QIA Letter — Nukkiksautiit Hydroelectric Project (TD 18, Inuktitut, SO 7(2))

TD-18-7(2)-IN

Nunavut — Committees

(867) 975-8400 1-800-667-2742 (867) 979-3238 info@qia.ca www.qia.ca ᔮᓂ ᒪᐃᒃ ᒪᓕᒐᓕᐅᖅᑎ ᐸᖕᓂᖅᑑᕐᒧᑦ ᑎᑎᖅᑲᒃᑯᕕᖓ 36 ᐸᖕᓂᖅᑑᖅ, ᓄᓇᕗᑦ X0A 0R0 ᒫᑦᓯ 17, 2026 ᒥᔅᑕ ᒪᐃᒃ−ᒧᑦ, ᑎᑎᕋᕐᕕᒋᕙᑦᑎᒋᑦ ᐅᓪᓗᒥ ᑭᐅᓪᓗᖓ ᒫᓐᓇᕈᓘᓚᐅᖅᑐᖅ ᒪᓕᒐᓕᐅᖅᑏᑦ ᐅᖃᐅᓯᖏᓐᓂᒃ ᐅᖃᖅᑎᓪᓗᑎᑦ ᓄᓇᕗᑦ ᒪᓕᒐᓕᐅᕐᕕᖓᓂ ᒫᑦᓯ 12, 2026−ᖑᑎᓪᓗᒍ ᐱᔾᔪᑎᖃᖅᑐᑎᑦ ᐃᓄᖕᓄᑦ−ᓯᕗᒃᑲᖅᑖᖑᔪᖅ ᑰᒻᒥᒃ ᐊᑐᖅᑐᑎᑦ ᐅᒻᒪᖅᑯᑎᓕᐅᕐᓂᕐᒧᑦ ᐱᓕᕆᐊᖑᖁᔭᖅ ᑰᒐᓛᑉ ᖃᓂᒋᔭᖓᓂ ᐊᒻᒪᓗ ᓴᖅᑮᓪᓗᑎᑦ ᐱᖓᓱᓂᑦ ᑎᑎᖅᑲᓂᒃ. ᖁᔭᒋᕙᑦᑎᒋᑦ ᖃᐅᔨᒪᑦᑎᐊᖅᑎᑦᑎᒍᒪᐃᓐᓇᕋᕕᑦ ᐃᓄᐃᑦ ᓂᐱᖏᑦ ᑐᑦᑕᕐᕕᐅᒐᓗᐊᕐᒪᖔᑦ ᐃᓱᒪᓕᐅᖅᑐᖃᖅᑎᓪᓗᒍ ᐱᕙᓪᓕᐊᓂᐅᔪᓄᑦ ᓄᓇᑦᑎᓐᓂ, ᐃᒪᑦᑎᓐᓂ, ᐊᒻᒪᓗ ᓄᓇᒦᙶᖅᑐᓂᒃ; ᑕᐃᒪᐃᑦᑎᐊᕆᕗᒍᑦᑕᐅᖅ ᑕᒪᓐᓇ ᐃᕝᕕᑦ ᐅᕙᒍᓪᓗ ᐱᓇᓱᐊᒐᕆᒐᑦᑎᒍᑦ. ᐅᑉᐱᕈᓱᒃᑲᒪ ᑕᐃᒪᐃᔅᓴᐃᓐᓇᕐᒥᒐᓐᓄᒃ ᑕᒪᑦᑕ ᑎᑭᓐᓇᓱᐊᕋᑦᑎᒍᑦ ᓴᐳᒻᒥᐅᓯᖃᑦᑕᕐᓗᒋᑦ ᐃᓕᖅᑯᓯᑦᑎᓐᓅᖓᔪᑦ ᓄᓇᐃᑦ ᐱᒻᒪᕆᐅᔪᑦ, ᐃᒪᐃᑦ ᐊᒻᒪᓗ ᓄᓇᒦᙶᖅᑐᑦ ᐃᓄᓐᓅᖓᔪᒡᒍᑏᑦ ᒫᓐᓇᐅᔪᖅ ᐊᒻᒪᓗ ᓯᕗᓂᒃᓴᑦᑎᓐᓂ ᑭᖑᕚᑦᓴᕆᔭᑦᑎᓐᓅᖓᖁᓪᓗᒋᑦ. ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐃᓕᓴᖅᓯᓯᒪᕗᑦ ᐊᒻᒪᓗ ᐃᑉᐱᒍᓱᑦᑎᐊᖅᑐᑎᑦ ᐱᒻᒪᕆᐅᓂᖏᑦ ᓲᕐᓗᒃ ᐊᐅᒃᑲᕐᓂᓕᒃ, ᑰᒐᓛᒃ, ᐅᕐᕕᓐ ᑲᖏᖅᑐᖓ, ᐊᒻᒪᓗ ᐸᖕᓂᖅᑑᑉ ᑲᖏᖅᑐᐊᓗᐊᓂᒃ ᐸᖕᓂᖅᑑᕐᒥᐅᑕᓄᑦ ᐱᒻᒪᕆᐅᒻᒪᑕ. ᓴᐳᑎᓯᒪᓪᓗᒋᑦ ᑕᒪᒃᑯᐊ ᒫᓐᓇᐅᔪᖅ ᐊᒻᒪᓗ ᑭᖑᕚᔅᓴᑦᑎᓐᓄᑦ ᐱᔾᔪᑎᒋᓪᓗᐊᑕᖅᑕᖏᑦ ᐃᖃᓗᐃᑦ ᓄᒃᑭᒃᓴᐅᑏᑦ ᐱᓕᕆᐊᖓ ᖃᐅᔨᓵᖑᕗᑦ ᒫᓐᓇ: ᑕᑎᖃᐃᓐᓇᖅᑐᐊᓘᓂᑦᑎᓐᓂᒃ ᐅᖅᓱᐊᓗᒃᓴᒥᒃ ᐆᒻᒪᖅᑯᑎᓕᐅᕐᓗᑕ ᐱᖅᑯᓯᑐᖃᑦᑎᓐᓄᑦ ᐅᓗᕆᐊᓇᖅᑑᒻᒪᑦ ᐃᓅᓯᑦᑎᓐᓄᑦ ᐋᓐᓂᕈᑕᐅᒍᓐᓇᖅᑐᑎᑦ ᐊᒃᑐᐃᓂᖃᕐᓂᖏᑦ ᐊᕙᑎᑦᑎᓐᓄᑦ. ᐅᖅᓱᐊᓗᒻᒥᒃ ᐊᑐᖅᑎᓪᓗᑕ ᐆᒻᒪᖅᑯᑎᓕᐅᕈᑎᒋᓗᒋᑦ ᐋᓐᓂᖅᓯᓂᖃᕐᒪᑦ ᐊᓯᔾᔨᕐᓂᖃᖅᑐᓂ ᐊᕙᑎᑦᑎᓐᓂᒃ ᐅᓗᕆᐊᓇᖅᑐᒨᖅᑎᑦᑎᓂᖃᖅᐸᑦᑐᑎᓪᓗ ᑕᐃᒪᐃᒋᐊᖃᙱᑦᑐᑎᑦ ᑖᒃᑯᓄᖓ ᐃᖃᓗᓐᓄᑦ, ᓂᕐᔪᑎᓄᑦ, ᐊᒻᒪᓗ ᐃᒪᑦᑎᓐᓄᑦ ᑰᖑᔪᓄᓪᓗ. ᑕᑎᖃᔅᓴᐃᓐᓇᕐᓂᖅ ᐅᖅᓱᐊᓗᒻᒥᒃ ᐅᓗᕆᐊᓇᖅᑐᒻᒪᕆᐅᕗᖅ ᐱᒻᒪᕆᐅᔪᓄᑦ ᐊᕙᑎᒥ ᑯᕕᔪᖃᕈᓂ ᑐᖅᑯᖅᑕᐅᓯᒪᓂᖏᓐᓂᒃ, ᐅᓯᔭᐅᓂᖏᓐᓂᒃ, ᐊᒻᒪᓗ ᐊᐅᓪᓛᖅᑕᐅᑎᓪᓗᒋᑦ ᐅᖅᓱᒃᓴᑦ. ᐊᒻᒪᓗᒃᑲᓐᓂᖅ, ᐅᓗᕆᐊᓇᖅᑐᒨᖅᑎᑦᑎᒋᕗᖅ ᐅᖅᓱᐊᓗᒃ ᐊᑭᑦᑐᓗᐊᕈᓐᓇᕐᓂᖓ ᓄᓇᕐᔪᐊᕐᒥ ᓂᐅᕕᖅᐸᑦᑐᓄᑦ, ᐊᒻᒪᓗ ᐊᑭᑦᑐᐸᓪᓕᐊᑐᐃᓐᓇᓕᕈᑕᐅᓲᖅ ᖃᕋᓴᐅᔭᓕᕆᓂᕐᒧᑦ ᐊᐅᓚᓂᖃᖅᑎᑦᑎᓇᓱᐊᖅᑎᓪᓗᒋᑦ. ᑕᒪᓐᓇ ᐱᓕᕆᐊᖅ, ᓯᕗᒧᐊᑦᑎᑕᐅᑉᐸᑦ ᐅᖓᑖᓄᑦ ᐱᕙᓪᓕᐊᒍᑎᒋᔭᐅᓕᕐᓂᖓᑕ, ᓴᐳᔾᔨᓯᒪᒐᓱᐊᖅᑐᖅ ᐊᕙᑎᑦᑎᓐᓂ ᐃᓄᖕᓄᑦ ᒫᓐᓇ ᑭᖑᕚᔅᓴᑦᑎᓐᓄᓪᓗ ᑲᔪᓯᓗᑎᑦ ᑕᑎᖃᔅᓴᐃᓐᓇᕐᓂᐊᕐᕐᒪᑕ ᓄᓇᒥ ᓂᕐᔪᑎᓂᓪᓗ ᐱᕐᔪᐊᕌᓘᓪᓗᑎᑦ ᐃᓅᓯᑦᑎᓐᓄᑦ ᓄᓇᕗᒻᒥ. ᐅᖃᐅᑎᔪᒪᒐᒃᑭᑦ ᐱᒻᒪᕆᐊᓘᒻᒪᑦ ᐱᓕᕆᖃᑎᒌᒃᑯᑎᑦ ᓄᓇᕗᑦ ᒐᕙᒪᖏᑦ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ. ᐃᖅᑲᓇᐃᔮᖃᐃᓐᓇᓲᖑᒐᑦᑕ ᐱᐅᓯᑎᓐᓇᓱᐊᖅᑐᒋᑦ ᐃᓄᐃᑦ ᐊᐊᒻᒪᓗ ᑕᒪᓐᓇ ᑐᑭᓕᒃ ᐃᖅᑲᓇᐃᔭᖃᑎᒌᒃᑯᑦᑕ ᐊᑐᓕᖅᑎᑕᐅᖁᓪᓗᒋᑦ ᖃᓄᖅᑑᕈᑕᐅᓯᒪᔪᑦ ᐋᖅᑭᒍᑎᐅᔪᑦ ᖃᐅᔨᒪᓇᑦᑎᐊᖁᓪᓗᒋᑦ ᐃᓄᐃᑦ ᒪᑭᒪᓇᖅᑐᒃᑯᑦ ᐱᕈᖅᐸᓪᓕᐊᓂᐊᕐᒪᑕ ᓄᓇᓕᑦᑎᓐᓂ ᐊᒥᓱᓄᑦ ᐊᕐᕌᒎᓂᐊᖅᑐᓄᑦ. ᑕᐃᒪᐃᒍᓐᓇᖁᓪᓗᑕ, ᒪᑐᐃᖓᒋᐊᖃᖅᑐᒍᑦ ᓈᓚᓪᓗᑕ ᐃᓅᖃᑎᑦᑎᓐᓂᒃ ᐊᒻᒪᓗ ᑐᑭᓯᒋᐊᕈᑎᖃᕐᓗᑕ ᐃᓱᒪᓕᐅᓕᕐᒥᓗᑕ ᒪᓕᓪᓗᒋᑦ ᐱᑦᑎᐊᖅᓯᒪᔪᑦ ᑐᑭᓯᒋᐊᕈᑏᑦ. ᓇᓗᓇᐃᕈᑎᑎᑦ ᒪᓕᒐᓕᐅᖅᑏᑦ ᐅᖃᐅᓯᖏᓐᓂᒃ ᐅᓂᒃᑳᖅᑐᑎᑦ ᒫᑦᓯ 12th, 2026−ᖑᑎᓪᓗᒍ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᒡᒎᖅ ᐃᓄᐃᑦ ᐱᔪᒪᔭᖏᓐᓂᒃ ᐱᐅᔪᓂᒃ ᐱᓇᓱᐊᙱᒻᒪᑕ ᐊᒻᒪᓗ ᓯᖁᒥᑦᑎᓪᓗᑎᑦ ᓄᓇᕗᒻᒥ ᐊᖏᕈᑎᒥ ᐱᑦᑎᐊᖅᓯᒪᙱᑦᑑᕗᑦ. ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᓴᖅᑭᔮᖅᑐᒃᑯᑦ ᐃᓱᒪᓕᐅᕐᓂᖃᓲᑦ, ᐊᒻᒪᓗ ᐅᐱᒍᓱᑦᑐᒍᑦ ᓴᖅᑮᑎᑦᑎᒍᓐᓇᓲᖑᒐᑦᑕ ᐱᖁᑎᕐᔪᐊᓂᒃ, ᐱᓕᕆᐊᕐᓂᕐᒃ, ᐊᒻᒪᓗ ᐱᓕᕆᐊᒡᒍᑎᑦᑎᓐᓂᒃ ᐃᓄᐃᑦ ᐃᓅᓯᖏᓐᓂᒃ ᐱᐅᓯᑎᑦᑎᕚᓪᓕᕐᓂᖃᓲᑦ. ᓇᐅᑦᑎᖅᓱᖅᑏᑦ ᐱᓕᕆᐊᖓᓗ ᓂᕿᖃᑦᑎᐊᙱᓐᓂᕐᒥᒃ ᐊᔪᖅᓴᙱᓐᓂᖅᓴᐅᑎᑦᑎᓂᖃᓲᖅ ᓄᓇᓕᓐᓂ ᐊᕐᕌᒎᕋᑖᖅᑐᓂᒃ ᐊᒻᒪᓗ ᐊᑭᑭᓐᓂᖅᓴᓂᒃ ᐃᒡᓗᖃᖅᑎᑦᑎᓂᕐᒧᑦ ᐱᓕᕆᐊᖃᐅᖅᓱᑕ ᐊᕕᑦᑐᖅᓯᒪᔪᒥ. ᕿᑭᖅᑕᓂ ᐃᓄᐃᑦ (867) 975-8400 1-800-667-2742 (867) 979-3238 info@qia.ca www.qia.ca ᑲᑐᔾᔨᖃᑎᒌᖏᑦ ᕿᑭᖅᑖᓘᒻᒥᐅᑦ ᐃᓄᖏᑕ ᐱᔪᒪᔭᖏᖕᓂᒃ ᑲᒪᑦᓯᐊᓲᑦ ᐊᒻᒪᓗ ᑕᐃᒪᐃᖏᓐᓇᕐᓂᐊᖅᑐᑎᑦ ᒪᓕᑦᑐᒋᑦ ᓄᓇᓕᓐᓂ, ᐊᕕᑦᑐᖅᓯᒪᔪᓂ, ᓄᓇᕗᒻᒥᓗ ᑭᙴᒪᒋᔭᖏᑦ ᐃᓄᐃᑦ. ᐃᖃᓗᐃᑦ ᓄᒃᑭᒃᓴᐅᑏᑦ ᐱᓕᕆᐊᖓᓄᓪᓕ, ᓯᕗᓪᓕᖅᐹᒥᒃ ᓱᖅᑯᐃᓇᖅᓯᑎᒋᐊᕈᒪᕙᕋ ᐱᓕᕆᐊᑉ ᖃᓄᐃᓕᖓᓕᕐᓂᖓ, ᖃᐅᔨᖁᓪᓗᑎᑦ ᐃᓂᖓᑕ ᓂᕈᐊᖅᑕᐅᓯᒪᓂᖓᓄᑦ ᐊᐅᓚᓂᕆᓚᐅᖅᑖ, ᐊᒻᒪᓗ ᓱᖅᑯᐃᖅᑎᒋᐊᕐᓗᑎᑦ ᑐᓴᕆᐊᕐᕕᖃᕐᓂᕐᒧᑦ ᐊᒻᒪᓗ ᐅᖃᖃᑎᖃᕐᓂᕐᒧᑦ ᐊᐅᓚᓂᕆᓚᐅᖅᑕᖓ ᑕᒪᔅᓱᒧᖓ ᐱᒻᒪᕆᐅᔪᒧᑦ ᐃᓄᖕᓄᑦ−ᓯᕗᒃᑲᖅᑖᖑᔪᖅ ᐱᓕᕆᐊᖅ. ᓱᖅᑯᐃᓇᖅᓯᑎᑦᑎᒋᐊᕈᑎ ᐱᓕᕆᐊᑉ ᖃᓄᐃᓕᖓᓕᕐᓂᖓᑕ ᓱᖅᑯᐃᓇᖅᓯᑎᓪᓗᒍ ᖃᓄᐃᓕᖓᓕᕐᓂᖓ ᐱᓕᕆᐊᑉ, ᐱᕙᓪᓕᐊᒍᑎᒋᔭᐅᓂᖓᑕ 3: ᐊᐅᓚᐅᓯᕆᓂᖅ + ᐊᒃᑐᐃᓂᖃᕐᓂᖏᑦ & ᐃᑲᔫᑏᑦ ᖃᐅᔨᓵᖑᓂᖏᑦ. ᑖᓐᓇ ᐱᕙᓪᓕᐊᒍᑎᒋᔭᐅᓕᕐᓂᖓ ᓇᓗᓇᐃᔭᑦᑎᐊᖅᓯᒪᓚᐅᖅᑐᖅ ᑐᓴᕆᐊᕐᕕᖃᓕᕐᓂᑦᑎᓐᓂᒃ ᐊᒻᒪᓗ ᐅᖃᖃᑎᖃᕐᓂᕐᒥᒃ ᐃᓄᓐᓂᒃ. ᐱᕙᓪᓕᐊᒍᑎᒋᐅᓕᖓ; ᓇᓗᓇᐃᔭᖅᓯᒪᔪᑦ ᑐᑭᓯᒋᐊᕈᑏᑦ ᓄᐊᑕᐅᓕᖅᑐᑎᑦ ᑐᑭᓯᐅᒪᖁᓪᓗᑕ ᐊᒃᑐᐃᓂᖃᕈᓐᓇᕐᓂᖏᓐᓂᒃ ᐊᒻᒪᓗ ᐃᑲᔫᑎᓂᒃ ᐱᓕᕆᐊᕐᒥᒃ. ᐱᓕᕆᐊᖅ ᓯᕗᒧᐊᔾᔮᙱᑦᑐᖅ ᑖᒃᑯᐊ ᑐᓴᕆᐊᕐᕕᖃᕐᓃᑦ, ᐅᖃᖃᑎᖃᕐᓃᑦ, ᐊᒻᒪᓗ ᑐᑭᓯᒋᐊᕈᑏᑦ ᓄᐊᑕᐅᓯᒪᓂᖏᑦ ᖃᓄᐃᓕᐅᕈᑕᐅᓚᐅᖅᑎᓪᓗᒋᑦ ᐊᒻᒪᓗ ᐃᓄᐃᑦ ᓯᕗᓕᖅᑎᖏᑦ ᓈᒻᒪᒃᓴᕈᑎᑦ ᐱᓕᕆᐊᖅ ᓇᓕᒧᓐᓂᖃᕐᒪᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᐊᒻᒪᓗ ᓈᒻᒪᑦᑐᓂᒃ ᐃᑲᔫᑎᖃᕐᓂᐊᕋᓗᐊᕐᒪᖔᖅ ᐃᓄᓐᓄᑦ. ᐱᕙᓪᓕᐊᒍᑎᒋᔭᐅᓂᖓᑕ 3 ᑖᔅᓱᒧᖓ ᐱᓕᕆᐊᕐᒧᑦ ᐋᖅᑭᒃᑕᐅᓯᒪᕗᖅ ᐊᑐᖅᑕᐅᓛᕐᒪᑦ 2025-2027. ᑕᒪᓐᓇ ᐊᐅᓚᓂᖓ ᐱᕐᔪᐊᕌᓘᒻᒪᑦ ᑐᑭᓯᖁᓪᓗᑕ ᐊᒃᑐᐃᓂᖃᕈᓐᓇᕐᓂᖏᓐᓂᒃ ᐊᒻᒪᓗ ᐃᑲᔫᑎᖏᓐᓂᒃ ᑕᒪᔅᓱᒪᑉ ᐱᓕᕆᐊᑉ. ᑐᑭᓯᒋᐊᕈᑏᑦ ᓄᐊᑕᐅᓂᖏᑦ ᑕᕝᕙᓂ ᐱᕙᓪᓕᐊᒍᑎᖃᕐᓂᑦᑎᓐᓂᒃ ᓄᖅᑲᖅᑎᑕᐅᓂᐊᕈᑎᑦ, ᐊᒃᑐᐃᓂᖃᕋᔭᕐᓂᖏᑦ ᐱᓕᕆᐊᕐᒥ ᓇᓗᓇᐃᖅᑕᐅᔪᓐᓇᔾᔮᙱᑦᑐᑦ. ᐊᒻᒪᓗᒃᑲᓐᓂᖅ, ᓄᖅᑲᖅᑎᑕᐅᒍᓂ ᑕᒪᓐᓇ ᐃᖅᑲᓇᐃᔮᕆᔭᐅᓂᖓ ᖃᐅᔨᓴᖅᐸᓪᓕᐊᑎᓪᓗᒋᑦ ᑐᑭᖃᕋᔭᖅᑐᖅ ᐸᖕᓂᖅᑑᕐᒥᐅᑦ ᐊᒻᒪᓗ ᐃᖃᓗᒻᒥᐅᐅᑦ, ᐃᑲᔫᑎᖃᕈᓐᓇᕐᓂᖏᖕᓂᒃ ᐱᔪᓐᓇᕋᔭᙱᓚᑦ ᐃᓄᖕᓄᑦ−ᓯᕗᒃᑲᖅᑖᖑᔪᒥᒃ ᒪᑭᒪᔪᓐᓇᕋᔭᖅᑐᒥᒃ ᐱᕙᓪᓕᐊᓂᕐᒥᒃ ᑕᐅᕙᓂ ᐃᓂᖃᕐᕕᒃᓴᖓᓂ ᑖᒃᑯᑎᒎᓇᖅ ᐱᓕᕆᐊᒃᑯᑦ, ᐱᖃᓯᐅᑎᓪᓗᒋᑦ ᐱᕕᖃᕈᓐᓇᕋᔭᕐᓂᖏᑦ ᐃᖅᑲᓇᐃᔭᕐᓗᑎᑦ, ᐱᓕᒻᒪᒃᓴᕐᓗᑎᑦ, ᐃᓕᖅᑯᓯᖅ ᓴᐳᔾᔭᐅᓗᓂ, ᒪᒃᑯᑦᑐᑦ ᐱᓕᕆᐊᖃᕈᑎᒋᔭᐅᓗᑎᑦ, ᐊᒻᒪᓗ ᑮᓇᐅᔭᖅᑎᒍᑦ ᐊᑐᖅᑕᐅᓂᐅᓴᔪᑦ ᓄᓇᓕᓐᓂ ᓯᕗᓪᓕᐅᔾᔭᐅᖁᔭᐅᔪᓂᑦ. ᐸᖕᓂᖅᑑᕐᒥᐅᑦ ᐃᖃᓗᒻᒥᐅᑕᐅᔪᓪᓗ ᑐᑭᓯᒋᐊᕈᑎᑖᕈᓐᓇᕐᓗᑎᑦ ᐱᐅᓛᖑᒐᔭᕐᒪᑦ ᑕᒪᒃᑯᓄᖓ ᐃᑲᔫᑎᖃᕈᓐᓇᕐᓂᖏᓐᓂᒃ, ᐊᒻᒪᓗ ᐊᒃᑐᐃᓂᖃᕈᓐᓇᕐᓂᖏᓐᓂᒃ ᐃᓱᒪᓕᐅᖅᑐᖃᓚᐅᙱᑦᑎᓪᓗᒍ ᓯᕗᒧᐊᓐᓂᐊᕐᒪᖔᖅ ᐱᓕᕆᐊᖅ: ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᕕᖃᕈᑎᐅᔪᓂᒃ ᐊᓐᓇᐃᑐᐃᓐᓇᕋᔭᖅᑐᑦ. ᐃᓕᓴᕆᔭᐅᓯᒪᓪᓗᑕ ᐃᓄᐃᑦ ᑲᑐᔾᔨᖃᑎᒌᖑᓪᓗᑕ ᐱᓕᕆᐊᒃᓴᖃᖅᑐᑕᓗ ᐃᓄᐃᑦ ᐱᔪᓐᓇᐅᑎᖏᓐᓂᒃ ᐋᖅᑭᐅᒪᑎᑦᑎᓗᑕ ᓴᐳᔾᔨᓗᑕᓗ ᕿᑭᖅᑖᓗᒻᒥ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑕᑯᒃᓴᐅᑎᑦᑏᓐᓇᐅᔭᖅᑐᑦ ᑲᒪᒋᔭᖃᐃᓐᓴᕐᓂᐊᕐᓂᑦᑎᓐᓂᒃ ᐃᓄᓐᓂᒃ ᓄᓇᓕᓐᓄᑦ ᑮᓇᐅᔭᓂᑦ ᐊᑐᖅᑐᖃᕐᓂᐊᕋᓗᐊᕐᒪᖔᖅ ᐊᑯᓂᐅᔪᒧᑦ ᒪᑭᒪᑎᒐᒃᓴᐅᒐᔭᖅᑐᓄᑦ ᐊᒻᒪᓗ ᐃᑲᔫᑎᖃᕐᓗᑎᑦ ᐃᓄᓐᓄᑦ ᕿᑭᖅᑖᓗᒻᒥ. ᑖᓐᓇ ᐱᓕᕆᐊᖅ ᑭᒡᒐᖅᑐᐃᔪᖅ ᐊᔾᔨᐅᙱᑦᑐᒥᒃ ᐱᕕᖃᖅᑎᑦᑎᓂᖓᓂᒃ ᐅᕙᑦᑎᓐᓄᑦ ᑐᑭᑖᖅᑎᑦᑎᖁᓪᓗᑕ ᓇᒻᒥᓂᖅ ᓯᕗᓂᒃᓴᑦᑎᓐᓄᑦ−ᓇᓗᓇᐃᖅᑕᐅᖁᓪᓗᒋᑦ ᖃᓄᖅ ᐱᕙᓪᓕᐊᒍᑎᒋᔭᐅᓂᖓ ᐊᒻᒪᓗ ᑮᓇᐅᔭᑦ ᐊᑐᖅᑕᐅᔪᑦ ᐱᖁᑎᑦᑎᓐᓄᑦ ᒪᑭᒪᔪᒃᑰᖓᔪᓐᓇᕐᒪᑕ ᓇᓕᒧᓐᓂᖃᕐᓗᑎᑦ ᐃᓄᐃᑦ ᖃᐅᔨᒪᔭᑐᖃᖏᖕᓂᒃ. ᐃᓂᒃᓴᖓᑕ ᓂᕈᐊᖅᑕᐅᓂᖓ ᑕᒪᐃᓐᓂ ᓄᓇᓕᓐᓂ ᐱᕕᖃᔅᓴᐃᓐᓇᕆᐊᖃᕐᒪᑕ ᐊᑐᕐᓗᑎᑦ ᐊᑭᖃᙱᑦᑐᒥᒃ, ᓯᕗᓂᐊᒍᑦ ᑐᑭᓯᒋᐊᖅᑎᑕᐅᓚᐅᕐᓗᑎᑦ, ᐊᒻᒪᓗ ᑐᑭᓯᒋᐊᖅᓯᒪᔪᒃᑯᑦ ᐊᖏᕐᓗᑎᑦ (“FPIC”), ᓂᕈᐊᖅᑎᓪᓗᒋᑦ ᐊᑐᕈᒪᔭᕐᒥᓂᒃ ᖃᓄᐃᓕᐅᕈᑕᐅᓂᐊᖅᑐᒥᒃ ᓄᑖᕈᖅᑎᒐᒃᓴᓂᒃ ᐆᒻᒪᖅᑯᑎᓕᐅᖅᑎᓪᓗᒋᑦ, ᐊᔭᐅᖅᑕᐅᑲᒻᒪᑎᓪᓗᑎᑦ. ᓂᕈᐊᖅᑕᐅᓯᒪᔪᖅ ᐊᑐᖅᑕᐅᒍᒪᔪᖅ ᑲᓱᖅᓯᒪᓂᖃᖅᑎᓪᓗᒍ ᓄᓇᒦᙶᖅᑐᓂᒃ ᐃᒪᕐᒥᓗ ᐊᑕᐅᓯᐅᙱᑦᑐᒧᑦ ᓄᓇᓕᒻᒧᑦ ᐊᒻᒪᓗ ᐊᒃᑐᐃᓂᖃᕈᓐᓇᕐᒪᑦ ᐃᓄᓐᓂᒃ ᐊᑕᐅᓯᐅᙱᑦᑐᒥᒃ ᓄᓇᓕᒻᒥ (ᑕᕝᕙᓂ ᑕᐃᒪᐃᑦᑑᓪᓗᓂ), ᑕᐃᒪᓕ ᑕᒪᐃᓐᓂ ᓄᓇᓖᑦ ᑲᑎᑎᑦᑕᕆᐊᓕᕗᑦ ᐊᒃᑐᖅᑕᐅᓂᖃᕈᓐᓇᕋᔭᖅᑐᑦ ᐊᒻᒪᓗ ᐃᑲᔫᑎᑖᕈᓐᓇᕋᔭᖅᑐᑎᑦ ᐅᖃᖃᑎᒋᔭᐅᖃᑦᑕᕐᓗᑎᑦ ᑕᒪᒃᑯᓂᖓ. (867) 975-8400 1-800-667-2742 (867) 979-3238 info@qia.ca www.qia.ca ᐃᖃᓗᒻᒥᐅᑦ ᐅᖃᖅᓯᒪᔪᑦ ᐃᓱᓕᓐᓂᖓᑕ ᐱᕙᓪᓕᐊᒍᑎᒋᔭᐅᓂᖓᑕ 2 ᓂᕈᐊᖅᑕᐅᔪᓐᓇᖅᑐᖅ ᐊᑐᖅᑕᐅᓗᓂ ᓄᑖᕈᖅᑎᒐᒃᓴᓂᒃ ᐆᒻᒪᖅᑯᑎᓕᐅᕈᑎᑦ ᐃᖃᓗᓐᓂ ᑕᐃᓐᓇᐅᓯᒪᒻᒪᑦ ᑰᒑᓚᒃ ᐊᑐᖅᑕᐅᓗᓂ, ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕇᓴᓐ−ᒃᑯᖏᑦ ᐸᖕᓂᖅᑑᕐᒨᓚᐅᖅᓯᒪᔪᑦ ᐸᖕᓂᖅᑑᕐᒥᐅᑦ ᐃᓱᒪᓕᐅᖅᑎᐅᖃᑕᐅᓕᕐᓗᑎᑦ ᐱᓕᕆᐊᕐᒥ ᑲᒪᔪᖃᖅᑎᓪᓗᒍ. ᐃᓄᐃᑦ ᓯᕗᓕᖅᑎᐅᔪᓪᓕ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᑲᑎᒪᔨᖏᑦ ᐃᓚᒋᔭᐅᔪᖁᑎᓖᑦ ᑭᒡᒐᖅᑐᐃᔪᑦ ᑕᒪᐃᓐᓂ ᓄᓇᓕᐅᔪᓂ ᕿᑭᖅᑖᓗᒻᒥ, ᐱᖃᓯᐅᑎᓪᓗᒍ ᐸᖕᓂᖅᑑᖅ. ᑕᒪᐃᓐᓂ ᐃᓚᒋᔭᐅᔪᖅ ᐱᕕᖃᖅᑎᑕᐅᓲᖅ ᐃᑉᐱᒍᓱᑦᑎᐊᕐᓂᒃᑯᑦ ᐊᐱᖅᑯᑎᒃᓴᖃᕐᓗᓂ, ᐃᓱᒫᓘᑎᒋᔭᒥᓂᒃ ᐅᖃᐅᓯᖃᕐᓗᓂ, ᐅᕝᕙᓘᓐᓃᑦ ᐅᖃᐅᓯᖃᕐᓗᓂ ᐱᐅᔪᓂᒃ ᑕᐅᑐᑦᑕᒥᓂᒃ ᓇᓕᐊᓐᓄᑐᐃᓐᓇᖅ ᐱᔾᔪᑕᐅᔪᒧᑦ. ᑕᐃᒪᐃᓚᐅᖅᑐᖅ ᒫᑦᓯ, 2024−ᖑᑎᓪᓗᒍ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᑲᑎᒪᔨᖏᑦ ᐅᓂᒃᑳᕐᒪᑕ ᑐᒃᓯᕋᐅᑎᒥᒃ ᐃᑲᔪᖅᑐᖅᑕᐅᔾᔪᑎᒥᒃ ᓯᕗᒧᐊᑦᑎᑕᐅᓗᓂ ᐃᖃᓗᐃᑦ ᓄᒃᑭᒃᓴᐅᑏᑦ ᐱᓕᕆᐊᖓ ᑕᕝᕗᙵᖅᐸᓪᓕᐊᓕᖅᑎᓪᓗᒋᑦ ᐱᕙᓪᓕᐊᒍᑎᒋᔭᐅᓂᖓᑕ 3; ᑕᒪᐃᓐᓂ ᐱᕕᖃᖅᑎᑕᐅᒪᐅᖅᓯᒪᔪᑦ ᐊᐱᕆᓗᑎᑦ ᐅᕝᕙᓘᓐᓂᑦ ᐅᖃᐅᓯᖃᕐᓗᑎᑦ ᐃᓱᒫᓘᑎᒥᓂᒃ ᓂᕈᐊᖅᑐᖃᓚᐅᖅᑎᓐᓇᒍ. ᓂᕈᐊᕈᑕᐅᓯᒪᓂᖓᓄᓪᓕ ᒫᑦᓯ 2024−ᒥ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᑲᑎᒪᔨᖏᑦ ᐊᖏᓚᐅᖅᑐᑦ ᐃᑲᔪᖅᑐᐃᓂᕋᖅᑐᑎᑦ ᓯᕗᒧᐊᑦᑎᑕᐅᓂᖓᑕ ᐱᓕᕆᐊᑉ ᐱᕙᓪᓕᐊᒍᑎᒋᔭᐅᓂᖓᑕ 3−ᒧᑦ, ᑐᑭᓯᐅᒪᓪᓗᑎᑦ ᐱᕙᓪᓕᐊᒍᑎᒋᔭᐅᓂᖓᑕ 3 ᐱᖃᓯᐅᔾᔨᖕᒪᑦ ᓇᓗᓇᐃᔭᑦᑎᐊᖅᓯᒪᔪᑎᒍᑦ ᑐᓴᕆᐊᕐᕕᖃᕈᑎᖃᖅᑐᓂ, ᐅᖃᖃᑎᒋᔭᐅᔪᖃᖃᑦᑕᕐᓂᐊᖅᑐᓂ, ᐊᒻᒪᓗ ᑐᑭᓯᒋᐊᕈᑎᓂᒃ ᓄᐊᑦᑎᓗᑎᑦ. ᐊᖏᖅᑕᐅᓚᐅᙱᓚᖅ ᓴᓇᔭᐅᓕᕐᓗᓂ ᐱᓕᕆᐊᕐᒥᒃ ᓇᓕᐊᓐᓂᑐᐃᓐᓇᖅ ᐃᓄᐃᑦ ᓯᕗᓕᖅᑎᓂᒃ ᐅᕝᕙᓘᓐᓃᑦ ᓄᓇᕗᑦ ᐆᒻᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᖕᓄᑦ. ᑐᓴᕆᐊᕐᕕᖃᕐᓂᖅ & ᐅᖃᖃᑎᖃᕐᓂᖅ ᐃᓄᓕᒫᖅᑎᑕᐅᓚᐅᖅᓯᒪᔪᑦ ᐅᖃᖃᑎᒋᔭᐅᓪᓗᑎᓪᓗ ᐸᖕᓂᖅᑑᕐᒥ ᐱᒋᐊᖅᑐᑎᑦ ᐱᒋᐊᓕᕋᑖᖅᑐᒥᓂᐅᑎᓪᓗᒍ 2025, ᐊᖏᖅᑕᐅᓚᐅᖅᑎᓪᓗᒋᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᑲᑎᒪᔨᖏᖕᓄᑦ ᑕᒪᔅᓱᒧᖓ ᐱᕙᓪᓕᐊᒍᑎᒋᔭᐅᓂᖓᓄᐊᖁᓐᓇᕐᓗᑎᑦ ᐊᒻᒪᓗ ᒐᕙᒪᑐᖃᒃᑯᓐᓂ ᑮᓇᐅᔭᖅᑖᓚᐅᖅᑎᓪᓗᒋᑦ ᐃᑲᔪᖅᑐᖅᑕᐅᖁᓪᓗᒍ ᑕᒪᓐᓇ ᐱᓇᓱᐊᒐᕆᔭᐅᔪᖅ. ᑕᒪᒃᑯᐊ ᐃᖅᑲᓇᐃᔭᖃᑎᖃᕐᓂᖏᑦ ᐱᖃᓯᐅᔾᔨᓚᐅᖅᑐᑦ ᑭᒃᑯᑐᐃᓐᓇᐃᑦ ᑐᑭᓯᒋᐊᖅᑎᑕᐅᓪᓗᑎᑦ, ᑲᑎᒪᖃᑎᒋᔭᐅᓪᓗᑎᑦ ᐸᖕᓂᖅᑑᕐᒥ ᐆᒪᔪᕐᓂᐊᖅᑎᒃᑯᑦ ᑲᑐᔾᔨᖃᑎᒌᖏᑦ ᐊᒻᒪᓗ ᕼᐊᒻᓚᒃᑯᑦ ᑲᑎᒪᔨᖏᑦ, ᐊᒻᒪᓗ ᐱᓇᓱᐊᕈᓯᑕᒫᑦ ᖃᕋᓴᐅᔭᒃᑯᑦ ᐊᐅᓪᓚᖅᑎᑦᑎᓪᓗᑎᑦ ᑐᑭᓯᒋᐊᕈᑎᓂᒃ ᑐᓴᕆᐊᖅᑎᑦᑎᓪᓗᑎᑦ 2025-ᒥ ᐱᓕᕆᐊᒃᓴᖃᖅᑐᑎᑦ. ᐅᖃᖃᑎᖃᕆᐊᙵᕋᓱᐊᓚᐅᖅᓯᒪᒻᒥᔪᑦ 2022-ᒥ. ᓇᓂᔪᓐᓇᖅᑕᑎᑦ ᓇᓗᓇᐃᔭᖅᓯᒪᔪᑦ ᓇᐃᓈᖅᓯᒪᓂᖏᑦ NNC−ᒃᑯᑦ ᑐᓴᕆᐊᖅᑎᑦᑎᓂᖏᑦ ᐊᒻᒪᓗ ᐅᖃᖃᑎᖃᕋᓱᐊᕐᓂᖏᑦ ᐅᓪᓗᒥᒧᑦ ᐱᓕᕆᐊᖅ ᖃᓄᐃᓕᐅᕈᑕᐅᓕᕐᓂᖓᓂᒃ ᐅᐃᒍᖓ ᐃ−ᒥ. ᑕᒪᓐᓇ ᐱᒋᐊᓕᑕᐃᓐᓇᕐᒪᑦ. ᑐᓴᕆᐊᕐᕕᖃᒃᑲᓐᓂᓛᕐᒥᔪᑦ ᐊᒻᒪᓗ ᐅᖃᖃᑎᖃᕐᓗᑎᑦ ᐱᓕᕆᐊᖅ ᐃᓱᒪᒃᓴᖅᓯᐅᕈᑕᐅᓚᐅᙱᒻᒪᕆᒃᑎᓪᓗᒍ. ᐅᓪᓗᒥᐅᔪᖅ ᐱᕙᓪᓕᐊᒍᑎᒋᔭᐅᓂᖓ ᐋᖅᑭᒃᓱᐊᖑᓕᕐᓂᖓᑕ ᐱᓇᓱᐊᒐᖃᑦᑎᐊᕈᑕᐅᔭᕆᐊᓕᒃ ᐃᓕᓐᓂᐊᕐᓗᑎᑦ ᑐᑭᓯᒋᐊᕈᑎᓂᒃ ᓱᓕᔪᓂᑦ ᐊᒻᒪᓗ ᑐᑭᓯᐅᒪᔭᐅᔪᓂᑦ ᑕᒪᐃᓐᓂ ᑕᐅᑐᓐᓂᖃᕐᕕᐅᓂᖓᓂᒃ ᐃᓱᒪᒋᔭᐅᔾᔪᑎᓂᑦ, ᐱᖃᓯᐅᑎᓪᓗᒋᑦ ᐸᖕᓂᖅᑑᕐᒥᐅᑦ. ᐊᒥᓲᒻᒪᑕ NNC−ᒃᑯᑦ ᐱᓕᕆᐊᖏᑦ ᐱᒋᐊᓛᓕᖅᑐᑦ ᒫᓐᓇᕈᓗᒃ ᓂᐱᖅᑯᖅᑐᓂᖅᓴᒻᒪᕆᐅᖁᓪᓗᒋᑦ ᐸᖕᓂᖅᑑᕐᒥᐅᑦ, ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑐᙵᓱᐊᑎᑦᑎᔪᑦ ᐱᕐᔪᐊᓂᒃ ᑕᐅᑐᓐᓂᕆᔭᐅᔪᓂᒃ ᐃᓱᒪᒋᔭᓂ. ᐱᓕᕆᐊᖅ ᒪᓕᒋᐊᓕᒃ ᑕᒪᐃᓐᓂᑦᑎᐊᖅ ᒐᕙᒪᑐᖃᒃᑯᑦ ᐊᒻᒪᓗ ᓄᓇᕗᒻᒥ ᐊᑐᐊᒐᕋᓛᕐᓂᒃ ᒪᓕᒋᐊᖃᕈᑎᖏᓐᓂᒃ, ᐱᖃᓯᐅᑎᓪᓗᓗᒋᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ. ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦᑕ ᐊᐅᓚᓂᖓ ᒪᓕᑦᑕᐅᔭᕆᐊᖃᕈᑎᖏᑦ ᐱᒋᐊᕈᒫᖅᑐᑦ ᕿᑎᐊᓂ-2027 ᓴᖅᑭᕐᓂᖏᑦ ᐱᕙᓪᓕᐊᒍᑎᒋᔭᐅᓂᖓᑕ 3 ᓇᓗᓇᐃᕈᑎᑦ ᓄᖅᑲᖅᑎᑕᐅᒍᓐᓇᕋᔭᕐᓂᖏᑦ ᐊᒃᑐᐃᓂᖃᑲᒻᒪᒍᑕᐅᔪᓐᓇᖅᑐᑦ ᐊᒻᒪᓗ ᓈᒻᒪᑦᑐᓂᒃ ᐃᑲᔫᓯᐊᖅᑖᕋᓗᐊᕐᒪᖔᕐᒥᒃ ᐃᓄᐃᑦ. ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᒻᒪᓗ NNC ᐸᖕᓂᖅᑑᕐᒨᓛᕐᒪᑕ ᖃᐅᔨᒪᓇᑦᑎᐊᖁᓪᓗᒍ ᐸᖕᓂᖅᑑᕐᒥᐅᑦ ᓂᐱᖏᑦ ᑐᓴᖅᑕᐅᓯᒪᒐᓗᐊᕐᒪᖔᕐᒥᒃ ᓯᕗᓂᐊᒍᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦᑕ ᐊᐅᓚᓂᐅᖁᔭᖏᑦ ᐱᒋᐊᒪᐅᙱᑦᑎᓪᓗᒋᑦ. ᐱᕕᖃᕋᔭᖅᑐᑎᑦ ᐋᖅᑭᒃᓱᐃᖃᑕᐅᓗᑎᑦ ᑕᒪᔅᓱᒥᖓ ᐱᓕᕆᐊᕐᒥᒃ ᐊᒻᒪᓗ ᑐᑭᒧᐊᑦᑎᑦᑎᓗᑎᑦ ᖃᓄᖅ ᓄᓇᓕᒋᔭᐃᑦ (867) 975-8400 1-800-667-2742 (867) 979-3238 info@qia.ca www.qia.ca ᐃᑲᔪᖅᑕᐅᔪᓐᓇᕋᔭᕐᒪᖔᖅ ᐱᓕᕆᐊᕐᒥᒃ ᒥᓕᐊᙱᓐᓃᑦᑐᓂᒃ ᑮᓇᐅᔭᓂᑦ ᐱᓛᕐᓂᐊᕋᓱᒋᔭᐅᓪᓗᓂ ᑮᓇᐅᔭᑦ ᐊᑐᖅᑕᐅᓗᑎᑦ ᓄᓇᓕᒻᒥᐅᑦ ᓯᕗᓪᓕᐅᑎᖁᔭᖏᓐᓂᒃ. ᐃᖃᓗᐃᑦ ᓄᒃᑭᒃᓴᐅᑏᑦ ᐱᓕᕆᐊᖅ ᐃᑲᔪᕈᓐᓇᖅᑐᖅ ᐃᓄᖕᓂᒃ $2 ᐱᓕᐊᓐᓂᒃ ᑮᓇᐅᔭᓂᒃ ᐊᑐᕐᔭᐃᖅᓯᑎᑦᑎᓗᓂ ᐅᖅᓱᐊᓗᒃᓴᑦ ᐊᑭᖏᓐᓂᒃ ᐊᑐᖅᑕᐅᔪᓐᓇᕐᓂᓕᒫᖓᑕ ᐱᓕᕆᐊᑐᐊᖅ; $2 ᕕᓕᐊᓐ ᑮᓇᐅᔭᑦ ᐊᑐᖅᑕᐅᖔᕈᓐᓇᕋᔭᖅᑐᑎᑦ ᐃᒡᓗᓕᐅᕈᑕᐅᓗᑎᑦ, ᓂᕿᖃᑦᑎᐊᕐᓂᕐᒧᑦ ᐱᓕᕆᐊᕐᓄᑦ, ᐋᓐᓂᐊᕐᕕᓄᑦ, ᐊᒻᒪᓗ ᐃᓕᓐᓂᐊᕐᓂᓕᕆᓂᕐᒥᒃ. ᒫᓐᓇᐅᓕᕐᒪᑦ ᑐᑭᑖᖅᑎᑕᐅᓗᑎᑦ ᓯᕗᓪᓕᐅᑎᖁᔭᖏᑦ ᐸᖕᓂᖅᑑᕐᒥᐅᑦ ᖃᓄᖅ ᐃᑲᔫᑏᑦ ᑲᑐᔾᔭᐅᓂᐊᕐᒪᖔᕐᒥᒃ ᐱᓕᕆᐊᕐᒥᒃ. ᐅᖃᒃᑲᓐᓂᕐᓗᖓ: ᑐᑭᓯᒋᐊᕈᑏᑦ ᓄᐊᑕᐅᓛᖅᑐᑦ ᐸᕐᓇᐅᑎᒋᔭᐅᓂᖓ ᐱᕙᓪᓕᐊᒍᑎᒋᔭᐅᓂᖓᑕ 3−ᒧᑦ (2025-2027), ᐅᕙᑦᑎᓐᓂᓕᒫᖅ ᑐᑭᓯᐅᒪᓂᖃᑦᑎᐊᕐᓗᑕ ᐃᓱᒪᓕᐅᕈᑎᒋᔪᓐᓇᖅᑎᓛᕌᑎᒍᑦ ᑕᒪᔅᓱᒧᖓ ᐱᓕᕆᐊᕐᒧᑦ; ᑐᑭᓯᒋᐊᕈᑎᖃᖅᑎᓐᓇᑕᓕ, ᕿᑭᖅᑖᓗᒻᒥᐅᑦ ᐃᓄᖏᖕᓄᑦ ᐱᔨᑦᑎᕋᑲᒻᒪᒃᑲᔭᕋᑦᑕ, ᑐᑭᓯᒋᐊᕈᑎᖃᕆᐊᖃᖅᑐᑎᑦ ᐃᓱᒪᓕᐅᕈᓐᓇᖁᓪᓗᒋᑦ ᒪᓕᓪᓗᒋᑦ ᐱᑦᑎᐊᖅᓯᒪᔪᑦ ᑐᑭᓯᒋᐊᕈᑏᑦ ᐱᔾᔪᑎᓖᑦ ᑕᒪᒃᑮᓐᓂᒃ ᐊᒃᑐᐃᓂᖃᕈᓐᓇᕐᓂᖓᓂᒃ ᐊᒻᒪᓗ ᐃᑲᔫᑎᖃᕈᓐᓇᕐᓂᖓᓂᒃ ᐱᓕᕆᐊᑉ. ᓯᕗᒧᐊᓐᓂᖅ ᓯᑏᕝᕙ 2025−ᖑᑎᓪᓗᒍ ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕇᓴᙵ (ᓇᒻᒥᓂᖁᑎᒋᔭᐅᔪᖅ ᑖᒃᑯᓄᖓ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ) ᑐᑭᓯᐅᒪᖃᑎᒌᓐᓂᕐᒧᑦ ᐊᖏᖃᑎᖃᓚᐅᖅᓯᒪᔪᑦ ᖁᓪᓕ ᐆᒻᒪᖅᑯᑎᓕᕆᔨᒃᑯᑦ ᑯᐊᐳᕇᓴᙵᓂᒃ ᐃᖃᓗᓐᓂ ᑰᖕᒥᒃ ᐊᑐᕐᓗᑎᑦ ᐆᒻᒪᖅᑯᑎᓕᐅᕐᓂᑉ ᐱᓕᕆᐊᖓᓂᒃ. ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐱᐅᔪᒃᑯᑦ ᐃᖅᑲᓇᐃᔭᖃᑎᖃᑦᑎᐊᓲᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑯᐊᐳᕆᓴᙵᑕ ᑭᒡᒐᖅᑐᐃᔨᖏᖕᓂᒃ ᐊᒻᒪᓗ ᓄᓇᕗᑦ ᒐᕙᒪᖏᖕᓂᒃ ᐊᒻᒪᓗ ᓂᕆᐅᓐᓂᖃᑦᑎᐊᖅᑐᒍᑦ ᐃᖅᑲᓇᐃᔭᖃᑎᒌᓐᓴᕐᓂᐊᕋᑦᑎᒋᑦ ᓂᕈᐊᖅᑕᐅᓯᒪᔫᓪᓗᑎᑦ ᒪᓕᒐᓕᐅᖅᑎᐅᓪᓗᑎᑦ ᐸᖕᓂᖅᑑᕐᒥ ᑭᒡᒐᖅᑐᐃᓪᓗᑎᑦ. ᑐᙵᓱᐊᑎᑉᐸᕗᑦ ᑲᑎᒪᖃᑎᒋᔪᓐᓇᓛᕐᓂᑦᑎᓐᓂᒃ ᐱᓇᓱᐊᕈᓯᓂᒃ ᐊᒡᒋᖅᑐᓂ ᐅᖃᐅᓯᖃᕐᓗᑕ ᐱᓕᕆᐊᑉ ᒥᒃᓵᓄᑦ ᐊᒻᒪᓗ ᓇᓗᓇᐃᕐᓗᒋᑦ ᐋᖅᑭᒍᑎᒃᓴᐅᔪᑦ ᓯᕗᓪᓕᐅᑎᖁᔭᑦᑕ. ᑐᙵᓱᐊᑎᒃᑭᕙᕗᑦ ᐱᕕᖃᕐᓂᕗᑦ ᓂᐅᕐᕈᕕᒋᓛᕐᓗᒍ ᐊᐅᒃᑲᕐᓂᓕᒃ ᑮᓇᐅᔭᓕᐅᕋᓱᐊᖅᑐᑎᑦ ᐃᖃᓗᓕᕆᓂᖅ ᐱᒋᐊᖅᐸᑦ, ᑕᐃᒪᐃᖁᔨᓯᒪᓪᓗᑎᑦ. ᖁᔭᓐᓇᒦᒃᑲᓐᓂᖅᐸᑦᑎᒋᑦ ᐊᔭᐅᕆᒐᕕᑦ ᑭᒡᒐᖅᑐᖅᑐᒋᑦ ᐸᖕᓂᖅᑑᕐᒥᐅᑦ ᐊᒻᒪᓗ ᓂᕆᐅᑉᐳᖓ ᐃᖅᑲᓇᐃᔮᖃᓛᕋᑦᑕ ᒪᑭᒪᓇᖅᑐᒥᒃ ᓯᕗᓂᒃᓴᒥ ᐅᕙᒎᓗᑕ ᑭᒡᒐᖅᑐᕐᓗᒋᑦ ᐃᓄᐃᑦ. ᑎᑎᕋᖅᑐᖅ, ᐅᓛᔪᖅ ᐊᑭᓱᒃ ᐊᖓᔪᖅᑳᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ CC: ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᑲᑎᒪᔨᖏᑦ ᕼᐃᐅᕆ ᕕᓕᐅᕆᑎ − ᐊᖓᔪᖅᑳᖅ ᐊᒻᒪᓗ ᐊᐅᓚᑦᓯᔨᒻᒪᕆᒃ, ᕿᑭᖅᑖᓗᒃ ᑯᐊᐳᕇᓴᓐ ᐊᒻᒪᓗ ᑲᒻᐸᓂᖁᑎᖏᑦ ᓯᕗᓕᖅᑎ ᔮᓐ ᒪᐃᓐ − ᓄᓇᕗᑦ ᓯᕗᓕᖅᑎᖓ ᐊᖓᔪᖅᑳᖅ ᒍᐃᓐ ᕼᐄᓕ ᐊᕿᐊᕈᖅ, ᒪᓕᒐᓕᐅᖅᑎ ᐃᖃᓗᐃᑦ ᒪᓂᕋᔭᒻᒧᑦ ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ, ᒪᓕᒐᓕᐅᖅᑎ ᐃᖃᓗᐃᑦ, ᓂᐊᖁᙴ ᐊᖓᔪᖅᑳᖅ ᐱᑦᓯᐅᓛᖅ ᐳᕉᔅᑐ, ᒪᓕᒐᓕᐅᖅᑎ ᐃᖃᓗᐃᑦ ᓯᓈᓄᑦ ᐊᖓᔪᖅᑳᖅ ᔪᐊᔾ ᕼᐃᒃᔅ, ᒪᓕᒐᓕᐅᖅᑎ ᐃᖃᓗᐃᑦ ᑕᓯᓗᒻᒧᑦ ᐃᓚᓕᐅᑎᓯᒪᔪᑦ: ᐅᐃᒍᖓ ᐃ: ᐃᖃᓗᐃᑦ ᓄᒃᑭᒃᓴᐅᑏᑦ ᐱᓕᕆᐊᖅ ᑐᓴᕆᐊᕐᕕᖃᕐᓂᕐᒧᑦ ᓇᐃᓈᖅᓯᒪᓂᖏᑦ

Document details

Collection	Nunavut — Committees
Citation	TD-18-7(2)-IN
Type	statute
Volume / chapter	TD 018 7(2) IN QIA Letter Nukkiksautiit Hydroelectric Project
Language	en
Format	pdf
Source	TERRITORIAL
Identifier	9c4b547de39ce78d8b0c42ce9364a4cf5ac24495

Source file is stored in the law ingest library (pdf).