. ᓄᓇᕗᑦ ᑲᓇᑕᒥ ᓄᓇᕗᑦ ᒪᓕᒐᓕᐅᕐᕕᖓ ᓯᕗᓪᓕᖅᐹᒥᒃ ᑲᑎᒪᓂᖅ ᐱᖓᓲᔪᖅᑐᖓᓐᓂᒃ ᒪᓕᒐᓕᐅᖅᑏᑦ ᒪᓕᒐᓕᐅᖅᑏᑦ ᑲᑎᒪᐅᑎᒥᓂᖏᑦ ᑎᑎᕋᐅᑕᐅᒋᐊᓐᖓᖅᑐᑦ ᐅᓪᓗᖅ 1 ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᖁᑉᐱᕐᓂᓖᑦ 1ᒥᒃ 36ᒧᑦ ᐃᖃᓗᐃᑦ ᐅᖃᖅᑎ: ᐊᖓᔪᖅᑳᖅ ᑑᓂ ᐋᖁᐊᖅ, ᒪᓕᒐᓕᐅᖅᑎ

ᓄᓇᕗᑦ ᒪᓕᒐᓕᐅᕐᕕᖓ ᐅᖃᖅᑎ ᑑᓂ ᐋᖁᐊᖅ (ᐅᖅᓱᖅᑑᖅ) ᐊᐅᓚᑦᑎᔩᑦ ᐊᓪᓚᑦᑎ ᔮᓐ ᑯᐊᒃ ᐊᓪᓚᑦᑎᐅᑉ ᐃᑲᔪᖅᑎᐊ ᓯᑏᕙᓐ ᐃᓄᒃᓱᒃ ᒪᓕᒐᓕᕆᔨ ᒪᐃᑯᓪ ᓵᓐᑐᓗ ᐃᖅᓱᒃᑎ ᓵᓕ ᐊᐅᓚᕿᐊᖅ ᑲᑎᒪᐅᑎᓂᒃ ᐋᖅᑭᒃᓱᐃᔩᑦ ᐃᓐᓂᕐᕕᒃ ᐃᑲᔪᖅᑏᑦ ᑎᑎᖅᑲᒃᑯᕕᒃ 1200 ᐃᖃᓗᐃᑦ, ᓄᓇᕗᑦ X0A 0H0 ᐅᖄᓚᐅᑖ (867) 975-5000 ᓱᒃᑲᕈᑖ (867) 975-5190 ᐊᑭᖃᓐᖏᑦᑐᖅ (877) 334-7266 ᖃᕋᓴᐅᔭᑎᒍᑦ ᑐᕌᕈᑎᖓᑦ: www.assembly.nu.ca ᑕᐃᕕᑎ ᐊᕿᐊᕈᖅ (ᖁᑦᑎᑦᑐᖅ) ᐸᐅᓗᓯ ᐊᕿᐊᕈᖅ (ᐃᖃᓗᐃᑦ-ᓂᐊᖁᓐᖒ) ᐹᐱ ᐊᓇᕕᓗᒃ (ᖁᕐᓗᖅᑑᖅ) ᐱᑦᓯᐅᓛᖅ ᐳᕉᔅᑐ (ᐃᖃᓗᐃᑦ-ᓯᓈ) ᐹᒥᓚ ᒍᕉᔅ (ᐃᖃᓗᒃᑑᑦᑎᐊᖅ) ᔪᐊᔾ Hᐃᒃᔅ (ᐃᖃᓗᐃᑦ-ᑕᓯᓗᒃ) ᑕᐃᕕᑎ ᔪᐊᓇᓯ (ᕿᑭᖅᑖᓘᑉ ᓂᒋᐊ) ᔪᐃᓕ ᖃᐃᕐᓂᖅ (ᐊᒥᑦᑐᖅ) ᒥᐊᓕ ᕿᓕᖅᑎ (ᐅᖅᑯᒻᒥᐅᑦ) ᖁᐊᓴ ᑯᓱᒐᖅ (ᑲᖏᖅᖠᓂᐅᑉ ᓂᒋᐊ) ᐋᑕᒻ ᓚᐃᑦᓯᑑᓐ (ᐃᖃᓗᐃᑦ-ᒪᓂᕋᔭᒃ) ᐋᕐᓗᒃ ᒪᐃᓐ (ᐊᕐᕕᐊᑉ ᐅᐊᓐᓇᖓ-ᑎᑭᕌᕐᔪᐊᖅ) ᓵᓚᒪᓐ ᒪᓕᑭ (ᐊᐃᕕᓕᒃ) ᒫᒡᒍᓚ ᓇᑲᓱᒃ (ᐸᓐᓂᖅᑑᖅ) ᑭᐊᕆᓐ ᓄᑕᕋᖅ (ᑐᓄᓂᖅ) ᑖᓂᐅ ᖃᕝᕕᒃ (ᑕᓯᐅᔭᕐᔪᐊᖅ) ᔫᐊᓇ ᖁᐊᓴ (ᐊᒡᒍ) ᐃᓇᒐᔪᒃ ᖂᕿᐊᖅ (ᓇᑦᓯᓕᒃ) ᐋᓕᒃᓵᓐᑐ ᓴᒻᒧᖅᑐᖅ (ᑲᖏᖅᖠᓂᐅᑉ ᐅᐊᓐᓇᖓ- ᐃᒡᓗᓕᒑᕐᔪᒃ) ᔫ ᓴᕕᑲᑖᖅ (ᐊᕐᕕᐊᑉ ᓂᒋᐊ) ᑯᕋᐃᒃ ᓯᒪᐃᓚᒃ (ᖃᒪᓂᑦᑐᐊᖅ)

ᐃᓗᓕᖏᑕ ᓇᓕᖅᑲᖏᑦ ᑐᒃᓯᐊᕐᓂᕐᒧᑦ ᒪᑐᐃᖅᑕᐅᓂᖓ ............................................................................................................................................... 1 ᓂᕈᐊᕐᓂᖅ ᐅᖃᖅᑎᒥᒃ ............................................................................................................................................................ 1 ᐅᖃᖅᑎᐅᑉ ᐅᖃᐅᓯᒃᓴᖓ ....................................................................................................................................................... 1 ᑲᒥᓴᓇᐅᑉ ᒪᑐᐃᖅᓯᔾᔪᑎᒧᑦ ᐅᖃᐅᓯᖏᑦ .............................................................................................................................. 2 ᒪᓕᒐᓕᐅᖅᑏᑦ ᐅᖃᐅᓯᖏᑦ .................................................................................................................................................... 3 ᐃᓕᑕᖅᓯᓂᖅ ᑐᓵᔭᖅᑐᖅᓯᒪᔪᓂᒃ ᒪᓕᒐᓕᐅᕐᕕᒻᒧᑦ .......................................................................................................... 21 ᐊᑎᓕᐅᕈᑕᐅᓯᒪᔪᑦ ................................................................................................................................................................. 25 ᓴᖅᑭᑕᐅᓂᖏᑦ ᑎᑎᖅᑲᐃᑦ................................................................................................................................................... 29 ᖃᐅᔨᒃᑲᐃᓂᖅ ᐱᒋᐊᖅᑎᑕᒃᓴᓂᑦ ........................................................................................................................................ 30 ᐱᒋᐊᖅᑎᑕᐃᑦ ......................................................................................................................................................................... 32

ᐃ. ᖃᐅᑕᒫᒧᑦ ᖃᐅᔨᒋᐊᕈᑎᑦ ᐅᓪᓗᑐᐃᓐᓇᖅ, ᓄᕕᐱᕆ 19, 2021 ................................................................................................................................... 1 ᐅ. ᒪᓕᒐᓕᐅᖅᑏᑦ ᐅᓂᒃᑳᖏᑦ 001 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᐃᖃᓗᐃᑦ-ᑕᓯᓗᒻᒥᒃ (Hᐃᒃᔅ) .................................. 3 002 - 6(1): ᐃᓱᒪᖃᓂᖅ ᓂᕈᐊᒐᒃᓴᑐᐊᖑᓂᒃᑯᑦ ᐃᓕᔭᐅᑲᐅᑎᒋᓚᐅᕐᓂᕐᒥᓄᑦ ᑭᒡᒐᖅᑐᖁᓪᓗᒍ ᐸᓐᓂᖅᑑᒥᒃ (ᓇᑲᓱᒃ) .............................................................................................................................................................................. 4 003 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᑲᖏᖅᖠᓂᐅᑉ ᓂᒋᐊᓄᑦ (ᑯᓱᒐᖅ) ........................ 4 004 - 6(1): ᐃᓱᒪᖃᓂᖅ ᓂᕈᐊᒐᒃᓴᑐᐊᖑᓂᒃᑯᑦ ᐃᓕᔭᐅᑲᐅᑎᒋᓚᐅᕐᓂᕐᒥᓄᑦ ᑭᒡᒐᖅᑐᖁᓪᓗᒍ ᐊᕐᕕᐊᑦ ᐅᐊᓐᓇᖓ-ᑎᑭᕋᕐᔪᐊᒥᒃ (ᒪᐃᓐ) ..................................................................................................................................... 5 005 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᐊᒡᒍᒥᒃ (ᖁᐊᓴ) ....................................................... 6 006 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᐊᐃᕕᓕᒻᒧᑦ (ᒪᓕᑭ)................................................. 6 007 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᐊᒥᑦᑐᕐᒥᒃ (ᖃᐃᕐᓂᖅ) ............................................ 7 008 - 6(1): ᐃᓱᒪᖃᓂᖅ ᓂᕈᐊᒐᒃᓴᑐᐊᖑᓂᒃᑯᑦ ᐃᓕᔭᐅᑲᐅᑎᒋᓚᐅᕐᓂᕐᒥᓄᑦ ᑭᒡᒐᖅᑐᖁᓪᓗᒍ ᐊᕐᕕᐊᑦ ᓂᒋᐊᓄᑦ (ᓴᕕᑲᑖᖅ) ......................................................................................................................................................................... 7 009 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᖃᒪᓂᑦᑐᐊᒧᑦ (ᓯᒪᐃᓚᒃ) ........................................ 8 010 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᐃᖃᓗᑦᑑᑦᑎᐊᒥᒃ (ᒍᕉᔅ) ......................................... 9 011 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᑕᓯᐅᔭᕐᔪᐊᒧᑦ (ᖃᕝᕕᒃ) ........................................... 9 012 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᐃᖃᓗᐃᑦ−ᒪᓂᕋᔭᒻᒥᒃ (ᓚᐃᑦᓯᑑᓐ) ..................... 11 013 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᐃᖃᓗᐃᑦ-ᓂᐊᖁᓐᖒᒧᑦ (ᐊᕿᐊᕈᖅ, ᐸ) ........... 12 014 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᐃᖃᓗᐃᑦ−ᓯᓈᒥᒃ (ᐳᕉᔅᑐ) ................................... 13 015 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᐅᖅᑯᒻᒥᐅᓄᑦ (ᕿᓕᖅᑎ) ...................................... 14 016 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᑐᓄᓂᕐᒥᒃ (ᓄᑕᕋᖅ) .............................................. 16

017 - 6(1): ᐃᓱᒪᖃᓂᖅ ᓂᕈᐊᒐᒃᓴᑐᐊᖑᓂᒃᑯᑦ ᐃᓕᔭᐅᑲᐅᑎᒋᓚᐅᕐᓂᕐᒥᓄᑦ ᑭᒡᒐᖅᑐᖁᓪᓗᒍ ᕿᑭᖅᑖᓘᑉ ᓂᒋᐊᓂ (ᔪᐊᓇᓯ) .......................................................................................................................................................... 17 018 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᑲᖏᖅᖠᓂᐅᑉ ᐅᐊᓐᓇᖓ-ᐃᒡᓗᓕᒑᕐᔪᒻᒧᑦ (ᓴᒻᒧᖅᑐᖅ) ...................................................................................................................................................................... 18 019 - 6(1): ᐃᓱᒪᖃᓂᖅ ᓂᕈᐊᒐᒃᓴᑐᐊᖑᓂᒃᑯᑦ ᐃᓕᔭᐅᑲᐅᑎᒋᓚᐅᕐᓂᕐᒥᓄᑦ ᑭᒡᒐᖅᑐᖁᓪᓗᒍ ᖁᑦᑎᒃᑐᒧᑦ (ᐊᕿᐊᕈᖅ, ᑕ) ................................................................................................................................................................ 19 020 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᓇᑦᓯᓕᒻᒧᑦ (ᖂᑭᐊᖅ) ............................................ 20 021 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᖁᕐᓗᖅᑑᒧᑦ (ᐊᓇᕕᓗᒃ) ....................................... 20 ᐊ. ᐊᑎᓕᐅᕈᑕᐅᓯᒪᔪᐃᑦ 001 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᐊᕿᐊᕈᖅ, ᐸ) ............................................................................................ 25 002 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᐳᕉᔅᑐ) ......................................................................................................... 25 003 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (Hᐃᒃᔅ).......................................................................................................... 25 004 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᐊᓇᕕᓗᒃ) ................................................................................................... 25 005 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᖂᕿᐊᖅ) .................................................................................................... 25 006 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᕿᓕᖅᑎ) .................................................................................................... 26 007 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᒪᓕᑭ) .......................................................................................................... 26 008 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᓯᒪᐃᓚᒃ) ..................................................................................................... 26 009 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᑯᓱᒐᖅ) ........................................................................................................ 26 010 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᓄᑕᕋᖅ) ...................................................................................................... 26 011 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᖃᐃᕐᓂᖅ) ................................................................................................... 27 012 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᖁᐊᓴ) ......................................................................................................... 27 013 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᓇᑲᓱᒃ) ........................................................................................................ 27

014 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᔪᐊᓇᓯ) ....................................................................................................... 27 015 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᖃᕝᕕᒃ)........................................................................................................ 28 016 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᒪᐃᓐ) ........................................................................................................... 28 017 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᐊᕿᐊᕈᖅ, ᑕ) ............................................................................................ 28 018 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᓴᒻᒧᖅᑐᖅ) ................................................................................................... 28 019 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᒍᕌᔅ) ............................................................................................................ 28 020 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᓴᕕᑲᑖᖅ) .................................................................................................... 29 021 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᓚᐃᑦᓯᑑᓐ) .................................................................................................. 29 022 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᐅᖃᖅᑎ) ..................................................................................................... 29 ᐱ. ᓴᖅᑭᑕᐅᓂᖏᑦ ᑎᑎᖅᑲᐃᑦ 001 - 6(1): 2020-21 ᓱᓕᑦᑎᐊᕆᐊᖃᕐᓂᕐᒧᑦ ᑲᒥᓯᓇᐅᑉ ᐊᕐᕌᒍᑕᒫᑦ ᐅᓂᒃᑳᖓ (ᐅᖃᖅᑎ) ................................ 29 002 - 6(1): 2020−21 ᐅᖃᐅᓯᓕᕆᓂᕐᒧᑦ ᑲᒥᓴᓇᐅᑉ ᐊᕐᕌᒍᑕᒫᑦ ᐅᓂᒃᑳᖓ (ᐅᖃᖅᑎ) ....................................... 29 003 - 6(1): 2020−2021 ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ ᐊᕐᕌᒍᑕᒫᑦ ᐅᓂᒃᑳᖓ (ᐅᖃᖅᑎ) .............. 30 004 - 6(1): ᓂᕈᐊᖅᑕᒥᓃᑦ ᖄᒃᑲᓐᓂᐊᒍᑦ ᓄᖅᑲᕈᒪᓯᐊᕐᓂᕐᒧᑦ ᒪᓕᒐᖅ (ᐅᖃᖅᑎ) ................................................. 30 005 - 6(1): 2020−2021 ᐊᑯᓐᓂᖓᓂ ᑮᓇᐅᔭᓕᕆᓂᕐᒧᑦ ᐅᓂᒃᑳᖅ (ᐅᖃᖅᑎ) .................................................... 30 006 - 6(1): 2020−2021 ᒐᕙᒪᒃᑯᑦ ᑮᓇᐅᔭᖏᑦ ᓄᓇᕗᒥ (ᐅᖃᖅᑎ) ...................................................................... 30 ᐳ. ᐱᒋᐊᖅᑎᑕᐃᑦ 001 - 6(1): ᑎᒃᑯᐊᖅᓯᓂᖅ ᐅᖃᖅᑎᒥᒃ (ᒍᕌᔅ) ................................................................................................................. 1 002 - 6(1): ᓯᕗᓕᖅᑎᐅᑉ ᑎᒃᑯᐊᖅᑕᐅᓂᖓ - ᖃᐅᔨᒃᑲᐃᒍᑦ (Hᐃᒃᔅ)....................................................................... 30 003 - 6(1): ᑎᒃᑯᐊᖅᑕᐅᔪᑦ ᓯᕗᓕᖅᑏᑦ ᑲᑎᒪᔨᖏᓐᓄᑦ - ᖃᐅᔨᒃᑲᐃᒍᑦ (ᖃᐃᕐᓂᖅ) ............................................ 30 004 - 6(1): ᑎᒃᑯᐊᖅᑕᐅᓂᖓ ᐅᖃᖅᑎᐅᑉ ᑐᓪᓕᐊ - ᖃᐅᔨᒃᑲᐃᒍᑦ (ᓴᕕᑲᑖᖅ) ..................................................... 31

005 - 6(1): ᑎᒃᑯᐊᖅᑕᐅᔪᑦ ᐃᒃᓯᕙᐅᑕᐅᑉ ᑐᓪᓕᖏᓐᓄᑦ ᑲᑎᒪᑐᐃᓐᓇᖅᑐᓄᑦ - ᖃᐅᔨᒃᑲᐃᒍᑦ (Hᐃᒃᔅ) ............. 31 006 - 6(1): ᑎᒃᑯᐊᖅᑕᐅᔪᑦ ᐊᐅᓚᑦᑎᓕᕆᓂᕐᒧᑦ ᐱᔨᑦᑎᕋᐅᑎᓕᕆᓂᕐᒧᓪᓗ ᑲᑎᒪᔨᓄᑦ - ᖃᐅᔨᒃᑲᐃᒍᑦ (Hᐃᒃᔅ) .......................................................................................................................................................................................... 31 007 - 6(1): ᑎᒃᑯᐊᖅᑕᐅᓂᖓ ᑎᒃᑯᐊᖅᓯᔩᑦ ᑲᑎᒪᔨᕋᓛᖏᑦ - ᖃᐅᔨᒃᑲᐃᒍᑦ (ᖃᐃᕐᓂᖅ) ..................................... 32 002 - 6(1): ᓯᕗᓕᖅᑎᐅᑉ ᑎᒃᑯᐊᖅᑕᐅᓂᖓ (Hᐃᒃᔅ) ................................................................................................... 32 003 - 6(1): ᑎᒃᑯᐊᖅᑕᐅᔪᑦ ᓯᕗᓕᖅᑏᑦ ᑲᑎᒪᔨᖏᓐᓄᑦ (ᖃᐃᕐᓂᖅ) ......................................................................... 33 004 - 6(1): ᑎᒃᑯᐊᖅᑕᐅᓂᖓ ᐅᖃᖅᑎᐅᑉ ᑐᓪᓕᐊ (ᓴᕕᑲᑖᖅ) .................................................................................. 34 005 - 6(1): ᑎᒃᑯᐊᖅᑕᐅᓂᖓ ᐃᒃᓯᕙᐅᑕᐅᑉ ᑐᓪᓕᐊ ᑲᑎᒪᑐᐃᓐᓇᖅᑐᓄᑦ (Hᐃᒃᔅ) ............................................... 34 006 - 6(1): ᑎᒃᑯᐊᖅᑕᐅᔪᑦ ᐊᐅᓚᑦᑎᓂᕐᒧᑦ ᐱᔨᑦᑎᕋᐅᑎᓄᓗᓪᓗ ᑲᑎᒪᔨᓄᑦ (Hᐃᒃᔅ) ........................................... 35 007 - 6(1): ᑎᒃᑯᐊᖅᑕᐅᔪᑦ ᑎᒃᑯᐊᖅᓯᔩᑦ ᑲᑎᒪᔨᕋᓛᑦ (ᖃᐃᕐᓂᖅ) ............................................................................ 35

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 1 ᐃᖃᓗᐃᑦ, ᓄᓇᕗᑦ ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᒪᓕᒐᓕᐅᖅᑏᑦ ᐅᐸᒃᑐᑦ: ᑕᐃᕕᑎ ᐊᕿᐊᕈᖅ, ᐸᐅᓗᓯ ᐊᕿᐊᕈᖅ, ᑑᓂ ᐋᖁᐊᖅ, ᐹᐱ ᐊᓇᕕᓗᒃ, ᐱᑦᓯᐅᓛᖅ ᐳᕉᔅᑐ, ᐹᒥᓚ ᒍᕉᔅ, ᔪᐊᔾ ᕼᐃᒃᔅ, ᑕᐃᕕᑎ ᔪᐊᓇᓯ, ᔪᐃᓕ ᖃᐃᕐᓂᖅ, ᒥᐊᓕ ᕿᓕᖅᑎ, ᓗᐊᓐ ᑯᓱᒐᖅ, ᐋᑕᒻ ᓚᐃᑦᓯᑑᓐ, ᐋᕐᓗᒃ ᒪᐃᓐ, ᓵᓚᒪᓐ ᒪᓕᑭ, ᒫᒡᒍᓚ ᓇᑲᓱᒃ, ᑭᐊᕋᓐ ᓄᑕᕋᖅ, ᑖᓂᐅ ᖃᕝᕕᒃ, ᔪᐊᓇ ᖁᐊᓴ, ᐃᓇᒐᔪᒃ ᖂᕿᐊᖅ, ᐋᓕᒃᓵᓐᑐ ᓴᒻᒧᖅᑐᖅ, ᔫ ᓴᕕᑲᑖᖅ, ᑯᕋᐃᒃ ᓯᒪᐃᓚᒃ. >>ᑲᑎᒪᓯᒋᐊᖅᑐᑦ 13:30ᒧᐊᖅᑎᓪᓗᒍ ᑲᑎᒪᔾᔪᑎᒃᓴᖅ 1: ᑐᒃᓯᐊᕐᓂᕐᒧᑦ ᒪᑐᐃᖅᑕᐅᓂᖓ ᑎᑎᕋᖅᑎ (ᑯᐊᒃ)(ᑐᓵᔨᑎᒍᑦ): ᐅᓐᓄᓴᒃᑯᑦ, ᐊᕐᓇᐃᑦ ᐊᖑᑏᓪᓗ. ᑲᔪᓯᓚᐅᓐᖏᓐᓂᑦᑎᓐᓂ ᐊᔪᕆᖅᓱᐃᔨ ᔮᓱᐊ ᐋᕆᐊᒃ ᑐᒃᓯᐊᖅᑎᑦᑎᖁᓪᓗᒍ. >>ᑐᒃᓯᐊᖅᑐᑦ ᑎᑎᕋᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᑕᐃᒪ ᐱᔭᕆᐊᓕᒃᑲ ᒪᓕᒡᓗᒋᑦ ᑐᓴᖅᑎᑦᑕᕆᐊᒃᓴᑦᑎᒋᑦ ᓄᓇᕗᒻᒧᑦ ᑲᒥᓯᓇ ᐃᒡᓗᒧᑦ ᐃᓯᔾᔮᓐᖏᒻᒪᑦ ᓂᕈᐊᖅᑕᐅᓚᐅᕐᓂᖓᓄᑦ ᐱᖁᔨᕗᖔᕈᑎᖃᓚᐅᖅᑳᖅᑎᓐᓇᒍ. ᐱᖁᔨᕗᖔᕈᒪᔪᖃᖅᐹ ᐅᖃᖅᑎ ᑎᒃᑯᐊᖅᑕᐅᖁᓪᓗᒍ? ᒥᔅ ᒍᕌᔅ, ᒪᓕᒐᓕᐅᖅᑎ ᐃᖃᓗᒃᑑᑦᑎᐊᒧᑦ. ᑲᑎᒪᔾᔪᑎᒃᓴᖅ 2: ᓂᕈᐊᕐᓂᖅ ᐅᖃᖅᑎᒥᒃ ᐱᒋᐊᖅᑎᑕᖅ 001 - 6(1): ᑎᒃᑯᐊᖅᓯᓂᖅ ᐅᖃᖅᑎᒥᒃ (ᒍᕌᔅ) ᒍᕌᔅ (ᑐᓵᔨᑎᒍᑦ): ᖁᔭᓐᓇᒦᒃ, ᑎᑎᕋᖅᑎ. ᐱᒋᐊᖅᑎᑦᑎᕗᖓ ᑑᓂ ᐋᖁᐊᖅ, ᒪᓕᒐᓕᐅᖅᑎ ᐅᖅᓱᖅᑑᒧᑦ, ᐃᒃᓯᕙᐅᑕᒥᒃ ᑎᒍᓯᖁᓪᓗᒍ ᑕᕝᕙᓂ ᒪᓕᒐᓕᐅᕐᕕᖕᒥ ᐅᖃᖅᑎᐅᓗᓂ. ᖁᔭᓐᓇᒦᒃ, ᑎᑎᕋᖅᑏ. ᑎᑎᕋᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᐱᖁᔨᕗᖔᕈᑦ ᓈᒻᒪᖕᒪᑦ. ᐊᐃᑉᐱᖅᑕᐅᕚ? ᒪᓕᒐᓕᐅᖅᑎ ᖃᒪᓂᑦᑐᐊᒧᑦ, ᒥᔅᑕ ᓯᒪᐃᓚᒃ. ᖁᔭᓐᓇᒦᒃ. ᐱᖁᔨᕗᖔᕈᑎᒧᑦ. ᓈᒻᒪᒃᓴᖅᑐᓕᒫᑦ. ᓈᒻᒪᒃᓴᓐᖏᑦᑐᑦ. ᐱᖁᔭᕗᖔᕈᑎ ᑲᔪᓯᕗᖅ. ᑕᐃᒪ ᑖᒃᑯᐊ ᐱᖁᔨᕗᖔᖅᑎᑦᑎᕋᑖᖅᑑᒃ ᐃᓯᖅᑎᑦᑎᓚᐅᕐᓕᑦ ᒥᔅᑕ ᐋᖁᐊᕐᒥᒃ ᑲᑎᒪᕕᐅᑉ ᐃᓗᐊᓄᑦ ᐃᒃᓯᕙᐅᑕᖓᓄᑦ. >>ᐸᑦᑕᑐᖅᑐᑦ >>ᐃᒡᓚᖅᑐᑦ >>ᐸᑦᑕᑐᖅᑐᑦ ᐅᖃᖅᑎᐅᑉ ᐅᖃᐅᓯᒃᓴᖓ ᐅᖃᖅᑎ (ᐋᖁᐊᖅ)(ᑐᓵᔨᑎᒍᑦ):ᐅᖃᖅᑎᐅᓪᓗᖓ ᒪᓕᒐᓕᐅᕐᕕᒻᒥ ᐅᐱᒍᓱᑉᐳᖓ ᖃᐃᖁᔭᐅᓯᒪᔪᑦ ᐅᕗᓐᖓᕈᓐᓇᖅᑐᐊᐱᐅᒻᒪᑕ ᓯᕗᓪᓕᖅᐹᒥᒃ ᐃᔅᓯᕙᓂᖃᖅᑎᓪᓗᒍ ᒪᓕᒐᓕᐅᕐᕕᖓ 6-ᒋᔭᖓᑦ. ᑲᔪᖏᑦᑎᐊᖅᑯᒍᑦ ᑕᐃᔅᓱᒧᖓ ᐳᓛᕐᕕᕗᑦ ᒪᑐᐃᖓᑦᑎᐊᕈᓐᓇᓛᓕᕐᒥᒻᒪᑦ ᓄᓇᕗᒻᒥᐅᓄᑦ. ᒫᓐᓇ ᖁᔭᓐᓇᒦᕈᒪᔭᒃᑲ ᒪᓕᒐᓕᐅᖅᑎᓕᒫᑦᑎᐊᑦ ᐅᑉᐱᕈᓱᒍᓐᓇᖅᓯᒪᒻᒪᑕ ᑕᑎᒋᔭᖃᖅᑐᑎᓪᓗ ᐃᓕᓯᒍᓐᓇᖅᑐᑎᒃ ᐱᔨᑦᑎᕋᕐᓂᐊᕐᓗᖓ ᐅᖃᖅᑎᒋᔭᐅᓗᖓ ᐃᓕᔅᓯᓐᓄᑦ. ᐅᖃᖅᑎᐅᓗᖓ, ᐃᓕᔅᓯᓐᓄᑦ ᐊᖏᖅᓯᒪᓂᖃᑦᑎᐊᖁᖓ ᒪᓕᑦᑎᐊᕐᓂᐊᕐᓗᒋᑦ ᒪᓕᑦᑕᐅᑎᑦᑎᐊᓂᐊᕐᓗᒋᑦ ᐱᔪᓐᓇᐅᑎᖏᑦ ᐊᔪᖏᔾᔪᑎᖏᓪᓗ ᐆᒪ ᑲᑎᒪᕐᔪᐊᕐᕕᐅᑉ. ᒪᓕᒐᓕᐅᖅᑎᓕᒫᑦᑎᐊᑦ ᓇᓗᖅᑯᑎᒋᐊᖃᖏᓚᑦ ᐱᓕᕆᐊᖑᔭᕆᐊᓖᑦ ᐱᓕᕆᐊᖑᔭᕆᐊᓕᓕᒫᑦ ᐱᓕᕆᐊᕆᓂᐊᕋᒃᑭᑦ ᐅᖃᖅᑎᐅᑉ ᐱᔭᒃᓴᖏᑦ ᒪᓕᑦᑎᐊᕐᓗᖓ ᑖᔅᓱᒪ ᐊᓪᓚᕝᕕᐅᑉ ᒪᓕᒋᐊᓕᖏᓐᓂᒃ ᐊᔾᔨᒌᑦᑎᑦᑎᑦᑎᐊᕈᒪᓪᓗᖓ ᐊᒻᒪᓗ ᓇᓕᐊᓐᓂᑐᐃᓐᓇᖅ ᑕᐱᖃᖅᑕᐃᓕᓗᖓ. ᐅᓪᓗᒥᐅᖅᑲᐅᔪᖅ ᑕᐃᒪ ᒪᓕᒐᓕᐅᖅᑎᓕᒫᑦ ᐊᖏᖅᑎᑕᐅᖃᐅᒻᒪᑕ ᒪᓕᒐᓕᐅᖅᑎᐅᓂᐊᕐᓂᕐᒥᓄᑦ.

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 2 ᒫᓐᓇ ᐱᕕᖃᕐᓂᓐᓂ ᖁᔭᓐᓇᒦᕈᒪᕙᒃᑲ ᓂᕈᐊᖅᑎᒋᓯᒪᔭᒃᑲ ᐅᖅᓱᖅᑑᒥ ᐃᑲᔪᖅᓰᓯᒪᓚᐅᕐᒪᑕ ᒫᓐᓇ ᓂᕈᐊᕐᓇᐅᓚᐅᖅᑐᒥᒃ. ᐅᖃᐅᑎᒍᓐᓇᑦᑎᐊᖅᑕᒃᑲ ᐅᖅᓱᖅᑑᕐᒥᐅᑕᓕᒫᑦ ᐃᑲᔪᖅᓰᖃᑦᑕᕐᓂᐊᕆᒃᑭᑦ ᐊᔭᐅᖅᑐᐃᔾᔪᑎᓗᒋᑦ ᓂᕈᐊᖅᑎᒋᓯᒪᔭᒃᑲ ᐊᖅᑯᑎᓕᐊᖑᓯᒪᔪᐃᑦ ᐊᑐᕐᓗᒋᑦ ᐊᒻᒪ ᑕᐃᒪᐃᒋᐊᖃᓕᕈᒪ. ᒫᓐᓇ ᑲᑎᒪᔾᔪᑎᔅᓴᓄᑦ ᑲᔪᓯᓐᖑᓱᓕᕋᑦᑕ. ᒫᓐᓇ ᐊᐱᕆᔪᒪᔪᖓ ᒪᓕᒐᓕᐅᕐᕕᖕᒥ ᑎᑎᕋᖅᑎᕗᑦ ᖃᐅᔨᒋᐊᖁᓪᓗᒍ ᑖᓐᓇ ᓄᓇᕗᒻᒥ ᑲᒥᓯᓇᖑᔪᖅ ᐅᕗᖓ ᐃᒡᓗᒧᑦ ᐃᓯᕈᓐᓇᕐᒪᖔᑦ ᒪᑐᐃᕈᑎᓂᒃ ᐅᓂᒃᑳᕐᓂᖃᕐᓗᓂ. ᑲᒥᓴᓇᐅᑉ ᒪᑐᐃᖅᓯᔾᔪᑎᒧᑦ ᐅᖃᐅᓯᖏᑦ ᑲᒥᓯᓇ ᐄᕙ ᖃᒪᓂᖅ ᐋᕆᐊᒃ: ᐅᓐᓄᓴᒃᑯᑦ. ᑐᓐᖓᓱᑦᑎᐊᕆᑦᑎ. ᐅᖃᖅᑎᑦᑎᔩ, ᓯᕗᓕᖅᑎ, ᒪᓕᒐᓕᐅᕐᕕᖕᒧᑦ ᒪᓕᒐᓕᐅᖅᑎᑦ, ᖃᐃᖁᔭᐅᓯᒪᔪᑦ, ᐊᒻᒪ ᓄᓇᕗᒻᒥᐅᑦ ᑕᓚᕖᓴᒃᑯᑦ ᐃᕐᖐᓐᓇᖅ ᑕᐅᑐᒃᑐᑦ, ᐅᓐᓄᓴᒃᑯᑦ ᐃᓘᓐᓇᓯ. ᓂᕆᐅᒃᐳᖓ ᑕᒪᓐᓇ ᓄᕙᒡᔪᐊᕐᓇᖅ ᐊᓂᒍᓛᕋᓗᐊᕐᓂᖓᓂᒃ ᐊᒻᒪ ᑭᒃᑯᓕᒫᓄᑦ ᒪᑐᐃᒃᑲᓐᓂᓛᕐᓂᐊᕐᓂᑦᑎᓐᓂᒃ ᓯᕗᓂᑦᑎᓐᓂ. ᖁᔭᒋᓪᓚᕆᒃᑕᒃᑲ ᑕᐃᒃᑯᐊ ᐊᒃᓱᕈᖅᖢᑎᒃ ᐱᓕᕆᖃᑦᑕᖅᓯᒪᔪᑦ ᓴᐳᒻᒥᒃᖠᖅᖢᑎᒃ ᓄᓇᕗᒻᒥ ᓄᓇᕗᒻᒥᐅᓂᒡᓗ ᑕᒪᓐᓇ ᐊᑐᖅᑕᐅᓚᐅᖅᓯᒪᓐᖏᑦᑐᖅ ᐱᔭᕐᓂᖏᖦᖢᓂᓗ ᖃᓂᒪᓐᓇᐅᓚᐅᖅᑐᖅ, ᖃᓂᒪᓐᓇᐅᔪᕐᖏᓛᒃ ᐊᑐᖅᑎᓪᓗᒍ. ᐅᓪᓛᖑᔪᖅ ᐊᒃᓱᐊᓗᒃ ᐅᐱᖅᑲᐅᕗᖓ ᐱᒃᑯᒍᓱᒻᒪᕆᒃᖢᖓᓗ ᓄᓇᕗᒻᒥ ᐊᕐᕕᓂᓕᒋᓕᖅᑕᖓᓂᒃ ᒪᓕᒐᓕᐅᖅᑏᑦ ᐊᖏᖅᑎᑕᐅᖅᑲᖕᒻᒪᑕ ᐊᒻᒪᓗ ᐊᐅᓚᑦᑎᔪᓐᓇᖅᑲᐅᒐᒪ ᑕᒪᑐᒥᖓ. ᓇᖕᒥᓂᖅ ᐊᑐᖅᓯᒪᔭᒃᑯᑦ ᑕᐅᑐᒃᖢᒍ ᖃᓄᖅ ᐃᒃᐱᒍᓱᖅᑲᐅᖕᒪᖔᔅᓯ ᑕᒪᓐᓇ ᐅᓄᖅᑐᓄᑦ ᐃᒃᐱᒋᖅᑲᐅᔭᓯ ᐃᑉᐱᒋᖅᑲᐅᒋᕙᕋ ᑕᐃᒫᑐᐃᓐᓇᖅᑕᐅᖅ ᐱᓚᐅᖅᓯᒪᓂᓐᓄᑦ. ᐃᓛᓯᒍᑦ ᑐᒡᓕᐊᓂᒃ ᐱᖓᔪᐊᓐᓂᒻᒪᕆᒡᓘᓐᓃᑦ ᑕᕝᕗᖓ ᐃᓕᒃᑲᓐᓂᖅᓯᒪᓕᖅᑐᓯ ᐊᒻᒪ ᖁᔭᒋᕙᔅᓯ ᑕᐃᒪᐃᓐᖓᓂᑦ ᐊᖏᖅᓯᒪᑦᑎᐊᓚᐅᕋᔅᓯ ᓄᓇᕗᒻᒧᑦ, ᓄᓇᕗᒻᒥᐅᓄᓪᓗ ᐱᓕᕆᖃᑦᑕᖅᓯᒪᒐᔅᓯ. ᐊᒻᒪᑦᑕᐅᖅ ᐃᓛᓯᒍᑦ ᓂᕈᐊᖅᑕᐅᓵᖅᑐᑦ ᐊᒻᒪ ᖁᔭᒋᒋᕙᔅᓯ ᐱᔭᕐᓂᖏᑦᑐᓂᒃ ᐅᖁᒪᐃᑦᑐᓂᒡᓗ ᐱᓕᕆᖃᑦᑕᕐᓂᐊᕋᔅᓯ ᓂᕈᐊᖅᑕᐅᓯᒪᓂᓯ ᐱᓪᓗᒍ. ᑕᒪᑐᒪᓂ ᐱᓇᓱᐊᕈᓯᖅ ᐱᒋᐊᓕᕋᑖᖅᑎᓪᓗᒍ ᓂᕈᐊᕋᑖᕋᔅᓯ ᓯᕗᓕᖅᑎᒋᓂᐊᖅᑕᔅᓯᓐᓂᒃ ᐊᒻᒪ ᒥᓂᔅᑕᐃᑦ ᑲᑎᒪᔨᒋᓂᐊᖅᑕᖏᓐᓂᒃ. ᖃᓪᓗᓈᑎᑑᕐᓂᐊᕋᒪᐃᑦ ᑕᒪᓐᓇ. ᐱᖁᔨᕗᖔᕈᑎᒍᑦ ᑕᐃᒃᑯᐊ ᓂᕈᐊᖅᑕᐅᓚᐅᖅᑐᑦ ᐅᓪᓗᒥ ᑲᑎᒪᓂᕐᔪᐊᒥ ᓇᓗᓇᐃᖅᑕᐅᓂᐊᖅᑐᑦ ᐊᒻᒪ ᖁᕕᐊᓱᒻᒪᕆᒃᐳᖓ ᑎᒃᑯᐊᖅᑕᐅᓂᖏᑕ ᓇᓗᓇᐃᒃᑯᑕᖏᑦ ᐊᑎᓕᐅᕐᓂᐊᕋᒃᑭᑦ. (ᑐᓵᔨᑎᒍᑦ) ᓄᓇᕘᒥ ᐊᑭᕋᕇᖃᑦᑕᐅᑎᓇᑎᒃ ᒐᕙᒪᕗᑦ ᒪᓕᒐᓕᐅᖅᑎᓕᒫᑦᑎᐊᑦ ᐱᒻᒪᕆᐊᓗᒻᒥᒃ ᐱᖃᑕᐅᓂᖃᖃᑦᑕᕐᖓᑕ. ᓇᓗᖅᑯᑎᓐᖏᑎᐊᕐᒥᔪᖓᑦᑕᐅᖅ ᐱᒻᒪᕆᐊᓗᓐᓂᒃ ᐃᓕᐅᖅᑲᐃᖃᑕᐅᖃᑦᑕᕐᓂᐊᕐᒥᔪᓯ ᐃᓱᒪᒃᓴᖅᓯᐅᕈᑎᖃᖅᑐᖃᓕᕋᐃᑉᐸᑦ ᐅᕙᓂ ᑲᑎᒪᕐᔪᐊᕐᕕᒻᒥ ᒪᓕᒐᓕᐅᖅᑎᐅᓂᔅᓯᓐᓂ. ᖃᐅᔨᓕᑕᐃᓐᓇᕋᒪ ᖃᓂᕋ ᒪᑐᐊᖅᓯᒪᕋᑖᕐᒪᑦ. ᐱᓇᓱᐊᕈᓯᓂᒃ ᐊᒡᒋᖅᑐᓂᒃ ᑕᖅᑭᑎᓐᓂᓪᓗ ᓵᓐᖓᑦᑎᒐᓱᓐᓂᐊᖅᑐᓯ ᑲᑐᔾᔨᓗᓯ ᓇᓗᓇᐃᖅᓯᒐᓱᓪᓗᓯ ᑐᓐᖓᕕᒋᓂᐊᖅᑕᓯᓐᓂᒃ ᑐᕌᖅᑕᕐᕕᒋᓂᐊᖅᑕᓯᓐᓂᒃ. ᐅᓪᓛᖅ ᑕᐃᒫᒃ ᐅᖃᖅᑲᐅᒐᒪ, ᐄ, ᓂᕆᐅᑦᑎᐊᕋᒪ ᐃᓕᔅᓯᓐᓂᒃ ᑲᑎᓯᖃᑦᑕᕐᓂᐊᕐᓗᖓ ᐅᕙᓂ ᑲᑎᒪᕐᔪᐊᕐᕕᒻᒥ ᖃᐃᖅᑯᔭᐅᒐᐃᒍᒪ

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 3 ᐱᓐᖑᖅᑎᑦᑎᔭᖅᑐᖁᔭᐅᓗᖓ ᒪᓕᒐᕐᓂᒃ, ᒪᓕᒐᒃᓴᓂᒃ ᐃᓕᔅᓯ ᒪᓕᒐᓕᐅᖅᑎᐅᓪᓗᓯ ᑲᔪᓯᖁᔭᔅᓯᓐᓂᒃ. ᐃᓅᓪᓗᑕ ᓄᓇᕗᒻᒥᐅᑕᐅᓗᑕᓗ ᐃᓱᓕᑦᑎᒍᒪᔪᖓ ᓇᓗᓇᐃᖅᓯᓗᖓ ᐅᐱᒍᓱᓐᓂᕆᓚᐅᕐᓂᑦᑎᓐᓂᒃ ᑎᒃᑯᐊᖅᑕᐅᓂᕆᕋᑖᓚᐅᖅᑕᖓᓂᒃ ᒥᐊᓕ ᓴᐃᒪᓐ ᑲᓇᑕᐅᑉ ᑯᐃᑉ ᑭᒡᒐᖅᑐᖅᑎᒋᓂᐊᓕᕐᓗᓂᐅᒃ ᑲᓇᑕᒥ. ᑕᐃᓐᓇᓗᑦᑕᐅᖅ ᑲᔪᓯᑦᑎᐊᖁᓪᓚᕆᑉᐸᕗᑦ ᖃᓄᐃᓐᖏᑦᑎᐊᖁᓪᓗᒍᓗ ᑯᐃᒋᔭᕗᑦ. ᒫᓐᓇ ᓇᓗᓇᐃᖅᓯᕗᖓ ᒪᑐᐃᖅᑕᐅᖁᓪᓗᒍ ᓯᕗᓪᓕᖅᐹᒥᒃ ᑲᑎᒪᕐᔪᐊᕐᓂᖓ (ᑐᓵᔨᑎᒎᕈᓐᓃᖅᑐᖅ) 6-ᓯᒋᓕᖅᑕᖓᓐᓂᒃ ᓯᕗᓪᓕᖅᐹᒥᒃ ᑲᑎᒪᓂᕐᔪᐊᕐᓂᖓ ᐊᕐᕕᓂᓕᕆᓕᖅᑕᖓᓂᒃ ᐱᒋᐊᖁᓪᓗᒍ ᒪᓕᒐᓕᐅᖅᑎ. ᖁᔭᓐᓇᒦᒃ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᐅᑎᕐᓂᐊᓕᕆᕗᑦ ᑲᑎᒪᔾᔪᑎᒃᓴᑦᑎᓐᓄᑦ ᐅᑉᓗᒥ. ᐱᖓᔪᐊᑦ. ᑲᑎᒪᔾᔪᑎᔅᓴᑦ. ᒥᓂᔅᑕᐅᑉ ᐅᖃᐅᓯᔅᓴᖏᑦ. ᑖᒃᑯᐊ ᓯᕗᓕᐅᖅᑏᑦ ᐊᖏᖅᑕᐅᓚᐅᓐᖏᒻᒪᑕ. ᐅᓪᓗᒥ ᒥᓂᔅᑕᐃᑦ ᐅᖃᐅᓯᔅᓴᖃᕐᓂᐊᖏᑦᑐᑦ. ᑎᓴᒫᑦ. ᒪᓕᒐᓕᐅᖅᑏᑦ ᐅᖃᐅᓯᔅᓴᖏᑦ. ᑲᔪᓯᓚᐅᓐᖏᓂᓐᓂᒃ ᒪᓕᒐᓕᐅᖅᑏᑦ ᐅᖃᐅᓯᖏᓐᓂᒃ ᐃᖅᑲᐃᑎᑦᓯᒍᒪᕗᖓ ᒪᓕᒐᓕᐅᖅᑎᓂᒃ ᐃᓵᖃᑦᑕᖁᓪᓗᒋᑦ ᐃᓕᑕᕆᔭᐅᔪᒪᑐᐊᕈᑉᓯ. ᐃᓕᓴᕆᔭᐅᒍᑦᓯ ᐅᑕᖅᑭᕙᓪᓗᓯ ᐃᑭᓚᐅᓐᖏᓐᓂᖓᓂᑦ ᓵᔅᓯᓐᓃᑦᑐᖅ ᓇᖏᖅᓯᓚᐅᓐᖏᓂᕐᓂᑦ ᐅᖃᓪᓚᒋᐊᓯᓚᐅᓐᖏᓂᓐᓂᓪᓗ. ᓇᖏᖅᓯᒍᕕᑦ ᒪᑐᐊᖅᓯ ᐲᖅᐸᓪᓗᒍ ᑐᓴᖅᓴᐅᑦᑎᐊᖅᐸᓐᓂᐊᕋᔅᓯ. ᐃᑦᓯᕙᑐᐊᕈᑦᓯ ᐊᑐᒃᑲᓂᖅᐸᓪᓗᒍ. ᒪᓕᒐᓕᐅᖅᑏᑦ ᐅᖃᐅᓯᒃᓴᖏᑦ. ᒪᓕᒐᓕᐅᖅᑎ ᐃᖃᓗᐃᑦ-ᑕᓯᓗᒃ, ᒥᔅᑕ ᕼᐃᒃᔅ. ᑲᑎᒪᔾᔪᑎᒃᓴᖅ 4: ᒪᓕᒐᓕᐅᖅᑏᑦ ᐅᖃᐅᓯᖏᑦ ᒪᓕᒐᓕᐅᖅᑎᐅᑉ ᐅᖃᐅᓯᖓ 001 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᐃᖃᓗᐃᑦ-ᑕᓯᓗᒻᒥᒃ (Hᐃᒃᔅ) ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ ᐅᖃᖅᑎ. ᑐᓴᖅᑕᐅᔪᒪᓪᓗᖓ ᖁᔭᓐᓇᒦᕈᒪᑉᓗᑎᑦ ᑎᒃᑯᐊᖅᑕᐅᓚᐅᕐᓂᕐᓂᒃ. ᖃᐅᔨᒪᑉᓗᖓ ᒪᓕᒐᓕᐅᖅᑎ ᑕᒪᒃᑭᐅᖏᑉᐸᑦ ᐅᐱᒋᑦᓯᐊᖃᑦᑕᕋᑉᑯ ᐅᐱᒋᑦᓯᐊᖃᑦᑕᕋᒃᑯ ᒪᓕᒐᓕᐅᕐᕕᒻᒥ ᐅᖃᖅᑎ ᐊᒻᒪᓗ ᐱᒃᑯᓇᑦᓯᐊᕐᓗᑎᑦ ᐱᔨᑦᓯᖁᓂᐊᖅᐸᒋᑦ. ᐅᖃᖅᑎ, ᑖᓐᓇ ᐅᕙᓐᓄᑦ ᐅᖁᒪᐃᓚᐅᕐᒪᑦ ᐱᓇᓱᐊᕈᓯᒃ ᐅᐱᒍᓱᓪᓚᕆᑦᓱᖓ ᒥᑭᓪᓕᑎᖅᓱᖓᓗ ᐃᖃᓗᐃᑦ-ᑕᓯᓗᒻᒧᑦ ᓱᓕ ᐅᕙᓐᓂᒃ ᐅᑉᐱᕈᓱᒃᑲᒥᒃ ᓂᕈᐊᒃᑲᓐᓂᓚᐅᕐᒪᑕ. ᐊᕐᕕᓂᓕᖓᓐᓄᑦ ᒪᓕᒐᓕᐅᕐᕕᒻᒥ ᐊᒻᒪ ᐃᒃᓯᕙᓇᓱᓐᓂᐊᖅᐳᖓ ᐱᔪᓐᓇᕐᓂᓐᓄᑦ ᑕᕝᕙᓂ ᖃᓄᑐᐃᓐᓇᑦᓯᐊᖅ ᐃᓕᔭᐅᒍᒪ ᓇᒧᑦ ᐱᔪᓐᓇᓐᓂᓕᒫᕋ ᒪᓕᒃᖢᒍ ᐱᓇᓱᖃᑦᑕᕋᒪ ᑕᐃᒪᐃᒐᓱᒻᒪᕆᓐᓂᐊᖅᐳᖓᓗ. ᐅᖃᖅᑎ, ᑕᒪᒃᑯᐊ ᑭᑐᑦ ᐱᓂᐊᕐᓂᐅᓚᐅᖅᑐᑦ ᐱᓇᓱᐊᕈᓱᑦᑎᓐᓂ ᖁᔭᓐᓇᒦᕈᒪᓪᓗᒋᑦ ᐃᖅᑲᓇᐃᔭᖅᑎᖁᑎᒃᑲ ᐃᖅᑲᓇᐃᔭᖃᑎᒋᓚᐅᖅᑕᒃᑲ ᓲᓯ, ᕼᐃᓗᕆ, ᔭᐃᒻᔅ, ᐃᓚᒋᒐᓗᐊᖅᓱᒍ ᓲᓯᒃᑯᑦ, ᕼᐃᓗᓕᒃᑯᑦ ᐃᒫᒃ ᒥᓂᔅᑕᐅᑦᓯᐊᖅᑎᒋᒍᓐᓇᓚᐅᖅᑐᖓ. ᑖᑉᑯᐊ ᐃᑲᔪᖅᑐᐃᖃᑦᑕᓚᐅᓐᖏᑦᑕᑐᐊᕈᑎᒃ ᐱᓕᕆᔪᓐᓇᑦᓯᐊᓚᐅᓐᖏᒃᑯᑎᒃ ᖁᔭᓐᓇᒦᒃ. ᖃᓄᑭᐊᖅ ᐅᖃᒻᒪᕆᒃᑲᓐᓂᕈᓐᓇᖏᓐᓇᒪ ᐊᒥᒐᓗᐊᕐᒪᓘᓐᓃᑦ ᖁᔭᓐᓇᒦᑦᑐᐃᓐᓇᕐᓗᖓ ᑭᓯᐊᓂᐅᒻᒪᑦ. ᓂᕆᐅᓪᓚᕆᑦᑐᖓ, ᐅᖃᖅᑎ, ᐊᒻᒪᓗ ᐆᒻᒪᒋᐊᒃᑲᓐᓂᖅᑑᔭᖅᓱᑕ ᓄᑖᓪᓗ ᑕᑯᓪᓗᒋᑦ ᓂᕈᐊᖅᑕᐅᔪᑦ ᓂᕈᐊᖅᑕᐅᓕᖅᑭᒃᑐᓪᓗ ᐃᓘᓐᓇᑕ ᓄᑖᓐᖑᕆᐊᖅᑐᐃᓐᓇᐅᑉᓗᑕ ᓂᕈᐊᖅᑕᐅᔪᑎᒍᑦ. ᑲᔪᓰᓐᓇᕈᓐᓇᖅᓱᑕᓗ ᐱᓕᕆᐊᕆᒋᐊᓚᐅᖅᓯᒪᔭᑉᑎᓐᓂᒃ. ᓄᑖᓪᓗ ᑲᑎᒪᐅᑎᔅᓴᐃᑦ ᓴᖅᑭᐸᓪᓕᐊᓚᖓᒻᒥᒻᒪᑕ ᐱᓕᕆᐊᕆᔭᐅᓂᐊᖅᑐᓄᑦ. ᑕᒪᑉᑕ ᐱᓕᕆᖃᑕᐅᓂᐊᖅᑐᒍᑦ ᖃᓄᖅ ᐋᖅᑭᒃᑕᐅᓂᐊᕐᒪᖔᖅ ᐱᓕᕆᐊᒃᓴᕆᔪᒫᖅᑕᕗᑦ ᖃᓄᕐᓗ ᑲᔪᓯᒍᒫᒻᒪᖔᖅ ᖃᓄᕐᓗ ᐆᑦᑐᑦᑕᐅᓇᔭᕐᒪᖔᖅ ᐅᖃᖅᑎ.

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 4 ᑕᕝᕗᖓ ᒫᓐᓇ ᖁᔭᓐᓇᒦᑐᐃᓐᓇᕈᒪᑉᓗᒋᑦ ᒪᓕᒐᓕᐅᖅᑎᓕᒫᑦ ᓂᕈᐊᕋᔅᓴᐅᓚᐅᖅᑐᑦ ᑲᔪᓯᑦᓯᐊᖅᑐᓪᓗ ᐊᒻᒪᓗ ᑖᒃᑯᐊ ᓵᓚᒃᓴᓚᐅᓐᖏᑦᑑᒐᓗᐊᑦ. ᓄᓇᕗᒻᒥᐅᓂᒃ ᐱᕕᖃᖅᑎᑦᓯᐊᕐᓂᖓᓂ ᓂᕈᐊᕈᓐᓇᓂᑦᑎᓐᓂᒃ ᑭᑐᒧᑦ ᓄᓇᓕᐅᓪᓗᑕᓗ ᓄᓇᕗᒻᒥᐅᑕᐅᑉᓗᑕ. ᐊᒃᓱᐊᓗᒃ ᖁᕕᐊᓱᓪᓚᕆᑦᑐᖓ ᓯᑕᒪᒃᑲᓂᕐᓄᑦ ᐅᑭᐅᓄᑦ ᐱᔨᑦᑎᑲᓐᓂᕆᐊᒃᓴᖅ ᐊᒻᒪᓗ ᑖᒃᑯᐊ ᓄᑖᑦ ᒪᓕᒐᓕᐅᖅᑏᑦ ᖃᐅᔨᒪᒃᑲᓐᓂᕈᒪᑦᓯᐊᖅᑐᒋᑦ ᐊᒻᒪᓗ ᑖᒃᑯᐊ ᐱᓕᕆᖃᑎᒋᑦᓯᐊᒃᑲᓐᓂᕈᒪᓪᓗᒋᑦ ᒪᓕᒐᓕᐅᖅᑎᐅᕙᒌᖅᑐᑦ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑏᑦ ᐅᖃᐅᓯᒃᓴᖏᑦ. ᒪᓕᒐᓕᐅᖅᑎ ᐸᖕᓂᖅᑑᒧᑦ, ᒥᔅ ᓇᑲᓱᒃ. ᒪᓕᒐᓕᐅᖅᑎᐅᑉ ᐅᖃᐅᓯᖓ 002 - 6(1): ᐃᓱᒪᖃᓂᖅ ᓂᕈᐊᒐᒃᓴᑐᐊᖑᓂᒃᑯᑦ ᐃᓕᔭᐅᑲᐅᑎᒋᓚᐅᕐᓂᕐᒥᓄᑦ ᑭᒡᒐᖅᑐᖁᓪᓗᒍ ᐸᓐᓂᖅᑑᒥᒃ (ᓇᑲᓱᒃ) ᓇᑲᓱᒃ: ᖁᔭᓐᓇᒦᒃ ᐅᖃᖅᑎᑦᓯᔩ. ᐅᖃᐅᑎᖅᑳᕈᒪᕙᒋᑦ ᑕᕝᕗᖓ ᐃᓕᑎᓪᓗᑎᑦ ᒪᓕᒐᓕᐅᖅᑏᑦ, ᒪᓕᒐᓕᐅᖅᑎᑖᖅᑲᐅᓪᓗ ᑐᓐᖓᓱᒋᔅᓯ. ᖁᕕᐊᓱᖃᑎᒋᕙᔅᓯ ᑕᕝᕙᓃᒋᐊᖅ. ᐅᐱᒋᔭᐃᓐᓇᕆᕙᔅᓯ ᐅᑎᕋᑖᑦ ᐊᒻᒪᓗ ᓯᕗᓕᖅᑎᒋᓕᖅᑕᕗᑦ ᐅᐱᒋᕙᒋᑦ. ᐃᓚᒃᑲ ᑕᐃᒃᑯᐊ ᐸᓐᓂᖅᑑᒥ ᒫᓃᒍᓐᓇᖏᑦᑐᑦ ᐃᖅᑲᐅᒪᕙᒃᑲ ᐅᓪᓗᒥ. ᐊᒻᒪᓗ ᐸᓐᓂᖅᑑᒥᐅᑕᓕᒫᑦ ᐃᑲᔪᖅᑎᒋᖃᑦᑕᖅᓯᒪᒐᒃᑭᑦ ᖁᔭᓐᓇᒦᓪᓚᕆᑦᑕᒃᑲ ᑕᕝᕗᖓ ᐃᓕᔭᐅᒃᑲᓐᓂᕐᓂᓐᓂᒃ ᐅᐱᒍᓱᓪᓚᕆᑦᑐᖓᓗ ᑕᕝᕙᓂ ᐃᓚᒋᔭᐅᒃᑲᓐᓂᕈᓐᓇᕋᒪ ᑭᒡᒐᖅᑐᐃᔨᐅᔪᓐᓇᕐᓗᖓ. ᐊᒻᒪᓗ ᐅᖃᕐᕕᒋᔪᓐᓇᐃᓐᓇᕆᔅᓯᒪᓐᖏᓇᒃᑭᑦ ᑭᓯᐊᓂ ᖁᔭᓐᓇᒦᓪᓚᕆᑦᑐᖓᑦᑕᐅ ᔫ ᓴᕕᑲᑖᖅ ᑕᕝᕗᖓ ᓂᕈᐊᕋᔅᓴᓕᐅᓚᐅᕐᒫᖓ ᒥᓂᔅᑑᓂᕐᒧᑦ ᖁᔭᓐᓇᒦᖅᐳᖓᓗ ᐃᓕᔅᓯᓐᓂᒃ. ᐅᑉᐱᕆᔭᐅᒐᒪ ᐱᓕᕆᔪᓐᓇᖅᑐᒋᔭᐅᓪᓗᖓ ᐱᓕᕆᖃᑎᒌᑦᑎᐊᕐᓂᐊᕆᕗᒍᑦ ᐊᒻᒪᓗ ᖃᓄᐃᑦᑐᒃᑰᕋᓗᐊᕈᑦᑕ ᑲᑐᔾᔨᖃᑎᒌᓪᓗᑕ ᑭᓯᐊᓂᐅᓂᐊᕐᒥᒻᒪᑦ ᐊᒻᒪᓗ ᖁᕕᐊᓪᓚᕆᑦᑐᖓ ᐃᓕᔅᓯᓐᓄᑦ ᐃᓚᒋᔭᐅᒋᐊᖅ ᑕᕝᕙᓂ ᐱᖓᓲᔪᖅᑐᑦ ᑲᑎᒪᓂᕆᓕᖅᑕᑎᓐᓂ. ᑕᐃᒃᑯᐊᓗ ᐱᓕᕆᖃᑎᒋᖃᑦᑕᖅᓯᒪᓚᐅᖅᑕᒃᑲ ᐃᖅᑲᐅᒪᒋᕙᒃᑲ ᑭᖑᓪᓕᖅᐹᒥᒃ ᒪᓕᒐᓕᐅᖅᑎᐅᖃᑎᒋᓚᐅᖅᑕᒃᑲ ᐊᒻᒪᓗ ᐃᖅᑲᓇᐃᔭᖅᑎᑯᓗᐃᑦ. ᖁᔭᓐᓇᒦᒃ ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑏᑦ ᐅᖃᐅᓯᒃᓴᖏᑦ. ᒪᓕᒐᓕᐅᖅᑎ ᑲᖏᖅᖠᓂᖅ ᓂᒋᐊᓄᑦ, ᒥᔅᑕ ᑯᓱᒐᖅ. ᒪᓕᒐᓕᐅᖅᑎᐅᑉ ᐅᖃᐅᓯᖓ 003 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᑲᖏᖅᖠᓂᐅᑉ ᓂᒋᐊᓄᑦ (ᑯᓱᒐᖅ) ᑯᓱᒐᖅ: ᐅᖃᖅᑎᑦᑎᔩ, ᐅᓪᓗᒃᑯᑦ ᑲᖏᖅᖠᓂᕐᒥᐅᑕᐃᑦ ᑲᖏᖅᖠᓂᕐᒥᐅᑕᐅᖃᑎᒃᑲ, ᓴᓇᑐ ᐹᑐᓴᓐ ᑐᓐᖓᓱᒋᑦ. ᐅᖃᖅᑎᑦᓯᔩ ᓴᕆᒪᓱᒃᐳᖓ ᒥᑭᒡᓕᑎᖅᐳᖓᓗ ᑲᖏᖅᖠᓂᕐᒥᐅᑕᕐᓄᑦ ᓂᕈᐊᖅᑕᐅᓚᐅᕐᓂᕆᔭᒻᓂᒃ. ᓂᕈᐊᕋᑦᓴᖅᑕᖃᓚᐅᕋᑉᑕ, ᑕᕝᕗᖓ ᐃᓕᔭᐅᑐᐃᓐᓇᓚᐅᓐᖏᓐᓇᒪ. ᑕᒪᓐᓇ ᓂᕈᐊᖅᑕᐅᓂᕆᓚᐅᖅᑕᕋ ᐅᖁᒪᐃᑦᑐᑐᑦ ᑎᒍᒥᐊᕐᓂᐊᖅᐸᕋ. ᐊᓯᒃᓴᒃᑕᖃᑦᑐᓗᑉᑖᖑᒐᑉᑕ. ᐱᓕᕆᑦᓯᐊᕆᐊᖃᖅᑐᒍᑦ ᑭᒡᒐᖅᑐᕐᓗᑎᒍᑦ ᓄᓇᖁᑎᕗᑦ, ᓄᓇᖅᑲᑎᕗᑦ ᐊᒻᒪ ᓄᓇᕗᑦ ᑕᒪᐃᓐᓂᒃ. ᐅᖃᖅᑎᑦᓯᔩ, ᓴᕆᒪᓱᒃᐳᖓ ᑕᒪᑐᒥᖓ ᐅᒃᐱᕆᔭᐅᓂᕆᔭᒻᓂᒃ ᐊᒻᒪ ᐅᖃᐅᑎᕙᒃᑲ ᓄᓇᖅᑲᑎᒃᑲ, ᓄᓇᕗᒻᒥᐅᓪᓗ ᑭᒡᒐᖅᑐᕋᓱᓐᓂᐊᖅᐸᑉᓯ ᐊᔪᓐᖏᓐᓂᓗᑦᑖᕋ ᐊᑐᕐᓗᒍ. ᑕᑎᒌᒡᓗᑕ, ᐊᑕᐅᓯᐅᖃᑎᒌᒡᓗᑕ ᑭᓯᐊᓂ. ᑕᐃᒪᓐᓇ ᑭᓯᐊᓂ ᓯᕗᒧᑦ ᐃᖏᕐᕋᑦᓯᐊᕈᓐᓇᕐᓂᐊᕋᑦᑕ.

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 5 ᓴᕆᒪᒋᕙᒋᑦᑕᐅᖅ ᐅᖃᖅᑎᑦᓯᔨᒧᑦ ᐃᓕᒐᕕᑦ, ᐅᑭᐅᓄᑦ ᐊᒥᓱᓄᑦ ᑕᒡᕙᓂ ᐅᖃᖃᑎᒋᓯᒪᕙᒋᑦ, ᐊᐃᕙᖃᑎᒋᓯᒪᕙᒋᑦ, ᐊᒡᓛᑦ ᐃᓛᓐᓂᑦ ᐊᖏᖃᑎᒌᒃᐸᖏᑉᖢᑎᒃ. ᐅᖃᖅᑎᑦᓯᔩ, ᖁᔭᓐᓇᒦᒃ ᓂᓪᓕᐊᑦᑎᐊᖅᑲᐅᒐᕕᖓ ᐊᒻᒪ ᐅᓪᓗᖃᑦᓯᐊᖅᑕ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑏᑦ ᐅᖃᐅᓯᒃᓴᖏᑦ, ᒪᓕᒐᓕᐅᖅᑎ ᐊᕐᕕᐊᑦ ᐅᐊᖕᓈᓄᑦ ᐊᒻᒪ ᑎᑭᕋᕐᔪᐊᒧᑦ ᒥᔅᑐ, ᒪᐃᓐ. ᒪᓕᒐᓕᐅᖅᑎᐅᑉ ᐅᖃᐅᓯᖓ 004 - 6(1): ᐃᓱᒪᖃᓂᖅ ᓂᕈᐊᒐᒃᓴᑐᐊᖑᓂᒃᑯᑦ ᐃᓕᔭᐅᑲᐅᑎᒋᓚᐅᕐᓂᕐᒥᓄᑦ ᑭᒡᒐᖅᑐᖁᓪᓗᒍ ᐊᕐᕕᐊᑦ ᐅᐊᓐᓇᖓ-ᑎᑭᕋᕐᔪᐊᒥᒃ (ᒪᐃᓐ) ᒪᐃᓐ: ᒪ’ᓇ, ᐅᖃᖅᑎᑦᓯᔩ. ᐃᓵᓚᐅᖏᒃᑲᓗᐊᖅᖢᖓ ᐃᓕᑕᕆᕋᖕᒪ. >>ᐃᒡᓚᖅᑐᑦ ᓯᕗᓪᓕᖅᐹᒥᒃ, ᓂᕈᐊᖅᑎᒋᔭᒃᑲ ᐊᕐᕕᐊᓂ, ᑎᑭᕋᕐᔪᐊᒥᓗ ᒪ’ᓇᑦᓯᐊᒥᐊᖅ! ᓂᕈᐊᕐᓂᖅᑕᖃᓚᐅᖏᒃᑲᓗᐊᖅᑐᒍᑦ ᐊᕐᕕᐊᓂᑦ ᑎᑭᕋᕐᔪᐊᒥᓗ ᑭᓯᐊᓂ ᑎᒃᑯᐊᖅᑕᐅᓂᕆᓯᒪᔭᕋ ᐃᓕᑉᑎᓐᓄᑦ ᐃᒃᐱᒋᓪᓚᕆᑦᑕᕋ. ᐊᒻᒪᓗ ᑐᓴᖅᑕᐅᓇᖅᓯᒪ’ᑕᖅᓯᒪᒐᒪ ᓂᕈᐊᖅᑎᕆᔭᒻᓂᒃ. ᐃᓄᒃᑐᑦ ᑕᕝᕙᓂ ᐃᒡᓘᑉ ᐃᓗᐊᓂ ᐱᓕᕆᔭᕌᖓᒪ ᖁᕕᐊᓱᑦᑕᕋᑉᓯ ᖃᐅᔨᒪᒐᒪ, ᐃᓕᑉᓯᓐᓄᑦ ᐅᖃᖅᑑᓪᓗᐊᖅᑐᖓ ᒫᓐᓇ ᐃᓄᒃᑐᑦ ᐱᓕᕆᓂᖅᓴᐅᓂᓗᒡᓗᖓ ᐅᖃᐅᓯᒃᑯᑦ. ᑕᒪᓐᓇ ᐊᒃᓱᕉᑎᒋᓂᐊᕋᒃᑯ ᐅᑭᐅᓄᑦ ᖃᐃᔪᓂᒃ. ᐃᓛᓐᓂᒃᑯᑦ, ᐅᖃᐅᓯᕐᓂᒃ ᓇᓗᓕᕌᖓᒪ ᖃᑉᓗᓇᐅᔭᕆᐊᖦᖢᑐᐊᕼᐅᕋᒪ ᑭᓯᐊᓂ ᐃᓕᓐᓂᐊᖅᑎᑕᐅᔾᔫᒥᒋᐊᖅᑕᕋᒪ ᑐᓵᔨᒋᔭᐅᔪᓄᑦ ᐅᕝᕙᓘᓐᓃᑦ ᒪᓕᒐᓕᐅᖅᑎᐅᖃᑎᒻᓄᑦ. ᑕᒪᓐᓇ ᓱᓕ ᑲᔪᓯᑎᓐᓂᓗᖕᓂᐊᕋᒃᑯ. ᐅᖃᖅᑎᑦᓯᔩ, ᖃᐅᔨᒪᓗᒃᑖᖅᑐᒍᑦ ᐊᒃᓱᕈᕐᓇᖅᑐᓂᒃ ᓄᓇᕗᒻᒥᐅᑦ ᐊᑐᕐᒪᑕ, ᐃᒡᓗᑭᑦᓴᕐᓂᖅ, ᐋᓐᓂᐊᑦᑕᐃᓕᑎᑦᓯᓂᖅ, ᐃᓱᒪᒃᑯᑦ ᐋᓐᓂᐊ’ᓂᖃᕐᓂᖅ, ᐃᓐᓇᐅᓯᕐᕕᓕᕆᓂᖅ, ᐱᓕᕆᐊᒃᓴᑖᕆᐊᖃᕐᓂᖅ ᐊᖕᒪᓗ ᐱᓇᓱᒃᑐᓕᕆᓂᖅ ᑕᒪᒃᑯᐊ ᐃᓱᒪᒋᓕᖅᖢᒋᑦ ᐅᖁᒪᐃᑦᑐᕐᔪᐊᕐᒥᒃ ᐃᒃᐱᒍᓱᓕᕐᓇᕐᒪᑦ ᖃᐅᔨᒪᓗᒃᑖᖅᑐᒍᑦ. ᐊᒻᒪ ᐅᖃᖅᑎᑦᓯᔩ, ᐅᖃᖅᑕᐃᓐᓇᕼᐅᒃᑐᒍᑦ ᑕᒡᕙᓂ ᐃᒡᓘᑉ ᐃᓗᐊᓂ, ᐊᑏ ᐱᓕᕆᖃᑎᒌᓚᐅᖅᑕ. ᐱᓕᕆᖃᑎᒌᖕᓂᐊᖅᑐᒍᑦ, ᐱᓕᕆᖃᑎᒌᖕᓂᖅ. ᐃᒻᒪᖄ ᓂᕈᐊᖅᑎᒋᔭᕗᑦ ᑕᒪ’ᑐᒥᖓ ᑐᓵᓕᖅᑲᒥᖏᑦᑑᒐᓗᐃᑦ. ᑭᓯᐊᓂ ᑕᒡᕙᓂ, ᐊᕐᕕᓂᓕᕆᓂᐊᖅᑕᖓᓂᒃ ᒐᕙᒪᐅᓂᐊᖅᑎ’ᓗᑕ ᑕᒪᓐᓇ ᐱᓕᕆᖃᑎᒌᖕᓂᖅ ᖃᓄᖅ ᓴᖅᑭᑎᓪᓗᐊᕕᑦᑑ’ᓗᐊᒪᖔᑉᑎᒎ ᐃᓄᐃᑦ ᐃᓕᖅᑯᓯᐊ, ᐃᓱᒪᔾᔪᓯᐊ ᒪᓕ’ᓗᒍ. ᒐᕙᒪᒋᔭᕗᓪᓗ ᐊᐅᓚᔾᔪᓯᐊ, ᒪᓕᒐᓕᐅᕐᕕᑦᑕ ᐊᐅᓚᔾᔪᓯᐊ ᐋᖅᑭᒋᐊᕐᓗᒍ, ᐱᓕᕆᖃᑎᒌᖕᓂᕐᒥᒃ. ᐊᑏ ᐅᖃᖅᑎᑦᓯᔩ, ᓴᖅᑮᓂᓗᓚᐅᖅᑕ ᐅᑭᐅᓂᒃ ᖃᐃᔪᓂᒃ ᑕᒪᑉᑕ. ᒪ’ᓇ, ᐅᖃᖅᑎᑦᓯᔩ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᖃᐅᔨᒪᔪᐃᓐᓇᐅᒐᑉᓯ, ᐅᖃᐅᓯᒃᓴᖃᒻᒪᕆᖏᒃᑯᔅᓯ ᐅᖃᐅᑎᓂᐊᖅᐸᕐᒪ. ᒪᓕᒐᓕᐅᖅᑎ ᐊᒡᒍᒧᑦ, ᒥᔅ ᖁᐊᓴ.

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 6 ᒪᓕᒐᓕᐅᖅᑎᐅᑉ ᐅᖃᐅᓯᖓ 005 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᐊᒡᒍᒥᒃ (ᖁᐊᓴ) ᖁᐊᓴ: ᖁᔭᓐᓇᒦᒃ, ᐅᖃᖅᑎᑦᑎᔩ. ᓯᕗᓪᓕᕐᒥᓗ ᖁᕕᐊᓱᖃᑎᒋᕙᒋᑦ. ᐊᖏᓐᖏᑎᓪᓗᑎᑦ ᑕᑉᐱᖁᖓ ᐊᖏᖅᑎᑕᐅᓵᕋᕕᑦ. >>ᐃᒡᓚᖅᑐᑦ ᓯᕗᓪᓕᕐᒥ, ᖁᔭᒋᔪᒪᔭᒃᑲ ᐊᒡᒍᒥᐅᑦ, ᐃᒡᓗᓕᖕᒥᐅᑦ, ᑕᐅᑐᒃᑐᓪᓗ ᐊᑕᖏᖅᖢᒋᑦ, ᖁᔭᓐᓇᒦᖅᐸᒃᑲ, ᐃᓕᔅᓯᓗ. ᐊᒻᒪ ᒥᓂᔅᑕᐅᓂᕐᒧᑦ ᐃᓕᔭᐅᓂᕐᓄᑦ ᖁᔭᒋᑦᑎᐊᖅᐸᔅᓯ, ᐅᒃᐱᕆᔭᐅᓂᓐᓂᒃ, ᐱᓕᕆᔪᓐᓇᕐᓂᓐᓂᒃ. ᐊᔪᓐᖏᑕᓕᒫᓐᓂᒃ ᐱᓕᕆᓇᓱᐊᕐᓂᐊᖅᐳᖓ, ᐃᑲᔪᖅᑎᒌᒍᒪᕗᖓ ᐱᔭᒃᓴᕗᑦ ᐅᓄᖅᑐᐊᓘᖕᒪᑕ ᐊᖏᓪᓗᑎᒡᓗ. ᐃᓄᑑᔾᔨᓇᓱᖕᓂᐊᓐᖏᓚᖓ ᐃᓄᑑᔾᔨᓇᓱᖁᔨᓇᖓᓗ ᐱᔭᒃᓴᑦᑎᓐᓂᒃ. ᑭᓯᐊᓂ ᖁᔭᓕᔪᒪᑐᐃᓐᓇᖅᑐᖓ ᐃᓚᒃᑲ ᐃᑲᔪᖅᑐᐃᑦᑎᐊᕐᒪᑕ ᑕᒪᑐᒥᖓ ᐱᓕᕆᐊᖃᕋᓱᒃᑎᓪᓗᖓ, ᐊᒻᒪ ᐱᓕᕆᑦᑎᐊᕈᒪᒋᕗᖓ ᑖᒃᑯᓇᓂ ᑎᓴᒪᓂᒃ ᐊᕐᕌᒍᓂᒃ ᐱᓕᕆᖃᑎᒌᖕᓂᐊᖅᑎᓪᓗᑕ. ᖁᔭᓐᓇᒦᒃ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑏᑦ ᐅᖃᐅᓯᑦᓴᖏᑦ. ᒪᓕᒐᓕᐅᖅᑎ ᐊᐃᕕᓕᒻᒧᑦ ᒥᔅᑕ, ᒪᓕᑭ. ᒪᓕᒐᓕᐅᖅᑎᐅᑉ ᐅᖃᐅᓯᖓ 006 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᐊᐃᕕᓕᒻᒧᑦ (ᒪᓕᑭ) ᒪᓕᑭ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᔪᖓ ᐊᐃᕕᓕᖕᒥᐅᑦ ᑭᒡᒐᖅᑐᖅᑕᒃᑲ ᓴᓪᓕᕐᒥᐅᑦ, ᓇᐅᔮᒥᐅᑦ, ᐅᐱᒋᔪᒪᑉᓗᒋᑦ ᐅᕙᒻᓂᒃ ᓂᕈᐊᖅᖠᓚᐅᕐᒪᑕ. ᐊᒻᒪ ᐅᖃᖅᑎᑦᓯᔩ, ᐅᖄᕐᔪᒍᒪᔪᖓ 1999-ᖑᑎᓪᓗᒍ ᒪᓕᒐᓕᐅᖅᑎᒋᓚᐅᖅᓯᒪᔭᕗᑦ ᐊᑯᓕᖕᒧᑦ, ᐆᕕᑎ ᐊᓚᒃᑲᓐᓄᐊᖅ, ᐅᕙᓐᓄᑦ ᐅᖃᓚᐅᖅᓯᒪᖕᒪᑦ ᑕᒡᕙᓂ ᐃᒡᓗᒥ ᐃᒃᓯᕚᖅᑎᓪᓗᑕ ᑐᓄᐊᓂ ᐃᒃᓯᕚᖅᖢᖓ, “ᒪᓕᒐᓕᐅᖅᑎᐅᔪᒫᖅᑑᒐᕕᑦ ᑕᒡᕙᓂ.” ᑕᐃᓐᓇ ᐅᖃᐅᓯᕆᓚᐅᖅᑕᖓ ᖃᓚᐅᕐᒪᑦ ᓂᕈᐊᖅᑕᐅᑎᓪᓗᖓ. ᑖᓐᓇ ᐳᐃᒍᕈᓐᓇᖏᓐᓇᒃᑯ. ᐊᒻᒪ ᐅᖃᖅᑎᑦᑎᔩ, ᐊᕐᕌᒍᑦ 20 ᐊᓂᒍᖅᓯᒪᓕᖅᑐᐃᑦ ᑖᑉᓱᒥᖓ ᐅᖃᐅᔾᔭᐅᓚᐅᖅᓯᒪᓂᕋ, ᐅᒃᐱᕈᓱᓚᐅᕐᓂᖓ ᑖᓐᓇ ᐅᐱᒋᕙᕋ ᐅᕙᓐᓂᒃ. >>ᐸᑦᑕᑐᖅᑐᑦ ᐊᒻᒪ ᐅᖃᖅᑎᑦᑎᔩ, ᑕᐃᒃᑯᐊ ᓂᕈᐊᒐᒃᓴᐅᖃᑎᒋᓚᐅᖅᑕᒃᑲ ᐅᐱᒋᕙᒃᑲ ᐊᒻᒪ ᐆᒃᑐᒃᑲᓐᓂᕆᑦᑎ. ᖃᐅᔨᒪᓐᖏᓐᓇᑦᑕ ᖃᑯᒍ ᓂᕈᐊᖅᑕᐅᔪᓐᓇᖅᓯᓛᕐᒪᖔᑦ. ᓇᓗᓇᖃᑦᑕᕐᒪᑦ ᓂᕈᐊᖅᑕᐅᓇᓱᒃᖢᓂ. ᐊᒻᒪ ᐅᒃᐱᒋᔭᐅᓂᕋ ᖁᕕᐊᒋᕙᕋ ᓇᐅᔮᕐᒥᐅᓄᑦ ᓴᓪᓕᕐᒥᐅᓄᓪᓗ. ᐊᒻᒪ ᑭᒡᒐᖅᑐᐃᑦᑎᐊᕋᓱᖕᓂᐊᖅᐳᖓ ᑕᒪᐃᓐᓂᒃ ᓄᓇᓕᖕᓂᑦ ᐃᑲᔪᕆᐊᖃᕐᓂᖏᑦ ᒪᓕᒡᓗᒋᑦ, ᐃᑲᔪᕈᓐᓇᕌᖓᒪ ᐃᑲᔪᕋᓱᑲᑦᑕᕐᓂᐊᖅᐳᖓ. ᐊᒻᒪ ᐅᖃᖅᑎᑦᑎᔩ, ᖁᔭᓕᔪᒪᔪᖓ ᓄᓕᐊᕋ ᐳᓃᔅ, ᐊᒻᒪ ᐸᓂᒐ ᑕᒡᕙᓃᑦᑐᓐᓇᕐᒪᑕ ᐅᒡᓗᒥ ᐊᖏᖅᑎᑕᐅᑎᓪᓗᑕ ᐊᒻᒪ ᓯᕗᓪᓕᖅᐹᒥᒃ ᑲᑎᒪᓯᒋᐊᖅᑎᓪᓗᑕ.

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 7 ᐊᒻᒪ ᐅᖃᖅᑎᑦᑎᔩ, ᖁᕕᐊᒋᕙᒋᑦ ᑕᐃᑯᖓ ᐃᖏᑦᑐᓐᓇᕋᕕᑦ ᐊᒻᒪ ᐸᐅᓗᓯ ᔪᐊᓇᓯ ᓯᕗᓕᕐᓂᐊᕋᖕᓂ ᓄᓇᕗᑦ ᐊᒻᒪ ᒥᓂᔅᑕᐅᔪᐃᑦ ᑕᐃᒃᑯᐊ ᓂᕈᐊᓚᐅᖅᑕᕗᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑎᑦ ᐅᖃᐅᓯᖏᑦ. ᐊᒥᖅᑐᕐᒧᑦ ᒪᓕᒐᓕᐅᖅᑎ ᒥᔅᑕ ᖃᐃᕐᓂᖅ. ᒪᓕᒐᓕᐅᖅᑎᐅᑉ ᐅᖃᐅᓯᖓ 007 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᐊᒥᑦᑐᕐᒥᒃ (ᖃᐃᕐᓂᖅ) ᖃᐃᕐᓂᖅ: ᐅᓪᓗᒃᑯᑦ ᐊᒥᖅᑐᕐᒥᐅᑕᐃᑦ. ᒪᓕᒐᓕᐅᖅᑎᓐᖑᖅᑐᑦ, ᐅᑎᖅᑐᑦ, ᒥᓂᔅᑕᓐᖑᖅᑐᑦ, ᐅᖃᖅᑎᑦᑎᔨᑖᕗᑦ ᐱᒃᑯᒋᕙᒋᑦ. ᐱᓗᐊᖅᑐᒥᒡᓗ ᖁᔭᓐᓇᒦᕈᑎᖃᕈᒪᔪᖓ, ᐅᖃᕐᓂᐊᖅᑕᓐᓂᒃ ᐋᖅᑭᒃᓯᓯᒪᖏᒃᑲᓗᐊᖅᖢᖓ ᐅᖃᖅᑎᑦᑎᔩ, ᖁᔭᓐᓇᒦᑦᑎᐊᕋᓗᐊᖅᑐᖓ. ᖃᓄᖅ ᐅᖃᒃᑲᓐᓂᕆᐊᒃᓴᖅ, ᖁᔭᓕᒃᑲᓐᓂᕆᐊᒃᓴᖅ ᓇᓗᓇᖃᑦᑕᕐᒪᑦ. ᐃᒡᓗᓕᖕᒥᐅᑦ, ᐃᒡᓗᓕᐅᑉ ᐃᓚᖓᑦᑕᐅᖅ ᑭᒡᒐᖅᑐᕋᒃᑯ ᖁᔭᓐᓇᒦᑦᑎᐊᖅᐸᔅᓯ, ᐊᒥᑦᑐᕐᒥᐅᓪᓗ. ᑕᐃᒃᑯᐊᓗ ᓂᕈᐊᒐᒃᓴᐅᖃᑎᒋᓚᐅᕐᒥᔭᕋ ᖁᔭᓐᓇᒦᕋᓗᐊᕆᕙᒋᑦ. ᐅᖃᖅᑕᐅᕋᑖᖅᑐᖅ. ᐄ, ᖃᓄᖅ ᓈᒻᒪᒃᓯᔪᒫᕆᕗᖅ. ᐅᓇᑦᑕᐅᖅ ᐅᖃᕈᒪᒋᓪᓗᒍ, ᑕᐃᒪ ᑭᒡᒐᖅᑐᖅᑕᕋ ᐊᒃᓱᕈᕈᑎᒋᓂᐊᕐᒥᒐᒃᑭᑦ ᑖᒃᑯᐊ ᐊᒥᑦᑐᕐᒥᐅᑦ. ᑖᒃᑯᐊ ᐊᒃᓱᕈᓚᐅᖅᓯᒪᕗᖓ ᐃᓛᒃ, ᐱᒋᐊᓕᓵᖅᖢᖓ ᐅᖅᑰᖃᑦᑕᓚᐅᕋᓗᐊᕐᓂᖅᖢᖓ ᐊᓯᐅᓐᓂᕆᓪᓗᓂ. ᓱᓇᐅᕝᕙ ᓂᑯᕕᖃᑦᑕᓕᖅᖢᓂ ᐃᒻᒥᓂᒃ ᓂᑯᕕᓐᓇᓱᒃᖢᓂ ᑕᕝᕙ ᑖᓐᓇ ᐊᔪᕐᓇᕐᓂᖅᐹᖑᓚᐅᑲᖃᑦᑕᖅᑑᒐᓗᐊᖅ ᑭᓯᐊᓂ ᓴᐱᓕᖃᑦᑕᖁᔨᓐᖏᑦᑐᖓ ᒪᒃᑯᒃᑐᓂᒃ. ᐆᒃᑐᖃᑦᑕᕆᑦᑎ. ᑕᐃᒪᓐᓇ ᐅᖃᖅᑎᓪᓗᖓ ᐅᖃᖅᑎᑦᑎᔩ, ᐊᒃᓱᕈᑦᑎᐊᕐᓂᐊᕆᕗᖓ. ᐃᓕᔾᔪᑎᒋᓯᒪᔭᒃᑲ ᑕᒡᕙᓂ ᐱᒋᐊᓪᓚᒍᑎᒋᔪᓐᓇᕐᓂᐊᓕᕋᒃᑭᑦ ᑖᒃᑯᐊ ᐊᕐᕌᒍᐃᑦ ᑎᓴᒪᑦ ᐊᒡᒋᖅᑐᐃᑦ. ᐊᒃᓱᕈᕐᓇᖃᑦᑕᕐᓂᐊᖅᑐᖅ, ᓈᒻᒪᖏᑦᑐᓄᑦ ᑎᑭᖃᑦᑕᕐᓂᐊᕋᓗᐊᖅᑎᓪᓗᑕ. ᐅᖃᒃᑲᓐᓂᕆᕗᖓ ᐃᓕᔾᔪᑎᒋᓯᒪᒐᒃᑭᑦ. ᐊᒻᒪ ᐱᓗᐊᖅᑐᒥᒃ ᐊᒥᑦᑐᕐᒥᐅᑦ ᑭᒡᒐᖅᑐᕐᓂᐊᖅᑕᒃᑲ ᐅᕙᓐᓂᒃ ᓂᕈᐊᓚᐅᓐᖏᑦᑑᒐᓗᐊᑦ ᐊᑏ ᑲᑐᔾᔨᖃᑎᒌᑦᑎᐊᖅᑕ. ᑕᒪᓐᓇ ᓄᓇᕘᑦ, ᐱᔪᓐᓇᕐᓂᕗᑦ ᓴᖅᑭᔮᖅᑎᒋᐊᖃᑦᑕᕐᓚᕗᑦ. ᐃᑲᔪᖅᑎᒋᔪᒪᑦᑎᐊᖅᐸᔅᓯ, ᑲᑐᔾᔨᖃᑎᒋᔪᒪᑦᑎᐊᖅᐸᔅᓯ ᐊᒥᑦᑐᕐᒥᐅᑦ. ᑕᕝᕙᓃᖦᖢᓂ ᑭᒡᒐᖅᑐᐃᓇᓱᒃᖢᓂ ᐃᓛᓐᓂᑦ ᓴᐱᕐᓇᖅᓯᓚᐅᑲᖃᑦᑕᖅᑐᖅ ᐊᔪᕐᓇᖅᓯᓚᐅᑲᖃᑦᑕᖅᑐᑦ ᑭᓯᐊᓂ ᑲᔪᖏᖅᑑᑎᒋᓂᐊᖅᑕᕋ ᑕᒪᓐᓇ ᓂᕈᐊᖅᑕᐅᔾᔪᑎᒋᓚᐅᖅᑕᕋ ᒪᓕᒐᓕᐅᕐᕕᖕᒧᑦ. ᐊᒃᓱᕈᒃᑲᓐᓂᕐᓂᐊᓕᖅᐳᖓ. ᐊᓯᐊᒍᑦ ᐅᖃᒃᑲᓐᓂᕈᓐᓇᕋᓗᐊᖅᐳᖓ. ᐊᒥᓲᒐᑦᑕ ᐅᖃᕈᒪᔪᑎᒍᑦ, ᐱᕕᖃᖅᑎᓐᓂᐊᕋᔅᓯ. ᖁᔭᓐᓇᒦᒻᒪᕆᐊᓗᒃ ᐊᒥᑦᑐᕐᒥᐅᑦ. ᐱᒋᐊᓪᓚᒃᑲᓐᓂᕐᓂᐊᖅᓯᒪᓕᖅᐳᖓ ᑖᒃᑯᐊ ᐊᕐᕌᒍᐃᑦ ᖃᐃᔪᑦ ᑎᓴᒪᓄᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑎᐅᑉ ᐅᖃᐅᓯᖏᑦ. ᐊᕐᕕᐊᑦ ᓂᒋᐊᓄᑦ, ᒥᔅᑕ, ᓴᕕᑲᑖᖅ. ᒪᓕᒐᓕᐅᖅᑎᐅᑉ ᐅᖃᐅᓯᖓ 008 - 6(1): ᐃᓱᒪᖃᓂᖅ ᓂᕈᐊᒐᒃᓴᑐᐊᖑᓂᒃᑯᑦ ᐃᓕᔭᐅᑲᐅᑎᒋᓚᐅᕐᓂᕐᒥᓄᑦ ᑭᒡᒐᖅᑐᖁᓪᓗᒍ ᐊᕐᕕᐊᑦ ᓂᒋᐊᓄᑦ (ᓴᕕᑲᑖᖅ) ᓴᕕᑲᑖᖅ: ᒪ’ᓇ, ᐅᖃᖅᑏ. ᐅᑲᖅᑏ, ᖁᕕᐊᓱᖃᑎᒋᕙᒋᑦ ᓂᕈᐊᖅᑕᐅᓚᐅᕋᕕᑦ ᑕᐃᑯᖓ ᐅᖃᖅᑎᐅᓂᕐᒧᑦ ᐊᒻᒪ ᑖᓐᓇ ᑐᓴᔾᔪᒥᔭᑦᑕᕈᒫᓕᐊᓂᒃ, “ᖃᓄᕆᑦᑑᒥᒃ ᓯᑭᑑᖃᖅᐱᑦ, ᓱᑲᔫᒃ, ᓱᑲᔫᒃ!”

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 8 >>ᐃᒡᓚᖅᑐᑦ ᓯᕗᓪᓕᖅᐹᒥᒃ ᐊᕐᕕᐊᒥᐅᑦ ᒪ’ᓈᕈᐊᖅᑕᑉᑲ, ᑕᕝᕗᖓ ᐅᑎᖅᑎᓚᐅᕐᒪᖓ, ᓂᕈᐊᓚᐅᓐᖏᒃᑲᓗᐊᖅᖢᑎᒃ. ᐱᖓᔪᐊᓂᒃ ᑕᕝᕙᓂ ᐃᒃᓯᕚᓕᕋᒪ ᐊᒻᒪ ᖁᕕᐊᓱᒃᖢᖓ ᑕᕝᕗᖓ ᐃᑎᒃᑲᓐᓂᕐᒥᒐᒪ. ᓂᕈᐊᕐᓂᖃᓐᖏᒃᑲᓗᐊᖅᖢᑕ, ᐅᖃᓗᒃᑎᑦᓯᓚᐅᖅᓯᒪᒐᒪ ᑖᑉᑯᐊ ᐊᕐᕕᐊᒥᐅᑦ ᐅᖃᓗᒃᑳᖓᑕ ᒪᕐᕈᐊᓘᔾᔩᑦ ᑐᓴᖅᑕᐅᓚᐅᖅᑕᒃᑲ ᐊᒻᒪ ᑖᒃᑯᐊ ᐊᒃᓱᕉᑎᒋᓂᐊᖅᑕᒃᑲ ᑕᒫᓂ ᐊᕐᕕᐊᕐᒥᐅᑦ ᐱᔾᔪᑎᒋᓗᒋᑦ. ᐃᒡᓗᕐᔪᐊᖃᖏᓐᓂᖅ ᐅᕝᕙᓘᕝᕙ ᐊᒥᓲᓗᐊᖕᓂᖅ ᐃᒡᓗᕋᓛ ᐃᓗᐊᓂ. ᑖᓐᓇ ᐊᒃᓱᕉᑎᒌᓐᓇᕐᓂᐊᖅᑕᕋ. ᐊᒻᒪ ᐱᖃᑖ, ᓴᓇᔭᒃᓴᖃᖏᓐᓂᖅ. ᑕᐃᑲᓂ ᓴᓇᒍᐊᖅᑕᖅᑑᒐᓗᐊ ᐊᕐᕕᐊᓂ ᐃᓚᖏᑦ ᓴᓇᔭᖅᑖᕐᓂᒃ ᐊᔪᕐᒪᑕ. ᑖᓐᓇ ᐊᒃᓱᕉᑎᒋᓂᐊᖅᑕᕋ. ᐊᒻᒪ ᒪ’ᓈᕈᐊᕐᒫᖅᑕᒃᑲ ᑕᐃᒃᑯᐊ ᐱᓕᕆᔨᓚᐅᖅᑕᒃᑲ, ᐱᓕᕆᑦᓯᐊᓐᖏᓐᓇᓚᐅᕐᒪᑕ ᑕᕝᕙᓂ. ᖃᑉᓗᓈᑑᕆᐊᕐᓗᖓ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᕈᒪᕙᒃᑲ ᑕᐃᒃᑯᐊ ᐃᖅᑲᓇᐃᔭᖃᑎᒋᓯᒪᔭᒃᑲ. ᖁᔭᓐᓇᒦᒃ, ᕌᓐ ᐃᐊᓕᐊᑦ 6-ᓄᑦ ᐊᕐᕌᒍᓄᑦ ᐃᖅᑲᓇᐃᔭᖃᑎᒋᓯᒪᒐᒃᑯ. ᑕᐃᒪᓐᓇ ᑕᐃᑲᓃᖏᒃᑯᕕᑦ ᑕᒪᒃᑯᐊᕌᓗᐃᑦ ᐱᓕᕆᐊᕆᖃᑦᑕᓚᐅᖅᑕᕗᑦ ᐱᔭᕇᕈᓐᓇᕋᔭᖏᑕᕗᑦ ᐊᖏᖅᓯᒪᑦᑎᐊᖅᖢᑎᑦ ᐃᖅᑲᓇᐃᔭᖃᑦᑕᓚᐅᕋᕕᑦ. ᐊᒻᒪᓗ ᑭᑎ ᒪᑲᓚᐅᑦ ᑕᐃᒪᓐᓇ ᑐᓴᐅᒪᑦᑎᐊᕈᓐᓇᖅᑕᐅᔪᓐᓇᕐᓂᐊᕐᒪ. ᖁᔭᓐᓇᒦᖅᐸᕋ, ᐊᒻᒪᓗ ᑐᐊᑲᔅ, ᖁᔭᓐᓇᒦᕐᔪᐊᒻᒪᕆᐊᓗᒃ! ᐊᒃᓱᐊᓗᒃ ᐃᖅᑲᓇᐃᔭᑦᑎᐊᖃᑦᑕᓚᐅᕋᕕᑦ ᒪᑯᐊᓗ ᐱᓕᕆᔭᕆᐊᒃᓴᑦ, ᐊᑎᓕᐅᑦᑎᐊᕋᓗᐊᕐᒪᖔᕐᒪᓗ ᑕᐃᒪᐃᓕᐅᖅᑎᒋᖃᑦᑕᓚᐅᕋᒃᑯ. (ᑐᓵᔨᑎᒎᕈᓐᓃᖅᑐᖅ) ᑐᐊᑲᔅ ᒪ’ᓇᓪᓗᐊᕕᖅᐸᒋᑦ! ᐊᒻᒪ ᑖᒃᑯᐊ ᓂᕈᐊᖅᑕᐅᓵᖅᑐᑦ ᒪᓕᒐᓕᐅᖅᑏᑦ ᖁᕕᐊᓱᖃᑎᒋᕙᒃᑭᑦ, ᑕᕝᕙᓂ ᐅᑭᐅᑦ ᓯᑕᒪᑦ ᐱᔭᒃᓴᕗᑦ ᐊᒥᓱᔾᔫᒻᒪᑕ, ᖃᐅᔨᒪᔪᖓ ᐱᓕᕆᐊᕆᑦᓯᐊᕐᓂᐊᕋᑉᑎᒍ ᐊᒃᓱᕈᕐᓗᑕ. ᒪ’ᓇ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑏᑦ ᐅᖃᐅᓯᖏᑦ. ᖃᒪᓂᑦᑐᐊᕐᒧᑦ ᒪᓕᒐᓕᐅᖅᑎ, ᒥᔅᑕ, ᓯᒪᐃᓚᒃ. ᒪᓕᒐᓕᐅᖅᑎᐅᑉ ᐅᖃᐅᓯᖓ 009 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᖃᒪᓂᑦᑐᐊᒧᑦ (ᓯᒪᐃᓚᒃ) ᓯᒪᐃᓚᒃ: ᒪ’ᓇ, ᐅᖃᖅᑎᑦᑎᔩ. ᐅᐱᒋᕙᒋᑦ. ᐅᖃᖅᑎᒃᓯᓐᖑᕋᕕᑦ ᖁᕕᐊᓱᒃᐳᒍᑦ. ᐅᖃᖅᑎᑦᓯᔩ, ᒪ’ᓈᕈᒪᕙᒃᑲ ᐃᓚᒃᑲ ᖃᒪᓂᑦᑐᐊᕐᒥ, ᐃᑲᔪᖅᑐᐃᖏᓐᓇᖅᑐᑦ ᐅᕙᓐᓂᒃ. ᐊᒻᒪᓗ ᑕᐃᒃᑯᐊ ᓂᕈᐊᕋᒃᓴᐅᑎᒡᓗᖓ ᐃᑲᔪᓚᐅᖅᑐᑦ ᐅᕙᒻᓂᒃ, ᕼᐃᐅᓪ ᐳᑐᒥᕋᖅᑐᖅ, ᐹᓚ ᐸᓂᕈᐊᖅ ᐊᒻᒪ ᐃᑐᕕ ᑐᓐᓄᖅ. ᒪ’ᓈᒫᖅᐸᒃᑲ ᑕᐃᒃᑯᐊ ᓂᕈᐊᖅᖠᓗᒃᑖᓚᐅᖅᑐᑦ. ᐃᒃᐱᒍᓱᖕᒪᑕ ᓂᕈᐊᖅᓯᓚᐅᕐᒪᑕ ᖁᐊᓇᖅᑐᖅ ᐊᒥᓲᔪᒫᓚᐅᕐᒪᑕ. ᐊᒻᒪ ᒪ’ᓈᕈᒪᕙᕋ ᐱᖃᑎᒐ, ᒥᐅᕆᓕᓐ, ᑕᐃᒪᐅᖏᓐᓇᕐᒪᑦ ᑐᓐᖓᕕᒋᑦᑕᕋᑉᑯ. ᑕᐃᒪ ᐊᖏᖃᑕᐅᕗᖓ ᐊᒥᓱᑦᑐᕇᑦ ᐱᓕᕆᐊᒃᓴᐅᓂᐊᕐᒪᑕ, ᐊᒥᓲᓂᐊᖅᑐᑦ ᐃᓚᖏᑦ ᐊᔪᕐᓇᕐᓂᐊᖅᑐᑦ, ᑎᐊ’ᓇ ᐊᓂᒍᕈᒫᕐᒥᔪᑦ ᓇᓗᓇᖏᑦᑐᖅ. ᖁᕕᐊᓱᒃᐳᖓ ᓯᑕᒪᓂᒃ ᐊᕐᕋᒍᒃ ᖃᐃᔪᓂᒃ ᐊᒃᓱᕈᕐᓂᐊᕋᑦᑕ ᓇᓗᓇᖏᑦᑐᖅ. ᑕᒪᓐᓇ ᓇᐃᓈᕆᒥᐊᓚᐅᕐᓂᐊᕋᑉᑯ, ᒪ’ᓇ, ᐅᖃᖅᑎᑦᓯᔩ. >>ᐸᑦᑕᑐᖅᑐᑦ

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 9 ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑏᑦ ᐅᖃᓯᖏᑦ. ᐃᖃᓗᒃᑑᑦᑎᐊᕐᒧᑦ ᒪᓕᒐᓕᐅᖅᑎ, ᒥᔅ ᒍᕌᔅ. ᒪᓕᒐᓕᐅᖅᑎᐅᑉ ᐅᖃᐅᓯᖓ 010 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᐃᖃᓗᑦᑑᑦᑎᐊᒥᒃ (ᒍᕉᔅ) ᒍᕌᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᖅᐸᔅᓯ ᐃᓘᓐᓇᓯ ᑕᕝᕙᓃᒃᑲᔅᓯ, ᖁᕕᐊᓈᓗᒃ ᑕᕝᕙᓃᒃᑲᒪ, ᑕᕝᕙᓃᖃᑎᒋᒐᔅᓯ, ᖁᕕᐊᓲᑎᕙᔅᓯ ᓂᕈᐊᖅᑕᐅᓚᐅᕋᔅᓯ. ᑖᓐᓇᓗ ᐊᖅᑯᑎᒋᓗᒍ ᓯᕗᓕᖅᑎᒋᐊᓂᖅᑕᕗᑦ ᐲᔭᐃ ᖁᕕᐊᕐᓇᖅ ᐃᖅᑲᓇᐃᔭᖃᑎᒋᓛᕋᔅᓯ, ᑕᐃᒃᑯᐊᓗ ᓯᕗᓕᖅᑎᓐᖑᕋᓱᓚᐅᖅᑑᒃ ᓗᐊᓐ ᐊᒻᒪᓗ ᔫ. ᖁᕕᐊᓈᓘᓚᐅᖅᑐᖅ ᑖᒃᑯᐊ ᐊᐱᖅᓱᖅᑕᐅᑲᑕᒃᑎᓪᓗᒋᑦ ᐊᔾᔨᒌᐸᓗᐊᓗᖕᓂᒃ ᐃᓱᒫᓘᑎᖃᐅᕋᑦᑕ. ᖁᔭᓐᓇᒦᒃ ᐊᑎᕐᓂᒃ ᓴᒡᕙᐃᓚᐅᕋᕕᑦ. ᔩᓂ ᐃᖃᓪᓗᐊᖅ ᒪᓕᒐᓕᐅᖅᑎᐅᓚᐅᖅᑐᖅ ᖁᔭᓐᓇᒦᕈᒪᖕᒥᔭᕋ ᐱᔨᑦᑎᑦᑎᐊᓚᐅᕐᒪᑦ ᐊᒻᒪᓗ ᐲᑕ ᐅᕼᐅᒃᑲᒃ ᐱᓇᔪᖃᑕᐅᓚᐅᖅᑐᖅ ᖁᔭᓐᓇᒦᕈᒪᖕᒥᔭᕋ ᑕᐃᒪᓐᓇ ᓇᓖᕌᕐᕕᖃᕈᓐᓇᓚᐅᕐᒪᑕ ᓄᓇᓕᕗᑦ. ᑕᑎᒋᔭᐅᔪᓐᓇᕋᒪ ᖁᔭᓐᓇᒦᒃ ᐊᒻᒪᓗ ᐃᖅᑲᓇᐃᔭᖃᑎᖃᕈᓐᓇᖅᓯᕗᖓ ᐅᑯᓂᖓ ᐃᒃᓯᕚᖃᑕᐅᔪᓕᒫᓂᒃ, ᐱᔭᕐᓂᖅᑐᑯᓘᔾᔮᖏᑦᑐᖅ. ᐊᒻᒪᓗ ᐅᖃᓚᐅᕋᒪ ᑕᐃᓐᓇ ᐃᒻᒥᓃᖅᑐᑯᓘᓚᐅᕐᒪᑦ ᐅᓪᓗᒥ ᐃᓗᕕᖅᑕᐅᓂᐊᖅᑐᑯᓘᒻᒪᑦ ᐃᓱᒪᒋᕙᒃᑲ ᑕᒡᕙᓃᑦᑐᖓ ᓂᐱᒋᔭᐅᔪᒪᒐᒪ ᐃᓅᖃᑎᓐᓄᑦ, ᓄᓇᑦᑎᓐᓄᑦ, ᓄᓇᕗᒻᒥᐅᓪᓗ. ᖁᔭᓐᓇᒦᒃ ᐱᕕᖃᖅᑎᑕᐅᓐᖑᐊᑕᖅᓯᓐᓇᕋᒪ. ᐊᒻᒪ ᖁᔭᓐᓇᒦᕈᒪᒻᒥᔭᒃᑲ ᐃᑲᔪᖅᑎᒋᓚᐅᖅᑕᕋ ᒥᔅ ᖃᒥᓐᖑᐊᖅ, ᓖᓇ ᐃᒍᑦᑕᖅ ᑮᓇᐅᔭᓕᕆᔨᒋᓚᐅᖅᑕᕗᑦ, ᖁᔭᓐᓇᒦᒃ ᐃᑲᔪᖅᓱᖅᑕᐅᖏᖦᖢᓯ ᐃᑲᕐᕋᒐᓵᓗᖕᓄᑦ ᐃᖅᑲᓇᐃᔭᖃᑦᑕᓚᐅᕋᔅᓯ. ᑕᐃᒃᑯᐊᓗ ᓂᕿᓕᐅᖃᑦᑕᓚᐅᖅᑐᑦ, ᐱᓐᖑᐊᕈᑎᓂᒃ ᐋᖅᑭᒃᓱᐃᖃᑦᑕᓚᐅᖅᑐᑦ, ᐳᓚᕋᖃᑎᖃᖃᑦᑕᓚᐅᖅᑐᓪᓗ. ᖁᔭᓐᓇᒦᕈᒪᓪᓗᒍᓗ ᐊᓈᓇᒐ ᓲᓯ ᕙᒪᑦᓱ ᑕᕝᕙᓃᖃᑎᒋᒐᒃᑯ, ᔨᐊᓯ ᐆᓂᐊᕐᓗ ᐊᐃᑉᐸᕋ ᐃᖃᓗᑦᑑᑦᑎᐊᕐᒥ ᑕᒪᐅᓐᖓᐅᓚᐅᖅᑐᖅ. ᑕᐃᒃᑯᐊᓗ ᐃᓚᓯ ᒪᓕᖃᑕᐅᓚᐅᖅᑐᖅ, ᑕᐃᒃᑯᐊᓗ ᑕᑯᓐᓇᖅᑐᓪᓗ ᐊᖏᕐᕋᑦᑎᓐᓂ, ᓄᓇᕗᒻᒥᓗ, ᖁᔭᓐᓇᒦᒃ ᑕᓚᕖᓴᕋᔅᓯ. ᐅᓪᓗᖃᑦᑎᐊᕆᔅᓯ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑏᑦ ᐅᖃᐅᓯᖏᑦ. ᑕᓯᐅᔭᕐᔪᐊᒧᑦ ᒪᓕᒐᓕᐅᖅᑎ ᒥᔅᑕ ᖃᕝᕕᒃ. ᒪᓕᒐᓕᐅᖅᑎᐅᑉ ᐅᖃᐅᓯᖓ 011 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᑕᓯᐅᔭᕐᔪᐊᒧᑦ (ᖃᕝᕕᒃ) ᖃᕝᕕᒃ: ᓯᕗᓪᓕᐹᒥᒃ ᐅᐱᕆᕈᒪᕙᒋᑦ ᐅᖃᖅᑎᑦᑎᔨᐅᓂᐊᓕᕋᕕᑦ ᐊᕐᕌᕈᓄᑦ ᓯᑕᒪᓄᑦ ᖃᐃᔪᓂᒃ, ᐅᐱᒍᓱᕈᒪᕆᕗᖓ ᓯᕗᓕᑦᑎᒋᓕᓚᖓᓕᑕᑦᑎᓐᓂᒃ ᐲᔭᐃ ᐊᕿᐊᕈᕐᒥᒃ ᐊᒻᒪᓗ ᑖᒃᑯᐊ ᒥᓂᔅᑕᐅᓚᖓᓕᖅᑐᐃᑦ ᐅᐱᕆᕆᕙᒃᑲ. ᓇᓗᓇᔭᖏᑦᑐᐃᑦ ᐱᕈᓐᓇᑐᐊᓘᓚᖓᒻᒪᑕ ᐊᕐᕌᕈᓂᒃ ᓯᑕᒪᓂᒃ ᖃᐃᔪᓂᒃ. ᐅᖃᑎᑦᑎᔩ ᐅᓪᓗᒥ (ᑐᓵᔨᑎᒎᓕᖅᑐᖅ) ᑕᒻᒪᖅᑐᕈᓘᒐᒪ. (ᑐᓵᔨᑎᒎᕈᓐᓃᖅᑐᖅ) ᐅᖃᑎᑦᑎᔩ ᓯᕗᓪᓕᐹᒥᒃ ᓄᓇᕗᒻᒥᐅᓕᒫᑦ ᓇᑯᒻᒦᐸᕗᑦ ᑕᑯᓐᓈᑐᓕᒫᑦ,

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 10 ᐅᐱᒍᓱᓪᓚᕆᑦᑐᖓ ᑕᒫᓂᖃᑕᐅᕆᐊᒥ, ᒪᓕᒐᓕᐅᖅᑎᐅᖃᑕᐅᓚᖓᓕᕋᒪ ᖃᓄᐃᓐᖏᒃᑯᑕ ᐊᕐᕌᕈᓂᒃ ᓯᑕᒪᓂᒃ ᖃᐃᔪᓂᒃ. ᐅᖃᑎᑦᑎᔩ, ᐅᖃᐅᓯᖃᕈᒪᔪᖓ ᓇᓪᓕᕆᓪᓚᕆᒃᑲᑯ ᐊᕐᓇᕋ ᒫᒡᒍᓚ ᖃᕝᕕᒃ, ᒫᓂ ᑐᓄᓐᓃᕙᖔᑦᑐᖅ, ᐊᓈᓇᕋᓗ ᑕᒫᓃᖃᑕᐅᑦᓱᓂ ᐊᓕᐊᑉᐳᖓ. ᐊᕐᓇᕋᓗ ᕿᑐᕐᖓᖃᑦᑐᒍᑦ ᑕᓪᓕᒪᓂᒃ, ᓯᑕᒪᐃᑦ ᐊᕐᓈᕈᐃᑦ ᐊᒻᒪᓗ ᐃᕐᓂᖃᖅᓱᑕᓗ ᐊᑕᐅᓯᕐᒥᒃ. ᐃᑲᔪᖅᓯᓯᒪᓂᖃᑦᑐᐊᓘᓚᐅᔪᒻᒪᑦ ᐊᕐᓇᕋ ᓂᕈᐊᕋᑦᓴᐅᑎᓪᓗᖓ ᒪᑭᑕᕆᐊᒃᑲᐃᖃᑦᑕᓱᓂ, ᐃᖅᑲᐃᑎᑦᑎᕆᐊᖃᑦᑕᓱᓂᓗ ᐱᕈᓐᓇᓐᓂᓃ ᐅᕙᖓ ᐅᐱᓐᓂᖃᖃᑦᑕᓚᐅᔪᒻᒪᑦ ᓇᑯᒻᒦᐸᕋ. ᐃᑦᓯᕙᐅᑖᖅ, ᐃᓚᑎᑦ, ᐃᓕᑦᑕᑦᓯᕈᒪᒻᒥᔪᖓ ᓴᓂᑭᓗᐊᕐᒥᐅᑦ ᐃᓄᖏᓐᓂᒃ, ᑕᒫᓃᕋᔭᓐᖑᐊᔭᖏᑦᑐᖓ ᐅᕙᓐᓂ ᐅᑉᐱᓂᖃᓚᐅᔪᒻᒪᑕ, ᐅᑉᐱᓂᖃᓚᐅᔪᓐᖏᑐᐊᖅᐸᑕ ᐅᕙᓐᓂᒃ ᓂᕈᐊᖅᑕᕕᓂᐅᓚᐅᖅᑎᓗᖓ ᐃᓱᒫᓘᑎᑦᑎᓐᓂᒃ. ᐅᖃᖅᑎ (ᑐᓵᔨᑎᒍᑦ): ᒥᔅᑕ ᖃᕝᕕᒃ, ᐃᓱᓕᑦᑎᒐᕕᑦ ᐃᓗᓐᓇᖏᓐᓄᑦ ᐊᖏᖅᑕᐅᔪᒪᓇᓱᒋᐊᖃᖅᑐᑎᑦ ᐅᐃᒍᓯᒍᒪᒍᕕᑦ, ᒥᔅᑕ ᖃᕝᕕᒃ. ᖃᕝᕕᒃ (ᑐᓵᔨᑎᒍᑦ): ᐋHᐊᐃᓪᓛᒃ. ᐃᓘᓐᓇᖏᓐᓄᑦ ᐊᖏᖅᑕᐅᔪᒪᔪᖓ ᐅᖃᐅᓯᒃᓴᒃᑲ ᐃᓱᓕᖁᓪᓗᒋᑦ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑎ ᐃᓘᓐᓇᖏᓐᓄᑦ ᐊᖏᖅᑕᐅᔪᒪᔪᑦ ᐃᓱᓕᑦᑎᔪᒪᓪᓗᓂ ᐅᖃᐅᓯᒃᓴᒥᓐᓂᒃ, ᐋᒡᒑᖅᑐᖃᖅᐹ? ᐋᒡᒑᖅᑐᖃᓐᖏᑉᐸᑦ ᐊᑏ ᑲᔪᓯᒋᑦ, ᒥᔅᑕ ᖃᕕᒃ. ᖃᕝᕕᒃ: ᐆᑦᑐᓚᐅᕐᒥᓚᖔ. >>ᐃᒡᓚᖅᑐᑦ >>ᐸᑦᑕᑐᖅᑐᑦ ᐊᐃ ᐅᖁᒪᐃᑦᑑᕋᓗᐊᖅ ᐱᕆᐅᑦᓴᓚᖓᒐᒪ, ᓯᕗᓪᓕᖅᐸᐅᒐᓗᐊᖅ. ᓇᑯᒻᒦᒃ, ᐅᖃᖅᑎᑦᑎᔩ ᐱᕕᖃᖅᑎᑕᐅᕆᐊᓪᓚᕋᒪ. ᓯᕗᓪᓕᐹᒥᒃ ᓄᓇᕗᒻᒥᐅᓕᒫᑦ ᓇᑯᒻᒦᐸᕗᑦ ᑕᑯᓐᓈᑐᓕᒫᑦ. ᐅᐱᒍᓱᓪᓚᕆᑦᑐᖓ ᑕᒫᓂᖃᑕᐅᕆᐊᒥᒃ ᒪᓕᒐᓕᐅᖅᑎᐅᖃᑕᐅᓂᐊᓕᕋᒪ, ᖃᓄᐃᓐᖏᒃᑯᑕ ᐊᕐᕌᕈᓂ ᓯᑕᒪᓂ ᖃᐃᔪᓂ. ᐅᖃᖅᑎᑦᑎᔨ, ᐅᖃᐅᓯᖃᕈᒪᔪᖓ ᓇᓪᓕᕆᓪᓚᕆᒃᑲᒃᑯ ᐊᕐᓇᕋ, ᐊᕐᓇᕋᓗ ᕿᑐᓐᖓᖃᖅᑐᒍᑦ ᑕᓪᓕᒪᓂᒃ, ᓯᑕᒪᐃᑦ ᐊᕐᓈᕈᐃᑦ ᐊᒻᒪᓗ ᐃᕐᓂᖃᑦᑐᕈᑦ ᐊᑕᐅᓯᕐᒥᒃ. ᐃᑲᔪᖅᓯᓯᒪᓐᓂᖃᑐᔪᐊᔪᒻᒪᑦ ᐊᕐᓇᕋ ᓂᕈᐊᕋᔅᓴᐅᑎᓪᓗᖓ ᒪᑭᕆᐊᒃᑲᐃᖃᑦᑕᓱᓂ ᐃᖅᑲᐃᑎᑦᓯᕆᐊᖃᑦᑕᓱᓂᓗ ᐱᕈᓐᓇᓐᓂᓃ ᐅᕙᖓ, ᐅᑉᐱᓂᖃᖃᑦᑕᓚᐅᔪᒻᒪᑦ ᓇᑯᒻᒦᐸᕋ. ᐅᖃᖅᑎᑦᑎᔨ, ᐊᖓᔪᖅᑳᖃᕋᒪ ᐅᕙᓐᓂᒃ, ᓄᑲᓐᓃ ᐅᕙᖓ ᐊᒻᒪᓗ ᓇᔭᒃᑯᓃ ᐅᕙᖓᓗ ᐱᕈᑦᓴᐃᓯᒪᒻᒪᑕ ᐃᓅᓯᖃᑦᓯᐊᖁᔨᑦᓱᑎᒃ ᐃᓕᑕᕆᕈᒪᕙᒃᑲ ᐊᓈᓇᕋ ᒥᐊᔨ ᖃᕝᕕᒃ ᐊᒻᒪᓗ ᐊᑖᑕᒐ ᓯᒥᐅᓂ ᖃᕝᕕᒃ. ᓇᒃᑯᒦᕈᒪᒻᒥᔪᖓ ᐅᖃᖅᑎᑦᑎᔩ, ᐊᒥᓱᔪᐊᓂᒃ ᐃᓚᖃᖅᑐᖓ ᓴᓂᑭᓗᐊᕐᒥᐅᓂᒃ ᐅᐱᒍᓱᑦᑐᐊᓘᖃᑦᑕᓚᐅᔪᒻᒪᑕ ᐱᒻᒪᕆᐅᑎᐅᔪᒥᒃ ᐱᓇᓱᐊᕋᒻᒥᒃ ᐆᑦᑐᑎᓪᓗᖓ. ᐅᖃᖅᑎᑦᑎᔩ, ᐃᓕᑕᖅᓯᓚᐅᕐᒥᓚᖓᓕ ᓴᓂᑭᓗᐊᕐᒥᐅᑦ ᐃᓄᖏᓐᓂᒃ, ᑕᒫᓃᕋᔭᓐᖑᐊᔭᓐᖏᑦᑐᖓ ᐅᕙᓐᓂ ᐅᑉᐱᓂᖃᓚᐅᔪᓐᖏᑐᐊᖅᐸᑕ, ᐅᕙᓐᓂᒃ ᓂᕈᐊᖅᑐᕕᓂᐅᒻᒪᑕ ᐱᕙᓪᓕᐊᖁᔨᑦᓱᑎᒃ ᓄᓇᓕᑦᑕ ᐃᓱᒫᓘᑎᕆᔭᖏᓐᓂᒃ, ᐊᒻᒪᓗ ᐱᓗᑳᓂᒃ ᑕᑯᒍᒪᔭᒻᒥᓂᒃ ᑭᓐᖒᒪᕆᔭᑦᑎᓐᓂᒃ ᓂᕆᐅᓐᓂᖃᒻᒥᒻᒪᑕ ᐅᐱᓐᓇᕋᑎ ᓄᓇᕗᒻᒥᐅᖑᖃᑕᐅᕋᑦᑕ ᐅᖓᓯᑦᑑᕋᓗᐊᖅᑎᓪᓗᒋᑦ ᕿᑭᖅᑕᐃᑦ ᓇᔪᖅᑕᕗᑦ, ᓂᕆᐅᓲᖑᔪᕈᑦ ᐃᑲᔪᖅᑕᐅᕈᒪᓪᓗᑕ ᓄᓇᕗᑦ ᒐᕙᒪᒃᑯᖏᓐᓄᑦ. ᐃᑦᓯᕙᐅᑖᖅ, ᐅᓇ ᑭᖑᓪᓕᐸᐅᑎᓪᓗᕈ ᐅᖃᐅᓯᕆᓯᔭᕋ ᐅᕙᕈᑦ ᓂᕈᐊᖅᑕᐅᓯᒪᔪᕈᑦ ᑭᒡᒐᖅᑐᕋᓱᐊᓚᖓᕋᑦᑕ

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 11 ᓄᓇᕗᒻᒥᐅᓕᒫᓂᒃ, ᐳᐃᕈᑦᑕᐃᓕᓚᖓᕗᕈᑦ ᐊᑕᐅᑦᓰᓗᑕ ᐊᕐᕌᕈᓂᒃ ᓯᑕᒪᓂᒃ ᐱᓇᓱᐊᖃᑎᕇᕆᐊᖃᓐᓂᐊᕋᑦᑕ, ᓂᐱᕆᔭᐅᓂᐊᕋᑦᑕ ᓄᓇᕗᒻᒥᐅᓕᒫᓄᑦ. ᓇᑯᕐᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑏᑦ ᐅᖃᐅᓯᒃᓴᖏᑦ. ᒪᓕᒐᓕᐅᖅᑎ ᐃᖃᓗᐃᑦ- ᒪᓂᕋᔭᖕᒧᑦ, ᒥᔅᑕ ᓚᐃᑦᓯᑑᓐ. ᒪᓕᒐᓕᐅᖅᑎᐅᑉ ᐅᖃᐅᓯᖓ 012 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᐃᖃᓗᐃᑦ−ᒪᓂᕋᔭᒻᒥᒃ (ᓚᐃᑦᓯᑑᓐ) ᓚᐃᑦᓯᑑᓐ: ᓯᕗᓪᓕᖅᐹᒥᒃ, ᐅᐱᕆᕙᕆᑦ ᐊᓕᐊᓇᐃᑦ. (ᑐᓵᔨᑎᒎᓕᖅᑐᖅ) ᐊᒻᒪᓗ ᐅᐱᒋᔪᒻᒪᓗᒍ ᓯᕗᓕᖅᑎ ᓂᕈᐊᖅᑕᐅᓚᐅᖅ ᐲᔭᐃ ᐊᕿᐊᕈᖅ, ᐅᐱᑉᐳᖓ ᑕᒫᓂ ᓇᖏᕈᓐᓇᕋᒪ ᐅᓪᓗᒥ ᖁᔭᓐᓇᒦᕈᒪᓪᓗᒋᑦ ᐃᖃᓗᒻᒥᐅᑦ ᐅᑉᐱᕈᓱᓐᓂᖏᑦ, ᓱᓕᔪᖅᓴᕐᓂᖏᓐᓂᒃ, ᑭᒡᒐᖅᑐᕐᓂᐊᕋᔅᓯ ᐊᐃᑉᐹᓂᒃ. ᖁᔭᓕᔪᒪᓪᓗᒍ ᑮᓇᐅᔭᓕᕆᔨ ᐋᒻᕗ ᐊᒡᓘᒃᑲᖅ, ᐃᑲᔪᖅᓰᔪᒻᒪᕆᐅᓚᕐᒪᑦ ᐱᓇᓱᐊᕈᓯᐅᕋᑖᖅᑐᓂᒃ ᐊᒻᒪᓗ ᑖᒃᑯᐊᓗ ᐊᑭᓕᖅᓱᖅᑕᐅᓐᓇᑎᒃ ᐱᓕᕆᔨᒋᓚᐅᕋᒃᑭᑦ ᐃᑲᔪᖅᓱᐃᓚᐅᖅᑐᑦ ᓂᕈᐊᕋᒃᓴᐅᑎᓪᓗᖓ, ᐊᒥᓲᓗᐊᕐᒪᑕ ᐊᑎᖏᑦ ᑕᐃᓗᒋᑦ. ᐃᖃᓗᒻᒥᐅᓄᑦ ᖃᐅᔨᒃᑲᕈᒪᒋᔅᓯ ᓂᐱᒋᔭᐅᖏᓐᓇᕐᓂᐊᖅᐳᖓ ᐃᓕᔅᓯᓐᓄᑦ ᐊᒻᒪ ᐊᔭᐅᖅᑐᕈᑎᓗᓯᓗ ᓄᑖᒥᒃ ᒐᕙᒪᑐᖃᒃᑯᑦ ᒥᓂᔅᑕᖁᑎᖏᓐᓂᒃ ᑲᑎᒪᖃᑎᖃᖃᑦᑕᕐᓂᒃᑯᑦ. ᖁᔭᒋᔪᒪᒋᓪᓗᒍ ᒪᓕᒐᓕᐅᖅᑎᓕᒫᑦ 6- ᒋᓕᖅᑕᖓᓐᓂᒃ ᒪᓕᒐᓕᐅᖅᑏᑦ ᑕᐃᒫᒃ ᐅᕙᓐᓂᒃ ᐅᑉᐱᕈᓱᑦᑎᐊᓚᐅᕐᓂᖏᓐᓄᑦ. (ᑐᓵᔨᑎᒎᕈᓐᓃᖅᑐᖅ) ᓄᓇᕗᒻᒥᐅᑕᐅᔪᖓ, (ᑐᓵᔨᑎᒍᑦ) ᐱᓕᕆᔪᒪᓂᕋᓗ ᐅᖃᒃᑲᓐᓂᕈᒪᓪᓗᒍ ᓄᓇᕗᒻᒧ ᖃᐅᔨᒃᑲᖅᑕᐃᓐᓇᕆᔪᒪᓪᓗᓯ ᓱᓕ ᑕᐃᒪᐃᓕᐅᕐᓂᐊᖅᐳᖓ ᐊᔾᔨᒌᑎᑦᑎᓗᖓ. ᐅᓪᓗᒥ ᓯᕗᓪᓕᖅᐹᖑᒻᒪ ᑲᑎᒪᕐᔪᐊᕐᓂᑎᓐᓂᑦ 6- ᒋᓕᖅᑕᖓᓐᓂᑦ ᒪᓕᒐᓕᐅᖅᑎᐅᔪᒍᑦ, ᓯᕗᓂᒃᓴᒧᑦ ᓂᕆᐅᑦᑎᐊᖅᐳᖓ ᑖᓐᓇ ᒪᓕᒐᓕᐅᕐᕕᒃ ᐱᔭᕇᕈᓐᓇᕐᓂᐊᖅᑕᖏᓐᓂᑦ ᐊᕐᕌᒍᓂᒃ ᑎᓴᒪᓂᒃ ᐊᒡᒋᖅᑐᓂᒃ. ᐱᖓᔪᐊᓐᓂᒃ, ᐅᓪᓗᑯᑖᒻᒪᕆᐅᓚᐅᕐᒪᑦ ᓯᕗᓕᖅᑎᒧᑦ ᓂᕈᐊᕋᔅᓴᐅᓚᐅᖅ, ᐃᓱᒪᑦᑎᐊᕆᑦᑐᒻᒪᕆᐅᓚᐅᕐᒪᑕ ᓴᓐᖏᓂᕐᒥᒍᑦ ᓴᖅᑭᑦᑎᓪᓗᑎᑦ ᖁᔭᓐᓇᒦᖅᑕᐃᓐᓇᕆᕙᔅᓯ ᑖᔅᓱᒥᖓ. ᐅᖃᖅᑏ, ᐊᖏᖅᑕᐅᔪᒪᕗᖓ ᐱᔭᕇᕐᓂᐊᕋᒃᑯ ᐅᖃᐅᓯᒃᓴᕋ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑎ ᐊᖏᖅᑕᐅᓇᓱᒻᒪᑦ ᐱᔭᕇᕈᓐᓇᕈᒪᓪᓗᒋᑦ ᐅᖃᐅᓯᒃᓴᓂᒃ, ᐋᒡᒑᖅᑐᖃᖅᐹ? ᑕᑯᓐᖏᓐᓇᒪ, ᑲᔪᓯᑐᐃᓐᓇᕆᑦ ᒥᔅᑕ ᓚᐃᑦᓯᑑᓐ. ᓚᐃᑦᓯᑑᓐ (ᑐᓵᔨᑎᒍᑦ): ᖁᔭᓐᓇᒦ ᐅᖃᖅᑏ, ᖁᔭᓐᓇᒦᓪᓗ ᒪᓕᒐᓕᐅᖅᑏᑦ. ᒪᑐᔾᔪᑎᒋᓗᒍ, ᐃᓱᑎᑦᑎᔾᔪᑎᒋᓗᒍ ᐅᖃᐅᓯᖃᕈᒪᕗᖓ ᑕᕝᕙᓂ ᓴᓐᖏᓂᒻᒪᕆᒋᔭᕗᑦ 6- ᒋᓕᖅᑕᖓᓐᓂᒃ ᒪᓕᒐᓕᐅᖅᑎᓂᒃ ᐅᑎᖅᑐᓄᓪᓗ ᐊᒻᒪᓗ ᓄᑖᓄᑦ. ᒪᓕᒐᓕᐅᖅᑏᑦ ᖁᔅᓴᓪᓚᐱᓪᓚᖏᑦᑎᐊᓚᐅᕋᒪ ᑕᐃᒃᑯᐊ ᒪᓕᒐᓕᐅᖅᑏᑦ ᐊᑎᓕᐅᖃᑦᑕᓚᐅᖅᑐᑦ ᒥᓂᔅᑕᐃᑦ ᑲᑎᒪᔨᖏᓐᓄᑦ. ᐅᓄᖅᑐᒻᒪᕆᐅᒻᒪᑕ ᓴᓐᖏᔪᐃᑦ ᐃᓄᐃᑦ ᑕᕝᕙᓂ ᐃᒡᓗᕈᓯᕐᒥᒃ, ᐅᖃᖅᑏ ᐅᐱᒍᓱᒻᒪᕆᑉᐳᖓ ᐱᓕᕆᖃᑎᖃᕐᓂᐊᕋᒪ ᐃᓕᔅᓯᓐᓂᓕᒫᑦ. ᓂᕆᐅᑦᑎᐊᖅᐳᖓᓗ ᐊᕐᕌᒍᓂᒃ ᑎᓴᐅᒪᕋᑖᖅᑐᓂᒃ ᐊᒃᓱᕈᓚᐅᕈᓗᓂ ᐊᒥᓱᒻᒪᕆᓐᓂᒃ ᓂᓪᓕᐊᔾᔪᑎᖃᖃᑦᑕᓚᐅᕋᒪ. ᖃᐅᔨᒃᑲᕈᒪᑐᐃᓐᓇᕆᔅᓯ, ᐅᖃᒃᑲᓐᓂᖅᐳᖓᓗ

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 12 ᐊᒃᓱᕈᒃᑲᓐᓂᒻᒪᕆᓐᓂᐊᖅᑐᖓ ᐊᕐᕌᒍᓂᒃ ᑎᓴᒪᐅᓂᐊᖅᑐᓂᒃ. ᑭᖑᓪᓕᖅᐹᒥᒃ ᐅᖃᖅᑏ, ᖁᔭᓐᓇᒦᕈᒪᓪᓗᒍ ᒪᐃᑲ ᐋᕆᐊᒃ ᖁᕕᐊᑦᑐᒻᒪᕆᐅᕙᒻᒪᑦ ᐅᕙᓃᑦᑐᓐᓇᕋᒥ ᐅᓪᓗᒥ ᖃᐃᖁᓯᒪᓪᓗᑎᑦ, ᐅᕙᓃᒃᑲᔭᓐᖏᓐᓇᒪ ᐃᕝᕕᐅᓐᓂᖏᑉᐸᑦ, ᖁᔭᓐᓇᒦᒃ. ᖁᔭᓐᓇᒦᒃ ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑏᑦ ᐅᖃᐅᓯᒃᓴᖏᑦ. ᐃᖃᓗᐃᑦ-ᓂᐊᖁᖒᒧᑦ, ᒥᔅᑕ ᐲᔭᐃᑦ ᐊᕿᐊᕈᖅ. ᒪᓕᒐᓕᐅᖅᑎᐅᑉ ᐅᖃᐅᓯᖓ 013 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᐃᖃᓗᐃᑦ-ᓂᐊᖁᓐᖒᒧᑦ (ᐊᕿᐊᕈᖅ, ᐸ) ᐸᐅᓗᓯ ᐊᕿᐊᕈᖅ: ᐅᓐᓄᓴᒃᑯᑦ. ᖁᔭᓐᓇᒦᒃ, ᐅᖃᖅᑏ. ᐊᔅᓱᐊᓗᒃ ᐅᐱᒍᓱᑉᐳᖓ ᓂᑯᕕᒋᐊᖅ ᐅᓪᓗᒥᐅᔪᖅ ᓄᑖᖅ ᒐᕙᒪ ᐱᒋᐊᖅᑎᓪᓗᒍ, ᐅᓪᓗᒥᐅᔪᖅ ᐅᓐᓄᓴᐅᔪᖅ. ᑕᒪᓐᓇ ᐊᔅᓱᐊᓗ ᖁᔭᓕᕗᖓ ᐃᖃᓗᐃᑦ- ᓂᐊᖁᓐᖒᓄᑦ ᐅᑉᐱᔭᐅᓂᕐᒧᑦ ᑕᕝᕙᓂ ᐃᔅᓯᕚᖃᑕᐅᒍᓐᓇᕋᒪ ᐃᓕᔅᓯᓐᓂᒃ ᑲᑎᓐᖓᖃᑕᐅᓪᓗᑕ ᑐᕌᕈᒪᔭᑦᑎᓐᓄᑦ. ᑕᒪᓐᓇ ᐃᑉᐱᒋᓪᓗᒍ ᐊᔅᓱᐊᓗᒃ ᖁᔭᓕᓂᕐᒧᑦ ᑎᑭᑕᐅᒐᒪ. ᑖᒃᑯᐊ ᐃᑉᐱᕈᓱᓐᓂᖏᒃᑯᑎᑦ ᑕᕝᕙᓃᒍᓐᓇᕋᔭᕐᓂᖏᓐᓇᒪ ᑭᒡᒐᖅᑐᐃᒍᓐᓇᖏᓪᓗᖓ ᑕᕝᕘᓇ. ᐅᖃᖅᑏ, ᐱᒋᐊᕈᑎᖃᕈᒪᒋᕗᖓ ᑕᒪᓐᓇ ᐃᓕᓴᕆᒍᑦᑎᐊᖅᖢᒋᑦ ᑎᒃᑯᐊᖅᑕᑯᓘᒐᕕᑦ ᑖᔅᓱᒧᖓ ᓇᓗᓇᖏᑦᑐᖅ ᑲᒪᑦᑎᐊᕐᓂᐊᖅᑐᑎᑦ, ᐱᓕᕆᑦᑎᐊᕐᓂᐊᖅᑐᑎᑦ ᐊᔅᓱᒪᕆᐊᓗᒃ ᐅᑉᐱᕈᓱᑉᐳᖓ ᑲᔪᓯᑎᑦᑎᑦᑎᐊᕐᓂᐊᕋᕕᐅᒃ ᑕᒪᓐᓇ ᑲᑎᒪᓂᖅᐳᑦ ᐃᓪᓗᕐᔪᐊᖅᑎᓐᓂᒃ, ᓄᓇᕗᑦ ᐃᓪᓗᖓᓐᓂᑦ. ᐃᑉᐱᒋᑦᑎᐊᕋᒃᑯ ᑕᒪᓐᓇ. ᐅᖃᖅᑏ, ᑖᓐᓇ ᐊᔅᓱᑦ ᐃᓕᓴᕆᒍᒪᒐᒃᑲ ᑕᒪᒃᑯᐊ ᐊᒥᓱᑦ ᑕᒪᒃᑯᐊ ᐊᖅᑯᑎ ᐊᑐᖅᑕᕗᑦ ᐊᔅᓱᐊᓗᒃ ᐊᑦᑐᐃᔪᖃᖃᑦᑕᖅᓯᒪᒻᒪᑦ ᐃᑲᔪᖃᑦᑕᖅᓯᒪᓗᑎᒃ ᐃᓄᑑᓪᓗᑕ ᑕᕝᕙᓃᒍᔾᔨᖏᓐᓇᑦᑕ. ᐅᖃᖅᑏ, ᐱᒋᐊᕈᑎᖃᕈᒪᕗᖓ ᐊᖓᔪᖅᑳᒃᑲ ᑕᕝᕙᓃᒻᒪᑎᒃ, ᐊᑖᑕᒐ ᔭᐃᐱᑎ ᐊᒻᒪ ᐊᓈᓇᒐ ᐋᓐ. .ᐅᖃᖅᑏ, ᑖᒃᑯᐊ ᐊᔅᓱᐊᓗᒃ ᐅᕙᓐᓂᒃ ᑐᓐᖓᕕᓕᐅᖅᓯᒪᒻᒪᑕ ᐅᐱᒋᑦᑎᐊᖅᐸᒃᑲ ᐱᑦᑎᐊᕋᓱᓐᓂᕐᒧᑦ ᐱᓕᕆᑦᑎᐊᕈᒪᓂᕐᒧᑦ ᑲᑐᔾᔨᖃᑎᒌᑦᑎᐊᕐᓂᕐᒧᑦ ᑐᓂᓯᑦᑎᐊᖅᓯᒪᒻᒪᑕ ᑕᕝᕙ ᒫᓃᒐᔭᖏᑦᑐᖓ ᑖᒃᑯᐊ ᑐᓂᔭᐅᓐᓂᖏᒃᑯᑎᒃ ᐅᕙᓐᓄᑦ ᐊᖓᔪᖅᑳᓐᓅᕗᖓ. ᐅᖃᖅᑏ, ᑖᒃᑯᐊᑦᑕᐅᖅ ᖃᑕᓐᖑᑎᒃᑲ, ᐃᓛᒃ ᐊᖓᔪᒐ ᕋᓱᓪ ᐊᕿᐊᕈᖅ ᑕᕝᕙᓃᒻᒪᑦ ᐊᒻᒪ ᓄᑲᕋ ᐃᑦᑐᐊᖓᑦ ᐊᕿᐊᕈᖅ ᐃᓕᓴᕆᒍᒪᑦᑎᐊᖅᐸᒃᑲ. ᑖᒃᑯᐊ ᐅᓪᓗᑕᒫᖅ ᐅᕙᓐᓂᒃ ᐃᑲᔪᕐᔪᐊᖃᑦᑕᕋᔅᓯ ᖁᔭᓐᓇᒦᖑᖃᑦᑕᖅᐳᓯ. ᓄᓕᐊᑯᓗᒐᑦᑕᐅᖅ ᐸᓂᒐᖅ ᐊᔅᓱᐊᓗᒃ ᐃᓕᓴᕆᒍᒪᒐᒃᑯ ᒪᑭᑕᑎᑦᑎᓯᒪᒻᒪᑦ ᐅᕙᓐᓂᒃ ᓂᕈᐊᖅᑕᐅᓯᒪᓪᓗᓂ ᑐᓂᓯᒪᓇᕐᒪᑦ ᑭᒡᒐᖅᑐᐃᔪᒪᓂᕐᒧᑦ. ᑖᓐᓇ ᓄᓕᐊᕋ ᐊᖏᑦᑎᐊᖅᓯᒪᓂᖓᓄᑦ ᑕᕝᕙᓃᒍᓐᓇᖃᑦᑕᖅᓯᒪᒐᒪ ᐊᔅᓱᐊᓗᒃ ᐃᓕᓴᕆᒍᒪᓯᒪᒐᒃᑯ. ᐅᖃᖅᑏ, ᖃᓄᐃᔅᓴᖏᒃᑯᕕᑦ ᐊᐱᕆᔪᒪᔪᖓ ᒪᓕᒐᓕᐅᖅᑎᐅᖃᑎᒃᑲ ᐱᔭᕇᕈᓐᓇᖏᒃᑲᓗᐊᕐᒪᖔᕐᒪ ᐅᖃᕈᒪᓯᒪᔭᓐᓂᒃ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑎ ᐊᖏᖅᑕᐅᔪᒪᖕᒪᑦ ᐱᔭᕇᕈᒪᓪᓗᓂ ᐅᖃᐅᓯᒃᓴᒥᓂᒃ. ᐋᒡᒑᖅᑐᖃᖅᐸ? ᐱᑕᖃᖏᒻᒪᑦ, ᑲᔪᓯᑐᐃᓐᓇᕆᑦ ᒥᔅᑕ ᐊᕿᐊᕈᖅ. ᐸᐅᓗᓯ ᐊᕿᐊᕈᖅ: ᖁᔭᓐᓇᒦᒃ ᐅᖃᖅᑎ. ᐊᒻᒪ ᖁᔭᓐᓇᒦᒃ ᒪᓕᒐᓕᐅᖅᑎᐅᖃᑎᒃᑲ ᖃᓄᐃᔅᓴᖏᓐᓇᔅᓯ. ᑖᓐᓇᐃᓛᒃ ᓄᓕᐊᑯᓗᒐ ᐃᓕᓴᕆᔪᒪᑦᑎᐊᕋᒃᑯ ᑐᓐᖓᕕᒋᕐᔪᐊᖃᑦᑕᕋᒃᑯ ᐹᓐ ᖁᔭᓐᓇᒦᖅᐸᕋ ᐊᒻᒪ ᑕᒪᒃᑯᐊ ᕿᑐᕐᖓᑯᓗᕗᑦ ᐱᖓᓱᓂᒃ ᕿᑐᕐᖓᖃᕋᒪ ᐊᖓᔪᖅᖠᐹᕗᑦ ᔮᔅᒥᓐ ᐊᑯᓐᓂᖓᓃᑦᑐᖅ ᕋᐃᔭᓐ ᐊᒻᒪ ᓄᖃᖅᖠᖅᐹᕗᑦ ᔭᐃᑲᑉ. ᑖᒃᑯᐊ ᐊᔅᓱᐊᓗᒃ ᐅᐱᒋᕙᒃᑲ. ᒪᑭᑕᒍᑎᒋᕙᒃᑲ ᐊᔅᓱᕈᕈᑎᒋᕙᒃᑲ

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 13 ᓯᕗᓂᑦᑎᐊᕙᖃᖁᒧᑦ. ᑕᐃᒫᒃ ᓄᓇᕗᒻᒥᐅᑕᓕᒫᑦ ᑕᐅᑐᒐᖃᕐᒥᕕᒋᕙᒃᑲᐃᓛᒃ. ᐅᖃᖅᑏ, ᓂᕈᐊᕋᔅᓴᐅᓂᖅᐳᑦ ᑕᒪᓐᓇ ᓴᖅᑭᑉᐸᓪᓕᐊᓂᐊᖅᑎᓪᓗᒍ ᑐᓐᖓᕕᖃᐃᓐᓇᐅᔭᕋᒪ ᐃᓐᓇᑯᓗᑦᑎᓐᓂᒃ. ᑕᕝᕙᓃᒐᔭᖏᓐᓇᑦᑕᐃᓛᒃ ᐃᓐᓇᑯᓗᒃᐳᑦ ᐱᔾᔪᑎᒋᓪᓗᒋᑦ ᑕᒪᒃᑯᐊ ᐃᓐᓇᐃᑦ ᐃᓕᓴᕆᔪᒪᑦᑎᐊᕋᒃᑭᑦ:  ᐹᑉ ᐊᒻᒪ ᐋᓐ ᒥᑭᔾᔪᒃ ᕼᐊᓐᓴᓐ  ᔮᓐ ᐊᒻᒪ ᐄᕕ ᐊᒪᕈᐊᓕᒃ  ᔮᓐ ᒧᕇᔅ ᐊᒻᒪ ᕉᑕ ᐅᖔᓛᖅ  ᓴᐃᒪᓐ ᐊᒻᒪ ᐋᓂ ᓇᑖᖅ  ᑐᕌᒐᖅ ᑎᐱᑑ  ᔪᐊᓂ ᐊᒻᒪ ᐲᑐᕆᔅ ᐃᑭᓪᓗᐊᖅ  ᐋᓚᓯ ᔫᒥ ᑕᒪᒃᑯᐊ ᓵᕝᕕᒋᕐᔪᐊᖃᑦᑕᕋᒃᑭᑦ ᑭᓱᓕᒫᒧᑦ ᐃᓕᓴᕆᔪᒪᑦᑎᐊᕋᒃᑭᑦ ᐃᑲᔪᖅᓱᐃᖃᑦᑕᕐᓂᖏᑦ ᐋᖅᑭᒃᓱᐃᖃᑦᑕᕐᓂᖏᑦ ᐅᕙᓐᓄᑦ ᓵᕝᕕᒌᓐᓇᕐᓂᐊᖅᐸᒃᑲ ᐊᕐᕌᒍᐃᑦ ᐊᒡᒋᕐᓂᐊᖅᑐᓂᒃ ᑕᕝᕙᓂ ᑲᑎᒪᕕᒡᔪᐊᑦᑎᓐᓂᒃ ᐱᓂᐊᖅᑎᓪᓗᑕ. ᐅᖃᖅᑏ, ᑕᒪᒃᑯᐊ ᑕᕝᕙᓂ ᐱᓕᕆᖃᑦᑕᖅᓯᒪᔪᖅ ᑭᒡᒐᖅᑐᕐᕕᒋᔭᓐᓃᕙᖓ ᐃᓕᓴᕆᔪᒪᑦᑎᐊᕋᒃᑯᑦᑕᐅᖅ ᒥᔅ ᐊᕐᓇᒃᑲᖅ. ᑖᓐᓇ ᐊᖏᔪᒥᒃ ᐱᓕᕆᐊᕆᖃᑦᑕᖅᓯᒪᔭᖓ ᐃᒃᐱᒋᒐᒃᑯ. ᐳᖅᑐᕐᔪᐊᖅᑐᒧᑦ ᑐᓂᓯᓯᒪᒻᒪᑦ ᐊᔅᓱᕈᕈᑎᒋᕐᔪᐊᕐᓂᐊᕆᕙᕋ ᑖᓐᓇ ᐊᔅᓱᕈᐊᕆᓚᐅᖅᓯᒪᔭᖓ ᑭᒡᒐᖅᑐᑦᑎᐊᕈᓐᓇᕐᓂᖅᐳᑦ ᓂᐱᒋᔭᐅᔪᓂᒃ ᐊᖅᑯᑎᖃᕐᓗᑕ. ᐅᖃᖅᑏ, ᐃᓕᓴᕆᔪᒪᒋᕙᕋ ᔨᒥ ᐋᑲᕙᒃ ᑮᓇᐅᔭᓕᕆᔨᒋᓚᐅᖅᑕᕋ ᓂᕈᐊᕋᔅᓴᐅᑎᓪᓗᖓ ᐊᒻᒪ ᐊᒥᓱᕐᔪᐊᕌᓗᐃᑦ ᑕᕝᕙᓂ ᓄᓇᓕᑦᑎᓐᓂ ᐃᑲᔪᖃᑦᑕᖅᓯᒪᓚᐅᖅᑐᑦ ᖁᔭᓐᓇᒦᕐᔪᐊᖅᐸᔅᓯ ᑕᒪᑦᓱᒧᖓ ᐊᒻᒪ ᑖᒃᑯᐊ ᓂᕈᐊᒐᒃᓴᐅᖃᑎᒋᓚᐅᖅᑕᒃᑲ. ᐅᖃᖅᑏ, 22-ᖑᒐᑦᑕ ᑕᕝᕙᓃᑦᑐᒍᑦ ᑭᒡᒐᖅᑐᐃᔪᐃᓐᓇᐅᓪᓗᑕ ᐊᔾᔨᒌᒃᑐᓂᒃ ᑕᒪᓐᓇ ᑲᑐᔾᔨᖃᑎᒌᖕᓂᕐᒧᑦ ᓂᕆᐅᓇᑦᑎᐊᖅᑐᐃᓛᒃ ᑲᔪᓯᕙᓪᓕᐊᔪᓐᓇᕐᓂᐊᕋᑦᑕ ᑕᒪᒃᑯᐊ ᓄᓇᓕᓕᒫᑦ ᐱᔾᔪᑎᒋᓪᓗᒋᑦ. ᐅᖃᖅᑏ, ᑕᐅᑐᒐᕆᔭᐅᖃᑦᑕᓚᐅᖅᓯᒪᔪᑦ ᓴᒃᑯᑦᑕᕆᐊᖃᖏᓐᓇᑦᑎᒍᑦ ᖃᓄᖅ ᑕᒪᓐᓇ ᓄᓇᕗᑦ ᑕᐅᑐᒐᕆᓚᐅᖅᓯᒪᔭᖓ ᑕᒪᓐᓇ ᑎᒍᒥᐊᖏᓐᓇᕋᒃᑯ ᑎᒍᒥᐊᓕᕋᑦᑎᒍᑦ ᑕᕝᕙᓃᑦᑐᓕᒫᖑᔪᑎᒍᑦ ᓇᓗᓇᖏᑦᑐᖅ ᐊᒃᓱᕈᐊᕇᓐᓇᕐᓂᐊᕋᑦᑎᒍᑦ ᐊᕐᕌᒍᐃᑦ ᑎᓴᒪᓄᑦ ᑎᑭᓐᓂᐊᖅᑐᖅ. ᖁᔭᓐᓇᒦᕈᒪᕗᖓ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑏᑦ ᐅᖃᐅᓯᒃᓴᖏᑦ. ᒪᓕᒐᓕᐅᖅᑎ ᐃᖃᓗᐃᑦ-ᓯᓈᓄᑦ, ᒥᔅ ᐳᕉᔅᑐ. ᒪᓕᒐᓕᐅᖅᑎᐅᑉ ᐅᖃᐅᓯᖓ 014 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᐃᖃᓗᐃᑦ−ᓯᓈᒥᒃ (ᐳᕉᔅᑐ) ᐳᕉᔅᑐ: ᓇᑯᕐᒦᒃ, ᐅᖃᖅᑏ. (ᑐᓵᔨᑎᒍᑦ) ᐅᐱᒋᕙᒋᑦ ᐲᔭᐃ ᐊᒻᒪᓗ ᑖᒃᑯᐊᓕᒫᑦᑕᐅᖅ ᓂᕈᐊᖅᑕᐅᓯᒪᔪᑦ ᐊᒻᒪᓗ ᓂᕈᐊᖅᑕᐅᓚᐅᖅᑐᑦ ᓯᕗᓕᖅᑎᐅᓂᕐᒧᑦ ᒥᓂᔅᑕᐃᑦ ᑲᑎᒪᔨᖏᓐᓄᑦ. ᐱᔭᒃᓴᖃᐅᕐᔪᐊᕋᑦᑕ ᐃᓛᑎᒍᖃᐃ ᐊᖏᓂᖅᓵᕐᔪᖕᒥᒃ ᐱᔭᒃᓴᖃᖅᐳᒍᑦ. ᐅᐱᒋᕙᔅᓯ. ᐅᓪᓗᒥ ᓇᖏᖅᓯᕗᖓ ᖁᔭᓐᓇᒦᕈᒪᓪᓗᖓ ᐃᖃᓗᐃ-ᓯᓈᒥᐅᓄᑦ, ᐅᕙᓐᓂᒃ ᐅᑉᐱᕈᓱᓐᓂᖏᓐᓂᒃ, ᖁᔭᒋᕙᒃᑲ ᐅᑉᐱᕈᓱᖕᓂᖏᓐᓄᑦ ᒪᓕᒐᓕᐅᖅᑎᒋᔭᐅᔪᒪᓪᓗᖓ. ᐊᒃᓱᕈᐃᓐᓇᕐᓂᐊᖅᐳᖓ ᓄᓇᓕᑦᑎᓐᓄᑦ ᓄᓇᕗᒻᒥᐅᓕᒫᓄᑦ. ᐅᖃᐅᓯᖃᕈᒪᓪᓗᖓ ᒪᓕᒐᓕᐅᖅᑎᒋᓚᐅᖅᑕᑎᓐᓂᒃ ᐃᓕᓴᐱ ᓯᐅᑎᐊᐱᒃ. ᑕᐃᓐᓇ ᖁᔭᒌᓐᓇᕋᒃᑯ ᐃᑲᔪᖅᓱᐃᓂᖓ ᐊᒻᒪᓗ ᐱᓕᕆᔾᔪᔾᔨᓂᖓ ᐊᒥᓱᒻᒪᕆᖕᓄᑦ ᐃᓱᒫᓗᒋᔭᐅᔪᓄᑦ ᐊᔾᔨᒌᑦᑐᓄᑦ. ᖁᔭᓕᔪᒪᓪᓗᒋᓪᓗ ᓂᕈᐊᒐᒃᓴᐅᓚᐅᕐᒥᔫᖕᓄᒃ ᒪᕐᕉᖕᓄᒃ, ᑯᕆᔅᑕ ᐱᓗᐊᖅᑐᒥᒃ, ᐊᒻᒪᓗ ᐊᕐᓇᓕᒫᑦ ᐃᓱᒪᒃᓴᖅᓯᐅᓚᐅᖅᑐᑦ ᓇᓕᐊᓐᓂᑐᐃᓐᓇᖅ ᓂᕈᐊᑕᐅᔪᒪᔪᑦ, ᓂᕈᐊᕋᑦᓴᐅᖃᑦᑕᕆᑦᓯ ᓄᓇᕗᑦ ᐊᕐᓇᓂᒃ ᐱᑕᖃᒃᑲᓐᓂᕆᐊᖃᕐᒪᑦ ᓯᕗᓕᖅᑎᓂᒃ. ᐅᖃᖅᑏ, ᐃᓛᒃ ᐱᕕᖃᕐᓂᕐᓂᑦ, ᑐᓵᑎᓪᓗᒋᑦ ᑕᖅᑲᒃᑯᐊ

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 14 ᖁᔭᒋᔪᒪᓪᓗᒋᑦ ᐃᑲᔪᖅᓱᖅᑎᒋᓚᐅᖅᑕᒃᑲ, ᐱᓗᐊᖅᑐᒥᒃ ᑮᓇᐅᔭᓕᕆᔨᒋᓚᐅᖅᑕᕋ ᓕᓕ ᐸᐃᓐ ᐱᖃᑎᒋᓪᓗᒍᓗ ᐊᒻᒪᓗ ᓗᐊᕆᓐ ᓇᕕᓐ. ᑕᐃᒪ ᐊᓈᓇᒐ ᐱᐊᑎ ᐳᕉᔅᑐ, ᑖᓐᓇ ᐱᓕᕆᑦᑎᐊᕐᓂᕐᒧᑦ ᐅᔭᒥᓂᒃ ᐊᑐᖅᑐᓂ ᑕᐃᒃᑯᐊ ᑕᖃᓱᐃᑦᑑᓪᓗᑎᒃ ᐱᓕᕆᓕᓚᐅᖅᓯᒪᒻᒪᑕ ᓄᓇᕗᑦ ᐱᓐᖑᐊᖅᑎᑕᐅᓪᓗᑎᒃ. ᓇᒡᓕᓐᓂᖓᓄᑦ ᑕᓯᐅᕐᓂᖓᓗ ᐊᑖᑕᒐᓗ ᑕᐃᕕᑦ ᖁᔭᒋᒻᒥᒐᒃᑯ. ᐊᑖᑕᒋᓚᐅᖅᑕᕋᓗ ᕆᑦᓱᑦ ᑕᐃᒃᑯᐊ ᓇᒡᓕᒋᑦᑎᐊᕐᒪᑕ. ᖃᑕᓐᖑᑎᒃᑲ, ᐊᖏᔫᒃᑲ ᓰᓚᒃᑯᑦ, ᑯᕆᔅᑎᑯᒃ, ᐃᓕᑎᑦᑎᓯᒪᔫᒥᕈᓘᖕᒪᑎᒃ ᓇᒡᓕᒍᓱᓐᓂᒃᑯᑦ ᑕᒪᕐᒥᒃ ᓇᒡᓕᒋᕙᔅᓯ. ᐊᓃᒃᑲᒃ ᑖᒃᑯᐊ ᓂᑯᓚᔅ ᐊᓐᒪᓗ ᐳᕌᓐᑕᓐ ᓯᕗᓪᓕᖅᐹᖑᓚᐅᖅᓯᒪᖕᒪᑎᒃ ᖃᐅᒻᒪᐃᓪᓗᑎᒃ ᐃᓅᓯᕐᓂᒃ. ᑕᐃᒪ ᓇᔭᒋᔭᐅᓪᓗᖓ ᐊᖏᔪᑦᑎᐅᓪᓗᖓ ᖃᐅᔨᒪᔪᖓ, ᖃᐅᔨᒪᔪᓯ ᓇᒡᓕᒋᒐᑦᓯᒃ. ᐅᖃᖅᑎᑦᓯᔩ, ᐊᖏᖅᑕᐅᔪᒪᕗᖓ ᐱᔭᕇᕈᒪᓪᓗᒋᑦ ᐅᖃᐅᓯᒃᓴᒃᑲ. ᖁᔭᓐᓇᒦᒃ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᐊᖏᖅᑕᐅᔪᒪᖕᒪᑦ, ᐱᔭᕇᕈᒪᓪᓗᓂᒋᑦ ᐅᖃᐅᓯᒃᓴᓂ. ᐋᒡᒑᖅᑐᖃᖅᐹ? ᐱᑕᖃᖏᒻᒪᑦ. ᑲᔪᓯᑐᐃᓐᓇᕆᑦ, ᒥᔅ, ᐳᕉᔅᑐ. ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᕿᑐᕐᖓᒃᑲ ᑕᖅᑐ, ᐋᓯᕙᒃ, ᓇᐸᑦᓯ ᐊᒻᒪ ᔭᐃᑯ ᐊᒻᒪᓗ ᐃᕐᖑᑕᕋ ᐋᓕᒃᓵᓐᑐᕆᐊ, ᐅᐱᒋᑦᑎᐊᖅᐸᔅᓯ, ᓇᒡᓕᒋᕙᔅᓯ. ᒥᔅᑕ ᔭᐃᒍ ᐅᖃᓪᓚᖃᑦᑕᖃᑎᒋᓯᒪᔭᕋ ᐊᒻᒪᓗ ᐃᓕᓴᐃᔨᒋᓯᒪᔭᓕᒫᒃᑲ ᐃᓕᓐᓂᐊᖅᑎᑦᑎᔪᒪᓚᐅᕐᒪᑕ ᓱᕈᓯᕐᓂᒃ ᐱᔪᓐᓇᕐᓂᓕᒫᖏᓐᓂᒃ ᐱᔪᓐᓇᖅᓯᖁᓪᓗᒋᑦ, ᓄᓇᕐᔪᐊᖅ ᐱᐅᓂᖅᓴᐅᓂᖅᓴᐅᓕᖅᑐᖅ ᐃᓕᔅᓯ ᐱᓪᓗᒋᑦ, ᖁᔭᓐᓇᒦᒃ. ᐊᕐᕌᒍᓂᒃ 20 ᑲᓴᓐᓂᒃ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᐅᔪᖓ. ᓄᓇᕗᒻᒥ ᐊᒥᓱᒻᒪᕆᖕᓂᒃ ᐱᓕᕆᔪᒪᑦᑎᐊᖅᑐᓂᒃ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᓂᒃ ᐃᖅᑲᓇᐃᔭᕈᒪᔪᑦ ᓄᓇᕗᒻᒥ, ᖁᔭᓐᓇᒦᒃ ᐱᔨᑦᑎᕋᕐᓂᓯ, ᐅᐊᑲᓪᓚᐅᔪᓯ. ᒪᓕᒐᓕᐅᖅᑎᐅᖃᑎᒋᓕᖅᑕᕐᓄᑦ ᓄᑖᓄᑦ ᐅᐱᒋᔭᐃᓐᓇᕆᕙᔅᓯ ᐊᒻᒪᓗ ᓂᕆᐅᑦᑎᐊᖅᐳᖓ ᐱᓕᕆᖃᑎᒌᓛᕐᓂᑦᑎᓐᓂᒃ. ᑕᐃᒪᓕ ᐅᐊᑦᑎᐊᕈᒃᑲᓐᓂᖅ ᑖᒃᑯᐊ ᖃᔅᓯᓂᒃ ᐱᒻᒪᕆᐅᒋᔭᓐᓂᒃ ᐅᓪᓗᒥᒧᑦ. ᓯᐅᓪᕕᐊ, ᐋᓐ, ᓚᐃᓪ, ᓇᓇᐅᖅ, ᐹᐳ, ᓇᐃᓴᓐ, ᕙᐃᔅᓗ, ᐊᒥᓱᒃᑲᓐᓂᒻᒪᕆᐊᓗᐃᑦ. ᖁᔭᓐᓇᒦᒃ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑏᑦ ᐅᖃᐅᓯᖏᑦ. ᒪᓕᒐᓕᐅᖅᑎ ᐅᖅᑯᕐᒥᐅᓄᑦ, ᒥᔅ ᕿᓕᖅᑎ. ᒪᓕᒐᓕᐅᖅᑎᐅᑉ ᐅᖃᐅᓯᖓ 015 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᐅᖅᑯᒻᒥᐅᓄᑦ (ᕿᓕᖅᑎ) ᕿᓕᖅᑎ: ᖁᔭᓐᓇᒦᒃ, ᐅᖃᖅᑏ. ᐱᕕᖃᕋᒪ ᑕᕝᕙ ᐅᖃᑲᐃᓐᓇᕐᓗᖓ. ᑕᐃᔅᓱᒪᓂ ᓯᕗᓕᖅᑎᐅᑎᓪᓗᖓ ᑕᕝᕙᓃᓚᐅᕐᒪᑕ ᐃᓚᖏᑦ ᒥᓂᔅᑕᖑᖃᑦᑕᐅᓚᐅᖅᑐᐃᑦ ᑕᐃᑲᓂ ᒪᐃᔪᖑᑎᓪᓗᖓ. ᖃᐅᔨᖃᑦᑕᖅᓯᒪᖕᒪᑕ, ᐃᔅᓯᕚᕆᐊᒥ ᒥᑭᓗᐊᖅᑰᔨᓕᕋᐃᒐᒪ ᓴᖏᖅᓯᖃᑦᑕᖅᓯᒪᓂᑰᒐᒪ ᐅᖃᕆᐊᖅᑐᕐᕕᐅᓯᒪᑎᓪᓗᑕ. ᐃᓱᒪᖃᑦᑕᓕᓚᐅᖅᓯᒪᔪᖓ, ᒪᓕᒐᓕᐅᕐᕕᒻᒥ ᖃᖓᑐᐃᓐᓇᖅ ᓇᖏᖅᓯᔪᒪᓛᖅᑐᖓ ᑕᐃᒫᒃ ᐃᓄᐃᑦ ᐱᔾᔪᑎᒋᓪᓗᒋᑦ.

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 15 ᑕᕝᕙᕈᕋᒪ, ᑕᕝᕙᕈᖅᑎᑕᐅᒐᒪ ᓂᕈᐊᖅᑎᒋᓚᐅᖅᑕᓐᓄᑦ, ᖁᔭᓐᓇᒦᖃᔅᓯ ᐅᖅᑯᕐᒥᐅᑦ, ᑲᖏᖅᑐᒑᐱᒻᒥᐅᑦ, ᕿᑭᖅᑕᕐᔪᐊᕐᒥᐅᑦ. ᐅᑉᐱᕆᔭᐅᓂᕋ, ᐱᓕᕆᔪᓐᓇᕐᓂᕋ ᐃᓕᓴᕆᔭᐅᓯᒪᓂᖓ ᐅᐱᒋᓪᓚᕆᑦᑕᕋ. ᐅᖃᖅᑎᑦᑎᔩ, ᑖᒃᑯᐊ ᓄᓇᓖᒃ ᒪᕐᕉᒃ ᑭᒡᒐᑐᕐᓂᐊᑎᓪᓗᒋᒃ, ᐊᔾᔨᒌᑦᑎᐊᒥᒃ ᖃᐅᔨᒪᖁᓪᓗᒋᑦ ᓇᓗᓇᐃᖅᓯᓪᓗᖓ ᓇᖏᖅᓯᔾᔪᑎᒋᒃᑲᓂᖅᑲᕋ. ᐊᔾᔨᒌᒥᒃ ᑕᕝᕙᓂ ᓂᐱᖃᕈᑎᓂᐊᖅᑲᔅᓯ. ᐊᒻᒪᑦᑕᐅᖅ ᖁᔭᓐᓇᒦᕈᒪᒋᓪᓗᒍ ᐊᐃᑉᐸᕋ, ᐃᑲᔪᑎᒋᓪᓗᒍ ᐊᔭᐅᖅᑐᐃᔨᒋᓪᓗᒍ ᓲᕐᓗ ᓴᐳᔾᔨᔨᒋᓪᓗᒍ, ᑲᔪᒋᖅᓴᐃᔨᒋᓪᓗᒍ. ᐅᕙᖓ ᐱᓇᓱᐊᕈᒪᔭᖓᓂᒃ ᐃᑲᔪᖅᓱᐃᖅᓯᒪᓪᓗᓂ ᑐᓂᓯᒪᖃᑦᑕᕐᒪᑦ, ᖁᔭᓐᓇᒦᖅᑕᕋ. ᑕᒫᓃᖃᑕᐅᒻᒪᓪᓗ ᐃᕐᖑᑕᑯᓗᒐᓗ ᔭᐃᓇ ᐅᐱᒋᓪᓚᕆᑦᑐᒍ. ᑕᒫᓂᓗ ᐊᕐᕌᒍᑦᑎᓐᓂ ᐱᔭᕇᖃᑕᐅᓚᐅᕐᒪᑦ ᓯᓚᑦᑐᖅᓴᕐᕕᒻᒥ. ᐅᐱᒋᑦᑎᐊᖅᑕᕋ. ᐅᖃᖅᑎᑦᑎᔩ, ᐳᐃᒍᕈᒪᓐᖏᒻᒥᒐᒃᑯ ᐅᐱᒋᕐᔪᐊᖅᑐᒍ ᐅᕙᑦᑎᓄᑦ ᑐᓂᔭᐅᓯᒪᖕᒥᔪᖅ, ᑎᒍᐊᖅᑖᖅᑎᑕᐅᓯᐅᖑᒐᑦᑕ ᑎᒍᐊᖅᑖᖅᓯᒪᒻᒥᒐᑦᑕ ᐃᕐᓂᖃᖅᑐᑕ, ᑕᐃᕝᒥᒃ. ᐊᖑᓇᓱᑦᑎᓪᓚᕆᒃ ᑕᐃᓐᓇ. ᑕᐃᒪ ᒫᓐᓇ ᐱᐅᒋᓪᓚᕆᖅᑲᐅᒻᒥᔭᕋ ᓂᕆᓐᓇᐅᑎᓪᓗᒍ. ᐅᖃᖅᑎᑦᑎᔩ, ᐱᕕᖃᖅᑎᑕᐅᔪᓐᓇᕈᒪ, ᓂᒡᓕᐅᑎᔅᓴᒃᑲ ᐱᔭᕇᕈᒪᔭᕋᓗᐊᒃᑲ. ᖁᔭᓐᓇᒦᒃ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑎ ᐊᖏᖅᑕᐅᒍᒪᔫᒐᓗᐊᕉᖅ ᒪᓕᒐᓕᐅᖅᑎᐅᖃᑎᓕᒫᒥᓄᑦ ᐱᔭᕇᕈᓐᓇᖁᓪᓗᓂ. ᐋᒡᒑᖅᑕᐅᕚ? ᑕᑯᖏᓐᓇᒪ. ᑲᔪᓯᒋᐊᑐᐃᓐᓇᕆᑦ. ᒥᔅ ᕿᓕᖅᑎ. ᕿᓕᖅᑎ: ᖁᔭᓐᓇᒦᒃ ᐱᕕᖃᖅᑎᑕᐅᒃᑲᓐᓂᕋᒪ ᐃᓕᔅᓯᓐᓄᑦ. ᑕᕝᕗᖓ ᑐᓐᖓᓱᑦᑎᑕᐅᓯᒪᓂᕋ ᐃᓕᔅᓯᓐᓄᑦ ᐅᐱᒋᓪᓚᕆᔅᓯᒪᔭᕋ, ᐃᒃᐱᒋᑦᑎᐊᖅᑐᒍᓗ. ᑕᐃᒪᓐᓇ ᓂᕆᐅᓚᐅᓐᖏᓐᓇᒪ. ᓲᕐᓗ ᐃᓕᕋᓇᖅᑐᒥᒃ ᐃᓚᖓᒍᑦ ᓂᕆᐅᓐᓂᖃᓚᐅᖅᑐᖓ, ᑕᐃᒫᖑᓐᖏᑦᑐᖅ ᑕᑯᓚᐅᕋᒪ ᑐᓐᖓᓇᖅᑐᒥᒃ, ᐃᑲᔪᕈᒪᔪᓂᒃ, ᐊᑕᐅᓯᐅᖃᑎᖃᕈᒪᔪᓂᒃ, ᐱᓕᕆᖃᑎᖃᕈᒪᔪᓂᒃ ᐃᓕᓴᖅᓯᑦᓯᐊᓚᐅᕋᒪ, ᐃᒫᓪᓚᕆᒃ ᑕᕝᕙᓂ ᐃᓂᓪᓚᑦᓯᒪᑦᑎᐊᖅᑐᖓ. ᖃᐅᔨᒪᓂᐊᖅᑯᓯ, ᐅᖅᑯᕐᒥᐅᑕᐃᑦ ᑐᓐᖓᓱᑦᑎᑕᐅᓪᓗᖓ ᑕᕝᕙᓃᖃᑕᐅᒐᒪ. ᑭᓯᐊᓂᓕ, ᐅᖃᓯᕆᒋᐊᕋᑖᖅᑕᕋ ᐱᔭᕇᑲᐃᓐᓇᕈᒪᒐᒃᑯ. ᑕᐃᓐᓇ, ᐃᕐᓂᕋ ᐊᖑᓇᓱᑦᑎᓪᓚᕆᐅᒻᒪᑦ ᑎᒍᐊᖅᐳᑦ. ᒫᓐᓇ ᓂᕆᓐᓇᐅᑎᓪᓗᒍ ᑐᓴᕈᒥᓇᑦᑎᐊᖅᑐᒥᒃ ᑐᓂᓯᖅᑲᐅᒥᒻᒪᑎᒃ, ᐃᓛᒃ in reach-ᑯᑦ ᐅᖃᐅᔾᔨᓪᓗᓂ, ᕿᓚᓗᒐᕐᓂᕋᖅᑐᓂ. ᑕᐃᒪ, ᑕᐃᒫᒃ ᒪᒃᑯᑦᑑᓪᓗᓂ ᓄᓇᖅᑲᑎᑦᑎᓐᓂᒃ ᓂᕆᑎᑦᑎᖃᑦᑕᕐᓂᕆᕙᑦᑕᖓ ᐅᕙᑉᑎᓐᓂᑑᖏᑦᑐᖅ ᐅᐱᒋᕐᔪᐊᖅᑖᓗᒋᖃᑦᑕᕋᒃᑯ. >>ᐸᑦᑕᑐᖅᑐᑦ ᖁᔭᓐᓇᒦᒃ. ᐸᓂᒐᓗ ᐸᓂᖃᕆᕗᖓ ᐃᓐᓇᕐᒥᒃ. ᖁᔭᓐᓇᒦᒃ ᐃᑲᔪᖃᑦᑕᕋᕕᖓ. ᑕᐃᒪ ᐊᖏᕐᕋᑦᑎᐊᓛᕐᒥᔪᖓ ᓴᓗᒪᔪᒧᑦ ᐃᑲᔪᖅᑎᒋᒐᒃᑯ. ᐃᑲᔪᖅᑕᓪᓚᕆᐅᖃᑦᑕᕋᒪ. ᐱᔭᕇᖅᐸᓪᓕᐊᓗᖓ, ᓯᕗᓕᖅᑎᐅᖃᑦᑕᖅᓯᒪᒐᒪ ᒪᐃᔪᒋᔭᐅᓪᓗᖓ ᑕᐃᑲᓂ ᕿᑭᖅᑕᕐᔪᐊᒥ. ᑐᑭᓯᓯᒪᓕᖅᑐᖓ ᐱᒡᒐᓇᖅᑐᓂᒃ, ᐊᔅᓱᕈᕐᓇᖅᑐᓂᒃ, ᐊᔅᓱᕉᑎᔅᓴᓂᒃ, ᐊᔪᐃᓐᓇᓂᕐᒥᒃ, ᐱᓕᕆᔪᓐᓇᓂᕐᒥᒃ. ᑖᓐᓇ ᐊᑐᖃᑦᑕᖅᓯᒪᒐᒃᑯ ᑕᐃᒪᐃᓐᖑᓱᑦᑐᖓ ᑖᒃᑯᓄᖓ ᒪᕐᕉᓐᓄᑦ ᓄᓇᓖᓐᓄᑦ, ᖁᕕᐊᒋᓪᓚᕆᑦᑕᕋ ᑖᓐᓇ. ᐊᒻᒪᑦᑕᐅᖅ ᐅᐱᒋᔪᒪᒋᓪᓗᒍ ᑕᐃᑲᓂ ᓂᕈᐊᕋᔅᓴᐅᖃᑎᒋᓚᐅᖅᑕᕋᐃᓛᒃ ᓰᓚ ᐃᓄᒃ ᑲᖏᖅᑐᒑᐱᖕᒥ. ᐊᑏ, ᐱᕕᔅᓴᖃᐃᓐᓇᖃᑦᑕᕋᑦᑕ ᓈᒻᒪᔅᓯᔭᕋᐃᒻᒪᑦ. ᑕᐃᒪ ᐆᑦᑐᑲᓐᓂᓂᕐᒥᒃ, ᐆᑦᑐᑲᓐᓂᖃᑦᑕᑎᓪᓗᑕ ᑎᑭᐅᑎᖃᑦᑕᓯᐅᖑᒐᑦᑕ. ᐃᒫᓪᓚᕆᒃ ᑖᓐᓇ ᓂᕈᐊᕋᔅᓴᐅᖃᑎᒋᓚᐅᖅᑕᕋ ᐅᐱᒋᒻᒥᔭᕋ ᐊᔅᓱᕈᓚᐅᕐᒥᒪᑦᑕᐅᖅ. ᐊᒻᒪᓗᑦᑕᐅᖅ ᐃᑲᔪᖅᑎᒋᓚᐅᖅᑕᕋ ᐅᑯᐊᕆᓪᓗᒍ ᑕᐃᓯ ᐊᕐᓇᖅᑯᖅ, ᑕᐃᒃᑯᐊᓗ ᐊᓯᖏᑦ, ᖃᖓᑦᑕᐅᑎ ᐊᑭᑐᖕᒪᑦ,

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 16 ᐃᑲᔪᑦᑕᐅᑦᑎᐊᓪᓚᕆᓚᐅᕋᒪ ᐱᕈᖅᓴᐃᓪᓗᑎᒃ, ᑕᐃᓇ ᑰᓂᓘᓯᑯᑦ ᐊᓯᖏᓪᓗ ᖁᔭᓐᓇᒦᖅᑲᔅᓯ. ᐃᑲᔪᖅᑕᐅᑦᑎᐊᓪᓚᕆᑦᑐᖓ ᐱᕈᖅᓴᐃᓪᓗᑎᒃ ᑕᑉᐸᐅᖓ ᑲᖏᖅᑐᒑᐱᒻᒧᑦ ᑎᑭᒍᓐᓇᖅᑎᑕᐅᓚᐅᕋᒪ. ᐊᒻᒪᓗ ᑕᑉᐱᑲᓂ ᐅᖅᑯᕐᒥᐅᓂᒃ ᑲᖏᖅᑐᒑᐱᖕᒥ, ᖁᔭᓐᓇᒦᕈᒪᓪᓗᒋᑦ ᓂᒡᓕᐅᑎᒋᔪᒪᒻᒥᒐᒃᑯ ᓚᐃᓯᐊ ᐸᓂᒃᐸᒃ ᐊᒻᒪᓗ ᒧᕇᓴ ᐸᓂᖓ, ᖃᐅᔨᒪᓗᐊᓐᖏᒃᑲᓗᐊᖅᑐᒋᑦ ᑭᓯᐊᓂ ᑐᓐᖓᓱᑦᑎᑕᐅᓪᓗᖓ ᑕᑉᐸᐅᖓᑲᑕᖃᑦᑕᖅᓯᒪᖏᓐᓇᒪ ᑲᖏᖅᑐᒑᐱᒻᒧᑦ, ᐃᓂᖃᖅᑎᑕᐅᑦᑎᐊᓚᐅᕐᓂᕋ ᐃᓕᔅᓯᒧᑦ ᖁᔭᓐᓇᒦᒻᒥᔭᕋ. ᑕᐃᒍᒪᓯᒪᒐᔅᓯ. ᑕᐃᒪᓗᑦᑕᐅᖅ ᐅᓇ, ᑕᑭᓗᐊᓕᖅᑑᒐᓗᐊᖅ, ᓈᒻᒪᓯᔾᔭᐅᒐᒪ ᐃᒻᒪᖄ ᑭᖑᓪᓕᕐᒥᒃ ᓇᐅᒃᑯᑦ ᓂᓪᓕᐅᑎᒋᓛᕋᒃᑯ ᑕᕝᕗᖓ ᐃᓱᓕᑲᐃᓐᓇᓚᐅᕐᓚᒍ. ᖁᔭᓐᓇᒦᒃ, ᑕᒪᔅᓯ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑏᑦ ᐅᖃᐅᓯᖏᑦ. ᒪᓕᒐᓕᐅᖅᑎ ᑐᓄᓂᕐᒧᑦ, ᒥᔅ ᓄᑕᕋᖅ. ᒪᓕᒐᓕᐅᖅᑎᐅᑉ ᐅᖃᐅᓯᖓ 016 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᑐᓄᓂᕐᒥᒃ (ᓄᑕᕋᖅ) ᓄᑕᕋᖅ: ᖁᔭᓐᓇᒦᒃ, ᐃᒃᓯᕙᐅᑖᖅ, ᐅᖃᖅᑎᑦᑎᔩ. ᐃᓕᓐᓂᐊᖅᐸᓪᓕᐊᖕᒥᒐᒪ ᑕᒪᒃᑯᓂᖓ. ᐃᑲᔪᖅᑕᐅᕙᒃᑲᒪᓗ ᖁᔭᓐᓇᒦᖅᐳᖓ. ᐅᖃᖅᑏ, ᐅᓪᓗᒥ ᓇᖏᖅᓯᕗᖓ ᖁᔭᓕᔪᒪᓪᓗᖓ ᐅᓄᖅᑐᓂᒃ ᐃᓄᖕᓂᒃ. ᐅᖃᖅᑎ, ᓯᕗᓪᓕᖅᐹᒥᒃ ᖁᔭᓐᓇᒦᕈᒪᕙᒃᑲ ᑕᐃᕕᑎ ᖃᒪᓂᖅ, ᑭᒡᒐᖅᑐᐃᔨᒋᓚᐅᖅᑕᕗᑦ ᒪᓕᒐᓕᐅᖅᑎᐅᓚᐅᖅᑐᖅ ᐊᒻᒪ ᕿᒪᒃᑎᒋᓯᒪᔭᕗᑦ ᔫᐱ ᓄᑕᕋᖅ ᓴᑭᒋᓚᐅᖅᑕᕋ, ᔭᐃᒥᓯ ᐊᕐᕚᓗᒃ, ᐊᒻᒪ ᔫ ᐃᓄᒃ. ᑖᒃᑯᐊ ᐱᓕᕆᑦᑎᐊᖅᓯᒪᖕᒪᑕ ᑭᒡᒐᖅᑐᐃᓪᓗᑎᒃ ᒥᑦᑎᒪᑕᓕᖕᒧᑦ. ᐅᖃᖅᑏ, ᖁᔭᓐᓇᒦᕈᒪᖕᒥᔭᕋ ᑕᐃᕕᑦ ᖃᒪᓂᖅ ᐊᒻᒪ ᔮᓱᐊ ᐋᕆᐊᒃ ᓂᕈᐊᕋᒃᓴᐅᖃᑎᒋᓚᐅᕋᒃᑭᒃ ᑕᒪᑐᒪᓂ ᓂᕈᐊᕐᓇᐅᑎᓪᓗᒍ. ᐅᖃᖅᑏ, ᑕᕝᕙᓃᓐᓇᔭᓐᖏᑦᑐᖓ ᑲᔪᖏᖅᓴᖅᑕᐅᓚᐅᓐᖏᒃᑯᒪ, ᐃᑲᔪᖅᓱᖅᑕᐅᓚᐅᓐᖏᒃᑯᒪᓗ ᐅᓄᖅᑐᓄᑦ ᒥᑦᑎᒪᑕᓕᖕᒥᐅᓄᑦ. ᒥᑦᑎᒪᑕᓕᖕᒥᐅᑦ ᖁᔭᓐᓇᒦᖅᐸᒃᑲ. ᖁᔭᓕᒋᕗᖓ ᐃᓐᓇᕐᒥᒃ ᐃᓕᓐᓂᐊᖅᑎᑕᐅᕙᒃᑲᒪ, ᐅᖃᐅᔾᔪᖅᓱᖅᑕᐅᕙᒃᖢᖓᓗ. ᐃᓚᐃᓐᓇᖏᓐᓂᒃ ᑕᐃᒍᕐᓂᐊᕋᒪ ᐳᐃᒍᐃᒍᒪ ᒪᒥᐊᑉᐳᖓ. ᒥᐊᓕ ᒪᒃᐸ, ᒐᒪᐃᓕ ᕿᓗᖅᑭᓵᖅ, ᖃᐅᒪᔪᐊᓐᓄᒃ ᑯᓄᒃ ᐊᒻᒪ ᖃᐅᓐᓇᖅ ᓴᖑᔭ ᐊᒻᒪ ᕿᒪᒃᑎᒋᓯᒪᓕᖅᑕᕗᑦ ᐃᑲᔪᖅᓯᒪᓪᓚᕆᖕᒪᑕ ᐅᕙᓐᓂᒃ ᐸᓂᓗᒃ ᓴᖑᔭ ᐊᒻᒪ ᔪᐊᓇᓯ ᒪᒃᐸ. ᒪᒥᐊᓇᖅ ᐳᐃᒍᐃᒍᒪ ᐃᓚᖏᓐᓂᒃ. ᖃᐅᔨᒪᓂᐊᖅᐳᑦ ᐃᓐᓇᐃᑦ ᐆᒻᒪᑎᓐᓃᒻᒪᑕ. ᐅᖃᖅᑏ, ᒪᓕᒐᓕᐅᖅᑎᓕᒫᑦ ᐅᕙᓂ ᐊᖏᖃᑎᖃᕋᔭᖅᐳᑦ ᐅᖃᕈᒪ, ᑲᔪᓯᑦᑎᐊᕋᔭᖏᓐᓂᑦᑎᓐᓂᒃ ᐃᓚᑦᑕ ᓴᓐᖏᓂᖏᑦ ᐃᑲᔪᖅᓱᕐᓂᖏᓪᓗ ᐱᓯᒪᓐᖏᒃᑯᑎᒍ. (ᑐᓵᔨᑎᒎᓕᖅᑐᖅ) ᖁᔭᓕᔪᒪᔭᕋ ᐊᓈᓇᒐ ᐊᐱᐊ ᕿᓕᖅᑎ, ᐊᑖᑕᒐ ᔮᓐ ᑯᐊᒃᔅ, ᐊᓂᑯᓗᒐ ᐃᓚᖏᓪᓗ ᐊᒻᒪᑦᑕᐅᖅ ᐅᐃᒐ ᕼᐋᕕ ᐊᒻᒪᓗ ᕿᑐᕐᖓᑦᓯᐊᕚᓗᒃᑲ ᓲᓛ, ᑯᕆᔅᑐ, ᑳᑐᕆᓐ ᐊᒻᒪ ᐋᓚᓐ, ᐃᕐᖑᑕᒃᑲᓗ. ᐊᒻᒪᑦᑕᐅᖅ ᖁᔭᓕᔪᒪᒥᔭᕋ ᓴᑭᒐ ᔪᐊᓇ ᓄᑕᕋᖅ ᐊᒻᒪᑦᑕᐅᖅ ᐅᐃᖓ, ᒪᓕᒐᓕᐅᖅᑎᐅᓚᐅᖅᓯᒪᖕᒥᔪᖅ ᑕᐃᑕᔅ ᐋᓗᓘᖅ ᐊᒻᒪᑦᑕᐅᖅ ᐊᒃᑲᒐ ᔮᓇᑕᓐ ᐸᓪᓗᖅ ᐅᖃᐅᔾᔨᒋᐊᖃᑦᑕᖅᓯᒪᓂᖓᓄᑦ ᓯᓚᑐᓂᖓᓄᓪᓗ. ᐅᖃᖅᑏ, ᑖᒃᑯᐊ ᓂᕈᐊᖅᑕᐅᑎᑦᑎᒐᓱᑦᑐᑎᒃ ᐃᑲᔪᖅᑎᒋᔪᔭᒃᑲ, ᑲᒪᓇᒻᒪᕆᔪᔪᑦ. ᐊᒻᒪᑦᑕᐅᖅ ᖁᔭᓕᕙᕋ ᑮᓇᐅᔭᓕᕆᔨᒋᓚᐅᖅᑕᕋ ᐊᐃᒥ ᐱᑦᓯᐅᓛᖅ, ᓴᓂᕋᕐᒨᑎᑦᑎᒍᓐᓇᓚᐅᓐᖏᒻᒪᑦ ᐅᕙᓐᓂᒃ. ᐊᖏᖅᑕᐅᔪᒪᒐᓗᐊᖅᑐᖓ, ᐅᖃᐅᓯᔅᓴᒃᑲ ᐱᔭᕇᕈᓐᓇᖁᒪᓪᓗᒋᑦ ᒪᓕᒐᓕᐅᖅᑎᐅᖃᑎᓕᒫᓐᓄᑦ, ᖁᔭᓐᓇᒦᒃ.

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 17 ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑎ ᒪᓕᒐᓕᐅᖅᑎᐅᖃᑎᓕᒫᒥᓄᑦ ᐊᖏᖅᑕᐅᒍᒪᔪᖅ ᐱᔭᕇᕈᓐᓇᕈᒪᓪᓗᓂ. ᐋᒡᒑᖅᑕᐅᕚ? ᐋᒡᒑᖅᑐᖃᓐᖏᒻᒪᑦ. ᑲᔪᓯᑐᐃᓐᓇᕆᑦ ᒥᔅ ᓄᑕᕋᖅ. ᓄᑕᕋᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒍᑦ) ᖁᔭᒋᒻᒥᔭᕋᑦᑕᐅᖅ ᐃᑲᔪᖅᓯᖅᑕᐅᓂᕆᓯᒪᔭᕋ ᑭᒃᑯᕈᓘᔮᓗᖕᓂᒃ. ᐃᓚᐃᓐᓇᖏᑦ ᑕᐃᓂᐊᕋᒃᑭᑦ. ᒪᒥᐊᑉᐳᖓ ᐳᐃᒍᐃᓐᓂᕈᒪ. ᐱᖃᑎᒋᓂᖅᐹᕋ ᓰᓇ ᑲᓴᕐᓇᒃ ᐃᖅᑲᓇᐃᔭᖃᑎᒋᕙᓚᐅᖅᑕᕋ, ᐱᓕᕆᖃᑎᒋᓲᕋ, ᐱᕈᕐᕕᒻᒥᑦ ᑕᓴᓛᕼᐄᑦ, ᐊᒻᒪᑦᑕᐅᖅ ᓄᐃᓪ, ᐋᑕᒻ ᐋᔅᒪᓐ, ᓯᐅᕋᓐ ᐆᑦᑐᖅ, ᔨᐊᓇ ᒥᖅᑯᓵᖅ, ᕆᐱᐊᑲ ᖁᓕᑦᑕᓕᒃ, ᕕᓕᔅ ᑲᓇᔪᖅ. ᐊᒻᒪᑦᑕᐅᖅ ᑕᐃᒍᒪᒻᒥᔭᕋ ᑕᐃᒃᑯᐊ ABE ᐃᓐᓇᐃᑦ ᐃᓕᓐᓂᐊᖃᑦᑕᓚᐅᖅᑐᐃᑦ ᓯᕗᓂᒃᓴᕗᒃᑯᓐᓂ, ᓄᓇᓕᓐᓂᑦ ᐃᓕᓴᕕᖓᓂ. ᑲᔪᖏᖅᒧᑦᑎᐊᖅᑲᒃᑲ ᐱᔭᕇᖁᓪᓗᒋᑦ ᐃᓕᓐᓂᐊᖅᑕᒥᓂᒃ. ᐅᖃᖅᑏ, ᓄᓇᓕᖁᑎᓕᒫᑦᑎᐊᕗᑦ ᐊᔾᔨᒌᐸᓗᓐᓂᒃ ᐱᒡᒐᓇᖅᑐᖅᓯᐅᖃᑦᑕᕐᖓᑕ ᐊᒻᒪ ᐅᖃᐅᓯᕆᓚᐅᖅᑐᑎᒍᑦ ᑕᐃᒃᑯᐊ ᓯᕗᓕᖅᑎᓂ ᑲᑎᒪᔾᔪᑎᖃᖅᑎᓪᓗᑕ. ᑲᔪᖏᓪᓚᕆᑦᑐᖓ ᐱᓕᕆᖃᑎᖃᕐᓂᐊᕐᓂᕆᔭᓐᓂᒃ ᒥᓂᔅᑕᓂᒃ ᒪᓕᒐᓕᐅᖅᑎᑐᐃᓐᓇᓂᓪᓗ, ᑕᒪᒃᑯᓂᖓ ᐱᒡᒐᓇᖅᑐᓂᒃ ᐅᖃᐅᓯᕆᓚᐅᖅᑕᑎᓐᓂᒃ ᒪᓕᒐᓕᐅᖅᑎᐅᓂᑦᑎᓐᓂᒃ. ᐅᖃᖅᑏ, ᓄᓇᓕᖁᑎᓕᒫᑦᑎᐊᕗᑦᑕᐅᖅ ᐃᓛᒃᑯᑦ ᐊᔾᔨᓕᒌᓐᖏᑦᑐᓂᒃ ᐱᔭᕆᐊᑐᔪᖅᓯᐅᐸᒻᒥᒻᒪᑕ. ᑕᐃᒃᑯᐊ ᐋᖅᑭᑦᑕᐅᓂᐊᖅᑐᑦ ᒫᓐᓇᕈᓗᒃ ᓄᓘᔮᓕᕆᓂᐅᔪᒥᒃ ᐊᔅᓱᐊᓗᒃ ᐊᑦᑐᐃᓂᐊᕐᖓᑕ ᒥᑦᑎᒪᑕᓕᒻᒥ, ᓄᓇᓕᖓᓂᓪᓗ ᖃᓂᔅᓴᕐᓗᖓ ᐱᓕᕆᖃᑎᖃᕐᓂᐊᖅᑐᖓ ᒐᕙᒪᖓᓂᓪᓗ. ᖃᓄᓕᒫᖅ ᐃᑲᔪᕋᓱᓪᓗᒋᑦ ᐃᓄᖁᑎᕗᑦ ᒫᓐᓇ ᐊᓯᔾᔨᐸᓪᓕᐊᓂᕐᒦᑎᓪᓗᑕ ᓱᑲᑦᑐᒥᒃ. ᐅᖃᖅᑏ, ᐱᔭᕇᓕᕐᓚᖓ ᒪᓕᒐᓕᐅᖅᑎᐅᖃᑎᓕᒫᒃᑲ ᐅᐱᒍᓱᖃᑎᒋᓗᒋᑦ ᐃᓕᓐᓂᒃ ᑎᒃᑯᐊᖅᑕᐅᓂᕆᓚᐅᖅᑕᕐᓄᑦ. ᖁᔭᓐᓇᒦᒃ, ᐅᖃᖅᑎ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑏᑦ ᐅᖃᐅᓯᔅᓴᖏᑦ, ᒪᓕᒐᓕᐅᖅᑎ ᕿᑭᖅᑖᓘᑉ ᓂᒋᐊᓄᑦ, ᒥᔅᑕ ᔪᐊᓇᓯ. ᒪᓕᒐᓕᐅᖅᑎᐅᑉ ᐅᖃᐅᓯᖓ 017 - 6(1): ᐃᓱᒪᖃᓂᖅ ᓂᕈᐊᒐᒃᓴᑐᐊᖑᓂᒃᑯᑦ ᐃᓕᔭᐅᑲᐅᑎᒋᓚᐅᕐᓂᕐᒥᓄᑦ ᑭᒡᒐᖅᑐᖁᓪᓗᒍ ᕿᑭᖅᑖᓘᑉ ᓂᒋᐊᓂ (ᔪᐊᓇᓯ) ᔪᐊᓇᓯ: ᓇᑯᕐᒦᒃ, ᐅᖃᖅᑏ. ᐊᒻᒪᓗ ᐅᓪᓗᒃᑰᑦᓯᐊᖅᐸᒃᑲ ᒪᓕᒐᓕᐅᖅᑎᐅᖃᑎᒃᑲ, ᖁᕕᐊᓇᕐᓗ ᐳᓛᖅᑎᖃᕈᓐᓇᕋᑦᑕ ᖃᖓᓂᐊᓗᑭᐊᖅ, ᑕᕝᕙᓂ ᒪᓕᒐᓕᐅᕐᕕᒻᒥ. ᐅᓪᓗᒃᑰᕆᕙᒃᑲᑦᑕᐅᖅ ᑭᒻᒥᕈᒻᒥᐅᑦ, ᑭᓐᖓᕐᒥᐅᑦ, ᓄᓇᕗᒻᒥᐅᑦ, ᓄᓇᕗᑦ ᓯᓚᑖᓂᓘᓐᓃᑦ. ᐱᒋᐊᕈᑎᒋᖅᑳᕐᓗᒍ, ᐃᑉᐱᒋᖃᑎᒋᕙᒃᑲ ᐃᖃᓗᑦᑑᑦᓯᐊᕐᒥᐅᑦ ᐊᒻᒪᑦᑕᐅᖅ ᐃᖃᓗᐃᑦ-ᓯᓈ ᑕᐃᒍᕋᑖᖅᑕᖏᑦ ᐊᑏᑦ ᐃᑉᐱᒋᖃᑎᒋᑦᓯᐊᖅᐸᑦᑎᒋᑦ ᑕᒪᒃᑯᐊ ᐅᖁᒪᐃᑦᑑᒐᓗᐊᖅᑎᓪᓗᒋᑦ ᑭᓯᐊᓂ ᑲᔪᓰᓐᓇᕐᓂᐊᕋᑦᑕ. (ᑐᓵᔨᑎᒎᓕᖅᑐᖅ) ᐅᖃᖅᑏ, ᓂᑯᕕᑦᑐᖓ ᑕᐃᓯᒍᒪᓪᓗᖓᑦᑕᐅᖅ ᓯᕗᓪᓕᖅᐹᒥᒃ ᐱᖓᔪᐊᓐᓂ ᑕᐃᒪ ᒪᓕᒐᓕᐅᖅᑎᐅᓂᕐᒥᒃ ᐱᒋᐊᕐᓂᐅᓴᓕᕋᒪ ᐃᓕᔭᐅᑐᐃᓐᓇᖅᑐᓄᑦ ᐊᔾᔨᒋᑦᑎᐊᓂᓐᖏᒻᒥᒻᒪᒍ ᖃᐅᔨᒐᒃᑯ, ᑮᓇᐅᔭᓕᕆᔨᒋᓚᐅᖅᑕᕋ ᔨᐊᓯᑲ ᑰᑦᑎᖅ ᖁᔭᓐᓇᒦᖅᑲᕋ ᐃᑲᔪᑦᑎᐊᓚᐅᕐᖓᑦ ᐊᑎᕋ ᓯᕗᒧᐊᑦᑎᑎᐊᖅᑐᓂᐅᒃ. ᐊᒻᒪᑦᑕᐅᖅ ᐃᓕᔭᐅᑐᐃᓐᓇᖅᑐᓃᓛᒃ ᐃᓕᓴᖅᓯᒐᒪ, ᐃᖅᑲᐅᒪᓪᓗᒋᓪᓗ ᑕᐃᒃᑯᐊ ᓂᕈᐊᖅᑐᒐᓛᓘᔪᔪᐃᑦ ᓯᕗᓪᓕᖅᐹᒥᒃ ᐊᐃᑉᐹᓂᓪᓗ ᓂᕈᐊᕋᔅᓴᐅᑎᓪᓗᖓ, ᑭᒻᒥᕈᕐᒥ, ᑭᓐᖓᕐᓂᓪᓗ. ᐅᖃᖅᑏ, ᐊᒻᒪᑦᑕᐅᖅ ᐃᓕᓴᕆᒍᒪᒻᒥᔭᕋ ᐊᓈᓇᒐ ᐅᐃᓐᑎ ᐅᕙᓃᒻᒪᑦ ᐅᓪᓗᒥ, ᐊᒻᒪᑦᑕᐅᖅ ᐊᖓᔪᒐ ᐊᖓᔪᖅᑎᑉᐹᖅ ᓇᑖᓐᓂᐅᓪ. ᐃᓚᒃᑲ ᖁᔭᓐᓇᒦᒃ, ᐃᓪᓗᒥᐅᖃᑎᒋᕙᔪᔭᒃᑲᓗ ᐅᕙᓂᑦᑐᐃᓐᓇᐅᖏᑦᑑᒐᓗᐊᑦ ᐃᑲᔪᖅᓰᑦᑎᐊᖏᓐᓇᕐᖓᑕ ᐅᓪᓗᒥᒧᑦ.

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 18 (ᑐᓵᔨᑎᒎᕈᓐᓃᖅᑐᖅ) ᐅᖃᖅᑏ, ᓂᕈᐊᖅᑐᑦ, ᓂᕈᐊᕐᓇᐅᑎᓪᓗᒍ ᐊᔾᔨᒌᓐᖏᑦᑐᓂᒃ ᑐᓴᕐᓇᓲᖑᒻᒪᑦ, ᐊᒻᒪᓗ ᕿᑭᖅᑖᓘᑉ ᓂᒋᐊᓂ ᑐᓴᖃᑦᑕᓚᐅᕐᒥᒻᒪᒐᒪᑦᑕᐅᖅ ᐊᔾᔨᒌᓐᖏᑦᑐᓂᒃ ᓂᕈᐊᓚᐅᓐᖏᒃᑲᓗᐊᖅᑎᓪᓗᒋᑦ ᑭᓯᐊᓂ ᑕᒪᓐᓇ ᐅᖃᐅᓯᕆᔭᐅᑭᑕᖃᑦᑕᖅᓯᒪᔪᖅ ᕿᑭᖅᑖᓘᑉ ᓂᒋᐊᓂᒥᐅᓄᑦ ᐱᓗᐊᖅᑐᒥᖃᐃ ᑭᒻᒥᕈᒻᒧᑦ ᑕᒪᓐᓇᖃᐃ ᓂᕈᐊᖅᑐᓕᕆᓂᐅᑉ ᑭᓪᓕᒋᔭᐅᖃᑦᑕᖅᑐᐃᑦ ᒥᑦᓵᓄᑦ. ᐃᒻᒪᖄ ᕿᒥᕐᕈᔭᐅᒃᑲᓐᓂᕆᐊᖃᕐᓂᖓᓂᒃ ᓂᕆᐅᓐᓂᖃᖅᐳᖓᑦᑕᐅᖅ. ᑕᕝᕙᓂᖃᐃ ᐱᓕᕆᐊᕆᔭᐅᒋᐊᖃᕐᓂᐊᕐᓂᖓᓂᒃ ᒪᓕᒐᓕᐅᖅᑎᐅᑎᓪᓗᑕ. ᑕᒪᓐᓇ ᓲᕐᓗ ᓄᓇᓖᑦ ᐅᓄᕐᓂᖏᑦᑕ ᕿᒥᕐᕈᔭᐅᖃᑦᑕᓛᕐᒥᒻᒪᑕ ᐅᕝᕙᓘᓐᓃᑦ ᓂᕈᐊᖅᑎᐅᔪᑦ ᖃᓄᐃᑦᑑᓂᖏᓐᓂᒃ, ᑕᐃᒪᓐᓂᑯᖓᓄᑦ ᑕᒪᓐᓇ ᐅᖃᐅᓯᕆᔪᒪᕙᕋ. . . ᐱᕕᖃᖅᑎᑕᐅᔪᒪᕗᖓ ᐅᖃᖅᑏ, ᐅᖃᐅᓯᔅᓴᒃᑲ ᐱᔭᕇᓐᖏᓇᒃᑭᑦ. ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑎ ᐊᖏᖅᑕᐅᔪᒪᒻᒪᑦ ᐱᐊᓂᒍᒪᓪᓗᓂᒋᑦ ᐅᖃᐅᓯᔅᓴᖏᑦ. ᐋᒡᒑᖅᑐᖃᖅᐸ? ᐋᒡᒑᖅᑐᖃᖏᒻᒪᑦ ᑲᔪᓯᑐᐃᓐᓇᕆᑦ ᒥᔅᑕ ᔪᐊᓇᓯ. ᔪᐊᓇᓯ: ᖁᔭᓐᓇᒦᒃ, ᐅᖃᖅᑎ, ᖁᔭᓐᓇᒦᑦᑕᐅᖅ ᐱᕕᖃᖅᑎᑕᐅᒐᒪ ᒪᓕᒐᓕᐅᖅᑎᐅᖃᑎᒃᑲᓄᑦ. ᐅᖃᖅᑏ, ᑕᒪᒃᑯᐊ ᓂᕈᐊᖅᑐᓕᕆᓂᐅᑉ ᑭᒡᓖᑦ ᕿᒥᕐᕈᔭᐅᓛᕐᓂᖏᓐᓂᒃ ᓂᕆᐅᒋᕙᒃᑲ ᑭᓯᐊᓂᑦᑕᐅᖅ ᒥᑭᓪᓕᑎᕆᕗᖓᑦᑕᐅᖅ ᒪᓕᒐᓕᐅᖅᑎᐅᖃᑎᒃᑲ ᑕᑎᖃᕈᒪᓂᕋᖅᓯᒪᓪᓗᑎᒃ ᐅᐱᒍᓱᑦᓱᑎᓪᓗ ᑖᒃᑯᓇᓐᖓᑦ ᒥᓂᔅᑕᓂᑦ ᓂᕈᐊᖅᓯᓚᐅᕐᒪᑕ ᐅᕙᓐᓂᒃ ᐃᓚᖃᖃᓯᐅᑎᓪᓗᑎᑦ. ᑭᓯᐊᓂᑦᑕᐅᖅ ᑖᒃᑯᑭᐊ ᓴᕆᒪᒋᔪᒪᕙᒃᑲ ᐱᒃᑯᓕᒋᕙᒃᑲ, ᐊᒻᒪ ᐅᐱᒋᕙᒃᑲ ᐱᒋᐊᓕᓵᖅᑐᐃᑦ, ᓲᕐᓗ ᐅᕙᓐᓂᒃ ᑕᐅᑐᖅᑰᔨᓕᕋᒪ ᑕᐃᔅᓱᒪᓄᑦ ᐱᒋᐊᓕᕋᑖᖅᑎᓪᓗᖓ ᐃᓕᑉᐸᓪᓕᐊᑎᓪᓗᖓᑦᑕᐅᖅ ᑕᒪᓐᓇ ᐊᓂᒍᕐᓂᐊᒥᒻᒪᑦ ᖃᐅᔨᒪᖁᑦᓱᓯ ᐊᒻᒪᓗ ᖁᖓᑉᐸᔅᓯ. ᑭᖑᓪᓕᖅᐹᒥᒃ ᐅᖃᖅᑏ, ᑖᓐᓇ ᐳᖅᑐᓂᖅᐹᒥᒃ ᐃᓕᓴᕆᔪᒪᕙᕋ ᖁᔭᒋᑦᑎᐊᕈᒪᓪᓗᒍᓗ ᓄᓕᐊᕋ, ᑕᓯᐅᖅᑎᒋᓯᒪᒐᒃᑯ ᐅᓪᓗᒥᒧᑦ ᐊᒻᒪᓗ ᑕᕝᕙᓃᒍᓐᓇᑦᑎᐊᕋᑦᑕ. ᑕᕝᕙᓃᒍᓐᓇᕋᔭᓚᐅᓐᖏᓐᓇᒪ ᑕᐃᓐᓇᐅᓐᓂᖏᑉᐸ, ᕿᑐᕐᖓᕗᓪᓗ ᐊᑦᓱᐊᓗᒃ ᓇᓪᓕᒋᔭᒃᑲ. ᖁᔭᓐᓇᒦ ᐅᖃᖅᑎ, ᐊᒻᒪᓗ ᐅᓪᓗᖃᑦᓯᐊᖅᑕ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᖅᑏᑦ ᐅᖃᐅᓯᒃᓴᖏᑦ, ᑲᖏᖅᖠᓂᐅᑉ-ᐅᐊᓐᓈᓄᑦ ᐃᒡᓗᓕᒑᕐᔪᒻᒧᓪᓗ ᒥᔅᑕ ᓴᒻᒧᖅᑐᖅ. ᒪᓕᒐᓕᐅᖅᑎᐅᑉ ᐅᖃᐅᓯᖓ 018 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᑲᖏᖅᖠᓂᐅᑉ ᐅᐊᓐᓇᖓ- ᐃᒡᓗᓕᒑᕐᔪᒻᒧᑦ (ᓴᒻᒧᖅᑐᖅ) ᓴᒻᒧᖅᑐᖅ: ᐅᑉᓗᒃᑯᑦ ᐃᒡᓗᓕᒑᕐᔪᒻᒥᐅᑦ, ᑲᖏᖅᖠᓂᕐᒥᐅᑦ. ᓯᕗᓪᓕᖅᐹᒥᒃ ᖁᔭᓕᔪᒪᕗᖓ ᑕᐃᒃᑯᐊ ᓂᕈᐊᖅᑎᒋᓚᐅᖅᑕᒃᑲ ᑲᖏᖅᖠᓂᕐᒥ ᐊᒻᒪ ᐃᒡᓗᓕᒑᕐᔪᒻᒥ, ᖁᔭᓐᓇᒦᒻᒪᕆᐊᓗᒃ ᐃᓕᑉᓯᐅᓚᓐᖏᑉᐸᑦ ᑕᒫᓃᓐᓇᔭᓐᖏᓚᖓ. ᑕᐃᒃᑯᐊᓗ ᓂᕈᐊᖅᑕᐅᖃᑎᒋᓇᓱᓚᐅᖅᑕᒃᑲ ᐅᐱᒋᕙᑉᓯ, ᐆᑦᑐᐃᓐᓇᖃᑦᑕᕐᓂᐊᖅᐳᓯ, ᖁᔭᓐᓇᒦᒃ. ᓄᓕᐊᕋᓗ, ᓄᑕᕋᒃᑲᓗ, ᐃᓚᒃᑲᓗ ᖁᔭᓐᓇᒦᒻᒪᕆᑉᐸᒃᑲ ᐃᑲᔪᖅᑐᐃᖏᓐᓇᑎᓪᓗᒋᑦ ᓂᕈᐊᒐᒃᓴᐅᑎᓪᓗᖓ ᐃᑲᔪᖅᑐᐃᖏᓐᓇᓚᐅᕐᒪᑕ, ᐊᒻᒪᓗ ᑕᐃᓐᓇ ᑮᓇᐅᔭᓕᕆᔨᒋᓚᐅᖅᑕᕋ ᖁᔭᓐᓇᒦᕈᒪᑉᓗᒍ ᓖᓴ ᐳᕈᒃᔅ, ᖁᔭᓐᓇᒦᒃ. ᐊᒻᒪ ᐅᐱᒋᕙᒃᑲ ᑕᐃᒃᑯᐊ ᓂᕈᐊᖅᑕᐅᓚᐅᖅᑐᑦ ᐅᖃᖅᑎᐅᓂᕐᒧᓪᓗ ᐊᒻᒪ ᒥᓂᔅᑕᐅᓂᕐᒧᑦ ᓂᕈᐊᖅᑕᐅᔪᑦ ᐅᐱᒋᒻᒪᕆᑉᐸᑉᓯ, ᐊᒻᒪᓗ ᐅᕙᒍᑦ ᒪᓕᒐᓕᐅᖅᑎᑐᐃᓐᓇᐅᓂᐊᖅᑐᒍᑦ ᐅᐱᒋᕙᑉᓯ ᑕᒫᓃᖃᑎᒋᓂᐊᓕᕋᑉᓯ, ᖁᔭᓐᓇᒦᒻᒪᕆᐊᓗᒃ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑏᑦ ᐅᖃᐅᓯᒃᓴᖏᑦ. ᒪᓕᒐᓕᐅᖅᑎ ᖁᑦᑎᒃᑐᒧᑦ ᒥᔅᑕ ᑕᐃᕕᑎ ᐊᕿᐊᕈᖅ.

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 19 ᒪᓕᒐᓕᐅᖅᑎᐅᑉ ᐅᖃᐅᓯᖓ 019 - 6(1): ᐃᓱᒪᖃᓂᖅ ᓂᕈᐊᒐᒃᓴᑐᐊᖑᓂᒃᑯᑦ ᐃᓕᔭᐅᑲᐅᑎᒋᓚᐅᕐᓂᕐᒥᓄᑦ ᑭᒡᒐᖅᑐᖁᓪᓗᒍ ᖁᑦᑎᒃᑐᒧᑦ (ᐊᕿᐊᕈᖅ, ᑕ) ᑕᐃᕕᑎ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑏ, ᐊᒻᒪᓗ ᐅᐱᒋᕙᒋᑦ ᑕᐃᑯᖓ ᐅᓂᐊᖅᑕᐅᖅᑲᐅᒐᕕᑦ, ᐊᓕᐊᓇᐃᔪᐊᖅ ᐃᓕᓐᓄᑦ ᐃᓂᖅᑎᖅᑕᐅᔪᓐᓇᑦᑎᐊᖃᑦᑕᕐᓂᐊᓕᕆᕗᒍᑦ. ᐱᒋᐊᓚᐅᓐᖏᓂᓐᓂᖃᐃᑦ ᓯᕗᓪᓕᕐᒥᑦ ᖁᔭᓐᓇᒦᕈᒪ, ᐃᓛ ᖁᔭᓐᓇᒦᕈᒪᕐᔪᐊᕋᒪ. ᑕᐃᒃᑯᐊ ᐊᖓᔪᖅᑳᕆᓚᐅᖅᑕᒃᑲ, ᐊᖓᔪᒋᓚᐅᖅᑕᒃᑲᓗ ᑕᕝᕙᓃᒍᓐᓃᖅᑐᐃᑦ ᐅᐱᒍᓱᓐᓂᖏᓐᓂᑦ ᑕᑯᔪᒥᓇᖃᑦᑕᕋᓗᐊᕐᒪᑕ, ᐊᒃᓱᐊᓗ ᐅᐱᓐᓇᖃᑦᑕᕐᒪᑦ, ᐅᐱᔅᓱᓂ ᑕᐃᒃᑯᐊ ᐃᖅᑲᐅᒪᓇᐃᓐᓇᐅᔭᕐᒪᑕ. ᑖᒃᑯᐊᓗ ᖃᑕᓐᖑᑎᒃᑲ ᐊᐅᓱᐃᑦᑐᕐᒦᑦᑐᐃᑦ, ᐊᒻᒪᓗ ᐊᒃᓱᕐᔪᐊᕌᓗᒃ ᐊᓕᐊᓇᐃᒋᓪᓗᒍ ᑖᓐᓇ ᐊᖓᔪᒐ ᑕᒫᓃᒍᓐᓇᕐᒪᑦ, ᑖᓐᓇ ᐃᓕᓴᐃᔨᒋᓯᓐᓈᖅᓯᒪᓪᓗᒍ ᑭᓱᑐᐃᓐᓇᕐᓄᑦ ᐱᕈᖅᓴᐃᑦᑎᐊᕐᓂᖓᓄᓪᓗ ᑕᐃᒪᓐᓇᐃᑎᓪᓗᒍ, ᐊᒻᒪᓗ ᐳᓛᖅᑎᖃᕈᓐᓇᕋᑦᑕ ᐊᓕᐊᓇᐃᒍᓱᑦᑎᐊᖅᐳᖓ ᖃᖏᐊᒃᑲ ᑕᑯᔪᓐᓇᕋᒃᑭ ᐊᓕᐊᓇᐃᒋᑦᑎᐊᕆᕙᒃᑲ ᑕᒫᓃᑐᐊᐃᓐᓅᑎᓪᓗᒋᑦ. ᐃᔅᓯᕚᖃᑎᖃᕈᓐᓇᖅᓯᒪᕆᑦᑐᖓ ᑕᒫᓃᑦᑐᒥᒃ ᐊᒃᓱᐊᓗᒃ ᐅᐱᒋᑦᑎᐊᖅᐸᒋᑦ ᓯᕗᓕᐅᖅᑎᒧᑦ ᓂᕈᐊᖅᑕᐅᓚᐅᕐᓂᓐᓅᕕᑦ ᐊᒃᓱᑦ ᓱᕈᓯᑯᓘᓚᐅᖅᑎᓪᓗᒍ ᐊᔾᔨᐅᖏᑦᑐᒥᒃ, ᐃᓛ, ᖃᓄᖅ, ᐊᑕᐅᓯᐅᖃᑎᒋᓕᖅᓱᒍ ᐱᓕᕆᖃᑎᒋᓂᐊᓕᕋᒃᑯ. ᐊᒻᒪᓗ ᐃᓕᔅᓯ ᓂᕈᐊᖅᑕᐅᔪᐃᓐᓇᐅᓚᐅᖅᑐᓯ ᐊᒃᓱᐊᓗᒃ ᐊᓕᐊᓇᐃᒍᓱᑉᐳᖓ, ᐅᑎᖅᑐᐃᑦ ᑕᐃᑲᓂ ᑕᓪᓕᒪᒋᓕᖅᑕᖓᓐᓂᑦ ᐃᓕᓚᐅᕋᒪ ᑕᐃᑯᖓᓗ ᐊᖓᔪᖅᑲᐅᑎᒨᖅᑕᐅᑲᐅᑎᒋᓪᓗᖓ ᖁᔭᒋᔭᕐᔪᐊᕌᓗᒃᑲ ᑕᐃᒃᑯᐊ. ᐊᒻᒪᓗ ᓯᕗᓕᖅᑎᒋᓚᐅᖅᑕᕗᑦ ᐱᓕᕆᑎᑦᑎᑦᑎᐊᓚᐅᕐᒪᑦ ᐅᕙᓐᓂᒃ ᐊᒻᒪᓗ ᐅᕙᑦᑎᓃᓛᒃ ᑕᐃᒪᓐᓇᐃᑎᓪᓗᒍ. ᑕᐃᒪᓐᓇᐃᑎᓪᓗᒍᓗ ᑖᒃᑯᐊᓗ ᐊᒥᓲᓚᐅᕋᑦᑕ ᓂᕈᐊᓇᓱᑦᑐᒍᑦ ᑕᕝᕗᖓ. ᑕᐃᒃᑯᐊ ᓂᕈᐊᕋᔅᓴᐅᓚᐅᖅᑐᐃᑦ ᐊᒃᓱᐊᓗᒃ ᐱᔪᓐᓇᖅᑐᐃᓐᓇᐅᔪᓯ ᑭᓯᐊᓂ ᓂᕈᐊᕐᓂᒃᑯᑦ ᐊᒥᓲᒍᓐᓃᖅᑎᑕᐅᖃᑦᑕᕋᑦᑕ ᑕᐃᒪᓐᓇᐃᑎᓕᖓᑎᓪᓗᒍ ᑭᓯᐊᓂ ᐱᓕᕆᖃᑎᒌᑦᑎᐊᕐᓂᐊᖅᑐᒍᑦ ᓇᓗᓇᖏᑦᑐᖅ ᐊᒃᓱᐊᓗᒃ ᓂᕆᐅᑉᐳᖓ. ᑕᓪᓕᒪᒋᓕᖅᑕᖓᓂᑦ ᐃᖏᔅᓱᖓ ᐊᕐᕌᒍ ᑎᓴᒪᑐᖄᓘᓂᐊᓚᐅᖅᑐᐃᑦ ᓯᑯᓐᖏᑐᐃᓐᓇᖅᑰᔨᓪᓗᖓ ᓂᕈᐊᕋᔅᓴᐅᒋᐊᖃᓕᖅᓱᓂ, ᑕᐃᒪᓐᓇᐃᓚᐅᕐᒪᑦ. ᑖᒃᑯᐊ ᐱᖓᓱᐃᑦ ᓄᓇᓖᑦ ᑭᒡᒐᖅᑐᖅᑕᒃᑲ, ᐊᐅᓱᐃᑦᑐᖅ, ᖃᐅᓱᐃᑦᑐᖅ, ᐊᒻᒪᓗ ᐃᒃᐱᐊᕐᔪᒃ. ᓂᕈᐊᕋᔅᓴᒃᑲᓐᓂᕐᒥᒃ ᓴᖅᑭᑦᑎᓚᐅᓐᖏᒻᒪᑦ ᐊᔾᔨᐅᓐᖏᑦᑐᒃᑯᑦ ᑕᒪᐅᓐᖓᖅᑎᑕᐅᓯᒪᖓᒪ. ᑕᐃᒃᑯᐊ ᓂᕈᐊᓚᐅᓐᖏᑲᓗᐊᖅᑎᓪᓗᒋᑦ ᑭᒡᒐᖅᑐᖅᑎᐊᕐᓂᐊᖅᑕᒃᑲ ᐊᒻᒪ ᑭᒡᒐᖅᑐᑦᑎᐊᕈᒪᓪᓗᒋᑦ, ᐊᒃᓱᐊᓗᒃ ᐱᓕᕆᐊᔅᓴᕗᑦ ᐊᒥᒐᓐᖏᒻᒪᑦ. ᐅᖃᖅᑎᑦᑎᔩ, ᐱᕕᖃᒃᑲᓐᓂᐊᕐᔪᒍᒪᒐᓗᐊᖅᓱᖓ ᐱᔭᕇᕈᒪᓪᓗᒍ ᐅᖃᐅᓯᔅᓴᕋ. ᖁᔭᓐᓇᒦᒃ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ ᒪᓕᒐᓕᐅᖅᑎ ᐊᖏᖅᑕᐅᔪᒪᒻᒪᑦ ᐱᐊᓂᑦᑐᓐᓇᖁᑉᓗᒋᑦ ᐅᖃᐅᓯᑦᓴᖏᑦ. ᐋᒡᒑᖅᑐᖃᖅᐸ? ᐱᑕᖃᓐᖏᒻᒪᑦ. ᑲᔪᓯᒋᐊᑐᐃᓐᓇᕆᑦ ᒥᔅᑕ ᐊᕿᐊᕈᑦ. ᑕᐃᕕᑎ ᐊᕿᐊᕈᖅ: ᖁᔭᓐᓇᒦᒃ, ᒪᓕᒐᓕᐅᖅᑎᐅᖃᑎᒃᑳ ᐊᒻᒪᓗ ᖁᔭᓐᓇᒦᒃ, ᐅᖃᖅᑎᑦᑎᔨ. ᐄᓚᒃ, ᑕᐃᒃᑯᐊ ᐱᖓᓱᐃᑦ ᓄᓇᓖᑦ ᑭᒡᒐᖅᑐᑎᐊᕋᓱᓐᓂᐊᕋᒃᑭᑦ, ᒫᓐᓇ ᐊᒃᓱᖂᓴᒻᒪᑕ ᐃᓚᖓᑦᑎᒍᑦ ᐃᒪᖅ, ᐃᒪᖃᐅᑎᐊᓗᐊ ᓱᕋᒃᓯᒪᓂᖓᓄᑦ ᐃᒪᑭᓐᓂᐊᖅᑐᐃᑦ ᓇᓗᓇᓐᖏᒻᒪᑕ ᐊᐅᓱᐃᑦᑐᕐᒥᑦ. ᑕᒪᒃᑯᐊᕈᔪᐃᑦ ᓴᖅᑭᐊᓂᐊᕐᒪᑕ, ᐃᒡᓗᖃᓐᖏᑦᑐᐃᓪᓗ ᑕᐃᒪᓐᓇᐃᓕᖓᑎᓪᓗᒋᑦ. ᑭᒡᒐᖅᑐᐃᑦᑎᐊᕋᓱᓐᓂᐊᖅᐳᖓ ᑖᒃᑯᓄᖓ ᑕᐃᒪᓐᓇ ᐊᔾᔨᒌᓐᖏᑦᑐᓂᑦ ᐱᓕᕆᐊᔅᓴᑦᑎᓐᓂᒃ ᑐᓂᓯᔭᐅᓂᐊᕐᒥᒐᑦᑕ ᓂᕆᐅᑦᑎᐊᖅᐳᖓ ᑖᓐᓇ ᐱᓕᕆᓂᐊᕐᓂᓐᓂᑦ. ᑖᒃᑯᐊᓪᓗ ᕿᑐᕐᖓᑯᓗᒃᑲ ᐳᐃᒍᕈᒪᓐᖏᑦᑎᐊᕋᒃᑭᑦ, 7-ᑐᐃᓐᓇᑯᓘᒐᓗᐊᑦ ᐊᒻᒪᓗ ᐃᕐᖑᑕᒃᑲ 8- ᖑᓕᖅᓱᑎᒃ. ᑕᐃᒪᓐᓇᐃ, ᑕᐃᒃᑯᐊ ᐅᕙᓐᓂᒃ ᐃᑲᔪᖅᑐᐃᔾᔪᐊᖃᑦᑕᕐᓂᖏᓐᓄᑦ. ᑖᓐᓇ ᑭᖑᓪᓕᖅᐹᕆᓕᕐᓗᒍ ᐊᒃᓱᒻᒪᕆᐊᓗᒃ, ᐃᓛ ᑭᖑᓪᓕᖅᐹᖑᓪᓗᒍᖃᐃ, ᑕᐃᒃᑯᐊ ᓴᑭᒃᑲ, ᐊᐃᑯᓗᑯᒃᑲᓗ ᑕᐃᒃᑯᐊᓕᒫᑦᑎᐊᑦ ᖁᔭᓐᓇᒦᕆᕙᒃᑲ, ᐊᒻᒪᓗ ᐃᓐᓇᖁᑎᕗᑦ ᑕᑉᐹᓃᑦᑐᐃᑦ ᐱᓕᕆᑦᑎᐊᖁᔨᔾᔪᐊᖅᑐᐃᑦ ᑕᐃᒃᑯᐊ ᖁᔭᓐᓇᒦᓯᓐᓈᕈᒪᒐᒃᑭᑦ. ᑖᓐᓇ ᑭᖑᓪᓕᖅᐹᖑᓗᒍ, ᓯᕗᓪᓕᖅᐹᓪᓚᕆᐅᓪᓗᓂ ᑭᓯᐊᓂ ᑐᓄᑦᑎᐊᓃᑦᑐᖅ ᓄᓕᐊᑯᓗᒐ ᑭᐅᕈ, ᐅᕙᓐᓂᒃ ᑎᓕᐅᕆᖃᑦᑕᕐᒪᑦ ᐊᒻᒪ ᐱᓕᕆᖁᔨᓪᓗᓂ ᓇᒻᒥᓂᖅ ᐊᒃᓱᕈᖅᑐᒃᑰᖔᓕᖃᑦᑕᕐᒪᑦ ᑖᒃᑯᓂᖓ ᕿᑐᕐᖓᓐᓂᒃ ᐊᒻᒪᓗ ᐃᓪᓗᑦᑎᓐᓂᒃ ᐸᖅᑭᑦᑎᐊᕋᓱᑎᓪᓗᒍ. ᒫᓂ ᓄᓇᕗᒻᒥᐅᑕᐅᓂᒃ ᐸᖅᑭᑦᑎᐊᕋᓱᓐᓂᓃ ᐅᕙᖓ, ᑕᑯᔅᓴᐅᖃᑦᑕᖏᒻᒪᑕ

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 20 ᑖᒃᑯᐊ ᐊᐃᑉᐸᖅᐳᑦ ᐊᒃᓱᕉᓴᖃᑦᑕᕐᒥᔪᑦ ᐊᒻᒪᓗ ᐱᓕᕆᑦᑎᐊᕐᓂᖏᓐᓄᑦ ᑕᕝᕙᓂ ᓇᖏᕈᓐᓇᖃᑦᑕᖅᐳᒍ ᓄᓇᕗᒻᒥᐅᑕᓂᒃ ᑭᒡᒐᖅᑐᐃᒍᓐᓇᖅᓱᑕ ᑖᓐᓇ ᖁᔭᓐᓇᒦᑦᑎᐊᖅᐸᒋᑦ ᓄᓕᐊᑯᓘᒃ ᑕᐃᒪᓐᓇᐃᑦᑎᓪᓗᒍ. ᐅᖃᖅᑎᑦᑎᔩ, ᖁᔭᓐᓇᒦᓕᖅᐳᖓ ᐅᖃᐅᓯᔅᓴᒃᑲ ᐃᓱᓕᑲᐃᓐᓇᖅᐳᑦ. ᖁᔭᓐᓇᒦᒃ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑏᑦ ᐅᖃᐅᓯᒃᓴᖏᑦ, ᒪᓕᒐᓕᐅᖅᑎ ᓇᑦᓯᓕᒻᒧᑦ ᒥᔅᑕ ᖂᕿᐊᖅ. ᒪᓕᒐᓕᐅᖅᑎᐅᑉ ᐅᖃᐅᓯᖓ 020 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᓇᑦᓯᓕᒻᒧᑦ (ᖂᑭᐊᖅ) ᖂᕿᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎ. ᓯᕗᓪᓕᖅᐹᒥᑦ ᖁᔭᓐᓇᒦᕈᒪᑉᓗᒋᑦ ᐃᓚᓐᓇᕆᔭᒃᑲ, ᐃᓚᒋᔭᒃᑲ ᑕᓗᕐᔪᐊᕐᒥᑦ ᐊᒻᒪᓗ ᑰᒑᕈᒻᒥ, ᓄᓕᐊᕋᓗ ᖂᕿᐊᖅ, ᔫᓴᕝ ᖂᖅᑭᐊᕐᓗ, ᑖᒃᑯᐊ ᐅᐸᒃᓯᒪᒻᒪᑕ ᐊᔾᔨᐅᖏᑦᑐᒥᒃ ᐊᖏᖅᑕᐅᓂᖃᖅᑎᓪᓗᑕ ᒪᓕᒐᓕᐅᖅᑎᐅᓂᓐᓄᑦ. ᐊᒻᒪ ᖁᔭᓐᓇᒦᖅᐸᒃᑲ ᓇᑦᓯᓕᒻᒥᐅᑕᐃᑦ ᐅᕙᓐᓂᒃ ᐅᑉᐱᕈᓱᓚᐅᕐᒪᑕ, ᐅᑉᐱᕈᓱᒃᓱᑎᑦ ᓇᑦᓯᓕᒻᒧᑦ ᑭᒡᒐᖅᑐᐃᒍᓐᓇᕐᓗᖓ. ᓂᕆᐅᑦᑐᖓ ᐅᑭᐅᑦ ᓯᑕᒪᓄᑦ ᐱᓕᕆᖃᑎᒋᓗᒋᑦ ᒪᓕᒐᓕᐅᖅᑎᐅᖃᑎᒃᑲ ᓄᓇᕗᑦ ᐱᐅᓂᖅᐹᖑᖁᑉᓗᒍ. ᐅᖃᖅᑏ, ᐅᑉᐱᕈᓱᑉᐳᖓ ᐊᒥᓱᓂ ᐱᔪᓐᓇᓪᓚᕆᓐᓂᐊᖅᑕᑎᓐᓂᒃ ᐱᓕᕆᖃᑎᒌᓐᓂᐊᕐᓂᑎᓪᓗ. ᖁᔭᓐᓇᒦᒃ, ᐅᖃᖅᑎ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑏᑦ ᐅᖃᐅᓯᒃᓴᖏᑦ, ᒪᓕᒐᓕᐅᖅᑎ ᖁᕐᓗᖅᑐᒧᑦ ᒥᔅᑕ ᐊᓇᕕᓗᒃ. ᒪᓕᒐᓕᐅᖅᑎᐅᑉ ᐅᖃᐅᓯᖓ 021 - 6(1): ᐃᓱᒪᖃᓂᖅ ᓂᕈᐊᖅᑕᐅᓂᕐᒥᓄᑦ ᑭᒡᒐᖅᑐᖁᓪᓗᒍ ᖁᕐᓗᖅᑑᒧᑦ (ᐊᓇᕕᓗᒃ) ᐊᓇᕕᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᖁᔭᓐᓇᒦᕈᒪᓪᓗᒋᑦ ᒪᓕᒐᓕᐅᖅᑏᑦ ᓯᕗᓂᐊᓂᒃ ᑭᒡᒐᖅᑐᐃᓪᓗ ᖁᕐᓗᖅᑐᒥ ᐃᒡᓗᒥ ᑖᓇ ᕼᐊᕕᐅᔭᖅ, ᔫᓐ ᐋᓚᓐ ᐊᔭᒍᑕᐃᓚᒃ, ᐲᑕ ᑕᑉᑑᓇ, ᒦᓚ ᑲᒥᓐᖑᐊᖅ, ᐊᒻᒪ ᑲᐅᐊᓐ ᐲᑐᓴᓐ. ᐅᖃᖅᑏ, ᐃᓚᓐᓇᕆᔭᒃᑲ ᓴᓐᖏᓂᖃᕐᕕᒋᓯᒪᕙᒃᑲ ᐃᑲᔪᖅᑐᐃᑦᓯᐊᓚᖅᖢᑎᓪᓗ ᐅᕙᒻᓂᒃ. ᐊᒃᓱᐊᓗᒃ ᐅᐱᒋᓪᓚᕆᑉᐸᒃᑲ ᐊᒻᒪᓗ ᐃᓚᓐᓇᕆᔭᒃᑲ ᕿᑐᕐᖓᒃᑲᓗ. ᐅᖃᖅᑏ, ᖁᔭᓐᓇᒦᕈᒪᓪᓗᑎᑦ ᓂᕈᐊᖅᑕᐅᓚᐅᕐᓂᕐᓄᑦ ᐅᖃᖅᑎᐅᓂᐊᕐᓗᑎᑦ. ᐅᑉᐱᕆᓱᑉᐳᖓ ᓯᕗᓪᓕᖅᐹᖅ ᒪᓕᒐᓕᐅᖅᑎᐅᓂᐊᕋᕕᑦ ᐅᖃᖅᑎᐅᓗᑎᑦ ᕿᑎᕐᒥᐅᓂᒃ ᐃᒡᓗᒥᑦ. ᐅᖃᖅᑏ, ᓂᕆᐅᑦᓯᐊᖅᐳᖓ ᒪᓕᒐᓕᐅᖅᑎᓐᓂᒃ ᐱᓕᕆᖃᑎᖃᕐᓂᐊᕐᓂᕐᓂᒃ ᐊᑕᐅᓯᓐᖏᑦᑐᓂᒃ ᐱᒻᒪᕆᐅᑎᐅᔪᓂᒃ ᑭᑐᓂᒃ. ᑖᓐᓇᓗ ᐅᖃᐅᓯᐅᓗᐊᑦᑕᓚᐅᖅᑐᖅ ᐅᕙᒻᓄᑦ ᓂᕈᐊᖅᑎᖁᑎᒋᓯᒪᔭᕐᓂᒃ ᖁᕐᓗᖅᑐᒥ ᐱᐅᓂᖅᓴᒥᒃ ᐃᓐᓇᕐᓄᑦ ᐸᖅᑭᕕᑦᑕᖃᖁᓪᓗᒍ. ᐃᓄᐃᑦ ᐃᓐᓇᖅᐳᑦ ᓂᐱᖃᓐᖏᒻᒪᑕ ᐅᕙᑉᑎᓐᓂ, ᐅᕙᑉᑎᓐᓄᑦ ᓂᓪᓕᐅᔾᔭᐅᓪᓗᑎᒃ ᐅᑕᖅᑭᕙᒻᒪᑕ. ᐃᓚᓐᓇᕆᔭᒥᓂᒃ ᖃᓂᑦᓴᕈᒪᓪᓗᑎᒃ ᓇᒻᒥᓂᖅ ᓄᓇᓕᒻᒥᓂᑦ. ᐅᖃᖅᑏ, ᐅᓄᓗᐊᖅᑐᑦ ᐃᓐᓇᐃᑦ ᓅᑕᐅᕙᓕᕐᒪᑕ ᓄᓇᓕᐅᑉ ᐊᓯᐊᓄᑦ. ᐅᓄᓗᐊᖅᑐᑦ ᐃᓐᓇᐃᑦ. (ᑐᓵᔨᑎᒍᑦ) ᐊᐱᕆᕗᖓ ᐊᖏᖅᑕᐅᔪᓐᓇᕐᒪᖔᕐᒪ ᐱᔭᕇᕈᓐᓇᕈᒪᓪᓗᒋᑦ ᐅᖃᐅᓯᒃᓴᒃᑲ. ᐅᖃᖅᑎ (ᑐᓵᔨᑎᒍᑦ): ᐊᖏᖅᑕᐅᔪᒪᒻᒪᑦ ᒪᓕᒐᐅᖅᑎ ᐱᐊᓂᒃᓯᖁᑉᓗᒍ ᐅᖃᐅᓯᔅᓴᒥᓐᓂᒃ. ᐋᒡᒑᖅᑐᖃᖅᐸ? ᐋᒡᒑᖅᑐᖃᓐᖏᒻᒪᑦ, ᑲᔪᓯᒋᐊᑐᐃᓐᓇᕆᑦ, ᒥᔅᑕ ᐊᓇᕕᓗᒃ.

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 21 ᐊᓇᕕᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᕋᑖᕋᒪ ᐃᓐᓇᕆᔭᕗᑦ ᐅᕙᑉᑎᓐᓂ ᑭᓐᖑᕐᒪᑕ ᐃᑲᔪᖅᑕᐅᔪᒪᑉᓗᑎᒃ ᓂᐱᖃᕈᓐᓃᕋᒥ. ᐅᓄᓗᐊᖅᑐᑦ ᐃᓐᓇᖅᐳᑦ ᖃᓪᓗᓈᓄᑦ ᐊᐅᓪᓚᖅᑎᑕᐅᕙᓕᕐᒪᑕ ᐊᒻᒪᓗ ᐅᓄᓗᐊᖅᑐᑦ ᐃᓐᓇᐃᑦ ᐅᑎᓚᐅᖅᓯᒪᔪᓐᓃᖅᓱᑎᒃ ᐊᖏᕐᕋᒧᑦ. ᐅᖃᖅᑏ, ᐅᓐᓂᖅᓯᐅᕈᒪᕗᖓ ᐊᑐᖅᓯᒪᔭᓐᓂᒃ ᐃᓕᒻᓄᑦ ᐊᒻᒪᓗ ᒪᓕᒐᓕᐅᖅᑎᐅᖃᑎᓐᓄᑦ ᐅᑉᓗᒥ. ᐊᓈᓇᒐ ᐃᓅᒍᓐᓃᖅᓯᒪᒻᒪᑦ, ᐃᓅᒍᓐᓃᓚᐅᕐᒪᑦ, ᐃᓅᒍᓐᓃᓚᐅᖅᑎᓐᓇᒍ ᓅᑕᐅᓐᓂᓚᐅᕐᒪᑦ ᓄᓇᓕᒻᒥᓂᒃ. ᐊᐅᓪᓚᖅᑎᑕᐅᑉᓗᓂᓗ ᑕᐅᓄᖓ, ᑖᓐᓇ ᐊᑦᓱᕈᓐᓇᓚᐅᖅᑐᖅ ᐃᑉᐱᒋᒋᐊᖓ. ᐅᖃᖅᑏ, ᑐᑭᓯᐅᒪᑦᓯᐊᖅᐳᖓ ᐃᓕᑕᕆᓪᓗᒍ ᑕᒪᓐᓇ ᐱᔭᕆᑐᒻᒪᑦ ᐊᒃᓱᕈᓐᓇᖅᓱᓂᓗ, ᒐᕙᒪᕆᔭᕗᑦ ᑮᓇᐅᔭᕐᔪᐊᕐᓂᒃ ᒥᓕᐊᓐᖏᓐᓂᒃ ᐊᑐᖃᑦᑕᖅᓱᑎᒃ ᐊᑭᓖᒍᑎᐅᔪᓂᒃ ᐸᖅᑭᔭᐅᒍᑎᒃᓴᓄᑦ ᐊᔾᔨᐅᖏᑦᑐᓄᑦ ᖃᓪᓗᓈᓃᑦᑐᓂᒃ. ᐅᐊᑦᑎᐊᑲᓐᓂ ᐅᑉᓗᒥ ᐊᑲᐅᓕᖅᐸᑦ ᓂᓪᓕᐊᖅᐳᖓ ᑖᑦᓱᒪᖓᑦ ᓴᖅᑮᓗᑕ ᐱᒻᒪᕆᐅᔪᒥᒃ. ᐅᖃᖅᑏ, ᐱᔭᕇᖅᓯᒍᒪᓪᓗᖓ ᐅᖃᐅᓯᔅᓴᓂᒃ ᖁᔭᓐᓇᒦᐳᒪᑉᓗᓯ ᑕᒪᕐᒥᑦᑎᐊᖅ ᒪᓕᒐᓕᐅᖅᑏᑦ ᐊᒻᒪᓘᓐᓃᑦ ᓂᕈᐊᖅᑕᐅᒃᑲᓐᓂᖅᑐᓂᒃ ᐊᒻᒪ ᓂᕈᐊᖅᑕᐅᓕᓵᖅᑐᓄᑦ. ᐱᓕᕆᖃᑎᒌᑦᑐᐃᓐᓇᐅᓚᐅᖅᑕ ᓄᓇᕗᒻᒥᐅᑦ ᑭᒡᒐᖅᑐᕐᓗᒋᑦ ᐊᒻᒪᓗ ᐊᒃᓱᕈᕐᓗᑕ ᓄᓇᕗᒻᒥᐅᓕᒫᑦ ᐃᑉᐱᒋᒋᐊᕐᓗᒋᑦ. ᖁᔭᓐᓇᒦᒃ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᐅᖃᖅᑐᐃᓐᓇᐅᕙᓪᓚᐃᒐᔅᓯ. ᐊᓯᐊᓄᑦ ᓅᓐᓂᐊᓕᕋᑦᑕ. ᓈᓴᐅᑎᓕᒃ 5. ᐳᓛᕆᐊᖅᓯᒪᔪᓂᒃ ᐃᓕᓴᖅᓯᓂᖅ. ᐃᓵᒡᓗᓯ. ᐊᑏᓘ? >>ᐃᒡᓚᖅᑐᑦ ᖁᔭᓐᓇᒦᒃ. ᐳᓛᕆᐊᖅᓯᒪᔪᓂᒃ ᐃᓕᓴᖅᓯᓂᖅ. ᐃᖃᓗᐃᑦ-ᓯᓈᓄᑦ ᒪᓕᒐᓕᐅᖅᑎ, ᒥᔅ ᐳᕉᔅᑐ. ᑲᑎᒪᔾᔪᑎᒃᓴᖅ 5: ᐃᓕᑕᖅᓯᓂᖅ ᑐᓵᔭᖅᑐᖅᓯᒪᔪᓂᒃ ᒪᓕᒐᓕᐅᕐᕕᒻᒧᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᕕᐊᓱᑦᑐᖓ ᐃᓕᓴᖅᓯᔪᓐᓇᕋᒪ ᑕᓇᔅ ᐹᑐᓴᓐ ᐊᒻᒪ ᐃᕐᖑᑕᖓ. ᑖᒃᑯᐊ ᐊᑎᓕᒫᑦᑎᐊᖏᑦ ᐅᖃᐅᓯᕆᓂᐊᕋᒃᑭᑦ ᐱᕐᔪᐊᕌᓘᒻᒪᑕ ᐊᑎᖏᑦ ᑕᐃᒃᑯᐊ ᒪᐃᔪᔅ, ᕆᑦᓱᑦ, ᓇᐸᑦᓯ, ᐅᐊᔅᐳᐊᑦ, ᐅᕕᓗᖅ, ᐳᕉᔅᑐ. ᑐᓐᖓᓱᒋᑦ. ᖁᔭᓐᓇᒦᒃ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᐳᓛᕌᕆᐊᖅᓯᒪᔪᓂᒃ ᐃᓕᓴᖅᓯᓂᖅ. ᐃᖃᓗᐃᑦ-ᓂᐊᖁᓐᖒᑦ ᒪᓕᒐᓕᐅᖅᑎᖓ, ᐸᐅᓗᓯ ᐊᕿᐊᕈᖅ. ᐸᐅᓗᓯ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑏ. ᐅᐱᒍᓱᑦᑎᐊᖅᐳᖓ ᓂᑯᕕᒋᐊᖅ ᐃᓕᓴᕆᔪᓐᓇᕐᓗᒍ ᓯᕗᓪᓕᖅᐹᑦᑎᐊᒥᒃ ᐊᑖᑕᒐ ᔭᐃᐱᑎ ᐊᕿᐊᕈᖅ, ᐊᖓᔪᒐ ᕋᓱ ᐊᕿᐊᕈᖅ, ᐊᒻᒪ ᓄᑲᕋ ᐃᑦᑐᐊᖓᑦ ᐊᕿᐊᕈᖅ. ᑕᒪᓐᓇᑦᑕᐅᖅ ᐃᓕᓴᕆᔪᒪᑦᑎᐊᕋᒃᑯ ᑭᐅᕈ ᐊᕿᐊᕈᖅ ᑭᒡᒐᖅᑐᐃᔨᒋᓪᓗᒍ, ᓲᖅ ᖁᔭᓐᓇᒦᒃ, ᐃᒃᓯᕙᐅᑕᖅ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᐳᓛᕆᐊᖅᓯᒪᔪᓂᒃ ᐃᓕᓴᖅᓯᓂᖅ. ᐃᖃᓗᐃᑦ-ᒪᓂᕋᔭᐅᑉ ᒪᓕᒐᓕᐅᖅᑎᖓ ᒥᔅᑕ ᓚᐃᑦᓯᑑᓐ. ᓚᐃᑦᓯᑑᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᐱᑦᑐᖓ ᐃᓕᓴᖅᓯᒍᓐᓇᕋᒪ ᒥᔅᑕ ᑕᓇᔅ ᐹᑐᓴᓐ, ᐃᑦᑐᐃᑦ ᑲᑎᒪᓂᖏᓐᓃᓐᖔᖅᑐᖅ. ᐊᓈᓇᒐ ᐅᓛᔪ ᐋᕆᐊᒃ, ᐊᑖᑕᒐᓗ, ᐅᖃᖃᑦᑕᓚᐅᖅᓯᒪᒻᒪᑦ

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 22 ᓴᓐᖏᔪᐊᓘᒐᒪ ᐊᓈᓇᓐᓃᓐᖔᖅᑐᖅ ᖃᐅᔨᒪᓂᐊᖅᑐᐳᑎᑦ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᐳᓛᕆᐊᖅᓯᒪᔪᓂᒃ ᐃᓕᓴᖅᓯᓂᖅ. ᑕᓯᐅᔭᕐᔪᐊᒧᑦ ᒪᓕᒐᓕᐅᖅᑎ, ᒥᔅᑕ ᖃᕝᕕᒃ. ᖃᕝᕕᒃ: ᓇᑯᕐᒦᒃ. ᐃᓕᓴᕆᔭᐅᖁᔨᒻᒥᔪᖓᓕ ᐊᓈᓇᕋ ᑕᒫᓃᖃᑕᐅᒻᒪᑦ ᒥᐊᓕ ᖃᕝᕕᒃ. ᐊᑯᓂᕐᔪᐊᖅ ᐃᓕᓴᐃᔨᐅᓕᖅᑐᖅ ᓴᓂᑭᓗᐊᕐᒥ ᐊᒻᒪᓗ ᐃᓕᓴᕆᔭᐅᖁᒻᒥᔭᕋ ᒫᒃᑯᓚ ᖃᕝᕕᒃ. ᓇᑯᕐᒦᒃ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᐳᓛᕋᕆᐊᖅᓯᒪᔪᓂᒃ ᐃᓕᓴᖅᓯᓂᖅ. ᐊᕐᕕᐊᑦ ᓂᒋᐊᓄᑦ ᒪᓕᒐᓕᐅᖅᑎ ᒥᔅᑕ ᓴᕕᑲᑖᖅ. ᓴᕕᑲᑖᖅ: ᒪ’ᓇ, ᐅᖃᖅᑏ. (ᑐᓵᔨᑎᒍᑦ) ᐃᓕᓴᕆᔪᒪᔭᕋ ᐅᓪᓛᒃᑯᑦ ᐅᖃᓪᓚᖃᑎᒋᖃᑦᑕᖅᑕᕋ ᓄᓇᕐᔪᐊᓕᒫᒥᓗ ᐊᑲᐅᓐᖏᓕᐅᕈᑏᑦ ᐋᖅᑭᑦᑕᐃᓐᓈᓗᒋᓪᓗᒋᑦ ᒪᑯᐊᓗ ᐊᓯᑦᑎᓐᓄᑦ ᓲᕐᓗᖃᐃ ᑕᐃᒪᐃᓐᓇᐃᓐᓇ ᐃᓱᒪᔪᐊᓘ? ᑕᐃᒪᐃᓘᖃᑎᒋᖃᑦᑕᖅᑕᕋ 13-ᓄᑦ ᐊᕐᕌᒍᓄᑦ ᑕᒫᓃᖃᑎᒋᓯᒪᓕᖅᑕᕋ ᐅᖃᖅᑎᐅᓚᐅᖅᓯᒪᔪᖅ ᒥᔅᑕ ᐋᓚᓐ ᕋᒻᐹᑦ. ᑕᐃᑲᓂ ᐊᕙᓃᓐᓇ ᐃᔨᖅᓯᒪᔪᖅ. >>ᐸᑦᑕᑐᖅᑐᑦ ᐅᖃᖅᑏ, ᑖᓐᓇ ᓴᖅᑭᔮᓗᐊᕌᓗᒍᒪᓐᖏᒃᑲᓗᐊᖅᖢᓂ ᑭᒡᒐᖅᑐᖅᑕᒥᓂᒃ ᐊᒃᓱᕉᑎᖃᖃᑦᑕᓚᐅᖅᑐᑦ ᒥᔅᑕ ᖃᕝᕕᒃᑕᐅᖅ ᑕᐃᒪᐃᓐᓂᐊᑐᒃᓴᐅᒋᕗᖅ. ᑕᐃᑲᓂ ᐃᒃᓯᕚᖅᖢᓂ ᐃᖅᑲᓇᐃᔭᓗᐊᕐᓂᖏᒻᒪᑦ ᒫᓐᓇᐃᓐᓇ ᑕᐃᒪᓐᓇ ᐅᖁᒪᐃᑦᑐᖅᓯᐅᑎᓂᒃ ᐊᖁᑐᐃᓐᓇᖃᑦᑕᓕᖅᑐᖅ. ᖁᔭᓐᓇᒦᒃ, ᐅᖃᖅᑏ. >>ᐃᒡᓚᖅᑐᑦ >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᐳᓛᕆᐊᖅᓯᒪᔪᓂᒃ ᐃᓕᓴᖅᓯᓂᖅ. ᐃᖃᓗᑦᑑᑦᑎᐊᕐᒧᑦ ᒪᓕᒐᓕᐅᖅᑎ ᒥᔅ ᒍᕌᔅ. ᒍᕌᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᓇᓗᓇᐃᕈᒪᔭᒃᑲᐅᑯᐊ ᓯᓐᑎ ᐸᓚᑦᓱ, ᐊᐃᑉᐸᕋ ᑕᕝᕙᓃᒻᒪᑦ. ᐊᒻᒪᓗ ᓇᓗᓇᐃᖅᓯᔪᒪᒋᓗᒋᑦ ᑖᒃᑯᐊ ᕿᑎᕐᒥᐅᑕᐃᑦ ᑐᓵᔨᖏᑦ ᐃᖃᓗᑦᑑᑦᑎᐊᕐᒥᐅᖅ ᐋᓛᓐ ᒪᒃᕼᐊᒐᖅ, ᐊᒻᒪᓗ ᐃᓕᓴᐃᔨᕕᓂᕋ ᐃᓄᐃᓐᓇᖅᑐᓐ ᔭᐃᒻᔅ ᐸᓂᐅᔭᖅ. ᖁᔭᓐᓇᒦᒃ, ᐅᖃᐅᓯᒃᑲ ᐃᓄᐃᓐᓇᖅᑎᑐᑦ ᑎᑎᕋᖃᑦᑕᕋᔅᓯ, ᐃᓚᒋᔭᐅᖃᑕᐅᒐᔅᓯ ᖁᕕᐊᓇᖅ. (ᑐᓵᔨᑎᒎᕈᓐᓃᖅᑐᖅ) ᖁᐊᓇ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᐳᓛᕆᐊᖅᓯᒪᔪᓂᒃ ᐃᓕᓴᖅᓯᓂᖅ. ᐊᕐᕕᐊᑦ ᐅᐊᓐᓇᖓᓄᑦ ᑎᑭᕋᕐᔪᐊᕐᒧᑦ, ᒥᔅᑕ ᒪᐃᓐ. ᒪᐃᓐ: ᒪ’ᓇ, ᐅᖃᖅᑎᑦᓯᔩᑦ. ᐃᓕᑕᕆᕼᐅᐊᔭᕋ ᕼᐃᕗᓪᓕᖅᐹᒥᒃ ᐴᓯ ᖃᑉᓗᓈᖅ ᒪᐃᔭᕆᔭᐅᔪᖅ ᑎᑭᕋᕐᔪᐊᒥ ᑕᒫᓃᖃᑕᐅᔫᓪᓗᐊᕐᒪᑦ ᖃᐅᔨᒪᔭᐅᔪᖅ ᐊᒥᕼᐅᓄᑦ ᒪ’ᓇ ᐴᓯ. ᐊᒻᒪ ᓯᐅᑕᓐ ᓂᐱᕼᐊᖅ, ᐃᓕᑕᕆᕼᐅᐊᖅᑐᒍᑦ ᐊᕐᕕᐊᒥᐅᑕᐅᒐᓗᐊᖅ ᑕᒫᓂ ᑐᕼᐊᔨᐅᓂᕐᒧᑦ ᐃᓕᓐᓂᐊᕆᐊᖅᕼᐃᒪᑦᒪᑦ ᑕᒪᐅᖓ ᐃᖃᓗᖕᓄᑦ ᐅᐱᒋᕙᒋᑦ ᓯᐅᑕᑦ ᒪ’ᓈᖅ ᑕᒫᓃᑦᑐᓪᓗᐊᓚᐅᕋᕕᑦ.

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 23 ᐊᒻᒪᓗ ᑭᖑᓪᓕᖅᐸᒥᒃ ᐅᖃᖅᑎᑦᓰᔩᑦ, ᐃᓚᒃᑲ ᑕᐅᑐᑦᑐᑦ ᖃᕋᓴᐅᔭᒃᑯᑎᒍᑦ ᓇᓪᓕᒋᕙᑉᕼᐃ, ᐊᒻᒪᓗ ᕼᐊᑭᒐ ᑕᐅᓇᓂ ᐊᐅᐴᑕᒥ ᑕᐅᑐᑦᑐᖅ. ᐳᕋᐃᔭᓐ ᕌᓐᑕ ᕼᐊᓘᖅᐸᒃᕼᐃ ᓇᒡᓕᕆᕙᑉᕼᐃ. ᒪ’ᓇ, ᐅᖃᖅᑎᑦᓯᔩ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᐳᓚᕆᐊᖅᓯᒪᔪᓂᒃ ᐃᓕᓴᖅᓯᓂᖅ. ᐊᒥᑦᑐᕐᒧᑦ ᒪᓕᒐᓕᐅᖅᑎ ᒥᔅᑕ ᖃᐃᕐᓂᖅ. ᖃᐃᕐᓂᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᑉᓗᒃᑯᑦ. ᐃᓕᓴᕆᓂᐊᖅᑲᐅᒐᓗᐊᖅᐸᕋᓕ ᐊᐃᑉᐸᕋ ᑭᓯᐊᓂ ᕿᑐᕐᖓᕋᓗᒃ ᐸᐃᐱᐅᒐᒥ ᓄᑕᕋᐅᒐᒥ ᓯᓂᖅᑲᐅᖕᒪᑦ, ᐊᐃᑦᑖ. ᑕᐃᒪᓕ ᐃᓕᓴᕆᔪᒪᑳᓪᓚᒃᐸᕋ ᐃᒥᕉᒧᑦ ᓴᓇᑐᒧᑦ, ᓴᓇᑎᕈ ᐹᑐᓴᓐ ᓂᑯᕕᕌᓪᓚᕆᑦ. ᑐᓐᖓᓱᒋᑦ ᖁᔭᓐᓇᒦᒃ ᑕᕝᕗᓐᖓᐅᒍᓐᓇᕋᕕᑦ. ᐊᒻᒪ ᐅᑯᐊ ᐃᓕᓴᕆᔪᒪᑦᑎᐊᕐᒥᔭᒃᑲ ᑐᓵᔨᕗᑦ ᐸᓛᓐᑏᓐᓇ ᑐᓗᒑᕐᔪᒃ ᐊᒻᒪᓗ ᐱᓕᑉ ᐸᓂᐊᖅ ᑐᓵᔨᐅᖃᑦᑕᕐᓂᐊᕐᒥᒐᔅᓯ ᐃᓄᒃᑎᑐᑦ ᐅᖃᐅᓯᕋ ᐊᑐᖅᐸᓪᓕᐊᓐᓂᕋᒃᑯᑦ ᑕᒡᕙᓂ. ᖁᔭᓐᓇᒦᒃ, ᐱᕕᖃᖅᑎᒍᓐᓇᓵᕋᕕᓐᖓ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᐳᓛᕆᐊᖅᓯᒪᔪᓂᒃ ᐃᓕᓴᖅᓯᓂᖅ. ᐊᐃᕕᓕᕐᒧᑦ ᒪᓕᒐᓕᐅᖅᑎ, ᒥᔅᑕ ᒪᓕᑭ. ᒪᓕᑭ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐃᓕᑕᖅᓯᔪᒪᔪᖓ ᑕᕝᕙᓃᑦᑐᓂᒃ ᓄᓕᐊᕋ ᐳᓃᔅ ᒪᓕᑭ ᐊᒻᒪ ᐸᓂᒐ ᐳᕆᑦᔨᑦ ᒪᓕᑭ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᐳᓛᕆᐊᖅᓯᒪᔪᓂᒃ ᐃᓕᓴᖅᓯᓂᖅ. ᐊᒡᒎᑉ ᒪᓕᒐᓕᐅᖅᑎᖓ, ᒥᔅ ᖁᐊᓴ. ᖁᐊᓴ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐃᓵᖅᑲᐅᖏᒃᑲᓗᐊᖅᑐᖓ ᑭᓯᐊᓂ ᖁᔭᒋᔪᒪᕙᕋ ᐸᓛᓐᑏᓇ ᑐᓵᔨᐅᖃᑕᐅᖃᑦᑕᖅᑐᖅ ᐊᒻᒪ ᑏᕖᒃᑯᑦ ᑕᐅᑐᒃᑐᖅ ᓇᓗᓇᓐᖏᒻᒥᖕᒪᑦ ᐅᐃᒐ ᓴᐃᒪᓐ ᐃᒡᓗᓕᖕᒥᓗ. ᖁᔭᓐᓇᒦᒃ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᐳᓛᕆᐊᖅᓯᒪᔪᓂᒃ ᐃᓕᓴᖅᓯᓂᖅ. ᕿᑭᖅᑖᓘᑉ ᓂᒋᐊᓄᑦ ᒪᓕᒐᓕᐅᖅᑎ ᒥᔅᑕ ᔪᐊᓇᓯ. ᔪᐊᓇᓯ (ᑐᓵᔨᑎᒍᑦ): ᖁᔭᓐᓇᒦᒃ ᐅᖃᖅᑏ. ᐅᐱᑦᑐᖓ ᐃᓕᔭᐅᖅᑲᐅᒐᕕᑦ. ᐅᖃᖅᑏᑦ ᐅᓪᓗᒥ ᓇᖏᖅᓯᕗᖓ ᐃᓕᓴᖅᓯᔪᒪᓪᓗᖓ ᐊᓈᓇᒐ ᐅᐃᓐᑎ ᔪᐊᓇᓯ ᐊᒻᒪᓗ ᐊᑖᑕᒐ. ᐊᑖᑕᒪᐃᓐᓇ ᐃᔾᔪᔪᖁᑖ ᓇᒃᓴᖅᑲᐅᒐᒃᑯ. ᐊᒻᒪᓗ ᐊᖓᔪᒐ ᖁᔭᓐᓇᒦᒃ ᑕᒫᓂᖃᑕᐅᒐᕕᑦ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᐳᓛᕆᐊᖅᓯᒪᔪᓂᒃ ᐃᓕᓴᖅᓯᓂᖅ. ᑲᖏᖅᖠᓂᐅᑉ ᓂᒋᐊᓄᑦ, ᒥᔅᑕ ᑯᓱᒐᖅ. ᑯᓱᒐᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎᑦᑎᔩ, ᑕᒫᓃᓐᖏᑦᑑᒐᓗᐊᑦ ᐃᓕᑕᕆᔪᒪᔭᒃᑲ ᐊᖏᔪᒥᒃ ᓂᑯᕕᖓᔾᔪᑎᒋᔪᓐᓇᒐᒃᑭᑦ, ᐊᖓᔪᒃᑲ, ᓄᑲᒃᑲ, ᓇᔭᒃᑲᓗ ᐱᓗᐊᖅᑐᒥᒃ ᓴᑭᒐ ᐊᕐᕕᐊᓂ ᑕᑯᔪᒪᓕᑦᑎᐊᖅᑕᕋ, ᐃᓚᒃᑲᓗ ᐊᕐᕕᐊᓃᑦᑐᑦ, ᑲᖏᖅᖠᓂᕐᒥᓗ ᐃᓱᒪᒋᕙᒃᑲ ᐅᓪᓗᒥ. ᑕᒪᓐᓇᐃᓛᒃ ᓄᕙᕐᔪᐊᕐᓂ

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 24 ᐃᓅᓯᑦᑎᓐᓂ ᐊᓯᔾᔨᖅᓯᒪᓕᕐᓂᖓᓄᑦ. ᐃᓕᑕᕆᔪᒪᔭᒃᑲᑦᑕᐅᖅ ᐸᓂᒃᑲ, ᓄᐊᑎ, ᑳᓐᑕᔅ ᐊᒻᒪ ᐸᐃᐱ ᑎᐅᕆ. ᐊᔪᓐᖏᑦᑐᐊᓘᒻᒪᑕ ᓇᒡᓕᒋᕙᒃᑲ ᐊᒻᒪ ᓂᑯᕕᖓᔾᔪᑎᒋᔪᓐᓇᖃᑦᑕᖅᑕᕋ ᐊᖏᔪᒥᒃ ᑕᕝᕙᓃᑦᑐᖅ ᐅᑉᓗᒥ ᓄᓕᐊᕋ ᐃᓕᑕᕆᔪᒪᓪᓗᒍ ᐊᒻᒪ ᐃᕐᖑᑕᕋ. ᓄᓕᐊᕋ ᓵᓕ ᑯᓱᒐᖅ ᐊᒻᒪ ᐃᕐᖑᑕᕋ ᕼᐊᐅᕗᑦ, ᖁᔭᓐᓇᒦᒃ, ᑕᒫᓃᑦᑐᓐᓇᕋᔅᓯ. ᐅᖃᐅᓯᕆᔭᕗᑦ ᒪᑭᑕᓇᓗᐊᕌᓗᖅᑰᓐᖏᒻᒪᑕ ᐃᕐᖑᑕᕋ ᓯᓂᓕᑦᑕᕇᕐᒪᑦ. ᖁᔭᓐᓇᒦᒃ, ᐅᓪᓗᖃᑦᑎᐊᖅᑕ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᐳᓛᕆᐊᖅᓯᒪᔪᓂᒃ ᐃᓕᓴᖅᓯᓂᖅ. ᖁᑦᑎᖅᑐᕐᒧᑦ ᒪᓕᒐᓕᐅᖅᑎ, ᒥᔅᑕ ᐊᕿᐊᕈᖅ. ᑕᐃᕕᑎ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎᑦᑎᔩ, ᑕᒫᓂ ᐃᓪᓘᑉ ᐃᓗᐊᓃᑦᑐᑦ ᐃᓕᓴᕆᔪᒪᔭᕋᒃᑲ ᑖᓐᓇ ᓄᓕᐊᑯᓗᒐ, ᑭᐊᕈ ᐊᕿᐊᕈᖅ, ᐊᖓᔪᒐ ᔭᐃᐱᑎ ᐊᕿᐊᕈᖅ, ᖃᖏᐊᒃᑲ ᕋᓱᓪ ᐊᒻᒪᓗ ᐃᑦᑐᐊᖓ ᐊᕿᐊᕈᒃᑯ ᐊᒻᒪᓗ ᐃᓕᓐᓂᐊᖃᑎᒋᓚᐅᖅᑕᕋ ᒥᐊᕆ ᑲᕕᒃ ᐃᓕᓴᕆᔪᒐᒃᑯᑦᑕᐅᖅ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᐃᓕᓴᖅᓯᓂᖅ ᐳᓛᕆᐊᖅᓯᒪᔪᓂᒃ. ᒪᓕᒐᓕᐅᖅᑎ ᓇᑦᑎᓕᒻᒧᑦ, ᒥᔅᑕ ᖂᕿᐊᖅ. ᖂᕿᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᓄᓕᐊᕋ ᑭᐊᕈᒃᑯ ᖂᑭᐊᖅ, ᐊᑖᑕᒐ ᔫᓯᐱ ᖂᑭᐊᖅ ᐊᖏᔪᑦᑎᖅ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᐃᓕᓴᖅᓯᓂᖅ ᐳᓛᕆᐊᖅᓯᒪᔪᓂᒃ ᐊᑎᖁᑎᖃᕈᓐᓃᕋᑦᑕ. ᒪᓕᒐᓕᐅᖅᑎ ᖁᕐᓗᖅᑑᕐᒧᑦ, ᒥᔅᑕ ᐊᓇᕕᓗᒃ. ᐊᓇᕕᓗᒃ: ᖁᐊᓇᖅᑯᑎ, ᐅᖃᖅᑏ. ᓇᓗᓇᐃᕈᒪᔭᒃᑲ ᓄᑲᒃᑲ ᐋᐳᑦ ᐊᕙᓂᓗᓪᓗ, ᐹᓪ ᖁᕕᑦᑐᕐᓗ. ᑖᒻᓇᓗ ᑕᒪᓃᓐᖏᑦᑐᖅ ᓇᓗᓇᐃᕈᒪᔭᕋ, ᐃᑲᔪᖅᑐᖅ ᐊᑎᓕᐅᕐᕕᓐᓂ ᑖᑉᑯᓂ ᖁᕐᓗᖅᑐᒥ ᐃᓐᓇᐃᑦ ᒧᓇᕆᕕᔅᓴᖏᑦ ᒪᓃᑦᑐᖅ ᑖᒻᓴᓐᑯᑦ. ᖁᐊᓇᖅᑯᑎᑦ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᐳᓛᕆᐊᖅᓯᒪᔪᓂᒃ ᐃᓕᓴᖅᓯᓂᖅ. ᐊᑎᖁᑎᖃᕈᓐᓃᕋᒪ ᑭᓯᐊᓂ ᓇᒻᒥᓂᖅ ᐃᓕᓴᕆᔪᒪᔭᕋ ᐸᓂᒐ ᐃᕐᖑᑕᕋᓗ ᑕᕝᕙᓃᖅᑲᐅᔫᒐᓗᐊᑦ ᐊᓂᓯᒪᓕᕐᒪᑦ ᓱᕈᓯᓛᑯᓗᒃ ᑖᓐᓇ ᑭᐱᓐᖑᒋᖅᑰᕐᒪᒍ. >>ᐃᒡᓚᖅᑐᑦ ᑕᕝᕙᓃᖅᑲᐅᔫᒐᓗᐊᒃ ᐊᓂᓯᒪᓕᕐᒪᑎᒃ. ᑲᔪᓯᒋᐊᓚᐅᓐᖏᓂᑦᑎᓐᓂ ᑲᑎᒪᔾᔪᑎᔅᓴᓄᑦ 20 ᒥᓂᔅᒥᒃ ᓄᖅᑲᖓᓚᐅᑲᓐᓂᐊᖅᑐᒍᑦ. ᑕᐅᓇᓂ ᐱᕕᑐᓂᖓᓂ ᓂᕆᔭᖅᑐᖃᑎᒋᓐᖓ. ᖁᔭᓐᓇᒦᒃ. >>ᑲᑎᒪᓂᖅ ᓄᖅᑲᖓᑲᐃᓐᓇᖅᑐᖅ 15:14ᒥ ᐊᒻᒪᓗ ᐱᒋᐊᒃᑲᓐᓂᖅᑐᓂ 15:39ᒥ ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᑐᓐᖓᓱᒋᔅᓯ ᐅᑎᕋᔅᓯ. ᑲᑎᒪᔾᔪᑎᔅᓴᖅ 6. ᐅᖃᐅᓯᒃᑯᑦ ᐊᐱᖅᑯᑏᑦ. ᒥᓂᔅᑕᕗᑦ ᐊᖏᖅᑎᑕᐅᓚᐅᓐᖏᒻᒪᑕ ᓱᓕ ᐅᓪᓗᒥ. ᐅᖃᐅᓯᒃᑯᑦ ᐊᐱᖅᓱᕐᓇᔾᔮᓐᖏᑦᑐᖅ. ᐅᒡᒍᐊᖅᑐᓂᒃ ᑕᑯᔪᖓ. >>ᐃᒡᓚᖅᑐᑦ ᖁᔭᓐᓇᒦᒃ. ᑲᑎᒪᔾᔪᑎᔅᓴᖅ 7. ᑎᑎᖅᑲᑎᒍᑦ ᐊᐱᖅᑯᑏᑦ. ᑖᒃᑯᐊ ᒥᓂᔅᑕᐃᑦ ᑲᑎᒪᔨᖏᑦ ᐊᖏᖅᑎᑕᐅᓚᐅᓐᖏᒻᒪᑕ ᓱᓕ ᑎᑎᖅᑲᑎᒍᑦ ᐊᐱᖅᑯᑎᑕᖃᔾᔮᓐᖏᑦᑐᖅ ᐅᓪᓗᒥ. ᑲᑎᒪᔾᔪᑎᔅᓴᖅ 8. ᑎᑎᕋᖅᓯᒪᔪᑎᒍᑦ ᑐᒃᓯᕋᐅᑏᑦ. ᐊᑎᓕᐅᖅᓯᒪᔪᖁᑎᖃᓐᖏᑦᑐᑦ ᐃᓵᓪᓕᑦ. >>ᐃᓪᓚᖅᑐᑦ

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 25 ᐊᑎᓕᐅᖅᓯᒪᔪᖁᑎᖃᓐᖏᑦᑑᖅ? ᐋᒡᒑ? ᐊᑎᓕᐅᕈᑕᐅᓯᒪᔪᑦ ᑐᒃᓯᕋᐅᑏᑦ. ᒪᓕᒐᓕᐅᖅᑎ ᐃᖃᓗᐃᑦ-ᓂᐊᖁᓐᖒ, ᒥᔅᑕ ᐸᐅᓗᓯ ᐊᕿᐊᕈᖅ. ᑲᑎᒪᔾᔪᑎᒃᓴᖅ 8: ᐊᑎᓕᐅᕈᑕᐅᓯᒪᔪᑦ ᐊᑎᓕᐅᕈᑕᐅᓯᒪᔪᖅ 001 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᐊᕿᐊᕈᖅ, ᐸ) ᐸᐅᓗᓯ ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓪᓗᒥ ᐅᐱᒍᓱᑉᐳᖓ ᐊᑎᓕᐅᖅᓯᒪᔪᒥᒃ ᑐᒃᓯᕋᐅᑎᒥᒃ ᓂᕈᐊᖅᑎᓐᓂ ᐃᖃᓗᐃᑦ-ᓂᐊᖁᓐᖒ. ᐅᖃᖅᑏ, ᑖᓐᓇ ᑐᒃᓯᕋᐅᑎ ᑲᓇᑕᐅᑉ ᒐᕙᒪᒃᑯᖏᓐᓂ ᐃᓐᓇᒃᑯᕕᒻᒥ ᐱᓕᕆᔾᔪᑎᔅᓴᖃᑕᕗ ᑕᒪᒃᑯᐊ ᐸᖅᑭᔭᐅᔭᕆᐊᖃᕐᓂᒻᒪᕆᖏᑦ ᓄᓇᓕᓕᒫᓂ ᐃᓐᓇᖅᐳᑦ ᓄᓇᕗᑦ ᓯᓚᑖᓅᖅᑕᐅᓯᒪᔪᑦ ᐊᖏᕐᕋᕈᓐᓇᖁᓪᓗᒋᑦ. ᐅᖃᖅᑏ, ᖁᕕᐊᑉᐳᖓ ᑖᔅᓱᒥᖓ ᐊᑎᓕᐅᖅᓯᒪᔪᒧᑦ ᓂᕈᐊᖅᑎᒃᑲ ᑐᓂᓯᔾᔪᑎᓪᓗᒋᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑏᑦ. ᐃᖃᓗᐃᑦ-ᓯᓈᓄᑦ ᒪᓕᒐᓕᐅᖅᑎ, ᒥᔅ ᐳᕉᔅᑐ. ᐊᑎᓕᐅᕈᑕᐅᓯᒪᔪᖅ 002 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᐳᕉᔅᑐ) ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑕᐃᒪ ᓄᓇᕗᒻᒥᐅᑕᖅᑕᖃᖅᑰᖏᑦᑐᖅ ᐊᒃᑐᖅᑕᐅᓯᒪᓐᖏᑦᑐᖅ ᐸᖅᑭᔭᐅᔭᕆᐊᖃᕐᓂᖏᓐᓂᒃ ᐃᓐᓇᖅᐳᑦ ᐊᒻᒪᓗ ᑕᐃᒪᐃᓯᓐᓇᓕᓚᐅᖅᑐᖅ. ᑖᓐᓇ ᐱᒻᒪᕆᐅᕗᖅ ᐅᓪᓗᒥ ᑖᓐᓇ ᑐᓂᔪᓐᓇᕋᒃᑯ ᐊᑎᓕᐅᖅᓯᒪᔪᑎᒍᑦ ᐊᐱᖅᑯᑎ. 120 ᑲᓴᓐᓂᒃ ᓂᕈᐊᖅᑎᓄᑦ ᐃᖃᓗᐃᑦ-ᓯᓈᓂ ᐊᑎᓕᐅᖅᑕᐅᓯᒪᔪᖅ. ᑖᓐᓇ ᖁᕕᐊᓱᑉᐳᖓ ᑖᒃᑯᐊ ᓂᕈᐊᖅᑎᒃᑲ ᑐᓂᓯᔾᔪᑎᓪᓗᒋᑦ. ᖁᔭᓐᓇᒦᒃ. ᐅᖃᖅᑎ (ᑐᓵᔨᑎᒍᑦ): ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑏᑦ. ᐃᖃᓗᐃᑦ-ᑕᓯᓗᒻᒧᑦ ᒪᓕᒐᓕᐅᖅᑎ, ᒥᔅᑕ ᕼᐃᒃᔅ. ᐊᑎᓕᐅᕈᑕᐅᓯᒪᔪᖅ 003 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (Hᐃᒃᔅ) ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᒻᒪᓗ ᓴᖅᑭᑦᑎᔪᒪᕗᖓ ᐊᑎᓕᐅᖅᓯᒪᔪᑎᒍᑦ ᐃᖃᓗᐃᑦ- ᑕᓯᓗᒻᒧᑦ ᓂᕈᐊᖅᑎᓐᓄᑦ ᐊᑎᓕᐅᖅᑕᐅᓯᒪᔪᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑏᑦ. ᖁᕐᓗᖅᑑᕐᒧᑦ ᒪᓕᒐᓕᐅᖅᑎ, ᒥᔅᑕ ᐊᓇᕕᓗᒃ. ᐊᑎᓕᐅᕈᑕᐅᓯᒪᔪᖅ 004 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᐊᓇᕕᓗᒃ) ᐊᓇᕕᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓪᓗᒥ ᐅᐱᒍᓱᑉᐳᖓ ᓴᖅᑭᑦᑎᔪᒪᓪᓗᖓ ᐊᑎᓕᐅᖅᑕᐅᓯᒪᔪᑦ 330-ᓄᑦ ᐊᑎᓕᐅᖅᑕᐅᓯᒪᔪᑦ ᓂᕈᐊᖅᑎᓐᓄ ᖁᕐᓗᖅᑑᒥ. ᐅᖃᖅᑏ, ᑖᓐᓇ ᐊᑎᓕᐅᖅᓯᒪᔪᖅ ᐃᓕᓴᖅᓯᒻᒪᑦ ᓄᓇᕗᑦ ᐃᓐᓇᒃᑯᕕᒻᒧᑦ ᐃᓐᓇᕐᓄᑦ ᐸᖅᑭᔭᐅᕝᕕᖃᓐᖏ ᑕᒪᒃᑯᓄᖓ ᐱᔨᑦᑎᕋᖅᑕᐅᔭᕆᐊᓕᒻᒧᑦ ᑕᐃᒪᓕ ᓄᓇᕗᑦ ᒐᕙᒪᒃᑯᓐᓂ ᑎᓕᓯᕗᑦ ᐃᓐᓇᕐᒧ ᐊᖏᕐᕋᓕᐅᖁᔨᓪᓗᓂ ᓄᓇᓕᓕᒫᓂ ᐊᒻᒪᓗ ᐃᖅᑲᓇᐃᔭᐅᑎᔅᓴᓂᑦ ᑖᒃᑯᐊ ᐸᖅᑭᔭᐅᔭᕆᐊᖃᕐᓂᖏᑦ ᐱᓪᓗᒋᑦ. ᐅᖃᖅᑏ, ᖁᕕᐊᑉᐳᖓ ᐅᓪᓗᒥ ᑐᓂᔪᓐᓇᕋᒃᑯ ᓂᕈᐊᖅᑎᒃᑲ ᑐᓂᓯᔾᔪᑎᓪᓗᒋᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑏᑦ. ᒪᓕᒐᓕᐅᖅᑎ ᓇᑦᑎᓕᒻᒧᑦ, ᒥᔅᑕ ᖂᕿᐊᖅ. ᐊᑎᓕᐅᕈᑕᐅᓯᒪᔪᖅ 005 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᖂᕿᐊᖅ) ᖂᕿᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓪᓗᒥ ᐅᐱᒍᓱᑉᐳᖓ ᓴᖅᑭᑦᑎᔪᓐᓇᕋᒪ ᐊᑎᓕᐅᖅᑕᐅᓯᒪᔪᓂᒃ 100-ᑲᓴᓐᓂᒃ ᓂᕈᐊᖅᑎᓐᓂ ᓂᕈᐊᖅᑕᐅᓯᒪᕝᕕᖓᓂ ᓇᑦᑎᓕᒃ ᓄᓇᓕᓐᓂ ᐅᑯᓄᖓ ᑰᒑᕐᔪᒃ ᐊᒻᒪᓗ ᑕᓗᕐᔪᐊᖅ. ᐅᖃᖅᑏ, ᑖᒃᑯᐊ ᐊᑎᓕᐅᖅᓯᒪᔪᑦ ᓄᓇᕗᑦ ᒐᕙᒪᒃᑯᓐᓂ ᑎᓕᓯᕗᑦ ᓴᓇᖁᓪᓗᓂᒋᑦ ᐃᓄᐃᑦ ᐸᖅᑭᔭᐅᕕᖏᓐᓂᒃ ᓄᓇᓕᓕᒫᓂ ᐃᖅᑲᓇᐃᔭᐅᑎᖃᕐᓗᑎᓪᓗ.

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 26 ᐅᖃᖅᑏ, ᖁᕕᐊᓱᑉᐳᖓ ᑐᓂᔪᓐᓇᕋᒃᑯ ᐊᑎᓕᐅᖅᓯᒪᔪᖅ ᓂᕈᐊᖅᑎᒃᑲ ᑐᓂᓯᔾᔪᑎᓪᓗᒋᑦ. ᑖᒃᑯᐊ ᐃᑉᐱᒋᑦᑎᐊᕋᒃᑭᑦ ᒪᑯᐊᓗ ᐃᓐᓇᖅᐳᑦ ᓄᓇᕗᒻᒧᑦ ᐅᑎᖁᕋᒃᑭᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑏᑦ. ᐅᖅᑯᕐᒥᐅᓄᑦ ᒪᓕᒐᓕᐅᖅᑎ, ᒥᔅ ᕿᓕᖅᑎ. ᐊᑎᓕᐅᕈᑕᐅᓯᒪᔪᖅ 006 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᕿᓕᖅᑎ) ᕿᓕᖅᑎ: ᖁᔭᓐᓇᒦᒃ, ᐅᖃᖅᑏ. ᒫᓐᓇ ᓇᓗᓇᐃᖅᑳᕐᓗᒍ ᑕᐃᑲᓂ ᓇᕈᑎᓪᓗᖓ ᐳᓛᖅᑎᓪᓗᖓ ᑐᓴᓚᐅᕋᒪ ᐃᓐᓇᕐᓂᒃ ᑭᒡᒐᑐᖅᑕᓐᓂ ᑖᒃᑯᐊ ᐃᓚᖏᑦ ᐃᓐᓇᐃᑦ ᐊᖏᕐᕋᖃᕈᓐᓃᖅᑐᑎᒃ ᐸᐃᕆᑦᑎᔨᖃᕋᑎᓪᓗ ᐊᖏᕐᕋᔅᓴᖃᕈᓐᓃᖅᑐᑎᒃ. ᑕᐃᒪᐃᒻᒪᑦ ᐃᑉᐱᒋᑦᑎᐊᖅᑐᒍ ᑕᒪᓐᓇ ᓄᓇᓕᓐᓂᑦ ᐊᑲᐅᓐᖏᓕᐅᕈᑕᐅᔪᖅ, ᐊᑐᖅᑕᐅᓚᐅᖅᑐᕐᓗ ᑕᒪᓐᓇ ᐊᑎᓕᐅᖅᑎᑦᑎᓂᖅ ᐱᔾᔪᑎᒋᓪᓗᒍ. ᓇᖏᖅᓯᔾᔪᑎᔭᒃᑲ ᑖᒃᑯᐊ ᐊᑎᓕᐅᖅᓯᒪᔪᑦ 290- ᖑᒻᒪᑕ ᓄᓇᓕᓐᓂ ᑖᒃᑯᓇᓂ ᒪᕐᕉᓐᓂᒃ ᑭᒡᒐᑐᖅᑕᓐᓂᒃ ᐅᖅᑯᕐᒥᐅᓄᑦ, ᑖᒃᑯᓇᓐᖓᑦ ᕿᑭᖅᑕᕐᔪᐊᒥ, ᑲᖏᖅᑐᒑᐱᒻᒥᓪᓗ. ᐅᐱᒍᓱᑉᐳᖓ ᑕᒪᓐᓇ ᑐᓂᔭᐅᓯᒪᔪᖅ ᐃᓕᔅᓯᓐᓄᑦ ᒐᕙᒪᑦᑎᓐᓄᑦ, ᓄᓇᓕᓐᓂᑦ ᐃᓐᓇᖅᐳ ᐃᓂᑖᕆᐊᖃᕐᓂᖓ ᐱᓪᓗᒍ ᑐᓂᓯᔭᕆᐊᒥᒃ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ (ᑐᓵᔨᑎᒍᑦ): ᐊᑎᓕᐅᖅᓯᒪᔪᑎᒍᑦ ᑐᔅᓯᕋᐅᑦ. ᒪᓕᒐᓕᐅᖅᑎ ᐊᐃᕕᓕᒻᒧᑦ, ᒥᔅᑕ ᒪᓕᑭ. ᐊᑎᓕᐅᕈᑕᐅᓯᒪᔪᖅ 007 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᒪᓕᑭ) ᒪᓕᑭ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐅᖃᖅᑎᑦᑎᔩ, ᒪᒥᐊᓇᖅ. ᖁᕕᐊᓱᒃᐳᖓ ᐅᑯᐊ ᓴᖅᑭᑦᑐᓐᓇᕋᒃᑭᑦ ᓴᓪᓕᕐᓂᑦ, ᓇᐅᔮᓂᓗ ᐊᑎᓕᖅᑕᐅᓯᒪᔪᑦ 101- ᖑᓪᓗᑎᒃ, ᐃᓐᓇᐅᓯᕝᕕᒃᑖᕈᒪᔪᑦ ᓄᓇᓕᖏᓐᓂᑦ. ᖁᔭᓐᓇᒦᒃ ᐅᖃᖅᑎᑦᑎᔨ. ᑖᒃᑯᐊ ᐃᓕᖕᓄᑦ ᑐᓂᔭᐅᓂᐊᖅᐳᑦ. ᖁᔭᓐᓇᒦᒃ. ᐅᖃᖅᑎ (ᑐᓵᔨᑎᒍᑦ): ᐊᑎᓕᐅᖅᓯᒪᔪᑎᒍᑦ ᑐᔅᓯᕋᐅᑦ. ᒪᓕᒐᓕᐅᖅᑎ ᖃᒪᓂ’ᑐᐊᕐᒧᑦ, ᒥᔅᑕ ᓯᒪᐃᓚᒃ. ᐊᑎᓕᐅᕈᑕᐅᓯᒪᔪᖅ 008 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᓯᒪᐃᓚᒃ) ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᑕᐃᒪᓐᖓᑦ ᒫᑕ ᑕᓕᕈᖅ ᐃᒡᓗ ᒪᑐᔭᐅᓚᐅᖅᑎᓪᓗᒍ 2018-ᒥ ᖃᒪᓂ’ᑐᐊᕐᒥ, ᓄᓇᖃᖅᑐᑦ ᖃᒪᓂ’ᑐᐊᕐᒥᐅᑦ ᐃᓱᒫᓘᑎᖃᖅᓯᒪᔪᒻᒪᕆᐅᖕᒪᑕ ᐃᓐᓇᐃᑦ ᐸᖅᑭᔭᐅᔭᕆᐊᖃᕐᓂᖏᓐᓄᑦ. ᐅᓪᓗᒥ ᐅᐱᒍᓱᒃᐳᖓ ᐊᑎᓕᐅᖅᓯᒪᔪᒥᒃ ᑐᓂᓯᓗᑕ ᐊᑎᓕᐅᖅᑕᐅᓯᒪᔪᑦ ᓂᕈᐊᖅᑎᓂᒃ ᖃᒪᓂᑦᑐᐊᕐᒥ, ᑖᒃᑯᐊ ᓄᓇᕗᑦ ᒐᕙᒪᒃᑯᓐᓄᑦ ᑎᓕᒋᐊᕈᑕᐅᔪᑦ ᓴᓇᖁᔭᐅᓪᓗᑎᒃ ᐃᓐᓇᐃᑦ ᐸᖅᑭᔭᐅᕕᖏᓐᓂᒃ ᐃᖅᑲᓇᐃᔭᖅᑎᖃᕐᓗᑎᒡᓗ ᐱᔭᕆᑐᔪᓂᒃ ᓄᓇᓕᓕᒫᓂᒃ ᐸᖅᑭᔭᐅᔪᑦ. ᑖᒃᑯᐊ ᓄᓇᕗᑦ ᓯᓚᑖᓅᖅᑕᐅᓯᒪᔪᑦ ᐅᑎᖁᓪᓗᒋᑦ. ᖁᕕᐊᓱᒃᐳᖓ ᑖᓐᓇ ᑐᓂᔪᓐᓇᕋᒃᑯ ᑐᓂᓯᔾᔪᑎᓗᒋᑦ ᓂᕈᐊᖅᑎᒃᑲ. ᖁᔭᓐᓇᒦᒃ ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑏᑦ. ᒪᓕᒐᓕᐅᖅᑎ ᑲᖏᖅᖠᓂᐅᑉ ᓂᒋᐊᓄᑦ, ᒥᔅᑕ ᑯᓱᒐᖅ. ᐊᑎᓕᐅᕈᑕᐅᓯᒪᔪᖅ 009 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᑯᓱᒐᖅ) ᑯᓱᒐᖅ: ᖁᔭᓐᓇᒦᒃ, ᐅᖃᖅᑎᑦᓯᔩ. ᓴᖅᑭᑦᑎᔪᒪᕗᖓ ᐊᑎᓕᖅᑕᐅᓯᒪᔪᓂᒃ 22-ᓄᑦ ᑲᖏᖅᖠᓂᐅᑉ ᓂᒋᐊᓂᕐᒥᐅᑕᐅᔪᓄᑦ, ᑖᓐᓇ ᐱᔾᔪᑎᖃᖅᖢᓂ ᐃᓐᓇᒃᑯᕕᓕᕆᓂᕐᒥᒃ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ (ᑐᓵᔨᑎᒍᑦ): ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑏᑦ. ᒪᓕᒐᓕᐅᖅᑎ ᑐᓄᓂᕐᒧᑦ, ᒥᔅ ᓄᑕᕋᖅ. ᐊᑎᓕᐅᕈᑕᐅᓯᒪᔪᖅ 010 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᓄᑕᕋᖅ) ᓄᑕᕋᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. ᑭᒡᒐᖅᑐᑦᑕᓐᓂᑦᑕᐅᖅ ᖃᐃᑦᑎᔭᐅᓯᒪᔪᖓ ᐊᑎᓕᐅᖅᓯᒪᔪᓂᒃ ᐃᓐᓇᒃᑯᕕᒃᑖᕆᐊᖃᕐᓂᕐᒧᑦ ᓄᓇᕗᒻᒥ ᐊᒻᒪ ᓄᓇᓕᑦᑎᓐᓂ 230 ᑭᒡᒐᖅᑐᖅᑕᒃᑲ ᐊᑎᓕᐅᖅᓯᒪᔪᑦ. ᖁᕕᐊᓱᒃᐳᖓ ᑐᓂᔪᓐᓇᕋᒃᑯ,

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 27 ᓄᓇᕗᑦ ᒐᕙᒪᒃᑯᓐᓄᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ (ᑐᓵᔨᑎᒍᑦ): ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑏᑦ. ᐊᒥᑦᑐᕐᒧᑦ ᒪᓕᒐᓕᐅᖅᑎ, ᒥᔅᑕ ᖃᐃᕐᓂᖅ. ᐊᑎᓕᐅᕈᑕᐅᓯᒪᔪᖅ 011 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᖃᐃᕐᓂᖅ) ᖃᐃᕐᓂᖅ: ᖁᔭᓐᓇᒦᒃ, ᐅᖃᖅᑎᑦᑎᔨ. ᐅᕙᖓᑦᑕᐅᖅ ᐃᓐᓇᐃᑦ ᐃᓐᓇᐅᓯᕝᕕᖃᕆᐊᖃᕐᓂᖏᓐᓂᒃ ᓄᓇᕗᓕᒫᒥᑦ ᑭᓯᐊᓂ ᑖᒃᑯᐊ ᐃᒡᓗᓕᕆᔨᒃᑯᑦ ᓴᓂᕋᔭᖕᒥ ᐊᑎᓕᐅᕐᕕᖕᒥᒃ ᓴᖅᑭᑦᑎᓚᐅᕐᒪᑕ 70 ᐊᑎᓕᐅᖅᓯᒪᑎᓪᓗᒋᑦ. ᑖᓐᓇ ᐃᓐᓇᒃᑯᕕᖃᓐᖏᒻᒪᑦ ᓴᓂᕋᔭᖕᒥ. ᑖᒃᑯᐊ ᑲᒪᒋᔭᐅᑦᑎᐊᖃᑦᑕᕆᐊᖃᕐᓂᖏᓐᓂᒃ ᓄᓇᕗᒻᒥ ᐊᒻᒪᓗ ᐊᖏᕐᕋᖅᑎᑕᐅᓗᑎᒃ ᐊᒻᒪ ᓄᓇᕗᒻᒥᐅᑕᓖᒪᓄᑦ ᓴᖅᑭᑎᑦᑎᖁᓪᓗᒋᑦ ᑖᒃᑯᐊ ᓄᓇᕗᑦ ᒐᕙᒪᒃᑯᖏᓐᓂᒃ ᐃᓐᓇᖅᐳᑦ ᐱᔾᔪᑎᒋᓪᓗᒋᑦ. ᑖᓐᓇᓕ ᐅᖃᖅᑎᑦᑎᔨ, ᐱᒃᑯᒍᓱᒃᐳᖓ ᑖᓐᓇ ᓴᖅᑭᓐᓂᐊᕋᒃᑯ ᐃᒡᓗᕐᔪᐊᕐᒧᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ (ᑐᓵᔨᑎᒍᑦ): ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑏᑦ. ᒪᓕᒐᓕᐅᖅᑎ ᐊᒡᒍᕐᒧᑦ, ᒥᔅ ᖁᐊᓴ. ᐊᑎᓕᐅᕈᑕᐅᓯᒪᔪᖅ 012 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᖁᐊᓴ) ᖁᐊᓴ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᓪᓗᒥ ᓴᖅᑭᑎᑦᑎᔪᒪᕗᖓ ᐃᓄᐃᑦ 110-ᖑᔪᑦ ᐊᑎᓕᐅᖅᓯᒪᔪᑦ ᐊᒡᒍᒥᐅᑕᐃᑦ. ᐅᖃᖅᑎᑦᑎᔩ, ᑖᒃᑯᐊ ᓂᓪᓕᐊᔾᔪᑎᓖᑦ ᓄᓇᕗᑦ ᒐᕙᒪᒃᑯᖏᓐᓄᑦ ᓴᖅᑭᑎᑦᑎᖁᔨᓪᓗᑎᒃ ᐃᓐᓇᒃᑯᕕᖕᒥᒃ ᓄᓇᓕᓕᒫᓂᒃ. ᑕᐃᒃᑯᐊ ᓄᓇᕗᑦ ᓯᓚᑖᓃᑦᑐᑦ ᐊᐅᓪᓚᖅᑎᑕᐅᓯᒪᔪᑦ ᐅᑎᖅᑎᑕᐅᔪᓐᓇᖁᓪᓗᒋᑦ. ᐅᖃᖅᑎᑦᑎᔩ, ᖁᕕᐊᓱᒃᐳᖓ ᑖᓐᓇ ᐊᑎᓕᐅᖅᑕᐅᓯᒪᔪᑦ ᑕᕝᕗᖓ ᑐᓐᓂᖅᑯᑎᒋᔪᓐᓇᕋᒃᑭᑦ ᑭᒡᒐᖅᑐᖅᑕᒃᑲ ᐱᓪᓗᒋᑦ. ᖁᔭᓐᓇᒦᒃ. ᐅᖃᖅᑎ (ᑐᓵᔨᑎᒍᑦ): ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑏᑦ. ᐸᖕᓂᖅᑑᒧᑦ ᒪᓕᒐᓕᐅᖅᑎ, ᒥᔅ, ᓇᑲᓱᒃ. ᐊᑎᓕᐅᕈᑕᐅᓯᒪᔪᖅ 013 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᓇᑲᓱᒃ) ᓇᑲᓱᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᓐᓄᓴᒃᑯᑦ. ᑖᒃᑯᐊ ᐊᑎᓕᐅᕆᓯᒪᔪᑦ ᐸᓐᓂᖅᑑᒥ 59-ᖑᓪᓗᑎᒃ ᓄᓇᕗᑦ ᒐᕙᒪᒃᑯᓐᓄᑦ ᐊᐱᕆᓯᒪᕗᑦ ᐃᓐᓇᑯᕕᒻᒥᒃ ᓴᖅᑮᖁᔨᓪᓗᑎᒃ ᓄᓇᓕᓐᓂ ᐊᒻᒪᓗ ᐃᓐᓇᐃᑦ ᑲᒪᒋᔭᐅᔪᓐᓇᕐᓂᖏᓐᓂᒃ ᓄᓇᓕᓐᓂ. ᐊᒻᒪᓗ ᑕᐃᒃᑯᐊ ᐃᓐᓇᐃᑦ ᐃᓐᓇᒃᑯᕕᒻᒦᑦᑐᐃᑦ ᓄᓇᕘᑉ ᓯᓚᑖᓂ ᐅᑎᖅᑎᑕᐅᔪᓐᓇᖁᓪᓗᒋᑦ. ᑖᒃᑯᐊ ᓴᖅᑭᖅᐸᒃᑲ ᑕᕝᕗᖓ ᐃᓪᓗᐊᓗᒻᒧᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ (ᑐᓵᔨᑎᒍᑦ): ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑏᑦ. ᒪᓕᒐᓕᐅᖅᑎ ᕿᑭᖅᑖᓘ ᓂᒋᐊᓄᑦ, ᒥᔅᑐ ᔪᐊᓇᓯ. ᐊᑎᓕᐅᕈᑕᐅᓯᒪᔪᖅ 014 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᔪᐊᓇᓯ) ᔪᐊᓇᓯ: ᓇᑯᕐᒦᒃ, ᐅᖃᖅᑏ. ᐅᖃᖅᑏ, ᐅᐱᒍᓱᑉᐳᖓᑦᑕᐅᖅ ᐅᓪᓗᒥ ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑎᓕᐅᖅᓯᒪᔪᓂᒃ ᐊᑎᓕᐅᖅᓯᒪᔪᖅᑕᖃᕐᒪᑦ ᑭᒡᒐᖅᑐᖅᑕᓐᓂᑦ ᕿᑭᖅᑖᓘᑉ ᓂᒋᐊᓂᑦ 382- ᖑᓪᓗᑎᒃ. ᐅᖃᖅᑏ, ᑖᒃᑯᐊ ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑎᓕᐅᖅᑯᑦ, ᓄᓇᕗ ᒐᕙᒪᒃᑯᓐᓂᒃ ᓴᓇᖁᔨᓪᓗᑎᒃ ᐃᓄᑐᖃᒃᑯᕕᒻᒥᒃ ᐊᒻᒪᓗ ᐱᓕᕆᔾᔪᑎᖏᓐᓂᒃ ᑕᒪᒃᑯᐊ ᐃᑉᐱᒋᔭᐅᑦᓯᐊᑲᓐᓂᖁᓪᓗᒋᑦ ᓄᓇᓕᓐᓂ. ᑖᒃᑯᐊᓗ ᐊᐅᓪᓚᖅᑎᑕᐅᖃᑦᑕᖅᓯᒪᔪᑦ ᐅᑎᕈᓐᓇᖁᓪᓗᒍ ᓄᓇᕗᒻᒧᑦ. ᐅᖃᖅᑏ, ᖁᕕᐊᓱᑦᑐᖓ ᑖᓐᓇ ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑎ ᑕᕝᕗᖓ ᒪᓕᒐᓕᐅᕐᕕᒻᒨᕈᓐᓇᖅᓯᒍᓐᓇᖁᓪᓗᒍ. ᖁᔭᓐᓇᒦᒃ. ᐅᖃᖅᑎ (ᑐᓵᔨᑎᒍᑦ): ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑏᑦ. ᑕᓯᐅᔭᕐᔪᐊᕐᒧᑦ ᒪᓕᒐᓕᐅᖅᑎ, ᒥᔅᑐ ᖃᕝᕕᒃ.

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 28 ᐊᑎᓕᐅᕈᑕᐅᓯᒪᔪᖅ 015 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᖃᕝᕕᒃ) ᖃᕝᕕᒃ: ᓇᑯᕐᒦᒃ, ᐅᖃᖅᑏ. ᓄᓇᕘᓕᒫᒥ ᐃᓄᒻᒪᕆᖃᑦᑐᖅ. ᐅᓪᓗᒥ ᐱᒻᒪᕆᐅᔪᒥᒃ ᑐᓂᓯᒍᔾᔨᔪᖓ ᐃᑲᔪᕈᑎᒥᒃ ᐊᑎᓕᐅᖅᑕᐅᓯᒪᔪᓂᒃ 120-ᑲᓵᓂᒃ, ᑭ’ᒐᖅᑐᖅᑕᕐᓂᐅᕙᖓ ᓴᓂᑭᓗᐊᕐᒥᐅᓂᒃ. (ᑐᓵᔨᑎᒎᓕᖅᑐᖅ) ᐅᖃᖅᑏ, ᑖᒃᑯᐊ ᐊᑎᓕᐅᖅᓯᒪᔪᑦ ᑎᓕᓯᕗᑦ ᓄᓇᕗᑦ ᒐᕙᒪᒃᑯᓐᓂᒃ ᓴᓇᖁᔨᓪᓗᑎᒃ ᐃᓐᓇᐃᑦ ᐸᖅᑭᔭᐅᕝᕕᒃᓴᖓᓂᒃ ᐃᖅᑲᓇᐃᔭᐅᑎᖃᕐᓗᓂ. ᑖᒃᑯᐊ ᐸᖅᑭᔭᐅᔭᕆᐊᖃᒻᒪᕆᖕᓂᖏᓐᓂᒃ ᓄᓇᓕᓕᒫᓂᒃ. ᐃᓐᓇᕐᓄᑦ ᐊᐅᓪᓚᖅᑎᑕᐅᓯᒪᔪᓄᑦ ᐸᖅᑭᔭᐅᓂᕐᒧᑦ ᓄᓇᕗᑦ ᓯᓚᑖᓄᑦ ᐊᖏᕐᕋᒧᑦ ᐅᑎᕈᓐᓇᖁᓪᓗᒋᑦ. (ᑐᓵᔨᑎᒎᕈᓐᓃᖅᑐᖅ) ᐅᖃᖅᑏ, ᐊᓕᐊᑉᐳᖓ ᑐᓂᓯᒋᐊᒥᒃ ᑖ’ᓱᒥᖓ ᐃᑲᔪᕈᑎᒥᒃ ᐅᓪᓗᒥ ᐱᔾᔪᑎᒋᓪᓗᒋᑦ ᑭᒡᒐᑐᖅᑕᒃᑲ ᑕᓯᐅᔭᕐᔪᐊᒥᐅᑦ. ᓇᑯᕐᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑏᑦ. ᒪᓕᒐᓕᐅᖅᑎ ᐊᕐᕕᐊᑦ ᐅᐊᖕᓇᖓᓄᑦ ᑎᑭᕋᕐᔪᐊᒧᓪᓗ, ᒥᔅᑕ ᒪᐃᓐ. ᐊᑎᓕᐅᕈᑕᐅᓯᒪᔪᖅ 016 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᒪᐃᓐ) ᒪᐃᓐ: ᒪ’ᓇ, ᐅᖃᖅᑎᑦᓯᔩ. ᖁᕕᐊᓱᒃᑐᖓ ᐅᑉᓗᒥ ᑖᓐᓇ ᐊᑎᓕᐅᖅᓯᒪᔪᑎᒍᑦ ᑐᒃᕼᐃᕋᐅᑦ ᓴᖅᑭᑎ’ᕼᐅᐊᖅᖢᒍ ᐃᒡᓗᕐᔪᐊᒧᑦ. ᑎᑭᕋᕐᔪᐊᕐᒥᐅᑦ 90 ᖃᓂᒋᔮᓂ ᐊᑎᓕᐅᖅᓯᒪᑎᖦᖢᒋᑦ. ᐅᖃᖅᑎᑦᓯᔩ, ᑖᓐᓇ ᑐᒃᕼᐃᕋᐅᑦ ᐃᓄᑐᖃᐅᓯ’ᕕᓕᕆᓂᕐᒧᑦ ᑐᕌᖓᔪᖅ ᐊᒻᒪᓗ ᐃᓄᑐᖃᐃᑦ ᑕᒫᓂ ᓄᓇᕘᑉ ᐃᓗᐊᓂᓯᐅᖅᑎᑕᐅᔫᓪᓗᐊᖁᑉᓗᒋᑦ ᑐᑭᓕᐅᖅᓯᒪᔮ ᑎᑎᕋᖅᓯᒪᔮ ᑕᒪᓐᓇ. ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ (ᑐᓵᔨᑎᒍᑦ): ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑏᑦ. ᒪᓕᒐᓕᐅᖅᑎ ᖁᑦᑎᒃᑐᒧᑦ, ᒥᔅᑕ ᑕᐃᕕᑦ ᐊᑭᐊᕈᖅ. ᐊᑎᓕᐅᕈᑕᐅᓯᒪᔪᖅ 017 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᐊᕿᐊᕈᖅ, ᑕ) ᑕᐃᕕᑎ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. ᑖᒃᑯᐊ ᐱᖓᓱᓂᒃ ᓄᓇᓕᓐᓂ ᑭᒡᒐᖅᑐᖅᑕᓂ ᖁᑦᑎᑦᑐᒥ 57-ᐸᓘᓪᓗᑎᒃ ᐊᑎᓕᐅᖅᓯᒪᔪᓂᒃ ᑖᒃᑯᐊ ᐃᓐᓇᕐᓄᑦ ᑐᕌᖓᔪᓄᑦ ᐃᓕᖕᓄᑦ ᑐᓂᔪᒪᕙᒃᑲ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ (ᑐᓵᔨᑎᒍᑦ): ᐊᑎᓕᐅᖃᑎᒌᓯᒪᔪᑦ ᑐᒃᓯᕋᐅᑏᑦ. ᖃᖏᖅᓯᓂᐅᑉ ᐅᐊᖕᓇᖓᓄᑦ- ᐃᒡᓗᓕᒑᕐᔪᖕᒧᓪᓗ ᒪᓕᒐᓕᐅᖅᑎ, ᒥᔅᑐ ᓴᒻᒧᖅᑐᖅ. ᐊᑎᓕᐅᕈᑕᐅᓯᒪᔪᖅ 018 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᓴᒻᒧᖅᑐᖅ) ᓴᒻᒧᖅᑐᖅ: ᖁᔭᓐᓇᒦᒃ, ᐅᖃᖅᑎᑦᓯᔩ. (ᑐᓵᔨᑎᒍᑦ) ᐄ, ᐅᐱᒍᓱᑉᐳᖓ ᓴᖅᑭᖅᓯᒍᓐᓇᕋᒪ ᐊᑎᓕᐅᖃᑎᒌᔅᓯᒪᔪᓂᒃ ᐊᑎᓕᐅᖅᑕᐅᓯᒪᔪᓂᒃ 120- ᓄᑦ ᓂᕈᐊᖅᑎᒋᓯᒪᔭᓐᓄᑦ ᐃᓪᓗᓕᒑᕐᔪᒻᒥ. ᐅᖃᖅᑏ, ᐊᑎᓕᐅᖅᓯᒪᔪᐃᑦ ᑎᓕᓯᕗᑦ ᓄᓇᕘ ᒐᕙᒪᖓᓂᒃ ᓄᓇᓕᓕᒫᑦᑎᐊᓂᒃ ᐃᓛᒃᑯᑦ ᐃᓐᓇᒃᑯᕕᒃᑖᖁᔭᐅᓪᓗᑎᒃ ᐊᒻᒪ ᐸᖅᑭᔭᐅᒍᓐᓇᕐᓗᑎᒃ ᐱᒡᒐᓇᖅᑐᓂᒃ ᐃᑲᔪᖅᑕᐅᒋᐊᖃᕐᓂᓕᐅᒐᓗᐊᑦ ᓯᓚᑖᓄᓪᓗ ᑕᐃᒃᑯᐊ ᐊᐅᓪᓚᖅᑎᑕᐅᓯᒪᔪᑦ ᓄᓇᕘᑦ ᐅᑎᖅᑎᑕᐅᖁᓪᓗᒋᑦ. ᖁᕕᐊᓱᒃᐳᖓ. ᐅᖃᖅᑏ, ᐊᑎᓕᐅᖅᓯᒪᔪᐃᑦ ᑐᓂᒍᓐᓇᕋᒃᑭᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐊᑎᓕᐅᖅᓯᒪᔪᐃᑦ ᑐᒃᓯᕋᐅᑏᑦ. ᐃᖃᓘᒃᑑᑦᑎᐊᖅ ᒪᓕᒐᓕᐅᖅᑎᖓ, ᒥᔅ ᒍᕌᔅ. ᐊᑎᓕᐅᕈᑕᐅᓯᒪᔪᖅ 019 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᒍᕌᔅ) ᒍᕌᔅ (ᑐᓵᔨᑎᒍᑦ): ᖁᐊᓇ, ᐅᖃᖅᑏ. ᐄ, ᐅᐱᒍᓱᑉᐳᖓ ᓴᖅᑭᔅᓯᒍᓐᓇᕋᒪ ᐊᑎᓕᐅᖅᓯᒪᔪᓂᒃ, 13-ᓄᑦ ᓂᕈᐊᖅᑎᒋᓯᒪᔭᓐᓄᑦ ᐃᖃᓗᑦᑑᑎᐊᕐᒥ. ᐅᖃᖅᑎ, ᑕᒃᑯᐊ ᐊᑎᓕᐅᖃᑎᒌᒃᓯᒪᔪᑦ ᓄᓇᕘᑦ ᒐᕙᒪᖓᓂ ᑎᓕᓯᕗᑦ

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 29 ᐃᓐᓇᒃᑯᕕᓕᐅᖁᔨᓪᓗᑎᒃ ᐱᔭᕆᐊᑐᔪᓂᒃ ᑲᒪᔪᓐᓇᖅᑐᓂᒃ ᓄᓇᓕᓕᒫᑦᑎᐊᓂᒃ ᐊᒻᒪᓗ ᑕᐃᒃᑯᐊ ᓄᓇᕘ ᓯᓚᑕᓄᑦ ᐊᐅᓪᓚᖅᑎᑕᐅᓯᒪᔪᑦ ᐸᖅᑭᔭᐅᓂᐊᕐᓗᑎᒃ, ᐅᑎᖅᑎᑕᐅᓂᐊᕐᖓᑕ. ᐅᓪᓗᒥ ᐅᐱᒍᓱᑉᐳᖓ ᑐᓂᓯᒍᓐᓇᕋᒪ ᑐᓂᓴᔾᔪᑎᒋᓗᒋᑦ ᓂᕈᐊᖅᑎᒋᓯᒪᔭᒃᑲ. ᖁᐊᓇ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐊᑎᓕᐅᖅᓯᒪᔪᑦ ᑐᒃᓯᕋᐅᑏᑦ. ᒪᓕᒐᓕᐅᖅᑎ ᐊᕐᕕᐊᑦ ᓂᒋᐊᓄᑦ, ᒥᔅᑐ, ᓴᕕᑲᑖᖅ. ᐊᑎᓕᐅᕈᑕᐅᓯᒪᔪᖅ 020 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᓴᕕᑲᑖᖅ) ᓴᕕᑲᑖᖅ: ᒪ’ᓇ, ᐅᖃᖅᑏ. (ᑐᓵᔨᑎᒍᑦ) ᐅᖃᖅᑏ, ᐅᐱᒍᓱᒻᒥᔪᖓᑦᑕᐅᖅ ᓴᖅᑭᖅᓯᒍᓐᓇᕋᒪ ᑕᕝᕗᖓ ᐊᑎᓕᐅᖅᑕᐅᓯᒪᔪᓂᒃ ᐊᑎᓕᐅᖃᑎᒌᑦᑐᒥᓂᕐᓄᑦ 28-ᐸᓗᓐᓄᑦ ᓂᕈᐊᖅᑎᒋᓯᒪᔭᓐᓄᑦ ᐊᕐᕕᐊᕐᒥ. ᑖᒃᑯᐊ ᐊᑎᓕᐅᖅᓯᒪᔪᐃᑦ ᒐᕙᒪᒃᑯᑦ ᓄᓇᕗᒻᒥ ᑎᓕᓯᕗᑦ ᐃᓐᓇᒃᑯᕕᓕᐅᖁᔨᓪᓗᑎᒃ ᐱᓕᕆᔾᔪᑎᖃᑦᑎᐊᖅᑐᓂᒃ ᐱᔭᕆᐊᑐᔫᒐᓗᐊᓄᓪᓗ, ᓄᓇᓕᓕᒫᑦᑎᐊᓂ ᑕᐃᒃᑯᐊᓗ ᓄᓇᕘ ᓯᓚᑕᓄᑦ ᐊᐅᓚᖅᑎᑕᐅᓯᒪᔪᑦ ᐅᑎᖁᓪᓗᒋᑦ ᐊᖏᕐᕋᖏᓐᓄᑦ. ᖁᕕᐊᓱᑉᐳᖓ ᐊᑎᓕᐅᖅᓯᒪᔪᐃᑦ ᑐᓂᒍᓐᓇᕋᒃᑭᑦ, ᐊᕐᕕᐊᕐᒥᐅᓄᑦ ᐊᑎᓕᐅᖅᓯᒪᔪᐃᑦ ᐅᕗᖓ. ᒪ’ᓇ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐊᑎᓕᐅᖅᓯᒪᔪᑦ ᑐᒃᓯᕋᐅᑏᑦ. ᐃᖃᓗᐃᑦ-ᒪᓂᕋᔭᒃ ᒪᓕᒐᓕᐅᖅᑎᖓ, ᒥᔅᑐ, ᓚᐃᑦᓯᑑᓐ. ᐊᑎᓕᐅᕈᑕᐅᓯᒪᔪᖅ 021 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᓚᐃᑦᓯᑑᓐ) ᓚᐃᑦᓯᑑᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᐱᒍᓱᒻᒥᔪᖓᑦᑕᐅᖅ ᐅᓪᓗᒥ ᐊᑎᓕᐅᖅᓯᒪᔪᓂᒃ ᑕᕝᕗᖓ ᓴᖅᑭᖅᓯᒋᐊᔅᓴᖅ, ᓂᕈᐊᖅᑎᒋᓯᒪᔭᓐᓄᑦ ᐃᖃᓗᓐᓂ ᐊᑎᓕᐅᖅᑕᐅᓯᒪᔪᓂᒃ. ᐊᑎᓕᐅᖅᓯᒪᔪᐃᑦ ᑎᓕᓯᕗᑦ ᓄᓇᕘ ᒐᕙᒪᖓᓂᒃ ᐃᓐᓇᒃᑯᕕᓕᐅᖁᔨᓪᓗᑎᒃ ᐱᓕᕆᔾᔪᑎᖃᑦᑎᐊᖅᑐᓂᒃ ᐱᔭᕆᐊᑐᔫᒐᓗᐊᓄᓪᓗᑦᑕᖅ ᑲᒪᒍᓐᓇᕐᓗᑎᒃ ᐃᓐᓇᑐᖃᐃᓪᓗ ᑕᐃᒃᑯᐊ ᐊᐅᓪᓚᖅᑎᑕᐅᖃᑦᑕᖅᓯᒪᔪᑦ ᐸᖅᑭᔭᐅᓂᐊᕐᖓᑕ ᐅᑎᖅᑎᑕᐅᖁᓪᓗᒋᑦ. ᐅᖃᖅᑏ, ᖁᕕᐊᑉᐳᖓ ᐅᓪᓗᒥ ᓴᖅᑭᕈᓐᓇᕋᒃᑭᑦ ᑖᒃᑯᐊ ᐊᑎᓕᐅᖅᓯᒪᔪᐃᑦ ᓴᓕᒐᓕᐅᕐᕕᒻᒧᑦ. ᖁᔭᓐᓇᒦᒃ ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐊᑎᓕᐅᖅᓯᒪᔪᐃᑦ ᑐᒃᓯᕋᐅᑏᑦ. ᑭᖑᓪᓕᖅᐹᖑᕙᓪᓚᐃᕋᑖᖅᑐᕐᖑᓇ. ᐊᑎᓕᐅᕈᑕᐅᓯᒪᔪᖅ 022 - 6(1): ᐃᓄᑐᖃᐃᑦ ᐸᖅᑭᔭᐅᓂᖏᑦ (ᐅᖃᖅᑎ) ᒫᓐᓇ ᑕᐃᒪ ᐅᐱᒍᓱᓕᕐᒥᔪᖓ, ᓴᖅᑭᖅᓯᒍᓐᓇᕋᒪ ᑖᒃᑯᓂᖓ ᐊᑎᓕᐅᖅᑕᐅᓯᒪᔪᓂᒃ 70-ᐸᓗᓐᓄᑦ ᓂᕈᐊᖅᑎᒋᓯᒪᔭᓐᓄᑦ ᐅᖅᓱᖅᑑᕐᒥ. ᑖᒃᑯᐊ ᐊᑎᓕᐅᖅᓯᒪᔪᐃᑦ ᑎᓕᓯᒻᒪᑕ ᓄᓇᕘᑉ ᒐᕙᒪᖓᓂᒃ ᓴᓇᖁᔨᓪᓗᑎᒃ ᐃᓐᓇᑯᕕᒻᒥᑦ, ᐃᓐᓇᒃᑯᕕᓐᓂᒃ ᐱᓕᕆᔾᔪᑎᖃᕐᓗᑎᒃ ᐱᔭᕆᐊᑐᔪᓂᒃ ᑲᒪᔪᓐᓇᕐᓗᑎᒃ ᓄᓇᓕᓕᒫᑦᑎᐊᓂ. ᖁᕕᐊᓱᑉᐳᖓ ᐅᑯᐊ ᐊᑎᓕᐅᖅᓯᒪᔪᐃᑦ ᓂᕈᐊᖅᑎᒋᓯᒪᔭᒃᑲ ᐱᔾᔪᑎᓗᒋᑦ ᓴᖅᑭᕈᓐᓇᕋᒃᑭᑦ ᐅᕗᖓ. ᑲᑎᒪᔾᔪᑎᔅᓴᓄᑦ ᐅᑎᕐᓗᑕ. ᓈᓴᐅᑎᓕᒃ 9. ᐅᓂᒃᑳᖏᑦ ᑲᑎᒪᔨᕌᓛᖑᐃᓐᓇᖅᑐᑦ ᑲᑎᒪᔨᕋᓛᖑᑲᐃᓐᓇᑐᐃᓪᓗ. ᒪᓕᒐᔅᓴᐃᑦ ᐊᓯᖏᓪᓗ ᒥᔅᓵᓄᑦ. ᑲᑎᒪᔨᕋᓛᖅᑕᐅᓚᐅᖏᒻᒪᑦ ᓱᓕ ᒪᓕᒐᓕᐅᕐᕕᒃ. ᐅᓪᓗᒥ ᐅᓂᒃᑳᒃᓴᖅᑕᖃᔾᔮᖏᑦᑐᖅ. ᖁᓕᑦ ᓈᐅᑎᖓ ᖁᓕᑦ. ᑎᑎᖅᑲᓂᒃ ᓴᖅᑭᖅᓯᕆᓂᖅ. ᒪᓕᒐᓕᐅᖅᑏᑦ ᓴᖅᑭᒐᒃᓴᖃᖅᑳᑦ ᑎᑎᖅᑲᓂᒃ? ᑲᑎᒪᔾᔪᑎᒃᓴᖅ 10: ᓴᖅᑭᑕᐅᓂᖏᑦ ᑎᑎᖅᑲᐃᑦ ᓴᖅᑭᑕᐅᔪᖅ ᑎᑎᖅᑲᒃ 001 - 6(1): 2020-21 ᓱᓕᑦᑎᐊᕆᐊᖃᕐᓂᕐᒧᑦ ᑲᒥᓯᓇᐅᑉ ᐊᕐᕌᒍᑕᒫᑦ ᐅᓂᒃᑳᖓ (ᐅᖃᖅᑎ) ᓴᖅᑭᑕᐅᔪᖅ ᑎᑎᖅᑲᒃ 002 - 6(1): 2020−21 ᐅᖃᐅᓯᓕᕆᓂᕐᒧᑦ ᑲᒥᓴᓇᐅᑉ ᐊᕐᕌᒍᑕᒫᑦ ᐅᓂᒃᑳᖓ (ᐅᖃᖅᑎ)

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 30 ᓴᖅᑭᑕᐅᔪᖅ ᑎᑎᖅᑲᒃ 003 - 6(1): 2020−2021 ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ ᐊᕐᕌᒍᑕᒫᑦ ᐅᓂᒃᑳᖓ (ᐅᖃᖅᑎ) ᓴᖅᑭᑕᐅᔪᖅ ᑎᑎᖅᑲᒃ 004 - 6(1): ᓂᕈᐊᖅᑕᒥᓃᑦ ᖄᒃᑲᓐᓂᐊᒍᑦ ᓄᖅᑲᕈᒪᓯᐊᕐᓂᕐᒧᑦ ᒪᓕᒐᖅ (ᐅᖃᖅᑎ) ᓴᖅᑭᑕᐅᔪᖅ ᑎᑎᖅᑲᒃ 005 - 6(1): 2020−2021 ᐊᑯᓐᓂᖓᓂ ᑮᓇᐅᔭᓕᕆᓂᕐᒧᑦ ᐅᓂᒃᑳᖅ (ᐅᖃᖅᑎ) ᓴᖅᑭᑕᐅᔪᖅ ᑎᑎᖅᑲᒃ 006 - 6(1): 2020−2021 ᒐᕙᒪᒃᑯᑦ ᑮᓇᐅᔭᖏᑦ ᓄᓇᕗᒥ (ᐅᖃᖅᑎ) ᐄ, ᐊᑕᐅᓯᐅᖏᑦᑐᒥᒃ ᓴᖅᑭᕋᖅᓴᖃᖅᑐᖓ ᐅᓪᓗᒥ, ᑖᓐᓇ ᓯᕗᓪᓕᖅᐹᖅ, 2020-202`1 ᐊᕐᕌᒍᑕᒫᖅᓯᐅᑎᓄᑦ ᐅᓂᒃᑳᓕᐊᒥᓂᖏᑦ ᓱᓕᑦᑎᐊᕆᐊᖃᕐᓂᕐᒧᑦ ᑲᒥᓯᓇᒋᔭᐅᔪᖅ ᓄᓇᕗᑦᒥ. ᐊᐃᑉᐹ, ᑎᑎᖅᑲᖅ 2020-202`1-ᒧᑦ ᐊᕐᕌᒍᑕᒫᖅᓯᐅᑦ ᐅᓂᒃᑳᓕᐊᒥᓂᖏᑦ ᐅᖃᐅᓯᓕᕆᓂᕐᒧᑦ ᑲᒥᓯᓇᐅᔫᑉ ᓄᓇᕗᒻᒥ. ᐱᖓᔪᐊᑦ, 2020-202`1-ᒧᑦ ᐊᕐᕌᒍᑕᒫᖅᓯᐅᑦ ᐅᓂᒃᑳᓕᐊᒥᓂᖏᑦ ᑭᒡᒐᖅᑐᐃᔨᐅᔫᑉ ᓱᕈᓯᕐᓄᑦ ᒪᒃᑯᑦᑐᓄᓪᓗ. ᓯᑕᒪᒋᔭᖓᑦ, ᑖᒃᑯᐊ ᑎᑎᕋᖅᓯᒪᔪᐃᑦ ᓂᕈᐊᖅᑕᒥᓃᑦ ᐃᓐᓇᐅᑎᔅᓴᖏᑦᑕ ᐱᐅᔭᖓᓂᑦ ᐱᔾᔪᑎᖃᖅᑐᖅ. ᓯᕗᓕᖅᑏᑦ ᑲᑎᒪᔨᖏᑦ ᓱᓕ ᑎᒃᑯᐊᖅᑕᐅᓚᐅᓐᖏᒻᒪᑕ, ᑕᕝᕗᖓ ᓴᖅᑭᖅᓯᒋᕗᖓᑦᑕᐅᖅ ᐅᑯᓂᖓ ᒐᕙᒪᒃᑯᑦ ᓴᖅᑭᓯᔾᔪᑎᓪᓗᒋᑦ:  ᓄᓇᕗᑦ ᒐᕙᒪᖓᑕ 2020-21 ᐊᑯᓐᓂᖓᓂ ᑮᓇᐅᔭᓕᕆᓂᕐᒧᑦ ᐅᓂᒃᑳᓕᐊᒥᓂᖏᑦ; ᐊᒻᒪᓗ  2020-21 ᒐᕙᒪᒃᑯᑦ ᑮᓇᐅᔭᖏᓐᓂᒃ ᐅᓂᒃᑳᖃᖅᑐᐃᑦ ᓄᓇᕗᒻᒥ. ᖁᔭᓐᓇᒦᒃ. ᑲᑎᒪᔾᔪᑎᔅᓴᖅ 11. ᖃᐅᔨᒃᑲᐃᔾᔪᑎ ᐱᖁᔨᕗᖔᕈᑎᑕᖃᕐᓂᐊᕐᖓᑦ. ᐅᑉᐱᓇᖅᑐᖅ ᒪᓕᒐᓕᐅᖅᑎᖓ ᐃᖃᓗᐃᑦ-ᑕᓯᓗᒃ, ᒥᔅᑕ ᕼᐃᒃᔅ. ᑲᑎᒪᔾᔪᑎᒃᓴᖅ 11: ᖃᐅᔨᒃᑲᐃᓂᖅ ᐱᒋᐊᖅᑎᑕᒃᓴᓂᑦ ᐱᒋᐊᖅᑎᑕᖅ 002 - 6(1): ᓯᕗᓕᖅᑎᐅᑉ ᑎᒃᑯᐊᖅᑕᐅᓂᖓ - ᖃᐅᔨᒃᑲᐃᒍᑦ (Hᐃᒃᔅ) ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᖃᐅᔨᒃᑲᐃᕗᖓ ᓇᒡᒐᔾᔭᐅᓕᖅᑲᑦ, ᓅᕖᕝᕙ 22, 2021, ᐱᒋᐊᖅᑎᑦᑎᓛᕋᒪ ᐆᒥᖓ ᐱᖁᔨᕗᖔᕈᑎᒥ: ᒫᓐᓇ ᐱᒋᐊᖅᑎᑦᑎᕗᖓ ᐊᐃᑉᐱᑕᐅᓪᓗᖓ ᒪᓕᒐᓕᐅᖅᑎᐅᔪᒧᑦ ᐊᐃᕕᓕᒻᒧᑦ, ᑖᓐᓇ ᒪᓕᒐᓕᐅᕐᕕᒃ ᐊᑐᓕᖁᔭᓕᐅᖁᓪᓗᒍ ᑲᒥᓯᓇᒋᔭᖓᓄᑦ ᓄᓇᕗᒻᒧᑦ, ᐸᐅᓗᓯ ᐊᕿᐊᕈᖅ ᒪᓕᒐᓕᐅᖅᑎᐅᔪᖅ ᐃᖃᓗᐃᑦ-ᓂᐊᖁᓐᖒᒧᑦ, ᑎᒃᑯᐊᖅᑕᐅᖁᓪᓗᒍ ᓯᕗᓕᖅᑎᐅᓂᐊᕐᓗᓂ ᓄᓇᕗᒻᒧᑦ ᐊᒻᒪᓗ ᐃᓚᒋᔭᐅᓗᓂ ᓯᕗᓕᖅᑏᑦ ᑲᑎᒪᔨᕋᓛᖏᓐᓄᑦ. ᐅᖃᖅᑏ, ᓈᒻᒪᓈᓕᖅᑲᑦ ᒪᓕᒐᓕᐅᖅᑎᐅᖃᑎᓕᒫᓄᑦ ᐊᖏᖅᑕᐅᒍᒪᓂᐊᖅᑐᖓ ᐅᓪᓗᒥ ᐱᖁᔨᕗᖔᕈᑎᓕᐊᕈᒪᓗᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᖃᐅᔨᒃᑲᐃᔾᔪᑎ ᐱᖁᔨᕗᖔᕈᑎᑕᖃᕐᓂᐊᕐᒪᑦ. ᐊᒥᑦᑐᕐᒧᑦ ᒪᓕᒐᓕᐅᖅᑎ, ᒥᔅᑕ ᖃᐃᕐᓂᖅ. ᐱᒋᐊᖅᑎᑕᖅ 003 - 6(1): ᑎᒃᑯᐊᖅᑕᐅᔪᑦ ᓯᕗᓕᖅᑏᑦ ᑲᑎᒪᔨᖏᓐᓄᑦ - ᖃᐅᔨᒃᑲᐃᒍᑦ (ᖃᐃᕐᓂᖅ) ᖃᐃᕐᓂᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. ᓇᓗᓇᐃᔭᖅᓯᔪᒪᕗᖓ ᑕᐃᑲᓐᖓ ᓇᒡᒐᔾᔭᐅᓛᖅᑐᒥ, ᓅᕖᐱᕆ 22, 2021, ᓅᑦᑎᒋᐊᕈᑎᒥᒃ ᐱᖁᔨᕗᖔᕈᑎᒥ ᓴᖅᑭᑦᑎᓛᕋᒪ. ᑕᐃᒪᐃᒻᒪᑦ, ᓅᑦᑎᒋᐊᖅᐳᖓ ᐊᐃᐱᖅᑕᐅᓪᓗᖓᓗ ᑖᔅᓱᒧᖓ ᒪᓕᒐᓕᐅᖅᑎ ᐊᐃᕕᓕᒻᒧᑦ, ᑕᕝᕙᓂ ᒪᓕᒐᓕᐅᕐᕕᒻᒥ ᑖᓐᓇ ᑐᓂᔭᐅᓚᐅᖅᑐᑦ ᓄᓇᕗᑦ ᑲᒥᓯᓇᖓᓄᑦ ᑖᒃᑯᐊ ᒪᓕᒐᓕᐅᖅᑏᑦ ᓂᕈᐊᖅᑕᐅᓚᐅᖅᑐᐃᑦ ᑕᕝᕗᖓ ᒥᓂᔅᑕᒧᑦ ᐅᑯᐊᖑᕗᑦ:

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 31  ᑕᐃᕕᑎ ᐊᕿᐊᕈᖅ, ᒪᓕᒐᓕᐅᖅᑎ ᖁᑦᑎᑦᑐᒧᑦ;  ᐹᒥᓚ ᓴᑭᓐᓇᖅ ᒍᕌᔅ, ᒪᓕᒐᓕᐅᖅᑎ ᐃᖃᓗᒃᑑᑦᑎᐊᕐᒧᑦ;  ᑕᐃᕕᑎ ᔪᐊᓇᓯ, ᒪᓕᒐᓕᐅᖅᑎ ᕿᑭᖅᑖᓘᑉ ᓂᒋᐊᓄᑦ;  ᓗᐊᓐ ᑯᓱᒐᖅ, ᒪᓕᒐᓕᐅᖅᑎ ᑲᖏᖅᖠᓂᐅᑉ ᓂᒋᐊᓄᑦ;  ᐋᑕᒻ ᐋᕆᐊᒃ ᓚᐃᑦᓯᑑᓐ, ᒪᓕᒐᓕᐅᖅᑎ ᐃᖃᓗᐃᑦ ᒪᓂᕋᔭᒻᒧᑦ;  ᔮᓐ ᒪᐃᓐ, ᒪᓕᒐᓕᐅᖅᑎ ᐊᕐᕕᐊᑦ ᐅᐊᓐᓇᖓᓄᑦ ᐊᒻᒪ ᑎᑭᕋᕐᔪᐊᕐᒧᑦ;  ᒫᒡᒍᓚ ᓇᑲᓱᒃ, ᒪᓕᒐᓕᐅᖅᑎ ᐸᓐᓂᖅᑑᒧᑦ; ᐊᒻᒪᓗ  ᔪᐊᓇ ᖁᐊᓴ, ᒪᓕᒐᓕᐅᖅᑎ ᐊᒡᒍᒧᑦ. ᐅᖃᖅᑎᑦᑎᔩ, ᑕᐃᒪ ᓇᓪᓕᖅᐸᑦ ᑖᓐᓇ ᐱᖁᔨᕗᖔᕈᑎᒐ ᓴᖅᑭᕐᓂᐊᕋᒃᑯ ᐅᓪᓗᒥ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ (ᑐᓵᔨᑎᒍᑦ): ᖃᐅᔨᒃᑲᐃᔾᔪᑎ ᐱᖁᔨᕗᖔᕈᑎᑕᖃᕐᓂᐊᕐᖓᑦ. ᐅᑉᐱᓇᖅᑐᖅ, ᐊᕐᕕᐊᑦ ᓂᒋᐊᑕ ᒪᓕᒐᓕᐅᖅᑎᖓ, ᒥᔅᑕ ᓴᕕᑲᑖᖅ. ᐱᒋᐊᖅᑎᑕᖅ 004 - 6(1): ᑎᒃᑯᐊᖅᑕᐅᓂᖓ ᐅᖃᖅᑎᐅᑉ ᑐᓪᓕᐊ - ᖃᐅᔨᒃᑲᐃᒍᑦ (ᓴᕕᑲᑖᖅ) ᓴᕕᑲᑖᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖃᐅᔨᒃᑲᐃᕗᖓ ᓇᒡᒐᔾᔭᐅᒥ, ᓅᕖᕝᕙ 22, 2021, ᐆᒥᖓ ᐱᖁᔨᕗᖔᕈᑎᓕᐅᓛᕋᒪ: ᒫᓐᓇ ᐱᒋᐊᖅᑎᑦᑎᕗᖓ ᐊᐃᑉᐱᑕᐅᓪᓗᖓ ᐅᑉᐱᓇᖅᑐᒧᑦ ᒪᓕᒐᓕᐅᖅᑎᐅᔪᒧᑦ ᐊᒥᑦᑐᕐᒧᑦ, ᑖᓐᓇ ᔪᐊᔾ ᕼᐃᒃᔅ, ᒪᓕᒐᓕᐅᖅᑎᐅᔪᖅ ᐃᖃᓗᐃᑦ- ᑕᓯᓗᒻᒧᑦ, ᐅᖃᖅᑎᒧᑦ ᑐᖏᓕᕆᔭᐅᓂᐊᕐᓗᓂ ᑎᒃᑯᐊᖅᑕᐅᖁᓪᓗᒍ. ᐊᒻᒪ, ᓈᒻᒪᓈᓕᖅᑲᑦ, ᐅᖃᖅᑏ, ᒪᓕᒐᓕᐅᖅᑎᐅᖃᓕᒫᓐᓄᑦ ᐊᖏᖅᑕᐅᒍᒪᓂᐊᖅᑐᖓ ᐱᖁᔨᕗᖔᕈᑎᒐ ᐅᓪᓗᒥ ᑲᒪᒋᔭᐅᖁᓪᓗᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐱᖁᔨᕗᖔᕈᑎᑕᖃᕐᓂᐊᕐᖓᑦ ᖃᐅᔨᒃᑲᐃᔾᔪᑎ. ᐃᖃᓗᐃᑦ-ᑕᓯᓗᒻᒧᑦ ᒪᓕᒐᓕᐅᖅᑎ, ᒥᔅᑕ ᕼᐃᒃᔅ. ᐱᒋᐊᖅᑎᑕᖅ 005 - 6(1): ᑎᒃᑯᐊᖅᑕᐅᔪᑦ ᐃᒃᓯᕙᐅᑕᐅᑉ ᑐᓪᓕᖏᓐᓄᑦ ᑲᑎᒪᑐᐃᓐᓇᖅᑐᓄᑦ - ᖃᐅᔨᒃᑲᐃᒍᑦ (Hᐃᒃᔅ) ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖃᐅᔨᒃᑲᐃᕗᖓ ᓇᒡᒐᔾᔭᐅᒥ, ᓅᕖᕝᕙ 22, 2021-ᒥ, ᐆᒥᖓ ᐱᒋᐊᖅᑎᑦᑎᓛᕋᒪ: ᒫᓐᓇ ᐱᒋᐊᖅᑎᑦᑎᕗᖓ ᐊᐃᑉᐱᑕᐅᓪᓗᖓ ᒪᓕᒐᓕᐅᖅᑎᐅᔪᒧᑦ ᐊᒥᑦᑐᕐᒧᑦ, ᓵᓚᒪᓐ ᒪᓕᑭ ᒪᓕᒐᓕᐅᖅᑎ ᐊᐃᕕᓕᒻᒧᑦ, ᔫ ᓴᕕᑲᑖᖅ, ᒪᓕᒐᓕᐅᖅᑎ ᐊᕐᕕᐊᑦ ᓂᒋᐊᓄᑦ, ᑲᑎᒪᑐᐃᓐᓇᓂᕐᒥ ᐃᒃᓯᕙᐅᑕᐅᖃᑎᒌᖁᓪᓗᒋᒃ. ᐅᓪᓗᒥ ᐊᖏᖅᑕᐅᒍᒪᓂᐊᕐᒥᔪᖓ ᒪᓕᒐᓕᐅᖅᑎᐅᖃᑎᓕᒫᓐᓄᑦ ᐱᖁᔨᕗᖔᕈᑎᒐ ᑲᔪᓯᖁᓪᓗᒍ. ᐅᖃᖅᑎ (ᑐᓵᔨᑎᒍᑦ): ᖃᐅᔨᒃᑲᐃᔾᔪᑎ ᐱᖁᔨᕗᖔᕈᑎᑕᖃᕐᓂᐊᕐᖓᑦ. ᐃᖃᓗᐃᑦ-ᑕᓯᓗᒻᒧᑦ ᒪᓕᒐᓕᐅᖅᑎ, ᒥᔅᑕ ᕼᐃᒃᔅ. ᐱᒋᐊᖅᑎᑕᖅ 006 - 6(1): ᑎᒃᑯᐊᖅᑕᐅᔪᑦ ᐊᐅᓚᑦᑎᓕᕆᓂᕐᒧᑦ ᐱᔨᑦᑎᕋᐅᑎᓕᕆᓂᕐᒧᓪᓗ ᑲᑎᒪᔨᓄᑦ - ᖃᐅᔨᒃᑲᐃᒍᑦ (Hᐃᒃᔅ) ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᖃᐅᔨᒃᑲᐃᕗᖓ ᓇᒡᒐᔾᔭᐅᖑᓕᖅᑲᑦ, ᓅᕖᕝᕙ 22, 2021, ᐆᒥᖓ ᐱᒋᐊᖅᑎᑦᑎᓛᕋᒪ: ᐱᒋᐊᖅᑎᑦᑎᕗᖓ ᐊᐃᑉᐱᑕᐅᓪᓗᖓ ᒪᓕᒐᓕᐅᖅᑎᐅᔪᒧᑦ ᐊᒥᑦᑐᕐᒧᑦ,

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 32 ᐅᑯᐊ ᒪᓕᒐᓕᐅᖅᑏᑦ ᑲᑎᒪᔨᓕᕆᔨᓄᑦ ᑎᒃᑯᐊᖅᑕᐅᖁᓪᓗᒋᑦ:  ᓵᓚᒪᓐ ᒪᓕᑭ, ᐊᐃᕕᓕᖕᒧᑦ ᒪᓕᒐᓕᐅᖅᑎ;  ᔫ ᓴᕕᑲᑖᖅ, ᐊᕐᕕᐊᑦ ᓂᒋᐊᓄᑦ ᒪᓕᒐᓕᐅᖅᑎ; ᐊᒻᒪ  ᑯᕋᐃᒡ ᓯᒪᐃᓚᒃ, ᒪᓕᒐᓕᐅᖅᑎ ᖃᒪᓂᑦᑐᐊᕐᒧᑦ. ᓈᒻᒪᓈᓕᖅᑲᑦ ᐱᒋᐊᖅᑎᑦᑎᒍᒪᓂᐊᖅᑐᖓ ᐅᓪᓗᒥ. ᐅᖃᖅᑎ (ᑐᓵᔨᑎᒍᑦ): ᖃᐅᔨᒃᑲᐃᔾᔪᑎ ᐱᖁᔨᕗᖔᕈᑎᑕᖃᕐᓂᐊᕐᖓᑦ. ᒪᓕᒐᓕᐅᖅᑎ ᐊᒥᑦᑐᕐᒧᑦ, ᒥᔅᑕ ᖃᐃᕐᓂᖅ. ᖃᐃᕐᓂᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐱᕕᖃᖅᑎᑕᐅᔪᒪᒐᓗᐊᖅᐳᖓ ᑖᒃᑯᐊ ᓇᓗᓇᐃᔭᕈᒪᓪᓗᒋᑦ ᐱᖁᔨᕗᖔᕈᑏᑦ ᐅᓪᓗᒥᐅᔪᖅ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ (ᑐᓵᔨᑎᒍᑦ): ᐱᖁᔨᕗᖔᕈᑎᑕᖃᕐᓂᐊᕐᖓᑦ ᖃᐅᔨᒃᑲᐃᔾᔪᑏᑦ. ᒪᓕᒐᓕᐅᖅᑎ ᐊᒥᑦᑐᕐᒧᑦ, ᒥᔅᑐ ᖃᐃᕐᓂᖅ. ᐱᒋᐊᖅᑎᑕᖅ 007 - 6(1): ᑎᒃᑯᐊᖅᑕᐅᓂᖓ ᑎᒃᑯᐊᖅᓯᔩᑦ ᑲᑎᒪᔨᕋᓛᖏᑦ - ᖃᐅᔨᒃᑲᐃᒍᑦ (ᖃᐃᕐᓂᖅ) ᖃᐃᕐᓂᖅ: ᒪᒥᐊᓇᖅ, ᐅᖃᖅᑎᑦᑎᔩ. ᑕᒻᒪᕋᑖᕋᒪ ᒪᕐᕉᓐᓂᕐᒪᑕ. ᐅᖃᖅᑎᑦᑎᔩ, ᓇᓗᓇᐃᔭᖅᐳᖓ ᓇᒡᒐᔾᔭᐅᓛᖅᑐᒥ ᓅᕖᕝᕙ 22, 2021, ᓅᑦᑎᒋᐊᕈᑎᒥ ᐱᖁᔨᕗᖔᕈᑎᓂ ᓴᖅᑭᑦᑎᓛᕋᒪ: ᑕᐃᒪᐃᒻᒪᑦ, ᓅᑦᑎᒋᐊᖅᐳᖓ ᐊᐃᑉᐱᖅᑕᐅᓪᓗᖓ ᑖᔅᓱᒧᖓ ᐊᐃᕕᓕᐅᒻᒧᑦ ᒪᓕᒐᓕᐅᖅᑎ, ᑖᒃᑯᐊ ᓂᕈᐊᖅᑕᐅᓚᐅᖅᑐᐃᑦ ᑕᕝᕗᖓ ᐱᖁᔭᓕᕆᓂᕐᒧᑦ ᑲᑎᒪᔨᕋᓛᑦ:  ᑯᕋᐃᒡ ᓯᒪᐃᓚᒃ, ᒪᓕᒐᓕᐅᖅᑎ ᖃᒪᓂᑦᑐᐊᕐᒧᑦ;  ᔪᐊᔾ ᕼᐃᒃᔅ, ᒪᓕᒐᓕᐅᖅᑎ ᐃᖃᓗᐃᑦ-ᑕᓯᓗᒃ; ᐊᒻᒪᓗ  ᑖᓂᐅᓪ ᖃᕝᕕᒃ, ᒪᓕᒐᓕᐅᖅᑎ ᑕᓯᐅᔭᕐᔪᐊᕐᒧᑦ. ᐅᖃᖅᑎᑦᑎᔩ, ᓇᑎᖅᐸᑦ ᑖᓐᓇ ᐱᖁᔨᕗᖔᕈᑎ ᐱᕕᖃᖅᑎᑕᐅᔪᒪᓂᐊᖅᐳᖓ ᑖᒃᑯᐊ ᓇᓗᓇᐃᔭᕈᒪᓪᓗᒋᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᑖᓐᓇ ᑐᑭᓕᐅᖅᑕᐅᓯᒪᓂᖓ ᐱᑲᒻᒪᔅᓯᒪᓐᓂᕐᖓᑦ. ᑲᑎᒪᔨᕋᓛᓄᑦ ᑎᒃᑯᐊᖅᑐᐃᔨᓂᒃ ᑕᐃᓯᒪᒋᐊᖔᖃᕋᑖᖅᑐᖅ. ᑲᔪᓯᑖ? ᖃᐅᔨᒃᑲᐃᔾᔪᑎ ᐱᖁᔨᕗᖔᕈᑎᑕᖃᕐᓂᐊᕐᖓᑦ. ᑕᑯᒃᑲᓐᓂᕈᓐᓃᕋᒪ. ᑲᑎᒪᔾᔪᑎᔅᓴᖅ 12. ᖃᐅᔨᒃᑲᐃᔾᔪᑏᑦ ᐱᖁᔨᕗᖔᕈᑎᑕᖃᕐᓂᐊᕐᖓᑦ ᓯᕗᓪᓕᖅᐹᒥ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ. ᐱᑕᖃᓐᖏᒻᒪᑦ ᑲᔪᓯᒋᐊᑐᐃᓐᓇᖅᑕ. ᑲᑎᒪᔾᔪᑎᔅᓴᖅ 13. ᐱᖁᔨᕗᖔᕈᑏᑦ. ᒪᓕᒐᓕᐅᖅᑎ ᐃᖃᓗᐃᑦ- ᑕᓯᓗᒻᒧᑦ, ᒥᔅᑕ ᕼᐃᒃᔅ. ᑲᑎᒪᔾᔪᑎᒃᓴᖅ 13: ᐱᒋᐊᖅᑎᑕᐃᑦ ᐱᒋᐊᖅᑎᑕᖅ 002 - 6(1): ᓯᕗᓕᖅᑎᐅᑉ ᑎᒃᑯᐊᖅᑕᐅᓂᖓ (Hᐃᒃᔅ) ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᖁᕕᐊᓱᑉᐳᖓ ᐆᒥᖓ ᐱᖁᔨᕗᖔᕈᑎᓕᐅᕈᓐᓇᕋᒪ. ᐃᒻᒪᐃᒻᒪᑦ, ᓈᓴᐅᑎᓕᒃ 16, ᒪᓕᒐᓕᐅᕐᕕᐅᑉ ᓯᕗᓕᖅᑏᓪᓗ ᑲᑎᒪᔨᖏᑕ ᐱᖁᔭᖓ ᐅᖃᖅᓯᒪᒻᒪᑦ ᓯᕗᓕᖅᑎ ᓂᕈᐊᖅᑕᐅᓂᐊᕐᖓᒡᒎᖅ ᑖᒃᑯᓇᓐᖓᑦ ᒪᓕᒐᓕᐅᖅᑎᐅᖃᑕᐅᔪᓄᑦ ᐊᒻᒪᓗᑦᑕᐅᖅ ᑎᒃᑯᐊᖅᑕᐅᓗᓂ ᑲᒥᓯᓇᐅᔪᒧᑦ ᐊᑐᓕᖁᔭᓕᐊᖓ ᒪᓕᒐᓕᐅᕐᕕᐅᑉ ᒪᓕᓪᓗᒍ. ᐊᒻᒪᓗ ᐃᒪᐃᒻᒪᑦ, ᒪᓕᒐᓕᐅᕐᕕ ᐊᑐᐃᓐᓇᐅᓕᕐᖓᑦ ᑎᒃᑯᐊᖅᑕᐅᖁᔨᒍᓐᓇᖅᓯᓪᓗᓂ. ᑕᐃᒪᐃᒻᒪᑦ, ᒫᓐᓇ ᐱᒋᐊᖅᑎᑦᑎᕗᖓ ᐊᐃᑉᐱᑕᐅᓪᓗᖓ ᒪᓕᒐᓕᐅᖅᑎᐅᔪᒧᑦ ᐊᐃᕕᓕᒻᒧᑦ, ᒪᓕᒐᓕᐅᕐᕕᒃ ᐊᑐᓕᖁᔭᓕᐅᖁᓪᓗᒍ ᑲᒥᓯᓇᒧᑦ ᓄᓇᕗᒻᒥ, ᐸᐅᓗᓯ ᐊᕿᐊᕈᖅ ᐃᓚᒋᔭᐅᔪᖅ ᐃᖃᓗᐃᑦ ᓂᐊᖁᓐᖒᒧᑦ ᑎᒃᑯᐊᖅᑕᐅᖁᓪᓗᒍ ᓯᕗᓕᖅᑎᐅᓂᐊᕐᓗᓂ

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 33 ᓄᓇᕗᒻᒧᑦ ᐊᒻᒪᓗ ᐃᓚᒋᔭᐅᓗᓂ ᓯᕗᓕᖅᑏᑦ ᑲᑎᒪᔨᖏᓐᓄᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐱᖁᔨᕗᖔᕈᑎ ᓈᒻᒪᑦᑐᖅ. ᐱᖁᔨᕗᖔᕈᒻᒧᑦ. ᐃᓚᖓᑦ ᒪᓕᒐᓕᐅᖅᑎ: ᓂᕈᐊᖅ. ᐅᖃᖅᑎ (ᑐᓵᔨᑎᒍᑦ): ᓂᕈᐊᕈᒪᓕᕐᒪᑕ. ᓈᒻᒪᓴᖅᑐᐃᑦ. ᓈᒻᒪᓴᓐᖏᑦᑐᑦ. ᓂᕈᐊᓐᖏᑦᑐᑦ. ᐱᖁᔨᕗᖔᕈᑎ ᑲᔪᓯᔪᖅ. >>ᐸᑦᑕᑐᖅᑐᑦ ᐱᒋᐊᖅᑎᓯᔾᔪᑏᑦ. ᒪᓕᒐᓕᐅᖅᑎ ᐊᒥᑦᑐᕐᒧᑦ, ᒥᔅᑕ ᖃᐃᕐᓂᖅ. ᖃᐃᕐᓂᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᖏᖅᑕᐅᔪᒪᕗᖓ ᐱᒋᐊᖅᑎᑎᔾᔪᑎᒐ ᐅᓪᓗᒥ ᑲᒪᒋᔭᐅᖁᓪᓗᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑎ ᐊᖏᖅᑕᐅᔪᒪᒻᒪᑦ ᑖᓐᓇ ᐱᒋᐊᖅᑎᑕᖓ ᐅᓪᓗᒥ ᑲᒪᒋᔭᐅᖁᓪᓗᒍ. ᐋᒡᒑᖅᑐᖃᖅᐹ? ᐋᒡᒑᖅᑐᖃᓐᖏᒻᒪᑦ ᑲᔪᓯᒍᓐᓇᖅᓯᕗᑎᑦ. ᐱᒋᐊᖅᑎᑕᖅ 003 - 6(1): ᑎᒃᑯᐊᖅᑕᐅᔪᑦ ᓯᕗᓕᖅᑏᑦ ᑲᑎᒪᔨᖏᓐᓄᑦ (ᖃᐃᕐᓂᖅ) ᖃᐃᕐᓂᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᒪᐃᒻᒪᑦ ᒪᓕᒐᖅ 60-ᒦᑦᑐᖅ ᒪᓕᒐᓕᐅᕐᕕᒻᒥ ᑖᒃᑯᐊᓗ ᓯᕗᓕᐅᖅᑏᑦ ᑲᑎᒪᔨᖏᑦ ᒪᓕᒐᖅ ᑖᒃᑯᐊ ᓄᓇᕗᒻᒥ ᓯᕗᓕᐅᖅᑏᑦ ᐃᓄᖃᕐᓂᐊᕐᒪᑕ ᑎᒃᑯᐊᖅᑕᐅᔪᒥ ᑲᒥᓯᓇᒧᑦ ᐊᑐᓕᖁᔨᓂᖏᑦ ᒪᓕᒐᓕᐅᕐᕕᒻᒥ. ᐊᒻᒪᓗ ᐃᒪᐃᒻᒪᑦ, ᒪᓕᒐᓕᐅᕐᕕᒃ ᐊᑐᓕᖁᔭᒥᓂᒃ ᑲᔪᓯᒍᓐᓇᖅᓯᒻᒪᑦᑕ. ᑕᐃᒪᐃᒻᒪᑦ, ᐱᒋᐊᖅᑎᔅᓯᕗᖓ ᑖᓐᓇ ᒪᓕᒐᓕᐅᖅᑎ ᐊᐃᕕᓕᒻᒧᑦ ᑖᓐᓇ ᒪᓕᒐᓕᐅᕐᕕ ᐊᑐᓕᖁᔨᓗᑎᑦ ᑲᒥᓯᓇᒧᑦ ᓄᓇᕗᑦ ᐅᑯᐊ ᑎᒃᑯᐊᖅᑕᐅᖁᓪᓗᒋᑦ ᓯᕗᓕᐅᖅᑏᑦ ᑲᑎᒪᔨᖏᓐᓄᑦ:  ᑕᐃᕕᑎ ᐊᕿᐊᕈᖅ, ᒪᓕᒐᓕᐅᖅᑎ ᖁᑦᑎᑦᑐᒧᑦ;  ᐹᒥᓚ ᓴᒃᑯᓐᓇᖅ ᒍᕌᔅ, ᒪᓕᒐᓕᐅᖅᑎ ᐃᖃᓗᒃᑑᑦᑎᐊᕐᒧᑦ;  ᑕᐃᕕᑎ ᔪᐊᓇᓯ, ᒪᓕᒐᓕᐅᖅᑎ ᕿᑭᖅᑖᓘᑉ ᓂᒋᐊᓄᑦ;  ᓗᐊᓐ ᑯᓱᒐᖅ, ᒪᓕᒐᓕᐅᖅᑎ ᑲᖏᖅᓯᓂᐅᑉ ᓂᒋᐊᓄᑦ;  ᐋᑕᒻ ᐋᕆᐊᒃ ᓚᐃᑦᓯᑑᓐ, ᒪᓕᒐᓕᐅᖅᑎ ᐃᖃᓗᐃᑦ ᒪᓂᕋᔭᒃ;  ᔮᓐ ᒪᐃᓐ, ᒪᓕᒐᓕᐅᖅᑎ ᐊᕐᕕᐊᑦ ᐅᐊᓐᓈᓄᑦ ᑎᑭᕋᕐᔪᐊᒧᓪᓗ;  ᒫᒡᒍᓚ ᓇᑲᓱᒃ, ᒪᓕᒐᓕᐅᖅᑎ ᐸᓐᓂᖅᑑᒧᑦ; ᐊᒻᒪᓗ  ᔪᐊᓇ ᖁᐊᓴ, ᒪᓕᒐᓕᐅᖅᑎ ᐊᒡᒍᕐᒧᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᑖᓐᓇ ᐱᒋᐊᖅᑎᑕᐅᔪᖅ ᓈᒻᒪᒻᒪᑦ. ᐱᒋᐊᖅᑎᑕᐅᔪᒧᑦ. ᐃᓚᖓᑦ ᒪᓕᒐᓕᐅᖅᑎ: ᓂᕈᐊᖅ. ᐅᖃᖅᑎ (ᑐᓵᔨᑎᒍᑦ): ᓂᕈᐊᕈᒪᓕᕐᒪᑕ. ᓈᒻᒪᓴᖅᑐᐃᑦ. ᓈᒻᒪᓴᓐᖏᑦᑐᑦ. ᓂᕈᐊᓐᖏᑦᑐᑦ. ᐱᒋᐊᖅᑎᑕᐅᔪᖅ ᑲᔪᓯᔪᖅ. >>ᐸᑦᑕᑐᖅᑐᑦ ᐱᒋᐊᖅᑎᓯᔾᔪᑏᑦ. ᒪᓕᒐᓕᐅᖅᑎ ᐊᕐᕕᐊᑦ ᓂᒋᐊᓄᑦ, ᒥᔅᑕ ᓴᕕᑲᑖᖅ. ᓴᕕᑲᑖᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᐊᖏᖅᑕᐅᔪᒪᕗᖓ ᑖᓐᓇ ᐱᒋᐊᖅᑎᓯᔾᔪᑎᒐ ᐅᓪᓗᒥ ᑲᒪᒋᔭᐅᖁᓪᓗᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑎ ᐊᖏᖅᑕᐅᔪᒪᒻᒪᑦ

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 34 ᐱᒋᐊᖅᑎᑕᖓ ᐅᓪᓗᒥ ᑲᒪᒋᔭᐅᖁᓪᓗᒍ. ᐋᒡᒑᖅᑐᖃᖅᐹ? ᐱᑕᖃᓐᖏᒻᒪᑦ ᑲᔪᓯᒍᓐᓇᖅᓯᕗᑎᑦ. ᐱᒋᐊᖅᑎᑕᖅ 004 - 6(1): ᑎᒃᑯᐊᖅᑕᐅᓂᖓ ᐅᖃᖅᑎᐅᑉ ᑐᓪᓕᐊ (ᓴᕕᑲᑖᖅ) ᓴᕕᑲᑖᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᒪᐃᒻᒪᑦ, ᐃᓛᒃᑰᖅᑐᓂ 42 ᒪᓕᒐᓕᐅᕐᕕᒻᒥ ᐊᒻᒪ ᓯᕗᓕᖅᑏᑦ ᐱᖁᔭᖅ ᑖᒃᑯᐊ ᒪᓕᒐᓕᐅᕐᕕᒻᒥ ᓯᕗᓪᓕᖅᐹᒥᒃ ᑲᑎᒪᓂᖏᓐᓂ ᓂᕈᐊᖁᓪᓗᒋᑦ ᑐᖏᓕᔅᓴᖓᓂᑦ ᐅᖃᖅᑎᐅᑉ. ᐊᒻᒪᓗ ᐃᒪᐃᒻᒪᑦ, ᑖᒃᑯᐊ ᐊᑐᓕᖁᔭᒥᓂᒃ ᒪᓕᒐᓕᐅᕐᕕᒃ ᐱᒋᐊᕈᓐᓇᖅᓯᒪᒻᒪᑕ. ᑕᐃᒪᐃᒻᒪᑦ, ᐱᒋᐊᖅᑎᑦᑎᕗᖓ ᐊᐃᑉᐱᖅᑕᐅᓪᓗᓂ ᒪᓕᒐᓕᐅᖅᑎᒧᑦ ᐊᕐᕕᐊᑦ ᐅᐊᓐᓈᓄᑦ ᑎᑭᕋᕐᔪᐊᒧᓪᓗ, ᔪᐊᔾ ᕼᐃᒃᔅ ᒪᓕᒐᓕᐅᖅᑎ ᐃᖃᓗᐃᑦ ᑕᓯᓕᒻᒧᑦ ᑎᒃᑯᐊᖅᑕᐅᖁᓪᓗᒍ ᐅᖃᖅᑎᐅᑉ ᑐᖏᓕᐊᓄᑦ ᒪᓕᒐᓕᐅᕐᕕᒻᒥ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᑎᔨᒍᑦ): ᐱᒋᐊᖅᑎᑕᐅᔪᖅ ᓈᒻᒪᒻᒪᑦ. ᐱᒋᐊᖅᑎᑕᐅᔪᒧᑦ. ᐃᓚᖓᑦ ᒪᓕᒐᓕᐅᖅᑎ: ᓂᕈᐊᖅ. ᐅᖃᖅᑎ (ᑐᓵᔨᑎᒍᑦ): ᐱᒋᐊᖅᑎᑕᐅᔪᖅ ᓂᕈᐊᕈᑕᐅᖁᔭᐅᒻᒪᑦ. ᓈᒻᒪᓴᖅᑐᑦ. ᐊᑭᕋᖅᑐᖅᑐᑦ. ᓂᕈᐊᓐᖏᑦᑐᑦ. ᐱᒋᐊᖅᑎᑕᐅᔪᖅ ᑲᔪᓯᕗᖅ. >>ᐸᑦᑕᑐᖅᑐᑦ ᐱᒋᐊᖅᑎᓯᔾᔪᑏᑦ. ᒪᓕᒐᓕᐅᖅᑎ ᐃᖃᓗᐃᑦ-ᑕᓯᓗᒃ, ᒥᔅᑕ ᕼᐃᒃᔅ. ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᐊᖏᖅᑕᐅᔪᒪᓪᓗᖓ ᐱᒋᐊᖅᑎᑕᕋ ᐅᓪᓗᒥ ᑲᒪᒋᔭᐅᖁᓪᓗᒍ. ᖁᔭᓐᓇᒦᒃ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑎ ᐊᖏᖅᑕᐅᔪᒪᒻᒪᑦ ᐅᓪᓗᒥ ᑲᒪᒋᔭᐅᖁᓪᓗᒍ ᐱᒋᐊᖅᑎᑕᖓ. ᐋᒡᒑᖅᑐᖃᖅᐸ? ᐱᑕᖃᓐᖏᒻᒪᑦ ᑲᔪᓯᒍᓐᓇᖅᓯᕗᑎᑦ. ᐱᒋᐊᖅᑎᑕᖅ 005 - 6(1): ᑎᒃᑯᐊᖅᑕᐅᓂᖓ ᐃᒃᓯᕙᐅᑕᐅᑉ ᑐᓪᓕᐊ ᑲᑎᒪᑐᐃᓐᓇᖅᑐᓄᑦ (Hᐃᒃᔅ) ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᒪᐃᒻᒪᑦ, ᐃᓛᒃᑯᑦ 43, ᒪᓕᒐᓕᐅᕐᕕᒻᒥ ᐊᒻᒪ ᓯᕗᓕᖅᑏᑦ ᒪᓕᒐᖓ ᑖᒃᑯᐊ ᒪᓕᒐᓕᐅᕐᕕᒻᒥ ᓯᕗᓪᓕᖅᐹᒥᒃ ᑲᑎᒪᑎᓪᓗᒋᑦ ᓂᕈᐊᕐᓂᐊᖅᐳᑦ ᒪᕐᕉᓐᓂᒃ ᑐᖏᓕᔅᓴᐅᓂᐊᖅᑑᓐᓂᒃ ᐃᒃᓯᕙᐅᑕᐅᔫᓐᓂᒃ ᑲᑎᒪᔨᑐᐃᓐᓇᕐᓂᒃ. ᐊᒻᒪᓗ ᐃᒪᐃᒻᒪᑦ, ᒪᓕᒐᓕᐅᕐᕕᒃ ᑎᒃᑯᐊᖅᓯᒍᓐᓇᖅᓯᒻᒪᑕ. ᑕᐃᒪᐃᒻᒪᑦ, ᐱᒋᐊᖅᑎᓯᕗᖓ ᒪᓕᒐᓕᐅᖅᑏᑦ ᐊᒥᑦᑐᕐᒧᑦ, ᓵᓚᒪᓐ ᒪᓕᑭ, ᒪᓕᒐᓕᐅᖅᑎᐅᔪᖅ ᐊᐃᕕᓕᒃ ᐊᒻᒪ ᔫ ᓴᕕᑲᑖᖅ, ᒪᓕᒐᓕᐅᖅᑎᐅᔪᖅ ᐊᕐᕕᐊᑦ ᓂᒋᐊᓄᑦ ᑎᒃᑯᐊᖅᑕᐅᖁᓪᓗᒋᒃ ᑐᖏᓕᔅᓴᒧᑦ ᐃᒃᓯᕙᐅᑕᒧᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᑎᔨᒍᑦ): ᐱᒋᐊᖅᑎᑕᐅᔪᖅ ᓈᒻᒪᒻᒪᑦ. ᐱᒋᐊᖅᑎᑕᐅᔪᒧᑦ. ᐃᓚᖓᑦ ᒪᓕᒐᓕᐅᖅᑎ: ᓂᕈᐊᖅ. ᐅᖃᖅᑎ (ᑐᓵᔨᑎᒍᑦ): ᐱᒋᐊᖅᑎᑕᐅᔪᖅ ᓂᕈᐊᕈᑕᐅᖁᔭᐅᒻᒪᑦ. ᓈᒻᒪᓴᖅᑐᑦ. ᐊᑭᕋᖅᑐᖅᑐᑦ. ᓂᕈᐊᓐᖏᑦᑐᑦ. ᐱᒋᐊᖅᑎᑕᐅᔪᖅ ᑲᔪᓯᕗᖅ. ᐱᒋᐊᖅᑎᓯᔾᔪᑏᑦ. ᒪᓕᒐᓕᐅᖅᑎ ᐃᖃᓗᐃᑦ-ᑕᓯᓗᒃ, ᒥᔅᑕ ᕼᐃᒃᔅ.

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 35 ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᖏᖅᑕᐅᑲᓐᓂᕈᒪᕗᖓ ᐱᒋᐊᖅᑎᑕᕋ ᐅᓪᓗᒥ ᑲᒪᒋᔭᐅᖁᓪᓗᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑎ ᐊᖏᖅᑕᐅᔪᒪᒻᒪᑦ ᐱᒋᐊᖅᑎᑕᖓ ᐅᓪᓗᒥ ᑲᒪᒋᔭᐅᖁᓪᓗᒍ. ᐋᒡᒑᖅᑐᖃᖅᐹ? ᐋᒡᒑᖅᑐᖃᓐᖏᒻᒪᑦ ᑲᔪᓯᒍᓐᓇᖅᓯᕗᑎᑦ. ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐱᒋᐊᖅᑎᑕᖅ ᐱᓕᕆᐊᕆᖅᑳᖁᕋᑖᖅᐱᐅᒃ? ᐅᖃᖅᑎ (ᑐᓵᔨᑎᒍᑦ): ᒥᔅᑕ . . . ᐱᒋᐊᖅᑎᑕᖅ 006 - 6(1): ᑎᒃᑯᐊᖅᑕᐅᔪᑦ ᐊᐅᓚᑦᑎᓂᕐᒧᑦ ᐱᔨᑦᑎᕋᐅᑎᓄᓗᓪᓗ ᑲᑎᒪᔨᓄᑦ (Hᐃᒃᔅ) ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᒥᐊᓇᖅ ᓇᓗᓕᑲᐃᓐᓇᕋᒪ, ᐅᖃᖅᑏ. ᐃᒪᐃᒻᒪᑦ, ᐃᓛᒃᑯᑦ 38-ᒥ ᒪᓕᒐᓕᐅᕐᕕᒻᒥ ᓯᕗᓕᖅᑎᓄᑦ ᒪᓕᒐᖅ, ᑖᒃᑯᐊ ᒪᓕᒐᓕᐅᕐᕕᒻᒥ ᓯᕗᓪᓕᖅᐹᒥᒃ ᑲᑎᒪᓂᖃᖅᑎᓪᓗᒋᑦ ᑎᒃᑯᐊᖅᓯᓂᐊᖅᐳᑦ ᑖᒃᑯᓄᖓ ᐊᐅᓚᑦᓯᔪᓄᑦ ᑲᑎᒪᔨᖏᓐᓄᑦ. ᐊᒻᒪᓗ ᐃᒪᐃᒻᒪᑦ, ᑖᒃᑯᐊ ᒪᓕᒐᓕᐅᕐᕕᒻᒥ ᑎᒃᕕᐊᖅᓯᒍᓐᓇᖅᓯᒻᒪᑕ. ᑕᐃᒪᐃᒻᒪᑦ, ᐱᒋᐊᖅᑎᔅᓯᕗᖓ ᐊᐃᑉᐱᖅᑕᐅᓪᓗᓂ ᒪᓕᒐᓕᐅᖅᑎᒧᑦ ᐊᒥᑦᑐᕐᒧᑦ, ᑖᓐᓇ ᐅᑯᐊ ᒪᓕᒐᓕᐅᖅᑎ ᑎᒃᑯᐊᖅᑕᐅᖁᓪᓗᒋᑦ ᑲᑎᒪᔨᓄᑦ:  ᓵᓚᒪᓐ ᒪᓕᑭ, ᒪᓕᒐᓕᐅᖅᑎ ᐊᐃᕕᓕᒻᒧᑦ;  ᔫ ᓴᕕᑲᑖᖅ, ᒪᓕᒐᓕᐅᖅ ᐊᕐᕕᐊᑦ ᓂᒋᐊᓄᑦ; ᐊᒻᒪᓗ  ᑯᕋᐃᒡ ᓯᒪᐃᓚᒃ, ᒪᓕᒐᓕᐅᖅᑎ ᖃᒪᓂᑦᑐᐊᕐᒧᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᐱᒋᐊᖅᑎᑕᐅᔪᖅ ᓈᒻᒪᒻᒪᑦ. ᐱᒋᐊᖅᑎᑕᐅᔪᒧᑦ. ᒥᔅᑕ ᐸᐅᓗᓯ ᐊᕿᐊᕈᖅ. ᐸᐅᓗᓯ ᐊᕿᐊᕈᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. (ᑐᓵᔨᑎᒍᑦ) ᐃᓚᔭᐅᖁᓪᓗᒍ ᐋᑕᒻ ᓚᐃᑦᓯᑑᓐ ᑕᕝᕗᖓ ᐊᑎᖃᖃᑕᐅᖁᓪᓗᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ, ᒪᓕᒐᓕᐅᖅᑏᑦ. ᐋᖅᑭᒋᐊᖅᓯᒪᔪᖅ ᓈᒻᒪᒻᒪᑦ. ᐱᒋᐊᖅᑎᑕᐅᔪᒧᑦ ᐋᖅᑭᒋᐊᕈᑎᐅᔪᒧᑦ ᓈᒻᒪᓴᖅᐸᑦ ᒪᓕᒐᓕᐅᖅᑏᑦ? ᐃᓚᖏᑦ ᒪᓕᒐᓕᐅᖅᑏᑦ: ᐊᖏᖅᐳᒍᑦ. ᐅᖃᖅᑎ (ᑐᓵᔨᑎᒍᑦ): ᐊᖏᖃᑎᒌᒻᒪᑕ. ᐱᒋᐊᖅᑎᑕᐅᔪᖅ ᑖᓐᓇ ᐋᖅᑭᒋᐊᖅᑕᐅᕗᖅ. ᑖᓐᓇ ᐱᒋᐊᖅᑎᑕᐅᔪᖅ ᐋᖅᑭᒋᐊᖅᓯᒪᓂᖓ ᒪᓕᑦᑐᒍ. ᐊᖏᖅᐸᑦ ᒪᓕᒐᓕᐅᖅᑎᑦ? ᐃᓚᖏᑦ ᒪᓕᒐᓕᐅᖅᑏᑦ: ᐊᖏᖅᐳᒍᑦ. ᐅᖃᖅᑎ (ᑐᓵᔨᑎᒍᑦ): ᐱᒋᐊᖅᑎᑕᐅᔪᖅ ᑲᔪᓯᔪᖅ. ᐱᒋᐊᖅᑎᓯᔾᔪᑏᑦ. ᒪᓕᒐᓕᐅᖅᑎ ᐊᒥᑦᑐᕐᒧᑦ, ᒥᔅᑕ ᖃᐃᕐᓂᖅ. ᖃᐃᕐᓂᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐱᕕᖃᖅᑎᑕᐅᔪᒪᒐᓗᐊᖅᐳᖓ ᓇᓗᓇᐃᔭᐃᔪᒪᓪᓗᖓ ᐅᓪᓗᒥ ᑖᔅᓱᒥᖓ ᐱᖁᔨᕗᖔᕈᑎᒋᓂᐊᖅᑕᓐᓂ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑎ ᐊᖏᖅᑕᐅᔪᒪᒻᒪᑦ ᐱᒋᐊᖅᑎᑕᖓ ᐅᓪᓗᒥ ᑲᒪᒋᔭᐅᖁᓪᓗᒍ. ᐋᒡᒑᖅᑐᖃᖅᐹ? ᐱᑕᖃᓐᖏᒻᒪᑦ. ᑲᔪᓯᒍᓐᓇᖅᓯᕗᑎᑦ. ᐱᒋᐊᖅᑎᑕᖅ 007 - 6(1): ᑎᒃᑯᐊᖅᑕᐅᔪᑦ ᑎᒃᑯᐊᖅᓯᔩᑦ ᑲᑎᒪᔨᕋᓛᑦ (ᖃᐃᕐᓂᖅ) ᖃᐃᕐᓂᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᒪᐃᒻᒪᑦ, ᒪᓕᒐᓂ 83, ᒪᓕᒐᓕᐅᕐᕕᒻᒥ ᓄᓇᕗᑦ

ᐅᓪᓗᑐᐃᓐᓇᖅ, ᓄᕕᐱᕆ 19, 2021 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 36 ᑖᒃᑯᐊ ᒪᓕᒐᓕᐅᕐᕕᒻᒥ ᓯᕗᓪᓕᖅᐹᒥ ᐃᔅᓯᕙᓂᖃᖅᑎᓪᓗᒋᑦ ᓂᕈᐊᕐᓂᖃᓚᐅᖅᑎᓪᓗᒍ ᑎᒃᑯᐊᖅᓯᓂᐊᖅᐳᑦ ᑲᑎᒪᔨᕋᓛᖑᓂᐊᖅᑐᓂᒃ ᐱᖓᓱᓂᒃ ᒪᓕᒐᓕᐅᖅᑎᓂ ᐅᓂᒃᑳᓂᑦ ᐊᑐᓕᖁᔭᒥᓂᓪᓗ. ᓱᒃᑲᓕᔾᔫᒥᔪᒥᒃ ᒪᓕᒐᓕᐅᖅᑏᑦ ᑲᑎᒪᔨᕋᓛᖏᑦᑐᓂᐊᖅᓱᓂ ᒪᓕᒐᓕᐅᕐᕕᒻᒥ. ᐊᒻᒪᓗ ᐃᒪᐃᒻᒪᑦ, ᒪᓕᒐᓕᐅᕐᕕᒃ ᑎᒃᑯᐊᖅᓯᒍᓐᓇᖅᓯᒻᒪᑕ. ᑕᐃᒪᐃᒻᒪᑦ, ᒫᓐᓇ ᐱᒋᐊᖅᑎᑦᑎᕗᖓ ᐊᐃᑉᐱᑕᐅᓪᓗᓂ ᒪᓕᒐᓕᐅᖅᑎᒧ ᐊᐃᕕᓕᒻᒧᑦ, ᐅᑯᐊ ᒪᓕᒐᓕᐅᖅᑏᑦ ᑎᒃᑯᐊᖅᑕᐅᖁᓪᓗᒋᑦ ᑲᑎᒪᔨᕋᓛᓄᑦ:  ᔪᐊᔾ ᕼᐃᒃᔅ, ᒪᓕᒐᓕᐅᖅᑎ ᐃᖃᓗᐃᑦ-ᑕᓯᓗᒃ;  ᑯᕋᐃᒡ ᓯᒪᐃᓚᒃ, ᒪᓕᒐᓕᐅᖅᑎ ᖃᒪᓂᑦᑐᐊᕐᒧᑦ; ᐊᒻᒪᓗ  ᑖᓂᐅᓪ ᖃᕐᕕᒃ, ᒪᓕᒐᓕᐅᖅᑎ ᑕᓯᐅᔭᕐᔪᐊᕐᒧᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐱᒋᐊᖅᑎᑕᐅᔪᖅ ᓈᒻᒪᒻᒪᑦ. ᐱᒋᐊᖅᑎᑕᐅᔪᒧᑦ. ᐃᓚᖓᑦ ᒪᓕᒐᓕᐅᖅᑎ: ᓂᕈᐊᖅ. ᐅᖃᖅᑎ (ᑐᓵᔨᑎᒍᑦ): ᐱᒋᐊᖅᑎᑕᐅᔪᖅ ᓂᕈᐊᕈᑕᐅᖁᔭᐅᒻᒪᑦ. ᓈᒻᒪᓴᖅᑐᑦ. ᐊᑭᕋᖅᑐᖅᑐᑦ. ᓂᕈᐊᓐᖏᑦᑐᑦ. ᐱᒋᐊᖅᑎᑕᐅᔪᖅ ᑲᔪᓯᕗᖅ. ᑲᑎᒪᔾᔪᑎᔅᓴᓂ 14. ᓯᕗᓪᓕᖅᐹᒥᒃ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ. ᐱᑕᖃᓐᖏᒻᒪᑦ. ᑲᔪᓯᒃᑲᓂᕐᓂᐊᖅᐳᒍᑦ ᑲᑎᒪᔾᔪᑎᔅᓴᕆᔭᑦᑎᓐᓂ ᐅᓪᓗᒥ. ᑲᑎᒪᔾᔪᑎᔅᓴᖅ 15. ᐊᐃᑉᐹᓂᒃ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ. ᐱᑕᖃᓐᖏᒻᒪᑦ ᑲᔪᓯᓗᑕ ᑲᑎᒪᔾᔪᑎᔅᓴᓐᓄᑦ. ᑲᑎᒪᔾᔪᑎᔅᓴᖅ 16. ᑲᑎᒪᔾᔪᑎᔅᓴᐃᑦ. ᑖᓐᓇ ᐃᒡᓗ ᓄᖅᑲᖓᓂᐊᖅᐳᖅ ᐃᓱᓕᑦᑎᓂᐊᖅᐳᖅ ᑲᔪᓯᓛᖅᓱᓂ ᓇᓗᓇᐃᖅᑕᐅᓗᓂ ᐅᖃᓕᒫᕋᔅᓴᖃᕋᓂᓗ ᑲᑎᒪᔾᔪᑎᔅᓴᓂᒃ. ᐃᖅᑲᐃᑎᒍᒪᕙᔅᓯ ᐊᖏᖅᑕᐅᓂᕆᓂᐊᖅᑕᖓ ᓯᕗᓕᖅᑎᐅᑉ ᐊᒻᒪᓗ ᓯᕗᓕᖅᑎᐅᖃᑎᖏᑕ ᑕᕝᕙᓂ ᑲᔪᓯᓂᐊᖅᑐᖅ 5-ᒧᐊᖅᐸᑦ. ᐊᒻᒪᓗ ᐃᖅᑲᐃᑎᒍᒪᓪᓗᓯ ᓯᕙᑖᕐᕕᒻᒥ ᐅᓪᓛᒃᑯᑦ ᑲᑎᒪᓂᕆᓛᖅᑕᖓ ᑲᑎᒪᑐᐃᓐᓇᕐᓂᕆᓛᖅᑕᖓ ᑲᔪᓯᓛᓐᖏᒻᒪᑦ. ᐅᓪᓗᒃᑯᑦ ᑲᑎᒪᓛᖅᑐᑦ ᑲᑎᒪᔨᓕᒫᑦ ᑲᔪᓯᓗᓂ ᐅᓪᓗᖅᓯᐅᑦ ᒪᓕᑦᑐᒍ 1-ᒦᖔᖅ ᑕᕝᕙᓂ ᒪᓕᒐᓕᐅᕐᕕᒻᒥ. ᓄᖅᑲᖅᐳᒍᑦ. ᐃᖅᓱᖅᑏ. >>ᑲᑎᒪᓂᖅ ᓄᖅᑲᖅᑐᖅ 16:18ᒥ