NHC Action Plan Status Report Spring 2026 (TD 24, Inuktitut, SO 7(2))

TD-24-7(2)-IN

Nunavut — Committees

ᒪ ᒃ ᐱ ᖅ ᑐ ᒐ ᖅ 1 | 23 ᐅᐱᕐᙶᖅ 2026−ᒥ ᖃᓄᐃᓕᖓᓕᕐᓂᖏᑦ ᐅᓂᒃᑳᑦ ᐱᐅᓯᕚᓪᓕᖅᑎᑦᑎᕙᓪᓕᐊᓂᖅ ᐃᒡᓗᓕᕆᔨᒃᑯᑦ ᐃᒡᓗᖁᑎᖏᓐᓂᒃ ᑲᔪᓯᑎᑦᑎᕙᖕᓂᕐᒥᒃ ᐊᑐᓕᖅᑎᑕᐅᓂᖏᑦ OAG−ᑯᑦ ᐊᑐᓕᖁᔭᖏᑦ ᐃᒡᓗᓕᕆᔨᒃᑯᑦ ᐃᒡᓗᖁᑎᖏᓐᓄᑦ ᐊᒻᒪ ᓄᓇᕗᑦ 3000

ᒪ ᒃ ᐱ ᖅ ᑐ ᒐ ᖅ 2 | 23 ᑎᑎᕋᖅᓯᒪᔪᑦ Message from the Minister ....................................................................................................... Error! Bookmark not defined. Executive

Summary....................................................................................................................... Error! Bookmark not defined. Introduction ...................................................................................................................................... Error! Bookmark not defined. Progress by Action ........................................................................................................................ Error! Bookmark not defined. Goal 1: Equitable Access to Suitable Housing ........................................................... Error!

Bookmark not defined. Goal 2: Housing Adequacy .................................................................................................. Error! Bookmark not defined. Goal 3: Igluliuqatigiingniq (Nunavut 3000) Reporting and Transparency .................. Error! Bookmark not defined. Risks and Mitigation..................................................................................................................... Error! Bookmark not defined. Monitoring Progress .................................................................................................................... Error!

Bookmark not defined. Appendix A – NHC Commitment & Timeline.................................................................. Error! Bookmark not defined. Appendix B – Progress by Action: Key Update, What Remains Outstanding & Next Steps ..................... Error! Bookmark not defined. Appendix C - Year 1 – Foundation Indicators (Early Results) ................................. Error! Bookmark not defined.

ᒪ ᒃ ᐱ ᖅ ᑐ ᒐ ᖅ 3 | 23 ᒥᓂᔅᑕᐅᑉ ᐅᖃᐅᓯᒃᓴᖏᑦ ᒥᓂᔅᑕᐅᓪᓗᖓ ᑲᒪᒋᔭᒃᓴᖃᖅᖢᖓ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ, ᖁᕕᐊᓱᒃᐳᖓ ᑐᓴᖅᑎᑦᑎᔪᓐᓇᕋᒪ ᐱᕙᓪᓕᐊᓂᕆᔭᑦᑎᓐᓂᒃ ᓴᙱᒃᑎᒋᐊᖅᑎᑦᑎᓂᕐᒥᒃ ᐃᒡᓗᓕᕆᔨᒃᑯᑦ ᐃᒡᓗᖁᑎᖏᓐᓂᒃ ᓄᓇᕘᓕᒫᒥ. ᑖᓐᓇ ᐅᓂᒃᑳᖅ ᑕᑯᒃᓴᐅᑎᑦᑎᕗᖅ ᐊᕐᕌᒍ ᐊᑕᐅᓯᖅ ᑐᖔᓂ ᐊᑐᓕᖅᑎᑕᐅᓯᒪᓕᕐᓂᖓᓂᒃ ᑕᐃᒪᙵᑦ ᐱᓕᕆᔾᔪᑎᒃᓴᓄᑦ ᐸᕐᓇᐅᑎᑦ ᓴᖅᑭᑕᐅᓚᐅᖅᑎᓪᓗᒍ ᐋᒡᒌᓯ 2025−ᒥ. ᑕᒪᕐᒥᑲᓴᒃ ᑕᒪᓐᓇ ᐱᓕᕆᐊᖑᔪᖅ ᓱᓕ ᐱᒋᐊᓕᓵᕐᓂᖓᓂ, ᐱᕙᓪᓕᐊᓂᖃᖅᐸᓪᓕᐊᕗᖅ ᓴᙱᔪᒥᒡᓗ ᑐᙵᕕᓕᐅᖅᑐᖃᖅᐸᓪᓕᐊᓪᓗᓂ ᐱᐅᓯᒋᐊᖅᑎᑦᑎᔪᒪᓪᓗᓂ ᖃᓄᖅ ᑭᒃᑯᑐᐃᓐᓇᓄᑦ ᐃᒡᓗᖃᖅᑎᑦᑎᕙᖕᓂᕐᒧᑦ ᐊᐅᓚᑕᐅᕙᖕᒪᖔᑦ ᑲᔪᓯᑎᑕᐅᕙᖕᒪᖔᓪᓗ ᓄᓇᕗᓕᒫᒥ. ᐱᖁᑎᓂᒃ ᒥᐊᓂᖅᓯᔾᔪᑎᑦ ᐋᖅᑭᒃᓯᒪᓕᖅᐳᑦ ᓄᓇᓕᓕᒫᓂ, ᖃᐅᔨᒪᑦᑎᐊᕐᓂᖅᓴᐅᔪᓐᓇᓕᖅᖢᑕᓗ ᐃᒡᓗᐃᑦ ᖃᓄᐃᓕᖓᓂᖏᓐᓂᒃ, ᓇᓗᓇᐃᖅᓯᓴᕋᐃᓐᓂᖅᓴᐅᔪᓐᓇᖅᖢᑕᓗ ᐱᔾᔪᑕᐅᔪᓂᒃ ᑭᐅᓴᕋᐃᓐᓂᖅᓴᐅᔪᓐᓇᖅᖢᑕᓗ ᓱᕋᒃᓯᒪᔪᓕᕆᔭᕆᐊᖃᓕᕌᖓᑕ ᓄᓇᕘᓕᒫᒥ. ᓯᕗᒻᒧᐊᒃᑎᑦᑎᕙᓪᓕᐊᖕᒥᔪᒍᑦ IgluWeb−ᒥᒃ, ᒫᓐᓇᓕᓴᖅ ᐃᒡᓗᓕᕆᓂᕐᒧᑦ ᐊᐅᓚᑦᑎᔾᔪᑎ ᑲᑎᑎᑦᑎᓂᐊᖅᑐᖅ ᐱᓇᔫᑎᓂᒃ, ᐅᑕᖅᑭᔪᓂᒃ, ᐃᒡᓗᒧᑦ ᐊᑐᖅᑐᐊᕈᑎᑦ ᖃᔅᓯᐅᓂᖏᓐᓂᒃ, ᐊᒻᒪ ᐋᖅᑭᐅᒪᑎᑦᑎᔾᔪᑎᓂᒃ ᖃᐅᔨᒪᔾᔪᑎᑦ ᐊᑕᐅᓯᕐᒨᖅᑕᐅᓗᑎᒃ ᖃᕆᑕᐅᔭᒃᑯᑦ ᐱᓕᕆᔾᔪᑎᑦ. ᐊᑐᓕᖅᑎᑕᐅᑦᑎᐊᖅᐸᑦ, ᐃᑲᔪᖅᓱᐃᓂᐊᖅᐳᖅ ᒪᓕᑦᑎᐊᖅᑐᓂᒃ ᐊᒻᒪ ᑕᑯᒃᓴᐅᑦᑎᐊᖅᑐᓂᒃ ᐃᒡᓗᓕᕆᓂᕐᒧᑦ ᐃᓱᒪᓕᐅᕈᑕᐅᔪᓂᒃ ᓄᓇᓕᓕᒫᓂᒃ. ᓄᓇᓕᖕᓂ ᐃᒡᓗᓕᕆᔨᒃᑯᑦ ᑲᑐᔾᔨᖃᑎᒌᒃᑯᖏᑦ (LHOs) ᐃᒡᓗᓕᕆᔨᒃᑯᑦ ᐃᒡᓗᖁᑎᖏᓐᓂᑦ ᑲᔪᓯᑎᑦᑎᓂᐅᖏᓐᓇᖅᑐᑦ. ᐱᓕᕆᖃᑎᒋᑦᑎᐊᖅᑕᕗᑦ ᑐᑭᓯᓇᕐᓂᖅᓴᓂᒃ ᐊᔪᕆᖅᓲᔾᔨᕙᒃᖢᑕ, ᐃᓕᓐᓂᐊᖅᑎᑦᑎᒃᑲᓐᓂᖅᖢᑕᓗ, ᐊᔾᔨᒌᒡᔫᒥᔪᓂᒡᓗ ᐱᓕᕆᑎᑦᑎᕙᒃᖢᑕ ᐃᒡᓗᑖᖅᑎᑦᑎᕙᓪᓕᐊᓂᕐᒧᑦ ᐋᖅᑭᐅᒪᑎᑦᑎᓂᕐᒧᓪᓗ ᐃᒃᐱᒋᑦᑎᐊᖏᓐᓇᖅᖢᑎᒍᓗ ᐱᒻᒪᕆᐅᓂᖓ ᓄᓇᓕᖕᓂ ᐃᓱᒪᓕᐅᕈᑕᐅᕙᒃᑐᑦ. ᓴᙱᒃᑎᒋᐊᖅᑎᑦᑎᖕᒥᔪᒍᑦ ᖃᓄᖅ ᐆᒃᑐᕋᐃᕙᖕᒪᖔᑦᑕ ᐅᓂᒃᑳᓕᐅᖅᐸᒃᖢᑕᓗ ᐱᕙᓪᓕᐊᓂᐅᔪᓂᒃ. ᐱᐅᓯᕚᓪᓕᖅᓯᒪᔪᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᐊᒻᒪ ᑐᑭᓯᓇᕐᓂᖅᓴᑦ ᐱᓕᕆᐊᖏᓐᓄᑦ ᖃᐅᔨᓴᕈᑎᑦ ᐃᑲᔪᖅᐳᑦ ᐅᕙᑦᑎᓐᓂᒃ ᓵᑕᒃᓴᐅᔪᓐᓇᕐᓂᕐᒥᒃ ᐊᒻᒪ ᑕᒻᒪᖅᓯᒪᙱᓐᓂᖅᓴᓂᒃ ᑕᐅᑐᙳᐊᖅᑎᑦᑎᓪᓗᑕ ᐃᒡᓗᑭᒃᓴᕐᓂᐅᔪᓂᒃ ᓄᓇᕘᓕᒫᒥ. ᐃᒡᓗᓕᐅᖃᑎᒌᖕᓂᖅᑎᒍᑦ, ᓄᓇᕗᒻᒥ 3000−ᒧᑦ ᖃᓄᐃᓕᐅᕈᑕᐅᔪᒪᔪᖅ, ᑐᕌᒐᕆᔭᕗᑦ ᐃᑲᔪᖅᓱᐃᔪᒪᓪᓗᑕ ᐊᒻᒪ ᑲᔪᖏᖅᓴᐃᔪᒪᓪᓗᑕ 3,000−ᓂᒃ ᓄᑖᓂᒃ ᐃᒡᓗᓂᒃ ᓴᖅᑭᑦᑎᔪᒪᓪᓗᑕ ᓄᓇᕘᓕᒫᒥ 2030 ᑎᑭᓚᐅᙱᓐᓂᖓᓂ. ᓄᑖᑦ ᐃᒡᓗᐃᑦ ᓴᓇᔭᐅᕙᓪᓕᐊᑎᓪᓗᒋᑦ, ᓴᙱᒃᑎᒋᐊᖅᑎᑦᑎᖕᒥᔪᒍᑦ ᐱᓕᕆᔾᔪᑎᓂᒃ, ᐊᐅᓚᑦᑎᓂᕐᒥᒃ, ᐊᒻᒪ ᐱᔨᑦᑎᕋᐅᑎᓂᒃ ᐱᔭᐅᔭᕆᐊᓕᖕᓂᒃ ᐊᐅᓚᑦᑎᑦᑎᐊᕈᑎᒃᓴᓂᒃ ᐊᑯᓂᐅᔪᒃᑯᑦ. ᑕᒪᓐᓇ ᐱᕙᓪᓕᐊᓂᖅ ᐱᔪᒥᓇᕋᓗᐊᖅᑎᓪᓗᒍ, ᖃᐅᔨᒪᔪᒍᑦ ᑐᑭᖃᑦᑎᐊᖅᑐᒥᒃ, ᐊᑯᓂᐅᔪᒃᑯᑦ ᐱᐅᓯᕚᓪᓕᖅᑎᑦᑎᓂᖅ ᐊᑯᓂᐅᓂᐊᕐᒪᑦ. ᑲᔪᓰᓐᓇᕆᐊᖃᕐᓂᐊᖅᑐᖅ ᐱᓇᔪᖕᓂᕆᔭᐅᔪᖅ, ᓴᙱᔪᒥᒃ ᐱᓕᕆᖃᑎᒌᖕᓂᖃᕐᓗᑕ, ᐊᑕᐅᓰᓐᓇᓕᔪᒥᒡᓗ ᐊᑐᓕᖅᑎᑦᑎᓂᕐᒥᒃ ᓄᓇᓕᓕᒫᓂ. ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᖏᖅᓯᒪᐃᓐᓇᖅᑐᑦ ᑕᒪᑐᒥᖓ ᐱᓕᕆᐊᒃᓴᒥᑦ, ᑐᑭᒧᐊᒃᑎᑕᐅᓪᓗᑎᒃ ᐅᑯᓄᖓ ᐃᑲᔪᖅᑎᒌᒃᑕ, ᑎᓕᔭᐅᓯᒪᔾᔪᑎᖏᑦ 7th -ᒋᔭᖓᓂ ᓄᓇᕗᑦ ᒐᕙᒪᖓᑕ ᒪᓕᒐᓕᐅᕐᕕᖓᓂ. ᐱᓕᕆᖃᑎᒌᖕᓂᒃᑯᑦ ᓄᓇᓖᑦ ᐱᓕᕆᖃᑎᒋᔭᖏᓪᓗ, ᑐᕌᒐᖃᓪᓗᐊᑕᖅᐳᒍᑦ ᓇᓗᙱᑦᑎᐊᕈᒪᓂᕐᒧᑦ ᓄᓇᕗᒻᒥᐅᑦ ᐊᑐᕈᓐᓇᕋᓗᐊᕐᒪᖔᑕ ᓈᒻᒪᒃᑐᓂᒃ, ᓈᒻᒪᒃᑐᓂᒃ ᐃᒡᓗᖃᖅᑎᑦᑎᓂᕐᒥᒃ. ᐊᑎᓕᐅᕈᓯᖓ

ᒪ ᒃ ᐱ ᖅ ᑐ ᒐ ᖅ 4 | 23 ᐊᐅᓚᑦᑎᔨᓂᙶᖅᑐᑦ ᓇᐃᓈᖅᓯᒪᔪᑦ ᑖᓐᓇ ᓯᕗᓪᓕᖅᐹᖅ−ᐊᕐᕌᒍ ᖃᓄᐃᓕᖓᓂᖓᓄᑦ ᐅᓂᒃᑳᖅ ᑕᑯᒃᓴᐅᑎᑦᑎᕗᖅ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑐᑭᖃᑦᑎᐊᖅᑐᒥᒃ ᐱᕚᓪᓕᕈᑎᖃᖅᓯᒪᓂᖏᓐᓂᒃ ᐋᖅᑭᒃᓯᒪᓕᖅᑎᑦᑎᓪᓗᑎᒃ ᐊᑐᖅᑕᐅᕙᒃᑐᓂᒃ, ᐱᓕᕆᔾᔪᑕᐅᕙᒃᑐᓂᒃ, ᑲᔪᓯᓂᕆᔭᐅᕙᒃᑐᓄᓪᓗ ᑐᙵᕕᒋᔭᐅᔪᓂᒃ ᐱᔭᐅᔭᕆᐊᓕᖕᓂᒃ ᑭᐅᓯᓂᐊᕐᓗᓂ ᑕᒻᒪᖅᓯᒪᔪᖅᓯᐅᖅᑎᐅᑉ ᑎᑎᕋᕐᕕᖓᑕ ᖃᓄᐃᓕᐅᖁᓯᒪᔭᖏᓐᓂᒃ. ᐊᑐᓕᖅᑎᑕᐅᕙᓪᓕᐊᓂᖓ ᐱᒋᐊᓕᓵᕐᓂᖓᓂ ᕿᑎᐊᓃᖏᓐᓇᖅᐳᖅ, ᖃᔅᓯᑲᓪᓚᖕᓂᒃ ᐱᓕᕆᐊᒃᓴᓂᒃ ᐱᔾᔪᑎᖃᖅᖢᑎᒃ ᑭᖑᓪᓕᖅᐹᖅᓯᐅᑎᓂᒃ ᐊᖏᖅᑕᐅᔪᓂᒃ ᖃᐅᔨᒪᔾᔪᑎᒃᓴᓂᒃ ᐊᒻᒪ ᐊᑐᖅᑕᐅᔾᔪᓯᕐᓂᒃ, ᓴᖅᑭᑕᐅᓂᖓ IgluWeb, ᐱᐅᓯᒋᐊᖅᑕᐅᓂᖏᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᐱᐅᓂᖏᑦ, ᐊᒻᒪ ᐊᔾᔨᒌᒡᔫᒥᔪᓂᒃ ᐊᑐᓕᖅᑎᑦᑎᓂᕐᒥᒃ ᓄᓇᓕᖕᓂ ᐃᒡᓗᓕᕆᔨᒃᑯᓐᓂ. ᑭᖑᓪᓕᕐᒥᑦ ᐱᓕᕆᓂᐅᓂᐊᖅᑐᖅ ᑐᕌᒐᖃᓪᓗᐊᑕᕐᓂᐊᖅᑐᖅ ᓅᑉᐸᓪᓕᐊᓂᕐᒥᒃ ᑐᙵᕕᒋᔭᐅᔪᒥᒃ ᐱᓕᕆᐊᖑᔪᒥᒃ ᐊᑕᐅᓰᓐᓇᒃᑰᓕᖓᔪᒥᒃ ᐊᑐᖅᑎᑦᑎᓂᕐᒥᒃ ᓄᓇᓕᓕᒫᓂ ᐊᓂᒍᖅᑎᑦᑎᓂᕐᒥᒡᓗ ᐆᒃᑐᕋᒐᒃᓴᐅᔪᓂᒃ ᖃᓄᐃᓕᖓᓕᕐᓂᕆᔭᐅᔪᓂᒃ. ᖃᐅᔨᔭᐅᓪᓗᐊᑕᖅᑐᑦ ᑕᒪᑐᒪᓂ ᐊᕐᕌᒍᒥ • ᐱᖁᑎᓂᒃ ᐊᐅᓚᑦᑎᔾᔪᑎᑦ ᐋᖅᑭᒃᓯᒪᔪᑦ ᓄᓇᓕᓕᒫᓂ ᐱᖁᑎᓂᒃ ᐋᖅᑭᐅᒪᑎᑦᑎᔾᔪᑎᓪᓗᐊᑕᖅ ᐱᖁᑎᓄᑦ ᐱᕙᒌᔭᖅᑎ ᐊᑐᓕᖅᑎᑕᐅᓯᒪᓕᖅᑐᖅ ᐱᓕᕆᔾᔪᑎᓪᓗᐊᑕᐅᓪᓗᓂ ᐃᑲᔪᖅᓱᐃᓂᕐᒧᑦ ᐱᖁᑎᓂᒃ ᑐᔾᔭᖅᓯᓂᕐᒥᒃ, ᐋᖅᑭᐅᒪᑎᑦᑎᓂᕐᒧᑦ ᐊᐅᓚᑦᑎᓂᕐᒥᒃ, ᐊᒻᒪ ᖃᓄᐃᓕᖓᓂᖓᓂᒃ ᓇᐅᑦᑎᖅᓱᖅᓯᓂᕐᒥᒃ ᓄᓇᓕᓕᒫᓂᒃ. • ᓇᐃᓴᐅᓯᖅᓱᐃᓂᕐᒧᑦ ᐊᑐᖅᑕᐅᕙᒃᑐᖅ ᓄᑖᙳᕆᐊᖅᑎᑕᐅᓂᖓ ᐱᐅᓯᒋᐊᖅᓯᒪᓕᖅᐳᖅ ᐱᓕᕆᔾᔪᓯᖅ ᐱᐅᓯᒋᐊᖅᑕᐅᓯᒪᓕᖅᐳᖅ ᐅᖃᖃᑎᒌᖕᓂᒃᑯᑦ ᐊᒻᒪ ᓯᕗᓪᓕᖅᐹᖅᓯᐅᑎᓂᒃ ᐱᕙᓪᓕᐊᑎᑦᑎᓂᒃᑯᑦ, ᑐᕌᕆᔭᖃᖅᖢᑎᒃ ᐊᔾᔨᒌᒃᑎᑦᑎᓂᖅᓴᓂᒃ ᐃᒡᓗᓂᒃ ᑐᓂᐅᖅᑲᐃᓂᕐᒥᒃ. ᐊᑐᖅᑕᐅᔭᕆᐊᖃᓪᓚᕆᒃᑐᑦ ᐊᒡᒍᖅᑐᖅᓯᒪᓂᖏᑦ ᐊᖏᓛᕆᔪᓐᓇᖅᑕᖏᓪᓗ ᐊᔾᔨᒌᓕᖅᑎᑕᐅᓯᒪᕗᑦ ᓄᓇᕘᓕᒫᒥ, ᓄᓇᓕᖕᒨᖓᔪᓄᑦ ᐊᑐᖅᑕᐅᖔᕈᓐᓇᖅᑐᓄᑦ ᐱᔾᔪᑕᐅᔪᓄᑦ. • ᐃᒡᓗᑖᖅᑎᑦᑎᕙᓪᓕᐊᓂᕐᒧᑦ ᓇᐅᑦᑎᖅᓱᖅᓯᓂᕐᒧᑦ ᐊᑐᖅᑕᐅᔪᓐᓇᖅᑐᖅ ᐋᖅᑭᒃᓱᖅᑕᐅᓯᒪᓕᖅᐳᖅ ᓴᖅᑭᑎᑕᐅᓯᒪᓪᓗᓂᓗ ᐊᑕᐅᓰᓐᓇᒃᑰᖅᑎᑕᐅᔪᒥᒃ ᐃᒡᓗᑖᖅᑎᑦᑎᕙᖕᓂᕐᒧᑦ ᓇᐅᑦᑎᖅᓱᖅᓯᓂᕐᒧᑦ ᐊᑐᖅᑕᐅᔪᓐᓇᖅᑐᒥᒃ ᓴᖅᑭᑎᑦᑎᔪᖃᓚᐅᖅᐳᖅ ᐃᑲᔪᖅᑐᐃᔪᒪᓪᓗᓂ ᑐᔾᔭᖅᓯᓂᕐᒥᒃ ᕿᒥᕐᕈᐊᖅᓯᒃᑲᓐᓂᕐᓂᕐᒥᒡᓗ ᐃᒡᓗᓂᒃ ᓴᓂᕐᕙᒃᓯᓂᕐᒧᑦ ᐋᖅᑭᒃᓯᒪᓕᖅᑎᑕᐅᔪᓂᒃ, ᐃᑲᔪᕐᓗᓂ ᓴᙱᒃᑎᒋᐊᖅᑎᑦᑎᓂᕐᒥᒃ ᑲᒪᒋᔭᖃᕐᓂᕐᒥᒃ ᐱᐅᓯᒋᐊᖅᑎᑦᑎᓂᕐᒥᒡᓗ ᐊᑕᐅᓰᓐᓇᒃᑰᓕᖅᑎᑦᑎᓂᕐᒥᒃ ᑕᒪᐃᓐᓂ ᓄᓇᓕᖕᓂ. • ᐅᑕᖅᑭᔪᑦ ᐊᔾᔨᒌᓕᖅᑎᑕᐅᕙᓪᓕᐊᕗᑦ ᓄᓇᓕᓕᒫᓂᑦ. ᐊᑐᖅᑕᐅᔭᕆᐊᖃᓪᓚᕆᒃᑐᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᓇᓗᓇᐃᖅᑕᐅᓯᒪᓕᖅᑐᑦ ᐊᔾᔨᒌᓕᖅᑎᑕᐅᖁᓪᓗᒋᑦ, ᐃᓱᒪᖅᓱᕈᓐᓇᕐᓗᑎᒃ ᓄᓇᓕᖕᓂ ᐃᒡᓗᓕᕆᔨᒃᑯᑦ ᐋᖅᑭᒋᐊᖅᓯᔪᓐᓇᕐᓗᑎᒃ ᐊᑐᖅᑕᐅᖔᕈᓐᓇᖅᑐᓂᒃ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᒪᓕᒃᑕᐅᓗᑎᒃ ᓄᓇᓕᖕᓂ ᐱᔭᐅᔭᕆᐊᓕᖕᓄᑦ. ᑕᒪᓐᓇ ᐱᓕᕆᔾᔪᓯᖅ ᐊᔪᙱᑎᑦᑎᕗᖅ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂ ᖃᐅᔨᓴᑦᑎᐊᕈᓐᓇᖅᓯᓪᓗᑎᒃ ᐅᑕᖅᑭᔪᓂᒃ ᑎᑎᕋᖅᓯᒪᔪᓂᒃ ᖃᓄᐃᓕᕙᓪᓕᐊᓂᖏᓐᓂᒡᓗ, ᐃᑲᔪᖅᓱᐃᓗᑎᒃ ᐊᔾᔨᒌᒡᔫᒥᔪᓂᒃ ᐱᓕᕆᐊᖑᙱᑦᑐᓂᒃ ᐊᒻᒪ ᓯᕗᓪᓕᐅᔾᔭᐅᔭᕆᐊᓕᖕᓂᒃ ᐋᖅᑭᒃᓱᐃᓂᕐᒥᒃ, ᐃᓚᓕᐅᔾᔭᐅᓪᓗᑎᒃ ᐃᓐᓇᐃᑦ ᐊᒻᒪ ᐃᓄᐃᑦ ᑎᒥᒥᒍᑦ ᐊᔪᕈᑎᓖᑦ. • ᐊᑐᕈᓐᓇᕐᓂᕐᒧᑦ ᑎᑎᕋᖅᓯᒪᔪᓂᒃ ᑲᑎᖅᓱᐃᓂᖅ ᐱᒋᐊᖅᑎᑕᐅᓯᒪᓕᖅᐳᖅ ᐱᒋᐊᓕᓵᖅᑎᓪᓗᒋᑦ ᐱᓕᕆᐊᖑᓯᒪᓕᖅᑐᑦ ᑲᑎᖅᓱᐃᓪᓗᑎᒃ ᑐᑭᓯᒋᐊᒐᒃᓴᓂᒃ ᐃᓯᖅᑕᐅᔪᓐᓇᖅᑐᓂᒃ ᐱᔭᐅᔭᕆᐊᓕᖕᓂᒃ ᐊᒻᒪ ᐃᒡᓗᐃᑦ ᐅᔾᔨᕐᓇᕐᓂᖏᓐᓂᒃ, ᐃᑲᔪᖅᑐᐃᓪᓗᑎᒃ ᐸᕐᓇᐃᑦᑎᐊᕐᓂᖅᓴᐅᔪᓂᒃ ᐊᒻᒪ ᑐᓴᐅᒪᑦᑎᐊᕐᓂᖅᓴᐅᔪᓂᒃ ᐃᒡᓗᑖᖅᑎᑦᑎᕙᓪᓕᐊᓂᕐᒧᑦ ᐃᓱᒪᓕᐅᕈᑕᐅᔪᓂᒃ ᖃᖓᙳᖅᐸᓪᓕᐊᑎᓪᓗᒍ. • ᐃᓄᖕᓄᑦ ᐅᓂᒃᑳᓕᐅᕐᓂᖅ ᓄᓇᕗᑦ 3000 ᐊᑖᒍᑦ ᐱᐅᓯᕚᓪᓕᖅᓯᒪᓕᖅᑐᖅ ᐊᑐᖅᑕᐅᒐᔪᖕᓂᖅᓴᐅᔪᒥᒃ ᐋᖅᑭᒃᓯᒪᑦᑎᐊᖅᑐᒥᒡᓗ ᐅᓂᒃᑲᐅᓯᖃᕐᓂᕐᒥᒃ ᓴᖅᑭᑎᑦᑎᔪᖃᖅᓯᒪᓕᖅᐳᖅ, ᐱᐅᓯᒋᐊᖅᑎᑦᑎᓪᓗᓂ ᖃᓄᖅ ᐃᒡᓗᓕᕆᓂᕐᒧᑦ ᑲᔪᓯᕙᓪᓕᐊᓂᕆᔭᐅᔪᖅ ᑐᓴᐅᒪᑎᑦᑎᔾᔪᑕᐅᕙᖕᒪᖔᑦ ᓄᓇᕗᒻᒥᐅᓄᑦ ᐃᑲᔪᖅᑐᐃᓪᓗᓂᓗ ᑕᑯᒃᓴᐅᑦᑎᐊᒃᑲᓐᓂᕐᓂᕐᒥᒃ ᓵᑕᐅᓕᕈᓐᓇᕐᓂᕐᒥᒡᓗ. ᖃᓄᖅ ᑖᓐᓇ ᑐᑭᖃᕐᒪᖔᑦ

ᒪ ᒃ ᐱ ᖅ ᑐ ᒐ ᖅ 5 | 23 ᑖᒃᑯᐊ ᐊᓯᔾᔨᕐᓂᐅᔪᑦ ᓂᕆᐅᒋᔭᐅᕗᑦ ᐃᑲᔪᖅᓱᐃᓂᐊᕐᓂᖏᓐᓂᒃ ᐊᔾᔨᒌᒡᔫᒥᔪᓂᒃ ᐃᒡᓗᓕᕆᓂᕐᒧᑦ ᐃᓱᒪᓕᐅᕈᑕᐅᔪᓂᒃ ᓄᓇᓕᖕᓂ ᐊᑐᐊᒐᐃᑦ, ᐱᓕᕆᔾᔪᑎᑦ, ᐊᒻᒪ ᐱᓕᒻᒪᒃᓴᐅᑎᑦ ᐊᑐᓕᖅᑎᑕᐅᑦᑎᐊᖅᐸᑕ. ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑲᑎᖅᓱᐃᕙᓪᓕᐊᕗᑦ ᑐᓴᖅᑕᐅᔪᒃᓴᓂᒃ ᐱᔭᐅᔭᕆᐊᓕᖕᓂᒃ ᐱᐅᓂᖅᓴᒃᑯᑦ ᐱᕙᒌᔭᕈᒪᓂᕐᒧᑦ ᓱᕋᒃᓯᒪᔪᓕᕆᓂᕐᓄᑦ, ᖃᐅᔨᒪᔾᔪᑕᐅᓗᑎᒃ ᐃᒡᓗᖃᕆᐊᖃᕐᓂᕐᒧᑦ, ᐃᑲᔪᖅᑐᐃᓗᑎᒡᓗ ᓇᓕᒧᒌᖕᓂᖅᓴᒥᒃ ᑐᓂᐅᖅᑲᐃᓂᕐᒥᒃ ᐃᒡᓗᓂᒃ. ᑭᖑᓂᐊᒍᑦ ᖃᓄᐃᓕᐅᕐᓂᐊᓕᖅᐸᑦ • ᑭᖑᓪᓕᖅᐹᖅᓯᐅᑎᖏᑦ ᐋᖅᑭᒃᓱᕐᓗᒋᑦ ᐊᖏᖅᑕᐅᓗᑎᒡᓗ ᐊᓯᔾᔨᖅᑕᐅᓪᓗᐊᑕᖅᑐᑦ ᐱᓕᕆᔾᔪᓰᑦ ᖃᐅᔨᒪᔾᔪᑎᓪᓗ (ᓇᐃᓴᐅᓯᖅᓱᐃᔾᔪᑎᑦ, ᓅᑎᕆᓂᕐᒧᑦ ᖃᐅᔨᒪᔾᔪᑎᑦ) • ᖃᕆᓴᐅᔭᓕᕆᔾᔪᑎ ᐊᑕᖏᕐᓗᒍ ᓴᖅᑭᑕᐅᓂᖓ (IgluWeb) • ᐊᖏᒡᓕᒋᐊᕐᓗᒍ ᐱᓕᒻᒪᒃᓴᕐᓂᖅ ᐃᑲᔪᖅᓱᐃᓂᕐᓗ ᓄᓇᓕᖕᓂ ᐃᒡᓗᓕᕆᔨᒃᑯᓐᓄᑦ • ᐱᐊᓂᒡᓗᒋᑦ ᐃᒡᓗᕐᔪᐊᑦ ᖃᓄᐃᓕᖓᓂᖏᓐᓄᑦ ᖃᐅᔨᓴᖅᓯᓃᑦ ᐊᒥᐊᒃᑯᒋᔭᐅᔪᓄᑦ ᐃᒡᓗᓄᑦ (52%) ᑭᖑᓪᓕᖅᐹᖅᓯᐅᑎᖏᓪᓗ ᓇᐃᓴᖅᓯᒪᔪᑦ ᓇᖕᒥᓂᖁᑎᒋᔭᑦ ᐱᖁᑎᖏᑦ ᑎᑎᕋᖅᓯᒪᔪᑦ • ᐱᐅᓯᕚᓪᓕᖅᑎᓪᓗᒋᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᐱᐅᓂᖏᑦ ᐊᒻᒪ ᐅᓂᒃᑲᐅᓯᐅᓂᖏᑦ ᑖᒃᑯᐊ ᑭᖑᓪᓕᕐᒥ ᐱᓕᕆᐊᖑᔪᒃᓴᑦ ᓅᑎᑦᑎᓂᐊᖅᐳᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂ ᑐᙵᕕᒋᔭᐅᔪᒥᒃ ᐱᓕᕆᐊᒥᒃ ᐊᑕᖏᕐᓗᒍ ᐊᑐᓕᖅᑎᑕᐅᓂᖓᓄᑦ, ᐊᔾᔨᒌᒡᔫᒥᔪᓂᒃ ᐱᓕᕆᔾᔪᓯᕐᓂᒃ ᐊᒻᒪ ᐆᒃᑐᕋᒐᒃᓴᐅᔪᓂᒃ ᖃᓄᐃᓕᖓᓕᕐᓂᕆᔭᐅᔪᓂᒃ ᐊᓂᒍᖅᑎᑕᐅᔪᓐᓇᕐᓗᑎᒃ ᓄᓇᓕᓕᒫᓂᒃ.

ᒪ ᒃ ᐱ ᖅ ᑐ ᒐ ᖅ 6 | 23 ᓇᓗᓇᐃᔭᐃᓂᖅ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᓇᓗᓇᐃᖅᓯᖃᑦᑕᖅᐳᑦ ᓄᓇᕗᒻᒥᐅᓕᒫᑦ ᐊᔾᔨᒌᒥᒃ ᓈᒻᒪᒃᑐᓂᒃ ᐃᒡᓗᖃᖅᑎᑕᐅᕙᖕᓂᖏᓐᓂᒡᓗ. ᑕᒪᓐᓇ ᐃᓚᖃᖅᐳᖅ ᐱᓕᕆᖃᑎᖃᕐᓂᕐᒥᒃ ᓄᓇᓕᖕᓂ ᐱᓕᕆᖃᑎᒋᕙᒃᑕᑦᑎᓐᓂᒃ ᓄᓇᓕᖕᓂ ᐃᒡᓗᓕᕆᔨᒋᔭᐅᔪᓂᒃ ᐃᑲᔪᖅᑐᐃᔪᒪᓂᕐᒧᑦ ᑲᔪᓯᑎᑦᑎᓂᕐᒥᒃ ᑭᒃᑯᑐᐃᓐᓇᓄᑦ ᐃᒡᓗᖃᖅᑎᑦᑎᕙᖕᓂᕐᒧᑦ ᐱᓕᕆᐊᖑᕙᒃᑐᓂᒃ ᐱᔨᑦᑎᕋᕐᓂᕆᔭᐅᕙᒃᑐᓂᒡᓗ ᐊᔾᔨᒌᒃᑎᑦᑎᔪᓂᒃ, ᐊᑕᐅᓰᓐᓇᒃᑰᓕᖓᔪᓂᒃ, ᑭᐅᓯᔾᔪᑕᐅᔪᓐᓇᖅᑐᓂᒡᓗ ᐱᔭᐅᔭᕆᐊᓕᖕᓄᑦ ᓄᓇᓕᖕᓂ ᑕᒫᓂᓕᒫᖅ ᓄᓇᕗᓕᒫᒥᑦ. ᒪᐃ 2025−ᒥ, ᑕᒻᒪᖅᓯᒪᔪᖅᓯᐅᖅᑎᕐᔪᐊᑉ ᑎᑎᕋᕐᕕᖓ ᓇᓗᓇᐃᖅᓯᓚᐅᖅᐳᖅ ᐱᑕᖃᙱᓐᓂᕆᔭᐅᔪᓂᒃ ᐊᔾᔨᒌᒃᑎᑦᑎᓂᕐᒥᒃ, ᐃᒡᓗᖃᖅᑎᑕᐅᑦᑎᐊᕐᓂᕐᒥᒃ, ᐊᒻᒪ ᐅᓂᒃᑳᓕᐅᕐᓂᕐᒥᒃ. ᑖᒃᑯᐊ ᖃᐅᔨᔭᐅᔪᑦ ᓇᓗᓇᐃᖅᓯᓚᐅᖅᐳᑦ ᐊᔾᔨᒌᒡᔫᒥᔪᓂᒃ ᐱᓕᕆᔾᔪᓯᖃᕆᐊᖃᕐᓂᖏᓐᓂᒃ, ᐱᐅᓯᒋᐊᖅᓯᒪᔪᓂᒃ ᐱᖁᑎᓂᒃ ᐊᐅᓚᑦᑎᓂᕐᒥᒃ, ᐊᒻᒪ ᓴᙱᓂᖅᓴᓂᒃ ᑎᑎᕋᖅᓯᒪᔪᓂᒃ ᐊᒻᒪ ᐅᓂᒃᑳᓕᐅᕐᓂᕐᒧᑦ ᐱᓕᕆᔾᔪᓯᕐᓂᒃ. ᑭᐅᔾᔪᑎᒋᓪᓗᒍ, ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᓴᖅᑭᑦᑎᓚᐅᖅᐳᑦ ᐱᓕᕆᔾᔪᑎᒃᓴᓄᑦ ᐸᕐᓇᐅᑎᒥᒃ ᐋᒡᒌᓯ 2025−ᒥ. ᐱᓕᕆᔾᔪᑎᒃᓴᓄᑦ ᐸᕐᓇᐅᑎᖓ ᐋᖅᑭᒃᓯᔾᔪᑕᐅᕗᖅ ᐋᖅᑭᒃᓱᖅᓯᒪᔪᒥᒃ ᐱᓕᕆᔾᔪᓯᕐᒥᒃ ᑕᒻᒪᖅᓯᒪᔪᖅᓯᐅᕐᓂᕐᒧᑦ ᖃᐅᔨᔭᐅᔪᓂᒃ ᐱᖓᓱᓂᒃ ᖃᓄᖅᑑᕈᑎᒃᓴᓄᑦ ᑐᕌᒐᕆᔭᐅᔪᓂᒃ ᐊᒻᒪ ᖁᓕᓂᒃ ᐱᓕᕆᐊᒃᓴᓂᒃ, ᐊᑐᓂ ᒪᓕᒃᖢᑎᒃ ᑕᒻᒪᖅᓯᒪᔪᖅᓯᐅᖅᑎᕐᔪᐊᑉ ᐊᑐᓕᖁᔭᖏᓐᓂᒃ. ᓇᐃᓈᕐᓗᒍ, ᐱᓕᕆᔾᔪᑎᒃᓴᓄᑦ ᐸᕐᓇᐅᑎᑦ ᐅᑯᓂᖓ ᐱᔾᔪᑎᖃᓪᓗᐊᑕᖅᐳᑦ: ᑐᕌᒐᖅ 1: ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐃᑲᔪᖅᑐᐃᓂᐊᖅᑐᑦ ᓄᓇᕗᒻᒥᐅᓂᑦ ᓈᒻᒪᒃᑐᓂᒃ ᐃᒡᓗᓕᕆᔨᒃᑯᑦ ᐃᒡᓗᖁᑎᖏᓐᓂᒃ ᐊᑐᐃᓐᓇᐅᑎᑦᑎᖁᓪᓗᒋᑦ. ᖃᓄᐃᓕᐅᕈᑕᐅᔪᑦ ᑐᕌᒐᖃᓪᓗᐊᑕᖅᐳᑦ ᓴᙱᒃᑎᒋᐊᖅᑎᑦᑎᓂᕐᒥᒃ ᐊᔾᔨᒌᒃᑎᑦᑎᓂᕐᒥᒃ ᐊᑕᐅᓰᓐᓇᒃᑰᖅᑎᑦᑎᓂᕐᒥᒡᓗ ᖃᓄᖅ ᐃᒡᓗᓄᑦ ᐱᓇᔫᑎᑦ ᖃᐅᔨᓴᖅᑕᐅᕙᖕᒪᖔᑕ ᐃᒡᓗᐃᓪᓗ ᓴᓂᕐᕙᒃᑕᐅᕙᖕᒪᖔᑕ, ᐅᑯᓂᖓᓗ: • ᐱᐅᓯᕚᓪᓕᖅᑎᑦᑎᓂᖅ ᓇᐃᓴᐅᓯᖅᓱᐃᓂᕐᒧᑦ ᐊᑐᖅᑕᐅᕙᒃᑐᒥᒃ • ᐊᑕᐅᓰᓐᓇᒃᑰᓕᖅᑎᑦᑎᓂᖅ ᐱᓪᓗᐊᑕᕐᓂᒃ ᐅᑕᖅᑭᔪᓂᒃ ᑎᑎᕋᖅᓯᒪᔪᓂᒃ ᐃᓂᖏᓐᓂᒃ, ᐃᓚᒋᔭᐅᓗᑎᒃ ᐊᑐᖅᑕᐅᔪᓐᓇᖅᑐᑦ ᐱᔭᐅᔭᕆᐊᓖᑦ • ᐊᑕᐅᓰᓐᓇᒃᑰᓕᖅᑎᑦᑎᓂᖅ ᐃᒡᓗᑖᖅᑎᑦᑎᕙᖕᓂᕐᒧᑦ ᐊᑐᖅᑕᐅᕙᒃᑐᓂᒃ ᓄᑖᙳᕆᐊᖅᓯᒪᔪᓄᑦ ᖃᐅᔨᒪᔾᔪᑎᓄᑦ ᐊᑐᖅᑕᐅᔾᔪᓯᖏᓐᓄᓪᓗ • ᐃᓚᓕᐅᔾᔨᓂᖅ ᐊᑐᖅᑕᐅᔪᓐᓇᖅᑐᓂᒃ ᐱᔭᐅᔭᕆᐊᓕᖕᓂᒃ ᐱᕙᒌᔭᕐᓂᕐᒧᑦ ᓴᓂᕐᕙᒃᓯᓂᕐᒧᓪᓗ ᐋᖅᑭᒃᓯᒪᓕᖅᑎᑕᐅᔪᓄᑦ ᑐᕌᒐᖅ 2: ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᐅᓚᑦᑏᓐᓇᕐᓂᐊᖅᐳᑦ ᐱᐅᓯᒋᐊᖅᑎᑦᑎᓗᑎᒡᓗ ᓈᒻᒪᒃᑐᓂᒃ ᐃᒡᓗᓕᕆᔨᒃᑯᑦ ᐃᒡᓗᖁᑎᖏᓐᓂ ᖃᓄᐃᓕᐅᕈᑕᐅᔪᑦ ᑐᕌᒐᖃᓪᓗᐊᑕᖅᐳᑦ ᐱᐅᓯᒋᐊᖅᑎᑦᑎᓂᕐᒥᒃ ᖃᓄᖅ ᐃᒡᓗᓕᕆᔨᒃᑯᑦ ᐃᒡᓗᖁᑎᖏᑦ ᑲᒪᒋᔭᐅᕙᖕᒪᖔᑕ ᐊᐅᓚᑕᐅᕙᖕᒪᖔᑕᓗ, ᐅᑯᓂᖓᓗ: • ᐊᑐᓕᖅᑎᑦᑎᓂᖅ ᑲᑎᖅᓱᖅᓯᒪᔪᓂᒃ ᐱᖁᑎᓂᒃ ᐊᐅᓚᑦᑎᕝᕕᖃᖅᐸᖕᓂᕐᒧᑦ ᐊᑐᖅᑕᐅᕙᒃᑐᓂᒃ • ᓴᙱᒃᑎᒋᐊᕐᓗᒋᑦ ᓱᕋᓗᐊᖅᑕᐃᓕᒪᑎᑦᑎᓂᕐᒧᑦ ᐋᖅᑭᐅᒪᑎᑦᑎᓂᕐᒧᑦ ᐊᑐᖅᑕᐅᕙᒃᑐᑦ • ᐃᑲᔪᖅᓱᕐᓗᒋᑦ ᓄᓇᓕᖕᓂ ᐃᒡᓗᓕᕆᔩᑦ ᓈᒻᒪᒃᓯᓕᕈᑎᒃᓴᑦ ᐊᐅᓚᑦᑎᔾᔪᑎᓄᑦ ᐊᒻᒪ ᐅᓂᒃᑳᓕᐅᕐᓂᕐᒧᑦ ᐱᔭᐅᔭᕆᐊᓕᖕᓄᑦ

ᒪ ᒃ ᐱ ᖅ ᑐ ᒐ ᖅ 7 | 23 • ᐱᐅᓯᕚᓪᓕᑎᑦᑎᓂᕐᒥᑦ ᖃᐅᔨᓴᕐᓂᕐᒥᑦ ᐃᓯᕈᓐᓇᕐᓂᕐᒧᑦ ᐃᓗᓕᖏᓐᓂᑦ ᐃᒡᓗᓕᕆᓂᕐᒧᑦ ᓇᐃᓴᐃᓂᕐᒥᑦ ᑐᕌᒐᖅ 3: ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᑐᓕᖅᑎᑦᑎᓂᐊᖅᐳᑦ ᐃᒡᓗᓕᐅᖃᑎᒌᖕᓂᕐᒥᒃ ᐱᐅᓯᒋᐊᖅᑎᑦᑎᓗᑎᒡᓗ ᐊᒃᑐᐊᓂᓕᖕᓂᒃ ᐅᓂᒃᑲᐅᓯᖃᕐᓂᕐᒥᒃ. ᖃᓄᐃᓕᐅᕈᑕᐅᔪᑦ ᑐᕌᒐᖃᓪᓗᐊᑕᖅᐳᑦ ᓴᙱᒃᑎᒋᐊᖅᑎᑦᑎᓂᕐᒥᒃ ᐱᐅᓂᖓᓂᒃ, ᐊᑕᐅᓰᓐᓇᒃᑰᖅᑎᑦᑎᓂᕐᒥᒃ, ᑕᑯᒃᓴᐅᑦᑎᐊᕐᓂᕐᒥᒡᓗ ᐅᓂᒃᑲᐅᓯᖃᕐᓂᕐᒥᒃ, ᐅᑯᓂᖓᓗ: • ᐱᐅᓯᕚᓪᓕᑎᑦᑎᓂᕐᒥᑦ ᑭᒃᑯᑐᐃᓐᓇᕐᓂᑦ ᐅᓂᒃᑳᓕᐅᕐᓂᕐᒥᑦ ᐃᒡᓗᓕᐅᖃᑎᒌᖕᓂᕐᒥᑦ (Nunavut 3000) ᐊᑐᓂ ᑖᒃᑯᐊ ᖃᓄᐃᓕᐅᕈᑕᐅᔪᑦ ᐃᑲᔪᖅᑐᖅᑕᐅᕗᑦ ᓇᓗᓇᐃᖅᓯᒪᔪᓄᑦ ᐊᑐᓕᖅᑎᑦᑎᓂᕐᒧᑦ ᐊᑐᖅᑕᐅᕙᓪᓕᐊᕙᒃᑐᓄᑦ, ᖃᖓᒃᑰᕋᔭᕐᓂᖏᓐᓄᑦ, ᐱᓕᕆᐊᒃᓴᕆᑎᑕᐅᔪᓄᓪᓗ ᑲᒪᒋᔭᒃᓴᓄᑦ, ᓇᓗᓇᐃᔭᖅᓯᒪᔪᑎᑐᑦ ᐅᐃᒍᐊᕈᓯᖅ A-ᒥᑦ − ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐱᓕᕆᐊᖃᓪᓚᕆᒍᒪᓂᕆᔭᖏᑦ, ᐊᑐᓕᖅᑎᑕᐅᓂᖏᑦ ᖃᖓᒃᑰᕋᔭᕐᓂᖏᓪᓗ.

ᒪ ᒃ ᐱ ᖅ ᑐ ᒐ ᖅ 8 | 23 ᖃᓄᐃᑉᐸᓪᓕᐊᓂᖏᑦ ᖃᓄᐃᓕᐅᕐᓂᒃᑯᑦ ᑐᕌᒐᖅ 1: ᓈᒻᒪᒃᑐᓂᑦ ᐃᒡᓗᖃᕈᓐᓇᕐᓂᖅ ᖃᓄᐃᓕᖓᓂᖓ: ᐱᕙᓪᓕᐊᔪᖅ (ᑐᙵᕕᖓᑕ ᓇᓃᓐᓂᖓ) ᖃᓄᐃᑉᐸᓪᓕᐊᓂᖓ: ᐱᒋᐊᓕᓵᖅᑎᓪᓗᒍ ᕿᑎᖅᐸᓯᐊᓄᑦ ᐊᑐᓕᖅᑎᑕᐅᕙᓪᓕᐊᓂᖓ ᐱᐅᓯᕚᓪᓕᖅᑎᑦᑎᓇᓱᖕᓂᖅ ᐊᔾᔨᒌᒃᑎᑦᑎᓂᕐᓂᑦ ᐊᔾᔨᒌᒡᔫᒥᔪᓂᒡᓗ ᐃᒡᓗᑖᖅᑎᑦᑎᓂᕐᓂᑦ ᓯᕗᒻᒧᐊᒃᓯᒪᑦᑎᐊᖅᑐᖅ, ᓴᓇᒪᓂᖓᑕ ᑕᐅᑦᑐᒃᓴᖓ ᐊᑐᓕᖅᑎᑕᐅᓵᓕᓂᖓᓗ. ᑐᙵᕕᒋᔭᐅᔪᑦ ᖃᐅᔨᒪᔾᔪᑎᑦ ᐊᐅᓚᑦᑎᓂᕐᒧᓪᓗ ᑲᔪᓯᓂᕆᔭᐅᕙᒃᑐᑦ ᐋᖅᑭᒃᓱᖅᑕᐅᓯᒪᓕᖅᐳᑦ, ᐃᑲᔪᖅᑐᐃᓪᓗᑎᒃ ᓯᕗᓪᓕᖅᐹᒥᒃ ᐊᑐᓕᖅᑎᑦᑎᓂᕐᒥᒃ. ᐱᕙᓪᓕᐊᓂᓪᓗᐊᑕᖅ: • ᐋᖅᑭᒃᓱᖅᑕᐅᒃᑲᓐᓂᕐᓂᖓ ᓇᐃᓴᐅᓯᖅᓱᐃᓂᕐᒧᑦ ᐊᑐᖅᑕᐅᕙᒃᑐᖅ, ᐃᓚᒋᔭᐅᓪᓗᓂ ᓄᑖᙳᕆᐊᖅᓯᒪᔪᖅ ᓇᐃᓴᐅᓯᖅᓱᐃᓂᕐᒧᑦ ᐊᑐᖅᑕᐅᕙᒃᑐᖅ • ᐱᕙᓪᓕᐊᑎᑦᑎᓂᖅ ᐊᒻᒪ ᓯᕗᓪᓕᖅᐹᒥ ᓴᖅᑭᑕᐅᕙᓪᓕᐊᓂᖓ ᓴᓂᕐᕙᒃᑕᐅᔪᑦ ᖃᐅᔨᓴᖅᐸᓪᓕᐊᓂᕐᒧᑦ ᐱᓕᕆᔾᔪᑎᑦ ᐊᕕᒃᑐᖅᓯᒪᔪᑦ ᑎᑎᕋᕐᕕᖏᓐᓄᑦ • ᑐᑭᖓ ᐊᑐᖅᑕᐅᒐᔪᒃᑐᖅ ᐅᑕᖅᑭᔪᓄᑦ ᑎᑎᕋᖅᓯᒪᔪᑦ ᐱᔭᐅᔭᕆᐊᓖᑦ, ᐃᓚᐅᓗᑎᒃ ᓯᕗᓪᓕᐅᔾᔭᐅᔭᕆᐊᓕᖕᓄᑦ ᓇᓗᓇᐃᒃᑯᑕᑦ • ᐱᒋᐊᖅᑎᑦᑎᓂᖅ ᐱᔪᓐᓇᕐᓂᕐᒧᑦ-ᐊᒃᑐᐊᓂᓕᖕᓂᑦ ᑐᒃᓯᕋᐅᑎᓄᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᑲᑎᑕᐅᓯᒪᔪᑦ ᖃᓄᖅ ᑖᓐᓇ ᑐᑭᖃᕐᒪᖔᑦ: ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐋᖅᑭᒃᓱᐃᕙᓪᓕᐊᕗᑦ ᐱᓕᕆᔾᔪᓯᕐᓂᒃ ᐊᒻᒪ ᐊᑐᖅᑕᐅᕙᓪᓕᐊᔭᕆᐊᓕᖕᓂᒃ ᐱᔭᐅᔭᕆᐊᓕᖕᓂᒃ ᐃᑲᔪᖅᓱᐃᔾᔪᑎᒃᓴᓂᒃ ᐊᔾᔨᒌᓕᖅᑎᑕᐅᓯᒪᔪᓂᒃ ᐊᒻᒪ ᑕᑯᒃᓴᐅᑦᑎᐊᖅᑐᓂᒃ ᐃᒡᓗᑖᖅᑎᑦᑎᔨᓄᑦ ᐃᓱᒪᓕᐅᕈᑕᐅᔪᓂᒃ. ᑖᒃᑯᐊ ᐊᓯᔾᔨᕐᓂᐅᔪᑦ ᓂᕆᐅᒋᔭᐅᕗᑦ ᐱᐅᓯᕚᓪᓕᖅᑎᑦᑎᓂᐊᕐᓂᖏᓐᓂᒃ ᐊᔾᔨᒌᒡᔫᒥᔪᓂᒃ ᐃᓱᒪᓕᐅᕆᓂᕐᒧᑦ; ᑕᐃᒪᐃᒃᑲᓗᐊᖅᑎᓪᓗᒍ, ᐊᑕᖏᕐᓗᒋᑦ ᖃᐅᔨᔭᐅᓕᑕᐃᓐᓇᕐᓂᐊᖅᑐᑦ ᐱᓕᕆᔾᔪᓰᑦ ᐊᑐᐊᒐᐃᓪᓗ ᐊᑐᓕᖅᑎᑕᐅᑦᑎᐊᖅᐸᑕ ᐊᔾᔨᒌᒡᔫᒥᔪᓂᒡᓗ ᐊᑐᖅᑎᑕᐅᒃᐸᑕ. ᐱᓕᕆᐊᒃᓴᑦ ᓇᐃᓈᖅᓯᒪᔪᑦ ᖃᓄᐃᓕᐅᕈᑕᐅᔪ ᖅ ᐅᓂᒃᑳᖅᓯᒪᓂᖓ ᑎᑭᑕᐅᔪᒪᔪᖅ ᐅᓪᓗᖓ ᖃᓄᐃᑉᐸᓪᓕᐊᓂᖓ ᖃᓄᐃᓕᖓᓂᖓ ᐱᓕᕆᐊᖅ 1 ᓇᐃᓴᐅᑎᓕᖅᓱᐃᓂᕐᒧᑦ ᐊᑐᖅᑕᐅᕙᒃᑐᖅ ᑎᓯᐱᕆ 2026 45% ᐊᖏᖅᑕᐅᓂᖓ ᓇᓗᓇᐃᕆᐊᓕᒃ ᐱᓕᕆᐊᖅ 2 ᓴᓂᕐᕙᒃᑕᐅᔪᓂᒃ ᑲᒪᑦᑎᐊᙱᓐᓂᖅ ᔪᓚᐃ 2026 65% ᐱᓕᕆᐊᖑᕙᓪᓕᐊᔪᑦ ᐱᓕᕆᐊᖅ 3 ᓅᑕᐅᓂᕐᒧᑦ ᖃᐅᔨᒪᔾᔪᑎᑦ ᔫᓂ 2026 55% ᐊᖏᖅᑕᐅᓂᖓ ᓇᓗᓇᐃᕆᐊᓕᒃ ᐱᓕᕆᐊᖅ 4 ᐅᑕᖅᑭᔪᓂᒃ ᐊᐅᓚᑦᑎᓂᖅ ᔫᓂ 2026 50% ᐱᓕᕆᐊᖑᕙᓪᓕᐊᔪᑦ ᐱᓕᕆᐊᖅ 5 ᖃᐅᔨᓴᖅᑕᐅᔭᕆᐊᖃᖅᑐᑦ ᒪᐃ 2026 50% ᐱᓕᕆᐊᖑᕙᓪᓕᐊᔪᑦ ᐳᓴᓐᑎᖏᑦ ᑕᑯᒃᓴᐅᑎᑦᑎᕗᑦ ᑖᒃᑯᓇᓂᑦᑕᐃᓐᓇᖅ ᐊᓂᒍᖅᑕᐅᕙᓪᓕᐊᔪᓂᒃ ᑐᔾᔭᖅᓯᓂᕐᒥᒃ ᒪᓕᒃᖢᑎᒃ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᐱᓕᕆᐊᖑᕙᓪᓕᐊᔪᓂᒃ ᑭᓱᑦ ᓱᓕ ᐱᔭᕇᖅᑕᐅᓯᒪᙱᑦᑐᑦ • ᐊᑐᓕᖅᑎᑦᑎᓗᑎᒃ ᐊᐅᓚᑦᑎᓂᕐᒧᑦ ᖃᐅᔨᒪᔾᔪᑎᓂᒃ ᐊᑐᖅᑕᐅᔾᔪᓯᖏᓐᓂᒡᓗ (PRS ᓅᑎᑦᑎᓂᕐᒧᓪᓗ ᖃᐅᔨᒪᔾᔪᓂᑦ) • ᓄᓇᕘᓕᒫᒥ ᐱᓕᒻᒪᒃᓴᖅᑎᑦᑎᓗᑎᒃ ᓄᓇᓕᖕᓂ ᐃᒡᓗᓕᕆᔨᒃᑯᓐᓂ ᐊᔾᔨᒌᒡᔫᒥᔪᓂᒃ ᐱᓇᔫᑎᓂᒃ • ᐊᑕᖏᖅᖢᒍ ᐊᓯᔾᔨᖅᑕᐅᓂᖏᑦ ᐅᑕᖅᑭᔪᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᓄᑖᓄᑦ ᐱᓕᕆᔾᔪᑎᓄᑦ

ᒪ ᒃ ᐱ ᖅ ᑐ ᒐ ᖅ 9 | 23 • ᐃᓚᓕᐅᑎᓗᒋᑦ ᐱᔭᐅᔭᕆᐊᓖᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᐅᓂᒃᑳᓕᐅᕐᓂᕐᒧᑦ ᐸᕐᓇᐃᓂᕐᒧᑦ ᐱᓕᕆᕙᓪᓕᐊᓂᖏᓐᓄᑦ • ᐱᔪᓐᓇᖅᓯᑎᓪᓗᒋᑦ ᓇᐃᓴᐅᓯᖅᓱᐃᓂᕐᒧᑦ ᐊᐅᓚᔪᓐᓇᕐᓂᖓ IgluWeb-ᑎᒍᑦ, ᐱᕐᔪᐊᖑᓪᓗᓂ ᑕᑎᒋᔭᐅᓪᓗᓂ ᑭᖑᓪᓕᕐᒥᑦ ᐱᓕᕆᐊᒃᓴᑦ • ᓴᐳᒻᒦᓗᑎᒃ ᐃᒡᓗᓕᕆᔨᕐᔪᐊᒃᑯᑦ ᓯᕗᓕᖅᑎᑦ ᑲᑎᒪᔨᕋᓛᖏᑦ ᐊᖏᖅᓯᓗᑎᒃ PRS−ᒥᒃ ᓅᑎᑦᑎᓂᕐᒧᓪᓗ ᖃᐅᔨᒪᔾᔪᑎᓂᒃ • ᐊᖏᒡᓕᒋᐊᕐᓗᒍ ᐱᓕᒻᒪᒃᓴᕐᓂᖅ ᐊᔪᕆᖅᓲᔾᔨᓂᕐᓗ ᓄᓇᓕᖕᓂ ᐃᒡᓗᓕᕆᔨᒃᑯᓐᓄᑦ ᐊᕕᒃᑐᖅᓯᒪᔪᓪᓗ ᑎᑎᕋᕐᕕᖏᓐᓄᑦ • ᓴᖅᑭᑎᑦᑎᔪᖃᕐᓗᓂ ᖃᖓᙳᕌᖓᑦ ᓇᐅᑦᑎᖅᓱᖅᓯᓂᕐᒥᒃ ᒪᓕᑦᑎᐊᕐᓂᕐᒧᓪᓗ ᕿᒥᕐᕈᐊᖅᓯᒃᑲᓐᓂᕐᓂᕐᒥᒃ ᓴᓂᕐᕙᒃᑕᐅᓯᒪᔪᓄᑦ ᐃᓱᒪᓕᐊᕆᔭᕐᓄᑦ • ᖃᐅᔨᓇᓱᒡᓗᒋᑦ ᐊᔾᔨᒌᒡᔫᒥᔪᑦ ᐱᓇᔫᑎᑦ ᓄᓇᓕᓕᒫᓂ ᐋᖅᑭᒋᐊᕐᓗᒋᓪᓗ ᐱᓕᕆᔾᔪᓰᑦ ᐱᔭᕆᐊᖃᕈᓂ ᑐᕌᒐᖅ 2: ᐃᒡᓗᐃᑦ ᓈᒻᒪᖕᓂᖏᑦ ᖃᓄᐃᓕᖓᓂᖓ: ᐱᕙᓪᓕᐊᔪᖅ (ᑐᙵᕕᖓᑕ ᓇᓃᓐᓂᖓ) ᖃᓄᐃᑉᐸᓪᓕᐊᓂᖏᑦ ᖃᓄᐃᓕᐅᕈᑕᐅᔪᓕᒫᑦ: ᐱᒋᐊᓕᓵᖅᑎᓪᓗᒍ ᕿᑎᖅᐸᓯᐊᓄᑦ ᐊᑐᓕᖅᑎᑕᐅᓂᖓ ᐱᓪᓗᐊᑕᕐᓄᑦ ᐱᖁᑎᒋᔭᐅᔪᓄᑦ ᐊᐅᓚᑦᑎᕝᕕᖃᖅᐸᖕᓂᕐᒧᑦ ᐊᑐᖅᑕᐅᕙᒃᑐᑦ ᐊᑐᓕᖅᑎᑕᐅᓯᒪᓕᖅᐳᑦ ᑕᒪᐃᓐᓂ ᓄᓇᓕᓕᒫᓂ. ᐱᓕᕆᓂᐅᔪᖅ ᑐᕌᒐᖃᓪᓗᐊᑕᖅᐳᖅ ᐱᔭᕇᖅᓯᓂᕐᒥᒃ ᑎᑎᕋᖅᓯᒪᔪᓂᒃ ᑲᑎᖅᓱᐃᓂᕐᒥᒃ, ᓴᙱᒃᑎᒋᐊᖅᑎᑦᑎᓂᕐᒥᒃ ᐊᑐᖅᑕᐅᕙᒃᑐᒥᒃ ᐊᑐᓕᖅᑎᑦᑎᓂᕐᒥᒃ, ᐱᐅᓯᒋᐊᖅᑎᑦᑎᓂᕐᒥᒡᓗ ᐃᓚᓕᐅᔾᔨᓂᕐᒥᒃ ᐱᖁᑎᒋᔭᐅᔪᓂᒃ ᑲᒪᒋᔭᖃᖅᐸᖕᓂᕐᒧᓪᓗ ᑐᓴᖅᑕᐅᔪᒃᓴᓂᒃ. ᐱᕙᓪᓕᐊᓂᓪᓗᐊᑕᖅ • ᐱᖁᑎᓄᑦ ᐱᕙᒌᔭᐅᑦ ᐊᑐᓕᖅᑎᑕᐅᔪᖅ ᓄᓇᓕᓕᒫᓄᑦ • ᐃᓗᓕᓪᓗᐊᑕᖏᑦ (ᐱᔨᑦᑎᕋᕐᓂᕐᒧᑦ ᑐᒃᓯᕋᐅᑎᑦ ᐊᒻᒪ ᓱᕋᓗᐊᖅᑕᐃᓕᒪᑎᑦᑎᓂᕐᒧᑦ ᐋᖅᑭᐅᒪᑎᑦᑎᓂᖅ) ᐊᐅᓚᑦᑎᔾᔪᑎᑦ • ᐃᒡᓗᕐᔪᐊᑦ ᖃᓄᐃᓕᖓᓂᖏᓐᓄᑦ ᖃᐅᔨᓴᖅᓯᓃᑦ (BCAs) ᐱᒋᐊᖅᑕᐅᓚᐅᖅᐳᑦ (48%−ᐸᓗᖕᒥ ᐱᔭᕇᖅᓯᒪᔪᖅ) • ᓯᕗᓪᓕᖅᐹᖅᓯᐅᑎᑦ ᐱᔭᐅᔪᑦ ᐊᑐᖅᑕᐅᔪᓐᓇᖅᑐᑦ ᐃᒡᓗᓂᑦ ᓇᐃᓴᖅᑕᐅᓯᒪᔪᓂᑦ • ᓱᕋᓗᐊᖅᑕᐃᓕᒪᑎᑦᑎᓂᕐᒧᑦ ᐋᖅᑭᐅᒪᑎᑦᑎᓂᕐᒧᑦ ᑐᔾᔭᖅᓯᓂᕐᒧᑦ ᐱᓕᕆᔾᔪᑕᐅᓂᐊᖅᑐᑦ ᐋᖅᑭᒃᑕᐅᓗᑎᒃ ᖃᓄᖅ ᑖᓐᓇ ᑐᑭᖃᕐᒪᖔᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐱᐅᓯᒋᐊᖅᑎᑦᑎᓯᒪᓕᖅᐳᑦ ᑕᑯᒃᓴᐅᑦᑎᐊᕐᓂᕐᒥᒃ ᐃᒡᓗᐃᑦ ᖃᓄᐃᓕᖓᓂᖏᓐᓂᒃ ᐊᒻᒪ ᐋᖅᑭᐅᒪᑎᑦᑎᓂᕐᒧᑦ ᐱᔭᐅᔭᕆᐊᓕᖕᓂᒃ. ᑕᒪᓐᓇ ᐃᑲᔪᖅᑐᐃᕗᖅ ᓅᑉᐸᓪᓕᐊᓂᕐᒥᒃ ᐱᕙᒌᔭᖅᓯᒪᓂᖅᓴᒧᑦ ᑕᐃᒪᐃᑎᑦᑎᑦᑕᐃᓕᒪᓂᕐᒧᓪᓗ ᑲᒪᒋᔭᖃᖅᐸᖕᓂᕐᒥᒃ; ᑭᓯᐊᓂ, ᐊᑕᖏᕐᓗᒋᑦ ᐱᕚᓪᓕᕈᑎᒃᓴᑦ ᑐᙵᕕᖃᕐᓂᐊᖅᑐᑦ ᐱᐊᓂᒃᓯᒪᔪᓂᒃ ᑎᑎᕋᖅᓯᒪᔪᓂᒃ ᐊᒻᒪ ᐊᔾᔨᒌᒡᔫᒥᔪᓂᒃ ᐱᓕᕆᔾᔪᓯᕐᓂᒃ ᐊᑐᖅᑐᖃᖅᐸᑦ ᓄᓇᓕᓕᒫᓂᒃ. ᐱᓕᕆᐊᒃᓴᑦ ᓇᐃᓈᖅᓯᒪᔪᑦ ᖃᓄᐃᓕᐅᕈᑕᐅᔪᖅ ᐅᓂᒃᑳᖅᓯᒪᓂᖓ ᑎᑭᑕᐅᔪᒪᔪᖅ ᐅᓪᓗᖓ ᖃᓄᐃᑉᐸᓪᓕᐊᓂᖓ ᖃᓄᐃᓕᖓᓂᖓ ᐱᓕᕆᐊᖅ 6 ᐊᑐᕈᓐᓇᕐᓂᕐᒧᑦ ᑎᑎᖅᑲᑦ ᑎᓯᐱᕆ 2026 80% ᐱᓕᕆᐊᖑᕙᓪᓕᐊᔪᑦ ᐱᓕᕆᐊᖅ 7 ᐃᓚᓕᐅᑎᓯᒪᔪᑦ ᐱᖁᑎᓂᒃ ᐊᐅᓚᑦᑎᔾᔪᑎᑦ ᒫᑦᓯ 2027 50% ᑲᔪᓰᓐᓇᖅᑐᖅ ᐱᓕᕆᐊᖅ 8 ᓄᓇᓕᖕᓂ ᐃᒡᓗᓕᕆᔨᒃᑯᑦ ᑲᑐᔾᔨᖃᑎᒌᒃᑯᖏᓐᓂᑦ ᐅᓂᒃᑳᓕᐅᕐᓂᖅ ᐃᑲᔪᖅᑐᐃᓂᕐᓗ ᐋᒡᒌᓯ 2026 35% ᐊᖏᖅᑕᐅᓂᖓ ᓇᓗᓇᐃᕆᐊᓕᒃ ᐱᓕᕆᐊᖅ 9 ᓱᕋᒃᑎᖅᑕᐃᓕᒪᓂᕐᒧᑦ ᐋᖅᑭᐅᒪᑎᑦᑎᓂᖅ ᑎᓯᐱᕆ 2026 50% ᑲᔪᓰᓐᓇᖅᑐᖅ ᐳᓴᓐᑎᖏᑦ ᑕᑯᒃᓴᐅᑎᑦᑎᕗᑦ ᑖᒃᑯᓇᓂᑦᑕᐃᓐᓇᖅ ᐊᓂᒍᖅᑕᐅᕙᓪᓕᐊᔪᓂᒃ ᑐᔾᔭᖅᓯᓂᕐᒥᒃ ᒪᓕᒃᖢᑎᒃ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᐱᓕᕆᐊᖑᕙᓪᓕᐊᔪᓂᒃ ᑭᓱᑦ ᓱᓕ ᐱᔭᕇᖅᑕᐅᓯᒪᙱᑦᑐᑦ

ᒪ ᒃ ᐱ ᖅ ᑐ ᒐ ᖅ 10 | 23 • ᐱᐊᓂᒃᓯᓂᖅ ᐃᒡᓗᕐᔪᐊᑦ ᖃᓄᐃᓕᖓᓂᖏᓐᓄᑦ ᖃᐅᔨᓴᖅᓯᓂᕐᓂᒃ ᑕᒪᐃᓐᓂᓕᒫᖅ ᓄᓇᓕᖕᓂ • ᓈᒻᒪᖕᓂᖏᑦ ᐱᐊᓂᒃᓯᒪᓂᖏᓪᓗ ᐱᖁᑎᑦ, ᐋᖅᑭᐅᒪᑎᑦᑎᓂᖅ, ᐱᔪᓐᓇᖕᓂᕐᒧᓪᓗ ᑎᑎᖅᑲᑦ • ᐊᑕᐅᓰᓐᓇᓕᔪᒥᒃ ᐊᑐᕐᓂᖅ ᐱᖁᑎᓄᑦ ᐱᕙᒌᔭᐅᒻᒥᒃ ᑕᒪᐃᓐᓂ ᓄᓇᓕᖕᓂ ᐃᒡᓗᓕᕆᔨᒋᔭᐅᔪᓂ • ᐃᓚᓕᐅᔾᔨᓂᖅ ᐱᖁᑎᓂᒃ, ᐋᖅᑭᐅᒪᑎᑦᑎᓂᕐᒥᒃ, ᐊᒻᒪ ᐊᑐᐃᓐᓇᐅᔪᓂᒃ ᑎᑎᕋᖅᓯᒪᔪᓂᒃ • ᐊᑐᓕᖅᑎᑕᐅᓂᖏᑦ ᐊᔾᔨᒌᓕᖅᑎᑕᐅᓯᒪᔪᑦ ᓄᓇᓕᖕᓂ ᐃᒡᓗᓕᕆᔨᒃᑯᑦ ᑲᑐᔾᔨᖃᑎᒌᒃᑯᖏᑕ ᐅᓂᒃᑳᓕᐅᕐᓂᕐᒧᑦ ᐊᑐᖅᑕᐅᔭᕆᐊᓕᓐᓂᑦ ᑭᖑᓪᓕᕐᒥᑦ ᐱᓕᕆᐊᒃᓴᑦ • ᐱᐊᓂᒡᓗᒋᑦ ᐊᒥᐊᒃᑯᖏᑦ ᐱᓕᕆᐊᒃᓴᕆᔭᐅᔪᑦ ᐊᒥᐊᒃᑯᖏᓐᓄᑦ 52%−ᒧᑦ ᓇᓗᓇᐃᕐᓗᒋᓪᓗ ᑲᑎᖅᓱᖅᑕᐅᓯᒪᔪᑦ ᑎᑎᕋᖅᓯᒪᔪᑦ • ᓴᙱᒃᑎᒋᐊᕐᓗᒍ ᐱᓕᕆᔾᔪᓯᖅ ᐊᑐᓕᖅᑕᐅᓂᖓ ᑐᕌᒐᕆᔭᐅᔪᒃᑯᑦ ᐱᓕᒻᒪᒃᓴᖅᑎᑦᑎᓂᒃᑯᑦ ᐊᒻᒪ ᐃᑲᔪᖅᓱᐃᓂᒃᑯᑦ • ᐊᖏᒡᓕᒋᐊᕐᓗᒍ ᐊᑐᖅᑕᐅᕙᒃᑐᖅ ᐊᑐᕈᓐᓇᕐᓂᕆᔭᖓ ᐃᓚᓕᐅᑎᓗᒍᓗ IgluWeb−ᒧᑦ • ᐊᑐᓕᖅᑎᑦᑎᓗᑎᒃ ᐊᔾᔨᒌᓕᖅᑎᑕᐅᓯᒪᔪᓂᒃ ᐅᓂᒃᑳᓕᐅᕐᓂᕐᒧᑦ ᐊᑐᖅᑕᐅᔭᕆᐊᓕᖕᓂᒃ ᓄᓇᓕᖕᓂ ᐃᒡᓗᓕᕆᔨᒋᔭᐅᔪᓄᑦ • ᐋᖅᑭᒃᓯᔪᖃᕐᓗᓂ ᖃᖓᙳᕌᖓᑦ ᓇᐅᑦᑎᖅᓱᖅᓯᓂᕐᒥᒃ ᑲᒪᒋᔭᖃᖅᐸᖕᓂᕐᒧᑦ ᐱᖁᑎᒋᔭᐅᔪᓪᓗ ᖃᓄᐃᓕᖓᓂᖏᓐᓄᑦ ᖃᐅᔨᔾᔪᑕᐅᔪᓐᓇᖅᑐᓂᒃ ᑐᕌᒐᖅ 3: ᐃᒡᓗᓕᐅᖃᑎᒌᖕᓂᖅ (ᓄᓇᕗᑦ 3000) ᐅᓂᒃᑳᓕᐅᕐᓂᖅ ᓴᖅᑭᔮᑦᑎᐊᕐᓂᕐᓗ ᖃᓄᐃᓕᖓᓂᖓ: ᐱᓕᕆᐊᖑᕙᓪᓕᐊᔪᑦ ᖃᓄᐃᑉᐸᓪᓕᐊᓂᖓ: ᕿᑎᐊᓂ−ᐊᑐᓕᖅᑎᑦᑎᓂᖅ ᑭᒃᑯᑐᐃᓐᓇᓄᑦ ᐅᓂᒃᑲᐅᓯᖃᕐᓂᖅ ᓄᓇᕗᑦ 3000−ᒧᑦ ᐱᐅᓯᒋᐊᖅᓯᒪᓕᖅᐳᖅ ᖃᖓᙳᕌᖓᑦ ᐋᖅᑭᒃᓱᖅᑕᐅᓯᒪᑦᑎᐊᖅᑐᒃᑯᓪᓗ ᓄᑖᙳᕆᐊᖅᑎᑕᐅᕙᒃᖢᑎᒃ. ᐱᓕᕆᐊᖑᐃᓐᓇᖅᑐᖅ ᐱᐅᓯᕚᓪᓕᖁᓪᓗᒋᑦ ᑎᑎᖅᑲᑦ ᐱᐅᓂᖏᑦ ᓅᑉᐸᓪᓕᐊᓂᕐᒧᓪᓗ ᖃᕆᑕᐅᔭᒃᑰᖓᔪᓄᑦ ᐅᓂᒃᑳᓕᐅᕐᓂᕐᓂᑦ. ᐱᕙᓪᓕᐊᓂᓪᓗᐊᑕᖅ • ᓴᖅᑭᑦᑎᓂᖅ ᐅᑎᖅᑕᖅᑐᓂᒃ ᐃᓄᖕᓄᑦ ᐅᓂᒃᑳᓕᐊᓂᒃ ᐃᒡᓗᓕᕆᓂᕐᒧᑦ ᐱᕙᓪᓕᐊᓂᕆᔭᐅᔪᓂᒃ • ᓇᓗᓇᐃᔭᐅᑎᑦ ᐊᔾᔨᒌᓕᖅᑎᑕᐅᓯᒪᔪᑦ ᐅᓂᒃᑳᓕᐅᕐᓂᕐᒧᑦ ᐋᖅᑭᒃᓯᒪᓂᖏᑦ • ᑲᑎᖅᓱᖅᑕᐅᓂᖏᑦ ᓄᓇᓕᖕᓂ ᐃᒡᓗᓕᐅᖅᑕᐅᔪᑦ ᖃᐅᔨᓴᕈᑎᑦ ᑐᑭᓯᒋᐊᒐᒃᓴᑦ • ᐱᐅᓯᕚᓪᓕᑎᑦᑎᓂᕐᒥᑦ ᑐᓴᐅᒪᖃᑎᒌᖕᓂᕐᒥᑦ ᐃᒡᓗᓕᐅᕐᓂᕐᒧᑦ ᐱᕙᓪᓕᐊᑎᑦᑎᓂᕐᒥᑦ ᓇᖕᒥᓂᖃᖃᑕᐅᔪᓄᑦ ᖃᓄᖅ ᑖᓐᓇ ᑐᑭᖃᕐᒪᖔᑦ: ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑐᑭᓯᓇᕐᓂᖅᓴᓂᒃ ᐊᒻᒪ ᐊᔾᔨᒌᒡᔫᒥᔪᓂᒃ ᐊᑐᐃᓐᓇᕈᖅᑎᑦᑎᕗᑦ ᐃᓄᖕᓄᑦ ᐅᓂᒃᑳᓕᐊᓂᒃ ᐃᒡᓗᐃᑦ ᓴᓇᔭᐅᕙᓪᓕᐊᓂᖏᓐᓂᒃ. ᑕᒪᓐᓇ ᐃᑲᔪᖅᑐᐃᕗᖅ ᓴᖅᑭᔮᑦᑎᐊᕐᓂᕐᒥᒃ ᓵᑕᐅᓕᕈᓐᓇᕐᓂᕐᒥᒡᓗ; ᑕᐃᒪᐃᒃᑲᓗᐊᖅᑎᓪᓗᒍ, ᐱᐅᓯᕚᓪᓕᖅᑎᑕᐅᒃᑲᓐᓂᕆᐊᓖᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᐱᐅᓂᖏᑦ ᐊᒻᒪ ᐱᓕᕆᔾᔪᑎᑦ ᐃᓚᓕᐅᔾᔭᐅᓂᖏᑦ ᐱᔭᐅᔭᕆᐊᖃᖅᐳᑦ ᖃᐅᔨᒪᔭᐅᖁᓪᓗᒋᑦ ᑕᑎᒋᔭᐅᔪᓐᓇᕐᓂᖏᓐᓂᑦ ᐊᒻᒪ ᐊᔾᔨᒌᒡᔫᒥᓂᖏᓐᓂᑦ. ᐱᓕᕆᐊᒃᓴᑦ ᓇᐃᓈᖅᓯᒪᔪᑦ ᖃᓄᐃᓕᐅᕈᑕᐅᔪᖅ ᐅᓂᒃᑳᖅᓯᒪᓂᖓ ᑎᑭᑕᐅᔪᒪᔪᖅ ᐅᓪᓗᖓ ᖃᓄᐃᑉᐸᓪᓕᐊᓂᖓ ᖃᓄᐃᓕᖓᓂᖓ ᐱᓕᕆᐊᖅ 10 ᓄᓇᕗᑦ 3000 ᐊᒻᒪᓗ ᐱᕙᓪᓕᐊᓂᕆᔭᐅᔪᒥᒃ ᐅᓂᒃᑲᐅᓯᖃᕐᓂᖅ ᑲᔪᓰᓐᓇᖅᑐᖅ 80% ᑲᔪᓰᓐᓇᖅᑐᖅ ᑭᓱᑦ ᓱᓕ ᐱᔭᕇᖅᑕᐅᓯᒪᙱᑦᑐᑦ ᓴᙱᒃᑎᒋᐊᕐᓗᒍ ᐅᓂᒃᑳᓕᐅᕐᓂᖅ ᓴᖅᑭᔮᕐᓂᕐᓗ: • ᐊᑕᐅᓰᓐᓇᒃᑰᖅᑎᑕᐅᓂᖏᑦ ᓈᒻᒪᖅᑯᑦᑎᓂᖏᓪᓗ ᓴᓇᔭᐅᔭᕆᐊᖃᕐᓂᕐᒧᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᐱᓕᕆᐊᒃᓴᓕᕆᔨᓂᑦ, ᐱᔪᓐᓇᐅᑎᖃᖅᑎᑦᑎᔨᓂᑦ, ᐊᒻᒪ ᐱᓕᕆᖃᑎᒋᔭᐅᔪᓂᑦ

ᒪ ᒃ ᐱ ᖅ ᑐ ᒐ ᖅ 11 | 23 • ᐊᑕᐅᓰᓐᓇᓕᔪᒥᒃ ᐅᓂᒃᑲᐅᓯᖃᕐᓂᖅ ᐃᒡᓗᓕᐊᖑᔪᓄᑦ ᐊᓂᒍᖅᑕᐅᕙᓪᓕᐊᔪᓄᑦ (ᐸᕐᓇᒃᑕᐅᓯᒪᔪᑦ, ᐱᒋᐊᖅᑕᐅᔪᑦ, ᓴᓇᔭᐅᕙᓪᓕᐊᔪᑦ, ᐱᐊᓂᒃᑕᐅᔪᑦ, ᐃᓐᓄᒃᑕᐅᓯᒪᔪᑦ) ᑭᖑᓪᓕᕐᒥᑦ ᐱᓕᕆᐊᒃᓴᑦ • ᐊᔾᔨᒌᓕᖅᑎᑦᑎᕙᓪᓕᐊᖏᓐᓇᕐᓂᖅ ᓴᓇᔭᐅᔪᑦ ᐊᑭᖏᓐᓂᒃ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂ, ᐊᖓᔪᖅᑳᑉ ᐃᒡᓗᕐᔪᐊᓕᕆᔨᒻᒪᕆᐅᑉ ᑎᑎᕋᕐᕕᖓᓂ, ᐱᓕᕆᖃᑎᒋᔭᖏᓐᓂᒡᓗ • ᑎᑎᖅᑲᙳᖅᑎᓪᓗᒋᑦ ᓄᓇᓕᒃᑎᒍᑦ ᑭᒃᑯᑐᐃᓐᓇᕐᓄᑦ ᐅᓂᒃᑳᓕᐊᑦ ᓴᓇᔭᐅᕙᓪᓕᐊᔪᓄᑦ • ᐊᖏᒡᓕᒋᐊᕐᓗᒍ ᐊᕐᕌᒍᑕᒫᖅᓯᐅᑦ ᐃᒡᓗᓕᐅᖃᑎᒌᖕᓂᖅ ᐱᕙᓪᓕᐊᓂᕐᒧᑦ ᐅᓂᒃᑳᖅ ᐊᒻᒪ ᐱᕙᓪᓕᐊᓂᕐᒧᑦ ᐃᓂᖓ ᐊᖅᑯᑎᓪᓗᐊᑕᐅᓗᑎᒃ ᐃᒡᓗᓕᐅᕐᓂᕐᒧᑦ ᑕᑯᒃᓴᐅᑦᑎᐊᕐᓗᑎᒃ

ᒪ ᒃ ᐱ ᖅ ᑐ ᒐ ᖅ 12 | 23 ᐊᑦᑕᕐᓇᖅᑐᑦ ᐊᒻᒪ ᒥᒃᖠᒋᐊᖅᑎᑦᑎᔾᔪᑎᑦ ᐊᑐᓕᖅᑎᑦᑎᓂᕐᒧᑦ ᖁᐊᖅᓵᕐᓇᖅᑐᑦ ᐊᐅᓚᑕᐅᑦᑎᐊᖅᐸᒃᐳᑦ ᓇᐅᑦᑎᖅᓱᖅᑕᐅᕙᒃᖢᑎᒡᓗ. ᑕᒪᑐᒪᓂᓕ, ᐊᑦᑕᕐᓇᕈᑕᐅᓪᓗᐊᑕᖅᑐᑦ ᐊᒃᑐᐊᓂᓖᑦ ᐱᓕᕆᔾᔪᑎᑦ ᐊᑐᓕᖅᑎᑕᐅᓂᖏᓐᓄᑦ, ᑭᖑᓪᓕᖅᐹᒥ ᐊᖏᖅᑕᐅᔪᑦ ᖃᐅᔨᒪᔾᔪᑎᒃᓴᑦ ᐊᒻᒪ ᐱᓕᕆᔾᔪᓯᑦ, ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᐊᑐᐃᓐᓇᐅᓂᖏᑦ, ᐊᒻᒪ ᐊᔾᔨᒌᒡᔫᒥᔪᓂᒃ ᐊᑐᓕᖅᑎᑦᑎᓂᖅ ᓄᓇᓕᖕᓂ ᐃᒡᓗᓕᕆᔨᒃᑯᓐᓂ. ᐅᔾᔨᕐᓇᓛᖑᔪᖅ ᖁᐊᖅᓵᕐᓇᕐᓂᐅᔪᖅ ᐊᑐᓕᖅᑎᑦᑎᓂᐅᕗᖅ IgluWeb−ᒥᒃ, ᑖᓐᓇᓗ ᐃᑲᔪᖅᑐᐃᓪᓗᓂ ᐱᓕᕆᐊᖑᔪᓂᒃ 1, 3, ᐊᒻᒪᓗ 4−ᒥᒃ.

IgluWeb ᒫᓐᓇ ᐋᖅᑭᒃᓱᖅᑕᐅᕙᓪᓕᐊᔪᖅ ᐊᒻᒪ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᓅᑎᑕᐅᕙᓪᓕᐊᓪᓗᑎᒃ. ᑖᓐᓇ ᐱᓕᕆᓂᐅᔪᖅ ᐱᔭᕆᑐᔫᕗᖅ ᒪᓕᒃᖢᓂᓗ ᑎᑎᖅᑲᑦ ᐱᐅᓂᖏᓐᓂᑦ, ᐋᖅᑭᐅᒪᔪᑦ ᐋᖅᑭᒃᓯᒪᓂᖏᓐᓂᑦ, ᐊᑐᖅᑎᓪᓗ ᐱᑐᐃᓐᓇᕆᐊᖃᓕᖕᓂᖏᓐᓂᑦ. ᑐᕌᕆᔭᖃᖅᑐᖅ ᐱᒋᐊᕐᕕᒃᓴᖓ ᑎᓯᐱᕆ 2026−ᒥ. ᖃᓄᑐᐃᓐᓇᖅ ᐅᖓᕙᕆᐊᖅᑕᐅᔪᑦ ᐊᒃᑐᐃᔾᔪᑕᐅᔪᓐᓇᖅᐳᑦ ᖃᖓᒃᑰᕐᓂᖏᓐᓂᒃ ᐊᒻᒪ ᐊᑑᑎᖃᑦᑎᐊᕐᓂᖏᓐᓂᒃ ᑖᒃᑯᐊ ᐱᓕᕆᐊᖑᔪᑦ. ᐊᐃᑉᐸᖓ ᐊᑦᑕᕐᓇᕈᑎᓪᓗᐊᑕᖅ ᑲᔪᓯᑎᑦᑎᓂᖅ ᐊᔾᔨᒌᒡᔫᒥᔪᓂᒃ ᐊᑐᓕᖅᑎᑦᑎᓂᕐᒥᒃ ᓄᓇᓕᖕᓂ ᐃᒡᓗᓕᕆᔨᒃᑯᓐᓂ. ᓄᑖᑦ ᐱᓕᕆᔾᔪᑎᒃᓴᑦ ᐊᒻᒪ ᐱᓕᕆᔾᔪᓰᑦ ᓴᖅᑭᑕᐅᕙᓪᓕᐊᑎᓪᓗᒋᑦ, ᐊᑐᓕᖅᑎᑕᐅᔪᑦ ᐊᔾᔨᒌᙱᑐᐃᓐᓇᕆᐊᖃᖅᐳᑦ ᓄᓇᓕᖕᓂ, ᑕᑯᒃᓴᐅᑎᑦᑎᓪᓗᑎᒃ ᐊᔾᔨᒌᙱᓐᓂᖏᓐᓂᒃ ᐱᔪᓐᓇᕐᓂᕆᔭᐅᔪᓂᒃ ᐊᒻᒪ ᐱᑐᐃᓐᓇᕆᐊᖃᓕᕐᓂᖏᓐᓂᒃ. ᐃᓐᓄᒃᑕᐅᓯᒪᙱᑦᑐᑦ ᐊᒻᒪ ᐃᖅᑲᓇᐃᔭᖅᑎᑦ ᐊᓯᔾᔨᖅᑕᕐᓂᖏᑦ ᓄᓇᓕᖕᓂ ᐃᒡᓗᓕᕆᔨᒃᑯᓐᓂ ᐊᑦᑕᕐᓇᕈᑕᐅᒃᑲᓐᓂᖅᐳᖅ. ᑕᒪᓐᓇ ᐊᒃᑐᖅᓯᑐᐃᓐᓇᕆᐊᖃᖅᐳᖅ ᑎᑎᕋᖅᓯᒪᔪᑦ ᐱᐅᓂᕆᔭᖏᓐᓂᒃ, ᐅᓂᒃᑲᐅᓯᖃᖅᐸᖕᓂᕐᒥᒃ ᐊᑕᐅᓰᓐᓇᒃᑰᖅᑎᑦᑎᓂᕐᒥᒃ, ᐊᑕᖐᔪᒥᒡᓗ ᐊᑐᓕᖅᑎᑦᑎᓂᕐᒧᑦ ᖃᖓᒃᑰᕋᔭᕐᓂᖏᓐᓂᒃ. ᑲᒪᒋᓂᐊᕐᓗᒋᑦ ᑖᒃᑯᐊ ᐊᑦᑕᕐᓇᖅᑐᑦ, ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᑐᖅᑐᑦ ᐋᖅᑭᒃᓯᒪᔪᒥᒃ ᐊᐅᓚᑦᑎᓂᕐᒧᑦ ᐊᑐᕆᐊᕈᑎᒥᒃ. ᑕᒪᓐᓇ ᐃᓚᖃᖅᐳᖅ ᑐᕌᕆᔭᐅᔪᓂᒃ ᐊᔪᕈᓐᓃᖅᓴᖅᑎᑦᑎᓂᕐᒥᒃ, ᑐᑭᓯᓇᑦᑎᐊᖅᑐᒥᒃ ᑐᓴᐅᒪᑎᑦᑎᓂᕐᒥᒃ, ᑲᔪᓰᓐᓇᖅᑐᒥᒡᓗ ᐊᑐᖅᐸᒃᑐᓂᒃ ᐃᑲᔪᖅᑐᐃᓂᕐᒥᒃ. ᐊᕕᒃᑐᖅᓯᒪᔪᓂᑦ ᐃᖅᑲᓇᐃᔭᖅᑏᑦ ᐊᒻᒪ ᓄᓇᓕᖕᓂ ᐃᒡᓗᓕᕆᔨᒃᑯᑦ ᑲᑐᔾᔨᖃᑎᒌᒃᑯᖏᑕ ᑭᒡᒐᖅᑐᐃᔨᖏᑦ ᐃᓚᒋᔭᐅᖃᑦᑕᖅᑐᑦ ᐱᓕᕆᖃᑎᒌᒃᑐᓄᑦ ᐋᖅᑭᒋᐊᕆᓂᕐᒧᑦ ᐱᓕᕆᔾᔪᓯᕐᓂᑦ ᐃᑲᔪᖅᑐᕐᓂᕐᒥᒡᓗ ᐊᑐᓕᖅᓵᓕᓂᕐᒥᑦ. ᑭᖑᓕᕇᒃᑐᒥᒃ ᓴᖅᑭᑎᑦᑎᕙᓪᓕᐊᓂᖅ ᐊᑐᖅᑕᐅᕙᓪᓕᐊᕗᖅ ᐊᐅᓚᑦᑎᓂᐊᕐᓗᓂ ᐊᑐᖅᑕᐅᕙᒃᑐᒥᒃ ᐊᑐᓕᖅᑎᑦᑎᓂᕐᒥᒃ. ᑕᒪᓐᓇ ᐃᑲᔪᖅᑐᖅᑕᐅᕗᖅ ᑎᑎᕋᖅᓯᒪᔪᓂᒃ ᓇᓗᓇᐃᖅᓯᓵᓕᓂᕐᒥᒃ, ᐊᑐᖅᑕᐅᕙᒃᑐᒥᒃ ᖃᐅᔨᓴᖅᓯᓂᕐᒥᒃ, ᓇᐅᑦᑎᖅᓱᖅᓰᓐᓇᖅᑐᒥᒡᓗ. ᑖᒃᑯᐊ ᐊᑐᖅᑕᐅᔪᑦ ᑐᕌᖓᑎᑕᐅᕗᑦ ᓴᙱᒃᑎᒋᐊᕈᑕᐅᓇᓱᒃᖢᑎᒃ ᐱᓕᕆᔾᔪᑎᑦ ᑕᑎᒋᔭᐅᔪᓐᓇᕐᓂᖏᓐᓂᒃ ᑲᔪᓯᑎᑦᑎᓗᑎᒡᓗ ᐃᒡᓗᓕᕆᓂᕐᒧᑦ ᐱᔨᑦᑎᕋᐅᑎᓂᒃ. ᐊᑕᖐᓗᓂ, ᖁᐊᖅᓵᕐᓇᖅᑐᑦ ᑐᑭᓯᐅᒪᔭᐅᑦᑎᐊᖅᐳᑦ, ᒥᑭᒡᓕᒋᐊᖅᑎᑦᑎᓂᕐᒧᓪᓗ ᐊᑐᖅᑕᐅᕙᒃᑐᑦ ᐃᓕᐅᖅᑲᖅᑕᐅᓯᒪᓪᓗᑎᒃ. ᑲᔪᓯᕙᓪᓕᐊᖏᓐᓇᕐᓂᖅ ᒪᓕᖕᓂᐊᖅᐳᖅ ᓈᒻᒪᖅᑯᑦᑎᓗᑎᒃ ᐱᓕᕆᔾᔪᑎᑦ ᓴᖅᑭᑕᐅᕙᓪᓕᐊᓂᖏᓐᓂᒃ, ᐱᐊᓂᒃᑕᐅᓗᑎᒃ ᐊᖏᖅᑕᐅᓪᓗᐊᑕᖅᑐᑦ, ᐊᒻᒪ ᐊᑐᓕᖅᑎᑕᐅᖏᓐᓇᕐᓗᑎᒃ ᓄᓇᓕᖕᓂ ᐃᒡᓗᓕᕆᔨᒃᑯᓐᓂ.

ᒪ ᒃ ᐱ ᖅ ᑐ ᒐ ᖅ 13 | 23 ᖃᐅᔨᓴᖅᑕᐅᕙᓪᓕᐊᓂᖓ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᖃᐅᔨᓴᖅᐸᓪᓕᐊᖏᓐᓇᖅᐳᑦ ᐱᕙᓪᓕᐊᓂᕆᔭᐅᔪᓂᒃ ᐱᓕᕆᐊᖑᔪᓕᒫᓂᒃ ᐃᑲᔪᖅᑐᐃᔪᒪᓪᓗᑎᒃ ᓵᑕᐅᔪᓐᓇᕐᓂᕐᒥᒃ ᑕᑯᒃᓴᐅᔪᓐᓇᕐᓂᕐᒥᒡᓗ. ᖃᓄᐃᑉᐸᓪᓕᐊᓂᕆᔭᐅᔪᖅ ᑐᔾᔭᖅᑕᐅᕙᒃᐳᖅ ᖃᖓᒃᑰᕋᔭᕐᓂᖏᓐᓄᑦ ᐊᑐᓕᖅᑎᑕᐅᕙᓪᓕᐊᓂᖏᓐᓄᓪᓗ ᓇᓗᓇᐃᔭᖅᓯᒪᔪᓄᑦ ᐱᓕᕆᐊᖃᕐᓂᕐᒧᑦ ᐱᕙᒌᔭᖅᑕᐅᓯᒪᔪᒥ, ᖃᖓᙳᕌᖓᑦ ᖃᓄᐃᓕᖓᓕᕐᓂᕆᔭᐅᔪᑦ ᓄᑖᙳᕆᐊᖅᑎᑕᐅᕙᒃᖢᑎᒃ ᐱᓪᓗᐊᑕᕐᓄᑦ ᐊᓂᒍᖅᑎᑕᐅᔪᓄᑦ. ᑕᒪᐃᓐᓄᑦ ᐊᑐᓂ ᐱᓕᕆᐊᖑᔪᓄᑦ, ᐱᒋᐊᓕᓵᖅᑎᓪᓗᒋᑦ ᐱᓕᕆᐊᖃᕐᓂᕐᒧᑦ ᓇᓗᓇᐃᒃᑯᑕᐃᑦ ᐋᖅᑭᒃᑕᐅᓯᒪᕗᑦ ᐆᒃᑐᕋᖅᓯᔪᒪᓪᓗᑎᒃ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᑲᔪᓯᕙᓪᓕᐊᓂᕆᔭᐅᔪᒥᒃ. ᑖᒃᑯᐊ ᓇᓗᓇᐃᒃᑯᑕᑦ ᐅᑯᓂᖓ ᐱᔾᔪᑎᖃᓪᓗᐊᑕᖅᐳᑦ: • ᐱᐊᓂᒃᓯᓂᖅ ᐱᓪᓗᐊᑕᕐᓂᒃ ᑲᔪᓯᑎᑕᐅᔪᓐᓇᖅᑐᓂᒃ (ᓲᕐᓗ, ᓄᑖᙳᕆᐊᖅᓯᒪᔪᑦ ᖃᐅᔨᒪᔾᔪᑎᑦ ᐊᑐᖅᑕᐅᔾᔪᓯᖏᓪᓗ, ᐱᓕᕆᔾᔪᑕᐅᕙᒃᑐᑦ, ᐊᑐᖅᑕᐅᕙᒃᑐᓪᓗ ᐃᓗᓕᖏᑦ) • ᐊᑐᓕᕐᓂᖅ ᐊᑐᕐᓂᕐᓗ ᐊᑐᖅᑕᐅᕙᒃᑐᓂᒃ ᑲᔪᓯᐊᔾᔪᑕᐅᕙᒃᑐᓂᒡᓗ ᑕᒪᐃᓐᓂᓕᒫᖅ ᓄᓇᓕᖕᓂ ᐃᒡᓗᓕᕆᔨᒋᔭᐅᔪᓂ • ᐊᑐᐃᓐᓇᐅᓂᖏᑦ ᐱᐅᓂᖏᓪᓗ ᑎᑎᖅᑲᑦ ᐃᑲᔪᖅᑐᐃᓂᐊᕐᓗᑎᒃ ᐃᓱᒪᓕᐅᕆᓂᕐᓂᑦ ᐅᓂᒃᑳᓕᐅᕐᓂᕐᓂᒡᓗ ᑖᓐᓇ ᓯᕗᓪᓕᖅᐹᖑᓂᖓᓄᑦ ᐊᕐᕌᒍ ᐊᑐᓕᖅᑎᑕᐅᓂᖓᓂ, ᓇᐅᑦᑎᖅᓱᖅᓯᓂᖅ ᑐᕌᒐᖃᓪᓗᐊᑕᖅᐳᖅ ᑐᙵᕕᒋᔭᐅᔪᓄᑦ ᓇᓗᓇᐃᒃᑯᑕᕐᓄᑦ−ᖃᐅᔨᔾᔪᑕᐅᔪᓐᓇᖅᑐᓂᒃ ᑕᒪᒃᑯᐊ ᐊᑐᖅᑕᐅᕙᒃᑐᑦ, ᑲᔪᓯᐊᔾᔪᑕᐅᕙᒃᑐᑦ, ᐱᓕᕆᔾᔪᑕᐅᕙᒃᑐᓪᓗ ᐃᓕᐅᖅᑲᖅᑕᐅᓯᒪᓕᕐᓂᖏᓐᓂᒃ ᐊᑐᖅᑕᐅᕙᓪᓕᐊᓕᕐᓂᖏᓐᓂᒡᓗ. ᑖᒃᑯᐊ ᓇᓗᓇᐃᒃᑯᑕᑦ ᓱᓕ ᖃᐅᔨᓴᕈᑕᐅᙱᓚᑦ ᐊᑕᖏᕐᓗᒋᑦ ᖃᓄᐃᓕᖓᓕᕐᓂᕆᔭᐅᔪᓂᒃ, ᖃᐅᔨᓴᖅᑕᐅᓛᖅᖢᑎᒃ ᐊᑐᓕᖅᑎᑕᐅᓂᖓ ᐱᐊᓂᒃᑕᐅᒃᐸᑦ, ᐱᓕᕆᔾᔪᑎᓪᓗ ᐊᐅᓚᔪᓐᓇᑦᑎᐊᓕᕈᑎᒃ. ᐊᑲᐅᙱᓕᐅᕈᑕᐅᔪᑦ ᑭᖑᕙᓯᒃᑐᓪᓘᓐᓃᑦ ᓇᓗᓇᐃᖅᑕᐅᔪᑦ ᖃᐅᔨᓴᕐᓂᒃᑯᑦ ᕿᒥᕐᕈᔭᐅᕙᒃᐳᑦ ᐊᐅᓚᑦᑎᔨᓄᑦ ᑲᒪᒋᔭᐅᕙᒃᖢᑎᒡᓗ ᑕᒻᒪᖅᓯᒪᔪᓐᓃᖅᑎᑦᑎᓂᒃᑯᑦ, ᐃᓚᐅᓪᓗᑎᒃ ᐱᓕᒻᒪᒃᓴᒃᑲᓐᓂᕐᓂᖅ, ᐱᓕᕆᔾᔪᓰᑦ ᐋᖅᑭᒋᐊᖅᑕᐅᓂᖏᑦ, ᐋᖅᑭᒋᐊᖅᓯᒪᔪᓪᓘᓐᓃᑦ ᐊᑐᓕᖅᑎᑕᐅᕙᓪᓕᐊᔪᑦ, ᐱᔭᕆᐊᖃᕌᖓᒥᒃ. ᓇᓗᓇᐃᔭᖅᑕᐅᓯᒪᒃᑲᓐᓂᖅᑐᑦ ᐊᕐᕌᒍ 1 ᐱᕙᓪᓕᐊᓂᖓᓂᒃ ᐊᒻᒪ ᖃᐅᔨᓵᓕᔾᔪᑕᐅᔪᑦ ᐅᐃᒍᐊᕈᓯᖅ C-ᒥᑦ − ᐊᕐᕌᒍ 1 ᑐᙵᕕᖓᓄᑦ ᓇᓗᓇᐃᒃᑯᑕᑦ (ᖃᐅᔨᔭᐅᓵᓕᔪᑦ).

ᒪ ᒃ ᐱ ᖅ ᑐ ᒐ ᖅ 14 | 23 ᐅᐃᒍᐊᕈᓯᖅ A – ᓄᓇᕗᒻᒥᑦ ᐃᒡᓗᓕᕆᔨᕐᔪᐊᒃᑯᑦ ᐊᖏᖅᓯᒪᓂᖏᑦ ᖃᖓᒃᑰᕋᔭᖕᓂᖏᓪᓗ ᓈᓴᐅᑖ ᑕᒻᒪᖅᓯᒪᔪᖅᓯᐅᖅᑎᕐᔪᐊᑉ ᑲᓇᑕᒥᑦ ᐊᑐᓕᖁᔭᖓ ᓄᓇᕗᒻᒥᑦ ᐃᒡᓗᓕᕆᔨᕐᔪᐊᒃᑯᑦ ᐊᖏᕈᑎᒋᓯᒪᓂᖓ ᐊᑐᓕᖅᑎᑕᐅᕙᓪᓕᐊᓂᖓ ᖃᖓᒃᑰᕐᓂᖏᑦ (ᒪᓕᒃᖢᒍ ᐱᓕᕆᔾᔪᑎᒃᓴᓄᑦ ᐸᕐᓇᐅᑎ) ᑲᒪᒋᔭᒃᓴᖃᕐᓂᖅ 1 ᖃᐅᔨᓴᖅᐸᒡᓗᒋᑦ ᓄᓇᓕᖕᓂ ᐃᒡᓗᓕᕆᔨᒋᔭᐅᔪᑦ ᓇᓗᙱᑦᑎᐊᕈᒪᓂᕐᒧᑦ ᓇᐃᓴᐅᓯᖅᓱᐃᓂᕐᒧᑦ ᐊᑐᖅᑕᐅᕙᒃᑐᖅ ᐊᑐᖅᑕᐅᒐᓗᐊᕐᒪᖔᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᖏᖅᑐᑦ. ᓴᙱᒃᑎᒋᐊᖅᑎᑦᑎᓂᐊᖅᐳᖅ ᐱᓕᕆᐊᖑᙱᑦᑐᓂᒃ ᐱᐅᓯᒋᐊᖅᑎᑦᑎᓗᓂᓗ ᐊᑕᐅᓰᓐᓇᒃᑰᓕᖓᔪᓂᒃ ᓴᓂᕐᕙᒃᑕᐅᓯᒪᔪᓄᑦ ᓇᐃᓴᐅᓯᖅᓱᖅᑕᐅᕙᒃᑐᓄᑦ. • ᕿᒥᕐᕈᓂᖅ ᓄᑖᙳᕆᐊᖅᑎᑦᑎᓂᕐᓗ ᓇᐃᓴᐅᓯᖅᓱᐃᓂᕐᒧᑦ ᐊᑐᖅᑕᐅᕙᒃᑐᒥᒃ • ᐱᖃᖅᑎᐅᖃᑕᐅᔪᓂᒃ ᑐᓴᕐᕕᖃᕋᓱᖕᓂᖅ • ᓯᕗᓪᓕᖅᐹᖅᓯᐅᑎᒥᒃ ᐱᕙᓪᓕᐊᑎᑦᑎᓂᖅ ᐊᒻᒪ ᖃᐅᔨᓴᕐᓂᖅ • ᐃᓚᓕᐅᑎᓗᒍ IgluWeb 12-18 ᑕᖅᑭᓄᑦ ᐊᖓᔪᖅᑳᑉ ᑐᖓᓕᐊᓄᑦ ᐊᐅᓚᑦᑎᕕᒃ 2 ᖃᐅᔨᓇᓱᒃᐸᒡᓗᒋᑦ ᕿᒥᕐᕈᕙᒡᓗᒋᓪᓗ ᐃᒡᓗᐃᑦ ᓴᓂᕐᕙᒃᑕᐅᔪᑦ ᐊᔾᔨᒌᒃᑎᑦᑎᒐᓗᐊᕐᒪᖔᑕ ᒪᓕᑦᑎᐊᕋᓗᐊᕐᒪᖔᑕᓗ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᖏᖅᑐᑦ. ᐱᐅᓯᕚᓪᓕᖅᑎᑦᑎᓂᐊᖅᐳᖅ ᓇᐅᑦᑎᖅᓱᖅᓯᓂᕐᒥᒃ ᑕᑯᒃᓴᐅᑦᑎᐊᕐᓂᕐᒥᒡᓗ ᓴᓂᕐᕙᒃᑕᐅᔪᓄᑦ ᐃᓱᒪᓕᐊᕆᔭᕐᓄᑦ. • ᐊᑕᐅᓯᕐᒨᕐᓗᒋᑦ ᑲᑎᖅᓱᖅᑕᐅᔪᑦ ᓴᓂᕐᕙᒃᑕᐅᔪᑦ ᑎᑎᕋᖅᓯᒪᔪᑦ • ᐋᖅᑭᒃᓱᐃᓗᑎᒃ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᖃᐅᔨᓴᖅᐸᓪᓕᐊᓂᕐᒧᑦ ᐱᓕᕆᔾᔪᑎᖏᓐᓂᒃ • ᐱᐅᓯᕚᓪᓕᑎᑦᑎᓂᕐᒥᑦ ᖃᐅᔨᓴᖅᐸᓪᓕᐊᓂᕐᒧᑦ ᐃᓕᓐᓂᐊᕐᓂᕐᒥᑦ ᒪᓕᑦᑎᐊᕐᓂᕐᒧᓪᓗ ᕿᒥᕐᕈᓂᕐᒥᑦ • ᐃᓚᓕᐅᑎᓗᒍ IgluWeb 12-18 ᑕᖅᑭᓄᑦ ᐊᖓᔪᖅᑳᑉ ᑐᖓᓕᐊᓄᑦ ᐊᐅᓚᑦᑎᕕᒃ 3 ᐊᔪᕆᖅᓲᔾᔨᕙᒡᓗᓂ ᓯᕗᓪᓕᖅᐸᐅᑦᑎᐅᔾᔨᓂᕐᒥᒃ ᓅᑎᑕᐅᔪᓂᒃ ᐊᒻᒪ ᓄᑖᓄᑦ ᐱᓇᔪᒃᑐᓄᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᖏᖅᑐᑦ. ᓴᖅᑭᑦᑎᓂᐊᖅᑐᑦ ᑐᑭᓯᓇᑦᑎᐊᖅᑐᓂᑦ ᒪᓕᑦᑎᐊᖅᑐᓂᒡᓗ ᓅᑎᕆᓂᕐᒧᑦ ᓯᕗᓪᓕᐅᔾᔭᒃᓴᓂᑦ. • ᓇᓗᓇᐃᕐᓗᒋᑦ ᓅᑎᕆᓂᕐᒧᑦ ᓯᕗᓪᓕᐅᔾᔭᐅᔭᕆᐊᓕᑦ • ᓅᑕᐅᓂᕐᒧᑦ ᖃᐅᔨᒪᔾᔪᑎᑦ • ᐊᑕᐅᑦᑎᒃᑰᓕᖅᑎᓪᓗᒍ ᓅᑎᑕᐅᔪᒪᓂᕐᒧᑦ ᐱᓇᔪᒍᑕᐅᔪᖅ ᑲᔪᓯᓂᕆᔭᐅᕙᒃᑐᖅ ᓄᑖᓄᑦ ᖃᐅᔨᒪᔾᔪᑎᓄᑦ • ᐱᓕᒻᒪᒃᓴᖅᓵᓕᓂᖅ ᐃᑲᔪᖅᓱᐃᓂᕐᓗ ᓯᕗᓂᐊᒍᑦ ᑭᖑᓂᐊᒍᓪᓗ ᓴᖅᑭᑕᐅᓚᐅᖅᑎᓪᓗᒍ • ᐊᑐᓕᖅᑎᑦᑎᓂᖅ ᓅᑎᕆᓂᕐᒧᑦ ᖃᐅᔨᒪᔾᔪᑎᓂᑦ ᐱᓕᕆᔾᔪᑕᐅᕙᒃᑐᓂᒡᓗ 12-18 ᑕᖅᑭᓄᑦ ᐊᖓᔪᖅᑳᑉ ᑐᖓᓕᐊᓄᑦ ᐊᐅᓚᑦᑎᕕᒃ 4 ᐊᑕᐅᓰᓐᓇᒃᑰᓕᖅᑎᓪᓗᒋᑦ ᐅᑕᖅᑭᔪᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᖏᖅᑐᑦ. ᐊᑐᓕᖅᑎᑦᑎᓂᐊᖅᑐᑦ • ᐊᑕᐅᓰᓐᓇᒃᑰᓕᖅᑎᓪᓗᒋᑦ ᐱᓪᓗᐊᑕᐃᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ • ᓇᓕᒧᒌᓕᖅᑎᓪᓗᒋᑦ ᐊᑐᖅᑕᐅᕙᒃᑐᑐᖃᐃᑦ 18-24 ᑕᖅᑭᓄᑦ ᐊᖓᔪᖅᑳᑉ ᑐᖓᓕᐊᓄᑦ ᐊᐅᓚᑦᑎᕕᒃ

ᒪ ᒃ ᐱ ᖅ ᑐ ᒐ ᖅ 15 | 23 ᓈᓴᐅᑖ ᑕᒻᒪᖅᓯᒪᔪᖅᓯᐅᖅᑎᕐᔪᐊᑉ ᑲᓇᑕᒥᑦ ᐊᑐᓕᖁᔭᖓ ᓄᓇᕗᒻᒥᑦ ᐃᒡᓗᓕᕆᔨᕐᔪᐊᒃᑯᑦ ᐊᖏᕈᑎᒋᓯᒪᓂᖓ ᐊᑐᓕᖅᑎᑕᐅᕙᓪᓕᐊᓂᖓ ᖃᖓᒃᑰᕐᓂᖏᑦ (ᒪᓕᒃᖢᒍ ᐱᓕᕆᔾᔪᑎᒃᓴᓄᑦ ᐸᕐᓇᐅᑎ) ᑲᒪᒋᔭᒃᓴᖃᕐᓂᖅ ᐃᓚᓕᐅᑎᓗᒋᓪᓗ ᐱᔭᐅᔭᕆᐊᓖᑦ ᑐᑭᓯᒋᐊᒐᒃᓴᑦ ᐊᔾᔨᒌᓕᖅᑎᑕᐅᓯᒪᔪᓂᒃ ᐅᑕᖅᑭᔪᓂᒃ ᓄᓇᓕᓕᒫᓂᒃ. 5 ᖃᐅᔨᓴᕐᓗᑎᒃ ᐃᒡᓗᓂᒃ ᐱᔭᐅᔭᕆᐊᓕᖕᓂᑦ ᐃᓐᓇᕐᓄᑦ ᐃᓄᖕᓄᓪᓗ ᑎᒥᒥᒍᑦ ᐊᔪᕈᑎᓕᖕᓄᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᖏᖅᑐᑦ. ᐃᓚᓕᐅᔾᔨᓂᐊᖅᑐᑦ ᐃᓯᕈᓐᓇᕐᓂᕐᒧᑦ ᐱᔭᐅᔭᕆᐊᓕᖕᓂᒃ ᐸᕐᓇᐃᓂᕐᒧᑦ ᐊᒻᒪ ᓴᓂᕐᕙᐃᓂᕐᒧᑦ. • ᐱᖃᖃᑕᐅᔪᑦ ᐃᓚᐅᑎᓪᓗᒋᑦ • ᑲᔪᓯᑎᑦᑎᔪᖃᕐᓗᓂ ᐱᔭᐅᔭᕆᐊᓕᖕᓂᒃ ᖃᐅᔨᓴᖅᓯᓂᕐᒥᒃ • ᐃᓚᓕᐅᑎᓗᒋᑦ ᐱᓕᕆᔾᔪᑎᓄᑦ ᐊᒻᒪ ᐸᕐᓇᐃᓂᕐᒧᑦ 18-24 ᑕᖅᑭᓄᑦ ᐊᖓᔪᖅᑳᑉ ᑐᖓᓕᐊᓄᑦ ᐊᐅᓚᑦᑎᕕᒃ 6 ᓇᓗᓇᐃᕐᓗᒋᑦ ᑐᔾᔭᕐᓗᒋᓪᓗ ᐊᑐᖅᑕᐅᔪᓐᓇᖅᑐᑦ ᐃᒡᓗᐃᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᖏᖅᑐᑦ. ᐱᐅᓯᕚᓪᓕᖅᑎᑦᑎᓂᐊᖅᑐᖅ ᓇᐃᓴᖅᓯᒪᔪᑦ ᓇᖕᒥᓂᖁᑎᒋᔭᑦ ᐱᖁᑎᖏᓐᓂᒃ ᑐᔾᔭᖅᓯᓂᕐᒥᒃ ᐊᑐᖅᑕᐅᔪᓐᓇᖅᑐᓂᒃ ᐃᒡᓗᓂᒃ. • ᕿᒥᕐᕈᐊᒃᑲᓐᓂᕐᓗᒋᑦ ᓇᐃᓴᖅᓯᒪᔪᑦ ᓇᖕᒥᓂᖁᑎᒋᔭᑦ • ᓇᓗᓇᐃᕐᓗᒋᑦ ᐊᑐᖅᑕᐅᔪᓐᓇᖅᑐᑦ ᐅᔾᔨᕐᓇᕐᓂᖏᑦ • ᐱᖁᑎᓄᑦ ᐱᕙᒌᔭᖅᑎ ᑎᑎᕋᕐᓗᒍ • ᑐᔾᔭᕐᓗᒋᑦ ᐋᖅᑭᒋᐊᖅᑕᐅᓂᖏᑦ ᑕᖅᑮᑦ 12 ᐊᖓᔪᖅᑳᑉ ᑐᖓᓕᐊ ᒪᑭᒪᔾᔪᑎᓄᑦ 7 ᐊᑐᓕᖅᑎᓪᓗᒍ ᑲᑎᖅᓱᖅᓯᒪᔪᑦ ᐃᒡᓗᓕᕆᓂᕐᒧᑦ ᑐᓴᖅᑕᐅᔪᒃᓴᓄᑦ ᐊᑐᖅᑕᐅᕙᒃᑐᖅ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᖏᖅᑐᑦ. ᓄᑖᙳᕆᐊᖅᑎᑦᑎᓂᐊᖅᐳᑦ ᐊᑐᖅᑕᐅᕙᒃᑐᓂᒃ ᐃᒡᓗᓕᕆᓂᕐᒧᑦ ᐱᖁᑎᒋᔭᐅᔪᓄᓪᓗ ᐊᐅᓚᑦᑎᕝᕕᖃᖅᐸᖕᓂᕐᒧᑦ. • ᐊᑐᓕᖅᑎᓪᓗᒍ ᐱᖁᑎᓄᑦ ᐱᕙᒌᔭᐅᑦ • ᐊᑐᓕᖅᑎᓪᓗᒍ IgluWeb (ᐱᖁᑎᓂᒃ ᐊᐅᓚᑦᑎᓂᖅ) • ᐃᓚᓕᐅᑎᓗᒋᑦ ᐱᓕᕆᔾᔪᑎᑦ • ᐱᓕᒻᒪᒃᓴᖅᑎᓪᓗᒋᑦ ᐃᖅᑲᓇᐃᔭᖅᑏᑦ ᐱᓕᕆᐊᖅ I − ᑕᖅᑭᓄᑦ 12- ᓄᑦ ᐱᓕᕆᐊᖅ II – 12–24 ᑕᖅᑭᓄᑦ ᐊᖓᔪᖅᑳᑉ ᑐᖓᓕᐊ ᒪᑭᒪᔾᔪᑎᓄᑦ 8 ᐊᑐᖅᑎᑦᑎᓪᓚᕆᒡᓗᑎᒃ ᓄᓇᓕᖕᓂ ᐃᒡᓗᓕᕆᔨᒃᑯᑦ ᐅᓂᒃᑳᓕᐅᕆᐊᖃᕐᓂᖏᓐᓂᒃ ᐊᒻᒪ ᕿᒥᕐᕈᕙᒡᓗᑎᒃ ᑐᓐᓂᖅᑯᑕᐅᔪᓂᒃ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᖏᖅᑐᑦ. ᓴᙱᒃᑎᒋᐊᖅᑎᑦᑎᓂᐊᖅᐳᖅ ᓵᑕᐅᔪᓐᓇᕐᓂᕐᒧᑦ ᐅᓂᒃᑲᐅᓯᖃᕐᓂᕐᒧᓪᓗ ᒪᓕᑦᑎᐊᕐᓂᕐᒥᒃ. • ᐱᐅᓯᕚᓪᓕᖅᑎᓪᓗᒋᑦ ᓄᓇᓕᖕᓂ ᐃᒡᓗᓕᕆᔨᒃᑯᑦ ᑲᑐᔾᔨᖃᑎᒌᒃᑯᖏᑕ ᐊᕐᕌᒍᑕᒫᖅᓯᐅᑦ ᐸᕐᓇᐅᑎᖓ ᐅᓂᒃᑳᓕᐅᕐᓂᖅ ᑎᑎᕋᖅᓯᒪᕙᒌᖅᑐᑦ • ᐱᑎᑦᑎᔪᖃᕐᓗᓂ ᐊᔪᕈᓐᓃᖅᓴᕐᓂᕐᒥᒃ ᐊᔪᕆᖅᓲᔾᔨᓯᒪᔪᓂᒡᓗ ᐊᑐᕐᓂᐊᕐᓗᓂ • ᓴᖅᑭᑕᐅᓂᖓ ᐊᒻᒪ ᖃᐅᔨᓴᖅᑕᐅᖏᓐᓇᕐᓂᖓ 12-18 ᑕᖅᑭᓄᑦ ᐊᖓᔪᖅᑳᑉ ᑐᖓᓕᐊᓄᑦ ᐊᐅᓚᑦᑎᕕᒃ 9 ᖃᐅᔨᓴᐃᓐᓇᕐᓗᒋᑦ ᑎᑎᕋᕐᓗᒋᓪᓗ ᓱᕋᓗᐊᖅᑕᐃᓕᒪᑎᑦᑎᓂᕐᒧᑦ ᐋᖅᑭᐅᒪᑎᑦᑎᓂᐅᔪᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᖏᖅᑐᑦ. ᐱᐅᓯᕚᓪᓕᖅᑎᑦᑎᓂᐊᖅᐳᖅ ᑐᔾᔭᖅᓯᓂᕐᒥᒃ ᑲᒪᒋᔭᖃᕐᓂᕐᒥᒡᓗ ᑲᒪᒋᔭᖃᖅᐸᖕᓂᕐᒧᑦ ᐱᓕᕆᐊᖑᕙᒃᑐᓂᒃ. • ᐊᑐᓕᖅᑎᓪᓗᒋᑦ ᐋᖅᑭᐅᒪᑎᑦᑎᓂᕐᒧᑦ ᖃᐅᔨᓴᕈᑎᑦ • ᑲᔪᓯᑎᑦᑎᔪᖃᕐᓗᓂ BCA−ᓂᒃ • ᖃᐅᔨᓴᕐᓗᒋᑦ ᐅᖁᐃᑦ ᐊᒻᒪ PM ᖃᐅᔨᓴᕈᑎᑦ • ᖃᐅᔨᓴᕐᓂᕐᒧᑦ ᒪᓕᑦᑎᐊᕐᓂᖅ 12-24 ᑕᖅᑭᓄᑦ ᐊᖓᔪᖅᑳᑉ ᑐᖓᓕᐊ ᒪᑭᒪᔾᔪᑎᓄᑦ 10 ᐱᐅᓯᕚᓪᓕᑎᑦᑎᓂᕐᒥᑦ ᑭᒃᑯᑐᐃᓐᓇᕐᓂᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᖏᖅᑐᑦ. ᐱᐅᓯᕚᓪᓕᖅᑎᑦᑎᓂᐊᖅᑐᖅ • ᐊᑕᐅᓰᓐᓇᒃᑰᓕᖅᑎᑦᑎᓂᖅ ᐅᓂᒃᑲᐅᓯᖃᕐᓂᕐᒥᒃ • ᐊᑐᕐᓗᒍ OCBO−ᑯᑦ ᑎᑎᖅᑲᖁᑎᖏᑦ • ᓴᖅᑭᑎᑦᑎᓂᕐᒥᑦ ᓄᑖᙳᕆᐊᖅᓯᒪᔪᓂᑦ ᑲᔪᓰᓐᓇᖅᑐᖅ ᐊᖓᔪᖅᑳᖅ

ᒪ ᒃ ᐱ ᖅ ᑐ ᒐ ᖅ 16 | 23 ᓈᓴᐅᑖ ᑕᒻᒪᖅᓯᒪᔪᖅᓯᐅᖅᑎᕐᔪᐊᑉ ᑲᓇᑕᒥᑦ ᐊᑐᓕᖁᔭᖓ ᓄᓇᕗᒻᒥᑦ ᐃᒡᓗᓕᕆᔨᕐᔪᐊᒃᑯᑦ ᐊᖏᕈᑎᒋᓯᒪᓂᖓ ᐊᑐᓕᖅᑎᑕᐅᕙᓪᓕᐊᓂᖓ ᖃᖓᒃᑰᕐᓂᖏᑦ (ᒪᓕᒃᖢᒍ ᐱᓕᕆᔾᔪᑎᒃᓴᓄᑦ ᐸᕐᓇᐅᑎ) ᑲᒪᒋᔭᒃᓴᖃᕐᓂᖅ ᐅᓂᒃᑳᓕᐅᕐᓂᕐᒥᑦ ᓄᓇᕗᑦ 3000 ᐱᕙᓪᓕᐊᓂᖓᓂᑦ ᑕᑯᒃᓴᐅᑦᑎᐊᕐᓂᕐᒥᒃ ᑐᑭᓯᓇᑦᑎᐊᕐᓂᕐᒥᒡᓗ ᐅᓂᒃᑲᐅᓯᖃᕐᓂᕐᒥᒃ. • ᐋᖅᑭᒃᓱᐃᔪᖃᕐᓗᓂ ᓇᓗᓇᐃᒃᑯᑕᕐᒥᒃ

ᒪ ᒃ ᐱ ᖅ ᑐ ᒐ ᖅ 17 | 23 ᐅᐃᒍᐊᕈᓯᖅ B – ᖃᓄᐃᑉᐸᓪᓕᐊᓂᖅ ᖃᓄᐃᓕᐅᕐᓂᒃᑯᑦ: ᓄᑖᙳᕆᐊᖅᓯᒪᓪᓗᐊᑕᖅᑐᑦ, ᑭᓱᑦ ᓱᓕ ᐱᔭᕇᖅᑕᐅᓯᒪᙱᑦᑐᑦ ᐊᒻᒪ ᑭᖑᓪᓕᕐᒥ ᐱᓕᕆᐊᖑᔪᒃᓴᑦ ᑐᕌᒐᖅ 1: ᐊᔾᔨᒌᓂᒃ ᐊᑐᕈᓐᓇᕐᓂᖅ ᑲᒪᒋᔭᕆᐊᖃᖅᑐᑦ ᖃᓄᐃᓕᖓᓂᖓ ᖃᓄᐃᑉᐸᓪᓕᐊᓂ ᖓ ᓄᑖᙳᕆᐊᖅᑎᑕᐅᓪᓗᐊᑕᖅᑐᑦ ᑭᓱᑦ ᓱᓕ ᐱᔭᕇᖅᑕᐅᓯᒪᙱᑦᑐᑦ ᑭᖑᓪᓕᕐᒥ ᐱᓕᕆᐊᖑᔪᒃᓴᑦ ᐱᓕᕆᐊ ᖅ 1 ᓇᐃᓴᐅᓯᖅᓱᐃᓂᖅ (PRS) ᐊᖏᖅᑕᐅᓂᖓ ᓇᓗᓇᐃᕆᐊᓕᒃ 45% • PRS−ᒧᑦ ᐋᖅᑭᒃᓱᖅᑕᐅᒃᑲᓐᓂᕐᓂᖓ ᐱᔭᕇᖅᑕᐅᓯᒪᓕᖅᐳᖅ ᐱᖃᖃᑕᐅᔪᑦ ᑐᓴᕐᕕᒋᓯᒪᓪᓗᒋᑦ ᓄᓇᓕᖕᓂ ᐃᒡᓗᓕᕆᔨᒋᔭᐅᔪᓂᑦ ᐃᒡᓗᓕᕆᔨᕐᔪᐊᒃᑯᓐᓂᓗ ᑖᒃᑯᓇᓂᑦᑕᐃᓐᓇᖅ ᐱᓕᕆᖃᑎᒌᒃᐸᒃᑐᓂᑦ • ᑭᖑᓪᓕᖅᐹᒥᑦ ᐊᖏᖅᑕᐅᔭᕆᐊᓕᒃ • ᐊᑐᓕᖅᑎᑦᑎᓗᑎᒃ ᐃᒡᓗᑖᖅᑎᑦᑎᕙᓪᓕᐊᓂᕐ ᒥᒃ IgluWeb-ᒥ, ᐃᓚᒋᔭᐅᓗᓂ ᓇᐃᓴᐅᓯᖅᓱᐃᑲᐅᑎᒋᓂᖅ ᑐᔾᔭᖅᓯᓂᕐᓗ • ᓄᓇᕘᓕᒫᒥ ᐱᓕᒻᒪᒃᓴᖅᑎᑦᑎᓗᑎᒃ ᓄᓇᓕᖕᓂ ᐃᒡᓗᓕᕆᔨᒃᑯᓐᓂ ᐊᔾᔨᒌᒡᔫᒥᔪᓂᒃ ᐱᓇᔫᑎᓂᒃ • ᓴᐳᓐᓂᐊᕐᓗᒍ ᐃᒡᓗᓕᕆᔨᕐᔪᐊᒃᑯᑦ ᓯᕗᓕᖅᑎᑦ ᑲᑎᒪᔨᕋᓛᖏᑦ ᐊᖏᖅᓯᓗᑎᒃ PRS ᐋᖅᑭᒋᐊᖅᑕᐅᒃᑲᓐᓂᕐᓂᖓᓂᒃ • ᐃᑲᔪᖅᑐᕐᓗᒋᑦ ᓄᓇᓕᖕᓂ ᐃᒡᓗᓕᕆᔨᒃᑯᑦ ᐊᑐᓕᕐᓂᖏᑦ ᐋᖅᑭᒋᐊᖅᓯᒪᔪᒥᒃ PRS−ᒥᒃ • ᐱᒋᐊᖅᑎᑦᑎᔪᖃᕐᓗᓂ ᐊᔪᕈᓐᓃᖅᓴᕐᓂᕐᒧᑦ ᐱᕙᒌᔭᖅᑕᐅᓯᒪᔪᒥᒃ • ᐋᖅᑭᒃᓱᖅᐸᓪᓕᐊᖏᓐᓇᕐᓗᒍ ᐋᖅᑭᒋᐊᖅᓯᒪᔪᖅ PRS ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ IgluWeb−ᒥ ᐱᓕᕆᐊ ᖅ 2 ᓴᓂᕐᕙᒃᑕᐅᔪᓂᒃ ᑲᒪᑦᑎᐊᙱᓐᓂᖅ ᐱᓕᕆᐊᖑᕙᓪᓕᐊ ᔪᑦ 65% • ᓴᓂᕐᕙᒃᑕᐅᔪᑦ ᖃᐅᔨᓴᖅᐸᓪᓕᐊᔾᔪᑎᑦ ᐊᑐᓕᖅᑎᑕᐅᔪᑦ 2026/27−ᒧᑦ • ᓴᓂᕐᕙᒃᑕᐅᒋᐊᙵᖅᑐᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᑲᑎᖅᓱᖅᑕᐅᓂᐊᖅᐳᑦ ᕿᒥᕐᕈᔭᐅᓗᑎᒡᓗ Q1−ᒧᑦ • ᐊᔾᔨᒌᒡᔫᒥᔪᒥᒃ ᐊᑐᖅᑎᑦᑎᓕᕐᓗᑎᒃ ᓄᓇᓕᓕᒫᓂ • ᓴᙱᒃᑎᒋᐊᕐᓗᒍ ᑲᒪᑦᑎᐊᕐᓂᖅ, ᐱᓕᒻᒪᒃᓴᕐᓂᖅ, ᐊᒻᒪ ᐊᕕᒃᑐᖅᓯᒪᔪᑎᒍᑦ ᐃᑲᔪᖅᓱᐃᓂᖅ • ᐊᕐᕌᒍᒥ ᑎᓴᒪᐃᖅᓱᕐᓗᒍ ᐅᓂᒃᑳᓕᐅᖏᓐᓇᕐᓗᑎᒃ ᖃᐅᔨᓴᖅᐸᒡᓗᒋᓪᓗ ᓴᓂᕐᕙᒃᑕᐅᔪᑦ • ᐊᖏᒡᓕᒋᐊᕐᓗᒍ ᐱᓕᒻᒪᒃᓴᕐᓂᖅ ᒪᓕᑦᑎᐊᕐᓂᕐᒧᓪᓗ ᕿᒥᕐᕈᐊᖅᓯᒃᑲᓐᓂᕐᓂᕐᒧᑦ ᑲᔪᓯᓂᕆᔭᐅᕙᒃᑐᑦ ᐱᓕᕆᐊ ᖅ 3 ᓅᑕᐅᓂᕐᒧᑦ ᖃᐅᔨᒪᔾᔪᑎᑦ ᐊᖏᖅᑕᐅᓂᖓ ᓇᓗᓇᐃᕆᐊᓕᒃ 55% • ᑎᑎᕋᖅᑕᐅᒋᐊᕐᖓᖅᑐᑦ ᒪᓕᒃᑕᐅᔪᒃᓴᑦ ᐋᖅᑭᒃᑕᐅᓗᑎᒃ ᐃᑲᔪᖅᑐᐃᔾᔪᑕᐅᓗᑎᒃ ᐊᔾᔨᒌᒡᔫᒥᔪᓂᒃ ᓯᕗᓪᓕᐅᔾᔭᐅᔭᕆᐊᓕᖕᓂᒃ • ᑭᖑᓪᓕᖅᐹᖅᓯᐅᑎᖏᑦ ᐋᖅᑭᒃᓱᕐᓗᒋᑦ ᖃᐅᔨᒪᔾᔪᑎᒃᓴᑦ • ᐋᖅᑭᒃᓱᐃᔪᖃᕐᓗᓂ ᐊᔪᕈᓐᓃᖅᓴᖅᑎᑦᑎᓂᕐᒥᒃ ᐊᑐᓕᖅᑎᑦᑎᓂᕐᒥᒡᓗ ᐃᑲᔪᖅᑐᐃᓂᕐᒥᒃ • ᐊᖏᖅᑕᐅᑦᑎᐊᕐᓗᑎᒃ ᖃᐅᔨᒪᔾᔪᑎᒃᓴᑦ • ᐱᕙᒌᔭᕐᓗᒋᑦ ᓴᖅᑭᑕᐅᔪᒃᓴᑦ ᐊᒻᒪ ᐱᓕᒻᒪᒃᓴᐅᑎᒃᓴᑦ

ᒪ ᒃ ᐱ ᖅ ᑐ ᒐ ᖅ 18 | 23 • ᐅᑕᖅᑭᔪᑦ ᐊᖏᖅᑕᐅᓂᒃᓴᖏᓐᓂᒃ ᓄᓇᓕᖕᓂ ᐃᒡᓗᓕᕆᔨᒋᔭᐅᔪᓄᑦ ᐱᓕᕆᐊ ᖅ 4 ᐅᑕᖅᑭᔪᑦ ᐊᔾᔨᒌᓕᖅᑎᑕᐅᓂᖏᑦ ᐱᓕᕆᐊᖑᕙᓪᓕᐊ ᔪᑦ 50% • ᒪᓕᒃᑕᐅᔭᕆᐊᖃᖅᑐᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᓇᓗᓇᐃᔭᖅᑕᐅᔪᑦ, ᐃᓯᖅᑕᐅᔪᓐᓇᖅᑐᓄᑦ ᐱᔭᐅᔭᕆᐊᓖᑦ ᐃᓚᓕᐅᔾᔭᐅᓯᒪᓪᓗᑎᒃ • ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᑲᑎᖅᓱᖅᑕᐅᕙᓪᓕᐊᓕᖅᑐᑦ • ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᑲᑎᖅᓱᖅᑕᐅᕙᓪᓕᐊᔪᑦ IgluWeb ᐃᒡᓗᐃᑭᐊᖅᑭᕕᖕᒥ ᓴᖅᑭᑕᐅᓚᐅᙱᓐᓂᖏᓐ ᓂᒃ • ᐊᑐᓕᖅᑎᑕᐅᓗᓂ IgluWeb−ᑯᑎᒍᑦ • ᐊᔾᔨᒌᒡᔫᒥᔪᒥᒃ ᐊᑐᖅᑎᑦᑎᓕᕐᓗᑎᒃ ᓄᓇᓕᖕᓂ • ᓴᖅᑭᑦᑎᓗᑎᒃ ᐊᔾᔨᒌᓕᖅᑎᑕᐅᓯᒪᔪᓂᒃ ᐅᑕᖅᑭᔪᓄᑦ ᑎᑎᕋᖅᓯᒪᔪᓂᒃ ᓄᓇᕘᓕᒫᒥ • ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᑲᑎᖅᓱᖅᑕᐅᖏᓐᓇᕐᓗᑎᒃ ᓇᓗᓇᐃᖅᑕᐅᓗᑎᒡᓗ ᐱᓕᕆᐊ ᖅ 5 ᖃᐅᔨᓴᖅᑕᐅᔭᕆᐊᖃᖅ ᑐᑦ ᐱᓕᕆᐊᖑᕙᓪᓕᐊ ᔪᑦ 50% • ᑎᓕᓯᔾᔪᑕᐅᔪᖅ ᓄᓇᓕᖕᓂ ᐃᒡᓗᓕᕆᔨᒋᔭᐅᔪᓄᑦ ᓴᖅᑭᑎᑕᐅᓚᐅᖅᐳᖅ (ᒫᑦᓯ 2026−ᒥ) ᐃᓚᓕᐅᔾᔨᔪᒪᓪᓗᑎᒃ ᐊᑐᕈᓐᓇᕐᓂᕐᒧᑦ ᑎᑎᕋᖅᓯᒪᔪᓂᒃ ᐊᑐᖅᑕᐅᔭᕆᐊᖃᓪᓚᕆᒃᐸᒃ ᑐᓂᒃ ᐅᑕᖅᑭᔪᓄᑦ ᐃᓂᒋᔭᐅᕙᒃᑐᓄᑦ • ᑎᑎᕋᖅᓯᒪᔪᓂᒃ ᑲᑎᖅᓱᐃᕙᓪᓕᐊᓕᖅᐳᑦ ᖃᐅᔨᓴᕈᒪᓪᓗᑎᒃ ᐱᔭᐅᔭᕆᐊᓕᖕᓂᒃ ᐃᓐᓇᕐᓄᑦ ᐃᓄᖕᓄᓪᓗ ᑎᒥᒥᒍᑦ ᐊᔪᕈᑎᓕᖕᓄᑦ • ᐱᐅᓯᕚᓪᓕᑎᑦᑎᓂᕐᒥᑦ ᐱᔭᕇᖅᓯᒪᑦᑎᐊᕐᓂᕐᒥᑦ ᑕᑎᒋᔭᐅᔪᓐᓇᕐᓂᕐᒥᒡᓗ ᐱᔭᕆᐊᓕᖕᓂᑦ ᑎᑎᕋᖅᓯᒪᔪᓂᑦ ᖃᐅᔨᓴᖅᑕᐅᓂᑯᓂᑦ • ᐃᓚᓕᐅᑎᓗᒋᑦ ᐱᔭᐅᔭᕆᐊᓕᖕᓄᑦ ᑎᑎᕋᖅᓯᒪᔪᑦ ᐊᑐᐃᓐᓇᐅᔪᑦ ᑐᓗᖅᑕᕈᑎᖃᙱᑦᑐᓪᓗ ᐃᒡᓗᓕᕆᔨᒃᑯᑦ ᐃᒡᓗᖁᑎᖏᑦ ᐃᒡᓗᓕᐅᕐᓂᕐᒧᑦ ᐱᕙᒌᔭᖅᑎᓪᓗᒋᑦ • ᐊᑕᖏᕐᓗᒍ ᖃᐅᔨᓴᖅᓯᓂᖅ • ᑐᓂᓗᒋᑦ ᖃᐅᔨᔭᐅᔪᑦ ᐸᕐᓇᐃᓂᕐᒧᑦ ᐊᑐᖅᑕᐅᔪᒃᓴᑦ ᑐᕌᒐᖅ 2: ᐃᒡᓗᐃᑦ ᓈᒻᒪᖕᓂᖏᑦ ᑲᒪᒋᔭᕆᐊᖃᖅᑐᑦ ᖃᓄᐃᓕᖓᓂᖓ ᖃᓄᐃᑉᐸᓪᓕᐊᓂ ᖓ ᓄᑖᙳᕆᐊᖅᑎᑕᐅᓪᓗᐊᑕᖅᑐᑦ (ᐊᕐᕌᒍ ᓯᕗᓪᓕᖅᐹᖅ) ᑭᓱᑦ ᓱᓕ ᐱᔭᕇᖅᑕᐅᓯᒪᙱᑦᑐᑦ ᑭᖑᓪᓕᕐᒥ ᐱᓕᕆᐊᖑᔪᒃᓴᑦ ᐱᓕᕆᐊ ᖅ 6 ᐊᑐᕈᓐᓇᕐᓂᕐᒧᑦ ᑐᔾᔭᖅᓯᓂᖅ ᐱᓕᕆᐊᖑᕙᓪᓕᐊ ᔪᑦ 80% • ᖃᕆᑕᐅᔭᒃᑯᑦ ᕿᒥᕐᕈᓂᖅ ᐱᑕᖃᖅᐸᒌᖅᑐᓂᒃ ᐃᒡᓗᓂᒃ • ᐱᐊᓂᒡᓗᒋᑦ ᐃᒡᓗᕐᔪᐊᑦ ᖃᓄᐃᓕᖓᓂᖏᓐᓄᑦ ᖃᐅᔨᓴᖅᓯᓃᑦ • ᐱᔭᕇᕐᓗᒋᑦ ᐃᖅᑲᓇᐃᔮᒧᑦ ᓇᓗᓇᐃᔭᖅᓯᒪᔪᑦ

ᒪ ᒃ ᐱ ᖅ ᑐ ᒐ ᖅ 19 | 23 ᓇᐃᓴᐃᓂᕐᒥᒃ − ᐱᐊᓂᒃᑕᐅᔪᖅ • ᐃᓯᕈᓐᓇᕐᓂᕐᒧᑦ ᐅᔾᔨᕐᓇᕐᓂᖏᑦ ᐱᔭᐅᔪᑦ ᐃᒡᓗᕐᔪᐊᑉ ᖃᓄᐃᓕᖓᓂᖓᓄᑦ ᖃᐅᔨᓴᖅᓯᓂᒃᑯᑦ • ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᐃᓕᐅᖅᑲᖅᑕᐅᔪᑦ ᐱᖁᑎᓄᑦ ᐸᕐᓇᐃᔨᒧᑦ (48% ᐱᔭᕇᖅᓯᒪᔪᖅ) 52−ᐳᓴᖏᓐᓄᑦ ᐊᖏᕐᕋᕆᔭᐅᔪᓄᑦ, ᖃᐅᔨᓴᐃᓐᓇᕐᓗᒋᓪᓗ ᐊᑐᖅᑕᐅᔪᓐᓇᖅᑐᑦ • ᑲᔪᓯᓗᑎᒃ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᓈᒻᒪᒃᓯᓕᖅᑕᐅᓂᖏᑦ ᐱᖁᑎᓄᑦ ᐸᕐᓇᐃᔨᒧᑦ. • ᑭᖑᓪᓕᖅᐹᖅᓯᐅᑎᖏᑦ ᐊᑐᖅᑕᐅᔪᓐᓇᖅᑐᑦ ᓇᐃᓴᖅᑕᐅᓯᒪᔪᑦ ᑎᑎᕋᖅᓯᒪᔪᑦ ᐱᓕᕆᐊ ᖅ 7 ᐱᖁᑎᓂᒃ ᐊᐅᓚᑦᑎᔾᔪᑎᑦ ᑲᔪᓰᓐᓇᖅᑐᖅ 50% • ᐱᖁᑎᓄᑦ ᐱᕙᒌᔭᖅᑎ ᐊᑐᓕᖅᑎᑕᐅᔪᖅ ᓄᓇᓕᓕᒫᓂᑦ • ᐱᔨᑦᑎᕋᐅᑎᓪᓗᐊᑕᓄᑦ ᑐᒃᓯᕋᐅᑎᑦ ᐊᒻᒪ ᐋᖅᑭᐅᒪᑎᑦᑎᓂᕐᒧᑦ ᐃᓕᓐᓂᐊᒐᒃᓴᑦ ᐊᐅᓚᔪᓐᓇᖅᐳᑦ • ᐱᓕᕆᔾᔪᓰᑦ ᐊᑐᓕᖅᑎᑕᐅᓂᖏᓐᓄᑦ ᐊᔾᔨᒌᙱᑦᑑᑕᐅᕗᖅ ᓄᓇᓕᖕᓂ ᐃᒡᓗᓕᕆᔨᒃᑯᓐᓂ. • ᐊᑕᐅᓰᓐᓇᓕᔪᒥᒃ ᐊᑐᓕᖅᑕᐅᓗᑎᒃ ᐊᕕᒃᑐᖅᓯᒪᔪᓂᒃ ᐊᒻᒪ ᓄᓇᓕᖕᓂ ᐃᒡᓗᓕᕆᔨᒃᑯᓐᓂ • ᐊᑐᓕᖅᑎᓪᓗᒋᑦ ᐊᓯᖏᑦ ᐱᓕᕆᐊᒃᓴᓪᓗᐊᑕᑦ (ᐱᖁᑎᓄᑦ ᐸᕐᓇᐃᓂᖅ, ᐆᒻᒪᖅᑯᑎᓕᕆᓂᖅ, ᐱᓕᕆᐊᒃᓴᓂᒃ ᖃᐅᔨᓴᖅᐸᓪᓕᐊᓂᖅ) 2026–2027−ᒧᑦ ᑎᑭᓪᓗᒍ • ᑲᔪᓰᓐᓇᕐᓗᑎᒃ ᐱᐅᓛᓂᒃ ᓇᓗᙱᑦᑎᐊᕐᓂᕐᒧᑦ ᑲᔪᓯᓂᕆᔭᐅᕙᒃᑐᓂᒃ, ᑎᑎᕋᖅᓯᒪᔪᓂᒃ ᓇᓗᓇᐃᖅᓯᓂᕐᒥᒃ • ᐊᔪᕈᓐᓃᖅᓴᖅᑎᑦᑎᕙᓪᓕᐊᖏᓐᓇᕐ ᓗᑎᒃ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᕕᒃᓯᒪᓂᖏᓐᓂᒃ ᓄᓇᓕᖕᓂᓗ ᐃᒡᓗᓕᕆᔨᒋᔭᐅᔪᓂᒃ ᓴᙱᒃᑎᒋᐊᖅᑎᑦᑎᔪᒪᓂᕐᒧᑦ ᐊᑕᐅᓰᓐᓇᓕᔪᒥᒃ ᐊᑐᕐᓂᕐᒥᒃ. • ᐊᖏᒡᓕᒋᐊᕐᓗᒍ ᐊᑐᖅᑕᐅᕙᒃᑐᖅ ᐊᐅᓚᔪᓐᓇᕐᓂᕆᔭᖓ ᐱᓕᕆᐊ ᖅ 8 ᓄᓇᓕᖕᓂ ᐃᒡᓗᓕᕆᔨᒃᑯᑦ ᑲᑐᔾᔨᖃᑎᒌᒃᑯᖏᑦᑕ ᐅᓂᒃᑳᓕᐅᕐᓂᖏᑦ ᐊᖏᖅᑕᐅᓂᖓ ᓇᓗᓇᐃᕆᐊᓕᒃ 35% • ᓄᓇᓕᖕᓂ ᐃᒡᓗᓕᕆᔨᒃᑯᑦ ᑲᑐᔾᔨᖃᑎᒌᒃᑯᖏᑦᑕ ᐊᕐᕌᒍᑕᒫᖅ ᐅᓂᒃᑳᓕᐅᕐᓂᕐᒧᑦ ᐊᑐᖅᑕᐅᔪᓐᓇᖅᑐᖅ ᓄᑖᙳᕆᐊᖅᑕᐅᔪᖅ ᒪᓕᒃᖢᒋᑦ ᐱᖃᖃᑕᐅᔪᑦ ᑭᐅᔾᔪᑎᖏᑦ • ᓴᖅᑭᑎᑦᑎᓂᖅ ᓄᑖᙳᕆᐊᖅᓯᒪᔪᓂᒃ ᐅᓂᒃᑳᓕᐅᕐᓂᕐᒧᑦ ᐊᑐᖅᑕᐅᔪᓐᓇᖅᑐᓂᒃ ᐊᒻᒪ ᐱᓕᒻᒪᒃᓴᕐᓂᕐᒧᑦ ᐃᑲᔪᖅᓱᐃᓂᖅ ᓄᓇᓕᖕᓂ ᐃᒡᓗᓕᕆᔨᒃᑯᓐᓄᑦ • ᐊᖏᖅᑕᐅᓗᓂ ᓄᑖᙳᕆᐊᖅᓯᒪᔪᖅ ᓄᓇᓕᖕᓂ ᐃᒡᓗᓕᕆᔨᒃᑯᑦ ᐊᕐᕌᒍᑕᒫᖅᓯᐅᑦ ᐸᕐᓇᐅᑎᒧᑦ ᐅᓂᒃᑳᓕᐅᕐᓂᕐᒧᑦ ᑎᑎᕋᕐᕕᒃᓴᖓ 2026-27 ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓄᑦ ᓯᕗᓂᒃᓴᒧᓪᓗ

ᒪ ᒃ ᐱ ᖅ ᑐ ᒐ ᖅ 20 | 23 • ᓄᑖᙳᕆᐊᖅᑎᓪᓗᒋᑦ ᓇᓗᓇᐃᖅᑕᐅᓯᒪᔪᑦ ᐅᓂᒃᑳᓕᐅᕐᓂᕐᒧᑦ ᐊᑐᖅᑕᐅᔭᕆᐊᓖᑦ ᓄᓇᓕᖕᓂ ᐃᒡᓗᓕᕆᔨᒃᑯᑦ ᐊᐅᓚᑦᑎᓂᕐᒧᑦ ᐊᖏᖃᑎᒌᒍᑎᖓᓂ • ᐱᒋᐊᖅᑎᑦᑎᓗᑎᒃ ᐊᕕᒃᑐᖅᓯᒪᔪᑎᒍᑦ ᕿᒥᕐᕈᓂᕐᒥᒃ ᓄᓇᓕᖕᓂ ᐃᒡᓗᓕᕆᔨᒃᑯᑦ ᐸᕐᓇᐅᑎᖏᓐᓂᒃ ᐊᒻᒪ ᐱᕙᓪᓕᐊᓂᕐᒧᑦ ᐅᓂᒃᑳᓂᒃ • ᓴᖅᑭᓪᓗᒍ ᓄᓇᓕᖕᓂ ᐃᒡᓗᓕᕆᔨᒃᑯᑦ ᑲᑐᔾᔨᖃᑎᒌᒃᑯᖏᑕ ᐊᕐᕌᒍᓕᒫᖅᓯᐅᑦ ᐸᕐᓇᐅᑎᖓ ᐊᑐᖅᑕᐅᔪᓐᓇᖅᑐᖅ • ᐱᑎᑦᑎᔪᖃᕐᓗᓂ ᐃᑲᔪᖅᑐᐃᔪᒥᒃ ᐊᔪᕈᓐᓃᖅᓴᕐᓂᕐᒥᒃ ᐊᑐᕐᓂᐊᕐᓗᓂ ᓄᓇᓕᖕᓂ ᐃᒡᓗᓕᕆᔨᒋᔭᐅᔪᓄᑦ ᐊᕐᕌᒍᓕᒫᖅᓯᐅᑎᒧᑦ ᐱᕙᒌᔭᕐᓂᕐᒧᑦ ᐊᑐᖅᑕᐅᔪᓐᓇᖅᑐᒥᒃ ᐱᓕᕆᐊ ᖅ 9 ᓱᕋᒃᑎᖅᑕᐃᓕᒪᓂᕐᒧᑦ ᐋᖅᑭᐅᒪᑎᑦᑎᓂᖅ ᑲᔪᓰᓐᓇᖅᑐᖅ 50% • ᓱᕋᓗᐊᖅᑕᐃᓕᒪᑎᑦᑎᓂᕐᒧᑦ ᐋᖅᑭᐅᒪᑎᑦᑎᓂᕐᒧᑦ ᐱᓕᕆᔾᔪᑕᐅᓂᐊᖅᑐᑦ ᐊᑐᓕᖅᑎᑕᐅᔪᑦ • ᐅᖁᐃᑦ ᖃᐅᔨᓴᖅᑕᐅᓂᖏᑦ ᐊᒻᒪ ᐅᖁᐃᔭᖅᑕᐅᓂᖏᑦ ᖃᐅᔨᓴᖅᑕᐅᖏᓐᓇᖅᑐᑦ. • ᐃᒡᓘᑉ ᖃᓄᐃᓕᖓᓂᖓᓄᑦ ᖃᐅᔨᓴᕐᓂᖅ ᐱᒋᐊᖅᐸᓪᓕᐊᔪᖅ • ᐱᐅᓯᕚᓪᓕᖅᑎᑦᑎᓂᕐᒥᑦ ᑐᔾᔭᖅᓯᓂᕐᒥᑦ ᐃᓚᓕᐅᔾᔨᓂᕐᒥᒡᓗ ᑎᑎᕋᖅᓯᒪᔪᓂᑦ ᐱᖁᑎᓄᑦ ᐱᕙᒌᔭᕐᓂᕐᒧᑦ • ᐋᖅᑭᒃᓯᔪᖃᕐᓗᓂ ᐊᕐᕌᒍᓕᒫᒧᑦ ᐊᑐᖅᑕᐅᖃᑦᑕᕐᓂᐊᖅᑐ ᓂᒃ ᑕᒪᐃᓐᓄᑦ PM−ᒧᑦ ᐱᓕᕆᐊᒃᓴᕆᔭᐅᔪᓄᑦ ᐱᖁᑎᓄᑦ ᐱᕙᒌᔭᐅᒻᒧᑦ • ᐱᐅᓯᕚᓪᓕᑎᑦᑎᓂᕐᒥᑦ ᐱᓕᕆᐊᓂᑦ ᖃᐅᔨᓴᕐᓂᕐᒥᑦ • ᓅᑎᓪᓗᒋᑦ ᑎᑎᕋᖅᓯᒪᔪᑦ ᐱᖁᑎᓄᑦ ᐱᕙᒌᔭᐅᒻᒧᑦ • ᑲᔪᓯᓗᑎᒃ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᓈᒻᒪᒃᓯᓕᖅᑕᐅᓂᖏᑦ ᐊᒻᒪ ᐱᓕᒻᒪᒃᓴᖅᑕᐅᓂᖏᑦ ᑐᕌᒐᖅ 3: ᐅᓂᒃᑳᓕᐅᕐᓂᖅ ᓴᖅᑭᔮᑦᑎᐊᕐᓂᕐᓗ ᑲᒪᒋᔭᕆᐊᖃᖅᑐᑦ ᖃᓄᐃᓕᖓᓂᖓ ᖃᓄᐃᑉᐸᓪᓕᐊᓂ ᖓ ᓄᑖᙳᕆᐊᖅᑎᑕᐅᓪᓗᐊᑕᖅᑐᑦ (ᐊᕐᕌᒍ ᓯᕗᓪᓕᖅᐹᖅ) ᑭᓱᑦ ᓱᓕ ᐱᔭᕇᖅᑕᐅᓯᒪᙱᑦᑐᑦ ᑭᖑᓪᓕᕐᒥ ᐱᓕᕆᐊᖑᔪᒃᓴᑦ ᐱᓕᕆᐊ ᖅ 10 ᓄᓇᕗᑦ 3000 ᐅᓂᒃᑳᓕᐅᕐᓂᖅ ᑲᔪᓰᓐᓇᖅᑐᖅ 80% • ᖃᖓᙳᕌᖓᑦ ᑭᒃᑯᑐᐃᓐᓇᓄᑦ ᐅᓂᒃᑲᐅᓯᖃᖅᐸᖕᓂᕐᒥᒃ ᐋᖅᑭᒃᓯᒪᓕᖅᑎᑦᑎᔪᖃᕐᓗᓂ • ᐱᐅᓯᕚᓪᓕᑎᑦᑎᓂᕐᒥᑦ ᓈᒻᒪᓈᖅᓯᒪᔪᓂᑦ ᐱᔭᕇᖅᓯᒪᑦᑎᐊᕐᓂᕐᒥᒡᓗ ᓴᓇᓂᕐᒧᑦ ᑎᑎᕋᖅᓯᒪᔪᑦ • ᓴᙱᒃᑎᒋᐊᕐᓗᒋᑦ ᓴᓇᔭᐅᔪᒃᓴᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᐱᔭᐅᔪᑦ ᑲᔪᓯᑎᑦᑎᔨᓄᑦ ᐱᓕᕆᖃᑎᒋᔭᐅᔪᓄᑦ

ᒪ ᒃ ᐱ ᖅ ᑐ ᒐ ᖅ 21 | 23 • ᐊᔾᔨᒌᓕᖅᑎᑕᐅᓯᒪᔪᑦ ᐅᓂᒃᑳᓕᐅᕐᓂᕐᒧᑦ ᐋᖅᑭᒃᓯᒪᓂᖏᑦ ᓴᖅᑭᑕᐅᔪᑦ. ᖃᐅᔨᓴᖅᑕᐅᓂᑯᐃᑦ ᐱᓕᕆᐊᓂᑦ ᐱᓕᕆᖃᑎᒌᓂᑦ, ᐊᖏᖃᑎᒌᒍᑎᒃᑯᑦ ᐃᖅᑲᓇᐃᔮᖅᑖᑎᑕᕐᓂᑦ ᐱᓕᕆᖃᑎᒋᔭᖏᓐᓂᓪᓗ ᑭᒃᑯᑐᐃᓐᓇᕐᓄᑦ ᐅᓂᒃᑳᓕᐅᕐᓂᕐᒧᑦ • ᑭᒃᑯᑐᐃᓐᓇᓂᒃ ᐅᓂᒃᑲᐅᓯᖃᐃᓐᓇᕐᓗᑎᒃ ᐱᕙᓪᓕᐊᓂᕆᔭᐅᔪᓂᒃ ᓄᓇᓕᒃᑎᒍᑦ

ᒪ ᒃ ᐱ ᖅ ᑐ ᒐ ᖅ 22 | 23 ᐅᐃᒍᐊᕈᓯᖅ C - ᐊᕐᕌᒍ ᓯᕗᓪᓕᖅ − ᑐᙵᕕᖓᓄᑦ ᓇᓗᓇᐃᒃᑯᑕᑦ (ᖃᐅᔨᔭᐅᓵᓕᔪᑦ) ᖃᐅᔨᔭᒃᓴᐅᔪᑦ ᓴᖅᑭᑉᐸᓪᓕᐊᔪᑦ ᓱᓕ ᓴᖅᑭᑉᐸᓪᓕᐊᑎᓪᓗᒋᑦ, ᐊᑐᓕᖅᑎᑕᐅᓵᓕᓂᖅ ᐃᒪᐃᓕᖓᓕᖅᑎᑦᑎᓯᒪᕗᖅ: ᑐᕌᒐᖅ 1: ᓈᒻᒪᒃᑐᓂᑦ ᐃᒡᓗᖃᕈᓐᓇᕐᓂᖅ • ᓇᐃᓴᐅᓯᖅᓱᐃᓂᕐᒧᑦ ᐊᑐᖅᑕᐅᕙᒃᑐᖅ ᐋᖅᑭᒃᓱᖅᑕᐅᒃᑲᓐᓂᕐᓂᖓ (ᐱᓕᕆᐊᒃᓴᖅ 1) ᐱᐊᓂᒃᑕᐅᓯᒪᓕᖅᑐᖅ ᐱᖃᖃᑕᐅᔪᑦ ᐃᓚᐅᑎᑕᐅᓪᓗᑎᒃ ᐊᒻᒪ ᐱᓕᕆᕝᕕᖕᒥ ᐱᕙᓪᓕᐊᑎᑕᐅᓪᓗᑎᒃ, ᑭᖑᓪᓕᖅᐹᒥ ᐊᖏᖅᑕᐅᔪᒃᓴᑦ ᐅᑕᖅᑭᔪᑦ ᐊᒻᒪ ᖃᕆᓴᐅᔭᓕᕆᔾᔪᑎᑦ ᐋᖅᑭᒃᓱᖅᑕᐅᕙᓪᓕᐊᓕᖅᖢᑎᒃ IgluWeb−ᒥ. • ᐊᑕᐅᓰᓐᓇᒃᑰᖅᑎᑕᐅᓯᒪᔪᖅ ᓴᓂᕐᕙᒃᑕᐅᕙᓪᓕᐊᔪᓄᑦ ᓇᐅᑦᑎᖅᓱᖅᓯᓂᕐᒧᑦ ᐊᑐᖅᑕᐅᔪᓐᓇᖅᑐᖅ ᑐᓂᔭᐅᓯᒪᓕᖅᐳᖅ (ᐱᓕᕆᐊᒃᓴᖅ 2), ᐃᓚᖃᖅᖢᓂ ᑎᓕᐅᕆᓯᒪᔪᒥᒃ ᑎᓕᓯᔾᔪᑕᐅᓯᒪᔪᒥᒃ ᐊᑐᓕᖅᑎᑦᑎᓂᕐᒥᒃ ᑕᒪᐃᓐᓂ ᐊᕕᒃᓯᒪᓂᕆᔭᐅᔪᓂ. • ᓅᑎᕆᓂᕐᒧᑦ ᖃᐅᔨᒪᔾᔪᑎᑦ (ᐱᓕᕆᐊᒃᓴᖅ 3) ᐋᖅᑭᒃᓱᖅᑕᐅᓯᒪᓕᖅᐳᑦ ᐃᑲᔪᖅᑐᐃᔪᒪᓪᓗᑎᒃ ᐊᑕᐅᓰᓐᓇᒃᑰᓕᖓᓂᖅᓴᓂᒃ ᓯᕗᓪᓕᖅᐸᐅᔾᔭᐅᔭᕆᐊᓕᖕᓂᒃ ᐱᓇᔪᒃᑐᓄᑦ ᐅᑕᖅᑭᓪᓗᑎᒡᓗ ᐊᖏᖅᑕᐅᓂᒃᓴᖏᓐᓂᒃ, ᐊᑐᓕᖅᑎᑦᑎᓂᕐᒧᑦ ᐱᕙᒌᔭᕐᓂᖅ ᐱᓕᕆᐊᖑᕙᓪᓕᐊᓪᓗᓂ. • ᐅᑕᖅᑭᔪᑦ ᐊᔾᔨᒌᓕᖅᑎᑕᐅᓂᖏᑦ (ᐱᓕᕆᐊᒃᓴᖅ 4) ᓯᕗᒻᒧᐊᒃᐸᓪᓕᐊᓯᒪᕗᖅ, ᐱᓪᓗᐊᑕᕐᓄᑦ ᑎᑎᕋᖅᓯᒪᔪᓄᑦ ᐃᓂᒋᔭᐅᕙᒃᑐᓄᑦ ᓇᓗᓇᐃᔭᖅᑕᐅᓯᒪᓪᓗᑎᒃ, ᐱᔭᐅᔪᓐᓇᕐᓂᕐᒧᑦ ᐱᔭᐅᔭᕆᐊᓖᑦ ᐃᓚᓕᐅᔾᔭᐅᓯᒪᓪᓗᑎᒃ, ᑎᑎᕋᖅᓯᒪᔪᓂᒡᓗ ᑲᑎᖅᓱᐃᕙᓪᓕᐊᓂᖅ ᐱᒋᐊᖅᑕᐅᓯᒪᓪᓗᓂ ᐱᕙᒌᔭᖅᐸᓪᓕᐊᓂᕐᒧᑦ ᐊᑕᖐᔪᒥᒃ ᐊᑐᖅᑕᐅᕙᒃᑐᒥᒃ ᐊᑐᓕᖅᑎᑦᑎᓂᕐᒥᒃ. • ᑭᙴᒪᒋᔭᐅᔪᓄᑦ ᖃᐅᔨᓴᖅᓯᓂᕐᒧᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᐃᓐᓇᕐᓄᑦ ᐃᓄᖕᓄᓪᓗ ᑎᒥᒥᒍᑦ ᐊᔪᕈᑎᓕᖕᓄᑦ (ᐱᓕᕆᐊᒃᓴᖅ 5) ᑲᑎᖅᓱᖅᑕᐅᕙᓪᓕᐊᕗᑦ ᐊᑐᖅᑕᐅᔭᕆᐊᖃᓪᓚᕆᒃᑐᓄᑦ ᐅᑕᖅᑭᔪᓄᑦ ᑎᑎᕋᕆᐊᓕᖕᓄᑦ, ᐱᓇᔪᐃᓐᓇᕐᓗᑎᒃ ᐱᐅᓯᒋᐊᖅᑎᑦᑎᔪᒪᓪᓗᑎᒃ ᑎᑎᕋᖅᓯᒪᔪᓂᒃ ᐱᐊᓂᒃᓯᒪᑦᑎᐊᖅᑐᓂᒃ ᐃᑲᔪᖅᑐᐃᓗᑎᒡᓗ ᐱᕙᒌᔭᕐᓂᕐᒥᒃ ᐊᑐᖅᑕᐅᔪᓐᓇᖅᑐᓂᒃ ᑐᓗᖅᑕᕈᑎᖃᙱᑦᑐᓂᒡᓗ ᐃᒡᓗᖃᖅᑎᑦᑎᓂᕐᒥᒃ. ᑐᕌᒐᖅ 2: ᐃᒡᓗᐃᑦ ᓈᒻᒪᖕᓂᖏᑦ • ᐃᓯᕈᓐᓇᕐᓂᕐᒧᑦ ᐱᔭᐅᔭᕆᐊᓖᑦ ᐊᒻᒪ ᖃᓄᐃᑦᑑᓂᖏᑦ ᐃᒡᓗᐃᑦ (ᐱᓕᕆᐊᒃᓴᖅ 6) ᖃᐅᔨᓴᖅᑕᐅᓚᐅᖅᐳᑦ ᑎᑎᕋᖅᑕᐅᓪᓗᑎᒡᓗ, ᐋᖅᑭᒃᓯᓪᓗᑎᒃ ᐱᖁᑎᓄᑦ ᐸᕐᓇᐃᔨᒧᑦ ᐱᒋᐊᕐᕕᐅᔪᓐᓇᖅᑐᒥᒃ ᓄᑖᙳᕆᐊᖅᑎᑦᑎᓪᓗᑎᒡᓗ ᓇᐃᓴᖅᓯᒪᔪᑦ ᓇᖕᒥᓂᖁᑎᒋᔭᑦ ᐱᖁᑎᖏᓐᓂᒃ ᑎᑎᕋᕆᐊᓕᖕᒥᒃ. • ᐱᐅᓯᕚᓪᓕᑎᑦᑎᓂᕐᒥᑦ ᑐᑭᓯᒋᐊᕈᑎᓂᑦ ᐊᐅᓚᑦᑎᓂᕐᒥᑦ ᖃᕆᑕᐅᔭᓕᕆᔾᔪᑎᑎᒍᑦ (ᐱᓕᕆᐊᖅ 7) ᐊᑐᓕᖅᑎᑕᐅᓚᐅᖅᐳᖅ, ᐊᑐᓕᖅᑎᑦᑎᓂᒃᑯᑦ ᐱᖁᑎᓄᑦ ᐱᕙᒌᔭᕐᓂᕐᒧᑦ ᐊᑐᖅᑕᐅᕙᒃᑐᓂᒃ. • ᐅᓂᒃᑳᓕᐅᕆᐊᖃᕐᓂᖅ ᓄᓇᓕᖕᓂ ᐃᒡᓗᓕᕆᔨᒃᑯᑦ ᑲᑐᔾᔨᖃᑎᒌᒃᑯᖏᓐᓄᑦ (ᐱᓕᕆᐊᒃᓴᖅ 8) ᕿᒥᕐᕈᔭᐅᓚᐅᖅᐳᑦ ᐊᒻᒪ ᑐᓴᕋᓱᒡᕕᐅᓚᐅᖅᐳᑦ, ᐋᖅᑭᒃᓱᐃᓪᓗᑎᒃ ᐊᑐᖅᑕᐅᔪᒃᓴᓂᒃ ᓄᑖᓄᑦ ᐊᑐᖅᑕᐅᔪᓐᓇᖅᑐᓄᑦ ᐊᒻᒪ ᐋᖅᑭᒋᐊᖅᑕᐅᔪᓄᑦ. • ᐊᕐᕌᒍᓄᑦ−ᑕᓪᓕᒪᓄᑦ ᐊᑐᖅᑕᐅᕙᒃᑐᖅ ᐃᒡᓗᕐᔪᐊᑦ ᖃᓄᐃᓕᖓᓂᖏᓐᓄᑦ ᖃᐅᔨᓴᖅᓯᕙᖕᓂᖅ ᐊᑐᓕᖅᑕᐅᓚᐅᖅᐳᖅ ᐊᐃᕆᓕ 2025−ᒥ (ᐱᓕᕆᐊᒃᓴᖅ 9), ᓇᓗᓇᐃᒃᑯᑦᑎᖅᓱᐃᓂᖅ ᐱᓪᓗᐊᑕᕐᒥᒃ ᐊᓪᓗᕆᐊᕈᑎᒥᒃ ᐋᖅᑭᒃᓱᖅᓯᒪᑦᑎᐊᖅᑐᓂᒃ ᐱᖁᑎᓂᒃ ᓇᐅᑦᑎᖅᓱᖅᓯᓂᕐᒥᒃ ᐱᑕᖃᖅᑎᑦᑎᑦᑕᐃᓕᒪᓂᕐᒧᓪᓗ ᑲᒪᒋᔭᖃᖅᐸᖕᓂᕐᒧᑦ ᐱᕙᒌᔭᕐᓂᕐᒥᒃ. • ᐱᕙᒌᔭᖅᑕᐅᔪᑦ ᐊᒻᒪ ᓴᖅᑭᑕᐅᔪᑦ ᓱᕋᓗᐊᖅᑕᐃᓕᒪᑎᑦᑎᓂᕐᒧᑦ ᐋᖅᑭᐅᒪᑎᑦᑎᔾᔪᑎᒃᓴᑦ ᐱᖁᑎᓄᑦ ᐸᕐᓇᐃᔨᒧᑦ ᐱᒋᐊᖅᑕᐅᓚᐅᖅᐳᑦ 2025/26−ᒧᑦ, ᐃᑲᔪᖅᓱᕐᓗᒋᑦ ᐱᐅᓯᒋᐊᖅᓯᒪᔪᑦ ᑎᑎᕋᖅᑕᐅᕙᓪᓕᐊᔪᑦ ᐊᒻᒪ ᖃᐅᔨᓴᖅᐸᓪᓕᐊᓂᖅ ᐋᖅᑭᐅᒪᑎᑦᑎᓂᕐᒧᑦ ᐱᓕᕆᐊᖑᔪᓂᒃ (ᐱᓕᕆᐊᒃᓴᖅ 9). • ᐱᓇᔪᒃᑕᐅᔪᑦ ᐱᐅᓯᒋᐊᖅᑎᑦᑐᒪᓪᓗᒋᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᖃᐅᔨᓴᖅᐸᓪᓕᐊᔭᖏᑦ ᐅᖁᐃᑦ ᖃᐅᔨᓴᕈᑎᖏᑦ ᐱᓕᕆᐊᖑᐃᓐᓇᓚᐅᖅᐳᑦ, ᑐᕌᒐᖃᖅᖢᑎᒃ ᐅᓂᒃᑲᐅᓯᖃᕈᒪᓪᓗᑎᒃ ᑎᑎᕋᖅᓯᒪᔪᓂᒃ ᓄᓇᓕᖕᓂ ᐃᒡᓗᓕᕆᔨᒃᑯᑦ ᐊᕐᕌᒍᓕᒫᖅᓯᐅᑦ ᐸᕐᓇᐅᑎᖏᓐᓂᒃ 2026/27−ᒧᑦ (ᐱᓕᕆᐊᒃᓴᖅ 9).

ᒪ ᒃ ᐱ ᖅ ᑐ ᒐ ᖅ 23 | 23 ᑐᕌᒐᖅ 3: ᐃᒡᓗᓕᐅᖃᑎᒌᖕᓂᖅ (ᓄᓇᕗᑦ 3000) ᐅᓂᒃᑳᓕᐅᕐᓂᖅ ᓴᖅᑭᔮᑦᑎᐊᕐᓂᕐᓗ • ᑭᒃᑯᓕᒫᓄᑦ ᓴᖅᑭᑕᐅᓂᖏᑦ ᐱᕙᓪᓕᐊᓂᕐᒧᑦ ᐅᓂᒃᑳᑦ ᓴᓇᔭᐅᓂᒃᓴᖏᓪᓗ (ᐱᓕᕆᐊᒃᓴᖅ 10) ᐊᑐᓚᐅᖅᐳᖅ, ᐊᑕᐅᑦᑎᒃᑰᖃᑎᖃᖅᖢᓂ ᓴᖅᑭᑎᑕᐅᓂᖓᓂᒃ ᓄᓇᕗᑦ 3000−ᒧᑦ ᑲᔪᓯᕙᓪᓕᐊᓂᕐᒧᑦ ᑐᓴᖅᑕᐅᔪᒃᓴᓄᑦ ᐃᑭᐊᖅᑭᕕᖕᒥ ᖄᒃᑲᓐᓂᐊᒍᓪᓗ ᐅᓂᒃᑲᐅᓯᐅᒃᑲᓐᓂᖅᐸᒃᑐᓄᑦ ᓄᓇᓕᒃᑎᒍᑦ.

Document details

Collection	Nunavut — Committees
Citation	TD-24-7(2)-IN
Type	statute
Volume / chapter	TD 024 7(2) IN NHC Action Plan Status Report Spring 2026
Language	en
Format	pdf
Source	TERRITORIAL
Identifier	e64dc3b7740a42ee265c22fdd6104fb7e9c0fdb5

Source file is stored in the law ingest library (pdf).