ᒪᓕᒐᓕᐅᕐᕕᒻᒥ ᑲᑎᒪᔾᔪᑎᒥᓃᑦ ᐋᖅᑭᒋᐊᖅᓯᒪᓐᖏᑦᑐᑦ ᓇᕿᑦᑕᖅᑕᐅᓯᒪᔪᑦ ᕿᑎᖅᑰ, ᓰᑏᕝᕙ 18, 2025 ᐃᖃᓗᐃᑦ, ᓄᓇᕗᑦ ᐋᖅᑭᒋᐊᕈᑎᑦ: ᐊᑏ ᐅᑎᖅᑎᓯᐅᒃ ᐋᖅᑭᒋᐊᖅᑕᐅᔪᐃᑦ ᑎᑎᕋᖅᑎᒧᑦ ᐅᕝᕙᓘᓐᓃᑦ ᑐᖏᓕᐊᓄᑦ ᒪᓕᒐᓕᐅᕐᕕᒻᒥ ᑲᑎᒪᔾᔪᑎᒥᓃᑦ ᓇᕿᔾᔪᑕᐅ ᓐᖏᓚᑦ ᑐᑭᓕᐊᖅᑕᐃᓐᓇᕆᓗᒋᑦ ᒪᓕᒐᓕᐅᖅᑏᑦ ᐊᐃᕙᓂᖏᑦ. ᓇᕿᑕᐅᓯᒪᑐᐃᓐᓇᖅᑐᐃᑦ ᐅᖃᐅᓯᐅᓪᓗᐊᑕᖅᑐᑦ. ᐅᖃᖅᑕᐅᒃᑲᓂᖅᑐᒥᒃ ᐊᓯᐊᑎᒍᓪᓘᓐᓃᑦ ᓲᕐᓗ ᓇᓗᓇᐃᖅᑕᐅᔪᖃᒃᑲᓐᓂᕆᐊᖃᖅᐸᑦ ᐋᖅᑭᒋᐊᖅᑕᐅᔪᓐᓇᖅᑐᑦ ᑭᓇᑐᐃᓐᓇᖅ ᒪᓕᒐᓕᐅᕐᕕᒻᒥ ᑲᑎᒪᔾᔪᑎᓂᑦ ᐅᖃᓕᒫᖅᑐᑦ ᓱᖅᑯᐃᒪᓂᐊᕐᒪᑦ ᐅᖃᖅᑕᒥᓂᕐᒥᒃ. ᑲᑎᒪᐅᑎᒥᓂᓕᕆᔪᑦ ᐅᖃᓕᒫᕋᓐᓂᑦᑎᑦᓯᔭᕆᐊᓖᑦ ᐊᔾᔨᒌᑉᐸ ᓐᖏᒻᒪᑎᒃ ᐅᖃᖅᑕᐅᔪᖅ ᑎᑎᕋᖅᓯᒪᔪᕐᓗ. ᐊᐃᕙᔾᔪᑎᒥᓃᑦ, ᓯᑎᐱᕆ 20, 1983, ᒪᑉᐱᑐᒐᖓ 27299. ᐴᓯᔅᓂᐅᑉ 6-ᖓᓐᓂᒃ ᓇᕿᑕᐅᔾᔪᑎᖓ, ᑎᓕᓯᔾᔪᑎᒃ 55

ᓄᓇᕗᑦ ᒪᓕᒐᓕᐅᕐᕕᖓ ᐅᖃᖅᑎ ᐊᖓᔪᖅᑳᖅ ᑑᓂ ᐋᖁᐊᖅ (ᐅᖅᓱᖅᑑᖅ) ᐊᐅᓚᑦᑎᔩᑦ ᐊᓪᓚᑦᑎᐅᑲᐃᓐᓇᖅᑐᖅ ᐊᓪᓚᑦᑎᐅᑉ ᑐᓪᓕᐊ ᒪᐃᑯᓪ ᐹᓪ ᓈᓐᓯ ᑐᐱᖅ ᐊᓪᓚᑦᑎᐅᑉ ᐃᑲᔪᖅᑎᖓ ᖂᔪ ᓄᓱᑦᑕᖅ ᒪᓕᒐᓕᕆᔨ ᒪᐃᑯᓪ ᓵᓐᑐᓗ ᐃᖅᓱᖅᑎ ᔮᓐ ᑖᐱᒃ ᑲᑎᒪᐅᑎᓂᒃ ᐋᖅᑭᒃᓱᐃᔩᑦ ᐅᖃᐅᓯᕐᒥᒃ ᐅᖃᐅᓯᕐᒧᑦ ᑎᒥᖓᑦ 926 ᓯᕗᒧᒋᐊᖅ ᐊᑐᕆᐊᖅ ᐃᖃᓗᐃᑦ, ᓄᓇᕗᑦ X0A 3H0 ᐅᖄᓚᐅᑖ (867) 975-5000 ᓱᒃᑲᕈᑖ (867) 975-5190 ᐊᑭᖃᓐᖏᑦᑐᖅ (877) 334-7266 ᖃᕋᓴᐅᔭᑎᒍᑦ ᑐᕌᕈᑎᖓᑦ: www.assembly.nu.ca ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ (ᖁᑦᑎᑦᑐᖅ) ᒥᓂᔅᑕ ᓄᓇᓕᖕᓂ ᒐᕙᒪᒃᑯᓂᓪᓗ ᐱᔨᑦᑎᖅᑎᒃᑯᑦ; ᒥᓂᔅᑕ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᒃ; ᒥᓂᔅᑕ ᑲᒪᒋᔭᖃᖅᑐᖅ ᐅᔭᕋᖕᓂᐊᕐᓂᕐᒧᑦ; ᒥᓂᔅᑕ ᑕᐅᖅᓯᕋᕐᓂᕐᒥᒃ ᐱᓕᕆᐊᒃᓴᓕᒃ; ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑐᓕᕆᓂᕐᒧᑦ ᑲᑎᒪᔨᓂᒃ; ᒥᓂᔅᑕ ᑲᒪᒋᔭᖃᖅᑐᖅ ᐃᓄᐃᑦ ᐱᔪᓐᓇᐅᑎᖏᓐᓄᑦ ᑲᑎᒪᔨᓂᒃ ᓯᕗᓕᖅᑎ ᐸᐅᓗᓯ ᐊᕿᐊᕈᖅ (ᐃᖃᓗᐃᑦ-ᓂᐊᖁᓐᖒ) ᓯᕗᓕᖅᑎ ᓄᓇᕗᒻᒥ; ᒥᓂᔅᑕ ᓯᕗᓕᖅᑎᓄᑦ ᒐᕙᒪᐅᖃᑎᒌᒃᑐᓕᕆᔨᒃᑯᓐᓄᓪᓗ; ᒥᓂᔅᑕ ᐃᓕᖅᑯᓯᓕᕆᔨᒃᑯᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᖃᖅᑳᖅᓯᒪᔪᓕᕆᓂᕐᒥᒃ; ᒥᓂᔅᑕ ᑲᒪᒋᔭᖃᖅᑐᖅ ᑲᓇᑕᐅᑦ ᓯᓚᑖᓃᖖᒑᖅᑐᓄᑦ; ᒥᓂᔅᑕ ᑲᒪᒋᔭᖃᖅᑐᖅ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᓐᓇᕐᓂᒃ; ᒥᓂᔅᑕ ᐅᖃᐅᓯᓕᕆᓂᕐᒧᑦ ᐹᐱ ᐊᓇᕕᓗᒃ (ᖁᕐᓗᖅᑑᖅ) ᐱᑦᓯᐅᓛᖅ ᐳᕉᔅᑐ (ᐃᖃᓗᐃᑦ-ᓯᓈ) ᐊᖓᔪᖅᑳᖅ ᐹᒥᓚ ᒍᕌᔅ (ᐃᖃᓗᒃᑑᑦᑎᐊᖅ) ᓄᓇᕗᒻᒧᑦ ᓯᕗᓕᖅᑎᐅᑦ ᑐᖓᓕᖓ; ᒥᓂᔅᑕ ᐃᓕᓐᓂᐊᖅᑐᓕᕆᓂᕐᒧᑦ; ᒥᓂᔅᑕ ᒪᓕᒐᓕᕆᓂᕐᒧᑦ; ᒥᓂᔅᑕ ᐃᖅᑲᓇᐃᔭᖅᑎᓕᕆᔨᒃᑯᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᓄᐃᑦ ᐱᔪᓐᓇᐅᑎᖏᓐᓄᑦ ᑲᑎᒪᔨᓂᒃ ᔪᐊᔾ Hᐃᒃᔅ (ᐃᖃᓗᐃᑦ-ᑕᓯᓗᒃ) ᐅᖃᖅᑎᐅᑉ ᑐᓪᓕᐊ ᐊᒻᒪᓗ ᐃᒃᓯᕙᐅᑕᖅ ᑲᑎᒪᔨᑐᐃᓐᓇᐃᑦ ᑲᑎᒪᔨᖏᓐᓂᒃ ᐊᖓᔪᖅᑳᖅ ᑕᐃᕕᑎ ᔪᐊᓇᓯ (ᕿᑭᖅᑖᓘᑉ ᓂᒋᐊ) ᒐᕙᒪᒃᑯᑦ ᓯᕗᒃᑲᖅᑕᖅᑎᖓ; ᒥᓂᔅᑕ ᐃᖏᕐᕋᔪᓕᕆᓂᕐᒧᑦ ᒪᑭᒪᐅᑎᓄᓪᓗ; ᒥᓂᔅᑕ ᐊᕙᑎᓕᕆᓂᕐᒧᑦ; ᒥᓂᔅᑕ ᐆᒻᒪᖅᑯᑎᓕᕆᓂᕐᒧᑦ ᔪᐃᓕ ᖃᐃᕐᓂᖅ (ᐊᒥᑦᑐᖅ) ᒥᐊᓕ ᕿᓕᖅᑎ (ᐅᖅᑯᒻᒥᐅᑦ) ᐊᖓᔪᖅᑳᖅ ᖁᐊᓴ ᑯᓱᒐᖅ (ᑲᖏᖅᖠᓂᐅᑉ ᓂᒋᐊ) ᒥᓂᔅᑕ ᑮᓇᐅᔭᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂᒃ; ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᑎᒪᔨᖏᓐᓄᑦ; ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒥᐊᓕᓗᕆᔨᒃᑯᑦ ᓱᕐᕋᖕᓇᖅᑐᓕᕆᔨᒃᑯᓪᓗ ᑲᑎᒪᔨᖏᓐᓄᑦ ᐋᑕᒻ ᓚᐃᑦᓯᑑᓐ (ᐃᖃᓗᐃᑦ-ᒪᓂᕋᔭᒃ) ᐊᖓᔪᖅᑳᖅ ᐋᕐᓗᒃ ᒪᐃᓐ (ᐊᕐᕕᐊᑉ ᐅᐊᓐᓇᖓ-ᑎᑭᕌᕐᔪᐊᖅ) ᒥᓂᔅᑕ ᐋᓐᓂᐊᖃᕐᓇᓐᖏᑦᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᓵᓚᒪᓐ ᒪᓕᑭ (ᐊᐃᕕᓕᒃ) ᐃᒃᓯᕙᐅᑕᐅᑉ ᑐᓪᓕᐊ, ᑲᑎᒪᔨᑐᐃᓐᓇᐃᑦ ᑲᑎᒪᔨᖏᑦ ᐊᖓᔪᖅᑳᖅ ᒫᒡᒍᓚ ᓇᑲᓱᒃ (ᐸᓐᓂᖅᑑᖅ) ᒥᓂᔅᑕ ᐃᓄᓕᕆᔨᒃᑯᓐᓄᑦ; ᒥᓂᔅᑕ ᑲᒪᒋᔭᖃᖅᑐᖅ ᐊᕐᓇᐃᑦ ᑲᑎᒪᔨᖏᓐᓂᒃ; ᒥᓂᔅᑕ ᑲᒪᒋᔭᖃᖅᑐᖅ ᐊᖏᕐᕋᖃᖏᓐᓂᕐᒥᒃ; ᒥᓂᔅᑕ ᑲᒪᒋᔭᖃᖅᑐᖅ ᐊᒃᖢᓂᕐᒥᒃ ᒥᒃᖠᒋᐊᖅᑎᑦᑎᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓯᓚᑦᑐᖅᓴᕐᕕᖕᒥᒃ ᑭᐊᕆᓐ ᓄᑕᕋᖅ (ᑐᓄᓂᖅ) ᑖᓂᐅ ᖃᕝᕕᒃ (ᑕᓯᐅᔭᕐᔪᐊᖅ) ᔪᐊᓇ ᖁᐊᓴ (ᐊᒡᒍ) ᐃᓐᓇᖓᔪᖅ ᖂᑭᐊᖅ (ᓇᑦᓯᓕᒃ) ᐋᓕᒃᓵᓐᑐ ᓴᒻᒧᖅᑐᖅ (ᑲᖏᖅᖠᓂᐅᑉ ᐅᐊᓐᓇᖓ-ᐃᒡᓗᓕᒑᕐᔪᒃ) ᔫ ᓴᕕᑲᑖᖅ (ᐊᕐᕕᐊᑉ ᓂᒋᐊ) ᐃᒃᓯᕙᐅᑕᐅᑉ ᑐᓪᓕᐊ, ᑲᑎᒪᔨᑐᐃᓐᓇᐃᑦ ᑲᑎᒪᔨᖏᑦ ᑯᕋᐃᒃ ᓯᒪᐃᓚᒃ (ᖃᒪᓂᑦᑐᐊᖅ)

ᐃᓗᓕᖏᑕ ᓇᓕᖅᑲᖏᑦ ᑐᒃᓯᐊᕐᓂᕐᒧᑦ ᒪᑐᐃᖅᑕᐅᓂᖓ ............................................................................................................................................... 1 ᐊᖓᔪᖅᑳᑦ ᐅᖃᐅᓯᖏᑦ .......................................................................................................................................................... 1 ᒪᓕᒐᓕᐅᖅᑏᑦ ᐅᖃᐅᓯᖏᑦ .................................................................................................................................................... 6 ᐃᓕᑕᖅᓯᓂᖅ ᑐᓵᔭᖅᑐᖅᓯᒪᔪᓂᒃ ᒪᓕᒐᓕᐅᕐᕕᒻᒧᑦ .......................................................................................................... 30 ᐅᖃᐅᓯᒃᑯᑦ ᐊᐱᖅᑯᑎᑦ ......................................................................................................................................................... 34 ᓴᖅᑭᑕᐅᓂᖏᑦ ᑎᑎᖅᑲᐃᑦ................................................................................................................................................... 52 ᑲᑎᒪᔨᕋᓛᑦ ᑲᑎᒪᑐᐃᓐᓇᖅᑎᓪᓗᒋᑦ ᐃᓱᒪᒃᓴᖅᓯᐅᖅᑕᐅᓂᖏᑦ ᒪᓕᒐᒃᓴᐃᑦ ᐊᓯᖏᓪᓗ ............................................. 53 ᑲᑎᒪᔨᕋᓛᑦ ᑕᒪᐃᓐᓄᑦ ᐅᓂᒃᑳᖓ ....................................................................................................................................... 56 ᐱᖓᔪᐊᓐᓂᒃ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᐃᑦ ................................................................................................................ 56 ᐊᖏᖅᑕᐅᓂᖏᑦ ᒪᓕᒐᒃᓴᐃᑦ ................................................................................................................................................. 1 ᐅᖃᖅᑎᐅᑉ ᐅᖃᐅᓯᖏᑦ ......................................................................................................................................................... 2

ᐃ. ᖃᐅᑕᒫᒧᑦ ᖃᐅᔨᒋᐊᕈᑎᑦ ᕿᑎᖅᑰ, ᓰᑏᕝᕙ 18, 2025 ................................................................................................................................................. 1 ᐅ. ᐊᖓᔪᖅᑳᑦ ᐅᓂᒃᑳᖏᑦ 674 - 6(2): ᓄᓇᕗᒻᒥ ᐃᕐᓂᓵᖅᑐᑦ, ᐃᓅᓵᖅᑐᑦ ᐊᒻᒪ ᐃᕐᓂᓱᒃᓰᔨᓄᑦ ᐱᔨᑦᑎᕋᖅᑏᑦ (ᒪᐃᓐ) ................................... 1 675 – 6(2): ᐃᓄᓕᕆᔨᒃᑯᑦ ᐱᕙᓪᓕᐊᓂᖓ (ᓇᑲᓱᒃ) ...................................................................................................... 2 676 – 6(2): ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐃᓕᓴᐃᔨᓄᑦ ᖁᔭᓕᓐᓇᐅᑉ ᐅᓪᓗᖓ (ᒍᕌᔅ) ............................................ 4 677 – 6(2): B2ᒎᓗ - ᒎᔅ ᐅᔭᕋᖕᓂᐊᕐᕕᒃ ᒪᑐᐃᖅᑕᐅᓂᖓ ᓴᙱᒃᑎᒋᐊᖅᑎᑦᑎᕗᖅ ᓄᓇᕘᑉ ᑮᓇᐅᔭᓕᐅᕈᑎᖓᓂ (ᐊᕿᐊᕈᖅ ᑕ.) ............................................................................................................................ 4 678 – 6(2): ᓇᓗᓇᐃᖅᓯᓂᖅ ᓄᓇᕗᑦ ᑐᙵᕕᒃᑯᑦ ᐃᑲᔪᖅᑐᐃᓂᖏᓐᓂᒃ ᐳᕙᓪᓗᓐᓇᖅ ᐱᑕᖃᕈᓐᓃᖅᑎᑕᐅᖁᓪᓗᒍ (ᒪᐃᓐ) ............................................................................................................................... 5 ᐊ. ᒪᓕᒐᓕᐅᖅᑏᑦ ᐅᓂᒃᑳᖏᑦ 928 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᐊᒥᑦᑐᕐᒥᐅᑦ (ᖃᐃᕐᓂᖅ) ............................................................................ 7 929 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᑐᓄᓂᖅ (ᓄᑕᕋᖅ) ..................................................................................... 8 930 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᓇᑦᓯᓕᒃ (ᖂᕿᐊᖅ) .................................................................................... 9 931 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᑲᖏᖅᖠᓂᖅ ᐅᐊᓐᓇᖓᓄᑦ−ᐃᒡᓗᓕᕌᕐᔪᒃ (ᓱᒻᒧᖅᑐᖅ) ..................... 10 932 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᐊᐃᕕᓕᒃ (ᒪᓕᑭ) ...................................................................................... 11 933 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᐃᖃᓗᐃᑦ−ᒪᓂᕋᔭᒃ (ᓚᐃᑦᓯᑑᓐ) ............................................................ 11 934 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᖃᒪᓂ’ᑐᐊᖅ (ᓯᒪᐃᓚᒃ) ........................................................................... 12 935 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᐊᒡᒍ (ᖁᐊᓴ) ............................................................................................. 13 936 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᐊᕐᕕᐊᑉ ᓂᒋᐊ (ᓴᕕᑲᑖ) ......................................................................... 13

937 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᐅᖅᑯᕐᒥᐅᑦ (ᕿᓕᖅᑎ) ............................................................................. 14 938 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᖁᕐᓗᖅᑐᖅ (ᐊᓇᕕᓗᒃ) ........................................................................... 16 939 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᐃᖃᓗᐃᑦ−ᑕᓯᓕᒃ (ᕼᐃᒃᔅ) ...................................................................... 16 940 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᐃᖃᓗᐃᑦ−ᓯᓈ (ᐳᕉᔅᑐ) .......................................................................... 17 941 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᕿᑭᖅᑖᓘᑉ ᓂᒋᐊ (ᔪᐊᓇᓯ) ................................................................... 19 942 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᑲᖏᖅᖠᓂᐅᑉ ᓂᒋᐊ (ᑯᓱᒐᖅ) .............................................................. 20 943 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᐸᓂᖅᑑᖅ (ᓇᑲᓱᒃ) ................................................................................... 22 944 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᖁᑦᑎᒃᑐᖅ (ᐊᕿᐊᕈᖅ ᑕ.) ...................................................................... 24 945 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᐃᖃᓗᒃᑑᑦᑎᐊᖅ (ᒍᕌᔅ) ........................................................................... 25 946 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᐊᕐᕕᐊᑉ ᐅᐊᓐᓇᖓ−ᑎᑭᕋᕐᔪᐊᖅ (ᒪᐃᓐ) .............................................. 27 947 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᐃᖃᓗᐃᑦ−ᓂᐊᖁᙴ (ᐊᕿᐊᕈᖅ ᐸ.)ᖅ) .............................................. 29 ᐳ. ᐅᖃᐅᓯᒃᑯᑦ ᐊᐱᖅᑯᑎᑦ 1448 - 6(2): ᖃᓄᖅ ᐊᐱᕆᖓᔭᖅᑲ ᐱᕕᖃᖅᑎᑕᐅᓐᓂᕈᓂ ᓚᐃᑦᓯᑑᓐ) ................................................................... 34 1449 – 6(2): ᓇᓪᓕᐅᒃᑯᒫᖃᙱᑦᑐᓄᑦ ᐋᓐᓂᐊᖅᑐᓕᕆᓂᕐᒧᑦ ᐃᑲᔫᑎᓄᑦ ᐊᑎᓕᐅᖅᑕᐅᓂᖏᑦ (ᕼᐃᒃᔅ) ............ 35 1450 – 6(2): ᖃᓄᐃᓕᖓᓂᖓ ᐃᑯᕐᕋᖅ ᐃᓪᓗᕋᓛᓄᑦ ᐃᑲᔫᑎᒃ (ᓄᑕᕋᖅ) ............................................................. 37 1451 – 6(2): ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᑯᐊᐳᕇᓴᓐ ᐱᓕᕆᓯᒪᔭᖏᑦ (ᐳᕉᔅᑐ) ................................................. 38 1452 – 6(2): ᑐᓚᑦᑕᕐᕕᓕᕆᓂᖅ (ᕿᓕᖅᑎ) .................................................................................................................. 40 1453 – 6(2): ᖃᖓᑕᓲᒃᑯᕕᓐᓂ ᐱᖁᑎᕐᔪᐊᑦ (ᓴᒻᒧᖅᑐᖅ) ........................................................................................... 42 1454 – 6(2): ᓯᓚᐅᑉ ᐊᓯᔾᔨᕐᓂᖓ (ᓴᕕᑲᑖᖅ) ............................................................................................................... 44 1455 – 6(2): ᐅᑭᐅᖅᑕᖅᑐᒥ ᕿᓂᖅᑏᑦ ᐸᖅᓴᐃᔩᓪᓗ (ᖃᐃᕐᓂᖅ) ............................................................................. 45 1456 – 6(2): ᑲᓇᑕᒥ ᐃᑦᑕᕐᓂᓴᓕᕆᔨᒃᑯᑦ ᑰᖁᑎᖏᑦ (ᓯᒪᐃᓚᒃ) .............................................................................. 46 1457 – 6(2): ᐊᖁᑦᑐᖅᓯᐅᑎᑦ (ᒪᓕᑭ) ............................................................................................................................. 47 1458 – 6(2): ᓇᓪᓕᐅᒃᑯᒫᑦ ᓄᓇᓕᖕᓂ ᐱᖁᑎᕐᔪᐊᓄᑦ (ᖁᐊᓴ) ................................................................................. 48

1459 – 6(2): ᐊᑦᑕᕐᕖᑦ (ᖂᕿᐊᖅ) ................................................................................................................................... 50 1460 – 6(2): ᐋᓐᓂᐊᖅᑐᓕᕆᓂᕐᒧᑦ ᐃᑲᔫᑎᑦ ᓄᓇᓕᕋᓛᓄᑦ (ᐊᓇᕕᒃ) .................................................................... 51 ᑯ. ᓴᖅᑭᑕᐅᓂᖏᑦ ᑎᑎᖅᑲᐃᑦ 471 - 6(2): ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓇᖅᑐᓕᕆᓂᕐᒧᓪᓗ ᑲᑎᒪᔨᖏᑕ ᐊᕐᕌᒍᑕᒫᑦ ᐅᓂᒃᑳᖓ (ᑯᓱᒐᖅ) .......................................................................................................................................................................................... 52 472 – 6(2): ᒪᓕᒐᖅᑎᒍᑦ ᓴᖅᑭᑕᐅᔭᕆᐊᖃᖅᑎᑕᐅᔪᑦ ᑎᑎᕋᖅᓯᒪᔪᑦ (ᐋᖁᐊᖅ)...................................................... 52 473 – 6(2): ᑎᑎᖅᑲᒃ ᓂᕈᐊᖅᑎᖓᓐᓂᒃ, ᑳᓚ ᐃᕙᓗᐊᕐᔪᒃ, ᐱᔾᔪᑎᓕᒃ ᕿᑭᖃᑦᑎᐊᖏᓐᓂᕐᒥᒃ (ᓄᑕᕋᖅ) .......... 52 ᒍ. ᒪᓕᒐᒃᓴᐃᑦ ᒪᓕᒐᒃᓴᖅ 79 - ᒪᓕᒐᖅ ᐋᖅᑭᒋᐊᖅᑕᐅᖁᓪᓗᒍ ᐋᓐᓂᐊᕕᒻᒧᑦ ᓇᓪᓕᐅᒃᑯᒫᓄᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ ᐊᐅᓚᑕᐅᓂᖏᓐᓄᑦ ᒪᓕᒐᖅ − ᑲᑎᒪᔨᕋᓛᓂᑦ ᐃᓱᒪᒃᓴᖅᓯᐅᖅᑕᐅᓂᖓ ................................................................................................................................................ 53 ᒪᓕᒐᒃᓴᖅ 79 − ᒪᓕᒐᖅ ᐋᖅᑭᒋᐊᖅᑕᐅᖁᓪᓗᒍ ᐋᓐᓂᐊᕕᒻᒧᑦ ᓇᓪᓕᐅᒃᑯᒫᓄᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ ᐊᐅᓚᑕᐅᓂᖏᓐᓄᑦ ᒪᓕᒐᖅ − ᐱᖓᔪᐊᓐᓂ ᐅᖃᓕᒫᖅᑕᐅᓂᖓ ........................................................................................................................................................ 56

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 1 ᐃᖃᓗᐃᑦ, ᓄᓇᕗᑦ ᕿᑎᖅᑰ, ᓰᑏᕝᕙ 18, 2025 ᒪᓕᒐᓕᐅᖅᑏᑦ ᐅᐸᒃᑐᑦ: ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ, ᓯᕗᓕᖅᑎ ᐸᐅᓗᓯ ᐊᕿᐊᕈᖅ, ᐅᖃᖅᑎ ᑑᓂ ᐋᖁᐊᖅ, ᐹᐱ ᐊᓇᕕᓗᒃ, ᐱᑦᓯᐅᓛᖅ ᐳᕉᔅᑐ, ᐊᖓᔪᖅᑳᖅ ᐹᒥᓚ ᒍᕌᔅ, ᔪᐊᔾ ᕼᐃᒃᔅ, ᐊᖓᔪᖅᑳᖅ ᑕᐃᕕᑎ ᔪᐊᓇᓯ, ᔪᐃᓕ ᖃᐃᕐᓂᖅ, ᒥᐊᓕ ᕿᓕᖅᑎ, ᐊᖓᔪᖅᑳᖅ ᖁᐊᓴ ᑯᓱᒐᖅ, ᐋᑕᒻ ᓚᐃᑦᓯᑑᓐ, ᐊᖓᔪᖅᑳᖅ ᐋᕐᓗᒃ ᒪᐃᓐ, ᓵᓚᒪᓐ ᒪᓕᑭ, ᐊᖓᔪᖅᑳᖅ ᒫᒡᒍᓚ ᓇᑲᓱᒃ, ᑭᐊᕋᓐ ᓄᑕᕋᖅ, ᐊᖓᔪᖅᑳᖅ ᑖᓂᐅ ᖃᕝᕕᒃ, ᔪᐊᓇ ᖁᐊᓴ, ᐃᓐᓇᖓᔪᖅ ᖂᑭᐊᖅ, ᐋᓕᒃᓵᓐᑐ ᓴᒻᒧᖅᑐᖅ, ᔫ ᓴᕕᑲᑖᖅ, ᑯᕋᐃᒃ ᓯᒪᐃᓚᒃ. >>ᑲᑎᒪᓯᒋᐊᖅᑐᑦ 13:31ᒧᐊᖅᑎᓪᓗᒍ ᑲᑎᒪᔾᔪᑎᒃᓴᖅ 1: ᑐᒃᓯᐊᕐᓂᕐᒧᑦ ᒪᑐᐃᖅᑕᐅᓂᖓ ᐅᖃᖅᑎ (ᑐᓵᔨᑎᒍᑦ): ᐅᓪᓗᒃᑯᑦ. ᐱᒋᐊᙳᓱᓕᖅᑎᓪᓗᑕ, ᒥᔅ ᕿᓕᖅᑎ, ᑐᔅᓯᐊᓂᒃᑯᑦ ᒪᑐᐃᖅᓯᒍᓐᓇᖅᑭᑦ. >>ᑐᒃᓯᐊᖅᑐᑦ ᐅᖃᖅᑎ (ᑐᓵᔨᑎᒍᑦ): ᐅᓪᓗᒃᑯᑦ ᑲᑎᒪᔨᐅᖃᑎᒃᑲ ᐃᓄᐃᑦ ᓈᓚᑦᑐᓪᓗ, ᑏᕖᒃᑯᓪᓗ ᑕᑯᕋᓐᓈᖅᑐᑦ ᑐᙵᓱᒋᔅᓯ. ᑲᑎᒪᔾᔪᑎᒃᓴᖅ 2. ᒥᓂᔅᑕᐃᑦ ᐅᖃᐅᓯᖏᑦ. ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ, ᒥᔅᑕ ᒪᐃᓐ. ᑲᑎᒪᔾᔪᑎᒃᓴᖅ 2: ᐊᖓᔪᖅᑳᑦ ᐅᖃᐅᓯᖏᑦ ᐊᖓᔪᖅᑳᑉ ᐅᖃᐅᓯᖓ 674 - 6(2): ᓄᓇᕗᒻᒥ ᐃᕐᓂᓵᖅᑐᑦ, ᐃᓅᓵᖅᑐᑦ ᐊᒻᒪ ᐃᕐᓂᓱᒃᓰᔨᓄᑦ ᐱᔨᑦᑎᕋᖅᑏᑦ (ᒪᐃᓐ) ᐊᖓᔪᖅᑳᖅ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. ᖁᕕᐊᓱᒃᐳᖓ ᑐᓴᖅᑎᑦᑎᔪᓐᓇᕋᒪ ᖃᔅᓯᑲᓪᓚᖕᓂᒃ ᐱᕚᓪᓕᕈᑕᐅᓯᒪᔪᓂᒃ ᐊᒃᓱᕉᑎᒋᔭᑦᑎᓐᓂᒃ ᐋᖅᑭᒃᓱᐃᒃᑲᓐᓂᕋᓱᒃᖢᑕ ᓴᙱᒃᑎᒋᐊᖅᑎᑦᑎᓇᓱᒃᖢᑕᓗ ᐃᕐᓂᓵᖅᑐᑦ, ᐃᓅᓵᖅᑐᑦ, ᐊᒻᒪ ᐃᕐᓂᓱᒃᓰᔨᑦ ᐱᔨᑎᕋᐅᑎᖏᓐᓂᒃ ᓄᓇᕘᓕᒫᒥ ᑐᙵᕕᒋᔭᐅᓪᓗᑎᒃ ᖃᓄᐃᙱᓐᓂᖏᑦ ᐃᓅᓯᖃᑦᑎᐊᕐᓂᖏᓪᓗ ᐃᓚᒋᔭᕗᑦ ᓄᓇᓕᒃᐳᓪᓗ. (ᑐᓵᔨᑎᒎᓕᖅᑐᖅ) ᖁᔭᓕᑦᑎᐊᖅᖢᖓ ᐅᔾᔨᕈᓱᒃᐳᖓ ᒪᓕᒐᑎᒍᑦ ᐱᕙᓪᓕᐊᓂᖃᕐᓂᖓᓂᒃ ᐃᕐᓂᓱᒃᓰᓂᕐᒧᑦ ᐱᖁᔭᖅ ᐋᖅᑭᒋᐊᖅᑕᐅᑎᓪᓗᒍ. ᑐᓴᕋᓱᒃᐸᒌᕐᓂᕐᒧᑦ ᐸᕐᓇᐅᑎ ᐊᖏᖅᑕᐅᓚᐅᖅᑐᖅ ᒥᓂᔅᑕᐅᖃᑎᒌᓄᑦ ᐊᐅᔭᐅᓵᖅᑐᖅ, ᑐᓴᕋᓱᖕᓂᕐᓗ ᐱᒋᐊᓚᐅᕐᖢᓂ ᐋᒌᓯ 28−ᒥᑦ. ᑖᓐᓇ ᒪᓕᒐᓕᐊᖑᔪᖅ ᓯᕗᓪᓕᐅᔾᔭᐅᓯᒪᔪᖅ ᒐᕙᒪᐅᓛᖅᑐᓄᑦ ᐊᒻᒪᓗ ᐱᖃᓯᐅᔾᔨᓯᒪᓪᓗᓂ ᐃᓱᒪᒃᓴᕐᓯᐅᕈᑎᖃᕐᓂᕐᒥᒃ ᐃᓄᐃᑦ ᐃᕐᓂᓱᒃᓰᔾᔪᓯᑐᖃᖏᓐᓂᒃ ᐊᒻᒪᓗ ᐃᓂᒋᓂᐊᖅᑕᖓᓂᒃ ᐊᑐᐊᒐᕐᓂ ᐊᒻᒪᓗ ᐱᓕᕆᐊᖑᓂᐊᖅᑐᓂᑦ. ᐃᕐᓂᓱᒃᓰᓂᕐᒧᑦ ᐃᓕᓐᓂᐊᖅᑎᑦᑎᓂᕐᒧᑦ ᐊᖅᑯᑕᐅᔪᖅ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖏᖃᑎᒌᒍᑎᑖᓚᐅᖅᐳᑦ ᐅᖑᒦᔅᐅᐃᓐ ᐱᓕᕆᕝᕕᖓᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᒪᒥᓴᕐᓂᕐᒧᓪᓗ ᒫᓂᑑᐸ ᓯᓚᑦᑐᖅᓴᕐᕕᒡᔪᐊᖓᓂ ᐋᖅᑭᒃᓱᐃᓂᐊᕐᓗᑎᒃ ᐊᖅᑯᑎᒃᓴᒥᒃ ᓄᓇᕗᒻᒥ ᑐᙵᕕᓕᖕᒥᒃ ᐃᕐᓂᓱᒃᓰᓂᕐᒧᑦ ᐃᓕᓐᓂᐊᕈᑎᒃᓴᓂᒃ. ᑕᐅᑐᒐᖃᓪᓗᐊᑕᖅᐳᑦ ᓴᖅᑭᑎᑦᑎᓂᕐᒥᒃ ᓄᓇᓕᖕᓂᒃ−ᑐᓴᐅᒪᑎᑕᐅᔪᓂᒃ, ᐃᓂᒃᓴᖃᓕᖅᑎᑦᑎᓗᑎᒃ ᓯᕗᓂᒃᓴᒥ ᐃᕐᓂᓱᒃᓰᓂᕐᒧᑦ ᐃᓕᓐᓂᐊᖅᑎᓄᑦ. ᑎᒍᒥᐊᖅᑎᐅᖃᑕᐅᔪᑦ ᑐᓴᕋᓱᖕᓂᐊᖅᑐᑦ ᓄᓇᓖᑦ ᐃᓗᐊᓂ ᓯᓚᑖᓂᓗ. ᐃᖅᑲᓇᐃᔭᖅᑎᑖᖅᐸᓪᓕᐊᓂᖅ ᐊᒻᒪ ᐃᖅᑲᓇᐃᔭᖅᑎᓂᒃ ᐱᕙᓪᓕᐊᑎᑦᑎᓂᖅ ᐱᔾᔪᑎᒋᓪᓗᒍ, ᓄᓇᕗᒻᒥ ᐃᖢᐊᖅᓴᐃᔨᓄᑦ ᐃᕐᓂᓱᒃᓰᔨᓄᓪᓗ ᐊᖓᔪᖅᑳᒻᒪᕆᒃ (CNMO) ᓯᕗᓕᖅᑎᒋᔭᐅᕗᖅ ᐃᖅᑲᓇᐃᔭᖅᑎᒃᓴᖅᓯᐅᕐᓂᕐᒧᑦ ᐃᖅᑲᓇᐃᔭᖅᑎᖃᐃᓐᓇᕐᓂᕐᒧᓪᓗ ᖃᓄᐃᓕᐅᕈᑕᐅᔪᒪᔪᒥᒃ ᒪᓕᒃᑐᒥᒃ ᐊᖅᑯᑎᒋᓂᐊᖅᑕᖓᓂᒃ ᓴᙱᒃᑎᒋᐊᖁᓪᓗᒋᑦ ᓄᓇᕗᒻᒥ ᐃᓗᐊᖅᓴᐃᔨᓂᒃ ᐃᖅᑲᓇᐃᔭᖅᑎᒋᔭᐅᔪᑦ. ᑖᓐᓇ ᐃᓚᖃᖅᐳᖅ ᓴᖅᑭᑦᑎᓗᑎᒃ ᓄᓇᕗᒻᒥ ᐃᕐᓂᓱᒃᓰᔨᑦ

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 2 ᐱᔭᕆᔨᖏᓐᓂᒃ ᐊᐅᓚᑕᐅᓗᑎᒃ ᐃᕐᓂᓱᒃᓰᔨᑦ ᐊᖓᔪᖅᑳᖓᓄᑦ ᐃᑲᔪᖅᑐᐃᖁᓪᓗᒋᑦ ᐱᓕᕆᔨᒻᒪᕆᖕᓂᑦ ᐱᓕᕆᖃᑦᑕᕐᓂᐊᖅᑐᓂᒃ, ᑐᑭᓯᑎᑕᐅᕚᓪᓕᕐᓗᑎᒃ, ᐃᖅᑲᓇᐃᔭᖅᑎᑖᖅᐸᓪᓕᐊᓗᑎᒃ, ᐃᖅᑲᓇᐃᔭᖅᑎᖃᐃᓐᓇᕐᓗᑎᒃ, ᐊᑐᐊᒐᓕᐅᖅᐸᓪᓕᐊᓗᑎᒃ, ᐱᐅᓯᒋᐊᖅᑎᑦᑎᓗᑎᒡᓗ. ᓱᓕᒃᑲᓐᓂᖅ, ᓂᕆᐅᒃᐳᒍᑦ, ᐃᖅᑲᓇᐃᔭᖃᑎᒌᖕᓂᐊᖅᑐᓂᒃ ᐋᖅᑭᒃᑕᐅᓂᐊᖅᑐᒥᒃ, ᓇᓕᒧᖦᖢᓂ 1.5 ᐅᓪᓗᓕᒫᒧᑦ ᐃᕐᓂᓱᒃᓰᔨᓄᑦ ᐃᖅᑲᓇᐃᔮᒃᓴᑦ ᐃᓐᓄᒃᑕᐅᓂᐊᖅᑐᑦ ᐅᑭᐊᒃᓵᖅ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᖃᐅᔨᓇᓱᖕᒥᔪᑦ ᐊᖅᑯᑎᒃᓴᓂᑦ ᐃᓕᓐᓂᐊᕐᑎᑦ ᐃᓂᑖᕈᓐᓇᖁᓪᓗᒋᑦ ᓄᓇᕘᑉ ᓯᓚᑖᓂᑦ ᐃᓕᓐᓂᐊᕐᑎᓄᑦ, ᐱᓗᐊᖅᑐᒥᑦ ᐱᓕᕆᓕᒪᔪᑦ ᐃᕐᓂᓱᒃᓰᔨᑦ ᑲᓇᑕᒧᑦ ᐃᓱᓕᑦᑎᔪᑦ ᐃᓕᓐᓂᐊᒃᑲᓐᓂᕈᑎᒃᓴᓂᑦ. ᑕᒪᒃᑯᐊ ᐱᓕᕆᐊᖑᕙᓪᓕᐊᔪᒪᔪᑦ ᓱᓕ ᐋᖅᑭᒃᓱᖅᑕᐅᕙᓪᓕᐊᕗᑦ. ᐅᖃᖅᑎᑦᑎᔩ, ᑕᒪᒃᑯᓇᓂ ᐱᓕᕆᐊᖑᔪᓕᒫᓂ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓇᓗᓇᐃᖅᓯᕗᑦ ᑲᑐᔾᔨᖃᑎᒌᖕᓂᕐᒥᒃ ᐃᓕᖅᑯᓯᑐᖃᕐᓄᓪᓗ ᐱᓕᕆᐊᖑᕙᓪᓕᐊᔪᒪᔪᓂᒃ ᐋᖅᑭᒃᓱᐃᒃᑲᓐᓂᕈᒪᓪᓗᑎᒃ ᑲᔪᓰᓐᓇᕈᓐᓇᖅᑐᒥᒃ ᐃᕐᓂᓱᒃᓰᓂᕐᒧᑦ ᐱᓕᕆᐊᖑᕙᒃᑐᒥᒃ. ᓲᕐᓗ ᐃᓚᐅᖏᓐᓇᕐᓂᕗᑦ ᐊᕐᕕᐊᓂ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᒧᑦ, ᐊᕐᕌᒍᓄᑦ ᐱᖓᓱᓄᑦ ᐆᒃᑐᕋᐅᑕᐅᓪᓗᓂ ᑮᓇᐅᔭᖃᖅᑎᑕᐅᓪᓗᓂ ᐃᓅᓯᓕᕆᓂᕐᒧᑦ ᖃᐅᔨᓴᖅᑐᓕᕆᓂᕐᒧᑦ ᐃᓄᓕᕆᓂᕐᒧᓪᓗ ᖃᐅᔨᓴᕐᓂᕐᒧᑦ ᑲᑎᒪᔨᓄᑦ. ᑖᓐᓇ ᐱᓕᕆᐊᖑᕙᓪᓕᐊᔪᒪᔪᖅ ᑲᑎᖅᓱᐃᕙᓪᓕᐊᕗᖅ ᐃᓄᐃᑦ ᑕᐅᑐᖅᑰᖅᑕᖏᓐᓂᒃ ᐊᓈᓇᒋᔭᐅᔪᓄᑦ ᓄᑕᖅᑲᓄᓪᓗ ᐋᓐᓂᐊᕐᕕᖕᒥ ᑲᒪᒋᔭᐅᕙᒃᑐᓄᑦ, ᓴᖅᑭᑎᑦᑎᓪᓗᑎᒃ ᐱᓕᕆᐊᒃᓴᓂᒃ ᒪᒃᑯᒃᑐᓄᑦ ᕿᒥᕐᕈᖁᓪᓗᒋᑦ ᐃᕐᓂᓱᒃᓰᓂᕐᒥᒃ ᐃᖅᑲᓇᐃᔮᕆᔭᐅᔪᓐᓇᖅᑐᓂᒃ, ᓴᖅᑭᔮᖅᑎᒃᑲᓐᓂᕐᓗᒍᓗ ᐊᑐᐊᒐᖅ ᐊᓯᔾᔨᖅᐸᓪᓕᐊᔪᓂᒃ ᐃᓄᖕᓄᑦ−ᐊᐅᓚᑕᐅᔪᓄᑦ ᐃᕐᓂᓱᒃᓰᔨᓄᑦ. ᐱᓕᕆᖃᑎᒋᔭᐅᔪᑦ ᐅᑯᐊᖑᕗᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ, ᓄᓇᕗᑦ ᑐᙵᕕᒃᑯᑦ ᑎᒥᖓᑦ, ᐃᓄᐃᑦ ᑕᐱᕇᑦ ᑲᓇᑕᒥ, ᐸᐅᒃᑑᑎᒃᑯᑦ, ᓯᓚᑦᑐᖅᓴᕐᕕᒡᔪᐊᖅ ᑳᓪᒍᕆᒥ, ᐊᒻᒪ ᐋᖅᑭᐅᒪᕝᕕᒃ ᖃᓄᐃᙱᑦᑎᐊᖅᑐᓕᕆᔨᑦ ᑲᑐᔾᔨᖃᑎᒌᑦ. ᐅᖃᖅᑏ, ᐱᕚᓪᓕᕈᑎᖃᑦᑎᐊᖅᐳᒍᑦ ᐊᒃᓱᕈᕐᓇᕋᓗᐊᖅᑎᓪᓗᒍ. ᒫᓐᓇᐅᔪᖅ, ᐃᖃᓗᐃᑦ ᐃᓂᑐᐊᑦᑎᐊᖑᕗᖅ ᓄᓇᕗᒻᒥ ᒪᓂᒪᑎᑦᑎᔪᑦ ᐸᕐᓇᒃᑕᐅᓯᒪᔪᓂᒃ ᐃᕐᓂᓱᒃᓰᓂᕐᒧᑦ ᐱᔨᑦᑎᕋᐅᑎᓂᒃ, ᕿᑭᖅᑖᓗᖕᒥᐅᓂᑦ ᐱᔨᑦᑎᕋᖅᑎᐅᓪᓗᑎᒃ. ᐃᕐᓂᓱᒃᓰᕝᕖᑦ ᑲᖏᖅᖠᓂᕐᒥ ᕿᑎᕐᒥᐅᓂᓗ ᓱᓕ ᒪᑐᓯᒪᓚᐅᑲᒃᐳᑦ ᐃᖅᑲᓇᐃᔭᖅᑎᑭᒃᓴᕐᓂᖏᓐᓄᑦ. ᑭᓯᐊᓂᓕ, ᐃᕐᓂᓱᒃᓰᓂᖅ, ᕿᑐᕐᖏᐅᕐᓂᕐᓗ ᖃᓄᐃᙱᑦᑎᐊᕐᓂᕐᒧᑦ ᐱᔨᑦᑎᕋᐅᑎᑦ ᓱᓕ ᐊᑐᐃᓐᓇᐅᕗᑦ ᓄᓇᓕᓕᒫᓂ, ᑲᔪᓯᑎᑕᐅᓪᓗᑎᒃ ᐃᓗᐊᖅᓴᐃᔨᓄᑦ, ᐃᓗᐊᖅᓴᐃᔨᒻᒪᕆᖕᓄᑦ, ᐃᓕᑕᕆᔭᐅᔾᔪᑎᓕᖕᓄᑦ ᐃᕐᓂᓱᒃᓰᔨᓄᑦ, ᐃᑲᔪᖅᓱᖅᑕᐅᕙᒃᖢᑎᒡᓗ ᓘᒃᑖᓄᑦ ᐱᔭᕆᐊᖃᕌᖓᑕ. ᐅᖃᖅᑏ, ᐅᖃᐅᑎᔪᒪᕙᒋᑦ ᓴᐱᓕᖅᓯᒪᖏᓇᑦᑕ ᐊᕝᕕᐊᕈᑕᐅᕙᒃᑐᓂᒃ ᐋᖅᑭᒃᓱᐃᓇᓱᒃᑎᓪᓗᑕ ᐃᕐᓂᓵᖅᑐᑦ ᐃᓅᓵᖅᑐᓪᓗ ᐸᖅᑭᔭᐅᔾᔪᑎᒃᓴᖏᓐᓂᒃ, ᓄᓇᓕᖕᓂ ᑐᙵᕕᓕᖕᓂᒃ, ᐊᒻᒪᓗ ᑭᐅᔪᓐᓇᖅᑐᓂᒃ ᓄᓇᕗᒻᒥᐅᑦ ᐱᔭᕆᐊᓕᖏᓐᓂᒃ. ᐊᒃᓱᕈᕐᓇᖅᑐᑦ ᐋᖅᑭᒐᓱᒃᑕᑦᑎᓐᓂᒃ ᓴᙱᒃᑎᒋᐊᕈᑕᐅᑐᐃᓐᓇᖅᐳᑦ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓱᓕ ᐊᖏᖅᓯᒪᑦᑎᐊᖅᐳᑦ ᓯᕗᓂᒃᓴᑦᑎᓐᓂ ᐃᕐᓂᓱᒃᓰᓂᕐᒧᑦ ᐱᔨᑦᑎᕋᐅᑎᑦ ᐊᑐᐃᓐᓇᐅᖁᓪᓗᒋᑦ, ᓄᓇᓕᖕᓂ ᐊᐅᓚᑕᐅᓗᑎᒃ, ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᑐᙵᕕᖃᕐᓗᑎᒃ. ᓯᕗᒻᒧᐊᒃᐸᓪᓕᐊᕗᒍᑦ ᐱᔾᔪᑎᖃᖅᖢᑕ ᐊᖏᕐᕋᒧᑦ ᖃᓂᓐᓂᖅᓴᐅᓕᕐᓗᓂ ᐱᔪᓐᓇᕐᓂᖅᑖᖅᑎᓪᓗᒋᓪᓗ ᖃᑕᙳᑎᒌᑦ ᓄᓇᕘᓕᒫᒥ. (ᑐᓵᔨᑎᒎᕈᓐᓃᖅᑐᖅ) ᒪ'ᓇ, ᐅᖃᖅᑎᑦᓯᔩ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒥᓂᔅᑕᐃᑦ ᐅᖃᐅᓯᖏᑦ. ᒥᓂᔅᑕᕆᔭᐅᔪᖅ ᐃᓄᓕᕆᔨᒃᑯᓐᓄᑦ, ᒥᔅ ᓇᑲᓱᒃ. ᐊᖓᔪᖅᑳᑉ ᐅᖃᐅᓯᖓ 675 – 6(2): ᐃᓄᓕᕆᔨᒃᑯᑦ ᐱᕙᓪᓕᐊᓂᖓ (ᓇᑲᓱᒃ) ᐊᖓᔪᖅᑳᖅ ᒫᒡᒍᓚ ᓇᑲᓱᒃ: ᖁᔭᓐᓇᒦᒃ, ᐅᖃᖅᑏ. ᐅᓪᓗᒃᑯᑦ, ᒪᓕᒐᓕᐅᖅᑎᐅᖃᑎᒃᑲ ᑕᑯᓐᓇᖅᑐᑦ. ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᕗᖓ ᐅᖃᐅᓯᖃᕈᒪᓪᓗᖓ ᐱᒻᒪᕆᐅᔪᓂᒃ ᐱᕙᓪᓕᐊᓂᕆᔭᐅᔪᓂᒃ ᐃᓄᓕᕆᔨᒃᑯᑦ ᐱᓇᔪᐃᓐᓇᕐᓂᖏᓐᓂᒃ ᓴᙱᒃᑎᒋᐊᖅᓯᓇᓱᒃᖢᑎᒃ ᐃᓚᒌᓂᒃ ᖃᓄᐃᙱᑦᑎᐊᕐᓂᕐᒥᒃ ᓄᓇᕗᒻᒥ. ᐃᓚᒌᑦ ᖃᓄᐃᙱᑦᑎᐊᕐᓂᖏᑦ ᐊᒻᒪ ᓴᐱᓕᖅᓴᕋᐃᙱᓐᓂᖏᑦ ᑐᙵᕕᒋᔭᐅᕗᑦ ᓴᙱᔫᓪᓗᑎᒃ ᓄᓇᓖᑦ, ᐊᒻᒪ

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 3 ᐃᓄᓕᕆᔨᒃᑯᑦ ᓱᓕ ᐊᖏᖅᓯᒪᑦᑎᐊᖅᐳᑦ ᐃᑲᔪᖅᑐᐃᔪᒪᓪᓗᑎᒃ ᓄᓇᕗᒻᒥᐅᓂᒃ ᐃᓕᖅᑯᓯᕆᔭᐅᔪᒃᑯᑦ ᑐᙵᕕᖃᑦᑎᐊᕐᓂᒃᑯᑦ, ᑭᐅᔪᓐᓇᑦᑎᐊᕐᓂᒃᑯᑦ, ᐊᒻᒪ ᐊᑑᑎᖃᑦᑎᐊᖅᑐᒃᑯᑦ ᐱᔨᑦᑎᕋᐅᑎᒃᑯᑦ. ᐱᐅᓯᒋᐊᖅᓯᒪᔪᑦ ᓄᓇᓕᖕᓂ ᐱᔨᑦᑎᕋᐅᑎᑦ: ᐱᓕᕆᕝᕕᒃ ᐊᖏᓪᓕᒋᐊᖅᑎᑦᑎᓯᒪᔪᑦ ᐊᑐᐃᓐᓇᖃᕐᓂᕐᒥᑦ ᖃᓄᐃᖏᑦᑎᐊᕐᓂᕐᒧᑦ ᐱᓕᕆᐊᖑᓂᐊᖅᑐᓂᑦ ᐊᒥᓱᒐᓚᓐᓂᑦ ᓄᓇᓕᓐᓂᑦ, ᐃᓚᒋᔭᐅᑦᓱᑎᒃ ᐅᓄᖅᓯᑎᑦᓯᓂᕐᒧᑦ ᐃᑲᔪᖅᑐᕐᓂᕐᒥᑦ ᑮᓇᐅᔭᖃᖅᑎᑕᐅᓂᕐᒧᑦ ᒪᒃᑯᑦᑐᓄᑦ ᓅᑉᐸᓪᓕᐊᓂᕐᒧᑦ ᐃᓪᓗᓂᑦ ᐃᓚᒌᓂᓪᓗ ᐋᓐᓂᖅᑎᕆᓂᕐᒧᑦ ᐱᓕᕆᐊᓂᑦ. ᑖᒃᑯᐊ ᐱᔨᑦᑎᕋᐅᑏᑦ ᐱᓕᕆᐊᖑᓲᑦ ᐱᓕᕆᖃᑎᖃᖅᖢᑎᒃ ᓄᓇᓕᖕᓂᑦ ᑲᑐᔾᔨᖃᑎᒌᓂᑦ ᐃᓐᓇᖕᓂᓪᓗ, ᑖᒃᑯᐊ ᐊᔾᔨᖃᕋᓗᐊᕆᐊᒃᓴᖏᓐᓂᑦ ᓄᓇᓕᖕᓂᑦ ᓯᕗᓪᓕᐅᔾᔭᒃᓴᓂᑦ ᐃᓕᖅᑯᓯᖕᒧᓪᓗ ᖃᐅᔨᒪᔭᓂᑦ. ᓴᙱᒃᑎᒋᐊᕐᓗᓂᑦ ᐅᐸᒃᑕᐅᖅᑳᖅᐸᒃᑐᑦ: ᐃᓄᓕᕆᔨᒃᑯᑦ ᑮᓇᐅᔭᖃᖅᑎᑦᑎᓯᒪᕗᑦ ᐱᓕᒻᒪᒃᓴᕈᑎᒃᓴᓂᒃ ᐊᒻᒪ ᐃᖅᑲᓇᐃᔮᒧᑦ ᐱᕚᓪᓕᕈᑎᒃᓴᓂᒃ ᐃᓄᓕᕆᔨᓄᑦ, ᐃᓚᒌᓄᑦ ᐃᑲᔪᖅᑎᓄᑦ, ᐊᒻᒪ ᖃᓄᐃᙱᑦᑎᐊᖅᑐᓕᕆᔨᓄᑦ ᐃᖅᑲᓇᐃᔭᖅᑎᓄᑦ. ᑕᒪᓐᓇ ᐃᓚᖃᖅᐳᖅ ᐊᒃᓱᕈᕐᓇᖅᑐᒃᑰᖅᓯᒪᔪᓂᒃ−ᑐᓴᐅᒪᑎᑕᐅᓂᕐᒥᒃ ᐱᕋᔭᒃᓯᒪᔪᓂᒃ ᐊᐱᖅᓱᖅᓯᓂᕐᒥᒃ, ᐃᒻᒥᓃᖅᑎᑦᑎᑦᑕᐃᓕᒪᓂᕐᒥᒃ, ᐃᓕᖅᑯᓯᑐᖃᒃᑯᓪᓗ ᖁᐊᖅᓵᕐᓇᙱᑦᑐᒃᑯᑦ ᐊᑐᖅᑕᐅᔪᓐᓇᖅᑐᓂᒃ, ᐱᑎᑦᑎᓂᕐᒥᒃ ᐱᓕᕆᖃᑎᒋᕙᒃᑕᑦᑎᓐᓂᒃ ᐱᐅᓂᖅᓴᒃᑯᑦ ᐃᑲᔪᖅᑐᐃᔪᓐᓇᕐᓂᕐᒥᒃ ᐃᓚᒌᓂᒃ ᐊᒃᓱᕈᕐᓇᖅᑐᒦᑦᑐᓂᒃ ᐅᔾᔨᕐᓇᖅᓯᑎᑦᑎᓗᓂᓗ ᐊᕗᖓᑲᓪᓚᒃ ᒪᒥᓴᕐᓂᕐᒥᒃ. (ᑐᓵᔨᑎᒎᓕᖅᑐᖅ) ᑲᑎᓯᒪᔪᓂᒃ ᐱᔨᑦᑎᕋᕐᓂᖅ: ᐱᓕᕆᖃᑎᒌᑦᑎᐊᒃᑲᓐᓂᕐᓂᒃᑯᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ, ᐃᓕᓐᓂᐊᕐᓂᓕᕆᔨᒃᑯᑦ, ᒪᓕᒐᓕᕆᔨᒃᑯᑦ, ᐸᓖᓯᒃᑯᓪᓗ, ᐱᓕᕆᕝᕕᖕᒥ ᐊᐅᓚᑦᑎᑦᑎᐊᕐᓂᖅᓴᐅᓕᖅᐳᑦ ᒥᒃᖠᒋᐊᖅᑎᑦᑎᓪᓗᑎᒡᓗ ᑐᓗᖅᑕᕈᑎᓂᒃ ᓄᑕᖅᑲᑦ ᐱᑦᑎᐊᖅᑕᐅᖃᑦᑕᙱᑦᑐᑦ ᑭᐅᔾᔪᑕᐅᕙᒡᓗᑎᒃ. ᐃᓄᓕᕆᔨᒃᑯᑦ ᓯᕗᓕᖅᑎᐅᖏᓐᓇᖅᐳᑦ ᓄᑕᖅᑲᑦ ᐱᑦᑎᐊᖅᑕᐅᖃᑦᑕᙱᑦᑐᑦ ᐊᒻᒪ ᐃᒃᓯᖕᓇᑰᓪᓗᑎᒃ ᑭᐅᔨᑦ ᐊᖏᖃᑎᒌᒍᑎᓄᑦ ᑲᑎᒪᔨᕋᓛᑦ, ᖃᐅᔨᒪᔭᐅᑎᓪᓗᒋᑦ ᐊᑕᖏᕐᓗᑎᒃ ᒐᕙᒪᒃᑯᓐᓂ ᑭᐅᔾᔪᑕᐅᔪᑦ ᓄᑕᖅᑲᑦ ᓴᐳᔾᔭᐅᒋᐊᖃᕐᓂᖏᓐᓄᑦ ᐊᒻᒪ ᖃᓄᐃᙱᑦᑎᐊᕈᓯᖏᓐᓄᑦ ᐃᓱᒫᓘᑕᐅᔪᓄᑦ, ᐱᕙᓪᓕᐊᑎᑦᑎᓗᑎᒡᓗ ᐃᓕᓐᓂᐊᖅᑕᐅᔪᓐᓇᖅᑐᓂᒃ ᐊᒻᒪ ᓄᑕᖅᑲᓂᒃ ᐱᓂᕐᓗᒃᑕᐅᕙᒃᑐᓂᒃ ᑲᑐᔾᔨᖃᑎᒌᒡᓗᑎᒃ ᖃᐅᔨᓴᖅᑎᑦᑎᕙᒡᓗᑎᒃ ᐱᐅᓯᒋᐊᕈᑕᐅᔪᓐᓇᖅᑐᓂᒃ ᑭᐅᔾᔪᑕᐅᔪᓄᑦ. ᐊᑐᐊᒐᐃᑦ ᒪᓕᒐᐃᓪᓗ ᑐᑭᓕᕇᓐᓂᖏᑦ: ᐱᓕᕆᕝᕕᒋᔭᐅᔪᖅ ᐱᓕᕆᐊᖃᖅᖢᑎᒃ ᕿᒥᕐᕈᐊᖅᐸᓪᓕᐊᕗᑦ ᐊᑐᐊᒐᕐᓂᒃ ᒪᓕᒐᕐᓂᓪᓗ ᓇᓗᙱᑦᑎᐊᕈᒪᓂᕐᒧᑦ ᐃᑲᔪᖅᑐᐃᒐᓗᐊᕐᒪᖔᑕ ᑲᔪᓯᓂᖃᑦᑎᐊᖅᑐᒥᒃ ᐱᔨᑦᑎᕋᕐᕕᖃᕐᓂᕐᒥᒃ ᐊᒃᑐᐊᓂᖃᕐᓗᑎᒡᓗ ᐱᓪᓚᕆᒃᑐᓂᒃ ᓄᓇᕗᒻᒥᐅᑦ ᓄᓇᓕᖏᓐᓂᒃ. ᐱᐅᑎᑦᑏᓐᓇᕐᓂᖅ ᓵᑕᐅᓕᕈᓐᓇᕐᓂᕐᓗ: ᐱᓕᕆᕝᕕᒋᔭᐅᔪᖅ ᓴᙱᒃᑎᒋᐊᖅᑎᑦᑎᓯᒪᕗᖅ ᑖᒃᑯᓇᓂᑦᑕᐃᓐᓇᖅ ᐱᐅᓂᖏᓐᓄᑦ ᓇᓗᙱᑦᑎᐊᕐᓂᕐᒧᑦ ᑲᔪᓯᓂᕆᕙᒃᑕᒥᓂᒃ ᓇᐅᑦᑎᖅᓱᖅᓯᔪᒪᓪᓗᑎᒃ ᐱᔨᑦᑎᕋᕐᕕᖃᕐᓂᕐᒧᑦ ᐊᑐᖅᑕᐅᕙᒃᑐᓂᒃ, ᓇᓗᓇᐃᖅᓯᔪᒪᓪᓗᑎᒃ ᐱᑕᖃᙱᓐᓂᕆᔭᖏᓐᓂᒃ, ᓇᓗᙱᑦᑎᐊᕈᒪᓂᕐᒧᓪᓗ ᐊᑕᐅᓰᓐᓇᓕᔪᓂᒃ, ᐱᐅᔪᒻᒪᕆᖕᓂᒃ ᑲᒪᒋᔭᖃᖅᐸᖕᓂᕐᒥᒃ. ᑕᒪᓐᓇ ᐃᓚᖃᖅᐳᖅ ᐱᓕᕆᐊᖑᔪᒥᒃ ᖃᐅᔨᓴᖅᓯᓂᕐᒥᒃ, ᐃᖅᑲᓇᐃᔭᖅᑏᑦ ᑭᐅᓯᓂᕐᒧᑦ ᐊᑐᕈᓯᖏᓐᓂᒃ, ᐱᐅᓯᒋᐊᖅᓯᒪᔪᓂᒡᓗ ᑎᑎᕋᖅᓯᒪᔪᓂᒃ ᑲᑎᖅᓱᐃᓂᕐᒥᒃ ᑐᓴᖅᑎᑦᑎᔪᒪᓂᕐᒧᑦ ᐋᖅᑭᒃᓯᒪᓕᖅᑎᑕᐅᔪᓂᒃ. ᐃᑲᔪᖅᑕᐅᔭᖅᑐᖅᑐᑦ ᐃᓅᖃᑎᖃᖅᐸᖕᓂᖏᓐᓄᑦ ᐱᔨᑦᑎᕋᕐᓂᕆᕙᒃᑕᖏᓐᓄᓪᓗ ᐊᑐᖅᑕᐅᓂᑯᑦ: ᐃᓄᓕᕆᔭᐅᔪᑦ ᐃᖅᑲᓇᐃᔭᖃᑎᒌᑦ ᐱᓕᕆᕝᕕᒻᒥᑦ ᖃᐅᔨᒋᐊᕐᕕᐅᓪᓗᐊᑕᕐᓂᐊᖅᑐᑦ ᐃᓄᓐᓄᑦ ᐃᓚᒌᓄᓪᓗ ᐱᔨᑦᑎᕋᐅᑎᑦᑎᓐᓂᑦ ᐊᑐᕈᓐᓇᖅᑐᓂᑦ. ᐅᖃᖅᑎᑦᑎᔩ, ᑖᒃᑯᐊ ᐱᐅᓯᒋᐊᕈᑎᑦ ᐃᓚᒋᔭᐅᕗᑦ ᐃᓚᒌᑦᑎᐊᕐᓂᕐᒧᑦ ᖃᓄᖅᑑᕈᑎᓄᑦ ᐸᕐᓇᐅᑎᑦᑎᓐᓄᑦ ᐊᒻᒪ ᐊᑐᓕᖅᑎᑕᐅᔾᔪᑎᓄᑦ ᐸᕐᓇᐅᑎᒧᑦ. ᑖᓐᓇ ᐊᖅᑯᑎᐅᔪᖅ ᓇᓕᒧᓕᖅᑎᑦᑎᕗᖅ ᑲᑐᔾᔨᖃᑎᒌᒡᕕᑦᑕ ᐋᖅᑭᒃᓯᒪᓂᖏᓐᓂᒃ, ᒪᓕᒐᓕᐊᖑᔪᒪᔪᑦ ᑲᒪᒋᔭᒃᓴᖏᓐᓂᒃ, ᐊᒻᒪ ᐱᔨᑦᑎᕋᐅᑎᓂᒃ ᐱᓕᕆᐊᖑᖃᑦᑕᖅᑐᓂᒃ ᐱᓪᓚᕆᒃᑐᓂᒃ ᐊᒻᒪ ᐱᔭᐅᔭᕆᐊᓕᖕᓂᒃ ᓄᓇᕗᒥᐅᓄᑦ. ᐋᖅᑭᒃᓯᓯᒪᔪᖅ ᖃᓄᖅ ᐱᐅᓯᒋᐊᖅᑎᑦᑎᓂᐊᕐᒪᖔᑦ ᖃᓄᐃᓕᖓᔾᔪᑎᓂᒃ ᓄᑕᖅᑲᓄᑦ, ᒪᒃᑯᒃᑐᓄᑦ, ᖃᑕᙳᑎᒌᓄᑦ, ᓄᓇᓕᖕᓄᓪᓗ ᐱᐅᓂᖅᓴᒃᑯᑦ ᐊᐅᓚᑦᑎᓂᒃᑯᑦ, ᑐᑭᓯᓇᕐᓂᖅᓴᒃᑯᑦ ᑕᑎᒋᔭᒃᓴᐅᓂᕐᒥᒃ, ᓴᙱᓂᖅᓴᒥᒃᓗ ᐅᐸᒃᑕᐅᖅᑳᖅᐸᒃᑐᓄᑦ ᐃᑲᔪᖅᓱᐃᓂᕐᓂ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 4 ᖁᔭᓕᔪᒪᕙᒃᑲ ᐃᖅᑲᓇᐃᔭᖅᑎᕗᑦ, ᐱᓕᕆᖃᑎᒋᕙᒃᑕᕗᑦ, ᓄᓇᕗᒻᒥᐅᓕᒫᓪᓗ ᐃᑲᔪᓚᐅᖅᑐᑦ ᑕᒪᑐᒧᖓ ᐱᒻᒪᕆᐊᓗᖕᒧᑦ ᐱᓕᕆᐊᒃᓴᒧᑦ. ᑲᑐᔾᔨᓗᑕ, ᓴᓇᕙᓪᓕᐊᔪᒍᑦ ᓴᙱᓂᖅᓴᒥᑦ, ᖃᓄᐃᖏᓂᖅᓴᒥᑦ ᓯᕗᓂᑦᓴᕐᒥᑦ ᐃᓚᑦᑎᓐᓄᑦ. ᓇᓗᓇᐃᖅᑲᔅᓯ, ᐃᓕᓴᕆᕙᔅᓯ, ᐊᒻᒪ ᑕᑯᔪᒪᓪᓚᕆᑦᑐᖓ ᖃᓄᖅ ᐃᓄᓕᕆᔨᒃᑯᑦ ᓴᙱᓕᒃᑲᓐᓂᕆᐊᕈᓐᓇᕋᔭᒪᕐᖔᑦ ᐃᑲᔪᑦᑎᐊᕐᓂᖅᓴᐅᓗᑎᑦ ᓄᓇᕗᒻᒥᐅᑦ ᐃᓄᖏᓐᓂᑦ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒥᓂᔅᑕᐃᑦ ᐅᖃᐅᓯᖏᑦ. ᒥᓂᔅᑕᐅᔪᖅ ᐃᓕᓐᓂᐊᖅᑐᓕᕆᔨᒃᑯᓐᓄᑦ, ᒥᔅ ᒍᕌᔅ. ᐊᖓᔪᖅᑳᑉ ᐅᖃᐅᓯᖓ 676 – 6(2): ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐃᓕᓴᐃᔨᓄᑦ ᖁᔭᓕᓐᓇᐅᑉ ᐅᓪᓗᖓ (ᒍᕌᔅ) ᐊᖓᔪᖅᑳᖅ ᐹᒥᓚ ᒍᕌᔅ: ᖁᐊᓇ, (ᑐᓵᔨᑎᒎᓕᖅᑐᖅ) ᐅᖃᖅᑏ. ᐅᖃᖅᑏ, ᐅᑐᐱᕆ 28-ᖑᓕᖅᐸᑦ, ᓄᓇᕗᑦ ᐃᖅᑲᐅᒪᓂᖃᓛᕐᒪᑦ ᐊᐃᑉᐸᕆᓕᖅᑕᖓᓂᒃ ᐊᕐᕌᒍᑕᒫᑦ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐃᓕᓴᐃᔨᓄᑦ ᖁᔭᓕᓂᕐᒧᑦ ᐅᓪᓗᕆᔭᐅᔪᒥᒃ. ᑖᓐᓇ ᐊᑐᖅᑕᐅᔪᖅ ᑐᕌᖓᑎᑕᐅᕗᖅ ᖁᔭᓕᓂᕐᒥᒃ ᐊᒻᒪᓗ ᖁᔭᓕᓪᓚᕆᖕᓂᕐᒥᒃ ᑕᐃᒃᑯᓄᖓ ᑐᙵᓱᒃᑎᑦᑎᕙᒃᑐᓄᑦ ᓄᑲᖅᖠᖅᐹᖁᑎᑦᑎᓐᓂᒃ ᐅᓪᓛᑕᒫᑦ ᕿᓄᐃᓵᕐᓂᒃᑯᑦ, ᑐᙵᓇᕐᓂᒃᑯᑦ, ᐊᒻᒪᓗ ᑲᒪᑦᑎᐊᕐᓂᒃᑯᑦ. ᐊᓈᓇᐅᓕᓵᖅᖢᖓ, ᐃᓕᓴᕆᕙᒃᑲ ᐊᒃᑐᐃᓯᒪᓂᖏᑦ ᑖᒃᑯᐊ ᐃᓕᓴᐃᔨᑦ. ᓴᖅᑭᑎᑦᑎᕙᒃᐳᑦ ᖁᐊᖅᓵᕐᓇᙱᑦᑐᒥᒃ, ᖁᕕᐊᓇᖅᑐᒥᒃ ᐃᓂᒋᔭᐅᓇᔭᖅᑐᒥᒃ ᓄᑕᖅᑲᑦ ᐃᒃᐱᒋᔭᖃᕐᓗᑎᒃ ᐃᓚᒋᔭᐅᓂᕐᒥᓂᒃ ᖃᐅᔨᔪᒪᔭᖃᕐᓂᕐᒥᒡᓗ ᐃᓕᑦᑎᕙᓪᓕᐊᓂᕐᒥᒡᓗ ᐱᕈᖅᑎᑦᑎᕙᓪᓕᐊᕙᒃᖢᑎᒃ. ᑖᒃᑯᐊ ᐃᑲᔫᑎᒋᕙᑦᑕᖏᑦ ᐃᓚᒌᓄᑦ ᐃᑲᔪᖅᓰᒍᑕᐅᖃᑦᑕᕐᒥᔪᑦ ᐃᖅᑲᓇᐃᔭᕈᓐᓇᖁᓪᓗᒋᑦ, ᐃᓕᓐᓂᐊᕈᓐᓇᖁᓪᓗᒋᑦ, ᐊᒻᒪᓗ ᓄᓇᓕᓐᓄᑦ. ᐅᖃᖅᑏ, ᑕᒫᓂ ᐊᕐᕌᒍᒥ ᐃᓕᓐᓂᐊᖅᑐᓕᕆᔨᒃᑯᑦ ᑐᓂᐅᖅᑲᐃᓂᐊᖅᑐᑦ ᖁᔭᓕᔾᔪᑎᔅᓴᓂᒃ ᓚᐃᓴᓐᓯᖃᖅᑐᓄᑦ ᐸᐃᕆᕕᓐᓄᑦ ᓄᓇᕗᒻᒥ. ᐱᖃᓯᐅᔾᔨᓯᒪᓂᐊᖅᑐᑦ ᖁᔭᓐᓇᒦᕈᑎᓂᒃ, ᒥᑭᔫᑎᓂᒃ ᑐᓂᕐᕈᓯᐊᓂᒃ, ᐊᑭᓐᓇᕐᒥᐅᑕᓂᒃ ᐊᒻᒪᓗ ᐃᖅᑲᓇᐃᔭᖅᓯᒪᓂᖏᓐᓄᑦ ᓇᓗᓇᐃᒃᑯᑕᕐᓂᒃ ᐅᐱᒋᔭᐅᖁᓪᓗᒋᑦ ᐊᑯᓂᐊᓗᒃ ᐃᓕᓴᐃᔨᐅᓯᒪᓕᖅᑐᑦ. ᑕᒪᒃᑯᐊ ᐱᓕᕆᓂᕆᕙᒃᑕᕗᑦ, ᐃᓚᖃᖅᖢᑎᒃ ᑲᔪᓰᓐᓇᖅᑐᒥᒃ ᐱᓇᔪᖕᓂᕆᔭᑦᑎᓐᓂᒃ ᐱᐅᓯᒋᐊᖅᑎᑦᑎᔪᒪᓂᕐᒧᑦ ᐊᑭᓕᖅᓱᖅᑕᐅᕙᖕᓂᕐᒥᒃ, ᑕᑯᒃᓴᐅᑎᑦᑎᕗᑦ ᐱᒻᒪᕆᐊᓘᓂᑦᑎᓐᓂᒃ ᑕᒪᑐᒧᖓ ᐱᒻᒪᕆᐊᓗᖕᒧᑦ ᐃᖅᑲᓇᐃᔮᕆᔭᐅᕙᒃᑐᒧᑦ. ᐅᖃᖅᑏ, ᑖᒃᑯᐊ ᐃᓕᓐᓂᐊᓕᒻᒪᒃᓴᔪᓕᕆᓂᕐᒧᑦ ᐃᓕᓴᐃᔩᑦ ᐅᓪᓗᕐᒥᒃ ᐊᑕᐅᓯᑐᐃᓐᓇᕐᒥᒃ ᐃᓕᓴᕆᔭᐅᔭᕆᐊᖃᕐᒪᑕ. ᐅᑐᐱᕆ 28-ᖑᓕᖅᐸᑦ ᖃᐅᑕᒫᓪᓗ, ᖁᔭᓕᔪᒪᕙᕗᑦ ᖁᕕᐊᓱᖕᓂᖏᓐᓄᑦ, ᑐᙵᓂᖃᑦᑎᐊᕐᓂᖏᓐᓄᑦ, ᓂᕆᐅᖕᓂᖃᑦᑎᐊᕐᓂᖏᓐᓄᓪᓗ ᐃᓅᓯᖏᓐᓄᑦ ᓄᑕᖅᑲᑦ ᖃᑕᙳᑎᒌᓪᓗ ᓄᓇᕘᓕᒫᒥ. ᑎᓕᐅᖅᐸᒃᑲ ᒪᓕᒐᓕᐅᖅᑎᓕᒫᑦ ᑕᕝᕙᓂ ᒪᓕᒐᓕᐅᕐᕕᖕᒥ, ᐊᑕᖏᖅᖢᑎᒃ ᐃᑲᔪᖅᑐᐃᓚᐅᖅᑐᑦ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᓄᑕᖅᑲᓪᓗ ᑲᒪᒋᔭᐅᕙᖕᓂᖏᓐᓄᑦ ᐱᖁᔭᕐᒥᒃ ᔫᓂᐅᓚᐅᖅᑐᒥ, ᐊᒻᒪᓗᑦᑕᐅᖅ ᓄᓇᕗᒻᒥᐅᓕᒫᑦ, ᐅᐱᒍᓱᖃᑎᒋᔪᒪᓪᓗᒋᑦ ᑖᒃᑯᓂᖓ ᐃᓕᓴᐃᔨᓂᒃ ᐊᒃᑐᖅᓯᓯᒪᓂᖏᓐᓂᒡᓗ. (ᑐᓵᔨᑎᒎᕈᓐᓃᖅᑐᖅ) ᖁᐊᓇ, (ᑐᓵᔨᑎᒎᓕᖅᑐᖅ) ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒥᓂᔅᑕᐃ ᐅᖃᐅᓯᖏᑦ. ᒥᓂᔅᑕ ᓄᓇᓕᓐᓂᑦ ᐱᔨᑦᑎᖅᑎᒃᑯᓐᓄᑦ, ᒥᔅᑕ ᑕᐃᕕᑎ ᐊᕿᐊᕈᖅ. ᐊᖓᔪᖅᑳᑉ ᐅᖃᐅᓯᖓ 677 – 6(2): B2ᒎᓗ - ᒎᔅ ᐅᔭᕋᖕᓂᐊᕐᕕᒃ ᒪᑐᐃᖅᑕᐅᓂᖓ ᓴᙱᒃᑎᒋᐊᖅᑎᑦᑎᕗᖅ ᓄᓇᕘᑉ ᑮᓇᐅᔭᓕᐅᕈᑎᖓᓂ (ᐊᕿᐊᕈᖅ ᑕ.)

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 5 ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᕗᖓ ᓇᓗᓇᐃᖅᓯᔪᒪᓪᓗᖓ ᐱᒻᒪᕆᐊᓗᖕᒥᒃ ᐊᓂᒍᖅᑎᑕᐅᓚᐅᖅᑐᒥᒃ ᐅᔭᕋᖕᓂᐊᕐᕕᓕᕆᓂᕐᒧᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᓂ. ᔫᓂ 30−ᒥ, B2ᒎᓗ ᐱᔭᕇᖅᓯᓚᐅᖅᐳᑦ ᓯᕗᓪᓕᖅᐹᑦᑎᐊᒥ ᒎᓗᒥᒃ ᑯᕕᓯᓪᓗᑎᒃ ᒎᔅ ᐅᔭᕋᖕᓂᐊᕐᕕᖕᒥ ᐅᒃᑯᓯᒃᓴᓕᖕᒥ ᒎᓗᓯᐅᕐᕕᖕᒥ ᓄᓇᕗᒻᒥ. ᐊᓕᐊᓇᐃᒍᓱᓚᐅᖅᐳᖓ ᐃᓚᐅᔪᓐᓇᓚᐅᕋᒪ ᒪᑐᐃᖅᑕᐅᑎᓪᓗᒍ B2ᒎᓗ ᒎᔅ ᐅᔭᕋᖕᓂᐊᕐᕕᒃ ᓯᑎᐱᕆ 4−ᖑᑎᓪᓗᒍ ᐱᖃᑎᒋᓪᓗᒋᑦ ᖃᔅᓯᑲᓪᓚᑦ ᒥᓂᔅᑕᐅᖃᑎᒃᑲ, ᑭᒡᒐᖅᑐᐃᔨᑦ ᐱᓕᕆᕝᕕᖕᓂ ᑭᒃᑯᑐᐃᓐᓇᓄᑦ ᒐᕙᒪᒋᔭᐅᔪᓄᑦ, ᕼᐋᒻᒪᓚᒃᑯᓐᓄᑦ, ᐊᖑᓇᓱᒃᑐᓕᕆᔨᒃᑯᓐᓄᑦ ᐊᒻᒪ ᑮᓇᐅᔭᓕᐅᕋᓱᐊᖅᑎᓄᑦ. ᐅᔭᕋᖕᓂᐊᕐᓂᖅ ᐊᖏᓛᖑᕗᖅ ᓇᖕᒥᓂᕆᔭᐅᔪᓂᒃ ᓄᓇᕗᒻᒥ, ᐱᒻᒪᕆᐊᓗᖕᒥᒡᓗ ᐱᓕᕆᐊᖃᖅᐸᒃᖢᓂ ᐃᖅᑲᓇᐃᔮᒃᓴᓂᒃ ᓴᖅᑭᑎᑦᑎᓪᓗᑎᒃ, ᐱᓕᒻᒪᒃᓴᕈᑎᒃᓴᓂᒃ, ᓇᖕᒥᓂᕆᔭᐅᔪᓂᒃ ᑮᓇᐅᔭᓕᐅᕈᓐᓇᖅᓯᕙᓪᓕᐊᓪᓗᑎᒃ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᓂᑦ. ᐱᓕᕆᐊᒃᓴᐃᑦ ᓲᕐᓗ ᒎᔅ ᐅᔭᕋᖕᓂᐊᕐᕕᒃ, ᐃᑲᔫᑎᖃᑲᐅᑎᒋᕗᖅ ᐃᖅᑲᓇᐃᔮᒃᓴᑎᒍᑦ ᓄᓇᕗᒻᒥᐅᓄᑦ ᐊᖏᖃᑎᒌᒍᑎᖃᖅᑐᓄᓪᓗ ᐃᓄᖕᓄᑦ−ᓇᖕᒥᓂᕆᔭᐅᔪᓄᑦ, ᐃᑲᔫᑕᐅᒋᓪᓗᓂ ᑖᒃᓰᔭᐃᔭᕈᑎᑦᑎᓐᓄᑦ ᐊᒻᒪ ᐃᑲᔪᖅᑐᐃᓪᓗᑎᒃ ᑮᓇᐅᔭᓕᐅᕈᑕᐅᓇᓱᒃᑐᓂᒃ ᓄᓇᓕᖕᓂ ᐱᔨᑦᑎᕋᐅᑎᓄᑦ ᐊᒻᒪ ᓄᓇᓖᑦ ᐊᐅᓚᔪᓐᓇᐅᑎᖏᓐᓄᑦ. ᑕᒪᓐᓇ ᐱᕙᓪᓕᐊᓂᖅ ᑐᙵᕕᖃᕆᕗᖅ ᑲᑐᔾᔨᖃᑎᒌᖕᓂᒃᑯᑦ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ. ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ ᐃᑲᔪᖅᑎᓪᓗᐊᑕᐅᓯᒪᔪᑦ ᑕᒪᓐᓇ ᐱᓕᕆᐊᖑᓂᓕᒫᖓᓂ, ᐃᓄᐃᑦ ᐱᔪᓐᓇᐅᑎᖏᑦ, ᖃᐅᔨᒪᓂᖏᑦ, ᐊᒻᒪᓗ ᓯᕗᓪᓕᐅᔾᔭᐅᖁᔭᐅᔪᑦ ᐃᒃᐱᒋᔭᐅᑦᑎᐊᖁᓪᓗᒋᑦ. ᐅᖃᖅᑏ, ᒎᔅ ᐅᔭᕋᖕᓂᐊᕐᕕᖓ ᓂᕆᐅᒋᔭᐅᔪᖅ ᓴᖅᑮᓂᐊᕆᐊᖓ 150,000 ᐊᐅᓐᓯᔅᓂᒃ ᒎᓗᓂᒃ ᑕᒫᓂ ᐊᕐᕌᒍᒥ, ᐊᒻᒪᓗ ᐊᕐᕌᒍᓂ ᐊᒡᒋᖅᑐᓂ, ᓂᕆᐅᒋᔭᐅᔪᖅ 300,000 ᐊᐅᓐᓯᔅ ᐊᕐᕌᒍᑕᒫᑦ. ᑖᒃᑯᐊ ᓈᓴᐅᑏᑦ ᑕᑯᒃᓴᐅᑎᑦᑎᕗᑦ ᑮᓇᐅᔭᓕᐅᕈᑕᐅᔪᓐᓇᑐᐃᓐᓇᕆᐊᓕᑦ ᐅᖓᑖᓅᖓᔪᓂᒃ. ᑭᒡᒐᖅᑐᐃᔪᑦ ᐱᕕᒃᓴᓂᒃ ᐃᖅᑲᓇᐃᔭᕐᓂᕐᒧᑦ, ᐱᓕᒻᒪᒃᓴᕐᓂᕐᒧᑦ, ᓇᖕᒥᓂᓕᖕᓂᑦ ᐱᕙᓪᓕᐊᑎᑦᑎᓂᕐᒧᑦ, ᐊᒻᒪ ᓄᓇᓕᖕᓂ ᑮᓇᐅᔭᓕᐅᕈᑕᐅᔪᓂᑦ ᑮᓇᐅᔭᑎᒍᑦ ᓴᙱᒃᑎᒋᐊᕈᑕᐅᓗᓂ ᓄᓇᕘᑉ ᐱᕈᖅᐸᓪᓕᐊᓂᖓᓄᑦ ᓯᕗᓂᒃᓴᒥᑦ. ᓯᕗᒧᑦ ᑕᐅᑐᒡᓗᑕ, ᑖᓐᓇ ᒪᑐᐃᖅᑕᐅᓂᖓ ᓇᓗᓇᐃᖅᓯᕗᖅ ᐱᒻᒪᕆᐅᓂᖓᓂᒃ ᑲᒪᒋᔭᖃᑦᑎᐊᕐᓂᖅ ᓄᓇᒥᐅᑕᓂᒃ ᐱᕙᓪᓕᐊᑎᑦᑎᓂᖅ. ᐱᓕᕆᐊᖑᒑᖓᑦ ᑲᑐᔾᔨᖃᑎᖃᖅᖢᑎᒃ ᐃᓄᖕᓂᒃ, ᑕᓯᐅᖅᑕᐅᓪᓗᑎᒃ ᑲᔪᓰᓐᓇᕈᓐᓇᕐᓂᕐᒧᑦ, ᑕᐅᑐᒐᖃᓪᓗᐊᑕᖅᖢᑎᒡᓗ ᓄᓇᓕᖕᓄᑦ ᐱᕚᓪᓕᕈᑕᐅᔪᓐᓇᖅᑐᓂᒃ, ᐅᔭᕋᖕᓂᐊᕐᓂᖅ ᑐᙵᕕᒋᔭᐅᓕᕈᓐᓇᖅᐳᖅ ᐊᔪᖅᓴᕈᓐᓃᖅᐸᓪᓕᐊᓂᕐᒧᑦ ᐊᓂᒍᐃᔪᓐᓇᕐᓂᕐᒧᓪᓗ ᓄᓇᕗᒻᒧᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᖅᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒥᓂᔅᑕᐃᑦ ᐅᖃᐅᓯᖏᑦ. ᒥᓂᔅᓴᑕ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᒥᔅᑕ ᒪᐃᓐ. ᐊᖓᔪᖅᑳᑉ ᐅᖃᐅᓯᖓ 678 – 6(2): ᓇᓗᓇᐃᖅᓯᓂᖅ ᓄᓇᕗᑦ ᑐᙵᕕᒃᑯᑦ ᐃᑲᔪᖅᑐᐃᓂᖏᓐᓂᒃ ᐳᕙᓪᓗᓐᓇᖅ ᐱᑕᖃᕈᓐᓃᖅᑎᑕᐅᖁᓪᓗᒍ (ᒪᐃᓐ) ᐊᖓᔪᖅᑳᖅ ᐋᕐᓗᖅ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᑖᓐᓇ ᑭᖑᓪᓕᖅᐹᕆᓂᐊᓕᕋᒃᑯ ᒥᓂᔅᑕᐅᓂᕐᓂᑦ, ᖁᔭᓐᓇᒦᕈᒪᓪᓗᖓ ᐱᓕᕆᖃᑎᒋᕙᓚᐅᖅᑕᑎᓐᓂᒃ. (ᑐᓵᔨᑎᒎᕈᓐᓃᖅᑐᖅ) ᓂᑯᕕᑦᑐᖓ ᐅᑉᓗᒥ, ᒪ’ᓈᖅᓯᒪᕐᔪᐊᖅᖢᒋᑦ ᖁᔭᓐᓇᒦᕈᐊᖅᖢᒋᑦ ᓄᓇᕗᑦ ᑐᙵᕕᒃᑯᑦ ᑎᒥᖓᓐᓂ ᐊᖏᖃᑎᖃᖅᓯᒪᒻᒪᑕ ᐱᓕᕆᖃᑎᖃᑦᑎᐊᓂᕐᒥᒃ ᐊᒻᒪ ᓴᐱᓕᖅᓯᒪᙱᒻᒪᑕᑦᑕᐅᖅ ᑕᒪᓐᓇ ᐱᓕᕆᐊᕆᕈᐊᖅᓯᒪᒻᒪᒍᑦᑕᐅᖅ ᑕᒪᓐᓇ ᐳᕙᒡᓗᓐᓂᕐᒥᒃ ᐱᑕᖃᕈᓐᓃᑎᑦᑎᓂᓗᓐᓂᖅ ᓄᓇᕗᑦ ᐃᓗᐊᓂ. ᓄᓇᕗᑦ ᑐᙵᕕᒃᑯᑦ ᑕᐃᒪ ᑐᓂᓯᓯᒪᒻᒪᑕ ᐊᖏᕈᕐᒥᑦ ᐊᑎᓕᐅᖅᓯᒪᒻᒪᑕ $4-ᒥᓕᐊᓐᓂᒃ, ᒐᕙᒪᒃᑯᓐᓄᑦ ᑐᕌᖓᓂᐊᖅᑐᒥᒃ ᐅᑭᐅᑦ 2024-ᒥ 2026-ᒧᑦ. ᑕᒪᓐᓇ ᐊᕐᕌᒍᓄᑦ ᐊᑐᕐᓂᐊᖅᖢᓂ. ᑕᒪᓐᓇ ᐊᑑᑎᖃᕐᔪᐊᖅᓯᒪᔪᖅ

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 6 ᐅᕙᑉᑎᓐᓄᑦ ᐊᖏᖅᓯᒪᑎᓪᓗᒋᑦ ᒐᕙᒪᒃᑯᑦ ᑐᙵᕕᒃᑯᓪᓗ ᑕᒪᓐᓇ ᐳᕙᒡᓗᓐᓂᖅ ᓄᓇᕗᑦ ᐃᓗᐊᓂ ᐱᑕᖃᕈᓐᓃᖁᕐᓗᑎᒍ 2030-ᒋᓚᐅᕐᓂᖓᓂ. ᑕᒪᓐᓇ ᑮᓇᐅᔭᖅ ᖃᐃᓯᒪᔭᖓ ᐊᑑᑎᖃᖅᓯᒪᔪᖅ ᐊᔾᔨᒌᙱᑦᑐᓄᑦ ᐃᓚᒋᔭᐅᑉᓗᓂ ᒫᓐᓇ ᐱᓕᕆᐊᖑᔪᖅ ᐳᕙᒡᓗᑦᑐᓕᕆᓂᕐᒧᑦ ᖃᐅᔨᓴᕐᓂᖅ ᐊᕐᕕᐊᓂ. ᑕᒪᒃᑯᐊ ᐱᓕᕆᐊᖑᓂᐅᓯᒪᔪᑦ ᐃᑲᔫᑕᐅᓯᒪᔪᑦ ᑕᒪᒃᑯᐊ ᖃᐅᔨᒪᔭᐅᓕᖁᑉᓗᒋᑦ ᐳᕙᒡᓗᓂᕐᒧᑦ ᐊᒃᑐᖅᑕᐅᓯᒪᔪᑦ, ᐃᖢᐊᖅᑲᐅᑎᖅᑐᑕᐅᔭᕆᐊᓖᑦ, ᐊᒻᒪ ᓄᓇᓖᑦ ᐃᓗᐊᓂ ᖃᓄᖅ ᑕᒪᓐᓇ ᐳᕙᒡᓗᓐᓂᖅ ᐅᖃᐅᓯᒃᑲᓂᖅᑑᓪᓗᐊᕐᒪᖔᖅ. ᐅᖃᖅᑎᑦᓯᔩ, (ᑐᓵᔨᑎᒎᓕᖅᑐᖅ) ᕿᑎᐊᓃᓕᖅᑎᓪᓗᑕ 2030−ᒧ ᑎᑭᓐᓇᓱᐊᖅᑕᑦᑎᓐᓄᑦ, ᓄᓇᕗᑦ ᑐᙵᕕᒃᑯᑦ ᐃᑲᔪᖅᑐᐃᓂᖏᑦ ᓈᒻᒪᓈᑦᓯᐊᕋᔭᙱᓚᑦ. ᑕᑯᑦᓴᐅᑎᑦᓯᕗᖅ ᐃᑎᔪᒥᒃ ᑲᔪᓰᓐᓇᖅᑐᒥᓪᓗ ᐱᓕᕆᐊᖃᓪᓚᕆᒍᒪᓂᕐᒥᒃ ᐃᓄᐃᑦ ᐋᓐᓂᐊᖅᑕᐃᓕᒪᓂᕐᒧᑦ ᖃᓄᐃᙱᑦᓯᐊᕈᓐᓇᕐᓂᖏᓐᓄᓪᓗ, ᐱᓕᕆᖃᑎᒌᓐᓂᒃᑯᓪᓗ, ᓄᓇᓕᓐᓂᒃ−ᐊᐅᓚᑕᐅᔪᓂᒃ ᐊᑐᖅᑕᐅᕙᑦᑐᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ. ᐃᓕᑕᕆᔪᒪᒻᒥᔭᒃᑲ ᓄᓇᕗᑦ ᑐᙵᕕᒃᑯᑦ ᐃᑲᔪᒃᑲᓐᓂᓚᐅᕐᓂᖏᓐᓂᒃ $200,000-ᓂ ᐱᓕᒻᒪᑦᓴᖅᑎᑦᓯᓂᕐᒧᑦ ᓄᓇᓕᓐᓂ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᑭᒡᒐᖅᑐᐃᔨᓂᒃ ᐳᕙᓪᓗᑕᐃᓕᒪᑎᑦᓯᓂᕐᒧᑦ ᑲᒪᑦᓯᐊᕐᓂᕐᒧᓪᓗ. ᑖᓐᓇ ᑮᓇᐅᔭᓕᐅᕋᓱᐊᕈᑎ ᐃᑲᔪᖅᐳᖅ ᐱᕈᖅᑎᑦᓯᕙᓪᓕᐊᓂᕐᒥᒃ ᐱᒻᒪᕆᐊᓗᒻᒥᒃ ᐊᔪᙱᓐᓂᕆᔭᐅᔪᒥᒃ ᓄᓇᓕᓐᓂ, ᓇᓗᓇᐃᖅᓯᓂᕐᒧᓪᓗ ᑕᒪᒃᑯᐊ ᓄᓇᓕᓐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑭᒡᒐᖅᑐᐃᔨᒋᔭᐅᔪᑦ ᐱᖃᖅᑎᑕᐅᒐᓗᐊᕐᒪᖔᑕ ᐱᓕᕆᔾᔪᑎᓂᒃ, ᖃᐅᔨᒪᓂᕆᔭᐅᔪᓂᒃ, ᐃᑲᔪᖅᑐᖅᑕᐅᓂᕐᒥᓪᓗ ᐱᔭᕆᐊᖃᖅᑕᖏᓐᓂᒃ ᓯᕗᓕᖅᑎᐅᓂᐊᕐᓗᑎᒃ ᐳᕙᓪᓗᓐᓇᕐᒧᑦ ᐅᔾᔨᕆᔭᐅᓕᖅᑎᑦᓯᓂᕐᒥᒃ, ᖃᐅᔨᓴᖅᓯᓂᕐᒥᒃ, ᖃᐅᔨᒋᐊᕐᕕᖃᒃᑲᓐᓂᕐᓂᕐᒥᓪᓗ ᐱᓇᓱᐊᖅᑕᐅᔪᓂᒃ ᓄᓇᓕᖏᓐᓂ. ᐅᖃᖅᑎᑦᓯᔩ, ᑐᓴᖅᑎᑦᓯᔪᒪᕗᖓ ᖃᖓᑦᓯᐊᓵᖅ ᑎᑎᕋᖅᓯᒪᔪᓂᒃ ᖃᐅᔨᓴᖅᑕᐅᓂᑯᐃᑦ ᓇᓗᓇᐃᖅᓯᔪᓂᒃ ᐊᑦᑐᐃᔾᔪᑕᐅᔪᓂᒃ ᑲᑐᔾᔨᖃᑎᒌᓐᓂᒃᑯᑦ. ᐱᒋᐊᕐᓗᓂ 2025-ᒥ, 8-ᖑᔪᑦ ᓄᓇᓕᐅᔪᑦ 25-ᓂᑦ ᓄᓇᓕᐅᔪᓂᒃ ᓄᓇᕗᒻᒥ ᖃᐅᔨᒃᑲᐃᓯᒪᔪᑦ ᐊᑕᐅᓯᕐᒥᒃ ᐆᒻᒪᕆᑦᑐᖅ ᐳᕙᓪᓗᓐᓇᕐᒥᒃ. ᑖᓐᓇ ᓇᓗᓇᐃᒃᑯᑕᒻᒪᕆᐅᕗᖅ ᐱᕙᓪᓕᐊᓂᕆᔭᐅᔪᒥᒃ ᐊᐃᑦᑐᕐᓗᐃᙱᓐᓂᖅᓴᐅᓕᕐᓗᑎᒃ ᓄᓇᕘᓕᒫᒥ. ᓱᓕᒃᑲᓐᓂᖅ, ᑲᑎᓪᓗᒋᑦ 129 ᐃᓄᐃᑦ ᒫᓐᓇ ᐃᓅᓕᓴᖅᑕᐅᔪᑦ ᐱᓗᐊᙱᑦᑐᒧᑦ ᐳᕙᓪᓗᓐᓇᕐᒧᑦ ᐊᐃᑦᑐᕐᓗᒃᑕᐅᓯᒪᔪᒧᑦ−105 ᓄᑖᑦ ᓇᓗᓇᐃᖅᑕᐅᔪᑦ ᐊᒻᒪᓗ 24 ᖃᐅᔨᒪᔭᐅᓵᖅᑐᑦ ᐳᕙᓪᓗᒃᑐᑦ. ᑖᒃᑯᐊ ᐃᓄᐃᑦ ᒫᓐᓇ ᐃᓅᓕᓴᖅᑕᐅᖃᑦᑕᓕᖅᐳᑦ ᖃᐅᔨᔭᐅᓵᕐᓂᑰᒐᓗᐊᖅᐸᑕ ᐊᑯᓂᐅᒐᓗᐊᖅᐸᑕᓘᓐᓃᑦ, ᑕᑯᑦᓴᐅᑎᑦᓯᓪᓗᓂ ᐅᓄᖅᓯᕚᓪᓕᖅᓯᒪᓂᑦᑎᓐᓂᒃ ᐊᒻᒪᓗ ᐱᐅᓯᕚᓪᓕᖅᑎᑦᓯᓯᒪᓂᑦᑎᓐᓄᑦ ᖃᐅᔨᒋᐊᒃᑲᓐᓂᖃᑦᑕᕐᓂᕐᒥᒃ. ᐅᓂᒃᑳᓕᐅᕐᓂᕐᒧᑦ ᑭᖑᕙᓯᒃᑐᑦ ᐊᑦᑐᐃᑐᐃᓐᓇᕆᐊᖃᕋᓗᐊᖅᑎᓪᓗᒋᑦ ᐱᓗᐊᙱᑦᑐᖅ ᐳᕙᓪᓗᓐᓇᕐᒧᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ, ᐱᓗᐊᙳᐊᖅᓱᓂ ᖃᖓᒃᑰᕐᓂᖏᑦ ᓴᖅᑭᑦᑐᑦ ᑕᑕᑎᕋᑦᓴᐃᑦ ᑐᓐᓂᖅᑯᑕᐅᔪᑦ, ᖃᑦᓯᐅᓂᖏᑦ ᐆᒻᒪᕆᒃᑐᒧᑦ ᐳᕙᓪᓗᓐᓇᕐᒧᑦ ᑲᒪᒋᔭᐅᔪᓄᑦ ᓴᙱᔫᖏᓐᓇᖅᐳᑦ ᑕᑎᒋᔭᒃᓴᐅᓪᓗᑎᓪᓗ. ᑖᒃᑯᐊ ᓈᓴᐅᑏᑦ ᑕᑯᑦᓴᐅᑎᑦᓯᕗᑦ ᓄᓇᕗᑦ ᑐᙵᕕᒃᑯᑦ ᑮᓇᐅᔭᓕᐅᕋᓱᐊᕈᑎᖏᑦ ᓴᖅᑭᑎᑦᓯᕙᓪᓕᐊᓂᖏᓐᓂᒃ ᑕᖏᓕᓐᓂᒃ ᖃᓄᐃᓕᖓᓕᕐᓂᕆᔭᐅᔪᓂᒃ ᑕᒪᐃᓐᓄᑦ ᐱᑕᖃᖅᑎᑦᓯᑦᑕᐃᓕᒪᓂᕐᒧᑦ ᐃᓅᓕᓴᖅᑕᐅᓂᕐᒧᓪᓗ ᐅᕙᑦᑎᓐᓂᓪᓗ ᐃᑲᔪᖅᓱᑎᒃ ᖃᓪᓕᕙᓪᓕᐊᑎᑦᓯᓪᓗᑎᒃ ᑐᕌᕆᔭᑦᑎᓐᓄᑦ ᐳᕙᓐᓗᓐᓇᖅᑕᖃᕈᓐᓃᖁᓪᓗᒍ ᓄᓇᕗᒻᒥ. (ᑐᓵᔨᑎᒎᓕᖅᑐᖅ) ᐅᖃᖅᑎᑦᓯᔩ, (ᑐᓵᔨᑎᒎᕈᓐᓃᖅᑐᖅ) ᑲᑐᔾᔨᖃᑎᒌᓐᓂᒃᑯᑦ ᐱᕚᓪᓕᕈᑎᖃᑦᓯᐊᖅᐳᒍᑦ ᓯᕗᓂᒃᓴᑦᑎᓐᓂ ᐳᕙᓪᓗᓐᓇᖅᑕᖃᕈᓐᓃᖁᓪᓗᒍ ᓄᓇᕗᒻᒥ. (ᑐᓵᔨᑎᒎᕈᓐᓃᖅᑐᖅ) ᒪ’ᓈᔪᐊᑦᑎᐊᒥᐊᒐᒃᑲ ᓄᓇᕗᑦ ᑐᙵᕕᒃᑯᑦ ᓯᕗᓕᐅᖅᑎᐅᑎᐊᖅᓯᒪᒻᒪᑕ ᐊᒻᒪ ᑐᓂᓯᓯᒪᒻᒪᑕ ᑮᓇᐅᔭᕐᒥᒃ ᐊᒻᒪ ᐱᓕᕆᖃᑎᖃᑦᑎᐊᖏᓐᓇᐅᔭᖅᓯᒪᒻᒪᑕ ᐅᕙᑉᑎᓐ ᖃᓄᐃᙱᑦᑎᐊᖁᑉᓗᒋᑦ ᐃᓄᐃᑦ ᐊᒻᒪ ᓄᓇᕗᒻᒥᐅᑕᓗᒃᑖᑦ. ᒪ’ᓇ, ᐅᖃᖅᑎᑦᓯᔩ. >>ᐸᑦᑕᑐᖅᑐᑦ. ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑏᑦ ᐅᖃᐅᓯᖏᑦ. ᒪᓕᒐᓕᐅᖅᑎ ᐊᒥᑦᑐᕐᒧᑦ, ᒥᔅᑕ ᖃᐃᕐᓂᖅ. ᑲᑎᒪᔾᔪᑎᒃᓴᖅ 3: ᒪᓕᒐᓕᐅᖅᑏᑦ ᐅᖃᐅᓯᖏᑦ

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 7 ᒪᓕᒐᓕᐅᖅᑎᐅᑉ ᐅᖃᐅᓯᖓ 928 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᐊᒥᑦᑐᕐᒥᐅᑦ (ᖃᐃᕐᓂᖅ) ᖃᐃᕐᓂᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᓪᓗᒃᑯᑦ ᐊᒥᑦᑐᕐᒥᐅᑦ, ᓄᓇᕗᒻᒥᐅᓪᓗ. ᐅᖃᖅᑎᑦᑎᔩ, ᓇᖏᔅᓯᔾᔪᑎᖃᖅᐳᖓ ᐅᖃᓪᓚᒍᓯᒋᓚᐅᖅᑕᓐᓂᑦ ᑕᐃᑲᓂ ᐱᓇᓱᐊᕈᓯᒋᓚᐅᖅᑕᓐᓂᒃ ᖁᔭᓕᓪᓗᖓ, ᐅᒡᒍᐊᖅᖢᖓ ᑭᒡᒐᖅᑐᓚᐅᖅᑕᒃᑲ ᐱᔾᔪᑎᒋᓪᓗᒋᑦ. ᓇᓗᓇᐃᖅᓯᓚᐅᕋᓗᐊᖅᐳᖓ ᑕᒪᑐᒪᓂ ᓂᕋᐊᕐᓇᔅᓯᑉᐸᑦ ᒪᓕᒐᓕᐅᖅᑎᒧᑦ ᑕᕝᕙᓃᑐᒃᓴᒥᒃ ᓂᕈᐊᒐᒃᓴᐅᓛᖏᓐᓂᓐᓂᑦ ᐅᖃᕋᓱᓚᐅᖅᓯᒪᔪᖓ. ᑕᐃᒪᓕ ᑕᐃᒪᓐᓇ ᑕᕝᕗᖓ ᓇᖏᖅᓯᒪᖅᐱ ᐃᒻᒪᖄᖃᐃ ᑕᒪᒃᑯᓂᖓ ᑭᒡᒐᖅᑐᐃᓂᕐᒥᑦ, ᐅᖃᓪᓚᒍᓐᓇᕐᓂᕐᒥᑦ, ᐱᓯᒪᔪᓐᓇᕐᓂᖅᓴᐅᓂᐊᖅᐳᖅ. ᑭᓯᐊᓂ ᐃᑲᔪᕋᓱᒍᓐᓇᓛᕐᒥᔭᒋᑦ ᓂᕈᐊᙱᒃᑲᓗᐊᕐᓂᕈᒃᑭᑦ, ᓂᕈᐊᕋᓗᐊᕈᒃᑭᓪᓘᓐᓃᑦ ᐃᑲᔪᖅᖢᓂ ᐊᓕᐊᓇᐃᖃᑦᑕᕐᒪᑦ. ᑖᓐᓇ ᑕᐃᒪᓐᓇᐃᓕᒃᖤᕋᒃᑯ, ᐅᖃᖅᑎᑦᑎᔩ, ᑕᒪᓐᓇ ᑕᕝᕙᓂ ᒪᓕᒐᓕᐅᖅᑎᐅᓪᓗᓂ ᑕᒪᒃᑯᐊ ᐊᐳᕈᑎᒃᓴᐃᑦ ᐊᒥᓲᓲᖑᒻᒪᑕ, ᐊᒥᓱᓂ ᑭᒡᒐᖅᑐᐃᓪᓗᑕ ᓄᓇᖁᑎᑦᑎᓐᓂᑦ ᖃᓄᖅ ᑐᓴᐅᒪᔭᐅᑎᑦᑎᔪᓐᓇᖅᐱᑕ. ᑕᒪᒃᑯᐊ ᐊᑭᑐᔫᑎᓄᑦ, ᐊᖏᔫᑎᓄᑦ ᒐᕙᒪᒃᑯᑦ ᓄᓇᕗᑦ ᒐᕙᒪᒃᑯᖏᑦ ᑮᓇᐅᔭᕐᒥᒃ ᐊᑐᕋᓱᓕᖅᑎᓪᓗᒋᑦ, ᑕᒪᒃᑯᐊ ᐄ’, ᓲᖃᐃᒻᒪ ᑮᓇᐅᔭᖅ ᐊᒥᒐᖅᐸᒻᒪᑦ. ᑕᐃᒪᓐᓇᐃᓕᑎᒡᓗᖓ, ᐅᖃᖅᑎᑦᑎᔩ ᖁᔭᒋᑦᑎᐊᖅᐸᓯ ᑕᕝᕙᓃᑦᑐᓯᒍᑦ, ᐱᓗᐊᖅᑐᒥ ᐊᒥᖅᑐᕐᒥᐅᒍᔪᓯᒍᑦ. ᑐᓴᖅᑎᑦᑎᓇᓱᖃᑦᑕᓚᐅᕋᓗᐊᖅᐳᖓ, ᐅᖅᑰᓯᕙᓵᖅᐸᒃᓱᖓᓘᓐᓃᑦ, ᑕᐃᒪᓐᓇᐃᓕᒐᓗᐊᖅᑎᒡᓗᖓ ᑕᒪᓐᓇ ᑕᐃᒪ ᐱᔪᓐᓇᕋᓱᒋᒍᕕᑦ ᑕᕝᕗᖓ ᒪᓕᒐᓕᐅᕐᕕᒻᒧᑦ ᐆᑦᑐᕆᑦ. ᑕᒪᓐᓇ ᐊᕐᕌᒍᐃᑦ ᑖᒃᑯᐊ ᑎᒪᓴᐃᑦ ᐊᑐᖅᖢᒋᑦ ᐱᔪᓐᓇᐃᖅᑰᔨᖃᑦᑕᖅᑑᒐᓗᐊᖅ, ᐊᒻᒪ ᒪᓐᓇ ᑐᓴᐅᒪᔭᐅᒃᑲᓐᓂᕆᐊᖃᕋᓱᒻᒥᔭᕋ ᓄᓕᐊᖃᖅᖢᓂ, ᐅᐃᖃᖅᖢᓂ ᑕᒪᐅᖓᖅᓯᒪᒡᓗᓂ ᕿᑐᕐᖓᕗᓪᓗ ᕿᒪᑦᓯᒪᓲᔭᖅᐸᒃᖢᒋᑦ, ᑕᒪᓐᓇᑦᑕᐅᖅ ᑕᕝᕙ ᐃᓛᓐᓂᒃᑯᑦ ᐊᐳᕈᑕᐅᖃᑦᑕᖅᒥᔪᖅ, ᑕᒪᓐᓇ ᐊᑐᖅᓯᒪᔭᕋ. ᑕᐃᒪᓐᓇᐃᓕᑎᒡᓗᖓ, ᑕᐃᒪ ᑖᒃᑯᐊ ᐊᖏᖃᑎᒌᑦᑎᐊᖅᓯᒪᓗᓯ ᐱᓇᔪᓐᓂᖃᕈᒪᑦᑎᐊᕐᓗᓯ ᑕᕝᕗᖓ ᐊᖏᖃᑎᒌᑦᓯᒪᓗᓯ. ᑖᒃᑯᐊ ᐊᕐᕌᒍᐃᑦ ᑎᓴᒪᐃᑦ ᑕᒃᖠᖃᑦᑕᒥᒻᒪᑕ, ᐃᓚᒐᒍᑦ ᓇᐃᑦᑐᕈᓘᖃᑦᑕᖅᑐᑦ. ᑕᐃᒪᓐᓇᐃᓕᑎᒡᓗᖓ, ᑕᐃᒪ ᐆᑦᑐᖁᔨᑦᑎᐊᖅᐳᖓ ᐊᒥᑦᑐᕐᒥᐅᓂᑦ ᑕᕝᕗᖓ ᒪᓕᒐᓕᐅᕐᕕᒻᒧᑦ ᑭᒡᒐᖅᑐᐃᔪᓐᓇᖁᕐᓗᑎᑦ. (ᑐᓵᔨᑎᒎᓕᖅᑐᖅ) ᐅᖃᖅᑏ, ᑕᒪᐃᓐᓂᑦ ᑕᑯᑉᓗᓂ ᐊᔭᐅᖅᑐᐃᒐᓱᖃᑦᑕᖅᓯᒪᒐᒪ ᓂᕈᐊᖅᑎᖁᑎᒋᔭᓐᓂᑦ ᖃᓪᓕᔾᔫᒥᖁᓪᓗᒋᑦ ᐊᒥᒐᕈᑕᐅᔪᑦ. ᐅᖃᕈᑎᒋᔭᕋ ᑖᓐᓇ ᑕᑯᒍᒪᓪᓚᕆᑉᐸᒃᑲᒪ ᐊᑕᐅᓯᓪᓗᐊᑕᒥᑦ ᑐᐊᕕᕐᓇᖅᑐᓕᕆᓂᖅ ᕿᓂᖅᑐᓕᕆᓂᖅ ᐱᒍᑕᐅᓕᕌᖓ.ᖃᐅᔨᒪᒐᑉᑕ ᐃᖃᓗᐃᑦ ᑎᒃᑯᐊᖅᑕᐅᓯᒪᒻᒪᑦ ᐅᓇᓕᑦᓴᕐᓄᑦ ᓇᔪᒐᐅᒐᔭᕐᓂᖓᓂᑦ. ᐅᖃᕋᓱᑉᐸᒃᑲᓗᐊᖅᐳᖓ ᐊᒥᑦᑐᖅ ᓴᓂᕋᔭᖅ ᐱᓪᓗᒍ. ᒫᓐᓇ ᑕᑯᔪᒪᓚᕆᓕᑉᐳᖓ ᐃᑲᔪᕈᑎᐅᓂᐊᖅᑐᓂᒃ ᕿᓂᖅᑯᓕᕆᓂᖅ ᐅᑭᐅᖅᑕᖅᑐᒥ ᐊᒥᒐᓗᐊᖏᔾᔫᒥᓕᑯᓪᓗᒍ, ᐱᕚᓪᓕᑎᑦᓯᓂᖃᖁᔨᒐᓗᐊᖅᐳᖓ ᒐᕙᒪᑐᖃᒃᑯᓐᓂᑦ ᖃᓪᓕᔾᔫᒥᖁᓪᓗᒋᑦ ᓄᓇᕗᒻᒥᓗ ᑲᑐᔾᔨᖃᑎᒌᖃᖅᑎᓐᓇᒍ ᕿᓂᖅᑐᓂᑦ. ᐅᖃᕈᒪᕗᖓ, ᐅᖃᕋᔭᖅᐳᖓᓗ ᑖᒃᑯᐊ ᒐᕙᒪᑐᖃᒃᑯᑦ ᐱᓕᕆᖃᑎᒋᕙᑦᑕᕗᑦ, ᓲᕐᓗ ᒐᕙᒪᑐᖃᒃᑯᓐᓃᖔᖅᑐᒥᑦ ᓴᓂᕋᔭᓕᐊᕋᔭᕈᑎᒃ ᓇᖕᒥᓂᖅ ᑕᑯᒋᐊᕐᓗᑎᒃ, ᐅᖃᖅᐸᑦᑕᕋ ᑕᑯᓪᓚᑦᑖᕋᔭᕐᒪᔾᔪᒃ. ᐊᒻᒪᓗ ᖃᖓᑕᔫᓕᕆᓂᖅ ᑐᐊᕕᕐᓇᖅᑐᖃᓕᕌᖓᑦ ᐱᓗᐊᖅᑐᒥᒃ. ᐅᖃᕋᓱᑉᐳᖓ ᐃᒪᓐᓇ ᐅᖃᖅᑏ, ᐊᔾᔨᐅᖏᑦᑐᒥ ᑲᓇᑕᒥᑦ ᓄᓇᖃᖅᑑᒐᑉᑕ, ᐊᒃᓱᕈᕐᓇᖅᑐᖅ ᖃᐅᑕᒫᑦ ᐊᑐᖅᐸᒃᖢᑎᒍ, ᐱᓗᐊᖅᑐᒥᑦ ᐃᓅᓯᕐᓂᒃ ᐱᐅᓕᖅᓯᓇᓱᑦᑎᓪᓗᑕ. ᐅᖃᖅᑏ, ᑕᕝᕙ ᐅᖃᖅᑕᒃᑲ ᐱᐅᓕᐊᖃᕐᓂᕐᒧᑦ ᑐᙵᕕᖃᖁᑉᓗᒋᑦ ᓴᓂᕋᔭᕐᒥ, ᐊᑯᓐᓂᖓᓃᓪᓗᐊᕐᒪᑦ ᕿᑎᖓᓃᓪᓗᐊᕐᒪᑦ ᕿᑎᕐᒥᐅᓄᑦ, ᑭᕙᓪᓕᕐᒥᐅᓄᑦ, ᖁᑦᓯᑦᑐᒧᑦ, ᐅᖅᑯᕐᒥᐅᓄᑦ ᕿᑭᖅᑖᓗᒻᒥ, ᑐᑭᖃᑦᓯᐊᕋᓗᐊᕐᒪᑦ. ᑖᓐᓇ ᐸᕐᓇᐅᑎᓄᑦ ᐃᓕᔭᐅᓪᓚᑦᑖᓕᕈᓂ, ᑕᐃᒪᐃᒻᒪᑦ ᑕᒪᒃᑯᐊ ᑐᐊᕕᓐᓇᖅᑐᓕᕆᓂᕐᒨᖓᔪᑦ ᐱᓪᓗᒋᑦ, ᓯᕗᓕᖅᑎ ᐅᖃᖃᑎᒋᖃᑦᑕᖅᓯᒪᔭᕋ, ᐊᒻᒪᓗ ᑖᒃᑯᐊᓗ ᕿᓂᖅᑐᓕᕆᔨᐅᔪᒧᑦ ᒥᓂᔅᑕ ᕿᓂᖅᑐᓕᕆᓂᖅ ᐱᔾᔪᑕᐅᓕᕌᖓᑦ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 8 ᓄᖅᑲᐅᓯᕈᑎᒋᓕᕐᓚᒍ ᑕᕝᕙ, ᒐᕙᒪᑐᖃᒃᑯᓐᓃᑦᑐᒥᑦ ᓴᓂᕋᔭᕐᒨᓛᕈᔨᑉᓗᖓ. ᖁᔭᓐᓇᒦᒃ ᓈᓚᑦᓱᓐᓇᕋᑦᓯ. ᐅᕙᓐᓄᑦ ᐊᑦᓱᕈᕐᓇᖅᓯᒪᔫᒐᓗᐊᖅ ᐅᑭᐅᒐᓴᐃᑦ ᑖᑉᑯᐊ. ᖁᔭᓐᓇᒦᒃ, ᓯᕗᒧᖁᒥᓇᑦᓯᐊᖅᑯᓯ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᖑᔪᓯ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑎᐅ ᐅᖃᐅᓯᖏᑦ. ᒪᓕᒐᓕᐅᖅᑎ ᑐᓄᓂᕐᒧᑦ, ᒥᔅ ᓄᑕᕋᖅ. ᒪᓕᒐᓕᐅᖅᑎᐅᑉ ᐅᖃᐅᓯᖓ 929 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᑐᓄᓂᖅ (ᓄᑕᕋᖅ) ᓄᑕᕋᖅ (ᑐᓵᔨᑎᒍᑦ): ᓴᔪᒐᓚᑲᐃᓐᓇᖅᐳᖓ, ᓲᕐᓗ ᒪᓕᒐᓕᐅᖅᑎᙳᓵᓕᖅᑎᓪᓗᖓ ᐅᓪᓗᖓᓂ. ᐅᖃᖅᑏ, ᓵᑦᓯᓐᓂ ᓇᖏᖅᓯᕗᖓ ᖁᔭᓐᓇᒦᕈᒪᒡᓗᒋᑦ ᑕᐃᒃᑯᐊ ᓂᕈᐊᖅᑎᒃᑲ ᑭᒡᒐᖅᑐᖅᓯᒪᒐᒃᑭᑦ ᑎᓴᒪᓄᑦ ᐊᕐᕌᒍᓄᑦ, ᐊᒻᒪᓗ ᑖᓐᓇ ᐊᒃᓱᐊᓗᒃ ᐅᐱᒋᔭᕋ. ᓂᕈᐊᖅᑎᒃᑲ ᖁᔭᓐᓇᒦᒃ ᑕᕝᕙᓂ ᐃᒃᓯᕚᖅᑎᒃᓱᓐᓇᕋᑦᓯᐅᒃ, ᑕᑎᒋᔪᓐᓇᕋᑦᑎᒍᑦ ᓂᐱᓯ, ᐃᓱᒫᓗᑎᓯᓗ ᑕᐃᒪᖓᓕᒫᖅ ᑐᙵᕕᒌᓐᓇᖅᑕᒃᑲ, ᐊᒻᒪᓗ ᐅᐱᒋᓪᓗᓯ. ᓱᓕᑦᑎᐊᕐᓗᖓᓗ ᑭᒡᒐᖅᑐᐃᔪᒪᓚᐅᕋᒪ ᐃᓕᔅᓯᓐᓂᑦ. ᒥᓂᔅᑕᐃᑦ ᖁᔭᓐᓇᒦᕈᒪᒻᒥᔭᒃᑲ ᑖᒃᑯᐊ ᐃᖅᑲᓇᐃᔭᖃᑎᒋᔪᓐᓇᓚᐅᕋᒃᑭᑦ, ᑲᑎᙵᓪᓗᑕ ᑲᒪᒋᖃᑦᑕᖅᓯᒪᔭᕗᑦ ᐃᓱᒫᓘᑏᑦ ᑕᐃᒃᑯᐊ ᑐᓴᖃᑦᑕᖅᑕᕗᑦ ᓄᓇᓕᓐᓂ, ᐊᒻᒪᓗ ᑕᒪᒃᑯᐊ ᐱᕐᔪᐊᖑᔪᑦ ᓄᓇᖅᑲᑎᑦᑎᓐᓄᑦ. ᒪᓕᒐᓕᐅᖅᑎᐅᖃᑎᒃᑲ, ᖁᔭᓐᓇᒦᒃ ᐃᑲᔪᖅᓯᒪᒐᑦᓯ, ᐃᑲᔪᖅᑐᖅᑕᐅᓯᒪᒐᒪᓗ ᐃᓕᔅᓯᓐᓄᑦ, ᐊᒻᒪᓗ ᖁᕕᐊᓇᖅᑐᖅ ᐃᖅᑲᓇᐃᔭᖃᑎᒋᔪᓐᓇᓚᐅᕋᒃᑭᑦ. ᐊᒻᒪᓗ ᖁᔭᓐᓇᒦᕈᒪᒻᒥᒋᒃᑭᑦ, ᐅᖃᖅᑏ, ᐊᓯᔾᔨᓚᐅᖅᓯᒪᖏᓐᓇᕕᑦ ᐱᓕᕆᐊᑎᑦ ᐱᓕᕆᓪᓗᒋᑦ ᐃᓚᐃᓐᓈᕆᖏᖦᖢᑎᒃ, ᐅᐱᒋᔭᖃᖅᖢᑎᑦ ᐱᓕᕆᓯᒪᒐᕕᑦ. >>ᐸᑦᑕᑐᖅᑐᑦ ᓄᑕᕋᖅ (ᑐᓵᔨᑎᒍᑦ) ᓯᕗᒃᑲᖅᑕᖅᑎᐅᑎᓪᓗᑎᑦ ᐊᒃᓱᐊᓗᒃ ᖁᔭᓕᕗᒍᑦ. ᐊᒻᒪᓗ ᒪᐃᔪᕆᔭᕗᑦ ᐃᖅᑲᓇᐃᔭᖃᑎᒌᑦᑎᐊᓚᐅᖅᐸᕗᑦ ᓄᓇᕗᑦ ᐃᓱᒪᒋᓪᓗᑎᒃᑯᑦ, ᐊᒻᒪᓗ ᖁᔭᓐᓇᒦᖅᐸᒋᑦ ᑲᑐᔾᔨᖃᑎᒌᓐᓂᒃᑰᖃᑎᒋᔪᓐᓇᓚᐅᕋᒃᑭᑦ. ᐊᒻᒪᓗ ᑕᐃᒃᑯᐊ ᒫᓕ ᑎᑎᕋᖅᑎᒐ ᖁᔭᓐᓇᒦᒃ. ᑎᓴᒪᓄᑦ ᐊᕐᕌᒍᓄᑦ ᐃᖅᑲᓇᐃᔭᖃᑎᒌᓯᒪᕗᒍᑦ ᐱᔭᕐᓂᖅᑐᒃᑰᑎᓪᓗᑎᑦ ᐱᔭᕐᓂᖏᑦᑐᒃᑯᓪᓗ. ᐃᑲᔪᖅᓯᒪᓃᑦ ᐊᒃᓱᐊᓗᒃ ᖁᔭᓕᔾᔪᑎᒋᕙᕋ ᐊᒻᒪᓗ ᓯᕗᓂᒃᓴᖃᑦᑎᐊᓂᐊᖅᐳᑎᑦ. ᐊᒻᒪ ᐃᓚᒃᑲ ᑕᐃᒃᑯᐊ ᐱᓗᐊᙳᐊᖅᖢᒋᑦ ᖁᔭᓐᓇᒦᕈᒪᒻᒥᔭᒃᑲ. ᐊᐃᑉᐸᕋ ᕼᐋᕕ, ᓱᕈᓯᒃᑲ ᓲᓛ, ᑯᕆᔅᑐ, ᐹᑐᕆᒃ, ᐊᒻᒪᓗ ᐋᓚᓐ, ᐊᒻᒪ ᐃᕐᖑᑕᑯᓗᒃᑲ. ᖁᔭᓐᓇᒦᒃ ᐅᑕᖅᑭᑦᑎᐊᖅᓯᒪᒐᑦᓯ, ᑲᔪᖏᖅᓴᐃᖃᑦᑕᕋᑦᓯ, ᐃᑲᔪᖅᖢᐃᖃᑦᑕᕋᑦᓯᓗ. ᐊᒻᒪᓗ ᓇᓪᓕᒋᑦᑎᐊᐸᒃᑲ ᐆᒻᒪᑎᓕᒫᓐᓄᑦ. ᖁᔭᓐᓇᒦᒃ ᓲᓛᕐᔪᐊᒻᒪᕆᐊᓗᒃ ᐱᔭᕐᓂᕐᓂᖅᓴᐅᖃᑦᑕᕐᒪᑦ ᑖᓐᓇ ᐸᖅᑭᔨᒋᓪᓗᒍ, ᐃᑲᔪᖅᑎᒋᓪᓚᕆᑦᓯᒪᒡᓗᒍᓗ ᑎᓴᒪᓄᑦ ᐊᕐᕌᒍᓄᑦ. ᖁᔭᓐᓇᒦᕐᔪᐊᒻᒪᕆᐊᓗᒃ, ᓲᓚ. ᐊᒻᒪ ᖁᔭᓐᓇᒦᕈᒪᒻᒥᔭᕋ ᔪᐊᓇ, ᑕᐃᑑᓯᓗ ᑖᒃᑯᐊ ᓴᑭᒃᑲ ᑐᑭᒧᐊᑦᑎᒋᖃᑦᑕᕋᒃᑭᑦ, ᐊᓈᓇᒐᓗ ᑐᒃᓯᐅᔾᔨᖃᑦᑕᕐᒪᑦ ᐅᕙᓐᓂᒃ ᐊᒻᒪᓗ ᑕᒪᓐᓇ ᐊᒃᓱᐊᓗᒃ ᐅᐱᒋᕙᕋ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 9 ᐊᑖᑕᒐᓗ ᔮᓐ ᑯᐊᒃ−ᖑᙱᑦᑐᖅ, ᔮᓐ ᑯᐊᑦᔅ, ᑕᐃᓐᓇ ᑭᓱᑐᐃᓐᓇᑦᑎᐊᕐᒥᒃ ᐊᑐᕈᒪᔭᓐᓂᒃ ᐊᑐᕈᓐᓇᓂᕋᐃᖃᑦᑕᖅᓯᒪᒻᒪᑦ, ᑕᐃᒪᓐᓇ ᐃᓐᓇᐅᑎᒋᓕᕋᓗᐊᖅᑎᓪᓗᖓ ᑲᓇᑕᒧᒎᖅ ᐊᖏᔪᖅᑳᖑᒍᓐᓇᒻᒪᕆᑦᑐᖓᒎᖅ. ᖁᔭᓐᓇᒦᕐᔪᐊᒻᒪᕆᐊᓗᒃ ᐃᑲᔪᖅᓱᓚᐅᕋᕕᑦ, ᖃᐅᔨᒪᔨᑕᕆᖃᑦᑕᖅᖢᑎᑦ ᐊᒻᒪᓗ ᑕᐃᑲᓃᖏᓐᓇᐅᔭᖅᖢᑎᒃ, ᖁᔭᓐᓇᒦᕐᔪᐊᖅᐸᒋᑦ. ᐊᓂᒐ ᐃᑲᔪᖅᓱᐃᑦᑎᐊᖅᓯᒪᒻᒪᑦ ᑖᓐᓇ ᑲᐃᓐ. ᐊᒻᒪ ᐃᓄᑑᓇᓱᒋᓚᐅᖅᓯᒪᒐᓗᐊᕐᒪ ᑕᕝᕙᓂ ᓄᓇᕐᔪᐊᓕᒫᒥ, ᐊᒻᒪᓗ ᖁᔭᓐᓇᒦᖅᖢᒍ ᐅᑯᐊᕋ ᔪᐃᔅ ᐃᑲᔪᖃᑦᑕᖅᓯᒪᒻᒪᑦ ᑲᔪᖏᖅᓴᐃᖃᑦᑕᖅᓯᒪᒻᒪᓗ, ᖁᔭᓐᓇᒦᕈᒪᒋᓪᓗᒍ. ᖁᔭᓕᔪᒪᓪᓗᒍᓗ ᔩᑎᑕ ᒥᖅᑯᓵᖅ ᐃᖅᑲᐃᑎᑦᑎᖃᑦᑕᕐᒪᑦ ᐃᓄᑑᖏᑦᑐᖓᒎᖅ, ᑐᒃᓯᐅᔾᔨᖃᑦᑕᕐᒪᓪᓗ ᐅᕙᓐᓂᒃ, ᐊᒻᒪᓗ ᖃᐅᔨᒪᖃᑦᑕᕐᒪᑦ ᑭᓱᓂᑦ ᑭᖒᒪᔭᖃᕐᒪᖔᕐᒪ. ᐊᒻᒪ ᓖᓇ ᐃᐅᓪᔅᕗᑦ, ᕼᐊᐃᓕ ᒍᕉᔅᓗ ᖁᔭᓐᓇᒦᕈᒪᕚᒃᑲ ᑖᒃᑯᐊ ᕿᓚᒥᕈᓘᒐᓗᐊᖅ ᐃᖅᑲᓇᐃᔭᖃᑎᒋᓯᒪᒐᒃᑭᒃ ᒥᓂᔅᑕᐅᓱᙵᖅᑎᓪᓗᖓ, ᖁᔭᓐᓇᒦᕐᔪᐊᖅᐹᒃᑲ ᑖᒃᑯᐊ ᐃᑲᔪᖅᓯᒪᖕᒪᑎᒃ. ᐊᑭᖑᓪᓕᖅᐸᖅ, ᖁᔭᓐᓇᒦᕈᒪᔭᖃ ᓰᓇ ᑕᐃᒪᖓᓕᒫᖅ ᓱᕐᕋᓚᐅᖅᓯᒪᙱᑦᑐᖅ ᑕᐃᑲᓃᖏᓐᓇᐅᔭᖅᑐᑦ ᐱᖃᑎᐊᓗᒋᔭᕋᓗ ᖁᕕᐊᒋᓪᓗᒍ. ᑕᒪᒃᑯᐊᓕᒫᑦᑎᐊᖅ ᑎᓴᒪᑦ ᐊᕐᕌᒍ ᐊᑐᖅᓯᒪᔭᒃᑲ ᐃᓱᒪᒋᓪᓗᒋᑦ, ᐃᓄᒻᒥᒃ ᐊᑕᐅᓯᕐᒥ ᐅᖃᐅᓯᖃᙱᓐᓇᑦᑕ. ᑕᒪᑦᑕᖅᑎᐊᖅ ᑲᑐᔾᔨᖃᑎᒌᓐᓂᒃᑰᖅᖢᑕ ᐃᖅᑲᓇᐃᔭᖅᓯᒪᔪᒍᑦ ᐃᓅᖃᑎᕗᑦ ᐃᓱᒪᒋᓪᓗᒋᑦ, ᕿᑐᕐᖓᕗᓪᓗ, ᐊᒻᒪᓗ ᓄᓇᑦᑕ ᓴᙱᓂᖏᑦ. ᐆᒻᒪᑎᓐᓂ ᖁᔭᓐᓇᒦᕐᔪᐊᖅ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑏᑦ ᐅᖃᐅᓯᖏᑦ. ᒪᓕᒐᓕᐅᖅᑎ ᓇᑦᓯᓕᖕᒧᑦ, ᒥᔅᑕ ᖂᑭᐊᖅ. ᒪᓕᒐᓕᐅᖅᑎᐅᑉ ᐅᖃᐅᓯᖓ 930 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᓇᑦᓯᓕᒃ (ᖂᕿᐊᖅ) ᖂᑭᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓪᓗᒥ ᓇᖏᖅᓯᕗᖓ ᑭᖑᓪᓕᖅᐹᖅᓯᐅᓕᖅᖢᒋᑦ ᑕᕝᕙᓂ ᒪᓕᒐᓕᐅᕐᕕᒻᒥ ᐊᒻᒪᓗ ᐅᖃᖅᑏ, ᐊᒥᓱᐊᓗᐃᑦ ᖁᔭᓐᓇᒦᕈᒪᔭᒃᑲ. ᓯᕗᓪᓕᕐᒥᒃ, ᖁᔭᓐᓇᒦᕈᒪᔭᒃᑲ ᑕᐃᒃᑯᐊ ᑎᑎᕋᖅᑏᒃᑲᒃ ᐅᓪᓗᒥᒧᑦ ᑎᑭᒃᖢᒍ ᑎᑎᕋᖅᑎᒋᓯᒪᒐᑦᑎᒃᑯᑦ ᐹᑐᕆᒃ ᓚᐃᔪ ᑕᓗᕐᔪᐊᒻᒥ, ᐊᒻᒪᓗ ᑰᒑᕐᔪᒃ ᒥᐊᓕ ᑲᓚᒃᖥᒃ ᖁᔭᓐᓇᒦᕌᓗᒃ. ᐊᒻᒪᓗ ᐅᐱᓐᓇᖅᑐᖅ 6−ᒋᔭᖓᓂ ᒪᓕᒐᓕᐅᖅᑎᑦ ᐃᒃᓯᔮᖅᑎᓪᓗᒋᑦ ᑕᕝᕙᓃᒍᓐᓇᓚᐅᕋᑦᑕ. ᑐᓴᐅᒪᓂᐊᕋᑦᓯ ᖃᐅᑉᐸᑦ ᑭᖑᓪᓕᐹᖅᓯᐅᕐᓂᐊᓕᖅᑐᓯ. ᐊᒻᒪᓗ ᑕᓗᕐᔪᐊᕐᒥᐅᑦ, ᑰᒐᕐᔪᒻᒥᐅᓪᓗ ᑕᐃᒃᑯᐊ ᖁᔭᓐᓇᒦᒐᑦᓴᒃᑲ ᐅᓄᖅᑑᒻᒪᑕ. ᓯᕗᓪᓕᖅᐹᒻᒥ ᑕᓗᕐᔪᐊᖅ ᕼᐋᒻᒪᓚᒃᑯᖏᑦ, ᑲᑎᒪᔨᖏᑦ, ᒪᐃᔭᐃᑦ, ᐊᒻᒪᓗ ᓄᓇᓕᖏᑦ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ, ᐃᒡᓗᓕᕆᔨᒃᑯᑦ ᑲᑎᒪᔨᖏᑦ, ᐊᒻᒪᓗ ᕿᑎᕐᒥᐅᑦ ᐃᓄᐃᑦ ᑲᑐᔨᖃᑎᒌᖏᑦ ᐃᖅᑲᓇᐃᔭᖅᑎᖏᑦ, ᑲᑎᒪᔨᖏᑦ, ᐊᒻᒪ ᑕᒪᒃᑯᐊ ᐊᕐᕌᒍᑕᒫᑦᑎᐊᖅ ᑕᒪᒃᑯᐊ ᑎᑎᕋᖅᐸᓪᓕᐊᖃᑦᑕᕋᒃᑭᑦ. ᐊᒻᒪᓗ ᖁᔭᓐᓇᒦᕈᒪᒻᒥᔪᖓ ᑕᐃᒃᑯᐊ ᐃᓐᓇᐃᑦ ᑕᓗᕐᔪᐊᕐᒥᐅᑦ, ᑰᒑᕐᔪᒻᒥᐅᓪᓗ, ᐊᒻᒪᓗ ᑖᓐᓇ ᐃᑉᐱᒋᓂᖅᐹᕆᔭᕋ, ᐅᖃᖅᑏ. (ᑐᓵᔨᑎᒎᕈᓐᓃᖅᑐᖅ) ᖁᔭᓇᖅᑐᕌᓘᕗᑎᒎᖅ ᐃᓄᑦᑎᑑᕈᓐᓇᕈᕕᑦ ᐊᒻᒪᓗᑦᑕᐅᖅ ᑐᑭᓯᑦᓯᐊᕈᕕᑦ. ᒪᓕᒐᓕᐅᖅᑎᓐᓄᐊᒃᑯᑦ ᑕᐃᒍᖅᑕᐅᖃᑦᑕᕋᒪ ᑖᒻᓇ ᐅᐱᓐᓇᕐᓗᐊᖅᑐᖅ. ᐊᒃᓱᕉᑎᒋᓪᓗᐊᖃᑦᑕᕋᑉᑭᑦ ᑖᑉᑯᐊ ᐃᓄᑦᑐᖃᐃᑦ ᖁᔭᔨᓪᓗᐊᖅᑕᒃᑲ ᑕᒪᕐᒥᑦ ᑕᐅᑐᑦᑐᑦ, ᓈᓚᑦᑐᑦ ᐃᓄᑦᑐᖃᐃᑦ ᑰᒑᕐᔪᕐᒥᐅᑕᐃᑦᒪ ᐊᒻᒪᓗ

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 10 ᑕᓗᕐᔪᐊᕐᒥᐅᑕᐃᑦ, ᐊᒻᒪᓗᑦᑕᐅᖅ ᐃᓄᑦᑐᖃᐅᓂᖅᕼᐊᖅᑎᑦ ᑕᐃᑲᓃᑦᑐᖅ ᑕᓗᕐᔪᐊᕐᒥᐅᑕᖅ, ᐱᑦᑎᐊᖅᑯᔨᒻᒪᑦ ᑖᒃᑯᐊ ᑭᒡᒐᖅᑐᖅᑕᒃᑲᑦ. ᖁᔭᓐᓇᒦᑦᓯᒪᓪᓗᐊᖅᑕᕋ ᒥᐊᓕ ᐃᑦᑐᖓᑦ, ᐅᖃᖅᑎᑦᓯᔩ, ᐱᕈᖅᓴᖅᑎᓪᓗᖓ ᐃᓕᓐᓂᐊᖅᑎᒋᓪᓗᐊᖅᑕᕋ, ᓱᓕ ᑖᒃᑯᐊ ᐳᐃᒍᓚᐃᑦᑕᖅᑐᑦ ᐅᑉᓗᕆᓂᖅ, ᓴᓇᙳᐊᖅ, ᐊᐃᑉᐱᖅ, ᐱᖓᑦᑎᐅᑦ, ᓯᑕᒻᒥᐅᑦ, ᑕᓪᓕᒥᐅᑦ, ᐊᒻᒪᓗ ᓯᕙᑖᕐᕕᒃ ᑖᑉᑯᐊ ᐳᐃᒍᕈᓐᓇᖏᑦᑐᖅᐲᑦ ᐃᓕᓐᓂᐊᕈᑎᒋᓪᓗᐊᕋᑉᐳ. ᐃᓕᓐᓂᐊᕋᒪ ᑕᕝᕙᓕ ᑕᐃᒪ ᐊᔪᕈᐃᖅᑐᖓ ᐃᓄᑦᑐᑏᕈᓐᓇᑦᑎᐊᕋᒪ ᖁᔭᓕᓪᓗᐊᖅᑕᒋᑦ ᐊᕐᓇᖑᔭᖅ. ᑰᒑᕐᔪᕐᒥᐅᑕᐃᓪᓗ ᑕᐃᑉᑯᐊ ᐅᒡᓚᖃᑦᑕᖅᑕᒃᑲᑦ ᐃᓄᑐᖃᐃᑦ, ᓯᕗᓕᖅᐹᒥ ᑕᑯᖃᑦᑕᕐᒪᑕ ᒪᓕᒐᓕᐅᖅᑐᒥᑦ ᐅᒡᓚᖅᑐᒥᑦ ᖁᔭᓕᓪᓗᐊᖃᑦᑕᖅᑐᑦ, ᖁᔭᓐᓇᒦᑦᑕᒃᑲ ᐅᖃᐅᓯᑦᓴᒥᒃ ᑐᓂᓯᖃᑦᑕᕐᒪᑦ ᐅᕙᒻᓄᑦ. ᑕᒪᕌᓗᕝᓯ ᖁᔭᓐᓇᒦᖅᐸᒃᓯ ᑰᒐᕐᔪᒻᒥᐅᑕᐃᑦ ᐃᓄᑐᖃᐅᔪᐃᑦ, ᐊᒻᒪᓗᑦᑕᐅᖅ ᑕᓗᕐᔪᐊᒥ ᑕᒪᕐᒥᑦ ᖁᔭᓐᓇᒦᖅᓯᒪᓪᓗᐊᖅᑕᒃᑲᑦ. ᐊᒻᒪᓗᑦᑕᐅᖅ ᖃᑉᓗᓈᑎᑑᕐᓂᐊᓕᕋᒪ ᐅᖃᖅᑎᑦᓯᔩ, (ᑐᓵᔨᑎᒎᓕᖅᑐᖅ) ᐊᒻᒪᓗ ᐅᖃᖅᑏ, ᖁᔭᓐᓇᒦᕈᒪᒻᒥᔭᒃᑲ ᐋᓐ ᑯᕌᕗᑦ, ᐊᒻᒪᓗ ᒪᓃᑦᑐᖅ ᑖᒻᓴᓐ ᖁᔭᓐᓇᒦᒃ ᑕᒪᒃᓯ. ᐃᑲᔪᖅᑕᐅᔭᕆᐊᖃᕌᒪ ᑕᐃᑲᓃᖏᓐᓇᖃᑦᑕᕋᑦᓯ, ᖁᕕᐊᓇᖅ ᐃᓄᐃᑦ ᑕᑯᓐᓇᕋᑦᓴᓕᕆᔨᒃᑯᓐᓃᖃᑎᒋᖃᑦᑕᖅᓯᒪᒐᒃᑭᑦ ᑲᑎᒪᔨᐅᖃᑦᑕᖅᓯᒪᒡᓗᑎᒡᓗ. ᐅᖃᖅᑏ, ᖁᔭᓐᓇᒦᕈᒪᓪᓗᒋᓪᓗ ᐊᓈᓇᒐ, ᐊᑖᑕᒐᓗ, ᓄᑲᑐᐊᕋ ᐊᖏᔪᒐᓘᓐᓃᑦ, ᐊᒻᒪᓗ ᓇᔭᑐᐊᕋ. ᐊᒻᒪ ᐅᔾᔨᖅᓱᑦᑎᐊᖃᑦᑕᖁᔭᐅᓪᓗᖓ ᐅᖃᐅᔾᔭᐅᓯᒪᒐᒪ, ᐊᒻᒪ ᐊᓈᓇᒪ ᒫᑕ ᖂᑭᐊᑉ ᑕᒻᒪᑦᑕᐃᓕᒪᑎᖃᑦᑕᕐᒫᖓ, ᐊᒻᒪᓗ ᐃᓚᒃᑲ ᑰᒑᕐᔪᒻᒥ ᖁᔭᓐᓇᒦᒃ, ᐃᓚᑐᐊᕆᙱᑕᒃᑲ, ᑰᒑᕐᔪᒃ ᐳᓛᕆᐊᕌᖓᒪ ᓂᕿᑲᐃᓐᓇᐅᔭᖅᑐᖅ, ᑏ, ᑳᐱ, ᐃᒥᒐᐃᑦ. ᑰᒑᕐᔪᒃ ᐊᒃᓱᐊᓗᒃ ᑲᔾᔮᕐᓇᕐᒪᑦ, ᐊᖑᓇᓱᑦᑎᓕᒫᑦ ᐃᑲᔪᖃᑎᒌᖃᑦᑕᖅᑐᑦ, ᑕᒪᓐᓇᓗ ᖁᕕᐊᒋᓪᓗᒍ. ᒪᓕᒐᓕᐅᖅᑎᐅᒐᓗᐊᕋᒪ, ᒪᓕᒐᓕᐅᖅᑎᐅᖏᒃᑲᓗᐊᕈᒪ ᑕᐃᑲᓂ ᖁᕕᐊᓇᕐᓂᖅᐸᖑᖃᑦᑕᕐᒪᑦ. ᑭᖑᓪᓕᖅᐹᖑᓕᕐᓗᒍ, ᓄᓕᐊᕋ ᖁᔭᓐᓇᒦᖅᐸ, ᕿᑐᕐᖓᒃᑲ, ᐃᕐᓂᕋ ᖁᑭᑦᑕᐹᖅᑎᓪᓗᑎᑦ ᑐᓵᔪᒥᓇᖅ ᓂᔾᔭᐅᓯᔭᖅᑎᓂᑦ ᑐᓵᔪᒥᓇᖅ, ᑕᐃᒪᓐᓇ ᖁᕕᐊᓈᓘᒻᒪᑕ. ᓄᑲᖅᖠᖅᐹᒃ ᐸᓂᑯᓗᒐ, ᐊᒻᒪ ᑕᐃᓐᓇ ᑎᒍᐊᕋ ᐸᓂᒐ ᐃᓐᓇᐅᓛᖑᓪᓗᓂ, ᖁᔭᓐᓇᒦᒃ ᑕᐃᓐᓇ ᓂᒐᐅᒐ ᐃᑲᔪᖃᑦᑕᕐᒪᑦ ᐅᕙᑦᑎᓐᓂᑦ ᐃᓚᑦᑎᓂᒡᓗ. ᑎᒍᐊᕋᓗ ᒪᓕᒐᖃᐅᖅᑐᐊᓘᒻᒪᑦ ᒪᓕᖃᑦᑕᕆᐊᖃᑦᑕᑎᓐᓂᑦ, ᖁᕕᐊᓱᓪᓗᑎᑦ ᑭᐊᖏᓪᓗᑎᒡᓗ, ᖃᖓᑕᓲᖃᑦᑕᕈᓐᓃᕐᓗᑎᒡᓗ. ᖁᔭᓐᓇᒦᒃ ᒪᓕᒐᓕᐅᖅᑎᖃᑎᒃᑲ, ᒥᔅᑕ ᕼᐃᒃᔅ ᐃᓕᕝᕕᒋᓪᓚᕆᒃᑲᒃᑯ, ᒥᔅᑕ ᓴᕕᑲᑖᖅ, ᒥᔅᑕ ᐊᕿᐊᕈᖅ ᐊᑐᓂᑦ ᐃᓕᕝᕚᓪᓕᕐᕕᒋᔭᔅᓯ. ᓂᕈᐊᕐᓇᐅᑲᓐᓂᕐᓂᐊᓕᕐᒪᑦ, ᐊᑏ ᒪᒃᑯᑦᑐᑦ ᐆᑦᑐᖃᑦᑕᕆᑦᓯ. ᔨᐊᓗᓇᐃᑎᒎᖃᑦᑕᕋᒪ, ᐅᖃᐅᓯᒃᓴᖏᑦ ᑕᐃᒃᑯᐊᕌᓘᓚᐅᕐᒪᑕ. ᒪᒃᑯᑦᑐᓯ ᐱᔪᒪᒍᑦᓯ ᐱᔪᓐᓇᖅᑐᓯ, ᓂᕈᐊᕋᑦᓴᐅᓃᑦ ᐊᑏ ᓇᓗᓇᐃᕐᓂᐊᖅᐸᐃᑦ. ᑕᕝᕗᖓ ᐃᓱᓕᓪᓗᒍ, ᐅᖃᖅᑏ, ᖁᔭᓐᓇᒦᒃ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑏᑦ ᐅᖃᐅᓯᖏᑦ. ᒪᓕᒐᓕᐅᖅᑎ ᑲᖏᖅᖠᓂᐅᑉ ᐅᐊᓐᓇᖓᓄᑦ ᐃᒡᓗᓕᒑᕐᔪᒧᓪᓗ, ᒥᔅᑕ ᓴᒻᒧᖅᑐᖅ. ᒪᓕᒐᓕᐅᖅᑎᐅᑉ ᐅᖃᐅᓯᖓ 931 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᑲᖏᖅᖠᓂᖅ ᐅᐊᓐᓇᖓᓄᑦ−ᐃᒡᓗᓕᕌᕐᔪᒃ (ᓴᒻᒧᖅᑐᖅ) ᓴᒻᒧᖅᑐᖅ: ᖁᔭᓐᓇᒦᒃ, ᐅᖃᖅᑏ. ᓇᖏᖅᓯᔾᔪᑎᖃᖅᑐᖓ ᐃᓱᒪᒋᖃᑕᐅᔪᒪᑉᓗᒋᑦ ᑕᐃᒃᑯᐊ ᐅᑉᓛᖅ ᑐᒃᓯᐅᔾᔨᓚᐅᖅᑐᑦ ᐊᖑᓴᓪᓗᒃ ᐊᒻᒪ ᐅᒡᔪᒃ ᐃᓚᒌᑦ, ᐃᓱᒪᒋᖃᑕᐅᑦᓯᐊᖅᐸᑉᓯ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 11 ᖁᔭᓐᓇᒦᕋᓗᐊᖅᑐᖓ, ᖁᔭᓐᓇᒦᒃᑲᑉᓂᕈᕋᑉᓗᖓ ᓂᕈᐊᖅᑎᒋᓚᐅᖅᑕᓐᓂᑦ ᐃᒡᓗᓕᒑᕐᔪᒻᒧᑦ, ᑲᖏᖅᖠᓂᕐᒧᑦ. (ᑐᓵᔨᑎᒎᓕᖅᑐᖅ) ᑭᖑᓪᓕᖅᐹᖑᓪᓗᑎᑦ (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᕈᒪᑦᓯᐊᖅᑕᕋ ᓄᓕᐊᕋ, ᓄᑕᕋᒃᑲᓗ ᐃᑲᔪᖅᑐᐃᓐᓇᖅᑕᐅᖏᓐᓇᕋᒪ ᑕᐃᒃᑯᓄᖓ, ᓂᕈᐊᖅᑎᒋᓚᐅᖅᑕᒻᓄᓪᓗ, ᓄᓕᐊᕐᓄᓪᓗ, ᓄᑕᕋᓐᓄᓪᓗ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑏᑦ ᐅᖃᐅᓯᖏᑦ. ᒥᓂᔅᑕ ᐊᐃᕕᓕᒻᒧᑦ, ᒥᔅᑕ ᒪᓕᑭ. ᒪᓕᒐᓕᐅᖅᑎᐅᑉ ᐅᖃᐅᓯᖓ 932 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᐊᐃᕕᓕᒃ (ᒪᓕᑭ) ᒪᓕᑭ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᓪᓗᒃᑯᑦ ᑭᒡᒐᖅᑐᖅᑕᒃᑲ ᓇᐅᔮᕐᒥᐅᓪᓗ, ᓴᒡᓕᕐᒥᐅᓪᓗ. ᐅᖃᖅᑎᑦᓯᔩ, ᖁᔭᓕᓂᕐᒥᑦ ᑭᖑᓪᓕᖅᐹᖅᓱᓕᖅᑎᒡᓗᑕ ᐅᓪᓗᒥ ᖁᔭᓕᔪᒪᑦᑎᐊᕋᒪ, ᓄᓕᐊᕋ ᐃᑲᔪᖅᑎᒌᓐᓇᖃᑦᑕᕋᒃᑯᑦ ᐊᔭᐅᖅᑐᐃᔨᒋᓪᓗᒍᓗ, ᓄᑕᕋᒃᑲᓗ ᐱᓗᐊᖅᑐᒥ ᐸᓂᒐ ᐅᐃᓇᐱᐊᒦᓕᕋᓗᐊᖅᑎᓪᓗᒍ ᐊᔭᐅᖅᑐᐃᔨᒋᖃᑦᑕᕋᒃᑯ ᐊᖏᔪᖅᖠᖅᐹᖑᒻᒪᑦ, ᐊᒻᒪ ᑖᓐᓇ ᐃᕐᓂᕋ ᑕᕝᕙᓃᑦᑐᖅ ᐃᑲᔪᖅᑎᒋᕐᔪᐊᖃᖅᓯᒪᒐᑦᑎᒍ ᓄᓕᐊᕋᓗ ᖃᓄᑐᐃᓐᓇᑦᑎᐊᖅ ᐱᓕᕆᓂᒃᑯᑦ, ᐅᖃᐅᔾᔨᒋᐊᒃᑲᓐᓂᖅᐸᒃᖢᓂ ᐱᖃᑦᑕᕐᒪᑦ. ᐊᒻᒪ ᑖᒃᑯᐊ ᐃᖅᑲᓇᐃᔭᖅᑎᒋᖅᑲᐅᔭᒃᑲ ᓇᐅᔮᓂ ᐃᖅᑲᓇᐃᔭᖅᑎᒋᓚᐅᖅᑕᒃᑲ ᖁᔭᓐᓇᒦᖅᖢᖏᑦ, ᐃᓚᖓ ᐱᑕᖃᕈᓐᓃᕋᓗᐊᖅᑎᒡᓗ ᑭᓯᐊᓂ ᐊᔭᐅᖅᑐᐃᔨᒋᓪᓚᑦᑖᓚᐅᕋᒃᑯ, ᓱᓇᒥᑦ ᐅᖃᐅᓯᑦᓴᕆᐊᖃᕐᒪᖔᖅ ᑕᕝᕗᖓᓗ ᐱᓕᕆᖃᑦᑕᕐᓂᑰᓪᓗᓂ. ᓯᑏᕝ ᒪᑉᓴᓛᖅ ᐊᔭᐅᖅᑐᐃᔨᒋᒻᒪᕆᓚᐅᕋᒃᑯ, ᐅᖃᐅᔾᔨᔨᒋᑦᑎᐊᐸᒃᖢᒍᓗ ᐱᓕᕆᖃᑎᒌᓐᓇᖅᖢᒍ, ᐱᑕᖃᕈᓐᓃᑐᐃᓐᓇᓚᐅᕐᒪᑦ ᐃᓛ ᐃᓅᔪᓐᓃᑐᐃᓐᓇᓚᐅᕐᒪᑦ, ᖃᐅᔨᒪᓂᖏᑦ ᐅᖃᐅᓯᕆᖃᑦᑕᖅᓯᒪᔭᖏᑦ ᐃᓚᖏᑦ ᑲᔪᓯᓯᒪᔪᑦ, ᐃᓚᖏᒡᓗ ᑲᔪᓯᓯᒪᖏᒃᑲᓗᐊᖅᑎᓪᓗᒋᑦ, ᑭᓯᐊᓂ ᐳᐃᒍᖅᑕᐅᔾᔮᖏᑦᑐᐃᑦ ᐅᖃᐅᓯᕆᓯᒪᔭᖏᑦ, ᐅᖃᐅᓯᖏᓐᓇᖃᑦᑕᕐᓂᐊᖅᑐᐃᑦ. ᐊᒻᒪ, ᑖᓐᓇ ᒫᓐᓇ ᐱᓕᕆᔨᒋᓕᓵᖅᑕᕋ ᑏᓅ ᒪᑉᓕᒃ ᖁᔭᓐᓇᒦᒃ, ᑎᑎᕋᕐᕕᒻᒥ ᑲᒪᑦᑎᐊᖅᖢᓂ ᐊᔭᐅᖅᑐᐃᔨᒋᒋᒡᓗᒍ ᖃᓄᑐᐃᓐᓇᖅ. ᐊᒻᒪ ᓴᒡᓕᕐᒥ ᑕᐃᑲᓂ ᔪᐊᑕᓐ ᐃᒥᖅᑕᐅᑦ, ᖁᔭᒋᑦᑎᐊᖅᐸᒋᑦ ᐃᑲᔪᖅᑎᒌᓐᓇᖅᖢᒍ ᑐᓴᐅᒪᑏᓐᓇᖅᖢᓂᖓ ᐱᖃᑕᕐᒪᖔᖓ, ᖃᓄᐃᑉᐸᓪᓕᐊᓂᖏᓐᓂᑦ ᑕᐃᑲᓂ ᓴᒡᓕᕐᒥ. ᐊᒻᒪ ᐊᖏᔪᖅᑳᒃᑲ ᐅᖃᐅᔾᔨᒋᖃᑦᑕᕋᒃᑭᒃ ᐱᔭᕐᓂᖏᑦᑐᓂᑦ ᐃᓛᓐᓂᒃᑯᑦ ᐱᓕᕆᓕᕌᖓᑦᑕ, ᖃᓄᖅ ᐅᖃᐅᓯᒃᓴᒥᒃ ᓇᓗᓇᖅᓯᑎᒡᓗᒍ ᑕᕝᕙᓃᖏᒃᑲᓗᐊᕌᖓᑦᑕ ᖃᐅᔨᒪᖅᑰᔨᖃᑦᑕᕐᒪᑕ ᖃᓄᖅ ᐅᖃᕆᐊᖃᕐᒪᖔᑦᑕ. ᑖᒃᑯᐊ ᐃᓐᓇᐃᑦ ᓯᓚᑐᓂᖏᓐᓂ ᓴᖅᑭᔮᖅᑎᑦᓯᒻᒪᑦ ᑖᓐᓇ. ᖁᔭᒋᑦᑎᐊᐸᒃᑲ ᐊᓐᓇᖃᑎᒐ, ᐊᒻᒪ ᓗᐃᔅ. ᐊᑖᑕᑦᑎᐊᕋᓗ ᐃᓕᓐᓂᐊᖅᑎᑦᑎᔨᒋᓯᒪᒐᒃᑯ ᐃᓅᓯᐅ ᐃᓗᐊᓂ, ᓇᐅᔮᓂᓗ ᐃᓐᓇᐅᒫᖑᓕᖅᖢᓂ ᑖᓐᓇ ᖃᓄᒃᑲᓐᓂᖅ ᖁᔭᓕᓂᐊᕐᒪᖔᖅ ᓇᓗᒐᒪ ᐊᑖᑕᑦᑎᐊᒪ ᒥᑦᓵᓄᑦ, ᐃᓅᓯᕐᒥ ᐃᓕᓐᓂᐊᑎᑦᓯᒋᓯᒪᒐᒃᑯ ᐅᕿᑦᑐᒃᑯᑦ ᐊᒻᒪ ᐅᕿᖏᑐᒃᑯᑦ ᐊᔭᐅᖅᑐᐃᔨᒋᒡᓗᑎᒍ ᐱᓕᕆᔨᒋᓚᐅᕋᑦᑎᒍ, ᒫᓐᓇ ᓱᓕ ᐊᔪᓕᓕᕋᓗᐊᖅᑎᒡᓗᒍ ᐃᑲᔪᖅᑎᒋᖃᑦᑕᕋᑦᑎᒍ. ᓂᕈᐊᖅᑎᒋᓯᒪᔭᒃᑲ ᖁᔭᓐᓇᒦᒃ ᓴᒡᓕᕐᒥᐅᑦ ᐊᒻᒪ ᓇᐅᔮᕐᒥᐅᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑏᑦ ᐅᖃᐅᓯᖏᑦ. ᒪᓕᒐᓕᐅᖅᑎ ᐃᖃᓗᐃᑦ ᒪᓂᕋᔭᒻᒧᑦ, ᒥᔅᑕ ᓚᐃᑦᓯᑑᓐ. ᒪᓕᒐᓕᐅᖅᑎᐅᑉ ᐅᖃᐅᓯᖓ 933 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᐃᖃᓗᐃᑦ−ᒪᓂᕋᔭᒃ (ᓚᐃᑦᓯᑑᓐ)

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 12 ᓚᐃᑦᓯᑑᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑕᒪᐅᖓ ᑎᑭᑕᐃᓐᓇᕆᕗᒍᑦ ᑭᖑᓪᓕᖅᐹᒧᑦ 6−ᒋᓕᖅᑕᖓᓂ ᒪᓕᒐᓕᐅᖅᑏᑦ ᑲᑎᒪᔨᖏᓐᓂᑦ, ᕿᓚᒥᑯᓘᖅᑰᔨᔪᖅ ᑖᓐᓇ ᐱᔭᕇᖅᑐᒍᑦ. ᑭᓯᐊᓂ ᐊᒃᓱᐊᓗᒃ ᐊᒃᓱᕈᕐᓇᓚᐅᑲᖕᒪᑦ ᑕᕝᕙᓂ ᐊᕐᕌᒍᑦ ᑎᓴᒪᑦ ᐃᓗᐊᓂ, ᐅᓄᑲᒡᓚᒃᑐᑦ, ᐃᓛᒃ ᒪᓕᒐᓕᐅᖅᑎᐅᓪᓗᑕ ᐃᖅᑲᓇᐃᔮᕆᔭᕗᑦ ᑕᒫᓂ ᓄᓇᕗᒻᒥ, ᑖᒃᑯᓂᖓ ᑕᕝᕙᓃᑦᑐᐊᓐᓄᐃᓛᒃ ᑖᓐᓇ ᐊᒃᓱᕈᕐᓇᖅᑐᐊᓘᒻᒪᑦ ᒪᓕᒐᓕᐅᖅᑎᐅᓪᓗᓂ. ᐊᒃᓱᓪᓛᓗᒃ ᐅᐱᒍᓱᑉᐳᖓ, ᖁᕕᐊᓇᖅᖢᓂᓗ ᐃᖃᓗᐃᑦ ᒪᓂᕋᔭᕐᒥ ᑭᒡᒐᖅᑐᐃᔭᕆᐊᒃᓴᖅ ᐊᕐᕌᒍᓂᑦ 8−ᓄᑦ. ᑐᓴᖅᑎᑦᑎᓕᕇᓚᐅᕋᒪ ᖃᕋᓴᐅᔭᒃᑯᑦ ᖃᓄᐃᓐᓂᐊᕐᒪᖔᕐᒪ, ᑭᓯᐊᓂ ᐱᓪᓚᑦᑖᖑᔾᔮᖏᒻᒪᑦ ᑭᓯᐊᓂ ᑲᑎᒪᔾᔪᑎᕕᓂᕐᓃᓚᐅᕐᒥᖓ. ᐅᖃᒃᑲᓐᓂᕈᒪᔪᖓ, ᐅᐱᒍᓱᒃᖢᒐᓗ ᐃᖃᓗᓐᓂ ᐃᑲᔪᖅᑕᐅᕗᖓ ᐃᖃᓗᒻᒥᐅᑕᐅᔪᓂᑦ ᓂᕈᐊᕋᒃᓴᐅᑲᓐᓂᕈᒪᒐᒪ ᓄᓇᕗᒻᒧᑦ ᐃᑲᔪᖅᑐᐃᑲᓐᓂᕈᒪᓪᓗᖓ. ᑖᒃᑯᐊ ᐅᖃᖅᑏ, ᐱᒻᒪᕆᐊᓗᒻᒪᑕ ᐃᖅᑲᓇᐃᔭᖅᑎᕗᑦ. ᐊᒻᒪᓗᑦᑕᐅᖅ ᐱᕕᖃᖅᑎᑕᐅᔪᒪᓪᓗᖓ ᓂᕆᐅᑦᑎᐊᖅᐳᖓ, ᐃᓱᒪᒋᔭᒃᑲ ᑕᒪᒃᑯᐊ ᓂᕈᐊᖅᑎᒋᓂᐊᖅᑕᓐᓄᑦ ᐅᖃᐅᓯᕆᔪᒪᓪᓗᒋᑦ ᐱᓇᐊᓱᕈᓯᕐᓄᑦ ᑕᓪᓕᒪᓄᑦ ᐱᒻᒪᕆᐅᓂᐊᖅᑐᖅ ᓈᓚᒋᐊᒃᓴᖅ ᓯᕗᓪᓕᐅᑎᓯᒪᔭᖏᓐᓄᑦ ᓂᕈᐊᖅᑎᒋᓯᒪᔭᒃᑲ. ᒪᑐᓕᕐᓗᒍ, ᑕᐃᒃᑯᐊ ᓂᕈᐊᖅᑕᐅᑲᓐᓂᕋᓱᓐᓂᐊᖅᑐᖅ ᐱᓚᕿᖁᓇᖅᐳᓯ, ᑕᐃᒃᑯᐊᓗ ᐃᓱᒪᓕᐅᓚᐅᖅᑐᑦ ᓂᕈᐊᖅᑕᒃᓴᐅᖃᓐᓂᕈᒪᓇᑎᒃ, ᖁᔭᒋᑦᑎᐊᐸᒃᓯᒋᑦ ᐱᔨᔅᓯᑦᑎᐊᓚᐅᕋᕕᑦ. ᐊᒻᒪᓗᑦᑕᐅᖅ ᑕᐃᒃᑯᐊ ᓂᕈᐊᒐᒃᓴᐅᓂᐊᖅᑐᑦ ᓄᓇᕗᒻᒥ, ᐊᑎᕐᒥᓐᓂᑦ ᐃᓕᓯᓂᐊᖅᑐᑦ ᓂᕈᐊᒐᔅᓴᐅᓂᕐᒧᑦ ᖁᔭᓐᓇᒦᖅᐸᑦᓯᑦᑕᐅᖅ ᑕᐃᒪᓐᓇ ᑲᑉᐱᐊᓱᙱᖦᖢᓯ ᐱᒐᔅᓯ. ᒪᑐᓕᖅᑎᓪᓗᒍ, ᖁᔭᓐᓇᒦᕈᒪᕙᒋᑦ ᐅᖃᖅᑏ ᑭᖑᓪᓕᖅᐹᒥ ᓯᕗᒧᐊᑦᑎᐊᖁᓂᐊᖅᐸᒋᑦ ᖁᕕᐊᓱᓪᓗᑎᑦ ᓯᕗᒧᐊᓕᖅᑎᓪᓗᑎᑦ ᐃᓅᓯᕐᓂ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑏᑦ ᐅᖃᐅᓯᖏᑦ. ᒪᓕᒐᓕᐅᖅᑎ ᖃᒪᓂ’ᑐᐊᕐᒧᑦ, ᒥᔅᑕ ᓯᒪᐃᓚᒃ. ᒪᓕᒐᓕᐅᖅᑎᐅᑉ ᐅᖃᐅᓯᖓ 934 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᖃᒪᓂ’ᑐᐊᖅ (ᓯᒪᐃᓚᒃ) ᓯᒪᐃᓚᒃ: ᒪ’ᓇ, ᐅᖃᖅᑎᑦᑎᔩ. ᐅᑉᓗᒃᑯᑦ ᒪᓕᒐᓕᐅᖅᑎᐅᖃᑎᒃᑲ, ᖃᒪᓂᑦᑐᐊᕐᒥᐅᑕᓪᓗ ᐅᑉᓗᖃᑦᑎᐊᕐᓂᐊᖅᐳᓯ. ᐊᒻᒪᓗ ᑕᐃᒃᑯᐊ ᕿᓂᖅᑐᑦ ᓱᓕ ᐃᓱᒪᒋᕙᑉᓯ ᐃᓚᒋᔭᐅᔪᓪᓗ ᑕᐃᑉᑯᐊ, ᕿᓂᖅᑕᐅᔪᖅ. ᓇᐃᓈᑦᑎᕐᓂᐊᖅᐸᕋ, ᐃᑉᐸᒃᓴᖅ ᐅᖃᓗᖃᑦᑖᓚᐅᕋᒪ ᖃᓄ ᐃᓱᒪᒋᔭᖃᕐᒪᖔᕐᒫ. ᐅᖃᑉᑎᑦᓯᔩ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᕈᒪᔭᒃᑲ ᒪᓕᒐᓕᐅᖅᑎᐅᖃᑎᒃᑲ ᐊᕐᕌᒍᑦ ᑎᓴᒪᑦ ᐃᓗᐊᓂ ᒪᓕᒐᓕᐅᖅᑎᐅᖃᑎᒋᒐᑦᑎᒍ ᐃᓛᓐᓂᒃᑯᑦ ᐃᓚᑎᒍᑦ ᑕᓪᓕᒪᖓᓐᓂ. ᓂᕈᐊᕋᒃᓴᙳᖅᑐᖃᓚᐅᖅᓯᒪᒻᒥᒪᑦ ᐊᕐᕌᒍ ᐃᓗᐊᓂ ᑕᒪᐅᓇᑐᐃᓐᓇᖅ, ᐃᓕᑉᐹᓪᓕᖅᓯᒪᓪᓚᕆᒃᖢᖓᓗ. ᑕᒡᕙᓂ ᖁᔭᓐᓇᒦᒃᑲᓐᓂᖅᐳᖓ. ᐅᖃᖅᑏ, ᐃᓕᓐᓄᑦ ᖁᔭᓐᓇᒥᒃ ᐃᓂᖅᑎᕆᖃᑦᑕᕋᕕᑦ. ᐃᖅᑲᓇᐃᔭᖅᑎᑦᑎᓐᓄᓪᓗ ᑕᒫᓃᑦᑐᓄᑦ, ᐊᒻᒪ ᑕᑉᐹᓃᑦᑐᓂᑦ ᐱᖓᔪᖓᓐᓂ ᐃᑲᔪᖅᑐᐃᖏᓐᓇᑦᑎᐊᖃᑦᑕᒃᓯᒪᒻᒪᑕ ᐃᖅᑲᓇᐃᔭᖅᑕᑎᓐᓂᑦ ᑕᒫᓂ, ᑕᓚᕖᓴᒃᑰᖏᒃᑲᓗᐊᖅᑎᒡᓗᑕ ᐃᖅᑲᓇᐃᔭᖃᑦᑕᕐᒪᑕ ᖁᔭᓐᓇᒦᖅᐸᒃᑲ ᐊᑐᓂᑦ. ᑕᐃᒃᑯᐊᓗ ᑎᑭᑎᑦᑎᖃᑦᑕᖅᑐᑦ, ᐊᐅᓪᓚᖅᑎᑦᑎᖃᑦᑕᖅᑐᑦ ᑕᐃᒪᐃᑦᑐᓕᕆᔨᐅᔪᑦ ᖁᔭᓐᓇᒦᕆᕙᒃᑲ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 13 ᐊᒻᒪᓗᑦᑕᐅᖅ, ᑕᐃᒃᑯᐊ ᓂᕈᐊᒐᒃᓴᐅᒃᑲᓐᓂᔾᔮᙱᑦᑐᑦ ᓯᕗᒧᐊᑦᑎᐊᕐᓂᐊᖅᐳᓯ, ᐃᓅᓯᔅᓯᓐᓂ ᑭᓱᓕᕆᓐᓂᓕᕈᔅᓱ ᖁᔭᓕᑦᑎᐊᖅᐳᒍᑦ ᐃᑲᔪᖅᓱᐃᓯᒪᒐᔅᓯ ᑕᒫᓂ ᓂᕈᐊᖅᑕᐅᓯᒪᑎᓪᓗᑕ ᐊᒻᒪᓗᑦᑕᐅᖅ ᑕᐃᒃᑯᐊ ᓂᕈᐊᒐᒃᓴᐅᔪᑦ ᓯᕗᒧᐊᑦᑎᐊᖁᓪᓗᒋᑦ. ᐱᓕᕆᖁᕙᔅᓯ ᑕᐃᒫᒃ ᓂᕈᐊᒐᒃᓴᐅᑎᓪᓗᓯ ᓄᓇᕗᒻᒥ. ᐊᒻᒪᓗᑦᑕᐅᖅ ᐃᓚᒃᑲ ᖁᔭᓐᓇᒦᕈᒪᔭᒃᑲ ᐊᓈᓇᒃᑯᒃᑯ ᐊᑖᑕᒃᑯᒃᑲ ᑕᐃᕕᑦ ᐊᒻᒪ ᔫᓐ ᓯᒪᐃᓚᒃ ᐊᒻᒪᓗ ᒥᐊᕆᓕᓐ ᐊᐃᑉᐸᕋ ᖁᔭᓐᓇᒦᖅᐸᒋᑦ. ᐊᕐᕌᒍᑦ ᑕᓪᓕᒪᑦ ᐃᓗᐊᓂ ᑕᒪᓐᓇ ᖁᕕᐊᓇᓚᐅᖅᑐᖅ ᑭᓱᓂᒃ ᑐᙵᕕᒋᑦᑎᐊᓚᐅᕋᔅᓯ. ᖃᒪᓂᑦᑐᐊᕐᒥᐅᑦ, ᖁᔭᓐᓇᒦᒃ. ᑕᑎᒋᔭᐅᑦᑎᐊᕋᒪ ᐃᓕᔅᓯᓐᓄᑦ ᓂᐱᒋᔭᐅᓂᐊᖅᑎᓪᓗᖓ ᐊᕐᕌᒍᑦ ᐊᓪᓕᒪᑦ ᐃᓗᐊᓄᑦ, ᖁᔭᓐᓇᒦᒻᒪᕆᐊᓗᒃ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑎᑉ ᐅᖃᐅᓯᒃᓴᖓ. ᒪᓕᒐᓕᐅᖅᑎ ᐊᒡᒍᒧᑦ, ᒥᔅ ᖁᐊᓴ. ᒪᓕᒐᓕᐅᖅᑎᐅᑉ ᐅᖃᐅᓯᖓ 935 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᐊᒡᒍ (ᖁᐊᓴ) ᖁᐊᓴ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᕙᖓᑦᑕᐅᖅ ᖁᔭᓕᔪᒪᖕᒥᒐᒪ ᖁᔭᒋᔭᒃᓴᒃᑲ ᐅᓄᖅᑑᖕᒪᑕ. ᓯᕗᓪᓕᕐᒥ ᐃᒡᓗᓕᖕᒥᐅᑦ ᓂᕈᐊᖅᑎᒋᓯᒪᔭᒃᑲ ᖁᔭᒋᑦᑎᐊᖅᐸᒃᑲ. ᐃᒡᓗᓕᖕᒥᓪᓗ ᑲᑎᒪᔨᖏᑦ ᖁᔭᒋᒋᕙᒃᑲ ᑐᓴᕐᕕᒋᖃᑦᑕᓚᐅᕐᒥᒐᒃᑭᑦ ᐱᔪᒪᔭᖏᓐᓂᒃ ᐊᒻᒪ ᒪᓕᒐᓕᐅᖅᑎᐅᖃᑎᒃᑲ ᑕᒪᕐᒥᑦᑎᐊᖅ, ᖁᔭᒋᕙᔅᓯ. ᐃᓕᔅᓯᓐᓂᑦᑕᐅᖅ ᐃᓕᑦᑎᓯᒪᒐᒪ ᐅᓄᖅᑎᓂᒃ ᖃᓄᑐᐃᓐᓇᖅ ᐃᓕᔅᓯᓐᓂᙶᖅᑐᒥᒃ ᑎᒍᓯᓯᒪᕝᕕᒋᔭᐃᓐᓇᕐᕕᒋᖅᑰᓕᕐᒥᒐᔅᓯ. ᐊᒻᒪ ᐃᑲᔪᖅᑎᒋᔭᕋ ᒨᓯᔅ ᐃᖃᖅᓴᖅ ᐃᒡᓗᓕᖕᒥ ᖁᔭᒋᑦᑎᐊᖅᐸᕋ ᑐᓴᐅᑎᑦᑎᐊᖃᑦᑕᓚᐅᕐᒪᖓ. ᐱᓗᐊᖅᑐᒥᒡᓕ ᐃᓚᒃᑲ, ᕿᑐᕐᖓᒃᑲ, ᑕᐃᕕᑏᓐᓇ ᕿᓄᐃᓵᒃᑲᓪᓚᑯᓘᖕᒪᑦ ᕿᒪᒃᓯᒪᔅᓲᔮᓗᒃᐸᒃᑲᓗᐊᖅᖢᒍ ᐅᑕᖅᑭᑦᑎᐊᖃᑦᑕᕐᒪᑦ ᕿᑐᕐᖓᒃᑲᓗ ᐊᒃᓱᕈᕐᓇᖅᑐᒃᑰᕋᓗᐊᓕᕌᖓᒥᒃ ᐃᑲᔪᖅᑎᒌᓐᓇᖃᑦᑕᖅᐸᒃᑲ. ᐱᓗᐊᓛᖑᓪᓗᒍ ᐱᖃᒐ, ᓴᐃᒪᓐ. ᖁᔭᒋᑦᑎᐊᖅᐸᕋ ᐃᑲᔪᖅᑐᖃᑦᑕᕐᒫᖓ ᐊᒃᓱᕈᕐᓇᖅᑐᒃᑰᓕᕌᖓᒪᓗ ᖁᕝᕙᒃᓴᖅᐸᒃᖢᓂᖓ ᖁᔭᒋᓯᒪᑦᑎᐊᖅᐸᕋ. ᐅᖃᖅᑎᑦᑎᔩ, ᐊᕐᕌᒍᑦ ᑎᓴᒪᑦ ᐊᑐᓵᖅᑕᕗᑦ ᓲᕐᓗ ᐊᕐᕌᒍ ᐊᑕᐅᓯᖅ. ᐱᓇᓱᐊᖅᓯᒪᔭᒃᑲ, ᐱᓇᓱᐊᕆᓯᒪᔭᒃᑲ, ᑐᒃᓯᕌᕆᓯᒪᔭᒃᑲ ᐃᓚᖏᑦ ᒐᕙᒪᒃᑯᓐᓂᑦ ᑐᓴᖅᑕᐅᖃᑦᑕᖅᓯᒪᖕᒪᑕ ᖁᔭᓐᓇᒦᒃ. ᓲᕐᓗ ᐃᒡᓗᑖᒃᑲᓐᓂᕐᓂᕐᒧᑦ ᐆᒻᒪᖅᑯᑎᖃᕐᓂᕐᒧᑦ ᒥᑦᑕᕐᕕᐅᑉ ᐃᓯᕆᐊᕐᕕᐊ ᐱᒡᒐᖅᑐᓄᑦ ᒪᔪᕋᐅᑎ. ᐊᓯᖏᓪᓘᒐᓗᐊᖅ. ᑭᓯᐊᓂ ᓱᓕ ᐃᒡᓗᓕᖕᒥ ᓴᖅᑭᑦᑕᕆᐊᓖᑦ ᐅᓄᕐᒪᑕ. ᒪᑯᓂᖓ ᓱᓕ ᐱᔭᕆᐊᖃᒃᑲᓐᓂᕋᓗᐊᕐᓂᕐᒥᖕᒪᑦ ᐊᖏᓂᖅᓴᒥᒃ ᐅᑕᖅᑭᕕᖕᒥᒃ, ᓄᑖᖑᓂᖅᓴᒥᒃ ᐃᓕᓐᓂᐊᕐᕕᖕᒥᒃ, ᕿᒫᕝᕕᖕᒥᓗ ᐊᒻᒪ ᓘᒃᑖᖅᑖᕆᐊᖃᖅᖢᑕ, ᐆᑮ ᔮᓐ, ᒥᔅᑕ ᒪᐃᓐ. ᑕᐃᒪ ᓱᓕᐅᒐᓗᐊᖅ. ᑖᒃᑯᐊ ᑕᐃᕙᒃᑲ ᑭᓯᐊᓂ ᑖᒃᑯᐊᖑᒐᓗᐊᖅᑎᓪᓗᒋᑦ ᐅᖃᖅᑎᑦᑎᔩ, ᐱᓕᕆᔪᒪᔭᒃᑲ ᐃᑲᔪᕈᑎᒋᔪᒪᔭᒃᑲ ᓱᓕ ᑕᕝᕙᐅᖕᒪᑕ ᐱᐊᓂᒐᓱᒋᙱᓐᓇᒪ ᓇᓗᓇᐃᖦᖤᖅᐳᖓ ᐆᒃᑐᒃᑲᓐᓂᕈᒪᓂᐊᕐᓂᓐᓂᒃ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑎᑉ ᐅᖃᐅᓯᖏᑦ. ᒪᓕᒐᓕᐅᖅᑎ ᐊᕐᕕᐊᑦ ᓂᒋᐊᓄᑦ, ᒥᔅᑕ ᓴᕕᑲᑖᖅ. ᒪᓕᒐᓕᐅᖅᑎᐅᑉ ᐅᖃᐅᓯᖓ 936 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᐊᕐᕕᐊᑉ ᓂᒋᐊ (ᓴᕕᑲᑖ) ᓴᕕᑲᑖᖅ: ᒪ’ᓇ, ᐅᖃᖅᑏ. ᐊᕐᕕᐊᕐᒥᐅᑦ, ᐅᑉᓗᒃᑰᑦᓯᐊᖅᐸᑉᓯ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 14 ᐊᓱᐃᓪᓛᒃ; ᐃᓱᐊ ᑕᕝᕙᐅᓕᖅᐳᖅ. ᒪ’ᓈᕈᐊᖅᑐᖓᑦᑕᐅᖅ ᐊᕐᕕᐊᕐᒥᐅᑕᓗᒃᑖᑦᓯᐊᒥᐊᑦ ᒪ’ᓈᖅᐸᒃᑲ. ᐅᑭᐅᑦ ᖁᓕᓪᓗ ᒪᕐᕉᓪᓗ ᑕᕝᕙᓂ ᐱᓕᕆᓯᒪᓕᕋᒪ, ᐱᖓᓱᐃᖅᖢᖓ ᑕᕝᕗᖓ ᐃᑎᖅᑎᑕᐅᓯᒪᒐᒪ ᐊᕐᕕᐊᓄᑦ, ᓂᕈᐊᖅᑎᒋᔭᒃᑲ ᐊᕐᕕᐊᕐᒥᐅᓗᒃᑖᑦᓯᐊᒥᐊᑦ ᒪ’ᓈᖅᐸᒃᑲ. ᐊᒻᒪ ᐃᓚᒃᑲ, ᐃᓚᓗᒃᑖᒃᑲ. ᓄᓕᐊᕋ ᓲᓴᓐ ᓴᕕᑲᑖᖅ, ᒪ’ᓇ, ᐃᕐᓂᕋ ᔫ ᓄᑲᖅᑎᖅ, ᒪ’ᓈ. ᐊᒻᒪ ᐃᕐᓂᒃᑲᓐᓂᕋ ᔭᐃᒥ ᓴᕕᑲᑖᖅ, ᔭᐃᒥᖅᖤ’ᓈᖁᑎᒐ, ᐊᒻᒪ ᐸᓂᒐ ᐅᐃᓐᑎ ᓴᕕᑲᑖᖅ, ᐸᓂ’ᓈᕋ. ᑖᒃᑯᐊᓗᒃᑖᑦ ᐅᕙᓐᓂᒃ ᐃᑲᔪᐃᓐᓇᓱᕐᒪᑕ ᑐᙵᕕᐅᓱᕐᒪᑕ. ᐊᒻᒪ ᑖᓐᓇ ᐱᓕᕆᒋᔭᕋᑦᑕᐅᖅ ᑎᑎᕋᕐᕕᖕᒥ ᐊᕐᕕᐊᓂ ᓂᒃ ᐊᕐᓈᓗᒡᔪᐊᖅ, ᐅᑭᐅᑦ 12 ᑕᐃᑲᓃᑦᑐᑦ. ᐱᓕᕆᑦᓯᐊᔫᓪᓗᐊᓚᐅᕋᕕᑦ ᓂᒃ, ᒪ’ᓈᖅᐸᒋᑦ. ᑕᐃᒪᙵᑦ ᓂᕈᐊᖅᑕᐅᒐᒪ ᐊᑕᐅᓯᕐᒥᒃ ᑕᐃᑲᓂ ᐊᕐᕕᐊᓂ ᐱᓕᕆᔨᖃᖅᑐᖓ, ᑕᐃᑲᓃᖏᓐᓇᖅᑕᖅᖢᓂ. ᒪ’ᓇ. ᐊᒻᒪ ᐅᓂᒃᑳᕆᔭᐅᓪᓗᖓ ᑖᓐᓇ ᐱᖓᓱᐃᖅᖢᓂ ᑕᕝᕙᓃᓕᕋᑦᑕ (ᑐᓵᔨᑎᒎᓕᖅᑐᖅ) ᒪᕐᕉᖕᓂᒃ ᐅᖃᐅᓯᖃᕋᑦᑕ ᒫᓐᓇ ᐅᖃᐅᓯᖃᓕᕋᑦᑕ ᒪᕐᕉᖕᓂᒃ ᓱᖅᑯᐃᔪᓇᕐᓂᐊᕋᔅᓯ. ᐅᖃᓪᓚᒃᐳᖓ ᓯᕗᓪᓕᖅᐹᒥ ᓂᕈᐊᖅᑕᐅᒋᐅᓚᐅᖅᓯᒪᒐᒪ ᑎᓴᒪᖓᓐᓂᒃ ᑲᑎᒪᔨᐅᑎᓪᓗᒋᑦ ᒪᓕᒐᓕᐅᖅᑎᐅᖃᑕᐅᓪᓗᖓ, ᒥᓂᔅᑕᓄᑦ ᐃᓚᒋᔭᐅᓪᓗᖓ. ᕌᓐ ᖁᔭᓐᓇᒦᖅᐸᕋ ᐃᑲᔪᖃᑦᑕᖅᓯᒪᖕᒪᑦ ᒥᓂᔅᑕᐅᖃᑕᐅᑎᓪᓗᖓ. ᒪᓕᒐᓕᐅᖅᑏᓪᓗ ᐃᓕᑉᐹᓪᓕᕆᐊᖃᓚᐅᕋᑦᑕ ᒪᓕᒐᓕᐅᖅᑎᐅᓂᕐᒧᑦ ᖃᓄᖅ ᐱᓕᕆᓲᖑᖕᒪᑕ. ᑕᒻᒪᖅᐸᒃᑲᓗᐊᖅᖢᑕ ᐃᓕᑉᐹᓪᓕᖃᑦᑕᕋᑦᑕ ᑕᒻᒪᕐᓂᑦᑎᓐᓂᒃ ᓯᕗᒧᐊᒃᐸᓪᓕᐊᑐᐃᓐᓇᖃᑦᑕᖅᐳᒍᑦ. ᑕᓪᓕᒪᒋᓕᖅᑕᖓᓂ ᒪᓕᒐᓕᐅᖅᑏᑦ ᑲᑎᒪᔨᖏᓐᓂ ᒥᓂᔅᑕᐃᑦ ᑲᑎᒪᔨᖏᓐᓃᓚᐅᕋᒪ ᓯᕗᓕᖅᑎᐅᓪᓗᖓ. ᖁᔭᓐᓇᒦᕈᒪᔭᒃᑲ ᑐᐊᑲᔅ, ᑐᐊᑲᔅ ᐃᖅᑲᓇᐃᔮᖃᑦᑕᖃᑦᑕᓚᐅᕐᒪᑦ ᑖᒃᑯᐊ ᑭᖑᕙᖅᓯᒪᙱᓪᓗᑎᒃ ᑭᓱᑐᐃᓐᓇᐃᑦ ᐱᔭᕇᖅᑕᐅᖁᓪᓗᒋᑦ ᐊᒻᒪ ᐃᖅᑲᓇᐃᔮᖓ ᐊᖏᓂᖅᐹᖑᓚᐅᖅᑐᖅ ᑖᓐᓇ ᖁᖓᓯᕈᕋ ᐅᕗᓂᕈᕐᓄᑦ ᑕᖅᓴᖓ ᒪᓕᑦᑎᐊᖃᑦᑕᖁᓪᓗᒍ. ᐊᒻᒪᓗ ᑲᐃᑦ ᐱᐅᓯᑎᑦᑎᖃᑦᑕᓚᐅᕐᒪᑦ ᐅᕙᓐᓂᒃ ᐊᒻᒪ ᑐᓴᖅᓴᐅᖁᔨᓪᓗᓂ ᑭᓯᐊᓂ ᐅᐃᕖᑎᑐᑦ ᐅᖃᓕᒫᕈᓐᓇᖅᓯᓚᐅᙱᑦᑐᖓ ᑭᓯᐊᓂ. ᕗᔨᓂᐊ ᐃᖅᑲᓇᐃᔮᖃᓚᐅᕐᒪᑦ ᑕᐃᒃᑯᐊ ᖃᑦᑎᕆᔨᐅᓂᕐᒥᒃ ᖃᒥᑎᖃᑦᑕᖅᖢᓂ ᐃᑯᐊᓪᓚᓕᖅᑐᓂᒃ. ᐃᓛᓐᓂᒃᑯᑦ ᐊᖏᔪᐊᓗᖕᒥᒃ ᓄᓇᓯᐅᑎᖃᕆᐊᖃᖃᑦᑕᓚᐅᖅᑐᖅ ᖃᑦᑎᕆᓂᕐᒧᑦ ᑭᓯᐊᓂ ᑕᐃᒪᓐᓇ ᐃᖅᑲᓇᐃᔭᐃᓐᓇᖃᑦᑕᓚᐅᕐᒪᑦ. ᖁᔭᓐᓇᒦᒃ, ᕗᔨᓂᐊ. ᐊᒻᒪᓗ ᕌᓐ, ᕌᓐ ᐃᖅᑲᓇᐃᔭᖃᑦᑕᓚᐅᕐᒪᑦ ᐊᒃᓱᕈᖅᖢᓂ, ᐅᕙᖓ ᐊᒃᓱᕈᓗᐊᖃᑦᑕᕐᓂᐊᙱᓐᓇᒪ ᐃᖅᑲᓇᐃᔭᕐᓗᖓ. ᐊᒻᒪᓗᑦᑕᐅᖅ ᐱᖓᔪᒋᓕᖅᑕᖓᓂ ᓂᕈᐊᖅᑕᐅᒐᒪ ᒪᓕᒐᓕᐅᖅᑎᑐᐃᓐᓇᐅᓕᕋᒪ. ᒪᓕᒐᓕᐅᖅᑎᓕᒫᑦ ᖁᔭᓐᓇᒦᖅᐸᒃᑲ ᒥᓂᔅᑕᐃᓪᓗ ᑲᑎᒪᔨᖏᑦ ᐃᖅᑲᓇᐃᔭᖃᑎᖃᖃᑦᑕᕐᒪᑕ ᐃᓛᓐᓂᒃᑯᑦ, ᓱᖅᑯᐃᖅᓯᔪᖓᐃᓛᒃ ᐃᓛᓐᓂᒃᑯᑦ, ᐊᔭᐅᖅᑐᐃᒃᑲᓪᓛᓘᖃᑦᑕᕋᒪ. ᐊᒻᒪᓗᑦᑕᐅᖅ ᖁᔭᓐᓇᒦᖅᐳᖓ ᑎᑎᕋᖅᑏᑦ ᑎᑎᕋᕐᕕᖓᓂ ᐅᖃᐅᔾᔨᒋᐊᖃᑦᑕᖅᓯᒪᖕᒪᑦ ᖃᓄᐃᓕᐅᕆᐊᖃᕐᒪᖔᑦᑕ ᐊᒻᒪᓗᑦᑕᐅᖅ ᖃᐅᔨᓴᖅᑏᑦ. ᑕᐃᒃᑯᐊ ᐊᑕᐅᓯᕐᒥᒃ ᑐᓂᒍᕕᑦ ᒪᒃᐱᒐᓂᒃ 8ᓂᒃ ᐊᐱᖅᑯᑎᒃᓴᓂᒃ ᑐᓂᓯᖃᑦᑕᕐᒪᑕ, ᐊᒃᓱᐊᓗᒃ ᐊᔪᙱᑦᑐᑦ. ᒪᑐᓕᕐᓗᒍ, ᐃᖅᑲᓇᐃᔭᖅᑕᕗᑦ ᑕᕝᕙ ᐱᐅᕋᑖᖑᕗᖅ. ᐊᕐᕌᒍ 12 ᐊᑯᓂᐊᓘᖅᑐᖅ. ᐊᑯᓂᐊᓘᒐᓗᐊᖅ ᕿᓚᒥᑯᓘᖅᑰᔨᔪᖅ ᑭᓯᐊᓂ. ᐃᓐᓇᑐᖃᐃᑦ ᐊᕐᕕᐊᓂ ᐃᓅᔪᓐᓃᖅᓯᒪᔪᑦ ᑕᐃᒪᙵᑦ ᓂᕈᐊᖅᑕᐅᓚᐅᖅᓯᒪᒐᒪ. ᓄᑖᓪᓗ ᐃᓅᕋᑖᖅᑐᑦ ᐃᓄᖅᑐᑦ ᑭᓇᒃᑰᖕᒪᖔᑕᓘᓐᓃᑦ ᖃᐅᔨᒪᔪᓐᓃᖅᑕᒃᑲ, ᐅᓄᖅᑐᐊᓗᐃᑦ ᑭᓯᐊᓂ. ᒪᑐᓕᕐᓗᒍ, ᖁᔭᓐᓇᒦᒃ ᐊᕐᕕᐊᕐᒥᐅᑦ. ᐊᒻᒪᓗ ᓂᕈᐊᓕᖅᐸᑕ ᓂᕈᐊᒐᒃᓴᐅᒃᑲᓐᓂᔾᔮᙱᑦᑐᖓ. ᖁᔭᓐᓇᒦᒃ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑎᑉ ᐅᖃᐅᓯᖏᑦ. ᒪᓕᒐᓕᐅᖅᑎ ᐅᖅᑯᕐᒥᐅᓄᑦ, ᒥᔅ ᕿᓕᖅᑎ. ᒪᓕᒐᓕᐅᖅᑎᐅᑉ ᐅᖃᐅᓯᖓ 937 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᐅᖅᑯᕐᒥᐅᑦ (ᕿᓕᖅᑎ)

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 15 ᕿᓕᖅᑎ: ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᐱᓗᐊᖅᑐᒥᑦᑕᐅᖅ ᖁᔭᓐᓇᒦᕈᑎᔅᓴᖃᕐᒥᒐᒪ ᐃᓕᔅᓯᓐᓄᑦ ᐃᑲᔪᖅᑕᐅᓯᒪᒐᒪ ᐊᖏᔪᐊᓗᒻᒥᒃ ᑕᕝᕙᓂ. ᐃᓚᓐᓇᕆᔭᖅᑖᖅᑐᖓᓗ ᐃᓕᔅᓯᓐᓂᒃ ᑐᑭᓕᐊᖅᓯᑎᑕᐅᕙᑦᑐᖓᓗ, ᖁᔭᓐᓇᒦᒃ. ᑕᕝᕙᓂ ᐃᓪᓗᕐᔪᐊᒦᓛᒃ ᐱᓕᕆᑎᓪᓗᑕ, ᐊᒥᓱᓂᒃ ᐊᔾᔨᒌᙱᑦᑐᓂᒃ ᐱᓕᕆᖃᑦᑕᓚᐅᕋᑦᑕ ᐊᔅᓱᕈᕐᓇᖅᑐᓂᒃ, ᖁᕕᐊᓇᖅᑐᓂᓗ ᐊᒻᒪ ᐊᓚᒃᑲᐃᓂᖅᑕᖃᖃᑦᑕᖅᑐᓂ ᑕᕝᕙᙵᑦ ᒪᓕᒐᓕᐅᕐᕕᒻᒥ ᒥᓂᔅᑕᐃᑦ ᑲᑎᒪᔨᖏᓐᓂᙶᖅᑐᒥᒃ ᓴᖅᑮᒐᐃᒻᒪᑕ ᖁᕕᐊᓇᖅᑐᓂᒃ ᖁᕕᐊᓇᓪᓚᕆᑦᑐᓂᒃ, ᑮᓇᐅᔭᓂᓪᓗ ᓴᖅᑮᒐᐃᒐᔅᓯ, ᖁᕕᐊᑦᑕᕐᓇᖃᑦᑕᓚᐅᕐᒪᑦ ᐊᖏᕐᕋᓛᓕᕈᒪᓵᖅᑐᓂ ᑐᓂᓯᓵᖅᑐᓂᓘᓐᓃᑦ ᑐᓴᕋᔅᓴᓂᒃ. ᐅᓇ ᑐᓴᖅᑎᑕᑎᓵᕈᖅ ᓴᖅᑭᖅᑕᐅᕋᑖᕐᒪᑦ, ᐃᒪᐃᓕᐅᖅᑎᓪᓚᕆᐊᓘᓚᐅᕋᒪ. ᖁᔭᓐᓇᒦᓪᓚᕆᒃ ᑭᒡᒐᑐᖅᑕᒃᑲ ᐱᑦᑎᐊᕋᔅᓱᐊᖏᓐᓇᓚᐅᕋᒃᑭᑦ ᐅᕙᖓ ᐊᔪᙱᑕᖓᒍᑦ. ᑖᒃᑯᐊ ᐊᕐᕌᒍᑦ ᑎᓴᒪᐃᑦ, ᐊᑕᐅᓯᖅ, ᒪᕐᕉᒃ, ᐱᖓᓱᑦ, ᑎᓴᒪᑦ, ᑎᓴᒪᐃᑦ. ᐅᐱᒍᓱᑦᑐᖓ ᓇᖏᖅᓯᒐᐃᒻᒪᑦ ᑕᕝᕙᓂᓪᓗ ᑭᒡᒐᖅᑐᒋᐊᕐᓂᕆᓚᐅᖅᑕᓐᓂᒃ ᕿᑭᖅᑕᕐᔪᐊᒥᐅᓂᒃ, ᑲᖏᖅᑐᒑᐱᒻᒥᐅᓂᓪᓗ. ᓇᓗᓇᓚᐅᖅᑑᒐᓗᐊᖅ ᓄᓇᒋᓚᐅᖅᓯᒪᙱᑕᓐᓂᒃ ᑭᒡᒐᖅᑐᐃᒋᐊᒥᒃ ᐃᓄᖏᓪᓗ ᖃᐅᔨᒪᓇᒋᑦ ᐊᒥᓱᑦ ᑕᑉᐹᓂ ᑲᖏᖅᑐᒑᐱᒻᒥ ᑭᓯᐊᓂ ᑐᙵᓱᑦᑎᑕᐅᓂᕐᒧᑦ. ᓇᓗᓇᐃᔭᐃᕕᐅᖃᑦᑕᓂᕐᒥᓪᓗ ᐊᐱᖅᓱᕐᓂᕐᒥᓪᓗ ᓈᓚᐅᑎᒃᑰᖃᑦᑕᓂᕐᒧᑦ ᓈᓚᐅᑎᒃᑯᑦ ᓈᓚᐅᑎᒃᑯᑦ ᑕᐃᒫᒃ ᑭᓯᐊᓂᐅᕙᓚᐅᕋᒪ. ᑕᒪᓐᓇ ᐊᔅᓱᐊᓗᒃ ᐳᓛᕆᐊᖅᐸᑦᑐᖓᓗ. ᖁᔭᓐᓇᒦᒃ ᑲᖏᖅᑐᒑᐱᒻᒥᐅᑦ. ᐅᖃᖅᑏ, ᑕᕝᕙᓂ ᐊᒥᓱᓂᒃ ᖃᓄᑐᐃᓐᓇᖅ ᐱᖁᔭᓂᓪᓗ ᐊᒻᒪᓗ ᑮᓇᐅᔭᓂᒃ ᑲᔪᓯᑎᑦᑎᓂᕐᒥᒃ ᐊᑐᖃᑕᐅᖃᑦᑕᓚᐅᕋᒪ ᑐᑭᓯᒐᓱᐊᖃᑕᐅᕙᑦᑐᖓᓗ. ᑕᐃᒪᐃᓐᓂᑯᖓᓄᑦ ᑕᕝᕙᓂ ᐃᓚᒋᔭᐅᒋᐊᒥᒃ ᒪᓕᒐᓕᐅᕐᕕᒻᒥ ᓯᕗᓪᓕᖅᐹᒥ ᐊᕐᕌᒍᓄᑦ ᑎᓴᒪᓄᑦ ᖁᕕᐊᑦᑐᖓ ᐃᑲᔪᕈᓐᓇᑕᒃᑯᑦ, ᐱᔪᓐᓇᑕᒃᑯᑦ ᐃᑲᔪᕈᓐᓇᓚᐅᕋᒪ. ᐱᓇᓱᐊᕈᓐᓇᖅᑐᖓᓗ ᐱᓗᐊᖅᑐᒥᓪᓗ ᑕᕝᕙᓂ ᓇᖏᕆᐊᓕᖅᑎᓪᓗᑕ ᐃᒫᓪᓚᕆᒃ ᒥᑭᔫᑎᓄᑦ ᓱᓇᐃᑦ ᖃᐅᔨᒪᔭᒃᑲ ᑐᓴᐅᒪᖃᑦᑕᖅᑕᒃᑲ ᑲᔪᓯᓚᐅᕐᒪᑕ, ᐃᓅᔪᖅᓯᐅᑏᑦ, ᓂᕿᑖᕈᑎᑖᖃᑦᑕᕐᓂᐊᕐᒪᑕ ᐊᔪᖅᓴᕈᓐᓃᖅᐸᓪᓕᕈᑎᒃᓴᓂᒃ. ᑕᒪᒃᑯᓂᖓ ᒥᑭᔫᑎᓂᒃ ᐱᒋᐊᓚᐅᕋᑦᑕ ᑭᒡᒐᖅᑐᖅᑕᒃᑲᓗ ᑕᒪᓐᓇ ᐅᓪᓗᒥᐅᓕᖅᑐᖅ ᒥᑭᓪᓕᓯᒪᔪᒻᒪᕆᐅᓕᕐᖓᑦ ᐅᐱᒍᑎᒋᓪᓚᕆᑦᑕᕋ. ᖁᔭᓐᓇᒦᒃ ᑲᖏᖅᑐᒑᐱᒻᒥ ᕼᐋᒻᒪᓚᖏᑦ, ᕿᑭᖅᑕᕐᔪᐊᕐᒥᓪᓗ. ᕼᐋᒻᒪᓚᖏᑦ ᐱᓕᕆᖃᑎᒌᖃᑦᑕᓚᐅᕋᑦᑕ ᐅᖃᖃᑎᒌᑉᐸᑦᑐᑕᓗ, ᐃᑲᔪᖅᑎᒌᑦᑐᑕᓗ. ᐱᓗᐊᙳᐊᖅᑐᒥᓪᓗᑦᑕᐅᖅ ᐃᒫᒃ ᐊᔅᓱᕈᖃᑦᑕᓚᐅᕐᒥᔪᖓ ᓄᓇᓕᐅᑉ ᓄᓇᖃᕐᕕᒋᙱᑕᕋ ᓈᓚᐅᑎᒃᑯᑦ ᐃᖅᑲᓇᐃᔭᖅᑎᖁᑎᒐ ᔪᐊᓯ ᐃᒃᑲᕐᕆᐊᓗᒃ ᐱᓯᑎᒻᒪᕆᐅᓗᒻᒥᒃ ᐃᖅᑲᓇᐃᔭᖅᑎᖁᑎᖃᕋᒪ ᑕᑉᐱᑲᓂ. ᑕᕝᕙᓃᓕᖅᑎᓪᓗᖑ ᓈᓚᐅᓯᕆᒋᐅᒻᒪᕆᑦᑐᖅ, ᓈᓚᐅᑎᒃᑯᑦ ᐅᖃᖅᑎᑦᑎᖃᑦᑕᖅᑐᓂᖓ ᐊᖏᕐᕋᖅᓯᒪᑎᓪᓗᖓ ᐊᔪᐃᓐᓇᕋᓐᓄᒃ. ᐱᒡᒐᓇᓚᐅᕋᓗᐊᖅᑎᓂ ᐊᖅᑯᑎᖏᓪᓗ ᔭᒐᑉᐸᑦᑐᑎᒃ ᑲᔪᓯᕙᑦᑐᑕ ᑕᐃᒫᖑᓚᐅᕐᖓᑦ, ᖁᕕᐊᒋᓚᐅᖅᑕᕋ ᑕᒪᓐᓇ. ᐃᒫᓪᓚᕆᒃ ᐊᖏᔫᑏᑦ, ᐊᖏᔫᑏᑦᑕᐅᖅ ᓄᓇᓕᓐᓂ ᓴᖅᑭᕆᐊᓖᑦ ᑕᒪᓐᓇᐅᒐᓗᐊᖅᑎᓪᓗᒍ, ᑕᒪᒃᑯᐊ ᐊᓯᖏᑦ ᐋᓐᓂᐊᕕᔅᓴᐃᓪᓗ ᑲᔪᓯᒍᓐᓇᓚᐅᕐᒪᑕ. ᐊᓯᖏᑦ ᐊᒥᓱᐊᓘᙱᑦᑑᒐᓗᐊᖅ ᑭᓯᐊᓂ ᐅᑉᐱᕈᓱᑦᑐᖓ ᒪᑐᐃᕈᔾᔨᓚᐅᖅᑐᖓ ᑕᕝᕙᓂ. ᒪᓕᒐᓕᐅᖅᑎᐅᓛᖅᑐᒧᑦ ᑲᔪᓯᑎᑕᐅᔪᓐᓇᖅᑐᒋᓛᖅᑕᓐᓂᒃ ᐅᑉᐱᕆᔭᖏᓐᓂᒃ ᑭᒡᒐᖅᑐᖅᑕᒪ ᑖᔅᓱᒥᖓ ᐅᐱᒍᓱᑦᑐᖓ ᒪᑐᐃᕈᔾᔨᒋᐊᒥᒃ ᐃᑯᖓ ᑕᑯᓐᓇᕆᐊᔅᓴᖅ ᐱᐅᒋᒐᒃᑯ. ᐅᕗᖓᐅᙱᑦᑐᖅ. ᑖᓐᓇ ᐱᔾᔪᑎᒋᓪᓗᒍ ᑕᕝᕙᓂ ᑲᔪᓯᑎᑕᐅᖁᒥᓇᓛᖅᑐᐃᑦ ᑕᐃᒃᑯᐊ ᐅᖃᐅᓯᕆᖃᑦᑕᓚᐅᖅᑕᒃᑲ ᐊᖏᔫᑏᑦ ᓴᖅᑭᕆᐊᓖᑦ ᓱᓇᐃᑦ ᐃᓂᓪᓚᒋᐊᖃᕐᓂᕗᑦ ᐱᔾᔪᑎᒋᓪᓗᒍ ᑭᒡᒐᖅᑐᖅᑕᓐᓂᒃ. ᐃᒫᓪᓚᕆᒃ ᖁᔭᓕᕗᖓ ᑕᕝᕙᓃᖃᑕᐅᒋᐊᒥᒃ, ᐱᖃᑕᐅᒋᐊᒥᒃ ᐃᓱᓕᑦᑎᖃᑕᐅᒋᐊᒥᓪᓗ ᖁᔭᓐᓇᒦᖅᑐᖓ. ᐃᖅᑲᓇᐃᔭᖅᑎᖁᑎᒃᑲᓗ ᖁᔭᒋᓪᓗᒋᑦ ᑕᒪᔅᓱᒥᖓ ᑲᔪᓯᓯᒪᒐᑦᑕ. ᑕᐃᒫᑦᑕᐅᖅ ᑕᕝᕙᐅᕗᑏᖅᑲᔅᓯ. ᑕᐃᒃᑯᐊ ᐃᓱᓕᑦᑎᔪᑦ, ᐆᒥᖓ ᐃᓕᓐᓂᐊᖅᑎᓯᒪᓪᓚᕆᒃᑳᖓ ᔫ ᓴᕕᑲᑖᑉ ᐊᖏᔪᒥᒃ. ᐅᖃᐅᑎᑦᑕᐃᓕᙱᑦᑐᓂᖓᓗ, ᓂᑲᒋᖃᑦᑕᓚᐅᙱᒃᑳᖓ. ᐅᐊᒋᓗᐊᖃᑦᑕᓚᐅᕐᒥᔭᕋ ᐃᓕᓗᐊᓚᐅᖅᑎᓐᓇᖓ ᐸᑦᑎᒫᓪᓚᕆᒃ ᐃᑉᐱᒍᓱᑦᑐᖓ,

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 16 ᔪᐊᔾᑯᓐᓄᑦ ᐃᒫᓪᓚᕆᐊᓗᒃ, ᑕᒻᒪᕉᓐᓃᖅᑎᑕᐅᓪᓗᖓ ᑕᐃᒪᐃᑦᑑᖃᑦᑕᖅᐸᓚᐅᕋᒪ ᒫᓂ ᐃᔅᓯᕚᖅᑎᐅᑎᓪᓗᖓ. ᖁᔭᓐᓇᒦᖅᑲᔅᓯ, ᐃᓕᑉᐹᓪᓕᖅᑐᖓᓗ. ᐊᒻᒪ ᑕᐃᒪᓐᓇ ᐅᑉᐱᕆᔭᐅᒍᒪ ᓂᕈᐊᕋᔅᓴᐅᓂᕐᒥᒃ ᐊᑎᓐᓂᒃ ᑐᓂᓯᒃᑲᓐᓂᕆᐊᕐᓂᐊᖅᐳᖓ ᒪᑐᐃᑐᐊᖅᐸᑦ ᑕᐃᑲᓂ ᓇᒡᒐᔾᔭᐅᖑᓛᖅᑐᒥ. ᐸᕐᓇᔅᓯᒪᕗᖓ ᐊᑎᕋ ᑐᓂᓂᐊᕋᒃᑯ. ᐱᔭᕇᙱᓐᓇᒪ ᑭᓯᐊᓂ ᓂᕈᐊᖅᑏᑦ ᐃᓱᒪᖅᓱᕐᓂᐊᕐᒥᒻᒪᑕ. ᖁᔭᓐᓇᒦᖅᑲᔅᓯ, ᑕᕝᕙᐅᕗᑏᖅᑐᓯᓗ. ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑎᑉ ᐅᖃᐅᓯᖏᑦ. ᒪᓕᒐᓕᐅᖅᑎ ᖁᕐᓗᖅᑑᕐᒧᑦ, ᒥᔅᑕ ᐊᓇᕕᓗᒃ. ᒪᓕᒐᓕᐅᖅᑎᐅᑉ ᐅᖃᐅᓯᖓ 938 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᖁᕐᓗᖅᑐᖅ (ᐊᓇᕕᓗᒃ) ᐊᓇᕕᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓪᓗᒃᑰᖅᐸᒃᑲ ᖁᕐᓗᖅᑑᕐᒥᐅᑕᐃᑦ, ᒪᓕᒐᓕᐅᖅᑎᐅᖃᑎᒃᑲᓗ. ᐅᖃᐅᓯᕆᒍᒪᔭᕋ ᖁᕕᐊᓱᑦᑐᖓ ᖁᕐᓗᖅᑐᕐᒥᐅᓂᒃ ᐃᑲᔪᕈᓐᓇᐸᒃᑲᒪ. ᐄ, ᑕᕝᕘᓇ ᐃᑲᔪᑦᑎᐊᕋᓱᐊᖃᑦᑕᖅᓯᒪᒐᒪ ᖁᔭᓐᓇᒦᓪᓚᕆᑦᑖᓗᒋᕙᒃᑲ. ᓂᕈᐊᕋᔅᓴᐅᒃᑲᓐᓂᕋᓱᓛᖅᑐᖓ ᒪᓕᒐᓕᐅᖅᑎᒧᑦ. ᐅᖃᖅᑏ, ᖁᔭᓐᓇᒦᖅᑲᒋᑦ ᐃᓘᓐᓇᓯ, ᒥᓂᔅᑕᐃᓪᓗ ᐃᖅᑲᓇᐃᔭᖅᑎᖏᓪᓗ ᐃᑲᔪᖃᑦᑕᓚᐅᕐᖓᑕ ᖁᕐᓗᖅᑑᕐᒥ. ᐊᒻᒪ ᕿᑐᕐᖓᒃᑲ ᐃᑲᔪᖅᑎᒃᑲᓗ ᖁᔭᓐᓇᒦᖅᑲᒃᑲ. ᐊᒥᓱᐊᓘᒐᓗᐊᑦ ᐊᒥᓱᑲᓪᓚᓂᒃ ᐱᓕᕆᐊᖃᖅᓯᒪᒐᓗᐊᖅᑐᒍᑦ ᖁᕐᓗᖅᑑᕐᒥ ᓱᓕ ᐱᔭᔅᓴᓕᐊᓘᒐᑦᑕ ᒪᓕᒐᓕᐅᖅᑎᒧᑦ ᓂᕈᐊᕋᔅᓴᐅᒃᑲᓐᓂᓛᖅᑐᖓ. ᐅᖃᖅᑎᓗ ᖁᔭᓐᓇᒦᖅᑲᕋ ᐃᑲᔪᖃᑦᑕᓚᐅᕐᖓᑦᑕᐅᖅ, ᑎᑎᕋᖅᑎᓗ, ᐃᖅᑲᓇᐃᔭᖅᑎᖏᓪᓗ. ᐱᓕᕆᑦᑎᐊᖃᑦᑕᓚᐅᕐᖓᑕ ᐹᓂᓗ ᖁᑦᑎᓂᖅᓴᒥ ᐊᓪᓚᕝᕕᓖᑦ ᐃᑲᔪᓪᓚᕆᖃᑦᑕᓚᐅᕐᖓᑕ. ᐱᔭᕆᐊᑐᓯᒪᔫᒐᓗᐊᖅ ᑭᓯᐊᓂ ᐃᑲᔪᕈᒪᒐᒃᑯ ᓄᓇᓕᒐ. ᓄᓇᕗᓪᓗ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑎᑉ ᐅᖃᐅᓯᖏᑦ. ᒪᓕᒐᓕᐅᖅᑎ ᐃᖃᓗᐃᑦ ᑕᓯᓗᒻᒧᑦ, ᒥᔅᑕ ᕼᐃᒃᔅ. ᒪᓕᒐᓕᐅᖅᑎᐅᑉ ᐅᖃᐅᓯᖓ 939 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᐃᖃᓗᐃᑦ−ᑕᓯᓗᒃ (ᕼᐃᒃᔅ) ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖃᓄᐃᓕᒋᐊᔅᓴᖅ ᓇᓗᓕᕈᔪᒻᒪᕆᑦᑐᖓ ᑖᒃᑯᐊ ᐅᖃᖅᑕᐅᖃᑦᑕᕋᑖᖅᑐᐃᑦ ᐅᖃᒃᑲᓐᓂᖅᑲᒃᑲ. ᐅᕙᓂ ᕿᕕᐊᕋᖅᑐᓂᒃ ᐊᔾᔨᒌᙱᑐᕈᓘᔮᓘᒐᑦᑕ ᖃᓄᖅ ᐱᕈᖅᓴᔭᐅᓐᓂᕐᒪᖔᑦᑕᓗ, ᐊᑐᖅᓯᒪᔭᕗᓪᓗ, ᐊᔾᔨᒌᙱᑐᕈᓘᔮᓘᓪᓗᑎᒃ ᐅᕗᖓ ᓇᔅᓴᐸᒃᑲᑦᑎᒍᑦ. ᓇᑭᑐᐃᓐᓈᕋᓗᐊᕈᕕᑦ, ᖃᓄᕐᓗ ᐊᔪᙱᒍᑎᖃᕋᓗᐊᕈᕕᑦ ᐅᕗᖓ ᐃᑲᔫᑎᖃᖃᑦᑕᖅᓯᒪᒐᔅᓯ ᖁᔭᒋᔭᐃᓐᓇᓪᓚᕆᒋᕙᔅᓯ. ᖃᐅᔨᒪᒐᒪ ᑕᕝᕙᓂ ᐱᒐᓇᖅᑐᖅᓯᐅᖃᑦᑕᕋᓗᐊᖅᑐᒍᑦ ᑭᓯᐊᓂᓕ ᐱᔭᕇᓕᕐᓗᑕ ᐃᑉᐱᒍᓱᑦᑎᐊᕐᓗᑕ ᕿᕕᐊᖃᑦᑕᐅᑎᒍᓐᓇᖅᑐᒍᑦ. ᖃᐅᔨᒪᔪᐃᓐᓇᐅᒐᑦᑕ ᐃᖅᑲᓇᐃᔮᕗᑦ ᐱᔭᕆᐊᑐᔪᐊᓘᒻᒪᑦ ᐅᕙᑦᑎᓐᓄᑐᐊᖑᙱᑦᑐᖅ, ᐃᓚᑦᑎᓐᓄᓪᓗ. ᐅᖃᖅᑏ, ᐅᕙᒍᓪᓗᑦᑕᐅᖅ ᐅᖃᖃᑎᒌᖃᑦᑕᖅᓯᒪᕋᑖᓚᐅᕐᒥᒐᓐᓄᒃ ᐊᒻᒪ ᑖᓐᓇ ᐅᖃᖅᑎᐅᓂᕆᔭᐃᑦ ᑲᒪᒋᑦᑎᐊᓪᓚᕆᑦᑖᓗᒋᒐᕕᐅᒃ ᖁᔭᒋᕙᒋᑦ, ᐃᓅᓱᓐᓂᖅᓴᐅᓪᓗᖓᖃᐃ ᐅᖃᑦᑎᐊᕋᓱᒋᐊᖃᖅᑐᖓ, ᐃᓕᓐᓂᒃ ᐅᐱᒍᓱᓪᓚᕆᒃᑲᒪ. ᐅᖃᖅᑏ, ᐱᒍᓐᓇᕋᔭᓚᐅᙱᑕᕗᑦ ᐃᓚᕗᑦ ᐃᑲᔪᖅᓰᖃᑦᑕᓚᐅᙱᑉᐸᑕ, ᓄᓕᐊᕋ ᐃᑲᔪᖅᓰᔪᖅ 2013ᒥᓂᑦ. ᖃᑦᑏᓐᓇᕈᓘᓪᓗᑕ ᐅᕙᓂ ᐱᖓᓱᐊᖅᑎᖅᑐᑕ ᓂᕈᐊᖅᑕᐅᓯᒪᓕᕋᑦᑕ. ᐅᓂᒃᑳᓕᒫᕋᓗᒃᑲᐃᒃᓛᒃ ᐅᖃᐅᓯᕆᔾᔮᙱᑕᒃᑲ, ᐅᓂᒃᑳᔅᓴᕋ ᓱᓕ ᐃᓱᓕᙱᒻᒪᑦ. ᐊᑎᕋ ᑐᓂᒃᑲᓐᓂᕐᓂᐊᕐᒥᔭᕋ. ᓄᓕᐊᕋ ᖁᔭᓐᓇᒦᓪᓚᕆᒍᒪᔭᕋ ᑕᐃᓪᓚᕆᓪᓗᒍ 2013ᒥᓂᑦ ᐃᑲᔪᖅᓰᔨᑦᑎᐊᕚᓗᒋᓯᒪᒐᑦᑎᒍᑦ ᐸᓂᕗᓪᓗ ᒥᑭᓐᓂᖅᓴᐅᑎᓪᓗᒋᑦ. ᒪᕐᕉᓐᓂᒃ ᒫᓃᑦᑐᖃᕐᖓᑦ ᒪᕐᕉᓪᓗ ᖃᓪᓗᓈᓃᑦᑐᑎᒃ ᐃᓕᓐᓂᐊᕆᐊᖅᓯᒪᔫᒃ. ᑕᐃᒫᒃ ᕿᑐᕐᖓᒃᑲ ᐱᕈᐊᓯᒪᑎᓪᓗᒋᑦ ᐊᓂᐊᓯᒪᓕᖅᑎᓪᓗᒋᓪᓗ ᐃᓚᖏᑦ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 17 ᐃᓕᓴᖅᓯᒋᐊᖃᕋᑦᑕ ᐱᓕᕆᐊᕆᔭᑦᑎᓐᓂᒃ ᒪᓕᒐᓕᐅᖅᑏᑦ ᒥᓂᔅᑕᐃᑦ ᑲᑎᒪᔨᖏᓐᓃᖃᑕᐅᖃᑦᑕᖅᓯᒪᒐᒪ. ᒪᓕᒐᓕᐅᖅᑎᑐᐃᓐᓇᐅᖃᑦᑕᖅᓯᒪᓪᓗᖓᓗ. ᐊᑐᖅᓯᒪᔭᒃᑲ ᑖᒃᑯᐊ ᓇᔅᓴᙳᓱᒻᒥᒐᒃᑭᑦ ᒪᓕᒐᓕᐅᕐᕕᒻᒧᑦ. ᐊᒻᒪ ᖁᔭᓐᓇᒦᕈᒪᔭᒃᑲ ᑭᒃᑯᓕᒫᓄᑦ ᒪᑐᐃᖓᖃᑦᑕᖅᓯᒪᒐᒪ ᖃᓄᑐᐃᓐᓇᑦᑎᐊᖅ. ᐃᓛᓐᓂᒃᑯᑦ ᓈᒻᒪᔅᓴᙱᒃᑲᓗᐊᖅᑎᓪᓗᓯ ᐅᐸᖃᑦᑕᖅᓯᒪᒐᒪ ᖁᔭᓕᕙᔅᓯ ᐅᕙᓃᒍᓐᓇᖅᑎᑕᐅᓯᒪᒐᑦᑕ ᐊᒻᒪᑦᑕᐅᖅ ᑲᔪᓯᒍᒪᓪᓚᕆᓐᓂᐊᖅᑐᖓ ᑭᒡᒐᖅᑐᐃᓗᖓ ᓂᕈᐊᖅᑎᒋᓯᒪᔭᓐᓂᒃ ᐱᔪᓐᓇᕐᓂᓕᒫᒃᑯᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑎᑉ ᐅᖃᐅᓯᖏᑦ. ᒪᓕᒐᓕᐅᖅᑎ ᐃᖃᓗᐃᑦ ᓯᓈᓄᑦ, ᒥᔅ ᐳᕉᔅᑐ. ᒪᓕᒐᓕᐅᖅᑎᐅᑉ ᐅᖃᐅᓯᖓ 940 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᐃᖃᓗᐃᑦ−ᓯᓈ (ᐳᕉᔅᑐ) ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐱᒋᐊᖅᑳᕈᒪᔪᖓ ᖁᔭᓐᓇᒦᕐᓗᑎᑦ ᐃᕝᕕᑦ, ᐅᖃᖅᑏ. ᑐᑭᒧᐊᒃᑎᑦᑎᑦᑎᐊᖃᑦᑕᕋᕕᑦ ᐊᒻᒪ ᑲᒪᑦᑎᐊᕋᓱᓐᓂᕆᕙᑦᑕᐃᑦ. ᐄ’, ᐃᖅᑲᓇᐃᔮᖅ ᑖᓐᓇ ᐃᓕᓐᓄᑦ ᑐᓂᔭᕋ ᑲᒪᒋᑦᑎᐊᖃᑦᑕᕋᕕᐅᒃ ᑐᓂᔪᔭᕗᑦ ᑲᒪᒋᑦᑎᐊᖃᑦᑕᕋᕕᐅᒃ. ᖁᔭᓐᓇᒦᒃ ᑕᒪᔅᓱᒧᖓ, ᐅᖃᖅᑏ. ᐊᒻᒪᑦᑕᐅᖅ ᐱᒻᒪᕆᐊᓘᒻᒪᑕ ᐱᓕᕆᖃᑎᒌᒍᓐᓇᕐᓂᕗᑦ ᒪᓕᒐᓕᐅᖅᑎᑐᐃᓐᓇᐅᓪᓗᑕ ᐊᒻᒪᓗ ᒥᓂᔅᑕᐃᑦ ᑲᑎᒪᔨᖏᓐᓃᑦᑐᐃᑦ, ᐅᓪᓗᐃᑦ ᐱᔭᕆᐊᑐᖃᑦᑕᓚᐅᖅᑐᐃᑦ ᐅᖃᖃᑎᒌᖃᑦᑕᖅᑐᑕ, ᐋᖅᑮᖃᑦᑕᖅᑐᑕᓗ. ᐃᓛᓐᓂᒃᑯᑦ ᐊᑭᕋᖅᑐᖃᑦᑕᐅᑎᓂᐅᓴᑲᐃᓐᓇᖅᐸᓚᐅᕋᑦᑕ ᑭᓯᐊᓂ ᐊᓂᒍᖅᓯᒪᒐᒃᑯ ᐊᑐᖅᓯᒪᒐᒃᑯ. ᐃᑉᐸᔅᓴᕐᓗᑦᑕᐅᖅ ᐱᔭᕇᕋᑦᑕ ᐃᔅᓯᕙᓂᕆᔭᑦᑎᓐᓂ ᒪᓕᒐᓕᐅᖅᑎᐅᖃᑎᒐ ᑎᐱᑦᑎᐊᕋᔅᓴᐅᑎᒥᒃ ᑎᒻᒥᑳᖅᑎᑦᑎᓚᐅᕐᖓᑦ ᐊᓪᓚᕝᕕᖓᓂ ᐊᔾᔨᒌᙱᑦᑐᓂᒃ ᓂᕈᐊᕐᓂᖃᓚᐅᕋᓐᓄᒃ ᖁᖓᓐᓇᑐᐃᓐᓇᑲᐃᓐᓇᓚᐅᕐᒥᒻᒪᑦ ᑖᓐᓇ ᐅᖃᐅᓯᕆᕈᒪᕋᑖᕋᒃᑯ. ᑖᓐᓇ ᐱᒻᒪᕆᐅᓯᒪᒻᒪᑦ ᐅᕙᓐᓄᑦ, ᐊᖏᖃᑎᒌᙱᒍᓐᓇᕋᑦᑕ ᐊᒻᒪ ᓂᑯᕕᒍᑎᖃᕈᓐᓇᖅᑐᑕ ᐅᑉᐱᕆᔭᕗᑦ ᐅᖃᐅᓯᕆᓗᒋᑦ ᐊᒻᒪ ᐱᖃᑎᒌᖏᓐᓇᕐᓗᑕᓗ ᑕᐃᒪᐃᓕᐅᖃᑦᑕᕋᓗᐊᖅᑎᓪᓗᑕ. ᖁᔭᓐᓇᒦᖅᑲᔅᓯ ᒪᓕᒐᓕᐅᖅᑎᐅᖃᑎᒋᓚᐅᖅᑕᒃᑲ ᐊᒻᒪ ᖃᓄᐃᙱᑦᑎᐊᓛᖅᑯᓯ ᓯᕗᓂᕆᓛᖅᑕᔅᓯᓐᓂ ᐱᓕᕆᐊᕆᓛᖅᑕᔅᓯᓐᓄᑦ ᓂᕈᐊᖅᑕᐅᓯᒪᓂᕐᒥᒃ ᓄᖅᑲᕈᔅᓯᓘᓐᓃᑦ, ᐊᑏᓪᓘᓐᓃᑦ ᑐᓂᒃᑲᓐᓂᕐᓂᐊᕈᕕᐅᒃ. ᐅᐱᒍᓱᓪᓚᕆᒃᑲᒪ ᖁᔭᓕᓪᓗᖓᓗ ᐃᑲᔪᖅᓯᖅᑕᐅᓯᒪᓪᓚᕆᒃᑲᒪ ᓂᕈᐊᖅᑎᒋᓯᒪᔭᓐᓄᑦ. ᐅᐱᒋᓂᖅᐹᕆᓯᒪᔭᕋ ᐱᔨᑦᑎᕋᕐᓂᖅ ᐅᕙᖓ ᓂᕈᐊᖅᓯᒋᓯᒪᔭᖏᓐᓂᒃ ᓄᓇᓕᓐᓂᓪᓗ, ᐆᒻᒪᑎᓐᓂᙶᓪᓚᕆᑦᑐᒥᒃ ᖁᔭᓕᔭᒃᑲ ᑕᑎᒋᔭᐅᒍᓐᓇᓚᐅᕋᒪ. ᐅᑉᐱᕆᔭᐅᒍᓐᓇᖅᑐᖓ ᐊᒻᒪᓗ ᐱᓂᐊᕐᓂᕋᔪᔭᒃᑲ ᑕᐃᒪ ᐱᔨᑦᑎᕋᕐᓗᖓ ᓱᓕᑦᑎᐊᕋᓱᓪᓗᖓ ᑕᐃᒪᐃᒐᓱᔅᓯᒪᔫᔮᕋᒪ ᐊᒻᒪ ᐊᐅᓚᑦᑎᑦᑎᐊᖏᓐᓇᖃᑕᐅᒍᒪᓪᓗᖓ ᑲᑎᒪᔨᑎᑐᑦ ᐊᒻᒪ ᐊᔾᔨᓕᐅᕆᑏᑦ ᓵᖓᓂ ᐅᕝᕙᓘᓐᓃᑦ ᑕᑯᔅᓴᐅᙱᓪᓗᑕ ᑕᐃᒪᐃᓕᐅᑦᑎᐊᕋᓱᖃᑦᑕᖅᓯᒪᒐᒪ. ᑕᕝᕙᓂᑦᑕᐅᖅ ᐃᓘᓐᓇᓯᑦᑕᐅᖅ ᑲᔪᖅᓯᖅᑕᐅᖃᑦᑕᖅᓯᒪᓂᕋᕋᑖᕋᔅᓯ ᐃᓚᔅᓯᓐᓄᑦ ᓄᓇᕗᒻᒥᐅᓂᒃ ᐱᓕᕆᔾᔪᔾᔨᑎᓪᓗᓯ, ᑕᐃᒪᐃᒻᒥᒐᒪᑦᑕᐅᖅ. >>ᐸᑦᑕᒃᑐᖅᑐᑦ ᐳᕉᔅᑐ (ᑐᓵᔨᑎᒍᑦ): ᑎᑎᕋᖅᑎᒥᓂᖅ ᐃᓯᕐᖓᑦ. ᒪᒥᐊᓇᖅ, ᐅᐊ ᖁᕕᖓᒋᔭᖅᐸᑯᓘᔮᑲᐃᓐᓇᖅᑐᖓ. >>ᐃᒡᓚᖅᑐᑦ ᐳᕉᔅᑐ (ᑐᓵᔨᑎᒍᑦ): ᐱᕕᖃᖅᐳᒍᖅ ᓱᓕ. ᐊᒻᒪ ᖃᐅᔨᒪᓂᐊᕋᔅᓯ ᑖᓐᓇ ᐅᐱᒋᓪᓚᕆᑦᑕᕗᑦ ᑎᑎᕋᖅᑎᒥᓂᖓ ᒪᓕᒐᓕᐅᕐᕕᐅᑉ, ᐃᓯᕋᑖᕐᖓᑦ ᔮᓐ ᑰᒃ. ᐊᒻᒪ ᐅᖃᐅᑎᒍᓐᓇᕆᔅᓯ ᐅᓘᓐᓇᓯ ᐅᐱᒍᓱᓪᓚᕆᓪᓗᖓ ᒥᔅᑕ ᔮᓐ ᑰᒃ ᐃᓅᓯᓕᒫᖅ ᐃᓚᒋᔭᐅᓕᖅᑐᕉᖅ ᒪᓕᒐᓕᐅᕐᕕᒻᒥ ᑎᑎᕋᖅᑎᓄᑦ ᐃᓅᓯᓕᒫᖅ ᑎᑎᕋᖅᑎᐅᑎᑕᐅᓂᐊᓕᖅᑐᖅ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 18 >>ᐸᑦᑕᑐᖅᑐᑦ ᐳᕉᔅᑐ (ᑐᓵᔨᑎᒍᑦ): ᒫᓐᓇ ᐊᓕᐊᓇᐃᒍᓱᑲᓚᐅᕐᖓᑦ, ᑐᙵᓱᒋᑦ ᐃᕝᕕᑦ ᐃᓪᓗᖁᑎᖓᓄᑦ, ᒥᔅᑕ ᑰᒃ. ᖁᕕᐊᓇᖅᐳᖅ ᑕᑯᒋᐊᔅᓴᖅ ᐃᓕᓐᓂᒃ. ᐅᖃᕋᑖᕋᒪᐃᓛᒃ ᐃᑲᔪᖅᓯᖅᑕᐅᓪᓗᓂ ᐃᓚᑦᑎᓐᓄᑦ ᐱᒻᒪᕆᓪᓚᕆᐊᓘᒻᒪᑦ. ᐊᓈᓇᒐᓗ ᐸᑎ ᐳᕉᔅᑐ. ᐸᑎ ᐴᑉ ᐴᑉ ᐴᑉ ᐳᕉᔅᑐ. ᓂᕈᐊᖅᑕᐅᒍᒪᓚᕿᓕᖅᑎᓚᐅᖅᓯᒪᒻᒫᖓ ᐊᒻᒪ ᐅᖃᓚᐅᖅᓯᒪᒻᒪᑦ ᑲᑎᖃᑎᒌᑲᐃᓐᓇᓂᐊᖅᑳᖓ ᐊᓂᓂᐊᕋᓐᓄᒃ ᔮᓐ ᐊᒪᕈᐊᓕᒻᒥᒃ ᑕᑯᔭᖅᑐᕐᓗᓄᒃ ᑕᐃᔅᓱᒪᓂ ᔮᓐᑯᒃ ᐊᓈᓇᒃᑯᒃᑲᓗ ᐅᖃᐅᔾᔨᓚᐅᖅᓯᒪᒻᒪᑕ ᐅᕙᓐᓂᒃ ᓂᕈᐊᕋᔅᓴᐅᓛᕋᕕᑦ. ᖁᔭᒋᔭᒃᑲ ᐅᑉᐱᕈᓱᒍᓐᓇᔪᒻᒪᑎᒃ ᐅᕙᓐᓂᒃ ᐊᒻᒪ ᐊᔾᔨᙳᐊᒐᓛᓗᐃᑦ ᑏᕖᒥ ᕿᒻᒥᙳᐊᖅᑎᓪᓗᒍ ᐅᖃᖅᑎᓪᓗᖓ ᑕᐃᒪᒐᓚᐅᒻᒥᒻᒪᑕᑦᑕᐅᖅ. ᐊᓈᓇᒃ ᖁᔭᓐᓇᒦᒃ ᐃᑲᔪᖅᓯᖃᑦᑕᓚᐅᕋᕕᑦ, ᐊᑖᑕᒐᓗ ᑕᐃᕕᑦ ᐳᕉᔅᑐ. ᑕᑯᓐᓈᖃᑦᑕᓚᐅᕐᒥᒻᒪᑦᑕᐅᖅ, ᐊᓈᓇᒐᓗ. ᖁᔭᓐᓇᒦᒃ ᐃᑲᔪᖅᓯᖅᓯᒪᒐᔅᓯ. ᓴᐳᕇᓇ, ᐋᓯᕙᒃ, ᔭᐃᑯ, ᒪᐃᐅᓪᔅ ᐊᒻᒪ ᐱᖃᑎᐊᓗᒐ ᑕᓂᐅᓪ ᐊᒻᒪ ᐃᓪᓗᑯᓗᒐ ᐳᕋᓐᑕ. ᐅᖃᐅᓯᔅᓴᖃᐃᓐᓇᖃᑦᑕᓚᐅᕐᖓᑦ ᐅᕙᓃᓚᐅᖅᑎᓪᓗᖓ. ᖁᔭᓐᓇᒦᒃ ᐃᑲᔪᖃᑦᑕᖅᓯᒪᒐᕕᖓ. ᓇᓪᓕᒋᔭᐃᓐᓇᕆᕙᔅᓯ ᐆᒻᒪᑎᓕᒫᓐᓂᒃ, ᐊᒡᓛᑦ ᐅᕙᖓ ᑭᖑᖓᓃᑦᑕᖅᑐᖏᓐᓂᓪᓗ ᑕᖅᑑᒃᑲᓗ. ᐅᖃᖅᑏ, ᓄᓇᖅᑲᑎᒌᓕᒫᑦ ᐱᕈᖅᓴᐃᓲᖑᒻᒪᑕ ᓱᕈᓯᓛᓂᒃ. ᐃᕐᓂᕋ ᒪᐃᐅᓪᔅ ᐃᓕᓐᓂᐊᕐᕕᐊᓗᖕᒥ ᐱᒋᐊᕋᑖᑦᑎᐊᔪᒻᒪᑦ ᓂᕈᐊᖅᑕᐅᑎᓪᓗᑕ ᐊᒻᒪ ᖁᔭᒋᓪᓚᕆᑦᑕᒃᑲ ᐃᓕᓴᐃᔨᖏᑦ ᑐᑭᒧᐊᒃᑎᑦᑎᔨᖏᓪᓗ, ᐃᑲᔪᖅᑎᖏᓪᓗ. ᑲᑐᔾᔨᓪᓗᑎᒃ ᐃᑲᔪᓲᑦ ᐃᓄᒃᓱᒃ ᐃᓕᓐᓂᐊᕐᕕᐊᓗᖕᒥ ᐊᒻᒪᑦᑕᐅᖅ ᓯᐊᕐᕆᔮᕐᓂᕐᒥᒃ ᓱᒃᑲᓕᓂᑭᓴᐅᑎᖃᑎᒋᓲᖏᑦ. ᐊᓈᓇᒃᑯᖏᑦ ᐊᖓᔪᖅᑳᖏᓪᓗ ᐃᑲᔪᖅᑎᖏᓪᓗ ᐱᓯᒪᑎᑦᑎᑦᑎᐊᖃᑦᑕᔪᒻᒪᑕ ᐃᕐᓂᓐᓂᒃ ᒪᐃᐅᓪᔅᒥᒃ. ᖁᔭᓐᓇᒦᒃ. ᐊᒻᒪ ᐅᖃᐅᓯᕆᕋᑖᕐᒥᔭᕋ ᒥᔅᑕ ᑰᒃ ᑕᕝᕙᓃᒻᒪᑦ. ᐄ, ᑕᒫᓂ ᓴᓂᐊᓃᒍᓐᓇᕈᓘᔭᖅᐸᓚᐅᕐᒥᒐᒪᑦᑕᐅᖅ ᓴᓕᐸᓗᒌᑦᑐᓄᒃ ᐅᐃᓐᑎᓗ ᓴᓂᓕᕇᓕᕋᓐᓄᑦ. ᒥᔅᑕ ᑯᒃ ᑖᓐᓇ ᑐᑭᒧᐊᒃᑎᑦᑎᑦᑎᐊᓪᓚᕆᑉᐸᓚᐅᕐᖓᑦ ᐊᒻᒪ ᐃᓱᒪᔅᓴᔅᓯᐅᕈᑎᒋᑦᑎᐊᖅᓯᒪᔭᒥᓂᒃ ᐅᖃᐅᔾᔨᒋᐊᕈᑎᖃᖅᐸᑦᑐᓂ. ᐊᓪᓛᑦ ᒫᓐᓇ ᓯᑏᕙᓐ ᐃᓄᒃᓱᒃ ᑎᑎᕋᖅᑎᒋᓕᖅᑕᕗᑦ ᐃᓕᓴᕆᒻᒥᔭᕋ. >>ᐸᑦᑕᑐᖅᑐᑦ ᐳᕉᔅᑐ (ᑐᓵᔨᑎᒍᑦ): ᖂᔪᕐᓗ. ᐊᒻᒪ ᐅᐃᓐᑎᑦᑕᐅᖅ ᐅᐱᒋᓪᓚᕆᒻᒥᔭᕋ. ᖁᔭᓐᓇᒦᒃ. ᖃᐅᔨᓴᖅᑎᕗᓪᓗ ᓴᕚᓐ ᐅᕙᓃᑉᐸᓪᓚᐃᙱᑦᑑᒐᓗᐊᖅ. ᑕᐃᓐᓇᑦᑕᐅᖅ ᓄᖅᑲᖅᓂᐅᔭᕋᓕᕐᒥᒻᒪᑦ ᐃᓐᓇᐅᓂᕐᒥᓄᑦ ᐃᑲᔪᖅᓯᑦᑎᐊᖅᓯᒪᓪᓚᕆᒻᒪᑦ ᐅᕙᑦᑎᓐᓂᓕᒫᕌᓗᒃ ᒪᓕᒐᓕᐅᖅᑎᑐᐃᓐᓇᐅᔪᓂᒃ, ᐊᕐᕌᒍᒐᓚᓐᓂᒃ. ᐊᒻᒪ ᐋᓚᒃᔅ, ᓇᑖᓕᐊᓗ, ᓂᑲᓇᒻᒪᕆᒃᑲᔅᓯ ᐊᔪᙱᓐᓇᔅᓯ. ᑕᐃᒪ ᓯᓚᑐᕙᓗᑦᑎᑦᑎᖃᑦᑕᕋᕕᑦ ᐊᐱᖅᑯᑎᓕᐊᕆᓯᒪᔭᔅᓯᓐᓄᑦ. ᐊᒻᒪᑦᑕᐅᖅ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᐅᖃᐅᑎᒍᒪᔭᒃᑲ ᐊᕐᕌᒍᓂᒃ ᐊᓂᒍᖅᓯᒪᔪᓂᒃ ᐊᒥᓱᓂᒃ ᐃᖅᑲᓇᐃᔭᖃᑎᖃᖃᑦᑕᖅᓯᒪᒐᒪ ᐊᒻᒪ ᑲᔪᖏᖅᓯᐃᖅᑕᐅᖃᑦᑕᖅᓯᒪᓪᓗᖓ ᑲᑎᒪᓐᓇᐅᑎᓪᓗᒍ ᑭᖑᓂᖓᒍᓪᓗ. ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᐃᒻᒥᓂᒃ ᑕᑯᓐᓇᕆᐊᓖᑦ ᐅᕙᓂ ᐊᐃᕙᔾᔪᑕᐅᖃᑦᑕᓚᐅᖅᑐᓂᒃ ᑕᐃᑲᙶᖅᓯᒪᓲᖑᒻᒪᑕ ᐃᖅᑲᓇᐃᔭᖅᑎᖏᓐᓂᑦ ᐃᓚᖏᑦ. ᐊᔅᓱᕈᖃᑦᑕᖅᓯᒪᒻᒪᑕ ᖃᐅᔨᒪᒐᒪ ᐊᒻᒪᓗ ᐃᓛᓐᓂᒃᑯᑦ ᑲᑕᔾᔫᒥᓇᕐᒥᔪᖅ ᐊᑭᕋᖅᑐᖅᑕᐅᓪᓗᓂ ᓴᖅᑭᖅᓯᒐᓱᑦᑐᓂ. ᐊᑭᕋᖅᑐᖅᑕᐅᒐᓗᐊᕐᓗᓂ ᑐᑭᒧᐊᑦᑎᑦᑎᒍᑎᒋᔪᓐᓇᕋᔅᓯᐅᒃ ᐊᒻᒪᑦᑕᐅᖅ ᐱᓕᕆᐊᕆᔭᔅᓯ ᐱᒻᒪᕆᐊᓗᐃᑦ ᑐᑭᒧᐊᑦᑎᐊᓂᖅᓴᐅᒍᓐᓇᖅᑐᑦ ᐊᑭᕋᖅᑐᖅᑕᐅᒐᓗᐊᕈᔅᓯ ᐊᑲᐅᙱᓕᐅᕈᑎᓂᒃ ᐋᖅᑭᒃᑎᕆᒍᓐᓇᕋᔅᓯ. ᖁᔭᓐᓇᒦᕈᒪᕙᔅᓯᓗ ᐃᓕᔅᓯ. ᐅᖃᖅᑏ, ᑕᐃᒃᑯᐊ ᑕᐅᕝᕙᐅᕗᑏᕈᒪᓪᓗᒋᑦ ᓂᕈᐊᒐᔅᓴᐅᒃᑲᓐᓂᔾᔮᙱᑦᑐᑦ ᐱᔨᑦᓯᑦᓯᐊᓚᐅᕐᒥᒐᔅᓯ ᖁᔭᓐᓇᒦᒃ. ᓂᕈᐊᒐᔅᓴᐅᒃᑲᓐᓂᕐᓂᐊᖅᑐᑦ ᑲᔪᓯᑦᓯᐊᖁᒥᓇᕐᓂᐊᖅᐳᓯ, ᐅᑎᒃᑲᓐᓂᓛᖁᒥᓇᕆᓪᓗᓯᓗ ᓂᕈᐊᕐᓇᐅᓚᐅᖅᑎᓪᓗᒍ. ᐅᕙᓐᓄᑦᑕᐅᖅ ᐃᖃᓗᐃᑦ ᓯᓈᓄᑦ ᓂᕈᐊᒐᒃᓴᒃᑲᓐᓂᕐᓂᐊᕋᒪ. ᖁᔭᓐᓇᒦᒃ, ᐅᖃᖅᑏ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 19 ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑎᑉ ᐅᖃᐅᓯᖏᑦ. ᒪᓕᒐᓕᐅᖅᑎ ᕿᑭᖅᑖᓘᑉ ᓂᒋᐊᓄᑦ, ᒥᔅᑕ ᔪᐊᓇᓯ. ᒪᓕᒐᓕᐅᖅᑎᐅᑉ ᐅᖃᐅᓯᖓ 941 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᕿᑭᖅᑖᓘᑉ ᓂᒋᐊ (ᔪᐊᓇᓯ) ᐊᖓᔪᖅᑳᖅ ᑕᐃᕕᑦ ᔪᐊᓇᓯ: ᓇᑯᕐᒦᒃ ᐅᖃᖅᑏ, ᐊᒻᒪᓗ ᐅᓪᓗᒃᑰᑦᓯᐊᖅᐸᒃᑲ ᑭᒻᒥᕈᒻᒥᐅᑦ, ᑭᙵᕐᒥᐅᓪᓗ. ᐊᒻᒪᓗ ᐅᓪᓗᒥ ᐅᖃᖅᑎ, ᐃᖅᑲᖅᓴᖅᐸᓪᓕᐊᓯᒪᒐᒪ ᐊᕐᕌᒍᐃᑦ ᖁᓕᑦ ᒪᕐᕉᓪᓗ ᑕᕝᕙᓂ ᓂᕈᐊᖅᑕᐅᓯᒪᑎᓪᓗᖓ. ᐅᖃᖅᑏ, ᓈᓴᖅᐸᓪᓕᐊᓯᒪᓪᓗᒋᑦ, ᐃᓛᒃ ᐃᖅᑲᖅᓴᖅᓱᒋᑦ ᑖᒃᑯᐊ ᑕᕝᕙᓂ ᑲᑎᒪᐅᑎᒋᖃᑦᑕᖅᓯᒪᔭᕗᑦ ᐅᓪᓗᒥ ᐊᒻᒪᓗ ᒪᓕᒐᓕᐅᖅᑏᑦ ᐅᖃᐅᓯᖏᑦ, ᒥᓂᔅᑕᐃᑦ ᐅᖃᐅᓯᖏᑦ, ᑕᕝᕙᓂ ᐅᖃᐅᓯᕆᖃᑦᑕᖅᓯᒪᔭᒃᑲᓂᒃ ᓈᓴᖅᐸᓪᓕᐊᓪᓗᒋᑦ ᐅᐊᑲᓪᓛᓗᖔ. ᐃᓛᒃ, ᐊᒥᓱᐊᓗᓐᓂᒃ ᐱᓕᕆᓯᒪᔪᒍᑦ ᑕᕝᕗᖓ ᐅᓪᓗᒥᒧᑦ ᑎᑭᑦᑐᒍ. (ᑐᓵᔨᑎᒎᓕᖅᑐᖅ) ᐅᖃᖅᑏ, ᓈᓴᖅᖢᒋᑦ ᐅᑭᐅᑦ ᖁᓕᑦ ᒪᕐᕉᓪᓗ ᐅᖓᑖᓄᑦ ᖃᐅᔨᓴᕈᓐᓇᑦᓯᐊᓲᖑᔪᑦ ᐅᖃᕈᓐᓇᕐᒥᔪᑦ 420ᓂᒃ ᐅᓪᓗᓂᒃ ᐃᑦᓯᕙᓯᒪᕗᖓ ᑕᕝᕙᓂ ᐃᓪᓗᒥ ᐊᒻᒪ 180 ᒪᓕᒐᓕᐅᖅᑏᑦ ᐅᖃᐅᓯᖏᓐᓂᒃ ᐊᒻᒪ 180 ᒥᓂᔅᑕᐃᑦ ᐅᖃᐅᓯᖏᓐᓂᒃ ᐊᑐᖅᓯᒪᓪᓗᖓ ᐊᒻᒪ ᓯᑕᒪᐅᔪᖅᑐᑦ ᓯᕗᓕᖅᑏᑦ ᑲᑎᒪᑎᑕᐅᑎᓪᓗᒋᑦ ᐃᓚᐅᓯᒪᓪᓗᖓ. ᐃᓚᖓᑦᑕᐅᖅ ᐊᑦᓱᕉᑎᒋᓯᒪᓚᐅᖅᑕᕗᑦ ᓄᓇᕐᔪᐊᕐᒥ ᓄᕙᔾᔪᐊᕐᓇᖃᖅᑎᓪᓗᒍ. ᐃᒻᒪᑲᓪᓚᐅᖅᑰᔨᓚᐅᖅᑑᒐᓗᐊᖅ ᑖᓐᓇ ᓘᒃᑖᖅ ᐹᑐᓴᓐ ᐅᖃᓚᐅᖅᓯᒪᒻᒪᑦ ᖃᓄᐃᓕᐅᖅᑐᑦᓴᐅᓂᑦᑎᓐᓂᒃ ᐃᓕᓐᓂᐊᖅᑐᓕᕆᓂᕐᒥᒃ ᒥᓂᔅᑕᐅᓪᓗᓂ. ᐃᖅᑲᓚᐅᓪᓚᓲᕆᒐᒃᑭᑦ. ᐅᖃᖅᑏ, ᐱᐅᒋᓪᓗᒋᑦ ᒪᓕᒐᓕᐅᖅᑎᐅᖃᑎᒃᑲ ᑕᕝᕙᓂ ᐊᒥᓲᓪᓗᑎᒃ ᐃᑲᕐᕋᒐᓴᐃᑦ ᑮᓇᐅᔭᓕᕆᔾᔪᓯᓂᒃ, ᐱᖁᔭᑦᓴᓂᓪᓗ, ᑲᑎᒪᔨᕋᓛᓪᓗ ᑲᑎᒪᑎᓪᓗᑕ, ᐊᒻᒪᓗ ᐃᓚᓐᓇᕆᔭᒃᑲᓗ ᕿᑐᕐᖓᒃᑲᒃ ᒪᕐᕉᒃ ᐸᓃᒃᑲᒃ ᑕᕝᕙᓂ ᕿᑭᖅᑖᓘᑉ ᓂᒋᐊᓄᑦ ᐃᓚᐅᑎᓪᓗᖓ, ᐊᒻᒪ ᐃᓅᒍᓐᓃᓚᐅᖅᑐᑦ ᐃᓚᓐᓇᕆᔭᓐᓂᑑᙱᑦᑐᖅ ᓂᕈᐊᖅᑎᖁᑎᒋᔭᑦᑎᓐᓂᑦᑕᐅᖅ. ᐊᓪᓛᓪᓘᓐᓃᑦ ᓇᒻᒥᓂᖅ ᒥᔅᑕ ᒪᑉᓴᓚᒃ ᐊᒻᒪᑦᑕᐅᖅ ᐃᓚᓐᓇᕆᓚᐅᖅᑕᕗᑦ ᑐᓄᓂᕐᒧᑦ ᒥᔅᑕ ᐃᓄᒃ, ᑖᒃᑯᐊ ᐃᓚᓐᓇᕆᔮᐱᖏᓪᓗ. (ᑐᓵᔨᑎᒎᕈᓐᓃᖅᑐᖅ) ᖁᖓᖃᑦᑕᕐᓗᓯ ᐃᒪᓐᓇ ᐅᖃᖃᑦᑕᕐᒥᒻᒪᑦᑕᐅᖅ ᑕᐃᓐᓇ ᒪᓕᒐᓕᐅᖅᑎᐅᖃᑎᒋᖃᑦᑕᓯᒪᔭᕗᑦ ᖃᒪᓂᑦᑐᐊᕐᒧᑦ ᒥᑭᙳᐊᖅ ᐃᓱᒪᒋᑦᓯᐊᕆᕙᕋᑦᑕᐅᖅ ᑕᕝᕙᓂ ᐅᖃᖅᑎᐅᑎᓪᓗᒍ ᓄᖅᑲᓚᐅᖅᓯᒪᒻᒪᑦ ᓄᓕᐊᕐᒥᓄᑦ ᑕᑎᖃᕈᒪᓪᓗᓂ ᐊᒻᒪᓗ ᖁᔭᓐᓇᒦᕈᒪᑦᓯᐊᖅᓱᒍ ᐱᖃᓐᓂᖅᑑᒋᐊᖓᓂᒃ. (ᑐᓵᔨᑎᒍᑦ) ᐅᖃᖅᑏ, ᑲᑎᒪᔨᐅᖃᑎᒃᑲ ᐅᓪᓗᒥ ᖁᔭᓐᓇᒦᕈᒪᓪᓗᒋᑦ ᑭᓱᓂᒃ ᐅᓐᓂᖅᓯᐅᖃᑎᒌᑉᐸᓚᐅᕐᓂᕗᑦ ᖁᔭᓐᓇᒦᕈᒪᓪᓗᒋᓪᓗ ᐃᓚᒃᑲ ᑭᙵᓂ, ᐱᓗᐊᖅᑐᒥ ᐊᓈᓇᒐ, ᐊᐃᓐᑎ ᐊᒻᒪ ᓄᑲᒃᑲ, ᓇᔭᒃᑲᓗ ᐅᕙᓐᓂᒃ ᐃᑲᔪᖅᑐᐃᖏᓐᓇᖃᑦᑕᖅᓯᒪᒻᒪᑕ. ᐊᒻᒪ ᓂᕈᐊᖅᑎᖁᑎᓕᒫᒃᑲ ᐅᕙᓐᓂᒃ ᐅᑉᐱᕆᔭᖃᓚᕐᒪᑕ. ᐱᖓᓲᓕᖅᑐᑦ ᐃᓚᐅᓯᒪᓂᕆᔭᓐᓂᒃ. ᐊᒻᒪᓗ ᐱᓕᕆᔨᑦ ᓂᕈᐊᖅᑕᐅᓯᒪᔪᑦ ᓂᕈᐊᖅᑕᐅᓯᒪᙱᑦᑐᓪᓗ ᐃᖅᑲᓇᐃᔭᖃᑎᒋᒋᐊᒥᒃ ᖁᕕᐊᒋᓯᒪᓪᓗᒍ ᐅᑭᐅᑦ 12ᓄᑦ ᐅᖓᑖᓄᑦ. (ᑐᓵᔨᑎᒎᕈᓐᓃᖅᑐᖅ) ᑕᐃᒃᑯᐊ ᓂᕈᐊᒐᑦᓴᐃᒃᑲᓐᓂᕐᓂᐊᖅᑐᐃᑦ ᑕᐃᒪᑐᖅ ᐊᖅᑯᑎᖃᑦᓯᐊᕈᒫᕐᓂᐊᖅᑯᓯ ᑕᕝᕙᓂ ᓂᕈᐊᕐᓇᐅᓛᖅᑐᒥ ᐊᒻᒪᓗ ᑕᐃᒃᑯᐊ ᓂᕈᐊᖅᑕᐅᒐᓱᐊᒃᑲᓐᓂᔾᔮᙱᑦᑑᒐᓗᐊᑦ ᖁᔭᓐᓇᒦᕈᒪᑦᓯᐊᕆᕙᒃᑲᑦᑕᐅᖅ ᓄᓇᕗᒻᒥᐅᓄᑦ ᑐᓂᓯᓯᒪᒻᒪᑕ ᐱᔨᑦᓯᕋᖅᓯᒪᓂᕆᔭᔅᓯᓐᓂᒃ. ᑕᐃᒪᐃᒻᒪᑦ ᒫᓐᓇ ᐅᖃᕈᒪᕗᖓ ᓂᕈᐊᕋᑦᓴᐅᒃᑲᓐᓂᕐᓂᐊᕐᓂᓐᓂᒃ ᑕᕝᕙᓂ ᕿᑭᖅᑖᓘᑉ ᓂᒋᐊᓂ ᐊᒻᒪᓗ ᑕᖅᑭᐅᓛᖅᑐᒥ ᐊᒃᑑᐸ 27 ᓂᕈᐊᕐᓇᐅᓕᕐᓂᖅᐸᑦ ᓂᕈᐊᑦᓯᐊᕈᒫᕐᓂᐊᖅᐳᓯ ᑕᒪᐃᓐᓂ ᓄᓇᕗᒻᒥᐅᑦ. ᓇᑯᕐᒦᕈᒪᒋᕙᒃᑲᑦᑕᐅᖅ ᑖᒃᑯᐊ ᒪᓕᒐᓕᐅᕐᕕᐅᑉ ᐊᓪᓚᒡᕕᖓᓂ ᐃᖅᑲᓇᐃᔭᖅᑎᒋᖃᑦᑕᖅᓯᒪᔮᒃᑲᒃ ᕉᓯ ᑎᑭᕝᕕᒃ ᑭᒻᒥᕈᒻᒥ ᐊᒻᒪᓗ ᓘᓯ ᕋᐃᒋ ᑭᙵᕐᓂ. ᑖᒃᑯᐊ ᐱᔨᑦᓯᕋᖅᑎᒋᖃᑦᑕᖅᓱᒋᑦ ᑭᙵᕐᒥᐅᓄᑦ ᑭᒻᒥᕈᒻᒥᐅᓄᓪᓗ. (ᑐᓵᔨᑎᒎᓕᖅᑐᖅ) ᐅᖃᖅᑏ, ᐃᓱᓕᓪᓗᖓ ᐅᖃᐅᓯᑦᓴᓐᓂᒃ ᑕᒪᒃᑯᐊ ᓈᓴᐅᑎᑦ ᐱᕚᓪᓕᖅᓯᒪᔭᕗᑦ ᐊᑐᖅᓯᒪᔭᒃᑲᓗ ᐅᑭᐅᑦ 12ᖑᔪᓂᒃ. ᐅᖃᕈᒪᕗᖓ ᐅᐱᒋᓪᓚᑦᑖᖅᓯᒪᒐᒃᑯ ᐊᑕᐅᓯᓪᓗᐊᑕᒥᒃ ᐅᕙᓐᓂᒃ ᐃᑲᔪᖅᑐᐃᓯᒪᔪᖅ ᓄᓕᐊᕋ

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 20 ᐃᒪᓕ ᐊᕐᓇᐃᓐᓄᒃ ᕚᒃᔅ ᑰᑦᑎᖅ ᔪᐊᓇᓯ. (ᑐᓵᔨᑎᒎᖁᓐᓂᖅᑐᖅ) ᓄᓕᐊᕆᓯᒪᓕᖅᑕᕋ ᐊᕐᕌᒎᑦ 16 (ᑐᓵᔨᑎᒎᓕᖅᑐᖅ) ᓲᕐᓗ ᑎᓴᒪᐃᖅᓱᖅᖢᓂ ᒪᓕᒐᓕᐅᖅᑎᐅᓂᕐᒥᒃ. >>ᐃᒡᓚᖅᑐᑦ (ᑐᓵᔨᑎᒎᕈᓐᓃᖅᑐᖅ) ᑭᓯᐊᓂ, ᓇᑯᕐᒦᕈᒪᑦᓯᐊᖅᐸᒋᑦ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᒃ ᓯᕗᓪᓕᖅᐹᒋᓚᐅᕋᒃᑭᑦ ᑐᙵᕕᓪᓚᑦᑖᕋ ᓴᙱᓂᖃᕐᕕᓪᓚᑦᑖᕋ ᐊᒻᒪ ᐱᖃᓐᓂᕆᓪᓚᑦᑖᖅᖢᒍ. ᓇᓪᓕᒋᔭᔅᓯ ᑕᒪᔅᓯ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑎᑉ ᐅᖃᐅᓯᖏᑦ, ᒪᓕᒐᓕᐅᖅᑎ ᑲᖏᖅᓯᓂᖅ ᓂᒋᐊᓄᑦ, ᒥᔅᑕ ᑯᓱᒐᖅ. ᒪᓕᒐᓕᐅᖅᑎᐅᑉ ᐅᖃᐅᓯᖓ 942 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᑲᖏᖅᖠᓂᐅᑉ ᓂᒋᐊ (ᑯᓱᒐᖅ) ᐊᖓᔪᖅᑳᖅ ᐋᕐᓗᒃ ᑯᓱᒐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑖᓐᓇ ᒪᓕᒐᓕᐅᖅᑎᐅᖃᑎᒐ ᒥᔅ ᐳᕌᔅᑐ ᓂᓪᓕᐊᑎᓪᓗᒍ ᒥᔅᑕ ᑰᒃ ᐃᓯᖅᑲᐅᒻᒪᑦ. ᑖᓐᓇ ᐅᓂᒃᑳᕆᓕᖅᐸᕋ ᐅᖃᐅᓯᕆᖅ ᐱᓯᒪᐃᓐᓇᕐᓂᐊᖅᖢᒍ. ᑐᙵᓱᒋᑦ ᒥᔅᑕ ᑰᒃ. (ᑐᓵᔨᑎᒎᕈᓐᓃᖅᑐᖅ) ᓂᑉᓕᔾᔮᖅᑲᐅᙱᒃᑲᓗᐊᖅᑐᖓ ᑭᓯᐊᓂ ᓂᑉᓕᕐᓗᖓ ᐅᓇ ᑭᖑᓪᓕᖅᐹᖑᓕᕐᒪᑦ ᐅᑉᓗᒥ ᑲᑎᒪᓂᕆᔭᑉᑎᓐᓂ. ᑕᒡᕗᖓ ᐃᑭᑦᑐᓐᓇᓚᐅᖅᓯᒪᒐᒪ ᖁᔭᓐᓇᒦᕈᒪᔭᒃᑲ ᐱᓗᐊᖅᑐᒥᒃ ᓄᓕᐊᕋ. ᐸᓂᑯᓗᒃᑲᓗ ᑕᐃᒃᑯᐊ ᐱᖓᓱᑦ. ᒐᕙᒪᓕᕆᓕᓚᐅᖅᓯᒪᒐᒪ ᐊᕙᓂᑲᓪᓛᕐᔫᓕᖅᑐᖅ. ᓯᕗᓪᓕᕐᒥ ᑲᖏᖅᖠᓂᕐᒥ ᒪᐃᔭᒧᑦ ᑐᖏᓕᕆᔭᐅᓚᐅᖅᓯᒪᒐᒪ ᑮᑦ ᓵᑉᒥᒃ ᒪᐃᔭᖃᖅᑎᓪᓗᑕ, ᒪᐃᔭᑦᑎᐊᕙᒻᒪᕆᐊᓘᓚᐅᖅᓯᒪᖕᒪᑦ. ᒪᓕᒐᓕᐅᖅᑎᐅᓚᐅᙱᑎᓪᓗᖓ ᓱᓕ ᐱᖓᓱᐃᖅᖢᖓ ᒪᐃᔭᐅᓚᐅᖅᓯᒪᒐᒪ ᑲᖏᖅᖠᓂᕐᒥ. ᐊᒻᒪ ᒫᓐᓇ ᑕᒡᕙᓂ ᐱᖓᓱᐃᖅᖢᖓ ᒪᓕᒐᓕᐅᖅᑎᐅᓯᒪᕗᖓ. ᓄᑕᕋᒃᑲ ᐱᕈᖅᓴᔭᐅᑎᓪᓗᒋᑦ, ᐱᕈᖅᓴᐃᖃᑕᐅᓇᓱᒃᑲᓗᐊᖅᖢᖓ ᐊᕙᙵᑲᓪᓚᒃ ᐃᓐᓇᕈᖅᑲᖕᒪᑕ, ᖁᔭᓐᓇᒦᒃ. ᑳᓐᑎᔅ, ᓄᐊᑎ, ᐊᒻᒪ ᐲᐱ ᑎᐊᕆ. ᖁᔭᓐᓇᒦᒻᒪᕆᐊᓗᒃ ᐊᔪᙱᓐᓇᑉᓯ. ᐃᕐᖑᑕᖃᖅᐳᖓᓗ ᕼᐊᐅᕗᑦ, ᓂᕈᐊᖅᑕᐅᓵᖅᑎᓪᓗᖓ ᑕᒡᕙᓂ ᐃᓅᓚᐅᖅᓯᒪᔪᖅ, ᐃᓚᖏᓐᓄᑦ ᐸᐅᕗᓚᔭᐅᖃᑦᑕᖅᑐᖅ, ᐃᕐᖑᑕᖃᕆᕗᖓ “ᐲᐲᓐᓈ” ᓇᒡᓕᒋᕙᕋ. ᐊᑖᑕᒪᓗ ᐊᑎᑯᓗᐊ ᐃᕐᖑᑕᕆᒋᕙᕋ ᐊᒻᒪ ᓴᑭᒪ ᐊᑎᑯᓗᐊ ᑯᓱᒐᖅ ᐊᒻᒪ ᖃᕆᑕᖅ, ᓇᒡᓕᒋᕙᒃᑲ ᑕᒪᕐᒥᑦ. ᐅᖃᖅᑎᑦᓯᔩ, ᐅᕙᓂ ᓂᑯᕕᖓᔪᓐᓇᕋᔭᙱᓐᓇᒪ ᐊᖏᔪᖅᑳᖃᓚᐅᕐᓂᖏᒃᑯᒪ, ᐊᖏᔪᖅᑳᖃᖦᖤᑐᐊᓚᐅᕋᒪ ᐊᔪᖏᑦᑑᓐᓂᒃ, ᒪᒃᑯᓗᐊᖅᖢᖓ ᐊᑖᑕᐃᓚᐅᖅᓯᒪᒐᒪ, ᐊᓈᓇᒪ ᖃᓄᐊᓗᑭᐊᖅ ᐱᕈᖅᓴᔮᓗᐊᑎᒍᑦ ᐃᓄᑑᑦᑎᐊᖅᖢᓂ, ᐊᔪᙱᒋᕙᕋ. ᐱᕈᖅᓴᓯᕆᐊᖅᑰᓚᐅᖅᑐᖓ ᖃᓄᖓᙱᑦᑐᑐᐊᖑᖅᑰᓚᐅᕋᒪ ᐃᓚᒻᓂ. >>ᐃᒡᓚᖅᑐᑦ ᐊᖓᔪᖅᑳᖅ ᖁᐊᓴ ᑯᓱᒐᖅ: ᐊᖓᔪᒃᑲ, ᓇᔭᒃᑲ, ᓄᑲᒃᑲ, ᖁᔭᒋᕙᒃᑲ ᐃᑲᔪᖅᑎᒌᓐᓇᖃᑦᑕᕋᑉᑭᑦ, ᓇᒡᓕᒋᕙᒃᓯ ᐊᖏᔪᒥᑦ. ᑕᒪᒃᑯᐊ ᖃᖏᐊᒃᑲ, ᐅᔪᕈᒃᑲ, ᐊᒥᓲᒻᒪᑕ ᓇᒡᓕᒋᕙᒃᑲ ᖁᔭᒋᕙᒃᑲᓗ ᑕᕝᕙᓂ ᓂᑯᕕᖓᖃᑦᑕᑎᒡᓗᖓ ᐃᑲᔪᖅᑎᒌᓐᓇᕋᒃᑭᑦ. ᑲᖏᖅᖠᓂᕐᒥᐅᑕᐃᑦ ᖁᔭᓐᓇᒦᖅᐸᒃᑲ ᐊᖏᔪᒥᑦ, ᐅᕙᒻᓂᑦ ᓂᕈᐊᖅᖠᖃᑦᑕᖅᓯᒪᒻᒪᑕ. ᓂᕈᐊᕋᒃᓴᑑᖏᑎᓪᓗᖓ, ᐊᒥᓲᒻᒪᑕ ᑲᖏᖅᖠᓂᕐᒥ. ᖁᔭᓐᓇᒦᒻᒪᕆᐊᓗᒃ, ᑕᒫᓂ ᓂᑯᕕᖓᑎᖃᑦᑕᕈᓐᓇᕋᑉᓯᖓ. ᐊᒃᓱᕈᐃᓐᓇᑦᓯᐊᖃᑦᑕᖅᐳᖓ ᑲᖏᖅᖠᓂᖅ ᓄᓇᑦᓴᐅᖁᑉᓗᒍ, ᐃᓄᖏᑦ ᑐᙵᓇᖅᑐᐃᓐᓇᐅᕐᒪᑕ ᖁᔭᓐᓇᒦᒃ. ᖁᔭᓐᓇᒦᕈᒪᒋᕙᒃᑲ ᑎᑭᕋᕐᔪᐊᕐᒥᐅᑕᐃᑦ, ᑕᐃᑲᓂ ᓂᕈᐊᖅᑕᐅᔭᕆᐅᖅᑎᒡᓗᖓ ᑲᖏᖅᖠᓂᕐᓗ ᑎᑭᕋᕐᔪᐊᕐᓗ, ᑖᒃᑯᐊ ᑲᖏᖅᖠᓂᐅᑉ ᓂᒋᐊᓂᒻᒪᑕ ᑎᑭᕋᕐᔪᐊᖑᓚᐅᖅᓯᒪᒻᒪᑦ. ᖁᔭᓐᓇᒦᒃ ᑎᑭᕋᕐᔪᐊᒥᐅᑦ ᓂᕈᐊᓚᐅᕋᑉᓯᖓᑦᑕᐅᖅ ᖁᕕᐊᓇᑦᑎᐊᓚᐅᖅᑐᑦ ᑭᒡᒐᖅᑐᖅᖢᒋᑦ ᑎᑭᕋᕐᔪᐊᕐᒥᐅᑦ. ᑖᓐᓇ ᒪᓕᒐᓕᐅᖅᑎᖃᑎᒐ ᖃᐅᔨᒪᔪᖅ, ᒥᔅᑕ ᒪᐃᓐ, ᑎᑭᕋᕐᔪᐊᖅ ᑭᒡᒐᖅᑐᖅᖢᒍ ᖁᕕᐊᓇᕐᓂᖅᐹᖑᑦᓯᐊᖃᑕᐅᒻᒪᑦ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 21 ᐅᖃᖅᑎᑦᓯᔩ, ᐊᒥᓲᒻᒪᑕ ᖁᔭᓐᓇᒦᕆᐊᖃᑦᑕᒃᑲ, ᐊᖏᓂᖅᐹᒥᑦᑕᐅᖅ ᖁᔭᓐᓇᒦᕆᐊᖃᑦᑕᒃᑲ ᐃᖃᓗᖕᒥᐅᑕᐃᑦ. ᐃᖃᓗᖕᒥᐅᑕᐃᑦ ᑐᙵᓇᖅᑐᒻᒪᕆᐊᓘᖕᒪᑕ ᑕᕝᕙᓃᖃᑦᑕᕆᐊᖃᖅᑐᑎᒍᑦ ᑲᑎᒪᔭᖅᑐᖃᑦᑕᖅᑐᑎᒍᓪᓗ, ᐃᓚᑯᓗᑉᐳᒡᓗ ᐃᖃᓗᓐᓃᒃᑳᖓᑉᑕ ᑐᙵᓇᕐᓂᐅᑉ ᐊᓯᐊᓂᒃ ᑕᑯᑎᑕᐅᔪᓐᓇᙱᓚᒍᑦ. >>ᐸᑦᑕᑐᖅᑐᑦ ᖁᔭᓐᓇᒦᒃ, ᐃᖃᓗᒻᒥᐅᑕᐃᑦ. >>ᐸᑦᑕᑐᖅᑐᑦ ᐃᓐᓇᖏᑦ ᖃᐅᔨᒪᓕᖅᐸᓛᒃᖢᒋᑦ ᐅᖓᓇᖅᑐᒻᒪᕆᐊᓘᒻᒪᑕ. ᐃᖃᓗᒻᒥᐅᑕᐃᑦ ᐃᓐᓇᖏᑦ. ᖁᔭᓐᓇᒦᒃ ᐃᖃᓗᒻᒥᐅᑕᐃᑦ, ᓇᓂᒥᐊᖅ ᑕᑯᑉᓗᒋᑦ ᑐᙵᓇᖅᑐᑦ. ᑕᐃᒃᑯᐊ ᑐᓴᖃᑦᑕᖅᑐᑦ ᐃᖃᓗᐃᒡᒎᖅ ᓄᓇᑦᓴᐅᖏᑦᑐᖅ, ᓱᓕᓗᐊᖅᑐᒥᑦ ᑐᓴᖃᑦᑕᖏᑦᑐᓯ. ᓄᓇᑦᓯᐊᕚᓗᒍᓇ ᐃᖃᓗᐃᑦ, ᐃᓄᖏᓪᓗ ᑐᙵᓇᖅᖢᑎᒃ. ᖁᔭᓐᓇᒦᒃ, ᐃᖃᓗᒻᒥᐅᑕᐃᑦ. ᐅᖃᖅᑎᑦᓯᔩ, ᓄᓇᕗᒻᒥᐅᑕᐃᑦᑕᐅᖅ ᖁᔭᒋᕙᒃᑲ. ᑭᒡᒐᖅᑐᐃᑎᓪᓗᖓ ᓄᓇᒋᓐᓄᑦ ᑎᑭᑦᖤᕌᖓᒪ ᑐᙵᓇᖅᐸᓚᐅᕐᒪᑕ. (ᑐᓵᔨᑎᒎᓕᖅᑐᖅ) ᖁᕕᐊᓱᓪᓚᕆᑦᓯᒪᕗᖓ ᐱᔨᑦᓯᕆᐊᒥᑦ ᐱᔨᑦᓯᕈᑎᐅᖁᔭᐅᔪᒧᑦ ᓄᓇᕗᒻᒥ. ᓇᐃᓈᕐᓗᒍ ᐅᖃᖅᑏ, ᓴᓂᑭᓗᐊᕐᒧᑦ ᒥᑉᐸᓪᓕᐊᓚᐅᖅᓯᒪᒐᒪ ᒐᕙᒪᒃᑯᑦ ᐱᔨᑦᓯᑎᒃᑯᓐᓄᑦ, ᑎᑭᑉᐸᓪᓕᐊᑎᓪᓗᖓ ᑐᖏᓕᓐᓄᑦ ᐅᖃᓚᐅᖅᓯᒪᔪᖓ, ᐋᓐᓂᐊᖅᑐᓕᕆᓂᕐᒥᑦ ᒥᓂᔅᑕᐅᑎᓪᓗᖓ ᓄᕙᕐᔪᐊᕐᓇᖅ ᐱᓕᓚᐅᖅᓯᒪᒻᒪᑦ. 5-ᒥᓂᒥᑦ ᑎᑭᓚᐅᖅᑎᓐᓇᖓ ᓴᓂᑭᓗᐊᕐᒧᑦ, ᑐᖏᓕᓐᓂᑦ ᑕᑯᑎᓚᐅᖅᓯᒪᒻᒫᖓ ᐃᒪᐃᓕᔪᒥᒃ. ᓄᕙᕐᔪᐊᕐᓇᖅ ᓴᓂᑭᓗᐊᕐᒦᓕᖅᑐᕉᖅ ᓄᓇᕗᒻᒨᖅᓯᒪᔪᖅ. ᓂᐅᑦᑕᐃᓕᓂᐊᖅᐳᑎ ᑎᑭᒃᑲᓗᐊᕈᕕᑦ, ᓂᐅᖔᓛᖅᐳᑎᑦ ᐅᑎᕈᕕᑦ, “ᐄ’ᕈᓘᕋᓗᐊᕐᓕᖅᖢᖓ.” ᑕᐃᒪᑦᑐᒥᑦ ᓱᓕᖏᑦᑐᒥᑦ ᑎᑎᕋᖅᑐᑎᒃ, ᓱᓇᐅᕝᕙ ᓱᓕᓐᓂᖅᑐᓂ. ᑐᑭᓯᓪᓗᖓ ᓯᕗᓕᖅᑎᐅ ᐊᓪᓚᕝᕕᖓᓂ. ᓂᐅᒐᒪ ᓴᓂᑭᓗᐊᒥ ᓵᑐᒃᑲᑉᑕ ᖃᐃᕙᓪᓕᐊᕐᓗᑎᒃ ᓄᕙᕐᔪᐊᕐᓇᖃᕋᑦᓯ ᐃᒫᒃ ᑭᐅᔭᐅᓕᖅᖢᖓ, ᐋᒡᒑᕋᓗᐊᖅᖢᖓ ᑭᓯᐊᓂ ᑎᒻᒥᓲᕐᒧᑦ ᐅᑎᓕᖅᓱᑕ ᐊᖏᕐᕋᓕᓚᐅᖅᐳᒍᑦ. ᐊᖏᔪᒪᑦ ᐃᓚᖓᑦ, ᑭᐅᔭᐅᓕᓚᐅᖅᐳᖓ ᒥᓂᔅᑕᑦᑎᐊᕙᐅᙱᑦᑐᒻᒪᕆᐅᔪᑎᑦ ᓄᓇᕗᒻᒧᑦ. ᑎᑭᖦᖢᑎᒃ 5ᒥᓂᑦ ᓄᕙᕐᔪᐊᖃᕐᓇᖃᓕᕐᖓᑦ ᓴᓂᑭᓗᐊᕐᒥ. ᐊᒥᓲᕗᑦ ᖁᔭᓕᒐᑦᓴᑦ. ᐊᑲᐅᓈᖅᓯᒪᒻᒪᑦ ᐱᖓᓱᐃᖅᓱᖓ ᐱᔨᑦᓯᕈᓐᓇᖅᓯᒪᒐᒪ ᑕᕝᕙᓂ ᐃᒡᓗᒥ, ᐊᒻᒪ ᑕᒫᓂ ᐊᖏᔪᖅᑲᐅᑎᓂᑦ ᓯᕗᓕᖅᑎᓂᑦ, ᖃᐅᔨᒪᑦᓯᐊᖅᐸᒃᑲ ᑕᐃᒃᑯᐊ ᑐᖑᔪᖅᑕᓕᒫᑦ ᐊᑭᓐᓇᖅᒦᑦᑐᑦ. ᖃᑦᓯᐅᒪᑕᖔᕐᓘᓐᓃᑦ ᑭᑉᐹᕆᑦᑐᑦ ᑕᑉᐹᓂ ᓴᐅᒥᓐᓂ, ᐊᒻᒪ ᖃᑦᓯᐅᒻᒪᖔᑕ ᖁᓕᓐᓃᑦᑐᑦ. ᖁᕕᐊᓇᖅᐸᒃᑲᓚᐅᖅᑐᖅ, ᐊᒃᓱᕈᕐᓇᖅᐸᒃᓱᓂ, ᐊᖏᖃᑎᒌᑉᐸᖏᒃᑲᓗᐊᖅᓱᑕ, ᐃᑉᐱᒍᓱᖃᑎᒌᑦᓯᐊᖅᐸᒃᑲᓚᐅᖅᑐᒍᑦ, ᑖᓐᓇ ᖁᔭᓕᔾᔪᑎᒋᕙᕋ. ᖁᔭᓐᓇᒦᕈᒪᓪᓗᒍ ᐱᐅᓪ ᕗᐊᑑ, ᕈᕆᐊᓐᑕ, ᒪᐃᒃ ᑯᐊᑦᓂᓗ ᐊᒻᒪᓗ ᔭᔅᑎ ᒥᐊᕆᑦ ᐅᕙᓐᓂᒃ ᐃᑲᔪᖅᐸᓚᐅᖅᓯᒪᒻᒪᑕ ᐊᕐᕌᒍᓂ ᐊᓂᒍᖅᑐᓂ ᑕᑉᐹᓂ ᖁᓛᓂ. ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᓇᓕᐊᓐᓂᑐᐃᓐᓇᖅ. ᐱᔨᑦᓯᕈᓐᓇᖅᓯᒪᒐᒪ ᒥᓂᔅᑕᐅᔪᓂᑦ ᐊᔾᔨᒌᖏᑦᑐᓂᑦ, ᐊᒥᓱᐃᖅᖢᖓ ᐱᐅᓛᓐᓂᑦ ᐊᖏᔪᖅᑲᐅᑎᑦᓯᐊᕙᓐᓂᑦ ᒐᕙᒪᒃᑯᑦ ᑎᒥᖁᑎᖏᓐᓂ ᑕᑯᓯᒪᓪᓗᖓ, ᖁᑦᓯᓂᖅᐹᓂᑦ ᐊᑖᓄᑦ ᐊᓪᓚᕝᕕᓕᒫᓂᑦ ᐃᑉᐱᒋᑦᓯᐊᖅᑕᐅᓐᓇᕆᔭᒃᑲ, ᐱᓕᕆᑦᓯᐊᕈᓐᓇᑐᑦᓴᐅᓚᐅᖅᐳᖓ ᐱᓕᕝᕕᓯᓐᓂ. ᐊᑯᓂᐅᓯᒪᕗᖅ, ᐅᖃᖅᑏ, ᐊᑲᐅᓈᖅᑰᓕᖅᐳᖅ ᓂᕈᐊᕋᑦᓴᐅᖏᑕᐃᓐᓇᓕᕈᒪ ᒫᓐᓇᒃᑯᑦ ᑖᓐᓇ ᔭᔅᑎᓐ ᒥᐅᕆᑦ, ᑕᓐᓇᐅᓚᐅᖏᑉᐸᑦ ᑕᕝᕙᓃᕋᔭᖅᑰᖏᑦᑐᖓ, ᐊᓪᓚᕝᕕᓐᓅᓚᐅᖅᓯᒪᒻᒪᑦ ᓄᑖᒥᑦ ᒪᐃᔭᑖᕆᐊᖃᓕᕋᑦᑕ ᑲᖏᖅᓯᓂᕐᒥ ᕿᓂᕆᐊᓛᐅᖅᑖ, ᐃᕝᕕᓛᖅᖢᓂ. ᐋᒡᒐᓕ ᐅᕙᓐᓂᒃ ᐊᔪᕐᓂᐊᖅᑐᖓ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 22 ᓇᐃᓈᕐᓗᒍ, ᐄ’, ᒪᐃᔫᒐᓱᓐᓂᐊᖅᑐᑎᑦ, ᑕᕝᕙ ᒪᓕᒐᓕᐅᖅᑎᐅᓕᖅᐳᖓᓗ ᐅᓪᓗᒥ. ᐱᖃᓐᓂᕆᓚᐅᖅᑕᒃᑲ ᐅᖓᒋᓪᓗᒋᑦ ᖁᔭᓐᓇᒦᖅᓯᒪᓪᓗᒋᑦ ᐃᑲᔪᖃᑦᑕᓚᐅᕐᒪᑕ. ᐅᖃᖅᑏ, ᓄᖅᑲᐅᓯᕐᓗᖓ ᐊᑏᑐᑦ ᐱᐅᓛᒥᑦ ᓂᕈᐊᕐᓂᖃᑦᓯᐊᓂᐊᖅᐳᑦ. ᐱᒃᑯᓇᑦᓯᐊᖅᓯᒪᕗᖅ ᐅᕙᒻᓄᑦ, ᐊᒻᒪᓗ ᒥᔅᑕ ᑰᒃ ᐱᒃᑯᓇᑦᓯᐊᓚᐅᖅᐳᖅ ᐱᓕᕆᖃᑎᒋᒋᐊᖓ. ᐅᖃᖅᑏ, ᖃᐅᔨᒪᖁᔭᐃᓐᓇᕆᕙᒃᑲ ᐱᖃᓐᓂᕆᔭᒃᑲ, ᐃᒃᑯᐊ ᖃᐅᔨᒪᓂᖅ ᐱᕙᓪᓕᐊᔪᓕᕆᔩᑦ (ᑐᓵᔨᑎᒎᕈᓐᓃᖅᑐᖅ) ᓂᕈᐊᕋᑦᓴᐅᒃᑲᓐᓂᔾᔮᖏᓐᓇᒪ ᖁᔭᓐᓇᒦᖅᖤᒃᑲ ᐃᑲᔪᖅᑎᕆᕙᑦᑕᒃᑲ. ᓂᕈᐊᕋᒃᓴᐅᔪᓯᒍᑦ, ᓂᕈᐊᖅᑕᐅᓇᓱᒋᑦᓯ, ᐊᑭᕋᖅᑑᑎᐊᓗᙱᓪᓗᓯ. ᖁᔭᓐᓇᒦᒃ, ᐅᖃᖅᑎᑦᓯᔩ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑎᑉ ᐅᖃᐅᓯᖏᑦ. ᒪᓕᒐᓕᐅᖅᑎ ᐸᓐᓂᖅᑑᒧᑦ, ᒥᔅ ᓇᑲᓱᒃ. ᒪᓕᒐᓕᐅᖅᑎᐅᑉ ᐅᖃᐅᓯᖓ 943 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᐸᓂᖅᑑᖅ (ᓇᑲᓱᒃ) ᐊᖓᔪᖅᑳᖅ ᒫᒡᒍᓚ ᓇᑲᓱᒃ: ᐅᓪᓗᒃᑯᑦ. ᖃᓄᖅ ᐅᖃᕆᐊᖅ ᓇᓗᓇᒻᒪᕆᑦᑐᖅ, ᐅᖃᖅᑕᐃᓐᓇᕆᔫᔮᕋᔅᓯᐅᒃ ᐅᖃᕈᒪᔭᒃᑲ. (ᑐᓵᔨᑎᒎᓕᖅᑐᖅ) ᖁᕕᐊᓇᖅ ᑎᑎᕋᖅᑎ ᑕᕝᕙᓃᖃᑕᐅᒻᒪᑦ, ᐃᖅᑲᐅᒪᓪᓗᖓ ᓯᕗᓪᓕᖅᐸᑦᑎᐊᕐᒥᑦ ᑕᒪᐅᖓᕋᒪ, ᓯᕗᓪᓕᖅᐹᑦᑎᐊᕐᒥ ᑐᙵᓱᑦᑎᓚᐅᖅᓯᒪᒻᒫᖓ ᒥᔅᑕ ᑯᐊᒃ, ᓂᐅᕝᕕᐅᕆᐊᖅᖢᓂᖓᓗ. ᑐᙵᕕᖃᑦᑎᐊᒻᒪᕆᓚᐅᖅᓯᒪᔪᒍᑦ ᑕᐃᑦᓱᒪᓂ ᑎᑎᕋᖅᑎᐅᓱᖓᑎᓪᓗᒍ, ᐅᐱᒋᑦᑎᐊᖅᐸᒋᑦ. ᔮᓐ ᑯᐊᒃ ᑎᑎᕋᕐᕕᒻᒥ ᑭᖑᓂᐊᓗᒃ. ᓂᐅᕕᕐᕕᒻᒥ ᑕᑯᔭᕌᖓᒃᑯ “ᕼᐊᐃ ᔮᓐ” ᑕᐃᒪᐃᓕᖃᑦᑕᕋᒃᑯ ᓂᐅᕕᕐᕕᒻᒥ ᑕᑯᔭᕌᖓᒃᑯ ᕼᐊᐃᓚᕈᓗᑐᐃᓐᓇᖃᑦᑕᖅᖢᓂ. >>ᐃᒡᓚᖅᑐᑦ ᑐᐊᕕᑲᑕᑦᑐᑦᓴᐅᓐᓂᕐᒪᓂᓐᓇ, ᐅᓰᐃᒻᒪᓖᓐᓇ ᑭᖑᓂᐊᓗᒃ. ᑭᓯᐊᓂ, ᖁᕕᐊᓈᓗᒃ ᑕᕝᕙᓃᓚᐅᕋᒪ ᓇᖏᖅᖢᖓ ᐊᕙᓃᓚᐅᖅᖢᖓᓗ ᒫᓃᓕᖅᖢᖓᓗ ᒪᕐᕈᐊᖅᑕᖅ. ᐸᖕᓂᖅᑑᒻᒥᐅᓪᓗ ᑭᒡᒐᖅᑐᕈᓐᓇᓚᐅᕋᒃᑭᑦ, ᐸᖕᓂᖅᑑᒥᐅᓪᓗ ᐃᑲᔪᖅᓱᐃᖃᑦᑕᖅᓯᒪᒻᒪᑕ ᐅᕙᓐᓂᒃ, ᖁᕕᐊᓈᓗᒃ. ᖁᔭᓐᓇᒦᑦᑎᐊᐸᒃᑲ ᐃᓘᓐᓇᖏᑦ. ᓯᕗᓪᓕᖅᐹᒥ ᓂᕈᐊᖅᑕᐅᑎᒡᓗᖓ ᑕᐃᒃᑯᐊ ᐱᔭᒃᓴᖅᑖᕆᓯᒪᔭᕗᑦ ᐊᒻᒪᓗ ᑕᒪᑐᒪᓂ ᐊᑯᓂᐅᓂᖅᓴᐅᖅᑰᕐᒪᑦ ᐱᔭᓐᓂᖏᓐᓂᖅᓴᐅᒡᓗᓂᓗ, ᐅᕙᓐᓄᓪᓖ. ᑕᒪᑐᒪᓂ ᓂᕈᐊᖅᑕᐅᓯᒪᑎᓪᓗᖓ ᐊᑕᐅᓯᐅᖏᑦᑐᓂᑦ ᐱᓕᕆᕕᖕᓂ ᒐᕙᒪᒃᑯᑦ ᐃᓗᐊᓂ ᑲᒪᒋᔭᖃᖃᑦᑕᖅᓯᒪᒐᒪ, ᑕᕝᕙᓂᓗ ᐃᒃᓯᕚᖃᑕᐅᓪᓗᖓ. ᓂᕆᐅᑉᐳᖓ, ᑕᐃᓐᓇ ᐱᐅᓂᖅᓴᐅᑲᓐᓂᕐᓂᐊᖅᑐᖅ ᐱᔭᒃᓵᓗᐃᑦ ᐅᓄᖅᑑᒻᒪᑕ. ᐊᒻᒪᓗ ᐅᐱᑦᑐᖓ ᒥᓂᔅᑕᕆᔭᐅᓯᒪᒐᒪ ᒐᕙᒪᒃᑯᑦ ᐱᓕᕆᕝᕕᖏᓐᓂ ᐊᑕᐅᓯᐅᖏᑦᑐᓂᒃ, ᑕᐃᒃᑯᐊ ᑕᒻᒪᖅᓯᒪᔪᖅᓯᐅᑎᐅᑉ ᐅᓂᒃᑳᓕᐊᕆᖃᑦᑕᖅᓯᒪᔭᖏᑦ ᑕᐃᒃᑯᐊ ᐅᑎᕐᕕᒌᓐᓇᖃᑦᑕᕋᒃᑭᑦ. ᐃᓄᓕᕆᔨᒃᑯᓐᓄᑦ ᒥᓂᔅᑕᐅᖃᑦᑕᖅᓯᒪᒐᒪ, ᒥᓂᔅᑕᐅ ᑐᖏᓕᐊ, ᐃᖅᑲᓇᐃᔭᖅᑎᕗᓪᓗ ᐊᒃᓱᕈᑦᑎᐊᖅᖢᑕ ᐃᖅᑲᓇᐃᔭᖃᑦᑕᖅᓯᒪᔪᒍᑦ, ᐃᓛᓐᓂᒃᑯᑦ ᓲᕐᓗᓕ ᑎᖕᒥᐊᕈᓗᐃᑦ ᓂᐊᖁᖃᖏᑦᑐᑦ ᑕᐃᒪᓐᓇ ᐅᓪᓚᔭᕋᕈᓘᔭᖃᑦᑕᕋᑦᑕ, ᐱᔭᒃᓵᓗᐃᑦ ᐅᓄᖅᑐᑦ ᐱᔭᕇᖅᓯᒪᔭᕗᑦ. ᑕᐃᒃᑯᐊᒃ ᐃᖅᑲᓇᐃᔭᖅᑎᒃᑲ ᑖᒃᑯᐊᙳᖏᑉᐸᑕ ᐅᕙᖓᑐᐊᖑᓗᖓ ᐊᔪᕋᔭᖅᑐᖓ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 23 ᑕᐃᒃᑯᐊ ᒐᕙᒪᒃᑯᑦ ᐱᓕᕆᕝᕕᓕᒫᖏᑦ, ᐅᑯᐊ ᒐᕙᒪᒃᑯᑦ ᐊᕐᕕᓂᓕᒋᓕᖅᑕᖏᑦ ᐃᒃᓯᕚᒻᒪᑕ, 7ᒋᔭᖓᓐᓂ ᒪᓕᒐᓕᐅᖅᑏᑦ ᑕᐃᒃᑯᐊᖑᓂᐊᓕᕐᒥᒻᒪᑕ. ᐃᒃᑯᐊᓕ ᐊᓯᕗᑦ ᐊᒥᓱᓄᑦ ᕼᐊᓐᓇᓚᖏᓐᓃᑦᑐᓄᑦ ᐊᕐᕌᒍᓄᑦ ᒐᕙᒪᖃᓕᕐᒪᑕ, ᐅᕙᒍᑦ ᒪᒃᑯᑦᑐᑯᓘᒐᑦᑕ. ᑕᐃᒃᑯᐊ ᓂᕈᐊᖅᑕᐅᓂᐊᖅᑐᑦ ᓄᑖᑦ. ᐊᒻᒪᓗ ᖁᔭᓐᓇᒦᕆᐊᖃᖅᖢᒋᑦ ᐅᓄᖅᑐᑦ ᐱᓗᐊᖅᑐᖅᖢᒋᑦ ᑖᒃᑯᐊ ᐃᓚᒃᑲ. ᑕᒪᑐᒪᓂ 25ᓂᑦ ᐊᕐᕌᒍᓂᑦ ᑲᑎᒪᓂᐊᓕᕋᑦᑕ ᓯᑦᑕᕝᕙᒥ. >>ᐸᑦᑕᑐᖅᑐᑦ ᐅᐃᒐᓗ, ᐱᐅᖏᓂᖅᐸᒥᒃ, ᐱᐅᖏᓂᖅᐹᖑᑎᓪᓗᖓ ᑕᑯᖃᑦᑕᖅᓯᒪᔮᖓ ᐊᒻᒪᓗ ᐃᑲᔪᖅᓱᖅᑎᒋᒐᒃᑯ. ᑕᐃᒃᑯᐊᓕ ᐃᐊᒪᓕ, ᐋᓂ, ᑭᐊᓕ, ᐸᓂᒐ, ᑖᒃᑯᐊ ᐃᓪᓗᑯᓘᒃ, ᑖᒃᑯᐊ ᐊᒃᓱᐊᓗᒃ ᐃᑲᔪᖅᓯᒪᒻᒪᑕ ᐅᕙᑦᑎᓐᓄᑦ ᓴᙱᔪᐊᓘᒻᒪᑕ. ᑕᐃᒃᑯᐊᓗ (ᑐᓵᔨᑎᒎᕈᓐᓃᖅᑐᖅ) ᓴᑭᒃᑯᒃᑕ ᖁᔭᒋᓪᓚᕆᑦᑕᒃᑲ ᓇᓪᓕᒋᔭᐅᒐᒪ, ᐃᑲᔪᖅᑐᖅᑕᐅᖏᓐᓇᕋᒪ. (ᑐᓵᔨᑎᒎᓕᖅᑐᖅ) ᕿᑐᕐᖓᑯᓗᒃᑲ ᓇᑖᓴ, (ᑐᓵᔨᑎᒎᕈᓐᓃᖅᑐᖅ) ᐅᕙᓐᓂᒃ ᐊᔪᙱᓂᖅᓴᐅᔮᖃᑦᑕᖅᑐᖅ. ᖁᔭᒋᓪᓚᕆᑦᑕᕋ ᓴᙱᔫᒻᒪᑦ, ᐊᒻᒪ ᐊᐃᑉᐸᖓ ᒍᕋᐃᒡ, ᐃᕐᖑᑕᑯᓗᒐᓗ. ᐃᕐᖑᑕᕋᓕ ᑕᐃᓐᓇ ᐊᔅᓱᐊᓗᒃ ᑕᐃᓐᓇ ᓇᓪᓕᒋᔭᕋ. ᐃᕐᓂᑯᓗᒐᓗ, ᐃᕐᓂᑯᓗᒐ ᑕᐃᓐᓇ ᐊᔅᓱᐊᓗᒃ ᓇᓪᓕᒋᔭᕋ, ᐊᐃᑉᐸᑯᓗᒌᒃ ᑏᓇᒃᑯᒃ, ᐃᕐᖑᑕᖅᑖᑯᓗᒐᓗ. ᐊᒥᓱᐊᓗᒻᒪᑕ ᖁᔭᒋᕙᒃᑲ. ᒪᑭᑕᒐᔭᖏᓐᓇᒪ ᐅᖃᐅᔾᔭᐅᒋᐊᖅᐸᖏᒃᑯᒪ. ᖁᔭᒋᔭᐃᓐᓇᕆᕙᔅᓯ. ᒧᐊᒃᑯᒃ ᐊᐃᑉᐹᕇᒃ, ᕿᑐᕐᖓᑯᓗᖏᓪᓗ, ᐅᖃᐱᓪᓚᖅᑲᐅᔭᕋᓗᐊᒃᑲ ᐱᐅᓗ, ᖃᕙᕙᐅᒃᑯᓪᓗ ᕿᑐᕐᖓᑯᓗᖏᓪᓗ. ᓵᕐᑯᓪᓗ, ᒥᓯᓕᓐᑯᒃ, ᐃᐊᒪᓕᓗ, ᕿᑐᕐᖓᑯᓗᖏᑦ. ᐊᔅᓱᐊᓗᒃ ᖁᕕᐊᑦᑖᓚᑦᑎᑦᑎᖃᑦᑕᕐᖓᑕ ᕿᑐᕐᖓᑯᓗᖏᑦ. ᕼᐃᐅ ᔮᓐ, ᓖᓕ, ᐊᒻᒪ ᐃᐅᕆᔭᓐ. ᐱᒋᐊᓕᕋᒪ ᐃᑲᔪᖅᑎᒋᓂᖅᐹᕆᖃᑦᑕᓚᐅᖅᑕᕋ ᑕᒫᓃᒍᓐᓃᖅᑑᒐᓗᐊᖅ, ᐊᑖᑕᒋᓚᐅᖅᑕᕋ ᐊᔅᓱᐊᓗᒃ ᐅᐱᒍᓱᖃᑦᑕᓚᐅᕐᖓᑦ. ᒥᓂᔅᑕᕈᕋᒪ ᐊᑖᑕᒐ ᐅᖃᓚᐅᖅᓯᒪᒻᒪᑦ “ᐃᓄᓕᕆᔨᒃᑯᓐᓄᑦ ᒥᓂᔅᑕᕈᙱᑦᑕᑐᐊᕈᕕᑦ” >>ᐃᒡᓚᖅᑐᑦ “ᑕᖃᔨᐊᖑᓛᖅᑐᑎᑦ” ᑭᓯᐊᓂ ᑕᐃᓐᓇ ᖁᕕᐊᒋᓂᖅᐹᕆᓯᒪᒐᒃᑯ. ᐃᓚᖓᖅᑐᑕᓗ, ᐃᓚᑖᖅᑐᑕᓗ ᑕᐃᒪᐃᔅᓯᒪᓇᕐᖓᑦ, ᑭᓯᐊᓂ ᐱᙳᐊᓇᖏᑦᑐᐊᓗᐃᑦ ᑎᒃᑯᐊᖅᑕᐅᓯᒪᓂᕗᑦ ᑕᑯᓐᓇᖅᑐᒍ ᐱᑦᑎᐊᑲᓐᓂᕈᒪᔪᒥᓂᐅᒐᓗᐊᖅᑐᖔᖅᓯᒪᓇᖅᑕᖅᑯᖅ, ᐃᓚᖓᒍᓪᓗ ᐱᑦᑎᐊᕋᓱᕕᔾᔪᐊᓚᐅᖅᑯᖓ ᑎᒃᑯᐊᖅᑕᐅᕕᒋᓯᒪᔭᕋ ᐃᓱᒪᒋᓪᓗᒍ, ᑭᓯᐊᓂ ᖁᔭᓐᓇᒦᑦᑕᐃᓐᓇᕆᕙᔅᓯ. ᐊᒻᒪ ᓇᒧᑦ ᓄᓇᓕᓐᓄᑦ ᐊᐅᓪᓚᕋᐃᒐᒪ ᑐᙵᓱᑦᑎᑕᐅᖃᑦᑕᖅᓯᒪᒐᒪ ᓄᓇᕘᒥᐅᑕᕐᓄᑦ. ᖁᔭᓐᓇᒦᑦᑕᐃᓐᓇᕆᕙᔅᓯ ᓄᓇᕘᒥᐅᑦ ᓂᓪᓕᐅᔾᔨᖃᑦᑕᓚᐅᖅᑐᑦ, ᑐᙵᓱᑦᑎᑦᑎᔪᑦ. ᑕᒫᓂᓕ ᓂᕈᐊᕐᓇᐅᓂᐊᖅᑐᒥ ᑭᒡᒐᑐᖅᑕᓐᓄᑦ ᓇᓗᓇᐃᖅᐸᒌᖅᓯᒪᒐᓗᐊᖅᑐᖓ, ᑭᓯᐊᓂ ᐱᒐᓱᐊᒃᑲᓂᔾᔮᖏᓐᓂᓐᓂ ᑕᕝᕙᓂ ᓇᓗᓇᐃᖅᓯᒍᒪᕗᖓ ᑲᑎᒪᕕᒻᒥ. ᖁᔭᓐᓇᒦᓪᓚᕆᑦᑐᖓ ᐃᑲᔪᖅᑕᐅᖃᑦᑕᖅᓯᒪᒐᒪ, ᐃᖅᑲᓇᐃᔭᖅᑎᓄᓪᓗ, ᐊᒻᒪ ᒪᓕᒐᓕᐅᖅᑎᐅᖃᑎᒋᓯᒪᔭᒃᑲ ᑕᐃᒪᖓᑦ ᐱᒋᐊᓚᐅᖅᓯᒪᒐᒪ ᖃᑦᑎᑲᓪᓚᐅᒐᑦᑕᑭᐊᖅ. ᖁᔭᓐᓇᒦᖅᑲᔅᓯ. ᖃᑕᙳᑎᒋᔫᔮᑐᐃᓐᓇᖅᑐᓯ ᐃᑲᔪᖅᑐᖅᑕᐅᖃᑦᑕᖅᓯᒪᒐᒪ ᐃᓕᔅᓯᓐᓄᑦ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑎᑉ ᐅᖃᐅᓯᖏᑦ. ᒪᓕᒐᓕᐅᖅᑎ ᖁᑦᑎᖅᑐᒧᑦ, ᒥᔅᑕ ᐊᕿᐊᕈᖅ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 24 ᒪᓕᒐᓕᐅᖅᑎᐅᑉ ᐅᖃᐅᓯᖓ 944 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᖁᑦᑎᒃᑐᖅ (ᐊᕿᐊᕈᖅ ᑕ.) ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎᑦᑎᔨᑦᑎᐊᕚᓘᒐᕕᑦ ᐅᐱᒋᕙᒋᑦ. ᐊᒻᒪᓗ ᖁᔭᓐᓇᒦᕐᔪᐊᖅᐸᒋᑦ ᑕᕝᕙᓂ ᑭᒡᒐᖅᑐᐃᑦᑎᐊᖅᓯᒪᒐᕕᑦ ᓄᓇᓕᓐᓃᕕᑦ, ᐊᒻᒪᓗ ᐅᕙᑦᑎᓐᓂᑦ ᓱᐊᑦᓯᖃᑦᑕᖅᖢᑎᒃ. ᐊᒻᒪᓗ ᖁᖓᑦᑎᑦᑎᖃᑦᑕᖅᓱᑎᑦ, ᑕᕝᕘᓇ ᐊᓕᐊᓇᐃᒋᑦᑎᐊᖃᑦᑕᕋᒃᑯ. ᐃᖅᑲᓇᐃᔭᖅᑎᐊᓐᓄᑦᑎᒡᓗ ᑖᒃᑯᐊ ᒥᔅᑕ ᑯᓗᒃ, ᒥᔅᑕ ᑯᓘᖑᓕᖅᑐᖅ. ᖁᔭᓐᓇᒦᖅᐸᔅᓯ ᑕᑉᐹᓃᑦᑐᓕᒫᑦ ᐃᖅᑲᓇᐃᔭᖅᑏᑦ ᖁᔭᓐᓇᒦᖃᓯᐅᑎᔪᒪᕙᒃᑲ. ᑕᕝᕗᖓᓚᐅᖅᓯᒪᒐᒪ, ᑖᒃᑯᐊᑦ ᐊᖏᖅᓯᒪᒡᓗᑕ ᓄᓕᐊᕋᓗ ᐊᖏᖅᓱᓄᒃ, ᑕᕝᕙᓂ ᓄᓇᕘᒥ ᑭᒡᒐᖅᑐᐃᔪᒪᓕᕋᒪ ᐊᖏᖃᑎᒌᑦᑎᐊᖅᓯᒪᒡᓗᓄᒃ. ᑕᕝᕘᓇ ᖁᔭᓕᔪᒪᔭᕐᔪᐊᕌᓗᒐ ᓄᓕᐊᑯᓗᒐ ᓄᓕᐊᓐᓇᕆᔭᑯᓗᒐ ᑖᓐᓇ ᐅᕙᓐᓂᑦ ᓴᓂᑦᑎᐊᓐᓃᖏᓐᓇᖃᑦᑕᕐᒪᑦ. ᑖᓐᓇᓗ ᐊᑐᖅᑕᕋ, ᐊᑖᑕᒋᓚᐅᖅᑕᕋ ᐊᔾᔨᖑᐊᖃᒻᒪᐃᓐᓇ ᐅᒥᐊᕐᒥᑦ ᓇᖏᖅᓱᓂ, ᑖᒃᓱᒪᐅ ᐊᔾᔨᑦᑎᐊᖓᓂᑦ ᐊᑐᖅᑎᒡᓗᒍ ᓄᓕᐊᑯᓗᒻᒪ ᓴᓇᓚᐅᖅᓯᒪᒻᒪᐅᒃ ᑖᓐᓇ ᐊᑖᑕᒐ ᐃᖅᑲᐅᒪᒍᒪᐃᓐᓇᐅᔭᒐᒃᑯ. ᐆᒻᒪᑎᓐᓃᖏᓐᓇᐅᔭᕐᒪᑦ ᐊᑖᑕᒐ, ᐊᓈᓇᒐᓗ, ᓴᑭᒋᓚᐅᖅᑕᕋᓗ ᑕᐃᓐᓇ ᖁᔭᓐᓇᒦᕈᒪᑦᑎᐊᑕᒃᑲ ᑕᐃᒃᑯᐊᑦ, ᖃᑕᙳᑎᒋᓚᐅᖅᑕᒃᑲᓗ ᐃᖅᑲᐅᒪᑦᑎᐊᐸᒃᑲ. ᒫᓐᓇᓗ ᖃᑕᙳᑎᒋᔭᒃᑲ ᐅᕙᑦᑎᓐᓂᑦ ᑎᓕᐅᕇᓐᓇᕐᒪᑕ, ᑕᑉᐹᓂ ᖁᑦᑎᑦᑐᒥᐅᑕᐅᓪᓗᑎᒃ ᐊᒃᓱᐊᓗᒃ ᐃᑲᔪᖅᑐᐃᓐᓇᖃᑦᑕᕐᓂᖏᓐᓄᑦ ᖁᔭᓐᓇᒦᕈᒪᕙᒃᑲ ᑕᐃᒃᑯᐊᑦ ᖃᑕᙳᑎᒃᑲ. ᑕᐃᒪ ᐱᓕᕆᑦᑎᐊᕋᓱᒃᓱᓂ ᑭᓯᐊᓂᐅᖃᑦᑕᕐᓇᕐᒪᑦ, ᐊᒃᓱᕈᕐᓇᖅᑐᐊᓗᒃ, ᐃᓛᓐᓂᒃᑯᑦ ᐅᕿᓪᓕᖃᑦᑕᖅᓱᓂ, ᑭᓯᐊᓂ ᐅᕙᒍᑦ ᑲᑎᒪᔨᐅᖃᑎᒌᑦᑐᒍᑦ ᐃᑲᔪᖅᑎᒌᔅᓱᑕ ᑭᓯᐊᓂ ᒪᑭᑕᖃᑦᑕᖅᑐᒍᑦ. ᓄᓇᕘ ᐱᓕᕆᔭᕆᐊᖃᖅᑕᖏᑦ ᐊᒥᓱᐊᓗᐃᑦ, ᐃᓱᒫᓘᑎᑦ ᐊᒥᓱᐊᓗᐃᑦ, ᐱᖃᖏᓐᓂᕗᑦ ᐊᒥᓲᒡᓗᑎᒃ, ᑭᓯᐊᓂ ᑖᓐᓇ ᓄᓇᕘ ᓄᑖᖑᓂᖓᓄᑦ ᑕᕝᕙᓂ 25ᓂ ᐊᕐᕌᒍᖃᑐᐃᓐᓇᖅᑎᒡᓗᒍ. ᐱᕚᓪᓕᕐᔪᐊᖅᓯᒪᒻᒪᑦ, ᖁᔭᓐᓇᒦᖅᐸᒃᑲ ᑕᐃᒃᑯᐊ ᑲᑎᒪᔨᐅᓚᐅᖅᑐᐃᑦ, ᐊᒻᒪᓗ ᐃᖅᑲᓇᐃᔭᖅᑎᖏᑦ ᑕᕝᕙᓂ ᐱᓕᕆᖃᑎᒌᑦᓯᒪᔪᒍᑦ. ᑕᑉᐹᓂ ᐊᐅᓱᐃᑦᑐᕐᒥᑦ ᐱᕈᖅᓴᔭᐅᓚᐅᖅᓯᒪᒐᒪ ᐊᑖᑕᒃᑯᓐᓄᑦ, ᐊᓈᓇᒃᑯᓐᓄᑦ, ᐊᒻᒪᓗᑦᑕᐅᖅ ᓄᓇᓕᓕᒫᒧᑦ, ᑕᐃᒃᑯᐊ ᐃᖅᑲᐅᒪᖃᑦᑕᖅᐸᒃᑲ ᐃᓐᓇᕆᖃᑦᑕᓚᐅᖅᑕᕗᑦ ᐱᔭᒥᓂᑯᑦ, ᑐᑭᖅᑭᒃᑯᑦ, ᐃᓄᐊᓗᒃᑯᑦ, ᐊᒃᑲᕐᓘᑎᒋᓚᐅᖅᑕᕋᓗ ᐊᑉᐸᓕᐊᐱᒃ, ᓄᙵᒃᑯᑦ ᑖᒃᑯᐊ ᐅᕙᓐᓂᑦ ᐱᕈᖅᓴᐃᓯᒪᑦᑎᐊᕐᒪᑕ. ᐊᒻᒪᓗ ᖁᔭᒋᑦᑎᐊᖅᓯᒪᔭᕋ ᓴᑭᒃᑯᒃᑲ ᑕᑉᐸᐅᖓ ᓅᓚᐅᖅᓯᒪᒻᒪᑕ. ᑕᐃᒪᓐᓇ ᑖᓐᓇ ᓄᓕᐊᑯᓗᒐ ᑕᐹᓂ ᑲᑎᓕᓚᐅᖅᓯᒪᒐᓐᓄᒃ ᑖᒃᑯᐊ ᐊᖏᔪᖅᑳᖏᑦ ᐃᑉᐱᐊᕐᔪᒻᒧᑦ ᓅᑎᒡᓗᒋᑦ ᑕᐃᑯᖓ ᔨᐊᓗᓇᐃᕝᒧᑦ ᓅᓕᓚᐅᖅᓯᒪᒐᓐᓄᒃ ᑖᒃᑯᐊ ᒐᕙᒫᓘᑦᓚᖃᑦᑕᑐᐃᓐᓇᓕᕋᒪ, ᐊᓱᐃᓪᓛᒃ ᐃᓚᒋᔭᐅᓇᓱᓕᓚᐅᖅᓯᒪᒐᒪ ᑕᐃᑲᓂ 1997-ᒥ ᒐᕙᒪᒃᑯᓐᓄᑦ ᐃᓯᓚᐅᖅᓯᒪᕗᖓ. ᑕᐃᑲᓂ ᑕᕝᕗᖓᖅᓯᒪᓪᓗᖓ ᑖᒃᑯᐊᑦ ᑕᒫᓂ 1999-ᒥᑦ ᑖᒃᑯᐊᑦ ᓯᕗᓕᐅᖅᑏᓪᓗ, ᐊᒻᒪᓗ ᑲᑎᒪᔨᒋᔭᐅᔪᐃᑦ ᐃᑲᔪᖅᑐᐃᖃᑦᑕᐃᓐᓇᖅᓯᒪᓪᓗᖓ ᐊᔾᔨᒌᙱᑦᑐᓂᑦ. ᒥᓂᔅᑕᒧᑦ ᑐᖏᓕᐅᓂᕐᓂᑦ, ᑖᒃᑯᐊ ᐊᔾᔨᒌᙱᑦᑐᓂᑦ ᐱᓕᕆᖃᑦᑕᖅᓯᒪᒡᓗᖓ. ᐊᒻᒪᓗ ᑕᕝᕗᖓ ᓂᕈᐊᖅᑕᐅᕕᒻᒧᑦ ᐃᓯᕋᒪ, ᑕᐃᓐᓇ ᓯᕗᓕᖅᑎᖅᑳᕆᓚᐅᖅᑕᕗᑦ ᐹᓪ ᖁᐊᓴ ᑎᒃᑯᐊᑎᒡᓗᓂ ᑕᕝᕗᖓ ᖁᕝᕙᓯᑲᐅᑎᒋᔪᒥᑦ ᑐᓂᔭᐅᒡᓗᖓ. ᐊᒃᓱᐊᓗᒃ ᒥᑭᓕᑎᖅᓯᒪᓚᐅᖅᓯᒪᒐᒪ. ᑕᐃᒪ ᑖᓐᓇ ᓴᕕᑲᑖᖅ ᓯᕗᓕᐅᖅᑎᒋᓕᖅᓱᒍ, ᑐᖓᓕᖅᑖᕆᓪᓗᓂᖓ ᖁᔭᒋᓚᐅᖅᓯᒪᒻᒥᕙᕋ ᑖᓐᓇ ᐅᕙᓐᓂᑦ ᐃᓕᓴᐃᓯᒪᕐᔪᐊᕐᒥᒻᒪᑦ, ᐊᒻᒪᓗ ᖃᓄᖅ ᐱᓕᕆᔭᕆᐊᖃᕐᓂᕐᓂ, ᐊᒻᒪᓗ ᒫᓐᓇᐅᔪᖅ ᑖᓐᓇ ᓯᕗᓕᐅᖅᑎᒋᔭᕗᑦ ᒫᓐᓇ ᐸᐅᓗᓯ, ᐸᐃᕆᖃᑦᑕᓚᐅᖅᓯᒪᓪᓗᒍ. ᒫᓐᓇ ᐊᖓᔪᖅᑳᕆᓕᖅᓯᒪᓪᓗᒍ ᑕᐃᒪᓐᓇᐃᑎᓪᓗᒍ. ᑭᓯᐊᓂ ᐊᔾᔨᒌᖏᓐᓇᑦᑎᐊᒥᒃ ᐱᓕᕆᔪᒪᕐᔪᐊᕐᓂᖓᓂᒃ ᐊᒃᓱᐊᓗᒃ ᐃᑉᐱᓐᓃᓐᓇᐅᔭᕐᒪᑦ ᓱᕈᓯᐅᓪᓗᓂ, ᓱᕈᓯᑯᓘᓪᓗᓂ ᐃᓐᓇᕈᖅᓱᓂ ᐊᒃᓱᐊᓗᒃ ᑎᓕᐅᕆᓯᒪᖃᑦᑕᕐᒪᑦ ᐅᕙᑦᑎᓐᓂᒃ. ᑕᕝᕙᓂ 6-ᒋᓕᖅᑕᖓᓂᒃ ᐊᒃᓱᐊᓗᒃ ᐊᔾᔨᒌᙱᑦᑐᓂᒃ ᐱᓕᕆᑎᑕᐅᓪᓗᑕ ᐊᓕᐊᓇᐃᑦᓱᓂ, ᐅᖁᒪᐃᑦᓱᓂ, ᑭᓯᐊᓂ ᓴᖅᑭᑉᐸᓪᓕᐊᔭᖏᓪᓗ ᓴᖅᑭᑦᑐᐊᐃᓐᓅᓕᕐᒪᑕ ᐊᓕᐊᓇᐃᕐᔪᐊᖅᑐᑦ. ᑖᒃᑯᐊ ᓯᓚᑎᑦᑎᓐᓃᑦᑐᐃᑦᑕᐅᖅ

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 25 ᑭᒡᒐᖅᑐᐃᖃᑕᐅᖃᑦᑕᕐᒥᒻᒪᑕ ᓲᕐᓗ ᓄᓇᕗᑦ ᑐᙵᕕᒃᑯᑦ, ᐃᓄᐃᑦ ᑲᑐᔾᔨᖃᑎᒌᒃᑯᖏᑦ ᐃᑲᔪᖅᑎᒋᑦᑎᐊᖅᓱᑎᒍᑦ ᑭᓯᐊᓂᐅᒻᒥᒻᒪᑦ ᑕᐃᒃᑯᐊ ᖁᔭᒋᔪᒪᕙᒃᑲ ᐊᒻᒪᓗ ᑖᒃᑯᐊ ᒪᐃᔭᓕᒫᑦ, ᑲᑎᒪᔨᓕᒫᑦ ᓄᓇᕗᓕᒫᒥ ᐊᒃᓱᐊᓗ ᐱᓕᕆᓇᓱᒃᑐᐃᓐᓇᐅᒐᑦᑕ ᑖᔅᓱᒥᖓ. ᐊᑕᐅᓯᕐᒥᒃ ᓄᓇᕗᑦ ᐱᕚᓪᓕᓕᐊᖃᓪᓚᑦᑖᕐᒪᑦ. ᑖᒃᑯᐊ ᒪᒃᑯᑦᑐᖁᑎᕗᑦ ᐱᓕᕆᑦᑎᐊᕐᓂᐊᕐᓗᑎᒃ ᐊᒻᒪᓗ ᐃᓐᓇᖁᑎᕗᑦ ᐸᖅᑭᑦᑎᐊᕐᓗᒋᑦ. ᓇᒧᙵᖅᑕᓕᒫᒃᑲ ᐃᓐᓇᕐᓂᒃ ᐅᐸᒍᑎᖃᑦᑕᕋᒪ ᑖᒃᑯᐊᓗ ᐃᓐᓇᖁᑎᕗᑦ ᐊᒃᓱᐊᓗᒃ ᖁᔭᓕᒋᖃᑦᑕᖅᑕᒃᑲ ᑎᓕᐅᕆᖃᑦᑕᕐᒪᑕ ᐅᕙᓐᓂᒃ ᑕᐃᒪᓐᓇᐃᓕᐅᖅᑎᓪᓗᒍ. ᖁᔭᓐᓇᒦᕈᒪᑦᑎᐊᖅᐸᒃᑲ ᑕᑉᐹᓃᓛᒃ ᖁᑦᑎᒃᑐᒥ ᑭᒡᒐᖅᑐᐃᔾᔮᕈᓐᓃᕐᓂᕋᖅᓯᒪᒐᒪ ᑭᓯᐊᓂ ᑕᑯᓯᒪᓪᓗᒍ ᑖᒃᑯᐊ ᐃᑉᐱᐊᕐᔪᒻᒥᙶᖅᑐᐃᑦ ᖃᐅᓱᐃᑦᑐᕐᒥ ᐊᒻᒪᓗ ᐊᐅᓱᐃᑦᑐᕐᒥᙶᕐᓂᑯᕕᓃᑦ ᓇᒥᕈᓘᔮᓗᒃ ᐱᓕᕆᒻᒪᑕ. ᑖᓐᓇ ᑕᕝᕙ ᐃᑉᐱᐊᔪᒥᙶᕐᓂᑯᖕᒥᒃ ᐊᓈᓇᓕᒃ ᑕᕝᕙᓂ ᑎᑎᕋᖅᑎᐅᑉ ᑐᖏᓕᕆᓕᕋᑦᑎᒍᑦ ᐊᒃᓱᕐᔪᐊᕌᓗᒃ ᐅᐱᒋᑦᑕᖅᐸᕋ, ᐊᖓᔪᐊᓗ ᑕᐃᑲ ᒥᓂᔅᑕᐅᑉ ᑐᖏᓕᕆᔅᓲᔮᕐᔪᓚᐅᖅᓱᒍ. ᐊᓕᐊᓇᐃᒋᑦᑎᐊᕋᒃᑭᑦ, ᖁᔭᒋᑦᑎᐊᕋᒃᑭᑦ. ᑕᐃᓐᓇᓗ ᑲᒥᓯᓇᑯᓗᒃᐳᑦ ᑳᓖᓐ ᑕᒫᓃᑦᑐᐊᐃᓐᓅᒐᕕᑦ ᐊᒃᓱᐊᓗᒃ ᖁᔭᓐᓇᒦᖅᐸᒋᑦ. ᑕᕝᕙᓂ ᑖᒃᑯᐊ ᖁᑦᑎᒃᑐᒥᙶᖅᓯᒪᔪᐃᑦ ᑕᕝᕙᓂ ᐃᖃᓗᖕᓂ, ᐅᕝᕙᓘᓐᓃᑦ ᓇᒥᑐᐃᓐᓇᖅ ᐊᔾᔨᒌᙱᑦᑐᓂᒃ ᐱᓕᕆᑎᑕᐅᕈᓘᔭᕋᑦᑕ ᐊᒻᒪᓗ ᐃᖃᓗᖕᓃᑎᓪᓗᑕ ᑐᙵᓱᑦᑎᑕᐅᖏᓐᓇᐅᔭᕋᑦᑕ ᐊᖏᕐᕋᕆᓕᖅᓯᒪᒐᑦᑎᒍᑦ ᑖᓐᓇ ᐊᕐᕌᒍᓂᒃ, 26ᓂᒃ. ᑐᙵᓱᒃᑎᑕᐅᖏᓐᓇᐅᔭᕐᓂᓐᓄᑦ ᐊᒃᓱᐊᓗᒃ ᖁᔭᒋᓯᒪᕙᒃᑲ ᑖᒃᑯᐊ ᐃᖃᓗᖕᓂᕐᒥᐅᑦ. ᐊᒻᒪᓗ ᑕᐃᒪ ᐅᖃᖅᓯᒪᒐᒪᐃᓛᒃ ᑕᕝᕙᓂ ᓂᕈᐊᕋᔅᓴᐅᓂᐊᕐᓂᓐᓂᒃ ᓂᐊᖁᙴᒧᑦ. ᑖᓐᓇ ᐱᓇᓱᑦᑎᐊᕐᓂᐊᖅᓱᒍ, ᐊᖏᖃᑎᒋᑦᑎᐊᖅᓯᒪᓪᓗᖓ ᐃᓚᓐᓂᒃ ᑖᒃᑯᐊ ᐱᓕᕆᒃᑲᓐᓂᕈᒪᓪᓗᖓ ᑕᕝᕙᓂ. ᑕᐃᒪᓐᓇᐃᑎᓪᓗᒍ ᑖᓐᓇ ᓄᓕᐊᕋ, ᕿᑐᕐᖓᒃᑲᓗ ᖁᔭᓐᓇᒦᑦᑎᐊᖅᐸᒃᑲ ᑕᕝᕙᓃᒍᓐᓇᕐᒪᑕ ᐊᒻᒪᓗ ᐃᓕᔅᓯᓕᒫᑦᑎᐊᖅ ᖃᓄᖅ ᐅᖓᓇᖅᓯᓂᐊᕐᒥᔪᓯ ᕿᒪᖃᑦᑕᐅᑎᖕᒥᒍᑦᑕ ᑭᓯᐊᓂ ᐊᒥᓲᓗᑕᑐᖅ ᑕᕝᕗᖓ ᐅᑎᕐᓂᐊᖅᐳᒍᑦ ᑭᓯᐊᓂ ᑕᐃᒃᑯᐊ ᓂᕈᐊᖅᑏᑦ ᑕᐃᒪ ᓂᕈᐊᕐᓂᐊᖅᑐᐃᑦ ᐱᔪᒪᔭᖏᓐᓂᒃ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑎᑉ ᐅᖃᐅᓯᖏᑦ. ᒪᓕᒐᓕᐅᖅᑎ ᐃᖃᓗᒃᑑᑦᑎᐊᕐᒧᑦ, ᒥᔅ ᒍᕌᔅ. ᒪᓕᒐᓕᐅᖅᑎᐅᑉ ᐅᖃᐅᓯᖓ 945 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᐃᖃᓗᒃᑑᑦᑎᐊᖅ (ᒍᕌᔅ) ᐊᖓᔪᖅᑳᖅ ᐹᒥᓚ ᒍᕌᔅ: ᖁᐊᓇ, (ᑐᓵᔨᑎᒎᓕᖅᑐᖅ) ᐅᖃᖅᑎ. ᐅᓐᓄᓴᒃᑯᓪᓗ ᓄᓇᕗᒻᒥᐅᑦ. ᐅᖃᖅᑏ, ᐊᒃᓱᐊᓗᒃ ᐅᐱᑦᑐᖓ 6-ᒋᓕᖅᑕᖓᓂ ᒪᓕᒐᓕᐅᖅᑏᑦ ᑲᑎᒪᔨᖏᓐᓂ. ᓯᕗᓕᖅᑎ, ᐃᕝᕕᑦ ᐅᖃᖅᑏ, ᓯᕗᓕᖅᑎᓗ ᐊᒻᒪᓗ ᒥᓂᔅᑕᐅᖃᑎᒃᑲ ᑕᕝᕙᓃᑦᑐᓕᒫᑦᑎᐊᑦ, ᐃᖅᑲᓇᐃᔭᖅᑏᑦ ᑕᒫᓃᑦᑐᑦ, ᐃᖅᑲᓇᐃᔭᕇᖅᓯᒪᓪᓗᑎᒃ ᐃᑲᔪᓚᐅᖅᓯᒪᔪᑦ ᐱᖃᓯᐅᑎᓪᓗᒋ ᑐᓵᔨᕗᑦ. ᐊᒃᓱᐊᓗᒃ ᖁᔭᓕᕗᖓ ᑐᓵᑎᑦᑎᖃᑦᑕᕋᔅᓯ ᓂᐱᒋᖃᑦᑕᕋᔅᓯᓗ ᐊᒻᒪ ᓂᕈᐊᖅᑎᒋᓯᒪᔭᒃᑲ ᑕᕝᕙᓂ ᐃᖅᑲᓇᐃᔭᖅᑐᑦ, ᑐᓵᔨᕗᑦ ᔭᐃᒻᔅ ᐸᓂᐅᔭᖅ ᐊᒻᒪ ᐄᕙ ᐅᒥᓪᕈᐃᑦᑐᖅ ᐊᒻᒪᓗ ᑕᐃᒃᑯᐊ ᓄᓇᕗᑦ ᒐᕙᒪᒃᑯᖏᓐᓃᑦᑐᑦ ᐊᒻᒪᓗ ᐱᑐᐃᓐᓇᐅᙱᑦᑐᒃᑯᑦ ᐃᖅᑲᓇᐃᔭᖅᑏᑦ ᐃᑲᔪᖅᑐᑦ. ᑕᑉᐹᓂ ᕉᑕ ᐊᐅᓪᓚ, ᑖᓐᓇ ᐱᖁᔭᒃᓴᓕᕆᔨᐅᔪᖅ ᐊᒻᒪ ᒥᓂᔅᑕᐅᑉ ᑲᑎᒪᔨᖏᑦᑕ ᑐᓵᔨᖓ ᐅᓖᐱᑲ ᐃᑭᓪᓗᐊᖅ. ᑖᒃᑯᐊ ᖁᔭᓐᓇᒦᕐᒥᔭᕗᑦ ᐱᓕᕆᖃᑎᒋᓪᓚᕆᒃᑲᑦᑎᒍᑦ. ᐅᖃᖅᑏ, ᑕᒫᓃᒃᑲᔭᙱᑦᑐᖓ ᓇᒡᓕᒋᔭᐅᙱᒃᑯᒪ ᐃᓚᓐᓄᑦ. ᐊᐃᑉᐸᓐᓄᑦ ᑕᕙᓐ, ᐸᓂᒃᐳᓪᓗ ᑭᒻᓂᖅ. ᑖᒃᑯᐊ ᐅᐱᒋᑦᑎᐊᖅᐸᒃᑲ ᐊᒻᒪ ᖁᔭᒋᓪᓗᒋᑦ. ᕋᐃᓕ, ᖁᔭᓐᓇᒦᒃ ᐊᓈᓇᖃᖃᑦᑕᕋᕕᑦ ᐅᕙᓐᓂᒃ. ᒪᒥᐊᓇᖅ, ᐅᖃᖅᑎ. ᐊᖓᔪᖅᑳᒃᑯᑦ ᑖᒻᑯᑦ, ᐊᓈᓇᒐ ᓲᓯ, ᐊᖑᑎᒃᓴᕋ ᕌᑦᓂ, ᐊᓂᒐ ᐊᐃᒪᔅ, ᓄᑲᕋ ᓴᐃᓚᓐ, ᐅᑯᐊᕋ ᔭᓇᓪ ᐊᒻᒪ ᓄᐊᕋ ᓴᒧ ᐊᒻᒪ ᐊᖅᓴᓄ ᐃᓚᒃᑲ ᐅᓄᖅᑐᒻᒪᕆᐊᓗᐃᑦ, ᐊᔭᒃᑲ, ᐊᑦᑕᒃᑲᓗ ᐋᓂ, ᕉᓯ, ᒥᐊᓕ, ᒫᒍ, ᖃᑦᑐᖅ, ᐊᐅᑕ, ᒫᑕ, ᒨᓇ, ᒍᓘᕆᐊ ᐊᕐᓈᕐᓗ ᐊᒻᒪᓗᑦᑕᐅᖅ ᐊᖓᒋᓚᐅᖅᑕᕗᑦ ᐹᑉ ᐊᒻᒪ ᐃᓪᓗᑯᓗᒃᑲ ᐅᓄᖅᑐᐊᓗᐃᑦ, 83-ᖑᖅᑰᕐᒪᑕ ᐃᓪᓗᒃᑲ, ᐊᕐᓇᖃᑎᒃᑲ. >>ᐃᒡᓚᖅᑐᑦ

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 26 ᐊᒻᒪ ᐃᓕᓴᖅᓯᔪᒪᔪᖓ ᐃᓚᖓ ᑕᕝᕙᓂ ᐊᖓᔪᖅᑳᖑᔪᖅ ᐃᓚᒌᑦᑎᓐᓂ, ᓄᑲᖅᖠᐅᒐᓗᐊᖅᖢᑕ. ᖁᔭᓐᓇᒦᒃ ᓇᒡᓕᒍᓱᖃᑦᑕᕋᕕᑦ, ᐃᑲᔪᖃᑦᑕᕋᕕᓪᓗ. ᐊᒻᒪ ᐊᓯᖏᑦ ᐃᓪᓗᒃᑲ ᐊᕐᓇᖃᑎᒃᑲᓗ. ᓄᐊᒃᑲ, ᐊᙵᒃᑲᓗ ᐊᒻᒪ ᖁᔭᓐᓇᒦᖅᐳᖓ ᐊᖏᔪᒥᒃ ᓇᒡᓕᒋᕙᔅᓯ ᐃᓘᓐᓇᓯ, ᑕᑎᐊᕙᓐ, ᐃᓚᒌᖏᓐᓄᑦ ᖁᕐᓗᖅᑑᕐᒥ ᐃᖃᓗᒃᑑᑦᑎᐊᕐᒥᓗ, ᐊᒻᒪ ᐃᕝᕕᓪᓗ ᐅᖃᖅᑏ, ᐃᓚᑎᓪᓗ ᐅᖅᓱᖅᑑᕐᒥ, ᑲᓚᐅᕋᓐᔅᑯᑦ ᐳᕌᓐᑕᒃᑯᑦ, ᐄᕗᕆᒃᑯᓪᓗ ᐃᐅᕆᐅᓗ ᐃᓚᒌᑦ ᐃᑦᑐᖏᓪᓗ ᔮᓐᓗ ᕉᓯᓗ ᐊᓯᖏᓪᓗ ᑕᒪᒃᑯᐊ ᐃᓚᖏᑦ ᖁᔭᓐᓇᒦᖅᐸᒃᑲ ᓇᒡᓕᒍᓱᖃᑦᑕᕋᕕᑦ. ᑕᐃᒃᑯᐊ ᓂᕈᐊᒐᒃᓴᐅᑎᓪᓗᖓ ᐃᑲᔪᖃᑦᑕᖅᑐᑦ, ᐱᖃᓐᓇᕆᔭᕗᑦ ᐃᓚᕗᓪᓗ ᔭᓇ, ᓖᓇ, ᓯᐅᕋ, ᐳᕌᓐᑕ, ᔭᖕᑭᒃᑯᑦ ᐃᓚᒌᑦ, ᐅᒥᓪᕈᐃᑦᑐᒃᑯᑦ, ᐱᕈᐊᖅ, ᐊᔭᒐᓗ ᐄᕙ, ᔭᓇᕕᐊᕝ, ᔮᑭᓖᓐ, ᐊᒻᒪ ᐃᓪᓗᕋ ᔭᐃᓐ ᐊᒻᒪᓗᑦᑕᐅᖅ ᒥᓯᐅᓪ. (ᑐᓵᔨᑎᒎᕈᓐᓃᖅᑐᖅ) ᖁᐊᓇ, (ᑐᓵᔨᑎᒎᓕᖅᑐᖅ) ᐃᑲᔪᖅᑐᐃᓐᓇᖃᑦᑕᕋᕕᑦ ᑕᕝᕙᓂ ᐃᖃᓗᖕᓂ. ᑕᒪᒃᑯᓄᖓ ᐃᓚᖏᓐᓂ ᐃᖃᓗᒃᑑᑦᑎᐊᕐᒥᐅᓕᒫᑦ ᐃᓐᓇᑐᖃᐃᓪᓗ ᒪᐃᔭᕗᓪᓗ ᑲᑎᒪᔨᖏᓪᓗ ᓄᓇᓕᖕᓃᑦᑐᑦ, ᖁᔭᓐᓇᒦᒃ ᐊᒃᓱᐊᓗᒃ ᐅᕙᓐᓂᒃ ᑕᑎᖃᕋᔅᓯ ᒪᓕᒐᓕᐅᖅᑎᐅᑎᓪᓗᖓ. ᓂᐱᔅᓯᓐᓄᑦ ᐃᑲᔪᖅᑕᐅᖏᓐᓇᐅᔭᖅᐳᖓ ᐃᖅᑲᓇᐃᔮᕐᓂᒃᑯᑦ. ᐅᖃᖅᑏ, ᖁᕕᐊᓱᒃᑐᖓ ᑐᖏᓕᕆᔭᐅᓚᐅᕋᒪ ᓯᕗᓕᖅᑎᒧᑦ ᒥᓂᔅᑕᕆᔭᐅᑎᓪᓗᖓ ᐃᓕᓐᓂᐊᕐᓂᓕᕆᓂᕐᒧᑦ ᒪᓕᒐᓕᕆᓂᕿᒧᓪᓗ. ᒥᓂᔅᑕᕆᔭᐅᖃᑦᑕᖅᓯᒪᓪᓗᖓ ᐃᓕᖅᑯᓯᓕᕆᔨᒃᑯᓐᓄᑦ ᐊᒻᒪ ᓄᓇᕗᒻᒥ ᓯᓚᑦᑐᖅᓴᕐᕕᖕᒧᑦ, ᓄᓇᕗᒻᒥᓪᓗ ᐃᖅᑲᓇᐃᔭᖅᑐᓕᕆᔨᒃᑯᑦ ᐊᒻᒪ ᐃᖅᑲᓇᐃᔭᖅᑏᑦ ᓇᓪᓕᐅᒃᑯᒫᖏᓐᓄᑦ ᑲᑎᒪᔨᖏᓐᓄᑦ ᐊᒻᒪᓗ ᖁᕕᐊᓇᓚᐅᖅᑐᖅ ᐃᖅᑲᓇᐃᔭᖃᑎᖃᕆᐊᒃᓴᖅ ᐊᖏᖅᓯᒪᑦᑎᐊᖅᑐᓂᒃ ᐊᑐᓂ. ᑕᒪᒃᑯᐊ ᐃᖅᑲᓇᐃᔭᖅᑎᒃᑲ ᐊᒃᓱᐊᓗᒃ ᐃᖅᑲᓇᐃᔭᒃᑲᐅᔪᓂᒃ ᐊᔪᙱᑦᑐᓂᒃ ᐱᑕᖃᓚᐅᖅᑐᖅ, ᓯᕗᒧᐊᑦᑎᐊᓚᐅᖅᑐᒍᑦ. ᐃᓕᓐᓂᐊᕐᓂᓕᕆᔨᒃᑯᓐᓄᑦ, ᑐᖏᓕᕋ ᒥᑭᑦᑑᒐᓗᐊᖅ ᕆᐱᑲ ᕼᐊᐃᓐᓄ, ᐃᖅᑲᓇᐃᔭᖅᑎᖏᑦ ᐅᓄᖅᑑᖕᒪᑕ. ᒫᑎᓐ ᓴᐃᓐᑦ ᓗᐃ, ᐱᓪ ᑰᐳ ᐊᒻᒪ ᐃᐅᕆᐅᓪ ᓯᑖᒃᑕᐃᐅᓪ ᐊᒻᒪ ᐊᑐᐊᒐᓕᕆᔨᒃᑯᑦ, ᑖᒃᑯᐊ ᐅᖓᑖᓄᑦ ᐱᓕᕆᐊᒃᓴᖏᑕ ᐅᖓᑖᓅᖃᑦᑕᕐᒪᑕ, ᐃᖅᑲᓇᐃᔭᖅᑏᑦ ᓇᓪᓕᐅᒃᑯᒫᖏᓐᓄᓪᓗ ᑲᑎᒪᔨᖏᓐᓄᑦ ᐃᖅᑲᓇᐃᔭᖃᑦᑕᖅᑐᑦ ᖁᔭᓐᓇᒦᖅᐸᒃᑲ. ᐊᕐᕕᐊᓃᑦᑐᓪᓗ ᑕᐃᒃᑯᐊ ᐃᖅᑲᓇᐃᔭᖅᑐᑦ ᖁᔭᓐᓇᒦᖅᐸᒃᑲ. ᐆᒻᒪᑎᓐᓂᒃ ᐃᓂᖃᐃᓐᓇᐅᔭᕐᓂᐊᖅᑐᓯ ᐊᒃᓱᐊᓗᒃ ᐊᓯᔾᔩᓯᒪᒐᔅᓯ ᐃᓕᓐᓂᐊᖅᑏᑦ ᐃᓕᐅᓯᖏᓐᓂᒃ. (ᑐᓵᔨᑎᒎᕈᓐᓃᖅᑐᖅ) ᖁᐊᓇ. (ᑐᓵᔨᑎᒎᓕᖅᑐᖅ) ᒪᓕᒐᓕᕆᔨᒃᑯᓐᓂ, ᖁᔭᓐᓇᒦᖅᐸᕋ ᑐᖏᓕᖓ ᑯᕆᔅᑏᓐ ᐊᐃᓪᔅᕗᑦ ᐃᖅᑲᓇᐃᔭᖅᑎᖏᓪᓗ ᐊᑑᑎᖃᑦᑎᐊᖅᓯᒪᖕᒪᑦ ᐃᖅᑲᓇᐃᔭᖃᕐᓂᕆᔭᔅᓯ ᐸᓖᓯᒃᑯᓐᓂ. ᖁᔭᓕᑦᑎᐊᖅᐳᖓ ᐊᖓᔪᖅᑳᖓ ᐸᓖᓯᒃᑯᑦ ᕕ ᐊᕕᒃᑐᖅᓯᒪᔪᓂ ᐊᓐᓇᓘ ᐸᓚᑲᑖᒃ ᐃᓚᐅᓕᓚᐅᕋᑖᕐᒪᑦ ᑕᒫᓂ ᒥᓂᔅᑕ ᑐᖏᓕᖓᑕ ᐃᑲᔪᖅᑎᖓ ᐊᑦᑕᓇᔾᔭᐃᖅᓯᒪᓂᕐᒧᑦ. >>ᐸᑦᑕᑐᖅᑐᑦ ᖁᔭᓐᓇᒦᖅᑕᕋ ᔭᓯᑲ ᔭᖕ, ᑖᓐᓇ ᐱᒻᒪᕆᐅᔪᒥᒃ ᐃᖅᑲᓇᐃᔭᖅᓯᒪᖕᒪᑦ ᐊᒻᒪᓗᑦᑕᐅᖅ ᐊᖏᖅᓯᒪᕗᖅ ᑖᔅᓱᒥᖓ ᐱᓕᕆᑦᑎᐊᖅᓯᒪᖕᒪᑦ ᐊᒻᒪᓗᑦᑕᐅᖅ ᑲᓐ ᐸᐃᒃᒧᑦ ᖁᔭᓕᕗᖓ ᑖᓐᓇ ᐸᓖᓯᒃᑯᓐᓄᑦ ᐊᖓᔪᖅᑳᖑᑲᐃᓐᓇᖅᑐᖅ. ᐃᖅᑲᓇᐃᔭᖅᑎᖏᑦ ᐸᓖᓯᒃᑯᓐᓂ ᕕ ᐊᕕᒃᑐᖅᓯᒪᔪᓂᙶᖅᑐᖅ ᐃᑲᔪᖅᓯᒪᖕᒪᑕ ᐃᑲᔪᖅᑐᐃᓯᒪᖕᒪᑕ ᐱᔭᕐᓂᙱᑦᑐᒃᑰᕋᓗᐊᖅᑎᓪᓗᒋᑦ ᐊᒃᓱᐊᓗᒃ ᐃᑲᔪᖅᓯᒪᓂᖃᖅᑐᑦ ᐊᓯᔾᔩᓪᓗᑎᒃ ᐃᖃᓗᒃᑑᑦᑎᐊᕐᒥ, ᓄᓇᕗᒻᒥᓗ. ᑖᒪᔅ ᐊᓪᕗᐊᔅ ᑖᓐᓇ ᑐᑭᒧᐊᒃᑎᑦᑎᔨ ᐱᖁᔭᒃᓴᓕᕆᓂᕐᒧᑦ ᐃᖅᑲᓇᐃᔭᖅᑎᖏᓪᓗ ᐊᒃᓱᐊᓗᒃ ᐱᒻᒪᕆᐅᖕᒪᑕ ᐊᑑᑎᖃᕐᒪᑕ ᐃᖅᑲᓇᐃᔭᕐᓂᕆᕙᒃᑕᑦᑎᓐᓄᑦ ᑕᕝᕙᓂ ᒪᓕᒐᓕᐅᕐᕕᖕᒥ. ᐊᒻᒪᓗᑦᑕᐅᖅ ᖁᔭᓕᑦᑎᐊᕈᒪᓪᓗᖓ ᓯᑏᕙᓐ ᓵᑕᒃᒧᑦ, ᑐᑭᒧᐊᒃᑎᑦᑎᔨ ᐊᑐᐊᒐᕐᒧᑦ ᐃᖅᑲᓇᐃᔭᖅᑎᖏᓪᓗ ᐊᒃᓱᐊᓗᒃ ᓱᒃᑲᔪᒃᑯᑦ ᐃᑲᔪᖅᑐᐃᖃᑦᑕᖅᑐᖅ ᐅᕙᓐᓂᒃ ᑐᒃᓯᕋᖅᑕᓐᓂᒃ ᒪᓕᒐᓕᐅᕐᕕᖕᒥ. ᐊᒻᒪᓗᑦᑕᐅᖅ ᐳᐃᒍᖅᑕᐃᓕᓚᕗᑦ ᐊᐃᑎᕆᐊᓐ ᓯᓪᒃ, ᑖᓐᓇ ᒪᓕᒐᕐᓂᐊᖅᑎᕗᑦ ᑲᓇᑕᐅᑉ ᑐᙵᕕᒡᔪᐊᖓᓄᑦ, ᑖᒃᑯᐊ ᐊᕐᕌᒍᓄᑦ ᐅᓄᖅᑐᓂᒃ ᐃᖅᑲᓇᐃᔭᖅᑐᑦ. ᔮᓐ ᒪᒃᓚᐃᓐ ᐊᖓᔪᖅᑳᖓ ᒪᓕᒐᓕᕆᔨᒃᑯᑦ. ᖁᔭᓕᔭᕆᐊᒃᓴᖅ,

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 27 ᑕᑯᒃᓴᐅᑎᑦᑎᔭᕆᐊᒃᓴᖅ ᐊᔪᕐᓇᖃᑦᑕᕐᒪᑦ ᐃᓛᓐᓂᒃᑯᑦ ᓴᖅᑭᑦᑕ. ᑭᓯᐊᓂ ᐅᖃᕈᓐᓇᖅᑐᖓ ᖁᔭᓕᑦᑎᐊᖅᑐᖓ ᐃᓕᔅᓯ ᐃᖅᑲᓇᐃᔭᖅᑕᖏᓐᓄᑦ, ᐊᓐᓂᕈᓱᒃᑐᒍᑦ. ᐃᖅᑲᓇᐃᔭᖅᑎᒃᑲ ᐊᓯᖏᑦ ᐃᓕᖅᑯᓯᓕᕆᔨᒃᑯᓐᓄᑦ, ᓯᓚᑦᑐᖅᓴᕐᕕᖕᒧᓪᓗ, ᐃᖅᑲᓇᐃᔭᖅᑏᑦ ᓇᓪᓕᐅᒃᑯᒫᓕᕈᔨᒃᑯᖏᓐᓂᒃ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᐃᖅᑲᓇᐃᔭᖅᑏᑦ ᖁᔭᓐᓇᒦᓪᓚᕆᒃᐸᔅᓯ. ᐃᓘᓐᓇᖏᑦ ᑕᐃᔪᓐᓇᙱᓐᓇᒃᑭᑦ, ᖁᔭᓐᓇᒦᖅᐸᒃᑲ ᐃᓘᓐᓇᖏᑦ ᐊᖏᖅᓯᒪᖕᒪᑕ ᐃᖅᑲᓇᐃᔭᖃᑦᑕᖅᑐᑦ. ᐅᖃᖅᑏ, ᑖᒃᑯᓄᖓ ᐃᖅᑲᓇᐃᔮᖃᖅᑎᓪᓗᖓ ᐊᒃᓱᐊᓗᒃ ᐅᐱᒍᓱᒃᐳᖓ ᐃᓅᓯᖏᓐᓂᒃ ᓄᓇᕗᒻᒥᐅᑦ ᐊᒃᑐᐃᓯᒪᖕᒪᑕ. ᖃᓄᕐᓕ ᐃᑲᔪᕐᓂᖃᕐᓂᐊᖅᐸ ᐅᕙᑦᑎᓐᓄ? ᑕᒪᓐᓇ ᐱᔭᕐᓂᙱᑦᑐᕈᓘᒐᓗᐊᖅ ᑭᓯᐊᓂ ᐊᒃᓱᕈᖃᑦᑕᖅᑐᒍᑦ ᐱᕚᓪᓕᖃᑦᑕᖅᓯᒪᓪᓗᑕᓗ ᑖᒃᑯᐊ ᐱᖁᔭᕐᓂᒃ ᐃᓄᖁᑎᕗᑦ ᐱᓪᓗᒋᑦ. ᑖᒃᑯᐊ ᐅᖃᐅᓯᕆᑎᓪᓗᒋᑦ ᐊᕐᕌᒍᑦ ᑎᓴᒪᓄᑦ ᐊᒃᓱᐊᓗᒃ ᐃᒻᒥᓂᒃ ᖁᕝᕙᖅᑕᐃᓕᒪᑎᑦᑎᕗᖓ ᑕᐃᒃᑯᐊ ᓄᓇᓕᒃᑲᓗ ᑖᒃᑯᐊ ᐅᖃᐅᓯᕆᖃᑦᑕᖅᑕᕗᑦ ᐃᖅᑲᐃᑎᑦᑎᖕᒪᑕ ᖃᓄᐃᒻᒪᑦ ᑕᒪᐅᙵᖅᓯᒪᖕᒪᖔᕐᒪ ᐱᔨᑦᓯᕆᐊᖅᓯᒪᓪᓗᖓ. ᐅᖃᖅᑏ, ᐅᖃᕈᒪᓪᓗᖓ ᑖᒃᑯᓄᖓ ᓂᕈᐊᒐᒃᓴᐅᔪᓄᑦ ᐃᓕᒃᑲᓐᓂᕐᓂᐊᕋᒪ ᐃᖃᓗᒃᑑᑦᑎᐊᕐᒥ ᐃᖅᑲᓇᐃᔭᕐᓂᐊᕋᒪ ᑭᒡᒐᖅᑐᕐᓗᒋᓪᓗ ᓂᐱᒋᔭᐅᓂᐊᕋᒪ ᒪᓕᒐᓕᐅᕐᕕᖕᒧᑦ. ᐊᒻᒪᓗᑦᑕᐅᖅ ᐊᖏᕐᕋᕐᓂᐊᖅᑐᐊᐃᓐᓅᔪᖓ, ᕿᓚᓈᓕᖅᐳᖓ ᐃᖃᓗᒃᑑᑦᑎᐊᕐᒥᑦ. ᑕᒪᐅᖓ ᐅᑎᓛᕈᒪᓐᓇᖅ ᐃᑲᔪᖅᑐᐃᓂᐊᕋᒪ ᑕᒪᐅᖓ ᐅᑎᕈᒥᓇᖅ ᐃᖅᑲᓇᐃᔭᖃᑦᑕᓛᕋᒪ. ᒪᓕᒐᓕᐅᖅᑎᐅᖃᑎᒃᑲ ᐃᓚᒃᑲᓗ ᖁᔭᓐᓇᒦᖅᐸᒃᑲ, ᐱᖃᓐᓇᕆᔭᒃᑲᓗ ᐊᒻᒪ ᐃᖃᓗᒃᑑᑦᑎᐊᕐᒥᐅᓪᓗ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑎᑉ ᐅᖃᐅᓯᖏᑦ. ᒪᓕᒐᓕᐅᖅᑎ ᐊᕐᕕᐊᑦ ᐅᐊᖕᓇᖓᓄᑦ ᑎᑭᕋᕐᔪᐊᕐᒧᓪᓗ, ᒥᔅᑕ ᒪᐃᓐ. ᒪᓕᒐᓕᐅᖅᑎᐅᑉ ᐅᖃᐅᓯᖓ 946 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᐊᕐᕕᐊᑉ ᐅᐊᓐᓇᖓ−ᑎᑭᕋᕐᔪᐊᖅ (ᒪᐃᓐ) ᐊᖓᔪᖅᑳᖅ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. ᓂᕈᐊᒐᒃᓴᐅᒃᑲᓐᓂᕈᒫᖅᑐᖓ ᓂᕈᐊᕐᓇᖅ ᐊᑐᓕᖅᐸᑦ ᖃᐅᔨᒪᑎᑉᐸᒌᕈᐊᖅᖢᒋᑦ. (ᑐᓵᔨᑎᒎᓕᖅᑐᖅ) ᐅᖃᖅᑳᕈᒪᕋᑖᕋᒃᑯ ᐅᖃᓪᓚᓚᐅᙱᓐᓂᕐᓂᒃ. ᑖᓐᓇ ᐲᕐᒪᑦ, ᐅᖃᕇᕋᒃᑯ. (ᑐᓵᔨᑎᒎᕈᓐᓃᖅᑐᖅ) ᑭᖑᓪᓕᖅᐹᓯᐅᓕᕋᓗᐊᖅᖢᑕ ᐊᐃᕙᖃᑎᖃᕐᓂᖅ ᖁᕕᐊᒋᑦᓯᐊᒥᐊᕋᒃᑯ. (ᑐᓵᔨᑎᒎᓕᖅᑐᖅ) ᑭᖑᓪᓕᖅᐹᖑᑎᓪᓗᖓ ᑕᐃᒃᑯᐊ ᐊᐃᕙᖃᑎᒋᐊᕐᔪᒍᒪᒐᒃᑭᑦ ᑕᒫᓂ ᐅᖃᕈᒪᔪᖅ ᑭᒡᒐᖅᑐᕐᒧᑦ ᐱᐅᓂᖅᐹᓂᒃ ᓄᓇᓕᖕᓂ ᓄᓇᕗᒻᒥ. ᐊᕐᕕᐊᕐᓗ ᑎᑭᕋᕐᔪᐊᕐᓗ. (ᑐᓵᔨᑎᒎᕈᓐᓃᖅᑐᖅ) ᒪ’ᓈᖅᓯᒪᑦᓯᐊᒥᐊᖅᑐᖓ ᐃᓕᑉᓯᓐᓄᑦ ᐊᕐᕕᐊᕐᒥᐅᓄᑦ, ᑎᑭᕋᕐᔪᐊᒥᐅᓄᓪᓗ. ᒪᕐᕈᐃᖅᖢᖓ ᑕᕝᕗᖓ ᐃᖏᑎᑕᐅᓯᒪᒐᒪ ᑖᓐᓇ ᐃᒃᓯᕙᐅᑕᖅ ᐃᓄᐃᕈᑎᓚᐅᕐᓈᕐᓂᐊᕐᒪᑦ ᓂᕈᐊᕐᓇᖅ ᐊᑐᓕᕈᑉᑎᒍᑦ. ᐅᕙᖓ ᐃᒃᓯᕙᐅᑕᕆᒍᓐᓃᕐᓂᐊᕋᑉᑯ ᑕᒫᓂ ᓴᓇᑦᑕᐃᓕᐅᕌᓂᒃᐸᑦ. ᐊᕐᕕᐊᕐᒥᐅᓄᑦ ᑎᑭᕋᕐᔪᐊᕐᒥᐅᓄᑦ ᐃᒃᓯᕙᐅᑕᕆᔭᐅᖕᒪᑦ. ᑕᐃᒻᓇ ᓂᕈᐊᖅᑎᑦ ᐃᓱᒪᖅᓱᕈᒫᕐᒥᖕᒪᑕ ᐃᓕᖁᔭᖓᑦ ᓂᕈᐊᖅᑎᑦ ᑕᕝᕗᖓ ᐃᓕᖏᓂᖅᓴᐅᒍᒫᕐᒪᑦ. ᑕᒪᓐᓇ ᐊᖏᖅᓯᒪᑦᓯᐊᖅᖢᒍ. ᐊᒃᓱᕈᕐᓇᖅᑐᓄᑦ ᐊᔾᔨᒌᙱᑦᑐᓄᑦ ᑎᑭᑕᐅᑦᑕᖅᓯᒪᒐᑉᑕ ᑖᒃᑯᐊ ᐅᑭᐅᑦ ᓯᑕᒪᑦ ᐃᓗᐊᓂ, ᓯᕗᓪᓕᖅᐹᖑᓚᐅᖅᑐᖅ ᓄᕙᖕᓇᕐᔪᐊᖅ. ᐃᓅᔪᓐᓃᖅᑐᖃᑦᑕᓚᐅᖅᖢᓂ ᓇᒡᓕᒋᔭᐅᔪᓂᒃ, ᐊᒃᑐᖅᑕᐅᑦᑐᐊᖅᑐᓪᓗ ᐋᓐᓂᐊᖅᑕᐃᓕᑎᑦᓯᔨᒃᑯᓪᓗ ᐱᓕᕆᔪᑦ, ᕼᐋᒻᒪᓚᒃᑯᓪᓗ ᐱᓕᕆᔪᑦ, ᒐᕙᒪᒃᑯᑦ ᐱᓕᕆᔪᑦ, ᐃᖅᑲᐅᒪᕙᒃᑲ ᑕᐃᒃᑯᐊ ᐱᓕᕆᕐᔪᐊᓚᐅᖅᑐᑦ, ᐊᔪᙱᑦᑐᒋᕙᑉᓯ, ᓇᒡᓕᒋᕙᑉᓯ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 28 ᐊᒻᒪ ᑭᖑᓂᐊᒍᑦ ᓄᕙᖕᓇᕐᔪᐊᖅ ᑕᒫᓃᒃᑲᓗᐊᖅᑎᓪᓗᒍ ᓱᓕ ᐊᓯᖏᑦᑕᐅᖅ ᑐᐊᕕᕐᓇᖅᑐᓄᑦ ᑎᑭᑕᐅᑦᑕᓚᐅᕋᑉᑕ ᐊᒃᓱᕈᕐᓇᖅᑐᓄᑦ, ᐃᓚᐃᔭᖅᑐᑦ, ᑕᒪᓐᓇ ᐃᑯᐊᓪᓚᖕᓂᕐᒧᓪᓗ ᑎᑭᕋᕐᔪᐊᕐᒥ ᑯᐊᐸᖃᕈᓐᓃᕌᓪᓚᓚᐅᖅᖢᑕ. ᑕᒪᒃᑯᐊ ᑐᐊᕕᕐᓇᖅᑐᑦ, ᐊᒃᓱᕈᕐᓇᖅᑐᑦ ᑕᒪᔾᔭᐅᑦᑕᕋᓗᐊᖅᑎᓪᓗᒋᑦ, ᓂᕈᐊᖅᑎᒋᔭᒃᑲ ᐊᔪᙱᑦᓯᐊᒥᐊᕐᒪᑕᐃᓛᒃ. ᐊᔪᙱᑦᓯᐊᒥᐊᖅᑐᓂᒃ ᓂᕈᐊᖅᑎᖃᕋᒪ, ᐊᖑᓇᓱᒃᑎᓂᒃ, ᒥᖅᓱᖅᑎᓂᒃ, ᒐᕙᒪᐅᑉ ᐃᓗᐊᓂ ᐱᓕᕆᔪᑦ, ᐃᓕᓐᓂᐊᖅᑎᑦᓯᔩᑦ, ᓇᔭᙳᐃᑦ, ᐅᔭᕋᒃᑕᕆᐊᓂ ᐱᓕᕆᔪᑦ. ᐊᔪᙱᑦᑐᕐᔪᐊᑦᓯᐊᒥᐊᖑᖕᒪᑕ ᓂᕈᐊᖅᑎᒋᔭᒃᑲ. ᐊᒃᓱᕈᕐᓇᖅᑐᓄᑦ ᓂᕈᐊᖅᑎᒋᔭᑦ ᑎᑭᑕᐅᔭᕌᖓᑕ ᐃᑲᔪᕈᐊᕐᓇᑦᓯᐊᒥᐊᖅᑕᓕᓱᕐᒪᑦ, ᐃᖕᒥᓂᒃ ᐊᔪᕈᒋᒥᐊᑦᑐᐊᓕᖅᖢᓂᓗ ᐃᑲᔪᕈᐊᑦᑐᐊᕋᓗᐊᖅᖢᓂ, ᑕᒪᒃᑯᐊ ᑐᓗᖅᑕᕈᑏᓪᓗ. ᒪᓕᒐᓕᐅᖅᑎᐅᓂᖅ ᑎᐊᓇᓱᕐᒪᑦ, ᐊᔪᕐᓇᙱᑦᑐ’ᓈᖅᑐᑦ ᑕᐅᑐᒃᑕᐅᑦᑕᔪᔫᒐᓗᐊᖅ ᑲᑎᒪᒋᐊᖅᑐᕈᑉᑕ ᓂᕈᐊᖅᑎᒋᔭᑦ ᐊᒃᓱᕈᕐᓇᖅᑐᒃᑰᓕᕌᖓᑦ. ᐊᒃᓱᕈᖃᑕᐅᓐᓇᑦᓯᐊᒥᐊᖅᑕᔪ’ᒪᑦ. ᐃᓚᖏᑦ ᐅᕿᑦᑐᒐᔮᖕᓂᒃ ᐊᔪᕐᓇᙱᑦᑐᒐᔮᖕᓂᒃ ᐱᔭᒃᓴᓂᒃ ᖃᐃᑎᑕᐅᒐᓗᐊᖅᖢᓂᒃ, ᓲᕐᓗ ᐅᓇ ᐊᖁᑦᑐᓐᓇᐅᑎᒧᑦ ᑕᑕᑎᕆᐊᓗᖕᒧᑦ ᐃᑲᔪᙵ, ᐃᑲᔪᕐᓗᒍ, ᐊᔪᕐᓇᙱᑦᑑᒐᓗᐊᖅ. ᑭᓯᐊᓂᓕ, ᐃᓚᖏᑦ ᐅᖁᒪᐃᑦᓯᐊᒥᐊᖅᑐᓂᑦᑕᐅᖅ ᐃᑲᔪᖅᑕᐅᕈᐊᕐᓂᕋᖅᖢᑎᒃ ᖃᐃᒑᖓᑕ ᖃᓄᕐᓘᓐᓃᑦ ᒪᑭᑕᖕᒪᖔᑕ ᐃᓚᖏᑦ ᓂᕈᐊᖅᑎᒋᔭᒃᑲ ᓱᕙᒃᑲ ᐊᒃᓱᕈᕐᓇᖅᑐᒋᓐᓂᕆᔭᖏᑦ ᐊᑐᖅᓯᒪᔭᖏᑦ, ᐃᓚᐃᔭᕐᓂᕆᑦᑕᖅᓯᒪᔭᖏᑦ ᑕᑯᑉᓗᒋᑦ. ᑕᒪᓐᓇ ᖃᐅᔨᒪᔾᔪᑎᒋᔭᕋ ᐊᔪᙱᑦᓯᐊᒥᐊᖅᑐᓂᒃ ᓂᕈᐊᖅᑎᖃᕋᒪ. ᐊᒻᒪ ᒪ’ᓈᖅᓯᒪᕐᔪᐊᑦᓯᐊᒥᐊᒐᒃᑲ ᒫᓐᓇᒧᑦ. ᐋᓐᓂᐊᖅᑕᐃᓕᑎᑦᓯᔨᒃᑯᓐᓂ ᐱᓕᕆᔪᑦ ᐊᔪᙱᓛᑦ. ᑕᖃᑐᐃᓛᑦ, ᓇᒡᓕᓂᖅᑯᖅᑐᓛᑦ. ᐊᔪᙱᑦᑐᒋᕙᒃᑲ ᐊᒻᒪ ᐅᒃᑳᓕᕆᔨᒃᑯᓐᓂ ᐱᓕᕆᔪᑦᑕᐅᖅ ᑕᐃᒪ ᐊᔪᙱᓛᑦ ᑕᕝᕙ ᐱᓕᕆᖕᒪᑕ ᑭᓯᐊᓂ ᐃᑯᒪᕗᒍᑦ. (ᑐᓵᔨᑎᒎᓕᖅᑐᖅ) ᐃᔪᕐᓇᖅᑐᒥᒃ ᐅᓂᒃᑳᖃᒐᓛᒍᒪᒐᒪ ᑲᑉᐱᐊᓇᕐᓂᖅᐹᖅ ᐊᑐᖅᓯᒪᔭᕋ. ᐊᕐᕌᒎᓂᒃ ᑎᓴᒪᓂᒃ ᐊᓂᒍᖅᑐᓂᒃ ᐅᕙᓂᐅᔪᙱᒻᒪᑦ ᒪᓕᒐᓕᐅᕐᕕᒻᒥ. ᐊᕙᓃᔪᒻᒪᑦ ᐃᓐᓈᕈᖏᓐᓂ ᐸᓐᓂᖅᑑᑉ ᐊᑯᓐᓂᖓᓂ. ᓂᐅᕕᐊᕆᔭᐅᓯᒪᔪᒃᑯᑦ ᖃᖓᑕᓲᓚᐅᖅᓯᒪᒐᑦᑕ ᐹᓪ ᐃᕐᖓᐅᑦ ᐱᖃᑕᐅᓪᓗᓂ ᐸᓐᓂᑦᑑᓕᐊᕋᓱᑦᑐᑕ ᓄᓇᓕᓐᓂ ᓱᔪᖃᕐᓂᐊᖅᑎᓪᓗᒍ, ᐋᓐᓂᐊᖅᑕᐃᓕᓕᔨᒃᑯᑎᒍᑦ, ᐊᓄᕌᖅᑐᓂ ᖃᓐᓂᖅᑐᓂ, ᐸᓐᓂᖅᑑᒧᑦ ᖃᓪᓕᕙᓪᓕᐊᑎᓪᓗᑕ ᖃᖓᑕᓲᕋᓛᖅ ᖁᒻᒧᐊᖃᑦᑕᖅᑐᓂ ᐊᒻᒧᐊᖃᑦᑕᖅᑐᓂᓗ. ᐃᔅᓯᕙᐅᑕᑦᑎᓐᓂᓗ ᐲᑲᓴᒻᒪᕆᑉᐸᑦᑐᑕ, ᐹᓪ ᐃᔅᓯᕚᖅᑐᓂ ᓯᕗᓂᖓᓂ ᑐᓂᐊᓃᑦᑐᖓᓕ ᐅᕙᖓ. ᐹᓪ ᐅᓇ ᑕᕝᕙ ᐊᖁᑎᓂᒃ ᐅᑎᕆᐊᖁᔨᓂᐊᔪᔪᖅ. ᐸᓪᒧᑦ ᖃᐃᒐᓪᓛᔪᐊᓘᓕᖅᑐᖓᓗ, ᐹᓪ! ᑕᐃᒪ ᑕᐃᒫᓚᓪᓗᖓ. >>ᐃᒡᓚᖅᑐᑦ (ᑐᓵᔨᑎᒎᕈᓐᓃᖅᑐᖅ) ᑲᑉᐱᓇᓪᓚᕆᓚᐅᕐᒪᑦ ᑕᒪᓐᓇ. ᑕᐃᒻᓇᓗ ᐱᕙᓪᓕᐊᔪᓕᕆᔨ’ᓈᖅ ᑐᓄᓐᓂᒃ ᐃᒃᓯᕚᖅᑐᖅ ᐃᖃᓗᖕᓄᑦ ᐅᑎᓕᕋᑉᑕ ᒥᙱᓚᐅᖅᖢᑕ ᐅᑎᓕᕋᑦᑕ ᐃᖃᓗᖕᓄᓗᒃᑖᖅ ᒥᕆᐊᖅᑐᖅ. (ᑐᓵᔨᑎᒎᓕᖅᑐᖅ) ᖃᐅᔨᒪᔪᖓ ᐊᑯᓂᐅᓕᐊᖅᑐᐊᓗᒃ ᐅᖃᕐᓂᕋᖅᑕᐅᓲᖑᒐᒪ ᒪᒥᐊᕝᕕᒋᕙᒃᑲ ᒪᓕᒐᓕᐅᖅᑎᐅᖃᑎᒃᑲ. ᓂᕈᐊᖅᑎᒋᓯᒪᔭᒃᑲ ᖁᔭᓕᓪᓚᕆᑦᑕᒃᑲ, ᐃᓚᒃᑲᓗ ᐊᒫᓐᑕ, ᕿᑐᕐᖓᒃᑲᓗ, ᐃᓚᒃᑲ, ᐊᖓᔪᖅᑳᒃᑲ. ᐊᖓᓚᖅᑳᖃᕈᓘᔭᕋᒪ ᓱᓖᓛᒃ ᓄᑲᕋᓗ, ᓇᔭᒃᑲᓗ, ᓂᖓᐅᒐᓗ ᐊᒻᒪ ᐅᑯᐊᔅᓴᕋᓗ ᐊᒻᒪ ᐅᕙᓐᓂᒃ ᐱᐅᔅᓴᓛᖑᕙᓪᓚᐃᔪᖅ ᐳᕋᐃᐊᓐ ᕼᐋᓐᓇ, ᑳᓪᒍᕆᒦᓚᐅᖅᑐᖅ. ᒪᒥᐊᓇᖅ, ᑭᓯᐊᓂ ᐹᓃᓕᕐᖓᑦ. ᓱᓕᖃᐃ ᑕᑯᓐᓈᖅᑐᖅ. ᓱᓕ ᑕᑯᓐᓈᖅᑐᖅ. ᐊᑎᓕᒫᕌᓗᔅᓯᓐᓂᒃ ᖃᐅᔨᒪᕙᓚᐅᖅᑐᖅ. ᑕᐃᓐᓇ ᑳᓪᒍᕆᒥ ᐅᕙᓐᓂᒃ ᑕᐱᖃᕐᓂᖅᐹᖑᕙᓚᐅᕐᖓᑦ. ᑭᖑᓪᓕᖅᐹᒥ ᐅᖃᕐᓗᖓ, ᐅᖃᖅᑏ, ᓂᕈᐊᕐᓂᖃᑦᑎᐊᖁᓇᓪᓚᕆᑦᑑᒐᓗᐊᖅ ᓄᓇᕗᒻᒥ ᑕᒪᓐᓇ ᐃᓱᒪᖅᓱᕐᓂᖅ ᐃᓱᒪᒋᑐᐃᓐᓇᕆᐊᖃᙱᓐᓇᑦᑎᒍᑦ ᐱᐅᓂᖅᐹᖑᒻᒪᑦ ᒐᕙᒪᒋᔭᕗᑦ. ᐊᖏᖅᓯᒪᑐᐃᓐᓇᕆᐊᖃᙱᑕᕗᑦ ᖃᕆᓴᐅᔭᒃᑯᑦ, ᓈᒻᒪᒋᖃᑦᑕᐅᑎᙱᑦᑐᐊᓗᐃᑦ, ᓴᓪᓗᔪᐊᓗᐃᑦ ᑲᑉᐱᐊᓱᓕᖅᑎᑦᑎᖃᑦᑕᖅᑎᓪᓗᒋᑦ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 29 ᐅᕙᒍᑦ ᐱᓕᕆᒋᐊᖃᖅᑐᒍᑦ ᓂᕈᐊᕐᓂᖃᑦᑎᐊᖁᔨᓪᓗᑕ ᐱᑦᑎᐊᓂᒃᑰᖓᔪᒥᒃ. ᑕᐃᒪᓐᓇ ᑎᒍᔭᐃᓐᓇᕆᓚᐅᕐᓚᕗᑦ ᓯᕗᒧᑦ ᐃᓱᒪᖃᑦᑎᐊᕐᓂᖅ, ᓂᕆᐅᑦᑎᐊᕐᓂᖅ ᓄᓇᕗᒻᒥᐅᓄᑦ ᓯᕗᓂᒃᓴᖏᓐᓄᑦ. ᑖᓐᓇᖃᐃ ᓯᕗᒧᐊᕆᐊᕈᑎᒋᒍᑦᑎᒍᑦ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑎᑉ ᐅᖃᐅᓯᖏᑦ. ᒪᓕᒐᓕᐅᖅ ᐃᖃᓗᐃᑦ ᓂᐊᖁᙴᒻᒧᑦ, ᒥᔅᑕ ᐸᐅᓗᓯ ᐊᕿᐊᕈᖅ. ᒪᓕᒐᓕᐅᖅᑎᐅᑉ ᐅᖃᐅᓯᖓ 947 - 6(2): ᐃᓱᒪᒋᔭᖏᑦ ᑭᒡᒐᖅᑐᐃᓂᕐᒧᑦ ᐃᖃᓗᐃᑦ−ᓂᐊᖁᙴ (ᐊᕿᐊᕈᖅ ᐸ.)ᖅ) ᓯᕗᓕᖅᑎ ᐸᐅᓗᓯ ᐊᕿᐊᕈᖅ: ᐅᓐᓄᓴᒃᑯᑦ, ᖁᔭᓐᓇᒦᒃ, ᐅᖃᖅᑎᑦᑎᔨ. ᐅᓐᓄᓴᒃᑰᖅᐸᒃᑲ ᑕᕝᕙᓃᑦᑐᓕᒫᑦ. ᓯᕗᓪᓕᖅᐹᒥᑦᑕᐅᖅ ᖁᔭᓐᓇᒦᕈᒪᕙᒋᑦ. ᐊᖏᔪᒥᒃ ᐃᑲᔪᖅᓯᒪᒐᕕᑦ ᐅᕙᑦᑎᓐᓄᓕᒫᖅ. ᐋᖅᑭᒋᐊᖅᑎᑦᑏᓐᓇᕋᕕᑦ, ᐃᓂᖅᑎᕆᖃᑦᑕᕋᕕᑦ, ᐃᖅᑲᐃᑎᑦᑎᒋᐊᖃᑦᑕᕋᕕᑦ, ᐃᓄᑦᑎᐊᕙᐅᓃᑦ ᓴᖅᑭᔮᖏᓐᓇᕐᒪᑦ ᐅᓪᓗᒥᒧᑦ ᑎᑭᖦᖢᒍ. ᐅᖃᖅᑎᑦᑎᔩ, ᖁᔭᓐᓇᒦᕐᔪᐊᖅᐸᒋᑦ ᐅᕙᓐᓂᙶᓪᓚᑦᑖᖅᑐᒥᒃ. ᐃᓚᑯᓗᒃᑎᑦ ᕿᒪᒃᓯᒪᖃᑦᑕᖅᑕᑎᑦ ᖁᔭᓐᓇᒦᖃᓯᐅᑎᑦᑎᐊᖅᐸᒃᑲ. ᐊᖏᔪᒥᒃ ᒪᒃᐱᖅᓯᓯᒪᓕᕐᒥᒐᕕᑦ ᐅᕙᑦᑎᓐᓄᓕᒫᖅ ᖃᓄᖅ ᐱᐅᓂᖅᓴᒧᑦ ᐃᓄᑦᑎᐊᕙᐅᓂᖅᓴᒧᑦ ᑐᕌᕈᑎᒥᒃ ᑐᓂᓯᑦᑎᐊᖅᓯᒪᒐᕕᑦ. ᑖᒃᑯᐊᑦᑕᐅᖅ ᑕᕝᕗᙵᖅᓯᒪᔪᑦ ᐃᓕᓴᕆᒍᒪᑦᑎᐊᕋᒃᑯ ᑖᓐᓇ ᒥᔅᑕ ᑎᑎᕋᖅᑎᒋᓚᐅᖅᑕᕗᑦ, ᒥᔅᑕ ᑯᐊᒃ. ᐊᖏᕐᕋᒥᒐᕕᑦ ᑕᕝᕗᖓ ᐃᓪᓗᓐᓅᕕᑦ. (ᑐᓵᔨᑎᒎᓕᖅᑐᖅ) ᐅᑉᐱᓇᓪᓚᕆᑉᐳᖅ ᐅᕗᙵᕈᓐᓇᕋᕕᑦ ᑭᖑᓪᓕᖅᐹᖃᓕᖅᑎᓪᓗᑕ. ᑭᒡᒐᖅᑐᕆᐊᔅᓴᖅ ᐃᓛᒃ ᐅᐱᓐᓇᖃᑦᑕᕐᖓᑦ ᐃᖃᓗᐃᑦ−ᓂᐊᖁᙴᒧᑦ ᒪᓕᒐᓕᐅᖅᑎᐅᑎᓪᓗᖓ ᓄᓕᐊᓪᓗ ᐋᓂ. (ᑐᓵᔨᑎᒎᕈᓐᓃᖅᑐᖅ) ᖁᕕᐊᓇᖅ ᑕᕝᕙᓃᒃᑲᕕᑦ. (ᑐᓵᔨᑎᒎᓕᖅᑐᖅ) ᐊᒻᒪᓗᑦᑕᐅᖅ ᓯᕗᓪᓕᐹᑦᑎᐊᖅ ᐃᓄᒃ ᑎᑎᕋᖅᑎᐅᓪᓗᓂ ᑕᕝᕙᓃᒻᒪᑦ, (ᑐᓵᔨᑎᒎᕈᓐᓃᖅᑐᖅ) ᐅᐱᓐᓈᓗᒃ. (ᑐᓵᔨᑎᒎᓕᖅᑐᖅ) ᑕᑯᓯᒪᒐᒃᑯ ᑖᓐᓇ ᐊᒻᒪᓗ ᐱᓕᕆᔨᓕᒫᖏᑦ ᐃᓅᔪᓐᓇᖅᓯᓯᒪᓪᓗᑎᒃ. ᑖᓐᓇ ᐃᑉᐱᓇᒻᒪᕆᒻᒪᑦ ᓱᓕ. ᑕᑯᒋᐊᖓᓗ ᐱᐅᓪᓗᓂ. >>ᐸᑦᑕᑐᖅᑐᑦ ᐄ’, ᑕᐃᒪᐃᓕᓚᐅᕐᓗᖓ ᐊᒻᒪ ᐃᓚᒃᑲᑦᑕᐅᖅ, ᖁᔭᓐᓇᒦᕋᑖᕋᒃᑭᑦ ᐃᓚᒃᑲᓗ ᐃᖅᑲᓇᐃᔭᖅᑎᒃᑲᓗ ᓂᕈᐊᖅᑎᒋᓯᒪᔭᒃᑲᓗ ᐅᖃᐅᓯᕆᒍᒪᓪᓗᒋᑦ ᐊᒥᓱᑲᓪᓚᐃᑦ ᐅᕙᓃᒻᒪᑕ. ᖁᕕᐊᓇᒻᒪᕆᑦᑐᓂᓗ. ᐃᓱᓕᓕᖅᑎᓪᓗᒍ ᒪᓕᒐᓕᐅᖅᑎᐅᓂᕋ ᐃᖃᓗᐃᑦ−ᓂᐊᖁᙴᒧᑦ, ᓂᑯᕕᑉᐳᖓ ᐃᓕᔅᓯ ᓵᖓᓂ, ᖁᔭᓕᓪᓚᕆᑦᑐᐊᓘᓪᓗᖓ ᐅᐱᒍᓱᑦᑐᖓᓗ. ᐅᐱᓐᓇᓪᓚᕆᔅᓯᒪᔪᖅ ᐃᓅᓯᓐᓂ ᐱᔨᑦᑎᕋᕈᓐᓇᖅᑐᖓ ᓂᕈᐊᖅᑕᐅᓯᒪᕕᑦᑎᐊᕚᓗᓐᓂ. ᓈᓚᒍᓐᓇᖅᑐᒋᑦ, ᐊᔭᐅᕆᔾᔪᑎᒍᓐᓇᖅᑐᒋᓪᓗ, ᐱᓕᕆᔾᔪᑎᒍᓐᓇᖅᑐᒋᓪᓗ ᓂᕈᐊᖅᑎᒋᓯᒪᔭᒃᑲ ᓄᓇᖅᑲᑎᒃᑲᓗ. ᐃᓪᓗᓕᕆᓂᕐᒥᒃ ᐃᑲᔪᖅᓰᒍᑎᓂᒃ, ᐃᓕᓐᓂᐊᖅᑐᓕᕆᓂᖅ ᐊᓯᓂᑦᑕᐅᑎᓪᓗᒍ, ᐃᓱᒪᓕᕆᓂᕐᓘᓐᓃᑦ, ᐱᖁᑎᕐᔪᐊᓕᕆᓂᕐᓘᓐᓃᑦ, ᐊᒻᒪ ᐱᔭᕇᖅᑕᐅᑎᓪᓗᒍ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᑦ ᐊᖏᖃᑎᒌᒍᑎᖓ. ᑕᒪᐅᖓ ᑐᙵᕕᖃᑦᑎᐊᓪᓚᕆᑉᐸᓚᐅᕐᖓᑦ ᐃᓄᐃᑦ ᐱᒍᒪᔭᖏᓐᓂᙶᖅᑐᑎᒃ. ᐃᖃᓗᐃᑦ−ᓂᐊᖁᙴ ᓂᕈᐊᖅᑕᐅᕕᓯᒪᑐᐃᓐᓇᐅᙱᒻᒪᑦ. ᐆᒻᒪᑎᒋᔭᐅᖃᑕᐅᔪᖅ ᓄᓇᕗᒻᒧᑦ ᐊᒻᒪᓗ ᑎᒍᒥᐊᕈᓐᓇᖅᓯᒪᒐᒃᑯ ᑖᓐᓇ ᖁᕕᐊᒋᓯᒪᔭᕋ ᒥᑭᔫᒐᓗᐊᒥᒃ. ᐊᒻᒪᑦᑕᐅᖅ ᖁᔭᓐᓇᒦᕈᒪᒻᒥᔭᕋ ᐊᔾᔨᐅᙱᒻᒪᕆᑦᑐᒥᒃ ᓂᕈᐊᖅᑕᐅᓯᒪᓂᓐᓂᒃ ᐃᑲᔪᖅᑎᒐ, ᐱᐊᑭ ᒪᐃᒃ, ᑖᓐᓇ ᐋᓪᓚᐅᙱᓪᓚᕆᒻᒪᑦ ᐅᕙᓂ ᐊᕐᕌᒎᓂᒃ ᑎᓴᒪᓂᒃ. (ᑐᓵᔨᑎᒎᕈᓐᓃᖅᑐᖅ) ᐱᐊᑭ, ᖁᔭᓐᓇᒦᒃ. ᐊᔅᓱᕈᖃᑦᑕᖅᓯᒪᒐᕕᑦ ᐱᓕᕆᑦᑎᐊᖃᑦᑕᖅᓯᒪᒐᕕᑦ, ᓴᐱᓕᖃᑦᑕᖅᓯᒪᙱᓐᓇᕕᑦ ᓄᓇᕗᒻᒥᐅᑕᓂᒃ, ᐃᖃᓗᐃᑦ−ᓂᐊᖁᙴᒥ ᐱᓗᐊᙳᐊᖅᑐᒥᒃ, ᑐᙵᕕᖃᖃᑦᑕᖅᓯᒪᒐᑦᑕ, ᓈᓚᖃᑦᑕᖅᓯᒪᒐᑦᑕ ᐅᓪᓗᒥᒧᑦ ᑎᑭᖦᖢᒍ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 30 (ᑐᓵᔨᑎᒎᓕᖅᑐᖅ) ᐄ’, ᐊᓯᔾᔩᑕᙱᑦᑎᐊᖅᑐᑎᑦ ᐃᑲᔪᖅᑎᒋᓯᒪᒐᒃᑭᑦ ᐊᒻᒪ ᖁᔭᒋᓪᓚᕆᑦᑕᕋ ᐱᔨᕆᖃᑎᒋᒍᓐᓇᖅᓯᒪᒐᒃᑭᑦ. ᐊᒻᒪᑦᑕᐅᖅ ᐃᖃᓗᐃᑦ ᓂᐊᖁᙴᒥᐅᑕᐃᑦ ᐃᓚᖏᓪᓗ, ᖁᔭᓐᓇᒦᒃ ᐅᑉᐱᕆᔭᐅᒍᓐᓇᔪᒐᒪ ᑕᑎᒋᔭᐅᒍᓐᓇᖅᑐᖓ. ᖁᔭᓐᓇᒦᒃ ᑲᑉᐱᐊᑦᑕᐃᒃᑲᔅᓯ ᖃᒻᒪᓗ ᖁᔭᓐᓇᒦᒃ ᖃᐅᑕᒫᑦ ᐃᖅᑲᐃᑎᑕᐅᒋᐊᖅᐸᒃᑲᒪ ᓯᕗᓕᖅᑎᐅᓪᓗᓂ ᐱᔨᑦᑎᕋᖅᑎᐅᒋᐊᖃᕋᑦᑕ. ᐊᖏᖅᓯᒪᓂᕋ ᑖᓐᓇ ᑲᔪᓰᓐᓇᕐᓂᐊᖅᑐᖅ ᐊᒻᒪ ᐆᒻᒪᑎᒐ ᑕᑕᓪᓗᓂ ᑕᐃᒪᐃᖁᔩᓐᓇᕐᓂᐊᖅᐳᖓ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᑲᑎᒪᔾᔪᑎᒃᓴᖅ 5: ᐃᓕᑕᖅᓯᓂᖅ ᑐᓵᔭᖅᑐᖅᓯᒪᔪᓂᒃ ᒪᓕᒐᓕᐅᕐᕕᒻᒧᑦ ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐃᑲᕐᕌᒃ ᒪᕐᕉᒃ ᐊᒻᒪᓗ 10 ᒥᓂᑦ ᒪᓕᒐᓕᐅᖅᑏᑦ ᐅᖃᕋᑖᖅᑯᑦ. ᖁᔭᓐᓇᒦᒃ. ᑭᐅᔾᔪᑏᑦ. ᑭᐅᔾᔪᑏᑦ ᐅᖃᐅᓯᒃᑯᑦ ᐊᐱᖅᑯᑎᒥᓂᕐᓄᑦ. ᑲᑎᒪᔾᔪᑎᒃᓴᖅ 5. ᐃᓕᓴᖅᓯᓂᖅ ᐳᓛᕆᐊᖅᓯᒪᔪᓂᒃ ᒪᓕᒐᓕᐅᕐᕕᖕᒧᑦ. ᓯᕗᓪᓕᖅᐹᖑᓂᐊᕋᒪ ᐅᓪᓗᒥ, ᖁᔭᓐᓇᒦᒃ. >>ᐃᒡᓚᖅᑐᑦ ᐃᓕᓴᖅᓯᒍᒪᒐᒪ ᐊᔾᔨᐅᙱᒻᒪᕆᑦᑐᒥᒃ ᐅᕙᓃᑦᑐᒥᒃ ᐅᖃᖅᑎᐅᓪᓗᖓ, ᐃᓕᓴᑎᑦᑎᐊᖅᑖᓗᒋᔪᒻᒫᖓ ᑐᑭᒧᐊᒃᑎᑦᑐᓂᖓᓗ ᐊᒻᒪ ᖃᓄᐃᓕᒋᐊᖃᕐᒪᖔᕐᒪᑦ, ᓱᒋᐊᖃᕐᒪᖔᕐᒪ ᐊᔪᕆᖅᓲᑎᔪᒻᒫᖓ, ᒫᓃᓕᖅᑯᖓ ᐃᓕᓴᐃᔨᑦᑎᐊᕙᓪᓕᐊᕆᐊᓗᒃ ᐊᒻᒪ ᑲᒪᑦᑎᐊᓪᓚᕆᓲᖅ, ᑭᒃᑯᓕᒫᓂᒃ ᐃᑲᔪᑦᑎᐊᓪᓚᕆᓲᖅ ᐅᕙᓃᑦᑐᓕᒫᓂᒃ ᖃᐅᔨᒪᔭᕋ. ᐄ, ᓱᖁᑐᐊᕈᕕᐅᒃ ᖃᓄᕈᓘᔮᓗᒃ ᐱᓕᕆᔾᔪᑎᒍᓐᓇᕌᑎᑦ. ᐊᒻᒪᑦᑕᐅᖅ ᐱᓚᑦᑕᐅᒋᐊᖃᓚᐅᕐᒥᒻᒪᑦ ᐅᖃᐅᑎᓚᐅᕌᖓ ᖃᓄᐃᙱᑦᑎᐊᓕᕋᒥᒎᖅ, ᐄ, ᖁᔭᓇᖅᐳᖅ ᑕᒪᓐᓇ. ᖁᔭᓐᓇᒦᕈᒪᒐᒪ ᐊᖑᑎᒥᒃ ᖃᐅᔨᒪᔭᐅᔭᕆᐊᓕᒻᒥᒃ, ᒥᔅᑕ ᒪᓕᒐᓕᐅᕐᕕᒃ ᓄᓇᕗᒻᒥ, ᑖᓐᓇ ᔮᓐ ᑯᐊᒃ. >>ᐸᑦᑕᑐᖅᑐᑦ ᐃᓕᓴᖅᓯᓂᖅ. ᒥᔅᑕ ᒪᐃᓐ. ᐊᖓᔪᖅᑳᖅ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᖁᒃᓴᓇᕐᓂᖅᐹᖅ, ᑲᑉᐱᐊᓇᕐᓂᖅᐹᖑᓚᐅᖅᓯᒪᒐᓗᐊᖅᑎᓪᓗᒍ ᖃᖓᑕᓲᕐᓂᕆᔪᔭᕗᑦ. ᐹᓪ ᐃᕐᖓᐅᑦ ᐃᓕᓴᕆᒍᒪᒐᒃᑯ, ᑐᙵᕕᒃᑯᑦ ᐊᖓᔪᖅᑳᖓᑕ ᑐᖏᓕᖓ. ᐱᓕᕆᖃᑎᒋᒍᓐᓇᖅᓯᒪᒐᒃᑯ ᑐᙵᕕᒃᑯᓪᓗ ᐋᓐᓂᐊᖅᑕᐃᓕᓕᕆᓂᕐᒧᑦ ᐃᓱᒫᓗᓇᖅᑐᐃᑦ ᐱᓪᓗᒋᑦ, ᓄᓇᕗᒻᒥᐅᓂᒃ ᐱᔾᔪᔾᔨᓪᓗᑕ. (ᑐᓵᔨᑎᒎᕈᓐᓃᖅᑐᖅ) ᑐᙵᓱᑦᑎᓚᐅᕐᓚᕗᑦ ᒪᓕᒐᓕᐅᕐᕕᒻᒧᑦ. ᒪ’ᓇ, ᐅᖃᖅᑎᑦᓯᔩ. >>ᐸᑦᑕᒃᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᑐᙵᓱᒋᑦ ᐃᕝᕕᑦ ᒪᓕᒐᓕᐅᕐᕕᖓᓄᑦ. ᐃᓕᓴᖅᓯᓂᖅ ᐳᓛᕆᐊᖅᓯᒪᔪᓂᒃ. ᒪᓕᒐᓕᐅᖅᑎ ᐃᖃᓗᒃᑑᑦᑎᐊᒧᑦ, ᒥᔅ ᒍᕌᔅ. ᐊᖓᔪᖅᑳᖅ ᐹᒥᓚ ᒍᕌᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᑦᑕᐅᖅ ᑐᙵᓱᑦᑎᑦᑎᕋᑖᕋᕕᑦ ᒥᔅᑕ ᑯᐊᒃᒥᒃ, ᒪᓕᒐᓕᐅᕐᕕᒻᒧᑦ ᐅᑎᖅᑐᐊᐱᐅᒻᒪᑦ ᐅᐱᓐᓇᓪᓚᕆᑉᐳᖅ ᑕᑯᒋᐊᖓ. ᑕᐃᒫᔅᓴᐃᓐᓇᖅᑕᐅᖅ ᐸᓐᓂᖅᑑᑉ

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 31 ᒪᓕᒐᓕᐅᖅᑎᖓ ᐅᖃᕋᑖᕐᖓᑦ ᓄᓇᓕᐸᐅᔭᒃᑯᑦ ᑕᑯᓪᓗᒍᐃᓛᒃ ᕼᐊᐃᖏᓐᓇᓲᕆᒐᑦᑎᒍᑦ, ᖁᕕᐊᓇᐃᓐᓇᓲᖅ ᑕᑯᒋᐊᖓ ᒪᓕᒐᓕᐅᕐᕕᒻᒥ ᐅᕝᕙᓘᓐᓃᑦ ᓇᒥᑐᐃᓐᓇᖅ ᓄᓇᓕᐸᐅᔭᐅᑉ ᐃᓗᐊᓂ. ᐊᒻᒪᑦᑕᐅᖅ ᐅᖃᖅᑎ, ᑐᙵᓱᑦᑎᒍᒪᒻᒥᒐᒃᑭᑦ ᐃᖅᑲᓇᐃᔭᖅᑎᐅᖃᑎᕗᑦ ᑯᕆᔅᑏᓐ ᐃᐅᓪᔅᕗᑦ, ᒥᓂᔅᑕᐅᑉ ᑐᖏᓕᖓ ᒪᓕᒐᓕᕆᓂᕐᒧᑦ, ᐊᒻᒪᑦᑕᐅᖅ ᐊᑦᑕᕐᓇᖅᑐᓕᕆᓂᕐᒧᑦ ᐊᓐᓇᓘ ᐸᓛᑲᑕᐅ, ᐊᒻᒪ ᐊᑐᐊᒐᓕᕆᓂᕐᒧᑦ ᐊᖓᔪᖅᑳᖅ ᓯᑏᕙᓐ ᓵᑕᒃ ᐊᒻᒪᑦᑕᐅᖅ ᐊᑐᓚᐅᖅᓯᒪᔪᖅ ᐅᖃᐅᓯᓕᕆᓂᕐᒧᑦ ᑲᒥᓯᓇ, ᑳᓖᓐ ᐋᕆᐊᒃ. ᖁᕕᐊᓇᖅᑯᖅ ᑕᑯᒋᐊᔅᓴᖅ ᐃᓕᓐᓂᒃ ᐅᕙᓂ. ᐊᒻᒪᓗ ᒥᓂᔅᑕᐅᑉ ᑐᖏᓕᖓ ᐃᓄᓕᕆᔨᒃᑯᓐᓄᑦ, ᔮᓇᑕᓐ ᐃᐅᓪᔅᕗᑦ, ᐊᒻᒪᑦᑕᐅᖅ ᒥᓂᔅᑕᐅᑉ ᑐᖏᓕᖓ ᐃᓕᖅᑯᓯᓕᕆᓂᕐᒧᑦ ᐃᑦᑕᕐᓂᓴᓕᕆᓂᕐᒧᑦ, ᑐᕇᓴ. ᖁᔭᓐᓇᒦᕌᓗᒃ ᐃᖅᑲᓇᐃᔮᖃᑦᑎᐊᖃᑦᑕᓚᐅᕋᕕᑦ. ᐊᒻᒪ ᐊᖓᔪᖅᑳᖅ ᑐᖏᓕᖓ ᓄᓇᕗᑦ ᑐᙵᕕᒃᑯᑦ, ᐃᖅᑲᓇᐃᔭᖅᑎᓕᒫᖏᓪᓗ ᓄᓇᕗᑦ ᑐᙵᕕᒃᑯᑦ ᐹᓪ ᐃᕐᖓᐅᒃᑯᑦ ᐱᓕᕆᐊᕌᓗᒋᕙᑦᑕᖏᓐᓄᑦ. ᖁᔭᓐᓇᒦᖅᑲᒃᑲ ᐅᕙᓃᑦᑐᓕᒫᑦᑎᐊᑦ ᐃᓪᓗᕈᓯᕐᒥ, ᐱᓗᐊᖅᑐᒥ ᑐᓵᔨᕗᑦ, ᑐᑭᓕᐅᕆᔨᕗᓪᓗ ᐃᓕᓴᕆᓪᓗᒋᑦ ᐅᕙᓂ ᑲᑎᒪᕐᔪᐊᕕᒻᒥ. ᐊᕙᓂ ᑐᓄᐊᓃᒻᒪᑕ ᖃᐅᔨᒪᔭᒃᑲ ᖁᔭᓕᓪᓚᕆᑦᑕᒃᑲ ᐅᕙᓃᑦᑐᑦ, ᐅᕙᖓ ᑐᓄᐊᓃᑦᑐᐃᑦ ᐊᒻᒪ ᑕᕝᕙᓃᖃᑦᑕᖅᓯᒪᔪᐃᑦ ᑐᓵᔨᐅᖃᑦᑕᖅᓯᒪᔪᐃᑦ ᐳᐃᒍᖅᑕᐅᓯᒪᙱᓚᓯ. ᖁᔭᓐᓇᒦᒃ ᐊᔅᓱᕈᑦᑎᐊᖃᑦᑕᖅᓯᒪᒐᔅᓯ ᐅᕙᑦᑎᓐᓂᒃ ᓂᐱᒋᔭᐅᖃᑦᑕᕋᔅᓯ ᐊᒻᒪ ᐃᓄᑦᑎᑑᓕᖅᑕᐅᕙᒻᒪᑕ ᐱᓗᐊᖅᑐᒥ ᐅᖃᖅᑕᒃᑲ ᐊᒻᒪᓗ ᐃᓪᓗᐊᓄᑦ. ᖁᔭᓕᔭᐃᓐᓇᕆᕙᒃᑲ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᑐᙵᓱᒋᔅᓯ ᒪᓕᒐᓕᐅᕐᕕᔅᓯᓐᓄᑦ. ᐃᓕᓴᖅᓯᓂᖅ ᐳᓛᕆᐊᖅᓯᒪᔪᓂᒃ ᒪᓕᒐᓕᐅᕐᕕᖕᒧᑦ. ᒪᓕᒐᓕᐅᖅᑎ ᐃᖃᓗᐃᑦ−ᓂᐊᖁᙴᑉ, ᒥᔅᑕ ᐸᐅᓗᓯ ᐊᕿᐊᕈᖅ. ᓯᕗᓕᖅᑎ ᐸᐅᓗᓯ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑏ. ᐃᓕᓴᕆᒍᓐᓇᕋᕕᖓ. ᐅᖃᖅᑲᐅᒐᒪ, ᐊᒥᓱᑯᓗᐃᑦ ᑕᕝᕙᓂ ᐃᖃᓗᐃᑦ−ᓂᐊᖁᙴᒥᙶᖅᑐᑦ ᑕᕝᕙᓃᒻᒪᑕ. ᐃᓕᓴᕆᒍᒪᔭᐃᓐᓇᕆᒐᒃᑭᑦ, ᓯᕗᓪᓕᖅᐹᒥ ᑖᓐᓇ ᐃᑲᔪᕐᔪᐊᖅᓱᖅᓯᒪᔪᖅ ᐃᓱᒪᔅᓴᖅᓯᐅᕈᑎᓂᒃ ᑐᓂᓰᓐᓇᐅᔭᓲᖅ ᑳᑎ ᕼᐋᓐᓴᓐ. ᑕᕝᕗᖓ ᑐᙵᓱᑦᑎᐊᕆᑦ ᑕᕝᕙᓃᑦᑐᐊᐃᓐᓅᒐᕕᑦ. ᑕᓐᓇᓗ ᑲᒥᓯᓇᕆᓚᐅᖅᑕᕗᐃᓛᒃ ᐅᖃᐅᓯᓕᕆᓂᕐᒧᑦ ᑳᓖᓐ ᐋᕆᐊᒃ, ᑖᒃᑯᐊᓗ ᐊᒥᓕ ᔪᐊᓇᓯ, ᔮᓐ ᑰᐊᒃ, ᑭᐊᕈ ᐊᕿᐊᕈᖅ, ᓴᓐᑭ, ᐲᐱ ᕼᐅᑉ, ᐹᓪ ᐃᕐᖓᐅᑦ, ᑐᕇᓴ ᕼᐃᐅᔅ ᐊᒻᒪ ᐋᓐᓇᓘ ᐊᒻᒪ ᐊᓯᖏᑦ ᑕᕝᕙᓃᑦᑐᔅᓴᐅᔫᒐᓗᐊᑦ. ᑖᒃᑯᐊ ᖃᐅᔨᒪᒐᒃᑭᑦ ᐃᖃᓗᐃᑦ ᓂᐊᖁᙴᒥᐅᑕᑦ ᑕᕝᕗᖓ ᑐᙵᓱᑦᑎᐊᕆᔅᓯ. ᐊᓕᐊᓇᐃᕌᓗᒃ ᑕᕝᕙᓃᑦᑐᐃᓐᓇᐅᔪᓐᓇᕋᔅᓯ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᑐᙵᓱᒋᔅᓯ ᒪᓕᒐᓕᐅᕐᕕᓯᓐᓄᑦ. ᐃᓕᓴᖅᓯᓂᖅ ᐳᓛᕆᐊᖅᓯᒪᔪᓂᑦ ᒪᓕᒐᓕᐅᕐᕕᖕᒧᑦ. ᒪᓕᒐᓕᐅᖅᑎ ᕿᑭᖅᑖᓘᑉ ᓂᒋᐊᓄᑦ, ᒥᔅᑕ ᔪᐊᓇᓯ. ᐊᖓᔪᖅᑳᖅ ᑕᐃᕕᑎ ᔪᐊᓇᓯ: ᖁᔭᓐᓇᒦᒃ, ᐅᖃᖅᑏ. ᑖᓐᓇ ᒪᓕᒐᓕᐅᖅᑎᐅ ᐅᖃᐅᓯᖏᓐᓂ ᐅᖃᐅᓯᕆᖅᑲᐅᔭᕋᓗᐊᕋ, ᑭᓯᐊᓂ ᖁᔭᓐᓇᒦᕈᒪᑦᓯᐊᕋᒃᑯ ᐃᓕᓴᕆᒍᒪᑦᓯᐊᖅᓱᒍᓗ, ᒥᔅᓯᔅ ᐃᐊᒪᓕ ᔪᐊᓇᓯ, ᓄᓕᐊᕋ. ᑖᓐᓇ ᐃᑲᔪᖅᓰᓇᕐᒪᖓ ᑕᕝᕗᖓᓚᐅᖅᓯᒪᒐᒪᓂᒃ, ᐊᒻᒪᓗ ᓯᕗᓂᐊᒍᓪᓘᓐᓃᑦ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᒃ ᑐᓂᕐᕈᑎᒋᖃᑦᑕᖅᓯᒪᒐᕕᑦ (ᑐᓵᔨᑎᒎᕈᓐᓃᖅᑐᖅ) ᑭᓯᐊᓂᑦᑕᐅᖅ ᕿᑐᕐᖓᖃᕋᓐᓄᒃ ᑕᓪᓕᒪᓂᑦ. ᑖᒃᑯᐊ ᐃᓕᑕᕆᒍᒪᑦᓯᐊᖅᓱᒋᑦ ᐊᐅᓪᓚᖃᑦᑕᖅᓯᒪᑎᒡᓗᖓ ᕿᒪᑦᓯᒪᑲᐃᓐᓇᖃᑦᑕᕆᐊᖃᖅᓯᒪᓚᐅᕋᒃᑭᑦ ᑕᕝᕙᓂ 12ᓂᑦ ᐊᕐᕌᒎᓂᑦ ᒪᓕᒐᓕᐅᖅᑎᐅᓯᒪᑎᒡᓗᖓ. ᑭᓯᐊᓂ ᐅᕙᓃᖏᑦᑑᒐᓗᐊᑦ ᐃᓕᓴᕆᔭᐅᖁᒡᓗᒋᑦ ᕿᑐᕐᖓᒃᑲ, ᓴᐃᑎ ᑰᑦᑎᖅ, ᓯᓐᑎᐊ ᔪᐊᓇᓯ, ᖁᓕᑦᑕᓕᒃ ᔪᐊᓇᓯ, ᐱᑦᑖᓗᒃ ᔪᐊᓇᓯ, ᐊᒻᒪ ᐸᑦᑐ ᔪᐊᓇᓯ, ᐊᒻᒪᓗ ᐃᕐᖑᑕᖃᓕᕐᒥᒐᓐᓄᒃ, ᐅᖃᖅᑏ. ᐊᐃᓚ ᓂᑯᑦᑕᐃ, ᐃᓕᑕᕆᔭᐅᖁᑦᓯᐊᖅᐸᕋ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 32 ᐅᖃᖅᑎ (ᑐᓵᔨᑎᒍᑦ): ᑐᙵᓱᒋᔅᓯ ᒪᓕᒐᓕᐅᕐᕕᓯᓐᓄᑦ. ᐃᓕᓴᖅᓯᓂᖅ ᐳᓛᕆᐊᖅᓯᒪᔪᓂᑦ ᒪᓕᒐᓕᐅᕐᕕᖕᒧᑦ. ᒪᓕᒐᓕᐅᖅᑎ ᖁᑦᑎᑦᑐᒧᑦ, ᒥᔅᑕ ᑕᐃᕕᑎ ᐊᑭᐊᕈᖅ. ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᐅᓯᕆᖅᑲᐅᒐᓗᐊᕐᒥᔭᕋᑦᑕᐅᖅ ᑖᓐᓇ ᓄᓕᐊᓐᓇᕆᔭᑯᓗᒐ ᑕᒫᓃᒻᒪᑦ, ᑭᐅᕈ ᐊᕿᐊᕈᖅ. ᑕᕝᕙᓂ ᑲᒪᔨᒋᓪᓚᑦᑖᕋᒃᑯ ᖁᔭᓐᓇᒦᑦᑎᐊᖅᓱᒍ. ᑖᒃᑯᐊᒃᓗ ᕿᑐᕐᖓᕗᑦ ᑕᒫᓃᑦᑐᐃᑦ ᕿᑐᕐᖓᓕᒫᕗᑦ, ᐊᒻᒪᓗ ᐃᕐᖑᑕᕗᑦ ᑕᒫᓂᖏᒻᒪᑕ, ᑖᒃᑯᑐᐊᖅ ᑕᒫᓃᑦᑐᐃᑦ ᒫᓐᓇ ᓵᒻᓴᓐ ᐊᕿᐊᕈᖅ, ᐊᒻᒪᓗ ᕼᐅᑉ ᐊᕿᐊᕈᖅ, ᐊᒻᒪᓗ ᑖᒃᑯᐊᑦ ᐃᓚᖏᑦ ᐃᓕᓴᕆᔭᐅᒌᕋᑖᖅᑲᐅᔫᒐᓗᐊᑦ. ᑖᓐᓇ ᑐᖏᓕᕆᓚᐅᖅᑕᕋ ᑯᕆᔅᑏᓐ ᐃᐅᓪᔅᕗᖅ ᐃᓕᓴᕆᔪᒪᑦᑎᐊᖅᐸᕋ, ᐊᒻᒪᓗ ᓯᑏᕝ ᓵᑕᑦ. ᑭᖑᓂᖃᖅᐳᓯ. ᐊᒻᒪᓗ ᑕᓐᓇ ᐸᓖᓯᒃᑯᓐᓂᑦ ᐊᖏᔪᖅᑳᕆᔭᐅᓚᐅᖅᑐᖅ ᐋᓐᑐᕉ ᐸᓛᑲᑖ. (ᑐᓵᔨᑎᒎᓕᖅᑐᖅ) ᖃᐅᔨᒪᓂᐊᕋᕕᑦ ᕿᓗᐊᖅᓯᒪᖅᑲᐅᒐᒪ ᐅᓪᓛᓕᒫᖅ ᑲᑎᒪᖃᑎᒌᑦᑎᓪᓗᑕ ᑲᑎᒪᔨᑐᐃᓐᓇᐃᑦ. ᑕᑯᓪᓗᓂ ᖃᐃᑕᐅᖃᑦᑕᖅᓯᒪᔪᑦ ᕿᓗᐊᑯᓗᐃᑦ. 21ᖑᓕᖅᐳᑦ ᐊᔾᔨᒌᑦᑐᐃᓐᓇᐅᑉᓗᑎᒃ. >>ᐃᒡᓚᖅᑐᑦ (ᑐᓵᔨᑎᒎᕈᓐᓃᖅᑐᖅ) ᑖᓐᓇᓗ ᑳᓖᓐ ᐋᕆᐊᖅ, ᑕᒫᓃᑦᑐᐊᓐᓅᒐᕕᑦ, ᑳᑎ ᕼᐋᓴᓐ, ᓄᓕᐊᕐᒪ ᐃᖅᑲᓇᐃᔭᖃᑎᒡᓚᕆᐊᓗᐊ. ᑖᓐᓇ ᓂᕆᖃᑎᒌᓐᓇᐅᔭᖅᑑᒃ, ᐊᓕᐊᓇᐃ ᓄᓕᐊᕋ ᐸᖅᑭᑦᑎᐊᖃᑦᑕᕋᕕᐅᑦᑕᐅᖅ ᑕᐃᑲᓂ ᐃᖅᑲᓇᐃᔭᕐᕕᓐᓃᕕᑦ. ᑖᓐᓇᑦᑕᐅᖅ ᐃᖅᑲᓇᐃᔭᖅᑎᑖᕆᒋᐊᑲᐅᑎᒋᓚᐅᖅᓯᒪᔭᕋ ᑕᒪᐅᖓᖅᓱᖓ ᒥᓂᔅᑕᙳᖅᓱᖓ, ᑐᕇᓴ ᕼᐃᐅᔅ, ᒫᓐᓇ ᒥᓂᔅᑕᒧᑦ ᑐᖏᓕᐅᓕᕋᕕᑦ. ᐊᒃᓱᐊᓗᒃ ᐅᐱᒋᓐᓇᖅᐸᒋᑦ, ᐱᓕᕆᑦᑎᐊᖅᓯᒪᓂᓐᓃᕕᓪᓗ ᐃᑉᐱᓐᓇᖃᑦᑕᕐᒪᑦ, ᖁᔭᓐᓇᒦᕐᔪᐊᖅ. ᔮᓇᑕᓐ ᐃᐅᓪᔅᕗᑦᑕᐅᖅ ᑕᒫᓃᑦᑐᐊᓐᓅᒻᒪᑦ. ᐊᒻᒪᓗ (ᑐᓵᔨᑎᒎᓕᖅᑐᖅ) ᐱᙳᐊᖅᑎᒻᒪᕆᐅᔪᖅ ᐊᕐᕌᒍᒧᑦ, ᒪᐃᔪᓪᔅ ᐳᕉᔅᑐ. >>ᐸᑦᑕᑐᖅᑐᑦ ᐊᒻᒪᓗ ᑭᖑᓪᓕᖅᐹᒥᖃᐃ ᑖᓐᓇ, ᔮᓐ ᑯᐊᒃ, ᖁᔭᓐᓇᒦᔾᔪᐊᕌᓗᒃ ᑕᕝᕙᓂ ᐱᖠᕆᖃᑦᑕᖅᓯᒪᒐᕕᑦ. ᐊᒻᒪᓗ ᐅᖃᒡᓚᖃᑎᒌᖃᑦᑕᖅᓯᒪᓪᓗᓄᒃ ᐊᔾᔨᒌᖏᑦᑑᓂᑦ ᑕᐃᒪᖓᓂᑦ ᓄᓇᕗᙳᓚᐅᓂᖓᓂᑦ ᐱᓕᕆᖃᑎᒋᖃᑦᑕᖅᓯᒪᒐᒃᑯ ᐊᓕᐊᓇᐃ. ᖁᔭᓐᓇᒦᑦᑎᐊᖅᐸᒋᑦᑕᐅᖅ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᑐᙵᓱᒋᑦᑎ ᒪᓕᒐᓕᐅᕐᕕᒻᒧᑦ. ᐃᓕᑕᖅᓯᓂᖅ ᐳᓛᕆᐊᖅᓯᒪᔪᓂᑦ ᒪᓕᒐᓕᐅᕐᕕᖕᒧᑦ. ᒪᓕᒐᓕᐅᖅᑎ ᐃᖃᓗᐃᑦ ᓯᓈᓄᑦ, ᒥᔅ ᐳᕉᔅᑐ. ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᒥᓲᕗᑦ ᑕᕝᕙᓃᑉᐳᑦ ᑖᒃᑯᐊ ᐃᓚᒋᔭᖏᓐᓕ ᐅᖃᐅᓯᖃᕐᓂᐊᖅᐳᖓ. ᑖᓐᓇ ᐃᓪᓗᕋ ᑳᑎ ᕼᐋᓐᓴᓐ. ᐊᒻᒪᓗ ᖁᕕᐊᓪᓚᕆᑉᐳᖓ ᑕᕝᕙᓃᑦᑐᓐᓇᕋᕕᑦ. ᐃᓚᒋᓚᐅᖅᑕᓐᓂᑦ ᖁᕕᐊᒋᓪᓚᕆᓚᐅᒻᒥᒐᑉᑯ. ᑕᐃᒪ ᒪᕐᕉᓐᓂᒃ ᓇᖏᖅᓯᖁᔨᓂᐊᕋᒪ, ᐅᐱᒋᒻᒪᕆᑉᑲᑉᑭᑦ, ᐅᖃᖅᑏ. ᓯᕗᓕᖅᐹᒥ ᑖᒃᑯᐊ ᐃᓚᐅᓕᑕᐃᓐᓇᖅᖢᑎᒃ ᐃᒡᓗᒥ, ᑖᒃᑯᐊ ᑕᐃᒪᐃᑦᑐᓄᑦ ᐱᔪᓄᑦ ᐃᓚᐅᓗᐊᒡᒍᔪᖏᒻᒪᑎ, ᐱᒻᒪᕆᐅᒻᒪᑕ ᐅᕙᒻᓄᑦ. ᓯᕗᓪᓕᐅᓗᒍ ᑖᓐᓇ ᐊᖏᔪᑦᑎᖅᐹᖅ ᓄᓕᐊᖃᖏᑦᑐᖅ ᓱᓕ ᐃᕐᓂᕋ, ᐋᓯᕙᒃ ᒫᓐᑎᒋᐅ. >>ᐸᑦᑕᑐᖅᑐᑦ

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 33 ᓇᓪᓕᒋᒻᒪᕆᑉᐸᒋᑦ, ᐋᓯᕙᒃ, ᓯᓚᑐᔪᒻᒪᕆᐅᔪᖅ, ᐃᑉᐱᒍᓱᑦᓯᐊᓪᓚᕆᑉᐸᑦᑐᖅ ᐊᓈᓇᓐᓂᑦ ᐃᓪᓗᒥᐅᖃᑎᒋᓪᓗᓂᐅᒃ. ᐃᓪᓗᖃᕈᓐᓇᓕᕋᓗᐊᖅᑐᓂ ᐃᖅᑲᓇᐃᔮᒥᑎᒍᑦ, ᐊᓈᓇᓐᓂᑦ ᕿᒪᐃᒍᒪᙱᒻᒪᑦ. ᓇᓪᓕᒋᒻᒪᕆᑦᑕᕋ ᑕᕝᕘᓇ. ᖁᔭᓐᓇᒦᒃ. ᐊᒻᒪᓗ ᓄᑲᖅᑎᖅᐹᖁᑎᕗᑦ ᓄᓕᐊᖃᖏᒻᒥᔪᑦᑕᐅᖅ, ᒪᐃᐅᓪᔅ ᐳᕉᔅᑐ. >>ᐸᑦᑕᑐᖅᑐᑦ ᑐᓴᖅᓯᒪᒻᒪᑕ ᐊᒥᓱᑦ ᒪᐃᐅᔅ ᐅᕙᒻᓂᑦ. ᓯᕗᓕᖅᑎᐅᑉ ᐃᖅᑲᐃᑎᑦᓱᓂᖓ ᒪᐃᐅᓪᔅ ᑐᑦᑐᓚᐃᑦ ᐳᕉᔅᑐ. ᐅᐱᒋᓪᓚᕆᑦᑐᒍ ᑖᓐᓇ ᑎᒃᑯᐊᑕᐅᔪᒻᒪᑦ ᓱᒃᑲᔮᖅᑐᓂ ᐊᓐᓂᑭᑦᑐᖅᑐᓄᑦ ᐃᓚᐅᒍᓐᓃᕋᓗᐊᖅᓱᓂ ᑲᒪᔨᐅᖃᑦᑕᕐᖓᑦ ᐃᓕᓴᐃᔨᒋᔭᐅᖃᑦᑕᕐᒪᑦ, ᑕᕝᕙ ᑕᑯᑎᑦᓯᓪᓗᐊᑕᖅᐳᑦ ᓱᒃᑲᔮᖅᐸᑦᑐᓂᑦ ᐃᓚᒌᑦ, ᐃᕐᓂᑯᓗᒐᓗ, ᑖᓐᓇ ᐃᓗᖏᖅᓱᓪᓚᕆᒻᒪᑦ ᐃᑲᔪᕆᐊᒥᑦ ᑭᓇᑐᐃᓐᓇᑦᓯᐊᒥᒃ. ᐃᓛᓐᓂᒃᑯᑦ ᓱᖏᐅᑎᕙᓪᓕᐊᐸᒃᑲᓗᐊᖅᓱᓂ ᐊᒥᐊᒃᑯᓂ ᖃᐃᑦᓯᖃᑦᑕᓲᖑᒻᒪᑦ ᑕᒧᓗᒐᑦᓴᓂᑦ. ᖁᕕᐊᒋᓪᓚᕆᑦᑐᒍ. ᑐᙵᓱᒋᔅᓯ ᒪᓕᒐᓕᐅᕐᕕᖕᒧᑦ. ᐅᐱᒋᓪᓚᕆᑦᑐᒋᒃ, ᐱᓗᐊᖅᑐᒥ ᐃᕐᓃᒃᑲ, ᑭᓇᐅᓂᖏᓐᓂᑦ ᖁᕕᐊᓱᓪᓚᕆᑦᑐᖓ ᐃᑲᔪᖅᑐᐃᖃᑦᑕᖅᓯᒪᓂᖏᓄᑦ ᓯᓚᑐᔫᓂᖏᓐᓄᓪᓗ. ᑐᙵᓱᒋᑦᓯ ᐃᒡᓗᒧᑦ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᑐᙵᓱᒋᑦᓯ ᐃᒡᓗᒧᑦ. ᐃᓕᑕᖅᓯᓂᑦ ᐳᓛᕆᐊᖅᓯᒪᔪᓂᑦ. ᒪᓕᒐᓕᐅᖅᑎ ᐊᐃᕕᓕᖕᒧᑦ, ᒥᔅᑕ ᒪᓕᑭ. ᒪᓕᑭ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐃᓕᑕᕆᔪᒪᔭᖃᖅᑐᖓ ᑕᕝᕙᓂ ᑲᑎᒪᓂᕐᒥ ᐃᓚᒋᔭᕐᒥ ᑕᕝᕙᓃᑦᑐᖃᖅᖢᓂ ᑐᙵᕚᓪᓂᓐᓇᑦᑎᐊᖃᑦᑕᕐᒪ,. ᐃᕐᓂᒋᒐᖃᑕᐅᖃᑦᑕᖅᑕᕋ ᐅᖃᐅᓯᕆᖅᑲᐅᒡᓗᒍᓗ ᑕᕝᕙᓂ ᒪᓕᒐᓕᐅᖅᑏᑦ ᐅᖃᐅᓯᑦᓴᖏᓐᓂ ᐅᖃᒡᓚᒃᑎᓪᓗᖓ ᐃᑲᔪᖅᑎᒋᔾᔪᐊᖃᑦᑕᖅᓯᒪᓪᓗᑎᒍ, ᓄᓕᐊᕋᓗ, ᐃᕐᓂᑯᓗᑉᐳᑦ ᐋᓐᓄᓘ ᒪᓕᑭ. >>ᐸᑦᑕᑐᖅᑐᑦ ᐊᒻᒪ ᒪᓕᒐᓕᐅᖅᑎᑦ ᐅᖃᐅᓯᖏᓐᓂ ᐅᖃᓐᓂᐊᖅᑲᐅᔭᕋ ᐳᐃᒍᕆᐊᖃᖏᑕᕋ ᐳᐃᒍᖅᑲᐅᓐᓂᕋᒃᑯ, ᐅᒡᓗᒥ ᓇᓪᓕᐅᑎᓕᐊᖃᕋᑦᑕ ᐃᕐᓂᑦᑕ ᐃᓚᖓᓂᒃ ᓖ ᔮᓐ ᒪᓕᑭ, 14ᓂᑦ ᐅᑭᐅᖃᓕᖅᑐᖅ. ᕼᐊᐱ ᐴᓯᑕᐃ. ᓇᓪᓕᒋᑦᑎᐊᖅᐸᒋᑦ. >>ᐸᑦᑕᑐᖅᑐᑦ ᐊᒻᒪ ᐃᓕᑕᕆᔪᒪᒋᓪᓗᒍ ᑖᓐᓇ ᐃᑲᔪᖅᑎᒋᔾᔪᐊᖅᖠᒪᔭᕗᑦ ᑕᕝᕙᓂ ᐃᒡᓗᒥ ᐋᖅᑭᒋᐊᖅᑎᔨᒋᕙᒃᖢᑎᒍ, ᐅᖃᖅᑲᐅᒐᕕᑦ ᐅᖃᖅᑎᑦᑎᔩ, ᑕᐃᒪᓐᓇᑦᑎᐊᖅ, ᓱᓕᒡᓗᑎᑦ ᐅᖃᖅᑲᐅᕗᑎᑦ ᑖᒃᑯᐊ ᐅᖃᐅᓯᕆᑎᒡᓗᒍ, ᔮᓐ ᑯᐊᒃ. ᖁᔭᓐᓇᒦᒃ ᐃᓕᓐᓂᐊᖅᑎᑦᓯᓯᒪᒐᕕᑦ ᐅᕙᑦᑎᓐᓂᑦ. >>ᐸᑦᑕᑐᖅᑐᑦ ᐊᒻᒪᑦᑕᐅᖅ ᒪᓕᒐᓕᐅᖅᑎᖃᑎᒪ ᐃᓕᑕᕆᐊᓂᖅᓵᖅᑕᕋᓗᐊᖓ ᓄᓕᐊᕐᒪᑦᑕᐅᖅ ᓴᓇᖃᑖ, ᑕᒫᓂ ᐃᖃᓗᓐᓂᕐᒥᐅᑕᐅᔫᒐᓗᐊᖅ ᑭᓯᐊᓂ ᓈᐅᔮᓃᑎᓪᓗᒍ ᐊᓕᐊᓇᐃᒋᖃᑦᑕᓚᐅᕋᑦᑎᒍ. ᐃᑲᔪᖅᐹᓪᓕᖅᓯᒪᕐᔪᐊᓚᐅᖅᓱᓂ ᓇᐅᔮᓃᑎᓪᓗᒍ, ᑳᑎ ᕼᐋᓐᓴᓐ, ᑐᙵᓱᒋᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 34 ᐅᖃᖅᑎ (ᑐᓵᔨᑎᒍᑦ): ᑐᙵᓱᒋᔅᓯ ᒪᓕᒐᓕᐅᕐᕕᒻᒧᑦ. ᐃᓕᑕᖅᓯᓂᑦ ᐳᓛᕆᐊᖅᓯᒪᔪᓂᑦ, ᒪᓕᒐᓕᐅᖅᑎ ᑲᖏᖅᓯᓂᐅ ᓂᒋᐊᓄᑦ, ᒥᔅᑕ ᑯᓱᒐᖅ. ᐊᖓᔪᖅᑳᖅ ᖁᐊᓴ ᑯᓱᒐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑐᙵᓱᑦᑎᒍᒪᓪᓗᒍᑉᓗ ᒥᔅᑕ ᑰᐊᒃ ᐃᒡᓗᒧᑦ. ᐅᖃᖅᑏ. ᑖᓐᓇ ᒥᔅᑕ ᑰᐊᒃ ᕼᐊᑭᓐᓂᒃ ᖁᕕᐊᒋᔭᖃᕐᓂᖅᓴᓪᓚᕆᒃ ᐃᓕᓐᓂᑦ, ᒥᔅᑕ ᒪᐃᓐᒥᓗ, ᒪᓐᑐᕆᐊᓪᑯᓐᓄᑦ. ᐃᓕᑕᕆᔪᒪᓪᓗᒍᓗ ᑲᖏᖅᓯᓂᕐᒥᐅᑕᑐᖃᐅᔪᖅ ᒥᔅᑕ ᔨᐊᕈᓪᑦ ᐊᓇᕈᐊᖅ. ᑐᙵᓱᒋᑦ ᒪᓕᒐᓕᐅᕐᕕᒻᒧᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᑐᙵᓱᒋᔅᓯ ᒪᓕᒐᓕᐅᕐᕕᒻᒧᑦ. ᐃᓕᑕᖅᓯᓂᑦ ᐳᓛᕆᐊᖅᓯᒪᔪᓂᑦ. ᒪᓕᒐᓕᐅᖅᑎ ᐸᖕᓂᖅᑑᒧᑦ, ᒥᔅ ᓇᑲᓱᒃ. ᐊᖓᔪᖅᑳᖅ ᒫᒡᒍᓚ ᓇᑲᓱᒃ: ᖁᔭᓐᓇᒦᒃ, ᐅᖃᖅᑏ. ᐃᓕᓴᖅᓯᒍᒪᒻᒥᒐᒪ ᑕᕝᕙᓂ ᐳᓛᕆᐊᖅᓯᒪᔪᓂᑦ, ᐊᐃᑉᐸᕋ ᐋᓐᑐᕉ ᓇᑲᓱᒃ, ᓄᑲᕋ ᐋᓂ ᖄᐱᒃ, ᐃᓪᓗᑯᓗᒐ ᓇᑖᓕᐊ ᐅᑲᓕᖅ, ᐃᓚᖓᑦ ᐊᓂᓐᓂᕐᖓᑦ ᓄᐊᑯᓗᒐ, ᐃᐊᒪᓕ ᖄᐱᒃ. ᑕᐃᓐᓇᑦᑕᐅᖅ ᐊᕐᕌᓂᐅᓕᖅᑐᖅ ᐱᔭᕇᕐᓂᖃᔪᒻᒪᑦ ᒪᓕᒐᓕᕆᓂᕐᒧᑦ ᐃᓕᓐᓂᐊᖅᑐᓂᑦ, ᒪᑖᒻ ᐃᖅᑲᖅᑐᐃᑎᑦᓯᔩᓚᔭᐅᕙᓕᖅᑐᖅ ᐃᐊᒪᓕ ᖄᐱᒃ ᐱᓕᕆᐊᖓᓂᑦ ᐅᐱᒋᓪᓗᒍ. ᐊᒻᒪ ᐱᓕᕆᖃᑎᒋᔪᔭᕋ ᔮᓇᑕᓐ ᐃᐅᓪᔅᕗᑦ, ᑐᖏᓕᕋ ᐃᓄᓕᕆᔨᒃᑯᓐᓄᑦ. ᖁᔭᓐᓇᒦᓪᓚᕆᑦᑕᕋ ᑖᓐᓇ ᐊᔅᓱᐊᓗᑦᑕᐅᖅ ᐃᖅᑲᓇᐃᔭᒃᑲᖅ. ᑐᖏᓕᕆᔭᑯᓗᒋᓚᐅᖅᓯᒪᒻᒥᔭᕋ, ᑐᕇᓴ ᕼᐃᐅᔅ ᐃᓕᖅᑯᓯᓕᕆᔨᒃᑯᓐᓄᑦ. ᕼᐊᐃ ᔮᓐ ᑯᐊᒃ. ᖁᔭᓐᓇᒦᓚᕆᒃᑭᑭᑦᑕᐅᖅ ᖃᓄᖅ ᐱᓕᕆᑦᑎᐊᓯᒪᓚᐅᕋᕕᑦ ᖁᔭᓐᓇᒦᓪᓚᕆᒃᑭᒃᑭᑦ. ᐳᐃᒍᕈᒪᙱᓗᐊᖅᑲᐅᔭᒃᑲᑦᑕᐅᖅ ᐅᖃᕈᒪᒻᒥᔭᒃᑲ ᖁᔭᓐᓇᒦᖅᓱᒋᑦ ᐃᓐᓇᐃᑦ ᐃᓕᓐᓂᐊᕐᕕᖓ ᑐᖏᓖᑦ, ᔮᑭ ᐱᐅᔅ ᐊᔅᓱᐊᓗᒃ ᑕᑯᓐᓇᕋᑎᐊᖃᑦᑕᕐᖓᑦ ᓯᕗᒧᑦ ᐃᓕᓐᓂᐊᕈᑎᔅᓴᑲᓐᓂᕐᓂᑦ ᐊᒻᒪᓗ ᐋᖅᑭᒋᐊᑐᔅᓴᒫᓂᑦ ᐃᓕᓐᓂᐊᕐᕕᐅᑉ ᐃᓗᐊᓂ. ᖁᔭᓐᓇᒦᑦᑕᕋ, ᐊᒻᒪᓗ ᐃᖅᑲᓇᐃᔭᖅᑎᓕᒫᑦ ᑕᐃᑲᓂ ᐊᒃᓱᕈᐊᖃᖅᐸᑦᑐᐃᑦ ᐃᓕᓐᓂᐊᑦᑎᐊᖁᔨᓪᓗᑎᒃ. ᑕᐃᒃᑯᐊᓗ ᐊᓯᖏᐅᒐᓗᐊᖅ ᑐᖏᓕᕆᖃᑦᑕᖅᓯᒪᔭᒃᑲ. ᖁᔭᓐᓇᒦᑦᑕᐃᓐᓇᕋᓗᐊᒃ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᐃᓕᑕᖅᓯᓂᖅ ᐳᓛᕆᐊᖅᓯᒪᔪᓂᑦ ᒪᓕᒐᓕᐅᕐᕕᒻᒧᑦ. ᑲᑎᒪᔾᔪᑎᒃᓴᖅ 6-ᒨᓚᐅᙱᓂᑦᑎᓐᓂ, 15 ᒥᓂᑦᒥᑦ ᓄᖅᑲᖔᑲᐃᓐᓇᕐᓂᐊᖅᐳᒍᑦ. ᐃᖅᓱᖅᑏ. >>ᓄᖅᑲᑲᐃᓐᓇᖅᑐᑦ 15:57 ᐊᒻᒪᓗ ᐱᒋᐊᒃᑲᓂᖅᑐᑎᑦ 16:18 ᐅᖃᖅᑎ (ᑐᓵᔨᑎᒍᑦ): ᑲᑎᒪᔾᔪᑎᒃᓴᖅ 6. ᐅᖃᐅᓯᒃᑯᑦ ᐊᐱᖅᑯᑏᑦ. ᒪᓕᒐᓕᐅᖅᑎ ᐃᖃᓗᐃᑦ-ᒪᓂᕋᔭᖕᒧᑦ, ᒥᔅᑕ ᓚᐃᑦᓯᑑᓐ. ᑲᑎᒪᔾᔪᑎᒃᓴᖅ 6: ᐅᖃᐅᓯᒃᑯᑦ ᐊᐱᖅᑯᑎᑦ ᐊᐱᖅᑯᑦ 1448 - 6(2): ᖃᓄᖅ ᐊᐱᕆᖓᔭᖅᑲ ᐱᕕᖃᖅᑎᑕᐅᓐᓂᕈᓂ ᓚᐃᑦᓯᑑᓐ) ᓚᐃᑦᓯᑑᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑖᒃᑯᐊ ᐊᐱᖅᑯᑎᒋᓗᒋᑦ ᑖᒃᑯᐊ ᒥᓂᔅᑕᕆᔭᐅᔪᑦ ᑖᒃᑯᐊ ᓇᓖᕌᕐᕕᒋᔭᖃᕐᓂᐊᖅᐸᑦ. ᓇᓕᐊᑐᐃᓐᓇᖅ ᒥᓂᔅᑕ ᑮᓇᐅᔭᓕᕆᔨᒃᑯᓄᑦ ᑭᐅᔭᐅᔪᓐᓇᖅᑐᑦ ᐅᕝᕙᓘᓐᓃᑦ ᓄᓇᕗᑦ ᐃᒡᓗᓕᕆᔨᕐᔪᐊᒃᑯᑦ ᑯᐊᐳᕇᓴᖓᓐᓄᑦ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 35 ᐅᖃᖅᑏ, ᑖᓐᓇ ᒥᓂᔅᑕ ᖃᐅᔨᒪᖕᒪᑦ, ᑕᒪᓐᓇ ᐊᐱᖅᑯᑎᖃᖅᖢᓂ ᐃᓱᒪᖅᓱᕐᓂᕐᒥᒃ ᑐᙵᕕᖃᕐᒪᑦ ᐊᒻᒪᓗ ᐊᐱᖅᓱᕐᓇᐅᑉ, ᐅᖃᐅᓯᒃᑯᑦ ᐊᐱᖅᓱᕐᓇᖅ ᑕᒪᓐᓇ ᑲᒪᒋᔭᐅᖃᑦᑕᕐᒪᑕ ᐃᓄᑑᓪᓗᑕ. ᒪᓕᒐᓕᐅᖅᑎᓕᒫᑦ ᖃᐅᔨᒪᑦᑎᐊᖅᑐᑦ ᑕᐃᒃᑯᐊ ᒪᓕᒐᐃᑦ ᓇᓗᓇᐃᔭᐃᑦᑎᐊᖅᓯᒪᖕᒪᑦ ᖃᓄᖅ ᐊᐱᖅᑯᑏᑦ ᐊᐱᖅᑯᑎᒋᔭᐅᔪᓐᓇᕐᒪᖔᑦ, ᑭᓇᓗ ᐊᐱᕆᔪᓐᓇᕐᒪᖔᑦ. ᑕᐃᒪᙵᓕᒫᖅ ᑖᕙᓂ ᐃᒃᓯᕚᕐᒪᑦ ᒥᓂᔅᑕᕆᔭᐅᓪᓗᓂ, ᐊᒻᒪ ᑕᐃᒪᐃᓕᖅᑲᐅᑎᓪᓗᖓ ᑖᓐᓇ ᒥᓂᔅᑕᕆᔭᐅᔪᖅ ᑕᕝᕙᓂ ᐊᐱᖅᑯᑎᒥᒃ ᑭᐅᓚᐅᖅᓯᒪᙱᒻᒪᑦ ᑕᐃᒪ ᐊᐱᕆᔪᒪᕕᙶ ᑭᓲᓇᔭᖅᐸᑦ? ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᑮᓇᐅᔭᓕᕆᔨᒃᑯᓐᓄᑦ, ᒥᔅᑕ ᑯᓱᒐᖅ. ᐊᖓᔪᖅᑳᖅ ᖁᐊᓴ ᑯᓱᒐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓇ ᐊᐱᖅᑯᑎᒋᒐᔭᖅᑕᕋ ᒥᓂᔅᑕᐅᙱᑦᑐᒧᑦ, ᐊᐱᕆᒋᐊᖃᕐᓂᕈᒪ ᐃᒪᓐᓇᐅᒐᔭᖅᑐᖅ, ᖃᓄᐃᒻᒪᓂᒃᑯ ᒪᓐᑐᕆᐊᓪ ᑲᓇᐃᑎᐊᓐᑯᑦ ᐊᔪᙱᑦᑐᕐᔪᐊᒻᒪᕆᐊᓘᕙᑦ? ᖁᔭᓐᓇᒦᒃ, ᐅᖃᖅᑏ. >>ᐃᒡᓚᖅᑐᑦ, ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᒥᔅᑕ ᓚᐃᑦᓯᑑᓐ. ᓚᐃᑦᓯᑑᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᐱᑦᑎᐊᖅᐳᖓ ᒥᓂᔅᑕᒧᑦ ᐊᐱᕆᔭᐅᖔᕋᒪ. ᐃᓚᒋᐊᕈᑎᖃᙱᒃᑲᓗᐊᖅᑎᓪᓗᖓ ᐊᐱᖅᑯᑖ ᑖᓐᓇ ᑭᐅᔪᓐᓇᙱᓐᓇᒃᑯ ᓇᓗᒐᒪ. ᖁᔭᓐᓇᒦᒃ, ᐅᖃᖅᑏ. >>ᐃᒡᓚᖅᑐᑦ ᐅᖃᖅᑎ (ᑐᓵᔨᑎᒍᑦ): ᐅᖃᐅᓯᒃᑯᑦ ᐊᐱᖅᑯᑏᑦ. ᐱᕕᑭᑦᑑᓕᕋᑦᑕ ᑕᐃᒃᑯᐊ ᓯᕗᕐᖓᓂ ᐅᖃᐅᓯᕆᔭᓯ ᓇᐃᒡᓕᑎᖅᓯᒪᓂᐊᖅᐸᔅᓯᐅᒃ ᐊᒻᒪᓗ ᑕᕝᕗᖓᓪᓗᐊᖅ ᑭᐅᖃᑦᑕᕐᓗᓯ. ᖁᔭᓐᓇᒦᒃ. ᐅᖃᐅᓯᒃᑯᑦ ᐊᐱᖅᑯᑏᑦ. ᒪᓕᒐᓕᐅᖅᑎ ᐃᖃᓗᐃᑦ−ᑕᓯᓗᒻᒧᑦ, ᒥᔅᑕ ᕼᐃᒃᔅ. ᐊᐱᖅᑯᑦ 1449 – 6(2): ᓇᓪᓕᐅᒃᑯᒫᖃᙱᑦᑐᓄᑦ ᐋᓐᓂᐊᖅᑐᓕᕆᓂᕐᒧᑦ ᐃᑲᔫᑎᓄᑦ ᐊᑎᓕᐅᖅᑕᐅᓂᖏᑦ (ᕼᐃᒃᔅ) ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓇ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓᓐᓄᑦ ᐊᐱᖅᑯᑎᒋᔪᒪᓪᓗᒍ ᐃᓄᓕᕆᔨᑐᖃᒃᑯᑦ ᐃᒃᑯᐊ ᓄᓇᖃᖅᑳᖅᓯᒪᔪᑦ ᑲᓇᑕᒥᐅᑕᐃᑦ ᐃᓅᓕᓴᖅᑕᐅᖃᑦᑕᕐᓂᖏᑦ ᐱᐅᓯᒋᐊᒃᑲᓐᓂᖁᓪᓗᒍ. ᑖᓐᓇ ᓈᓵᐅᑎᓕᒃ 4. ᐊᑐᓕᖁᔭᓕᐊᕆᔭᐅᓯᒪᔪᑦ ᑕᒪᒃᑯᐊ ᐊᐳᖅᑕᐅᑏᑦ ᐲᔭᕐᔫᒥᓗᒋᑦ ᐊᒻᒪᓗ ᓄᓇᖃᖅᑳᖅᓯᒪᔪᑦ ᑲᓇᑕᒥᐅᑕᐃᑦ ᐱᓕᒻᒪᒃᓴᖅᑕᐅᓗᑎᒡᓗ ᓇᓪᓕᐅᒃᑯᒫᖅᑕᐅᓯᒪᙱᑦᑐᒥᒃ ᐱᓕᕆᐊᓖᑦ. ᐊᒻᒪᓗ ᑖᓐᓇ ᒥᓂᔅᑕᕆᔭᐅᔪᖅ ᐃᓄᓕᕆᔨᑐᖃᒃᑯᓐᓄᑦ ᓯᕗᓪᓕᖅᐹᒥᒃ ᐱᒋᐊᓕᓵᖅᑲᐅᑎᓪᓗᑕ ᐃᓱᒪᓕᕆᔩᑦ ᐱᔭᕐᓂᙱᓗᐊᕐᒪᑦ. ᐅᓇ ᓯᕗᓪᓕᖅᐹᖅ ᐊᐱᑯᑎᒋᓪᓗᒍ, ᑭᓇᒃᑯᑦ ᐃᒃᑯᐊ ᓇᓗᓇᐃᖅᓯᔨᐅᖃᑦᑕᖅᐸᑦ ᐃᓱᒪᓕᕆᔨᐅᔪᓂᒃ ᑕᐃᒃᑯᐊ ᓇᓪᓕᐅᒃᑯᒫᖅᑕᐅᓯᒪᙱᑦᑐᑦ ᐃᑲᔫᑏᑦ ᐊᑐᕐᓗᒋᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ, ᒥᔅᑕ ᒪᐃᓐ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 36 ᐊᖓᔪᖅᑳᖅ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᓇᓪᓕᐅᒃᑯᒫᖅᑕᐅᓯᒪᙱᑦᑐᑦ ᐃᑲᔫᑏᑦ ᖃᐅᔨᒪᔪᒃᓴᐅᕗᖅ ᑖᓐᓇ ᒪᓕᒐᓕᐅᖅᑎ, ᑖᒃᑯᐊ ᓄᓇᖃᖅᑳᖅᓯᒪᔪᑦ ᑲᓇᑕᒥ ᑕᐃᒃᑯᓄᖓ ᑲᒪᒋᔭᐅᖃᑦᑕᖅᑐᑦ ᐊᒻᒪᓗ ᒪᓕᒐᖏᑦ ᖃᓄᕐᓗ ᐱᓕᕆᐊᙳᖅᑎᑕᐅᓯᒪᔪᑦ ᐊᐅᓚᑕᐅᖃᑦᑕᕐᓂᖏᑦ ᓄᓇᖃᖅᑳᖅᓯᒪᔪᑦ ᑲᓇᑕᒥ ᐱᓕᕆᕝᕕᖏᓐᓂ ᑲᒪᒋᔭᐅᖃᑦᑕᖅᑐᖅ. ᐊᒻᒪᓗ ᑖᓐᓇ ᒪᓕᒐᓕᐅᖅᑎ ᖃᐅᔨᒪᓪᓗᓂ ᑕᒪᒃᑯᐊ ᐱᔭᒃᓴᖅᑖᕆᔭᐅᓯᒪᔪᑦ, ᐄ’, ᐃᒃᑯᐊᖑᓇᓱᒋᒐᒃᑭᑦ ᑕᐃᒃᑯᐊ ᑲᓇᑕᒥ ᓄᓇᖃᖅᑳᖅᓯᒪᔪᓕᕆᔩᑦ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ (ᑐᓵᔨᑎᒍᑦ): ᓯᕗᓪᓕᖅᐹᖅ ᐃᓚᒋᐊᕈᑎ, ᒥᔅᑕ ᕼᐃᒃᔅ. ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓇ ᓂᓪᓕᐅᑎᒋᖅᑲᐅᔭᖓ ᐱᔾᔪᑎᒋᓪᓗᒍ ᐃᓱᒪᓕᕆᔨ ᐅᖃᖅᓯᒪᖕᒪᑦ ᐊᐳᖅᑕᐅᑏᑦ ᐅᓄᓗᐊᕐᒪᑕ ᓄᓇᕗᒻᒥᐅᓪᓗ ᑕᐃᒃᑯᐊ ᐃᑲᔪᖅᑕᐅᔪᒪᔪᑦ ᑕᒪᒃᑯᐊ ᐱᔭᕐᓂᙱᑦᑐᖅᓯᐅᖃᑦᑕᖅᖢᑎᒃ. ᑕᐃᒃᑯᐊ ᐊᐳᖅᑕᐅᑏᑦ ᑕᒪᒃᑯᓄᖓ ᐃᓅᓕᓴᐃᔨᓄᑦ ᐊᒻᒪᓗ ᑲᒪᒋᔭᖏᓐᓄᑦ ᐊᔪᕐᓇᕈᑎᒋᔭᐅᖃᑦᑕᕐᒪᑦ ᖃᓄᐃᓕᖓᕙᓕ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ, ᒥᔅᑕ ᒪᐃᓐ. ᐊᖓᔪᖅᑳᖅ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᐅᖃᓪᓚᖃᑎᒋᖃᑦᑕᖅᓯᒪᔭᕗᑦ ᓇᓪᓕᐅᒃᑯᒫᖅᑕᐅᓯᒪᙱᑦᑐᓂᒃ ᑲᒪᔨᐅᔪᑦ ᐃᖅᑲᓇᐃᔭᖅᑎᓄᑦ, ᑖᒃᑯᐊ ᐅᑎᖅᑕᕋᐅᔭᕈᑎᒋᔭᐅᖃᑦᑕᖅᑐᑦ. ᐋᓐᓂᐊᖃᕐᓇᙱᑦᑐᓕᕆᔨᒃᑯᓪᓗ ᑕᐃᒃᑯᓂᖓ ᐊᐳᖅᑕᐅᑎᓂᒃ ᐲᔭᐃᔪᒪᔪᒍᑦ ᐱᓕᕆᐊᙳᖅᑎᑕᐅᓯᒪᔪᑦ ᐱᔨᑦᑎᕈᑏᑦ ᐊᒻᒪᓗ ᒫᓐᓇ ᒪᒥᓴᕐᓂᖅ. ᓄᓇᕗᒻᒥᐅᑦ ᐅᓄᖅᑐᐊᓘᐃᑦ ᐃᓅᓯᓕᕆᔨᓂᒃ ᐊᑐᖃᑦᑕᖅᑐᑦ. ᐅᐸᒃᓯᒪᙱᑦᑕᕌᖓᒥᔾᔪᒃ ᐅᖃᓪᓚᖃᑎᖃᖃᑦᑕᖅᑐᑦ ᐱᔪᓐᓃᖅᐸᓪᓕᐊᓂᐊᕋᒥᒃ. ᓄᓇᖃᖅᑳᖅᓯᒪᔪᑦ ᑲᓇᑕᒥ ᐃᖅᑲᓇᐃᔭᖃᑎᖃᖃᑦᑕᖅᑐᑦ ᐅᕙᑦᑎᓐᓂᒃ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ (ᑐᓵᔨᑎᒍᑦ): ᑐᒡᓕᐊ ᑭᖑᓪᓕᖅᐹᕐᓗ ᐃᓚᒋᐊᕈᑎ, ᒥᔅᑕ ᕼᐃᒃᔅ. ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᓄᑦ ᒥᓂᔅᑕᕆᔭᐅᓪᓗᓂ ᐃᖅᑲᓇᐃᔭᖃᑎᖃᕈᓐᓇᖅᐸ ᓄᓇᕗᒻᒥᐅᓂᒃ ᓄᓇᕗᒻᒥᙶᓕᕐᓗᑎᒃ ᑕᐃᒃᑯᐊ ᐃᓱᒪᓕᕆᔩᑦ ᐱᔭᕐᓂᕐᓂᖅᓴᐅᓕᖁᓪᓗᒍ. ᖁᔭᓐᓇᒦᒃ, ᐅᖃᖅᑏ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ, ᒥᔅᑕ ᒪᐃᓐ. ᐊᖓᔪᖅᑳᖅ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᐅᖃᒃᑲᓐᓂᕋᔭᖅᑐᖓ ᑎᓕᓯᓯᒪᒐᒪ ᐃᖅᑲᓇᐃᔭᖅᑎᑦᑎᓐᓂᒃ. ᐃᓱᒪᒌᓐᓇᕆᐊᖃᖅᑕᕗᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔭᒃᓴᖅᑖᖅᑎᑕᐅᓯᒪᖕᒥᖕᒪᑕ ᒪᑯᐊ ᑭᑭᑕᐅᔪᑦ ᑲᒪᒋᓗᓂᒋᑦ ᐱᔨᑦᑎᕈᑏᑦ ᑕᒪᒃᑯᐊ ᐱᐅᒐᓗᐊᕐᒪᖔᑦ ᐊᑐᐃᓐᓇᕈᖅᑎᑕᐅᓯᒪᖕᒪᖔᖏᓪᓗ. ᐊᒻᒪᓗ ᑕᐃᒃᑯᐊ ᐃᓅᓕᓴᖅᑕᐅᔭᕆᐊᓖᑦ ᐱᐅᔪᓂᒃ ᑕᐃᒫᑦᑎᐊᖅ ᐱᔭᕆᐊᖃᕋᒥᒃ ᐱᐅᔪᓂᒃ ᐱᔨᑦᑎᕈᑎᓂᒃ ᓴᖅᑭᔮᕐᕕᐅᓗᑎᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐅᖃᐅᓯᒃᑯᑦ ᐊᐱᖅᑯᑏᑦ. ᒪᓕᒐᓕᐅᖅᑎ ᑐᓄᓂᕐᒧᑦ, ᒥᔅ ᓄᑕᕋᖅ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 37 ᐊᐱᖅᑯᑦ 1450 – 6(2): ᖃᓄᐃᓕᖓᓂᖓ ᐃᑯᕐᕋᖅ ᐃᓪᓗᕋᓛᓄᑦ ᐃᑲᔫᑎᒃ (ᓄᑕᕋᖅ) ᓄᑕᕋᖅ: ᖁᔭᓐᓇᒦᒃ, ᐅᖃᖅᑏ. ᐳᐃᒍᖅᑲᐅᒐᒪ ᐳᐃᕈᒍᒪᙱᓛᑦᑎᐊᓐᓂᒃ ᑕᐃᒃᑯᐊ ᖃᐅᔨᓴᖅᑏᑦ ᑕᑉᐹᓂ ᐱᖓᔪᐊᓃᑦᑐᑦ ᖁᔭᓐᓇᒦᕈᒪᓪᓚᕆᒃᑕᒃᑲ ᐃᑲᔪᖃᑦᑕᖅᓯᒪᓪᓚᕆᖕᒪᑕ ᐅᕙᑦᑎᓐᓂᒃ. ᐅᖃᖅᑏ, ᐊᐱᖅᓱᕐᓂᐊᖅᑐᖓ ᐅᓪᓗᒥ ᐃᓄᓕᕆᔨᒃᑯᑦ ᒥᓂᔅᑕᖓᓄᑦ. ᐅᖃᖅᑏ, (ᑐᓵᔨᑎᒎᓕᖅᑐᖅ) ᔮᓄᐊᕆ 21-ᖑᑎᓪᓗᒍ ᐃᓄᓕᕆᔨᒃᑯᑦ ᓇᓗᓇᐃᖅᓯᓚᐅᖅᓯᒪᔪᑦ $1-ᒥᓕᐊᓂᒃ ᐊᑐᐃᓐᓇᕈᐃᓂᐊᖅᖢᑎᒃ ᐊᒻᒪᓗ $50,000 ᑮᓇᐅᔭᓕᐅᕋᓱᐊᙱᑦᑐᓄᑦ ᑲᑐᔾᔨᖃᑎᒌᓄᑦ, ᐊᖑᓇᓱᒃᑐᓕᕆᔨᒃᑯᓐᓄᑦ, ᕼᐋᒻᒪᓚᒃᑯᓐᓄᓪᓗ ᐊᑐᐃᓐᓇᕈᐃᓂᐊᖅᓯᒪᓪᓗᑎᒃ ᐃᒡᓗᕋᓛᓕᐅᕈᓐᓇᕐᓂᐊᕐᒪᑕ ᐸᖕᒥᐅᖕᓂᖅ ᐊᖏᕐᕋᖃᙱᓐᓂᕐᓗ ᐱᓪᓗᒍ. ᒫᑦᓯ 5−ᒥ ᒥᓂᔅᑕ ᑕᒪᓐᓇ ᓇᓗᓇᐃᖅᑕᐃᓯᒪᖕᒪᑦ ᒪᑐᐃᖅᓯᓪᓗᓂᓗ ᑳᓐᑐᕌᒃᓵᓂᒃ. ᐊᐅᔭᐅᑎᓪᓗᒍ ᓂᕈᐊᖅᑎᒐ ᑕᒪᑐᒪ ᒥᒃᓵᓄᑦ ᐊᐱᖅᑯᑎᖃᓚᐅᖅᓯᒪᖕᒪᑦ ᑭᐅᔭᐅᔪᓐᓇᕋᓂᓗ. ᐊᒻᒪᓗ ᑖᓐᓇ ᑭᒡᒐᖅᑐᖅᖢᒍ ᑎᑎᕋᕐᕕᕗᑦ ᐊᑯᓂᐊᓗᒃ ᑕᒪᓐᓇ ᑲᒪᒋᓇᓱᓚᐅᖅᓯᒪᔭᕗᑦ ᑭᐅᔭᐅᑕᐃᓐᓇᓕᕆᓪᓗᑕ ᑕᐃᒃᑯᐊ ᑕᑕᑎᕈᑏᑦ ᐃᓱᓕᑦᑕᕐᕕᖃᖅᖢᑎᒃ ᒫᑦᓯᒥ. ᒥᓂᔅᑕᖃᐃ ᓇᓗᓇᐃᖅᓯᔪᓐᓇᖅᐸ ᖃᓄᐃᒻᒪᑦ ᑖᓐᓇ ᕿᓚᒥᓗᐊᑯᓗᒃ ᐱᔭᐅᓇᓱᒡᕕᖃᓕᕐᒪᖔᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᐃᓄᓕᕆᔨᒃᑯᓐᓄ, ᒥᔅ ᓇᑲᓱᒃ. ᐊᖓᔪᖅᑳᖅ ᒫᒡᒍᓚ ᓇᑲᓱᒃ: ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓗ ᑖᔅᓱᒥᖓ ᐊᐱᕆᒋᐊᕋᕕᑦ. ᑕᐃᓐᓇ ᑮᓇᐅᔭᑎᒍᑦ ᐊᑐᐃᓐᓇᐅᓲᖅ ᐃᓪᓗᕋᓛᓕᐅᕐᓂᕐᒧᑦ ᒪᑐᐃᕆᐊᕐᖓᓚᐅᖅᓯᒪᔪᖅ ᐊᕐᕌᒎᖅᑲᐃ ᒪᕐᕉᓕᖅᑑᒃ. ᑕᐃᓐᓇ ᓱᓕ ᐅᓪᓗᒥᒧᑦ ᒪᑐᐃᖓᔪᖅ ᑮᓇᐅᔭᓂᒃ ᑐᔅᓯᕋᕐᕕᐅᔪᓐᓇᓲᖅ ᑭᓯᐊᓂ ᓴᖅᑭᕆᐊᕐᖓᙵᑦ ᑮᓇᐅᔭᐃᑦ ᓄᖑᒌᓚᐅᖅᓯᒪᒻᒪᑕ. ᒪᑐᐃᒃᑲᓐᓂᖅᓯᒪᔫᒐᓗᐊᖅ ᑭᓯᐊᓂ ᐊᑲᐅᙱᓕᐅᕈᑎᐅᓯᓐᓈᖃᑦᑕᐸᒻᒥᒻᒪᑦ ᑐᔅᓯᕋᖅᑐᓄᑦ ᐱᒐᓱᐊᖅᑐᐃᑦ ᐊᒥᓲᓂᖏᓐᓄᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᓯᕗᓪᓕᖅᐹᖅ ᐃᓚᒋᐊᕈᑎ, ᒥᔅ ᓄᑕᕋᖅ. ᓄᑕᕋᖅ: ᖁᔭᓐᓇᒦᒃ, ᐅᖃᖅᑏ, ᐊᒻᒪ ᖁᔭᓐᓇᒦᒃ, ᒥᓂᔅᑕ. ᐅᖃᖅᑏ, (ᑐᓵᔨᑎᒎᓕᖅᑐᖅ) ᑕᒪᑐᒪ ᒥᒃᓵᓄᑦ ᑐᑭᓯᒃᑲᓐᓂᕋᓱᒃᑎᓪᓗᑕ ᑭᐅᔭᐅᓚᐅᖅᓯᒪᙱᓐᓇᑦᑕ ᖃᐅᔨᒪᓚᐅᙱᑦᑐᒍᑦ ᑮᓇᐅᔭᑦ ᓄᖑᑕᐅᓯᒪᓕᕐᒪᖔᑦ ᐅᕝᕙᓘᓐᓃᑦ ᑖᓐᓇ ᐊᐅᓚᑕᐅᙱᒻᒪᖔᖓ ᐅᕝᕙᓘᓐᓃᑦ ᓄᖅᑲᖅᑎᑕᐅᓯᒪᖕᒪᖔᖓ. ᒥᓂᔅᑕᖃᐃ ᓇᓗᓇᐃᖅᓯᔪᓐᓇᖅᐳᖅ ᖃᔅᓯᓂᒃ ᑕᑕᑎᖅᓯᒪᔪᓂᒃ ᐱᓚᐅᕐᒪᖔᑦ ᐊᒻᒪᓗ $1−ᒥᓕᐊᓐᖑᖕᒪᑕ ᖃᔅᓯᑦ ᑖᒃᑯᓇᙶᖅᑐᑦ ᑕᑕᑎᖅᓯᒪᔪᓄᑦ ᑐᕌᖓᓚᐅᖅᐸᑦ ᐊᒻᒪᓗ ᖃᔅᓯᓂᒃ ᐃᒡᓗᕋᓛᓂᒃ ᓴᓇᔪᖃᓚᐅᖅᐸ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᐃᓄᓕᕆᔨᒃᑯᓐᓄᑦ, ᒥᔅ ᓇᑲᓱᒃ. ᐊᖓᔪᖅᑳᖅ ᒫᒡᒍᓚ ᓇᑲᓱᒃ: ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᑖᒃᑯᓂᖓ ᐊᐱᕆᒋᐊᒃᑲᓐᓂᕋᕕᑦ. ᐅᓪᓗᒥᒧᑦ 36 ᑐᔅᓯᕋᐅᑏᑦ ᐱᔭᐅᓯᒪᔪᑦ ᐃᓄᓕᕆᔨᒃᑯᓐᓄᑦ. ᐊᒻᒪᓗ ᐅᖃᖅᑲᐅᒐᒪ ᑖᓐᓇ ᐱᒐᓱᐊᕈᑎᖓ ᕖᕝᕗᐊᕆᒥ ᒪᑐᓲᖑᓐᓂᕐᖓᑦ, ᑕᐃᒪ ᒫᓐᓇᒧᑦ 9−ᓂᒃ ᐊᖏᕈᑎᓂᒃ ᐊᑎᓕᐅᖅᓯᓯᒪᓕᖅᑐᒍᑦ. 10−ᒋᐊᕐᖓᐅᔫᒐᓗᐊᑦ ᑭᓯᐊᓂ ᐃᓚᖓ ᐱᒐᓱᐊᖅᑕᒥᓂᒃ ᖁᔭᓈᖅᑐᒥᓂᐅᓪᓗᓂ. ᑕᐃᒃᑯᐊ

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 38 ᑮᓇᐅᔭᐃᑦ ᐊᑐᖅᑕᐅᑦᑎᐊᖅᓯᒪᔪᐃᑦ, ᐊᒻᒪᓗ ᒫᓐᓇᒧᑦ ᑮᓇᐅᔭᐃᑦ ᓄᖑᑕᐅᓯᒪᓕᖅᑐᑦ ᑕᐃᔅᓱᒧᖓ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᑐᒡᓕᐊ ᑭᖑᓪᓕᖅᐹᕐᓗ ᐃᓚᒋᐊᕈᑎ, ᒥᔅᑕ ᓄᑕᕋᖅ. ᓄᑕᕋᖅ: ᖁᔭᓐᓇᒦᒃ, ᐅᖃᖅᑏ, ᐊᒻᒪ ᖁᔭᓐᓇᒦᒃ, ᒥᓂᔅᑕ ᑖᒃᑯᓂᖓ ᑐᓴᖅᑎᑦᑎᒐᕕᑦ. ᐅᖃᖅᑏ, (ᑐᓵᔨᑎᒎᓕᖅᑐᖅ) ᐊᖏᕐᕋᖃᙱᓐᓂᖅ ᑕᒪᓐᓇ ᐃᓱᒫᓘᑎᒋᓪᓚᕆᒃᑕᕗᑦ ᓄᓇᓕᓕᒫᓂ ᓄᓇᕗᒻᒥ. ᒥᓂᔅᑕᖃᐃ ᓇᓗᓇᐃᖅᓯᔪᓐᓇᕐᓂᐊᖅᐸ ᖃᓄᐃᓕᐅᒃᑲᓐᓂᕐᓂᐊᕐᒪᖔᑦ ᑕᐃᒃᑯᐊ ᐃᑯᕐᕋᑦ ᐃᒡᓗᕋᓛᓕᐅᖅᑐᑦ ᐱᓪᓗᒍ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᐃᓄᓕᕆᔨᒃᑯᓐᓄᑦ, ᒥᔅ ᓇᑲᓱᒃ. ᐊᖓᔪᖅᑳᖅ ᒫᒡᒍᓚ ᓇᑲᓱᒃ: ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᑖᔅᓱᒥᖓ ᐊᐱᕆᒋᐊᕋᕕᑦ. ᑮᓇᐅᔭᐃᑦ ᐃᓄᓕᕆᔨᒃᑯᑎᒍᑦ ᑐᓯᕌᕆᖃᑦᑕᖅᑕᕗᑦ ᒐᕙᒪᑐᖃᒃᑯᓐᓄᑦ ᕿᓄᔾᔪᑎᒌᓐᓇᙳᓱᑦᑕᕗᑦ ᐃᓪᓗᖃᑦᑎᐊᙱᓐᓂᕐᒧᑦ ᑐᕌᖓᔪᓂᒃ ᐊᒻᒪᓗ ᑮᓇᐅᔭᐃᑦ ᐃᓄᓕᕆᔨᒃᑯᑦ ᐊᑐᖅᓯᒪᔭᖏᓐᓂᒃ ᖄᒃᑲᓐᓂᐊᒍᑦ ᐊᑐᐃᓐᓇᖃᖅᑎᑦᑎᒐᓱᐊᖅᓯᒪᔪᒍᑦ. ᑖᓐᓇ ᐅᒡᒍᓇᖅᑑᒐᓗᐊᖅ ᑮᓇᐅᔭᐃᑦ ᐊᑐᖅᑕᐅᕙᒌᖅᓯᒪᓕᕐᖓᑕ ᐅᕝᕙᓗ ᓄᖑᑕᐅᓯᒪᓕᕐᖓᑕ. ᖃᓄᒃᑲᓐᓂᖅ ᓯᕗᓂᑦᑎᓐᓂ ᐅᖃᕈᓐᓇᙱᑦᑐᖓ ᖃᓄᖅ ᐊᐅᓚᓂᖃᕋᔭᕐᒪᖔᑦ ᑭᓯᐊᓂ ᖃᐅᔨᒪᔪᖓ ᐃᓄᓕᕆᔨᒃᑯᑦ ᕿᓄᒍᓐᓃᔾᔮᙱᑦᑐᐃᑦ, ᑮᓇᐅᔭᓂᒃ ᐊᖏᕐᕋᑦᑎᐊᙱᓐᓂᕐᒧᑦ ᑐᕌᖓᔪᓂᒃ ᐃᓗᓕᑯᓗᖏᓐᓂᒃ ᐅᖃᕈᓐᓇᙱᒃᑲᓗᐊᖅᑐᖓ ᖃᓄᖅ ᐸᕐᓈᕆᔭᖃᓪᓚᕆᒻᒪᖔᑦ ᓯᕗᓂᑦᑎᓐᓂ. ᑭᓯᐊᓂ ᐃᓪᓗᓕᕆᔨᒃᑯᑦ ᐱᓕᕆᖃᑎᒌᓐᓇᙳᓱᑦᑕᕗᑦ ᐊᒻᒪᓗ ᒪᑯᐊ ᑮᓇᐅᔭᓕᐅᖅᑎᐅᙱᑦᑐᐃᑦ, ᐊᖏᕐᕋᖃᙱᑦᑐᓂᒃ ᑲᒪᔨᐅᖃᑦᑕᖅᑐᐃᑦ ᑲᑐᔾᔨᖃᑎᒌᑦ ᐱᓕᕆᖃᑎᒋᖃᑦᑕᖅᓯᒪᒐᑦᑎᒍᑦ ᑮᓇᐅᔭᖏᓪᓗ ᖁᕝᕙᕆᐊᒃᑲᓐᓂᖅᓯᒪᔫᒐᓗᐊᑦ ᐃᑲᔪᖅᑕᐅᓂᖏᑦ ᑕᕝᕘᓇ. ᐃᒡᓗᒋᔭᐅᓚᐅᑲᖕᓂᐊᖅᑐᒧᑦ ᐃᓚᖏᑦ ᐸᕐᓈᕆᔭᖃᖅᐸᓪᓕᐊᓯᒪᔪᐃᑦ ᒫᓐᓇᒧᑦ. ᑕᐃᒫᒃ ᑲᔪᓰᓐᓇᖁᒥᓇᕐᓂᐊᖅᑑᒐᓗᐊᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐅᖃᐅᓯᒃᑯᑦ ᐊᐱᖅᑯᑏᑦ. ᒪᓕᒐᓕᐅᖅᑎ ᐃᖃᓗᐃᑦ−ᓯᓈᓄᑦ, ᒥᔅ ᐳᕉᔅᑐ. ᐊᐱᖅᑯᑦ 1451 – 6(2): ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᑯᐊᐳᕇᓴᓐ ᐱᓕᕆᓯᒪᔭᖏᑦ (ᐳᕉᔅᑐ) ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᑯᐊ ᐊᐱᖅᑯᑎᒋᓂᐊᖅᑕᒃᑲ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑯᐊᐳᕇᓴᖓᓐᓄᑦ. ᖃᐅᔨᒪᒐᔅᓯ ᑲᑎᔨᕋᓛᑯᓗᒃᑕᖃᓚᐅᖅᓯᒪᖕᒪᑦ ᑕᒻᒪᖅᓯᒪᔪᖅᓯᐅᖅᑎ ᕿᒥᕐᕈᓇᒃᑎᓪᓗᒍ ᑭᒃᑯᑐᐃᓐᓇᐃᑦ ᐊᑐᖅᑐᐊᕈᓐᓇᖅᑕᖏᑦᑕ ᒥᒃᓵᓅᖓᔪᓂᒃ ᐊᒻᒪ ᑲᓇᑕᐅᑉ ᒐᕙᒪᒃᑯᖏᓐᓄᑦ ᑮᓇᐅᔭᖃᖅᑎᑕᐅᓂᖏᑦ 2027−ᒥ ᐃᓱᓕᓐᓂᐊᕐᒪᑕ. ᐊᒻᒪᓗ ᐃᒡᓗᓕᕆᔨᕐᔪᓕᕆᔨᕐᔪᐊᒃᑯᑦ ᐃᒡᓗᓕᐅᖅᑕᖏᑦ ᐊᒃᑐᖅᑕᐅᓂᖃᓪᓚᕆᖕᓂᐊᖅᖢᑎᒃ ᑖᒃᑯᐊ ᑮᓇᐅᔭᑦ ᐱᕙᓪᓕᐊᙱᑉᐸᑦ, ᐃᓛᒃ ᑎᑭᐅᑎᙱᑉᐸᑕ ᐃᒪᓐᓇ ᐅᓄᖅᑎᒋᔪᓂᒃ ᐃᒡᓗᓕᐅᕐᓂᐊᕐᓂᖏᓐᓂᒃ. ᑕᐃᒃᑯᐊ ᑲᑎᒪᔾᔪᑎᒋᓚᐅᖅᑕᖏᑦ ᐊᖏᕈᑏᑦ ᑕᐃᒃᑯᐊ ᐃᒡᓗᓕᕆᓂᕐᒧᑦ ᑐᕌᖓᔪᑦ ᒥᓂᔅᑕ ᑖᒃᑯᓇᙵᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᓂᓗ ᐃᑲᔪᖅᓱᖅᑕᐅᓂᖓ. ᑖᓐᓇ ᒥᓂᔅᑕᕆᔭᐅᔪᖅ ᑕᐃᒃᑯᐊ ᐊᑎᓕᐅᖅᑕᐅᓂᐊᕐᒪᖔᑦ ᐊᖏᕈᑏᑦ ᐊᒻᒪᓘᓐᓃᑦ ᑕᐃᒃᑯᐊ ᑮᓇᐅᔭᑦ ᑖᒃᑯᓄᖓ ᑐᕌᖓᔪᑦ ᒥᒃᖠᒋᐊᕐᓂᐊᕐᒪᖔᑦ ᐅᕝᕙᓘᓐᓃᑦ ᐊᖏᒡᓕᒋᐊᕐᓂᐊᕐᒪᖔᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᒥᓂᔅᑕᖓ, ᒥᔅᑕ ᑯᓱᒐᖅ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 39 ᐊᖓᔪᖅᑳᖅ ᖁᐊᓴ ᑯᓱᒐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑖᒃᑯᐊ ᒐᕙᒪᑐᖃᒃᑯᓐᓂ ᐃᖅᑲᓇᐃᔭᕐᓂᕋᖃᑦᑕᖅᑕᕗᑦ ᒐᕙᒪᑐᖃᒃᑯᓐᓂᓪᓗ ᒥᓂᔅᑕᐅᔪᖅ ᐃᖅᑲᓇᐃᔭᖃᑎᒋᔭᕗᑦ ᖁᕕᐊᓇᑦᑎᐊᓚᐅᖅᑐᖅ ᑐᓴᕆᐊᒃᓴᖅ, ᐊᖏᖅᓯᒪᖕᒪᑦ, ᐊᖏᕐᒪᑕ ᒐᕙᒪᑐᖃᒃᑯᑦ 700−ᓂᒃ ᓄᓇᕗᒻᒥ ᐃᒡᓗᓕᐅᖁᓪᓗᒋᑦ. ᑖᒃᑯᐊ ᐊᖏᖅᓯᒪᓂᖏᑦ ᐱᓪᓚᑦᑖᖑᔪᑦ. ᐅᖃᖅᑏ, ᐃᖅᑲᓇᐃᔭᖃᑎᖃᖅᑐᒍ ᒐᕙᒪᑐᖃᒃᑯᓐᓂᒃ ᐃᖅᑲᓇᐃᔭᖅᑎᖏᓐᓂᒃ ᑕᒪᒃᑯᐊ ᐃᓱᓕᓚᐅᙱᓐᓂᖓᓂᒃ ᐊᖏᕈᑎᐅᔪᖅ ᑕᒪᓐᓇ ᐱᓕᕆᔭᐅᖁᓪᓗᒍ ᐃᓗᓕᑯᓘᔭᖏᓪᓗ ᑖᒃᑯᐊ ᐃᖅᑲᓇᐃᔮᖏᓐᓇᕐᓂᐊᖅᑕᕗᑦ. ᐅᖃᖅᑏ, ᐃᒡᓗᓕᕆᔨᕐᔪᐊᒃᑯᑦ ᓱᓕ ᐊᑭᓕᒪᑲᑕᒃᑯᑦ ᑕᒪᑐᒧᖓ ᐋᔩᕈᑎᖃᖃᑦᑕᖅᑐᑦ ᒐᕙᒪᑐᖃᒃᑲᓐᓂ ᐃᖅᑲᓇᐃᔭᖅᑎᓂᒃ, ᐊᖓᔪᖅᑲᐅᑎᓂᒃ ᐅᖃᖃᑎᖃᖅᑐᒍᑦ, ᒐᕙᒪᑐᖃᒃᑯᓐᓂ ᐃᒡᓗᓕᕆᓂᖅ ᓯᕗᓪᓕᐅᔾᔭᐅᓯᒪᖕᒪᑦ ᓱᓕ. ᐃᓱᓕᓚᐅᙱᓐᓂᖓᓂᒃ ᓯᕗᒧᐊᖁᓇᖅᑑᒐᓗᐊᖅ. ᑭᓯᐊᓂᓕ ᒐᕙᒪᒃᑯᑦ ᓄᑖᓂᒃ ᑐᓴᕈᒥᓇᖅᑐᓂᒃ ᓂᓪᓕᐊᖃᑦᑕᕐᒪᑕ. ᒐᕙᒪᑐᖃᒃᑯᑦ ᐊᖏᖅᓯᒪᖕᒪᑕ ᐃᒡᓗᓕᐅᕈᒪᓪᓗᑎᒃ ᑕᒫᓂ ᓯᕗᓪᓕᐅᔭᐅᓯᒪᓪᓗᓂᓗ ᑕᒪᓐᓇ ᓄᓇᕗᒻᒥ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᓯᕗᓪᓕᖅᐹᖅ ᐃᓚᒋᐊᕈᑎ, ᒥᔅ ᐳᕉᔅᑕ. ᐳᕉᔅᑕ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑕᒪᒃᑯᓂᖓ ᒫᓐᓇᕋᑖᖑᓚᐅᖅᑐᖅ ᑐᓴᖅᑎᑦᑎᔾᔪᑎᒋᔭᐅᓚᐅᖅᑐᖅ ᐃᒡᓗᓕᕆᔨᕐᔪᐊᒃᑯᓐᓄᑦ ᓄᓇᕗᒻᒥ. ᐃᒡᓗᓕᕆᓂᕐᒧᑦ ᑖᒃᑯᐊ ᓇᒻᒥᓂᖃᖅᑎᑦᑎᖃᑦᑕᖅᑐᑦ 60 ᐅᖓᑖᓂᑦ ᑐᒃᓯᕋᐅᑎᓕᐅᕈᓐᓇᖅᑐᑦ ᐃᒡᓘᑉ ᑕᐃᒃᑯᐊ 60 ᐅᖓᑖᓂᓗ ᐊᕐᕌᒍᖃᖅᑐᑦ ᑐᒃᓯᕋᐅᑎᓕᐅᕈᓐᓇᕐᒪᑕ ᐃᒡᓗᖓᑕ ᓄᑖᕈᕆᐊᕈᑎᒃᓴᖓᓂ ᐊᒻᒪᓗᑦᑕᐅᖅ ᑕᒪᒃᑯᓂᖓ ᑲᖐᖏᓐᓂᒃ ᐊᒻᒪ ᐃᒪᖃᐅᑎᖏᓐᓂᒃ, ᐊᒻᒪ ᐅᐊᔭᖏᑦ ᖃᐅᔨᓴᖅᑕᐅᖃᑦᑕᕐᓗᑎᒃ. ᐅᖃᖅᑏ, ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᖁᔭᓐᓇᒦᖅᐸᒃᑲ ᐅᐱᒋᕙᒋᑦ ᐃᓐᓇᑐᖃᕐᓄᑦ ᑕᐃᒪᐃᑦᑐᓂᒃ ᐱᔨᑦᑎᕈᑎᖃᕐᒪᑕ, ᐃᓐᓇᑐᖃᐃᑦ ᑕᒪᒃᑯᐊ ᐃᖃᓗᓐᓂᓗ ᓄᓇᖃᖃᑐᓂᑦ ᑖᒃᑯᓂᖓ ᕿᒥᕐᕈᓇᑦᑎᐊᖁᓪᓗᒋᑦ ᑕᐃᒃᑯᓇᙵ ᐃᓗᐊᕐᒪᖔᑕ. ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᐃᖃᓗᓐᓂ ᖃᑦᑎᐅᒻᒪᖔᑕ ᑕᐃᒪᓐᓇᐃᑦᑐᓂᒃ ᐃᑲᔪᖅᑕᐅᔾᔪᑎᖃᕐᒪᖔᑕ 2025- 2026 ᐊᕐᕌᒍᐊᓂ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᑦ ᐃᒡᓗᓕᕆᔨᕐᔪᐊᒃᑯᑦ ᑯᐊᐳᕇᓴᖓᓐᓄᑦ, ᒥᔅᑕ ᑯᓱᒐᖅ. ᐊᖓᔪᖅᑳᖅ ᖁᐊᓴ ᑯᓱᒐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᔾᔨᒌᙱᑦᑐᑦ ᑕᒪᒃᑯᐊ ᐱᓕᕆᔾᔪᑏᑦ ᐊᒡᒍᖅᑐᖅᓯᒪᒻᒪᑕ ᖃᑦᑎᐅᓂᖏᑦ ᑐᒃᓯᕋᐅᑎᓕᐅᖅᑐᑦ ᒪᓕᒃᖢᒋᑦ. ᐃᓗᓕᑯᓘᔭᖏᓐᓂ ᐱᓯᒪᙱᓐᓇᒪ ᐃᖃᓗᓐᓃᖔᖅᑐᑦ ᑐᒃᓯᕋᐅᑎᓕᐅᕐᓂᕐᒪᖔᑦ ᐱᓯᒪᙱᑦᑐᖓ, ᐊᖏᕐᕋᖃᖅᑐᑦ ᓇᒻᒥᓂᖅ ᑖᒃᑯᐊ ᑎᓴᒪᑦ ᑐᒃᓯᕋᐅᑎᓕᐅᓚᐅᖅᑐᑦ ᐊᖏᖅᑕᐅᓚᐅᖅᑐᑦ. ᑖᒃᑯᐊ ᓇᒻᒥᓂᖅᑖᕈᑏᑦ, 21-ᒥ ᑐᒃᓯᕋᖅᑕᐅᓯᒪᔪᑦ, ᐊᒻᒪ 18 ᐊᖏᖅᑕᐅᓯᒪᓪᓗᑎᒃ. ᐃᒡᓗᐃᑦ ᓄᑖᕈᕆᐊᖅᑕᐅᓂᖏᓐᓄᑦ 53 ᑐᒃᓯᕋᐅᑎᓕᐅᓚᐅᖅᑐᑦ, 35 ᐊᖏᖅᑕᐅᓯᒪᕗᑦ. ᑐᐊᕕᕐᓇᖅᑐᒃᑯᑦ ᓱᕋᒃᓯᒪᔪᓕᕆᔾᔪᑏᑦ ᑖᒃᑯᐊ ᐅᓄᖅᑐᐊᓗᐃᑦ ᑐᒃᓯᕋᐅᑎᓕᐅᖅᑐᑦ, ᖁᕕᐊᓇᖅᑐᖅ ᑕᐃᒪᓐᓇ ᑕᑯᔭᕆᐊᒃᓴᖅ ᐅᓄᖅᑐᓂᑦ. 42-ᖑᔪᑦ ᐅᓪᓗᒥ ᐊᖏᖅᑕᐅᓯᒪᔪᑦ. ᐃᓐᓇᑐᖃᐃᑦ ᑕᒪᒃᑯᐊ 48-ᖑᓚᐅᖅᑐᑦ ᑐᒃᓯᕋᐅᑏᑦ, 9-ᖑᔪᑦ ᐊᖏᖅᑕᐅᓚᐅᖅᑐᑦ; ᑐᒃᓯᕋᐅᑎᓕᐅᒃᑲᓐᓂᕐᓂᐊᖅᑐᑦ ᖃᑦᑎᐅᒻᒪᖔᑕᓗ ᐊᖏᖅᑕᐅᓯᒪᔪᑦ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 40 ᑖᒃᑯᐊ ᐊᓯᔾᔨᖅᐸᓪᓕᐊᓂᐊᖅᑐᑦ ᑕᒪᒃᑯᐊ ᐱᔭᐅᕙᓪᓕᐊᓂᖏᑦ ᒪᓕᓪᓗᒋᑦ ᑐᒃᓯᕋᐅᑏᑦ ᐱᓕᕆᔾᔪᑎᓄᑦ. ᐃᖏᓚᐅᙱᓂᓐᓂ, ᑖᓐᓇ ᑐᓂᔪᓐᓇᖅᑎᐊᕐᓂᐊᖅᑕᕋ, ᑲᑎᒪᔭᕇᓚᐅᙱᓂᑦᑎᓐᓂ ᐱᔪᓐᓇᕈᑦᑎᒍᑦ, ᐃᖃᓗᓐᓄᑦ ᐃᓗᓕᑯᓘᔭᖏᑦ ᖃᓄᐃᓕᖓᒻᒪᖔᑦ ᑐᓂᔪᓐᓇᕐᓂᐊᖅᑕᒃᑲ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᑐᒡᓕᐊᓂ ᑭᖑᓪᓕᖅᐹᕐᓗ ᐃᓚᒋᐊᕈᑎ, ᒥᔅ ᐳᕉᔅᑐ. ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᑦᑕᐅᖅ, ᒥᓂᔅᑕ ᐊᖏᕋᕕᑦ. ᑖᒃᑯᐊ ᑐᓴᕈᒪᖅᑲᐅᔪᖓ ᑖᔅᓱᒥᖓ ᐃᑲᔪᖅᓯᓚᐅᖅᓯᒪᒐᒪ ᓂᕈᐊᖅᑎᒋᓯᒪᔭᒃᑲᓂᒃ ᑕᒪᑐᒥᖓ ᑐᒃᓯᕋᐅᑎᓕᐅᖅᑎᓪᓗᒋᑦ. ᒥᓂᔅᑕ ᐃᖅᑲᐅᒪᔪᒃᓴᐅᒻᒪᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᓄᕕᐱᕆ 2024-ᖑᑎᓪᓗᒍ ᑐᓴᖅᑎᑦᑎᓚᐅᕐᒪᑕ ᐃᑲᔪᖅᑐᐃᓪᓗᑎᓪᓗ ᑕᒪᒃᑯᓂᖓ ᓄᑖᓂᒃ ᐱᓕᕆᔾᔪᑎᓂᒃ ᑖᒃᑯᐊ ᓄᓇᓕᓐᓂ ᑎᒥᐅᔪᑦ ᐊᑭᑐᔪᓂᒃ ᑐᒃᓯᕋᐅᑎᓕᐅᖁᓪᓗᒋᑦ ᐃᒡᓗᓕᐅᖁᓪᓗᒋᑦ, ᐃᒡᓗᑖᖅᑐᒃᓴᓂᒃ, ᕿᒫᕕᒃᓴᓂᒃ, ᐊᒻᒪ ᐃᓐᓇᑐᖃᕐᓄᑦ ᐃᒡᓗᔅᓴᓂᒃ, ᐊᒻᒪ ᑖᒃᑯᐊ ᐃᒡᓗᔅᓴᕆᔭᐅᓂᐊᖅᑐᓂᒃ. ᐃᒡᓗᓕᕆᔨᕐᔪᐊᒃᑯᑦ ᐅᖃᓚᐅᖅᑐᑦ $4-ᒥᓕᐊᑦ ᑮᓇᐅᔭᐃᑦ ᐅᓪᓗᒥᒧᑦ ᐅᖂᑕᖅ ᑲᑐᔾᔨᖃᑎᒌᖏᓐᓄᑦ ᑐᓂᔭᐅᓯᒪᔪᖅ ᑕᒫᓂ ᐃᖃᓗᓐᓂ ᐱᓕᕆᔾᔪᑕᐅᓂᐊᖅᑎᓪᓗᒋᑦ. ᑕᒪᒃᑯᓄᖓ ᐊᕐᕕᐊᓂ, ᐃᖃᓗᒃᑑᑦᑎᐊᕐᒥᓗ, ᓄᓇᕗᒻᒥᓗ ᐃᒡᓗᓕᕆᔨᕐᔪᐊᒃᑯᑦ $100,000-ᓂᒃ ᑐᓂᓯᓯᒪᒻᒪᑕ ᐅᐃᕖᑦ ᑲᑐᔾᔨᖃᑎᒌᖏᓐᓂᒃ ᓄᓇᕗᒻᒥ ᑖᒃᑯᐊ ᖃᐅᔨᓴᖅᑕᐅᖁᓪᓗᒋᑦ ᐃᒡᓗᓕᕆᔨᒃᑯᑦ ᐊᒻᒪ ᐊᑭᓕᖅᓱᖅᑕᐅᔪᓐᓇᖅᑐᓂᑦ ᐃᒡᓗᖃᖅᑎᑦᑎᓂᖅ ᐱᓪᓗᒋᑦ. ᒥᓂᔅᑕ ᑐᓴᖅᑎᑦᑎᔪᓐᓇᖅᐹ ᐃᓗᓕᑯᓘᔭᖏᓐᓂᒃ ᑕᒪᑐᒧᖓ ᐱᓕᕆᔭᐅᔪᓂᒃ, ᐊᖏᖃᑎᒌᒍᑎᒋᔭᐅᔪᓪᓗ ᖃᓄᖅ ᐱᒻᒪᖔᑕ ᑖᒃᑯᓂᖓ ᓄᑖᓂᒃ ᐊᑭᓕᖅᓱᖅᑕᐅᔪᓐᓇᖅᑐᓄᑦ ᓇᒻᒥᓂᖃᖅᑎᐅᔪᑦ ᑎᒥᖁᑎᒋᔭᐅᔪᓂᑦ ᑐᒃᓯᕋᐅᑎᖃᖅᑐᖅ ᐃᓕᖅᑯᓯᖃᑎᒌᙱᑦᑐᓂᙶᕐᓗᑎᒃ ᑐᒃᓯᕋᐅᑏᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᑦ ᐃᒡᓗᓕᕆᔨᕐᔪᐊᒃᑯᑦ ᑯᐊᐳᕇᓴᖓᓐᓄᑦ, ᒥᔅᑕ ᑯᓱᒐᖅ. ᐊᖓᔪᖅᑳᖅ ᖁᐊᓴ ᑯᓱᒐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᓚᒋᐊᕈᑎᔅᓴᖃᙱᓐᓇᒪ ᒪᓕᒐᓕᐅᖅᑎᐅᑉ ᑖᒃᑯᐊ ᐅᖃᐅᓯᕆᕋᑖᖅᑕᖏᓐᓂ, ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑖᒃᑯᐊ ᐊᖏᖅᓯᒪᑦᑎᐊᖅᑐᑦ ᐃᖅᑲᓇᐃᔭᖃᑎᖃᕈᒪᓪᓗᑎᒃ ᐃᓘᓐᓇᖏᑦ ᑕᒪᒃᑯᐊ ᐱᓕᕆᔾᔪᑏᑦ ᐊᑐᐃᓐᓇᐅᖁᓪᓗᒋᑦ ᓄᓇᕗᒻᒥᐅᑕᓕᒫᑦᑎᐊᕐᓄᑦ. ᑕᕝᕗᖓ ᐃᓱᓕᓐᓂᐊᖅᐸᕋ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐅᖃᐅᓯᒃᑯᑦ ᐊᐱᖅᑯᑏᑦ. ᒪᓕᒐᓕᐅᖅᑎ ᐅᖅᑯᕐᒥᐅᓄᑦ, ᒥᔅ ᕿᓕᖅᑎ. ᐊᐱᖅᑯᑦ 1452 – 6(2): ᑐᓚᑦᑕᕐᕕᓕᕆᓂᖅ (ᕿᓕᖅᑎ) ᕿᓕᖅᑎ: ᖁᔭᓐᓇᒦᒃ, ᐅᖃᖅᑏ. ᒫᓐᓇ ᓇᖏᖅᓯᔾᔪᑎᖃᖅᑐᖓ ᑭᒡᒐᖅᑐᖅᑕᒃᑲ ᑐᓴᐅᒪᑦᑎᐊᖁᒧᑦ ᑭᖑᓪᓕᖅᐹᖅᓱᖅᑎᓪᓗᑕ. ᐊᐱᖅᓱᕈᒪᒐᒃᑯᒃ ᐃᖏᕐᕋᔪᓕᕆᔨᒃᑯᓐᓄ ᐱᖁᑎᕐᔪᐊᓕᕆᓂᕐᒧᑦ ᒥᓂᔅᑕᐅᔪᖅ ᐃᑉᐸᔅᓴᖅ ᐃᓛ ᐱᔾᔪᑎᖃᖅᑐᓂ ᑕᕝᕗᖓ ᕿᑭᖅᑕᕐᔪᐊᕐᒧᑦ ᐄᒐᕐᕕᔅᓴᒧᑦ ᑐᙵᔪᖅ. ᒥᓂᔅᑕ ᖃᐅᔨᒪᑦᑎᐊᕐᒪᑦ ᑎᑎᖅᑲᕐᒥᒃ ᑐᓂᓯᓚᐅᕐᒪᑦ ᐃᑉᐸᔅᓴᖅ ᐅᕙᓐᓄᑦ ᐊᒻᒪᓗᑦᑕᐅᖅ ᑕᕝᕗᖓ ᑖᒃᑯᓄᖓ ᒪᓕᒐᓕᐅᖅᑎᐅᖃᑎᒋᔭᕐᓄᑦ ᑕᕝᕙᓂ ᒪᓕᒐᓕᐅᕐᕕᒻᒥᒃ ᐱᔾᔪᑎᖃᖅᑐᖅ ᑕᒪᓐᓇ ᐱᒻᒪᕆᐅᑎᑕᕗᑦ ᐱᖁᑎᕐᔪᐊᓕᕆᓂᕐᒧᑦ ᐱᓕᕆᐊᔅᓴᐅᔪᒧᑦ. (ᑐᓵᔨᑎᒎᓕᖅᑐᖅ) ᑎᑎᖅᑲᖓᓂ ᐅᖃᓚᐅᖅᓯᒪᒻᒪᑦ ᐃᓚᖓᓂ ᐃᒪᓐᓇ: “ᐋᒌᓯ 21, 2025-ᖑᑎᓪᓗᒍ ᑮᓇᐅᔭᓕᕆᔨᒃᑯᑦ ᑲᑎᒪᔨᖏᑦ ᑲᑎᒪᓚᐅᕐᒪᑕ ᐃᓱᒪᓕᐅᖅᖢᑎᒃ ᑖᔅᓱᒥᖓ ᓄᖅᑲᖅᑎᑦᑎᔪᒪᓪᓗᑎᒃ ᐱᔭᕇᖅᑕᐅᑉᐸᑦ ᑎᑎᕋᐅᓴᖅᓯᒪᓂᖓ ᐅᑭᐊᒃᓵᖅ.” ᑕᐃᒪᓐᓇ ᐅᖃᓚᐅᕐᒪᑕ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 41 ᐅᖃᖅᑏ, ᑖᓐᓇ ᓴᖅᑭᒃᑲᒃᑯᒃ ᐄᒐᕐᕕᒃ ᐅᒥᐊᕐᔪᐊᕐᓄᑦ ᑲᑎᒪᑎᓪᓗᑕ ᓯᑎᐱᕆ 10-ᒥ ᒫᓐᓇᐅᓚᐅᖅᑐᖅ, ᒥᓂᔅᑕ ᐅᖃᓚᐅᙱᑦᑎᐊᖅᑐᖅ ᑖᔅᓱᒪ ᒥᒃᓵᓄᑦ ᐃᓱᒪᓕᐅᕈᑎᓂᒃ. ᐅᖃᖅᑏ, ᓯᕗᓪᓕᖅᐹᕐᒥ ᐊᐱᖅᑯᑎᒋᔭᕋ ᒥᓂᔅᑕ ᐅᓇ: ᖃᓄᐃᒻᒪᑦ ᓇᓗᓇᐃᖅᓯᓚᐅᙱᓚᖅ ᒪᓕᒐᓕᐅᕐᕕᒻᒥ ᐃᓱᒪᓕᐅᕈᑕᐅᓚᐅᖅᑐᒥᒃ ᐋᒌᓯᐅᑎᓪᓗᒍ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᐃᖏᕐᕋᔾᔪᑎᓕᕆᔨᒃᑯᓐᓄᑦ ᐱᖁᑎᕐᔪᐊᓕᕆᔨᒃᑯᓐᓄᓪᓗ ᓄᓇᕗᒻᒥ, ᒥᔅᑕ ᔪᐊᓇᓯ. ᐊᖓᔪᖅᑳᖅ ᑕᐃᕕᑎ ᔪᐊᓇᓯ: ᖁᔭᓐᓇᒦᒃ, ᐅᖃᖅᑏ. ᐊᒻᒪᓗ ᖁᔭᓐᓇᒦᖅᑲᕋ ᒪᓕᒐᓕᐅᖅᑎᐅᖃᑎᒐ ᐊᐱᖅᓱᕐᒪᑦ ᐊᐱᖅᓱᒃᑲᓐᓂᕐᒪᑦ ᑕᒪᔅᓱᒪ ᒥᔅᓵᓄᑦ. ᐅᖃᖅᑏ, ᖃᐅᔨᒪᔪᐃᓐᓇᐅᖅᑰᖅᑐᒍᑦ, ᑖᓐᓇᓗ ᑐᓴᖅᑕᐅᑦᓴᐅᑎᒋᙱᒻᒪᑦ ᕿᑭᖅᑕᕐᔪᐊᖅ ᐄᒐᕐᕕᔅᓴᕆᔪᒫᕐᓂᐊᖅᑕᖓ ᐱᓕᕆᐊᕆᔭᐅᕙᓪᓕᐊᒍᒫᕐᓂᐊᖅᑎᓪᓗᒍ ᐊᒻᒪᓗ ᓇᓗᓇᐃᖅᑕᐅᓯᒪᖃᑕᐅᓯᒪᓚᐅᕐᒪᑦ ᓯᕗᓕᖅᑎᑦᑎᓐᓄᑦ ᐊᒻᒪᓗ ᓄᓇᕗᑦ ᑐᙵᕕᒃᑯᓪᓗ ᓯᕗᒻᒧᐊᒍᑕᐅᒐᓱᐊᕐᓂᖓᓂ ᑲᓇᑕᓕᒫᒧ ᑖᓐᓇ ᐊᑑᑎᖃᕈᓐᓇᕐᓂᖓᓂᒃ. ᐊᒻᒪᓗ ᑕᐃᒪᐃᓐᓂᑯᖓᓄ ᑖᒃᑯᐊ ᑮᓇᐅᔭᐃᑦ ᒫᓐᓇᒧᑦ ᐊᖏᖅᓯᒪᔭᕗᑦ. ᐅᖃᖅᓯᒪᓪᓗᑕ ᑖᒃᑯᐊ ᑎᑎᕋᐅᔭᖅᑕᐅᓂᖓ ᐱᔭᕇᖅᑕᐅᕙᓪᓕᐊᑎᓪᓗᒍ ᑲᔪᓰᓐᓇᕐᓂᐊᖅᑐᖅ. ᐊᒻᒪᓗ ᑖᒃᑯᐊ ᑎᑎᕋᐅᔭᖅᑕᐅᓯᒪᓕᖅᐸᑕ ᖃᓄᖅ ᖃᓄᐃᓕᖓᓂᐊᕐᒪᖔᖅ ᓱᓕ ᓯᕗᒧᐊᑉᐸᓪᓕᐊᔪᖅ. ᑖᓐᓇ ᕿᑭᖅᑖᓗᒃ ᑯᐊᐳᕇᓴᒃᑯᓪᓗ, ᐃᓱᒪᔅᓴᖅᓯᐅᕈᑎᒋᓯᒪᒻᒪᒍᑦᑕᐅᖅ ᑖᓐᓇ. ᓱᓕ ᐅᖃᖃᑎᒌᑉᐸᓪᓕᐊᒐᑦᑕ ᖃᓄᖅ ᑖᓐᓇ ᑲᔪᓯᑦᓯᐊᕈᓐᓇᕋᔭᕐᒪᖔᖅ ᓯᕗᓂᑦᑎᓐᓂ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᓯᕗᓪᓕᖅᐹᕐᒥ ᐃᓚᒋᐊᕈᑏᑦ, ᒥᔅ ᕿᓕᖅᑎ. ᕿᓕᖅᑎ: ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᑖᓐᓇ ᓇᓗᓇᐃᖅᑕᐃᑦ ᑕᕝᕙᓂ ᐃᓪᓗᕐᔪᐊᕐᒥ. ᐃᓚᖓᓂ ᐊᔅᓱᒻᒪᕆᒃ ᖁᓅᒻᒥᕐᓇᕐᒪᑦ, ᐊᔪᐃᓐᓈᕆᓯᒪᓪᓗᒍ. ᑭᓯᐊᓂᓕ ᑕᐃᒪᐃᒃᑲᓗᐊᖅᑎᓪᓗᒍ, ᐃᓚᖓ ᓇᓗᓇᐃᕇᕋᑖᕋᕕᐅᒃ, ᐱᑕᖃᒃᑲᓐᓂᕈᓂ ᑲᔪᓯᔾᔪᑎᒋᔪᒪᒐᒃᑯᒃ ᐊᐱᖅᑯᑎᒋᓗᒍ. ᐅᖃᖅᑏ, (ᑐᓵᔨᑎᒎᓕᖅᑐᖅ) ᐅᖃᕋᑖᕐᒪᑦ ᑎᑎᕋᓚᐅᕐᒥᒻᒪᑦ ᐃᑉᐸᒃᓴᖅ ᑎᑎᕋᖅᖢᓂ ᐃᒪᓐᓇ: “ᐃᓱᒪᓕᐅᕈᑕᐅᓚᐅᖅᑐᖅ ᓄᖅᑲᖅᑎᑕᐅᖁᓪᓗᒍ ᐱᓕᕆᔭᐅᓂᖓᓄᑦ ᐃᓱᒪᒃᓴᖅᓯᐅᕈᑕᐅᓯᒪᒻᒪᑦ ᑕᑯᒃᓴᐅᑎᑦᑎᖁᓪᓗᒍ ᐱᔪᒪᔪᑦ ᑕᐃᒃᑯᐊ ᓇᒻᒥᓂᖃᖅᑐᑦ ᓱᒃᑲᓂᖅᓴᐅᓕᖁᓪᓗᒍ ᓴᓇᔭᐅᓂᕆᔭᖓ ᐄᒐᕐᕕᐅᑉ ᕿᑭᖅᑕᕐᔪᐊᕐᒥ. ᐱᓕᕆᕕᒃ ᒫᓐᓇ ᐃᖅᑲᓇᐃᔭᖃᑎᖃᖅᑐᖅ ᒪᓕᒐᓕᕆᔨᒃᑯᓐᓂᑦ ᓇᓗᓇᐃᖅᓯᓪᓗᑎᒃ ᖃᓄᖅ ᐊᐅᓚᓂᖃᕐᓂᐊᕐᒪᖔᖅ ᖁᔭᓈᖅᑕᐅᓂᖓ ᐊᒻᒪ ᑐᓂᔭᐅᓂᖓ ᐸᕐᓇᐃᓂᖓ ᑎᑎᕋᐅᔭᖅᑕᐅᓯᒪᓂᖓ ᐱᔭᕇᖅᑕᐅᓯᒪᔪᖅ ᓄᓇᕗᑦ ᒐᕙᒪᒃᑯᖏᑦᑕ ᕿᑭᖅᑕᕐᔪᐊᑉ ᐄᒐᕐᕕᒃ ᐃᓄᓐᓄᑦ ᓯᕗᓕᖅᑎᖃᕐᓗᑎᒃ ᐱᓕᕆᔨᐅᔪᓂᑦ ᓴᓇᔪᒪᔪᓂᒃ ᕿᑭᖅᑕᕐᔪᐊᕐᒥ ᑐᓚᒡᕕᓕᐅᕈᒪᔪᓂ ᐄᒐᕐᕕᒻᒥᒃ” ᐅᖃᖅᑏ, ᒥᓂᔅᑕ ᓇᓗᓇᐃᖅᓯᔪᓐᓇᖅᐸ ᓇᓕᐊ ᑎᒥᐅᔪᑦ ᐃᓄᐃᑦ ᑎᒥᖁᑎᒋᔭᖓᑦ ᐃᓚᐅᑎᑕᐅᕙᑦ ᓯᕗᓕᖅᑎᐅᓪᓗᑎ ᑖᔅᓱᒥᖓ ᐱᓕᕆᐊᖃᖅᑎᓪᓗᒋᑦ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᐃᖏᕐᕋᔪᓕᕆᓂᕐᒧᑦ ᐱᖁᑎᕐᔪᐊᓕᕆᓂᕐᒧᓪᓗ ᓄᓇᕗᒻᒥ, ᒥᔅᑕ ᔪᐊᓇᓯ. ᐊᖓᔪᖅᑳᖅ ᑕᐃᕕᑎ ᔪᐊᓇᓯ: ᐄ, ᖁᔭᓐᓇᒦᒃ, ᐅᖃᖅᑏ. (ᑐᓵᔨᑎᒎᓕᖅᑐᖅ) ᐅᖃᖅᑲᐅᒐᒪ, ᕿᑭᖅᑖᓗᒃ ᑯᐊᐳᕇᓴᒃᑯᑦ ᑖᒃᑯᐊ ᐱᓕᕆᖃᑎᖃᖅᑐᑦ ᐅᑭᐅᖅᑕᖅᑐᒥ ᐱᕙᓪᓕᐊᔪᓕᕆᓂᕐᒧᑦ ᑯᐊᐳᕇᓴᐅᔪᓂᒃ. ᑖᒃᑯᐊ ᑕᕝᕙ ᑕᐃᒪᓐᓇ ᑲᑐᔾᔨᖃᑎᒌᖑᔪᑦ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 42 ᐊᒻᒪ ᐅᖃᖅᑏ, ᒫᓐᓇ ᐱᐅᓂᖅᐹᑦᑎᐊᒃᑯᑦ ᓯᕗᒧᐊᑦᑎᐊᖁᓪᓗᑎᒍᑦ ᑖᔅᓱᒪ ᓴᓇᔭᐅᓂᕆᔭᖓ. ᐃᑲᔪᖅᑐᐃᔪᒍᑦ ᑕᐃᒃᑯᐊ ᐃᖅᑲᓇᐃᔭᖅᑕᐅᓂᐊᕐᓂᕆᔭᖏᑦ ᑎᑎᕋᐅᓴᖅᓯᒪᓂᖏᓐᓄᑦ ᑮᓇᐅᔭᐃᑦ ᐱᓕᕆᔪᒪᕗᒍᑦ ᓱᓕ ᓯᕗᒧᐊᕈᑎᒋᓂᐊᕋᑦᑎᒍ ᑐᒡᓕᐊᓄᑦ ᐱᓕᕆᐊᒃᓴᐅᓂᐊᖅᑐᒧᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᑐᒡᓕᐊᓂ ᑭᖑᓪᓕᖅᐹᕐᒥᓪᓗ ᐃᓚᒋᐊᕈᑎ, ᒥᔅ ᕿᓕᖅᑎ. ᕿᓕᖅᑎ: ᖁᔭᓐᓇᒦᒃ, ᐅᖃᖅᑏ, ᖁᔭᓐᓇᒦᓪᓗ ᑖᓐᓇ. ᐃᓛ ᑕᐃᒫᒃ ᐃᖏᕐᕋᖁᔭᕗᑦ ᑕᐃᒫᖑᓂᐊᕈᓂ ᐊᓯᔾᔨᑲᓪᓚᓐᓂᐊᖏᑉᐸᑦ. ᑕᐃᒪᐃᓐᓂᑯᖓᓄᑦ, ᐅᖃᖅᑏ, (ᑐᓵᔨᑎᒎᓕᖅᑐᖅ) ᒥᓂᔅᑕᐅᑉ ᑎᑎᖅᑲᖓᓂ ᑎᑎᕋᓚᐅᕐᒥᒻᒪᑦ ᐃᒪᓐᓇ: “ᓂᕆᐅᑦᑐᖓ ᐸᐃᑉᐹᓕᕆᔾᔪᑎᖓ ᐃᖅᑲᓇᐃᔭᖅᑕᐅᔪᖅ ᑖᒃᑯᐊ ᑲᔪᓯᔾᔪᑕᐅᓂᐊᕐᒪᑦ ᐅᑭᐊᒃᓵᒃᑯᑦ ᑕᐃᔅᓱᒪᓂ ᓂᕈᐊᕐᓇᐅᓕᖅᑎᓪᓗᒍ, ᓯᕗᓂᒃᓴᑦᑎᓐᓂ ᐅᖃᐅᓯᕆᔭᐅᓂᐊᕐᒪᑕ ᐊᑭᑐᔪᖅᑐᕈᑎᓄᑦ ᐊᑐᕐᓗᑎᒃ ᑕᐃᑲᓂ ᐅᒥᐊᕐᔪᐊᓄᑦ ᑐᓚᒡᕕᐅᓂᐊᖅᑐᓄ ᑲᒪᒋᔭᐅᖁᓪᓗᒍ 7-ᒋᓕᖅᑕᖓᓂ ᑲᑎᒪᔨᖏᓐᓄᑦ ᒪᓕᒐᓕᐅᖅᑏᑦ.” ᒥᓂᔅᑕ ᑐᓴᖅᑎᑦᑎᔪᓐᓇᖅᐹ ᖃᓄᖅ ᐊᑭᖃᖅᑎᒋᓂᐊᕐᒪᖔᖅ ᒥᒃᓴᐅᓴᒃᓯᒪᕚᑦ ᑖᔅᓱᒧᖓ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᐃᖏᕐᕋᔾᔪᓕᕆᔨᒃᑯᓐᓄᑦ ᐱᖁᑎᕐᔪᐊᓕᕆᓂᕐᒧᓪᓗ ᓄᓇᕗᒻᒥ, ᒥᔅᑕ ᔪᐊᓇᓯ. ᐊᖓᔪᖅᑳᖅ ᑕᐃᕕᑎ ᔪᐊᓇᓯ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑐᓂᔪᓐᓇᕐᓂᐊᖅᑕᒃᑲ. ᑕᐃᒃᑯᐊ ᒪᓕᒡᓗᒍ, ᑎᑎᕋᖅᓯᒪᔪᖁᑎᒃ ᑮᓇᐅᔭᖅᑐᕈᑎᒃᓴᖓ ᐊᖏᖅᑕᐅᓯᒪᔪᖅ, $53.4−ᒥᓕᐊᓐ, ᑖᒃᑯᐊ 25%-ᐳᓴᖓ ᓄᓇᕗᑦ ᒐᕙᒪᒃᑯᖏᑦ 75%−ᐳᓴᖓ ᒐᕙᒪᑐᖃᒃᑯᓐᓂ ᑮᓇᐅᔭᖃᕐᕕᖓᓂ 4-ᒦᑦᑐᑦ. ᐊᒻᒪ ᑐᙵᕕᒋᓪᓗᒍ ᑎᑎᕋᐅᔭᖅᓯᒪᓂᖓ ᐱᔭᕇᖅᑕᐅᓯᒪᔪᖅ ᐅᓪᓗᒥᒧᑦ ᑎᑭᓪᓗᒍ, ᑐᓚᒡᕕᒃ ᑕᐃᓐᓇ ᐄᒐᕐᕕᒃ ᐊᑭᖃᕐᓂᐊᖅᑐᖅ $250-ᒥᓕᐊᓐᓂᒃ ᓴᓇᔭᐅᑎᓪᓗᒍ ᐊᑭᖃᕐᓂᐊᖅᑐᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐅᖃᐅᓯᒃᑯᑦ ᐊᐱᖅᑯᑏᑦ. ᒪᓕᒐᓕᐅᖅᑎ ᑲᖏᖅᖠᓂᐅᑉ ᐅᐊᓐᓇᖓᓄᑦ ᐃᒡᓗᓕᒑᕐᔪᒻᒧᓪᓗ, ᒥᔅᑕ ᓴᒻᒧᖅᑐᖅ. ᐊᐱᖅᑯᑦ 1453 – 6(2): ᖃᖓᑕᓲᒃᑯᕕᓐᓂ ᐱᖁᑎᕐᔪᐊᑦ (ᓴᒻᒧᖅᑐᖅ) ᓴᒻᒧᖅᑐᖅ: ᖁᔭᓐᓇᒦᒃ, ᐅᖃᖅᑏ. ᐊᐱᖅᓱᕈᒪᔭᕋ ᐃᖏᕐᕋᔪᓕᕆᓂᕐᒧᑦ ᐱᖁᑎᕐᔪᐊᓄᑦ ᒥᓂᔅᑕ ᐊᐱᖅᓲᑎᖃᖅᖢᓂ ᑲᖏᖅᓯᓂᐅᑉ ᒥᑦᑕᕐᕕᒻᒥᑦ ᐅᑕᖅᑭᕕᒃ. (ᑐᓵᔨᑎᒎᓕᖅᑐᖅ) ᒥᓂᔅᑕ ᐃᖅᑲᐅᒪᔪᒃᓴᐅᒻᒪᑦ, ᒪᓕᒐᓕᐅᕐᕕᒻᒥᒃ ᑲᑎᒪᔨᖏᑦ ᒫᓐᓇᕋᑖᖑᓚᐅᖅᑐᖅ ᐊᖏᖅᓯᓚᐅᕐᒪᑕ $4-ᒥᓕᐊᓐ ᑮᓇᐅᔭᓂᑦ ᑮᓇᐅᔭᖅᑐᕈᑎᒃᓴᖏᑕ ᐃᓚᒋᐊᕈᑎᖏᓐᓂ ᓄᑖᕐᒥᒃ ᒥᑦᑕᕐᕕᐅᑉ ᐅᑕᖅᑭᕕᖓᓂ ᓴᓇᔾᔪᑕᐅᓂᐊᖅᑐᖅ. ᓂᕈᐊᖅᑎᒋᓯᒪᔭᒃᑲ ᖃᐅᔨᒪᓂᐊᕐᒪᑕ ᓈᓚᒃᑐᑦ ᑲᑎᒪᑎᓪᓗᑕ ᖁᙱᐊᖅᑐᑦ, ᖃᐅᔨᒪᓂᐊᕐᒪᑕ, ᒥᓂᔅᑕ ᑐᓴᖅᑎᑦᑎᔪᓐᓇᖅᐹ ᖃᓄᖅ ᑮᓇᐅᔭᐃᑦ ᑖᒃᑯᐊ ᐊᑭᓕᐅᑕᐅᓂᐊᕐᒪᖔᑕ, ᓇᓗᓇᐃᖅᓯᔪᓐᓇᕆᕙᓗ ᓄᑖᖅ ᑖᓐᓇ ᑲᖏᖅᖠᓂᕐᒥᒃ ᒥᑦᑕᕐᕕᒻᒥ ᐅᑕᖅᑭᕕᒃ ᖃᖓ ᐊᑐᓕᖅᑎᑕᐅᓂᐊᕐᒪᖔᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᐃᖏᕐᕋᔾᔪᓕᕆᔨᒃᑯᓐᓄᑦ ᐱᖁᑎᕐᔪᐊᓕᕆᓂᕐᒧᓪᓗ ᓄᓇᕗᒻᒥ, ᒥᔅᑕ ᔪᐊᓇᓯ. ᐊᖓᔪᖅᑳᖅ ᑕᐃᕕᑎ ᔪᐊᓇᓯ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᖅᐸᕋᓗ ᑖᓐᓇ ᐊᐱᖅᓱᕐᒪᑦ ᑲᑎᒪᔨ. ᐊᒻᒪᓗᑦᑕᐅᖅ ᐱᓕᕆᕕᕗᑦ ᑖᓐᓇ ᖁᔭᓐᓇᒦᖅᑐᖅ ᒪᓕᒐᓕᐅᕐᕕᒻᒥ ᑕᐃᒪᓐᓇ ᑮᓇᐅᔭᓂᑦ ᐃᓚᒋᐊᕈᑎᓂᒃ ᐊᖏᖅᓯᓚᐅᖅᓯᒪᒻᒪᑕ ᐊᒻᒪᓗᑦᑕᐅᖅ ᑭᖑᓂᑦᑎᓐᓂ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 43 ᐅᖃᖅᑏ, ᑖᒃᑯᐊ ᑮᓇᐅᔭᐃᑦ ᐊᑐᖅᑕᐅᔭᕆᐊᖃᖅᑐᑦ ᑳᓐᑐᕌᒃᑕᐅᓯᒪᔪᑦ ᑭᖑᕙᕆᐊᖅᓯᒪᖃᑦᑕᕐᒪᑕ, ᐊᒻᒪᓗᑦᑕᐅᖅ ᓇᐅᑦᑎᐅᒪᔪᑦ ᑮᓇᐅᔭᐃᑦ ᓇᓪᓕᐅᒃᑯᒫᖏᑦ. ᑳᓐᑐᕌᒃᑕᐅᓯᒪᔪᖅ ᖃᐅᔨᑉᐸᑕ ᐅᓪᓗᖓᓂ ᑕᐃᓐᓇ ᖃᖓᒃᑯᑦ ᐃᓯᖅᑕᐅᔪᓐᓇᕐᓂᐊᕐᒪᖔᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᓯᕗᓪᓕᖅᐹᖅ ᐃᓚᒋᐊᕈᑎ, ᒥᔅᑕ ᓴᒻᒧᖅᑐᖅ. ᓴᒻᒧᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕ ᑕᐃᒪ ᐃᖅᑲᐅᒪᒻᒪᑦ ᐊᐅᓚᔨᒻᒪᑦ, ᖁᕕᐊᓱᕕᐅᑎᓚᐅᖅᓯᒪᒐᒪ ᓴᙱᓈᖅᑐᒍ ᐃᑲᔪᖅᓯᖅᑕᐅᓯᒪᓚᐅᕐᖓᑦ ᓄᑖᖅ ᐊᐅᓪᓚᕆᐊᖅᑐᕐᕕᒃ ᐃᓪᓗᓕᒑᕐᔪᒻᒥ, ᖁᕕᐊᓱᓪᓚᕆᓚᐅᕐᒥᔪᖓᑦᑕᐅᖅ ᐱᖃᑕᐅᔪᓐᓇᓚᐅᕋᒪ ᒪᑐᐃᖅᓯᓂᖃᖅᑎᓪᓗᒋᑦ ᑕᕝᕙᓂ ᐊᕐᕌᒍᑦᑎᓐᓂᐅᔪᔪᖅ. ᒥᓂᔅᑕ ᓇᓗᓇᐃᖅᓯᒍᓐᓇᖅᑳ ᓱᔭᐅᓛᕐᒪᖔᖅ ᑲᖏᖅᓯᓂᐅᑉ ᖃᖓᑕᓲᒃᑯᑦ ᐊᐅᓪᓚᕆᐊᖅᑐᕐᕕᒥᓂᖓ ᓄᑖᖑᔪᖅ ᐊᑐᖅᑕᐅᓕᖅᑲᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕᒋᔭᐅᔪᖅ ᐃᖏᕐᕋᔪᓕᕆᓂᕐᒧᑦ ᐱᖁᑎᕐᔪᐊᓕᕆᓂᕐᒧᑦ ᓄᓇᕗᒻᒥ, ᒥᔅᑕ ᔪᐊᓇᓯ. ᐊᖓᔪᖅᑳᖅ ᑕᐃᕕᑎ ᔪᐊᓇᓯ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᑲᖏᖅᓯᓂᕐᒥ ᐊᐅᓪᓚᕆᐊᖅᑐᕐᕕᒥᓂᖓ ᒪᕐᕉᓕᖅᑲᖓᓪᓗᓂ ᐱᓕᕆᐊᖑᓂᐊᖅᑐᖅ, ᓯᕗᓪᓕᖅᐹᒥ ᓄᑖᖅ ᓴᓇᔭᐅᖅᑳᓚᐅᕐᓗᓂ ᑕᐃᓐᓇ ᒪᑐᐃᖅᑕᐅᑦᑎᐊᖅᑳᓚᐅᕐᓗᓂ ᐱᔭᕇᖅᑕᐅᑉᐸᑦ. ᐊᒻᒪᑦᑕᐅᖅ ᑭᖑᓪᓕᕐᒥ, ᐱᓕᕆᐊᖑᓂᖓ ᓱᕋᐃᔭᖅᑕᐅᒐᔭᖅᑐᖅ ᐊᐅᓪᓚᕆᐊᖅᑐᕐᕕᒥᓂᖅ, ᐊᒻᒪ ᓄᑖᒥᑦ ᑕᕝᕙᓂᔅᓴᐃᓐᓇᖅ ᐃᓪᓗ ᐃᓚᔭᐅᓗᓂ, ᓄᑖᖅ ᐃᓪᓗ ᐃᓚᔭᐅᒐᔭᖅᑐᖅ ᑕᕝᕙᓂ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐊᐃᑉᐸᖓ ᑭᖑᓪᓕᖅᐹᕐᓗ ᐃᓚᒋᐊᕈᑎ, ᒥᔅᑕ ᓴᒻᒧᖅᑐᖅ. ᓴᒻᒧᖅᑐᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᐅᖃᖅᑏ, ᐊᒥᓱᑦ ᒐᕙᒪᒃᑯᑦ ᐃᓪᓗᑯᑎᖏᑦ ᓄᓇᕗᒻᒥ ᐊᑦᑎᖅᑕᐅᓯᒪᒻᒪᑕ ᐃᓕᓴᕆᔭᐅᓯᒪᔪᓂᑦ ᐅᐱᒋᔭᐅᔪᓄᑦ ᐃᓄᓐᓄᑦ ᓄᓇᕗᒻᒥᐅᓐᓘ, ᐆᑦᑑᑎᑦᑎᐊᕚᓗᑦ ᐲᑕ ᐱᑦᓯᐅᓛᖅ ᖁᑦᑎᓂᖅᓴᒥᑦ ᐃᓕᓐᓂᐊᕐᕕᖓ, ᑭᙵᕐᓂ. ᕕᒃᑐ ᓴᒻᒧᖅᑐᖅ ᐃᓕᓴᕕᒃ, ᐃᒡᓗᓕᒑᕐᔪᒻᒥ, ᒫᓂ ᐅᓗᔪᖅ ᖁᑦᑎᓂᖅᓴᒥᑦ ᐃᓕᓐᓂᐊᕐᕕᖓ, ᑲᖏᖅᓯᓂᕐᒥ. ᒥᓂᔅᑕ ᑕᐃᒪ ᖃᐅᔨᒪᒻᒪᑦ ᐊᒥᓱᐊᓗᐃᑦ ᑲᖓᑕᓲᒃᑯᕖᑦ ᑲᓇᑕᒥ ᐊᑦᑎᖅᑕᐅᓯᒪᒻᒪᑕ ᑲᓇᑕᐅᑉ ᐊᖓᔪᖅᑳᖑᖃᑦᑕᖅᓯᒪᔪᓄᑦ ᐊᓯᖏᓐᓄᓪᓗᑦᑕᐅᖅ ᓯᕗᓕᖅᑎᐅᓯᒪᔪᓄᑦ. ᑭᓯᐊᓂᓕ ᖃᑦᑏᓐᓇᑯᓗᐃᑦ ᐱᑕᖃᖅᑲᓂᓛᒃ, ᖃᖓᑕᓲᒃᑯᕖᑦ ᓄᓇᕗᒻᒥ ᐊᑦᑎᖅᑕᐅᓯᒪᔪᖃᑦᑎᐊᖏᒻᒪᑦ ᐃᓄᓐᓂᑦ. ᒥᓂᔅᑕ, ᐊᖏᕈᓐᓇᖅᑳ ᓄᓇᕗᒻᒥᐅᑕᕐᓄᑦ ᑐᔅᓯᕋᕐᓗᓂ ᐊᑎᒋᖁᔭᐅᔪᓂᑦ ᓄᓇᕗᒻᒥ ᒥᑦᑕᕐᕕᖏᓐᓄᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕᕆᔭᐅᔪᖅ ᐃᖏᕐᕋᔪᓕᕆᓂᕐᒧᑦ ᐱᖁᑎᕐᔪᐊᓕᕆᔨᒃᑯᓐᓄᓪᓗ ᓄᓇᕗᒻᒥ, ᒥᔅᑕ ᔪᐊᓇᓯ. ᐊᖓᔪᖅᑳᖅ ᑕᐃᕕᑎ ᔪᐊᓇᓯ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐄ’, ᑖᓐᓇ ᐅᖃᐅᔾᔭᐅᒋᐊᕈᑎᒍᓗᒍ ᑎᒍᓕᕐᓚᕗᑦ. ᖃᐅᔨᒋᐊᕈᓐᓇᖅᑐᒍᑦ ᓱᒍᓐᓇᕐᒪᖔᑦᑕ. ᐅᖃᖅᑏ, ᖃᐅᔨᒪᔭᖃᖏᑦᑎᐊᕋᒪᑦᑕᐅᖅ ᓄᓇᕗᒻᒥ ᒥᕝᕕᓐᓂᑦ ᐃᓕᓴᕆᔭᐅᔾᔪᑎᑖᖅᓯᒪᔪᓂᑦ ᐊᑎᕐᒥᑦ, ᓄᓇᖃᖅᑐᒥᓂᐅᔪᑦ ᐃᓕᓴᕆᔭᐅᓯᒪᑦᑎᐊᖅᑐᓄᑦ. ᐃᓐᓇᖃᐃ ᐋᓕᒃᔅ ᓴᒻᒧᖅᑐᖅ ᒥᕝᕕᒻᒥ ᐊᑦᑎᖅᑕᐅᑉᐸᖃᐃ ᐱᐅᒐᔭᖅᑐᖅ, ᐅᕝᕙᓘᓐᓃᑦ ᓗᐊᓐ ᑯᓱᒐᐅᑉ ᒥᕝᕕᖓ ᖃᖓᑐᐃᓐᓇᖅ ᑕᐃᒫᒃ ᐊᑦᑎᖅᑕᐅᓗᓂ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐅᖃᐅᓯᒃᑯᑦ ᐊᐱᖅᑯᑏᑦ. ᒪᓕᒐᓕᐅᖅᑎ ᐊᕐᕕᐊᑦ ᓂᒋᐊᓄᑦ, ᒥᔅᑕ ᓴᕕᑲᑖᖅ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 44 ᐊᐱᖅᑯᑦ 1454 – 6(2): ᓯᓚᐅᑉ ᐊᓯᔾᔨᕐᓂᖓ (ᓴᕕᑲᑖᖅ) ᓴᕕᑲᑖᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᓱᕈᒪᔭᕋ ᐊᕙᑎᓕᕆᓂᕐᒧᑦ ᒥᓂᔅᑕᐅᔪᖅ, ᓯᓚᐅᑉ ᐊᓯᔾᔨᐸᓪᓕᐊᓂᖓᓂᒃ ᐱᔾᔪᑎᖃᕐᓗᖓ, ᐱᔭᕆᐊᑭᑦᑐᖅ ᐱᖅᑳᕐᓗᒍ, ᑭᖑᓪᓕᖅᐹᕆᒐᑦᑎᒍ. ᐅᖃᖅᑏ, ᑐᓴᐃᓐᓇᖃᑦᑕᕋᑦᑕ ᐃᓯᐊᕿᔪᓂᑦ ᓄᓇᕘᒥ ᐊᒻᒪ ᐳᔫᖅᑐᐃᑦ ᓄᖑᔾᔫᒥᖁᔭᐅᓪᓗᑎᒃ ᐊᕙᑎᑦᑎᓐᓄᒡᒎᖅ ᐱᐅᖏᒻᒪᑕ. ᓄᓇᕗᒻᒥᐅᑦ ᐃᓕᓐᓂᐊᕐᖓᑕ, ᐊᒻᒪ ᒪᓕᒐᓕᐅᖅᑏᑦᑕᐅᖅ. ᒥᓂᔅᑕ ᐊᐱᕆᔪᒪᕙᕋ, 1−ᒑᓚᒥᑦ ᒑᓯᒥᑦ, ᖃᑦᑎᓂᑦ ᐳᔪᕐᓗᓂ ᐊᓂᐊᕕᐅᕙ ᐊᑕᐅᓯᖅ 1−ᒑᓚᓐ ᒑᓯ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕᕆᔭᐅᔪᖅ ᐊᕙᑎᓕᕆᓂᕐᒧᑦ, ᒥᔅᑕ ᔪᐊᓇᓯ. ᐊᖓᔪᖅᑳᖅ ᑕᐃᕕᑎ ᔪᐊᓇᓯ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᐅᔾᔭᐅᔪᖓ 7−ᐸᐅᓐᖑᒐᔭᖅᑐᕉᖅ, ᓱᓕᖏᑉᐸᑦ, ᓱᓕᔪᒥᒃ ᐅᖃᐅᔾᔭᐅᓂᐊᖅᐳᖓ. ᑭᐅᔾᔪᑎᒐ 7−ᐸᐅᓐ ᐅᖁᒪᐃᓐᓂᒃᑯᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᓯᕗᓪᓕᖅᐹᖅ ᐃᓚᒋᐊᕈᑎ, ᒥᔅᑕ ᓴᕕᑲᑖᖅ. ᓴᕕᑲᑖᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑕᐃᓐᓇ ᐊᕙᑎᓕᕆᓂᕐᒧᑦ ᒥᓂᔅᑕᐅᔪᔪᖅ, ᐊᒻᒪ ᒫᓐᓇ ᐊᕙᑎᓕᕆᓂᕐᒧᑦ ᒥᓂᔅᑕᐅᔪᖅ. 1−ᒑᓛᒎᖅ ᒑᓯ, 20−ᐸᐅᓐᓂᒎᖅ ᐳᔪᕐᓗᓂᑦ ᓴᖅᑮᓲᖅ, 1−ᐸᐅᙳᑉᐸᑦ ᒑᓰ, 6−ᐸᐅᓐᓂᑦ ᐳᔪᕐᓗᓂᑦ ᐊᓂᐊᑦᑎᔪᖅ. ᐅᖃᐅᓯᕆᓗᒍ, ᑕᕝᕙᓂᔅᓴᐃᓐᓇᖅ ᐅᖃᐅᓯᖃᕐᓗᖓ. ᑕᐃᓐᓇ ᑐᕙᐃᓱᐃᖅᑐᖅ ᓴᐳᒻᒥᑦᑎᕕᐅᔪᖅ ᒐᕙᒪᑐᖃᒃᑯᓐᓄᑦ ᓴᖅᑭᖅᑕᐅᔪᒻᒪᑦ. ᑲᒪᒋᔭᐅᖏᑦᑑᒐᓗᐊᖅ ᖃᐅᔨᒪᔪᖓ ᓄᓇᕗᒻᒥ ᐊᕙᑎᓕᕆᔨᒃᑯᓐᓄᑦ ᒥᓂᔅᑕᖓᓄᑦ. ᑭᓯᐊᓂ ᑕᐃᓐᓇ ᐃᒪᕕᒻᒥ ᐊᑦᑎᖅᑕᐅᓚᐅᖅᓯᒪᒻᒪᑦ ᓴᐳᒻᒥᑦᑎᔨᐅᔪᖅ ᐃᒫᓂ. ᖃᓄᐊᓗᒃ ᑕᐃᓐᓇ ᐊᐳᒻᒥᑦ ᐊᐅᑦᑕᐃᓕᒪᑎᑦᑎᒍᑕᐅᓂᐊᕐᖓᑦ. ᓯᑯᒥᑦ ᐊᐅᑦᑕᐅᓕᑎᑦᑎᒍᑕᐅᓂᐊᖅᑲ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᐊᕙᑎᓕᕆᓂᕐᒧᑦ, ᒥᔅᑕ ᔪᐊᓇᓯ. ᐊᖓᔪᖅᑳᖅ ᑕᐃᕕᑎ ᔪᐊᓇᓯ (ᑐᓵᔨᑎᒍᑦ): ᖁᔭᓐᓇᒦᒃ ᐅᖃᖅᑏ. ᑕᒪᓐᓇ ᐊᐱᖅᑯᑎᒋᔭᖓ ᐃᓄᓐᓄᑦ ᑖᓐᓇ ᐊᐅᓚᑕᐅᔪᖅ, ᐊᕙᑎᓕᕆᔨᒃᑯᓪᓕ ᐱᖃᑕᐅᕕᖃᖅᑑᒐᓗᐊᑦ. ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᓐᓄᑦ ᐱᒋᐊᖅᑎᑕᐅᔪᒻᒪᑦ ᐃᓄᓐᓂᑦ ᑲᑐᔾᔨᖃᑎᖃᖅᑐᑎᒃ, ᑕᐃᒃᑯᐊᖃᐃ ᑭᐅᑦᑎᐊᕈᓐᓇᓂᖅᓴᐅᒐᔭᖅᑐᐃᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐊᐃᑉᐸᖓ ᑭᖑᓪᓕᖅᐹᕐᓗ ᐃᓚᒋᐊᕈᑎ, ᒥᔅᑕ ᓴᕕᑲᑖᖅ. ᓴᕕᑲᑖᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᒪᐃᖁᔨᒐᔭᖅᑐᖓᓕ ᐅᒥᐊᕐᔪᐊᑦ ᖃᐅᔨᓴᕈᑏᑦ ᑕᕝᕗᖓᕆᐊᖃᖅᑎᑕᐅᖏᓪᓗᑎᒃ, ᓯᑯᐃᔭᐃᑐᐃᓐᓇᖃᑦᑕᕋᔭᕐᒥᒻᒪᑕ. ᐊᒻᒪ ᐅᖃᓪᓚᕆᓐᓂᖅᓴᐅᓗᖓ ᓯᓚᐅᑉ ᐊᓯᔾᔨᐸᓪᓕᐊᓂᖓᓂᒃ, ᐊᕙᑎᓕᕆᓂᕐᒧᑦ ᒥᓂᔅᑕ ᐊᐱᕆᒍᒪᔭᕋ. ᐅᖃᖃᑎᖃᖅᓯᒪᒻᒪᖔᑦ ᐱᖁᑎᕐᔪᐊᓕᕆᓂᕐᒧᑦ ᒥᓂᔅᑕᐅᔪᓂᑦ? ᓯᓚᐅ ᐊᓯᔾᔨᐸᓪᓕᐊᓂᖓᓄᑦ ᑐᕌᖓᔪᓂᑦ ᑮᓇᐅᔭᓂᑦ ᑐᔅᓯᕋᕐᓗᑎᒃ ᓴᓇᒋᐊᕈᑎᐅᒐᔭᖅᑐᓂᒃ ᐊᓯᓃᒍᑎᐅᒐᔭᖅᑐᓂᒃ ᐊᐅᓪᓚᕆᐊᖅᑐᕐᕕᐅᔪᒥ ᖃᖓᑕᓲᒃᑯᑦ ᐊᕐᕕᐊᓂ, ᑕᐃᓐᓇ ᑲᑕᓛᖅᐸᓪᓚᐃᓕᕐᖓᑦ ᐊᑖ ᐊᐅᑉᐸᓪᓕᐊᑎᓪᓗᒍ. ᑖᓐᓇ ᐅᖃᐅᓯᐅᓯᒪᒻᒪᖔᖅ ᐊᐱᕆᔭᕋ ᒥᓂᔅᑕ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᐊᕙᑎᓕᕆᓂᕐᒧᑦ, ᒥᓂᔅᑕ ᔪᐊᓇᓯ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 45 ᐊᖓᔪᖅᑳᖅ ᑕᐃᕕᑎ ᔪᐊᓇᓯ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐄ’. ᐅᖃᖅᑏ, ᖃᐅᔨᒪᔪᖓ ᐱᖁᑎᕐᔪᐊᓕᕆᓂᕐᒧᑦ ᒥᓂᔅᑕᐅᔪᖅ ᐅᖃᖃᑕᐅᖃᑦᑕᖅᓯᒪᔪᖅ ᓄᓇᐅᑉ ᐃᑭᐊᖓᓂ ᖁᐊᖅ ᐊᐅᑉᐸᓪᓕᐊᓂᖓᓄᑦ ᐊᒻᒪ ᐊᕙᑎᖓᑕ ᐊᑦᑐᖅᑕᐅᕙᓪᓕᐊᓂᖓᓂᑦ ᓄᓇᕘᓕᒫᒥ. ᐊᖅᒪᓗᑦᑕᐅᖅ ᑕᒪᓐᓇᐅᒥᒻᒪᑦ ᐸᕐᓇᒍᑎᒐᓲᓱᕆᔭᕗᑦ ᐃᓪᓗᖁᑎᕗᑦ, ᐊᐅᓐᓂᐅᓴᖏᓂᖅᓴᒥ ᓴᓇᔭᐅᖃᑦᑕᖁᓪᓗᑎᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐅᖃᐅᓯᒃᑯᑦ ᐊᐱᖅᑯᑏᑦ. ᒪᓕᒐᓕᐅᖅᑎ ᐊᒥᑦᑐᕐᒧᑦ, ᒥᔅᑕ ᖃᐃᕐᓂᖅ. ᐊᐱᖅᑯᑦ 1455 – 6(2): ᐅᑭᐅᖅᑕᖅᑐᒥ ᕿᓂᖅᑏᑦ ᐸᖅᓴᐃᔩᓪᓗ (ᖃᐃᕐᓂᖅ) ᖃᐃᕐᓂᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒐ ᑐᕌᖅᑎᒍᒪᔭᕋ ᒥᓂᔅᑕᐅᔪᒧᑦ ᓄᓇᓕᓐᓂ ᐱᔨᑦᑎᕋᖅᑎᑯᓐᓄᑦ. ᐅᖃᒃᑲᓂᖅᑯᖓ, ᐅᑭᐅᖅᑕᖅᑐᒥ ᐸᖅᓴᐃᔪᓕᕆᓂᕐᒥᑦ ᐊᐱᖅᑯᑎᖃᒃᑲᓐᓂᕈᒪᒐᒪ ᓄᓇᓕᓐᓂ ᐱᔨᑦᑎᕋᖅᑎᑯᓐᓄᑦ. ᑐᐊᕕᕐᓇᖅᑐᓕᕆᓂᖅ ᐊᐅᓚᑕᐅᓂᖓ ᐱᓪᓗᒎ, ᐊᕐᕌᒍᖓᓂ 2024-2025 ᓄᓇᕘᓕᒫᒥ ᖃᑦᑎᐊᑎᖅᑐᑎᒃ ᐸᖅᓴᐃᔪᖃᕆᖃᕐᓂᖅᑲ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᓄᓇᓕᓐᓂ ᐱᔨᑦᑕᕋᖅᑎᒃᑯᓐᓄᑦ, ᒥᔅᑕ ᑕᐃᕕᑎ ᐊᕿᐊᕈᖅ. ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐄ’, ᑖᒃᑯᐊ ᑭᐅᒡᔪᑎᔅᓴᒃᑲ ᕿᓂᑲᐃᓐᓇᕋᒃᑭᑦ, ᐊᒥᓱᑲᓪᓚᐅᔪᔪᓂᒃᑯᐊ ᐸᖅᓴᖅᑕᐅᒋᐊᖃᖅᐸᓚᐅᖅᑐᐃᑦ ᓄᓇᕘᓕᒫᒥ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᓯᕗᓪᓕᖅᐹᖅ ᐃᓚᒋᐊᕈᑎ, ᒥᔅᑕ ᖃᐃᕐᓂᖅ. ᖃᐃᕐᓂᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐋᖅᑭᒋᐊᕆᓂᕐᓕᑭᐊᖅ ᐱᓪᓗᒍ, ᖃᓄᖅ ᓄᓇᕘᒥ ᐸᖅᓴᐃᔪᖃᖅᐸᒻᒪᖔᖅ, 100−ᓗᐊᒻᒪᕆᑉᐸᓚᐃᒻᒪᑕ ᐸᖅᓴᐃᓂᐅᒋᐊᖃᖅᑐᒥᓃᑦ. ᑕᖅᑲᒃᑯᐊ ᐊᑦᑕᓇᖅᑐᒦᖁᓇᒌᑦ $1.2−ᒥᓕᐊᓐᓂᑦ ᑮᓇᐅᔭᓂᒡᒎᖅ ᐃᓕᐅᖅᑲᐃᔪᖃᕐᓂᐊᕐᖓᑦ ᐊᑎᖃᕐᓗᓂ ᐊᓪᓗᑦᑕᐅᓯᒪᔪᓂᑦ ᐃᓕᐅᖅᑲᐃᕕᐅᓗᓂ. ᒥᓂᔅᑕ ᐊᐱᕆᒍᒪᔭᕋ ᓄᓇᓕᓐᓂ ᐱᔨᑦᑎᕋᖅᑎᑯᓐᓂ ᐱᖃᑕᐅᔪᖃᓚᐅᕐᒪᖔᖅ ᑐᐊᕕᕐᓇᖅᑐᓕᕆᔨᓂ, ᐊᒻᒪ ᑕᐅᓄᖓ ᐊᖏᔪᖅᑳᒡᒍᑏᑦ ᑲᑎᒪᓂᕆᔭᖓᓄᑦ ᐱᖃᑕᐅᒍᓐᓇᖅᑳ ᐋᖅᑭᒋᐊᕆᒐᓱᓪᓗᑎᒃ ᐅᑭᐅᖅᑕᖅᑐᒥ ᐸᖅᓴᐃᓂᐅᖃᑦᑕᖅᑐᓂᒃ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᓄᓇᓕᓐᓂ ᐱᔨᑦᑎᕋᖅᑎᒃᑯᓐᓄᑦ, ᒥᔅᑕ ᑕᐃᕕᑎ ᐊᕿᐊᕈᖅ. ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑖᓐᓇ ᑕᕝᕙ ᐸᕐᓇᐅᑎᕗᑦ. ᐱᓕᕆᕕᕗᑦ, ᑕᐃᒃᑯᐊᑑᖏᑦᑐᑦ ᐱᖃᑕᐅᓗᑎᒃ ᐊᒻᒪᑦᑕᐅᖅ ᐸᖅᓴᐃᓪᓚᕆᑉᐸᑦᑐᐃᑦ ᐱᖃᑕᐅᓗᑎᒃ. ᑐᑭᓯᒃᑲᓐᓂᕈᑎᔅᓴᓂᑦ ᓄᐊᑦᑎᕙᑦᑐᒍᑦ ᐊᖏᔪᖅᑲᐅᑏᑦ ᑲᑎᒪᓕᕋᐃᒻᒪᑕ, ᐊᑦᑐᐃᓪᓗᐊᑲᓪᓚᑦᑐᐊᓘᖃᑦᑕᖅᑑᑦ ᖃᓄᖅ ᐸᖅᓴᐃᔪᖃᖅᐸᒻᒪᖔᖅ ᓄᓇᕘᒥ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐊᐃᑉᐸᖓᓗ ᑭᖑᓪᓕᖅᐹᕐᓗ ᐃᓚᒋᐊᕈᑎ, ᒥᔅᑕ ᖃᐃᕐᓂᖅ. ᖃᐃᕐᓂᖅ (ᑐᓵᔨᑎᒍᑦ): ᖁᔭᓐᓇᒦᒃ ᐅᖃᖅᑏ. ᐄ’, ᖁᕕᐊᓇᖅᑯᖅ ᒥᓂᔅᑕ ᐅᖃᐅᓯᖃᕐᖓᑦ ᕿᑎᐊᓃᑦᑐᒥᑦ ᒥᕐᖑᐃᓯᕐᕕᒻᒥᑦ. ᐄ’, ᓴᓂᕋᔭᖑᓇ ᕿᑎᑦᑎᐊᖓᓃᕐᒪᑦ ᓄᓇᕘᑦ. ᑭᖑᓪᓕᖅᐹᖅ ᐊᐱᖅᑯᑎᒐ: ᐊᔭᐅᕆᔾᔪᔾᔨᒐᓱᔅᓯᒪᒐᒪ ᐊᒥᑦᑐᕐᒥᐅᓂᑦ ᐃᓂᑖᖁᓪᓗᒋᑦ ᐊᐅᓚᑦᑎᕕᒻᒥᑦ ᐸᖅᓴᐃᔨᓄᑦ ᓴᓂᕋᔭᕐᒥ ᐅᓇᓕᒃᑯᑦ ᓈᓚᕝᕕᖃᖅᐸᓚᐅᕐᖓᑕ ᓴᓂᕋᔭᒻᒥ, ᒥᕝᕕᖓᓗ ᖃᖓᑕᓲᕐᔪᐊᓄᑦ ᓈᒻᒪᑦᑐᓂ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 46 ᐊᐱᖅᑯᑎᒐᓕ ᐅᓇᐅᓕᕋᔭᖅᑐᖅ ᐅᖃᖅᑏ, ᐊᓪᓗᖅᑕᐅᓯᒪᔪᐃᑦ ᐃᓗᓪᓕᓱᖅᑕᐅᒐᓱᑦᑎᓪᓗᒋᑦ ᐋᖅᑭᒋᐊᕆᒐᓱᓪᓗᑎᒃ ᐸᖅᓴᐃᔪᓕᕆᓂᕐᒥ. ᐃᒪᐃᑦᑐᖅᑕᖃᓛᖅᑳ, ᑕᐃᒃᑯᐊ ᐸᖅᓴᐃᓪᓚᕆᖃᑦᑕᐅᓲᑦ ᐱᖃᑕᐅᓛᖅᑳᑦ ᑲᑎᒪᑎᔅᓯᓕᕈᔅᓯ ᐊᖏᔪᖅᑳᒡᒍᑕᐅᔪᓂᑦ, ᐃᓅᓯᕐᓂ ᑕᐃᒃᑯᐊ ᐱᐅᓕᑦᑎᒐᓱᐊᖅᑎᐅᓲᑦ. ᑖᓐᓇ ᐱᔭᕆᐊᑐᔪᐊᓗᒃ ᓵᖓᖃᑦᑕᕋᑦᑎᒍ. ᒥᓂᔅᑕ ᐊᐱᕆᒍᒪᔭᕋ ᓴᓂᕋᔭᒻᒥᐅᓂᑦ, ᐃᓪᓗᓕᒻᒥᐅᓂᓪᓘᓐᓃᑦ, ᓄᓇᕗᒻᒥᐅᓘᓐᓃᑦ ᐱᖃᑕᐅᔪᖃᓚᐅᕐᒪᖔᖅ ᐊᖏᔪᖅᑲᐅᑏᑦ ᑲᑎᒪᓕᕐᒥᑉᐸᑕ ᐸᖅᓴᐃᔪᓕᕆᓂᕐᒥᑦ ᐱᔾᔪᑎᖃᕐᓗᑎᒃ ᓄᓇᕗᒻᒥ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕᕆᔭᐅᔪᖅ ᓄᓇᓕᓐᓂ ᐱᔨᑦᑎᕋᖅᑎᑯᓐᓄᑦ, ᒥᔅᑕ ᑕᐃᕕᑎ ᐊᕿᐊᕈᖅ. ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᑦᑕᕋᑦᑕᐅᖅ ᒪᓕᒐᓕᐅᖅᑎ ᐸᖅᓴᐃᔪᓕᕆᓂᕐᒥᑦ ᐅᖃᐅᓯᖃᖃᑦᑕᐃᓇᕐᖓᑦ ᓄᓇᕘᒥ. ᐊᒻᒪᓗᑦᑕᐅᖅ ᓄᓇᕘ ᐃᓗᐊᓃᒋᐊᖃᕐᖓᑕ ᐊᐅᓚᑦᑎᕕᖏᑦ ᐸᖅᓴᐃᔩᑦ. ᑖᓐᓇ ᓯᕗᓕᖅᑎᓘ ᐊᔭᐅᕆᔾᔪᑎᒋᓯᒪᒻᒥᔭᕗᑦᑕᐅᖅ ᒐᕙᒪᑐᖃᒃᑯᓐᓂ ᒥᓂᔅᑕᐅᖃᑎᑦᑎᓐᓂᑦ, ᑕᐃᒃᑯᐊ ᐱᖁᑎᕐᔪᐊᓂᑦ ᐊᒻᒪ ᖃᖓᑕᓲᖃᐅᖅᑐᑎᓪᓗ, ᖁᓛᒎᓕᖃᐅᖅᑐᑎᓪᓘᒻᒪᑖ ᐸᖅᓴᐃᔾᔪᑕᐅᒍᓐᓇᖅᑐᓂᑦ ᑲᓇᑕᓕᒫᒥ, ᑖᓐᓇ ᐊᐅᔭᐅᒋᔾᔪᑎᒌᓐᓇᕋᓱᓐᓂᐊᖅᑕᕗᑦ. ᑕᐃᒪᓕ ᓇᓕᐊᓐᓃ ᓄᓇᓕᓐᓃᖔᖅᑐᐃᑦ ᑲᑎᒪᑕᐅᒐᔭᕐᒪᖔᑕ, ᒫᓐᓇ ᓱᓕ ᐸᕐᓇᑕᐅᓂᖓᓃᓗᐊᕐᖓᑕ ᓄᓇᕗᒻᒥ ᑐᐊᕕᕐᓇᖅᑐᓕᕆᔨᒃᑯᓐᓄᑦ ᑐᑭᒧᐊᑦᑎᑕᐅᒐᔭᖅᑑᒐᓗᐊᖅ, ᐊᒻᒪᓗ ᐱᑕᖃᕆᐊᖃᖅᑲᑦ ᓄᓇᓕᓐᓃᖔᖅᑐᓂᑦ ᐃᑲᔪᖅᓯᓪᓚᕆᒃᑲᔭᖅᑕᕋ, ᐊᒻᒪ ᐱᓕᕆᕕᕗᑦ ᑲᔪᖏᖅᓴᕐᓗᒋᑦ ᑲᑎᒪᔭᖅᑐᕆᐊᖃᖅᑑᔮᖅᑐᓂᑦ ᑲᑎᒪᖃᑕᐅᑎᑦᑎᔭᖅᑐᓛᕐᖓᑕ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐅᖃᐅᓯᒃᑯᑦ ᐊᐱᖅᑯᑏᑦ. ᒪᓕᒐᓕᐅᖅᑎ ᖃᒪᓂᑦᑐᐊᒧᑦ, ᒥᔅᑕ ᓯᒪᐃᓚᒃ. ᐊᐱᖅᑯᑦ 1456 – 6(2): ᑲᓇᑕᒥ ᐃᑦᑕᕐᓂᓴᓕᕆᔨᒃᑯᑦ ᑰᖁᑎᖏᑦ (ᓯᒪᐃᓚᒃ) ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ ᐅᖃᖅᑏ. ᐊᐱᖅᑯᑎᒃᑲ ᑐᕌᖓᙳᓱᑦᑐᐃᑦ ᒥᓂᔅᑕ ᐊᕙᑎᓕᕆᔨᒃᑯᓐᓄᑦ. ᐅᖃᖅᑏ, ᖁᕕᐊᓱᓪᓚᕆᑦᑐᖓ ᑭᖑᓪᓕᖅᐹᒥ ᐊᐱᖅᓱᑎᓪᓗᖓ, ᐱᔾᔪᑎᖃᕐᓂᐊᕋᒪ ᑕᐃᒃᑯᐊ ᐃᓕᓴᕆᔭᐅᓯᒪᔪᐃᑦ ᑰᑦ ᓴᓂᑦᑎᐊᖓᓃᑦᑐᑦ ᖃᒪᓂᑦᑐᐊᑦᑎᐊᕚᓘ. ᐅᖃᖅᑏ, ᒥᓂᔅᑕ ᑕᐃᒪ ᐊᐅᓚᔨᒻᒪᑦ, ᒪᓕᒐᓕᐅᕐᕕᒻᒨᖅᓯᔪᒐᒪ ᒫᓐᓇᓕᓴᐅᓛᖑᔪᓂᑦ ᑎᑎᕋᖃᑦᑕᐅᑎᓂᕆᓯᒪᔭᑦᑎᓐᓂᑦ ᐱᔾᔪᑎᖃᖅᑐᓂᑦ ᐊᑐᓕᖅᑎᑕᐅᓂᖏᓐᓂᑦ ᑲᓇᑕᒥ ᐃᓕᓴᕆᔭᐅᓯᓚᔪᐃᑦ ᑯᐃᑦ, ᐃᓄᐃᑦ ᐊᑐᖅᑕᐅᓂᖏᓐᓄᑦ ᐱᓂᖏᓐᓄᓪᓗ ᐊᖏᖃᑎᒌᒍᑎ. ᖃᒪᓂᑦᑐᐊᕐᒥᐅᑦ ᖃᐅᔨᒪᓂᐊᕐᖓᑕ, ᓈᓚᒻᒪᑕ, ᑕᑯᓐᓇᕐᖓᑕ ᐅᓪᓗᒥ. ᒥᓂᔅᑕ, ᐊᐱᕆᖅᑳᕈᒪᔭᕋ ᐅᓪᓗᒥᒧᑦ ᖃᓄᐃᓕᖓᓕᕐᒪᖔᖅ ᐊᑐᓕᖅᑎᑕᐅᕙᓪᓕᐊᓂᖓᑕ ᐊᖏᖃᑎᒌᒍᑎᐅᑉ, ᖃᓄᐃᓕᖓᓕᕐᒪᖔᑦ ᐱᔾᔪᑎᖃᖅᑐᖅ ᑲᓵᓐ ᐊᒻᒪᓗ ᑏᓛᓐ ᑰᖏᓐᓂᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᐊᕙᑎᓕᕆᔨᒃᑯᓐᓄᑦ, ᒥᔅᑕ ᔪᐊᓇᓯ. ᐊᖓᔪᖅᑳᖅ ᑕᐃᕕᑎ ᔪᐊᓇᓯ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᑦᑕᐅᖅ ᒪᓕᒐᓕᐅᖅᑎ ᐊᐱᕆᒻᒪᑦ. ᑕᐃᒪᐃᒋᐊᖃᖅᑎᑕᐅᒐᑦᑕ ᑲᓇᑕᒥ ᐃᓕᓴᕆᔭᐅᓯᒪᔪᐃᑦ ᑯᐃᑦ ᐱᓪᓗᒋᑦ, ᐃᑦᑕᕐᓂᓴᖃᕐᕕᐅᔪᐃᑦ, ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᓂᖏᓐᓄᓪᓗ ᐊᖏᖃᑎᒌᒍᑎᓕᐅᕆᐊᖃᕐᖓᑕ ᓄᓇᕘᒥ ᑰᓄᑦ ᐃᓕᓴᕆᔭᐅᓯᒪᔪᓄᑦ. ᐊᕙᑎᓄᑦ ᐊᕐᕌᒍᓄᑦ ᐅᐊᑦᑎᔭᐅᖃᑦᑕᕆᐊᖃᕐᓂᐊᖅᑐᑦ, ᐅᐊᑦᑎᔭᐅᖃᑦᑕᕐᓂᖓ ᐅᓂᒃᑳᓕᐊᕆᔭᐅᓂᖓᓗ ᑲᓵᓐ ᐊᒻᒪ ᑏᓛᓐ ᑰᖏᑕ, ᐱᔭᕇᖅᑕᐅᓯᒪᓕᖅᑐᑦ ᑕᐃᑲᓃᒻᒪᑕ ᐅᕙᖓ ᓂᕈᐊᖅᑕᐅᓯᒪᕕᖓᓂ ᐃᓚᖓ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᓯᕗᓪᓕᖅᐹᖅ ᐃᓚᒋᐊᕈᑎ, ᒥᔅᑕ ᓯᒪᐃᓚᒃ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 47 ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᖁᔭᓐᓇᒥᑦᑕᐅᖅ ᒥᓂᔅᑕ ᑭᐅᒐᕕᖓ. ᐄ’, ᖁᕕᐊᓇᖅᑯᖅ ᑖᓐᓇ ᐃᓚᖓ ᐱᔭᕆᖅᑕᐅᓯᒪᓕᕐᖓᑦ. ᐊᒻᒪ ᒥᓂᔅᑕ ᐅᓪᓗᒥ ᑭᖑᓪᓕᖅᐹᕆᒐᑦᑎᒍ, ᒥᓂᔅᑕ ᒪᓕᒐᓕᐅᕐᕕᒻᒨᕆᖁᔾᔮᖏᑕᕋ ᐅᓂᒃᑳᓕᐊᒥᓂᖏᓐᓂᑦ ᐊᑐᐃᓐᓇᐅᒐᓗᐊᖅᑲᓂᓛᒃ. ᑭᓯᐊᓂ ᓇᓗᓇᐃᖅᓯᖁᔭᕋ, ᑐᓂᔭᐅᓯᒪᒻᒪᖔᑦ ᒪᐃᔭᖓᓄᑦ, ᕼᐋᒻᒪᓚᒃᑯᓪᓗ ᑲᑎᒪᔨᖏᓐᓄᑦ ᖃᒪᓂᑦᑐᐊᕐᒥ, ᐊᒻᒪᓗᑦᑕᐅᖅ ᓄᓇᓕᐅᑉ ᐆᒪᔪᓕᕆᓂᕐᒧᑦ ᑲᑐᔾᔨᖃᑎᒌᒋᔭᖏᓐᓄᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᐊᕙᑎᓕᕆᔨᒃᑯᓐᓄᑦ, ᒥᔅᑕ ᔪᐊᓇᓯ. ᐊᖓᔪᖅᑳᖅ ᑕᐃᕕᑎ ᔪᐊᓇᓯ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑖᒃᑯᐊ ᐃᓚᐅᔪᓕᒫᑦ ᐱᓪᓗᒋᑦ, ᑲᑎᒪᔨᐅᖃᑎᒪ ᐊᐱᖅᑯᑎᒋᒻᒪᒍ. ᓱᓕ ᓯᐊᒻᒪᖅᑕᐅᓯᒪᖏᑦᑐᑦ ᐃᓚᐅᖃᑕᐅᓯᒪᔪᓄᑦ, ᖃᐅᔨᒋᐊᓛᖅᐳᖓ ᐱᓕᕆᕕᓐᓄᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐊᐃᑉᐹ ᑭᖑᓕᖅᐹᕐᓗ ᐃᓚᒋᐊᕈᑎ, ᒥᔅᑕ ᓯᒪᐃᓚᒃ. ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕ ᐊᐅᓚᔨᔪᔅᓴᐅᒋᕗᖅ ᑭᐅᔾᔪᑎᒋᓚᐅᖅᑕᖓᓄᑦ ᐅᕙᒻᓄᑦ ᐱᓕᕆᕝᕕᖓ ᑐᑭᒧᐊᑦᑎᑦᓯᔨᕋᑖᓚᐅᕐᒪᑕᒎᖅ ᑕᒪᒃᑯᓇᖓᑦ ᐃᓕᖅᑯᓯᒧᑦ ᐱᒻᒪᕆᐅᔪᓂᑦ ᑰᓐᓂᑦ ᐸᕐᓇᐅᑎᒧᑦ ᐊᐅᓚᑦᓯᓂᕐᒧᑦ ᖃᒪᓂᑦᑐᐊᕐᒥ, ᐊᒻᒪᓗ ᐃᓄᓐᓄᑦ ᐃᖅᑲᓇᐃᔭᖅᑎᖃᕐᖤᐊᖅᖢᓂ, ᐊᓕᐊᓇᐃᑦ. ᒥᓂᔅᑕᓕ ᖃᓄᖅ ᐱᓕᕆᖃᑎᖃᖅᐸ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᒌᒃᑯᖏᓐᓂᒃ ᒐᕙᒪᑐᖃᒃᑯᖏᓐᓂᓪᓗ ᓯᕗᓪᓕᖅᐹᒥᒃ ᓯᕗᓪᓕᐅᔾᔭᐅᓇᔭᙳᐊᖅᑐᓂᒃ ᑲᓵᓐ ᐊᒻᒪᓗ ᑎᓛᓐ ᑰᖏᓐᓂ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᐊᕙᑎᓕᕆᓂᕐᒧᑦ, ᒥᔅᑕ ᔪᐊᓇᓯ. ᐊᖓᔪᖅᑳᖅ ᑕᐃᕕᑎ ᔪᐊᓇᓯ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎ. ᐱᓕᕆᕝᕕᕗᑦ ᐱᓕᕆᖃᑎᖃᑦᓴᐃᓐᓇᕐᓂᐊᖅᐳᑦ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂᒃ ᓄᓇᕗᑦ ᑐᙵᕕᒃᑯᓐᓂᓪᓗ ᐊᒻᒪᓗ ᒐᕙᒪᑐᖃᒃᑯᓐᓂᒃ. ᓄᕕᐱᕆ 2024−ᖑᑎᓪᓗᒍ ᑕᒪᒃᑯᐊ ᓇᓕᐊᓐᓄᕋᐅᑎᕗᑦ ᑐᓴᕋᒃᓴᐃᓪᓗ ᑕᒪᒃᑯᐊ ᐃᓕᖅᑯᓯᕐᒧᑦ ᐱᒻᒪᕆᐅᔪᑦ, ᑰᖑᔪᑦ ᐱᓪᓗᒋᑦ ᐱᓇᓱᑦᓴᐃᓐᓇᕐᓂᐊᖅᐳᒍᑦ ᑕᕝᕙ ᓈᒻᒪᑦᑐᒃᑯᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐅᖃᐅᓯᒃᑯᑦ ᐊᐱᖅᑯᑏᑦ. ᒪᓕᒐᓕᐅᖅᑎ ᐊᐃᕕᓕᒻᒧᑦ, ᒥᔅᑕ ᒪᓕᑭ. ᐊᐱᖅᑯᑦ 1457 – 6(2): ᐊᖁᑦᑐᖅᓯᐅᑎᑦ (ᒪᓕᑭ) ᒪᓕᑭ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐊᐱᖅᓱᕈᒪᔭᕋ ᑖᓐᓇ ᓄᓇᓕᖕᓄᑦ ᐱᔨᑦᑎᕋᖅᑎᓂᒃ ᑲᒪᔪᖅ. ᐱᔾᔪᑎᖃᖅᑐᑦ ᑖᒃᑯᐊ ᐊᖁᑦᑐᓐᓇᐅᑏᑦ ᐋᖅᑭᒃᓯᒪᓂᖓ ᐋᖅᑭᒋᐊᖅᑕᐅᔭᕆᐊᖃᖅᑰᔨᒋᒐᒃᑯ. ᑖᒃᑯᐊ ᓄᓇᓕᕋᓛᖑᓂᖅᓴᐅᔪᐃᑦ ᑎᑭᑕᐅᓇᓵᖃᑦᑕᕐᒪᑕ ᑖᒃᑯᓂᖓ ᐃᓕᓐᓂᐊᖅᑎᑦᑎᔭᖅᑐᖅᑐᓂᒃ ᐅᕝᕙᓘᓐᓃᑦ ᐱᓇᓱᐊᖅᑐᓂᒃ ᑖᒃᑯᓄᖓ ᐊᖁᑦᑐᓐᓇᐅᑎᓂᒃ ᑲᓇᑕᓗᒃᑖᒥ ᐊᖁᑦᑐᓐᓇᐅᑦ ᑖᓐᓇ ᓄᓇᕗᒻᒥ ᐱᔭᐅᖃᑦᑕᖅᑐᖅ ᑭᒡᓕᖃᖃᑦᑕᕐᒪᑦ ᓄᓇᕗᑦᑕᐃᓐᓇᕐᒧᑦ. ᑖᓐᓇ ᐋᖅᑭᒋᐊᖅᑕᐅᓯᒪᖕᒪᖔᑦ ᑐᑭᓯᔪᒪᔪᖓ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᓄᓇᓕᓐᓂ ᐱᔨᑦᓯᖅᑎᒃᑯᓐᓄᑦ, ᒥᔅᑕ ᑕᐃᕕᑎ ᐊᕿᐊᕈᖅ. ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐄ’, ᑖᒃᑯᐊ ᐋᖅᑭᒋᐊᖅᐸᓪᓕᐊᖏᓐᓇᖃᑦᑕᖅᑕᕗᑦ ᐊᒻᒪᓗ ᖃᓄᖅᑑᕈᑎᒋᓇᓱᖃᑦᑕᖅᑕᕗᑦ. ᖃᐅᔨᒪᔪᒍᑦ ᐊᒥᒐᖃᑦᑕᕐᒪᑕ ᐃᖅᑲᓇᐃᔭᖅᑎᑭᔅᓴᕐᓂᕐᒧᑦ ᑭᓯᐊᓂ ᖃᓄᖅᑑᖅᐸᓪᓕᐊᓇᓱᒃᑐᑦ ᐊᔾᔨᒌᙱᑦᑐᓂᒃ, ᓲᕐᓗ ᖃᓄᖅ ᐃᖅᑲᓇᐃᔭᖅᑎᐅᙱᒃᑲᓗᐊᕐᓗᑎᒃ ᐱᓕᕆᖃᑦᑕᖅᑐᓂᒃ ᑎᒃᑯᐊᖅᓯᓪᓗᑕ ᐊᒻᒪᓗ ᑎᓕᐅᕆᓯᒪᔪᒍᑦ ᑕᒪᒃᑯᐊ ᓲᕐᓗ ᕼᐋᒻᒪᓚᒃᑯᑦ ᐱᓕᕆᒍᒪᓐᓂᖅᐸᑕ ᑕᐃᒪᓐᓇᐃᑦᑐᒥᒃ

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 48 ᐃᓕᓐᓂᐊᖅᑎᑦᑎᔪᓐᓇᑦᑎᐊᖅᑐᒍᑦ ᑖᒃᑯᓂᖓ ᐃᓕᓐᓂᐊᖅᑎᐅᒍᓐᓇᖅᑐᓂᒃ ᐊᑐᐃᓐᓇᖃᕈᓐᓇᕐᓂᐊᕐᒪᑕ ᓄᓇᓕᓐᓄᑦ ᐅᑕᖅᑭᑯᑖᒋᐊᖃᙱᓪᓗᑎᒃ. ᑕᕝᕘᓇ ᐊᔾᔨᒌᙱᑦᑐᑎᒍᑦ ᐱᓕᕆᐊᕆᓇᓱᒃᓯᒪᔭᕗᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ (ᑐᓵᔨᑎᒍᑦ): ᓯᕗᓪᓕᖅᐹᖅ ᐃᓚᒋᐊᕈᑎ, ᒥᔅᑕ ᒪᓕᑭ. ᒪᓕᑭ: ᖁᔭᓐᓇᒦᒃ, ᐅᖃᖅᑎᑦᑎᔩ. ᒥᓂᔅᑕᐅᖅᑲᐃ ᐊᖏᖃᑎᒋᔪᓐᓇᖅᐹᖓ ᑖᒃᓱᒥᖓ ᓄᓇᕗᒻᒧᑦᑕᐃᓐᓇᑯᓗᒃ ᑐᕌᖓᔪᖅ ᑳᓐᓇ ᐲᖅᑕᐅᔪᓐᓇᕐᒪᖔᑦ ᑲᓇᑕᓗᒃᑖᕐᒧᑦ ᐊᖁᑦᑐᓐᓇᐅᑎᑖᕈᓐᓇᖁᓪᓗᒋᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᓄᓇᓕᓐᓂ ᐱᔨᑦᓯᖅᑎᒃᑯᓐᓄᑦ, ᒥᔅᑕ ᑕᐃᕕᑎ ᐊᕿᐊᕈᖅ. ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ: ᒪᕐᕈᐃᓕᖓᖃᑦᑕᕐᒪᑕ ᑖᒃᑯᐊ ᐊᖁᑦᑐᓐᓇᐅᑎᑖᕈᓐᓇᖅᑐᐃᑦ, ᓄᓇᕗᒻᒧᑐᐃᓐᓇᖅ ᐊᒻᒪᓗ ᑲᓇᑕᓕᒫᒧᑦ ᐅᕝᕙᓘᓐᓃᑦ ᑲᓇᑕᒨᓱᖓᕋᒥᒃ ᓄᓇᕐᔪᐊᓕᒫᒧᑦ ᐊᖁᒍᓐᓇᖅᓯᑎᑕᐅᖃᑦᑕᕐᒪᑕ ᑖᒃᑯᐊ ᐊᖏᕈᑎᒋᔭᐅᓚᐅᖅᓯᒪᔪᐃᑦ ᑲᓇᑕᒥ. ᓄᓇᕐᔪᐊᓕᒫᑲᓴᓐᓄᑦ ᐊᖏᖃᑎᖃᖅᓯᒪᔪᑦ ᐊᖁᒍᓐᓇᖅᑐᑦ. ᐃᓚᖏᑦ, ᓄᓇᕗᒻᒨᖓᑐᐃᓐᓇᖅᓱᑎᒃ ᑕᐃᒪᓐᓇᐃᒍᒪᒍᑎᒃ ᑖᒃᑯᐊ ᖃᐅᔨᓴᖅᑕᐅᓇᓱᒃᑐᐃᑦ, ᑕᐃᒪᓐᓇᐃᓕᖓᒍᒪᒍᑎᒃ ᑕᐃᒪᓐᓇᐃᓕᖓᒍᓐᓇᖅᓱᑎᒃ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ (ᑐᓵᔨᑎᒍᑦ): ᐊᐃᑉᐹ ᑭᖑᓪᓕᖅᐹᕐᓗ ᐃᓚᒋᐊᕈᑎ, ᒥᔅᑕ ᒪᓕᑭ. ᒪᓕᑭ: ᖁᔭᓐᓇᒦᒃ, ᐅᖃᖅᑎᑦᑎᔩ. ᒥᓂᔅᑕᐅᑉ ᓇᓗᓇᐃᕌᓂᙱᐊᕐᔪᖕᒪᐅᒃ ᑖᓐᓇ ᐊᐱᖅᑯᑎᒋᓵᖅᑕᕋ. ᐋᔩᖃᑎᒋᖅᑰᒻᒫᖓ ᑭᐅᙱᒻᒫᒍ ᑭᓯᐊᓂ ᑐᓴᕈᒪᓕᕐᒥᔪᖓ ᑖᒃᑯᐊ ᑭᒡᒐᖅᑐᖅᑕᒃᑲ ᓄᓇᓕᕋᓛᖏᓐᓇᐅᖕᒪᑕ, ᖃᖓ ᐃᖅᑲᓇᐃᔭᖅᑎᖏᓐᓂᒃ ᑎᑭᑦᑐᖃᕐᓂᐊᕐᒪᖔᑦ ᑖᒃᑯᐊ ᐊᖁᑦᑐᓐᓇᐅᑎᑖᕋᓲᑎᑖᕈᓐᓇᖅᑐᑦ ᐃᓕᓐᓂᐊᖅᑎᑦᑎᔪᓐᓇᖅᑐᓂᒃ ᑕᐃᑯᓄᖓ ᓄᓇᓕᖕᓄᑦ ᓴᓪᓕᕐᒧᓪᓗ ᓇᐅᔮᓄᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᓄᓇᓕᓐᓂ ᐱᔨᑦᓯᖅᑎᒃᑯᓐᓄᑦ, ᒥᔅᑕ ᑕᐃᕕᑎ ᐊᕿᐊᕈᖅ. ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ: ᐄ’, ᖁᔭᓐᓇᒦᒃ. ᑕᐃᓐᓇᐃᓛᒃ ᑭᐅᑦᑎᐊᙱᓐᓂᕋᖅᑲᐅᔭᖓ ᑖᓐᓇ ᐱᓕᕆᐊᕆᓇᓱᒃᐸᓪᓕᐊᔭᕗᑦ ᓱᓕ ᑭᓯᐊᓂ ᑖᒃᑯᐊ ᒪᕐᕈᐃᓕᖓᓪᓗᑎᒃ ᐊᑐᐃᓐᓇᐅᑎᒍᒪᒐᑦᑎᒍᑦ ᑖᒃᑯᓄᖓ ᓄᓇᕗᒻᒥᐅᑕᓄᑦ ᓄᓇᕗᑐᐃᓐᓇᕐᒥ ᐃᖏᕐᕋᖃᑦᑕᕈᒪᒍᑎᒃ ᑕᐃᒪᓐᓇᐃᒐᓱᒍᓐᓇᕐᒥᔪᑦ ᐱᔾᔪᑎᒋᓪᓗᒍ ᑖᒃᑯᐊ ᑲᓇᑕᒨᕈᓐᓇᖅᑐᓕᒫᑦ ᓲᕐᓗ ᑐᓗᕈᑎᖃᐅᖕᒥᖕᒪᑦ ᐊᖁᒍᒪᔪᓄᑦ ᐊᒻᒪᓗ ᖃᐅᔨᒪᓪᓗᑎᒃ ᐃᓚᖏᑦ ᓄᓇᕗᒻᒥᐅᑕᐃᑦ ᑲᓇᑕᒥ ᓯᓚᑖᓂ ᐊᖁᔾᔮᙱᑦᑐᑦ. ᑕᕝᕘᓇ ᑕᐃᒪᓐᓇᐃᑎᓪᓗᒍ. ᑖᒃᑯᐊ ᓄᓇᓕᖓᓅᕐᓂᐊᕐᒪᑕᑭᐊᖅ ᖃᖓᒃᑯᑦ ᑖᓐᓇ ᒫᓐᓇ ᐱᓯᒪᙱᓐᓇᒃᑯ ᑭᓯᐊᓂ ᑕᒫᓂ ᐊᐅᓚᓚᐅᙱᓐᓂᖓᓂᒃ ᓇᓗᓇᐃᑦᑎᐊᕈᓐᓇᕐᓂᐊᖅᑕᕋ ᐃᖅᑲᓇᐃᔭᖅᑎᒃᑲ ᑖᒃᑯᐊ ᑐᓴᕋᓐᓈᕐᒪᑕ ᑕᐃᒪᓐᓇ ᑭᐅᑲᐅᖅᑐᖅᓵᓕᒍᓐᓇᕐᓂᐊᖅᑕᕋ ᑖᓐᓇ ᒪᓕᒐᓕᐅᖅᑎᐅᖃᑎᒐ. ᖁᔭᓐᓇᒦᒃ ᐊᐱᖅᓱᖃᑦᑕᐃᓐᓇᖅᑐᑯᓘᓚᐅᕐᒪᑦ ᐅᕙᓐᓄᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐅᖃᐅᓯᒃᑯᑦ ᐊᐱᖅᑯᑏᑦ. ᒪᓕᒐᓕᐅᖅᑎ ᐊᒡᒍᒧᑦ, ᒥᔅ ᖁᐊᓴ. ᐊᐱᖅᑯᑦ 1458 – 6(2): ᓇᓪᓕᐅᒃᑯᒫᑦ ᓄᓇᓕᖕᓂ ᐱᖁᑎᕐᔪᐊᓄᑦ (ᖁᐊᓴ) ᖁᐊᓴ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒋᓂᐊᖅᑕᒃᑲ ᓄᓇᓕᓐᓂ ᐱᔨᑦᓯᖅᑎᒃᑯᓐᓄᑦ. ᐅᖃᖅᑏ, ᐅᑎᕐᕕᒋᔪᒪᓪᓗᒍ ᓇᓪᓕᐅᒃᑯᒫᖅᓯᐅᑎᐅᕙᑦᑐᑦ ᓄᓇᓖᑦ ᕼᐋᒻᒪᓚᒃᑯᑦ ᐱᖁᑎᖏᓐᓄᑦ. ᒪᓕᒐᓕᐅᖅᑎᐅᖃᑎᒃᑲ ᐃᓱᒫᓘᑎᖃᖃᑦᑕᖅᓯᒪᒻᒥᒻᒪᑕ ᐃᒡᓗᐃᑦ ᓄᓇᕗᒻᒥ ᓱᕋᑦᑕᐅᖃᑦᑕᖅᓯᒪᔪᑦ ᐃᑯᒪᒧᑦ, ᑭᑐᒧᓪᓘᓐᓃᑦ ᐊᕐᕌᒎᓂ ᐊᓂᒍᓵᖅᑐᓂ. ᒥᓂᔅᑕ ᖃᐅᔨᒪᑦᑎᐊᕐᒪᑦ ᐊᐱᖅᑯᑎᒋᖃᑦᑕᓵᓚᐅᕋᒪ ᖃᓄᐃᓕᖓᓕᕐᓂᖓᑕ ᐃᒡᓗᓕᐅᑉ ᐊᓐᓂᑭᑦᑐᕐᕕᔅᓴᖓᑕ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 49 ᐅᖃᖅᑏ, ᐅᖃᔪᒐᒪ ᒐᕙᒪᒃᑯᑦ ᒪᓂᒪᑎᑦᓯᓚᐅᕐᒪᑕ ᐊᑭᑦᑐᕋᐅᑎᑦᓴᒥᒃ ᐋᒡᒋᓯᐅᑎᓪᓗᒍ ᐅᑭᐅᕆᔭᑦᑎᓐᓂ. ᑕᒪᒃᑯᐊ ᐱᓪᓚᑦᑖᒥᒃ ᒪᓕᑦᑎᐊᕐᒪᖔᑕᓘᓐᓃᑦ ᑖᒃᑯᐊ ᓄᓇᕗᑦ ᓄᓇᓖᑦ ᑐᔾᔨᖃᑎᒌᖏᑦ ᓇᓪᓕᐅᒃᑯᒫᖅᓯᐅᑎᓄᑦ ᑭᐳᑦᑎᕈᑎᐅᕙᑦᑐᑦ ᒪᓈᓂᒃᒥᒃ ᑕᐃᔭᐅᔪᖅ. ᐅᖃᖅᑏ, ᑐᓴᒐᒃᓴᐅᔪᖅ ᒐᕙᒪᒃᑯᓐᓂ ᐅᖃᖅᓯᒪᒻᒪᑕ ᒪᓂᒪᑎᑦᓯᓂᖓ ᐊᑭᑦᑐᕋᐅᑎᑦᓴᒥᒃ ᒪᑐᓚᐅᕐᒪᑦ ᑐᓂᓯᔪᖃᙱᑦᓯᐊᖅᓱᓂ ᐊᑭᑦᑐᕋᐅᑎᒍᒪᔪᒥᒃ. ᒥᓂᔅᑕ ᐅᖃᕈᓐᓇᖅᐸ ᖃᖓ ᒪᓂᒪᑎᑕᐅᒃᑲᓐᓂᓛᕐᒪᖔᑦ ᐊᑭᑦᑐᕋᐅᑕᐅᓂᑦᓴᖓ ᑕᒪᓐᓇ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᓄᓇᓕᓐᓂ ᐱᔨᑦᓯᖅᑎᒃᑯᓐᓄᑦ, ᒥᔅᑕ ᑕᐃᕕᑎ ᐊᕿᐊᕈᖅ. ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᑏᑐᖅ ᕿᓚᒥᐅᔾᔫᒥᔪᒃᑯᑦ ᐱᔪᓐᓇᖅᓯᓛᖅᐳᒍᑦ ᑖᒻᓇ ᑕᖅᑲᐅᙵᖅᑐᑦᓴᖅ ᐋᖅᑭᒋᐊᕆᐊᖃᓛᕐᒪᑦ ᓄᓇᓖᑦ ᓇᓪᓕᐅᒃᑯᒫᖅᓯᐅᑎᖃᑦᓯᐊᕋᔭᖁᓪᓗᒋᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᓯᕗᓪᓕᖅᐹᒥ ᐃᓚᒋᐊᕈᑎ, ᒥᔅ ᖁᐊᓴ. ᖁᐊᓴ: ᖁᔭᓐᓇᒦᒃ, ᐅᖃᖅᑎᑦᑎᔩ. ᖁᔭᓐᓇᒦᒡᓗ ᒥᓂᔅᑕ. ᐊᑏ, ᐊᒃᓱᕈᐊᕇᓐᓇᖅᓯᐅᒃ. (ᑐᓵᔨᑎᒎᓕᖅᑐᖅ) ᐅᖃᖅᑏ, ᑖᓐᓇ ᐅᖃᐅᓯᕆᒐᒃᑯ ᐱᓇᓱᐊᕈᓯᐅᓚᐅᖅᑐᒥ ᒥᓂᔅᑕ ᑭᐅᓚᐅᕐᒪᑦ ᐅᖃᖅᖢᒍ ᐊᑕᐅᓯᐅᙱᑦᑐᖅ ᐃᓱᒫᓘᑎᐅᓯᒪᓕᖅᐳᖅ ᐅᕙᓐᓄᑦ ᑕᒪᓐᓇ ᐱᓪᓗᒍ. ᐱᓕᕆᖃᑎᒋᓪᓗᑎᒍ ᓄᓇᕗᒻᒥ ᓄᓇᓖᑦ ᑲᑐᔾᔨᖃᑎᒌᖏᑦ ᐃᓚᐅᓪᓚᑦᑖᖅᐳᒍᑦ ᐋᖅᑭᒋᐊᕆᓇᓱᒃᓱᑕ ᐃᓚᖏᑦ ᐱᓕᕆᐊᒃᓴᐅᔪᓂᒃ. ᐊᑲᐃᓪᓕᐅᕈᑕᐅᓂᖅᐹᖑᕙᑦᑐᖅ ᐊᑭᒋᒐᔭᖅᑕᖓᑕ ᑭᖑᕝᕕᖅᑕᐅᓂᒃᓴᖓ ᐊᑭᑦᑐᕆᐊᖅᓯᒪᒻᒪᕆᒻᒪᑦ ᓇᓪᓕᐅᒃᑯᒫᖅᑕᐅᕙᑦᑐᑦ ᐃᒡᓗᐃᑦ. ᐊᔾᔨᒌᙱᒻᒪᕆᒻᒪᑕ ᐊᑯᓐᓂᖃᓪᓚᕆᒃᓱᓂᓗ ᑕᐃᒪᐃᒍᑕᐅᔪᖅ. ᐃᓚᖏᑦ ᓄᓇᓖᑦ ᐃᓛᓐᓂᒃᑯᑦ ᐊᖑᒪᐃᓐᓇᖅᓯᒪᙱᒻᒪᑕ ᓇᓪᓕᐅᒃᑯᒫᖅᓯᐅᑎᑦᓴᖏᑦ ᐱᔾᔪᑎᒋᓪᓗᒋᑦ ᐅᖃᖅᑖ. ᒥᓂᔅᑕ ᐅᖃᕈᓐᓇᖅᐸ ᐃᓚᖏᓐᓂᒃ ᐅᓄᖅᓯᒋᐊᕈᑕᐅᓯᒪᔪᓂᒃ ᐊᑯᓪᓕᐅᕈᑕᐅᔪᒧᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᓄᓇᓕᓐᓂ ᐱᔨᑦᓯᖅᑎᒃᑯᓐᓄᑦ, ᒥᔅᑕ ᐊᕿᐊᕈᖅ. ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᑯᒪᖃᑦᑕᖅᑐᑦ ᑕᒪᒃᑯᐊ ᐱᓗᐊᕈᑕᐅᕙᑦᑐᑦ ᐅᓄᖅᓯᕙᓪᓕᐊᑦᓴᐃᓐᓇᖅᑎᓪᓗᒋᑦ ᓇᓪᓕᐅᒃᑯᒫᖅᑐᓕᕆᔨᓄᑦ ᐊᑦᓱᕈᕈᑕᐅᕙᒻᒪᑦ, ᓄᓇᕗᓗᒃᑖᒥ ᑕᐃᒪᐃᑦᑐᖅ. ᐊᐃᑉᐹᑦᑕᐅᖅ ᐊᒻᒪᓗ ᒥᓂᔅᑕᐅᖃᑎᒃᑲ ᐅᖃᐅᓯᖃᖃᑦᑕᖅᓯᒪᓪᓗᓂ ᐊᑭᖓᑕ ᐃᓪᓗᓕᐅᖅᐸᓐᓂᖅ ᐊᑭᑦᑐᐸᓪᓕᐊᓂᖏᑦ ᐸᐃᙶᓘᖅᓯᒪᒻᒪᑕ ᐊᒻᒪᓗ ᐊᒥᐊᓕᒐᐃᑦ ᓄᓇᖓᓐᓄᑦ ᐊᑭᑦᑐᕆᐊᕈᑎᐅᓯᒪᔪᑦ ᓇᓗᓇᖅᑐᒦᒍᑎᓪᓚᕆᐅᓯᒪᒻᒪᑦ. ᑕᒪᒃᑯᓄᖓ ᓴᓇᕙᑦᑐᓄᑦ ᑐᙵᕕᖃᑦᓯᐊᕆᐊᒥ ᐃᓪᓗᓕᐅᕋᓱᖃᑦᑕᕈᒪᓪᓗᓂ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐊᐃᑉᐹ ᑭᖑᓪᓕᖅᐹᕐᓗ ᐃᓚᒋᐊᕈᑎ, ᒥᔅ ᖁᐊᓴ. ᖁᐊᓴ: ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᒃ, ᒥᓂᔅᑕ. (ᑐᓵᔨᑎᒎᓕᖅᑐᖅ) ᒥᓂᔅᑕᐅᔪᖅ ᐅᖃᕈᓐᓇᖅᐸ ᐃᓚᖏᓐᓂᒃ ᐋᖅᑭᒍᑎᐅᒍᓐᓇᖅᑐᓂᒃ ᑕᒪᒃᑯᓄᖓ ᐃᓱᒪᒋᔭᐅᕙᓪᓕᐊᓯᒪᓕᖅᑐᓂᒃ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᓄᓇᓕᓐᓂ ᐱᔨᑦᓯᖅᑎᒃᑯᓐᓄᑦ, ᒥᔅᑕ ᐊᕿᐊᕈᖅ. ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑮᓇᐅᔭᐃᑦ ᐱᓪᓗᒋᑦ ᓇᓪᓕᐅᒃᑯᒫᖅᓯᐅᑎᓄᑦ ᑖᓐᓇ ᐃᓚᒋᔭᖓ ᐋᖅᑭᒍᑎᐅᒍᓐᓇᖅᑐᖅ ᑮᓇᐅᔭᖅᑖᒃᑲᓐᓂᖅᐸᑦ. ᐊᐃᑉᐹᑦᑕᐅᖅ ᓄᓇᓖᑦ ᐱᓇᓲᑎᖃᑦᓯᐊᖁᑉᓗᒋᑦ ᐃᑯᐊᓪᓚᔾᔭᐃᓕᒪᔾᔪᑎᐅᒍᓐᓇᖅᑐᓂᒃ ᐃᓕᓴᐅᑎᓂᒃ ᑐᓴᐅᒪᒍᑎᑦᓴᐅᔪᓐᓇᖅᑐᓂᒃ ᑕᒪᒃᑯᐊ ᖃᑦᑎᕆᔩᑦ ᐊᖓᔪᖅᑳᖏᑕ ᐱᓚᕆᒋᐊᖃᖅᐸᑦᑕᖏᓐᓂᒃ. ᖁᔭᓐᓇᒦᒃ, ᐅᖃᖅᑏ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 50 ᐅᖃᖅᑎ (ᑐᓵᔨᑎᒍᑦ): ᐅᖃᐅᓯᒃᑯᑦ ᐊᐱᖅᑯᑏᑦ. ᒪᓕᒐᓕᐅᖅᑎ ᓇᑦᓯᓕᖕᒧᑦ, ᒥᔅᑕ ᖂᑭᐊᖅ. ᐊᐱᖅᑯᑦ 1459 – 6(2): ᐊᑦᑕᕐᕖᑦ (ᖂᕿᐊᖅ) ᖂᑭᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐱᖃᑎᒋᔭᕋ ᐅᖃᖃᑎᒋᔭᖅᑐᒃᑲᓐᓂᓕᖅᐸᒋᑦ. ᐊᐱᖅᑯᑎᒐ ᐅᓪᓗᒥ ᒥᓂᔅᑕᖓᓐᓄᑦ ᓄᓇᓖᑦ ᐱᔨᑦᓯᖅᑎᒃᑯᓐᓄᑦ ᑕᕝᕙᐅᕗᖅ. ᐅᖃᖅᑏ, ᒥᓂᔅᑕ ᐊᐅᓚᔨᔪᔅᓴᐅᕗᖅ ᐱᓕᕆᕝᕕᖓᑕ ᐱᒻᒪᕆᐅᔪᓂᒃ ᐱᓇᓲᑎᖃᖅᑎᑦᓯᐊᓚᐅᕐᒪᑕ ᐃᑲᔪᖅᑐᐃᓪᓗᑎᒃ ᓄᓇᓕᖓᑕ ᑰᒑᕈᒃ ᐃᑭᑦᑐᖃᕐᔪᐊᖅᑎᓪᓗᒍ ᑖᑦᓱᒪ ᐊᑦᑕᕐᕕᖓᓐᓂᒃ ᖃᒥᑎᕆᓇᓱᒃᑎᓪᓗᒋᑦ ᑖᓐᓇ ᐊᑦᓯᕕᐅᓂᕋᖅᑕᐅᕙᑦᑐᖅ. ᓄᓇᖃᖅᑑᔪᑦ ᐅᓪᓗᒥ ᓈᓚᑦᑑᔪᑦ ᐱᓪᓗᒋᑦ ᒥᓂᔅᑕᐅᔪᖅ ᓇᐃᓈᖅᑐᒥᒃ ᑐᓴᖅᑎᑦᓯᔪᓐᓇᖅᐸ ᑭᓱᒥᒃ ᑮᓇᐅᔭᖃᖅᑎᑦᓯᓚᐅᖅᐸ, ᑭᓱᒥᓪᓗ ᐃᓕᓐᓂᐊᕈᑎᖃᓚᐅᖅᐸᑦ ᐊᑐᖅᑕᐅᓚᐅᖅᑐᒥᒃ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᓄᓇᓕᓐᓂ ᐱᔨᑦᓯᖅᑎᒃᑯᓐᓄᒃ, ᒥᔅᑕ ᑕᐃᕕᑎ ᐊᕿᐊᕈᖅ. ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑭᐅᒐᓱᓐᓂᐊᖅᐳᖓ ᑕᐃᒫᑦᓯᐊᖅ. ᐅᖃᖅᑏ. ᐊᒥᓱᑦ ᐃᑲᔫᑎᐅᓚᐅᖅᑐᑦ ᐊᓪᓚᕝᕕᑎᒍᑦ, ᐃᖃᓗᐃᓪᓘᓐᓃᑦ ᖃᑦᑎᕆᔨᖏᑦ ᑕᑉᐸᐅᖓ ᓄᓇᓕᒨᖅᑕᐅᓚᐅᙱᒻᒥᒻᒪᑕ. ᐃᓕᓐᓂᐊᕈᑕᐅᔪᑦ ᐄ’, ᐊᒥᒐᖃᑦᑕᖅᐳᒍᑦ ᖃᑦᑎᕆᔨᓂᒃ ᓄᓇᕗᒻᒥ. ᐃᖅᑲᓇᐃᔭᖃᑎᒌᒃᑯᑦᑕ ᓇᕝᕚᕐᓗᑕᓗ ᐃᑲᔫᑎᑦᓴᓂᒃ ᐊᖑᒻᒪᒍᓐᓇᑦᓯᐊᖅᐳᒍ ᑐᕌᒐᑦᑎᓐᓂᒃ. ᑕᐅᓇᓂᓕ ᖃᓪᓗᓈᓂ ᐊᒥᓱᑦ ᐃᑭᖃᑦᑕᖅᓯᒪᓕᕐᒪᑕ ᓇᐹᖅᑐᐃᑦ ᐃᑲᔪᖃᑎᒌᒐᓱᒋᐊᖃᖃᑦᑕᖅᓯᒪᒻᒪᑕ ᑭᑐᓄᑦ ᐃᓕᓐᓂᐊᕈᑎᐅᓯᒪᓕᕆᓪᓗᑎᒃ ᓇᕝᕚᖅᑕᐅᓯᒪᕙᑦᑐᑎᒃ ᐃᑲᔫᑎᖃᓪᓚᕆᑉᐸᓐᓂᐊᕐᒥᔪᑦ ᓄᓇᕗᒻᒧᑦ ᖃᓄᐃᓕᐅᖅᓵᓕᖃᑦᑕᕈᓐᓇᓂᕐᒧᑦ ᐃᓱᒪᒋᓪᓗᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᓯᕗᓪᓕᖅᐹᖅ ᐃᓚᒋᐊᕈᑎ, ᒥᔅᑕ ᖂᑭᐊᖅ. ᖂᑭᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᒻᒪᓗ ᖁᔭᓐᓇᒦᖅᖢᒍ ᑖᓐᓇ ᑭᐅᖕᒪᑦ. ᒥᓂᔅᑕᕆᔭᐅᔪᖅ ᑭᖑᓪᓕᖅᐹᖅᓯᐅᖅᑎᓪᓗᑕ, ᑭᖑᓪᓕᖅᐹᖅᓯᐅᕋᑦᑕ ᐃᙱᔫᒥᓵᕋᒪ. ᑲᔪᓯᓗᖓ, ᐱᓇᓱᐊᕈᓯᖅ ᐊᓂᒍᖅᑐᒥ ᒪᓕᒐᓕᐅᖅᑎᐅᖃᑎᒃᑲ ᐊᑕᐅᓯᐅᙱᑦᑐᖅ ᐱᕐᔪᐊᕌᓗᖕᓂᒃ ᐊᐱᖅᑯᑎᖃᖃᑦᑕᕐᒪᑕ. ᖃᐅᔨᓵᕆᔭᐅᖃᑦᑕᓯᒪᔪᕕᓃᑦ ᐱᓪᓗᒋᑦ. ᐃᑭᑲᓴᒃᑐᕕᓃᑦ ᐊᖏᕐᕋᕆᔭᐅᔪᑦ, ᐱᙳᐊᕐᕖᑦ, ᐊᓐᓂᑭᑦᑕᕐᕖᓪᓗ ᐃᖃᓗᖕᓂ, ᐃᒡᓗᓕᖕᒥ, ᓴᓂᑭᓗᐊᕐᒥᓗ. ᐅᖃᖅᑏ, ᑕᐃᒃᑯᐊ ᑕᑯᒐᔪᒃᐸᓪᓕᐊᓕᕐᒥᔪᒍᑦ ᐊᒃᑕᕐᕕᖕᓂᒃ ᐃᑭᖃᑦᑕᖅᑐᓂᒃ ᐊᒻᒪᓗ ᑕᒪᓐᓇ ᐃᓱᒫᓘᑎᒋᔭᐅᓪᓗᓂ ᐅᓗᕆᐊᓇᕈᑎᒋᔭᐅᔪᓐᓇᕐᒪᑦ ᑖᒃᑯᓄᖓ ᐃᓄᖕᓄᑦ ᑕᒪᒃᑯᐊ ᐅᓗᕆᐊᓇᖅᑐᑦ ᐃᑭᑉᐸᓪᓕᐊᓕᖅᑎᓪᓗᒋᑦ. ᐅᖃᖅᑏ, ᑖᓐᓇ ᒥᓂᔅᑕ ᓇᓗᓇᐃᖅᓯᔪᓐᓇᖅᐸ ᖃᓄᖅ ᑖᒃᑯᐊ ᐱᓕᕆᕝᕕᖏᑦ ᐃᖅᑲᓇᐃᔭᖃᑎᖃᕐᒪᖔᑦ ᓄᓇᕗᒻᒥ ᓄᓇᓖᑦ ᑲᑐᔾᔨᖃᑎᒌᖏᓐᓂᒃ ᐋᖅᑭᒃᓱᐃᕙᓪᓕᐊᓗᑎᒃ ᑐᑭᒧᐊᕈᑎᓂᒃ ᖃᓄᖅ ᐋᖅᑭᒋᐊᕈᑎᒃᓴᓂᒡᓗ ᐊᒃᑕᕐᕖᑦ ᐃᑭᖁᓇᒋᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᓄᓇᓕᓐᓂ ᐱᔨᑦᓯᖅᑎᒃᑯᓐᓄᒃ, ᒥᔅᑕ ᑕᐃᕕᑎ ᐊᕿᐊᕈᖅ. ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᓇᓗᔪᖓ ᑐᑭᒧᖃᕈᑎᑕᖃᕐᒪᖔᑦ ᐱᓪᓗᒋᑦ ᑕᐃᒃᑯᐊ ᐊᒃᑕᕐᕖᑦ ᐃᑭᖃᑦᑕᖅᑐᑦ ᑭᓯᐊᓂ ᐊᕐᕌᒍᒐᓴᖕᓂ ᓄᓇᕗᒻᒥ ᓄᓇᓖᑦ ᑲᑐᔾᔨᖃᑎᒌᖏᑦ ᐊᖅᑯᑎᒋᓪᓗᒋᑦ ᓴᓗᒻᒪᖅᓴᖅᑕᐅᕙᓪᓕᐊᖃᑦᑕᓕᖅᑐᑦ ᑕᒪᒃᑯᐊ ᐊᒃᑕᕐᕖᑦ. ᑕᐃᒃᑯᐊ ᐅᓗᕆᐊᓇᖅᑐᑦ ᐊᑕᐅᓯᕐᒦᓪᓗᑎᒃ ᐹᑕᓖᑦ ᑕᒪᒃᑯᐊᓗ ᐊᒥᐊᕈᔪᐃᑦ ᐊᓯᐊᓄᑦ ᐃᓕᔭᐅᓗᑎᒃ ᑕᐃᒃᑯᐊ ᐊᒃᑕᕐᕖᑦ ᐃᑭᖁᓇᒋᑦ. ᑕᐃᒪᐃᓕᖓᔪᒍᑦ ᓱᓕ ᐅᓪᓗᒥᒧᑦ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 51 ᐊᒻᒪᓗ ᕼᐋᒻᒪᓚᒃᑯᑦ ᖁᔭᓐᓇᒦᕈᒪᓪᓗᒋᑦ ᑕᒪᒃᑯᓂᖓ ᐃᑭᑦᑕᐃᓕᒪᔾᔪᑎᒃᓴᓂᒃ ᐊᑐᖅᑐᑦᑎᕙᓪᓕᐊᖕᒪᑕ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᑐᒡᓕᐊ ᑭᖑᓪᓕᖅᐹᕐᓗ ᐃᓚᒋᐊᕈᑎ, ᒥᔅᑕ ᖂᑭᐊᖅ. ᖂᑭᐊᖅ (ᑐᓵᔨᑎᒍᑦ): ᖁᔭᓐᓇᒦᒃᑲᓐᓂᖅ. ᐅᖃᖅᑏ, ᐱᖃᑎᐊᓗᒐ ᑭᖑᓪᓕᖅᐹᑦᑎᐊᕐᒥᒃ ᐅᖃᓪᓚᖃᑎᒋᓂᐊᓕᕐᒥᒐᒃᑭᑦ. ᐅᖃᖅᑏ, ᓇᓗᖅᑯᑎᙱᑦᑐᖓ ᑖᓐᓇ ᒥᓂᔅᑕᕆᔭᐅᔪᖅ ᐅᕙᓐᓂᒃ ᐊᖏᖃᑎᖃᕐᒪᑦ ᓄᓇᕗᒻᒥ ᕼᐋᒻᒪᓚᒃᑯᓕᒫᑦ ᑕᒪᒃᑯᓂᖓ ᐊᒃᑕᕐᕕᖕᓂᒃ ᐅᓪᓗᒥᓯᐅᑎᓂᒃ ᐋᖅᑭᒃᓯᒪᔪᓂᒃ ᐱᑕᖃᐅᕐᓗᑎᒃ ᐱᖁᑎᕐᔪᐊᖃᐅᕐᓗᑎᒡᓗ. ᐅᖃᖅᑏ, ᒥᓂᔅᑕ ᐃᖅᑲᐅᒪᔪᒃᓴᐅᕗᖅ ᒪᓕᒐᓕᐅᕐᕕᒃ ᐊᑭᑐᔪᖅᑐᕈᑎᒃᓴᑦ ᑮᓇᐅᔭᖁᑎᖏᓐᓂᒃ ᐊᖏᖅᓯᓚᐅᖅᓯᒪᖕᒪᑕ ᐊᕐᕌᓂ ᐅᑭᐊᒃᓵᖅᓯᐅᒻᒥᒃ ᑲᑎᒪᕐᔪᐊᖅᑎᓪᓗᒋᑦ. ᑲᑎᒪᑎᓪᓗᒋᑦ ᕼᐋᒪᓚᒃᑯᑦ ᐸᕐᓇᐅᑎᖏᑦ ᐱᓪᓗᒋᑦ ᐊᒻᒪᓗ ᑖᓐᓇ ᑐᑭᓯᐅᒪᓂᕋ ᒪᓕᒃᖢᒍ ᓄᓇᓕᖕᓂ ᐱᔨᑦᑎᖅᑎᓄᑦ ᓄᒃᑎᖅᑕᐅᓯᒪᓕᖅᑐᑦ. ᐅᓇ ᑭᖑᓪᓕᖅᐹᕆᓕᕐᓗᒍ ᐊᐱᖅᑯᑎᒋᔪᒪᔭᕋ. ᒥᓂᔅᑕ ᐅᓂᒃᑲᐅᓯᖃᕈᓐᓇᖅᐸ ᖃᓄᖅ ᐃᖅᑲᓇᐃᔭᖃᑎᖃᕐᒪᖔᑦ ᐃᖏᕐᕋᔾᔪᑎᓕᕆᔨᒃᑯᑦ ᐱᖁᑎᕐᔪᐊᓕᕆᔨᒃᑯᓪᓗ ᐱᓕᕆᕕᐊᓂ ᓇᓗᓇᐃᔭᖅᑕᐅᔪᓐᓇᕐᓂᐊᕐᒪᑕ ᑮᓇᐅᔭᑦ ᐊᒃᑕᕐᕕᖕᓄᑦ ᓄᑖᙳᕆᐊᕈᑎᒋᔭᐅᓂᐊᖅᑐᓄᑦ ᐊᑐᕐᓂᐊᖅᑐᑦ ᑰᒑᕐᔪᖕᒥ ᑕᓗᕐᔪᐊᕐᒥᓗ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᓄᓇᓕᓐᓂ ᐱᔨᑦᓯᖅᑎᒃᑯᓐᓄᒃ, ᒥᔅᑕ ᑕᐃᕕᑎ ᐊᕿᐊᕈᖅ. ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐄ’, ᑮᓇᐅᔭᓂᒃ ᓇᑭᙶᕈᓘᔭᖅᑐᓂᒃ ᐱᖃᑦᑕᕋᑦᑕ ᑲᓇᑕᐅᑉ ᒐᕙᒪᒃᑯᖏᓐᓂ ᐊᒻᒪᓗ ᐊᑐᕈᒫᕐᓂᐊᖅᑐᑦ ᐊᑭᑐᔪᖅᑐᕈᑎᒃᓴᐃᑦ ᓴᖅᑭᑕᐅᖃᑦᑕᕐᒪᑕ ᐅᕙᑦᑎᒍᑦ. ᑕᐃᒃᑯᐊ ᕼᐋᒻᒪᓚᒃᑯᓕᒫᑦ ᐃᓚᒋᔭᐅᖏᓐᓇᖃᑦᑕᖅᑐᑦ ᑕᒪᒃᑯᐊ ᐱᓕᕆᐊᕆᔭᐅᑎᓪᓗᒋᑦ ᐊᑭᑐᔪᖅᑐᕈᑎᒃᓴᐃᓪᓗ ᐸᕐᓇᐅᓯᐊᕆᔭᐅᕙᓪᓕᐊᑎᓪᓗᒋᑦ. ᑕᐃᑲᓂ ᓯᕗᓪᓕᐅᔾᔭᐅᔪᒃᓴᓂᒃ ᓇᓗᓇᐃᔭᐃᖅᐸᓪᓕᐊᓕᖃᑦᑕᖅᑐᒍᑦ ᒐᕙᒪᒃᑯᑦ ᐊᒻᒪᓗ ᕼᐋᒻᒪᓚᒃᑯᑦ ᑲᑐᔾᔨᓪᓗᑎᒃ ᑕᒪᒃᑯᓂᖓ ᐱᓕᕆᐊᖃᖃᑦᑕᖅᑐᑦ ᑮᓇᐅᔭᖃᖅᑎᑕᐅᓪᓗᑎᒡᓗ ᐊᒻᒪᓗ ᑕᐃᒪᐃᖃᑦᑕᕐᓂᐊᖅᖢᑕ, ᑕᐃᒪᐃᖏᓐᓇᖃᑦᑕᕐᓂᐊᖅᖢᑕ ᑕᐃᒃᑯᐊᓗ ᓄᓇᓖᑦ ᑭᒡᒐᖅᑐᖅᑕᑎᑦ ᐃᓚᒋᔭᐅᖃᑕᐅᓗᑎᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐅᖃᐅᓯᒃᑯᑦ ᐊᐱᖅᑯᑏᑦ. ᒪᓕᒐᓕᐅᖅᑎ ᖁᕐᓗᖅᑑᕐᒧᑦ, ᒥᔅᑕ ᐊᓇᕕᓗᒃ. ᐊᐱᖅᑯᑦ 1460 – 6(2): ᐋᓐᓂᐊᖅᑐᓕᕆᓂᕐᒧᑦ ᐃᑲᔫᑎᑦ ᓄᓇᓕᕋᓛᓄᑦ (ᐊᓇᕕᓗᒃ) ᐊᓇᕕᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᑕᐅᓯᕐᒥᒃ ᐊᐱᖅᑯᑎᖃᕈᒪᓪᓗᖓ. ᑕᒪᑐᒪᓂ ᐃᒃᓯᕚᕌᕐᔪᖕᓂᑦᑎᓐᓂ. ᓯᕗᓕᖅᑎ ᑖᓐᓇ ᓯᕗᓕᖅᑎᒧᑦ ᑖᓐᓇ ᑐᕌᖅᑎᓐᓂᐊᖅᑕᕋ. ᑕᐃᓐᓇ ᑲᓐᑐᐃᐅ ᑕᓯᖅ ᐱᓪᓗᒍ. 5-6 ᑕᖅᑭᖅᑲᐃ, ᐊᒻᒪᓗ ᓄᓇᕗᑦ ᓄᓇᑦᓯᐊᕐᓗ ᐊᕕᒃᑕᐅᓯᒪᓂᖓᓃᑦᑎᐊᕐᒪᑦ ᑕᐃᓐᓇ ᑕᓯᖅ ᐅᖃᐅᓯᕆᔭᕋ. ᐃᒻᒪᖄᓘᓐᓃᑦ ᑕᐃᓐᓇ ᐃᓕᓐᓂᐊᕈᑎᒃᓴᓕᐊᕆᔭᐅᔪᓐᓇᖅᑐᖅ. ᐊᕐᕌᓂᐅᖅᑰᖅᑐᖅ ᐃᓐᓇ ᑕᒪᑐᒪᓂᓘᓐᓃᑦ ᐊᐃᑉᐸᕇᒃ ᓄᓇᑦᓯᐊᕐᒥᐅᓄᑦ ᖃᓂᓐᓂᖓ ᐱᓪᓗᒍ ᓄᓇᑦᓯᐊᕐᒥᐅᓂᒃ ᐅᖃᓪᓚᖃᑎᖃᕋᓱᓚᐅᖅᓯᒪᖕᒪᑦ ᐃᑲᔪᖅᑕᐅᔪᖕᒪᑕ ᐋᒃᑳᖅᑕᐅᓪᓗᑎᒃ. ᑕᐃᒪᓐᓇ ᐊᑦᑕᓇᖅᑐᖅᑕᖃᖅᑎᓪᓗᒍ ᑕᒪᓐᓇ ᐱᐅᙱᑦᑐᖅ. 116−ᓂᒃ 6 ᒪᐃᔪᓂᒃ ᐅᖓᓯᖕᓂᖃᕐᒪᑦ ᖁᕐᓗᖅᑑᕐᒥᑦ. ᑕᐃᑲᙵᑦ ᓄᓇᑦᓯᐊᕐᒥᐅᓂᑦ ᐃᑲᔪᖅᑕᐅᔪᒪᒐᓗᐊᕐᒪᑕ ᐋᒃᑳᖅᑕᐅᖕᒪᑦ. ᐊᑕᐅᓯᖅ ᐊᐱᖅᑯᑎᒐ, ᑕᒪᓐᓇ ᐃᓱᒫᓘᑎᒋᔭᕋᖃᐃ ᓂᓪᓕᐅᑎᒋᔭᐅᔪᓐᓇᖅᐸᑦ ᒐᕙᒪᓄᑦ ᐃᖏᓐᓂᐊᖅᑐᓄᑦ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᓯᕗᓕᖅᑎ ᓄᓇᕗᒻᒧ, ᒥᔅᑕ ᐸᐅᓗᓯ ᐊᕿᐊᕈᖅ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 52 ᓯᕗᓕᖅᑎ ᐸᐅᓗᓯ ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᙱᕈᓐᓇᖏᑦᑕᕋᓗᐊᕋᒪ, ᐊᓂᑕᐅᓇᔭᕋᒪ ᐊᓂᑕᐅᑐᐃᓐᓇᕆᐊᖃᕋᒪ, ᐃᙱᔾᔮᖏᑦᑐᖓ. ᐊᒻᒪᓗ ᖁᔭᓐᓇᒦᕈᒪᓪᓗᒍ ᑖᓐᓇ ᒪᓕᒐᓕᐅᖅᑎ ᐊᐱᖅᑯᑎᖃᕐᒪᑦ ᐊᐱᖅᑯᑎᑦᑎᐊᕙᒻᒥᒃ. ᐄ’, ᕿᒥᕐᕈᓇᒍᓐᓇᕐᓂᐊᖅᑕᕗᑦ. ᑭᓱᒥᑦ ᐱᔾᔪᑎᖃᖅᖢᑎᒃ ᑭᓱᓗ ᖃᓄᐃᑦᑐᖃᓚᐅᕐᒪᖔᓪᓗ, ᑭᓯᐊᓂ ᒐᕙᒪᒃᑯᑦ ᐱᓕᕆᕝᕕᖏᑦ ᐅᖃᓪᓚᖃᑎᒋᓂᐊᖅᑕᒃᑲ, ᐃᓕᑉᐹᓪᓕᐅᑎᒋᔪᓐᓇᕐᓂᐊᕋᑦᑎᒃᑯᑦ, ᑕᒪᒃᑯᐊᓗ ᐊᐳᖅᑕᐅᑎᒋᖃᑦᑕᖅᑕᕗᑦ ᑕᒪᒃᑯᐊ ᓇᓗᓇᐃᔭᕐᓗᒋᑦ. ᐄ’, ᑕᒪᓐᓇ ᑲᑎᒪᔾᔪᑎᒋᑲᑕᓚᐅᕐᓗᑎᒃᑯ ᑐᑭᓯᔾᔫᒥᒍᑦᑕ ᖃᐅᔨᒃᑲᖅᑕᐅᓂᐊᖅᑐᑎᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ (ᑐᓵᔨᑎᒍᑦ): ᐅᖃᐅᓯᒃᑯᑦ ᐊᐱᖅᑯᑏᑦ. ᐊᑎᖁᑎᖃᕈᓐᓃᕋᒪ. >>ᐸᑦᑕᖅᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᑲᑎᒪᔾᔪᑎᒃᓴᖅ 7. ᑎᑎᖅᑲᑎᒍᑦ ᐊᐱᖅᑯᑏᑦ. ᑲᑎᒪᔾᔪᑎᒃᓴᖅ 8. ᑭᐅᔾᔪᑏᑦ ᑎᑎᖅᑲᑎᒍ ᐊᐱᖅᑯᑕᐅᓚᐅᖅᑐᓄᑦ. ᑲᑎᒪᔾᔪᑎᒃᓴᖅ 9. ᑭᐅᔾᔪᑏᑦ ᒪᑐᐃᖅᓯᔾᔪᑎᓄᑦ. ᑲᑎᒪᔾᔪᑎᒃᓴᖅ 10. ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑏᑦ. ᑲᑎᒪᔾᔪᑎᒃᓴᖅ 11. ᑭᐅᔾᔪᑏᑦ ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑎᓄᑦ. ᑲᑎᒪᔾᔪᑎᒃᓴᖅ 12. ᑲᑎᒪᔨᕋᓛᑦ ᑲᑎᒪᔨᕋᓛᖑᑲᐃᓐᓇᖅᑐᓪᓗ ᐅᓂᒃᑳᖏᑦ ᕿᒥᕐᕈᓇᓚᐅᖅᑎᓪᓗᒋ ᒪᓕᒐᒃᓴᓂᑦ ᐊᓯᖏᓐᓂᓪᓗ. ᑲᑎᒪᔾᔪᑎᒃᓴᖅ 13. ᑎᑎᖅᑲᑦ ᓴᖅᑭᑕᐅᓂᖏᑦ. ᒥᓂᔅᑕ ᑮᓇᐅᔭᓕᕆᔨᒃᑯᓐᓄᑦ, ᒥᔅᑕ ᑯᓱᒐᖅ. ᑲᑎᒪᔾᔪᑎᒃᓴᖅ 13: ᓴᖅᑭᑕᐅᓂᖏᑦ ᑎᑎᖅᑲᐃᑦ ᓴᖅᑭᑕᐅᔪᖅ ᑎᑎᖅᑲᒃ 471 - 6(2): ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓇᖅᑐᓕᕆᓂᕐᒧᓪᓗ ᑲᑎᒪᔨᖏᑕ ᐊᕐᕌᒍᑕᒫᑦ ᐅᓂᒃᑳᖓ (ᑯᓱᒐᖅ) ᐊᖓᔪᖅᑳᖅ ᖁᐊᓴ ᑯᓱᒐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᕕᐊᒃᐳᖓ ᓴᖅᑭᖅᓯᔪᓐᓇᕋᒪ 2024-2025 ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᒥᓯᓇᐃᑦ ᐊᕐᕌᒍᑕᒫᖅᓯᐅᑏᑦ ᐅᓂᒃᑳᖏᑦ. ᖁᔭᓐᓇᒦᒃ, ᐅᖃᖅᑏ. ᓴᖅᑭᑕᐅᔪᖅ ᑎᑎᖅᑲᒃ 472 – 6(2): ᒪᓕᒐᖅᑎᒍᑦ ᓴᖅᑭᑕᐅᔭᕆᐊᖃᖅᑎᑕᐅᔪᑦ ᑎᑎᕋᖅᓯᒪᔪᑦ (ᐋᖁᐊᖅ) ᐅᖃᖅᑎ (ᑐᓵᔨᑎᒍᑦ): ᑎᑎᖅᑲᑦ ᓴᖅᑭᑕᐅᓂᖏᑦ. ᐊᑕᐅᓯᕐᒥᒃ ᓴᖅᑭᖅᑎᒐᔅᓴᖃᕋᒪ ᐅᓪᓗᒥ, ᐅᑯᐊ ᐱᖁᔭᖅᑎᒍᑦ ᒪᓕᒐᓕᐅᕐᕕᒻᒧᑦ ᓴᖅᑭᑕᐅᔭᕆᐊᓕᒃ ᓴᖅᑭᑦᑎᖏᑦᑐᕕᓃᑦ ᓇᓗᓇᐃᔭᖅᑕᐅᓯᒪᓂᖏᑦ ᑖᓐᓇ ᑭᖑᓪᓕᖅᐹᖑᓪᓗᓂ 6- ᒋᔭᐅᓪᓗᑕ ᐊᕐᕕᓂᓕᒋᔭᐅᓪᓗᑕ ᑲᑎᒪᔨᒋᔭᐅᓪᓗᑕ. >>ᐸᑦᑕᖅᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᑎᑎᖅᑲᑦ ᓴᖅᑭᖅᑕᐅᓂᖏᑦ. ᒪᓕᒐᓕᐅᖅᑎ ᑐᓄᓂᕐᒧᑦ, ᒥᔅ ᓄᑕᕋᖅ. ᓴᖅᑭᑕᐅᔪᖅ ᑎᑎᖅᑲᒃ 473 – 6(2): ᑎᑎᖅᑲᒃ ᓂᕈᐊᖅᑎᖓᓐᓂᒃ, ᑳᓚ ᐃᕙᓗᐊᕐᔪᒃ, ᐱᔾᔪᑎᓕᒃ ᕿᑭᖃᑦᑎᐊᖏᓐᓂᕐᒥᒃ (ᓄᑕᕋᖅ) ᓄᑕᕋᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑎᑎᖅᑲᓂᒃ ᓂᕈᐊᖅᑎᓐᓂᙶᖅᑐᒥᒃ ᓴᖅᑭᑦᑎᔪᒪᒐᒪ, ᑳᓚ ᐃᕙᓗᐊᕐᔪᒃ, ᐊᖏᔪᖅᑳᑉ ᑐᖏᓕᖓ ᐅᓛᔪᒃ ᐃᓕᓐᓂᐊᕐᕕᖓᓂ ᒥᑦᑎᒪᑕᓕᒻᒥᒃ. ᑖᒃᑯᐊ ᓇᓗᓇᐃᖅᓱᐃᓯᒪᔪᑦ

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 53 ᐃᓱᒫᓘᑎᒋᔭᕐᒥᓂᒃ ᐊᐳᖅᑕᐅᑎᒋᖃᑦᑕᖅᑕᒥᓐᓂᓪᓗ ᓄᓇᓕᓐᓂ ᐊᒻᒪᓗ ᖃᓄᖅ ᐊᑦᑐᐃᓂᖃᖃᑦᑕᕐᒪᖔᖅ ᐃᓕᓴᖅᑎᓂᑦ. ᑕᒪᓐᓇ ᐊᔅᓱᐊᓗᒃ ᐱᕐᔪᐊᖑᒻᒪᑦ. ᐊᑏ ᐅᑯᐊ ᑎᑎᖅᑲᑦ ᕿᒥᕐᕈᓇᑦᑕᐅᑦᑎᐊᕐᓕ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᑎᑎᖅᑲᑦ ᓴᖅᑭᖅᑕᐅᓂᖏᑦ. ᑲᑎᒪᔾᔪᑎᒃᓴᖅ 14. ᖃᐅᔨᒃᑲᐅᑦ ᐱᖁᔨᕗᖔᓕᐅᕐᓂᐊᕐᓂᕐᒧᑦ. ᑲᑎᒪᔾᔪᑎᒃᓴᖅ 15. ᖃᐅᔨᒃᑲᐅᑦ ᐱᖁᔨᕗᖔᓕᐅᕐᓂᐊᕐᓂᕐᒧᑦ ᓯᕗᓪᓕᖅᐹᕐᒥ ᐅᖃᓕᒫᖅᑕᐅᓂᖏᓐᓄᑦ ᒪᓕᒐᒃᓴᑦ. ᑲᑎᒪᔾᔪᑎᒃᓴᖅ 16. ᐱᖁᔨᕗᖔᕈᑏᑦ. ᑲᑎᒪᔾᔪᑎᒃᓴᖅ 17. ᓯᕗᓪᓕᖅᐹᕐᒥ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ. ᑲᑎᒪᔾᔪᑎᒃᓴᖅ 18. ᑐᒡᓕᐊᓂ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ. ᑲᑎᒪᔾᔪᑎᒃᓴᖅ 19. ᑲᑎᒪᑐᐃᓐᓇᕐᓂᖅ ᐃᓱᒪᔅᓴᖅᓯᐅᕈᑎᖃᖅᑎᓪᓗᒋᑦ ᒪᓕᒐᒃᓴᓂᑦ ᐊᓯᖏᓐᓂᓪᓗ: ᒪᓕᒐᒃᓴᖅ 79, ᒥᔅᑕ Hᐃᒃᔅ ᐃᒃᓯᕙᐅᑕᕆᔭᐅᓗᓂ. ᐃᒃᓯᕚᖏᓐᓇᕆᔅᓯᑦ ᑲᔪᓯᑐᐃᓐᓇᕐᓂᐊᕋᑦᑕ. ᐃᖅᓱᖅᑏ. >> ᐃᓪᓗᕐᔪᐊᖅ ᓄᖅᑲᖓᑲᐃᓐᓇᖅᑐᖅ 17:30ᒥ ᐊᒻᒪ ᑲᑎᒪᑐᐃᓐᓇᖅᑐᑦ ᐱᒋᐊᖅᑐᑎᑦ 17:32ᒥ ᑲᑎᒪᔾᔪᑎᒃᓴᖅ 19: ᑲᑎᒪᔨᕋᓛᑦ ᑲᑎᒪᑐᐃᓐᓇᖅᑎᓪᓗᒋᑦ ᐃᓱᒪᒃᓴᖅᓯᐅᖅᑕᐅᓂᖏᑦ ᒪᓕᒐᒃᓴᐃᑦ ᐊᓯᖏᓪᓗ ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᒪᑐᐃᓐᓇᕆᐊᓚᐅᕐᒥᑕ. ᑲᑎᒪᑐᐃᓐᓇᖅᑎᓪᓗᑕ ᐅᑯᐊ ᐱᓕᕆᐊᒃᓴᕆᓂᐊᖅᑕᕗᑦ: ᐊᑕᐅᓯᖅ: ᒪᓕᒐᒃᓴᖅ 79. ᖃᓄᐃᓕᐅᕈᒪᕙᑦ ᑲᑎᒪᔨᕋᓛᑦ? ᒥᔅᑕ ᒪᓕᑭ. ᒪᓕᑭ: ᖁᔭᓐᓇᒦᒃ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᒫᓐᓇ ᕿᒥᕐᕈᓇᒍᒪᒐᑦᑎᒍ ᒪᓕᒐᒃᓴᖅ ᑭᖑᓪᓕᖅᐹᑦᑎᐊᖅ 6-ᒋᔭᖓᓂ ᑲᑎᒪᔨᐅᔪᓄᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᑲᑎᒪᔨᕋᓛᑦ ᐊᖏᖅᐹᑦ ᒪᓕᒐᒃᓴᑦ 79 ᑲᒪᒋᓂᐊᕋᑦᑎᒍ? ᐃᓚᖏᑦ ᑲᑎᒪᔩᑦ: ᐊᖏᖅᑐ. ᒪᓕᒐᒃᓴᖅ 79 - ᒪᓕᒐᖅ ᐋᖅᑭᒋᐊᖅᑕᐅᖁᓪᓗᒍ ᐋᓐᓂᐊᕕᒻᒧᑦ ᓇᓪᓕᐅᒃᑯᒫᓄᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ ᐊᐅᓚᑕᐅᓂᖏᓐᓄᑦ ᒪᓕᒐᖅ − ᑲᑎᒪᔨᕋᓛᓂᑦ ᐃᓱᒪᒃᓴᖅᓯᐅᖅᑕᐅᓂᖓ ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᒪᐃᓐ, ᐃᖅᑲᓇᐃᔭᖅᑎᑎᑦ ᑕᑉᐸᐅᖓᖁᕕᒌᑦ ᐊᐱᖅᓱᖅᑕᐅᕕᒻᒧᑦ? ᐊᖓᔪᖅᑳᖅ ᐋᕐᓗᒃ ᒪᐃᑦ: ᒪ’ᓇ. ᐄ’, ᒪ’ᓇ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᒪᔨᕋᓛᑦ ᐊᖏᖅᐹᑦ ᒥᓂᔅᑕ ᐃᑲᔪᖅᑎᖏᑦ ᑕᑉᐸᐅᖓᖁᓪᓗᒋᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐃᖅᓱᖅᑏ, ᐃᒃᑯᐊ ᐃᓯᖅᑎᓚᐅᒃᑭᑦ. ᐊᒻᒪ ᑭᓇᒃᑰᒻᒪᖔᑕ, ᒥᔅᑕ ᒪᐃᓐ, ᐅᖃᐅᓯᕆᓚᐅᒃᑭᑦ ᐊᒻᒪ ᐅᖃᐅᓯᕆᓂᐊᖅᑕᑎᑦ ᒪᑐᐃᕈᑏᑦ ᐅᖃᐅᓯᕆᓗᒋᑦ. ᐊᖓᔪᖅᑳᖅ ᐋᕐᓗᒃ ᒪᐃᑦ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ): ᖁᔭᓐᓇᒦᒃ ᐅᓂᒃᑳᕆᐊᕈᓐᓇᕋᒪ ᐱᖁᔭᔅᓴᖅ 79, ᐱᖁᔭᖅ ᐋᓐᓂᐊᕐᕖᑦ ᓇᓪᓕᐅᒃᑯᒫᖏᓐᓂ ᐃᓄᓕᕆᔨᒃᑯᓪᓗ ᐊᐅᓚᑦᑎᔾᔪᑎ ᐱᖁᔭᕐᔪᐊᖓ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 54 ᐃᒃᓯᕙᐅᑖᖅ, ᐅᑯᐊ ᑕᕝᕙ ᐃᖅᑲᓇᐃᔭᖅᑎᕗᑦ ᑕᒫᓃᑦᑐᑦ ᐅᕙᓃᖃᑎᒋᔭᒃᑲ, ᑕᓕᖅᐱᓐᓂ ᓴᐅᒥᔅᓯᓐᓂ, ᑐᖏᓕᖓ ᒥᓂᔅᑕ ᒪᐃᒐᓐ Hᐊᓐᑦ, ᓴᐅᒥᓐᓂ ᑕᓕᖅᐱᔅᓯᓐᓃᕕ, ᕕᒃᑐᐊᕆᐊ ᒫᑦᓴᑦ, ᐃᑲᔪᖅᑎ ᒥᓂᔅᑕᐅᑉ ᑐᖏᓕᖓᓄᑦ, ᐃᓅᓯᕗᑦ, ᐊᒻᒪ ᐃᓱᒪᓕᕆᓂᕐᒧᑦ ᐊᔪᓕᕈᑎᖃᖅᐸᓐᓂᖅ, ᐊᒻᒪ ᑳᓖᓐ ᑑᒥ, ᑕᒫᓂ ᐊᑐᐊᒐᓕᕆᔨᐅᑲᐃᓐᓇᖅᑐᖅ ᐸᕐᓇᐃᔨᐅᑲᐃᓐᓇᖅᑐᖅ; ᒪᓕᒐᓕᕆᔨᒃᑯᓐᓂᓪᓗ, ᔭᓇᐃ ᑲᓚᐃᒪᓐ, ᐱᖁᔭᔅᓴᓕᕆᓂᕐᒧᑦ 79-ᒧ ᑲᒪᔪᖅ. ᒪᓕᒐᒃᓴᖅ 79 ᑖᒃᑯᓂᖓ ᐋᖅᑮᒋᐊᕈᑎᒋᔭᐅᔪᖅ ᐋᓐᓂᐊᕐᕕᐅᑉ ᓇᓪᓕᐅᒃᑯᒫᖏᓐᓂ ᐋᓐᓂᐊᖃᕐᓇᖏᑦᑐᓕᕆᔨᒃᑯ ᐃᓄᓕᕆᔨᒃᑯᓪᓗ ᐊᐅᓚᑕᐅᔾᔪᑎᖏᑦ ᐱᖁᔭᕐᔪᐊᖏᓐᓂ ᐱᖁᔭᕋᓛᖅ ᑖᒃᑯᐊ ᒪᓕᒐᕋᓛᑦ ᑖᒃᑯᐊ ᐋᖅᑭᓱᖅᑕᐅᖁᓪᓗᒋᑦ ᒪᒥᓴᐃᕕᖃᖁᓪᓗᒋᑦ ᓄᓇᕗᑦ, ᐊᖅᑯᓴᕆᐊᖅ ᐱᓗᐊᙳᐊᖅᑐᖅ, ᑖᓐᓇ ᓄᓇᕗᒻᒥ ᒪᒥᓴᕐᕕᒃ. ᐊᖅᑯᓴᕆᐊᖅ ᑖᓐᓇ $83.7 ᒥᓕᐊᙳᒻᒪᑦ ᐱᖓᓱᐃᑦ ᒐᕙᒪᐃᑦ ᑖᒃᑯᐊ ᑲᒪᓪᓗᑎᒃ ᓄᓇᕗᑦ ᒐᒪᕙᒃᑯᖏᑦ, ᑐᙵᕕᒃᑯᓪᓗ, ᐊᒻᒪ ᑲᓇᑕᐅᓪᓗ ᒐᕙᒪᒃᑯᖏᑦ. ᓴᓇᔭᐅᒋᐊᓕᓚᐅᖅᓯᒪᔪᖅ ᐋᒌᓯ 2023-ᖑᑎᓪᓗᒍ ᐊᒻᒪᓗᑦᑕᐅᖅ ᐊᖑᒻᒪᑎᔪᖅ ᐱᔭᕇᖅᑕᐅᕕᔅᓴᖓᓄᑦ ᒫᑦᓯ 2026-ᒥ. ᑖᒃᑲᐅ 24-ᓂ ᐃᓪᓕᖃᕐᓂᐊᖅᑐᖅ ᑕᐃᑲᓂ ᑲᒪᒋᔭᐅᖃᑦᑕᕐᓂᐊᖅᑐᓄᑦ, ᐊᒻᒪ ᐅᐸᑦᑕᕐᓗᑎᒃ. ᑖᑯᐊ ᐱᓕᕆᔾᔪᑎᒃᓴᖏᑦ ᐃᓄᐃᑦ ᑕᒪᒃᑯᐊ ᖃᐅᔨᒪᑦᑎᐊᕐᓗᑎᒃ, ᑐᓴᐅᒪᑦᑎᐊᕐᓗᑎᑦ ᖁᐊᖅᓵᖅᓯᒪᔪᑦ ᐃᑲᔪᖅᑕᐅᖁᓪᓗᒋᑦ ᐊᑐᕐᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᒻᒪ ᓄᓇᕗᑦ ᐊᒡᒍᖅᑐᖅᓯᒪᓂᖓᑕ ᐃᓗᐊᓂ. ᑖᒃᑯᐊ ᐋᖅᑭᒋᐊᕈᑎᐅᔪᑦ ᐋᓐᓂᐊᕐᕕᐅᑉ ᓇᓪᓕᐅᒃᑯᒫᑦ ᐊᒻᒪ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ ᐊᐅᓚᑕᐅᓂᖏᓐᓂ ᐱᖁᔭᕐᔭᐅᖅ ᐱᖃᓯᐅᔾᔨᓯᒪᓂᐊᕐᒪᑕ: • ᐱᔪᓐᓇᐅᑎᖏᓐᓂᒃ ᑲᒪᒋᔭᐅᕙᑦᑐᑦ ᐊᑦᑕᕐᓇᖏᓐᓂᖅᓴᐅᓪᓗᒋᑦ ᐃᓕᖅᑯᓯᕐᓂ ᐊᑐᕐᓗᑎᑦ; • ᐊᒻᒪᓗ ᐋᖅᑭᔅᓱᐃᓗᑎᒃ ᐃᖅᑲᓇᐃᔭᖅᑏᑦ ᐃᓕᓐᓂᐊᖅᓯᒪᔭᕆᐊᖃᖅᑕᖏᓐᓂᒃ ᐊᔾᔨᒌᓕᖅᑎᑕᐅᓯᒪᔪᓂᓪᓗ ᒪᓕᒐᖃᕐᓗᑎᒃ; • ᐊᒻᒪ ᐱᔪᓐᓇᐅᑎᖃᕐᓗᑎᑦ ᑲᙳᓇᖅᑐᓂᑦ ᑕᒪᒃᑯᓂᖓ ᑐᓴᕋᔅᓴᓂᓪᓗ ᐸᐃᑉᐹᕐᓂ ᑎᒍᓯᖃᑦᑕᕐᓂᒧᑦ; ᐊᒻᒪᓗ • ᐅᓄᕐᓂᖅᐹᖑᔪᖅ ᑖᒃᑯᐊ ᐋᖅᑭᒋᐊᕈᑎᐅᔪᐃᑦ ᐊᑐᖅᑕᐅᖁᓪᓗᒍ ᐊᑦᑕᕐᓇᖏᑦᑐᒃᑯᑦ ᐋᖁᓴᕆᐊᖅ ᒐᕙᒪᒃᑯᑦ ᐋᖅᑭᔅᓯᒪᔭᖓ ᒪᓕᓪᓗᒋᑦ, ᓇᐅᑦᑎᖅᓱᐊᕆᔭᐅᓗᓂ ᑭᐅᔪᓐᓇᕐᓂᕐᒧᓪᓗ ᐊᐅᓚᓂᖃᕐᓗᑎᒃ. ᑖᒃᑯᐊ ᐊᖅᑯᓴᕆᐊᒃᑯᑦ ᑖᒃᑯᐊ ᑐᓴᕋᓱᐊᕐᓂᕐᒧᑦ ᐃᓄᓐᓂᒃ ᓄᓇᕗᒻᒥᑦ ᓴᓇᔭᐅᔾᔪᑎᒋᔭᖓ, ᐊᒻᒪ ᐊᐱᖅᓱᖃᓚᐅᖅᑐᑦ 2020-ᒥ 2024-ᒥᓗ 100-ᖏᓐᓃᑦᑐ ᑕᐃᒃᑯᐊ ᐊᑐᖅᓯᒪᔭᒥᓐᓂᒃ ᐅᖃᐅᓯᖃᖅᓯᒪᓪᓗᑎᒃ. ᐃᓚᒋᓪᓗᒍᓗ ᐃᓕᖅᑯᓯᕐᓄᑦ ᐊᑐᖅᓴᐅᓯᒪᔪᖅ ᐅᖃᐅᔾᔨᒋᐊᖅᑏᑦ ᑲᑎᒪᔨᕋᓛᖏᑦ, 11-ᖑᔪᑦ ᐃᓐᓇᐃᑦ ᑲᑎᒪᔨᐅᓪᓗᑎᒃ, ᑖᒃᑯᓂᖓ ᐃᑲᔪᖅᓰᖃᑦᑕᖅᑐᑦ ᑕᓯᐅᖅᓯᓯᒪᓪᓗᑎᑦ ᐋᖅᑭᔅᓱᐃᑎᓪᓗᒋᑦ ᐱᓕᕆᔾᔪᑎᔅᓴᖏᑦ ᐱᖃᓯᐅᔾᔨᓯᒪᓂᐊᕐᒪᑕ ᐃᓄᐃᑦ ᐊᓐᓂᕆᔭᖏᓐᓂᑦ ᓯᕗᓪᓕᐅᑎᓯᒪᔭᖏᓪᓗ. ᐱᒻᒪᕆᐅᔪᖅ ᑖᓐᓇ ᐱᖁᔭᕐᒧᑦ ᐋᖅᑭᔅᓯᒪᑦᑎᐊᖁᓪᓗᒍ ᐊᖅᑯᓴᕆᐊᕐᕕᒃ ᑕᐃᓐᓇ ᒪᑐᐃᓚᐅᙱᓐᓂᖓᓂ ᒪᓕᒐᕋᓛᖃᕐᓂᐊᕐᒪᑦ. ᐋᖅᑭᒋᐊᕈᑏᑦ ᑕᒪᒃᑯᐊ ᐋᖅᑭᒋᐊᖅᑕᐅᖏᑉᐸᑕ ᑐᓗᖅᑕᐅᑎᖃᑐᐃᓐᓇᕆᐊᖃᕐᒪ ᐱᔨᑦᑎᕈᑎᖏᑦ ᓄᓇᕗᒻᒥᐅᒃ. ᖁᔭᓐᓇᒦᒃ ᐃᓱᒪᔅᓴᖅᓯᐅᕈᑎᒋᒐᔅᓯᐅᒃ ᒪᓕᒐᒃᓴᖅ 79. ᑐᙵᓱᑦᑎᓐᓂᐊᖅᐸᒃᑲ ᐊᐱᖅᑯᑎᓯ ᐅᖃᐅᓯᔅᓴᓯᓪᓗ. (ᑐᓵᔨᑎᒎᕈᓐᓃᖅᑐᖅ) ᑕᕝᕙ ᐅᖃᐅᓯᒃᓴᒃᑲ ᐃᓱᓕᒃᐳᑦ. ᒪ’ᓇ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐃᒃᓯᕙᐅᑕᖓ ᑲᑎᒪᔨᕋᓛᑦ ᒪᑐᐃᕈᑎᔅᓴᖃᖅᐹ? ᒥᔅᑕ ᓴᕕᑲᑖᖅ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 55 ᓴᕕᑲᑖᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᕆᔭᐅᓪᓗᖓ ᐱᖁᔭᔅᓴᓕᕆᓂᕐᒧᑦ ᑲᑎᒪᔨᕋᓛᖏᓐᓄᑦ ᐅᑯᓂᖓ ᒪᑐᐃᕈᑎᓂ ᐅᖃᐅᓯᖄᕐᔪᒍᒪᕗᖓ ᑲᑎᒪᑐᐃᓐᓇᕆᐊᓕᖅᑎᓪᓗᑕ ᐃᓱᒪᔅᓴᖅᓯᐅᕈᑎᓗᒍ ᒪᓕᒐᒃᓴᖅ 79, ᐋᖅᑮᒋᐊᕈᑎᒃ ᐋᓐᓂᐊᕐᕖᑦ ᓇᓪᓕᐅᒃᑯᒫᖏᑦ ᐃᓄᓕᕆᓂᕐᒧᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᓪᓗ ᐊᐅᓚᑦᑎᔾᔪᑎᒃ ᐱᖁᔭᕐᔪᐊᖓ. ᑲᑎᒪᔨᕋᓛᑦ ᐃᓕᓴᖅᓯᕗᑦ ᐱᔾᔪᑎᐊᓂ ᒪᓕᒐᒃᓴᐅᑉ, ᒥᓂᔅᑕᐅᑉ ᓇᓗᓇᐃᕋᑖᑦᑎᐊᖅᑕᖓ ᒪᑐᐃᕈᑎᖏᓐᓂ. ᐅᔾᔨᕈᓱᑉᐳᖓ ᑎᑎᕋᖅᑕᐅᓯᒪᓂᐊᕐᒪᑦ ᐊᑕᐅᓯᐊᖅᖢᑎᒃ ᐱᖁᔨᕗᖔᓚᐅᖅᑐᑦ ᓅᑦᑎᒋᐊᖅᖢᑎᒃ ᐱᖁᔭᔅᓴᖅ ᑲᑎᒪᔾᔪᑕᐅᑎᓪᓗᒍ ᒥᓂᔅᑕ ᓵᑦᑎᓐᓃᑎᓪᓗᒍ. ᑖᓐᓇ ᐅᓄᑲᓪᓚᑦᑐᓂᑦ ᐋᖅᑭᒋᐊᕈᑎᔅᓴᖃᕐᒪᑕ ᖃᐅᔨᓴᐃᓂᕐᒧᑦ ᐱᒻᒪᕆᐅᔪᓂᓪᓗ ᖃᓄᐃᑦᑐᖃᕐᓂᕐᒪᖔᑦ, ᑲᒪᔾᔪᑕᐅᓂᐊᖅᑐᖅ ᐱᖁᔨᕗᖔᕈᑎᖃᓚᐅᖅᑐᖅ ᖃᓄᖅ ᑐᑭᖃᕐᒪᖔᑕ ᐱᒻᒪᕆᐅᔪᖅ ᖃᓄᐃᑦᑐᖃᖅᑐᕕᓂᐅᑎᓪᓗᒍ. ᑕᕝᕙ ᐃᓱᓕᐳᑦ ᐅᖃᐅᓯᔅᓴᒃᑲ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒪᑐᐃᕈᑎᓄᑦ ᐅᖃᐅᓯᔅᓴᖅᑕᖃᖅᐹ? ᒪᓕᒐᒃᓴᖅ 79, ᐋᓐᓂᐊᕐᕖᑦ ᐊᒻᒪᓗᑦᑕᐅᖅ ᐋᓐᓂᐊᖃᕐᓇᖏᑦᑐᓕᕆᓂᕐᒧᓪᓗ ᐱᖁᔭᕐᔪᐊᖓᓂ ᐋᖅᑭᒋᐊᕈᑎᒃ. ᑎᑎᕋᖅᓯᒪᓂᖓ 1. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᑎᑎᕋᖅᓯᒪᓂᖓ 2. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᑎᑎᕋᖅᓯᒪᓂᖓ 3. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᑎᑎᕋᖅᓯᒪᓂᖓ 4. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᑎᑎᕋᖅᓯᒪᓂᖓ 5. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐊᖏᖅᐱᓰ ᒪᓕᒐᒃᓴᖅ 79 ᐃᓗᐃᒃᑲᐅᓗᒍ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐊᖏᖅᐱᓰ ᒪᓕᒐᒃᓴᖅ 79 ᐱᖓᔪᐊᓐᓄᑦ ᐅᖃᓕᒫᖅᑕᐅᔪᓐᓇᓯᒻᒪᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ, ᒪᑐᔾᔪᑎᑎᑦ.

ᕿᑎᖅᑰ, ᓰᑏᕝᕙ 18, 2025 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 56 ᐊᖓᔪᖅᑳᖅ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. ᒪ’ᓈᕉᑎHᐅᐊᖅᖢᒋᑦ ᐅᑯᐊ ᑕᒫᓃHᐃᐅᖃᑎᒋᔭᒃᑲ. ᑕᒪᓐᓇ ᓂᕆᐅᒋᔭᐅᔪᖅ ᐊᒥHᐅᓄᑦ ᐊᖅᑯᓴᕆᐊᖅ ᐅᒃᑯᐃᕈᒫᕐᓂᕆᔭᖓ ᐊᕐᕌᒍᑦ, ᐱᓕᕆᕐᔪᐊᖅHᐃᒪᒻᒪᑕ. ᒥᔅ ᒫᑦᓴᑦ ᐊᒻᒪ ᒥᔅ Hᐊᓐᑦ ᐊᓐᓇ ᐱᓕᕆᔨᓗᑦᑖᕗᓪᓗ ᒪᑦᓈᖅHᐃᒪᑦᓯᐊᒥᐊᖅᑐᒍᑦᑕᐅᖅ ᓄᓇᕗᑦ ᑐᙵᕕᒃᑯᓐᓄᑦ, ᐃᑲᔪᖅᑐᐃᑦᓯᐊᖅHᐃᒪᒻᒪᑕ ᐊᖅᑯᓯᕆᐊᖅ ᒥᒃHᐋᓄᑦ. ᐃᑲᔫᑎᖃᕐᔪᐊᕐᓂᐊᖅᑐᖅ ᓄᓇᕗᒻᒥᐅᓂ, ᖃᐅᔨᒪᔪᒍᑦ. ᒪ’ᓇ, ᐃᒃHᐃᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐱᔭᕇᕋᑦᑕ ᐅᓪᓗᒥ ᑲᑎᒪᔾᔪᑎᔅᓴᑦᑎᓐᓂ, ᐅᖃᖅᑎᒧᑦ ᐅᓂᒃᑳᕐᓂᐊᓕᖅᐳᖓ ᑲᑎᒪᔾᔪᑎᒋᖅᑲᐅᔭᑦᑎᓐᓂ. ᖁᔭᓐᓇᒦᒃ. >>ᑲᑎᒪᑐᐃᓐᓇᕐᓂᖅ ᓄᖅᑲᖓᖅᑐᖅ 17:41ᒧᐊᖅᓪᓗᒍ ᐃᓪᓗᕐᔪᐊᕐᒥ ᑲᑎᒪᓂᖅ ᐱᒋᐊᖅᑐᖅ17:41-ᒥ ᐅᖃᖅᑎ (ᑐᓵᔨᑎᒍᑦ): ᑲᑎᒪᔾᔪᑎᒃᓴᖅ 20. ᑲᑎᒪᑐᐃᓐᓇᓚᐅᖅᑎᓪᓗᒍ ᐅᓂᒃᑳᖅ, ᒥᔅᑕ ᕼᐃᒃᔅ. ᑲᑎᒪᔾᔪᑎᒃᓴᖅ 20: ᑲᑎᒪᔨᕋᓛᑦ ᑕᒪᐃᓐᓄᑦ ᐅᓂᒃᑳᖓ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑖᒃᑯᐊ ᑲᑎᒪᔨᕋᓛᑎᑦ ᑲᑎᒪᔾᔪᑎᖃᖅᑲᐅᖕᒪᑕ ᑭᖑᓪᓕᖅᐹᒥ, ᒪᓕᒐᒃᓴᒥᑦ 79-ᒥ, ᐊᒻᒪᓗ ᒪᓕᒐᒃᓴᖅ 79 ᐱᖓᔪᐊᓐᓂᒃ ᐅᖃᓕᒫᖅᑕᐅᔪᓐᓇᖅᓯᑲᐅᑎᒋᔪᖅ. ᐅᖃᖅᑏ, ᐱᒋᐊᖅᑎᑦᑎᕗᖓ ᑲᑎᒪᑐᐃᓐᓇᖅᑎᓪᓗᒋᑦ ᐅᓂᒃᑳᖏᑦ ᐊᖏᖅᑕᐅᖁᓪᓗᒋᑦ. ᖁᔭᓐᓇᒦᒃ. ᐅᖃᖅᑎ: (ᑐᓵᔨᑎᒍᑦ): ᐱᖁᔨᕗᖔ ᓈᒻᒪᖕᒪᑦ. ᐊᐃᑉᐲᔪᖃᖅᐹ? ᒥᔅᑕ ᓴᕕᑲᑖᖅ. ᑲᑎᒪᔾᔪᑎᒃᓴᖅ 21. ᐱᖓᔪᐊᓐᓂ ᐅᖃᓕᒫᖅᑕᐅᓂᖓᓐᓂᒃ ᒪᓕᒐᒃᓴᑦ. ᒥᔅᑕ ᒪᐃᓐ. ᑲᑎᒪᔾᔪᑎᒃᓴᖅ 21: ᐱᖓᔪᐊᓐᓂᒃ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᐃᑦ ᒪᓕᒐᒃᓴᖅ 79 − ᒪᓕᒐᖅ ᐋᖅᑭᒋᐊᖅᑕᐅᖁᓪᓗᒍ ᐋᓐᓂᐊᕕᒻᒧᑦ ᓇᓪᓕᐅᒃᑯᒫᓄᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ ᐊᐅᓚᑕᐅᓂᖏᓐᓄᑦ ᒪᓕᒐᖅ − ᐱᖓᔪᐊᓐᓂ ᐅᖃᓕᒫᖅᑕᐅᓂᖓ ᐊᖓᔪᖅᑳᖅ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᐱᒋᐊᖅᑎᑦᑎᕗᖓ, ᐊᐃᑉᐱᖅᑕᐅᓪᓗᖓ ᒪᓕᒐᓕᐅᖅᑎᖓᓐᓄᑦ ᐃᖃᓗᒃᑑᑦᑎᐊᖅ, ᒪᓕᒐᒃᓴᖅ 79, ᐋᖅᑮᒋᐊᕈᑎ ᐋᓐᓂᐊᕕᖕᒧᑦ ᐊᒻᒪ ᓇᓪᓕᐅᒃᑯᒫᖏᓐᓄᑦ ᐃᓄᓕᕆᔨᒃᑯᓄᓪᓗ ᐱᖁᔭᕐᔪᐊᖅ ᐱᖓᔪᐊᓐᓂᒃ ᐅᖃᓕᒫᖅᑕᐅᖁᓪᓗᒍ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: (ᑐᓵᔨᑎᒍᑦ): ᐱᖁᔨᕗᖔᕈ ᓈᒻᒪᖕᒪᑦ. ᓈᒻᒪᒃᓴᖅᑐᑦ? ᐊᑭᕋᖅᑐᖅᑐᑦ? ᐱᖁᔨᕗᖔᕈᑦ ᑲᔪᓯᕗᖅ ᐊᒻᒪᓗ ᒪᓕᒐᒃᓴᖅ 79 ᐱᖓᔪᐊᓐᓂ ᐅᖃᓕᒫᖅᑕᐅᔭᕇᖅᐳᖅ ᐊᒻᒪᓗ ᐱᙳᖅᑎᑕᐅᔪᓐᓇᖅᓯᓪᓗᓂ. ᑎᑎᕋᖅᑏ, ᑲᒥᓯᓇ ᐃᓯᕈᓐᓇᖅᓯᖕᒪᖔᖅ ᖃᐅᔨᒋᐊᓚᐅᕈᒃ ᒪᓕᒐᒃᓴᓂᑦ ᐱᙳᖅᑎᑦᑎᓂᐊᕐᒪᑦ.

ᐊᖏᖅᑕᐅᓂᖏᑦ ᒪᓕᒐᒃᓴᐃᑦ ᑲᒥᓯᓇ ᐋᕆᐊᖅ: ᐃᖏᓪᓗᓯ ᒪᓕᒐᓕᐅᖅᑏᑦ. ᑭᖑᓪᓕᖅᐹᖅᓱᖅᑐᑯᓘᕗᓯ. ᓄᓇᕗᒻᒧᑦ ᑲᒥᓯᓇᐅᓪᓗᖓ, ᖁᕕᐊᓱᖕᒪᕆᑉᐳᖓ ᐅᑯᐊ ᐱᖁᔭᒃᓴᑦ ᐱᙳᖅᑎᑦᑐᓐᓇᕐᓂᐊᕐᕋᒃᑭᑦ: • ᐱᖁᔭᒃᓴᖅ 57, ᐱᖁᔭᕐᔪᐊᖅ ᐋᖅᑭᒋᐊᖅᓯᒪᔾᔪᑕᐅᓂᐊᖅᑐᖅ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᓂᖏᓐᓄᑦ ᐱᖁᔭᕐᔪᐊᕐᒥᒃ; • ᐱᖁᔭᒃᓴᖅ 73, ᐸᕐᓇᐃᓂᕐᒧᑦ ᐱᖁᔭᕐᔪᐊᕐᒥᒃ; • ᐱᖁᔭᒃᓴᖅ 76, ᐱᖁᔭᕐᔪᐊᖅ ᐋᖅᑭᒋᐊᖅᓯᒪᔾᔪᑕᐅᓂᐊᖅᑐᖅ ᐃᓄᐃᑦ ᐅᖃᐅᓯᖏᑕ ᓴᐳᒻᒥᔭᐅᓯᒪᔾᔪᑎᖏᓐᓄᑦ ᐊᒻᒪᓗ ᐱᖁᔭᕐᔪᐊᕐᒥᑦ ᐅᖃᐅᓰᑦ ᐃᓕᓴᕆᐅᓯᒪᔪᑦ ᐱᖁᔭᕐᔪᐊᖓᓐᓂᒃ; • ᐱᖁᔭᒃᓴᖅ 78, ᐱᖁᔭᕐᔪᐊᖅ ᐋᖅᑭᒋᐊᖅᓯᒪᔾᔪᑕᐅᓂᐊᖅᑐᖅ ᑭᒡᓕᓯᓂᐊᖅᑕᐅᓯᒪᔪᓄᑦ ᐱᖁᔭᖓᓐᓂᒃ; • ᐱᖁᔭᒃᓴᖅ 79, ᐱᖁᔭᕐᔪᐊᖅ ᐋᖅᑭᒋᐊᖅᓯᒪᔾᔪᑕᐅᓂᐊᖅᑐᖅ ᐋᓐᓂᐊᕖᑦ ᓇᓪᓕᐅᒃᑯᒫᖅᑕᐅᓯᒪᓂᖏᓄᑦ ᐊᒻᒪ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ ᐊᐅᓚᑕᐅᓂᖏᑕ ᐱᖁᔭᕐᔪᐊᖓᑦ; • ᐱᖁᔭᒃᓴᖅ 81, ᐊᑯᓐᓂᖅᓱᖅᑐᓄᑦ ᑮᓇᐅᔭᖅᑐᕈᑎᐅᑲᐃᓐᓇᕐᓂᐊᖅᑐᑦ (ᐊᑭᑐᔪᖅᑐᕉᑏᑦ) ᐱᖁᔭᕐᔪᐊᖓ, 2026-2027; • ᐱᖁᔭᒃᓴᖅ 82, ᑮᓇᐅᔭᖅᑖᕈᑏᑦ ᐃᓚᒋᐊᕈᑎᖏᑕ (ᐊᑭᑐᔫᑎᕈᑏᑦ) ᐱᖁᔭᕐᔪᐊᖓ ᓈᓴᐅᑎᓕᒃ 2 2025- 2026; • ᐱᖁᔭᒃᓴᖅ 84, ᐊᑮᑦᑐᑐᖃᐃᑦ ᐲᖅᑕᐅᓂᖏᓐᓄᑦ ᐱᖁᔭᕐᔪᐊᖅ, 2024-2025; ᐊᒻᒪ • ᐱᖁᔭᒃᓴᖅ 85, ᑮᓇᐅᔭᖅᑐᕈᑏᑦ ᐃᓚᒋᐊᕈᑎᖏᑕ (ᐊᐅᓚᔾᔪᑏᑦ ᒪᑭᒪᐅᑎᓪᓗ) ᐱᖁᔭᕐᔪᐊᖓ ᓈᑕᐅᑎᓕᒃ 1, 2025-2026. ᑕᐃᒪ ᑕᒪᑐᒪᓂ ᐋᕐᕋᒍᒥ ᔪᓚᐃᖑᓚᐅᖅᑐᒥᑦ ᐊᐅᓚᔾᔪᑎᓂᒃ ᓇᓗᓇᐃᖅᓯᒪᔪᓂᒃ ᐊᑎᓕᐅᕆᓚᐅᕋᒪ ᐊᑐᖅᖢᒍ ᐊᑖᓃᑦᑐᖅ ᑲᓇᑕᐅᑉ ᒐᕙᒪᒃᑯᖏᑕ ᓄᓇᕗᑦ ᐱᖁᔭᕐᔪᐊᖓ ᐊᒻᒪ ᓄᓇᕗᑦ ᓂᕈᐊᕐᓂᓕᕆᓂᕐᒧᑦ ᐱᖁᔭᕐᔪᖓ, ᖃᐅᔨᒪᑦᑎᐊᕋᔅᓯ. ᖃᓪᓗᓈᑎᑑᕐᓗᒍ (ᑐᓵᔨᑎᒎᓕᖅᑐᖅ) ᖃᓪᓗᓈᑎᑑᕐᓗᒍ ᔪᓚᐃᒥ ᑕᕝᕙᓂ ᐊᑎᓕᐅᓚᐅᕋᒪ ᓄᓇᕗᒻᒥ ᒐᕙᒪᑐᖃᒃᑯᑦ ᓄᓇᕗᑦ ᐱᖁᔭᕐᔪᐊᖓ ᐊᒻᒪ ᓄᓇᕗᒻᒥ ᓂᕈᐊᖅᑐᓕᕆᔨᓂᕐᒧᑦ ᐱᖁᔭᕐᔪᐊᓂ. 6-ᒋᔭᖓ ᒪᓕᒐᓕᐅᕐᕕᒃ ᓄᖑᑎᑕᐅᕗᖅ ᓰᑎᕝᕙ 21, 2025-ᖑᑎᓪᓗᒍ. (ᑐᓵᔨᑎᒎᕈᓐᓃᖅᑐᖅ) ᖃᐅᔨᒪᑦᑎᐊᖅᑐᖓ ᑖᓐᓇ ᐃᖅᑲᐅᒪᓂᐊᖅᑕᓯ ᐊᒻᒪ ᖃᐅᔨᒪᓕᕇᖅᑐᓯ. ᑖᓐᓇ ᐊᕐᕕᓂᓕᖓᓐᓂ ᒪᓕᒐᓕᐅᖅᑏᑦ ᓄᖑᑎᑕᐅᓂᐊᖅᐳᑦ ᓰᑏᐱᕆ 21, 2025−ᒥ. ᑕᐃᒪᓗ 7-ᒋᔭᖓᓐᓂ ᓄᓇᕗᒻᒥᐅᑦ ᒪᓕᒐᓕᐅᖅᑎᖏᑦ ᓂᕈᐊᕐᓂᐊᖅᐳᑦ ᐊᒃᑐᕝᕙ 27-ᖑᓕᖅᐸᑦ, 2025-ᒥ, ᐊᒻᒪᓗᑦᑕᐅᖅ ᐊᓕᐊᓇᐃᓪᓚᕆᓐᓂᐊᕐᒥᔪᖅ ᑭᒃᑯᑦ ᓂᕈᐊᖅᑕᐅᒻᒪᖔᑕ ᖃᐅᔨᓇᓱᓕᕈᑦᑕ.

ᓂᕆᐅᓪᓚᕆᑉᐸᖓ ᒪᑐᐃᖅᓯᔾᔪᑎᓂᒃ ᐅᖃᓕᒫᓛᕐᓂᐊᕐᓂᖕᓂᑦ ᑕᐃᔅᓱᒪᓂ ᑕᒪᑐᒪᓂ ᐊᕐᕌᒍᒥ 7-ᒋᔭᖓᓐᓂᒃ ᒪᓕᒐᓕᐅᖅᑏᑦ ᓯᕗᓪᓕᖅᐹᒥ ᐅᓪᓗᒥᒃ ᑲᑎᒪᓕᕐᒥᑉᐸᑕ. (ᑐᓵᔨᑎᒎᓕᖅᑐᖅ) ᐊᒻᒪ ᓂᕆᐅᑦᑎᐊᕐᒥᔪᖓᑦᑕᐅᖅ ᒪᑐᐃᖅᓯᔾᔪᑎᓂᑦ ᐅᖃᐅᓯᖃᓛᕆᐊᔅᓴᖅ ᑕᕝᕙᓂ ᐊᕐᕌᒍᑎᓐᓂᐅᓂᐊᖅᑐᖅ ᐅᑭᐊᔅᓵᒃᑲᓐᓂᖅ 7-ᒋᔭᖓ ᒪᓕᒐᓕᐅᕐᕕᒃ ᐃᒃᓯᕙᒋᐊᕐᖓᓕᖅᑲᑦ. (ᑐᓵᔨᑎᒎᕈᓐᓃᖅᑐᖅ) ᑕᐃᒃᑯᐊ ᓂᕈᐊᒐᒃᓴᐅᒃᑲᓐᓂᔾᔮᖏᑦᑐᑦ ᖁᔭᒋᒻᒪᕆᑉᐸᒃᑲ ᐊᒃᓱᐊᓗᒃ ᓄᓇᕗᒻᒥ ᐱᔨᑦᑎᑦᑎᐊᓚᐅᕋᔅᓯ ᓂᕈᐊᖅᑕᐅᓯᒪᑎᓪᓗᓯ. >>ᐸᑦᑕᖅᑐᖅᑐᑦ ᐊᒻᒪᑦᑕᐅᖅ ᐊᑐᖅᓯᒪᒐᒃᑯ ᑕᒪᓐᓇ ᖃᐅᔨᒪᒐᒃᑯ ᑕᑲᒃᑯᓄᖓ ᓂᕈᐊᖅᑕᐅᓯᒪᓪᓗᓂ ᐱᔨᑦᑎᖁᔭᐅᓂᕐᓗ ᐊᒃᓱᐊᓗᒃ ᐅᐱᓐᓇᕐᒪᑦ ᐱᒃᑯᓇᖅᖢᓂᓗ, ᖃᐅᔨᒪᑦᑎᐊᖅᑐᓯ ᑕᒪᑐᒥᖓ. (ᑐᓵᔨᑎᒎᓕᖅᑐᑦ) ᑲᔪᖏᖅᓴᖃᒃᑲ ᓄᓇᕗᒻᒥᐅᑕᐃᑦ ᐃᓱᒪᖅᓱᕈᓐᓇᓂᕐᒥᓂᒃ ᐱᔪᓐᓇᐅᑎᒥᓂᒃ ᐊᑐᖁᓗᒋᑦ ᑲᓇᑕᐅᒥᑕᐅᓗᑎᒃ ᓂᕈᐊᕐᓇᐅᓛᖅᑐᒥᒃ. (ᑐᓵᔨᑎᒎᕈᓐᓃᖅᑐᖅ) ᑲᓇᑕᒥ ᐱᔪᓐᓇᐅᑎᕗᑦ ᐊᑐᕐᓗᓯᐅᒃ ᐱᓕᕆᓂᐊᕋᔅᓯ ᓂᕈᐊᕆᐊᖅᑐᑦᑎᐊᕐᓂᐊᖅᐳᓯ. (ᑐᓵᔨᑎᒎᓕᖅᑐᖅ) ᒫᓐᓇ ᐊᐅᓪᓛᕐᓇᐅᓕᖅᑎᓪᓗᒍ ᐊᑕᐅᓯᕐᒥᑦ ᐊᓯᐊᓄᑦ ᒪᓕᒐᓕᐅᕐᕕᒻᒧᑦ ᐊᐅᓪᓛᐸᓪᓕᐊᓕᖅᑎᓪᓗᑕ ᐊᐅᔭᖅ ᐅᑭᐊᒃᓵᕈᖅᑯᖅ. (ᑐᓵᔨᑎᒎᕈᓐᓃᖅᑐᖅ) ᑕᐃᒪ ᑕᒪᓐᓇ ᐊᓯᔾᔨᖅᐸᓪᓕᐊᓂᕐᒧᑦ ᑎᑭᒻᒥᒐᑦᑕ, ᓯᓚᕗᑦ ᒪᓕᒡᓗᒍ ᒪᓕᒐᓕᐅᖅᑏᑦ ᐃᓱᓕᑦᑎᑎᓪᓗᒋᑦ ᐊᒻᒪ ᓄᑖᒧᑦ ᓅᑦᑎᖅᐸᓪᓕᐊᓕᕋᑦᑕ. ᐃᓱᓕᓕᕆᕗᖅ ᐅᑭᐊᒃᓵᒧᓪᓗ ᑎᑭᑉᐸᓪᓕᐊᓕᖅᖢᑕ. ᐃᖏᕐᕋᑦᑎᐊᕐᓂᐊᖅᐳᓯ ᐊᖏᕐᕋᐅᓕᕈᔅᓯ ᖃᓄᐃᙱᑦᑎᐊᕐᓗᓯᓗ. (ᑐᓵᔨᑎᒎᓕᖅᑐᖅ) ᐊᖏᕐᕋᑦᑎᐊᖁᕙᓯ ᖃᓄᐃᙱᑦᑎᐊᕐᓗᓯ. ᖁᔭᓐᓇᒦᒃ. >>ᐸᑦᑕᖅᑐᖅᑐᑦ ᐅᖃᖅᑎ: (ᑐᓵᔨᑎᒍᑦ): ᑲᑎᒪᔾᔪᑎᒃᓴᖅ 22. ᑲᑎᒪᔾᔪᑎᒃᓴᐃᑦ. ᒫᓐᓇ ᑭᖑᓪᓕᖅᐹᓕᕋᑦᑕ ᐃᒃᓯᕙᓱᖓᐅᑎᓪᓗᑎᒃ ᑲᑎᒪᔾᔪᑎᔅᓴᓂᒃ ᐅᖃᓕᒫᕋᔅᓴᖃᙱᑦᑐᖅ ᑎᑎᕋᖅᑎᕗᑦ. >>ᐃᒡᓚᖅᑐᑦ ᐅᖃᖅᑎᐅᑉ ᐅᖃᐅᓯᖏᑦ ᐅᖃᖅᑎ: (ᑐᓵᔨᑎᒍᑦ): ᑖᓐᓇ ᒪᑐᓚᐅᙱᓂᑦᑎᓐᓂᑦ ᑭᖑᓪᓕᖅᐹᖓᓂ ᐃᒃᓯᕙᓂᕆᔭᖓ 6-ᒋᔭᖓᑕ ᒪᓕᒐᓕᐅᕐᕕᐅᑉ, ᐅᖃᒐᓛᒍᒪᒐᒪ ᓇᐃᑦᑑᒐᓗᐊᓂᑦ. 12-ᑲᓴᐅᓕᕐᖓᑕ ᐊᕐᕌᒍᑦ ᐅᕙᓂ ᓂᑯᕕᒋᐊᕐᖓᓚᐅᖅᓯᒪᒐᒪ ᑲᑎᒪᕐᔪᐊᕕᒻᒥ ᐅᖃᖅᑐᖓ ᓄᑖᑦ ᓂᕈᐊᖅᑕᐅᕋᑖᒥᓂᐅᓪᓗᖓ ᑎᓴᒋᔭᖓᓐᓂ ᒪᓕᒐᓕᐅᕐᕕᒻᒧᑦ ᓂᕈᖅᑕᐅᓯᒪᕕᓕᐊᖑᕋᑖᖑᔪᒥᑦ ᐅᖅᓱᖅᑑᕐᒥᑦ. ᑕᐃᑲᓂ ᐅᓪᓗᕐᒥᑦ, ᓈᓚᔪᔪᖓ ᐅᖃᖅᑐᖃᖅᑎᓪᓗᒍ ᓂᕈᐊᖅᑕᐅᕋᑖᒥᓂᕐᓂᑦ ᒪᓕᒐᓕᐅᖅᑎᓂᑦ ᐱᒋᐊᓕᕋᑖᖅᑐᓂᑦᑕᐅᖅ ᒪᓕᒐᓕᐅᖅᑎᐅᓂᕐᒥᓂᒃ, ᐊᒻᒪ ᐅᖃᕆᓪᓗᑎ ᑕᐃᔅᓱᒪᓂ ᒥᔅᑕ ᕼᐃᒃᔅ, ᒥᔅᑕ ᔪᐊᓇᓯ, ᐊᒻᒪᓗ ᒥᔅᑕ ᓴᕕᑲᑖᖅ. ᐊᒻᒪᑦᑕᐅᖅ ᒥᔅᑕ ᓴᒻᒧᖅᑐᖅ ᐃᖅᑲᐅᒪᓂᐊᕐᖓᑦ, ᓯᕗᓪᓕᖅᐹᑦᑎᐊᒥᑦᑕᐅᖅ ᒪᓕᒐᓕᐅᖅᑎᐅᓗᓂ ᓂᕈᐊᖅᑕᐅᕋᑖᒥᓂᐅᓪᓗᓂ ᐅᖃᐅᓯᖃᓕᔪᒻᒥᔪᖅ ᑭᖑᓂᑦᑎᐊᖓᓂ. ᑕᐃᓕ ᖁᓕᐅᓗᐊᖅᑐᑦ ᐊᕐᕌᒍᑦ ᐊᓂᒍᓯᒪᓕᕋᓗᐊᖅᑎᓪᓗᒍ ᑕᐃᒪᙵᓂᑦ, ᐃᑉᐸᔅᓴᓕᓴᑦᑎᐊᖑᔮᖃᑦᑕᖅᑐᖅ. ᖁᔭᓐᓇᒦᕈᒪᔭᒃᑲ ᒪᓕᒐᓕᐅᖅᑎᐅᖃᑎᓕᒫᑦᑎᐊᒃᑲ ᐃᑲᔪᖅᓯᓯᒻᒪᑕ ᐅᖃᖅᑎᒋᔭᐅᓪᓗᖓ ᐃᓕᔅᓯᓐᓄᑦ ᑕᒪᓐᓇ 6- ᒋᔭᖓ ᒪᓕᒐᓕᐅᕐᕕᒃ ᐊᐅᓚᑎᓪᓗᒍ.

>>ᐸᑦᑕᖅᑐᖅᑐᑦ ᐅᖃᖅᑎ: (ᑐᓵᔨᑎᒍᑦ): ᖁᔭᓐᓇᒦᓪᓚᕆᒃ. ᐊᒻᒪᑦᑕᐅᖅ ᖁᔭᓐᓇᒦᕈᒪᒻᒥᔭᒃᑲ ᐅᖃᖅᑎᐅᑉ ᑐᖏᓕᖓ ᐊᒻᒪᓗᑦᑕᐅᖅ ᐃᔅᓯᕙᐅᑕᐅᑉ ᑐᖏᓕᕆᔭᖏᑦ ᑲᑎᒪᑐᐃᓐᓇᕐᓂᐅᑉ ᐊᔅᓱᕈᖃᑦᑕᓚᐅᕐᖓᑕ ᐃᑲᕐᕋᒐᓛᓗᓐᓂᓗᑦᑕᐅᖅ, ᐱᓕᕆᖃᑦᑕᓚᐅᕐᖓᑕ ᐊᕐᕌᒍᑦ ᑎᓴᒪᓂ ᐊᓂᒍᖅᑐᓂᑦ, ᐱᕙᓪᓕᐊᔾᔪᓰᑦ ᓯᕗᒧᐊᑦᑎᐊᖅᑎᑕᐅᕙᑦᑐᑎᒃ ᕿᒥᕐᕈᑎᓪᓗᓯ ᐊᑐᕈᒫᕐᓂᐊᖅᑐᓂᑦ ᐱᖁᔭᔅᓴᓂᓪᓗ. >>ᐸᑦᑕᖅᑐᖅᑐᑦ ᐅᖃᖅᑎ: (ᑐᓵᔨᑎᒍᑦ): ᐊᒻᒪ ᖁᔭᓐᓇᒦᕈᒪᒻᒥᔭᕋᑦᑕᐅᖅ ᑲᒥᓯᓇ ᐋᕆᐊᖅ ᑐᙵᓇᕐᓂᕆᕙᑦᑕᖏᓐᓄᓪᓗ ᐊᒻᒪᓗ ᐱᓕᕆᑦᑎᐊᕐᓂᕆᕙᑦᑕᖏᓐᓄᑦ. ᐊᐅᓪᓚᖃᑎᒋᖃᑦᑕᔪᒐᑦᑎᒍ ᓄᓇᕘᒥ ᓄᓇᓕᖁᑎᑦᑎᐊᕚᓗᑦᑎᓐᓄᑦ ᐊᕐᕌᒍᓂ ᐊᓂᒍᕋᑖᖅᓯᒪᔪᓂᑦ ᒪᓕᒐᓕᐅᕐᕕᐅᑉ ᐃᖅᓱᒐᖓ ᐳᓚᕋᑦᑎᑕᐅᑎᓪᓗᒍ ᑕᒪᓐᓇ ᐳᐃᒍᕋᔅᓴᐅᔾᔮᖏᑦᑐᖅ ᐊᑐᔪᔭᕗᑦ ᐊᓕᐊᓇᐃᔪᔪᖅ. ᐊᒻᒪ ᐃᓕᓐᓂᐊᖅᑎᓕᒫᑦᑎᐊᖅ ᐃᓕᓴᕕᓕᒫᓂᑦ ᐃᕐᓱᒐᑐᐃᓐᓇᕐᒥᑦ ᐃᖅᓱᒐᑐᐊᒥᑦ ᑕᑯᔪᒪᓚᐅᖅᓯᒪᒻᒪᑦ ᐅᖃᖅᑎᒥᑦ ᑕᑯᔪᒪᓗᐊᕋᑎᒃ. >>ᐃᓪᓚᖅᑐᑦ ᐅᖃᖅᑎ: (ᑐᓵᔨᑎᒍᑦ): ᐊᒻᒪ ᖁᔭᓐᓇᒦᕈᒪᔭᕋ ᑲᒥᓯᓇ ᐋᕆᐊᖅ ᐃᓕᓴᖅᓯᖃᑎᒋᔪᒻᒫᖓ ᐃᓅᒍᓐᓃᕋᑦᑖᖅᓯᒪᔪᓂᑦ ᑭᒡᒐᖅᑐᐃᖃᑦᑕᔪᔪᓂᑦ ᓄᓇᕗᒻᒥ ᓂᕈᐊᖅᑕᐅᓯᒪᕕᓐᓂᑦ ᓯᕗᓂᐊᒍᑦ ᐊᒻᒪ ᐊᕕᑦᑕᐅᓯᒪᓕᖅᑎᓪᓗᒍ ᓄᓇᑦᓯᐊᖅ. ᐊᕐᕌᒍᓂᑦ ᑎᓴᒪᓂ ᐊᓂᒍᖅᑐᓂᑦ ᐃᓕᓴᕆᔭᐅᓯᒪᒻᒪᕆᑦᑐᓂᑦ ᐃᓅᒍᓐᓃᖅᑐᖃᖃᑦᑕᖅᓯᒪᒻᒪᑦ ᐱᖃᑕᐅᓪᓗᓂ ᐅᓖᐱᑲ ᐅᕿ ᐅᐃᓕᐊᒪᔅ, ᑖᒥ ᐃᓄᐊᕋ, ᑲᐃᓐ ᑐᓗᕋᓐᓈᖅ, ᓯᑏᕝ ᒪᑉᓴᓛᖅ, ᕋᑦ ᐲᑐᓴᓐ. ᐅᐱᒋᑦᑎᐊᖅᑲᕗᑦ ᐃᓅᓂᕆᓚᐅᖅᑕᖏᑦ. ᒪᓕᒐᓕᐅᖅᑎᓕᒫᑦᑎᐊᖅ ᖃᐅᒪᔨᒻᒪᑕ ᓂᕈᐊᖅᑕᐅᓯᒪᓪᓗᓂ ᐱᕕᔅᓴᑦᑎᐊᕙᐅᔪᖅ ᐱᔭᕆᐊᑐᒐᓗᐊᖅᑐᓂᓗ. ᑲᑐᔾᔨᓪᓗᑕ ᓄᓇᕗᑦ ᐱᐅᓯᕚᓪᓕᖅᑎᒐᓱᐊᖅᑐᒋᑦ ᓄᓇᕗᓪᓗ ᐃᓅᕕᔅᓴᐅᑎᐊᕐᓂᖅᓴᐅᓂᐊᕐᖓᑕ ᓂᕈᐊᖅᑎᒋᓯᒪᔭᑦᑎᓐᓄᑦ. ᑭᓯᐊᓂᓕ ᐊᑯᓂᖓᓗᒃ ᕿᒪᔅᓯᒪᐃᖃᑦᑕᖅᑐᑕ ᐃᓚᑦᑎᓐᓂᑦ ᐋᓐᓂᓇᕈᓐᓇᕐᒥᒻᒪᑦᑕᐅᖅ. ᖁᔭᓕᒍᒪᔭᒃᑲ ᐃᓚᒃᑲ ᑲᒪᓇᒻᒪᕆᑦᑐᒥᑦ ᐃᑲᔪᖅᓰᓯᒪᒻᒪᑕ ᐊᒻᒪᓗᑦᑕᐅᖅ ᐅᑕᖅᑭᙳᕈᓐᓇᕋᑎᑦ ᕿᓄᐃᓵᕈᓐᓇᑎᐊᖅᐸᓚᐅᕐᖓᑕ 12-ᓂᑦ ᐊᕐᕌᒍᓂᑦ ᐱᔨᑦᑎᕋᖅᑎᓪᓗᖓ ᐅᕙᓂ ᑲᑎᒪᕐᔪᐊᕕᒻᒥ. >>ᐸᑦᑕᖅᑐᖅᑐᑦ ᐅᖃᖅᑎ: (ᑐᓵᔨᑎᒍᑦ): ᐊᒻᒪ ᖁᔭᓐᓇᒦᓪᓚᕆᒍᒪᔭᕋ ᓄᓕᐊᕋ ᐃᓚᕗᑦ ᑲᑎᙵᑏᓐᓇᖃᑦᑕᓚᐅᕐᖓᒋᑦ ᐊᖏᕐᕋᑎᓐᓂᑦ ᐊᐅᓪᓚᖅᓯᒪᑎᓪᓗᖓ ᐃᖅᑲᓇᐃᔭᖅᑎᓪᓗᖓ ᑕᕝᕙᓂ ᐃᖃᓗᓐᓂ. ᓴᙱᔪᐊᓘᒻᒪᑦ ᑕᐃᓐᓇ ᐃᓅᓪᓗᓂ ᖁᔭᓕᒍᒪᓪᓚᕆᑉᐸᕋ ᐊᔅᓱᐊᓗᒃ. ᐱᓕᕆᐊᕆᓚᐅᖅᑕᒃᑲ ᐱᒍᓐᓇᑲᓴᓚᐅᙱᓇᒃᑭᑦ ᕿᑐᕐᖓᓯᓐᓄᑦ ᐃᕐᖑᑕᖅᑎᓐᓄᑦ ᑕᐃᒃᑯᓄᖓ ᐃᑲᔪᖅᓯᑕᐅᖃᑦᑕᓚᐅᙱᒃᑯᒪ. ᐊᒻᒪᑦᑕᐅᖅ ᖁᔭᓐᓇᒦᕈᒪᒻᒥᒐᒃᑭᑦ ᐱᓕᕆᔨᓕᒫᖑᔪᐃᑦ ᐃᖅᑲᓇᐃ.ᔭᖅᑎᓕᒫᖏᓪᓗ ᒪᓕᒐᓕᐅᕐᕕᐅᑉ ᐊᖏᖅᓯᒪᑦᑎᐊᕐᓂᕆᔭᖓᓄᑦ. >>ᐸᑦᑕᖅᑐᖅᑐᑦ ᐅᖃᖅᑎ: (ᑐᓵᔨᑎᒍᑦ): ᖁᔭᓐᓇᒦᖅᑲᕋᑦᑕᐅᖅ ᑖᓐᓇ ᐃᓐᓇᐅᓂᕐᒥᓄᑦ ᓄᖅᑲᕋᑖᓚᐅᖅᑐᖅ ᑎᑎᕋᖅᑎᕗᑦ ᔮᓐ ᑯᐊᒃ ᐊᒻᒪᓗᑦᑕᐅᖅ ᐱᑦᑎᐊᕆᐊᖃᕐᓂᕐᒧᑦ ᑲᒥᓯᓇ ᑳᑐᕋᓐ ᐲᑐᓴᓐ ᓯᓚᑐᔪᐊᓗᓐᓂᑦ ᐅᖃᐅᔾᔨᒋᐊᕈᑎᖃᖅᐸᓚᕐᖓᑕ ᒪᓕᒐᓕᐅᖅᑎᓕᒫᓄᑦ.

ᐊᒻᒪ ᖁᔭᓐᓇᒦᖃᒃᑲ ᑲᒪᓇᖅᑐᐃᑦ ᑐᓵᔨᕗᑦ. >>ᐸᑦᑕᖅᑐᖅᑐᑦ ᐅᖃᖅᑎ: (ᑐᓵᔨᑎᒍᑦ): ᖃᐅᔨᒪᑦᑎᐊᕋᓱᖃᑦᑕᓚᐅᕐᖓᑕ ᑕᒪᒃᑯᐊ ᐅᖃᐅᓯᕆᔭᕗᑦ ᑐᑭᓯᔭᐅᑎᑕᐅᒐᓱᐊᖅᑐᑎᑦ ᓈᓚᑦᑐᓕᒫᓄᑦ. ᐊᒻᒪᓗ ᐊᖏᖃᑎᒌᒍᓐᓃᕋᐃᒐᑦᑕ ᐃᑉᐱᓐᓂᐊᖃᑦᑕᓚᐅᕐᒥᒻᒪᑦᑕᑦᑕᐅᖅ. ᖁᔭᓐᓇᒦᕈᒪᒻᒥᔭᒃᑲᑦᑕᐅᖅ ᐃᓄᐃᓐᓇᖅᑐᓐ ᑐᓵᔨᐅᖃᑕᐅᔪᖅ. ᐃᓐᓇᐅᓂᕐᒥᓄᑦ ᓄᖅᑲᓛᓕᕐᒥᒻᒪᒡᒎᖅ. ᐋᒡᓂᔅ ᐋᓚᓐ. >>ᐸᑦᑕᖅᑐᖅᑐᑦ ᐅᖃᖅᑎ: (ᑐᓵᔨᑎᒍᑦ): ᐱᔨᑦᑎᕋᖅᑎᕗᑦ ᖁᔭᓐᓇᒦᖅᑲᕗᑦ, ᐊᒻᒪ ᓵᓕᕆᔨᐅᕙᓚᐅᖅᑐᐃᑦ, ᐃᖅᑲᓇᐃᔭᖅᑎᓕᒫᓪᓗ ᑕᑯᔅᓴᐅᒐᑎᒃ ᐱᓕᕆᖃᑦᑕᓚᐅᖅᑐᐃᑦ ᐱᖃᕆᐊᖃᓪᓚᕆᒻᒪᑕ ᐅᕙᒍ ᐱᓕᕆᓂᔭᖏᓐᓄᑦ. ᐊᒻᒪ ᒫᓐᓇᑦᑕᐅᖅ ᓈᓚᑦᑎᓪᓗᒋᑦ ᐃᓕᓴᕆᒍᒪᒻᒥᔭᕗᑦ ᐃᖅᑲᓇᐃᔭᖅᑎᑦᑕ ᐃᓚᖓ ᓄᖅᑲᓛᓕᕐᒥᒻᒪᑦᑕᐅᖅ ᐃᓐᓇᐅᓂᕐᒥᓄᑦ ᒫᓐᓇᕈᓘᓛᖅᑐᖅ. ᓴᕚᓐ ᒫᔅ ᐱᔨᑦᑎᕋᓕᖅᑐᖅ ᐊᓪᓚᕝᕕᖓᓂ ᒪᓕᒐᓕᐅᕐᕕᐅᑉ 2000-ᒥᓂᑦ. >>ᐸᑦᑕᖅᑐᖅᑐᑦ ᐅᖃᖅᑎ: (ᑐᓵᔨᑎᒍᑦ): ᑕᕝᕙᓂ 25-ᓂᑦ ᐅᑭᐅᓂᑦ ᐃᖅᑲᓇᐃᔭᖅᑐᓂ, ᐃᑲᔪᖅᓰᓯᒪᔪᑦ ᐅᖃᖅᑎᓂᑦ ᒪᓕᒐᓕᐅᖅᑎᐅᖃᑦᑕᖅᓯᒪᔪᓂᓪᓗ 6-ᖑᔪᓂᑦ ᒪᓕᒐᓕᐅᕐᕕᓯᒪᔪᓕᒫᓂᑦ. ᖁᔭᓐᓇᒦᒃ, ᓴᕚᓐ. >>ᐸᑦᑕᖅᑐᖅᑐᑦ ᐅᖃᖅᑎ: (ᑐᓵᔨᑎᒍᑦ): ᐅᐱᒋᓪᓚᕆᔅᓯᒪᒐᒃᑯᐃᓛᒃ ᐱᔨᑦᑎᕋᖅᑎᐅᓪᓗᖓ ᑕᕝᕙᓂ ᒪᓕᒐᓕᐅᖅᑎᐅᖃᑕᐅᓪᓗᖓ ᐅᖅᓱᖅᑑᒧᑦ. ᒫᓐᓇᓕ ᑲᑎᒪᓂᕐᒥᑦ ᑐᓵᔪᖃᖅᑎᓪᓗᒍᓗ ᓇᓗᓇᐃᖅᓯᒍᒪᕗᖓ ᓂᕈᐊᕋᔅᓴᐅᒃᑲᓐᓂᔾᔮᓛᖏᓐᓇᒪ ᒪᓕᒐᓕᐅᖅᑎᐅᓂᕐᒧᑦ, ᐃᓛ ᓂᕆᐅᑦᑎᐊᕋᓗᐊᖅᑐᖓᐃᓛᒃ ᓄᓇᑦᑎᓐᓂᑦ ᐱᓕᕆᖃᑕᐅᕈᓘᔭᕆᐊᔅᓴᖅ, ᑭᓯᐊᓂ ᐊᓯᐊᓄᑦ ᓅᒋᐊᖃᓕᕋᒪ. ᐊᕐᕌᒍᓂ 12-ᓂᑦ ᐊᓂᒍᖅᑐᓂᑦ ᐃᓄᐃᑦ ᓯᕗᓕᖅᑐᓪᓗ ᐅᖅᓱᖅᑑᒥ ᐊᔅᓱᕈᖃᑦᑕᖅᓯᒪᕗᑦ ᓴᙱᓕᑦᑎᒋᐊᖁᓪᓗᒍ ᓄᓇᓕᒃ. ᐃᖅᑲᐅᒪᒍᒪᕙᒃᑲ ᕼᐋᒻᒪᓚᒃᑯᓐᓂᑦ ᑲᑎᒪᔨᐅᕙᓚᐅᖅᑐᑦ ᐊᓯᖏᓐᓂᓪᓗ ᑎᒥᐅᔪᓂᑦ, ᐱᖃᓯᐅᔅᓱᒋᑦ ᓄᓇᓖᑦ ᐃᓕᓐᓂᐊᖅᑐᓕᕆᔨᖁᑎᖏᓐᓂᑦ, ᓄᓇᓖᓪᓗ ᐃᓪᓗᓕᕆᔨᖁᑎᖏᑕ ᑲᑎᒪᔨᖏᓐᓂ, ᐊᒻᒪᓗ ᐊᖑᓇᓱᑦᑐᓕᕆᔩᑦ ᑲᑐᔾᔨᖃᑎᒌᖏᓐᓂᑦ. ᐊᔅᓱᕈᕐᓇᖅᑐᑦ ᐊᒥᓲᒐᓗᐊᕐᓗᑎᑦ ᐅᐱᒍᓱᑉᐳᖓ ᐊᔭᐅᖅᑐᐃᕙᓚᐅᕋᒪ ᐃᑲᔪᖅᑐᐃᓪᓗᖓᓗ ᑕᒪᒃᑯᓇᙵᑦ ᓄᓇᓖᑦ ᓯᕗᓪᓕᐅᔾᔭᖏᓐᓂᑦ, ᐱᓗᐊᖅᑐᒥᑦ ᓄᑖᓂᒃ ᐃᓪᓗᑦᑕᖃᕆᐊᖃᕐᓂᖓᓂᑦ ᓴᓇᔭᐅᔪᒃᓂᓪᓗ ᐃᓪᓗᓂᒃ. ᖁᔭᓐᓇᒦᕈᒪᒋᕙᒃᑲ ᐊᒥᓱᑦ ᐊᑭᓕᖅᓱᖅᑕᐅᙱᔅᓱᑎᒃ ᐱᓕᕆᕙᓚᐅᖅᑐᑦ ᐃᑲᔪᕋᓱᒃᓱᑎᒃ ᓄᓇᖃᖅᑑᔪᓂᒃ. ᐅᓐᓂᖅᓯᐅᖃᑎᒋᔪᒪᕙᔅᓯ ᐅᓪᓗᒥ ᐅᖃᖃᑎᒌᓐᓂᕆᓵᓚᐅᖅᑕᓐᓂᒃ, ᐊᑖᑕ ᓘᑲᔅ ᔮᒃᒥᒃ ᑐᑭᒧᐊᒃᑎᑦᓯᕙᓚᐅᖅᑐᒥᒃ ᓂᕿᒃᓴᖃᑦᓯᐊᙱᓐᓂᖅ ᐱᓪᓗᒍ ᐅᖅᓱᖅᑑᕐᒥ. ᖁᔭᓐᓇᒦᕈᒪᕙᕋ ᐱᓇᓱᓚᐅᕐᓂᖓ ᐃᖅᑲᐅᒪᓗᑕᓗ ᓴᙱᓂᖃᕆᐊᖃᕐᒪᑦ ᓴᐱᓕᖅᑕᐃᓕᓂᕐᒥᒃ ᐱᒡᒐᓇᖅᑐᒦᑦᑐᖃᓕᕋᓗᐊᕈᓂ. ᐊᒥᓱᑦ ᐊᑦᓱᕈᕐᓇᖅᑐᑦ ᓯᕗᓂᑦᑎᓐᓃᑦᑐᑦ ᐊᑲᕐᕆᔪᑯᓘᑦᓴᐃᓐᓇᙱᒻᒪᑕ. ᐃᓇᑦᑐᒪᕙᒃᑲ ᑭᖑᕝᕖᓂᐊᖅᑐᑦ ᑭᓇᑐᐃᓐᓇᐅᓂᐊᕋᓗᐊᖅᐸᑦ ᓴᐱᓕᖅᑕᐃᓕᒪᖁᓪᓗᒍ ᐃᖅᑲᐅᒪᐃᓐᓇᖃᑦᑕᕐᓗᓂᓗ ᐅᑉᐱᓇᑦᓯᐊᕆᐊᖃᕐᓂᕐᒥᒃ ᖁᓚᖏᑦᓯᐊᕐᓗᓂᓗ ᐱᓂᐊᕐᓂᕐᒥᓂᒃ ᐃᓄᖁᑎᒥᒃ ᐱᓪᓗᒋᑦ. ᐱᓕᕆᓇᓱᑦᓯᐊᑦᓴᐃᓐᓇᕐᓂᐊᖅᐳᖓ ᐊᓯᔾᔨᐸᓪᓕᐊᓂᐊᕐᓂᑦᑎᓐᓂᒃ ᐱᓇᓱᐊᕈᓯᕐᓂᒃ ᐊᒡᒋᖅᑐᓂᒃ ᓂᕆᐅᑦᓯᐊᕐᓂᐊᖅᐳᖓᓗ ᐱᓇᓛᕐᓂᕆᔭᖏᑕ ᑭᓪᓕᕐᒥ ᒪᓕᒐᓕᐅᖅᑎᐅᓛᖅᑐᓂᒃ. ᑕᒪᒃᑯᐊ ᐱᓪᓗᒋᑦ ᖁᔭᓐᓇᒦᖅᑕᐃᓐᓇᕆᕙᔅᓯ ᑕᕝᕙᓂ ᐃᒡᓗᒥ. ᑖᓐᓇᓗ ᐃᒡᓗ ᐃᓱᓕᑦᓯᕗᖅ.

>>ᐸᑦᑕᑐᖅᑐᑦ >>ᓄᖅᑲᖅᑐᖅ 18:08