᓄᒃ; ᒥᔅᑕ ᓴᐃᒻᒪ ᑯᓕᒃᑖᓇ, ᐊᖓᔪᖅᑳᖅ ᓯᓯᐅᓪ ᓂᐅᓪᕚᓇ ᓚᐃᔪᓪ, ᐊᖓᔪᖅᑳᖅ ᐋᕐᓗᒃ ᒪᐃᓐ, ᒥᔅᑕ ᔮᓂ ᒪᐃᒃ, ᒥᔅᑕ ᕗᕆᐊᑦ ᐲᑕᓴᓐ, ᒥᔅᑕ ᑕᐃᕕᑦ ᐳᐊᑐ, ᒥᔅᑕ ᐊᐃᕙᓚᕼᐋᒻ ᖃᒪᓂᖅ, ᒥᔅᑕ ᑖᓂᐅᓪ ᖃᕝᕕᒃ, ᒥᔅᑕ ᐋᓕᒃᓵᓐᑐ ᓴᒻᒧᖅᑐᖅ, ᒥᔅᑕ ᓯᑏᕙᓐ ᑕᖅᑐ, ᐊᖓᔪᖅᑳᖅ ᐋᓂ ᑕᑦᑐᐃᓂ. >>ᑲᑎᒪᓯᒋᐊᖅᑐᑦ 013:30ᒧᐊᖅᑎᓪᓗᒍ ᑲᑎᒪᔾᔪᑎᒃᓴᖅ 1: ᑐᒃᓯᐊᕐᓂᕐᒧᑦ ᒪᑐᐃᖅᑕᐅᓂᖓ ᐅᖃᖅᑎ (ᐊᖓᔪᖅᑳᖅ ᑕᐃᕕᑎ ᔪᐊᓇᓯ): ᑲᑎᒪᔾᔪᑎᑦᑕ ᓯᕗᓪᓕᖅᐹᖓ ᒪᑐᐃᖅᓯᓂᖅ ᑐᒃᓯᐊᓂᒃᑯᑦ, ᒥᔅ ᐊᖑᑎᐊᓗᒃ ᐱᒋᐊᖅᑎᓚᐅᖅᑎᒍᑦ. >>ᑐᒃᓯᐊᖅᑐᑦ. ᐅᖃᖅᑎ: ᖁᔭᓐᓇᒦᒃ, ᒥᔅ ᐊᖑᑎᐊᓗᒃ. ᑲᑎᒪᔾᔪᑎᑦᑎᓐᓄᑦ. ᓈᓴᐅᑎᖓ 2, ᒥᓂᔅᑕᐃᑦ ᐅᖃᐅᓯᖏᑦ. ᐃᓄᓕᕆᔨᒃᑯᓐᓄᑦ, ᒥᓂᔅᑕ ᕼᐄᓕ ᐊᕿᐊᕈᖅ. ᑲᑎᒪᔾᔪᑎᒃᓴᖅ 2: ᐊᖓᔪᖅᑳᑦ ᐅᖃᐅᓯᖏᑦ ᐊᖓᔪᖅᑳᑉ ᐅᖃᐅᓯᖓ 62 - 7(2): ᐸᐃᕆᕝᕕᓐᓄᑦ ᐃᑲᔫᑎᖓ ᑮᓇᐅᔭᖅ (ᕼᐃᓕ-ᐊᕿᐊᕈᖅ) ᐊᖓᔪᖅᑳᖅ ᒍᐊᐃᓐ ᕼᐄᓕᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒍᑦ) ᐅᓄᒃᓴᒃᑯᓪᓗ ᒪᓕᒐᓕᐅᖅᑎᐅᖃᑎᒃᑲ. ᐅᖃᖅᑏ, ᐅᓪᓗᒥ ᓇᓗᓇᐃᖅᓯᔪᒪᕗᖓ ᐱᓕᕆᐊᒃᓴᒥᒃ ᐃᑲᔫᑕᐅᔪᓐᓇᖅᑐᒥᒃ ᓄᓇᕗᒻᒥᐅᑦ ᐊᖓᔪᖄᕆᔭᐅᔪᓄᑦ ᐃᓅᓯᖏᓐᓄᑦ ᖃᓄᐃᓕᐅᕈᑎᖃᕐᓂᕐᒧᑦ, ᐅᑎᕐᓗᑎᒃ ᐃᓕᓐᓂᐊᕐᓂᕐᒧᑦ, ᐱᓕᒻᒪᒃᓴᕐᓗᑎᒃ, ᐅᕝᕙᓘᓐᓃᑦ ᐃᖅᑲᓇᐃᔮᒥᓄᑦ ᐅᑎᕐᓗᑎᒃ. ᐸᐃᕆᕕᖕᒧᑦ ᐊᑭᓕᖅᓱᐃᔪᓄᑦ ᐃᑲᔫᑎᑎᒍᑦ, ᐃᑲᔫᓯᐊᖅᑎᑦᓯᔨᒃᑯᑦ ᐃᓄᓕᕆᔨᒃᑯᓪᓗ ᐊᑐᐃᓐᓇᐅᑎᑦᑎᓲᑦ ᐊᔪᙱᑎᑕᐅᔪᓄᑦ ᐊᖓᔪᖄᓄᑦ ᐸᖅᑭᔨᓄᓪᓗ $700−ᒧᑦ ᑎᑭᓪᓗᒍ ᐊᑕᐅᓯᕐᒧᑦ ᓄᑕᖅᑲᒧᑦ, ᑕᖅᑭᑕᒫᑦ, ᐃᑲᔪᕈᒪᓪᓗᒋᑦ ᐊᑭᓕᕆᐊᖃᖅᐸᒃᑐᓄᑦ ᐸᐃᕆᔨᓄᑦ. ᐊᒥᓱᓄᑦ ᐊᖓᔪᖄᕆᔭᐅᔪᓄᑦ, ᐊᑭᖓ ᐊᖏᓛᖑᓪᓗᓂ ᑐᓗᕈᑕᐅᕙᒃᐳᖅ ᑖᒃᑯᓄᖓ ᓯᕗᓂᒃᓴᖃᑦᑎᐊᕐᓂᕐᒧᓪᓗ ᖃᑕᙳᑎᒥᓄᑦ. ᐱᒻᒪᕆᐅᕗᖅ ᖃᐅᔨᒪᓗᓂ ᐸᐃᕆᕝᕕᖕᓄᑦ ᐃᑲᔫᓯᐊᓄᑦ ᐊᑭᓕᐅᑎᑦ ᑭᑭᑕᐅᖕᒪᑕ ᐃᑲᔫᓯᐊᕐᓂᕐᒧᑦ ᖃᔅᓯᐅᓂᖏᓐᓂ ᐱᔪᕐᓇᕐᓂᖅ ᐃᑲᔫᓯᐊᓂᒃ ᒥᒃᖠᒋᐊᖅᑎᑦᑎᔾᔮᙱᑦᑐᖅ ᐃᑲᔫᓯᐊᕐᓂᕐᒧᑦ ᐊᑭᓕᐅᑎᖏᓐᓂᒃ. ᐊᐃᑦᑖᖑᒐᓗᐊᖅ, ᐅᖃᖅᑎᑦᑎᔩ, ᐊᑐᖅᑕᐅᓂᖓ ᐃᑲᔫᑎ ᖃᓰᓐᓇᐅᓯᒪᖕᒪᑦ. ᐃᓕᓴᕆᔭᕗᑦ ᑕᒪᓐᓇ ᐱᔾᔪᑎᒋᔭᐅᔪᖅ ᐊᒥᒐᖅᓯᓂᖏᓐᓄᑦ ᐸᐃᕆᕝᕖᑦ ᐊᒥᓱᓄᑦ ᓄᓇᓕᖕᓂᑦ. ᖃᐅᔨᒪᖕᒥᔪᒍᑦ ᐊᓯᒥᓱᑦ ᐊᖓᔪᖄᕆᔭᐅᔪᑦ ᖃᐅᔨᒪᙱᒻᒪᑕ ᐃᑲᔫᑎᑦ ᐊᑐᐃᓐᓇᐅᑎᑕᐅᔪᑦ, ᐅᕝᕙᓘᓐᓃᑦ ᐊᑐᖅᑕᐅᔪᓐᓇᕐᒪᖔᑕ ᐃᑲᔪᖅᑐᐃᔪᒪᓪᓗᒋᑦ ᓇᖕᒥᓂᖅ ᐸᐃᕆᔨᖃᕐᓂᕐᒧᑦ. ᐃᓄᓕᕆᔨᒃᑯᑦ ᐊᒃᓱᕉᑎᖃᑦᑲᓐᓂᖅᐳᑦ ᑕᒪᓐᓇ ᐊᓯᔾᔨᕈᒪᓪᓗᒋᑦ. ᐱᓕᕆᕙᓪᓕᐊᕗᒍᑦ ᐅᔾᔨᕈᓱᒃᑎᑦᑎᒃᑲᓐᓂᕋᓱᒃᖢᑕ ᐃᑲᔫᑎᓂᒃ, ᐊᔪᕐᓇᙱᓐᓂᖅᓴᐅᓕᖅᑎᖦᖢᑎᒍᑦ ᐱᓇᔫᑎᑦ ᑐᒃᓯᕋᐅᑎᖏᑦ, ᐃᓚᓕᐅᑎᓪᓗᒋᓗ ᐊᑭᓕᐅᑎᑦ ᐊᓯᖏᓐᓄᑦ ᐊᑭᒃᖠᒋᐊᕈᑎᓄᑦ ᐃᑲᔪᖅᑕᐅᓂᕐᒧᓗ ᖃᑕᙳᑎᒌᓄᑦ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 2 ᐅᖃᖅᑎᑦᑎᔩ, ᓇᓕᐅᑐᐃᓐᓇᕐᓄᑦ ᐊᖓᔪᖄᓄᑦ ᐸᖅᑭᔨᓄᓪᓗ ᐃᓕᓐᓂᐊᕆᐊᕈᒪᔪᓄᑦ. ᐱᓕᒻᒪᒃᓴᕈᒪᔪᑦ, ᐃᖅᑲᓇᐃᔭᕆᐊᕈᒪᔪᓄᓪᓘᓐᓃᑦ ᑭᓯᐊᓂ ᓄᖄᕿᓯᒪᔪᑦ ᐸᐃᕆᕝᕕᐅᑉ ᐊᑭᖏᓐᓄᑦ, ᑎᓕᐅᕆᕙᒃᑲ ᖃᐅᔨᒋᐊᕐᕕᖃᖃᑦᑕᖁᓪᓗᒋᑦ ᐃᑲᔫᓯᐊᖅᑎᑦᓯᔨᒃᑯᑦ ᐃᖅᑲᓇᐃᔭᖅᑎᖏᑦ ᐃᓄᓕᕆᔨᒃᑯᓐᓂ. ᐃᑲᔪᖅᑕᐅᓂᖅ ᒪᓂᒪᑎᑕᐅᔪᑦ, ᐃᑲᔪᕈᒪᓪᓗᑕᓗ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᒃᑕᑐᖅᑐᑦ ᐅᖃᖅᑎ: ᒥᓂᔅᑕᐃᑦ ᐅᖃᐅᓯᖏᑦ. ᐃᓕᖅᑯᓯᓕᕆᔨᒃᑯᓐᓄᑦ, ᒥᓂᔅᑕ ᑯᓄ. ᐊᖓᔪᖅᑳᑉ ᐅᖃᐅᓯᖓ 63 - 72): ᐱᒋᐊᖅᑕᐅᓂᖓ ᐊᓱᐃᓪᓛᒃ - ᐃᓄᒃᑎᑐᑦ ᐅᖃᐅᓯᒧᑦ ᓇᓗᓇᐃᕈᑖ (ᑯᓄ) ᐊᖓᔪᖅᑳᖅ ᐳᕋᐃᔭᓐ ᑯᓄ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒍᑦ) ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᕗᖓ ᐃᓕᓴᖅᓯᔪᒪᓪᓗᖓ ᐱᒻᒪᕆᐊᓗᖕᒥᒃ ᐱᔭᕇᖅᑕᐅᓯᒪᔪᖅ ᔭᒐᑎᑦᑎᑦᑕᐃᓕᒪᓂᕐᒧᑦ, ᐅᔾᔨᕐᓇᖅᓯᑎᑦᑎᓂᕐᒧᑦ, ᓄᑖᙳᕆᐊᖅᑎᑦᑎᓂᕐᒧᓪᓗ ᐃᓄᒃᑐᑦ ᓄᓇᕗᒻᒥ: ᓴᖅᑭᑎᑕᐅᓪᓚᕆᖕᓂᖓ ᐊᓱᐃᓪᓛᒃ, ᓄᑖᖅ ᐅᖃᐅᓯᕐᓄᑦ ᑲᑎᖅᓱᐃᕝᕕᒃ ᐋᖅᑭᒃᓱᖅᑕᐅᓯᒪᓪᓗᓂ ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑎᒃᑯᓐᓄᑦ (IUT−ᑯᓐᓄᑦ). ᐅᖃᖅᑎᑦᑎᔩ, ᐊᓱᐃᓛᒃ ᐅᖃᐅᓯᖅᑕᖏᑦ ᐊᑐᐃᓐᓇᐅᔪᑦ ᑕᒪᐃᓐᓂ ᐃᓄᒃᑎᑑᓕᖓᔪᓂᑦ ᑎᑎᕋᐅᓯᕐᓂᑦ ᐊᒻᒪᓗ ᖃᓕᐅᔮᖅᐸᐃᑎᑐᑦ. ᑖᓐᓇ ᑐᓴᒐᒃᓴᓂᒃ ᑲᑎᖅᓱᐃᕝᕕᒃ ᖃᕆᓴᐅᔭᒃᑯᑦ ᐊᑐᐃᓐᓇᐅᔪᑦ ᐊᑭᖃᙱᖢᓂ ᑭᒃᑯᑐᐃᓐᓇᕐᓄᑦ ᐃᑭᐊᕿᕕᒃᑰᕈᓐᓇᖅᑐᓄᑦ. ᑕᑯᔭᖅᑐᕐᓗᒋᑦ taiguusiliuqtiit.ca, ᐊᑐᖅᑏᑦ ᖃᐅᔨᒋᐊᕈᓐᓇᖅᐳᑦ ᐅᓄᖅᓯᕙᓪᓕᐊᑐᐃᓐᓇᖅᑐᓂᒃ ᖃᕆᑕᐅᔭᒃᑯᑦ ᑎᑎᕋᖅᓯᒪᔪᓂᒃ ᒫᓐᓇ ᐃᓗᓕᖃᖅᑐᓂᒃ 9,000−ᐸᓗᖕᓂᒃ ᐃᓄᒃᑐᑦ ᑕᐃᒍᓯᕐᓂᒃ ᐱᖁᔭᐅᓯᒪᔪᓂᒃ ᐊᖏᖅᑕᐅᓯᒪᔪᓂᒡᓗ ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑎᒃᑯᓐᓄᑦ ᐊᒻᒪᓗᑦᑕᐅᖅ ᐃᓕᖅᑯᓯᑐᖃᒃᑯᑦ ᐊᑐᖅᑕᐅᒐᔪᒃᐸᒃᑐᓄᓪᓗ ᑕᐃᒍᓯᕐᓄᑦ. ᐅᖃᐅᓯᖅ ᐆᒻᒪᑎᖓᓃᑉᐳᖅ ᑭᓇᐅᓂᑦᑎᓐᓂ. ᓇᒃᓴᖅᐳᖅ ᖃᐅᔨᒪᓂᑦᑎᓐᓂᒃ, ᓄᓇᕐᔪᐊᒥᒃ ᑕᐅᑐᖅᑰᖅᑕᑦᑎᓐᓂᒃ, ᑭᓇᐅᓂᑦᑎᓐᓂᒡᓗ. ᐱᖃᖅᑎᑦᑎᓂᒃᑯᑦ ᐱᓕᕆᔾᔪᑎᓄᑦ ᓲᕐᓗ ᐊᓱᐃᓪᓛᒃ, ᐃᑲᔪᖅᓱᐃᕗᒍᑦ ᐃᓕᓴᐃᔨᓂᒃ, ᑐᑭᓕᐅᕆᔨᓂᒃ, ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᓂᒃ, ᐃᓕᓐᓂᐊᖅᑎᓂᒃ, ᐊᒻᒪ ᓄᓇᖅᑲᑎᒌᓂᒃ ᐃᓄᒃᑐᑦ ᐊᑐᕐᓂᕐᒥᒃ ᖁᓱᙱᓪᓗᑎᒃ ᓇᐅᒃᑯᓕᒫᖅ ᐃᓅᓯᑦᑎᓐᓂ − ᐃᓚᒋᔭᐅᓪᓗᓂ ᒐᕙᒪᒃᑯᑦ, ᐃᓕᓐᓂᐊᕐᓂᓕᕆᓂᖅ, ᐊᒻᒪ ᐱᓕᕆᔨᒻᒪᕆᖕᓄᑦ ᐋᖅᑭᒃᓯᒪᔪᑦ. ᓴᖅᑭᑕᐅᓂᖓ ᑖᔅᓱᒪ ᖃᕆᓴᐅᔭᒃᑯᑦ ᑐᖅᑯᖅᑐᐃᕕᒃ ᐃᓱᓕᔾᔮᙱᓚᖅ. ᑕᒪᓐᓇ ᐱᒋᐊᕐᓂᐅᕗᖅ ᐊᑐᖅᑕᐅᔪᓐᓇᖅᑐᒧᑦ ᑲᔪᓰᓐᓇᕐᓂᐊᖅᑐᒥᒃ ᐊᖏᒡᓕᕙᓪᓕᐊᓗᓂ ᐊᓯᔾᔨᖅᐸᓪᓕᐊᓗᓂᓗ. ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ ᐊᖏᖅᓯᒪᐃᓐᓇᖅᑐᑦ ᐱᐅᓯᕚᓪᓕᖅᑎᑦᑎᔪᒪᓪᓗᑎᒃ ᐊᖏᒡᓕᒋᐊᖅᑎᑦᑎᔪᒪᓪᓗᑎᒡᓗ ᐊᓱᐃᓪᓛᒃ ᑐᙵᓇᐃᓐᓇᖁᓪᓗᒍ, ᐊᒃᑐᐊᓂᖃᐃᓐᓇᖁᓪᓗᒍ, ᑭᐅᔪᓐᓇᑦᑎᐊᕐᓗᓂᓗ ᓄᓇᕗᒻᒥᐅᑦ ᐱᔭᕆᐊᖃᖅᑕᖏᓐᓄᑦ. ᖁᔭᒋᕙᒃᑲ ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ ᐱᓕᕆᐊᖃᓪᓚᕆᒍᒪᕙᖕᓂᖏᓐᓄᑦ ᓯᕗᓕᖅᑎᐅᕙᖕᓂᖏᓐᓄᓪᓗ ᓴᙱᒃᑎᒋᐊᖅᑎᑦᑎᔪᒪᓪᓗᑎᒃ ᐅᖃᐅᓯᑦᑎᓐᓂᒃ ᐅᓪᓗᒥᒧᑦ ᓯᕗᓂᒃᓴᑦᑎᓐᓄᓪᓗ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑏ. >>ᐸᒃᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒥᓂᔅᑕᐃᑦ ᐅᖃᐅᓯᖏᑦ. ᓄᓇᓕᖕᓂ ᐱᔨᑦᓯᖅᑎᒃᑯᑦ, ᒥᓂᔅᑕᖓ ᓯᒪᐃᓚᒃ. ᐊᖓᔪᖅᑳᑉ ᐅᖃᐅᓯᖓ 64 - 7(2): ᐃᑲᔪᐃᓂᖃᓐᓂᖅ ᓄᓇᓕᖏᓂᒃ ᓇᒥᓕᒫᖅ ᓄᓇᕘᒥᑦ (ᓯᒪᐃᓚᒃ)

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 3 ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ: ᒪ’ᓇ ᐅᖃᖅᑎᑦᓯᔨ (ᑐᓵᔨᑎᒍᑦ) ᐅᓐᓄᓴᒃᑯᑦ ᖃᒪᓂᑦᑐᐊᕐᒥᐅᓪᓗ. ᐅᖃᖅᑏ, ᐅᓪᓗᒥ ᓇᖏᖅᓯᕗᖓ ᓇᓗᓇᐃᖅᓯᔪᒪᓪᓗᖓ ᐱᓕᕆᐊᖑᕙᓪᓕᐊᔪᓂᑦ ᓄᓇᕗᓕᒫᒥ ᐃᑲᔪᖅᓱᖅᖢᒋᑦ ᓄᓇᓖᑦ ᐊᒃᓱᕈᕐᓇᖅᑐᒃᑰᖅᑎᓪᓗᒋᑦ. ᓄᓇᕗᒻᒥ, ᑭᐅᔾᔪᑕᐅᔪᑦ ᑐᙵᕕᖃᖅᐳᑦ ᓴᙱᔪᓂᒃ ᓄᓇᓕᖕᓂ ᐊᒻᒪ ᐱᔪᒪᓂᖃᖅᑐᓂᒃ ᐃᒻᒥᖕᓄᑦ ᑲᒪᒋᑦᑎᐊᖃᑦᑕᐅᑎᔪᒪᓪᓗᑎᒃ. ᐱᓕᕆᐊᒃᓴᕆᒐᑦᑎᒍᑦ ᐃᑲᔪᖅᑐᐃᓗᑕ ᓄᓇᓕᖕᓂᑦ ᐊᐅᓚᑦᑎᓂᒃᑯᑦ ᐃᑲᔫᑎᒃᓴᓂᑦ, ᓴᙱᒃᑎᒋᐊᕐᓗᒋᑦ ᐱᓕᕆᖃᑎᒌᖕᓃᑦ, ᖃᐅᔨᒪᒋᐊᕐᓗᑕᓗ ᐃᑲᔪᖅᑕᐅᔪᓐᓇᕐᓂᖅ ᐊᑐᐃᓐᓇᐅᒐᓗᐊᕐᒪᖔᑦ ᐱᔭᕆᐊᖃᓕᕌᖓᑕ. ᐊᕐᕌᒍ ᐱᒋᐊᓕᓵᖅᑎᓪᓗᒍ, ᐅᖅᓱᖅᑑᖅ ᐊᒃᓱᕉᑎᖃᒻᒪᕆᓚᐅᕐᒪᑦ ᐊᑯᓂᐊᓗᒃ ᖃᒥᙶᓚᐅᖅᖢᑎᒃ ᓯᓚᓗᒃᑎᓪᓗᒍ. ᑖᒃᑯᐊ ᐊᒃᑐᐃᔾᔪᑕᐅᔪᑦ ᐊᒃᑐᐃᔾᔪᑕᐅᓚᐅᖅᐳᑦ ᐊᐅᓚᔪᓐᓇᐅᑎᓄᑦ ᓄᓇᓕᖕᓂ, ᐃᓚᒋᔭᐅᓪᓗᑎᒃ ᐆᒻᒪᖅᑯᑎᑦ ᐊᒻᒪ ᐃᒪᓕᕆᔾᔪᑎᑦ. ᓯᓚᓗᒍᓐᓃᖅᐸᓪᓕᐊᑎᓪᓗᒍ, ᐃᓚᖏᑦ ᐊᖏᕐᕋᕆᔭᐅᔪᑦ ᓱᓪᓗᖏᑦ ᖁᐊᖃᑦᑕᓚᐅᖅᐳᑦ, ᐊᒃᓱᕈᕐᓇᖅᑐᖅᓯᐅᒃᑲᓐᓂᖅᖢᑎᒃ ᓄᓇᓕᖕᒥᐅᑦ. ᑕᒪᓐᓇ ᖃᓄᐃᓐᓂᐅᔪᖅ ᐊᐅᓚᑕᐅᔭᕆᐊᖃᓚᐅᖅᐳᖅ ᒐᕙᒪᓕᒫᒧᑦ ᑭᐅᔾᔪᑕᐅᓪᓗᓂ. ᓄᓇᕗᒻᒥ ᑐᐊᕕᕐᓇᖅᑐᓕᕆᓂᕐᒧᑦ ᐊᐅᓚᑦᑎᔨᑦ ᐱᓕᕆᖃᑎᖃᑦᑎᐊᓚᐅᖅᐳᑦ ᐱᓕᕆᖃᑎᒋᔭᒥᓂᒃ ᒐᕙᒪᒃᑯᓐᓂᓕᒫᖅ − ᐃᓚᒋᔭᐅᓪᓗᑎᒃ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ, ᐃᓕᓐᓂᐊᕐᓂᓕᕆᔨᒃᑯᑦ, ᐃᖏᕐᕋᔪᓕᕆᔨᒃᑯᑦ ᐊᒻᒪ ᐊᐅᓚᔪᓐᓇᐅᑎᓕᕆᔨᒃᑯᑦ ᓄᓇᕗᒻᒥ, ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ, ᐊᒻᒪ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ − ᐊᒻᒪᓗᑦᑕᐅᖅ ᒐᕙᒪᑐᖃᒃᑯᓐᓂ ᐱᓕᕆᖃᑎᒋᔭᖏᓐᓂᒃ ᑲᑐᔾᔨᖃᑎᒌᓂᒡᓗ ᓲᕐᓗ ᑲᓇᑕᒥ ᑐᐊᕕᕐᓇᖅᑐᖃᖅᑎᓪᓗᒍ ᐃᑲᔪᕆᐊᖅᑎᓂᑦ ᐃᑲᔪᖅᑐᐃᓪᓗᑎᒃ ᓄᓇᓕᖕᓂᑦ. ᑕᒪᓐᓇ ᐊᐅᓚᑕᐅᓪᓗᓂ ᐱᓕᕆᓂᐅᔪᖅ ᐃᑲᔪᓚᐅᖅᐳᖅ ᓄᓇᓕᖕᒥᐅᑦ ᐊᑐᐃᓐᓇᖃᕈᓐᓇᕐᓂᖏᓐᓂᑦ ᐃᑲᔪᖅᓱᐃᔾᔪᑎᓂᒃ ᐊᒻᒪ ᐃᑲᔫᑎᒃᓴᓂᒃ ᑭᐅᓂᓕᒫᖏᓐᓂ ᐊᒻᒪ ᖃᓄᐃᑦᑐᓐᓃᖅᐸᓪᓕᐊᓂᓕᒫᖏᓐᓂ, ᐃᓚᒋᔭᐅᓪᓗᑎᒃ ᓴᓗᒻᒪᖅᓴᐅᑎᑦ ᐊᓯᖏᓪᓗ ᐃᑲᔫᑎᒃᓴᑦ ᐊᒃᑐᖅᑕᐅᓯᒪᔪᓄᑦ ᐃᒡᓗᒥᐅᖃᑎᒌᓄᑦ. ᐅᖃᖅᑎᑦᑎᔩ, ᑕᑯᕙᓪᓕᐊᖏᓐᓇᖅᑐᒍᑦ ᓴᙱᔪᓂᒃ ᓴᖅᑭᖅᑐᓂᒃ ᕿᓂᖅᑎᓂ ᓄᓇᕘᓕᒫᒥ. ᖃᖓᑦᑎᐊᓵᖅ ᐱᓕᕆᓂᐅᔪᑦ ᓴᖅᑭᑎᑦᑎᓯᒪᕗᑦ ᐃᓄᖕᓂᒃ ᐊᑦᑕᕐᓇᙱᑦᑐᒃᑯᑦ ᓇᓂᔭᐅᔪᓐᓇᖅᖢᑎᒃ ᐊᖏᕐᕋᖅᑎᑕᐅᓗᑎᒡᓗ. ᑖᒃᑯᐊ ᑲᔪᓯᑦᑎᐊᓚᐅᖅᑐᑦ ᑕᑯᒃᓴᐅᑎᑦᑎᕗᑦ ᓄᓇᓕᖕᓂ ᐸᖅᓴᐃᔨᓂᑦ, ᓄᓇᓕᖕᓂᒥᐅᓂᑦ, ᐊᑭᓕᖅᓱᖅᑕᐅᙱᖦᖢᑎᒃ ᐃᑲᔪᖅᐸᒃᑐᓂᑦ, ᐊᒻᒪ ᒐᕙᒪᑐᖃᒃᑯᓐᓂ ᐱᓕᕆᖃᑎᖏᓐᓂᑦ. ᖁᔭᒋᕙᒃᑲ ᐱᒻᒪᕆᐊᓗᖕᒥᑦ ᐱᓕᕆᐊᖃᖅᐸᖕᓂᖏᓐᓄᑦ ᓄᓇᕗᒻᒥᐅᓂᒃ ᐊᑦᑕᕐᓇᖅᑐᒦᑎᑦᑎᑦᑕᐃᓕᒪᓪᓗᑎᒃ. ᐱᕙᒌᔭᖅᓯᒪᓂᖅ ᓱᓕ ᐱᒻᒪᕆᐊᓘᕗᖅ. ᐱᓕᕆᐊᖑᕙᓪᓕᐊᔪᒪᔪᑦ ᓲᕐᓗ ᒫᓃᑉᐳᖔᕈᑎ ᐃᑲᔪᖅᐸᒃᐳᖅ ᐊᑦᑕᕐᓇᙱᓐᓂᖅᓴᒃᑯᑦ ᓄᒃᑕᕈᓐᓇᖅᖢᑎᒃ ᓄᓇᒃᑯᑦ ᑕᑎᒋᔭᒃᓴᑦᑎᐊᕙᐅᓪᓗᑎᒃ ᑐᓴᐅᒪᑎᑦᑎᔾᔪᑎᑦ ᑐᐊᕕᕐᓇᖅᑐᖃᖅᑎᓪᓗᒍ. ᑲᔪᓰᓐᓇᖅᐳᒍᑦ ᑎᓕᐅᕆᕗᒍᑦ ᓄᓇᕗᒻᒥᐅᓂᒃ ᐊᔪᕐᓇᙱᑦᑐᑯᓗᖕᓂᑦ ᑭᓯᐊᓂᓗ ᐱᒻᒪᕆᐊᓗᖕᓂᑦ ᐊᑐᖁᓪᓗᒋᑦ ᓄᒃᑕᓚᐅᙱᓐᓂᖏᓐᓂᑦ, ᐃᓚᒋᔭᐅᓗᓂ ᖃᐅᔨᒋᐊᖅᐸᒡᓗᒋᑦ ᖃᓄᐃᓕᖓᓂᕆᔭᐅᔪᑦ, ᓇᒃᓴᖅᐸᒡᓗᑎᒃ ᑐᓴᐅᒪᖃᑦᑕᐅᑎᔾᔪᑎᓂᒃ, ᑐᓴᐅᒪᖃᑎᖃᖅᐸᒡᓗᑎᒡᓗ ᓄᒃᑕᕐᓂᕐᒧᑦ ᐸᕐᓇᒃᑕᐅᓯᒪᔪᓂᑦ. ᐅᖃᖅᑎᑦᑎᔩ, ᖁᔭᓕᔪᒪᕙᒃᑲ ᓄᓇᕗᒻᒥᐅᑦ, ᓄᓇᓕᖕᓂ ᑭᐅᔨᐅᕙᒃᑐᑦ, ᐊᑭᓕᖅᓱᖅᑕᐅᙱᖦᖢᑎᒃ ᐱᓕᕆᕙᒃᑐᑦ, ᐱᓕᕆᖃᑎᒋᕙᒃᑕᕗᓪᓗ ᖃᐅᑕᒫᑦ ᐱᓕᕆᕙᖕᓂᖏᓐᓄᑦ ᐃᑲᔪᖅᑐᐃᖃᑦᑕᐅᑎᕙᒃᖢᑎᒃ ᐃᑲᔪᖅᐸᒃᖢᑎᒡᓗ ᓄᓇᓖᑦ ᐊᑦᑕᕐᓇᖅᑐᒦᖁᓇᒋᑦ ᑕᒫᓂᓕᒫᖅ ᐅᑭᐅᖅᑕᖅᑐᒥ ᐊᕕᒃᓯᒪᓂᕆᔭᕐᒥ. ᒪ'ᓇ, ᐅᖃᖅᑎᑦᑎᔨ. >>ᐸᒃᑕᑐᖅᑐᑦ ᐅᖃᖅᑎ: ᖁᔭᓐᓇᒦᑦᑕᐅᖅ. ᒥᓂᔅᑕᐃᑦ ᐅᖃᐅᓯᒃᓴᖏᑦ, ᒥᓂᔅᑕ ᑲᒪᒋᔭᖃᖅᑐᑦ ᐊᕐᓇᐃᑦ ᑭᒡᒐᖅᑐᐃᔩᑦ ᒥᒃᓵᓄᑦ, ᒥᓂᔅᑕ ᕼᐄᓕ ᐊᕿᐊᕈᖅ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 4 ᐊᖓᔪᖅᑳᑉ ᐅᖃᐅᓯᖓ 65 - 7(2): ᑕᕐᕇᔭᖃᓐᓂᖅ ᖃᐅᔨᒪᓂᐅᕐᒧᑦ ᓴᖅᑭᑎᑕᐅᔪᒥᒃ (ᕼᐃᓕ-ᐊᕿᐊᕈᖅ) ᐊᖓᔪᖅᑳᖅ ᒍᐊᐃᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᐅᓪᓗᒥ ᓂᑯᕕᑦᑐᖓ ᑐᓴᖅᑎᑦᑎᒍᒪᓪᓗᖓ ᐱᒻᒪᕆᐅᔪᓂᒃ ᖁᓪᓖᑦ ᓄᓇᕗᒻᒥ ᐊᕐᓇᐃᑦ ᑲᑎᒪᔨᖏᑕ ᖃᐅᒪᓂᕐᒥᒃ ᓴᖅᑭᔮᖅᑎᑦᑎᓂᕐᒧᑦ. ᐱᓕᕆᐊᖑᔪᖅ ᑮᓇᐅᔭᖃᖅᑎᑕᐅᕗᖅ ᑲᓇᑕᐅᑉ ᒐᕙᒪᒃᑯᖏᓐᓂᑦ ᐅᔾᔨᕈᓱᓕᖅᑎᑦᑎᒃᑲᓐᓂᕋᓱᒃᖢᑎᒃ ᐊᕐᓇᐃᑦ/ᐊᖑᑎᑦ ᐋᓐᓂᖅᓯᖅᑕᐅᕙᒃᑐᑦ ᐅᔾᔨᕐᓇᖅᓯᑎᑦᑎᔪᒪᓪᓗᑎᒡᓗ ᖃᓄᐃᙱᑦᑎᐊᖅᑐᓂᒃ ᐃᓅᖃᑎᖃᖅᐸᖕᓂᕐᒥᒃ ᓄᓇᕘᓕᒫᒥ. ᑎᓕᐅᕆᕗᖅ ᓄᓇᕗᒻᒥᐅᓂᒃ ᒪᑐᐃᙶᑦᑎᐊᕐᓂᕐᒥᒃ, ᐃᑲᔪᖅᑐᐃᖃᑦᑕᐅᑎᓂᕐᒥᒃ, ᓴᖅᑭᑎᑦᑎᓂᕐᒥᒃ ᐊᓯᔾᔨᕐᓂᕆᔭᐅᔪᒥᒃ, ᐃᑲᔪᕐᓂᕐᒥᒡᓗ ᐱᒋᐊᖅᑎᑦᑎᓂᕐᒥᒃ ᐅᖃᖃᑎᒌᖕᓂᕐᒥᒃ ᐱᑦᑎᐊᖅᑕᐅᙱᓐᓂᕐᒥᒃ, ᐃᓅᖃᑎᒌᖕᓂᕐᒥᒃ, ᐱᖃᖅᑎᑦᑎᓂᕐᒥᒡᓗ ᑭᒃᑯᑐᐃᓐᓇᓂᒃ ᐊᑐᖅᑕᐅᔪᓐᓇᖅᑐᓂᒃ ᐃᑲᔪᖅᑐᖅᑕᐅᓂᕐᒥᒡᓗ ᐱᔭᕆᐊᖃᖅᑕᖏᓐᓂᒃ ᐊᖅᑯᓯᐅᖅᓯᔪᒪᓪᓗᑎᒃ ᐋᓐᓂᖅᓯᕆᔪᖃᕈᓐᓃᕐᓗᓂ ᓄᓇᕗᒻᒥ. ᐃᓚᒋᔭᐅᓪᓗᓂ ᐃᑲᔪᖅᑎᒌᒃᑕ ᐱᓕᕆᐊᒃᓴᖏᓐᓄᑦ, ᐱᓕᕆᐊᖑᔪᖅ ᐋᖅᑭᒃᑕᐅᓯᒪᕗᖅ ᐃᓚᐅᑎᑦᑎᓂᒃᑯᑦ ᓄᓇᓕᑦᑎᓐᓂ ᐅᖃᖃᑎᖃᕐᓂᕐᒥᒡᓗ ᒪᒃᑯᒃᑐᓂᒃ, ᐃᓐᓇᕐᓂᒃ, ᐊᕐᓇᓂᒃ, ᐊᖑᑎᓂᒃ, ᑲᑐᔾᔨᖃᑎᒌᓂᒃ ᑭᒡᒐᖅᑐᐃᔨᓂᒃ, ᐅᐸᒃᑕᐅᖅᑳᖅᐸᒃᑐᓂᒡᓗ ᓂᐱᓂᒃ ᐋᖅᑭᒃᓱᐃᔪᒪᓪᓗᑎᒃ ᓇᒧᙵᐅᕙᓪᓕᐊᓂᕆᔭᖓᓂᒃ ᑕᒪᑐᒪ ᐱᓕᕆᐊᖑᔫᑉ. ᒫᓐᓇ ᐱᖓᔪᒋᓕᖅᑕᖓ ᐊᕐᕌᒍᖓ, ᑕᑯᒃᓴᐅᑎᓪᓗᒍ ᖃᐅᒪᓂᖅ ᑕᐅᑐᒐᖃᓪᓗᐊᑕᓚᐅᖅᐳᖅ ᐊᖏᒡᓕᒋᐊᖅᑎᑦᑎᓂᕐᒥᒃ ᓄᓇᕘᓕᒫᒥ ᐅᔾᔨᕆᔭᐅᓕᖅᑎᑦᑎᓂᕐᒥᒃ ᐃᓚᐅᑎᑦᑎᓂᕐᒥᒡᓗ ᑕᒪᑐᒪᓂ ᐊᕐᕌᒍᒥ. ᐅᐸᒍᑎᓯᒪᓪᓗᑎᒃ ᓄᓇᓕᖕᓂ ᐃᓚᐅᑎᑦᑎᓚᐅᖅᐳᑦ ᐊᕐᕕᐊᓂ ᖃᒪᓂ'ᑐᐊᕐᒥᓗ, ᐃᓕᓐᓂᐊᕈᑎᒃᓴᓂᒃ ᑐᓂᐅᖅᑲᐃᔪᖃᓚᐅᖅᖢᓂ ᐱᓕᕆᖃᑎᒌᒃᑐᓪᓗ ᐱᓕᕆᖃᑎᖃᖅᖢᑎᒃ ᓄᓇᕗᒻᒥᐅᓂᒃ ᓄᑲᖅᖡᑦ ᐊᖓᔪᒃᖡᓪᓗ ᐃᓕᓐᓂᐊᕐᕕᖏᑦᑎᒍᑦ, ᐱᙳᐊᕐᕕᖕᓂ, ᐱᔨᑦᑎᕋᕐᕕᖕᓂ, ᓄᓇᓕᖕᓂ ᓈᓚᐅᑎᖃᕐᕕᖕᓂ, ᐊᒻᒪ ᓄᓇᓕᖕᓂ ᓂᕆᕕᒡᔪᐊᖅᑎᑦᑎᓪᓗᑎᒃ, ᓄᓇᓕᖕᒥᐅᑦ ᓄᓇᒋᔭᖏᓐᓂᒃ ᖃᐅᔨᑎᑦᑎᓪᓗᑎᒃ. ᐸᕐᓇᐃᓂᖅ ᐊᕐᕌᒍᓄᑦ ᓯᑕᒪᖓᓐᓄᑦ ᐱᓕᕆᐊᖑᔪᒧᑦ ᒫᓐᓇ ᐱᓕᕆᐊᖑᕙᓪᓕᐊᓕᖅᐳᖅ ᐃᓚᖃᕐᓂᐊᖅᓱᓂᓗ ᖄᒃᑲᓐᓂᐊᒍᑦ ᓄᓇᓕᓐᓂ ᐃᓚᐅᑎᑦᓯᓂᕐᒥᒃ. ᐅᖃᖅᑏ, ᑕᒪᓐᓇ ᐱᓕᕆᓂᐅᔪᖅ ᑕᑯᒃᓴᐅᑎᑦᑎᕗᖅ ᑭᓱᑦ ᐊᓂᒍᖅᑎᑕᐅᕙᖕᒪᖔᑕ ᓄᓇᓖᑦ, ᑲᑐᔾᔨᖃᑎᒌᑦ, ᐊᒻᒪ ᒐᕙᒪᒃᑯᑦ ᐱᓕᕆᖃᑎᒌᒃᑳᖓᒥᒃ ᑖᔅᓱᒥᖓᔅᓴᐃᓐᓇᖅ ᑐᕌᒐᖃᖅᖢᑎᒃ. ᑭᒃᑯᓕᒫᑦᑎᐊᑦ ᐊᑦᑕᕐᓇᙱᑦᑐᒦᑦᑕᕆᐊᖃᖅᐳᑦ, ᐃᒃᐱᒋᔭᐅᑦᑎᐊᕐᓗᑎᒃ, ᐱᒻᒪᕆᐅᒋᔭᐅᓗᑎᒡᓗ ᐊᐃᑉᐸᕇᖕᓂᕐᒥᓂ. ᐅᐱᒋᕙᒃᑲ ᖁᓪᓖᑦ ᓄᓇᕗᒻᒥ ᐊᕐᓇᐃᑦ ᑲᑎᒪᔨᖏᑦ ᓯᕗᒃᑲᖅᑕᖅᑎᐅᓂᖏᓐᓄᑦ ᐊᖏᖅᓯᒪᓂᖏᓐᓄᓪᓗ ᐃᑲᔪᕈᒪᓪᓗᑎᒃ ᑕᒪᓐᓇ ᓴᖅᑭᖁᓪᓗᒍ. ᐊᑕᐅᑦᑎᒃᑯᑦ, ᑲᔪᓯᔪᓐᓇᖅᐳᒍᑦ ᐋᖅᑭᒃᓱᐃᕙᓪᓕᐊᓂᕐᒥᒃ ᓄᓇᕗᒻᒥ ᑭᒃᑯᑐᐃᓐᓇᑦᑎᐊᑦ ᐃᓅᔪᓐᓇᕐᓗᑎᒃ ᖁᐊᖅᓵᕐᓇᙱᑦᑐᒥᒃ ᐃᒃᐱᒋᔭᖃᑦᑎᐊᕐᓗᑎᒡᓗ, ᓄᓇᓕᖃᕐᓗᑎᒃ ᐊᒃᑐᐊᓂᖃᖅᑐᓂᒃ ᑲᒪᒋᔭᖃᑦᑎᐊᕐᓂᕐᒥᒃ, ᐅᒃᐱᕆᔭᖃᕐᓂᕐᒥᒃ, ᐃᒃᐱᒋᔭᖃᑦᑎᐊᕐᓂᕐᒥᒡᓗ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᒃᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᑲᑎᒪᔾᔪᑎᑦᑕ ᓈᓴᐅᑎᖓ 3, ᒪᓕᒐᓕᐅᖅᑏᑦ ᐅᖃᐅᓯᖏᑦ. ᑎᑭᕋᕐᔪᐊᕐᒧᓪᓗ ᒪᓕᒐᓕᐅᖅᑎ ᒪᐃᓐ. ᑲᑎᒪᔾᔪᑎᒃᓴᖅ 3: ᒪᓕᒐᓕᐅᖅᑏᑦ ᐅᖃᐅᓯᖏᑦ ᒪᓕᒐᓕᐅᖅᑎᐅᑉ ᐅᖃᐅᓯᖓ 63 - 7(2): ᖁᔮᕆᕙᕗᑦ ᒪᐃ ᕼᒻᙵᑦ ᒧᓱ ᒪᓂᖅ (ᒪᐃᓐ) ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ ᐅᖃᖅᑎᑦᓯᔨ. ᐅᑉᓗᑦᓯᐊᖅ ᑲᑎᒪᔨᐅᖃᑎᒃᑲ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 5 ᐅᖃᖅᑎᑦᓯᔩ, ᖁᕕᐊᓱᖃᑎᖃᕈᐊᖅᖢᖓ ᐅᑉᓗᒥ ᓂᑯᕕᑦᑐᖓ ᖁᕕᐊᓱᖃᑎᒋᒍᐊᖅᖢᒍ ᒪᐃ ᕼᐃᒻᖔᑦ ᒨᓱ ᒪᓂᖅ ᐃᓕᓐᓂᐊᕌᓂᓵᓚᐅᕐᒪᑦ ᐃᑉᐸᒃᓴᖅ, ᐃᓕᓐᓂᐊᕌᓂᒃᑐᖅᓯᐅᒻᒥᒃ ᐊᑐᓚᐅᕐᒪᑦ ᑕᒃᐱᑲᓂ ᒫᓂᑑᐸᐅᑉ ᓯᓚᑦᑐᖅᓴᕐᕕᒡᔪᐊᖓᓂᑦ. (ᑐᓵᔨᑎᒎᓕᖅᑐᖅ) ᒪᐃ ᕼᐃᒻᖔᑦ ᒨᓱ ᒪᓂᖅ ᐃᑉᐸᒃᓴᖅ ᐅᖃᖅᑎ ᑐᓂᔭᐅᓚᐅᕐᒪᑦ ᐃᓕᔭᕆᔭᐅᔾᔪᑎᖓᓂᒃ ᖁᕝᕙᓯᖕᓂᖅᓴᒥᒃ ᐃᓕᓐᓂᐊᕐᓂᖓᓂᒃ ᓯᓚᑦᑐᖅᓴᕐᕕᒡᔪᐊᖓᓂ ᒫᓂᑑᐊᒥ ᓄᓇᖃᖅᑳᖅᓯᒪᔪᓂᒃ ᖃᐅᔨᓴᐃᓪᓗᑎᒃ ᐃᓱᒪᓕᕆᔨᐅᓂᕐᒧᓪᓗ ᐃᓕᓐᓂᐊᖅᑎᓪᓗᒍ. ᖁᕝᕙᓯᖕᓂᖅᓴᒥᒃ ᐃᓕᓐᓂᐊᖅᑎᑕᐅᓂᖓ ᐊᒃᓱᐊᓗᒃ ᖁᕝᕙᓯᖕᓂᖅᓴᐅᓪᓗᓂ ᐊᕗᖓᐅᔭᑲᓪᓚᖕᒪᑦ. ᐊᕐᕌᒍᓄᑦ ᐅᓄᖅᑐᓄᑦ ᐃᓕᓐᓂᐊᖅᓯᒪᓪᓗᓂ. ᐅᖃᖅᑏ, ᐱᒻᒪᕆᐅᔪᖅ ᐃᓕᓴᕆᔭᕆᐊᒃᓴᖅ ᑖᓐᓇ ᐱᔭᕇᕐᒪᒍ ᐊᒻᒪᓗᑦᑕᐅᖅ ᐅᖃᕈᒪᓪᓗᖓ ᐅᐱᒋᑦᑎᐊᖅᐸᒋᑦ ᒪᐃ, ᐆᒻᒪᑎᓐᓂᙶᖅᑐᒥᒃ ᐃᓚᒌᖏᓪᓗ, ᐊᒃᓱᐊᓗᒃ ᖁᕕᐊᓇᖅᑐᖅ ᑕᑯᔭᕆᐊᒃᓴᖅ ᑕᐃᒪᐃᑦᑐᓂᒃ ᒪᒃᑯᒃᑐᓂᒃ ᓯᓚᑐᔪᓂᒃ ᐊᖏᖅᓯᒪᑦᑎᐊᖅᑐᓂᒃ ᓄᓇᕗᒻᒥᐅᓂᒃ ᐃᓐᓕᓐᓂᐊᕐᓂᕐᒥᓂᒃ ᖁᕝᕙᓯᒃᑐᒃᑯᑦ ᐱᔭᕇᖅᓯᔪᓂᒃ. ᖁᕕᐊᓱᒃᑐᖓ (ᑐᓵᔨᑎᒎᕈᓐᓃᖅᑐᖅ) ᐃᓛᒃ ᖁᕕᐊᓱᒃᑐᖓ ᐃᓕᓐᓂᐊᖅᑐᓕᕆᔨᒃᑯᑦ ᐃᓕᓐᓂᐊᕐᕕᐊ ᐊᕐᕕᐊᓂ ᐃᓕᓐᓂᐊᕐᕕᕋᓛᕐᒥ ᐱᓕᕆᓕᕐᒪᑦ ᒪᐃ, ᖃᓄᖅ ᐅᖃᐅᔾᔪᐃᔨᐅᖦᖢᓂ ᐃᑲᔪᖅᑎᐅᑦᑕᖅᖢᓂ ᐃᓕᓐᓂᐊᖅᑐᓄᑦ. ᑕᒪᓐᓇ ᐃᓕᓐᓂᐊᕐᓂᖅ ᐱᕚᓪᓕᕈᑕᐅᑦᑕᕐᒪᑦ ᐃᑲᔫᑕᐅᑦᑕᕐᒪᑦ ᐃᓅᓯᓗᒃᑖᕐᒧᑦ ᐊᑕᔪᒥᒃ. (ᑐᓵᔨᑎᒎᓕᖅᑐᖅ) ᐃᓕᓐᓂᐊᕐᓂᖅ ᐊᑭᓕᓪᓚᕆᖃᑦᑕᖅᑐᖅ ᐅᖃᖅᑎ. ᐅᖃᕈᓐᓇᕐᒥᔪᖓ ᐃᓚᒌᑦ ᐊᒃᓱᐊᓗᒃ ᐅᐱᒍᓱᒃᑐᑦ ᑖᔅᓱᒥᖓ ᐃᓘᓐᓇᖏᓪᓗ ᐱᓕᕆᖃᑎᒋᔭᖏᑦ, ᐃᖅᑲᓇᐃᔭᖃᑎᒋᔭᖏᑦ. ᐅᖃᕈᓐᓇᖅᑐᖓ ᒪᓕᒐᓕᐅᖅᑎᒋᔭᐅᓪᓗᖓ ᐅᐱᒋᑦᑎᐊᖅᑕᕋ. ᖁᔭᓐᓇᒦᕐᓗᒍ ᐅᐱᒋᓗᒍ ᓯᕗᒧᐊᑦᑎᐊᖁᓪᓗᑎᓪᓗ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. >>ᐸᒃᑕᑐᖅᑐᑦ ᐅᖃᖅᑎ: ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐃᖃᓗᒃᑑᑦᓯᐊᕐᒧᑦ ᒪᓕᒐᓕᐅᖅᑎ, ᐲᑕᓴᓐ. ᒪᓕᒐᓕᐅᖅᑎᐅᑉ ᐅᖃᐅᓯᖓ 64 - 72): ᕿᑎᕐᒥᐅᑦ ᐃᓕᓐᓂᐊᕝᕕᐊᓂ ᐊᓂᒍᐃᔪᑦ (ᐱᑖᓴᓐ) ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓐᓄᓴᒃᑯᑦ ᐃᓘᓐᓇᓯ, ᑕᐃᒃᑯᐊ ᑕᓚᕖᓴᒃᑯᑦ ᑕᐅᑐᒃᑐᑦ ᐃᖃᓗᒃᑑᑦᑎᐊᕐᒥ. ᐅᓪᓗᒥ ᐃᓕᓐᓂᐊᕐᓂᕐᒥᒃ ᐱᔭᕇᖅᑐᓂᒃ ᐊᔾᔨᒌᒃᑐᓂᒃ ᕿᑎᕐᒥᐅᑦ ᐃᓕᓐᓂᐊᕐᕕᖓᓂ ᓄᓇᕗᑦ ᓯᓚᑦᑐᖅᓴᕐᕕᖓᓂᑦ. ᐃᑲᔪᖅᑐᐃᖃᑦᑕᖅᑐᑦ ᑕᐃᒃᑯᐊ ᔫᓕ ᕿᓕᖅᑎ ᒥᑦᑎᒪᑕᓕᖕᒥᑦ, ᐃᕕᓕᓐ ᑭᑎᒐᓐ ᐃᖃᓗᒃᑑᑦᑎᐊᕐᒥᑦ, ᐸᑐᕆᓯᐊ ᐅᕆᓇ ᐃᖃᓗᒃᑑᑦᑎᐊᖅ. ᓱᕈᓯᓛᓕᕆᔨᑦ ᐃᖃᓗᒃᑑᑦᑎᐊᕐᒥᑦ ᔫᓕ ᐊᓪᓗᒃᐱᒃ, ᐄᑕ ᑲᐅᑐ, ᓴᐃᓕᓐ ᕙᓚᑦᓱ, ᒦᒐᓐ ᒪᓚ, ᒥᓯᐅᓪ ᒪᓂᔪᕆᓇ, ᑲᒥᓕᐊ ᓇᐃᑲᒃ, ᑳᓖ ᓄᕗᓕᒐᕐᓗ. ᐊᒡᓚᒡᕕᓕᕆᓂᕐᒧᑦ ᐃᓕᓐᓂᐊᖅᑐᑦ ᐋᒻᒧᑦ ᐊᔾᔪᓐ ᖁᕐᓗᖅᑑᕐᒥᐅᑕᖅ, ᐸᓰᐸ ᖁᓪᓖᑦ ᐊᕐᕕᐊᕐᒥᐅᑕᖅ, ᕉᔅᓯᐊᕆ ᒪᑯᔪᖕᓂᖅ ᐊᕐᕕᐊᕐᒥᐅᑕᖅ, ᕕᓕᑉ ᑮᓇᐃᓐᓇᖅ ᕗᕈ ᐃᖃᓗᖕᓂᑦ, ᓕᐋᓐ ᕕᓕᐴᓐ ᐃᖃᓗᒃᑑᑦᑎᐊᕐᒥᑦ. ᐊᒻᒪᓗᑦᑕᐅᖅ ᐊᕐᕌᒍᓄᑦ ᑕᓪᓕᒪᓄᑦ ᐃᓕᓴᐃᔨᕈᕆᐅᖅᓴᖅᑐᑦ ᖁᕝᕙᓯᓐᓂᖅᓴᒃᑯᒃ ᐱᔭᕇᖅᓯᔪᖅ ᑕᓃᔅ ᕚᓐᑐᐳᕆᓐᒃ ᐃᖃᓗᒃᑑᑦᑎᐊᖅ ᐊᒻᒪ ᓇᔮ ᔭᓇᓪ ᕚᓐᑐᐳᕆᓐᒃ. ᖁᕕᐊᓱᒃᐳᖓ ᖃᐅᔨᒪᓂᓯ ᐃᓕᑕᓯᓗ ᐊᑐᖅᑕᐅᔪᓐᓇᖅᓯᖁᓪᓗᒋᑦ ᐃᖅᑲᓇᐃᔭᕐᓗᓯ ᓄᓇᕗᒻᒥ ᓄᓇᑦᑎᓐᓂ ᓄᓇᕗᓪᓗ ᒐᕙᒪᒃᑯᖏᑕ ᐱᓕᕆᕝᕕᖏᓐᓂ. ᖁᔭᓐᓇᒦᒃ, ᐅᖃᖅᑏ. >>ᐸᒃᑕᑐᖅᑐᑦ

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 6 ᐅᖃᖅᑎ: ᐅᐱᒍᓱᖃᑎᒋᕙᔅᓯ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐊᕐᕕᐊᑦ ᓂᒡᒋᐊᓄᑦ, ᒪᓕᒐᓕᐅᖅᑎ ᖃᑉᓗᑦᓯᐊᖅ. ᒪᓕᒐᓕᐅᖅᑎᐅᑉ ᐅᖃᐅᓯᖓ 65 - 72): ᓄᓇᕗᑦ ᒪᒃᑯᒃᑐᖏᑦ ᓄᓇᕐᔪᐋᕐᒧᑦ ᐊᐅᓪᓛᖅᑐᓐ ᐃᓚᖏᑦ (ᖃᑉᓗᑦᓯᐊᖅ) ᖃᑉᓗᑦᓯᐊᖅ: ᒪ’ᓇ, ᐅᖃᖅᑎᑦᓯᔩ. ᐊᔭᐅᖅᑐᒃᑲᓐᓂᖅᖢᒋᓪᓗ ᓄᓇᕗᒻᒥᐅᑦ ᐃᓕᓐᓂᐊᖅᑐᑦ ᐃᓕᓐᓂᐊᒐᓂᒃᐸᓪᓕᐊᔪᑦ ᑕᕝᕙᓂ ᑕᖅᑭᒥ ᐊᐅᔭᐅᔪᖅ ᓄᖅᑲᖓᒋᐊᕐᓂᐊᓕᕐᒥᖕᒪᑕ. ᑭᓯᐊᓂ ᐅᓇ ᐅᖃᐅᓯᕆᒃᑲᓐᓂᕈᐊᖅᖢᒍ ᑕᐃᔭᐅᔪᖅ ᖃᑉᓗᓈᑐᑦ (ᑐᓵᔨᑎᒎᓕᖅᑐᖅ) ᐅᑭᐅᖅᑕᖅᑐᒥᐅᑕᑦ ᐃᓅᓱᑦᑐᑦ ᓯᓚᑎᑦᑎᓐᓂ ᑲᓇᑕᐅᑉ. (ᑐᓵᔨᑎᒎᕈᓐᓃᖅᑐᖅ) ᑕᕝᕙᓂ 2025 ᐊᕐᕌᒍᑕᒫᖅᓯᐅᑎᖓᓂ ᐅᓂᒃᑳᓕᐊᖓᓂ ᐅᖃᖅᓯᒪᔪᖅ 2025 (ᑐᓵᔨᑎᒍᑦ) ᑖᒃᑯᐊ ᐊᒥᓲᑎᒋᓂᖏᑦ ᓯᑕᒪᐅᓕᖓᔪᑦ 4,100 ᐃᑲᕐᕋᑦ ᐊᑭᓕᖅᓱᖅᑕᐅᙱᔅᓱᑎᒃ ᐱᓕᕆᕙᓚᐅᖅᑐᑦ ᐱᐊᓂᒃᓯᓯᒪᔪᑦ ᓄᓇᕗᑦ ᐃᓅᓱᑦᑐᑦ ᐃᓚᐅᓚᐅᖅᑐᑦ 2025−ᒥ 267 ᐃᓕᓴᐅᑎᑎᒍᑦ ᐃᓕᑕᕆᔾᔪᑎᑖᖅᖢᑎᑦ ᐃᓚᐅᓚᐅᖅᑐᑦ 2025−ᒥ, 20−ᓂᒃ ᑲᓇᑕᒥ ᐱᓕᕆᐊᒃᓴᓄᑦ ᐃᓚᐅᓚᐅᖅᑐᑦ 16 ᓄᓇᕗᒻᒥᐅᑦ 54 ᐊᔭᓕᖕᒧᑦ ᐊᐅᓪᓚᖅᓯᒪᖃᑕᐅᓚᐅᕐᒥᔪᑦ. (ᑐᓵᔨᑎᒎᕈᓐᓃᖅᑐᖅ) ᐊᒻᒪ ᑕᕝᕙᓂ ᑕᕝᕙᙶᖅᑐᒥᒃ ᑎᑎᖅᑲᐅᓯᐊᓚᐅᖅᖢᖓ ᒪᐃ 27, 2026-ᖑᑎᖦᖢᒍ ᕆᐱᑲ ᐸᐃᓴᓐ, ᑐᑭᒧᐊᒃᑎᑦᑎᔨ ᐅᑭᐅᖅᑕᖅᑐᒥᐅᑦ ᒪᒃᑯᒃᑐᑦ ᓯᓚᑖᓅᖅᑐᓂᙶᖅᑐᖅ, ᖃᑉᓗᓈᑐᑦ ᐅᖃᓕᒫᕐᓂᐊᖅᐸᕋ: (ᑐᓵᔨᑎᒍᑦ) “ᖁᕕᐊᓱᑉᐳᒍᑦ 29-ᖓᓂ ᐊᕐᕌᒍᒥ ᐱᓕᕆᓂᐊᓕᕋᑦᑕ ᓄᓇᕗᒻᒧᑦ. ᓄᓇᕗᒻᒥᐅᑦ ᐃᓅᓱᑦᑐᑦ NYA ᐱᙳᖅᑎᑕᐅᓚᐅᖅᓯᒪᒻᒪᑦ ᐃᓅᓱᑦᑐᑦ ᓄᓇᕗᒻᒥᐅᑦ ᓯᓚᑖᓅᖅᐸᑦᑐᑦ ᑲᓇᑕᒥ 1999 ᐱᒋᐊᖅᓱᒍ. ᖁᓕᓂᒃ ᐃᓚᐅᒋᐊᙵᓚᐅᖅᓯᒪᔪᖅ ᐊᕐᕌᒍ ᓯᕗᓪᓕᖅᐹᖓᓂ. ᒫᓐᓇ ᐃᖏᕐᕋᑦᓯᐊᒻᒪᕆᑦᓯᐊᓪᓚᕆᓕᖅᑐᖅ. ᓄᓇᕗᑦ ᐃᓅᓱᑦᑐᑦ ᓯᓚᑖᓄᐊᖅᐸᑦᑐᑦ ᓄᓇᕗᒻᒥᐅᓂᒃ 100-ᖏᓐᓃᑦᑐᓂᒃ ᐃᑲᔪᖅᐸᑦᑐᑦ ᐱᓕᕆᐊᒃᓴᕆᔭᑦᑎᓐᓄᑦ ᐃᓕᓐᓂᐊᕐᓂᕐᒥᒃ ᐃᖅᑲᓇᐃᔭᓕᒻᒪᔅᓴᓂᕐᒥᓪᓗ. ᐃᓕᖅᑯᓯᖃᑎᒋᙱᑕᒥᓪᓗ ᐃᓕᓐᓂᐊᕐᓂᕐᒧᑦ ᐊᒻᒪ ᓯᕗᓕᖅᑎᐅᓕᒻᒪᔅᓴᕐᓂᕐᒧᑦ. ᐃᓅᓱᑦᑐᑦ ᐱᕙᓪᓕᐊᑎᓪᓗᒋᑦ ᐃᓅᓱᑦᑑᓂᕐᒥᓂᒃ 2026-ᒥᓕ ᑲᓇᑕᒥ ᓄᓇᕗᒻᒥᐅᑦ 12 ᐃᓚᐅᓚᐅᖅᑐᑦ ᐃᒡᓗᓕᖕᒥᓂᑦ, ᒥᑦᑎᒪᑕᓕᒻᒥᑦ, ᓇᐅᔮᓂᑦ, ᖃᒪᓂᑦᑐᐊᕐᒥᑦ, ᐃᒡᓗᓕᒃ, ᐊᕐᕕᐊᑦ, ᖃᐅᓱᐃᑦᑐᒥᑦ, ᑲᖏᖅᑐᒑᐱᖕᒥᑦ, ᑕᓗᕐᔪᐊᖅ, ᒥᑦᑎᒪᑕᓕᒃ, ᑭᒻᒥᕈᒻᒥᑦ ᐊᒻᒪ ᐅᖅᓱᖅᑑᖅ. (ᑐᓵᑎᒎᕈᓐᓃᖅᑐᖅ) ᐅᖃᖅᑎᑦᓯᔩ, ᐱᕕᖃᖅᑎᑕᐅᒃᑲᓐᓂᕈᐊᖅᖢᖓ ᐊᐱᕆᕕᖓ. ᐅᖃᖅᑎ: ᖁᔭᓐᓇᒦᒃ. ᒪᓕᒐᓕᐅᖅᑎ ᐊᐱᕆᖕᒪᑦ ᐅᖃᐅᓯᒃᓴᕆᔭᒥᖕᓂᒃ ᐃᓱᓕᑦᑎᔪᒪᓪᓗᓂ. ᐋᒃᑳᖅᑐᖃᖅᐸ? ᑐᓴᙱᓐᓇᒪ, ᒥᔅᑕ ᖃᑉᓗᑦᓯᐊᖅ, ᑲᔪᓯᒃᑲᓐᓂᕆᑦ. ᖃᑉᓗᑦᓯᐊᖅ (ᑐᓵᔨᑎᒍᑦ): ᒪ’ᓇ, ᐅᖃᖅᑎᑦᓯᔩ. ᑖᒃᑯᐊ ᐊᑎᖏᑦ ᐅᖃᕐᓂᐊᖅᐸᒃᑲ: ᐋᓪᐳᑦ ᐅᑕᒃ ᐃᒡᓗᓕᖕᒥᑦ, ᐋᓐᔨᓚ ᐆᑦᑐᕙᒃ ᒥᑦᑎᒪᑕᓕᖕᒥᑦ, ᐳᕉᒃᓕᓐ ᐃᑐᕆᓕᒐᖅ ᓇᐅᔮᓂᑦ, ᑕᐃᕕᑦ ᑲᓪᓗᒃ ᖃᒪᓂᑦᑐᐊᕐᒥᑦ, ᑎᓚᓐ ᑲᔪᒃᑕᒃ ᐃᒡᓗᓕᖕᒥᑦ, ᔨᐅᕆᓐ ᐊᓕᖁᑦ ᐊᕐᕕᐊᓂᑦ, ᑯᐹᖅ ᐃᓪᓚᐅᑦ ᓇᐅᔮᑦ, ᖁᖑᓕᒃ ᑲᐅᑐᒃ ᑲᖏᖅᑐᒑᐱᖕᒥᑦ, ᕌᑭ ᐅᓕᑲᑕᓕᒃ ᑕᓗᕐᔪᐊᕐᒥᑦ, ᕋᐃᔭᓐ ᐸᐅᒃᔅ ᒥᑦᑎᒪᑕᓕᖕᒥᑦ, ᓴᐃᓚᓐ ᓄᑕᕋᓱᖕᓂᖅ ᑭᒻᒥᕈᕐᒥᑦ ᐊᒻᒪ ᓯᑦᓂ ᕉᔅ ᐊᒥᕋᓕᒃ ᐅᖅᓱᖅᑑᕐᒥᑦ. (ᑐᓵᔨᑎᒍᑦ) ᐅᖃᖅᑏ, ᐅᖃᐅᓯᖃᕐᓂᓐᓂᒃ ᐃᓅᓱᑦᑐᓂᒃ ᐃᓕᓐᓂᐊᖃᑦᑕᖅᑕᒥᓂᒃ ᐃᓕᓐᓂᓪᓗ ᒪᐃ ᐃᙶᖅ ᒨᓱ ᒪᓂᒃ, ᐱᔭᕇᖅᓯᓵᓚᐅᕐᒪᑦ Bachelor of Arts−ᒥᒃ ᐃᓕᑕᕆᔭᐅᔾᔪᑎᑖᓚᐅᖅᑐᑦ ᒫᓂᑑᐸᒥᑦ ᓯᓚᑦᑐᖅᓴᕐᕕᖓᓂᑦ ᐊᕐᕕᐊᕐᒥᐅᑕᐅᓪᓗᓂ. ᖁᔭᓐᓇᒦᒃ, ᐅᖃᖅᑎᑦᓯᔩ. >>ᐸᒃᑕᑐᖅᑐᑦ

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 7 ᐅᖃᖅᑎ: ᐅᐱᒍᓱᖃᑎᒋᕙᒋᑦᑕᐅᖅ ᐊᒻᒪᓗ ᑕᐃᓐᓇ ᐅᑭᐅᖅᑕᖅᑐᕐᒥᑦ ᒪᒃᑯᑦᑐᑦ ᓯᓚᑖᓅᖅᑐᑦ ᓄᓇᕗᑦ ᒪᒃᑯᒃᑐᑦ ᓯᓚᑖᓅᖅᑑᓂᕋᖅᑕᐅᓪᓗᓂ ᓱᓕ ᐅᕙᖓᓪᓘᓐᓃᑦ ᐃᓚᐅᖃᑕᐅᖃᑦᑕᖅᓯᒪᓚᐅᕋᒪ ᑕᐃᑰᓇ ᖁᔭᒋᓯᒪᕙᒃᑲᑦᑕᐅᖅ ᐊᑐᑦᓯᐊᖅᑖᓗᒋᒍᓐᓇᖅᓯᒪᒐᑦᑎᒍᑦ ᓄᓇᕗᒻᒥ ᐅᑭᐅᖅᑕᖅᑐᒥᐅᑕᐅᔪᑎᒍᑦ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᓇᑦᑎᓕᖕᒧᑦ ᒪᓕᒐᓕᐅᖅᑎ, ᒥᔅ ᓚᐃᔪᓪ. ᒪᓕᒐᓕᐅᖅᑎᐅᑉ ᐅᖃᐅᓯᖓ 66 - 7(2): ᓇᑦᓯᓕᖕᒥ ᐊᓂᒍᐃᔪᑦ (ᓚᐃᔪᓪ) ᐊᖓᔪᖅᑳᖅ ᓯᓯᐅᓪ ᓚᐃᔪᓪ (ᑐᓵᔨᑎᒍᑦ): ᐅᓪᓗᒃᑯᑦ ᑲᑎᒪᔨᐅᖃᑎᒃᑲ. ᑕᐅᑐᒃᑐᓪᓗ ᖃᕆᑕᐅᔭᒃᑯᑦ. ᐅᓪᓗᒥ ᓇᖏᖅᓯᕗᖓ ᖁᕕᐊᓲᑎᖃᕈᒪᓪᓗᖓ ᐱᕙᓪᓕᐊᓪᓚᕆᓐᓂᖏᑕ ᓄᓇᕗᒻᒥ ᐃᓅᓱᑦᑐᑦ ᐱᓗᐊᖅᑐᒥᒃ ᓇᑦᓯᓕᒻᒥᐅᑕᐅᔪᑦ. ᐅᑭᐅᖅ ᐊᓂᒍᓵᖅᑐᓂᑦ ᐅᓪᓗᑦ ᖁᕕᐊᓲᑎᖃᕋᑖᓚᐅᕋᑦᑕ ᐱᔭᕇᖅᑐᓂᒃ ᐃᓕᓐᓂᐊᕐᕕᐊᓗᒻᒥᒃ. ᐊᕗᖓᐅᔾᔨᒻᒪᕆᒃᓯᒪᓕᕐᓂᖓᓄᑦ ᐅᓪᓗᒥᒧᑦ. ᐊᐃᑉᐱᐅᓚᐅᖅᑐᒥᒃ ᓇᓪᓕᐅᕐᓂᖅᓯᐅᖅᑐᖃᓚᐅᖅᑐᑦ ᖁᑦᑎᖕᓂᓕᖕᓂᒃ 6−ᖃᖅᑐᓂᒃ ᑕᓗᕐᔪᐊᕐᒥ. ᐅᑭᐊᒃᓵᖑᓛᖅᑐᖅ ᑖᒃᑯᐊ ᖁᑦᑎᖕᓂᓕᒃ 7 ᓯᕗᓪᓕᐅᓛᖅᑐᑦ ᐸᖕᓂᖅ ᐃᓕᓐᓂᐊᕐᕕᖓᓂ ᑕᐃᑲᓂ. >>ᐸᒃᑕᑐᖅᑐᑦ ᐅᖃᖅᑏ, ᐃᓅᓱᑦᑐᑦ ᓯᕗᓂᔅᓴᑐᐊᕈᙱᑕᕗᑦ. ᐊᑑᑎᖃᓪᓚᕆᑉᐳᑦ ᐅᓪᓗᒥ ᓄᓇᓕᑦᑎᓐᓂ. ᐃᑲᔪᖅᑎᒌᑦᑕ ᐱᓕᕆᐊᒃᓴᑎᒍᑦ, ᓇᓗᓇᐃᓪᓚᕆᑉᐸᕗᑦ ᐊᑑᑎᖃᓪᓚᕆᑉᐸᓐᓂᖏᓐᓂᒃ ᓇᓗᓇᐃᖅᐸᕗᑦ ᐃᓅᓱᑦᑐᑦ ᓄᓇᕗᒻᒥ. ᖁᔭᓐᓇᒦᖅᐸᒃᑲ ᐃᓅᓱᑦᑐᑦ ᐆᑦᑑᑎᑦᓯᐊᕙᐅᓂᖏᓐᓂᒃ ᓄᓇᕗᒻᒥ. ᐅᕙᑦᑎᓐᓂᒃ ᐃᓕᓴᐃᓪᓗᑎᒃ ᑐᙵᓇᕐᓂᖅᓴᐅᖃᑦᑕᖁᓪᓗᑕ ᓇᒻᒥᓄᑦ ᐊᓯᑦᑎᓐᓄᓪᓗ; ᐃᓕᓴᐃᕙᔅᓱᑎᓪᓗ ᖃᓄᐃᒻᒪᖔᑦ ᐱᕈᖅᐸᓪᓕᐊᔭᕆᐊᒥᒃ ᖃᐅᑕᒫᓪᓗ ᑲᑎᖃᑎᒋᕙᑦᑕᕗᑦ ᓄᑖᙳᕆᐊᕐᓂᕐᒥᒃ ᐊᓯᔾᔨᕈᓐᓇᕐᓂᕐᓗ ᐊᔪᕐᓇᙱᒻᒪᑦ ᓈᓚᒍᓐᓇᖁᓪᓗᑕᓗ ᐃᓕᓐᓂᐊᕐᓗᑕ ᐱᑦᓯᐊᕐᓂᖅᓴᐅᒃᑲᓐᓂᕈᓐᓇᖁᑉᓗᑕᓗ. ᐅᖃᖅᑏ, ᓄᓇᓕᓐᓂ ᓯᕗᓕᖅᑎᐅᔪᑎᒍᑦ ᑕᕝᕙᓂᓗ ᐃᓪᓗᒦᑦᑐᑎᒍᑦ ᐅᕙᒍᑦ ᐃᑲᔪᖅᑐᕋᑦᑎᒍᑦ ᓄᓇᓕᖁᑎᕗᑦ ᑕᒪᒃᑯᐊ ᐃᖏᕐᕋᑦᓯᐊᕈᓐᓇᖁᓪᓗᒋᑦ ᓄᓇᖅᑲᑎᕗᑦ ᖃᐅᑉᐸᕗᑦ ᐱᐅᓂᖅᓴᐅᓛᖁᓪᓗᒍ ᐊᑦᓱᕈᕐᓇᑐᒃᑰᓛᖁᓇᒋᑦ ᐅᕙᑦᑎᑐᑦ ᐃᓅᓱᑦᑑᓛᖅᑐᑦ. ᐱᒋᐊᓕᓚᐅᖅᐳᖓ ᑕᕝᕙᓂ ᐃᒡᓗᒥ ᒫᓐᓇᕈᓘᓚᐅᖅᑐᖅ, ᓚᐅᖅᓯᒪᔪᖅ ᐱᔨᑲᑖᖑᖃᑕᐅᓪᓗᖓ ᓂᕈᐊᒐᔅᓴᐅᓕᖅᓱᖓᓗ ᓂᕈᐊᖅᑕᐅᓪᓗᖓ ᓇᑦᓯᓕᒻᒧᑦ ᐅᐱᓪᓚᕆᒃᓱᖓ ᓂᐱᐅᔪᒪᓪᓗᖓ ᑕᐃᒃᑯᓄᖓ ᒪᓕᒐᓕᐅᕐᕕᒻᒥ. ᑖᓐᓇ ᐃᓕᓐᓂᐊᕐᓇᐅᔪᖅ ᐃᓱᓕᓕᖅᑎᓪᓗᒍ, ᖁᕕᐊᓱᑦᓯᐊᓛᖅᐳᑦ ᐃᓅᓱᑦᑐᑦ ᐊᐅᔭᐅᓕᖅᐸᑦ ᐊᒻᒪᓗ ᐱᓇᓱᒍᒪᔭᓯ ᐱᓇᓱᓪᓚᕆᓪᓗᒋᑦ. ᖃᐅᔨᒪᔪᖓ ᐃᑲᔪᖅᑐᖅᑕᐅᑦᓯᐊᕋᑦᓯ ᓇᓪᓕᒋᔭᐅᓪᓗᓯᓗ ᓄᓇᓕᑦᓯᓐᓂ ᐅᕙᒻᓂᓗ ᒪᓕᒐᓕᐅᕐᕕᒻᒥ. ᖁᔭᓐᓇᒦᒃ, ᐅᖃᖅᑎᑦᓯᔩ. >>ᐸᒃᑕᑐᖅᑐᑦ ᐅᖃᖅᑎ: ᖁᐊᓇ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐊᑎᖁᑎᖃᕈᓐᓃᕋᒪ. ᑲᑎᒪᔾᔪᑎᑦᑎᓐᓄᑦ ᐅᑎᕐᓗᑕ. ᐅᖃᐅᓯᒃᑯᑦ ᑭᐅᔾᔪᑎᕕᓂᕐᓄᑦ ᐃᓚᒋᐊᕈᑏᑦ. ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ, ᒥᓂᔅᑕ ᑕᑦᑐᐃᓂ. ᑲᑎᒪᔾᔪᑎᒃᓴᖅ 4: ᑭᐅᔾᔪᑎᑦ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᓄᑦ ᑭᐅᔾᔪᑎᒃ ᐅᖃᐅᓯᒃᑯᑦ ᐊᐱᖅᑯᑎᒧᑦ 55 - 7(2): ᐃᓄᐃᑦ ᐃᖅᑲᓇᐃᔭᖅᑎᖏᓄᑦ (ᑕᑦᑐᐃᓂ)

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 8 ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑭᐅᒍᒪᓪᓗᖓ ᐃᖃᓗᒃᑑᑦᓯᐊᑉ ᒪᓕᒐᓕᐅᖅᑎ ᐲᑕᓴᓐ ᐊᐱᖅᑯᑎᒋᓚᐅᖅᑕᖓ 55−7(2), ᒪᐃ 29, 2026−ᒥ ᐃᓄᐃᑦ ᐃᖅᑲᓇᐃᔭᖅᑎᑕᐅᕙᓐᓂᖏᓐᓄᑦ. ᐅᖃᖅᑏ, ᓇᖏᖅᓯᕗᖓ ᐅᓪᓗᒥ ᐃᓚᒋᐊᕈᒪᓪᓗᒍ ᑭᐅᔾᔪᑎᒋᓚᐅᖅᓯᒪᔭᕋ ᐊᐱᖅᓱᕐᓇᐅᑎᓪᓗᒍ ᒪᐃ 29, 2026. ᐊᐱᖅᑯᑎᒋᓚᐅᖅᑖ ᕗᕆᐊᑦ ᐲᑕᓴᓐ ᖃᑦᓯᑦ ᐃᓕᓐᓂᐊᖅᑏᑦ, ᖃᑦᓯᑦ ᐃᖅᑲᓇᐃᔭᖅᑎᑕᐅᓂᐊᖅᐸᑦ ᐊᕐᕌᒍᒋᔭᑦᑎᓐᓂ. ᔫᓂ 1, 2026 ᑎᑭᑦᑐᒍ, 32 ᐃᓕᓐᓂᐊᖅᑏᑦ ᐱᔭᐅᓚᐅᖅᑐᑦ, 23 ᐃᓄᐃᑦ ᐊᒻᒪ 9-ᖑᔪᑦ ᐃᓅᙱᑦᑐᑦ. ᐃᖅᑲᓇᐃᔮᑦ ᑖᒃᑯᐊ ᑐᓴᕈᑎᐅᓚᐅᖅᑐᑦ ᑐᒡᓕᕆᔭᕗᑦ ᐃᓕᓐᓂᐊᖅᑎᓄᑦ ᐃᖅᑲᓇᐃᔭᖅᑎᑦᓯᒍᑎᐅᕙᑦᑐᖅ ᐊᑐᐃᓐᓇᐅᓗᓂ ᒐᕙᒪᒃᑯᑦ ᐃᑭᐊᖅᑭᕕᖓᓂ. ᐃᓕᓐᓂᐊᖅᑏᑦ ᑕᑕᑎᕆᔪᓐᓇᖅᑖ ᐃᖅᑲᓇᐃᔭᕈᓐᓇᖁᓪᓗᒋᑦ ᑐᓪᓕᕋᕐᕕᒃ ᑐᓪᓕᕆᔭᕗᒻᒥᒃ. ᐊᒻᒪ ᑐᑭᒧᐊᕈᑎᑦᓴᖃᖅᓱᓂ ᑐᓴᕋᖅᓴᖃᖅᓱᓂ ᐃᑲᔪᕈᑎᒋᔪᓐᓇᖅᑕᖓᑕ ᐃᓕᓐᓂᐊᖅᑏᑦ ᑎᑎᕋᕐᓂᐊᕈᑎᒃ ᑭᓇᐅᓂᕐᒥᓄᑦ ᐅᓂᒃᑳᖅᑐᓂᒃ. ᓄᓇᕗᑦ ᒐᕙᒪᒃᑯᑦ ᐊᖏᖅᓯᒪᑦᓯᐊᖅᐳᑦ ᐃᖅᑲᓇᐃᔭᖅᑎᖃᕈᒪᓪᓗᑎᒃ ᐊᒥᓲᓂᖏᑦ ᐃᓄᐃᑦ ᒪᓕᑦᑐᒋᑦ; ᑕᐃᒪᐃᒻᒪᑦ, ᓄᓇᕗᒻᒧᑦ ᑐᕌᖅᒐᖃᖅᑎᑕᐅᓯᒪᕗᖅ ᐃᓕᓐᓂᐊᖅᑎᐅᕙᑦᑐᓄᑦ ᐃᓄᖁᑎᒋᔭᕗᑦ ᓄᓇᑖᕈᑎᐅᓯᒪᔪᑦ ᒪᓕᑦᑐᒋᑦ ᐃᖅᑲᓇᐃᔭᖅᑎᑦᓯᓂᕐᒧᑦ ᐊᑐᐊᒐᐅᕙᑦᑐᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᑭᐅᔾᔪᑎᕕᓂᕐᓄᑦ ᐃᓚᒋᐊᕈᑏᑦ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᑲᒪᔨ, ᒥᓂᔅᑕ ᕼᐄᓕ ᐊᕿᐊᕈᖅ. ᑭᐅᔾᔪᑎᒃ ᐅᖃᐅᓯᒃᑯᑦ ᐊᐱᖅᑯᑎᒧᑦ 57 - 7(2): ᐱᓕᕆᐋᖏᑕ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ (ᕼᐃᓕ- ᐊᕿᐊᕈᖅ) ᐊᖓᔪᖅᑳᖅ ᒍᐊᐃᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒍᑦ) ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᔪᖓ ᑐᑭᓯᓇᖅᑎᑦᓯᒋᐊᕈᒪᓪᓗᖓ ᑭᐅᔾᔪᑎᒋᓚᐅᖅᑕᓐᓂᒃ ᐊᐱᖅᑯᑎᐅᔪᒧᑦ ᐊᒥᑦᑐᖅ ᒪᓕᒐᓕᐅᖅᑎᖓᓄᑦ. ᓈᓴᐅᑎᖃᖅᑐᖅ 57−7(2), ᐱᔾᔪᑎᖃᖅᑐᓂᒃ ᖃᓄᑎᒋ ᓄᑖᖅ ᐃᖅᑲᓇᐃᔭᖅᑎᑦ ᑲᑐᔾᔨᖃᑎᒌᖏᓐᓄᑦ ᐊᖏᕈᑎ ᐊᑦᑐᐃᓂᖃᕐᓂᐊᕐᒪᖔᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᖏᑕ ᑮᓇᐅᔭᐃᑦ ᐊᑐᖅᑐᑦᓴᖏᓐᓂᒃ ᑕᖅᑭᑕᒫᓪᓗ ᐆᒻᒪᖅᑯᑎᓄᑦ ᐊᑭᖏᓐᓂᒃ ᐊᑭᓕᖅᑕᐅᒋᐊᖃᖅᐸᑦᑐᓂᒃ. ᑮᓇᐅᔾᔭᑦᓵᑦ ᐋᖅᑭᒋᐊᖅᑕᐅᓯᒪᓂᖏᑦ ᖁᕝᕙᕆᐊᖅᓯᒪᔪᑦ ᐋᔩᕈᑕᐅᕋᑖᓚᐅᖅᑐᒥᒃ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᑦ ᐊᖏᕈᑎᒧᑦ ᓂᕆᐅᒋᔭᐅᓚᐅᖅᑐᑦ ᐃᓚᓕᐅᑎᐅᓪᓗᑎᓪᓗ ᑎᒥᐅᔪᑦ ᑮᓇᐅᔭᓕᕆᓂᕐᒧᑦ ᐸᕐᓇᐃᓂᖏᓐᓄᑦ. ᑕᐃᒪᐃᒻᒪᑦ, ᑮᓇᐅᔭᐃᑦ ᐊᑐᖅᑐᑦᓴᐃᑦ 2026 ᐊᒻᒪᓗ 2027 ᐃᓚᒋᓕᐅᔾᔨᓯᒪᒌᖅᑐᑦ ᓂᕆᐅᒋᔭᐅᓚᐅᖅᑐᓂᒃ ᑮᓇᐅᔾᔭᑦᓴᑦ ᐊᓯᔾᔨᖅᓯᒪᓂᖏᓐᓂᒃ. ᐃᖅᑲᓇᐃᔭᕐᓂᕐᒧᑦ ᐊᑭᖏᑦ ᐃᖅᑲᓇᐃᔭᖅᑎᑦ ᑲᑐᔾᔨᖃᑎᒌᑦ ᐊᖏᕈᑎᖓᒍᑦ ᐃᓚᒋᔭᐅᒐᓗᐊᖅᑐᑎᒃ ᑎᒥᐅᔪᑦ ᐊᑕᖏᖅᑐᒋᑦ ᐊᑭᓕᖅᓱᕆᐊᓕᖏᓐᓄᑦ, ᐃᒻᒥᒃᑯᑦ ᐊᓯᔾᔨᕈᑕᐅᕙᖏᑦᑐᑦ ᐆᒻᒪᖅᑯᑏᑦ ᐊᑭᖏᓐᓂᒃ. ᑐᑭᓯᓇᖅᑎᑦᓯᒋᐊᕈᒪᒻᒥᔪᖓ ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ ᐊᖏᖅᓯᖃᑦᑕᖏᑦᑐᑦ ᐊᑭᖏᓐᓂᒃ ᑭᓯᐊᓂ ᐃᒻᒥᒃᑰᖅᑐᓂᒃ ᐊᑐᓕᖁᔨᔾᔪᑎᓕᐅᖅᐸᑦᑐᑦ ᐊᑭᒋᔭᐅᓂᐊᖅᑐᓂᒃ ᑖᒃᓰᔭᕈᑎᑦᓴᓂᓪᓗ ᐃᑲᔪᕈᑕᐅᓗᑎᒃ ᒐᕙᒪᒃᑯᑦ ᐃᓱᒪᓕᐅᕈᑎᖃᖃᑦᑕᕆᐊᖃᕐᓂᖏᓐᓂᒃ. ᑲᑎᒪᔩ ᕿᒥᕐᕈᐸᑦᑐᑦ ᐆᒻᒪᖅᑯᑏᑦ ᐊᑭᖏᓐᓂᒃ ᑐᑦᓯᕋᐅᑎᐅᔪᓂᒃ ᐅᖃᐅᔾᔨᒋᐊᖅᑎᐅᕙᑦᑐᑎᓪᓗ ᒥᓂᔅᑕᒧᑦ ᑲᒪᒋᔭᓕᒻᒧᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᑐᑦᓯᕋᖅᑕᐅᓯᒪᔪᓂᒃ ᐊᑭᒋᔭᐅᖁᔭᐅᔪᓂᒃ ᖃᓄᕐᓗ ᓇᓗᓇᐃᖅᓯᖃᑦᑕᕐᓂᖏᓐᓂᒃ ᑮᓇᐅᔭᐃᑦ ᐃᓯᖅᐸᓪᓕᐊᒋᐊᖃᕐᓂᖏᓐᓂᒃ, ᖃᓄᑎᒋ ᑮᓇᐅᔭᐃᑦ ᐆᒻᒪᖅᑯᑎᓕᕆᔨᒃᑯᑦ ᐱᖃᕆᐊᖃᕐᒪᖔᑕ ᓄᐊᑦᓯᓂᒃᑯᑦ ᐊᑭᓕᖅᓱᐃᔨᖏᓐᓂᒃ ᐊᑑᑎᐅᓂᐊᕐᓗᑎᒃ ᐊᐅᓚᑦᓯᓂᕐᒧᑦ ᐊᑭᓕᖅᓱᕆᐊᓕᖏᓐᓂᒃ. ᖁᔭᓐᓇᒦᒃ, ᐅᖃᖅᑎᑦᑎᔩ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 9 ᐅᖃᖅᑎ: ᑲᑎᒪᔾᔪᑎᑦᑕ ᓈᓴᐅᑎᖓ 4-ᒦᒃᑲᑦᑕ. ᐅᖃᐅᓯᒃᑯᑦ ᑭᐅᔾᔪᑎᕕᓂᕐᓄᑦ ᐃᓚᒋᐊᕈᑏᑦ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ, ᒥᓂᔅᑕ ᐳᕉᔅᑐ. ᑭᐅᔾᔪᑎᒃ ᐅᖃᐅᓯᒃᑯᑦ ᐊᐱᖅᑯᑎᒧᑦ 75 - 7(2): ᑲᐳᑎᒧᑦ ᑲᐱᓯᓃᑦ ᖃᐅᔨᓵᕆᔭᒃᓴᐃᓪᓗ (ᐳᕉᔅᑐ) ᐊᖓᔪᖅᑳᖅ ᔮᓇᑦ ᐱᑦᓯᐅᓛᖅ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕᐅᓪᓗᖓ ᐋᓐᓂᐊᖅᑐᓕᕆᓂᕐᒧᑦ, ᑐᓵᔨ ᐃᓕᓐᓂᐊᖅᑐᓕᕆᓂᕐᒨᓚᓵᕐᒪᑦ. ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᔪᖓ ᑭᐅᒍᒪᓪᓗᒍ ᐊᐱᖅᑯᑎᐅᓚᐅᖅᑐᖅ ᔫᓂ 2, 2026, ᐱᔾᔪᑎᖃᖅᑐᓂ ᐋᓐᓂᐊᑖᖅᐸᑦᑐᑦ ᖃᐅᔨᓴᖅᑕᐅᖃᑦᑕᕐᓂᖏᓐᓄᑦ ᐱᓕᕆᐊᓂᒃ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᑐᓕᖅᑎᑦᓯᓯᒪᔪᑦ ᐋᖅᑭᑦᓯᒪᑦᓯᐊᖅᑐᓂᒃ, ᐃᓄᐃᑦ ᖃᑦᓯᐅᓂᖏᑦ ᒪᓕᑦᑐᒋᑦ ᐃᖅᑐᒃᑯᑦ ᐋᓐᓂᐊᑖᖅᐸᑦᑐᓂᒃ ᖃᐅᔨᓴᖃᑦᑕᓂᕐᒧᑦ ᐱᓕᕆᐊᒥᒃ. ᐱᓕᕆᐊᖅ ᐱᒋᐊᖅᑕᐅᓚᐅᖅᑐᖅ ᒪᐃ 2025, ᑲᖏᖅᖠᓂᕐᒥ, ᒫᓐᓇᓕ ᐊᕙᑎᓂ ᓄᓇᓕᓐᓂ ᐊᑐᐃᓐᓇᐅᓕᖅᑐᓂ, ᐃᓚᒋᔭᐅᓪᓗᓂ ᖁᕐᓗᖅᑑᒥ. ᐱᓕᕆᕕᑦᑎᓐᓂ ᐱᓕᕆᐊᖃᖅᑐᑦ ᓄᓇᕗᓕᒫᒥ ᐱᒋᐊᖅᑎᑦᓯᓂᕐᒥᒃ ᐃᖅᑐᒃᑯᑦ ᖃᐅᔨᓴᐃᖃᑦᑕᓂᕐᒥᒃ ᓂᕆᐅᑦᑐᑎᓪᓗ ᓄᓇᕗᓕᒫᒥ ᐊᑐᓕᖅᑎᑕᐅᒐᔭᕐᓂᐊᓂᒃ ᐊᐅᔭᐅᑉ ᓄᖑᐊᑕ ᑐᖔᓂ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓯᕗᓪᓕᖅᐸᐅᑎᑦᓯᔪᑦ ᑐᙵᕕᓕᐅᕐᓂᕐᒧᑦ ᐱᑕᖃᐃᓐᓇᕐᓂᐊᓕᖅᑐᒥᒃ ᐋᓐᓂᐊᖅᑖᖅᐸᑦᑐᓕᕆᓂᕐᒧᑦ ᖃᐅᔨᓴᐃᖃᑦᑕᓂᕐᒥᒃ ᐊᑎᓕᐅᕐᕕᒻᒥᒃ ᐊᑑᑎᖃᑦᓯᐊᖅᑐᓂᓪᓗ ᐋᓐᓂᐊᕐᕕᓕᐊᖅᐸᑦᑐᓂᒃ ᑭᖑᓂᐊᒍᑦ ᑕᑯᔭᐅᖃᑦᑕᕆᐊᖃᕐᓂᖏᓐᓂᒃ. ᐱᒋᐊᕈᑎᖃᖅᑳᕐᓗᑎᒃ ᐃᖅᑐᒃᑯᑦ ᐋᓐᓂᐊᖅᑖᕈᑕᐅᕙᑦᑐᒥᒃ, ᓯᕗᓂᑦᓴᑎᓐᓂ ᑐᕌᒐᖃᖅᑐᓂ ᖃᐅᔨᓴᐃᖃᑦᑕᓂᕐᒧᑦ ᐱᓕᕆᐊᒥᒃ ᐊᑕᖏᖅᑕᐅᓗᑎᒃ ᐳᕙᒃᑯᑦ, ᐃᕕᐊᖏᒃᑯᑦ, ᐃᓪᓕᐊᒃᑯᓪᓗ ᐋᓐᓂᐊᖅᑖᕈᑕᐅᕙᑦᑐᓂᒃ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᖁᔭᓐᓇᒦᑦᑕᐅᖅ. ᑲᑎᒪᔾᔪᑎᑦᑕ ᓈᓴᐅᑎᖓ. 5−ᒨᕈᑦᑕ ᐳᓛᕆᐊᖅᓯᒪᔪᓂᒃ ᐃᓕᑕᖅᓯᓐᓂᖅ. 6, ᐅᖃᐅᓯᒃᑯᑦ ᐊᐱᖅᑯᑏᑦ. ᖁᑦᑎᒃᑐᖕᒧᑦ ᒪᓕᒐᓕᐅᖅᑎ, ᑕᖅᑐ. ᑲᑎᒪᔾᔪᑎᒃᓴᖅ 6: ᐅᖃᐅᓯᒃᑯᑦ ᐊᐱᖅᑯᑎᑦ ᐊᐱᖅᑯᑦ 84 - 7(2): ᒥᑦᑕᕐᕕᓐᓂ ᐱᖁᑎᔾᔪᐋᖏᓄᑦ (ᑕᖅᑐ) ᑕᖅᑐ (ᑐᓵᔨᑎᒍᑦ) ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒃᑲ ᐅᓪᓗᒥ ᐃᖏᕐᕋᔪᓕᕆᔨᒃᑯᓐᓄᑦ ᐱᖁᑎᕐᔪᐊᓕᕆᔨᒃᑯᓐᓄᑦ ᐅᖃᐅᓯᖃᖅᑐᖅ ᐅᖃᐅᓯᕆᓵᓚᐅᖅᑕᖏᓐᓂᒃ ᓄᓇᕗᑦ ᒥᑦᑕᕐᕕᖏᓐᓂᒃ. ᒥᓂᔅᑕ ᖃᐅᔨᒪᑦᓯᐊᖅᐳᖅ ᓄᑖᖅ ᐅᑭᐅᖅᑕᖅᑐᒥ ᐃᑲᔪᖅᑐᐃᒍᑎᐅᓂᐊᖅᑐᖅ ᖃᐅᓱᐃᑦᑐᒦᑦᓱᒫᕐᒪᑦ ᑕᐃᑲᓃᑦᓱᓂ ᓂᕈᐊᖅᑕᐅᕝᕕᒋᖁᑎᒋᔭᓐᓂ ᖁᑦᑎᒃᑯᒥ. ᒥᓂᔅᑕ ᐅᖃᓚᐅᕐᒪᑦ ᐅᖃᖅᖢᒍ “ᖃᐅᓱᐃᑦᑐᖅ ᓴᓗᓇᐃᖅᑕᐅᓯᒪᕗᖅ ᐊᐅᓚᑦᓯᕝᕕᐅᒐᔭᖁᓪᓗᒍ ᐃᑲᔪᖅᑐᐃᕝᕕᐅᓗᓂ ᖃᓄᖅᑑᕐᕕᐅᔪᓐᓇᕐᓗᓂ ᐅᓇᓕᑦᓴᔭᓄᑦ ᐊᐅᓚᓂᕆᔭᖏᑕ ᐅᑭᐅᖅᑕᖅᑐᒥ. ᖃᐅᓱᐃᑦᑐᖅ ᒥᑦᑕᕐᕕᖓᓄᑦ ᐱᐅᓯᒋᐊᖅᑕᐅᔪᒫᕐᒪᑦ ᐸᕐᓇᑕᐅᑎᓪᓗᒍ ᓴᓇᒪᓂᑦᓴᖓᓗ. ᓄᓇᕗᑦ ᒐᕙᒪᒃᑯᑦ ᑲᔪᖏᖅᓴᐃᓐᓇᕐᓂᐊᖅᐳᑦ ᑲᓇᑕᐅᑉ ᒐᕙᒪᒃᑯᖏᑦ ᐱᕙᓪᓕᐊᔭᐅᑦᓴᐃᓐᓇᖁᓪᓗᒍ ᑖᓐᓇᓗ ᐊᑑᑎᖃᑦᓯᐊᖁᓪᓗᒍᑦᑕᐅᖅ ᒥᑦᑕᕐᕕᒃ ᖃᐅᓱᐃᑦᑐᒥᐅᓄᑦ ᓄᓇᕗᒻᒥᐅᓄᓪᓗ ᖃᓂᒋᔭᖏᓐᓃᑦᑐᓪᓗ ᓄᓇᓕᓐᓄᑦ ᐊᕐᕌᒍᓂᒃ ᐊᒡᒋᖅᑐᓂᒃ.” ᐅᖃᖅᑏ, ᖁᕕᐊᓱᓪᓚᕆᒐᔭᖅᐳᖓ ᐊᖏᖅᓯᒪᑦᑎᐊᖅᐸᑦ ᒥᓂᔅᑕ ᓄᓇᓕᒻᒧᑦ. ᒥᓂᔅᑕ ᐅᓂᒃᑳᕈᓐᓇᖅᐸ ᖃᓄᐃᑦᑐᑦ ᐱᓂᐊᕐᓂᐅᓯᒪᓕᖅᐸᑦ ᑖᒃᑯᐊ ᐱᓕᕆᕝᕕᖏᑕ ᐊᒻᒪ ᒐᕙᒪᑐᖃᒃᑯᑦ ᐅᓇᓕᔅᓴᖁᑎᖏᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᖏᕐᕋᔪᓕᕆᔨᒃᑯᓐᓄᑦ ᐊᐅᓚᔪᓐᓇᐅᑎᓕᕆᔨᒃᑯᓐᓄᑦ, ᒥᓂᔅᑕ ᕼᐃᒃᔅ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 10 ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᖁᔭᒋᔭᕋ ᒪᓕᒐᓕᐅᖅᑎ ᑖᔅᓱᒥᖓ ᐅᖃᐅᓯᖃᕐᖓᑦ. ᐃᑉᐸᓴᕐᓗ ᐅᖃᐅᓯᕆᓚᐅᖅᑕᓐᓂᒃ ᐅᖃᒃᑲᓐᓂᕋᑖᕐᖓᑦ. ᐃᓕᓴᖅᓯᒋᐊᖃᕋᑦᑕᐃᓛᒃ ᒐᕙᒪᑐᖃᒃᑯᓐᓂᒃ ᑲᑐᔾᔨᖃᑎᒋᔭᕗᑦ ᐅᓇᑕᖅᑐᔅᓴᓕᕆᔨᒃᑯᑦ ᐱᓗᐊᖅᑐᒥᒃ ᑲᑐᔾᔨᖃᑎᒌᑦᑎᐊᕆᐊᖃᕋᑦᑕ. ᑕᐃᒃᑯᐊ ᐱᓕᕆᐊᖑᒋᐊᓖᑦ ᐱᖁᑎᕐᔪᐊᑦ ᑕᒪᐅᖓ ᓴᓇᔭᐅᖁᔭᐅᔪᐃᑦ ᐃᓚᒋᐊᖅᓯᔾᔪᑕᐅᖁᔭᐅᔪᓪᓗ ᐱᖁᑎᖏᓐᓂᒃ ᓄᓇᓖᑦ ᑕᒪᒃᑯᐊ ᐱᖁᑎᖏᑦ ᓈᒻᒪᓐᓂᐊᕋᓗᐊᕐᒪᖔᑕ ᐊᑐᖅᑕᐅᑲᓐᓂᕆᐊᖃᑐᐃᓐᓇᕆᐊᖃᖅᑲᑕ ᐊᑐᐃᓐᓇᐅᓛᕐᖓᑕ ᐅᓇᓕᒃᑯᓐᓄᑦ. ᐊᒻᒪᑦᑕᐅᖅ ᐅᓇᓕᒃᑯᑦ ᑕᐃᒃᑯᐊ ᐱᒍᒪᓯᒪᔭᖏᑦ ᓴᖅᑭᖁᓯᒪᔭᖏᓪᓗ ᐃᓱᒪᒋᔭᐅᒋᐊᖃᖅᑐᑎᒃ, ᓄᓇᓕᐅᓪᓗᑦᑕᐅᖅ ᐃᓱᒪᒋᔭᖏᑦᑕᐅᖅ ᓄᓇᖃᖅᑐᓄᑦᑕᐅᖅ ᓈᒻᒪᒋᐊᖃᕐᒥᒻᒪᑦ ᐅᓇᑕᖅᑐᔅᓴᓄᑐᐊᖑᙱᑦᑐᑦ. ᑖᓐᓇ ᐊᐱᖅᑯᑎᖓ ᑭᐅᒐᓱᓪᓗᒍ, ᐅᖃᖃᑎᒌᒋᐊᓕᕋᑖᑕᐃᓐᓇᔪᒐᑦᑕ ᒫᓐᓇᕈᓘᔪᔪᖅ. ᖃᐅᔨᓴᐃᓐᓇᖅᑐᒍᑦ ᖃᓄᐃᓕᐅᕈᒪᒻᒪᖔᑕ. ᐊᒻᒪᑦᑕᐅᖅ ᓄᓇᓕᓐᓂ ᐱᔨᑦᑎᕋᖅᑎᒃᑯᑦ ᒥᓂᔅᑕᐅᖃᑎᒐ ᐱᓕᕆᖃᑎᒋᖃᑦᑕᓂᐊᖅᑕᕋ ᖃᐅᔨᒐᓱᓪᓗᑕ ᓄᓇᓖᑦ ᖃᓄᖅ ᐃᑲᔪᖅᑕᐅᑲᓐᓂᕆᐊᖃᕐᓂᐊᖏᒃᑲᓗᐊᕐᒪᖔᑕ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓪᓕᖅᐹᒥ ᐃᓚᒋᐊᕈᑎ ᐊᐱᕆᒍᒃ, ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᑭᐅᒐᕕᙵ ᒥᓂᔅᑕ. ᐅᖃᖅᑏ, ᑐᑭᓯᑎᑦᑎᒋᐊᕈᑏᑦ ᓴᖅᑭᖅᑕᐅᓯᒪᔪᑦ ᒐᕙᒪᑐᖃᒃᑯᓐᓄᑦ ᐱᔾᔪᑎᖃᖅᑐᑦ, ᐅᑭᐅᖅᑕᖅᑐᒥ ᑐᑦᑕᖅᕕᐅᒐᔭᖅᑐᓄᑦ ᐅᖃᖅᓯᒪᒻᒪᑦ ᓄᑖᒡᒎᖅ ᓴᓇᔭᐅᒐᔭᕐᖓᑕ ᐅᖃᓕᒫᕐᓗᒋᑦ “ᐃᑲᔪᖅᓰᓗᑎᒃ ᑲᓇᑕᒥ ᐅᓇᓕᒃᑯᑦ ᐱᓕᕆᐊᕆᒋᐊᓕᖏᓐᓄᑦ ᐊᒻᒪ ᒐᕙᒪᑐᖃᒃᑯᓐᓂᒃ ᑲᑐᔾᔨᖃᑎᒋᔭᕗᑦ. ᓄᓇᕘᒥ ᐊᕕᒃᑐᖅᓯᒪᓂᕋᓛᓂᓪᓗ ᕼᐋᒻᒪᓚᓂᓗ ᓄᓇᖃᖅᑳᖅᑐᒥᓂᕐᓂᓪᓗ. ᐅᑭᐅᖅᑕᖅᑐᒥᑦ ᓄᓇᓖᓪᓗ ᐱᖃᑕᐅᖃᑦᑕᕐᓗᑎᒃ ᐱᖃᑕᐅᒍᓐᓇᕋᐃᑉᐸᑕ. ᑖᒃᑯᐊ ᐊᑯᓂᒃ ᐱᔾᔪᓯᐊᕐᕕᐅᔭᕆᐊᖃᕐᓂᐊᕐᖓᑕ ᐊᑐᕆᐊᖅᑎᒍᑦ ᒥᕝᕖᓪᓗ ᒥᕝᕕᑦᑎᒍᓪᓗ ᑐᓚᑦᑕᕕᑦᑎᒍᓪᓗ ᐋᓐᓂᐊᕕᑦᑎᒍᓪᓗ ᐅᑭᐅᖅᑕᖅᑐᒥ ᑕᐃᒫᒃ ᐊᑐᖅᑕᐅᒍᓐᓇᓂᐊᕐᖓᑕ ᓄᓇᓖᑦ ᐅᓇᓕᒃᑯᓐᓄᑦ. ᐅᖃᖅᑏ, ᒥᓂᔅᑕᐅᑉ ᐱᓕᕆᕕᖓᑦᑕᐅᖅ ᑲᒪᔨᐅᒻᒥᒻᒪᑦ ᒐᕙᒪᒃᑯᑦ ᐅᖅᓱᐊᓗᓕᕆᔨᒃᑯᖏᓐᓂ ᐊᒻᒪ ᐅᖅᓱᐊᓗᖃᐅᑎᖏᓐᓂᒃ. ᓂᕆᐅᑦᑐᖓᓕ ᐊᖏᔪᒥᒃ ᓴᓇᔪᖃᖅᑲᑦ ᖃᐅᓱᐃᑦᑐᕐᒥ ᐃᓚᔭᐅᒋᐊᖃᓪᓚᕆᓪᓛᕐᖓᑕ ᐅᖅᓱᐊᓗᓕᕆᔾᔪᑎᔅᓴᖏᑦ ᐅᓇᓕᒃᑯᑦ ᓱᓇᒃᑯᑖᖏᓐᓄᑦ. ᒥᓂᔅᑕ ᓇᓗᓇᐃᖅᓯᒍᓐᓇᖅᑳ ᖃᓄᖅ ᑖᓐᓇ ᐱᓕᕆᕕᖓᑕ ᐱᓕᕆᐊᕆᒻᒪᖔᒍ ᐅᖃᖃᑎᖃᖃᑦᑕᖅᑐᑎᒃ ᒐᕙᒪᑐᖃᒃᑯᓐᓂᒃ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᑦᑕᐅᖅ ᒪᓕᒐᓕᐅᖅᑎ ᐃᓕᓴᖅᓯᒪᑦᑕᐅᖅ ᐅᖃᐅᓯᖃᕋᐃᒐᑦᑕ ᐊᖏᔪᓂᒃ ᐱᖁᑎᕐᔪᐊᓄᑦ ᐃᓕᐅᖅᑲᐃᒍᒪᑎᓪᓗᒋᑦ ᒐᕙᒪᑐᖃᒃᑯᑦ ᐅᓇᑕᖅᑐᔅᓴᒃᑯᓪᓗ. ᖃᐅᔨᒪᑦᑎᐊᕈᒪᔪᒍᑦ ᑕᐃᒫᒃ ᐱᑎᒍᓐᓇᕋᔭᕋᓗᐊᕐᒪᖔᑦᑎᒍ. ᐅᖃᖅᑏ, ᒫᓐᓇ ᑎᑎᕋᐅᔭᖅᑕᐅᓂᕐᒦᒻᒪᑕ ᐱᓗᐊᖅᑐᒥᒃ ᖃᐅᓱᐃᑦᑐᕐᒧᑦ. ᖃᓄᑎᒋᒃ ᐃᓚᒋᐊᖅᑕᐅᒋᐊᖃᕋᔭᕐᒪᖔᖅ ᐅᖅᓱᐊᓗᖃᐅᑎᖏᑦ, ᒫᓐᓇ ᑎᑎᕋᐅᔭᖅᑕᐅᕙᓪᓕᐊᒪᒡᒎᖅ. ᐊᒻᒪ ᒪᓕᒐᓕᐅᖅᑎ ᐅᖃᐅᑎᒍᓐᓇᑦᑎᐊᓛᖅᑕᕋ ᓱᑯᑦᑎᐊᓃᓕᕐᒪᖔᑕ ᑖᔅᓱᒥᖓ ᐱᓕᕆᐊᖑᑎᑕᐅᔪᒥᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑐᒡᓕᐊᓂ ᐊᒻᒪ ᑭᖑᓪᓕᖅᐹᖅ ᐃᓚᒋᐊᕈᑎ, ᒥᔅᑕ ᑕᖅᑐ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 11 ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᐊᐱᖅᓱᕋᑖᔪᒐᒪ ᑲᑎᒪᕐᔪᐊᕕᒻᒥ ᐱᔾᔪᑎᖃᖅᑐᓂ ᒫᓐᓇᕈᓘᓚᐅᖅᑐᖅ ᒐᕙᒪᑐᖃᒃᑯᑦ ᑐᓴᖅᑕᐅᑎᑦᑎᔾᔪᑎᒋᔪᔭᖓᓂᒃ ᓇᓂᓯᕕᒻᒥ ᐅᒥᐊᕐᔪᐊᒃᑯᕕᖓᓂᒃ ᐅᓇᓕᒃᑯᑦ. ᐱᒻᒪᕆᐅᕗᖅ ᖃᐅᓱᐃᑦᑐᕐᒥᐅᑦ ᐱᖃᑕᐅᑎᑕᐅᑉᐸᑕ ᐸᕐᓇᑕᐅᑎᓪᓗᒍ ᓄᑖᖑᓂᐊᖅᑐᖅ ᐅᑭᐅᖅᑕᖅᑐᒥ ᐃᑲᔪᖅᓰᕕᒃ ᐅᓇᓕᒃᑯᓐᓄᑦ. ᒥᓂᔅᑕ ᓇᓗᓇᐃᖅᓯᒍᓐᓇᖅᑳ ᖃᓄᑎᒋᒃ ᒪᐃᔭᖓ ᑲᑎᒪᔨᖏᓪᓗ ᕼᐋᒻᒪᓚᒃᑯᖏᑕ ᖃᐅᓱᐃᑦᑐᕐᒥ ᐅᖃᖃᑎᐅᓯᒪᒻᒪᖔᑕ ᒐᕙᒪᑐᖃᒃᑯᓐᓂᒃ ᐅᖃᖃᑎᖃᕋᓱᑦᑎᓪᓗᒋᑦ ᓄᓇᕗᑦ ᒐᕙᒪᖓᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᖏᕐᕋᔪᓕᕆᔨᒃᑯᓐᓄᑦ ᐊᐅᓚᔪᓐᓇᐅᑎᓕᕆᔨᒃᑯᓐᓄᑦ, ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᑦᑎᐊᕈᒪᑐᐃᓐᓇᖅᑐᖓ ᑭᐅᔾᔪᑎᒋᖅᑲᐅᔭᕋ ᐅᖅᓱᐊᓗᖃᐅᑎᖏᑦ ᐊᖏᓪᓕᒋᐊᖅᑕᐅᒋᐊᖃᕋᔭᙱᑦᑐᖅ ᐅᖅᓴᑦᑕᐅᕕᖔᖏᑦ ᐋᖅᑭᒋᐊᖅᑕᐅᒋᐊᖃᕋᔭᖅᑐᑦ ᐃᒫᓅᖓᔪᐃᑦ. ᕼᐋᒻᒪᓚᒃᑯᑦ ᒪᐃᔭᖏᓪᓗ ᐊᓪᓚᑎᒻᒪᕆᖏᓐᓂᓪᓗ ᖃᐅᔨᒪᔪᖓ ᒥᓂᔅᑕ ᓯᒪᐃᓚᒃᒥᑦ ᐱᓕᕆᖃᑎᖃᖅᐸᒻᒪᑕ ᓄᓇᓕᓐᓂ ᐱᔨᑦᑎᕋᖅᑎᑯᓐᓂ. ᑖᓐᓇ ᐊᐅᓚᒍᑎᔅᓴᓄᑦ ᑐᕌᖓᕕᐅᑎᒻᒪᑦ ᐊᐱᖅᑯᑎ, ᖃᐅᔨᒪᑦᑕᐅᑎᒋᙱᓐᓇᒪ ᖃᓄᑎᒋᒃ ᒫᓐᓇᓕᓴᐅᓂᕐᒥᒃ ᖃᖓ ᐅᖃᖃᑎᒌᓐᓂᕐᒪᖔᑕ ᐊᖏᔪᖅᑳᒡᒍᑎᖏᑦ. ᑖᔅᓱᒥᖓ ᐅᖃᐅᓯᖃᕐᓗᑎᒃ ᐊᐱᖅᑯᑕᐅᕋᑖᖅᑐᒥ ᐅᓇᓕᒃᑯᑦ ᐱᖁᑎᑖᕆᒍᒪᔭᖏᓐᓂᒃ ᐅᖃᖃᑎᒌᒋᐊᓕᕋᑖᑕᐃᓐᓇᔪᒐᑦᑕ. ᒥᓂᔅᑕᐅᖃᑎᒐ ᓄᓇᓕᓐᓂ ᐱᔨᑦᑎᕋᖅᑎᑯᓐᓂ ᐅᖃᖃᑎᒋᔪᓐᓇᖅᑕᕋ ᖃᓄᓪᓚᑦᑖᖅ ᑐᓴᖅᑎᑕᐅᓯᒪᒻᒪᖔᖅ. ᐊᒻᒪᓗ ᕼᐋᒻᒪᓚᒃᑯᑦ ᖃᓄᐃᓕᐅᖅᓯᒪᒻᒪᖔᑕ. ᐊᓯᔾᔩᒐᓱᓕᕋᐃᒍᑦᑕ ᓄᓇᓕᓐᓂ ᑕᐃᒫᒃ ᐃᓚᓯᒐᓱᓐᓂᐊᕈᑦᑕᓘᓐᓃᑦ ᐱᖁᑎᓂᒃ ᓄᓇᓖᑦᑕᐅᖅ ᓇᒻᒥᓂᖅ ᐱᕚᓪᓕᕈᑎᔅᓴᑖᓛᕋᓗᐊᕐᒪᖔᑕ ᖃᐅᔨᒪᒐᓱᐊᓲᖑᒐᑦᑕ. ᐊᑕᐅᓯᐅᙱᑦᑐᒧᑦ ᐅᕝᕙᓘᓐᓃᑦ ᒪᕐᕉᓐᓄᑦ ᐊᑐᕋᔅᓴᐅᔪᓂᒃ ᐃᓪᓗᓂᒃ ᓴᓇᖃᑦᑕᓕᖅᓯᒪᒻᒪᑕ. ᑕᐃᒫᓪᓗ ᖃᖓᑐᐃᓐᓇᒃᑯᑦ ᓄᓇᓕᒻᒧᑦ ᓇᑉᐸᖅᓯᔪᖃᕐᓂᐊᕋᐃᑉᐸᑦ ᐊᒥᓱᓂᒃ ᐱᔾᔪᓯᐊᕐᕕᐅᖃᑦᑕᖁᒐᑦᑎᒍ ᓄᓇᖃᖅᑐᓄᑦ ᓇᒻᒥᓂᖃᐅᑎᓕᓐᓄᓪᓗ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᐅᖅᑯᕐᒥᐅᓄᑦ ᒪᓕᒐᓕᐅᖅᑎ, ᑲᐅᑐᖅ. ᐊᐱᖅᑯᑦ 85 - 7(2): ᐱᓕᕆᐋᖏᓄᑦ ᓄᓇᕘᑉ ᐃᒡᓗᓕᕆᔨᕐᔪᐋᖏᑕ (ᑲᐅᑐᖅ) ᑲᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒃᑲ ᑐᕌᙵᙳᓱᑦᑐᑦ ᒥᓂᔅᑕ ᑲᒪᔨᐅᔪᒧᑦ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᑯᐊᐸᕇᔅᓴᖓᓄᑦ. ᐅᖃᖅᑏ, ᐱᒋᐊᖅᑳᕈᒪᔪᖓ ᖁᔭᓕᓗᒍ ᒥᓂᔅᑕ ᓇᓗᓇᐃᖅᑐᑎᐊᖅᓯᒪᔪᒥᒃ ᑭᐅᔾᔪᑎᖃᓚᐅᕐᖓᑦ ᐃᑉᐸᔅᓴᖅ ᒪᓕᒐᓕᐅᕐᕕᒻᒥ ᑲᑎᒪᕐᔪᐊᕐᓂᖃᖅᑎᓪᓗᑕ. ᐅᖃᖅᑏ, ᖁᕕᐊᓱᓚᐅᖅᑐᖓ ᑐᑭᓯᑎᑕᐅᒋᐊᔅᓴᖅ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᒡᒎᖅ ᐸᕐᓇᒻᒪᑕ ᐃᓪᓗᓕᐅᓛᕐᓗᑎᒃ ᐋᖅᑭᔅᓱᒐᕐᓂᒃ ᑎᓴᒪᓂᒃ, ᐃᓪᓗᓂᒃ ᕿᑭᖅᑕᕐᔪᐊᒥ. ᑐᑭᓯᒐᒪ ᑎᓴᒪᐅᓛᕐᖓᑕ ᐱᖓᓱᓂᒃ ᐃᓪᓗᕈᓯᓖᑦ. ᒥᓂᔅᑕ ᓇᓗᓇᐃᖅᓯᑦᑎᐊᕈᓐᓇᖅᑳ ᖃᓄᖅ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᐋᖅᑭᓯᓐᓂᕐᒪᖔᑕ ᖃᑦᑎᓂᒃ ᐃᓪᓗᓕᐅᕆᐊᖃᕐᒪᖔᑕ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ, ᒥᓂᔅᑕ ᓚᐃᔪᓪ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 12 ᐊᖓᔪᖅᑳᖅ ᓯᓯᐅᓪ ᓚᐃᔪᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᒪᓕᒐᓕᐅᖅᑎ ᐊᐱᕆᒻᒪᑦ ᑕᐃᒫᒃ. ᑖᒃᑯᐊ ᐃᓪᓗᑖᖅᑎᑦᑎᓃᑦ ᒫᓐᓇ ᐅᒥᐊᕐᔪᐊᖃᕐᓇᐅᓂᐊᖅᑐᒧᑦ ᒪᓕᓚᐅᖅᑐᐃᑦ ᑕᐃᒫᔅᓴᐃᓐᓇᖅ ᐃᓪᓗᑖᖅᑎᑦᑎᒐᓱᐊᓲᖑᒐᑦᑕ. ᓄᓇᕗᑦ 3000 ᐋᖅᑭᑦᑕᐅᓯᒪᔪᐃᑦ ᒪᓕᑦᑐᒋᑦ, ᓄᓇᕗᒻᒥ ᐃᓪᓗᓕᐅᖃᑎᒌᑦᑖᕕᒻᒥ ᒪᓕᑦᑐᒋᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓪᓕᖅᐹᒥ ᐃᓚᒋᐊᕈᑎ ᐊᐱᕆᒍᒃ, ᒥᔅᑕ ᑲᐅᑐᖅ. ᑲᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕ ᑕᐃᒪ ᖃᐅᔨᒪᒻᒪᑦ ᑐᑭᓯᑎᑦᑎᒋᐊᕈᑎ ᓴᖅᑭᖅᑕᐅᓯᒪᔪᖅ ᓄᓇᕗᒻᒥ ᐃᓪᓗᓕᕆᔨᕐᔪᐊᑯᓐᓄᑦ ᔪᓚᐃ 2025-ᒥ. ᐅᖃᖅᓯᒪᔪᒻᒪᑕ 8-ᒎᖅ ᓄᑖᑦ ᐊᖏᕐᕋᔅᓴᐃᑦ ᑲᖏᖅᑐᒑᐱᒻᒥ ᓴᓇᔭᐅᒋᐊᖅᓯᒪᓕᕐᖓᑕ ᐊᒻᒪᓗ ᐱᔭᕇᖅᑕᐅᕕᔅᓴᖃᖅᑐᑎᒃ ᐃᓱᕈᔪᐊᓂ 2026 ᐅᕝᕙᓘᓐᓃᑦ ᕿᑎᖓᓂ 2027. ᒥᓂᔅᑕ ᓇᓗᓇᐃᖅᓯᒍᓐᓇᖅᑳ ᑖᒃᑯᐊ ᐱᔭᕇᖅᑕᐅᕕᒃᓴᖏᑦ ᐊᓯᔾᔨᖅᓯᒪᓕᕐᒪᖔᑕ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᓚᐃᔪᓪ. ᐊᖓᔪᖅᑳᖅ ᓯᓯᐅᓪ ᓚᐃᔪᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᑲᑎᒪᔨ ᐊᐱᕆᒻᒪᑦ ᑕᐃᒫᒃ. ᑕᐃᒃᑯᐊ 8 ᐃᓪᓗᔅᓴᐃᑦ ᑲᑎᙵᔪᔅᓴᐃᑦ ᐃᓱᒫᓘᑎᑕᖃᔪᒻᒪᑦ ᐊᑲᐅᔪᙱᒻᒪᑕ ᑐᙵᕕᔅᓴᖓ ᐊᒻᒪᓗ ᐃᑭᐊᖅᑎᔅᓴᖏᑦ. ᑖᓐᓇ ᑐᙵᕕᖓ ᐋᖅᑭᑎᐊᖅᑕᐅᒋᐊᓕᒃ ᒫᓐᓇ ᐊᐅᔭᐅᓂᐊᖅᑐᖅ ᐊᒻᒪ ᓴᐅᓂᖏᑦ ᐋᖅᑭᑦᑕᐅᕙᓪᓕᐊᒍᓐᓇᖅᓯᓗᑎᒃ ᐊᒻᒪ ᐱᔭᕇᖅᑕᐅᕕᔅᓴᖃᕐᓗᓂ ᐅᑭᐊᔅᓵᖓᓂ 2027-ᒥ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑎᒋᔭᐃᑦ, ᒪᓕᒐᓕᐅᖅᑎ ᑲᐅᑐᖅ. ᑲᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᒥᓂᔅᑕ ᑭᐅᕋᑖᕋᕕᙵ. ᒥᓂᔅᑕ ᓇᓗᓇᐃᖅᓯᒍᓐᓇᖅᑳ ᑖᒃᑯᐊ ᐃᓪᓗᓴᒃᑲᓐᓃᑦ ᑐᓂᔭᐅᓛᕐᒪᖔᑕ ᑲᖏᖅᑐᒑᐱᒻᒧᑦ ᑖᒃᑯᐊ ᒫᓐᓇ ᓴᓇᔭᐅᔪᐃᑦ ᐱᔭᕇᖅᑕᐅᐸᑕ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓄᓇᕗᑦ ᐃᓪᓗᓕᕆᔨᕐᔪᐊᒃᑯᓐᓄᑦ, ᒥᓂᔅᑕ, ᓚᐃᔪᓪ. ᐊᖓᔪᖅᑳᖅ ᓯᓯᐅᓪ ᓚᐃᔪᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᑲᑎᒪᔨ ᐊᐱᕆᒻᒪᑦ ᑕᐃᒫᒃ. ᑕᐃᒃᑯᐊ 8 ᑲᑎᙵᓂᐊᖅᑐᐃᑦ ᓴᓇᔭᐅᔪᐃᑦ ᑲᖏᖅᑐᒑᐱᒻᒥ ᒪᕐᕉᒃ ᐋᖅᑭᔅᓱᒑᒃ ᐊᑐᖅᑕᐅᓛᕐᓂᐊᖅᑐᒋᔭᐅᔪᑦ ᑕᐃᒃᑯᐊ ᐱᔭᕇᖅᑕᐅᑉᐸᑕ ᓇᔪᖅᑕᐅᑲᐃᓐᓇᕐᓗᑎᒃ ᐃᓪᓗᓕᐅᕆᐊᖅᑐᖅᓯᒪᔪᓄᑦ. ᒫᓐᓇ ᑐᕌᖅᑕᒐᖃᖅᑐᒍᑦ ᑲᖏᖅᑐᒑᐱᒻᒧᑦ ᐱᓛᕐᓗᑎᒃ ᐃᓪᓗᓴᒃᑲᓂᕐᓂᒃ ᑭᖑᓪᓕᕐᒥ ᐃᓪᓗᓕᐅᕐᓇᐅᓕᕐᒥᑉᐸᑦ ᓄᓇᓕᖓᐃᓛᒃ ᐊᑐᐃᓐᓇᕈᖅᓴᐃᓯᒪᑉᐸᑦ ᐃᓪᓗᖃᕐᕕᔅᓴᖏᓐᓂ, ᑕᐃᒫᒃ ᓂᕆᐅᑦᑐᒍᑦ ᑕᐃᒪᓐᓇᓂᒃ ᑐᓂᓯᔭᐅᒃᑲᓐᓂᓛᕐᓂᐊᕆᐊᖏᑕ ᑭᖑᓪᓕᕐᒥ ᐃᓪᓗᓕᐅᕐᓇᐅᓕᕐᒥᑉᐸᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᐃᖃᓗᒃᑑᑦᓯᐊᕐᒧᑦ ᒪᓕᒐᓕᐅᖅᑎ, ᐱᑕᓴᓐ. ᐊᐱᖅᑯᑦ 86 - 7(2): ᐱᔪᓐᓇᐅᑎᓐ ᓅᑎᖅᑕᐅᓂᖏᓄᑦ (ᐲᑕᓴᓐ) ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒃᑲ ᓯᕗᓕᖅᑎᒧᑦ ᑐᕌᖓᙳᓱᑦᑐᐃᑦ. ᐊᒻᒪᓗ ᐱᔾᔪᑎᖃᖅᑐᑎᒃ ᒥᓂᔅᑕᐅᓪᓗᓂ ᐅᖃᐅᓯᕆᖅᑲᐅᔭᖏᓐᓂᒃ ᓇᒻᒥᓂᖅᓱᓕᕐᓂᕐᒧᑦ ᐅᖃᐅᓯᕆᓚᐅᖅᑕᖏᓐᓂᒃ ᓇᒻᒥᓂᖅᓱᓂᕐᒧᑦ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 13 ᐊᖏᖃᑎᒋᔭᕋ ᓇᒻᒥᓂᖅᓱᓕᕐᓂᖅ ᓄᓇᕗᒻᒥᐅᓄᑦ ᐃᓚᐅᕕᐅᓂᖅᓴᐅ ᐱᖃᑕᐅᕕᐅᓂᖅᓴᐅᒍᓐᓇᓂᐊᖅᑐᖅ ᓄᓇᒥᐅᑕᓕᕆᓂᕐᒥ ᐊᑐᐊᒐᓕᕆᓂᕐᒥᓪᓗ ᐱᓕᕆᐊᖃᖅᑎᓪᓗᒋᑦ. ᑕᐃᒫᓪᓗ ᐊᐅᓚᑕᐅᖃᑦᑕᕐᓗᑎᒃ ᓄᓇᐃᑦ ᓯᕗᓪᓕᐅᖁᔭᐅᓂᖏᑦ ᒪᓕᓪᓗᒋᑦ ᓄᓇᕗᒻᒥᐅᓄᑦ. ᐊᒻᒪ ᖃᐅᔨᒪᒐᑦᑕ ᐊᐃᐳᕈ 1, 2027-ᖑᓕᖅᑲᑦ ᑖᒃᑯᐊ ᑎᒍᒋᐊᖃᓛᕋᑦᑎᒍ ᖁᓕᑐᐃᓐᓇᐃᑦ ᑕᖅᑮᑦ ᐊᓂᒍᖅᑲᑕ. ᐅᖃᖅᑏ, ᐃᑲᔪᑦᓰᒻᒥᒐᒪᑦᑕᐅᖅ ᒐᕙᒪᒃᑯᑦ ᐋᖅᑭᔅᓯᒪᔭᖓᓂᒃ ᓄᑖᒥᒃ ᐱᓕᕆᕕᒻᒥᒃ ᓴᖅᑭᖅᓯᒍᒪᓪᓗᑎᒃ. ᑖᓐᓇ ᐱᓕᕆᕕᒃ ᐊᑎᖃᕋᔭᖅᑐᖅ “ᐱᓕᕆᕕᖓ ᐅᔭᕋᓐᓂᐊᖅᑐᓕᕆᔨᒃᑯᑦ ᓄᓇᒥᐅᑕᓕᕆᔨᒃᑯᑦ” ᐅᕝᕙᓘᓐᓃᑦ “ᓄᓇᓕᕆᔨᒃᑯᑦ.” ᓯᕗᓕᖅᑎ ᓇᓗᓇᐃᖅᓯᒍᓐᓇᖅᑳ ᖃᑦᓯᑦ ᒐᕙᒪᑐᖃᒃᑯᑦ ᐃᖅᑲᓇᐃᔭᖅᑎᖏᑦ ᓇᓗᓇᐃᖅᓯᓯᒪᒻᒪᖔᑕ ᐊᐅᓪᓛᕈᓐᓇᓛᕐᓂᐊᕐᓂᕋᕐᓗᑎᒃ ᑖᔅᓱᒧᖓ ᓄᑖᖑᔪᒧᑦ ᐱᓕᕆᕕᐅᔪᒧᑦ? ᐊᒻᒪ ᖃᑦᑎᐅᓛᖅᑲᓪᓗ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓄᓇᕗᒻᒧᑦ ᓯᕗᓕᖅᑎ, ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. ᖁᐊᓇᖅ (ᑐᓵᔨᑎᒎᓕᖅᑐᖅ) ᐊᐱᖅᑯᑎᒋᒐᓐᓂ ᑖᓐᓇ. ᓇᒻᒥᓂᖅᓱᓕᕋᓱᓐᓂᖅ ᑖᓐᓇ ᐊᖏᔪᐊᓗᒃ ᐱᒋᐊᖅᑎᒐᓱᒃᑲᑦᑎᒍ ᐊᒥᓱᐊᓗᓐᓂᒃ ᐃᓗᓕᖃᖅᑐᓂ ᐊᐅᓚᔪᓂᒃ. ᐅᓪᓛᖅ ᐅᓂᒃᑳᕆᖅᑲᐅᒻᒥᒐᒃᑭᑦ. ᐅᖃᖅᑏ, ᐃᖅᑲᓇᐃᔮᑦ ᖃᑦᓯᐅᓂᖏᑦ ᒐᕙᒪᑐᖃᒃᑯᑦ ᐃᖅᑲᓇᐃᔮᖁᑎᖏᑦ ᐊᑦᑐᖅᑕᐅᓂᐊᖅᑐᑦ ᓇᒻᒥᓂᖅᓱᓕᕐᓂᕐᒧᑦ ᒫᓐᓇ ᓈᓴᖅᓯᒪᔭᕗᑦ 101-ᖑᒐᔭᖅᑐᐃᑦ. ᐊᒻᒪ ᑖᒃᑯᐊ 101 ᐃᖅᑲᓇᐃᔮᑦ, ᐃᖅᑲᓇᐃᔮᓂᑦ 68 ᐃᓐᓄᑦᑕᐅᓯᒪᔪᑦ. ᑖᒃᑯᐊ ᑕᑯᓐᓈᖅᑐᒋᑦ ᐃᓐᓄᑦᑕᐅᓯᒪᔪᑦ ᐊᒻᒪᓗ ᐃᖅᑲᓇᐃᔭᖅᑎᖏᑦ ᒐᕙᒪᒃᑯᑦ ᖃᓂᔅᓴᖅᑐᑎᒃ ᐱᓕᕆᖃᑎᖃᕋᓱᔅᓯᒪᔪᑦ ᑕᐃᒃᑯᐊ ᐱᓕᕆᖃᑎᒋᔭᐅᒍᓐᓇᖅᓯᒐᓱᐊᖅᑐᑎᒃ ᑲᑎᒪᖃᑎᖃᖃᑦᑕᖅᑐᑎᓪᓗ. ᐊᒻᒪᓗ ᑐᑭᓯᐅᒪᔾᔪᑎᓂᒃ ᖃᐅᔨᒪᒋᐊᓕᖏᓐᓂᒃ ᖃᐅᔨᒪᖁᓪᓗᒋᓂᓛᒃ ᖃᐃᖁᓛᕋᑦᑎᒍ ᓄᓇᕗᑦ ᒐᕙᒪᖓᓄᑦ ᐃᖅᑲᓇᐃᔭᕆᐊᖔᖁᓪᓗᒋᑦ ᐄᐳᕈ 1, 2027-ᒥ. ᒫᓐᓇᓕ ᓱᓕ ᖃᓂᒋᒐᓗᐊᖅᑐᒋᑦ ᐱᓕᕆᖃᑎᒋᔭᕗᑦ, ᐃᓛᒃᑯᑦ ᐃᖅᑲᓇᐃᔮᖏᑦ ᐱᓯᒪᐃᓐᓇᕈᒪᓂᐊᕐᒪᖔᒋᑦ ᐊᐱᕆᔭᐅᖃᑦᑕᕆᐊᖃᓛᕐᖓᑕ. ᐃᓛᒃᑯᑦ ᐊᑕᐅᓯᐅᓈᖅᑎᕐᓗᑎᒃ ᐊᖏᕈᒪᒻᒪᖔᑕ ᓄᓇᕗᑦ ᒐᕙᒪᖓᓄᑦ ᐃᖅᑲᓇᐃᔭᕆᐊᕈᒪᓗᑎᒃ ᐊᐱᖅᓱᖅᑕᐅᖃᑦᑕᕆᐊᖃᓛᕐᖓᑕ. ᑕᐃᒃᑯᐊᓕ ᐃᓄᐃᑦ ᐃᖅᑲᓇᐃᖅᑎᑕᐅᓂᖏᑦ ᑕᐃᑲᓂ 58%−ᐳᓴᒦᑦᑐᐃᑦ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᓯᕗᓪᓕᖅᐹᒥᒃ ᐃᓚᒋᐊᕈᑎ ᐊᐱᕆᒍᒃ, ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᒃ ᑭᐅᒐᕕᑦ. ᕿᒥᕐᕈᓇᖃᑦᑕᖅᓯᒪᓪᓗᒋᑦ ᑲᓇᑕᒥ ᒪᓕᒐᓕᐅᕐᕕᔾᔪᐊᒥ ᖃᓄᐃᑉᐸᓪᓕᐊᓃᑦ ᑖᒃᑯᐊ ᕿᒥᕐᕈᓇᑦᑐᑦ ᐱᖁᔭᒃᓴᖅ C-31- ᒥ ᐊᒻᒪᓗ ᑖᒃᑯᐊ ᐱᖁᔭᒃᓴᐃᑦ ᐃᓚᖃᖅᑐᑦ ᐋᖅᑭᒋᐊᖅᑕᐅᖁᓪᓗᒍ ᐅᑭᐅᖅᑕᖅᑐᒥ ᓄᓇᐃᑦ ᐱᖁᔭᕐᔪᐊᖓᑦ. ᐊᒻᒪᓗ ᒪᓕᒐᓕᐅᖅᑎᕐᔪᐊᕗᑦ ᑕᒪᑐᒪᓂ ᐱᓇᓱᐊᕈᓯᕐᒥ ᐅᖃᓚᐅᖅᖢᓂ ᐋᖅᑭᒋᐊᖅᑕᐅᓂᐊᕐᒪᒡᒎᖅ. ᐅᖃᖅᓯᒪᓪᓗᓂᓗ ᓄᓇᒥᐅᑕᐃᑦ ᖃᓄᖅ ᐊᐅᓚᑕᐅᖃᑦᑕᕐᓂᖏᑦ ᐊᑦᑕᓇᔾᔭᐃᖅᓯᒪᓂᕐᓗ ᐊᒻᒪᓗ ᒪᑯᐊ ᐱᔪᓐᓇᐅᑏᑦ ᐃᓯᑐᐃᓐᓇᕐᕕᒃᓴᐅᖃᑦᑕᕐᒪᑕ. ᑖᒃᑯᐊ ᐃᑭᐊᖅᑭᕖᑦ ᑕᑯᒋᐊᖅᖢᒋᑦ ᓄᓇᐃᓪᓗ ᑕᐃᒃᑯᐊ ᑕᑯᔪᒪᔭᑎᑦ ᓂᕈᐊᑦᖤᖅᐸᐃᑦ ᐊᑭᓖᓗᑎᓪᓗ. ᑭᒃᑯᓐᓄᑦ ᓇᒻᒥᓂᕆᔭᐅᒻᒪᖔᑦ ᑖᒃᑯᐊ ᑲᑉᐸᓃᐅᔪᑦ ᓇᓗᓇᖅᑐᖅ ᓇᑭᙶᕋᓗᐊᕐᒪᖔᖏᓪᓗ. ᑕᒪᓐᓇ ᐊᑲᐅᙱᓕᐅᕈᑕᐅᔪᖅ ᑲᓇᑕᒥ ᐊᑦᑕᓇᔾᔭᐃᖅᓯᒪᔨᓄᑦ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 14 ᓲᕐᓗ, ᓄᓇᕗᑦ ᒐᕙᒪᒃᑯᑦ ᐃᑲᔪᖅᓰᕚᑦ ᑖᓐᓇ ᐋᖅᑭᒋᐊᖅᑕᐅᔪᒪᑎᓪᓗᒍ ᐱᖁᔭᒃᓴᖅ C-31 ᐅᑭᐅᖅᑕᖅᑐᒥ ᓄᓇᐃᑦ ᐱᖁᔭᕐᔪᐊᖓ ᐱᓪᓗᒍ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓄᓇᕗᒧᑦ ᓯᕗᓕᖅᑎ, ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᑖᓐᓇ ᐱᖁᔭᒃᓴᖅ C-31 ᑖᒃᑯᐊ ᑲᓇᑕᓕᒫᒥ ᑕᑯᔭᐅᔪᒪᔪᓂᒃ ᐋᖅᑭᔅᓱᐃᕙᓪᓕᐊᒻᒪᑦ, ᑭᓲᒻᒪᖔᖅ ᑖᓐᓇ ᐃᓗᓕᓪᓗᐊᑕᖓ ᓱᓕ ᓇᓗᓇᐃᕆᐊᓕᒃ, ᑖᓐᓇ ᐱᖁᔭᕐᔪᐊᖅ ᐊᖏᔪᕐᔪᐊᕈᓘᒻᒪᑦ ᐃᓗᓕᖃᐅᑯᓘᔭᖅᖢᓂᓗ. ᓄᓇᕗᑦ ᒐᕙᒪᒃᑯᑦ ᐃᑲᔪᖅᑐᐃᔫᓚᔪᓐᓇᖏᑦᑐᖓ ᒫᓐᓇᐅᔪᖅ. ᑭᓯᐊᓂ ᐃᑲᔪᖅᑐᐃᔪᒍᑦ ᓴᐳᒻᒥᐅᓯᖅᑕᐅᓯᒪᔭᕆᐊᖃᕐᓂᖓᓂᒃ ᐅᑭᐅᖅᑕᖅᑐᖅ. ᓄᓇᕗᑦ ᐱᔪᒪᔭᖏᑦ ᐃᓱᒪᓕᐅᕈᑕᐅᑎᓪᓗᒋᑦ ᐃᓱᒪᒋᔭᐅᖃᓯᐅᔾᔭᐅᔭᕆᐊᓖᑦ. ᓇᓗᓇᐃᓪᓚᕆᓚᐅᖅᖢᒍ ᓲᕐᓗ ᑖᓐᓇ ᑕᑯᔭᐅᔪᒪᕐᔪᐊᕐᒪᑦ ᑲᓇᑕᒥᐅᓕᒫᓄᑦ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑎᒋᔭᐃᑦ, ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᒻᒪᓗ ᖁᔭᓐᓇᒦᖅᖢᒍ ᑖᓐᓇ ᓯᕗᓕᖅᑎ ᑭᐅᒻᒪᑦ. ᐅᓇ ᑭᖑᓪᓕᖅᐹᕆᓕᕐᓗᒍ ᐊᐱᖅᑯᑎᒋᓂᐊᖅᑕᕋ ᓄᓇᕗᑦ ᓄᓇᐃᑦ ᓄᓇᒥᐅᑕᐃᓪᓗ ᓇᒻᒥᓂᖅᑖᐸᓪᓕᐊᓂᕐᒧᑦ ᐊᖏᕈᑏᑦ ᐊᑎᓕᐅᖅᑕᐅᓚᐅᖅᓯᒪᔪᖅ ᑲᓇᑕᒧᑦ, ᓄᓇᕗᑦ ᑐᙵᕕᒃᑯᓐᓄᑦ ᐊᒻᒪᓗ ᒐᕙᒪᒃᑯᓐᓄᑦ 2024-ᒥ. ᓈᓴᐅᑎᓕᒃ 4.3 ᐱᖁᑎᑦ ᖃᐅᔨᓴᖅᑕᐅᓂᖏᓐᓄᑦ ᑖᒃᓯᓕᕆᓂᕐᒧᓪᓗ ᐱᖁᔭᕐᔪᐊᖅ. ᐅᖃᖅᓯᒪᒻᒪᑦ ᓲᕐᓗ ᑖᓐᓇ ᓄᓇᓕᒃ ᓄᓇᒧᑦ ᑖᒃᓰᔭᐅᑎᒥᒃ ᐊᑭᓕᖅᓱᐃᒐᔭᖅᑐᖅ ᐊᑐᖅᑐᐊᕈᑎᐅᙱᑦᑐᓂᒃ. ᑖᒃᑯᐊ ᓲᕐᓗ ᐅᔭᕋᕐᓂᐊᕐᕖᑦ ᐊᐅᓚᒃᐸᑕ ᐃᓄᐃᑦ ᓄᓇᖁᑎᖏᓐᓂᒃ. ᑕᒪᓐᓇᑦᑕᐅᖅ ᐃᓱᒫᓘᑎᒋᔭᐅᓯᒪᒻᒥᔪᖅ ᐊᓯᑦᑎᓐᓄᑦ. ᓄᓇᕗᑦ ᒐᕙᒪᒃᑯᑦ ᓄᓇᕗᑦ ᑐᙵᕕᒃᑯᓪᓗ ᐃᓱᒪᖃᑎᒌᙱᓐᓂᖏᓐᓂᖃᐃ ᖃᓄᐃᓕᕐᒪᖔᑦ ᓇᓗᓇᐃᖅᓯᔪᓐᓇᖅᐸ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓄᓇᕗᒧᑦ ᓯᕗᓕᖅᑎ, ᒥᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᐊᒻᒪᓗ ᖁᔭᓐᓇᒦᖅᖢᒍ ᑖᓐᓇ ᐊᐱᖅᑯᑎᒋᒻᒪᒍ. ᓄᓇᕗᑦ ᒐᕙᒪᒃᑯᑦ ᐊᒻᒪᓗ ᓄᓇᕗᑦ ᑐᙵᕕᒃᑯᑦ ᐅᖃᓪᓚᖃᑎᒌᖃᑦᑕᖅᓯᒪᔪᑦ ᐃᓱᒫᓘᑎᒋᔭᕐᒥᓂᒃ ᐱᔾᔪᑎᒋᓪᓗᒋᑦ ᑕᐃᒃᑯᐊ ᓄᓇᐃᑦ ᖃᐅᔨᓴᖅᑕᐅᓂᖏᓐᓄᑦ ᑖᒃᓰᔭᐅᑏᑦ. ᓄᓇᕗᑦ ᒐᕙᒪᒃᑯᑦ ᑕᒪᒃᑯᓄᖓ ᑲᑐᔾᔨᖃᑎᒌᓐᓂᕐᒥᒃ ᑐᙵᕕᖃᖅᖢᑎᒃ ᐅᖃᓪᓚᖃᑎᒌᑦᑐᑦ. ᐃᓱᒻᒥᐅᑎᒃᓴᓂᒃ ᐱᑕᖃᐅᖅᐸᑕ ᖃᓄᖅᑑᕈᑎᒋᔭᐅᔪᓐᓇᖅᐸᑕᓗ ᑕᒪᒃᑯᐊ ᐃᓱᒫᓘᑎᒋᔭᐅᔪᑦ ᐃᑲᔪᖅᓱᖅᑐᒍᑦ. ᐊᒻᒪᓗ ᑕᐃᒃᑯᐊ ᒪᓕᒐᖅᑎᒍᑦ ᒫᓐᓇ ᐋᖅᑭᒋᐊᕈᑎᒃᓴᐃᑦ ᑖᒃᑯᐊ ᐃᖅᑲᖅᑐᐃᕕᒃᑎᒎᕈᑕᐅᓯᒪᓕᖅᑐᑦ. ᐊᒻᒪ ᓴᙱᓂᕐᓂᒃ ᑎᒍᓯᕙᓪᓕᐊᓂᖅ. ᐊᒻᒪ ᓄᓇᕗᑦ ᒐᕙᒪᒃᑯᑦ ᑕᒪᑐᒥᖓ ᑖᒃᓰᔭᐅᑎᑦ ᐱᖁᔭᕐᔪᐊᑦ ᐋᖅᑭᒋᐊᖅᑕᐅᓂᖏᓐᓂᒃ ᐃᑲᔪᖅᓱᐃᔪᑦ ᐊᒻᒪᓗ ᐊᖏᖅᓯᒪᑦᑎᐊᖅᖢᑕ ᑕᒪᑐᒧᖓ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 15 ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᖁᕐᓗᖅᑑᒧᑦ ᒪᓕᒐᓕᐅᖅᑎ, ᖁᓕᒃᑖᓇ. ᐊᐱᖅᑯᑦ 87 - 7(2): ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ (ᖁᓕᒃᑖᓇ) ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᑯᐊ ᐊᐱᖅᑯᑎᒋᓂᐊᖅᑕᒃᑲ ᐅᖃᐅᓯᓕᕆᓂᕐᒥᒃ ᐱᔾᔪᑎᒋᓪᓗᒋᑦ ᐊᒻᒪᓗ ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ ᑲᑎᒪᔨᖏᑦ. ᐅᖃᖅᑏ, ᑖᓐᓇ ᒥᓂᔅᑕ ᖃᐅᔨᒪᔪᖅ, ᐃᓄᐃᑦ ᐅᖃᐅᓯᖏᑦᑕ ᓴᐳᒻᒥᐅᓯᖅᑕᐅᓯᒪᓂᖏᓐᓄᑦ ᐱᖁᔭᕐᔪᐊᖅ ᐊᖅᑯᑎᒋᓪᓗᒍ ᓴᖅᑭᑕᐅᓚᐅᖅᓯᒪᖕᒪᑕ ᑖᒃᑯᐊ ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ, ᒐᕙᒪᒃᑯᓐᓄᑦ ᐊᒃᑐᐃᓂᖃᙱᖦᖢᑎᒃ. ᐅᖃᖅᑏ, ᔪᓚᐃ 30, 2025−ᖑᑎᓪᓗᒍ ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ ᓂᕈᐊᒐᒃᓴᙳᖅᑎᑦᑎᓂᕐᒥᒃ ᓴᖅᑮᓚᐅᖅᓯᒪᖕᒪᑕ ᐃᓕᔪᒃᓴᓂᒃ ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ ᑲᑎᒪᔨᓂᑦ. ᐅᖃᖅᓯᒪᓪᓗᑎᒡᓗ ᐱᖓᓱᓂᒎᖅ ᕿᓂᖅᑐᑦ, ᕿᑭᖅᑖᓘᑉ ᐅᐊᖕᓇᖓᑎᑐᑦ ᐅᖃᓪᓚᒃᑐᖅ, ᓴᓂᑭᓗᐊᕐᒥᐅᑎᑐᑦ ᐅᖃᓪᓚᒃᑐᖅ ᐊᒻᒪᓗ ᐃᓄᐃᓐᓇᖅᑐᑦ ᐅᖃᓪᓚᒃᑐᒥᒃ. ᐅᖃᖅᑏ, ᐅᔾᔨᕆᓚᐅᖅᖢᖓ ᔮᓄᐊᕆ 22, 2026−ᖑᑎᓪᓗᒍ ᐊᓯᐊᓂᒃ ᓂᕈᐊᒐᒃᓴᙳᖅᑎᑦᑎᓂᕐᒧᑦ ᑕᖅᑲᐅᙵᐃᓚᐅᕐᒥᔪᑦ ᐃᓐᓄᒃᑕᐅᔪᒪᓪᓗᑎᒃ ᑲᑎᒪᔩᑦ. ᒥᓂᔅᑕᖃᐃ ᐅᓪᓗᒥ ᓇᓗᓇᐃᖅᓯᔪᓐᓇᖅᐸ ᐃᓐᓄᒃᑕᐅᓯᒪᓕᕐᒪᖔᑦ ᑕᐃᓐᓇ ᐃᓄᐃᓐᓇᖅᑐᑦ ᐅᖃᕈᓐᓇᖅᑐᖅ ᐊᒻᒪᓘᓐᓃᑦ ᑖᓐᓇ ᐃᓐᓄᒃᑕᐅᓯᒪᙱᒻᒪᖔᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᑲᒪᒋᔭᖃᖅᑐᖅ ᐅᖃᐅᓯᓕᕆᓂᕐᒧᑦ, ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ: ᖁᔭᓐᓇᒦᒃ, ᐅᖃᖅᑎᑦᑎᔨ. ᖁᔭᓐᓇᒦᒃ ᒪᓕᒐᓕᐅᖅᑎ ᐊᐱᕆᕋᑖᕋᕕᑦ. (ᑐᓵᔨᑎᒎᓕᖅᑐᖅ) ᐄᐳᕈ 2−ᒥᓂᑦ 7 ᑎᒃᑯᐊᖅᑕᐅᓚᐅᖅᑐᑦ ᑖᒃᑯᓄᖓ ᑲᑎᒪᔨᓄᑦ. ᑕᐃᒪᐃᒃᑲᓗᐊᖅᑎᓪᓗᒍ ᓇᓗᔪᖓ ᐃᓄᐃᓐᓇᖅᑐᑦ ᐅᖃᓪᓚᒃᑐᒥᒃ ᐃᓕᓯᖃᓯᐅᔾᔨᓚᐅᕐᒪᖔᑦ. ᐅᑎᕐᕕᒋᒃᑲᓐᓂᓛᖅᐸᕋ ᑖᔅᓱᒧᖓ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᓯᕗᓪᓕᖅᐹᒥ ᐃᓚᒋᐊᕈᑏᑦ ᐊᐱᕆᒍᒃ, ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᓂᕆᐅᒃᐳᖓ ᑭᐅᔭᐅᓛᕐᓂᐊᕐᓂᓐᓂᒃ. ᐅᖃᖅᑏ, ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ ᐃᓄᐃᑦ ᐅᖃᐅᓯᖏᓐᓂᒃ ᖃᐅᔨᓴᖅᑎᐅᖃᑦᑕᖅᑐᑦ ᑮᓇᐅᔾᔭᒃᑲᓐᓂᕈᓐᓇᕐᓂᐊᕐᒪᑕ ᐃᓄᒃᑎᑑᕈᓐᓇᖅᑐᑦ. ᑕᐃᒪᐃᔾᔪᑎᖃᖅᖢᑎᒡᓗ ᐃᓄᒃᑎᑐᑦ ᐅᖃᓪᓚᖃᑦᑕᕐᓂᐊᕐᒪᑕ ᓄᓇᕗᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑐᑦ. ᖃᔅᓯᑦ ᐃᖅᑲᓇᐃᔭᖅᑏᑦ ᒫᓐᓇ ᖃᐅᔨᓴᖅᑕᐅᓯᒪᕙᑦ ᕿᑎᕐᒥᐅᓂ ᐃᓚᓕᐅᓪᓗᒍ ᖁᕐᓗᖅᑐᖅ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᑲᒪᒋᔭᖃᖅᑐᖅ ᐅᖃᐅᓯᓕᕆᓂᕐᒧᑦ, ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ: ᖁᔭᓐᓇᒦᒃ, ᐅᖃᖅᑎᑦᑎᔩ. ᖁᔭᓐᓇᒦᒃ ᒪᓕᒐᓕᐅᖅᑎ. ᐄ’, ᑖᓐᓇ ᓯᕗᓪᓕᖅᐹᖅ ᐃᓚᒋᐊᒃᑲᓐᓂᕐᓗᒍ ᐋᖅᑭᒋᐊᕐᓗᒍ ᑕᐃᓐᓇ ᐊᐱᖅᑯᑎᐅᖅᑲᐅᔪᖅ. ᐄ’, ᒫᓐᓇ ᖁᕐᓗᖅᑐᕐᒥᐅᑕᖅ ᑲᑎᒪᔨᙳᖅᑎᑕᐅᓚᐅᖅᑐᖅ ᐊᐃᑕ ᐊᔭᓕᒃ ᒪᒃᐅᐃᓕᐊᒻ ᖁᕐᓗᖅᑑᕐᒥᐅᑕᖅ ᑕᐃᑯᐊ ᑎᒃᑯᐊᖅᑕᐅᓯᒪᓪᓗᓂ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 16 (ᑐᓵᔨᑎᒎᓕᖅᑐᖅ) ᖃᔅᓯᑦ ᐃᖅᑲᓇᐃᔭᖅᑏᑦ ᒫᓐᓇ ᖃᐅᔨᓴᖅᑕᐅᓯᒪᖕᒪᖔᑦ ᐃᓄᒃᑎᑑᕈᓐᓇᑦᑎᐊᕐᓂᖏᑦ ᐅᖃᒻᒥᑕᒍᓐᓇᕐᓂᖏᓪᓗ. ᐄ’, ᑖᓐᓇ ᑖᒃᑯᐊ ᓈᓴᐅᑏᑦ ᑎᑎᕋᖅᓯᒪᔫᒐᓗᐊᑦ ᖃᐅᔨᒪᓪᓗᒋᑦ ᐅᑎᕐᕕᒋᔭᕆᐊᖃᕐᓂᐊᖅᑕᕋ ᓇᓂᒍᒃᑯ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐃᓚᒋᐊᕈᑏᑦ, ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐱᕕᖃᕐᓂᓐᓂ ᓄᓇᕗᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ ᐊᑏ ᐃᓄᐃᓐᓇᖅᑎᑐᑦ ᐅᖃᓪᓚᖃᑦᑕᖁᓪᓗᒍ ᑮᓇᐅᔾᔭᒃᑲᓐᓂᕈᓐᓇᕐᓂᐊᕐᒪᑕ. ᑕᐃᒃᑯᐊ ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ ᖁᕐᓗᖅᑐᓕᐊᓛᖅᐸᑦ ᖃᐅᔨᓴᐃᔪᓐᓇᖁᓪᓗᒋᑦ ᐃᓄᐃᑦ ᖃᓄᑎᒋᒃ ᐃᓄᐃᓐᓇᖅᑑᕈᓐᓇᕐᒪᖔᖏᑦ ᖃᐅᔨᓴᖅᑕᐅᓗᑎᒃ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ: ᖁᔭᓐᓇᒦᒃ, ᐅᖃᖅᑎᑦᑎᔩ. ᖁᔭᓐᓇᒦᒃ, ᒪᓕᒐᓕᐅᖅᑎ ᐊᐱᖅᑯᑎᖕᓄᑦ. (ᑐᓵᔨᑎᒎᓕᖅᑐᖅ) ᑖᓐᓇ ᐊᐱᖅᑯᑎᐅᖅᑲᐅᔪᖅ ᖃᔅᓯᑦ ᐃᓄᒃᑑᕈᓐᓇᕐᒪᖔᑦ, 137−ᖑᖕᒪᑕ ᖃᐅᔨᓴᖅᑕᐅᔪᒪᔪᑦ ᐊᕕᒃᑐᖅᓯᒪᔪᑎᒎᙱᒻᒪᑕ, ᓄᓇᕗᓕᒫᒥ ᑕᑯᓐᓇᖔᕐᒪᑦ. ᐊᒻᒪ ᑖᓐᓇ ᑭᖑᓪᓕᖅᐹᖅ ᐊᐱᖅᑯᑎᒋᖅᑲᐅᔭᐃᑦ, ᐃᑭᐊᖅᑭᕕᒃᑯᑦ ᑖᒃᑯᐊ ᑲᒪᒋᔭᐅᔪᐃᓐᓇᐅᖃᑦᑕᖅᑐᑦ. ᖁᕐᓗᖅᑐᓕᐊᕐᓂᕐᒥᒃ ᐃᓱᒪᓕᐅᖅᓯᒪᙱᑦᑐᒍᑦ ᓱᓕ, ᑲᑎᒪᔨᕋᓛᑦ ᑖᒃᑯᐊ ᐃᓱᒪᖅᓱᕐᒪᑕ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᐊᑎᖁᑎᒃᑲ ᒪᓕᒡᓗᒋᑦ, ᐊᕐᕕᐊᑦ ᓂᒋᐊᓄᑦ, ᒪᓕᒐᓕᐅᖅᑎ ᖃᑉᓗᑦᓯᐊᖅ. ᐊᐱᖅᑯᑦ 88 - 7(2): ᐱᓕᕆᐋᖏᓄᑦ ᓄᓇᕘᑉ ᐃᒡᓗᓕᕆᔨᕐᔪᐋᖏᑕ (ᖃᑉᓗᑦᓯᐊᖅ) ᖃᑉᓗᑦᓯᐊᖅ: ᒪ’ᓇ, ᐅᖃᖅᑎᑦᓯᔨ. ᐊᐱᖅᑯᑎᒃᑲ ᑐᕌᖓᓂᐊᖅᑐᑦ ᒥᓂᔅᑕ ᐃᒡᓗᓕᕆᔨᕐᔪᐊᒃᑯᓐᓄᑦ. (ᑐᓵᔨᑎᒍᑦ) ᐊᒻᒪᓗ ᖁᔭᓐᓇᒦᖅᖢᒍ ᑖᓐᓇ ᒥᓂᔅᑕᕆᔭᐅᔪᖅ ᖃᐃᑦᑎᓚᐅᕐᒪᑦ ᐃᓗᓕᖃᐅᑯᓘᔭᖅᑐᓂᒃ ᑐᓴᒐᒃᓴᓂᒃ ᖃᓄᖅ ᑖᒃᑯᐊ ᐃᒡᓗᓕᕆᔨᕐᔪᐊᒃᑯᑦ ᐸᕐᓇᐅᓯᐅᖅᓯᒪᖕᒪᖔᖏᑦ. ᓄᑖᓂᒃ ᐃᒡᓗᓕᐅᖅᐸᓪᓕᐊᓂᐊᖅᑎᓪᓗᒋᑦ ᑭᒃᑯᑐᐃᓐᓇᕐᓄᕐᑦ ᐊᑐᖅᑕᐅᔪᓐᓇᖅᑐᓂᒃ ᐃᖅᑲᓇᐃᔭᖅᑎᓄᓪᓗ ᑐᕌᖓᔪᓂᒃ. ᐅᖃᖅᑏ, ᑖᒃᑯᐊ ᐃᒡᓗᓕᕆᔨᕐᔪᐊᒃᑯᑦ ᓴᓇᔪᒫᕐᓂᐊᖅᓯᒪᔪᑦ ᐱᖓᓲᔪᖅᑐᓂᒃ ᓄᑖᓂᒃ ᐃᒡᓗᓂᒃ ᐊᒻᒪᓗ 6−ᒃᑲᓐᓂᕐᓂᒃ ᓄᑖᓂᒃ ᐃᖅᑲᓇᐃᔭᖅᑏᑦ ᐊᑐᕐᓂᐊᖅᑕᖏᓐᓂᒃ ᐊᕐᕕᐊᓂ. ᑕᐃᒪᐃᑦᑑᖕᒪᑦ ᑕᒪᓐᓇ ᐋᖅᑭᒋᐊᕈᑕᐅᓂᐊᖅᑐᖅ ᐃᖅᑲᓇᐃᔭᖅᑎᒃᓴᖅᓯᐅᖅᑎᓪᓗᑕ ᐃᓅᓕᓴᐃᔨᓂᒃ ᐃᓕᓴᐃᔨᓂᒡᓗ ᑕᒪᓐᓇ ᑕᒫᓂ ᐊᐱᖅᑯᑎᒋᖃᑦᑕᖅᓯᒪᒐᒃᑯ. ᖃᓄᖅ ᐅᑯᐊ ᐃᒡᓗᒃᓴᑦ ᐅᓄᖅᑎᒋᔪᑦ ᓇᓗᓇᐃᖅᑕᐅᓚᐅᖅᐸᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᒡᓗᓕᕆᔨᕐᔪᐊᒃᑯᓐᓄᑦ, ᒥᓂᔅᑕ ᓚᐃᔪᓪ. ᐊᖓᔪᖅᑳᖅ ᓯᓯᐅᓪ ᓚᐃᔪᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᐊᒻᒪᓗ ᖁᔭᓐᓇᒦᒃ ᑖᓐᓇ ᐊᐱᖅᑯᑎᒋᖕᒪᒍ. ᐄ’, ᖃᐅᔨᒪᓪᓗᑕ ᐊᕐᕕᐊᓂ ᐃᒡᓗᓂᒃ ᓴᓂᕐᕙᐃᓯᒪᓚᐅᖅᑐᒍᑦ ᓄᖅᑲᖅᑎᑕᐅᓚᐅᖅᓯᒪᓪᓗᓂᓗ ᑖᓐᓇ ᒪᑯᐊ ᓴᓇᔾᔪᑏᑦ ᐱᔪᓐᓇᐅᑏᑦ ᐱᓪᓗᒋᑦ. ᑕᐃᒪ ᐊᙳᑎᓇᓱᒡᒐᖅᑐᒍᑦ ᖃᔅᓯᓂᒃ ᐃᒡᓗᓕᐅᕐᕕᐅᓂᐊᕐᒪᖔᑦ ᐊᕐᕕᐊᑦ. ᒫᓐᓇ ᐊᕐᕕᐊᑦ ᑕᒪᒃᑯᐊ ᐱᕙᓪᓕᐊᔾᔪᒥᓰᑦ ᓱᓕ ᐃᓱᓕᑉᐸᓪᓕᐊᓇᓱᒃᑕᕗᑦ. ᐃᒃᑯᐊ ᓴᓇᕙᓪᓕᐊᓂᐊᕐᓂᕐᒧᑦ ᐱᔪᓐᓇᐅᑏᑦ ᐱᓪᓗᒋᑦ 12−ᖑᖕᒪᑕ ᑕᐃᒃᑯᐊ. 6 ᑭᒃᑯᑐᐃᓐᓇᕐᓄᑦ ᐊᑐᖅᑕᐅᔪᒃᓴᑦ 6−ᓗ ᐃᖅᑲᓇᐃᔭᖅᑎᓄᑦ ᓴᓂᕐᕙᒃᑕᐅᓯᒪᔪᑦ. ᖁᔭᓐᓇᒦᒃ ᐅᖃᖅᑏ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 17 ᐅᖃᖅᑎ: ᓯᕗᓪᓕᖅᐹᖅ ᐃᓚᒋᐊᕈᑏᑦ ᐊᐱᕆᒍᒃ, ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕ ᖃᐅᔨᒪᔪᖅ ᑖᒃᑯᐊ ᓴᒃᑯᒃᑯᑦ ᐃᒡᓗᓕᐅᖅᑎᖏᑦ ᐃᓄᖕᓄᑦ ᓇᖕᒥᓂᕆᔭᐅᓪᓗᑎᒃ ᑲᒻᐸᓂᐅᔪᑦ ᓄᑖᒥᒡᓗ ᐃᒡᓗᓕᐅᕐᕕᖕᒥᒃ ᓴᓇᕙᓪᓕᐊᓕᖅᖢᑎᒃ ᑲᑎᖅᓱᒐᕐᓂᒃ. ᑖᓐᓇ ᒪᑐᐃᖅᐸᑦ ᖁᕕᐊᓲᑎᒋᔭᐅᓂᐊᖅᑐᖅ ᐋᒡᒋᓯᒥ ᑕᒪᑐᒪᓂ 2026−ᒥ ᐊᒻᒪ ᓂᕆᐅᒃᐳᖓ ᐅᐸᖃᑕᐅᓛᕐᓂᓐᓂᑦ. ᑖᓐᓇᖃᐃ ᒥᓂᔅᑕᕆᔭᐅᔪᖅ ᓄᓇᑦᑎᓐᓅᙵᐅᓂᐊᖅᐸ ᑕᐃᓐᓇ ᒪᑐᐃᖅᑕᐅᕙᓪᓕᐊᓕᖅᑎᓪᓗᒍ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᓚᐃᔪᓪ. ᐊᖓᔪᖅᑳᖅ ᓯᓯᐅᓪ ᓚᐃᔪᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᐊᒻᒪᓗ ᖁᔭᓐᓇᒦᖅᖢᒍ ᑖᓐᓇ ᒪᓕᒐᓕᐅᖅᑎ. ᐄ’, ᖁᕕᐊᓛᓗᒃ. ᑕᐃᓐᓇ ᐋᖅᑭᒃᓱᒐᒃᓴᕈᓗᐃᑦ ᐃᒡᓗᑦ ᐃᒡᓗᓕᐅᕐᕕᒃ ᒪᑐᐃᖅᐸᓪᓕᐊᓕᖅᑎᓪᓗᒍ ᐄ’, ᐅᐸᓛᕈᒪᔪᖓ ᑕᐃᓐᓇ ᒪᑐᐃᖅᑕᐅᓕᖅᐸᑦ. ᑕᒪᒃᑯᐊ ᓯᓚᓗ ᑕᒪᒃᑯᐊ ᐱᔾᔪᑕᐅᙱᑐᐊᖅᐸᑕ ᐃᓚᐅᔪᒪᑦᑎᐊᖅᑐᖓ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑎᒋᔭᐃᑦ, ᒪᓕᒐᓕᐅᖅᑎ ᖃᑉᓗᑦᓯᐊᖅ. ᖃᑉᓗᑦᓯᐊᖅ: ᒪ’ᓇ ᐅᖃᖅᑎᑦᓯᔩ. (ᑐᓵᔨᑎᒍᑦ) ᒥᓂᔅᑕ ᐅᖃᖃᑎᖃᖅᓯᒪᖕᒪᑦ ᐅᓄᖅᑐᐃᖅᓱᖅᖢᓂ ᖃᓄᖅ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑖᒃᑯᐊ ᓅᑉᐸᓪᓕᐊᖕᒪᑕ ᐊᑐᖃᑦᑕᕐᓗᑎᒃ ᓇᑉᐸᖅᑎᑐᐃᓐᓇᕆᐊᓕᖕᓂᒃ ᐃᒡᓗᒃᓴᓂᒃ ᓄᑖᓂᒃ ᐃᒡᓗᓕᐅᖅᑎᓪᓗᒋᑦ. ᒥᓂᔅᑕ ᓇᓗᓇᐃᖅᓯᔪᓐᓇᖅᐸ ᐅᖃᖃᑎᖃᖅᓯᒪᖕᒪᖔᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᓴᒃᑯᒃᑯᑦ ᐃᒡᓗᓕᐅᖅᑎᓂᒃ ᐊᒻᒪᓗᑦᑕᐅᖅ ᓇᓗᓇᐃᖅᓯᔪᓐᓇᖅᐸ ᑲᒻᐸᓂᐅᔪᖅ ᑕᐃᒃᑯᐊ ᖃᖓ ᑐᓂᓯᔪᓐᓇᕐᓂᐊᕐᒪᖔᑕ ᑳᓐᑐᕌᒃᓂᒃ ᐱᓇᓱᒍᑎᓄᑦ ᐃᒡᓗᓂᒃ ᓴᓇᔪᓐᓇᖁᓪᓗᒋᑦ ᓇᑉᐸᖅᑎᑐᐃᓐᓇᕆᐊᓕᖕᓂᒃ ᓄᓇᕗᑦ ᓄᓇᓕᖏᓐᓂ ᐊᑐᖅᑕᐅᓂᐊᖅᑐᓂᒃ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᒡᓗᓕᕆᔨᕐᔪᐊᒃᑯᓐᓄᑦ, ᒥᓂᔅᑕ ᓚᐃᔪᓪ. ᐊᖓᔪᖅᑳᖅ ᓯᓯᐅᓪ ᓚᐃᔪᓪ (ᑐᓵᔨᑎᒍᑦ): ᖁᔭᓐᓇᒦᒃ ᐅᖃᖅᑏ. ᖁᔭᓐᓇᒦᖅᐸᕋᓗ ᑲᑎᒪᔨ ᐊᐱᕆᖕᒪᑦ. ᑖᓐᓇ ᓯᕗᓪᓕᖅᐹᒥ ᓇᑉᐸᖅᑎᑐᐃᓐᓇᕆᐊᓕᒃ ᐃᒡᓗᐃᑦ ᓄᓇᕗᒻᒥ ᓂᐅᕕᖅᑕᐅᓚᐅᖅᑐᖅ ᐃᒡᓗᓕᕆᔨᕐᔪᐊᒃᑯᑎᒍᑦ ᓂᐅᕕᕐᓂᖏᑎᒍᑦ. ᑕᐃᒃᑯᓇᙵᑦ ᓴᒃᑯ ᓴᓇᔨᒃᑯᓐᓂᑦ ᑖᒃᑯᐊ ᑲᔪᓯᓯᒪᓕᖅᑐᖅ ᐱᓕᕆᖃᑎᒌᒃᑐᑦ ᒫᓐᓇᓗ ᐱᒻᒪᕆᐅᓪᓗᑎᒃ ᑕᒪᒃᑯᐊ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ. ᑕᐃᒃᑯᐊ ᓴᓇᔭᐅᓂᐊᖅᑐᑦ ᓄᓇᕗᑦ ᐃᓗᐊᓂ. ᐅᖃᖃᑎᒌᒍᑕᐅᓯᒪᔪᖅ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᒻᒪᓗᑦᑕᐅᖅ ᓴᒃᑯᒃᑯᑦ ᐃᒡᓗᓕᐅᖅᑎᖏᑎᒍᑦ. ᑕᐃᒪ ᑖᒃᑯᐊ ᐅᖃᖃᑎᒌᖕᓂᖅ ᑲᔪᓯᖕᒪᑦ ᑕᐱᕇᒡᓗᑎᒃ ᐱᓕᕆᓂᕆᔭᖓ ᑖᓐᓇ ᐊᓐᓂᕆᓪᓗᑎᒍᑦ. ᓯᕗᒧᐊᑦᑎᐊᖁᓪᓗᒋᑦ ᑕᒪᑐᒥᖓ ᐱᓕᕆᐊᖃᖅᑎᓪᓗᒋᑦ ᐊᕐᕕᐊᓂ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᒥ ᐃᓚᒋᐊᕈᑏᑦ ᒪᓕᒐᓕᐅᖅᑎ ᖃᑉᓗᑦᓯᐊᖅ. ᐅᖃᐅᓯᒃᑯᑦ ᐊᐱᖅᑯᑏᑦ. ᐸᓐᓂᖅᑑᕐᒧᑦ ᒪᓕᒐᓕᐅᖅᑎ ᒪᐃᒃ. ᐊᐱᖅᑯᑦ 89 - 7(2): ᓄᓇᕗᑦ ᐸᕐᓇᐃᔨᒃᑯᑦ ᑲᒥᓴᙵᓄᑦ (ᒪᐃᒃ)

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 18 ᒪᐃᒃ: ᖁᔭᓐᓇᒦᒃ, ᐅᖃᖅᑏ. ᑕᑯᓕᓵᖅᑐᖓᓕᐊᓯᑦ ᐊᕙᑎᓕᕆᔨᒃᑯᑦ ᒥᓂᔅᑕᓄᑦ, ᖁᔭᓐᓇᒦᕐᓗᒍᖃᐃ ᑎᑎᖅᑲᑎᒍᑦ ᑭᐅᓯᒪᓂᖓ ᑖᓐᓇ ᐃᑉᐸᔅᓴᖅ ᓴᖅᑭᓚᐅᖅᑕᖓ ᒪᓕᑦᑐᕐᓂᐊᕋᒃᑯ ᐅᖃᐅᓯᕆᓯᒪᔭᖏᑦ. ᑖᓐᓇ ᐱᔾᔪᑎᒋᔭᕋ NPC−ᒃᑯᑦ ᓄᓇᕗᑦ ᓄᓇᖓᑕ ᐊᑐᖅᑕᐅᓂᒃᓴᖓᑕ ᐸᕐᓇᑕᐅᓂᖓᓅᖓᔪᖅ. ᑕᕝᕙᓂ ᐃᖅᑯᓕᖅᓯᒪᕙᓪᓚᐃᔪᖓ ᓅᕕᐱᕆ 2022−ᖑᑎᓪᓗᒍ ᑖᒃᑯᐊ ᐆᒪᔪᕐᓂᐊᖅᑎᒃᑯᑦ ᑎᒥᖁᑎᖏᑦ ᑕᕝᕙᓂ ᐅᐸᒍᑎᓯᒪᒋᐊᖃᓚᐅᖅᓯᒪᒻᒪᑕ ᐆᒪᔪᕐᓂᐊᖅᑎᒃᑯᓐᓂᒃ ᐸᓐᓂᖅᑑᕐᒥ ᑭᒡᒐᖅᑐᓚᐅᖅᓯᒪᒐᒪ ᑕᐃᔅᓱᒪᓂ ᕼᐋᒪᓚᒃᑯᓐᓂᙶᖓᔪᓪᓗ ᐊᒻᒪᓗ ᑖᒃᑯᐊ ᓄᓇᓕᓐᓂ ᐅᓄᖅᑐᑲᓪᓚᐅᓚᐅᖅᑐᑎᒃ ᐱᓯᒪᔪᐃᑦ ᐊᒻᒪ ᑕᐅᓇᙵᑦ ᓄᓇᕕᒻᒥ ᐱᓯᒪᔪᐃᑦ. ᑭᖑᓪᓕᖅᐹᖓᓂ NPC−ᒃᑯᑦ ᑐᓴᕋᓱᐊᓕᖅᑎᓪᓗᒋᑦ ᑖᔅᓱᒧᖓ ᐊᑐᓕᖁᔭᐅᔪᒧᑦ. ᑕᐃᔅᓱᒪᓂ ᓄᓇᕗᑦ ᒐᕙᒪᒃᑯᑦ ᑭᒡᒐᑐᖅᑎᖏᑦ ᑕᐃᑲᓂ ᐅᓂᒃᑳᕆᐊᖃᔪᒻᒪᑕ ᐅᖃᖃᑎᒌᑦᑐᑎᒃ ᑖᒃᑯᓄᖓ ᑕᒪᐅᖓ ᑲᑎᒪᔭᖅᑐᖃᑕᐅᓯᒪᔪᓄᑦ ᐊᐱᖅᓱᒐᐅᓪᓗᑎᒃ. ᐊᐱᖅᓲᑎᖏᑦ ᐃᓚᖏᑦ ᑭᐅᔭᐅᑦᑎᐊᖃᑦᑕᔪᔪᑦ ᑭᓯᐊᓂᑦᑕᐅᖅ ᐃᓪᓘᑉ ᐅᕙᓂ ᐃᓗᐊᓂ ᑭᐅᔪᓐᓇᙱᓐᓇᒥᒃ ᐅᑎᕐᕕᒋᓛᖅᑲᒋᑦ ᑕᐃᒃᑯᐊᑦᑕᐅᖅ ᑕᐃᒪᐃᓕᐅᔪᒻᒥᔪᐃᑦ ᐊᐱᖅᑯᓰᑦ ᖃᑦᑎᑲᓪᓚᐃᒃᑭᐊᖅ ᑕᐃᒪᐃᑕᐅᔪᔪᑦ. ᑎᑎᖅᑲᑎᒍᒡᒎᖅ ᓴᖅᑭᓛᕐᖓᑕ. ᓂᕆᐅᖏᓐᓇᖅᑎᓪᓗᖓᓕ ᐆᒪᔪᕐᓂᐊᖅᑎᒃᑯᑦ ᑲᑎᒪᔨᖏᓐᓃᒍᓐᓃᔪᔪᖓ ᖃᐅᔨᒪᓪᓗᖓᓗ ᑭᐅᔭᐅᓚᐅᖅᓯᒪᕙᓪᓚᐃᙱᑦᑐᐃᑦ. ᒥᓂᔅᑕᖃᐃ ᖃᐅᔨᒪᕙ ᑕᐃᒃᑯᐊ ᓄᓇᕗᑦ ᒐᕙᒪᒃᑯᓐᓄᑦ ᑎᑎᖅᑲᑎᒍᑦ ᑭᐅᔾᔪᑕᐅᓂᐊᔪᔪᑦ ᐊᑐᐃᓐᓇᐅᖕᒪᖔᑕ ᑖᔅᓱᒥᖓ ᐊᐱᕆᔭᕋ ᐊᕙᑎᓕᕆᔨᒃᑯᓐᓄᑦ ᒥᓂᔅᑕ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᐊᕙᑎᓕᕆᔨᒃᑯᓐᓄᑦ ᒥᓂᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄ: ᖁᔭᓐᓇᒦᒃ, ᐅᖃᖅᑎᑦᑎᔩ. ᖁᔭᓐᓇᒦᒃ ᒪᓕᒐᓕᐅᖅᑎ ᐊᐱᖅᑯᑎᖕᓄᑦ. ᑖᓐᓇ ᑖᒃᑯᓄᖓ ᐅᖃᐅᓯᐅᓯᒪᔪᓂᒃ NPC−ᒃᑯᓐᓄᑦ ᐅᖃᓪᓚᖕᓂᖏᓐᓄᑦ ᐱᑕᖃᕐᓂᕈᓂ ᑐᓴᐅᒪᙱᑦᑐᒍᑦ ᒫᓐᓇᐅᔪᖅ ᒐᕙᒪᒃᑯᑦ ᓄᓇᕗᑦ ᒐᕙᒪᒃᑯᓐᓂᙶᖅᑐᓄᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᓯᕗᓪᓕᖅᐹᒥ ᐃᓚᒋᐊᕈᑏᑦ ᐊᐱᕆᒍᒃ, ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᒃ, ᒥᓂᔅᑕ. ᑕᐃᒪ ᑲᑎᒪᑎᓪᓗᑕ ᑭᖑᓪᓕᐹᑐᓕᕐᖓᑦ ᑐᓴᕋᓱᐊᕐᓂᖏᑦ ᓄᓇᕗᑦ ᐸᕐᓇᐃᔨᒃᑯᑦ ᑖᔅᓱᒧᖓ ᐱᒻᒪᕆᐊᓗᓪᓚᕆᐊᓗᒻᒧᑦ ᓄᓇᕗᑦ ᓄᓇᖓᑕ ᐊᑐᖅᑕᐅᓂᕆᒐᔭᖅᑕᖓᓄᑦ ᐸᕐᓇᑕᐅᓯᒪᓂᖓᓄᑦ. ᑖᒃᑯᐊ ᐅᕙᒍᑦ ᑎᑎᕋᖅᓯᒪᔪᒍᑦ ᐃᓚᐅᓪᓗᑕ ᐱᒻᒪᕆᖃᕐᓂᐅᓴᑐᐃᓐᓇᕋᑦᑕ ᐃᓅᓪᓗᑕ. ᐃᓅᓯᑦᑎᓐᓄᑦ, ᐃᓕᖅᑯᓯᑦᑎᓐᓄᑦ ᖃᓄᕐᓗ ᒪᑭᒪᓇᓱᐊᑦᑎᐊᖃᑦᑕᕐᒪᖔᑕ ᑕᒫᓂ ᖃᐅᔨᒪᑦᑎᐊᕋᑦᑕ ᓯᓚᒥᓘᓐᓃᑦ ᐅᕝᕙᓘᓐᓃᑦ ᑮᓇᐅᔭᓕᐅᕋᓱᓐᓂᕐᒥ ᐊᒻᒪᓗ ᑕᒪᒃᑯᐊ ᐃᓱᒫᓘᑎᒋᓪᓗᑎᒍᑦ ᑖᓐᓇ ᐊᑐᓕᖅᑎᑕᐅᒐᔭᕐᓂᖓ ᐃᓱᒫᓗᒋᔭᐅᑦᑎᐊᔪᒻᒪᑦ ᑕᒪᒃᑯᓄᖓᓗ ᒪᓕᒐᕐᓄᑦ ᒪᓕᑦᑎᐊᕋᓗᐊᕐᒪᖔᑦ ᐅᕝᕙᓘᓐᓃᑦ ᐊᑐᐊᒐᕐᓄᑦ. ᑖᒃᑯᐊ ᑭᒡᒐᑐᖅᑕᕗᑦ ᐃᓄᐃᑦ ᐊᑲᐅᓈᖅᑐᒃᑯᑦ ᐱᔾᔪᔾᔭᐅᒋᐊᖃᕐᓂᖏᓐᓂᑦ. ᑕᕝᕘᓇ ᓄᓇᕗᑦ ᓄᓇᖓᑕ ᐊᑐᖅᑕᐅᓂᒃᓴᕆᒐᔭᖅᑕᖓᑕ ᐸᕐᓇᑦᑕᐅᓯᒪᓂᖓᒍᑦ. ᑖᒃᑯᐊ ᐃᓄᓐᓄᑦ ᐱᒻᒪᕆᒋᔭᐅᒻᒪᑕ ᑭᒃᑯᑐᐃᓐᓇᕐᓄᓪᓗ ᒐᕙᒪᒃᑯᑦᑕᐅᖅ ᑕᐃᒪᐃᓕᐅᕆᓪᓗᑎᒃ. ᑕᐃᒪᖃᐃ ᑖᓐᓇ ᒥᓂᔅᑕ ᑕᐃᒃᑯᓂᖓ ᑎᑎᖅᑲᓂᒃ ᐱᑕᖃᕐᓂᖅᑲᑦ ᑕᕝᕗᖓ ᐃᓪᓗᒧᑦ ᓴᖅᑮᒍᓐᓇᕋᔭᖅᑲ ᖃᖓᑐᐃᓐᓇᖅ? ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᒥᓂᔅᑕ ᑯᓄᒃ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 19 ᐊᖓᔪᖅᑳᖅ ᐳᕋᐃᔭᓐ ᑯᓄ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐄ’, ᑕᒪᓐᓇ ᑐᑭᓯᐅᒪᑦᑎᐊᖅᑐᒍᑦ ᐱᕕᒡᔪᐊᖑᓪᓚᕆᖕᓂᖓᓂᒃ ᓄᓇᕗᒻᒥᐅᓄᑦ. ᐊᒻᒪᓗ ᑐᓴᕈᒪᔭᐅᓪᓚᕆᒃᐸᕐᖢᓂ ᑭᓇᒃᑯᑐᐃᓐᓇᕐᓄᑦ ᑖᓐᓇ ᐱᒻᒪᕆᐅᖕᒪᑦ ᓄᓇᕗᒻᒧᑦ, ᖃᓄᖅ ᐅᓇ ᐊᐅᓚᑕᐅᓂᐊᕐᓂᖓ ᑭᓯᐊᓂ ᒫᓐᓇ ᑎᑎᖅᑲᓂᒃ ᓴᖅᑭᑎᑦᑎᔪᓐᓇᙱᓚᐅᑲᒃᖢᖓ. ᓯᕗᓂᒃᓴᑦᑎᓐᓂ ᖃᖓᑦᑎᐊᒃᑯᐸᓗᒃ ᐅᖃᓚᐅᕐᒪᖔᑦ ᐅᖃᕈᓐᓇᙱᖦᖢᖓ ᑭᓯᐊᓂ ᑐᓴᖅᑎᑦᑎᓛᖅᑐᒍᑦ ᖃᓄᖅ ᐋᖅᑭᒃᓯᒪᓂᐊᕐᒪᖔᑦ ᑕᒪᓐᓇ ᐱᓕᕆᓂᐅᔪᖅ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑎᒋᔭᐃᑦ, ᒪᓕᒐᓕᐅᖅᑎ ᒪᐃᒃ. ᒪᐃᒃ: ᐄ’, ᑕᐃᒪ ᖁᔭᓐᓇᒦᒃ, ᒥᓂᔅᑕ. ᐅᖃᖅᑏ, ᖁᔭᓐᓇᒦᑦᑕᐅᖅ. ᐃᓛᒃ ᑕᐃᒫᒃ ᒐᕙᒪᒃᑯᑦ ᐃᓄᖕᓂᒃ ᐅᖃᐅᔾᔨᑎᓪᓗᒋᑦ ᒪᑐᐃᖓᑦᑎᐊᖅᑐᒥᒃ ᑭᓇᓕᒫᒧᑦ, ᐅᖃᐅᔾᔭᐅᔪᒐᑦᑕ ᑎᑎᖅᑲᑎᒍᑦ ᓴᖅᑮᓛᕋᑦᑕ. ᑕᐃᒃᑯᐊ ᑕᐃᑲᓃᑦᑐᑦ ᑕᐃᒪᐃᓕᐅᓚᐅᖅᓯᒪᓂᑯᖏᓐᓄᑦ ᖃᐅᔨᒪᔪᒍᓪᓕ ᐅᕙᒍᑦ ᑕᐃᑲᓃᔪᔪᒍᑦ ᐅᕙᖓᓕ ᐊᒻᒪ ᐊᓯᒃᑲ ᑕᐃᒃᑯᐊ ᐅᖃᐅᑎᓯᒪᒋᓪᓗᒋᑦ ᓴᖅᑭᑦᑐᖃᓚᐅᖅᓯᒪᙱᑦᑐᖅ. ᑕᐃᒪ ᑐᑭᓯᔾᔪᑎᒃᓴᐃᑦ ᑭᐅᔭᐅᒍᓐᓇᙱᒻᒪᑕ ᑕᐃᔅᓱᒪᓂ ᑕᒪᔅᓱᒧᖓ ᓄᓇᕗᑦ ᓄᓇᖓᑕ ᐊᑐᖅᑕᐅᓂᒃᓴᖓᓅᖓᔪᐃᑦ ᑭᐅᔭᐅᒍᓐᓇᙱᒻᒪᑕ ᑎᑎᖅᑲᑎᒎᕐᓂᐊᔪᒻᒪᑕ. ᑕᕝᕙ ᐅᓪᓗᒥ, ᑕᐃᒃᑯᐊ ᑎᑎᖅᑲᐃᑦ ᐱᑕᖃᙱᑉᐸᑕ, ᑭᐅᔾᔪᑎᐅᓂᐊᔪᔪᑦ ᑖᓐᓇ ᐃᓱᒫᓗᓐᓇᖅᑐᖅ ᒫᓐᓇ ᒐᕙᒪᒃᑯᓐᓄᑦ ᓄᓇᕗᑦ ᒐᕙᒪᒃᑯᖏᓐᓄᑦ ᐃᑲᔪᖅᑐᖅᑕᐅᒐᔭᖅᑲ ᑕᐃᒃᑯᐊ ᐱᑕᖃᖅᑎᓐᓇᒋᑦ? ᐃᓄᓐᓂᙶᖓᒻᒪᑕ, ᑎᒥᐅᔪᓂᒃ ᑭᒡᒐᑐᖅᑐᑎᒃ ᓄᓇᓕᓐᓂᒃ. ᑖᓐᓇᖃᐃ ᐱᑕᖃᕐᓂᙱᑉᐸᑦ ᑖᔅᓱᒧᖓ ᐊᖏᖅᑕᐅᓇᓱᓕᕐᓂᖓᓄᑦ ᑭᖑᕙᕈᑕᐅᒐᔭᖅᑲ ᐅᕝᕙᓗ ᐱᓇᔪᒍᑕᐅᒐᔭᖅᑲ ᑭᖑᓪᓕᖅᐹᒥᑦ? ᒥᓂᔅᑕ ᐊᐱᕆᓕᖅᑕᕋ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐊᕙᑎᓕᕆᔨᒃᑯᓐᓄᑦ, ᒥᓂᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄ: ᖁᔭᓐᓇᒦᒃ, ᐅᖃᖅᑎᑦᑎᔩ. ᖁᔭᓐᓇᒦᒃ ᒪᓕᒐᓕᐅᖅᑎ. ᐄ’, ᑕᒪᓐᓇ ᑐᓴᕈᒥᓇᑦᑎᐊᖃᑦᑕᕐᒪᑕ ᑕᒪᒃᑯᐊ ᐱᕙᓪᓕᐊᔪᑦ ᑖᒃᑯᓄᖓ ᓄᓇᕗᒻᒧᑦ ᖃᓄᐃᓕᖓᓂᐊᕐᓂᖓ. ᑖᒃᑯᐊ ᓄᓇᕗᑦ ᐸᕐᓇᐃᔩᑦ ᑲᑎᒪᔨᖏᑦ ᑖᒃᑯᐊ ᑭᒃᑯᑐᐃᓐᓇᕐᓄᑦ ᐊᑎᓕᐅᕐᕕᖃᖅᑐᑦ ᑎᑎᕋᖅᓯᒪᔪᓕᒫᓂᒃ ᑕᑯᔭᒃᓴᐅᓪᓗᑎᒡᓗ ᐃᑭᐊᖅᑭᕕᒃᑯᑦ ᖃᕆᓴᐅᔭᒃᑯᑦ ᐊᒻᒪ ᑖᓐᓇ ᑭᒃᑯᑐᐃᓐᓇᕐᓄᑦ ᐊᑎᓕᐅᕐᕕᒃ ᑎᑎᖅᑲᖃᐅᕆᓪᓗᓂ ᓄᓇᕗᑦ ᒐᕙᒪᒃᑯᑦ ᐸᕐᓇᐅᑎᒋᔪᒪᔭᖏᓐᓂᒃ ᑖᒃᑯᓂᖓ ᓲᕐᓗ ᐊᑐᖅᐸᓪᓕᐊᓂᐊᖅᑕᖏᑦ ᑕᐃᑲᓂ ᓴᖅᑭᔮᕆᓪᓗᑎᒃ (ᑐᓵᔨᑎᒎᓕᖅᑐᖅ) ᓄᓇᒻᒥᑦ ᐸᕐᓇᐃᔩᑦ ᑲᑎᒪᔨᖏᑦᑕ ᐃᑭᐊᖅᑭᕕᒃᑯᑦ ᑎᑎᕋᕐᕕᙵᓃᖃᓯᐅᑎᔪᑦ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᐊᐃᕕᓕᖕᒧᑦ ᒪᓕᒐᓕᐅᖅᑎ, ᒪᑖᒻ ᐊᖑᑎᐊᓗᒃ. ᐊᐱᖅᑯᑦ 90 - 7(2): ᒥᑦᑕᕐᕕᓐᓂ ᐱᖁᑎᔾᔪᐋᖏᓄᑦ (ᐊᖑᑎᐋᓗᒃ) ᐊᖑᑎᐊᓗᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᑖᓐᓇᓕ ᐊᐱᖅᑯᑎᒋᓂᐊᖅᑕᕋ ᒥᓂᔅᑕᒧᑦ (ᑐᓵᔨᑎᒍᑦ) ᐃᖏᕐᕋᔪᓕᕆᔨᒃᑯᓐᓄᑦ ᐊᐅᓚᔪᓐᓇᐅᓯᓕᕆᓕᔨᒃᑯᓪᓗ ᓄᓇᕗᒻᒥ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 20 ᐅᖃᖅᑏ, ᖁᕕᐊᓱᑦᑎᐊᓚᐅᖅᑐᖓ ᑐᓴᕋᒪ ᒥᓂᒡᑕᐅᑉ ᐅᖃᐅᓯᕆᔭᖓᓂᒃ ᓇᒡᒐᔾᔭᐅᒥ ᑲᑎᒪᕐᔪᐊᖅᑎᓪᓗᑕ ᑐᓴᖅᑎᑦᑎᑎᓪᓗᒍ ᓇᐅᔮᑦ ᒥᑦᑕᕐᕕᖓ ᑕᑭᒡᓕᒋᐊᖅᑕᐅᓂᐊᕐᓂᖓᓂᒃ. ᑖᓐᓇ ᐊᒃᓱᑲᓪᓚᒃ ᓯᕗᓪᓕᐅᔾᔭᐅᓯᒪᖕᒪᑦ ᓄᓇᖃᖅᑐᓄᑦ ᖁᕕᐊᓱᑦᑎᐊᕐᒥᒧᖓ ᐊᔭᐅᖅᑐᐃᔪᓐᓇᓚᐅᕋᒪ ᑕᒪᑐᒧᖓ ᐱᓕᕆᐊᒃᓴᒧᑦ. ᐅᖃᑏ, ᒥᓂᔅᑕᐅᑉ ᐅᖃᐅᓯᕆᓚᐅᖅᑕᖓ ᐅᖃᓚᐅᕐᒪᑦ ᐃᖅᑲᓇᐃᔭᖅᑕᐅᒋᐊᕐᓂᐊᓕᕐᒪᑕ ᐊᕐᕌᒍᒋᔭᑦᑎᓐᓂ ᑎᑎᕋᐅᔭᖅᓯᒪᓂᕆᔭᖓᓂᒃ 600−ᐃᓯᒐᓂᒃ ᑕᑭᒡᓕᒋᐊᖅᑕᐅᓗᑎᒃ ᒥᕝᕕᖓ ᓇᐅᔮᑉ. ᒥᓂᔅᑕ ᓇᓗᓇᐃᖅᓯᔪᓐᓇᖅᐸ ᖃᖓ ᓴᖅᑭᑦᑎᓂᐊᕐᒪᖔᑕ ᐃᓇᑦᑎᔾᔪᑎᓂᒃ ᑳᓐᑐᕌᒃᒥᒃ ᐱᓇᓱᖁᔨᓪᓗᑎᒃ ᑕᒪᑐᒧᖓ ᐃᖅᑲᓇᐃᔭᖅᑕᐅᓂᐊᖅᑐᒧᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᖏᕐᕋᔪᓕᕆᔨᒃᑯᓐᓄᑦ ᐊᐅᓚᔪᓐᓇᐅᑎᓕᕆᔨᒃᑯᓐᓄᑦ, ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᓕᐊᓇᐃᒍᓱᑦᑎᐊᖅᑐᖓ ᒥᓂᔅᑕᐃᑦ ᐅᖃᐅᓯᒃᓴᖓᑎᒍᑦ ᖁᕕᐊᓱᑦᑎᐊᓚᐅᖅᑐᖓ ᐅᖃᐅᓯᖃᕆᐊᒃᓴᖅ. ᐃᓚᖏᑦ ᐊᐱᖅᑯᑎᒃᓴᓂᒃ ᑖᒃᑯᓂᖓ ᑐᓴᖅᑎᑦᑎᓚᐅᕋᒪ, ᑭᐅᑲᐅᑎᒋᔪᓐᓇᓚᐅᙱᑦᑐᖓ ᐊᓕᐊᓇᐃᒍᓱᒃᑐᖓ ᑖᓐᓇ ᓴᖅᑭᑕᐅᔪᓐᓇᕐᓂᐊᓕᕐᒪᑦ ᑕᑭᒡᓕᒋᐊᖅᑕᐅᓗᓂ ᓇᐅᔮᑦ ᒥᑦᑕᕐᕕᖓ. ᐊᑯᓂᑲᓪᓚᕈᓗᒃ ᑖᓐᓇ ᐅᖃᐅᓯᐅᖃᑦᑕᖅᓯᒪᓕᕐᒪᑦ ᒪᓕᒐᓕᐅᕐᕕᖕᒥ. ᑎᓴᒪᒋᓕᖅᑕᖓᓂ ᓲᕐᓗ ᓂᕈᐊᖅᑕᐅᓯᒪᓂᕆᔭᑦᑕ. ᑖᒃᑯᐊ ᑎᑎᕋᐅᔭᖅᑕᐅᓯᒪᓂᖓ ᓴᖅᑭᓐᓂᐊᕐᒪᖔᑦ ᒫᓐᓇ ᐃᖅᑲᓇᐃᔭᖅᑎᑦᑎᓄᑦ ᓴᓇᔭᐅᕙᓪᓕᐊᓕᖅᑐᖅ ᒫᓐᓇᕋᑖᖑᓚᐅᖅᑐᖅ ᐱᔭᕇᖅᑕᐅᕙᓪᓕᐊᓕᑕᐃᓐᓇᕐᒪᑦ. ᑕᒪᓐᓇ ᓇᐅᑦᑎᖅᓱᕆᐊᑦᑎᐊᕐᓗᒍ ᐱᓕᕆᑦᑎᐊᕆᔪᒪᒐᑦᑎᒍᑦ. ᓇᓗᓇᐃᖅᓯᕕᒋᔪᒪᔭᕗᑦ ᒪᓕᒐᓕᐅᖅᑎᒧᑦ ᑖᓐᓇ ᓱᒃᑲᓂᖅᐹᒃᑯᑦ ᐱᓕᕆᓇᓱᒃᑕᕗᑦ. ᓂᕆᐅᒃᑐᒍᑦ ᑎᑎᕋᐅᔭᖅᓯᒪᓂᖓ ᑖᓐᓇ ᓴᖅᑭᑕᐅᓵᓕᖁᓪᓗᒍ ᐊᕐᕌᒍᒋᔭᑦᑎᓐᓂ. ᑕᐃᒪᓕ ᐱᔭᕇᖅᑕᐅᒃᐸᑦ ᑎᑎᕋᐅᔭᖅᓯᒪᓂᖓ ᒪᓕᒐᓕᐅᕐᕕᖕᒧᐊᓛᕐᒥᔪᒍᑦ ᑮᓇᐅᔭᖅᑐᕈᑎᒃᓴᖓᓂᒃ ᑐᒃᓯᕋᕐᓗᑕ ᓴᓇᔭᐅᔾᔪᑎᒃᓴᖓᓂᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓪᓕᖅᐹᒥ ᐃᓚᒋᐊᕈᑏᑦ ᐊᐱᕆᒍᒃ, ᒥᔅ ᐊᖑᑎᐊᓗᒃ. ᐊᖑᑎᐊᓗᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒍᑦ) ᒥᓂᔅᑕᐅᑉ ᐅᖃᐅᓯᖓ ᐅᖃᓚᐅᕐᒪᑦ ᑮᓇᐅᔭᓕᕈᓐᓇᕐᒪᖔᑦ ᖃᐅᔨᓴᕈᑎ ᐊᑭᒋᓂᐊᖅᑕᖓᓗ ᖃᔅᓯᕌᕐᓂᐊᕐᒪᖔᑦ ᑕᑭᒡᓕᒋᐊᖅᑕᐅᑎᓪᓗᒍ ᓴᓇᔭᐅᓚᐅᕐᒪᒡᒎᖅ ᐱᓕᕆᕕᖓᓄᑦ. ᒥᓂᔅᑕ ᐊᖏᕈᓐᓇᖅᐸ ᐊᔾᔨᖓᓂᒃ ᑐᓂᓯᔪᓐᓇᕐᒪᖔᑦ ᖃᐅᔨᓴᕈᑎᒋᔭᐅᓚᐅᖅᑐᖅ ᕼᐋᒪᓚᒃᑯᓐᓄᑦ ᓇᐅᔮᓂᑦ ᑐᓂᓗᓂᐅᒃ ᐊᒻᒪᓗᑦᑕᐅᖅ ᒪᓕᒐᓕᐅᖅᑎᖓᓐᓄᑦ ᑕᐃᒃᓱᒪ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᐃᖅᑲᓇᐃᔭᖅᑎᒃᑲ ᐅᖃᖃᑎᒋᔭᕆᐊᖃᕋᒃᑭᑦ. ᐅᓪᓗᐊᓂ ᖃᖓᒃᑯᑦ ᖃᐅᔨᓴᕐᓂᑰᖕᒪᖔᑦ ᖃᓄᕐᓗ ᐱᑐᖃᐅᑎᒋᖕᒪᖔᑦ ᓯᕗᒧᐊᒃᐸᓪᓕᐊᑎᓪᓗᑕ ᒫᓐᓇᕋᑖᖑᓚᐅᖅᑐᖅ ᑕᑯᓚᐅᖅᑕᕗᑦ ᑕᒪᒃᑯᐊ ᐊᑭᑦᑐᖅᐸᓪᓕᐊᓪᓚᕆᓕᕐᒪᑕ ᒫᓐᓇᕈᒃ ᑭᓱᑐᐃᓐᓇᐃᑦ. ᖃᓄᖅ ᐊᑭᖃᕐᓂᐊᕐᒪᖔᑦ ᖃᐅᔨᒋᐊᕐᓂᐊᖅᐸᒃᑲ ᐃᖅᑲᓇᐃᔭᖅᑎᒃᑲ ᑕᐃᒃᑯᐊ ᑐᓴᕆᐊᕐᕕᒋᓂᐊᖅᐸᒃᑲ. ᒪᐃᔭᓄᑦ ᑐᓴᖅᑎᑦᑎᓛᖅᐳᖓ ᑲᑎᒪᔨᖏᓐᓄᓪᓗ ᖃᐅᔨᒋᐊᓚᐅᕐᓗᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐃᓚᒋᐊᕈᑏᑦ ᐊᐱᕆᒍᒃ, ᒪᑖᒻ ᐊᖑᑎᐊᓗᒃ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 21 ᐊᖑᑎᐊᓗᒃ: ᖁᔭᓐᓇᒦᒃ, ᐅᖃᖅᑎᑦᑎᔨ. (ᑐᓵᔨᑎᒍᑦ) ᒥᓂᔅᑕ ᐃᖅᑲᐅᒪᔪᔅᓴᐅᕗᖅ ᑎᑎᕈᑎᐅᖃᑦᑕᓚᐅᖅᑐᖅ ᓴᖅᑭᑕᐅᓚᐅᖅᓯᒪᕗᖅ ᒪᓕᒐᓕᐅᕐᕕᐅᑉ ᓯᕗᓂᐊᓂ. ᑖᒃᑯᓇᙶᖅᑐᖅ ᓇᐅᔮᑦ ᕼᐋᒪᓚᒃᑯᖏᓐᓂᑦ ᐊᒻᒪ Calm Air ᑎᒻᒥᓲᓕᕆᔨᖏᓐᓂᑦ ᒥᑦᑕᕐᕕᒃ ᐱᓪᓗᒍ. ᒥᓂᔅᑕ ᐅᖃᕈᓐᓇᖅᐸ ᐅᓪᓗᖅᓯᐅᑎᑎᒍᑦ ᓵᑐᖅᑕᐅᕙᑦᑐᑦ ᑎᒻᒥᓲᖅᑏᑦ ᐱᔨᑦᓯᖅᐸᑦᑐᑦ ᓄᓇᓕᒻᒧᑦ ᐅᖃᖃᑎᒋᔭᐅᔪᒫᕐᒪᖔᑕ ᑕᑭᓪᓕᒋᐊᖅᑕᐅᓂᑦᓴᖓᓄᑦ ᒥᑦᑕᕐᕕᐅᑉ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᖏᕐᕋᔪᓕᕆᔨᒃᑯᓐᓄᑦ ᐊᐅᓚᔪᓐᓇᐅᑎᓕᕆᔨᒃᑯᑦ, ᒥᓂᔅᑕᖓ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᐊᓄᑦ ᐊᐃᑉᐹᓄᑦ ᑭᐅᑐᐃᓐᓇᕐᓗᖓ. ᖃᐅᔨᓴᖅᑕᐅᒋᐊᙵᑎᓪᓗᒋᓪᓗ ᖃᓄᖅ ᐅᖃᖃᑎᖃᕐᓂᕐᒪᖔᑕ ᐱᓕᕆᖃᑎᖃᕐᓂᕐᒪᖔᑕ ᑕᐃᑯᖓ ᑕᐃᒪᐃᖁᔨᒐᔭᖅᐸᑦ. ᐊᑭᕋᖅᑐᙱᒃᑲᓗᐊᖅᑐᖓ ᐅᖃᖃᑎᖃᕐᓂᕐᒥᒃ ᑭᓯᐊᓂ ᑖᒃᑯᐊ ᐅᖃᐅᓯᒃᓴᖃᓪᓗᐊᑲᓪᓚᓯᒪᒻᒥᒻᒪᑕ ᕼᐋᒪᓚᒃᑯᖏᑦ ᓇᐅᔮᑦ ᖃᓄᖅ ᑕᑯᔪᒪᒻᒪᖔᑕ ᒥᑦᑕᕐᕕᐅᓪᓗ ᐋᖅᑭᒋᐊᖅᑕᐅᓂᔅᓴᖓᑕ ᓇᐅᔮᓂ. ᐱᓕᕆᔨᒃᑲ ᐅᖃᖃᑎᒋᖅᑳᕆᐊᖃᖅᑕᒃᑲ, ᓄᓇᓕᓐᓂ ᐅᖃᖃᑎᖃᒃᑲᓐᓂᕆᐊᖃᖅᐸᑦ. ᖁᑦᓴᓱᒐᓚᑉᐳᖓ ᑭᐅᑦᓯᐊᕆᐊᒥᒃ, ᓄᖅᑲᖓᑎᑦᓯᒍᒪᙱᓐᓇᒪ ᐱᓕᕆᐊᖑᕙᓪᓕᐊᓂᐊᖅᑐᓂᒃ ᐅᖃᖃᑎᒌᓐᓂᖃᕇᕐᓂᖅᐸᑦ ᓯᕗᒧᐊᕈᑎᑦᓴᐅᑎᒋᖁᒐᒃᑯ ᐱᓕᕆᐊᖑᓂᖓ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᑲᑎᒪᔾᔪᑎᑦᑎᓐᓄᑦ ᑲᔪᓯᒋᐊᕐᓗᑕ. ᓈᓴᐅᑎᖓ 7, ᑎᑎᖅᑲᑎᒍᑦ ᐊᐱᖅᑯᑏᑦ. 8, ᑎᑎᖅᑲᑎᒍᑦ ᐊᐱᖅᑯᑎᕕᓂᕐᓄᑦ ᑭᐅᔾᔪᑏᑦ. 9, ᒪᑐᐃᖅᓯᔾᔪᑎᓄᑦ ᑭᐅᔾᔪᑏᑦ. 10, ᐊᑎᓕᐅᖅᓯᒪᔪᑎᒍᑦ ᑐᑦᓯᕋᐅᑏᑦ. 11, ᐊᑎᓕᐅᖅᓯᒪᔪᑎᒍᑦ ᑐᑦᓯᕋᐅᑎᓄᑦ ᑭᐅᔾᔪᑏᑦ. 12, ᑲᑎᒪᔨᕋᓛᑦ ᑲᑎᒪᔨᕋᓛᖑᑲᐃᓐᓇᖅᑐᑦ ᐅᓂᒃᑳᖏᑦ ᕿᒥᕐᕈᓇᓚᐅᖅᑎᓪᓗᒋᑦ ᐱᖁᔭᒃᓴᓂᒃ ᐊᓯᖏᓐᓂᓪᓗ. 13, ᑎᑎᖅᑲᑦ ᓴᖅᑭᑕᐅᓂᖏᑦ. 14, ᐱᖁᔨᕗᖔ, ᐆ’, ᒪᒥᐊᓇᖅ. ᐅᑎᕆᐊᕐᓗᑕ ᑲᑎᒪᔾᔪᑎᑦᑕ ᓈᓴᐅᑎᖓ 13−ᒧᑦ. ᐃᓵᒃᓯᒪᔪᑦ ᑕᑯᑦᓯᐊᕐᓂᙱᓐᓇᒃᑯ ᒪᒥᐊᑉᐳᖓ. ᐃᖅᑲᓇᐃᔭᖅᑏᑦ ᐊᑦᑕᓇᖅᑕᐃᓕᒪᔪᓕᕆᔨᒃᑯᑦ ᐊᒻᒪᓗ ᑲᒥᓴᓐᒋᔭᖓ ᓇᓪᓕᐅᒃᑯᒫᓕᕆᓂᕐᒧᑦ, ᒥᓂᔅᑕ ᑕᑦᑐᐃᓂ. ᑲᑎᒪᔾᔪᑎᒃᓴᖅ 13: ᓴᖅᑭᑕᐅᓂᖏᑦ ᑎᑎᖅᑲᐃᑦ ᓴᖅᑭᑕᐅᔪᖅ ᑎᑎᖅᑲᒃ 28 – 7(2): ᐃᖅᑲᓇᐃᔭᖅᑏᓐ ᐅᓗᕆᐋᓇᓲᓄᑦ ᐊᑭᓕᖅᑕᐅᔾᔪᑎᖏᓄᓪᓗ ᑲᒥᓴᙵᑕ 2026 ᑎᒥᐊᓄᑦ ᐸᕐᓈᕆᔭᖏᑦ (ᑕᑦᑐᐃᓂ) ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᕕᐊᓱᑉᐳᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑕᐃᓕᓂᕐᒧᑦ ᑲᒥᓴᒃᑯᖏᑦ ᑖᒃᑯᐊ ᐱᔾᔪᑎᖃᖅᑐᑦ ᑯᐊᐳᕇᓴᐅᔪᑎᒍᑦ ᐸᕐᓇᐅᑎᖓ. ᖁᔭᓐᓇᒥᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑲᑎᒪᔾᔪᑎᑦᑕ ᓈᓴᐅᑎᖓ 14, ᑎᑎᖅᑲᑦ ᓴᖅᑭᑕᐅᓂᖏᑦ. ᒪᒥᐊᓇᖅ 14, ᖃᐅᔨᒃᑲᐃᔾᔪᑏᑦ ᐱᖁᔨᕗᖔᕈᑕᐅᓂᐊᖅᑐᓂᑦ. 15, ᖃᐅᔨᒃᑲᐃᔾᔪᑎᑦ ᐱᖁᔨᕗᖔᕈᑕᐅᓂᐊᖅᑐᓂᑦ ᓯᕗᓪᓕᖅᐹᒥ ᐅᖃᓕᒫᖅᑕᐅᖁᓪᓗᒋᑦ ᐱᖁᔭᒃᓴᑦ. 16, ᐱᖁᔨᕗᖔᕈᑏᑦ. 17, ᓯᕗᓪᓕᖅᐹᒥ ᐅᖃᓕᒫᖅᑕᐅᓂᖏᑦ ᐱᖁᔭᒃᓴᑦ. 18, ᑐᒡᓕᐊᓂ ᐅᖃᓕᒫᖅᑕᐅᓂᖏᑦ ᐱᖁᔭᒃᓴᑦ. 19, ᑲᑎᒪᑐᐃᓐᓇᕐᓂᖅ ᐃᓱᒪᒃᓴᖅᓯᐅᕈᑎᖃᖅᑎᓪᓗᒋᑦ ᐱᖁᔭᒃᓴᓂᒃ ᐊᓯᖏᓐᓂᓪᓗ. ᐱᒋᐊᓚᐅᙱᑎᓪᓗᒋᑦ ᑖᒃᑯᐊ ᓈᓴᐅᑎᖓ 19, ᓄᖅᑲᖓᑲᐃᓐᓇᕐᓂᐊᕋᑦᑕ 20−ᒥᓂᑦ. ᐃᖅᓱᖅᑏ. >>ᑲᑎᒪᓂᖅ ᓄᖅᑲᖅᑐᖅ 14:50 ᐊᒻᒪᓗ ᑲᑎᒪᑐᐃᓐᓇᕐᓂᖅ ᐱᒋᐊᖅᑐᖅ 15:21ᒧᐊᖅᑎᓪᓗᒍ ᑲᑎᒪᔾᔪᑎᒃᓴᖅ 19: ᑲᑎᒪᔨᕋᓛᑦ ᑲᑎᒪᑐᐃᓐᓇᖅᑎᓪᓗᒋᑦ ᐃᓱᒪᒃᓴᖅᓯᐅᖅᑕᐅᓂᖏᑦ ᒪᓕᒐᒃᓴᐃᑦ ᐊᓯᖏᓪᓗ

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 22 ᐃᒃᓯᕙᐅᑕᖅ (ᒥᔅᑕ ᔭᐃᒥ ᖃᑉᓗᑦᓯᐊᖅ) (ᑐᓵᔨᑎᒍᑦ): ᑲᑎᒪᔨᕋᓛᑦ ᐱᒋᐊᖁᓕᖅᑐᒍ. ᑲᑎᒪᔩᑦ ᐅᑯᐊ ᐅᖃᐅᓯᔅᓴᖃᕐᓂᐊᖅᑐᑦ ᐱᖁᔭᔅᓴᖅ 1, ᐊᒻᒪ ᐱᖁᔭᔅᓴᖅ 2. ᖃᓄᐃᑦᑐᒪᕙᑦ ᑲᑎᒪᔨᕋᓛᑦ? ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑲᔪᓯᒍᒪᕗᒍᑦ ᐃᓱᒪᔅᓴᖅᓯᐅᕐᓂᑎᓐᓂᒃ ᐱᖁᔭᔅᓴᖅ 1, ᐃᓚᒋᐊᕈᑎᔅᓴᖅ (ᐊᐅᓚᔾᔪᑎᓄᑦ ᓴᓇᒋᐊᓕᓐᓂᒃ) ᐱᖁᔭᖅ, 2026-2027, ᐊᑐᓕᖁᔭᐅᔪᓪᓗ 2026-2027 ᑮᓇᐅᔭᖅᑐᕈᑎᔅᓴᖏᑕ ᐃᖅᑲᓇᐃᔭᖅᑐᓕᕆᔨᒃᑯᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ ᑕᖅᑐ. ᐊᖏᖃᑎᒌᑉᐱᑕ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᓯᕗᓪᓕᖅᐹᕆᓗᒍ ᐱᖁᔭᒃᓴᖅ 1, ᐊᐱᕆᔪᒪᓪᓗᒍ ᒥᓂᔅᑕ ᑕᑦᑐᐃᓂ, ᐱᓕᕆᖃᑎᓐᓂᒃ ᑕᒫᓃᖃᑎᖃᕈᒪᕕᑦ? ᐊᖓᔪᖅᑳᖅ ᑕᑦᑐᐃᓂ (ᑐᓵᔨᑎᒍᑦ): ᐄ’, ᐃᒃᓯᕙᐅᑖᖅ. ᑐᖏᓕᐅᔪᖅ ᐃᖅᑲᓇᐃᔭᖅᑎᓄᑦ ᐃᓚᐃᓐ ᐊᒃᐸᖁᐊᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᑲᑎᒪᔨᕋᓛᑦ ᐊᖏᖅᐹᑦ ᐱᓕᕆᔨᖏᑦ ᒥᓂᔅᑕᐅᑉ ᓵᔅᓯᓐᓃᒍᓐᓇᕐᓗᑎᒃ? ᑲᑎᒪᔨᕋᓛᑦ ᐃᓚᖏᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᓯᕗᓪᓕᖅᐹᕆᓗᒍ ᒪᓕᒐᒃᓴᖅ 1, ᐊᐱᕆᔪᒪᓪᓗᒍ ᒥᓂᔅᑕ ᑕᑦᑐᐃᓂ, ᐱᓕᕆᖃᑎᓐᓂᒃ ᑕᒫᓃᖃᑎᖃᕈᒪᕕᑦ? ᒪᓕᒐᒃᓴᖅ 1 - ᑮᓇᐃᔭᑦ ᐊᑐᖅᑕᐅᑲᐃᓐᓇᕐᓂᐊᖅᑐᑦ (ᐊᐅᓚᔾᔪᑏᑦ ᐋᖅᑭᐅᒪᐃᓐᓇᕈᑏᓪᓗ) ᒪᓕᒐᖅ, 2026- 2027 – ᑲᑎᒪᔨᕋᓛᓄᑦ ᐃᓱᒪᒃᓴᖅᓯᐅᖅᑕᐅᓂᖓ ᐊᖓᔪᖅᑳᖅ ᑕᑦᑐᐃᓂ (ᑐᓵᔨᑎᒍᑦ): ᐄ’, ᐃᒃᓯᕙᐅᑖᖅ. ᑐᖏᓕᐅᔪᖅ ᐃᖅᑲᓇᐃᔭᖅᑎᓄᑦ ᐃᓚᐃᓐ ᐊᒃᐸᖁᐊᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᑲᑎᒪᔨᕋᓛᑦ ᐊᖏᖅᐹᑦ ᐱᓕᕆᔨᖏᑦ ᒥᓂᔅᑕᐅᑉ ᓵᔅᓯᓐᓃᒍᓐᓇᕐᓗᑎᒃ? ᑲᑎᒪᔨᕋᓛᑦ ᐃᓚᖏᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐃᖅᓱᖅᑏ, ᑖᒃᑯᐊ ᐃᓯᖅᑎᒃᑭᑦ. ᖃᐅᔨᒪᓂᐊᕋᑦᑕ, ᒥᓂᔅᑕ ᑕᑦᑐᐃᓂ, ᑭᒃᑰᓂᖏᓐᓂᒃ ᐅᖃᒃᑭᑦ ᐱᓕᕆᔨᑎᑦ ᒪᑐᐃᕈᑎᓐᓅᓕᕐᒥᓗᑎᑦ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᓴᐅᒥᓐᓃᑦᑐᖅ ᐃᐊᓪᒪ ᐸᐅᕗ, ᒥᓂᔅᑕᒧᑦ ᑐᖏᓕᐅᔪᖅ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ, ᑕᓕᖅᐱᓐᓃᑦᑐᖅ ᐃᓚᐃᑦ ᐊᒃᐸᖁᐊᖅ, ᑐᖏᓕᐅᖃᑕᐅᔪᖅ ᐃᓄᓐᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᒻᒪ ᒥᔅᑕ ᐲᑕ ᔭᑲᓐᓴ, ᐊᑐᐊᒐᓕᕆᓂᕐᒧᑦ ᐊᒻᒪ ᕋᐃᒡᒋᓕ ᐊᑦᓚ, ᑖᓐᓇ ᑮᓇᐅᔭᓕᕆᓂᕐᒧᑦ. ᐅᓪᓗᒃᑯᑦ, ᐃᒃᓯᕙᐅᑖᖅ, ᐃᖅᑲᓇᐃᔭᖃᑎᑎᓪᓗ. ᖁᕕᐊᓱᒃᐳᖓ ᐅᓂᒃᑲᐅᓯᖃᕈᓐᓇᕋᒪ 2026-2027-ᒥ ᑮᓇᐅᔭᑦ ᐊᑐᖅᑐᒃᓴᓂᒃ ᐊᒻᒪᓗ 2026-2030−ᒥ ᐱᓕᕆᐊᒃᓴᓄᑦ ᐸᕐᓇᐅᑎᓂᒃ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ. ᐃᖅᑲᓇᐃᔭᖅᑐᓕᕆᔨᒃᑯᑦ ᐱᔨᑦᑎᕋᖅᐳᑦ ᓄᓇᕗᑦ ᒐᕙᒪᖓᑕ ᑐᑦᑕᕐᕕᒋᔭᐅᓪᓗᑎᒃ ᐱᔪᓐᓇᐅᑎᖃᖅᑎᑕᐅᓪᓗᑎᒃ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᐅᓚᑦᑎᓂᕐᒥᒃ. ᑲᒪᒋᔭᒃᓴᖃᖅᐳᒍᑦ ᐊᐅᓚᑦᑎᓗᑕ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑕ ᐱᖁᔭᖓᓂ ᓯᕗᓕᖅᑎᐅᓂᕐᒧᓪᓗ ᐅᐸᓗᖓᐃᔭᖅᓯᒪᔪᓄᓪᓗ ᑐᑭᒧᐊᒃᑎᑦᑎᓂᕐᒥᒃ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 23 ᐱᓕᕆᕕᕗᑦ ᐃᑲᔪᖅᑐᐃᖃᑦᑕᖅᑐᑦ ᓄᓇᕗᑦ ᒐᕙᒪᒃᑯᑦ ᐱᓕᕆᕕᓕᒫᖏᓐᓂᒃ ᐊᒻᒪᓗ ᒐᕙᒪᒃᑯᑦ ᑎᒥᖁᑎᖏᓐᓂᒃ ᐊᔾᔨᒌᙱᑦᑐᓂᒃ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᐅᓚᓂᖏᓐᓄᑦ ᐱᔨᑦᑎᕈᑎᖏᓐᓄᓪᓗ, ᐱᖃᓯᐅᑎᓪᓗᒋᑦ ᐃᓄᐃᑦ ᐃᖅᑲᓇᐃᔭᓚᐅᖅᑳᕋᑎᒃ ᐱᓕᒻᒪᒃᓴᐃᓂᕐᒧᑦ ᐸᕐᓇᒍᑕᐅᔪᑦ, ᐊᒻᒪᓗ ᐱᓕᕆᐊᒃᓴᑦ, ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᑦ, ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᐱᓕᒻᒪᒃᓴᐃᓂᖅ ᐊᒻᒪᓗ ᐱᕙᓪᓕᐊᑎᑦᑎᓂᖅ, ᐃᖅᑲᓇᐃᔭᖅᑎᓴᖅᓯᐅᕐᓂᖅ, ᐃᖅᑲᓇᐃᔭᖅᑎᓂᒃ ᑭᒡᒐᖅᑐᐃᓂᖅ, ᐃᖅᑲᓇᐃᔮᓂᒃ ᖃᐅᔨᓴᕐᓂᖅ, ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ, ᐊᒻᒪᓗ ᐃᖅᑲᓇᐃᔭᖅᑏᑦ ᖃᓄᐃᙱᑦᑎᐊᕐᓂᖏᓐᓄᑦ. 2026-2027−ᒧᑦ, ᐱᓕᕆᕝᕕᐅᑉ ᐊᐅᓚᔾᔪᑎᖏᑦ ᐋᖅᑭᐅᒪᔾᔪᑎᖏᓪᓗ ᑮᓇᐅᔭᑦ ᐊᑐᖅᑕᒃᓴᖏᑦ $30.7−ᒥᓕᐊᙳᕗᑦ. ᑖᓐᓇ ᑭᒡᒐᖅᑐᐃᔪᖅ ᐅᓄᖅᓯᒋᐊᕌᕐᔪᒃᑐᓂᒃ $537,000-ᓂᒃ, ᐅᕝᕙᓘᓐᓃᑦ 1.78 ᐳᓴᓐᑎᒥᒃ, 2025-2026-ᒥ ᑮᓇᐅᔭᑦ ᐊᑐᖅᑐᒃᓴᓂᒃ, ᒪᓕᒃᖢᑎᒃ ᓄᓇᕗᑦ ᒐᕙᒪᒃᑯᑦ ᑮᓇᐅᔾᔭᒃᓵᖏᑦ ᐊᑭᑦᑐᕆᐊᖅᑕᐅᓚᐅᕐᓂᖏᓐᓂᒃ ᐊᑐᓕᓚᐅᖅᑐᑦ ᐅᑐᐱᕆ 2025-ᒥ. ᑖᒃᑯᐊ ᑮᓇᐅᔭᖅᑑᑏᑦ ᐃᓗᓕᕆᓪᓗᐊᑕᖅᑕᖏᑦ: • ᐊᑭᓕᐅᓯᐊᓄᑦ ᐃᑲᔫᓯᐊᓄᓪᓗ − $18.9 ᒥᓕᐊᓐ; • ᐱᔨᑦᑎᕋᐅᑎᓄᑦ ᑳᓐᑐᓛᒃᑕᐅᔪᑦ − $7.7 ᒥᓕᐊᓐ; • ᐱᔨᑦᑎᕋᐅᑎᑦ ᓂᐅᕕᐊᖑᓯᒪᔪᑦ − $2.1 ᒥᓕᐊᓐ. ᐃᒃᓯᕙᐅᑖᖅ, ᐃᑲᔪᖅᑎᒌᒃᑕ ᐃᑲᔪᖅᑐᖅᖢᒍ, ᓯᕗᓪᓕᐅᑎᔪᒪᔭᕗᑦ 2026-2027-ᒧᑦ ᑕᑯᒃᓴᐅᑎᑦᑎᕗᑦ ᑐᑭᓯᓇᑦᑎᐊᖅᑐᒥᒃ ᑲᑐᔾᔨᖃᑎᒌᒍᑕᐅᓇᓱᒃᑐᒥᑦ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᑦ ᓴᙱᒃᑎᒋᐊᖁᓪᓗᒋᑦ, ᓴᖅᑭᑎᑦᑎᓗᑎᒃ ᐱᕕᒃᓴᓂᒃ ᐃᑲᔪᖅᑐᐃᔪᓂᒃ ᓄᓇᕗᒻᒥᐅᑦ ᖃᓄᐃᙱᑦᑎᐊᕐᓂᖏᓐᓂᑦ ᓄᑖᙳᕆᐊᖅᑎᑦᑎᓗᑎᒡᓗ ᐃᖅᑲᓇᐃᔭᖅᑐᓕᕆᔨᒃᑯᑦ ᐱᓕᕆᔾᔪᓯᖏᓐᓂᒃ. ᐊᖏᖅᓯᒪᐃᓐᓇᖅᐳᒍᑦ ᐅᓄᖅᓯᒋᐊᖅᑎᑦᑎᔪᒪᓪᓗᑕ ᐃᓄᖕᓂᒃ ᐃᖅᑲᓇᐃᔭᖅᑎᓂᒃ ᑲᒪᒋᔭᖃᓪᓗᐊᑕᕐᓗᑕᓗ ᐱᓕᕆᐊᒃᓴᓂᒃ ᐃᓄᖕᓂᒃ ᐃᑲᔪᖅᑐᓂᒃ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓐᓂ ᐃᖅᑲᓇᐃᔮᖅᑖᖅᐸᓪᓕᐊᓗᑎᒃ ᓯᕗᒻᒧᐊᒃᐸᓪᓕᐊᓗᑎᒡᓗ. ᐊᑐᓕᖅᑎᑦᑎᕙᓪᓕᐊᖏᓐᓇᕐᓂᐊᖅᐳᒍᑦ ᖃᐅᔨᓴᖅᐸᓪᓕᐊᓗᑕᓗ ᖃᓄᐃᓕᐅᖅᑕᐅᕙᓪᓕᐊᔪᒪᔪᓂᒃ ᓇᓗᓇᐃᔭᖅᓯᒪᔪᓂᒃ 2024-2034−ᒥᑦ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑎᓪᓚᕆᖕᒥᒃ ᐱᓕᕆᕝᕕᒋᔭᐅᔪᒥᓪᓗ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑎᓂᒃ. ᑕᒪᑐᒪᓂ ᐊᕐᕌᒍᒥ, ᓴᖅᑭᑦᑎᓂᐊᕐᒥᔪᒍᑦ ᓯᕗᓪᓕᖅᐹᑦᑎᐊᒥ ᐃᒻᒥᒃᑰᖅᑐᒥᒃ ᐊᕐᕌᒍᓕᒫᖅᓯᐅᒻᒥᒃ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐱᕙᓪᓕᐊᓂᖓᓂ ᐅᓂᒃᑳᒥᒃ ᒪᓕᒐᓕᐅᕐᕕᖕᒥ ᐅᑭᐊᒃᓵᖑᓕᕐᐸ 2027−ᒥᑦ. ᓄᓇᕗᑦ ᑐᙵᕕᒃᑯᓐᓂ ᐱᓕᕆᖃᑎᖃᕐᓗᑕ ᑲᓇᑕᐅᑉ ᒐᕙᒪᒃᑯᖏᓐᓂᓪᓗ, ᐊᐅᓚᑦᑎᓂᐊᖅᑐᒍᑦ ᓄᓇᕗᑦ ᒐᕙᒪᖓᓂ ᐱᕙᓪᓕᐊᑎᑦᑎᓗᑕ ᐱᖓᓱᐃᓕᖅᑲᖓᔪᓂᑦ ᐃᓄᐃᑦ ᐃᖅᑲᓇᐃᔭᓚᐅᖅᑳᕋᑎᒃ ᐱᓕᒻᒪᒃᓴᕈᑎᒃᓴᓂᒃ. ᐱᔭᕇᖅᑕᐅᒃᐸᑦ, ᑖᓐᓇ ᐱᓕᕆᔾᔪᑕᐅᓂᐊᖅᑐᖅ ᐊᔪᕆᖅᓲᔾᔨᓂᐊᖅᐳᖅ ᓴᖅᑭᑕᐅᓂᖓᓂᒃ ᒐᕙᒪᒃᑯᓐᓂᓕᒫᖅ ᐱᓕᕆᕝᕕᒋᔭᐅᔪᒥᒡᓗ ᐃᓄᐃᑦ ᐃᖅᑲᓇᐃᔭᓚᐅᖅᑳᕋᑎᒃ ᐱᓕᒻᒪᒃᓴᕐᓂᕐᒧᑦ ᐸᕐᓇᐅᑎᒥᒃ. ᑖᒃᑯᐊ ᐸᕐᓇᐅᑎᑦ ᓇᓗᓇᐃᔭᖅᓯᒪᓂᐊᖅᑐᑦ ᐋᖅᑭᒃᓱᖅᑕᐅᓯᒪᔪᓂᒃ ᐊᖅᑯᑎᒃᓴᓂᒃ, ᐱᓕᒻᒪᒃᓴᕈᑎᒃᓴᓂᒃ, ᐊᓯᖏᓐᓂᒡᓗ ᐃᓕᓐᓂᐊᕐᓂᕐᒧᑦ ᐱᓕᒻᒪᒃᓴᕐᓂᕐᒧᓪᓗ ᐱᓕᕆᐊᖑᕙᓪᓕᐊᔪᒪᔪᓂᒃ ᒐᕙᒪᒃᑯᓐᓄᑦ ᐃᖅᑲᓇᐃᔮᒃᓴᖅᑖᕈᑕᐅᔪᓐᓇᖅᑐᓂᒃ. ᐋᖅᑭᒃᓱᒃᑲᓐᓂᖅᑕᑦᑎᓐᓄᑦ ᐃᓚᒋᔭᐅᓪᓗᓂ ᑐᑭᓕᐊᑦᑎᐊᕐᓂᖅᓴᐅᖁᓪᓗᒋᑦ ᐃᖅᑲᓇᐃᔭᖅᑐᓕᕆᔨᒃᑯᑦ ᐊᐅᓚᓂᕆᔭᖏᑦ ᐱᐅᓯᒋᐊᕐᓗᒋᓪᓗ ᐃᑲᔪᖅᓱᐃᔾᔪᑎᑦ ᐱᓕᕆᕝᕕᖕᓄᑦ ᑭᒃᑯᑐᐃᓐᓇᕐᓄᓪᓗ ᑎᒥᐅᔪᓄᑦ, ᐋᖅᑭᒃᓯᓯᒪᕗᒍᑦ ᒪᕐᕉᖕᓂᒃ ᓄᑖᖕᓂᒃ ᐱᓕᕆᕝᕕᖕᓂᒃ: ᐃᖅᑲᓇᐃᔭᖅᑐᓕᕆᓂᕐᒧᑦ ᐱᔨᑦᑎᕋᐅᑎᑦ ᐊᒻᒪ ᐃᖅᑲᓇᐃᔭᓚᐅᖅᑳᕋᓂ ᐱᓕᒻᒪᒃᓴᕐᓂᖅ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 24 ᐃᖅᑲᓇᐃᔭᖅᑐᓕᕆᔨᒃᑯᑦ ᐱᓕᕆᕝᕕᖓ, ᐊᐅᓚᑕᐅᓪᓗᓂ ᑐᑭᒧᐊᒃᑎᑦᑎᔨᒧᑦ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᑲᒪᒋᔭᒃᓴᖃᖅᖢᓂ, ᑮᓇᐅᔭᖃᖅᑎᑕᐅᕙᒃᐳᖅ ᐊᕕᒃᑕᐅᓪᓗᑎᒃ ᐱᓕᕆᕝᕕᖕᒥ ᐊᐅᓚᑦᑎᓂᕐᒧᑦ ᐱᔨᑦᑎᕋᖅᑏᑦ ᑮᓇᐅᔭᖁᑎᖏᓐᓂᒃ. ᐃᖅᑲᓇᐃᔭᓚᐅᖅᑳᕋᓂ ᐱᓕᒻᒪᒃᓴᕐᓂᕐᒧᑦ ᐱᓕᕆᕝᕕᒃ ᑮᓇᐅᔭᖃᖅᑎᑕᐅᓂᐊᖅᐳᖅ, ᓄᑖᒧᑦ ᓄᓇᕗᒻᒥ ᐊᖏᕈᑎ ᐊᑐᓕᖅᑎᑦᑎᓂᕐᒧᑦ ᑳᓐᑐᓛᒋᔭᐅᔪᖅ ᐊᑐᕐᓗᒍ. ᐃᓚᖃᕐᓂᐊᖅᐳᖅ 8−ᓂᒃ ᓄᑖᓂᒃ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐃᔨᓂᒃ ᐃᖅᑲᓇᐃᔮᒃᓴᓂᒃ ᐱᓕᕆᐊᖃᓪᓗᐊᑕᖅᑐᓂᒃ ᓯᕗᒻᒧᐊᒃᑎᑦᑎᕙᓪᓕᐊᓗᑎᒃ ᐃᓄᖕᓂᒃ ᐃᖅᑲᓇᐃᔭᖅᑎᓂᒃ ᐱᓕᕆᐊᖑᕙᓪᓕᐊᔪᒪᔪᓂᒃ ᒐᕙᒪᒃᑯᑦ ᐱᓕᕆᕝᕕᓕᒫᖏᓐᓂ. ᐃᒃᓯᕙᐅᑖᖅ, ᐱᓕᕆᕝᕕᒐ ᑭᖑᓪᓕᖅᐹᖅᓯᐅᑎᓂᒃ ᐋᖅᑭᒃᓱᐃᓂᐊᕆᕗᑦ ᐊᑐᓕᖅᑎᑦᑎᕙᓪᓕᐊᓕᕐᓗᑎᒡᓗ ᓄᓇᕗᑦ ᒐᕙᒪᖓᑕ ᓄᑖᒥᒃ ᐃᖅᑲᓇᐃᔭᖅᑐᓕᕆᓂᕐᒧᑦ ᐸᕐᓇᐅᑎᒥᒃ. ᓴᖅᑭᑎᑦᑎᓂᐊᖅᐳᒍᑦ Fusion Cloud−ᒥᑦ ᖃᕆᓴᐅᔭᓕᕆᔾᔪᑎᒥᒃ ᑭᖑᓕᕇᒃᑐᒃᑯᑦ ᓄᑖᙳᕆᐊᖅᑎᑦᑎᔪᓂᑦ ᐋᖅᑭᑦᑎᐊᖅᓯᓗᑎᒡᓗ ᐃᖅᑲᓇᐃᔭᖅᑐᓕᕆᔨᒃᑯᑦ ᑲᔪᓯᓂᕆᕙᒃᑕᖏᓐᓂᒃ, ᐃᓚᒋᔭᐅᓪᓗᑎᒃ ᐃᖅᑲᓇᐃᔭᖅᑎᒃᓴᖅᓯᐅᕐᓂᖅ, ᓄᖅᑲᖓᓂᐊᖅᑐᓄᑦ ᐅᐸᖃᑦᑕᖅᑐᓄᓪᓗ, ᐃᓕᓐᓂᐊᕐᓂᕐᒧᓪᓗ ᐱᕙᓪᓕᐊᑎᑦᑎᓂᕐᒧᓪᓗ. ᓯᐊᒻᒪᒃᑎᕆᕙᓪᓕᐊᓂᖅ ᐃᑲᔪᖅᑐᕐᓗᒍ, ᐱᓕᕆᖃᑎᖃᕐᓂᐊᖅᐳᒍᑦ ᐃᖏᕐᕋᔪᓕᕆᔨᒃᑯᓐᓂ ᐊᐅᓚᔪᓐᓇᐅᑎᓕᕆᔨᒃᑯᓐᓂᓪᓗ ᐱᕚᓪᓕᖅᑎᑦᑐᒪᓪᓗᒋᑦ ᓄᓇᓕᖕᓂ ᐃᖅᑲᓇᐃᔭᖅᑎᑖᕈᓐᓇᕐᓂᖅ ᓄᓇᕘᓕᒫᒥ ᐃᖅᑲᓇᐃᔭᖅᑎᑖᕋᓱᖕᓂᕐᒧᑦ ᐊᑐᐊᒐᖅ ᐊᑐᕐᓗᒍ ᖃᐅᔨᓇᓱᒡᓗᑎᒡᓗ ᐱᕕᒃᓴᓂᒃ ᐊᑐᐃᓐᓇᐅᔪᓂᒃ ᑎᑎᕋᕐᕕᖕᓂ ᓄᓇᓕᖕᓂ. ᐆᒃᑐᕋᕐᓂᐊᕐᒥᔪᒍᑦ ᖃᐅᔨᓴᕈᑕᐅᔪᒥᒃ ᐃᖅᑲᓇᐃᔮᓂᒃ ᓴᖅᑭᔮᖅᑎᑦᑎᓂᕐᒥᒃ, ᐊᓯᐊᒍᖔᖅ ᖃᐅᔨᓴᕈᑕᐅᔪᓐᓇᖅᑐᓂᒃ, ᐱᐅᓯᕚᓪᓕᑎᑦᑎᓂᕐᒥᓪᓗ ᓄᓇᓕᖕᓂ ᑐᓴᐅᒪᖃᑎᒌᖕᓂᕐᒥᒃ ᐱᔪᓐᓇᕐᓂᖅᑖᒃᑲᓐᓂᖁᓪᓗᒋᑦ ᐃᓄᐃᓪᓗ ᐃᖅᑲᓇᐃᔭᖅᑎᑕᐅᓂᖏᓐᓄᑦ ᓄᓇᓕᖕᓃᑦᑐᓂᒃ ᐃᖅᑲᓇᐃᔮᓂᒃ. ᓴᖅᑭᔮᖅᑎᑉᐸᓪᓕᐊᖏᓐᓇᕐᓂᐊᖅᐸᕗᑦ ᑐᒡᓕᕆᔭᕗᑦ ᐃᓕᓐᓂᐊᖅᑎᓂᒃ ᐃᖅᑲᓇᐃᔭᖅᑎᑦᑎᕙᒃᑐᓂᒃ, ᑎᓕᐅᕐᓗᒋᑦ ᐱᓕᕆᕝᕕᒋᔭᐅᔪᑦ ᐊᑐᖁᓪᓗᒋᑦ ᖃᓄᖅᑑᕈᑕᐅᓯᒪᔪᓂᒃ ᓴᖅᑭᑎᑦᑎᖁᓪᓗᒋᑦ ᐃᖅᑲᓇᐃᔮᒃᓴᓂᒃ ᓄᓇᕗᒻᒥ ᐃᓕᓐᓂᐊᖅᑎᓂᒃ ᐱᕕᖃᖅᑎᑦᑎᔪᓂᒃ ᕿᒥᕐᕈᐊᕈᓐᓇᕐᓗᑎᒃ ᐃᓕᓐᓂᐊᕐᓂᕐᒧᑦ ᐃᖅᑲᓇᐃᔮᕆᔪᒪᔭᒥᓂᒡᓗ ᐊᖅᑯᑎᒋᔭᐅᔪᒥᒃ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓐᓂ ᐃᓚᖃᕐᓗᓂ ᑲᔪᖏᖅᓴᐃᔨᖃᕐᓂᕐᒥᒃ, ᐱᓕᒻᒪᒃᓴᕐᓂᕐᒥᒃ ᐃᖅᑲᓇᐃᔭᖅᓯᓐᓈᓪᓗ ᐱᓕᕆᔭᕆᐅᖅᓴᓂᕐᒥᒃ. ᖄᒃᑲᓐᓂᐊᒍᑦ, ᐋᖅᑭᒃᓱᐃᓂᐊᖅᐳᒍᑦ ᑐᕌᖓᑦᑎᐊᖅᑐᒥᒃ ᐃᖅᑲᓇᐃᔭᖅᑎᒃᓴᖅᓯᐅᕐᓂᕐᒧᑦ ᐱᓕᕆᐊᖑᕙᓪᓕᐊᔪᒪᔪᒥᒃ ᐱᔾᔪᑎᖃᓗᐊᖅᑐᒥᒃ ᐃᖅᑲᓇᐃᔭᖅᑎᑖᕐᓂᕐᒥᒃ ᒪᒃᑯᒃᑐᓂᒃ ᓄᓇᕗᒻᒥᐅᓂᒃ. ᑲᒪᒋᓂᐊᕐᓗᒍ ᐃᓂᒋᔭᐅᔪᓐᓇᖅᑐᓂᑦ ᐊᒃᓱᕈᕐᓇᖅᑐᑦ ᐃᓐᓄᒃᑕᐅᔭᕆᐊᖃᓪᓚᕆᒃᑐᓪᓗ ᐃᓐᓄᒃᑕᐅᓗᑎᒃ, ᐱᓕᕆᕝᕕᐅᔪᖅ ᑲᑐᔾᔨᖃᑎᖃᕐᓂᐊᖅᐳᖅ ᐱᓕᕆᕝᕕᒋᔭᐅᔪᓂᒃ ᐋᖅᑭᒃᓱᐃᓗᑎᒃ ᐱᓕᕆᕝᕕᒋᔭᐅᔪᒥ ᐃᖅᑲᓇᐃᔭᖅᑎᒃᓴᖅᓯᐅᖅᑎᓄᑦ ᐸᕐᓇᐅᑎᓂᒃ ᑲᔪᓯᑎᑦᑎᓗᑎᒡᓗ ᐃᖅᑲᓇᐃᔭᖅᑎᓴᖅᓯᐅᖅᑎᓄᑦ ᐱᓕᒻᒪᒃᓴᕈᑎᓂᒃ ᐃᑲᔪᖅᑐᐃᓗᑎᒃ ᐊᑕᐅᓰᓐᓇᓕᓗᑎᒃ ᑲᔪᓯᑦᑎᐊᕐᓗᑎᒡᓗ ᐃᖅᑲᓇᐃᔭᖅᑎᒃᓴᖅᓯᐅᖃᑦᑕᖅᑐᑦ. ᓄᓇᕗᑦ ᓯᕗᒻᒧᐊᒃᐸᓪᓕᐊᑎᓪᓗᒍ ᓯᐊᒻᒪᒃᑎᖅᐸᓪᓕᐊᓂᕐᒧᑦ, ᐱᕙᒌᔭᖅᐸᓪᓕᐊᒋᕗᒍᑦ ᓄᒃᑎᖅᑕᐅᓛᖅᑐᓄᑦ ᒐᕙᒪᑐᖃᒃᑯᑦ ᐃᖅᑲᓇᐃᔭᖅᑎᖏᓐᓂ ᐃᖅᑲᓇᐃᔭᖅᑎᑦᑎᓐᓄᑦ ᐄᐳᕈ 1, 2027−ᒥ, ᐊᒻᒪᓗᑦᑕᐅᖅ ᐃᖅᑲᓇᐃᔭᖅᑎᑖᖅᐸᓪᓕᐊᓗᑕ ᓄᑖᓂᒃ ᐱᒻᒪᕆᐊᓗᖕᓂᒃ ᐃᖅᑲᓇᐃᔮᓂᒃ ᐱᔭᐅᔭᕆᐊᖃᕐᓂᐊᖅᑐᓂᒃ ᐃᑲᔪᖅᑐᐃᓗᑎᒃ ᒐᕙᒪᑦᑕ ᑲᒪᒋᔭᒃᓴᖏᓐᓂᒃ ᐅᓄᖅᓯᕙᓪᓕᐊᔪᓂᑦ. ᐊᑐᕐᓗᒋᑦ ᖃᐅᔨᓴᕈᑕᐅᓚᐅᖅᑐᓂᑦ ᖃᖓᑦᑎᐊᓵᖅ ᐃᖅᑲᓇᐃᔭᖅᑎᑦ ᐃᓚᐅᑎᑕᐅᓂᖏᓐᓄᑦ ᖃᐅᔨᓴᕈᑎᒥᑦ, ᐋᖅᑭᒃᓱᐃᓂᐊᖅᐳᒍᑦ ᐊᑐᓕᖅᑎᑦᑎᓗᑕᓗ ᖃᓄᐃᓕᐅᕈᑕᐅᔪᒪᔪᓂᒃ ᐃᖅᑲᓇᐃᔭᖅᑎᑦ ᐃᓚᐅᑎᒃᑲᓐᓂᕐᓗᒋᑦ, ᖃᓄᐃᙱᑦᑎᐊᕐᓂᖏᑦ, ᐃᖅᑲᓇᐃᔭᖅᑎᑖᖅᐸᓪᓕᐊᓂᖅ ᐃᖅᑲᓇᐃᔭᖅᑎᖃᐃᓐᓇᕐᓂᕐᓗ, ᐊᒻᒪᓗ ᐃᖅᑲᓇᐃᔭᖅᑎᑦᑎᔨᑦ ᓂᕈᐊᕆᔭᖏᓐᓂᒃ ᐱᓕᕆᐊᖑᕙᓪᓕᐊᔪᒪᔪᓂᒃ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 25 ᐃᒃᓯᕙᐅᑖᖅ, ᐱᓕᕆᕝᕕᒐ ᓯᕗᓕᖅᑎᓂᒃ ᓴᖅᑭᑎᑦᑎᔪᒪᓪᓚᕆᒃᐳᑦ ᐱᓕᕆᖃᑎᖃᕐᓗᑎᒡᓗ ᐱᓕᕆᖃᑎᒌᖕᓂᒃᑯᑦ ᒐᕙᒪᒃᑯᓐᓂᓕᒫᖅ ᓯᕗᒻᒧᐊᒃᑎᑦᑎᓗᑎᒃ ᐃᑲᔪᖅᑎᒌᒃᑕ ᐱᓕᕆᐊᒃᓴᕆᑎᑕᐅᔪᓂᑦ. ᓴᙱᔪᒥᒃ, ᑭᒡᒐᖅᑐᐃᔪᒥᒃ ᑲᔪᓯᑦᑎᐊᖅᑐᒥᒡᓗ ᒐᕙᒪᒃᑯᑦ ᐃᖅᑲᓇᐃᔭᖅᑎᖃᕐᓗᑎᒃ ᑐᙵᕕᖃᑦᑎᐊᖅᑎᑦᑎᓂᐊᖅᐳᑦ ᐱᕙᓪᓕᐊᓂᕐᒧᑦ ᐊᒻᒪ ᓯᕗᓂᒃᓴᖃᑦᑎᐊᖅᑎᑦᑎᓗᑎᒃ ᓄᓇᕗᒥᐅᓄᑦ. ᐃᒃᓯᕙᐅᑖᖅ, ᐅᖃᐅᓯᒃᓴᒃᑲ ᐃᓱᓕᑲᓚᐅᖅᐳᑦ. ᑐᙵᓱᒃᑎᑦᑎᕗᖓ ᐊᐱᖅᑯᑎᒃᓴᖅᑕᖃᖅᐸᑦ ᐅᖃᐅᓯᒃᓴᖃᖅᑐᖃᖅᐸᓪᓗ ᑲᑎᒪᔨᕋᓛᓂᑦ. ᖁᔭᓐᓇᒦᒃ. ᐃᒃᓯᕙ ᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑕᑦᑐᐃᓂ. ᒪᑉᐱᒐᖓᓂ 2-ᖓᓂ ᒪᑐᐃᖅᓯᒍᑎᓐᓂ, ᐊᑐᓕᖅᓯᕙᓪᓕᐊᓂᐊᕋᔅᓯᒎᖅ ᖃᐅᔨᒪᒐᓱᓪᓗᑕ ᑐᑭᒧᐊᕈᑎᔅᓴᓕᐊᒥᓂᖅᑎᑦ 2024-2034−ᒧᑦ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᓐᓄᑦ ᐸᕐᓇᐅᑎᕐᔪᐊᖓᓂ. ᐃᒃᓯᕙᐅᑕᖓᑦ ᑲᑎᒪᔨᕋᓛᑦ ᒪᑐᐃᖅᓯᒍᑎᔅᓴᖃᕆᕚ? ᑲᔪᓯᒋᐊᕆᑦ, ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᕕᐊᓱᑉᐳᖓ ᐅᖃᐅᓯᖃᕆᐊᒃᓴᖅ ᒪᑐᐃᖅᓯᔾᔪᑎᑦᑎᓐᓂᑦ ᐱᔾᔪᑎᓗᒋᑦ ᑲᑎᒪᔨᕋᓛᖑᔪᑦ ᓇᐅᑦᓯᖅᑐᖅᑎᐅᔪᑦ ᒐᕙᒪᒃᑯᑦ ᐊᐅᓚᓂᖏᓐᓂᑦ ᑮᓇᐅᔭᖅᑐᕈᑎᖏᓐᓂᓪᓗ ᕿᒥᕐᕈᓂᖃᓐᖑᓱᑦᑎᓪᓗᒋᑦ ᑐᒃᓯᕌᖑᔪᓂᑦ 2026-2027-ᒥ ᑮᓇᐅᔭᖅᑐᕈᑎᒃᓴᖏᓐᓂᑦ ᒥᒃᓴᐅᓯᔭᐅᓯᒪᔪᓂᑦ ᐊᒻᒪᓗ 2026-2030-ᒥ ᐱᓕᕆᐊᒃᓴᓄᑦ ᐸᕐᓇᐅᑎᖏᓐᓂᑦ ᐱᓕᕆᕕᖓᑕ ᐃᖅᑲᓇᐃᔭᖅᑎᓕᕆᔨᒃᑯᑦ. ᑖᒃᓱᒪ ᐱᓕᕆᕕᐅᔫᑉ ᑐᒃᓯᕌᖏᑦ 2026-2027−ᒥ ᐊᐅᓚᑦᑎᒍᑎᒃᓴᑦ ᐋᖅᑭᐅᒪᑎᑦᑎᒍᑎᒃᓴᓪᓗ ᐊᑐᕈᒫᕐᓂᐊᖅᑐᖁᑎᖏᑦ $30,709,000−ᖑᒻᒪᑕ. ᑖᓐᓇᓗ ᐊᖏᓪᓕᒋᐊᕆᒐᓱᓐᓂᐅᓪᓗᓂ 1.7%-ᒥᑦ ᑐᒃᓯᕌᕆᔪᔭᖏᓐᓂᑦ 2025-2026-ᒥ ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓄᑦ. ᐃᖅᑲᓇᐃᔮᖁᑎᖏᑦ ᐱᓕᕆᕕᐅᔫᑉ ᐊᒥᓱᕈᕆᐊᖅᑕᐅᔪᒪᓪᓗᑎᒃ 133.0-ᓂᑦ 2025-2026−ᒥ ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓂ ᑕᒪᐅᖓ 144.0−ᓄᑦ 2026-2027-ᒥ ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓂ. ᒪᓕᒐᓕᐅᖅᑏᑦ ᐅᖃᐅᓯᖃᖃᑦᑕᔪᔪᑦ ᐊᒥᓱᑲᓪᓚᓐᓂᑦ ᐅᖃᐅᓯᒃᓴᖃᔪᔪᑦ ᐃᓱᒫᓗᒋᔭᖃᖅᑐᑎᓪᓗ ᒥᓂᑕᐅᑉ ᓴᖅᑭᔮᕋᑖᕐᓂᕆᔪᔭᖓᓂ ᑲᑎᒪᔨᕋᓛᑦ ᓵᖓᓂ. ᑕᐃᒃᑯᐊ 2024-2025−ᒥ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂᑦ ᐱᔾᔪᑎᓖᑦ ᐊᕐᕌᒍᑕᒫᖅᓯᐅᑎᑦ ᐅᓂᒃᑳᓕᐊᒥᓂᖏᑦ ᒪᓕᒐᓕᐅᖅᕕᒻᒧᑦ ᓴᖅᑭᖅᑕᐅᔪᒻᒪᑕ ᓯᑎᐱᕆ 17, 2025-ᒥ. ᒪᓕᒐᓕᐅᖅᑏᑦ ᓂᕆᐅᑦᑎᐊᖅᐳᖅ ᓴᖅᑭᖅᑕᐅᓛᕐᓂᖏᓐᓄᑦ ᖄᖏᐅᑎᓐᖏᓪᓗᑎᒃ 2025-2026-ᒧᑦ ᐊᕐᕌᒍᑕᒫᖅᓯᐅᑎᑦ ᐅᓂᒃᑳᓕᐊᒥᓃᑦ. ᐱᓕᕆᕕᖓᑦ ᐃᖅᑲᓇᐃᔭᖅᑎᓕᕆᔨᒃᑯᑦ ᐱᓕᕆᔨᐅᒻᒪᑕ ᐋᖅᑭᑦᑎᕆᔨᐅᓪᓗᑎᒃ ᒐᕙᒪᓕᒫᑉ ᐃᓄᓐᓂᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᑎᑭᐅᑎᔭᐅᒐᓱᒋᐊᓕᓐᓂᑦ. ᐱᒻᒪᕆᐅᕗᑦ ᐃᓕᑕᖅᓯᒋᐊᒃᓴᖅ ᐱᕙᓪᓕᐊᑎᑕᐅᓯᒪᒻᒪᑦ ᐅᓪᓗᒥᒧᑦ ᐊᒥᓱᕈᕆᐊᖅᑎᑦᑎᒐᓱᑦᑐᑎᒃ ᐃᓄᓐᓂᑦ ᐃᖅᑲᓇᐃᔭᖅᑐᓂᑦ ᓄᓇᕗᑦ ᒐᕙᒪᖓᓂ. ᑐᑭᓯᑎᑦᑎᒋᐊᕈᑏᑦ ᐃᓗᐊᓃᑦᑐᑦ ᒐᕙᒪᒃᑯᑦ ᐊᕐᕌᒍᒥ ᑎᓴᒪᐃᕋᖅᑐᑎᒃ ᐅᓂᒃᑳᓕᐊᕆᕙᑦᑕᖏᓐᓂ ᐃᖅᑲᓇᐃᔭᖅᑎᓕᕆᓂᕐᒥ ᓇᓗᓇᐃᖅᓯᓯᒪᒻᒪᑕ ᑲᑎᓪᓗᒋᑦ 1,388 ᓄᓇᕗᒻᒥᐅᑕᐃᑦ ᐃᓄᐃᑦ ᐃᖅᑲᓇᐃᔭᖅᑎᑕᐅᓕᕐᓂᕐᒪᑕ ᒐᕙᒪᒃᑯᓐᓄᑦ ᒫᑦᓯ 31, 2006-ᒥ. ᒫᑦᓯ 2026-ᒥᓕ, ᑖᓐᓇ ᓈᓴᐅᑎ ᖁᕝᕙᕆᐊᖅᓯᒪᓕᖅᑐᒥᓂᖅ 1,973-ᓄᑦ. ᑖᓐᓇ ᑐᑭᖃᖅᑐᖅ ᐊᒥᓱᕈᕆᐊᕐᓂᕐᒥᑦ 42%-ᓂᑦ ᐊᕐᕌᒍᑦ 20 ᐅᓂᒍᕋᓱᐊᖅᑎᓪᓗᒋᑦ. ᐱᒻᒪᕆᐅᕗᖅ ᒐᕙᒪᒃᑯᑦ ᓴᓇᑉᐸᑕ ᑎᑭᐅᑎᒐᒃᓴᓪᓚᕆᐅᔪᓂᑦ ᖃᖓᒃᑯᑦ ᑎᑭᐅᑎᒐᓱᓛᕐᒪᖔᑕ ᐃᓄᐃᑦ ᖃᑦᑎᐅᓂᖏᑦ ᐳᓴᓐᑎᖏᑎᒍᑦ ᑭᒡᒐᖅᑐᖅᑕᐅᓪᓚᕆᒋᐊᖃᕐᓂᖏᓐᓄᑦ ᐃᖅᑲᓇᐃᔮᖁᑎᓕᒫᖏᓐᓂ ᒐᕙᒪᒃᑯᑦ. ᑖᓐᓇ ᑎᑭᐅᑎᑎᒐᓱᒋᐊᖓ ᐱᒡᒐᓇᓪᓗᐊᑲᓪᓚᑦᑐᖅ. ᒐᕙᒪᒃᑯᑦ ᒫᓐᓇᓕᓴᐅᓛᖁᑎᖏᓐᓂ ᐊᕐᕌᒍᒥ ᑎᓴᒪᐃᕋᖅᑐᑎᒃ

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 26 ᐅᓂᒃᑳᓕᐊᕆᕙᑦᑕᖏᓐᓂ ᐃᖅᑲᓇᐃᔭᖅᑎᓕᕆᓂᕐᒥ ᓇᓗᓇᐃᖅᓯᓯᒪᒻᒪᑕ ᒫᑦᓯ 31, 2026-ᒥ, ᓄᓇᕗᑦ ᒐᕙᒪᖓ ᑲᑎᑦᑐᒋᑦ ᐃᖅᑲᓇᐃᔮᖁᑎᖃᓕᕐᓂᕐᒪᑕ 5,744−ᓂᑦ, ᑕᕝᕙᖓᓪᓗ 1,973 ᓄᓇᕗᒻᒥ ᐃᓄᓐᓄᑦ. 1,824 ᐃᖅᑲᓇᐃᔮᑦ ᐃᓐᓄᒃᑕᐅᓯᒪᓪᓗᑎᒃ ᓄᓇᕗᒻᒥ ᐃᓄᖑᓐᖏᑦᑐᓄᑦ ᐊᒻᒪᓗ 1,947 ᐃᖅᑲᓇᐃᔮᑦ ᐃᓐᓄᒃᑕᐅᓯᒪᓇᑎᒃ. ᒐᕙᒪᒃᑯᓪᓕ ᑎᑭᐅᑎᓂᐊᖅᐸᑕ 85%−ᒥᑦ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᓐᓄᑦ ᐃᖅᑲᓇᐃᔮᖁᑎᓕᒫᖏᓪᓗ ᐃᓐᓄᑦᑕᐅᓗᑎᒃ, ᐃᖅᑲᓇᐃᔮᖅᑖᑎᑦᑎᒋᐊᓖᑦ ᑕᒫᓂᐸᓘᖅᑐᓂᑦ 2,909−ᓂᑦ ᓄᓇᕗᒻᒥ ᐃᓄᓐᓂᑦ ᐊᒻᒪᓗ ᐊᑕᐅᓯᕐᒥᓘᓐᓃᑦ ᓄᖅᑲᖅᑐᖃᓐᖏᓪᓗᓂ ᐅᓪᓗᒥ ᓄᓇᕗᒻᒥ ᐃᓄᓐᓂᑦ ᐃᖅᑲᓇᐃᔭᖅᑐᓂᑦ ᒐᕙᒪᒃᑯᓐᓂ. ᑖᒃᓱᒪ ᐱᓕᕆᕕᐅᔫᑉ ᑐᒃᓯᕌᖏᑦ 2026-2027-ᒥ ᑮᓇᐅᔭᖅᑐᕈᑎᒃᓴᑦ ᒥᒃᓴᐅᓯᔭᐅᓯᒪᔪᑦ ᓇᓗᓇᐃᖅᓯᓯᒪᒻᒪᑕ ᓄᑖᒥᑦᒎᖅ ᐃᖅᑲᓇᐃᔭᓚᐅᖅᑎᓐᓇᒋᑦ ᐃᓕᓐᓂᐊᑎᑦᑎᔨᓂᑦ ᐊᓪᓚᕕᒻᒥᑦ ᓴᓇᔪᖃᕐᓂᐅᓴᒻᒪᑦ. ᑖᓐᓇ ᐊᓪᓚᕝᕕᒃ ᐊᑐᕈᒫᕐᓂᐊᖅᑐᖁᑎᖃᖅᑐᓂ 11.0−ᓄᑦ ᐃᖅᑲᓇᐃᔮᓄᑦ. ᑖᒃᓱᒪ ᐱᓕᕆᕕᐅᔫᑉ 2026-2027-ᒥ ᑮᓇᐅᔭᖅᑐᕈᑎᒃᓴᖏᑦ ᒥᒃᓴᐅᓯᔭᐅᓯᒪᔪᑦ ᓇᓗᓇᐃᖅᓯᓯᒪᒻᒪᑕ ᐱᓂᐊᕐᒪᑕᒎᖅ $35.708 ᒥᓕᐊᓐ ᑖᓚᓂᑦ ᓄᓇᑖᕈᑎᓂ ᓈᓴᐅᑎᓕᒃ 23−ᒧᑦ ᑮᓇᐅᔭᓂᑦ ᒐᕙᒪᑐᖃᒃᑯᑦ ᓄᓇᖃᖅᑳᖅᑐᒥᓂᕐᓂᑦ ᐱᓕᕆᖃᑎᖃᕐᓂᖏᓐᓄᑦ ᐊᒻᒪᓗ ᐅᑭᐅᖅᑕᖅᑐᓕᕆᓂᕐᒧᑦ. ᒐᕙᒪᒃᑯᑦ ᒫᓐᓇᓕᓴᐅᓛᖁᑎᖏᓐᓂ ᐊᕐᕌᒍᒥ ᑎᓴᒪᐃᕋᖅᑐᑎᒃ ᐅᓂᒃᑳᓕᐊᕆᕙᑦᑕᖏᓐᓂ ᐃᖅᑲᓇᐃᔭᖅᑎᓕᕆᓂᕐᒥ ᓇᓗᓇᐃᖅᓯᓯᒪᒻᒪᑕ ᒫᑦᓯ 31, 2026-ᒥ, ᓄᓇᕗᑦ ᒐᕙᒪᖓ ᑲᑎᑦᑐᒋᑦ ᐃᖅᑲᓇᐃᔮᖁᑎᖃᓕᕐᓂᕐᒪᑕ 5,744−ᓂᑦ ᓄᓇᕗᑦ ᒐᕙᒪᖓᑕ ᐱᓕᕆᕕᖏᓐᓂ, ᑎᒥᖁᑎᖏᓐᓂ ᐊᒻᒪᓗ ᑯᐊᐳᕇᓴᓐᖁᑎᖏᓐᓂ. 3,797 ᐃᖅᑲᓇᐃᔮᑦ ᐃᓐᓄᒃᑕᐅᓯᒪᓪᓗᑎᒃ ᐊᒻᒪᓗ 1,947 ᐃᖅᑲᓇᐃᔮᑦ ᐃᓐᓄᒃᑕᐅᓯᒪᓇᑎᒃ. ᑕᒫᓂᐸᓗᒃ 33.0% ᐃᖅᑲᓇᐃᔮᑦ ᐃᓐᓄᒃᑕᐅᓯᒪᓇᑎᒃ. ᑲᑎᒪᔨᕋᓛᑦ ᖃᐅᔨᒪᔪᑦ ᒐᕙᒪᒃᑯᑦ ᓄᑖᖁᑎᖓ ᓄᓇᕗᓕᒫᒥ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᑐᐊᒐᖅ, ᓄᓇᕗᑦ ᓯᓚᑖᓂᑦ ᐃᖅᑲᓇᐃᔭᖅᑎᑖᕐᓂᕐᒧᑦ ᐊᑐᐊᒐᖓ ᐊᒻᒪᓗ ᖃᕋᓴᐅᔭᒃᑯᑦ ᐃᖅᑲᓇᐃᔭᕐᓂᕐᒧᑦ ᐊᑐᐊᒐᖓ ᒫᓐᓇ ᐊᑐᓕᕐᒪᑕ. ᑲᑎᒪᔨᕋᓛᑦ ᑲᔪᖏᖅᓴᐃᕗᖅ ᒥᓂᔅᑕᐅᔪᒥᑦ ᖃᐅᔨᒪᓇᓱᐊᖁᔭᐅᓪᓗᓂ ᐊᕐᕌᒍᑕᒫᖅᓯᐅᑎᑦ ᐅᓂᒃᑲᓕᐊᒥᓃᑦ ᐊᑖᒎᖓᔪᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑕ ᐱᖁᔭᕐᔪᐊᖓᒍᑦ ᐃᓗᓕᖃᕋᓗᐊᕐᒪᖔᑕ ᐃᓗᓕᖅᑐᔪᓂᑦ ᑐᑭᓯᑎᑦᑎᒋᐊᕈᑎᓂᑦ ᐱᔾᔪᑎᖃᖅᑐᓂᑦ ᐊᐅᓚᑕᐅᓂᖏᓐᓂᑦ ᑖᒃᑯᐊ ᐊᑐᐊᒐᐃᑦ ᐊᒻᒪᓗ ᖃᓄᖅ ᐊᒃᑐᖅᓯᖃᑦᑕᕐᒪᖔᑕ ᐃᓄᒃᓯᒐᓱᐊᕐᓂᐅᔪᓂᑦ ᐃᓐᓄᒃᑕᐅᓯᒪᓐᖏᑦᑐᓂᑦ. ᑖᒃᓱᒪ ᐱᓕᕆᕕᐅᔫᑉ 2026-2030 ᐱᓕᕆᐊᒃᓴᓄᑦ ᐸᕐᓇᐅᑎᖓ ᓇᓗᓇᐃᖅᓯᓯᒪᒻᒪᑦ ᐃᓚᖓᒎᖅ ᓯᕗᓪᓕᐅᑎᓐᓂᐊᖅᑕᖏᓐᓄᑦ 2026-2027-ᒥ ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓂ ᑕᒪᓐᓇᐅᒻᒪᑦ “ᐱᒋᐊᖅᑎᑦᑎᓂᖅ ᐃᒻᒥᒃᑰᖓᔪᓄᑦ ᕿᒥᕐᕈᔭᐅᑎᑦᑎᓂᕐᒥᑦ ᐃᖅᑲᓇᐃᔭᖅᑎᑖᕋᓱᐊᕐᓂᐅᔪᓂᑦ ᕿᓂᕐᓗᑎᒃ ᐊᑐᕋᒃᓴᐅᔪᓂᑦ ᐊᐅᓚᑦᑎᐊᕋᔭᖅᑐᓂᑦ ᐱᕙᓪᓕᐊᑎᑦᑎᒍᓐᓇᖅᑐᓂᓪᓗ ᐱᓕᕆᔾᔪᑎᐅᔪᓂᑦ.” ᒪᓕᒐᓕᐅᖅᑏᑦ ᓂᕆᐅᑦᑎᐊᖅᐳᑦ ᓇᓗᓇᐃᖅᑐᐃᕕᐅᓛᕐᓂᕐᒥᓄᑦ ᖃᓄᐃᓕᖓᓕᕐᒪᖓᖅ ᑖᓐᓇ ᕿᒥᕐᕈᓂᐅᔪᖅ. ᓄᓇᕗᑦ ᒐᕙᒪᖓᑕ ᐅᓪᓗᒥᐅᔪᖅ ᐃᕐᕐᑲᓇᐃᔭᖅᑎᓂᑦ ᐃᓪᓗᖃᖅᑎᑦᑎᓂᕐᒧᑦ ᐊᑐᐊᒐᖓ ᐊᖏᖅᑕᐅᓚᐅᖅᓯᒪᒻᒪᑦ ᐄᐳᕈ 2019-ᒥ. ᑖᓐᓇ ᐃᖅᑲᓇᐃᔭᖅᑎᓕᕆᔨᒃᑯᑦ ᐱᓕᕆᕕᖓᑕ ᐱᓕᕆᐊᕆᒋᐊᓕᖏᓐᓄᑦ ᐃᓚᒋᔭᐅᒻᒪᑦ. ᑖᒃᓱᒪ ᐱᓕᕆᕕᐅᔫᑉ 2026-2030-ᒥ ᐱᓕᕆᐊᒃᓴᓄᑦ ᐸᕐᓇᐅᑎᖓ ᓇᓗᓇᐃᖅᓯᓯᒪᒻᒪᑦ ᐃᓚᖓᒎᖅ ᓯᕗᓪᓕᐅᑎᓐᓂᐊᖅᑕᖏᓐᓄᑦ 2026-2027-ᒥ ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓂ ᑕᒪᓐᓇᐅᒻᒪᑦ “ᐱᔭᕇᖅᓯᓗᑎᒃ ᕿᒥᕐᕈᔭᐅᓂᖓᓂᑦ ᐃᖅᑲᓇᐃᔭᖅᑎᓂᑦ ᐃᓪᓗᖃᖅᑎᑦᑎᓂᕐᒧᑦ ᐱᓕᕆᓂᐅᔪᖅ ᐊᒻᒪᓗ ᓴᓇᓗᑎᒃ ᐊᑐᓕᖁᔭᓕᐊᒃᓴᓂᑦ.” ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᑯᐊᐳᕇᓴᓐᖓᑕ 2026-2030-ᒥ ᐱᓕᕆᐊᒃᓴᓄᑦ ᐸᕐᓇᐅᑎᖓ ᓇᓗᓇᐃᖅᓯᓯᒪᒻᒪᑦ ᐃᓚᖓᑦᒎᖅ ᓯᕗᓪᓕᐅᑎᓐᓂᐊᖅᑕᖓ 2026-2027−ᒥ ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓂ ᑕᒪᓐᓇᐅᒻᒪᑦ “ᑲᑐᔾᔨᖃᑎᖃᕐᓗᑎᒃ ᐱᓕᕆᕕᖓᓂᑦ ᐃᖅᑲᓇᐃᔭᖅᑎᓕᕆᔨᒃᑯᑦ ᐱᕙᓪᓕᐊᑎᑦᑎᓗᑎᒃ ᐊᑐᓕᖅᑎᑦᑎᓗᑎᓪᓗ ᐊᓯᐊᓂᑦ ᐃᓪᓗᑖᖅᑎᑦᑎᓂᕐᒧᑦ ᐋᖅᑭᒍᑎᒃᓴᐅᔪᓂᑦ ᓄᓇᕗᑦ ᒐᕙᒪᖓᑕ ᐃᖅᑲᓇᐃᔭᖅᑎᖏᓐᓄᑦ ᐊᖏᕐᕋᖃᕈᓐᓃᕐᓂᐅᓴᔪᓄᑦ.”

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 27 ᒪᓕᒐᓕᐅᖅᑏᑦ ᐅᖃᖅᑐᑦ ᑕᒪᓐᓇ ᐃᓱᒫᓗᒋᔭᐅᓪᓗᓂ ᓴᖅᑭᐸᓪᓕᐊᒻᒪᑦ ᓄᓇᓕᓐᓂ ᐊᒥᓱᑲᓪᓚᓐᓂ ᐊᒃᑐᖅᓯᓗᐊᖅᐸᑦᑐᓂᓗ ᑕᒪᒃᑯᓂᖓᑐᐊᐸᓗᒃ ᐊᑯᓂ ᐃᖅᑲᓇᐃᔭᖅᓯᒪᔪᓂᑦ ᐃᓄᓐᓂᑦ ᐃᖅᑲᓇᐃᔭᖅᑎᓂᑦ. ᑖᓐᓇ ᐱᓕᕆᕕᐅᔪᖅ ᑲᒪᔨᐅᒻᒪᑦ ᐊᐅᓚᑕᐅᓂᖓᓂᑦ ᐊᕐᕌᒍᓕᒫᒥ ᑐᒡᓕᕆᔭᕗᑦ ᐃᓕᓐᓂᐊᖅᑎᓂᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᐱᓕᕆᓂᐅᔪᒥᑦ. ᒪᓕᒐᓕᐅᖅᑏᑦ ᑕᒪᑐᒥᖓ ᐱᓕᕆᓂᐅᔪᒥᑦ ᓯᐊᒻᒪᐃᖁᔨᕗᑦ ᓄᓇᓕᓕᒫᓄᑦ ᓄᓇᕗᒻᒥ. ᑕᕝᕙ ᐃᓱᓕᑉᐳᑦ ᒪᑐᐃᖅᓯᔾᔪᑎᒃᑲ ᐱᓪᓗᒋᑦ ᑐᒃᓯᕌᖑᔪᑦ 2026-2027-ᒥ ᑮᓇᐅᔭᖅᑐᕈᑎᒃᓴᑦ ᒥᒃᓴᐅᓯᔭᐅᓯᒪᔪᑦ ᐊᒻᒪᓗ 2026-2030-ᒥ ᐱᓕᕆᐊᒃᓴᓄᑦ ᐸᕐᓇᐅᑎᖓ ᐱᓕᕆᕕᖓᑕ ᐃᖅᑲᓇᐃᔭᖅᑎᓕᕆᔨᒃᑯᑦ. ᖁᔭᓐᓇᒦᒃ. ᐃᒃᓯᕙ ᐅᑕᖅ (ᑐᓵᔨᑎᒍᑦ): ᒪᓕᒐᓕᐅᖅᑏᑦ ᐅᖃᐅᓯᔅᓴᑐᐃᓐᓇᖃᖅᑳᑦ ᐊᐱᖅᓱᕆᐊᓚᐅᙱᓂᔅᓯᓐᓂ? ᑕᑯᙱᓐᓇᒪ, ᐅᖃᑐᐃᓐᓇᖅᑐᖃᕈᒪᙱᒻᒪᑦ, ᒫᓐᓇ ᒪᑉᐱᖅᑐᒐᖏᑎᒍᑦ ᕿᒥᕐᕈᓕᕐᓚᕗᑦ ᑖᒃᑯᐊ 2026-2027-ᒥ ᑮᓇᐅᔭᖅᑐᕈᑎᔅᓴᖏᑦ, ᐱᒋᐊᖅᑳᕐᓗᑕ D-4 ᒪᑉᐱᒐᖓᓂ. ᐃᖅᑲᓇᐃᔭᖅᑐᓕᕆᔨᒃᑯᑦ, ᐊᐅᓚᓂᖓᓄᑦ. ᒫᓐᓇ ᕿᒥᕐᕈᙳᓱᓕᕋᑦᑎᒍ ᐃᖅᑲᓇᐃᔭᖅᑐᓕᕆᔨᒃᑯᑦ ᐊᐅᓚᑦᑎᕕᒋᔭᖏᓐᓂᒃ. ᒪᓕᒐᓕᐅᖅᑏᑦ ᐊᐱᖅᑯᑎᔅᓴᓕᑦᑕᖃᖅᑳᑦ? ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. ᑐᙵᓱᒋᑦᑎ. (ᑐᓵᔨᑎᒎᓕᖅᑐᖅ) ᐱᓕᕆᕕᓯ 2026-2030-ᒧᑦ ᐱᓕᕆᐊᔅᓴᓄᑦ ᐸᕐᓇᐅᑎᖓ ᐅᖃᖅᓯᒪᒻᒪᑦ ᐃᓚᖓᒡᒎᖅ ᐊᐅᓚᔾᔭᒋᐊᓛᖅᑕᖓᑦ 2026-2027 ᑮᓇᐅᔭᓕᕆᔾᔪᑎ ᐊᕐᕌᒍᖓᓂ ᑕᒪᓐᓇᐅᒻᒪᑦ ᐋᖅᑭᒋᐊᕆᓂᖅ ᐊᓯᔾᔩᓂᖅ ᐃᖅᑲᓇᐃᔭᖅᑐᓕᕆᔨᒃᑯᑦ ᐱᓕᕆᐊᖏᓐᓂᒃ ᐃᖏᕐᕋᑎᐊᕐᓂᖅᓴᐅᒍᓐᓇᓂᐊᕐᖓᑕ ᐊᑑᑎᖃᕐᓂᓴᒃᑯᑦ, ᐃᑲᔪᖅᓰᑎᐊᕐᓂᖅᓴᐅᓗᑎᓪᓗ ᐱᓕᕆᕕᐅᔪᓂᒃ ᒐᕙᒪᒃᑯᑦ ᑎᒥᖁᑎᖏᓐᓂᓪᓗ. ᖃᓄᓪᓚᑦᑖᖅ ᐊᓯᔾᔨᖅᑕᐅᒋᐊᖏᑕ ᐃᓱᒪᕕᓯ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙ ᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ ᐊᐱᕆᒻᒪᑦ ᑕᐃᒫᒃ. ᕿᒥᕐᕈᐊᑦᑎᐊᕆᐊᖃᕋᑦᑕ ᑭᓱᓕᕆᕙᒻᒪᖔᑦᑕ ᖃᓄᕐᓗ ᐱᕙᒻᒪᖔᑦᑕ ᖃᓄᕐᓗ ᐱᓕᕆᑦᑎᐊᓂᖅᓴᐅᒍᓐᓇᕐᒪᖔᑦᑕ ᑕᕝᕘᓇ ᖃᐅᔨᓴᕐᓗᑎᒍ ᐊᓪᓗᖅᓯᒪᔭᕗᑦ ᕿᓂᕐᓂᐊᕋᑦᑎᒍᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ: ᒥᔅᑕ ᖃᒪᓂᖅ. ᖃᒪᓂᖅ: ᐄ, ᑖᓐᓇ ᐊᓂᒍᖅᑐᖅ? ᐄ, ᐊᐱᕆᒃᑲᓐᓂᕐᓂᐊᕐᒥᒐᒪ ᖁᔭᓐᓇᒥᒃ ᐃᒃᓯᕙᐅᑕᖅ ᐊᒻᒪ ᖁᔭᓐᓇᒦᒃ. (ᑐᓵᔨᑎᒍᑦ) ᐱᓕᕆᕕᓯ 2026-2030ᒧᑦ ᐱᓕᕆᐊᔅᓴᓄᑦ ᐸᕐᓇᐅᑎᖓ ᐅᖃᖅᓯᒪᒻᒪᑦ ᐃᓚᖓᒎᖅ ᐊᐅᓚᔾᔨᒋᐊᓛᖅᑕᖓ 2026-2027 ᑮᓇᐅᔭᓕᕆᔾᔪᑏᑦ ᐊᕐᕌᒍᖓᓂ ᑕᒪᓐᓇᐅᓛᕐᖓᑦ. ᐃᒻᒥᒃᑰᖓᔪᓂᒃ ᕿᒥᕐᕈᔭᐅᑎᑦᑎᓗᓯ ᐊᐅᓚᓂᕆᔭᖓᓂᒃ ᐃᖅᑲᓇᐃᔭᖅᑐᓕᕆᔨᒃᑯᑦ ᐱᕙᓪᓕᐊᔾᔪᓯᖏᑕ ᓇᓗᓇᐃᕐᓗᑎᒃ ᖃᓄᖅ ᐊᐅᓚᑦᑎᐊᕈᓐᓇᖅᓯᓂᖅᓴᐅᙱᒃᑲᓗᐊᕐᒪᖔᑕ. ᐅᓪᓗᒥᐅᓕᖅᑐᕐᓕ ᑖᓐᓇ ᖃᓄᐃᓕᖓᓕᖅᑲ ᕿᒥᕐᕈᓂᖅ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᐊᐱᕆᒐᕕᑦ ᑕᐃᒫᒃ. ᐃᖅᑲᓇᐃᔭᖅᑐᓕᕆᔨᒃᑯᑦ ᐸᕐᓇᑦᑐᑦ ᑳᓐᑐᕌᒃᒥᒃ ᐱᒐᓱᐊᒐᔅᓴᒥᒃ ᓴᖅᑭᖅᓯᓛᕐᓗᑎᒃ ᓴᑉᑕᒻᐴᓕᖅᑲᑦ. ᐊᒻᒪ ᓯᓚᑖᓃᑦᑐᒥᐅᓄᑦ ᕿᒥᕐᕈᔭᐅᑎᓪᓗᑎᒍᑦ ᐱᕙᓪᓕᐊᔾᔪᓯᕆᕙᑦᑕᕗᑦ, ᐱᕙᓪᓕᐊᑎᑦᑎᔾᔪᓯᕆᕙᑦᑕᕗᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ: ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᓇᓕᐊᒃ ᑎᒥᐅᔪᖅ ᕿᒥᕐᕈᒐᔭᖅᑲ? ᖁᔭᓐᓇᒦᒃ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 28 ᐃᒃᓯᕙᐅᑕᖅ: ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑕᖅ. ᖁᔭᓐᓇᒦᓪᓗ ᑲᑎᒪᔨ ᐊᐱᕆᒻᒪᑦ. ᑳᓐᑐᕌᓂᒃ ᐱᒐᓱᐊᖅᑐᓂᒃ ᐱᒐᓱᐊᕐᕕᐅᒍᑦᑕ ᖃᐅᔨᓛᖅᑐᒍᑦ. ᑭᐅᓪᓚᕆᒍᓐᓇᓛᖅᑕᕋ ᑖᓐᓇ ᓇᓕᐊᒃ, ᑭᒃᑯᑦ ᐱᓕᕆᐊᖃᕋᔭᕐᒪᖔᑕ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒻᒪ ᖁᔭᓐᓇᒦᒃ ᐊᐱᖅᑯᒻᒧᑦ. ᐃᒃᓯᕙᐅᑕᖅ: ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖃᖓᓕ ᑕᐃᒪ 2025ᒥᑦ 2026ᒧᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂᑦ ᐅᓂᒃᑳᖃᖅᑐᐃᑦ ᐊᕐᕌᒍᑕᒫᖅᓯᐅᑏᑦ ᐊᑐᐃᓐᓇᐅᓛᖅᑲ ᒪᓕᒐᓕᐅᕐᕕᒻᒧᑦ ᓴᖅᑭᖅᑕᐅᒍᓐᓇᖅᓯᓗᑎᒃ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ: ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑕᖅ. ᖁᔭᓐᓇᒦᓪᓗ ᐊᐱᕆᒻᒪᑦ. ᐅᓂᒃᑳᓕᐊᒥᓃᑦ ᑕᐃᒃᑯᐊ ᒪᓕᒐᓕᐅᕐᕕᒻᒨᖅᑕᐅᓛᖅᑐᑦ ᐊᒃᑑᐸ 2026. ᖁᔭᓐᓇᒦᒃ, ᐃᒃᓯᕙᐅᑕᖅ. ᐃᒃᓯᕙᐅᑕᖅ: ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕕᓯ 2026-2030ᒧᑦ ᐱᓕᕆᐊᔅᓴᓄᑦ ᐸᕐᓇᐅᑎᓯ ᐅᖃᖅᓯᒪᒻᒪᑦ ᐃᓚᖓᒎᖅ ᐊᐅᓚᔾᔭᒋᐊᓛᖅᑕᖓ 2026-2027 ᐊᕐᕌᒍᖓᓂ. ᑖᓐᓇᐅᒻᒪᒡᒎᖅ ᐱᖁᔭᕐᓂᒃ ᕿᒥᕐᕈᒋᐊᓕᕐᓗᓯ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑕ ᐱᖁᔭᕐᔪᐊᖓᓂᒃ ᖃᐅᔨᒋᐊᕐᓗᓯ ᒐᕙᒪᒃᑯᑦ ᐱᓕᕕᖏᓐᓄᑦ ᑎᒥᖁᑎᖏᓐᓄᓪᓗ ᕿᓂᕐᓗᑎᒃ ᐋᖅᑭᒋᐊᕋᔅᓴᐅᔪᓂᒃ ᐃᑲᔪᖅᓰᒍᑎᔅᓴᐅᔪᓂᒃ ᐃᓄᓐᓂᒃ ᐃᖅᑲᓇᐃᔭᖅᑎᑦᑎᓂᕐᒥᒃ ᐊᒻᒪᓗ ᐊᐅᓚᑦᑎᐊᕐᓂᖅᓴᐅᓕᖅᑎᑦᑎᒐᓱᑦᑎᑦᑎᓂᕐᒥᒃ. ᖃᓄᓪᓚᑦᑖᖅ ᐊᓯᔾᔨᖅᑕᐃᒋᐊᓵᕐᖓᑕ ᑖᒃᑯᐊ ᐱᖁᔭᐃᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ: ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᒪᓕᒐᓕᐅᖅᑎ ᐊᐱᕆᒻᒪᑦ. ᒫᓐᓇ ᑭᐅᔪᓐᓇᙱᑲᓚᐅᖅᑕᕋ ᑖᓐᓇ. ᐱᔭᕇᓚᐅᖅᑎᓪᓗᒋᑦ ᑭᓯᐊᓂ ᑭᐅᒍᓐᓇᖅᓯᓛᖅᑕᕋ. ᑭᐅᑦᑎᐊᕋᓗᐊᖅᑲᕋᖃᐃ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᑕᐃᒪᓕ ᖃᖓ ᐱᖁᔭᔅᓴᖅ ᓴᖅᑭᖅᑕᐅᒐᔭᖅᑲ ᒪᓕᒐᓕᐅᕐᕕᒻᒧᑦ ᐋᖅᑭᒋᐊᕆᔾᔪᑎᐅᔪᖅ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑕ ᐱᖁᔭᕐᔪᐊᖓᓂ? ᖁᔭᓐᓇᒦᒃ. ᐃᒃᓯᕙᐅᑕᖅ: ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᒪᓕᒐᓕᐅᖅᑎ ᐊᐱᕆᒻᒪᑦ ᑕᐃᒫᒃ. ᑭᖑᓪᓕᖅᐹᕆᓕᖅᑎᓪᓗᒍᖃᐃ ᐊᕐᕌᒍᖓ ᑖᔅᓱᒪ ᒪᓕᒐᓕᐅᕐᕕᐅᑉ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ: ᒥᔅᑕ ᐲᑕᓴᓐ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 29 ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑕᐃᒪ ᓄᑖᖑᔪᑦ ᓄᓇᕗᓕᒫᒥ ᐃᖅᑲᓇᐃᔭᖅᑖᑎᑦᑎᓂᕐᒧᑦ ᐊᑐᐊᒐᖅ ᐊᖏᖅᑕᐅᓚᐅᖅᓯᒪᒻᒪᑦ ᒪᐃ 2023ᒥ ᓄᖑᕝᕕᔅᓴᖃᖅᑐᓂ ᒪᐃ 18, 2027. ᐅᓪᓗᒥᐅᓕᖅᑐᕐᓕ ᖃᑦᑎᑦ ᐃᖅᑲᓇᐃᔭᖅᑏᑦ ᐃᖅᑲᓇᐃᔮᖅᑖᖅᑎᑕᐅᕙᑦ ᑖᔅᓱᒪ ᐊᑐᐊᒐᐅᑉ ᐊᑖᒍᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ: ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ ᐊᐱᕆᒐᕕᑦ ᑕᐃᒫᒃ, ᖁᔭᓐᓇᒦᓪᓗ ᐃᒃᓯᕙᐅᑖᖅ. ᒫᓐᓇ 9- ᑐᐃᓐᓇᐃᑦ ᑖᔅᓱᒪ ᐊᑐᐊᒐᐅᑉ ᐊᑖᒍᑦ ᐃᖅᑲᓇᐃᔮᖅᑖᖅᑎᑕᐅᓯᒪᔪᑦ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ. ᖁᔭᓐᓇᒦᒃ ᑭᐅᒐᕕᑦ. ᓄᑖᑦ ᒫᓃᙱᑦᑑᒐᓗᐊᕐᓂᒃ ᐃᖅᑲᓇᐃᔭᖅᑎᑖᕐᓂᕐᒧᑦ ᐊᑐᐊᒐᖅ ᐊᖏᖅᑕᐅᓚᐅᖅᓯᒪᔪᖅ ᐊᒃᑑᐸ 2023ᒥ ᐃᓱᓕᓚᐅᖅᖢᓂᓗ ᐊᒃᑑᐸ 12, 2026. ᖃᔅᓯᑦ ᑖᒃᑯᑎᒎᓇᖅ ᐃᖅᓇᐃᔮᖅᑖᖅᑎᑕᐅᓚᐅᖅᐸᑦ? ᐃᒃᓯᕙᐅᑕᖅ: ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ ᑖᔅᓱᒧᖓ ᐊᐱᕆᒐᕕᑦ. ᒫᑦᓯ 31ᖑᑎᓪᓗᒍ 31 ᑖᒃᑯᑎᒎᓇᖅ ᐃᖅᑲᓇᐃᔮᖅᑖᖅᑎᑕᐅᓚᐅᖅᑐᑦ ᐊᒻᒪᓗ ᐊᑭᒃᑐᕋᐅᑎᓂᒃ ᑕᖅᑲᐅᙵᐃᓯᒪᓕᖅᖢᑕ. ᖁᔭᓐᓇᒦᒃ, ᐃᒃᓯᕙᐅᑕᖅ. ᐃᒃᓯᕙᐅᑕᖅ: ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᑯᔭᓐᓇᒦᒃ. ᓄᑖᑦ ᐊᑐᐊᒐᑦ ᐊᖏᖅᑕᐅᓚᐅᖅᓯᒪᔪᑦ ᔫᓐ 2024ᒥ ᐃᓱᓕᓐᓂᐊᖅᖢᓂ ᔫᓐ 8, 2028ᒥ. ᑕᐃᒫᑐᐃᓐᓇᖅ ᖃᔅᓯᑦ ᑖᒃᑯᑎᒎᓇᖅ ᐊᑐᐊᒐᖅᑎᒍᑦ ᐊᖏᖅᑕᐅᓚᐅᖅᐸᑦ, ᖃᔅᓯᓪᓗ ᐋᒃᑳᖅᑕᐅᓚᐅᖅᐸᑦ? ᖁᔭᓐᓇᒦᒃ, ᐃᒃᓯᕙᐅᑕᖅ. ᐃᒃᓯᕙᐅᑕᖅ: ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑕᖅ. ᐊᒻᒪᓗ ᖁᔭᓐᓇᒦᒃ ᑖᓐᓇ ᐊᐱᖅᑯᑎᒋᒐᖕᓂᒃ. ᒫᓐᓇᐅᔪᖅ ᑖᒃᑯᐊ ᓄᖅᑲᖅᐸᓪᓕᐊᔪᑦ ᐃᖅᑲᓇᐃᔮᖅᑖᖅᑎᑕᐅᕙᓪᓕᐊᔪᓪᓗ ᑕᑯᓐᓇᕐᓗᑎᒃᑯᑦ ᐅᓄᕐᓂᖏᑦ ᖃᓄᖅ ᐊᑑᑎᖃᕐᒪᖔᑦ ᑐᑭᓯᓂᐊᖅᑐᒍᑦ. ᐃᒃᓯᕙᐅᑕᖅ: ᐊᓯᖏᑦ ᐊᐱᖅᑯᑎᒃᓴᐃᑦ. ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑕᖅ. ᑕᐃᒃᑯᐊ ᐃᓕᓐᓂᐊᓪᓚᕆᓚᐅᙱᓐᓂᖏᓐᓂᒃ 8ᓂᒃ ᓄᑖᓂᒃ ᐃᓄᖕᓄᑦ ᑐᕌᖓᔪᓂᒃ ᐱᑕᖃᕐᒪᑦ ᑖᒃᑯᑎᒎᓇᖅ ᒐᕙᒪᒃᑯᑦ ᐱᓕᕆᕕᖏᑦᑎᒍᑦ. ᑕᒪᓐᓇ ᒥᓂᔅᑕᖃᐃ ᓇᓗᓇᐃᖅᓯᔪᓐᓇᖅᐸ ᑖᒃᑯᐊ 8ᖑᔪᑦ ᓯᐊᒻᒪᒃᑎᖅᑕᐅᓯᒪᙱᑦᑐᓃᓐᓂᐊᖅᐸᑦ? ᑕᐃᒪᐃᓕᒐᒪ ᐊᕕᒃᑐᖅᓯᒪᔪᓂᒃ ᑐᑦᑕᕐᕕᖏᓐᓂᒃ ᐅᖃᐅᓯᖃᙱᑦᑐᖓ ᓲᕐᓗ ᐃᖃᓗᒃᑑᑦᑎᐊᖅ, ᑲᖏᖅᖠᓂᖅ, ᐃᖃᓗᐃᓪᓗ. ᒥᓂᔅᑕᖃᐃ ᓇᓗᓇᐃᖅᓯᔪᓐᓇᖅᐸ ᑖᒃᑯᐊ 8ᖑᔪᑦ ᐃᖅᑲᓇᐃᔮᒃᓴᑦ ᓯᐊᒻᒪᒃᑎᖅᑕᐅᓯᒪᙱᑦᑐᓄᙶᖅᑕᐅᓂᐊᖅᐸᑦ? ᖁᔭᓐᓇᒦᒃ, ᐅᖃᖅᑏ. ᐃᒃᓯᕙᐅᑕᖅ: ᒥᓂᔅᑕ ᑕᑦᑐᐃᓂ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 30 ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ ᐊᒻᒪᓗ ᖁᔭᓐᓇᒦᒃ ᑖᓐᓇ ᐊᐱᕆᒐᖕᓂᒃ. ᒐᕙᒪᒃᑯᑦ ᐱᓕᕆᕕᖏᑦᑎᓐᓄᑦ ᐃᓕᐅᖅᑲᖅᑕᐅᓂᐊᖅᑐᖅ ᓄᓇᕗᓕᒫᒧᑦ ᐊᑐᖅᑐᓂᒃ ᐃᖅᑲᓇᐃᔭᖅᑎᑖᖅᐸᓪᓕᐊᓂᕐᒧᑦ ᐊᑐᐊᒐᖅ ᐊᑐᕐᓂᐊᖅᑕᕗᑦ. ᐊᒻᒪ ᒐᕙᒪᒃᑯᑦ ᐱᓕᕆᕝᕕᖏᑦ ᐊᑐᓂ ᓄᓇᕗᓕᒫᒥ ᐃᖅᑲᓇᐃᔭᖅᑎᑖᕐᓂᕐᒧᑦ ᐊᑐᐊᒐᕐᒥᒃ ᐊᑐᕋᔭᖅᑐᖅ. ᑎᑎᕋᕐᕕᒃᑕᖃᕐᒪᖔᑦ ᑕᒪᒃᑯᐊᕈᓘᔭᐃᑦ ᓇᓗᓇᐃᓚᐅᕐᒥᓗᒋᐅᔭᕆᐊᖃᕐᓂᐊᖅᑐᑦ. ᖁᔭᓐᓇᒦᒃ, ᐃᒃᓯᕙᐅᑕᖅ. ᐃᒃᓯᕙᐅᑕᖅ: ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑕᖅ ᐊᒻᒪᓗ ᖁᔭᓐᓇᒦᒃ ᑭᐅᒐᕕᑦ. ᒐᕙᒪᒃᑯᑦ ᐱᓕᕆᕝᕕᖏᓐᓄᐊᖅᑕᐅᓂᐊᕐᒪᑕᒎᖅ ᒥᓂᔅᑕᕆᔭᐅᓪᓗᑎᑦ ᐅᖃᖅᓯᒪᒐᕕᑦ ᑖᒃᑯᐊ ᐃᖅᑲᓇᐃᔮᑦ ᓯᐊᒻᒪᒃᑎᖅᑕᐅᓯᒪᔪᓅᓐᓂᐊᕐᒪᖔᖏᑦ ᐊᕕᒃᑐᖅᓯᒪᔪᑦ ᑐᑦᑕᕐᕕᒋᔭᐅᔪᓂ. ᑕᐃᒃᑯᐊ ᓯᐊᒻᒪᒃᑎᕐᕕᐅᓯᒪᙱᑦᑐᑦ ᐃᖅᑲᓇᐃᔭᖅᑎᓂᒃ ᓄᐃᕝᕕᐅᒍᑎᒃ ᐃᑲᔫᑎᓪᓚᕆᐊᓘᓂᐊᕐᒪᑕ ᐊᒻᒪᓗ ᖃᐅᔨᒪᓪᓗᑎᑦ ᐊᕕᒃᑐᖅᓯᒪᔪᑦ ᑐᑦᑕᕐᕕᖏᑦ ᐃᖃᓗᐃᑦ, ᑲᖏᖅᖠᓂᖅ, ᐃᖃᓗᒃᑑᑦᑎᐊᕐᓗ ᐃᖅᑲᓇᐃᔭᖅᑎᓂᒃ ᐅᓄᕐᓂᖅᐹᓂᒃ ᓴᖅᑭᕕᐅᓯᒪᖕᒪᑕ. ᑕᐃᒃᑯᐊᑦᑕᐅᖅ ᐳᐃᒍᔾᔭᐃᖅᓯᒪᔭᕆᐊᖃᖅᑕᕗᑦ ᒥᑭᓐᓂᖅᓴᐃᑦ ᓯᐊᒻᒪᒃᓯᕐᕕᐅᓯᒪᙱᑦᑐᑦ. ᖁᔭᓐᓇᒦᒃ, ᐅᖃᖅᑏ. ᐃᒃᓯᕙᐅᑕᖅ: ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ, ᖁᔭᓐᓇᒦᓪᓗ ᑖᓐᓇ ᐊᐱᖅᑯᑎᒋᒐᖕᓂᒃ. ᐱᓕᕆᕖᑦ ᐅᖃᐅᑎᔪᓐᓇᖅᑕᕗᑦ ᐱᔪᓐᓇᑐᐊᖅᐸᑕ ᓯᐊᒻᒪᒃᑎᕐᕕᐅᓯᒪᙱᑦᑐᓄᑦ ᐃᓕᖃᑦᑕᖁᓗᒋᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᐃᖅᑲᓇᐃᔭᖅᑐᓕᕆᔨᒃᑯᑦ ᐊᐅᓚᑕᐅᓂᖏᑦ. ᐊᐱᖅᑯᑎᒃᓴᐃᑦ? ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕕᓯ 2026-2030-ᒧᑦ ᐱᓕᕆᐊᖑᓂᐊᖅᑐᑦ ᐸᕐᓇᐅᑎᖏᑦ ᐅᖃᖅᓯᒪᔪᑦ: “2026-2027 ᐊᕐᕌᒍᐊᓂ ᐃᖅᑲᓇᐃᔭᖅᑏᑦ ᐃᒡᓗᓕᕆᓂᕐᒧᑦ ᑐᕌᖓᔪᖁᑎᖏᑦ ᕿᒥᕐᕈᓇᒃᑕᐅᓗᑎᒃ ᐊᒻᒪᓗ ᐋᖅᑭᒃᓱᐃᓗᑎᒃ ᐊᑐᐊᒐᓂᒃ.” ᖃᓄᐃᑦᑐᓂᒃ ᐊᓯᔾᔨᕐᓂᐅᔪᓂᑦ ᑕᑯᔪᒪᒐᔅᓯᑦ, ᐃᓱᒪᒃᓴᖅᓯᐅᕈᑎᖃᖅᐱᓯᓘᓐᓃᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ ᐃᒡᓗᖁᑎᖏᑦ ᐱᓪᓗᒋᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒻᒪᓗ ᖁᔭᓐᓇᒦᒃ ᑖᓐᓇ ᐊᐱᖅᑯᑎᒋᒐᖕᓂ. ᐃᖅᑲᓇᐃᔭᖅᑐᓕᕆᓂᖅ ᐃᖅᑲᓇᐃᔭᖅᑏᑦ ᐃᒡᓗᖁᑎᖏᑦᑕ ᒥᒃᓵᓄᑦ ᕿᒥᕐᕈᓇᒃᑕᐅᓂᖏᑦ, ᐊᒻᒪᓗ ᐃᒡᓗᓕᕆᔨᕐᔪᐊᒃᑯᑦ ᑖᒃᑯᐊ ᐃᖅᑲᓇᐃᔭᖃᑎᒋᓪᓗᒋᑦ ᐃᓚᖏᓂᒃᑯᐊ ᑕᑯᓐᓇᕆᐊᖃᕋᑦᑎᒃᑯᑦ ᐊᔾᔨᒌᙱᑦᑑᖃᑦᑕᕐᒪᑕ ᑕᐃᒃᑯᐊ ᐃᒡᓗᑦ ᖃᓄᐃᑦᑑᓂᖓ ᐱᓪᓗᒍ. ᐊᒻᒪᓗ ᐃᖅᑲᓇᐃᔭᖅᑏᑦ, ᐃᓛᒃ, ᓇᓕᐊᑐᐃᓐᓇᕐᓂᑦ ᐃᓪᓗᒥᒃ ᐊᑐᕈᒪᔭᒥᓂᒃ ᐱᕕᖃᖅᑎᑕᐅᓗᑎᒃ ᐃᖅᑲᓇᐃᔭᖅᑏᑦ ᐃᓪᓗᖏᓐᓃᓐᓂᖏᑦ ᐱᓪᓗᒋᑦ. ᐊᑕᐅᓯᐅᙱᑦᑐᓂᒃ ᕿᒥᕐᕈᓇᖕᓂᐊᖅᑐᒍᑦ ᖃᓄᖅ ᐃᖅᑲᓇᐃᔭᖅᑏᑦ, ᐃᖅᑲᓇᐃᔭᖅᑏᑦ ᐃᒡᓗᒦᙱᒃᑲᓗᐊᕐᓗᑎᒃ ᐊᑐᐃᓐᓇᕈᐃᕝᕕᖃᕈᒪᔪᒍᑦ ᐊᓯᖏᓐᓂᒃᑕᐅᖅ ᐊᑐᕈᓐᓇᖅᑎᓪᓗᒋᑦ. ᖁᔭᓐᓇᒦᒃ, ᐃᒃᓯᕙᐅᑖᖅ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 31 ᐃᔅᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᖅᑲᓇᐃᔭᖅᑐᓕᕆᔨᒃᑯᑦ ᐊᐅᓚᑦᑎᔨᐅᔪᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ ᐃᒡᓗᖃᖅᑎᑕᐅᓂᖏᓐᓄᑦ ᐊᑐᐊᒐᓂᑦ, ᐃᒡᓗᓕᕆᔨᕐᔪᐊᒃᑯᑦ 2026-2030-ᒧᑦ ᐱᓕᕆᐊᖑᓂᖅᑐᑦ ᐸᕐᓇᐅᑎᖏᑦ ᐅᖃᖅᓯᒪᔪᑦ ᑕᒪᑐᒪᓂ 2026-2027-ᒥ ᐃᖅᑲᓇᐃᔭᖅᑐᓕᕆᔨᒃᑯᓐᓂᒃ ᐃᖅᑲᓇᐃᔭᖃᑎᖃᕐᓗᑎᒃ ᐋᖅᑭᒃᓱᐃᓗᑎᒃ ᐊᒻᒪᓗ ᓇᓖᕌᕈᓯᐅᕐᓗᑎᒃ ᐃᒡᓗᓄᑦ ᐋᖅᑭᒋᐊᕈᑕᐅᓇᔭᖅᑐᑦ ᓄᓇᕗᑦ ᒐᕙᒪᒃᑯᓐᓂᑦ ᐃᖅᑲᓇᐃᔭᖅᑏᑦ ᓄᖅᑲᕕᓕᖅᑎᓪᓗᒋᑦ ᐃᒡᓗᒃᓴᖃᕈᓐᓃᖃᑦᑕᕐᒪᑕ. ᑭᓱᓂᒃ ᐃᓱᒪᒃᓴᖅᓯᐅᕈᑎᖃᖅᐱᓯᑦ ᑕᒪᓐᓇ ᐊᑲᐅᙱᓪᓕᐅᕈᑦ ᐋᖅᑭᒋᐊᖁᓪᓗᒍ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒻᒪᓗ ᖁᔭᓐᓇᒦᒃ ᐊᐱᖅᑯᑎᒋᒐᖕᓂ. ᒪᑯᐊ ᐃᒡᓗᓕᕆᓂᕐᒧᑦ ᐊᑲᐅᙱᓪᓕᐅᕈᑏᑦ ᑕᒪᒃᑯᐊ ᐃᒡᓗᖃᑦᑎᐊᖏᓐᓂᖅ ᐱᔾᔪᑎᒋᓪᓗᒍ ᐊᑲᐅᙱᓪᓕᐅᕈᑎᒋᖃᑦᑕᓪᓚᕆᒃᑕᕗᑦ, ᓄᖅᑲᕕᓕᖅᑐᑦ ᓇᓖᕌᕐᕕᒃᓴᖃᙱᑦᑕᕌᖓᑦ ᐃᑲᔪᖃᑦᑕᖅᑕᕗᑦ. ᐊᒻᒪᓗ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂ ᐃᖅᑲᓇᐃᔭᖃᑎᖃᕐᓗᑕ ᓇᓖᕌᕈᑎᒃᓴᓂᑦ ᑕᒪᒃᑯᓂᖓ ᕿᒥᕐᕈᓇᒃᑐᒍᑦ, ᐱᓗᐊᕐᓗᒋᑦ ᑕᐃᒃᑯᐊ ᓄᖅᑲᕕᓕᖅᑐᑦ. ᐃᓱᒪᒃᓴᖅᓯᐅᕈᑎᖃᕐᓗᑕ ᐃᖅᑲᓇᐃᔭᖅᑏᑦ ᐃᒡᓗᖓᓐᓃᑏᓐᓇᑲᐃᓐᓇᕐᓗᒋᑦ ᐃᒡᓗᒃᓴᖅᓯᐅᕐᓂᖓᓂᒃ, ᑕᐃᒪᑐᖅ ᑭᐅᕗᖓ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᐊᑎᖁᑎᓐᓂᑦ, ᒥᔅᑕ ᐊᑕᒍᑦᑖᓗᒃ. ᐊᑕᒍᑦᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐅᓇ ᐊᐱᖅᑯᑎᒐ, ᖃᔅᓯᑦ ᑎᒃᑯᐊᖅᑕᐅᔪᒪᔪᑦ ᐊᖏᖅᑕᐅᓚᐅᖅᐸᑦ ᒥᓂᔅᑕᐃᑦ ᑲᑎᒪᔨᖏᓐᓄᑦ 2025-2026 ᐊᕐᕌᒍᐊᓂ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᔅᓯᕙᐅᑖᖅ. ᐊᒻᒪᓗ ᖁᔭᓐᓇᒦᒃ ᐊᐱᕆᒐᕕᑦ. 2025-2026 ᐊᕐᕌᒍᖓ ᐱᓪᓗᒍ, ᑲᑎᓕᒫᕐᓗᒋᑦ 168 ᑎᒃᑯᐊᖅᑕᐅᓚᐅᖅᑐᑦ, ᐊᒻᒪᓗ 167 ᑖᒃᑯᓇᙵᑦ ᐃᓅᓪᓗᑎᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᐊᑕᒍᑦᑖᓗᒃ. ᐊᑕᒍᑦᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᖏᕐᕋᔪᓕᕆᔨᒃᑯᑦ ᐱᖁᑎᕐᔪᐊᓕᕆᔨᒃᑯᓪᓗ ᐃᖅᑲᓇᐃᔭᖃᑎᒋᓪᓗᒋᑦ ᓄᓇᓕᒻᒥᐅᑕᐃᑦ ᐃᖅᑲᓇᐃᔭᖅᑎᑖᕆᓇᓱᒋᔭᐅᔪᑦ ᐱᕕᖃᖅᑎᑕᐅᓗᑎᓪᓗ ᑎᑎᕋᕐᕕᖏᑦ ᐱᓪᓗᒋᑦ. ᖃᓄᖅ ᑕᒪᓐᓇ ᐱᕙᓪᓕᐊᔾᔪᓯᖃᖅᐸ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙ ᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒻᒪᓗ ᖁᔭᓐᓇᒦᒃ ᐊᐱᖅᑯᑎᒋᒐᓐᓂ ᑖᓐᓇ. ᑎᑎᕋᕐᕕᖃᕐᒪᖔᖓ ᑕᒪᓐᓇ ᐃᓚᒋᔭᐅᖃᑦᑕᖅᑐᖅ ᐊᒻᒪᓘᓐᓃᑦ ᐃᖅᑲᓇᐃᔭᖃᑎᒋᓗᑎᒃᑯ ᒐᕙᒪᒃᑯᑦ ᐱᓕᕆᕝᕕᖏᑦ. ᖁᔭᓐᓇᒦᒃ, ᐃᒃᓯᕙᐅᑖᖅ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 32 ᐃᒃᓯᕙ ᐅᑕᖅ (ᑐᓵᔨᑎᒍᑦ): ᒥᔅᑕ ᐊᑕᒍᑦᑖᓗᒃ. ᐊᑕᒍᑦᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᒃᑯᓇᙶᖅᑐᑦ ᑎᒃᑯᐊᖅᑕᐅᓚᐅᖅᐸ ᖁᕝᕙᓯᓐᓂᖅᐹᓄᑦ ᐃᖅᑲᓇᐃᔮᓄᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᖅᖢᒍᓗ ᑖᓐᓇ ᐊᐱᕆᒻᒪᑦ. ᐅᐊᑦᑎᐊᕈᐊᐃ, ᕿᓂᑲᐃᓐᓇᕐᓚᒍ. ᒪᕐᕉᒃ ᖁᕝᕙᓯᓐᓂᖅᓴᐅᑦᑕᖅᐳᑦ ᐊᒻᒪᓗ ᐊᖏᔪᖅᑲᐅᑎᓄᐊᖅᑕᐅᓪᓗᓂ ᐊᑕᐅᓯᖅ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙ ᐅᑕᖅ (ᑐᓵᔨᑎᒍᑦ): ᐃᖅᑲᓇᐃᔭᖅᑐᓕᕆᓂᖅ ᐊᐅᓚᑕᐅᓂᖏᑦ ᐊᓯᖏᑦ ᐊᐱᖅᑯᑎᒃᓴᐃᑦ. ᑕᑯᙱᓐᓇᒪ. ᐊᖏᖅᐱᑖ ᐃᖅᑲᓇᐃᔭᖅᑐᓕᕆᓂᖅ ᐊᐅᓚᑕᐅᓂᖓ ᑲᑎᓪᓗᒋᑦ ᐊᐅᓚᔾᔪᑏᑦ ᒪᑭᒪᐅᑏᓪᓗ $19,825,000? ᑲᑎᒪᔨᕋᓛᑦ: ᑕᒪᕐᒥᒃ ᐊᖏᖅᑐᑦ. ᐃᒃᓯᕙ ᐅᑕᖅ (ᑐᓵᔨᑎᒍᑦ): ᒪᑉᐱᖅᑐᒐᖅ D-5−ᒧᐊᕐᓗᑕ. ᓇᐃᓪᓕᑎᖅᓯᒪᔪᑦ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᑦ ᒐᕙᒪᒃᑯᓐᓄᓪᓗ ᐃᖅᑲᓇᐃᔭᖅᑎᒃᓴᓂᒃ ᐱᕙᓪᓕᐊᑎᑦᑎᓂᖅ, ᑖᒃᑯᐊ ᕿᒥᕐᕈᓇᓐᓂᐊᓕᖅᑕᕗᑦ ᐃᖅᑲᓇᐃᔭᖅᑐᓕᕆᔩᑦ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᑦ ᒐᕙᒪᒃᑯᓐᓄᓪᓗ ᐃᖅᑲᓇᐃᔭᖅᑏᑦ ᐱᕙᓪᓕᐊᑎᑕᐅᓂᖏᑦ. ᐊᐱᖅᑯᑏᑦ? ᒥᔅ ᐊᖑᑎᐊᓗᒃ. ᐊᖑᑎᐊᓗᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᓄᓇᕗᑦ ᒐᕙᒪᒃᑯᑦ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᓐᓂ ᐸᕐᓇᐅᑏᑦ 2024-2034 ᒪᓕᒐᓕᐅᕐᕕᒻᒧᑦ ᓴᖅᑭᑕᐅᓚᐅᖅᓯᒪᔪᑦ ᒪᐃ 29, 2025-ᒥ. ᖃᖓ 2026-2036 ᐸᕐᓇᐅᑎ ᒪᓕᒐᓕᐅᕐᕕᒻᒧᑦ ᓴᖅᑭᑕᐅᓛᖅᐸᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙ ᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᒃᑯᐊ ᐸᕐᓇᐅᑏᑦ ᖁᓕᓄᑦ ᐊᕐᕌᒍᓄᑦ ᐋᖅᑭᑦᑕᐅᓯᒪᔪᑦ 2024-2034, 2026-2036 ᐱᑕᖃᙱᑦᑐᖅ ᓱᓕ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙ ᐅᑕᖅ (ᑐᓵᔨᑎᒍᑦ): ᒥᔅ ᐊᖑᑎᐊᓗᒃ. ᐊᖑᑎᐊᓗᒃ: ᖁᔭᓐᓇᒦᒃ, ᐃᒃᓯᕙᐅᑖᖅ ᐊᒻᒪᓗ ᒥᓂᔅᑕ. (ᑐᓵᔨᑎᒎᓕᖅᑐᖅ) ᒐᕙᒪᒃᑯᑦ ᒫᓐᓇᕈᓘᓚᐅᖅᑐᖅ ᐊᕐᕌᒎᑉ ᐃᓗᐊᓂ ᐱᖓᓱᐊᖅᑕᖅᓱᒍ ᐃᖅᑲᓇᐃᔭᖅᑏᑦ ᐅᓂᒃᑳᖏᑦ ᐅᖃᖅᓯᒪᓚᐅᖅᑐᑦ ᒫᔅᓯ 31, 2026-ᒥ ᒐᕙᒪᒃᑯᑦ ᑲᑎᓕᒫᖅᖢᒋᑦ ᐃᖅᑲᓇᐃᔮᒃᓴᓂᒃ 5,744-ᖑᓚᐅᖅᑐᑦ ᑖᒃᑯᓇᙵᓪᓗ 973 ᐃᓐᓄᒃᑕᐅᓯᒪᓪᓗᑎᒃ ᓄᓇᕗᒻᒥᐅᓄᑦ ᐃᓄᓐᓄᑦ. 1,823 ᐃᓐᓄᒃᑕᐅᓯᒪᓚᐅᖅᑐᑦ ᓄᓇᕗᒻᒥᐅᑕᐅᙱᑦᑐᑦ ᐃᓄᓐᓄᑦ. 1,947 ᐃᓐᓄᒃᑕᐅᓯᒪᙱᒃᖢᑎᒃ. 85%-ᒧᐊᖅᑕᐅᔪᓐᓇᕐᓂᐊᖅᐸᑦ ᓄᓇᕗᑦ ᐃᓄᐃᑦ ᐃᖅᑲᓇᐃᔭᖅᑐᑦ ᒐᕙᒪᒃᑯᓐᓂᒃ, ᒐᕙᒪᒃᑯᑦ ᑕᒫᓂ 2,909−ᓂᒃ ᓄᑖᓂᒃ ᐃᓄᓐᓂᒃ ᓄᓇᕗᒻᒥᐅᓂᒃ ᐃᖅᑲᓇᐃᔭᖅᑎᑖᕆᐊᓖᑦ ᓄᖅᑲᖅᑐᖃᙱᑦᑎᐊᕐᓗᓂ ᐊᑕᐅᓯᕐᒥᓪᓘᓐᓃᑦ. ᖃᖓᐅᓇ ᑐᕌᒐᓕᐊᕆᓯᒪᔭᓯ ᐊᙳᑎᓛᖅᐱᓯᒃ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙ ᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒻᒪᓗ ᖁᔭᓐᓇᒦᒃ ᑖᓐᓇ ᐊᐱᖅᑯᑎᒋᒐᓐᓂ. ᐊᕗᖓᐅᔨᓯᒪᔪᓂᒃ ᐸᕐᓇᐅᑎ ᐅᓐᓄᐊᖏᓐᓇᖅ ᑕᐃᒪᓐᓇ ᐋᖅᑭᒍᓐᓇᖏᒻᒪᑦ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 33 ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᓐᓂᒃ ᐸᕐᓇᐅᑎᓂᒃ ᐱᖃᖅᑐᐃᓐᓇᐅᔪᒍᑦ ᐊᒻᒪᓗ ᓯᕗᓪᓕᐅᔾᔭᐅᔪᒃᓴᐃᑦ ᑕᒪᒃᑯᐊᖑᖃᑦᑕᖅᑐᑦ ᑎᒃᑯᐊᖅᑕᐅᓂᖏᓪᓗ ᓱᑲᓐᓂᖅᓴᒃᑯᑦ ᐋᖅᑭᑦᑕᐅᓯᒪᓪᓗᑎᒃ. ᐃᓕᓐᓂᐊᕈᑎᒃᓴᖏᑦ ᐊᒻᒪᓗ ᖁᕝᕙᕆᐊᒃᑲᓐᓂᕐᕕᒃᓴᖏᑦ. ᒥᓂᔅᑕᐃᓪᓗ ᑐᖏᓕᖏᑦᑕ ᐃᑲᔪᖅᑎᖏᓐᓂᒃ ᐱᑕᖃᕐᓗᓂ. ᓄᓇᕗᓕᒫᒧᑦ ᑐᕌᖓᔪᑦ ᐸᕐᓇᐅᑏᑦ ᐊᒻᒪᓗ ᐅᓂᒃᑳᖅᑕᖃᑦᑕᕐᓂᖅ ᐱᓕᕆᕖᑦ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᓐᓄᑦ ᐸᕐᓇᐅᑏᑦ ᒪᐅᖓᑦᑎᐊᖅ ᐊᕗᖓᐅᔨᓯᒪᔪᒃᑯᓪᓗ. ᐋᖅᑭᒃᓱᖅᑕᐅᓂᐊᖅᑐᑦ 2026-2027-ᒥ ᐅᑭᐊᒃᓵᖑᓕᖅᐸᑦ 2027-ᒥ ᓴᖅᑭᑕᐅᓗᑎᒃ. $480- ᒥᓕᐊᓐ ᐊᕐᕌᒍᓄᑦ ᖁᓕᓄᑦ ᐊᑐᖅᑕᐅᓂᐊᖅᑐᑦ. ᐊᒻᒪ ᐃᓄᓐᓂᒃ ᐃᖅᑲᓇᐃᔭᖅᑎᑕᐅᓂᐊᕐᓂᖏᓐᓄᑦ $43-ᒥᓕᐊᓐ ᓴᓂᕐᕙᒃᑕᐅᓯᒪᓪᓗᑎᒃ ᑖᒃᑯᓄᖓ ᐊᑐᖅᑐᒃᓴᐃᑦ. ᐊᒻᒪ ᓂᕆᐅᓐᓂᖃᖅᑐᒍᑦ ᒐᕙᒪᒃᑯᑦ ᐱᓕᕆᕝᕕᖏᑦ ᑕᒪᒃᑯᓄᖔᖅᑐᓂᒃ ᐋᖅᑭᒃᓯᓂᐊᕐᓂᖏᓐᓂᒃ ᐊᕐᕌᒎᑉ ᐃᓗᐊᓂ ᐱᖓᓱᐊᖅᑕᕐᓗᒍ ᐸᕐᓇᐅᑎᖏᑦᑕ ᐃᓗᓕᖏᑦ ᐱᓪᓗᒋᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙ ᐅᑕᖅ (ᑐᓵᔨᑎᒍᑦ): ᑲᑎᒪᔩᑦ ᐊᐱᖅᑯᑎᒃᓴᖃᖅᐹᑦ ᓱᓖ?

D-5-ᒥᒃ ᐊᑖᓂ. ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐅᓇ ᑭᐅᔭᐅᖅᑰᕋᑖᙱᒻᒪᑦ ᐊᐱᖅᑯᓯᕆᒃᑲᓐᓂᕐᓂᐊᖅᑕᕋ. (ᑐᓵᔨᑎᒎᓕᖅᑐᖅ) ᓄᓇᕗᑦ ᒐᕙᒪᒃᑯᖏᑦ ᐃᓄᓐᓂᒃ ᐸᕐᓇᐅᑎ 2024-2034-ᒧᑦ ᑎᑭᓪᓗᒍ ᒪᓕᒐᓕᐅᕐᕕᒻᒥ ᐱᒋᐊᖅᑕᐅᓚᐅᖅᓯᒪᒻᒪᑦ ᒪᐃ 29, 2025-ᒥ. 2024-2034-ᒥ ᐸᕐᓇᐅᑎ ᓴᖅᑭᑕᐅᓛᖅᐸ ᒪᓕᒐᓕᐅᕐᕕᒻᒥ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙ ᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ ᑲᑎᒪᔨ ᐊᐱᕆᒻᒪᑦ. ᑖᓐᓇ 2024-2034-ᒧᑦ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᓐᓂᒃ ᐸᕐᓇᐅᑎ ᓴᖅᑭᑕᐅᓚᐅᖅᑐᖅ ᒪᓕᒐᓕᐅᕐᕕᒻᒥ ᑭᖑᓪᓕᖅᐹᒥ ᑲᑎᒪᑎᓪᓗᒋᑦ ᐊᕐᕌᒍᓄᑦ ᖁᓕᓄᑦ ᐊᑐᖅᑕᐅᓂᐊᖅᑐᖅ. ᐸᕐᓇᐅᑏᒃ ᒪᕐᕉᒻᒪᑎᒃ ᐅᓂᒃᑳᓕᐅᕐᓂᖅ ᑖᒃᑯᓂᖓ ᐃᓄᓐᓂᒃ ᐃᖅᑲᓇᐃᔭᖅᑎ ᐊᕐᕌᒍ ᑎᓴᒪᐃᕋᕐᓗᒍ ᐃᖅᑲᓇᐃᔭᖅᑐᓕᕆᔨᒃᑯᓐᓂᒃ ᑐᑭᒧᐊᒍᑎᒃᓴᖏᓐᓂᒃ ᐊᑐᕐᓗᒋᑦ ᐊᒻᒪᓗ ᐊᕐᕌᒍᑕᒫᖅᓯᐅᑦᑎ ᐅᓂᒃᑳᓕᐅᖃᐊᑦᑕᕐᓂᖅ ᐊᕐᕌᒍᑕᒫᖅᓯᔪᒧᑦ ᒪᓕᒐᓕᐅᕐᕕᒻᒥ ᓴᖅᑭᑕᐅᓛᖅᑐᖅ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙ ᐅᑕᖅ (ᑐᓵᔨᑎᒍᑦ): ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᐱᓕᕆᕕᓯ 2026-2030-ᒧᑦ ᐸᕐᓇᐅᑎᖓ ᐅᖃᖅᓯᒪᒻᒪᑕ ᐃᓚᖓ ᐊᐅᓚᔾᔭᒃᑕᐅᔪᒪᔪᖅ 2026-2027 ᐊᕐᕌᒍᐊᓂ. ᓴᓇᖁᓪᓗᒋᑦ ᐊᑐᓕᖁᓪᓗᒋᑦ ᐊᑐᐊᒐᕐᒥ ᐃᖅᑲᓇᐃᔭᖅᑐᓕᕆᓂᕐᒧᑦ ᑎᓕᓯᔾᔪᑏᓪᓗ ᐅᓄᖅᓯᒋᐊᖁᓪᓗᒋᑦ ᐃᖅᑲᓇᐃᔭᖅᑏᑦ. ᐅᓄᖅᓯᒋᐊᖁᓪᓗᒋᓪᓗ ᐃᓄᐃᑦ ᐃᖅᑲᓇᐃᔭᖅᑎᖏᑦ ᑐᓗᖅᑕᐅᑏᓪᓗ ᐲᔭᕐᓗᒋᑦ ᐃᓄᖕᓂᒃ ᐃᖅᑲᓇᐃᔭᖅᑎᑖᕈᓰᑦ. ᖃᓄᐃᑦᑐᓂᒃ ᐊᑐᐊᒐᕐᓂᒃ ᐃᓱᒪᔅᓴᖅᓯᐅᕈᑎᖃᕋᔅᓯ ᑖᒃᑯᓄᖓ ᑎᓕᓯᔾᔪᑎᒃᓴᓂᓪᓗ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙ ᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ ᑲᑎᒪᔨ ᐊᐱᕆᒻᒪᑦ. ᓇᓗᓇᐃᖅᓯᓚᐅᖅᑐᖅ ᑭᐅᖅᑲᐅᔪᖓ ᒫᓐᓇ ᐊᑐᐊᒐᕗᑦ ᑕᒪᒃᑯᓂᖓ ᑐᓗᖅᑕᐅᑎᓂᒃ ᕿᒥᕐᕈᓇᒃᑕᕗᑦ ᐱᐅᓯᒋᐊᖁᓪᓗᑎᒍ. ᐊᑭᑦᑐᕋᐅᑎᓂᖅ, ᐃᖅᑲᓇᐃᔭᖅᑎᑦᑎᓂᕐᒧᓪᓕ ᐊᑐᐊᒐᐃᑦ ᐲᔭᕐᓗᒋᑦ ᑕᐃᒃᑯᐊ

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 34 ᑐᓗᖅᑕᐅᑎᐅᖃᑦᑕᖅᑐᐃᑦ ᐃᓄᓐᓂᒃ ᐃᖅᑲᓇᐃᔭᖅᑎᑖᙱᔾᔪᑎᐅᖃᑦᑕᖅᑐᑦ ᓇᓗᓇᐃᖅᑕᐅᑉᐸᑕ ᑖᒃᑯᐊ ᐊᑐᐊᒐᐃᑦ ᐋᖅᑭᒃᑕᐅᓗᑎᒃ ᒪᓕᒃᓴᖅᓯᒪᑦᑎᐊᕐᓂᖅᓴᐅᓂᐊᕐᒪᑕ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑕ ᑭᙴᒪᔭᖏᓐᓄᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙ ᐅᑕᖅ (ᑐᓵᔨᑎᒍᑦ): ᐊᑎᓕᐅᖅᓯᒪᔪᖅ, ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᐱᖅᑯᑎᒐ ᑖᒃᑯᐊ ᐃᓄᒃᑐᑦ ᐅᖃᐅᓯᕐᒧᑦ ᐊᑐᐊᒐᖁᑎᖓᓐᓄᑦ. ᐱᓕᕆᕕᓯ ᐃᓄᒃᑎᑐᑦ ᐊᑐᐊᒐᖁᑎᖓᑦ ᐃᓄᒃᑐᑦ ᐅᖃᐅᓯᕐᒧᑦ ᔮᓐᓄᐊᕆ 8-ᒥ ᓄᑖᕈᕆᐊᖅᑕᐅᓚᐅᕐᒪᑦ. ᖃᓄᐃᑦᑐᓂᒃ ᐊᓯᔾᔩᓯᒪᒻᒪᑕ ᐊᑐᐊᒐᕐᒧᑦ ᑕᐃᑯᖓ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙ ᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᑲᑎᒪᔨ ᐊᐱᕆᒻᒪᑦ. ᐊᑭᓕᖅᓱᖅᑕᐅᔾᔪᑏᑦ ᑖᔅᓱᒧᖓ ᐃᑲᔪᕈᑎᐅᖃᑦᑕᖅᑐᓄᑦ ᖁᔭᓐᓇᒦᕈᑎᐅᖃᑦᑕᖅᑐᓄᑦ ᐅᖃᐅᓯᖅ ᐅᖃᓪᓚᒍᓐᓇᖅᑐᓂᒃ ᐃᑲᔪᕈᑎ ᐅᓄᖅᓯᒋᐊᖅᑕᐅᓚᐅᖅᑐᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙ ᐅᑕᖅ (ᑐᓵᔨᑎᒍᑦ): ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ, ᑭᐅᒐᕕᑦ. 5,700-ᖑᓚᐅᕐᒪᑕ ᓄᓇᕗᑦ ᒐᕙᒪᒃᑯᖏᓐᓂ ᐃᓂᐅᔪᑦ. ᖃᔅᓰᓪᓕ ᓇᓗᓇᐃᖅᑕᐅᓯᒪᕙᑦ ᐃᓄᒃᑎᑐᑦ ᐅᖃᓪᓚᒍᓐᓇᕆᐊᖃᖅᑎᑕᐅᓪᓗᑎᒃ ᓇᓗᓇᐃᖅᑕᐅᓯᒪᕙᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙ ᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ ᑲᑎᒪᔨ ᐊᐱᕆᒻᒪᑦ. ᑖᒃᑯᐊ ᐊᑐᓂᒃ ᐃᖅᑲᓇᐃᔮᒃᓴᓄᑦ ᓇᓗᓇᐃᖅᓯᒪᙱᒻᒪᑕ ᐃᓅᑉ ᑖᓐᓇ ᐅᖃᓪᓚᒍᓐᓇᕐᓂᖓ ᐃᖅᑲᓇᐃᔭᖅᑎ ᐃᓄᒃᑐᑦ ᐅᖃᓪᓚᒍᓐᓇᕐᓂᖓ ᒪᓕᒃᑕᐅᓯᒪᓪᓗᓂ ᐃᖅᑲᓇᐃᔮᖅ ᑭᓱᓕᕆᔨᐅᓂᖓ ᓇᐅᒃᑯᓕᒫᑦᑎᐊᖅ ᐃᓕᓴᕆᔭᐅᓯᒪᔪᖅ ᐃᖅᑲᓇᐃᔭᖅᑎ ᑖᓐᓇ ᓇᓗᓇᐃᖅᑕᐅᓯᒪᙱᑦᑐᖅ ᐃᓐᓇ ᐃᖅᑲᓇᐃᔮᖅ ᐃᓄᒃᑎᑑᕆᐊᓕᒃ ᑭᓯᐊᓂ ᐊᑕᖏᖅᖢᑎᒃ ᐅᖃᓪᓚᒍᓐᓇᑐᐃᓐᓇᖅᐸᑦ ᐃᓄᒃᑎᑐᑦ ᑕᐃᒪᓐᓇ ᑲᒪᒋᔭᐅᔪᖅ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙ ᐅᑕᖅ (ᑐᓵᔨᑎᒍᑦ): ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᑦᑕᐅᖅ ᓇᓗᓇᐃᕋᕕᐅᒃ ᐅᕙᓐᓄᑦ. ᐅᓪᓗᒥᒧᑦ ᑎᑭᒃᖢᒍ ᓄᓇᕗᑦ ᒐᕙᒪᒃᑯᖏᑦ ᐃᖅᑲᓇᐃᔭᖅᑏᑦ ᑮᓇᐅᔭᖅᑖᖃᑦᑕᖅᐸᑦ ᐅᖃᓪᓚᒍᓐᓇᕐᒪᑕ ᐃᓄᒃᑎᑐᑦ, ᖄᒃᑲᓐᓂᐊᒍᑦ ᑮᓇᐅᔭᑦ ᖃᐅᔨᓴᖅᑕᐅᓚᐅᖅᖢᑎᒃ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙ ᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᑦᑕᐅᖅ ᐊᐱᕆᒻᒪᑦ. 800 ᐃᖅᑲᓇᐃᔭᖅᑏᑦ ᒐᕙᒪᒃᑯᓐᓂᒃ ᑖᔅᓱᒥᖓ ᖁᔭᓐᓇᒦᕈᓯᐊᖃᑦᑕᖅᑐᑦ ᐃᓄᒃᑐᑦ ᐅᖃᓪᓚᒍᓐᓇᕐᒪᑕ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙ ᐅᑕᖅ (ᑐᓵᔨᑎᒍᑦ): ᐊᐱᖅᓱᕐᓂᐊᓕᕐᒥᔪᖅ, ᒥᔅᑕ ᒪᐃᒃ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 35 ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒻᒪᓗ ᒥᓂᔅᑕ ᑐᙵᓱᒋᑦ ᐃᖅᑲᓇᐃᔭᖅᑎᑎᓪᓗ. (ᑐᓵᔨᑎᒎᓕᖅᑐᖅ) ᐅᖃᐅᓯᖃᕈᒪᒐᒪ ᐱᓕᕆᕕᐅᑉ ᑎᓕᔭᐅᓯᒪᔾᔪᑎᖏᑦ ᐱᓕᕆᖃᑎᒌᒻᒧᑦ. ᐃᖅᑲᓇᐃᔭᖅᑎᑦᑎᓂᕐᒧᑦ ᒐᕙᒪᒃᑯᓐᓄᓪᓗ ᓴᙱᒃᑎᒋᐊᖁᓪᓗᒋᑦ ᐃᓄᖏᑦ ᐃᖅᑲᓇᐃᔭᖅᑎᓂᒃ ᓯᐊᒻᒪᖅᑎᕝᕕᐅᓯᒪᔪᓄᑦ ᓄᓇᓕᓐᓂ. ᓯᕗᕐᖓᒍᓪᓕ ᐃᖅᑲᓇᐃᔭᖅᑎ ᐃᓕᓴᖅᑕᐅᖃᑦᑕᖁᓪᓗᒍ ᑐᓗᖅᑕᐅᑏᓪᓗ ᐲᖅᑕᐅᖁᓪᓗᒋᑦ ᐃᖅᑲᓇᐃᔭᕋᓲᑏᑦ. ᐅᓂᒃᑳᕈᓐᓇᖅᐲᑦ ᖃᓄᖅ ᑐᑭᖃᕐᒪᖔᖅ ᑖᓐᓇ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙ ᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ ᑲᑎᒪᔨ ᐊᐱᕆᒻᒪᑦ. ᑖᒃᑯᐊ ᓴᓇᒐᑦᑕ ᐃᖅᑲᓇᐃᔭᓕᓚᐅᙱᓐᓂᖏᓐᓂ ᒪᓕᒐᒃᓴᒥᒃ ᓴᓇᒐᑦᑕ, ᐃᓛᒃ ᐅᑭᐊᒃᓵᖅ ᐊᑐᓕᖅᑎᑕᐅᓂᐊᖅᑐᒥᒃ. ᑐᓴᐅᒪᑎᑦᑎᓂᐊᖅᑐᖅ ᑖᒃᑯᓂᖓ ᐸᕐᓇᐅᑎᖏᓐᓂ ᐃᖅᑲᓇᐃᔭᖅᑎᑕᐅᓚᐅᙱᓐᓂᖏᓐᓂ ᑐᓗᖅᑕᐅᑏᑦ. ᑕᐃᒃᑯᐊ ᐅᖃᐅᓯᕆᖅᑲᐅᔭᒃᑲ ᑭᒡᒍᓯᕐᒪ ᐃᓚᖓᓄᑦ ᐊᐱᖅᑯᑕᐅᔪᒧᑦ. ᑕᐃᒃᑯᐊ ᐊᐅᓚᔾᔭᒃᑕᐅᔪᒪᔪᑦ ᓄᓇᕗᑦ ᒐᕙᒪᒃᑯᖏᓐᓂ ᐃᖅᑲᓇᐃᔭᓚᐅᙱᓐᓂᖏᓐᓂ ᐊᔪᕈᓐᓃᖅᓴᐃᓗᑕ ᐱᓕᒻᒪᒃᓴᐃᓗᑎᒃ ᐃᑲᔪᖅᑐᐃᖁᓪᓗᑕ ᑕᐃᒃᑯᐊ ᒐᕙᒪᒃᑯᓐᓂ ᐃᖅᑲᓇᐃᔭᕈᓐᓇᖅᓯᓂᐊᕐᒪᑕ ᓄᓇᕗᑦ ᒐᕙᒪᒃᑯᖏᓐᓄᑦ ᓄᓇᑖᕈᑎᓂᒃ 22 ᐊᑐᖅᑕᐅᓗᓂ ᑭᒡᒐᖅᑐᐃᓗᑎᒃ ᐃᓄᓐᓂᒃ ᐃᖅᑲᓇᐃᔭᖅᑎᖃᕐᓗᑎᒃ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ. ᑭᐅᒐᓗᐊᖅᐸᒋᖅᑲᐃ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙ ᐅᑕᖅ (ᑐᓵᔨᑎᒍᑦ): ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᒥᓂᔅᑕ ᖁᔭᓐᓇᒦᒃ. ᐄ’, ᑭᐅᕋᑖᕆᙵ ᐃᓚᖏᓐᓂᒃ. ᐅᓇ ᓇᓗᓇᐃᕆᐊᒃᑲᓐᓂᕈᓐᓇᖅᑭᐅᒃ ᖃᓄᖅ ᐃᖅᑲᓇᐃᔮᖅᑖᕈᒪᔫᒐᓗᐊᖅ ᐃᖅᑲᓇᐃᔮᖅᑖᖃᑦᑕᑐᔅᓴᐅᙱᒻᒥᒻᒪᑕ, ᓱᓇᒧᑦ ᐱᔾᔪᑎᖃᖅᑐᑎᒃ ᑕᐃᒪᐃᑉᐸᑦ ᐃᖅᑲᓇᐃᔮᖅᑖᕈᓐᓇᙱᓚᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ, ᖁᔭᓐᓇᒦᑦᑕᐅᖅ ᑲᑎᒪᔨ ᐊᐱᕆᖕᒪᑦ. ᐅᓄᑲᒡᓚᒃᑐᓂᑦ ᐱᕕᑦᓴᓂᑦ ᐱᑕᖃᕋᑦᑕ ᖃᐅᔨᓴᐃᔾᔪᑎᐅᖃᑦᑕᖅᑐᖅ ᐃᓄᖕᓂᑦ ᐃᖅᑲᓇᐃᔭᖅᑎᑖᕈᑎᐅᔪᓂᑦ. ᑕᐃᒃᑯᐊ ᐃᖅᑲᓇᐃᔭᓕᕇᖅᑐᑦ ᒐᕙᒪᒃᑯᓐᓄᑦ ᐱᕕᖃᖅᑎᑕᐅᖕᒥᔪᑦ ᖁᕝᕙᓯᓐᓂᖅᓴᒥᒃ ᐃᓕᓐᓂᐊᖅᑎᑕᐅᔪᓐᓇᖁᒡᓗᒍ. ᐊᒫᖅᑕᐅᓂᖅ ᐊᑐᕐᓗᒍ ᐱᓕᕆᔭᐅᔪᓂᑦ ᑖᒃᑯᓂᖓ ᐃᖅᑲᓇᐃᔭᖅᑎᑖᕈᓐᓇᕐᒥᒐᑦᑕ ᐃᖅᑲᓇᐃᔭᓚᐅᐱᒡᓚᓂᐊᖅᑐᓂᑦ, ᑕᐃᒪᓐᓇ ᑭᖑᕝᕕᖅᑎᐅᑲᐃᓐᓇᖃᑦᑕᕈᓐᓇᖁᒡᓗᒋᑦ. ᐃᖅᑲᓇᐃᔮᖅᑖᕈᒪᒍᑎᒃ ᓄᓇᕘ ᒐᕙᒪᒃᑯᖏᓐᓂᑦ ᑕᐃᒪᓐᓇᐃᑦᑎᑕᐅᑲᐃᓐᓇᖃᑦᑕᖅᑐᑦ. ᐊᒻᒪᓗᑦᑕᐅᖅ ᐃᓕᓐᓂᐊᖅᑎᑦᑎᖃᑦᑕᕐᒥᒐᑦᑕ ᐃᖅᑲᓇᐃᔭᕐᓂᐊᖅᑐᓂᑦ ᒐᕙᒪᒃᑯᓐᓂ ᐃᖅᑲᓇᐃᔭᕐᓗᑎᒃ ᖁᕝᕙᓯᓐᓂᖅᓴᒥᑦ ᐃᖅᑲᓇᐃᔭᕈᒪᔪᓂᑦ ᑖᒃᑯᐊ ᐱᕕᖃᖅᑎᑕᐅᖃᑦᑕᕐᒥᔪᑦ ᐃᖅᑲᓇᐃᔭᓕᖕᒪᒃᓴᖅᑎᑕᐅᓗᑎᒃ ᐱᔪᒪᔪᑦ ᑕᐃᒃᑯᐊ ᑯᕝᕙᓯᓐᓂᖅᓴᒥᒃ ᐃᖅᑲᓇᐃᔮᖃᕈᒪᔪᑦ. ᐊᒻᒪᓗ ᐃᓕᓐᓂᐊᑎᑦᑎᖃᑦᑕᕐᒥᔪᒍᑦ ᐃᓕᓐᓂᐊᕈᒪᔪᓄᑦ ᓄᓇᓕᖓᑕ ᓯᓚᑖᓂ ᐊᑭᓕᖅᑕᐅᖃᑦᑕᖅᑐᑦ ᐃᖅᑲᓇᐃᔭᖅᑐᓕᕆᔨᒃᑯᓐᓂ ᐊᑭᓕᖅᑕᐅᒡᓗᑎᒃ. ᑭᐅᒐᓗᐊᖅᐸᒋᖅᑲᐃ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐄ’. ᑕᒪᓐᓇᐃᓛᒃ ᐱᔭᕆᐊᑐᔪᖅ ᐱᔾᔪᑕᐅᖃᑦᑕᒥᒻᒪᑦ ᐃᖅᑲᓇᐃᔭᕈᒪᔫᒐᓗᐊᓄᑦ, ᐃᓪᓗᔅᓴᖃᖏᓐᓂᖅ ᑖᓐᓇ ᐃᓚᒋᔭᐅᔪᔅᓴᐅᒻᒪᑦ ᑕᕝᕙᓂ. ᑖᓐᓇ ᐃᑲᔪᖃᑎᒌᑦᑕ ᐱᒻᒪᕆᐅᒻᒪᑦ ᐱᓕᕆᐊᔅᓴᕆᒐᑦᑎᒍ ᑖᓐᓇ ᐱᔾᔪᑎᒋᓪᓗᒍ ᐊᐱᖅᑯᑎᒋᕋᑖᖅᑕᕋ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 36 ᐊᒻᒪ ᓱᓕ ᑕᕝᕙᓂ ᐱᓕᕆᐊᔅᓇᖏᓐᓂᑦ “Actions” ᑕᔅᓱᒧᖓ 2026−2027, ᑕᐃᒪ ᑕᒪᓐᓇ ᓇᒻᒥᓂᖅᓱᕐᓂᖅ ᒪᑐᐃᕈᑎᖏᑕ ᐅᖃᐅᓯᖏᓐᓂ ᐅᖃᐅᓯᕆᖅᑲᐅᒻᒪᐅᒃ, ᑖᓐᓇ ᖃᓪᓗᓈᑎᑐᑦ ᐅᖃᙳᓱᒃᑲᒃᑯ (ᑐᓵᔨᑎᒎᓕᖅᑐᖅ) ᐊᑐᐃᓐᓇᐅᑎᑦᑎᓗᑎᒃ ᐅᖃᐅᔾᔨᒋᐊᕈᓐᓇᕐᒥᒃ, ᐃᑲᔪᖅᑐᐃᓂᕐᒥᓪᓗ ᓄᓇᕘ ᒐᕙᒪᒃᑯᖏᓐᓄᑦ ᑎᓕᓯᕙᓪᓕᐊᓂᕐᒧᑦ ᑎᑎᕋᕐᕕᖓᓂᑦ, ᑕᒪᒃᑯᐊ ᓄᑦᑎᖅᑕᐅᑦᑎᐊᕈᓐᓇᖁᒡᓗᒋᑦ ᑎᒍᓯᕙᓪᓕᐊᑎᒡᓗᒋᑦ ᒐᕙᒪᑐᖃᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᓄᓇᕘ ᒐᕙᒪᒃᑯᖏᓐᓄᑦ ᓄᑦᑎᖅᑕᐅᑎᓪᓗᒋᑦ. (ᑐᓵᔨᑎᒎᕈᓐᓃᖅᑐᖅ) ᐃᓚᒋᐊᒃᑲᓂᕐᓗᒍᖃᐃ, ᑕᕝᕘᓈᕐᓂᐊᖅᑐᑦ. ᐃᓚᒋᐊᒃᑲᓂᕐᓗᒍᖃᐃ ᐊᐱᖅᑯᑎᒐ, ᖃᑦᓯᐅᓂᐊᕐᖓᑕ ᐊᐅᓪᓛᖅᑕᐅᔭᕆᐊᓖᑦ ᑕᕝᕗᖓ ᓄᓇᕗᑦ ᒐᕙᒪᒃᑯᓐᓄᑦ ᐃᖅᑲᓇᐃᔮᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ, ᖁᔭᓐᓇᒦᑦᑕᐅᖅ ᑲᑎᒪᔨ ᐊᐱᕆᖕᒪᑦ. ᐱᓕᕆᕕᕗᑦ ᐃᖅᑲᓇᐃᔭᖃᑎᖃᕈᒪᔪᖅ ᑕᐃᒃᑯᓂᖓᑦ ᑎᒍᓯᕙᓪᓕᐊᓂᕐᒧᑦ ᓴᙱᓂᕐᒥᑦ 101ᖑᓂᐊᖅᑐᑦ ᐃᖅᑲᓇᐃᔮᑦ ᓄᑦᑎᖅᑕᐅᔭᕆᐊᓖᑦ, ᓄᓇᕘ ᒐᕙᒪᒃᑯᖏᓐᓄᑦ ᓄᑦᑎᖅᑕᐅᓗᑎᒃ ᑖᒃᑯᐊ ᒐᕙᒪᑐᖃᒃᑯᑦ ᐃᖅᑲᓇᐃᔭᓕᒪᔪᑦ, ᐊᒃᓱᐊᓗᒃ ᐊᑑᑎᖃᕐᓂᐊᕐᒥᔪᑦ. ᐊᒻᒪᓗᑦᑕᐅᖅ ᑐᙵᓱᑦᑎᑦᑎᓂᐊᖅᑐᒍᑦ ᐃᖅᑲᓇᐃᔭᖅᑎᓂᑦ ᑕᐃᑲᙶᖅᑐᓂᑦ, ᐱᓕᕆᕕᕗᑦ ᐃᑲᔪᖅᑐᐃᔪᑦ ᓴᙱᓂᕐᒥᑦ ᑎᒍᓯᕙᓪᓕᐊᓂᕐᒥᑦ ᐃᖅᑲᓇᐃᔭᖅᑎᓂᑦ ᑕᒫᓂ ᐱᓕᕆᔾᔪᑎᒃᓴᐅᓂᐊᖅᑐᓂᑦ ᓄᑖᓂ ᐱᓕᕆᕕᖕᒥ. ᖁᔭᓐᓇᒦᒃ ᐃᒃᓯᕙᐅᑖᖅ, ᐊᒻᒪᓗ ᐊᐱᕆᕋᑖᖅᑐᖅ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ, ᐊᒻᒪᓗ ᖁᔭᓐᓇᒦᒃ ᒥᓂᔅᑕ. ᐅᓇ ᐊᐱᖅᑯᑎᒋᙳᓱᓕᕐᒥᔭᕋ, ᐱᓕᕆᐊᕆᔪᒪᔭᖓᓂᑦ ᐃᖅᑲᓇᐃᔭᖅᑐᓕᕆᔨᒃᑯᑦ 2026-2027, ᑖᓐᓇ ᐅᖃᐅᓯᕆᓗᒍᓗ ᐊᐱᖅᑯᑎᒋᓗᒍᓗ, ᐃᓄᓐᓂᑦ ᐃᖅᑲᓇᐃᔭᖅᑎᑦᑎᖃᑦᑕᕐᓂᖅ, ᑖᓐᓇ ᓴᙵᑦᑎᒋᔭᕆᐊᖃᑦᑕᕐᖓᑦ ᐊᒻᒪᓗ ᑕᒪᓐᓇ ᐅᖃᐅᓯᕆᖅᑲᐅᒻᒥᔭᕗᑦ, ᐃᖅᑲᓇᐃᔭᖅᑎᓂᓪᓗ ᐅᖃᐅᓯᖃᖅᑲᐅᒐᓐᓄᒃ. ᒫᓐᓇᓕ ᐃᓄᓐᓂᑦ ᐃᖅᑲᓇᐃᔭᖅᑎᓂᑦ ᐅᖃᐅᓯᖃᕐᖑᓱᑦᑐᖓ, ᒐᕙᒪᒃᑯᑦ ᐱᓇᐃᓗᑕᖃᖃᑦᑕᕐᖓᑕ ᐃᓄᓐᓂᑦ ᐃᖅᑲᓇᐃᔭᖅᑎᑖᕋᓱᓐᓂᕐᒧᑦ. ᑕᐃᒪ ᑕᕝᕙᓂ ᐱᓕᕆᐊᖑᔪᒪᔪᒥᑦ ᓴᖅᑮᓗᑎᒃ ᐊᑐᓕᖅᑎᑦᑎᓗᑎᓪᓗ ᓄᑖᒥᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᒪᓕᒐᐅᔪᓂᑦ ᐊᑐᖅᑕᐅᓂᐊᖅᑐᓂᑦ, ᑖᒃᑯᓄᖓ ᐅᓄᖅᓯᒋᐊᖅᑎᑦᑎᓂᕐᒧᑦ ᓴᙵᑦᑎᒋᐊᒃᑲᓂᕐᓗᒋᓪᓗ, ᐊᒥᓱᕈᕆᐊᒃᑲᓐᓂᕐᓗᒋᑦ ᐃᓄᐃᑦ ᐃᖅᑲᓇᐃᔭᕐᓂᖏᑦ. ᑖᓐᓇᐅᓇ ᖃᓄᖅ ᐋᖅᑭᒋᐊᒃᑲᓐᓂᕐᓂᐊᕐᕙᓗᒻᒪᑦ. ᑖᓐᓇ ᖃᓄᖅ ᐋᖅᑭᒋᐊᒃᑲᓂᕐᓂᐊᖅᐸ ᑕᐃᒪ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ: ᖁᔭᓐᓇᒦᒃ, ᐃᒃᓯᕙᐅᑖᖅ, ᐊᒻᒪ ᖁᔭᓐᓇᒦᒃ ᑕᐃᓐᓇ ᐅᕙᓐᓄᑦ ᐊᐱᕆᔪᖅ. ᑕᐃᒪ ᐅᖃᓚᐅᕐᒥᒐᒪ ᐱᒋᐊᓕᓵᖅᑎᓪᓗᒐ, ᖃᐅᔨᓴᕐᓂᒃᑯ ᓱᓇᒥᒃ ᐱᔾᔪᑎᖃᕐᒪᖔᑉᑕ ᓴᕝᕕᑦᑖᕈᓐᓇᐃᓕᖃᑦᑕᖅᑐᑦ ᐃᓄᐃᑦ. ᖃᐅᔨᒋᐊᒃᑲᓐᓂᕈᒪᓚᐅᖅᑐᒍᑦ, ᖃᐅᔨᒋᐊᕈᒪᒃᑲᓂᖅᑐᒍᑦ. ᐊᒻᒪ ᓴᖅᑭᑎᕆᓂᐊᖅᑐᒍᑦ ᖃᐅᔨᓴᕐᔪᑎᒃᓴᓂᑦ ᓱᓇᒥᑦ ᐱᔾᔪᑎᖃᕐᒪᖔᑦ. ᓯᑦᑕᕙᖑᓕᖅᐸᑦ, ᑕᐃᒪ ᐅᖃᓚᐅᕐᒥᔪᖓ ᖃᐅᔨᓴᕐᓂᐅᔪᖅ ᓴᖅᑭᑎᕆᓂᐊᖅᑐᑦ, ᐊᐱᕆᓂᐊᖅᑐᒍᑦ ᓱᓇᒥ ᐱᔾᔪᑎᖃᕐᒪᖔ, ᓱᓇᒥᒃ, ᓲᑭᐊᖅ ᐃᓄᐃᑦ ᓴᓇᕝᕕᑦᑖᕈᓐᓇᐃᓕᕐᒪᑦ ᒐᕙᒪᒃᑯᓐᓂ. ᑖᓐᓇ ᑐᑭᓯᒃᑲᓐᓂᕆᐊᕈᑦᑕ, ᖃᓄᒃᑲᓐᓂᖅ ᐋᖅᑭᒃᑲᓐᓂᕈᓐᓇᖅᐱᑕ, ᖃᐅᔨᒍᑦᑕ ᐋᖅᑭᒋᐊᕈᓐᓇᖅᑐᒍᑦ ᒪᓕᒐᓕᕆᖃᑦᑕᖅᑐᒍᑦ, ᒪᓕᒐᕋᓛᓕᕆᖃᑦᑕᖅᑕᕗᑦ ᐃᓄᐃᑦ ᐅᕝᕙᓗ ᑭᓇᑐᐃᓐᓇᖅ ᓴᓇᕝᕕᑦᑖᕋᓱᑉᐸᑦ ᒐᕙᒪᑦ ᓄᓇᕘ ᐃᓗᐊᓂ. ᑖᓐᓇ ᐱᔾᔪᑎᒋᓗᒍ ᖃᐅᔨᓴᕆᐊᕈᒪᓚᐅᖅᑐᒍᑦ, ᓲᖃᐃᒻᒪ ᐅᖃᐅᑎᔭᐅᖏᓐᓇᑦᓯᐊᓲᖑᔪᒍᑦ, ᓲ ᓴᓇᕝᕕᑦᑕᐃᓕᔪᖓ, ᓲ ᓱᓇᒥᑦ ᓄᖅᑲᔾᔪᑎᖃᖅᐱᑕ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 37 ᖃᐅᔨᒋᐊᕈᒪᔪᒍᑦ, ᑐᑭᓯᒍᒪᔪᒍᑦ, ᑕᐃᒪᐃᒻᒪᑦ ᖃᐅᔨᓴᕐᓂᐊᖅᑐᒍᑦ. ᖁᔭᓐᓇᒦᒃ ᐃᒃᓯᕙᐅᑖᖅ. ᐊᐱᕆᔪᓄᑦ ᑭᐅᑦᓯᐊᖅᑰᕋᒪ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᒪᐃᒃ. ᒪᐃᒃ: ᐄ’, ᑭᐅᑦᑎᐊᓪᓚᕆᑦᑐᑎᑦ. ᑕᐃᒫ ᑕᕝᕙ ᑐᓴᕈᒪᔪᒍᑦ, ᑕᖅᑲᒃᑯᐊᓗ ᓈᓚᑦᑐᑦ. ᑖᓐᓇ ᐊᐱᕆᒃᑲᓐᓂᕈᒪᔪᖓ, ᑖᓐᓇ ᖃᐅᔨᓴᕐᓂᖅ ᖃᖓᑭᐊᖅ ᑕᕝᕗᖓ ᒪᓕᒐᓕᐅ ᐃᓗᐊᓄᑦ ᓴᖅᑭᕈᓐᓇᓛᖅᑲ? ᒪᓕᒐᓕᐅᖅᑎᓄᓪᓗ ᐱᓕᕆᐊᖑᓗᓂ, ᖃᖓᑭᖃᖓᐃ? ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ: ᖁᔭᓐᓇᒦᒃ, ᐃᒃᓯᕙᐅᑖᖅ, ᐊᒻᒪ ᖁᔭᓐᓇᒦᒃ ᑖᓐᓇ ᐊᐱᕆᔪᖅ. (ᑐᓵᔨᑎᒍᑦ) ᑲᔪᓰᓐᓇᓂᐊᖅᑎᓪᓗᑕ ᕿᒥᕐᕈᐸᓪᓕᐊᓂᐊᖅᐳᒍᑦ ᐊᔾᔨᒌᖏᑦᑐᓂᑦ ᐊᑐᐊᒐᕐᓂᑦ, ᑭᑐ ᑐᓗᖅᓯᒪᐅᑎᐅᕙᒻᒪᖔᑕ, ᐊᑐᐊᒐᐃᑦ ᕿᒥᕐᕈᓗᒋᑦ, ᓇᐅᒃᑯᓪᓗ ᐊᔪᕐᓇᖏᑉᐸᑦ ᐱᐅᓯᑦᓯᐊᕙᐅᓛᖑᒍᓐᓇᖅᑕᖓᓂᑦ ᐱᔭᕆᐊᖃᓛᕐᒪᑦ. ᐅᖃᖃᑎᖃᖅᐸᓪᓕᐊᑦᓯᐊᕐᓗᑕᓗ ᑮᓇᐅᔭᕈᑎᑦᓴᓄᑦ, ᐃᓄᓐᓄᑦ ᐃᓕᓐᓂᐊᑲᓐᓂᕈᒪᔪᒍᑦ ᖁᑦᓯᓂᖅᓴᒥᑦ, ᐊᒻᒪ ᖃᐅᔨᒋᐊᕐᓗᑎᑦ ᐃᖅᑲᓇᐃᔭᕋᔭᕈᒪᙳᐊᖅᑐᓂᑦ ᒐᕙᒪᒃᑯᓐᓂᑦ, ᑕᒪᒃᑯᐊ ᐃᒻᒪᖄ ᐱᓕᕆᐊᖅᓴᐅᔪᓐᓇᖅᑐᑦ ᓂᕈᐊᒐᑦᓴᐅᒍᓐᓇᕐᓗᑎᒃ ᓇᓕᖏᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐊᑎᖁᑎᓐᓃᕐᒥᔪᖅ. ᒥᔅᑕ ᒪᐃᒃ, ᓱᓕ. ᒪᐃᒃ: ᐄ’, ᑖᓐᓇ ᐅᖃᐅᓯᕆᔭᕗᓂᓛᒃ, ᐅᖃᐅᓯᐅᖃᑦᑕᓪᓚᕆᒋᐊᖃᕐᖓᑦ ᓱᒻᒪᑦ ᐃᓄᐃᑦ ᐃᖅᑲᓇᐃᔮᖅᑖᖃᑦᑕᖏᒻᒪᖔᑕ, ᖃᓄᕐᓗ ᐃᖅᑲᓇᐃᔮᖅᑖᖃᑦᑕᖏᒻᒪᖔᑕ, ᓱᒻᒪᓪᓗ ᐃᖅᑲᓇᐃᔮᖅᑖᖅᑎᑕᐅᕙᖏᒻᒪᖔᑕ. ᑖᒃᑯᐊᖃᐃ ᑕᕝᕙᓂ ᖃᐅᔨᓴᕐᓂᕐᒥ ᐃᓗᐊᓂ ᐱᑕᖃᓚᐅᖅᑎᓪᓗᒍ, ᐃᓄᐃᑦ ᐃᓅᓂᖓᓄᑦ ᕿᐱᓗᑦᑕᐅᔪᖃᖅᑐᒃᓴᐅᕙᒻᒪᑦ. ᖃᓄᑭᐊᖅ, ᖃᐅᔨᒪᙱᑦᑐᖓ ᐅᖃᑐᐃᓐᓇᑎᐊᖅᑐᖓ. ᑖᓐᓇ ᖃᐅᔨᓴᕐᓂᐅ ᐃᓗᐊᓂ ᐊᑐᓚᐅᕐᓗᓂ ᐃᖅᑲᓇᐃᔮᖅᑖᕋᓱᒃᑐᖅ ᓱᒻᒪᑦ ᐃᖅᑲᓇᐃᔮᖅᑖᐸᙱᒻᒪᖔᑕ ᑐᑭᖃᕐᔫᒥᔪᒥᑦ ᑐᓴᖃᑦᑕᕆᐊᖃᕐᓂᐊᖅᑐᒍᑦ, ᑖᓐᓇ ᓂᕆᐅᕆᓂᐊᖅᑲᕋ ᑖᕙᓂᒃᑲᓐᓂᖅ. ᐃᔅᓯᕙᐅᑖᖅ, ᐊᓯᐊᓅᖔᕈᒪᓕᕐᒥᔪᖓ ᐱᔭᔅᓴᖓᑕ ᐃᖅᑲᓇᐃᔭᖅᑐᓕᕆᔨᒃᑯᑦ. ᑖᓐᓇ ᐱᔭᔅᓴᖓᑕ ᐃᓗᐊᓃᒻᒪᑦ ᑕᒫᓂ ᐊᕐᕌᒍᒥ, ᑮᓇᐅᔭᖅᑐᕐᓂᐊᕆᓪᓗᓂᓗ. (ᑐᓵᔨᑎᒍᑦ) ᓄᓇᕗᑦ ᒐᕙᒪᒃᑯᑦ ᐊᓪᓚᑦᑕᐅᓗᑎᒃ ᐸᕐᓇᐅᑎᒋᔭᖏᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᔭᐅᖅᑐᕈᑎᐅᓇᔭᖅᑐᒧᑦ ᐅᑭᐅᑦ ᓯᑕᒪᓄᑦ ᐊᒡᒋᖅᑐᓂᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ, ᖁᔭᓐᓇᒦᖅᐸᕋ ᒪᓕᒐᓕᐅᖅᑎ ᐊᐱᖅᑯᑎᒋᒻᒪᒍ. ᐋᖅᑮᕙᓪᓕᐊᑎᓪᓗᑕ ᐃᖅᑲᓇᐃᔭᓵᓕᓂᕐᒧᑦ ᐸᕐᓇᒍᑎᓂᑦ, ᖃᐅᔨᒐᓱᖅᑳᖅᐳᒍᑦ ᑭᓱ ᑐᓗᖅᓯᒪᐅᑎᐅᕙᑉᐸᑦ ᐃᓄᓐᓄᑦ ᐃᖅᑲᓇᐃᔮᖅᑖᕋᓱᑦᑎᓪᓗᒋᑦ ᒐᕙᒪᒃᑯᓐᓂ. ᐸᕐᓇᐅᑎᓕᐅᓵᓕᕈᑎᒋᓂᐊᕋᑦᑎᒍ ᑕᒪᒃᑯᐊ ᑐᓗᖅᓯᒪᐅᑏᑦ ᖃᓄᖅᑑᕈᑎᒋᓕᕐᓗᒋᑦ, ᐃᑯᖓᐸᓪᓕᐊᓂᕗᑦ ᓇᓗᓇᐃᔭᖅᑕᐅᕙᓪᓕᐊᖑᔭᕐᓗᑎᒃ. ᖃᓄᖅᑑᕈᑎᕗᑦ ᐱᓪᓗᒍ, ᐅᑭᐊᖅ 2026ᒥ ᑕᒪᓐᓇ ᓯᕗᒧᒍᑎᒋᒋᐊᓛᕋᑦᑎᒍ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐊᑎᖁᑎᓐᓃᕐᒥᔪᖅ, ᒥᔅ ᐊᖑᑎᐊᓗᒃ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 38 ᐊᖑᑎᐊᓗᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᐊᐅᔭᒃᑯᑦ ᐃᓕᓐᓂᐊᐸᑦᑐᓄᑦ ᐊᐅᔭᒃᑯᑦ ᐃᖅᑲᓇᐃᔭᖅᐸᑦᑐ ᐅᕝᕙᓗ ᐃᓕᓐᓂᐊᖅᑐᑦ ᐅᓄᖅᓯᒋᐊᕐᓂᖏᓐᓄᑦ. ᐃᓅᓱᑦᑑᑎᓪᓗᑕ ᐱᕐᕈᓗᐊᕿᒡᒍᔪᓲᖑᒻᒥᒐᑉᑕ ᐊᐅᔭᒃᑯᑦ ᑕᐃᒫᒃ ᓇᓪᓕᐅᑯᒫᖅᑕᐅᓯᒪᓲᖑᒋᕙᑦ ᐃᖅᑲᓇᐃᔭᖅᑐᖅᑲᐃ? ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ, ᒪᓕᒐᓕᐅᖅᑎᓗ ᐊᐱᕆᒻᒪᑦ. ᐊᐅᔭᒃᑯᑦ ᐃᖅᑲᓇᐃᔭᖅᑐᑦ ᐃᓕᓐᓂᐊᖅᑏᑦ ᐋᓐᓂᕐᓂᕈᑎᒃ, ᐱᕐᕈᓗᐊᕿᓐᓂᕈᑎᒃ, ᐃᖅᑲᓇᐃᔭᖅᑎᓕᒫᑦ ᓴᐳᔾᔭᐅᓯᒪᓲᖑᔪᑦ ᐃᖅᑲᓇᐃᔭᖅᑐᓕᕆᔨᒃᑯᑦ ᓇᓪᓕᐅᒃᑯᒫᖅᑐᓕᕆᔨᒃᑯᖏᓐᓄᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒪᓕᒐᓕᐅᖅᑏᑦ ᐊᐱᖅᑯᑎᒃᓴᖃᖅᑐᑲᒃᑲᓂᖅᐸᑦ? ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᐱᓕᕆᕝᕕᓯ ᑲᒪᔭᖃᕐᒪᑕ ᐊᕐᕌᒍᓕᒫᒥᑦ ᑐᒡᓕᕆᔭᕗᑦ ᐃᓕᓐᓂᐊᖅᑎᓄᑦ ᐱᓕᕆᐊᖑᔪᒥᑦ. ᖃᑦᓯᑦ ᐃᓕᓐᓂᐊᖅᑏᑦ ᐃᓚᐅᕙᑦ ᑖᒃᑯᓇᓂ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ, ᖁᔭᓐᓇᒦᓪᓗ ᐊᐱᖅᑯᑎᒋᒻᒪᒍ ᒪᓕᒐᓕᐅᖅᑎᐅᑉ. ᒫᓐᓇᐅᔪᖅ 32ᖑᔪᑦ ᐃᓕᓐᓂᐊᖅᑐᑦ ᒫᓐᓇᐅᔪᒥ, ᐊᒻᒪᓗ ᑖᒃᑯᐊ ᐊᕐᕌᒍᒥ ᐃᖅᑲᓇᐃᔮᕈᓐᓇᖅᓯᒐᔭᕐᓂᖓᑦ, ᐱᑕᖃᖅᑐᖅ ᐊᐅᔭᒃᑯᑦ ᐃᖅᑲᓇᐃᔭᕐᓂᕈᑎᒃ, ᐃᓕᓐᓂᐊᕆᐊᖅᑲᐅᓚᕈᒪᓐᓂᕈᑎᒃ ᐊᒻᒪ ᐃᖅᑲᓇᐃᔭᐃᓐᓇᕈᒪᓐᓂᕈᑎᒃ ᑕᒪᑐᒪ ᑭᖑᓂᐊᒍᑦ, ᑕᐃᒪᐃᓕᖓᔪᖅ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᖃᒪᓂᖅ. ᖃᒪᓂᖅ ᖁᔭᓐᓇᒦᒃ, ᐃᒃᓯᕙᐅᑖᖅ, ᐃᓕᔅᓯᓗ ᑭᐅᖃᑦᑕᕋᔅᓯ ᖁᔭᓐᓇᒦᒃ. (ᑐᓵᔨᑎᒎᓕᖅᑐᖅ) ᐊᓪᓚᕝᕕᓯ 2026- 2027 ᑮᓇᐅᔭᖅᑐᕈᑎᑦᓴᐃᑦ ᐃᖅᑲᓇᐃᔭᓵᓕᓂᕐᒧᑦ ᐱᓕᒻᒪᒃᓴᐃᔨ ᐱᙳᖅᑕᐅᓕᕐᒪᑕ, ᑖᒃᑯᐊᓗ 11ᓂᑦ ᐃᖅᑲᓇᐃᔭᖅᑎᖃᕈᒫᔅᓱᑎᑦ. ᐱᓕᕆᕝᕕᓯ 2026-2027ᒥ ᑮᓇᐅᔭᖅᑐᕈᑎᒃᓴᐃᑦ ᑐᓂᔭᐅᓛᕐᓂᖏᓐᓂᑦ $25.708. ᒥᓕᐊᓂᑦ, ᒪᓕᓪᓗᑎᒃ ᓈᓴᐅᑎᖓ 23 ᑮᓇᐅᔭᖃᖅᑎᑕᐅᓕ ᐃᓄᓕᕆᔨᑐᖃᒃᑯᓐᓄᑦ. ᐊᐅᓚᓂᕆᔭᖓ ᑖᑦᓱᒪᑦ ᓄᑖᑉ ᑮᓇᐅᔭᖃᖅᑎᑕᐅᓂᐊᖅᑐᑦ ᑖᒃᑯᑎᒎᓇ ᒐᕙᒪᑐᖃᒃᑯᓐᓂᑦ ᐱᓕᕆᐊᖑᔪᒥᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ, ᖁᔭᓐᓇᒦᓪᓗ ᒪᓕᒐᓕᐅᖅᑎ ᐊᐱᖅᑯᑎᖃᕐᒪᑦ. ᐊᐅᓚᑦᓯᔨᑦ ᑭᓯᐊᓂ ᐊᑐᓂᑦ ᐊᒡᒍᑐᖅᓯᒪᔪᖁᑎᑦᑎᓐᓂ ᐃᖅᑲᓇᐃᔭᖅᑎᓂᑦ ᐸᕐᓇᐅᑎᓂᑦ ᐸᕐᓇᐅᑎᓕᐅᓲᖑᔪᑦ ᑮᓇᐅᔭᖅᑖᕈᑎᑦᓴᓄᑦ ᑖᒃᑯᓇᖓᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒪᓕᒐᓕᐅᖅᑎᑦ, ᓱᓕ ᐊᓯᖏᓐᓂᑦ ᐊᐱᖅᑯᑎᑦᓴᖃᖅᐸᑦ? ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ. ᐃᖅᑲᓇᐃᔭᖅᑎᐅᖃᑦᑕᕐᓂᑰᒐᑦᑕ ᐊᒥᓲᓪᓗᑕ, ᖃᐅᔨᓇᕐᖓᑦ ᐃᖅᑲᓇᐃᔭᖅᑎᐅᓪᓗᓂ, ᐅᔾᔨᕈᓱᓐᓇᖅᑐᓂᓗ ᐃᖅᑲᓇᐃᔭᕐᕖᑦ ᑐᙵᓇᖅᑎᓪᓗᒋᑦ ᖁᕕᐊᓇᖅᑎᓪᓗᒋᑦ ᒪᑭᒪᓇᑦᑎᐊᖅᑐᑎᓪᓗ ᐃᒪᐃᓲᖑᒻᒪᑕ, ᑭᓯᐊᓂ ᑕᐃᒪᖏᓐᓇᓲᖑᔾᔭᖏᒻᒪᑕ ᐃᖅᑲᓇᐃᔭᕐᕖᑦ ᐃᓚᖏᑦ ᑐᙵᓇᕈᓐᓃᓱᖑᓪᓗᑎᒃ ᐃᓄᖏᑦᑎᒍᑦ, ᐃᖅᑲᓇᐃᔭᖅᑎᑎᒍᑦ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 39 ᑕᒪᓐᓇ ᓄᓇᕗᑦ ᒐᕙᒪᑯᑦ ᐃᖅᑲᓇᐃᔭᖅᑎᑦᑎᓂᖓᑕ ᐃᓗᐊᓂ, ᖃᓄᐃᖏᑦᑎᐊᕐᓂᖅ ᐅᖃᐅᓯᕆᔭᕋ ᑖᓐᓇ. ᑕᒪᒃᑯᐊ ᐊᑦᑕᓈᕿᑦᑕᐃᓕᓂᕐᒧᑦ ᖃᓄᐃᖏᑦᓯᐊᓂᕐᒧᑦ ᐱᓕᕆᐊᑦ. ᐊᒻᒪᓗ ᑖᓐᓇᑦᑕᐅᖅ ᐃᓄᐃᑦ ᖃᐅᔨᒪᔭᑐᖃᖓᑦ ᑕᕝᕙᓂ ᑕᐃᖃᓯᐅᑎᓯᒪᒻᒪᑦ ᐃᓄᐃᓪᓗ ᐃᓅᓯᖏᑦᑕ, ᐃᓕᖅᑯᓯᖏᑦᑕ ᐊᑑᑎᖃᕈᓐᓇᕐᓂᖏᑦ ᑕᕝᕙ ᐅᖃᖃᑎᐅᑎᓯᓯᒪᒻᒪᑕ ᐸᕐᓇᓯᒪᔭᖓᓐᓂᑦ. ᑖᓐᓇ, ᐃᓛᒃ ᐃᖅᑲᓇᐃᔭᖃᑎᒌᑦᑐᓂ ᑭᓯᐊᓂ ᐃᖅᑲᓇᐃᔭᖃᑎᒌᑦᑎᐊᖅᑐᓂ ᐃᖅᑲᓇᐃᔮᒥᑦ ᑲᔪᓯᑦᑎᐊᖅᑐᖃᓲᖑᒻᒪᑦ, ᑖᓐᓇ ᐱᔾᔪᑎᖃᓗᐊᖅᑐᖅ ᑖᔅᓱᒥᖓ, ᓇᓗᖏᑦᑐᖓ ᐃᖅᑲᐃᔪᖃᖅᑐᖅ Worker’s Safety Compensation Commision ᑕᒪᒃᑯᐊ. ᐆᒥᖓᓕ ᐅᖃᕋᓱᐊᖅᑐᖓ, ᐃᓅᑉ ᖃᐅᔨᒪᔭᑐᖃᖓ ᐊᑐᕐᓂᐊᖅᑲᑦ ᑕᕝᕙᓂ ᐊᑐᕆᐊᖃᖅᑐᓂᓗ ᐃᓄᐃᑦ ᑕᐃᒪᖓᓕᒫᖅ ᑭᓯᐊᓂ ᑕᒫᓃᒃᑲᑦᑕ, ᐃᓕᔅᓯᖃᐃ ᓴᖓᓄᑦ ᑭᓯᐊᓂ ᐅᖃᓪᓚᑦᑐᖓ ᓯᕗᓕᒃᑲ ᖃᐅᔨᒪᑦᑎᐊᕋᓱᐊᖏᓐᓇᓚᐅᕐᖓᑕ ᐊᓐᓇᐅᒪᓇᓱᖕᓂᕐᒥᒃ, ᐊᓐᓇᐅᒪᑦᑎᐊᕋᓱᓐᓂᕐᒥᒃ ᑖᓐᓇᖃᐃ ᑭᓯᐊᓂ ᐱᔾᔪᑎᒋᓪᓗᒍ ᐃᓕᔅᓯ ᓵᖓᓃᒃᑭᕗᖓ, ᐅᖃᖅᑐᖓ ᑕᐃᒫᒃ. ᑕᕝᕙᓂ ᐱᓕᕆᐊᔅᓴᓂ ᑮᓇᐅᔭᖅᑐᓂᐊᕐᒥᔪᒥᑦ ᑕᒫᓂ ᐊᕐᕌᒍᒥ 2026-2027, (ᑐᓵᔨᑎᒎᓕᖅᑐᖅ) ᐃᓚᒋᓗᒋᑦ ᐊᑐᓂ ᒐᕙᒪᒃᑯᑦ ᑎᒥᖁᑎᖏᑦ ᐋᖅᑮᓗᑎᒃ ᑎᒥᐅᔪᒧᑦ ᐃᖅᑲᓇᐃᔭᖅᑖᐸᓪᓕᐊᓂᕐᒧᑦ ᐸᕐᓇᐅᑏᑦ ᐊᑐᐃᓐᓇᐅᑎᖏᑦ ᐃᖅᑲᓇᐃᔮᖅᑕᐅᔭᕆᐊᓖᑦ ᐃᖏᕐᕋᔪᓕᕆᔨᒃᑯᑦ ᐃᓚᒋᓗᒋᑦ ᓄᓇᕗᒻᒥ, ᐅᓄᖅᓯᒋᐊᓪᓚᕆᖁᓪᓗᒋᑦ ᓄᓇᓕᓐᓂ ᐃᖅᑲᓇᐃᔭᖅᑎᑕᐅᕙᑦᑐᑦ ᓄᓇᓕᓐᓂ. ᐊᑐᖅᑕᐅᒻᒪᕆᓕᕐᓗᓂ ᓄᓇᕘᓕᒫᒥ ᐃᖅᑲᓇᐃᔭᖅᑎᑦᓯᖃᑦᑕᓂᕐᒧᑦ ᐊᑐᐊᒐᖅ, ᕿᒥᕐᕈᓇᖅᐸᒡᓗᑎᓪᓗ, ᐊᒻᒪᓗ ᐊᑐᐃᓐᓇᐅᔪᓐᓇᖅᑐᓂᑦ ᐊᓪᓚᕝᕕᓐᓂ ᓄᓇᓕᓐᓂ. (ᑐᓵᔨᑎᒎᕈᓐᓃᖅᑐᖅ) ᐊᓪᓚᕝᕕᖃᑦᑎᐊᖏᓪᓗᓂ ᓴᖅᑭᕈᓐᓇᔭᖏᒥᒻᒪᑦ ᑕᒪᓐᓇ, ᑐᑭᓯᑦᑎᐊᕈᒪᔭᕋ ᖃᓄᖅ ᐋᖅᑭᒋᐊᕈᓐᓇᕐᒪᖔᖅ. ᐃᓪᓗᑦᓴᖃᖏᒪᒡᒎᖅ, ᐊᓪᓚᕕᔅᓴᖃᖏᒪᒡᒎᖅ ᐃᒪᐃᓕᖓᓂᕐᒥᑦ ᐱᑕᖃᓲᖑᒻᒪᑦ. ᑖᓐᓇ ᑕᕝᕗᖓ ᓴᖑᒍᑎᒋᕋᑖᖅᑕᕋ ᓯᕗᓪᓕᕐᒥᑦ ᐅᖃᐅᓯᕆᖅᑲᐅᔭᓐᓂ ᒥᓂᔅᑕᒧᑦ ᑐᕌᖓᓪᓗᒍ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ, ᒪᓕᒐᓕᐅᖅᑎᐅᑉ ᐊᐱᖅᑯᑎᒋᒻᒪᒍᒃ. ᓄᓇᕘᓕᒫᕐᒥ ᐃᖅᑲᓇᐃᔭᖅᑎᑖᕐᓂᕐᒧᑦ ᐊᑐᐊᒐᖅ ᑲᔪᓯᑦᓯᐊᕐᓂᖃᓗᐊᖅᓯᒪᙱᑦᑐᖅ 9-ᑐᐃᓐᓇᐃᑦ ᐊᑐᐊᒐᖅᑎᒍᑦ ᐃᖅᑲᓇᐃᔮᖅᑖᖅᓯᒪᓂᑰᓪᓗᑎᑦ ᐆᑦᑑᑎᒋᓗᒍᒃ. ᑕᒪᒃᑯᐊ ᓅᑕᐅᔪᑦ ᐊᓯᐊᓄᑦ ᐅᕝᕙᓗ ᐱᓕᕆᑎᑕᐅᔪᑦ ᓇᓪᓕᐊᓐᓂ, ᐊᑭᑦᑐᕋᐅᑕᐅᑎᓪᓗᒋᑦ ᐱᕕᖃᕈᓐᓇᓲᖑᒻᒥᒻᒪᑦ ᓄᓇᓕᒻᒥᓂᒃ ᐃᖅᑲᓇᐃᔭᖅᑐᐃᑦ. ᑭᒃᑯᑦ ᐋᖅᑭᑦᓱᐃᖃᑎᒋᔭᕆᐊᖃᓲᖑᒐᑦᑕ ᑖᒃᑯᐊ ᐃᖏᕐᕋᔪᓕᕆᔨᒃᑯᓐᓂ ᐃᓚᖃᐅᖅᓱᑕ, ᐊᒻᒪᓗ ᒐᕙᒪᒃᑯᑦ ᑎᒥᖁᑎᖏᓐᓂᑦ. ᑖᓐᓇ ᑭᓇᐅᑉᐸᑦ ᐃᖅᑲᓇᐃᔭᕈᓐᓇᖁᓪᓗᒋᑦ ᐊᓪᓚᕝᕕᖓᑕ ᓯᓚᑖᓂᑦᑕᐅᖅ ᐊᒻᒪᓗ ᑖᓐᓇ ᑭᓇᐅᑉᐸᑦ ᐊᓪᓚᕝᕕᒻᒪᕆᖓᑕ ᐊᓯᐊᓃᒍᒪᓐᓂᕈᓂ ᑕᐃᒫᒃ ᑐᑭᒧᐊᓐᓂᖃᑦᑎᐊᕆᐊᖃᕐᒥᒻᒪᑦ. ᐱᕕᖃᖅᑎᑕᐅᒍᓐᓇᕐᓂᖓ ᑕᕝᕙᐅᕗᖅ, ᒪᑐᐃᖓᑦᑎᐊᖅᑐᖅ ᑕᒪᓐᓇ ᑕᐃᒪᐃᑦᑐᓐᓇᖁᓪᓗᑕ. ᑭᐅᔪᔅᓴᐅᕗᖅ ᐊᐱᖅᑯᑎᐅᔪᒧᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ, ᒥᓂᔅᑕ. ᑕᐃᒪ ᐃᖅᑲᓇᐃᔭᖅᑐᓕᕆᔨᒃᑯᑦ ᐱᓕᕆᖃᑎᖃᐃᓐᓇᕐᖓᑕ ᑖᒃᑯᓂᖓ ᓄᓇᕘᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓂᑦ, ᐊᒻᒪᓗ ᓄᓇᕗᒻᒥ ᐃᓕᓴᐃᔩᑦ ᑲᑐᔾᔨᖃᑎᒌᖏᓐᓂᑦ ᐊᖏᖃᑎᒌᒍᑎᑎᒍᖏᓛᒃ, ᑖᒃᑯᐊ ᑕᐃᒫᒃ ᐃᖅᑲᓇᐃᔭᖃᑎᒌᑦᑎᐊᖃᑦᑕᕐᖓᑕ ᐊᓕᐊᓇᐃᑦᑐᖅ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 40 ᑖᒃᑯᐊ ᓇᓗᓇᙱᒻᒪᑦ ᐊᖏᖃᑎᒌᒍᑕᐅᓯᒪᓕᖅᑐᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᑕᕝᕙᓂ ᓄᓇᕘᑉ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᓐᓂᖓᓗ ᐊᒻᒪᓗ ᐃᓕᓴᐃᔩᑦ ᑲᑐᔾᔨᖃᑎᒌᓐᓂᖓᓂᑦ. ᑖᒃᑯᐊ ᑕᕝᕙᓂ ᓴᖅᑮᔭᕆᐊᖃᕐᓂᕐᒥᒃ ᐊᒻᒪ ᐊᑐᓕᖅᑎᑦᑎᒋᐊᖃᕐᓂᕐᒥᒃ. ᖃᓄᖅ ᑖᓐᓇ ᑐᑭᖃᓪᓚᕆᒻᒪᖔᖅ ᑕᕝᕗᖓ ᑲᒪᒋᔭᕕᑦ ᐃᓗᐊᓂ ᓇᓗᓇᐃᕆᐊᕈᓐᓇᖅᑭᐅᒃ (ᑐᓵᔨᑎᒎᓕᖅᑐᖅ) ᖃᓄᖅ ᐊᑐᓕᖅᑎᑕᐅᒐᔭᕐᒪᖔᑕ ᒪᓕᑦᑕᐅᔭᕆᐊᓖᓪᓗ ᐋᔩᕋᕈᑕᐅᓯᒪᔪᐃᑦ. ᑖᓐᓇ ᑕᐃᒪᐃᓕᖓᒐᓗᐊᖅᑎᓪᓗᒍ ᖃᐅᔨᒪᔪᐃᓐᓇᐅᖏᓐᓇᑦᑕ ᐃᓗᓕᖏᓐᓂᑦ, ᑲᔪᓯᑦᑎᐊᕈᑕᐅᒋᐊᖃᕐᓂᐊᖅᑐᓂ ᐊᖏᖃᑎᒌᒍᑏᑦ ᑕᐃᒃᑯᐊ ᐃᑲᔪᙳᓱᒻᒪᑕ ᐃᖅᑲᓇᐃᔭᖅᑎᓄᑦ, ᐃᓕᓴᐃᔨᓄᑦ, ᐃᓕᓴᐃᔨᓄᑦ ᑐᕌᖓᔪᐃᑦ ᓱᕈᓰᑦ ᑕᒪᒃᑯᐊ ᐃᓕᓐᓂᐊᖅᑐᑦ ᑲᒪᒋᔭᐅᒍᑎᒋᖃᑦᑕᕐᖓᒋᑦ. ᑖᓐᓇ ᑐᑭᓯᑦᑎᐊᒃᑲᓐᓂᕈᒪᓪᓗᒎᒐᓗᐊᖅ ᐊᑐᖅᑕᐅᒍᒪᒻᒪᓪᓗ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᖃᓄᐃᙱᒻᒪᕆᑦᑐᖅ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᑲᑎᒪᔨᒃ ᐊᐱᕆᒻᒪᑦ ᑕᐃᒫᒃ. ᐊᖏᖃᑎᒌᒍᑎᖃᖅᑐᒍᑦ ᐃᖅᑲᓇᐃᔭᖅᑏᓪᓗ, ᑕᐃᒃᑯᐊ ᒪᓕᒋᐊᖃᖅᑕᖃᓲᖑᒻᒪᑕ ᐃᖅᑲᓇᐃᔭᖅᑏᑦ ᐱᖁᔭᕐᔪᐊᖓᓂᒃ, ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑕ ᐱᖁᔭᕐᔪᐊᖓᓂᑦ. ᐊᒻᒪᑦᑕᐅᖅ ᐋᖅᑭᔅᓯᓯᒪᒻᒥᔪᒍᑦ ᖃᓄᐃᙱᑦᑎᐊᕋᓱᐊᖅᑎᑦᑎᒐᓱᐊᖅᑎᐅᔪᓂᑦ ᐃᖅᑲᓇᐃᔭᖅᑐᓕᕆᔨᒃᑯᑦ ᐃᓗᐊᓂ, ᐱᓕᕆᖃᑎᖃᕈᓐᓇᖅᑐᓂᑦ ᐃᖅᑲᓇᐃᔭᖅᑎᓂᑦ ᑲᑎᙵᔪᓂᓪᓘᓐᓃᑦ. ᓄᓇᕘᑉ ᒐᕙᒪᖓᑕ ᐊᑐᐊᒐᖏᑦ ᐃᖅᑲᓇᐃᔭᖃᑎᒌᑦᑎᐊᕆᐊᖃᕐᓂᕐᒧᑦ ᐊᒻᒪᑦᑕᐅᖅ ᐊᑭᕋᖃᑦᑕᐅᑎᙱᑦᑐᓄᑦ ᐋᖅᑭᒍᑎᖏᓐᓂᒃ ᑲᒪᔩᑦ ᑲᒪᔨᓂᑦ, ᑕᕝᕘᓇ ᐱᓕᕆᒍᓐᓇᕐᓂᓕᒫᑦᑎᓐᓂ ᐱᓕᕆᕙᒃᑲᓗᐊᖅᑐᒍᑦ ᖃᓄᐃᙱᑦᑎᐊᖅᑐᓂᑦ ᐊᐅᓚᑦᑎᐊᖅᑐᓂᑦ ᐃᖅᑲᓇᐃᔭᕐᕕᖃᖁᔨᓪᓗᑕ. ᑕᐃᒫᓪᓗ ᐱᕕᖃᖅᑎᑕᐅᓲᑦ ᐃᖅᑲᓇᐃᔭᖅᑏᑦ ᐃᑲᔪᖅᑕᐅᔪᓐᓇᕐᓗᑎᑦ ᐃᑲᔪᖅᑕᐅᒋᐊᖃᓕᕋᐃᑉᐸᑕ, ᐊᒻᒪᑦᑕᐅᖅ ᑭᓱᑐᐃᓐᓇᕐᓂᒃ ᐃᓱᒫᓗᓇᖅᑐᓂᒃ ᑲᒪᒋᔭᐅᒋᐊᖃᖅᑐᖃᓕᕋᐃᑉᐸᑦ. ᐋᖅᑭᒋᐊᕆᐊᖃᖅᑐᒍᑦ ᐊᒻᒪ ᐊᑐᓕᖅᑎᓐᓂᐊᕐᓗᒋᑦ ᐃᓘᓐᓇᖏᑦ ᐃᖅᑲᓇᐃᔭᖅᑏᑦ ᒐᕙᒪᒃᑯᓪᓗ ᐊᖏᖃᑎᒌᒍᑎᒋᔭᖏᑦ, ᐅᖃᖅᑲᐅᒐᒪ ᐅᐊᑦᑎᐊᕈᒃ ᐊᓯᔾᔨᕈᒪᓛᕋᑦᑎᒍᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑕ ᐱᖁᔭᕐᔪᐊᖓ ᐅᓇ ᒪᓕᒐᓕᐅᕐᕕᐅᔪᖅ ᐃᓱᐊᓂ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᒥᓂᔅᑕ, ᑭᐅᑦᑎᐊᖃᑦᑕᕋᕕᑦ. ᒪᕐᕈᐃᓐᓇᐅᓕᖅᑑᒐᓗᐊᒃ ᐊᐱᖅᑯᑎᒋᓂᐊᖅᑖᒃᑲᒃ. ᐃᖅᑲᓇᐃᔭᖅᑎᐅᓯᒪᔪᑎᒍᑦ ᖃᐅᔨᒪᒐᑦᑕ ᑕᒪᒃᑯᓂᖓ ᒫᓐᓇ ᐅᖃᐅᓯᕆᔭᑦᑎᓐᓂᒃ. ᑕᐃᒪ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᑦᑎᐊᖅ..ᐃᓛᒃ, ᐱᓕᕆᖃᑎᒌᑎᐊᖃᑦᑕᖅᑐᑦ ᑲᑐᔾᔨᖃᑎᒌᑦ ᐅᓂoᑦ-ᖑᒐᓗᐊᕈᑎ, ᖃᐅᔨᐊᒪᓇᖅᑐᖅ (ᑐᓵᔨᑎᒎᓕᖅᑐᖅ) ᑲᑐᔾᔨᖃᑎᖃᑦᑎᐊᕆᐊᖃᕋᔅᓯᑦ, ᐱᓕᕆᖃᑎᖃᑦᑎᐊᖃᑦᑕᕆᐊᖃᕋᔅᓯᑦ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓂᑦ, ᐊᑯᓂᐊᓗᒃ ᐊᑲᕆᔭᐅᙱᑦᑐᓂᑦ ᐋᖅᑭᑦᑕᐅᓚᐅᖅᓯᒪᙱᑦᑐᓂᑦ ᐊᖏᖃᑎᒌᑦᑎᑦᑎᔨᒧᑦ ᓵᕝᕕᐅᓂᐅᓴᓕᖅᑐᓂᑦ. ᓇᓗᓇᐃᕆᐊᒃᑲᓐᓂᕈᓐᓇᖅᑭᐅᒃ ᑖᓐᓇ ᖃᓄᖅ ᐱᓕᕆᐊᕆᓂᐊᕐᒪᖔᔅᓯᐅᒃ ᐊᐅᓚᔾᔭᐃᒋᐊᕈᑎᔅᓴᓯᑦ ᐸᕐᓇᐅᑎᑎᒍᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑕᑦᑐᐃᓂ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 41 ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᑲᑎᒪᔨ ᐊᐱᕆᒻᒪᑦ. ᐃᖅᑲᓇᐃᔭᖅᑐᓕᕆᔨᒃᑯᑦ 100-ᓂᑦ ᐊᑲᕆᔭᐅᙱᑦᑐᓂᑦ ᐋᖅᑮᖃᑎᒌᓚᐅᖅᑐᐃᑦ ᐊᖏᖃᑎᒌᑦᑎᑕᐅᓪᓗᑎᒃ, ᐊᖏᖃᑎᒌᑦᑎᑦᑎᔨᒧᑦ. ᐱᓕᕆᕕᐅᓪᓗᑕ ᐱᓕᕇᓐᓇᖅᑯᒍᑦ ᓱᓕ, ᑕᐃᒃᑯᐊ ᐊᑲᕆᔭᐅᙱᑦᑐᑦ ᐊᓯᐅᓚᐅᖅᓯᒪᔾᔮᕙᓪᓚᐃᖏᒻᒪᑕ ᐱᓕᕆᒋᐊᕆᐊᖃᓕᕋᐃᒐᑦᑕ ᐱᓕᕆᐊᖃᕆᐊᖅᐸᒃᑲᓗᐊᖅᑐᒍᑦ ᐊᑲᕆᔭᐅᙱᑦᑐᓂᒃ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ, ᒥᓂᔅᑕ. ᑖᒃᑯᐊᖃᐃ ᓇᓗᓇᐃᖅᓯᒪᑦᑎᐊᕐᓗᒋᑦ ᒪᓕᒐᓕᐅᕐᕕᐅᑉ ᐃᓗᐊᓄᑦ ᓴᖅᑭᕈᒫᖅᑑᒐᓗᐊᑦ ᓇᓗᓇᙱᑦᑐᖅ. ᓴᖅᑭᕈᓐᓇᕋᔭᖅᑲᑕ ᐊᑲᐅᒃᑲᓐᓂᕋᔭᖅᑐᖅ. ᑭᖑᓪᓕᖅᐹᖑᓕᖅᑐᖅ ᐅᕙᖓ ᐊᐱᖅᑯᑎᖏᓐᓂᒃ, ᑖᔅᓱᒧᖓ ᒥᓂᔅᑕᒧᑦ. (ᑐᓵᔨᑎᒎᓕᖅᑐᖅ) ᐱᕙᓪᓕᐊᑎᑦᑎᓗᓯᑦ ᖃᓄᐃᙱᑦᑎᐊᕋᓱᐊᕐᓂᕐᒧᑦ ᑐᑭᒧᐊᒍᑎᔅᓴᐅᒐᔭᖅᑐᓂᑦ ᐃᖅᑲᓇᐃᔭᖅᑏᑦ ᖃᓄᐃᙱᑦᑎᐊᖅᑎᑕᐅᒐᓱᐊᖅᑎᓪᓗᒋᑦ ᐃᖅᑲᓇᐃᔭᕐᕕᖏᓪᓗ. (ᑐᓵᔨᑎᒎᕈᓐᓃᖅᑐᖅ) ᑖᓐᓇ ᓴᖅᑭᕈᒫᕐᓂᐊᕐᕙᓗᒻᒪᑦ ᐃᖅᑲᓇᐃᔭᖅᑏᑦ ᐃᑲᔪᖅᑕᐅᑦᑎᐊᖃᑦᑕᕐᓂᐊᕐᖓᑕ ᐊᒻᒪᑦᑕᐅᖅ ᒐᕙᒪᒃᑯᑦᑕᐅᖅ ᖃᓄᐃᙱᑦᑎᐊᕋᓱᐊᕐᓂᕐᒥᒃ ᓈᒻᒪᓈᖅᓯᒪᔪᒥᒃ ᐃᖅᑲᓇᐃᔭᕐᕕᐅᓂᖓ ᓴᖅᑭᕆᐊᖃᕐᖓᑦ, ᓴᖅᑭᔮᖅᐸᑦᑐᓂᓗ. ᑖᓐᓇᖃᐃ ᒥᓂᔅᑕ ᑖᔅᓱᒥᖓ ᓇᓗᓇᐃᖅᓯᑲᓐᓂᕈᓐᓇᖅᑐᖅ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᑲᑎᒪᔨ ᐊᐱᖅᓱᕐᖓᑦ ᑕᐃᒫᒃ. ᑖᒃᑯᐊ ᖃᓄᐃᙱᑦᑎᐊᖅᑎᑦᑎᒐᓱᐊᖅᑏᑦ ᑲᒪᖃᑦᑕᖅᑐᑦ ᐱᔨᑦᑎᕋᐅᑎᓂᑦ ᑭᓱᑐᐃᓐᓇᕐᓂᑦ ᐃᓱᒪᒃᑯᑦ ᐊᑦᑐᖅᓯᑲᒻᒪᖃᑦᑕᖅᑐᓂ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂᒃ. ᓄᓇᕘᑉ ᒐᕙᒪᖓ ᐊᖏᖅᓯᒪᓂᖃᑦᑎᐊᖅᑐᖅ ᖃᓄᐃᙱᑦᑎᐊᖅᑐᓂᑦ ᐃᑉᐱᒍᓱᑦᑎᐊᖅᑐᓂᑦ ᐃᖅᑲᓇᐃᔭᕐᕕᖃᖁᔨᓪᓗᑎᒃ, ᐃᖅᑲᓇᐃᔭᖅᑎᓕᒫᑦ ᐊᑦᑕᕐᓇᖅᑐᒦᑦᑐᒋᙱᓪᓗᑎᑦ ᐅᑉᐱᕆᔭᐅᓱᒋᓗᑎᓪᓗ. ᐃᖅᑲᓇᐃᔭᖅᑐᓕᕆᔨᒃᑯᑦ ᐊᑐᐃᓐᓇᐅᑎᑦᑎᖃᑦᑕᖅᑐᐃᑦ ᓄᓇᕘᑉ ᒐᕙᒪᖓᑕ ᐃᖅᑲᓇᐃᔭᖅᑎᓕᒫᖏᓐᓄᑦ, ᖃᓄᐃᙱᑦᑎᐊᖅᑎᑦᑎᒐᓱᓐᓂᕐᒧᑦ ᑐᑭᒧᐊᒍᑎᔅᓴᐃᑦ ᐃᑲᔪᖅᓰᖃᑦᑕᖅᑐᑦ ᐃᖅᑲᓇᐃᔭᖅᑐᓂᑦ ᑎᒥᖏᑎᒍᑦ, ᐃᓱᒪᖏᑎᒍᓪᓗ, ᐃᓱᒪᓕᕆᓂᕐᒧᓪᓗᑦᑕᐅᖅ ᐃᑲᔫᑎᖃᕐᒥᔪᑦ ᐃᖅᑲᓇᐃᔭᕐᕕᒻᒥᓗ ᐊᑦᑕᕐᓇᖅᑐᓕᕆᔨᖃᖅᑐᑎᒃ, ᐃᖅᑲᓇᐃᔭᕐᕕᒻᒥᓗ ᐊᐳᖅᑕᖃᑦᑕᐅᑎᔪᓂᒃ ᐋᖅᑭᒍᑎᔅᓴᖏᓐᓂᑦ, ᐊᒻᒪ ᐸᕐᓇᐅᑎᕗᑦ ᐅᑭᐅᒃᑯᑦ 2027-ᒥ ᓴᖅᑭᕈᒫᖅᑕᕗᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᑭᖑᓪᓕᐅᓕᕐᒥᔪᖅ ᑎᑎᕋᖅᓯᒪᔭᓐᓂᑦ, ᒥᔅᑕ ᐊᑕᒍᑦᑖᓗᒃ. ᐊᑕᒍᑦᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖃᑦᑎᑦ ᑕᐃᒪ ᐃᖅᑲᓇᐃᔭᓚᐅᖅᑎᓐᓇᒋᑦ ᐱᓕᒻᒪᔅᓴᐃᕕᐅᑉ 11 ᐃᖅᑲᓇᐃᔮᖁᑎᖏᑦ ᐃᓐᓄᑦᑕᐅᓛᖅᑲᑦ, ᒫᓐᓇ ᐱᓕᕆᕕᖓᑕ ᐃᖅᑲᓇᐃᔭᖅᑎᒋᔭᖏᓐᓄᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᑲᑎᒪᔨ. ᐊᖏᔪᖅᑳᑉ ᐃᖅᑲᓇᐃᔮᖓ ᒫᓐᓇ ᐃᖅᑲᓇᐃᔭᖅᑐᓕᕆᔨᒃᑯᓃᑦᑕᖅᑯᖅ ᐊᓯᒃᑲᓐᓂᖏᑦ ᐃᖅᑲᓇᐃᔮᑦ ᐊᓯᖏᓐᓂᒃ ᒐᕙᒪᒃᑯᑦ ᐱᓕᕆᕕᖏᓐᓃᓛᖅᑐᐃᑦ, ᐊᒻᒪ ᐃᓄᐃᑦ ᑖᒃᑯᐊ ᐃᓛᒃᑯᑦ ᐱᓕᕆᕕᐊᓗᐃᑦ ᐃᓄᓐᓂᑦ

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 42 ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑎᓕᐅᖅᓯᒪᒻᒪᑕ. ᑖᓐᓇᓗ ᐃᖅᑲᓇᐃᔭᖅᑎᕗᑦ ᖃᐅᔨᒪᒐᓱᑦᑎᐅᒐᔭᖅᑐᖅ ᖃᓄᓪᓚᑦᑖᖅ ᐸᕐᓇᐅᑎᓕᐅᖅᓯᒪᒻᒪᖔᑦᑕ ᐃᓄᓐᓂᑦ ᐃᖅᑲᓇᐃᔭᖅᑎᑦᑎᓂᕐᒧᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᐊᑕᒍᑦᑖᓗᒃ. ᐊᑕᒍᑦᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ, ᒥᓂᔅᑕ ᑭᐅᒐᕕᙵ. ᖃᑦᑏᑦ ᓄᓇᕘᑉ ᒐᕙᒪᖏᑕ ᐃᓕᓐᓂᐊᖅᑎᑦᑎᒍᒪᓂᕐᒧᑦ ᑐᔅᓯᕋᐅᑏᑦ ᐃᓱᒪᔅᓴᖅᓯᐅᕈᑎᒋᔭᐅᕙᑦ ᑲᒪᒋᔭᐅᓛᕐᓗᑎᑦ ᒪᑭᒋᐊᖅᑕ ᐃᓄᐃᑦ ᐃᓕᓐᓂᐊᖅᑎᑦᑎᔨᖏᓐᓄᑦ ᑯᐊᐳᕇᓴᓐᒧᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᒪᓕᒐᓕᐅᖅᑎ ᐊᐱᕆᒻᒪᑦ. ᒫᓐᓇ ᑐᔅᓯᕋᐅᑎᑕᖃᙱᑦᑐᖅ ᒪᑭᒋᐊᖅᑕᒃᑯᑎᒎᖓᔪᓂᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᑕᕝᕙᓃᑦᑐᒍᑦ ᐃᓄᓐᓂ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᒻᒪ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂᑦ ᐱᕙᓪᓕᐊᑎᑦᑎᓂᕐᒧᑦ, ᐊᐱᖅᑯᑎᔅᓴᖃᒃᑲᓐᓂᖅᑭᓰᑦ ᒪᓕᒐᓕᐅᖅᑏᑦ? ᐃᓵᑦᑐᖃᙱᒻᒪᑦ. ᒪᓕᒐᓕᐅᖅᑏᑦ ᐊᖏᖅᑭᓯᐅᒃ ᐃᖅᑲᓇᐃᔭᖅᑐᓕᕆᔨᒃᑯᑦ ᐃᓄᓐᓂᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᒐᕙᒪᒃᑯᓄᓪᓗ ᐃᖅᑲᓇᐃᔭᖅᑎᖏᓐᓂᑦ ᐱᕙᓪᓕᐊᑎᑦᑎᔨᒋᔭᖏᓐᓂᑦ $10,884,000 ᑮᓇᐅᔭᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᑕᐃᑯᙵᕆᔅᓯᑦ D-3 ᒪᑉᐱᒐᖓᓄᑦ D-3. ᑲᑎᒪᔩᑦ ᐊᖏᖅᑭᓰᑦ ᐃᖅᑲᓇᐃᔭᖅᑐᓕᕆᔨᒃᑯᑦ 2026- 2027-ᒥ ᑮᓇᐅᔭᖅᑐᕈᑎᔅᓴᖏᓐᓂᑦ, ᑲᑎᓪᓗᒋᑦ ᐊᐅᓚᒍᑎᔅᓴᖏᑦ $30,709,000? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᑲᑎᒪᔩᑦ ᐊᖏᖅᑭᓰᑦ? ᐱᔭᕇᕋᑦᑎᒍᒃ ᐱᓕᕆᕕᖓ ᐃᖅᑲᓇᐃᔭᖅᑐᓕᕆᔨᒃᑯᑦ. ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒪᑐᓯᒍᑎᔅᓴᓂᑦ ᐅᖃᐅᓯᔅᓴᖃᖅᑮᑦ, ᒥᓂᔅᑕ ᑕᑦᑐᐃᓂ? ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᒪᓕᒐᓕᐅᖅᑎᐅᖃᑎᒃᑲ ᑕᕝᕙᓃᑦᑐᐃᑦ. ᐄ’, ᐊᑕᖏᓪᓚᕆᓪᓗᑕ ᑭᓯᐊᓂ ᐱᓕᕆᖃᑎᒌᒃᑯᑦᑕ ᖃᓄᐃᑉᐸᓪᓕᐊᑎᑦᑎᒍᓐᓇᕋᑦᑕ ᑭᒡᒐᖅᑐᖅᑕᑎᓐᓄᑦ ᓄᓇᕗᒻᒥ, ᐊᒻᒪ ᖁᔭᓕᒍᒪᒻᒥᔭᒃᑲ ᑕᕝᕙᓂ ᐊᖏᔪᖅᑳᖑᖃᑎᒃᑲ ᐱᓕᕆᕕᑦᑎᓐᓂ. ᐊᐅᓚᔾᔭᐃᒋᐊᓲᖑᒻᒪᑕ ᐱᔭᔅᓴᓂᑦ ᐱᓕᕆᐊᖃᖅᐸᑦᑐᑎᒃ, ᐊᒻᒪᓗᑦᑕᐅᖅ ᐊᐱᖅᑯᑎᓂᑦ ᐅᕙᓂ ᑭᐅᖃᑦᑕᕈᓐᓇᖅᑐᑎᒃ, ᑐᓴᖃᑦᑕᖅᑐᓂᓗ ᓂᓪᓕᐊᔪᓂᑦ ᑕᕝᕙᓂ ᐱᓕᕆᕕᑦᑎᓐᓄᑦ ᐃᖅᑲᓇᐃᔭᖅᑎᐅᔪᓂᑦ. ᐅᖃᒃᑲᓐᓂᕐᓗᖓ ᑲᑐᔾᔨᓗᑕ ᑭᓯᐊᓂ, ᑕᕝᕗᖓᔅᓴᐃᓐᓇᖅ ᑐᕌᕋᓱᓪᓗᑕ ᐱᓕᕆᒋᐊᖃᕐᓂᐊᕋᑦᑕ ᓄᓇᕗᒻᒥᐅᑦ ᐱᔾᔪᑎᒐᓱᓪᓗᒋᑦ, ᖁᔭᓐᓇᒦᑦᑕᐅᖅ ᐊᐱᕆᑦᑎᐊᖃᑦᑕᕋᑖᕋᔅᓯᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. >>ᐸᑦᑕᑐᖅᑐᑦ ᐃᔅᓯᕙᐅᑕᖅ (ᑐᓵᔨᑎᒍᑦ): ᐃᖅᓱᖅᑏ, ᐱᓕᕆᔨᖏᑦ ᐊᓂᑎᓚᐅᕐᒥᒃᑭᑦ.

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 43 ᑲᑎᒪᔨᕋᓛᑦ ᓱᔪᒪᓕᖅᑲᑦ, ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᒋᐊᖅᑎᑦᑎᕗᖓ ᐱᕙᓪᓕᐊᓂᕆᓯᒪᔭᑦᑎᓐᓂ ᐅᓂᒃᑳᖁᔨᓕᕐᓗᖓ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐱᖁᔨᕗᖔᕈᑎᑕᖃᕐᖓᑦ, ᑖᓐᓇᓗ ᐊᐃᕙᐅᔾᔪᑎᔅᓴᐅᒐᓂ. ᓈᒻᒪᔅᓴᖅᑐᐃᑦ ᐱᖁᔨᕗᖔᕈᒻᒥᑦ? ᐊᑭᕋᖅᑐᖅᑐᑦ. ᐱᖁᔨᕗᖔᕈᑎ ᑲᔪᓯᕗᖅ, ᒫᓐᓇ ᓂᑯᕕᙳᓱᓕᖅᑯᖓ ᐱᕙᓪᓕᐊᓂᕆᓯᒪᔭᑦᑎᓐᓂ ᐅᓂᒃᑳᖃᕐᓗᖓ. ᐅᖃᖅᑎ: ᐃᖏᓕᕆᑦᑎ. ᑲᑎᒪᔾᔪᑎᑦᑕ ᓈᓴᐅᑎᖓ 20 – ᑲᑎᒪᑐᐃᓐᓇᓚᐅᖅᑎᓪᓗᒋᑦ ᐅᓂᒃᑳᑦ, ᒥᔅᑕ ᖃᑉᓗᑦᓯᐊᖅ. ᑲᑎᒪᔾᔪᑎᒃᓴᖅ 20: ᑲᑎᒪᔨᕋᓛᑦ ᑲᑎᒪᑐᐃᓐᓇᓚᐅᖅᑎᓪᓗᒋᑦ ᐅᓂᒃᑳᖓᑦ ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑲᑎᒪᔨᕋᓛᖁᑎᑎᑦ ᐃᓱᒪᔅᓴᖅᓯᐅᕈᑎᖃᕋᑖᕐᖓᑕ ᐱᖁᔭᔅᓴᖅ 1-ᒥᒃ, ᐊᒻᒪ ᐱᕙᓪᓕᐊᓯᒪᓂᕋᕈᓐᓇᖅᓯᒻᒪᑕ. ᐱᒋᐊᖅᑎᑦᑎᕗᖓ ᐅᓂᒃᑳᖏᑦ ᑲᑎᒪᑐᐃᓐᓇᕐᓂᐅᑉ ᓈᒻᒪᒋᔭᐅᖁᓪᓗᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐱᖁᔨᕗᖔᕈᑦ ᓈᒻᒪᖕᒪᑦ. ᐊᐃᑉᐱᖅᑕᐅᕚ? ᒥᔅᑕ ᖁᓕᒃᑖᓇ. ᐱᖁᔨᕗᖔᕈᒻᒧᑦ ᓈᒻᒪᒃᓴᖅᑐᑦ ᐃᓵᓪᓕ, ᓈᒻᒪᒃᓴᖏᑦᑐᑦ? ᑲᔪᓯᕗᖅ. ᑲᑎᒪᔾᔪᑎᑦᑕ ᓈᓴᐅᑎᖓ 21. ᐱᖓᔪᐊᓐᓂ ᐅᖃᓕᒫᖅᑕᐅᓂᖏᑦ ᐱᖁᔭᒃᓴᑦ. ᑲᑎᒪᔾᔪᑎᒃᓴᖅ 22. ᑲᑎᒪᔾᔪᑎᒃᓴᐃᑦ. ᐊᓪᓚᑦᑎᒻᒪᕇ. ᑲᑎᒪᔾᔪᑎᒃᓴᖅ 22: ᑲᑎᒪᔾᔪᑎᒃᓴᐃᑦ ᑎᑎᕋᖅᑎ (ᐃᓄᒃᓱᒃ): ᖁᔭᓐᓇᒦᒃ, ᐅᖃᖅᑏ. ᑲᑎᒪᔾᔪᒃᓴᑦ ᖃᐅᑉᐸᑦ, ᔫᓐ 5: 1. ᑐᒃᓯᐊᕐᓂᖅ 2. ᐊᖓᔪᖅᑳᑦ ᐅᖃᐅᓯᖏᑦ 3. ᒪᓕᒐᓕᐅᖅᑏᑦ ᐅᖃᐅᓯᖏᑦ 4. ᑭᐅᔾᔪᑎᑦ ᐅᖃᐅᓯᒃᑯᑦ ᐊᐱᖅᑯᑎᓄᑦ 5. ᐃᓕᑕᖅᓯᓂᖅ ᐳᓛᖅᑎᓂᑦ 6. ᐅᖃᐅᓯᒃᑯᑦ ᐊᐱᖅᑯᑎᑦ 7. ᑎᑎᖅᑲᒃᑯᑦ ᐊᐱᖅᑯᑎᑦ 8. ᑭᐅᔾᔪᑎᑦ ᑎᑎᖅᑲᒃᑯᑦ ᐊᐱᖅᑯᑎᓄᑦ 9. ᑭᐅᔾᔪᑎᑦ ᒪᑐᐃᕈᑎᒧᑦ 10. ᐊᑎᓕᐅᕈᑕᐅᓯᒪᔪᑦ 11. ᑭᐅᔾᔪᑎᑦ ᐊᑎᓕᐅᕈᑕᐅᓯᒪᔪᓄᑦ

ᕿᑎᖅᑰ, ᔫᓂ 04, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 44 12. ᑲᑎᒪᔨᕋᓛᑦ ᑲᑎᒪᔨᕋᓛᖑᑲᐃᓐᓇᖅᑐᓪᓗ ᒪᓕᒐᒃᓴᓂᑦ ᐊᓯᖏᓐᓂᓪᓗ ᐅᓂᒃᑳᖏᑦ 13. ᑎᑎᖅᑲᓂᑦ ᓴᖅᑭᑎᕆᓂᖅ 14. ᖃᐅᔨᒃᑲᐃᒍᑎᑦ ᐱᒋᐊᖅᑎᑕᒃᓴᓂᑦ 15. ᖃᐅᔨᒃᑲᐃᒍᑎᑦ ᐱᒋᐊᖅᑎᑕᒃᓴᓂᑦ ᒪᓕᒐᒃᓴᐃᑦ ᐅᖃᓕᒫᕐᓂᒃᓴᒥᒃ ᓯᕗᓪᓕᖅᐹᖓᓐᓂᒃ 16. ᐱᒋᐊᖅᑎᑕᐃᑦ 17. ᓯᕗᓪᓕᖅᐹᒥᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 18. ᐊᐃᑉᐹᓂᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 19. ᑲᑎᒪᔨᕋᓛᑦ ᑕᒪᐃᓐᓄᑦ ᒪᓕᒐᒃᓴᓄᑦ ᐊᓯᖏᓐᓂᓪᓗ ᐃᓱᒪᖅᓴᖅᓯᐅᕐᓂᖏᑦ 20. ᑲᑎᒪᔨᕋᓛᑦ ᑕᒪᐃᓐᓄᑦ ᐅᓂᒃᑳᖓᑦ 21. ᐱᖓᔪᐊᓐᓂᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 22. ᑲᑎᒪᔾᔪᑎᒃᓴᐃᑦ ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐄ’, ᖁᔭᓐᓇᒦᒃ. ᐅᓪᓗᒥ ᒪᓕᒐᓕᐅᖅᑏᑦ ᑲᑎᒪᓂᕆᔭᖓ ᓄᖅᑲᓚᐅᒃᑲᒃᑭᕗᖅ, ᖃᐅᒃᐸᑦ ᐱᒋᐊᓛᕆᓪᓗᑕ ᑕᓪᓕᕐᒥᐅᓕᖅᐸᑦ, ᐅᓪᓗᑐᐃᓐᓇᖅ ᔫᓐ 5, ᐅᓪᓛᒃᑯᑦ ᓯᕿᙳᔭᖅ 9-ᒨᖅᐸᑦ. ᐃᖅᓱᖅᑎ. >>ᑲᑎᒪᓂᖅ ᓄᖅᑲᖅᑐᖅ 16:48ᒧᐊᖅᑎᓪᓗᒍ