ᒪᓕᒐᓕᐅᕐᕕᒻᒥ ᑲᑎᒪᔾᔪᑎᒥᓃᑦ ᐋᖅᑭᒋᐊᖅᓯᒪᓐᖏᑦᑐᑦ ᓇᕿᑦᑕᖅᑕᐅᓯᒪᔪᑦ ᐅᓪᓗᑐᐃᓇᖅ, ᒪᐃ 29, 2026 ᐃᖃᓗᐃᑦ, ᓄᓇᕗᑦ ᐋᖅᑭᒋᐊᕈᑎᑦ: ᐊᑏ ᐅᑎᖅᑎᓯᐅᒃ ᐋᖅᑭᒋᐊᖅᑕᐅᔪᐃᑦ ᑎᑎᕋᖅᑎᒧᑦ ᐅᕝᕙᓘᓐᓃᑦ ᑐᖏᓕᐊᓄᑦ ᒪᓕᒐᓕᐅᕐᕕᒻᒥ ᑲᑎᒪᔾᔪᑎᒥᓃᑦ ᓇᕿᔾᔪᑕᐅᓐᖏᓚᑦ ᑐᑭᓕᐊᖅᑕᐃᓐᓇᕆᓗᒋᑦ ᒪᓕᒐᓕᐅᖅᑏᑦ ᐊᐃᕙᓂᖏᑦ. ᓇᕿᑕᐅᓯᒪᑐᐃᓐᓇᖅᑐᐃᑦ ᐅᖃᐅᓯᐅᓪᓗᐊᑕᖅᑐᑦ. ᐅᖃᖅᑕᐅᒃᑲᓂᖅᑐᒥᒃ ᐊᓯᐊᑎᒍᓪᓘᓐᓃᑦ ᓲᕐᓗ ᓇᓗᓇᐃᖅᑕᐅᔪᖃᒃᑲᓐᓂᕆᐊᖃᖅᐸᑦ ᐋᖅᑭᒋᐊᖅᑕᐅᔪᓐᓇᖅᑐᑦ ᑭᓇᑐᐃᓐᓇᖅ ᒪᓕᒐᓕᐅᕐᕕᒻᒥ ᑲᑎᒪᔾᔪᑎᓂᑦ ᐅᖃᓕᒫᖅᑐᑦ ᓱᖅᑯᐃᒪᓂᐊᕐᒪᑦ ᐅᖃᖅᑕᒥᓂᕐᒥᒃ. ᑲᑎᒪᐅᑎᒥᓂᓕᕆᔪᑦ ᐅᖃᓕᒫᕋᓐᓂᑦᑎᑦᓯᔭᕆᐊᓖᑦ ᐊᔾᔨᒌᑉᐸᓐᖏᒻᒪᑎᒃ ᐅᖃᖅ ᑕᐅᔪᖅ ᑎᑎᕋᖅᓯᒪᔪᕐᓗ. ᐊᐃᕙᔾᔪᑎᒥᓃᑦ, ᓯᑎᐱᕆ 20, 1983, ᒪᑉᐱᑐᒐᖓ 27299. ᐴᓯᔅᓂᐅᑉ 6-ᖓᓐᓂᒃ ᓇᕿᑕᐅᔾᔪᑎᖓ, ᑎᓕᓯᔾᔪᑎᒃ 55

ᓄᓇᕗᑦ ᒪᓕᒐᓕᐅᕐᕕᖓ ᐅᖃᖅᑎ ᐊᖓᔪᖅᑳᖅ ᑕᐃᕕᑎ ᔪᐊᓇᓯ (ᕿᑭᖅᑖᓘᑉ ᓂᒋᐊ) ᐊᐅᓚᑦᑎᔩᑦ ᐊᓪᓚᑦᑎᐅᑲᐃᓐᓇᖅᑐᖅ ᐊᓪᓚᑦᑎᐅᑉ ᑐᓪᓕᐊ ᓯᑏᕙᓐ ᐃᓄᒃᓱᒃ ᕙᓐᑎ ᐱᐊᓐᔅ ᐊᓪᓚᑦᑎᐅᑉ ᐃᑲᔪᖅᑎᖓ ᖂᔪ ᓄᓱᑦᑕᖅ ᒪᓕᒐᓕᕆᔨ ᒪᐃᑯᓪ ᓵᓐᑐᓗ ᐃᖅᓱᖅᑎ ᒪᓕᒃᑐ ᓄᓱᑦᑕᖅ ᑲᑎᒪᐅᑎᓂᒃ ᐋᖅᑭᒃᓱᐃᔩᑦ ᐅᖃᐅᓯᕐᒥᒃ ᐅᖃᐅᓯᕐᒧᑦ ᑎᒥᖓᑦ ᑎᑎᖅᑲᒃᑯᕕᒃ 1200 ᐃᖃᓗᐃᑦ, ᓄᓇᕗᑦ X0A 0H0 ᐅᖄᓚᐅᑖ (867) 975-5000 ᓱᒃᑲᕈᑖ (867) 975-5190 ᐊᑭᖃᓐᖏᑦᑐᖅ (877) 334-7266 ᐊᖓᔪᖅᑳᖅ ᒍᐊᐃᓐ Hᐄᓕ ᐊᕿᐊᕈᖅ (ᐃᖃᓗᐃᑦ−ᒪᓂᕋᔭᒃ) ᒥᓂᔅᑕ ᐃᓄᓕᕆᔨᒃᑯᓐᓄᑦ;ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂᑦ; ᒥᓂᔅᑕ ᑲᒪᒋᔭᖃᖅᑐᖅ ᐊᖏᕐᕋᖃᖏᓐᓂᕐᒥᒃ; ᒥᓂᔅᑕ ᑲᒪᒋᔭᖃᖅᑐᖅ ᐊᒃᖢᓂᕐᒥᒃ ᒥᒃᖠᒋᐊᖅᑎᑦᑎᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐊᕐᓇᐃᑦ ᑲᑎᒪᔨᖏᓐᓂᒃ; ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ (ᐃᖃᓗᐃᑦ-ᓂᐊᖁᙴ) ᒐᕙᒪᒃᑯᑦ ᓯᕗᒃᑲᖅᑕᖅᑎᖓ; ᒥᓂᔅᑕ ᐃᓕᓐᓂᐊᖅᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓯᓚᑦᑐᖅᓴᕐᕕᖕᒥᒃ ᕼᐋᓇ ᐊᖑᑎᐊᓗᒃ (ᐊᐃᕕᓕᒃ) ᐃᐊᑦᕗᑦ ᐊᑕᒍᑦᑖᓗᒃ (ᐊᒡᒍ) ᐊᖓᔪᖅᑳᖅ ᔮᓂᑦ ᐳᕉᔅᑐ (ᐃᖃᓗᐃᑦ-ᓯᓈ) ᒥᓂᔅᑕ ᐋᓐᓂᐊᖃᕐᓇᓐᖏᑦᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᐊᖓᔪᖅᑳᖅ ᔪᐊᔾ Hᐃᒃᔅ (ᐃᖃᓗᐃᑦ-ᑕᓯᓗᒃ) ᓄᓇᕗᒻᒧᑦ ᓯᕗᓕᖅᑎᐅᑦ ᑐᖓᓕᖓ; ᒥᓂᔅᑕ ᒪᓕᒐᓕᕆᓂᕐᒧᑦ; ᒥᓂᔅᑕ ᐃᖏᕐᕋᔪᓕᕆᓂᕐᒧᑦ ᒪᑭᒪᐅᑎᓄᓪᓗ; ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑐᓕᕆᓂᕐᒧᑦ ᑲᑎᒪᔨᓂᒃ; ᒥᓂᔅᑕ ᑲᒪᒋᔭᖃᖅᑐᖅ ᐃᓄᐃᑦ ᐱᔪᓐᓇᐅᑎᖏᓐᓄᑦ ᑲᑎᒪᔨᓂᒃ ᔭᐃᒥ ᖃᑉᓗᑦᓯᐊᖅ (ᐊᕐᕕᐊᑉ ᓂᒋᐊ) ᕗᕆᐊᑦ ᐲᑕᓴᓐ (ᐃᖃᓗᒃᑑᑦᑎᐊᖅ) ᒍᐊᑕᓐ ᑲᐅᑕᒃ (ᐅᖅᑯᒻᒥᐅᑦ) ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓄᓂᖅ) ᒥᓂᔅᑕ ᐃᓕᖅᑯᓯᓕᕆᔨᒃᑯᑦ; ᒥᓂᔅᑕ ᐅᖃᐅᓯᓕᕆᓂᕐᒧᑦ; ᒥᓂᔅᑕ ᐊᕙᑎᓕᕆᓂᕐᒧᑦ; ᒥᓂᔅᑕ ᐆᒻᒪᖅᑯᑎᓕᕆᓂᕐᒧᑦ ᓴᐃᒪᓐ ᖁᓕᒃᑖᓇ (ᖁᕐᓗᖅᑑᖅ) ᐊᖓᔪᖅᑳᖅ ᓯᓯᐅᓪ ᓂᐅᓪᕙᓇ ᓚᐃᔪᓪ (ᓇᑦᓯᓕᒃ) ᒥᓂᔅᑐ ᑲᒪᒋᔭᖃᖅᑐᖅ ᓄᓇᕘᑉ ᐃᒡᓗᓕᕆᔨᕐᔪᐋᒃᑯᖏᓂ ᐊᖓᔪᖅᑳᖅ ᐋᕐᓗᒃ ᒪᐃᓐ (ᐊᕐᕕᐊᑉ ᐅᐊᓐᓇᖓ-ᑎᑭᕌᕐᔪᐊᖅ) ᓯᕗᓕᖅᑎ ᓄᓇᕗᒻᒥ; ᒥᓂᔅᑕ ᓯᕗᓕᖅᑎᓄᑦ ᒐᕙᒪᐅᖃᑎᒌᒃᑐᓕᕆᔨᒃᑯᓐᓄᓪᓗ; ᒥᓂᔅᑕ ᑮᓇᐅᔭᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᖃᖅᑳᖅᓯᒪᔪᓕᕆᓂᕐᒥᒃ; ᒥᓂᔅᑕ ᑲᒪᒋᔭᖃᖅᑐᖅ ᑲᓇᑕᐅᑦ ᓯᓚᑖᓃᖖᒑᖅᑐᓄᑦ; ᒥᓂᔅᑕ ᑲᒪᒋᔭᖃᖅᑐᖅ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᓐᓇᕐᓂᒃ; ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᒥᓴᓐ; ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᑎᒪᔨᖏᓐᓄᑦ; ᔮᓂ ᒪᐃᒃ (ᐸᓐᓂᖅᑑᖅ) ᑕᐃᕕᑦ ᐳᐊᑐ (ᐅᖅᓱᖅᑑᖅ) ᐊᐃᕝᕙᓚᕼᐋ ᖃᒪᓂᖅ (ᐊᒥᑦᑐᖅ) ᑖᓂᐅᓪ ᖃᕝᕕᒃ (ᑕᓯᐅᔭᕐᔪᐊᖅ) ᐋᓕᒃᓵᓐᑐ ᓴᒻᒧᖅᑐᖅ (ᑲᖏᖅᖠᓂᐅᑉ ᐅᐊᓐᓇᖓ-ᐃᒡᓗᓕᒑᕐᔪᒃ) ᐃᓐᓇᖓᔪᖅ ᖂᑭᐊᖅ (ᓇᑦᓯᓕᒃ) ᐋᓕᒃᓵᓐᑐ ᓴᒻᒧᖅᑐᖅ (ᑲᖏᖅᖠᓂᐅᑉ ᐅᐊᓐᓇᖓ-ᐃᒡᓗᓕᒑᕐᔪᒃ) ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᖃᒪᓂᑦᑐᐊᖅ) ᒥᓂᔅᑕ ᓄᓇᓕᖕᓂ ᒐᕙᒪᒃᑯᓂᓪᓗ ᐱᔨᑦᑎᖅᑎᒃᑯᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᒃ; ᒥᓂᔅᑕ ᑲᒪᒋᔭᖃᖅᑐᖅ ᐅᔭᕋᖕᓂᐊᕐᓂᕐᒧᑦ; ᒥᓂᔅᑕ ᑕᐅᖅᓯᕋᕐᓂᕐᒥᒃ ᐱᓕᕆᐊᒃᓴᓕᒃ; ᐊᖓᔪᖅᑳᖅ ᐋᓂ ᑕᑦᑐᐃᓂ (ᑲᖏᖅᖠᓂᐅᑉ ᓂᒋᐊ) ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐊᒃᑯᒫᓂᒃ ᖃᐅᔨᓴᖅᑏᑦ ᓯᑏᕙᓐ ᑕᖅᑐ (ᖁᑦᑎᒃᑐᕐᒃ)

ᖃᕋᓴᐅᔭᑎᒍᑦ ᑐᕌᕈᑎᖓᑦ: www.assembly.nu.ca

ᐃᓗᓕᖏᑕ ᓇᓕᖅᑲᖏᑦ ᑐᒃᓯᐊᕐᓂᕐᒧᑦ ᒪᑐᐃᖅᑕᐅᓂᖓ ............................................................................................................................................... 1 ᒥᓂᔅᑕᐃᑦ ᐅᖃᐅᓯᒃᓴᖏᑦ ........................................................................................................................................................ 1 ᒪᓕᒐᓕᐅᖅᑏ ᐅᖃᐅᓯᒃᓴᖏᑦ ................................................................................................................................................. 7 ᑭᐅᔾᔪᑎ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᒧᑦ ........................................................................................................................ 9 ᐃᓕᓴᖅᓯᓂᖅ ᐳᓛᕆᐊᖅᓯᒪᔪᓂᑦ ᒪᓕᒐᓕᐅᕐᕕᖕᒧᑦ .......................................................................................................... 10 ᐅᖃᐅᓯᒃᑯᑦ ᐊᐱᖅᑯᑏᑦ ......................................................................................................................................................... 10 ᑲᑎᒪᔨᕋᓛᑦ ᑕᒪᐃᓐᓄᑦ ᒪᓕᒐᒃᓴᓄᑦ ᐊᓯᖏᓐᓂᓪᓗ ᐃᓱᒪᖅᓴᖅᓯᐅᕐᓂᖏᑦ ................................................................... 21 ᑲᑎᒪᔨᕋᓛᑦ ᐃᓱᒪᖅᓴᖅᓯᐅᕐᓂᖏᑕ ᐅᓂᒃᑳᖏᑦ ................................................................................................................ 39 ᑲᑎᒪᔾᔪᑎᒃᓴᐃᑦ ....................................................................................................................................................................... 39

ᐃ. ᖃᐅᑕᒫᒧᑦ ᖃᐅᔨᒋᐊᕈᑎᑦ ᐅᓪᓗᑐᐃᓇᖅ, ᒪᐃ 29, 2026 .............................................................................................................................................. 1 ᐅ. ᐊᖓᔪᖅᑳᑦ ᐅᓂᒃᑳᖏᑦ 34 – 7(2): ᒥᓂᔅᑕᐃᑦ ᐅᓪᓗᒥ ᐅᐸᒍᑎᓯᒪᙱᑦᑐᓐ ᐃᒡᓗᒧᑦ (ᐊᕿᐊᕈᖅ/ᓯᒪᐃᓚᒃ) ..................................................... 1 35 – 7(2): ᑎᒃᑯᐊᖅᓯᓂᖅ ᐸᓖᓯᒃᑯᑦ ᐊᔪᖅᑳᒻᒪᕆᐊᓂᒃ ᓴᐃᒪᓐ ᑑᒪᑦ (ᕼᐃᒃᔅ) ............................................................. 1 36 – 7(2): ᐊᑑᑎᖃᓐᓂᖓ ᖃᓂᒻᒪᓯᖃᖅᑕᐃᓕᓂᐅᑉ ᐅᓗᕆᐋᓇᔾᔭᐃᒃᑯᑎᓪᓗ ᓴᓇᕝᕕᖕᓂ (ᑕᑦᑐᐃᓂ) ................... 2 37 – 7(2): ᐅᖅᓱᖅᑑᒥ ᐃᖅᑲᓇᐃᔭᖅᑎᖏᑦ ᓄᓇᓕᖓᓪᓗ ᐃᓕᓴᕆᔭᐅᓂᐊ (ᕼᐄᓕ-ᐊᕿᐊᕈᖅ) .............................. 3 38 – 7(2): ᐃᓕᓴᖅᓯᓂᖅ ᓄᓇᕘᒥ ᑕᕐᕆᔭᐅᓯᐅᖅᑎᓂᒃ ᑕᑲᓇᓂ ᑲᓇᑕᐅᑉ ᑕᕐᕆᔭᒐᓄᑦ ᐃᓕᓴᖅᓯᔾᔪᑎᖏᒍᑦ (ᓯᒪᐃᓚᒃ) .......................................................................................................................................................................... 4 39 – 7(2): ᐅᓕᐅᑦ ᐃᓯᒃᑖᔪᒃ 50 ᐊᕐᕌᒍᓄᑦ ᐱᔨᑦᑎᖅᓯᒪᓂᐊ ᐱᓕᕆᕝᕕᐊᓂ ᐃᓕᓐᓂᐊᖅᑐᓕᕆᔨᒃᑯᑦ (ᐊᕿᐊᕈᖅ/ᒪᐃᓐ) ............................................................................................................................................................. 5 40 – 7(2): ᐊᖏᔪᑎ ᐅᖅᓱᐋᓗᒻᒧᑦ ᐱᖁᑎᕐᔪᐊᖏᓄᑦ ᖃᑦᑕᐅᔮᓗᐃᓪᓗ ᐊᖏᓕᒋᐊᕈᑎᖏᑦ (ᕼᐃᒃᔅ) ..................... 6 ᐊ. ᒪᓕᒐᓕᐅᖅᑏᑦ ᐅᓂᒃᑳᖏᑦ 47 – 7(2): ᖁᓪᓗᖅᑑᒥ ᐊᓂᒍᐃᔪ ᐃᓕᓐᓂᐊᖅᑎᓐ (ᖁᓕᒃᑖᓇ) ..................................................................................... 7 48 – 7(2): ᐊᓈᓇᒐ ᓇᓪᓕᐊᓐᓂᖅᓯᐅᑦᑎᐋᓕ ᐅᓪᓗᒥ (ᐲᑕᓴᓐ) .................................................................................... 8 49 – 7(2): ᓄᓇᕘᑉ ᓄᓇᖏᓂᒃ ᐊᑐᖅᑕᐅᔪᒃᓴᓄᑦ ᐸᕐᓇᐅᑖᓄᑦ (ᒪᐃᒃ) ....................................................................... 8 ᐱ. ᑭᐅᔾᔪᑎ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᒧᑦ ᑭᐅᔾᔪᑎ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᒧᓐ 24– 7(2): ᒥᑦᑕᕐᕕᒃᑎᓐᓂ ᐱᖁᑎᕐᔪᐋᓄᑦ (ᕼᐃᒃᔅ)................................9 ᑭᐅᔾᔪᑎ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᒧᓐ 31– 7(2): ᐅᖅᓱᖅᑑᒥ ᐆᒻᒪᖅᑯᑎᖃᕝᕕᐊᑕ ᐊᐅᓚᑎᖃᕝᕕᖓ (ᕼᐄᓕ- ᐊᕿᐊᕈᖅ) ......................................................................................................................................................................................9

ᐳ. ᐅᖃᐅᓯᒃᑯᑦ ᐊᐱᖅᑯᑎᑦ 55 – 7(2): ᐃᓄᐃᑦ ᐃᖅᑲᓇᐃᔭᖅᑎᐅᔪᓄᑦ (ᐲᑐᓴᓐ) ..................................................................................................... 10 56 – 7(2): ᓄᓇᕘᑉ ᓄᓇᖏᓂᒃ ᐊᑐᖅᑕᐅᔪᒃᓴᓄᑦ ᐸᕐᓇᐅᑖᓄᑦ (ᒪᐃᒃ) ..................................................................... 12 57 – 7(2): ᐱᓕᕆᐊᖏᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑕ (ᖃᒪᓂᖅ) ......................................................... 14 58 – 7(2): ᑕᕆᐅᕐᒥ ᐱᖁᑎᕐᔪᐊᕆᔭᑦᑎᓐᓄᑦ (ᖃᑉᓗᑦᓯᐊᖅ) ......................................................................................... 16 59 – 7(2): ᒥᑦᑕᕐᕕᒃᑎᓐᓂ ᐱᖁᑎᕐᔪᐋᓄᑦ (ᖃᕝᕕᒃ) ....................................................................................................... 18 60 – 7(2): ᐋᓐᓂᐊᖅᑐᓕᕆᓂᐅᑉ ᐱᖁᑎᕐᔪᐋᖏᓄᑦ (ᖁᓕᒃᑖᓇ) ................................................................................ 19 61 – 7(2): ᓄᓇᕘᒥ ᐃᓕᓴᐃᔨᒃᓴᓄᑦ ᐃᓕᓐᓂᐊᕈᑎᐊ ᑕᑯᒃᓴᐅᑎᑕᖓᓄᑦ (ᖃᕝᕕᒃ) ................................................. 20 ᐸ. ᒪᓕᒐᒃᓴᐃᑦ ᒪᓕᒐᒃᓴᖅ 1 – 7(2): ᑮᓇᐅᔭᖅᑐᕈᑏᑦ ᐅᑯᓐᓂᖅᓱᖅᑐᑦ (ᐊᐅᓚᔾᔪᑏᑦ ᒪᑭᒪᐅᑏᓪᓗ) ᐱᖁᔭᖅ, 2026 – 2027 - ᑲᑎᒪᔨᕋᓛᑦ ᐃᓱᒪᒃᓴᖅᓯᐅᓐᓂᖏᑦ ............................................................................................................................... 21

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 1 ᐃᖃᓗᐃᑦ, ᓄᓇᕗᑦ ᐅᓪᓗᑐᐃᓇᖅ, ᒪᐃ 29, 2026 ᒪᓕᒐᓕᐅᖅᑏᑦ ᐅᐸᒃᑐᑦ: ᐊᖓᔪᖅᑳᖅ ᒍᐃᐊᓐ ᕼᐄᓕ−ᐊᕿᐊᕈᖅ, ᒥᔅ ᕼᐋᓇ ᐊᖑᑎᐊᓗᒃ, ᒥᔅᑕ ᐃᐊᑦᕗᑦ ᐊᑕᒍᑦᑖᓗᒃ, ᐊᖓᔪᖅᑳᖅ ᔮᓂᑦ ᐱᑦᓯᐅᓛᖅ, ᐊᖓᔪᖅᑳᖅ ᔪᐊᔾ ᕼᐃᒃᔅ, ᐊᖓᔪᖅᑳᖅ ᑕᐃᕕᑎ ᔪᐊᓇᓯ, ᐊᖓᔪᖅᑳᖅ ᒍᐊᑕᓐ ᑲᐅᑐᒃ, ᐊᖓᔪᖅᑳᖅ ᐳᕋᐃᔭᓐ ᑯᓄᒃ; ᒥᔅᑕ ᓴᐃᒻᒪ ᑯᓕᒃᑖᓇ, ᐊᖓᔪᖅᑳᖅ ᓯᓯᐅᓪ ᓂᐅᓪᕚᓇ ᓚᐃᔪᓪ, ᐊᖓᔪᖅᑳᖅ ᐋᕐᓗᒃ ᒪᐃᓐ, ᒥᔅᑕ ᔮᓂ ᒪᐃᒃ, ᒥᔅᑕ ᕗᕆᐊᑦ ᐲᑕᓴᓐ, ᒥᔅᑕ ᑕᐃᕕᑦ ᐳᐊᑐ, ᒥᔅᑕ ᐊᐃᕙᓚᕼᐋᒻ ᖃᒪᓂᖅ, ᒥᔅᑕ ᑖᓂᐅᓪ ᖃᕝᕕᒃ, ᒥᔅᑕ ᐋᓕᒃᓵᓐᑐ ᓴᒻᒧᖅᑐᖅ, ᒥᔅᑕ ᓯᑏᕙᓐ ᑕᖅᑐ, ᐊᖓᔪᖅᑳᖅ ᐋᓂ ᑕᑦᑐᐃᓂ. >>ᑲᑎᒪᓯᒋᐊᖅᑐᑦ 10:00ᒧᐊᖅᑎᓪᓗᒍ ᑲᑎᒪᔾᔪᑎᒃᓴᖅ 1: ᑐᒃᓯᐊᕐᓂᕐᒧᑦ ᒪᑐᐃᖅᑕᐅᓂᖓ ᐅᖃᖅᑎ: ᐅᓪᓛᒃᑯᑦ. ᑲᑎᒪᒋᐊᙱᓐᓂᑦᑎᓐᓂ, ᒥᓂᔅᑕ ᓯᒪᐃᓚᒃ ᑐᑦᓯᐊᕐᓂᒃᑯᑦ ᒪᑐᐃᖅᓯᒍᓐᓇᕈᕕᑦ ᐊᐱᕆᕙᒋᑦ. >>ᑐᒃᓯᐊᖅᑐᑦ ᐅᖃᖅᑎ: ᐅᓪᓛᒃᑯᑦ ᓄᓇᕗᒻᒥᐅᑦ, ᒪᓕᒐᓕᐅᖅᑏᑦ. ᓯᓚᑦᓯᐊᕙᒻᒪᕆᐊᓘᑎᓪᓗᒍ ᑕᒫᓂ ᐃᖃᓗᓐᓂ. ᐊᒻᒪᓗ ᐱᒋᐊᙱᓐᓂᑦᑎᓐᓂ ᐅᐱᒍᓱᒍᒪᕗᖓ ᓄᑲᕋ, ᖃᖏᐊᖅᑖᕋᒪ ᓄᑲᕋ ᐃᕐᓂᑖᓚᐅᕐᒪᑦ ᐅᓪᓛᖅ ᖁᕕᐊᒃᑯᑎᑦᓯᐊᖅᑲᕋ. 7 ᐸᐅᓐ 8 ᐊᐅᓐᔅᖑᓪᓗᓂ. >>ᐸᒃᑕᑐᖅᑐᑦ ᐅᖃᖅᑎ: ᑲᑎᒪᔾᔪᑎᑦᑎᓐᓄᑦ, ᓈᓴᐅᑎᖓ 2, ᓯᕗᓕᖅᑎᐅᓚᐅᑲᒃᑐᖅ ᓯᒪᐃᓚᒃ. ᑲᑎᒪᔾᔪᑎᒃᓴᖅ 2: ᒥᓂᔅᑕᐃᑦ ᐅᖃᐅᓯᒃᓴᖏᑦ ᒥᓂᔅᑕᑉ ᐅᖃᐅᓯᖓ 34 – 7(2): ᒥᓂᔅᑕᐃᑦ ᐅᓪᓗᒥ ᐅᐸᒍᑎᓯᒪᙱᑦᑐᓐ ᐃᒡᓗᒧᑦ (ᐊᕿᐊᕈᖅ/ᓯᒪᐃᓚᒃ) ᐊᖓᔪᖅᑳᖅ ᒍᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᐅᓪᓛᒃᑯᑦ ᐅᖃᖅᑏ. ᖃᒪᓂᑦᑐᐊᕐᒥᐅᓪᓗ ᓄᓇᕗᒻᒥᐅᑦ ᐅᓪᓛᒃᑯᑦ. ᐱᓇᓱᐊᕈᓯᐅᑉ ᓄᙳᐊᓂ ᓄᙳᖃᑦᑎᐊᕐᓂᐊᖅᐳᑎᑦ. ᐅᖃᖅᑏ, ᑐᓴᖅᑎᑦᑎᔪᒪᒐᒪ ᔮᓇᑦ ᐳᕉᔅᑐ ᑕᕝᕙᓃᔾᔮᙱᒻᒪᑦ ᐅᓪᓗᒥ ᒪᓕᒐᓕᐅᕐᕕᖕᒥᑦ ᐊᐅᓪᓚᖅᓯᒪᖕᒪᑦ. ᒥᓂᔅᑕ ᑯᓄᒃ ᑕᒫᓃᔾᔮᙱᒻᒪᑦ ᖃᓂᒪᖕᒪᑦ. ᒥᓂᔅᑕ ᔪᐊᔾ ᕼᐃᒃᔅ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᒥᓂᔅᑕᕆᔭᐅᑲᐃᓐᓇᕐᓂᐊᖅᑐᖅ ᑕᒫᓃᙱᓐᓂᖓᓂᒃ ᒥᓂᔅᑕ ᑕᐃᓐᓇ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ, ᒥᓂᔅᑕᐃᑦ ᐅᖃᐅᓯᖏᑦ. ᒪᓕᒐᓕᕆᔨᒃᑯᓐᓄᑦ, ᒥᓂᔅᑕ ᕼᐃᒃᔅ. ᒥᓂᔅᑕᑉ ᐅᖃᐅᓯᖓ 35 – 7(2): ᑎᒃᑯᐊᖅᓯᓂᖅ ᐸᓖᓯᒃᑯᑦ ᐊᔪᖅᑳᒻᒪᕆᐊᓂᒃ ᓴᐃᒪᓐ ᑑᒪᑦ (ᕼᐃᒃᔅ) ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᐅᖃᖅᑎᑦᑎᔩ, ᐅᓪᓗᒥ ᓂᑯᕕᑉᐳᖓ ᐅᖃᐅᓯᖃᕈᒪᓪᓗᖓ ᐱᒻᒪᕆᐅᔪᒥᒃ ᐱᕙᓪᓕᐊᓂᐅᔪᒥᒃ ᒪᓕᒐᓕᕆᔨᒃᑯᓐᓄᑦ ᐊᒻᒪᓗ ᐸᓖᓯᒃᑯᓐᓄᑦ ᓄᓇᕗᒻᒥ. ᖁᕕᐊᓱᒃᐳᖓ ᑐᓴᖅᑎᑦᑎᔪᓐᓇᕋᒪ ᑎᒃᑯᐊᖅᑕᐅᓂᖓᓂᒃ ᐊᖓᔪᖅᑳᒻᒪᕆᒃ ᓴᐃᒪᓐ ᒪᒃᑑᒪᑦ ᖁᑦᑎᒃᑐᒦᓐᓂᖅᓴᒧᑦ ᐃᓂᒧᑦ ᐱᕋᔭᒃᐸᒃᑐᓄᑦ ᐊᐅᓚᑦᑎᔨᓄᑦ ᐱᓕᕆᔨᒋᔭᐅᓪᓗᓂ ᓄᓇᕗᒻᒥ ᐸᓖᓯᒃᑯᑦ “V”-ᒥᐅᑕᓄᑦ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 2 ᓴᐃᒪᓐ ᐋᓪᓚᐅᙱᑦᑐᖅ ᓄᓇᕗᒻᒧᑦ, ᓄᓇᖃᖅᓯᒪᓪᓗᓂ ᐊᕐᕕᐊᓂ, ᖃᐅᓱᐃᑦᑐᒥ, ᒥᑦᑎᒪᑕᓕᖕᒥ ᐊᒻᒪ ᐃᖃᓗᖕᓂ 1974-ᒥᑦ 1997-ᒧᑦ. ᓴᐃᒪᓐ ᐱᔭᕇᓚᐅᖅᑐᖅ ᐃᓕᓐᓂᐊᕐᕕᐊᓗᖕᒥ ᐃᖃᓗᖕᓂ ᐊᒻᒪᓗ ᐱᔭᕇᕋᒥ ᓯᓚᑦᑐᖅᓴᕐᕕᒡᔪᐊᕐᒥ, ᓴᐃᒪᓐ ᐅᑎᓚᐅᖅᑐᖅ ᒥᑦᑎᒪᑕᓕᖕᒧᑦ ᐃᓕᓴᐃᔨᐅᓪᓗᓂ ᐊᐅᔭᒃᑯᑦ ᐃᓕᓐᓂᐊᖅᑎᐅᓚᐅᖅᑳᕋᓂ ᐸᓖᓯᒃᑯᓐᓄᑦ ᐊᒻᒪᓗ ᐊᐅᓪᓚᓕᖅᑐᓂ ᐊᓪᓚᕝᕕᖕᒧ ᕆᔭᐃᓇᒥ ᐸᓖᓯᐅᓂᕐᒧᑦ ᐃᖅᑲᓇᐃᔮᖅᑖᕋᓱᓕᕐᖢᓂ. ᑕᐃᒪᙵᑦ 1997−ᖑᓚᐅᖅᑎᓪᓗᒍ, ᐊᖓᔪᖅᑳᒻᒪᕆᒃ ᒪᒃᑑᒪᑦ ᐃᖅᑲᓇᐃᔭᖃᑦᑕᖅᓯᒪᕗᖅ 7−ᓂ ᐊᔾᔨᒌᙱᑦᑐᓂ ᐊᕕᒃᓯᒪᓂᕐᒥ ᐅᑭᐅᖅᑕᖅᑐᒥᓗ ᐊᕕᒃᓯᒪᓂᕐᒥ ᑲᓇᑕᒥ. ᐅᑭᐅᑦ 30-ᑲᓴᑦ ᐊᐅᓪᓚᖅᓯᒪᒐᓗᐊᖅᑎᓪᓗᒍ, ᓱᓕ ᓄᓇᕗᒻᒥ ᐊᖏᕐᕋᖃᕐᓂᕋᖅᐸᒃᐳᖅ. ᐅᖃᕋᓗᐊᖅᑐᓂ ᐊᔪᓕᖅᓯᒪᒐᓚᓐᓂᕋᖅᑐᓂ, ᓴᐃᒪᓐ ᐃᓄᒃᑎᑐᑦ ᐅᖃᕈᓐᓇᑦᑎᐊᖅᑐᖅ ᐊᒻᒪᓗ ᓂᕆᐅᑦᑎᐊᖅᑐᖅ ᐅᖃᐅᓯᕐᒥᓂᒃ ᐊᔪᕈᓐᓃᒃᑲᓐᓂᓛᕆᐊᔅᓴᖅ. ᓴᐃᒪᓐ ᓇᒃᓴᖅᐳᖅ ᐊᖏᔪᒻᒪᕆᖕᒥᒃ ᖃᐅᔨᒪᓂᖃᕐᓂᕐᒥᒃ ᓄᓇᓕᖕᓂ ᐸᓖᓯᖃᕐᓂᕐᒥᒃ, ᓇᖕᒥᓂᖅ ᑐᑭᓯᐅᒪᓂᖃᑦᑎᐊᖅᖢᓂ ᓄᓇᕗᒻᒥ ᓄᓇᓕᖕᓂᒃ, ᖁᕕᐊᒋᔭᖃᕐᓂᕐᒥᒡᓗ ᐃᓄᐃᑦ ᐃᓕᖅᑯᓯᖏᓐᓂᒃ, ᐅᖃᐅᓯᖏᓐᓂᒃ ᐃᓕᖅᑯᓯᑐᖃᖏᓐᓂᒡᓗ. ᐊᖏᖅᓯᒪᑦᑎᐊᖅᑐᖅ ᓴᙱᒃᑎᒋᐊᖅᑎᑦᑎᔪᒪᓪᓗᓂ ᐊᒃᑐᐊᓂᕆᔭᖏᓐᓂᒃ ᐸᓖᓯᒃᑯᑦ ᐊᒻᒪ ᓄᓇᖅᑲᑎᒌᑦ ᐃᓚᒋᔭᐅᓪᓗᓂ ᓄᑖᒧᑦ ᐱᓕᕆᐊᒃᓴᒥᓄᑦ. ᑐᙵᓱᒃᑎᑉᐸᒃᑲ ᒪᓕᒐᓕᐅᖅᑎᓕᒫᑦ ᐅᐱᒍᓱᖃᑎᒋᔪᒪᓪᓗᒋᑦ ᓴᐃᒪᓐ ᑎᒃᑯᐊᖅᑕᐅᓂᖓᓄᑦ ᐱᕋᔭᒃᑐᓕᕆᔨᐅᓂᕐᒧᑦ ᓄᓇᕗᒻᒥ V ᐸᓖᓯᒃᑯᓐᓂ ᑐᙵᓱᒃᑎᑦᑐᒪᓪᓗᒍᓗ ᓄᓇᕗᒻᒧᑦ. ᑕᒫᓃᑦᑐᓕᒫᑦ ᓈᒻᒪᓯᑉᐸᑦ ᐃᓕᓴᖅᓯᓂᖅ ᐃᓕᓴᖅᓯᓂᐊᖅᑐᖓ, ᑐᙵᓱᒋᑦ ᐊᖏᕐᕋᖅᑐᐊᓐᓅᒐᕕᑦ, ᓴᐃᒪᓐ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᖁᔭᓐᓇᒦᒃ. ᒥᓂᔅᑕᐃᑦ ᐅᖃᐅᓯᖏᑦ. ᐃᖅᑲᓇᐃᔭᖅᑐᓕᕆᓕᕆᔨᒃᑯᓐᓄᑦ ᒥᓂᔅᑕ ᑕᑦᑐᐃᓂ. ᒥᓂᔅᑕᑉ ᐅᖃᐅᓯᖓ 36 – 7(2): ᐊᑑᑎᖃᓐᓂᖓ ᖃᓂᒻᒪᓯᖃᖅᑕᐃᓕᓂᐅᑉ ᐅᓗᕆᐋᓇᔾᔭᐃᒃᑯᑎᓪᓗ ᓴᓇᕝᕕᖕᓂ (ᑕᑦᑐᐃᓂ) ᐊᖓᔪᖅᑳᖅ ᐋᓂ ᑕᑦᑐᐃᓂ: ᖁᔭᓐᓇᒦᒃ ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᐅᖃᖅᑏ, ᓂᑯᕕᑦᑐᖓ ᐅᓪᓗᒥ ᐅᖃᐅᓯᖃᕈᒪᓪᓗᖓ ᐱᒻᒪᕆᐅᓂᖓᓂᒃ ᐊᑦᑕᓇᔾᔭᐃᖅᓯᒪᓂᖅ, ᐋᓐᓂᖅᑕᐃᓕᒪᓂᕐᓗ ᐃᖅᑲᓇᐃᔭᖅᑎᓄᑦ. ᐃᖅᑲᓇᐃᔭᖅᑎ ᐊᑦᑕᕐᓇᙱᑦᑐᒦᖁᓪᓗᒋᑦ ᐃᖅᑲᒋᔭᐅᑦᑎᐊᕐᓗᑎᒃ ᐃᑲᔪᖅᑕᐅᖁᓪᓗᒋᑦ ᐱᔨᑦᓯᖅᑎᓪᓗᒋᑦ ᓴᙱᓂᖅᓴᐅᖁᓪᓗᒋᑦ ᓄᓇᕗᒻᒥᐅᓂ. ᑖᒃᑯᐊ ᒫᓐᓇ ᒪᓕᒐᕆᔭᖓ ᒐᕙᒪᒃᑯᑦ ᐊᐅᓚᑦᑎᐊᕐᓂᕆᔭᖓᓂ. ᑕᒪᓐᓇ ᐱᔾᔪᑎᒋᓪᓗᒍ, ᐅᖃᖅᑎᑦᑎᔩ, ᐃᖅᑲᓇᐃᔭᖅᑐᓕᕆᔨᒃᑯᑦ ᓯᕗᒃᑲᖅᑕᖅᑎᐅᕗᑦ ᓯᕗᒻᒧᐊᒃᑎᑦᑎᕙᓪᓕᐊᓪᓗᑎᒃ ᐃᖅᑲᓇᐃᔭᕐᕕᖕᒥ ᖃᓄᐃᙱᑦᑎᐊᕐᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐃᓕᓐᓂᐊᖅᑎᑦᑎᓂᕐᒥᒃ, ᐅᔾᔨᕈᓱᒃᑎᑦᑎᓂᕐᒥᒃ, ᐊᒻᒪ ᒪᓕᒃᑕᐅᕙᒃᑐᓂᒃ ᓄᓇᕗᓕᒫᒥ. ᒪᐃ 4-ᒥᑦ 8-ᒧᑦ ᐱᓇᓱᐊᕈᓯᐅᑎᓪᓗᒍ ᐃᓕᓴᕆᓪᓗᒍ ᐊᑦᑕᓇᔾᔭᐃᖅᓯᒪᓂᕐᒧᑦ ᐋᓐᓂᐊᖃᖅᑕᐃᓕᒪᓂᕐᒧᓪᓗ ᐱᓇᓱᐊᕈᓯᐅᑎᓪᓗᒍ, ᐅᔾᔨᕈᓱᓕᖅᐹᓪᓕᖅᑎᑦᑎᓇᓱᐊᕐᓂᖅ ᓴᖅᑭᑕᐅᓚᐅᖅᑐᖅ ᓴᖅᑭᔮᖅᑎᑦᑎᒃᑲᓐᓂᕋᓱᒃᖢᑎᒃ ᐃᖅᑲᓇᐃᔭᕐᕕᖕᒥ ᐋᓐᓂᐊᖃᖅᑕᐃᓕᒪᓂᕐᒥᒃ, ᐊᑦᑕᓇᔾᔭᐃᖅᓯᒪᓂᕐᒥᒃ, ᐊᒻᒪᓗ ᖃᓄᐃᖏᑦᑎᐊᕐᓂᕐᒥᒃ. ᑖᓐᓇ ᐱᒋᐊᖅᑎᑕᐅᔪᖅ ᓇᓗᓇᐃᖅᓯᓚᐅᖅᑐᖅ ᐱᒻᒪᕆᐅᓂᖓᓂᒃ ᐊᑦᑕᓇᙱᑦᑐᒥᒃ, ᐃᑉᐱᒍᓱᑦᑎᐊᖅᑐᒥᒃ ᐊᒻᒪᓗ ᐃᑲᔪᖅᑐᐃᑦᑎᐊᖅᑐᒥᒃ ᐃᖅᑲᓇᐃᔭᕐᕕᖃᕐᓂᕐᒥᒃ ᐱᓕᕆᕕᓕᒫᓂ ᐊᒻᒪᓗ ᓄᓇᓕᓐᓂ. ᐅᖃᖅᑏᑦᑎᔨ, ᑕᒪᑐᒪᓂ ᐊᕐᕌᒍᒥ ᐊᖏᒡᓕᒋᐊᖅᑎᑦᑎᓂᐊᖅᐳᒍᑦ ᑲᒪᔨᒋᔭᐅᕙᒃᑐᓄᑦ ᐃᖅᑲᓇᐃᔭᕐᕕᒋᔭᐅᔪᓂ ᖃᓄᐃᙱᑦᑎᐊᕈᓐᓇᕐᓂᕐᒧᑦ ᖁᐊᖅᓵᕐᓇᖅᑕᐃᓕᒪᓂᕐᒧᓪᓗ ᓱᖏᐅᓴᓂᕐᒧᑦ ᐊᔪᕈᓐᓃᖅᓴᕐᓂᕐᒥᒃ ᑕᒪᐃᓐᓂ ᐊᕕᒃᓯᒪᓂᕆᔭᐅᔪᓂ. 93-ᖑᔪᑦ ᐊᖓᔪᖅᑳᕆᔭᐅᔪᑦ ᐃᓕᓐᓂᐊᖅᑕᒥᓂᒃ ᐱᐊᓂᒃᓯᓯᒪᓕᖅᑐᑦ, ᐃᓕᓐᓂᐊᖅᑎᑦᑎᒃᑲᓐᓂᓕᖅᖢᑎᒃ. ᐱᒋᐊᓪᓚᑎᑦᓯᑲᓐᓂᕐᒥᔪᒍᑦ ᐃᖅᑲᓇᐃᔭᕐᕕᒻᒥ ᐊᑦᑕᓇᕈᑎᐅᒍᓐᓇᖅᑐᓂᒃ ᑐᑭᓯᒋᐊᕈᑎᓂᒃ ᐃᓕᓐᓂᐊᑎᑦᓯᓂᕐᒥᒃ ᐊᑦᑕᓇᙱᑦᑐᒥᒃ ᑐᓴᐅᒪᑦᓯᐊᖅᑐᒥᓪᓗ ᑲᒪᒋᔭᖃᕐᓂᕐᒧᑦ ᐱᓕᕆᔾᔪᓯᕐᓂᒃ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 3 ᑕᐃᒪᐃᑦᑐᑦ ᐊᔪᕈᓐᓃᖅᓴᒐᒃᓴᐃᑦ ᓴᙱᒃᑎᒋᐊᖅᑎᑕᐅᒃᑲᓐᓂᖅᐳᑦ ᐊᑐᖅᑕᐅᕙᒃᑐᓄᑦ ᐊᑯᓐᓂᖅᓱᖅᑐᓄᓪᓗ ᐋᓐᓂᖅᑐᓕᕆᓂᕐᒧᑦ ᐊᔪᕈᓐᓃᖅᓴᖅᑎᑕᐅᓪᓗᑎᒃ ᑲᔪᓯᑎᑕᐅᓚᐅᖅᖢᓂ 217−ᓄᑦ ᐃᓚᐅᔪᓄᑦ ᑕᒫᓂᓕᒫᖅ ᐅᑭᐅᖅᑕᖅᑐᒥ ᐊᕕᒃᓯᒪᓂᕆᔭᐅᔪᒥ, ᓴᙱᒃᑎᒋᐊᖅᑎᑦᑎᓪᓗᓂ ᑲᑐᔾᔨᓪᓗᑕ ᐊᔪᙱᓐᓂᕆᔭᑦᑎᓐᓂᒃ ᑭᐅᓯᔪᓐᓇᕐᓂᕐᒥᒃ ᑐᐊᕕᕐᓇᖅᑐᖅᑕᖃᓕᕐᓂᖅᐸᑦ ᐃᖅᑲᓇᐃᔭᕐᕕᕗᓪᓗ ᓄᓇᓕᕗᓪᓗ ᖁᐊᖅᓵᕐᓇᖅᑐᒦᑎᙱᓪᓗᒋᑦ. ᐅᖃᖅᑎᑦᑎᔩ, ᓯᕗᓪᓕᖅᐸᐅᑦᑎᐅᔾᔨᓂᖅ ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐊᒃᑐᐊᓂᖃᖅᐳᖅ ᐃᓄᐃᑦ ᐱᒻᒪᕆᐅᒋᔭᖏᓐᓄᑦ − ᐊᓯᒥᓂᒃ ᑲᒪᑦᑎᐊᖃᑦᑕᐅᑎᓂᖅ, ᐱᓕᕆᖃᑎᒌᖕᓂᖅ, ᓴᖅᑭᑎᑦᑎᓂᕐᓗ ᐃᓂᒋᔭᐅᓇᔭᖅᑐᓂᒃ ᐃᓄᐃᑦ ᑲᔪᓯᓂᖃᑦᑎᐊᕈᓐᓇᖁᓪᓗᒋᑦ. ᖃᓄᐃᖏᑦᑎᐊᖅᑐᒥᒃ ᐃᖅᑲᓇᐃᔭᕐᕕᖃᕐᓂᖅ ᐃᑲᔪᖅᑐᐃᕗᖅ ᑕᒪᐃᓐᓂᒃ ᑎᒥᒃᑯᑦ ᐃᓱᒪᒃᑯᓪᓗ ᖃᓄᐃᙱᑦᑎᐊᕐᓂᕐᒥᒃ. ᐅᒃᐱᕆᔭᐅᓕᕈᑕᐅᔪᓐᓇᖅᐳᖅ, ᐊᓯᔾᔨᖅᑕᙱᓐᓂᖅᓴᐅᓕᖅᐸᒃᖢᓂ, ᐊᒻᒪ ᐆᒃᑑᑎᑦᑎᐊᕙᐅᓪᓗᓂ ᓄᓇᓕᑦᑎᓐᓄᑦ. ᐊᑦᑕᕐᓇᙱᑦᑐᒥᒃ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᓴᙱᔫᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᒥᓂᔅᑕᐃᑦ ᐅᖃᐅᓯᖏᑦ. ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ, ᕼᐄᓕ ᐊᕿᐊᕈᖅ. ᒥᓂᔅᑕᑉ ᐅᖃᐅᓯᖓ 37 – 7(2): ᐅᖅᓱᖅᑑᒥ ᐃᖅᑲᓇᐃᔭᖅᑎᖏᑦ ᓄᓇᓕᖓᓪᓗ ᐃᓕᓴᕆᔭᐅᓂᐊ (ᕼᐄᓕ- ᐊᕿᐊᕈᖅ) ᐊᖓᔪᖅᑳᖅ ᒍᐊᐃᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒍᑦ) ᐅᖃᖅᑏ, ᐅᓪᓗᒥ ᓇᖏᖅᓯᕗᖓ ᐅᐱᒋᔪᒪᓪᓗᒋᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐊᖏᖅᓯᒪᑦᑎᐊᕐᓂᖏᓐᓄᑦ, ᓴᐱᓕᕈᓐᓇᖏᓐᓂᖏᓐᓄᑦ ᐊᒻᒪᓗ ᐱᓕᕆᔨᒻᒪᕆᐅᓂᖏᓐᓄᑦ ᒫᓐᓇᕋᑖᖑᓚᐅᖅᑐᖅ ᐱᓕᕆᐊᖃᖅᑎᓪᓗᒋᑦ ᐊᒃᓱᕉᓴᒍᑕᐅᔪᓂᒃ ᐆᒻᒪᖅᑯᑎᖃᒃᑲᓐᓂᕋᓱᐊᕐᓂᕐᒧᑦ ᐅᖅᓱᖅᑑᒥ. ᐊᐅᓚᓂᐅᔪᖅ ᑕᑯᒃᓴᐅᑎᑦᑎᓚᐅᖅᐳᖅ ᐱᓪᓚᑦᑖᓂᒃ ᑲᔪᓯᑎᑦᑎᓂᐊᕐᓗᓂ ᐱᒻᒪᕆᐊᓗᖕᓂᒃ ᐱᔨᑦᑎᕋᕐᓂᕆᔭᐅᕙᒃᑐᓂᒃ ᓄᓇᕗᒻᒥ ᓯᓚᒧᑦ, ᐅᖓᓯᖕᓂᖓᓄᑦ, ᐊᑐᖅᑕᐅᔪᓐᓇᖅᑐᖃᑦᑎᐊᙱᓐᓂᖓᓄᓪᓗ ᐊᖏᔪᑲᓪᓚᖕᒥᒃ ᐊᒃᑐᖅᓯᔪᓐᓇᖅᐸᒃᖢᓂ ᑐᐊᕕᕐᓇᖅᑐᓄᑦ ᑭᐅᓯᓂᕐᒧᑦ ᐱᓇᔪᒃᑕᐅᔪᓄᑦ. ᐅᖃᖅᑏ, ᐄᐳᕈᓪ ᐱᒋᐊᓕᓵᖅᑎᓪᓗᒍ, ᐱᓕᕆᔨᓂᒃ ᐃᖃᓗᖕᒥᙶᖅᑐᖃᓚᐅᖅᐳᖅ ᐃᑲᔪᕆᐊᖅᑐᖅᖢᑎᒃ ᓴᓇᔭᐅᒃᑲᓐᓂᖅᑎᓪᓗᒍ ᐅᖅᓱᖅᑑᕐᒥ. ᐱᓕᕆᔨᐅᓚᐅᖅᑐᑦ ᐅᐊᔭᓕᕆᔨ ᑎᐅᕋᓐ ᕋᐃᐊᓐ ᐊᒻᒪ ᔪᐊᑕᓐ ᕌᑦᑯᑉ, ᐅᐊᔭᓕᕆᔨ ᔫᓪᔅ ᐱᓅ, ᐊᒻᒪ ᐅᐊᔭᓕᕆᔨ ᒫᒃ−ᐃᕙᓐ ᐊᓰᖕᕗ ᑕᓂᕚᑦ. ᓯᓚ ᐊᔪᕐᓇᖅᑐᖅᓯᐅᕈᑎᒋᓚᐅᖅᐸᐅᒃ. ᐅᓪᓘᑉ ᐃᓗᐊᓂ, ᑖᒃᑯᐊ 6-ᖏᖅᓱᖅᖢᑎᒃ ᒥᒐᓱᓚᐅᖅᑑᒐᓗᐊᑦ ᑭᓯᐊᓂ ᐱᖅᓯᕐᓂᖓᓄᑦ ᐅᑎᕆᐊᖅᑎᑕᐅᓚᐅᕐᒪᑕ ᑕᓗᕐᔪᐊᕐᒨᖔᓕᖅᖢᑎᒃ. ᖃᐅᑐᐊᕐᒪᑦ, ᐆᒃᑐᒃᑲᓐᓂᓚᐅᖅᑑᒃ ᑭᓯᐊᓂ ᓄᓇᓕᖕᒧᑦ ᑎᑭᐅᑎᔪᓐᓇᓚᐅᙱᓚᑦ. ᐃᓚᖏᑦ ᖃᖓᑕᓲᓕᕆᔩᑦ ᓯᓂᒃᑕᓚᐅᕐᑐᑦ ᖃᖓᑕᓲᒃᑯᕕᖕᒥ, ᐊᓯᖏᓪᓗ ᑕᖃᐃᕐᓯᕐᖢᑎᒃ ᓯᓂᒃᑕᕐᕕᖕᒦᓚᐅᑲᒃᖢᑎᒃ. ᐅᖅᓱᖅᑑᒨᓚᐅᖅᑐᑦ ᐱᖓᔪᐊᓐᓂ ᐅᓪᓗᖓᓂ ᐊᒻᒪᓗ ᓄᓇᖓ ᓴᓇᔭᐅᕙᓪᓕᐊᓕᖅᑐᓂ. ᐅᖃᖅᑏ, ᑕᐃᒪᓐᓇ ᐱᓕᕆᖃᑦᑕᕐᒪᑕ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ, ᐃᓛᓐᓂᒃᑯᑦ ᐱᔭᕐᓂᖏᑦᑐᒃᑯᑦ ᓂᕆᐅᓇᙱᑦᑐᒃᑯᓪᓗ ᐱᓕᕆᖃᑦᑕᕐᒪᑕ ᐱᔨᑦᑎᕋᐅᑎᓂᒃ ᐅᑎᖅᑎᑦᑎᓇᓱᒃᖢᑎᒃ. ᐃᖅᑲᓇᐃᔮᖅ ᑐᙵᕕᖃᖅᐳᖅ ᐱᓕᕆᖃᑎᒌᑦᑎᐊᕐᓂᕐᒥᒃ ᐊᒻᒪ ᓱᖏᐅᑎᔪᓐᓇᕐᓂᕐᒥᒃ, ᐊᒻᒪ ᐃᖅᑲᓇᐃᔭᖅᑎᕗᑦ ᑕᒪᐃᓐᓂᒃ ᓇᒃᓴᖅᐸᒃᖢᑎᒃ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 4 ᖁᔭᓕᔪᒪᖕᒥᔭᒃᑲ ᐃᒡᓗᓕᕆᔨᕐᔪᐊᒃᑯᑦ ᐃᖅᑲᓇᐃᔭᖅᑎᖏᑦ ᐅᖅᓱᖅᑑᕐᒥᐅᑕᑦ ᑭᐅᑲᐅᖅᑐᕈᓐᓇᓚᐅᕐᒪᑕ ᐊᖏᖅᓯᒪᑦᑎᐊᖅᖢᑎᒡᓗ. ᖁᔭᓐᓇᒦᒃ ᐊᖓᔪᖅᑳᒻᒪᕆᒃ ᐋᓐᑐᕉ ᐳᐊᑕ, ᐊᐅᓚᑦᑎᔨᐅᑉ ᐃᑲᔪᖅᑎᖓ ᐳᕋᓐᑕᓐ ᔨᐅᓪ, ᐊᒻᒪ ᐃᓇᖐᓯᒪᔪᖅ ᐊᐅᓚᑦᑎᔨ ᓕᐊᒻ ᖃᒧᒃᑲᖅ. ᖁᔭᓕᔪᒪᖕᒥᔭᒃᑲ ᖃᖓᑕᓲᓕᕆᔨᐅᖃᑎᕗᑦ ᐊᒻᒪ ᐃᑲᔪᖅᓱᐃᔨᑦ ᐃᖅᑲᓇᐃᔭᖅᑎᑦ ᐃᖏᕐᕋᑎᑦᑎᑦᑎᐊᓚᐅᖅᑐᑦ ᐃᖏᕐᕋᓂᓕᒫᑦᑎᓐᓂ. ᐱᓕᕆᓂᕆᓚᐅᖅᑕᖏᑦ ᐊᔪᕐᓇᙱᑎᑦᑎᓚᐅᖅᐳᑦ ᓄᑖᙳᕆᐊᖅᑎᑦᑎᓂᕐᒥᒃ. ᑭᖑᓪᓕᖅᐹᒥ, ᐅᖃᖅᑏ, ᐃᓕᓴᕆᔪᒪᕙᒃᑲ ᐅᖅᓱᖅᑑᕐᒥᐅᑦ, ᐃᑲᔪᖃᑦᑕᐅᑎᓚᐅᖅᑐᑦ ᖃᐅᒻᒪᖅᑯᑏᑦ ᐅᑎᖅᑎᑕᐅᓇᓱᐊᖅᑎᓪᓗᒋᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᒥᓂᔅᑕᐃᑦ ᐅᖃᐅᓯᖏᑦ. ᓄᓇᓕᓐᓂ ᐱᔨᑦᓯᖅᑎᒃᑯᑦ ᒥᓂᔅᑕᖓ, ᓯᒪᐃᓚᒃ. ᒥᓂᔅᑕᑉ ᐅᖃᐅᓯᖓ 38 – 7(2): ᐃᓕᓴᖅᓯᓂᖅ ᓄᓇᕘᒥ ᑕᕐᕆᔭᐅᓯᐅᖅᑎᓂᒃ ᑕᑲᓇᓂ ᑲᓇᑕᐅᑉ ᑕᕐᕆᔭᒐᓄᑦ ᐃᓕᓴᖅᓯᔾᔪᑎᖏᒍᑦ (ᓯᒪᐃᓚᒃ) ᐊᖓᔪᖅᑳᖅ ᑯᕋᒡ ᓯᒪᐃᓚᒃ (ᑐᓵᔨᑎᒍᑦ): ᐅᖃᖅᑏ, ᐅᓪᓗᒥ ᓂᑯᕕᑦᑐᖓ ᐃᓕᓴᖅᓯᔪᒪᓪᓗᖓ ᐅᐱᒋᔪᒪᓪᓗᒋᓪᓗ ᓄᓇᕗᒻᒥ ᑕᕐᕆᔮᒃᓴᓕᐅᖅᑏᑦ ᐊᒻᒪᓗ ᓴᓇᙳᐊᖅᑏᑦ ᐱᓕᕆᐊᖏᑦ ᑲᓇᑕᓕᒫᒥ ᐃᓕᓴᕆᔭᐅᓯᒪᖕᒪᑕ ᑕᒪᑐᒪᓂ ᐊᕐᕌᒍᒥ ᑲᓇᑕᒥ ᑕᕐᕆᔭᐅᓯᐅᕐᓂᕐᒧᑦ ᑐᓐᓂᖅᑯᓯᐊᓂᒃ. ᐅᖃᖅᑏ, ᑖᒃᑯᐊ ᓂᕈᐊᒐᒃᓴᙳᖅᑎᑕᐅᔪᑦ ᑕᑯᒃᓴᐅᑎᑦᑎᕗᑦ ᐊᔪᙱᑦᑐᒻᒪᕆᐊᓗᖕᓂᒃ, ᓴᓇᑐᔪᐊᓗᖕᓂᒃ, ᐊᒻᒪ ᑕᐅᑐᖅᑰᖅᑕᖏᓐᓂᒃ ᓄᓇᕗᓕᒫᒥ ᐊᒻᒪ ᑕᑯᒃᓴᐅᑎᑦᑎᓪᓗᑎᒃ ᐃᓄᐃᑦ ᐅᓂᒃᑳᖅᑐᐊᖏᓐᓂᒃ ᐊᒃᑐᐃᕙᓪᓕᐊᓂᖏᓐᓂᒃ ᑲᓇᑕᒥ ᐃᓕᖅᑯᓯᕆᔭᐅᔪᓂᒃ. ᐅᐱᒋᔪᒪᔭᒃᑲ ᓯᑕᐃᓯ ᐋᕐᓗᒃ ᒪᒃᑖᓄᑦ ᐊᒻᒪᓗ ᐊᓖᑎᐊ ᐊᕐᓇᖅᑯᖅ-ᐱᐅᕈᓪ ᑲᔪᓯᑦᑎᐊᕐᓂᕆᓚᐅᖅᑕᖏᓐᓄᑦ ᓄᐊᑦ ᐊᑉ ᓄᐊᑦ (North of North)-ᑯᑦ, ᐊᕙᑎᓂᒃ ᑲᓇᑕᒥ ᑕᕐᕆᔭᐅᓯᐅᕐᓂᕐᒧᑦ ᑐᓐᓂᖅᑯᓯᐊᒧᑦ ᓂᕈᐊᒐᒃᓴᙳᖅᑎᑕᐅᓪᓗᑎᒃ, ᐱᖃᓯᐅᑎᓪᓗᒍ ᐃᓕᓴᕆᔭᐅᓂᖓ ᐃᒡᓚᕐᓇᖅᑐᓂᒃ ᑕᕐᕆᔭᒐᒃᓴᑦᑎᐊᕙᐅᓛᓂᒃ ᐊᒻᒪᓗ ᐱᒃᑲᐅᓛᖑᓂᖏᓐᓄᑦ ᓄᓇᕗᒻᒥ ᐊᔪᙱᑦᑐᓂᑦ. ᑖᓐᓇ ᐱᓕᕆᐊᖑᖃᑦᑕᖅᓯᒪᔪᖅ ᑭᒡᒐᖅᑐᐃᔪᖅ ᐱᒻᒪᕆᐅᔪᓂᒃ ᐊᓂᒍᖅᑎᑕᐅᔪᓂᒃ ᓴᖅᑮᔨᓄᑐᐃᓐᓇᐅᙱᑦᑐᖅ, ᑭᓯᐊᓂ ᓄᓇᕗᒻᒥ ᐱᕈᖅᐸᓪᓕᐊᔪᒧᑦ ᑕᕐᕆᔮᒃᓴᓕᐅᕐᓂᕐᒧᑦ ᑕᓚᕖᓴᓕᕆᓂᕐᒧᓪᓗ ᓴᓇᕝᕕᖕᓂ. ᐃᓕᓴᕆᔪᒪᖕᒥᔭᕋ ᓴᖅᑲᓕᐊᓯ ᑯᓄᒃ, ᐃᓅᓯᓕᒫᒥᓂᒃ ᐊᖏᕈᑎᖃᖅᓯᒪᔪᖅ ᐃᓄᐃᑦ ᐅᓂᒃᑳᖅᑐᐊᖏᓐᓂᒃ ᑲᔪᖏᖅᓴᐃᖏᓐᓇᖅᑐᖅ ᓯᓚᕐᔪᐊᕐᒥ. ᑯᓄᒃ ᑕᕐᕆᔮᒃᓴᓕᐊᖓ ᐅᐃᒃᓴᕆᙱᑕᕋ − ᐅᐃᒃᓴᕆᙱᑕᖓ ᐅᓄᖅᑐᓂᒃ ᑲᓇᑕᒥ ᑕᕐᕆᔭᒐᒃᓴᓄᑦ ᓵᓚᒃᓴᐅᓯᐊᒧᑦ ᓂᕈᐊᒐᒃᓴᙳᖅᑎᑕᐅᓯᒪᕗᖅ, ᐃᓚᒋᔭᐅᓪᓗᓂ ᐱᔭᕇᖅᐸᓪᓕᐊᔪᑦ ᑐᑭᒧᐊᖅᑎᑦᑎᔨᐅᓂᕐᒧᑦ ᐊᒻᒪ ᐱᙳᐊᖅᑎᐅᓂᕐᒧᑦ ᓂᕈᐊᒐᒃᓴᙳᖅᑎᑕᐅᔪᑦ ᑎᕇᓯᐊ ᑲᑉᐱᐊᓇᖅ ᐊᒻᒪ ᓕᐊ ᐸᓂᒥᕋᖅ. ᐅᐱᒋᔪᒪᖕᒥᔭᕋ ᓗᐃᔅ ᕝᓚᕼᐅᕐᑎ ᓂᕈᐊᒐᒃᓴᙳᖅᑎᑕᐅᓚᐅᕐᓂᖓᓄᑦ ᑎᑎᖅᑐᒐᐅᔭᖅᓯᒪᔪᒥᒃ ᓇᐃᑦᑐᒥᒃ ᑕᕐᕆᔭᒐᒃᓴᒥᒃ ᒪᖏᑦᑕᑐᐊᕐᔪᒃ: The Gnawer of Rocks, ᑕᑯᒃᓴᐅᑎᑦᑎᔪᖅ ᐱᑕᖃᑦᑎᐊᕐᓂᖓᓂᒃ ᐊᒻᒪ ᐃᓱᒪᑐᓂᖓᓂᒃ ᐃᓄᐃᑦ ᐅᓂᒃᑳᖅᑐᐊᖏᓐᓂᒃ ᐊᔾᔨᒌᙱᑦᑐᑎᒍᑦ ᑐᓴᐅᒪᔪᓕᕆᔾᔪᑎᒃᑯᑦ. ᐅᖃᖅᑎᑦᑎᔩ, ᑖᒃᑯᐊ ᐊᓂᒍᖅᑎᑕᐅᓯᒪᔪᑦ ᐱᒃᑯᒋᔭᐅᕗᑦ ᓄᓇᕗᒻᒥᐅᓄᑦ. ᑕᑯᒃᓴᐅᑎᑦᑎᓪᓗᑎᒃ ᐱᒻᒪᕆᐅᓂᖓᓂᒃ ᐃᓄᐃᑦ ᐅᓂᒃᑳᖅᑐᐊᖏᓐᓂᒃ ᑕᑯᒃᓴᐅᑎᑦᑎᓪᓗᑎᒡᓗ ᖃᓄᖅ ᓄᓇᕗᑦ ᓂᐱᖏᑦ ᑲᑎᙵᑎᑦᑏᓐᓇᕐᒪᖔᑦ ᓈᓚᒃᑎᓂᑦ ᑲᓇᑕᓕᒫᒥ ᓄᓇᕐᔪᐊᓕᒫᒥᓗ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 5 ᐃᓕᓴᕆᔭᐅᕙᓪᓕᐊᓂᖏᑦ ᓄᓇᕗᒻᒥ ᑕᕐᕆᔮᒃᓴᓕᐅᖅᑏᑦ ᓴᖅᑮᖕᒥᔪᑦ ᐱᕕᒃᓴᑦᑎᐊᕙᖕᓂᒃ ᐃᖅᑲᓇᐃᔭᒃᓴᓂᑦ, ᐊᔪᕈᓐᓃᖅᓴᖅᑎᑦᑎᕙᓪᓕᐊᓪᓗᑎᒃ, ᐃᓕᖅᑯᓯᕐᒥᒃ ᓴᖅᑭᔮᖅᑎᑦᑎᓪᓗᑎᒃ, ᐊᒻᒪᓗ ᑮᓇᐅᔭᓕᐅᕈᑕᐅᕙᓪᓕᐊᓪᓗᓂ ᓄᓇᓕᑦᑎᓐᓂ. ᑕᒪᐃᓐᓄᑦ ᓂᕈᐊᒐᒃᓴᙳᖅᑎᑕᐅᓚᐅᖅᑐᓄᑦ ᓴᖅᑭᑎᑦᑎᕙᒃᑐᓄᓪᓗ, ᖁᔭᓐᓇᒦᒃ ᑐᓂᓯᒪᑦᑎᐊᖃᑦᑕᕋᔅᓯ, ᐃᓱᒪᒃᓴᖅᓯᐅᕈᓐᓇᑦᑎᐊᖅᖢᓯ, ᓯᕗᓕᖅᑎᐅᔪᓐᓇᖅᖢᓯᓗ. ᐱᓕᕆᐊᓯ ᑲᔪᖏᖅᓴᐃᖏᓐᓇᖅᐳᑦ ᑭᖑᕚᒃᓴᑦᑎᓐᓂ ᐅᓂᒃᑳᖅᑐᐊᖅᑎᓂᒃ ᓄᓇᕘᓕᒫᒥ. ᒪ'ᓇ, ᐅᖃᖅᑎᑦᑎᔩ. ᐅᖃᖅᑎ: ᖁᔭᓐᓇᒦᒃ. ᒥᓂᔅᑕᐃᑦ ᐅᖃᐅᓯᖏᑦ. ᐃᓕᓐᓂᐊᖅᑐᓕᕆᔨᒃᑯᓐᓄᑦ ᒥᓂᔅᑕᐅᑲᐃᓐᓇᖅᑐᖅ, ᒥᔅᑕ ᒪᐃᓐ. ᒥᓂᔅᑕᑉ ᐅᖃᐅᓯᖓ 39 – 7(2): ᐅᓕᐅᑦ ᐃᓯᒃᑖᔪᒃ 50 ᐊᕐᕌᒍᓄᑦ ᐱᔨᑦᑎᖅᓯᒪᓂᐊ ᐱᓕᕆᕝᕕᐊᓂ ᐃᓕᓐᓂᐊᖅᑐᓕᕆᔨᒃᑯᑦ (ᐊᕿᐊᕈᖅ/ᒪᐃᓐ) ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. ᐅᑉᓛᑦᓯᐊᖅ, ᑲᑎᒪᔨᐅᖃᑎᒃᑲ. ᖁᕕᐊᓇᑯᓂ ᐅᑉᓗᖃᖅᑎᑕᐅᖕᒥᒐᑉᑕ. ᐅᖃᖅᑎᑦᓯᔩ, ᐅᑉᓗᒥ ᓂᑯᕕᑦᑐᖓ ᐃᓴᑎᕆᒍᐊᖅᖢᒍ ᐃᓕᓐᓂᐊᖅᑐᓕᕆᔨᕐᔪᐊᒃᑯᑦ ᐃᓗᐊᓂ ᐱᓕᕆᖃᑦᑖᖅᑐᑦ ᐅᓕᐅᑦ ᐃᒃᓯᒃᑖᕐᔪᒃ. ᐅᓕᐅᑦ ᐃᓅᓯᖓᑕ ᐃᓗᐊᓂ ᐱᓕᕆᕐᔪᐊᖅᓯᒪᔪᖅ ᐃᓕᓐᓂᐊᖅᑐᓕᕆᓂᐅᑉ ᒥᒃᓵᓄᑦ, ᓄᑕᖅᑲᓂᒃ ᐅᖃᐅᓯᕐᒥᒃ ᓄᓇᓕᒋᔭᕐᒥᓂᒡᓗ ᒪᑭᑕᑎᑦᑎᓂᓗᒃᖢᓂ. ᑕᕝᕙᓂ ᐅᑭᐅᕆᔭᑦᑎᓐᓂ ᓄᓇᕗᑦ ᒐᕙᒪᖓ ᐃᓕᑕᖅᓯᕗᖅ ᖃᓄᖅ ᐱᓕᕆᕐᔪᐊᖅᓯᒪᓂᖓ, ᖃᓄᖅ ᐃᓅᓯᓗᒃᑖᖓᓄᓪᓗ ᑕᒪᓐᓇ ᐊᑐᖅᓯᒪᖦᖢᓂᐅᒃ ᐱᔾᔪᔾᔨᓪᓗᓂ ᓄᑕᖅᑲᓂᒃ ᐃᓚᒌᖕᓂᓗ ᐃᓄᖕᓂᒃ. ᐅᖃᖅᑏᑦᓯᔨ, ᐅᓕᐅᑦ ᐱᓕᕆᒋᐊᓵᓚᐅᖅᓯᒪᔪᖅ ᐃᓕᓐᓂᐊᖅᑐᓕᕆᓂᐅᑉ ᐃᓗᐊᓂ ᐋᒡᒋᓯ 1974−ᖑᑎᖦᖢᒍ ᖃᒪᒥᑦᑐᐊᕐᒥ ᐃᓕᓐᓂᐊᕐᕕᐅ ᐃᓗᐊᓂ ᐃᑲᔪᖅᑎᐅᑉᓗᓂ. ᑕᐃᒪᙵᑦ ᐱᒋᐊᖅᖢᓂ ᐃᓕᓐᓂᐊᕐᓂᕆᔭᖓ ᑲᔪᓯᑎᓚᐅᖅᐸᐅᒃ ᑕᒫᓂ ᐃᖃᓗᖕᓂ ᐃᓕᓐᓂᐊᓚᐅᖅᖢᓂ, ᕗᐊᑦ ᔅᒥᑦᒥᓗ ᐃᓕᓐᓂᐊᓚᐅᖅᖢᓂ ᑲᖏᖅᖠᓂᕐᒥᓗ. ᐊᒻᒪ ᐊᓱᐃᓪᓛᒃ ᐃᓕᓚᐅᖅᖢᓂ ᖃᒪᓂᑦᑐᐊᕐᒧᑦ ᐃᓕᓐᓂᐊᖅᑎᑦᓯᔨᕈᖅᓯᒪᓕᖅᑎᓪᓗᒍ. ᐅᑭᐅᓄᑦ ᐊᒥᓱᓄᑦ ᐃᓕᓐᓂᐊᖅᑎᑦᓯᔨᐅᓚᐅᖅᑐᖅ ᖃᒪᓂᑦᑐᐊᕐᒥ ᑭᓯᐊᓂ ᐱᓕᕆᓚᐅᕐᒥᔪᑦᑕᐅᖅ ᑭᕙᓪᓕᐅᑉ ᐃᓗᐊᓂ ᐊᐅᓚᑦᑎᔪᓕᕆᓂᕐᒧᑦ ᐃᓕᓐᓂᐅᕐᕕᖕᓄᑦ ᑐᕌᖓᔪᓄᑦ ᑎᑎᕋᕐᕕᐊᑕ ᐃᓗᐊᓂ 13−ᓄ ᐅᑭᐅᓄᑦ ᑕᐃᑲᓂ ᐱᓕᕆᓚᐅᖅᑐᖅ, ᐃᑲᔪᖅᑐᐃᑉᓗᓂ ᐃᓕᓐᓂᐊᕐᕕᖕᓂᒃ ᐊᔾᔨᒌᙱᑦᑐᓂᒃ ᓄᓇᓕᖕᓂᓗ. ᑖᒻᓇ ᐊᑐᖅᓯᒪᔭᖓ ᐱᓕᕆᕐᔪᐊᕐᓂᕆᓯᒪᔮ ᑐᙵᕕᖃᖅᓯᒪᔪᖅ ᐃᓄᐃᑦ ᐃᓕᖅᑯᓯᐊᓂᒃ ᐅᖃᐅᓯᖓᓂᒡᓗ ᐊᒻᒪ ᑲᔪᓯᑎᑦᓯᑦᓯᐊᕐᓂᕐᒥᒃ ᓴᐱᓕᖅᑕᐃᓕᓂᕐᒥᒃ ᐊᑐᖅᓯᒪᕗᖅ ᐃᒃᐱᒍᓱᑦᓯᐊᖅᑕᖅᖢᓂᓗ ᐃᓅᖃᑎᒥᖕᓂᒃ. ᐅᖃᖅᑏᑦᓯᔨ, ᐃᓅᓯᖓᑕ ᐃᓗᐊᓂ ᐅᓕᐅᑦ ᐅᐱᒍᓱᐃᓐᓇᖅᓯᒪᔪᖅ ᑭᓇᐅᓂᕆᔭᕐᒥᓂᒃ ᐃᓅᑉᓗᓂᓗ ᐊᕐᓇᐅᖦᖢᓂᓪᓗ. ᓄᓇᒥ ᐃᓅᓐᓂᑯ. ᐃᓅᓐᓂᑰᓯᒪᒐᒥ ᐃᓗᐅᑦ ᐃᓅᓯᕆᔭᐅᔪᖅ ᐊᓯᐊᙳᕐᔪᐊᖅᐸᓪᓕᐊᑎᖦᖢᒍ ᐃᒃᐱᒋᓚᐅᖅᐸᐅᖅ, ᑕᑯᓚᐅᖅᐸᐅᒃ. ᑕᒪᓐᓇ ᐊᓯᐊᙳᖅᐸᓪᓕᐊᓂᖅ. ᐊᐅᓚᔨᖃᖅᐳᕉᖅ ᒪᒃᑯᓚᐅᕐᓂᕐᒥᓂᒃ, ᓄᑕᕋᐅᓚᐅᕐᓂᕐᒥᓂᒃ ᐊᐅᓚᔨᖦᖢᓂ ᐊᒡᓛᑦ ᐳᑭᖅᑕᓖᑦ ᖃᐃᓚᐅᖅᓯᒪᖕᒪᑕᒎᖅ ᓄᓇᒥᐅᑕᐅᑎᖦᖢᒋᑦ ᐅᖃᐅᑎᔭᐅᓕᓚᐅᕐᒪᑕᒎᖅ ᖃᒪᓂᑦᑐᐊᕐᒧᑦ ᓅᑦᑕᕆᐊᖃᕈᒫᓕᕐᓂᖏᓐᓂᒃ ᐅᖃᐅᑎᔭᐅᓚᐅᖅᓯᒪᖕᒪᑕ. ᐃᓄᐃᑦ ᐅᖃᐅᓯᐊ ᑐᙵᕕᒌᓐᓇᐅᔭᖅᓯᒪᔮ ᐱᓕᕆᓂᕆᔭᖓ ᑕᐅᑐᒃᖢᒍ. ᐅᑭᐅᓄᑦ ᐊᒥᓱᑦᓯᐊᒥᐊᕐᓄᑦ ᓴᐳᔾᔨᓂᕐᒥᒃ, ᐃᓕᓐᓂᐊᖅᑎᑦᓯᓂᕐᒥᒃ ᐊᒻᒪ ᐊᔭᐅᖅᑐᐃᓂᕐᒥᒃ ᐊᑐᖅᓯᒪᕗᖅ ᐃᓄᐃᑦ ᐃᓕᖅᑯᓰᑦ, ᐅᖃᐅᓯᐊᓗ ᐃᓕᓐᓂᐊᕐᕕᐅᑉ ᐃᓕᐊᓂ ᐱᑕᖃᑦᓯᐊᖁᑉᓗᒍ ᐊᒻᒪ ᐃᓕᓐᓂᐊᖅᑎᑦᓯᔨᐅᖃᑎᒥᖕᓂᒃ ᐃᑲᔪᖅᑐᐃᕐᔪᐊᖅᓯᒪᖦᖢᓂ ᑕᒪᓐᓇ ᐃᓕᓐᓂᐊᖅᑐᓕᕆᓂᖅ ᖃᓄᖅ ᐋᖅᑭᒃᑲᓐᓂᖅᑑᓪᓗᐊᕐᒪᖔᑦ ᐊᑐᐊᒐᕆᔭᐅᔪᓪᓗ ᐋᖅᑭᒃᑲᓐᓂᖅᑑᓪᓗᐊᕐᒪᖔᑕ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 6 ᐅᒃᐱᕈᓱᑦᓯᐊᕐᓂᖅ, ᐅᒃᐱᒍᓱᑦᓯᐊᖅᑑᓪᓗᐊᕐᓂᖅ, ᓴᐃᒪᖃᑎᒌᖕᓂᕐᒥᒡᓗ ᐃᓕᓐᓂᐊᖅᑐᓕᕆᓂᐅᑉ ᐃᓗᐊᓂ ᑕᒪᓐᓇ ᐱᕐᔪᐊᕆᓯᒪᔭᖓ, ᑐᙵᕕᖃᖅᖢᓂ ᖃᓄᐃᓕᐅᕐᓂᑯᕕᓂᐅᓯᒪᔪᓂ ᐅᑭᐅᓂᒃ ᖄᖏᖅᓯᒪᔪᓂᒃ ᐊᒻᒪ ᐊᑐᖅᓯᒪᔭᕐᒥᓂᒡᓗ ᑐᙵᕕᖃᖅᖢᓂ. ᖃᒪᓂᑦᑐᐊᕐᒥ ᐃᓕᓐᓂᐊᖅᑏᑦ ᐊᒥᓱᕐᔪᐊᑦᓯᐊᒥᐊᑦ ᐃᓚᒌᒡᓗ ᐊᑦᑐᖅᑕᐅᓯᒪᔪᑦ ᐅᓕᐅᑦ ᐱᓕᕆᓂᑯᖏᓐᓄᑦ. ᓄᑕᖅᑲᓂᒃ ᐃᓕᓐᓂᐊᖅᑎᑦᓯᓪᓚᓚᐅᖅᐳᖅ ᐊᒻᒪ ᐊᓱᐃᓪᓛᒃ ᓄᑕᕋᕆᔭᕐᒥᓂᒃ ᐃᓕᓐᓂᐊᖅᑎᑦᓯᑦᑕᓕᓚᐅᖅᐳᖅ ᐊᒻᒪ ᐊᒡᓛᑦ ᐃᕐᖓᑕᕆᔭᕐᒥᓂᒃ. ᐸᓂᒋᔭᖓ ᓯᕚᓐ ᐃᓕᓐᓂᐊᖅᑎᓚᐅᖅᓯᒪᖕᒪᒍ ᐊᒻᒪ ᐃᕐᖑᑕᖏᓐᓂᒡᓗ ᐃᓕᓐᓂᐊᖅᑎᑦᓯᓚᐅᖅᓯᒪᖦᖢᓂ. ᐊᓯᐊᙳᖅᐸᓪᓕᐊᔪᑦ ᐅᑭᐅᑦ ᐊᒥᓱᑦ ᐃᓗᐊᓂ ᑕᑯᓯᒪᔪᑦ ᓄᓇᕗᑦ ᐃᓗᐊᓂ ᐊᒻᒪ ᐃᓄᐃᑦ ᐃᓕᓐᓂᐊᓯᖏᑦᑕ ᐃᓗᐊᓂ ᐊᓯᐊᙳᖅᐸᓪᓕᐊᔪᑦ ᑕᒪᔾᔭᐅᒐᓗᐊᖅᑎᓪᓗᒋᑦ ᑲᔪᓰᓐᓇᖅᓯᒪᔪᖅ ᓴᐱᓕᓚᐅᖅᓯᒪᙱᖦᖢᓂ ᓄᑕᖅᑲᓂᒃ, ᓄᓇᓕᒋᔭᕐᒥᓂᒃ, ᐅᖃᐅᓯᕐᒥᒡᓗ, ᐃᓕᖅᑯᓯᕐᒥᒡᓗ ᐊᒃᓱᕉᑎᖃᖅᖢᓂ. ᐅᖃᕈᑎᒋᒍᐊᖅᐸᒃᑲ ᐅᑉᓛᖅ ᑖᒃᑯᐊ ᕋᐃᑦᓱᓪ ᐊᕐᓇᖕᓚᒃᑎᖅ ᐃᓕᓐᓂᐊᕐᕕᐊᓛᖓ ᐅᖃᕈᑎᖦᖢᒍ ᐊᒻᒪ ᐃᓕᓐᓂᐊᖅᑐᓕᕆᔨᓗᒃᑖᑦ ᐅᖃᕈᑎᖦᖢᒋᑦ ᒪ’ᓈᕐᔪᐊᖅᐸᕗᑦ ᐃᓕᑕᕆᕙᕗᓪᓗ ᐅᓕᐅᑦ ᐱᓕᕆᕐᔪᐊᖅᓯᒪᓂᖓᓄᑦ 50−ᓄᑦ ᐅᑭᐅᓄᑦ ᓯᕗᓕᖅᑎᐅᓯᒪᓂᖓᓄᑦ ᑲᒪᒋᔭᑦᓯᐊᖅᓯᒪᓄᓪᓗ ᓄᑕᖅᑲᓂᒃ ᐃᓚᒌᖕᓂᓪᓗ ᓄᓇᕗᑦ ᐃᓗᐊᓂ. ᒪ’ᓇ ᐅᖃᖅᑎᑦᓯᔩ. >>ᐸᒃᑕᑐᖅᑐᑦ ᐅᖃᖅᑎ: ᒥᓂᔅᑕᐃᑦ ᐅᖃᐅᓯᖏᑦ. ᐃᖏᕐᕋᔪᓕᕆᔨᒃᑯᓐᓄᑦ ᐊᐅᓚᔪᓐᓇᐅᑎᓕᕆᔨᒃᑯᓐᓄᑦ, ᕼᐃᒃᔅ. ᒥᓂᔅᑕᑉ ᐅᖃᐅᓯᖓ 40 – 7(2): ᐊᖏᔪᑎ ᐅᖅᓱᐋᓗᒻᒧᑦ ᐱᖁᑎᕐᔪᐊᖏᓄᑦ ᖃᑦᑕᐅᔮᓗᐃᓪᓗ ᐊᖏᓕᒋᐊᕈᑎᖏᑦ (ᕼᐃᒃᔅ) ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᐅᖃᖅᑏ, ᐅᖅᓱᐊᓗᐃᑦ ᓱᓕ ᐱᒻᒪᕆᐊᓘᕗᑦ ᓄᓇᕗᒻᒥ ᐆᒻᒪᖅᑯᑎᓕᕆᔾᔪᑎᖏᓐᓄᑦ, ᐃᑲᔪᖅᑐᐃᓪᓗᑎᒃ ᖃᖓᑕᓲᓂᒃ, ᓄᓇᓯᐅᑎᓂᒃ ᐃᖏᕐᕋᔾᔪᑎᓂᒃ, ᐊᖏᕐᕋᕆᔭᐅᔪᓂᒃ ᐅᖅᑰᓴᐅᑎᓂᒃ, ᓴᓇᕝᕕᐊᓗᖕᓂᒃ, ᐊᒻᒪ ᐆᒻᒪᖅᑯᑎᓂᒃ ᓄᓇᕘᓕᒫᒥ. ᓄᓇᕗᑦ ᐱᕈᖅᐸᓪᓕᐊᑎᓪᓗᒍ, ᑕᑎᒋᔭᒃᓴᐅᔪᑦ ᐅᖅᓱᐊᓗᖕᒧᑦ ᐊᐅᓚᔪᓐᓇᐅᑎᑦ ᐊᒻᒪ ᑐᖅᑯᖅᓯᓯᒪᕝᕖᑦ ᐱᕐᔪᐊᖑᐃᓐᓇᖅᐳᑦ ᐃᑲᔪᖅᓱᐃᓂᕐᒧᑦ ᓄᓇᓕᑦᑎᓐᓂ ᐊᒻᒪ ᒪᑭᒪᔾᔪᑎᒃᓴᓂᒃ. ᐅᖃᖅᑏ, ᐃᖏᕐᕋᔪᓕᕆᔨᒃᑯᑦ ᐱᖁᑎᕐᔪᐊᓕᕆᔩᓪᓗ ᒫᓐᓇ ᓯᕗᒧᐊᒃᑎᑦᑎᕙᓪᓕᐊᕗᑦ ᐊᖏᔪᓂᒃ ᐅᖅᓱᐊᓗᖃᐅᑎᒃᓴᓄᑦ ᐸᕐᓇᐅᑎᓂᒃ ᐅᓄᑲᓪᓚᒃᑐᓂᒃ ᓄᓇᓕᖕᓂ. ᐊᕐᕕᐊᓂᑦ, ᐸᖕᓇᐃᖏᓐᓇᖅᑐᑦ ᓄᑖᒥᑦ ᐅᖅᓱᐊᓗᖃᐅᑎᒃᓴᒥᑦ ᓯᕕᑐᔪᒧᑦ ᐊᒃᓱᕉᑕᐅᕙᒃᑐᓂᑦ ᒪᓕᒋᐊᓕᖕᓂᓪᓗ ᒪᓕᑦᑎᐊᖕᓂᖕᒥᑦ. ᐱᓕᕆᔾᔪᑎᑦ ᕿᒥᕐᕈᔭᐅᕌᓪᓚᓚᐅᖅᖢᑎᒃ ᐊᒻᒪ ᓄᓇᓖᑦ ᐃᓚᐅᑎᑕᐅᓚᐅᖅᖢᑎᒃ, ᐃᓂᒃᓴᕆᔭᐅᔪᒪᔪᖅ ᐊᖏᖅᑕᐅᓚᐅᖅᐳᖅ ᕼᐋᒻᒪᓚᒃᑯᑦ ᑲᑎᒪᔨᖏᓐᓄᑦ ᐊᐃᕐᕆᓕ 2026−ᒥ, ᐱᓕᕆᐊᖅ ᓯᕗᒻᒧᐊᒍᑕᐅᔪᓐᓇᖅᓯᓪᓗᓂ ᓇᓗᓇᐃᔭᖅᓯᒪᑦᑎᐊᖅᑐᒥᒃ ᑕᐅᑦᑐᒃᓴᖓᓄᑦ ᐊᒻᒪ ᐱᔪᓐᓇᐅᑎᑖᖅᑎᑦᑎᓂᕐᒧᑦ. ᑕᓗᕐᔪᐊᓂ, ᐊᔪᖏᑦᑎᐊᕋᔭᕐᓂᖓᓄᑦ ᐱᓕᕆᔪᖃᖅᐸᓪᓕᐊᕗᖅ ᖃᐅᔨᓴᕈᒪᓪᓗᑎᒃ ᐊᑐᖅᑕᐅᖔᕈᓐᓇᖅᑐᓂᒃ ᐊᖏᒡᓕᒋᐊᖅᑎᑦᑎᓂᐊᕐᓗᓂ ᐱᑕᖃᖅᐸᒌᖅᑐᒥᒃ ᐅᖅᓱᐊᓗᖃᐅᑎᒥᒃ ᐱᕙᓪᓕᐊᑎᑦᑎᓂᕐᒥᒡᓘᓐᓃᑦ ᓄᑖᒥᒃ ᐃᓂᒋᔭᐅᓇᔭᖅᑐᒥᒃ ᐊᖑᒻᒪᑎᔪᒪᓂᕐᒧᑦ ᓯᕗᓂᒃᓴᒥ ᐅᖅᓱᐊᓗᖃᐅᑎᖃᕐᕕᒋᔭᐅᔭᕆᐊᖃᖅᐸᒃᑐᓄᑦ. ᐅᖃᖅᑏ, ᐱᓕᕆᕕᒃ ᓇᓗᓇᐃᖅᓯᓯᒪᒻᒥᔪᖅ ᐊᖏᔪᓂᒃ ᐅᖅᓱᐊᓗᖃᐅᑎᓄᑦ ᐱᖁᑎᕐᔪᐊᓂᒃ ᓴᓇᒋᐊᖅᓯᓂᕐᒧᑦ ᐱᓕᕆᐊᓂᒃ ᓇᐅᔮᓂ ᐊᒻᒪᓗ, ᒫᓐᓇᒫᖑᓂᖅᓴᖅ, ᑲᖏᖅᖠᓂᕐᒥ ᐃᓚᒋᓪᓗᓂᐅᒃ ᑲᔪᓰᓐᓇᖅᑐᒥᒃ ᐱᓇᓱᐊᕐᓂᐅᔪᓂᒃ

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 7 ᑲᒪᒋᔭᖃᕐᓂᕐᒧᑦ ᐊᑯᓂᐅᔪᒃᑯᑦ ᐱᕈᖅᐸᓪᓕᐊᓂᕐᒥᒃ, ᐊᐅᓚᓂᕐᒧᑦ ᐊᒃᓱᕉᑕᐅᕙᑦᑐᓂᒃ, ᐊᒻᒪᓗ ᓯᕗᓂᒃᓴᒥ ᐅᖅᓱᐊᓗᖃᐅᑎᖃᕆᐊᖃᕐᓂᕐᒧᑦ ᓄᓇᕗᓕᒫᒥ. ᐱᓕᕆᕕᕗᑦ ᓇᓗᓇᐃᖅᓯᓯᒪᖕᒥᔪᑦ ᒪᓕᒐᕐᓂᒃ ᒪᓕᑦᑎᐊᕐᓂᕐᒧᑦ ᐱᓕᕆᐊᒃᓴᓂᒃ ᒥᑦᑎᒪᑕᓕᖕᒥ, ᐃᒃᐱᐊᕐᔪᖕᒥ, ᕿᑭᖅᑕᕐᔪᐊᕐᒥ, ᑭᙵᕐᓂ, ᖁᕐᓗᖅᑐᕐᒥ ᐊᒻᒪ ᑰᒑᕐᔪᖕᒥ, ᑲᓇᑕᐅᑉ ᒐᕙᒪᒃᑯᖏᓐᓂᒃ ᑮᓇᐅᔭᖃᖅᑎᑕᐅᔪᑦ ᐱᓕᕆᐊᖑᐃᓐᓇᖅᑐᑦ ᖃᔅᓯᑲᓪᓚᖕᓂ ᓄᓇᓕᖕᓂ ᐱᐅᓯᒋᐊᖅᑎᑦᑎᓪᓗᑎᒃ ᓱᓪᓗᓕᖕᓂᒃ, ᓯᒡᔭᒥ ᓱᓪᓗᓕᖕᓂᒃ, ᐊᒻᒪ ᐃᒪᒃᑯᑦ ᓅᑎᕆᓂᕐᒧᑦ ᐊᑦᑕᕐᓇᖅᑕᐃᓕᒪᔾᔪᑎᓂᒃ. ᐅᖅᓱᐊᓗᓕᕆᔨᒃᑯᑦ ᓯᕗᒻᒧᐊᒃᑎᑦᑎᕙᓪᓕᐊᖏᓐᓇᖅᐳᑦ ᒥᑭᓐᓂᖅᓴᓂᒃ ᐱᔪᓐᓇᕐᓂᕆᔭᐅᔪᓂᒃ ᐊᖏᒡᓕᒋᐊᖅᑎᑦᑎᓂᕐᒥᒃ ᓄᓇᕘᓕᒫᒥ. ᑕᒪᓐᓇ ᐃᓚᖃᖅᐳᖅ ᐃᓚᓯᓂᕐᒥᒃ ᓅᑎᑦᑎᓂᕐᒥᒡᓗ ᖃᑦᑕᐅᔭᙳᐊᓂᒃ, ᓄᑖᙳᕆᐊᖅᑎᑦᑎᓂᕐᒥᒃ ᐱᑕᖃᖅᐸᒌᖅᑐᓂᒃ ᓇᑉᐸᖅᑎᖅᑕᐅᓯᒪᔪᓂᒃ, ᑲᔪᓰᓐᓇᖅᑐᒥᒡᓗ ᖃᑦᑕᐅᔭᙳᐊᓂᒃ ᖃᐅᔨᓴᖅᓯᕙᖕᓂᕐᒥᒃ ᓇᓗᓇᐃᒃᑯᑕᖅᑖᖅᑎᑦᑎᓂᕐᒥᒡᓗ ᐱᓕᕆᓂᕆᔭᐅᕙᒃᑐᒥᒃ ᐃᑲᔪᕈᒪᓪᓗᒋᑦ ᓄᓇᓖᑦ ᐊᐅᓚᑦᑎᕝᕕᖃᕈᒪᓪᓗᑎᒃ ᐊᖏᒡᓕᕙᓪᓕᐊᔪᒥᒃ ᐅᖅᓱᐊᓗᖕᒥᒃ ᐱᔭᐅᔪᒪᕙᒃᑐᒥᒃ. ᑕᒪᑐᒪᓂ ᐊᕐᕌᒍᒥ, ᐅᖅᓱᐊᓗᓕᕆᔨᒃᑯᑦ ᐸᕐᓇᐃᕗᑦ ᓅᑎᑦᑎᔪᒪᓪᓗᑎᒃ ᐊᕐᕕᓂᓕᖕᓂᒃ ᓴᓂᒨᖓᔪᓂᒃ ᖃᑦᑕᐅᔭᙳᐊᓂᒃ ᐊᕐᕕᐊᓄᑦ ᐊᒻᒪ ᐱᖓᓱᒃᑲᓐᓂᕐᓂᒃ ᖃᑦᑕᐅᔭᙳᐊᓂᒃ ᐊᐅᓱᐃᑦᑐᒧᑦ ᐅᖅᓱᐊᓗᖃᐃᓐᓇᕈᓐᓇᖁᓪᓗᒋᑦ. ᐅᖃᖅᑏ, ᑖᒃᑯᐊ ᐱᓕᕆᐊᒃᓴᐃᑦ ᐱᒻᒪᕆᐊᓘᒻᒪᑕ ᓄᓇᕗᒻᒥ ᐅᖅᓱᐊᓗᖃᐅᑎᓄᑦ ᐱᖁᑎᕐᔪᐊᑦ ᐊᖑᒻᒪᑎᖁᓪᓗᒋᑦ ᐱᕈᖅᐸᓪᓕᐊᓂᖏᓐᓄᑦ ᓄᓇᓖᑦ ᐊᒻᒪᓗ ᐊᒥᓱᕈᖅᐸᓪᓕᐊᓂᖏᓐᓄᑦ ᐆᒻᒪᖅᑯᑎᓕᕆᔾᔪᑎᕗᑦ. ᓄᓇᕗᑦ ᐱᕈᖅᐸᓪᓕᐊᑎᓪᓗᒍ, ᕿᓃᓐᓇᕆᐊᖃᖅᐳᒍᑦ ᐊᑑᑎᖃᑦᑎᐊᖅᑐᓂᒃ ᐊᒻᒪ ᓄᑖᓂᒃ ᐱᓕᕆᔾᔪᓯᕐᓂᒃ ᓴᙱᒃᑎᒋᐊᕈᑎᒃᓴᓂᒃ ᐊᒻᒪ ᒪᑭᒪᔾᔪᑎᒃᓴᓂᒃ ᑖᒃᑯᓂᖓ ᐱᕐᔪᐊᖑᓪᓗᑎᒃ ᐊᐅᓚᔪᓐᓇᐅᑎᓂᒃ ᐊᑯᓂᐅᔪᒧᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᑲᑎᒪᔾᔪᑎᑦᑕ ᓈᓴᐅᑎᖓ 3. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᖁᕐᓗᖅᑑᕐᒧᑦ ᒪᓕᒐᓕᐅᖅᑎ, ᖁᓕᒃᑖᓇ. ᑲᑎᒪᔾᔪᑎᒃᓴᖅ 3: ᒪᓕᒐᓕᐅᖅᑏ ᐅᖃᐅᓯᒃᓴᖏᑦ ᒪᓕᒐᓕᐅᖅᑎᑉ ᐅᖃᐅᓯᖓ 47 – 7(2): ᖁᓪᓗᖅᑑᒥ ᐊᓂᒍᐃᔪ ᐃᓕᓐᓂᐊᖅᑎᓐ (ᖁᓕᒃᑖᓇ) ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᕐᓗᖅᑐᒥᐅᓄᑦ ᓂᓪᓕᐅᑎᖃᕈᒪᓪᓗᖓ. ᖁᓕᑦ ᐱᔭᕇᖅᓴᓕᕐᒪᑕ ᐃᓕᓐᓂᐊᖅᑕᒥᖕᓂᒃ ᖁᕐᓗᖅᑑᕐᒥ. ᖁᔭᓐᓇᒦᕈᒪᓪᓗᖏᑦ ᐃᓗᖏᖅᓱᓚᐅᕐᓂᖏᓐᓄᑦ ᐊᒻᒪᓗ ᓯᕗᒧᒍᓐᓇᓪᓚᕆᓚᐅᕐᓂᖏᓐᓄᑦ ᐅᓪᓗᒥᒧᑦ ᖁᑦᑎᖕᓂᓕᒃ 12−ᒥᒃ. ᐅᓪᓗᒥ ᐃᓕᑕᕆᔪᒪᓪᓗᒋᑦ ᐊᖓᔪᖅᑳᕆᔭᐅᔪᑦ ᐱᔭᕇᖅᑐᑦ ᑖᒃᑯᐊ ᕿᑐᕐᖓᖏᑦ, ᕿᑐᕐᖓᕆᔭᐅᔪᑦ ᓄᓇᕗᓕᒫᒥ ᓄᓇᓕᓐᓂ. ᑲᔪᖏᖅᓱᙱᒃᑯᑎᒃ ᐊᒻᒪᓗ ᐃᓕᓐᓂᐊᖅᑎᖏᓪᓗ ᐃᓕᓐᓂᐅᕐᕕᒻᒨᑦᓴᐃᓐᓇᖁᑉᓗᒋᑦ ᖃᐅᑕᒫᑦ ᐊᒻᒪᓗ ᓲᖑᔫᔮᕋᓗᐊᖅᖢᑎᒃ ᓇᓪᓕᓂᕐᒥᒍᑦ ᐊᑐᖅᓯᒪᔭᐃᓐᓇᕋᑦᑎᒍᑦ ᐃᓘᓐᓇᑕ. ᐃᓕᓐᓂᐊᕆᐊᕈᒪᙱᓐᓇᒫᓛᕐᓂᑰᕐᒥᒐᑦᑕ. ᐊᖓᔪᖅᑳᕗᑦ ᖃᐅᔨᒪᐃᓐᓇᓲᖑᒻᑕ, ᐃᓕᑕᕆᔪᒪᓪᓗᒋᑦ ᐃᓗᖏᖅᑐᕐᓂᖏᑦ ᓇᓪᓕᒍᓱᓐᓂᖏᓐᓄᑦ ᕿᑐᕐᖓᖏᑦ ᓯᕗᒧᐊᕈᑎᒋᔪᒪᔭᖏᑦ ᐊᖑᒻᒪᖁᓪᓗᒋᑦ, ᓯᕗᒧᐊᑦᓯᐊᖁᑉᓗᒋᑦ. ᐃᓕᓐᓂᐊᕐᕕᒻᒥᑑᙱᑦᑐᖅ, ᐃᓅᓯᕐᒥᓂᓪᓗ ᐱᓇᓱᒍᒪᒐᔭᖅᑕᒥᓂᒃ ᐃᓕᑕᕆᔪᒪᓪᓗᒋᑦ ᐅᓪᓗᒥ ᐊᖓᔪᖅᑳᕆᔭᐅᔪᓕᒫᑦ ᓇᓪᓕᓂᕐᒥᓂᒃ ᐃᓗᖏᖅᑐᕐᓂᕐᒥᓂᒃ ᕿᑐᕐᖓᒥᓂᒃ. ᓇᓪᓕᐅᓂᖅᓯᐅᕈᒪᓪᓗᒋᑦ ᐃᓕᑕᕆᓪᓗᒋᑦ ᑕᒪᓐᓇ ᐅᖃᐅᓯᕆᓪᓗᒍ ᐅᓪᓗᒥ. ᖁᔭᓐᓇᒦᒃ. >>ᐸᒃᑕᑐᖅᑐᑦ

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 8 ᐅᖃᖅᑎ: ᖁᔭᓐᓇᒦᒃ. ᒪᓕᒐᓕᐅᖅᑏᑦ ᐅᖃᐅᓯᖏᑦ, ᐃᖃᓗᑦᑑᑦᓯᐊᕐᒧᑦ ᒪᓕᒐᓕᐅᖅᑎ ᐲᑕᓴᓐ. ᒪᓕᒐᓕᐅᖅᑎᑉ ᐅᖃᐅᓯᖓ 48 – 7(2): ᐊᓈᓇᒐ ᓇᓪᓕᐊᓐᓂᖅᓯᐅᑦᑎᐋᓕ ᐅᓪᓗᒥ (ᐲᑕᓴᓐ) ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᑉᓛᒃᑯᑦ ᑕᒪᔅᓯ, ᐃᖃᓗᒃᑑᑦᑎᓯᐊᕐᒦᑦᑐᓪᓗ ᑕᕖᖅᑐᑦ, ᓈᓚᑦᑐᓪᓗ ᖃᕆᑕᐅᔭᒃᑯᑦ. ᓄᓕᐊᕋ ᐃᓚᒋᒻᒥᒻᒪᒍ ᓈᓚᒍᒪᓪᓚᕆᑉᐸᒻᒪᑦ ᑕᕝᕙᓂ ᐱᔪᓂᒃ ᐱᓇᓱᐊᕐᓂᐅᔪᓂᓪᓗ ᓄᓇᕗᒻᒥ. ᖃᐅᔨᒪᔭᐃᓐᓇᕆᑉᐸᓪᓕᐊᙱᑕᔅᓯ ᑭᓯᐊᓂ ᓯᕗᓪᓕᖅᐹᖑᓚᐅᖅᓯᒪᔪᒥ ᒪᓕᒐᓕᐅᕐᕕᒻᒧᑦ ᓂᕈᐊᖅᑕᐅᓚᐅᖅᓯᒪᔪᖅ ᓄᓇᑦᓯᐊᖑᑎᓪᓗᑕ ᓱᓕ. ᐅᑭᐅᖅᑕᖅᑑᑉ ᕿᑎᐊᓂ ᑕᐃᔭᐅᓚᐅᖅᓯᒪᔪᖅ ᓂᕈᐊᖅᑕᐅᕝᕕᒋᔭᕗᑦ ᐅᓗᕼᐊᖅᑐᖅ ᐊᒻᒪ ᑰᒑᕐᔪᒃ ᐃᓚᒋᔭᐅᓪᓗᑎᒃ. ᒪᐃ 31 ᑕᕝᕙᓃᔾᔮᙱᒻᒪᑦ 86−ᒋᓕᖅᑕᖓᓂᒃ ᓇᓪᓕᐅᑎᒻᒪᑦ ᒫᓐᓇᓗ ᖁᔭᓐᓇᒦᕈᒪᓪᓗᒍ ᑕᐃᕕᑦ ᖁᕐᓗᖅᑑᕐᒥᐅᑕᖅ ᓂᕈᐊᖅᑕᐅᓚᐅᕐᒪᑦ ᐃᑉᐸᔅᓴᖅ ᑐᖏᓕᒋᔭᐅᓂᐊᓕᕐᒪᑦ ᐊᖓᔪᖅᑳᕐᒧᑦ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓄᑦ. ᖁᔭᓐᓇᒦᒃ, ᐅᖃᖅᑏ. >>ᐸᒃᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐸᓐᓂᖅᑑᕐᒧᑦ ᒪᓕᒐᓕᐅᖅᑎ, ᒥᔅᑕ ᒪᐃᒃ. ᒪᓕᒐᓕᐅᖅᑎᑉ ᐅᖃᐅᓯᖓ 49 – 7(2): ᓄᓇᕘᑉ ᓄᓇᖏᓂᒃ ᐊᑐᖅᑕᐅᔪᒃᓴᓄᑦ ᐸᕐᓇᐅᑖᓄᑦ (ᒪᐃᒃ) ᒪᐃᒃ: ᐅᓪᓛᒃᑯᑦ. ᖁᔭᓐᓇᒥᒃ, ᐅᖃᖅᑏ. ᐅᖃᐅᓯᔅᓴᖃᖅᑐᖓᓕᐊᓯᑦ ᓄᓇᕗᑦ ᓄᓇᖓᑕ ᐊᑐᖅᑕᐅᓂᕆᓇᔭᖅᑕᖓᑕ ᐸᕐᓇᑕᐃᐅᓯᒪᓂᖓ. ᐃᓛᒃ ᑖᓐᓇ ᖃᐅᔨᒪᒐᑦᑎᒍᑦ ᐊᐃᕙᔨᐅᖃᑕᐅᓂᑰᓪᓗᖓ ᓄᓇᑖᕋᓱᓐᓂᕐᒧᑦ ᑕᐃᔅᓱᒪᓂ ᒪᒃᑯᑦᑑᓪᓗᖓ, 30ᓂᒃ ᐊᕐᕌᒍᖃᖅᑰᓚᐅᖅᓯᒪᒐᒪ, ᓄᓇᕗᑦᑖᕋᓱᑉᐸᓪᓕᐊᓕᖅᑎᓪᓗᒍ ᐃᓚᐅᓕᖅᑎᓪᓗᖓ ᐸᓐᓂᖅᑑᒥᐅᑦ ᐱᔾᔪᑎᓇᓱᐊᖅᑐᑎᒍᑦ. ᑖᓐᓇᐃᓛᒃ ᐊᖏᖃᑎᒌᒍᒻᒥ ᐱᒻᒪᕆᒋᔭᓪᓚᕆᐅᒻᒪᑦ 1993-ᒥ ᐊᖏᖃᑎᒌᒍᑎᐅᑉ ᑐᑭᑖᕈᑎᒥᓂᖓᓂ ᐊᒻᒪᓗ ᑕᒫᓂ ᑲᓇᐅᑉ ᐃᓗᐊᓂ ᐊᖏᓂᖅᐹᒻᒪᕆᐅᓪᓗᓂ ᓄᓇᑖᕈᑎᒥᓂᖅ. ᓄᓇᑖᖃᑦᑕᖅᓯᒪᔪᓂᑦ ᑖᓐᓇ ᓄᓇᕗᑦ ᐃᓗᐊ ᑲᓇᑕ ᑕᑯᓐᓇᕐᓗᒍ. ᐃᓱᒫᓘᑎᓕᑦ ᐊᒥᓱᑦ ᓂᓪᓕᖃᑦᑕᙱᒻᒪᑕ ᓄᓇᕗᒻᒥᐅᑦ, ᑖᔅᓱᒧᖓ ᓇᓗᓇᙱᒻᒪᑦ. ᓂᓪᓕᕋᓱᖃᑦᑕᖅᑐᖓ ᑖᓐᓇ ᐱᔾᔪᑎᒋᓪᓗᒍ ᑕᒪᓐᓇ ᐸᕐᓇᑦᑕᐅᓂᖓ ᐱᓕᕆᐊᖑᒻᒪᑦ ᒫᓐᓇᐅᔪᖅ. ᑕᐃᒪ ᒪᐃᖑᑎᓪᓗᒍ ᐊᕐᕌᓂ ᖃᓪᓗᓇᐅᔭᕐᓗᒍᖃᐃ (ᑐᓵᔨᑎᒎᓕᖅᑐᖅ) ᒪᐃ 2025ᒥ, ᓇᑉᐸᓪᓗᐊᖏᑦ ᓄᓇᕗᒻᒥᐅᑦ, 52,000 ᑭᑉᐹᕆᒃᑐᑦ ᑭᓛᒥᑕᑦ ᐊᖏᓂᖃᖅᑐᒥᒃ ᐅᔭᕋᓐᓂᐊᕐᕕᑦᓴᖅ ᐱᔭᐅᓚᐅᖅᑐᖅ ᓄᓇᐃᑦ ᐅᑭᐅᑦ ᒪᕐᕉᓐᓂᒃ, 15,000ᖑᓗᐊᖅᑐᑦ ᑭᑉᐹᕆᑦᑐᑦ ᒦᑕᑦ ᐅᔭᕋᓐᓂᐊᕐᕖᑦ ᓇᓗᓇᐃᖅᑕᐅᓪᓗᑎᒃ ᓄᓇᓂ ᓴᐳᔾᔭᐅᒍᒫᕐᓂᐊᖅᓯᒪᒐᓗᐊᖅᑐᓂᒃ ᐸᕐᓇᐅᑎᑎᒍᑦ. (ᑐᓵᔨᑎᒎᕈᓐᓃᖅᑐᖅ) ᐃᓗᓕᓕᐅᒐᓗᐊᖅ ᑖᓐᓇ ᐊᒥᓱᓂᒃ. ᐅᖃᖅᑎ. ᐃᓱᒫᓗᓇᖅᑐᓂ ᖃᓄᐃᑦᑐᓂᒃ ᑲᔪᓯᔪᖃᖅᐸᓕᖅᑐᖅ ᓄᓇᕗᑦ ᓄᓇᒧᑦ ᐸᕐᓇᐅᑎ ᐊᑐᓚᐅᖅᑎᓐᓇᒍ ᓱᓕ ᐱᒻᒪᕆᐅᔪᓂᒃ; ᐆᑦᑑᑎᒋᔪᒪᑐᐃᓐᓇᑖᒃᑲᒃ ᑖᒃᑯᐊᒃ ᒪᕐᕉᒃ ᓇᓗᓇᐃᖅᑕᐅᕋᑖᓚᐅᖅᑑᒃ ᕼᐆᑉ ᐸᐃ ᐅᔭᕋᖕᓂᐊᕐᕕᒃ ᐊᒻᒪᓗ ᖁᕐᓗᖅᑐᐊᕐᔪᖕᒥ ᑐᓚᒃᑕᕐᕕᒃ ᐊᒻᒪ ᐊᖅᑯᓯᐅᕐᓂᕐᒧᑦ ᐱᓕᕆᐊᑦ. ᑕᕝᕙ ᓄᓇᕗᑦ ᐸᕐᓇᐅᑎᖃᙱᑦᑐᒍᑦ ᓄᓇᕗᒻᒥ ᑕᒪᒃᑯᐊ ᐱᕙᓪᓕᐊᔪᑦ ᐊᑭᕋᖅᑐᙱᑕᒃᑲ, ᑭᓯᐊᓂ, ᐃᒃᓯᕙᐅᑕᖃᐃ ᐱᕕᖃᖅᑎᑕᐅᒃᑲᓐᓂᕈᓐᓇᕈᒪ ᐊᐱᕆᔪᖓ. ᐅᖃᖅᑎ: ᒪᓕᒐᓕᐅᖅᑎ ᐊᐱᕆᒻᒪᑦ ᐅᖃᐅᓯᒃᓴᕆᔭᒥᖕᓂᒃ ᐃᓱᓕᑦᓯᒍᒪᓪᓗᓂ. ᐋᒃᑳᖅᑐᖃᖅᐸ? ᑐᓴᙱᓐᓇᒪ, ᒥᔅᑕ ᒪᐃᒃ, ᑲᔪᓯᒋᐊᕆᑦ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 9 ᒪᐃᒃ: ᖁᔭᓐᓇᒦᒃ, ᒪᓕᒐᓕᐅᖅᑎᐅᖃᑎᒃᑲ. ᐄᓪᓛᒃ ᐅᖃᕋᓱᐊᖅᑐᖓ ᐃᓄᐃᑦ ᐊᒥᓱᑦ ᑐᓴᐅᒪᙱᒻᒪᑕ ᑕᒪᒃᑯᓂᖓ ᑖᓐᓇ ᓄᓇᕗᑦ ᓄᓇᖓᑕ ᐸᕐᓇᑦᑕᐅᓂᖓᑕ ᐱᔾᔪᑎᒋᓪᓗᒍ ᖃᓄᖅ ᑕᒪᒃᑯᐊ ᑐᑭᑖᖅᓯᒪᙱᓐᓂᖓ ᑖᓐᓇ ᐱᓪᓗᒍ ᑭᓯᐊᓂ ᓱᓇᑐᐃᓐᓇᐃᑦ ᐱᕙᓪᓕᐊᔪᑦ ᑖᓐᓇ ᐊᑐᓕᓚᐅᖅᑎᓐᓇᒍ ᓄᓇᕗᑦ ᓄᓇᖓᑕ ᐊᑐᕈᑎᔅᓴᒋᒐᔭᖅᑕᖓ. ᑖᓐᓇ ᐅᓪᓗᒥ ᐊᐱᖅᑯᑎᒋᓂᐊᕋᒃᑯ ᓈᒻᒪᒃᑐᒧᑦ ᒥᓂᔅᑕᒧᑦ. ᖁᔭᓐᓇᒥᒃ, ᐅᖃᖅᑏ. ᐅᖃᖅᑎ: ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐊᑎᖁᑎᖃᕈᓐᓃᕋᒪ. ᑲᔪᓯᒃᑲᓐᓂᕐᓗᑕ. ᑲᑎᒪᔾᔪᑎᑦᑕ ᓈᓴᐅᑎᖓ 4. ᐅᖃᐅᓯᒃᑯᑦ ᐊᐱᖅᑯᑎᕕᓂᕐᓄᑦ ᑭᐅᔾᔪᑏᑦ. ᒥᓂᔅᑕ ᐃᖏᕐᕋᔪᓕᕆᔨᒃᑯᓐᓄᑦ ᐊᐅᓚᔪᓐᓇᐅᑎᓕᕆᔨᒃᑯᓐᓄᓪᓗ, ᒥᔅᑕ ᕼᐃᒃᔅ. ᑲᑎᒪᔾᔪᑎᒃᓴᖅ 4: ᑭᐅᔾᔪᑎ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᒧᑦ ᑭᐅᔾᔪᑎ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᒧᓐ 24– 7(2): ᒥᑦᑕᕐᕕᒃᑎᓐᓂ ᐱᖁᑎᕐᔪᐋᓄᑦ (ᕼᐃᒃᔅ) ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑖᓐᓇ ᐊᐱᖅᑯᑎᒋᓚᐅᖅᓯᒪᔭᕋ ᐊᐱᖅᑯᑎᒋᔭᐅᓚᐅᖅᑐᖅ ᑖᓐᓇ ᒥᕝᕕᒃ ᐱᔾᔪᑎᒋᓪᓗᒍ ᐊᐱᖅᑯᑎᒋᓚᐅᖅᓯᒪᔭᖓ ᖃᓄᐃᓕᖓᓕᕐᒪᖔᑦ ᑖᒃᑯᐊ ᐸᕐᓇᐅᓯᐊᕆᔭᐅᓯᒪᔪᖅ ᐃᒡᓗᓕᐅᑉ ᒥᕝᕕᖓ. ᐅᖃᖅᑏ, ᑖᒃᑯᐊ ᓄᓇᕗᒻᒥ ᒥᕝᕕᓕᕆᔩᑦ ᐃᒡᓗᓕᖕᒧᐊᓚᐅᖅᑐᑦ ᑕᒪᑐᒪᓂ ᐱᓇᓱᐊᕈᕐᒥ ᖃᐅᔨᓴᕆᐊᖅᑐᖅᖢᑎᒃ ᑖᔅᓱᒥᖓ ᐊᒻᒪᓗ ᑖᒃᑯᐊ ᐱᓕᕆᕖᑦ ᒫᓐᓇ ᕿᒥᕐᕈᓇᖕᒥᔪᑦ ᖃᐅᔨᒪᔨᑕᕆᔭᐅᔪᑦ ᑐᒃᓯᕌᕆᓯᒪᔭᖏᓐᓂᒃ ᐊᒻᒪ ᐱᓇᓱᐊᕈᓯᕐᓂᒃ ᐊᒡᒋᖅᑐᓂᒃ ᑳᓐᑐᕌᒃ ᑖᓐᓇ ᐊᑎᓕᐅᓚᐅᖅᖢᓂ. ᑭᖑᓪᓕᖅᐹᖅᓯᐅᑏᑦ ᐅᓂᒃᑳᑦ ᐱᔭᕇᖅᑕᐅᓂᐊᖅᑐᑦ ᑖᓐᓇ ᐊᕐᕌᒍ ᐃᓱᓕᓚᐅᖅᑎᓐᓇᒍ. ᐱᔭᕇᖅᑕᐅᓂᐊᖅᑐᑦ ᐊᐱᓚᐅᙱᓐᓂᖏᓐᓂ ᐊᒻᒪᓗ ᑎᑎᕋᐅᔭᖅᓯᒪᓂᒃᑯᑦ ᐅᓂᒃᑳᑦ ᐊᑐᐃᓐᓇᕈᖅᑎᓐᓂᐊᖅᑕᕗᑦ ᐅᐱᕐᖔᖅ. ᐊᒻᒪᓗ ᑖᒃᑯᐊ ᐊᑭᑐᔪᖅᑐᕈᑎᒃᓴᖏᑦ ᖃᔅᓯᑖᓚᑐᕐᓂᐊᕐᒪᖔᑦ ᖃᐅᔨᓴᕐᓂᐊᖅᑐᑦ ᐊᒻᒪᓗ ᓯᕗᓪᓕᐅᔾᔭᐅᓯᒪᔪᑦ ᐃᓚᖃᓯᐅᔾᔭᐅᓂᐊᖅᖢᑎᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑎᕕᓂᕐᓄᑦ ᑭᐅᔾᔪᑏᑦ. ᖁᓪᓗᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᑲᒪᒋᔭᓕᒃ, ᒥᔅ ᕼᐄᓕ−ᐊᕿᐊᕈᖅ. ᑭᐅᔾᔪᑎ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᒧᓐ 31– 7(2): ᐅᖅᓱᖅᑑᒥ ᐆᒻᒪᖅᑯᑎᖃᕝᕕᐊᑕ ᐊᐅᓚᑎᖃᕝᕕᖓ (ᕼᐄᓕ-ᐊᕿᐊᕈᖅ) ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑎᕕᓂᕐᓄᑦ ᑭᐅᔾᔪᑏᑦ. ᖁᓪᓗᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᑲᒪᒋᔭᓕᒃ, ᒥᔅ ᕼᐄᓕ−ᐊᕿᐊᕈᖅ. ᐊᖓᔪᖅᑳᖅ ᒍᐃᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ (ᑐᓵᔨᑎᒎᓕᖅᑐᖅ) ᐅᓪᓗᒥ ᓇᖏᖅᓯᕗᖓ ᑭᐅᔾᔪᑎᒋᓚᐅᖅᓯᒪᔭᕋ ᐊᐱᖅᓱᕐᓇᐅᑎᓪᓗᒍ ᒪᐃ 25, 2026ᒥ ᒥᔅᑕ ᐳᐊᑑᑉ ᐊᐱᖅᑯᑎᒋᓚᐅᖅᑕᖓ ᓄᓇᒥᐅᑕᐃᑦ ᐱᓪᓗᒋᑦ. ᑕᐃᑲᓂᓗ ᓄᑖᖅ ᐆᒻᒪᖅᑯᓯᐅᕝᕕᒃ. ᑕᐃᓐᓇ ᓄᑖᖅ ᐆᒻᒪᖅᑯᓯᐅᕐᕕᒃ ᐅᓱᖅᑑᕐᒥ ᓄᑕᐅᓂᖅᐹᓂᒃ ᐊᑐᖅᑐᑦ ᐊᒻᒪᓗ ᒪᑯᓄᖓ ᐆᒻᒪᖅᑯᓯᐅᕈᑎᓂᒃ ᐃᓚᖃᕈᓐᓇᖅᖢᓂ ᐊᒻᒪ ᐃᓚᑖᒃᑲᓐᓂᖅᐸᑦ ᑭᓯᐊᓂ ᐱᙳᖅᑎᑕᐅᔪᓐᓇᖅᓯᓂᐊᖅᑐᖅ. ᑐᒃᓯᕋᐅᑎ ᑐᓐᓂᖅᑯᑎᒋᔭᐅᔪᓐᓇᖅᑐᑦ ᐊᑐᒃᑲᓐᓂᕈᓐᓇᖅᑐᓄᑦ ᐆᒻᒪᖅᑯᓯᐅᕈᑎᓄᑦ ᐅᖅᓱᖅᑑᕐᒥ. ᐅᓪᓗᒥᒧᑦ ᑎᑭᖦᖢᒍ ᖁᓪᓕᒃᑯᑦ ᑐᒃᓯᕋᐅᑎᓂᒃ ᐱᓯᒪᓕᖅᑐᑦ ᑖᒃᑯᓇᙵᑦ ᓄᓇᖅᑲᑎᒌᓂᑦ. ᖁᔭᓐᓇᒥᒃ, ᐅᖃᖅᑎ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 10 ᐅᖃᖅᑎ: ᑲᑎᒪᔾᔪᑎᑦᑎᓐᓄᑦ. ᓈᓴᐅᑎᖓ 5. ᐳᓛᕆᐊᖅᓯᒪᔪᓂᒃ ᐃᓕᑕᖅᓯᓂᖅ. ᐃᖃᓗᐃᑦ ᑕᓯᓗᖕᒧᑦ ᒪᓕᒐᓕᐅᖅᑎ, ᕼᐃᒃᔅ. ᑲᑎᒪᔾᔪᑎᒃᓴᖅ 5: ᐃᓕᓴᖅᓯᓂᖅ ᐳᓛᕆᐊᖅᓯᒪᔪᓂᑦ ᒪᓕᒐᓕᐅᕐᕕᖕᒧᑦ ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑲᐅᒐᒪ ᐅᐊᑦᑎᐊᖅ ᐃᓕᓴᖅᓯᔪᒪᓪᓗᖓ ᐱᕕᖃᕐᓂᓐᓂ ᑕᒫᓂᖃᑕᐅᔪᓂᒃ. ᒪᓕᒐᓕᐅᖅᑎᐅᖃᑎᒐ ᐃᓕᓴᖅᓯᓚᐅᕋᓗᐊᕐᒪᑦ, ᑖᒃᑯᐊ ᐅᐸᖃᑦᑕᕐᒪᑕ ᓇᓗᓇᐃᕈᒪᔭᒃᑲ ᖁᕕᐊᓲᑎᒋᔪᒪᓪᓗᒋᓪᓗ ᓴᐃᒪᓐ ᒪᒃᑑᒪᑦ ᐃᕐᓂᖓ ᐅᕙᓃᖃᑕᐅᖕᒪᑦ ᐸᓖᓯᓂ ᐊᖓᔪᖅᑲᐅᑕᐅᓪᓗᓂ. ᐊᖓᔪᖅᑳᕐᔪᐊᖓ ᒪᐃᒃ ᐸᐃᒃ ᑖᓐᓇ ᐋᓪᓚᐅᙱᒻᒥᔪᖅ ᑕᕝᕙᓂ ᐊᑕᐅᓯᐊᕐᓇᓂ ᑕᕝᕗᙵᖃᑦᑕᖅᓯᒪᖕᒪᑦ. ᖁᔭᓐᓇᒦᕈᒪᔭᕋ ᐃᖅᑲᓇᐃᔭᑦᑎᐊᖃᑦᑕᕐᒪᑦ ᐱᔨᑦᑎᑦᑎᐊᖅᖢᓂᓗ ᐊᒻᒪᓗ ᖃᐅᔨᒪᓪᓗᖓ ᐱᔭᕐᓂᙱᑦᑑᖃᑦᑕᕐᒪᑦ. ᑕᕝᕙᓃᖃᑎᒋᖕᒥᔭᖓ ᓵᔾᔭᓐ ᓵᒻ ᐱᓕᕆᑦᑎᐊᖃᑦᑕᕐᒪᑦ ᑕᐃᑲᓂ ᐸᓖᓯᒃᑯᓐᓂ ᐊᒻᒪᓗ ᖁᕕᐊᓲᑎᒋᓪᓗᒍ ᑎᑎᖅᑲᖅᑖᖃᑦᑕᕋᒪ ᐸᓖᓯᒃᑯᑦ ᐃᒃᑯᐊ ᓄᓇᓕᖕᓄᑦ ᐃᓚᓕᐅᑎᕙᓪᓕᐊᖑᔭᕐᒪᑕ ᖁᕕᐊᓲᑎᖃᖅᑐᖃᖅᑎᓪᓗᒍᓗ ᐅᐸᖃᑦᑕᖅᖢᑎᒃ. ᐋᓐᑐᓘ ᐹᒃ ᑕᕝᕙᓃᒻᒥᔪᖅ, ᐋᓪᓚᐅᙱᒻᒥᔪᖅ. ᐱᕕᖃᕐᓂᓐᓂ ᒥᔅᑕ ᒪᒃᑑᒪᑦ ᓄᓕᐊᕇᒃ ᓄᓇᕗᒻᒦᖃᑦᑕᖅᓯᒪᖕᒪᑎᒃ ᐊᑯᓂᐊᓗᒃ, ᐃᖃᓗᐃᑦ ᒪᓂᕋᔭᒃ ᐅᓂᒃᑳᑦᑎᐊᓚᐅᖅᖢᓂ. ᖁᔭᓐᓇᒦᒃᑲᓐᓂᕈᒪᓪᓗᑎᑦ ᑕᒪᐅᖓ ᐅᑭᐅᖅᑕᖅᑐᒧᑦ ᐅᑎᕈᓐᓇᕋᕕᑦ ᐊᒻᒪᓗ ᐃᕐᓃᑦ ᐊᑐᖅᑐᐊᑲᐃᓐᓇᕋᑦᑎᒃᑯᑦ. ᐸᑦᑕᑐᖅᑐᑦ ᐅᖃᖅᑎ: ᐳᓛᕆᐊᖅᓯᒪᔪᓂᒃ ᐃᓕᑕᖅᓯᓂᖅ. ᐊᑎᖁᑎᖃᕈᓐᓃᕋᒪ. ᓈᓴᐅᑎᖓ 6. ᑲᑎᒪᔾᔪᑎᑦᑕ ᓈᓴᐅᑎᖓ 6. ᐅᖃᐅᓯᒃᑯᑦ ᐊᐱᖅᑯᑏᑦ. ᐃᖃᓗᒃᑑᑦᓯᐊᕐᒧᑦ ᒪᓕᒐᓕᐅᖅᑎ, ᐲᑕᓴᓐ. ᑲᑎᒪᔾᔪᑎᒃᓴᖅ 6: ᐅᖃᐅᓯᒃᑯᑦ ᐊᐱᖅᑯᑏᑦ ᐊᐱᖅᑯᑦ 55 – 7(2): ᐃᓄᐃᑦ ᐃᖅᑲᓇᐃᔭᖅᑎᐅᔪᓄᑦ (ᐲᑐᓴᓐ) ᐲᑕᓴᓐ (ᑐᓵᔨᑎᒍᑦ) ᖁᔭᓐᓇᒦᒃ, ᐅᖃᖅᑎ. ᐅᓪᓗᒥ ᐅᑯᐊ ᐊᐱᖅᑯᑎᒋᓂᐊᖅᑕᒃᑲ ᐃᖅᑲᓇᐃᔭᖅᑐᓕᕆᔨᒃᑯᑦ ᒥᓂᔅᑕᖓᓄᑦ, ᐊᐱᖅᑯᑎᒋᓚᐅᖅᓯᒪᔭᕋ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᑦᑕ ᒥᒃᓵᓄᑦ ᒐᕙᒪᒃᑯᑦ ᐃᓗᐊᓂ. ᐃᓄᐃᑦ ᐃᖅᑲᓇᐃᔭᖅᑎᖏᑦ ᐃᒃᑯᐊ ᐃᓄᐃᑦ ᐅᓄᕐᓂᖅᐹᖑᖕᒪᑕ ᐅᓄᕐᓂᖅᐹᖑᔭᕆᐊᓕᐅᒐᓗᐊᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑐᑦ. 85%ᑎᒧᑦ ᐋᖅᑭᒃᑕᐅᓯᒪᓪᓗᓂ. 85%ᖑᓂᐊᕐᒪᑦ ᐃᓐᓄᒃᑕᐅᓯᒪᙱᑦᑐᓕᒫᑦᑎᐊᑦ ᐃᓄᖕᓄᑦ ᐃᓐᓄᒃᑕᐅᔭᕆᐊᓖᑦ. ᑕᐃᒪᐃᔾᔮᙱᑦᑐᕐᓗ ᖃᐅᔨᒪᓪᓗᑕ. ᐅᖃᖅᑎ, ᐅᓇ ᓯᕗᓪᓕᖅᐹᖅ ᐊᐱᖅᑯᑎᒋᔪᒪᔭᕋ, ᐱᓕᕆᕕᖓ ᐸᕐᓇᐅᓯᐅᖅᓯᒪᕙ ᖃᓄᖅ ᐃᓄᐃᑦ ᐃᖅᑲᓇᐃᔭᖅᑏᑦ ᒐᕙᒪᒃᑯᑦ ᐃᓗᐊᓂ 85%ᒧᑦ ᖃᓂᒡᓕᒋᐊᒃᑲᓐᓂᕈᓐᓇᕐᒪᖔᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᒥᓂᔅᑕ, ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ ᐊᒻᒪᓗ ᖁᔭᓐᓇᒦᖅᖢᒍ ᑖᓐᓇ ᐊᐱᖅᑯᑎᒋᖕᒪᒍ. ᓄᓇᕗᑦ ᒐᕙᒪᒃᑯᑦ ᐸᕐᓇᐅᓯᐅᖅᓯᒪᔪᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐊᑐᓂ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᓐᓄᑦ ᐸᕐᓇᐅᑎᓂᒃ ᓇᖕᒥᓂᖅ ᐱᒋᓂᐊᖅᒥᖕᓂᒃ ᐋᖅᑭᒃᓯᓗᑎᒃ. ᐃᓚᖏᑦ ᐃᒃᑯᐊ ᐱᓕᕆᕖᑦ ᐋᖅᑭᒃᓱᐃᕙᓪᓕᐊᔪᑦ ᐊᒻᒪᓗ ᐃᓕᓐᓂᐊᕆᐊᒃᑲᓐᓂᖁᔨᓪᓗᑎᒃ ᒐᕙᒪᒃᑯᑦ ᐃᓗᐊᓂ ᐃᖅᑲᓇᐃᔮᖓᓂᒃ ᖁᕝᕕᓯᖕᓂᖅᓴᓄᑦ ᐃᓕᕙᓪᓕᐊᓂᐊᕐᒪᑕ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 11 ᐱᓕᒻᒪᒃᓴᐃᖃᑦᑕᕐᒥᔪᑦ ᒐᕙᒪᒃᑯᑦ ᐱᓕᕆᕝᕕᖏᑦ ᑕᒃᐸᐅᙵᖅᐸᓪᓕᐊᖑᔭᖃᑦᑕᕐᓂᐊᕐᒪᑕ ᒐᕙᒪᐃᑦ ᐃᓗᐊᓂ. ᐊᒻᒪ ᒥᓂᔅᑕᐅᑉ ᑐᖏᓕᐊᑕ ᐃᓚᖓᓐᓂᒃ ᑕᒪᑐᒥᖓ ᐱᓕᕆᐊᓕᓪᓗᐊᑕᕐᒥᒃ ᐃᖅᑲᓇᐃᔭᖅᑎᖃᓕᕐᒥᔪᒍᑦ ᑕᐃᒃᑯᐊ ᒐᕙᒪᒃᑯᑦ ᐱᓕᕆᕕᖏᑦ ᓵᑕᒃᓴᐅᓪᓗᑎᒃ. ᖁᔭᓐᓇᒦᒃ ᐊᐱᖅᑯᑎᒋᓵᕋᕐᓂ. ᐊᒻᒪᓗ ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓪᓕᖅᐹᒥ ᐃᓚᒋᐊᕈᑏᑦ, ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᒻᒪᓗ ᖁᔭᓐᓇᒦᒃ ᑖᓐᓇ ᑭᐅᒐᖕᓂ. ᒫᓐᓇᕈᓘᓚᐅᖅᑐᖅ ᐃᓕᓐᓂᐊᕌᓂᓚᐅᕐᒪᑕ ᑕᐃᒃᑯᐊ ᖁᕝᕕᓯᖕᓂᖅᓴᓂᒃ ᐃᓕᓐᓂᐊᖅᑐᑦ ᑕᐃᒪᙵᓂᑦ ᓂᕈᐊᖅᑕᐅᓚᐅᕋᒪ ᐅᐸᖃᑦᑕᓚᐅᖅᖢᖓᓗ. ᐃᒃᑯᐊ ᐃᖅᑲᓇᐃᔮᑦ ᑲᔪᖏᖅᓴᐅᑎᑎᒎᖅᑎᑕᐅᖃᑦᑕᕐᒪᑕ ᐃᑭᐊᖅᑭᕕᒃᑯᑦ ᐊᒻᒪᓗ ᐸᐃᑉᐹᑎᒍᑦ ᐊᒻᒪᓗ ᑕᐃᒃᑯᐊ ᐃᓱᓕᑦᑎᓵᖅᑐᑦ ᒐᕙᒪᒃᑯᓐᓄᖃᐃ ᑐᙵᓱᒃᑎᑕᐅᖃᑦᑕᖅᐸᑦ ᐃᖅᑲᓇᐃᔭᖅᑎᑖᕆᔭᐅᔪᒪᑎᓪᓗᒋᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᒥᓂᔅᑕ, ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᐊᒻᒪᓗ ᖁᔭᓐᓇᒦᒃ ᑖᓐᓇ ᐊᐱᖅᑯᑎᒋᒐᖕᓂ. ᒫᓐᓇᕈᓘᓚᐅᖅᑐᖅ ᐅᖃᓪᓚᖃᑎᒋᔪᓐᓇᓯᓚᐅᖅᓯᒪᔭᕗᑦ ᓄᓇᕗᑦ ᓯᓚᑦᑐᖅᓴᕐᕕᒃᑯᓐᓂ ᐃᓕᓐᓂᐊᖅᑐᑦ ᐊᒻᒪᓗ ᐅᖃᓪᓚᖃᑎᒋᓚᐅᖅᖢᑎᒃᑯᑦ ᖃᓄᐃᑦᑐᓂᒃ ᐃᖅᑲᓇᐃᔮᓂᒃ ᐊᑐᐃᓐᓇᖃᕐᒪᖔᑦ ᑖᒃᑯᐊ ᒐᕙᒪᒃᑯᑦ ᐊᒻᒪᓗ ᐃᓱᒪᒃᓴᖅᓯᐅᕐᓗᑎᒃ ᑭᓱᓂᒃ ᐃᓕᓐᓂᐊᒃᑲᓐᓂᕈᒪᖕᒪᖔᑦ. ᑕᒫᓂ 2-ᒥᓕᖏᓐᓃᑦᑐᓂᒃ ᐃᓕᓴᖅᑐᓄᑦ ᑕᐃᒃᑯᐊ ᑲᔪᖏᖅᓴᐅᑎᑎᒎᖅᑎᑕᕗᑦ ᑕᑯᒋᐊᖅᑕᐅᖃᑦᑕᕐᒪᑕ ᓄᓇᕗᒻᒥ ᐃᖅᑲᓇᐃᔭᕈᒪᔪᑦ. ᖃᔅᓯᑦ ᑖᒃᑯᓇᙵᑦ ᑕᑯᒋᐊᖅᑐᑦ ᐃᓅᖕᒪᖔᑦ ᓇᓗᓪᓗᖓ ᑭᓯᐊᓂ ᐃᓕᓐᓂᐊᖅᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ ᐃᖅᑲᓇᐃᔭᖃᑎᒋᖃᑦᑕᖅᑕᕗᑦ. ᒪᑯᐊᓗ ᐃᓱᒪᒋᑦᑎᐊᕆᐊᖃᖅᖢᑎᒃᑯᑦ ᑲᙳᓇᖅᑑᑎᑕᐅᔭᕆᐊᓖᑦ. ᑭᐅᕗᖓᖃᐃ. ᒥᔅᑕ ᐲᑕᓴᓐ ᐊᒻᒪᓗ ᖁᔭᓐᓇᒦᒃ. ᐅᖃᖅᑏ. ᐅᖃᖅᑎ: ᑎᒡᓕᐊ ᐊᒻᒪᓗ ᑭᖑᓪᓕᖅᐹᖅ ᐃᓚᒋᐊᕈᑏᑦ, ᒪᓕᒐᓕᐅᖅᑎ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒫᓐᓇᕈᓘᓚᐅᖅᑐᖅ ᑮᓇᐅᔭᑦ ᐃᓕᓴᖅᑎᓄᑦ ᑮᓇᐅᔭᑦ ᐃᑲᔫᑎᑦ ᐃᒃᑯᐊ ᐃᓚᔭᐅᑲᓪᓚᓚᐅᕐᒪᑕ ᐊᖏᖅᑕᐅᓚᐅᖅᖢᑎᒡᓗ ᑕᐃᒃᑯᓄᖓ ᖁᕝᕙᓯᖕᓂᖅᓴᓄᑦ ᐃᓕᓐᓂᐊᖅᑐᓄᑦ ᑐᕌᖓᔪᑦ ᐊᒻᒪᓗ ᑐᑭᓯᐅᒪᓂᕋ ᒪᓕᒃᖢᒍ ᐊᐅᔭᒃᑯᑦ ᐃᓕᓴᖅᑏᑦ ᐃᖅᑲᓇᐃᔭᖅᑎᑕᐅᖃᑦᑕᕐᓂᖏᑦ ᐊᓯᔾᔨᖅᑕᐅᖕᒥᔪᑦ. ᖃᓄᐃᓕᐅᖅᐸᓪᓕᐊᕕᓯ ᑖᒃᑯᐊ ᐃᓚᕙᓪᓕᐊᓂᐊᕐᒪᑕ ᐃᓕᓐᓂᐊᕌᓂᒃᐸᓪᓕᐊᔪᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᒥᓂᔅᑕ, ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ ᐊᒻᒪᓗ ᖁᔭᓐᓇᒦᒃ ᑖᓐᓇ ᐊᐱᖅᑯᑎᒋᒐᖕᓂ. ᐃᒃᑯᐊ ᐃᓕᓴᖅᑏᑦ ᐊᕐᕌᒎᑉ ᐃᓗᐊᓂ ᐊᐅᔭᒃᑯᑐᐃᓐᓇᐅᙱᑦᑐᖅ ᐃᖅᑲᓇᐃᔭᖅᑎᒋᔪᒪᒐᑦᑎᒃᑯᑦ. 200ᖏᓐᓃᑦᑐᓂᒃ ᐊᕐᕌᓂ ᐃᖅᑲᓇᐃᔮᒃᓴᖅᓯᐅᖅᑐᖃᓚᐅᖅᑐᖅ ᒐᕙᒪᒃᑯᓐᓂᑦ. ᑭᓯᐊᓂ ᑖᓐᓇ ᑭᐅᒋᐊᕐᓗᒍ ᑐᑭᓯᓇᓱᓚᐅᕐᓗᒍ ᐅᖃᐅᑎᔪᓐᓇᕐᓂᐊᖅᑕᒋᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᐸᓐᓂᖅᑑᒧᑦ ᒪᓕᒐᓕᐅᖅᑎ, ᒪᐃᒃ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 12 ᐊᐱᖅᑯᑦ 56 – 7(2): ᓄᓇᕘᑉ ᓄᓇᖏᓂᒃ ᐊᑐᖅᑕᐅᔪᒃᓴᓄᑦ ᐸᕐᓇᐅᑖᓄᑦ (ᒪᐃᒃ) ᒪᐃ: ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒋᓂᐊᖅᑕᕋ ᑖᓐᓇ ᑐᕌᖓᓂᐊᖅᑐᖅ ᐊᕙᑎᓕᕆᔨᒃᑯᓐᓅᒐᓗᐊᖅ, ᑭᓯᐊᓂ ᓯᕗᓕᖅᑎᒧᑦ ᐊᐱᖅᑯᑎᒋᖔᕐᖑᓱᑦᑕᒃᑲ, ᑖᒃᑯᐊ ᐱᔾᔪᑎᒋᓪᓗᒋᑦ ᓄᓇᕘᒥ ᓄᓇᖓ ᐊᑐᖅᑕᐅᓂᕆᒐᔭᖅᑕᖓ ᐸᕐᓇᑕᐅᓯᒪᓂᖓ. ᑕᐃᒪ ᑖᓐᓇ ᖃᐅᔨᒪᔭᐅᒻᒪᓂᓛᒃ, ᑕᒪᓐᓇ ᓄᓇᕘᒥ ᓄᓇᖓ ᐊᑐᖅᑕᐅᓂᕆᒐᔭᖅᑕᖓ ᐸᕐᓇᑕᐅᓯᒪᓂᖓ ᕼᐋᒻᒪᓚᐅᔪᓄᑦ ᐸᕐᓇᐃᔨᑯᓐᓄᑦ ᐊᑐᓕᖅᑯᔨᔾᔪᑎᒥᑦ ᐱᑕᖃᖅᓯᒪᒻᒪᑦ. ᐊᒻᒪᓗ, ᓯᕗᓪᓕᕐᒥᖃᐃ ᖁᔭᓐᓇᒦᓪᓗᒍ ᒥᓂᔅᑕ, ᐃᑉᐸᔅᓴᖅ ᑎᑎᕋᖅᑎᒪᑦᑎᐊᖅᑐᓂᑦ ᓇᓗᓇᐃᔭᐃᓯᒪᑦᑎᐊᖅᑐᑎᒃ ᐊᐱᖅᑯᑎᒋᓚᐅᖅᓯᒪᔭᒪ ᒥᔅᓵᓄᑦ ᓴᖅᑮᔪᓐᓇᓚᐅᕐᖓᑦ ᑕᕝᕗᖓ ᐃᓪᓗᒧᑦ. ᐅᖃᖅᑎᑦᑎᔩ, ᑕᕝᕙᓂ ᑎᑎᖅᑲᑎᒍᑦ ᓇᓗᓇᐃᔭᖅᑕᖏᓐᓂᑦ ᒥᓂᔅᑕ ᐅᖃᓚᐅᕐᖓᑦ, ᑖᓐᓇ ᒐᕙᒪ ᐃᖅᑲᓇᐃᔭᖃᑎᖃᕐᓂᕋᖅᑐᒍ ᑖᒃᑯᓂᖓ ᓄᓇᕗᑦ ᑐᙵᕕᒃᑯᓐᓂᑦ, ᐱᓗᐊᖅᑐᒥᒃ ᕿᒥᕐᕈᔭᐅᓂᖓᓂᑦ ᑖᔅᓱᒥᖓ ᐊᑐᓕᖁᔭᐅᓯᒪᓕᖅᑐᒥᑦ ᓄᓇᐅᑉ ᓄᓇᕗᑦ ᓄᓇᖓᑕ ᐊᑐᖅᑕᐅᓂᕆᒐᔭᖅᑕᖓᑕ ᒥᔅᓵᓄᑦ. (ᑐᓵᔨᑎᒎᓕᖅᑐᖅ) ᓄᓇᕗᑦ ᑐᙵᕕᒃᑯᑦ ᓄᑖᒥᒃ ᐊᖏᔪᖅᑳᖅᑖᕐᒪᑕ. ᒥᓂᔅᑕ ᓇᓗᓇᐃᖅᓯᔪᓐᓇᖅᐹ, ᑲᑎᒪᖃᑎᒋᒪᐅᕐᒪᖔᖅ ᖃᖓ ᑕᒪᒃᑯᐊ ᐃᖅᑲᓇᐃᔮᖑᔭᕆᐊᓖᑦ ᑲᔪᓰᓐᓇᖁᒡᓗᒋᑦ? ᖁᔭᓐᓇᒦᒃ ᐅᖃᖅᑏ. ᐅᖃᖅᑎ: ᓄᓇᕗᒻᒥ ᓯᕗᓕᖅᑎ, ᒥᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ ᐅᖃᖅᑎᑦᓯᔩ, ᒪ’ᓈᖅᖢᒍᒡᓗ ᒪᓕᒐᓕᐅᖅᑎ ᐊᐱᖅᓲᑎᒋᒻᒪᒍ ᑕᒪᓐᓇ. ᓄᓇᕘ ᐃᓗᐊᓂ ᓄᓇᕗᑦ ᐸᕐᓇᐃᔨᒃᑯᑦ ᐱᓕᕆᐊᕆᔭᖓ, ᐱᓕᕆᐊᕆᐅᔭᖃᑦᑖᖅᑕᖓ ᑖᒻᓇ ᐸᕐᓇᐅᒐᖅ, ᓄᓇ ᐊᑐᖅᑕᐅᓂᐊᖅᑎᓪᓗᒍ ᐸᕐᓇᐅᑎ. ᑕᒪᓐᓇ ᑎᒍᓯᒪᒐᑉᑎᒍ ᒐᕙᒪᙳᓚᐅᖅᑎᓪᓗᑕ ᓅᕙᐃᕝᕘᓚᐅᖅᑐᒥᑦ ᐊᕐᕌᓂ, ᖃᐅᔨᒪᒃᖢᑕᒡᓗ ᓂᕆᐅᑦᑐᑦ ᐅᑕᖅᑭᔪᑦ ᐊᒥᓲᒻᒪᑕ, ᑐᓴᕈᐊᖅᑐᓪᓗ ᖃᓄᖅ ᑖᒻᓇ ᐸᕐᓇᐅᒐᓕᐊᕆᔭᐅᓯᒪᔪᖅ 2023−ᒥ, ᖃᓄᖅ ᐃᓱᒪᒋᔭᐅᒻᒪᖔᑦ. ᐊᒃᓱᕈᖅᑐᒍᑦ ᒫᓐᓇ ᕿᒥᕐᕈᓂᕆᔭᑉᑕ ᒥᒃᓵᓄᑦ, ᐃᖏᕐᕋᔪᖅ ᓄᖅᑲᖓᖏᑦᑐᖅ ᐱᓕᕆᓂᕆᔭᕗᑦ. ᓄᓇᕗᑦ ᑐᙵᕕᒃᑯᑦ ᑲᑎᖃᑎᒋᑦᑕᐅᔭᖅᖢᑎᒍᓪᓗ, ᐊᒻᒪᓗ ᒐᕙᒪᑐᖃᒃᑯᑦ ᐱᖓᓲᑉᓗᑕ ᐊᑎᓕᐅᕆᐊᖃᕋᑉᑕᓂᓛᒃ ᑕᒪᒃᓱᒥᖓ, ᑕᒪᓐᓇ ᑲᔪᓯᓂᖃᕐᓂᐊᖅᑐᖅ. ᖃᑯᒍᓪᓚᕆᒃ, ᐃᒃᓯᕙᐅᑕᖅᑖᕆᔭᐅᓵᖅᑐᖅ ᒍᓗᐊᕆᔭ ᐅᓗᖅᓯ ᖃᑯᒍ ᑲᑎᖃᑎᒋᓂᐊᕐᒪᖔᒃᑯ, ᒫᓐᓇ ᐋᖅᑭᑦᓯᓯᒪᖏᑦᑐᒍᑦ ᑭᓯᐊᓂ ᐊᔾᔨᒌᖏᑦᑐᕈᓈᓂᒃ ᐅᖃᐅᓯᒃᓴᖃᕐᕕᒋᔫᓪᓗᐊᖅᖢᒍ ᑲᑎᖃᑎᒋᒋᐊᒡᓚᒃᓯᓐᓇᕈᐊᖅᖢᒍ ᐱᓕᕆᖃᑎᒌᖕᓂᖅ ᐊᑐᕐᓂᓗᓐᓂᐊᕋᑉᑎᒍ ᐊᔾᔨᒌᖏᑦᑐᑦ ᑕᐅᑐᒃᖢᒋᑦ. ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᓯᕗᓪᓕᖅᐹᒥᑦ ᐃᓚᒋᐊᕈᑏᑦ ᐊᐱᕆᒍᒃ ᒪᓕᒐᓕᐅᖅᑎ, ᒪᐃᒃ. ᒪᐃ: ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᓯᕗᓕᖅᑎ. ᐃᓛᒃ ᑖᓐᓇ ᐅᖃᕈᒪᓪᓗᒍ, ᒫᓐᓇ ᐸᕐᓇᑕᐅᔪᖅ ᐸᕐᓇᑕᐅᓯᒪᔪᖅ ᐊᒻᒪᓗ ᐊᑐᓕᖁᔨᔾᔪᑎᖏᑦ ᐱᑕᖃᖅᓴᓕᖅᑐᓂᐅᒻᒪᑦ. ᐅᓇᐅᓇ ᐊᖏᖃᑎᒌᒍᑕᐅᓯᒪᔪᖅ 1993−ᒥᓂᒃ, ᑖᓐᓇ ᐊᖏᓛᖑᓂᑯᖓᓄᑦ ᓄᓇᑖᕈᑕᐅᓯᒪᔪᖅ ᑕᒫᓂ ᑳᓇᑕᐅᑉ ᐃᓗᐊᓂ ᐊᖏᓂᖅᐹᖅᒥᑦ ᓄᓇᒥᑦ ᑲᒪᓇᓱᐊᕈᑎᒋᒐᑦᑎᒍ. ᐄ’, ᖃᕿᐊᕐᓇᙱᑦᑐᑦ ᐱᔭᕆᐊᑐᓂᖓ ᑖᓐᓇ ᑕᑯᓐᓇᕐᒥᔭᕋᑦᑕᖅ, ᑕᐃᒫᓪᓗ ᐊᖏᑎᒋᔪᒥᑦ ᑲᒪᔪᖃᓚᐅᖅᓯᒪᖅᑰᖏᒻᒪᑦ ᑳᓇᑕᐅ ᐃᓗᐊᓂ, ᒫᓐᓇ ᑲᒪᒋᓇᓱᐊᖅᑕᑎᓐᓂ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 13 ᐅᖃᖅᑎᑦᑎᔩ, ᑖᓐᓇ ᒥᓂᔅᑕ ᑎᑎᖅᑲᑎᒍᑦ ᐃᒃᐸᔅᓴᖅ ᓇᓗᓇᐃᓚᐅᖅᑕᖓ ᑭᐅᔾᔪᑎᖓ (ᑐᓵᔨᑎᒎᓕᑐᖅ) ᑳᓇᑕᐅ ᒐᕙᒪᖓᒎᖅ ᖃᐅᔨᒋᐊᒃᑲᓐᓂᕐᓂᐅᓴᒻᒪᑦ ᖃᓄᖅ ᐃᓱᒪᖃᕐᕕᐅᒻᒪᖔᑕ ᓄᓇᖃᖅᑳᖅᑐᒥᓃᑦ ᒐᕙᒪᖏᓐᓄᑦ, ᐊᒻᒪ ᑲᑐᔾᔨᖃᑎᒌᖏᓐᓄᑦ. (ᑐᓵᔨᑎᒎᕈᓐᓃᖅᑐᖅ) ᑕᐃᒪᐃᓕᖓᕙ ᐅᖃᐅᓯᖅ ᑖᕙᓂ ᑭᕙᓪᓕᕐᒥ ᐱᔾᔪᑎᒋᓪᓗᒍ ᑕᐃᓐᓇ ᓄᓇᖁᑎ ᓇᐅᒃᑯᑦ ᑭᒡᓕᖃᕐᓂᐊᕐᒪᖔᑦ ᐋᖅᑭᓱᐃᑦᑐᕈᔪᒃ ᑕᐃᒪᖓᓕᒫᖅ. (ᑐᓵᔨᑎᒎᓕᖅᑐᖅ) ᒥᓂᔅᑕ ᓇᓗᓇᐃᖅᓯᒍᓐᓇᖅᑳ, ᓇᓕᐊᒃ ᓄᓇᖃᖅᑳᖅᑐᒥᓃᑦ ᒐᕙᒪᖏᑦ ᑲᑐᔾᔨᖃᑎᒌᓪᓗ ᐃᓚᒋᔭᐅᒻᒪᖔᑕ ᐱᕙᓪᓕᐊᔭᐅᔪᒧᑦ? ᖁᔭᓐᓇᒦᒃ ᐅᖃᖅᑏ. ᐅᖃᖅᑎ: ᓄᓇᕗᒻᒥ ᓯᕗᓕᖅᑎ, ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ ᐅᖃᖅᑎᑦᓯᔩ, (ᑐᓴᔨᑎᒍᑦ) ᖁᔭᓐᓇᒦᖅᑕᕋ ᑲᑎᒪᔨ ᐊᐱᕆᒻᒪᑦ ᑕᐃᒫᒃ. ᓄᓇᕘ ᒐᕙᒪᖓ ᐃᓚᒋᔭᐅᓪᓗᓂ, ᐄ’, ᒪᓕᒐᓕᐊᖅᑎ ᐅᖃᐅᓯᖃᕋᑖᕐᖓᑦ ᑕᐃᒫᒃ ᓄᓇᕘ ᒐᕙᒪᖓ ᖃᐅᔨᒋᐊᕐᓕᖃᕆᐊᖃᕐᖓᑦ ᖃᓄᖅ ᐃᓱᒪᖃᕐᕕᐅᒻᒪᖔᑕ. ᑖᓐᓇ ᐋᖅᑭᑦᑕᐅᓯᒪᔪᖅ ᖃᐅᔨᒋᐊᕆᐊᖃᓪᓚᕆᒃᑲᑦᑕ, ᐊᓯᐊᒎᕐᕕᖃᖏᒻᒪᑦ. ᑕᐃᒪᐃᒋᐊᖃᓪᓚᕆᒃᑲᑦᑕ ᐱᒻᒪᕆᐊᓘᑎᑦᑐᑎᒍᓗ. ᑕᐃᒫᒃ ᒐᕙᒪᑐᖃᒃᑯᓗᑦᑕᐅᖅ ᖃᐅᔨᒋᐊᕋᓱᒻᒥᔪᐃᑦᑕᐅᖅ ᖃᓄᖅ ᐃᓱᒪᖃᕐᕕᐅᒻᒪᖔᑕ ᓄᓇᖃᖅᑳᖅᑐᒥᓃᑦ ᑲᑐᔾᔨᖃᑎᒌᖏᓐᓂᑦ. ᐅᖃᔾᔮᙱᑦᑐᖓ ᓇᓕᐊᒃ ᐅᖃᖃᑎᐅᖃᑦᑕᕐᒪᖔᑕ, ᑭᓯᐊᓂ ᐅᖃᕈᓐᓇᖅᑐᖓ ᐊᒥᓱᐃᑦ ᖃᐅᔨᒋᐊᕐᕕᐅᓯᒪᓕᖅᑐᐃᑦ, ᐊᒻᒪᓗᑦᑕᐅᖅ ᐃᓚᖏᑦ ᓯᕗᒧᐊᒃᓯᒪᓂᖅᓴᐅᒻᒪᑕ ᖃᐅᔨᒋᐊᕋᓱᑦᑐᑦ. ᐅᖃᖅᑲᐅᒐᒪ ᑭᐅᔾᔪᑎᒋᖅᑲᐅᔭᓐᓂ, ᑕᒪᓐᓇ ᑲᔪᓰᓐᓇᖅᑐᖅ, ᐱᓕᕆᐊᖑᐃᓐᓇᖅᑐᖅ, ᐃᓛᒃ ᐱᓕᕆᐊᕇᓐᓇᖅᑕᕗᑦ. ᑕᖅᑲᒃᑯᓄᖓ ᐱᓕᕆᐊᖑᔫᔮᖏᑐᐃᓐᓇᕆᐊᖃᖅᑑᒐᓗᐊᖅ ᑕᑯᓐᓈᖅᑕᖏᑎᒍᑦ, ᑭᓯᐊᓂ ᐱᓕᕆᐊᕗᑦ. ᑕᐃᒫᒃ ᐋᖅᑭᔅᓯᓪᓚᕆᒐᓱᐊᕋᑦᑕ ᐊᒥᓱᐊᓗᓐᓂᑦ ᖃᐅᔨᒪᒐᓱᒋᐊᖃᖅᑐᑕ. ᑕᑯᓐᓈᕈᔅᓯ ᐊᑕᐅᓯᕐᒥᑦ ᐱᓕᕆᐊᔅᓴᐅᔪᒥᑦ, ᑖᓐᓇᓖᓛᒃ ᐸᕐᓇᐅᑎ ᐊᖏᔪᕐᔪᐊᒻᒪᕆᐊᓘᒻᒪᑦ ᐊᖏᓂᖅᐹᖑᕙᓪᓚᐃᓪᓗᓂ ᓄᓇᕐᔪᐊᓕᒫᒥ ᓯᓚᕐᔪᓕᐊᓕᒫᒥ. ᐊᑕᐅᓯᑯᓘᔾᔮᖏᒻᒪᑦ ᑖᓐᓇ ᐱᕙᓪᓕᐊᓂᐅᔪᖅ ᐅᔭᕋᕐᓂᐊᕋᔅᓴᓂᑦ ᕿᓂᕐᓂᑐᐃᓐᓇᐅᔮᖏᒻᒪᑦ, ᐊᑕᐅᓯᑯᓗᒻᒥᑦ ᐱᓕᕆᐊᔅᓴᒥᑦ ᐅᖃᐅᓯᖃᙱᓇᑦᑕ, ᐅᖃᐅᓯᖃᕋᑦᑕ ᑳᓇᑕ ᑕᓪᓕᒪᐃᕋᕐᓗᒍ ᐊᕕᑦᑕᐅᓂᖅᑲᑦ ᐊᑕᐅᓯᖅ ᓄᓇᕘᖑᒐᔭᕐᖔᑦ. ᐊᒥᓱᕐᔪᐊᕌᓗᓐᓂᑦ ᐃᓱᒫᓗᓇᖅᑐᓂᑦ ᐃᓱᒪᒋᔭᖃᕆᐊᖃᕋᑦᑕ. ᑖᒃᑯᐊᓗ ᐋᖅᑭᑦᑕᕗᑦ ᖃᓄᖅ ᒪᓕᒃᓴᖃᑎᒌᑦᓯᒪᓗᑕ ᐊᖏᖃᑎᒌᒐᓱᓛᕋᑦᑕ. ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᑐᒡᓕᐊᓂ ᐊᒻᒪᓗ ᑭᖑᓪᓕᐹᖅ ᐃᓚᒋᐊᕈᑏ, ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐅᖃᖅᑏ, ᖁᔭᓐᓇᒦᓪᓗ ᓯᕗᓕᖅᑎ. ᐃᓛᒃ, ᐄ’, ᒫᓐᓇ ᒐᕙᒪᐅᔪᒍᑦ ᑕᕙᓂ ᒪᓕᒐᓕᐅᖅᑎᐅᔪᒍᑦ ᐱᔭᒃᓴᖃᓪᓗᐊᑲᓪᓚᒐᑦᑕ ᑖᓐᓇ ᐱᔾᔪᑎᒋᓪᓗᒍ ᕼᐋᒻᒪᓚᐅᔪᓄᑦ ᐸᕐᓇᐃᔨᑯᓕᕆᓂᖅ, ᐊᒻᒪᓗ ᐱᖁᔨᕗᖔᕈᑎᒋᓯᒪᔭᖓ ᐊᑐᓕᖅᑕᐅᔾᔪᑎᒃᑯᑦ. ᐃᓛᒃ, ᑖᓐᓇ ᓄᓇᕗᑦ ᓱᓇᖃᖅᑐᒻᒪᕆᐅᒻᒪᑦ ᑕᐃᒪ ᐅᔭᕋᕐᓂᐊᓂᕐᒧᑦ ᓇᑉᐸᐃᕕᐅᓯᒪᔪᐃᑦ ᑕᒫᓂ ᓄᓇᕘᒥᑦ, ᑕᒪᓐᓇ ᓄᓇᕘ ᓄᓇᖓᑕ ᐊᕝᕙᓪᓗᐊᕆᒻᒪᐅᒃ ᓇᑉᐸᐃᕕᐅᓯᒪᔪᖅ ᐅᔭᕋᕐᓂᐊᕈᒪᓂᕐᒧᑦ. ᐊᒻᒪᓗᑦᑕᐅᖅ ᑭᓪᓕᖃᖅᑎᑕᐅᔪᑦ ᓄᓇᒥᒃ ᐊᑐᖅᑐᐊᓂᕐᒧᑦ, ᑖᓐᓇ ᓴᐳᒻᒥᔭᐅᒋᐊᖃᕐᓂᖓᑕ ᓄᓇᐅᑉ ᐸᕐᓇᐅᑎᖓᑕ ᐃᓗᐊᓂ. ᑕᐃᒪ ᑕᕝᕙᓂ ᐅᔭᕋᕐᓂᐊᓂᕐᒧᑦ ᓇᑉᐸᐃᕕᐅᓯᒪᒻᒥᔪᖅ ᓄᓇ ᐊᖏᓂᕆᔭᖓ 15,000 ᑭᑉᐹᕆᑦᑐᑦ ᑭᓛᒥᑕᐃᑦ. ᑖᓐᓇ ᐊᖏᔪᑲᓪᓛᕐᕉᒻᒪᑦ, ᐊᒻᒪᓗ ᑕᖅᑭᐅᓂᐊᖅᑐᒥᑦ ᑖᓐᓇ ᕼᐋᒻᒪᓚᐅᔪᓄᑦ ᐸᕐᓇᐃᔨᑯᓐᓄᑦ ᐱᖁᔨᕗᖔᕈᑎᐅᓯᒪᔪᖅ ᐊᑐᓕᖅᑕᐅᖁᔨᓂᖅ ᐊᕐᕌᒍᓄᑦ ᐱᖓᓱᓄᑦ ᐱᓕᕆᐊᖑᓂᐊᓕᕐᖓᑦ ᑕᖅᑭᐅᓂᐊᖅᑐᒥᑦ, ᑕᐃᒪᖓᓂᑦ ᓴᖅᑭᑕᐅᓚᐅᖅᓯᒪᒻᒪᑦ ᑖᒃᑯᓄᖓ ᑳᓇᑕᐅᑉ ᒐᕙᒪᒃᑯᖏᓐᓄᑦ, ᓄᓇᕗᑦ ᒐᕙᒪᒃᑯᓐᓄᑦ, ᓄᓇᕗᑦ ᑐᙵᕕᒃᑯᓐᓄᑦ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 14 ᐄ’, ᐱᔭᕆᐊᑐᔪᒥᑦ ᓯᕗᓕᖅᑎ ᐅᖃᖅᑲᐅᒻᒪᑦ, ᐊᖏᖃᑎᒋᑦᑎᐊᖅᑕᕋ. ᓲᖃᐃᒻᒪ ᑖᓐᓇ ᐃᓚᓕᐅᑎᓗᒍᖃᐃ ᐅᖃᐅᓯᕆᖃᓯᐅᑎᑐᐃᓐᓇᕐᓗᒍ, ᓇᒻᒥᓂᖅᓱᕐᓂᖅ. ᑖᓐᓇᑦᑕᐅᖅ ᓄᓇᒥᓪᓗ ᐊᑦᑐᐃᓂᐊᕆᓪᓗᓂ ᓄᓇᕗᑦ ᐃᓗᐊᓂ, ᑲᒪᒋᔭᑦᑕ ᐃᓗᐊᓂ. ᐱᔭᕆᐊᑐᔫᑎᓂᑦ ᒫᓐᓇ ᖃᐅᔨᒪᔪᒍᑦ ᐱᔭᒃᓴᖃᖅᑐᒍᑦ, ᖃᓄᐃᒐᓂᓘ ᑕᐃᒪᐃᒍᒪᓯᒪᒐᑦᑕ ᑲᔪᓯᕙᓪᓕᐊᓂᐊᕋᑦᑕ. ᑭᓯᐊᓂ ᒥᓂᔅᑕ, ᓯᕗᓕᖅᑎ ᓇᓗᓇᐃᖅᓯᔪᓐᓇᑳᓪᓚᑉᐸ ᖃᖓ ᑕᒪᓐᓇ ᖃᓄᖅᑑᕋᕐᓂᐅᔪᖅ ᐃᓱᒪᒃᓴᖅᓯᐅᕈᑕᐅᓂᖓ ᕿᒥᕐᕈᔭᐅᓂᖓ ᖃᖓ ᐊᓂᒍᓛᕐᒪᖔᖅ? ᐊᐱᕆᔪᒪᓪᓗᒍ ᓯᕗᓕᖅᑎ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓄᓇᕗᒻᒧᑦ ᓯᕗᓕᖅᑎ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. ᖃᖓᓪᓚᕆᐅᓂᐊᕐᒪᖔᑦ ᒫᓐᓇ ᖃᐅᔨᒫᓂᓐᓇᖏᒃᖢᓂ. ᑕᒪᒃᑯᐊ ᑐᓴᕆᐊᕐᓂᕆᔭᕗᑦ, ᑕᑯᑉᓗᒋᑦ ᖃᓄᖅ, ᐃᒻᒥᒎᖅᑐᓂᑦ ᐊᐅᓚᓂᖃᖁᕐᒪᑕ ᑕᒪᒃᑯᐊ ᐅᖃᖃᑎᒌᓐᓂᐅᑕᖅᑐᑦ, ᑭᓯᐊᓂ ᑎᒍᓯᒪᔭᕗᑦ ᑕᒪᓐᓇ ᐱᓕᕆᐊᖑᒋᐊᖃᕐᓂᖓ ᒐᕙᒪᙳᓚᐅᖅᑎᖦᖢᑕ ᒫᓐᓇᒧᑦ ᓱᓕ ᑲᔪᓯᖦᖢᓂ. ᖃᐅᔨᒪᔪᖑᑦ ᓄᓇᕗᒻᒥᐅᑦ ᑐᓴᕈᐊᕐᒪᑕ, ᑐᑭᓯᓱᐊᕐᒪᑕᓪᓗ ᖃᓄᖅ ᐃᓱᒪᒋᔭᖃᕐᒪᖔᑉᑖ. ᖃᓂᓐᓂᖅᐹᒃᑯᑦ ᐱᓕᕆᓂᓗᒃᐳᒍᑦ ᒫᓐᓇ, ᖃᓂᓐᓂᖅᐹᒃᑯᑦ ᓇᓗᓇᐃᖅᓯᓱᐊᖅᖢᑕ. ᑕᒪᒃᑯᐊ ᖃᓄᖅ ᐃᓗᓕᖏᑦ ᑕᑯᑉᓗᒋᑦ ᐃᕐᕋᕐᕕᖏᑦ ᑕᑯᑉᓗᒋᑦ ᐱᔭᕆᐊᑐᔪᖅ, ᐱᔭᕆᐊᑭᑦᑑᖏᒻᒪᑦ. ᑭᓯᐊᓂ ᒪᓕᒐᓕᐅᖅᑎ ᐃᓗᓕᓗᑦᑖᖏᓐᓂᑦ ᐅᖃᐅᓯᖃᕐᕕᒋᓂ ᐊᔪᕋᓗᐊᖅᖢᒍ ᐅᖃᖅᑎᑦᓯᔩ, ᐊᒃᓱᕈᖅᑐᒍᑦ ᒫᓐᓇ ᖃᓂᓐᓂᖅᐹᒃᑯᑦ ᑐᓴᖅᑎᓯᒍᐊᖅᖢᑕ. ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᒪᓕᒐᓕᐅᖅᑏᑦ ᐊᐱᖅᑯᑎᖏᑦ. ᐅᖃᐅᓯᒃᑯᑦ ᐊᐱᖅᑯᑏᑦ. ᐊᒥᖅᑐᕐᒧᑦ ᒪᓕᒐᓕᐅᖅᑎ, ᖃᒪᓂᖅ. ᐊᐱᖅᑯᑦ 57 – 7(2): ᐱᓕᕆᐊᖏᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑕ (ᖃᒪᓂᖅ) ᖃᒪᓂᖅ: ᐄ’, ᖁᔭᓐᓇᒦᒃ, ᐅᖃᖅᑏ. ᐄ’, ᐅᓪᓗᒥᓕ ᐊᐱᖅᑯᑎᒐ ᖁᓪᓕᖅ ᐃᑯᒻᒪᖅᑯᑎᓕᕆᔨᒃᑯᓐᓄᑦ ᒥᓂᔅᑕ. ᐱᒋᐊᕈᑎᖃᕈᒪᒡᓗᖓ, ᐅᐱᒋᔪᒪᒡᓗᒋᑦ ᐃᑯᒻᒪᖅᑯᑎᓕᕆᔨᒃᑯᓪᓗ, ᓄᓇᕘᒥ ᓴᓇᔨᓄᑦ ᑲᑐᔾᔨᖃᑎᒌᒡᓗ ᐊᖏᖃᑎᒌᒍᒻᒥᒃ ᐊᖏᖅᓯᒻᒪᑕ. ᐊᐱᕆᔪᒪᔭᕋᓕ ᑖᓐᓇ ᒥᓂᔅᑕ, ᖃᓄᑎᒋ ᑕᒪᓐᓇ ᑮᓇᐅᔭᖅᑐᕈᑎᒋᓂᐊᖅᐸᕗᑦ ᐊᖏᖃᑎᒌᒍᑎ ᓄᑖᖅ, ᖃᓄᕐᓗ ᐊᑦᑐᐃᓂᖃᖅᑎᒋᓂᐊᖅᐸ ᐃᑯᒻᒪᖅᑯᑎᓕᕆᔨᒃᑯᑦ ᑮᓇᐅᔭᖅᑑᑎᒃᓴᖓᓄᑦ, ᐊᒻᒪ ᑕᖅᑭᑕᒫᖅᓯᐅᑎᓄᑦ ᐊᑭᓕᒃᓴᖅᑖᕆᕙᑦᑕᑎᓐᓄᑦ ᐃᑯᒻᒪᖅᑯᑎᓕᕆᔨᒃᑯᓐᓄᑦ? ᐅᖃᖅᑎ: ᖁᔭᓐᓇᒦᒃ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᑲᒪᒋᔭᓕᒃ, ᕼᐄᓕ ᐊᕿᐊᕈᖅ. ᐊᖓᔪᖅᑳᖅ ᒍᐊᐃᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ, (ᑐᓴᔨᑎᒎᓕᖅᑐᖅ) ᖁᔭᒋᔭᕋᑦᑕᐅᖅ ᒪᓕᒐᓕᐅᖅᑎ ᐊᐱᕆᒻᒪᑦ ᑕᐃᒫᒃ. ᑕᐃᒪᒃᑲᓐᓂᕆᓛᒃ ᖁᕕᐊᓱᑦᑐᒎᑦ ᑕᐃᓐᓇ ᓯᕗᓪᓕᐹᖅᓯᐅᑦ ᐊᖏᖃᑎᒌᒍᑎ ᑎᑭᐅᑎᔭᐅᓯᒪᒻᒪᑦ ᖁᓪᓕᐅᑉ ᐆᒻᒪᖅᑯᑎᓕᕆᔨᒃᑯᑦ ᐃᖅᑲᓇᐃᔭᖅᑎᖏᓐᓄᑦ. ᑖᒃᑯᐊ ᐊᑭᖏᑦ ᐋᖅᑭᑦᑕᐅᖃᑦᑕᕐᖓᑕ ᐆᒻᒪᖅᑯᑏᑦ ᐊᑭᖏᓐᓂᑦ ᕿᒥᕐᕈᔨᐅᔪᓄᑦ ᑲᑎᒪᔨᓄᑦ, ᑖᒃᑯᐊ ᐃᓛᒃᑰᖓᓪᓗᑎᓪᓗ ᖁᓪᓕᐅ ᐊᑖᓂᖏᒻᒪᑕ, ᐃᒻᒥᒃᑯᑦ ᒪᓕᒐᓕᐅᖅᑎᐅᖃᑎᒪ ᑲᒪᒋᔭᖏᑕ ᐊᑖᓃᖃᑕᐅᒻᒪᑦ. ᑖᒃᑯᐊ ᐆᒻᒪᖅᑯᑎᓂᑦ ᐊᑭᖏᓐᓂᑦ ᕿᒥᕐᕈᔩᑦ, ᐃᓛᓇᒃᑰᖓᒻᒪᑕᓕ ᖁᓪᓕᑯᓐᓄᑦ ᑲᒪᒋᔭᐅᖏᒻᒪᑕ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᓚᒋᐊᕈᑎ ᐊᐱᕆᒍᒃ, ᒥᔅᑕ, ᖃᒪᓂᖅ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 15 ᖃᒪᓂᖅ: ᐄ’, ᖁᔭᓐᓇᒦᒃ. ᐄ’, ᒥᓂᔅᑕ ᑖᓐᓇ ᐅᔾᔨᕈᓱᒃᑐᖅᓴᐅᕗᖅ ᖁᓪᓕᖅ ᐃᑯᒻᒪᖅᑯᑎᓕᕆᔨᒃᑯᑦ ᐱᒋᐊᕐᓂᖃᓚᐅᕐᒪᑕ ᐊᕐᕌᓂ ᖃᐅᔨᓴᕐᓂᕐᒥᒃ ᖃᓄᐃᓕᖓᐅᓕᕐᒪᖔᑦ ᐃᑯᒻᒪᖅᑯᑎᒐᓇᐃᑦ ᓄᓇᓕᓐᓂ ᓄᓇᕘᒥ, ᐱᖃᓯᐅᒃᖢᓂ ᓴᓂᕋᔭᐅᑉ ᐃᑯᒻᒪᖅᑯᑎᖃᕐᕕᐊ. ᑖᓐᓇ ᒥᓂᔅᑕ ᐅᔾᔨᕈᓱᒃᑐᖅ ᓴᓂᕋᔭᐅᑉ ᐃᑯᒻᒪᖅᑯᑎᖃᕐᕕᐊᑦᑕᐅᖅ 50−ᓂ ᐊᕐᕌᒍᓂᑦ ᐅᖓᑖᓃᓕᕐᒥᒻᒪᑦ, ᐃᓚᒋᔭᐅᒻᒥᒻᒪᑦ ᑖᒃᑯᓄᖓ ᓄᑕᐅᖏᑦᑑᖃᑕᐅᔪᓄᑦ 50 ᐊᕐᕌᒍᑦ ᐅᖓᑖᓄᓪᓗ ᓄᑕᐅᖏᑦᑐᓄᑦ. ᐅᖃᖅᑎ: ᒪᓕᒐᓕᐅᖅᑎ ᖃᒪᓂᖅ, ᕼᐊᓘ. ᐊᐱᖅᑯᑎᓅᕕᑦ ᑲᔪᓯᒋᐊᕆᑦ. ᖃᒪᓂᖅ: ᐆᑮ. ᐄ’, ᑖᓐᓇ. ᒪᒥᐊᓇᖅ. ᖁᔭᓐᓇᒥᒃ ᐅᖃᖅᑏ. (ᑐᓵᔨᑎᒎᓕᖅᑐᖅ) ᑕᐃᒪ ᒪᓕᒐᓕᐅᖅᑎᐅᖃᑎᒃᑲ ᖃᑦᑎᒻᒪᕇᒃᑭᐊᖅ ᒥᓂᔅᑕᒧᑦ ᐊᐱᖅᓱᖃᑦᑕᖅᓯᒪᒻᒪᑕ ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑐᔅᓯᕋᐅᑎᖓᓂᑦ. ᑳᓇᑕᐅᑉ ᒐᕙᒪᖓ ᐊᑭᓖᖁᔭᐅᓪᓗᓂ ᖁᓪᓕᒃᑯᑦ ᐊᑭᓕᔅᓴᑐᖄᓗᖏᓐᓂᑦ. ᑭᐅᔭᐅᓪᓚᕆᑦᑑᔮᓚᐅᖏᓐᓇᒪ ᓱᓖ, ᐅᓪᓗᒥ ᐆᑦᑐᑲᓐᓂᕐᓂᐊᕋᒪ. ᑳᓇᑕᐅᑉ ᒐᕙᒪᖓ ᐊᖏᖅᓯᒪᓕᖅᑳ ᑖᔅᓱᒧᖓ ᑐᔅᓯᕋᐅᑎᒨᑦ ᐅᕝᕙᓘᓐᓂᑦ ᑳᓇᑕᐅ ᒐᕙᒪᖓ ᐋᒡᒐᖅᓯᒪᕙ ᑖᔅᓱᒧᖓ ᐊᐱᖅᑯᒻᒧᑦ? ᐅᖃᖅᑎ: ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᓯᓕᕆᔨᒃᑯᓐᓄᑦ, ᕼᐄᓕ ᐊᕿᐊᕈᖅ. ᐊᖓᔪᖅᑳᖅ ᒍᐊᐃᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ ᐅᖃᖅᑎᑦᑎᔩ, (ᑐᓴᔨᑎᒎᓕᖅᑐᖅ) ᖁᔭᓐᓇᒦᑦᑕᐅᖅ ᑲᑎᒪᔨ ᐊᐱᕆᒃᑲᓂᕐᖓᑦ. ᒪᓕᒐᓕᐅᖅᑎ ᑕᐃᒪ ᐅᖃᕋᑖᕐᖓᑦ, ᖃᐅᔨᒪᔪᒍ ᖁᓕᓂᑦ ᐱᑐᖄᓗᓐᓂᑦ ᐆᒻᒪᖅᑯᑎᓕᐅᕈᑎᑕᖃᕐᖓᑦ ᐊᓯᓂᑦᑕᐅᒋᐊᖃᓕᖅᑐᓃᑦ, ᐊᒻᒪᓗ ᓴᓇᔭᐅᔪᖃᕆᓪᓗᓂ ᓄᑖᒥᒃ. ᑖᒃᑯᐊ ᐊᕐᕕᓂᓕᒃᑲᓐᓃᑦ ᓴᓂᕋᔭᒃ ᑎᑎᕋᖅᑕᐅᖃᑕᐅᓯᒪᔫᒐᓗᐊᖅ. ᖃᐅᔨᒪᔭᕗᓪᓕ ᐆᒻᒪᖅᑯᑏᑦ ᑭᓱᓕᒫᑦᑎᐊᓄᑦ ᐊᑐᖅᑕᐅᖃᑦᑕᕐᖓᑕ ᐱᓕᕆᓂᓕᒫᑦᑎᓐᓄᑦ, ᐊᒻᒪ ᐅᑭᐅᖅᑕᖅᑐᒥ ᓇᒻᒥᓂᖃᕐᓂᕐᒧᑦ ᐅᖃᐅᓯᐅᖃᑕᐅᖏᓐᓇᖃᑦᑕᕆᓪᓗᓂ, ᐆᒻᒪᖅᑯᑎᖃᑦᑎᐊᕆᐊᖃᕐᓂᕐᒥᓗ ᐅᖃᐅᓯᖃᓕᕋᐃᒻᒪᑕ ᐅᖃᐅᓯᐅᖏᓐᓇᖅᑐᓂ. ᒐᕙᒪᑐᖃᒃᑯᓐᓂ ᒥᓂᔅᑕᐅᖃᑎᑦᑎᓐᓂ ᐱᓕᕆᖃᑎᖃᖅᑐᒎᑦ, ᐱᓕᕆᕕᓕᒫᑦᑎᐊᓄᑦ ᖃᐅᔨᒪᔭᐅᓕᖁᓪᓗᒍ, ᒥᓂᔅᑕᖏᓪᓗ ᑲᑎᒪᖃᑎᒋᖃᑦᑕᕈᓐᓇᖅᓯᒪᒐᑦᑎᒍ. ᐸᕐᓇᐅᑎᕗᑦ ᑖᒃᑯᓄᖓ ᐊᐅᓪᓛᖅᑎᕋᔅᓴᐅᔪᓄᑦ ᑎᑭᑎᖃᑦᑕᕋᔅᓴᐅᔪᓂᑦ ᐆᒻᒪᖅᑯᑎᓕᐅᕈᑎᑖᑦᑎᑦᑎᒐᓱᐊᕈᒪᒐᓗᐊᖅᑐᒍᑦ, ᐊᒻᒪᓗ ᑕᐃᒃᑯᐊ ᑎᓴᒪᓂᑦ ᒫᓐᓇ ᐆᒻᒪᖅᑯᑎᓕᐅᕐᕕᓕᐅᖅᑐᖃᕋᓗᐊᕐᖓᑦ. ᐊᒻᒪᓗᑦᑕᐅᖅ ᑕᐃᒃᑯᐊ ᐊᕐᕕᓂᓕᒃᑲᓐᓃᑦᑕᐅᖅ ᐅᑕᖅᑭᔪᐃᑦ ᑲᒪᒋᒋᐊᖃᓛᕐᒥᒐᑦᑎᒍ ᖃᐅᔨᒪᔪᒍᑦ, ᓴᓂᕋᔭᖏᓚᖅ ᐱᖃᑕᐅᓪᓗᓂ. ᖁᔭᓐᓇᒦᒃ ᐅᖃᖅᑎᑦᑎᔩ. ᐅᖃᖅᑎ: ᑐᔅᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐊᐱᕆᒍᒃ, ᒥᔅᑕ, ᖃᒪᓂᖅ. ᖃᒪᓂᖅ: ᐄ’. ᖁᔭᓐᓇᒦᒃ, ᐅᖃᖅᑏ. ᒪᑉᐱᖅᑐᒐᕐᒥ ᐊᓪᓗᐃᓐᓂᕋᒪ, ᐅᕝᕙ ᓯᕗᓪᓕᖅ ᐊᐱᖅᑯᑎᒋᓂᐊᖅᑲᐅᔭᒻᒪ ᐃᓚᖓᐅᒐᓗᐊᖅ. (ᑐᓵᔨᑎᒎᓕᖅᑐᖅ) ᑕᕝᕙᓂ ᐱᓇᓱᐊᕈᓯᑦᑎᓐᓂ ᒥᓂᔅᑕ ᑐᑭᓯᑎᑦᑎᒋᐊᓚᐅᕐᖓᑦ ᒪᓕᒐᓕᐅᕐᕕᒻᒥ, ᐅᖃᖅᓯᒪᔪᓂᑦ ᑕᐃᒃᑯᐊᒎᖅ ᐅᓂᒃᑳᓕᐊᖑᔪᐃᑦ ᓴᓂᕋᔭᒃ ᖃᐅᔨᓴᖅᑕᐅᒍᑎᒋᔭᖏᑦ ᐋᒡᒌᓯᒥ ᕿᑎᐊᓂ ᐱᔭᕇᖅᑕᐅᒍᓐᓇᓛᕐᖓᑕ. ᒥᓂᔅᑕ, ᐊᖏᕈᓐᓇᖅᑳ ᖃᐃᑦᑎᓛᕐᓂᐊᕐᓂᕋᕐᓗᓂ ᖃᐅᔨᓴᕈᑎᒥᓃᑦ ᐅᓂᒃᑳᓕᐊᒥᓂᖏᓐᓂᑦ, ᐊᒻᒪ ᑐᓂᓯᓗᓂ ᕼᐊᒻᓚᒃᑯᖏᓐᓄᑦ ᓴᓂᕋᔭᐅᑉ, ᐊᒻᒪ ᒪᓕᒐᓕᐅᖅᑎᖓᓄᑦ? ᖁᔭᓐᓇᒥᒃ, ᐅᖃᖅᑏ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 16 ᐅᖃᖅᑎ: ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᓯᓕᕆᔨᒃᑯᓐᓄᑦ, ᕼᐄᓕ ᐊᕿᐊᕈᖅ. ᐊᖓᔪᖅᑳᖅ ᒍᐊᐃᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ ᐅᖃᖅᑎᑦᑎᔩ, (ᑐᓴᔨᑎᒎᓕᖅᑐᖅ) ᖁᔭᓐᓇᒦᑦᑕᐅᖅ ᒪᓕᒐᓕᐅᖅᑎ ᐊᐱᕆᒃᑲᓂᕐᖓᑦ. ᑖᒃᑯᐊ ᑐᑭᓯᒃᑲᓐᓂᕈᑎᔅᓴᓕᒫᑦ ᓴᖅᑭᕈᓐᓇᖅᑕᓕᒫᕗᑦ ᑐᓂᓛᖅᑕᕗᑦ ᓄᓇᓕᖓᓄᑦ, ᐊᒻᒪᓗᑦᑕᐅᖅ ᒪᓕᒐᓕᐅᕐᕕᒻᒧᑦ ᐊᑐᐃᓐᓇᐅᓕᑐᐊᖅᑲᑕ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᐊᕐᕕᐊᑦ ᓂᒡᒋᐊᓄᑦ ᒪᓕᒐᓕᐅᖅᑎ ᖃᑉᓗᑦᓯᐊᖅ. ᐊᐱᖅᑯᑦ 58 – 7(2): ᑕᕆᐅᕐᒥ ᐱᖁᑎᕐᔪᐊᕆᔭᑦᑎᓐᓄᑦ (ᖃᑉᓗᑦᓯᐊᖅ) ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ ᐅᖃᖅᑏ. ᐊᐱᖅᑯᑎᒋᓂᐊᖅᑕᒃᑲ ᑖᒃᑯᓄᖓ ᐃᒥᕐᒥᐅᓯᕆᓂᕐᒧᑦ ᐊᒻᒪᓗᑦᑕᐅᖅ ᐅᖅᓱᐊᓗᓕᕆᓂᕐᒧᑦ ᒥᓂᔅᑕᖓᓄᑦ ᐊᐱᖅᑯᑎᒋᓂᐊᖅᑕᕋ ᐃᖏᕐᕋᔾᔪᑎᓕᕆᓂᕐᒧᑦ ᐊᐅᓚᔪᓐᓇᐅᓯᕆᓂᕐᒧᒡᓗ ᓄᓇᕗᒥ. ᒥᓂᔅᑕ ᐃᖅᑲᐅᒪᒍᓂ, ᓴᖅᑭᑦᑎᓚᐅᕋᒪ ᑎᑎᖅᑲᓂᑦ ᒪᓕᒐᓕᐅᕐᕕᒻᒥ. ᕿᑎᖅᑰᒥ ᑲᑎᒪᕐᔪᐊᖅᑎᓪᓗᑕ ᐱᔾᔪᑎᖃᖅᑐᖅ ᐋᖅᑭᐅᒪᕕᒃ ᐃᖅᑲᖓᓂᑦ ᓄᓇᙳᐊᓕᐅᕐᓂᖅ ᑕᕆᐅᑉ. ᑐᓴᒐᔅᓴᐃᑦ ᑐᓂᔭᐅᓚᐅᖅᑐᑦ ᑖᒃᑯᓄᖓ ᐱᓕᕆᐊᒃᓴᓄᑦ ᑐᒃᓯᕋᖅᓯᒪᔪᐃᑦ ᐃᒪᓐᓇ ᐅᖃᖅᓯᒪᓚᐅᕐᒪᑦ. “ᓯᒡᔭᖓ ᐱᖓᓐᓇᓂᑦ ᑕᓯᐅᔭᕐᔪᐊᑉ ᐊᓯᔾᔨᖅᐸᓪᓕᐊᓪᓚᕆᓕᕐᒪᓐ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐊᒻᒪᓗᑦᑕᐅᖅ ᑕᐃᒃᑯᐊ ᐊᐅᒃᐸᓪᓕᐊᓂᖏᓐᓄᑦ ᓯᕐᒦᑦ ᐊᕐᕕᐊᑦ ᑕᒪᒃᑯᓂᖓ, ᓯᕐᒦᑦ ᐊᐅᑉᐸᓪᓕᐊᓂᖏᓐᓄᑦ ᐃᒻᒪᒃᐸᓪᓕᐊᑐᐃᓐᓇᕐᒪᑦ ᐊᒃᓱᕈᕐᓇᖅᓯᖃᑦᑕᕐᒪᑕ ᐅᒥᐊᑦ ᐅᒥᐊᖅᑐᕋᓱᒃᑎᓪᓗᒋᑦ ᒪᓕᖏᒧᑦ. ᑭᓯᐊᓂ ᐅᓗᕆᐊᓇᖅᓯᖕᒪᑦ ᐅᒥᐊᕐᔪᐊᓄᑦ ᖃᓂᑦᑐᒧᐊᕋᓱᒃᑎᓪᓗᒋᑦ ᓄᓇᓕᖕᓄᑦ.” ᑕᐃᒪᓐᓇ ᐅᖃᓚᐅᕐᒪᑦ, ᐊᖅᑭᐅᒪᕕᒃ ᑲᑐᔾᔨᖃᑎᒌᖏᑦ ᐃᑲᔪᖅᑐᐃᒻᒪᑕ ᑲᓇᑕᒥᐅᓂᑦ ᑕᐃᒃᑯᐊ ᖃᐅᔨᓴᖅᑎᓪᓗᒋᑦ ᐃᒪᕐᒥᐅᓯᕆᔨᒃᑯᑦ ᐊᒻᒪ ᑲᓇᑕᒥ ᐃᖃᓗᓕᕆᔨᒃᑯᑦ ᓄᓇᙳᐊᓕᐅᕋᓱᒃᑎᓪᓗᒋᑦ ᐃᖅᑲᖓᓂ. ᐅᖃᖅᑏᑦ, ᐃᑲᔪᖅᑐᖅᑎᐊᕋᒃᑯ ᑖᔅᓱᒧᖓ ᐱᓕᕆᐊᒧᑦ. ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᐃᑲᔪᖅᑐᐃᒻᒪᖔᑦ ᑖᔅᓱᒥᖓ ᐱᒻᒪᕆᐅᔪᒥᒃ ᐊᖏᖅᓯᓯᒪᒻᒪᖔᖅ ᐃᖅᑲᓇᐃᔭᖅᑕᐅᓂᐊᖅᑐᓂᒃ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᖏᕐᕋᔪᓕᕆᔨᒃᑯᓐᓄᑦ ᐊᐅᓚᔪᓐᓇᐅᑎᓕᕆᔨᒃᑯᓐᓄᑦ, ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑖᒃᑯᐊ ᑖᓐᓇ ᓴᖅᑭᖅᑐᒪᓪᓗ ᐅᖃᖅᑏ, ᐃᓕᓴᖅᓯᔪᒍᑦ ᑖᒃᑯᐊ ᑐᓴᒐᒃᓴᐃᑦ ᑕᒪᒃᑯᐊ ᐱᖕᒪᕆᐊᖕᒪᑦ ᐊᑦᑕᓇᕐᔭᐃᖅᓯᒪᖁᓪᓗᒋᑦ ᐅᒥᐊᕐᔪᐊᑦ. ᐊᒻᒪ ᐊᖑᓇᓱᒃᑐᑦ ᐊᒃᑐᖅᑕᐅᓗᐊᖁᓇᒋᑦ, ᐅᑉᐱᕈᓱᒃᑐᖓ ᑎᑎᕋᐅᓯᐊᓚᐅᕋᒪ ᑐᑭᒧᐊᒃᑎᑦᑎᔨᒻᒪᕆᖕᒥᑦ ᑕᐃᒃᑯᓄᖓ ᓄᓇᙳᐊᓕᐅᖃᑦᑕᖅᑐᓂᒃ ᐃᖅᑲᕐᒥᑦ ᐊᒻᒪ ᐃᒪᕐᒥᐅᑕᓕᕆᔨᒃᑯᓐᓂᑦ ᑲᓇᑕᒥ. ᑐᒃᓯᕋᖅᓯᒪᓪᓗᑎᒃ ᐊᓐᑎᐊᕆᔫᒥ ᐃᖅᑲᓇᐃᔭᖅᑎᓂ ᕿᒥᕐᕈᓇᒃᑕᐅᖁᓪᓗᒋᑦ ᐃᖅᑲᓇᐃᔭᖅᑕᐅᓂᐊᖅᑐᑦ, ᖃᐅᔨᓴᖅᑕᐅᖁᓪᓗᒋᓪᓗ ᐸᕐᓇᐅᑎᔾᔪᑎᒃᓴᑦ ᐱᓕᕆᔾᔪᑏᑦ. ᓲᕐᓗ ᐊᒡᒋᖅᑐᓂ ᑖᒃᑯᐊ ᐃᖅᑲᖓᓂᑦ ᑕᕆᐅᑉ ᓄᓇᙳᐊᓕᐅᕈᒪᓪᓗᑎᒃ, ᐱᓕᕆᐊᕆᔭᖓ ᐱᐅᒋᒻᒥᔭᕋ ᑖᒃᑯᐊ ᓇᐃᓈᕐᓗᒋᑦ. ᐄ’, ᐃᑲᔪᖅᑐᐃᔪᒍᑦ ᑖᔅᓱᒥᖓ ᐱᓕᕆᔭᐅᓂᖓᓂᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓪᓕᖅᐹᕐᒥᒃ ᐃᓚᒋᐊᖁᑏᑦ, ᐊᐱᕆᒍᑦ ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᖅᐸᕋᑦᑕᐅᖅ ᒥᓂᔅᑕ ᑭᐅᖕᒪᑦ. ᑐᓴᒐᒃᓴᐃᑦ ᑐᓂᔭᐅᓯᒪᔪᑦ ᐱᓕᕆᔪᒪᔪᓂᒃ ᐅᖃᖅᓯᒪᖕᒪᑕ ᐃᒪᓐᓇ. ᐅᖃᒃᑲᓐᓂᖅᐸᕋ ᐅᖃᓚᐅᖅᑕᖏᑦ ᓄᓇᖓᑦ

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 17 ᐃᓄᒋᐊᒃᓯᕙᓪᓕᐊᔪᒻᒪᕆᐊᓘᖕᒪᑦ ᐅᖅᓱᐊᓗᖏᓪᓗᑦ, ᐅᔅᓴᒃᓴᕆᐊᒃᓴᖅ ᐱᔾᔪᑎᒋᓪᓗᒋᑦ ᐃᖅᑲᖓ ᐃᑎᙱᒻᒪᑦ, ᐃᒃᑲᑦᑐᒻᒪᕆᐅᖕᒪᑦ ᑕᐃᒪᓐᓇ ᑎᓂᑦᑕᕌᖓᑦ ᐅᒥᐊᕐᔪᐊᖅ ᐃᖅᑲᖓᓄᑦ ᑐᖃᑦᑕᕐᒪᑦ ᐅᒥᐊᕐᔪᐊᖅ. ᐊᕐᕕᐊᑦ ᐅᖅᓱᐊᓗᒃᑖᕈᓐᓇᐃᓕᖕᒪᑦ ᐅᓯᔭᖓ ᓄᑎᓪᓗᒋᑦ, ᑭᓯᐊᓂ ᐅᓯᔭᖏᑦ ᑕᑕᙱᒃᖢᓂ ᐅᒥᐊᕐᔪᐊᖅ ᑎᑭᖃᑦᑕᓕᕐᒪᑦ. ᒫᓐᓇ ᑕᐃᒃᑯᐊ ᓂᐅᕕᖅᑎᒃᑯᑦ ᓴᓂᐊᓂ ᐅᓯᖏᐊᕐᕕᖃᕐᒪᑕ ᑕᐃᑲᓂ ᑲᖏᖅᖢᐊᕐᔪᖕᒥ. ᑕᐃᒃᑯᖓ ᐃᓯᖁᓐᓇᐃᓕᖕᒪᑕ ᑲᖏᖅᖢᕐᒧᑦ ᐅᒥᐊᕐᔪᐊᖅ ᐊᒻᒪᓗᒃᑕᐅᖅ ᑕᑭᔪᐊᓘᓪᓗᓂ ᓱᓪᓗ ᑖᓐᓇ ᓄᓇᒧᑦ ᑐᙵᓇᓱᒃᑐᖅ ᐊᑯᓂᐊᓗᒃ ᒥᓪᓗᐊᕋᓱᖃᑦᑕᕐᒪᑦ. ᓄᒃᑎᕈᒪᔫᖓᓗᐊᑦ ᐊᓯᐊᓂᑦ ᑲᓇᖕᓇᖓᓂᑦ ᖃᑦᑕᐅᔭᐃᑦ ᓯᒡᔭᕐᒥ. ᑕᐃᒪᓐᓇ ᐊᑲᐅᓂᖅᓴᐅᒐᔭᕐᒪᑦ ᑕᐃᑯᖓ ᓄᑖᓄᑦ ᖃᑦᑕᐅᔭᖃᕐᕕᐅᓕᖅᑐᓄᑦ. ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᖃᓄᖅ ᐱᓕᕆᕕᖓᑦ ᐅᖅᓱᐊᓗᓕᕆᔨᒃᑯᑦ ᐱᓕᕆᕕᖓᑦ ᑭᐅᓕᕐᒪᖔᑕ ᑖᒃᑯᓄᖓ ᐃᓱᒫᓘᑎᐅᔪᓄᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᖏᕐᕋᔪᓕᕆᔨᒃᑯᓐᓄᑦ ᐊᐅᓚᔪᓐᓇᐅᑎᓕᕆᔨᒃᑯᓐᓄᑦ, ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᖅᐸᕋ ᑲᑎᒪᔨ ᑖᔅᓱᒥᖓ ᐊᐱᖅᑯᑎᖃᕐᒪᑦ. ᐱᔾᔪᑎᐅᔪᒥᒃ ᐊᕐᕌᒍᓄᑦ ᐅᓄᑲᓪᓚᒃᑐᓄᑦ ᐃᓱᒫᓘᑎᒋᔭᐅᓯᒪᓕᕐᒪᑦ ᐅᖃᐅᓯᕆᔭᐅᖃᑦᑕᖅᓯᒪᓪᓗᑎᓪᓗ ᐅᓯᖏᐊᕐᕕᒋᓂᐊᖅᑕᖓ ᐅᖅᓱᐊᓗᖕᓄᑦ ᖃᑦᑕᐅᔭᕐᓅᙵᐅᑎᓪᓗᒋᑦ. ᑖᓐᓇ ᑭᖑᓪᓕᖅᐹᒥᑦ ᐅᖃᐅᓯᕆᓚᐅᖅᑕᕗᑦ. ᐅᖃᖅᑏ, ᐊᒃᓱᕈᕐᓇᕐᓂᖓ ᐃᓕᓴᕆᔭᕗᑦ ᑕᐃᒃᑯᐊ ᐅᒥᐊᕐᔪᐊᒃᑯᑦ ᑎᑭᑎᑦᑎᓇᓱᒋᐊᒃᓴᖅ ᓄᓇᓕᖁᑎᒃᑎᓐᓄᑦ. ᐃᓕᓴᖅᓯᔪᒪᓪᓗᖓ ᕼᐋᒻᒪᓚᒃᑯᑦ ᐃᖅᑲᓇᐃᔭᖃᑦᑕᖅᓯᒪᔭᖏᑦ, ᑕᐃᒃᑯᐊ ᑮᓇᐅᔭᓂᑦ ᐱᓚᐅᕐᒪᑕ ᑕᕆᐅᕐᒥᑦ ᓴᐳᒻᒥᐅᓯᖅᓯᒪᓂᕐᒧᑦ ᐃᖏᕐᕋᔾᔪᑎᓕᕆᔨᒃᑯᑦ ᑲᓇᑕᒥ, ᑕᕆᐅᕐᒥᐅᓯᕆᔨᒃᑯᓪᓗ ᕿᒥᕐᕈᓇᒍᑕᐅᓂᐊᕐᒪᑕ. ᑕᐃᓐᓇ ᑕᐅᕙᓐᓇ ᐃᖅᑲᖓᓂᒃ, ᐊᖅᑯᓯᐅᕐᓗᑎᒡᓗ ᑕᐅᕗᖓ ᑖᒃᑯᐊ ᐅᓯᒋᐊᕐᕕᐅᖃᑦᑕᕐᓂᐊᕐᒪᑦ ᐅᖅᓱᐊᓗᖕᒧᑦ. ᑖᒃᓱᒪ ᑲᑎᒪᔨᐅᑉ ᐃᓱᒫᓘᑎᒋᔭᖓ, ᑖᒃᑯᐊ ᐊᐅᔭᖅ ᓴᓇᔭᐅᒋᐊᕐᓂᐊᖅᑐᑦ. ᐱᔾᔪᑎᒋᓪᓗᒍ ᐅᖅᓱᐊᓗᓕᕆᔨ ᐅᒥᐊᕐᔪᐊᖅ ᑎᑭᖃᑦᑕᕐᓂᕆᔭᖓᓐᓂ, ᐃᓱᒪᓕᐅᕈᑎᒋᔭᖓ ᓇᓃ ᐅᓯᖏᐊᖃᑦᑕᕐᓂᐊᕐᒪᖔᑦ, ᒪᓕᒃᓯᒪᓂᐊᖅᑐᖅ ᑕᐃᒃᑯᓂᖓ ᐅᖅᓴᖅᓴᐃᕕᒃᓴᐅᖃᑦᑕᓂᐊᖅᑐᓄᑦ. ᐱᔭᕇᖅᑕᐅᑲᐅᑎᒋᓇᓱᖕᓂᐊᖅᑐᖅ. ᐃᓚᖏᑦ ᐃᓱᒫᓘᑎᒋᔭᐅᖃᑦᑕᖅᓯᒪᔪᖅ ᐃᖅᑲᓇᐃᔭᖅᑎᑭᑦᓴᕐᓂᕐᒧᑦ ᐱᔾᔪᑎᒋᓪᓗᒍ ᐊᕐᕌᒍᐃᑦ ᑭᖑᕙᓕᖅᑐᓂᑦ ᑎᑭᖃᑦᑕᕐᒪᑕ, ᐊᖑᓇᓱᑦᑏᓪᓗ ᑕᐃᒃᑯᐊ ᐊᒃᓱᕉᓴᖃᑦᑕᕐᒪᑕ ᐅᒥᐊᕐᔪᐊᒃᑯᑦ ᑎᑭᑎᑦᑎᓇᓱᖃᑦᑕᕐᓂᖅ, ᑕᐃᒃᑯᐊ ᐃᖅᑲᓇᐃᔭᖅᑎᑖᑯᒡᓗᒋᑦ ᐅᓄᕐᓂᖅᓴᓂᑦ ᖃᑦᑕᐅᔭᖃᓕᖅᑎᒡᓗᒋᑦ ᑭᖑᕙᖏᓪᓗᑎᒃ, ᐃᖅᑲᓇᐃᔭᖅᑎᑖᖅᓯᒪᓂᖏᓐᓄᑦ ᑭᖑᕙᖏᓂᖅᓴᐅᓗᑎᒃ ᐅᓯᖏᐊᖃᑦᑕᕈᓐᓇᖁᒡᓗᒋᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑐᒡᓕᐊᓂ ᐊᒻᒪᓗ ᑭᖑᓪᓕᐹᖅ ᐊᐱᖅᑯᑎᒋᔭᐃᑦ, ᒪᓕᒐᓕᐅᖅᑎ ᖃᑉᓗᑦᓯᐊᑦᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕ ᑐᓴᖅᑎᑦᑎᔪᓐᓇᖅᐹ, ᖃᖓᒃᑯᑦ ᓴᓇᔭᐅᓂᐊᕐᒪᖔᑦ ᐊᕐᕕᐊᓂ ᐅᖅᓱᐊᓗᒃᓴᓄᑦ ᖃᑦᑕᐅᔭᖃᐅᑑᑏᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᖏᕐᕋᔪᓕᕆᔨᒃᑯᓐᓄᑦ ᐊᐅᓚᔪᓐᓇᐅᑎᓕᕆᔨᒃᑯᓄᓪᓗ ᒥᓂᔅᑕ, ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑖᓐᓇ ᐃᓱᒪᓕᐅᖅᓯᒪᓕᖅᑐᑦ ᓇᓃᒻᒪᖔᑦ. ᑖᒃᑯᐊ ᐱᒋᐊᑐᐃᓐᓇᕆᐊᑐᖏᑦᑐᑦ ᑕᒪᐅᓇᑐᐃᓐᓇᖅ ᑭᓯᐊᓂ ᓴᓇᔭᐅᓯᒪᓂᑰᖕᒪᑦ ᑭᖑᓂᑦᑎᓐᓂ. ᑎᑎᕋᐅᔭᖅᑕᐅᑲᓐᓂᑐᐃᓐᓇᕆᐊᖃᖅᑐᖅ, ᐱᔭᕇᖅᑕᐅᓂᐊᖅᑐᖅ ᐊᐅᔭᖅ. ᐊᒻᒪᓗᑦᑕᐅᖅ ᐅᑭᐅᒃᓵᖅ ᑖᒃᑯᐊ ᑳᓐᑐᕌᒍᑎᔅᓴᖏᑦ ᑖᒃᑯᓄᖓ ᓴᖅᑭᑕᐅᓂᐊᖅᖢᑎᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᑕᓯᐅᔭᕐᔪᐊᒧᑦ ᒪᓕᒐᓕᐅᖅᑎ, ᖃᕝᕕᒃ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 18 ᐊᐱᖅᑯᑦ 59 – 7(2): ᒥᑦᑕᕐᕕᒃᑎᓐᓂ ᐱᖁᑎᕐᔪᐋᓄᑦ (ᖃᕝᕕᒃ) ᖃᕝᕕᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒋᓂᐊᖅᑕᕋ ᐅᓪᓛᖅ ᒥᓂᔅᑕᖓᓐᓄᑦ ᐃᖏᕐᕋᔾᔪᓕᕆᔨᒃᑯᑦ ᐊᐅᓚᔪᓐᓇᐅᓯᕆᔨᒃᑯᑦ. ᐅᖃᖅᑏ, ᓴᓂᑭᓗᐊᕐᒥ ᑖᒃᑯᐊ ᓄᓇᓕᓐᓂ ᓄᖑᑦᑎᕙᓪᓕᐊᖏᓐᓂᕐᒧᑦ ᐸᕐᓇᐅᑎᖏᑦ ᓇᓗᓇᐃᖅᓯᓯᒪᒻᒪᑦ ᐸᕐᓇᐅᑎᒋᔭᖓ ᒫᓐᓇ ᒥᑦᑕᕐᕕᖓᓂ ᐱᖁᑎᒋᔭᖏᓐᓂᒃ ᐃᓱᒫᓗᓐᓇᖅᑐᖃᕐᒪᑦ. ᒥᓂᔅᑕ ᖃᐅᔨᒪᔪᒃᓴᐅᖕᒪᑦ, ᐅᓄᖃᒡᓚᑦᑐᓂᑦ ᒥᑦᑕᕕᒻᒥ ᖃᓄᐃᓕᔪᖃᖃᑦᑕᖅᓯᒪᓕᕐᒪᑦ ᐊᕐᕌᒍᑦ 10 ᐊᓂᒍᖅᓯᒪᓕᖅᑐᑦ, ᐃᓱᒫᓘᑎᖃᖅᖢᑎᒡᓗ ᑲᓇᓐᓇᖓᓂ, ᐱᖓᓐᓇᖓᓂᓪᓗ ᒥᕝᕕᒃ ᓵᖓᓂᖓᓄᑦ ᐊᑦᑕᕐᓇᕐᒪᑦ, ᐃᓱᒫᓗᓐᓇᕐᒪᑦ ᐊᑦᑕᕐᓇᕈᑎᖓᓄᑦ. ᓄᓇᓕᓐᓄᑦ ᐸᕐᓇᐅᑎᒋᔭᖓᑦ ᐅᖃᖅᓯᒪᒻᒪᑕ, ᓄᑖᒥᒃ ᒥᒃᑖᕝᕕᑦᑖᕆᐊᖃᕐᒪᑕ ᐅᐊᖕᓇᒥᑦ ᓂᒋᐊᓄᑦ ᓵᖓᖔᖅᑐᒥᑦ, ᐃᓱᒫᓘᑎᓄᑦ ᑭᐅᔪᓐᓇᕐᒪᑕ ᐊᓄᕆᖓ ᓄᓇᓖᑦ ᐱᓪᓗᒍ ᓇᑭᖔᒐᔪᓐᓂᖓ. ᒥᓂᔅᑕ ᑐᓴᖅᑎᑦᑎᔪᓐᓇᖅᐹ ᖃᓄᖅ ᑕᓐᓇ ᐱᓕᕆᕕᖓᑦ ᑕᒪᑐᒧᖓ ᐃᓱᒫᓗᒋᔭᑦᑎᓐᓄᑦ ᑭᐅᓕᕐᒪᖔᑕ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᖏᕐᕋᔪᓕᕆᔨᒃᑯᓐᓄᑦ ᐊᐅᓚᔪᓐᓇᐅᑎᓕᕆᔨᒃᑯᓄᑦ ᒥᓂᔅᑕ, ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒪᑉᐱᒐᕐᒥ ᑕᒻᒪᕋᒪ, ᒪᒥᐊᓇᖅ. ᖁᔭᓐᓇᒦᒃ ᐅᖃᖅᑏ. ᑖᒃᑯᐊ ᕿᒥᕐᕈᓇᒃᖢᒋᑦ ᒥᕝᕖᑦ ᓄᓇᕗᒻᒥ, ᓴᓂᑭᓗᐊᕐᒥ. ᐱᒻᒪᕆᐅᖕᒪᑦ ᐃᓕᓴᖅᓯᔭᕆᐊᔅᓴᖅ ᑖᒃᑯᓂᖓ ᒥᑦᑕᕐᕖᑦ ᖃᐅᔨᓴᖅᑕᐅᓕᕆᐊᖃᖏᓐᓄᑦ ᐊᔾᔨᒌᖏᑦᑐᓂᑦ ᐱᔾᔪᑎᖃᖃᑦᑕᕐᒪᑦ, ᐃᓚᖓ ᑲᑎᒪᔨᐅᑉ ᐅᖃᐅᓯᕆᔭᖓ ᐱᖃᓯᐅᒃᖢᒍ. ᐃᓚᖓ ᑕᐃᓐᓇ, ᒫᓐᓇ ᕿᒥᕐᕈᓇᖅᑕᕗᑦ ᑖᓐᓇ ᖃᐅᔨᓴᕈᑎᐅᔪᖅ ᐊᐅᔭᐅᓂᐊᖅᑐᖅ ᐱᓕᕆᔭᐅᓂᐊᕐᒪᑦ. ᐱᖃᓯᐅᔾᔨᓯᒪᓂᐊᖅᑐᖅ ᐃᓱᒫᓘᑎᓂᑦ ᓴᖅᑭᑕᖓᓂᑦ ᑲᑎᒪᔨᐅᑉ, ᐅᕙᖓᓗ ᐃᖅᑲᓚᐃᔭᖅᑎᕗᓪᓗ ᑕᐅᕗᖓ ᓯᕗᒧᐊᒍᑎᒋᔭᐅᓂᐊᖅᑐᖅ ᐃᓱᒫᓘᑎᒋᔭᐅᔪᑦ ᓴᖅᑭᕋᑖᖅᑕᖓ ᑲᒪᒋᔭᐅᖁᒡᓗᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓪᓕᖅᐹᒥ ᐃᓚᒋᐊᕈᑏᑦ ᐊᐱᕆᒍᒃ, ᒪᓕᒐᓕᐅᖅᑎ, ᖃᕝᕕᒃ. ᖃᕝᕕᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᓂᕆᐅᓇᖅᑎᐊᐳᖓ ᖃᐅᔨᓴᖅᑕᐅᓚᐅᕐᓗᓂ ᐅᓂᒃᑳᒥᑦ ᐱᔭᕆᐊᒃᓴᖅ. ᐅᖃᖅᑏ, ᐃᖅᑲᐅᒪᔪᒃᓴᐅᖕᒪᑦ, ᓄᓇᕗᒻᒥ ᒥᑦᑕᕕᖕᒥᑦ ᐊᕐᕌᒍᓄᑦ ᐊᕙᑎᓄᑦ ᐊᑭᑐᔪᓂᑦ ᑭᖒᒪᔭᖏᓐᓂᑦ ᖃᐅᔨᓴᕈᑏᑦ ᓴᖅᑭᑕᐅᓚᐅᕐᒪᑦ ᒪᓕᒐᓕᐅᕐᕕᖕᒥ ᒫᑦᓯ 2023ᒥ. ᑖᓐᓇ ᑎᑎᕋᖅᓯᒪᔪᖅ ᓇᓗᓇᐃᖅᓯᓯᒪᓚᐅᖅᑐᖅ, ᐱᓯᐅᓯᒋᐊᕈᑎᔅᓴᐅᓂᐊᖅᑐᓂᑦ ᓴᓂᑭᓗᐊᕐᒥ ᒥᑦᑕᕐᕕᖁᑎᖓᓐᓄᑦ. ᐅᖃᖅᑏ, ᐊᕐᕌᒍᒋᔭᑦᑎᓐᓂ ᒪᓕᒐᓕᐅᕐᕕᖕᒥ ᐊᖏᖅᓯᓚᐅᕋᑦᑕ ᐱᓕᕆᕕᐅ 2026-2027ᒧᑦ ᐊᑭᑐᔪᖅᑐᕈᑎᒃᓴᖏᓐᓂᑦ. ᖁᕕᐊᓱᑦᑐᖓᓗ ᑖᒃᑯᐊ ᓂᕈᐊᕆᐊᒃᓴᖅ ᐃᑲᔪᖅᑐᓪᓗᒍ ᒥᑦᑕᕐᕕᒃ ᐃᑯᒻᒪᖅᑯᑎᖏᑦᑕ ᐊᓯᔾᔨᖅᑕᐅᓂᒃᓴᖏᓐᓄᑦ ᖃᐅᔨᓴᖅᑎᒡᓗᒍ. ᑐᓴᖅᑎᑦᑎᔪᓐᓇᕐᒪᖔᖅ ᑕᒪᑐᒧᖓ ᐃᖅᑲᓇᐃᔭᖅᑕᐅᔪᒧᑦ ᑐᓴᕈᒪᕗᖓ ᒥᓂᔅᑕᒥᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᖏᕐᕋᔪᓕᕆᔨᒃᑯᓐᓄᑦ ᐊᐅᓚᔪᓐᓇᐅᑎᓕᕆᔨᒃᑯᓄᑦ ᒥᓂᔅᑕ, ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐄ’, ᑲᑎᒪᔨ ᑕᒻᒪᙱᑦᑐᖅ ᑖᒃᑯᐊ ᑕᕝᕙ ᐊᑭᑐᔪᖅᑐᕈᑎᒃᓴᐃᑦ ᒥᑭᑦᑑᑎᓄᑦ ᐊᑐᖅᑕᐅᓂᐊᖅᑐᑦ 2026-2027ᒥ ᑳᓐᑐᕌᕋᔅᓴᖅ ᓴᖅᑭᑕᐅᓂᐊᕐᒪᑦ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 19 ᐃᖅᑲᓇᐃᔭᖅᑕᐅᒋᐊᓕᕐᓗᓂᓗ ᐱᔭᕇᖅᑕᐅᓗᓂ. ᑐᓂᔭᐅᓚᐅᖅᑎᓪᓗᒍ ᑳᓐᑐᕌᒃ, ᐊᒻᒪᓗᑦᑕᐅᖅ ᖃᐅᔨᓴᖅᑕᐅᓂᖅ ᐱᔭᕇᖅᑕᐅᓚᐅᖅᑎᒡᓗᒍ, ᐊᓯᖏᓐᓂᑦ ᐃᓱᒪᒃᓴᖅᓯᐅᕈᑎᖃᕐᓂᐊᕐᒪᑕ, ᖄᖅᑭᒋᐊᖅᑕᐅᔪᓐᓇᕐᓂᐊᕐᒪᖔᑦ ᓯᕗᓂᒃᓴᑦᑎᓐᓂ. ᒥᑦᑕᕐᕕᒻᒥ ᒥᕝᕕᐅᑉᐸᒡᓗ ᐅᕝᕙᓘᓐᓃᑦ ᐅᑕᖅᑭᕕᐅᑉᐸᑦ. ᐅᖃᖅᑏ ᑖᓐᓇ ᐅᖃᕈᓐᓇᖅᑐᖓ. ᑭᓯᐊᓂ ᒫᓐᓇ ᐱᓕᕆᔭᐅᕙᒡᓕᐊᓕᖅᑐᖅ. ᐊᕐᕌᒍ ᓄᑕᖅ ᑮᓇᐅᔭᓕᕐᓇᖅ ᐱᒋᐊᕋᑖᖅᓯᒪᓂᑰᖕᒪᑦ, ᑖᒃᑯᐊ ᑕᕝᕙ ᐃᖅᑲᓇᐃᔭᖅᑏᑦ ᑕᒪᒃᑯᐊ ᓂᐅᕕᖃᑦᑕᓂᕐᒧᑦ ᐱᓕᕆᐊᖃᖃᑦᑕᖅᑐᑦ, ᑳᓐᑐᕌᒃ ᑐᓂᔭᐅᑦᑎᐊᖁᒡᓗᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᖁᕐᓗᒃᑑᒧᑦ ᒪᓕᒐᓕᐅᖅᑎ, ᖁᓕᒃᑖᓇ. ᐊᐱᖅᑯᑦ 60 – 7(2): ᐋᓐᓂᐊᖅᑐᓕᕆᓂᐅᑉ ᐱᖁᑎᕐᔪᐋᖏᓄᑦ (ᖁᓕᒃᑖᓇ) ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒃᑲ ᐅᒡᓗᒥ ᒥᓂᔅᑕᕆᔭᐅᑲᐃᓐᓇᖅᑐᒧᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ. ᐅᖃᖅᑏ, ᐊᐱᖅᑯᑎᖃᓚᐅᖅᑕᓐᓂᑦ ᐊᐱᖅᑯᑎᑲᒃᓇᓐᓂᕈᒪᒐᒪ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐃᒡᓗᖁᑎᖏᓐᓄᑦ. ᐅᓪᓗᑐᐃᓐᓇᕐᒥ ᑲᑎᒪᑎᓪᓗᑕ ᓴᓇᔭᐅᓕᕐᓂᕋᖅᑕᐅᓚᐅᕐᒪᑦ ᐊᖅᑯᓯᕆᐊᕐᕕᒃ ᒪᒥᓴᕐᕕᒃ. ᐅᖃᖅᑏ, ᑐᑭᓯᕗᖓ ᖃᐅᑕᒫᖅᓯᐅᑎᖏᑦ ᓴᓇᔭᐅᓂᖓᑕ ᑲᒪᒋᔭᐅᖕᒪᑦ ᐃᖏᕋᔪᓕᕆᔨᒃᑯᑦ ᐊᐅᓚᔪᓐᓇᐅᓯᕆᔨᒃᑯᓪᓗ ᐱᓕᕆᕕᖓᓐᓄᑦ. ᒥᓂᔅᑕᐅᑲᐃᓐᓇᖅᑐᖅ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓄᑦ ᑐᓴᒐᔅᓴᓂᑦ ᖃᓄᐃᑦᑐᓂᑦ ᐱᓯᒪᒻᒪᖔᑕ ᒥᓂᔅᑕᖓᓐᓂᑦ ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᓯᕆᔨᒃᑯᑦ, ᖃᖓᒃᑯᑦ ᐃᖅᑲᓇᐃᖅᑕᐅᓂᐊᕐᒪᖔᑕ ᐊᖅᑯᓴᕇᖅ ᒪᒥᓴᕝᕕᒃ ᑕᐃᓐᓇ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᒥᓂᔅᑕᐅᑲᐃᓐᓇᖅᑐᖅ, ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᖁᔭᓐᓇᒦᖅᐸᕋᓗ ᑖᓐᓇ ᐊᐱᕆᖕᒪᑦ. ᐊᓯᐊᓄᑦ ᒥᓂᔅᑕᐅᕝᕕᒋᔭᓐᓄᑦ ᐅᓪᓗᒥ, ᑕᐃᒃᑯᐊ ᐃᓚᖓ ᑲᒪᒋᕙᕋ ᖁᔭᓐᓇᒦᕈᑎᒋᕙᕋ ᑖᓐᓇ ᑲᑎᒪᔨᐅᔪᖅ. ᑖᒃᑯᓂᖓ ᑭᖑᕙᕆᐊᖅᓯᒪᓕᕐᒪᑕ ᓴᓇᔭᐅᓂᕆᔭᖓᑦ ᑖᒃᑯᓂᖓ, ᒫᓐᓇ ᐱᔭᕇᖅᑕᐅᓂᒃᓴᖓᓄᑦ ᑕᑯᓐᓇᖅᑐᒍᑦ ᐊᐅᔭᐅᓂᐊᖅᑐᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓪᓕᖅᐹᒥ ᐃᓚᒋᐊᕈᑏᑦ ᐊᐱᕆᒍᒃ, ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᖁᔭᓐᓇᒦᖅᑕᕋ ᒥᓂᔅᑖ ᑭᐅᒐᕕᑦ. ᒥᓂᔅᑕᐅᑲᐃᓐᓇᖅᑎᓪᓗᒍ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᖃᐅᔨᒪᖕᒪᑕ ᕿᑎᕐᒥᐅᓂᑦ ᓯᕕᑐᔪᒧᑦ ᐸᖅᑭᒃᓯᕕᒃ ᓴᓇᔭᐅᓂᐊᕐᒪᑦ ᐃᖃᓗᑦᑑᑦᑎᐊᕐᒥ. ᓂᕆᐅᑦᑐᒍᓪᓗ ᐊᒃᓱᑲᒡᓚᒃ ᐃᓐᓇᕐᓄᑦ, ᐸᖅᑭᔭᐅᓂᖏᑦ ᐃᓐᓇᑐᖃᐃᑦ. ᒥᓂᔅᑕᐅᑲᐃᓐᓇᖅᑐᖅ, ᓇᓗᓇᐃᖅᓯᔪᓐᓇᖅᐹ ᖃᓄᐃᑦᑐᓂᑦ ᑐᓴᒐᔅᓴᓂᑦ ᐱᓚᐅᕐᒪᖔᑦ ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᓯᕆᔨᒃᑯᓪᓗ ᒥᓂᔅᑕᖓᓐᓂᑦ, ᐱᔾᔪᑎᒋᓪᓗᒍ ᑖᓐᓇ ᖃᖓ ᑳᓐᑐᕌᕋᒃᓴᖅ ᓴᖅᑭᑕᐅᓂᐊᕐᒪᖔᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓄᑦ ᒥᓂᔅᑕᐅᑲᐃᓐᓇᖅᑐᖅ, ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᖁᔭᓐᓇᒦᖅᐸᕋ ᐅᖃᐅᓯᕆᖕᒪᒍ ᑖᓐᓇ. ᑐᓴᐅᒪᑎᑦᓴᐃᓐᓇᕆᐊᖃᕋᑉᑕ ᐱᒻᒪᕆᐅᔪᓂᑦ ᐸᕐᓇᑕᐅᔪᓂᑦ ᐱᓗᐊᖅᑐᒥᑦ, ᐃᓐᓇᕐᓄᑦ ᐱᓗᐊᖅᑐᖃᐃ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 20 ᐅᖃᖅᑏ, ᐅᖃᐅᓯᐅᓚᐅᕐᒥᔫᒐᓗᐊᖅ ᐃᓪᓗᒥ. ᑖᑉᑯᐊ ᓄᓇᑦᓴᐃᑦ ᖃᓄᐃᒍᑕᐅᔪᒻᒪᑕ ᐃᓪᓗᓕᐅᕋᑦᓴᒧᑦ. ᑖᓐᓇ ᓄᖅᑲᖓᑲᐃᓐᓇᕈᑕᐅᔪᕗᖅ ᑎᑎᕋᐅᔭᖅᓯᒪᓂᖓᓂ ᓄᓇᑖᓚᐅᙱᓐᓂᖏᓐᓂ. ᕼᐋᒻᒪᓚᒃᑯᑦ ᐃᖃᓗᑦᑑᑦᓯᐊᒥ ᐱᓕᕆᖃᑎᒋᔭᐅᑦᓯᐊᒻᒥᔫᒐᓗᐊᑦ ᓇᒦᕝᕕᑦᓴᐅᓇᔭᖅᑐᒥᑦ ᓄᓇᒥ ᐃᓱᒪᓕᐅᕈᑕᐅᒐᓱᓛᖅᑐᖅ ᑲᔪᓰᓐᓇᖁᑉᓗᑕ ᑎᑎᕋᐅᔭᖅᑕᐅᓂᑦᓴᖓᓄᑦ, ᐊᒻᒪ ᐊᑭᑦᑐᕋᐅᑕᐅᒍᓐᓇᓕᕐᓗᓂ ᓴᓇᔭᐅᓂᒃᓴᖓᓄᑦ ᐅᑭᐊᒃᓴᖅᐸᑦ ᑐᕌᒐᕆᔭᕗᑦ. ᓯᕗᓕᖅᑎᓗ ᐅᖃᖃᑎᒌᕈᓘᔭᖅᓯᒪᕗᒍᑦ ᑖᓐᓇ ᐱᓪᓗᒍ, ᒥᔅ ᐳᕉᔅᑐ ᐃᓚᒋᓪᓗᒍ ᑐᐊᕕᖅᓱᐊᕆᔭᐅᔾᔫᒥᓂᐊᕐᒪᑦ ᖔᓐᓇ ᓴᓇᔭᐅᓂᒃᓴᕐᖓ. ᐄ’, ᐱᔭᕆᑐᒍᓐᓇᒥᒻᒪᑦ ᓴᓇᓐᓇᐅᖃᑦᑕᒋᐊᑉᐸᓪᓕᐊᓂᖓ ᒪᓕᑦᑐᒍ, ᐊᑯᓂᐅᖏᑦᑐᖅ ᓴᓇᕝᕕᖃᕈᓐᓇᓲᖑᒐᑦᑕ. ᓯᕗᓕᐅᖃᑎᒃᑲ ᐃᖅᑲᓇᐃᔭᖃᑎᒋᑦᓯᐊᕋᓱᒃᐸᒃᑲ ᑐᐊᕕᖅᓯᐊᖑᔾᔫᒥᖁᓪᓗᒍ ᑖᓐᓇ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑐᒡᓕᐊᓂ ᐊᒻᒪ ᑭᖑᓪᓕᖅᐹᖅ ᐊᐱᖅᑯᑎᒋᔭᐃᑦ, ᒪᓕᒐᓕᐅᖅᑏ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᒥᓂᔅᑕ ᑭᐅᒻᒪᑦ. ᖁᓚᖏᓚᖓ ᒥᓂᔅᑕᐅᑲᐃᓐᓇᖅᑐᖅ ᐊᖏᖃᑎᖃᕐᓂᐊᖅᐳᖅ ᓴᓇᒋᐊᖃᓚᕆᑐᑉ ᐊᖏᔫᑏᑦ ᓲᕐᓗ ᐊᖅᑯᓯᕆᐊᖅ, ᕿᑎᕐᒥᐅᓂᓪᓗ ᐃᓐᓇᒃᑯᕕᒃ ᐱᕕᖃᕈᑕᐅᕙᓐᓂᖓᑦ ᐃᓄᓐᓂᒃ ᐃᖅᑲᓇᐃᔭᖅᑎᑦᓯᐃᒍᑎᐅᓗᓂ ᐱᓕᒪᒃᓴᕈᑎᐅᓗᓂ. ᒥᓂᔅᑕᐅᑲᐃᓐᓇᖅᑐᖅ ᐅᖃᕈᓇᖅᐹ ᐋᓐᓂᐊᖅᑐᓕᕆᔨᒃᑯᑦ ᑐᓴᕋᔅᓴᖃᕐᒪᖔᑕ ᓄᑖᓂᓪᓘᓐᓃᑦ ᑖᑯᓇᖓᑦ ᐱᓯᒪᔪᓂᒃ ᐃᖏᕋᔪᓕᕆᔨᑯᓐᓂᑦ ᐱᓗᐊᖅᑐᒥᑦ ᑐᕌᖓᓂᐊᖅᑐᒧᑦ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᔅᓴᖏᑦ ᕿᑎᕐᒥᐅᖅ ᓴᓇᔭᐅᓕᖅᐸᑦ ᐃᓐᓇᒃᑯᕕᔅᓴᖅ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐅᖃᖅᑎ: ᒥᓂᔅᑕᐅᑲᐃᓐᓇᖅᑐᖅ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᖅᐸᕋ ᐊᐱᖁᑎᒋᒻᒪᒍᑕᐅ ᐱᒻᒪᕆᐅᖂᕐᒪᑦ ᐃᓕᑕᖅᓯᓂᖅ, ᑖᓐᓇ ᐃᖃᓗᓐᓂ ᓴᓇᔭᐅᕙᓪᓕᐊᔪᖅ ᐃᓄᐃᓪᓗ ᐋᑦᑎᒃ ᕗᕋᔅ-ᑯᑎᒍᑦ (Arctic Fresh) ᐃᖅᑲᓇᐃᔭᖅᑎᑕᐅᕙᑦᑐᑦ ᐊᑲᐅᓚᕆᓯᒪᒻᒪᑕ ᐆᑦᑐᑎᔅᓴᓯᐊᕙᐅᖂᕐᒪᑕ ᐃᖅᑲᓇᐃᔭᖅᑎᑦᓯᐃᓂᖏᑦ ᐱᓕᒪᑦᓴᐃᕙᓐᓂᖏᓪᓗ ᓄᓇᕗᒥᐅᓂᑦ. ᑖᓐᓇᓕ ᐃᖃᓗᑦᑑᑦᓯᐊᕐᒥ ᓴᓇᔭᐅᓂᔅᓴᖏᓐᓂᑦ ᑖᑯᐊ ᐊᑭᑐᕋᐅᑕᐅᒐᔭᕐᓂᖏᑦ ᐱᐊᓂᒃᑕᐅᖏᒪᖏᒪᑕ ᓱᓕ ᑎᑎᕋᐅᔭᖅᓯᒪᓂᒃᓴᖏᑦ. ᕿᒥᕈᓲᖑᒐᑦᑕ ᑭᓱ ᐊᑐᐃᓐᓇᐅᕙᑦ ᐃᖅᑲᓇᐃᔭᕈᓇᖅᑐᑦ ᐊᓯᖏᓪᓗ ᐃᖃᓇᐃᔭᖅᑎᑦᓯᔫᒻᒥᒍᒪᒧᑦ ᓄᓇᓕᓐᓂ ᐱᔪᓂᑦ ᐊᔾᔨᒌᔭᖏᑐᑦ ᓄᓇᓖᑦ ᒪᓕᑦᑐᒋᑦ ᐊᕐᕌᒍᐃᓪᓘᓐᓃᑦ ᐱᓕᕆᐊᒃᓴᖃᖅᑎᒋᓂᖓ ᓄᓇᓕᒻᒥᑦ ᒪᓕᑦᑐᒍᑦ. ᐅᖃᕈᓐᓇᖅᐳᖓ ᒪᓕᒐᓕᐅᖅᑎᓄᑦ ᐊᑦᓱᕉᑎᖃᓚᕆᐸᑦᑐᒍ ᑳᓐᑐᕌᑐ ᐃᓚᒋᓪᓗᒋᑦ ᐊᖑᒪᑐᐃᓐᓇᖏᓪᓗᑎᒃ ᑭᒡᓕᓕᐊᕆᔪᒪᔭᑦᑎᓐᓂᒃ ᑭᓯᐊᓂ ᐅᖓᑕᐅᔨᔪᓐᓇᕐᓗᑎᑦ ᓂᕆᐅᒋᔭᕗᑦ ᐃᓱᒪᒋᓗᒋᑦ ᐊᔭᐅᖅᑐᓚᕆᑦᑕᕋᓕ ᑕᒪᓐᓇ, ᖁᔭᓐᓇᒦᒃ, ᐅᖃᖅᑏᑦ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᑕᓯᐅᔭᕐᔪᐊᒧᑦ ᒪᓕᒐᓕᐅᖅᑎ, ᖃᕝᕕᒃ. ᐊᐱᖅᑯᑦ 61 – 7(2): ᓄᓇᕘᒥ ᐃᓕᓴᐃᔨᒃᓴᓄᑦ ᐃᓕᓐᓂᐊᕈᑎᐊ ᑕᑯᒃᓴᐅᑎᑕᖓᓄᑦ (ᖃᕝᕕᒃ) ᖃᕝᕕᒃ (ᑐᓵᔨᑎᒎᑦ): ᖁᔭᓐᓇᒦᒃ, ᐅᖃᖅᑏ. ᐃᓕᑕᕆᑲᓐᓂᕋᕕᖓ ᐊᐃᑉᐹᓃᒃ. ᐊᐱᕆᔪᒪᓪᓗᖓ ᒥᓂᔅᑕᐅᑲᐃᓐᓇᖅᑐᒧᑦ ᓯᓚᑦᑐᓴᕐᕕᒻᒧ. ᐅᖃᖅᑏ, ᓂᕈᐊᖅᑎᖁᑎᒃᑲ ᐃᓕᓴᐃᔨᐅᓂᕐᒧᑦ ᑕᑯᒍᒪᓚᕆᒪᑕ ᐃᓚᐅᔪᒪᓪᓗᑎ ᓄᓇᓕᓐᓂ ᓴᓂᑭᓗᐊᕐᒥ, ᐊᑯᓂ ᐃᓱᒪᒋᔭᖃᖅᓯᒪᓕᖅᐳᑦ ᓴᓂᑭᓗᐊᕐᒥ ᐃᓕᓐᓂᐊᕈᑕᐅᔪᓐᓇᕐᒪᖔᑦ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 21 ᒥᓂᔅᑕ ᐊᐱᕆᒍᒪᔭᕋ ᓯᓚᑐᓴᕐᕕᒃᑯᑦ ᓇᓂᓯᓯᒪᒻᒪᖔᑕ ᓇᕝᕚᕐᓗᑎᓪᓗ ᐃᓂᔅᓴᒋᔭᐅᒍᓐᓇᕐᓂᐊᖅᑐᒥᒃ ᐃᓕᓴᐃᔨᐅᓕᒻᒪᒃᓴᖅᑐᓄᑦ, ᐃᓕᓴᐃᓕᐅᓕᒪᒃᓴᕐᓂᖅ ᓄᓇᕗᒻᒥ ᐊᑐᐃᓐᓇᐅᔪᓐᓇᖁᓪᓗᒍ ᓴᓂᑭᓗᐊᕐᒥ? ᖁᔭᓐᓇᒦᒃ. ᐅᖃᖅᑎ: ᓯᓚᑦᑐᓴᕐᕕᒃᑯᓐᓄᑦ ᒥᓂᔅᑕᐅᑲᐃᓐᓇᖅᑐᖅ, ᒥᔅ Hᐄᓕ ᐊᕿᐊᕈᖅ. ᐊᖓᔪᖄᖅ ᒍᐊᐃᑦ Hᐃᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ). ᖁᔭᓐᓇᒦᖅᑲᕋ ᒪᓕᒐᓕᐅᖅᑎ ᐊᐱᖁᑎᒋᒻᒪᒍ. ᓄᓇᕗᒻᒥ ᐃᓕᓴᐃᔨᐅᓕᒪᒃᓴᕐᓂᕐᒧᑦ ᐃᓕᓴᐅ ᐱᒻᒪᕆᐊᓘᒻᒪᑦ ᓯᓚᑦᑐᓴᕐᕕᒃᑯᓐᓄᑦ, ᑐᕌᒐᕆᒪᔾᔪᑦ ᐊᒻᓅᕐᓂᖅᓴᖅ ᐱᔭᕇᓯᒍᓐᓇᓕᖁᓪᓗᒋᑦ ᑕᒪᑮᓐᓂ ᐅᖃᐅᓯᕐᓐᓂ ᐃᓕᓴᐃᒍᓐᓇᖅᑐᑦ. ᖁᕕᐊᓱᑉᐳᖓ ᐅᖃᕆᐊᒥ4 2026-2027-ᒧ ᐃᓕ8ᓂᐊᓂᐅᓂᐊᖅᑐᒥᒃ ᒫᓇ ᓴᓂᑭᓗᐊᒧᓪᓗ ᐊᓯᖏᓐᓂᓪᓗ ᓄᓇᕗᒻᒥ ᐱᓇᓱᐊᖅᐸᓪᓕᐊᓂᐊᖅᑐᒍᑦ ᐊᐅᓱᐃᑐᕐᒥᓪᓗ, ᑲᖏᖅᓯᓂᕐᖅ, ᐅᖅᓱᖅᑑᖅ, ᓇᒥᕈᓘᔭᕐᓪᓗ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑎᔩ. ᐅᖃᖅᑎ: ᓯᕗᓪᓕᖅᐹ3ᒥ ᐃᓚᒋᐊᕈᑏ ᐊᐱᕆᒍᒃ, ᒪᓕᒐᓕᐅᖅᑎ ᖃᕝᕕᒃ. ᖃᕝᕕᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᖅᐸᕋ ᒪᓕᒐᓕᐅᖅᑎ ᑐᓴᖅᑎᑦᑎᒪᑦ. ᐅᖃᖅᑏ, ᒫᓇᐅᔪᖅ ᓄᓇᕗᑦ ᓯᓚᑐᓴᕐᕕᒻᒦᓐᓂᖓ ᓴᓂᑭᓗᐊᕐᒥ ᐃᒻᒥᒎᖓᔪᖅ ᐃᒡᓗᒥᒃ ᐊᑕᐅᓯᑐᐊᕐᒥᒃ ᐃᓕᓴᐃᒍᓐᓇᓲᖒᓪᓗᑎ, ᑕᒪᑐᒪᓂ ᒪᓕᒐᓕᐅᖅᑎᐅᓂᓐᓂ ᐃᒡᓗᒥ, ᑕᑯᓚᐅᖅᓯᒪᖏᑕᐃᓐᓇᕋᒪ ᐊᑭᑐᔫᑎᒧᑦ ᑮᓇᐅᔭᖅᑐᕈᑎᔅᓴᒥ ᓄᑖᒥ ᐃᓕᓐᓂᐊᕕᔅᓴᐅᒍᓐᓇᕋᔭᖅᑐᒥ ᓄᓇᕗᑦ ᓯᓚᑐᓴᕐᕕᒃᑯᑎᒍᑦ. ᑕᑯᔪᒪᒐᔭᖅᑐᖓ ᐊᑭᑐᔫᑎᒧᑦ ᐃᓚᒋᐊᕈᑎᑦᓴᓄᑦ ᓄᓇᕗᑦ ᓯᓚᑦᑐᓴᕐᕕᒃ ᐃᓕᓐᓂᐊᕕᖃᓕᖁᓪᓗᒍ ᓴᓂᑭᓗᐊᕐᒥᑦ. ᖁᔭᓐᓇᒦᒃ. ᐅᖃᖅᑎ: ᓄᓇᕗᑦ ᓯᓚᑦᑐᓴᕐᕕᒃᑯᓐᓄᑦ ᒥᓂᔅᑕᐅᑲᐃᓐᓇᖅᑐᖅ Hᐄᓕ ᐊᕿᐊᑐᖅ. ᐊᖓᔪᖄᖅ ᒍᐊᐃᑦ Hᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᖅᐸᕋ ᐊᐱᖁᑎᒋᒻᒪᒍ. ᐃᓗᓕᑯᓗᖏᑦ ᐱᓯᒪᖏᑕᐃᓐᓇᕋᒃᑭᑦ ᐊᑭᑐᔫᑎᓄᑦ ᐸᕐᓇᐅᑎᑦᓴᐅᔪᑦ ᓯᓚᑐᓴᕐᕕᔅᓴᒧᑦ ᐊᖏᕈᓇᕋᓗᐊᖅᐳᖓ ᑐᓴᖅᑎᓛᓂᐊᕐᓗᒍ ᒪᓕᒐᓕᐅᖅᑎ ᑕᒪᑯᓇᖓ ᖃᐃᑦᓯᓗᖓ ᑐᓴᕋᔅᓴᓂ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᐅᖃᐅᓯᒃᑯ ᐊᐱᖅᑯᑏᑦ. ᐊᐱᖁᑎᖃᕈᓐᓃᕋᒪ. ᑲᑎᒪᔪᑎᑦᑎᓐᓄᑦ ᑲᔪᓯᓗᑕ ᓈᓴᐅᑎᖓ 7, ᑎᑎᖃᑎᒍᑦ ᐊᐱᖁᑏᑦ. 8, ᑎᑎᖃᑎᒍᑦ ᐊᐱᖁᑎᕕᓂᕐᓄᑦ ᑭᐅᔾᔪᑏᑦ. 9, ᒪᑐᐃᖅᓯᔪᑎᓄᑦ ᑭᐅᔾᔪᑏᑦ. 10, ᑮᓇᐅᔭᖅᑑᑎᔅᓴᓄᑦ ᑭᐅᔾᔪᑏᑦ. 11, ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑏᑦ. 12, ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑎᓄᑦ ᑭᐅᔾᔪᑏᑦ. 13, ᑲᑎᒪᔨᕋᓛ ᑲᑎᒪᔨᕋᓛᖑᑲᐃᓐᓇᖅᑐᑦ ᐅᓂᒃᑳᖏᑦ ᕿᒥᕈᓇᖅᑎᓪᓗᒋᑦ ᐱᑯᔭᖅᓴᓂ ᐊᓯᖏᓐᓂᓪᓗ. 14, ᑎᑎᖃᑦ ᓴᕿᑕᐅᓂᖏᑦ. 15, ᖃᐅᔨᑲᐃᔾᔪᑏᑦ ᐱᖁᔨᕗᖔᕈᑕᐅᓚᖓᔪᓂᑦ. 16, ᖃᐅᔨᑲᐃᔾᔪᑏᑦ ᐱᖁᔨᕗᖔᕈᔭᐅᓚᖓᔪᓂ ᓯᕗᓕᖅᐹᒥ ᐅᖃᓕᒫᖅᑕᐅᖁᓪᓗᒋ ᐱᖁᔭᒃᓴᑦ. 17, ᐱᖁᔨᕗᖔᕈᑏᑦ. 18, ᓯᕗᓪᓕᖅᐹᒥ ᐅᖃᓕᒫᖅᑕᐅᓂᖏᑦ ᐱᖁᔭᒃᓴᑦ. 19, ᑐᒡᓕᐊᓂ ᐅᖃᓕᒫᖅᑕᐅᓂᖏᑦ ᐱᖁᔭᒃᓴᑦ. 20, ᑲᑎᒪᑐᐃᓇᕐᓂᖅ ᐃᓱᒪᒃᓴᖅᓯᐅᕈᑎᖃᖅᑎᓪᓗᒋᑦ ᐱᖁᔭᒃᓴᓂ ᐊᓯᖏᓐᓂᓪᓗ. ᑖᔅᓱᒧᖓ ᑲᑎᒪᓂᕐᒨᓚᐅᖄᑎᓐᓇᑕ, 20 ᒥᓂᒻᒥ ᓄᖃᖓᑲᐃᓇᕐᓂᐊᕋᑦᑕ. ᐃᖅᓱᖅᑏ. >> ᓄᖅᑲᖓᑲᐃᓐᓇᖅᑐᑦ) 10:22 ᐊᒻᒪᓗ ᑲᑎᒪᑐᐃᓐᓇᕐᓂᖅ ᐱᒋᐊᖅᑐᖅ 10:46ᒧᐊᖅᑎᓪᓗᒍ ᑲᑎᒪᔾᔪᑎᒃᓴᖅ 20: ᑲᑎᒪᔨᕋᓛᑦ ᑕᒪᐃᓐᓄᑦ ᒪᓕᒐᒃᓴᓄᑦ ᐊᓯᖏᓐᓂᓪᓗ ᐃᓱᒪᖅᓴᖅᓯᐅᕐᓂᖏᑦ ᐃᒃᓯᕙᐅᑕᖅ (ᑐᓵᔨᑎᒍᑦ): ᐅᑉᓛᒃᑯᑦ ᑲᑎᒪᓂᖃᓛᑦ ᑲᑎᒪᓂᖓᑦ ᐱᒋᐊᖅᑎᖅᐸᕋ. ᐅᑯᐊ ᐅᖃᐅᓯᒋᓂᐊᖅᑕᕗᑦ ᐱᖁᔭᒃᓴᖅ 1, ᐊᒻᒪ 2. ᖃᓄᐃᑦᑐᒪᕙᑦ ᑲᑎᒪᔨᐊᓛᑦ? ᒥᔅᑕ ᑕᖅᑐᖅ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 22 ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑲᔪᓯᒍᒪᕗᒍᑦ ᐃᓱᒪᔅᓴᖅᓯᐅᓂᑦᑎᓐᓂᑦ ᐱᖁᔭᒃᓴᒥᒃ 1, ᐃᓚᒋᐊᕈᑎᑦᓴᖅ ᐊᐅᓚᔾᔪᑎᓄᑦ ᓴᓇᒋᐊᕈᑎᓄᑦ ᐱᖁᔭᖅ 2026-2027, ᐊᒻᒪ ᐊᑐᓕᖁᔭᐅᔪᖅ 2026-2027 ᑮᓇᐅᔭᖅᑐᕈᑎᒃᓴᖏᑕ ᐃᖏᕐᕋᔪᓕᕆᔨᒃᑯᑦ ᐱᖁᑎᔾᔪᐊᓕᕆᔨᒃᑯᑦ ᓄᓇᕗᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ ᒥᔅᑕ ᑕᖅᑐ. ᐊᖏᖃᑎᒌᑉᐱᑖ ᓯᕗᓪᓕᖅᐹᖅ ᑲᒪᒋᓂᐊᕐᓚᕘᑦ ᐱᖁᔭᒃᓴᖅ 1? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᓂᔅᑕ ᕼᐃᒃᔅ ᐱᓕᕆᔨᖃᑎᓐᓃᑦ ᓵᓐᓃᖃᑎᖃᕈᒪᕕᑦ? ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑕᖅ. ᖃᓄᐃᑦᓴᖏᑉᐸᑕ ᑲᑎᒪᔨᐊᓛᑦ, ᐄ’. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒥᒃ ᒥᓂᔅᑕ. ᐊᖏᖅᐱᓰ ᒥᓂᔅᑕᐅᑉ ᐱᓕᕆᔨᖏᑦ ᓵᓐᓃᑦᓱᓐᓇᕐᓗᑎᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐃᖅᓱᖅᑏ, ᑕᑉᐸᐅᖓ ᐊᐱᖅᓱᕕᒻᒨᑎᒃᑭᑦ. ᒪᓕᒐᒃᓴᖅ 1 − ᑮᓇᐃᔭᑦ ᐊᑐᖅᑕᐅᑲᐃᓐᓇᕐᓂᐊᖅᑐᑦ (ᐊᐅᓚᔾᔪᑏᑦ ᐋᖅᑭᐅᒪᐃᓐᓇᕈᑏᓪᓗ) ᒪᓕᒐᖅ, 2026- 2027 – ᑲᑎᒪᔨᕋᓛᓄᑦ ᐃᓱᒪᒃᓴᖅᓯᐅᖅᑕᐅᓂᖓ ᐃᒃᓯᕙᐅᑕᖅ (ᑐᓵᔨᑎᒍᑦ): ᖃᐅᔨᒪᓂᐊᕋᑦᑕ ᒥᓂᔅᑕ ᕼᐃᒃᔅ ᑭᒃᑰᓂᖏᑦ ᐅᖃᕐᓗᒋᑦ ᐱᓕᕆᔨᑎᑦ, ᒪᑐᐃᕈᑎᓐᓄᐊᓕᕐᒥᓗᑎᑦ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ ᐃᒃᓯᕙᐅᑕᖅ. ᖁᕕᐊᓱᒃᐳᖓ ᐅᓪᓗᒥ ᐃᓚᐅᔪᓐᓇᕋᒪ ᐅᓂᒃᑲᐅᓯᕆᓂᐊᕐᓗᒋᑦ ᐃᖏᕐᕋᔪᓕᕆᔨᒃᑯᑦ ᐊᒻᒪ ᐊᐅᓚᔪᓐᓇᐅᑎᓕᕆᔨᒃᑯᑦ ᓄᓇᕗᒻᒥ ᖃᔅᓯᑐᕐᓂᐊᕋᓱᒋᔭᐅᔪᓄᑦ ᐱᓕᕆᐊᖃᕐᓂᐊᕐᓂᕐᒧᓪᓗ ᐱᕙᒌᔭᖅᓯᒪᔭᖏᓐᓄᑦ. ᐅᓪᓗᒥ ᑕᕝᕙᓃᖃᑎᒋᔭᒃᑲ ᐅᑯᐊ: • ᒥᓂᔅᑕᐅᑉ ᑐᒡᓕᐊ − ᑲᐃᐅᓪ ᓰᓕ • ᒥᓂᔅᑕᐅᑉ ᑐᒡᓕᐊᑕ ᐃᑲᔪᖅᑎᖓ, ᐱᓕᕆᕝᕕᖕᒥ ᐊᐅᓚᑦᑎᓂᕐᒧᑦ ᐱᔨᑦᑎᕋᖅᑏᑦ − ᒫᓐᑎ ᕼᐃᑭ ᐃᒃᓯᕙᐅᑖᖅ, ᐃᖏᕐᕋᔪᓕᕆᔨᒃᑯᑦ ᐊᒻᒪ ᐊᐅᓚᔪᓐᓇᐅᑎᓕᕆᔨᒃᑯᑦ ᐱᔭᕆᐊᖃᓪᓚᕆᒃᑐᓂᒃ ᐱᓕᕆᕝᕕᖕᒥ ᐱᔨᑦᑎᕋᖃᑦᑕᖅᐳᑦ ᒐᕙᒪᒃᑯᓐᓂ, ᐃᓚᒋᔭᐅᓪᓗᑎᒃ ᑭᒃᑯᑐᐃᓐᓇᓂᒃ ᓂᐅᕕᖃᑦᑕᕐᓂᖅ ᐊᒻᒪ ᐱᓕᕆᐊᖑᔪᑦ, ᐊᑭᑐᔫᑎᓂᒃ ᐸᕐᓇᐃᓂᖅ, ᐱᓕᕆᐊᒃᓴᓂᒃ ᑲᔪᓯᑎᑦᑎᓂᖅ ᐊᒻᒪ ᐊᐅᓚᑦᑎᓂᖅ ᒐᕙᒪᑐᖃᒃᑯᓐᓂ ᑮᓇᐅᔭᖃᖅᑎᑕᐅᓂᕐᒧᑦ ᐊᖏᖃᑎᒌᒍᑎᓂᒃ. ᑕᒪᒃᑯᐊ ᐱᔨᑦᑎᕋᕐᓂᕆᔭᐅᕙᒃᑐᑦ ᐱᒻᒪᕆᐊᓘᕗᑦ ᑲᔪᓯᓂᖃᑦᑎᐊᖅᑐᒃᑯᑦ ᐱᓕᕆᓂᕆᔭᐅᕙᒃᑐᓄᑦ ᐊᓯᖏᓐᓄᑦ ᐱᓕᕆᕝᕕᒋᔭᐅᔪᓄᑦ ᐃᑲᔪᖅᑐᐃᓪᓗᑎᒡᓗ ᒐᕙᒪᒃᑯᑦ ᐱᓇᔪᒃᑕᖏᓐᓂᒃ ᒪᑐᓯᔪᒪᓪᓗᑎᒃ ᓄᓇᕘᑉ ᒪᑭᒪᔾᔪᑎᖏᑦᑕ ᐱᑕᖃᙱᓐᓂᕆᔭᖏᓐᓂᒃ. 2026-27 ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓄᑦ, ᐱᓕᕆᕝᕕᐅᑉ ᑐᒃᓯᕌᖏᑦ ᐊᐅᓚᔾᔪᑎᓄᑦ ᐋᖅᑭᐅᒪᔾᔪᑎᓄᓪᓗ ᑮᓇᐅᔭᑦ ᐊᑐᖅᑐᒃᓴᑦ ᐅᑯᐊᖑᕗᑦ $281,109,000. ᐱᓕᕆᕝᕕᒋᔭᐅᔪᖅ ᑲᔪᓯᑎᑦᑎᕙᒃᐳᖅ ᐱᔨᑦᑎᕋᕐᓂᕆᔭᐅᕙᒃᑐᓂᒃ 6−ᓄᑦ ᐊᔾᔨᒌᙱᑦᑐᓄᑦ ᐱᓕᕆᕝᕕᒋᔭᐅᕙᒃᑐᓄᑦ. ᐊᑐᓂ ᐊᕕᒃᑐᖅᓯᒪᓂᐅᔪᑦ ᐃᑲᔪᖅᓱᐃᕗᑦ ᐱᒻᒪᕆᐅᔪᓂᒃ ᐃᓗᓕᖏᓐᓂᒃ ᓄᓇᕗᑦ ᒐᕙᒪᒃᑯᑦ ᐱᓕᕆᐊᒃᓴᖏᓐᓂᒃ ᓯᕗᓪᓕᐅᑎᔪᒪᔭᖏᓐᓂᒡᓗ. ᐊᖓᔪᖅᑲᐅᑎᖃᕐᕕᒃ

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 23 ᐊᖓᔪᖅᑲᐅᑎᖃᕐᕕᖕᒥ ᐃᓚᖃᖅᐳᖅ ᒥᓂᔅᑕᐅᑉ ᑐᒡᓕᐊᑕ ᑎᑎᕋᕐᕕᐊᓂᒃ ᐊᒻᒪᓗ ᐊᑐᐊᒐᓕᕆᔨᒃᑯᑦ ᐸᕐᓇᐃᔨᒃᑯᓪᓗ. ᑖᓐᓇ ᐱᓕᕆᕝᕕᒃ ᑐᑭᒧᐊᒃᑎᑦᑎᕙᒃᐳᖅ ᐱᕙᓪᓕᐊᓂᕆᔭᐅᔪᒥᒃ ᐱᓕᕆᕝᕕᒋᔭᐅᔫᑉ ᐊᑐᐊᒐᖏᓐᓂᒃ ᐱᖁᔭᖏᓐᓂᒡᓗ, ᐊᐅᓚᑦᑎᕙᒃᖢᓂᓗ ᑐᓴᐅᒪᑎᑦᑎᓂᕐᒥᒃ ᐊᑐᕈᓐᓇᕐᓂᕐᒥᒡᓗ ᑐᓴᖅᑕᐅᔪᒃᓴᓂᒃ ᖃᐅᔨᔭᐅᔭᕆᐊᖃᙱᑦᑐᓄᓪᓗ ᐱᔪᒪᔾᔪᑕᐅᔪᓂᒃ. ᑖᒃᑯᐊ ᐊᐅᓚᔾᔪᑎᒃᓴᖏᑦ ᐊᖓᔪᖅᑳᖃᕐᕕᖕᒧᑦ $2,286,000-ᖑᕗᑦ. ᑕᒪᓐᓇ $246,000-ᒥᑦ ᐅᓄᖅᓯᒋᐊᕐᓂᖃᖅᑐᖅ 2025-26−ᒥ ᐱᔾᔪᑕᐅᔪᓐᓇᖅᖢᓂ ᓴᖅᑭᑕᐅᓂᖓᓄᑦ ᓄᑖᖅ ᐃᖅᑲᓇᐃᔮᖅ ᐃᑲᔪᖅᓱᐃᔪᖅ ᐃᓚᓕᐅᔾᔨᓂᕐᒥᒃ ᓴᖅᑭᑉᐸᓪᓕᐊᔪᓂᒃ ᐱᓕᕆᔾᔪᑎᓂᒃ ᓲᕐᓗ ᓯᓚᑐᔪᓂᒃ ᖃᐅᔨᒪᔾᔪᑎᒃᓴᓂᒃ ᓄᓇᕗᑦ ᒐᕙᒪᒃᑯᓐᓂ. ᐱᓕᕆᕝᕕᖕᒥ ᐊᐅᓚᑦᑎᓂᕐᒧᑦ ᐱᔨᑦᑎᕋᕐᕕᖓ ᐱᓕᕆᕝᕕᖕᒥ ᐊᐅᓚᑦᑎᓂᕐᒧᑦ ᐱᔨᑦᑎᕋᖅᑏᑦ ᐱᓕᕆᕝᕕᖓᑦ ᐱᔭᕆᐊᖃᓪᓚᕆᒃᑐᓂᒃ ᐱᓕᕆᕝᕕᖕᒥ ᐱᔨᑦᑎᕋᖃᑦᑕᖅᐳᑦ ᒐᕙᒪᒃᑯᑦ ᐱᓕᕆᕝᕕᖏᓐᓄᑦ ᐊᒻᒪ ᐱᓕᕆᕝᕕᖕᓄᑦ ᐃᖏᕐᕋᔪᓕᕆᔨᒃᑯᑦ ᐊᒻᒪ ᐊᐅᓚᔪᓐᓇᐅᑎᓕᕆᔨᒃᑯᑦ ᓄᓇᕗᒻᒥ. ᐱᔨᑦᑎᕋᕐᕕᖓ ᐅᑯᓂᖓ ᐃᓚᖃᕐᓂᐊᖅᑐᑦ: • ᑮᓇᐅᔭᓕᕆᔨᒃᑯᑦ ᐱᔨᑦᑎᕋᖅᑎᖏᑦ • ᐃᖅᑲᓇᐃᔭᖅᑐᓕᕆᔨᒃᑯᑦ • ᓂᐅᕕᕐᓂᖅ ᐊᒻᒪ ᐱᓕᕆᐊᖑᔪᑦ, ᐊᒻᒪ • ᒐᕙᒪᑐᖃᒃᑯᓐᓂ ᐃᑲᔫᑎᑦ ᐱᓕᕆᖃᑎᒌᒍᓰᓪᓗ ᐊᐅᓚᑦᑎᕕᖕᒥ ᐱᔨᑦᑎᕋᕐᕕᒃᑯᑦ 2026-27−ᒥ ᑐᒃᓯᕋᐅᑎᖓ ᐊᐅᓚᑦᑎᔾᔪᑎᑦ ᑮᓇᐅᔭᖅᑑᑎᒃᓴᖏᓐᓄᑦ $13,636,000-ᖑᔪᖅ. ᑖᓐᓇ ᐅᓄᖅᓯᒋᐊᖅᑐᖅ $635,000 2025-26−ᒥ ᐊᐅᓚᑕᐅᓪᓗᓂ ᐅᓄᖅᓯᒋᐊᖅᑕᐅᓂᖏᓐᓄᑦ ᑮᓇᐅᔾᔭᒃᓵᑦ ᑲᑐᔾᔨᖃᑎᒌᒃᖢᑎᒃ ᐊᖏᖃᑎᒌᒍᑎᖓᓂ ᐊᒻᒪ ᐱᔨᑦᑎᕋᕐᓂᕐᒧᑦ ᐊᖏᕈᑎᓂᒃ. ᑖᒃᑯᐊ ᑮᓇᐅᔭᖅᑑᑎᒃᓴᐃᑦ ᐃᑲᔪᖅᑐᐃᔾᔪᑕᐅᕗᑦ ᐱᓕᕆᕝᕕᖕᒥ ᑲᔪᓯᑎᑦᑎᖁᓪᓗᒋᑦ ᐊᑑᑎᖃᖅᑐᓂᒃ ᑮᓇᐅᔭᓂᒃ ᐊᐅᓚᑦᑎᔾᔪᑎᓂᒃ, ᐃᖅᑲᓇᐃᔭᖅᑐᓕᕆᔨᒃᑯᑦ ᐱᓕᕆᐊᕆᕙᓪᓕᐊᔭᖏᑦ ᐱᕙᓪᓕᐊᑎᓪᓗᒋᑦ, ᑲᓇᑕᒥ ᒐᕙᒪᒃᑯᑦ ᐊᑭᑐᔫᑎᓄᑦ ᑮᓇᐅᔭᓄᑦ ᐊᖏᖃᑎᒌᒍᑎᑦ ᐊᐅᓚᑕᐅᓂᖏᑦ ᐊᒻᒪᓗ ᐋᖅᑭᒃᑕᐅᓯᒪᔪᑦ ᒐᕙᒪᒃᑯᓐᓂᓕᒫᖅ ᓂᐅᕕᖅᑕᐅᔪᓄᑦ ᐅᓯᔭᐅᔪᒃᓴᓄᓪᓗ ᐱᔨᑦᑎᕋᐅᑎᑦ. ᑐᓴᒐᒃᓴᓂᒃ ᐊᐅᓚᑦᑎᓂᖅ/ ᖃᕆᓴᐅᔭᓕᕆᔨᒃᑯᑦ ᐃᒃᓯᕙᐅᑖᖅ, ᐱᓕᕆᕝᕕᐅᑉ ᑐᓴᒐᒃᓴᓂᒃ ᐊᐅᓚᑦᑎᓂᖅ ᐊᒻᒪ ᖃᕋᓴᐅᔭᓕᕆᓂᕐᒧᑦ ᐱᓕᕆᕝᕕᒃ ᐊᐅᓚᑦᑎᓲᖑᕗᑦ ᓄᓇᕗᑦ ᒐᕙᒪᒃᑯᑦ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᓂᒃ ᐊᒻᒪ ᑐᓴᐅᒪᔪᓕᕆᔾᔪᑎᓂᒃ ᐱᔨᑦᑎᕋᐅᑎᓂᒃ. ᐃᓚᖃᖅᐳᖅ ᑐᓴᐅᒪᔪᓕᕆᔨᒻᒪᕆᐅᑉ ᑎᑎᕋᕐᕕᐊᓂᒃ, ᐃᑲᔪᖅᑐᐃᕙᒃᖢᓂ ᐱᓕᕆᕝᕕᒋᔭᐅᔫᑉ ᖃᕆᑕᐅᔭᓕᕆᔾᔪᑎᖏᓐᓂᒃ ᐱᔭᕆᐊᖃᖅᑕᖏᓐᓂᒡᓗ, ᑲᔪᓯᑎᑦᑎᖃᑕᐅᕙᒃᖢᓂᓗ ᖁᐊᖅᓵᕐᓇᖅᑐᒦᑎᑦᑎᑦᑕᐃᓕᒪᓂᕐᒥᒃ ᓄᓇᕗᑦ ᒐᕙᒪᖓᑕ ᑎᑎᖅᑲᖁᑎᖏᓐᓂᒃ ᑐᓴᐅᒪᑎᑦᑎᓂᕐᒧᓪᓗ ᐊᑐᖅᑕᐅᕙᒃᑐᓂᒃ. ᐃᒃᓯᕙᐅᑖᖅ, ᑐᓴᒐᒃᓴᓂᒃ ᐊᐅᓚᑦᑎᓂᖅ ᐊᒻᒪ ᖃᕆᓴᐅᔭᓕᕆᔨᒃᑯᑦ ᑐᒃᓯᕋᖅᑕᖏᑦ ᐊᐅᓚᔾᔪᑎᓄᑦ ᐋᖅᑭᐅᒪᔾᔪᑎᓄᓪᓗ ᑮᓇᐅᔭᑦ ᐊᑐᖅᑐᒃᓴᑦ 2026-27-ᒧᑦ ᐅᑯᐊᖑᕗᑦ $60,632,000. ᑖᓐᓇ ᐅᓄᖅᓯᒋᐊᖅᑐᖅ $5,999,000−ᓂᑦ 2025-26−ᒥᑦ ᐱᔾᔪᑎᖃᓪᓗᐊᖅᐳᖅ ᖃᕆᓴᐅᔭᓕᕆᔾᔪᑎᓄᑦ ᓚᐃᓴᓐᓯᑖᕈᑎᒃᑲᓐᓂᕐᓄᑦ ᐊᑭᖏᓐᓄᑦ ᐃᑲᔪᖅᓱᕐᓗᒋᓪᓗ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᓄᓇᕗᑦ ᒐᕙᒪᒃᑯᑦ ᖃᕆᑕᐅᔭᓕᕆᔾᔪᑎᖏᓐᓄᑦ. ᐊᐅᓚᔪᓐᓇᐅᑎᓕᕆᔨᒃᑯᑦ ᐃᒃᓯᕙᐅᑖᖅ, ᒐᕙᒪᒃᑯᑦ ᐱᓕᕆᐊᒃᓴᖏᑦ ᐱᔨᑦᑎᕋᕐᓂᕆᕙᒃᑕᖏᓪᓗ ᑐᙵᕕᖃᖅᐳᑦ ᖁᐊᖅᓵᕐᓇᙱᑦᑐᓂᒃ, ᐊᑐᖅᑕᐅᑦᑎᐊᕈᓐᓇᖅᑐᓂᒃ ᐃᓂᒋᔭᐅᔪᓂᒃ ᐱᖁᑎᒋᔭᐅᔪᓂᒡᓗ ᓇᖕᒥᓂᕆᔭᐅᔪᓂᒃ ᐊᑐᖅᑐᐊᖅᑕᐅᔪᓂᒡᓘᓐᓃᑦ ᓄᓇᕗᑦ ᒐᕙᒪᒃᑯᖏᓐᓂᑦ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 24 ᐊᐅᓚᔪᓐᓇᐅᑎᖃᕐᕕᖕᒥ ᐊᑐᐃᓐᓇᐅᑎᑦᑎᓲᖑᕗᑦ ᓈᒪᔪᓂᒃ ᐱᔨᑦᑎᕋᐅᑎᓂᒃ ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᓕᒫᖏᓐᓄᑦ. ᑕᒪᓐᓇ ᐃᓚᖃᖅᐳᖅ ᐱᕙᓪᓕᐊᑎᑦᑎᓂᕐᒥᒃ ᑲᒪᒋᔭᖃᕐᓂᕐᒥᒡᓗ ᐱᓕᕆᔾᔪᑎᓄᑦ ᐊᑐᖅᑕᐅᕙᒃᑐᓂᒃ, ᓯᕗᓕᖅᑎᐅᓗᓂ ᐊᑭᑐᔪᓄᑦ ᐱᕙᒌᔭᕐᓂᕐᒥᒃ, ᐊᐅᓚᑦᑎᓂᕐᒥᒃ ᐱᓕᕆᐊᒃᓴᓂᒃ, ᐃᓂᒋᔭᐅᔪᓂᒃ ᓇᖕᒥᓂᕆᔭᐅᔪᓂᒡᓗ ᐊᑐᖅᑐᐊᕐᓂᕐᒧᑦ ᐊᖏᖃᑎᒌᒍᑕᐅᓯᒪᔪᓂᒃ. ᑐᒃᓯᕋᖅᑕᐅᔪᑦ 2026-27−ᒧᑦ ᐊᐅᓚᔾᔪᑏᑦ ᐋᖅᑭᐅᒪᔾᔪᑎᓪᓗ ᑮᓇᐅᔭᑦ ᐊᑐᖅᑐᒃᓴᑦ ᐊᐅᓚᔪᓐᓇᐅᑎᓕᕆᔨᒃᑯᓐᓄᑦ $149,266,000−ᖑᕗᑦ. ᑖᓐᓇ ᐅᓄᖅᓯᒋᐊᖅᑐᖅ $11,479,000−ᓂᑦ 2025-26−ᒥᑦ. ᑖᓐᓇ ᐊᓯᔾᔨᕐᓂᐅᔪᖅ ᐱᔾᔪᑎᖃᓗᐊᖅᑐᖅ ᐊᑭᑐᓂᖅᓴᓄᑦ ᐆᒻᒪᖅᑯᑎᓄᑦ ᐋᖅᑭᐅᒪᔾᔪᑎᓄᓪᓗ ᐊᑭᖏᓐᓄᑦ ᓄᑖᑦ ᐃᒡᓗᕐᔪᐊᑦ ᐊᑐᕈᓐᓇᖅᓯᖁᓪᓗᒋᑦ, ᐃᓚᐅᓪᓗᓂ ᓄᓇᕗᒻᒥ ᒪᒥᓴᕐᕕᒃ ᐊᒻᒪ ᑭᕙᓪᓕᕐᒥ ᐊᑯᓂᐅᔪᒃᑯᑦ ᑲᒪᒋᔭᐅᕝᕕᒃ. ᐃᖏᕐᕋᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᑦ ᐊᐅᓚᑦᑎᕗᑦ ᓄᓇᕗᑦ ᒐᕙᒪᒃᑯᖏᑕ ᐃᖏᕐᕋᔪᓕᕆᓂᕐᒧᑦ ᐱᖁᑎᖏᓐᓂᒃ ᐱᖁᑎᕐᔪᐊᖏᓐᓂᒡᓗ, ᐃᓚᒋᔭᐅᓪᓗᑎᒃ 24-ᖑᔪᑦ ᓄᓇᓕᖕᓂ ᒥᑦᑕᕐᕕᒋᔭᐅᔪᑦ, ᐃᖃᓗᖕᓂ ᓄᓇᕐᔪᐊᕐᒥᐅᓄᑦ ᒥᑦᑕᕐᕕᒃ, ᐊᒻᒪᓗ ᐅᓄᖅᓯᕙᓪᓕᐊᑐᐃᓐᓇᖅᑐᑦ ᑐᓚᒃᑕᕐᕖᑦ, ᐅᒥᐊᒃᑯᕕᖕᓂᒃ ᐊᓯᖏᓐᓂᒡᓗ ᐃᒪᕐᒥᐅᑕᓄᑦ ᐃᓂᒋᔭᐅᕙᒃᑐᓂᒃ. ᓄᓇᕘᑉ ᐃᖏᕐᕋᔪᓕᕆᓂᕐᒧᑦ ᒪᑭᒪᔾᔪᑎᖏᑦ ᐃᑲᔪᖅᑐᐃᕗᑦ ᖃᐅᑕᒫᑦ ᐃᓅᓯᕆᔭᐅᔪᓂᒃ ᓄᓇᓕᑦᑎᓐᓂ ᐊᔪᕈᓐᓃᖅᑎᑦᑎᓪᓗᑎᒡᓗ ᒐᕙᒪᒃᑯᑦ ᐱᓕᕆᐊᒃᓴᖏᓐᓂᒃ ᐱᔨᑦᑎᕋᕐᓂᕆᕙᒃᑕᖏᓐᓂᒡᓗ ᓄᓇᕘᓕᒫᒥ. ᓄᓇᕗᒻᒥ ᒥᑦᑕᕐᕕᓕᕆᔨᒃᑯᑦ ᐊᐅᓚᑦᑎᕙᒃᐳᑦ ᑲᒪᒋᔭᖃᖅᐸᒃᖢᑎᒡᓗ 24−ᓂᒃ ᒥᑦᑕᕐᕕᖕᓂᒃ ᐃᖃᓗᐃᑦ ᓯᓚᑖᓃᑦᑐᓂᒃ, ᓇᓗᙱᑦᑎᐊᕋᓱᒃᐸᒃᖢᑎᒃ ᐃᓂᒋᔭᐅᔪᑦ, ᐃᖅᑲᓇᐃᔭᖅᑏᑦ ᐱᖁᑏᓪᓗ ᐊᖑᒻᒪᑎᒐᓗᐊᕐᒪᖔᑕ ᖄᖏᐅᑎᓗᑎᒡᓘᓐᓃᑦ ᒪᓕᒋᐊᓕᖕᓂᒃ ᒐᕙᒪᑐᖃᒃᑯᓪᓗ ᒪᓕᒋᐊᖃᖅᐸᒃᑕᖏᓐᓂᒃ. ᐃᖏᕐᕋᔪᓕᕆᔨᒃᑯᑦ ᐊᐅᓚᔾᔪᑎᒋᔪᒪᔭᖏᑦ ᐋᖅᑭᐅᒪᔾᔪᑎᖏᓐᓄᓪᓗ ᑮᓇᐅᔭᑦ ᐊᑐᖅᑐᒃᓴᑦ 2026-27−ᒧᑦ $55,289,000−ᖑᕗᑦ. ᑖᓐᓇ ᐅᓄᖅᓯᒋᐊᖅᑐᖅ $434,000 2025-26−ᒥ, ᐊᐅᓚᑕᐅᓪᓗᐊᑕᖅᖢᓂ ᐃᓄᒋᐊᒃᓯᕙᓪᓕᐊᓂᕐᒧᑦ ᐃᑲᔪᖅᑐᐃᔪᒪᓪᓗᑎᒃ ᐊᐅᓚᑦᑎᓂᕐᒧᑦ ᑲᒪᒋᔭᖃᖅᐸᖕᓂᕐᒧᓪᓗ ᓄᓇᕗᒻᒥ ᒥᑦᑕᕐᕕᒋᔭᐅᔪᓂᒃ. ᐅᖅᓱᐊᓗᓕᕆᔨᒃᑯᑦ ᐅᖅᓱᐊᓗᓕᕆᔨᒃᑯᑦ ᓂᐅᕕᖃᑦᑕᖅᑐᑦ, ᑐᖅᑯᖅᓯᕙᒃᖢᑎᒃ, ᑐᓂᐅᖅᑲᐃᕙᒃᖢᑎᒡᓗ ᐅᖅᓱᐊᓗᖕᒥᒃ ᓄᓇᕗᒻᒥᐅᑕᕐᓄᑦ, ᓇᖕᒥᓂᓕᖕᓄᑦ, ᖃᖓᑕᓲᓕᕆᔨᓄᑦ, ᐊᒻᒪ ᒐᕙᒪᒃᑯᓐᓄᑦ. ᐅᖅᓱᐊᓗᓕᕆᔨᒃᑯᑦ ᓂᐅᕕᕐᓂᕐᒧᑦ ᖃᓄᐃᓕᐅᕈᑕᐅᔪᒪᔪᖅ ᓇᓕᒧᒌᒃᑎᑦᑎᕙᒃᐳᖅ ᓯᕗᓂᐊᒍᑦ ᓂᐅᕕᖅᐸᖕᓂᕐᒥᒃ ᐊᕐᕌᒍᒋᔭᐅᔪᒥ ᐱᔭᐅᕙᓪᓕᐊᔪᓂᒃ ᐊᑐᖅᑕᐅᑦᑎᐊᕈᓐᓇᖅᑐᒥᒃ ᑲᔪᓯᓂᖃᑦᑎᐊᖅᑐᒥᒡᓗ ᐊᖑᒻᒪᑎᔪᒪᓂᕐᒧᑦ ᓄᓇᓖᑦ ᐅᖅᓱᐊᓗᒃᑖᕆᔭᕆᐊᖃᖅᑕᖏᓐᓂᒃ. 2025−ᒥ ᐅᖅᓱᐊᓗᒃᑖᒃᑲᓐᓂᓚᐅᖅᑎᓪᓗᒋᑦ, ᐅᖅᓱᐊᓗᓕᕆᔨᒃᑯᑦ ᐅᖅᓱᐊᓘᑉ ᐊᑭᖏᓐᓂᒃ ᑲᔪᓯᑎᑦᑎᓚᐅᖅᐳᑦ 2025-26−ᒥ ᐱᐅᓯᒋᐊᖅᑎᑦᑎᓪᓗᑎᒡᓗ ᐅᖅᓱᐊᓗᓕᕆᔨᒃᑯᑦ ᐊᑭᖏᓐᓄᑦ ᓱᕐᕋᔾᔭᐃᒃᑯᑎᒧᑦ ᑮᓇᐅᔭᓂᒃ ᐊᑭᓕᒃᓴᖃᓚᐅᖅᖢᑎᒃ ᐊᒥᐊᒃᑯᖃᓗᐊᙱᖦᖢᑎᒃ. 2026-27−ᒥ ᐅᖅᓱᐊᓗᓕᕆᔨᒃᑯᑦ ᐊᐅᓚᑦᑎᓛᖅᑐᑦ ᐃᓗᐃᑦᑑᓗᑎᒃ ᐅᖅᓱᐊᓗᒃᑖᕐᓗᑎᒃ ᓂᐅᕕᕐᓗᑎᒃ, ᐸᕐᓇᐃᓗᑎᒃ ᐊᒻᒪ ᐱᓕᕆᑎᑦᑎᓗᑎᒃ 2026−ᒥ ᐅᖅᓴᒃᑕᐅᒃᑲᓐᓂᖅᑐᓂᒃ, ᖃᐅᔨᓴᖅᐸᓪᓕᐊᖏᓐᓇᕐᓗᑎᒡᓗ ᐊᑯᓂᐅᔪᒥ ᐅᖅᓱᐊᓗᒃᑖᕆᔭᐅᔪᓐᓇᖅᑐᓂᑦ ᓄᓇᓕᖕᓂ ᐱᔭᐅᔭᕆᐊᓕᖕᓂᒃ. ᐃᒃᓯᕙᐅᑖᖅ, ᑕᕝᕙ ᐃᓱᓕᔾᔪᑎᒋᕙᒃᑲ ᐅᖃᐅᓯᒃᓴᒃᑲ ᒪᑐᐃᖅᑕᐅᓂᖓᓄᑦ. ᐅᐱᒍᓱᒃᐳᖓ ᐃᖏᕐᕋᔪᓕᕆᔨᒃᑯᓐᓄᑦ ᐊᐅᓚᔪᓐᓇᐅᑎᓕᕆᔨᒃᑯᓐᓄᓪᓗ ᒥᓂᔅᑕᐅᔭᕆᐊᒃᓴᖅ ᓄᓇᕗᒻᒥ. ᑖᓐᓇ ᐱᓕᕆᕕᐅᔪᖅ ᐃᓚᒋᔭᐅᓪᓚᕆᖕᓂᐊᖅᐳᖅ ᑲᔪᓯᑦᑎᐊᖁᓪᓗᒋᑦ ᓄᓇᕗᑦ ᒐᕙᒪᒃᑯᖏᑕ ᕿᓚᒻᒥᐅᔪᒃᑯᑦ ᐊᑯᓂᐅᔪᒃᑯᓪᓗ ᐊᐅᓚᔪᓐᓇᐅᑎᓕᕆᔨᒃᑯᑦ ᐸᕐᓇᐅᑎᖏᓐᓂᒃ ᐱᔨᑦᑎᕋᐅᑎᖏᓐᓂᒡᓗ. ᓂᕆᐅᒃᐳᖓ ᐅᖃᖃᑎᒌᖕᓂᐊᕐᓂᑦᑎᓐᓂᒃ ᐊᒻᒪᓗ ᑐᙵᓱᒃᑎᑦᑎᕗᖓ ᐊᐱᖅᑯᑎᒃᓴᓂᒃ ᑲᑎᒪᔨᓂᑦ. ᖁᔭᓐᓇᒦᒃ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 25 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᐃᒃᓯᕙᐅᑕᖓ ᑲᑎᒪᔨᕋᓛᑦ ᐅᖃᐅᓯᒃᓴᖃᖅᐸ ᒪᑐᐃᕈᑎᓂᑦ? ᑲᔪᓯᓗᑎ ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ. ᐅᓪᓛᒃᑯᑦ ᒥᓂᔅᑕ, ᐃᖅᑲᓇᐃᔭᖅᑎᑎᓪᓗ, ᒪᓕᒐᓕᐅᖅᑏᓪᓗ. (ᑐᓵᔨᑎᒎᓕᖅᑐᖅ) ᖁᕕᐊᓱᒃᑐᖓ ᒪᑐᐃᖅᓯᔾᔪᑎᓂᒃ ᐅᖃᐅᓯᖃᕈᓐᓇᕋᒪ ᑖᒃᑯᐊ ᑭᒡᒐᖅᑐᖅᖢᒋᑦ ᓄᓇᓕᖕᓂ ᑮᓇᐅᔭᓕᐅᕋᓱᐊᕐᓂᕐᒧᓪᓗ ᑲᑎᒪᔨᕋᓛᑦ. ᕿᒥᕐᕈᓇᒃᑎᓪᓗᒋᑦ 2026-2027 ᑮᓇᐅᔭᑦ ᐊᑐᕋᒫᕐᓂᐊᖅᑐᑦ ᐊᒻᒪᓗ 2026-2030 ᐱᓕᕆᐊᖑᓂᐊᖅᑐᑦ ᐸᕐᓇᐅᑎᖏᑦ ᐃᖏᕐᕋᔾᔪᑎᓕᕆᔨᒃᑯᓐᓄᑦ ᐱᖁᑎᕐᔪᐊᓕᕆᔨᒃᑯᓐᓄᓪᓗ ᓄᓇᕗᒻᒥ. (ᑐᓵᔨᑎᒎᕈᓐᓃᖅᑐᖅ) ᑖᒃᑯᐊ ᑐᔅᓯᕋᐅᑎᒋᔭᖏᑦ ᐊᑐᕈᒪᔭᖏᑦ 2026-2027 ᐊᐅᓚᔾᔪᑎᓄᑦ ᒪᑭᒪᐅᑎᓄᑦ ᑮᓇᐅᔭᖅᑐᕈᑎᒋᐊᓂᖅᑕᖏᑦ ᐊᒥᓲᓂᖃᖅᑐᖅ $281,109,000. ᑖᓐᓇ ᐊᖏᓪᓕᒋᐊᕈᑎᖓ 7.1%-ᖑᔪᖅ, ᑖᔅᓱᒪᖓᑦ ᐊᕐᕋᒎᒪᐅᖅᑐᒥᑦ 2025-2026 ᑮᓇᐅᔭᖅᑐᕐᓂᖓᓂᒃ. ᐊᒻᒪᓗ ᑖᒃᑯᐊ (ᑐᓵᔨᑎᒎᓕᖅᑐᖅ) ᐱᓕᕆᕝᕖᑦ ᐅᓄᕐᓂᖏᑦ ᓱᕐᕋᒃᓯᒪᖏᑦᑐᑦ 404.0-ᒦᒃᖢᑎᒃ, (ᑐᓵᔨᑎᒎᕈᓐᓃᖅᑐᖅ) ᒪᓕᒐᓕᐅᖅᑏᑦ ᐃᓱᒫᓘᑎᖏᓐᓂᑦ ᓴᖅᑮᓯᒪᕗᑦ ᒥᓂᔅᑕᒧᑦ ᑲᑎᒪᖃᑕᐅᑎᓪᓗᒍ ᑲᑎᒪᕋᓛᕐᓂᕐᒥᑦ. (ᑐᓵᔨᑎᒎᓕᖅᑐᖅ) ᓅᕖᕝᕙ 21, 2025-ᒥ, ᑲᓇᑕᐅᑉ ᒐᕙᒪᒃᑯᖏᑦ ᓇᓗᓇᐃᖅᓯᓚᐅᖅᓯᒪᔪᑦ $1-ᐱᓕᐊᓐ ᑮᓇᐅᔭᑦ ᐅᑭᐅᖅᑕᖅᑐᒥ ᐱᖁᑎᕐᔪᐊᓕᕆᓂᕐᒧᑦ ᑮᓇᐅᔭᒃᑯᕕᖕᒥ. ᐊᒻᒪᓗ ᐅᖃᖅᓯᒪᓚᐅᖅᖢᓂ ᐃᑲᔪᖅᓱᕐᓂᐊᖅᓱᓂ ᒪᕐᕈᐃᓂᒃ ᐊᑐᖅᑕᐅᔪᓐᓇᖅᑐᑦ ᐃᓄᑐᐃᓐᓇᕐᓄᑦ ᓄᓇᖅᑲᑎᒌᓐᓄᑦ ᐊᒻᒪᓗ ᐅᓇᑕᖅᑐᒃᓴᓄᑦ ᑐᕌᖓᔪᑦ ᐃᖏᕐᕋᔾᔪᑏᑦ. ᑲᓇᑕᐅᓂᖓ ᑕᒪᓐᓇ ᓇᓗᓇᐃᖅᑕᐅᓯᒪᖁᓪᓗᒍ ᐊᒻᒪᓗ ᐊᑐᓂ ᑮᓇᐅᔭᓕᐅᕋᓱᐊᖅᑏᑦ ᐊᒻᒪᓗ ᐅᑭᐅᖅᑕᖅᑐᒥᐅᑦ ᓄᓇᖃᖅᑳᖅᓯᔪᓪᓗ ᓄᓇᓕᖁᑎᖏᑦ. ᑖᒃᑯᐊ ᐃᖏᕐᕋᔪᑎᓕᕆᔨᒃᑯᑦ ᐊᒻᒪᓗ ᐱᖁᑎᕐᔪᐊᓕᕆᔨᒃᑯᑦ ᓄᓇᕗᒻᒥ ᐱᓕᕆᐊᖑᓂᐊᖅᑐᑦ ᐸᕐᓇᐅᑏᑦ ᐅᖃᖅᓯᒪᔪᑦ “ᑖᒃᑯᐊ ᒪᕐᕉᒃ ᓯᕗᓪᓕᐅᑎᓯᒪᔭᖏᒃ 2026-2027 ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓂ, ᓯᕗᓪᓕᐅᔾᔭᐅᓯᒪᓗᑎᒃ ᒪᕐᕈᐃᓂᒃ ᐊᑐᖅᑕᐅᔪᓐᓇᖅᑐᑦ ᐊᒻᒪᓗ ᐃᒡᓗᖃᖅᑎᑦᑎᔪᓐᓇᕐᓂᒧᑦ ᑐᕌᖓᔪᑦ ᐱᓕᕆᐊᖑᓂᐊᖅᑐᑦ. ᑲᓇᑕᐅᑉ ᒐᕙᒪᒃᑯᖏᑦ ᐊᖅᑯᑎᒋᓗᒋᑦ ᐊᒻᒪᓗ ᐱᖁᑎᕐᔪᐊᓂᒃ ᑕᒪᒃᑯᓂᖓ ᑮᓇᐅᔭᖃᖅᑎᑦᑎᓗᑎᒃ ᐊᔾᔨᒌᙱᑦᑐᓂ ᐊᒡᒍᖅᑐᖅᑕᐅᓯᒪᔪᓂᒃ. ᐊᒻᒪᓗ ᐅᐸᓗᖓᐃᔭᕐᓗᑎᒃ ᑲᑎᙵᔪᑦ ᑮᓇᐅᔭᑦ ᑐᒃᓯᕋᐅᑏᑦ, ᑲᓇᑕᐅᑉ ᒐᕙᒪᒃᑯᖏᑕ ᐱᖁᑎᕐᔪᐊᓕᕆᓂᕐᒧᑦ ᑐᕌᖓᔪᓂᑦ ᑐᒃᓯᕌᓗᑎᒃ. ᓲᕐᓗ ᐅᑭᐅᖅᑕᖅᑐᒥ ᐱᖁᑎᕐᔪᐊᓕᕆᓂᕐᒧᑦ ᑮᓇᐅᔭᑦ ᐊᒻᒪᓗ ᒥᕝᕖᑦ ᐊᑭᑐᔪᖅᑐᕈᑎᒃᓴᐃᑦ ᐃᑲᔫᑎᒃᓴᖏᓐᓂᑦ ᒪᕐᕈᐃᓂ ᐊᑐᖅᑕᐅᔪᓐᓇᖁᓪᓗᒋᑦ ᑕᒪᒃᑯᐊ ᐱᖁᑎᕐᔪᐊᑦ ᓄᓇᕗᒻᒥ.” ᒪᓕᒐᓕᐅᖅᑏᑦ ᓂᕆᐅᑉᐳᑦ ᓄᑖᑦ ᓴᖅᑭᑉᐸᓪᓕᐊᕌᖓᑕ ᐅᖃᐅᔾᔭᐅᖃᑦᑕᕐᓂᐊᕐᓂᕐᒥᓂᒃ, ᓲᕐᓗ ᒪᑯᓄᖓ ᒥᕝᕕᑦ ᐊᓯᐊᓄᑦ ᓄᒃᑎᖅᑕᐅᓂᖏᑦ ᐊᒻᒪᓗ ᑕᑭᒋᐊᖅᑕᐅᓂᖏᑦ ᒥᕝᕖᑦ. ᑖᒃᑯᐊ ᐱᖁᑎᕐᔪᐊᓕᕆᔨᒃᑯᑦ ᐃᓚᖃᖅᐳᑦ ᕼᐋᒻᒪᓚᒃᑯᑦ ᐃᖅᑲᓇᐃᔮᖏᑦᑕ ᒥᒃᓵᓅᖓᔪᑦ ᐊᒻᒪᓗ ᐱᓕᕆᐊᖑᓂᐊᖅᑐᑦ ᐸᕐᓇᐅᑎᖏᑦ ᐅᖃᖅᓯᒪᕗᑦ, ᓄᓇᓖᑦ ᐃᑲᔪᖅᓱᕐᓗᑎᒃ ᕼᐋᒻᒪᓚᒃᑯᑦ ᓲᕐᓗ ᒪᑯᓄᖓ ᒪᓕᒐᓂᑦ ᒪᓕᒋᐊᓕᖏᓐᓂᑦ ᐊᒻᒪᓗ ᐊᐅᓚᑕᐅᔾᔪᑏᑦ ᐃᑲᔪᖅᓱᖅᑕᐅᓂᖏᑦ ᐃᒥᖃᖅᑎᑦᑎᔪᓐᓇᕐᓂᐊᕐᒪᑕ ᓄᓇᓖᑦ ᐃᓗᐊᓂ, ᐊᒃᑕᖅᑕᐅᔭᕆᐊᓖᑦ ᐊᒻᒪᓗ ᐱᔨᑦᑎᕈᑏᑦ. ᐊᕐᕌᒍᓂᑦ ᐊᓂᒍᖅᑐᓂ ᒐᕙᒪᒃᑯᑦ ᐊᑭᑐᔪᖅᑐᕈᑎᒃᓴᐃᑦ ᓇᓕᖅᑯᑕᖅᑕᐅᓯᒪᓂᖏᑦ ᑲᑎᙵᔫᑎᑕᐅᓪᓗᑎᒃ ᐋᖅᑭᒃᓱᖅᑕᐅᓯᒪᕗᑦ ᐱᔾᔪᑎᓖᑦ ᐃᒪᕐᒧᑦ, ᐊᑦᑕᕐᕕᖕᓄᑦ ᐊᒻᒪᓗ ᑭᓈᓗᖃᕐᕕᖕᒧᑦ. ᓄᓇᕗᑦ ᒐᕙᒪᒃᑯᑦ ᐃᒥᑦᑎᐊᕙᓕᕆᓂᕐᒧᑦ ᑐᑭᒧᐊᕈᑏᑦ ᒪᓕᒐᓕᐅᕐᕕᖕᒧᑦ ᓴᖅᑭᑕᐅᓚᐅᖅᓯᒪᔪᑦ ᒪᐃ 29, 2023- ᖑᑎᓪᓗᖑ. ᐊᒻᒪᓗ ᐅᖃᖅᓯᒪᒋᓪᓗᑎᒃ ᒪᓕᒐᐃᑦ ᑕᒪᒃᑯᐊ ᐊᓯᔾᔨᖅᑕᐅᔭᕆᐊᖃᖅᖢᑎᒃ ᓄᓇᕗᒻᒥ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᑲᓇᑕᒥ ᒪᓕᒐᖏᑦ ᒪᓕᒡᓗᒋᑦ ᐊᒻᒪᓗ ᓴᓗᒻᒪᖅᓴᐅᑏᑦ ᐃᒥᕐᒧᑦ ᓄᑖᙳᕆᐊᖅᑕᐅᔭᕆᐊᖃᕐᓂᐊᖅᑐᑦ ᐊᓯᔾᔨᖅᑕᐅᓗᑎᒡᓘᓐᓃᑦ ᑕᒪᒃᑯᐊ ᓄᑖᑦ ᒪᓕᒐᙳᖅᑎᑕᐅᓯᒪᔪᑦ ᐊᙳᑎᒋᐊᕐᓗᒋᑦ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 26 ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᓕᕆᐊᕆᓂᐊᖅᑕᖏᑦᑕ ᐸᕐᓇᐅᑎᖏᑦ ᐅᖃᖅᓯᒪᔪᑦ ᓯᕗᓪᓕᐅᔾᔨᓯᒪᓪᓗᑎᒃ 2026- 2027 ᐊᕐᕌᒍᐊᓂ ᑎᑎᕋᖅᑕᐅᕌᓂᖁᓪᓗᒋᑦ ᐃᒥᑦᑎᐊᕙᐃᑦ ᒪᓕᒐᐃᑦ. ᐊᔭᐅᖅᑐᐃᕗᒍᑦ ᐱᖁᑎᕐᔪᐊᓕᕆᔨᒃᑯᓐᓂᒃ ᐃᖏᕐᕋᔾᔪᑎᓕᕆᔨᒃᑯᓪᓗ ᐃᖅᑲᓇᐃᔭᖃᑎᖃᖁᓪᓗᒋᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᒃ ᐊᒻᒪᓗ ᓄᓇᓕᖕᓂ ᐱᔨᑦᑎᖅᑏᑦ. ᑖᒃᑯᐊ ᐱᓕᕆᕖᑦ ᓄᓇᓕᖕᓂ ᐃᖏᕐᕋᔾᔪᑎᓕᕆᓂᕐᒧᑦ ᐊᑐᐊᒐᖅ ᐋᖅᑭᒋᐊᖅᑕᐅᓚᐅᖅᓯᒪᔪᖅ ᕕᕗᐊᕆ 2023ᖑᑎᓪᓗᒍ ᐃᓱᓕᑦᑕᕐᕕᓕᐊᕆᔭᐅᓯᒪᓪᓗᓂ ᒫᑦᓯ 31, 2027. ᐅᐃᒍᖓ ᐃ, ᐊᑐᐊᒐᑦ ᐃᓗᓕᑯᓘᔭᖏᑦ ᐅᖃᖅᓯᒪᕗᑦ ᐊᖅᑯᓯᐅᕐᓗᑎᒃ ᐊᒻᒪᓗ ᓄᓇᓕᖕᓂ ᑐᓚᒃᑕᕐᕕᓕᐅᕐᓗᑎᒃ, ᑎᑎᕋᖅᓯᒪᔪᖅ ᐱ, ᓇᓗᓇᐃᔭᐃᓯᒪᓪᓗᑎᒃ ᒐᕙᒪᒃᑯᑦ ᐱᓕᕆᕝᕕᖏᑦ ᐃᑲᔪᕐᓂᐊᕐᓂᖏᑦ ᑕᒪᒃᑯᐊ ᑐᓚᒃᑕᕐᕖᑦ ᐱᓪᓗᒋᑦ. ᑎᑎᕋᖅᓯᒪᔪᖅ ᐱ ᑕᐃᔭᐅᒡᒍᓚᐅᖅᓯᒪᔪᖅ ᑐᓚᒃᑕᕐᕕᕋᓛᓂᒃ. 2022-2023 ᐊᕐᕌᒍᑕᒫᖅᓯᐅᑏᑦ ᐅᓂᒃᑳᑦ ᒪᓕᒐᓕᐅᕐᕕᖕᒧᑦ ᓴᖅᑭᑕᐅᓚᐅᖅᓯᒪᔪᑦ ᓯᑉᑎᒻᐸ 11, 2025. ᑖᓐᓇ 2023-2024, 2024-2025 ᐊᒻᒪᓗ 2025-2026 ᐊᕐᕌᒍᑕᒫᖅᓯᐅᑏᑦ ᐅᓂᒃᑳᑦ ᓱᓕ ᒪᓕᒐᓕᐅᕐᕕᖕᒧᑦ ᓴᖅᑭᑕᐅᓚᐅᙱᑦᑐᑦ. ᓂᕆᐅᒃᐳᒍᑦ ᑖᒃᑯᐊ ᓯᕗᓂᒃᓴᑦᑎᓐᓂ ᓴᖅᑭᑕᐅᓛᕐᓂᐊᕐᓂᖏᓐᓂᒃ ᒪᓕᒐᓕᐅᕐᕕᖕᒧᑦ. ᐊᒃᑑᐸ 18, 2019ᖑᑎᓪᓗᒍ ᓄᓇᕗᑦ ᒐᕙᒪᒃᑯᑦ ᑳᓐᑐᕌᒃᓴᓂᒃ ᑕᖅᑲᐅᙵᐃᓚᐅᖅᓯᒪᔪᖅ ᑐᓚᒃᑕᕐᕕᓕᕆᓂᖅ ᑕᒪᓐᓇ ᕿᒥᕐᕈᓇᒃᑕᐅᔪᓐᓇᖁᓪᓗᒍ ᐃᓘᓐᓇᖓ. ᑖᒃᑯᐊ ᐱᓕᕆᕖᑦ 2025-2026 ᐱᓕᕆᐊᖑᓂᐊᖅᑐᑦ ᐸᕐᓇᐅᑎᖏᑦ ᐅᖃᖅᓯᒪᕗᑦ ᓯᕗᓪᓕᐅᔾᔭᐅᓯᒪᔪᖅ ᐅᓇ ᐋᖅᑭᒃᓱᐃᓗᑎᒃ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᐸᕐᓇᐅᑎᓂᒃ, ᓇᓕᐊᓪᓗ ᓯᕗᓪᓕᐅᔾᔭᐅᔭᕆᐊᖃᕐᓂᐊᕐᒪᖔᑦ ᐊᒻᒪᓗ ᐱᓕᕆᕝᕖᑦ ᓴᓇᕐᕈᑎᖏᑦ ᐱᕚᓪᓕᐅᑎᒃᓴᓪᓗ ᐅᓄᖅᓯᒋᐊᒃᑲᓐᓂᖁᓗᒋᑦ ᑲᓇᐅᑉ ᒐᕙᒪᒃᑯᖏᑦᑕ ᐃᑲᔫᑎᑦ ᐊᑐᐃᓐᓇᕈᖅᑎᖃᑦᑕᖅᑕᖏᑦ ᐊᒻᒪᓗ ᑖᒃᑯᐊ ᑐᓚᒃᑕᕐᕕᓕᕆᓂᕐᒥᒃ ᐱᓕᕆᐊᖃᓕᕐᓗᑎᒃ ᑕᒪᒃᑯᐊ ᖃᐅᔨᓴᖅᑕᐅᕌᓂᒃᓯᒪᓕᖅᑎᓪᓗᒋᑦ. ᐱᓕᕆᐊᖑᓂᐊᖅᑐᑦ ᐸᕐᓇᐅᑎᖏᑦ ᐅᖃᖅᓯᒪᖕᒥᔪᑦ ᓯᕗᕐᖓᓂ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᐸᕐᓇᐅᑏᑦ ᐋᖅᑭᒃᓱᖅᑕᐅᓯᒪᓕᖅᑐᑦ. ᑲᑎᒪᔨᕋᓛᑦ ᐊᔭᐅᖅᑐᐃᕗᑦ ᒥᓂᔅᑕᒥᒃ ᑖᒃᑯᐊ ᑭᖑᓪᓕᖅᐹᖅᓯᐅᑏᑦ ᐅᓂᒃᑳᑦ ᒪᓕᒐᓕᐅᕐᕕᖕᒧᑦ ᓴᖅᑭᑕᐅᖁᓪᓗᒍ ᐊᒻᒪᓗ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᐸᕐᓇᐅᑏᑦ ᐱᔪᓐᓇᖅᓯᑐᐊᕈᑎᒃ. ᐅᖅᓱᐊᓗᓕᕆᔨᒃᑯᑦ 2023-2024 ᐊᕐᕌᒍᑕᒫᖅᓯᐅᑏᑦ ᐅᓂᒃᑳᑦ ᒪᓕᒐᓕᐅᕐᕕᖕᒧᑦ ᓴᖅᑭᑕᐅᓚᐅᖅᓯᒪᔪᖅ ᓴᑉᑕᒻᐸ 15, 2025ᖑᑎᓪᓗᒍ. ᑖᒃᑯᐊ ᐱᓕᕆᕖᑦ 2025-2026 ᐱᓕᕆᐊᖑᓂᐊᖅᑐᖅ ᐸᕐᓇᐅᑎᖏᑦ ᐅᖃᖅᓯᒪᓚᐅᖅᑐᑦ ᐅᓇ ᓯᕗᓪᓕᐅᔾᔭᐅᓯᒪᓪᓗᓂ ᕿᒥᕐᕈᓈᓂᒡᓗᒋᑦ ᐊᐅᓚᑦᑎᔾᔪᑏᑦ ᐅᖅᓱᐊᓗᓕᕆᔨᒃᑯᑦ ᐱᓕᕆᕕᐊ ᐱᓪᓗᒍ. ᓂᕆᐅᒃᐳᒍᑦ ᑭᓱᓂᒃ ᑖᒃᑯᓂᖓ ᓴᖅᑭᑦᑎᓛᕐᒪᖔᑦ ᕿᒥᕐᕈᓇᖕᓂᐅᔪᖅ. ᑕᕝᕙᐅᕗᑦ ᒪᑐᐃᖅᓯᔾᔪᑎᒃᑲ ᐱᔾᔪᑎᓖᑦ 2026-2027 ᓇᓕᖅᑯᑎᖅᑕᐅᓯᒪᔪᑦ ᐊᑐᕈᒫᕐᓂᐊᖅᑐᑦ ᐊᒻᒪᓗ 2026-2030 ᐱᓕᕆᐊᖑᓂᐊᖅᑐᑦ ᐸᕐᓇᐅᑏᑦ ᑖᒃᑯᓄᖓ ᐃᖏᕐᕋᔾᔪᑎᓕᕆᔨᒃᑯᓐᓄᑦ ᐱᖁᑎᕐᔪᐊᓕᕆᔨᒃᑯᓐᓄᓪᓗ ᐱᓕᕆᕕᒃ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᑭᓱᑐᐃᓐᓇᕐᓄᑦ ᑐᕌᖓᔪᓂᒃ ᐊᐱᖅᑯᑎᒃᓴᖅᑕᖃᖅᐸᖃᐃ? ᐱᑕᖃᙱᒻᒪᑦ, ᒪᒃᐱᖅᑐᒐᖏᑎᒍᑦ ᕿᒥᕐᕈᓇᖕᓂᐊᓕᕋᑦᑎᒃᑯᑦ ᐱᒋᐊᕐᓗᒍ J-4. ᐃᖏᕐᕋᔾᔪᑎᓕᕆᔨᒃᑯᑦ ᐱᖁᑎᕐᔪᐊᓕᕆᔨᒃᑯᓪᓗ ᑲᑎᓕᒫᕐᓗᒋᑦ ᐊᐅᓚᔾᔪᑏᑦ ᒪᑭᒪᐅᑏᑦ, $2,286,000. ᐊᐱᖅᑯᑎᒃᓴᖃᖅᑐᖃᖅᐸ? ᒥᔅᑕ ᖃᕝᕕᒃ. ᖃᕝᕕᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐅᓪᓛᒃᑯᑦ ᒥᓂᔅᑕ ᐊᒻᒪᓗ ᐃᖅᑲᓇᐃᔭᖅᑎᖏᑦ. ᐅᖃᖅᑲᐅᒐᕕᑦ ᐃᖅᑲᓇᐃᔭᖅᑎᑖᕐᓂᐊᓕᕋᔅᓯᒎᖅ ᓄᑖᒥᒃ ᒪᑯᓂᖓ ᐅᐊᐃᔭᓅᖅᑐᑎᒍᑦ ᖃᐅᔨᓴᕐᓂᖃᕐᓂᐊᕐᒪᑦ. ᖃᓄᖅ ᑕᒪᓐᓇ ᐃᑲᔫᑕᐅᒃᑲᓐᓂᕈᓐᓇᕐᓂᐊᖅᐸ ᑖᒃᑯᓄᖓ ᒐᕙᒪᒃᑯᓐᓄᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᕝᕕᒃ. ᒥᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐄ, ᐃᒃᑯᐊ ᓇᐃᒡᓕᑎᖅᓯᒪᔪᕈᓗᐃᑦ ᑕᕝᕙᓂ ᐊᑐᕆᐊᖃᙱᓐᓇᑦᑎᒃᑯᑦ ᑭᐅᒋᐊᕐᓗᒍ ᑖᓐᓇ ᐊᑐᖅᑕᐅᕙᓪᓕᐊᑐᐃᓐᓇᓕᕐᒪᑕ ᑕᐃᒃᑯᐊ ᖃᕆᓴᐅᔭᒃᑯᑦ ᖃᐅᔨᒪᔾᔪᑏᑦ

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 27 ᐊᑐᐊᒐᓂᒃ ᒪᓕᒐᓂᒡᓗ ᐱᑕᖃᐅᖅᑐᑦ ᑕᐃᒃᑯᐊ ᐊᖅᑯᑎᒋᓗᑎᒃᑯᑦ ᐊᐅᓚᑦᑎᖃᑦᑕᕐᓂᐊᖅᑐᒍᑦ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᑦ ᑕᒪᑐᒧᖓ ᑐᕌᖓᔪᒥᒃ ᒥᓂᔅᑕᖃᓕᖅᑐᑦ ᒥᔅᑕ ᓵᓚᒪᓐᒥᒃ ᐊᒻᒪ ᐱᓕᕆᐊᕆᓂᐊᖅᑕᖏᑦ ᑕᐃᒃᑯᐊ ᑐᓴᐅᒪᔾᔪᑎᓕᕆᔨᒃᑯᑦ ᐃᖅᑲᓇᐃᔭᖃᑎᒋᓗᒋᑦ ᐊᑐᑦᑎᐊᕋᓗᐊᕐᒪᖔᑦᑎᒃᑰᓂᐊᕐᒪᑦ. ᐃᓱᒫᓘᑎᒋᔭᐅᕙᓪᓕᐊᑐᐃᓐᓇᕐᒪᑦ ᐅᓇ ᐱᕚᓪᓕᐅᑎᓯᓐᓈᑦ ᓂᕆᐅᑦᑎᐊᖅᐳᖓ ᖃᓄᖅ ᐃᑲᔪᖅᑕᐅᓂᐊᕐᒪᖔᖓ. ᒐᕙᒪᒃᑯᑦ ᐱᓕᕆᕝᕕᖏᑦ ᐊᑕᐅᓯᐅᙱᑦᑐᑦ ᑕᒪᒃᑯᓂᖓ ᐱᓕᕆᕙᓪᓕᐊᖕᒪᑕ. ᐱᐅᓂᖅᐹᓂᒃ ᐊᑐᕋᓱᖃᑦᑕᕐᓂᐊᖅᑐᒍᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᕼᐃᒃᔅ. ᒥᔅᑕ ᖃᕝᕕᒃ, ᐊᑏ. ᖃᕝᕕᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ ᐊᒻᒪᓗ ᖁᔭᓐᓇᒦᖅᖢᒍ. ᐅᓇ ᐅᐃᒍᓗᒍ, ᒪᑯᐊ ᓯᕗᓪᓕᐊᔾᔭᐅᓯᒪᔪᑦ ᖃᓄᖅ ᐃᑲᔪᒃᑲᓐᓂᕈᓐᓇᖅᐸᑦ, ᓲᕐᓗ ᒪᑯᐊ ᒥᕝᕖᑦ ᑕᒃᖠᒋᐊᖅᑕᐅᓂᖏᑦᑕ, ᐊᓯᖏᓪᓗ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ ᐊᒻᒪᓗ ᖁᔭᓐᓇᒦᒃ ᑖᓐᓇ ᐊᐱᖅᑯᑎᒋᒐᖕᓂ. ᐊᖅᑯᑎᒋᓗᒍ ᒥᔅᑕ ᓯᓕᐅᓇ ᑭᐅᒃᐸᑦ ᐱᐅᓂᖅᓴᐅᓂᐊᖅᑰᖅᑐᖅ. ᖁᔭᓐᓇᒦᒃ. ᐃᒃᓯᕙᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᓰᓕ, ᑲᔪᓯᒋᐊᓕᕆᑦ. ᓰᓕ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᓐᓇ ᐃᖅᑲᓇᐃᔮᖅ ᐋᖅᑭᑦᑕᐅᓂᐅᓴᔪᖅ ᒪᓕᒐᓕᐅᕐᕕᑦ ᐊᖏᖅᑲᑦ. ᐊᐅᓚᑦᑎᒍᑎᔅᓴᖃᑦᑎᐊᕋᓗᐊᕐᒪᖔᑦᑕ ᖃᐅᔨᓴᖅᑳᕋᑦᑎᒍᑦ ᖃᓄᖅ ᐊᑐᖃᑦᑕᓂᐊᕐᒪᖔᑦᑎᒍᑦ ᐋᖅᑭᑦᑎᕆᓲᑦ ᖃᕆᓴᐅᔭᐃᑦ. ᐱᔨᑦᑎᕋᐅᑎᒋᓗᒍ. ᖃᓄᕐᓗ ᐊᑦᑐᖅᓯᒐᔭᕐᒪᖔᑕ ᐃᖏᕐᕋᔪᓕᕆᓂᕐᒧᑦ ᐱᔨᑦᑎᕋᐅᑎᓂᑦ ᓴᓂᑭᓗᐊᕐᒧᑦ ᐊᓯᖏᓐᓄᓪᓗ ᒥᕝᕕᓄᑦ ᓱᓕ ᖃᐅᔨᒪᙱᑦᑐᒍᑦ. ᐄ, ᖃᕆᓴᐅᔭᒃᑯᑦ ᐃᓛᒃ ᐱᔭᕆᐊᑭᓪᓕᑎᖅᑕᐅᖃᑦᑕᓕᕐᖓᑕ ᐱᓕᕆᐊᔅᓴᐅᔪᐃᑦ. ᐱᕙᓪᓕᐊᔪᕕᔾᔪᐊᕌᓘᒻᒪᑕ. ᑖᓐᓇ ᐃᖅᑲᓇᐃᔮᖅ ᐋᖅᑭᑦᑕᐅᓚᐅᕐᓗᓂ ᖃᓄᕐᓗ ᐊᐅᓚᑕᐅᒐᔭᕐᒪᖔᑦ ᐋᖅᑭᑎᖅᑕᐅᓗᓂ ᐱᓕᕆᐊᖑᙳᓱᑦᑐᖅ ᑲᒪᒍᓐᓇᓂᐊᕐᖓᑦ ᑭᓱᕈᓘᔮᓗᓐᓂᒃ ᒥᕝᕕᓂᒃ ᐱᖃᓯᐅᔾᔨᓗᓂ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᓰᓕ. ᐊᐱᖅᑯᑎᔅᓴᖃᕈᓐᓃᖅᑭᑦ? ᐊᓯᖏᑦ ᒪᓕᒐᓕᐅᖅᑏᑦ ᐊᐱᖅᑯᑎᔅᓴᖃᖃᖅᑲᑦ ᐊᖓᔪᖅᑳᖃᕐᕕᖓᑕ ᒥᔅᓵᓄᑦ? ᑕᑯᙱᓐᓇᒪ, ᐊᖏᖅᑭᓯᐅᒃ ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᑦ ᓄᓇᕗᒻᒥ ᐊᖓᔪᖅᑳᖃᕐᕕᖓᑕ ᑐᔅᓯᕌᖏᑦ $2,286,000? ᐊᖏᖅᑐᑦ. ᖁᔭᓐᓇᒦᒃ.

J-5ᒧᑦ ᒪᑉᐱᓕᕐᒥᓯᐅᒃ. ᕿᒥᕐᕈᙳᓱᓕᕐᒥᒐᑦᑎᒍᑦ ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᑦ ᓄᓇᕗᒻᒥ ᑮᓇᐅᔭᓕᕆᔨᖏᑦ. ᐊᐅᓚᒍᑎᔅᓴᐃᑦ ᑐᔅᓯᕌᖏᑦ $13,636,000. ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕕᓯ 2026-2030ᒧᑦ ᐱᓕᕆᐊᔅᓴᓄᑦ ᐸᕐᓇᐅᑎᖓ ᐅᖃᖅᓯᒪᒻᒪᑦ ᒪᕐᕉᒡᒎᖅ ᐸᕐᓇᓯᒪᔭᖓ ᐊᐅᓚᔾᔭᒋᐊᓛᕐᓗᓂᐅᒃ 26-27 ᐊᕐᕌᒍᖓᓂ. ᑕᒪᒃᑯᐊᖑᖕᒪᑎᒃ. ᐊᑐᐃᓐᓇᕈᖅᓴᐃᓗᑎᒃ ᓯᕗᓪᓕᐅᖁᔭᐅᒐᔭᖅᑐᓂᒃ ᒪᕐᕉᓐᓄᑦ ᐊᔾᔨᒌᙱᑦᑐᓄᑦ ᐊᑐᕋᔅᓴᐅᔪᑦ ᐃᓪᓗᐃᑦ ᐊᒻᒪ ᐱᖁᑎᕐᔪᐊᖑᔪᐃᑦ. ᖃᓄᕐᓗ ᒐᕙᒪᑐᖃᒃᑯᓐᓂ ᐱᓕᕆᖃᑎᖃᕐᓂᐊᕐᒪᖔᑕ ᐱᖁᑎᕐᔪᐊᓕᐊᕐᓗᑎᒃ ᐱᑕᖃᙱᑦᑐᓂᒃ ᒫᓐᓇ ᐱᖁᑎᕐᔪᐊᖃᕆᐊᓕᐅᒐᓗᐊᓂ ᐊᒻᒪᓗᑦᑕᐅᖅ ᑲᑎᑎᖅᑕᐅᓯᒪᔪᓂᒃ ᑮᓇᐅᔭᖃᖅᑎᑕᐅᒍᑎᔅᓴᖓᓂᒃ ᒐᕙᒪᑐᖃᒃᑯᓐᓂᑦ

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 28 ᑮᓇᐅᔭᓂᒃ ᐱᓗᑎᒃ ᐃᓚᖃᖅᑐᓂ ᐅᑭᐅᖅᑕᖅᑐᒥ ᐱᖁᑎᕐᔪᐊᓕᕆᔾᔪᑎᔅᓴᓂ ᐊᒻᒪ ᒥᕝᕕᓐᓂ ᐊᑭᑐᔪᖅᑐᕈᑎᔅᓴᓂᒃ ᐃᑲᔫᑎᓂᒃ. ᑕᐃᒫᒃ ᑮᓇᐅᔭᓂᒃ ᐃᓕᓯᕕᐅᕖᙵᕈᓐᓇᓂᐊᕐᖓᑦ ᐊᖏᖅᑕᐅᒍᓐᓇᖅᑐᐃᑦ ᒪᕐᕉᓐᓄᑦ ᐊᑑᑎᓖᑦ ᐃᓪᓗᐃᑦ ᓄᓇᕗᒻᒥ. ᖃᓄᐃᑦᑐᓪᓚᑦᑖᑦ ᐱᓕᕆᓃᑦ ᓇᓗᓇᐃᖅᑕᐅᓯᒪᓕᖅᑲᑦ ᐱᓕᕆᐊᖑᓛᕐᓗᑎᒃ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑐᖅ (ᑐᓵᔨᑎᒍᑦ): ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔅ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᑲᑎᒪᔨ ᐊᐱᕆᒻᒪᑦ ᑕᐃᒫᒃ. ᐄ, ᑲᔪᓯᕙᓪᓕᐊᑎᓪᓗᑕ ᖃᐅᔨᒪᒐᒪᑦᑕᐅᖅ ᐱᓇᓱᐊᕈᓯᐅᓚᐅᖅᑐᒥᕋᑖᑦᑎᐊᖅ ᒥᔅᑕ ᓰᓕᓗ ᒥᓂᔅᑕᐅᑉ ᑐᖏᓕᐅᖃᑎᖏᓪᓗ ᑲᓇᑕᒥ ᓇᓗᓇᐅᖅᑐᐃᒐᓱᐊᖅᓯᒪᒻᒪᑕ ᑭᓱᑦ ᐱᓕᕆᐊᔅᓴᐃᑦ ᓯᕗᓪᓕᐅᒋᐊᖃᕐᒪᖔᑕ. ᐅᓪᓗᒥᒧᓪᓗ ᑲᔪᓯᒋᐊᖅᑐᒍᑦ, ᐊᖏᖃᑎᒌᒍᑎᓕᐅᕋᓱᐊᖅᑐᑕ ᑎᑎᕋᐅᔭᖅᑕᐅᓂᒃᓴᖓᓄᑦ ᑲᖏᖅᓯᓂᕐᒥ ᖃᐅᓱᐃᑦᑐᒥᓪᓗ ᒥᕝᕕᖏᓐᓂ ᐊᓯᖏᑦᑕᐅᖅ ᐊᖏᖃᑎᒌᒍᑏᑦ ᐊᑐᕐᓗᒋᑦ ᑲᓇᑕᒥ ᐱᕈᖅᓴᐃᒍᑏᑦ ᑮᓇᐅᔭᐃᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᕼᐃᒃᔅ. ᒪᓕᒐᓕᐅᖅᑏᑦ ᐊᐱᖅᑯᑎᔅᓴᖃᖅᑲᑦ? ᑮᓇᐅᔭᓕᕆᒃᑯᖏᑦᑕ ᒥᔅᓵᓄᑦ? ᒥᔅ ᐊᖑᑎᐊᓗᒃ. ᐆ, ᐃᓵᖓᓱᒋᕋᑖᕋᒃᑭᑦ. ᐊᐱᖅᑯᑎᔅᓴᓕᑦᑕᖃᖅᑲ? ᑕᑯᙱᓐᓇᒪ. ᐊᖏᖅᑭᓯᐅᒃ ᒪᓕᒐᓕᐅᖅᑏᑦ ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᑦ ᑮᓇᐅᓕᕆᔨᖏᑦᑕ ᑐᔅᓯᕌᖏᑦ $13,636,000? ᐊᖏᖅᑐᑦ. ᒪᑉᐱᖅᑐᒐᖅ 7ᒨᓕᕐᒥᒋᔅᓯ, J-7. ᕿᒥᕐᕈᙳᓱᓕᕐᒥᒐᑦᑎᒍᑦ ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᑦ ᖃᕆᓴᐅᔭᓕᕆᔨᖏᑦ. ᑲᑎᓪᓗᒋᑦ ᑐᔅᓯᕌᖑᔪᐃᑦ $60,632,000. ᐊᐱᖅᑯᑎᔅᓴᖃᖅᑭᓯ? ᒥᔅ ᐊᖑᑎᐊᓗᒃ. ᐊᖑᑎᐊᓗᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. (ᑐᓵᔨᑎᒍᑦ) ᐊᐱᖅᑯᑎᒐ ᐅᓪᓗᒥ ᖃᑦᓯᑦ ᖃᕆᓴᐅᔭᓕᕆᓂᕐᒧᑦ, ᖃᕆᓴᐅᔭᓕᕋᔩᑦ ᐃᖅᑲᓇᐃᔮᖏᑦ 87.0ᒻᒪᑕ ᖃᑦᑏᓐᓄᑦᑕᐅᓯᒪᙱᓚᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ ᐊᖑᑎᐊᓗᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔅ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑕᕝᕙᙵᑦ ᐃᖅᑲᓇᐃᔮᓂᑦ 38 ᐃᓐᓄᑦᑕᐅᓯᒪᙱᑦᑐᑦ ᐊᒻᒪ ᐊᕙᑏᑦ ᐃᖅᑲᓇᐃᔭᑲᐃᓐᓇᖅᑐᓄᑦ ᐃᓐᓄᑦᑕᐅᓯᒪᔪᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᒥᔅ ᐊᖑᑎᐊᓗᒃ, ᐊᐱᖅᑯᑎᔅᓴᖃᒃᑲᓐᓂᖅᐱᑦ? ᐊᑏ. ᐊᖑᑎᐊᓗᒃ: ᐱᓕᕆᕕᓯ 2026-2027ᒥ ᑮᓇᐅᔭᖅᑐᕈᑎᔅᓴᖏᑦ ᐅᖃᖅᓯᕐᖓᑕ ᐊᑐᕈᒫᕐᓂᐊᖅᑐᖁᑎᖏᑦ ᖃᕆᓴᐅᔭᓕᕆᔨᒃᑯᑦ ᐊᖏᓪᓕᒋᐊᖅᑕᐅᓂᐅᓴᒻᒪᑕ $44,945,000ᐅᔪᓪᓗᑎᒃ ᑕᑉᐸᐅᖓ $50,474,000ᓅᖅᑕᐅᒍᒪᒻᒪᑕ. ᑖᓐᓇᓗ ᐊᖏᓪᓕᒋᐊᕆᓂᐅᒐᓱᑦᑐᓂ 12.3%ᒥᒃ. ᓱᒻᒪᑦ ᐅᑯᐊ ᐊᖏᓪᓕᒋᐊᖅᑕᐅᒍᒪᕙᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ ᐊᖑᑎᐊᓗᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔅ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐄ’, ᑖᓐᓇ ᐊᖏᔪᑲᓪᓚᐅᔮᖅᑑᒐᓗᐊᖅ ᑭᓯᐊᓂ ᐱᖓᓱᐃᓐᓇᕐᓂᒃ ᐱᔾᔪᑎᖃᖅᑐᖅ. ᐊᑕᐅᓯᖅ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖓᑕ ᐊᖏᖃᑎᒌᒍᑎᖓ ᐊᑎᓕᐅᖅᑕᐅᔪᒧᑦ ᐊᑭᑦᑐᕆᐊᖅᓯᒪᒻᒪᑕ ᑮᓇᐅᔾᔭᔅᓵᖏᑦ. ᐊᒻᒪ ᖃᕆᓴᐅᔭᐃᑦ ᓚᐃᓴᖏᑦ ᐊᑭᑦᑐᕆᐊᖅᓯᒪᒻᒥᒻᒪᑕ. ᑕᐃᒫᒃ ᖃᕆᓴᐅᔭᓕᕆᔩᑦ ᒪᑯᐊ ᐊᑭᑦᑐᐸᓪᓕᐊᔪᐊᓗᑐᐃᓐᓇᐅᔮᕐᖓᑕ ᖃᕆᓴᐅᔭᓕᕆᔾᔪᑏᑦ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 29 ᑕᐃᒃᑯᐊᓗ ᐊᑐᖃᑦᑕᓪᓚᕆᐊᖃᖅᑐᑎᒍᑦ ᖃᕆᓴᐅᔭᐃᑦ. ᖃᕆᓴᐅᔭᓕᕆᔾᔪᑏᓪᓗ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓪᓗᑦᑕᐅᖅ ᑕᕝᕘᓇ ᐊᑭᑦᑐᕆᐊᓚᕿᑎᑦᑎᓯᒪᒻᒥᔪᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᕼᐃᒃᔅ. ᑭᖑᓪᓕᐅᓂᐊᓕᕐᒥᔪᖅ ᒥᔅᑕ ᑕᖅᑐ. ᐊᐱᖅᑯᑎᔅᓴᓕᑦᑕᖃᒃᑲᓐᓂᙱᑦᑐᖅ ᑲᑎᒪᔩᑦ? ᐊᖏᖅᑭᓯ ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᑦ ᓄᓇᕗᒻᒥ ᖃᕆᓴᐅᔭᓕᕆᔨᖏᓐᓄᑦ ᑐᔅᓯᕌᖑᔪᐃᑦ, ᑲᑎᓪᓗᒋᑦ $60,632,000 ᐊᐅᓚᒍᑎᔅᓴᐃᑦ. ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᑉᐱᖅᑐᒐᖅ J-8-ᒨᓕᕐᒥᒋᔅᓯ. ᒫᓐᓇ ᕿᒥᕐᕈᙳᓱᓕᕐᒥᒐᑦᑎᒍᑦ ᐱᑐᕐᔪᐊᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᑦ ᓄᓇᕗᒻᒥ ᐱᖁᑎᕐᔪᐊᓕᕆᔨᖏᑦ. ᑲᑎᓪᓗᒋᑦ ᐊᐅᓚᒍᑎᔅᓴᐃᑦ ᑐᔅᓯᕌᖑᔪᑦ $149,266,000. ᐊᐱᖅᑯᓯᑦᑕᓕᑦᑕᖃᖅᑲ? ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᓄᓇᕗᑦ ᒐᕙᒪᖓᑕ ᐃᒥᑦᑎᐊᕙᒻᒧᑦ ᑐᑭᒧᐊᒍᑎᔅᓴᖓ ᒪᓕᒐᓕᐅᕐᕕᒻᒧᑦ ᑐᓂᔭᐅᓚᐅᖅᓯᒪᒻᒪᑦ ᒪᐃ 29, 2023ᒥ. ᐱᓕᕆᕕᓯᓗ 2025−2026ᒧᑦ ᐱᓕᕆᐊᔅᓴᓄᑦ ᐸᕐᓇᐅᑎᖓ ᐅᖃᖅᓯᒪᓚᐅᖅᓯᒪᒻᒪᑦ ᑲᔪᓯᒻᒪᑕᒎᖅ ᐱᓕᕆᐊᖃᖅᑐᑎᒃ ᑲᔪᓯᑎᑦᑎᒐᓱᐊᖅᑐᑎᒃ ᐃᒥᑦᑎᐊᕙᓕᕆᓂᕐᒧᑦ ᐸᕐᓇᐅᑎᐅᔪᒧᑦ ᒪᓕᑦᑐᑎᒃ ᐃᒥᑦᑎᐊᕙᓕᕆᓂᕐᒧᑦ ᑐᑭᒧᐊᒍᑎᔅᓴᓕᐊᖑᔪᒥᓂᕐᓂᒃ 22-23ᒥ. ᖃᖓᓕ ᑕᐃᒪ ᒪᓕᒐᓕᐅᕐᕕᒻᒨᖅᓯᓛᖅᑲ ᐱᓕᕆᕕᓯ ᑖᔅᓱᒥᖓ ᓄᑖᖑᔪᒥᒃ ᐃᒥᑦᑎᐊᕙᓕᕆᓂᕐᒧᑦ ᐸᕐᓇᐅᑎᒥᒃ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑕᖅᑐ. ᒥᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔅ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᑲᑎᒪᔨ ᐊᐱᕆᒻᒪᑦ. ᒫᓐᓇ ᑕᐃᒪ ᑭᖑᓪᓕᕐᒥ ᐱᓕᕆᐊᕆᒋᐊᓕᕗᑦ ᑎᑎᕋᐅᔭᖅᐸᓪᓕᐊᓕᕐᓗᑕ ᐊᐅᓚᔾᔭᐃᒋᐊᕈᑎᒥᒃ ᐸᕐᓇᐅᑎᒥᒃ. ᑕᐃᒪᐃᓕᐅᕐᓂᐊᕈᑦᑕ ᖃᐅᔨᒪᑦᑎᐊᕋᓱᒻᒥᔪᖓᑦᑕᐅᖅ ᐊᐅᓚᑦᑎᖃᑕᐅᔪᓂᒃ ᒐᕙᒪᒃᑯᑦ ᐱᓕᕆᕕᕈᓘᔭᖏᓐᓂᓪᓕ ᐱᖃᑕᐅᑎᑦᑎᓪᓗᑕ ᓯᓚᑎᑦᑎᓐᓃᑦᑐᓂᓪᓕ ᓄᓇᓖᑦ ᒐᕙᒪᕋᓛᖏᓐᓂᒃ ᐊᑦᑐᖅᑕᐅᓂᐅᓴᔪᓂᒃ ᐊᒻᒪ ᐸᕐᓇᑦᑐᒍᑦ ᑖᓐᓇ ᐱᓕᕆᐅᖑᓛᕐᓗᓂ ᑮᓇᐅᔭᓕᕆᔾᔪᑏᑦ ᐊᕐᕌᒍᖓᓂ 26-27 ᐊᒻᒪ ᒪᓕᒐᕋᓛᖏᑦ ᐃᓗᐊᓃᑦᑐᐃᑦ ᐱᔭᕇᕈᒪᓛᕋᑦᑎᒍᑦ ᑖᓐᓇ ᐸᕐᓇᐅᑎ ᐃᖏᕐᕋᓯᒋᐊᕈᓐᓇᓛᕐᖓᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᒥᔅᑕ ᑕᖅᑐ, ᐊᐱᖅᑯᑎᔅᓴᖃᒃᑲᓐᓂᖅᑭᑦ? ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕕᓯ 2026-2030ᒧᑦ ᐱᓕᕆᐊᔅᓴᓄᑦ ᐸᕐᓇᐅᑎᖓ ᐅᖃᖅᓯᒪᒻᒪᑦ ᐃᓚᖓᒡᒎᖅ ᐸᕐᓇᓯᒪᔭᖓ ᐱᓕᕆᐊᕆᓛᕐᓗᓂᐅᒃ 2026-2027 ᑮᓇᐅᔭᓕᕆᔾᔪᑏᑦ ᐊᕐᕌᒍᓂ ᑕᒪᓐᓇᐅᒻᒪᑦ. ᐊᑭᑐᔪᓄᑦ ᐸᕐᓇᓐᓂᖅ ᐋᖅᑭᒋᐊᖅᑕᐅᓗᓂ ᐊᒻᒪᓗ ᓯᕗᓪᓕᐅᑎᑦᑎᓂᕆᖃᑦᑕᖅᑕᕗᑦ ᖃᓄᖅ ᓯᕗᓪᓕᐅᑎᑦᑎᕙᒻᒪᖔᑕ ᐋᖅᑭᒋᐊᕐᓗᒍ. ᖃᓄᓪᓚᑦᑖᖅ ᑕᒪᓐᓇ ᐱᕙᓪᓕᐊᔭᐅᔾᔪᓯᕆᕙᑦᑕᖓ ᐊᓯᔾᔨᖅᑕᐅᒋᐊᔅᓴᖅ ᐃᓱᒪᔅᓴᖅᓯᐅᕈᑕᐅᕙ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑕᖅᑐ. ᒥᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔅ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ, ᑎᒍᓯᕙᓪᓕᐊᑎᓪᓗᑕ ᐊᐅᓪᓛᐸᓪᓕᐊᑎᓪᓗᑕᐃᓛᒃ ᒐᕙᒪᐅᔪᔪᒥᑦ ᐱᔭᕆᐊᑐᓂᕋᙱᒃᑲᓗᐊᕐᓗᒍᐃᓛᒃ ᐱᕕᔅᓴᕆᓲᕆᒐᑦᑎᒍᑦ ᑕᒪᒃᑯᐊ ᐱᒋᐊᖅᑎᑕᐅᓯᒪᔭᕌᖅᑐᐃᑦ ᐱᓕᕆᐊᖑᔪᐃᑦ ᕿᒥᕐᕈᒃᑲᓐᓂᕈᓐᓇᓲᕆᒐᑦᑎᒍᑦ ᐊᒻᒪᓗ ᖃᓄᑎᒋ ᑮᓇᐅᔭᖃᖅᑎᒍᓐᓇᓂᐊᕐᒪᖔᑦᑎᒍᑦ ᓱᓕ. ᖃᐅᔨᓴᕆᐊᖃᓲᖑᒐᑦᑕ ᐊᔾᔨᒌᙱᑦᑐᓂᒃ ᐊᑭᑐᔪᖅᑐᖅᑐᓂᒃ ᐊᒻᒪ ᒪᓕᒐᓕᐅᕐᕕᒻᒨᖅᑕᐅᓯᒪᒻᒪᑦ ᐱᔭᔅᓴᖅᑖᕆᓯᒪᔭᕗᑦ. ᓇᓗᓇᐃᖅᓯᓯᒪᔪᒍᑦ ᖃᓄᖅ ᓯᕗᒧᐊᑦᑎᓂᐊᕐᒪᖔᑦᑎᒍᑦ ᐱᓕᕆᐊᔅᓴᕆᔭᕗᑦ. ᒥᔅᑕ ᓰᓕᒃᑯᓪᓗ

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 30 ᐃᖅᑲᓇᐃᔭᖅᑎᐅᖃᑎᒌᑦ ᐱᓇᓱᐊᕈᓯᐅᓚᐅᖅᑐᒥ ᑲᑎᒪᐅᑎᖃᕋᑖᓚᐅᕐᖓᑕ ᑕᒪᔅᓱᒥᖓ. ᐊᑭᑐᔪᓄᑦ ᐸᕐᓇᐅᓯᐅᖃᑦᑕᓂᕐᒥᒃ ᐊᒻᒪᓗ ᐃᒃᓯᕙᐅᑕᖅ, ᒥᔅᑕ ᓰᓕᒧᑦ ᐃᓚᔭᐅᖁᔭᕋᓗᐊᕋ ᑭᐅᔾᔪᑎᒐ. ᖁᔭᓐᓇᒦᒃ. ᐃᒃᓯᕙᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ. ᐅᖃᕆᐊᓕᕆᑦ, ᒥᔅᑕ ᓰᓕ. ᓰᓕ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᓄᓇᕗᑦ ᒐᕙᒪᖓᑕ ᐊᑭᑐᔪᓄᑦ ᐸᕐᓇᓐᓂᖓ ᑲᒪᒋᔭᐅᒋᐊᖃᖃᑦᑕᕐᖓᑦ ᑮᓇᐅᔭᓕᕆᔨᒃᑯᓐᓄᑦ ᐃᖏᕐᕋᔪᓕᕆᔨᒃᑯᓪᓗ ᐊᐅᓚᔪᓐᓇᐅᑎᓕᕆᔨᒃᑯᓪᓗ ᓄᓇᕗᒻᒥ. ᑖᒃᑯᐊ ᒪᕐᕈᐃᑦ ᐱᓕᕆᕕᐅᔪᑦ ᐊᕐᕌᓂᓂᑦ ᐱᓕᕆᓯᒪᔪᑦ, ᖃᓄᖅ ᐋᖅᑭᒋᐊᖅᑕᐅᒍᓐᓇᕐᒪᖔᑦ ᐊᑭᑐᔪᖅᑐᖅᑐᓕᕆᓂᖅ ᕿᒥᕐᕈᔭᐅᓪᓗᓂ ᐊᔾᔨᒌᙱᑦᑐᓂᒃ ᐊᐅᓚᑦᑎᔨᐅᔪᓂᒃ ᐊᐱᖅᓱᖃᑦᑕᖅᑐᑎᒃ ᖃᓄᕐᓗ ᑎᒍᓯᖃᑦᑕᓂᐊᕐᒪᖔᑦᑕ ᐊᑭᑐᔪᖅᑐᖅᑐᓂᒃ ᐱᓕᕆᐊᖑᖁᔭᐅᔪᓂᒃ ᒐᕙᒪᒃᑯᑦ ᐱᓕᕆᕕᖏᓐᓂ ᐊᔾᔨᒌᓕᖅᑎᑕᐅᓯᒪᓗᑎᒃ ᖃᕆᓴᐅᔭᒃᑯᓘᓐᓃᑦ ᐊᑭᑐᔪᖅᑐᖅᑐᓂᓪᓘᓐᓃᑦ ᐱᓕᕆᐊᖑᒐᔭᖅᑐᐃᑦ. ᖃᐅᔨᒋᐊᕐᓂᕆᔭᕗᑦ ᓄᐊᑕᐅᓯᒪᓕᖅᑐᐃᑦ ᐊᒻᒪ ᐱᓕᕆᔨᕗᑦᑕᐅᖅ ᖃᓄᖅ ᓯᕗᓪᓕᐅᑎᑦᑎᑦᑎᐊᕐᓂᖅᓴᐅᖃᑦᑕᕈᓐᓇᕐᒪᖔᑦᑕ ᕿᒥᕐᕈᑐᐃᓐᓇᓕᖅᑐᑦ. ᐊᒻᒪ ᒐᕙᒪᒃᑯᑦ ᐱᓕᕆᕕᖏᑦ ᐃᓛᒃ ᑐᔅᓯᕌᖏᑦ ᓴᖅᑭᖃᑦᑕᖁᓪᓗᒋᑦ ᐊᒻᒪᓗ ᓄᓇᓖᑦ ᒐᕙᒪᕋᓛᖏᑕ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᓰᓕ. ᒥᔅᑕ ᕼᐃᒃᔅ, ᐃᓚᒋᐊᒃᑲᓐᓂᕈᒪᕕᐅᒃ? ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐅᖃᒃᑲᓐᓂᑎᒃᑲᕕᖓ, ᐃᓚᒋᐊᖅᓯᒍᓐᓇᑎᒃᑲᕕᖓ. ᐃᓛᒃ ᐱᒻᒪᕆᐅᓱᕆᔭᕋᐃᓛᒃ ᖃᐅᔨᒪᒍᑦᑕ ᐅᕙᓃᑎᓪᓗᑕ ᑐᑭᒧᐊᒍᑎᔅᓴᓕᕆᕈᓘᔭᖅᑎᓪᓗᑕ, ᐸᕐᓇᐅᑎᓕᕆᕈᓘᔭᖅᑎᓪᓗᑕᓗ. ᐊᑭᑐᔪᖅᑐᖅᑐᓄᑦ ᐸᕐᓇᐅᑏᑦ ᐸᕐᓇᓐᓂᐅᑉ ᐃᓗᐊᓂ. ᑕᒪᒃᑯᐊ ᐱᖁᑎᑖᖑᔭᕆᐊᖃᓪᓚᕆᑦᑐᐃᑦ ᕿᒥᕐᕈᓲᕆᒐᑦᑎᒍᑦ ᐊᒻᒪᓗ ᐱᖁᑎᑖᖑᒍᒪᑐᐃᓐᓇᖅᑐᐃᑦ. ᑕᒪᔾᔭᐅᒻᒪᑕ ᐃᒥᓕᕆᓂᕐᒧᑦ ᐅᐊᑦᑕᑯᓕᕆᓂᕐᒧᓪᓗ ᐅᖅᓱᐊᓗᓕᕆᓂᕐᒧᓪᓗ ᐱᖁᑎᖏᑦ ᑲᒪᒋᒋᐊᖃᖅᐸᒃᑲᑦᑎᒍᑦ ᓄᓇᓖᑦ ᐱᒋᐊᓕᖏᑦ ᐃᓛᒃ. ᑕᒪᔾᔭᑦᑕᐅᖅ ᓄᓇᓖᑦ ᐱᙳᐊᕐᕕᖏᑦ ᓯᐊᕐᕆᔮᕐᕖᓪᓗ ᐱᒻᒪᕆᐅᙱᓐᓂᕋᑕᕋᓗᐊᕗᑦ ᑭᓯᐊᓂ ᓇᓕᐊᒃ ᓯᕗᓪᓕᐅᑎᖅᑳᓪᓚᕆᒋᐊᖃᕐᒪᖔᑦᑎᒍᑦ ᐱᑕᖃᕆᐊᖃᓪᓚᕆᒃᑐᐃᑦ ᐱᖁᑎᕐᔪᐊᑦ ᓴᖅᑭᖅᑕᐅᕙᒃᑲᓗᐊᕐᒪᖔᑕᓗ. ᐃᓱᒪᖃᕆᐊᖃᖅᐸᒃᑲᑦᑕ. ᐊᒻᒪ ᓂᕆᐅᕐᕕᐅᕈᓘᔭᖅᑐᐊᓘᕙᒃᑲᑦᑕ ᐱᖁᑎᕐᔪᐊᓂᒃ ᑐᔅᓯᕌᖑᔪᓂᑦ ᓄᓇᕗᓕᒫᒥ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᕼᐃᒃᔅ. ᒥᔅᑕ ᑕᖅᑐ, ᓱᓕ ᐊᐱᖅᑯᑎᔅᓴᖃᒃᑲᓐᓂᖅᑭᑦ? ᐊᑏ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑕᖅ. ᖁᔭᓐᓇᒦᓪᓗ ᓇᓗᓇᐃᖅᑐᐃᑦᑎᐊᖅᑐᑎᑦ ᑭᐅᒐᕕᑦ. ᐱᓕᕆᕕᓯ ᑎᑎᕋᕆᐊᕐᖓᐅᑎᖏᑦ 2026-2027ᒥ ᑮᓇᐅᔭᖅᑐᕈᑎᔅᓴᐃᑦ ᐅᖃᖅᓯᒪᒻᒪᑕ ᐱᖁᑎᕐᔪᐊᓕᕆᔩᑦ ᐊᐅᓚᒍᓐᓇᐅᑎᖏᑦ ᐱᔨᑦᑎᕋᐅᑎᓄᑦ ᑳᓐᑐᕌᒃᑰᖓᔪᓄᑦ ᐊᖏᓪᓕᒋᐊᖅᑕᐅᓂᐅᓴᒻᒪᑕ $50.160-ᒥᓕᐊᓐ ᑕᑉᐸᐅᖓ $57.664-ᒥᓕᐊᓐ. ᑖᓐᓇ ᐊᖏᓪᓕᒋᐊᕆᒍᒪᓂᐅᒻᒪᑦ 12.7%ᒥᒃ. ᓱᒻᒪᑦ ᖁᕝᕙᕆᐊᖅᑕᐅᔪᒪᕙ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑕᖅᑐ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ, ᑕᐃᒃᑯᐊ ᐊᒥᓱᑦ ᖁᕝᕙᕆᐊᖅᑐᐃᑦ ᐆᒻᒪᖅᑯᑎᑦᑕ ᐊᑭᖏᑦ ᖁᕝᕙᕆᐊᖅᓯᒪᒻᒥᒻᒪᑕ ᐊᒻᒪᑦᑕᐅᖅ ᒪᕐᕈᒃᑲᓐᓃᑦᑕᐅᖅ ᒪᕐᕈᒃᑲᓐᓃᓐᓂᒃ ᐃᓗᓕᖃᕐᖓᑦ ᒥᔅᑕ ᓰᓕᒧᑦ ᓇᓗᓇᐃᖅᑐᖅᑕᐅᑎᓐᓂᐊᕋᒃᑭᑦ. ᑕᐃᒃᑯᐊ ᐃᓄᒋᐊᔅᓴᑲᓪᓚᓐᓂᖏᓐᓄᓪᓗᑦᑕᐅᖅ ᓄᓇᓖᑦ ᐱᒃᑲᓐᓂᕆᐊᖃᖃᑦᑕᓲᖑᒻᒪᑕ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ. ᐊᑏ, ᒥᔅ ᕼᐃᑭ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 31 ᕼᐃᑭ (ᑐᓵᔨᑎᒍᑦ): ᖁᔭᓐᓇᒦᒃ, ᐊᐱᕆᒐᕕᑦ. ᑖᒃᑯᐊ ᑲᖏᖅᖠᓂᕐᒥᓗ ᑕᐃᓐᓇ ᐃᖃᓗᖕᓂᓗ ᑕᐃᒃᑯᐊ ᐸᖅᑭᔭᐅᔾᔪᑎᖏᑦ ᑳᓐᑐᕌᖏᑦ ᐊᐳᑦᓴᐃᔭᐃᓂᕐᒧᑦ ᑲᒪᒋᔭᐅᔪᑦ. ᖁᔭᓐᓇᒦᒃ. ᐃᒃᓯᕙᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ ᕼᐃᑭ. ᐊᐱᖅᑯᑎᒃᓴᖅᑕᖃᖅᐸ ᓱᓕ? ᐊᐅᓚᑦᑎᔾᔪᑎᓄᑦ ᐱᓕᕆᕕᖕᓄᑦ ᐱᖁᑎᕐᔪᐊᓕᕆᓂᕐᒧᑦ ᐊᐱᖅᑯᑎᒃᓴᖅᑕᖃᖅᐸ? ᒥᔅᑕ ᖃᕝᕕᒃ. ᖃᕝᕕᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᐱᖅᑯᑎᒋᖅᑲᐅᔭᖓᓂᒃ ᑲᑎᒪᔨᐅᖃᑎᒪ ᐊᐱᖅᑯᓯᖃᒃᑲᓐᓂᕈᒪᓪᓗᖓ. ᒪᓕᒐᓕᐅᖅᑎᖓᑕ ᖁᑦᑎᒃᑐᒧᑦ, ᒪᒥᐊᓇᖅ, ᐊᐱᖅᑯᑎᖃᖅᑲᐅᖕᒪᑦ ᐊᑭᑐᔪᖅᑐᓕᕆᓂᐅᑉ ᒥᒃᓵᓄᑦ. ᐱᒻᒪᕆᐅᔪᓂᒃ ᐋᖅᑭᒃᓱᐃᖃᑦᑕᖅᐸᑦ ᓯᕗᓪᓕᐅᔾᔭᐅᓯᒪᑎᓪᓗᒋᑦ ᐋᖅᑭᒃᓱᖅᑕᐅᔪᑦ, ᑭᙴᒪᔭᐅᔪᑦ ᓄᓇᓕᖕᓂ ᐱᓪᓗᒋᑦ? ᖁᔭᓐᓇᒦᒃ. ᐃᒃᓯᕙᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᕝᕕᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᒃᑯᐊ ᒫᓐᓇ ᕿᒥᕐᕈᓇᒃᖢᒋᑦ. ᑭᖑᓂᑦᑎᓐᓂ ᐊᖏᖅᑕᐅᖃᑦᑕᖅᓯᒪᔪᑦ ᑕᒪᒃᑯᐊ ᒫᓐᓇᕋᑖᖑᓚᐅᖅᑐᕐᓗ ᐊᕐᕌᒍᒋᔭᑦᑎᓐᓂ ᐊᖏᖅᑕᐅᓚᐅᖅᑐᖅ ᐱᓕᕆᕕᖕᒧᑦ ᐸᕐᓇᐅᑎᒃᓴᓕᐅᕈᑎᒃᓴᖏᑦ. ᐊᑭᑐᔪᖅᑐᕈᑎᒃᓴᓂᒃ ᐱᓚᐅᙱᑎᓪᓗᒋᑦ ᓱᓕ ᐱᓕᕆᔾᔪᑎᒃᓴᓂᒃ ᐊᖏᖅᑕᐅᔾᔪᑎᖃᓚᐅᕋᑦᑕ, ᑖᒃᑯᐊ ᐋᖅᑭᒃᓱᖅᑕᐅᖁᓪᓗᒋᑦ ᓯᕗᓪᓕᐅᔾᔭᐅᓯᒪᔪᑦ ᐊᔾᔨᒌᙱᑦᑐᑦ. ᑕᑯᔪᒪᒐᔭᖅᑕᕗᑦ ᐱᓕᕆᔭᐅᖁᓪᓗᒋᑦ ᑖᒃᑯᓂᖓ ᓯᕗᓪᓕᖅᓯᐅᑎᓂᒃ ᐸᕐᓇᐅᑎᓕᐅᓚᐅᖅᑐᒍᑦ. ᕿᒥᕐᕈᓇᒃᑕᐅᑎᓪᓗᒍ ᖃᓄᖅ ᖃᔅᓯᕌᕆᐊᖃᕐᒪᖔᑕ ᐱᓕᕆᓗᒋᑦ. ᐊᒻᒪ ᑐᒃᓯᕋᐅᑎᓕᐅᖅᓯᒪᓪᓗᑎᒃ ᐱᓕᕆᕕᐅᔪᑦ ᐊᑭᑐᔪᖅᑐᕈᑎᒃᓴᐃᑦ ᐃᓗᐊᒍᑦ. ᒫᓐᓇ ᑖᒃᑯᐊ ᐊᑑᑎᖃᖅᑐᑦ ᓲᕐᓗ ᐱᐅᓯᒋᐊᕈᑎᒃᓴᐃᑦ, ᐊᑭᑐᔪᖅᑐᕈᑎᒃᓴᓄᑦ ᐸᕐᓇᐅᑏᑦ ᐱᓪᓗᒋᑦ ᒥᔅᑕ ᓰᓕ ᑭᐅᖁᓂᐊᖅᐸᕋ. ᐃᓚᒋᐊᖁᓂᐊᖅᐸᕋᐃᓛᒃ. ᖁᔭᓐᓇᒦᒃ. ᐃᒃᓯᕙᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ. ᒥᔅᑕ ᓰᓕ. ᓰᓕ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᓯᕗᓪᓕᐅᔾᔭᐅᖃᑦᑕᕐᓂᖏᑦ ᐱᓕᕆᐊᒃᓴᐃᑦ ᐱᓪᓗᒋᑦ. ᐊᑐᓂ ᐱᓕᕆᕕᐅᔪᑦ ᑲᒪᖃᑦᑕ ᓇᓗᓇᐃᖅᓯᖃᑦᑕᕆᐊᖃᕐᒪᑕ ᓯᕗᓪᓕᐅᑎᔭᖏᓐᓂᒃ, ᐊᑐᓂ. ᐱᓕᕆᔾᔪᑎᖏᑦ ᒪᓕᒡᒋᑦ ᐱᓕᕆᐊᒃᓴᖏᓐᓄᑦ ᑎᓕᔭᐅᓯᒪᔾᔪᑎᖏᓐᓂ. ᑖᒃᑯᐊ ᓇᓗᓇᐃᖅᑲᐅᔭᒃᑲ ᖃᓄᖅ ᑲᒪᒋᔭᐅᓲᖑᖕᒪᖔᑕ ᖃᓄᖅ ᐋᖅᑭᒃᓱᖅᑕᐅᖃᑦᑕᖅᑐᖅ ᓄᓇᓖᓪᓗ ᐊᑦᑕᓇᔾᔭᐃᖅᓯᒪᔭᕆᐊᖃᕐᓂᖏᑦ ᒪᓕᒐᐃᓪᓗ ᑕᒪᒃᑯᐊ ᑭᙴᒪᔭᖏᑦ ᐱᒻᒪᕆᐅᔪᑦ ᓄᓇᓖᑦ. ᖄᒃᑲᓐᓂᐊᒍᑦ ᐱᖃᓯᐅᑎᓗᒍ ᑖᒃᑯᓂᖓ ᐃᓱᒪᒃᓯᐅᕈᑎᖃᖃᑦᑕᕐᒥᒐᑦᑕ ᖃᖓᒃᑯᑦ ᑮᓇᐅᔭᖃᕐᓂᒃ ᐊᑐᕐᕕᐅᓚᐅᖅᐸ ᑕᐃᓐᓇ ᓄᓇᓕᒃ? ᑭᓯᐊᓂ ᐊᑦᑕᓇᔾᔭᐃᖅᓯᒪᓂᕐᒧᑦ ᑐᕌᖓᓗᐊᕐᒥᔪᑦ ᑭᓯᐊᓂ ᐃᓅᓯᖏᓐᓄᑦᑕᐅᖅ ᐊᒃᑐᐃᓂᖃᕐᒥᔪᑦ. ᑖᒃᑯᐊ ᐃᒡᓗᒌᓕᖅᑎᑕᐅᓇᓱᒃᖢᑎᒃ ᐋᖅᑭᒃᓱᖅᑕᐅᖃᑦᑕᕐᒪᑕ ᐱᓕᕆᔾᔪᑏᑦ ᑕᐃᒃᑯᐊ ᐱᖁᑎᒋᔭᐅᔪᑦ ᐱᐅᓯᒋᐊᕈᑎᒃᓴᖏᓐᓂᒃ ᒫᓐᓇ ᕿᓂᖅᑐᒍᑦ. ᐃᒡᓗᒌᑦᑎᐊᖁᓪᓗᒋᑦ ᑕᒪᒃᑯᐊ ᒫᓐᓇ ᑕᕝᕙ ᐱᓕᕆᔭᕗᑦ. ᐃᑲᔪᖃᑎᒌᑦᑎᐊᖅᖢᑕ ᐱᓕᕆᖃᑎᖃᖃᑦᑕᖅᑐᒍᑦ ᐱᓕᕆᕕᖕᒥ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᓰᓕ. ᐊᐱᖅᑯᑎᒃᓴᖅᑕᖃᕈᓐᓂᖅᐸ? ᐊᐱᖅᑯᑎᒃᓴᖅᑕᖃᖅᐸ ᓱᓕ ᐊᐅᓚᔾᔪᑏᑦ ᒥᒃᓵᓄᑦ? ᒥᔅᑕ ᖃᕝᕕᒃ. ᖃᕝᕕᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑕᐃᓐᓇ ᐊᐅᓚᔪᓐᓇᐅᓯᕆᕕᐅᑉ ᐱᓕᕆᕕᖓ ᑖᒃᑯᓂᖓ ᐊᖏᓂᖅᐹᓂᒃ ᑮᓇᐅᔭᖃᖅᑎᑕᐅᖕᒪᑦ ᐱᓕᕆᕕᔅᓯᓐᓂ. ᐊᐅᓚᔾᔭᒃᑕᐅᔭᕆᐊᓖᑦ ᐸᕐᓇᐅᑎᖏᑦ 26-27ᓂ ᓄᓇᕗᒻᒥ ᐊᖏᖅᓯᒪᓪᓗᑎᒃ ᓴᓇᖁᓪᓗᒋᑦ ᐱᔭᕇᖅᑕᐅᖁᓪᓗᒋᑦ ᑭᕙᓪᓕᕐᒥᓗ ᐊᓕᒎᔭᐃᑦ ᖃᕆᓴᐅᔭᓕᕆᔾᔪᑎᒃᓴᐃᑦ ᓱᒃᑲᓕᒋᐊᕈᑏᑦ ᐊᔾᔨᒌᙱᓐᓂᕆᔭᖏᓐᓂᒃ ᓇᓗᓇᐃᖅᓯᔪᓐᓇᖅᐱᓯ ᑖᒃᑯᐊ ᒪᒃᕉᒃ ᐱᓕᕆᐊᒃᓵᒃ? ᖁᔭᓐᓇᒦᒃ, ᐃᒃᓯᕙᐅᑖᖅ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 32 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᕝᕕᒃ. ᒥᓂᔅᑕ ᕼᐃᒃᔅ, ᐊᑏ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐄ, ᐱᓇᓱᐊᕈᓯᕆᓚᐅᖅᑕᑦᑎᓐᓂ ᐊᔾᔨᒌᙱᓐᓂᕆᔭᖏᓐᓂᒃ ᐅᐊᐃᔭᒨᖅᑐᑦ, ᐃᓛᒃ ᐊᓕᒎᔭᐃᑦ ᐅᐊᐃᔭᐃᑦ ᖃᕆᓴᐅᔭᕐᓄᑦ ᐱᑐᒍᑏᑦ ᐊᐱᖅᑯᑕᐅᓚᐅᕐᒥᖏᒪᑦ. ᑖᒃᑯᐊ ᒪᕐᕉᖕᓂᒃ ᓴᖅᑭᑦᑎᓚᐅᕐᒪᑦ ᑲᑎᒪᔨᐅᔪᖅ ᐊᐱᖅᑯᑏᖕᓂᒃ ᑖᔅᓱᒪ ᒥᒃᓵᓄᑦ. ᑭᕙᓪᓕᕐᒥᓗ ᕿᑭᖅᑖᓗᖕᒥᓗ ᑲᓇᐃᑎᐊᓐ ᑲᓇᑕᒥ ᓈᓚᐅᓯᓕᕆᔨᒃᑯᑦ ᑕᓚᕖᓴᓕᕆᔨᒃᑯᑦ ᑲᒥᓯᖓᒍᑦ ᑮᓇᐅᔭᖃᖅᑎᑕᐅᓚᐅᖅᑐᑦ ᐸᕐᓇᐃᓂᕐᒧᑦ ᑕᐃᒃᑯᐊ ᐱᖓᖕᓇᖓᓂᑦ ᑕᓯᐅᔭᕐᔪᐊᑉ. ᕿᒥᕐᕈᓇᒃᖢᑕᓗ ᖄᒃᑲᓐᓂᐊᒍᑦ ᐱᓕᕆᔾᔪᑎᐅᓂᐊᖅᑐᓂᒃ ᑲᒪᒋᔭᑦᑎᓐᓂᒃ. ᐅᓇᑕᖅᑐᕐᒃᓴᒃᑯᑦ ᑕᐃᒃᑯᐊ ᐱᓕᕆᕕᖏᑕ ᐱᓕᕆᐊᒃᓴᖃᕐᒥᖕᒪᑕ ᑕᒪᑐᒧ ᒥᒃᓵᓄᑦ. ᑭᐅᑦᑎᐊᕈᓐᓇᔾᔮᙱᑕᒋᑦ ᑕᒪᑐᒪ ᒫᓐᓇ ᑖᒃᑯᐊ ᓇᓗᓈᕿᒐᓚᖕᒪᑕ. ᖃᐅᔨᒪᔪᖓᐃᓛᒃ ᑮᓇᐅᔭᖃᖅᑎᑦᑎᔾᔪᑎᒃᓴᖃᕐᒥᔪᑦ ᑕᒪᑐᒪᑦ ᑲᓇᑕᒥ ᓈᓚᐅᓯᓕᕆᔨᒃᑯᑦ ᑕᓚᕖᓴᓕᕆᔨᒃᑯᑦ ᑲᑎᒪᔨᖏᑎᒍᑦ. ᑮᓇᐅᔭᐃᑦ ᐱᓯᒪᔭᕗᑦ. ᑐᓂᔭᐅᓚᐅᖅᑐᑦ ᐅᕙᑦᑎᓐᓄᑦ ᐊᑭᒋᓂᐊᖅᑕᖏᓐᓄᑦ ᑮᓇᐅᔭᐃᑦ. ᐊᖑᒻᒪᑎᒐᔭᙱᑦᑐᖅ ᐱᔭᕇᖅᓯᓇᓱᒡᓗᓂ ᑕᐃᒃᑯᓂᖓ ᐱᓕᕆᐊᒃᓴᓂᒃ. ᕿᓃᓐᓇᕋᑦᑕ ᓇᓖᕌᕈᑎᓂᒃ ᐊᓯᖏᓐᓂᒃ ᐊᑐᕈᓐᓇᕐᒪᖔᑦᑕ ᓲᕐᓗ ᑕᐱᖃᕐᓗᑕ ᐱᓕᕆᖃᑎᖃᕈᓐᓇᕐᒪᖔᑦᑕ ᐊᑭᑦᑐᕆᐊᕐᓗᒋᓪᓗ ᐅᕝᕙᓗ ᐊᓯᔾᔩᓇᓱᖕᓂᕐᒧᑦ ᐅᖃᐅᓯᖃᓚᐅᕐᒥᒐᑦᑕ ᓄᓇᓕᖕᓄᑦ. ᑭᓯᐊᓂ ᒪᒥᐊᓇᖅ ᓇᓗᓇᐃᖅᓯᓯᒪᔪᒥᒃ ᑭᐅᔪᓐᓇᔾᔮᙱᓐᓇᒃᑯ ᑲᑎᒪᔨ. ᐅᖃᓚᐅᕋᒪᐃᓛᒃ ᐃᑉᐸᒃᓵᓂ ᒫᓐᓇ ᐃᓱᒪᓕᐅᕆᐊᖃᕐᓂᕐᒧᑦ ᐊᒡᒋᓕᖅᑐᒎᒐᓗᐊᖅ ᓂᕈᐊᕆᐊᖃᕋᑦᑕ ᓇᓕᐊᖕᓂᒃ ᐊᑐᕐᓂᐊᕐᒪᖔᑦᑕ, ᑲᑎᒪᔨᕋᓛᓪᓗ ᒪᓕᒐᓕᐅᖅᑏᑦ ᑖᒃᑯᐊ ᑐᓴᐅᒪᑐᐃᓐᓇᕐᓂᐊᖅᐸᒃᑲ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᒥᔅᑕ ᖃᕝᕕᒃ. ᖃᕝᕕᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᑦᑕᐅᖅ ᒥᓂᔅᑕ ᑭᐅᒐᕕᑦ. ᖃᖓᓕ ᐃᖅᑲᓇᐃᖅᑕᐅᒐᔭᖅᐸ ᐊᑐᓕᖅᑎᑕᐅᓗᑎᒡᓗ ᐊᓕᒎᔭᐃᑦ ᖃᕆᓴᐅᔭᕐᒧᑦ ᐅᐊᐃᔭᒃᓴᐃᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᖃᕝᕕᒃ, ᖁᔭᓐᓇᒦᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑖᖅ, ᐊᕐᕌᒍᖃᐃ ᕿᓯᐊᓂ ᐱᓕᕆᔭᐅᓛᕐᒥᔪᑦ ᓱᓕ ᒪᓕᒃᓯᒪᓂᐊᖅᑐᑦ ᑐᙵᕕᖃᕐᓂᐊᖅᑐᑦ ᐊᐅᓚᔾᔭᒃᑕᐅᕙᓪᓕᐊᔪᓂᑦ, ᐊᓯᖏᓐᓂᑦ ᐃᓱᒪᓕᐅᕈᑕᐅᔪᓂᑦ. ᐊᓯᖏᓐᓂᓪᓗ ᐱᓕᕆᐊᖅᓴᓂᑦ ᐊᒻᒪ ᑕᐱᖃᕐᓗᑕ ᐱᓕᕆᔾᔪᑎᒃᓴᐃᑦ ᐱᔭᕇᖅᑕᐅᑉᐸᑕ ᑭᓯᐊᓂ ᐊᕐᕌᒍ ᖃᐅᔨᒪᓂᖅᓴᐅᓂᐊᖅᑐᒍᑦ ᓇᒧᑦ ᐊᖅᑯᖕᒥᑦ ᐊᑐᕐᓂᐊᕐᒪᖔᑦᑕ, ᐃᓱᒪᓕᐅᕈᑎᒋᓂᐊᖅᑕᑎᓐᓂᑦ ᐱᓕᕆᐊᒃᓴᓄᑦ ᐃᑲᔪᖅᑐᖅᑕᐅᓂᕆᔭᖏᓐᓄᒡᓗ. ᑖᒃᑯᐊ ᐃᓱᒪᓕᐅᕈᑎᒋᔭᕗᑦ ᑖᔅᓱᒪ ᒥᔅᓵᓄᑦ ᑐᓴᒐᒃᓴᓕᒫᑦᑎᐊᑦ ᐱᓯᒪᔭᐃᓐᓇᕆᓗᒋᑦ ᐊᑐᕈᒪᒐᑦᑎᒍ, ᐊᒻᒪ ᓄᓇᕗᑦ ᐱᒻᒪᕆᐊᓘᒻᒥᖕᒪᑦ. ᑕᒪᖏᓪᓗᑕ ᐱᓕᕆᔪᒪᒐᑦᑕ ᑐᓴᒐᒃᓴᐃᑦ ᑐᓴᐅᒪᔾᔪᑏᑦ ᐱᐅᓂᖅᐹᑦ ᐱᓯᒪᓗᒋᑦ ᐃᓱᒪᓕᐅᕈᒪᒐᑦᑕ ᓄᓇᕗᒻᒧᑦ ᐃᑲᔪᖅᑐᐃᓂᖅᓴᐅᖁᒡᓗᒍ ᓄᓇᓕᖁᑎᒋᔭᖏᓐᓄᑦ ᐅᓄᕐᓂᖅᓴᓄᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᒥᔅᑕ ᖃᕝᕕᒃ. ᖃᕝᕕᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖃᓄᕐᓕ ᐱᓕᕆᕕᓯ ᐱᓕᕆᖃᑎᖃᖅᐸ ᒐᕙᒪᑐᖃᒃᑯᓐᓂᑦ ᐊᒻᒪ ᐊᑦᑐᖅᑕᐅᓯᒪᔪᓂᑦ ᓇᖕᒥᓂᖃᖅᑐᓂᑦ ᑮᓇᐅᔭᓂᑦ ᐱᓇᓱᒃᖢᑎᒃ, ᑖᓐᓇ ᓯᕗᒧᐊᑦᑕᐅᑎᑕᐅᓕᖅᐸᑦ ᐱᓕᕆᐊᒃᓴᖅ? ᖁᔭᓐᓇᒦᒃ, ᐃᒃᓯᕙᐅᑖᖅ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 33 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᕝᕕᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑐᑭᓯᓇᑦᑎᐊᕐᓂᖏᓐᓇᒪᖃᐃ. ᐅᓄᖅᑐᐊᓗᐃᑦ ᒫᓐᓇ ᐅᖃᐅᓯᕆᔭᐅᖕᒪᑕ ᐊᔾᔨᒌᖏᑦᑐᑦ ᒐᕙᒪᑐᖃᒃᑯᓐᓃᖓᖅᑐᑦ ᐊᒡᓚᕝᕖᓪᓗ ᐃᓗᐊᓂ ᓄᓇᕘ ᒐᕙᒪᒃᑯᖏᑕ ᐃᓗᐊᓂ. ᐅᖃᐅᓯᕆᔭᐅᖕᒪᑕ ᐃᓕᓴᖅᓯᔪᒪᒐᑦᑕ ᐊᖅᑯᑎᒥᑦ ᐊᑐᕐᓂᐊᖅᑕᑎᓐᓂᑦ ᑮᓇᐅᔭᖃᖅᑎᑦᑎᓂᖅ ᐱᔾᔪᑎᒋᓪᓗᒍ, ᒫᓐᓇ ᓇᓗᓈᕿᒻᒪᑦ ᓱᓕ. ᐃᓱᒪᓕᐅᕈᑎᒋᔭᕗᑦ ᑮᓇᐅᔭᓕᐅᕈᓐᓇᕐᓂᖅᐹᓄᑦ ᐊᔪᙱᓂᖅᐹᓄᑦ ᓄᓇᕗᒻᒥ ᐊᑲᐅᓛᒧᑦ ᐊᑐᕈᒪᒐᑦᑕ, ᐊᒻᒪ ᑮᓇᐅᔭᖃᖅᑎᑦᑎᔪᑦ ᑕᐃᒃᑯᐊ ᑕᐱᕆᔭᕗᑦ ᐊᑐᑦᑎᐊᖁᒡᓗᒋᑦ ᑮᓇᐅᔭᐃᑦ ᑐᓂᔭᐅᓯᒪᔪᑦ ᐊᑭᑦᑐᓗᐊᓂᐊᖏᒻᒪᑦ ᓄᓇᕗᒻᒥᐅᓄᑦ. ᑮᓇᐅᔭᖅᑐᕈᑎᒃᓴᐃᑦ ᑕᒪᒃᑯᐊ ᑲᓚᒋᒐᑦᑎᒍ ᐊᑐᕈᒫᖅᑐᑦ. ᑐᓴᐅᒪᑎᑕᐅᖕᒥᒐᒪ ᑲᑎᒪᖃᑎᒋᔭᐅᓂᐊᖅᑐᖅ ᑕᐃᒃᑯᐊ ᐊᑦᑐᖅᑕᐅᓂᐊᖅᑐᑦ ᐅᐊᔭᒐᓄᑦ ᖃᕋᓴᐅᔭᒃᓴᐃᑦ, ᖃᕋᓴᐅᔭᓄᑦ ᐱᑐᒍᑏᑦ ᐊᐅᔭᐅᓂᐊᖅᑐᖅ ᑲᑎᒪᔾᔪᑎᒋᔭᐅᓂᐊᖅᑐᖅ. ᒥᓂᔅᑕᐃᑦ ᑲᑎᒪᔨᖏᑦ ᑕᒪᒃᑯᐊ ᑲᑎᒪᔾᔪᑎᒋᓗᓂᒋᑦ ᓯᕗᒧᐊᒃᐸᓪᓕᐊᔪᓐᓇᕐᓂᐊᖅᑐᖅ ᐱᔪᓐᓇᖅᓯᑐᐊᕈᑎᒃ ᑲᒪᒋᔭᐅᓗᑎᒃ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᐊᑎᓕᐅᖅᓯᒪᔪᖅ, ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ, ᖁᔭᓐᓇᒥᒃ ᒥᓂᔅᑕ ᑕᒫᓃᒃᑲᔅᓯ ᐃᖅᑲᓇᐃᔭᖅᑎᓯᓗ. (ᑐᓵᔨᑎᒎᓕᖅᑐᖅ) ᐊᑭᑐᔪᑦ ᑭᖒᒪᔭᐅᔪᓄᑦ ᒥᑦᑕᕐᕖᑦ ᒥᔅᓵᓄᑦ ᓄᓇᕗᓕᒫᒥ. 2014ᒥ ᐊᑭᑐᔪᖅᑐᕈᑎᒃᓴᓄᑦ ᑭᖒᒪᔭᐅᔪᑦ ᕿᒻᒥᕕᒻᒥ ᒥᑦᑕᕐᕕᖓ, ᐸᓐᓂᖅᑑᓪᓗ ᒥᑦᑕᕐᕕᖓᑦ ᓇᓗᓇᐃᖅᑕᐅᓚᐅᖅᓯᒪᖕᒪᑕ ᓄᑦᑎᖅᑕᐅᒐᔭᕐᓂᖏᓐᓂᑦ. ᖃᐅᔨᓴᖅᑕᐅᖃᑦᑕᖅᓯᒪᖕᒪᑦ ᑭᖑᓂᑦᑎᓐᓂ 2014 ᑭᖑᕐᖓᒍᑦ. ᑐᓴᖅᑎᑕᐅᔪᒪᒃᖤᕋᓗᐊᖅᐳᖓ ᑖᔅᓱᒪ ᒥᒃᓵᓄᑦ ᖃᐅᔨᓴᕈᑎᕕᓃᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ, ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐅᖃᙳᐊᖅᑲᐅᔪᖓ ᐅᖃᖃᑎᖃᖅᑎᒡᓗᖓ ᒪᓕᒐᓕᐅᖅᑎᐅᖃᑎᓐᓂᑦ ᓴᓂᑭᓗᐊᕐᒥ ᒪᓕᒐᓕᐅᖅᑎᖓ ᐅᖃᐅᓯᖃᖅᑲᐅᖕᒪᑦ ᒥᑦᑕᕝᕕᖓ ᓄᑦᑎᑕᐅᖁᒡᓗᒍ, ᐊᒻᒪ ᐃᓕᔅᓯ ᒥᔅᑕ ᒪᐃᒃ ᓄᑦᑎᖅᑕᐅᓂᖓᓄᑦ ᐸᓐᓂᖅᑑ ᒥᑦᑕᕐᕕᖓᓂ. ᓄᑦᑎᕆᓂᕐᒥᒃ ᑖᒃᑯᐊ ᐅᖃᖅᑑᒃ, ᑖᓐᓇ ᒪᓕᒐᓕᐅᖅᑎᐅᖃᑎᖓᓄᑦ ᐃᓚᒋᔭᐅᒐᔭᕐᒥᔪᖅ ᕿᒻᒥᕈᑦ, ᑖᓐᓇᑦᑕᐅᖅ ᓇᓗᓇᐃᖅᑕᐅᓯᒪᓚᐅᒻᒥᒻᒪᑦ ᓄᑦᑎᖅᑕᐅᖁᒡᓗᒋᑦ ᒥᑦᑕᕐᕕᖁᑎᒋᔭᖏᑦ. ᐅᖃᖅᑏ, ᖃᐅᔨᒪᔪᖓ ᑖᒃᑯᐊ ᒥᔅᑕ ᒪᐃᒃᒧᑦ ᒪᓕᒐᓕᐅᕐᕕᒻᒥ ᐅᖃᖃᑎᖃᖃᑦᑕᖅᓯᒪᔪᖓ ᐊᐱᕆᑎᒡᓗᒋᑦ. ᑕᒪᒃᑯᐊ ᐊᑭᑦᑐᕋᐅᑎᐅᒻᒪᑕ ᒥᑦᑕᕐᕖᑦ, ᒥᕝᕖᒡᓗ ᖃᐃᖅᑲᖅᓴᖅᑕᐅᔭᕆᐊᓖᑦ ᑕᑭᓕᒋᐊᖅᑕᐅᔭᕆᐊᓖᒡᓗ. ᓄᑖᕈᕆᐊᖅᑕᐅᔭᕆᐊᖃᖅᑐᓪᓗ ᐅᑕᖅᑭᕖᑦ. ᑕᐃᒪᐃᓕᓚᐅᖅᓯᒪᔾᔮᙱᑦᑐᖅ, ᐅᖃᕈᓐᓇᙱᑦᑐᖓ ᐃᓚᐃᓐᓈᕆᒐᔭᕐᒪᑦ ᐃᓕᓴᖅᓯᓯᒪᒡᓗᑕᓗ ᑭᖒᒪᒃᓯᕐᒪᑕ ᓄᑦᑎᕆᐊᖃᕐᓂᕆᔭᖏᓐᓂᑦ ᒥᑦᑕᕝᕖᑦ ᐊᒻᒪ ᒥᕝᕖᑦ. ᐊᖑᒻᒪᑎᑦᑎᑦᑎᐊᖁᒡᓗᒋᑦ ᒥᑭᓐᓂᖅᐹᖑᒐᓗᐊᒃᑯᑦ ᒥᕝᕕᖁᑎᒋᔭᐅᔪᑦ ᓄᓇᓕᒡᓂ ᐊᖏᔪᒥᒃ ᐱᓕᕆᓚᐅᙱᓐᓂᑦᑎᓂ, ᓄᑦᑎᕆᓚᐅᙱᓐᓂᑦᑎᓂ ᒥᑦᑕᕐᕕᖕᒥ ᐱᓕᕆᕕᖁᑎᒋᔭᖏᓐᓂᑦ, ᐊᒃᓱᐊᓗᒃ ᐊᑭᑐᒐᔭᕐᒪᑦ. ᐊᕐᕌᒎᓐᓂᒃ ᒪᕐᕉᓂᒡᓘᓐᓃᑦ ᓄᖑᑦᑎᓪᓗᒋᑦ ᐊᑭᑐᔪᖅᑐᕈᑎᒃᓴᓄᑦ ᐊᑐᕐᓗᑕ ᓄᖑᓪᓗᒋᑦ ᓄᑦᑎᕆᔾᔪᑎᐅᒐᔭᖅᑐᑦ. ᐃᓱᒪᒋᔭᕋᓗᐊᕗᑦ, ᑭᓯᐊᓂ ᒫᓐᓇ ᓯᕗᓪᓕᐅᔾᔭᐅᓯᒪᖏᑦᑐᖅ, ᒫᓐᓇ ᐊᑭᑦᑐᕋᐅᑎᖕᒪᑕ ᐱᓕᕆᔭᐅᔪᒃᓴᓄᑦ ᓯᕗᓪᓕᐅᔾᔪᒃᓴᐃᑦ ᐱᖁᑎᑖᕆᐊᖃᕐᓂᖅ ᐱᔾᔪᑎᒋᒡᓗᒍ. ᐃᒻᒪᖄ ᓯᕗᓂᒃᓴᑎᓐᓂ ᕿᒥᕐᕈᓇᖅᑕᐅᔪᖅ, ᑭᓯᐊᓂ ᐊᑭᑐᔪᖅᑐᕈᑎᒃᓴᑎᓐᓂᑦ ᐸᕐᓇᐅᑎᓃᖏᑦᑎᐊᖅᑐᑦ ᑖᒃᑯᐊ. ᐱᓕᕆᔭᐅᓂᒃᓴᖓᓂᑦ, ᐅᖃᐅᓯᕆᕋᑖᖅᑕᖓ ᑲᑎᒪᔨᐅᑉ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᒥᔅᑕ ᒪᐃᒃ, ᐊᑏ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 34 ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ, ᖁᔭᓐᓇᒥᒃ ᒥᓂᔅᑕ. ᐄ’, ᐊᑭᑭᑦᑐᖅᑕᖃᔾᔮᕈᓐᓃᕐᖓᑦ ᐅᓪᓗᒥ ᐱᒻᒪᕆᐸᓗᒻᒥᒃ, ᐊᒻᒪᓗ ᐊᔪᕐᓇᕈᓐᓃᖅᑐᓂ ᐊᑭᑐᒐᓗᐊᖅᐸᑕ ᓱᓇᑐᐃᓐᓇᐃᑦ. ᐊᖏᕋᓱᐊᖅᑐᒍᑦ ᒫᓐᓇ $3.7 ᐱᓕᐊᓐᓂᑦ ᑲᑎᓪᓗᒋᑦ ᑮᓇᐅᔭᖅᑐᕈᑎᒋᓂᐊᖅᑕᕗᑦ, ᑲᑎᓕᒫᕐᓗᒋᑦ. ᐃᓛᒃ, ᐸᓐᓂᖅᑑᖅ ᒥᕝᕕᖓ ᓇᐃᓗᐊᕐᓂᑯᖓᓄᑦ ᖃᖓᑕᓯᐅ ᐅᓯᔪᓐᓇᕐᓂᓕᒫᖓᓄᑦ ᑎᑭᐅᑎᓯᒪᖏᒻᒪᑦ, ᑕᓐᓇ ᐱᔾᔪᑎᒋᓪᓗᒍ ᓂᐅᕕᐊᔅᓴᐃᑦ ᐸᓐᓂᖅᑑᒧᑦ ᑎᑭᑦᑐᑦ ᖃᖓᑕᓲᒃᑯᑦ ᐊᑭᑦᑐᓂᖅᐹᖑᖃᑕᐅᖃᑦᑕᖅᑐᑦ, ᐊᑭᓖᖃᑦᑕᓂᖅᐹᖑᔪᒍᑦ ᑕᒪᐅᓇ ᕙᓪᓚᐃᔪᒍᑦ ᒥᕝᕕᕗᑦ ᓇᐃᓗᐊᕐᓂᑯᖓᓄᑦ. ᑖᓐᓇᐃᓚᒃ ᓄᑖᖑᖏᑎᐊᕐᖓᑦ, ᐃᔅᓯᕙᐅᑖᖅ ᐅᖃᕆᐊᒃᑲᓐᓂᕈᒪᑐᐃᓐᓇᖅᑐᖓ ᑕᐃᑲᖓᑦ 2014 ᑕᕝᕗᖓ 2017ᒧᑦ ᑎᑭᑦᑐᒍ, (ᑐᓵᔨᑎᒎᓕᖅᑐᖅ) MMNGroupᑯᑦ ᐅᓄᖅᑐᓂᑦ ᐱᔭᕇᖅᓯᓚᐅᕐᒪᑕ ᐃᑲᔪᖅᑐᐃᓪᓗᑎᒃ ᒥᑦᑕᕝᕕᒃᓴᒥᒃ ᓄᑖᒥ ᐸᓐᓂᖅᑑᕐᒥ ᐃᑲᔪᖅᑐᐃᒡᓗᑎᒃ. ᒥᑦᑕᕝᕕᐅ ᓄᑦᑎᑕᐅᓂᖓ (ᑐᓵᔨᑎᒎᕈᓐᓃᖅᑐᖅ) ᑖᓐᓇ ᐱᔾᔪᑎᒋᓪᓗᒍ ᐋᖅᑭᒋᐊᕈᑕᐅᒐᔭᖅᑐᖅ ᐸᓐᓂᖅᑑᒥᐅᓄᑦ ᓇᓗᓇᖏᒻᒪᑦ ᐊᓯᐊᓄᑦ ᓅᑕᐅᓂᖅᑲᑦ ᐊᑐᕆᐊᖅᑖᕋᔭᖅᑲᓪᓗ ᑕᑉᐸᐅᖓ ᖃᖅᑲᐃᑦ ᖄᖓᓅᖓᔪᒥᑦ ᑖᕗᖓ ᐸᓐᓂᖅᑑ ᐃᑎᕕᐊᓄᑦ, ᑖᓐᓇ ᐊᔅᓱᐊᓗᒃ ᐃᑲᔪᕋᔭᖅᑐᖅ, ᐋᖅᑭᐸᓪᓕᒍᑕᐅᒐᔭᖅᑐᖅ. ᑖᒃᑯᐊ ᑭᓯᐊᓂ ᖃᐅᔨᓴᖅᑕᐅᒍᑎᒥᓂᖏᑦ ᑕᐃᔅᓱᒪᓂ ᖃᐅᔨᓴᖅᑕᐅᑎᓪᓗᒍ ᓂᖃᖅᑎᓪᓗᒍ, ᓇᓗᓇᖏᑦᑐᖅ ᐸᓐᓂᑑᕐᒥᐅᑦ ᒫᓐᓇ ᐊᑦᑕᓇᖅᑐᒦᑉᐸᑦᑐᑦ, ᐅᓗᕆᐊᓇᖅᑐᒥ ᐱᔾᔪᑎᒋᓪᓗᒍ ᓄᓇᓕᑦ ᐊᑯᓐᓂᖓᓃᒻᒪᑦ. ᖃᖓᑐᐃᓐᓇᑦᑎᐊᖅ, ᒪᒥᐊᓇᖅᑐᒧᖅᑲᐃ ᓴᖅᑭᖅᑐᖃᕈᓐᓇᖅᑐᖅ ᐱᔾᔪᑎᒋᓪᓗᒍ ᒥᕝᕕᐅ, ᒥᕝᕕᒃ ᑖᓐᓇ ᐸᓐᓂᑑᖅ ᐊᑯᓐᓂᖓᓃᒻᒪᑦ ᓄᓇᓕᖓᑦᑕ. ᑕᐃᒃᑯᐊ ᖃᐅᔨᓴᕈᑎᒥᓃᑦ ᑕᐃᑲᓂ ᓇᒧᖓᓂᕐᖓᑕᑭᐊᖅ. ᑭᓯᐊᓂ ᒥᓂᔅᑕ ᑐᑭᓯᑦᑎᐊᕋᑖᕋᒃᑯ ᒥᕝᕕᓖᑦᑕᐅᖅ ᓄᓇᓖᑦ ᐊᓯᖏᑦ ᐱᔭᕆᐊᖃᕐᒥᒻᒪᑕ, ᐸᓐᓂᖅᑑᑉ ᐱᖏᔾᔪᑎᒋᖃᑦᑕᖅᑕᖓ ᑖᓐᓇ ᓇᓗᓇᖏᑦᑐᖅ. ᒥᓂᔅᑕᖃᐃ, ᑖᒃᑯᐊ ᐅᖃᐅᓯᕆᔭᖏᑦ ᐸᓐᓂᖅᑑᖅ, ᑭᒻᒥᕉᓪᓗ ᒥᕝᕕᖓᑕ ᓴᖅᑭᑕᐅᖃᑦᑕᖏᓐᓂᖓ ᒫᓐᓇᐅᔪᖅ ᐱᔾᔪᑎᒋᓪᓗᒍ ᐊᑭᑦᑐᕋᐅᑎᒻᒪᑕ ᓄᓇᓖᑦ ᐱᔭᕆᐊᖃᕐᓂᖅᓴᐃᑦ ᐃᒪᐃᓕᐅᕐᖓᑦ. ᑎᑎᕋᖅᓯᒪᓗᒋᖅᑲᐃ ᑖᒃᑯᐊ ᒪᓕᒐᓕᐅᖅᑎᓄᑦ ᓴᖅᑭᕈᓐᓇᓛᖅᑲᐃᑦ ᐅᖃᐅᓯᕆᖅᑲᐅᔭᖏᑦ ᐸᓐᓂᖅᑑᑉ ᒥᕝᕕᖓᑕ ᓅᑕᐅᒍᓐᓇᖏᔾᔪᑎᖓ ᐊᒻᒪᓗ ᑭᒻᒥᕉ ᒥᕝᕕᖓᑕ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᑲᔪᓯᒋᑦ ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖃᐅᔨᒪᑉᓗᖓ 2014-ᒦᒻᒪᑦ ᐅᖃᓵᕐᒪᑦ, ᖃᐅᔨᓴᕐᓂᐅᓯᒪᔪᒥᑦ ᑭᓯᐊᓂ ᐅᖃᐅᓯᕆᔭᖓᓄᑦ ᑐᓴᐅᒪᓗᐊᙱᑐᐃᓐᓇᖅᑐᖓ. ᐄ’, ᐊᒃᓲᑦ, ᐄ’ ᑭᐅᒍᓐᓇᕋᓱᕋᔭᖅᐸᕋ ᑎᑎᖅᑲᑎᒍᑦ ᖃᓄᐃᓕᖓᓕᕐᓂᖓᑕ ᓅᑕᐅᒐᔭᕐᓂᒃᓴᖓᓄᑦ. ᐅᖃᒋᐊᓪᓚᕈᒪᑐᐃᓐᓇᖅᓱᒍ, ᐄ’, ᐃᓕᑕᕆᔭᕗᑦ ᐅᖃᓵᕐᒪᒍ ᒪᓕᒐᓕᐅᖅᑎᐅᑉ ᐊᑦᑕᓇᑦᑕᐃᓕᒋᐊᖃᕐᓂᖅ. ᐃᓚᒋᔭᖓ ᑕᐃᒪ ᐅᑭᐅᖅ ᐸᕐᓇᒃᑲᓗᐊᖅᑐᒍᑦ ᐸᓐᓂᖅᑑᑉ ᒥᑦᑕᕝᕕᓪᓚᑦᑖᖓᑕ ᖄᖓ ᑲᒪᒋᔭᐅᑦᓯᐊᕆᐊᓛᕐᒪᑦ, ᐄ’, ᐊᑦᑕᓇᑦᑕᐃᓕᒋᐊᖃᕐᓂᖅ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᑲᔪᓯᒋᑦ ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᒃᑯᐊ ᐊᐱᖅᓲᑎᒋᕋᑖᖅᑕᒃᑲ ᑕᕝᕙᓂ ᑖᒃᑯᓇᖔᖓᔪᑦ (ᑐᓵᔨᑎᒎᓕᖅᑐᖅ) ᓄᓇᕗᑦ ᒥᑦᑕᕝᕖᑦ ᐊᕙᑎᓄᑦ ᐊᕐᕌᒍᓄᑦ ᖃᐅᔨᓴᖅᑕᐅᒍᑎᒥᓂᖏᓐᓂᑦ ᓄᑕᐅᓯᖅᓯᒪᔪᓂ 2020ᒥᒃ 2040ᒧᑦ. (ᑐᓵᔨᑎᒎᕈᓐᓃᖅᑐᖅ) ᑖᒃᑯᐊ ᐊᑐᐊᕋᑖᖅᑕᒃᑲ ᑕᕝᕙᓃᑦᑐᑦ, ᒐᕙᒪᒃᑯᑦ ᐸᐃᑉᐹᖁᑎᖏᓐᓂ, (ᑐᓵᔨᑎᒍᑦ) ᐸᐃᑉᐹᖁᑎᓐᓂ (ᑐᓵᔨᑎᒎᕈᓐᓃᖅᑐᖅ) ᐋᒡᒐᓕᐊᓯᑦ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 35 ᑖᓐᓇᐃᓛᒃ ᐃᓱᒪᒋᔭᐅᖁᓪᓚᕆᑦᑕᕋ ᑭᖑᕙᓚᐅᖏᓂᑦᑎᓐᓂᑦ ᑖᓐᓇ ᐸᓐᓂᖅᑑ ᒥᕝᕕᖓ ᐊᑯᓐᓂᖓᓃᒻᒪᑦ, ᐊᒻᒪ ᐊᓯᐊᓂᑦ ᓇᓂᓯᔪᖃᖅᓯᒪᓚᐅᖅᓯᒪᓪᓗᓂ ᖃᐅᔨᓴᕐᓂᒃᑯᑦ ᑕᑉᐹᓂ ᖃᖅᑲᑦᑎᐊᕚᓗᖏᑕ 1000 ᒦᑕᓂᑦ ᐳᖅᑐᓂᓕᒃ ᑕᑉᐹᓂ ᖄᖓᓂ ᐱᑕᓕᒃ ᒥᕝᕕᔅᓴᒥᑦ, ᐊᑐᕆᐊᓕᐅᑐᐃᓐᓇᕆᐊᓕᒃ ᐃᒪᐃᓕᖓᔪᖅ, ᐊᒻᒪ ᐊᑐᕆᐊᓕᐅᕋᔭᖅᑲᑕ ᑕᒪᓐᓇ ᓯᓚᐅ ᐊᓯᔾᔨᐸᓪᓕᐊᓂᖓ ᐊᑲᐅᓈᕈᑎᓪᓚᕆᒃᑲᔭᖅᑐᖅ ᐸᓐᓂᑑᕐᒥᐅᓄᑦ ᓄᓇᒃᑰᓂᖅᓴᐅᖃᑦᑕᓕᕐᖓᑕ ᓯᑯᖃᕈᓐᓇᐃᓕᒻᒪᑦ ᒫᓐᓇᐅᔪᖅ, ᐄᑉᐳᓘᒥ ᐱᒋᐊᖅᑐᓂ ᐃᓛᓐᓂᒃᑯᑦ ᑕᐃᒪᐃᕐᐸᑦᑐᖅ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐅᖃᖅᑕᖏᑦ ᑎᑎᖅᐸᖏᑦ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐊᓯᖏᑦ ᓱᓕ ᐊᐱᖅᑯᑎᒃᓴᑦ, ᑖᒃᑯᐊ ᐱᖁᑎᕐᔪᐊᓕᕆᔨᒃᑯᑦ ᖁᑎᖏᑦ ᐱᓪᓗᒋᑦ. ᐱᑕᖃᖏᑕᐃᓐᓇᕐᒪᑦ. ᒪᓕᒐᓕᐅᖅᑏᑦ ᐊᖏᖅᐸᑦ ᐃᖏᕐᕋᔪᓕᕆᔨᒃᑯᑦ ᐱᖁᑎᕐᔪᐊᓕᕆᔨᒃᑯᑦ ᑲᑎᑦᑐᒋᑦ ᐊᐅᓚᔾᔪᑎᓄᑦ $149,266,000-ᒥᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᖁᔭᓐᓇᒦᒃ. ᒪᑉᐱᒐᖓᓅᕐᓗᑎᑦ J-9. ᕿᒥᕐᕈᓂᐊᓕᕐᒥᔭᕗᑦ ᐃᖏᕐᕋᔪᓕᕆᔨᒃᑯᑦ ᐃᖏᕐᕋᔪᓕᕆᔨᖁᑎᖏᑦ ᑲᑎᑦᑐᒋᑦ ᐊᐅᓚᔾᔪᑎᓄᑦ $55,289,000. ᐊᐱᖅᑯᑎᒃᓴᖃᖅᐸᑦ ᒪᓕᒐᓕᐅᖅᑏᑦ? ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐆᒃᑑᕝᕗ 18, 2019, ᓄᓇᕘ ᒐᕙᒪᒃᑯᑦ ᒪᒥᓇᑎᑦᓯᓚᐅᖅᓯᒪᕗᑦ ᐊᑭᑦᑐᕋᐅᑎᒃᓴᒥᑦ ᑕᕆᐅᕐᒥᐅᑕᓕᕆᓂᕐᒧᑦ ᖃᐅᔨᓴᕐᓂᕐᒥᑦ. 2025-2026 ᐸᕐᓇᐅᑎᔅᓴᖅ ᐅᖃᖅᓯᒪᒻᒪᑦ, ᓯᕗᓪᓕᐅᔾᔭᐅᖃᑕᐅᔪᓂᑦ ᐋᖅᑮᓗᑎᒃ ᐊᑐᓕᖅᑎᑦᓯᒍᑎᑦᓴᒧᑦ ᐸᕐᓇᐅᑎᒥᒃ, ᓯᕗᓪᓕᐅᔾᔨᓗᑎᒃ ᐱᓕᕆᐊᒃᓴᓂᑦ ᐊᒻᒪᓗ ᐱᓇᓲᑎᐅᒍᓐᓇᖅᑐᓂᑦ, ᐊᑐᐃᓐᓇᐅᒍᓐᓇᖅᑐᓂᓗ ᒐᕙᒪᒃᑯᓐᓄᑦ ᐃᑲᔫᑎᓄᑦ, ᐊᒻᒪ ᑕᕆᐅᒧᑦ ᐊᑐᕈᓐᓇᖅᑐᓂᑦ ᓴᓇᒋᐊᓕᓐᓂᑦ. ᒪᓕᑦᑐᒋᑦ ᐅᖃᖃᑎᒌᓐᓂᐅᓯᒪᔪᑦ, ᖃᐅᔨᓴᕐᓂᐅᓯᒪᔪᖅ ᐊᑕᖏᖅᑐᒥᑦ ᑐᓚᑦᑕᕐᕕᓕᕆᓂᕐᒧᑦ. ᐸᕐᓇᐅᑏᑦ ᐅᖃᖅᓯᒪᒻᒥᔪᑦ, ᐸᕐᓇᐅᑎᖄᓂᑉᐸᓪᓕᐊᒋᐊᖓ ᐃᕕᖅᑎᕈᑎᒃᓴᒧᑦ. ᖃᖓᒃᑯᑦ ᑭᖑᓪᓕᖅᐹᖓᓂ ᐅᓂᒃᑳᓕᐅᕐᓂᖃᓛᖅᐸ ᐊᑕᖏᖅᑐᒥᑦ ᖃᐅᔨᓴᕈᑎᐅᔪᒥᑦ ᓴᓇᒋᐊᓕᓐᓂᑦ ᑕᕆᐅᕐᒧᑦ ᐊᑐᖅᑐᓂᑦ ᖃᐅᔨᓴᕐᓂᐅᓯᒪᔪᒥᑦ, ᐊᑐᓕᖅᑎᑕᐅᓂᒃᓴᖓᓄᓪᓗ. ᐃᒡᓗᒧᑦ ᖃᖓᒃᑯᑦ ᓴᖅᑭᑕᐅᔪᒫᖅᐸ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᑉᓗᑦᓯᐊᖅ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᒫᓐᓇᐅᔪᖅ ᐸᕐᓇᐅᑎᖃᙱᑦᑐᒍᑦ ᐅᓂᒃᑳᒥᒃ. ᒪᑉᐱᒐᓗᐊᖅᑐᑦ 800-ᖓᓅᕐᒪᑕ ᐱᔭᕆᑐᓪᓗᑎᒃ, ᑮᓇᐅᔭᖅᑐᓪᓚᕆᒃᑲᔭᖅᑐᖅ ᐃᖅᑲᓇᐃᔮᕆᓗᒍ ᐱᔭᕇᑦᓴᕆᐊᖃᕋᔭᕋᓗᐊᕆᓪᓗᑎᒃ ᐃᓄᑦᑎᑑᓕᖅᑎᑕᐅᒋᐊᖃᕐᓂᖏᑦ. ᖃᓄᐃᑦᓴᖏᑦᑎᐊᖅᑐᖓ ᓴᖅᑭᒋᐊᖏᑕ ᑖᒃᑯᐊ ᐱᓕᕆᔨᖃᑎᒃᑲ ᖃᓄᖅ ᑕᐃᒪᐃᒍᓐᓇᕋᔭᕐᒪᖔᑦᑕ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᐊᓯᖏᓪᓗ ᐊᐱᖅᑯᑎᔅᓴᑦ? ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕝᕕᓯ 2026-2030 ᐸᕐᓇᐅᑎᓯ ᐅᖃᖅᓯᒪᕗᑦ ᐸᕐᓇᑎᒃᓴᖅ ᐃᓚᖓ 2026-2027-ᒥ ᐊᑕᖐᓗᑎᑦ ᓄᓇᕗᓕᒫᒥ ᐊᖅᑯᑕᐅᔪᓐᓇᕋᔭᖅᑐᒧᑦ ᖃᐅᔨᓴᕐᓂᕐᒥᒃ ᓇᓗᓇᐃᕆᓗᑎᑦ ᐱᓕᕆᐊᒃᓴᐅᒍᓐᓇᕋᔭᖅᑐᓂᑦ ᐊᑭᑐᔫᑎᔅᓴᓄᑦ ᐸᕐᓇᐅᑎᓄᑦ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 36 ᖃᓄᖅ ᐊᔾᔨᒋᙱᑕᖓᓂ ᐱᓂᐊᖅᐸᑦ ᓯᕗᓂᐊᓂ ᐅᓂᒃᑳᓕᐅᖅᓯᒪᔪᑦ ᒥᑦᑕᕐᕕᖕᓂᑦ ᐊᒻᒪᓗ ᑐᓚᕝᕕᔅᓴᓂᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖁᓕᒃᑖᓇ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑐᑭᓯᓯᒪᔪᒍᑦ ᓯᕗᓪᓕᐅᑎᒐᔅᓴᓂᑦ ᐱᓂᐊᓕᕌᖓᑦᑕ, ᐊᓯᔾᔨᓴᐃᓐᓇᖅᐸᙱᑦᑐᑦ, ᐅᕙᒍᓪᓕ ᐱᓕᕆᐊᑦᓴᖃᑦᓯᐊᓂᖅᓴᐅᓕᕐᓗᑕ ᖃᓄᖅ ᓯᕗᓂᐊᓂ ᐊᔾᔨᐅᙱᕙᓚᐅᕐᒪᖔᖅ ᓯᕗᓪᓕᐅᔾᔭᐅᕙᑦᑐᓄᑦ. ᒥᔅᑕ ᓰᓕ ᐅᖃᖅᑲᐅᒻᒪᑦ ᐃᒃᓯᕙᓯᕙᑦᑐᒍᑦ ᓇᓗᓇᐃᕆᒐᓱᑦᑐᑕ ᐊᑭᑐᔫᑎᔅᓴᓄᑦ ᐱᓕᕆᐊᒃᓴᓂᑦ ᓯᕗᒧᐊᕈᑎᔅᓴᓂᑦ, ᑭᓯᐊᓂ ᐊᓯᔾᔨᕈᑎᔅᓴᕗᑦ ᐅᖃᐅᓯᖃᖅᐸᓪᓕᐊᓯᒪᒻᒥᔪᒍᑦ ᐱᓕᕆᔨᖃᑎᒃᑲᓗ ᐊᔾᔨᒌᙱᓐᓂᖏᑦ ᓴᓇᒋᐊᖃᓪᓚᑖᖅᑐᑦ ᐊᒻᒪᓗ ᓴᓇᔭᐅᖁᔭᐅᔪᑦ. ᑖᒃᑯᐊ ᓴᓇᒋᐊᖃᓪᓚᕆᑦᑐᓪᓕ ᒪᑯᐊ ᐊᑦᑕᓇᖅᑕᐃᓕᓂᕐᒨᓕᖓᕙᑦᑐᑦ ᓴᐳᔾᔭᐅᓯᒪᖁᓪᓗᒋᑦ ᓄᓇᓕᕗᑦ. ᑕᐃᒪᓐᓇ ᑭᓯᐊᓂ ᑭᐅᒍᓐᓇᖅᐳᖓ ᒫᓐᓇ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ, ᖁᔭᓐᓇᒦᓪᓗ ᒥᓂᔅᑕ ᑭᐅᓂᕆᔭᓐᓄᑦ. ᐱᓕᕆᕝᕕᓯ 2022-2023 ᐊᕐᕌᒍᑕᒫᖅᓯᐅᑦ ᐅᓂᒃᑳᖏᑦ ᐊᓪᓚᕝᕕᓕᕆᓂᖏᑕ ᓄᓇᓖᑦ ᐃᖏᕐᕋᔪᓕᕆᔨᒃᑯᑦ ᐱᓕᕆᐊᒃᓴᖓᑦ ᐃᓪᓗᒨᖅᑕᐅᓚᐅᖅᓯᒪᕗᖅ ᓴᖅᑭᑕᐅᓪᓗᓂ ᓰᑏᕝᕙ 11, 2025-ᒥ. ᖃᖓᒃᑯᓪᓕ 2023-2024, 2024-2025 ᐊᒻᒪᓗ 2025-2026 ᐊᕐᕌᒍᑕᒫᖅᓯᐅᑎᑦ ᐅᓂᒃᑳᖏᑦ ᓴᖅᑭᑕᐅᔪᒫᖅᐸᑦ ᐃᓪᓗᒧᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᑕ ᖁᓕᒃᑖᓇ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ, ᖁᔭᓐᓇᒦᖅᐸᕋ ᒪᓕᒐᓕᐅᖅᑎᐅᑉ ᓴᖅᑭᕐᒪᒍ. ᒪᓕᒋᐊᑐᙱᒃᑲᓗᐊᖅᑐᖓ ᓴᖅᑮᓂᖅ ᑭᓯᐊᓂ 2023-2024 ᓴᖅᑭᑕᐅᔪᒫᖅᑐᖅ ᐅᑭᐊᔅᓵᖅ ᐊᕐᕌᒍᑕᒫᖅᓯᐅᑎ. ᓱᓕ ᓄᓇᓕᓐᓂ ᕼᐋᒻᒪᓚᓂᑦ ᐅᑕᖅᑭᔪᒍᑦ ᑐᓴᕋᒃᓴᖁᑎᖏᑦ ᑲᑎᑕᐅᒋᐊᖃᕐᓂᖏᓐᓂ ᐊᕐᕌᒍᑕᒫᖅᓯᐅᑎᒧᑦ ᐃᓚᔭᐅᓗᑎᑦ. ᐱᔭᕇᖅᐸᑦ ᓂᕆᐅᑦᓯᐊᖅᐳᖓ ᓴᖅᑭᓛᕋᒃᑯ ᐊᒻᒪᓗ ᐊᕐᕌᒍᓂᑦ ᐊᒡᒋᖅᑐᓂᑦ ᐊᓯᖏᑦ ᓴᖅᑭᕈᒫᕐᓂᐊᕐᓗᑎ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐅᓇᓃᑦᑐᒧᑦ ᑐᓚᑦᑕᕐᕕᐅᑉ ᒥᔅᓵᓄᑦ ᐸᓐᓂᖅᑑᒥ. ᓇᓗᓇᐃᖅᑕᐅᕋᑖᔪᒻᒪᑦ ᐸᓐᓂᖅᑑᖅ ᑐᓚᑦᑕᕐᕕᖓ ᓴᓇᒋᐊᖅᑕᐅᓂᐊᕐᖓᑦ ᐋᖅᑭᒋᐊᖅᑕᐅᑲᓐᓂᕐᓗᓂ ᑕᒪᓐᓇ ᑕᒫᓂ ᐊᕐᕌᒍᒥ ᐸᕐᓇᑕᐅᕙᓗᑦᑐᓂ. ᓇᓗᓇᐃᖅᓯᒋᐊᒃᑲᓐᓂᕈᓐᓇᒪᖔᖅ ᑖᒃᑯᐊ ᕼᐋᒻᒪᓚᒃᑯᑦ ᑲᑎᒪᔨᖏᑦ ᐸᓐᓂᖅᑑᒥ ᑲᒪᕙᓪᓗᖃᑦᑕᒥᒻᒪᑕ ᑕᐃᒪᐃᑦᑐᓄᑦ. ᑖᓐᓇ ᓇᓗᓇᐃᖅᑕᐅᓚᐅᕐᓂᖓ ᑮᓇᐅᔭᔅᓴᖓ ᖃᓄᓪᓚᕆᒃ ᐋᖅᑭᒋᐊᕈᑎᔅᓴᖓᓄᑦ, ᓱᓇᒥ ᐋᖅᑭᒋᐊᖅᑐᖃᕐᓂᐊᕐᒪᖔᖅ ᖃᐅᔨᒪᒻᒪᖔᖅ ᒥᓂᔅᑕ ᑐᓚᑦᑕᕐᕕᐅᑉ ᒥᔅᓴᓄᑦ ᐸᓐᓂᖅᑑᒥ? ᐊᐱᕆᔭᕋ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑐᓴᐅᒪᓗᐊᙱᓇᒃᑯ ᐱᓕᕆᐊᒃᓴᖅ ᕼᐋᒻᒪᓚᒃᑯᓪᓘᕝᕙ ᐱᓇᓱᒃᓯᒪᒻᒪᒍ. ᐃᒻᒪᖃ ᒥᔅᑕ ᓰᓕ ᐅᖃᖃᑎᖃᕈᓐᓇᕋᔭᖅᐳᖅ ᓄᓇᓕᖕᓂ ᐱᔨᑦᑎᖅᑎᒃᑯᓐᓄᑦ ᑭᐅᑦᑎᐊᓂᖅᓴᕆᒍᓐᓇᓛᕋᒃᑯ ᒪᓕᒐᓕᐅᖅᑎ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᕼᐃᒃᔅ. ᑲᔪᓯᒋᑦ ᒥᔅᑕ ᒪᐃᒃ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 37 ᒪᐃᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ ᖃᐅᔨᒋᐊᕐᓂᐊᕋᕕᑦ. ᑕᐃᒪ ᐃᒪᕐᒥᐅᑕᓕᕆᔨᒃᑯᑦ ᒥᓂᔅᑕᖓᑦ ᐊᒻᒪᓗ ᑕᒪᒃᑯᓄᖓ ᐅᑭᐅᖅᑕᖅᑐᓄᑦ ᑲᒪᖃᑦᑕᖅᑐᐃᑦ ᒥᓂᔅᑕᐃᑦ ᓇᓗᓇᐃᖅᓯᔪᒻᒪᑕ ᑖᓐᓇ ᐸᓐᓂᖅᑑᖅ ᑕᒫᓂ ᐊᕐᕌᒍᒥ ᑮᓇᐅᔭᓂᑦ ᐊᑐᐃᓐᓇᕈᐃᕕᐅᒻᒪᑦ ᐋᖅᑭᒋᐊᕈᑎᔅᓴᖓᓄᑦ ᓱᓇᐅᕝᕙ ᑐᓴᐅᒪᙱᑕᐃᑦ. ᑖᓐᓇ ᑕᕝᕙᓂ ᑐᓚᑦᑕᕐᕕᓕᕆᓂᖅ ᒥᓂᔅᑕᒧᑦ ᑲᒪᒋᔅᓴᔭᐅᒻᒪᑦ. ᑖᒃᑯᐊᖃᐃ ᐃᖅᑲᓇᐃᔭᖅᑎᖏᑦ ᑎᓕᔪᓐᓇᖅᑲᖏᑦ ᖃᐅᔨᒪᓇᓱᔾᔫᒥᖃᑦᑕᖁᓪᓗᒋᑦ ᑕᒪᒃᑯᓄᖓ ᑲᓇᑕᐅᑉ ᒐᕙᒪᒃᑯᖏᓐᓄᑦ ᓇᓗᓇᐃᖅᑕᓂᑦ ᓄᓇᓕᓐᓄᑦ ᑐᕌᖓᓂᐊᖅᑐᑦ ᐊᑭᑐᔫᑎᑦ. ᑖᓐᓇ ᐸᓐᓂᖅᑑᒥ ᐋᖅᑭᒋᐊᕆᐊᖃᓪᓚᕆᒻᒪᑦ ᑐᑭᓯᓯᒪᑦᑎᐊᕆᐊᖃᕐᖓᑕ ᐸᓐᓂᖅᑑᕐᒥᐅᑦ ᓇᐅᒃᑯᓪᓚᕆᒃ ᐋᖅᑭᒋᐊᖅᑕᐅᓂᐊᕐᒪᖔᖅ. ᐋᖅᑭᒋᐊᕆᐊᓕᒃ ᑕᐃᒪᙵᑦ ᒪᑐᐃᓚᐅᖅᓯᒪᒻᒪᑦ 2013-ᒥ ᐅᓪᓗᒥ ᐊᔾᔨᒋᙱᑦᑎᐊᓕᖅᑕᖓ ᑕᐃᒪᐃᓚᐅᖅᓯᒪᒻᒪᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᓕᐊᓇᐃᑦ ᐅᖃᕐᒪᒋᑦ ᒪᓕᒐᓕᐅᖅᑎᐅᑉ. ᑕᑯᓐᓇᕌᖓᑕ ᒐᕙᒪᑐᖃᒃᑯᓐᓂ ᑮᓇᐅᔭᔅᓴᖃᕈᑕᐅᔪᓂᑦ ᖃᐅᔨᒋᐊᑦᑎᐊᕆᐊᖃᓲᖑᒻᒥᒐᑦᑕ ᐃᒪᕐᒥᐅᑕᓕᕆᔨᒃᑯᓐᓂ ᑭᓲᒻᒪᖔᖅ ᐸᕐᓇᐅᑦ. ᖁᓚᙱᓚᖓ ᑖᒃᑯᐊ ᐱᓕᕆᔨᖁᑎᒃᑲ ᓴᓂᓐᓃᑦᑐᑦ ᐊᒻᒪᓗ ᒥᔅᑕ ᓯᒪᐃᓚᒃ ᐱᓕᕆᔨᖏᓪᓗ ᑯᓄᓪᓗ ᐊᕙᑎᓕᕆᔨᒃᑯᑦ ᐱᓕᕆᔨᖏᑦ ᑕᐃᒪᐃᒻᒪᑕ. ᐅᖃᕈᓐᓇᖅᐳᖓ ᒪᓕᒐᓕᐅᖅᑎᓂ ᐊᔾᔨᒌᙱᑦᑐᓂᑦ ᒐᕙᒪᑐᖃᒃᑯᑦ ᑮᓇᐅᔭᖁᑎᖏᓐᓂ ᐊᖏᓛᒥᒃ ᐊᑐᕋᓱᑉᐸᑲᑦᑎᒍ ᐊᑦᑕᓇᖅᑕᐃᓕᓂᕐᒧᑦ ᖃᓄᐃᙱᑦᑎᐊᓂᕐᒧᑦ ᓄᓇᓖᑦ ᓯᕗᓪᓕᐅᔾᔨᖃᑦᑕᕋᑦᑎᒍ. ᐄ’, ᐊᖏᖅᓯᒪᐃᓐᓇᐸᒃᑲᒪ ᐊᖏᖅᓯᒪᓂᐊᖅᐳᖓᓗ ᒪᓕᒐᓕᐅᖅᑎᒧᑦ ᖃᐅᔨᒋᐊᒃᑲᓂᕐᓂᐊᕐᓗᒍ ᐊᒻᒪᓗ ᑭᐅᒐᓱᒍᓐᓇᕐᓗᖓ ᑎᑎᖅᑲᑎᒍᑦ ᒪᓕᒐᓕᐅᖅᑎᒧᑦ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᓱᓕ ᐊᐱᖅᑯᑎᔅᓴᑦ ᐃᖏᕐᕋᔪᓕᕆᓂᕐᒧᑦ ᐱᖁᑎᕐᔪᐊᓕᕆᓂᕐᒧᑦ? ᑕᑯᙱᑕᐃᓐᓇᕋᒪ, ᒪᓕᒐᓕᐅᖅᑏᑦ ᐊᖏᖅᐸᑦ ᐃᖏᕐᕋᔪᓕᕆᔨᒃᑯᑦ ᐱᖁᑎᕐᔪᐊᓕᕆᔨᒃᑯᓪᓗ ᓄᓇᕗᒻᒥ, ᑲᑎᑦᑐᒋᑦ ᐊᐅᓚᔾᔪᑎᓄᑦ ᐋᖅᑭᐅᒪᓐᓇᕈᑎᓄᓪᓗ $55,289,000? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᒃᐱᒐᕐᒨᕐᓗᑕ J-10. ᕿᒥᕐᕈᓂᐊᓕᕐᒥᔭᕗᑦ ᐃᖏᕐᕋᔪᓕᕆᔨᒃᑯᑦ ᐅᖅᓱᐊᓗᓕᕆᔨᖁᑎᖏᑦ. ᒪᓕᒐᓕᐅᖅᑎᑦ ᐊᐱᖅᑯᑎᔅᓴᖃᖅᑐᖃᖅᐸ? ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᐱᕆᔾᔪᑎᒋᔪᒪᑐᐃᓐᓇᖅᑕᕋᓕ ᑖᓐᓇ ᑕᒫᓂ ᐊᕐᕌᒍᒥ ᒑᓯᐅᓪᓗ ᐅᖅᓱᐊᓘᓪᓗ ᐊᑭᑦᑐᕆᐊᕐᓂᐊᖏᓐᓇᖓᓂ ᒥᓂᔅᑕ ᓇᓗᓇᐃᖅᓯᓚᐅᖅᓯᒪᒻᒪᑦ. ᑖᓐᓇᖃᐃ ᑕᐃᒪᐃᓕᖓᕙ ᓱᓕ ᐊᑭᑦᑐᕆᐊᖅᑐᖃᔾᔮᙱᑦᑐᑦ ᒑᓯᒥᓪᓗᓐᓃᑦ ᐅᖅᓱᐊᓗᒻᒥᓘᓐᓃᑦ ᒫᓐᓇ ᐅᓪᓗᒥᐅᔪᖅ ᑲᐅᔨᒪᔭᑦᑎᒍᑦ? ᑖᔅᓱᒥᖓᖃᐃ ᓇᓗᓇᐃᖅᓯᒋᐊᒃᑲᓐᓂᕈᓐᓇᖅᑲ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ ᑐᓵᔨᑎᒍᑦ): ᖁᔭᓐᓇᒦᒃ. ᐄ, ᐊᓕᐊᓇᐃᑦ ᐊᐱᖅᑯᑎᒋᒻᒪᒍ ᖃᐅᔨᒪᔪᖓ ᐅᖅᓱᐊᓗᑐᐃᓐᓇ ᐊᑭᖓ ᓯᓚᕐᔪᐊᒥ ᐊᑭᑦᑐᐸᓪᓕᐊᒻᒪᑕ. ᐅᐱᓐᓇᖅᐳᑦ ᐱᓕᕆᔨᒃᑲ ᐅᖅᓱᐊᓗᓕᕆᔨᒃᑯᓐᓂ ᐸᕐᓇᐅᓯᒪᑦᓯᐊᓱᑎ ᓂᐅᕕᖃᑦᑕᖅᓯᒪᒻᒪᑕ ᐅᖅᓱᐊᓗᒻᒥᑦ ᐊᓄᐃᓐᓇᑐᒃᑰᕋᓗᐊᖅᑐᖓ ᐃᓚᖏᓐᓂ. ᖃᓄᖅ ᐊᒃᑐᖅᑕᐅᙱᔾᔫᒥᒍᓐᓇᓂᕐᒥᒃ. ᐊᓯᔾᔨᑐᖃᕋᔭᖅᐸᓪᓕ, ᐊᔅᓲᓗᐊᙱᔾᔫᒥᒐᔭᖅᑐᖅ, ᐃᒃᓯᕙᐅᑖᖅ. ᖁᔭᓐᓇᒦᒃ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 38 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ. ᒥᔅᑕ ᒪᐃᒃ. ᒪᐃᒃ: ᑕᐃᓐᓇ ᐊᑭᑦᑐᕆᐊᒐᓛᕐᓂᐅᓂᐊᖅᑐᖅ ᖃᖓᑭᐊᕐᖓᐃ ᓇᓗᓇᐃᕈᓐᓇᓛᖅᑲ ᐅᓪᓗᖓ ᖃᖓᐅᓛᕐᒪᖔᖅ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᓐᓇ ᐊᐱᕆᔭᐅᓂᐊᖅᑐᖅ ᖃᐅᔨᒪᖅᑲᐅᓪᓗᒍ. ᑕᐃᒪ ᓂᐅᕕᖅᓯᒪᒐᑦᑕ ᒪᑯᐊ ᐊᔾᔭᖅᑐᖅᑕᐅᓂᖏᓐᓄᑦ ᑮᓇᐅᔭᖅᑐᕈᑏᑦ ᑕᒪᒃᑯᐊ ᐃᓚᔭᐅᓂᐊᕐᒥᒻᒪᑕ. ᑮᓇᐅᔭᖅᑐᕈᑎᒋᓚᐅᖅᑕᖏ ᐅᑎᖅᑎᑐᐃᓇᕐᓂᒧ ᑐᕌᖓᔪᓂ. ᑮᓇᐅᔭ ᖃᑦᓯ ᑮᓇᐅᔭᑐᕐᓂᐊᕐᒪᖔ ᖃᐅᔨᓂᐊᖅᑐᒍᑦ, ᓱᕋᔮᖂᖏᑦᑐᖅ ᑕᒪᑐᒪᓂ ᐊᕐᕋᒎᒥ, ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐊᓯᖏᑦ ᐊᐱᖁᑎᔅᓴᐃᑦ, ᐅᖅᓱᐊᓗᓕᕆᓂᖅ ᐱᔾᔪᑎᒋᓪᓗᒍ, ᐱᑕᖃᖏᐸᑦ ᐱᖁᑎᕐᔪᐊᑦ ᐃᖏᕋᔪᑎᓕᕆᔨᒃᑯᑦ ᐱᖁᑎᖅᔪᐊᓕᕆᔨᒃᑯᑦ ᓄᓇᕗᒻᒥ ᐱᔭᕇᖃ? ᐃᓚᖏᑦ ᑲᑎᒪᔩ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᑉᐱᖅᑐᒐᖅ J-3-ᒨᕐᓗᑎᑦ. ᐊᖏᖅᐱᑖ ᑖᑯᐊ ᐃᖏᕋᔪᑎᓕᕆᔨᒃᑯᑦ ᐱᖁᑎᕐᔪᐊᓕᕆᔨᒃᑯᑦ 2026-2027 ᐊᐅᓚᔪᑏᑦ ᒪᑭᒪᐅᑏᑦ $281,109,000 ᑮᓇᐅᔭ ᐊᖏᖅᐱᓯᐅ? ᐃᓚᖏᑦ ᑲᑎᒪᔩ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐊᖏᖅᐱᓰ ᑖᑯᐊ ᐃᖏᕋᔪᓕᕆᔨᒃᑯ ᐱᖁᑎᕐᔪᐊᓕᕆᓂᕐᒧᓪᓗ ᑐᕌᖓᔪᑦ ᐱᔭᕇᖅᑕᐅᓂᖏᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ ᐃᒃᓯᕙᐅᑕᖅ (ᑐᓵᔨᑎᒍᑦ): ᒪᑐᓯᔾᔪᑏᑦ, ᒥᔅᑕ Hᐃᒃᔅ. ᐊᖏᔪᖄᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ, ᐅᔾᔨᕆᓪᓗᖓ ᑖᑯᐊ ᓇᐃᓇᕐᓗᒋᑦ. ᖁᔭᓐᓇᒦᒃ ᐊᐱᖅᓱᑲᑕᓵᕋᑦᑦᓯ ᑕᐃᒪᓐᓇ ᐃᓗᓕᑯᓘᔭᖃᐅᕐᒪᑦ ᐊᒡᒋᔩᖏᑐᓂᓪᓗ ᑖᑯᐊ ᓈᓴᐅᑏᑦ ᐅᖃᐅᓯᖃᖅᓯᒪᓪᓗᑎ, ᐅᖅᓱᐊᓗᓕᕆᔨᒃᑯᑦ ᑖᑯᐊ ᐃᖃᓇᐃᔭᑎᐊᖅᑐᒻᒪᕆᐊᓘᒪᑕ, ᐅᑯᐊᑐᐊᖑᖏᑦᑐ ᖁᔭᓐᓇᒦᖅᑕᒃᑲ ᑕᐃᒃᑯᐊᓗ ᐃᖅᑲᓇᐃᔭᖅᑎᖏᑦ ᖁᔭᓐᓇᒦᓚᕆᐸᒃᑲ ᖁᕕᐊᒋᑎᐊᖅᑕᒃᑲ ᑕᐃᒃᑯᐊ ᐱᔨᑎᑎᐊᕐᒪᑕ ᐃᖅᑲᓇᐃᔭᕐᓇᑐᓚᕆᐊᓘᒻᒪ ᑮᓇᐅᔭ ᐊᑐᕈᒫᓂᐊᖅᑐᑦ ᐱᓕᕆᐊᕆᔭᐅᑎᓪᓗᒋᑦ, ᓂᐅᕕᖃᑦᑕᕆᐊᖃᕐᓂᖅ ᐃᓗᐃᒃᑲᓂ ᐊᒃᓱᐊᓗ ᐱᓕᕆᓲᖑᒻᒪᑕ ᓇᓗᓇᐃᕈᒪᑐᐃᓇᖅᑕᒃᑲ ᑖᑯᐊ. ᖁᔭᓐᓇᒦᒃ, ᐃᒃᓯᕙᐅᑖᖅ. >>ᐸᑦᑕᑐᖅᑐᑦ ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ Hᐃᒃᔅ. ᐃᖅᓱᒃᑏᑦ ᐅᑯᐊ ᐊᓂᑎᑲᐃᓐᓇᑭᑦ. ᖃᓄᐃᓕᖓᔪᒪᓕᖅᐱᓯ ᒥᔅᑕ ᑕᖅᑐ? ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᖁᔨᕗᖓ ᓄᖃᖅᐸᓪᓕᐊᔪᒪᓕᖅᑐᖓ. ᖁᔭᓐᓇᒦᒃ, ᐃᒃᓯᕙᐅᑖᖅ.

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 39 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐱᖁᔨᕗᖔᖅᑕᖃᕐᒪᑦ ᑕᐃᓐᓇ ᐊᐃᕙᐅᑕᐅᔪᓐᓇᖏᑐᖅ ᐊᐃᑉᐲᔪᖅ? ᐊᑭᕋᖅᑐᖅᑐᑦ? ᑲᔪᓯᕗᖅ. ᓇᖏᖅᓯᓂᐊᓕᕋᒪ ᓄᖃᖅᐸᓪᓕᐊᓂᐊᓕᕋᑦᑕ. >>ᑲᑎᒪᑐᐃᓐᓇᕐᓂᖅ ᓄᖅᑲᖅᑐᖅ 11:58 ᐊᒻᒪᓗ ᑲᑎᒪᓯᒋᐊᖅᑐᑦ 11:59 ᐅᖃᖅᑎ: ᑲᑎᒪᔪᑎᑦᑎᓐᓄᑦ. ᓈᓴᐅᑎᖓ 21. ᑲᑎᒪᑐᐃᓐᓇᓚᐅᖅᑎᓪᓗᒋ ᐅᓂᒃᑳᑦ, ᒥᔅᑕ ᐲᑕᓴᓐ. ᑲᑎᒪᔾᔪᑎᒃᓴᖅ 21: ᑲᑎᒪᔨᕋᓛᑦ ᐃᓱᒪᖅᓴᖅᓯᐅᕐᓂᖏᑕ ᐅᓂᒃᑳᖏᑦ ᐲᑕᓴᓐ: ᖁᔭᓐᓇᒦᒃ, ᐅᖃᖅᑏ, ᑲᑎᒪᔨᕋᓛᑯᓗᔅᓯ ᐃᓱᒪᔅᓴᖅᓯᐅᕈᑎᖃᖅᑲᐅᔪᑦ ᐱᖁᔭᒃᓴᖅ 1 ᓄᖃᖅᑲᐸᓪᓕᐊᔪᒪᓕᖅᑐᑎᓪᓗ ᐊᒻᒪᓗ ᑲᑎᒪᔾᔪᑏᑦ ᐊᖏᖅᑕᐅᖁᓪᓗᒋᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐱᖁᔨᕗᖔᕈᑎᑕᖃᕐᒪᑦ, ᐊᐃᑉᐱᖅᑕᐅᕚ? ᒥᔅᑕ ᐊᑕᒍᑖᓗᒃ. ᐱᖁᔨᕗᖔᕈᑎᒧᑦ ᓂᕈᐊᓚᐅᕐᒥᒋᑦᓯ. ᓈᒪᒃᓴᖅᑐᑦ? ᓈᒪᒃᓴᖏᑦᑐᑦ? ᑲᔪᓯᕗᖅ. ᑲᑎᒪᔪᑎᑦᑕ ᓈᓴᐅᑎᖓ 22. ᐱᖓᔪᐊᓐᓂ ᐅᖃᓕᒫᖅᑕᐅᓂᖏᑦ ᐱᖁᔭᒃᓴᑦ. ᑲᑎᒪᔾᔪᑎᑦᑕ ᓈᓴᐅᑎᖓ 23. ᑲᑎᒪᔾᔪᑎᒃᓴᐃᑦ. ᐊᓪᓚᑦᑎᒻᒪᕇ. ᑲᑎᒪᔾᔪᑎᒃᓴᖅ 23 ᑲᑎᒪᔾᔪᑎᒃᓴᐃᑦ ᑎᑎᕋᖅᑎ (ᑐᓵᔨᑎᒍᑦ): ᐃᖅᑲᐃᑎᑦᑎᒋᐊᒃᑲᓐᓂᕈᒪᑐᐃᓐᓇᖅᑐᖓ 1:30-ᒧᐊᖅᐸᑦ ᒪᓕᒐᓕᐅᖅᑎᑐᐃᓐᓇᐃᑦ ᑲᑎᒪᓂᐊᖅᑐᑦ ᓇᓄᖅ ᑲᑎᒪᕕᖓᓂ. ᑲᑎᒪᔾᔪᑎᒃᓴᐃᑦ, ᔫᓐ 1-ᒧᑦ: 1. ᑐᒃᓯᐊᕐᓂᖅ 2. ᐊᖓᔪᖅᑳᑦ ᐅᖃᐅᓯᖏᑦ 3. ᒪᓕᒐᓕᐅᖅᑏᑦ ᐅᖃᐅᓯᖏᑦ 4. ᑭᐅᔾᔪᑎᑦ ᐅᖃᐅᓯᒃᑯᑦ ᐊᐱᖅᑯᑎᓄᑦ 5. ᐃᓕᑕᖅᓯᓂᖅ ᐳᓛᖅᑎᓂᑦ 6. ᐅᖃᐅᓯᒃᑯᑦ ᐊᐱᖅᑯᑎᑦ 7. ᑎᑎᖅᑲᒃᑯᑦ ᐊᐱᖅᑯᑎᑦ 8. ᑭᐅᔾᔪᑎᑦ ᑎᑎᖅᑲᒃᑯᑦ ᐊᐱᖅᑯᑎᓄᑦ 9. ᑭᐅᔾᔪᑎᑦ ᒪᑐᐃᕈᑎᒧᑦ 10. ᑭᐅᔾᔪᑎᑦ ᑮᓇᐅᔭᖅᑑᑎᐅᑉ ᒪᑐᐃᕈᑎᖏᓄᑦ 11. ᐊᑎᓕᐅᕈᑕᐅᓯᒪᔪᑦ 12. ᑭᐅᔾᔪᑎᑦ ᐊᑎᓕᐅᕈᑕᐅᓯᒪᔪᓄᑦ 13. ᑲᑎᒪᔨᕋᓛᑦ ᑲᑎᒪᔨᕋᓛᖑᑲᐃᓐᓇᖅᑐᓪᓗ ᒪᓕᒐᒃᓴᓂᑦ ᐊᓯᖏᓐᓂᓪᓗ ᐅᓂᒃᑳᖏᑦ 14. ᑎᑎᖅᑲᓂᑦ ᓴᖅᑭᑎᕆᓂᖅ 15. ᖃᐅᔨᒃᑲᐃᒍᑎᑦ ᐱᒋᐊᖅᑎᑕᒃᓴᓂᑦ

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 40 16. ᖃᐅᔨᒃᑲᐃᒍᑎᑦ ᐱᒋᐊᖅᑎᑕᒃᓴᓂᑦ ᒪᓕᒐᒃᓴᐃᑦ ᐅᖃᓕᒫᕐᓂᒃᓴᒥᒃ ᓯᕗᓪᓕᖅᐹᖓᓐᓂᒃ 17. ᐱᒋᐊᖅᑎᑕᐃᑦ 18. ᓯᕗᓪᓕᖅᐹᒥᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 19. ᐊᐃᑉᐹᓂᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 20. ᑲᑎᒪᔨᕋᓛᑦ ᑕᒪᐃᓐᓄᑦ ᒪᓕᒐᒃᓴᓄᑦ ᐊᓯᖏᓐᓂᓪᓗ ᐃᓱᒪᖅᓴᖅᓯᐅᕐᓂᖏᑦ 21. ᑲᑎᒪᔨᕋᓛᑦ ᑕᒪᐃᓐᓄᑦ ᐅᓂᒃᑳᖓᑦ 22. ᐱᖓᔪᐊᓐᓂᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 23. ᑲᑎᒪᔾᔪᑎᒃᓴᐃᑦ ᖁᔭᓐᓇᒦᒃ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᐅᓪᓗᒥ ᒪᓕᒐᓕᐅᕐᕕᖕᒥ ᑲᑎᒪᓂᕆᔭᕗᑦ ᐃᓱᓕᒃᑭᕗᖅ ᐊᒻᒪᓗ ᓇᒡᒐᔾᔭᐅᖑᓕᖅᐸᑦ, ᔫᓐ 1- ᖑᓕᖅᑎᓪᓗᒍ ᓯᕿᙳᔭᖅ 1:30-ᐸᑦ ᐱᒋᒃᑲᓐᓂᓛᖅᑐᑕ. ᐱᓇᓱᐊᕈᓯᐅᑉ ᓄᙳᐊᓂ ᑕᖃᖅᓯᑎᐊᕐᓂᐊᖅᑯᓯ, ᒪᓕᒐᓕᐅᖅᑎᐅᖃᑎᒃᑲ, ᓄᓇᕗᒻᒥᐅᓪᓗ. ᐃᖅᓱᖅᑏ. >>ᑲᑎᒪᓂᖅ ᓄᖅᑲᖅᑐᖅ 12:02ᒧᐊᖅᑎᓪᓗᒍ

ᐅᓪᓗᑐᐃᓇᖅ, ᒪᐃ 29, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 41