ᒪᓕᒐᓕᐅᕐᕕᒻᒥ ᑲᑎᒪᔾᔪᑎᒥᓃᑦ ᐋᖅᑭᒋᐊᖅᓯᒪᓐᖏᑦᑐᑦ ᓇᕿᑦᑕᖅᑕᐅᓯᒪᔪᑦ ᓇᒡᒐᔾᔭᐅ, ᔫᓂ 08 2026 ᐃᖃᓗᐃᑦ, ᓄᓇᕗᑦ ᐋᖅᑭᒋᐊᕈᑎᑦ: ᐊᑏ ᐅᑎᖅᑎᓯᐅᒃ ᐋᖅᑭᒋᐊᖅᑕᐅᔪᐃᑦ ᑎᑎᕋᖅᑎᒧᑦ ᐅᕝᕙᓘᓐᓃᑦ ᑐᖏᓕᐊᓄᑦ ᒪᓕᒐᓕᐅᕐᕕᒻᒥ ᑲᑎᒪᔾᔪᑎᒥᓃᑦ ᓇᕿᔾᔪᑕᐅᓐᖏᓚᑦ ᑐᑭᓕᐊᖅᑕᐃᓐᓇᕆᓗᒋᑦ ᒪᓕᒐᓕᐅᖅᑏᑦ ᐊᐃᕙᓂᖏᑦ. ᓇᕿᑕᐅᓯᒪᑐᐃᓐᓇᖅᑐᐃᑦ ᐅᖃᐅᓯᐅᓪᓗᐊᑕᖅᑐᑦ. ᐅᖃᖅᑕᐅᒃᑲᓂᖅᑐᒥᒃ ᐊᓯᐊᑎᒍᓪᓘᓐᓃᑦ ᓲᕐᓗ ᓇᓗᓇᐃᖅᑕᐅᔪᖃᒃᑲᓐᓂᕆᐊᖃᖅᐸᑦ ᐋᖅᑭᒋᐊᖅᑕᐅᔪᓐᓇᖅᑐᑦ ᑭᓇᑐᐃᓐᓇᖅ ᒪᓕᒐᓕᐅᕐᕕᒻᒥ ᑲᑎᒪᔾᔪᑎᓂᑦ ᐅᖃᓕᒫᖅᑐᑦ ᓱᖅᑯᐃᒪᓂᐊᕐᒪᑦ ᐅᖃᖅᑕᒥᓂᕐᒥᒃ. ᑲᑎᒪᐅᑎᒥᓂᓕᕆᔪᑦ ᐅᖃᓕᒫᕋᓐᓂᑦᑎᑦᓯᔭᕆᐊᓖᑦ ᐊᔾᔨᒌᑉᐸᓐᖏᒻᒪᑎᒃ ᐅᖃᖅ ᑕᐅᔪᖅ ᑎᑎᕋᖅᓯᒪᔪᕐᓗ. ᐊᐃᕙᔾᔪᑎᒥᓃᑦ, ᓯᑎᐱᕆ 20, 1983, ᒪᑉᐱᑐᒐᖓ 27299. ᐴᓯᔅᓂᐅᑉ 6-ᖓᓐᓂᒃ ᓇᕿᑕᐅᔾᔪᑎᖓ, ᑎᓕᓯᔾᔪᑎᒃ 55

ᓄᓇᕗᑦ ᒪᓕᒐᓕᐅᕐᕕᖓ ᐅᖃᖅᑎ ᐊᖓᔪᖅᑳᖅ ᑕᐃᕕᑎ ᔪᐊᓇᓯ (ᕿᑭᖅᑖᓘᑉ ᓂᒋᐊ) ᐊᐅᓚᑦᑎᔩᑦ ᐊᓪᓚᑦᑎᐅᑲᐃᓐᓇᖅᑐᖅ ᐊᓪᓚᑦᑎᐅᑉ ᑐᓪᓕᐊ ᓯᑏᕙᓐ ᐃᓄᒃᓱᒃ ᕙᓐᑎ ᐱᐊᓐᔅ ᐊᓪᓚᑦᑎᐅᑉ ᐃᑲᔪᖅᑎᖓ ᖂᔪ ᓄᓱᑦᑕᖅ ᒪᓕᒐᓕᕆᔨ ᒪᐃᑯᓪ ᓵᓐᑐᓗ ᐃᖅᓱᖅᑎ ᒪᓕᒃᑐ ᓄᓱᑦᑕᖅ ᑲᑎᒪᐅᑎᓂᒃ ᐋᖅᑭᒃᓱᐃᔩᑦ ᐅᖃᐅᓯᕐᒥᒃ ᐅᖃᐅᓯᕐᒧᑦ ᑎᒥᖓᑦ ᑎᑎᖅᑲᒃᑯᕕᒃ 1200 ᐃᖃᓗᐃᑦ, ᓄᓇᕗᑦ X0A 0H0 ᐅᖄᓚᐅᑖ (867) 975-5000 ᓱᒃᑲᕈᑖ (867) 975-5190 ᐊᑭᖃᓐᖏᑦᑐᖅ (877) 334-7266 ᐊᖓᔪᖅᑳᖅ ᒍᐊᐃᓐ Hᐄᓕ ᐊᕿᐊᕈᖅ (ᐃᖃᓗᐃᑦ−ᒪᓂᕋᔭᒃ) ᒥᓂᔅᑕ ᐃᓄᓕᕆᔨᒃᑯᓐᓄᑦ;ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂᑦ; ᒥᓂᔅᑕ ᑲᒪᒋᔭᖃᖅᑐᖅ ᐊᖏᕐᕋᖃᖏᓐᓂᕐᒥᒃ; ᒥᓂᔅᑕ ᑲᒪᒋᔭᖃᖅᑐᖅ ᐊᒃᖢᓂᕐᒥᒃ ᒥᒃᖠᒋᐊᖅᑎᑦᑎᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐊᕐᓇᐃᑦ ᑲᑎᒪᔨᖏᓐᓂᒃ; ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ (ᐃᖃᓗᐃᑦ-ᓂᐊᖁᙴ) ᒐᕙᒪᒃᑯᑦ ᓯᕗᒃᑲᖅᑕᖅᑎᖓ; ᒥᓂᔅᑕ ᐃᓕᓐᓂᐊᖅᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓯᓚᑦᑐᖅᓴᕐᕕᖕᒥᒃ ᕼᐋᓇ ᐊᖑᑎᐊᓗᒃ (ᐊᐃᕕᓕᒃ) ᐃᐊᑦᕗᑦ ᐊᑕᒍᑦᑖᓗᒃ (ᐊᒡᒍ) ᐊᖓᔪᖅᑳᖅ ᔮᓂᑦ ᐳᕉᔅᑐ (ᐃᖃᓗᐃᑦ-ᓯᓈ) ᒥᓂᔅᑕ ᐋᓐᓂᐊᖃᕐᓇᓐᖏᑦᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᐊᖓᔪᖅᑳᖅ ᔪᐊᔾ Hᐃᒃᔅ (ᐃᖃᓗᐃᑦ-ᑕᓯᓗᒃ) ᓄᓇᕗᒻᒧᑦ ᓯᕗᓕᖅᑎᐅᑦ ᑐᖓᓕᖓ; ᒥᓂᔅᑕ ᒪᓕᒐᓕᕆᓂᕐᒧᑦ; ᒥᓂᔅᑕ ᐃᖏᕐᕋᔪᓕᕆᓂᕐᒧᑦ ᒪᑭᒪᐅᑎᓄᓪᓗ; ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑐᓕᕆᓂᕐᒧᑦ ᑲᑎᒪᔨᓂᒃ; ᒥᓂᔅᑕ ᑲᒪᒋᔭᖃᖅᑐᖅ ᐃᓄᐃᑦ ᐱᔪᓐᓇᐅᑎᖏᓐᓄᑦ ᑲᑎᒪᔨᓂᒃ ᔭᐃᒥ ᖃᑉᓗᑦᓯᐊᖅ (ᐊᕐᕕᐊᑉ ᓂᒋᐊ) ᕗᕆᐊᑦ ᐲᑕᓴᓐ (ᐃᖃᓗᒃᑑᑦᑎᐊᖅ) ᒍᐊᑕᓐ ᑲᐅᑕᒃ (ᐅᖅᑯᒻᒥᐅᑦ) ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓄᓂᖅ) ᒥᓂᔅᑕ ᐃᓕᖅᑯᓯᓕᕆᔨᒃᑯᑦ; ᒥᓂᔅᑕ ᐅᖃᐅᓯᓕᕆᓂᕐᒧᑦ; ᒥᓂᔅᑕ ᐊᕙᑎᓕᕆᓂᕐᒧᑦ; ᒥᓂᔅᑕ ᐆᒻᒪᖅᑯᑎᓕᕆᓂᕐᒧᑦ ᓴᐃᒪᓐ ᖁᓕᒃᑖᓇ (ᖁᕐᓗᖅᑑᖅ) ᐊᖓᔪᖅᑳᖅ ᓯᓯᐅᓪ ᓂᐅᓪᕙᓇ ᓚᐃᔪᓪ (ᓇᑦᓯᓕᒃ) ᒥᓂᔅᑐ ᑲᒪᒋᔭᖃᖅᑐᖅ ᓄᓇᕘᑉ ᐃᒡᓗᓕᕆᔨᕐᔪᐋᒃᑯᖏᓂ ᐊᖓᔪᖅᑳᖅ ᐋᕐᓗᒃ ᒪᐃᓐ (ᐊᕐᕕᐊᑉ ᐅᐊᓐᓇᖓ-ᑎᑭᕌᕐᔪᐊᖅ) ᓯᕗᓕᖅᑎ ᓄᓇᕗᒻᒥ; ᒥᓂᔅᑕ ᓯᕗᓕᖅᑎᓄᑦ ᒐᕙᒪᐅᖃᑎᒌᒃᑐᓕᕆᔨᒃᑯᓐᓄᓪᓗ; ᒥᓂᔅᑕ ᑮᓇᐅᔭᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᖃᖅᑳᖅᓯᒪᔪᓕᕆᓂᕐᒥᒃ; ᒥᓂᔅᑕ ᑲᒪᒋᔭᖃᖅᑐᖅ ᑲᓇᑕᐅᑦ ᓯᓚᑖᓃᖖᒑᖅᑐᓄᑦ; ᒥᓂᔅᑕ ᑲᒪᒋᔭᖃᖅᑐᖅ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᓐᓇᕐᓂᒃ; ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᒥᓴᓐ; ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᑎᒪᔨᖏᓐᓄᑦ; ᔮᓂ ᒪᐃᒃ (ᐸᓐᓂᖅᑑᖅ) ᑕᐃᕕᑦ ᐳᐊᑐ (ᐅᖅᓱᖅᑑᖅ) ᐊᐃᕝᕙᓚᕼᐋ ᖃᒪᓂᖅ (ᐊᒥᑦᑐᖅ) ᐃᓄᖃᕈᓐᓃᖅᑐᖅ (ᑕᓯᐅᔭᕐᔪᐊᖅ) ᐋᓕᒃᓵᓐᑐ ᓴᒻᒧᖅᑐᖅ (ᑲᖏᖅᖠᓂᐅᑉ ᐅᐊᓐᓇᖓ-ᐃᒡᓗᓕᒑᕐᔪᒃ) ᐃᓐᓇᖓᔪᖅ ᖂᑭᐊᖅ (ᓇᑦᓯᓕᒃ) ᐋᓕᒃᓵᓐᑐ ᓴᒻᒧᖅᑐᖅ (ᑲᖏᖅᖠᓂᐅᑉ ᐅᐊᓐᓇᖓ-ᐃᒡᓗᓕᒑᕐᔪᒃ) ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᖃᒪᓂᑦᑐᐊᖅ) ᒥᓂᔅᑕ ᓄᓇᓕᖕᓂ ᒐᕙᒪᒃᑯᓂᓪᓗ ᐱᔨᑦᑎᖅᑎᒃᑯᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᒃ; ᒥᓂᔅᑕ ᑲᒪᒋᔭᖃᖅᑐᖅ ᐅᔭᕋᖕᓂᐊᕐᓂᕐᒧᑦ; ᒥᓂᔅᑕ ᑕᐅᖅᓯᕋᕐᓂᕐᒥᒃ ᐱᓕᕆᐊᒃᓴᓕᒃ; ᐊᖓᔪᖅᑳᖅ ᐋᓂ ᑕᑦᑐᐃᓂ (ᑲᖏᖅᖠᓂᐅᑉ ᓂᒋᐊ) ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐊᒃᑯᒫᓂᒃ ᖃᐅᔨᓴᖅᑏᑦ ᓯᑏᕙᓐ ᑕᖅᑐ (ᖁᑦᑎᒃᑐᕐᒃ)

ᖃᕋᓴᐅᔭᑎᒍᑦ ᑐᕌᕈᑎᖓᑦ: www.assembly.nu.ca

ᐃᓗᓕᖏᑕ ᓇᓕᖅᑲᖏᑦ ᑐᒃᓯᐊᕐᓂᕐᒧᑦ ᒪᑐᐃᖅᑕᐅᓂᖓ ............................................................................................................................................... 1 ᐊᖓᔪᖅᑳᑦ ᐅᖃᐅᓯᖏᑦ .......................................................................................................................................................... 1 ᒪᓕᒐᓕᐅᖅᑏᑦ ᐅᖃᐅᓯᖏᑦ .................................................................................................................................................... 5 ᐃᓕᑕᖅᓯᓂᖅ ᑐᓵᔭᖅᑐᖅᓯᒪᔪᓂᒃ ᒪᓕᒐᓕᐅᕐᕕᒻᒧᑦ ............................................................................................................ 6 ᐅᖃᐅᓯᒃᑯᑦ ᐊᐱᖅᑯᑎᑦ ........................................................................................................................................................... 7 ᓴᖅᑭᑕᐅᓂᖏᑦ ᑎᑎᖅᑲᐃᑦ................................................................................................................................................... 23 ᖃᐅᔨᒃᑲᐃᓂᖅ ᐱᒋᐊᖅᑎᑕᒃᓴᓂᑦ ........................................................................................................................................ 24 ᐱᒋᐊᖅᑎᑕᐃᑦ ......................................................................................................................................................................... 24 ᑲᑎᒪᔨᕋᓛᑦ ᑲᑎᒪᑐᐃᓐᓇᖅᑎᓪᓗᒋᑦ ᐃᓱᒪᒃᓴᖅᓯᐅᖅᑕᐅᓂᖏᑦ ᒪᓕᒐᒃᓴᐃᑦ ᐊᓯᖏᓪᓗ ............................................. 26 ᑲᑎᒪᔨᕋᓛᑦ ᑲᑎᒪᑐᐃᓐᓇᓚᐅᖅᑎᓪᓗᒋᑦ ᐅᓂᒃᑳᖓᑦ ....................................................................................................... 57 ᑲᑎᒪᔾᔪᑎᒃᓴᐃᑦ ....................................................................................................................................................................... 57

ᐃ. ᖃᐅᑕᒫᒧᑦ ᖃᐅᔨᒋᐊᕈᑎᑦ ᓇᒡᒐᔾᔭᐅ, ᔫᓂ 08, 2026 ..................................................................................................................................................... 1 ᐅ. ᐊᖓᔪᖅᑳᑦ ᐅᓂᒃᑳᖏᑦ 70 - 7(2): ᑎᒃᑯᐊᖅᑕᐅᓂᖓ ᐊᐅᓚᑦᑎᔨᖓ ᑕᑯᒃᓴᐅᔪᒃᓴᓄᑦ (ᓚᐃᔪᓪ)........................................................................ 1 71 - 7(2): ᐃᓕᓴᕆᔭᖃᓐᓂᖅ ᐃᓚᐃᓐ ᐅᑉᐸᕼᐃᐊᒃ ᓗᒃᑖᖑᕈᓯᐊᓂᒃ ᐃᓚᐅᓂᖓᑕᓗ ᐊᒫᖅᑖᕐᓂᖅ ᐃᓕᓐᓂᐊᕐᓂᕐᒧᑦ ᕿᒪᐃᓯᒪᓂᐅᑉ ᑕᑯᒃᓴᐅᑎᑖᒍᑦ (ᑕᑦᑐᐃᓂ) .................................................................................... 2 72 - 7(2): ᐱᐅᓛᖅ ᐆᒻᒪᖅᑯᓯᖅ ᐃᒐᓯᐅᒻᒧᑦ ᐊᑯᓐᓈᒍᑦ-ᐊᑑᑎᖃᐅᑎᒧᑦ ᑲᑎᒪᓂᖅ (ᕼᐄᓕ-ᐊᕿᐊᕈᖅ) .................. 3 73 - 7(2): ᓴᙱᒃᑎᕆᓂᖅ ᐃᓄᖃᙱᑦᑑᑉ ᐃᑯᐊᓪᓚᔭᑦᑐᓐ ᐸᕐᓈᕆᔭᐅᓂᖓᑕ ᓄᓇᕘᒥ (ᓯᒪᐃᓚᒃ) ....................... 4 ᐊ. ᒪᓕᒐᓕᐅᖅᑏᑦ ᐅᓂᒃᑳᖏᑦ 72 - 7(2): ᓇᓄᖅ ᐅᓇᓕᒃᓴᔭᕋᓛᖏᑦ (ᐲᑕᓴᓐ) ............................................................................................................... 5 73 - 7(2): ᓴᒃᑰᑉ ᐃᓕᓐᓂᐊᕐᕕᐊᓂ ᐊᓂᒍᐃᔪᑦ (ᐊᖑᑎᐊᓗᒃ) ........................................................................................ 5 74 - 7(2): ᐊᕐᕕᐊᓂ ᓯᐊᕐᕆᔮᕐᕕᐊ (ᖃᑉᓗᑦᓯᐊᖅ) ........................................................................................................... 6 ᐱ. ᐅᖃᐅᓯᒃᑯᑦ ᐊᐱᖅᑯᑎᑦ 96 - 7(2): ᐋᓐᓂᐊᖅᑐᓕᕆᔨᒃᑯᑦ ᐱᖁᑎᕐᔪᐊᖏᑦ (ᖁᓕᒃᑖᓇ) ....................................................................................... 8 97 - 7(2): ᐱᓕᕆᐊᖏᓄᑦ ᓄᓇᕘᑉ ᐃᒡᓗᓕᕆᔨᕐᔪᐊᖏᑕ (ᑕᖅᑐ) ................................................................................ 9 98 - 7(2): ᕿᑭᖅᑖᓗᒻᒥ ᑐᒃᑐᓕᕆᓂᖏᑕ ᑲᒪᒋᔭᐅᓂᖏᓄᑦ (ᐊᑕᒍᑦᑖᓗᒃ) ............................................................... 11 99 - 7(2): ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ (ᑲᐅᑐᒃ) .................................................................................... 12 100 - 7(2): ᐃᖃᓗᒃᑑᑦᑎᐊᑉ ᒥᑦᑕᕐᕕᖓᑦ (ᐲᑕᓴᓐ) ....................................................................................................... 14 101 - 7(2): ᐱᓕᕆᐊᖏᓄᑦ ᓄᓇᕘᑉ ᐃᒡᓗᓕᕆᔨᕐᔪᐊᖏᑕ (ᐳᐊᑐ) ........................................................................... 15

102 - 7(2): ᑐᐊᐸᓕᐅᕆᔾᔪᑎᓐ ᐊᒻᒪᓗ ᓯᖃᓕᔭᐅᕝᕕᖏᓄᑦ (ᐊᖑᑎᐊᓗᒃ) ................................................................ 17 103 - 7(2): ᐅᔭᕋᖕᓂᐊᖅᑎᒃᓴᑦ ᐸᐃᑉᐹᖃᑎᐅᔪᓪᓗ ᐱᓕᒻᒪᒃᓴᐃᔾᔪᑎᖏᑦ (ᖃᑉᓗᑦᓯᐊᖅ)......................................... 19 104 - 7(2): ᐃᖃᓗᓕᕆᓂᐅᑉ ᐊᒡᒍᖅᓯᒪᓂᐊᓄᑦ (ᒪᐃᒃ) ................................................................................................ 21 ᐳ. ᓴᖅᑭᑕᐅᓂᖏᑦ ᑎᑎᖅᑲᐃᑦ 29 - 7(2): ᓄᓇᕘᑉ ᐃᒡᓗᓕᕆᔨᕐᔪᐊᖏᑕ 2024-20256 ᐊᕐᕌᒍᑕᒫᖅᓯᐅᑎᓐ ᐅᓂᒃᑳᖏᑦ (ᓚᐃᔪᓪ) ...................... 23 ᑎ. ᐱᒋᐊᖅᑎᑕᐃᑦ 02 - 7(2): ᓄᖅᑲᖓᑯᑖᕐᓂᖅ - ᖃᐅᔨᒃᑲᐃᔪᑦ (ᑕᖅᑐ) ................................................................................................... 24 03 - 7(2): ᓄᓇᕘᑉ ᒪᓕᒐᓕᐅᕐᕕᐊᑕ ᑎᒃᑯᐊᒐᕆᔭᖏᑦ - ᖃᐅᔨᒃᑲᐃᔪᑦ (ᐳᐊᑐ) ...................................................... 24 02 - 7(2): ᓄᖅᑲᖓᑯᑖᕐᓂᖅ (ᑕᖅᑐ) ............................................................................................................................... 24 03 - 7(2): ᓄᓇᕘᑉ ᒪᓕᒐᓕᐅᕐᕕᐊᑕ ᑎᒃᑯᐊᒐᕆᔭᖏᑦ (ᐳᐊᑐ)................................................................................. 25 ᑐ. ᒪᓕᒐᒃᓴᐃᑦ ᒪᓕᒐᒃᓴᖅ 1 - ᑮᓇᐃᔭᑦ ᐊᑐᖅᑕᐅᑲᐃᓐᓇᕐᓂᐊᖅᑐᑦ (ᐊᐅᓚᔾᔪᑏᑦ ᐋᖅᑭᐅᒪᐃᓐᓇᕈᑏᓪᓗ) ᒪᓕᒐᖅ, 2026-2027 – ᑲᑎᒪᔨᕋᓛᓄᑦ ᐃᓱᒪᒃᓴᖅᓯᐅᖅᑕᐅᓂᖓ ................................................................................................................. 26

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 1 ᐃᖃᓗᐃᑦ, ᓄᓇᕗᑦ ᓇᒡᒐᔾᔭᐅ, ᔫᓂ 08, 2026 ᒪᓕᒐᓕᐅᖅᑏᑦ ᐅᐸᒃᑐᑦ: ᐊᖓᔪᖅᑳᖅ ᒍᐃᐊᓐ ᕼᐄᓕ−ᐊᕿᐊᕈᖅ, ᒥᔅ ᕼᐋᓇ ᐊᖑᑎᐊᓗᒃ, ᒥᔅᑕ ᐃᐊᑦᕗᑦ ᐊᑕᒍᑦᑖᓗᒃ, ᐊᖓᔪᖅᑳᖅ ᔮᓂᑦ ᐱᑦᓯᐅᓛᖅ, ᐊᖓᔪᖅᑳᖅ ᔪᐊᔾ ᕼᐃᒃᔅ, ᐊᖓᔪᖅᑳᖅ ᑕᐃᕕᑎ ᔪᐊᓇᓯ, ᐊᖓᔪᖅᑳᖅ ᒍᐊᑕᓐ ᑲᐅᑐᒃ, ᐊᖓᔪᖅᑳᖅ ᐳᕋᐃᔭᓐ ᑯᓄᒃ; ᒥᔅᑕ ᓴᐃᒻᒪ ᑯᓕᒃᑖᓇ, ᐊᖓᔪᖅᑳᖅ ᓯᓯᐅᓪ ᓂᐅᓪᕚᓇ ᓚᐃᔪᓪ, ᐊᖓᔪᖅᑳᖅ ᐋᕐᓗᒃ ᒪᐃᓐ, ᒥᔅᑕ ᔮᓂ ᒪᐃᒃ, ᒥᔅᑕ ᕗᕆᐊᑦ ᐲᑕᓴᓐ, ᒥᔅᑕ ᑕᐃᕕᑦ ᐳᐊᑐ, ᒥᔅᑕ ᐊᐃᕙᓚᕼᐋᒻ ᖃᒪᓂᖅ, ᒥᔅᑕ ᑖᓂᐅᓪ ᖃᕝᕕᒃ, ᒥᔅᑕ ᐋᓕᒃᓵᓐᑐ ᓴᒻᒧᖅᑐᖅ, ᒥᔅᑕ ᓯᑏᕙᓐ ᑕᖅᑐ, ᐊᖓᔪᖅᑳᖅ ᐋᓂ ᑕᑦᑐᐃᓂ. >>ᑲᑎᒪᓯᒋᐊᖅᑐᑦ 013:30ᒧᐊᖅᑎᓪᓗᒍ ᑲᑎᒪᔾᔪᑎᒃᓴᖅ 1: ᑐᒃᓯᐊᕐᓂᕐᒧᑦ ᒪᑐᐃᖅᑕᐅᓂᖓ ᐅᖃᖅᑎ (ᐊᖓᔪᖅᑳᖅ ᑕᐃᕕᑎ ᔪᐊᓇᓯ): ᑲᑎᒪᔾᔪᑎᑦᑕ ᓈᓴᐅᑎᖓ 1. ᒥᔅᑕ ᓯᒪᐃᓚᒃ, ᑐᑦᓯᐊᕈᑎᓚᐅᖅᑎᒍᑦ ᐱᒋᐊᖅᑎᓪᓗᑎᒍᑦ. >>ᑐᒃᓯᐊᖅᑐ ᐅᖃᖅᑎ: ᐅᓪᓗᒃᑯᑦ ᓄᓇᕗᒻᒥᐅᑦ, ᑕᓚᕖᓴᒃᑯᑦ ᑕᐅᑐᕋᓐᓈᖅᑐᑦ, ᓈᓚᐅᑎᒃᑯᓪᓗ ᑐᓵᔪᑦ. ᐅᓪᓗᒃᑯᓪᓗ ᒪᓕᒐᓕᐅᖅᑏᑦ. ᑲᑎᒪᔾᔪᑎᑦᑕ ᓈᓴᐅᑎᖓ 2, ᒥᓂᔅᑕᐃᑦ ᐅᖃᐅᓯᒃᓴᖏᑦ. ᓄᓇᕗᑦ ᐃᒡᓗᓕᕆᔨᕐᔪᐊᒃᑯᓐᓄᑦ ᒥᓂᔅᑕ ᓚᐃᔪᓪ. ᑲᑎᒪᔾᔪᑎᒃᓴᖅ 2: ᐊᖓᔪᖅᑳᑦ ᐅᖃᐅᓯᖏᑦ ᐊᖓᔪᖅᑳᑉ ᐅᖃᐅᓯᖓ 70 - 7(2): ᑎᒃᑯᐊᖅᑕᐅᓂᖓ ᐊᐅᓚᑦᑎᔨᖓ ᑕᑯᒃᓴᐅᔪᒃᓴᓄᑦ (ᓚᐃᔪᓪ) ᐊᖓᔪᖅᑳᖅ ᓯᓯᐅᓪ ᓚᐃᔪᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓐᓄᓴᒃᑯᑦ ᒪᓕᒐᓕᐅᖅᑎᐅᖃᑎᒃᑲ, ᑎᕖᒃᑯᓪᓗ, ᖃᕆᓴᐅᔭᒃᑯᓪᓗ ᑕᑯᓐᓈᖅᑐᐃᑦ. ᐅᖃᖅᑎᑦᓯᔩ, ᐅᓪᓗᒥ ᓇᖏᖅᓯᕗᖓ ᖁᕕᐊᓱᖃᑎᒋᔪᒪᓪᓗᒍ ᑐᕌᕙᔅ ᑲᓪᓗᐊᖅ ᐱᔭᕇᓚᐅᖅᑐᖅ ᐊᕐᕌᒍᓄᑦ ᐱᖓᓱᓄᑦ ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᖅᑕᒥᓂᒃ ᐱᓕᕆᐊᖃᓕᖅᓱᓂᓗ ᑐᑭᒧᐊᑦᑎᑦᓯᔨᒋᔭᐅᓪᓗᓂ ᐱᓕᕆᐊᑦᓴᓄᑦ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᓐᓂᑦ. >>ᐸᑦᑕᑐᖅᑐᑦ ᑐᕌᕕᔅ ᑲᔪᓯᑦᓯᐊᕐᓂᖓ ᑕᑯᑦᓴᐅᑎᑦᓯᕗᖅ ᐱᒻᒪᕆᐅᓂᖓᓂᒃ ᑲᔪᓯᕙᓪᓕᐊᖏᓐᓇᕆᐊᖃᕐᓂᕐᒧᑦ ᐸᕐᓇᐃᓂᕐᒥ, ᐱᓕᒻᒪᑦᓴᕐᓂᕐᒧᑦ ᐱᕕᑦᓴᖃᕐᓂᕐᒧᑦ, ᐊᒻᒪᓗ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᐊᖏᖅᓯᒪᓂᕆᔭᖓᓂᒃ ᑎᑎᕋᖅᓯᒪᓂᓕᒃ 23-ᒥ ᓄᓇᕗᒻᒥ ᐊᖏᕈᑎᒥ ᐃᑲᔪᖅᑐᐃᓂᕐᒧᑦ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᓐᓄᑦ ᓯᕗᓕᖅᑎᐅᓂᕐᒧᓪᓗ. ᐅᖃᖅᑎᑦᓯᔩ, ᑐᕌᕕᔅ ᑖᑦᓱᒥᖓ ᐱᓕᕆᐊᖃᓕᖅᐳᖅ ᐃᓐᓇᐅᓕᕐᓂᕐᒧᑦ ᓄᖅᑲᓚᐅᖅᑎᓪᓗᒍ ᐹᑦᓯ ᖁᒃᓱᒃ. ᓱᓕᒃᑲᓐᓂᖅ, ᓇᑯᕐᒦᖅᐸᕋ ᖁᒃᓱᒃ ᐊᕐᕌᒍᓄᑦ 30 ᐅᖓᑖᓄᑦ ᐱᔨᑦᓯᕋᖅᓯᒪᓕᕐᓂᖓᓄᑦ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᓐᓄᑦ ᖃᓄᐃᙱᑦᓯᐊᖁᕙᕋᓗ ᐃᓐᓇᐅᓕᕐᓂᕐᒧᑦ ᓄᖅᑲᖓᓕᖅᐸᑦ. ᑲᓪᓗᐊᖅ ᐃᖅᑲᓇᐃᔮᖓ ᐃᓪᓗᓕᕆᓂᕐᒧᑦ ᐱᒋᐊᓚᐅᖅᓯᒪᔪᖅ 17 ᐊᕐᕌᒍᐃᑦ ᐊᓂᒍᖅᓯᒪᓕᖅᑐᑦ ᐃᖅᑲᓇᐃᔭᖅᑎᓪᓗᒍ ᓇᒻᒥᓂᖃᖅᑎᐅᔪᒧᑦ ᐃᖅᑲᓇᐃᔭᖅᑎᑕᒧᑦ ᐊᖏᖃᑎᒌᒍᑎᒃᑯᑦ. ᑭᖑᓂᐊᒍᑦ ᐃᓕᓐᓂᐊᖅᐸᓪᓕᐊᓪᓗᓂ ᐃᖅᑲᓇᐃᔮᖅᑖᓚᐅᖅᓯᒪᔪᖅ ᐊᕐᕕᐊᓂ ᐃᓪᓗᓕᕆᔨᒃᑯᖏᓐᓄᑦ. ᓄᓇᕗᒻᒥ

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 2 ᐃᓪᓗᓕᕆᔨᕐᔪᐊᒃᑯᓐᓄᑦ ᐃᓚᐅᓕᓚᐅᖅᓯᒪᕗᖅ ᐊᕐᕌᒍᐃᑦ ᖁᓖᑦ ᐊᓂᒍᖅᓯᒪᓕᖅᑐᑦ ᐱᕚᓪᓕᖅᓯᒪᓕᖅᓱᓂᓗ ᖃᑦᓯᑲᓪᓚᓐᓂᒃ ᐱᔭᓴᕐᓂᒃ, ᐃᓚᒋᔭᐅᓪᓗᓂ ᓄᓇᕗᒻᒥ ᐋᖅᑭᐅᒪᑎᑦᓯᔨᐅᓪᓗᓂ, ᐊᐅᓚᑦᓯᔨ ᐋᖅᑭᐅᒪᑎᑦᓯᓂᕐᒧᑦ, ᐊᐅᓚᑦᓯᔨᒻᒪᕆᐅᓂᕐᒧᓪᓗ. ᑖᓐᓇ ᐆᑦᑑᑎᑦᓯᐊᕙᐅᕗᖅ ᐃᓄᐃᑦ ᓯᕗᓕᖅᑎᐅᓂᖏᑦ ᐱᕈᖅᐸᓪᓕᐊᓂᖏᓐᓄᑦ ᐃᓪᓗᓕᕆᓂᕐᒥᑦ. ᑐᑭᒧᐊᑦᑎᑦᓯᔨ ᐱᓕᕆᐊᑦᓴᓄᑦ, ᑲᓪᓗᐊᖅ ᐱᒻᒪᕆᐅᔪᓂᑦ ᐱᓕᕆᖃᑦᑕᖅᓯᒪᓂᖓᓂᑦ, ᖃᐅᔨᒪᓂᖃᑦᓯᐊᖅᑐᖅ, ᑐᑭᓯᐅᒪᓂᖃᑦᓯᐊᖅᓱᓂᓗ ᐱᓪᓚᕆᐅᔪᓂᑦ ᓵᙵᔭᐅᔪᓂᑦ ᓄᓇᓕᓐᓂᑦ ᓄᓇᕘᓕᒫᒥᑦ. ᓯᕗᓕᖅᑎᐅᓂᖓ ᐃᑲᔪᖅᑐᐃᓂᐊᖅᐳᖅ ᐃᓪᓗᓕᕆᓂᕐᒧᑦ ᐱᓕᕆᐊᑦᓴᓂᑦ ᐱᔨᑦᓯᕋᐅᑎᓂᓪᓗ ᓄᓇᕘᓕᒫᒥ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᐱᓕᕆᕙᓪᓕᐊᖏᓐᓇᖅᑎᓪᓗᒋᑦ ᐱᐅᓯᒋᐊᖅᑎᑦᓯᓂᕐᒧᑦ ᐃᓪᓗᓕᕆᓂᕐᒧᑦ ᑲᔪᓯᑎᑦᓯᓂᕐᒧᑦ ᐃᑲᔪᖅᑐᐃᓗᑎᓪᓗ ᓄᓇᕗᒻᒥᐅᓂᒃ. ᐅᖃᖅᑎᑦᓯᔩ, ᒪᓕᒐᓕᐅᖅᑎᐅᖃᑎᒃᑲ ᐅᐱᒍᓱᖃᑎᒋᔪᒪᕙᒃᑲ ᑐᕌᕕᔅ ᐱᔭᕇᖅᓯᓚᐅᕐᒪᑦ ᐃᓕᓐᓂᐊᖅᑕᒥᓂᒃ ᑲᒪᒋᔭᖃᓕᖅᓱᓂᓗ ᑖᑦᓱᒥᖓ ᐱᒻᒪᕆᐅᔪᒥᒃ ᐃᖅᑲᓇᐃᔮᒥᒃ. ᑲᔪᓯᓂᖃᑦᓯᖃᖏᓐᓇᖁᕙᕋ ᑐᑭᒧᐊᑦᑎᑦᓯᔨᐅᓗᓂ ᐱᓕᕆᐊᑦᓴᓄᑦ. (ᑐᓵᔨᑎᒎᕈᓐᓃᖅᑐᖅ) ᖁᐊᓇ, (ᑐᓵᔨᑎᒎᓕᖅᑐᖅ) ᐅᖃᖅᑎᑎᔩ. ᐅᖃᖅᑎ: ᖁᔭᓐᓇᒦᒃ. ᒥᓂᔅᑕᐃᑦ ᐅᖃᐅᓯᖏᑦ. ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ, ᒥᓂᔅᑕ ᑕᑦᑐᐃᓂ. ᐊᖓᔪᖅᑳᑉ ᐅᖃᐅᓯᖓ 71 - 7(2): ᐃᓕᓴᕆᔭᖃᓐᓂᖅ ᐃᓚᐃᓐ ᐅᑉᐸᕼᐃᐊᒃ ᓗᒃᑖᖑᕈᓯᐊᓂᒃ ᐃᓚᐅᓂᖓᑕᓗ ᐊᒫᖅᑖᕐᓂᖅ ᐃᓕᓐᓂᐊᕐᓂᕐᒧᑦ ᕿᒪᐃᓯᒪᓂᐅᑉ ᑕᑯᒃᓴᐅᑎᑖᒍᑦ (ᑕᑦᑐᐃᓂ) ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒪᓕᒐᓕᐅᖅᑎᐅᖃᑎᒃᑲ, ᖃᕆᓴᐅᔭᒃᑯᓪᓗ ᑕᑯᓐᓈᖅᑐᐃᑦ, ᑐᙵᓱᒋᔅᓯ. ᐅᖃᖅᑎᑦᑎᔩ, ᖁᕕᐊᓱᒃᐳᖓ ᖁᕕᐊᓱᖃᑎᒋᔪᓐᓇᕋᒃᑯ ᐃᓚᐃᓐ ᐅᑉᐸᕼᐅᐊᖅ ᓴᐳᔾᔨᓯᒪᑦᑎᐊᓚᐅᕐᓂᖓᓄᑦ ᓘᒃᑖᖑᓂᕐᒧᑦ ᑎᑎᕋᖅᑕᒥᓂᒃ. ᑖᓐᓇ ᑭᖑᓪᓕᖅᐹᖑᖃᑕᐅᕗᖅ ᐃᓕᑕᕆᔭᐅᔾᔪᑎᑖᕋᓱᒃᖢᓂ ᐃᓅᖃᑎᒌᖕᓂᕐᒧᑦ ᖃᐅᔨᓴᖅᑐᓕᕆᓂᕐᒥᒃ ᕈᐃᔪᓪ ᕉᑦᔅ ᓯᓚᑦᑐᖅᓴᕐᕕᒡᔪᐊᕐᒥ. ᑖᓐᓇ ᐱᕚᓪᓕᕈᑎᒻᒪᕆᐅᕗᖅ ᐃᓄᖕᒧᑦ ᓯᕗᓕᖅᑎᒧᑦ ᐃᖅᑲᓇᐃᔮᓕᒫᒥᓂᒃ ᐱᓕᕆᓯᒪᓪᓗᓂ ᓴᙱᒃᑎᒋᐊᖅᑎᑦᑎᓇᓱᒃᖢᓂ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᐊᒻᒪ ᐱᕕᒃᓴᖃᖅᑎᑦᑎᒃᑲᓐᓂᕋᓱᒃᖢᓂ ᐃᓄᖕᓄᑦ ᓄᓇᕗᒻᒥ. ᐅᖃᖅᑎᑦᑎᔩ, ᐊᐃᕐᕆᓕ 9, 2026-ᒥ, ᓴᐳᔾᔨᓚᐅᖅᐳᖅ ᓘᒃᑖᖑᓂᕐᒧᑦ ᑎᑎᕋᖅᑕᒥᓂᒃ ᐃᒡᓗᕕᒐᐅᑉ ᐃᓗᐊᓂ ᐊᕐᕕᐊᑦ ᓯᓚᑖᓂ. >>ᐸᑦᑕᑐᖅᑐᑦ ᑖᓐᓇ ᓴᐳᓐᓂᐊᖅᑎᒋᓚᐅᖅᑕᖓ ᐃᖅᑲᐃᓯᔾᔪᑎᑦᑎᐊᕙᐅᓚᐅᖅᑐᖅ ᐃᓄᐃᑦ ᓇᒥᓕᒫᖅ ᐃᓚᐅᓪᓗᑎᒃ ᓯᓚᑦᑐᖅᓴᕐᕕᒡᔪᐊᑦ, ᖃᐅᔨᓴᖅᑐᓕᕆᓂᖅ, ᓯᕗᓕᖅᑎᐅᓂᖅ, ᐊᒻᒪᓗ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ, ᐊᒃᑐᐊᖏᓐᓇᕐᓗᑎᒃ ᑭᓇᐅᓂᕐᒥᓄᑦ ᐃᓅᓪᓗᑎᒃ. ᐃᓚᐃᓐ ᑲᔪᓯᑦᑎᐊᕐᓂᖓ ᓇᓗᓇᐃᖅᓯᒋᕗᖅ ᐱᒻᒪᕆᐅᓂᖓᓂᒃ ᓄᓇᕗᑦ ᒐᕙᒪᒃᑯᑦ ᐱᓕᒻᒪᒃᓴᐃᓂᕐᒧᑦ ᐊᒻᒪ ᐃᓕᓐᓂᐊᕐᓂᕐᒧᑦ ᐱᓕᕆᐊᒃᓴᓄᑦ. ᓯᕗᒻᒧᐊᒃᐸᓪᓕᐊᓚᐅᖅᐳᖅ ᐃᖅᑲᓇᐃᔭᖅᑐᓕᕆᔨᒃᑯᓐᓂ ᐊᒫᖅᑖᕐᓂᖅ ᐃᓕᓐᓂᐊᕐᓂᕐᒧᑦ ᐱᓕᕆᐊᖑᕙᒃᑐᒥ, ᐱᔭᕇᖅᓯᓪᓗᓂ ᑕᒪᐃᓐᓂᒃ ᐊᕌᒍᓄᑦ ᑎᓴᒪᓄᑦ ᓇᓗᓇᐃᒃᑯᑕᖅᑖᖅᓯᒪᓪᓗᓂ ᓯᕗᓕᖅᑎᐅᓂᕐᒧᑦ ᒫᓐᓇᓗ PhD−ᑖᖅᖢᓂ. ᒥᔅ ᐅᑉᐸᕼᐅᐊᖅ ᒫᓐᓇ ᒥᓂᔅᑕᐅᑉ ᑐᒡᓕᐊᑕ ᐃᑲᔪᖅᑎᒋᕙᐅᒃ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᑭᒃᑯᑐᐃᓐᓇᓄᓪᓗ ᐱᔨᑦᑎᕋᕐᕕᖃᖅᐸᖕᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᐃᖅᑲᓇᐃᔭᖅᑐᓕᕆᔨᒃᑯᓐᓂ. ᓯᓚᑦᑐᖅᓴᕐᕕᒡᔪᐊᕐᒥ

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 3 ᐃᓕᑕᕆᔭᐅᔾᔪᑎᑖᖅᓯᒪᓪᓗᓂ ᒫᓐᓇᓗ ᓘᒃᑖᖑᓂᕐᒧᑦ ᐃᓕᑕᕆᔭᐅᔾᔪᑎᑖᖅᓯᒪᓪᓗᓂ ᐊᕐᕌᒍᓂ 8−ᓂᒃ ᐱᕈᖅᓴᐃᓪᓗᓂ ᐸᓂᖕᒥᓂᒃ ᓯᐅᓪᓯ ᐊᒻᒪ ᐃᕐᓂᖓ ᑕᐃᓴᓐ ᑕᑯᒃᓴᐅᑎᑦᑎᕗᖅ ᐱᔪᒪᓂᖃᑦᑎᐊᕐᓂᖓᓂᒃ, ᐃᓂᖅᑎᕆᑦᑎᐊᕐᓂᕐᒥᒃ, ᐊᒻᒪ ᐊᖏᖅᓯᒪᑦᑎᐊᕐᓂᖓᓂᒃ ᐃᓚᒥᓄᑦ ᐊᒻᒪ ᓄᓇᖅᑲᑎᒥᓄᑦ. ᐃᓚᐃᓐ ᐃᓕᓐᓂᐊᖅᑕᒥᓄᑦ ᐱᓕᕆᐊᖏᑦ ᑐᑭᓯᕚᓪᓕᕈᑕᐅᕙᒃᐳᖅ ᐃᓄᐃᑦ ᐊᑐᖅᓯᒪᔭᖏᓐᓂᒃ ᓴᙱᒃᑎᒋᐊᖅᑎᑦᑎᓪᓗᓂᓗ ᐱᒻᒪᕆᐅᓂᖓᓂᒃ ᖃᐅᔨᓴᕐᓂᕐᒥᒃ ᑐᙵᕕᓕᖕᓂᒃ ᐃᓄᐃᑦ ᐱᒻᒪᕆᐅᒋᔭᖏᓐᓂᒃ. ᑖᓐᓇ ᐅᐱᒋᔭᐅᑦᑎᐊᖅᐳᖅ ᐃᓚᒥᓄᑦ, ᓄᓇᖅᑲᑎᒥᓄᑦ, ᐃᓄᖕᓄᓪᓗ ᓄᓇᕘᓕᒫᒥ. ᓴᖅᑭᑎᑦᑎᒋᕗᖅᑕᐅᖅ ᓴᙱᔪᒥᒃ ᐆᒃᑑᑎᒋᔭᐅᔪᓐᓇᖅᑐᒥᒃ ᐃᓄᖕᓄᑦ ᐃᓕᓐᓂᐊᖅᑎᓄᑦ ᒪᒃᑯᒃᑐᓄᓪᓗ, ᑕᑯᒃᓴᐅᑎᑦᑎᓪᓗᓂ ᓂᐱᖏᑦ ᐊᑑᑎᖃᕐᓂᖏᓐᓂᒃ ᑐᕌᕆᔭᖏᓪᓗ ᑎᑭᑕᐅᔪᓐᓇᑦᑎᐊᕐᓂᖏᓐᓂᒃ. ᓂᕆᐅᒃᐳᒍᑦ ᖁᕕᐊᓲᑎᒋᓛᕋᑦᑎᒃᑯ ᐃᓱᓕᑦᑎᓂᖓ ᐊᒻᒪᓗ, ᐃᓱᓕᑦᑎᒃᐸᑦ ᐅᑭᐊᒃᓵᖅ 2026−ᒥᑦ, ᑐᙵᓱᒃᑎᑦᑎᓪᓚᕆᒡᓗᑕ ᓄᓇᕘᑉ ᐃᓅᓪᓗᓂ ᐃᓕᓐᓂᐊᕈᓯᐊᓂᑦ, ᓘᒃᑖᖅ ᐃᓚᐃᓐ ᐅᑉᐸᕼᐅᐊᖅ. ᑖᓐᓇ ᐃᓚᐃᓐ ᐅᐱᒋᑦᑎᐊᖅᐸᕋ. ᓂᕆᐅᒃᐳᒍᑦ ᓯᕗᓕᖅᑎᐅᖏᓐᓇᕐᓂᐊᕐᓂᖓᓂᒃ ᐃᑲᔪᐃᓐᓇᕐᓂᐊᕐᓂᖓᓂᒡᓗ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ. ᐅᐱᒋᕙᒋᑦ ᒥᔅ ᐅᑉᐸᕼᐅᐊᖅ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᒥᓂᔅᑕᐃᑦ ᐅᖃᐅᓯᖏᑦ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ, ᒥᓂᔅᑕ ᕼᐄᓕ ᐊᕿᐊᕈᖅ. ᐊᖓᔪᖅᑳᑉ ᐅᖃᐅᓯᖓ 72 - 7(2): ᐱᐅᓛᖅ ᐆᒻᒪᖅᑯᓯᖅ ᐃᒐᓯᐅᒻᒧᑦ ᐊᑯᓐᓈᒍᑦ-ᐊᑑᑎᖃᐅᑎᒧᑦ ᑲᑎᒪᓂᖅ (ᕼᐄᓕ-ᐊᕿᐊᕈᖅ) ᐊᖓᔪᖅᑳᖅ ᒍᐊᐃᓐ ᕼᐄᓕ−ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᐅᓐᓄᓴᒃᑯᑦ ᒪᓕᒐᓕᐅᖅᑎᐅᖃᑎᒃᑲ. ᐅᖃᖅᑎᑦᓯᔩ, ᑕᖅᑭᐅᓚᐅᖅᑐᒥ ᐅᐱᒍᓱᓚᐅᖅᐳᖓ ᒪᑐᐃᖅᓯᓂᕐᒧᑦ ᐅᖃᐅᓯᔅᓴᖃᓚᐅᕋᒪ 28-ᒋᓕᖅᑕᖓᓂ ᐊᕐᕌᒎᒃ ᒪᕐᕉᒃ ᐊᓂᒍᕋᐃᒻᒪᑕ ᓴᙱᓂᖃᓪᓗᐊᑕᖅᑐᖅ ᐅᖅᓱᐊᓗᑐᐃᓐᓇᕐᒧᑦ ᐆᒻᒪᖅᑯᑎᓕᕆᓂᕐᒧᑦ ᑲᑎᒪᕕᔾᔪᐊᕐᓂᖃᖅᑎᓪᓗᒋᑦ ᑕᒫᓂ ᐃᖃᓗᓐᓂ. ᑖᓐᓇ ᓯᕗᓪᓕᖅᐹᑦᑎᐊᒥ ᐊᑐᖅᑕᐅᓚᐅᖅᑐᖅ ᓄᓇᕗᒻᒥ, ᑐᙵᓱᒃᑎᑦᑎᓚᐅᖅᐳᖅ 100 ᖃᓂᒋᔮᓂ ᐃᓚᐅᔪᓂᒃ ᓄᐊᑦ ᐊᒥᐊᓕᑲᒥᙶᖅᑐᓂᒃ, ᐅᓄᖅᑐᑦ ᑕᒪᐅᙵᕆᐅᖅᖢᑎᒃ ᓄᓇᕗᒧᑦ. ᑲᑎᒪᖃᑕᐅᔪᑦ ᐃᓚᐅᓚᐅᖅᐳᑦ ᐱᓕᕆᔾᔪᑎᓂᒃ ᑕᑯᒃᓴᐅᑎᑦᑎᓪᓗᑎᒃ ᐱᓕᕆᔾᔪᑎᓂᒃ ᐃᓚᓕᐅᔾᔨᓂᕐᒧᑦ ᐊᒻᒪ ᖃᐅᔨᓴᖅᐸᓪᓕᐊᓂᕐᒧᑦ ᑕᒪᐃᓐᓂᒃ ᐊᓯᔾᔨᒋᐊᒐᒃᓴᐅᔪᓂᒃ ᐆᒻᒪᖅᑯᑎᓂᒃ ᐊᒻᒪ ᐅᖅᓱᐊᓗᖕᒨᖅᑐᓂᒃ ᐆᒻᒪᖅᑯᑎᓂᒃ ᐊᒻᒪ ᐅᖃᐅᓯᖃᖅᖢᑎᒃ ᑕᐅᑐᖅᑰᖅᑕᖏᓐᓂᒃ ᖃᕆᓴᐅᔭᒃᑯᑦ ᐱᔭᐅᔾᔭᐃᖅᓯᒪᓂᕐᒧᑦ ᐊᒻᒪ ᓄᓇᓕᖕᓂ ᐊᑦᑕᕐᓇᖅᑕᐃᓕᒪᓂᕐᒧᑦ. ᑕᒪᕐᒥᑦᑎᐊᖅ ᐃᓚᐅᔪᑦ ᐆᒻᒪᖅᑯᓯᕆᓂᕐᒧᑦ ᐊᑐᖅᑕᐅᕙᒃᑐᑦ ᐅᖃᐅᓯᖃᓚᐅᖅᐳᑦ ᐆᒃᑑᑎᒋᔭᐅᔪᓂᒃ ᐊᑐᖅᓯᒪᔭᒥᓂᒡᓗ ᐊᖏᕐᕋᕆᔭᒥᓂ ᓄᓇᓕᖏᓐᓂ ᑲᓇᑕᓕᒫᒥ. ᑲᑎᒪᓂᐅᓚᐅᖅᑐᖅ ᐃᓚᖃᓚᐅᕆᕗᖅ ᑕᐅᑐᒐᖃᓪᓗᐊᑕᕐᓂᕐᒥᒃ ᐊᒥᖅᑳᖃᑎᖃᕐᓂᕐᒥᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᖃᐅᔨᓴᖅᑐᓕᕆᓂᕐᒥᒡᓗ, ᑕᒪᓐᓇᓗ ᐃᓚᖃᖅᖢᓂ ᐊᔪᕈᓐᓃᖅᓴᒐᒃᓴᓂᒃ ᖃᐅᔨᓴᖅᑐᓕᕆᓂᕐᒥᒃ ᖁᓪᓕᕐᒥᒃ ᐃᓕᖅᑯᓯᑐᖃᕐᒧᓪᓗ ᐱᒻᒪᕆᐊᓘᓂᖓᓂᒃ ᐃᓚᒌᓄᑦ ᑕᐃᔅᓱᒪᓂᑐᖃᖅ ᐅᓪᓗᒥᒧᑦ. ᑲᑎᒪᔭᖅᑐᖅᓯᒪᔪᑦ ᖁᕕᐊᒋᔭᖃᓚᐅᖅᑐᑦ ᓂᕿᓪᓚᑦᑖᓂᒃ, ᓴᓇᐅᒐᕐᓂᒃ ᓂᐅᕕᐊᒃᓴᖃᖅᖢᑎᒃ ᑕᑯᒃᓴᐅᑎᑦᑎᓪᓗᑎᒃ ᓴᓇᙳᐊᖅᑎᖁᑎᑦᑎᓐᓂᒃ, ᐊᒻᒪᓗ ᓄᓇᒥ ᐃᖃᓪᓕᐊᕈᓐᓇᖅᑎᑕᐅᓪᓗᑎᒃ ᐊᕙᑎᑦᑎᓐᓂ ᑐᙵᕕᒋᔭᐅᓪᓗᓂ ᑕᒪᐃᓐᓄᑦ ᐃᓄᐃᑦ ᖃᐅᔨᓴᖅᑐᓕᕆᓂᖏᓐᓄᑦ ᐊᒻᒪᓗ ᓴᓇᔪᓕᕆᓂᕐᒧᑦ ᐃᓱᒪᒋᔭᐅᕙᒃᑐᓄᑦ, ᐊᒻᒪᓗ ᑕᒪᓐᓇ

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 4 ᑲᔪᓰᓐᓇᖅᖢᓂ ᓄᑖᙳᖅᐸᓪᓕᐊᓂᐅᔪᓂᒃ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ, ᐱᓕᕆᖃᑎᒋᔭᖏᓪᓗ ᐃᑲᔪᖅᑐᐃᓪᓗᑎᒡᓗ ᑳᓐᑐᓛᖃᖅᑎᓂᒃ, ᑲᔪᓯᑎᑦᑎᓚᐅᖅᐳᑦ ᐱᓕᕆᐊᖑᑦᑎᐊᖅᑐᒥᒃ ᐃᓚᐅᑎᑦᑎᑦᑎᐊᕐᓂᕐᒥᒡᓗ ᐱᓕᕆᐊᒃᓴᒥᒃ. ᑕᐃᒪᐃᑦᑐᑦ ᖃᓄᐃᓕᐅᕐᓂᐅᔪᑦ ᐃᖅᑲᐃᓯᔾᔪᑎᒋᕙᕗᑦ ᐋᖅᑭᒃᓱᐃᕙᓪᓕᐊᓂᖅ ᐊᑐᖅᑕᐅᑦᑎᐊᕈᓐᓇᖅᑐᒥᒃ ᑲᔪᓯᐊᖏᓐᓇᕈᓐᓇᖅᑐᒥᒡᓗ ᐆᒻᒪᖅᑯᒻᒥᒃ ᐅᑭᐅᖅᑕᖅᑐᓕᒫᒥ ᐱᓕᕆᐊᖑᕙᒃᐳᖅ ᐱᓕᕆᖃᑎᒌᖕᓂᒃᑯᑦ ᐊᒥᖅᑳᖃᑎᖃᕐᓂᒃᑯᓪᓗ ᐃᓕᑦᑎᕙᓪᓕᐊᓂᕐᒥᒃ, ᓄᓇᕗᒻᒥᐅᑦ ᐱᓕᕆᖃᑎᒋᔭᐅᓪᓗᑎᒃ ᐃᑲᔪᖅᐸᒃᖢᑎᒃ ᖃᐅᔨᒪᔭᑦᑎᓐᓂᒃ ᓈᓚᒃᐸᒃᖢᑕᓗ ᐃᓕᑦᑎᕙᓪᓕᐊᕙᒃᖢᑕᓗ ᐊᓯᑦᑎᓐᓂᒃ. ᖁᔭᓕᑦᑎᐊᖅᐳᖓ ᑭᒃᑯᓕᒫᓄᑦ ᐃᓚᐅᓚᐅᖅᑐᓄᑦ ᐃᑲᔪᓚᐅᖅᑐᓄᓪᓗ ᑲᔪᓯᑦᑎᐊᕐᓂᖓᓄᑦ ᑖᓐᓇ ᐱᓕᕆᐊᖑᔪᖅ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, (ᑐᓵᔨᑎᒎᓕᖅᑐᖅ) ᐅᖃᖅᑎᑦᑎᔩ. ᐅᖃᖅᑎ: ᒥᓂᔅᑕᐃᑦ ᐅᖃᐅᓯᖏᑦ. ᓄᓇᓕᓐᓂ ᐱᔨᑦᓯᖅᑎᒃᑯᑦ ᒥᓂᔅᑕ ᓯᒪᐃᓚᒃ. ᐊᖓᔪᖅᑳᑉ ᐅᖃᐅᓯᖓ 73 - 7(2): ᓴᙱᒃᑎᕆᓂᖅ ᐃᓄᖃᙱᑦᑑᑉ ᐃᑯᐊᓪᓚᔭᑦᑐᓐ ᐸᕐᓈᕆᔭᐅᓂᖓᑕ ᓄᓇᕘᒥ (ᓯᒪᐃᓚᒃ) ᐊᖓᔪᖅᑳᖅ ᑯᕋᐃᒡ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᕈᒪᒐᒪ ᑐᓴᖅᑎᑦᑎᔪᒪᓪᓗᖓ ᓄᓇᕗᑦ ᒐᕙᒪᖓ ᐃᓚᐅᖃᑕᐅᓕᕐᓂᖓᓂᒃ ᑲᓇᑕᒥ ᐱᓕᕆᖃᑎᒌᓄᑦ ᓇᐹᖅᑐᓕᖕᓂ ᖃᑦᑎᕆᕝᕕᒃᑯᓐᓂ. ᑕᒪᓐᓇ ᐃᓚᒋᔭᐅᓂᖅ ᑲᑎᙵᑎᑦᑎᕗᖅ ᓄᓇᕗᒻᒥ ᑲᓇᑕᒥ ᐱᓕᕆᖃᑎᒌᓄᑦ ᓄᓇᒥ ᐃᑭᑦᑐᓄᑦ ᑐᑦᑕᕐᕕᐅᔪᓄᑦ ᓴᙱᒃᑎᒋᐊᖅᑎᑦᑎᓪᓗᓂᓗ ᐱᔪᓐᓇᕐᓂᖓ ᐱᕙᒌᔭᕐᓂᕐᒥᒃ ᑭᐅᓯᔪᓐᓇᕐᓂᕐᒥᓗ ᓄᓇᒥ ᐃᑭᑦᑐᖃᑐᐃᓐᓇᕆᐊᓕᖕᓄᑦ ᓄᓇᕗᒻᒥ. ᓄᓇᕗᑦ ᓇᐹᖅᑐᓕᐅᑉ ᑭᒡᓕᖓᓂ ᖄᖓᓃᒃᑲᓗᐊᖅᑎᓪᓗᒍ, ᐊᕙᑎᐅᑉ ᐊᓯᔾᔨᖅᐸᓪᓕᐊᓂᖓᑕ ᖃᓄᐃᓕᖓᓂᖏᑦ, ᐱᖃᓯᐅᑎᓗᒋᑦ ᐊᐅᒃᐸᓪᓕᐊᔪᑦ ᖁᐊᖑᐃᓐᓇᐅᔭᖅᑐᖅ ᐅᖅᖂᓯᕙᓪᓕᐊᓂᖓᓗ, ᐊᑦᑕᕐᓇᖅᓯᕙᓪᓕᐊᑐᐃᓐᓇᖅᐳᖅ ᓄᓇᒥ ᐃᑭᑦᑐᖃᑐᐃᓐᓇᕆᐊᖃᕐᓂᖓ ᐊᒃᑐᐃᔾᔪᑕᐅᑐᐃᓐᓇᕆᐊᖃᖅᖢᓂᓗ ᓄᓇᓕᖕᓄᑦ ᒪᑭᒪᔾᔪᑎᓄᓪᓗ. ᑕᒪᒃᑯᐊ ᐊᓯᔾᔨᖅᐸᓪᓕᐊᖏᓐᓇᖅᑐᑦ ᐊᑦᑕᕐᓇᖅᑐᑦ ᐱᔭᕆᐊᖃᖅᐳᖅ ᖃᓄᐃᓕᐅᕈᑎᖃᒃᑲᓐᓂᕐᓂᕐᒥᑦ ᒫᓐᓇ ᓴᙱᒃᑎᒋᐊᖅᑎᑦᑎᔪᒪᓂᕐᒧᑦ ᐱᕙᒌᔭᖅᓯᒪᓂᖅ ᐊᒻᒪᓗ ᓄᓇᕗᒻᒥᐅ ᐱᕙᒌᔭᖅᓯᒪᖁᓪᓗᒋᑦ ᑭᐅᓯᔪᓐᓇᕐᓂᕐᒧᑦ ᐱᔭᕆᐊᖃᕌᖓᑕ. ᐃᓚᒋᔭᐅᓗᓂ ᑲᓇᑕᒥ ᐱᓕᕆᖃᑎᒌᓄᑦ, ᓄᓇᕗᑦ ᐊᖏᓂᖅᓴᒥᒃ ᐊᖅᑯᑎᖃᕈᓐᓇᕐᓂᐊᖅᐳᖅ ᖃᐅᔨᒪᑦᑎᐊᖅᑐᓂᒃ, ᐱᓕᒻᒪᒃᓴᕐᓂᕐᒥᑦ, ᐊᐅᓚᑦᑎᓂᕐᒥᑦ, ᐊᒻᒪᓗ ᑐᓴᐅᒪᖃᑎᒌᖕᓂᕐᒥᑦ ᓄᓇᒥ ᐃᑭᑦᑐᓂᑦ ᑐᑦᑕᕐᕕᒋᔭᐅᔪᓄᑦ ᑐᐊᕕᕐᓇᖅᑐᓕᕆᓂᕐᒧᓪᓗ ᐊᐅᓚᑦᑎᔨᐅᖃᑎᒌᓄᑦ ᑲᓇᑕᓕᒫᒥ. ᐅᖃᖅᑎᑦᑎᔩ, ᑕᒪᓐᓇ ᐃᓚᒋᔭᐅᓂᖅ ᓴᙱᒃᑎᒋᐊᖅᑎᑦᑎᒋᕗᖅ ᓄᓇᕗᒻᒥ ᐊᖏᓂᖅᓴᒃᑯᑦ ᑐᐊᕕᕐᓇᖅᑐᓕᕆᓂᕐᒧᑦ ᐊᐅᓚᑦᑎᔪᓐᓇᕐᓂᕐᒥᑦ ᐅᑭᐅᖅᑕᖅᑐᒥᓪᓗ ᐊᕕᒃᑐᖅᓯᒪᓂᖓ ᓂᐱᖃᕈᓐᓇᖁᓪᓗᒋᑦ ᑲᓇᑕᒥ, ᐱᖃᓯᐅᑎᓗᒋᑦ ᑭᒡᒐᖅᑐᖅᑕᐅᓂᖓ ᑲᓇᑕᒥ ᐱᓕᕆᖃᑎᒌᓄᑦ ᓇᐹᖅᑐᓕᖕᓂ ᖃᑦᑎᕆᕝᕕᒃᑯᑦ ᑲᑎᒪᔨᖏᓐᓄᑦ. ᓄᓇᕗᒻᒥ, ᓄᓇᓖᑦ ᑐᑦᑕᕐᕕᒋᔭᐅᕗᑦ ᑐᐊᕕᕐᓇᖅᑐᓄᑦ ᑭᐅᓯᔪᓐᓇᕐᓂᕐᒧᑦ. ᐱᓕᕆᐊᒃᓴᖅᐳᑦ ᐃᑲᔪᖅᑐᐃᓗᒋᑦ ᓴᙱᒃᑎᒋᐊᕐᓗᒋᑦ ᐊᐅᓚᑦᑎᓂᖅ, ᐱᕙᓪᓕᐊᑎᑦᑎᓂᖅ ᐱᔪᓐᓇᖅᓯᕙᓪᓕᐊᓂᕐᒧᑦ, ᐃᑲᔪᖅᑕᐅᓂᖅ ᐊᑐᐃᓐᓇᐅᒐᓗᐊᕐᒪᖔᑦ ᐱᔭᕆᐊᖃᓕᕌᖓᒥ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 5 ᑕᒪᓐᓇ ᐱᓕᕆᓂᐅᔪᑦ ᑕᑯᒃᓴᐅᑎᑦᑎᕗᖅ ᐱᒻᒪᕆᐅᓂᖓᓂᒃ ᐱᕙᒌᔭᖅᓯᒪᓂᕐᒧᑦ, ᐱᓕᕆᖃᑎᒌᖕᓂᖅ, ᐊᓯᑦᑎᓐᓂᓗ ᑲᒪᑦᑎᐊᖃᑦᑕᐅᑎᓂᖅ − ᐱᒻᒪᕆᐅᒋᔭᐅᔪᑦ ᑲᔪᓯᔪᑦ ᖃᐅᔨᒪᔾᔪᑎᒃᓴᓄᑦ ᑐᐊᕕᕐᓇᖅᑐᓂᕆᓂᕐᒧᑦ ᐊᐅᓚᑦᑎᓂᖅ ᓄᓇᕗᓕᒫᒥᑦ. ᓄᓇᕗᑦ ᒐᕙᒪᖓ ᐱᓕᕆᖃᑎᖃᐃᓐᓇᕐᓂᐊᖅᐳᖅ ᐱᓕᕆᖃᑎᒋᔭᖏᓐᓂ ᑲᓇᑕᒥ ᓴᙱᒃᑎᒋᐊᕈᒪᓪᓗᒋᑦ ᑐᐊᕕᕐᓇᖅᑐᖃᖅᑎᓪᓗᒍ ᐱᕙᒌᔭᖅᓯᒪᓂᖅ ᐃᑲᔪᖅᑐᐃᓗᒋᓗ ᐊᑦᑕᕐᓇᖅᑕᐃᓕᒪᓂᖅ ᖃᓄᐃᙱᑦᑎᐊᕐᓂᕐᓗ ᓄᓇᕗᒻᒥᐅᓄᑦ. ᒪᑦᓇ, ᐅᖃᖅᑎᑦᑎᔩ. ᑲᑎᒪᔾᔪᑎᒃᓴᖅ 3: ᒪᓕᒐᓕᐅᖅᑏᑦ ᐅᖃᐅᓯᖏᑦ ᒪᓕᒐᓕᐅᖅᑎᐅᑉ ᐅᖃᐅᓯᖓ 72 - 7(2): ᓇᓄᖅ ᐅᓇᓕᒃᓴᔭᕋᓛᖏᑦ (ᐲᑕᓴᓐ) ᐅᖃᖅᑎ: ᑲᑎᒪᔾᔪᑎᑦᑎᓐᓅᕐᓗᑕ ᓵᓴᐅᑎᖓ 3. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐃᖃᓗᒃᑑᑦᓯᐊᕐᒧᑦ ᒪᓕᒐᓕᐅᖅᑎ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓪᓗᖃᑦᑎᐊᓂᐊᖅᑯᓯ ᑕᑯᓐᓈᖅᑐᓕᒫᑦ ᐃᖃᓗᒃᑑᑦᑎᐊᒥᓗ ᑕᑯᕋᓐᓈᖅᑐᐃᑦ. ᒪᓕᒐᓕᐅᕐᕕᒻᒥ ᓂᓪᓕᐊᓪᓗᖓ ᐅᖃᐅᓯᖃᕐᓂᐊᕐᓂᕋᒪᐅᕋᒪ ᐊᑎᖏᓐᓂᒃ ᐅᓇᓕᔅᓴᕋᓛᖑᔪᓂᒃ 3004 ᓇᓄᕐᒥ ᑖᒃᑯᐊ ᐃᓕᓐᓂᐊᖅᑕᒥᓂᒃ ᐱᔭᕇᓚᐅᕐᖓᑕ. ᑖᒃᑯᐊ: ᒥᑦᓱᓪ ᑲᒪᐅᔪᖅ, ᓘᑲᔅ ᑲᐅᓱᓂ, ᔨᐊᓐᓴᓐ ᐊᓪᓗᒃᐱᒃ, ᑕᐃᓰᓐ ᐃᕐᔨᖅᑐᖅ, ᕼᐅᕋᐃᓯᐅᑦ ᑲᕙᓐᓇ, ᐊᐅᕆᐋᓇ ᑲᐅᓱᓂ, ᓂᕙᐃᐊ ᐃᒥᖓᒃ, ᒫᑲᔅ ᕼᐊᓂᓕᐊᖅ, ᓱᕕᐊ ᐅᑭᓇ, ᓰᓚ ᐸᐅᕗ, ᒪᕆᓴ ᐅᕕᓗᖅ, ᑕᔅᑎᓐ ᑲᐳᓚᒃ, ᐳᕉᑎ ᐊᖑᕼᐊᐃᑦᑐᖅ, ᒫᒃᓯᒪᔅ ᐊᖑᕼᐊᐃᑦᑐᖅ, ᐃᓕᓴᑭ ᑎᒦᑐᕆᒃ, ᐊᒻᒪᓗ ᐊᑲᓇ ᑲᓂᐊᒃ. ᐊᓯᖏᑦ ᑮᓇᐅᔾᔭᔅᓴᓇᑎᒃ ᐅᓇᓕᕋᓛᒃᑯᓐᓂᑦ ᐱᖃᑕᐅᖃᑦᑕᖅᑐᐃᑦ, ᐅᓇᓕᐅᓇᑎᒃ ᐃᓕᓴᐃᔩᑦ ᐋᓕᒃᔅ ᐳᑲᓐ, ᕋᐃᒐᓐ ᐃᕕᑕᓕᒐᖅ, ᐊᒻᒪᓗ ᓄᑲ ᐆᓪᓴᓐ−ᕼᐊᑯᓐᓈᖅ. ᑖᒃᑯᐊ ᐃᓕᓴᕆᓚᐅᕐᓚᕗ 3004ᒥ ᓇᓄᕐᒥ ᐅᓇᓕᔅᓴᕋᓛᖑᔪᐃᑦ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᑦᑕᐅᖅ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐊᐃᕕᓕᖕᒧᑦ ᒪᓕᒐᓕᐅᖅᑎ ᐊᖑᑎᐊᓗᒃ. ᒪᓕᒐᓕᐅᖅᑎᐅᑉ ᐅᖃᐅᓯᖓ 73 - 7(2): ᓴᒃᑰᑉ ᐃᓕᓐᓂᐊᕐᕕᐊᓂ ᐊᓂᒍᐃᔪᑦ (ᐊᖑᑎᐊᓗᒃ) ᐊᖑᑎᐊᓗᒃ: ᖁᔭᓐᓇᒦᒃ ᐅᖃᖅᑎᑦᑎᔨ. ᑖᒃᑯᐊ ᐃᓕᓐᓂᐊᕌᓂᖕᓂᐊᖅᑐᑦ ᓴᓪᓕᒥ ᓴᒃᑯᒃ ᐃᓕᓐᓂᐊᕐᑯᐊᓂᑦ ᓴᓪᓕᐅᑉ ᐃᓕᓐᓂᐊᖅᑎᖏᑦ 14ᖑᔪᑦ ᐃᓕᓐᓂᐊᕌᓂᖕᓂᐊᖅᑐᑯᓗᐃᑦ ᐊᐅᔭᖅ. ᖁᕕᐊᓱᖃᑎᒋᕙᒃᑲ ᐊᒻᒪ ᐃᓕᓐᓂᐊᕐᓇᕐᒪᑦ ᖃᐅᑕᒫᑦ ᐃᓕᓐᓂᐊᕌᓂᙱᑦᑐᓯ ᓱᓕ ᐃᓕᓐᓂᐊᕌᒃᑯᓗᐊᖅᖢᓯ. ᑖᒃᑯᐊ ᐊᑎᖏᑦ ᐅᖃᕐᓂᐊᖅᑕᒃᑲ: ᑰᓪᑕᓐ ᐃᐅᓪ, ᕼᐋᓇ ᐊᖑᑎᐊᓗᒃ, ᑎᐊᕆᐊᓐ ᓇᑕᖅᑯᖅ, ᐊᐃᓴᐃᐊ ᕼᐃᐅᕋᓐ, ᔮᓇᑕᓐ ᔫᓂᐅ ᐃᒥᖅᑕᐅᑦ, ᑲᑐᕇᓇ ᓴᐃᒻᒪᐅᑦ, ᑯᕆᔅᑎᐊᓐ ᐃᒥᖅᑕᐅᑦ, ᕋᐃᑦᓱᓪ ᖁᕕᐊᓇᖅᑐᓕᐊᖅ, ᕋᐃ ᔫᓂᐅ ᓇᑦᓱ, ᕉᐱ ᓂᖏᐊᑦᓯᐊᖅ, ᓴᐹᔅᑕᓐ ᓇᑦᓯᖅ, ᓯᐊᑦ ᖁᓪᓕᖅ, ᑖᓴ ᓂᖏᐅᑦᓯᐊᖅ, ᐅᖅᓱᖅ ᓴᐸᖓᖅ. ᖁᔭᓐᓇᒦᒃ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 6 >>ᐸᑦᑕᑐᖅᑐᑦ ᐅᖃᖅᑎ: ᐅᐱᒍᓱᖃᑎᒋᕙᑦᓯ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐊᕐᕕᐊᑦ ᓂᒋᐊᓄᑦ, ᒪᓕᒐᓕᐅᖅᑎ ᖃᑉᓗᑦᓯᐊᖅ. ᒪᓕᒐᓕᐅᖅᑎᐅᑉ ᐅᖃᐅᓯᖓ 74 - 7(2): ᐊᕐᕕᐊᓂ ᓯᐊᕐᕆᔮᕐᕕᐊ (ᖃᑉᓗᑦᓯᐊᖅ) ᖃᑉᓗᑦᓯᐊᖅ: ᒪ’ᓇ, ᐅᖃᖅᑎᑦᓯᔩ. ᐅᑯᐊ ᑐᕌᖓᔪᒫᖅᑐᑦ ᐊᐱᖅᑯᑎᒋᒋᐊᕈᒫᒐᒃᑲ ᒥᓂᔅᑕᖓᓄᑦ ᓄᓇᓕᖕᓂ ᐱᔨᑦᑎᕋᖅᑎᑦᑯᓐᓄᑦ. (ᑐᓵᔨᑎᒎᓕᖅᑐᖅ): ᐅᖃᖅᑎ, 1981-ᒥᓂᑦ ᐊᕐᕕᐊᑦ ᕼᐋᒪᓚᖓ ᐱᑕᖃᖅᑎᑦᑎᓯᒪᒻᒪᑦ ᐊᐅᓚᑦᑎᓪᓗᓂᓗ ᓯᐊᕐᕆᔮᕐᕕᒻᒥᒃ ᐊᕐᕕᐊᕐᒥᐅᓄᑦ ᐱᙳᐊᕐᕕᐅᔪᓐᓇᖅᑐᓂᓗ ᐳᓛᕆᐊᖅᓯᒪᔪᓄᑦ. ᐊᕐᕕᐊᑦ ᓯᐊᕐᕆᔮᕐᕕᖓ ᐱᑐᖃᐅᓛᖑᖃᑕᐅᒻᒪᑦ ᓄᓇᕗᒻᒥ. ᑕᐃᒫᓪᓗ ᓴᓇᒋᐊᖅᑕᐅᒋᐊᖃᓪᓚᕆᓯᒪᓕᕐᖓᑦ. ᒫᓐᓇ ᓯᐊᕐᕆᔮᕐᕕᒃ ᒥᑭᓗᐊᓕᖅᑐᖅ ᓄᓇᓕᓐᓄᑦ ᐊᑐᖅᑕᐅᒋᐊᖓ. 44 ᐊᕐᕌᒍᐃᑦ ᐊᓂᒍᖅᑎᓪᓗᒋᑦ ᐊᒥᓱᐊᓗᐃᑦ ᐊᓯᕈᖅᓯᒪᒻᒪᑕ ᐊᕐᕕᐊᓪᓗ ᐊᖏᓪᓕᕚᓪᓕᖅᓯᒪᓪᓗᓂ ᐊᔅᓱᐊᓗᒃ ᐃᓄᒋᐊᔅᓯᕚᓪᓕᖅᓯᒪᕖᙵᖅᑐᓂᓗ ᐊᒻᒪ ᐃᓄᒋᐊᓐᓂᖅᓴᐃᑦ 30ᒥ ᐅᑭᐅᖅᑖᖅᓯᒪᓇᑎᒃ. ᕼᐋᑭ ᑖᓐᓇ ᐱᙳᐊᖑᓛᖑᓲᖑᒻᒪᑦ ᐱᙳᐊᕐᕕᐅᓛᖑᓲᖑᒻᒪᑦ, ᐅᑭᐅᑭᑦᑑᒐᓗᐊᑦ, ᐅᑭᐅᒃᑮᓪᓗ ᐊᖑᑏᓪᓗ ᐊᕐᓇᐃᓪᓗ ᑕᐃᑲᓂ ᐊᑐᖃᑦᑕᕐᖓᑕ ᓯᐊᕐᕆᔮᕐᕕᒻᒥᒃ. ᐅᖃᖅᑏ, ᑖᓐᓇ ᐃᓚᒋᔭᐅᒻᒪᑦ ᓄᓇᓕᒻᒥ ᐱᙳᐊᕐᕕᒻᒧᑦ ᐊᑦᑐᐊᒻᒪᑦ ᐊᒻᒪᓗᑦᑕᐅᖅ ᐊᑦᑐᐊᓂᖃᕆᓪᓗᓂ ᐃᓗᐊᓂ ᐱᙳᐊᕐᕕᐅᔪᓄᑦ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᑎᔩ. ᐅᖃᖅᑎ: ᖁᔭᓐᓇᒦᒃ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᑲᔪᓯᒃᑲᓐᓂᕐᓗᑕ. ᓈᓴᐅᑎᖓ 4 ᑲᑎᒪᔾᔪᑎᑦᑎᓐᓄᑦ. ᐅᖃᐅᓯᒃᑯᑦ ᑭᐅᔾᔪᑎᕕᓂᕐᓄᑦ ᐅᑎᕈᑏᑦ ᐃᓚᒋᐊᕈᑏᑦ. ᓈᓴᐅᑎᖓ 5. ᐳᓛᕆᐊᖅᓯᒪᔪᓄᑦ ᐃᓕᑕᖅᓯᓂᖅ. ᑲᖏᖅᓯᓂᐅᑉ ᓂᒋᐊᓄᑦ ᒪᓕᒐᓕᐅᖅᑎ ᑕᑦᑐᐃᓂ. ᑲᑎᒪᔾᔪᑎᒃᓴᖅ 5: ᐃᓕᑕᖅᓯᓂᖅ ᑐᓵᔭᖅᑐᖅᓯᒪᔪᓂᒃ ᒪᓕᒐᓕᐅᕐᕕᒻᒧᑦ ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᓕᑕᖅᓯᒍᒪᓪᓗᖓ ᐳᓛᕆᐊᖅᓯᒪᔪᓂᒃ. ᐃᓚᐃᓐ ᐅᑉᐸᕼᐅᐊᒃ ᑕᕝᕙᓃᑦᑐᖅ. ᐃᓕᑕᕆᓪᓗᒍ ᑐᓂᔭᐅᓂᐊᕐᒪᑦ ᖁᑦᓯᓂᖅᓴᒥᒃ ᐃᓕᑕᕆᔭᐅᔾᔪᑎᒥᒃ ᐊᒻᒪ ᑐᖏᓕ ᐃᖅᑲᓇᐃᔭᖅᑐᓕᕆᔨᖏᓐᓄᑦ ᐊᓪᒪ ᐸᐅᕗ, ᑏᒪ ᐸᓪᓗᖅ, ᐃᓚᐃᓐ ᐊᐃᑉᐹ ᐊᒻᒪ ᓯᐅᓪᓯ ᐅᑉᐸᕐᔪᐊᖅ-ᐳᕈᔅᑭ, ᐃᓚᐃᓐ ᐸᓂᖓ, ᐊᒻᒪᓗ ᐃᓚᐃᓐ ᖃᖅᑲᓯᖅ. ᑖᒃᑯᐊ ᐃᓚᐅᓪᓚᕆᒃᓯᒪᔪᑦ ᑲᔪᓯᑦᓯᐊᕐᓂᖓᑕ ᑖᔅᓱᒪ ᐊᕐᓇᐅᑉ. ᐃᓚᐃᓐ ᓇᖏᖁᑉᓗᒍ ᐃᓕᑕᕆᔭᐅᓂᐊᕐᒪᑦ. >>ᐸᑦᑕᑐᖅᑐᑦ ᐅᖃᖅᑎ: ᓴᕆᒪᓱᑦᓯᐊᖅᐳᒍᑦ ᐃᓕᓐᓂᒃ, ᒥᔅ ᐅᑉᐸᕼᐅᐊᒃ, ᐊᒻᒪᓗ ᑐᙵᓱᑦᓯᐊᕆᑦᓯ ᒪᓕᒐᓕᐅᕐᕕᒻᒥ. ᐊᕐᕕᐊᑦ ᓂᒋᐊᓄᑦ ᒪᓕᒐᓕᐅᖅᑎ ᖃᑉᓗᑦᓯᐊᖅ. ᖃᑉᓗᑦᓯᐊᖅ: ᒪ’ᓇ, ᐅᖃᖅᑎᑦᓯᔩ. ᑕᒡᕙᓂ ᐃᒡᓗᕐᔪᐊᕐᒥᓯᐅᖅᑐᑦ ᐃᓕᑕᕆᖃᑕᐅᒍᐊᖅᖢᒍ ᐊᕐᕕᐊᓂᙶᖅᑐᖅ ᑐᕌᕕᔅ ᑲᓗᐊᖅ ᐊᒻᒪ ᓘᓚ ᔅᓴᓪᓯ ᐊᑉᐸᕐᔪᐊᖅ ᐳᕋᔅᑭ. ᐊᐃ’ᓈᕋ ᐃᓚᐃᓐ ᐊᑉᐸᕐᔪᐊᖅ ᐊᒻᒪ ᐊᖓᔪᕐᖑᐊᖅ ᑏᒪ ᐸᓪᓗᖅ. ᒪ’ᓇ, ᐅᖃᖅᑏ. >>ᐸᑦᑕᑐᖅᑐᑦ

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 7 ᐅᖃᖅᑎ: ᑐᙵᓱᑦᓯᐊᕆᑦᓯ ᒪᓕᒐᓕᐅᕐᕕᖕᒧᑦ. ᒪᓕᒐᓕᐅᖅᑎ ᐃᖃᓗᐃᑦ ᒪᓂᕋᔭᖕᒧᑦ ᒥᔅ ᕼᐄᓕ ᐊᕿᐊᕈᖅ. ᐊᖓᔪᖅᑳᑦ ᒍᐊᐃᓐ ᕼᐄᓕ−ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ): ᐊᒻᒪᑦᑕᐅᖅ ᐃᓕᑕᖅᓯᖃᑕᐅᔪᒪᓪᓗᖓ ᑐᕌᕕᔅ ᑲᓪᓗᐊᕐᒥᒃ ᑖᒻᓇ ᐅᐱᓐᓇᑦᓯᐊᖅᑐᖅ ᑲᑎᒪᔨᐅᖃᑕᐅᓪᓗᓂ ᖁᓪᓕᒃᑯᓐᓄᑦ ᐊᒻᒪᓗ ᑖᓐᓇ ᑲᒪᒋᒋᐊᓕᖏᑦ ᐱᒐᓗᐊᕐᒥᑎᓪᓗᒋᑦ ᓄᓇᕗᑦ ᐃᓪᓗᓕᕆᔨᕐᔪᐊᒃᑯᖏᓐᓂᑦ ᐃᓕᑕᕆᔪᒪᓪᓗᒍ ᐃᑲᔪᖅᐸᓐᓂᕆᔭᖓ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ: ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐃᖃᓗᐃᑦ ᓯᓈᓄᑦ ᒪᓕᒐᓕᐅᖅᑎ ᐳᕉᔅᑐ. ᐊᖓᔪᖅᑳᖅ ᔮᓇᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᓕᑕᖅᓯᔪᒪᒋᓪᓗᖓᑦᑕᐅᖅ ᐃᓚᓐᓇᕆᔭᓐᓂᒃ ᒥᓇᓂ ᖃᖅᑲᓯᖅ. ᑖᓐᓇ ᓄᐊᑯᓗᒐ. ᑐᙵᓱᒋᑦ ᐃᓪᓗᒧᑦ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ: ᑐᙵᓱᑦᓯᐊᕆᑦ ᒪᓕᒐᓕᐅᕐᕕᖕᒧᑦ. ᐳᓛᕆᐊᖅᓯᒪᔪᓂᒃ ᐃᓕᑕᖅᓯᓂᖅ. ᓇᑦᓯᓕᖕᒧᑦ ᒪᓕᒐᓕᐅᖅᑎ ᓚᐃᔪᓪ. ᐊᖓᔪᖅᑳᖅ ᓯᓯᐅᓪ ᓚᐃᔪᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᓕᑕᖅᓯᔪᒪᒋᓪᓗᖓᑦᑕᐅᖅ ᑐᕌᕕᔅᒥᒃ. ᐃᓪᓗᒧᑦ ᑐᙵᓱᒋᑦ ᐊᒻᒪ ᖁᔭᓐᓇᒦᒃ ᐃᑲᔪᖃᑦᑕᖅᓯᒪᓂᕆᔭᕐᓄᑦ ᐃᒡᓗᓕᕆᔨᒃᑯᓐᓂ ᓄᓇᕗᒻᒥ ᐃᑲᔪᖅᓯᒪᓃᑦ ᑕᐃᒪᐃᑉᐸᓐᓂᐊᕋᓗᐊᕆᕗᖅ ᐃᓚᓐᓇᕆᔭᑎᓪᓗ ᐃᑲᔪᖅᐸᑦᑐᓪᓗ ᐃᓕᓐᓂᒃ ᐱᓕᕆᐊᑉ ᐊᖏᔪᒻᒪᕆᒻᒥᒃ ᐱᓕᕆᑎᓪᓗᑎᑦ ᐃᓪᓗᓕᕆᔨᕐᔪᐊᒃᑯᓐᓂ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ: ᐃᓕᑕᖅᓯᓂᖅ ᐳᓛᕆᐊᖅᓯᒪᔪᓂᒃ. ᒪᓕᒐᓕᐅᖅᑎ ᐊᕐᕕᐊᑦ ᐅᐊᖕᓈᓄᑦ ᑎᑭᕋᕐᔪᐊᕐᒧᓪᓗ ᒥᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ ᐅᖃᖅᑎᑦᓯᔩ. ᐃᓕᑕᖅᓯᖃᓂᐊᖃᑕᐅᕈᐊᕐᓗᖓ ᐊᕐᕕᐊᕐᒥᐅᑕᐅᓱᒋᔪᐊᕋᑉᑯ ᓱᓕ ᐃᓚᐃᓐ, ᐊᕐᕕᐊᕐᒥᐅᑕᐅᔪᐊᕋᕕᑦ ᓱᓕ, ᐃᓚᐃᓐ ᐊᑉᐸᒡᔪᐊᖅ ᐃᓕᑕᕆᒍᐊᖅᖢᒍ, ᐃᓚᖏᓪᓗ ᑐᙵᓱᒡᓕᑦ ᐊᒻᒪ ᑐᕌᕕᔅ ᑲᓗᐊᖅ. ᑕᒪᕐᒥᒃ ᐅᖃᖅᑎᑦᓯᔩ, ᑎᑎᕋᖅᑕᑎᑦ ᒪᓕᒃᖢᒋᑦ ᒪ’ᓈᖅᐸᒋᑦ ᐃᓕᑕᖅᓯᖃᑕᐅᔫᓪᓗᐊᕋᑉᓯ ᐱᖓᓱᐃᖅᖢᑎᒃ ᑕᒪᕐᒥᒃ ᐃᓕᑕᕆᔭᐅᓯᒪᓕᕐᒪᑕ ᖁᕕᐊᓱᒃᑐᖓ. ᐊᕐᕕᐊᕐᒥᐅᑕᖅᑕᖃᕌᖓᑦ ᑕᕝᕙᓂ ᖁᕕᐊᓇᐃᓐᓇᖅᑐᖅ, ᑐᙵᓱᑦᑕᕐᓕᑦ ᐊᕐᕕᐊᕐᒥᐅᑦ ᑕᕝᕗᖓ ᐃᓕᑕᕆᔭᐅᖃᑕᐅᑦᑕᕐᓂᐊᕐᒪᑕ. ᒪ’ᓇ ᐅᖃᖅᑎᑦᓯᔩ. ᐅᖃᖅᑎ: ᒪ’ᓈᖅᐸᒋᑦᑕᐅᖅ. ᑐᙵᓱᖃᑦᑕᕐᓕᑦ ᓄᓇᕗᒻᒥᐅᓕᒫᑦ ᑕᕝᕗᖓ ᑲᑎᒪᕕᑦᑎᓐᓄᑦ. ᑲᑎᒪᙱᒃᑲᓗᐊᕈᑦᑕ, ᑲᑎᒪᒐᓗᐊᕈᑦᑕ ᑖᓐᓇ ᐃᓪᓗᕐᔪᐊᖅ ᓄᓇᕗᒻᒥᐅᓄᑦ ᑐᕌᖓᒻᒪᑦ. ᑐᙵᓱᑉᐳᓯ. ᐳᓛᕆᐊᖅᓯᒪᔪᓂᒃ ᐃᓕᑕᖅᓯᓂᖅ. ᐅᖅᑯᕐᒥᐅᓄᑦ ᒪᓕᒐᓕᐅᖅᑎ ᑲᐅᑐᒃ. ᑲᐅᑐᒃ: ᖁᔭᓐᓇᒦᒃ, ᐅᖃᖅᑏ. ᐃᓕᓴᕆᔪᒪᕙᕋ ᐱᖃᓐᓇᕆᔭᕋ ᑏᒪ ᐸᓪᓗᖅ. ᑐᙵᓱᒡᓕ ᐃᒡᓗᖓᓄᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᓕᑕᕐᓇᖅᓯᕙᓪᓕᐊᑐᐃᓐᓇᖃᑦᑕᕐᒪᑕ ᑐᙵᓱᑦᑎᐊᖃᑦᑕᕐᓕᑦ. ᐊᒻᒪᓗ ᐊᓕᐊᓇᐃᑦ ᐃᓅᖃᑎᑦᑎᓐᓂᒃ ᓄᓇᕗᒻᒥᐅᖃᑎᑦᑎᓐᓂᒃ ᑕᑯᖃᑦᑕᖅᑎᓪᓗᑕ ᑕᕝᕙᓂ. ᐳᓛᕆᐊᖅᓯᒪᔪᓂᒃ ᐃᓕᑕᖅᓯᓂᖅ. ᐊᑎᖁᑎᒃᑲ ᓄᖑᒻᒪᑕ. ᑲᑎᒪᔾᔪᑎᑦᑎᓐᓄᑦ 6. ᐅᖃᐅᓯᒃᑯᑦ ᐊᐱᖅᑯᑏᑦ. ᖁᕐᓗᖅᑑᕐᒧᑦ ᒪᓕᒐᓕᐅᖅᑎ ᖁᓕᒃᑖᓇ. ᑲᑎᒪᔾᔪᑎᒃᓴᖅ 6: ᐅᖃᐅᓯᒃᑯᑦ ᐊᐱᖅᑯᑎᑦ

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 8 ᐊᐱᖅᑯᑦ 96 - 7(2): ᐋᓐᓂᐊᖅᑐᓕᕆᔨᒃᑯᑦ ᐱᖁᑎᕐᔪᐊᖏᑦ (ᖁᓕᒃᑖᓇ) ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᕈᒪᑐᐃᓐᓇᖅᖢᖓ ᑖᒃᑯᐊ ᓄᓇᖃᖅᑐᑦ ᖁᕐᓗᖅᑐᒥᐅᑦ ᐅᓪᓗᖃᑦᑎᐊᖁᓇᖅᐳᓯ ᐅᓪᓗᒥ. ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒃᑲ ᐅᓪᓗᒥ ᐋᓐᓂᐊᖅᑐᓕᕆᔨᒃᑯᑦ ᒥᓂᔅᑕᖓᓄᑦ. ᐅᖃᖅᑏ, ᓯᕗᓪᓕᖅᐹᒥ ᐅᖃᖅᑳᕐᓗᖓ ᐊᑦᓱᐊᓗᒃ ᐅᐱᒍᓱᓚᐅᕐᓂᓐᓂᒃ ᖁᔭᓕᓪᓗᖓᓗ ᖁᕐᓗᖅᑑᑉ ᐋᓐᓂᐊᕐᕕᖓᓂ ᐃᖅᑲᓇᐃᔭᖅᑐᓂᒃ. ᐱᓕᕆᕙᓐᓂᖏᑦ ᓄᓇᖃᖅᑐᓂᒃ ᐱᒻᒪᕆᐊᓘᒻᒪᑦ ᐅᑉᐱᕆᒻᒪᕆᒃᖢᒍᓗ ᐱᒻᒪᕆᐊᓘᓂᖓᓂᒃ ᐱᓇᓲᑎᖃᑦᓯᐊᔪᓐᓇᖁᓪᓗᒋᑦ ᐃᖅᑲᓇᐃᔮᒥᓄᑦ. ᐅᖃᖅᑏ, ᒥᓂᔅᑕ ᖃᐅᔨᒪᒻᒪᑦ ᖁᕐᓗᖅᑑᖅ ᐋᓐᓂᐊᕐᕕᖓ ᐊᓯᔾᔨᖅᑕᐅᔭᕆᐊᖃᓕᕐᒪᑦ. ᒪᓕᒐᓕᐅᕐᕕᐅᓚᐅᖅᑐᒥ ᐃᑦᓯᕙᓂᖃᖅᑎᓪᓗᒍ ᐊᒃᑑᐸ 31, 2024, ᒥᓂᔅᑕ ᓯᕗᓕᕆᓚᐅᖅᑕᖓ ᑐᓴᖅᑎᑦᓯᓚᐅᖅᓯᒪᒻᒪᑕ ᐊᓯᔾᔨᖅᑕᐅᔪᒫᕐᓂᐊᖅᑐᖅ ᐅᓪᓗᖅᓯᐅᑎᖓᓂᒃ ᐅᖃᓚᐅᖅᓯᒪᔪᕕᓂᐅᓪᓗᓂ: “ᖃᒪᓂᑦᑐᐊᖅ ᑭᖑᓂᐊᒍᑦ, ᐊᓯᔾᔨᖅᑕᐅᒍᒫᕐᓂᐊᖅᑐᖅ ᓄᑖᒥᒃ ᑕᑯᓕᕐᓗᑕ ᐋᓐᓂᐊᕕᖕᒥᒃ ᖁᕐᓗᖅᑑᕐᒥ, ᐊᖏᓪᓕᒋᐊᑦᓴᐃᓐᓇᕙᓪᓕᐊᓪᓗᒋᓪᓗ ᐋᓐᓂᐊᕐᕕᐅᔪᑦ ᐊᕐᕕᐊᓂ, ᐊᒻᒪᓗ ᓄᑖᒥᒃ ᑕᑯᔪᒪᓛᕆᓪᓗᑕ ᐋᓐᓂᐊᕐᕕᒻᒥᒃ ᑰᒑᕐᔪᒻᒥ.” ᒥᓂᔅᑕ ᐅᖃᕈᓐᓇᖅᐹ ᐅᓪᓗᖅᓯᐅᑎᑎᒍᑦ ᑖᓐᓇ ᑲᔪᓯᒍᒫᕐᓂᐊᕐᒪᖔᑦ ᓱᓕ, ᖃᖓᒃᑯᓪᓗ ᖁᕐᓗᖅᑑᕐᒥ ᐋᓐᓂᐊᕐᕕᑦᓴᖓᓄᑦ ᑎᑎᕋᐅᔭᖅᑕᐅᕙᓪᓕᐊᓕᕈᒫᖅᐸ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓ ᐳᕉᔅᑐ. ᐊᖓᔪᖅᑳᖅ ᔮᓇᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑖᓐᓇ ᑐᓴᕈᒪᔮ ᓇᕝᕚᕋᓱᑲᐃᓐᓇᕋᒃᑯ. ᓱᓕ ᑐᑭᒧᐊᑦᓯᐊᖅᐸᓪᓕᐊᕗᒍᑦ ᑭᓯᐊᓂ ᓇᒦᓕᕐᒪᖔᑦ ᖃᐅᔨᒪᓇᙱᑐᐃᓐᓇᕐᒪᑦ ᐅᑎᕐᕕᒋᓛᖅᐸᕋ ᒪᓕᒐᓕᐅᖅᑎ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓪᓕᖅᐹᒥ ᐃᓚᒋᐊᕈᑏᑦ ᐊᐱᕆᒍᒃ, ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᒻᒪ ᒥᓂᔅᑕ ᑭᐅᒻᒪᑦ. ᒥᓂᔅᑕ ᐃᖅᑲᐅᒪᔪᔅᓴᐅᕗᖅ, ᒪᓕᒐᓕᐅᕐᕕᒃ ᐊᖏᕈᑎᖃᓚᐅᖅᑐᖅ ᑮᓇᐅᔭᖅᑐᕈᑦᓴᖏᑦ ᐋᓐᓂᐊᖅᑐᓕᕆᔨᒃᑯᑦ 2026- 2027ᒧᑦ. ᐊᓯᔾᔨᖅᑕᐅᓂᑦᓴᖓᑕ ᓄᑖᕆᐊᖅᑕᐅᓗᑎᓪᓗ ᑕᒪᒃᑯᐊ ᑕᕐᕋᖅᑑᑎᓕᒫᑦ ᓄᓇᕗᒻᒥ ᓄᓇᓕᖏᓐᓂ ᖁᕐᓗᖅᑑᖅ ᐃᓚᒋᓗᒍ. ᐅᖃᖅᑏ, ᑖᓐᓇ ᐅᖃᐅᓯᖃᔪᒻᒥᒐᒪ ᐋᓐᓂᐊᑖᖅᐸᑦᑐᓄᑦ ᖃᐅᔨᓴᐅᑎᓂᒃ. ᑐᓴᕈᒥᓇᖅᐳᖅ ᑕᒪᒃᑯᐊ ᑐᓴᕋᒃᓴᐃᑦ ᑕᒪᒃᑯᐊ ᐱᓪᓗᒋᑦ ᐅᖃᖅᓱᒋᑦ: “ᑕᒪᒃᑯᐊ ᐃᑲᔫᑎᖃᕐᓂᐊᖅᑐᑦ ᐋᓐᓂᐊᖅᑖᕆᕙᑦᑐᓄᑦ ᑐᐹᑭᒧᑦ ᑭᖑᕙᖅᑕᐅᙱᓪᓗᑎᒃ, ᑲᒪᒋᔭᐅᓗᑎᒃ ᐊᒻᒪ ᐊᐅᓚᕆᐊᑐᕙᙱᓪᓗᑎᒃ ᖃᓄᑦᓴᕐᔫᒻᒥᓗᑎᓪᓗ ᓄᓇᓕᒻᒥᓂᒃ.” ᒥᓂᔅᑕ ᑐᓴᖅᑎᑦᓯᔪᓐᓇᖅᐸ ᐅᓪᓗᒥ ᖃᓄᐃᓕᕐᒪᖔᑦ ᓂᐅᕕᕈᒫᕐᓂᐊᖅᓯᒪᓂᖓ ᓄᑖᒥᒃ ᑕᕐᕋᖅᑑᑎᑦᓴᒥᒃ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᐳᕉᔅᑐ. ᐊᖓᔪᖅᑳᖅ ᔮᓇᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐱᒋᐊᕈᑎᒋᖅᑳᕐᓗᖓ ᓇᓗᓇᐃᖅᓯᖅᑳᕐᓗᖓᖃᐃ ᐸᕐᓇᓐᓂᐅᔪᖅ ᐊᓯᔾᔨᖅᑕᐅᓂᑦᓴᖓᑕ ᖁᕐᓗᖅᑑᑉ ᐋᓐᓂᐊᕕᑦᓴᖓᑕ 2026-2027ᒧᑦ ᑐᙵᒻᒪᑦ,

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 9 ᓇᕝᕚᕋᓱᑐᐃᓐᓇᖅᑕᕋᑦᑕᐅᖅ ᓂᐅᕕᕈᒫᕐᓂᐊᕐᓂᕗᑦ ᑕᕐᕋᖅᑑᒻᒥᒃ. ᓇᓂᒍᓐᓇᖅᓯᒍᒃᑯ ᐅᖃᐅᓯᕆᓂᐊᖅᐸᕋ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑏᑦ, ᒪᓕᒐᓕᐅᖅᑎ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᐊᒻᒪᓗ ᖁᔭᓐᓇᒦᒃ, ᒥᓂᔅᑕ. ᓂᕆᒋᐅᓛᖅᐳᖓ ᑭᐅᔾᔪᑎᐊᓄᑦ. ᒥᓂᔅᑕ ᐃᖅᑲᐅᒪᔪᔅᓴᐅᕗᖅ, ᓄᓇᕗᑦ ᒐᕙᒪᒃᑯᑦ ᑐᓴᖅᑎᑦᑎᔪᒻᒪᑕ ᒪᑦᓯ 7, 2025 ᐊᖏᖃᑎᒌᑦᓯᒪᓕᕐᒪᑕᒎᖅ ᑕᒪᒃᑯᐊ ᑮᓇᐅᔭᖅᑐᕈᑕᐅᕙᑦᑐᑦ ᑕᐹᒃᑲ ᐱᓪᓗᒍ ᐅᑎᖅᑎᑕᐅᒍᓐᓇᕐᓂᖏᓐᓂ. ᑖᒃᑯᐊ ᑮᓇᐅᔭᑦ ᐅᖃᖅᓱᖏᑦ: “ᓴᙱᓕᕚᓪᓕᕈᑎᓂᐊᖅᑐᑦ ᐱᔨᑦᓯᕋᐅᑎᓂᑦ $97-ᒥᓕᐊᓐᓂᑦ ᓄᓇᕗᒻᒧᑦ ᑐᓂᔭᐅᓂᐊᖅᑐᓂᑦ; $23-ᒥᓕᐊᓐ ᑐᓂᔭᐅᑲᐅᑎᒋᓗᑎᑦ ᐊᒥᐊᒃᑯᖏᑦ ᑐᓂᔭᐅᔪᒫᕐᓂᐊᕐᓗᑎᑦ.” ᒥᓂᔅᑕ ᑐᓴᖅᑎᑦᑎᔪᓐᓇᖅᐹ ᐅᓪᓗᒥ ᑭᓱᓪᓚᑦᑖᒧᑦ ᐋᓐᓂᐊᖅᑐᓕᕆᓂᕐᒥ ᐱᐅᓯᕚᓪᓕᕈᑎᑦᓴᒧᑦ ᑮᓇᐅᔭᖃᖅᑎᑕᐅᓂᐊᖅᐸᑦ ᑕᕝᕙᙵᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᒥᓂᔅᑕ ᐳᕉᔅᑐ. ᐊᖓᔪᖅᑳᖅ ᔮᓇᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᕈᓐᓇᖂᖅᐳᖓ ᑖᒃᑯᐊ ᓴᓇᒋᐊᓖᑦ ᐃᓪᓗᕐᔪᐊᑦ ᐃᑲᔪᖅᑕᐅᕙᒃᑲᑦᑕ ᑮᓇᐅᔭᖃᖅᑎᑕᐅᓂᑦᑎᓐᓄᑦ ᑮᓇᐅᔭᖁᑎᑦᑎᓐᓄᑐᐊᕈᒥ, ᐸᕐᓇᐅᑎᓕᐅᕈᑕᐅᓯᕙᑉᐳᑦ ᑮᓇᐅᔭᓂᓪᓗ ᑐᒃᓯᕋᕈᑕᐅᒃᑲᓂᖅᓱᑎᑦ. ᑕᐃᒫᒃ, ᑕᒪᑐᒧᖓ ᑕᕝᕙ ᑮᓇᐅᔭᐃᑦ ᐊᑐᖅᓯᒪᑦᑕᖅᐳᑦ ᐱᓯᒪᔪᓂᑦ ᑕᐃᒃᑯᙵᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᐊᑎᖁᑎᒃᑲ ᒪᓕᓪᓗᒋᑦ, ᒪᓕᒐᓕᐅᖅᑎ ᖁᑦᑎᑦᑐᕐᒧᑦ ᑕᖅᑐ. ᐊᐱᖅᑯᑦ 97 - 7(2): ᐱᓕᕆᐊᖏᓄᑦ ᓄᓇᕘᑉ ᐃᒡᓗᓕᕆᔨᕐᔪᐊᖏᑕ (ᑕᖅᑐ) ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒃᑲ ᐅᓪᓗᒥ ᒥᓂᔅᑕᐅᔪᒧᑦ ᑲᒪᒋᔭᖃᖅᑐᒧᑦ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᑯᐊᐳᕇᓴᖓᓄᑦ. ᖁᕕᐊᒋᕙᕋ ᑐᓴᕋᒃᓴᐃᑦ ᑐᓂᔪᒻᒪᒋᑦ ᒥᓂᔅᑕᐅᔫᑉ ᑖᒃᑯᐊ ᑯᐊᐳᕇᓴᒃᑯᑦ ᐸᕐᓇᐅᑎᖏᓐᓂ ᐃᓪᓗᑦᓴᓄᑦ. ᐅᖃᖅᑏ, ᒥᓂᔅᑕ ᖃᐅᔨᒪᒐᒥ, ᐃᒃᐱᐊᕐᔪᒃ 8-ᓂᑦ ᐃᒻᒥᒎᖅᑐᓂᑦ ᐃᓪᓗᑖᕐᓂᐅᔭᕐᒪᑦ. ᐊᑐᖅᑕᐅᓛᖅᑐᑎᑦ ᐃᓪᓗᖁᑎᔅᓴᐅᓗᑎᑦ ᓄᓇᓕᒻᒥ. ᒥᓂᔅᑕ ᐅᖃᕈᓐᓇᖅᐹ ᓄᓇᕗᑦ ᐃᓪᓗᓕᕆᔨᕐᔪᐊᒃᑯᑦ ᑯᐊᐳᕇᓴᖓ ᑭᓪᓕᓕᐅᖅᓯᒪᓐᓂᕆᔭᖓᓂ ᑳᓐᑐᕌᑎᑦᑎᓛᕐᓂᕆᔭᖓᓂ ᓄᑖᓂᑦ ᐃᓪᓗᔅᓴᓄᑦ, ᐅᖃᕈᓐᓇᖅᐸᓗ ᖃᓄᖅ ᑯᐊᐳᕇᓴᒃᑯᑦ ᐋᖅᑮᓛᕐᒪᖔᑕ ᐃᓄᐃᑦ ᐃᖅᑲᓇᐃᔭᖅᑎᑦᑕᐅᒐᔭᕐᓂᖏᓐᓂᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᐃᓪᓗᓕᕆᔨᕐᔪᐊᒃᑯᓐᓄᑦ, ᒥᓂᔅᑕ ᓚᐃᔪᓪ. ᐊᖓᔪᖅᑳᖅ ᓯᓯᐅᓪ ᓚᐃᔪᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᐊᒻᒪᓗ ᖁᔭᓐᓇᒦᖅᐸᕋ ᒪᓕᒐᓕᐅᖅᑎ ᐊᐱᖅᑯᑎᖓᓄᑦ. ᒫᓐᓇ ᐅᖃᖃᑎᒌᑉᐸᓪᓕᐊᕗᒍᑦ ᑐᓂᔭᐅᓛᕐᓂᕆᔭᖏᑦ ᑳᓐᑐᕌᖑᔪᑦ. ᑖᒃᑯᐊ ᐋᖅᑭᑐᖅᑕᐅᓂᑦᓴᖏᑕ ᐃᓪᓗᐃᑦ ᐋᖅᑭᒃᓱᒐᑦ ᐱᔭᕇᖅᑕᐅᓯᒪᓕᖅᐸᑕ, ᑕᒪᒃᑯᐊ ᐅᓐᓂᖅᓯᐅᕈᑎᒋᓛᖅᐸᒃᑲ ᒪᓕᒐᓕᐅᖅᑎᐅᖃᑎᓐᓄᑦ ᑖᒃᑯᐊ ᐃᓪᓗᑦᓴᐃᑦ ᓴᓇᒌᖅᓯᒪᔪᑦ ᐋᖅᑭᓱᖅᑕᐅᓂᖅᓴᖏᓐᓄᑦ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 10 ᐃᖅᑲᓇᐃᔭᖅᑎᑦᓴᖏᓪᓕ ᐱᓪᓗᒍ, ᓄᓇᖃᖅᑑᔪᓂᑦ, ᑖᓐᓇ ᐃᓚᒋᔭᐅᓲᖑᒻᒪᑦ ᑳᓐᑐᕌᑐᒧᑦ ᑐᓂᔭᐅᓂᐅᔭᓕᕋᒥ ᑳᓐᑐᕌᒥ. ᐅᖃᖃᑎᒌᓐᓂᒃᑯᑦ ᒪᓕᓲᖑᒻᒪᑦ ᐋᔩᖃᑎᒌᓐᓂᒃᑯᓪᓗ ᐱᕙᓪᓕᐊᔭᐅᓂᖓᓂ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓪᓕᖅᐹᖅ ᐃᓚᒋᐊᕈᑏᑦ ᐊᐱᖅᑯᑎᓐᓄᑦ, ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕ ᖃᐅᔨᒪᒻᒪᑦ, ᑐᓴᒐᒃᓴᑦ ᐊᓪᓚᑕᐅᓯᒪᔪᑦ ᓄᓇᕗᑦ ᐃᓪᓗᓕᕆᔨᕐᔪᐊᒃᑯᑦ ᑯᐊᐳᕇᓴᖓᓄᑦ ᔪᓚᐃ 2025-ᖑᑎᓪᓗᒍ ᐅᖃᖅᓯᒪᕗᑦ ᐃᓪᓗᓕᐅᕋᔅᓴᐃᑦ ᐊᕐᕕᓂᓕᐅᑉ ᐃᓪᓗᔅᓴᓄᑦ ᖃᐅᓱᐃᑦᑐᒥ ᑎᑭᓯᒪᓕᕐᒪᑕ ᓄᓇᓕᒧᑦ, ᐊᒻᒪ ᓴᓇᔭᐅᒍᒫᕐᓂᐊᓚᐅᕐᓂᖅᑐᑎᑦ 2026 ᓄᙳᐊᓂ ᐊᒻᒪᓗ 2027 ᐊᑯᓐᓂᖓᓄᑦ. ᒥᓂᔅᑕ ᑐᓴᖅᑎᑦᑎᔪᓐᓇᖅᐹ ᐅᓪᓗᒥ ᓴᓇᔭᐅᕙᓪᓕᐊᓂᑦᓴᖓᓄᑦ ᐅᓪᓗᖅᓯᐅᑎᔅᓴᖏᓐᓂ ᖃᖓᒃᑯᓪᓗ ᓄᓇᕗᑦ ᐃᓪᓗᓕᕆᔨᕐᔪᐊᒃᑯᑦ ᓄᑖᒃᑲᓂᕐᓂᑦ ᐃᓪᓗᖃᖅᑎᑦᑎᑲᓐᓂᕈᒫᖅᐸᑦ ᓄᓇᓕᒻᒧᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᐃᓪᓗᓕᕆᔨᕐᔪᐊᒃᑯᓐᓄᑦ, ᒥᓂᔅᑕ ᓚᐃᔪᓪ. ᐊᖓᔪᖅᑳᖅ ᓯᓯᐅᓪ ᓚᐃᔪᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᐊᒻᒪᓗ ᖁᔭᓐᓇᒦᖅᐸᕋ ᒪᓕᒐᓕᐅᖅᑎ ᐊᐱᖅᑯᑎᖓᓄᑦ. ᖃᐃᓱᐃᑦᑐᒧᓪᓕ, ᑖᒃᑯᐊ ᐊᕐᕕᓂᓖᑦ ᐃᓪᓗᐃᑦ ᑲᑎᙶᖅᑐᑦ, ᐱᔭᕇᖅᑕᐅᓯᒪᓕᖅᑐᖅ. ᒫᓐᓇ ᐋᖅᑭᓱᖅᑕᐅᒋᐊᓛᕐᓂᖏᑦ ᑲᑎᑕᐅᓗᑎᑦ ᔪᓚᐃᖑᓕᖅᐸᑦ, ᐱᔭᕇᖅᑕᐅᓗᑎᓪᓗ ᐋᒌᓯ 2027-ᒥ. ᒫᓐᓇ ᓄᑖᓂᑦ ᕿᒥᕐᕈᙱᑦᑕᐃᓐᓇᖅᑐᒍᑦ ᖃᐅᓱᐃᑦᑐᒧᑦ ᐅᒥᐊᕐᔪᐊᖃᕐᓇᐅᓕᕋᓗᐊᖅᐸᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑎᒋᔭᐃᑦ, ᒪᓕᒐᓕᐅᖅᑎ ᑕᖅᑐ. ᑕᖅᑐ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᒥᓂᔅᑕ ᖃᐅᔨᒪᒻᒪᑦ, ᑐᓴᒐᒃᓴᐃᑦ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᓐᓄᑦ ᑐᓴᒐᒃᓴᖅ ᓴᖅᑭᑕᐅᓚᐅᖅᑐᖅ ᔪᓚᐃ 2025-ᒥ ᐅᖃᓚᐅᖅᓯᒪᒻᒪᑕ ᑖᒃᑯᐊᒎᖅ ᐃᒡᓗᔅᓴᐃᑦ 6-ᖑᔪᓄᑦ ᓄᑖᓄᑦ ᐃᒡᓗᓕᐅᕈᑏᑦ ᐊᐅᓱᐃᑦᑐᕐᒥ ᑎᑭᓚᐅᕐᒪᑕᒎᖅ ᓄᓇᓕᖕᓄᑦ, ᐃᒡᓗᓂ ᓇᑉᐸᖅᑎᕆᓂᐊᕐᓂᖅ ᐱᔭᕇᖅᑕᐅᓂᐊᖅᑐᖅ ᐃᓱᓕᓕᖅᐸᑦ 2026 ᕿᑎᐊᓂᓗ 2027. ᒥᓂᔅᑕ ᑐᓴᖅᑎᑦᑎᔪᓐᓇᖅᐹ ᖃᖓᒃᑯᑦ ᐱᔭᕇᖅᑕᐅᓂᐊᕐᓂᖓᑕ ᐃᒡᓗᓕᐅᕈᑕᐅᔪᑦ ᐊᒻᒪᓗ ᐅᖃᕈᓐᓇᖅᐹ ᐃᒡᓗᓕᕆᔨᕐᔪᐊᒃᑯᑦ ᖃᖓ ᓄᑖᓂᑦ ᐃᒡᓗᔅᓴᓂᑦ ᑐᓂᓯᓂᐊᕐᒪᖔᑕ ᐊᐅᓱᐃᑦᑐᕐᒥᐅᑦ ᓄᓇᖁᑎᖓᓂ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᓚᐃᔪᓪ. ᐊᖓᔪᖅᑳᖅ ᓯᓯᐅᓪ ᓚᐃᔪᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᖁᔭᓐᓇᒦᖅᐸᕋ ᑲᑎᒪᔨ ᐊᐱᕆᒻᒪᑦ. ᒫᓐᓇᐅᔪᖅ ᑖᒃᑯᐊ ᐃᒡᓗᐃᑦ ᓴᓇᔭᐅᓕᖅᑐᑦ ᐊᐅᓱᐃᑦᑐᕐᒥ ᐱᖃᓯᐅᔾᔨᓯᒪᔪᑦ ᒪᕐᕉᒃ ᐃᒡᓘᒃ ᑲᑎᓴᒪᓂ ᐃᓪᓗᕈᓯᖃᖅᑑᒃ ᐃᒡᓗᓕᕆᔨᒃᑯᑦ ᐃᒡᓗᔅᓴᖏᑦ, ᑖᒃᑯᐊᓗ ᓴᓇᓯᒪᕙᒌᖅᑐᑦ ᐃᒡᓗᐃᑦ. ᐱᒋᐊᖅᑕᐅᓂᐊᖅᖢᑎᑦ ᐃᓕᐅᖅᑲᖅᑕᐅᓕᕐᓗᑎᑦ ᑎᑭᑐᐊᖅᐸᑕ ᐃᓕᔅᓴᖏᑦ ᐊᐅᔭᖅ ᐅᒥᐊᕐᔪᐊᒃᑯᑦ. ᑖᒃᑯᐊ ᐃᒡᓗᐃᑦ ᐃᓐᓄᒃᑕᐅᓕᕐᓗᑎᑦ ᐊᑐᖅᑕᐅᑲᐃᓐᓇᕐᓂᐊᕐᓗᑎᑦ ᑳᓐᑐᕌᑕᐅᓯᒪᔪᓂ ᓄᓇᓕᖕᓄ ᐃᒡᓗᓕᐅᖅᑎᐅᓂᐊᖅᑐᓄᑦ ᐱᔭᕇᑕᐅᕕᔅᓴᖃᖅᑐᑦ ᐊᐃᐳᕈᓪ 2027. ᒫᓐᓇᐅᔪᖅ ᑭᓯᐊᓂ ᓂᕆᐅᙱᑦᑐᒍᑦ ᐊᓯᖏᑦ ᓄᑖᓂᑦ ᐃᒡᓗᑖᖅᑎᑦᑎᓂᐊᕐᒪᖔᑦᑕ ᐊᐅᔭᐅᓂᐊᖅᑐᖅ ᐊᐅᓱᐃᑦᑐᒥᐅᓂ ᑭᓯᐊᓂ ᐊᕐᕌᒎᓛᖅᑐᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᐊᒡᒍᒧᑦ ᒪᓕᒐᓕᐅᖅᑎ ᐊᑕᒍᑦᑖᓗᒃ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 11 ᐊᐱᖅᑯᑦ 98 - 7(2): ᕿᑭᖅᑖᓗᒻᒥ ᑐᒃᑐᓕᕆᓂᖏᑕ ᑲᒪᒋᔭᐅᓂᖏᓄᑦ (ᐊᑕᒍᑦᑖᓗᒃ) ᐊᒍᑦᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒋᓂᐊᖅᑕᒃᑲ ᒥᓂᔅᑕᖓᓄᑦ ᐊᕙᑎᓕᕆᔨᒃᑯᑦ. ᐅᖃᖅᑏ, ᐊᐱᖅᓲᑎᖃᒃᑲᓐᓂᕈᒪᔪᖓ ᐱᓇᓱᐊᕈᓯᕆᓚᐅᖅᑕᑎᓐᓂ ᐊᐱᖅᑯᑎᒋᓚᐅᖅᑕᕗᑦ ᑐᒃᑐᖏᓐᓂ ᕿᑭᖅᑖᓗᒻᒥ ᑐᒃᑐᓕᕆᔾᔪᑏᑦ. ᐅᖃᓚᐅᕋᒪᐃᓛᒃ, ᐅᔾᔨᕆᓪᓗᒍ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ ᑲᑎᒪᓂᐊᕐᒪᑕ ᑕᖅᑭᕆᔭᖅᑎᓐᓂ ᑭᙵᕐᓂ. ᐃᓚᖏᑦ ᑲᑎᒪᔩᑦ ᑲᑎᒪᔾᔪᑎᒃᓴᖓ ᑰᑕᒋᓂᐊᖅᑕᖓ ᑐᒃᑐᖏᓐᓄᑦ ᕿᑭᖅᑖᓘᑉ. ᑐᓴᒐᒃᓴᐃᑦ ᐆᒪᔪᓕᕆᔨᕐᔪᐊᒃᑯᑦ ᓄᓇᕗᒻᒥ ᑲᑎᒪᔨᖏᑦ ᐊᑐᐃᓐᓇᐅᑎᑦᑎᒻᒪᑕ ᐅᖃᖅᓯᒪᓪᓗᑎᓪᓗ ᓄᓇᕗᑦ ᒐᕙᒪᒃᑯᖏᑕ ᐱᓕᕆᕕᖓ ᐊᕙᑎᓕᕆᔨᒃᑯᖏᑦ ᐊᑐᓕᖁᔭᓕᐅᖅᓯᒪᒻᒪᑕ ᐃᒪᓐᓇᐃᑦᑐᓂᑦ ᐅᖃᖅᓯᒪᓪᓗᑎᑦ: “ᑐᙵᕕᒋᓪᓗᒋᑦ ᐅᓄᕐᓂᕆᔭᖏᓐᓄᑦ ᑐᒃᑐᐃᑦ ᒥᒃᓴᐅᓴᒃᑕᐅᓯᒪᔪᑦ ᐃᓘᓐᓇᖏᑦ ᖃᐅᔨᓴᖅᑎᒻᒪᕇᑦ ᑐᓴᒐᒃᓴᖁᑎᖏᑦ ᐃᓄᐃᓪᓗ ᖃᐅᔨᒪᔭᑐᖃᖏᑦ, ᓄᓇᕗᑦ ᒐᕙᒪᒃᑯᖏᑦ ᐊᑐᓕᖁᔭᓕᐅᖅᐳᑦ ᓄᓇᕗᒻᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᐋᖅᑭᒋᐊᖁᓪᓗᒋᑦ ᕿᑭᖅᑖᓗᒻᒥ ᑰᑕᒋᔭᐅᔪᑦ ᑐᒃᑐᑦᑕᐅᔪᓐᓇᖅᑐᑦ ᑕᐃᒃᑯᓂᖓ ᐊᖑᓴᓪᓗᓐᓂᑦ ᐊᕐᓇᓐᓂᓪᓗ ᓇᓗᓇᐃᒃᑯᑕᐃᑦ ᐊᑐᖅᑕᐅᙱᓪᓗᑎᑦ 6,000-ᕌᕈᓐᓇᕐᓗᑎᑦ ᐊᕐᕌᒍᑕᒫᑦ, 12.3%-ᖏᓐᓂ ᑐᒃᑐᖃᑦᑕᕐᓗᑎᑦ ᑐᒃᑐᐃᑦ ᐅᓄᕐᓂᖏᓐᓄᑦ, 125-ᓄᑦ ᐅᓄᖅᓯᒋᐊᖃᑦᑕᕐᓗᑎᑦ ᐊᕐᕌᒍᑕᒫᑦ.” ᓂᐱᓕᐅᖅᓯᒪᓂᐊᕐᒪᑦ ᓇᓗᓇᐃᖅᓯᒪᓂᐊᕐᒪᑦ, ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᐱᓕᕆᕕᖓᑦ ᐊᑐᓕᖁᔭᓕᐅᕐᓂᐊᕐᒪᖔᑕ ᓄᓇᕗᒻᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᓐᓄᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᐊᕙᑎᓕᕆᓂᕐᒧᑦ, ᒥᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ: ᖁᔭᓐᓇᒦᒃ, ᐅᖃᖅᑎᑦᑎᔩ. ᖁᔭᓐᓇᒦᒃ ᒪᓕᒐᓕᐅᖅᑎ ᐊᐱᖅᑯᑎᖓᓄᑦ. ᑖᒃᑯᐊ ᑕᕝᕙ ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑖᒃᑯᐊ ᐱᔪᓐᓇᕐᓂᖃᕐᒪᑕ ᕿᒥᕐᕈᓂᐊᖅᖢᑎᑦ ᑖᒃᑯᓂᖓ ᑐᒃᑐᒐᔅᓴᐅᔪᓂᑦ, ᐊᒻᒪ ᐊᖑᓇᓱᓐᓂᕐᒥᒃ ᓄᓇᒦᑦᑐᒥᒃ ᑖᒃᑯᓂᖓ ᐱᔪᓐᓇᕐᓂᖃᕐᒪᑕ. ᑖᒃᑯᐊ ᑲᑎᒪᓛᖅᖢᑎᑦ ᑕᕝᕙ ᑕᖅᑭᐅᑉ ᓄᙳᖅᐸᓯᐊᓂ ᑭᙵᕐᓂ. ᑕᐃᒃᑯᐊ ᑭᙵᕐᓂ ᑲᑎᒪᔭᕇᖅᐸᑕ ᑭᓯᐊᓂ ᑐᓂᓯᓂᐊᕐᒪᑕ ᐅᕙᑦᑎᓐᓄᑦ ᓄᓇᕗᑦ ᒐᕙᒪᒃᑯᑦ. ᑐᓂᓯᑉᐸᑕ ᑕᐃᒃᑯᓄᖓ ᒥᓂᔅᑕᐃᑦ ᑲᑎᒪᔨᖏᓐᓄᑦ ᑖᒃᑯᐊ ᑲᑎᒪᔾᔪᑕᐅᓂᐊᖅᑐᐃᑦ ᖃᓄᖅᑑᖅᑕᐅᓂᐊᖅᖢᑎᑦ ᑕᐃᑲᓂ. ᓇᓗᓇᕈᓐᓃᑕᐃᓐᓇᓂᐊᖅᖢᓂ ᑕᐃᒃᑯᐊ ᑭᓯᐊᓂ ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑐᓂᓯᔭᕇᖅᐸᑕ ᓇᖕᒥᓂᖅ ᐱᔪᒪᔭᖏᓐᓂ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᓯᕗᓪᓕᖅᐹᖅ ᐃᓚᒋᐊᕈᑏᑦ ᐊᐱᖅᑯᑎᓐᓄᑦ, ᒪᓕᒐᓕᐅᖅᑎ ᐊᑕᒍᑦᑖᓗᒃ. ᐊᑕᒍᑦᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕ ᐃᖅᑲᐅᒪᓂᐊᖅᑐᒃᓴᐅᒻᒪᑦ ᐃᓚᐅᓚᐅᕋᑦᑕ ᑲᑎᒪᑎᓪᓗᒋᑦ ᕖᕗᐊᕆᖑᑎᓪᓗᒍ ᐊᕐᕌᒍᒋᔭᑦᑎᓐᓂ ᑲᒪᒋᓪᓗᑎᒍ ᑲᑎᒪᔾᔪᑎᒋᓪᓗᒋᑦ ᑐᒃᑐᓕᕆᓂᖅ ᕿᑭᖅᑖᓘᒻᒥ. ᒥᓂᔅᑕ ᖃᐅᔨᒪᒻᒪᑦ, ᒫᓐᓇ ᒪᓕᒐᕋᓛᖏᑦ ᓄᓇᕗᒻᒥ ᐆᒪᔪᐃᑦ ᐱᖁᔭᕐᔪᐊᕆᔭᖏᑦ ᐱᔾᔪᑎᖃᖅᑐᑦ ᑰᑕᓂᑦ ᐊᒻᒪ ᐊᖑᓇᓱᓐᓂᕐᒧᑦ ᒪᓕᒐᖏᑦ ᕿᑭᖅᑖᓘᑉ ᑐᒃᑐᖏᓐᓄᑦ ᐅᓄᕐᓂᕆᔭᖏᑦ 2026-2027-ᒧᑦ ᐊᖑᓇᓱᒃᑕᐅᔪᓐᓇᖅᑐᑦ 550-ᖑᓪᓗᑎᑦ ᑎᑭᓪᓗᒋᑦ 110-ᓂᑦ ᐊᕐᓇᓪᓗᒍᓐᓇᕐᓗᑎᑦ ᓄᕐᕋᖃᙱᑦᑐᓂᑦ. ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᖃᓄᐃᑦᑐᓂᑦ ᐱᓕᕆᕕᖓᑦ ᐊᓯᔾᔩᓇᓱᓐᓂᐊᕐᒪᖔᖅ ᑐᒃᑐᒐᓱᓐᓂᐅᑉ ᐊᕐᓇᓪᓗᓂᑦ ᐱᓪᓗᒍᑲ ᖁᔭᓐᓇᒦᒃ, ᐅᖃᖅᑏ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 12 ᐅᖃᖅᑎ: ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ: ᖁᔭᓐᓇᒦᒃ, ᐅᖃᖅᑎᑦᑎᔩ. ᖁᔭᓐᓇᒦᒃ ᒪᓕᒐᓕᐅᖅᑎ ᐊᐱᖅᑯᑎᖓᓄᑦ. ᑕᐃᒪᓐᓇᑦᑕᐃᓐᓇᖅ ᓱᓕ ᐱᔪᓐᓇᕋᒃᑯ, ᒫᓐᓇᒧᑦ ᐅᑕᖅᑭᑐᐃᓐᓇᕋᑦᑕ ᑖᒃᑯᐊ ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᐅᖃᐅᓯᕆᓂᐊᖅᑕᖏᓐᓂ ᐱᔾᔪᑎᒋᓂᐊᖅᑕᖏᓐᓂ. ᐅᑕᖅᑭᒐᑦᑕ ᓱᓕ ᒫᓐᓇ. ᒫᓐᓇ ᐅᑕᖅᑭᓂᑦᑎᓐᓂ ᑲᑎᒪᓚᐅᙱᓐᓂᖏᓐᓂ, ᐅᖃᕈᓐᓇᖏᓐᓇᒪ ᖃᓄᐃᑦᑐᓂᑦ ᐱᖕᒪᖔᑕ. ᖃᐅᔨᒪᑦᑎᐊᖅᑐᒍᑦ ᑕᒪᓐᓇ ᐅᓄᖅᓯᕚᓪᓕᖅᓯᒪᔪᐃᑦ 48,681-ᖏᓐᓃᓕᕐᒪᑕ ᓈᓴᐅᖅᑕᐅᓯᒪᔪᐃᑦ ᑐᒃᑐᐃᑦ, ᖃᐅᔨᒪᑦᑎᐊᖅᑐᒍᑦ ᐅᓄᖅᓯᒋᐊᖅᓯᒪᓕᖅᑐᑦ. ᑭᓯᐊᓂ ᓄᓇᕗᒃᑯᑦ ᐊᖏᖃᑎᒌᒍᑎᖓᓂ ᐱᔪᓐᓇᕐᓂᖃᕐᒪᑕ ᑕᐃᒃᑯᐊ ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑕᐃᒃᑯᐊ ᐱᔪᓐᓇᕐᓂᖓ ᐊᑐᖅᑕᐅᓪᓗᓂ, ᐅᑕᖅᑭᒐᑦᑎᒍ. ᑐᓂᓯᓚᐅᙱᓐᓂᖏᓐᓂ ᐅᖃᕈᓐᓇᙱᓐᓇᑦᑕ ᑖᒃᑯᐊ ᖃᓄᐃᓕᖓᓂᐊᕐᓂᖏᓐᓄᑦ. ᖁᔭᓐᓇᒦᖅᐳᖓ, ᐅᖃᖅᑎᑦᑎᔩ. ᐅᖃᖅᑎ: ᑐᒡᓕᐊ ᐊᒻᒪ ᑭᖑᓪᓕᖅᐹᖅ ᐃᓚᒋᐊᕈᑏᑦ ᐊᐱᖅᑯᑎᓐᓄᑦ, ᒥᔅᑕ ᐊᑕᒍᑦᑖᓗᒃ. ᐊᑕᒍᑦᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᖃᖓ ᐱᓕᕆᕕᖓᑦ ᓂᕆᐅᒻᒪᖔᖅ ᑐᓂᔭᐅᓂᐊᕐᒪᖔᑕ ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓂ ᐃᓱᒪᓕᐅᕈᑎᒋᔭᖏᓐᓂ ᐊᑐᓕᖁᔭᓕᐅᕈᑎᒋᔭᖏᓂᑦ ᑰᑕᖏᑦ ᐱᓪᓗᒋᑦ ᕿᑭᖅᑖᓘᑉ ᑐᒃᑐᖏᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᐊᕙᑎᓕᕆᓂᕐᒧᑦ, ᒥᔅ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ: ᖁᔭᓐᓇᒦᒃ, ᐅᖃᖅᑎᑦᑎᔩ. ᑖᒃᑯᐊ ᑲᑎᒪᓂᐊᓚᐅᖅᑐᐃᑦ ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑭᙵᕐᓂ ᔫᓐ 24, 25 ᑕᒫᓂᕈᔪᒃ ᓄᙳᐊᓂ, ᑲᑎᒪᔭᕇᑐᐊᖅᐸᑕ ᑐᓂᓯᓂᐊᖅᑐᑦ ᐅᕙᑦᑎᓐᓄᑦ ᓄᓇᕗᑦ ᒐᕙᒪᒃᑯᓐᓄᑦ, ᐊᒻᒪ ᑲᑎᒪᔨᒃᑰᖅᑐᕈᓐᓇᕈᑎ ᑖᒃᑯᐊ ᑲᑎᒪᔨᐅᖃᑎᒃᑲ, ᔪᓚᐃᖑᑎᓪᓗᒍ, ᑕᒫᓂ ᓴᖅᑭᖃᑦᑕᕐᒪᑕ ᑖᒃᑯᐊ ᑐᒃᑐᒐᔅᓴᐃᑦ, ᓴᖅᑭᑦᑎᔪᒪᒐᓗᐊᖅᑐᒍᑦ ᓄᑖᖑᓂᐊᖅᑐᒥ ᑐᒃᑐᒐᔅᓴᐅᓂᐊᖅᑐᓂᑦ ᕿᑭᖅᑖᓘᑉ ᑐᒃᑐᒐᒃᓴᖏᓐᓂ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᖁᔭᓐᓇᒦᒃ. ᐊᖑᓇᓱᒃᑎᒐᔅᓴᐃᑦ ᓂᕆᐅᑦᑎᐊᓛᖅᐳᑦ. ᐅᖃᐅᓯᒃᑯᑦ ᐊᐱᖅᑯᑏᑦ. ᒪᓕᒐᓕᐅᖅᑎ ᐅᖅᑯᕐᒥᐅᓄᑦ, ᒥᔅᑕ ᑲᐅᑐᒃ. ᐊᐱᖅᑯᑦ 99 - 7(2): ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ (ᑲᐅᑐᒃ) ᑲᐅᑐᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒃᑲ ᐅᓪᓗᒥ ᒥᓂᔅᑕᖓᓐᓄᑦ ᐅᖃᐅᓯᓕᕆᓂᕐᒧᑦ, ᐱᔾᔪᑎᖃᖅᑐᑦ ᐃᓄᐃᑦ ᐅᖃᐅᓯᖏᓐᓂ ᑕᐃᒎᓯᓕᐅᖅᑏᑦ. ᐅᖃᖅᑏ, ᒫᓐᓇ ᐱᕕᖃᕐᓂᓐᓂ ᐊᐱᖅᓱᕈᑎᖃᕈᒪᔪᖓ ᐱᓇᓱᐊᕈᓯᒋᓚᐅᖅᑕᑎᓐᓂ ᑲᑎᒪᑐᐃᓐᓇᖅᑎᓪᓗᑕ ᐅᖃᐅᑕᐅᓚᐅᖅᑐᓂᑦ ᒥᓂᔅᑕᐅᑉ ᐱᓕᕆᕕᐊ ᐱᓪᓗᒍ. ᐅᖃᖅᑏ, ᑕᐃᔅᓱᒪᓂ 2022-ᖑᑎᓪᓗᒍ, ᐃᓄᐃᑦ ᐅᖃᐅᓯᖏᓐᓂ ᑕᐅᒎᓯᓕᐅᖅᑏᑦ ᓴᖅᑭᑦᑎᓚᐅᖅᓯᒪᒻᒪᑕ ᐱᕙᓪᓕᐊᔪᑎᒍᑦ ᐊᐅᓪᓚᕐᓂᐊᕐᒪᑕᒎᖅ ᐸᓐᓂᖅᑑᒧᑦ ᕿᑭᖅᑕᕐᔪᐊᕐᒧᑦ ᐃᓄᒃᑐᑦ ᐅᖃᐅᓯᕐᓂ ᐅᖃᓪᓚᒍᓐᓇᖅᑐᓂᑦ ᖃᐅᔨᓴᐃᔭᖅᑐᕐᓗᑎᑦ. ᐅᖃᖅᑏ, ᑕᐃᔅᓱᒪᓂ ᒥᓂᔅᑕ ᓵᖓᓄᐊᖅᑎᓪᓗᒋ ᑲᑎᒪᔨᕋᓛᖅ ᐅᖃᓚᐅᕐᒪᑦ ᐃᒪᓐᓇ “ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ ᐳᓚᕋᖃᑦᑕᖏᒻᒪᑕ ᓄᓇᓕᓐᓂᒃ. ᑭᓯᐊᓂ ᖃᐅᔨᓴᐃᕙᑦᑐᑦ ᖃᕋᓴᐅᔭᑯᑦ.”

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 13 ᒥᓂᔅᑕ ᓇᓗᓇᐃᖅᓯᓚᐅᕐᓕ ᖃᓄᐃᒻᒪᑦ ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ ᑭᓯᐊᓂ ᖃᕋᓴᐅᔭᐃᓐᓇᒃᑯ ᖃᐅᔨᓴᐃᔪᒪᓕᖅᐹ? ᐱᓕᕆᕕᖓᑦ ᐳᓛᕆᐊᓂᖅᐹ ᕿᑭᖅᑕᕐᔪᐊᕐᒧᑦ ᐸᓐᓂᖅᑑᕐᒧᓪᓘᓐᓃᒃ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᓕᖁᓯᓕᕆᔨᒃᑯᓐᓄᑦ ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ: ᖁᔭᓐᓇᒦᒃ, ᐅᖃᖅᑎᑦᑎᔩ. ᖁᔭᓐᓇᒦᒃ ᒪᓕᒐᓕᐅᖅᑎ ᐊᐱᖅᑯᑎᖏᑦ. ᑖᑯᐊ ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ ᐱᓕᕆᐊᒃᓴᖃᓪᓚᕆᖃᑕᕐᒪᑕ, ᐊᒻᒪ ᐃᖃᓇᐃᔭᖅᑎᑭᔅᓴᕐᔪᐊᖅᑐᑎᒃ. ᐃᓄᒃᑎᑐᑦ ᐅᖃᐅᓯᖅ ᑖᓐᓇ ᐱᕕᔾᔪᐊᖑᒻᒪᑦ ᖃᐅᔨᒪᑦᑎᐊᖅᑐᑦ ᐊᒻᒪ ᐱᓕᕆᒻᒪᕆᖃᑦᑕᖅᑐᑎᒃ ᐃᖅᑲᓇᐃᔭᖅᑎᑭᒃᓲᔭᕐᑐᑎᒃ. ᐱᓕᕆᐊᒃᓴᖏᓐᓂᒃ ᐊᒃᓲᕉᑎᖃᐃᓐᓇᖅᑐᑎᒃ. ᑭᓯᐊᓂ, ᑮᓇᐅᔭᑭᒃᓱᖃᑦᑕᕐᒪᑕ, ᑖᑯᐊ ᑮᓇᐅᔭᐃᑦ ᑐᒃᓯᕋᖅᑕᐅᖃᑦᑕᕐᑐᐃᑦ ᑐᓂᓕᖃᑕᖅᑐᑎᑦ ᐃᓄᐃ ᐱᖅᑯᓯᖓᓐᓄᑦ ᓴᖏᓕᒑᕈᑎᖏᓐᓂᑦ, ᑖᑯᐊ ᑮᓇᐅᔭᓂ ᐊᑐᖏᓂᖅᓴᐅᒐᓱᓐᓂᑯᒧᑦ ᑖᑯᐊ ᖃᐅᔨᓴᖃᑦᑕᕐᒪᑕ ᖃᕋᓴᐅᔭᒃᑯᑦ ᐃᑭᐊᕿᕕᒃᑯᑦ ᑭᓯᐊᓂ. ᓴᖅᑭᑐᖃᕆᐊᖃᕌᖓ ᐱᖃᑦᑕᖅᑐᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓕᖅᐹᒥ ᐃᓚᒋᐊᕈᑦ ᐊᐱᖅᑯᑎ. ᒥᔅᑕ ᑲᐅᑐᒃ. ᑲᐅᑐᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐱᓕᕆᕕᖓ ᒫᓐᓇ ᐊᑐᕈᒫᖅᑐ ᑮᓇᐅᔭᓄᑦ ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ 8-ᒥᒃ ᐃᖃᓇᐃᔮᒃᓴᖃᕐᒪᑕ, ᒥᓂᔅᑦeᕐ ᓇᓗᓇᐃᖅᓯᔪᓐᓇᖅᐹ ᓴᖅᑭ ᐃᓐᓄᒃᓯᒪᒪᖔᑕ ᖃᔅᓰᓪᓗ ᐃᓐᓄᒃᓯᒪᖏᓚ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐄ’, ᑖᒃᑯᐊ ᐃᖅᑲᓇᐃᔭᖅᑏᑦ ᐅᓄᕐᓂᖏᑦ 8-ᖑᒐᓗᐊᑦ, ᑖᑯᐊ ᒪᑐᐃᖓᐃᓇᕐᒪᑕ ᐊᒃᓱᕈᖅᓱᑎᒃ ᕿᓃᓇᖅᑐᑦ. ᕿᓃᓇᖅᓯᒪᒐᓗᐊᖅᓱᑎᒃ ᒫᓐᓇᐅᔪᖅ ᖃᔅᓯᐅᒪᖔᑕ ᖃᐅᔨᒪᑎᐊᖏᓚᐅᑲᒃᑐᒍ, ᒫᓐᓇᐅᔪᖅ ᐅᖃᑐᓐᓇᖏᑦᑐᖓ ᖃᔅᓯᑦ ᐃᖅᑲᓇᐃᔮᒃᓴᑦ ᐱᓯᒪᔭᐅᒪᖔᑕ. ᐄ’, ᒫᓐᓇᐅᔪᖅ ᑎᓴᒪᐅᔪᑦ ᐃᖅᑲᓇᐃᔮᒃᓴᑦ ᒪᑐᐃᖓᔪᑦ. ᖁᔭᓐᓇᒦᒃ, ᐅᖃᖅᑎᑎᔩ. ᐅᖃᖅᑎ: ᑭᖑᓪᓕᖅᐹᖅ ᐊᐱᖁᑎᒋᔭᐃᑦ, ᒥᔅᑕ ᑲᐅᑐᖅ. ᑲᐅᑐᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᒃ ᒥᓂᔅᑕ ᑭᐅᒐᕕᑦ. ᐅᖃᖅᑏ, ᒥᓂᔅᑕ ᖃᐅᔨᒪᒻᒪᑦ, ᒫᓯ 2024-ᖑᑎᓪᓗᒍ, ᐃᑯᓪᓚᓚᐅᕐᒪᑦ ᐃᒡᓗᐃᑦ ᑎᑎᕋᕐᕕᖏᑦ ᐃᖃᓗᓐᓂ ᐅᓄᑲᓪᓚᒃᑐᑦ, ᐱᖃᓯᐅᒃᑐᓂ ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ ᑎᑎᕋᕕᖓ ᐃᑭᖃᓯᐅᑎᒡᓗᓂ. ᐅᖃᖅᑏ, ᑕᐃᑲᓂ ᐃᖅᑲᓇᐃᔭᖅᑏᑦ ᐃᓂᖃᕈᓐᓃᓚᐅᕐᒪᑕ ᐃᖅᑲᓇᐃᔭᖃᑦᑕᓚᐅᖅᑑᒐᓗᐊᑦ ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑎᑯᓐᓄᑦ. ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ ᑎᑎᕋᖅᕕᖃᓕᕐᒻᒪᖔᑕ ᓄᑖᒥᒃ ᑕᐃᒪᖓᓂᒃ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᓕᖅᑯᓯᓕᕆᔨᑯᓐᓄᑦ ᒥᓂᔅᑕ ᑯᓄ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 14 ᐊᖓᔪᖅᑳᖅ ᐳᕋᐃᔭᓐ ᑯᓄ: ᖁᔭᓐᓇᒦᒃ, ᐅᖃᖅᑎᑎᔩ. ᖁᔭᓐᓇᒦᒃ ᒪᓕᒐᓕᐅᖅᑎ ᐊᐱᖁᑎᓐᓄᖅ. ᐄ’, ᑖᑯᐊ ᐊᒃᓱᕉᓴᒃᓯᒪᒪᑕ ᐃᓕᖁᓯᓕᕆᔨᒃᑯᑦ ᐃᖅᑲᓇᐃᔭᕕᒻᒥ. ᒫᓇ ᐃᖅᑲᓇᐃᔭᖅᕕᖃᖅᑐᑦ ᓈᓴᐅᑎᓕᒻᒥ 1084 ᐃᖃᓗᓐᓂ ᐃᖅᑲᓇᐃᔭᖅᕕᖃᖅᑐᑎᒃ. ᐃᖅᑲᓇᐃᔭᕐᕕᖓ ᒥᑭᐅᔭᕋᓗᐊᖅᑐᓂ, ᑕᐃᓐᓇ ᐊᑐᖅᑕᐅᓯᒪᔪᖅ ᒫᓇ, ᑮᓇᐅᔭᑭᒃᓴᖃᑦᑕᕐᓂᖏᓐᓄᑦ ᐊᒻᒪ ᐃᖅᑲᓇᐃᔭᖅᑎᑭᒃᓱᕐᓂᖏᓐᓄᑦ, ᑕᐃᓐᓇ ᓈᒪᒋᔭᐅᓚᐅᑲᒃᓱᓂ ᐃᖅᑲᓇᐃᔭᕐᕕᖓ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᐃᖃᓗᒃᑑᑎᐊᕐᒧᑦ ᒪᓕᒐᓕᐅᖅᑎᑦ, ᐲᑕᓴᓐ. ᐊᐱᖅᑯᑦ 100 - 7(2): ᐃᖃᓗᒃᑑᑦᑎᐊᑉ ᒥᑦᑕᕐᕕᖓᑦ (ᐲᑕᓴᓐ) ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕᖓ ᐃᖏᕐᕋᔾᔪᑎᓕᕆᔨᒃᑯᑦ ᐊᐅᓚᔪᓐᓇᐅᓯᕆᔨᒃᑯᓪᓗ ᓄᓇᕗᒻᒥ ᑖᒃᑯᐊ ᐊᐱᖅᑯᑎᒋᓂᐊᖅᑕᕋ ᒥᓂᔅᑕᖓᓄᑦ. ᖃᐅᔨᒪᒐᔅᓯ ᒥᑦᑕᕐᕖᑦ ᑕᒪᒃᑯᐊ ᖃᖓᑕᓲᑦ ᑎᑭᖃᑦᑕᖅᑎᓪᓗᒋᑦ ᑕᑎᑐᐊᕆᒐᑦᑎᒍᑦ ᓄᓇᕗᒻᒥ ᓄᓇᓕᖕᓂ ᐊᒻᒪᓗᑦᑕᐅᖅ ᐅᓯᑲᖅᑕᖅᐸᒃᖢᑎᒃ ᓂᕿᓂᒃ ᖁᐊᔭᑦᑐᓂᒃ. ᐅᖃᖅᑏ, ᒥᑦᑕᕐᕕᖕᒧᑦ ᖃᐅᑕᒫᑦᑎᐊᖅ ᐅᐸᖃᑦᑕᕋᑦᑕ ᐃᓯᖅᐸᒃᖢᑕ ᐊᐅᓪᓚᖅᐸᒃᖢᑕᓗ ᑕᐃᑯᖓ ᑕᐃᒪᓐᓇ ᒥᑦᑕᕐᕕᕗᑦ ᐱᐅᑦᑎᐊᕆᐊᖃᕐᒪᑕ. ᑐᑭᖃᖅᑐᖅ ᑖᒃᑯᐊ ᐊᑑᑎᖃᑦᑎᐊᖅᑐᓂᒃ ᓄᑖᖑᑦᑎᐊᖅᑐᓂᒃ ᐊᑐᖃᑦᑕᖁᓪᓗᒋᑦ. ᒥᓂᔅᑕ ᓇᓗᓇᐃᖅᓯᒧᓐᓇᖅᐸ ᖃᓄᖅ ᑖᒃᑯᐊ ᐅᖃᐅᓯᕆᔭᖏᑦ ᐱᓕᕐᒪᖔᑕ, ᑐᓴᖅᑎᑦᑎᔾᔪᑎᐅᓚᐅᖅᑐᖅ ᐃᖃᓗᒃᑑᑦᑎᐊᕐᒥ ᐊᒡᓚᒡᕕᒥᓂ ᑖᒃᑯᐊ ᑎᑎᕋᕐᕕᖓ ᐊᐅᓚᑦᑎᔾᔪᑎᖏᑦ ᐅᓇᑕᖅᑐᒃᓴᒃᑯᑦ ᓄᑖᕈᕆᐊᖅᓯᓂᐊᕐᒪᖔᑕ ᐃᖃᓗᒃᑑᑦᑎᐊᑉ ᒥᑦᑕᕐᕕᖓᓂᒃ. ᑕᐃᒪᓐᓇ ᐸᕐᓇᒃᓯᒪᖕᒪᖔᑕ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᖏᕐᕋᔪᓕᕆᔨᒃᑯᓐᓄᑦ ᐊᐅᓚᔪᓐᓇᐅᑎᓕᕆᔨᒃᑯᓐᓄᑦ ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᖅᐸᕋ ᐊᐱᕆᔪᐊᐃᓐᓅᖕᒪᑦ ᒪᓕᒐᓕᐅᖅᑎ. ᑖᒃᑯᐊ ᐅᑭᐅᖅᑕᖅᑐᒥ ᐅᓇᑕᖅᑐᒃᓴᐃᑦ ᑕᒪᒃᑯᐊ ᑐᓴᕈᒥᓇᖅᑐᐃᑦ ᐱᔪᒪᔭᖏᓐᓂᒃ ᓴᖅᑭᑦᑎᓯᒪᓕᕐᒪᑕ ᓄᓇᕗᒻᒥ ᐅᓄᖅᑐᓂᒃ. ᐅᖃᖅᑏ, ᑐᓴᖅᑎᑦᑎᖃᑦᑕᖅᑎᓪᓗᒋᑦ ᐱᔪᒪᓂᕆᔭᖏᑦ ᑕᒪᒃᑯᓂᖓ ᑐᓴᒐᒃᓴᓂᒃ ᓴᖅᑭᑦᑎᓇᓱᒃᑎᓪᓗᒋᑦ, ᐃᓕᓴᖅᓯᓯᒪᓪᓗᑎᒡᓗ ᐅᑕᖅᑭᖕᒪᑕ ᒫᓐᓇ ᐊᐱᖅᑯᑎᒋᔭᖓᓂᒃ ᒪᓕᒐᓕᐅᖅᑎᐅᑉ. ᑖᒃᑯᐊ ᐋᔩᕈᑏᑦ ᐅᖃᐅᓯᕆᔭᐅᔪᑦ ᒫᓐᓇ ᐱᒋᐊᕐᓂᖓᓃᑕᐃᓐᓇᓕᕐᒪᑕ. ᐊᒃᓱᑲᓪᓚᒡᓗ ᑕᐅᑐᒃᑕᐅᓇᑎᒃ ᑐᓄᐊᓂ ᐃᖅᑲᓇᐃᔭᖃᑦᑕᖅᓯᒪᑦᑎᐊᖅᑐᑦ, ᑭᓱᓂᒃ ᐃᓗᓕᖃᕐᓂᐊᕐᒪᖔᑕ ᐱᓕᕆᓂᐊᖅᑕᖏᑦ ᑕᐃᒃᑯᓂᖓ ᐱᓗᐊᖅᑐᒥᒃ ᒥᑦᑕᕐᕕᓕᕆᑎᓪᓗᒋᑦ ᐅᖃᐅᓯᖃᖅᑐᑦ. ᓱᓕ ᐅᑕᖅᑭᖕᒪᑕ ᐅᓄᖅᑐᐊᓘᖕᒪᑕ. ᒫᓐᓇ ᐅᖃᐅᓯᐅᓕᓵᑦᑎᐊᕐᒪᑕ ᐅᖃᐅᑎᔭᐅᓚᐅᕐᒥᒐᑦᑕ ᐃᖃᓗᒃᑑᑦᑎᐊᕐᒥ ᑖᒃᑯᐊ ᖃᐃᖅᑭᒃᓱᖅᑕᐅᓂᐊᕐᒪᑦ ᒥᑦᑕᕐᕕᖓ ᓯᕗᓪᓕᐅᔾᔭᐅᓂᐊᕐᓗᓂᓗ. ᑖᒃᑯᓄᖓ ᐱᓕᕆᔭᐅᓂᐊᖅᑐᖅ ᒫᓐᓇ ᐱᒋᐊᕐᓂᖏᓐᓃᓕᑕᐃᓐᓇᕐᒪᑦ. ᑕᖅᑭᕐᓂ ᐊᒡᒋᖅᑐᓂ ᑭᓯᐊᓂᓕ ᑖᒃᑯᐊ. ᒫᓐᓇ ᕿᓚᓛᓗᐊᕐᒪᑦ ᐅᖃᕆᐊᒃᓴᖅ ᖃᓄᐃᓕᐅᕈᑎᑦ, ᖃᓄᐃᑦᑐᓂᒃ ᐃᓱᒪᒃᓴᖅᓯᐅᕈᑎᖃᕐᒪᖔᑕ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓪᓕᖅᐹᒥ ᐊᐱᖅᑯᑎᒋᔭᐃᑦ ᐃᓚᒋᐊᕈᑎᖓ ᐊᐱᖅᑯᑎᖓ ᒥᔅᑕ ᐲᑕᓴᓐ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 15 ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ ᐊᒻᒪᓗ ᖁᔭᓐᓇᒦᖅᖢᒍ ᑖᓐᓇ ᑭᐅᖕᒪᑦ. ᐅᓇ ᐊᐱᖅᑯᑎᒋᔪᒪᓪᓗᒍ, ᑖᓐᓇᖃᐃ ᒥᓂᔅᑕ ᐅᖃᕈᓐᓇᖅᐳᖅ ᐊᔭᐅᖅᑐᕐᓂᐊᕐᓂᕐᒥᓂᒃ ᒥᓂᔅᑕᐅᖃᑎᒥᓂᒃ ᑲᓇᑕᐅᑉ ᒐᕙᒪᒃᑯᖏᑦᑕ ᒪᓕᒐᓕᐅᕐᕕᐊᓂ ᑖᓐᓇ ᐊᖏᒡᓕᒋᐊᖁᓪᓗᒍ ᑖᓐᓇ ᒥᕝᕕᒃ, ᕿᑯᓕᕐᓗᒍᓗ ᐊᒻᒪᓗ ᐅᓯᓕᖅᓱᕐᕕᖃᕐᓗᑎᒃ ᓄᑖᓂᒡᓗ ᐃᑯᒪᖃᕐᓗᓂ ᐊᒻᒪᓗ ᑕᒻᒪᕇᒃᑯᑎᓂᒃ ᑕᐃᑲᓂ ᐃᖃᓗᒃᑑᑦᑎᐊᒥ ᐱᓕᕆᐊᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᐃᖏᕐᕋᔪᓕᕆᔨᒃᑯᓐᓄᑦ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑕᒪᒃᑯᐊ ᐱᓕᕆᐊᖑᕙᓪᓕᐊᑎᓪᓗᒋᑦ ᐊᒻᒪᓗ ᐃᖅᑲᓇᐃᔮᕆᔭᐅᔭᕆᐊᓖᑦ. ᐄ’, ᑭᓱᓕᒫᑦᑎᐊᑦ ᑕᐃᒃᑯᐊ ᑭᙳᒪᔭᕗᑦ ᐱᓇᓱᖃᑦᑕᖅᑕᕗᑦ ᐊᔭᐅᖅᑐᕈᑎᒋᖃᑦᑕᖅᖢᑎᒃᑯᓪᓗ ᑲᓇᑕᐅᑉ ᒐᕙᒪᒃᑯᖏᑦᑕ ᒥᓂᔅᑕᖏᓐᓄᑦ ᑕᒪᒃᑯᐊ ᐱᖁᑎᕐᔪᐊᑦ ᑕᒃᖠᒋᐊᖅ ᐊᒻᒪᓗ ᕿᑯᓕᖅᑕᐅᓂᖅ ᑕᒪᒃᑯᐊ ᐃᓱᒪᒃᓴᖅᓯᐅᕈᑎᒋᔭᐅᓂᐊᖅᑐᑦ ᐊᒻᒪ ᐊᒃᓱᕉᑎᒌᓐᓇᕐᓂᐊᖅᑕᕋ. ᑲᓇᑕᐅᑉ ᒐᕙᒪᒃᑯᖏᓐᓄᑦ ᑕᐃᒃᑯᐊᓕᒫᑦ ᑐᒃᓯᕌᕆᓇᓱᒃᑕᕗᑦ ᒥᕝᕖᑦ ᑕᒪᒃᑯᐊ ᐊᑦᑕᓇᔾᔭᐃᖅᑕᐅᓯᒪᖁᓪᓗᒋᑦ. ᐄ, ᑖᔅᓱᒪ ᐊᐱᖅᑯᑎᖓᓄᑦ ᑕᒪᒃᑯᐊ ᒥᕝᕖᑦ ᖃᐅᔨᓴᖅᐸᓪᓕᐊᓪᓗᑎᒃᑯᑦ ᑲᓇᑕᐅᑉ ᒐᕙᒪᒃᑯᖏᑦᑕ ᒥᓂᔅᑕᖏᑦ ᓇᓗᓇᐃᔭᕐᕕᒋᓂᐊᖅᑕᕗᑦ ᑭᓱᓂᒃ ᑭᙴᒪᔭᖃᕐᒪᖔᑦᑕ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑐᒡᓕᐊ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑏᑦ, ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᒻᒪᓗ ᖁᔭᓐᓇᒦᒃᑲᓐᓂᖅᖢᒍ ᑖᓐᓇ ᒥᓂᔅᑕ ᑭᐅᖕᒪᑦ. ᐅᓇ ᑭᖑᓪᓕᖅᐹᕆᓕᕐᓗᒍ ᑲᓇᑕᐅᑉ ᒐᕙᒪᒃᑯᖏᑦᑕ ᐃᒃᑯᐊ ᐊᑭᓕᖅᓱᕆᐊᖃᖅᑕᖏᑦ ᑕᐃᑲᐅᖕᒪᑕ, ᑕᒃᖠᒋᐊᖅᑕᐅᓗᓂ ᒥᕝᕕᒃ, ᕿᑯᓕᖅᑕᐅᓗᓂᓗ ᐊᒻᒪᓗ ᒥᓂᔅᑕᐃᑦ ᑲᑎᒪᔨᖏᓐᓄᑦ ᒥᓂᔅᑕᐃᑦ ᑲᑎᒪᔨᖏᓐᓄᑦ ᐊᖏᖅᑕᐅᓇᓱᒡᓗᓂ ᐃᒡᓗᕐᔪᐊᕐᒧᓪᓗ ᐃᑲᔪᖅᑕᐅᓗᑎᒃ ᐊᒻᒪᓗ ᐊᖏᖅᑕᐅᓗᑎᒃ ᓄᓇᕗᑦ ᒐᕙᒪᒃᑯᓐᓄᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐄ’, ᐃᒪᐃᓕᐅᕐᓂᐊᖅᐳᖔᓚᔪᓐᓇᙱᖦᖢᖓ ᑖᒃᑯᐊ ᑮᓇᐅᔭᓕᕆᔩᑦ ᑲᑎᒪᔨᖏᓐᓄᑦ. ᑭᓯᐊᓂ ᒪᓕᒐᓕᐅᖅᑎᓕᒫᑦ ᑐᓴᐅᒪᖁᔭᒃᑲ ᑕᒪᒃᑯᐊ ᐱᖁᑎᕐᔪᐊᑦ ᐊᑭᓕᖅᓱᖅᑕᐅᖃᑦᑕᕐᒪᑕ ᒐᕙᒫᖕᓄᑦ ᑕᒪᒃᑮᒃ ᐊᒻᒪᓗ ᐱᕙᓪᓕᐊᔾᔪᓯᖏᑦ. ᐅᖃᖅᑏ, ᑕᖅᑳᙵᑦ ᒐᕙᒪᐅᙱᑦᑐᓂᑦ ᑮᓇᐅᔭᖅᑖᕌᖓᑦᑕ ᑕᒪᒃᑯᐊ ᑖᒃᓰᔭᐅᑏᑦ ᐊᒻᒪᓗ ᓄᓇᕗᑦ ᒐᕙᒪᒃᑯᖏᑦᑕ ᑮᓇᐅᔭᑦ ᓇᐅᒃᑯᓕᒫᖅ ᐃᑲᔫᑎᒃᑲᓐᓂᕐᓂᒃ ᐱᔪᓐᓇᕈᑦᑕ ᐱᓇᓱᖃᑦᑕᕐᓂᐊᖅᑕᕗᑦ ᐱᓗᐊᕐᓗᒋᑦ ᑲᓇᑕᐅᑉ ᒐᕙᒪᒃᑯᖏᑦ. ᑖᓐᓇ ᒪᓕᒐᓕᐅᖅᑎ ᓇᓗᓇᐃᖅᓯᕕᒋᖁᓪᓗᒍ ᑕᒪᒃᑯᐊ ᐱᓕᕆᐊᖑᕙᓪᓕᐊᔪᑦ ᐱᐅᓯᒃᑲᓐᓂᕆᐊᖁᓪᓗᒋᑦ ᑕᒪᒃᑯᐊ ᐋᖅᑭᒋᐊᖅᑎᓖᑦ ᒥᕝᕖᑦ ᐊᓯᖏᓪᓗ. ᑮᓇᐅᔭᖃᖅᑕᖃᕌᖓᑦ ᑕᒪᒃᑯᐊ ᑮᓇᐅᔭᓕᕆᓂᕐᒧᑦ ᑐᕌᖓᔪᑦ ᐊᖅᑯᑎᒋᕙᒃᑕᕗᑦ ᐊᑐᕐᓗᑎᒃᑯᑦ ᐊᖏᖅᑕᐅᓗᑎᐅᓘᓂᐊᖅᑐᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᐅᖅᓱᖅᑑᕐᒧᑦ ᒪᓕᒐᓕᐅᖅᑎ ᐳᐊᑐ. ᐊᐱᖅᑯᑦ 101 - 7(2): ᐱᓕᕆᐊᖏᓄᑦ ᓄᓇᕘᑉ ᐃᒡᓗᓕᕆᔨᕐᔪᐊᖏᑕ (ᐳᐊᑐ)

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 16 ᐳᐊᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᑯᐊ ᐊᐱᖅᑯᑎᒋᓂᐊᖅᑕᒃᑲ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᒥᓂᔅᑕᖓᓄᑦ. ᖁᔭᓐᓇᒦᕈᒪᓪᓗᒍ ᑖᓐᓇ ᒥᓂᔅᑕᕆᔭᐅᔪᖅ ᐃᓗᓕᖃᐅᑯᓘᔭᖅᑐᓂᒃ ᑐᓴᐅᒪᔾᔪᑎᓂᒃ ᖃᐃᑦᑎᓚᐅᕐᒪᑦ ᒪᓕᒐᓕᐅᕐᕕᖕᒧᑦ ᐱᔾᔪᑎᒋᓪᓗᒍ ᐃᒡᓗᓕᐊᕆᔭᐅᓂᐊᖅᑐᖅ ᑕᒪᑐᒪᓂ 2026-2027 ᐊᕐᕌᒍᐊᓂ. ᒥᓂᔅᑕ ᖃᐅᔨᒪᓪᓗᓂ ᐅᖅᓱᖅᑑᖅ ᑎᓴᒪᓂᒃ ᐋᖅᑭᒃᓱᒐᕐᓂᒃ ᐃᒡᓗᒃᓴᓂᒃ ᓴᓂᕐᕙᐃᕕᐅᓚᐅᖅᑐᑦ, ᐃᒡᓗᑭᒃᓴᕋᑦᑕ ᓄᓇᑦᑎᓐᓂ. ᒥᓂᔅᑕ ᓇᓗᓇᐃᖅᓯᔪᓐᓇᖅᐸ ᖃᓄᖅ ᐊᑯᓂᐅᑎᒋᓂᐊᕐᒪᖔᑦ ᑕᐃᒃᑯᐊ ᐃᒡᓗᑦ ᐋᖅᑭᒃᓱᒐᐃᑦ ᓴᓇᔭᐅᕌᓂᖁᓪᓗᒋᑦ, ᑎᑭᓵᕆᔭᐅᓯᒪᓕᕇᖅᐸᑕ ᓄᑖᖅᑕᐅᒃᐸᑕᓗ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓄᓇᕗᑦ ᐃᒡᓗᓕᕆᔨᕐᔪᐊᒃᑯᓐᓄᑦ ᒥᓂᔅᑕ ᓚᐃᔪᓪ. ᐊᖓᔪᖅᑳᖅ ᓯᓯᐅᓪ ᓚᐃᔪᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ ᐊᒻᒪ ᑖᓐᓇ ᐊᐱᕆᖕᒪᑦ. ᒫᓐᓇ ᑕᐃᒃᑯᐊ ᐋᖅᑭᒃᓱᒐᐃᑦ ᐃᒡᓗᕐᔪᐊᑦ ᐅᖅᓱᖅᑑᕐᒨᖅᐸᓪᓕᐊᓂᖏᑦ. ᐃᓕᐅᖅᑲᐃᓂᐊᖅᑐᑦ ᑕᐃᒃᑯᐊ ᓴᓇᓂᐊᖅᑐᑦ ᑖᓐᑐᕌᒃᑕᐅᓯᒪᓕᖅᑐᑦ. ᐃᒃᑯᐊ ᐊᔾᔨᒌᖃᑦᑕᙱᒻᒪᑕ ᖃᓄᖅ ᐊᑯᓂᐅᑎᒋᔭᐅᔪᖅ ᐋᖅᑭᒃᓱᒐᐃᑦ ᐋᖅᑭᒃᓱᖅᑕᐅᕌᓂᖃᑦᑕᕐᓂᖏᑦ. ᑕᕝᕙ ᓄᑖᖅᑕᐅᖦᖤᖅᐳᖅ ᐃᒡᓗᒃᓴᖅ ᐊᒻᒪᓗ ᓄᓇᖓ ᖃᐃᖅᑲᒃᓴᖅᑕᐅᒃᐸᑦ ᒪᑯᐊᓗ ᓂᐅᖅᑐᕆᐊᓖᑦ ᓂᐅᖅᑐᖅᑕᐅᓗᑎᒃ. ᑕᒫᓂᖃᐃ ᐊᕐᕌᒍᓪᓗᐊᖅ ᐱᔭᕇᖅᑕᐅᓇᓱᖃᑦᑕᖅᑐᑦ ᐊᑯᓂᐅᓂᖅᓴᕐᓘᓐᓃᑦ. ᑕᐃᒃᑯᐊ ᐋᖅᑭᒃᓱᒐᐃᑦ ᐃᒡᓗᕐᔪᐊᑦ. ᖃᓄᖅ ᐅᐸᓗᖓᐃᖅᓯᒪᖕᒪᖔᑦ ᑕᒪᓐᓇᑦᑕᐅᖅ ᐊᒃᑐᐃᓂᖃᖃᑦᑕᖅᑐᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᓚᒋᐊᕈᑏᑦ ᐊᐱᖅᑯᑏᑦ ᒥᔅᑕ ᐳᐊᑐ. ᐳᐊᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᒻᒪᓗ ᖁᔭᓐᓇᒦᒃ ᑭᐅᒐᕕᑦ. ᑖᓐᓇ ᒥᓂᔅᑕ ᖃᐅᔨᒪᔪᖅ ᐊᑕᐅᓯᐅᙱᑦᑐᑦ ᓄᓇᓖᑦ ᓄᓇᕗᒻᒥ ᓄᑖᓂᒃ ᐋᖅᑭᒃᓱᒐᕐᓂᒃ ᐃᒡᓗᑖᖅᑎᑕᐅᓂᐊᕐᒪᑕ ᑲᒻᐸᓂᓂᑦ ᐊᔾᔨᒌᙱᑦᑐᓂᙶᖅᑐᓂᒃ. ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᑕᐃᒃᑯᐊ ᐋᖅᑭᒃᓱᒐᐃᑦ ᐃᒡᓗᒃᓴᐃᑦ ᐊᔾᔨᒌᒃᑐᐃᓐᓇᐅᖕᒪᖔᑦ ᐅᕝᕙᓘᓐᓃᑦ ᖃᓄᖅ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓄᓇᕗᑦ ᐃᒡᓗᓕᕆᔨᕐᔪᐊᒃᑯᓐᓄᑦ ᒥᓂᔅᑕ ᓚᐃᔪᓪ. ᐊᖓᔪᖅᑳᖅ ᓯᓯᐅᓪ ᓚᐃᔪᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ ᐊᒻᒪᓗ ᖁᔭᓐᓇᒦᖅᖢᒍ ᑖᓐᓇ ᐊᐱᖅᑯᑎᒋᖕᒪᒍ. ᐄ’, ᐃᒃᑯᐊ ᐊᔾᔨᒌᙱᑦᑐᓂᒃ ᑎᑭᓴᐃᕝᕕᒋᒐᑦᑎᒃᑯᑦ ᑲᒻᐸᓂᓂᑦ ᓄᓇᕗᒻᒧᑦ ᐋᖅᑭᒃᓱᖅᑕᐅᓂᐊᖅᑐᑦ. ᐊᔾᔨᒌᙱᑦᑑᑎᓐᓇᓱᒃᑕᕗᑦ ᐃᒃᑯᐊ ᐃᒡᓗᕈᓯᖏᓪᓗ ᑕᐃᒃᑯᐊ ᐃᓕᐅᖅᑲᖅᑕᐅᓯᒪᓪᓗᑎᒃ ᐅᓄᕐᓂᖏᓪᓗ ᐊᔾᔨᒌᙱᖦᖢᑎᒃ. ᑕᐃᒃᑯᐊ ᐋᖅᑭᒃᓱᒐᕐᓂᒃ ᓂᐅᕕᕐᕕᒋᔭᕗᑦ ᐊᔾᔨᒌᙱᑦᑐᓂᒃ ᐱᓯᒪᔪᑦ ᕿᑭᖅᑖᓗᒃ, ᑭᕙᓪᓕᖅ ᐊᒻᒪᓗ ᕿᑎᕐᒥᐅᑦ. ᑕᐃᒪᐃᓕᐅᕐᓂᐊᖅᑐᒍᑦ ᑕᒪᑐᒪᓂ ᐊᕐᕌᒍᒥ ᐊᒡᒋᖅᑐᒥ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑐᒡᓕᐊ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑏᑦ, ᒥᔅᑕ ᐳᐊᑐ. ᐳᐊᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ ᐊᒻᒪᓗ ᖁᔭᓐᓇᒦᒃ ᑭᐅᒐᕕᑦ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 17 ᐱᕕᖃᕐᓂᓐᓂ ᖁᔭᓐᓇᒦᕈᒪᔭᒃᑲ ᑕᐃᒃᑯᐊ ᑲᑎᒪᔩᑦ ᐊᒻᒪ ᐃᖅᑲᓇᐃᔭᖅᑎᒋᔭᐅᔪᑦ ᐅᖅᓱᖅᑑᑉ ᑭᑭᑦᑕᖅ ᐃᒡᓗᓕᕆᔨᒃᑯᖏᓐᓄᑦ. ᒥᓂᔅᑕ ᖃᐅᔨᒪᓪᓗᓂ ᐃᒡᓗᓕᕆᔨᕐᔪᐊᒃᑯᑦ ᑳᓐᑐᕌᒃᓴᓂᒃ ᑕᖅᑲᐅᙵᐃᓚᐅᖅᑐᖅ ᐊᐃᕐᕆᓕᐅᓚᐅᖅᑎᓪᓗᒍ. ᑕᐃᒃᑯᐊ ᓴᓇᔭᐅᓪᓚᕆᒋᐊᓖᑦ ᐅᖅᓱᖅᑑᕐᒥ ᓴᓇᔭᐅᔪᓐᓇᕐᓂᐊᖅᖢᓂ ᑕᐃᓐᓇ ᓯᕐᓗᐊᖅ. ᐃᒪᐃᓕᓚᐅᖅᑐᑦ, “2024 ᐅᐱᕐᖔᖓᓂ ᐃᒡᓗᓕᕆᔨᕐᔪᐊᒃᑯᑦ ᐊᖏᖅᓯᓚᐅᖅᓯᒪᔪᑦ ᑕᐃᓐᓇ ᓯᕐᓗᐊᖅ ᐊᖏᒡᓕᒋᐊᖅᑕᐅᔪᓐᓇᕐᓂᐊᕐᒪᑕ. ᓇᖕᒥᓂᕆᔭᐅᔪᖅ ᐃᒡᓗᓕᕆᔨᒃᑯᓐᓄᑦ. ᐃᒡᓗᓕᕆᔨᕐᔪᐊᒃᑯᑦ ᐋᖅᑭᒃᓱᐃᕙᓪᓕᐊᓂᐊᖅᑐᑦ 2026-2027-ᒥ ᐃᒡᓘᑉ ᐃᓚᖏᑦ ᑕᒪᒃᑯᐊ, ᐃᓛᒃ ᓯᕐᓗᐊᑉ ᐃᓚᖏᑦ ᓄᑖᙳᕆᐊᖅᑕᐅᔪᓐᓇᕐᓂᐊᕐᒪᑕ ᐊᙳᑎᓯᒪᓕᕐᓗᑎᒡᓗ ᑭᙴᒪᔭᐅᔪᓄᑦ. ᒪᐃ 11, 2026-ᒥ ᒪᑐᓚᐅᖅᑐᖅ. ᐅᓪᓗᒥᓕ ᖃᓄᐃᓕᖓᓕᖅᐸ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᓚᐃᔪᓪ. ᐊᖓᔪᖅᑳᖅ ᓯᓯᐅᓪ ᓚᐃᔪᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᐊᒻᒪᓗ ᖁᔭᓐᓇᒦᖅᖢᒍ ᑖᓐᓇ ᐊᐱᖅᑯᑎᒋᖕᒪᒍ. ᐊᑭᑐᔪᖅᑐᕈᑎᒃᓴᐃᑦ ᑕᐃᒃᑯᐊ ᐊᑐᖅᖢᒋᑦ ᖃᓄᖅᑑᕈᑎᒋᓯᒪᔭᕗᑦ ᖃᓄᖅ ᓄᑖᙳᕆᐊᖅᑕᐅᓂᕐᒪᖔᑦ, ᓴᓇᔭᐅᓂᐊᕐᒪᖔᖏᓪᓘᓐᓃᑦ ᑕᒪᒃᑯᐊ ᓯᕐᓗᐊᑦ ᐊᒻᒪᓗ ᐊᓯᖏᑦ. ᐊᑐᕈᒫᕐᓂᐊᖅᑐᑦ ᐅᓄᙱᓗᐊᕐᓂᖏᑦ ᐱᔾᔪᑎᒋᓪᓗᒋᑦ ᑕᒪᕐᒥᐊᓗᒃ ᓴᓇᔪᓐᓇᙱᑕᕗᑦ. ᓲᕐᓗ ᐃᖃᓗᒃᑑᑦᑎᐊᖅ ᑕᐃᒃᑯᐊ ᑳᓐᑐᕌᒃᑖᖅᑎᑕᐅᓚᐅᕐᒪᑕ ᐊᒻᒪᓗ ᐅᖅᓱᖅᑑᕐᒥ ᓇᖕᒥᓂᕆᔭᐅᔪᒥᒃ ᐃᖅᑲᓇᐃᔭᖃᑎᖃᖅᑐᒍᑦ. ᑕᐃᑲᓂ ᓯᕐᓗᐊᕆᑲᐃᓐᓇᕐᓂᐊᖅᑕᑦᑎᓐᓂ ᐱᓪᓗᑕ ᐊᒻᒪᓗ ᔫᓐ ᐋᒐᔅᖑᓚᐅᖅᑐᒥ ᐊᕐᕌᓂ ᒪᑯᐊ ᓂᕆᐅᒋᙱᑕᕗᑦ ᐱᓪᓗᑎᒃᑯᑦ ᓄᓇᓕᖕᓂ ᑭᓯᐊᓂ ᑕᒪᒃᑯᐊ ᑐᓴᐅᒪᔾᔪᑏᑦ ᓈᒻᒪᔾᔫᒥᓕᖅᐸᑕ ᐅᖃᓪᓚᖃᑎᒋᒃᑲᓐᓂᕈᓐᓇᕐᓂᐊᖅᑕᒋᑦ ᓯᕐᓗᐊᖅ ᐱᓪᓗᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᐊᐃᕕᓕᖕᒧᑦ ᒪᓕᒐᓕᐅᖅᑎ ᐊᖑᑎᐊᓗᒃ. ᐊᐱᖅᑯᑦ 102 - 7(2): ᑐᐊᐸᓕᐅᕆᔾᔪᑎᓐ ᐊᒻᒪᓗ ᓯᖃᓕᔭᐅᕝᕕᖏᓄᑦ (ᐊᖑᑎᐊᓗᒃ) ᐊᖑᑎᐊᓗᒃ: ᖁᔭᓐᓇᒦᒃ, ᐅᖃᖅᑎᑦᑎᔨ. ᑖᓐᓇᓕ ᐊᐱᖅᑯᑎᒋᓂᐊᖅᑕᕋ ᒥᓂᔅᑕᒧᑦ ᓄᓇᓕᖕᓂ ᐱᔨᑦᑎᖅᑎ. (ᑐᓵᔨᑎᒎᓕᖅᑐᖅ) ᐅᖃᐅᓯᕆᒃᑲᓐᓂᕈᒪᓪᓗᒍ ᑐᐊᐸᐃᑦ. ᒥᓂᔅᑕ ᖃᐅᔨᒪᓪᓗᓂ ᑕᒪᓐᓇ ᐊᑯᓂᐊᓗᒃ ᓴᓪᓕᕐᒥ ᐃᓱᒫᓘᑎᒋᔭᐅᓯᒪᖕᒪᑦ ᐳᔪᐊᓘᖃᑦᑕᖅᖢᓂᓗ ᐊᐅᔭᐅᓕᕌᖓᑦ. ᑕᒪᒃᑯᐊ ᐳᔪᐃᑦ ᐊᑲᐅᙱᑦᑐᖅ ᐱᓗᐊᕐᓗᒋᑦ ᑕᐃᒃᑯᐊ ᐊᓂᕐᓂᑭᑦᑐᖅ, ᓲᕐᓗ ᐊᓂᖅᓵᖅᑐᒡᒐᖅᑐᑦ. ᑖᒃᑯᐊ ᕼᐋᒪᓚᒃᑯᑦ ᓄᑖᓂᒃ ᑐᐊᐸᓕᐅᕐᕕᖕᒥᒃ ᓇᓂᓯᓯᒪᓕᖅᑐᑦ ᐊᒻᒪᓗ ᐃᑲᔪᖅᑕᐅᔪᒪᓪᓗᑎᒃ ᑖᓐᓇ ᐊᖅᑯᑦ ᓴᓇᔭᐅᕙᓪᓕᐊᓂᖏᓐᓂᒃ. ᐊᐅᔭᖅ ᑕᐃᑲᑦᑎᐊᖑᓕᕐᒪᑦ ᒥᓂᔅᑕᖃᐃ ᖃᐃᔪᓐᓇᖅᐸ ᒪᐃᔭᒥᒃ ᑲᑎᒪᔨᓂᒡᓗ ᑲᑎᒪᖃᑎᖃᕈᓐᓇᕐᓂᐊᕋᒥ. ᖁᔭᓐᓇᒦᒃ, ᐅᖃᖅᑏ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 18 ᐅᖃᖅᑎ: ᓄᓇᓕᓐᓂ ᐱᔨᑦᑎᖅᑎᒃᑯᑦ ᒥᓂᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒡ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ ᐊᒻᒪᓗ ᖁᔭᓐᓇᒦᒃ ᑖᓐᓇ ᐊᐱᖅᑯᑎᒋᒐᖕᓂᒃ. ᐄ’, ᑖᓐ ᐃᖅᑲᐅᒪᓪᓗᒍ ᑕᐃᓐᓇ ᐊᖅᑯᑎ ᐊᓯᖏᓪᓘᓐᓃᑦ ᐅᖃᐅᓯᕆᔪᓐᓇᖅᑕᕗᑦ ᐃᓱᒫᓘᑎᒋᔭᐅᒃᐸᑕ ᕼᐋᒪᓚᒃᑯᓐᓄᑦ. ᖁᔭᓐᓇᒥᒃ, ᐅᖃᖅᑎ. ᐅᖃᖅᑎ: ᓯᕗᓪᓕᖅᐹᒥ ᐃᓚᒋᐊᕈᑏᑦ ᐊᐱᕆᒍᒃ, ᒥᔅ ᐊᖑᑎᐊᓗᒃ. ᐊᖑᑎᐊᓗᒃ: ᖁᔭᓐᓇᒦᒃ, ᐅᖃᖅᑎᑦᑎᔨ. ᖁᔭᓐᓇᒦᓪᓗ ᒥᓂᔅᑕ. (ᑐᓵᔨᑎᒍᑦ): ᐅᖃᖅᑎ, ᓄᓇᕗᒻᒥᐅᑦ ᓄᓇᓕᓕᒫᖏᑦ ᐃᓚᓕᐅᒃᖢᒍ ᓴᓪᓕᖅ ᐊᒻᒪ ᓇᐅᔮᑦ ᓈᒻᒪᒃᑐᓂᒃ ᓱᓇᒃᑯᑖᖃᐅᖅᑐᑦ ᐃᓚᓕᐅᒃᖢᒋᑦ ᑕᐃᒃᑯᐊ ᑐᐊᐸᓐᓄᑦ ᐅᔭᕋᐃᔭᐅᑏᑦ ᐊᒻᒪᓗ ᓯᖁᑦᑎᕈᑏᑦ. ᑖᒃᑯᐊ ᐊᑐᐃᓐᓇᕈᖅᑎᑕᐅᔪᑦ ᑐᓴᐅᒪᔾᔪᑏᑦ ᐃᒪᐃᓕᖓᔪᑦ: “2026-2027−ᒥ ᐱᒋᐊᕐᓗᒍ, ᓯᖁᑦᑎᕆᔾᔪᑦ ᓄᖅᑲᖅᑎᑕᐅᓂᐊᓕᕐᒪᒡᒎᖅ ᐊᒻᒪᓗ ᑮᓇᐅᔭᖏᑦ ᕼᐋᒻᒪᓚᒃᑯᓐᓄᑦ ᐃᓗᐃᒃᑲᓂᖅ ᑮᓇᐅᔭᖅᑖᖅᑎᑕᐅᖃᑦᑕᕐᓂᖏᓐᓄᑦ ᐃᓚᔭᐅᓂᐊᖅᖢᑎᒃ.” ᒥᓂᔅᑕᖃᐃ ᓇᓗᓇᐃᖅᓯᔪᓐᓇᖅᐳᖅ ᖃᓄᐃᒻᒪᑦ ᑕᐃᒪᓐᓇ ᐃᓱᒪᓕᐅᓚᐅᕐᒪᑦ, ᐊᒻᒪᓗ ᖃᑦᓯᑦ ᑮᓇᐅᔭᑦ ᐊᑐᐃᓐᓇᕈᖅᑎᑕᐅᕙᑦ ᓴᓪᓕᕐᒧᑦ ᓇᐅᔮᓄᓪᓗ, ᓯᖁᑦᑎᕆᔾᔪᑎᓂᒃ ᐅᔭᕋᐃᔭᐅᑎᓂᓪᓗ ᐱᑖᕈᓐᓇᕐᓂᐊᕐᒪᑕ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒡ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᒻᒪᓗ ᖁᔭᓐᓇᒦᖅᖢᒍ ᒪᓕᒐᓕᐅᖅᑎ ᐊᐱᕆᒻᒪᑦ. ᑕᐃᒃᑯᐊ ᓯᖁᑦᑎᕆᔾᔪᑏᑦ ᑲᔪᓯᑎᑕᐅᔾᔮᕈᓐᓃᕐᒪᑕ, ᑕᒪᓐᓇᓗ ᐃᓱᒪᓕᐅᕈᑎᒋᔭᐅᓚᐅᖅᖢᓂ ᒐᕙᒪᐅᓚᐅᖅᑐᓂᒃ, ᕼᐋᒻᒪᓚᒃᑯᑦ ᐊᑐᓂ ᓇᒻᒥᓂᖅ ᐊᐅᓚᑦᑎᒍᓂᔾᔪᒃ ᐱᐅᓂᖅᓴᐅᓂᐊᖅᑰᕐᒪᑦ, ᕼᐋᒻᒪᓚᒃᑯᑦ ᓇᒻᒥᓂᖅ ᑕᒪᒃᑯᓂᖓ ᑲᒪᒋᔭᖃᓕᕐᓗᑎᒃ ᐃᓱᒪᖅᓲᑎᓗᒍ, ᐸᕐᓇᐅᑏᑦ ᐊᖅᑯᑎᒋᓗᒋᑦ ᐊᑭᑐᔪᓪᓗ. ᐊᐱᖅᑯᑎᒋᖅᑲᐅᔭᖓ ᑖᓐᓇ ᐃᓗᐃᒃᑲᐃᑦ ᑕᐃᒃᑯᐊ ᑮᓇᐅᔭᖅᑖᕆᔭᐅᖃᑦᑕᖅᑐᑦ ᕼᐋᒻᒪᓚᒃᑯᑦ, ᐅᐊᑦᑎᐊᕈᐊᐃ. ᓴᓪᓖᑦ, $917,000-ᑖᕐᓂᐊᖅᑐᑦ ᑕᒫᓂ ᐊᕐᕌᒍᒥ, ᐊᒻᒪᓗ ᓇᐅᔮᑦ $705,000-ᓂᒃ. ᕼᐋᒻᒪᓚᒃᑯᑦ ᑖᒃᑯᓂᖓ ᑮᓇᐅᔭᓂᒃ ᐊᑐᕈᕐᓇᖅᑐᑦ ᐊᑭᑐᔪᖅᑐᕈᑎᑦᓴᐃᓪᓗ ᐱᓪᓗᒍ, ᓲᕐᓗᖃᐃ ᓯᖁᑦᑎᕆᔾᔪᑦ ᑐᐊᐸᒃᑖᕈᓐᓇᕐᓂᐊᕐᒪᑕ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑎᒋᔭᐃᑦ, ᒥᔅ ᐊᖑᑎᐊᓗᒃ. ᐊᖑᑎᐊᓗᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᑖᓐᓇ ᒥᓂᔅᑕ ᖃᐅᔨᒪᒻᒥᔪᖅ ᓴᓪᓕᕐᓂ ᒥᕝᕕᒃ ᐅᖓᓯᑦᑐᑲᓪᓚᐅᒻᒪᑦ, ᐃᒻᒪᖄ, 10-ᑮᓚᒥᑕᑦ ᐅᖓᓯᒃᑎᒋᔪᖅ. ᐊᐅᔭᒃᑯᑦ ᑕᒪᓐᓇ ᐊᖅᑯᑦ ᐊᑐᖅᖢᒍ ᐊᒃᓱᐊᓗᒃ ᐳᔫᖃᑦᑕᕐᒪᑦ. ᒥᓂᔅᑕᖃᐃ ᐱᓕᕆᕕᐊ ᖃᓄᖅ ᐃᑲᔪᒃᑲᓐᓂᕈᓐᓇᖅᐸᑦ ᓴᓪᓕᕐᒥᐅᓂᑦ ᓇᐅᔮᒥᐅᓂᒃ ᐊᓯᖏᓐᓂᓪᓗ ᐳᔪᖃᙱᒃᑲᓐᓂᖁᓪᓗᒋᑦ ᑕᒪᒃᑯᐊ ᐊᖅᑯᑏᑦ? (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᓄᓇᓕᓐᓂ ᐱᔨᑦᑎᖅᑎᒃᑯᑦ ᒥᓂᔅᑕᖓ, ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒡ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᒻᒪᓗ ᖁᔭᓐᓇᒦᖅᖢᒍ ᑖᓐᓇ ᐊᐱᖅᑯᑎᐅᒻᒪᑦ ᐳᔪᑦ ᐱᓪᓗᒋᑦ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 19 ᕼᐋᒻᒪᓚᒃᑯᓂᒃᑯᐊ ᐅᓄᕐᓂᖅᓴᐃᑦ ᑕᕆᐅᕐᒥᓂᒃᑯᐊ ᐊᑐᖃᑦᑕᖅᑰᖅᑐᑦ; ᐄ’, ᑕᕆᐅᖅ. ᑖᓐᓇ ᒫᓐᓇ ᐊᑐᖅᖢᑎᒃᑯ ᑭᓯᐊᓂᑦᑕᐅᖅ ᐊᓯᖏᓐᓂᒃ ᕿᒥᕐᕈᓇᖃᑦᑕᖅᑐᒍᑦ ᓂᐅᕕᐊᒃᓴᐅᕙᓪᓕᐊᔪᐃᑦ ᑕᒪᒃᑯᐊ ᓄᑖᑦ ᑕᑯᓪᓗᒋᑦ. ᒫᓐᓇ ᑕᐃᓐᓇ ᑕᕆᐅᖅ ᐊᑐᖃᑦᑕᖅᑕᕗᑦ ᐅᓪᓗᒥ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᐊᕐᕕᐊᑦ ᓂᒡᒋᐊᓄᑦ ᒪᓕᒐᓕᐅᖅᑎ, ᖃᑉᓗᑦᓯᐊᖅ. ᐊᐱᖅᑯᑦ 103 - 7(2): ᐅᔭᕋᖕᓂᐊᖅᑎᒃᓴᑦ ᐸᐃᑉᐹᖃᑎᐅᔪᓪᓗ ᐱᓕᒻᒪᒃᓴᐃᔾᔪᑎᖏᑦ (ᖃᑉᓗᑦᓯᐊᖅ) ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒃᑲ ᐅᓪᓗᒥ ᐃᓄᓕᕆᔨᒃᑯᑦ ᒥᓂᔅᑕᖓᓄᑦ ᑐᕌᕐᓂᐊᖅᑐᑦ. ᐅᖃᖅᑏ, ᒪᕐᕉᒃ ᓄᓇᕗᒻᒥ ᐅᔭᕋᕐᓂᐊᕐᕕᖏᒃ ᑭᕙᓪᓕᒦᒻᒪᑎᒃ ᓄᓇᕘᒥ. ᒪᓕᒐᓕᐅᖅᑎᕆᔭᐅᓪᓗᖓ ᐊᕐᕕᐊᑦ ᓂᒋᐊᓄᑦ ᐊᒃᓱᐊᓗᒃ ᐃᑲᔪᖅᓯᕋᒃᑭᑦ ᐃᖅᑲᓇᐃᔭᕆᐅᖅᓴᖃᑦᑕᖅᑐᐃᑦ, ᐱᓕᒻᒪᔅᓴᐃᒐᓱᖃᑦᑕᑐᐃᓪᓗ ᓂᕈᐊᖅᑎᒋᓯᒪᔭᔅᓯᓐᓂ ᐅᔭᕋᕐᓂᐊᕕᒻᒥ ᐃᖅᑲᓇᐃᔮᖃᕈᓐᓇᓛᕐᖓᑕ. ᒥᓂᔅᑕ ᖃᐅᔨᒪᒻᒪᑦ ᓄᓇᕗᒻᒥ ᐅᔭᕋᓐᓂᐊᓂᕐᒧᑦ ᑐᑭᒧᐊᒍᑎᔅᓴᐃᑦ ᒪᓕᒐᓕᐅᕐᕕᒻᒨᖅᑕᐅᓚᐅᖅᓯᒪᒻᒪᑕ ᐃᒃᓯᕙᓂᖃᖅᑎᓪᓗᒋᑦ ᒫᔅᓯ 1, 2024-ᒥ. ᐅᖃᖅᑏ, ᐱᖓᑦᑎᐅᓚᐅᖅᑐᒥ ᐃᒃᓯᕙᓂᖃᖅᑎᓪᓗᒋᑦ, ᒥᓂᔅᑕ ᐅᖃᓚᐅᕐᖓᑦ ᐅᖃᓕᒫᕐᓗᒋᑦ: “ᑲᑐᔾᔨᖃᑎᒌᓐᓂᒃᑯᑦ ᐃᓄᓕᕆᔨᒃᑯᓐᓂᒃ ᐊᒻᒪ ᐃᓕᓐᓂᐊᑎᑦᑎᔨᐅᔪᓂᑦ, ᓴᓇᓯᒪᓕᕋᑦᑕ ᐅᔭᕋᓐᓂᐊᕕᒻᒥ ᐃᓕᓐᓂᐊᖅᑕᐅᒍᓐᓇᖅᑐᓂᒃ ᓄᓇᐅᑉ ᐃᑭᐊᖓᓂ ᐃᓕᓐᓂᐊᖅᑕᐅᒍᓐᓇᖅᑐᒥ ᐊᒡᓂᑯ ᐄᒍᒃᑯᓐᓂ, ᐊᒻᒪᑦᑕᐅᖅ ᐃᑭᐊᖓᓂ ᐅᔭᕋᕐᓂᐊᕐᕕᒻᒥ ᐃᖅᑲᓇᐃᔭᕈᓐᓇᓂᕐᒧᑦ ᐊᕈᐊᕋ ᓯᓚᑦᑐᓴᕐᕕᒻᒥ ᓄᓇᑦᑎᐊᕐᒥ, class 3-ᒥᓗ ᓄᖅᑲᑕᐅᒻᒥᑦ ᐊᖁᒋᐅᖅᓴᓂᖅ ᐊᕐᕕᐊᓂ, ᐅᖁᒪᐃᑦᑐᓂᒃ ᐊᖁᒋᐅᖅᓴᓂᖅ 9-ᓂᑦ ᓄᓇᓕᓐᓂ, ᐊᒻᒪᑦᑕᐅᖅ 8- ᑲᓂᕐᓂᒃ ᐊᐅᓚᐅᓯᕆᔨᔅᓴᓂᒃ ᐃᓕᓐᓂᐊᑎᑦᑎᓂᐊᕆᓪᓗᑎᒃ. ᐱᓕᕆᖃᑎᖃᕐᖓᑕᒎᖅ ᓄᓇᓕᓐᓂ ᐱᔨᑦᑎᕋᖅᑎᑯᓐᓂ ᓯᓚᑦᑐᓴᕐᕕᒃᑯᓐᓂᓗ ᐊᑐᓕᖅᑎᑦᑎᒐᓱᑦᑐᑎᒃ ᓄᓇᕗᑦ ᐅᔭᕋᕐᓂᐊᓂᕐᒧᑦ ᑐᑭᒧᐊᒍᑎᔅᓴᖏᑦ.” ᒥᓂᔅᑕ ᐅᖃᕈᓐᓇᖅᑳ ᖃᓄᓪᓚᑦᑖᖅ ᐃᓕᓐᓂᐊᑎᑦᑎᔪᖃᕐᒪᖔᖅ ᐊᕐᕕᐊᓂ, ᐊᒻᒪᓗ ᖃᓄᖅ ᐸᕐᓇᓯᒪᔪᖃᕐᒪᖔᖅ ᐃᓕᓐᓂᐊᑎᑦᑎᓛᕐᓗᑎᒃ ᐊᕐᕕᐊᓂ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᓄᓕᕆᔨᒃᑯᓐᓄᑦ ᒥᓂᔅᑕ, ᕼᐄᓕ ᐊᕿᐊᕈᖅ. ᐊᖓᔪᖅᑳᖅ ᒍᐊᐃᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᖅᑲᕋᑦᑕᐅᖅ ᒪᓕᒐᓕᐅᖅᑎ ᐊᐱᖅᑯᑎᖃᕐᖓᑦ ᐱᒻᒪᕆᐊᓗᒻᒥᒃ. ᒫᓐᓇ ᒪᓕᒐᓕᐅᖅᑎ ᐅᖃᖅᑲᐅᒻᒪᑦ ᐱᔭᕇᓕᑕᐃᓐᓇᕋᑦᑕ 2025-2026 ᐊᕐᕌᒍᖓᓂᑦ ᐃᓕᓐᓂᐊᖅᑎᑕᐅᔪᓂᒃ class 3-ᒥ ᓄᖅᑲᖅᑕᐅᑎᓕᓐᓂᒃ ᐃᓕᓴᑎᑦᑎᔪᑦ ᐊᕐᕕᐊᓂ. 2026-2027 ᐊᕐᕌᒍᖓᓄᑦ, ᑕᐃᒃᑯᐊ ᐊᑐᐃᓐᓇᐅᓛᖅᑐᐃᑦ ᖃᓄᐃᑦᑐᑦ ᐊᑐᐃᓐᓇᐅᓛᕐᒪᖔᑕ ᐃᓕᓐᓂᐊᕋᔅᓴᐃᑦ ᓇᒦᓛᕐᒪᖔᑕᓗ ᐅᐊᑦᑎᐊᕈᒃᑲᓐᓂᖔᖅ ᑭᐅᔪᓐᓇᓛᖅᑕᕋ ᐱᓯᒪᓕᕈᒃᑭᑦ ᑖᒃᑯᐊ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᓯᕗᓪᓕᖅᐹᒥ ᐃᓚᒋᐊᕈᑎ ᐊᐱᕆᒍᒃ, ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓗ ᒥᓂᔅᑕ ᑭᐅᒻᒫᖓ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 20 ᒥᓂᔅᑕ ᑕᐃᒪ ᖃᐅᔨᒪᒻᒪᑦ, ᓄᑖᑦ ᓴᓇᔨᕈᕆᐅᖅᓴᓂᕐᒧᑦ ᐊᒻᒪ ᐃᓕᓴᕆᔭᐅᔾᔪᑎᑖᕐᓂᕐᒧᑦ ᐱᖁᔭᕐᔪᐊᖅ ᐱᙳᖅᑎᑕᐅᔪᒻᒪᑦ ᔫᓂ 8, 2021-ᒥ, ᐊᕐᕌᒍᑦ ᑕᓪᓕᒪᓪᓗᐊᑦᑎᐊᖑᓕᖅᑐᑦ ᐅᓪᓗᒥ; ᑭᓯᐊᓂᓕ ᑖᓐᓇ ᐱᖁᔭᖅ ᐊᑐᓕᖅᑎᑕᐅᓯᒪᙱᒻᒪᑦ. ᐅᖃᖅᑏ, ᓂᕈᐊᖅᑕᐅᕋᑖᒥᓂᐅᓪᓗᖓ ᐃᓚᒋᔭᐅᓕᖅᑐᖓ ᒪᓕᒐᓕᐅᕐᕕᒻᒥ, ᖁᐊᖅᓵᖃᑦᑕᖅᓯᒪᒐᒪ ᐃᓱᒫᓗᓕᖅᓯᒪᓪᓗᖓᓗ ᐱᖁᔭᓕᐊᒥᓂᐅᒐᓗᐊᓂᒃ ᒪᓕᒐᓕᐅᕐᕕᐅᓚᐅᖅᑐᓄᑦ ᑭᓯᐊᓂ ᐊᑐᓕᖅᑎᑕᐅᓯᒪᙱᒻᒪᑕ. 2026-2030-ᒧᑦ ᐱᓕᕆᐊᔅᓴᓄᑦ ᐸᕐᓇᐅᑎᖓ ᐃᓄᓕᕆᔨᒃᑯᑦ ᐅᖃᖅᓯᒪᔪᒻᒪᑕ ᐃᓚᖓᒎᖅ ᐸᕐᓇᓯᒪᓂᐊᖅᑕᖓ ᐱᒋᐊᓛᕐᓗᓕᐅᒃ 2026-2027 ᐊᕐᕌᒍᖓᓂ ᑕᒪᓐᓇᐅᒻᒪᑦ ᒪᓕᒐᓕᐅᕐᓗᑎᒃ ᐃᑲᔪᖅᓰᒍᑕᐅᓂᐊᖅᑐᓂᒃ ᐊᑐᓕᖅᑎᑕᐅᒍᓐᓇᓂᐊᕐᖓᑦ ᓴᓇᔨᕈᕆᐅᖅᓴᓂᕐᒧᑦ ᐃᓕᓴᕆᔭᐅᔾᔪᑎᑖᕐᓂᕐᒧᑦ ᐱᖁᔭᕐᔪᐊᖅ. ᒥᓂᔅᑕ ᓇᓗᓇᐃᖅᓯᒍᓐᓇᖅᑳ ᑐᑭᓯᓇᑦᑎᐊᕐᓗᒍ ᓱᒻᒪᑦ ᑕᓪᓕᒪᑦ ᐊᕐᕌᒍᒻᒪᕆᐊᓗᓐᓂᒃ ᒪᓕᒐᓕᐅᕋᓱᔅᓯᒪᓕᕐᒪᖔᑕ ᐊᒻᒪᓗ ᐅᖃᕈᓐᓇᓕᖅᑳ ᐅᖃᓪᓚᕆᒍᓐᓇᖅᑲ ᖃᖓ ᐱᖁᔭᖅ ᑖᓐᓇ ᐊᑐᓕᓛᕐᒪᖔᖅ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᓄᓕᕆᔨᒃᑯᓐᓄᑦ ᒥᓂᔅᑕ, ᕼᐄᓕ ᐊᕿᐊᕈᖅ. ᐊᖓᔪᖅᑳᖅ ᒍᐊᐃᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᖁᔭᒋᔭᕋᑦᑕᐅᖅ ᒪᓕᒐᓕᐅᖅᑎ ᐊᐱᕆᒃᑲᓂᕐᖓᑦ, ᑖᓐᓇᐃᓛᒃ ᐱᒻᒪᕆᐊᓘᒻᒪᑦ ᐅᖃᐅᓯᕆᒍᑦᑎᒍ. ᖃᐅᔨᒪᒐᑦᑕ ᓴᓇᔨᕈᕆᐅᖅᓴᖃᑦᑕᖅᑐᐃᑦ ᐊᖅᑯᑎᑦᑎᐊᕙᓪᓚᕆᐊᓘᒻᒪᑕ ᓄᓇᕗᒻᒥᐅᓄᑦ ᐱᖁᑎᕐᔪᐊᓄᓪᓗ ᓴᓇᔨᕈᖃᑕᐅᒍᓐᓇᓛᕐᓗᑎᒃ ᐅᖃᔭᕋᓐᓂᐊᕕᒻᒥᑦᑕᐅᖅ ᐅᖃᐅᓯᕆᖅᑲᐅᔭᖓᓂ ᐊᐱᖅᑯᑎᖓᓂ ᓯᕗᓪᓕᖅᐹᒥ. ᑕᒪᒃᑯᐊ ᒪᓕᒐᕋᓛᔅᓴᖏᑦ ᐱᕙᓪᓕᐊᑎᑕᐅᒻᒪᑕ ᓱᓕ ᐱᔭᕇᖅᐸᓪᓕᐊᓕᖅᑑᒐᓗᐊᑦ ᔮᓐᓄᐊᕆ 2026-ᖑᑎᓪᓗᒍ ᖃᐅᔨᔭᐅᔪᒻᒪᑕ ᐊᓪᓚᕕᒻᒥ ᑲᒪᒋᒋᐊᖏᑕ ᐱᔭᕆᐊᑐᔪᖅᓯᐅᓂᕐᖓᑕ, ᑲᒪᒋᔭᐅᖅᑳᕆᐊᖃᕐᓂᕐᖓᑕ ᑕᐃᒃᑯᐊ, ᐋᖅᑭᒋᐊᖅᓯᔾᔪᑏᑦᑕᐅᖅ ᐃᓚᒋᒻᒥᒻᒪᒋᑦ ᐱᓕᕆᐊᔅᓴᑦᑕ ᐸᕐᓇᐅᑎᑦᑕ 2026-2027−ᒥ ᑲᒪᒋᒋᐊᕐᓂᐊᕐᓗᒋᑦ ᑕᐃᒃᑯᐊ ᐱᔭᕆᐊᑐᔪᒥᓃᑦ. ᑕᐃᒃᑯᐊ ᐱᓕᕆᒋᐊᕐᓂᕆᓯᒪᔭᕗᑦ ᐊᑐᓕᖅᑎᒐᓱᓪᓗᒋᑦ ᐋᖅᑭᒋᐊᕈᑎᔅᓴᐅᔪᐃᑦ ᐱᖁᔭᕐᔪᐊᒧᑦ ᐱᕙᓪᓕᐊᑎᒃᑲᑦᑎᒍ ᓱᓕ ᐱᔭᕇᖅᑲᑕ ᑭᓯᐊᓂ ᒪᓕᒐᕋᓛᖏᑦ ᐊᓯᔾᔨᕈᓐᓇᓛᕐᖓᑕ. ᖃᐅᔨᒋᐊᕋᓱᓐᓂᐊᕐᒥᔪᐃᑦ ᒫᓐᓇ ᐊᐅᔭᐅᓂᐊᖅᑐᖅ 2026-ᒥ ᖃᓄᖅ ᐃᓱᒪᖃᕐᕕᐅᒻᒪᖔᑕ ᐋᖅᑭᒐᓱᑦᑕᕗᑦ, ᐊᒻᒪ ᓂᕆᐅᑦᑐᒍᑦ ᐱᔭᕇᓛᕐᓂᐊᕐᓗᑎᒍ ᐋᖅᑭᒋᐊᕆᔾᔪᑏᑦ ᒪᓕᒐᓕᐅᕐᕕᒻᒨᕈᓐᓇᖅᓯᓗᒋᓪᓗ ᐅᑭᐅᖓᓂ 2027-ᒥ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᑐᒡᓕᐊ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑎ, ᒪᓕᒐᓕᐅᖅᑎ ᖃᑉᓗᑦᓯᐊᖅ. ᖃᑉᓗᑦᓯᐊᖅ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᐅᖃᖅᑏ, ᐊᒥᓲᒻᒪᑕ ᐃᖅᑲᓇᐃᔮᖅᑖᖑᔪᓐᓇᖅᑐᐃᑦ ᐊᔪᙱᑦᑐᓄᑦ ᐃᓕᓴᕆᔭᐅᔾᔪᑎᓕᓐᓄᑦ ᓄᑭᓪᓚᐅᓯᕆᔨᓄᑦ, ᓱᓪᓗᓕᓕᕆᔨᓄᑦ, ᐊᐅᓚᐅᓯᕆᔨᓄᓪᓗ. ᐅᖃᖅᑏ, ᑐᑭᓯᓯᒪᔪᖓᐃᓛᒃ ᐃᓄᓕᕆᔨᒃᑯᑦ ᐱᓕᕆᕕᖓᑦ ᐃᓐᓇᕐᓂᒃ ᐃᓕᓴᑎᑦᑎᒐᓱᓲᖑᒻᒪᑦ ᐃᖅᑲᓇᐃᔭᕆᐅᖅᓴᑎᑦᑎᓪᓗᓂᓗ. ᒥᓂᔅᑕ ᓇᓗᓇᐃᖅᓯᔪᓐᓇᖅᑲ ᖃᓄᖅ ᐱᓕᕆᕕᖓ ᐱᓕᕆᖃᑎᖃᖅᐸᒻᒪᖔᖅ ᐃᓕᓐᓂᐊᖅᑐᓕᕆᔨᒃᑯᓐᓂᒃ ᑲᔪᖏᖅᓴᐃᓗᑎᒃ ᖁᑦᑎᑦᑐᓂᒃ ᐃᓕᓴᔪᓂᒃ ᐃᓱᒪᒋᔭᖃᕆᐊᕈᓐᓇᕐᒪᖔᑕ, ᖁᓪᓚᐅᓪᓗᑎᒃ ᓴᓇᔨᐅᓂᕐᒥᒃ ᐅᔭᕋᓐᓂᐊᕕᒻᒥ ᐊᓯᖏᓐᓂᓪᓗ ᐱᓕᕆᕕᐅᔪᓂᒃ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᕼᐄᓕ ᐊᕿᐊᕈᖅ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 21 ᐊᖓᔪᖅᑳᖅ ᒍᐊᐃᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᖅᑕᕋᑦᑕᐅᖅ ᒪᓕᒐᓕᐅᖅᑎ ᐊᐱᕆᒃᑲᓂᕐᖓᑦ. ᑖᓐᓇ ᒪᓕᒐᓕᐅᖅᑎ ᓱᓕᕋᑖᖅᑐᖅ ᐃᓐᓇᕐᓂᒃ ᐃᓐᓇᐃᓐᓇᕈᔪᓐᓂᒃ ᐃᓕᓴᑎᑦᑎᓲᖑᒐᑦᑕ ᐃᓄᓕᕆᔨᒃᑯᓐᓂ. ᑭᓯᐊᓂ ᖁᕕᐊᒋᔭᖃᖅᐸᑦᑐᒍᑦ ᖃᓄᓕᒫᖅ ᐃᓕᓐᓂᐊᖅᑐᓂᒃ ᓴᓇᔨᕈᕆᐅᖅᓴᓂᕐᒧᓪᓗ ᐃᓯᖅᐸᓪᓕᐊᔪᓂᒃ, ᐃᖅᑲᓇᐃᔭᕆᐅᖅᓴᔪᓕᕆᔨᕗᓪᓗ ᐊᔾᔨᒌᙱᑦᑐᓂᒃ ᐱᓕᕆᖃᑦᑕᕐᖓᑦ ᐃᑲᔪᕋᓱᑦᑐᑎᒃ ᐃᑲᔪᖅᑎᒌᑦ ᐱᔭᔅᓴᖅᑖᖑᓯᒪᔪᑦ ᒪᓕᒃᑐᑎᒃ ᐃᓚᒌᓂᒃ ᐃᑲᔪᕋᓱᑦᑐᑎᒃ ᐊᑐᐃᓐᓇᕈᖅᓴᐃᓪᓗᑎᓪᓗ ᓄᓇᕗᒻᒥᐅᓄᑦ ᐱᖃᑕᐅᕕᐅᒍᓐᓇᖅᑐᓂᒃ ᑮᓇᐅᔭᓕᐅᕋᓱᓐᓂᕐᒥᒃ. ᐃᓕᓐᓂᐊᖅᑐᓕᕆᔨᒃᑯᑦᑕᐅᖅ ᐱᓕᕆᖃᑎᒌᓐᓇᖅᑕᕗᑦ ᐱᓗᐊᖅᑐᒥᒃ ᓄᐊᑦᑎᖃᑦᑕᖅᓯᒪᓪᓗᑎᒃ ᐃᖅᑲᓇᐃᔭᕆᐅᖅᓴᓂᕐᒧᑦ ᐅᖃᓕᒫᒐᕐᓂᒃ ᖁᑦᑎᓕᕇᓄᑦ ᐊᔾᔨᒋᙱᑦᑐᓕᒫᓂᑦ, ᐊᒻᒪᓗ high low magazine-ᒥᑦ ᖁᑦᑎᓂᖅᓴᒥ ᐃᓕᓴᔪᓄᑦ ᐃᓕᓴᕕᒻᒥ ᐃᓕᓐᓂᐊᕈᑎᖏᓐᓄᑦ ᐃᓚᓕᐅᑎᔭᐅᓯᒪᓕᖅᑐᑎᒃ ᓄᓇᕗᒻᒥ ᐃᓕᓐᓂᐊᖅᑐᓕᒫᓂ ᐃᓕᓴᕕᓕᒫᓂ. ᐃᓐᓇᕐᓂᒃ ᐃᓕᓐᓂᐊᑎᑦᑎᓂᕐᒧᑦ ᑐᑭᒧᐊᒍᑎᔅᓴᐃᑦ, ᓴᖅᑭᖅᑕᐅᓚᐅᖅᓯᒪᔪᐃᑦ 2026-ᒥ, ᓄᑖᕈᕆᐊᖅᑕᐅᓂᐅᓴᒻᒪᑕ. ᐊᒻᒪ ᑕᐃᓐᓇ ᑭᖑᓪᓕᐅᓛᓕᖅᑐᖅ 2.0-ᖓ ᐃᓕᓐᓂᐊᖅᑐᓕᕆᔨᒃᑯᓐᓄᑦ ᐱᖃᑕᐅᕕᐅᓛᖅᑐᓂ, ᐋᖅᑭᑎᖅᑕᐅᑎᓪᓗᒍ ᒫᓐᓇ ᐋᖅᑭᑎᖅᑕᐅᒻᒪᑕ. ᐊᒻᒪᑦᑕᐅᖅ ᖁᖅᑎᓂᖅᓴᒥ ᐃᓕᓴᔪᓄᑦ ᓴᓇᔨᕈᕆᐅᖅᓴᔪᓄᑦ $7,500−ᓂᒃ ᐃᑲᔫᑎᖃᕈᓐᓇᕐᒥᔪᒍᑦ ᓴᓇᔨᕈᕆᐅᖅᓴᕈᒪᔪᖃᖅᑲᑦ. ᐅᕙᓂᑦᑕᐅᖅ ᐅᖃᖅᓯᒪᒻᒥᒐᒪ ᑕᐃᒃᑯᐊ ᐊᔪᙱᑦᑐᐃᑦ ᓴᓇᔨᕈᕆᐅᖅᓴᑎᑦᑎᖃᑎᒋᕙᑦᑕᕗᑦ ᐊᒻᒪ ᑭᑭᐊᑦᑐᕐᓚᕗᑦ ᐱᓕᕆᓂᐅᔪᖅᑕᐅᖅ ᐊᑐᖃᑦᑕᕐᒥᒐᑦᑎᒍ, ᓄᓇᕗᒻᒥ ᓯᓚᑦᑐᓴᕐᕕᒃᑯᑦ ᐱᖃᑕᐅᓪᓗᑎᒃ ᐃᓕᓐᓂᐊᖅᑐᓕᕆᔨᒃᑯᓪᓗ ᓴᖅᑭᔮᖅᑎᑦᑎᔪᐃᓐᓇᐅᖃᑦᑕᖅᑐᐃᑦ ᐃᓕᓐᓂᐊᕋᔅᓴᐅᔪᓂᒃ ᑕᐃᒪᐃᑦᑐᒥᒃ ᐃᓕᓐᓂᐊᑎᑦᑎᓐᓄᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᐸᓐᓂᖅᑑᒧᑦ ᒪᓕᒐᓕᐅᖅᑎ, ᒪᐃᒃ. ᐊᐱᖅᑯᑦ 104 - 7(2): ᐃᖃᓗᓕᕆᓂᐅᑉ ᐊᒡᒍᖅᓯᒪᓂᐊᓄᑦ (ᒪᐃᒃ) ᒪᐃᒃ: ᖁᔭᓐᓇᒦᒃ, ᐅᖃᖅᑏ. ᐅᓐᓄᓴᒃᑯᑦ ᐸᓐᓂᖅᑑᕐᒥᐅᑦ ᓄᓇᕗᒻᒥᐅᓪᓗ. ᐊᐱᖅᑯᑎᔅᓴᖃᖅᑐᖓ ᒥᓂᔅᑕᒧᑦ ᓄᓇᓕᓐᓂ ᐱᔨᑎᕋᖅᑎᑯᓐᓄᑦ, ᑖᓐᓇ ᐱᔭᔅᓴᖃᖅᑐᖅ ᒐᕙᒪᒃᑯᑦ ᐃᖃᓗᓕᕆᓂᖓᓂᑦ ᐊᒻᒪᓗ ᓇᑦᑎᓕᕆᓂᖓᓂᑦ. ᖃᖓᑐᐃᓐᓇᖅ ᐃᒪᐃᓕᒍᒪᓛᕋᓗᐊᖅᑐᖓ ᒥᓂᔅᑕ ᐃᖃᓗᓕᕆᔨᒃᑯᓐᓄᑦ. ᖃᖓᐅᒐᓗᐊᑭᐊᖅ. ᒥᓂᔅᑕᐃᓛᒃ ᐃᓛᒃ, ᓇᓗᓇᐃᖅᓯᓚᐅᖅᓯᒪᒻᒪᑦ ᑕᕝᕙᓂ ᐃᓪᓗᒥ ᐱᓇᓱᐊᕈᓯᐅᔪᔪᒥ ᑖᒃᑯᐊ ᐱᔾᔪᑎᒋᓪᓗᒋᑦ ᓄᓇᕗᑦ − ᐊᑯᑭᑦᑐᕐᒥᐅᑦ ᓂᒋᑕᒐᕐᓂᒃ ᐃᒫᓂ ᖃᐅᔨᒪᓂᖏᓐᓂᒃ ᐱᓕᕆᑎᓪᓗᒋᑦ. ᒫᓐᓇᐅᔪᖅ ᑲᔪᓯᔪᔅᓴᐅᓕᖅᑐᒥᒃ ᖃᓄᑭᐊᖅ. ᑕᐃᒪ ᑕᒪᒃᑯᐊᖏᓛᒃ ᐃᑲᔪᖅᑐᓇᕐᖓᑕ. ᑖᓐᓇᖃᐃ ᒥᓂᔅᑕ ᓇᓗᓇᐃᖅᓯᔪᓐᓇᖅᑲ ᑕᐃᒪ ᖃᑦᑎᑦ ᐃᓄᐃᑦ ᐃᖃᓗᒐᓱᑦᑏᑦ ᐸᓐᓂᖅᑑᒦᖔᖓᒻᒪᖔᑕ ᑖᔅᓱᒧᖓ ᐱᖃᑕᐅᔪᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓄᓇᓕᓐᓂ ᐱᔨᔅᓯᖅᑎᒃᑯᑦ ᒥᓂᔅᑕᖓ, ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒡ ᓯᒪᐃᓚᒃ: ᒪ’ᓇ, ᐅᖃᖅᑎᑦᑎᔩ. ᐊᒻᒪᓗ ᒪᓕᒐᓕᐅᖅᑎ ᐊᐱᖅᓱᕐᒪᑦ ᑖᑉᓱᒪ ᒥᒃᓵᓄᑦ, ᒪ’ᓇᐅᔪᑎᑦ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 22 ᐸᓐᓂᖅᑑᕐᒥᐅᑕᑦ ᐃᓚᐅᖃᑕᐅᔫᒃ ᒪᕐᕉᒃ, ᐊᒻᒪᓗ ᒥᑦᑎᒪᑕᓕᒻᒥ ᒪᕐᕉᒃ, ᑲᖏᖅᑐᒑᐱᒻᒥᑦ ᒪᕐᕉᒃ ᐊᒻᒪ ᕿᑭᑦᑕᕐᔪᐊᒥᐅᑕᑦ ᒪᕐᕉᒃ ᐃᓚᐅᖃᑕᐅᔫᒃ. ᒪ’ᓇ, ᐅᖃᖅᑎᑦᑎᔩ. ᐅᖃᖅᑎ: ᓯᕗᓪᓕᖅᐹᒥ ᐃᓚᒋᐊᕈᑎ ᐊᐱᖅᑯᑦ, ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᒃ, ᒥᓂᔅᑕ. ᑕᐃᒪ ᑖᒃᑯᐊ, ᐃᓛᒃ ᐊᐱᖅᑯᑎᒋᓯᒪᔭᒃᑲ ᐅᑎᕐᕕᒋᔪᒪᔭᒃᑲ ᑰᑕᓕᕆᓃᑦ ᐱᓗᐊᖅᑐᒥᖃᐃ OB-ᒥᑦ, ᑖᓐᓇ ᐅᖁᒪᐃᓐᓂᖃᓚᐅᖅᑐᖅ ᐊᕐᕌᓂ 7,797 ᑕᓐᔅ. ᑕᒫᓃᑦᑐᖅ 17-ᒥᓕᐊᓐ ᐸᐅᓐᔅ ᖃᓕᕋᓖᑦ, ᑕᐃᒪ ᓄᓇᕗᒻᒥᐅᑕᐃᑦ ᐊᕝᕙᕆᙱᑕᖓᓂ ᑎᒍᒥᐊᖅᑐᑦ ᑕᒫᓂ 3,840 ᑕᓐᔅ ᑕᕝᕙᙵᑦ. ᐃᓛᒃ ᑖᓐᓇ ᒪᑭᒍᑎᔅᓴᐅᒐᓗᐊᕐᖓᑦ ᒪᑭᒐᓱᐊᕐᓂᖅᑕ ᐃᓚᒋᔪᓐᓇᕐᖓᐅᒃ, ᑕᐃᒪᓗ ᒥᓂᔅᑕ ᑕᕝᕙᓂ ᐊᐱᕆᓚᐅᖅᓯᒪᒐᒃᑯ ᒪᓕᒐᓕᐅᖅᑏᑦ ᑲᑎᒪᑐᐃᓐᓇᑎᓪᓗᒋᑦ ᓇᒡᒐᔾᔭᐅᖑᔪᔪᒥ, ᑕᐃᔅᓱᒪᓂ ᓇᓗᓇᐃᖅᓯᓚᐅᖅᓯᓚᐅᖅᓯᒪᒻᒪᑦ ᑲᑎᖃᑎᖃᓚᐅᖅᓯᒪᓂᕐᒥᓂᑦ ᐃᒪᕐᒥᐅᑕᓕᕆᔨᒃᑯᑦ ᒥᓂᔅᑕᖓᓐᓂᑦ ᑕᒪᒃᑯᐊ ᓄᓇᕗᒻᒨᖓᔪᐃᓪᓗ ᐱᔾᔪᑎᒋᓪᓗᒋᑦ. (ᑐᓵᔨᑎᒎᓕᖅᑐᖅ) ᒥᓂᔅᑕ ᐅᖃᓪᓚᕆᒍᓐᓇᓕᖅᑳ ᖃᓄᓪᓚᑦᑖᖅ ᐱᓕᕆᓂᐊᕐᓂᕋᖅᑐᓂ ᐅᖃᐅᔾᔭᐅᓂᕐᒪᖔᖅ ᒐᕙᒪᑐᖃᒃᑯᓐᓂ ᒥᓂᔅᑕᐅᖃᑎᖏᓐᓂ ᕿᒥᕐᕈᓛᕐᓂᐊᕐᓂᕋᕐᓗᑎᑦ ᐃᖃᓗᓕᕆᓂᕐᒧᑦ ᑰᑕᓂ ᑐᓂᔭᐅᕙᑦᑐᓂ OB-ᒥ? ᖁᔭᓐᓇᒦᒃ, ᐅᖃᖅᑏᖅ. ᐅᖃᖅᑎ: ᒥᓂᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒡ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᖁᔭᓐᓇᒦᖅᐸᕋ ᐊᐱᖅᑯᑎᖃᕐᒪᑦ ᑲᑎᒪᖃᑎᒋᓚᐅᖅᑕᕋ ᒐᕙᒪᒃᑯᓐᓂ ᒥᓂᔅᑕᐅᔪᒥᑦ, ᒥᓂᔅᑕ ᑖᒻᓴᓐᒥᑦ. ᒥᓂᔅᑕᐅᔪᖅ ᑕᐃᓐᓇ ᐅᖃᓪᓗᐊᕕᓚᐅᖅᑐᖅ ᐊᒃᓱᕈᕈᑕᐅᕙᓐᓂᖓᓂ ᑰᑕᓂ ᐊᒡᒍᖅᑐᐃᒋᐊᒥ. ᑐᑭᓯᐅᒪᔭᕆᐊᖃᓚᐅᖅᑐᖅ ᑭᓯᐊᓂ ᖃᓄᖅ ᐅᖃᕋᓱᒻᒪᖔᕐᒪ: ᐅᓄᖅᓯᒋᐊᖅᑕᐅᒍᑎ ᑰᑕᐅᔪᑦ ᓄᓇᕗᒻᒧᑦ ᐃᑲᔪᕋᔭᕐᒪᑦ ᑮᓇᐅᔭᓕᐅᕈᑎᒋᔭᑦᑎᓐᓂ. ᐱᓕᒻᒪᓴᖅᑕᐅᓗᑎᑦ ᐃᓅᓱᑦᑐᕗᑦ ᑐᓂᓯᕙᓪᓕᐊᓕᕐᓗᑎ ᐃᖃᓗᒐᓱᑦᑎᐅᕙᑦᑐᑐᖃᑦ ᓄᖅᑲᐸᓪᓕᐊᒍᒪᓕᖅᑎᓪᓗᒋᑦ. ᑐᙵᓱᑦᑎᐊᓚᐅᖅᑐᖅ ᓈᓚᒍᒪᑦᓯᐊᖅᑐᓂ ᐃᓱᒫᓘᑎᓂᑦ ᓄᓇᕗᒻᒥ. ᓄᓇᕗᑦ ᒐᕙᒪᒃᑯᑑᙱᑦᑐᖅ, ᐊᒻᒪᓗ ᓄᓇᕗᒻᒥ ᓄᓇᓖᑦ ᑲᑐᔾᔨᖃᑎᒌᖏᑦ ᐱᓕᕆᖃᑎᒋᕙᒻᒥᔭᕗᑦ ᐊᒃᓱᕉᑎᖃᖅᓯᒪᒻᒥᒻᒪᑕ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᑲᔪᓯᒃᑲᓂᕐᓗᑕ ᑲᑎᒪᔾᔪᑎᑦᑕ ᓈᓴᐅᑦ - ᒪᒥᐊᓇᖅ. ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑏᑦ, ᒥᔅᑕ ᒪᐃᒃ. ᒪᐃᒃ: ᐊᔭᐃᑦ. >>ᐃᓪᓚᖅᑐᑦ ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᒃ, ᒥᓂᔅᑕ. ᐃᓛᒃ ᑕᐃᒪ, ᑖᓐᓇᐃᓛᒃ ᑖᒃᑯᓄᖓ ᕿᑭᖅᑖᓗᒻᒥᐅᓄᑦ ᐱᒻᒪᕆᒋᔭᐅᒻᒪᑕ, ᐅᖃᐅᓯᕆᔭᕗᑦ ᒫᓐᓇ ᐊᒻᒪᓗ ᐊᑯᓂᕈᓗᒃ ᑕᐃᒪᐃᓕᖓᓕᖅᑐᑎᐅᒻᒪᑕ, ᑖᒃᑯᐊ ᓄᓇᕗᑦᑖᕈᑎᒋᔭᖏᑦ ᐊᖏᖃᑎᒌᒍᑏᑦ ᐱᕕᖃᖅᑎᑦᑎᔪᔮᕋᓗᐊᖅᑐᑎᑦ ᑖᓐᓇ ᑕᒫᓂ OB-ᒦᑦᑐᖅ, ᖃᓕᕋᓖᑦ ᑭᖑᐃᑦ, ᐊᕝᕙᕆᙱᑕᖓ ᑎᒍᒥᐊᖅᑕᕗᑦ. ᐊᖏᖃᑎᒌᒍᑎ 1993-ᒥᓂᑦ ᑲᔪᓯᔪᖅ ᑕᐃᒪᙵᑦ ᐊᔪᐃᓐᓈᕗᑦ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 23 ᐃᓛᒃ ᑖᓐᓇ ᒫᓐᓇ ᐅᖃᐅᓯᕆᔭᕗᑦ ᖃᓄᐃᒋᙱᑎᐊᖅᑕᕋ, ᐅᖃᖅᑎᑦᑎᔩ. ᑖᓐᓇᖃᐃ, ᒥᓂᔅᑕᒧᑦ ᐅᖃᐅᓯᕆᔪᔭᖓ, (ᑐᓵᔨᑎᒎᓕᖅᑐᖅ) ᐊᒃᓱᕉᑎᖃᐃᓐᓇᖅᐳᒍᑦ ᒐᕙᒪᒃᑯᓐᓂ ᑮᓇᐅᔭᖅᑖᕈᑎᑦᓴᓂ ᐃᑲᔪᖅᑕᐅᖁᓪᓗᑕ ᐅᑎᖅᑎᑦᓯᓂᕐᒥᑦ ᓇᕝᕚᓂᕐᒥᓪᓗ ᑰᑕᑖᖑᕙᑦᑐᓂᑦ ᐃᖃᓗᒐᓱᓐᓂᕐᒧᑦ.” ᑖᒃᑯᐊ ᓇᓗᓇᙱᑎᐊᕐᖓᑕ ᖃᓄᒨᙵᖔᖅ. ᑕᐃᒪ 3,956 ᑕᓐᔅ ᑖᓐᓇ ᑎᒍᒥᐊᙱᑕᕗᑦ ᑕᒫᓂ ᐊᑭᖃᕋᔭᖅᑐᖅ $27-ᒥᓕᐊᓐᓂᑦ ᓂᐅᕕᐊᕆᔭᐅᒐᔭᕐᓂᖅᑲᑦ ᑕᒪᒃᑭᕐᓗᒍ. ᐊᒻᒪᓗ, ᒪᓕᒐᓕᐅᖅᑏᑦ ᑲᑎᒪᑐᐃᓐᓇᑎᓪᓗᒋᑦ ᓴᖅᑭᔪᒻᒥᒐᒃᑯ ᒥᓂᔅᑕᒧᑦ, ᑭᐅᔪᒻᒫᖓ ᐃᒪᐃᓕᖓᔪᒥᒃ, (ᑐᓵᔨᑎᒎᓕᖅᑐᖅ) ᐅᖃᓚᐅᔪᒻᒪᑦ, ᐊᑭᖓ ᑕᒫᓂ 10 ᕼᐋᓐᓇᓂᑦ ᒥᓕᐊᓐᓂᑦ ᑎᑭᑦᑐᒥ ᐱᓇᔭᕐᒪᑦ.” (ᑐᓵᔨᑎᒎᕈᓐᓃᖅᑐᖅ) ᑖᓐᓇ ᑖᒃᑯᐊ ᓴᖅᑭᕈᒪᔭᒃᑲ ᐅᑯᐊ ᐃᒪᕐᒥᐅᑕᓕᕆᔨᒃᑯᑦ OB-ᒧᑦ ᓇᒧ ᑐᓂᓚᐅᕐᒪᖔᖏᑦ, ᑭᐊᓗ ᐱᓚᐅᕐᒪᖔᒋᑦ ᓇᓗᓇᐃᖅᓯᓯᒪᔪᑦ. ᐊᒻᒪᓗ ᐅᑯᐊ, ᑮᓇᐅᔭᖅᑐᕈᑏᑦ ᐊᐅᓚᔾᔪᑎᒥᓃᑦ, ᐅᓇ ᑭᖑᓪᓕᖅᐹᒥ ᐆᒃᑑᑎᒋᑐᐃᓐᓇᙳᓱᑦᑕᕋ 2017-ᖑᑎᓪᓗᒍ OB ᑮᓇᐅᔭᓕᐅᕈᑕᐅᓚᐅᖅᑐᑦ ᓄᓈᖅᑕᐅᓯᒪᔪᑦ, 49,399,000. ᑕᐃᒪᓐᓇᑎᒋ ᑮᓇᐅᔭᖅᑕᓕᒃ. ᓄᓇᕗᒻᒥᐅᑦ ᑕᐃᔅᓱᒪᓂ ᓄᓈᖅᑕᐅᓯᒪᔪᑦ ᑕᒫᓂᓚᐅᖅᑐᖅ ᓄᓈᕈᔾᔭᒥᓂᖏᑦ 20,663,000 ᓄᓇᕗᑦ ᓯᓚᑖᓂ, ᑕᕝᕙᙵᑦ OB-ᒥᑦ, ᑮᓇᐅᔭᓕᐅᓚᐅᖅᑐᑦ $26,736,000. ᑕᒫᓂ ᑖᓐᓇ ᐅᖃᐅᓯᕆᔪᒪᔭᕋ, ᐃᓛᒃ ᒥᓂᔅᑕ ᓇᓗᓇᐃᖅᓯᔪᓐᓇᖅᑲᑦ ᑖᒃᑯᐊ ᐋᑐᕚᒥᐅᕈᔪᐃᑦ ᑲᑎᖃᑎᒋᓛᕐᒪᖔᒋᑦ ᑖᓐᓇ ᐅᖃᐅᓯᕆᕋᑖᖅᑕᕋ ᒪᓕᓪᓗᒍ ᑕᐃᒃᑯᐊ ᐊᐱᖅᑯᑎᒋᖅᑲᐅᔭᒃᑲ ᖃᓄᖅ ᑮᓇᐅᔭᑎᒍᑦ ᑐᓂᔭᐅᒍᓐᓇᕈᑦᑕ ᒐᕙᒪᒃᑯᓐᓂᑦ ᑕᐃᒃᑯᐊ ᓂᐅᕕᐊᕆᒍᑦᑎᒍ ᐊᑲᐅᓕᕋᓗᐊᕐᖓᑦ ᐅᓪᓗᒥᐅᔪᖅ. ᖃᖓᑭᐊᕐᖓᐃ ᑕᐃᒃᑯᐊ ᐃᒪᕐᒥᐅᑕᓕᕆᔨᒃᑯᓘᓐᓃᑦ ᓴᓇᑐᕗᓪᓘᓐᓃᑦ ᒪᓕᒐᓕᐅᖅᑎᒋᔭᕗᓪᓘᓐᓃᑦ ᒪᓕᒐᓕᐅᕐᕕᐊᓗᒻᒥ ᐋᑐᕚᒥ, ᖃᖓᑭᐊᕐᖓᐃ ᐃᑲᔪᖅᑐᐃᓂᕐᒥᓂᒃ ᑕᒪᔅᓱᒥᖓ ᒫᓐᓇ ᐅᖃᐅᓯᕆᔭᑦᑎᓐᓂ ᐊᐅᓪᓚᔾᔭᒋᐊᓛᖅᑲᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓄᓇᓕᖕᓂ ᐱᔨᑦᓯᖅᑎᒃᑯᑦ ᒥᓂᔅᑕᖓ, ᒥᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒡ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᖅᐸᕋ ᐊᐱᖅᑯᑎᒋᒻᒪᒍ. ᐅᖃᐅᔾᔪᐃᖏᓐᓇᓂᐊᖅᑐᒍᑦ ᒐᕙᒪᑐᖃᒃᑯᓐᓂᑦ, ᐅᖃᓘᑎᒃᑯᑦ ᐃᑭᐊᖅᑭᕕᑦᑎᒍᑦ ᖃᕆᑕᐅᔭᒃᑯᑦ ᐅᐸᓪᓗᒋᓪᓘᓐᓃᑦ. ᖃᓄᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᑦ ᐃᓚᐅᑎᑕᐅᑲᓐᓂᕈᓐᓇᕐᒪᖔᑕ ᐊᒻᒪ ᒪᓕᒐᓕᐅᖅᑎᖁᑎᒋᔭᕗᑦ ᓗᐊᕆ ᐃᓪᓚᐅᑦ, ᐊᒻᒪᓗ ᐃᓐᓇᕆᔭᑦᑎᓐᓂ ᐃᑲᔪᖅᑕᐅᔪᒪᓗᑕ ᐱᒻᒪᕆᐅᓂᖓᓂ ᑐᓂᔭᐅᓗᑎᑦ ᐅᓄᕐᓂᖅᓴᑦ ᑰᑕᐅᔪᑦ ᓄᓇᕗᒻᒧᑦ. ᑮᓇᐅᔭᖅᑐᕈᑎᑐᐃᓐᓇᐅᔾᔮᙱᑦᑐᖅ. ᐃᓅᓱᑦᑐᑦᑕᐅᖅ ᐃᑲᔪᖅᑕᐅᓗᑎᑦ ᐃᖃᓗᒐᓱᑦᑎᐅᒍᒪᔪᑦ, ᐃᖅᑲᓇᐃᔭᕈᓐᓇᑦᓯᐊᔾᔫᒥᒐᔭᕋᒥ ᐊᖏᕐᕋᓂ ᐃᓱᒪᒋᓗᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᑲᔪᓯᒃᑲᓐᓂᕈᑦᑕ. ᑲᑎᒪᔾᔪᑎᒃᓴᖅ 7. ᑎᑎᖅᑲᑎᒍᑦ ᐊᐱᖅᑯᑏᑦ. ᑲᑎᒪᔾᔪᑎᒃᓴᖅ 8. ᑎᑎᖅᑲᑎᒍᑦ ᐊᐱᖅᑯᑎᕕᓂᕐᓄᑦ ᑭᐅᔾᔪᑏᑦ. ᑲᑎᒪᔾᔪᑎᒃᓴᑦ 9. ᒪᑐᐃᖅᓯᔾᔪᑎᓄᑦ ᑭᐅᔾᔪᑏᑦ. ᑲᑎᒪᔾᔪᑎᒃᓴᖅ 10. ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑏᑦ. ᑲᑎᒪᔾᔪᑎᒃᓴᖅ 11. ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑎᓄᑦ ᑭᐅᔾᔪᑏᑦ. ᑲᑎᒪᔾᔪᑎᒃᓴᖅ 12. ᑲᑎᒪᔨᕋᓛᑦ ᑲᑎᒪᔨᕋᓛᖑᑲᐃᓐᓇᖅᑐᓪᓗ ᐅᓂᒃᑳᖏᑦ ᕿᒥᕐᕈᓇᓚᐅᖅᑎᓪᓗᒋᑦ ᒪᓕᒐᒃᓴᓂᑦ ᐊᓯᖏᓐᓂᓪᓗ. ᑲᑎᒪᔾᔪᑎᒃᓴᖅ 13. ᑎᑎᖅᑲᑦ ᓴᖅᑭᑕᐅᓂᖏᑦ. ᐃᓪᓗᓕᕆᔨᕐᔪᐊᒃᑯᑦ ᒥᓂᔅᑕᖓ ᓚᐃᔪᓪ. ᑲᑎᒪᔾᔪᑎᒃᓴᖅ 13: ᓴᖅᑭᑕᐅᓂᖏᑦ ᑎᑎᖅᑲᐃᑦ ᓴᖅᑭᑕᐅᔪᖅ ᑎᑎᖅᑲᒃ 29 - 7(2): ᓄᓇᕘᑉ ᐃᒡᓗᓕᕆᔨᕐᔪᐊᖏᑕ 2024-20256 ᐊᕐᕌᒍᑕᒫᖅᓯᐅᑎᓐ ᐅᓂᒃᑳᖏᑦ (ᓚᐃᔪᓪ)

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 24 ᐊᖓᔪᖅᑳᖅ ᓯᓯᐅᓪ ᓚᐃᔪᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᕕᐊᓱᑉᐳᖓ ᓴᖅᑭᑎᑦᑎᒋᐊᒥ ᓄᓇᕗᑦ ᐃᓪᓗᓕᕆᔨᕐᔪᐊᒃᑯᑦ ᑯᐊᐳᕇᓴᖓᑕ 2024-2025 ᐊᕐᕌᒍᑕᒫᖅᓯᐅᑎᖏᑕ ᐅᓂᒃᑳᖏᓐᓂ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᑎᑎᖅᑲᑦ ᓴᖅᑭᑕᐅᓂᖏᑦ. ᑲᑎᒪᔾᔪᑎᒃᓴᖅ 14. ᖃᐅᔨᒃᑲᐃᔾᔪᑏᑦ ᐱᖁᔨᕗᖔᕈᑕᐅᓂᐊᖅᑐᓂᑦ. ᖁᑦᑎᑦᑐᕐᒧᑦ ᒪᓕᒐᓕᐅᖅᑎ ᑕᖅᑐ. ᑲᑎᒪᔾᔪᑎᒃᓴᖅ 14: ᖃᐅᔨᒃᑲᐃᓂᖅ ᐱᒋᐊᖅᑎᑕᒃᓴᓂᑦ ᐱᒋᐊᖅᑎᑕᖅ 02 - 7(2): ᓄᖅᑲᖓᑯᑖᕐᓂᖅ - ᖃᐅᔨᒃᑲᐃᔪᑦ (ᑕᖅᑐ) ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑐᓴᖅᑎᑦᑎᕗᖓ ᐱᖓᑦᑎᐅᓕᖅᐸᑦ, ᔫᓐ 10, 2026 ᐱᖁᔨᕗᖔᕈᒫᖅᑐᖓ ᐆᒪᙵᑦ: ᐱᒋᐊᖅᑎᑦᑎᕗᖓ, ᐊᐃᑉᐱᖅᑕᐅᓪᓗᓂ ᒪᓕᒐᓕᐅᖅᑎᒧᑦ ᖃᒪᓂᑦᑐᐊᕐᒧᑦ, ᒪᓕᑦᑐᒋᑦ ᒪᓕᒋᐊᖃᖅᑐᓃᑦᑐᑦ 3, ᐃᓪᓘᔪᖅ ᐃᓱᓕᒃᐸᑦ ᐅᓪᓗᒥ ᐃᓱᓕᑦᓯᒪᓂᐊᖅᑐᖅ ᐊᒃᑐᕝᕙ 22, 2026 ᑎᑭᑦᑐᒍ. ᐅᖃᖅᑏ, ᐊᑲᐅᓈᓕᖅᐸᑦ ᐊᖏᖅᑕᐅᔪᒪᓂᐊᖅᑐᖓ ᐱᒋᐊᖅᑎᑕᕋ ᐅᓪᓗᒥ ᑲᒪᒋᔭᐅᖁᓪᓗᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑲᑎᒪᔾᔪᑎᒃᓴᖅ 14. ᖃᐅᔨᒃᑲᐃᔾᔪᑏᑦ ᐱᖁᔨᖔᕈᑕᐅᓂᐊᖅᑐᓂ. ᐅᖅᓱᖅᑑᒧ ᒪᓕᒐᓕᐅᖅᑎ, ᐳᐊᑐ. ᐱᒋᐊᖅᑎᑕᖅ 03 - 7(2): ᓄᓇᕘᑉ ᒪᓕᒐᓕᐅᕐᕕᐊᑕ ᑎᒃᑯᐊᒐᕆᔭᖏᑦ - ᖃᐅᔨᒃᑲᐃᔪᑦ (ᐳᐊᑐ) ᐳᐊᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑐᓴᖅᑎᑦᑎᕗᖓ ᑎᒃᑯᐊᖅᑕᐅᕙᑦᑐᓂᑦ ᒪᓕᒐᓕᐅᕐᕕᖕᒥ. ᖁᔭᓐᓇᒦᒃ, ᐅᖃᖅᑏ. ᐱᖓᑦᓯᐅᓕᖅᐸᑦ, ᔫᓐ 10, 2026, ᐱᖁᔨᕗᖔᕈᒫᖅᑐᖓ ᐆᒪᙵᑦ: ᒫᓐᓇ ᑕᐃᒪᐃᒻᒪᑦ ᐱᒋᐊᖅᑎᑦᑎᕗᖓ, ᐊᐃᑉᐱᖅᑕᐅᓪᓗᖓ, ᒪᓕᒐᓕᐅᖅᑎᒧᑦ ᐊᒥᑦᑐᕐᒧᑦ, ᐅᑯᐊ ᒪᓕᒐᓕᐅᖅᑏᑦ ᑎᒃᑯᐊᖅᑕᐅᖁᓪᓗᒋᑦ ᑲᑎᒪᔨᕋᓛᓄᑦ ᒪᓕᒋᐊᓕᓐᓄᑦ, ᐱᐅᓯᐅᒋᐊᓕᓐᓄᑦ ᐊᑐᖅᑕᐅᒋᐊᖓ: ᔭᐃᒥ ᖃᑉᓗᑦᓯᐊᖅ, ᒪᓕᒐᓕᐅᖅᑎ ᐊᕐᕕᐊᑦ ᓂᒋᐊᓄᑦ; ᒍᐊᑕᓐ ᑲᐅᑐᒃ, ᒪᓕᒐᓕᐅᖅᑎ ᐅᖅᑯᕐᒥᐅᓄᑦ, ᕗᕆᐊᑦ ᐲᑕᓴᓐ, ᒪᓕᒐᓕᐅᖅᑎ ᐃᖃᓗᒃᑑᑦᓯᐊᕐᒧᑦ; ᒪᓕᒐᓕᐅᖅᑎ ᑯᕋᐃᒡ ᓯᒪᐃᓚᒃ, ᒪᓕᒐᓕᐅᖅᑎ ᖃᒪᓂᑦᑐᐊᕐᒧᑦ; ᐊᒻᒪ ᓯᑏᕙᓐ ᑕᖅᑐᑦ, ᒪᓕᒐᓕᐅᖅᑎ ᖁᑦᑎᑦᑐᒧᑦ. ᐅᖃᖅᑏ, ᐊᑲᐅᓈᓕᖅᐸᑦ ᐊᖏᖅᑕᐅᔪᒪᓂᐊᖅᐳᖓ ᑲᒪᒋᔭᐅᖁᓪᓗᒍ ᐱᒋᐊᖅᑎᑕᕋ ᐅᓪᓗᒥ. ᐅᖃᖅᑎ: ᖁᔭᓐᓇᒦᒃ. ᑲᑎᒪᔾᔪᑎᒃᓴᖅ 15. ᖃᐅᔨᒃᑲᐃᔾᔪᑏᑦ ᐱᖁᔨᕗᖔᕈᑕᐅᓂᐊᖅᑐᒥ ᓯᕗᓪᓕᖅᐹᒥ ᐅᖃᓕᒪᖅᑕᐅᓂᖏᑦ ᒪᓕᒐᒃᓴᑦ. ᑲᑎᒪᔾᔪᑎᒃᓴᖅ 16. ᐱᖁᔨᕗᖔᕈᑏᑦ. ᒪᓕᒐᓕᐅᖅᑎ ᖁᑦᑎᑦᑐᒧᑦ, ᒥᔅᓴ ᑕᖅᑐ. ᑲᑎᒪᔾᔪᑎᒃᓴᖅ 16: ᐱᒋᐊᖅᑎᑕᐃᑦ ᐱᒋᐊᖅᑎᑕᖅ 02 - 7(2): ᓄᖅᑲᖓᑯᑖᕐᓂᖅ (ᑕᖅᑐ) ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᖏᖅᑕᐅᔪᒪᓪᓗᖓ ᑲᒪᒋᔭᐅᖁᓪᓗᒍ ᐱᒋᐊᖅᑎᑕᕋ ᐅᓪᓗᒥ. ᖁᔭᓐᓇᒦᒃ. ᐅᖃᖅᑎ: ᒪᓕᒐᓕᐅᖅᑎ ᐊᐱᕆᒻᒪᑦ ᐱᖁᔨᕗᖔᕈᑎᒥᓂ ᐅᓪᓗᒥ ᐱᓕᕆᐊᕆᔪᒪᓪᓗᓂᐅᒃ. ᐋᒡᒑᖅᑐᖃᖅᐸ? ᑐᓴᙱᓐᓇᒪ, ᒥᔅᑕ ᑕᖅᑐ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 25 ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐱᒋᐊᖅᑎᑦᑎᕗᖓ, ᐊᐃᑉᐱᖅᑕᐅᓪᓗᖓ ᒪᓕᒐᓕᐅᖅᑎᒧᑦ ᖃᒪᓂᑦᑐᐊᕐᒧᑦ, ᒪᓕᑦᑐᒋᑦ ᒪᓕᒋᐊᓖᑦ 3-ᒥ, ᐃᒡᓗ ᐅᓪᓗᒥ ᐃᓱᓕᑉᐸᑦ ᐃᑦᓯᕙᓂᕐᒥᓂ, ᓄᖅᑲᖓᓯᒪᓂᐊᖅᐳᖅ ᐊᒃᑐᕝᕙ 22, 2026 ᑎᑭᒐᓱᓐᓂᖓᓄᑦ. ᖁᔭᓐᓇᒦ, ᐅᖃᖅᑏ. ᐅᖃᖅᑎ: ᐅᑕᖅᑭᓚᐅᑲᒍᓐᓇᕈᑦᑕ. ᒪᓕᒐᓕᐅᖅᑎ ᖁᑦᑎᑦᑐᒧ ᐃᓕᑕᕆᒃᑲᓂᖅᑲᒋᑦ, ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒪᒥᐊᓇᖅ, ᒪᓕᒐᓕᐅᖅᑎᐅᖃᑎᒃᑲ, ᒪᒥᐊᓇᖅ, ᐅᖃᖅᑏ. ᐱᒋᐊᖅᑎᑦᑎᕗᖓ, ᐊᐃᑉᐱᖅᑕᐅᓪᓗᓂ ᒪᓕᒐᓕᐅᖅᑎᒧᑦ ᖃᒪᓂᑦᑐᐊᕐᒧᑦ, ᒪᓕᑦᑐᒋᑦ ᐃᓗᓕᖏᑦ ᒪᓕᒋᐊᓕᖏᓐᓂ 3, ᐃᒡᓗ ᐃᓱᓕᑉᐸᑦ ᓯᑕᒻᒥᕐᒥ, ᔫᓐ 11, ᓄᖅᑲᖅᓯᒪᓂᐊᖅᑐᖅ ᐊᑦᑐᕝᕙ 22, 2026 ᑎᑭᒐᓱᓐᓂᖓᓂ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ, ᐱᖁᔨᕗᖔᕈᑦ ᓈᒻᒪᒻᒪᑦ. ᓈᒻᒪᓴᖅᑐᑦ ᐃᓵᓪᓕᑦ? ᓈᒻᒪᓴᙱᑦᑐᑦ? ᐱᖁᔨᕗᖔᕈᑦ ᑲᔪᓯᕗᖅ. ᖁᔭᓐᓇᒦᒃ. ᐱᖁᔨᕗᖔᕈᑏᑦ. ᐅᖅᓱᖅᑑᕐᒧᑦ ᒪᓕᒐᓕᐅᖅᑎ ᐳᐊᑐ. ᐱᒋᐊᖅᑎᑕᖅ 03 - 7(2): ᓄᓇᕘᑉ ᒪᓕᒐᓕᐅᕐᕕᐊᑕ ᑎᒃᑯᐊᒐᕆᔭᖏᑦ (ᐳᐊᑐ) ᐳᐊᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᖏᖅᑕᐅᔪᒪᓪᓗᖓ ᐱᖁᔨᕗᖔᕈᑎᒐ ᑲᒪᒋᔪᒪᓪᓗᒍ ᐅᓪᓗᒥ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒪᓕᒐᓕᐅᖅᑎ ᐊᐱᕆᕗᖅ ᐱᖁᔨᕗᖔᕈᑎᒥᓂ ᐅᓪᓗᒥ ᐱᓕᕆᐊᕆᔪᒪᓪᓗᓂᐅᒃ. ᐋᒡᒑᖅᑐᖃᖅᐸ? ᑐᓴᙱᓐᓇᒪ, ᒥᔅᑕ ᐳᐊᑐ, ᑲᔪᓯᒋᑦ. ᐳᐊᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᒪᓕᒐᓕᐅᑎᐅᖃᑎᒃᑲᑦ. ᐃᒪᐃᒻᒪᑦ, ᒪᓕᒐᓕᐅᖅᑏᑦ ᐊᐅᓚᑦᓯᔨᓪᓗ ᑲᑎᒪᔨᖏᑦᑕ ᐱᖁᔭᕐᔪᐊᖓᑕ ᐃᓗᐊᓃᑦᑐᖅ ᓈᓴᐅᑎᓕᒃ 17 ᐅᖃᖅᓯᒪᔪᖅ ᒪᓕᒐᓕᐅᕐᕕᒃ ᐱᔪᒪᒍᓂ, ᓴᖅᑭᑦᑎᔪᓐᓇᖅᑐᑦ ᑲᑎᒪᔨᕋᓛᓂᒃ ᐃᑲᔪᖅᑎᐅᓂᐊᖅᑐᓂᒃ ᖃᐅᔨᒪᔨᑕᕆᔭᐅᓂᐊᖅᑐᓂᒡᓗ ᑕᐃᒪᐃᑦᑕᕆᐊᖃᕋᓱᒋᓐᓈᒍᑎᒃ; ᐊᒻᒪ ᐃᒪᐃᒻᒪᑦ, ᒪᓕᒐᓕᐅᖅᑏᑦ ᐊᐅᓚᑦᓯᔨᓪᓗ ᑲᑎᒪᔨᖏᑦᑕ ᐱᖁᔭᕐᔪᐊᖓᑕ ᐃᓗᐊᓃᑦᑐᖅ ᓈᓴᐅᑎᓕᒃ 38 ᐅᖃᖅᓯᒪᔪᖅ ᓴᖅᑭᑦᑎᔪᓐᓇᖅᑎᑦᑎᓪᓗᑎᒃ ᑲᑎᒪᔨᓕᕆᔨᒃᑯᑦ ᑲᑎᒪᔨᖏᓐᓂᒃ; ᐊᒻᒪ ᐃᒪᐃᒻᒪᑦ, ᓄᓇᕗᑦ ᒪᓕᒐᓕᐅᕐᕕᐊᑕ ᒪᓕᒐᖏᑕ ᐃᓗᐊᓃᑦᑐᖅ ᓈᓴᐅᑎᓕᒃ 83 ᐅᖃᖅᓯᒪᔪᖅ ᓴᖅᑭᑦᑎᔪᓐᓇᖅᑎᑦᑎᓪᓗᑎᒃ ᑎᒃᑯᐊᖅᓯᔩᑦ ᑲᑎᒪᔨᕋᓛᖏᓐᓂᒃ; ᐊᒻᒪ ᐃᒪᐃᒻᒪᑦ, ᒪᓕᒐᓕᐅᕐᕕᒃ ᐅᐸᓗᖓᐃᖅᓯᒪᓕᖅᐳᖅ ᑎᒃᑯᐊᓯᔪᓐᓇᖅᓯᓂᕐᒥᒃ ᑖᒃᑯᓄᖓ ᑲᑎᒪᔨᕋᓛᓄᑦ; ᒫᓐᓇ ᑕᐃᒪᐃᒻᒪᑦ ᐱᖁᔨᕗᖓ, ᐊᐃᑉᐱᖅᑕᐅᓪᓗᖓ ᒪᓕᒐᓕᐅᖅᑎᖓᓐᓄᑦ ᐊᒥᑦᑐᖅ, ᐅᑯᐊ ᒪᓕᒐᓕᐅᖅᑏᑦ ᑎᒃᑯᐊᖅᑕᐅᖁᓪᓗᒋᑦ ᑲᑎᒪᔨᕋᓛᖏᓐᓄᑦ ᒪᓕᒐᓕᕆᓂᕐᒧᑦ, ᐊᐅᓚᓂᕐᓂᒃ ᐱᔪᓐᓇᐅᑎᓂᒡᓗ ᑲᒪᕙᒃᑐᓄᑦ: ᔭᐃᒥ ᖃᑉᓗᑦᓯᐊᖅ, ᒪᓕᒐᓕᐅᖅᑎᑦ ᐊᕐᕕᐊᑦ ᓂᒋᐊᓄᑦ; ᒍᐊᑕᓐ ᑲᐅᑐᒃ, ᒪᓕᒐᓕᐅᖅᑎ ᐅᖅᑯᕐᒥᐅᓄᑦ, ᕗᕆᑦ ᐲᑐᓴᓐ, ᒪᓕᒐᓕᐅᖅᑎ ᐃᖃᓗᒃᑑᑦᑎᐊᕐᒧᑦ; ᒥᓂᔅᑕ ᒍᕆᒃ ᓯᒪᐃᓚᒃ ᒪᓕᒐᓕᐅᖅᑎᑦ ᖃᒪᓂᑦᑐᐊᕐᒧᑦ ᐊᒻᒪᓗ ᓯᑏᕙᓐ ᑕᖅᑐ, ᒪᓕᒐᓕᐅᖅᑎ ᖁᑦᑎᒃᑐᕐᒧᑦ; ᐊᒻᒪᓗ ᓱᓕ, ᐱᖁᔨᕗᖓ ᓴᐃᒪᓐ ᖁᓕᑦᑖᓇ, ᒪᓕᒐᓕᐅᖅᑎ ᖁᕐᓗᖅᑐᕐᒧᑦ, ᑎᒃᑯᐊᖅᑕᐅᖁᓪᓗᒍ ᑲᑎᒪᔨᓕᕆᔨᑦ ᑲᑎᒪᔨᖏᓐᓄᑦ;

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 26 ᐊᒻᒪᓗ ᓱᓕ, ᐱᖁᔨᕗᖓ ᐃᐊᑦᕗᐊᑦ ᐊᑕᒍᑦᑖᓗᒃ, ᒪᓕᒐᓕᐅᖅᑎ ᐊᒡᒍᒧᑦ, ᑎᒃᑯᐊᖅᑕᐅᖁᓪᓗᒍ ᑎᒃᑯᐊᖅᓯᔩᑦ ᑲᑎᒪᔨᕋᓛᖏᓐᓄᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐱᖁᔨᕗᖔᕈᑦ ᓈᒻᒪᒻᒪᑦ. ᓈᒻᒪᓴᖅᑐᑦ? ᓈᒻᒪᓴᙱᑦᑐᑦ? ᐱᖁᔨᕗᖔᕈᑦ ᑲᔪᓯᕗᖅ. ᑲᑎᒪᔾᔪᑎᒃᓴᖅ 17. ᓯᕗᓪᓕᖅᐹᒥ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ. ᑲᑎᒪᔾᔪᑎᒃᓴᖅ 18. ᑐᒡᓕᐊᓂ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ. ᑲᑎᒪᔾᔪᑎᒃᓴᖅ 19. ᑲᑎᒪᑐᐃᓐᓇᕐᓂᖅ ᐃᓱᒪᒃᓴᖅᓯᐅᕈᑎᖃᖅᑎᓪᓗᒋᒃᑦ ᒪᓕᒐᒃᓴᓂᑦ ᐊᓯᖏᓐᓂᓪᓗ. ᐱᒋᐊᓚᐅᙱᓂᑦᑎᓐᓂ ᑕᕝᕗᖓ, 20 ᒥᓂᑦᓯᒥᒃ ᓄᖅᑲᖓᑲᐃᓐᓇᕐᓂᐊᕋᑦᑕ. ᐃᖅᓱᖅᑏ. >>ᑲᑎᒪᓂᖅ ᓄᖅᑲᖅᑐᖅ 15:03 ᐊᒻᒪᓗ ᑲᑎᒪᑐᐃᓐᓇᕐᓂᖅ ᐱᒋᐊᖅᑐᖅ 15:33 ᑲᑎᒪᔾᔪᑎᒃᓴᖅ 19: ᑲᑎᒪᔨᕋᓛᑦ ᑲᑎᒪᑐᐃᓐᓇᖅᑎᓪᓗᒋᑦ ᐃᓱᒪᒃᓴᖅᓯᐅᖅᑕᐅᓂᖏᑦ ᒪᓕᒐᒃᓴᐃᑦ ᐊᓯᖏᓪᓗ ᐃᒃᓯᕙᐅᑕᖅ (ᑐᓵᔨᑎᒍᑦ): ᐅᓐᓄᓴᒃᑯᑦ, ᑲᑎᒪᑐᐃᓐᓇᕆᐊᓚᐅᕐᒥᑕ. ᑲᑎᒪᑐᐃᓐᓇᖅᑎᓪᓗᑕ ᐅᑯᓂᖓ ᑲᑎᒪᔾᔪᑎᒃᓴᖃᖅᑐᒍᑦ. ᐱᖁᔭᒃᓴᖅ 1, 2, 3, 4ᓗ. ᖃᓄᐃᓕᐅᕈᒪᕙᑦ ᑲᑎᒪᔨᕋᓛᑦ? ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑲᑎᒪᔾᔪᑎᕗᑦ ᑲᔪᓯᖁᕙᕗᑦ ᑲᑎᒪᔾᔪᑎᒋᓗᒍ ᐱᖁᔭᒃᓴᖅ 1, ᑮᓇᐅᔭᖅᑐᕈᑎᒃᓴᓄᑦ ᐊᐅᓚᔾᔪᑎᒃᓴᓄᑦ ᐊᑐᕈᒫᖅᑎᑦ 2026-2027ᒧᑦ ᕿᒥᕐᕈᓇᒡᓗᑎᒍᓪᓗ 2026ᒥ 2027ᒧᒃ ᐊᑐᕈᒫᖅᑕᖏᑦ ᐃᓕᖅᑯᓯᓕᕆᔨᒃᑯᑦ ᐱᖅᑯᓯᓕᕆᔨᒃᑯᑦ. ᐱᕕᖃᕈᑦᑕ ᐱᔭᕇᖅᐸᑦ 2026-2027 ᐊᑐᕈᒫᖅᑕᖏᓐᓂᒃ ᒪᓕᒐᓕᕆᔨᒃᑯᑦ ᑲᒪᓂᐊᕐᓗᑕ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑕᖅᑐ. ᐊᖏᖃᑎᒌᒃᐱᑕ ᐱᖁᔭᒃᓴᖅ 1 ᐱᓕᕆᖅᑳᕐᓂᐊᕋᑦᑎᒍᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐊᐱᕆᔪᒪᔭᕋ ᒥᓂᔅᑕ ᑯᓄᒃ ᐃᖅᑲᓇᐃᔭᖅᑎᓂᒃ ᑕᒃᐸᐅᙵᖃᑎᖃᕈᒪᕕᑦ? ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᐄ, ᐃᒃᓯᕙᐅᑖᖅ. ᑕᒫᓃᑦᑐᑦ ᑕᕝᕗᙵᖁᔭᒃᑲ. ᐃᒃᓯᕙᐅᑕᖅ (ᑐᓵᔨᑎᒍᑦ): ᑲᑎᒪᔨᕋᓛᑦ ᐊᖏᖅᐹᑦ ᒥᓂᔅᑕᐅᑉ ᐃᖅᑲᓇᐃᔭᖅᑎᖏᑦ ᓵᔅᓯᓐᓄᐊᖁᓪᓗᒋᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᒪᓕᒐᒃᓴᖅ 1 - ᑮᓇᐃᔭᑦ ᐊᑐᖅᑕᐅᑲᐃᓐᓇᕐᓂᐊᖅᑐᑦ (ᐊᐅᓚᔾᔪᑏᑦ ᐋᖅᑭᐅᒪᐃᓐᓇᕈᑏᓪᓗ) ᒪᓕᒐᖅ, 2026- 2027 – ᑲᑎᒪᔨᕋᓛᓄᑦ ᐃᓱᒪᒃᓴᖅᓯᐅᖅᑕᐅᓂᖓ ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ ᐃᖅᓱᖅᑎ, ᐅᑯᐊ ᐃᓯᖅᑎᓚᐅᒃᑭᑦ. ᑎᑎᕋᖅᓯᒪᓂᐊᕐᒪᑦ ᒥᓂᔅᑕ ᑯᓄᒃ, ᑭᓇᒃᑰᖕᒪᖔᑕ ᐃᖅᑲᓇᐃᔭᖅᑎᑎᑦ ᑕᐃᒃᑭᑦ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑐᖏᓕᕋ ᒥᓂᔅᑕ ᑐᕇᓴ ᕼᐃᐅᔅ ᐊᒻᒪᓗᑦᑕᐅᖅ ᐃᑲᔪᖅᑎᖓ ᑐᖏᓕᖓᑕ ᒥᓂᔅᑕ ᔩᓂ ᐋᕆᐊᒃ ᑯᓪᓗᐊᓕᒃ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄᒃ. ᒫᓐᓇ ᒪᒃᐱᒐᖏᓐᓂ ᕿᒥᕐᕈᓇᖕᓂᐊᖅᐳᒍᑦ 2026-2027 ᐊᐅᓚᔾᔪᑎᓄᑦ ᐊᑐᕈᒫᖅᑐᖅ F-5 ᒪᒃᐱᒐᖓᓂ. ᐅᖃᐅᓯᓕᕆᓂᕐᒧᑦ ᐊᑐᒐᒃᓴᐃᑦ. ᐃᓕᖅᑯᓯᓕᕆᔨᒃᑯᑦ

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 27 ᐱᖅᑯᓯᓕᕆᔨᒃᑯᑦ ᐊᑐᕈᒫᖅᑕᖏᑦ ᐊᐅᓚᔾᔪᑏᑦ $17,663,000. ᑲᑎᒪᔩᑦ ᐊᐱᖅᑯᑎᒃᓴᖃᖅᐸᑦ ᑖᔅᓱᒧᖓ? ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᐱᖅᑯᑎᒐ ᐅᓪᓗᒥ ᖃᓄᐃᑦᑐᓂᒃ ᐊᐅᓚᔾᔪᑎᓂᒃ ᐱᓕᕆᐊᒃᓴᓂᒃ ᐱᓕᕆᕕᓯ? ᐃᓱᒪᒃᓴᖅᓯᐅᕈᑎᖃᖅᐸᑦ ᐆᒻᒪᖅᑎᑕᐅᒃᑲᓐᓂᖁᓪᓗᒋᑦ ᐃᓄᐃᓐᓇᖅᑐᑦ ᐅᖃᐅᓯᖓ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖁᓕᑉᑖᓇ. ᒥᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑮᓇᐅᔭᐃᑦ ᑐᓂᕐᕈᑏᑦ ᐃᑲᔪᕈᑏᓪᓗ ᐊᑐᖅᑕᐅᓂᐊᖅᑐᑦ ᐱᓕᕆᔾᔪᑎᒃᓴᐃᑦ ᐆᒻᒪᖅᑎᑕᐅᒃᑲᓐᓂᕐᓂᖏᓐᓄᑦ ᐃᓄᐃᓐᓇᖅᑐᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕕᓯ ᐆᒃᑑᑎᖓ 2026-2027 ᐱᓕᕆᐊᒃᓴᓄᑦ ᐸᕐᓇᐅᑎᖓ ᐅᖃᖅᓯᒪᒻᒪᑕ ᐊᑐᕈᒫᖅᑕᖃᕐᒪᑕ 11.346 −ᒥᓕᐊᓂᒃ ᐊᑖᓂ “ᐊᑐᖅᑕᐅᓂᐊᖅᑐᑦ ᐅᖃᐅᓰᑦ ᐊᑐᓕᖅᑎᑕᐅᓂᖏᓐᓄᑦ ᑮᓇᐅᔭᖁᑎᖏᓐᓄᑦ 2026-2027 ᐊᕐᕌᒍᐊᓂ.” ᖃᓄᐃᑦᑐᓂᒃ ᓄᑖᓂᒃ ᐱᓕᕆᔾᔪᑎᓂᒃ ᓴᖅᑭᑦᑎᓂᐊᖅᐱᓯ ᑕᕝᕙᙵᑦ ᑮᓇᐅᔭᓃᙶᑦᑐᓄᑦ? ᖁᔭᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖁᓕᒃᑖᓇ. ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑐᒃᓯᕋᕈᒪᔪᖓ ᑐᕇᓴ ᕼᐃᐅᔅ ᑭᐅᖁᓪᓗᒍ ᑖᔅᓱᒥᖓ ᐊᖅᑯᑎᒋᓗᑎᑦ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᔅ ᕼᐃᐅᔅ, ᐊᑏ’. ᕼᐃᐅᔅ: ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᓐᓇ ᐅᖃᐅᓯᕗᑦ 2.0-ᒥᒃ ᐊᑐᖅᖢᓂ ᑮᓇᐅᔭᖅᑐᕈᑕᐅᖃᑦᑕᕐᒪᑦ ᓯᕗᓪᓕᖅᐹᑦᑎᐊᒥᓪᓗ ᐊᖏᓪᓕᒋᐊᓚᐅᖅᓯᒪᓪᓗᓂ ᐃᓄᒃᑐᑦ ᑐᕌᖓᔪᓂᒃ. ᑖᒃᑯᐊ ᐊᑐᓲᕗᑦ ᒐᕙᒪᐅᑉ ᐊᕕᒃᑐᓯᒪᔭᖏᓐᓄᑦ ᐱᓕᕆᕕᐅᔪᑦ ᑮᓇᐅᔭᒥᒃ ᑐᒃᓯᕋᖅᖢᑎᒃ ᐃᓄᐃᑦ ᐅᖃᐅᓯᖏᑦ ᖃᓄᖅ ᐊᑐᖅᑕᐅᒃᑲᓐᓂᕈᓐᓇᕐᒪᖔᑕ ᒐᕙᒪᐅᑉ ᐃᓗᐊᓂ ᐊᕕᒃᑐᖅᓯᒪᔪᓂᒃ, ᑕᕝᕘᓇ ᑮᓇᐅᔭᖅᑐᕈᑎᒋᖃᑦᑕᖅᑕᕗᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ ᕼᐃᐅᔅ. ᒥᔅᑕ ᖁᓕᒃᑖᓇ, ᐊᑏ’. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᐱᖅᑯᑎᒋᖅᑲᐅᔭᕋ ᓇᓗᓇᐃᖅᓯᒃᑲᓐᓂᐊᓪᓚᓪᓚᖓ, ᑭᐅᔭᐅᖅᑰᔨᖅᑲᐅᖏᓐᓇᒪ. ᖃᓄᐃᑦᑐᓂᒃ ᐱᓕᕆᕕᔅᓯᓐᓂᒃ ᐃᑲᔪᖅᑐᐃᔾᔪᑎᖃᖅᐸᑦ ᐆᒻᒪᒃᑲᓐᓂᖁᓪᓗᒍ ᑮᓇᐅᔭᐃᑦ ᑐᓂᕐᕈᑎᒃᓴᑎᒎᕐᓂᕋᖅᑲᐅᒐᕕᑦ ᖃᓄᐃᓕᐅᕐᓂᐊᕐᒪᖔᑕ ᓇᓗᓇᐃᖅᓯᒃᑲᓐᓂᕈᓐᓇᖅᐲᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖁᓕᒃᑖᓇ. ᒥᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑮᓇᐅᔭᐃᑦ ᑐᓂᕐᕈᑏᑦ ᐃᑲᔪᕈᑏᓪᓗ ᐱᓕᕆᔾᔪᑏᑦ ᐊᔨᒌᙱᑦᑐᓂᒃ ᐊᑐᒐᒃᓴᖃᕐᒪᑕ ᐱᓕᕆᐊᔅᓴᓄᑦ ᑐᒃᓯᕋᖅᐳᖓ ᑐᕇᓴ ᕼᐃᐅᔅ ᐅᓂᒃᑳᑦᑎᐊᑲᓐᓂᖁᓪᓗᒍ ᑖᔅᓱᒧᖓ ᐊᐱᖅᑯᒻᒧᑦ ᑭᐅᓗᓂ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᒥᔅ ᕼᐃᐅᔅ, ᐊᑏ’.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 28 ᕼᐃᐅᔅ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐄ’, ᑖᒃᑯᐊ ᐊᖏᕈᑎᒃᑯᑦ ᓄᓇᓕᓐᓂ ᐱᓕᕆᐊᖑᓲᖑᒻᒪᑕ ᐃᓄᐃᓐᓇᖅᑐᑦ ᐱᓕᕆᔪᒪᔪᑦ ᓲᕐᓗ ᖁᕐᓗᖅᑑᒥ ᐊᒻᒪ ᐃᖃᓗᒃᑑᑦᑎᐊᕐᒥ ᓄᓇᓕᖏᓐᓂᒃ ᓴᖅᑭᔮᖅᑎᑦᑎᒃᑲᓐᓂᕈᒪᔪᖅ ᐅᖃᐅᓯᕐᒥᓂᒃ ᑕᒪᒃᑯᓂᖓ ᐊᑐᐊᒐᑦᑎᓐᓂᒃ, ᐊᑐᐊᒐᖃᕋᑦᑕ ᐅᖃᐅᓰᑦ ᓯᕗᒻᒧᐊᖁᓪᓗᒋᑦ ᑮᓇᐅᔭᑦ ᐊᐃᑦᑑᑎᒃᑯᑦ ᐊᖏᕈᑎᒃᑯᑦ ᖃᐃᑕᐅᔪᓐᓇᖅᑐᑦ. ᓄᓇᓕᓐᓂ ᑖᒃᑯᐊ ᐱᓕᕆᐊᖑᓪᓚᕆᓲᑦ. ᑕᐃᒃᑯᐊ ᐆᑦᑑᑎᒋᓗᒋᑦ ᑰᒐᓛᓕᒃᑯᑦ ᐃᓄᒃᑐᑦ ᐃᓕᓐᓂᐊᖅᑎᒃᑎᓲᑦ ᐊᒻᒪ ᐃᓇᐃᑦ ᒪᒃᑯᒃᑐᓂᒃ ᐃᓕᓐᓂᐊᖅᑎᑦᑎᕙᒃᖢᑎᒃᓗ, ᕿᑎᕐᒥᐅᑦ ᐱᖅᑯᓯᓕᕆᔨᒃᑯᑦ ᑲᑐᔾᔨᖃᑎᒌᑦ. ᑕᐃᒃᑯᐊ partner−ᒋᕙᒃᖢᑎᒍ ᑮᓇᐅᔭᖃᖅᑎᒃᐸᒃᖢᑎᒍ. ᐊᒻᒪ ᓯᓚᒃᑐᖅᓴᕐᕕᒃᑯᑦ ᑮᓇᐅᔭᖃᖅᑎᒃᐸᒃᑭᓪᓗᑎᒍ ᐃᓄᐃᑦ ᐅᖃᐅᓯᖏᓐᓂᒃ ᑐᕌᖓᔪᓂᒃ ᐃᓕᓐᓂᐊᕈᑎᒃᓴᒃᑲᓐᓂᕐᓄᑦ ᑐᕌᖓᔪᓂᒃ ᐊᒻᒪ ᐃᓕᓐᓂᐊᖅᑐᓕᕆᔨᒃᑯᑦ ᑮᓇᐅᔭᖃᖅᑎᒃᐸᒃᑭᓪᓗᑎᒍ ᐊᖏᕈᑎᒃᑯᑦ ᐃᓄᐃᓐᓇᖅᑐᓄᑦ ᑐᕌᖓᔪᓂᒃ ᐊᒻᒪ ᐊᓯᖏᓐᓄᑦ ᐃᓄᒃᑐᑦ ᑐᕌᖓᔪᓂᒃ ᑮᓇᐅᔭᖃᖅᑎᑦᑎᓲᖑᒋᓪᓗᑕ. ᑕᒪᒃᑯᐊᓗ ᐅᓂᒃᑳᓕᐊᖑᓲᖑᓪᓗᑎᒃ ᐊᕐᕌᒍᑕᒫᑦ ᐅᓂᒃᑳᓕᐊᖏᑦᑎᒍᑦ ᒥᓂᔅᑕᐅᑉ, ᑕᐃᓐᓇ ᓴᖅᑭᑦᑐᒫᖅᑐᖅ ᒫᓐᓇᑦᑎᐊᖅ ᑕᐃᑰᓇ ᕿᒥᕐᕈᔭᐅᒃᑲᓂᓐᕈᓐᓇᕐᒥᔪᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ ᕼᐃᐅᔅ. ᐊᐱᖅᑯᑎᒃᓴᖅᑕᖃᖅᐹ ᐅᖃᐅᓯᓕᕆᓂᐅᑉ ᒥᔅᓵᓄᑦ? ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ, ᖁᔭᓐᓇᒦᒃ. (ᑐᓵᔨᑎᒎᓕᖅᑐᖅ) ᐱᓕᕆᕕᓯ ᐆᒃᑑᑎᓕᐊᖏᑦ 2026-2030−ᒧᑦ ᐱᓕᕆᐊᒃᓴᓄᑦ ᐸᕐᓇᐅᑎ ᐅᖃᖅᓯᒪᒻᒪᑕ ᐃᓚᖏᑦ ᓯᕗᓪᓕᐅᔾᔭᐅᓯᒪᔪᑦ ᐊᕐᕌᒍᐊᓂ 2026-2027 ᐱᔭᕇᖅᑕᐅᖁᓪᓗᒋᑦ ᑲᑎᒪᖃᑎᖃᕐᓂᖅ ᓇᓗᓇᐃᖅᑕᐅᓯᒪᔪᑦ ᐃᓗᐊᓂ ᑲᑐᔾᔨᖃᑎᒌᓐᓂᖅ ᓄᓇᑖᕈᑎᓂᒃ 32 ᐊᑐᐊᒐᓕᕆᓂᖅ ᐱᓕᕆᖃᑎᒋᓗᒋᑦ ᓄᓇᕗᑦ ᑐᙵᕕᒃᑯᑦ ᐅᖃᐅᓯᖅ 2.0 ᖃᐅᔨᓴᖅᑕᐅᑎᓪᓗᒍ. ᖃᓄᕐᓕ ᑖᓐᓇ ᐃᖅᑲᓇᐃᖅᑕᐅᓂᐊᖅᐸ ᑕᒪᑐᒧᖓ ᐃᖅᑲᓇᐃᔭᖅᑕᐅᔪᖅ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐅᖃᐅᓯᕗᑦ 2.0 ᒐᕙᒪᒃᑯᑦ ᐸᕐᓇᐅᑎᒋᓪᓗᓂᒋᑦ ᑎᓕᐅᕈᑎᒋᔭᐅᔪᑦ ᐊᒻᒪ ᐊᑐᓕᖅᑎᑦᑎᓂᕐᒧᑦ ᐸᕐᓇᐅᑎ ᑭᐅᓇᓱᐃᓐᓇᖅᑐᒍᑦ ᓇᓗᓇᖅᓯᔾᔪᑎᒃᑲᓐᓂᖅ ᐅᖃᐅᓯᕐᓂᒃ ᐃᖅᑲᓇᐃᔭᖅᑐᐃᑦ ᐅᖃᐅᓯᕐᓂᒃ ᐱᔨᔅᓯᕈᑎᓂᒃ ᐊᒻᒪᓗᑦᑕᐅᖅ ᐱᓕᕆᔾᔪᑎᒃᓴᖏᓐᓂᒃ. ᒪᓕᒃᖢᑎᒃ ᑕᐃᒃᑯᓂᖓ 2027-2028−ᒧᑦ ᐊᑐᖅᑕᐅᓂᐊᖅᑐᓄᑦ ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓄᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ, ᖁᔭᓐᓇᒦᒃ. (ᑐᓵᔨᑎᒎᓕᖅᑐᖅ) ᐱᓕᕆᕕᓯ ᐆᒃᑑᑎᖓᑦ 2026-2030-ᒧᑦ ᐸᕐᓇᐅᑎᖓ ᐅᖃᖅᓯᒪᒻᒪᑕ ᓯᕗᓪᓕᐅᔾᔭᐅᓯᒪᔪᑦ 2026-2027 ᐊᕐᕌᒍᐊᓂ ᐱᒋᐊᖅᑕᐅᖁᓪᓗᒍ ᐊᒡᓗᕐᕕᐅᑉ ᐃᓗᐊᓂ ᑐᓴᕋᓱᐊᕐᓂᖅ ᐱᓕᕆᕕᓐᓂ ᐃᖅᑲᓇᐃᔭᕐᕕᐅᔪᓂᓪᓗ ᒐᕙᒪᒃᑯᑦ ᐅᖃᐅᓯᕐᓄᑦ ᐸᕐᓇᐅᑎᖏᓐᓂᒃ. ᖃᖓᓕ ᐱᔭᕇᖅᑕᐅᓂᐊᖅᐸ ᑖᒃᑯᓄᖓ ᐱᓕᕆᔭᐅᔪᖅ ᐃᖅᑲᓇᐃᔭᖅᑕᐅᔪᖅ? (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑐᒃᓯᕋᖅᐳᖓ ᔩᓂ ᐋᕆᐊᒃ−ᖁᓪᓗᐊᓕᒃ ᑭᐅᖁᓪᓗᒍ ᑖᔅᓱᒥᖓ, ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ. ᐊᑏ’, ᒥᔅ ᐋᕆᐊᒃ−ᖁᓪᓗᐊᓕᒃ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 29 ᐋᕆᐊᒃ−ᖁᓪᓗᐊᓕᒃ: ᖁᔭᓐᓇᒦᒃ, ᐃᒃᓯᕙᐅᑖᖅ, ᖁᔭᓐᓇᒦᓪᓗ ᑖᓐᓇ ᐊᐱᕆᒻᒪᑦ. ᒫᓐᓇᐅᔪᖅ ᑖᓐᓇ ᐅᖃᐅᓯᕗᑦ 2.0-ᒧᑦ ᐊᐱᖅᑯᑎᖃᖅᑰᕐᒪᑦ ᐃᓕᓴᕆᔭᐅᓯᒪᔪᑦ ᐅᖃᐅᓰᑦ ᐱᖁᔭᖓᑎᒍᑦ ᐊᒻᒪ ᐃᓄᒃᑐᑦ ᓴᐳᒻᒥᔭᐅᔾᔪᑎ ᒪᓕᒡᓗᒍ. ᐅᖃᖃᑎᖃᖅᐸᓪᓕᐊᒐᑦᑕ ᓄᓇᕗᑦ ᑐᙵᕕᒃᑯᓐᓂᒃ ᐊᒻᒪᓗ ᓇᓗᓇᐃᖅᑕᐅᓯᒪᔪᖅ ᑲᑐᔾᔨᖃᑎᒌᓐᓂᖅ

Article 32 ᐊᑐᕐᓗᒍ ᑕᕝᕙᓂ ᐊᕐᕌᒎᔪᒥ ᐱᓕᕆᓐᓇᒥ ᑕᐃᒫᒃ ᑲᑎᒪᖃᑎᒋᖃᑦᑕᕐᓂᐊᖅᑕᕗᑦ ᑖᓐᓇ ᐱᔭᕇᕋᓱᓪᓗᒍ ᓇᓗᓇᕈᓐᓃᒃᑲᓐᓂᕐᓂᐊᖅᑐᑦ ᖃᖓᐅᒐᔭᕐᒪᖔᖅ ᑖᓐᓇ ᐅᖃᐅᓯᕐᒧᑦ ᐸᕐᓇᐅᑎ ᖃᓄᐃᓕᖓᓪᓚᑦᑖᕐᓂᐊᕐᒪᖔᑕ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ ᐋᕆᐊᒃ−ᖁᓪᓗᐊᓕᒃ. ᐊᑏ’, ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ, ᖁᔭᓐᓇᒦᒡᓗ ᑭᐅᒐᕕᑦ. (ᑐᓵᔨᑎᒎᓕᖅᑐᖅ) ᐱᓕᕆᕕᓯ ᐆᒃᑑᑎᓕᐊᖓ 2026- 2030-ᒧᑦ ᐸᕐᓇᐅᑎᖓ ᐅᖃᖅᓯᒪᒻᒪᑕ ᓯᕗᓪᓕᐅᔾᔭᐅᓯᒪᔪᑦ 2026-2027-ᒧᑦ ᐱᓕᕆᔪᒪᓪᓗᑎᒃ ᐱᔭᕇᖅᑕᐅᓗᑎᒃ ᑲᑎᒪᖃᑎᖃᕐᓂᕐᒥᒃ ᐃᓄᐃᓐᓇᖅᑐᑦ ᓄᓇᓕᖁᑎᖏᓐᓂᒃ ᕿᑎᕐᒥᐅᑦ ᑲᑐᔾᔨᖃᑎᒌᖏᓐᓂᓪᓗ. ᐃᓄᐃᑦ ᑲᑎᒪᖃᑎᖃᕐᓗᑎᒃ ᖃᐅᔨᒋᐊᕐᓗᑎᒃ ᒐᕙᒪᒃᑯᑦ ᖃᓄᐃᑦᑐᓂᒃ ᒐᕙᒪᒃᑯᑦ ᓯᕗᓪᓕᐅᔾᔨᓯᒪᓗᑎᒃ ᓯᕗᓪᓕᐅᔾᔨᓂᐊᕐᒪᖔᑕ ᖃᐅᔨᓴᐃᓗᑎᒃ ᐃᓄᐃᓐᓇᖅᑐᑦ ᑐᑭᓕᐅᕆᓂᓄᕐᒥᒃ ᐊᑐᐊᒐᖓᓗ ᑐᑭᓕᐅᕆᓂᕐᒧᑦ ᑖᓐᓇ ᑲᒪᒋᔭᐅᓗᑎᒃ. ᖃᖓᓕ ᑕᒪᓐᓇ ᐱᔭᕇᖅᑕᐅᓂᐊᖅᐸ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃᑕᐅᖅ ᑲᑎᒪᔨ ᐊᐱᕆᒻᒪᑦ. ᕖᕝᕗᐊᕆᒥ ᐱᔭᕇᖅᑕᐅᔭᕆᐊᖃᓚᐅᖅᑐᖅ. ᑭᓯᐊᓂ ᐊᐅᔭᖔᖅ ᑲᑎᒪᔾᔪᑎᒋᔭᐅᓂᐊᓕᖅᑐᖅ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᐊᑏ’, ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ, ᐊᒻᒪ ᖁᔭᓐᓇᒦᒃ. (ᑐᓵᔨᑎᒎᓕᖅᑐᖅ) ᖃᖓᓕ ᐱᔭᕇᖅᑕᐅᓂᐊᖅᐸ ᐊᑐᐊᒐᖅ ᑐᑭᓕᐅᕆᓂᕐᒧᑦ ᖃᖓ ᐊᑐᓕᖅᑎᑕᐅᓂᐊᖅᐸ ᑖᓐᓇ ᐊᑐᐊᒐᖅ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᓂᕆᐅᑦᑐᒍᑦ ᐊᑐᓕᖅᑎᑕᐅᓂᐊᕐᓗᓂ ᑮᓇᐅᔭᓕᕆᓂᓐᓇᐅᑉ ᐊᕐᕌᒍᐊᓂ ᑕᒪᑐᒪᓂ ᐊᑐᖅᑕᑦᑎᓐᓂ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᐊᑏ’, ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ, ᖁᔭᓐᓇᒦᒃ, ᑭᐅᒐᕕᑦ. (ᑐᓵᔨᑎᒎᓕᖅᑐᖅ) ᐱᓕᕆᕕᓯ ᐆᑦᑑᑎᓕᐊᖓ 2026- 2027-ᒧᑦ ᐊᐅᓚᔾᔪᑎᓂᒃ ᐊᑐᕈᒫᖅᑐᖅ ᐅᖃᖅᓯᒪᒻᒪᑕ ᑲᑎᒃᖢᒋᑦ 32-ᖑᒻᒪᑕᒎᖅ ᐃᖅᑲᓇᐃᔮᒃᓴᑦ ᑐᑭᓕᐅᕆᔩᑦ ᐊᒡᓚᕝᕕᐊᓂ. ᖃᔅᓯᑦ ᐃᖅᑲᓇᐃᔮᒃᓴᐃᑦ ᐃᓄᖃᙱᓚᑦ? (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᒫᓐᓇᐅᔪᖅ 70-ᐳᓴᑦ ᐃᖅᑲᓇᐃᔭᖅᑐᑦ 9-ᖑᔪᑦ ᐃᓐᓄᒃᓯᒪᓇᑎᒃ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ. ᒥᔅᑕ ᖃᒪᓂᖅ, ᐊᑏ’.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 30 ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ, ᐊᒻᒪ ᖁᔭᓐᓇᒦᒃ ᑭᐅᒻᒥᒐᕕᑦ. (ᑐᓵᔨᑎᒎᓕᖅᑐᖅ) ᐱᓕᕆᕕᓯ ᐆᑦᑑᑎᔭᖓ 2026-2030-ᒧᑦ ᐱᓕᕆᐊᔅᓴᓄᑦ ᐸᕐᓇᐅᑎ ᐅᖃᖅᓯᒪᒻᒪᑕ ᐃᓚᖏᑦ ᓯᕗᓪᓕᐅᔾᔭᐅᓯᒪᔪᑦ ᐱᓕᕆᕕᔅᓯᓐᓄᑦ 2026- 2027−ᒥ ᐱᒋᐊᕈᒪᓪᓗᑎᒃ ᐅᖃᓪᓚᓪᓗᑎᒃ ᑎᑎᕋᖅᑕᐅᕙᓪᓕᐊᓗᑎᒃ ᐅᖃᓪᓚᒃᑕᐅᔪᑦ ᐃᓄᒃᑎᑐᑦ ᐃᓄᒃᑑᕈᑎᓄᑦ ᐱᒋᐊᖅᑕᐅᔪᖅ. ᖃᓄᐃᑦᑐᓂᒃ ᐊᐅᓚᔾᔭᐃᔾᔪᑎᓂᒃ ᐱᓕᕆᕕᓯ ᑖᒃᑯᐊ ᑲᒪᓂᐊᖅᐸᑦ ᐃᑲᔪᖅᑐᐃᓗᑎᒃ ᑖᒃᑯᓄᖓ ᓯᕗᓪᓕᐅᔾᔭᐅᓯᒪᔪᓄᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᓐᓇ ᐊᐱᖅᑯᑦ ᔩᓂ ᖁᓪᓗᐊᓕᒨᕈᒪᔭᕋ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ. ᐊᑏ’, ᒥᔅ ᐋᕆᐊᒃ−ᖁᓪᓗᐊᓕᒃ. ᐋᕆᐊᒃ−ᖁᓪᓗᐊᓕᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᓕᖅᑯᓯᓕᕆᔨᒃᑯᑦ ᑖᔅᓱᒥᖓ ᐱᓕᕆᐊᖃᕐᒪᑕ ᓄᓇᕗᑦ ᒐᕙᒪᒃᑯᖏᓐᓄᑦ ᐃᓄᒃᑑᕈᓐᓇᑦᑎᐊᕐᓂᖅ, ᒪᑭᑕᑦᑎᐊᖁᓪᓗᒍ ᐊᒻᒪ ᐃᓕᖅᑯᓯᑦᑎᓐᓄᑦ ᐊᒃᑐᐊᓂᕆᔭᖓ ᓄᓇᕗᒻᒥᐅᑦ ᐃᓄᒃᑎᑐᑦ ᐅᖃᐅᓯᕐᒥᓂᒃ ᐊᑐᑦᑎᐊᕐᓂᖅᓴᐅᒃᑲᓐᓂᖃᑦᑕᖁᓪᓗᒋᑦ. ᐱᓕᕆᕙᓪᓗᐊᔪᒍᑦ ᑖᒃᑯᐊ ᐃᓗᓪᓕᖅᓱᒃᑲᓐᓂᕈᒪᓪᓗᑎᒍ ᑎᒍᒥᐊᒐᖅᑎᒍᑦ ᐃᓄᒃᑎᑐᑦ ᐊᑐᐃᓐᓇᐅᔪᓐᓇᕐᓂᐊᕐᒪᑕ ᖃᓪᓗᓈᑎᑐᑦ ᐅᖃᖅᑕᐅᐸᓘᓐᓃᑦ ᐃᒪᓐᓇ ᐃᒪᓐᓇᐃᑦᑐᒃᑯᑦ ᑎᒍᒥᐊᒐᒃᑯᑦ ᓴᖅᑭᑲᐅᑎᒋᔪᓐᓇᖅᓯᑎᑕᐅᕙᓪᓕᐊᓇᓱᒻᒪᑕ, ᐃᓚᖓᒍᑦ ᒫᓐᓇ ᐊᔪᙱᒃᐸᒌᖅᑐᑦ ᑭᓯᐊᓂ ᐱᒋᐊᓪᓚᒃᑲᓐᓂᖅᑐᒥᒃ ᐊᑐᐃᓐᓇᐅᒃᑲᓐᓂᖅᑐᒥᒃ ᐱᕙᓪᓕᐊᒃᑲᓐᓂᕋᓱᒃᑲᑕ, ᑲᑎᖅᓱᐃᔪᑦ ᓱᓕ ᒫᓐᓇ. ᐊᒻᒪᓗ ᑖᒃᑯᓇᓂ ᐊᕐᕌᒍᓂ 2030-ᖑᕋᓱᓐᓂᖓᓂ ᐱᓕᕆᕙᓪᓕᐊᖏᓐᓇᕐᓂᐊᖅᑕᕗᑦ ᑲᔪᓯᑎᒋᐊᒃᑲᓐᓂᕐᓗᒍ ᐊᕐᕌᒍᑕᒫᑦ ᐃᓚᕙᓪᓕᐊᖃᑦᑕᕐᓗᒍ. ᑕᐃᒪᓐᓇᐅᔪᖅ ᒫᓐᓇ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ ᐋᕆᐊᒃ−ᖁᓪᓗᐊᓕᒃ. ᒥᔅᑕ ᖃᒪᓂᖅ, ᐊᑏᓘ? ᑲᔪᓯᒋᑦ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐄ’, ᖁᔭᓐᓇᒦᒃ ᐅᓂᒃᑲᐅᓯᕆᒐᕕᐅᒃ. (ᑐᓵᔨᑎᒎᓕᖅᑐᖅ) ᐱᓕᕆᕕᓯ ᓯᕗᓪᓕᖅᐹᖅᓯᐅᑏᑦ 2026-2027 ᐱᓕᕆᐊᖑᓂᐊᖅᑐᑦ ᐸᕐᓇᐅᑎᖏᑦ ᐅᖃᖅᓯᒪᔪᑦ ᓯᕗᓪᓕᐅᔾᔭᐅᓂᐊᖅᑐᑦ 2027-2028 ᐊᕐᕌᒍᐊᓂ, ᐸᕐᓇᐃᕙᓪᓕᐊᓗᑎᒃ ᐃᓄᒃᑐᑦ ᑲᑎᒪᕐᔪᐊᕐᓂᖃᕐᓗᑎᒃ 2028-ᒥ, ᐱᖃᑎᒋᓗᒋᑦ ᑕᐃᒃᑯᐊ ᑕᒪᒃᑯᓂᖓ ᑲᒪᔨᐅᔪᑦ. ᑖᓐᓇ ᑲᑎᒪᕐᔪᐊᕐᓂᖅ ᓇᓃᓛᕐᒪᑦ? (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑕᐃᒃᑯᐊ ᑕᒪᒃᑯᓂᖓ ᐱᓕᕆᖃᑎᒋᖃᑦᑕᖅᑕᕗᑦ ᐅᖃᓪᓚᖃᑎᒋᓚᐅᕐᓗᑎᒃᑯ ᐋᖅᑭᓛᖅᑕᕗᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᐊᑎᖁᑎᓐᓂ, ᒥᔅᑕ ᑲᐅᑐᒃ. ᐊᑎᖁᑎᓐᓂ, ᒥᔅ ᐊᖑᑎᐊᓗᒃ. ᐊᖑᑎᐊᓗᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᓐᓇ ᐊᐱᖅᑯᑎᒋᓚᖓᔭᕋ ᐊᔾᔨᒌᙱᑦᑐᓂᒃ ᐅᖃᐅᓯᕐᓂᒃ ᑭᕙᓪᓕᕐᒥᐅᑕᑎᒍᓪᓗ ᐊᒻᒪ ᕿᑭᖅᑖᓗᒻᒥᐅᑕᐃᑦ ᑯᐸᐃᒻᒥᐅᔅᓴᔭᐅᓪᓗᑎᓪᓗ ᐃᓚᖏᑦ ᓄᓇᑦᑎᓐᓃᑦᑐᑦ ᐊᒻᒪ ᑭᕙᓪᓕᕐᒥᐅᔅᓴᔭᐅᓪᓗᑎᒃ ᐊᔾᔨᒌᙱᑦᑐᓂᒃ ᐅᖃᐅᓯᖃᕋᑦᑕ ᑕᒪᓐᓇ ᐋᖅᑭᒃᓱᖅᐸᓪᓕᐊᔭᓯ ᐅᖃᐅᓯᓕᕆᓂᖅ ᑕᐃᒃᑯᐊ ᐅᖃᐅᓯᑦᑎᓐᓂᒃ ᐱᓯᒪᑦᑎᐊᕈᓐᓇᖁᓪᓗᑕ ᐊᒻᒪ ᐊᓯᔾᔨᖅᑕᐅᖏᓪᓗᓂ ᐊᑕᐅᓯᙳᖅᑎᑕᐅᒐᓱᓐᓂᐊᖅᑐᖅ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 31 ᑕᐃᒫᒃ ᑐᓴᒐᓚᓚᐅᖅᓯᒪᒐᒪ ᐊᔾᔨᒌᙱᑦᑐᓂᒃ ᐅᖃᐅᓯᖃᖅᑎᓪᓗᑕ ᑕᒪᒃᑯᐊ ᑲᑎᑕᐅᕙᓪᓕᐊᒍᓐᓇᙱᓛᑦ ᐅᖃᐅᓯᕗᑦ ᓄᓇᓖᑦ ᓄᓇᓕᓐᓃᙶᖅᑐᒐᓚᓐᓂᒃ. ᑖᓐᓇ ᐊᐱᖅᑯᑎᒋᔭᕋ ᑐᑭᓯᓇᕐᓂᖅᐸᑦ. ᖁᔭᓐᓇᒦᒃ. ᐃᓄᒃᑐᑦ ᑎᑎᕋᐅᓯᖅ ᐊᑐᕐᓗᒍ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ ᐊᖑᑎᐊᓗᒃ. ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ: ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᒃᑯᐊ ᑕᕝᕘᓇ ᐱᓇᓱᒍᑕᐅᖃᑦᑕᖅᑐᓄᑦ ᑮᓇᐅᔭᖃᖅᑐᓄᑦ ᑐᒃᓯᕋᐅᑕᐅᓲᑦ ᑖᒃᑯᐊ ᐱᔪᒪᔪᓄᑦ ᑐᕌᖓᒻᒪᑕ ᐱᓇᓱᒍᒪᔭᕌᖓᒥᒃ ᐱᓇᓱᒍᓐᓇᑦᑎᐊᖅᑐᑦ, ᑕᕝᕘᓇ ᑲᑎᖅᓱᐃᒃᑲᓐᓂᕈᒪᑉᐸᑕ ᐅᖃᐅᓯᕐᒥᓐᓂ ᖃᓄᖅ ᓴᖅᑭᔮᖅᑎᑦᑎᒃᑲᓐᓂᕐᓗᑎᒃ ᐱᓇᓱᒍᒪᑉᐸᑕ ᐱᓇᓱᕝᕕᖃᑦᑎᐊᖅᑐᖅ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᒥᔅ ᐊᖑᑎᐊᓗᒃ. ᐊᖑᑎᐊᓗᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᖃᐅᔨᒪᔪᖓ ᐱᓇᓱᒍᓐᓇᖅᑐᑦ. ᐃᒫᒃ ᐋᖅᑭᒃᓱᐃᔪᖃᕐᓂᖅᐸᑦ ᑕᒫᓂ ᐱᓕᕆᕝᕕᓯᓐᓂ ᐅᖃᐅᓯᕐᒥᒃ ᐅᖃᐅᓯᓂᒃ ᖃᓄᖅ ᑲᑎᑕᐅᕚᑦ ᐅᖃᐅᓯᕗᑦ ᐊᔾᔨᒌᙱᑦᑐᓂᒃ ᐅᖃᐅᓯᖃᐅᕋᑦᑕ. ᑲᑎᑕᐅᕙᓪᓕᐊᕚᑦ ᑕᒪᒃᑯᐊ, ᑐᑭᓯᓇᖅᐹ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ ᐊᖑᑎᐊᓗᒃ. ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑐᕇᓴ ᕼᐃᐅᔅ ᑖᔅᓱᒥᖓ ᑭᐅᖁᓪᓗᒍ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ. ᒥᔅ ᕼᐃᐅᔅ. ᕼᐃᐅᔅ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᔾᔨᒌᙱᑦᑑᑎᐅᒻᒪᑕ ᑐᑭᓕᐅᕆᔨᖃᖅᖤᖅᐳᒍᑦ. ᐊᒻᒪ ᐅᖃᐅᓯᓕᐅᖅᑎᑯᖃᖤᖅᐳᒍᑦ ᐊᒻᒪ ᓄᓇᓖᑦ ᐱᓕᕆᐊᕆᓲᖏᑦ ᐊᔾᔨᒌᙱᒃᑑᑎᐅᒋᓪᓗᑎᒃ. ᓄᓇᓖᑦ ᖃᓄᐃᓕᐅᕈᒪᓐᓂᖅᐸᑦ ᑲᑎᖅᓱᐃᔪᒪᓐᓂᖅᐸᑦ. ᐆᑦᑑᑎᒋᓗᒍ ᒥᑦᑎᒪᑕᓕᒻᒥᐅᑦ ᐅᖃᐅᓯᖏᓐᓂᒃ ᐊᑐᖅᖢᑎᒃ ᐅᓕᕐᓇᐃᖅᓯᔾᔪᑎᓕᐅᓚᐅᖅᓯᒪᒻᒪᑕ. ᑕᐃᒪ ᒥᑦᑎᒪᑕᓕᒻᒥᐅᓄᑦ ᐅᖃᐅᓯᖓ ᑲᑎᑕᐅᓯᒪᔪᖅ. ᐊᒻᒪ ᐃᓄᐃᓐᓇᖅᑐᒃᑯᑦ ᑕᐃᒪᐃᓕᐅᖅᓯᒪᑦᖤᕆᕗᑦ, ᕿᑎᕐᒥᐅᑦ ᐃᓄᐃᑦ ᐱᖁᓯᖏᓐᓂᒃ ᓱᓴᐃᔭᑎᐅᔪᑦ ᑕᐃᒃᑯᐊ ᑕᐃᒪᓐᓇ ᑲᑎᖅᓱᐃᓯᒪᒋᓪᓗᑎᒃ ᐅᕙᒍᑦ ᑮᓇᐅᔭᖏᓐᓂᒃ ᐊᑐᖅᖢᑎᒃ. ᖃᐅᔨᒪᔨᑕᐅᒻᒪᑕ ᓄᓇᓖᑦ, ᐃᓕᔅᓯ ᓄᓇᔅᓯᓐᓂ ᖃᐅᔨᒪᔨᑕᐅᒐᔅᓯ ᐅᖃᐅᓯᔅᓯᓐᓂᒃ ᐊᔾᔨᒌᙱᐊᕐᔪᒍᑎᒋᔭᑦᑎᓐᓂᒃ. ᑕᐃᒪᓐᓇ ᐃᑲᔪᖅᓱᕈᓐᓇᑦᑎᐊᖅᑐᒍᑦ ᑮᓇᐅᔭᖅᑐᖅᑐᑎᒃ ᐃᓛᒃ ᑮᓇᐅᔭᒃᑯᑦ ᑐᒃᓯᕋᐅᑎᒃᑯᑦ ᑭᓯᐊᓂ ᐱᓲᖑᓪᓗᑕ. ᑐᑭᓕᐅᕆᔨᒃᑯᕗᑦ ᑖᒃᑯᐊ ᐄ’, ᐊᑕᐅᓯᕐᒥᒃ ᐅᖃᐅᓯᖃᖅᐸᓪᓕᐊᓇᓱᒃᑐᑦ ᒐᕙᒪᐅᑉ ᐅᖃᐅᓯᖏᑎᒍᓪᓕ, ᒐᕙᒪᐅᑉ ᐃᖅᑲᓇᐃᔭᕈᓯᖓ ᐃᓕᖅᑯᓯᖓ ᑖᒃᑯᓂᖓᑦᑕᐃᓐᓇᖅ ᐅᖃᐅᓯᖅᑕᖏᑦ ᐊᑐᐃᓐᓇᕈᓲᓲᑦ; ᖃᓄᖅ ᑖᒃᑯᐊ ᓴᖅᑭᓲᖑᕙᑦ ᐅᖃᐅᓯᖏᓐᓂ ᑕᐃᒎᓯᓕᐅᖅᑎᒃᑯᑦ ᑕᐃᒪ ᐅᕙᑦᑎᓐᓂᒃ ᐅᖃᐅᔾᔨᓲᑦ ᐅᑯᐊ ᐊᑐᕆᐊᓖᑦ, ᐅᑯᐊ ᐅᖃᐅᓰᑦ ᐊᑐᖅᑕᐅᓕᐊᓕᖅᑐᑦ ᒐᕙᒪᐅᑉ ᐃᓗᐊᓂ. ᑕᐃᒪᓐᓇ ᐱᖓᓲᓕᖓᐅᔭᕐᒪᑕ ᐃᑲᔫᓯᐊᒃᑯᑦ ᐊᒻᒪ ᑐᑭᓕᐅᕆᔨᕗᑦ ᑖᒃᑯᓂᖓᑦᑕᐃᓐᓇᖅ ᐅᖃᖅᐸᓪᓕᐊᓇᓱᑦᑐᑦ ᒐᕙᒪᐅᑉ ᐅᖃᐅᓯᖏᑎᒍᑦ, ᑕᐃᒎᓯᓕᐅᖅᑎᒃᑯᓪᓗ ᐅᑯᓂᖓ ᐊᑐᓕᕆᑦᑏᓚᓯᒪᔪᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ ᕼᐃᐅᔅ. ᐊᓯᖏᑦ ᐊᐱᖅᑯᑎᒃᓴᐃᑦ ᐅᖃᐅᓯᓕᕆᓂᐅᑉ ᒥᒃᓵᓄᑦ? ᐱᑕᖃᙱᑉᐸᑦ, ᐊᖏᖅᐱᓰ ᐃᓕᖅᑯᓯᓕᕆᔨᒃᑯᑦ ᐅᖃᐅᓯᓕᕆᔨᒃᑯᑦ ᑮᓇᐅᔭᖅᑐᕈᑎᒃᓴᖏᑦ ᐊᐅᓚᓂᕐᒧᑦ ᑲᒪᒋᔭᖃᕐᓂᒧᓪᓗ ᐃᒪᓐᓇᑦ $17,663,000?

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 32 ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᑉᐱᒐᕐᒨᕐᓗᓯ F-6-ᒨᕐᓗᑎᑦ. ᑖᒃᑯᐊ ᐃᓕᖅᑯᓯᓕᕆᔨᒃᑯᑦ ᑲᒪᒋᓂᐊᓕᕋᑦᑎᒍ, ᑲᑎᓕᒫᕐᓗᒍ ᐊᐅᓚᔾᔪᑏᑦ ᒪᑭᒪᐅᑏᓪᓗ, $11,383,000. ᐊᐱᖅᑯᑎᒃᓴᐃᑦ? ᒥᔅᑕ ᑲᐅᑐᒃ. ᑲᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒻᒪᓗ ᑐᙵᓱᓪᓕᑦ ᑕᑉᐹᓃᖃᑎᒋᔭᓯ. ᐱᓕᕆᕝᕕᓯ 2026-2027-ᒥ ᓯᕗᓪᓕᐅᔾᔨᓯᒪᔪᖅ ᐆᒥᖓ ᐅᖃᓪᓚᖃᑎᒋᓗᒋᑦ ᐃᓄᐃᑦ ᐃᑦᑕᕐᓂᓴᓕᕆᔩᑦ ᐱᔾᔪᑎᒋᓗᒋᑦ ᑕᒪᒃᑯᐊ ᐃᑦᑕᕐᓂᓴᐃᑦ ᑲᑎᖅᓱᖅᑕᐅᓯᒪᔪᑦ ᐊᑐᐊᒐᖏᑦ ᒪᓕᒐᖏᓪᓗ. ᖃᖓ ᑖᓐᓇ ᐃᖅᑲᓇᐃᔮᖅ ᐱᔭᕇᖅᑕᐅᓂᐊᕋᓱᒋᔭᐅᕙ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑲᐅᑐᖅ. ᒥᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐄ’, ᐊᕐᕌᒎᓂᐊᖅᑐᒧᑦ ᐋᖅᑭᒃᓯᒪᔪᒍᑦ. ᑭᓯᐊᓂ ᑕᐃᒃᑯᐊ ᐅᖃᓪᓚᖃᑎᒋᔭᕆᐊᖃᖅᑕᕗᑦ ᐃᓄᐃᑦ ᐃᑦᑕᕐᓂᓴᓕᕆᔩᑦ ᑎᒥᖁᑖ, 2027-2028-ᒥ ᐱᔭᕇᖅᕕᒃᓴᖅᑕᓕᒃ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᒥᔅᑕ ᑲᐅᑐᖅ. ᑲᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕝᕕᓯ ᐊᖏᖅᓯᓚᐅᖅᑐᑦ 2026-2027−ᒥ ᐸᕐᓇᐅᑏᑦ ᐃᓚᖓ ᓯᕗᓪᓕᐅᔾᔭᐅᔪᒃᓴᒫᖑᖅᓯᒪᑎᑕᐅᓪᓗᓂ 2024-2025-ᒥ ᐃᒪᓐᓇ “ᒫᓐᓇ ᑕᒪᒃᑯᓄᖓ ᐊᑎᑦᑎᐊᕙᐅᙱᑦᑐᓂᒃ ᓄᓇᓂᖃᐃ ᐲᔭᐃᕙᓪᓕᐊᔪᖅ.” ᐊᒻᒪ ᐸᕐᓇᐅᑏᑦ ᐅᖃᖅᓯᒪᒋᓪᓗᑎᒃ ᑖᓐᓇ ᐱᔭᕇᖅᑕᐅᓂᐊᖅᑐᕉᖅ 2025-2026 ᐱᒋᐊᓕᓵᖅᑲᐅᓂᖓᓂᒃ. ᑖᓐᓇ ᖃᓄᐃᓕᖓᓕᖅᐸᓕ ᒫᓐᓇᐅᔪᖅ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑲᐅᑐᒃ. ᒥᓂᔅᑕ, ᐃᓕᓐᓄᐊᓚᐅᙱᓐᓂᓐᓂ ᐊᑏ’, ᐅᖄᓚᐅᑎᐊᓛᓯ ᓂᐱᖃᕈᓐᓃᖅᑎᓚᐅᖅᓯᐅᒃ ᑐᓵᖃᑦᑕᕋᒪ ᐅᖄᓚᐅᑎᓂᒃ ᓯᕙᓂᖅᑐᓂᒃ. ᐊᑏ’, ᑲᔪᓯᒋᑦ, ᒥᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᒥᓂᔅᑕ ᑐᖏᓕᕋ ᑐᕇᓴ ᕼᐃᐅᔅ ᑭᐅᖁᓪᓗᒍ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ. ᑲᔪᓯᒋᑦ ᒥᔅ ᕼᐃᐅᔅ. ᕼᐃᐅᔅ: ᖁᔭᓐᓇᒦᒃ, ᐃᒃᓯᕙᐅᑖᖅ. ᑕᐃᔅᓱᒪᓂ ᖃᐅᔨᓚᐅᖅᓯᒪᒐᑦᑕ 15-ᖑᔪᐃᑦ ᐃᓛᒃ ᓄᓇᙳᐊᖅ ᐃᓗᐊᓂ ᐱᐅᒋᔭᐅᙱᑦᑐᑦ ᐊᓯᖏᓐᓂᒃ ᐊᑦᑎᖁᔭᐅᓪᓗᑎᒃ ᓄᓇᓕᓐᓄᐊᓚᐅᖅᖢᑎᒃᓗ ᐃᖅᑲᓇᐃᔭᖅᑎᕗᑦ ᖃᓄᖅ ᐊᓯᔾᔨᖅᑕᐅᒐᔭᕐᒪᖔᑕ ᐃᓄᒃᑐᑦ ᐊᑦᑎᖅᑕᐅᖔᕐᓗᑎᒃ. ᑖᓐᓇ ᐱᓕᕆᖃᑎᒋᓯᒪᓪᓗᑎᒍ ᐃᓄᐃᑦ ᓇᐅᑦᑎᖅᓱᖅᑎᒃᑯᑦ ᑎᒥᖓ, ᒫᓐᓇ ᓄᓇᙳᐊᓂᒃ ᐱᓕᕆᒐᑦᑕ ᐅᓄᖅᑐᓂᒃ, ᑕᐃᒃᑯᐊᓗ ᐊᖏᖅᑕᐅᓯᒪᓕᖅᑐᑦ ᐅᓄᖅᖢᑎᒃ ᐱᓕᕆᐊᖑᔭᕆᐊᖃᖅᑐᓪᓗ ᓱᓕ ᑐᑭᒧᐊᑦᑎᑦᑕᕆᐊᖃᕐᖢᑎᒍ ᐃᒃᑯᐊ ᓄᓇᙳᐊᓕᕆᔩᑦ ᐊᑎᖏᓐᓂ ᑲᓇᑕᒥ ᑐᓐᓂᖅᑯᑎᒋᔪᒫᖅᑐᑦ ᑕᐃᒃᑯᐊ ᓄᓇᙳᐊᑦ ᑲᑎᖅᓱᖅᑐᑦ ᓈᒻᒪᒃᓯᑐᐊᖅᐸᑕ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ ᕼᐃᐅᔅ. ᒥᔅᑕ ᑲᐅᑐᒃ, ᑲᔪᓯᒋᑦ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 33 ᑲᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕕᓯ ᐊᖏᖅᑕᐅᓯᒪᔪᖅ 2025-2026 ᐱᓕᕆᐊᖑᓂᐊᖅᑐᑦ ᐸᕐᓇᐅᑎᖏᑦ ᐅᖃᖅᓯᒪᔪᑦ 2024-2025-ᒥ ᐅᖃᖅᓯᒪᓪᓗᑎᒃ “ᐃᖅᑲᓇᐃᔭᖃᑎᖃᕐᓗᑎᒃ ᐃᓄᐃᑦ ᐃᑦᑕᕐᓂᓴᓕᕆᔨᖏᓐᓂᒃ ᐃᓄᐃᑦ ᐅᖃᐅᓯᖏᑦ ᑕᒪᒃᑯᐊ ᐊᑐᓕᖁᔭᖅᑎᒍᑦ ᐱᙳᖅᑎᑕᐅᓪᓚᕆᓪᓗᑎᒃ.” ᐊᒻᒪᓗ ᐱᓕᕆᐊᖑᓂᐊᖅᑐᑦ ᐸᕐᓇᐅᑏᑦ ᐅᖃᖅᓯᒪᔪᑦ ᓂᕆᐅᑦᑐᒡᒎᖅ ᐅᓄᖅᑐᓂᒃ ᐃᓄᐃᑦ ᓄᓇᖁᑎᖏᑦᑕ ᐊᑎᖏᓐᓂᒃ ᑐᓐᓂᖅᑯᑎᖃᕐᓂᐊᖅᑐᖢᑎᒃ ᑖᒃᑯᓄᖓ ᓄᓇᐃᑦ ᐊᑎᖏᑦᑕ ᑲᑎᒪᔨᖏᓐᓄᑦ ᐊᕐᕌᒍ ᑕᒪᓐᓇ ᐃᓱᓕᓚᐅᖅᑎᓐᓇᒍ. ᖃᓄᐃᓕᖓᓕᖅᐸ ᑖᓐᓇ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑲᐅᑐᖅ. ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ ᑖᓐᓇ ᐊᐱᖅᑯᑎᒋᒐᓐᓂ. ᑕᒪᓐᓇ ᐱᓕᕆᐊᕆᕈᓘᔭᖃᑦᑕᖅᓯᒪᒐᑦᑎᒍ ᐅᓄᖅᑐᑲᓪᓚᓂᓪᓗ ᐱᔭᕇᖅᓯᒪᓪᓗᑕ. ᐊᑯᓐᓂᖓᓂ 1999 ᐊᒻᒪᓗ 2021-ᒥ ᕿᒥᕐᕈᓇᒃᑕᓯᒪᓕᖅᑐᑦ 2,008 ᐊᑎᖏᑦ, 1,900 ᓱᓕ ᑕᐃᒃᑯᐊ ᕿᒥᕐᕈᓇᖃᓯᐅᑎᔭᕆᐊᖃᖅᑕᕗᑦ. ᐃᖅᑲᓇᐃᔮᕆᕈᓘᔭᖅᓯᒪᔭᕗᑦ ᑖᓐᓇ ᐊᕐᕌᒍᒐᓴᐅᓕᖅᑐᓄᑦ. ᑐᑭᓯᓂᕐᓗᒃᑕᐅᖃᑦᑕᖅᓯᒪᒻᒪᑕᐃᒃᑯᐊ ᐃᓚᖏᑦ ᐊᑎᖏᑦ, ᑕᐃᒪ ᑖᒃᑯᐊ ᐃᑦᑕᕐᓂᓴᓕᕆᔨᒃᑯᑦ ᐃᓕᖅᑯᓯᓕᕆᔨᒃᑯᓪᓗ ᑲᑐᔾᔨᖃᑎᒌᓐᓂᒃᑯᑦ ᓄᓇᐃᑦ ᐊᑎᖏᓐᓂᒃ ᐋᖅᑭᒃᓱᐃᕙᓪᓕᐊᔪᑦ. ᑕᒫᓂ 1,500-ᖏᓐᓃᑦᑐᑦ ᐊᑎᕐᓂᑦ ᐲᖅᓯᒪᔪᒪᔪᑦ ᑖᓐᓇ ᐱᐅᙱᓐᓂᖓ ᐱᔾᔪᑎᒋᔭᐅᓪᓗᓂ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᐊᐱᖅᑯᑎᒃᓴᑦ? ᐃᓕᖅᑯᓯᓕᕆᔨᒃᑯᑦ ᐃᖅᑯᓯᑐᖃᐃᑦ? ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕕᓯ 2025-2026 ᐱᓕᕆᐊᖑᓂᐊᖅᑐᑦ ᐸᕐᓇᐅᑎᖏᑦ ᐅᓇᒎᖅ ᓯᕗᓪᓕᐅᔾᔭᐅᓯᒪᓚᐅᕐᒪᑦ 2024-2025 ᐊᕐᕌᒍᐊᓂ ᐃᒪᓐᓇ ᕿᓈᓗᑎᑦ ᓇᓖᕌᕈᑎᒃᓴᓂᑦ ᐃᓄᐃᑦ ᐃᓕᓐᓂᐊᖅᑎᑕᐅᔪᓐᓇᓂᐊᕐᒪᑕ ᒪᑯᐊ ᐃᑦᑕᕐᓂᓴᐃᑦ ᐱᖁᑎᕕᓃᑦ ᖃᓄᖅ ᐊᐅᓚᑕᐅᔪᓐᓇᕐᒪᖔᖏᑦ, ᓲᕐᓗ ᒪᑯᓂᖓ ᐱᑐᖃᕐᓂᑦ ᐋᖅᑭᒃᑎᐊᖅᓯᔪᓐᓇᖅᑐᑦ. ᐱᓕᕆᐊᖑᓂᐊᖅᑐᑦ ᐸᕐᓇᐅᑎᖏᑦ ᐅᖃᖅᓯᒪᔪᑦ ᑕᒪᓐᓇ ᓯᕗᓪᓕᐅᔾᔭᕕᓂᖅ ᑭᖑᕙᕆᐊᖅᑕᐅᓚᐅᖅᑐᖅ 2025-ᒧᑦ. ᖃᓄᐃᓕᖓᓕᖅᐸ ᑖᓐᓇ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᑉᓗᑦᓯᐊᖅ. ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑐᖏᓕᕋ, ᑐᕇᓴ ᕼᐃᐅᔅ ᑭᐅᖁᔭᕋᓗᐊᕋ ᑖᔅᓱᒥᖓ ᐊᐱᖅᑯᑎᒥ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ. ᒥᔅ ᕼᐃᐅᔅ. ᕼᐃᐅᔅ: ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᓐᓇ ᖃᐅᔨᓴᖅᐸᓪᓕᐊᖏᓐᓇᖅᑐᑦ ᓱᓕ ᖃᐅᔨᓴᖅᐸᓪᓕᐊᓪᓗᑎᒍ ᓇᐅᒃᑯᑦ ᑮᓇᐅᔭᒃᑯᑦ ᐱᓕᕆᔪᓐᓇᕐᒪᖔᑦᑕ ᒫᓐᓇ ᑕᐃᒃᑯᐊ ᐃᓄᓐᓄᑦ ᐃᖅᑲᓇᐃᔭᖅᑐᒃᓴᐅᑕᐅᔪᓄᑦ ᒐᕙᒪᐅᑉ ᐃᓗᐊᓂ ᑮᓇᐅᔭᐃᑦ ᓴᖅᑭᑕᐅᓚᐅᖅᑐᑦ. ᑕᐃᑰᓇ ᖃᐅᔨᓴᓛᕐᒥᔪᖑᑦ ᑕᐅᑰᓇ ᐊᑐᕈᓐᓇᕐᒪᖔᑦᑕ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 34 ᑭᓯᐊᓂ ᒫᓐᓇ ᐊᕐᕌᒍᑕᒪᖅ ᐃᑦᑕᕐᓂᓴᓕᕆᕕᓐᓂ ᐃᖅᑲᓇᐃᔭᖅᑐᓕᒪᑦ ᐊᒻᒪ ᐳᓚᕋᕝᕖᑦ ᐊᓪᓚᕝᕕᖏᓐᓂ ᐃᖅᑲᓇᐃᔭᖅᑐᓕᒪᑦ ᐊᕐᕌᒍᑕᒫᑦ ᐃᓕᓐᓂᐊᕆᐊᖅᑎᑕᐅᔭᖅᑐᓲᑦ (ᑐᓵᔨᑎᒎᓕᖅᑐᖅ) ᐅᐃᓂᐸᐃᒡᒥ ᓴᓇᙳᐊᒐᕐᓄᑦ ᑕᑯᔭᒐᖃᕐᕕᒃ (ᑐᓵᔨᑎᒎᕈᓐᓃᖅᑐᖅ) ᑕᐃᒃᑯᐊ ᑕᐅᒃᑯᓇᙵᑦ ᐃᓕᓴᖅᑕᐅᓪᓗᑎᑦ. ᖃᓄᖅᑑᕋᓱᐃᓐᓇᐅᔭᕐᓂᐊᖅᑐᒍᑦ ᓇᐅᒃᑯᑦ ᓴᖅᑭᖅᑎᔪᓐᓇᕐᒪᖔᑦᑕ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᓐᓄᑦ ᐸᕐᓇᐅᑎᖓᑎᒍᑦ ᐃᖅᑲᓇᐃᔭᖅᑐᓕᕆᔨᒃᑯᑎᒍᑦ ᓯᕗᒧᐊᖃᑎᒌᒃᑯᑎᒍ ᖃᓄᖅ ᑕᕝᕘᓇ ᓯᕗᒧᐊᒃᑲᓐᓂᕈᓐᓇᕐᒪᖔᑕ ᑖᒃᑯᐊ ᐱᔭᕆᐊᑐᔪᑦ ᐃᖅᑲᓇᐃᔮᑦ ᐃᓄᓐᓄᑦ ᐃᖅᑲᓇᐃᔮᖅᑎᑖᕋᓱᓕᕈᑦᑕ. ᐊᒻᒪ ᑕᐅᓇᓂ (ᑐᓵᔨᑎᒎᓕᖅᑐᖅ) ᑲᓇᑕᒥ ᑕᑯᔭᒐᖃᕐᕕᖕᓂ (ᑐᓵᔨᑎᒎᕈᓐᓃᖅᑐᖅ) ᑕᐃᒃᑯᐊ ᐃᖅᑲᓇᐃᔭᖅᑎᕗᑦ ᑐᖅᑯᖅᓯᒪᔪᑦ ᐊᐅᔭᒃᑯᑦ ᐃᓄᓐᓂᑦ ᐃᖅᑲᓇᐃᔭᖅᑎᑦᑎᕙᒃᑭᓪᓗᑎᑦ ᑕᕝᕘᓇ ᐃᓕᓐᓂᐊᐸᓪᓕᐊᔪᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ ᕼᐃᐅᔅ. ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕕᓯ ᑎᑎᕋᕆᐊᙵᐅᑎᖏᑦ 2026-2030-ᒧᑦ ᐱᓕᕆᐊᔅᓴᓄᑦ ᐸᕐᓇᐅᑎᖓ ᐅᖃᖅᓯᒪᔪᒻᒪᑦ ᐃᓚᖓᒎᖅ ᓯᕗᓪᓕᐅᑎᑕᐅᓂᐊᖅᑐᖅ 2026-2027 ᐊᕐᕌᒍᖓᓂ ᑕᒪᓐᓇᐅᒻᒪᑦ ᑐᑭᒧᐊᑦᑎᑦᑎᓗᑎ ᐱᖃᑕᐅᑎᑕᐅᓂᖏᓐᓂ ᐃᓐᓇᐃᑦ ᑲᑎᒪᔨᕋᓛᖏᑦ ᐃᓐᓇᐃᑦ ᖃᓄᖅ ᐱᓕᕆᖃᑕᐅᑦᑎᐊᑲᓐᓂᓂᖅᓴᐅᒍᓐᓇᕐᒪᖔᑕ ᐅᖃᐅᔾᔨᒋᐊᖅᑎᑕᐅᖃᑦᑕᕐᓗᑎᑦ ᐱᔾᔪᑎᖃᖅᑐᓂ ᐃᓄᒃᑐᑦ ᐅᖃᐅᓯᕐᒥ ᐊᒻᒪ ᐃᓕᖅᑯᓯᕐᓂ. ᖃᓄᓪᓚᑦᑖᖅ ᐱᓕᕆᕕᓯ ᐱᓕᕆᓛᖅᑲᑦ ᐃᑲᔪᖅᓰᓗᑎᑦ ᑖᔅᓱᒥᖓ ᓯᕗᓪᓕᐅᑎᓯᒪᔭᔅᓯᓐᓂᕕ ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᑉᓗᑦᓯᐊᖅ. ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐄ’, ᓴᓇᒐᓱᐊᖅᑐᒍᑦ ᐃᓗᓕᖅᑐᔪᒥᑦ ᐃᓄᐃᑦ ᑐᙵᕕᖏᓐᓄᑦ ᑲᑎᒪᔨᕋᓛᑦ ᐅᖃᓕᒫᒐᔅᓴᖏᓐᓂ ᒪᓕᒐᔅᓴᖏᓐᓂ, ᑲᑎᒪᔨᕋᓛᓂ ᐋᖅᑭᔅᓯᒍᑕᐅᓂᐊᕐᖓᑕ ᓄᓇᓕᓐᓂ ᑲᑎᒪᔨᕋᓛᑦ ᐃᖏᕐᕋᐃᓐᓇᖁᓪᓗᒋᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᒥᔅᑕ ᖃᑉᓗᑦᓯᐊᖅ, ᑲᔪᓯᒋᐊᕆᑦ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕕᓯ ᑎᑎᕋᕆᐊᙵᐅᑎᖏᑦ 2026-2030-ᒧᑦ ᐱᓕᕆᐊᔅᓴᓄᑦ ᐸᕐᓇᐅᑎᖏᑦ ᐅᖃᖅᓯᒪᒻᒪᑕ ᐃᓚᖓᒎᖅ ᓯᕗᓪᓕᐅᑎᑕᐅᓂᐊᖅᑐᖅ 2026-2027 ᐊᕐᖄᒍᖓᓄᑦ ᐱᔭᕇᕐᓗᑎᑦ ᖃᐅᔨᒋᐊᕐᓂᕆᓯᒪᔭᖏᑦ ᑎᑎᕋᖅᑕᐅᓯᒪᔪᓂ ᑲᑐᔾᔨᖃᑎᒌᓐᓂᕐᒥ ᓈᓴᐅᑎ 32 ᐊᑐᐊᒐᕐᒥ ᐱᕙᓪᓕᐊᔾᔪᓯᖃᕐᓗᑎ ᓄᓇᕗᑦ ᑐᙵᕕᒃᑯᓐᓂ ᐃᕕᖅᑎᐸᓪᓕᐊᔪᓂ ᕿᒥᕐᕈᓗᑎ ᐊᒻᒪ ᓄᑖᕈᕆᐊᖅᓯᓗᑎᑦ ᐃᕕᖅᑎᐸᓪᓕᐊᔪᑦ ᐋᖅᑭᑎᖅᓯᒪᓂᕆᔭᖓᓂ. ᖃᖓᓕ ᑖᓐᓇ ᐱᔭᕇᖅᑕᐅᒐᔭᙳᐊᖅᑐᒋᕕᓯᐅᒃ ᐱᓕᕆᐊᕆᔭᓯ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᑉᓗᑦᓯᐊᖅ. ᒥᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᕕᖅᑎᐸᓪᓕᐊᔪᑦ ᐸᕐᓇᓂᕐᒧᑦ, ᐊᓪᓚᕕᑦᑕ ᐃᓗᐊᓂ ᖃᐅᔨᒋᐊᖅᑳᖅᑐᑦ ᐃᕕᖅᑎᐸᓪᓕᐊᔪᓄᑦ ᐋᖅᑭᑎᖅᓯᒪᓂᕆᔭᖓᓂ. ᑖᒃᑯᐊ ᕿᒥᕐᕈᔭᐅᓛᕐᖓᑕ ᓄᑖᕈᕆᐊᖅᑕᐅᓗᑎᑦ 2026-2027-ᒥ, ᑐᙵᕕᒃᑯᑦ ᐱᖃᑕᐅᓗᑎᑦ, ᐊᒻᒪᑦᑕᐅᖅ ᐃᓄᐃᑦ ᖃᐅᔨᒪᔭᑐᖃᖏᑦ ᑲᑎᒪᔨᖏᑦ ᐊᒻᒪ ᑐᑦᑕᕕᒃᑯᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᑲᔪᓯᒋᐊᕆᑦ, ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖃᖓᓕ ᑖᓐᓇ ᐋᖅᑭᑎᖅᑕᐅᓯᒪᔪᖅ ᒪᓕᒐᓕᐅᕐᕕᖕᒧᑦ ᓴᖅᑭᖅᑕᐅᓛᖅᑲ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᑉᓗᑦᓯᐊᖅ. ᒥᓂᔅᑕ ᑯᓄ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 35 ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᑲᑎᒪᔨ ᐊᐱᕆᒻᒪᑦ ᑕᐃᒫᒃ. ᑖᓐᓇ ᒪᓕᒐᓕᐅᕐᕕᒻᒨᖅᑕᐅᓛᖅᑐᖅ ᐱᔭᕇᖅᑕᐅᑐᐊᖅᑲᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᐊᐱᖅᑯᑎᔅᓴᓕᑦᑕᖃᒃᑲᓂᖅᑳ ᐃᓕᖅᑯᓯᓕᕆᓂᕐᒧᑦ ᐱᖅᑯᓯᓕᕆᓂᕐᒧᑦ ᒥᔅᓵᓄᑦ? ᐃᓵᖅᑐᖃᙱᒻᒪᑦ. ᐊᖏᖅᑭᓯᐅᖅ, ᐅᐊᑦᑎᐊᕈᐊᐃ. ᒥᔅ ᐊᖑᑎᐊᓗᒃ. ᐊᖑᑎᐊᓗᒃ: ᖁᔭᓐᓇᒦᒃ. ᑖᓐᓇ ᐊᐱᖅᑯᑎᒋᒋᐊᓚᐅᖅᑕᕋ. ᕿᓯᓕᕆᔩᑦ ᐃᓄᓕᕆᕝᕖᑦ, ᐊᒥᓱᐃᑦ ᐊᕐᓇᐃᑦ ᐃᓪᓗᒥᓂ ᑎᐱᓕᒻᒥ ᐱᓕᕆᖃᑦᑕᕈᓐᓃᕐᒪᑕ. ᖃᓄᕐᓕᑭᐊᖅ ᑖᓐᓇ ᒥᖑᓕᕆᕝᕕᐅᓗᓂ ᐸᓂᖅᓰᕕᐅᓗᓂ ᕿᓯᕈᔪᓐᓄᑦ ᓱᓇᑐᐃᓐᓇᕐᓂ ᐃᓄᐃᑦ ᐱᓕᕆᐊᕆᖃᑦᑕᖅᑕᖏᑦ ᐊᕐᓇᐃᑦ, ᑕᐃᒪᓐᓇᐃᑦᑐᒥ ᐃᒡᓗᑖᕈᒪᓐᓂᖅᐸᑕ ᐊᕐᓇᐃᑦ ᕿᓯᓕᕆᕝᕕᐅᒐᔭᖅᑐᒥ ᒥᖑᓕᕆᕝᕕᐅᒐᔭᖅᑐᒥ, ᓇᒧ ᑐᒃᓯᕋᕋᔭᖅᐸᑦ? ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ ᐊᖑᑎᐊᓗᒃ. ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ, ᐊᒻᒪᓗ ᖁᔭᓐᓇᒦᒃ ᒪᓕᒐᓕᐅᖅᑎ ᑖᔅᓱᒥᖓ ᐊᐱᕆᒐᕕᑦ. ᐄ’, ᑖᓐᓇ ᐱᓇᓱᒍᓐᓇᑦᑎᐊᖅᑐᐃᑦ ᑭᓇᒃᑯᑐᐃᓐᓇᐃᑦᑕᐅᖅ ᑕᒫᓂ ᓄᓇᕗᒻᒥ ᑕᐃᒃᑯᓄᖓ ᑮᓇᐅᔭᕐᓄᑦ ᑐᒃᓯᕋᐅᑎᓄᑦ. $500,000-ᒥ ᓴᓂᕝᕙᐃᓯᒪᔪᑦ ᑕᐃᒃᑯᓄᖓ ᐱᔪᒪᔪᖃᕐᓂᕈᓂ ᑕᐃᒪᐃᑦᑐᒧᑦ ᐱᑖᕋᓱᒍᒪᔪᓂᑦ ᑕᐃᒃᑯᓄᖓ ᐃᓕᖅᑯᓯᓕᕆᔨᒃᑯᓐᓄᑦ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᐊᐱᖅᑯᑎᔅᓴᓕᑦᑕᖃᒃᑲᓂᖅᑳ? ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᐱᓕᕆᕕᓯ ᑎᑎᕋᕆᐊᙵᐅᑎᖏᑦ 2026-2027 ᑮᓇᐅᔭᖅᑐᕈᑎᒃᓴᐃᑦ ᓇᓗᓇᐃᖅᓯᓯᒪᒻᒪᑕ ᑲᑎᓪᓗᒋᒎᖅ ᐃᖅᑲᓇᐃᔮᑦ 8 ᐃᓕᔭᐅᓯᒪᒻᒪᑕ ᐃᓄᐃᑦ ᑐᙵᕕᖏᑦ ᐊᓪᓚᕝᕕᖓᓄᑦ. ᖃᑦᑎ ᑕᕝᕙᓂ ᐃᖅᑲᓇᐃᔮᑦ ᐃᓐᓄᑦᑕᐅᓯᒪᓕᖅᑲᑦ, ᐊᒻᒪ ᖃᑦᑎᑦ ᐃᓐᓄᑦᑕᐅᓯᒪᙱᓚᑦ? (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᖅᑯᑎᒋᓗᑎ ᑐᖏᓕᕐᒪ ᐃᑲᔪᖅᑎᖓ, ᔩᓂ ᐋᕆᐊᒃ-ᖁᓪᓗᐊᓕᒃ ᑭᐅᖁᔭᕋᓗᐊᕋ ᑖᔅᓱᒥᖓ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ. ᐊᑏ, ᒥᔅ ᐋᕆᐊᒃ-ᖁᓪᓗᐊᓕᒃ. ᐋᕆᐊᒃ-ᖁᓪᓗᐊᓕᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᒫᓐᓇᐅᔪᖅ ᐃᖅᑲᓇᐃᔭᖅᑎᒋᔭᕗᑦ ᑕᐃᑲᓂ, ᑎᓴᒪᑦ ᐃᖅᑲᓇᐃᔭᖅᑐᑦ, ᐊᒻᒪ ᓱᓕ ᑎᓴᒪᒃᑲᓐᓃᑦ ᐃᖅᑲᓇᐃᔭᖅᑎᐅᑲᐃᓐᓇᖅᑐᑦ. ᑕᐃᒪᐃᑦᑐᒃᑯᑦ ᐃᖅᑲᓇᐃᔭᖅᑎᑕᐅᔪᑦ ᑎᓴᒪᐅᔭᖅᑑᓪᓗᑎᑦ, 8. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ ᐋᕆᐊᒃ-ᖁᓪᓗᐊᓕᒃ. ᑲᔪᓯᒋᐊᕆᑦ, ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ, ᖁᔭᓐᓇᒦᓪᓗ. (ᑐᓵᔨᑎᒎᓕᖅᑐᖅ) ᐱᓕᕆᕕᓯ ᑎᑎᕋᕆᐊᙵᐅᑎᖏᑦ 2026-2030-ᒧᑦ ᐱᓕᕆᐊᔅᓴᓄᑦ ᐸᕐᓇᐅᑏᑦ ᐅᖃᖅᓯᒪᒻᒪᑕ ᐃᓚᖓᒎᖅ ᓯᕗᓪᓕᐅᑎᓛᖅᑕᖓ 2026-2027 ᐊᕐᕌᒍᖓᓂ ᐱᔭᕇᕐᓗᑎ ᖃᐅᔨᒋᐊᕐᓂᕆᔭᖏᑦ ᓯᓚᑖᓂ ᐱᓕᕆᖃᑎᒌᔭᖏᓐᓄᑦ, ᐱᖃᑕᐅᓗᑎᑦ ᕼᐋᒻᒪᓚᐃᑦ, ᐊᒻᒪ ᑮᓇᐅᔭᓕᐅᕋᓱᑦᑎᐅᙱᑦᑐᑦ ᑲᑐᔾᔨᖃᑎᒌᑦ, ᐊᒻᒪᓗ ᒫᓐᓇ ᐃᓐᓇᒻᒪᕇᑦ ᒪᒃᑯᑐᐃᓪᓗ ᑲᑎᒪᔨᕋᓛᖏᑦ ᐊᐅᓚᑦᑎᐊᖅᑐᓂᑦ ᓄᐊᑦᑎᓗᑎᑦ ᑲᔪᓰᓐᓇᕈᑎᔅᓴᐃᑦ ᓄᓇᓕᓐᓂ ᑲᑎᒪᔨᓂ

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 36 ᑐᙵᕕᓕᓐᓂ ᐅᖃᐅᔾᔨᒋᐊᖅᑎᓂᑦ ᑲᑎᒪᔨᕋᓛᓂ. ᖃᖓ ᐱᔭᕇᖅᑕᐅᕕᔅᓴᖃᖅᑲᑦ ᑖᒃᑯᐊ ᖃᐅᔨᒋᐊᕐᓂᕆᔭᓯ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑕᐃᒪ ᕿᓂᑲᐃᓐᓇᕋᑦᑎᒍ ᑖᓐᓇ. ᐱᔭᕇᕋᓱᓛᖅᑐᒍᑦ 2028-2029 ᑮᓇᐅᔭᓕᕆᔾᔪᑏᑦ ᐅᕐᕌᒍᖓᓂ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑯᓄ. ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ, ᖁᔭᓐᓇᒦᒃ ᑭᐅᒐᕕᑦ. (ᑐᓵᔨᑎᒎᓕᖅᑐᖅ) ᐱᓕᕆᕕᓯ ᑎᑎᕋᕆᐊᙵᐅᑎᖏᑦ 2026-2030-ᒧᑦ ᐱᓕᕆᐊᔅᓴᓄᑦ ᐸᕐᓇᐅᑎᖓ ᐅᖃᖅᓯᒪᒻᒪᑦ ᐃᓚᖓᒎᖅ ᓯᕗᓪᓕᐅᑎᑕᐅᓛᖅᑐᖅ 2026-2027-ᒥ ᑕᒪᓐᓇᐅᒻᒪᑦ ᑲᑎᒪᕕᔾᔪᐊᑎᑦᑎᓗᑎ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐱᔾᔪᑎᓕᒻᒥ ᑲᖏᖅᓯᓂᕐᒥ ᔫᓐ 2026-ᒥ, ᐊᒻᒪ ᓴᖅᑭᖅᓯᓗᑎᑦ ᑲᑎᒪᕕᔾᔪᐊᕐᓂᒥᓂᐅᑉ ᐅᓂᒃᑳᓕᐊᒥᓂᖏᓐᓂ. ᖃᖓᓕ ᑖᒃᑯᐊ ᐅᓂᒃᑳᓕᐊᒥᓃᑦ ᒪᓕᒐᓕᐅᕐᕕᒨᖅᑕᐅᓛᖅᑲᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᔫᓐᒥᐅᓂᐊᓚᐅᖅᑑᒐᓗᐊᖅ ᑕᕝᕙᓂ ᐊᕐᕌᒍᑦᑎᓐᓂ ᑭᓯᐊᓂ ᐅᖓᕙᕆᐊᖅᑕᐅᓯᒪᓕᖅᑐᖅ ᑏᓰᕝᕙᒧᑦ 2026-ᒥ, ᐱᔾᔪᑎᖃᖅᑐᑎ ᑲᖏᖅᓯᓂᕐᒥ ᑐᔪᕐᒥᕖᑦ ᑕᑕᓛᕐᖓᑕ. ᐃᖃᓗᓐᓂᖔᖑᓛᖅᑐᖅ ᑏᓰᕝᕙᖑᓕᖅᑲᑦ 2026-ᒥ, ᐊᒻᒪ ᐅᓂᒃᑳᓕᐊᒥᓂᖏᑦ 2027-ᒥ ᒪᓕᒐᓕᐅᕐᕕᒨᖅᑕᐅᓛᕐᓗᑎᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑯᓄ. ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ, ᐊᒻᒪᓗ ᖁᔭᓐᓇᒦᒃ ᑭᐅᒐᕕᐅᒃ. (ᑐᓵᔨᑎᒎᓕᖅᑐᖅ) ᐱᓕᕆᕕᓯ ᐊᖏᖅᑕᐅᓯᒪᔪᖁᑎᖏᑦ 2024-2026-ᒧᑦ ᐱᓕᕆᐊᔅᓴᓄᑦ ᐸᕐᓇᐅᑎᖓ ᐅᖃᖅᓯᒪᒻᒪᑕ ᐃᓚᖓᒎᖅ ᓯᕗᓪᓕᐅᑎᑕᐅᓂᐊᖅᑐᒥᓂᖅ 2024-2025-ᒥ ᑲᔪᓯᓗᑎᑦ ᐆᒻᒪᕆᐊᖅᓯᓗᑎ ᐃᓐᓇᒻᒪᕇᑦ ᒪᒃᑯᑦᑐᐃᓪᓗ ᑲᑎᒪᔨᕋᓛᖏᓐᓂ. ᐱᓕᕆᕕᓯ ᐊᖏᖅᑕᐅᓯᒪᔪᖁᑎᖏᑦ 2025-2026-ᒥ ᐱᓕᕆᐊᔅᓴᓄᑦ ᐸᕐᓇᐅᑎ ᐅᖃᖅᓯᒪᔪᒻᒪᑕ ᐱᓕᕆᕕᐅᔪᕉᖅ ᓂᕆᐅᑦᑐᖅ ᐊᒥᓱᕈᕆᐊᖅᓯᓛᕐᓗᑎᑦ ᐊᐅᓚᔪᓂᑦ ᑲᑎᒪᔨᕋᓛᓂᑦ ᐃᓱᐊᓂ 2024-2025 ᐊᕐᕌᒍᖓᓂ. ᖃᑦᑎᓪᓕ ᐃᓐᓇᒻᒪᕇᑦ ᐃᓅᓱᑦᑐᐃᓪᓗ ᒪᒃᑯᑦᑐᐃᑦ ᑲᑎᒪᔨᕋᓛᖏᑦ ᒫᓐᓇ ᐊᐅᓚᕙᑦ, ᐊᒻᒪ ᖃᑦᑎᑦ ᐊᐅᓚᒍᓐᓃᖅᓯᒪᕙᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᑲᑎᒪᔨ ᐊᐱᕆᒻᒪᑦ ᑕᐃᒫᒃ. ᔩᓂ ᐋᕆᐊᒃ-ᖁᓪᓗᐊᓕᒃ ᑐᖏᓕᒻᒪ ᐃᑲᔪᖅᑎᖓᓄᑦ ᑭᐅᔭᐅᖁᔭᕋᓗᐊᕋ ᑖᓐᓇ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᑲᔪᓯᒋᐊᕆᑦ, ᒥᔅ ᐋᕆᐊᒃ-ᖁᓪᓗᐊᓕᒃ. ᐋᕆᐊᒃ-ᖁᓪᓗᐊᓕᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᓐᓇ ᕿᓂᐊᓪᓚᒃᑲᒃᑯ ᐸᐃᑉᐹ ᓈᓴᐅᑎ. ᖃᔅᓯᐅᒻᒪᖔᑕ ᑲᑎᒪᔩᑦ. ᒫᓐᓇᐅᔪᖅ ᑕᓪᓕᒪᐃᓐᓇᐃᑦ, ᐋᒃᑲᓕᐊᓯᑦ ᒪᒥᐊᓇᖅ, ᖁᓕᑦ ᑲᑎᒪᔨᕋᓛᓄᑦ ᐊᐃᑦᑑᓯᐊᖃᑦᑕᖅᑐᑦ. ᖁᓕᑦ, ᒪᒃᑯᑦᑐᓄᓪᓗ ᐃᓄᑐᖃᕐᓄᓪᓗ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 37 ᑖᓐᓇ ᑲᑎᒪᔨᙳᕈᒪᔪᓄᑦ ᐊᐃᑦᑑᓯᐊᑦ ᑐᓂᔭᐅᖃᑦᑕᕐᒪᑦ $15,000, ᕼᐋᒻᒪᓚᒃᑯᑎᒎᖓᒐᔪᖃᓯᐊᖑᓪᓗᓂᓗ ᑲᑎᒪᔨᖃᕈᒪᓐᓂᖅᐸᑕ ᐃᑲᔫᑎᐅᔪᖅ. ᒪᓐᓇᐅᔪᖅ ᖁᓕᑦ, ᖁᓖᓐᓇᐅᓪᓗᑎᒃ ᑐᒃᓯᕋᖅᓯᒪᔪᑦ ᑕᕝᕘᓇ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ ᐋᕆᐊᒃ−ᖁᓪᓗᐊᓕᒃ. ᒥᔅᑕ ᖃᒪᓂᖅ, ᑲᔪᓯᒋᐊᕆᑦ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ, ᖁᔭᓐᓇᒦᒃ ᑭᐅᒐᕕᑦ. (ᑐᓵᔨᑎᒎᓕᖅᑐᖅ) ᓅᕖᕝᕙ 1, 2018−ᒥ ᒥᓂᔅᑕᐅᓚᐅᖅᓯᒪᔪᖅ ᑕᐃᓐᓇ ᒪᓕᒐᓕᐅᕐᕕᒻᒨᕆᔪᒻᒪᑦ ᐃᕕᖅᑎᐸᓪᓕᐊᔪᑦ ᓇᓗᓇᐃᖅᑐᐃᒍᑎᖓ ᑕᓪᓕᒪᑦ ᐊᕐᕌᒍᓄᑦ ᐋᖅᑭᑦᑕᐅᓯᒪᔪᖅ ᓴᙱᓕᖅᐹᓕᖅᑎᑦᑎᒍᑕᐅᒐᓱᓐᓂᐊᖅᑐᑦ ᐃᓄᐃᑦ ᐅᑉᐱᕆᔭᖏᓐᓂ ᐃᓗᐊᓂ ᓄᓇᕗᑦ ᒐᕙᒪᖓᑕ. ᖃᓄᕐᓕ ᐱᓕᕆᕕᓯ ᖃᐅᔨᓴᖅᓯᒪᕙ ᐋᖅᑭᑦᑕᐅᓯᒪᔪᖅ ᐊᑑᑎᖃᕐᓯᒪᒻᒪᖔᑕ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᖅᑯᑎᒋᓗᑎᑦ ᑐᖏᓕᕋ ᑐᕇᓴ ᕼᐃᐅᔅ ᑖᔅᓱᒥᖓ ᑭᐅᖁᔭᕋ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᑲᔪᓯᒋᐊᕆᑦ, ᒥᔅ ᕼᐃᐅᔅ. ᕼᐃᐅᔅ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐄ’, ᑖᓐᓇ ᓯᕗᓪᓕᖅᐹᑦᑎᐊᖑᓪᓗᓂ ᓴᖅᑭᑕᐅᓚᐅᖅᓯᒪᒻᒪᑦ ᖃᓄᒃᑲᓐᓂᖅ ᐃᓄᐃᑦ ᖃᐅᔨᒪᔭᑐᖃᖏᑦ ᒐᕙᒪᐅᑉ ᐃᓗᐊᓂ ᐊᑐᖅᑕᐅᑦᑎᐊᒃᑲᓐᓂᕈᓐᓇᕐᒪᖔᑕ, 2018 ᓯᕗᓪᓕᖅᐹᑦᑎᐊᖑᓪᓗᓂ ᓴᖅᑭᑕᐅᓪᓗᓂ. ᑕᐃᒪᙵᓪᓗ ᓴᖅᑭᑕᐅᓚᐅᕐᓂᖓᓂᒃ ᐃᕕᖅᑎᑉᐸᓪᓕᓪᐊᔪᓕᕆᔩᑦ ᒐᕙᒪᐅᑉ ᐃᓗᐊᓂ ᓴᖅᑭᑉᐸᓪᓕᐊᓕᓚᐅᖅᖢᑎᒃ. ᐃᓄᐃᑦ ᖃᐅᔨᒪᔭᑐᖃᖏᑦ ᓕᕆᔨᐅᓂᕋᖅᑕᐅᕙᓚᐅᖅᓯᒪᔪᑦ ᐃᕕᖅᑎᑉᐸᓪᓕᐊᔪᙳᖅᑎᒃᖢᑎᒍ ᓱᓕ ᐃᕕᖅᑎᑉᐸᓪᓕᐊᒐᑦᑕ ᒐᕙᒪᐅᑉ ᐃᓗᐊᓂ ᖃᓄᖅ ᑐᑭᓯᐅᒪᔭᐅᑦᑎᐊᕋᓗᐊᕐᒪᖔᑕ ᐃᓄᐃᑦ ᐃᓕᖅᑯᓯᖓ ᐃᓄᐃᑦ ᐅᖃᐅᓯᖓ ᐃᑉᐱᒋᔭᐅᑦᑎᐊᕋᓗᐊᕐᒪᖔᖅ ᐱᓂᐊᕐᓂᖏᑎᒍᑦ ᐅᑉᐱᕆᔭᖏᑦᑎᒍᓪᓗ. ᓴᖅᑭᑕᐅᓚᐅᖅᑎᓪᓗᒍ ᒪᓕᒃᑎᐊᕋᓱᒃᖢᑕ ᑭᓯᐊᓂ ᐅᓚᕕᓴᖅᑕᐅᓚᐅᖅᓯᒪᒐᑦᑕ ᐃᖅᑲᓇᐃᔭᖅᑎᑭᒃᓴᕐᓂᕐᒧᑦ ᑕᐃᒃᑯᐊᓗ ᖃᕋᓴᐅᔭᕗᑦ ᑭᓱᒍᕈᒻᒧᑦ ᐱᐅᙱᑦᑐᒍᓗᒻᒧᑦ ᐱᐅᒍᓐᓃᖅᑎᑕᐅᓚᐅᖅᓯᒪᒻᒪᑕ ᐱᓗ ᓄᕙᕐᔪᐊᕐᓈᓗᓪᓗ ᑎᑭᐅᑎᒋᓪᓗᓂ. ᐃᕕᖅᑎᖅᐸᓪᓕᐊᔪᑦ ᑐᑭᒧᐊᒃᑎᒃᑎᔨᓪᓗᐊᑕᕗᑦ ᓴᖅᑭᓚᐅᖅᓯᒪᓪᓗᓂ ᐃᖅᑲᓇᐃᔭᖅᑎᑖᕗᑦ ᕿᓚᒥᑯᓗᒃ ᑕᐃᑲᓃᖅᖢᓂ ᓄᖅᑲᑦᖤᓚᐅᖅᓯᒪᕗᖅ ᐊᒻᒪ ᐃᖅᑲᓇᐃᔭᖅᑎᑖᒃᑲᓐᓂᕋᓱᐃᓐᓇᖅᖢᑕ ᓴᖅᑭᔮᖅᑏᓐᓇᑲᑕᒃᖢᑎᒍᓪᓗ ᐃᖅᑲᓇᐃᔭᖅᑐᓕᕆᔨᒃᑯᑎᒍᑦ ᐱᓇᓱᒃᑐᖃᓗᐊᑲᑕᐅᓚᐅᖅᓯᒪᙱᒻᒪᑦ. ᓇᓂᓯᑦᖤᑕᐃᓐᓇᓚᐅᕋᓗᐊᕆᓪᓗᑕ ᐃᖅᑲᓇᐃᔭᖅᑎᒥᒃ ᑕᐃᑲᓂ ᐱᓕᕆᔨᐅᓂᐊᖅᑐᒥᒃ ᑭᓯᐊᓂ ᐱᐅᓂᖅᓴᒥᒃ ᐃᖅᑲᓇᐃᔮᖅᑖᕐᒥᒐᒥ ᓄᖅᑲᓚᐅᕆᓪᓗᓂ. ᑕᐃᒃᑯᐊ ᑐᑦᑕᕐᕕᓕᕆᔨᒃᑯᑎᒍᑦ ᐃᓄᐃᑦ ᖃᐅᔨᒪᔭᑐᖃᖏᑦ ᑲᑎᒪᔨᓕᕆᔨᑎᒍᓪᓗ ᑕᕝᕘᓇ ᒪᓕᒐᐃᑦ ᐊᑐᐊᒐᐃᑦ ᕿᒥᕐᕈᔭᐅᔭᕆᐊᓖᑦ ᑎᑎᖅᑕᐅᕙᓪᓕᐊᖃᑦᑕᖅᑐᑦ. ᓇᐅᒃᑯᓪᓗ ᑖᒃᑯᐊ ᐊᕕᒃᑐᖅᓯᒪᓂᖏᑦ ᒪᓕᒐᖃᖅᑐᓪᓘᓐᓃᑦ ᐊᑐᐊᒐᕐᒥᓂᓪᓗ ᐊᓯᔾᔨᖅᓯᓇᓱᒃᑐᑦ ᐊᑐᐊᒐᕐᒥᓂᒃ. ᑐᑭᓯᒋᐊᒃᑲᓐᓂᕈᓐᓇᖅᐳᒍᑦ ᖃᓄᖅ ᐃᓄᐃᑦ ᐱᓂᐊᕐᓂᖏᑦ ᐃᓄᐃᑦ ᐱᓕᕆᐊᖃᕈᓯᖏᑦ ᐊᑐᖅᑕᐅᑦᑎᐊᕋᓗᐊᕐᒪᖔᑕ ᑖᒃᑯᓄᖓ ᑐᑦᑕᕐᕕᒃᑯᑎᒍᑦ ᐅᕝᕙᓘᓐᓃᑦ ᐃᓄᐃᑦ ᖃᐅᔨᒪᔭᑐᖃᖏᑦ ᑲᑎᒪᔨᖏᑎᒍᑦ. ᑲᑏᓐᓇᖅᐸᒃᖢᑎᒃ ᐱᓇᓱᐊᕈᓰᒃ ᒪᕐᕈᑕᒫᑦ, ᑖᓐᓇ ᓯᕗᓪᓕᖅᐹᖅ ᐋᖅᑭᑦᑎᐊᒃᑲᓐᓂᕈᓐᓇᖅᑐᖅ, ᑭᖑᓪᓕᖅ ᑕᐃᒪ ᓴᖅᑭᒃᑯᓂ ᑕᐃᓐᓇ ᒪᓕᑦᑎᐊᒃᑲᓐᓂᕐᓂᐊᖅᑕᕗᑦ ᖃᓄᖅᑑᕈᑎᖃᒃᑲᓂᕐᓂᖅᓴᐅᓕᕐᓗᓂ ᐃᓗᐊᓂ. ᑕᐃᓐᓇ ᓯᕗᓪᓕᖅ ᐃᓱᓕᓯᒪᓕᕐᒪᑦ ᐃᓛᒃ ᐊᓯᔾᔨᓗᐊᕌᓗᔾᔮᙱᑦᑐᖅ ᓲᖃᐃᒻᒪ ᒐᕙᒪᐅᑉ ᐃᓗᐊᓂ ᐱᓕᕆᒐᓗᐊᕐᒪᖔᑦᑕ ᐊᒻᒪ ᐊᑐᐊᒐᖅᑎᒍᑦ ᐱᖁᔭᑎᒍᑦ ᒪᓕᒃᑎᐊᕋᓗᐊᕐᒪᖔᑦᑕ ᐱᔨᑦᑎᕋᖅᑎᐊᕋᓗᐊᕐᒪᖔᑕᓗ ᓄᓇᓕᓐᓄᑦ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 38 ᑕᒃᑯᐊ ᐱᖓᓱᓪᓗᐊᑕᐅᒻᒪᑕ ᐃᓗᐊᓂ. ᐊᑐᓕᖁᔭᐅᔪᑦ ᑖᒃᑯᐊ ᒪᓕᒃᑎᐊᕐᓂᐊᖅᑕᕗᑦ ᑭᖑᓪᓕᕐᒥ ᓴᖅᑭᑉᐸᑦ ᓄᑖᖅ ᑕᐃᓐᓇ ᐃᕕᖅᑎᑉᐸᓪᓕᐊᔪᖅ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ ᕼᐃᐅᔅ. ᒥᔅᑕ ᖃᒪᓂᖅ, ᑲᔪᓯᒋᑦ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ ᐅᓂᒃᑳᕋᕕᑦ. (ᑐᓵᔨᑎᒎᓕᖅᑐᖅ) ᐱᓕᕆᕝᕕᓯ 2026-2030 ᐸᕐᓇᐅᑎᒋᔭᓯ ᐅᖃᖅᓯᒪᒻᒪᑕ ᓯᕗᓪᓕᐅᔾᔭᐅᔪᑦ ᐃᓚᖓᓐᓂᒃ 2027- 2028 ᖃᕋᑕᐅᔭᕐᒨᖅᑕᐅᓗᑎᒃ ᐊᓪᓚᔅᓯᒪᔪᑦ ᐃᓕᓴᐅᑏᑦ ᓂᐱᐅᓕᐅᖅᑕᐅᓯᒪᔪᑦ ᑕᕐᕆᔭᓕᐅᖅᑕᐅᓯᒪᔪᓪᓗ ᑖᒃᑯᓄᖓ ᐃᓄᐃᑦ ᐃᓕᖅᑯᓯᓕᕆᔨᒃᑯᖏᓐᓄᑦ ᑐᙵᕕᖏᓐᓂ ᑲᒪᔪᓄᑦ. ᓇᑭᙶᖅᓯᒪᕙᑦ ᑕᒪᒃᑯᐊ ᑐᙵᕕᖏᓐᓂᒃ ᐱᓯᒪᕙᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᓪᓚᑦᓯᓚᓱᒃᑲᑦᑕ ᖃᕆᑕᐅᔭᕐᒨᕐᓗᒋᑦ ᐃᓄᐃᑦ ᑐᙵᕕᖏᑦ ᓄᐊᑕᐅᓯᒪᔪᑦ ᑐᓴᐅᒪᑎᑦᑎᓂᕐᒧᑦ ᑕᐃᒫᒃ ᐱᕙᓪᓕᐊᓕᖅᐳᒍᑦ ᐊᔭᐅᖅᑐᐃᓇᓱᒃᑐᑕ ᑲᔪᖏᖅᓴᐃᒍᑎᒋᓇᓱᑦᑐᒋᑦ ᐃᓄᐃᑦ ᓴᓇᐅᒐᖏᑦ ᓴᓇᙳᐊᒐᑦ ᑲᑎᑕᐅᓯᒪᔪᑦ 2028-2029-ᒥ ᐱᒍᒫᕐᓂᐊᖅᑐᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ, ᐄ’, ᖁᔭᓐᓇᒦᒃ ᑭᐅᒐᕕᑦ. (ᑐᓵᔨᑎᒎᓕᖅᑐᖅ) ᐱᓕᕆᕝᕕᓯ 2026-2030 ᐸᕐᓇᐅᑎᒋᔭᓯ ᓯᕗᓪᓕᐅᔾᔭᐅᒻᒪᑦ 2029-ᒧᑦ ᐅᖃᖃᑎᒌᑉᐸᓪᓕᐊᓕᕐᓗᓯ ᐅᖃᖃᑎᖃᖅᐸᓪᓕᐊᓕᕐᓗᓯ ᐃᕕᖅᑎᑉᐸᓪᓕᐊᔪᑦ ᐋᖅᑭᑦᑕᐅᓯᒪᔪᒧᑦ. ᖃᓄᑎᒋᒃ ᑕᐃᒪ ᑕᐃᓐᓇ ᐋᖅᑭᒃᓯᒪᓂᐅᓂᐊᓕᖅᑐᖅ ᐊᔾᔨᐅᙱᓛᖅᐸ ᐱᑐᖃᐅᔪᒥᒃ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. (ᑐᓵᔨᑎᒎᕈᓐᓃᖅᑐᖅ) ᑖᓐᓇ ᓱᓕ ᐸᕐᓇᒃᑕᐅᕙᓪᓕᐊᒻᒪᑦ ᑖᓐᓇ ᖃᓄᐃᓕᐅᖃᑦᑕᕐᒪᖔᑦᑕ ᑕᑯᓇᑦᑕᐅᑦᑎᐊᓚᐅᕐᓗᓂ ᑭᐅᔪᓐᓇᖅᓯᔭᐅᑦᑎᐊᓛᖅᖢᓂ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᒥᔅᑕ ᖃᒪᓂᖅ, ᑲᔪᓯᒋᑦ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᑐᓴᕋᑦᓴᖅ ᐊᓪᓚᑕᐅᓯᒪᔪᖅ ᐃᓕᖅᑯᓯᓕᕆᔨᒃᑯᓐᓄᑦ ᑖᒃᑯᐊ ᑐᑦᑕᕐᕖᑦ ᑲᑎᙶᑦᑐᑦ ᑎᒥᐅᔪᓂᒃ ᒐᕙᒪᒃᑯᓐᓂᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᑲᒪᔨᖃᖅᓱᑎᒃ ᐊᑐᓂᒃ ᒐᕙᒪᒃᑯᑦ ᑎᒥᖁᑎᖏᓐᓂᒃ. ᑐᓴᕋᔅᓴᐃᑦ ᐊᓪᓚᑕᐅᓚᐅᖅᑐᑦ ᐃᓕᖅᑯᓯᓕᕆᔨᒃᑯᓐᓄᑦ ᑕᑯᑎᑦᓯᓚᐅᕐᒥᔪᑦ ᐊᑕᐅᓯᐅᙱᑦᑐᖅ ᒐᕙᒪᒃᑯᑦ ᑎᒥᖁᑎᖏᑦ ᐃᓂᒋᔭᖏᑦ ᐃᓐᓄᒃᑕᐅᓯᒪᙱᒻᒪᑕ. ᖃᖓᒃᑯᒃᑭᐊᖅ ᑕᐃᒪ ᑖᒃᑯᐊ ᐃᓂᖏᑦ ᐃᓐᓄᒃᑕᐅᓛᖅᐸᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᖅᑯᑎᒋᓗᑎᑦ ᑖᓐᓇ ᑐᖏᓕᕋ ᒥᔅ ᑐᕇᓴ ᕼᐃᐅᔅ ᑭᐅᒍᓐᓇᖁᓪᓗᒍ. ᖁᔭᓐᓇᒦᒃ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 39 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ. ᐊᑏ, ᑲᔪᓯᒋᑦ ᒥᔅ ᕼᐃᐅᔅ. ᕼᐃᐅᔅ: ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᒃᑯᐊ ᐃᖅᑲᓇᐃᔭᖅᑏᑦ ᐃᖅᑲᓇᐃᔭᕐᒪᑕ ᐅᕙᑦᑎᓐᓅᙱᑦᑐᖅ ᒐᕙᒪᐅᑉ ᐃᓗᐊᓂ ᐊᕕᒃᑐᖅᓯᒪᔪᓄᑦ ᐃᖅᑲᓇᐃᔭᖅᑎᐅᒻᒪᑕ. ᑕᐃᒃᑯᐊ ᐃᕕᖅᑎᒃᐸᓪᓕᐊᔪᓕᕆᔨᖃᙱᑦᑐᑦ ᐅᕝᕙᓘᓐᓃᑦ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᐃᖅᑲᓇᐃᔭᖅᑎᖃᙱᑦᑐᑦ. ᐊᓯᖓᓂᒃ ᖃᐃᖁᔨᓲᖑᒐᓗᐊᕐᒥᔪᑦ ᓲᕐᓗ ᐊᑐᐊᒐᓕᕆᔨᒥᒃ ᐃᕕᖅᑎᑉᐸᓪᓕᐊᔪᓕᕆᔨᖃᙱᑉᐸᑕ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᐃᖅᑲᓇᐃᔭᖅᑐᒥᒃ ᐱᖃᙱᑉᐸᑕ ᐊᓯᐊᓂ ᐊᑐᐊᒐᓕᕆᔨᒥᒃ ᖃᐃᖁᔨᓲᖑᒐᓗᐊᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ ᕼᐃᐅᔅ. ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ, ᖁᔭᓐᓇᒦᒡᓗ. (ᑐᓵᔨᑎᒎᓕᖅᑐᖅ) ᐱᓕᕆᕕᓯ ᐊᖏᖅᑕᐅᓚᐅᖅᑐᑦ 2025- 2026-ᒧᑦ ᐸᕐᓇᐅᑏᑦ ᐅᖃᖅᓯᒪᒻᒪᑕ ᓯᕗᓪᓕᐅᔾᔭᐅᔪᑦ ᐃᓚᖓᓐᓂᒃ 2025-ᒥ ᑲᔪᓰᓐᓇᕋᔭᕐᓗᑎᒃ ᑐᑭᒧᐊᑦᑎᑦᑏᓐᓇᕐᓗᑎᓪᓗ ᐃᓄᐃᑦ ᖃᐅᔨᒪᔭᑐᖃᖏᑦ ᑲᑎᒪᔨᖏᓐᓂᒃ ᐊᒻᒪᓗ ᑐᑦᑕᕐᕕᒃᑯᑦ ᓄᓇᕗᑦ ᒐᕙᒪᒃᑯᑦ ᐊᑐᐊᒐᖏᓐᓂᒃ ᒪᓕᒐᓕᐅᕈᓯᖏᓐᓂᓪᓗ. ᖃᓄᐃᓕᖓᓕᖅᐸ ᑖᓐᓇ ᓯᕗᓪᓕᐅᔾᔭᐅᓯᒪᓂᖓ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑐᑭᓯᓯᒪᓪᓗᖓ ᑖᓐᓇ ᑐᖏᓕᒻᒪ ᑭᐅᖅᑲᐅᔭᕋᓗᐊᖓ, ᑭᓯᐊᓂ ᑭᐅᒃᑲᓂᕐᓂᐊᓕᖅᐸᐅᒃ ᐊᐱᖅᑯᑎᐅᔪᖅ, ᐊᔪᕐᓇᖏᑉᐸᑦ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ. ᒥᔅ ᕼᐃᐅᔅ ᑲᔪᓯᒋᑦ. ᕼᐃᐅᔅ: ᖁᔭᓐᓇᒦᒃ, ᐃᒃᓯᕙᐅᑖᖅ. ᒫᓐᓇ ᒐᕙᒪᓕᕆᔨᒃᑯᑦ ᐊᑐᐊᒐᖏᓐᓂᒃ ᓴᖅᑮᓚᐅᖅᓯᒪᒻᒪᑕ ᓇᐅᒃᑯᑦ ᒐᕙᒪᐃᑦ ᐊᕕᒃᑐᖅᓯᒪᔭᖏᑦ ᓴᖅᑮᓕᕐᓂᖅᐸᑕ ᐊᑐᐊᒐᕐᒥᒃ ᐅᕝᕙᓘᓐᓃᑦ ᐱᖁᔭᒥᒃ ᓇᐅᒃᑯᑦ ᑐᑦᑕᕐᕕᒃᑯᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᒃᑯᑦ ᐃᓚᐅᔪᓐᓇᕋᔭᕐᒪᖔᑕ, ᑕᐃᑰᓇ ᓴᖅᑭᓯᒪᓕᕇᖅᑐᑦ ᒐᕙᒪᓕᕆᔨᒃᑯᑦ ᐊᑐᐊᒐᐃᑦ ᒪᓕᒐᖏᑎᒍᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ ᕼᐃᐅᔅ. ᒥᔅᑕ ᖃᒪᓂᖅ, ᓱᓕ ᐊᐱᖅᑯᑎᑦᓴᑦ? ᑲᔪᓯᒋᑦ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ, ᖁᔭᓐᓇᒦᒃ. ᐊᐱᕆᔭᐅᖅᑲᐅᔫᒐᓗᐊᓂᒃ ᐊᐱᕆᒃᑲᓐᓂᖃᑦᑕᓕᕐᓂᕋᒪ. (ᑐᓵᔨᑎᒎᓕᖅᑐᖅ) ᐱᓕᕆᕝᕕᓯ ᐊᖏᖅᑕᐅᓯᒪᔪᑦ 2025-2026 ᐸᕐᓇᐅᑎᓂᒃ ᓯᕗᓪᓕᐅᔾᔭᐅᓯᒪᔪᑦ ᐃᓚᖓ 2025-ᒥ ᑐᙵᓱᑦᑎᑦᑎᓯᒪᓪᓗᑎᒃ ᑲᑎᒪᓂᕐᔪᐊᕐᒥ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᑭᕙᓪᓕᕐᒥ. ᑐᓴᖅᑎᒍᓐᓇᖅᐱᑎᒎ ᖃᓄᐃᓕᖓᓕᕐᒪᖔᖅ ᑖᓐᓇ ᐱᓕᕆᐊᖑᓯᒪᔪᖅ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ ᑯᓄ, ᑭᐅᔭᐅᖅᑰᖅᑲᐅᒻᒥᔪᖅ ᑖᓐᓇ ᐃᖃᓗᓐᓄᑦ ᓅᑕᐅᓯᒪᔪᖅ ᑎᓯᐱᕆ 2, 2026-ᒥ. ᑕᐃᑲᓂ ᐱᓂᐊᕐᓂᐅᑕᐃᓐᓇᕈᒫᖅᑐᖅ, ᒥᔅᑕ ᖃᒪᓂᖅ. ᖁᔭᓐᓇᒦᒃ. ᐊᓯᖏᑦ ᓱᓕ ᐊᐱᖅᑯᑎᑦᓴᐃᑦ? ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐅᖃᖅᑲᐅᒐᓗᐊᖅᐳᖓ ᐊᐱᖅᑯᓯᐅᖅᑲᐅᔪᓂᒃ ᐊᐱᖅᓱᕐᓂᐅᓴᓕᕋᒪ. ᐅᓇ ᑭᖑᓪᓕᖅᐹᖅ. ᖁᔭᓐᓇᒦᒃ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᐱᓕᕆᕝᕕᓯ ᐊᖏᖅᑕᐅᓯᒪᔪᑦ 2025-2026 ᐸᕐᓇᐅᑎᓂᒃ ᓯᕗᓪᓕᐅᔾᔭᐅᓯᒪᔪᑦ ᐃᓚᖓ 2025-ᒥ ᐱᒋᐊᖅᑎᑦᓯᓗᑎᒃ ᖃᕆᑕᐅᔭᒃᑯᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐱᓕᒻᒪᔅᓴᐅᑎᐅᔪᓐᓇᕐᓂᐊᖅᑐᒥᒃ ᒐᕙᒪᒃᑯᓐᓄᑦ

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 40 ᐃᖅᑲᓇᐃᔭᖅᑎᖏᓐᓄᑦ. ᖃᓄᐃᓕᖓᓕᖅᐸ ᑖᓐᓇ ᐃᖅᑲᓇᐃᔮᖑᔪᖅ? (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᖅᑯᑎᒋᓗᑎᑦ ᑖᓐᓇ ᑐᖏᓕᕋ ᔩᓂ ᐋᕆᐊᒃ−ᖁᓪᓗᐊᓕᒃ ᑭᐅᔪᓐᓇᖅᐸᒍ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᔪᓯᒋᑦ, ᒥᔅ ᐋᕆᐊᒃ−ᖁᓪᓗᐊᓕᒃ. ᐋᕆᐊᒃ−ᖁᓪᓗᐊᓕᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᒃᑯᐊ ᐃᓄᐃᑦ ᖃᐅᔨᒪᔭᑐᖃᖏᑦ ᒫᓐᓇᐅᔪᖅ ᖃᕋᓴᐅᔭᒃᑯᑦ ᐃᑭᐊᖅᑭᔾᔪᑎᑎᒍᓪᓗ ᐃᓕᓐᓂᐊᖅᑕᐅᔪᓐᓇᓲᑦ.

Information sessions online, ᐱᑕᖃᖅᖢᓂ ᒐᕙᒪᐅᑉ ᐃᓗᐊᓂ ᐊᒻᒪᓗ ᑲᑎᒪᑎᑕᐅᓲᖑᓪᓗᑎᒃ ᐊᑐᐃᓐᓇᐅᓕᕌᖓᑦ ᐃᓐᓇᕐᒥᑦ ᖃᐅᔨᒪᔪᒥᓪᓘᓐᓃᑦ ᐅᖃᓪᓚᒃᑎᑕᐅᔪᖃᖅᐸᒃᖢᓂ ᑕᐃᒫᒃ ᒫᓐᓇ ᐃᓛᒃ. ᑕᕝᕙᓂ ᐊᕌᒎᔪᒥ ᕖᕗᐊᕆᐅᑎᓪᓗᒍ ᐃᓄᐃᑦ ᖃᐅᔨᒪᔭᑐᖃᖏᑦ ᑕᐃᒪᓐᓇ ᐃᓕᓐᓂᐊᖅᑎᑦᑎᓚᐅᕐᒪᑕ ᐊᒻᒪ ᐅᓇ ᖃᓪᓗᓈᑎᑐᑦ ᐊᑦᑎᖅᑕᐅᓯᒪᓚᐅᖅᑐᖅ ᓱᓕ ᐃᓅᕗᒍᑦ. ᑕᐃᒪᓐᓇ ᐊᑎᖃᖅᑎᑕᐅᓪᓗᓂ, ᓵ ᐱᑦᓯᐅᓛᖅ ᐃᖅᑲᓇᐃᔭᖅᑎᒋᔭᕗᑦ ᑖᔅᓱᒥᖓ ᑲᒪᓚᐅᖅᖢᓂ. ᑕᐃᒪᓐᓇᐃᑦᑐᓂᒃ ᐱᑕᖃᑲᑕᖃᑦᑕᖅᑐᖅ ᐊᒻᒪ ᐃᖅᑲᓇᐃᔭᖅᑏᑦ ᒐᕙᒪᒃᑯᓐᓄᑦ ᐊᑎᓕᐅᖃᑦᑕᕈᓐᓇᕐᒥᔪᑦ ᐃᓕᓐᓂᐊᖃᑕᐅᔪᒪᓕᕌᖓᑕ ᑕᐃᑲᓂ, ᐃᓕᓐᓂᐊᒐᒃᓴᐃᑦ ᒪᓕᒡᓗᒋᑦ ᐊᑎᓕᐅᕈᓐᓇᖃᑦᑕᖅᑐᑦ, ᑕᖅᑭᑦ ᐊᐃᑉᐱᑕᒫᖑᖅᑰᖅᑐᖏᒃᑯᐊ ᑕᕝᕙᓂ ᐊᕐᕌᒎᑉ ᐃᓗᐊᓂ ᐱᑕᖃᐃᓐᓇᓲᑦ ᐊᑎᓕᐅᕐᕕᐅᔪᓐᓇᖅᑐᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᓄᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ ᐋᕆᐊᒃ−ᖁᓪᓗᐊᓕᒃ. ᒥᔅᑕ ᖃᒪᓂᖅ, ᐊᐱᖅᑯᑎᓴᖃᒃᑲᓂᖅᑮᑦ? ᖁᔭᓐᓇᒦᒃ. ᐊᑎᖁᑎᓐᓃᒻᒥᔪᖅ ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᐱᖅᑯᑎᖃᙳᓱᑦᑐᖓ, ᐃᓐᓇᕐᓄᓪᓗ ᒪᒃᑯᑦᑐᓄᓪᓗ ᐃᓪᓗᖁᑏᑦ, ᑖᓐᓇ ᑕᕝᕙᓂ ᐱᔭᔅᓴᕆᔭᐅᔪᒥ ᑐᔅᓯᕋᐅᑎᒋᔭᓯᓐᓇᕐᖓᑦ ᑮᓇᐅᔭᒥᑦ ᐃᓚᒋᔭᐅᒻᒪᑦ. ᑖᓐᓇ ᑐᒃᓯᕋᕆᐊᖃᓲᖑᕙᓪᓚᐃᔪᖅ ᑖᓐᓇ ᑐᕌᖓᓪᓗᓂ ᑖᒃᑯᓄᖓ ᐃᓐᓇᕐᓄᑦ ᒪᒃᑯᑦᑐᓄᓪᓗ, ᐃᓪᓗᖁᑎᖏᓐᓄᖅᑲᐃ ᐱᓕᕆᕕᖏᓐᓄᑦ ᑐᓐᓂᖅᓯᐅᑕᐅᒍᓐᓇᖅᑐᖅ. ᑕᕝᕙᖓ ᑎᑭᐅᒪᒻᒪᑦ $200,000, ᐊᒻᒪ ᓱᓕᒃᑲᓐᓂᖅ $600,000 ᐱᓕᕆᔾᔪᑎᓄᑦ ᐃᑲᔫᑕᐅᔪᒫᕐᓂᐊᖅᑐᓄᑦ ᐃᓂᖃᑦᑎᐊᖁᓪᓗᒋᖅᑲᐃ ᓄᓇᓖᑦ ᐃᓗᐊᓂ, ᐱᔾᔪᑎᖃᖅᑎᓪᓗᒋᑦ ᐃᓐᓇᓄᓪᓗ ᒪᒃᑯᑦᑐᓄᓪᓗ. ᑖᓐᓇ ᓇᓗᓇᖅᑕᐅᒋᐊᒃᑲᓐᓂᕈᓐᓇᖅᑳ ᒪᕐᕈᔮᕐᖓᑎᒃ ᑖᒃᑯᐊ ᑲᑎᓪᓗᒋᖅᑲᐃ $800,000-ᖑᒐᔭᖅᑐᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᖅᐸᕋ ᐊᐱᖅᑯᑎᒋᒻᒪᒍ. ᑖᓐᓇ ᑐᓂᔾᔪᓯᐊᖑᕙᑦᑐᓂ ᐃᑲᔫᑎᓄᑦ ᑲᑎᑦᑐᒋᑦ $600,000-ᒦᑉᐳᖅ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ. ᑲᔪᓯᒋᑦ, ᒥᔅᑕ ᒪᐃᒃ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 41 ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᒃᑯᐊ ᑮᓇᐅᔭᐃᑦ $600,000 ᑐᕌᖓᕙᓗᒻᒪᑕ ᐱᓕᕆᐊᔅᓴᐅᔪᓄᑦ, ᐱᓕᕆᔾᔪᑕᐅᒍᓐᓇᕐᓗᑎᑦ, ᓱᓇᕈᓘᔭᕐᓄᑦ ᐅᕝᕙᓘᓐᓃᑦ ᐊᑭᑦᑐᔪᒧᑦ. ᑭᓱᓪᓚᕆᓄᓄᓇ ᑐᕌᖓᔫᒐᓗᐊᖅ ᑮᓇᐅᔭᖅ $600,000. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ: ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᓐᓇ ᑭᓱᑐᐃᓐᓇᕐᒧᑦ ᑐᕌᖓᔪᖅ, ᓲᕐᓗ ᖃᕋᓴᐅᔭᖅᑖᕈᒪᓐᓂᖅᐸᑕ ᐅᕝᕙᓗᓐᓃᑦ ᐃᒃᓯᕙᐅᑕᕐᓂᑦ, ᑭᓱᑐᐃᓐᓇᕐᓂᑦ. ᖃᓄᐃᑦᑐᓂᑦ ᐱᑖᕈᒪᓐᓂᖅᐸᑕ ᑐᕌᖓᔪᖅ ᑖᒃᑯᓄᖓ ᐱᔪᒪᔭᖏᓐᓄᑦ ᑖᒃᑯᐊ ᒪᒃᑯᑦᑐᓪᓗ ᐃᓐᓇᐃᑦ ᑲᑎᒪᔨᑦ ᐱᓕᕆᕝᕕᖏᓐᓄᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᐊᑎᖁᑎᖃᙱᑕᐃᓐᓇᕋᒪ ᒫᓐᓇ. ᒪᓕᒐᓕᐅᖅᑏᑦ ᐊᖏᖅᐸᑦ ᐃᓕᖅᑯᓯᓕᕆᔨᒃᑯᑦ ᑲᑎᑦᑐᒋᑦ ᐊᐅᓚᔾᔪᑎᓄᑦ ᐋᖅᑭᐅᒪᐃᓐᓇᕈᑎᓄᓪᓗ $11,338,000? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᒃᐱᒐᓅᕐᓗᓯ F-3. ᒪᓕᒐᓕᐅᖅᑏᑦ ᐊᖏᖅᐸᑦ ᐃᓕᖅᑯᓯᓕᕆᔨᒃᑯᑦ 2026- 2027 ᑮᓇᐅᔭᖅᑐᕈᑎᒃᓴᑦ ᑲᑎᑦᑐᒋᑦ ᐊᐅᓚᔾᔪᑎᓄᑦ ᐋᖅᑭᐅᒪᐃᓐᓇᕈᑎᓄᓪᓗ $34,550,000? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑏᑦ ᐊᖏᖅᐸᑦ ᐱᐊᓂᒃᑲᑦᑎᒍ ᐃᓕᖅᑯᓯᓕᕆᔨᒃᑯᑦ ᐃᑦᑕᕐᓂᓴᓕᕆᔨᒃᑯᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᑐᕈᑎᖃᖅᐲᑦ, ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ ᒪᓕᒐᓕᐅᖅᑏᑦ. ᐊᐱᖅᑯᑎᔅᓴᖃᑦᑐᓪᓚᕆᐊᓘᒐᔅᓯ ᐱᒻᒪᕆᐅᑎᑦᑎᔪᓯ ᐃᓄᒃᑎᑐᑦ ᐊᒻᒪ ᐃᓄᐃᑦ ᐃᓕᖅᑯᓯᓕᕆᓂᖏᓐᓂ, ᐱᕕᔾᔪᐊᖅᑐᓯ ᖃᐅᔨᒪᑦᑎᐊᖅᐳᖓ. ᖃᐅᔨᓇᖅᓯᑎᐊᖅᐳᖅ ᑕᒪᓐᓇ ᐱᕕᔾᔪᐊᖑᒻᒪᑦ ᓄᓇᕗᒻᒥᐅᑕᐅᔪᓄᑦ ᐊᒻᒪ ᐊᑑᑎᖃᓪᓚᕆᒃᖢᓂ ᑕᒪᓐᓇ ᐃᓄᒃᑎᑑᖃᑦᑕᕐᓂᖅ, ᐃᓅᓂᑦᑎᓐᓂ ᐳᐃᒍᖅᑕᐃᓕᒪᓂᖅ ᑕᒪᓐᓇ ᐱᕕᔾᔪᐊᖑᓪᓚᕆᒻᒪᑦ, ᑕᒪᓐᓇᓗ ᐱᓕᕆᐊᕇᓐᓇᐸᖅᖢᑎᒍ. ᐊᒻᒪ ᑖᒃᑯᐊ ᐃᖅᑲᓇᐃᔭᖅᑎᖏᑦ, ᐃᖅᑲᓇᐃᔭᖅᑎᑭᔅᓴᕋᓗᐊᖅᑐᑎᑦ, ᐱᓕᕆᑦᑎᐊᑐᓪᓛᓘᒻᒪᑕ ᐱᔭᒃᓴᓕᒻᒪᕆᐅᖃᑦᑕᕋᓗᐊᖅᖢᑎᑦ. ᐱᓕᕇᓐᓇᕐᒪᑕ, ᐊᒻᒪ ᑎᑎᕋᕐᕕᖓ ᐃᑭᓚᐅᖅᓯᒪᒐᓗᐊᖅᑐᓂ ᐃᓂᖃᓚᐅᑲᒻᒪᑕ ᒫᓐᓇ, ᐊᒻᒪᓗ ᑖᓐᓇ ᐃᓕᖅᑯᓯᓕᕆᕝᕕᒃ ᐱᑕᖃᕆᐊᖃᓪᓚᕆᓐᓂᖓ ᐱᓕᕆᐊᕆᔭᐅᖏᓐᓇᕐᒪᑦ, ᑕᒪᓐᓇᓗ ᓯᕗᓂᒃᓴᑎᓐᓄᑦ ᐃᒡᓗᑖᑦᑎᐊᖁᔪᒥᓇᖅᖢᑎᑦ ᑖᒃᑯᐊ ᐱᑐᖃᒃᓴᔭᐃᑦ ᑕᐅᕙᓃᒻᒪᑕ ᐋᑐᕚᒥᓗ ᐅᐃᓂᐸᐃᒡᒥᓗ, ᑕᐃᒃᑯᐊ ᑕᒪᐅᙵᕆᐊᖃᕋᓗᐊᕐᒪᑕ. ᑕᐃᒃᑯᐊ ᓯᕗᓂᒃᓴᑎᓐᓄᑦ ᖃᖓᑦᑎᐊᐸᓗᒃᑯᑦ ᓂᕆᐅᒃᑲᓗᐊᖅᐳᒍᑦ ᑖᓐᓇ ᐱᑕᖃᓛᕐᓂᐊᕐᓂᖓᓂ. ᖁᔭᓐᓇᒦᑦᑎᐊᖅᐳᖓ ᐊᐱᖅᑯᑎᒃᓴᐃᑦ ᐱᐅᒋᓐᓂᑖᖅᑲᐅᒐᔅᓯᐅᒃ ᐃᑲᔪᖅᑐᑦᑎᐅᑦᑎᐊᕋᑦᑕᓗ. ᑕᒪᓐᓇ ᓯᕗᓂᔅᓴᕗᑦ ᐃᓄᒃᑎᑑᖏᓐᓇᕆᐊᖃᕐᓂᖅ ᑕᒪᓐᓇ ᐱᕕᔾᔪᐊᕆᔭᕋᑦᑎᒍ ᖁᔭᓕᑦᑎᐊᖅᐳᒍᑦ ᐊᐱᖅᑯᑎᖃᓚᐅᕋᔅᓯ ᐊᒻᒪ ᐃᑲᔪᖅᑐᕋᔅᓯ ᑖᔅᓱᒧᖓ ᐃᓕᖅᑯᓯᓕᕆᔨᒃᑯᓐᓄᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. >>ᐸᑦᑕᑐᖅᑐᑦ

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 42 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ. ᐃᖅᓱᖅᑏ, ᐊᓂᑎᒍᓐᓇᖅᓯᑐᐊᕈᕕᒋᑦ ᑯᐃᖅᑯᔭᐅᓯᒪᔪᑦ. 10 ᒥᓂᑦᓯᒥᒃ ᓄᖅᑲᖔᑲᐃᓐᓇᓂᐊᖅᐳᒍᑦ ᕿᒥᕐᕈᓯᒋᐊᓚᐅᙱᓂᑦᑎᓐᓂ 2026-2027 ᑮᓇᐅᔭᖅᑐᕈᑎᔅᓴᖏᑕ ᒪᓕᒐᓕᕆᔨᒃᑯᑦ. ᖁᔭᓐᓇᒦᒃ. >>ᑲᑎᒪᑐᐃᓐᓇᕐᓂᖅ ᓄᖅᑲᖓᑲᐃᓐᓇᖅᑐᖅ 16:37 ᐊᒻᒪ ᐱᒋᐊᒃᑲᓂᖅᑐᑎᑦ 16:51 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ ᐅᑎᕋᔅᓯ. ᒥᓂᔅᑕ ᕼᐃᒃᔅ, ᐃᖅᑲᓇᐃᔭᖅᑎᓂᑦ ᑕᑉᐸᐅᖓᖁᔨᕖᑦ? ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖃᓄᐃᔅᓴᖏᑯᑎ ᑲᑎᒪᔩᑦ, ᐄ’. ᐃᒃᓯᕙᐅᑕᖅ (ᑐᓵᔨᑎᒍᑦ): ᑲᑎᒪᔩᑦ ᐊᖏᖅᐱᓰ ᒥᓂᔅᑕ ᐃᖅᑲᓇᐃᔭᖅᑎᖏᑦ ᓵᓯᓐᓄᐊᖁᓪᓗᒋᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐃᖅᓱᖅᑏ, ᐅᑯᐊ ᐃᓯᖅᑎᓚᐅᒃᑭᑦ. ᑎᑎᕋᖅᓯᒪᓂᐊᕐᒪᑕ, ᒥᓂᔅᑕ ᐅᑯᐊ ᐃᖅᑲᓇᐃᔭᖅᑎᑎ ᑭᓇᒃᑰᒻᒪᖔᑕ ᒪᑐᐃᕈᑎᑎᓪᓗ ᐅᖃᐅᓯᕆᓚᐅᒃᑭᑦ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ ᐊᒻᒪᓗ ᑲᑎᒪᔨᕋᓛᑦ. ᑲᑎᒪᔨᕋᓛᑦ ᓵᖓᓐᓃᑉᐳᖓ ᐅᓪᓗᒥ ᐅᖃᐅᓯᖃᕆᐊᖅᑐᖅᖢᖓ ᒪᓕᒐᓕᕆᔨᒃᑯᑦ 2026-2027−ᒥ ᐊᑭᑐᔫᑎᓄᑦ ᐊᑐᖅᑐᓴᓂᒃ ᐱᓕᕆᐊᒃᓴᓄᓪᓗ ᐸᕐᓇᐅᑎᒥᒃ. ᐅᓪᓗᒥ ᑕᕝᕙᓃᖃᑎᒋᔭᒃᑲ ᒥᓂᔅᑕᐅᑉ ᑐᒡᓕᐊ, ᑯᕆᔅᑏᓐ ᐃᐅᓪᔅᕘᑦ, ᐊᒻᒪ ᒥᓂᔅᑕᐅᑉ ᑐᒡᓕᐊᑕ ᐃᑲᔪᖅᑎᖓ ᑭᒃᑯᑐᐃᓐᓇᓂᒃ ᐊᑦᑕᕐᓇᖅᑕᐃᓕᒪᑎᑦᑎᓂᕐᒧᑦ, ᐋᓐᑐᕉ ᐸᓛᒃᑖᕐ. ᐊᖏᖅᑕᐅᔪᒪᔪᒍᑦ $182,814,000−ᓂᒃ ᐊᐅᓚᑦᑎᔾᔪᑎᓄᑦ ᐋᖅᑭᐅᒪᔾᔪᑎᓄᓪᓗ 2026-2027 ᑮᓇᐅᔭᓕᕆᓐᓇᐅᑉ ᐊᕐᕌᒍᖓᓂ, ᐅᓄᖅᓯᒋᐊᖅᓯᒪᓪᓗᓂ $8,899,000−ᓂᒃ ᐅᕝᕙᓘᓐᓃᑦ 5%−ᒥᒃ 2025-2026 ᐊᕐᕌᒍᖓᓂ. ᑐᒃᓯᕋᐅᑕᐅᓯᒪᔪᑦ ᐊᑭᓕᖅᓱᕆᐊᓕᖕᓄᑦ ᐅᑯᓂᖓ ᐋᖅᑭᒋᐊᖅᑕᐅᔪᓂᑦ: • ᐅᓄᖅᓯᒋᐊᖅᑕᐅᓂᖏᑦ $6,400,000 ᑐᒃᓯᕌᕆᔭᐅᕗᑦ ᐊᐅᓚᔾᔪᑎᒃᓴᒃᑲᓐᓂᕐᓄᑦ ᐃᑲᔪᖅᑐᐃᔾᔪᑎᒃᓴᓂᒃ ᓄᓇᕗᒻᒥ ᐸᓖᓯᒃᑯᓐᓄᑦ ᐊᖅᑯᑎᒋᔭᐅᓗᑎᒃ ᐊᕕᑦᑐᖅᓯᒪᓂᐅᔪᓄᑦ ᐸᓖᓯᓄᑦ ᐱᔨᑦᑎᕋᐅᑎᓄᑦ ᐊᖏᖃᑎᒌᒍᑎᒃᑯᑦ. ᐅᑯᓂᖓ ᐃᓚᖃᖅᐳᑦ: • ᐊᕐᕌᒍᓄᑦ ᐱᖓᓱᓄᑦ, $1.15 ᒥᓕᐊᓐ ᐊᕐᕌᒍᑕᒫᑦ ᑮᓇᐅᔭᖃᖅᑎᑦᑎᓂᖅ ᓴᙱᒃᑎᒋᐊᕐᓗᒍ ᐊᑐᓕᖅᑎᑦᑎᓂᖅ ᐋᖓᔮᕐᓇᖅᑐᓂᒃ ᓂᐅᕕᐊᒃᓴᖃᖅᐸᒃᑐᓄᑦ, ᒪᓕᒐᕐᓂᒃ ᓱᕋᐃᓪᓗᑎᒃ ᐃᒥᐊᓗᖕᓂᒃ ᓂᐅᕕᐊᒃᓴᖃᖅᐸᒃᑐᓄᑦ, ᐊᒻᒪ ᐋᓐᓂᖅᓯᕆᕙᒃᑐᓄᑦ ᐱᑐᐃᓐᓇᐅᙱᑦᑐᓄᓪᓗ ᐱᕋᔭᖕᓂᐅᕙᒃᑐᓄᑦ; • $5−ᒥᓕᐊᓐ ᐊᑭᑦᑐᕆᐊᕐᓂᖏᓐᓄᑦ ᐊᑭᑦᑐᐸᓪᓕᐊᓂᖏᓐᓄᑦ ᐊᒻᒪᓗ ᐸᓖᓯᒃᑯᑦ ᑮᓇᐅᔾᔭᔅᓵᖏᑦ ᐊᑭᑦᑐᕆᐊᕐᓂᖏᓐᓄᑦ; ᐊᒻᒪᓗ • $275−ᑕᐅᓴᓐ ᐊᑕᐅᓯᕐᒧᑦ ᖃᖓᑕᓲᒥᒃ ᓱᕋᒃᓯᒪᔪᓕᕆᓂᖅ ᐊᐅᓚᐅᓯᕆᔨᒧᑦ ᐸᓖᓯᒃᑯᑦ ᖃᖓᑕᓲᓕᕆᔨᖏᓐᓄᑦ. ᐱᓕᕆᕝᕕᒃ ᑐᒃᓯᕋᖅᐳᑦ $525,000−ᑲᓐᓂᕐᓂᒃ ᐊᐃᑦᑑᑎᓄᑦ ᐃᑲᔫᑎᓄᓪᓗ ᐃᓅᓯᕗᑦ ᐊᓐᓂᕐᓇᖅᑐᑦ ᓄᓇᕗᒻᒥ ᐃᓅᓯᕐᒥᒃ ᑭᐱᓯᑎᑦᑎᑦᑕᐃᓕᒪᓂᕐᒧᑦ ᐱᓕᕆᔾᔪᑎᒃᓴᓄᑦ ᐸᕐᓇᐅᑎᒧᑦ ᐅᑯᓄᖓ ᐃᑲᔫᑎᒃᓴᓄᑦ:

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 43 • $325,000 ᖁᐊᖅᓵᖅᓯᒪᓂᕐᒧᑦ ᖃᕆᓴᒃᑯᑦ ᐋᓐᓂᖅᓯᒪᔪᓄᑦ ᐱᓕᕆᐊᒧᑦ ᖃᐅᔨᓴᖅᑕᐅᓂᖏᓐᓄᑦ ᐱᓂᕐᓗᒃᑕᐅᓯᒪᔪᑦ ᐊᓂᒍᐃᓯᒪᔪᓪᓗ ᐊᐃᑉᐸᕇᑦ ᐋᓐᓂᖅᓯᖅᑕᐅᖃᑦᑕᕐᓂᖏᓐᓄᑦ; • $150,000 ᓄᓇᕗᒻᒥ ᕼᐋᒻᒪᓚᐃᑦ ᑲᑐᔾᔨᖃᑎᒌᖏᓐᓄᑦ ᑐᓂᐅᖅᑲᐃᖁᓪᓗᒋᑦ ᖁᑭᐅᑎᓄᑦ ᑮᒃᑕᐅᑎᓂᒃ ᐴᖅᓯᒪᔪᓂᒃ; ᐊᒻᒪᓗ • $50,000 ᓄᓇᓕᖕᓃᑦᑐᓂᑦ ᖁᑭᐅᑎᓂᒃ ᐊᑦᑕᕐᓇᖅᑕᐃᓕᒪᓂᖅ ᓇᓗᓇᐃᒃᑯᑕᖅᑖᕐᓂᕐᒧᓪᓗ ᐱᓕᒻᒪᒃᓴᖅᑎᓄᑦ ᐃᓕᓐᓂᐊᒐᒃᓴᑦ. • ᑭᖑᓪᓕᖅᐹᒥ, ᐱᓕᕆᕝᕕᒃ ᑐᒃᓯᕋᖅᑐᖅ ᐅᓄᖅᓯᒋᐊᖅᑕᐅᖁᔨᓪᓗᑎᒃ $1.9 ᒥᓕᐊᓐᓂᒃ ᑮᓇᐅᔾᔭᒃᓵᖏᑦ ᐊᑭᑦᑐᕆᐊᕐᓂᖏᓐᓄᑦ ᒪᓕᒡᓗᒍ ᓄᑖᖅ ᐊᖏᖃᑎᒌᒍᑎ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓂ. ᑖᒃᑯᐊ ᐅᓄᖅᓯᒋᐊᖅᑐᑦ ᐃᓚᖃᖅᐳᑦ $83 ᑕᐅᓴᓐ ᓴᖅᑭᑕᐅᓂᖓᓄᑦ ᓄᑖᖅ ᖁᑭᐅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᑭᒧᐊᒃᑎᑦᑎᔨ ᐃᖅᑲᓇᐃᔮᒃᓴᖅ. ᐃᒃᓯᕙᐅᑖᖅ, ᐅᖃᐅᓯᒃᓴᒃᑲ ᐃᓱᓕᑉᐳᑦ. ᖁᕕᐊᓱᖕᓂᐊᖅᐳᖓ ᑲᑎᒪᔨᑦ ᐊᐱᖅᑯᑎᒃᓴᖏᓐᓂ ᑭᐅᔭᕆᐊᒃᓴᖅ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᐃᒃᓯᕙᐅᑕᖓ ᑲᑎᒪᔨᕋᓛᑦ ᒪᑐᐃᕈᑎᓐᓄᑦ ᐅᖃᐅᓯᒃᓴᖃᖅᐸ? ᐊᑏ, ᒥᔅᑕ ᐳᐊᑐ. ᐳᐊᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ, ᖁᕕᐊᓱᒃᑐᖓ ᒪᑐᐃᖅᓯᔾᔪᑎᓂᒃ ᐅᖃᐅᓯᖃᕆᐊᖅ ᑭᒡᒐᖅᑐᕐᓗᒋᑦ ᑲᑎᒪᔨᕋᓛᑦ ᖃᓄᐃᖏᑦᑎᐊᕋᓱᐊᕐᓂᕐᒧᑦ ᕿᒥᕐᕈᓇᓚᐅᖅᑎᓪᓗᒋᑦ ᑐᒃᓯᕋᐅᑎᖏᓐᓂᒃ 2026-2027 ᐊᐅᓚᔾᔪᑎᓄᑦ ᐊᑐᕈᒫᖅᑕᖏᓐᓂᒃ ᐊᒻᒪᓗ 2026-2030 ᐱᓕᕆᐊᒃᓴᓄᑦ ᐸᕐᓇᐅᑎᖏᓐᓂᒃ ᐱᓕᕆᕕᖓᑦᑕ ᒪᓕᒐᓕᕆᔨᒃᑯᑦ. ᐊᒻᒪᓗ ᐱᓕᕆᕕᐅᑉ ᑐᑭᓯᕋᐅᑎᖓᓐᓂᒃ ᐊᑐᖅᑕᐅᔪᒪᓪᓗᓂ 2026-2027 ᐊᐅᓚᔾᔪᑎᓄᑦ ᐊᑐᕈᒫᖅᑕᖏᓐᓂᒃ ᐅᓄᕐᓂᖃᖅᑐᓂᒃ $182,814,000−ᓂᒃ. ᑖᒃᑯᐊ ᑭᒡᒐᖅᑐᐃᔪᑦ 5.1%−ᒥᒃ ᐅᓄᖅᓯᒋᐊᕈᑎᖏᓐᓂᒃ 2025-2026 ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓂᑦ ᐅᓄᕐᓂᖅᓴᐅᓪᓗᑎᒃ. ᑲᑎᓪᓗᒋᑦ ᐅᓄᕐᓂᖏᑦ ᐃᖅᑲᓇᐃᔭᖅᑎᑦ ᐱᓕᕆᕕᖕᒥ ᐅᓄᖅᓯᒋᐊᕐᓂᐊᖅᑐᑦ 476.0−ᓂᑦ 477.0−ᓄᑦ ᐃᖅᑲᓇᐃᔭᖅᑎᐅᔪᑦ. ᑖᓐᓇ ᐊᓯᔾᔨᖅᑐᖅ ᐱᖃᓯᐅᔾᔨᓯᒪᔪᖅ ᐊᑕᐅᓯᕐᒥᒃ ᐃᓚᔭᐅᒃᑲᓐᓂᕐᒪᑦ ᐃᖅᑲᓇᐃᔮᒃᓴᑉ ᐃᓂᖓ ᐱᓕᕆᕕᖓᓐᓂ ᓄᓇᓕᖕᓂ ᐃᖅᑲᖅᑐᐃᕕᓕᕆᓂᕐᒧᑦ. ᑲᑎᒪᔨᕋᓛᖑᔪᑦ ᐅᔾᔨᕈᓱᒃᐳᑦ ᐱᓕᕆᕕᐅᔪᖅ ᐅᓪᓗᒥᐅᔪᖅ ᐅᓄᑲᓪᓚᒃᑐᓂᒃ ᓴᖅᑭᑦᑕᕆᐊᖃᖅᑐᓂᒃ ᓴᖅᑭᑦᑎᓯᒪᖏᒻᒪᑕ ᐊᑖᒍᑦ ᐃᓚᒌᑦ ᐊᑐᕐᓂᕐᓗᐃᔪᑦ ᓄᖅᑲᖅᑎᑕᐅᓂᖏᓐᓄᑦ ᐱᖁᔭᕐᔪᐊᑉ, ᒪᓕᒐᓕᕆᓂᕐᒧᑦ ᐃᖅᑲᓇᐃᔭᖅᑎᑦ ᐱᖁᔭᕐᔪᐊᖓᑦ, ᐱᕋᔭᖕᓂᒃᑯᑦ ᐱᖁᑎᑖᕆᔭᐅᓯᒪᔪᑦ ᐊᖅᓵᖅᑕᐅᓂᖏᑕ ᐱᖁᔭᕐᔪᐊᖓᒍᑦ, ᐱᕋᔭᒃᑕᐅᔪᑦ ᐱᖁᔭᕐᔪᐊᖓᒍᑦ, ᑭᓇᒃᑯᓕᒫᓐ ᐱᔪᓐᓇᐅᑎᖏᑕ ᐱᖁᔭᕐᔪᐊᖓᒍᑦ ᐊᒻᒪ ᒪᓕᒐᓕᕆᔨᒃᑯᑦ ᐱᖁᔭᕐᔪᐊᖓᒍᑦ. ᑲᑎᒪᔨᖃᓛᑦ ᐃᓕᓴᖅᓯᕗᑦ ᐅᓄᑲᓪᓚᒃᑐᑦ ᑖᒃᑯᐊ ᐅᓂᒃᑳᑦ ᑎᑎᕋᖅᑕᐅᔭᕆᐊᖃᕋᓗᐊᕐᒪᑕ ᒐᕙᒪᒃᑯᑦ ᓯᓚᑖᒎᖅᑐᓄᑦ ᑎᒥᐅᔪᓄᑦ ᐊᒻᒪ ᑎᓕᐅᕆᕗᑦ ᐱᓕᕆᕕᖕᒥᒃ ᐃᖅᑲᓇᐃᔭᖃᑎᖃᑦᑎᐊᖁᓪᓗᒋᑦ ᑖᒃᑯᓂᖓ ᒪᓕᑦᑎᐊᕐᓂᐊᕐᒪᑕ ᐱᖁᔭᖅᑎᒍᑦ ᓴᖅᑭᑦᑕᐅᖃᑦᑕᕆᐊᖃᖅᑐᓂᒃ ᓴᖅᑭᑦᑎᖃᑦᑕᕐᓗᑎᒃ. ᐱᓕᕆᕕᐅᑉ ᑐᒃᓯᕋᐅᑎᒋᔭᖓᑦ ᐊᕐᕌᒍᐊᓄᑦ 2026-2027 ᐊᐅᓚᔾᔪᑎᓄᑦ ᐊᑐᕈᒫᖅᑕᖏᓐᓂ ᐱᖃᓯᐅᔾᔨᓯᒪᕗᖅ $950,000−ᓂᒃ ᐊᐅᓚᔾᔪᑎᒋᓂᐊᕐᓗᒋᑦ ᑎᑎᕋᕐᕕᖓᑦᑕ ᐊᖓᔪᖅᑳᑉ ᑐᖁᖓᔪᓕᕆᓂᕐᒧᑦ. ᑲᑎᒪᔨᐅᔪᑦ ᐅᔾᔨᕈᓱᒃᐳᑦ ᐱᓕᕆᕕᒃ ᓴᖅᑭᑦᑎᓚᐅᖅᓯᒪᓂᖓᓂᒃ ᐅᓄᑲᓪᓚᒃᑐᓂᒃ ᑐᓴᖅᑎᑦᑎᔾᔪᑎᓂᒃ ᐃᖅᑲᓇᐃᔭᖅᑎᑖᕈᒪᓪᓗᑎᒃ ᑐᖁᖓᔪᓕᕆᔨᐅᔪᓂᒃ ᐃᓘᓐᓇᖏᓐᓂᒃ ᓄᓇᓕᖕᓂ ᓄᓇᕗᒥ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 44 ᑲᑎᒪᔨᑦ ᓴᖅᑭᑦᑎᓚᐅᖅᑐᑦ ᐅᓄᑲᓪᓚᒃᑐᓂᒃ ᐊᐱᖅᑯᑎᓂᒃ ᖃᓄᖅ ᑖᒃᑯᐊ ᑎᑎᕋᕐᕕᖓᑦ ᐃᓐᓄᒃᓯᓂᐊᕐᒪᖔᑦ ᐃᖅᑲᓇᐃᔮᒃᓴᓂᒃ ᐃᓄᖃᖏᑦᑐᓂᒃ. ᑲᑎᒪᔨᕋᓛᑦ ᐅᔾᔨᕈᓱᒃᐳᑦ ᓄᑖᓂᒃ ᐋᖅᑭᖏᐊᕈᑎᐅᔪᑦ ᑐᖁᖓᔪᓕᕆᓂᕐᒧᑦ ᐱᖁᔭᕐᔪᐊᖓᓐᓄᑦ ᐊᑐᓕᖅᑎᑕᐅᓚᐅᖅᓯᒪᖕᒪᑕ ᐋᒡᒌᓯ 31, 2024−ᖑᑎᓪᓗᒍ. ᑲᑎᒪᔨᑦ ᐅᔾᔨᕈᓱᒃᐳᑦ ᐃᓚᖓᑦ ᐋᖅᑭᒋᐊᕈᑕᐅᓚᐅᖅᑐᖅ ᐱᖃᓯᐅᔾᔨᓯᒪᓚᐅᕐᒪᑦ ᓄᑖᒥᒃ ᒪᓕᒐᐅᔪᒥᒃ ᓴᖅᑭᑦᑎᖃᑦᑕᕆᐊᖃᕐᓗᓂ ᑎᑎᕋᕐᕕᖓᑦ ᑐᖁᖓᔪᓕᕆᔨᒃᑯᑦ ᐅᓂᒃᑳᓂᒃ ᐊᕐᕌᒍᑕᒫᓐ. ᑲᑎᒪᔨᑦ ᒪᓕᒐᓕᐅᕐᕕᖕᒥ ᓂᕆᐅᑦᑎᐊᖅᐳᑦ ᕿᒥᕐᕈᓇᓛᕐᓂᖏᓐᓂᒃ ᑎᑎᕋᕐᕕᖓᑦᑕ ᑕᐃᒃᑯᐊ ᐱᒻᒪᕆᐅᔪᓂᒃ ᐃᖅᑲᓇᐃᔭᖅᓯᒪᔭᖏᓐᓂᒃ. ᐱᓕᕆᕕᐅᑉ ᑐᒃᓯᖃᐅᑎᖓᑦ ᐊᕐᕌᒍᐊᓄᑦ 2026-2027 ᐊᐅᓚᔾᔪᑎᓄᑦ ᐊᑐᕈᒫᖅᑕᖏᓐᓂ ᐱᖃᓯᐅᔾᔨᓯᒪᕗᑦ $75,813,000−ᓂᒃ ᐊᐅᓚᔾᔪᑎᒃᓴᖏᓐᓂᒃ ᐸᓖᓯᒃᑯᑦ ᐱᓕᕆᕕᖓᑦᑕ. ᑐᓴᒐᒃᓴᑦ ᐱᔭᐅᓯᒪᔪᑦ ᐱᓕᕆᕕᐅᑉ ᐱᓕᕆᐊᒃᓴᖏᓐᓄᑦ ᐸᕐᓇᐅᑎᖏᓐᓂ ᐅᖃᖅᓯᒪᕗᑦ 159−ᖑᔪᑦ ᐸᓖᓯᒃᑯᑦ ᐃᖅᑲᓇᐃᔮᒃᓴᖏᑦ ᓄᓇᓕᖕᓃᑦᑐᑦ ᓄᓇᕗᑦ ᐃᓗᐊᓃᓐᓂᐊᕐᓂᖏᓐᓂᒃ. ᐃᓚᖓᑦ ᐱᓕᕆᕕᐅᑉ ᓯᕗᓪᓕᐅᑎᓯᒪᔭᖓ 2026-2027 ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓄᑦ “ᐊᑐᓕᖅᑎᑦᓯᔪᒪᓪᓗᑎᒃ ᒪᓕᒐᕐᓂᒃ ᐱᐅᓯᒋᐊᕈᑕᐅᓂᐊᖅᑐᓂᒃ ᓇᓕᖅᑯᑦᑎᓯᒪᔪᓂᒃ, ᑭᖑᕙᖅᓯᒪᖏᑦᑐᓂᒃ, ᐊᒻᒪ ᐱᓕᕆᕕᐅᖃᑎᒌᖑᔪᑦ ᐊᒥᖅᑳᕈᓐᓇᖁᓪᓗᒋᑦ ᖃᐅᔨᒪᓂᕆᔭᖏᓐᓂᒃ ᓄᖅᑲᖅᑎᑦᓯᖁᓪᓗᒋᑦ ᐱᕋᔭᖕᓂᒃᑯᑦ ᑲᑐᔾᔨᖃᑎᒌᖑᔪᓂᒃ ᓱᕐᕋᖕᓇᖅᑐᓂᒃ ᓂᐅᕐᕈᑎᖃᖃᑦᑕᖅᑐᓄᑦ ᐊᒻᒪ ᐊᔾᔨᒌᓕᖅᑎᑕᐅᓯᒪᔪᓂᒃ ᒪᓕᒐᖃᕐᓗᑎᒃ ᐅᓂᒃᑳᓕᐅᖃᑦᑕᖁᓪᓗᒋᑦ ᑖᒃᑯᓂᖓ ᒪᓕᒐᕐᓂ, ᐊᕐᕌᒍᒥᓗ ᒪᕐᕈᐊᖅᑎᕐᓗᒍ ᕿᒥᕐᕈᓇᖃᑦᑕᕐᓗᑎᒃ ᐱᐅᖓᓗᐊᕐᒪᖔᑕ ᖃᐅᔨᓴᐃᓗᑎᒃ, ᐊᒻᒪ ᑐᓂᓯᖃᑦᑕᕐᓗᑎᒃ ᐊᕐᕌᒍᑕᒫᓐ ᐅᓂᒃᑳᓕᐊᓂᒃ ᒥᓂᔅᑕᖓᓐᓄᑦ ᒪᓕᒐᓕᕆᓂᕐᒧᑦ”. ᑖᒃᑯᐊ ᑲᑎᒪᔨᕋᓛᑦ ᓂᕆᐅᑦᑎᐊᖅᐳᑦ ᑲᔪᓯᔪᒃᑯᑦ ᑐᓴᐅᒪᑎᑕᐅᖃᑦᑕᕐᓂᐊᕐᓂᖏᓐᓂᒃ ᖃᓄᐃᓕᐅᖅᐸᓪᓕᐊᓂᕆᔭᖏᓐᓂᒃ ᑖᒃᑯᓄᖓ ᐃᖅᑲᓇᐃᔭᖅᑕᐅᔪᓂ ᐊᒻᒪ ᓴᖅᑭᑕᐅᖃᑦᑕᕐᓂᐊᕐᓂᖏᓐᓂᒃ ᐊᕐᕌᒍᑕᒫᖅᓯᐅᑎᑦ ᐅᓂᒃᑳᑦ ᒪᓕᒐᓕᐅᕐᕕᖕᒥ. ᑲᑎᒪᔨᑦ ᐅᔾᔨᕈᓱᒃᐳᑦ ᐅᓪᓗᐊᓂ ᓄᕕᐱᕆ 20, 2024, ᑲᓇᑕᑉ ᒐᕙᒪᒃᑯᖏᑦ ᑐᓴᖅᑎᑦᑎᓚᐅᖅᑐᑦ ᑮᓇᐅᔭᖃᖅᑎᑦᓯᓂᐊᕐᓂᖏᓐᓂᒃ $4 ᒥᓕᐊᓐᓂᒃ ᓄᓇᕗᒥ ᐊᑐᖅᑕᐅᓗᑎᒃ ᖁᑭᐅᑎᓄᑦ ᐊᒻᒪ ᐱᕋᔭᐃᑦ ᑲᑎᔾᔨᖃᑎᒌᑦ ᑲᒪᒋᔭᐅᓂᖏᓐᓄᑦ ᑮᓇᐅᔭᖁᑎᖏᓐᓂᑦ. ᑖᒃᑯᐊ ᑮᓇᐅᔭᐃᑦ “ᐃᑲᔪᖅᓱᐃᓂᐊᖅᑐᑦ ᐱᓕᕆᔭᐅᔪᓂᒃ ᓄᓇᓕᖕᓂ ᐱᕋᔭᐃᑦ ᑲᑐᔾᔨᖃᑎᒌᖏᑦ ᐊᒻᒪ ᒪᓕᒐᓂᕐ ᒪᓕᒃᑕᐅᑎᑦᓯᓗᑎᒃ ᐅᓴᑖᖃᖅᑎᓪᓗᒋᑦ ᖁᑭᐅᑎᓂᒃ ᐊᑐᕐᓗᑎᒃ ᐱᕋᔭᒃᐸᒃᑐᓂᒃ ᐊᒻᒪ ᓄᓇᕗᑦ ᓄᓇᓕᖁᑎᖏᑦ ᑲᑉᐱᐊᓇᖏᓪᓗᑎᒃ ᐅᓗᕆᐊᓇᖁᓇᖏᑦ.” ᒥᓂᔅᑕ ᓵᖓᓄᐊᖅᓯᒪᑎᓪᓗᒍ, ᑲᑎᒪᔨᑦ ᐊᐱᖅᓱᕈᑎᖃᓚᐅᖅᑐᑦ ᐅᓄᑲᓪᒪᒃᑐᓂᒃ ᖃᓄᐃᓕᐅᕈᑎᖃᕐᒪᖔᑦ ᐱᓕᕆᕕᐅᔪᖅ ᐊᒻᒪᓗ ᐸᓖᓯᒃᑯᑦ ᐱᓕᕆᐊᖃᖅᑎᓪᓗᒋᑦ ᓯᓄᓪᓕᐅᔾᔭᐅᓯᒪᔪᓂᒃ ᐃᓄᐃᓴᒡᓕᒋᐊᖁᓪᓗᒋᑦ ᐅᑭᐅᑎᓂᒃ ᐊᑐᕐᓗᑎᒃ ᐱᕋᔭᖕᓂᐅᔭᒃᑐᑦ ᓄᓇᕗᑦ ᐃᓗᐊᓂ. ᐱᓕᕆᕕᐅᑉ ᑕᓪᓕᒪᓄᑦ ᐊᕐᕌᒍᓄᑦ ᓄᓇᕗᒥ ᐱᕋᔭᒃᑕᐃᓕᒪᑎᑦᓯᓂᕐᒧᑦ ᐸᕐᓇᐅᑎᖓᑦ ᓴᖅᑭᑕᐅᓚᐅᖅᑐᖅ ᒪᓕᒐᓕᐅᕐᕕᖕᒥ ᒫᔾᔨ 14, 2017−ᖑᑎᓪᓗᒍ, ᐊᒻᒪ ᐃᓱᓕᓚᐅᖅᓯᒪᔪᖅ ᐊᕐᕌᒍᐊᓂ 2022. ᑲᑎᒪᔨᕋᓛᑦ ᐅᔾᔨᕈᓱᒃᐳᑦ ᐱᓕᕆᕕᐅᑉ ᑐᒃᓯᕋᐅᑎᖓ 2025-2026−ᖓᓄᑦ ᐱᓕᕆᐊᒃᓴᓄᑦ ᐸᕐᓇᐅᑎᖓᑦ ᓇᓗᓇᐃᖅᓯᓯᒪᓚᐅᕐᒪᑦ ᐃᓚᖓᓐᓂᒃ ᓯᕗᓪᓕᐅᑎᓯᒪᔭᖓᓐᓂᒃ ᐊᑐᖅᑕᐅᓂᐊᖅᑐᓄᑦ 2025-2026 ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓄᑦ ᐃᒪᐃᓕᐅᕈᒪᓪᓗᑎᒃ “ᐃᖅᑲᓇᐃᔭᖃᑎᖃᕐᓗᑎᒃ ᐸᓖᓯᒃᑯᓐᓂᒃ ᓴᓇᓂᐊᕐᒪᑕ ᐊᑐᓕᖅᑎᑦᑎᓗᑎᒡᓗ ᐱᕋᔭᒃᑕᐃᓕᒪᑎᑦᓯᓂᕐᒧᑦ ᐸᕐᓇᐅᑎᓂᒃ.” ᑲᑎᒪᔨᑦ ᖃᓄᐃᓕᖓᓕᕐᒪᖔᑦ ᑕᒪᓐᓇ ᐅᓂᒃᑳᕐᕕᐅᓚᐅᖅᑐᑦ ᐱᒻᒪᕆᐅᔪᖅ ᐃᖅᑲᓇᐃᔭᖅᑕᐅᔪᖅ ᐱᓪᓗᒍ ᐊᒻᒪᓗ ᓂᕆᐅᑦᑎᐊᖅᑐᑦ ᓴᖅᑭᑕᐅᓛᕐᓂᖓᓂᒃ ᒪᓕᒐᓕᐅᕐᕕᖕᒥ ᓄᑖᖅ ᐱᕋᔭᒃᑕᐃᓕᒪᑎᑦᓯᓂᕐᒧᑦ ᐸᕐᓇᐅᑕᐅᔪᖅ. ᐅᓪᓗᐊᓂ ᓄᕕᐱᕆ 8, 2022, ᒐᕙᒪᑐᖃᒃᑯᑦ ᑕᖅᑲᒃᑯᐊ ᐊᑦᑕᓇᔾᔭᐃᖅᑕᐅᓯᒪᓂᖏᓐᓄᑦ ᒥᓂᔅᑕᕆᔭᐅᔪᖅ ᐊᒻᒪᓗ ᓄᓇᕗᒥ ᒥᓂᔅᑕᖓᑦ ᒪᓕᒐᓕᕆᔨᒃᑯᑦ ᑲᑐᔾᔨᓪᓗᑎᒃ ᓴᖅᑭᑦᑎᓚᐅᖅᓯᒪᔪᑦ ᑎᑎᕋᖅᓯᒪᔪᓂᒃ ᐱᔾᔪᑎᖃᖅᑐᓂᒃ ᐊᖏᓕᒋᐊᖅᑕᐅᓂᖏᓐᓂᒃ ᐊᓪᓚᐃᑦ ᐊᒻᒪ ᐃᓄᐃᑦ ᐸᓖᓯᕈᕆᐅᖅᓴᕐᓂᕐᒧᑦ ᐱᓕᕆᐊᕆᔭᐅᔪᑦ ᓄᓇᕗᒥ. ᑲᑎᒪᔨᕋᓛᑦ ᐅᔾᔨᕈᓱᒃᐳᑦ ᒐᕙᒪᒃᑯᑦ ᑐᒃᓯᕋᐅᑎᖓᑦ ᐊᕐᕌᒍᐊᓄᑦ 2026-2027 ᐱᓕᕆᐊᒃᓴᑦ ᐸᕐᓇᐅᑎᖏᓐᓂ ᐅᖃᖅᓯᒪᓚᐅᕐᒪᑕ ᐃᓚᖓᑦ ᓯᕗᓪᓕᐅᔾᔭᐅᓯᒪᔪᖅ ᐊᑐᖅᑕᐅᓂᐊᖅᑐᓄᑦ 2026-2027 ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓂ

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 45 “ᐱᓕᕆᖃᑎᖃᕐᓗᑎᒃ ᓄᓇᓕᖕᓂ ᑐᓴᖅᑎᑦᓯᒐᓱᐊᕐᓗᑎᒃ ᑲᑐᔾᔨᖃᑎᒌᖑᔪᓂᒃ ᐊᒻᒪᓗ ᐊᓯᖏᓐᓂᒃ ᐱᓕᕆᖃᑕᐅᔪᓂᒃ ᓴᓇᓂᐊᕐᒪᑕ ᐊᑐᓂ ᓄᓇᓕᖕᓂ ᐃᖅᑲᓇᐃᔭᖅᑕᐅᓂᐊᖅᑐᓄᑦ ᐸᕐᓇᐅᑎᓂᒃ ᐃᓗᐊᓂ ᐊᓪᓚᐃᑦ ᐊᒻᒪ ᐃᓄᐃᑦ ᐸᓖᓯᕈᕆᐅᖅᓴᕐᓂᕐᒧᑦ ᐱᓕᕆᔭᐅᔪᓂ ᐊᒻᒪ ᐃᓕᓐᓂᐊᖅᑎᑦᓯᓗᑎᒃ ᑭᐅᓯᖁᓪᓗᒋᑦ ᐃᓚᒌᑦ ᐊᐃᑉᐸᕇᓪᓗ ᐋᓐᓂᖅᑎᕆᖃᑦᑕᐅᑎᕙᖕᓂᖏᓐᓄᑦ.” ᑲᑎᒪᔨᑦ ᐅᓄᖅᑐᑲᓪᓚᖕᓂᒃ ᐊᐱᖅᑯᑎᖃᓚᐅᖅᑐᑦ ᖃᓄᐃᓕᖓᓕᕐᒪᖔᑦ ᑕᒪᑐᒧᖓ ᐱᓕᕆᔭᐅᔪᖅ ᓄᓇᕗᒥ ᐱᖃᓯᐅᔾᔭᐅᓗᑎᒃ ᐸᓖᓯᒃᑯᓐᓄᑦ ᐃᖅᑲᓇᐃᔭᒐᒃᓴᐅᔪᑦ ᑮᓇᐅᔭᖃᖅᑎᑕᐅᓯᒪᔪᑦ ᑖᒃᑯᑎᒎᓇᖅ ᐱᓕᕆᐊᑎᒍᑦ. ᑲᑎᒪᔨᑦ ᓂᕆᐅᑦᑎᐊᖅᐳᑦ ᑐᓂᔭᐅᓂᐊᕐᓂᖏᓐᓂᒃ ᐅᓪᓗᒥᓯᐅᑎᓂᒃ ᑐᓴᒐᒃᓴᓂᒃ ᐱᒻᒪᕆᐅᔪᒧᑦ ᑕᒪᑐᒧᖓ ᐱᓕᕆᔭᐅᔪᒧᑦ. ᐱᓕᕆᕕᐅᑉ ᑐᒃᓯᕋᐅᑎᖓ ᐊᕐᕌᒍᐊᓄᑦ 2026-2027 ᐊᐅᓚᔾᔪᑎᒃᓴᓄᑦ ᐊᑐᕈᒫᖅᑐᑦ ᐱᖃᓯᐅᔾᔨᓯᒪᕗᑦ $4,673,000−ᓂᒃ ᐊᑐᖅᑕᐅᓂᐊᖅᑐᑦ ᓄᓇᓕᖕᓂ ᐊᓄᓪᓚᒃᓰᕕᓕᕆᓂᕐᒧᑦ. ᓄᓇᓕᖕᓂᓗ ᐊᓄᓪᓚᒃᓰᕕᖕᒥ ᐅᐊᑦᓯᐅᔪᓂᒃ ᐱᔨᑦᓯᕈᑎᖃᕐᓗᑎᒃ “ᐊᖓᔪᖅᑳᖑᓗᑎᒃ, ᐃᑲᔪᖅᑐᐃᓗᑎᒃ ᐊᒻᒪ ᐱᓕᕆᔾᔪᑎᖃᖅᑎᑕᐅᓗᑎᒃ ᐃᓐᓇᐃᑦ ᐊᒻᒪ ᒪᒃᑯᒃᑐᑦ ᐱᕋᔭᒃᓯᒪᔪᑦ ᐱᕋᔭᒃᑕᐃᓕᒪᓂᒃᑰᖅᑎᑕᐅᔪᑦ ᐅᕝᕙᓘᓐᓃᑦ ᐃᖅᑲᖅᑐᐃᕕᒃᑯᑦ ᒪᓕᒐᖃᖅᑎᑕᐅᓗᑎᒃ ᐊᓂᑎᑕᐅᓯᒪᔪᑦ.” ᑲᑎᒪᔨᑦ ᐅᓄᑲᓪᓚᒃᑐᓂᒃ ᐃᓱᒫᓗᒍᑎᓂᒃ ᐊᐱᖅᑯᑎᖃᓚᐅᖅᑐᑦ ᐱᓪᓗᒋᑦ ᐊᐅᓚᑕᐅᓂᕆᔭᖏᑦ ᑖᑦᓱᒪ ᐱᓕᕆᕕᐅᑉ ᐊᒡᒍᖅᑐᖅᓯᒪᓂᐊᓂ, ᐱᖃᓯᐅᑎᓪᓗᒍ ᐊᖑᒻᒪᑎᔪᓐᓇᕐᓂᐊᕋᓗᐊᕐᒪᖔᑕ ᑎᓕᔭᐅᓯᒪᔾᔪᑎᖏᓐᓂᒃ ᐱᓕᕆᐊᒃᓴᐅᔪᓂᒃ ᓄᓇᓕᖕᓂ ᐱᑕᖃᙱᑦᑐᓂᒃ ᓄᓇᓕᖕᓂ ᐊᓄᓪᓚᒃᓯᖅᑕᐅᔭᕆᐊᖃᖅᑐᓄᑦ ᐱᓕᕆᔨᐅᔪᓂᒃ ᐅᕝᕙᓘᓐᓃᑦ ᑖᓐᓇ ᐃᖅᑲᓇᐃᔮᖅ ᐃᓐᓄᒃᓯᒪᓐᖏᑎᓪᓗᒍ. ᑕᕝᕙ ᐃᓱᓕᑉᐳᑦ ᒪᑐᐃᖅᓯᓂᕐᒧᑦ ᐅᖃᐅᓯᒃᓴᒃᑲ ᐱᔾᔪᑎᖃᖅᑐᑦ ᑐᒃᓯᕋᐅᑕᐅᔪᓂᒃ ᐊᕐᕌᒍᐊᓄᑦ 2026-2027 ᐊᐅᓚᔾᔪᑎᓄᑦ ᐊᓱᕈᒫᖅᑐᑦ ᐊᒻᒪᓗ ᐊᕐᕌᒍᖏᓐᓄᑦ 2026-2030 ᐱᓕᕆᐊᒃᓴᓄᑦ ᐸᕐᓇᐅᑎᖏᑦ ᐱᓕᕆᕕᖓᑦᑕ ᒪᓕᒐᓕᕆᔨᒃᑯᑦ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᐳᐊᑐ. ᐅᖃᐅᓯᒃᓴᖃᖅᐹᑦ ᒪᑐᐃᕈᑎᓄᑦ ᑲᑎᒪᔩᑦ ᐊᐱᖅᑯᑎᓅᓚᐅᑎᓂᑦᑎᓐᓂ? ᐱᑕᖃᙱᒻᒪᑦ, ᒪᒃᐱᒐᖏᑎᒍᑦ ᖃᒥᕐᕈᓇᓐᓂᐊᖅᑐᒍᑦ 2026-2027 ᐊᑐᕈᒫᖅᑕᖏᓐᓂ, E-4-ᒥ ᐱᒋᐊᕐᓗᒍ ᒪᒃᐱᒐᖓ. ᕿᒥᕐᕈᓇᓐᓂᐊᓕᖅᑐᒍᑦ ᒪᓕᒐᓕᕆᔨᒃᑯᑦ ᐊᖓᔪᖅᑳᖃᕐᕕᐊᑕ ᐱᓕᕆᕕᖓᓂ. ᐊᐱᖅᑯᑎᔅᓴᖃᖅᐹᑦ ᑲᑎᒪᔩᑦ ᑕᕝᕙᓂ? ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕕᓯ ᐆᒃᑑᑎᖓ 2026-2027-ᒥ ᐊᑐᕈᒫᖅᑕᖏᑦ ᐅᖃᖅᓯᒪᒻᒪᑕ ᑮᓇᐅᔭᖅᑐᕈᑎᒃᓴᖏᑦ ᑐᖏᓕᖓᑕ ᒥᓂᔅᑕᐅᑉ ᐃᑲᔪᖅᑎᖓᓗ ᑐᖏᓕᖓᑕ ᒥᓂᔅᑕ ᐊᑦᑕᓇᔾᔭᐃᖅᓯᒪᓂᕐᒧᑦ ᑕᖅᑲᒃᑯᓄᖓ ᐃᑲᔪᖅᑎᓗ ᐃᖅᑲᖅᑐᐃᕕᓕᕆᔨᒃᑯᓐᓄᑦ ᐃᓄᐃᓴᓪᓕᒋᐊᕐᓂᐊᕐᒪᑕ $166,000-ᓂᑦ $1.667- ᒥᓕᐊᖑᓚᐅᖅᑑᒐᓗᐊᑦ 2025-2026 ᐊᕐᕌᒍᐊᓂ $1.5-ᒥᓕᐊᖑᓂᐊᖅᑐᑦ 2026-2027-ᒥ. ᐃᓄᐃᓴᓪᓕᒋᐊᕐᓂᐊᖅᑐᑦ 9.9%-ᒥ, ᖃᓄᖅ ᑖᓐᓇ ᐋᖅᑭᑦᑕᐅᓚᐅᖅᐸᒃᑲ ᑖᒃᑯᓄᖓ ᐃᓄᐃᓴᓪᓕᒋᐊᕈᑎᐅᔪᖅ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑕᖅᑐ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᑲᔪᖅᑎᖓ ᒥᓂᔅᑕᐅᑉ ᑖᒃᑯᐊ ᐱᓕᕆᕕᖕᒧᑦ ᐊᓯᐊᓄᑦ ᓄᑦᑎᖅᑕᐅᓚᐅᕐᒪᑦ ᒪᓕᒐᓕᕆᔨᒃᑯᓐᓃᓚᐅᖅᑑᒐᓗᐊᖅ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᒥᔅᑕ ᑕᖅᑐ ᐃᕝᕕᑦ ᑕᐃᒪ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ ᑭᐅᒐᕕᑦ. ᐱᓕᕆᕕᓯ ᐆᒃᑑᑎᓕᐊᖓ 2026-2027-ᒥ ᐊᐅᓚᔾᔪᑎᓄᑦ ᐊᑐᕈᒫᖅᑐᑦ ᑮᓇᐅᔭᖅᑐᕈᑎᒃᓴᖃᕐᒪᑦ ᐱᓕᕆᕕᐊᓂ ᑮᓇᐅᔭᓕᕆᕝᕕᖓᓂ ᐅᓄᖅᓯᒋᐊᕐᓂᐊᖅᑐᑦ $616,000 $19.668-ᒥᓕᐊᖑᓚᐅᖅᑐᖅ 2025-2026 ᐊᕐᕌᒍᐊᓂ $20.284-ᒥᓕᐊᖑᓂᐊᓕᕐᒪᑦ ᐊᕐᕌᒍᐊᓂ 2026-

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 46 2027. ᑖᓐᓇ ᐅᓄᖅᓯᒋᐊᕐᒪᑦ 3.1%-ᒥᑦ. ᖃᓄᖅ ᑖᓐᓇ ᐅᓄᕐᓂᕆᔭᖓ ᐅᓄᖅᓯᒋᐊᕈᑕᐅᓚᐅᖅᑐᖅ ᖃᔅᓯᐅᓂᐊᕐᓂᖓᓂ ᐋᖅᑭᑦᑕᐅᓚᐅᖅᐸ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑕᖅᑐ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. 0.1 ᑭᓲᓐᓂᕐᒪᑦ ᖃᖓᒃᑯᑦ, ᖃᑦᑎᓐᓇᒪ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᑦ 3%-ᒥᑦ ᐊᑭᑦᑐᕆᐊᓚᐅᕐᒪ ᑖᓐᓇ ᐱᔾᔪᑎᒋᓪᓗᒍ ᐊᑭᑦᑐᕆᐊᕈᑎᒋᔭᐅᔪᖅ. 0.1 ᓇᑭᙵᕐᒪᑕ ᑖᓐᓇ. 3% ᑖᓐᓇ ᓄᓇᕗᒻᒥ ᑲᑐᔾᔨᖃᑎᒌᖏᑦᑕ ᐋᔩᖃᑎᒌᓚᐅᖅᓱᑎᑦ ᑕᐃᒪᐃᓐᓇ ᐊᑭᑦᑐᕆᐊᕈᑎᖃᖅᑐᖅ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕕᓯ ᒫᓐᓇᐅᔪᖅ ᐅᓄᑲᓪᓚᑦᑐᓂᑦ ᓴᖅᑭᑦᑕᕆᐊᖃᖅᑐᓂᑦ ᐅᓂᒃᑳᓂᑦ ᐱᑕᖃᕐᒪᑕ ᑭᒃᑯᓕᒫᑦ ᐱᔪᓐᓇᐅᑎᖏᑦ ᐱᖁᔭᕐᔪᐊᖅ ᒪᓕᓪᓗᒍ ᐊᒻᒪᓗ ᒪᓕᒐᓕᕆᓂᕐᒧᑦ ᐱᖁᔭᕐᔪᐊᖅ. ᖃᓄᐃᑦᑐᒥᑦ ᑭᖑᕙᕈᑎᖃᕐᒪᑕ ᓴᖅᑭᑦᑕᐅᔾᔪᑎᒃᓴᖏᑦ ᑖᒃᑯᐊ ᐅᓂᒃᑳᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑕᖅᑐ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑭᒃᑯᓕᒫᑦ ᐱᔪᓐᓇᐅᑎᖏᓐᓄᑦ ᑭᖑᕙᖅᑐᑦ ᓴᖅᑭᑕᐅᔪᒃᓴᐃᑦ ᑭᖑᕙᕐᒪᑕ ᐃᖅᑲᓇᐃᔭᖅᑎᑭᔅᓴᓂᕐᒧᑦ ᑖᒃᑯᐊ ᑭᐅᓇᓱᑦᑕᕗᑦ ᐊᒻᒪ ᑲᑎᒪᔨᓄᑦ ᐅᖃᓐᓇᖅᑐᖓ ᐊᔭᐅᖅᑐᐃᑲᓐᓂᓕᖅᑐᖓ ᐅᓂᒃᑳᑦ ᑖᒃᑯᐊ ᓴᖅᑭᑕᐅᖁᓪᓗᒋᑦ ᐅᕙᓐᓄᑦ ᑭᖑᕙᖅᓯᒪᙱᓂᖅᓴᐅᓗᑎᑦ. ᒪᓕᒐᓕᕆᔨᒃᑯᑦ ᑲᑎᒪᔨᖏᑦ ᑕᐃᒃᑯᐊ ᐱᓪᓗᒋᑦ ᑖᒃᑯᐊ ᐃᑯᐊᓪᓚᓚᐅᖅᓯᒪᒻᒪᑕ ᑎᑎᕋᕐᕕᖓ, ᐱᔭᕐᓂᕈᓐᓃᕈᑎᒋᓕᓚᐅᖅᓯᒪᒻᒪᒍ ᑐᓴᒐᒃᓴᓂᑦ ᓄᐊᑦᑕᓂᓱᒃᑲᓗᐊᖅᑎᓪᓗᒋᑦ. ᒫᓐᓇ ᑕᕝᕙ ᓄᐊᑦᑎᑕᐅᓇᓱᑉᐳᑦ. 2023-2024 ᐊᕐᕌᒍᐊᓄᑦ ᓴᖅᑭᑕᐅᔪᒫᖅᑐᓂᑦ ᐊᒡᒋᖅᑐᓂ ᐅᓪᓗᓂ, ᐃᓱᓕᓚᐅᙱᓐᓂᖓᓂ ᑕᒪᑐᒪᓂ ᑲᑎᒪᕐᔪᐊᕐᓇᖅ. ᐊᒻᒪᓗᑦᑕᐅᖅ, ᑕᐃᒃᑯᐊ ᑎᒥᖁᑎᒋᔭᐅᔪᑦ ᒪᓕᓪᓗᒋᑦ ᑎᑎᕋᐅᓯᐊᖃᑦᑕᖅᓯᒪᔪᑦ ᐅᖃᖃᑎᒌᓐᓂᕗᓪᓗ ᑲᑎᒪᔨᖏᓐᓄᑦ ᒪᓕᒐᕐᓂᑦ ᑐᑭᓯᐊᕐᕕᑦ, ᐊᔭᐅᖅᑐᖅᑕᕗᑦ ᐊᖑᒻᒪᑎᓕᖁᓪᓗᒋᑦ ᓴᖅᑭᑦᑕᕆᐊᖃᖅᑕᖏᓐᓂ. ᐊᕐᕌᒍᑕᒫᖅᓯᐅᑏᑦ ᐅᓂᒃᑳᑦ ᕿᒥᕐᕈᓇᖅᖢᑐᒋᑦ, ᑕᒫᓂᑐᐃᓐᓇᖃᑦᑕᙱᒻᒪᑕ. ᑕᐃᒃᑯᐊ ᑐᓴᒐᒃᓴᓂ ᐅᕙᑦᑎᓐᓂ ᐃᓕᔅᓯᓐᓄᓪᓗ ᐃᑲᔪᖃᑦᑕᕐᒪᑕ ᐅᓂᒃᑳᑦ ᑕᒪᒃᑯᐊ ᓵᑕᒃᓴᙳᑦᑎᐊᕈᓐᓇᖁᓪᓗᑕ ᑭᐅᔪᓐᓇᖁᓪᓗᑕ. ᖁᔭᒋᑦᑎᐊᖅᐳᖓ ᑖᒃᑯᐊ ᑲᑎᒪᔩᑦ ᕿᓄᐃᓵᕐᒪᑕ ᐊᒻᒪᓗ ᖁᔭᓐᓇᒦᖅᐳᖓ ᐊᔭᐅᖅᑐᖅᑕᐅᖃᑦᑕᕋᑦᑕ ᑖᒃᑯᐊ ᐱᖁᔭᖅᑎᒍᑦ ᓴᖅᑭᑕᐅᖃᑦᑕᖁᓪᓗᒋᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᐊᓯᖏᑦ ᐊᐱᖅᑯᑎᒃᓴᐃᑦ ᑐᑦᑕᕐᕕᒃ ᐊᖓᔪᖅᑲᐅᑎᖃᕐᕕᒃ ᐱᓪᓗᒍ? ᒥᔅᑕ ᑲᐅᑐᒃ. ᑲᐅᑐᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᒫᑦᓯ 19, 2026-ᒥ, ᐃᑲᔪᖅᑎᒌᒃᑕ ᐱᓕᕆᐊᒃᓴᖅ ᒪᓕᒐᓕᐅᕐᕕᖕᒧᑦ ᓴᖅᑭᑕᐅᓚᐅᖅᓯᒪᔪᖅ. ᐱᓕᕆᕕᓯ 2026-2030 ᐱᓕᕆᐊᖑᓂᐊᖅᑐᖅ ᐸᕐᓇᐅᑎᖏᑦ ᐅᖃᖅᓯᒪᒻᒪᑕ ᑖᒃᑯᐊ ᐱᓕᕆᕕᐅᑉ ᐱᔭᒃᓴᖅᑖᕆᓯᒪᔭᖏᑦ ᐃᑲᔪᖅᓱᖅᑕᐅᖁᓪᓗᒋᑦ ᐃᒪᓐᓇ ᑕᒪᒃᑯᐊ ᓄᓇᓕᖕᓂ ᐱᒋᐊᖅᑕᐅᓯᒪᔪᑦ ᐊᒻᒪᓗ ᐱᕋᔭᖕᓂᖅ ᓄᓇᓕᖕᓂᓪᓗ ᐊᑦᑕᓇᔾᔭᐃᖅᓯᒪᓂᕐᒧᑦ. ᓇᓗᓇᐃᕈᓐᓇᖅᐱᒌᑦ ᖃᓄᐃᑦᑐᑦ ᐊᐅᓚᔾᔭᐃᔾᔪᑏᑦ ᐱᒋᐊᖅᑕᐅᓚᕐᒪᖔᑕ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑲᐅᑐᒃ. ᒥᓂᔅᑕ ᕼᐃᒃᔅ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 47 ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ, ᐊᒻᒪᓗ ᖁᔭᓐᓇᒦᒃ ᑖᓐᓇ ᐊᐱᖅᑯᑎᒋᒐᖕᓂ. ᐱᓕᕆᕈᓘᔭᖃᑦᑕᖅᓯᒪᔪᒍᑦ ᓲᕐᓗᖃᐃ ᐊᔾᔨᒌᙱᑦᑐᑦ ᐱᓕᕆᐊᙳᖅᑎᑕᐅᓯᒪᔪᑦ ᐊᖏᓪᓕᒋᐊᖅᑎᓪᓗᒋᑦ. ᐸᓖᓯᒃᑯᑦ ᐃᓕᖅᑯᓯᓕᕆᓂᕐᒧᑦ ᑐᕌᖓᔪᓂᑦ ᑲᒪᔪᑦ ᑕᒪᑐᒪᓂ ᐊᕐᕌᒍᒥ ᓴᖅᑭᑕᐅᓂᐊᖅᑐᒥ. ᐊᒻᒪᓗ ᐸᓖᓰᑦ ᓄᓇᓕᖕᓂ ᐅᖃᓪᓚᖃᑎᒌᖃᑦᑕᖅᑕᕗᑦ ᓄᓇᖅᑲᑎᒌᑦ. ᓄᓇᓕᓕᒫᑦ ᐊᔾᔨᒌᙱᑦᑐᓂᑦ ᐱᔾᔪᑎᒃᓴᖃᐅᓲᖑᒻᒪᑦᑕ ᓲᕐᓗᖃᐃ ᐱᕋᔭᑦᑕᐃᓕᒪᓂᖅ ᐊᓯᖏᓪᓗ ᑕᒪᒃᑯᐊ ᓴᖅᑭᔮᖅᑎᑕᐅᖃᑦᑕᖅᑐᑦ, ᐊᒻᒪᓗ ᓱᕐᕋᓇᖅᑐᑦ ᑕᒪᒃᑯᐊ ᓂᐅᕐᕈᑕᐅᖃᑦᑕᕐᓂᖏᑦ ᑲᒪᒋᖃᑦᑕᕐᒥᔭᕗᑦ. ᐸᓖᓯᒃᑯᑦ ᑕᒫᓂ ᐃᖃᓗᓐᓂ ᒪᑯᓂᖓ ᓄᓇᓯᐅᑏᑦ, ᓱᒋᐊᕈᑏᑦ, ᐃᒥᐊᓗᐃᑦ ᑕᒪᒃᑯᐊ ᒪᓕᒐᓂᑦ ᓯᖁᒥᑦᑎᓪᓗᑎᑦ ᓴᖅᑭᔮᖅᑎᑕᐅᖃᑦᑕᖅᑐᑦ ᓲᕐᓗ ᐱᕙᓪᓕᐊᔪᓕᕆᔨᒃᑯᓐᓄᑦ ᑲᑎᒪᖃᑎᖃᖅᖢᑎᑦ, ᑕᒪᒃᑯᓂᖓ ᐱᓚᐅᖅᑐᑦ. ᐊᒻᒪᓗ ᐃᓄᓐᓂᑦ ᓄᓇᖃᖅᑳᖅᓯᒪᔪᓂᑦ ᐸᓖᓯᒃᓴᓂᑦ ᐱᓇᓱᐃᓐᓇᖃᑦᑕᖅᑐᖑᒍᑦ. ᒪᑯᐊ ᒪᒥᓴᕐᓂᕐᒧᑦ ᑐᕌᖓᒧᑦ ᐊᐱᖅᑯᑎᒋᔭᐅᖃᑦᑕᑎᓪᓗᒋᑦ, ᐱᓇᓱᐊᕈᓯᐅᓚᐅᖅᑐᒥ ᑖᒃᑯᐊ ᑭᐅᓇᓱᖃᑦᑕᓚᐅᕋᒃᑭᑦ. ᑎᒍᔭᐅᙱᖔᕐᓗᑎᑦ ᐊᓯᐊᒍᖔᖅ ᑲᒪᒋᔭᐅᓗᑎᑦ. ᑕᒪᒃᑯᐊ ᒪᒥᓴᕐᓂᕐᒧᑦ ᑐᕌᖓᒧᑦ ᓴᖅᑭᔮᖅᑎᑦᑐᒪᔭᕗᑦ ᐊᒻᒪᓗ ᑲᑎᒪᔨᕋᓛᖅᓴᖅᓯᐅᖅᑐᒍᑦ ᑕᕝᕙᓂ ᑖᒃᑯᓇᓂ ᐃᒃᓯᕚᖃᑕᐅᓇᔭᖅᑐᓂᑦ ᑕᒪᒃᑯᐊ ᐱᓇᔪᐃᓐᓇᑦᑕᓂᐊᖅᑕᕗᑦ ᐃᓐᓄᑦᑕᐅᖁᓪᓗᒋᑦ ᑕᒪᒃᑯᓄᖓ ᑲᒪᔨᐅᖃᑦᑕᖅᑐᑦ ᒪᒥᓴᕐᓂᕐᓗ ᐱᓗᐊᕐᓗᒍ ᕿᑭᖅᑖᓗᒻᒥ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᕼᐃᒃᔅ. ᐊᑏ, ᒥᔅᑕ ᑲᐅᑐᒃ. ᑲᐅᑐᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕕᓯ ᐱᓕᕆᐊᖑᓂᐊᖅᑐᑦ ᐸᕐᓇᐅᑏᑦ 2026-2030 ᑐᕌᒐᖃᖅᑐᑦ ᐃᑲᔪᖅᓱᕐᓗᒋᑦ ᐃᖅᑲᓇᐃᔭᖅᑎᒃᓴᖅᓯᐅᕐᓂᖅ ᐊᒻᒪᓗ ᐃᓄᓐᓂᑦ ᐱᓕᕆᔨᓂᑦ ᐱᖃᕐᓗᑎᑦ. ᖃᓄᐃᑦᑐᓂᑦ ᐊᐅᓚᔾᔭᐃᒋᐊᖅᓯᒪᕕᓯ ᑕᒪᓐᓇ ᑐᕌᒐᓕᐊᕕᓂᓯ ᐱᙳᖁᓪᓗᒍ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑲᐅᑐᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᖅᑲᓇᐃᔭᖅᑐᓕᕆᔨᒃᑯᑦ ᐃᖅᑲᓇᐃᔭᖃᑎᒋᖃᑦᑕᖅᑕᕗᑦ ᐊᒻᒪᓗ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᓐᓂ ᐸᕐᓇᐅᑏᑦ, ᓯᕙᑖᕐᕕᒻᒥ ᐅᖃᓪᓚᖃᑎᖃᓚᐅᕐᒥᒐᒪ ᐊᓄᓪᓚᒃᓰᕕᒻᒥ ᐃᖅᑲᓇᐃᔭᖅᐸᓪᓕᐊᓂᐊᑐᓂᑦ. ᑖᒃᑯᐊ ᐅᖃᓪᓚᖃᑎᒋᓚᐅᕋᒃᑭᑦ. ᑕᒪᒃᑯᐊ ᓇᓗᓇᐃᖅᖢᒋᑦ ᐊᓄᓪᓚᒃᓰᕕᓐᓂ ᐃᖅᑲᓇᐃᔭᕐᓂᐊᖅᑐᑦ ᓯᕗᕐᖓᓂ ᐃᓕᓐᓂᐊᑎᖅᐸᒌᖃᑦᑕᖅᑕᕗᑦ ᐃᖅᑲᓇᐃᔭᓯᒋᐊᓚᐅᙱᓐᓂᖏᓐᓂ. ᐊᙳᑎᓇᓱᒃᑐᒍᑦ. ᑕᐃᒃᑯᐊ ᐃᖅᑲᓇᐃᔭᖅᑏᑦ ᐃᖅᑲᓇᐃᔮᒥᓂᑦ ᐊᐅᓚᑦᑎᔪᓐᓇᓂᐊᕐᒪᑕ ᐃᓕᓐᓂᐊᖅᓯᒪᖅᑳᕐᓗᑎᑦ ᐃᑲᔫᑎᒋᓂᐊᕐᒪᔾᔪᒃ ᐃᖅᑲᓇᐃᔭᕐᕕᐅᑉ ᐃᓗᐊᓂ, ᐊᒻᒪᓗ ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᖅᑎᑕᐅᖃᑦᑕᕐᒥᔪᑦ, ᐊᖓᔪᖅᑳᖑᖅᐸᓪᓕᐊᓂᕐᒧᑦ ᑕᐃᒪᓐᓇ ᖁᕝᕙᓯᓐᓂᖅᓯᓄᑦ ᐃᓕᕙᓪᓕᐊᖁᔭᕗᑦ. ᖃᐅᔨᒪᒐᑦᑕ ᑕᐃᒃᑯᐊ ᐊᑦᑎᓂᖅᐹᓂ ᐃᖅᑲᓇᐃᔭᖃᑦᑕᓚᐅᖅᑐᑦ ᐱᔭᒃᓴᖅᑖᖅᐸᓪᓕᐊᖏᓐᓇᒥ ᐃᖅᑲᓇᐃᔮᖏᑦ ᖁᕝᕙᐸᓪᓕᐊᒧᑦ, ᐊᒻᒪᓗ ᐃᑲᔪᖅᓱᐃᓐᓇᒐᓱᖃᑦᑕᖅᑕᕗᑦ ᑕᐃᒃᑯᐊ ᐃᖅᑲᓇᐃᔭᖅᑎᕗᑦ ᐅᐸᒍᒪᔭᒥᓄᑦ ᖁᕝᕙᓯᒃᑐᓄᑦ ᐃᓕᕙᓪᓕᐊᔪᓐᓇᓂᐊᕐᒪᑕ. ᐃᖅᑲᓇᐃᔮᓂᑦ ᓴᖅᑭᔮᖅᑎᑐᐃᓐᓇᙱᑦᑐᒍᑦ ᐃᓕᓐᓂᐊᖅᑎᑦᑎᖃᑦᑕᖅᑐᒍᑦ ᑖᔅᓱᒧᖓ ᐃᖅᑲᓇᐃᔭᒧᑦ ᐃᓕᔪᓐᓇᓂᐊᕐᒪᑦ ᓇᓗᖅᑯᑎᙱᓪᓗᑎᑦ ᐃᖅᑲᓇᐃᔭᕈᓐᓇᓂᐊᕐᒪᑕ. ᑕᐃᒪᑐᖅ ᑭᐅᕗᖓ. ᖁᔭᓐᓇᒦᒃ, ᐃᒃᓯᕙᐅᑖᖅ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 48 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᒥᔅᑕ ᑲᐅᑐᒃ, ᐊᓯᖏᑦ? ᐋᒃᑳ? ᐊᓯᖏᑦ ᐊᐳᖅᑯᑎᒃᓴᐃᑦ? ᒥᔅᑕ ᐊᑕᒍᑦᑖᓗᒃ. ᐊᑕᒍᑦᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᓄᓇᕗᒻᒥ ᑕᐃᓐᓇ ᑐᖁᖓᔪᓕᕆᔨᒃᑯᑦ 2024-ᒥ ᓴᖅᑭᑕᐅᓚᐅᖅᓯᒪᒻᒪᑦ. ᐊᒻᒪᓗ ᑖᓐᓇ ᐱᖁᔭᕐᔪᐊᖅ ᐋᖅᑭᒋᐊᖅᑕᐅᓚᐅᖅᑐᖅ ᑖᓐᓇ ᑐᖁᖓᔪᓕᕆᔨ ᐊᕐᕌᒍᑕᒫᖅᓯᐅᑎᓂᑦ ᐃᖅᑲᓇᐃᔮᓂᑦ ᓴᖅᑭᑦᑎᖃᑦᑕᖁᓪᓗᒍ. ᖃᖓ ᑕᐃᓐᓇ ᐊᕐᕌᒍᑕᒫᖅᓯᐅᑦ ᓴᖅᑭᑕᐅᓛᖅᐸ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᐊᑕᒍᑦᑖᓗᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᑖᒃᑯᐊ 2024-ᒥ ᐋᖅᑭᒋᐊᑦᑕᐅᓚᐅᖅᓯᒪᒻᒪᑦ 2025-ᒥ ᓴᖅᑭᑕᐅᓚᐅᖅᓯᒪᔪᑦ, ᐊᒻᒪᓗ ᑕᒪᑐᒪᓂ ᑕᖅᑭᒥ ᓴᖅᑭᓂᐊᖅᑐᖅ. ᖁᕕᐊᓇᖅ ᑖᓐᓇ ᐊᐱᖅᑯᑎᒋᓵᕋᖕᓂ. ᐃᑲᔪᖃᑦᑕᖅᓯᒪᔪᖓ ᑖᔅᓱᒥᖓ ᐱᖁᔭᕐᔪᐊᕐᒥᒃ, ᐱᖁᔭᖅᑎᒍᑦ ᒪᓕᒐᓕᐅᖅᕕᖕᒧᑦ ᓴᖅᑭᑕᐅᖃᑦᑕᕈᓐᓇᓂᐊᕐᒪᑕ, ᐃᓱᒪᒃᓱᖅᖢᑎᑦ ᑕᒪᒃᑯᓄᖓ ᓴᖅᑭᑦᑎᖃᑦᑕᓚᐅᖅᓯᒪᔪᒍᑦ ᐱᖁᔭᕐᔪᐊᖅᑕᖃᙱᒃᑲᓗᐊᖅᑎᓪᓗᒍ. ᑕᐃᒪᑐᖅ ᑕᐃᒪᓐᓇ ᐱᖁᔭᖅᑎᒍᑦ ᓴᖅᑭᑦᑎᖃᑦᑕᕆᐊᖃᕐᓂᖅ, ᐱᖅᔪᐊᖑᒻᒪᑕ ᑕᐃᒃᑯᐊ ᐊᕐᕌᒍᑕᒫᖅᓯᐅᑏᑦ ᓴᖅᑭᑕᐅᖃᑦᑕᕐᓂᖏᑦ, ᑐᖁᖓᔪᓕᕆᑐᐃᓐᓇᐅᙱᑦᑐᖅ, ᐃᑲᔫᑕᐅᒃᑲᓐᓂᕈᓐᓇᖅᑐᖅ ᒪᓕᒐᓕᐅᖅᑎᓄᑦ, ᐊᒻᒪᓗ ᑮᓇᐅᔭᖅᑎᒍᑦ ᐊᖏᖅᑕᐅᒑᖓᑦ ᒪᑯᓂᖓ ᐃᑲᔪᒃᑲᓐᓂᐅᑎᒃᓴᓂᑦ ᓴᖅᑭᑦᑎᖃᑦᑕᕈᓐᓇᖅᑐᒍᑦ. ᓄᓇᓕᕋᓛᖑᓂᖅᓴᐅᔪᓂᑦ ᐱᓕᕆᕕᖕᒥ. ᐱᔭᕐᓂᖏᑦᑑᒐᓗᐊᖅ ᑕᒪᒃᑯᐊ ᐃᓱᒫᓘᑎᒋᔭᐅᔪᑦ ᐊᓯᖏᓪᓗ ᖃᓄᖅᑑᕈᑎᒋᔭᐅᖃᑦᑕᖅᑐᑦ. ᐃᑲᔪᖅᓱᖅᑕᐅᖃᑦᑕᖃᑦᑕᖁᓪᓗᖏᑦ ᑕᒪᒃᑯᓄᖓ ᐱᓕᕆᐊᕆᔭᕆᐊᖃᖅᑕᒥᓂᑦ ᐱᓕᕆᓇᓱᒃᑎᓪᓗᒋᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᒥᔅᑕ ᐊᑕᒍᑦᑖᓗᒃ. ᐊᑕᒍᑦᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕕᓯ 2026-2030 ᐱᓕᕆᐊᖑᓂᐊᖅᑐᑦ ᐸᕐᓇᐅᑏᑦ ᐅᖃᖅᓯᒪᔪᑦ ᓯᕗᓪᓕᐅᔾᔭᐅᓯᒪᔪᒎᖅ 2026-2027 ᐊᕐᕌᒍᐊᓂ ᐋᖅᑭᒃᓱᐃᓗᑎᑦ ᓯᕗᓪᓕᖅᐹᖅᓯᐅᒻᒥᑦ ᐊᑐᐊᒐᕐᒥᑦ ᐊᑐᓕᖅᑎᑕᐅᖁᓪᓗᒋᑦ ᐃᓄᐃᑦ ᐅᒃᐱᕆᔭᖏᑦᑕ ᐅᖃᐅᓯᖅᑕᖏᑦ ᐱᖁᔭᓕᕆᓂᕐᒧᑦ ᐱᖁᔭᕐᔪᐊᖅ. ᖃᖓ ᑖᓐᓇ ᐊᑐᐊᒐᒃᓴᖅ ᐱᔭᕇᖅᑕᐅᓛᖅᐸ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᐊᑕᒍᑦᑖᓗᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐄ’, ᖁᔭᓐᓇᒦᒃ ᑕᒪᓐᓇ ᐱᒋᐊᖅᑕᐅᒻᒪᑦ, ᒐᕙᒪᒃᑯᑦ ᐱᓕᕆᕝᕕᓕᒫᖏᑦ ᐊᑐᖅᓯᒪᒻᒪᑕ ᐊᔾᔨᒌᙱᑦᑐᓂᑦ. ᓲᕐᓗ ᐃᓄᐃᑦ ᐅᒃᐱᕆᔭᖏᑦ ᖃᐅᑕᒫᖅᓯᐅᑎᒧᑦ ᐃᓕᖃᓯᐅᔾᔭᐅᑉᐸᑦ, ᓲᕐᓗᖃᐃ ᒪᓕᒐᓕᕆᔨᒃᑯᑦ ᐅᕙᒍᑦ. ᐊᒻᒪᓗ ᐱᖁᔭᒃᓴᓂᑦ ᑎᑎᕋᖅᑏᑦ. ᐊᔾᔨᒌᙱᑦᑐᓂᑦ ᑕᑯᓐᓇᖃᑦᑕᖅᑕᑐᒍᑦ, ᐃᓕᐅᖅᑲᑦᑕᐅᕙᓪᓕᐊᑎᓪᓗᒋᑦ ᖃᐅᑕᒫᖅᓯᐅᑎᓄᑦ ᐃᖅᑲᓇᐃᔮᕆᔭᐅᔪᓄᑦ. ᐃᓱᓕᕝᕕᖓᓂ ᑕᒪᓐᓇ ᓇᓗᓇᐃᖅᓯᔪᓐᓇᙱᒃᖢᖓ. ᑭᐅᙱᑕᒋᑦ, ᑭᓯᐊᓂ ᐊᑐᓕᖅᑎᑦᑎᕙᓪᓕᐊᓂᖅ ᐊᑕᐅᓯᐅᓇᔭᙱᒻᒪᑦ. ᐊᔾᔨᒌᙱᑦᑐᓂᑦ ᐅᓂᒃᑳᓂᑦ ᓴᖅᑭᒐᔭᖅᐸᑦ ᐊᑐᓕᖅᑎᑕᐅᓂᐊᕐᓂᒧᑦ ᐸᕐᓇᐅᑏᑦ ᐊᓯᖏᓗ. ᐄ’, ᐅᕙᓃᓂᐊᖅᑑᓚᒍᓐᓇᙱᑦᑐᖓ, ᒐᕙᒪᒃᑯᑦ ᐱᓕᕆᕝᕕᖏᑦ ᐃᓕᓴᖅᓯᓗᒋᑦ ᒐᕙᒪᐅᓪᓗᑎ ᐃᓄᐃᑦ ᐅᒃᐱᕆᔭᖏᓐᓂᒃ. ᑕᐃᒫᑦᑎᐊᖅ ᐃᖏᕐᕋᑎᐊᖅᑐᒥᑦ ᑕᑯᔪᒪᒐᑦᑕ. ᖁᔭᓐᓇᒦᒃ, ᐃᒃᓯᕙᐅᑖᖅ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 49 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᒥᔅᑕ ᐊᑕᒍᑦᑖᓗᒃ. ᐊᑕᒍᑦᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕕᓯ 2026-2030 ᐱᓕᕆᐊᖑᓂᐊᖅᑐᑦ ᐸᕐᓇᐅᑎᖏᑦ 2026-2027 ᑮᓇᐅᔭᓕᕆᓐᓇᐅᑉ ᐊᕐᕌᒍᒥ ᓯᕗᓪᓕᐅᔾᔨᓯᒪᓂᐊᖅᑐᑦ ᐆᒥᖓ ᒪᓕᒐᐃᑦ ᑕᒪᒃᑯᐊ ᐃᖅᑲᓇᐃᔮᖑᔭᕆᐊᓖᑦ ᐱᔭᕇᕐᓗᒋᑦ ᑖᓐᓇ ᐸᓖᓯᒃᑯᓐᓄᑦ ᐱᖁᔭᕐᔪᐊᖅ ᐊᑐᓯᒋᐊᕐᓂᐊᕐᒪᑦ. ᐅᓪᓗᒥᒧᑦ, ᖃᓄᐃᓕᖓᓕᖅᐸ ᑖᓐᓇ ᐱᓕᕆᐊᕆᔭᐅᔪᖅ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᐊᑕᒍᑦᑖᓗᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ ᑖᓐᓇ ᐊᐱᖅᑯᑎᒋᒻᒥᒐᖕᓂ. ᑖᔅᓱᒧᖓ ᒥᓂᔅᑕᕆᔭᐅᓯᒪᔪᖓ ᐸᓖᓯᒃᑯᓐᓄᑦ ᐱᖁᔭᕐᔪᐊᖅ ᐊᑐᓕᖅᑎᑕᐅᕙᓪᓕᐊᓂᖓ, ᑕᒪᓐᓇ ᑕᑯᔪᒪᑦᑎᐊᖅᑕᕋ ᐊᑕᐅᓯᐅᙱᑦᑐᒥᑦ ᐱᔾᔪᑎᖃᖅᖢᑕ, ᓲᕐᓗᖃᐃ ᐃᒃᑯᐊ ᐅᕙᓂ ᓄᓇᒥ ᑕᕝᕙᓂ ᐃᖅᑲᓇᐃᔭᕐᕕᖃᒃᖤᖅᐳᑦ ᐊᓯᐊᓗ. ᑕᒪᒃᑯᐊ ᐊᔾᔨᒋᙲᑦᑐᓂᑦ ᐱᑕᖃᖃᑦᑕᕐᒪᑕ. ᐊᒻᒪᓗ ᖃᓄᖅ ᐃᓚᓕᐅᔾᔭᐅᔪᓐᓇᕐᒪᖔᑦ ᐃᓚᔮᕇᑦ ᑲᒪᒋᔭᐅᑎᓪᓗᒋᑦ ᑲᒪᒋᔭᐅᑦᑕᐅᑎᒋᓗᒋᓪᓗ. ᐊᒻᒪᓗ ᒪᓕᒐᐃᑦ ᑕᒪᒃᑯᐊ ᑎᑎᕋᖅᑕᐅᕙᓪᓕᐊᓕᖅᑐᑦ. ᐊᒻᒪᓗ ᐱᓕᕆᐊᖑᓂᐊᖅᑐᑦ ᐸᕐᓇᐅᑏᑦ ᑕᑯᓪᓗᒋᑦ ᐃᓚᓕᐅᑎᔪᒪᔭᕗᑦ ᑕᒪᓐᓇ ᐊᕐᕌᒍ ᐃᓱᓕᓚᐅᙱᑎᓪᓗᒍ ᐸᓖᓯᒃᑯᑦ ᐱᖁᔭᕐᔪᖓ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᐊᓯᖏᑦ ᐊᐱᖅᑯᑎᒃᓴᐃᑦ ᒪᓕᒐᓕᐅᖅᓂᑦ? ᒥᔅᑕ ᒪᐃᒃ, ᐊᑏ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ, ᐊᒻᒪᓗ ᖁᔭᓐᓇᒦᒃ ᒥᓂᔅᑕ ᐃᖅᑲᓇᐃᔭᖅᑎᑎᓪᓗ ᑕᒫᓃᑦᑐᓯ. ᑏᓰᕝᕙ 12- ᖑᑎᓪᓗᒍ, 2024 ᐃᓕᕆᕝᕕᒋᔭᐃᑦ ᓇᓗᓇᐃᖅᓯᓚᐅᖅᓯᒪᒻᒪᑦ ᑖᒃᑯᓇᙵᑦ ᓄᓇᓕᖕᓂ ᑐᖁᖓᔪᓕᕆᓂᕐᒧᑦ ᑐᕌᖑᔪᓂᑦ. ᑕᐃᒪ ᖃᑦᑎᓂᑦ ᐱᓇᓱᑦᑐᖃᓚᐅᖅᑲ ᑕᕝᕗᖓ ᐱᓕᕆᕝᕕᒋᔭᖓᓄᑦ, ᐊᒻᒪᓗ ᑕᕝᕙᓂ ᖃᑦᑎᑦ ᐃᖅᑲᓇᐃᔮᖅᑖᖅᑎᑕᐅᓚᐅᖅᑲᑦ ᐱᔭᒃᓴᓂᑦᑎᑕᐅᓚᐅᖅᑲᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᓐᓇ ᑭᐅᓪᓚᕆᒍᓐᓇᙱᑦᑕᒃᑲ 25 ᑕᐃᒃᑯᐊ ᐱᓇᔪᓚᐅᖅᑐᑦ, 8-ᖑᑎᓪᓗᒋᑦ ᐃᖅᑲᓇᐃᔮᒃᓴᐃᑦ. ᐊᒻᒪᓗ ᐱᖓᓱᑦ ᑎᒃᑯᐊᖅᑕᐅᑲᓐᓂᓚᐅᖅᓯᒪᓪᓗᑎᑦ ᒪᓐᓇᕈᓘᓚᐅᖅᑐᖅ. ᖃᑦᓯᑦ ᓄᓇᓖᑦ ᑐᖁᖓᔪᓕᕆᔨᖃᙱᒻᒫᑦ ᓇᓗᓇᐃᖅᓯᔪᓐᓇᙱᒃᖢᖓ ᒫᓐᓇ, ᑕᐃᓐᓇ ᑐᖁᖓᔪᓕᕆᔨᐅᑲᐃᓐᓇᖅᑐᖅ ᐊᑐᓕᖁᔭᓕᐅᓚᐅᖅᑐᖅ ᑕᖅᑭᓂᑦ ᐊᒡᒋᖅᑐᓂᑦ ᐃᖅᑲᓇᐃᔭᖅᑎᑖᖅᑐᑲᓐᓂᓂᐊᖅᑐᖅ. ᑖᓐᓇ ᐅᑭᐊᔅᓵᖅ ᑭᐅᒃᑲᓐᓂᕈᓐᓇᓛᖅᑕᕋ ᐊᒻᒪᓗ ᖃᓄᖅ ᑕᐃᒃᑯᐊ ᑕᐃᒃᑯᐊ ᑎᒃᑯᐊᖅᑕᐅᔪᑦ ᖃᓄᐃᓚᐅᕐᒪᖔᖏᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ Hᐃᒃᔅ. ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᑖᓐᓇ ᐃᓱᒫᓘᑎᒋᒐᓚᒃᖢᒍ. ᐅᓪᓗᒥᒧᑦ ᑎᑭᖦᖢᒍ ᖃᔅᓯᑦ ᓄᓇᓕᓐᓂ ᑐᖁᖓᔪᓕᕆᔩᑦ ᐃᓐᓄᑦᑕᐅᓯᒪᕙᑦ ᐊᒻᒪᓗ ᖃᔅᓯᑦ ᐃᓐᓄᒃᑕᐅᓯᒪᙱᓚᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᓗᓕᑯᓘᔭᖏᓐᓂᒃ ᓵᓐᓃᑦᑐᖃᙱᖦᖢᓂ, ᑭᓯᐊᓂ ᑎᑎᖅᑲᑎᒍᑦ ᑖᓐᓇ ᑭᐅᔪᓐᓇᕐᓂᐊᖅᑕᕋ ᐊᐅᔭᖅ. ᐊᒻᒪᓗ ᖃᐅᔨᒃᑲᓐᓂᕈᒪᒍᕕᑦ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 50 ᐄ’, ᐅᑯᐊ ᐱᓯᒪᔭᒃᑲ ᒫᓐᓇ 12 ᑐᖁᖓᔪᓕᕆᔩᑦ ᓄᓇᕗᒻᒥ ᐊᖏᔪᖅᑳᖓᑦ ᐃᖅᑲᓇᐃᔭᐃᓐᓇᖅᖢᓂ. ᐃᖃᓗᐃᑦ ᐊᒻᒪᓗ 11, ᑕᓪᓕᒪᓂ ᓄᓇᓕᓐᓃᑦᑐᑦ ᓄᓇᕘᓕᒫᕐᒧᑦ ᐃᖅᑲᓇᐃᔭᖅᖢᓂ. ᑕᐃᓐᓇ ᑐᖁᖓᔪᓕᕆᔨᑦ ᐊᖏᔪᖅᑳᕆᑲᐃᓐᓇᖅᑕᖓᑦ, ᐊᓯᖏᓪᓗ ᑕᐃᒃᑯᐊ ᑎᒃᑯᐊᖅᑕᐅᓂᐊᖅᑐᑦ ᑕᖅᑭᓂ ᐊᒡᒋᖅᑐᓂᑦ ᑭᓯᐊᓂ ᐃᒪᓐᓇ ᐅᓄᖅᑎᒋᔫᓚᒍᓐᓇᖏᖦᖢᖓ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ Hᐃᒃᔅ. ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ, ᒥᓂᔅᑕ ᓂᓪᓕᖅᐸᓪᓚᐃᕋᑖᙱᓐᓇᕕᑦ ᑐᑭᓯᙱᑦᑐᖓᓗᑭᐊᖅ, ᖃᑦᑎᑦ ᐃᓐᓄᔅᓯᒪᙱᓚᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᓄᓇᕐᔪᐊᖅ ᐱᐅᔪᐊᓘᓐᓂᖅᐸᑦ ᐱᑕᖃᕋᔭᖅᑐᑦ ᓄᓇᓕᓕᒫᕐᓂ. ᒫᓐᓇ 8 ᐆᒃᑐᖅᑕᐅᓚᐅᖅᑐᑦ ᑕᐃᒃᑯᐊ ᐊᒻᒪᓗ ᐸᐃᑉᐹᖁᑎᖏᑦ ᕿᒥᕐᕈᓇᓕᖅᖢᑎᒃᑯᑦ, ᑐᖁᖓᔪᓕᕆᔩᑦ ᐊᖏᔪᖅᑳᖓᓐᓅᖓᔪᑦ ᐊᒻᒪᓗ ᐊᑐᓕᖁᔭᓕᐊᕕᓃᑦ. ᑖᒃᑯᐊ ᖃᔅᓯᑦ..ᓄᓇᕐᔪᐊᑦᑎᐊᕚᓘᒃᐸᑦ ᑐᖁᖓᔪᓕᕆᔨᑦᑕᖃᕋᔭᖅᑐᖅ ᓄᓇᓕᓕᒫᕐᓂᑦ. ᖃᔅᓯᐅᓂᖏᑦ ᑖᒃᑯᐊ ᓇᓗᓇᐃᕈᓐᓇᖅᑕᒃᑲ ᑲᑎᒪᔨᕋᓛᕐᓄᑦ. ᐃᒻᒪᖄ ᑕᖅᑭᓕᒫᖅ ᐅᕝᕙᓘᓐᓃᑦ ᒪᕐᕉᒃ ᑕᖅᑮᒃ ᐅᑕᖅᑭᑲᐃᓐᓇᕈᔅᓯᑦ. ᑭᓯᐊᓂ ᑕᐃᒃᑯᐊ ᐆᒃᑐᖅᓯᒪᔪᑦ ᐅᓄᖅᑐᖅ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ Hᐃᒃᔅ. ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ, ᒥᓂᔅᑕ. ᐄ, ᓂᕆᐅᓐᓂᐊᖅᑯᒍᑦ ᑖᒃᑯᓂᖓ. ᐃᓛᒃ, ᑕᒪᒃᑯᐊ ᓄᓇᓕᓐᓂ ᐱᑕᖃᕆᐊᖃᓪᓚᕆᑦᑐᑦ ᑖᒃᑯᐊ ᖃᓄᐃᑦᑐᖃᓕᕋᐃᒻᒪᑦ, ᑖᒃᑯᐊ ᐸᓖᓯᒃᑯᑐᐊᖅ ᓄᓇᑦᑎᓐᓂᓕ ᑲᒪᖃᑦᑕᖅᓯᒪᔫᔮᓕᕐᖓᑕ ᑲᒪᙳᐊᑕᖅᓯᓐᓇᖃᑦᑕᖅᓯᒪᒻᒪᑕ. ᑭᓯᐊᓂ ᑕᒪᒃᑯᐊ ᐊᑐᓪᓚᕆᑦᑑᒐᓗᐊᓪᓕ, ᐱᑕᖃᖅᑎᓐᓇᒋᑦ ᓄᓇᓖᑦ ᖃᓂᐅᓕᒍᓐᓇᓗᐊᖃᑦᑕᖏᒻᒪᑕ ᐃᓅᒍᓐᓃᖅᓯᒪᔪᖃᓕᖅᑎᓪᓗᒍ. ᐄ, ᓂᕆᐅᓐᓂᐊᖅᑯᒍᑦ ᑖᔅᓱᒥᖓ. ᐊᐱᖅᑯᑎᔅᓴᖃᒃᑲᓐᓂᖅᑐᖓ ᑭᓯᐊᓂ. (ᑐᓵᔨᑎᒎᓕᖅᑐᖅ) ᖃᑦᑎᑦ ᐱᖁᑎᖏᓐᓂᑦ ᓇᐅᑦᑎᑐᖅᑏᑦ ᖃᑦᑎᓂ ᑲᒪᖃᑦᑕᖅᑲᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑐᑭᓯᑦᑎᐊᕈᒃᑯ ᐊᐱᖅᑯᑎᖓ, ᑕᐃᒃᑯᐊ ᐸᐸᑦᑎᔩᑦ ᕿᒪᑦᑕᐅᔪᓄᑦ ᐊᒻᒪ ᐱᓯᒪᑦᑎᔨᐅᔪᐃᑦ ᐅᓗᕆᐊᓇᖅᑐᒦᑦᑐᓂᑦ ᐃᑲᔪᖃᑦᑕᖅᑐᐃᑦ ᐅᕝᕙᓘᓐᓃᑦ ᐊᔪᕈᑎᓕᓐᓂᑦ. ᐱᒋᐊᓕᖏᑦ ᐸᐸᑦᑎᔨᓄᑦ ᐃᑲᔪᖅᑕᐅᒃᑲᓐᓂᕆᐊᖃᕐᒪᖔᑕ ᖃᐅᔨᔭᐅᒐᓱᐊᖃᑦᑕᓲᑦ, ᖃᓄᑭᐊᖅ ᑭᐅᔭᐅᒍᒪᕙ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ Hᐃᒃᔅ. ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᑕᐃᒪ ᐱᓕᕆᕝᕕᒋᔭᓐᓂ ᑐᔅᓯᕋᕈᑎᒋᔭᑎᑦ 2026-2027, ᓇᓗᓇᐃᖅᓯᒪᒻᒪᑕ ᑖᒃᑯᐊ ᑲᑎᑦᑐᒋᑦ 7-ᖑᔪᐃᑦ ᐃᓂᒋᔭᐅᒍᓐᓇᖅᑐᑦ ᑕᕝᕗᖓ ᒪᓕᒐᓕᕆᔨᒃᑯᑦ ᐱᔨᑦᑎᖅᑎᖏᑕ ᑲᑎᒪᔨᖏᓐᓄᑦ. (ᑐᓵᔨᑎᒎᓕᖅᑐᖅ) ᐅᓪᓗᒥᓕ ᖃᑦᑎᑦ ᐃᓐᓄᑦᑕᐅᓯᒪᙱᓚᑦ ᑕᕝᕙᓂ, ᐊᒻᒪᓗ ᓇᒦᑉᐸᑦ ᑕᐃᒃᑯᐊ ᐃᓐᓄᑦᑕᐅᓯᒪᙱᑦᑐᐃᑦ ᑲᑎᒪᔨᐅᑉ ᐃᓂᖏᑦ. ᖁᔭᓐᓇᒦᒃ, ᐃᒃᓯᕙᐅᑖᖅ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 51 ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᒪᒥᐊᑦᑐᖓ, ᐊᒻᒪ ᖁᔭᓐᓇᒦᒃ ᐅᑕᖅᑭᑦᑎᐊᕋᔅᓯᑦ. ᑕᐃᒃᑯᐊ 7 ᐃᖅᑲᓇᐃᔮᖁᑎᖏᑦ ᒪᓕᒐᕐᓂᐊᖅᑏᑦ ᑲᑎᒪᔨᖏᓐᓂᑦ ᐃᓐᓄᑦᑕᐅᓯᒪᔪᖃᙱᑦᑐᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ Hᐃᒃᔅ. ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ, ᒥᓂᔅᑕ. (ᑐᓵᔨᑎᒎᓕᖅᑐᖅ) ᐱᓕᕆᕕᓯ ᑎᑎᕋᕆᐊᕐᖓᐅᑎᖏᑦ 2026-2027-ᒥ ᑮᓇᐅᔭᖅᑐᕈᑎᔅᓴᐃᑦ ᐅᖃᖅᓯᒪᒻᒪᑕ: “ᑲᑎᓪᓗᒋᒡᒎᖅ ᑎᓴᒪᓂᑦ ᐃᖅᑲᓇᐃᔮᖁᑎᖃᕐᖓᑕ, ᑭᒃᑯᓕᒫᑦ ᐱᔪᓐᓇᐅᑎᖏᓐᓄᑦ ᑲᑎᒪᔨᐅᔪᓄᑦ.” ᐅᓪᓗᒥᐅᓕᖅᑐᕐᓕ ᖃᑦᓯᑦ ᐃᓐᓄᑦᑕᐅᓯᒪᕙᑦ, ᐊᒻᒪᓗ ᖃᑦᓯᑦ ᐃᓐᓄᑦᑕᐅᓯᒪᙱᓚᑦ ᐃᖅᑲᓇᐃᔮᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᒪᒥᐊᒃᑲᓐᓂᖅᑯᖓ ᑕᐃᒫᓪᓚᕆᐅᒻᒪᖔᖅ ᐊᐱᕆᑲᐃᓐᓇᕋᒪ. ᑖᒃᑯᐊ ᑎᓴᒪᑦ ᐃᖅᑲᓇᐃᔮᑦ ᑕᑯᓐᓈᖅᑐᒋᑦ, ᐊᑕᐅᓯᑐᐊᖅ ᐃᓐᓄᑦᑕᐅᓯᒪᔪᖅ ᑎᒃᑯᐊᖅᑕᐅᑐᐃᓐᓇᖅᑐᒥᓂᕐᒧᑦ, ᐊᐅᓚᑦᑎᔨᐅᓪᓗᓂᓗ ᑕᐃᓐᓇ ᐃᖅᑲᓇᐃᔮᖓ. ᑖᓐᓇ ᐊᐅᓚᔾᔭᐃᒋᐊᕈᓐᓇᕐᓂᐊᖅᑐᖅ ᐊᓯᒃᑲᓐᓂᖏᓐᓂᑦ ᐃᖅᑲᓇᐃᔮᖏᓐᓂᑦ ᐃᓐᓄᑦᑕᐅᑎᑦᑎᒐᓱᓪᓗᓂ. ᐄ’, ᐱᔭᕆᐊᑐᓲᖑᒻᒪᑦ ᐊᐅᓚᑦᑎᔨᑖᕋᓱᑦᑐᓂ ᐊᖏᔪᖅᑳᔅᓴᖅᑖᕋᓱᑦᑐᓂ, ᑕᐃᒪᓕ ᑖᓐᓇ ᐊᐅᓚᑦᑎᔨᐅᓂᐊᓕᖅᑐᖅ ᐃᖅᑲᓇᐃᔮᖅᑖᖅᑎᑦᑎᒐᓱᐊᖃᑕᐅᒍᓐᓇᕐᓂᐊᖅᑐᖅ. ᐊᑕᐅᓯᒃᑲᓐᓂᕐᓗ ᐃᖅᑲᓇᐃᔮᖅ ᐃᖅᑲᓇᐃᔭᑲᐃᓐᓇᖅᑐᒧᑦ ᑎᒍᒥᐊᖅᑕᐅᔪᖅ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ Hᐃᒃᔅ. ᑭᖑᓪᓕᐅᓕᕐᒥᔪᖅ ᒥᔅᑕ ᐳᐊᑐ. ᐳᐊᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᐱᕆᒋᐊᒃᑲᓐᓂᕈᒪᑐᐃᓐᓇᖅᑐᖓ ᒥᔅᑕ ᒪᐃᒃ ᐊᐱᖅᑯᑎᒋᖅᑲᐅᔭᖏᓐᓄᑦ. 7-ᓂᑦ ᐃᖅᑲᓇᐃᔮᕐᓂᒃ ᒪᓕᒐᕐᓂᐊᖅᑐᓕᕆᓂᕐᒧᑦ ᐱᔨᑦᑎᕋᖅᑏᑦ ᑲᑎᒪᔨᖏᓐᓂ ᑖᒃᑯᐊ ᐅᖅᓱᖅᑑᕐᒦᑦᑐᔅᓴᐅᒻᒪᑕ. ᒥᓂᔅᑕ ᑕᐃᒪ ᖃᐅᔨᒪᒻᒪᑦ, ᐃᑭᑦᑐᖃᔪᒻᒪᑦ ᒐᕙᒪᒃᑯᑦ ᐃᓪᓗᖁᑎᖓᑦ ᐃᑭᔪᒻᒪᑦ, ᐊᕐᕌᒍᑦ ᖃᑦᑎᒃᑭᐊᖅ ᐊᓂᒍᓕᖅᑐᐃᑦ. ᒥᓂᔅᑕ ᐊᐱᕆᒍᒪᔭᕋ, ᑕᐃᒃᑯᐊ ᐅᖅᓱᖅᑑᕐᒧᑦ ᐅᑎᖅᑎᑕᐅᒃᑲᓐᓂᓛᖅᑲᑦ ᐃᖅᑲᓇᐃᔮᑦ ᐊᓪᓚᕝᕕᖃᓕᖅᑲᑕ ᓄᑖᕐᒥᒃ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᐳᐊᑐ. ᒥᓂᔅᑕ Hᐃᒃᔅ, ᑲᔪᓯᒋᐊᕆᑦ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐄ, ᑕᐃᒪᐃᒐᓱᓛᖅᑐᒍᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ Hᐃᒃᔅ. ᒥᔅᑕ ᐳᐊᑐ, ᐊᐱᖅᑯᑎᔅᓴᖃᒃᑲᓐᓂᖅᑮᑦ? ᐳᐊᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐄ, ᖁᔭᓐᓇᒦᒃ ᑭᐅᒐᕕᙵ. ᐱᓕᕆᕕᓯ ᑎᑎᕋᕆᐊᕐᖓᐅᑎᖏᑦ 2026-27-ᒧᑦ ᐱᓕᕆᐊᔅᓴᓄᑦ ᐸᕐᓇᐅᑎᖏᑦ ᐅᖃᖅᓯᒪᒻᒪᑕ: “ᑮᓇᐅᔭᔅᓴᖏᒡᒎᖅ ᒪᓕᒐᕐᓂᑦ ᒪᓕᑦᑎᑦᑎᓂᕐᒧᑦ $6.429-ᒥᓕᐊᓐᒥᑦ ᐃᓚᒋᐊᖅᑕᐅᓛᕐᖓᑕ, $69.28-ᒥᓕᐊᓐᖑᔪᓪᓗᑎ 25-26 ᐊᕐᕌᒍᖓᓂ.” $75.813-ᒥᓕᐊᓐᓂ

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 52 2026-27-ᒥ. ᑖᓐᓇ 9.2%-ᒥᒃ ᖁᕝᕙᕆᐊᖅᑕᐅᒐᓱᒻᒪᑦ, ᓱᒻᒪᓄᓇ ᖁᕝᕙᕆᐊᕆᐊᖃᕐᖓᑦ ᑕᐃᒫᒃ ᖃᐅᔨᔭᐅᓐᓂᖅᑲ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᐳᐊᑐ. ᒥᓂᔅᑕ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᔅᓯᕙᐅᑖᖅ. ᑕᐃᒪ ᑭᐅᖅᑲᐅᒐᒃᑯᐃᓛᒃ, ᐊᑭᑐᓂᖅᓴᐅᓕᕐᖓᑕ ᑮᓇᐅᔾᔭᔅᓵᖏᓐᓄᑦ ᑐᕌᖓᓪᓗᑎᑦ. ᐸᓖᓯᒃᑯᑦᑕᐅᖅ ᐃᖅᑲᓇᐃᔭᖅᑎᖏᑦ ᑲᑐᔾᔨᖃᑎᒌᖏᑦ ᐊᖏᖃᑎᒌᒍᑎᒥᒃ ᐱᔭᕇᕋᑖᓚᐅᕐᖓᑕ, $5-ᒥᓕᐊᓐᐸᓗᓐᓂᑦ ᐃᓚᒋᐊᕆᐊᖃᕐᓂᐊᕐᖓᑕ ᑮᓇᐅᔾᔭᓵᔅᓴᖏᑦ. ᐊᒻᒪᑦᑕᐅᖅ ᖃᖓᑕᓲᓕᕆᔩᑦ, ᐊᐅᓚᐅᓯᕆᔨ ᐃᓚᒋᔭᐅᒻᒥᒻᒪᑦ, ᐊᒻᒪᑦᑕᐅᖅ ᐱᕋᔭᑦᑕᐃᓕᑎᑦᑎᓂᕐᒧᑦ ᑐᑭᒧᐊᒍᑎᔅᓴᐅᒐᔭᖅᑐᖅ ᐊᑐᓕᖅᑎᑕᐅᒐᓱᓐᓂᐊᕐᖓᑦ ᓄᓇᕘᓕᒫᒥ. ᑖᒃᑯᐊ ᑕᕝᕙ ᑮᓇᐅᔭᖅᑐᖅᑐᑦ ᑕᕝᕗᖔᖅᑲᖅᑯᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ Hᐃᒃᔅ. ᐊᐱᕆᔪᖃᒃᑲᓐᓂᕈᒪᕚ ᐊᖏᔪᖅᑳᖃᕐᕕᖓᑕ ᒥᔅᓵᓄᑦ? ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑎᑎᖅᑲᐅᓚᐅᖅᓯᒪᔪᖅ ᒥᓂᔅᑕᐅᓚᐅᖅᓯᒪᔪᒥ ᒪᓕᒐᓕᕆᓂᕐᒧᑦ, ᑲᑎᒪᔨᕋᓛᕐᓂᑦ ᐋᖅᑭᔅᓯᔪᖃᖁᔨᓐᓂᕐᖓᑦ ᐊᐃᑉᐸᕇᒃ ᐱᑦᑎᐊᖃᑦᑕᐅᑎᙱᓪᓗᑎᒃ ᑐᖁᔪᖃᕐᓂᕋᐃᑉᐸᑦ ᑲᒪᔨᐅᒐᔭᖅᑐᒥᒃ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖁᓕᒃᑖᓇ. ᒥᓂᔅᑕ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᔅᓯᕙᐅᑖᖅ. ᖁᔭᓕᔭᕋ ᐊᐱᕆᒻᒪᑦ ᑕᐃᒫᒃ. ᐃᒃᓯᕙᐅᑖᖅ, ᒪᓕᒐᓕᕆᔨᒃᑯᑦ ᓱᓕ ᐱᓕᕆᖃᑎᖃᕐᖓᑕ ᐊᑕᑲᐃᓐᓇᖅᑐᒥᒃ ᑐᖁᖓᔪᓕᕆᔨᒻᒪᕆᒻᒥᒃ, ᑕᕝᕙᓂ ᐊᑕᑲᐃᓐᓇᖅᑐᒦᑦᑎᓪᓗᒍ.ᖃᓄᑭᐊᕐᖓᐃ ᐅᖃᓚᐅᕐᓚᒍ..ᐊᓪᓚᕝᕕᖓᓂ ᑕᐃᑲᓂ, ᑕᐃᓐᓇ ᐃᖅᑲᓇᐃᔮᖅ ᐃᓐᓄᑦᑕᐅᓯᒪᑎᓪᓗᒍ ᑭᓯᐊᓂ ᐊᑐᓚᑦᑎᐊᕈᓐᓇᕐᖓᑦ. ᐅᖃᖃᑎᒌᒍᑕᐅᒃᑲᓐᓂᕈᓐᓇᕋᔭᖅᑑᒐᓗᐊᖅ ᐊᒻᒪᓗ ᑭᒃᑯᓕᒫᑦ ᐊᑲᕐᕆᔮᕐᓂᖅᓴᐅᒐᔭᕐᖓᑕᐃᓛᒃ ᑐᖁᖓᔪᓕᕆᔨᖃᓪᓚᕆᓕᕈᑦᑕ ᐊᑕᑲᐃᓐᓇᑐᐃᓐᓇᖏᑦᑐᒥᒃ, ᑕᒪᓐᓇ ᐱᕙᓪᓕᐊᒐᑦᑎᒍᑦ. ᑕᐃᒫᑐᐊᖅ ᐅᖃᕈᓐᓇᖅᑕᕋ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖁᓕᒃᑖᓇ, ᑲᔪᓯᒋᐊᕈᓐᓇᖅᑐᑎᑦ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᐱᖅᑯᑎᒐ ᑭᖑᓪᓕᖅ ᑭᐅᒌᕋᕕᐅᒃ, ᐱᓕᕆᐊᖑᒻᒪᒡᒎᖅ. ᖃᖓ ᐱᔭᕇᖅᑕᐅᒐᔭᖅᑲᓖ? ᐊᐃᑉᐸᕇᒃ ᐋᓐᓂᖅᑎᖃᑦᑕᐅᑎᑎᓪᓗᒋᑦ ᕿᒥᕐᕈᔨᐅᒐᔭᖅᑐᓂᑦ? ᑭᐅᕈᔪᒌᕋᑖᕐᖔᖓ ᖁᔭᓐᓇᒦᑐᐃᓐᓇᓕᖅᑐᖓ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖁᓕᒃᑖᓇ. ᑭᐅᔭᐅᒃᑲᓐᓂᕈᒪᔫᔮᙱᑦᑐᖅ ᑭᐅᒌᕋᑖᕐᖓᑦ, ᐊᐱᖅᑯᑎᔅᓴᖃᒃᑲᓐᓂᖅᑭᓰᑦ? ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᔅᓯᕙᐅᑖᖅ. ᐱᓕᕆᕕᓯ ᑎᑎᕋᕆᐊᕐᖓᐅᑎᖏᑦ 2026-2030-ᒧᑦ ᐱᓕᕆᐊᔅᓴᓄᑦ ᐸᕐᓇᐅᑎᖓ ᐅᖃᖅᓯᒪᒻᒪᑦ; ᐃᓚᖓᒎᖅ ᓯᕗᓪᓕᐅᑎᑕᐅᓂᐊᖅᑐᖅ 2026-2027 ᐊᕐᕌᒍᖓᓂ. ᑕᒪᓐᓇᐅᒻᒪᑦ ᐅᖃᓕᒫᕐᓗᒍ: “ᓴᓇᓗᑎᒃ ᑐᓴᐅᒪᑎᑦᑎᓂᕐᒧᑦ ᐸᕐᓇᐅᑎᖓᓂᑦ ᐃᓐᓇᕐᒪᕆᓐᓄᑦ, ᒪᒃᑯᑦᑐᓄᑦ ᐋᓐᓂᖅᑎᖅᑕᐅᖃᑦᑕᖅᑐᐃᑦ ᑐᓴᐅᒪᔭᐅᖁᓪᓗᒋᑦ ᐊᒻᒪᑦᑕᐅᖅ ᓴᖅᑭᖅᓯᖃᑦᑕᕐᓗᓯᓗ ᑎᑎᖅᑐᒐᖅᑕᐅᓯᒪᔪᓂᑦ ᖃᕋᓴᐅᔭᒃᑯᓪᓗ ᓴᖅᑭᔮᖅᑎᑦᑎᖃᑦᑕᕐᓗᓯ.”

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 53 ᖃᖓᓕ ᐱᓕᕆᕕᓯ ᐊᑐᓕᖅᑎᑕᐅᓛᖅᑲ ᐱᕙᓪᓕᐊᔭᐅᓂᖓ (1) ᑖᔅᓱᒪ ᓴᖅᑭᔮᕆᐊᖅᑎᑦᑎᓂᐅᑉ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑕᖅᑐ. ᑲᔪᓯᒋᐊᕆᑦ, ᒥᓂᔅᑕ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᔅᓯᕙᐅᑖᖅ. ᐄ, ᖁᔭᓕᔭᕋ ᑕᐃᒫᒃ ᐊᐱᕆᖅᓱᕐᖓᑦ. ᐱᓇᓱᐊᕈᓯᕐᒥ ᑕᕝᕙᓂ ᐅᐊᑦᑎᐊᕈᒃᑲᓐᓂᖅ ᑐᓴᖅᑕᐅᑎᑦᑎᓛᖅᑐᒍᑦ, ᑐᓴᐅᒪᒃᑲᓐᓂᓛᕐᖓᑕᐃᓛᒃ ᓱᔪᖃᕈᓐᓇᕐᒪᖔᑦ ᐃᓐᓇᒻᒪᕇᑦ, ᒪᒃᑯᑦᑐᓪᓗ ᐋᓐᓂᖅᑎᖅᑕᐅᖃᑦᑕᖅᑎᓪᓗᒋᑦ. ᒫᓐᓇ ᖃᐅᔨᒪᑦᑎᐊᕋᓱᒐᓱᒃᑲᑦᑕ ᐱᕕᔅᓴᖅᑖᖅᑎᑦᑎᒃᑲᓐᓂᕋᓱᑦᑐᑕ ᐃᓐᓇᒻᒪᕆᓐᓄᑦ, ᐊᒻᒪ ᑐᓴᐅᒪᔭᐅᔾᔫᒥᖁᓪᓗᒋᑦ. ᒐᕙᒪᒃᑯᑦ ᐱᓕᕆᕕᖏᑦ ᐊᑕᐅᓯᐅᙱᒻᒪᕆᑦᑐᑦ ᑲᒪᖃᑕᐅᒻᒪᑕ. ᑕᐃᒪᐃᓕᒃᑲᓐᓂᕐᓗᖓᐃᓛᒃ ᐅᖃᑦᑎᐊᕆᐊᖃᕋᒃᑯᒃ. ᐱᒻᒪᕆᓪᓚᕆᐊᓘᒻᒪᑦ ᐃᓚᒋᔭᐅᓪᓗᓂ ᐃᑉᐱᒋᔭᐅᑦᑎᐊᕆᐊᖃᕐᓂᖏᓐᓂᑦ ᐃᓐᓇᒻᒪᕇᑦ. ᐊᔾᔨᒌᙱᑦᑐᕈᓘᔮᓘᒻᒪᑕ ᐱᑯᑦᑐᔅᓯᓂᐅᒍᓐᓇᖅᑐᑦ ᐃᓐᓇᕐᓂᒃ, ᐃᓱᒪᒃᑯᑦ, ᑮᓇᐅᔭᒃᑯᑦ ᐱᑯᑦᑐᑦᑕᐅᒍᓐᓇᕐᖓᑕ. ᐃᓅᖃᑎᒌᑦᑐᑕ ᐅᑉᐱᕈᓱᑦᑎᐊᕐᓂᕋᖅᐸᒃᑲᑦᑕ ᐃᓐᓇᖁᑎᑦᑎᓐᓂ. ᑭᓯᐊᓂ ᑕᐃᒫᒃ ᑕᐃᒪᐃᓕᐅᙱᑦᑐᐃᑦ ᑕᑯᔅᓴᐅᖃᑦᑕᕐᒥᒻᒪᑕᑦᑕᐅᖅ, ᐃᓐᓇᒻᒪᕇᑦ ᑐᓴᕐᕕᒋᔪᒪᔭᕗᑦ. ᐊᒻᒪ ᖃᓄᐃᑦᑐᓂᑦ ᐱᔨᑦᑎᕋᐅᑎᓂᑦ ᐊᑐᐃᓐᓇᐅᑎᑦᑎᒻᒪᖔᑦᑕ ᐃᓐᓇᕐᓄᑦ ᐃᑲᔫᑎᓂ. ᐅᖃᓗᐊᕈᓐᓇᖏᒻᒪᕆᑦᑕᕋ ᖃᓄᑎᒋᒃ ᐱᒻᒪᕆᐊᓘᑎᒋᒻᒪᖔᖅ, ᐃᓚᒌᑦ, ᓄᓇᖅᑲᑎᒌᑦ, ᑕᑯᔪᖃᕋᐃᑉᐸᑦ ᐅᖃᐅᓯᖃᖃᑦᑕᕆᐊᖃᕐᓂᖏᑦ. ᐊᒻᒪᓗᑦᑕᐅᖅ ᐅᐸᑦᑕᐅᖃᑦᑕᕐᓗᑎᒃ ᖃᓄᖅ ᐃᑲᔪᖅᑕᐅᒃᑲᓐᓂᕈᓐᓇᕐᒪᖔᑕ ᐅᖃᐅᔾᔨᒍᓐᓇᖅᑐᓄᑦ. ᓈᒻᒪᑦᑐᓄᑦ ᒐᕙᒪᒃᑯᑦ ᐱᓕᕆᕕᖓᓄᑦ, ᒐᕙᒪᒃᑯᓪᓘᓐᓃᑦ ᐱᓕᕆᔾᔪᑎᖓᓄᑦ ᓈᒻᒪᑦᑐᒧᑦ ᑐᕌᕆᐊᖅᑎᑕᐅᖃᑦᑕᕈᓐᓇᕋᔭᕐᖓᑕ ᐃᑲᔪᕈᓐᓇᖅᑐᓄᑦ ᐃᖅᑲᓇᐃᔭᖅᑎᓄᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ Hᐃᒃᔅ. ᒥᔅᑕ ᑕᖅᑐ, ᑲᔪᓯᒋᐊᕆᑦ. ᑕᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᔅᓯᕙᐅᑖᖅ. ᖁᔭᓐᓇᒦᓪᓗ ᑭᐅᒐᕕᙵ. ᐱᓕᕆᕕᓯ ᑎᑎᕋᕆᐊᕐᖓᐅᑎᖏᑦ 2026-2030-ᒧᑦ ᐱᓕᕆᐊᔅᓴᓄᑦ ᐸᕐᓇᐅᑎᖏᑦ, ᐅᖃᖅᓯᒪᒻᒪᑦ ᐃᓚᖓᒍᑦ; ᓯᕗᓪᓕᐅᑎᑕᐅᓛᖅᑐᑦ 2026-2027 ᐊᕐᕌᒍᖓᓂ, ᐱᔭᕇᕐᓗᑎ ᐊᑐᓕᖅᑎᑕᐅᓂᖓᓂᒃ ᐃᓐᓇᒻᒪᕇᑦ ᐱᑯᑦᑐᑦᑕᐅᖃᑦᑕᕐᓂᖏᓐᓂᑦ ᖃᐅᔨᒪᓕᖅᑎᑦᑎᒍᑏᑦ ᓴᖅᑭᖅᑕᐅᓗᑎᑦ ᐊᑐᐃᓐᓇᕈᖅᑕᐅᓯᒪᔪᓕᒫᑦ. ᑖᒃᑯᐊ ᑎᑎᕋᖅᓯᒪᔪᐃᑦ, ᖃᕋᓴᐅᔭᒃᑯᓪᓗ ᓴᕿᖃᑕᖅᑕᓯ, ᖃᓄᑲᓐᓂᖅ ᐊᓯᐊᒍᑦ ᓴᖅᑭᖅᓯᑲᓐᓂᖃᑦᑕᓛᖅᑐᒋᕕᓯ, ᑖᑯᓂᖓ ᑐᑭᓯᒋᐊᖅᑎᑦᑎᒍᑎᓂᒃ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑕᖅᑐ, ᒥᓂᔅᑕ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒫ ᑭᐅᔪᓐᓇᖅᑕᕋ ᑖᓇ ᒪᓕᑐᐃᓐᓇᓂᐊᒥᔪᖅ ᒐᕙᒪᒃᑯ ᐱᓕᕆᕕᖏᓐᓂᒃ ᐱᓕᕆᔾᔪᑎᖏᓐᓂᓪᓗ ᓴᕿᐸᓪᓕᐊᔪᓂᑦ. ᑕᐃᒫᓗ ᐋᕿᑎᕆᕙᓪᓕᐊᑎᓪᓗᑕ ᑲᑎᒪᔨᕋᓛᓂ ᐱᓕᕆᖃᑎᒋᔭᑦᑎᓐᓂ, ᐃᓐᓇᒪᕆᓐᓂ ᐊᒻᒪᓗ ᖃᐅᔨᒋᐊᕐᓂᕆᔭᕗᑦ, ᓄᓇᓕᓐᓂ ᐱᓕᕆᓕᕋᐃᒐᑦᑕ ᐅᖃᐅᔨᒋᐊᕈᑦᑕᓘᓐᓂ ᓱᖁᔨᒍᑦᑕᓘᓐᓂᑦ ᒐᒪᕙᑐ ᐱᓕᕆᔨᖏᓐᓄᑦ, ᐅᕙᑦᑎᓄᓗᐃᓛᒃ, ᑕᐃᑯᐊ ᐊᑦᑐᖅᑕᐅᓂᖅᐹᖑᒐᔭᖅᑐᐃᑦ ᐃᓱᒪᒋᒋᐊᓲᕆᒐᑦᑎᒍ. ᐃᓐᓇᒪᕆᓕᕆᔪᑎᔅᓴᒥ ᑐᑭᒧᐊᒍᑎᔅᓴᒥ ᓴᕿᓯᔪᖃᓚᐅᑐᖅ ᒐᕙᒪᐅᓚᐅᖅᑐᓄ ᐃᓱᒫᓗᒋᔭᐅᓚᐅᓚᕆᑦᑐᓂ ᓴᖅᑭᔮᕆᐊᑎᑎᔪᓂᒃ, ᑭᓯᐊᓂ ᐊᒥᒐᓗᐊᕐᒥᑉᐸ ᐅᕙᒍ ᒪᓕᒐᓕᐅᖅᑎᐅᓪᓗᑕ ᖃᐅᔨᒃᑲᖅᑕᐅᓗᑕ, ᖃᓄ ᐱᔨᑦᑎᕋᒃᑲᓐᓂᕈᓐᓇᕋᔭᕐᒪᖔᑦ. ᑖᓐᓇ ᑕᕝᕙᓂ ᐊᕐᕋᒍᑎᓐᓂ ᐱᓕᕆᐊᖑᕖᖓᓂᐊᖅᑐᖅ, ᖃᓄᐃᑦᑐᓂ ᐃᓱᒫᓘᑎᑕᖃᕐᒪᖔ, ᖃᓄᐃᑦᑐᓂᓪᓗ ᐱᒋᐊᖅᑎᑦᑎᔪᓇᕐᒪᖔ ᐃᑲᔫᑎᔅᓴᑎᓐᓂ ᐃᓱᒪᒋᐊᖃᕐᓂᐊᕋᑦᑕ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 54 ᑭᖑᓕᕐᒥᒃ ᑮᓇᐅᔭᓕᕆᔾᔪᑏᑦ ᐊᕐᕌᒍᖓᓐᓂᒃ, ᖃᓄᐃᑦᑐᓂ ᓴᕿᖅᓯᓛᒪᖔᑦ ᐅᖅᕈᓐᓇᖅᓯᓛᖅᑐᒍᑦ. ᒫᓇ ᐅᖃᑦᑕᐅᑎᒋᔪᓐᓇᖏᓐᓇᒪ ᑲᑎᒪᔨᕋᓛᓃᖓᖅᑐᐃᑦ, ᑭᓯᐊᓂ ᑕᐃᒪᐃᐸᓕᐊᑐᐃᓇᓂᐊᖅᑐᒋᒐᑦᑎᒍ, ᑕᐃᒫᓗ ᐱᓕᕆᔪᑎᔅᓴᓂ ᓴᖑᑎᑦᑎᒋᐊᕈᓇᖅᑐᒍᑦ. ᑕᕝᕗᖓ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ Hᐃᒃᔅ. ᐊᐱᖅᑯᑎᔅᓴᖃᖅᑐᖃᑲᓐᓂᖅᐸ ᐊᖏᔪᖃᐅᓯᕐᕕᒻᒧᑦ? ᑕᑯᖏᑕᐃᓐᓇᕋᒪ, ᒪᓕᒐᓕᐅᖅᑏᑦ ᐊᖏᖅᐸᑦ $28,274,000.00 ᑮᓇᐅᔭᑦ ᐊᖏᖅᐱᓯᐅᒃ? ᐃᓚᒋᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᑉᐱᒑᓄᕐᓗᓯ E-5. ᕿᒥᕈᓂᐊᓕᕐᒻᒥᔭᕗᑦ ᑖᑯᐊ ᐸᓖᓯᓕᕆᓂᒃᑯᑦ. ᑲᑎᑐᒋᑦ, $75,813,000.00 ᒥᓕᐊᑦ ᑮᓇᐅᔭᑦ. ᒪᓕᒐᓕᐅᖅᑏᑦ ᐊᐱᖅᑯᑎᔅᓴᖃᐸᑦ? ᒥᔅᑕ ᐊᑕᒍᑖᓗᒃ, ᐃᓵᒃᓯᒪᔪᑎᑦ? ᑲᔪᓯᒋᑦ. ᐊᑕᒍᑦᑕᓗᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐅᑭᐅᖅ 20 ᑲᓇᑕ-ᓄᓇᕗᑦ ᐊᖏᕈᑎᐅᔪᖅ ᒐᕙᒪᑐᖃᒃᑯᓐᓂ 2012-ᒥ ᐊᑎᓕᐅᖅᑕᐅᓚᐅᖅᓯᒪᕗᑦ. ᑳᓐᑐᕋᒃ-ᒥ ᑲᑎᒪᔨᐊᓛᖃᖁᓪᓗᒍ ᖃᑦᓯᐊᖅᑎ ᓱᓕ ᑲᑎᒐᒪᔪᒃᐸᑦ ᑲᑎᒪᔩᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᐊᑕᒍᑖᓗᒃ. ᑲᔪᓯᒋᑦ ᒥᓂᔅᑕ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᖓᓱᐃᓱᖅᑐᑎᑦ ᐅᐸᖃᑦᑕᓲᖑᔪᖅ. ᐊᓯᖏᑦᑕᐅ ᑐᓴᕋᔅᓴᐃᑦ ᓴᖅᑭᑕᐅᓲᖑᒻᒥᔪᑦ. ᓇᓕᐊᓐᓄᕋᐅᑕᐅᓲᖑᔪᑦ ᐸᓖᓯᒃᑯᑦ ᐃᓚᒋᓪᓗᒋᑦ ᐊᒻᒪᓗ ᐱᓕᕆᕕᑦᑕ ᐱᓕᕆᕕᖏᑦ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ Hᐃᒃᔅ. ᑲᔪᓯᒋᑦ ᒥᔅᑕ ᐊᑕᒍᑦᑖᓗᒃ. ᐊᑕᒍᑦᑖᓗᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ ᒥᓂᔅᑕ. ᐱᓕᕆᕕᓯ ᐅᑭᐅᖅ ᑕᓪᓕᒪᓄᑦ ᓄᓇᕗᒻᒥ ᐱᕋᔭᑦᑕᐃᓕᓂᕐᒻᒧᑦ ᐸᕐᓐᓇᐅᑎ ᓴᕿᑕᐅᓚᐅᖅᓯᒪᔪᖅ ᒪᓕᒐᓕᐅᖅᕕᒥ ᒫᓯ 14, 2017-ᖑᑎᓪᓗᒍ. ᖃᓄᖅ ᐱᓕᕆᕕᓯ ᖃᐅᔨᒪᔪᑎᖃᑎᓕᖅᓯᒪᕙ ᑲᔪᓯᑎᐊᑎᒋᓂᖓᓂ ᐸᕐᓇᐅᑎᐅᑉ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᐊᑕᒍᑦᑖᓗᒃ. ᒥᓂᔅᑕ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ):ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒥᓱᑦ ᐊᐅᓚᓂᕐᒨᓕᖓᔪᓄᑦ ᐊᖅᑯᑎᒋᓗᑎᑦ ᑖᓇ ᒥᔅᑕ ᕙᓛᑲᑖ ᑭᐅᒍᓇᖅᐸᒍ ᐊᐱᖁᑎᐅᔪᖅ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᕙᓛᑲᑖ ᑲᔪᓯᒋᑦ. ᕙᓛᑲᑖ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᕋᔭᑦᑕᐃᓕᓂᕐᒧᑦ ᐸᕐᓇᐅᑎ ᐆᑦᑐᑎᖃᓲᖑᔪᖅ ᑲᔪᓯᑎᐊᕐᑎᓯᒋᖓ ᖃᓄᕈᓘᔭᖅ ᐱᕋᔭᓚᑦᑖᖅᑐᒥᓂᐅᖏᑐᑎᒍᑦ, ᐅᖃᓗᑦᑐᒥᓂᑯᖏᑦᑐᓘᓂᑦ ᑭᓯᐊᓂ ᐅᖃᓗᕕᐅᖃᑕᑎᒋᓂᖏᑦ ᖃᓄᕐᓗ, ᐱᕋᔭᑦᑐᓂ ᐅᖄᓚᐅᑎᖃᕈᒪᔪᖃᕋᔭᕌᖓᒥ. ᑖᑯᐊ ᐱᕋᔭᑎᒋᕙᓐᓂᖏᑦ ᓄᓇᕘᒥ ᖃᓄᖅ ᓲᖑᔪᒻᒪᕆᒻᒥ ᐋᓂᖅᓯᓂᐅᕙᑦᑐ ᑕᑯᓪᓗᒋᑦ ᑲᓇᑕᒥ ᐊᑐᐃᓐᓇᐅᑎᑕᐅᕙᑦᑐ ᐊᕕᑐᖅᓯᒪᔪᓂᒃ ᖃᓄᐃᑉᐸᒪᖔᑕ ᐊᕐᕋᒍᑕᒫ, ᓱᖁᓯᓗᐊᖅᓯᒪᖏᑦᑐᑦ ᒫᓇ ᐅᑭᐅᑦ ᖁᓕᓄᑦ. ᐃᓅᓱᑐᑦ ᐱᕋᔭᑉᐸᑦᑐᑦ, ᐱᕋᔭᐸᓐᓂᖏᓪᓘᓃᑦ ᐅᑭᐅᖅ ᖁᓖᑦ ᓄᖑᐹᓕᖅᓯᒪᔪᖅ. ᐃᓚᖏᑦ ᑲᔪᓯᒋᐊᖅᓯᒪᔭᕗᑦ ᓄᖑᑎᔫᒥᑎᒐᓱᑦᑐᑎᒍ ᐱᕋᔭᐸᑦᑐ, ᒥᓂᔅᑕᐅᑉ ᐅᖃᖃᐅᒥᔭᖓᓂ ᓄᓇᓖᑦ ᐃᖃᖅᑐᐃᔨᕋᓛᖏᑦ ᐃᓚᒋᓗᔨᑦ ᐊᓄᓚᑦᓰᕕᓕᕆᔩᓗ ᐱᕋᔭᑦᑐᓕᕆᓂᕐᒧᑦ ᒪᓕᒋᐊᓕᓂ ᑲᒪᒐᓱᐊᖃᑕᕐᑐᑦ ᐊᓂᑕᐅᔪᓂᑦ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 55 ᐸᕐᓇᐅᑎᒋᓕᒥᔭᕗᑦ ᓄᓇᖃᖄᑐᓄ ᐸᓕᓯᓕᕆᓂᐅᔪᖅ ᑖᓇ ᐊᑑᑎᖃᑦᑎᐊᕋᔭᖅᑐᑦ ᐃᓕᖁᓯᕐᒥᑦ ᐱᓕᕆᐊᒃᓴᐅᒍᓇᖅᑐᒥᒃ ᓄᓇᓕᓐᓂᑦ, ᐸᓖᓯᑯᓐᓄᑦ ᐊᐅᓚᑕᑑᖏᓪᓗᓂ ᑭᓯᐊᓂ ᑎᒥᐅᔪᖁᑎᖏ, ᓄᓇᓕᓐᓂ ᓇᓗᓇᐃᖅᓯᒍᓐᓇᕐᓗᑎᒃ, ᑕᒪᑯᐊ ᐆᑐᖃᑕᕐᖅᐸᕗᑦ. ᑕᕿᓂᓪᓗᐃᓛᑦ ᐊᒡᒋᖅᑐᓂ ᓯᕗᓕᐅᔨᕙᓪᓕᐊᓂᐊᕐᒥᔪᒍᑦ ᐱᕋᔭᑕᐃᓕᓂᕐᒥᑦ ᐋᕿᒃᓱᐸᓕᐊᓯᓇᕐᓗᒋᑦ. ᐊᕐᕋᒎᑕᒫᓯᐅᑎᖃᓲᓕ ᐅᓂᑳᓂᒃ ᔪᓚᐃᒥ. ᒫᓇᕈᓗᒃ ᖃᐃᑦᑎᔭᐅᓛᓕᕐᒥᔪᒍ, ᐱᓯᒪᖏᑐᐃᓇᖅᑕᕗᑦ. ᓱᖁᐃᖅᓯᒍᑎᒋᓛᖅᑕᕗᑦ ᖃᓄᐃᐸᓪᓕᐊᒪᖔᑕ ᐱᕋᔭᒃᐸᑦᑐᑦ ᖃᑦᓯᓪᓗ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᕙᓛᑲᑖ. ᒥᔅᑕ ᐊᑕᒍᑦᑖᓗᒃ, ᑲᔪᓯᒋᑦ. ᐊᑕᒍᑦᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᔭᓄᐊᓕ 2021-ᒥ ᐸᓖᓯᒃᑯᑦ ᑐᓴᕈᑎᖃᓚᐅᓯᒪᕗᑦ ᑲᑐᑭᖃᑎᖃᕐᓂᖓ ᒪᑭᒋᐊᖅᑕ ᐃᓄᐃᑦ ᐱᓕᒪᒃᓴᐃᓂᕐᒧᑦ ᑯᐊᐳᕇᓴᐅᔪᑦ. ᑐᕌᒐᖃᖅᓱᑎ ᐃᓄᐃᑦ ᐅᓄᖅᓯᒋᐊᔫᒥᓂᐊᕐᒪᑕ ᐸᓖᓯᑯᓐᓂ ᐃᖃᓇᐃᔭᖅᐸᑦᑐᑦ. ᓯᕗᓕᕆᓚᐅᑕᐃᑦ ᐅᖃᓚᐅᖅᓯᒪᒻᒪᑦ ᐃᓚᐅᓚᐅᖅᑐᑦ ᐱᔭᕇᖅᓯᓚᐅᓯᒪᖏᓚᑦ ᐃᓕᓂᐊᖅᑕᒥᓂ, ᑭᓯᐊᓂ, ᐃᓚᖓᑦ ᐃᖅᑲᓇᐃᔭᓯᒋᐊᓚᐅᖅᑐᒐᓗᐊᖅ ᐃᖃᓗᓂᒃ ᐸᓖᓯᑯᓐᓂᑦ. ᐃᖃᖅᑐᐃᔨᓕᕆᔨᑯᑦ ᐃᓱᒪᕙᓪᓕᐊᕚᑦ ᑲᑐᑎᖃᑎᒌᑲᓂᕋᔭᖁᓪᓗᑎ ᒪᑭᒋᐊᑕᒃᑯᓂᑦ ᑲᔪᖏᖅᓴᖅᑕᐅᖁᓗᒋᑦ ᒥᓕᒪᑦᓴᓂᕐᒧᓪᓗ ᐃᓚᐅᑦᓯᐊᖃᑦᑕᖁᓪᓗᒋᑦ ᐃᓄᐃᑦ ᐸᓖᓯᑯᓐᓂ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᐊᑕᒍᑦᑖᓗᒃ. ᒥᓂᔅᑕ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᓯᑕᒪᐅᖂᖅᑐ ᐃᓄᐃ ᓯᕕᓕᖅᐹᓯᐅᓂ ᐃᓕᓂᐊᖅᐸᓕᐊᔪᑦ, ᒥᔅᑕ ᕙᓛᑲᑖ ᐃᓗᓕᑲᓐᓂᖏᓐᓂᒃ ᑭᐅᒋᐊᓚᒍᓇᖅᐳᑦ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ, ᑲᔪᓯᒋᑦ ᒥᔅᑕ ᕙᓛᑲᑖ. ᕙᓛᑲᑖ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓗ ᐊᐱᕆᒐᕕᑦ. ᐸᓖᓯᒃᑯᑦ ᐅᑭᐅᒐᓚᓂ ᐊᓂᒍᖅᑐᓂ ᖃᓄᖅᑑᕈᓘᔭᕋᓱᖃᑕᕐᓯᒪᒪᑕ ᐅᓄᖅᓯᒋᐊᕋᓱᑐᑎᒍ ᐃᓄᐃᑦ ᐃᖅᑲᓇᐃᔭᖅᑐᑦ ᓄᓇᕗᒥᐅᑕᐃᑦ. ᐊᕐᕋᓃ, ᐊᕐᕋᓂ ᐅᖓᓕᐊᓂᓗ ᐃᖃᓇᐃᔭᖅᑎᓯᒍᓇᓕᓚᐅᓯᒪᒐᓗᐊᖅᑐᒍᑦ ᐊᑕᐅᓯᕐᒥᒃ ᐅᑎᕐᒪᑦ ᓄᓇᕗᒧᑦ. ᐃᖃᓗᑑᑎᐊᕐᒦᓕᖅᑐᖅ. ᐸᓖᓯᑯᑦ ᓱᓕ ᐃᖃᓇᐃᔭᖅᑎᑖᕋᓱᓂᕐᒧᑦ ᐸᕐᓇᐅᑎᖃᖅᐸᑐᑦ. ᐱᑐᖃᐅᔪᖅ ᑲᔪᓯᑎᐊᕈᓇᓚᐅᖏᒪᑦ, ᐋᒐᐅᒐᓗᐊᖅ, ᐱᐅᔪᐹᓘᓚᐅᖅᑐᖅ ᐃᖅᑲᓇᐃᔭᖅᑎᑖᐸᓂᕐᒥᑦ ᑕᖄᖓᑐᐃᓇᖅ, ᒪᕉᓂᓪᓗ ᑐᓴᖅᑐᓕᕆᓂᕐᒧᑦ ᑲᒪᓕᖅᓱᓂ. ᐃᓚᖓᓗ ᐃᓄᑎᑑᓲᖑᓗᓂ. ᐊᒻᒪᑕᐅ ᐃᖅᑲᓇᐃᔭᖅᑎᑖᑎᒍᓇᕐᓂᕐᒧᑦ ᑲᒪᒍᓇᖅᑐᒥᒃ ᐃᓚᐅᔪᖃᔪᒥᔪᖅ, ᐸᓖᓯᑯᓄᓱᓕ ᐃᖃᓇᐃᔭᖅᑐᑎᒃ. ᒪᑐᐃᖓᐃᓇᓲᖑᕗᑦ ᖃᓄᖅ ᐋᕿᒋᐊᕈᓇᕐᒪᖔᑕ. ᐸᓖᓯᑯᑦ ᖃᐅᔨᒪᓪᓗᒋ ᑐᖓᕕᑯᓂᒃ ᐱᓇᓱᖃᑎᖃᓕᖅᓯᒪᔪᖅ ᐃᖃᓇᐃᔭᓵᓕᕈᑎᐅᒍᓇᖅᑐᓂᒃ, ᐅᓄᖅᓯᒋᐊᑕᐅᖁᓪᓗᒋ ᐃᖃᓇᐃᔭᖅᑏᑦ, ᐸᓖᓰᓗ ᐊᒥᓲᓂᖏᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᕙᓛᑲᑖ. ᓱᓕ ᐊᐱᖁᑎᔅᓴᖃᖅᑐᖃᖅᐹ ᐸᓖᓯᓕᕆᓂᕐᒧᑦ? ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᑭᓱ ᐊᓯᖏᑦ ᐱᓇᓱᒃᓯᒪᕕᓯ ᐃᖃᑐᐃᔨᓕᕆᔨᑯᑦ ᐃᓄᐃᑦ ᑲᔪᖏᖅᓴᖁᓪᓗᒋᑦ ᐸᓖᓯᑯᓂ ᐃᖃᓇᐃᔭᖅᐸᖁᓪᓗᔨᑦ? (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 56 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓗ ᐊᐱᖁᑎᒋᒪᒍ. ᒥᔅᑕ ᕙᓛᑲᑖ- ᒨᓚᐅᖏᓂᕐᓂ, ᐱᒻᒪᕆᐅᖂᕐᒪᑦ, ᐱᓗᐊᖅᑐᒥ ᓄᓇᓕᓐᓂ ᐸᓖᓯᒃᑯᑦ ᐅᖃᓗᕝᕕᐅᒐᒥ ᑲᒪᑦᓴᐃᓐᓇᖅᐸᙱᑦᑐᓪᓗ, ᓄᓇᖅᑳᖃᖅᑐᑦ ᓄᓇᐃᑦ ᐃᓄᓐᓂᓪᓗ ᐸᓖᓯᐅᓂᕐᒧᑦ ᐱᓕᕆᐊᓂᑦ, ᑕᑯᑎᑦᑎᑲᓐᓂᕈᓐᓇᕐᒥᒻᒪᑕ ᓄᓇᓕᓐᓂ ᐱᓂᐊᕐᓂᖃᖅᑎᑦᑎᓗᑎ ᐱᐅᓂᖓᓂ ᑕᑯᑎᑦᑎᒍᓐᓇᕐᒪᑕ ᐸᓖᓯᒃᑯᓐᓃᒋᐊᒥ. ᑕᐃᒪᐃᔅᓯᒪᒐ ᑐᙵᓱᑦᑎᖃᑦᑕᕐᓗᒋᓪᓗ ᐅᐸᑲᑕᓪᓗᒋᑦ ᓄᑕᖅᑲᑦ, ᐃᓚᓕᐅᑎᓯᒪᑦᓯᐊᖅᑎᓪᓗᒋᑦ ᓄᓇᓕᖕᒧᑦ. ᑖᓐᓇ ᐊᖏᓂᖅᐹᖑᖃᑕᐅᖅᑰᕐᒪᑦ ᐃᒫᒃ ᑭᓱᓪᓚᑦᑖᒧᑦ, ᐱᖅᑯᔨᙱᒃᑲᓗᐊᖅᓱᓂ ᑭᓱᓂᑦ ᐱᓕᕆᐊᑦᓴᐅᓚᑦᑖᕐᓂᖓᓂ ᐸᓖᓯᒃᑯᓐᓄᑦ ᐊᓪᓛᑦ ᐅᓂᒃᑳᖃᑦᑕᓕᕐᒥᒻᒪᑕ ᖃᓄᖅ ᓄᓇᓕᒻᒥ ᐱᓇᓱᐊᕐᓂᖃᖅᐸᒻᒪᖔᑕ ᓇᓪᓕᐅᓂᖅᓯᐅᕐᓂᖃᕋᓚᓪᓗᑎᓪᓘᓐᓃᑦ ᐃᓚᐅᕝᕕᒋᕙᓪᓗᒋᓪᓘᓐᓃᑦ ᑕᐃᒪᐃᑦᑐᒧᑦ. ᑭᐅᕕᐅᖃᑦᑕᖅᓯᒪᓕᖅᐳᖓ ᓄᓇᓕᓐᓂ ᐊᔾᔨᒌᙱᑦᑐᓂ, ᖁᕐᓗᖅᑐᒥ ᓲᕐᓗ, ᑖᒃᑯᐊ ᐸᓖᓰᑦ ᑕᐃᑲᓂ ᐃᓚᐅᑎᒐᓱᐊᓪᓚᕆᖃᑦᑕᖅᓯᒪᒻᒪᑕ ᓄᓇᓕᒻᒥ. ᐊᖅᑯᑎᒋᓗᒋᑦ, ᒥᔅᑕ ᐸᓛᒃᐊᑖ ᑭᐅᒋᐊᓪᓚᑲᓐᓂᕈᓐᓇᓂᖅᓴᐅᕗᖅ ᐱᓇᓱᐊᕐᓂᐅᓯᒪᓕᖅᑐᓂᑦ ᐅᕝᕙᓗ ᐱᓇᓱᐊᕐᓂᐅᓂᐊᓕᖅᑐᓂᑦ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᒥᔅᑕ ᕙᓛᑲᑖ, ᑲᔪᓯᖏᑦ. ᕙᓛᑲᑖ (ᑐᓵᔨᑎᒍᑦ): ᖁᔭᓐᓇᒦ, ᐃᒃᓯᕙᐅᑖᖅ. ᐸᓖᓯᒃᑯᑦ ᐊᑕᐅᓯᐅᙱᑦᑐᓂᑦ ᖃᓄᖅᑑᕈᑎᖃᕋᓱᔅᓯᒪᔪᑦ ᐃᓚᐅᒍᒪᑐᐃᓐᓇᕆᐊᓕᓐᓂᑦ ᐸᓖᓯᒃᑯᓐᓄᑦ ᑕᑯᓇᖅᓱᑎᑦ. ᐊᖏᓂᖅᐹᖑᖃᑕᐅᔪᖅ ᒪᒥᓴᕐᕕᒃ ᐃᓚᒋᔭᐅᓪᓗᑎ ᐃᓄᓐᓂᑦ ᐃᖅᑲᓇᐃᔭᖅᑎᓄᑦ ᐸᕐᓇᐅᑎ ᐱᓪᓗᒍ, ᐊᒻᒪ ᐊᑦᑐᐊᓕᕈᓐᓇᒥᒻᒪᑕ ᐃᓚᐅᒍᓐᓇᙳᐊᕋᔭᖅᑐᓂᑦ ᓄᓇᕗᒻᒥᐅᓂᑦ ᐃᓄᓐᓂᑦ ᐸᓖᓯᐅᓪᓗᐊᖅᑐᓂᑦ. ᐃᖅᑲᓇᐃᔭᑎᖃᑦᓯᐊᖅᐸᒻᒥᔪᒍᑦ ᐸᓖᓯᒃᑯᑦ ᓄᓇᓖᑦ ᓄᓇᖃᖅᑐᓂᑦ ᐊᑐᓂ, ᑕᒪᒃᑯᐊ ᐊᑐᐃᓐᓇᖃᙱᑦᓴᐃᓐᓇᖅᐸᙱᒻᒪᑕ ᓄᓇᖃᖅᑐᑦ ᐆᒃᑐᕈᑕᐅᒋᐊᓕᒻᒥ ᖃᕆᑕᐅᔭᒃᑯᑦ ᐱᓇᓱᒍᒪᔪᓄᑦ. ᑕᕝᕙ ᑐᓗᖅᓯᒪᐅᑏᑦ ᐊᒥᓱᓯᒪᒻᒪᑕ ᐃᖅᑲᓇᐃᔭᖅᑎᑖᕆᐊᒥᒃ ᓄᓇᕗᒻᒥᐅᓂᑦ. ᖃᕆᑕᐅᔭᖅᑖᖃᑦᑕᓵᓚᐅᖅᐳᑦ ᑕᕝᕙ ᐊᑐᖅᑐᓂᓪᓗ ᖃᖓᑦᑕᖅᑎᑕᐅᕖᑦ ᐃᓚᐅᔪᓄᑦ ᐊᑎᓕᐅᖅᑐᓄᑦ ᐊᑐᕈᓐᓇᓂᐊᖅᑕᒥᓐᓂᑦ ᐊᖏᕐᕋᒥᓂᑦ. ᐊᒻᒪᓗ ᐱᕕᖃᑦᓯᐊᕆᐊᖃᓲᖑᒻᒥᒻᒪᑕ ᐆᒃᑐᕈᑎᐅᔪᒥᑦ ᑎᑎᕋᖅᑎᓪᓗᒋᑦ. ᐊᒥᓱᓂᑦ ᐃᓚᐅᓂᖃᕋᓲᖑᓪᓗᑎᓪᓗ ᐱᓂᐊᕐᓂᐅᔪᓂᑦ ᐃᓚᐅᒍᒪᒐᔭᙳᐊᖅᑐᓂᑦ ᐸᓖᓯᒃᑯᓐᓂ ᖃᐅᔨᒐᓱᔅᓯᓐᓈᑦ, ᐊᒻᒪ ᓯᓚᑦᑐᓴᕐᕕᒃᑯᑦ ᐸᓖᓯᒃᑯᓪᓗ ᐊᖅᑯᑕᐅᕙᒻᒥᔪᑦ ᐱᓇᓱᒃᓱᑎᑦ ᑭᒃᑯᓐᓂᑦ. ᐃᒻᒪᖃᓘᓐᓃᑦ ᐸᓖᓯᒃᑯᓐᓄᑦ ᐃᖅᑲᓇᐃᔭᕈᒪᕙᓪᓕᐊᒐᔭᙱᒃᑲᓗᐊᕐᒪᖔᑕ. ᑕᒪᒃᑯᐊ ᑐᓗᖅᓯᒪᐅᑏᑦ ᐲᔭᖅᑕᐅᔾᔫᒥᕙᓪᓕᐊᓕᖅᑑᒐᓗᐊᑦ ᐱᔭᒃᑲᓐᓂᕆᐊᖃᖅᑐᓪᓗ. ᑭᖑᓪᓕᖅᐹᕐᓗᖃᐃ ᖃᓄᖅᑑᕈᑕᐅᔪᓂᑦ ᓄᓇᖃᖅᑳᖅᑐᓕᕆᓂᕐᒧᑦ ᐸᓖᓯᓕᕆᓂᖅ. ᓂᕆᐅᑉᐳᒍᑦ ᓄᓇᓖᑦ ᖃᐅᔨᕙᓪᓕᐊᓂᐊᖅᐳᑦ ᐸᓖᓯᐅᒐᓗᐊᕐᓗᑎᑦ ᑖᒃᑯᐊ ᓄᓇᓕᓐᓂ ᐱᓇᓱᖃᑎᖃᖅᐸᓐᓂᐊᖅᑐᑦ, ᐋᖅᑭᒃᓱᐃᖃᑎᒌᒐᓱᑉᐸᓪᓗᑎ ᐅᒃᐱᓐᓇᕋᓱᑦᓯᐊᕐᓗᑎ, ᐱᓕᕆᖃᑎᒋᓗᒋᑦ ᓄᓇᓖᑦ ᑐᑭᓯᐅᒪᖁᓗᒋᑦ ᐸᓖᓯᓕᕆᓂᖅ ᐊᓪᓛᒃ ᐱᒃᑯᒥᓇᑦᓯᐊᕐᒪᑦ, ᐊᒻᒪᓗ ᐱᔭᕆᑐᒍᓐᓇᕋᓗᐊᖅᑐᓂ, ᑭᓯᐊᓂ ᐱᐅᒋᔭᐅᒐᔭᖅᑰᕐᒪᑦ ᓄᓇᕗᒻᒥᐅᓄᑦ ᐊᒥᓱᓄᑦ. ᖁᔭᓐᓇᒦᒃ, ᐃᒃᓯᕙᐅᑖᖅ.

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 57 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ ᐸᓛᒃᐊᑖ. ᓯᕿᙳᔭᖅ ᑕᑯᓪᓗᒍ, ᖃᓄᐃᑦᓱᒻᒪᕙᑦ ᑲᑎᒪᔨᕋᓛᑦ? ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᒋᐊᖅᑎᑦᓯᕗᖓ ᐱᕙᓪᓕᐊᓂᕗᑦ ᐅᓂᒃᑳᕐᓂᒧᑦ ᑲᔪᓯᓕᖁᓪᓗᒍ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐱᒋᐊᖅᑎᑦᑎᔪᖃᖅᓯᒪᒻᒪᑦ ᐊᑭᕋᖅᑐᕋᔅᓴᐅᖏᒃᓱᓂ. ᓈᒻᒪᓴᖅᑐᑦ ᐱᒋᐊᖅᑐᑕᐅᔪᒧᑦ? ᐊᑭᕋᖅᑐᖅᑐᑦ? ᑲᔪᓯᕗᖅ. ᓇᖏᖅᓯᓂᐊᓕᖅᐳᖓ ᐱᕙᓪᓕᐊᓂᒧᑦ ᑲᒪᒋᓂᐊᕐᓗᒍ. ᖁᔭᓐᓇᒦᒃ. ᐃᖅᓱᖅᑏ, ᑖᒃᑯᐊ ᐊᐱᖅᓱᖅᑕᐅᔪᑦ ᐊᓂᑎᒍᓐᓇᖅᓯᒍᕕᑦ. >>ᑲᑎᒪᑐᐃᓐᓇᕐᓂᖅ ᓄᖅᑲᖅᑐᖅ 17:50 ᐊᒻᒪᓗ ᑲᑎᒪᓂᖅ ᐱᒋᐊᖅᑐᖅ 17:51 ᐅᖃᖅᑎ: ᐃᖏᒋᑦᑎ. ᑲᑎᒪᔾᔪᑎᒃᓴᖅ 20. ᑲᑎᒪᑐᐃᓐᓇᓚᐅᖅᑎᓪᓗᒋᑦ ᐅᓂᒃᑳᑦ. ᒥᔅᑕ ᐲᑕᓴᓐ. ᑲᑎᒪᔾᔪᑎᒃᓴᖅ 20: ᑲᑎᒪᔨᕋᓛᑦ ᑲᑎᒪᑐᐃᓐᓇᓚᐅᖅᑎᓪᓗᒋᑦ ᐅᓂᒃᑳᖓᑦ ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑲᑎᒪᔨᕋᓛᑎᑦ ᐃᓱᒪᒃᓴᖅᓯᐅᕋᑖᖅᐳᑦ ᒪᓕᒐᒃᓴᖅ 1, ᐱᕙᓪᓕᐊᓂᕗᑦ ᐅᖃᐅᓯᕆᓕᖅᐸᕗᑦ. ᐅᖃᖅᑏ, ᑲᑎᒪᔨᕋᓛᑦ ᐅᓂᒃᑳᖏᑦ ᐊᖏᖅᑕᐅᖁᓪᓗᒋᑦ ᐱᒋᐊᖅᑎᑦᑎᕗᖓ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐱᖁᔨᕗᖔᕈᑎᑕᖃᕐᒪᑦ. ᐊᐃᐱᖅᑕᐅᕚ? ᒥᔅᑕ ᑕᖅᑐ. ᐱᖁᔨᕗᖔᕈᑎᒥ ᓈᒻᒪᓴᖅᑐᑦ ᐃᓵᓪᓕᑦ? ᓈᒻᒪᓴᙱᑦᑐᑦ? ᐱᖁᔨᕗᖔᕈᑦ ᑲᔪᓯᕗᖅ. ᑲᑎᒪᔾᔪᑎᒃᓴᖅ 21. ᐱᖓᔪᐊᓐᓂ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ. ᑲᑎᒪᔾᔪᑎᒃᓴᖅ 22. ᑲᑎᒪᔾᔪᑎᒃᓴᐃᑦ. ᐊᓪᓚᑎᒻᒪᕆ. ᑲᑎᒪᔾᔪᑎᒃᓴᖅ 22: ᑲᑎᒪᔾᔪᑎᒃᓴᐃᑦ ᑎᑎᕋᖅᑎ (ᐃᓄᒃᓱᒃ): ᖁᔭᓐᓇᒦᒃ. (ᑐᓵᔨᑎᒍᓕᖅᑐᖅ) ᐃᖅᑲᐃᑎᑐᐃᓐᓇᕐᓗᒋᑦ ᑲᑎᒪᔨᕋᓛᑦ ᑲᑎᒪᓛᖅᑐᑦ ᒪᓕᒋᐊᓕᓐᓂ ᐱᐅᓯᐅᒋᐊᓕᓐᓂᑦ ᐊᑐᐊᕆᐊᓕᓐᓂᑦ ᓇᓄᖅ ᐃᓪᓗᕈᓯᖓᓂ, 10-ᒧᐊᖅᐸᑦ. ᑲᑎᒪᒍᒫᕐᓂᐊᓚᐅᙱᑦᑑᒐᓗᐊᑦ ᕿᓚᒥ ᐋᖅᑭᓂᐊᖅᐳᖅ. ᑲᑎᒪᔾᔪᑎᒃᓴᐃᑦ ᔫᓐ 9-ᒧᑦ: 1. ᑐᒃᓯᐊᕐᓂᖅ 2. ᐊᖓᔪᖅᑳᑦ ᐅᖃᐅᓯᖏᑦ 3. ᒪᓕᒐᓕᐅᖅᑏᑦ ᐅᖃᐅᓯᖏᑦ 4. ᑭᐅᔾᔪᑎᑦ ᐅᖃᐅᓯᒃᑯᑦ ᐊᐱᖅᑯᑎᓄᑦ 5. ᐃᓕᑕᖅᓯᓂᖅ ᐳᓛᖅᑎᓂᑦ 6. ᐅᖃᐅᓯᒃᑯᑦ ᐊᐱᖅᑯᑎᑦ 7. ᑎᑎᖅᑲᒃᑯᑦ ᐊᐱᖅᑯᑎᑦ 8. ᑭᐅᔾᔪᑎᑦ ᑎᑎᖅᑲᒃᑯᑦ ᐊᐱᖅᑯᑎᓄᑦ

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 58 9. ᑭᐅᔾᔪᑎᑦ ᒪᑐᐃᕈᑎᒧᑦ 10. ᐊᑎᓕᐅᕈᑕᐅᓯᒪᔪᑦ 11. ᑭᐅᔾᔪᑎᑦ ᐊᑎᓕᐅᕈᑕᐅᓯᒪᔪᓄᑦ 12. ᑲᑎᒪᔨᕋᓛᑦ ᑲᑎᒪᔨᕋᓛᖑᑲᐃᓐᓇᖅᑐᓪᓗ ᒪᓕᒐᒃᓴᓂᑦ ᐊᓯᖏᓐᓂᓪᓗ ᐅᓂᒃᑳᖏᑦ 13. ᑎᑎᖅᑲᓂᑦ ᓴᖅᑭᑎᕆᓂᖅ 14. ᖃᐅᔨᒃᑲᐃᒍᑎᑦ ᐱᒋᐊᖅᑎᑕᒃᓴᓂᑦ 15. ᖃᐅᔨᒃᑲᐃᒍᑎᑦ ᐱᒋᐊᖅᑎᑕᒃᓴᓂᑦ ᒪᓕᒐᒃᓴᐃᑦ ᐅᖃᓕᒫᕐᓂᒃᓴᒥᒃ ᓯᕗᓪᓕᖅᐹᖓᓐᓂᒃ 16. ᐱᒋᐊᖅᑎᑕᐃᑦ 17. ᓯᕗᓪᓕᖅᐹᒥᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 18. ᐊᐃᑉᐹᓂᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 19. ᑲᑎᒪᔨᕋᓛᑦ ᑕᒪᐃᓐᓄᑦ ᒪᓕᒐᒃᓴᓄᑦ ᐊᓯᖏᓐᓂᓪᓗ ᐃᓱᒪᖅᓴᖅᓯᐅᕐᓂᖏᑦ 20. ᑲᑎᒪᔨᕋᓛᑦ ᑕᒪᐃᓐᓄᑦ ᐅᓂᒃᑳᖓᑦ 21. ᐱᖓᔪᐊᓐᓂᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 22. ᑲᑎᒪᔾᔪᑎᒃᓴᐃᑦ ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᒪᓕᒐᓕᐅᕐᕕᒻᒥ ᑲᑎᒪᓂᕆᔭᕗᑦ ᓄᖅᑲᓚᐅᑲᒃᑭᕗᖅ ᐅᓪᓗᒥ, ᑭᓯᐊᓂ ᖃᐅᑉᐸᑦ, ᐊᐃᑉᐱᐅᓕᖅᐸᑦ, ᔫᓐ 9 ᐱᒋᐊᒃᑲᓐᓂᕈᒫᕆᕗᒍᑦ ᓯᕿᙳᔭᖅ 1:30-ᑉᐸᑦ. ᐃᖅᓱᖅᑏ. >>ᑲᑎᒪᓂᖅ ᓄᖅᑲᖅᑐᑦ 17:54ᒧᐊᖅᑎᓪᓗᒍ

ᓇᒡᒐᔾᔭᐅ, ᔫᓂ 08, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 59