ᒪᓕᒐᓕᐅᕐᕕᒻᒥ ᑲᑎᒪᔾᔪᑎᒥᓃᑦ ᐋᖅᑭᒋᐊᖅᓯᒪᓐᖏᑦᑐᑦ ᓇᕿᑦᑕᖅᑕᐅᓯᒪᔪᑦ ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᐃᖃᓗᐃᑦ, ᓄᓇᕗᑦ ᐋᖅᑭᒋᐊᕈᑎᑦ: ᐊᑏ ᐅᑎᖅᑎᓯᐅᒃ ᐋᖅᑭᒋᐊᖅᑕᐅᔪᐃᑦ ᑎᑎᕋᖅᑎᒧᑦ ᐅᕝᕙᓘᓐᓃᑦ ᑐᖏᓕᐊᓄᑦ ᒪᓕᒐᓕᐅᕐᕕᒻᒥ ᑲᑎᒪᔾᔪᑎᒥᓃᑦ ᓇᕿᔾᔪᑕᐅ ᓐᖏᓚᑦ ᑐᑭᓕᐊᖅᑕᐃᓐᓇᕆᓗᒋᑦ ᒪᓕᒐᓕᐅᖅᑏᑦ ᐊᐃᕙᓂᖏᑦ. ᓇᕿᑕᐅᓯᒪᑐᐃᓐᓇᖅᑐᐃᑦ ᐅᖃᐅᓯᐅᓪᓗᐊᑕᖅᑐᑦ. ᐅᖃᖅᑕᐅᒃᑲᓂᖅᑐᒥᒃ ᐊᓯᐊᑎᒍᓪᓘᓐᓃᑦ ᓲᕐᓗ ᓇᓗᓇᐃᖅᑕᐅᔪᖃᒃᑲᓐᓂᕆᐊᖃᖅᐸᑦ ᐋᖅᑭᒋᐊᖅᑕᐅᔪᓐᓇᖅᑐᑦ ᑭᓇᑐᐃᓐᓇᖅ ᒪᓕᒐᓕᐅᕐᕕᒻᒥ ᑲᑎᒪᔾᔪᑎᓂᑦ ᐅᖃᓕᒫᖅᑐᑦ ᓱᖅᑯᐃᒪᓂᐊᕐᒪᑦ ᐅᖃᖅᑕᒥᓂᕐᒥᒃ. ᑲᑎᒪᐅᑎᒥᓂᓕᕆᔪᑦ ᐅᖃᓕᒫᕋᓐᓂᑦᑎᑦᓯᔭᕆᐊᓖᑦ ᐊᔾᔨᒌᑉᐸ ᓐᖏᒻᒪᑎᒃ ᐅᖃᖅᑕᐅᔪᖅ ᑎᑎᕋᖅᓯᒪᔪᕐᓗ. ᐊᐃᕙᔾᔪᑎᒥᓃᑦ, ᓯᑎᐱᕆ 20, 1983, ᒪᑉᐱᑐᒐᖓ 27299. ᐴᓯᔅᓂᐅᑉ 6-ᖓᓐᓂᒃ ᓇᕿᑕᐅᔾᔪᑎᖓ, ᑎᓕᓯᔾᔪᑎᒃ 55

ᓄᓇᕗᑦ ᒪᓕᒐᓕᐅᕐᕕᖓ ᐅᖃᖅᑎ ᐊᖓᔪᖅᑳᖅ ᑕᐃᕕᑎ ᔪᐊᓇᓯ ᐊᐅᓚᑦᑎᔩᑦ ᐊᓪᓚᑦᑎᐅᑲᐃᓐᓇᖅᑐᖅ ᐊᓪᓚᑦᑎᐅᑉ ᑐᓪᓕᐊ ᒪᐃᑯᓪ ᐹᓪ ᓈᓐᓯ ᑐᐱᖅ ᐊᓪᓚᑦᑎᐅᑉ ᐃᑲᔪᖅᑎᖓ ᖂᔪ ᓄᓱᑦᑕᖅ ᒪᓕᒐᓕᕆᔨ ᒪᐃᑯᓪ ᓵᓐᑐᓗ ᐃᖅᓱᖅᑎ ᔮᓐ ᑖᐱᒃ ᑲᑎᒪᐅᑎᓂᒃ ᐋᖅᑭᒃᓱᐃᔩᑦ ᐅᖃᐅᓯᕐᒥᒃ ᐅᖃᐅᓯᕐᒧᑦ ᑎᒥᖓᑦ 926 ᓯᕗᒧᒋᐊᖅ ᐊᑐᕆᐊᖅ ᐃᖃᓗᐃᑦ, ᓄᓇᕗᑦ X0A 3H0 ᐅᖄᓚᐅᑖ (867) 975-5000 ᓱᒃᑲᕈᑖ (867) 975-5190 ᐊᑭᖃᓐᖏᑦᑐᖅ (877) 334-7266 ᖃᕋᓴᐅᔭᑎᒍᑦ ᑐᕌᕈᑎᖓᑦ: www.assembly.nu.ca ᐊᖓᔪᖅᑳᖅ ᒍᐊᐃᓐ Hᐄᓕ- ᐊᕿᐊᕈᖅ (ᐃᖃᓗᐃᑦ−ᒪᓂᕋᔭᒃ) ᒥᓂᔅᑕ ᐃᓄᓕᕆᔨᒃᑯᓐᓄᑦ;ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂᑦ; ᒥᓂᔅᑕ ᑲᒪᒋᔭᖃᖅᑐᖅ ᐊᖏᕐᕋᖃᖏᓐᓂᕐᒥᒃ; ᒥᓂᔅᑕ ᑲᒪᒋᔭᖃᖅᑐᖅ ᐊᒃᖢᓂᕐᒥᒃ ᒥᒃᖠᒋᐊᖅᑎᑦᑎᓂᕐᒧᑦ;ᒥᓂᔅᑕ ᑲᒪᒋᔭᖃᖅᑐᖅ ᐊᕐᓇᐃᑦ ᑲᑎᒪᔨᖏᓐᓂᒃ; ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ (ᐃᖃᓗᐃᑦ-ᓂᐊᖁᙴ) ᒐᕙᒪᒃᑯᑦ ᓯᕗᒃᑲᖅᑕᖅᑎᖓ; ᒥᓂᔅᑕ ᐃᓕᓐᓂᐊᖅᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓯᓚᑦᑐᖅᓴᕐᕕᖕᒥᒃ ᕼᐋᓇ ᐊᖑᑎᐊᓗᒃ (ᐊᐃᕕᓕᒃ) ᐃᐊᑦᕗᑦ ᐊᑕᒍᑦᑖᓗᒃ (ᐊᒡᒍ) ᐊᖓᔪᖅᑳᖅ ᔮᓂᑦ ᐳᕉᔅᑐ (ᐃᖃᓗᐃᑦ-ᓯᓈ) ᒥᓂᔅᑕ ᐋᓐᓂᐊᖃᕐᓇᓐᖏᑦᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᐊᖓᔪᖅᑳᖅ ᔪᐊᔾ Hᐃᒃᔅ (ᐃᖃᓗᐃᑦ-ᑕᓯᓗᒃ) ᓄᓇᕗᒻᒧᑦ ᓯᕗᓕᖅᑎᐅᑦ ᑐᖓᓕᖓ; ᒥᓂᔅᑕ ᒪᓕᒐᓕᕆᓂᕐᒧᑦ; ᒥᓂᔅᑕ ᐃᖏᕐᕋᔪᓕᕆᓂᕐᒧᑦ ᒪᑭᒪᐅᑎᓄᓪᓗ; ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑐᓕᕆᓂᕐᒧᑦ ᑲᑎᒪᔨᓂᒃ; ᒥᓂᔅᑕ ᑲᒪᒋᔭᖃᖅᑐᖅ ᐃᓄᐃᑦ ᐱᔪᓐᓇᐅᑎᖏᓐᓄᑦ ᑲᑎᒪᔨᓂᒃ ᔭᐃᒥ ᖃᑉᓗᑦᓯᐊᖅ (ᐊᕐᕕᐊᑉ ᓂᒋᐊ) ᒍᐊᑕᓐ ᑲᐅᑕᒃ (ᐅᖅᑯᒻᒥᐅᑦ) ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓄᓂᖅ) ᒥᓂᔅᑕ ᐃᓕᖅᑯᓯᓕᕆᔨᒃᑯᑦ; ᒥᓂᔅᑕ ᐅᖃᐅᓯᓕᕆᓂᕐᒧᑦ; ᒥᓂᔅᑕ ᐊᕙᑎᓕᕆᓂᕐᒧᑦ; ᒥᓂᔅᑕ ᐆᒻᒪᖅᑯᑎᓕᕆᓂᕐᒧᑦ ᓴᐃᒪᓐ ᖁᓕᒃᑖᓇ (ᖁᕐᓗᖅᑑᖅ) ᐊᖓᔪᖅᑳᖅ ᓯᓯᐅᓪ ᓂᐅᓪᕙᓇ ᓚᐃᔪᓪ (ᓇᑦᓯᓕᒃ) ᓯᕗᓕᖅᑎ ᐋᕐᓗᒃ ᒪᐃᓐ (ᐊᕐᕕᐊᑉ ᐅᐊᓐᓇᖓ-ᑎᑭᕌᕐᔪᐊᖅ) ᓯᕗᓕᖅᑎ ᓄᓇᕗᒻᒥ; ᒥᓂᔅᑕ ᓯᕗᓕᖅᑎᓄᑦ ᒐᕙᒪᐅᖃᑎᒌᒃᑐᓕᕆᔨᒃᑯᓐᓄᓪᓗ; ᒥᓂᔅᑕ ᑮᓇᐅᔭᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᖃᖅᑳᖅᓯᒪᔪᓕᕆᓂᕐᒥᒃ; ᒥᓂᔅᑕ ᑲᒪᒋᔭᖃᖅᑐᖅ ᑲᓇᑕᐅᑦ ᓯᓚᑖᓃᖖᒑᖅᑐᓄᑦ; ᒥᓂᔅᑕ ᑲᒪᒋᔭᖃᖅᑐᖅ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᓐᓇᕐᓂᒃ; ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᒥᓴᓐ; ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᑎᒪᔨᖏᓐᓄᑦ; ᔮᓂ ᒪᐃᒃ (ᐸᓐᓂᖅᑑᖅ) ᕗᕆᐊᑦ ᐲᑕᓴᓐ (ᐃᖃᓗᒃᑑᑦᑎᐊᖅ) ᑕᐃᕕᑦ ᐳᐊᑐ (ᐅᖅᓱᖅᑑᖅ) ᐊᐃᕝᕙᓚᕼᐋ ᖃᒪᓂᖅ (ᐊᒥᑦᑐᖅ) ᑖᓂᐅᓪ ᖃᕝᕕᒃ (ᑕᓯᐅᔭᕐᔪᐊᖅ) ᐋᓕᒃᓵᓐᑐ ᓴᒻᒧᖅᑐᖅ (ᑲᖏᖅᖠᓂᐅᑉ ᐅᐊᓐᓇᖓ-ᐃᒡᓗᓕᒑᕐᔪᒃ) ᐃᓐᓇᖓᔪᖅ ᖂᑭᐊᖅ (ᓇᑦᓯᓕᒃ) ᑯᕋᐃᒃ ᓯᒪᐃᓚᒃ (ᖃᒪᓂᑦᑐᐊᖅ) ᒥᓂᔅᑕ ᓄᓇᓕᖕᓂ ᒐᕙᒪᒃᑯᓂᓪᓗ ᐱᔨᑦᑎᖅᑎᒃᑯᑦ;ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᒃ; ᒥᓂᔅᑕ ᑲᒪᒋᔭᖃᖅᑐᖅ ᐅᔭᕋᖕᓂᐊᕐᓂᕐᒧᑦ; ᒥᓂᔅᑕ ᑕᐅᖅᓯᕋᕐᓂᕐᒥᒃ ᐱᓕᕆᐊᒃᓴᓕᒃ; ᐋᓂ ᑕᑦᑐᐃᓂ (ᑲᖏᖅᖠᓂᐅᑉ ᓂᒋᐊ) ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐊᒃᑯᒫᓂᒃ ᖃᐅᔨᓴᖅᑏᑦ ᓯᑏᕙᓐ ᑕᖅᑐ (ᖁᑦᑎᒃᑐᕐᒃ)

ᐃᓗᓕᖏᑕ ᓇᓕᖅᑲᖏᑦ ᑲᑎᒪᔾᔪᑎᒃᓴᖅ 1: ᑐᒃᓯᐊᕐᓂᕐᒧᑦ ᒪᑐᐃᖅᑕᐅᓂᖓ ...................................................................................................................... 1 ᑲᑎᒪᔾᔪᑎᒃᓴᖅ 2: ᒥᓂᔅᑕᐃᑦ ᐅᖃᐅᓯᒃᓴᖏᑦ ............................................................................................................................... 1 ᑲᑎᒪᔾᔪᑎᒃᓴᖅ 5: ᐃᓕᑕᖅᓯᓂᖅ ᐳᓛᖅᑐᓂᑦ .............................................................................................................................. 4 ᑲᑎᒪᔾᔪᑎᒃᓴᖅ 3: ᒪᓕᒐᓕᐅᖅᑏᑦ ᐅᖃᐅᓯᖏᑦ ........................................................................................................................... 9 ᑲᑎᒪᔾᔪᑎᒃᓴᖅ 5: ᐃᓕᑕᖅᓯᓂ ᐳᓛᖅᑎᓂ ................................................................................................................................. 12 ᑲᑎᒪᔾᔪᑎᒃᓴᖅ 6: ᐅᖃᐅᓯᒃᑯᑦ ᐊᐱᖅᑯᑏᑦ ................................................................................................................................. 13 ᑲᑎᒪᔾᔪᑎᒃᓴᖅ 12: ᑲᑎᒪᔨᕋᓛᑦ ᑲᑎᒪᔨᕋᓛᖑᑲᐃᓐᓇᖅᑐᓪᓗ ᒪᓕᒐᒃᓴᓂᑦ ᐊᓯᖏᓐᓂᓪᓗ ᐅᓂᒃᑳᖏᑦ ............................ 26 ᑲᑎᒪᔾᔪᑎᒃᓴᖅ 13. ᑎᑎᖅᑲᑦ ᓴᖅᑭᑕᐅᓂᖏᑦ ........................................................................................................................... 28 ᑲᑎᒪᔾᔪᑎᒃᓴᖅ 14: ᐱᖁᔨᕗᖔᓕᐅᕐᓂᐊᓂᕐᒧᑦ ᖃᐅᔨᒃᑲᐃᔾᔪᑏᑦ ........................................................................................... 29 ᑲᑎᒪᔾᔪᑎᒃᓴᖅ 16: ᐱᒋᐊᖅᑎᑕᑦ ................................................................................................................................................. 30 ᑲᑎᒪᔾᔪᑎᒃᓴᖅ 19: ᑲᑎᒪᓂᑐᐃᓐᓇᕐᓂᖅ ᐃᓱᒪᒃᓴᖅᓯᐅᕈᑎᖃᖅᑎᓪᓗᒋᑦ ᐱᖁᔭᒃᓴᓂ ᐊᓯᖏᓐᓂᓪᓗ ᐅᑯᐊ ᐱᖁᔭᒃᓴᐃᑦ .................................................................................................................................................................................................. 31 ᑲᑎᒪᔾᔪᑎᒃᓴᖅ 20: ᑲᑎᒪᔨᕋᓛᑦ ᑕᒪᐃᓐᓄᑦ ᐅᓂᒃᑳᖏᑦ .......................................................................................................... 41 ᑲᑎᒪᔾᔪᑎᒃᓴᖅ 21: ᐱᖓᔪᐊᓐᓂ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ .......................................................................................... 41 ᐊᖏᖅᑕᐅᓂᖏᑦ ᒪᓕᒐᒃᓴᐃᑦ ....................................................................................................................................................... 42 ᑲᑎᒪᔾᔪᑎᒃᓴᖅ 22: ᑲᑎᒪᔾᔪᑎᒃᓴᐃᑦ ............................................................................................................................................ 42

ᐃ. ᖃᐅᑕᒫᒧᑦ ᖃᐅᔨᒋᐊᕈᑎᑦ ᓇᒡᒐᔾᔭᐅᓕᖅᑭ, ᒫᑦᓯ 17, 2026 ........................................................................................................................................... 1 ᐅ. ᐊᖓᔪᖅᑳᑦ ᐅᓂᒃᑳᖏᑦ ᒥᓂᔅᑕᑉ ᐅᖃᐅᓯᖓ 51 – 7(1): ᐅᖂᑕᖅ ᑲᑐᔾᔨᖃᑎᒌᒃᑯᑦ ᐱᓕᕆᐊᖏᑦ ᐱᒻᒪᕆᐅᔪᑦ (ᕼᐄᓕ ᐊᕿᐊᕈᖅ) ..................... 1 ᒥᓂᔅᑕᑉ ᐅᖃᐅᓯᖓ 52 – 7(1): ᐊᓕᐊᓇᐃᒍᓱᖃᑎᒋᕙᕗᑦ ᐃᖅᑲᓇᐃᔭᖅᑎᐅᑯᑖᖕᓂᕐᒧᑦ ᑐᓐᓂᖅᑯᓯᐊᖅᑐᑦ (ᑯᓄᒃ) ...... 2 ᒥᓂᔅᑕᑉ ᐅᖃᐅᓯᖓ 53 – 7(1): ᐱᒋᐊᖅᑎᑦᓯᓂᖅ ᒐᕙᒪᓕᕿᓂᕐᒥᑦ ᐊᐅᓚᑦᓯᓂᕐᒥᒃ ᓄᓇᖃᖅᑳᖅᓯᒪᔪᓂᓪᓗ ᐊᐅᓚᑦᓯᕕᖃᕐᓂᕐᒥᒃ ᐱᓕᕆᐊᖅ (ᑕᑦᑐᐃᓂ) ......................................................................................................................... 3 ᒥᓂᔅᑕᑉ ᐅᖃᐅᓯᖓ 54 – 7(1): ᐅᖅᓱᐊᓗᓕᕆᓂᕐᒧᑦ ᐊᑭᖏᓐᓄᑦ ᓱᕐᕋᓗᐊᔾᔭᐃᒃᑯᑎᑦ ᑮᓇᐅᔭᑦ (ᕼᐃᒃᔅ) ....................... 4 ᒥᓂᔅᑕᑉ ᐅᖃᐅᓯᖓ 55 – 7(1): ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᙳᐊᕕᒡᔪᐊᕐᓇᖅ ᒪᑐᔭᐅᓕᖅᑎᓪᓗᒍ − ᐱᙳᐊᖅᑎᐅᖃᑎᒌᑦ ᓄᓇᕗᒻᒧᑦ ............................................................................................................................................ 5 ᒥᓂᔅᑕᑉ ᐅᖃᐅᓯᖓ 56 – 7(1): ᐃᓕᖅᑯᓯᓕᕆᓂᕐᒧᑦ ᐱᓇᓱᐊᕈᖅᓯ 2026 (ᕼᐄᓕ ᐊᕿᐊᕈᖅ) ........................................ 6 ᒥᓂᔅᑕᑉ ᐅᖃᐅᓯᖓ 57 – 7(1): ᐃᖅᖢᒃᑯᑦ ᐋᓐᓂᐊᕆᔭᐅᕙᑦᑐᒥᑦ ᐅᔾᔨᖅᓱᑦᑎᐊᕐᓂᕐᒧᑦ ᑕᖅᑭᖓ (ᐳᕉᔅᑐ) ..................... 7 ᒥᓂᔅᑕᑉ ᐅᖃᐅᓯᖓ 58 – 7(1): ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᑲᑎᒪᔩᑦ (ᑯᓄᒃ) ................................................................ 8 ᒪᓕᒐᓕᐅᖅᑎᑉ ᐅᖃᐅᓯᖓ 61 – 7(1): ᔫᓇ ᐊᒥᑦᓈᖅ ᐃᓕᓐᓂᐊᕐᕕᒻᒥ (ᓯᒪᐃᓚᒃ) ........................................................... 10 ᐊ. ᒪᓕᒐᓕᐅᖅᑏᑦ ᐅᓂᒃᑳᖏᑦ ᒪᓕᒐᓕᐅᖅᑎᑉ ᐅᖃᐅᓯᖓ 58 – 7(1): ᓴᐃᓐᑐ ᐹᑐᕆᒃ ᐅᓪᓗᖓᓂ ᐅᓪᓗᖃᑦᑎᐊᖁᔨᓂᖅ (ᐲᑕᓴᓐ) .............................. 9 ᒪᓕᒐᓕᐅᖅᑎᑉ ᐅᖃᐅᓯᖓ 59 – 7(1): ᖃᐅᔨᓴᖅᑕᐅᓂᖓ ᑮᓇᐅᔭᒃᑯᕕᐅᑉ ᒪᑐᐃᖅᑕᐅᓂᖓ ᐊᕐᕕᐊᓂ (ᖃᑉᓗᑦᓯᐊᖅ) 9 ᒪᓕᒐᓕᐅᖅᑎᑉ ᐅᖃᐅᓯᖓ 60 – 7(1): ᓄᓇᕗᑦ ᒐᕙᒪᖓ (ᒪᐃᒃ) .......................................................................................... 9 ᒪᓕᒐᓕᐅᖅᑎᑉ ᐅᖃᐅᓯᖓ 62 – 7(1): ᐱᒃᑯᒍᓱᓐᓂᖅ ᐅᑭᐅᖅᑕᖅᑐᒥ ᐱᙳᐊᕕᔾᔪᐊᖃᑕᐅᔪᓂᑦ (ᐲᑕᓴᓐ) ................... 11 ᒪᓕᒐᓕᐅᖅᑎᑉ ᐅᖃᐅᓯᖓ 63 – 7(1): ᐃᓕᓴᖅᓯᓂᖅ ᐅᖂᑕᖅ ᑲᑐᔾᔨᖃᑎᒌᖏᑦ ............................................................. 11 ᐱ. ᑭᐅᔾᔪᑏᑦ ᐅᖃᐅᓯᒃᑯᑦ ᐊᐱᖅᑯᑎᓄᑦ ᐊᐱᖅᑯᑦ 21 – 7(1): ᐃᓐᓇᑐᖃᐃᑦ ᐱᓕᕆᐊᖏᑦ ᓄᓇᓕᓐᓂ ᐃᖅᑲᖅᑐᐃᔪᓕᕿᓂᕐᒧᑦ ᑲᑎᒪᔨᕋᓛᓂᑦ (ᕼᐃᒃᔅ)............11

ᐳ. ᐅᖃᐅᓯᒃᑯᑦ ᐊᐱᖅᑯᑎᑦ ᐊᐱᖅᑯᑦ 54 – 7(1): ᖃᖓᑕᓲᒃᑯᑦ ᑐᐊᕕᕐᓇᖅᑐᓕᕆᔾᔪᑎᑦ (ᖁᓕᒃᑖᓇ) ............................................................................. 13 ᐊᐱᖅᑯᑦ 55 – 7(1): ᓂᕿᑦᑎᐊᕙᓕᕆᔨᒃᑯᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐃᑲᔫᑎᖓ (ᑕᖅᑐ) ........................................ 14 ᐊᐱᖅᑯᑦ 56 – 7(1): ᐃᑯᒻᒪᖅᑯᑎᖃᕆᐊᖃᕐᓂᖅ ᕿᑭᖅᑕᕐᔪᐊᑉ ᑐᓚᑦᑕᕐᕕᖓᓄᑦ (ᑲᐅᑐᒃ) .............................................. 16 ᐊᐱᖅᑯᑦ 57 – 7(1): ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᑦ (ᐲᑕᓴᓐ) ....................................................................................... 16 ᐊᐱᖅᑯᑦ 58 – 7(1): ᐃᖃᓗᓕᕆᓂᖅ ........................................................................................................................................ 18 ᐊᐱᖅᑯᑦ 59 – 7(1): ᑭᕙᓪᓕᕐᒥ ᓄᓇᓕᓐᓄᑦ ᐊᖅᑯᑎᒃᓴᖅ (ᓴᒻᒧᖅᑐᖅ) ............................................................................... 20 ᐊᐱᖅᑯᑦ 60 – 7(1): ᓇᓪᓕᐅᒃᑯᒫᑦ ᓄᓇᓕᓐᓂ ᐊᖏᔫᑎᓄᑦ (ᐊᑕᒍᑦᑖᓗᒃ) ........................................................................ 21 ᐊᐱᖅᑯᑦ 61 – 7(1): ᑐᓴᒐᒃᓴᖅ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑐᒃᓯᕋᐅᓕᐅᖁᔨᓂᕐᒧᑦ #110004120 (ᖃᑉᓗᑦᓯᐊᖅ) .................................................................................................................................................................................................. 23 ᐊᐱᖅᑯᑦ 62 – 7(1): ᐱᓕᕆᕕᐅᑉ ᖃᓄᐃᓕᐅᕐᓂᕆᔭᖏᑦ ᐊᕐᕕᐊᓂ (ᖃᑉᓗᑦᓯᐊᖅ) .......................................................... 24 ᒋ. ᐳ. ᑎᑎᕋᖅᑕᐅᓯᒪᔪᑦ ᓴᖅᑭᑕᐅᓂᖏᑦ 17 – 7(1): ᑎᒃᑯᐊᖅᓯᓂᖅ ᑐᑭᓯᒋᐊᕈᑎᓂᑦ ᑲᙳᓇᖅᑐᓂᓪᓗ ᑲᒥᓯᓇᒥᒃ ᓄᓇᕗᒻᒧᑦ − ᖃᐅᔨᒃᑲᐅᑦ .......................................................................................................................................................................... ........................23 ᐸ. ᐱᒋᐊᖅᑎᑕᑦ ᐱᒋᐊᖅᑎᑕᖅ 12 - 7(1): ᒪᓕᒐᓕᐅᕐᕕᒻᒥ ᑎᒃᑯᐊᖅᓯᓃᑦ - ᖃᐅᔨᒃᑲᐃᓂᖅ ᐱᒋᐊᖅᑎᑕᒃᓴᓂᑦ.........................................29 ᐱᒋᐊᖅᑎᑕᖅ 12 - 7(1): ᒪᓕᒐᓕᐅᕐᕕᒻᒥ ᑎᒃᑯᐊᖅᓯᓃᑦ..........................................................................................................29 ᒍ. ᒪᓕᒐᒃᓴᐃᑦ ᒪᓕᒐᒃᓴᖅ 1 - ᑮᓇᐅᔭᐃᑦ ᐊᑐᖅᑕᐅᑲᐃᓐᓇᕐᓂᐊᖅᑐᑦ (ᐊᐅᓚᔾᔪᑏᑦ ᐋᖅᑭᐅᒪᐃᓐᓇᕈᑏᓪᓗ) ᒪᓕᒐᖅ, 2026-2027 - ᑲᑎᒪᔨᕋᓛᓂᑦ ᐃᓱᒪᒃᓴᖅᓯᐅᖅᑕᐅᓂᖓ.................................................................................................................................31

ᒪᓕᒐᒃᓴᖅ 3 - ᑮᓇᐅᔭᐃᑦ ᐃᓚᒋᐊᕈᑎᑦ (ᐊᐅᓚᔾᔪᑏᑦ ᐋᖅᑭᐅᒪᐃᓐᓇᕈᑏᓪᓗ) ᒪᓕᒐᖅ ᓈᓴᐅᑖ 2, 2025-2026 - ᑲᑎᒪᔨᕋᓛᓂᑦ ᐃᓱᒪᒃᓴᖅᓯᐅᖅᑕᐅᓂᖓ..........................................................................................................................................34 ᒪᓕᒐᒃᓴᖅ 4 - ᑮᓇᐅᔭᐃᑦ ᐃᓚᒋᐊᕈᑎᖏᑦ (ᐊᑭᑐᔫᑎᓄᑦ) ᒪᓕᒐᖅ, ᓈᓴᐅᑎᖓ 4, 2025-2026 - ᑲᑎᒪᔨᕋᓛᓂᑦ ᐃᓱᒪᒃᓴᖅᓯᐅᖅᑕᐅᓂᖓ.....................................................................................................................................................................37 ᒪᓕᒐᒃᓴᖅ 1 - ᑮᓇᐅᔭᐃᑦ ᐊᑐᖅᑕᐅᑲᐃᓐᓇᕐᓂᐊᖅᑐᑦ (ᐊᐅᓚᔾᔪᑏᑦ ᐋᖅᑭᐅᒪᐃᓐᓇᕈᑏᓪᓗ) ᒪᓕᒐᖅ, 2026-2027 - ᐱᖓᔪᐊᓐᓂᒃ ᐅᖃᓕᒫᖅᑕᐅᓂᖓ....................................................................................................................................................40 ᒪᓕᒐᒃᓴᖅ 3 - ᑮᓇᐅᔭᐃᑦ ᐃᓚᒋᐊᕈᑎᖏᑦ (ᐊᐅᓚᔾᔪᑏᑦ ᐋᖅᑭᐅᒪᐃᓐᓇᕈᑏᓪᓗ) ᒪᓕᒐᖅ, ᓈᓴᐅᑎᖓ 2, 2025-2026 - ᐱᖓᔪᐊᓐᓂᒃ ᐅᖃᓕᒫᖅᑕᐅᓂᖓ................................................................................................................................................40 ᒪᓕᒐᒃᓴᖅ 4 - ᑮᓇᐅᔭᐃᑦ ᐃᓚᒋᐊᕈᑎᑦ (ᐊᑭᑐᔪᓄᑦ) ᒪᓕᒐᖅ, ᓈᓴᐅᑎᖓ 4, 2025-2026 - ᐱᖓᔪᐊᓐᓂᒃ ᐅᖃᓕᒫᖅᑕᐅᓂᖓ.............................................................................................................................................................................41

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 1 ᐃᖃᓗᐃᑦ, ᓄᓇᕗᑦ ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᒪᓕᒐᓕᐅᖅᑏᑦ ᐅᐸᒃᑐᑦ: ᐊᖓᔪᖅᑳᖅ ᒍᐊᐃᓐ ᕼᐄᓕ−ᐊᕿᐊᕈᖅ, ᒥᔅ ᕼᐋᓇ ᐊᖑᑎᐊᓗᒃ, ᒥᔅᑕ ᐃᐊᑦᕗᑦ ᐊᑕᒍᑦᑖᓗᒃ, ᐊᖓᔪᖅᑳᖅ ᔮᓂᑦ ᐱᑦᓯᐅᓛᖅ ᐳᕉᔅᑐ, ᐊᖓᔪᖅᑳᖅ ᔪᐊᔾ ᕼᐃᒃᔅ, ᐅᖃᖅᑎ ᑕᐃᕕᑎ ᔪᐊᓇᓯ, ᒥᔅᑕ ᔭᐃᒥ ᑲᑉᓗᑦᓯᐊᖅ, ᒥᔅᑕ ᒍᐊᑕᓐ ᑲᐅᑐᒃ, ᐊᖓᔪᖅᑳᖅ ᐳᕋᐃᔭᓐ ᑯᓄᒃ; ᒥᔅᑕ ᓴᐃᒪᓐ ᖁᓕᒃᑖᓇ, ᐊᖓᔪᖅᑳᖅ ᓯᓯᐅᓪ ᓂᐅᓪᕚᓇ ᓚᐃᔪᓪ, ᓯᕗᓕᖅᑎ ᐋᕐᓗᒃ ᒪᐃᓐ, ᒥᔅᑕ ᔮᓂ ᒪᐃᒃ, ᒥᔅᑕ ᕗᕆᐊᑦ ᐲᑕᓴᓐ, ᒥᔅᑕ ᑕᐃᕕᑦ ᐳᐊᑐ, ᒥᔅᑕ ᐊᐃᕙᓚᕼᐋᒻ ᖃᒪᓂᖅ, ᒥᔅᑕ ᐋᓕᒃᓵᓐᑐ ᓴᒻᒧᖅᑐᖅ, ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ, ᒥᔅᑕ ᓯᑏᕙᓐ ᑕᖅᑐ, ᐊᖓᔪᖅᑳᖅ ᐋᓂ ᑕᑦᑐᐃᓂ. >>ᑲᑎᒪᓯᒋᐊᖅᑐᑦ 10:00 ᑲᑎᒪᔾᔪᑎᒃᓴᖅ 1: ᑐᒃᓯᐊᕐᓂᕐᒧᑦ ᒪᑐᐃᖅᑕᐅᓂᖓ ᐅᖃᖅᑎ: ᐱᒋᐊᓚᐅᖅᑳᑎᓐᓇᑕ, ᒥᔅᑕ ᐊᑕᒍᑦᑖᓗᒃ ᑐᑦᓯᐊᓂᒃᑯᑦ ᒪᑐᐃᖅᓯᔪᓐᓇᕈᕕᑦ, ᐊᐱᕆᕙᒋᑦ. >>ᑐᒃᓯᐊᖅᑐᑦ ᐅᖃᖅᑎ (ᑕᐃᕕᑎ ᔪᐊᓇᓯ): ᐱᒋᐊᓚᐅᖅᑳᖅᑎᓐᓇᑕ, ᒥᔅᑕ ᒪᐃᒃ ᑐᑦᓯᐊᕐᓂᒃᑯᑦ ᒪᑐᐃᖅᓯᒍᓐᓇᕈᕕᑦ. ᐳᐳ ᑐᒃᓯᐊᖅᑐᑦ ᐅᖃᖅᑎ: ᐅᓪᓛᑦᓯᐊᕙᒃᑯᑦ. ᑲᑎᒪᔾᔪᑎᕗᑦ ᓈᓴᐅᑎᖓ 2. ᒥᓂᔅᑕᐃᑦ ᐅᖃᐅᓯᖏᑦ. ᒥᓂᔅᑕ ᐃᓄᓕᕆᔨᒃᑯᓐᓄᑦ, ᒥᔅ ᕼᐄᓕ ᐊᕿᐊᕈᖅ. ᑲᑎᒪᔾᔪᑎᒃᓴᖅ 2: ᒥᓂᔅᑕᐃᑦ ᐅᖃᐅᓯᒃᓴᖏᑦ ᒥᓂᔅᑕᑉ ᐅᖃᐅᓯᖓ 51 – 7(1): ᐅᖂᑕᖅ ᑲᑐᔾᔨᖃᑎᒌᒃᑯᑦ ᐱᓕᕆᐊᖏᑦ ᐱᒻᒪᕆᐅᔪᑦ (ᕼᐄᓕ ᐊᕿᐊᕈᖅ) ᐊᖓᔪᖅᑳᖅ ᒍᐃᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒍᑦ): ᐅᓪᓛᒃᑰᖅᐸᒃᑲ ᑲᑎᒪᔨᐅᖃᑎᒃᑲ. ᐅᖃᖅᑏ, ᖃᐅᔨᒪᔪᒍᑦ ᐊᑦᑕᓇᓐᖏᑦᑐᒥᒃ ᓇᔪᕐᕕᖃᕐᓂᖅ ᐱᑕᖃᕆᐊᖃᓪᓚᕆᒻᒪᑦ ᐊᒻᒪᓗ ᐃᓄᐃᑦ ᐱᔪᓐᓇᐅᑎᒋᒻᒪᒍ. ᐅᓪᓗᒥ, ᖁᕕᐊᓱᒍᑎᖃᕈᒪᕗᖓ ᐱᒻᒪᕆᐊᓗᖕᒥᒃ ᐱᓕᕆᓂᕆᕙᒃᑕᖏᓐᓂᒃ ᐅᖂᑕᖅ ᑲᑐᔾᔨᖃᑎᒌᑦ, ᓄᓇᓕᖕᓂ ᓯᕗᓕᖅᑎᐅᓪᓗᑎᒃ ᐱᑎᑦᑎᕙᒃᖢᑎᒃ ᐃᓂᒋᔭᐅᖃᑦᑕᕐᓂᐊᖅᑐᓂᒃ ᑲᔪᓯᑎᑦᑎᓪᓗᑎᒡᓗ ᖃᓄᐃᙱᑦᑎᐊᕈᓐᓇᕐᓂᕐᒥᒃ 2009−ᖑᓚᐅᕐᓂᖓᓂᑦ. ᖁᔭᓕᕗᖓ ᐱᔨᑦᑎᕋᕐᓂᕆᓚᐅᖅᑕᖏᓐᓄᑦ. ᐅᖃᖅᑏ, ᐅᖂᑕᖅ ᑲᑐᔾᔨᖃᑎᒌᒃᑯᑦ ᒫᓐᓇ ᐊᐅᓚᑦᑎᕗᑦ 30ᓂᒃ ᐃᒡᓕᖃᖅᑐᓂᒃ ᐊᖑᑎᓄᑦ ᐊᖏᕐᕋᖃᙱᑦᑐᒃᑯᕕᒻᒥᒃ, 26ᓂᒃ ᓇᔪᖅᑕᐅᑲᐃᓐᓇᕈᓐᓇᖅᑐᓂᒃ ᐊᖏᕐᕋᕆᔭᐅᔪᓂᒃ, 17ᓂᒃ ᐃᒡᓕᖃᖅᑐᑎᒃ ᐅᖅᑰᔪᒦᕝᕕᐅᓲᓂᒃ, ᐊᒻᒪᓗ 13ᓂᒃ ᐃᒡᓕᖃᖅᑐᑎᒃ ᐊᑭᑐᓗᐊᓐᖏᑦᑐᓂᒃ ᐃᓪᓗᓂᒃ. ᐅᖃᖅᑎᑦᑎᔩ, ᑐᓴᕈᒥᓇᖅᑐᓂᒃ ᑐᓴᒐᒃᓴᖃᖅᐳᖓ. ᖁᕕᐊᓱᒃᐳᖓ ᐅᖃᕈᓐᓇᕋᒪ ᐅᖂᑕᖅ ᐊᖏᒡᓕᒋᐊᖅᑎᑦᑎᓂᐊᕐᓂᖓᓂᒃ ᐱᔨᑦᑎᕋᕐᓂᕆᕙᒃᑕᒥᓂᒃ ᑕᒪᑐᒪᓂ ᐊᕐᕌᒍᒥ. ᓄᑖᖅ ᐃᓂᒃᓴᖃᙱᑦᑐᒃᑯᕕᒃ 158 ᓂᐱᓴ ᐊᖅᑯᑎᒥ ᒪᑐᐃᓛᖅᑐᖅ ᑕᒪᑐᒪᓂ ᐊᕐᕌᒍᒥ 44−ᓂᒃ ᐃᒡᓕᖃᕐᓗᑎᒃ ᐊᖑᑎᓄᑦ ᐊᕐᓇᓄᓪᓗ, ᐊᒻᒪ 13ᓂᒃ ᐃᓄᑑᔪᖅᓯᐅᑎᓂᒃ ᐃᒡᓗᒋᔭᐅᓚᐅᑲᒍᓐᓇᖅᑐᓂᒃ. ᐊᕐᕌᒍᓕᒫᖅ ᐅᐸᒃᑕᐅᔪᓐᓇᖅᑐᒥᒃ ᐅᖅᑰᓴᕐᕕᐅᔪᓐᓇᕐᓗᓂᓗ, ᓂᕿᓕᐅᕐᕕᖃᕐᓗᓂ ᓂᕆᕝᕕᖃᕐᓗᓂᓗ, ᐃᓂᒃᓴᖃᕐᓗᓂᓗ ᐊᔾᔨᒌᙱᑦᑐᓄᑦ ᐱᓕᕆᐊᒃᓴᓄᑦ ᐃᓅᓯᓕᕆᔭᐅᓂᕐᒧᓪᓗ ᐱᔨᑦᑎᕋᕐᓂᕆᔭᐅᕙᒃᑐᓄᑦ. >>ᐸᑦᑕᑐᖅᑐᑦ

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 2 ᐅᖂᑕᖅ ᐃᒡᓗᓕᐅᖅᐸᓪᓕᐊᓂᐊᕐᒥᔪᑦ 32ᓂᒃ ᐃᒡᓗᓂᒃ ᐃᑲᔪᖅᑐᐃᔪᓂᒃ 803 ᐊᐃᕕᖅ ᐊᖅᑯᑎᒥ ᐅᑭᐅᖑᓂᐊᖅᑐᒥ. ᑖᓐᓇ ᐃᓂᒋᔭᐅᔪᖅ ᐃᓂᒋᔭᐅᓂᐊᖅᐳᖅ ᐃᓐᓇᕐᓂᒃ ᐃᓐᓇᕈᓕᓵᖅᑐᓂᒡᓗ, ᐱᕕᒃᓴᖃᖅᑎᑦᑎᓗᓂ ᖃᐅᔨᒪᓂᕆᔭᐅᔪᓂᒃ ᓅᑎᑦᑎᓂᕐᒥᒃ ᐃᑲᔪᖅᑐᐃᓂᕐᒥᒡᓗ ᒪᒃᑯᒃᑐᓂᒃ. ᐱᖓᔪᖓᑦ ᐊᑭᑐᔪᓄᑦ ᐱᓕᕆᐊᒃᓴᖅ ᑕᐅᑦᑐᒃᓴᖓ ᐱᓕᕆᐊᖑᕙᓪᓕᐊᕗᖅ. ᐅᖂᑕᖅ ᐱᕙᒌᔭᖅᓯᒪᕗᑦ ᑲᔪᓯᑎᑦᑎᓛᕈᒪᓪᓗᑎᒃ ᓄᓇᓕᖕᒥᐅᓂᒃ ᐃᓚᐅᑎᑦᑎᓂᕐᒥᒃ ᑕᒪᑐᒪᓂ ᐅᐱᕐᙶᖑᓂᐊᖅᑐᒥ. ᒫᓐᓇ ᐸᕐᓇᐅᑎ ᐃᓚᖃᖅᐳᖅ ᓴᓇᓂᕐᒥᒃ ᑮᓇᐅᔭᓕᐅᕋᓱᖕᓂᕐᒧᑦ ᐃᓂᒃᓴᒥᒃ ᑮᓇᐅᔭᓕᐅᕋᓱᒃᑎᐅᙱᑦᑐᓄᑦ ᑲᑐᔾᔨᖃᑎᒌᓄᑦ ᐃᓚᖃᕐᓗᓂ ᐊᑭᑐᓗᐊᙱᑦᑐᓂᒃ ᐊᑕᐅᓯᕐᒥᒃ, ᒪᕐᕉᖕᓂᒃ ᐱᖓᓱᓂᒡᓗ ᐃᒡᓗᕈᓯᓕᖕᓂᒃ ᐃᒡᓗᓂᒃ. ᐅᖃᖅᑎᑦᑎᔩ, ᐊᖏᒡᓕᒋᐊᖅᑕᐅᓂᖓ ᐱᔨᑦᑎᕋᕐᓂᕆᔭᐅᕙᒃᑐᑦ ᑕᐃᒪᐃᔾᔪᑎᖃᖅᐳᖅ ᓴᙱᔪᒥᒃ ᓯᕗᓕᖅᑎᒋᔭᐅᓂᖓᓄᑦ ᓯᕗᓕᖅᑎᒋᔭᐅᔪᒧᑦ ᑐᑭᒧᐊᖅᑎᑦᑎᔨᒋᔭᐅᔪᒧᑦ ᓘᕆᐊᓪ ᒪᑯᐊᕆᔅᑕᓐᒧᑦ, ᓴᙱᔪᒥᒡᓗ ᐱᓕᕆᖃᑎᒌᒃᐸᖕᓂᖏᓐᓄᑦ ᑲᔪᓯᑎᑦᑎᓯᒪᓂᖓᓄᑦ. ᐊᑭᑐᔫᑎᓄᑦ ᐊᑭᖏᑦ ᐱᓕᕆᐊᓄᑦ ᑮᓇᐅᔭᖃᖅᑎᑕᐅᓚᐅᖅᑐᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂᑦ, ᓄᓇᕗᑦ ᑐᙵᕕᒃᑯᓐᓂᑦ, ᑲᓇᑕᒥᑦ ᓄᓇᖃᖅᑳᖅᓯᒪᔪᑦ ᑲᑐᔾᔨᖃᑎᒌᖕᓂᖏᓐᓂᑦ ᐃᒡᓗᓕᕆᔨᒃᑯᓐᓂᑦ, ᐊᒥᓱᒐᓚᖕᓂᓪᓗ ᒐᕙᒪᑐᖃᒃᑯᑦ ᐱᓕᕆᕝᕕᖏᓐᓂᑦ. ᐊᐅᓚᔾᔪᑎᓄᑦ ᐋᖅᑭᐅᒪᔾᔪᑎᓄᓪᓗ ᐊᑭᖏᑦ ᑲᑐᔾᔭᐅᓂᐊᖅᑐᑦ ᐅᖂᑕᖅ ᐊᒻᒪᓗ ᐃᓄᓕᕆᔨᒃᑯᓪᓗ. ᐅᖃᖅᑏ, ᖁᔭᓕᕗᖓ ᐊᒥᓱᓄᑦ ᑲᑐᔾᔨᖃᑕᐅᔪᓄᑦ ᐃᑲᔪᖃᑦᑕᕐᓂᖏᓐᓄᑦ ᐊᖏᕐᕋᖃᙱᑦᑐᒃᑯᕕᖃᖅᑎᑦᑎᓂᕐᒧᑦ. ᓄᓇᓕᖕᓂ−ᐊᐅᓚᑕᐅᔪᑦ ᐱᓕᕆᖃᑎᒌᑦ ᐱᓪᓗᐊᑕᐅᕗᑦ ᓴᙱᒃᑎᒋᐊᖅᑎᑦᑎᓂᕐᒥᒃ ᓄᓇᕗᒻᒥᒃ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᓯᔩ. ᐅᖃᖅᑎ: ᖁᔭᓐᓇᒦᒃ. ᒥᓂᔅᑕᐃᑦ ᐅᖃᐅᓯᖏᑦ. ᒥᓂᔅᑕ ᐊᕙᑎᓕᕆᔨᒃᑯᓐᓄᑦ, ᒥᔅᑕ ᑯᓄᒃ. ᒥᓂᔅᑕᑉ ᐅᖃᐅᓯᖓ 52 – 7(1): ᐊᓕᐊᓇᐃᒍᓱᖃᑎᒋᕙᕗᑦ ᐃᖅᑲᓇᐃᔭᖅᑎᐅᑯᑖᖕᓂᕐᒧᑦ ᑐᓐᓂᖅᑯᓯᐊᖅᑐᑦ (ᑯᓄᒃ) ᐊᖓᔪᖅᑳᖅ ᐳᕋᐃᔭᓐ ᑯᓄᒃ: ᖁᔭᓐᔪᒦᒃ, ᐅᖃᖅᑎᑦᑎᔨ. (ᑐᓵᔨᑎᒍᑦ): ᒫᓐᓇ ᐱᕕᖃᕐᓂᓐᓂ ᐃᓕᓴᕆᔪᒪᔭᒃᑲ ᐊᑯᓂᐊᓗᒃ ᐃᖅᑲᓇᐃᔭᖅᓯᒪᓕᖅᑐᑦ ᐃᖅᑲᓇᐃᔭᖅᑏᑦ, ᐊᖏᖅᓯᒪᑦᑎᐊᕐᓂᖏᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᐅᐱᒋᔭᐅᑦᑎᐊᖅᑐᑦ. ᑖᒃᑯᐊ ᐅᔾᔨᕐᓇᖅᑐᑦ ᐊᓂᒍᖅᑎᑕᐅᓯᒪᔪᑦ ᖁᕕᐊᓲᑕᐅᔭᕆᐊᖃᓪᓚᕆᒃᐳᑦ. ᐊᕐᕌᒍᓄᑦ ᐊᕙᑎᓄᑦ ᐱᔨᑦᑎᕋᖅᓯᒪᓕᖅᑐᓄᑦ ᓄᓇᕗᑦ ᒐᕙᒪᖓᓂ, ᐃᓕᓴᕆᔪᒪᕙᒃᑲ: • ᑐᕆᑲᔅ ᒋᓯᖕ; • ᒥᓯᐊᓪ ᐳᕆᑎ; • ᐅᐊ ᓯᐊᖕ; • ᐊᒻᒪ ᐊᒻᔭᐃ ᕕᓚᓐ, ᒫᓐᓇ ᓄᖅᑲᖓᓕᖅᖢᓂ. 25−ᓄᑦ ᐊᕐᕌᒍᓄᑦ ᐃᖅᑲᓇᐃᔭᓕᖅᑐᓄᑦ, ᐃᓕᓴᕆᔪᒪᕙᕗᑦ: • ᓖᓇ ᑕᑰᓇᒐᒃ; • ᒥᑦᔅ ᑳᒻᐳᓪ;

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 3 • ᓕᓕᐊᓐ ᓴᕕᑲᑖᖅ. ᖁᔭᓐᓇᒦᒃ ᐊᑯᓂᐊᓗᒃ ᐃᖅᑲᓇᐃᔭᖅᑎᕗᑦ; ᐱᔨᑦᑎᕋᐃᓐᓇᕐᓃᑦ ᓴᙱᒃᑎᒋᐊᖅᑎᑦᑎᕙᒃᐳᖅ ᐱᓕᕆᐊᕆᔭᑦᑎᓐᓂᒃ ᐃᑲᔪᖅᑐᐃᕙᒃᖢᓂᓗ ᓄᓇᓕᖕᓂᒃ ᐱᔨᑦᑎᕋᖅᐸᒃᑕᑦᑎᓐᓂᒃ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ: ᒥᓂᔅᑕᐃᑦ ᐅᖃᐅᓯᖏᑦ. ᐃᖅᑲᓇᐃᔭᖅᑐᓕᕆᔨᒃᑯᑦ ᒥᓂᔅᑕᖓᑦ, ᒥᔅ ᑕᑦᑐᐃᓂ. ᒥᓂᔅᑕᑉ ᐅᖃᐅᓯᖓ 53 – 7(1): ᐱᒋᐊᖅᑎᑦᓯᓂᖅ ᒐᕙᒪᓕᕿᓂᕐᒥᑦ ᐊᐅᓚᑦᓯᓂᕐᒥᒃ ᓄᓇᖃᖅᑳᖅᓯᒪᔪᓂᓪᓗ ᐊᐅᓚᑦᓯᕕᖃᕐᓂᕐᒥᒃ ᐱᓕᕆᐊᖅ (ᑕᑦᑐᐃᓂ) ᐊᖓᔪᖅᑳᖅ ᐋᓂ ᑕᑦᑐᐃᓂ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᕗᖓ ᑐᓴᖅᑎᑦᑎᔪᒪᓪᓗᖓ ᐅᔾᔨᕐᓇᖅᑐᒥᒃ ᓯᕗᒻᒧᐊᖅᐸᓪᓕᐊᓂᕐᒥᒃ ᓴᙱᒃᑎᒋᐊᖅᑎᑦᑎᓂᕐᒥᒃ ᐊᑐᐊᒐᓕᕆᓂᕐᒧᑦ ᐊᔪᙱᓐᓂᕆᔭᐅᔪᒥᒃ ᓄᓇᕗᑦ ᒐᕙᒪᒃᑯᖏᓐᓂ. ᐱᓕᕆᕝᕖᑦ ᓯᕗᒻᒧᐊᒃᑎᑦᑎᕙᓪᓕᐊᑎᓪᓗᒋᑦ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑎᓂᒃ, ᐱᓕᕆᓪᓚᑦᑖᖅᐳᒍᑦ ᑭᒡᒐᖅᑐᐃᑦᑎᐊᕐᓂᖅᓴᐅᖁᓪᓗᒋᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ−ᑐᑭᖃᑦᑎᐊᖅᑐᓂᒃ ᐊᖅᑯᑎᓕᐅᖅᐸᓪᓕᐊᓪᓗᑕ ᐃᓄᖕᓄᑦ ᐃᓯᕈᓐᓇᕐᓗᑎᒃ ᓯᕗᒻᒧᐊᖅᐸᓪᓕᐊᓗᑎᒡᓗ ᐊᑐᐊᒐᓕᕆᓂᕐᒧᑦ ᐱᓕᕆᐊᒃᓴᓂᒃ ᐃᑲᔪᖅᓯᓐᓈᑦ ᓴᖅᑭᑦᑎᓂᕐᒥᒃ ᐱᒻᒪᕆᐊᓗᖕᓂᒃ ᐃᓐᓄᒃᑕᐅᓯᒪᙱᑦᑐᓂᒃ. ᐅᖃᖅᑎᑦᑎᔩ, ᔭᓄᐊᕆ 2026ᒥ, ᐃᖅᑲᓇᐃᔭᖅᑐᓕᕆᔨᒃᑯᑦ ᓴᖅᑭᑎᑦᑎᓚᐅᖅᐳᑦ ᒐᕙᒪᓕᕆᓂᕐᒥᑦ ᐊᐅᓚᑦᓯᓂᕐᒥᒃ ᓄᓇᖃᖅᑳᖅᓯᒪᔪᓂᓪᓗ ᐊᐅᓚᑦᓯᕕᖃᕐᓂᕐᒥᒃ ᐱᓕᕆᐊᖑᕙᒃᑐᒥᒃ, ᐃᒪᓐᓇ ᖃᐅᔨᒪᔭᐅᓪᓗᓂ, ᒐᕙᒪᓕᕆᓂᕐᒥᑦ ᐊᐅᓚᑦᓯᓂᕐᒥᒃ ᓄᓇᖃᖅᑳᖅᓯᒪᔪᓂᓪᓗ ᐊᐅᓚᑦᓯᕕᖃᕐᓂᕐᒥᒃ, ᐱᓕᕆᖃᑎᖃᖅᖢᑎᒃ ᓄᓇᖃᖅᑳᖅᑐᓂᒃ ᐱᓕᕆᔾᔪᑎᓄᑦ ᐃᓂᒋᔭᐅᔪᒥᒃ ᑐᕌᓐᑐᒥᓗ ᓯᓚᑦᑐᖅᓴᕐᕕᒡᔪᐊᒥ. ᑖᓐᓇ ᐃᓕᓐᓂᐊᒐᒃᓴᖅ ᐃᓚᒋᔭᐅᔪᖅ ᖃᔅᓰᓐᓇᑯᓗᖕᓄᑦ ᐃᓕᓐᓂᐊᕌᓂᒃᓯᒪᙱᑦᑐᓄᑦ ᐃᓕᓐᓂᐊᒐᒃᓴᓂᑦ ᑲᓇᑕᒥᑦ ᑐᙵᕕᖃᖅᖢᓂ ᑭᒃᑯᓕᒫᓂᑦ ᐊᐅᓚᑦᑎᓂᖕᓂᑦ ᓄᓇᖃᖅᑳᖅᓯᒪᔪᑦ ᐃᓄᐃᓪᓗ ᑕᐅᑐᒃᑕᖏᑎᒍᑦ. ᐃᓕᓴᖅᓯᔾᔪᑕᐅᕙᒃᐳᖅ ᑕᒪᐃᓐᓂᒃ ᐃᓕᓐᓂᐊᑦᑎᐊᕐᓂᕐᒥᒃ ᐊᔪᙱᓐᓂᕆᔭᐅᔪᓂᒡᓗ ᐱᔭᐅᓯᒪᔪᓂᒃ ᐃᖅᑲᓇᐃᔭᓕᒻᒪᒃᓴᕐᓂᒃᑯᑦ. ᓯᕗᓪᓕᖅ ᐃᓕᓐᓂᐊᖃᑕᐅᔪᖅ−ᐅᑯᐊᖑᓪᓗᑎᒃ ᐃᓄᐃᑦ ᐃᖅᑲᓇᐃᔭᖅᑎᑦ ᓄᓇᕗᑦ ᒐᕙᒪᒃᑯᓐᓂ ᐊᒻᒪ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ−ᐊᒃᓱᕈᕐᓇᖅᑐᒥᒃ ᐱᓕᕆᐊᒃᓴᖃᖅᐳᑦ ᐃᖅᑲᓇᐃᔭᐃᓐᓇᖅᖢᑎᒡᓗ ᐅᓪᓗᓕᒫᖅ. ᐊᕐᕌᒎᒃ ᒪᕐᕉᒃ ᐅᖓᑖᓄᑦ, ᐱᔭᕇᖅᓯᓂᐊᖅᐳᑦ ᓇᓗᓇᐃᒃᑯᑕᖅᑖᕐᓂᕐᒥᒃ ᓯᕗᕙᓯᖕᓂᖅᓴᒥᒡᓗ ᓇᓗᓇᐃᒃᑯᑕᖅᑖᕐᓂᕐᒧᑦ ᐊᔪᕈᓐᓃᖅᓴᕐᓂᕐᒥᒃ, ᐋᖅᑭᒃᓱᐃᕙᓪᓕᐊᓗᑎᒃ ᑐᙵᕕᒋᔭᐅᔪᒥᒃ ᓯᕗᓕᖅᑎᐅᓂᕐᒧᑦ ᐊᑐᐊᒐᓕᕆᓂᕐᒧᑦ ᐊᐅᓚᑦᑎᕝᕕᖃᕐᓂᕐᒧᓪᓗ. ᐃᓕᓐᓂᐊᖅᑕᒥᓂᒃ ᐊᓂᒍᐃᔪᑦ ᐱᕕᖃᖅᑎᑕᐅᓂᐊᕐᒥᔪᑦ ᑲᔪᓯᔪᓐᓇᕐᓗᑎᒃ ᐱᔭᕇᕈᓯᐊᒃᓴᖅ ᓴᓇᔪᓕᕆᓂᕐᒧᑦ ᒐᕙᒪᒃᑯᓐᓂ ᐊᒡᓚᕝᕕᓕᕆᔾᔪᑎᓂᒃ ᐊᒻᒪ ᓄᓇᖃᖅᑳᖅᓯᒪᔪᑦ ᐊᐅᓚᑦᑎᕝᕕᖏᓐᓂᒃ, ᓇᓕᐊᒃᑯᑐᐃᓐᓇᖅ ᑖᔅᓱᒥᖓᔅᓴᐃᓐᓇᖅ ᐃᖅᑲᓇᐃᔮᒧᑦ ᐃᓕᓯᒪᔪᒥᒃ ᐱᓕᕆᔾᔪᓯᕐᒥᒃ ᐅᕝᕙᓘᓐᓃᑦ ᐱᑕᖃᖅᐸᒌᖅᑐᓂᒃ ᐃᓕᓐᓂᐊᕐᓂᕐᒧᑦ ᓄᖅᑲᖓᔾᔪᑎᓂᒃ. ᐅᖃᖅᑏ, ᑕᒪᓐᓇ ᐱᒋᐊᖅᑕᐅᓇᓱᐊᖅᑐᖅ ᐱᓕᒻᒪᔅᓴᐃᓂᑐᐃᓐᓇᐅᙱᒻᒪᑦ—ᓇᒻᒥᓂᖅ ᐊᐅᓚᑦᑎᔪᓐᓇᖅᓯᕙᓪᓕᐊᓂᕐᒧᑦ. ᓴᙱᒃᑎᒋᐊᖅᑎᑦᑎᓂᐊᖅᑐᖅ ᒐᕙᒪᒃᑯᑦ ᓴᓇᔪᓐᓇᕐᓂᖓᓂᒃ ᐊᑐᐊᒐᕐᓂᒃ ᑐᙵᕕᖃᖅᑐᓂᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᐊᑐᖅᓯᒪᔭᖏᓐᓂᒃ, ᐊᒻᒪ ᓄᓇᓕᖕᓂ ᓯᕗᓪᓕᐅᔾᔭᐅᖁᔭᐅᔪᓂᒃ. ᐃᓄᖕᓄᑦ ᐃᓚᐅᔪᓄᑦ ᑭᒡᒐᖅᑐᐃᔪᑦ ᐱᓕᕆᕝᕕᖕᓂ, ᑐᑦᑕᕐᕕᖕᓂ ᐊᒻᒪ ᓄᓇᓕᖕᓂ ᓄᓇᕗᓕᒫᒥ: ᐊᖏᖅᓯᒪᓂᓯ ᐃᓕᑦᑎᕙᓪᓕᐊᖏᓐᓇᕐᓂᕐᒧᑦ ᓴᙱᔪᒥᒃ, ᐊᔪᙱᓐᓂᖃᖅᑐᒥᒃ ᐊᒻᒪ ᑭᒡᒐᖅᑐᐃᑦᑎᐊᕐᓂᖅᓴᐅᔪᒥᒃ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂᒃ. ᓂᕆᐅᒃᐳᒍᑦ ᖁᕕᐊᓲᑎᖃᓛᕐᓂᑦᑎᓐᓂᒃ ᐊᓂᒍᖅᑎᓯᒪᔭᔅᓯᓐᓂᒃ ᓯᕗᓂᒃᓴᑦᑎᓐᓂ. ᖁᔭᓐᓇᒦᒃ, ᐅᖃᖅᑎᑦᑎᔩ.

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 4 ᐳᐳ ᐸᑦᑕᑐᖅᑐᑦ ᑲᑎᒪᔾᔪᑎᒃᓴᖅ 5: ᐃᓕᑕᖅᓯᓂᖅ ᐳᓛᖅᑐᓂᑦ ᐅᖃᖅᑎ: ᖁᔭᓐᓇᒦᒃ. ᑲᔪᓯᒋᐊᖅᑳᖅᑎᓐᓇᑕ ᒥᓂᔅᑕᐃᑦ ᐅᖃᐅᓯᖏᓐᓂᒃ ᐃᓕᓴᖅᓯᓚᐅᒃᑲᒍᒪᒐᒪ ᐳᓛᕆᐊᖅᓯᒪᔪᓂᒃ ᑕᕝᕗᖓ ᒪᓕᒐᓕᐅᖅᑎᐅᖃᑦᑕᖅᓯᒪᔪᖅ ᐅᖃᖅᑎᐅᖃᑦᑕᓚᐅᖅᓯᒪᓪᓗᓂ, ᓯᕗᓕᖅᑎᐅᓚᐅᖅᓯᒪᔪᖅ, ᒥᓂᔅᑕᐅᖃᑦᑕᖅᓯᒪᓪᓗᓂ, ᑐᙵᓱᑦᑎᐊᕆᑦ ᒥᔅᑕ ᐹᓪ ᖁᐊᓴ ᒪᓕᒐᓕᐅᕐᕕᖕᒧᑦ ᐊᒻᒪᓗ ᓄᓕᐊᖓ ᐃᓕᓴᐱ ᖁᐊᓴ. ᑐᙵᓱᑦᓯᐊᕆᑦᑎ. ᐳᐳ ᐸᑦᑕᑐᖅᑐᑦ. ᐅᖃᖅᑎ: ᒥᓂᔅᑕᐃᑦ ᐅᖃᐅᓯᖏᑦ. ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᑦ ᒥᓂᔅᑕᖓᑦ, ᒥᔅᑕ ᕼᐃᒃᔅ. ᑲᑎᒪᔾᔪᑎᒃᓴᖅ 2: ᒥᓂᔅᑕᐃᑦ ᐅᖃᐅᓯᒃᓴᖏᑦ ᒥᓂᔅᑕᑉ ᐅᖃᐅᓯᖓ 54 – 7(1): ᐅᖅᓱᐊᓗᓕᕆᓂᕐᒧᑦ ᐊᑭᖏᓐᓄᑦ ᓱᕐᕋᓗᐊᔾᔭᐃᒃᑯᑎᑦ ᑮᓇᐅᔭᑦ (ᕼᐃᒃᔅ) ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎ. ᐅᖃᖅᑎᑦᑎᔩ, ᐅᖅᓱᐊᓗᓕᕆᔨᒃᑯᑦ ᑐᙵᕕᒋᔭᐅᕗᑦ ᓄᓇᕘᑉ ᐆᒻᒪᖅᑯᑎᓕᕆᔾᔪᑎᖏᓐᓄᑦ, ᐃᑲᔪᖅᑐᐃᓪᓗᑎᒃ ᐅᖅᑰᓴᐅᑎᓂᒃ, ᐆᒻᒪᖅᑯᑎᓂᒃ, ᖃᖓᑕᓲᓂᒃ, ᐃᖏᕐᕋᔾᔪᑎᓂᒃ, ᐊᒻᒪ ᖃᐅᑕᒫᑦ ᐃᓅᓯᕆᔭᐅᔪᓄᑦ ᓄᓇᕘᓕᒫᒥ. ᐅᖅᓱᐊᓗᓕᕆᓂᕐᒧᑦ ᑮᓇᐅᔭᑦ ᐅᑎᖅᑕᖅᑐᑦ ᐊᒻᒪ ᐅᖅᓱᐊᓗᓕᕆᔨᒃᑯᑦ ᐊᑭᖏᓐᓄᑦ ᓱᕐᕋᔾᔭᐃᒃᑯᑎᑦ ᑮᓇᐅᔭᑦ ᓇᓗᓇᐃᖅᓯᕗᑦ ᐱᑖᕈᓐᓇᕐᓂᑦᑎᓐᓂᒃ ᐊᒻᒪ ᐊᐅᓚᑦᑎᔪᓐᓇᕐᓂᑦᑎᓐᓂᒃ ᓄᓇᕐᔪᐊᓕᒫᒥ ᐊᑭᒋᔭᐅᔪᓂᑦ ᐊᓯᔾᔨᖅᑕᕐᓂᖏᓐᓂᒃ ᓄᓇᓕᓕᒫᓂ. ᐅᖃᖅᑎᑦᑎᔩ, 2022-23−ᒥ, ᓄᓇᕐᔪᐊᓕᒫᒥ ᐅᖅᓱᐊᓘᑉ ᐊᑭᖓ ᐊᓯᔾᔨᑲᑕᓚᐅᖅᑎᓪᓗᒍ, ᓱᕐᕋᔾᔭᐃᒃᑯᑎ ᑮᓇᐅᔭᑦ ᖄᖏᐅᑎᓚᐅᖅᐳᑦ ᐊᖏᖅᑕᐅᓯᒪᔪᒥᒃ ᐊᑦᑎᖕᓂᖅᓴᒥᒃ ᐊᑭᓕᒃᓴᖅᑖᕆᔪᓐᓇᖅᑕᒥᓂᒃ $20 ᒥᓕᐊᓂᒃ, ᐊᑭᓕᒃᓴᖅᑖᖅᖢᑎᒃ $24.7 ᒥᓕᐊᓂᒃ ᐃᓚᒋᐊᕈᑎᑖᕆᐊᖃᓕᖅᖢᑎᒡᓗ ᒪᓕᑦᑎᐊᓕᒃᑲᓐᓂᖁᓪᓗᒋᑦ. 2023-24−ᒥ, ᐱᓕᕆᕝᕕᒋᔭᐅᔪᖅ ᑎᑎᕋᖅᓯᓚᐅᖅᐳᖅ ᒥᑭᑦᑐᑯᓗᖕᒥᒃ ᐊᒥᐊᒃᑯᖃᕐᓂᕐᒥᒃ $780,000−ᐸᓗᖕᓂᒃ, ᓇᓗᓇᐃᖅᓯᓪᓗᓂ ᐱᒋᐊᕐᓂᖓᓂ ᐅᑎᖅᑎᑦᑎᕙᓪᓕᐊᓂᕐᒥᒃ. 2024-25 ᑮᓇᐅᔭᓕᕆᓐᓇᐅᑉ ᐊᕐᕌᒍᖓᑕ ᓄᙳᐊᓂ, ᐱᓕᕆᕝᕕᒃ ᑎᑎᕋᓚᐅᖅᐳᑦ ᐅᔾᔨᕐᓇᖅᑐᓂᒃ ᐊᐅᓚᑦᑎᔾᔪᑎᓄᑦ ᐊᒥᐊᒃᑯᓂᒃ, ᒥᒃᖠᒋᐊᖅᑎᑦᑎᓪᓗᑎᒃ ᓄᐊᑉᐸᓪᓕᐊᔪᓂᒃ ᐊᑭᓕᒃᓴᓂᒃ $19.2 ᒥᓕᐊᓂᒃ $5.1 ᒥᓕᐊᓐᐸᓗᖕᓄᑦ. 2025-26 ᑮᓇᐅᔭᓕᕆᓐᓇᐅᑉ ᐊᕐᕌᒍᖓ ᓱᓕ ᐱᔭᕇᙱᒃᑲᓗᐊᖅᑎᓪᓗᒍ, ᒫᓐᓇ ᓇᓚᐅᑦᑖᖅᑕᐅᓯᒪᔪᑦ ᓇᓗᓇᐃᖅᓯᕗᑦ ᐱᐅᓯᕚᓪᓕᖅᐸᓪᓕᐊᖏᓐᓇᕐᓂᖏᓐᓂᒃ, ᑮᓇᐅᔭᐃᓪᓗ ᐊᒥᐊᒃᑯᖃᒃᑲᓐᓂᓛᕋᓱᒋᔭᐅᓪᓗᑎᒃ ᑮᓇᐅᔭᓕᕆᓐᓇᖅ ᐊᕐᕌᒍ ᓄᙳᐊᓂ. ᐅᖃᖅᑎᑦᑎᔩ, ᓄᓇᕗᒻᒥ ᐅᖅᓱᐊᓘᑉ ᐊᑭᓪᓗᐊᑕᖓ ᐊᓯᔾᔨᖅᓯᒪᙱᓚᖅ ᑕᐃᒪᙵᑦ ᔭᓄᐊᕆ 2024−ᖑᓚᐅᖅᑎᓪᓗᒍ ᐅᔾᔨᕐᓇᖅᑐᒻᒪᕆᖕᒥᒃ ᐊᓯᔾᔨᖅᑐᖃᖅᓯᒪᒐᓗᐊᖅᑎᓪᓗᒍ ᓄᓇᕐᔪᐊᓕᒫᒥ ᐅᖅᓱᐊᓗᖕᒥᒃ ᓂᐅᕐᕈᑎᖃᖅᐸᒃᑐᓂᒃ. ᑕᒪᓐᓇ ᒪᓕᑉᐳᖅ ᐱᑦᑎᐊᖅᑕᐅᓂᕆᓚᐅᖅᑕᑎᓐᓂᒃ ᐊᑭᖏᓐᓄᑦ ᐅᑎᖅᑎᑦᑎᓇᓱᐊᕐᓂᕐᒧᑦ ᐊᒻᒪᓗ ᑲᒪᒋᔭᐅᑦᑎᐊᕐᓂᖏᓐᓄᑦ ᓱᕐᕋᓗᐊᔾᔭᐃᒃᑯᑎᐅᔪᑦ ᑮᓇᐅᔭᐃᑦ ᐅᑎᖅᐸᓪᓕᐊᖏᓐᓇᖅᑎᓪᓗᒋᑦ ᐊᑭᐅᔪᑦ ᓱᕐᕋᓗᐊᔾᔭᐃᖅᓯᒪᑎᓪᓗᒋᑦ ᓄᓇᕗᒻᒥᐅᓄᑦ. ᑕᐃᒪᐃᒃᑲᓗᐊᖅᑎᓪᓗᒍ, ᐅᖃᖅᑎᑦᑎᔩ, ᐊᒃᓱᕉᓴᓕᖅᐸᓪᓕᐊᑐᐃᓐᓇᕐᒪᑕ ᑕᕆᐅᑉ ᐊᑭᐊᓂᕐᒥᐅᑦ ᓄᓇᕐᔪᐊᒥ ᐅᖅᓱᐊᓗᐃᑦ ᐊᑭᖏᑦ ᐊᑭᑦᑐᕆᐊᖅᓯᒪᒻᒪᕆᓕᖅᑎᓪᓗᒋᑦ. ᐃᖏᕐᕋᓂᐅᔪᑦ ᑕᐃᒪᓐᓇᑎᒋ ᑐᑭᖃᕈᓐᓇᖅᐳᑦ 10 ᒥᓕᐊᖏᓐᓃᑦᑐᓂᒃ ᖄᒃᑲᓐᓂᐊᒍᑦ ᐊᑭᖏᓐᓄᑦ ᓄᓇᕗᒻᒥ ᐊᕐᕌᒍᑕᒫᑦ ᐅᖅᓱᐊᓗᒃᑖᕈᑎᓄᑦ. ᐅᖃᖅᑎᑦᑎᔩ, ᐅᖅᓱᐊᓗᓕᕆᔨᒃᑯᑦ ᐅᖅᓱᐊᓗᒃᑖᖅᐸᒃᐳᑦ ᑭᖑᓕᕇᒃᑐᒃᑯᑦ ᐅᒥᐊᕐᔪᐊᖅᑖᒃᑲᓐᓂᕐᓇᖅᓯᓚᐅᙱᓐᓂᖓᓂ ᐊᑐᖅᖢᑎᒃ ᓯᕗᓂᒃᓴᒥ ᐊᖏᖃᑎᒌᒍᑕᐅᔪᓂᒃ, ᐃᑲᔪᖅᐸᒃᖢᑎᒃ ᒥᒃᖠᒋᐊᖅᑎᑦᑎᓪᓗᑎᒃ ᓴᖅᑭᔮᕐᕕᐅᕙᒃᑐᓂᒃ ᐊᓯᔾᔨᑳᓪᓚᒃᑐᓄᑦ ᓄᓇᕐᔪᐊᓕᒫᒥ ᐅᖅᓱᐊᓗᖕᒥᒃ ᓂᐅᕐᕈᑎᖃᖅᐸᒃᑐᓄᑦ.

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 5 ᑕᒪᑐᒨᓇ ᐱᓕᕆᔾᔪᓯᒃᑯᑦ, 1/3 ᓄᓇᕗᒻᒧᑦ ᐅᖅᓱᐊᓗᒃᑖᕆᓂᐊᕋᓱᒋᔭᐅᔪᑦ 2026−ᒥ ᐅᖅᓱᐊᓗᒃᑖᒃᑲᓐᓂᕈᑎᒃᓴᑦ ᐱᔭᐅᓚᐅᖅᐳᑦ ᑎᓯᐱᕆ 2025−ᒥ ᐊᑐᐃᓐᓇᐅᔪᑦ ᑮᓇᐅᔭᑦ ᐅᑎᖅᑕᖅᑐᑦ ᐊᑐᕐᓗᒋᑦ. ᓲᖃᐃᒻᒪ ᑖᓐᓇ ᐊᖏᓂᖓ ᐱᔭᐅᓚᐅᕐᓂᖓᓄᑦ ᖃᖓᑦᑎᐊᓵᖅ ᐊᑭᑦᑐᕆᐊᓚᐅᖅᑳᕋᓂ, ᐅᔾᔨᕐᓇᖅᑐᒥᒃ ᒥᒃᖠᒋᐊᖅᑎᑦᑎᕗᖅ ᓄᓇᕗᒻᒥ ᓴᖅᑭᔮᕐᓂᕆᔭᖓᓂᒃ ᒫᓐᓇ ᓂᐅᕐᕈᑎᖃᖅᐸᒃᑐᓄᑦ ᐊᒃᓱᕈᕈᑕᐅᕙᒃᑐᓄᑦ. ᐅᖃᖅᑎᑦᑎᔩ, ᐱᐅᓯᕚᓪᓕᖅᓯᒪᓕᖅᑎᓪᓗᒋᑦ ᑮᓇᐅᔭᐃᑦ ᐅᖅᓱᐊᓗᓕᕆᓂᕐᒧᑦ ᓱᕐᕋᓗᐊᔾᔭᐃᖅᓯᒪᔪᑦ ᑮᓇᐅᔭᑦ, ᓄᓇᕗᒻᒥ ᓴᙱᓂᖅᓴᒦᑉᐳᑦ ᐊᐅᓚᑦᑎᓂᕐᒥᑦ ᓯᓚᕐᔪᐊᕐᒥ ᓂᐅᕐᕈᑕᐅᕙᒃᑐᑦ ᐊᓯᔾᔨᖅᑕᕐᓂᖏᓐᓄᑦ ᐅᑭᐅᒃ ᒪᕐᕉᒃ ᐊᓂᒍᖅᓯᒪᓕᖅᑑᖕᓂᒃ. ᒫᓐᓇᐅᔪᖅ, ᐅᖅᓱᐊᓘᑉ ᐊᑭᖓ ᐊᓯᔾᔨᔾᔮᕋᓱᒋᔭᐅᙱᑦᑐᖅ. ᐊᕕᒃᑐᖅᓯᒪᓂᖓ ᖃᐅᔨᓴᐃᓐᓇᕐᓂᐊᖅᑐᑦ ᓂᐅᕕᐊᒃᓴᖃᖅᐸᒃᑐᑦ ᖃᓄᐃᓕᖓᓂᖏᓐᓂᑦ, ᐊᑭᖏᓐᓄᑦ ᐊᑐᓕᖁᔭᐅᓯᒪᔪᑦ ᓴᖅᑭᖅᑎᑕᐅᒐᔪᒃᑐᑦ ᐅᑭᐊᒃᓵᒃᑯᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐳᐳ ᐸᑦᑕᑐᖅᑐᑦ ᐅᖃᖅᑎ: ᒥᓂᔅᑕᐃᑦ ᐅᖃᐅᓯᖏᑦ. ᒥᓂᔅᑕ ᓄᓇᓕᓐᓂ ᐱᔨᑦᓯᖅᑎᒃᑯᑦ, ᒥᔅᑕ ᓯᒪᐃᓚᒃ. ᒥᓂᔅᑕᑉ ᐅᖃᐅᓯᖓ 55 – 7(1): ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᙳᐊᕕᒡᔪᐊᕐᓇᖅ ᒪᑐᔭᐅᓕᖅᑎᓪᓗᒍ − ᐱᙳᐊᖅᑎᐅᖃᑎᒌᑦ ᓄᓇᕗᒻᒧᑦ ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ: ᒪᑦᓇ, ᐅᖃᖅᑎᑦᓯᔩ. ᐅᑉᓛᑦᓯᐊᖅ ᒪᓕᒐᓕᐅᖅᑎᐅᖃᑎᒃᑲᓗ ᐳᓛᕆᐊᖅᑐᖅᓯᒪᔪᓪᓗ, ᑐᙵᓱᒋᑦᓯ. (ᑐᓵᔨᑎᒎᓕᖅᑐᖅ): ᐅᖃᖅᑎᑦᑎᔩ, ᐅᓪᓗᒥ ᓂᑯᕕᑉᐳᖓ ᐃᓕᓴᕆᔪᒪᓪᓗᒋᑦ ᐊᓂᒍᖅᑕᐅᔪᑦ ᐱᙳᐊᖃᑎᒌᑦ ᓄᓇᕗᑦ 2026−ᒥ ᐅᑭᐅᖅᑕᖅᑐᒥᑦ ᐅᑭᐅᒃᑯᑦ ᐱᙳᐊᕕᒡᔪᐊᖅᑎᓪᓗᒋᑦ ᐅᐊᐃᑦᕼᐅᐊᔅ, ᔫᑳᓐᒥ. ᑭᒡᒐᖅᑐᐃᔪᑦ 310−ᖑᓪᓗᑎᒃ ᐱᙳᐊᖅᑏᑦ, ᑲᒪᔨᖏᑦ, ᐊᖓᔪᖃᐅᑎᖏᑦ, ᒪᒃᑯᒃᑐᓄᑦ ᑭᒡᒐᖅᑐᖅᑎᖏᑦ, ᐃᓕᖅᑯᓯᕐᒧᓪᓗ ᑕᑯᒃᓴᐅᑎᑦᑎᔪᑦ ᑭᒡᒐᖅᑐᐃᔪᑦ ᓄᓇᕗᒻᒥ ᐱᔪᒪᓂᖃᑦᑎᐊᖅᖢᑎᒃ, ᐱᙳᐊᑦᑎᐊᖅᖢᑎᒃ, ᐆᒻᒪᑎᖃᑦᑎᐊᖅᖢᑎᓗ. ᐅᐱᒍᓱᑦᑎᐊᓚᐅᖅᐳᖓ ᐃᓚᐅᔪᓐᓇᓚᐅᕋᒪ ᐱᙳᐊᕕᒡᔪᐊᖅᑐᓂ ᑕᑯᓚᐅᖅᖢᖓᓗ ᐆᒻᒪᕆᖕᓂᖏᓐᓂᒃ, ᐊᔪᙱᑦᑎᐊᕐᓂᖏᓐᓂᒃ, ᓴᐱᓕᖅᓴᕋᐃᙱᓐᓂᖏᓐᓂᒃ ᓇᓗᓇᐃᖅᓯᔪᓂᒃ ᓄᓇᕗᒻᒥ. ᒪᑐᐃᖅᑕᐅᑎᓪᒍ ᐱᙳᐊᕕᒡᔪᐊᕐᓂᖅ ᑭᖑᓪᓕᖅᐹᒥᑦ ᐱᙳᐊᕐᓂᐅᔪᓄᑦ, ᐱᙳᐊᖅᑎᐅᖃᑎᒌᑦ ᓄᓇᕗᒻᒥ ᓇᖕᒥᓂᖅ ᑲᔪᓯᑎᑦᑎᓚᐅᖅᐳᑦ ᖁᓱᙱᖦᖢᑎᒃ ᐅᐱᒍᓱᒃᖢᑎᓗ. ᐅᑭᐅᖅᑕᖅᑐᒥᑦ ᐅᑭᐅᒃᑯᑦ ᐱᙳᐊᕕᒡᔪᐊᕐᓂᖅ ᓱᓕ ᓴᙱᓛᖑᖃᑕᐅᔪᖅ ᑕᑯᒃᓴᐅᑎᑦᑎᓂᕐᒥᑦ ᑲᑎᖃᑎᖃᖃᑦᑕᖅᑐᓂᒃ ᐅᑭᐅᖅᑕᖅᑐᒥᑦ, ᑲᑎᑦᑎᕙᒃᖢᑎᒃ ᓄᓇᓕᖕᓂᑦ ᐅᑭᐅᖅᑕᖅᑐᓕᒫᒥᑦ ᖁᕕᐊᓲᑎᖃᖅᖢᑎᒃ ᐱᙳᐊᕐᓂᕐᒥᑦ ᐃᓕᖅᑯᓯᒥᒡᓗ. ᖁᔭᒋᑦᑎᐊᖅᐸᒃᑲ ᒐᕙᒪᒃᑯᑦ ᐊᒻᒪᓗ ᔫᑳᓐᒥᐅᑦ ᐱᙳᐊᕕᒡᔪᐊᖅᑎᑦᑎᓚᐅᕐᓂᖏᓐᓄᑦ. ᑐᙵᓱᒃᑎᑕᐅᓂᖏᑦ ᑲᑐᔾᔨᖃᑎᒌᖕᓂᖏᑦ ᓴᖅᑭᑎᑦᑎᓚᐅᖅᐳᑦ ᒪᒃᑯᒃᑐᑦ ᐱᙳᐊᖅᑏᑦ ᐱᙳᐊᕈᓐᓇᑦᑎᐊᕐᓂᖏᓐᓂᒃ ᐊᒻᒪᓗ ᐃᓅᓯᓕᒫᒧᑦ ᐃᖅᑲᐅᒪᔭᒃᓴᓕᐅᕈᓐᓇᖅᖢᑎᒃ. ᐅᖃᖅᑎᑦᑎᔩ, ᐱᙳᐊᖅᑎᖁᑎᑦᑎᓐᓄᑦ ᐊᓂᒍᖅᑕᐅᔪᑦ ᑕᑯᒃᓴᐅᑎᑦᑎᕗᑦ ᑕᖅᑭᒐᓴᖕᓄᑦ ᐱᑦᑎᐊᖅᑕᐅᖃᑦᑕᕐᓂᖏᓐᓄᑦ ᐊᒻᒪ ᐱᕙᒌᔭᖅᓯᒪᓂᖏᓐᓄᑦ. ᓄᓇᕗᒻᒥᐅᑕᐃᑦ ᐱᙳᐊᖅᑎᑦ ᐅᑎᓚᐅᖅᑐᑦ 55-ᓂᒃ ᐅᔭᒥᑖᖅᑐᑎᒃ, ᐅᑯᓂᖓ ᖁᓕᑦ ᒎᓗᐃᑦ, 19 ᓯᐅᓪᕗ ᐊᒻᒪᓗ 26 ᑲᓐᓄᔭᐃᑦ. >>ᐸᑦᑕᑐᖅᑐᑦ

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 6 ᐊᒥᓱᑦ ᐅᔾᔨᕐᓇᕐᓂᐅᔪᑦ ᐅᑯᐊᖑᓚᐅᖅᐳᑦ, ᒎᓗᑖᓚᐅᕐᓂᖏᓐᓂ U15 ᐊᖑᑏᑦ ᕼᐋᑭᖅᑎᖏᑦ, ᓵᓚᖃᓚᐅᖅᖢᑎᒃ ᐊᑭᕋᖃᖅᖢᑎᒃ ᔫᑳᓐᒥ.

U19 ᐊᕐᓇᐃᑦ ᕼᐋᑭᖅᑎᖏᑦ ᐊᖏᕐᕋᐅᔾᔨᓚᐅᕆᕗᑦ ᑲᓐᓄᔭᒥᒃ, ᑕᑯᔅᓴᐅᑎᑦᑎᓪᓗᑎᒃ ᐱᕈᖅᐸᓪᓕᐊᖏᓐᓇᕐᓂᖏᓐᓂᑦ ᕼᐋᑭᖅᑏᑦ ᓄᓇᕗᒻᒥ. ᐃᒻᒥᑰᖅᑐᑦ ᐱᙳᐊᖅᑏᑦ ᐱᓕᕆᑦᑎᐊᖅᑐᒻᒪᕆᐅᓚᐅᕆᕗᑦ ᖃᔅᓯᒐᓚᖕᓂ ᐱᙳᐊᕐᓂᐅᔪᓂ. ᐱᒡᒍᓴᐅᔾᔪᐊᖃᑕᐅᔪᑦ ᐅᑭᐅᖅᑕᖅᑐᒥ ᐱᙳᐊᕈᓯᕐᓂ, ᐊᓪᓚᐃᑦ ᐱᙳᐊᕈᓯᖏᓐᓂᒃ, ᐊᒻᒪ ᐊᐳᑎᒃᑯᑦ ᓇᐹᖅᑐᙳᐊᓂᒃ ᓵᓚᒃᓴᓚᐅᖅᐳᑦ ᐊᒻᒪ ᓇᖕᒥᓂᖅ ᐊᔪᙱᓛᖑᓪᓗᑎᒃ, ᑕᑯᒃᓴᐅᑎᑦᑎᓪᓗᑎᒃ ᓴᙱᓂᕆᔭᖏᓐᓂᒃ ᐅᑭᐅᖅᑕᖅᑐᒥ ᐱᙳᐊᕈᓯᑐᖃᐃᑦ ᓄᓇᕘᒥ. ᐱᙳᐊᖅᑏᑦ ᓲᕐᓗ ᒐᐃᑉ ᐆᔪᑯᓗᒃ, ᒎᓗᑖᓚᐅᖅᑐᖅ ᐊᓪᓚᐃᑦ ᐱᙳᐊᕈᓯᖏᓐᓂ, ᐊᒻᒪᓗ ᑖᓂᑲ ᑕᐃᓗ, ᓯᐅᓪᕗᑖᓚᐅᖅᑐᖅ ᐅᑭᐅᖅᑕᖅᑐᒥ ᐱᙳᐊᕈᓯᕐᓂ, ᑕᑯᒃᓴᐅᑎᑦᑎᑦᑎᐊᓚᐅᖅᑐᑦ ᐊᔪᖏᓐᓂᖏᓐᓂᒃ ᐊᒻᒪᓗ ᐱᔪᒪᓂᖃᑦᑎᐊᕐᓂᖏᓐᓂᒃ ᓄᓇᕗᒻᒥ ᐃᓅᓱᒃᑐᐃᑦ ᐱᙳᐊᖃᑕᐅᔪᑦ. ᑕᐃᒫᑦᓴᐃᓐᓇᖅᑕᐅᖅ ᐱᒻᒪᕆᐅᓚᐅᕐᒥᔪᖅ ᐃᓕᑕᕆᔭᐅᓂᖏᑦ ᐱᙳᐊᖅᑎᑦᑕ ᐱᐅᓯᖏᑦ. ᐱᙳᐊᖅᑎᐅᖃᑎᒌᑦ ᓄᓇᕘᒥ ᐱᙳᐊᖃᑎᒌᑦᑎᐊᕐᓂᕐᒧᑦ ᑐᓐᓂᖅᑯᓯᐊᓚᐅᕆᕗᑦ, ᐅᐱᒋᔭᐅᓪᓗᓂ ᑕᑯᒃᓴᐅᑎᑦᑎᓪᓗᓂ ᐃᒃᐱᒍᓱᑦᑎᐊᕐᓂᕐᒥᒃ, ᐱᓕᕆᖃᑎᒌᑦᑎᐊᕐᓂᕐᒥᒃ, ᐊᒻᒪᓗ ᐃᓱᒪᑦᑎᐊᕐᓂᕐᒥᒃ ᐱᙳᐊᖅᑎᖁᑎᑦᑎᓐᓄᑦ ᑕᑯᒃᓴᐅᑎᑕᖏᓐᓂᒃ ᐱᙳᐊᕕᒡᔪᐊᕐᓂᓕᒫᑦᑎᓐᓂ. ᐅᖓᑖᓄᓪᓕ, ᐅᔾᔨᕐᓇᓛᖑᓚᐅᖅᑐᖅ ᓯᕗᓕᖅᑎᐅᓂᖏᑦ ᑕᑯᒃᓴᐅᑎᑕᐅᔪᑦ ᒪᒃᑯᒃᑐᖁᑎᑦᑎᓐᓂ. ᓵᓚᒃᓴᕋᓱᒃᑎᓪᓗᒋᑦ, ᐊᑭᓕᖅᓱᖅᑕᐅᙱᖦᖢᑎᒃ ᐱᓕᕆᔪᑦ, ᐱᓕᕆᑦᑎᐊᖅᑎᓪᓗᒋᓪᓘᓐᓃᑦ, ᑕᑯᒃᓴᐅᑎᑦᑎᓚᐅᖅᑐᑦ ᐃᒃᐱᒍᓱᑦᑎᐊᕐᓂᕐᒥᒃ, ᐱᓕᕆᖃᑎᒌᒃᑐᑦ, ᐅᐱᒍᓱᒃᖢᑎᓗ ᑭᒡᒐᖅᑐᖅᑎᓪᓗᒋᑦ ᓄᓇᕗᒻᒥ. ᐃᓕᓴᕆᒃᑲᓐᓂᕈᒪᕙᒃᑲ ᐊᐅᓚᖁᑎᒥᒃ ᑎᒍᒥᐊᖅᑎᐅᓚᐅᖅᑐᖅ, ᐸᐃᑕᓐ ᑕᐃᔪ−ᐊᒃᓇᕕᒐᒃ ᐃᖃᓗᒃᑑᑦᑎᐊᕐᒥᐅᑕᖅ, ᓯᕗᓕᖅᑎᐅᓚᐅᖅᑐᖅ ᐱᙳᐊᑦᑎᓂᒃ ᓴᐃᒪᓇᑦᑎᐊᖅᑐᒥᒃ ᓴᙱᓂᖃᖅᑐᒥᓪᓗ. ᐃᓕᓴᕆᒃᑲᓐᓂᕈᒪᕙᒃᑲ ᐊᐅᓚᖁᑎᒥᒃ ᑎᒍᒥᐊᖅᑎᐅᓚᐅᖅᑐᖅ, ᐸᐃᑕᓐ ᑕᐃᔪ−ᐊᒃᓇᕕᒐᒃ ᐃᖃᓗᒃᑑᑦᑎᐊᕐᒥᐅᑕᖅ, ᓯᕗᓕᖅᑎᐅᓚᐅᖅᑐᖅ ᐱᙳᐊᑦᑎᓂᒃ ᓴᐃᒪᓇᑦᑎᐊᖅᑐᒥᒃ ᓴᙱᓂᖃᖅᑐᒥᓪᓗ. ᐃᓄᒃᓱᑦ ᕿᓚᐅᔾᔭᖅᑏᑦ ᑕᑯᕋᓐᓈᖅᑎᑦᑎᓚᐅᖅᑐᑦ ᓴᙱᓂᖏᓐᓂᒃ ᐊᒻᒪᓗ ᑲᔪᓯᓂᖏᓐᓂᒃ ᐃᓄᐃᑦ ᐃᓕᖅᑯᓯᖏᓐᓂᒃ. ᐃᖅᑲᐃᑎᑦᑎᓚᐅᖅᐳᖅ ᐅᐸᒃᑐᓕᒫᓂᒃ ᑭᓇᐅᓂᑦᑎᓐᓂᒃ ᑲᔪᓰᓐᓇᕈᓐᓇᓂᖓᓂᒃ ᐱᕈᖅᐸᓪᓕᐊᑦᑎᐊᕐᓂᖏᓐᓂᒡᓗ. ᐃᓚᐅᖃᑕᐅᔪᓕᒫᑦ ᐱᓕᕆᖃᑎᒌᒃᑐᑦ ᑲᒪᔨᖏᑦ, ᐃᓚᒌᑦ, ᐊᑭᓕᖅᓱᖅᑕᐅᙱᔅᖢᑎᒡᓗ ᐱᓕᕆᔩᑦ. ᐊᖏᖅᓯᒪᓂᖏᑦ ᑐᙵᕕᖏᔭᐅᕗᖅ ᐱᕈᖅᐸᓪᓕᐊᖏᓐᓇᖅᑐᒥᑦ ᐱᙳᐊᖅᑐᓕᕆᓂᖅ. ᐅᖃᖅᑎᑦᑎᔩ, ᓄᓇᕗᑦ ᐊᒃᓱᐊᓗᒃ ᐅᐱᒍᓱᒍᓐᓇᖅᑐᑦ. ᒪᒃᑯᒃᑐᖁᑎᕗᑦ ᑕᑯᒃᓴᐅᑎᑦᑎᓯᒪᔪᑦ ᓯᕗᓂᒃᓴᒥᑦ ᓄᓇᕗᑦ ᓴᙱᔫᓂᖓᓂᒃ, ᐱᔪᓐᓇᑦᑎᐊᕐᓂᖓᓂᒃ, ᐊᒻᒪᓗ ᑲᔪᖏᖅᓴᐃᑦᑎᐊᕐᓂᖏᓐᓂᒃ. ᑐᙵᓱᒃᑎᑉᐸᒃᑲ ᒪᓕᒐᓕᐅᖅᑎᓕᒫᑦ ᐅᐱᒍᓱᖃᑎᒋᔪᒪᓪᓗᒋᑦ ᐱᙳᐊᖅᑎᐅᖃᑎᒌᑦ ᓄᓇᕗᒻᒥ. ᐊᑏ ᐊᒃᓱᑦ. ᒪ’ᓇ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ: ᐊᒃᓱᓂᓛᒃ, ᐅᐱᓐᓇᖅᑐᐊᓘᖃᑦᑕᖅᑐᐃᑦ ᐃᓕᒌᑦ ᓄᓇᕗᒻᒥ. ᒥᓂᔅᑕᐃᑦ ᐅᖃᐅᓯᖏᑦ, ᒥᓂᔅᑕᐅᑲᐃᓐᓇᖅᑐᖅ ᓄᓇᕗᑦ ᓯᓚᑦᑐᓴᕐᕕᒃᑯᓐᓄᑦ, ᒥᔅ Hᐄᓕ ᐊᕿᐊᕈᖅ. ᒥᓂᔅᑕᑉ ᐅᖃᐅᓯᖓ 56 – 7(1): ᐃᓕᖅᑯᓯᓕᕆᓂᕐᒧᑦ ᐱᓇᓱᐊᕈᖅᓯ 2026 (ᕼᐄᓕ ᐊᕿᐊᕈᖅ)

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 7 ᐊᖓᔪᖅᑳᖅ ᒍᐊᐃᓐ Hᐄᓕ ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎᑦᑎᔩ, ᐅᖃᓕᒫᕐᓇᖅ ᐱᓇᓱᐊᕈᓯᖅ ᐱᒻᒪᕆᐅᕗᖅ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᑎᖏᓐᓄᑦ. ᓯᕗᓪᓕᖅᐹᑦᑎᐊᖑᕗᖅ ᓄᖅᑲᖓᓚᐅᑲᖕᓂᐅᔪᒥ ᐅᑭᐅᒃᑯᑦ ᐃᓕᓐᓂᐊᕐᓇᒥ. ᐱᓇᓱᐊᕈᓯᐅᖕᒪᑦ ᐃᓕᓐᓂᐊᖅᑏᑦ ᐃᓕᓐᓂᐊᙱᖦᖢᑎᒃ, ᑕᖃᐃᖅᓯᕈᓐᓇᕐᓂᐊᖅᐳᑦ, ᐱᓕᕆᐊᒃᓴᒥᓂᒃ ᐅᕝᕙᓘᓐᓃᑦ ᐃᓅᓯᕐᒥᒃ ᑲᒪᑦᑎᐊᓚᐅᑲᒡᓗᑎᒃ ᖃᑕᙳᑎᖏᓪᓗ ᐱᔾᔪᑎᒋᓗᒋᑦ. ᓄᓇᕗᒻᒥ ᓯᓚᑦᑐᖅᓴᕐᕕᖕᒥ, ᐃᓕᖅᑯᓯᓕᕆᓂᕐᒧᑦ ᐱᓇᓱᐊᕈᓯᖅ ᐊᑐᖅᑕᐅᖔᕐᓂᐊᖅᑐᖅ ᐅᖃᓕᒫᕐᓇᖅ ᐱᓇᓱᐊᕈᓯᐅᙱᖔᕐᓗᓂ, ᐃᖏᕐᕋᓚᐅᖅᖢᓂᓗ ᕕᕗᐊᕆ 9-ᒥᑦ 13-ᒧᑦ, 2026. ᐃᓕᓐᓂᐊᖅᑏᑦ ᐃᓱᒪᖅᓱᖅᖢᑎᒃ ᐱᕕᒃᓴᒥᓂᒃ ᐊᑐᕈᒪᔭᒥᓂᒃ, ᐱᖓᓱᓂᑦ ᐊᕕᒃᑐᖅᓯᒪᔪᓂᑦ ᓯᓚᑦᑐᖅᓴᕐᕖᑦ ᑲᔪᓯᑎᑦᑎᓚᐅᖅᐳᑦ ᖃᔅᓯᑲᓪᓚᖕᓂᒃ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᒃᓴᖃᖅᖢᑎᒃ ᐃᓕᓐᓂᐊᖅᑎᑦ. ᖁᕕᐊᓱᒃᐳᖓ ᐅᖃᕈᓐᓇᕋᒪ ᐃᓕᓐᓂᐊᖅᑏᑦ ᐅᓄᖅᑐᑦ ᐃᓚᐅᓚᐅᕐᒪᑕ ᐃᓕᖅᑯᓯᓕᕆᓂᕐᒧᑦ ᐱᓇᓱᐊᕈᓯᕐᒥ ᐱᓕᕆᑎᑦᑎᔪᓂᑦ. ᐊᔾᔨᒌᙱᑦᑐᓂᒃ ᐱᓕᕆᓚᐅᖅᐳᑦ, ᐅᑯᓂᖓ ᒥᖅᓱᕐᓂᖅ ᓴᓇᕐᕈᑎᓕᐅᕐᓂᕐᓗ, ᓲᕐᓗ ᖁᓕᑦᑕᐅᔭᓕᐅᕐᓂᖅ, ᐳᐊᓗᓕᐅᕐᓂᖅ ᐅᕝᕙᓘᓐᓃᑦ ᓂᒃᓯᓕᐅᕐᓂᖅ. ᐃᓄᐃᑦ ᐅᑭᐅᖅᑕᖅᑐᒥᓗ ᐱᙳᐊᕈᓯᖏᑦ ᑕᑯᒃᓴᐅᑎᑕᐅᓪᓗᑎᒃ ᐱᓕᒻᒪᒃᓴᖅᑎᑕᐅᓪᓗᑎᒡᓗ ᕿᑎᕐᒥᐅᑦ ᓯᓚᑦᑐᖅᓴᕐᕕᖓᓂ. ᐃᖃᓗᖕᓂ, ᐃᓕᓐᓂᐊᖅᑏᑦ ᖃᐃᖁᔭᐅᓯᒪᔪᓪᓗ ᑕᕐᕆᔭᕈᓐᓇᖅᑎᑕᐅᓚᐅᖅᐳᑦ ᓴᖅᑲᓕᐊᓯ ᑯᓄᒃ ᑕᕐᕆᔮᒃᓴᓕᐊᕆᓯᒪᔭᖓᓂᒃ, ᐅᐃᒃᓴᕆᖏᑕᕋ: ᐅᐃᒃᓴᕆᙱᑕᕋ, ᐋᔅᑐᕈ ᑕᕐᕆᔭᕐᕕᖕᒥ: ᑭᕙᓪᓕᕐᒥ ᐊᒻᒪ ᓄᓇᑦᑕ ᓯᓚᑦᑐᓴᕐᕕᖓ ᓂᕆᕕᔾᔪᐊᖅᑎᑦᑎᓚᐅᕆᕗᑦ ᑲᑎᑎᑦᑎᓪᓗᑎᒃ ᐃᖅᑲᓇᐃᔭᖅᑎᓂᒃ, ᐃᓕᓐᓂᐊᖅᑎᓂᒃ ᐊᒻᒪ ᐱᓕᕆᖃᑕᐅᔪᓕᒫᓂᒃ ᐃᓕᖅᑯᓯᓕᕆᓂᕐᒧᑦ ᐱᓇᓱᐊᕈᓯᕐᒥ ᐱᓕᕆᑎᓪᓗᒋᑦ. ᑕᒫᓂ ᐃᖃᓗᖕᓂ, ᐃᓄᑐᖃᐃᑦ ᖃᕐᒪᖓᓂᙶᖅᑐᑦ ᓂᕆᕕᔾᔪᐊᖃᑕᐅᓚᐅᖅᑐᑦ. ᓯᓚᑦᑐᖅᓴᕐᕕᒃ ᖁᕕᐊᓱᑦᑎᐊᓚᐅᖅᐳᖅ ᑐᙵᓱᒃᑎᑦᑎᔪᓐᓇᕋᒥᒃ ᐅᓄᖅᑐᓂᒃ ᐃᓄᖕᓂᒃ ᓂᕆᕕᒡᔪᐊᖅᑎᓪᓗᒋᑦ. ᓄᓇᓖᑦ, ᐃᓕᖅᑯᓯᖅ, ᓂᖀᑦ ᐃᓐᓇᐃᓪᓗ ᐱᒻᒪᕆᐅᒻᒪᑕ ᐃᓕᓐᓂᐊᕈᑕᐅᓪᓗᑎᒃ, ᐃᓕᓐᓂᐊᕐᕕᖕᒥ ᓯᓚᒥᓪᓘᓐᓃᑦ. ᖁᔭᓕᔪᒪᕙᒃᑲ ᐃᓚᐅᓚᐅᖅᑐᓕᒫᑦ ᐃᓕᖅᑯᓯᓕᕆᓂᕐᒧᑦ ᐱᓇᓱᐊᕈᓯᐊᓂ ᓄᓇᕗᒻᒥ ᓯᓚᑦᑐᖅᓴᕐᕕᖕᒥ. ᖁᔭᓐᓇᒦᒃ ᐱᒻᒪᕆᐅᔪᒥᑦ ᐃᓚᒋᔭᐅᓚᐅᕋᕕᑦ ᐃᓕᓐᓂᐊᕐᓂᐅᑉ ᐅᓪᓗᖅᓯᐅᑎᖓᓂ ᑲᔪᓯᑦᑎᐊᖅᑐᒥᒃ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. >> ᐸᑦᑕᖅᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᒥᓂᔅᑕᖓ, ᒥᔅ ᐳᕉᔅᑐ. ᒥᓂᔅᑕᑉ ᐅᖃᐅᓯᖓ 57 – 7(1): ᐃᖅᖢᒃᑯᑦ ᐋᓐᓂᐊᕆᔭᐅᕙᑦᑐᒥᑦ ᐅᔾᔨᖅᓱᑦᑎᐊᕐᓂᕐᒧᑦ ᑕᖅᑭᖓ (ᐳᕉᔅᑐ) ᐊᖓᔪᖅᑳᖅ ᔮᓂᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑎᑦᑎᔨ, ᒫᑦᓯ ᑖᓐᓇ ᐃᖅᖢᒃᑯᑦ ᐋᓐᓂᐊᕆᔭᐅᕙᒃᑐᒥᑦ ᐅᔾᔨᖅᓱᖅᑎᐊᕐᓂᕐᒧᑦ ᑕᖅᑭᕆᒻᒪᒍ. ᑖᓐᓇ ᐋᓐᓂᐊᖑᕙᑦᑐᖅ ᐋᓐᓂᐊᖅᑖᕆᔭᐅᒐᔪᓐᓂᖅᐸᐅᔪᖅ ᓄᓇᕗᒻᒥᐅᓄᑦ, ᐊᒻᒪᓗ ᐱᒻᒪᕆᐅᕗᖅ ᑲᙳᓱᒃᑎᑦᑎᙱᓐᓂᖅᓴᐅᒍᑦᑕ ᐊᒻᒪᓗ ᐊᔭᐅᖅᑐᐃᓗᑕ ᐅᖃᖃᑎᒌᒍᑎᒋᔪᓐᓇᕐᓗᒍ ᑖᓐᓇ ᐋᓐᓂᐊᕈᑕᐅᖃᑦᑕᖅᑐᖅ ᒥᔅᓵᓄᑦ. ᐃᖅᖢᒃᑯᑦ ᐋᓐᓂᐊᖃᕐᓂᖅ ᓄᖅᑲᖓᑎᑕᐅᔪᓐᓇᖅᑐᖅ ᐊᒻᒪᓗ ᐃᓅᓕᓴᖅᑕᐅᔪᓐᓇᖅᑐᖅ ᖃᐅᔨᔭᐅᓴᕋᐃᒃᑯᓂ. ᖃᐅᔨᓴᖅᑕᐅᖏᓐᓇᖃᑦᑕᕐᓗᓂ ᐱᐅᓂᖅᐹᖑᕗᖅ ᐊᑐᕐᓗᒍ, ᖃᐅᔨᔭᐅᓴᕋᐃᒍᓐᓇᖁᓪᓗᒍ ᐋᓐᓂᐊᖃᖅᑐᓄᑦ ᖃᐅᔨᒪᒍᑕᐅᕙᑦᑐᓂᑦ ᓴᖅᑭᖅᐸᑕ, ᐃᓄᓐᓂᑦ ᐱᕕᔅᓴᖃᖅᑎᑦᑎᓂᖅᓴᐅᒍᓐᓇᖅᑐᖅ ᐃᓅᓕᓴᖅᑕᐅᑦᑕᐅᑎᒋᓗᑎᑦ ᐊᒻᒪᓗ ᐱᕚᓪᓕᕆᐊᕈᑎᒋᓗᒍ ᑎᒥᒃᑯᑦ ᖃᓄᐃᙱᑯᑖᒍᓐᓇᕐᓂᕐᒧᑦ. ᐅᖃᖅᑎᑦᑎᔨ, 2025-ᖑᑎᓪᓗᒍ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᓕᕆᕝᕕᖓ ᐱᒋᐊᖅᑎᑦᑎᓚᐅᖅᑐᑦ ᓄᓇᕗᒻᒥ ᐃᓄᖏᑎᒎᖓᔪᒥᑦ ᐃᖅᖢᒃᑯᑦ ᐋᓐᓂᐊᖃᕐᒪᖔᑦᑕ ᖃᐅᔨᓴᕐᓂᕐᒧᑦ ᐱᓕᕆᐊᔅᓴᒥ. ᐱᕐᔪᐊᖑᓪᓗᓂ ᐱᓕᕆᐊᖑᓯᒪᔪᓂᑦ ᑎᑭᐅᑎᔭᐅᓯᒪᔪᓂᑦ. ᒫᓐᓇ, ᐋᖅᑭᓱᖅᓯᒪᕙᒌᕐᓂᐊᖅᑐᒥᑦ ᐋᖅᑭᔅᓱᐃᔪᒍᑦ ᐱᓕᕆᔾᔪᑎᔅᓴᒥᑦ ᑕᒪᒃᑯᐊ ᓄᓇᕗᒻᒥᐅᑦ ᐱᖃᑕᐅᔪᓐᓇᖅᑐᓕᒫᑦ ᖃᐅᔨᓴᖅᑕᐅᖁᓪᓗᒋᑦ ᐊᒻᒪᓗ ᓈᒻᒪᓈᖅᓯᒪᓗᒍ ᖃᐅᔨᓴᖅᑕᐅᒃᑲᓐᓂᖃᑦᑕᕐᓗᑎᑦ.

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 8 ᑖᓐᓇ ᐱᓕᕆᐊᖑᔪᖅ ᐱᒋᐊᕋᑖᒪᐅᖅᑐᖅ ᑲᖏᖅᖠᓂᕐᒥᑦ ᒪᐃᖑᓚᐅᖅᑐᒥᑦ ᑕᐃᒪᙵᓪᓗ ᐃᓚᒋᐊᖅᓯᒪᓕᖅᑐᑦ 18- ᓄᑦ ᓄᓇᓖᑦ ᐱᖃᑕᐅᔪᑦ, ᐊᒻᒪᓗ ᐃᓚᒃᑲᓐᓂᓛᖅᑐᑦ ᓄᓇᕗᓕᒫᖅ ᓈᔭᐅᓕᕐᓗᓂ ᖃᐅᔨᓴᖅᑕᐅᔪᑦ. ᐅᖃᖅᑎᑦᑎᔩ, ᐃᓕᓴᖅᓯᒍᒪᔪᖓ ᐊᖏᔪᒻᒪᕆᐊᓕᒻᒥᑦ ᐱᕙᓪᓕᐊᓂᐅᓯᒪᔪᓂᑦ ᑖᒃᑯᓄᖓ ᐱᓚᑦᑐᐃᔨᐅᔪᓄᑦ ᕿᑭᖅᑕᓂ ᐋᓐᓂᐊᕕᖓᓐᓂᒃ. ᐃᖅᖢᒃᑯᑦ ᖃᐅᔨᓴᖅᑕᐅᖃᑦᑕᖅᑐᑦ ᖃᑦᑏᓐᓇᕈᖅᐋᓪᓕᖅᓯᒪᓕᖅᑐᑦ 600 ᐅᖓᑖᓂᓚᐅᖅᑐᑦ ᔪᓚᐃ 2024-ᒥ ᑕᐃᒪᖓ ᐃᒻᒪᖄ 80-ᓄᑦ ᔫᓂ 2025-ᖑᑎᓪᓗᒍ. ᑖᓐᓇ ᐊᖏᔪᒻᒪᕆᐊᓗᒃ ᑎᑭᐅᑎᔭᐅᔪᓐᓇᖅᓯᒪᓕᖅᑐᖅ ᐱᓕᕆᐊᖑᕙᑦᑐᓂᑦ ᐱᐅᓯᕚᓪᓕᖅᑎᑦᑎᒍᑕᐅᓪᓗᓂᓗ ᐋᓐᓂᐊᕕᓕᐊᖅᐸᑦᑐᑦ ᑲᒪᒋᔭᐅᓂᕆᕙᑦᑕᖏᓐᓂᑦ. ᑕᒪᒃᑯᐊ ᐃᑲᔪᖅᑐᖅᑕᐅᖁᓪᓗᒋᑦ ᑭᖑᕙᖅᓯᒪᙱᓪᓗᑎᑦ ᖃᐅᔨᓴᖅᑕᐅᒃᑲᓐᓂᕆᐊᓖᑦ, ᓇᓂᓯᕕᐅᓯᒪᔪᑦ ᐊᓇᖏᑎᒍᑦ ᖃᐅᔨᓴᕐᕕᐅᓯᒪᔪᑦ (FIT) ᖃᐅᔨᓴᖅᑕᐅᒍᑎᒋᓯᒪᔭᖏᑦ ᒫᓐᓇ ᓇᐅᑦᑎᖅᓱᖅᑕᐅᓕᖅᑐᑦ ᖃᕆᓴᐅᔭᒃᑯᑦ ᑕᑯᓐᓇᖃᑦᑕᐅᑎᔾᔪᑎᖓᑎᒍᑦ ᐃᓗᐊᖅᓴᐃᔨᙳᕆᐅᖅᓴᔪᒧᑦ ᖃᐅᔨᓴᕈᑎᖃᖃᑦᑕᖅᑐᖅ ᑖᓐᓇ ᐊᒻᒪᓗ ᑕᑯᔭᔅᓴᓕᐅᖃᑦᑕᖅᑐᖅ ᐃᖅᖢᖓᒍᑦ ᐊᔾᔨᓕᐅᕈᑎᒧᑦ ᖃᐅᔨᓴᖅᑕᐅᔭᕆᐊᓕᓐᓂᑦ ᐃᓂᔅᓴᓕᐅᕆᓪᓗᓂ, ᑕᒫᓂᓘᓐᓃᑦ ᓄᓇᕗᒻᒥ ᓯᓚᑖᓂᓪᓘᓐᓃᑦ. ᐅᖃᖅᑎᑦᑎᔨ, ᐃᖅᖢᒃᑯᑦ ᐋᓐᓂᐊᕈᑕᐅᕙᑦᑐᓂᑦ ᖃᐅᔨᓴᕐᓂᐅᔪᑦ ᐊᑑᑎᖃᕐᓂᖅᐹᖑᔪᖅ ᐊᓐᓇᑦᑑᒪᔾᔪᑕᐅᓇᓱᐊᕐᓗᓂ ᐋᓐᓂᐊᖑᔪᒥᑦ. ᐃᓇᑦᑎᕗᖓ ᐱᔪᓐᓇᖅᑐᓕᒫᓂᑦ ᓄᓇᕗᒻᒥᐅᓂᑦ ᐃᓚᖃᑕᐅᖁᔨᓪᓗᖓ ᖃᐅᔨᓴᖅᑕᐅᖏᓐᓇᖃᑦᑕᕐᓗᑎᑦ ᖃᐃᖁᔭᐅᔭᕋᐃᑉᐸᑕ. ᑕᐃᒪᐃᓕᐅᕈᑦᑕ, ᐋᓐᓂᐊᓇᖅᑐᖅ ᑕᒪᓐᓇ ᖃᐅᔨᔭᐅᑦᑕᐅᑎᒋᓂᖅᓴᐅᖃᑦᑕᕐᓂᐊᖅᑐᖅ, ᐊᒻᒪᓗ ᐅᖁᒪᐃᑦᑐᐊᓘᒍᓐᓇᕐᓂᖓ ᐱᒍᓐᓃᖅᐹᓪᓕᖅᑎᑕᐅᓗᓂ, ᐊᒻᒪᓗ ᑐᕌᖁᓪᓗᑕ ᖃᓄᐃᙱᑦᑐᓂᑦ ᓄᓇᖅᑲᑎᒌᑦᑐᓂᑦ ᓄᓇᕗᓕᒫᒥ. ᖁᔭᓐᓇᒦᒃ, ᐅᖃᖅᑎᑦᑎᔩ. >> ᐸᑦᑕᖅᑐᖅᑐᑦ ᐅᖃᖅᑎ: ᒥᓂᔅᑕᐃᑦ ᐅᖃᐅᓯᖏᑦ, ᐃᓕᖅᑯᓯᓕᕆᔨᒃᑯᑦ ᒥᓂᔅᑕᖓ, ᒥᔅᑕ ᑯᓄᒃ. ᒥᓂᔅᑕᑉ ᐅᖃᐅᓯᖓ 58 – 7(1): ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᑲᑎᒪᔩᑦ (ᑯᓄᒃ) ᐊᖓᔪᖅᑳᖅ ᐳᕋᐃᔭᑦ ᑯᓄᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑏ, ᐅᓪᓗᒥ ᓇᖏᖅᓯᕗᖓ ᖁᔭᓕᔪᒪᓪᓗᖓ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᑲᑎᒪᔨᐅᖃᑕᐅᔪᒧᑦ, ᓵᓐᑎ ᐋᑲᕚᒃ ᑭᒻᒥᕈᒻᒥᐅᖅ. ᐊᐃᑦᑖᖑᒐᓗᐊᖅ, ᓇᖕᒥᓂᖅ ᐱᔾᔪᑎᖃᖅᖢᓂ, ᓵᓐᑎ ᓄᖅᑲᕈᒪᓂᕐᒥᓂᒃ ᑐᓂᓯᓚᐅᖅᐳᖅ ᐃᓚᒋᔭᐅᓂᕐᒥᓄᑦ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᑲᑎᒪᔨᓄᑦ. ᖁᔭᓕᔪᒪᕙᕋ ᓵᓐᑎ ᖃᐅᔨᑎᑦᑎᔪᓐᓇᕐᓂᖓᓄᑦ ᐃᓕᖅᑯᓯᑐᖃᒃᑯᑦ ᖃᐅᔨᒪᓂᕆᔭᒥᓂᒃ ᐃᑲᔪᖅᓯᒪᓂᖓᓄᓪᓗ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᑲᑎᒪᔨᓄᑦ. ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᑲᑎᒪᔩᑦ ᐃᓐᓇᐅᕗᑦ ᓂᕈᐊᖅᑕᐅᕙᒃᖢᑎᒃ ᖃᐅᔨᒪᓂᖏᓐᓄᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᒻᒪ ᐃᓄᐃᑦ ᐱᒻᒪᕆᐅᒋᔭᖏᓐᓂᒃ. ᐅᖃᐅᔾᔨᒋᐊᖅᐸᑉᐳᑦ ᐃᑲᔪᖅᐸᒃᖢᑎᓗ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᓄᓇᕗᑦ ᒐᕙᒪᒃᑯᖏᓐᓄᑦ. ᐱᓕᕆᖃᑎᖃᕐᓂᖅ ᐱᓕᕆᕝᕕᐅᖃᑎᒌᓂᑦ ᑐᑦᑕᕐᕖᑦ, ᐃᓄᐃᑦ ᖃᐅᔨᒪᔭᑐᖃᖏᑦ ᑲᑎᒪᔩᑦ ᐃᑲᔪᖃᑦᑕᖅᑐᑦ ᒐᕙᒪᒃᑯᓐᓂᑦ ᐱᓇᓱᐊᕐᓂᕐᒧᑦ ᑲᔪᓯᑎᑦᑎᓂᕐᒧᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᑲᔪᓯᑎᑦᑎᓂᕐᒧᑦ ᐱᔨᑦᑎᕋᕐᓂᕐᒥᑦ ᖃᐅᑕᒫᓪᓗ ᐊᐅᓚᓂᐅᔪᓂᑦ. ᐊᐱᕆᕙᒃᑲ ᒪᓕᒐᓕᐅᖅᑏᑦ ᑕᕝᕙᓂ ᑲᑎᒪᕕᒻᒥ ᖁᔭᓐᓇᒦᖃᑎᒋᔪᒪᓪᓗᒋᑦ ᓵᓐᑎ ᐱᔨᑦᓯᖅᓯᒪᓂᖓᓄᑦ ᐊᒻᒪᓗ ᖃᓄᐃᖏᑦᑎᐊᖁᕙᕋ. ᖁᔭᓐᓇᒦᒃ, ᐅᖃᖅᑎᑦᑎᔩ. >> ᐸᑦᑕᖅᑐᖅᑐᑦ

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 9 ᐅᖃᖅᑎ: ᖁᔭᓐᓇᒦᑦᑕᐅᖅ, ᒥᓂᔅᑕ ᑯᓄᒃ. ᐊᒻᒪᓗ ᐃᓄᐃᑦ ᑐᖅᓱᕋᐅᓯᖏᑦᑎᒍᑦ ᑕᐃᓐᓇ ᓵᓐᑎ ᐃᕐᖑᑖᖃᑦᑕᕐᒫᖓ, ᐊᑖᑕᑦᓯᐊᓚᕙᕋ ᑕᐅᑐᓐᓂᕈᓂ ᑐᓵᓐᓂᕈᓂᓗ, ᖁᔭᓐᓇᒦᖅᓱᒍᓗ ᑭᒻᒥᕈᒻᒥᐅᓂᑦ ᐊᒃᓱᕐᔪᐊᒻᒪᕆᐊᓗᒃ ᑭᒡᒐᖅᑐᑦᑎᐊᖅᓯᒪᒻᒪᑦ. ᑲᑎᒪᔾᔪᑎᑦᑎᓐᓄᑦ, ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐃᖃᓗᑦᑑᑦᑎᐊᕐᒧᑦ, ᒥᔅᑕ ᐲᑕᓴᓐ. ᑲᑎᒪᔾᔪᑎᒃᓴᖅ 3: ᒪᓕᒐᓕᐅᖅᑏᑦ ᐅᖃᐅᓯᖏᑦ ᒪᓕᒐᓕᐅᖅᑎᑉ ᐅᖃᐅᓯᖓ 58 – 7(1): ᓴᐃᓐᑐ ᐹᑐᕆᒃ ᐅᓪᓗᖓᓂ ᐅᓪᓗᖃᑦᑎᐊᖁᔨᓂᖅ (ᐲᑕᓴᓐ) ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓪᓛᒃᑯᑦ ᐃᖃᓗᑦᑑᑦᑎᐊᕐᒥᐅᑕᑦ, ᑖᒃᑯᓂᖓ ᖁᙱᐊᖅᑐᑦ ᑲᑎᒪᑎᓪᓗᑕ. ᐃᓛᒃ, ᐃᓚᕗᑦ ᒫᓐᓇ Irish-ᖃᓗᐊᙱᒃᑲᓗᐊᖅᑐᒍᑦ ᐅᓪᓗᒥ Irish-ᑕᖃᕋᒪ ᐱᖃᓐᓇᕆᔭᒃᑲ ᖁᕕᐊᓱᖁᓪᓗᒋᑦ St.

Patrick’s Day-ᒥ ᐅᓪᓗᒥ. ᖁᔭᓐᓇᒦᒃ, ᐅᖃᖅᑏ. >> ᐸᑦᑕᖅᑐᖅᑐᑦ ᐅᖃᖅᑎ: ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐊᕐᕕᐊᑦ ᓂᒋᐊᓄᑦ ᒪᓕᒐᓕᐅᖅᑎᒃ, ᒥᔅᑕ ᖃᑉᓗᑦᓯᐊᖅ. ᒪᓕᒐᓕᐅᖅᑎᑉ ᐅᖃᐅᓯᖓ 59 – 7(1): ᖃᐅᔨᓴᖅᑕᐅᓂᖓ ᑮᓇᐅᔭᒃᑯᕕᐅᑉ ᒪᑐᐃᖅᑕᐅᓂᖓ ᐊᕐᕕᐊᓂ (ᖃᑉᓗᑦᓯᐊᖅ) ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᓂᕈᐊᒐᔅᓴᐅᑎᓪᓗᖓ ᐊᑦᑑᕝᕙ 2025-ᒥ, ᐃᓱᒫᓘᑎᒋᔭᐅᔪᖅ ᓂᕈᐊᖅᑎᒋᔭᓐᓂᑦ ᐅᖃᐅᓯᐅᖃᑦᑕᕐᒪᑕ ᑮᓇᐅᔭᒃᑯᕕᖃᙱᓐᓂᖅ. ᒪᓕᒐᓕᐅᕐᕕᒻᒥ ᑖᒃᑯᐊ ᐊᕐᕕᐊᑦ ᑖᒃᑯᐊ ᖃᐅᔨᓴᐃᔪᓐᓇᕐᒪᖔᑕ ᐊᕐᕕᐊᓂᑦ ᒪᑐᐃᖅᓯᔪᓐᓇᕐᒪᖔᑦ ᑮᓇᐅᔭᒃᑯᕕᒻᒥᒃ, ᐱᓗᐊᖅᑐᒥᒃ RBC-ᒃᑯᑦ, CIBC-ᒃᑯᓐᓂᓪᓗᓐᓃᑦ ᐊᕐᕕᐊᓂ. 7-ᒋᓕᖅᑕᖓᓂᒃ ᑲᑎᒪᔩᑦ ᐃᓱᒪᔅᓴᖅᓯᐅᖁᓪᓗᒋᑦ ᑮᓇᐅᔭᓕᕆᔨᒃᑯᑦ ᒥᓂᔅᑕᖓᑦ. ᐅᖃᖅᑏ, ᖃᐅᔨᒪᔪᖓ ᐊᕐᕕᐊᑦ EPLS ᑕᐃᒃᑯᐊ ᓂᐅᕕᕐᕕᖓ Home Hardware-ᒃᑯᑦ, RBC-ᒃᑯᓐᓂ ᑮᓇᐅᔭᒃᑯᕕᒻᒥᒃ ᐱᓕᕆᖃᑎᖃᕐᒪᑕ ᑎᑎᕋᕐᕕᒃᑖᕆᐊᖃᓪᓚᕆᒻᒪᑕ. ᖁᕕᐊᓇᕋᔭᖅᑐᖅ ᑖᒃᑯᐊ ᖃᐅᔨᓴᐃᔪᓐᓇᕈᑎᑦ ᒪᑐᐃᖅᓯᔪᓐᓇᕐᒪᖔᑕ ᑮᓇᐅᔭᒃᑯᕕᒻᒥᒃ ᓄᓇᑦᑎᓐᓂ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ, ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐸᓐᓂᖅᑑᕐᒧᑦ ᒪᓕᒐᓕᐅᖅᑎ, ᒥᔅᑕ ᒪᐃᒃ. ᒪᓕᒐᓕᐅᖅᑎᑉ ᐅᖃᐅᓯᖓ 60 – 7(1): ᓄᓇᕗᑦ ᒐᕙᒪᖓ (ᒪᐃᒃ) ᒪᐃᒃ: ᖁᔭᓐᓇᒦᒃ, ᐅᖃᖅᑏ. ᐳᓛᖅᑐᓪᓗ ᑕᕝᕙᓂ ᑐᙵᓱᓪᓕᑦ. ᐅᖃᐅᓯᖃᕐᓂᐅᓴᔪᖓᓕ ᐊᖏᖃᑎᒌᒍᑎᓃᑦᑐᒥᒃ ᑖᓐᓇ ᓄᓇᕗᑦ ᒐᕙᒪᖓ ᖃᓄᖅ ᓴᖅᑭᓚᐅᕐᒪᖔᖅ. ᓈᒻᒪᓈᑦᑎᐊᖅᑐᖅ ᐊᔅᓱᕈᖅᓯᒪᓪᓚᕆᑦᑐᑦ ᑕᕝᕙᓃᑦᑐᓂᓗ ᐅᖃᙳᓱᑦᑐᖓᓗ ᐱᓕᕆᐊᕆᓯᒪᔭᖓᓂᒃ. ᑖᓐᓇᐃᓛᒃ ᓄᓇᕗᑦ ᒐᕙᒪᖓ ᓴᖅᑭᕐᓂᑰᒻᒪᑦ ᐊᔪᐃᓐᓈᖑᓪᓗᓂ, ᐊᒻᒪᓗ ᐃᓄᓐᓄᑦ ᐊᖏᖅᑕᐅᓪᓗᓂ ᐊᖏᖃᑎᒌᒍᑦ, 1993- ᖑᑎᓪᓗᒎᖅᑰᖅᑐᖅ. ᑖᓐᓇ ᐅᑭᐅᖑᓚᐅᖅᑐᖅ ᐃᑉᐱᒍᓱᕈᔪᓚᐅᕋᒪ facebook-ᑯᓪᓗ ᐊᓯᖏᑎᒍᓪᓗ ᑕᑯᔅᓴᐅᔪᖃᔪᒻᒪᑦ, ᑖᓐᓇ ᓄᓇᕗᑦ ᒐᕙᒪᖓ ᐱᔾᔪᑎᒋᔭᐅᓪᓗᓂ ᐋᖅᑭᔅᓱᕋᑖᖅᑎᓪᓗᑕ ᐅᓇ ᐃᓄᓐᓄᑦ ᐊᖏᖅᑕᐅᓯᒪᔪᖅ ᐊᖏᖃᑎᒌᒍᑦ, ᐊᔅᓱᕉᑕᐅᒻᒪᕆᔅᓯᒪᔪᖅ ᓄᓇᑦᑎᐊᕐᒦᓚᐅᖅᓯᒪᒐᓗᐊᖅᑐᑕ, ᐊᕕᒍᒪᓕᕋᑦᑕ ᐊᕕᑦᑐᑕ ᐊᖏᖃᑎᒌᒍᑦ ᐱᔾᔪᑎᒋᓪᓗᒍᒃ. ᑖᓐᓇ ᑲᔪᓯᓯᒪᓕᖅᑐᓂ, ᐊᖏᖃᑎᒌᒍᓪᓗ ᑲᔪᓯᓯᒪᓪᓗᓂ, ᒐᕙᒪᑖᕐᓂᕐᓗ ᑲᔪᓯᓯᒪᑦᑎᐊᓕᖅᑐᓂ.

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 10 ᑖᓐᓇ ᒪᓕᒐᕐᔪᐊᖅᑎᒍᑦ ᓴᐳᒻᒥᔭᐅᓯᒪᑦᑎᐊᓕᖅᑐᓂ ᑲᓇᑕᐅᑉ ᒐᕙᒪᒃᑯᖏᑕ ᑎᒍᒥᐊᖅᑕᖓᓂᒃ, ᐊᒻᒪᓗ ᑖᓐᓇ ᒪᓕᒐᓕᐅᕐᕕᒃ ᒫᓐᓇ ᓂᓪᓕᐊᕕᒋᔭᕋ ᑖᔅᓱᒪ ᐱᖃᑕᐅᕕᒋᓚᐅᖅᑕᖓ ᐸᐅᓗᓯ ᖁᐊᓴᐅᑉ, ᐊᓯᖏᓐᓄᓪᓗ. ᑖᓐᓇ ᑕᕝᕙ ᐅᓪᓗᒥ ᐃᓱᒪᖅᓱᖅᑐᑕ ᐃᓅᓪᓗᑕ ᓂᓪᓕᕈᑎᒋᕙᓕᖅᑕᕗᑦ, ᐃᓱᒪᓕᐅᖃᑕᐅᓪᓗᑕ. ᑖᓐᓇ ᐅᓇ ᑕᐃᔭᐅᓯᒪᓂᖓ “public government”, ᑖᓐᓇ ᑕᐃᔭᐅᓯᒪᓂᖓ ᑕᕝᕙᓂ ᓴᖅᑭᕈᑎᒋᓯᒪᒻᒪᐅᒃ ᑕᐃᒫᒃ ᑭᓯᐊᓂ ᐃᓄᓐᓄᓪᓗ ᐊᖏᖅᑕᐅᓯᒪᓪᓗᓂ. ᐃᓄᐃᑦ ᐊᒥᓲᓂᖅᓴᐅᓂᖏᓐᓄᑦ ᑕᕝᕙᓂ ᓄᓇᕘᑉ ᐃᓗᐊᓂ, ᑕᐃᒪ ᐃᓱᒪᓇᖅᓯᒪᕗᖅ ᐃᓄᐃᑦ ᒐᕙᒪᖃᕐᓂᖓᓂᒃ, ᑭᓯᐊᓂ ᑕᕝᕙᓂ ᐊᖏᖃᑎᒌᒍᒻᒥᒃ ᐃᒪᐃᓕᖓᔪᖅ “public government” ᑭᓇᑐᐃᓐᓇᕐᒧᑦ ᐅᕙᒍᑦ ᓂᕈᐊᖅᑕᐅᓯᒪᔪᒍᑦ ᑕᖅᑲᐅᖓ ᑭᒃᑯᑐᐃᓐᓇᕐᓄᑦ, ᐃᓛᒃ, ᑭᒃᑯᑐᐃᓐᓇᕐᓂᑦ ᑭᒡᒐᖅᑐᐃᔪᒍᑦ ᐊᑕᖏᖅᑐᑕ. ᐱᕕᖃᖅᑎᑕᐅᒃᑲᓐᓂᕈᒪᒐᓗᐊᖅᑐᖓ, ᐅᖃᖅᑎᑦᑎᔩ. ᐅᖃᖅᑎ: ᖁᔭᓐᓇᒦᒃ. ᒪᓕᒐᓕᐅᖅᑎ ᐊᐱᕆᒻᒪᑦ ᐅᖃᐅᓯᔅᓴᕆᔭᒥᓐᓂᒃ ᐅᓪᓗᒥ ᐃᓱᓕᒍᒪᓪᓗᓂᐅᒃ. ᐋᒃᑳᖅᑐᖃᖅᐸ? ᑐᓴᙱᓐᓇᒪ, ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐅᖃᖅᑏ. ᐄᓛᒃ, ᖁᕕᐊᓱᒃᑲᒪ ᑖᔅᓱᒥᖓ ᓱᓇᐅᕝᕙ ᑖᓐᓇ ᑕᕝᕙᓃᓪᓗᐊᕐᓂᐊᖅᑎᓪᓗᒋᒃ ᓄᓕᐊᕇᒃ, ᑖᓐᓇ ᐅᖃᕈᑎᒋᑦᑕᖅᑲᕋ. ᑖᓐᓇ ᖃᐅᔨᒪᔭᐅᖁᓪᓗᒍᒃ ᓄᓇᕗᑦ ᑐᙵᕕᒃᑯᑦ ᐃᑲᔪᖅᑐᐃᓯᒪᔪᑦ ᑖᔅᓱᒥᖓ, ᐊᑎᓕᐅᖃᑕᐅᓯᒪᔪᑦ ᑖᓐᓇ ᐊᖏᖃᑎᒌᒍᑦ ᒪᓕᑦᑐᒍᒃ ᐊᒻᒪ ᑲᓇᑕᐅᑉ ᒐᕙᒪᒃᑯᖏᑦ. ᑖᓐᓇᐅᓇ ᐱᔾᔪᑎᒋᓗᐊᙳᐊᖅᑐᒍᒃ ᓇᖏᖅᓯᒍᑎᒋᒍᒪᓯᒪᒐᒃᑯᒃ ᑖᓐᓇ ᑕᐃᒪᐃᓕᖓᓂᖓ ᖃᓄᐃᙱᑦᑎᐊᕐᖓᑦ ᓲᖃᐃᒻᒪ ᐅᓇ ᒐᕙᒪ ᑭᓇᑐᐃᓐᓇᑦᑎᐊᕐᒧᑦ ᑐᕌᖓᒻᒪᑦ ᓄᓇᕗᒻᒧᐃᑕᕐᓄᑦ, ᑭᓇᖃᙱᒻᒪᑦ. ᑖᓐᓇ ᐱᔾᔪᑎᒋᓪᓗᒍᒃ, ᐅᖃᖅᑎᑦᑎᔩ, ᓇᖏᖅᓯᒪᒍᒪᔾᔪᑎᒋᓯᒪᒐᒃᑯᒃ ᖃᐅᔨᒪᖅᑎᒌᑦᑎᐊᕐᓂᐊᕋᑦᑕ ᖃᓄᖅ ᐃᓄᐃᑦ ᐊᖏᓚᐅᕐᒪᖔᑕ ᐊᖏᖃᑎᒌᒍᒻᒥᒃ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᖅᑐᖅᑐᑦ ᐅᖃᖅᑎ: ᒪᓕᒐᓕᐅᖅᑏᑦ ᐅᖃᐅᓯᖏᑦ. ᒪᓕᒐᓕᐅᖅᑎ ᖃᒪᓂᑦᑐᐊᕐᒧᑦ, ᒥᔅᑕ ᓯᒪᐃᓚᒃ. ᒪᓕᒐᓕᐅᖅᑎᑉ ᐅᖃᐅᓯᖓ 61 – 7(1): ᔫᓇ ᐊᒥᑦᓈᖅ ᐃᓕᓐᓂᐊᕐᕕᒻᒥ (ᓯᒪᐃᓚᒃ) ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᐅᖃᖅᑏ, ᑕᖅᑭᕆᔭᑦᑎᓐᓂᒃ ᖃᒪᓂᑦᑐᐊᕐᒥᑦ ᑖᒃᑯᐊ 14-ᖑᓕᖅᑎᓪᓗᒋᑦ ᐱᓇᓱᐊᕆᕙᑦᑐᑦ ᔫᑦ ᐊᒥᑦᓈᕐᒥᒃ ᐃᓕᓐᓂᐊᖅᑐᑦ ᖁᕝᕙᓯᓐᓂᖅᓴᒥᒃ ᖁᕕᐊᓱᒍᑎᖃᓚᐅᕐᒪᑕ grade 9-ᒥ grade 12-ᒧᑦ. ᑖᒃᑯᐊ 160-ᐅᓚᐅᖅᑐᑦ ᐃᓕᓐᓂᐊᖅᑏᑦ ᐱᓇᓱᐊᕈᓯᕆᔭᑦᑎᓐᓂᑦ ᑖᒃᑯᓂᖓ ᐱᓕᕆᐊᖃᓚᐅᖅᑐᑦ ᓯᕗᓂᒃᓴᑦᑎᓐᓂᑦ ᖃᓄᐃᓕᐅᕋᔭᕐᒪᖔᑕ. ᐃᓚᖏᑦ ᑖᒃᑯᓂᖓ ᑎᑎᕋᐅᔭᕐᓂᕐᒧᑦ, ᓂᕿᓕᐅᕐᓂᕐᒧᑦ, ᐊᐅᓚᐅᓯᕆᔨᐅᓂᕐᒧᑦ ᐃᓕᓐᓂᐊᖅᑐᑦ ᐊᔾᔨᒌᙱᑦᑐᓂᒃ, ᒥᖅᓱᕐᓂᕐᒧᓪᓗ, ᐃᓅᓕᓴᐃᓂᕐᒧᓪᓗ ᐋᓐᓂᖅᑐᓂᒃ. ᐱᓕᕆᖃᑎᖃᖅᑐᑎᒃ ᐱᓇᓱᐊᕈᓯᖃᓚᐅᖅᑐᑦ ᐊᒡᓃᑯ ᐄᒍᓪᒃᑯᑦ ᐊᐳᖅᑎᓐᓈᖅᑐᒻᒥ ᐅᔭᕋᓐᓂᐊᖅᑎᒃᑯᓐᓂ, ᐅᖅᓱᐊᓗᓕᕆᔨᒃᑯᓐᓂᓪᓗ ᐊᒻᒪᓗᑦᑕᐅᖅ ᑕᐃᒪᓐᓇᐃᑦᑐᓂᒃ ᐱᓕᕆᖃᑎᖃᓚᐅᖅᑐᑦ ᐊᑭᓕᖅᓱᖅᑕᐅᓇᑎᒃ ᐃᑲᔪᓚᐅᖅᑐᑦ ᖁᔭᓐᓇᒦᕈᒪᓪᓗᒋᑦ ᑖᔅᓱᒥᖓ ᐱᓇᓱᐊᕈᓯᑦᑎᓐᓂᒃ. ᐃᓕᓐᓂᐊᖅᑏᑦ ᐱᓕᕆᔭᐅᑎᓪᓗᒋᑦ ᐃᑲᔪᕐᓂᖃᓪᓚᕆᓚᐅᖅᑐᑦ. ᐊᒃᓱᐊᓗᒃ ᓯᕗᓂᒃᓴᑦᑎᓐᓂᒃ ᐊᑐᖅᑕᐅᔪᓐᓇᕋᔭᖅᑐᖅ ᑖᓐᓇ ᓄᑲᖅᖠᖅᐹᖅ ᑕᐃᓐᓇ ᐃᓕᓐᓂᐊᕐᓂᕐᒥᓂᒃ ᐱᔭᕇᓚᐅᕐᒪᑦ. ᐊᕐᕌᓂ ᐃᖅᑲᓇᐃᔭᓕᒻᒪᒃᓴᕐᓂᕐᒧᑦ ᐱᓕᕆᓚᐅᖅᑐᖅ ᑖᓐᓇ ᐅᐃᔭᓕᕆᔨᙳᕈᒪᓚᐅᖅᑐᖅ. ᖃᐅᔨᒪᓚᐅᙱᑦᑐᖅ ᑭᓯᐊᓂ ᑖᔅᓱᒥᖓ ᐃᖅᑲᓇᐃᔮᕐᓂᕐᒧᑦ ᐃᓕᓐᓂᐊᕈᑎᖃᓚᐅᖅᑎᓪᓗᒋᑦ ᑖᔅᓱᒥᖓ ᐱᓕᕆᔪᒪᓚᐅᖅᑐᖅ, ᐱᓇᓱᐊᕈᓯᕆᔭᑦᑎᓐᓂᓗ ᐃᖅᑲᓇᐃᔭᒐᒃᓴᓄᑦ ᐃᓕᓐᓂᐊᕈᑎᖃᖅᑐᓂ ᐃᓕᓐᓂᐊᖅᑏᑦ ᐱᓕᕆᖃᓚᐅᖅᑐᑦ ᑭᓱᓕᕆᔨᙳᕈᒫᕐᒪᖔᕐᒥ.

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 11 ᖁᔭᓐᓇᒦᖅᐳᖓ ᑕᐃᒃᑯᓂᖓ ᐃᖅᑲᓇᐃᔭᓕᒻᒪᒃᓴᕐᓂᕐᒧᑦ ᐃᓕᓐᓂᐊᖅᑎᑦᑎᓚᐅᖅᑐᓄᑦ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑏ. ᐅᖃᖅᑎ: ᒪ’ᓈᖅᐸᒋᑦᑕᐅᖅ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐊᕐᕕᐊᑦ ᐅᐊᖕᓇᖓᓄᑦ, ᑎᑭᕋᕐᔪᐊᕐᒧᓪᓗ ᒪᓕᒐᓕᐅᖅᑎ, ᒥᔅᑕ ᒪᐃᓐ. ᒪᓕᒐᓕᐅᖅᑎᑉ ᐅᖃᐅᓯᖓ 62 – 7(1): ᐱᒃᑯᒍᓱᓐᓂᖅ ᐅᑭᐅᖅᑕᖅᑐᒥ ᐱᙳᐊᕕᔾᔪᐊᖃᑕᐅᔪᓂᑦ (ᐲᑕᓴᓐ) ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔨ. ᐅᑉᓛᑦᓯᐊᖅ, ᑲᑎᒪᔨᐅᖃᑎᒃᑲ. ᐅᑯᐊ ᐅᖃᐅᓯᕆᒍᐊᖅᖢᒋᑦ ᐱᙳᐊᕕᕐᔪᐊᖅᑐᓄᐊᓚᐅᖅᑐᑦ ᐊᕐᕕᐊᓂᙶᖅᓯᒪᔪᑦ ᑎᑭᕋᕐᔪᐊᕐᒥᙶᖅᓯᒪᔪᓪᓗ ᐅᐱᒍᓱᒃᑐᓗᒃᑖᖑᒐᑉᑕ ᐃᓕᑉᓯᓐᓂᒃ ᖃᐅᔨᒪᓂᐊᖅᐳᓯ ᒪᒃᑯᒃᑐᑦ ᐊᒻᒪ ᐃᑲᔪᖅᑎᒋᔭᖏᑦ ᒥᐊᓂᖅᓯᒋᔭᖏᑦ ᒪ’ᓈᕈᐊᖅᖢᒋᑦ. ᓵᓚᒃᓴᖅᑐᑦ ᑭᓯᒥᑦ ᑕᐅᑐᓪᓗᐊᕈᐊᙱᖦᖢᒋᑦ ᐅᓗᑖᖅᑐᑦ ᖁᕕᐊᒋᒐᓗᐊᖅᖢᒋᑦ ᐅᐱᒋᓪᓗᒋᓪᓗ ᑭᓯᐊᓂ ᓵᓚᒃᓴᙱᑦᑑᒐᓗᐃᑦᑕᐅᖅ ᐃᖅᑲᐅᒪᒍᐊᖅᖢᒋᑦ ᐊᔾᔨᒌᒃᑎᑦᓯᐊᕐᓗᒋᓪᓗ ᑖᒃᑯᐊ ᒪᒃᑯᒃᑐᑦ, ᐅᓗᑖᖅᑐᑦ ᐅᓗᑖᙱᑦᑐᑦ ᐅᐱᒍᓱᖕᓂᕐᒥᒃ ᐃᒃᐱᒍᓱᒃᑐᓗᒃᑖᖑᒐᑉᑕ ᒪᒃᑯᒃᑐᖁᑎᕗᑦ ᑕᐅᑐᒃᖢᒋᑦ. ᐊᑏᓗ ᐊᒃᓱᒃᑲᓐᓂᖅ, ᑖᓐᓇ ᒥᓂᔅᑕ ᐅᐊᑦᓯᐊᖅ ᓂᑉᓕᓚᐅᕐᒪᑦ ᑐᒡᓕᖅᖢᒍ ᐊᖏᖃᑎᒋᓪᓗᒍ. ᐱᓕᕆᓚᐅᖅᑐᓗᒃᑖᑦ ᒪ’ᓈᕈᐊᖅᖢᒋᑦ ᑕᒪᓐᓇ ᐱᙳᐊᖅᑐᓕᕆᓂᖅ ᐃᑲᔫᑕᐅᕐᔪᐊᖅᑕᕐᒪᑦ ᓄᓇᓕᓗᒃᑖᒧᑦ ᒪᒃᑯᒃᑐᓪᓗ ᐃᓱᒪᒃᑯᑦ ᖃᓄᐃᔾᔪᑎᖃᕐᔫᒥᔮᖅᑕᕐᓂᖏᑦ ᐃᓱᒪᒃᑯᑦ ᐃᓱᒫᓗᓗᐊᕐᓂᕐᒥᒃ ᐅᕝᕙᓘᓐᓃᑦ ᐊᒃᓱᕈᕐᓇᖅᑐᓄᑦ ᑎᑭᑕᐅᔭᕌᖓᑕ ᑕᒪᒃᑯᐊ ᐱᙳᐊᕈᓰᑦ, ᕼᐋᑭᐅᑉᐸᑦ ᐊᓯᖏᓐᓂᓪᓘᓐᓃᑦ ᐃᓄᐃᑦ ᐱᙳᐊᕈᓯᖏᑦ, ᑕᒪᒃᑯᐊ ᐃᑲᔫᑕᐅᕐᔪᐊᖅᑕᕐᒪᑕ ᐃᓅᓯᖏᑦᑕ ᐃᓗᐊᓂ. ᑕᒪᓐᓇ ᐃᖅᑲᐅᒪᑉᓗᒍ ᐊᒻᒪ ᐱᙳᐊᖅᑐᓕᕆᓂᕐᒥᒃ ᐅᖃᐅᓯᖃᖅᑎᓪᓗᖓ ᐅᖃᖅᑎᑦᓯᔨ. ᑖᑉᑯᐊ ᕼᐋᑭᕕᓪᒧᑦ ᐊᕐᕕᐊᑦ ᕼᐋᑭᕐᕕᖓᓂᒃ ᐊᔭᐅᖅᑐᐃᔪᑦ, ᐃᑲᔪᖅᑐᐃᔪᑦ ᒪ’ᓈᕈᐊᖅᖢᒋᑦ. ᑕᐃᒪᑐᖅ ᐊᕐᕕᐊᑦ ᑭᖑᓪᓕᖅᐹᖓᓅᓕᖏ’ᓈᕆᓕᑦᑐᖅ, ᒪᕐᕉᔪᒫᖅᑰᕐᒪᑕ ᑖᒃᑯᐊ ᑭᖑᓪᓕᕐᒧᑦ ᑎᑭᑦᑐᑦ ᐊᕐᕕᐊᑦ ᑎᑭᑦᑐᐊᕋᔭᕐᓂᖅᐸᑦ ᑕᐃᑯᖓ ᓂᕈᐊᑦᓯᐊᕈᒫᖅᐳᓯ ᖃᕆᑕᐅᔭᑎᒍᑦ ᓇᕿᑦᑖᓚᓴᕐᓗᒍᓪᓗ ᓂᕈᐊᕈᑦ ᑕᒪᓐᓇ ᐄᐳᓪᒥ ᑕᖅᑭᐅᓂᐊᖅᑐᒥ ᑐᑭᓯᓐᓇᖅᓯᓂᐊᕐᒪᑦ. ᐃᑲᔪᖅᑐᕐᓇᑯᓂ ᑖᓐᓇ ᓯᐊᕐᕆᔮᕐᕕᒃ ᕼᐋᑭᕐᕕᒃ ᐊᕐᕕᐊᓂ ᓴᓇᔭᐅᓂᐊᕐᓂᖓᓄᑦ ᑐᕌᖓᓂᐊᕐᓂᖅᐸᑕ ᑮᓇᐅᔭᑦ. ᐊᒃᓱᒥᐊᖅ ᑕᐃᒃᑯᐊ ᐋᖅᑭᒃᓱᐃᓯᒪᔪᑦ ᕼᐋᑭᕕᓪᒥᒃ. ᒪ’ᓇ ᐅᖃᖅᑎᑦᓯᔩ. ᐳᐳᐸᑦᑕᑐᖅᑐᑦ ᐅᖃᖅᑎ: ᓇᑯᕐᒦᒃ. ᑕᒪᒃᑯᐊ ᓄᓇᕗᒻᒥ ᐅᑭᐅᖅᑕᖅᑐᒥ ᐱᙳᐊᕕᒡᔪᐊᕐᓂᕐᒧᑦ ᐃᓚᒋᔭᐅᖃᑕᐅᖃᑦᑕᖅᑐᐃᑦ, ᑕᒃᑯᐊᓗ ᑭᒡᒐᖅᑐᖅᑕᓐᓂᐅᕚᖅᓯᒪᔪᓂᑦ ᐅᓗᑖᓚᐅᙱᑦᑑᒐᓗᐊᑦ ᑭᓯᐊᓂ ᒪᒃᑯᒃᑐᓂᒃ ᑭᒡᒐᖅᑐᐃᔨᐅᖃᑕᐅᓪᓗᑎᒃ ᒪᕐᕉᑦᑕᐅᖅ ᐃᓕᑕᕆᔪᒪᓗᐊᖅᓱᒋᑦ ᑭᒻᒥᕈᒻᒥᐅᑖᒃ ᒪᕐᕈᓕᐊᖑᓪᓗᑎᒃ ᓵᓐᑎ ᐊᒻᒪᓗ ᐊᐃᐳᓛᒻ ᑎᒥᓚ, ᐅᐱᒋᑦᓯᐊᖅᐸᑦᑎᒋ. ᐊᒻᒪᓗ ᐅᒡᒍᕐᓇᖅᑑᒐᓗᐊᖅ ᑭᙵᕐᓂᙶᖅᓯᒪᔪᐃᑦ ᑎᑭᒍᓐᓇᓚᐅᙱᒻᒪᑕ ᑭᓯᐊᓂ ᐃᒻᒪᖄ ᓯᕗᓂᒃᓴᑦᑎᓐᓂ ᑕᒪᓐᓇ ᐱᕕᖃᖅᑎᑕᐅᒍᒫᕐᓂᐊᖅᑐᑦ ᖃᓄᑭᐊᖅ. ᑭᓯᐊᓂ ᒪᓕᒐᓕᐅᖅᑏᑦ ᐅᖃᐅᓯᖏᓐᓄᑦ ᐅᑎᕐᓗᖓ, ᒪᓕᒐᓕᐅᖅᑎ ᐃᖃᓗᐃᑦ ᓯᓈᓄᑦ, ᒥᔅ ᐳᕉᔅᑐ. ᒪᓕᒐᓕᐅᖅᑎᑉ ᐅᖃᐅᓯᖓ 63 – 7(1): ᐃᓕᓴᖅᓯᓂᖅ ᐅᖂᑕᖅ ᑲᑐᔾᔨᖃᑎᒌᖏᑦ ᐊᖓᔪᖅᑳᖅ ᔮᓇᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᕕᐊᓱᓪᓚᕆᒃᑲᒪ ᐃᓕᓴᖅᓯᒋᐊᔅᓴᖅ ᐅᖂᑕᒃᑯᓐᓂᒃ ᓄᓇᕗᒻᒥ ᐃᑲᔪᑦᑎᐊᖅᑐᐊᓘᖃᑦᑕᕐᖓᑦ. ᑖᓐᓇ ᑲᑐᔾᔨᖃᑎᒌ ᓴᖅᑭᖅᑕᐅᓚᐅᖅᓯᒪᔪᖅ ᓴᓪᕙᐃᓴᓐ ᐋᒥᒃᑯᓐᓂ ᐱᓕᕆᐊᖑᖃᑦᑕᔪᔪᓂᑦ ᑲᔪᓯᑎᑦᑎᓪᓗᑎᒃ. ᐊᖏᕐᕋᖃᙱᑦᑐᓂᒃ ᐊᖑᑎᓂᒃ ᐱᓗᐊᖅᑐᒥᒃ ᐃᖃᓗᓐᓂ ᐃᑲᔪᖃᑦᑕᓚᐅᖅᓯᒪᒻᒪᑕ ᐊᒻᒪ ᐊᓯᕈᖅᓯᒪᒻᒪᑦ

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 12 ᑲᒪᓇᒻᒪᕆᑦᑐᒃᑯᑦ ᐊᓪᓗᖅᑕᐅᓯᒪᔪᕈᓘᔮᓗᐃᑦ ᐃᑲᔪᖅᑕᐅᒍᓐᓇᖅᓯᓯᒪᒻᒪᑕ. ᐱᔨᑦᑎᕋᖃᑦᑕᖅᑐᑎᓪᓗ ᐊᕐᓇᓄᑦ ᐃᖃᓗᓐᓂ ᐊᒻᒪᑦᑕᐅᖅ. ᐅᖃᖅᑎ, ᐱᒻᒪᕆᐊᓘᓱᒋᒐᒃᑯᐃᓛᒃ ᐅᖃᕈᒪ ᑕᐃᒃᑯᐊ ᐊᑐᖃᑦᑕᖅᑐᐃᑦ ᐅᖂᑕᒃᑯᑦ ᐱᔨᑦᑎᕋᐅᑎᖏᓐᓂᒃ ᓇᑭᕈᓘᔮᓗᒻᒥᙶᖃᑦᑕᕐᖓᑕ ᓄᓇᕗᒻᒥ. ᑖᒃᑯᐊ ᑲᑐᔾᔨᖃᑎᒌ ᐊᑦᑐᖅᓯᑦᑎᐊᖃᑦᑕᕐᖓᑕ ᖁᕝᕙᕆᐊᖅᑎᑦᑎᓪᓗᑎᓪᓗ ᐃᑲᔪᖅᑕᐅᔭᕆᐊᓕᓐᓂᒃ. ᖁᔭᓕᒍᒪᕋᑖᕋᒃᑭᑦ ᑖᒃᑯᐊ ᐱᓕᕆᑦᑎᐊᖅᑐᐊᓘᖃᑦᑕᕐᖓᑕ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ: ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐊᑎᖁᑎᖃᕈᓐᓃᕋᒪ. ᑲᑎᒪᔾᔪᑎᑦᑎᓐᓄᑦ ᐅᑎᕐᓗᑕ. ᓈᓴᐅᑎᖓ 4, ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᓄᑦ ᑭᐅᔾᔪᑎᑦ. ᑲᑎᒪᔾᔪᑎᒃᓴᖅ 5. ᐳᓛᕆᐊᖅᓯᒪᔪᓂᒃ ᐃᓕᓴᖅᓯᓂᖅ. ᒪᓕᒐᓕᐅᖅᑎ ᐃᖃᓗᐃᑦ ᒪᓂᕋᔭᒻᒧᑦ, ᒥᔅ ᕼᐄᓕ. ᑲᑎᒪᔾᔪᑎᒃᓴᖅ 5: ᐃᓕᑕᖅᓯᓂ ᐳᓛᖅᑎᓂ ᐊᖓᔪᖅᑳᖅ ᒍᐊᐃᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ. ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᑐᙵᓱᓪᓕᑦ ᐳᓛᖅᑐᓕᒫᑦᑎᐊᑦ ᐅᕙᓂ. ᐅᖃᖅᑎ, ᓂᑯᕕᖅᑲᐅᒐᓗᐊᕐᒥᒐᒪ ᐅᓪᓛᖅ ᒥᓂᔅᑕᐅᓪᓗᖓ ᐅᖃᐅᓯᔅᓴᓐᓂᒃ ᐃᓕᓴᖅᓯᓪᓗᖓᓗ ᓯᕗᓕᖅᑎᐅᔪᓂᒃ ᑖᒃᑯᓂᖓ ᐅᖂᑕᒃᑯᓐᓂᒃ ᐊᖏᕐᕋᖃᖅᑎᑦᑎᕙᒻᒪᑕ. ᐊᒻᒪ ᐱᔨᑦᑎᕋᐅᑎᖏᑦ ᐊᖏᓪᓕᕙᓪᓕᐊᑐᐃᓐᓇᖅᑐᑎᒃ ᐃᑲᔪᖃᑦᑕᕈᓘᔮᖅᐸᒻᒪᑕ ᓇᑭᕈᓘᔮᓗᒻᒥᙶᖅᑐᓂᒃ ᓄᓇᕗᒻᒥᐅᑕᕐᓂᒃ. ᑖᒃᑯᐊ ᐱᔨᑦᑎᕋᐅᑎᖏᑦ ᐊᖏᓪᓕᒋᐊᖅᑕᐅᒍᓐᓇᖅᓯᒪᔪᑦ ᓴᙱᔪᐊᓗᓐᓂᒃ ᐊᖓᔪᖅᑳᖃᕐᖓᑕ ᓘᕋ ᒪᒃᑯᐊᓴᓐᒥᒃ ᐊᒻᒪ ᑲᑎᒪᔨᖏᑦ ᑲᑎᒪᐃᓐᓇᖅᑐᑎᒃ, ᐱᓕᕆᓪᓚᕆᑉᐸᑦᑐᑎᒃ ᒥᔅᑕ ᒪᑯᐊᔅ ᐃᓕᓴᕆᓚᐅᕐᓚᕗᑦ ᐅᓇ ᐊᒻᒪ ᕌᑎᒪ ᐊᓪ ᔪᓛᓕ ᐊᐅᓚᑦᑎᔨᐅᔪᖅ ᑮᓇᐅᔭᓕᕆᔨᖏᓐᓄᑦ. ᐸᕗᓕ ᒪᐃᔪᔅᓗ ᐊᖓᔪᖅᑳᑉ ᑐᖏᓕᖓ ᑲᑎᒪᔨᓂ. ᓂᑯᕕᖃᑦᑕᓂᐊᖅᑯᓯ ᐅᖃᕋᐃᒍᔅᓯ. ᐊᒻᒪ ᐲᑕ ᑲᒎᑐ, ᐊᐅᓚᑦᑎᔨᒻᒪᕆᐅᔪᖅ ᓯᓂᒋᐊᖅᑐᕐᕕᐅᔪᓄᑦ ᐊᒻᒪ ᑲᑎᒪᔨ ᐃᐅᕆᓐ ᐅᐃᔪᓪ. ᖁᔭᓐᓇᒦᒃ, ᐅᖃᖅᑏ. ᐳᐳᐸᑦᑕᒃᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᑐᙵᓱᑦᓯᐊᕆᑦᓯ ᒪᓕᒐᓕᐅᕐᕕᒻᒧᑦ. ᐳᓛᕆᐊᖅᓯᒪᔪᓂᒃ ᐃᓕᓴᖅᓯᓂᖅ. ᑐᓄᓂᕐᒧᑦ ᒪᓕᒐᓕᐅᖅᑎ, ᒥᔅᑕ ᑯᓄᒃ. ᐊᖓᔪᖅᑳᖅ ᐳᕋᐃᔭᓐ ᑯᓄ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᓪᓗᒥ ᐃᓕᓴᖅᓯᔪᒪᓪᓗᖓ ᐃᖅᑲᓇᐃᔭᓯᓚᐅᖅᓯᒪᔪᕗᑦ 20ᓄᑦ ᐊᕐᕌᒍᓄᑦ ᓄᓇᕗᑦ ᒐᕙᒪᒃᑯᓐᓄᑦ. ᑖᓐᓇ ᒥᓴᓪ ᐳᐃᑎ. 28ᓂᒃ ᐃᖅᑲᓇᐃᔭᖅᓯᒪᔪᖅ ᐊᒻᒪ ᓖᓇ ᑕᑯᓐᓇᒐᖅ, ᐊᒻᒪᓗ ᐅᐃ ᔭᖕ. ᑖᒃᑯᐊ ᐃᓕᓴᕆᔪᒪᓪᓗᒋ ᐃᖅᑲᓇᐃᔭᓯᓚᐅᖅᓯᒪᖕᒪᑕ, ᐱᓕᕆᒻᒪᕆᖃᑦᑕᕐᒪᑕᓗ ᖁᔭᒋᕙᒃᑲ. ᖁᔭᓐᓇᒦᒃ. ᐳᐳᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᑐᙵᓱᑦᓯᐊᕆᑦᓯ ᒪᓕᒐᓕᐅᕐᕕᒻᒧᑦ. ᐊᕐᕕᐊᑦ ᐅᐊᖕᓇᖓᓄᑦ ᑎᑭᕋᕐᔪᐊᕐᒧᓪᓗ ᒪᓕᒐᓕᐅᖅᑎ, ᒥᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. ᐃᓕᑕᕆᐊᓂᒃᑲᓗᐊᒃᑲ ᑖᒻᓇ ᐃᓕᑕᕆᒍᐊᖅᖢᒍ ᑕᒡᕗᖓ ᐃᒡᓗᕐᔪᐊᕐᒧᑦ ᐃᑎᓕᓵᙱᑦᑐᖅ. ᓇᓂ ᐃᒃᓯᕙᐅᑕᓗᒃᑖᓂᒃ ᑕᒡᕙᓂ ᐃᒃᓯᕙᓂᑰᓯᒪᖅᑰᖅᑐᖅ, ᓯᕗᓕᖅᑎᐅᓚᐳᖅᖢᓂ, ᐅᖃᖅᑎᑦᓯᔨᐅᓚᐅᖅᖢᓂ, ᒥᓂᔅᑕᒋᔭᐅᓂᑰᓯᒪᑉᓗᓂᓗ, ᐱᓕᕆᕐᔪᐊᖅᓯᒪᔪᕐᓗ ᓄᓇᕗᑦ ᐊᖏᕈᑎᖏᑦᑕ ᒥᒃᓵᓄᑦ ᐊᐃᕙᓂᕐᒧᑦ ᐃᓚᒋᔭᐅᓂᑰᑉᓗᓂ, ᐹᓪ ᖁᐊᓴ, ᑐᙵᓱᒋᑦ. ᓄᓕᐊᓪᓗ ᑐᙵᓱᒋᑦᓯ ᑕᒡᕗᖓ ᐃᒡᓗᕐᔪᐊᕐᒧᑦ ᒫᓐᓇ ᐹᕕᓪᓛᓪᑯᓐᓂᒃ ᐱᓕᕆᓕᖅᑲᒻᒥᙱᑎᓪᓗᒍ ᑲᑎᒪᔪᓂᒃ ᑕᑯᓐᓇᕋᔪᒃᑐᖅ. ᑐᙵᓱᒋᑦ, ᖁᐊᓴ.

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 13 ᐳᐳᐸᑦᑕᑐᖅᑐᑦ ᐅᖃᖅᑎ: ᑐᙵᓱᑦᓯᐊᕆᑦ, ᐋᕈᓛᖅ. ᐳᓛᕆᐊᖅᓯᒪᔪᓂᒃ ᐃᓕᓴᖅᓯᓂᖅ. ᐊᑎᖁᑎᖃᕈᓐᓃᕋᒪ. ᒪᒥᐊᓇᖅ, ᑲᖏᖅᓯᓂᐅᑉ ᐅᐊᖕᓇᓄᑦ ᐃᒡᓗᓕᒑᕐᔪᖕᒧᓪᓗ, ᒥᔅᑕ ᓴᒻᒧᖅᑐᖅ. ᓴᒻᒧᖅᑐᖅ: ᖁᔭᓐᓇᒦᒃ, ᐅᖃᖅᑎᑦᓯᔩ. ᐃᓕᑕᕆᔭᐅᕌᓂᒃᑑᒐᓗᐊᖅ. ᐃᓕᑕᕆᒃᑲᓐᓂᕈᒪᑉᓗᒍᑦᑕᐅᖅ, ᐹᓪ ᖁᐊᓴ ᐊᒻᒪ ᓄᓕᐊᖓ ᐃᓕᓴᐱ ᖁᐊᓴ. ᑐᙵᓱᒋᑦᓯ ᐃᒡᓗᕐᔪᐊᖁᑎᔅᓯᓐᓄᑦ. ᖁᔭᓐᓇᒦᒃ. ᐳᐳᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᐳᓛᕆᐊᖅᓯᒪᔪᓂᒃ ᐃᓕᓴᖅᓯᓂᖅ. ᑲᑎᒪᔾᔪᑎᑦᑎᓐᓄᑦ. ᑲᑎᒪᔾᔪᑎᒃᓴᖅ 6. ᐅᖃᐅᓯᒃᑯᑦ ᐊᐱᖅᑯᑏᑦ. ᖁᕐᓗᖅᑑᕐᒧᑦ ᒪᓕᒐᓕᐅᖅᑎ, ᒥᔅᑕ ᖁᓕᒃᑖᓇ. ᑲᑎᒪᔾᔪᑎᒃᓴᖅ 6: ᐅᖃᐅᓯᒃᑯᑦ ᐊᐱᖅᑯᑏᑦ ᐊᐱᖅᑯᑦ 54 – 7(1): ᖃᖓᑕᓲᒃᑯᑦ ᑐᐊᕕᕐᓇᖅᑐᓕᕆᔾᔪᑎᑦ (ᖁᓕᒃᑖᓇ) ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎ. ᐊᐱᖅᑯᑎᒃᑲ ᑐᕌᒐᙳᓱᑦᑐᐃᑦ ᐋᓐᓂᐊᖅᑕᐃᓕᓕᕆᔨᒃᑯᑦ ᒥᓂᔅᑕᖓᓄᑦ. ᐅᖃᖅᑏ, ᐊᐱᖅᑯᑎᒋᔪᔭᓐᓂᒃ ᐊᐱᖅᑯᑎᐅᔪᔪᒥᒃ ᒪᓕᒐᓕᐅᖅᑎᐅᖃᑎᓐᓄᑦ ᐃᖃᓗᒃᑑᑦᑎᐊᕐᒥ ᐊᐱᖅᑯᑎᖃᒃᑲᓐᓂᕈᒪᒐᒪ ᑐᐊᕙᕐᓂᐊᖅᑐᒃᑯᑦ ᖃᖓᑕᓲᒃᑯᑦ ᐊᐅᓪᓚᖅᑎᑦᑎᓂᐅᖃᑦᑕᖅᑐᓂᑦ. ᒥᓂᔅᑕ ᖃᐅᔨᒪᒻᒪᑦ ᒐᕙᒪᒃᑯᑦ ᑳᓐᑐᕌᒃ-ᒥᒃ ᐱᒐᓱᐊᕋᔅᓴᒥᒃ ᓴᖅᑭᖅᓯᓚᐅᖅᓯᒪᒻᒪᑕ ᐄᑉᐳᓗ 2025-ᖑᑎᓪᓗᒍ, ᐊᕐᕌᒍᓪᓗᐊᐸᓗᒻᒪᕆᐅᓕᖅᑐᖅ. ᐊᒻᒪᓗ ᔫᐃᑦ 2025-ᒥ ᒪᑐᕕᔅᓴᓕᒥᓂᐅᓪᓗᓂ, 9 ᑕᖅᑭᑦ ᐊᓂᒍᓕᖅᑐᐃᑦ. ᑐᑭᓯᒃᑲᓐᓂᕈᑎᔅᓴᐃᑦ ᓴᖅᑭᖅᑕᐅᓯᒪᔪᑦ ᒐᕙᒪᒃᑯᓐᓄᑦ, ᐊᑕᐅᓯᕐᒧᑐᐊᕉᖅ ᐱᒐᓱᐊᖅᑕᐅᓂᕐᖓᑦ ᑳᓐᑐᕌᒃ. ᐊᒻᒪᑦᑕᐅᖅ ᒪᓕᒐᓕᐅᖅᑎᐅᖃᑎᒻᒪ ᐃᖃᓗᑦᑑᑦᑎᐊᕐᒥᒃ ᒪᓕᒐᓕᐅᖅᑎᐅᑉ ᐊᐱᖅᑯᑎᒋᖃᑦᑕᔪᔭᖏᑦ ᒥᓂᔅᑕ ᑭᐅᓚᐅᕐᖓᑦ, ᓱᓕ ᑳᓐᑐᕌᒃ-ᒥᒃ ᑐᓂᓯᒐᓱᐊᕐᖓᑕᒎᖅ. ᒥᓂᔅᑕ ᓇᓗᓇᐃᕆᑦᑕᐃᕈᓐᓇᖅᑲ ᓱᒻᒪᑦ ᐊᑯᓂᐊᓘᓕᕐᒪᖔᖅ ᐊᑕᐅᓯᑲᓪᓚᕈᓗᒻᒥᒃ ᑳᓐᑐᕌᒃ-ᒥ ᐱᒐᓱᐊᖅᑐᖃᖅᑐᒥᓂᐅᑎᓪᓗᒍᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓ, ᒥᔅ ᐳᕉᔅᑐ. ᐊᖓᔪᖅᑳᖅ ᔮᓂᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐄ, ᐅᖃᕈᓐᓇᖅᑐᖓ ᐋᔩᕋᖃᑎᒌᒐᓱᐊᕐᖓᑕ ᓱᓕ ᐊᒻᒪ ᐊᖏᖃᑎᒌᒍᑎᓕᐅᕈᓐᓇᖁᔭᕋᓗᐊᒃᑲ ᐱᒍᓐᓇᖅᓯᑐᐊᖅᑲᑕ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᓯᕗᓪᓕᖅᐹᖅ ᐃᓚᒋᐊᕈᑎᑦ ᐊᐱᖅᑯᑎᒃ, ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕ ᑕᐃᒻ ᖃᐅᔨᒪᒻᒪᑦ ᑖᓐᓇ ᑳᓐᑐᕌᒃ ᐱᒐᓱᐊᕋᔅᓴᖅ ᖃᖓᑕᓲᒃᑯᑦ ᑐᐊᕕᕐᓇᖅᑐᓕᕆᔨᐅᒐᔭᖅᑐᓄᑦ ᐊᕐᕌᓂ ᓴᖅᑭᖅᑕᐅᔪᔪᖅ, ᐆᒻᒪᕆᐊᕐᕕᔅᓴᖓᒎᖅ ᑳᓐᑐᕌᒃ ᐄᑉᐳᓗ 1, 2026-ᒥᐅᓛᕐᖓᑦ. ᐅᖃᖅᑏ, ᒪᕐᕈᐃᓐᓇᐅᓕᖅᑑᒃ ᐱᓇᓱᐊᕈᓰᒃ ᐅᖓᑎᑦᑎᐊᖓᓂᒃ ᐅᓪᓗᒥ. ᒥᓂᔅᑕ ᓇᓗᓇᐃᕆᒍᓐᓇᖅᑲ ᐱᓕᕆᕙᖓᑕ ᐅᓪᓗᒥᐅᔪᖅ ᑳᓐᑐᕌᒃᑎᖃᑦᑕᖅᑕᖓ ᐱᔨᑦᑎᕋᐃᓐᓇᖃᑦᑕᕐᓂᐊᕐᒪᖔᖅ, ᑕᐃᓐᓇ ᓄᑖᕐᓗ ᑳᓐᑐᕌᒃ ᐊᑎᓕᐅᖅᑕᐅᓚᐅᙱᒃᑲᓗᐊᖅᑎᓪᓗᒍ. ᖁᔭᓐᓇᒦᒃ, ᐅᖃᖅᑏ.

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 14 ᐅᖃᖅᑎ: ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᒥᓂᔅᑕᖓ, ᒥᔅ ᐳᕉᔅᑐ. ᐊᖓᔪᖅᑳᖅ ᔮᓂᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐄ, ᐅᖃᕈᓐᓇᖅᑐᖓ ᓄᖅᑲᑲᓪᓚᑦᑐᖃᔾᔮᖏᑦᑐᖅ ᖃᖓᑕᓲᒃᑯᑦ ᑐᐊᕕᕐᓇᖅᑐᒃᑯᑦ ᐊᐅᓪᓚᖅᑎᑕᐅᖃᑦᑕᖅᑐᓂ, ᐊᒻᒪ ᕿᑎᕐᒥᐅᑦ ᑕᐃᒃᑯᐊ ᑲᒪᒋᔭᐅᑦᑎᐊᓛᖅᑐᐃᑦ ᑕᐃᒪᐃᑦᑐᒦᒃᑲᓗᐊᖅᑎᓪᓗᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐊᐃᑉᐸᖓ ᐊᒻᒪᓗ ᑭᖑᓪᓕᖅᐹᖅ ᐃᓚᒋᐊᕈᑎᒃ ᐊᐱᖅᑯᑎᒃ, ᒥᔅᑕ ᖁᓕᒃᑖᓇ ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᒥᓂᔅᑕ ᑭᐅᒻᒫᖓ. ᐅᖃᖅᑏ, ᑐᑭᓯᐅᒪᔾᔪᑏᑦ ᓴᖅᑭᖅᑕᐅᓯᒪᔪᑦ ᒐᕙᒪᒃᑯᑦ ᑳᓐᑐᕌᒃ-ᒥ ᐱᒐᓱᐊᕋᔅᓴᖁᑎᖓᓂᒃ ᐅᖃᓚᐅᖅᓯᒪᓚᐅᕐᖓᑕ 122-ᕋᖅᑎᖅᑐᑎᒎᖅ ᑐᐊᕕᕐᓇᖅᑐᑎᒃ ᐊᐅᓪᓚᖅᑎᑕᐅᒋᐊᓕᒥᓃᑦ 2022-ᖑᑎᓪᓗᒍ. ᑕᐃᒪ ᐅᓪᓗᑦ ᐱᖓᓱᑦ ᓈᒐᐃᒻᒪᑕ ᑐᐊᕕᕐᓇᖅᑐᒃᑯᑦ ᐊᐅᓪᓚᖅᑎᑕᐅᔪᖃᕆᐊᖃᕐᓂᖅᑯᖅ. ᐅᖃᖅᑏ, ᓴᙱᓈᓪᓚᕆᑦᑐᒋᑦ ᐃᑲᔪᖅᓯᕋᓗᐊᖅᑐᖓ ᑳᓐᑐᕌᒃ-ᖃᕆᐊᖃᕋᖓᑕ ᖃᖓᑕᓲᒃᑯᑦ ᑐᐊᕕᕐᓇᖅᑐᓕᕆᔩᑦ. ᐊᒻᒪ ᕿᑎᕐᒥᐅᓄᒡᒎᖅ ᖃᖓᑕᓲᖓ ᓄᓇᖃᕋᔭᕐᖓᑦ ᐃᖃᓗᑦᑑᑦᑎᐊᕐᒥᒃ, ᔭᓗᓇᐃᒥᓘᓐᓃᑦ. ᐅᖃᖅᑏ, ᕿᑎᕐᒥᐅᑕᖁᑎᕗᑦ ᐅᑉᐱᕈᓱᓪᓚᕆᒻᒪᑕ ᖃᖓᑕᓲᖅ ᕿᑎᕐᒥᐅᑦ ᐃᓗᐊᓂ ᓄᓇᖃᕆᐊᖃᖅᑐᒋᔭᐅᓪᓚᕆᒻᒪᑦ. ᒥᓂᔅᑕ ᓇᓗᓇᐃᖅᓯᒍᓐᓇᖅᑳ ᐅᕙᓐᓄᑦ ᕿᑎᕐᒥᐅᓄᓪᓗ, ᑕᓐᓇ ᐃᓚᒋᔭᐅᓛᕋᓗᐊᕐᒪᖔᖅ ᕿᑎᕐᒥᐅᒻᒦᒋᐊᖃᕐᓂᖓ ᖃᖓᑕᓲᖅ ᑳᓐᑐᕌᒃ-ᑖᖅᑎᑦᑎᑉᐸᑕ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᔅ ᐳᕉᔅᑐ. ᐊᖓᔪᖅᑳᖅ ᔮᓂᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᓗᓕᖏᑦ ᐅᖃᐅᓯᕆᒍᓐᓇᙱᑕᒃᑲ ᐋᔩᕋᖃᑎᒌᒍᑕᐅᒻᒪᑕ ᒫᓐᓇ. ᒪᓕᒐᓕᐅᖅᑎ ᑖᓐᓇ ᐅᖃᐅᑎᒍᒪᔭᕋ, ᑐᐊᕕᕐᓇᖅᑐᒃᑯᑦ ᐊᐅᓪᓚᖃᑦᑕᖅᑐᐃᑦ ᐱᓴᕋᐃᖏᓐᓇᖃᑦᑕᕐᓂᐊᖅᑐᐃᑦ ᐱᓴᕋᐃᒍᓐᓇᕐᓂᖏᓐᓂᒃ ᒪᓕᓪᓗᑎᒃ, ᐊᒻᒪᓗ ᐱᔭᕇᕈᑦᑎᒍᑦ ᐊᖏᖃᑎᒌᒐᓱᓐᓂᕗᑦ, ᖃᐅᔨᒃᑲᓛᖅᑲᔅᓯᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᖁᑦᑎᑦᑐᕐᒧᑦ ᒪᓕᒐᓕᐅᖅᑎ, ᒥᔅᑕ ᑕᖅᑐ. ᐊᐱᖅᑯᑦ 55 – 7(1): ᓂᕿᑦᑎᐊᕙᓕᕆᔨᒃᑯᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐃᑲᔫᑎᖓ (ᑕᖅᑐ) ᑕᖅᑐᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᐊᐱᖅᑯᑎᒃᑲ ᐅᓪᓗᒥ ᑐᕌᖓᙳᓱᑦᑐᐃᑦ ᐃᓄᓕᕆᔨᒃᑯᑦ ᒥᓂᔅᑕᖓᓄᑦ. ᒥᓂᔅᑕ ᑕᐃᒪ ᐃᖅᑲᐅᒪᒻᒪᑦ ᐊᐱᖅᓱᓚᐅᕋᒃᑯᒃ ᐋᓐᓂᐊᖅᑕᐃᓕᓕᕆᔨᒃᑯᑦ ᒥᓂᔅᑕᖓ ᐱᓇᓱᐊᕈᓯᐅᓚᐅᖅᑐᒥᑦ, ᐱᓕᕆᕕᖓ ᖃᓄᖅ ᐱᖃᑕᐅᖃᑦᑕᕐᒪᖔᖅ ᓯᓚᑖᓂᒥᐅᑕᕐᓄᑦ ᕿᒥᕐᕈᔭᐅᑎᓪᓗᒍ ᓂᕿᑦᑎᐊᕙᓕᕆᔾᔪᑏᑦ ᑲᓇᑕᒥ, ᐊᕐᕌᓂ ᑖᓐᓇ ᐅᖃᐅᓯᐅᔪᔪᖅ. ᑕᐃᔅᓱᒪᓂ ᒥᓂᔅᑕ ᓇᓗᓇᐃᖅᓯᔪᒻᒪᑦ ᐃᓄᓕᕆᔨᒃᑯᒡᒎᖅ ᓯᕗᓕᐅᕆᓯᒪᒻᒪᑕ ᑕᒪᓐᓇ ᐱᓕᕆᐊᕆᓪᓗᓂᐅᒃ ᐱᓕᕆᔾᔪᔾᔨᓪᓗᑎᒃ ᒐᕙᒪᒃᑯᓐᓂᑦ. ᒥᓂᔅᑕ ᓇᓗᓇᐃᖅᓯᒍᓐᓇᓕᖅᑲ ᐅᓪᓗᒥ ᖃᓄᐃᑦᑐᓂᒃ ᐱᓕᕆᕕᖓ ᑐᓂᓯᓯᒪᒻᒪᖔᖅ ᕿᒥᕐᕈᓂᐅᔪᓄᑦ ᑲᓇᑕᒥ ᓂᕿᑦᑎᐊᕙᓕᕆᓂᕐᒥᒃ ᐱᓕᕆᓂᐅᔪᓂᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᓄᓕᕆᔨᒃᑯᑦ ᒥᓂᔅᑕᖓ, ᒥᔅ Hᐄᓕ ᐊᕿᐊᕈᖅ. ᐊᖓᔪᖅᑳᖅ ᒍᐊᐃᓐ Hᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ, (ᑐᓵᔨᑎᒎᓕᖅᑐᖅ) ᐊᒻᒪᓗ ᖁᔭᓐᓇᒦᖅᑐᒍ ᑖᓐᓇ ᐊᐱᕆᒻᒪᑦ. ᑕᐃᒃᑲᐅ ᓂᕿᑦᑎᐊᕙᐃᑦ ᐊᑐᐃᓐᓇᐅᖃᑦᑕᖏᒻᒪᑕ ᐊᒥᓱᓄᑦ ᐃᓄᓐᓄᑦ ᓄᓇᕗᒻᒥᐅᓄᑦ, ᐊᒻᒪᓗ

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 15 ᑲᓇᑕᒥ ᓂᕿᑦᑎᐊᕙᑦ ᐊᑭᓪᓕᒋᐊᖅᑕᐅᓯᒪᓂᖏᑦ ᐃᑲᔫᑎᖃᖃᑦᑕᖅᑐᖅ ᐃᓛᓐᓂᓚᐅᓱᖓᖅ ᑭᓯᐊᓂ ᐊᖑᒻᒪᑎᙱᒻᒪᑦ. ᒫᓐᓇ ᑖᓐᓇ ᑲᓇᑕᐅᑉ ᒐᕙᒪᒃᑯᖏᑦᑕ ᕿᒥᕐᕈᓂᐊᓕᖅᑕᖓᑦ ᐊᒻᒪᓗ ᐅᓂᒃᑳᓕᐊᖏᑦ ᑕᐃᒃᑯᐊ ᓱᓕ ᖃᐃᑕᐅᓚᐅᙱᑦᑑᒐᓗᐊᑦ ᑭᓯᐊᓂ ᒫᓐᓇ ᐃᖅᑲᓇᐃᔮᕆᔭᐅᔪᑦ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᑏ. ᐅᖃᑎ: ᓯᕗᓪᓕᖅᐹᕐᒥ ᐃᓚᒋᐊᕈᑏᑦ ᐊᐱᕆᒍᒃ, ᒥᔅᑕ ᑕᖅᑐ. ᑕᖅᑐ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᐊᒻᒪᓗ ᖁᔭᓐᓇᒦᒃ ᑭᐅᒐᕕᑦ. ᐅᖃᓚᐅᕋᒪ ᐅᓪᓗᑐᐃᓐᓇᕐᒥᑦ ᒪᓕᒐᓕᐅᖅᑏᑦ ᑲᑎᒪᕐᔪᐊᖅᑎᓪᓗᒋᑦ, ᐅᑯᐃᖅᑕᖅᑐᒧᑦ ᑲᓇᑕᐅᑉ ᒐᕙᒪᒃᑯᖏᑦᑕ ᒥᓂᔅᑕᖓᑦ ᐅᖃᓚᐅᕐᒪᑦ, ᑲᓇᑕᐅᑉ ᒐᕙᒪᒃᑯᖏᑦ $200-ᒥᓕᐊᑦ ᑮᓇᐅᔭᓕᖅᓰᔪᒥᓃᑦ ᓂᕿᑦᑎᐊᕙᓕᕆᓂᖅ ᐅᑭᐅᖅᑕᖅᑐᒧᑦ ᐃᑲᔪᖅᓱᖅᑕᐅᖁᓪᓗᒍ ᐋᖅᑭᒋᐊᖅᑕᐅᓗᓂᓗ. ᑲᑎᒪᕐᔪᐊᕐᓂᐊᖅᑐᑦ ᑖᒃᑯᐊ ᓂᕿᑦᑎᐊᕙᓕᕆᔩᑦ ᑕᒪᑐᒪᓂ ᑕᖅᑭᒥ. ᐃᓄᓕᕆᔨᒃᑯᑦ ᒥᓂᔅᑕᖓᑦ ᖃᓄᖅ ᐃᓚᐅᓂᐊᖅᐸ ᑲᑎᒪᕐᔪᐊᓕᖅᐸᑕ ᐊᒻᒪᓗ ᓇᓗᓇᐃᖅᓯᔪᓐᓇᖅᐹ ᑲᑎᒪᕐᔪᐊᕐᓂᖅ ᑭᒡᒐᖅᑐᐃᔨᖃᕐᓂᐊᕐᒪᖔᖅ ᐃᑉᐱᐊᕐᔪᕐᒥᐅᓂᒃ, ᖃᐅᓱᐃᑦᑐᕐᒥᐅᓂᒃ, ᐊᐅᓱᐃᑦᑐᕐᒥᐅᓂᓪᓗ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᓄᓕᕆᔨᒃᑯᑦ ᒥᓂᔅᑕᖓ, ᒥᔅ Hᐄᓕ ᐊᕿᐊᕈᖅ. ᐊᖓᔪᖅᑳᖅ ᒍᐊᐃᓐ Hᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ, (ᑐᓵᔨᑎᒎᓕᖅᑐᖅ) ᐊᒻᒪᓗ ᖁᔭᓐᓇᒦᒃ ᑖᓐᓇ ᐊᐱᖅᑯᑎᒋᒐᓐᓂ. ᑐᑭᓯᐅᒪᓂᕋ ᒪᓕᑦᑐᒍ ᑲᑎᒪᕐᔪᐊᕐᓂᖅ ᒫᑦᓯ 26-ᒥ 27-ᒥᓗ ᐊᑐᖅᑕᐅᓂᐊᕐᒪᑦ, ᐊᒻᒪᓗ ᖃᐃᖁᔨᓯᒪᔪᒍᑦ ᐃᓄᐃᑦ ᑎᒥᖁᑎᖏᓐᓄᑦ ᐊᒻᒪᓗ ᓄᓇᓕᓐᓂ ᑎᒥᐅᙳᖅᑎᑕᐅᓯᒪᔪᓄᑦ. ᑎᑎᕋᕐᕕᑦᑎᓐᓃᖔᖅᑐᖅ ᑭᓯᐊᓂᓕ ᑐᑭᓯᒃᑲᓐᓂᕈᒪᔪᒍᑦ ᐊᒻᒪᓗ ᐅᓪᓗᒥᓯᐅᑎᓂᒃ ᐅᓂᒃᑲᐅᓯᖃᕆᐊᖃᓕᕈᑦᑕ ᓇᓗᓇᐃᖅᓯᕕᐅᓛᖅᑐᑎᑦ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑎᒋᔭᐃᑦ, ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᓂᕿᐅᑉ ᐊᑭᑐᓂᖓ ᐊᒃᓱᐊᓗᒃ ᐊᑐᖅᑕᐅᒻᒪᑦ ᓂᕈᐊᖅᑎᓐᓄᑦ ᐃᑉᐱᐊᕐᔪᒻᒥᑦ, ᖃᐅᓱᐃᑦᑐᕐᒥᑦ, ᐊᐅᓱᐃᑦᑐᕐᒥᓪᓗ. ᑖᓐᓇ ᒥᓂᔅᑕ ᖃᐅᔨᒪᔪᖅ ᒪᓕᒐᐃᑦ ᓂᖃᐃᓱᕐᓂᕐᒧᑦ ᐱᖁᔭᕐᔪᐊᖅᑎᒎᖅᑐᑦ ᐅᖃᖅᓯᒪᒻᒪᑕ ᓄᓇᕗᒻᒥᐅᑦ ᐊᑭᑭᓐᓂᖅᐹᓂᒃ ᐃᑲᔫᓯᐊᖃᑦᑕᕐᓂᐊᖅᑐᑦ ᐊᑐᖅᑕᐅᖃᑦᑕᕐᓂᐊᖅᑐᓂᒃ ᓂᕿᓄᑦ ᐊᓯᖏᓐᓄᓪᓗ. ᑖᒃᑯᐊ ᐊᑭᑦᑐᕆᐊᖅᓯᒪᙱᑦᑐᑦ ᑕᐃᒪᙵᓂ 2023-ᒥ. ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᖃᓄᖅ ᐱᓕᕆᕕᐊ ᐃᖅᑲᓇᐃᔭᖃᑎᖃᕐᒪᖔᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓂᒃ, ᕿᒥᕐᕈᓇᑦᑕᐅᖁᓪᓗᒋᑦ ᖃᔅᓯᑖᖃᑦᑕᕐᓂᖏᑦ ᑕᖅᑭᑕᒫᖅ ᓂᐅᕕᕋᓱᑦᑎᓪᓗᒋᑦ ᓂᕿᑦᑎᐊᕙᓂᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᓄᓕᕆᔨᒃᑯᑦ ᒥᓂᔅᑕᖓ, ᒥᔅ Hᐄᓕ ᐊᕿᐊᕈᖅ. ᐊᖓᔪᖅᑳᖅ ᒍᐊᐃᓐ Hᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ, (ᑐᓵᔨᑎᒎᓕᖅᑐᖅ)ᐊᒻᒪᓗ ᖁᔭᓐᓇᒦᒃ ᑖᓐᓇ ᐊᐱᖅᑯᑎᒋᒻᒪᒍᒃ. ᖃᐅᔨᒪᓪᓗᑕ ᐊᒃᓱᕉᓴᒃᑲᑦᑕ ᓄᓇᕗᒻᒥᐅᑕᐅᔪᒍᑦ ᐊᖑᒻᒪᑦᑎᖏᓐᓇᑦᑕ ᓂᕿᑦᑎᐊᕙᓐᓂᒃ. ᖃᓄᖅᑑᕈᑎᔅᓴᖅᓯᐅᖅᑐᒍᑦ ᖃᓄᒃᑲᓐᓂᖅ ᐋᖅᑭᒋᐊᖅᑕᐅᔪᓐᓇᕐᓂᐊᕐᒪᖔᖅ ᐱᓕᕆᕕᑦᑎᓐᓄᑦ. ᑕᐃᒃᑯᐊ ᑭᒡᒐᖅᑐᐃᔩᑦ ᐃᓄᓕᕆᔨᒃᑯᓐᓃᖔᖅᑐᑦ ᐃᖅᑲᓇᐃᔭᖃᑎᖃᑦᑕᖅᑐᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᑭᒡᒐᖅᑐᐃᔨᖏᓐᓂᒃ, ᓂᕿᑦᑎᐊᕙᓕᕆᓂᖅ ᐱᓪᓗᒍ.

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 16 ᐊᒻᒪᓗ ᖄᒃᑲᓐᓂᐊᒍᑦ ᕿᓈᔪᒍᑦ ᒪᑯᐊ ᖃᓄᖅ ᐋᖅᑭᒋᐊᕈᓐᓇᕐᓂᐊᕐᒪᖔᑦᑎᒃᑯᑦ ᓂᖃᐃᓲᑎᑖᕆᔭᐅᖃᑦᑕᖅᑐᑦ ᓯᕗᓂᒃᓴᑦᑎᓐᓂ, ᓲᕐᓗ ᑮᓇᐅᔾᔭᔅᓵᖏᑦ ᐊᓯᖏᓪᓗ ᐊᖅᑯᑎᒋᔭᐅᔪᓐᓇᖅᑐᑦ. ᐃᑲᔪᒃᑲᓐᓂᖁᓪᓗᒋᑦ ᑕᐃᒃᑯᐊ ᓂᖃᐃᓱᖃᑦᑕᖅᑐᑦ ᓄᓇᕗᒻᒥ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᐅᖅᑯᕐᒥᐅᕐᒧᑦ ᒪᓕᒐᓕᐅᖅᑎ, ᒥᔅᑕ ᑲᐅᑐᖅ. ᐊᐱᖅᑯᑦ 56 – 7(1): ᐃᑯᒻᒪᖅᑯᑎᖃᕆᐊᖃᕐᓂᖅ ᕿᑭᖅᑕᕐᔪᐊᑉ ᑐᓚᑦᑕᕐᕕᖓᓄᑦ (ᑲᐅᑐᒃ) ᑲᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐱᖓᔪᐊᓂ 2026-ᒥ ᐃᖏᕐᕋᔾᔪᑎᓕᕆᔨᒃᑯᑦ ᒥᓂᔅᑕᖓ ᐊᐱᖅᓱᑲᑕᓚᐅᖅᓯᒪᒐᒃᑯᒃ, ᐊᒻᒪᓗ ᐅᖃᓚᐅᖅᑦᖢᑎᒃ ᐃᒻᒪᖄ ᐱᖁᑎᕐᔪᐊᓕᕆᓂᕐᒧᑦ ᑐᕌᖓᔪᓂᒃ ᐱᑕᖃᕆᐊᓕᒃ ᕿᑭᖅᑕᕐᔪᐊᑉ ᑐᓚᑦᑕᕐᕕᖓ ᐱᓪᓗᒍ. ᖁᓪᓕᒃᑯᑦ ᒥᓂᔅᑕᖓᑦ ᐊᐱᕆᓚᐅᖅᓯᒪᒐᒃᑯᒃ ᑕᒪᓐᓇ ᐅᖃᐅᓯᕆᔭᐅᓯᒪᒻᒪᖔᖅ, ᐅᖃᖃᑎᒋᔭᐅᓐᓂᕐᒪᖔᑦ ᕿᑭᖅᑖᓗᒃ ᑯᐊᐳᕇᓴᓐᑯᑦ ᐊᒻᒪᓗ ᕿᑭᖅᑕᓂᒃᑯᑦ, ᐱᔾᔪᑎᒋᓪᓗᒍ ᑕᐃᓐᓇ ᑐᓚᑦᑕᕐᕕᒃ ᕿᑭᖅᑕᕐᔪᐊᕐᒦᑦᑐᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᓯᓕᕆᔨᒃᑯᓐᓄᑦ, ᒥᔅ Hᐄᓕ ᐊᕿᐊᕈᖅ. ᐊᖓᔪᖅᑳᖅ ᒍᐊᐃᓐ Hᐄᓕ ᐊᕿᐊᕈᖅ (ᑐᓵᔨᑎᒍᑦ): ᒪᒥᐊᓇᖅ ᐊᓯᓐᓄᖔᕐᖑᓇ ᐊᐱᖅᑯᑎᒋᓇᓱᒋᖅᑲᐅᒐᒃᑯᒃ, ᑕᐃᓐᓇᖃᐃ ᐊᐱᖅᑯᑎᒋᖅᑲᐅᔭᐃᑦ ᐅᖃᒃᑲᓐᓂᕈᓐᓂ. ᒪᒥᐊᓇᖅ. ᐅᖃᖅᑎ: ᐊᐱᕆᒃᑲᓐᓂᕆᑦ, ᒥᔅᑕ ᑲᐅᑐᖅ. ᑲᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐱᓕᕆᕕᔅᓯ ᓇᓗᓇᐃᓚᐅᕐᒪᑦ ᑖᓐᓇ ᖁᓪᓕᒃᑯᑦ ᒥᓂᔅᑕᖓᓐᓄᑦ ᐊᐱᖅᑯᑎᒋᔪᓐᓇᖅᑕᕋ. ᕿᑭᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ, ᕿᑭᖅᑖᓗᒃ ᑯᐊᐳᕇᓴᒃᑯᓐᓄᓪᓗ ᐅᖃᓪᓚᖃᑎᖃᓚᐅᕐᒪᑦ ᐱᔾᔪᑎᒋᓪᓗᒍ ᑕᐃᓐᓇ ᕿᑭᖅᑕᕐᔪᐊᕐᒥ ᑐᓚᑦᑕᕐᕕᒃ. ᐅᖃᖅᑎ: ᐆᒻᒪᖅᑯᑎᓕᕆᔨᒃᑯᓐᓄᑦ ᒥᓂᔅᑕ, ᒥᔅ Hᐄᓕ ᐊᕿᐊᕈᖅ. ᐊᖓᔪᖅᑳᖅ ᒍᐊᐃᓐ Hᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᖁᓐᓃᖅᑐᖅ) ᐊᒻᒪᓗ ᖁᔭᓐᓇᒦᒃ ᑖᓐᓇ ᐊᐱᖅᑯᑎᒋᒃᑲᓐᓂᕋᖕᓂ. ᒫᓐᓇᐅᔪᖅ ᐅᖃᓪᓚᖃᑎᒋᑦᑎᐊᖅᓯᒪᙱᑕᕗᑦ ᑕᐃᒃᑲᐅ ᑎᒦᑦ ᑕᐃᖅᑲᐅᔭᓯᑦ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᑐᓵᑦᑎᐊᕋᓱᐊᖃᑦᑕᕆᐊᖃᖅᑯᒍᑦ ᐊᐱᕆᔭᐅᔪᓂᑦ. ᒪᓕᒐᓕᐅᖅᑎ ᐊᐱᖅᑯᑎᖏᑦ, ᐃᓛᒃ, ᐅᖃᐅᓯᒃᑯᑦ ᐊᐱᖅᑯᑏᑦ. ᐃᖃᓗᑦᑑᑦᑎᐊᕐᒧᑦ ᒪᓕᒐᓕᐅᖅᑎ, ᒥᔅᑕ ᐲᑕᓴᓐ. ᐊᐱᖅᑯᑦ 57 – 7(1): ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᑦ (ᐲᑕᓴᓐ) ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓪᓗᒥ ᐅᑯᐊ ᐊᑉᐱᖅᑯᑎᒋᓂᐊᖅᑕᒃᑲ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ, ᐃᓄᐃᑦ ᐃᖅᑲᓇᐃᔭᖅᑐᑦ ᒐᕙᒪᒃᑯᓐᓂᑦ ᖃᔅᓯᐅᒻᒪᖔᑦ. ᑖᒃᑯᐊ ᒐᕙᒪᒃᑯᑦ ᐊᙳᑎᓯᒪᙱᒻᒪᑕ ᖃᔅᓯᓂᒃ ᐃᓄᓐᓂᑦ ᐃᖅᑲᓇᐃᔭᖅᑎᖃᕆᐊᖃᕐᒪᖔᑦ ᒐᕙᒪᐅᑉ ᐃᓗᐊᑦ. ᒐᕙᒪᒃᑯᑦ ᐱᓕᕆᕝᕕᖏᑦ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᓐᓄᑦ ᐸᕐᓇᐅᑎᖃᖅᑐᐃᓐᓇᐃᑦ, ᐊᒻᒪᓗ ᑕᐃᒃᑯᐊ ᐃᓄᐃᑦ ᐃᖅᑲᓇᐃᔭᖅᑐᑦ ᒐᕙᒪᒃᑯᓐᓂᑦ, ᐸᕐᓇᐅᓯᐊᓂᒃ ᐋᖅᑭᔅᓯᓯᒪᕝᕕᐅᔭᕆᐊᓖᑦ.

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 17 ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᑕᒪᒃᑯᐊ ᐸᕐᓇᐅᑏᑦ ᐋᖅᑭᑦᑕᐅᓯᒪᒻᒪᖔᑦ ᒐᕙᒪᒃᑯᑦ ᐱᓕᕆᕝᕕᖏᓐᓂᒃ, ᐱᔾᔪᑎᒋᓪᓗᒍ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᓐᓄᑦ ᐸᕐᓇᐅᑏᑦ. ᑕᐃᒪᐃᑦᑐᓂᒃ ᐱᑕᖃᙱᑉᐸᑦ, ᖃᓄᐃᓕᖓᕙᑦ ᒫᓐᓇᐅᔪᖅ ᑕᐃᒃᑯᐊ ᐊᖏᔪᖅᑲᐅᑎᖏᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᖅᑲᓇᐃᔭᖅᑐᓕᕆᔨᒃᑯᑦ ᒥᓂᔅᑕᖓ, ᒥᔅ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᖅᑲᓇᐃᔭᖅᑐᓕᕆᔨᒃᑯᑦ ᑖᒃᑯᐊ ᐊᑐᓕᖅᑎᑦᑎᕙᓪᓕᐊᔪᑦ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᓐᓄᑦ ᐸᕐᓇᐅᑎᖏᑦ ᑕᐃᔭᐅᓯᒪᒻᒪᑦ ᐊᖏᕈᑎᑉ ᐃᓗᐊᓂ 2023. ᐅᐱᕐᖔᖑᑎᓪᓗᒍ 2025-ᒥ ᐃᖅᑲᓇᐃᔭᖅᑐᓕᕆᔨᒃᑯᑦ ᑖᒃᑯᐊ ᓯᕗᒃᑲᖅᑕᖅᑎᒋᔭᐅᔪᑦ ᑐᑭᒧᐊᕈᑎᔅᓴᓂᓪᓗ ᐋᖅᑭᔅᓯᓯᒪᓪᓗᑎᒃ ᒐᕙᒪᓕᒫᕐᒧᑦ ᐊᑐᖅᑕᐅᔪᒃᓴᐅᑕᐅᔪᑦ ᐃᓄᐃᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ ᐅᓄᖅᓯᒃᑲᓐᓂᖅᑯᓪᓗᒋᑦ. ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᑦᑕ ᐅᓄᕐᓂᖏᑦ, ᐅᓄᖅᓯᒋᐊᖅᑎᑦᑎᓇᓱᓐᓂᕐᒧᑦ ᑐᕌᒐᓕᒃ, ᐊᕗᖓᐅᔨᓯᒪᔪᖅ ᐸᕐᓇᐅᑏᑦ ᖃᐅᔨᓴᖅᑕᐅᖃᑦᑕᕈᓐᓇᕐᓂᐊᕐᒪᑕ. ᐊᒻᒪᓗ ᐃᖅᑲᓇᐃᔭᖅᑐᑎᒃ ᐸᕐᓇᐅᑎᖏᑦ ᐱᑕᖃᕐᓗᑎᑦ. ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᓐᓂᒃ ᐸᕐᓇᑎᓂᒃ ᖃᐃᑦᑎᖃᑦᑕᕆᐊᓖᑦ ᒐᕙᒪᒃᑯᑦ ᐱᓕᕆᕝᕕᓕᒫᖏᑦ. ᓄᑖᙳᕆᐊᖅᑎᑕᐅᔪᓂᓪᓗ ᐱᑕᖃᕐᓂᖅᐸᑦ ᖃᐃᑕᐅᖃᑦᑕᕐᒥᓗᑎᒃ, ᑕᐃᒪᓐᓇ ᐅᓄᖅᓯᕙᓪᓕᐊᖏᑉᐸᑕ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ ᐃᓄᑯᑦ, ᐃᓄᐃᑦ ᖃᓄᖅᑑᕈᑎᒋᔭᕆᐊᖃᖅᑕᕗᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᓯᕗᓪᓕᖅᐹᖅ ᐃᓚᒋᐊᕈᑦ, ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᒻᒪᓗ ᖁᔭᓐᓇᒦᖅᖢᒍ ᑖᓐᓇ ᒥᓂᔅᑕ ᑭᐅᒻᒪᑦ. ᐃᓄᐃᑦ ᐃᓕᓴᖅᑏᑦ ᖁᕝᕙᓯᓐᓂᖅᓴᓄᑦ ᐃᓕᓐᓂᐊᕆᐊᖃᑦᑕᓕᕐᒪᑕ, ᓄᓇᕗᑦ ᐃᓗᐊᓂ ᓯᓚᑦᑐᓴᕐᕕᒻᒥ ᐅᕝᕙᓘᓐᓃᑦ ᓯᓚᑦᑐᓴᕐᕕᕐᔪᐊᓂ ᖃᓪᓗᓈᑦ ᓄᓇᖏᓐᓂ. ᐊᒻᒪᓗ ᖃᐅᔨᒪᓪᓗᖓ ᕿᑎᕐᒥᐅᓂ ᐃᓕᓐᓂᐊᖅᑐᑦ ᑕᐃᒪ ᐸᐃᑉᐹᖅᑖᕈᑎᔅᓴᖅᑖᖅᐸᓪᓕᐊᓕᕐᒪᑕ. ᑕᐃᒪᙵᓕᒫᖅ ᐊᕐᕌᒍᑕᒫᑦ ᐃᓱᓕᑦᑎᕙᓪᓕᐊᔪᑦ ᐅᓄᖅᓯᕙᓪᓕᐊᑐᐃᓐᓇᕋᒪᑕ. ᑖᓐᓇ ᒥᓂᔅᑕ ᐊᐱᕆᔪᒪᓪᓗᒍᒃ ᑕᐃᒃᑯᐊ ᐃᓕᓐᓂᐊᕌᓂᑦᑐᑦ ᐅᖃᓪᓚᖃᑎᒋᔭᐅᖃᑦᑕᕐᒪᖔᖏᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᐸᓪᓕᐊᓂᐊᕐᒪᑕ ᐅᓄᒃᑲᓐᓂᖅᑐᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐃᖅᑲᓇᐃᔭᖅᑐᓕᕆᔨᒃᑯᑦ ᒥᓂᔅᑕᖓᑦ, ᒥᔅ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᒻᒪᓗ ᖁᔭᓐᓇᒦᖅᖢᒍ ᑖᓐᓇ ᐊᐱᕆᒻᒪᑦ. ᐃᖅᑲᓇᐃᔭᖅᑐᓕᕆᔨᒃᑯᑦ ᐃᓕᓴᖅᑏᑦ ᐃᖅᑲᓇᐃᔭᖅᑎᙳᖅᐸᓪᓕᐊᓂᖏᓐᓄᑦ ᑐᕌᖓᔪᓂᒃ ᐋᖅᑭᔅᓯᓯᒪᓕᖅᑐᒍᑦ, ᒐᕙᒪᒃᑯᓐᓄᑦ ᐃᖅᑲᓇᐃᔭᓯᓐᓈᕐᓗᑎᒃ ᐱᓕᒻᒪᒃᓴᖅᐸᓪᓕᐊᔪᓐᓇᕐᓂᐊᕐᒪᑕ. ᐊᕐᕌᒍᓕᒫᑦ ᑕᐃᒃᑯᐊ ᐃᖅᑲᓇᐃᔭᖅᑐᑦ ᐅᑎᕌᖓᑕ ᓄᓇᒥᓐᓄᑦ ᐅᕝᕙᓘᓐᓃᑦ ᓄᖅᑲᖓᓚᐅᒃᑲᑦᑎᓪᓗᒋᑦ ᐊᑯᓐᓂᖓᓐᓂᒃ. ᐊᒃᓱᕉᑎᒋᖃᑦᑕᖅᑕᕗᑦ ᐃᖅᑲᓇᐃᔮᕐᓂᑦ ᐃᒪᐃᑦᑐᓂᒃ ᐊᑐᐃᓐᓇᖅᑕᓕᒃ, ᑕᐃᒪᐃᓕᐅᕐᕕᒋᖃᑦᑕᖅᑕᕗᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᑐᒡᓕᐊ ᑭᖑᓪᓕᖅᐹᕐᓗ, ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᒻᒪᓗ ᖁᔭᓐᓇᒦᒃᑲᓐᓂᖅᖢᒍᒃ ᑭᐅᒻᒪᑦ.

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 18 ᐅᓇ ᑭᖑᓪᓕᖅᐹᖑᓕᕐᓗᒍᒃ, ᒫᓐᓇ ᑕᐃᒃᑯᐊ ᐱᓕᒻᒪᒃᓴᖅᑕᐅᖃᑦᑕᖅᐸᑦ ᖁᕝᕙᓯᑉᐸᓪᓕᐊᓕᕈᓐᓇᕐᓂᐊᕐᒪᑕ ᐃᖅᑲᓇᐃᔮᖏᑕ ᐃᓗᐊᓂ. ᑕᐃᒪᓐᓇᐃᑦᑑᑎᓪᓗᒍ ᒪᓐᓇ ᐃᓄᐃᑦ ᐃᖅᑲᓇᐃᔭᖅᑐᑦ ᖁᕝᕙᓯᓐᓂᖅᓴᓄᑦ ᐃᓕᕙᓪᓕᐊᔪᓐᓇᕐᓂᐊᕐᒪᑕ. ᐃᖅᑲᓇᐃᔭᖅᑏᑦ ᐃᓄᐃᑦ, ᐃᓅᙱᑦᑐᓪᓗ ᓯᓚᑦᑐᓴᕐᕕᕐᔪᐊᓄᑦ ᐃᖅᑲᓇᐃᔭᖅᑐᑦ ᐊᕐᕌᒍᑦ ᑎᓴᒪᑦ ᖃᑦᑎᐅᒻᒪᖔᑦ ᐊᒻᒪᓘᓐᓃᑦ ᑖᒃᑯᐊ ᐊᒡᒍᖅᑐᖅᑕᐅᒃᑲᓐᓂᕐᓗᑎᒃ ᐊᕕᒃᑐᖅᓯᒪᔪᓂᒃ ᖃᑦᑎᐅᒻᒪᖔᑦ ᐊᑐᓂ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᖅᑲᓇᐃᔭᖅᑐᓕᕆᔨᒃᑯᑦ ᒥᓂᔅᑕᖓ, ᒥᔅ ᑕᑦᑐᐃᓂ. ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑖᒃᑯᐊ ᓈᓴᐅᑏᑦ ᐱᓯᒪᙱᖦᖢᒋᑦ ᓵᓐᓃᖏᒻᒪᑕ, ᑭᓯᐊᓂ ᑖᓐᓇ ᓇᓗᓇᐃᕋᖕᓂ ᑐᑭᓯᒍᒃᑭᑦ ᖃᐅᔨᒃᑲᕐᓂᐊᖅᐸᒋᑦ. ᖁᔭᓐᓇᒦᒃ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᐸᓐᓂᖅᑑᕐᒧᑦ ᒪᓕᒐᓕᐅᖅᑎ, ᒥᔅᑕ ᒪᐃᒃ. ᐊᐱᖅᑯᑦ 58 – 7(1): ᐃᖃᓗᓕᕆᓂᖅ ᒪᐃᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᓪᓛᒃᑯᑦ ᐸᓐᓂᖅᑑᕐᒥᐅᑦ, ᓄᓇᕗᒻᒥᐅᑦ. ᐊᐱᖅᑯᑎᖃᕐᓂᐊᖅᑐᖓᓕ ᓄᓇᓕᓐᓂ ᐱᔨᑦᑎᕋᖅᑎᑯᓐᓄᑦ, ᐱᔾᔪᑎᖃᖅᑐᖅ ᐃᖃᓗᓕᕆᓂᕐᒥᒃ. ᑖᓐᓇ ᐅᓪᓗᒥ ᒥᓂᔅᑕ ᐊᐱᕆᔪᒪᔭᕋ ᓄᓇᓕᓐᓂ ᐱᔨᑦᑎᕋᖅᑎᑯᓐᓄᑦ, ᑖᓐᓇ ᐱᓕᕆᕝᕕᐊ ᑲᒪᖃᑦᑕᕐᖓᑦ ᒐᕙᒪᒃᑯᑦ ᐃᖃᓗᓕᕆᓂᖏᓐᓂᒃ ᐊᒻᒪᓗ ᓇᑦᑎᓕᕆᓂᖏᓐᓂᒃ. ᒥᓂᔅᑕ ᖃᐅᔨᒪᑦᑎᐊᕐᖓᑦᑕᐅᖅ ᑕᐃᒪ ᓈᒻᒪᖏᑦᑐᒥᒃ ᑰᑕᓕᕆᓂᕐᓂ ᐱᑕᖃᖅᓯᒪᐃᓐᓇᓲᖑᒻᒪᑦ, ᐃᓱᒫᓘᑎᒋᔭᐅᖃᑦᑕᖅᓯᒪᔪᖅ ᐸᓐᓂᖅᑑᕐᒥᐅᓄᓪᓗ ᐊᒻᒪᓗ ᓄᓇᓖᑦ ᐊᓯᖏᓐᓂᒃ ᑕᒫᓂ ᕿᑭᖅᑖᓗᒻᒥᑦ. ᐊᒻᒪᑦᑕᐅᖅ ᒥᓂᔅᑕ ᖃᐅᔨᒪᑦᑎᐊᕐᒥᔪᖅ ᑖᒃᑯᐊ ᑲᒪᒋᔭᖓᓂᒃ ᐸᕐᓇᐅᑏᑦ ᓇᓗᓇᐃᖅᓯᓯᒪᒻᒪᑕ ᑖᓐᓇ ᐱᔾᔪᑎᒋᓪᓗᒍ, ᓱᓇᒥᒃ ᓯᕗᓪᓕᖅᐸᐅᔾᔨᓂᕆᔭᖏᓐᓂᒃ. (ᑐᓵᔨᑎᒎᓕᖅᑐᖅ) ᐅᖃᖅᓯᒪᕗᖅ: “ᑕᐃᒃᑯᐅ ᓄᓇᕗᒻᒥ ᐊᑦᑐᖅᑕᐅᓯᒪᔪᑦ ᐱᔭᕆᐊᑭᓪᓕᑎᑦᑎᔩᑦ ᑭᒡᒐᖅᑐᐃᔩᓪᓗ, ᓱᓖᓛᒃ ᑲᑐᔾᔨᖃᑎᒌᓐᓂᒃᑰᕋᓱᖃᑦᑕᖅᐳᑦ ᓄᓇᕗᒻᒧᐃᑦ ᐃᓚᐃᓐᓈᖏᑦᑐᓂᒃ ᐃᖃᓗᓕᕆᔪᓐᓇᖃᑦᑕᕐᓂᐊᕐᒪᑕ ᑕᐃᒃᑯᓇᓂ ᐃᒪᕐᓂ ᐊᑭᑦᑎᓐᓃᑦᑐᓂᑦ. ᐊᒻᒪᓗ ᐅᖃᐅᓯᖃᖃᑦᑕᖅᓯᒪᔪᒍᑦ ᐋᖅᑭᔅᓯᓗᑕ ᓄᓇᕗᒻᒥ ᑲᑎᙵᔪᓄᑦ, ᐋᔩᖃᑎᒌᑦᑎᐅᓂᐊᖅᑐᓂᒃ ᐱᔾᔪᑎᖃᕐᓗᑎᒃ ᑭᖑᑉᐸᐃᑦ ᐊᒻᒪᓗ ᑐᒃᓯᕋᐅᓯᐅᕐᓗᑎᒃ ᐊᑭᑦᑐᕋᐅᑎᓂᒃᑯᑦ ᐃᖃᓗᒐᓱᖃᑦᑕᖅᑐᑦ ᓚᐃᓴᑖᖅᑎᑕᐅᖃᑦᑕᕐᓂᖏᑦ ᑕᐃᒪᓐᓇ ᐅᓄᙱᓗᐊᖅᑐᓂᒃ ᖃᐃᑦᑎᖃᑦᑕᕐᒪᑕ ᓚᐃᓴᓂᒃ ᓄᓇᕗᒻᒥᐅᓄᑦ. ᐊᒻᒪᓗ ᐊᒃᓱᕈᒃᑲᓐᓂᕐᓗᑎᑦ ᑲᓇᑕᐅᑉ ᒐᕙᒪᒃᑯᖏᑦᑎᒍᓪᓗ ᐊᔭᐅᖅᑐᐃᓗᑎᒃ ᑮᓇᐅᔭᖅᑎᒍᑦ ᐃᑲᔪᖅᑕᐅᖁᓪᓗᒍ, ᑕᒪᒃᑯᐊ ᑭᖑᑉᐸᓕᕆᓂᕐᒧᑦ ᐃᖃᓗᓕᕆᓂᕐᒧᓪᓗ ᑰᑕᐃᑦ ᐅᑎᖅᑎᑕᐅᔪᓐᓇᕐᓂᐊᕐᒪᑕ. ᒥᓂᔅᑕᖃᐃ ᐅᓪᓗᒥ ᓇᓗᓇᐃᖅᓯᔪᓐᓇᖅᐸ ᖃᓄᐃᓕᖓᓕᕐᒪᖔᖅ ᑕᒪᓐᓇ ᐱᓕᕆᐊᖑᔪᖅ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒥᓂᔅᑕ ᓄᓇᓕᓐᓂ ᐱᔨᑦᓯᖅᑎᒃᑯᓐᓄᑦ, ᒥᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᖅᐸᕋ ᐊᐱᕆᒻᒪᑦ ᒪᓕᒐᓕᐅᖅᑎ. ᑕᒪᒃᑯᐊ ᑰᑕᑖᖑᕙᑦᑐᑦ ᐃᖃᓗᓕᕆᓂᕐᒥᒃ ᐃᒪᕕᒻᒥ ᐃᒪᖁᑎᑦᑎᓐᓂ, ᓄᓇᓕᓐᓂ ᐱᔨᖅᑎᕋᖅᑐᓕᕆᔨᒃᑯᑦ ᓄᓇᕗᑦ ᑐᙵᕕᒃᑯᓐᓂᑦ, ᕿᑭᖅᑕᓂᒃᑯᓐᓂ ᐅᖃᖃᑎᖃᖅᓯᒪᓕᖅᑐᒍᑦ ᐅᓄᖅᓯᒋᐊᖅᑕᐅᓯᒪᖁᓪᓗᒋᑦ ᐃᖃᓗᒐᓱᒍᓐᓇᖅᑕᕗᑦ ᐃᒪᖁᑎᑦᑎᓐᓂᒃ. ᐃᒪᕐᒥᐅᑕᓕᕆᔨᒃᑯᑦ ᒥᓂᔅᑕᖓ ᐅᖃᖃᑎᒋᖃᑦᑕᖅᓯᒪᔭᕗᑦ ᑖᓐᓇ ᐱᓪᓗᒍᒃ ᑲᔪᓰᓐᓇᖅᑐᓂᓗ. ᐊᓪᓛᑦ ᑕᖅᑭᐅᔪᔪᒥᒃ. ᔮᓐᓄᐊᓕ-ᒥ ᐋᑐᕚᒦᑦᑎᓪᓗᖓ ᐃᒪᕐᒥᐅᑕᓕᕆᔨᒃᑯᑦ ᒥᓂᔅᑕᖓᑦ ᐅᖃᐅᑎᔪᒻᒥᔭᕋ ᑕᒪᑐᒧᖓ, ᓱᓕ ᐱᓕᕆᐊᕆᕙᕗᑦ. ᖁᔭᓐᓇᒦᒃ, ᐅᖃᖅᑏ.

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 19 ᐅᖃᖅᑎ: ᓯᕗᓪᓕᖅᐹᖅ ᐊᐱᖅᑯᑎᒋᔭᕕᑦ ᐃᓚᒋᐊᕈᑎᖓ, ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᒥᓂᔅᑕ. ᑕᐃᒪᐃᓛᒃ OB-ᒥ ᖃᓕᕋᓕᒻᒧᑦ ᐅᖁᒪᐃᓐᓂᖅᑕᖃᕐᖓᑦ ᑐᑭᐊᓃᑦᑐᖅ ᖃᓂᒋᔭᖓ to (ᑐᓵᔨᑎᒎᓕᖅᑐᖅ) ᕿᑭᖅᑖᓘᑉ ᓂᒋᐊᓂ, 7,797 ᑕᓐᔅ ᐅᖁᒪᐃᓐᓂᖓ ᐊᕝᕙᕆᙱᑕᖓᓂᒃ ᓄᓇᕗᒻᒥᐅᑦ ᑎᒍᒥᐊᖅᑐᑦ. ᐊᒻᒪᓗ ᐊᕝᕙᕆᓗᐊᖅᑕᖓᓂᒃ ᓄᓇᕗᒻᒥᐅᓄᑦ ᑎᒍᒥᐊᖅᑕᐅᓪᓗᓂ, ᑕᕝᕙ ᐃᒪᖁᑎᑦᑕ ᐃᓗᐊᓃᑦᑐᖅ ᓄᓇᕗᑦ ᐃᒪᖁᑎᖓᑦᑕ. ᑖᓐᓇᐅᓇ ᐊᑯᓂᕈᓗᒃ ᐱᓕᕆᐊᖑᓕᕐᖓᑦ ᑕᐃᒪᙵᑲᓪᓚᓂ ᐊᖏᖃᑎᒌᒍᑎᑕᖃᓕᖅᑎᓪᓗᒍ. ᐊᒻᒪᓗ ᑖᓐᓇᓕ ᐃᓱᒫᓗᒋᙱᑦᑎᐊᖅᑕᕋ oᐊ ᓄᓇᕗᒻᒥᐅᑕᓕᒫᕐᓄᑦ ᑎᒍᒥᐊᖅᑕᐅᒻᒪᑦ ᐅᖁᒪᐃᓐᓂᐅᔪᖅ, ᖃᓕᕋᓕᒻᒧᑦ 17,000 ᑕᓐᔅ ᐅᖁᒪᐃᓐᓂᖓ, ᑖᓐᓇᓕ ᓈᒻᒪᑦᑐᖅ. ᑭᓯᐊᓂᑦᑕᐅᖅ ᒥᓂᔅᑕ ᖃᐅᔨᒪᒻᒪᑦᑕᐅᖅ ᐃᒪᕐᒥᐅᑕᓕᕆᔨᒃᑯᑦ ᓇᓗᓇᐃᖅᓯᓚᐅᖅᓯᒪᒻᒪᑕ ᑏᓰᕝᕙ 2025-ᖑᑎᓪᓗᒍ, ᑖᓐᓇ ᐱᔾᔪᑎᒋᓪᓗᒍᒃ ᐃᓱᐃᑦᑐᒃᑯᑦ ᐱᔪᓐᓇᖅᓯᑎᑕᐅᒃᑲᓐᓂᕐᓂᖓ ᑰᑕᒥᒃ. ᑲᓇᑕᐅᑉ ᒐᕙᒪᒃᑯᖏᑦ ᐃᒪᕐᒥᐅᑕᓕᕆᔨᒃᑯᓗᐊᙳᐊᖅ ᓇᓗᓇᐃᖅᓯᓯᒪᒻᒥᔪᑦ ᑖᓐᓇ ᐱᔾᔪᑎᒋᓪᓗᒍᒃ, ᐅᖃᓕᒫᕐᓗᒍ: (ᑐᓵᔨᑎᒎᓕᖅᑐᖅ) “ᑐᓂᔭᐅᒃᑲᓐᓂᕐᓗᑎᒃ ᓚᐃᓴᓐᓯᐅᔪᑦ ᑐᓂᔭᐅᔪᓪᓗ ᑖᒃᑯᐊ ᓄᓇᖃᖅᑳᖅᑐᑦ ᑰᑕᖓ.” (ᑐᓵᔨᑎᒎᕈᓐᓃᖅᑐᖅ) ᑖᓐᓇ ᐱᔾᔪᑎᒋᓪᓗᒍᖃᐃ ᐱᔭᕐᓂᖏᑦᑐᒃᑰᖅᓯᒪᒻᒪᑕ ᑕᐃᒪᙵᓪᓗ ᑖᓐᓇ ᑕᐃᒪᐃᓕᖓᒻᒪᑦ, ᐱᔭᕐᓂᖅᓯᓚᐅᖅᓯᒪᙱᒻᒪᑦ. ᓄᓇᕗᒻᒥᐅᓄᑦ ᑎᒍᔭᐅᓂᐊᖏᓐᓇᕋᓗᐊᖅᑐᓂ ᑖᓐᓇ 3,957 ᑕᓐᔅ ᐅᖁᒪᐃᓐᓂᖓ OB-ᒦᑦᑐᖅ ᐆᑦᑑᑎᒋᔭᕋ, ᑎᒍᒥᐊᙱᓇᑦᑎᒍᑦ ᓄᓇᕗᒻᒧᑦ ᑐᒋᐊᖃᕋᓗᐊᕐᖓᑦ ᐱᔭᐅᒋᐊᖃᕋᓗᐊᕐᖓᑦ. ᕿᑭᖅᑕᓂᒃᑯᑦ ᑖᔅᓱᒧᖓ ᐊᔅᓱᕈᖅᓯᒪᓪᓚᕆᑦᑐᑦ ᖃᐅᔨᒪᔭᒃᑲ, ᓄᓇᕗᑦ ᑐᙵᕕᒃ ᑎᒥᖓᓗ ᑲᑎᒪᖃᑎᒋᓪᓗᑎᒍᑦ, ᕿᑭᖅᑕᓃᒃᑯᑦ ᐊᖏᔪᖅᑳᖓ ᓇᓗᓇᐃᖅᓯᓚᐅᖅᓯᒪᒻᒪᑦ ᑖᓐᓇ ᐅᖃᐅᓯᕆᔭᕗᑦ ᐱᓪᓗᒍ, ᓄᓇᕗᑦ ᕿᑭᖅᑖᓗᒻᒥᐅᑦ ᔭᒐᐃᓯᒪᔪᑦ ᑰᑕᖃᖅᑎ, ᑖᓐᓇ ᐱᓯᒪᙱᓇᑦᑎᒍᑦ 3,900 ᑕᓐᔅ ᐅᖁᒪᐃᓐᓂᖓ. ᐊᕐᕌᒍᑦ 20-ᖃᐃ ᐃᓗᐊᓂ $1- ᐱᓕᐊᓐ ᑮᓇᐅᔭᑦ, ᐃᓯᕋᔭᖅᑐᑦ ᑕᒪᐅᖓ ᐱᙱᓯᒪᔭᕗᑦ, ᐊᓯᑦᑎᓐᓄᖔᖅ ᐱᔭᐅᖃᑦᑕᖅᑐᑦ, ᓄᓇᕘᑉ ᓯᓚᑖᓄᑦ. ᑖᓐᓇᓕᖃᐃ ᒥᓂᔅᑕ ᓇᓗᓇᐃᖅᓯᒍᓐᓇᖅᑲ ᑖᒃᑯᐊ ᓄᓇᕗᑦ ᒐᕙᒪᒃᑯᑦ ᖃᓄᐃᓕᖓᒻᒪᖔᑕ ᑖᔅᓱᒪ ᒥᔅᓵᓅᖓᔪᒧᑦ, ᐊᑲᐅᙱᓪᓕᐅᕈᑕᐅᓯᒪᔪᒧᑦ. ᑖᓐᓇ ᐊᐱᖅᑯᑎᒐ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓄᓇᓕᓐᓂ ᐱᔨᑦᑎᖅᑎᒃᑯᑦ ᒥᓂᔅᑕᖓᑦ, ᒥᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᒻᒪ ᖁᔭᓐᓇᒦᖅᐸᕋ ᐊᔭᐅᖅᑐᐃᖏᓐᓇᕐᖓᑦ ᐃᖃᓗᓕᕐᓂᕐᒧᑦ ᒪᓕᒐᓕᐅᖅᑎ. ᒫᓐᓇ ᑮᓇᐅᔭᓕᐅᕈᑎᔅᓴᖃᓪᓗᐊᕋᓗᐊᕐᒪᑦ ᐃᒪᖁᑎᑦᑎᓐᓂ, ᐃᑲᔪᓪᓚᕆᒃᑲᔭᖅᑐᓂ ᓄᓇᓕᑦᑎᓐᓂ ᐃᖅᑲᓇᐃᔮᖅᑎᒍᑦ, ᓄᓇᖃᖅᑐᓂᓪᓗ ᐃᑲᔪᕈᑕᐅᒃᑲᓐᓂᕐᓗᓂ ᐅᒥᐊᖅᑖᕈᑎᔅᓴᓄᑦ ᐊᓯᕙᐅᑎᔅᓴᓄᑦ, ᐃᑲᔪᕈᑎᐅᔪᓐᓇᖅᑐᓂᑦ ᐃᖃᓗᓕᕆᓂᕐᒥᒃ, ᓇᒻᒥᓂᖅ ᒪᑭᑕᒍᓐᓇᕐᓂᕐᒧᑦ ᐃᓪᓗᒥᐅᖃᑎᒌᑦ. ᑖᒃᑯᐊ ᐊᔭᐅᖅᑐᐃᓇᖅᑕᕗᑦ ᒐᕙᒪᑐᖃᒃᑯᓐᓄᑦ, ᐱᒃᑲᓐᓂᕈᒪᕗᒍᑦ ᐱᒃᑲᓐᓂᕆᐊᖃᖅᐳᒎᓛᖅᖢᒋᑦ ᑰᑕᑖᕆᔭᐅᕙᑦᑐᓂᑦ ᓄᓇᕗᒻᒧᑦ. ᐃᑲᔪᕈᑎᐅᓚᖓᒻᒪᑦ ᓄᓇᓕᖁᑎᑦᑎᓐᓄᑦ ᑖᓐᓇ ᑐᙵᕕᒋᓪᓗᒍᒃ ᐊᑐᕐᓂᐊᖅᑕᕋ ᐅᖃᐅᓯᕆᒋᐊᒻᒪᕆᓪᓗᒍᒃ. ᕿᑭᖅᑕᓂᒃᑯᓪᓗ ᑐᙵᕕᒃᑯᓪᓗ ᐃᑲᔪᖅᓰᓐᓇᖅᑐᑎᒃ ᐅᕙᑦᑎᓐᓂ ᐊᔭᐅᖅᑐᐃᑎᓪᓗᑕ ᓄᓇᕗᒻᒥᐅᓄᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒪᒥᐊᓇᖅ. ᑐᒡᓕᐊᓂ ᐊᐱᖅᑯᑎᒋᔭᕕᑦ ᐃᓚᒋᐊᕈᑎᖓ, ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᑐᓴᕐᓂᓗᐊᖅᐸᓪᓚᐃᓕᕋᒪ ᓇᓗᓕᖅᑐᑎᑦ. ᖁᔭᓐᓇᒦᒃ, ᒥᓂᔅᑕ. ᐃᓛᒃ, ᑖᓐᓇ ᐊᑯᓂᕈᓗᒃ ᐱᓇᓱᐊᒐᐅᒻᒪᑦ ᐅᖃᕈᓐᓇᖅᑐᖓ ᑕᒫᓂᖃᐃ ᐊᕐᕌᒍᑦ 30-ᐅᓗᐊᓕᖅᑐᑦ, ᕿᑭᖅᑖᓗᒻᒥ ᑕᒫᓂ.

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 20 ᑕᐃᒪ ᐊᖏᖃᑎᒌᒍᓪᓗ ᑕᐃᓐᓇ ᓇᒻᒪᖃᖅᑐᖅ

Article 15, ᑕᐃᒃᑯᓄᖔᓯᑦ ᖁᔭᓈᖅᑕᐅᓯᒪᒻᒪᑦ ᐃᒪᕐᒥᐅᑕᓕᕆᔨᒃᑯᓐᓄᑦ. ᑖᓐᓇ ᐅᖃᐅᓯᕆᔭᕗᑦ ᐱᔾᔪᑎᒋᓪᓗᒍᒃ, ᐊᒻᒪᑦᑕᐅᖅ ᓂᕆᐅᓇᖅᓯᑦᑎᐊᓚᐅᖅᓯᒪᒐᓗᐊᕐᖓᑦ ᐋᖅᑭᒋᐊᖅᓯᓂᕐᒧᑦ ᐱᓕᕆᔾᔪᑎ ᑖᓐᓇ ᐱᔾᔪᑎᒋᓗᒍᒃ, ᑕᐃᓐᓇ 3,900 tons OB-ᒦᑦᑐᖅ ᐅᖁᒪᐃᓐᓂᖅ ᑐᓂᔭᐅᑐᐃᓐᓇᕋᔭᙳᐊᔪᒐᓗᐊᕐᖓᑦ ᑖᒃᑯᐊ ᓴᖅᑭᖅᓯᒪᓕᖅᑎᓪᓗᒋᑦ ᖃᓄᖅᑑᖃᑎᖃᒃᑲᓐᓂᑦᑎᐊᕈᒪᓃᑦ ᐱᔾᔪᑎᒋᓪᓗᒍᒃ ᑖᓐᓇ ᐅᖃᐅᓯᖅ ᐋᖅᑭᒋᐊᕆᓂᕐᒧᑦ. ᐊᒻᒪ ᒥᓂᔅᑕ ᐊᐱᕆᒃᑲᓐᓂᕈᒪᓪᓗᒍᒃ ᑖᓐᓇ ᐃᖅᑯᓪᓕᖅᑲᐅᔫᒐᓗᐊᖅ ᐋᑐᕚᒦᓚᐅᕐᓂᕐᒥᓂᒃ, ᐊᒻᒪᓗ ᑲᑎᖃᑎᖃᕐᓂᒥᓂᕐᒥᓂᒃ. (ᑐᓵᔨᑎᒎᓕᖅᑐᖅ) ᒥᓂᔅᑕ ᐅᖃᕈᓐᓇᖅᐸ ᖃᓄᖅ ᐅᖃᖃᑎᖃᓚᐅᖅᐸ ᐃᒪᕐᒥᐅᑕᓕᕆᔨᒃᑯᑦ ᒥᓂᔅᑕᖓᓐᓂᒃ, ᑕᒪᒃᑯᐊ ᓄᓇᕗᒻᒥᐅᑦ ᓇᕝᕚᖅᐸᓐᓂᖏᑦ ᐱᔾᔪᑎᒋᓪᓗᒋᑦ, ᐃᑭᕐᒦᑦᑐᓂᒃ ᐃᖃᓗᒐᓱᑦᑕᐅᒍᓐᓇᖅᑐᓂᒃ ᖃᓕᕋᓕᓐᓂᒃ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᓄᓇᓕᓐᓂ ᐱᔨᑦᑎᖅᑎᒃᑯᑦ ᒥᓂᔅᑕᖓᑦ, ᒥᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᒪᓕᒐᓕᐅᖅᑎ. ᐄ, ᐅᖃᖃᑎᖃᔅᓴᐃᓐᓇᖅᐸᑉᐳᒍᑦ ᐃᒪᕐᒥᐅᑕᓕᕆᔨᒃᑯᓐᓂᑦ ᒥᓂᔅᑕᒥᒃ, ᐃᖅᑲᓇᐃᔭᖅᑎᖁᑎᖏᓪᓗ ᐃᖅᑲᓇᐃᔭᖅᑎᖁᑎᕗᓪᓗ ᐅᖃᖃᑎᒌᑉᐸᓪᓕᐊᒍᑎᒋᓪᓗᑎᒍ ᐊᓪᓛᑦ ᐱᓇᓱᐊᕈᓯᐅᓚᐅᖅᑐᒥᒃ, ᐅᖃᖃᑎᒋᒋᐊᒃᑲᓐᓂᓚᐅᖅᐸᕗᑦ ᑭᓱᒥᒃ ᓂᕆᐅᓐᓂᐊᖅᐱᑕ ᑲᑎᒪᓂᐅᓇᔭᖅᑐᓂ, ᑲᑎᖃᑎᒋᓪᓚᑦᑖᕈᒪᓂᐊᕐᒥᔭᕋ ᒥᓂᔅᑕᐅᔪᖅ ᐃᒪᕐᒥᐅᑕᓕᕆᔨᒃᑯᓐᓂ. ᐅᖃᖃᑎᒋᔅᓴᐃᓐᓇᖅᐸᓪᓕᐊᓗᒍᓗ ᑐᑭᓯᑎᕙᓪᓕᐊᓪᓗᒍ ᓱᒻᒪᑦ ᐅᓄᖅᓯᒋᐊᕆᐊᖃᕐᒪᖔᑦ ᑰᑕᖁᑎᕗᑦ. ᖃᐅᔨᒪᔪᐃᓐᓇᐅᒐᑦᑕ ᓄᓇᓕᖁᑎᕗᑦ ᐃᖅᑲᓇᐃᔮᔅᓴᖃᑦᑎᐊᖅᐸᖏᒻᒪᑕ ᐊᒻᒪ ᓂᕆᔭᕆᐊᖃᖅᑐᑦ ᑮᓇᐅᔭᖃᕆᐊᖃᖅᑐᑦ ᑕᒪᓐᓇ ᐊᔭᐅᖅᑐᕈᑎᒌᓐᓇᕐᓂᐊᕋᒃᑯᒃ. ᐊᐱᖅᑯᑎᒋᔭᖓᓄᑦ ᖁᔭᓐᓇᒦᖅᐸᕋ ᐊᔭᐅᖅᑐᐃᓐᓇᕐᒪᒍᒃ ᑕᒪᓐᓇ, ᐱᔾᔪᑎᒋᒃᑲᓐᓂᕐᓂᐊᖅᑕᕗᑦ ᐃᒪᕐᒥᐅᑕᓕᕆᔨᒃᑯᓐᓄᑦ ᐅᖃᐅᓯᕆᒋᐊᒃᑲᓐᓂᒻᒪᕆᓪᓗᒋᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐅᖃᐅᓯᒃᑯᑦ ᐊᐱᖅᑯᑏᑦ. ᐊᒻᒪᓗ ᐊᐱᖅᑯᑎᔅᓯᓐᓅᑦᑕᐅᑎᒋᒋᐊᕋᓱᐊᖅᐸᓪᓗᓯᖃᐃ ᐃᒫᒃ ᐅᖃᕈᒃᑯ. ᐅᖃᐅᓯᒃᓴᕆᔭᓯ ᓇᐃᓈᖅᑎᒋᐊᖃᑦᑕᕐᓗᓯᐅᒃ ᐊᐱᕆᒋᐊᙱᓐᓂᔅᓯᖕᓂᑦ. ᑲᖏᖅᓯᓂᐅᑉ−ᐅᐊᓐᓇᖓᓄᑦ ᐃᒡᓗᓕᒑᕐᔪᒻᒧᓪᓗ, ᒪᓕᒐᓕᐅᖅᑎ ᓴᒻᒧᖅᑐᖅ. ᐊᐱᖅᑯᑦ 59 – 7(1): ᑭᕙᓪᓕᕐᒥ ᓄᓇᓕᓐᓄᑦ ᐊᖅᑯᑎᒃᓴᖅ (ᓴᒻᒧᖅᑐᖅ) ᓴᒻᒧᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒃᑲ ᐅᓪᓗᒥ ᐃᖏᕐᕋᔪᓕᕆᔨᒃᑯᓐᓄᑦ ᐱᖁᑎᕐᔪᐊᓕᕆᔨᒃᑯᓐᓄᑦ. ᒥᓂᔅᑕ ᖃᐅᔨᒪᒻᒪᑦ ᖁᕕᐊᓇᕐᓂᖅᐹᖑᓕᖅᑐᖅ ᐱᕙᓪᓕᐊᔭᐅᔪᓂᒃ ᑭᕙᓪᓕᕐᒥ ᓄᓇᓕᓐᓂ ᓄᓇᓕᖕᓄᑦ ᐊᖅᑯᓯᐅᕆᓂᖅ. ᑖᓐᓇ ᐸᕐᓇᐅᑕᐅᔪᖅ ᓄᓇᓖᑦ ᐊᖅᑯᑎᖃᓕᕐᓗᑎᒃ ᑲᖏᖅᓯᓂᕐᒥ, ᐃᒡᓗᓕᒑᕐᔪᕐᒥ, ᖃᒪᓂ’ᑐᐊᕐᒥ, ᐊᒻᒪ ᑎᑭᕋᕐᔪᐊᒥ, ᐊᕐᕌᒍᓕᒫᖅ ᒪᕐᕉᓐᓄᒃ ᓇᓕᐊᓐᓄᕋᖅᑕᐅᒍᓐᓇᕐᓗᓂ ᓄᓇᒃᑰᕈᑎᓄᑦ. ᒥᓂᔅᑕ ᐃᖅᑲᐅᒪᕗᖅ ᑭᕙᓪᓕᕐᒥ ᓄᓇᓕᖕᓄᑦ ᐊᖅᑯᓯᐅᕐᓂᖅ ᖃᐅᔨᓴᖅᑕᐅᓯᒪᓂᖓ ᐃᓪᓗᒨᖅᑕᐅᓚᐅᖅᓯᒪᕗᖅ ᐅᓂᒃᑳᑦ ᐃᒃᓯᕙᓂᖃᖅᑎᓪᓗᒍ ᓯᑏᕝᕙ 17, 2025-ᒥ. ᒥᓂᔅᑕ ᑐᓴᖅᑎᔅᓯᔪᓐᓇᖅᐹ ᐅᓪᓗᖅᓯᐅᑎᐅᒐᔭᙳᐊᖅᑐᒥᒃ ᓴᓇᔭᐅᓯᒋᐊᕈᓂ ᑭᕙᓪᓕᕐᒥ ᓄᓇᓕᖕᓄᑦ ᐊᖅᑯᑎᓕᐅᓂᖅ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᑦ ᒥᓂᔅᑕᖓ, ᒥᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᓱᓕᕗᖅ ᑖᒃᑯᐊ ᓇᐃᓈᖅᓯᒪᔪᑦ ᐅᓂᒃᑳᑦ 866 ᒪᑉᐱᒐᑦ. 8 ᓯᑏᕝᕙᒥ ᐊᕐᕌᓂ ᐃᓪᓗᒨᖅᑕᐅᓚᐅᖅᓯᒪᒻᒪᑦ.

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 21 ᒫᓐᓇᐅᔪᖅ ᐅᖃᖅᑏ, ᑖᒃᑯᐊ ᑐᓴᖅᓯᒪᔭᕗᑦ ᐅᖃᖃᑎᒌᑉᐸᓐᓂᒃᑰᖅᓯᒪᔪᑦ ᐃᓚᐅᖃᑕᐅᔪᓂᒃ ᓇᑭᕈᓘᔭᖅ ᓄᓇᓂᓪᓗ ᐊᒻᒪᓗ ᐊᖑᓇᓱᒃᑐᓕᕆᔨᓂᑦ. ᐱᓯᒪᔭᐃᓐᓇᕆᓕᕋᑦᑎᒍᑦ ᐃᓱᒪᓕᐅᕈᑎᒋᕙᓪᓕᐊᒋᐊᖃᕐᓂᐊᖅᑕᕗᑦ ᖃᓄᖅ ᐃᓚᓕᐅᑎᕙᓪᓕᐊᓂᐊᕐᒪᖔᑉᑎᒍ ᐊᑭᑐᔫᑎᓄᑦ ᐊᒻᒪ ᑲᔪᓯᒍᓐᓇᖅᑎᒋᒐᓗᐊᕐᒪᖔᑦᑎᒍᑦ ᑖᓐᓇ ᐱᓕᕆᐊᒃᓴᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐊᐱᖅᑯᑎᕕᑦ ᐃᓚᒋᐊᕈᑎᖓ, ᒥᔅᑕ ᓴᒻᒧᖅᑐᖅ. ᓴᒻᒧᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕ ᖃᐅᔨᒪᒻᒪᑦ ᑭᕙᓪᓕᕐᒥ ᐊᖅᑯᓯᓕᐅᕆᓂᕐᒧᑦ ᐅᓂᒃᑳᑦ ᐅᖃᖅᓯᒪᒻᒪᑕ ᓇᓚᐅᑦᓵᖅᑕᐅᓯᒪᓂᖓ ᐊᑭᒋᒐᔭᖅᑕᖓᓄᑦ ᐊᖅᑯᓯᓕᐅᕆᓂᐅᑉ ᑭᕙᓪᓕᕐᒥ. ᑕᒫᓂ ᐊᑭᖃᕋᔭᖅᑐᖅ $3.01 ᐱᓕᐋᓐᓂᒃ ᑮᓇᐅᔭᓂᑦ. ᒥᓂᔅᑕ ᐅᖃᕈᓐᓇᖅᐸ ᐱᓕᕆᕝᕕᖓ ᑐᓂᓯᓛᕐᒪᖔᑕ ᑐᒃᓯᕋᐅᑎᒥᒃ ᓄᑖᖑᓕᖅᑐᒥ ᐅᑭᐅᖅᑕᖅᑐᒧᑦ ᓴᓇᒍᑎᒃᓴᓄᑦ ᑮᓇᐅᔭᐅᓕᖅᑐᓂᒃ ᐃᑲᔪᖅᑐᐃᒍᑎᐅᓕᕐᓗᓂ ᑕᒪᑐᒧᖓ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᑦ ᒥᓂᔅᑕᖓ, ᒥᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᓕᐊᓇᐃᑦ ᐊᐱᖅᑯᑎᒋᒻᒪᒍ ᐊᒻᒪ ᐅᖃᐅᓯᖃᕐᒥᒻᒪᑦ ᐊᐅᓚᑕᐅᓂᕆᒐᔭᖅᑕᖓᓂᒃ ᑲᒪᒋᔭᐅᒋᐊᖃᕋᔭᖅᑐᓂᒃ $13 ᒥᓕᐊᓐ ᑮᓇᐅᔭᓂᑦ ᐊᑭᖃᖃᑦᑕᕋᔭᕐᒪᖔᖅ ᐊᕐᕌᒍᑕᒫᑦ. ᐅᖃᖅᑲᐅᒐᒪ ᐅᖃᖅᑏ, ᖃᐅᔨᓴᕐᓇᓪᓕᕆᐅᓯᒪᔪᖅ ᖃᐅᔨᓴᕈᑎᐅᓚᐅᖅᓯᒪᔪᖅ ᑐᓂᔭᐅᓚᐅᖅᓯᒪᔪᖅ ᐃᖏᕐᕋᔪᓕᕆᔨᒃᑯᑦ ᑲᓇᑕᒥ. ᑖᓐᓇ ᑐᑭᓯᒋᐊᖃᕐᓂᐊᖅᑕᕗᑦ ᑕᕝᕙ ᐊᑐᐃᓐᓇᐅᓂᐊᖅᐹ ᑖᒃᑯᐊ ᐅᑭᐅᖅᑕᖅᑐᒧᑦ ᓴᓇᔾᔪᑎᑦᓴᐅᒐᔭᙳᐊᖅᑐᐃᑦ. ᐊᒻᒪᓗ ᓇᐅᒃᑯᑦ ᓯᕗᓪᓕᐅᑎᓂᐊᕐᒪᖔᑉᑕ ᖃᓄᕐᓗ ᐃᓱᒪᒋᔭᐅᓂᐊᕐᒪᖔᖅ ᑐᒃᓯᕋᕈᑎᕗᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑎᒋᐃᑦ, ᒥᔅᑕ ᓴᒻᒧᖅᑐᖅ. ᓴᒻᒧᖅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕ ᖃᐅᔨᒪᒻᒪᑦ ᑭᕙᓪᓕᕐᒥ ᐊᖅᑯᓯᓕᐅᕆᓂᕐᒧᑦ ᐅᓂᒃᑳᑦ ᐅᖃᖅᓯᒪᒻᒪᑕ ᐊᑕᐅᓯᐅᙱᑦᑐᖅ ᒐᕙᒪᑐᖃᒃᑯᓐᓂᑦ ᐱᔪᑦ ᑲᔪᓯᒍᑎᐅᒍᓐᓇᕋᔭᖅᑐᑦ ᓴᓇᔾᔪᑎᑦᓴᒧᑦ ᑲᒪᓂᑦᓴᒧᓪᓗ ᐊᖅᑯᑎᕐᒥ. ᑕᒪᒃᑯᐊ ᐱᖃᓯᐅᑎᓯᒪᔪᑦ ᓄᓇᕗᒻᒥ ᐸᕐᓇᓂᕐᒧᑦ ᐱᓕᕆᐊᓄᓪᓗ ᐱᖁᔭᐅᔪᒥᒃ. ᐅᖃᖅᑏ, ᑐᑭᓯᔭᒃᑯᑦ ᐊᑕᐅᓯᐅᙱᑦᑐᖅ ᐊᑑᑎᖃᑦᓯᐊᖅᑐᖅ ᒐᕙᒪᑐᖃᒃᑯᑦ ᐱᖁᔭᖏᓐᓂᒃ ᐋᖅᑭᒋᐊᖅᑕᐅᒐᔭᕐᒪᑕ ᓇᒻᒥᓂᖅᓱᐸᓪᓕᐊᓂᖅ ᐃᓱᒪᒋᓗᒍ. ᒥᓂᔅᑕ ᐅᖃᕈᓐᓇᖅᐹ, ᖃᓄᑎᒋ ᐸᕐᓇᒍᑎᓄᑦ ᐋᖅᑭᒋᐊᕈᑎᐅᔪᐃᑦ ᐊᑦᑐᐃᓂᖃᕐᓂᐊᕐᒪᖔᑦ ᑭᕙᓪᓕᕐᒥ ᐊᖅᑯᓯᐅᕆᓂᕐᒧᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᑦ ᒥᓂᔅᑕᖓ, ᒥᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐱᓯᒪᙱᑕᐃᓐᓇᕋᒃᑭᑦ ᐃᓗᓕᖏᑦ ᒫᓐᓇ. ᐅᖃᐅᑎᒍᓐᓇᐸᒃᑲ ᓯᕗᓕᖅᑎᐅᖃᑎᒃᑲ ᐅᖃᖃᑎᒋᓛᖅᐸᒃᑲ ᑕᒪᓐᓇ ᐸᕐᓇᐅᑕᐅᓂᖓ ᓯᕗᒧᒐᔭᕐᒪᖔᖅ ᑐᓴᖅᑎᓛᖅᐸᕋ ᒪᓕᒐᓕᐅᖅᑎ ᐊᑐᐃᓐᓇᐅᓕᖅᐸᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐅᖃᐅᓯᒃᑯᑦ ᐊᐱᖅᑯᑏᑦ. ᐊᒡᒎᑉ ᒪᓕᒐᓕᐅᖅᑎᖓ, ᒥᔅᑕ ᐊᑐᒍᑦᑖᓗᒃ. ᐊᐱᖅᑯᑦ 60 – 7(1): ᓇᓪᓕᐅᒃᑯᒫᑦ ᓄᓇᓕᓐᓂ ᐊᖏᔫᑎᓄᑦ (ᐊᑕᒍᑦᑖᓗᒃ)

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 22 ᐊᑕᒍᑦᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᐊᐱᖅᑯᑎᒃᑲ ᓄᓇᓕᓐᓂ ᐱᔨᔅᓯᖅᑎᒃᑯᓐᓄᑦ. ᒥᓂᔅᑕ ᖃᐅᔨᒪᖕᒪᑦ ᐊᑕᐅᓯᐅᙱᑦᑐᑦ ᓄᓇᓖᑦ ᓄᓇᕗᒻᒥ ᐊᓯᐅᔨᓯᒪᖃᑦᑕᓕᕐᒪᑕ ᐃᒡᓗᓂᑦ ᐃᑯᒪᒧᑦ ᐊᓯᖏᓐᓄᓪᓗ ᐊᕐᕌᒍᓂᑦ ᐊᓂᒍᓵᖅᑐᓂᒃ. ᐆᑦᑑᑎᒋᓗᒍ ᐃᒡᓗᐃᓂᒥᑦ ᑭᑉᓯ ᐊᓐᓂᑭᑦᑐᕐᕕᖓ ᐊᓯᐅᔪᒻᒥᖕᒪᑦ. ᒥᓂᔅᑕ ᐅᖃᕈᓐᓇᖅᐸ ᐅᓪᓗᒥ ᖃᓄᐃᓕᖓᑦᑕᓕᕐᒪᖔᖅ ᓇᓪᓕᐅᒃᑯᒫᖅᓯᐅᑕᐅᓚᐅᖅᑐᖅ ᑖᑉᓱᒧᖓ ᐊᓐᓂᑭᑦᑐᕐᕕᒻᒧᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓄᓇᓕᓐᓂ ᐱᔨᑦᓯᖅᑎᒃᑯᑦ ᒥᓂᔅᑕᖓᑦ, ᒥᔅᑕ ᓯᒪᐃᓚᒃ. ᐊᖓᔪᖅᑳᖅ ᒍᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᕆᕙᕋ ᑖᓐᓇ ᐊᐱᖅᓱᖅᑐᖅ. ᑕᐃᓐᓇ ᓯᐊᕐᕆᔮᕐᕕᖕᒥ ᐃᑯᐊᓪᓚᑦᑎᓪᓗ ᓯᐊᕐᕆᔮᕐᕕᖃᕈᓐᓃᖅᑎᓪᓗᒍ ᑕᐃᒃᑯᐊ ᓇᓪᓕᐅᒃᑯᒫᓕᕆᔨᒃᑯᑦ ᓈᒪᒃ, ᓄᓇᓖᑦ ᒐᕙᒪᖏᓐᓄᑦ ᑲᒪᒋᔭᐅᖕᒪᑦ. ᖃᓄᐃᓕᖓᓕᕐᒪᖔᖅ ᑕᐃᒃᑯᐊ ᑐᓴᕆᐊᕐᕕᒋᓂᐊᖅᐸᒃᑲ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓯᕗᓪᓕᖅᐹᒥᒃ ᐃᓚᒋᐊᕈᑏᑦ ᐊᐱᕆᒍᒃ. ᒥᔅᑕ ᐊᑕᒍᑦᑖᓗᒃ. ᐊᑕᒍᑦᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᖃᐅᔨᒪᖕᒪᑦ ᒥᓂᔅᑕ ᒐᕙᒪᒃᑯᑦ ᑐᒃᓯᕋᐅᑎᓂᒃ ᑳᓐᑐᕌᒃᑦ−ᒐᒃᓴᓂᑦ ᑎᓰᕝᕙᒥ ᓴᖅᑭᑦᑎᓚᐅᕐᒪᑕ ᐊᕐᕌᓂ. ᕿᒥᕐᕈᓇᓕᖅᖢᑎᒡᓗ ᓄᓇᕗᒻᒥ ᑲᑐᔾᔨᖃᑎᒌᑦ ᓇᓪᓕᐅᒃᑯᒫᒋᔭᖓᑦ ᑖᒃᑯᐊ ᓇᐃᒪᒃᔅ−ᖑᓂᕋᖅᑕᐅᔪᖅ. ᐅᖃᖅᑏ, ᑐᓴᒐᒃᓴᐃᑦ ᑎᑎᕋᖅᑕᐅᓚᐅᖅᑐᖅ ᒐᕙᒪᒃᑯᓐᓂᑦ ᐅᖃᓚᐅᕐᒪᑕ ᑐᒃᓯᕋᐅᑎᓕᐅᕐᓂᕐᒪᑕ ᑳᓐᑐᕌᒃᑦ−ᒐᒃᓴᓄᑦ ᐱᔪᒪᓇᓱᖕᓂᖅ ᒪᑐᓚᐅᕐᒪᑦ ᔮᓐᓄᐊᕆᐅᑎᓪᓗᒍ ᑕᖅᑮᒃ ᒪᕐᕉᒃ ᐊᓂᒍᖅᑑᒃ. ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᓇᓕᐊᒃ ᑳᓐᑐᕌᒃᑕᐅᓯᒪᓕᕐᒪᖔᖅ ᑖᔅᓱᒥᖓ ᓴᓇᓂᐊᖅᑐᖅ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓄᓇᓕᓐᓂ ᐱᔨᑦᓯᖅᑎ ᒥᓂᔅᑕᖓ, ᒥᔅᑕ ᓯᒪᐃᓚᒃ. ᐊᖓᔪᖅᑳᖅ ᒍᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᕆᕙᕋ ᑲᒪᑎᔨ ᐊᐱᖅᓱᕐᒪᑦ. ᑖᓐᓇ ᑐᓴᒐᒃᓴᖅ ᐱᓯᒪᙱᓐᓇᒃᑯ ᒫᓐᓇ ᑭᓯᐊᓂ ᐅᑎᕐᕕᒋᓂᐊᖅᐸᕋ. ᒫᓐᓇ ᐅᓪᓗᐃᑦ ᐊᓂᒍᖅᐸ ᖃᔅᓯᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑎᒋᔭᕕᑦ, ᒥᔅᑕ ᐊᑕᒍᑦᑖᓗᒃ. ᐊᑕᒍᑦᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ ᐊᒻᒪᓗ ᖁᔭᓐᓇᒦᒃ ᑭᐅᒐᕕᑦ. ᐅᖃᖅᑏ, ᑐᒃᓯᕋᖅᑐᖅ ᑕᐃᓐᓇ ᑳᓐᑐᕌᒃᑦ−ᒐᒃᓴᓄᑦ ᐅᖃᓚᐅᕐᒪᑕ ᑐᕌᒐᒃᓴᖓ ᕿᒥᕐᕈᓇᒃᑎᓪᓗᒋᑦ ᐃᒪᐃᑦᑐᒪᓪᓗᑎᒃ: ᖃᐅᔨᓴᐃᓗᑎᒃ ᖃᓄᑎᒋ ᑮᓇᐅᔭᐃᑦ ᓯᕗᓂᒃᓴᑦᑎᓐᓂ ᐊᑦᑕᕐᓇᕋᔭᕐᒪᖔᖅ ᓄᓇᕗᒻᒥ ᓇᓪᓕᐅᒃᑯᒫᖃᖅᑎᑦᑎᓂᕐᒧᑦ ᓄᓇᓕᐅᔪᑦ ᓄᓇᓕᖕᓂ ᐱᖁᑎᒋᔭᐅᔪᓄᑦ. ᐊᒻᒪᓗᑦᑕᐅᖅ, ᓄᓇᓖᑦ ᒐᕙᒪᖏᑕ ᓇᓪᓕᐅᒃᑯᒫᖁᑎᖏᑦ ᑕᐅᖅᓰᑎᓪᓗᒋᑦ. ᖃᓄᖅ ᑕᐃᒪ ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᖃᓄᐃᑦᑐᓂᒃ ᐃᓱᒫᓗᒍᑎᑕᖃᕐᒪᖔᖅ ᓇᓪᓕᐅᑯᒫᓕᕆᔾᔪᑎᓂᒃ ᐱᓕᕆᕕᐊᓂ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒥᔅᑕ ᓯᒪᐃᓚᒃ. ᐊᖓᔪᖅᑳᖅ ᒍᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᑦᑕᐅᖅ ᑖᓐᓇ ᐊᐱᕆᖕᒪᑦ ᑲᑎᒪᔨ. ᐱᔾᔪᑎᒋᓪᓗᒋᑦ ᑕᐃᒃᑯᐊ ᓈᐃᒪᒃᔅ ᐱᓪᓗᒍ ᐊᒻᒪ ᓄᓇᕗᒻᒥ ᓄᓇᓖᑦ ᑲᑐᔾᔨᖃᑎᒌᖏᑦ ᑕᐃᒃᑯᐊ ᐃᓱᒪᒃᓴᖅᓯᐅᕈᑎᖃᕋᓱᖃᑦᑕᕋᑦᑕ, ᖃᓄᐃᑦᑐᓂᒃ ᓇᓖᕌᕈᑎᓂᒃ ᐱᑕᖃᕐᒪᖔᑕ. ᑕᐃᒃᑯᐊᓗ ᓄᓇᓖᑦ ᑲᑐᔾᔨᖃᑎᒌᖏᑦ ᒐᕙᒪᖏᑕ ᑕᐃᒃᑯᐊ ᓯᕗᓕᖅᑎᐅᖃᑦᑕᕐᒪᑕ ᐃᓱᒫᓗᒍᑎᒋᔭᖏᓐᓂᒃ ᓈᐃᒪᒃᔅ ᓇᓪᓕᐅᒃᑯᒫᑦ ᐱᔾᔪᑎᒋᓪᓗᒍ.

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 23 ᒫᓐᓇ ᑲᒪᒋᔭᐅᔪᓐᓇᕐᒪᖔᖅ ᓇᐅᒃᑯᑦ ᓄᓇᕗᒻᒥ ᑲᑐᔾᔨᖃᑎᒌᑦ ᓄᓇᓖᑦ ᒐᕙᒪᖏᓐᓄᑦ ᐃᖅᑲᓇᐃᔭᖃᑎᒋᖃᑦᑕᖅᑕᕗᑦ ᑲᑐᔾᔨᖃᑎᒌᖏᓐᓂᑦ ᐃᓱᒪᒃᓴᖅᓯᐅᕈᑎᒋᔭᖏᑦ ᑕᒪᒃᑯᐊ. ᐅᕙᒍᑦ ᑎᒥᐅᓪᓗᑕ ᑖᒃᑯᐊᓂᖓ ᕼᐋᒻᒪᓚᐅᔪᓂᒃ ᐃᖅᑲᓇᐃᔭᖃᑎᖃᖃᑦᑕᕋᑦᑕ ᐊᑐᓂ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐅᖃᐅᓯᒃᑯᑦ ᐊᐱᖅᑯᑏᑦ. ᐊᕐᕕᐊᑦ ᓂᒋᐊᓄᑦ ᒪᓕᒐᓕᐅᖅᑎ. ᒥᔅᑕ ᖃᑉᓗᑦᓯᐊᖅ. ᐊᐱᖅᑯᑦ 61 – 7(1): ᑐᓴᒐᒃᓴᖅ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑐᒃᓯᕋᐅᓕᐅᖁᔨᓂᕐᒧᑦ #110004120 (ᖃᑉᓗᑦᓯᐊᖅ) ᖃᑉᓗᑦᓯᐊᖅ: ᐊᐱᖅᑯᑎᒋᓂᐊᒐᕋ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ ᒥᓂᔅᑕᐅᔪᖅ. ᖃᓄᐃᓕᖓᓕᕐᒪᖔᑦ ᑖᓐᓇ RFT-ᖑᓂᕋᖅᑕᐅᔪᖅ ᐅᒃᑯᐃᓚᐅᖅᑐᖅ ᕖᕝᕗᐊᕆ 19-ᖑᑎᒃᖢᒍ. ᐅᒃᑯᐊᖅᖢᓂ ᒫᑦᓯ 6-ᖑᓚᐅᖅᑐᒥᒃ. ᖃᓄᐃᓕᖓᓕᕐᒪᖔᑦ ᑐᑭᓯᒋᐊᖅᑎᑦᓯᔫᓪᓗᐊᖏᒻᒪᖔᑦ ᐊᐱᕆᕗᖓ? ᒪ’ᓇ, ᐅᖃᖅᑎᑦᓯᔩ. ᐊᖓᔪᖅᑳᖅ ᓯᓯᐅᓪ ᓚᐃᔪᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᖅᐸᕋᑦᑕᐅᖅ ᑲᑎᒪᔨ ᐊᐱᖅᓱᕐᒪᑦ ᑖᔅᓱᒪᑉ ᒥᒃᓵᓄᑦ. ᑐᑭᓯᓇᑦᑎᐊᖁᓪᓗᒍ ᓇᓕᐊᒃ ᓇᓕᐊᖑᖕᒪᖔ ᑖᓐᓇ ᐅᖃᐅᓯᕆᒃᑲᓐᓂᕐᓕᐅᒃ. ᖁᔭᓐᓇᒦᒃ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᒥᔅᑕ ᖃᑉᓗᑦᓯᐊᖅ, ᓇᓕᐊᒃ ᑳᓐᑐᕌᒃᑦ−ᓂ ᐱᓇᓱᒍᑎᐅᖕᒪᖔᑦ ᐅᖃᐅᓯᕆᑲᐃᓐᓇᕈᒃ. ᖁᔭᓐᓇᒦᒃ. ᖃᑉᓗᑦᓯᐊᖅ: ᒪ’ᓇ, ᐅᖃᖅᑎᑦᓯᔩ. ᑖᒻᓇ (ᑐᓵᔨᑎᒎᓕᖅᑐᖅ) ᓱᕋᑦᑎᓂᕐᒥᒃ ᐱᓕᕆᐊᕆᔭᖅ ᐋᓐᓂᐊᕕᐅᑉ 5232011- ᒥ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᒥᓂᔅᑕ ᐃᒡᓗᓕᕆᔨᒃᑯᓐᓄᑦ. ᒥᔅ ᓚᐃᔪᓪ. ᐊᖓᔪᖅᑳᖅ ᓯᓯᐅᓪ ᓚᐃᔪᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᖅᐸᕋᓗᑦᑕᐅᖅ ᐊᐱᖅᓱᖅᑐᑦ ᑖᔅᓱᒪᑉ ᒥᒃᓵᓄᑦ ᐊᐱᖅᑯᑎᐅᑉ. ᑕᐃᒪᓐᓇᐃᑦᑐᓂᒃ ᑐᓴᒐᒃᓴᓂᒃ ᐱᓯᒪᙱᓐᓇᒃᑯ ᒫᓐᓇ. ᑭᓯᐊᓂ ᐱᑐᐊᕈᒃᑯ ᑲᑎᒪᔨᐅᖃᑕᐅᔪᒧᑦ ᑐᓂᔪᓐᓇᕐᓂᐊᖅᑕᕋ. ᖁᔭᓐᓇᒦᒃ. ᐅᖃᖅᑎ: ᖁᔭᓐᓇᒦᒃ. ᓯᕗᓪᓕᖅᐹᖅ ᐃᓚᒋᐊᕈᑏᑦ, ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ: ᒪ’ᓇ, ᐅᖃᖅᑎᑦᓯᔩ. ᑖᒻᓇᓕ ᐊᐱᖅᑯᑎᒋᓂᐊᓕᕐᒥᔭᕋ ᓄᓇᓕᓐᓂ ᐃᒡᓗᓕᕆᔨᒃᑯᑦ ᑲᑐᔾᔨᖃᑎᒌ- ᖑᓂᕋᖅᑕᐅᔪᖅ ᐊᕐᕕᐊᓂᑦ. ᑕᐃᑲᓂ 2019-ᖑᑎᖦᖢᒍ ᓄᓇᓕᓐᓂ ᐃᒡᓗᓕᕆᔨᒃᑯᑦ ᑲᑐᔾᔨᖃᑎᒌᑦ ᐃᒃᓯᕙᐅᑕᐅᑎᖦᖢᖓ ᐅᖃᐅᓯᐅᑦᑕᖅᓯᒪᔪᖅ, ᓄᑖᒥᒃ ᐱᔭᕆᐊᖃᕐᓂᖓᓂᒃ ᐊᕐᕕᐊᓂᑦ. ᑖᓐᓇ ᓄᓇᓕᓐᓂ ᐃᒡᓗᓕᕆᔨᒃᑯᑦ ᑲᑐᔾᔨᖃᑎᒌᑦ ᐊᓪᓚᕝᕕᖓ ᖃᓄᐃᓕᐅᓕᕐᒪᖔᑦ ᑐᓴᖅᑎᑦᓯᔫᓪᓗᐊᕐᒪᖔᑦ? ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᖁᔭᓐᓇᒦᒃ. ᒥᔅᑕ ᖃᑉᓗᑦᓯᐊᖅ, ᐊᐱᖅᓲᑎᒋᔭᐃᑦ ᑖᓐᓇ ᑖᔅᓱᒥᖓᑦᑕᐃᓐᓇᖅ ᓯᕗᓪᓕᕐᒥᒃ ᐊᐱᖅᑯᑎᒋᖅᑲᐅᔭᕐᓄᑦ ᐊᐱᖅᓱᕆᐊᖃᕋᕕᑦ ᑖᔅᓱᒥᖓᑦᑕᐃᓐᓇᖅ. ᒥᓂᔅᑕ ᓚᐃᔪᓪ, ᓂᓪᓕᕈᒪᔪᖅ. ᐊᖓᔪᖅᑳᖅ ᓯᓯᐅᓪ ᓚᐃᔪᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᒃ ᑖᓐᓇ ᑲᑎᒪᔨ ᐊᐱᖅᓱᕐᒪ. ᒫᓐᓇᐅᔪᖅ ᑖᒃᑯᐊ ᓴᓇᔭᐅᕙᓪᓕᐊᓕᖅᑐᖅ ᑕᐃᓐᓇ, ᑭᖑᕝᕕᖅᓯᔾᔪᑕᐅᓂᐊᖅᑐᖅ ᓄᓇᓕᖕᓂ ᐃᒡᓗᓕᕆᔨᒃᑯᑦ ᐱᓕᕆᕕᒃᓴᖓ. ᐊᕐᕕᐊᑦ ᑭᖑᓪᓕᐅᓂᐊᕐᒥᔪᖅ ᓯᕗᓪᓕᐅᔾᔭᐅᓯᒪᔪᖅ ᓴᓇᕝᕕᐅᓂᐊᖅᑐᓂᒃ ᒫᓐᓇ ᐸᕐᓇᒃᓯᒪᔪᒍᑦ. ᓇᓗᓇᐃᖅᓯᓂᐊᓕᕐᒥᔪᒍᑦ ᐱᔪᒪᓇᓱᒃᑐᓂᒃ ᐃᓇᑦᑎᓂᐊᖅᑎᒍᑦ ᕿᒥᕐᕈᓇᖕᓂᐊᕋᑦᑎᒍᑦ ᓇᓕᐊᖕᓂᒃ ᓇᓖᕌᕈᑎᖃᕐᒪᖔᑦ ᐊᑐᖅᑕᐅᔪᓐᓇᖅᑐᒥᒃ ᐊᕐᕕᐊᓂ ᐃᒡᓗ ᑭᖑᕝᕕᖅᑕᐅᔾᔪᓯᒪᓂ.

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 24 ᐊᕐᕕᐊᓂ ᐃᒡᓗᖁᑎᒋᔭᐅᔪᖅ ᐱᑐᖄᓘᖕᒪᑦ ᐊᒻᒪᓗᒃᑕᐅᖅ, ᐊᓯᔾᔨᖅᑕᐅᔭᕆᐊᖃᓪᓚᕆᓕᖅᖢᓂᒃ ᒪᓕᒡᓗᒋᑦ ᑕᐃᒃᑯᐊ ᐱᔪᒪᓇᓱᒃᑐᓂ ᐃᓇᑦᑎᓂᖅ ᓴᖅᑭᑦᑎᖁᔨᔾᔪᑎᒃ, ᑖᒃᑯᐊ ᖃᐅᔨᒍᑎ ᓇᓗᓇᙱᓐᓂᖅᓴᐅᓛᖅᑐᖅ, ᐸᕐᓇᐅᑎ ᐊᐅᔭᐅᓂᐊᖅᑐᖅ ᐱᔭᕇᖅᑕᐅᔪᒫᖅᑐᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑐᒡᓕᐊᓂ ᑭᖑᓪᓕᖅᐹᒥᓗ ᐊᐱᖅᑯᑏᑦ. ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ: ᒪ’ᓇ, ᐅᖃᖅᑎᑦᓯᔩ. ᑐᑭᓯᓇᑦᓯᐊᙱᓚᐅᖅᑰᕋᒪ ᐊᐱᕆᑎᖦᖢᖓ ᑕᕝᕙᖓᑦ, ᓇᓗᓇᐃᕈᐊᖅᐳᖓ ᓇᓗᓇᐃᒃᑯᑕ ᓈᓴᐅᑖᖅ ᐃᒡᓗᓕᕆᕐᔪᐊᒃᑯᑦ ᑐᒃᓯᕋᐅᑎᓕᐅᖁᔨᔾᔪᑎ ᓈᓴᐅᑎᖓ 11000−4120, ᑖᒃᓱᒪᑉ ᒥᒃᓵᓄᑦ ᐊᐱᖅᑯᒋᓚᐅᖅᑕᕋ. ᑖᓐᓇ ᐱᓕᕆᐊᖑᓂᐊᖅᑐᖅ ᐊᕐᕕᐊᓂ. ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᖁᔭᓐᓇᒦᒃ. ᐊᐱᖅᑯᑎᒋᔭᐃᑦ ᐊᐱᕆᒍᓐᓇᖅᐱᐅᒃ ᒥᔅᑕ ᖃᑉᓗᑦᓯᐊᖅ? ᐊᐱᖅᑯᑎᒥᑦ ᑐᓴᙱᓐᓇᒪ. ᖃᑉᓗᑦᓯᐊᖅ: ᒪ’ᓇ, ᐅᖃᖅᑎᑦᓯᔩ. ᐊᐱᕆᕗᖓ ᖃᖓ, ᖃᓄᖅ ᖃᓄᐃᓕᐅᕆᐊᕐᓂᐊᕐᒪᖔᑦ ᑖᑉᓱᒪ ᒥᒃᓵᓄᑦ ᐊᑭᑦᑐᕋᐅᑎᖁᔨᔾᔪᑎᒥᒃ ᐊᑕᓚᐅᖅᑐᖅ ᐅᒃᑯᐊᓚᐅᖅᖢᓂ ᒫᔅᓯ 6 ᓇᓗᓇᐃᒃᑯᑕᖓᑕ ᓈᓴᐅᑎᖓ ᐅᖄᓂᓵᖅᐸᕋ, ᐅᐃᑦᓯᐊ ᐅᖃᒃᑲᓐᓂᕐᓂᐊᖅᐸᕋ 11000−4120. ᑳᓐᑐᕌᒃᑦ−ᑎᒥ ᓵᓚᖃᖅᑎᑦᑎᕕᓯ ᑭᓇᒧᑦ, ᑭᑐᓄᑦ ᐱᓕᕆᐊᕆᔭᐅᓂᐊᖅᐸ? ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᖁᔭᓐᓇᒦᒃ. ᐃᒡᓗᓕᕆᔨᕐᔪᐊᒃᑯᑦ ᒥᓂᔅᑕᖓ, ᒥᔅ ᓚᐃᔪᓪ. ᐊᖓᔪᖅᑳᖅ ᓯᓯᐅᓪ ᓚᐃᔪᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᖅᐸᕋᑦᑕᐅᖅ ᑲᑎᒪᔨ ᐊᐱᖅᓱᕐᒪᑦ. ᐅᒃᐱᕈᓱᒃᑐᖓ ᑖᓐᓇ ᐃᖅᑲᓇᐃᔭᖅᑏᑦ ᐃᒡᓗᒃᓴᖏᓐᓄᑦ ᐊᕐᕕᐊᓂ, ᓂᕆᐅᒃᑐᒐᑦ ᑖᒃᑯᐊ ᐃᒡᓗᒃᓴᐃᑦ 6-ᖑᔪᑦ, ᑲᑎᙵᐅᖅᑐᑦ ᐃᒡᓗᒃᓴᐃᑦ ᑎᑭᓐᓂᐊᖅᑐᑦ ᐅᒥᐊᕐᔪᐊᒃᑯᑦ. ᐃᓕᓴᖅᓯᔪᒍᑦ ᒫᓐᓇᐅᔪᖅ ᐃᖅᑲᓇᐃᔭᖅᑏᑦ ᐃᒡᓗᒃᓴᖏᑦ ᐊᕐᕕᐊᓂ 75-ᖑᖕᒪᑕ. ᑎᓰᕝᕙᐅᑎᓪᓗᒍ 31, ᑎᓰᕝᕙ 31, 2025-ᒥ 7-ᖑᔪᑦ ᐃᓐᓄᒃᓯᒪᓚᐅᙱᑦᑐᑦ ᐃᒡᓗᐃᑦ ᐊᕐᕕᐊᓂ. ᑖᓐᓇ ᐅᒥᐊᕐᔪᐊᖅ ᑎᑭᓚᐅᖅᑎᓪᓗᒍ ᑖᒃᑯᐊ ᓂᕆᐅᒃᑐᒍᑦ ᓴᓇᒋᐊᕐᓂᐊᖁᓪᓗᒋᑦ ᐃᒡᓗᓂ ᐅᒥᐊᕐᔪᐊᖅ ᑎᑭᑦᑕᕇᖅᐸᑦ 2026-ᒥ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐅᖃᐅᓯᒃᑯᑦ ᐊᐱᖅᑯᑏᑦ. ᐊᑎᖁᑎᖃᕈᓐᓃᕋᒪ. ᐊᓯᐊᓂᒃ ᐊᐱᖅᑯᑎᖃᖅᐲᑦ? ᐃᓕᓴᕆᒃᑲᓐᓂᖅᐸᒋᑦ ᐊᕐᕕᐊᑦ ᓂᒡᒋᐊᓄᑦ, ᒥᔅᑕ ᒪᓕᒐᓕᐅᖅᑎ, ᒥᔅᑕ ᖃᑉᓗᑦᓯᐊᖅ. ᐊᐱᖅᑯᑦ 62 – 7(1): ᐱᓕᕆᕕᐅᑉ ᖃᓄᐃᓕᐅᕐᓂᕆᔭᖏᑦ ᐊᕐᕕᐊᓂ (ᖃᑉᓗᑦᓯᐊᖅ) ᖃᑉᓗᑦᓯᐊᖅ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᐅᓪᓗᒥ ᒥᓂᔅᑕᕆᔭᐅᑲᐃᓐᓇᖅᑐᒧᑦ ᐃᓕᓐᓂᐊᕐᓂᓕᕆᔨᒃᑯᓐᓄᑦ. ᐅᖃᖅᑏ, ᐃᓕᓴᐃᔨᐅᓚᐅᖅᓯᒪᒐᒪ ᖃᐅᔨᒪᒐᒪ ᐱᔭᕐᓂᙱᒻᒪᑦ ᑭᖑᕝᕕᖅᑎᐅᓪᓗᓂ ᐃᓕᓴᐃᔨᐅᔭᕆᐊᒃᓴᖅ. ᐅᓪᓗᒥ ᐅᒃᐱᓱᒃᑐᖓ ᒥᓂᔅᑕᐅᑲᐃᓐᓇᖅᑐᖅ ᑐᓴᕆᐊᒃᓴᖅ ᐃᔨᖃᕐᓂᐊᕋᒪ ᐱᓕᕆᖓᑦᑕ ᐃᓕᓐᓂᐊᕐᓂᓕᕆᔨᒃᑯᑦ ᐱᓕᕆᔭᖏᓐᓂᒃ ᐊᖏᕐᕋᑦᑎᓐᓂ ᐊᕐᕕᐊᓂ, ᓄᓇᑦᑎᓐᓂ ᐊᕐᕕᐊᓂ. ᒥᓂᔅᑕᐅᑲᐃᓐᓇᖅᑐᖅ ᖃᐅᔨᒪᖕᒪᑦ ᑐᓴᒐᒃᓴᐃᑦ ᑎᑎᕋᖅᑕᐅᓚᐅᖅᑐᑦ ᐱᓕᕆᕕᖓᓐᓄᑦ ᐅᖃᖅᓯᒪᖕᒪᑕ, ᑐᐊᕕᕐᓇᖅᑐᒃᑯᑦ ᓴᓇᔭᐅᔭᕆᐊᖃᓕᕐᒪᑕ ᓄᑖᕈᕆᐊᖅᑕᐅᔭᕆᐊᖃᕐᒪᑕ ᐊᕐᕕᐊᓂ ᐃᓕᓐᓂᐊᕐᕖᑦ ᕿᑎᖅᖠ ᐃᓕᓐᓂᐊᕐᕕᒃ ᐱᖃᓯᐅᖦᖢᒍ. ᒥᓂᔅᑕ ᑐᓴᖅᑎᑦᑎᔪᓐᓇᖅᐹ ᖃᖓᒃᑯᑦ ᑖᒃᑯᐊ ᓴᓇᔭᐅᓂᐊᕐᒪᖔᑕ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᓕᓐᓂᐊᕐᓂᓕᕆᔨᒃᑯᓐᓄᑦ, ᒥᓂᔅᑕ ᒪᐃᓐ.

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 25 ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. ᒪ’ᓈᖅᖢᒍᓪᓗ ᐊᐱᖅᓱᖅᑐᖅᑯ. ᐊᕐᕕᐊᓂᑦ ᐃᓕᓐᓂᐊᕐᕖᑦ ᑕᐅᑐᒃᖢᒋᑦ ᓴᓇᔭᐅᒋᐊᖃᕐᓂᖏᑦᑕ ᒥᒃᓵᓄᑦ. (ᑐᓵᔨᑎᒎᓕᖅᑐᖅ) ᓯᕗᓪᓕᖅᐹᒥᒃ ᐃᓕᓴᖅᓯᓪᓗᖓ ᑖᒃᑯᐊ ᑕᒪᕐᒥᒃ ᐃᓕᓐᓂᐊᕐᕖᑦ ᓄᑲᖅᖠᕐᒧᑦ ᐊᒻᒪ ᕿᑎᐊᓂ ᐃᓕᓐᓂᐊᕐᕕᖓ, ᐊᕐᕕᐊᓂ ᑖᒃᑯᐊ ᐃᓕᓐᓂᐊᖅᑐᑦ ᐅᓄᕐᓂᕆᔭᖏᑦ 100%-ᒥ ᐅᖓᑖᓃᒻᒪᑎᒃ ᑭᒡᓕᖓ ᑖᔅᓱᒪ ᑭᒡᓕᓕᐊᕆᔭᐅᓯᒪᔭᖓᑕ ᐃᓕᓐᓂᐊᕐᓂᓕᕆᔨᒃᑯᑦ. ᐃᓕᓐᓂᐊᖅᑏᑦ ᖃᔅᓯᐅᔭᕆᐊᖃᕐᒪᖔᑕ ᐃᓕᓐᓂᐊᕐᕕᒃ ᓄᑖᕈᕿᐊᖅᑕᐅᔭᕆᐊᖅᑲᖅᑎᓪᓗᒍ ᐊᑭᑐᔪᖅᑐᕈᑎᒃᓴᓂᑦ ᐃᓕᖃᓯᐅᔾᔭᐅᖁᓪᓗᒍ. ᕿᑎᖅᖠᖅ ᐃᓕᓐᓂᐊᕐᕕᖓ ᐱᔾᔪᑎᒋᓪᓗᒍ, ᒫᓐᓇ ᐱᓕᕆᔭᐅᔪᖅ ᐃᒪᖃᐅᑎᖓ ᓴᓇᔭᐅᓇᓱᒃᑐᖅ ᒫᓐᓇ, ᐊᓯᔾᔨᖅᑕᐅᔭᕆᐊᖃᕐᒪᓐ. ᐱᓕᕆᕕᕗᑦ ᐃᖅᑲᓇᐃᔭᖃᑎᖃᖅᑐᖅ ᖃᑦᑕᐅᔭᒃᓴᖓ ᐃᒪᖃᐅᑎᒃᓴᖓ ᓄᓇᓕᖕᓄᑦ ᑎᑭᑎᑕᐅᖁᓪᓗᒍ ᐃᓕᔭᐅᔪᓐᓇᕐᓂᐊᕐᒪᑦ. ᖃᖓ ᓴᓇᔭᐅᓂᐊᕐᒪᖔᑦ ᐱᓯᒪᙱᓐᓇᒃᑯ ᑭᓯᐊᓂ ᒫᓐᓇ ᓄᑖᖑᖕᒪᑦ ᐱᓕᕆᔭᐅᔪᕐᓗ ᐱᓕᕆᔭᕗᑦ ᐃᖅᑲᓇᐃᔭᖃᑎᖃᓕᖅᑐᖅ ᖃᓄᖅ ᐋᖅᑭᒋᐊᖅᑕᐅᔪᓐᓇᕐᒪᖔᑦ ᖃᑦᑕᖅᑖᕈᓐᓇᕐᒪᖔᑕ ᓄᑖᓂᒃ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᖁᔭᓐᓇᒦᒃ. ᐃᓚᒋᐊᕈᑏᑦ ᐊᐱᕆᒍᑦ, ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕ ᐃᖅᑲᓇᐃᔭᔪᒃᓴᐅᖕᒪᑦ ᒐᕙᒪᒃᑯᑦ ᑐᓴᖅᑎᑦᑎᓚᐅᕐᒪᑕ ᓯᑎᐱᕆ 2023-ᖑᑎᓪᓗᒍ ᐱᔾᔪᑎᒋᓪᓗᒍ ᐆᒃᑐᖅᑕᐅᓗᓂ ᐱᓕᕆᔭᐅᓂᐊᖅᑐᖅ. ᐅᓪᓗᓕᒫᖅ ᐃᓕᓐᓂᐊᓕᓵᖅᑐᑦ ᐃᓕᓐᓂᐊᕆᐊᖃᑦᑕᕈᓐᓇᕐᒪᖔᑕ ᑕᓪᓕᒪᓂᒃ ᓄᓇᓕᖕᓂ. ᑐᓴᒐᒃᓴᐃᑦ ᓴᖅᑭᑕᐅᓚᐅᖅᑐᑦ ᐱᓕᕆᕕᖕᒥᑦ, ᑖᒃᑯᐊᒎᖅ ᐊᑐᖅᑕᐅᔪᒪᖕᒪᑕ ᓕᕙᐃ ᐊᖕᒫᖅ ᐃᓕᓐᓂᐊᕐᕕᐊᓂ ᐊᕐᕕᐊᓂ. ᐊᑐᖅᑕᐅᔪᒪᓪᓗᑎᒃ ᐊᒡᒋᖅᑐᒥ 2026-2027 ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓂ. ᒥᓂᔅᑕ ᑐᓴᖅᑎᑦᑎᔪᓐᓇᖅᐹ ᖃᓄᐃᓕᖓᓕᕐᒪᖔᑦ ᑕᒪᑐᒧᖓ ᐱᓕᕆᓂᕆᔭᐅᔪᖅ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᓕᓐᓂᐊᕐᓂᓕᕆᔨᒃᑯᓐᓄᑦ ᒥᓂᔅᑕᐅᑲᐃᓐᓇᖅᑐᖅ, ᒥᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. ᒪ’ᓈᖅᖢᒍᓪᓗ ᐊᐱᖅᓱᖅᑐᖅ. (ᑐᓵᔨᑎᒎᓕᖅᑐᖅ) ᐅᓪᓗᓕᒫᖅ ᐃᓕᓐᓂᐊᖃᑦᑕᖅᑐᑦ ᐃᓕᓐᓂᐊᓕᓵᖅᑐᑦ ᐱᓕᕆᕕᑦᑎᓐᓂ ᑖᒃᑯᐊ ᐊᐅᓚᑕᐅᓯᒪᖕᒪᑕ ᐃᓕᓴᖅᓯᓯᒪᓪᓗᑎᒃ ᐃᑲᔪᕐᓂᖃᓪᓚᕆᖕᒪᑦ ᐃᓕᓐᓂᐊᑎᓄᑦ. ᐱᓕᕆᕕᒃ ᐅᔾᔨᕈᓱᖃᑦᑕᖅᑐᑦ ᐃᑲᔪᕐᓂᖃᓪᓚᕆᓐᓂᖓᓂᒃ ᐅᓪᓗᓕᒫᖅ ᐃᓕᓐᓂᐊᓕᓵᖅᑐᑦ ᐃᓕᓐᓂᐊᖃᑦᑕᖅᑎᓪᓗᒋᑦ, ᐅᖃᐅᓯᕐᓂᓪᓗ ᐃᓕᑉᐹᓪᓕᖃᑦᑕᖅᖢᑎᒃ. ᑕᒪᒃᑯᐊ ᓄᓇᕗᓕᒫᕐᒧᑦ ᐊᑐᖅᑕᐅᔪᒪᖕᒪᖔᑦ ᕿᒥᕐᕈᓇᓕᖅᑐᒍᑦ ᐱᓕᕆᕕᑦᑎᓐᓂ. ᓄᓇᕗᓕᒫᒥ ᐊᑐᖅᑕᐅᖁᓪᓗᒋᑦ ᐅᓪᓘᑉ ᐃᓚᐃᓐᓇᖓᓂᑦ ᐃᓕᓐᓂᐊᖃᑦᑕᖅᑐᑦ ᓄᓇᓕᖕᓂ ᓄᓇᕗᒥ ᐃᓕᓐᓂᐊᓕᓵᖅᑐᓂ. ᐊᕐᕕᐊᓂ ᓕᕙᐃ ᐊᖕᒫᖅ ᐃᓕᓐᓂᐊᕐᕕᖓᓂᒃ ᓄᑲᖅᖠᕐᓄᑦ, ᐅᓪᓗᓕᒫᖅ ᐃᓕᓐᓂᐊᖅᑎᑦᑎᖃᑦᑕᕐᓂᖅ ᐃᓕᓐᓂᐊᓕᓵᖅᑐᓂᒃ, ᐃᖅᑲᓇᐃᔭᖅᑎᑖᕆᐊᖃᕐᓂᐊᖅᑐᑦ ᐃᓱᒫᓘᑎᒋᒐᑦᑎᒍᑦ ᑕᒪᓐᓇ. ᐊᒻᒪᓗᒃᑕᐅᖅ, ᐃᒡᓗᑭᒃᓴᕐᓂᖓᑦ ᓱᓇᒃᑯᑎᖃᑦᑎᐊᙱᓐᓂᖓ ᐃᓂᖃᑦᑎᐊᖏᓐᓂᖓ ᐃᓕᓐᓂᐊᕐᕕᐅᑉ ᐃᓗᐊᓂ. ᑖᒃᑯᐊ ᐊᔾᔨᒌᙱᒻᒪᑕ ᐅᓄᑲᓪᓚᒃᑐᑦ ᐱᓕᕆᔭᐅᓂᐊᖅᑐᑦ. ᐊᕐᕕᐊᑦ ᓯᕗᓪᓕᐅᔾᔭᐅᓯᒪᔪᖅ ᐱᓕᕆᕕᑦᑎᓐᓂ ᑲᒪᒋᔭᐅᔾᔪᑎᒃᓴᖓ 2, ᐊᒻᒪᓗᒃᑕᐅᖅ ᐱᓕᕆᕕᕗᑦ 2027-2028-ᒥ ᕿᒥᕐᕈᓇᒃᑐᑦ ᐊᕐᕕᐊᓂ ᐱᓕᕆᔭᐅᓂᐊᕐᓗᑎᒃ ᑕᒪᒃᑯᐊ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᖁᔭᓐᓇᒦᒃ. ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑎᒋᔭᐃᑦ, ᒥᔅᑕ ᖃᑉᓗᑦᓯᐊᖅ.

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 26 ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕ ᖃᐅᔨᒪᖕᒪᑦ ᐃᓕᓐᓂᐊᕐᓂᓕᕆᔨᒃᑯᑦ ᐱᓕᕆᕕᖓᑦ 136- ᖑᖅᑰᖅᑐᓂᒃ ᐃᖅᑲᓇᐃᔭᖅᑎᖃᕐᒪᑕ, ᐊᕐᕕᐊᑦ ᑎᑎᕋᕐᕕᖓᓐᓂ ᐱᖃᓯᐅᑎᓪᓗᒋᑦ ᐃᓕᓐᓂᐊᕈᑎᒃᓴᓕᐅᖅᑏᑦ. ᒐᕙᒪᒃᑯᑦ ᒫᓐᓇᕋᑖᖑᓚᐅᖅᑐᖅ ᑕᖅᑭᑦ ᐱᖓᓱᑕᒫᑦ ᐅᓂᒃᑳᕆᕙᒃᑕᖏᑦ 40-ᐅᔪᑦ ᑖᒃᑯᐊ ᐃᖅᑲᓇᐃᔮᒃᓴᐃᑦ ᐃᓄᖃᙱᒻᒪᑕ. ᒥᓂᔅᑕ ᓇᓗᓴᐃᖅᓯᔪᓐᓇᖅᐹ ᖃᓄᐃᑦᑐᓂᒃ ᑐᓗᖅᑕᐅᑎᖃᕐᒪᖔᑕ ᐃᓐᓄᒃᓯᓇᓱᒃᑎᓪᓗᒋᑦ ᐃᖅᑲᓇᐃᔮᒃᓴᓂ ᑖᒃᑯᓂᖓ? ᓇᓗᓇᐃᖅᓯᔪᓐᓇᖅᐹ ᐱᓕᕆᕕᖓᑦ ᖃᓄᐃᓕᐅᓕᕋᓗᐊᕐᒪᖔᑕ ᑕᒪᑐᒧᖓ ᑭᐅᓇᓱᒃᑎᓪᓗᒋᑦ ᐃᓱᒫᓗᓐᓇᕐᒪᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐃᓕᓐᓂᐊᕐᓂᓕᕆᔨᒃᑯᓐᓄᑦ ᒥᓂᔅᑕᐅᑲᐃᓐᓇᖅᑐᖅ. ᒥᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᐅᖃᑦᑎᐊᑲᓐᓂᕈᒪᒐᒪ ᑭᐅᔾᔪᑎᒋᖅᑲᐅᔭᓐᓂᑦ ᐅᓪᓗᓕᒫᖅ ᒥᑭᔫᑕᐅᓂᖅᐹᑦ ᐃᓕᓐᓂᐊᖃᑦᑕᕐᓂᖏᓐᓂᑦ. ᓕᕙᐃ ᐊᖕᒫᒃ ᐃᓕᓴᕕᖓ ᐸᕐᓇᑕᐅᕕᒻᒨᖁᔭᐅᓛᖅᑐᖅ 2027-2028-ᒥ. ᑕᐃᒃᑯᐊᓕ ᐃᓕᓐᓂᐊᕈᑎᓕᐅᖅᑏᑦ, ᒫᓐᓇ 15-ᖑᔪᐃᑦ ᐃᓐᓄᑦᑕᐅᓯᒪᙱᑦᑐᐃᑦ ᐃᖅᑲᓇᐃᔮᑦ ᑕᐃᑲᓂ ᐊᓪᓚᕕᒻᒥ. ᐊᒻᒪ ᐃᓕᓐᓂᐊᕐᓂᓕᕆᒃᑯᑦ ᐱᔭᕆᐊᑐᔪᖅᓯᐅᖅᓯᒪᔪᑦ ᐃᓐᓄᔅᓯᒐᓱᒃᑲᓗᐊᖅᑐᑎᒃ. ᐊᒥᓱᑲᓪᓚᓐᓂᑦ ᐱᔾᔪᑎᖃᖅᑐᖅ ᑖᓐᓇ, ᐃᓚᖓᑦ ᐃᖅᑲᓇᐃᔭᖅᑎᓄᑦ ᐃᓪᓗᔅᓴᖃᑦᑎᐊᖏᓐᓂᖓ ᑕᕝᕙ ᐃᓕᓐᓂᐊᕐᓂᓕᕆᔨᒃᑯᑦ ᐃᖅᑲᓇᐃᔭᖅᑐᓕᕆᔨᒃᑯᓐᓂ ᐱᓕᕆᖃᑎᖃᖅᐸᑦᑐᑦ, ᐃᓪᓗᓕᕆᔨᕐᔪᐊᒃᑯᓐᓂᓪᓗ. ᐊᖏᕐᕋᔅᓴᖅᓯᐅᖅᑐᑎᒃ ᐃᖅᑲᓇᐃᔮᑦ ᓴᖅᑭᔮᖅᑎᑕᐅᔪᓐᓇᓛᕐᖓᑕ ᐃᓪᓗᔅᓴᖃᕐᓂᕋᖅᑕᐅᓗᑎᑦ. ᐃᓕᓐᓂᐊᖅᑐᓕᕆᔨᒃᑯᓐᓄᑦ ᐱᓕᕆᐊᖑᒐᓱᐊᖏᓐᓇᓂᐊᖅᑐᖅ. ᐊᒻᒪᑦᑕᐅᖅ, ᐃᓱᒫᓗᓇᖅᑐᖃᐃᓐᓇᖅᑑᒐᓗᐊᖅ ᐃᓐᓄᒐᓱᑦᑐᒋᑦ ᐃᓕᓐᓂᐊᕈᑎᓕᐅᖅᑏᑦ. ᑕᐃᒪᓗᑦᑕᐅᖅ, ᓄᓇᕗᒻᒥ ᐃᓕᓐᓂᐊᒃᑲᓐᓂᖅᑐᐃᑦ ᑮᓇᐅᔭᖅᑖᕐᕕᒋᕙᑦᑕᖓ ᐊᖏᓪᓕᒋᐊᖅᑕᐅᒋᐊᖃᕐᒥᒻᒪᑦ ᐃᖅᑲᓇᐃᔭᖅᑎᑖᒃᑲᓐᓂᕆᐊᖃᖅᑐᑎᓪᓗ ᑕᕝᕙᓂᔅᓴᐃᓐᓇᖅ ᐊᓪᓚᕝᕕᖓᓂ ᐃᓄᒋᐊᔅᓯᑎᑕᐅᒐᓱᒻᒪᑕ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᖁᔭᓐᓇᒦᒃ. ᐊᑎᖁᑎᖃᕈᓐᓃᕋᒪ. ᑲᔪᓯᓗᑕ. ᓈᓴᐅᑎᖓ 7. ᑎᑎᖅᑲᑎᒍᑦ ᐊᐱᖅᑯᑏᑦ. ᑲᑎᒪᔾᔪᑎᒃᓴᖅ 8. ᑎᑎᖅᑲᑎᒍᑦ ᐊᐱᖅᑯᑎᕕᓂᕐᓄᑦ ᑭᐅᔾᔪᑏᑦ. ᑲᑎᒪᔾᔪᑎᒃᓴᖅ 9. ᒪᑐᐃᖅᓯᔾᔪᑎᓄᑦ ᑭᐅᔾᔪᑏᑦ. ᑲᑎᒪᔾᔪᑎᒃᓴᖅ 10. ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑏᑦ. ᑲᑎᒪᔾᔪᑎᒃᓴᖅ 11. ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑎᓄᑦ ᑭᐅᔾᔪᑏᑦ. ᑲᑎᒪᔾᔪᑎᒃᓴᖅ 12. ᑲᑎᒪᔨᕋᓛᑦ ᑲᑎᒪᔨᕋᓛᖑᑲᐃᓐᓇᖅᑐᑦ ᐅᓂᒃᑳᖏᑦ ᕿᒥᕐᕈᓇᓚᐅᖅᑎᓪᓗᒋᑦ ᐱᖁᔭᒃᓴᓂᑦ ᐊᓯᖏᓐᓂᒡᓗ. ᒥᔅᑕ ᐳᐊᑐ. ᑲᑎᒪᔾᔪᑎᒃᓴᖅ 12: ᑲᑎᒪᔨᕋᓛᑦ ᑲᑎᒪᔨᕋᓛᖑᑲᐃᓐᓇᖅᑐᓪᓗ ᒪᓕᒐᒃᓴᓂᑦ ᐊᓯᖏᓐᓂᓪᓗ ᐅᓂᒃᑳᖏᑦ ᑲᑎᒪᔨᕋᓛᑦ ᐅᓂᒃᑳᖓᑦ 1 - 7(1): ᐅᓂᒃᑳᖅ ᑎᒃᑯᐊᖅᓯᔨᓄᑦ ᑲᑎᒪᔨᕋᓛᓄᑦ ᐊᑐᓕᖁᔭᐅᔪᓂᑦ ᑐᑭᑖᕈᑎᓂᑦ ᑲᑎᒪᔨᕋᓛᓄᑦ 7-ᒋᔭᖓᓄᑦ ᒪᓕᒐᓕᐅᕐᕕᒻᒧᑦ ᓄᓇᕗᒻᒥ ᐳᐊᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᐅᐱᒍᓱᑉᐳᖓ ᐅᓪᓗᒥ ᓴᖅᑭᖅᓯᔪᓐᓇᕋᒪ ᐅᓂᒃᑳᓕᐊᒥᓂᖏᓐᓂᑦ ᑲᑎᒪᔨᕋᓛᖑᔪᑦ ᑎᒃᑯᐊᖅᑐᐃᔨᐅᔪᑦ ᑲᑎᒪᔨᕋᓛᓄᑦ ᐱᔾᔪᑎᖃᖅᑐᑦ ᐊᑐᓕᖁᔭᖏᓐᓂᑦ ᐋᖅᑭᑦᑎᖅᓯᒪᓂᕆᓂᐊᖅᑕᖓᓄᑦ ᐊᒻᒪᓗ ᒪᓕᒐᕆᓂᐊᖅᑕᖏᓐᓂᑦ ᑲᑎᒪᔨᕋᓛᖑᔪᑦ 7-ᒋᔭᖓᓂ ᒪᓕᒐᓕᐅᖅᕕᖓᓂ ᓄᓇᕗᑦ. ᐅᖃᖅᑏ, ᑲᑎᒪᕐᔪᐊᕐᕕᒃ ᖃᐅᔨᒪᒻᒪᑦ, ᑎᑎᕋᖅᓯᒪᔪᖅ ᓈᓴᐅᑎᓕᒃ 17-ᒥᑦ ᒪᓕᒐᓕᐅᖅᕕᐅᑉ ᐊᒻᒪᓗ ᐊᐅᓚᑦᑎᔩᑦ ᑲᑎᒪᔨᖏᑕ ᐱᖁᔭᕐᔪᐊᖓᓂ ᐱᔪᓐᓇᑎᑦᑎᒻᒪᑦ ᑖᓐᓇ ᒪᓕᒐᓕᐅᖅᕕᒃ ᓴᖅᑭᖅᓯᔪᓐᓇᕐᒪᑦ ᑲᑎᒪᔨᕋᓛᓂᑦ ᐃᑲᔪᖃᑦᑕᓂᐊᖅᑐᓂᑦ ᐅᖃᐅᔾᔨᒋᐊᖃᑦᑕᕐᓗᑎᓪᓗ ᒪᓕᒐᓕᐅᖅᕕᒻᒥᑦ ᑕᐃᒪᐃᒋᐊᖃᖅᑐᒋᒐᐃᒍᑎᒃ.”

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 27 ᒪᓕᒐᖅ 83 ᒪᓕᒐᖏᓐᓂ ᒪᓕᒐᓕᐅᖅᕕᖓᑕ ᓄᓇᕗᑦ ᐱᔭᕆᐊᖃᖅᑎᑎᒻᒪᑦ ᑲᑎᒪᔨᕋᓛᓄᑦ ᑲᑎᒪᔨᒃᓴᓂᑦ ᑎᒃᑯᐊᖅᑐᐃᔨᓂᑦ ᑲᑎᒪᔨᕋᓛᖅᑖᕆᐊᖃᕐᒪᑕ ᐅᓂᒃᑳᓕᐅᖃᑦᑕᕋᔭᖅᑐᓂᑦ ᐊᑐᓕᖁᔭᓕᐅᖃᑦᑕᕐᓗᑎᓪᓗ ᑲᑎᒪᕐᔪᐊᕕᒻᒧᑦ, “ᐱᓴᕋᐃᓪᓗᑎᒃ ᑐᐊᕕᓐᖏᓪᓗᑎᒃ” ᑭᒃᑯᑦ ᐃᓚᒋᔭᐅᓂᐊᕐᒪᖔᑕ ᑲᑎᒪᔨᕋᓛᕆᔭᖏᓐᓂᑦ ᒪᓕᒐᓕᐅᖅᕕᐅᑉ. ᒪᓕᒐᓕᐅᖅᑏᑦ ᐃᖅᑲᐅᒪᒻᒪᑕ, ᑲᑎᒪᔨᕋᓛᓄᑦ ᑎᒃᑯᐊᖅᑐᐃᔩᑦ ᑲᑎᒪᔨᕋᓛᑦ ᓴᖅᑭᖅᑕᐅᔪᒻᒪᑕ ᐱᖁᔨᕗᖔᕈᑎᑎᒍᑦ ᓯᕗᓪᓕᖅᐹᖓᓂᑦ ᐃᒃᓯᕙᓂᖃᖅᑎᓪᓗᒍ 7-ᒋᔭᖓ ᒪᓕᒐᓕᐅᖅᕕᒃ. ᐅᖃᖅᑏᑦ, ᑲᑎᒪᔨᕋᓛᑦ ᐱᓕᕆᐊᖃᖅᐸᒻᒪᑕ ᐊᒥᓱᑲᓪᓚᓐᓂᑦ ᐱᒻᒪᕆᐅᔪᓂᑦ ᓇᐅᑦᓯᖅᑐᖅᑎᐅᓂᕐᒥᑦ ᐊᐅᓚᑦᑎᓂᕆᔭᖏᓐᓂᑦ ᒐᕙᒪᒃᑯᑦ ᑕᒪᐅᓇ: • ᐃᓱᒪᒃᓴᖅᓯᐅᕈᑎᖃᕐᓂᖅ ᑐᒃᓯᕌᖑᔪᓂᑦ ᐱᖁᔭᓕᐊᖑᔪᒪᔪᓂᑦ; • ᐃᓱᒪᒃᓴᖅᓯᐅᕈᑎᖃᕐᓂᖅ ᑐᒃᓯᕌᖑᔪᓂᑦ ᑮᓇᐅᔭᖅᑐᕈᑎᒃᓴᓂᑦ ᒥᒃᓴᐅᓯᔭᐅᓯᒪᔪᓂᑦ, ᐊᑭᑐᔪᖅᑐᕈᑎᒃᓴᓂᑦ ᒥᒃᓴᐅᓯᔭᐅᓯᒪᔪᓂᑦ ᐊᒻᒪᓗ ᐱᓕᕆᐊᒃᓴᓄᑦ ᐸᕐᓇᐅᑎᓂᑦ; ᐊᒻᒪ • ᑕᓚᕖᓴᒃᑰᖅᑐᑎᒃ ᓈᓚᓐᓂᖃᖅᑎᑦᑎᓃᑦ ᐱᔾᔪᑎᖃᖅᑐᓂᑦ ᐅᓂᒃᑳᓕᐊᒥᓂᖏᓐᓂᑦ ᐃᒻᒥᒃᑯᑦ ᐱᓕᕆᔨᐅᔪᓄᑦ ᒪᓕᒐᓕᐅᕕᒻᒧᑦ. ᐱᓕᕆᐊᖏᑦ ᑲᑎᒪᔨᕋᓛᑦ ᐱᕕᖃᖅᑎᑦᑎᕙᑉᐳᑦ ᑭᒃᑯᑐᐃᓐᓇᕐᓂᑦ ᐊᐅᓚᑦᑎᔨᐅᖃᑕᐅᔪᓂᓪᓗ ᐅᖃᖅᕕᖃᖅᑐᑎᒃ ᐱᕙᓪᓕᐊᑎᑕᐅᑎᓪᓗᒋᑦ ᓄᑖᑦ ᐱᖁᔭᒃᓴᑦ. ᑕᓚᕖᓴᒃᑯᑦ ᓈᓚᓐᓂᖃᖅᑎᑦᑎᓂᐅᔪᑦ ᑲᑎᒪᔨᕋᓛᓄᑦ ᐊᐅᓚᑕᐅᕙᑦᑐᑦ ᐱᓪᓗᒋᑦ ᐅᓂᒃᑳᓕᐊᒥᓂᖏᑦ ᑲᓇᑕᐅᑉ ᑕᒻᒪᖅᓯᒪᔪᖅᓯᐅᖅᑎᖓᑕ ᐊᒻᒪᓗ ᐊᓯᖏᑦᑕ ᐃᒻᒥᒃᑯᑦ ᐱᓕᕆᔨᐅᔪᑦ ᒪᓕᒐᓕᐅᖅᕕᒻᒧᑦ ᒐᕙᒪᒃᑯᑦ ᐱᓕᕆᓂᕆᔭᖏᓐᓂᑦ ᓴᖅᑭᔮᖅᑎᑦᑎᕙᑉᐳᑦ ᐊᒻᒪᓗ ᑭᒃᑯᓐᓄᑦ ᐱᓕᕆᐊᖑᒋᐊᖃᖅᓯᒪᒻᒪᖔᑕ. ᖃᐅᔨᒪᔪᖓ 36−ᕋᖅᑎᐸᓗᑦᑐᑎᒃ ᑕᓚᕖᓴᒃᑯᑦ ᓈᓚᓐᓂᖃᖅᑎᑦᑎᓂᐅᔪᑦ ᑲᔪᓯᑦᑎᐊᖅᑎᑕᐅᕙᓐᓂᕐᒪᑕ ᑲᑎᒪᔨᕋᓛᖑᔪᓄᑦ ᑎᓴᒪᒋᔭᖓᓂ, ᑕᓪᓕᒪᒋᔭᖓᓂ, ᐊᒻᒪᓗ ᐊᕐᕕᓕᓂᕆᔭᖓᓂ ᒪᓕᒐᓕᐅᖅᕕᓐᓂ, ᐊᒻᒪᓗ ᑕᒫᓂᐸᓗᒃ 125-ᓂᑦ ᐱᖁᔭᒃᓴᕐᓂᑦ ᑲᑎᒪᔨᕋᓛᑦ ᑐᓂᔭᐅᖃᑦᑕᖅᓯᒪᒻᒪᑦ ᐃᓗᓕᖅᑐᔪᓂᑦ ᕿᒥᕐᕈᔭᐅᔪᓐᓇᓂᐊᕐᒪᑕ ᑕᐃᒃᓱᒪᐅᑎᓪᓗᒍ. ᐅᖃᖅᑏ, ᒪᓕᒐᓕᐅᖅᑎᐅᖃᑕᐅᔪᑦ ᐅᓪᓗᒥ ᒪᓕᒐᓕᐅᖅᕕᐅᔪᒥ ᐊᖏᖅᓯᒪᕗᑦ ᓱᕐᕋᒋᐊᖅᓯᒍᒪᓇᑎᒃ ᑲᑎᒪᔨᕋᓛᑦ ᐋᖅᑭᑎᖅᓯᒪᓂᕆᔪᔭᖏᓐᓂᑦ ᒪᓕᒐᓕᐅᖅᕕᒃ ᒪᑐᑎᑕᐅᑎᓪᓗᒍ. ᐅᖃᖅᑏ, ᐊᓯᐅᓂᐊᓐᖏᑦᑐᓄᑦ ᑭᒃᑯᓕᒫᓄᑦ ᑕᑯᒃᓴᐅᔪᒃᑯᑦ ᑎᑎᕋᖅᑕᐅᓂᐊᕐᒪᑕ ᐊᒻᒪᓗ ᖃᐅᔨᔭᐅᓂᐊᕐᒪᑕ ᓄᓇᕗᒻᒥᐅᑕᕐᓄᑦ ᐅᓪᓗᒥ ᑕᑯᓐᓈᖅᑐᓄᑦ ᑲᑎᒪᓂᑦᑎᓐᓂᑦ, ᐊᑲᐅᓈᕐᓂᖓᓂ ᕿᒥᕐᕈᔪᒪᒐᒃᑭᑦ ᑐᒃᓯᕌᖑᔪᑦ ᒪᓕᒐᕆᔭᐅᔪᒪᔪᑦ ᐊᒻᒪᓗ ᐋᖅᑭᑎᖅᓯᒪᓂᐅᖁᔭᐅᔪᑦ ᐃᓛᒃᑯᑦ ᒪᓕᒐᓕᐅᖅᕕᐅᑉ ᑲᑎᒪᔨᕋᓛᖏᓐᓂ. ᑲᑎᒪᔨᕋᓛᖑᔪᑦ ᒪᓕᒐᓕᕆᓂᕐᒧᑦ ᑲᑎᒪᔨᖃᕐᓂᐊᖅᑐᑦ ᒪᓕᒐᓕᐅᖅᑎᑐᐃᓐᓇᓕᒫᖑᔪᓂᑦ. ᑖᒃᑯᐊ ᑲᑎᒪᔨᕋᓛᑦ ᐱᔭᒃᓴᑖᖅᓯᒪᔪᑦ ᐃᓱᒪᒃᓴᖅᓯᐅᕈᑎᖃᕐᓂᕐᒥᑦ ᐱᖁᔭᒃᓴᓕᒫᓂᑦ ᑲᑎᒪᔨᕋᓛᓄᑦ ᑐᓂᕐᕈᑎᐅᖃᑦᑕᖅᑐᓂᑦ ᐊᐃᑉᐹᓂᑦ ᐅᖃᓕᒫᖅᑕᐅᔭᕇᕋᐃᒻᒪᑦ ᑲᑎᒪᕐᔪᐊᕕᒻᒥ, ᐱᖃᓯᐅᑎᓇᒋᑦ ᑮᓇᐅᔭᓂᑦ ᑐᒃᓯᕋᐅᑏᑦ ᐱᖁᔭᕐᔪᐊᑦ ᐊᒻᒪᓗ ᑲᑎᒪᕐᔪᐊᖅᕕᐅᑉ ᐱᖁᔭᒃᓴᖏᑦ, ᑕᒪᒃᑯᐊᓕ ᑐᓂᕐᕈᑎᐅᑦᑕᐅᑎᒋᓲᖑᒻᒪᑕ ᑲᑎᒪᑐᐃᓐᓇᓂᕐᒥ ᑲᑎᒪᓂᕐᒧᑦ, ᒪᓕᑦᑐᑎᒃ ᒪᓕᒑᓐᓂᒃ ᓈᓴᐅᑎᓖᓐᓂᒃ 67(3) ᐊᒻᒪᓗ (4) ᒪᓕᒐᖏᓐᓂ ᒪᓕᒐᓕᐅᖅᕕᖓᑕ ᓄᓇᕗᒻᒥ. ᑲᑎᒪᔨᕋᓛᑦ ᓇᐅᑦᓯᖅᑐᑦᑎᐅᔪᑦ ᒐᕙᒪᒃᑯᑦ ᐊᐅᓚᓂᖏᓐᓂᑦ ᑮᓇᐅᔭᖅᑐᕈᑎᖏᓐᓂᓪᓗ ᑲᒪᔨᐅᓂᐊᖅᑐᑦ ᓇᐅᑦᓯᖅᑐᐃᓂᕐᒥᑦ ᒐᕙᒪᒃᑯᑦ ᐱᖓᓲᔪᓂᑦ ᕿᑎᖓᓂ ᑎᒥᖁᑎᓪᓗᐊᑕᖏᓐᓂᑦ, ᐊᒻᒪᓗ ᖄᖓᒍᒃᑲᓐᓂᖅ ᒐᕙᒪᒃᑯᑦ ᑎᒥᖁᑎᖏᓐᓂᑦ ᐊᒥᓱᑲᓪᓚᓐᓂᑦ, ᓄᓇᕘᑉ ᑯᐊᐳᕇᓴᖁᑎᖏᓐᓂᑦ ᐊᒻᒪᓗ ᐊᓯᖏᓐᓂᑦ ᑎᒥᐅᔪᓂᑦ. ᑖᒃᑯᐊ ᑲᑎᒪᔨᕋᓛᑦ ᕿᒥᕐᕈᖃᑦᑕᓂᐊᖅᑐᑦ ᒐᕙᒪᒃᑯᑦ ᑮᓇᐅᔭᖁᑎᖏᓐᓂᑦ ᐊᒻᒪᓗ ᑕᓚᕖᓴᒃᑰᕐᓗᑎᒃ ᓈᓚᓐᓂᖃᖅᑎᑦᑎᖃᑦᑕᕐᓗᑎᒃ ᐱᔾᔪᑎᖃᖅᑐᓂᒃ ᐅᓂᒃᑳᓕᐊᒥᓂᖏᓐᓂᑦ ᑲᓇᑕᐅᑉ ᑕᒻᒪᖅᓯᒪᔪᖅᓯᐅᖅᑎᖓᑕ ᐊᒻᒪᓗ

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 28 ᐃᒻᒥᒃᑯᑦ ᐱᓕᕆᓂᐅᔪᑦ ᒪᓕᒐᓕᐅᖅᕕᒻᒧᑦ. ᒪᓕᒐᓕᐅᖅᑎᑐᐃᓐᓇᓕᒫᑦ ᑲᑎᒪᔨᐅᖃᑕᐅᓂᐊᖅᐳᑦ ᑕᕝᕙᓂ ᑲᑎᒪᔨᕋᓛᓂ. ᑲᑎᒪᔨᕋᓛᑦ ᐃᓅᓯᕐᒥ ᖃᓄᐃᓐᖏᑦᑎᐊᕋᓱᐊᖅᑎᑦᑎᔩᑦ ᓇᐅᑦᓯᖅᑐᖅᑎᐅᓂᐊᖅᐳᑦ ᐱᓕᕆᕕᖓᓂᑦ ᐃᓕᖅᑯᓯᓕᕆᓂᕐᒧᑦ ᐃᑦᑕᕐᓂᓴᓕᕆᓂᕐᒧᓪᓗ, ᐱᓕᕆᕕᖓᓂᑦ ᐃᓕᓐᓂᐊᖅᑐᓕᕆᔨᒃᑯᑦ, ᐱᓕᕆᕕᖓᓂᑦ ᐃᓄᓕᕆᔨᒃᑯᑦ, ᐱᓕᕆᕕᖓᓂᑦ ᐋᓐᓂᐊᖅᑕᐃᓕᓕᕆᔨᒃᑯᑦ ᐊᒻᒪᓗ ᐱᓕᕆᕕᖓᓂᑦ ᒪᓕᒐᓕᕆᔨᒃᑯᑦ. ᑕᐃᒫᒃ ᒪᓕᒐᓕᐅᖅᑏᑦ ᖃᐅᔨᒪᓂᐊᕐᒪᑕ, ᓇᐅᑦᓯᖅᑐᕐᓂᖏᑦ ᑖᒃᑯᓂᖓ ᐱᓕᕆᕕᐅᔪᓂᑦ ᑲᒪᔨᐅᔪᓂᑦ ᐱᓕᕆᓂᐅᔪᓂᑦ ᐱᔨᑦᑎᕋᐅᑎᐅᔪᓂᓪᓗ ᑐᕌᖓᓪᓚᕆᑦᑐᓂᑦ ᐃᓄᓐᓄᑦ. ᑲᑎᒪᔨᕋᓛᑦ ᓄᓇᓕᓐᓄᑦ ᐱᕙᓪᓕᐊᔪᓕᕆᓂᕐᒧᓪᓗ ᓇᐅᑦᓯᖅᑐᖅᑎᐅᓂᐊᖅᐳᑦ ᐱᓕᕆᕕᖓᓂᑦ ᓄᓇᓕᓐᓂᑦ ᐱᔨᑦᑎᕋᖅᑎᑯᓐᓂᑦ, ᐱᓕᕆᕕᖓᓂᑦ ᐃᖏᕐᕋᔪᓕᕆᔨᒃᑯᑦ ᐱᖁᑎᕐᔪᐊᓕᕆᔨᒃᑯᓪᓗ ᓄᓇᕗᒻᒥ, ᐱᓕᕆᕕᖓᓂᑦ ᐊᕙᑎᓕᕆᔨᒃᑯᑦ, ᓄᓇᕗᒻᒥ ᐃᓪᓗᓕᕆᔨᕐᔪᐊᑦ ᑯᐊᐳᕇᓴᓐᖓᓂᑦ ᐊᒻᒪᓗ ᓄᓇᕗᑦ ᓯᓚᑦᑐᓴᖅᕕᒻᒥᑦ. ᑕᐃᒫᒃ ᒪᓕᒐᓕᐅᖅᑏᑦ ᖃᐅᔨᒪᓂᐊᕐᒪᑕ, ᓇᐅᑦᓯᖅᑐᖅᑎᐅᓂᖏᑦ ᑖᒃᑯᓂᖓ ᐱᓕᕆᕕᐅᔪᓂᑦ ᒐᕙᒪᒃᑯᓪᓗ ᑎᒥᖁᑎᖏᓐᓂᑦ ᑲᒪᔨᐅᔪᓂᑦ ᑕᒪᒃᑯᓂᖓ ᐱᖁᑎᕐᔪᐊᕐᓂᑦ ᐊᒻᒪᓗ ᓄᓇᒥᐅᑕᐃᑦ ᐃᒪᕐᒥᐅᑕᐃᓪᓗ ᐊᐅᓚᑕᐅᓂᖏᓐᓂᑦ. ᑲᑎᒪᔨᕋᓛᖑᔪᑦ ᒪᓕᒐᕐᓄᑦ, ᐱᕙᓪᓕᐊᔾᔪᓯᕐᓄᑦ ᐊᒻᒪᓗ ᐱᔪᓐᓇᐅᑎᓄᑦ ᐃᓱᒪᒃᓴᖅᓯᐅᕈᑎᖃᖃᑦᑕᓂᐊᖅᑐᑦ ᐊᐅᓚᑕᐅᓂᖏᓐᓂᑦ ᒪᓕᒐᖏᑕ ᒪᓕᒐᓕᐅᖅᕕᖓᑕ ᓄᓇᕗᑦ ᐊᒻᒪᓗ ᖃᓄᐃᑦᑐᑐᐃᓐᓇᕐᓂᑦ ᐊᓯᖏᓐᓂᑦ ᐱᓕᕆᐊᒃᓴᓂᑦ ᑐᓂᔭᐅᔪᓂᑦ ᑲᑎᒪᕐᔪᐊᕕᒻᒥᑦ. ᑖᒃᑯᐊ ᑲᑎᒪᔨᕋᓛᑦ ᒥᓂᔅᑕᓂᑦ ᑭᒡᒐᖅᑐᐃᔪᒥᑦ ᐃᓚᖃᕆᐊᖃᖅᑐᑦ. ᒪᓕᒐᓕᐅᖅᑏᑦ ᐊᖏᖅᓯᒪᔪᑦ ᑭᖑᕙᕆᐊᖅᓯᒍᒪᓪᓗᑎᒃ ᑎᒃᑯᐊᖅᑕᐅᓛᖅᑐᓂᑦ ᑕᕝᕗᖓ ᑲᑎᒪᔨᕋᓛᓄᑦ, ᑎᒃᑯᐊᖅᓯᖔᓛᕐᓗᑎᒃ ᐅᐊᑦᑎᐊᕈᒃᑲᓐᓂᖅ ᐊᕐᕌᒍᑦᑎᓐᓂ ᑕᕝᕙᓂ, ᓂᕈᐊᖅᑕᐅᕋᑖᒥᓂᐅᔪᑦ ᒪᓕᒐᓕᐅᖅᑏᑦ ᐃᒃᓯᕙᖃᑕᐅᓯᒪᓕᖅᑲᑕ ᑲᑎᒪᕐᔪᐊᕕᒻᒥ ᐊᒥᓱᐊᖅᑎᑲᓪᓚᓪᓗᑎᒃ. ᐅᖃᖅᑏᑦ. ᑕᕝᕙ ᐃᓱᓕᑉᐳᑦ ᐅᓂᒃᑳᓕᐊᒥᓂᖏᑦ ᑎᒃᑯᐊᖅᑐᐃᔩᑦ ᑲᑎᒪᔨᕋᓛᖏᑦ. ᑕᐃᒫᓪᓗ, ᐱᒋᐊᖅᑎᑦᑎᕗᖓ ᑎᒍᔭᐅᖁᓪᓗᒋᑦ ᐊᑐᓕᖅᑎᑕᐅᓗᑎᓪᓗ ᑲᑎᒪᕐᔪᐊᕕᒻᒧᑦ, ᐊᒻᒪᓗ ᑖᒃᑯᐊ ᒪᓕᒋᐊᖃᕐᓂᐊᖅᑕᖏᑦ ᑲᑎᒪᔨᕋᓛᖑᔪᑦ 7-ᒋᔭᖓᓂ ᒪᓕᒐᓕᐅᖅᕕᖓᓂ ᓄᓇᕗᑦ, ᐆᒧᖓᓗ ᐅᓂᒃᑳᓕᐊᒥᓂᕐᒧᑦ ᐅᐃᒍᓕᐅᑎᔭᐅᓯᒪᔪᑦ, ᐃᓕᔭᐅᖁᓪᓗᒋᑦ ᑲᑎᒪᔾᔪᑎᒥᓂᕐᓄᑦ ᐅᖃᓕᒫᖅᑕᐅᓯᒪᔪᖅᑎᑐᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ, ᒥᔅᑕ ᐳᐊᑐ. ᑲᑎᒪᔩᑦ ᐊᖏᖅᑲᑦ ᑎᒃᑯᐊᖅᑐᐃᔩᑦ ᑲᑎᒪᔨᕋᓛᑦ ᑎᒍᔭᐅᖁᓪᓗᒋᑦ ᐊᑐᓕᖅᑎᑕᐅᓪᓗᑎᓪᓗ ᑲᑎᒪᕐᔪᐊᕐᕕᒻᒧᑦ ᐋᖅᑭᑦᑎᖅᓯᒪᓂᕆᓂᐊᖅᑕᖏᑦ ᑲᑎᒪᔨᕋᓛᕆᓂᐊᖅᑕᖏᑕ 7-ᒋᔭᖓᑕ ᒪᓕᒐᓕᐅᕐᕕᒻᒥ ᐅᖃᓕᒫᖅᑕᐅᓯᒪᔪᖅᑎᑐᑦ ᐃᓕᔭᐅᖁᓪᓗᒋᑦ. ᐊᖏᖅᑭᓰᑦ? ᐃᓚᖏᑦ ᒪᓕᒐᓕᐅᖅᑏᑦ: ᐊᖏᖅᑐᑦ. ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᒪᔾᔪᑎᕗᑦ ᓈᓴᐅᑎᖓ 13. ᑎᑎᖅᑲᑦ ᓴᖅᑭᑕᐅᓂᖏᑦ. ᐸᓐᓂᖅᑑᕐᒧᑦ ᒪᓕᒐᓕᐅᖅᑎ, ᒥᔅᑕ ᒪᐃᒃ. ᑲᑎᒪᔾᔪᑎᒃᓴᖅ 13. ᑎᑎᖅᑲᑦ ᓴᖅᑭᑕᐅᓂᖏᑦ ᓴᖅᑭᑕᐅᔪᖅ ᑎᑎᖅᑲᒃ 6 - 7(1): ᑎᑎᖅᑲᐅᓯᐊᑦ ᐊᒻᒪ ᓇᑲᑎᖅᑕᐅᓂᑯᐃᑦ ᐱᔾᔪᑎᓖᑦ ᓄᑭᒃᓴᐅᑏᑦ ᑰᒃᑯᑦ ᐃᑯᒻᒪᖅᑯᑎᓕᐅᕐᓂᕐᒧᑦ ᐱᓕᕆᐊᒧᑦ ᒪᐃᒃ: ᖁᔭᓐᓇᒦᒃ, ᐅᖃᖅᑏ. ᐅᖃᓚᐅᖅᓯᒪᒐᒪ ᓴᖅᑮᓂᐊᕐᓂᕋᑦᑐᖓ ᑕᕝᕗᖓ ᐃᓪᓗᒧᑦ. ᐅᖃᖅᑎᑦᑎᔩ, ᑕᐃᒪ, ᐅᖃᖅᑏᖏᓛᒃ, ᐅᓪᓗᒥ ᓇᓗᓇᐃᖅᓯᕗᖓ ᑖᒃᑯᐊ ᑎᑎᖅᑲᑦ ᐱᖓᓱᑦ ᐱᔾᔪᑎᖃᖅᑐᑦ ᑰᒑᓘᑉ ᒥᔅᓵᓄᑦ, ᐊᒻᒪᓗ ᐃᓱᒫᓘᑕᐅᔪᑦ ᑖᒃᑯᓇᙵᑦ ᐱᖓᓱᓄᑦ ᐸᓐᓂᖅᑑᕐᒦᖔᖓᔪᓄᑦ, ᐅᑯᓇᙶᖓᔪᑦ ᐅᑯᐊ ᑎᑎᖅᑲᑦ ᐱᖓᓱᑦ, ᐱᔾᔪᑎᖃᖅᑐᑦ ᓄᒃᑭᔅᓴᐅᑎᒃᑯᑦ ᐱᓕᕆᔪᒪᓂᖓᓂᑦ ᑰᒑᓗᒻᒥᑦ ᖃᐅᒪᔾᔪᑎᓕᐅᕈᒪᓂᕐᒧᑦ.

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 29 ᑖᒃᑯᐊᓕ ᑎᑎᖅᑲᐃᑦ ᐱᖓᓱᑦ ᐃᓱᒫᓘᑎᒥᓂᒃ ᓴᖅᑮᔪᑦ ᑎᑎᖅᑲᑎᒍᑦ, ᑖᒃᑯᐊᖑᔪᑦ ᐸᓐᓂᖅᑑᕐᒥ Hᐋᒻᒪᓚᒃᑯᑦ ᑲᑎᒪᔨᖏᑦ, ᐹᓐᓂᖅᑑᕐᒥ ᐆᒪᔪᕐᓂᐊᖅᑎᒃᑯᑦ ᑲᑎᒪᔨᖏᑦ, ᐊᒻᒪᓗ ᐃᖃᓗᓕᕆᔨᒃᑯᑦ ᑲᑎᒪᔨᖏᑦ. ᐃᓇᑦᑎᕗᖓ ᒪᓕᒐᓕᐅᖅᑎᐅᖃᑎᖏᓐᓂᑦ ᑖᒃᑯᐊ ᕿᒥᕐᕈᐊᖅᑕᐅᑦᑎᐊᖁᓪᓗᒋᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᖁᔭᓐᓇᒦᑦᑕᐅᖅ. ᑎᑎᖅᑲᑦ ᓴᖅᑭᑕᐅᓂᖏᑦ, ᐃᖃᓗᑦᑑᑦᑎᐊᕐᒧᑦ ᒪᓕᒐᓕᐅᖅᑎ, ᒥᔅᑕ ᐲᑕᓴᓐ. ᓴᖅᑭᑕᐅᔪᖅ ᑎᑎᖅᑲᒃ 7 - 7(1): ᐃᓅᓱᒃᑐᓄᑦ, ᐃᓐᓇᑐᖃᕐᓄᑦ ᐊᒻᒪ ᐊᕐᓇᓄᑦ ᐱᖁᔨᕗᖔᕈᑎᑦ 2025-ᒥ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑕ ᐊᕐᕌᒍᑕᒫᖅᓯᐅᕐᓂᖃᖅᑎᓪᓗᒋᑦ ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᕕᐊᓱᑉᐳᖓ ᒪᓕᒐᓕᐅᕐᕕᒻᒨᖅᓯᒋᐊᔅᓴᖅ, ᒪᒃᑯᑦᑐᐃᑦ ᐊᕐᓇᐃᓪᓗ ᐊᑐᓕᖁᔭᓕᐊᒥᓂᖏᑦ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑕ ᐊᕐᕌᒍᑕᒫᖅᓯᐅᑎᓂᑦ ᑲᑎᒪᕕᔾᔪᐊᕐᓂᖓᓂ ᐊᑦᑑᕝᕙ 2025-ᒥ ᑲᔪᓯᑎᑕᐅᔪᔪᓂᑦ. ᐱᖓᓱᑦ ᑖᒃᑯᐊ ᑎᒥᐅᔪᐃᑦ ᐱᖁᔨᕗᖔᓕᐅᕈᑎᖃᑦᑕᕐᖓᑕ ᕿᑎᕐᒥᐅᓂ ᐃᓄᖏᓐᓂᑦ ᐃᑲᔪᕆᐊᕋᓱᑦᑐᑎᒃ. ᑖᒃᑯᐊ ᐃᓚᖏᑦ ᐊᑐᓕᖅᑎᒐᔅᓴᐅᔪᐃᑦ ᓄᓇᕗᑦ ᒐᕙᒪᒃᑯᖏᓐᓄᑦ. ᐱᓕᕆᕕᓐᓄᑦ ᐊᖏᔪᖅᑳᒡᒍᑏᑦ ᕿᒥᕐᕈᔪᐃᓐᓇᐅᖁᔭᕋᓗᐊᒃᑲ ᐱᔾᔪᑎᖃᕐᖓᑕ ᕿᑎᕐᒥᐅᓂ ᐃᓅᓯᖏᓐᓂᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑎᑎᖅᑲᐃᑦ ᓴᖅᑭᑕᐅᓂᖏᑦ, ᐃᖅᑲᓇᐃᔭᖅᑐᓕᕆᔨᒃᑯᑦ ᐊᑦᑕᕐᓇᖅᑐᒦᑦᑕᐃᓕᓂᕐᒧᑦ ᑭᒥᓴᓐᑯᓐᓄᑦ ᒥᓂᔅᑕᕆᔭᖓ, ᒥᓂᔅᑕ ᑕᑦᑐᐃᓂ. ᓴᖅᑭᑕᐅᔪᖅ ᑎᑎᖅᑲᒃ 8 - 7(1): ᐃᖅᑲᓇᐃᔭᖅᑎᓄᑦ ᐋᓐᓂᖅᑐᓕᕆᓂᕐᒧᑦ ᐅᓐᓂᕐᓘᑏᑦ ᑲᑎᒪᔨᖏᑦ 2024 ᐊᖓᔪᖅᑳᖅ ᐋᓂ ᑕᑦᑐᐃᓂ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᕕᐊᓱᑉᐳᖓ ᒪᓕᒐᓕᐅᕐᕕᒻᒨᖅᓯᒋᐊᔅᓴᖅ ᐃᖅᑲᓇᐃᔭᖅᑏᑦ ᑮᓇᐅᔾᔭᔅᓵᕕᒋᓲᖏᓐᓂᑦ ᐋᓐᓂᖅᑐᑦ ᐊᔪᐃᓐᓇᕆᐊᕐᓂᕐᒧᑦ 2024-ᒥ ᐅᓂᒃᑳᓕᐊᒥᓂᖏᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᑦᑕᐅᖅ. ᑎᑎᖅᑲᑦ ᓴᖅᑭᑕᐅᓂᖏᑦ, ᐃᖅᑲᖅᑐᐃᔪᓕᕆᔨᒃᑯᑦ ᒥᓂᔅᑕᖓᑦ, ᒥᔅᑕ Hᐃᒃᔅ. ᓴᖅᑭᑕᐅᔪᖅ ᑎᑎᖅᑲᒃ 9 - 7(1): 2024-2025 ᖃᐅᔨᓴᖅᑎᒻᒪᕆᐅᑉ ᑎᑎᕋᕐᕕᐊᑕ ᐊᕐᕌᒍᑕᒫᑦ ᐅᓂᒃᑳᖓ ᓴᖅᑭᑕᐅᔪᖅ ᑎᑎᖅᑲᒃ 10 - 7(1): 2024-2025 ᐊᕐᕌᒍᑕᒫᑦ ᐅᓂᒃᑳᖅ ᑎᒍᔭᐅᓯᒪᕝᕕᓕᕆᔨᒃᑯᓐᓂᑦ ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᕕᐊᓱᑉᐳᖓ ᒪᓕᒐᓕᐅᕐᕕᒻᒨᖅᓯᒋᐊᔅᓴᖅ ᒪᕐᕉᓐᓂᒃ ᐅᓂᒃᑳᓕᐊᒥᓂᕐᓂᒃ, 2024-25 ᐊᕐᕌᒍᑕᒫᖅᓯᐅᑏᑦ ᐅᓂᒃᑳᓕᐊᒥᓂᖏᑦ ᖃᐅᔨᓴᖅᑎᒻᒪᕆᐅᑉ ᐊᓪᓚᕝᕕᖓᑕ ᐊᒻᒪᓗᑦᑕᐅᖅ ᐊᓄᓪᓚᔅᓰᕕᓕᕆᔨᒃᑯᑦ 2024-2025 ᐊᕐᕌᒍᑕᒫᖅᓯᐅᑏᑦ ᐅᓂᒃᑳᓕᐊᒥᓂᖏᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑲᑎᒪᔾᔪᑎᕗᑦ ᓈᓴᐅᑎᖓ 14. ᐱᖁᔨᕗᖔᓕᐅᕐᓂᐊᕐᓂᕐᒧᑦ ᖃᐅᔨᒃᑲᐃᔾᔪᑏᑦ. ᒥᔅᑕ ᐳᐊᑐ. ᑲᑎᒪᔾᔪᑎᒃᓴᖅ 14: ᐱᖁᔨᕗᖔᓕᐅᕐᓂᐊᓂᕐᒧᑦ ᖃᐅᔨᒃᑲᐃᔾᔪᑏᑦ ᐱᒋᐊᖅᑎᑕᖅ 12 - 7(1): ᒪᓕᒐᓕᐅᕐᕕᒻᒥ ᑎᒃᑯᐊᖅᓯᓃᑦ - ᖃᐅᔨᒃᑲᐃᓂᖅ ᐱᒋᐊᖅᑎᑕᒃᓴᓂᑦ ᐳᐊᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖃᐅᔨᒃᑲᐃᕗᖓ ᑎᓴᒻᒥᐅᓕᖅᑲᑦ ᒫᑦᓯ 19, ᐆᒥᖓ ᐱᖁᔨᕗᖔᕈᑎᓕᐅᓛᕋᒪ.

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 30 ᒫᓐᓇ ᐱᒋᐊᖅᑎᑦᑎᕗᖓ, ᐊᐃᑉᐱᖅᑕᐅᓪᓗᖓ ᒪᓕᒐᓕᐅᖅᑎᐅᔪᒧᑦ ᐊᒥᑦᑐᕐᒧᑦ, ᑖᒃᑯᐊ ᒪᓕᒐᓕᐅᖅᑏᑦ ᑎᒃᑯᐊᖅᑕᐅᖁᓪᓗᒋᑦ ᑲᑎᒪᔨᕋᓛᕆᔭᖏᓐᓄᑦ ᒪᓕᒐᓕᐅᕐᕕᐅᑉ. ᐅᖃᖅᑏ, ᓈᒻᒪᓈᓕᖅᑲᑦ ᒪᓕᒐᓕᐅᖅᑎᐅᖃᑎᓕᒫᓐᓄᑦ ᐊᖏᖅᑕᐅᒍᒪᓂᐊᖅᑐᖓ ᐱᖁᔨᕗᖔᕈᑎᒐ ᐅᓪᓗᒥ ᑲᒪᒋᔪᓐᓇᕐᓂᐊᕋᑦᑎᒍᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑲᑎᒪᔾᔪᑎᕗᑦ ᓈᓴᐅᑎᖓ 15. ᐱᖁᔨᕗᖔᕐᓂᐊᕐᓂᕐᒧᑦ ᖃᐅᔨᒃᑲᐃᔾᔪᑏᑦ ᓯᕗᓪᓕᖅᐹᕐᒥ ᐅᖃᓕᒫᖅᑕᐅᓂᖏᑦ ᐱᖁᔭᒃᓴᑦ. ᑲᑎᒪᔾᔪᑎᒃᓴᖅ 16. ᐱᖁᔨᕗᖔᕈᑏᑦ. ᒥᔅᑕ ᐳᐊᑐ. ᑲᑎᒪᔾᔪᑎᒃᓴᖅ 16: ᐱᒋᐊᖅᑎᑕᑦ ᐱᒋᐊᖅᑎᑕᖅ 12 - 7(1): ᒪᓕᒐᓕᐅᕐᕕᒻᒥ ᑎᒃᑯᐊᖅᓯᓃᑦ ᐳᐊᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒪᓕᒐᓕᐅᖅᑎᐅᖃᑎᓕᒫᓐᓄᑦ ᐊᖏᖅᑕᐅᒍᒪᒐᓗᐊᖅᑐᖓ ᐱᖁᔨᕗᖔᕈᑎᒐ ᐅᓪᓗᒥ ᑲᒪᒋᔪᓐᓇᕐᓂᐊᕋᑦᑎᒍᑦ. ᐅᖃᖅᑎ: ᖁᔭᓐᓇᒦᒃ. ᒪᓕᒐᓕᐅᖅᑎ ᐊᐱᕆᒻᒪᑦ ᐱᖁᔨᕗᖔᕈᑎᒥᓂᒃ ᐅᓪᓗᒥ ᐱᓕᕆᐊᕆᔪᒪᓪᓗᓂᐅᒃ, ᐋᒃᑳᖅᑐᖃᖅᐹ? ᑐᓴᙱᓐᓇᒪ, ᒥᔅᑕ ᐳᐊᑐ. ᐳᐊᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᒪᐃᒻᒪᑦ ᓈᓴᐅᑎᖓ 17 ᒪᓕᒐᓕᐅᕐᕕᐅᑉ ᐊᒻᒪ ᐊᐅᓚᑦᑎᔩᑦ ᑲᑎᒪᔨᖏᑕ ᐱᖁᔭᕐᔪᐊᖓ ᐱᔭᕆᐊᖃᖅᑎᑦᑎᒻᒪᑦ ᒪᓕᒐᓕᐅᕐᕕᒃ ᑲᑎᒪᔨᕋᓛᕐᓂᑦ ᓴᖅᑭᖅᓯᒍᓐᓇᕐᖓᑦ ᐃᑲᔪᖃᑦᑕᕐᓂᐊᖅᑐᓂᑦ ᐅᖃᐅᔾᔩᒋᐊᖃᑦᑕᕐᓂᐊᖅᑐᓂᓪᓗ ᑕᐃᒪᐃᒋᐊᖃᓕᕋᐃᑉᐸᑕ, ᐱᒋᐊᖃᖅᑐᒋᓕᕋᐃᑉᐸᑕ; ᐊᒻᒪᓗ ᐃᒪᐃᒻᒪᑦ ᑲᑎᒪᔨᕋᓛᑦ ᑎᒃᑯᐊᖅᑐᐃᔩᑦ ᐅᓂᒃᑳᖅᓯᒪᓕᕐᖓᑕ ᑲᑎᒪᕐᔪᐊᕐᕕᒻᒧᑦ; ᐊᒻᒪᓗ ᐃᒪᐃᒻᒪᑦ ᒪᓕᒐᓕᐅᕐᕕᒃ ᐊᑐᐃᓐᓇᐅᓕᕐᖓᑦ ᑎᒃᑯᐊᖅᓯᔪᓐᓇᖅᓯᓪᓗᓂ; ᒫᓐᓇ ᐱᒋᐊᖅᑎᑦᑎᕗᖓ ᐊᐃᑉᐱᖅᑕᐅᓪᓗᖓ ᒪᓕᒐᓕᐅᖅᑎᐅᔪᒧᑦ ᐊᒥᑦᑐᕐᒧᑦ, ᐅᑯᐊ ᑲᑎᒪᔩᑦ ᑎᒃᑯᐊᖅᑕᐅᖁᓪᓗᒋᑦ ᑲᑎᒪᔨᕋᓛᕆᔭᖏᓐᓄᑦ ᒪᓕᒐᓕᐅᕐᕕᐅᑉ; ᐊᒻᒪᓗ ᐱᒋᐊᖅᑎᑦᑎᕗᖓ, ᐅᑯᐊ ᒪᓕᒐᓕᐅᖅᑏᑦ ᑎᒃᑯᐊᖅᑕᐅᖁᓪᓗᒋᑦ ᑲᑎᒪᔨᕋᓛᖑᔪᓄᑦ ᒪᓕᒐᓕᕆᓂᕐᒧᑦ: Hᐋᓇ ᐊᖑᑎᐊᓗᒃ, ᒪᓕᒐᓕᐅᖅᑎᐅᔪᖅ ᐊᐃᕕᓕᒻᒧᑦ; ᐃᐊᑦᕗᑦ ᐊᑕᒍᑦᑖᓗᒃ, ᒪᓕᒐᓕᐅᖅᑎ ᐊᒡᒍᒧᑦ; ᔭᐃᒥ ᖃᑉᓗᑦᓯᐊᖅ, ᒪᓕᒐᓕᐅᖅᑎ ᐊᕐᕕᐊᑦ ᓂᒋᐊᓄᑦ; ᒍᐊᑕᓐ ᑲᐅᑐᖅ, ᒪᓕᒐᓕᐅᖅᑎ ᐅᖅᑯᕐᒥᐅᒧᑦ; ᓴᐃᒪᓐ ᖁᓕᒃᑖᓇ, ᒪᓕᒐᓕᐅᖅᑎ ᖁᕐᓗᖅᑑᕐᒧᑦ; ᔮᓂ ᒪᐃᒃ, ᒪᓕᒐᓕᐅᖅᑎ ᐸᓐᓂᖅᑑᕐᒧᑦ; ᕗᕆᐊᑦ ᐲᑕᓴᓐ, ᒪᓕᒐᓕᐅᖅᑎ ᐃᖃᓗᑦᑑᑦᑎᐊᕐᒧᑦ; ᑕᐃᕕᑦ ᐳᐊᑐ, ᒪᓕᒐᓕᐅᖅᑎ ᐅᖅᓱᖅᑑᕐᒧᑦ; ᐊᐃᕝᕙᓚHᐋ ᖃᒪᓂᖅ, ᒪᓕᒐᓕᐅᖅᑎ ᐊᒥᑦᑐᕐᒧᑦ; ᑖᓂᐅᓪ ᖃᕝᕕᒃ, ᒪᓕᒐᓕᐅᖅᑎ ᑕᓯᐅᔭᕐᔪᐊᕐᒧᑦ; ᐋᓕᒃᓵᓐᑐ ᓴᒻᒧᖅᑐᖅ, ᒪᓕᒐᓕᐅᖅᑎ ᑲᖏᖅᓯᓂᐅᑉ ᐅᐊᓐᓇᖓᓄᑦ ᐃᓪᓗᓕᒑᕐᔪᒧᓪᓗ; ᐊᒻᒪ ᓯᑏᕙᓐ ᑕᖅᑐ, ᒪᓕᒐᓕᐅᖅᑎᐅᔪᖅ ᖁᑦᑎᑦᑐᕐᒧᑦ; ᐊᒻᒪᓗ ᐱᒋᐊᖅᑎᑦᑎᕗᖓ, ᐅᑯᐊ ᒪᓕᒐᓕᐅᖅᑏᑦ ᑎᒃᑯᐊᖅᑕᐅᖁᓪᓗᒋᑦ ᑲᑎᒪᔨᕋᓛᖑᔪᓄᑦ ᓇᐅᑦᓯᖅᑐᖅᑎᐅᔪᓄᑦ ᒐᕙᒪᒃᑯᑦ ᐊᐅᓚᓂᖏᓐᓂᑦ ᑮᓇᐅᔭᖅᑐᕈᑎᖏᓐᓂᓪᓗ: ᕼᐋᓇ ᐊᖑᑎᐊᓗᒃ, ᒪᓕᒐᓕᐅᖅᑎᐅᔪᖅ ᐊᐃᕕᓕᖕᒧᑦ; ᐃᐊᑦᕗᑦ ᐊᑕᒍᑦᑖᓗᒃ, ᒪᓕᒐᓕᐅᖅᑎᐅᔪᖅ ᐊᒡᒍᒧᑦ; ᔭᐃᒥ ᖃᑉᓗᑦᓯᐊᖅ, ᒪᓕᒐᓕᐅᖅᑎᐅᔪᖅ ᐊᕐᕕᐊᑦ ᓂᒋᐊᓄᑦ; ᒍᐊᑕᓐ ᑲᐅᑐᒃ, ᒪᓕᒐᓕᐅᖅᑎᐅᔪᖅ ᐅᖅᑯᕐᒥᐅᓄᑦ; ᓴᐃᒪᓐ ᖁᓕᒃᑖᓇ, ᒪᓕᒐᓕᐅᖅᑎᐅᔪᖅ ᖁᕐᓗᑦᑑᕐᒧᑦ; ᔮᓂ ᒪᐃᒃ, ᒪᓕᒐᓕᐅᖅᑎᐅᔪᖅ ᐸᓐᓂᖅᑑᒧᑦ; ᐳᕆᐊᑦ ᐲᑐᓴᓐ, ᒪᓕᒐᓕᐅᖅᑎᐅᔪᖅ ᐃᖃᓗᑦᑑᑦᑎᐊᒧᑦ, ᑕᐃᕕᑦ ᐳᐊᑕ, ᒪᓕᒐᓕᐅᖅᑎᐅᔪᖅ ᐅᖅᓱᖅᑑᒧᑦ; ᐊᐃᕝᕗᕋᕼᐋᒻ ᖃᒪᓂᖅ, ᒪᓕᒐᓕᐅᖅᑎᐅᔪᖅ ᐊᒥᑦᑐᕐᒧᑦ; ᑖᓂᐅᓪ ᖃᕝᕕᒃ, ᒪᓕᒐᓕᐅᖅᑎᐅᔪᖅ ᑕᓯᐅᔭᕐᔪᐊᕐᒧᑦ, ᐋᓚᒃᓵᓐᑐ ᓴᒻᒧᖅᑐᖅ, ᒪᓕᒐᓕᐅᖅᑎᐅᔪᖅ ᑲᖏᖅᖠᓂᐅᑉ ᐅᐊᓐᓇᖓᓄᑦ−ᐃᒡᓗᓕᒑᕐᔪᒻᒧᑦ ᐊᒻᒪᓗ ᓯᑏᕙᓐ ᑕᖅᑐ, ᒪᓕᒐᓕᐅᖅᑎᐅᔪᖅ ᖁᑦᑎᑦᑐᒧᑦ;

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 31 ᐊᒻᒪᓗ ᐱᒋᐊᖅᑎᑦᑎᕗᖓ, ᐅᑯᐊ ᒪᓕᒐᓕᐅᖅᑏᑦ ᑎᒃᑯᐊᑦᑕᐅᖁᓪᓗᒋᒃ ᑲᑎᒪᔨᕋᓛᖑᔪᓄᑦ ᐃᓅᓯᕐᒥ ᖃᓄᐃᓐᖏᑦᑎᐊᕋᓱᐊᕐᓂᕐᒧᑦ: ᐃᐊᑦᕗᑦ ᐊᑕᒍᑦᑖᓗᒃ ᒪᓕᒐᓕᐅᖅᑎᐅᔪᑦ ᐊᒡᒍᒧᑦ; ᔭᐃᒥ ᑲᑉᓗᑦᓯᐊᖅ, ᒪᓕᒐᓕᐅᖅᑎᐅᔪᑦ ᐊᕐᕕᐊᑦ ᓂᒋᐊᓄᑦ; ᒍᐊᑕᓐ ᑲᐅᑐᒃ, ᒪᓕᒐᓕᐅᖅᑎᐅᔪᑦ ᐅᖅᑯᕐᒥᐅᓄᑦ; ᑕᐃᕕᑦ ᐳᐊᑕ, ᒪᓕᒐᓕᐅᖅᑎᐅᔪᑦ ᐅᖅᓱᖅᑑᒧᑦ; ᐋᓕᒃᓯ ᓴᒻᒧᖅᑐᖅ, ᒪᓕᒐᓕᐅᖅᑎᐅᔪᑦ ᑲᖏᖅᖠᓂᐅᑉ ᐅᐊᓐᓇᖓᓄᑦ−ᐃᓪᓗᓕᒑᕐᔪᒻᒧᑦ ᐊᒻᒪᓗ ᔅᑏᕙᓐ ᑕᖅᑐ, ᒪᓕᒐᓕᐅᖅᑎᐅᔪᑦ ᖁᑦᑎᑦᑐᕐᒧᑦ; ᐊᒻᒪᓗ ᐱᒋᐊᖅᑎᑦᑎᕗᖓ, ᐅᑯᐊ ᒪᓕᒐᓕᐅᖅᑏᑦ ᑎᒃᑯᐊᖅᑕᐅᖁᓪᓗᒋᑦ ᑭᖑᕝᕕᖅᑕᖅᑎᐅᓂᐊᕐᓗᑎᒃ ᑲᑎᒪᔨᕋᓛᖑᔪᓄᑦ ᐃᓅᓯᕐᒥ ᖃᓄᐃᓐᖏᑦᑎᐊᕋᓱᐊᕐᓂᕐᒧᑦ: ᓴᐃᒪᓐ ᖁᓕᒃᑖᓇ, ᒪᓕᒐᓕᐅᖅᑎᐅᔪᑦᖁᕐᓗᑦᑑᕐᒧᑦ; ᔮᓂ ᒪᐃᒃ, ᒪᓕᒐᓕᐅᖅᑎᐅᔪᑦ ᐸᓐᓂᖅᑑᒧᑦ ᐊᒻᒪᓗ ᐳᕆᐊᑦ ᐲᑐᓴᓐ, ᒪᓕᒐᓕᐅᖅᑎᐅᔪᑦ ᐃᖃᓗᑦᑑᑦᑎᐊᒧᑦ; ᐊᒻᒪᓗ ᐱᒋᐊᖅᑎᑦᑎᕗᖓ, ᐅᑯᐊ ᒪᓕᒐᓕᐅᖅᑏᑦ ᑎᒃᑯᐊᖅᑕᐅᖁᓪᓗᒋᑦ ᑲᑎᒪᔨᕋᓛᖑᔪᓄᑦ ᓄᓇᓕᓐᓄᑦ ᐊᒻᒪ ᐱᕙᓪᓕᐊᔪᓕᕆᓂᕐᒧᑦ: ᕼᐊᓇ ᐊᖑᑎᐊᓗᒃ, ᒪᓕᒐᓕᐅᖅᑎᐅᔪᑦ ᐊᐃᕕᓕᖕᒧᑦ; ᓴᐃᒪᓐ ᖁᓕᑦᑖᓇ, ᒪᓕᒐᓕᐅᖅᑎᐅᔪᑦ ᖁᕐᓗᑦᑑᕐᒧᑦ; ᔮᓂ ᒪᐃᒃ, ᒪᓕᒐᓕᐅᖅᑎᐅᔪᑦ ᐸᓐᓂᖅᑑᒧᑦ; ᐳᕆᐊᑦ ᐲᑐᓴᓐ, ᒪᓕᒐᓕᐅᖅᑎᐅᔪᑦ ᐃᖃᓗᑦᑑᑦᑎᐊᕐᒧᑦ; ᐊᐃᕗᕋᕼᐋᒻ ᖃᒪᓂᖅ, ᒪᓕᒐᓕᐅᖅᑎᐅᔪᑦ ᐊᒥᑦᑐᕐᒧᑦ ᐊᒻᒪᓗ ᑖᓂᐅᓪ ᖃᕝᕕᒃ, ᒪᓕᒐᓕᐅᖅᑎᐅᔪᑦ ᑕᓯᐅᔭᕐᔪᐊᕐᒧᑦ; ᐊᒻᒪᓗ ᐱᒋᐊᖅᑎᑦᑎᕗᖓ, ᐅᑯᐊ ᒪᓕᒐᓕᐅᖅᑏᑦ ᑎᒃᑯᐊᖅᑕᐅᖁᔾ;ᒋᑦ ᑭᖑᕝᕕᑕᖅᑎᐅᓂᐊᕐᓗᑎᒃ ᑲᑎᒪᔨᕋᓛᖑᔪᓄᑦ ᓄᓇᓕᓐᓄᑦ ᐊᒻᒪ ᐱᕙᓪᓕᐊᔪᓕᕆᓂᕐᒧᑦ: ᐋᓕᐊᒃᓯ ᓴᒻᒧᖅᑐᖅ, ᒪᓕᒐᓕᐅᖅᑎᐅᔪᑦ ᑲᖏᖅᖠᓂᐅᑉ ᐅᐊᓐᓇᖓᓄᑦ−ᐃᓪᓗᓕᒑᕐᔪᒻᒧᑦ; ᐅᐊᑦᕗᑦ ᐊᑕᒍᑦᑖᓗᒃ, ᒪᓕᒐᓕᐅᖅᑎᐅᔪᑦ ᐊᒡᒍᒧᑦ ᐊᒻᒪᓗ ᔭᐃᒥ ᑲᑉᐳᑦᓯᐊᖅ, ᒪᓕᒐᓕᐅᖅᑎᐅᔪᑦ ᐊᕐᕕᐊᑦ ᓂᒋᐊᓄᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ, ᐱᖁᔨᕗᖔᕈᑦ ᓈᒻᒪᑦᑐᖅ. ᓈᒻᒪᒃᓴᖅᑐᑦ? ᓈᒻᒪᒃᓴᖏᑦᑐᑦ? ᐱᖁᔨᕗᖔᕈᑦ ᑲᔪᓯᕗᖅ. ᑲᑎᒪᔾᔪᑎᕗᑦ ᓈᓴᐅᑎᖓ 17. ᓯᕗᓪᓕᖅᐹᕐᒥ ᐅᖃᓕᒫᖅᑕᐅᓂᖏᑦ ᐱᖁᔭᒃᓴᑦ. ᑲᑎᒪᔾᔪᑎᒃᓴᖅ 18. ᑐᒡᓕᐊᓂ ᐅᖃᓕᒫᖅᑕᐅᓂᖏᑦ ᐱᖁᔭᒃᓴᑦ. ᑲᑎᒪᔾᔪᑎᒃᓴᖅ 19. ᑲᑎᒪᑐᐃᓐᓇᕐᓂᖅ ᐃᓱᒪᒃᓴᖅᓯᐅᕈᑎᖃᖅᑎᓪᓗᒋᑦ ᐱᖁᔭᒃᓴᓂᑦ ᐊᓯᖏᓐᓂᓪᓗ. ᐱᖁᔭᒃᓴᖅ 1, 3 ᐊᒻᒪᓗ 4. ᐊᒻᒪᓗ ᐱᔪᓐᓇᕐᓂᖃᖅᑎᑕᐅᓂᕋ ᒪᓕᓪᓗᒍ, ᐱᖁᔨᕗᖔᕈᑎᒃ ᓈᓴᐅᑎᖓ 11 – 7(1), ᑲᑎᒪᔩᑦ ᑲᑎᒪᔨᑐᐃᓐᓇᐃᑦ ᑲᑎᒪᑐᐃᓐᓇᕐᓂᐊᖅᑐᑦ ᐅᓂᒃᑳᕋᓱᐊᓚᐅᙱᓐᓂᕐᒥᓂᒃ. ᑭᓯᐊᓂ ᒫᓐᓇ ᓄᖅᑲᖓᑲᐃᓐᓇᕐᓂᐊᕋᑦᑕ, ᐊᒻᒪᓗ 1:30 ᐱᒋᐊᒃᑲᓐᓂᕐᓂᐊᖅᑐᓂ ᑲᑎᒪᑐᐃᓐᓇᑎᓪᓗᒋᑦ ᑲᑎᒪᔨᕋᓛᑦ ᑕᒪᐃᓐᓄᑦ. ᐃᖅᓱᖅᑏ. >> ᓄᖅᑲᑲᐃᓐᓇᖅᑐᑦ 11:53 ᐊᒻᒪᓗ ᑲᑎᒪᑐᐃᓐᓇᕐᓂᖅ ᐱᒋᐊᖅᑐᖅ 13:31 ᑲᑎᒪᔾᔪᑎᒃᓴᖅ 19: ᑲᑎᒪᓂᑐᐃᓐᓇᕐᓂᖅ ᐃᓱᒪᒃᓴᖅᓯᐅᕈᑎᖃᖅᑎᓪᓗᒋᑦ ᐱᖁᔭᒃᓴᓂ ᐊᓯᖏᓐᓂᓪᓗ ᐅᑯᐊ ᐱᖁᔭᒃᓴᐃᑦ ᐃᒃᓯᕙᐅᑕᖅ (ᕗᕆᑦ ᐲᑕᓴᓐ) (ᑐᓵᔨᑎᒍᑦ): ᐅᓐᓄᓴᒃᑯᑦ. ᑲᑎᒪᔨᕋᓛᑦ ᑲᑎᒪᓂᖓ ᐱᒋᐊᖅᑎᑉᐸᕋ. ᑲᑎᒪᔨᑐᐃᓐᓇᐃᑦ ᐅᑯᐊ 1, 3, 4 ᐱᖁᔭᒃᓴᑦ ᕿᒥᕐᕈᓂᐊᖅᑕᕗᑦ. ᖃᓄᐃᑦᑐᒪᕙ ᑲᑎᒪᔨᕋᓛᑦ. ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑲᒪᒋᔪᒪᓪᓗᒍ ᐊᒥᐊᒃᑯᑦ ᐱᖁᔭᒃᓴᐃᑦ ᑲᑎᒪᔾᔪᑎᔅᓴᓂ, ᐱᖁᔭᒃᓴᖅ 1, 3 ᐊᒻᒪ 4. ᐱᒋᐊᕈᑎᒋᖅᑳᕐᓗᒍᒃ 1. ᖁᔭᓐᓇᒦᒃ, ᐃᒃᓯᕙᐅᑖᖅ.

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 32 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑕᖅᑐᖅ. ᐊᖏᖃᑎᒌᑉᐱᑖ ᕿᒥᕐᕈᖄᕐᓗᒍ ᐱᖁᔭᒃᓴᖅ 1? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᒪᓕᒐᒃᓴᖅ 1 - ᑮᓇᐅᔭᐃᑦ ᐊᑐᖅᑕᐅᑲᐃᓐᓇᕐᓂᐊᖅᑐᑦ (ᐊᐅᓚᔾᔪᑏᑦ ᐋᖅᑭᐅᒪᐃᓐᓇᕈᑏᓪᓗ) ᒪᓕᒐᖅ, 2026-2027 - ᑲᑎᒪᔨᕋᓛᓂᑦ ᐃᓱᒪᒃᓴᖅᓯᐅᖅᑕᐅᓂᖓ ᖁᔭᓐᓇᒦᒃ. ᐊᐱᕆᔪᒪᓪᓗᒍ ᒥᓂᔅᑕ ᒪᐃᓐ: ᐱᓕᕆᔨᓂᑦ ᓵᑦᑎᓐᓃᖁᔨᕕᑦ? ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. ᐄ’, ᒪ’ᓇ. ᐃᒃᓯᕙᐅᑕᖅ (ᑐᓵᔨᑎᒍᑦ): ᑲᑎᒪᔩᑦ ᐊᖏᖅᐸᑦ ᐱᓕᕆᔨᖏᑦ ᒥᓂᔅᑕᐅᑉ ᓵᑦᑎᓐᓃᔪᓐᓇᕐᓗᑎᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐃᖅᓱᑦᑏ, ᐃᓯᖅᑎᒃᑭᑦ. ᖃᐅᔨᒪᓂᐊᕋᑦᑕ ᒥᓂᔅᑕ ᒪᐃᓐ, ᑭᒃᑰᒻᒪᖔᑕ ᐅᖃᒃᑭᑦ ᐱᓕᕆᔨᑎᑦ ᒪᑐᐃᕈᑎᓐᓅᓕᕐᒥᓗᑎᑦ. ᓯᕗᓕᖅᑎ ᐋᕐᓗᒃ ᒪᐃᓐ: ᒪᑦᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᑕᕝᕙᓃᖃᑏᒃᑲ ᒥᓂᔅᑕᐅᑉ ᑐᖏᓕᐊ, ᑖᓐ ᔭᖕ, ᑕᓕᖅᐱᓐᓃᑦᑐᖅ ᐊᒻᒪᓗ ᐊᐃᕙᓐ ᒎᒍᓈᕝ, ᒥᓂᔅᑕᐅᑉ ᑐᖏᖓᑕ ᐃᑲᔪᖅᑎᖓ ᑮᓇᐅᔭᓕᕆᓐᓇᕐᒥ ᐊᐅᓚᑦᑎᔨ ᑮᓇᐅᔭᓕᕆᔨᒃᑯᓐᓂ. (ᑐᓵᔨᑎᒎᕈᓐᓃᖅᑐᖅ) ᑕᒫᓃᑉᐳᖓ ᐅᓂᒃᑳᕆᐊᖅᑐᖅᖢᖓ ᒪᓕᒐᒃᓴᖅ 1 - ᑮᓇᐅᔭᐃᑦ ᐊᑐᖅᑕᐅᑲᐃᓐᓇᕐᓂᐊᖅᑐᑦ (ᐊᐅᓚᔾᔪᑏᑦ ᐋᖅᑭᐅᒪᐃᓐᓇᕈᑏᓪᓗ) ᒪᓕᒐᖅ, 2026-27 ᑲᑎᖦᖢᒋᑦ $724,878,000. 2025−ᒥ ᓄᓇᕘᒥ ᓂᕈᐊᕐᓇᖅ ᐊᓯᔾᔨᖅᓯᓚᐅᖅᐳᖅ ᒐᕙᒪᒃᑯᑦ ᑮᓇᐅᔭᑦ ᐊᑐᖅᑐᒃᓴᑦ ᐃᖏᕐᕋᓂᕆᕙᒃᑕᖏᓐᓂᒃ. ᐊᕐᕌᒎᒐᔪᒃᑐᓂ, ᒐᕙᒪᒃᑯᑦ ᓴᖅᑭᑦᑎᖃᑦᑕᕐᓂᐊᖅᑐᑦ ᑮᓇᐅᔭᑦ ᐊᑐᖅᑐᒃᓴᑦ ᐊᖏᖅᑕᐅᓯᒪᔪᓂᒃ ᐅᑭᐅᒃᑯᑦ ᑲᑎᒪᓕᖅᐸᑕ ᑮᓇᐅᔭᓕᕆᓐᓇᖅ ᐊᕐᕌᒍ ᐱᒋᐊᓚᐅᙱᓐᓂᖓᓂ. ᑕᐃᒪᐃᒃᑲᓗᐊᖅᑎᓪᓗᒍ, ᓄᑖᒥᒃ ᒐᕙᒪᑖᓚᐅᖅᑎᓪᓗᒋᑦ, ᐱᕕᒃᓴᖃᖅᑎᑦᑎᙱᓗᐊᕐᒪᑦ ᐋᖅᑭᒃᓱᐃᓂᕐᒥᒃ ᓄᑖᒥᒃ ᐱᓕᕆᐊᒃᓴᒥᒃ ᐃᓱᒪᒃᓴᖅᓯᐅᕈᑎᖃᕐᓂᕐᒥᒡᓗ ᑮᓇᐅᔭᓂᒃ ᑐᒃᓯᕋᐅᑕᐅᔪᓂᒃ. ᐊᕐᕌᒍᓂ ᓂᕈᐊᖅᑐᖃᓚᐅᖅᑎᓪᓗᒍ, ᑐᒃᓯᕋᖃᑦᑕᖅᐳᒍᑦ ᒪᓕᒐᓕᐅᕐᕕᖕᒥᐅᓂᒃ ᐊᖏᖅᓯᖁᓪᓗᒋᑦ ᐊᑐᖅᑕᐅᓚᐅᑲᖕᓂᐊᖅᑐᒥᒃ ᑮᓇᐅᔭᓂᒃ ᐊᖏᖅᑕᐅᓯᒪᔪᓂᒃ ᐱᓕᕆᕝᕖᑦ ᑮᓇᐅᔭᖁᑎᖃᖁᓪᓗᒋᑦ ᑲᔪᓯᑎᑦᑎᔪᒪᓪᓗᑎᒃ ᐊᐅᓚᓂᕆᔭᖏᓐᓂᒃ ᑭᓯᐊᓂ ᐊᑕᖏᕐᓗᑎᒃ ᑮᓇᐅᔭᑦ ᐊᑐᖅᑐᒃᓴᑦ ᓴᖅᑭᑕᐅᒃᐸᑕ ᐅᐱᕐᖔᒃᑯᑦ ᑲᑎᒪᓕᖅᐸᑕ. ᑮᓇᐅᔭᐃᑦ ᐊᑐᖅᑕᐅᑲᐃᓐᓇᕐᓂᐊᖅᑐᑦ ᐱᖁᔭᒃᓴᖅ 1 ᑕᐃᒪᐃᑦᑕᕆᐊᖃᖅᐳᖅ ᓇᓗᙱᑦᑎᐊᕈᒪᓂᕐᒧᑦ ᓄᓇᕗᑦ ᒐᕙᒪᖓ ᑲᔪᓰᓐᓇᕈᓐᓇᕋᓗᐊᕐᒪᖔᑦ ᐱᑎᑦᑎᕙᖕᓂᕐᒥᒃ ᐱᔨᑦᑎᕋᕐᓂᕆᔭᐅᕙᒃᑐᓂᒃ, ᐊᖑᒻᒪᑎᓗᑎᒃ ᐊᑭᓕᖅᓱᖅᑕᐅᕙᖕᓂᕐᒧᑦ ᐊᑭᓕᖅᓱᖅᑕᐅᕙᖕᓂᕐᒧᑦ, ᑲᔪᓯᑎᑦᑎᓗᑎᒡᓗ ᐊᐅᓚᓂᕆᔭᐅᔪᓂᒃ ᐄᐳᕈ 1, 2026−ᒥ 2026-27−ᒧᑦ ᑎᑭᓪᓗᒍ ᖃᔅᓯᑐᕐᓂᐊᕋᓱᒋᔭᐅᔪᑦ ᐊᖏᖅᑕᐅᒃᐸᑕ. ᑮᓇᐅᔭᓕᕆᔨᒃᑯᑦ ᐋᖅᑭᒃᓱᐃᓚᐅᖅᐳᑦ ᑖᔅᓱᒥᖓ ᐱᖁᔭᒃᓴᒥᒃ ᐅᖃᖃᑎᖃᓚᐅᖅᖢᑎᒃ ᐊᓯᓕᒫᖏᓐᓂᒃ ᐱᓕᕆᕝᕕᒋᔭᐅᔪᓂᒃ ᓄᓇᕗᒻᒥᓗ ᑯᐊᐳᕇᓴᒋᔭᐅᔪᓂᒃ. ᖃᐅᔨᒪᓕᕈᒪᓂᕐᒧᑦ ᓈᒻᒪᒃᑐᓂᒃ ᖃᔅᓯᐅᓂᕆᔭᖏᓐᓂᒃ, ᑮᓇᐅᔭᓕᕆᔨᒃᑯᑦ ᕿᒥᕐᕈᐊᖅᓯᒃᑲᓐᓂᓚᐅᖅᐳᑦ ᑮᓇᐅᔭᓂᒃ ᐊᑐᖅᐸᒃᑕᒥᓂᒃ ᐊᕐᕌᒎᓵᖅᑐᓂ ᑎᓴᒪᓂᒃ ᖃᐅᔨᓴᖅᓯᓪᓗᑎᒡᓗ ᑮᓇᐅᔭᐃᑦ ᓇᒧᙵᖅᐸᓪᓕᐊᕙᖕᓂᖏᓐᓄᑦ ᐱᔭᐅᔭᕆᐊᓕᖕᓂᒃ ᓯᕗᓪᓕᖅᐹᓄᑦ ᑕᖅᑭᓄᑦ ᑎᓴᒪᓄᑦ ᐊᕐᕌᒍᒋᔭᐅᔪᒥ. ᑐᕌᒐᕆᔭᕗᑦ ᓈᒻᒪᒃᑐᓂᒃ ᑮᓇᐅᔭᖃᖅᑎᑦᑎᔪᒪᓪᓗᑕ ᐊᑐᓂ ᐱᓕᕆᕝᕖᑦ ᐊᐅᓚᔪᓐᓇᖃᑦᑕᕐᓂᐊᕐᒪᑕ ᑕᐃᒫᖑᕙᖕᒪᑦ, ᓄᑖᓂᒃ ᐱᓕᕆᐊᖑᕙᓪᓕᐊᔪᒪᔪᓂᒃ ᐃᓚᐅᙱᓪᓗᑎᒃ. ᓄᓇᕗᒻᒥ ᓯᓚᑦᑐᖅᓴᕐᕕᖕᒥ ᐊᒻᒪ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂ, ᐊᔾᔨᐅᙱᑦᑐᓂᒃ ᐃᓱᒪᒃᓴᖅᓯᐅᕈᑎᖃᕆᐊᖃᓚᐅᖅᐳᑦ:

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 33 • ᓄᓇᕗᒻᒥ ᓯᓚᑦᑐᖅᓴᕐᕕᒃ ᐱᑎᑕᐅᕙᒃᐳᖅ ᐊᕐᕌᒍᑕᒫᖅᓯᐅᑎᒥᓂᒃ ᑮᓇᐅᔭᖁᑎᒥᓂᒃ ᒪᕐᕉᖕᓂᒃ ᐊᑕᐅᑦᑎᒃᑯᑦ ᐊᑭᓕᐅᑕᐅᕙᒃᖢᑎᒃ ᔫᓂ 30−ᒥ ᐊᕐᕌᒍᒋᔭᐅᔪᖅ ᐃᓱᓕᓐᓂᖓᓄᑦ. ᓯᕗᓪᓕᖅᐹᖅᓯᐅᑎᑦ ᖃᔅᓯᐅᓂᖏᑦ ᐊᒃᑐᐊᓂᖃᖅᐳᑦ ᓯᕗᓪᓕᖅᐹᒧᑦ ᐊᑭᓕᐅᑕᐅᔪᒧᑦ. • ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐱᔭᕆᐊᖃᖅᐳᑦ ᖁᑦᑎᖕᓂᖅᓴᒥᒃ ᐊᕐᕌᒍ ᐱᒋᐊᓕᓵᖅᑎᓪᓗᒋᑦ ᑮᓇᐅᔭᖁᑎᒋᔭᐅᔪᓂᒃ ᐊᖑᒻᒪᑎᔪᒪᓂᕐᒧᑦ ᑐᓐᓂᖅᑯᑕᐅᑐᐃᓐᓇᖅᐸᒃᑐᓄᑦ ᑐᓐᓂᖅᑯᑕᐅᕙᒃᑐᓄᓪᓗ ᐅᓂᒃᑳᕐᕕᒋᔭᕆᐊᖃᖅᖢᒋᑦ ᐱᓕᕆᐊᒃᓴᕆᔭᖏᓐᓄᑦ ᓄᓇᓕᖕᓂ ᐃᒡᓗᓕᕆᔨᒋᔭᐅᔪᓄᑦ. ᐱᓕᕆᕝᕖᑦ ᕿᒥᕐᕈᓚᐅᖅᐳᑦ ᓇᓗᓇᐃᖅᓯᓪᓗᑎᒡᓗ ᑐᒃᓯᕋᐅᑕᐅᓯᒪᔪᑦ ᖃᔅᓯᐅᓂᖏᑦ ᓈᒻᒪᖕᓂᖏᓐᓂᒃ ᐊᐅᓚᑦᑎᔾᔪᑎᓄᑦ ᑭᓯᐊᓂ ᒪᓕᒐᓕᐅᕐᕕᖕᒥ ᐊᖏᖅᑕᐅᒃᐸᑕ ᐊᑕᖏᕐᓗᒋᑦ ᐊᐅᓚᑦᑎᔾᔪᑎᑦ ᐋᖅᑭᐅᒪᔾᔪᑎᓪᓗ ᑮᓇᐅᔭᑦ ᐊᑐᖅᑐᒃᓴᑦ ᐅᐱᕐᖔᖅ ᑲᑎᒪᓕᖅᐸᑕ. ᓄᑖᑐᐊᑦ ᑮᓇᐅᔭᑦ ᐊᑐᖅᑕᐅᔪᒪᔪᑦ ᑐᒃᓯᕋᐅᑕᐅᓯᒪᔪᑦ ᑕᕝᕘᓇ ᐱᖁᔭᒃᓴᒃᑯᑦ ᐅᑯᐊᖑᕗᑦ $5.525 ᒥᓕᐊᓐ ᐱᓕᕆᐊᕆᕙᓪᓕᐊᖏᓐᓇᕐᓗᒍ ᐃᒻᒥᓃᖃᑦᑕᕐᓂᕐᒧᑦ ᐊᒃᓱᕉᓴᒃᑐᖅ ᓄᓇᕘᒥ. ᓴᖅᑭᑎᑦᑎᒐᔪᙱᒃᑲᓗᐊᖅᑎᓪᓗᑕ ᓄᑖᓂᒃ ᐊᑐᖅᑕᐅᔪᒃᓴᓂᒃ ᐊᑯᓐᓂᖅᓯᐅᑎᓂᒃ ᐃᓚᒋᐊᕈᑎᓂᒃ, ᑕᒪᓐᓇ ᑐᐊᕕᕐᓇᖅᑑᓂᖓᓂᒃ ᑕᐅᑐᒃᐸᕗᑦ ᐃᓱᒪᙱᖦᖢᑕᓗ ᑕᒪᓐᓇ ᐱᓕᕆᐊᖑᔪᖅ ᐅᑕᖅᑭᔭᕆᐊᖃᕋᓱᒋᙱᖦᖢᑎᒍᑦ ᑮᓇᐅᔭᑦ ᐊᑐᖅᑐᒃᓴᑦ ᐊᖏᖅᑕᐅᓯᒪᔪᑦ ᓴᖅᑭᑕᐅᓚᐅᙱᓐᓂᖏᓐᓂᒃ ᐅᐱᕐᙶᖑᓕᖅᐸᑦ. ᐃᒃᓯᕙᐅᑖᖅ, ᑖᒃᑯᐊ ᑮᓇᐅᔭᑦ ᐊᑐᖅᑕᐅᑲᐃᓐᓇᕐᓂᐊᖅᑐᑦ ᐊᑐᖅᑕᐅᔭᕆᐊᖃᕐᒪᑕ ᐊᒻᒪᓗ ᐊᑐᖅᑕᐅᒐᔪᒃᖢᓂ ᓂᕈᐊᕐᓇᐅᓚᐅᖅᑎᓪᓗᒍ. ᓇᓗᙱᑦᑎᐊᕈᑕᐅᕙᒃᐳᖅ ᑲᔪᓰᓐᓇᕈᓐᓇᕐᓂᖓᓂᒃ ᒐᕙᒪᒃᑯᑦ ᐊᐅᓚᓂᕆᕙᒃᑕᖏᓐᓂᒃ ᐱᕕᒃᓴᖃᖅᑎᑦᑎᓯᓐᓈᑦ 7−ᒋᔭᖓᓂᒃ ᒪᓕᒐᓕᐅᕐᕕᖕᒥᐅᓂᒃ ᐋᖅᑭᒃᓱᐃᔪᓐᓇᕐᓗᑎᒃ ᐱᔭᒃᓴᕆᔭᒥᓂᒃ ᓯᕗᓪᓕᖅᐸᐅᑦᑎᐅᑎᓯᒪᔪᒪᔭᒥᓂᒡᓗ ᐊᑕᖏᕐᓗᑎᒃ 2026-27−ᒧᑦ ᑮᓇᐅᔭᑦ ᐊᑐᖅᑐᒃᓴᑦ ᑭᖑᓪᓕᖅᐹᖅᓯᐅᑎᖏᑦ ᐱᔭᕇᖅᑕᐅᓚᐅᙱᓐᓂᖏᓐᓂ. ᓂᕆᐅᒃᐳᖓ ᐃᓕᔅᓯᓐᓄᑦ ᐊᐱᖅᓱᖅᑕᐅᓂᐊᕐᓂᓐᓂ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᒪᐃᑦ. ᒪᓕᒐᓕᐅᖅᑏᑦ ᐅᖃᐅᓯᔅᓴᑐᐃᓐᓇᖃᖅᐸᑦ ᐃᓗᓕᖏᑦ ᕿᒥᕐᕈᓚᐅᙱᓂᑦᑎᓐᓂ. ᑕᑯᙱᑕᐃᓐᓇᕋᒪ. ᒪᓕᒐᓕᐅᖅᑏᑦ ᐱᖁᔭᑦᓴᖅ 1 ᐸᐃᑉᐹᖁᑎᔅᓯᓐᓂᑦ ᑕᑯᒋᐊᕈᔅᓯᐅᒃ. ᐱᖁᔭᒃᓴᖅ 1, ᑮᓇᐃᔭᑦ ᐊᑐᖅᑕᐅᑲᐃᓐᓇᓂᐊᖅᑐᑦ (ᐊᐅᓚᔾᔪᑏᑦ ᐋᖅᑭᐅᒪᐃᓐᓇᕈᑏᓪᓗ) ᒪᓕᒐᖅ, 2026-2027. ᑎᑎᕋᖅᓯᒪᔪᓂ 1, ᐊᐱᖅᑯᑎᖃᕐᕕᐅᕙ? ᐊᖏᖅᐱᓰ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑎᑎᕋᖅᓯᒪᔪᖅ 2, ᐊᐱᖅᑯᑎᑦ? ᐊᖏᖅᐱᓰ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑎᑎᕋᖅᓯᒪᔪᖅ 3, ᐊᐱᖅᑯᑎᖃᕐᕕᐅᕙ? ᐊᖏᖅᑐᑦ − ᒪᒥᐊᓇᖅ, ᐅᐃᒍᖓᓅᑲᐃᓐᓇᖅᑕ ᒪᒃᐱᒐᖓ 2. ᑖᒃᑯᐊ ᐃᓱᓕᑦᑐᒍ ᑮᓇᐅᔭᓕᕆᓐᓇᐅᑉ ᐊᕌᒍᐊ ᒫᑦᓯ 31, 2027, ᑮᓇᐅᔭᖃᕐᕕᖓ 1, ᐊᐅᓚᔾᔪᑎᓄᑦ ᐋᖅᑭᐅᒪᐃᓐᓇᕈᑎᓄᓪᓗ. ᑲᑎᑦᑐᒋᑦ ᐃᓚᒋᐊᕈᑎᔅᓴᐅᑲᐃᓐᓇᖅᑐᑦ $724,878,000 ᑮᓇᐅᔭᑦ. ᐊᖏᖅᐱᓰ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑎᑎᕋᖅᓯᒪᓂᖓ 4, ᐊᐱᖅᑯᑏᑦ? ᐊᖏᖅᐱᓰ?

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 34 ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑎᑎᕋᖅᓯᒪᓂᖓ 5, ᐊᐱᖅᑯᑏ? ᐊᖏᖅᐱᓰ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑎᑎᕋᖅᓯᒪᓂᖓ 6. ᐊᐱᖅᑯᑏ? ᐊᖏᖅᐱᓰ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᓕᐅᖅᑏᑦ ᐊᖏᕈᑎᖃᖅᐸᑦ ᒪᓕᒐᒃᓴᖅ 1? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᒪᔩᑦ ᐊᖏᖅᑳᑦ ᒪᓕᒐᒃᓴᖅ 1 ᑲᑎᒪᔾᔪᑎᒃᓴᓅᖅᑕᐅᓂᖓᓄᑦ ᐱᖓᔪᐊᓐᓂ ᐅᖃᓕᒫᖅᑕᐅᖁᓪᓗᒍ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᕿᓚᒥᒃᑯᑦ ᓄᖅᑲᐅᑎᑎᑦ, ᒥᓂᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᒪᓕᒐᓕᐅᖅᑏᑦ ᖁᔭᓐᓇᒦᖅᐸᒃᑲ, ᐃᖅᑲᓇᐃᔭᖅᑎᓕᒫᓪᓗ ᐅᐸᓗᖓᐃᔭᐃᓚᐅᖅᑐᑦ ᑖᑦᓱᒥᖓ ᐱᖁᔭᔅᓴᒥᒃ. ᓂᕆᐅᓪᓚᕆᓐᓂᐊᖅᑐᒍᑦ ᐅᐱᕐᖔᖅ ᐃᔅᓯᕙᓕᕈᑦᑕ, ᐊᑕᖏᖅᑐᒥᒃ ᓴᖅᑮᓕᕈᑦᑕ ᑮᓇᐅᔭᖅᑐᕈᑎᔅᓴᓄᑦ ᐊᐅᓚᔾᔪᑎᓄᑦ 2026-2027. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᒪᐃᓐ. ᑖᒃᑯᐊᓴᐃᓐᓇᐃᑦ ᓵᓐᓃᖃᑎᒋᓂᐊᖅᐱᑎᒋᑦ ᐊᐃᑉᐹᓄᑦ ᒪᓕᒐᒃᓴᖅ 3? ᓯᕗᓕᖅᑎ ᐋᕐᓗᒃ ᒪᐃᓐ (ᑐᓵᔨᑎᒍᑦ): ᐃᓚᖓ ᑭᖑᕝᕕᖅᑕᐅᖁᓪᓗᒍ ᐊᐱᖅᓱᖅᑕᐅᔪᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᑲᑎᒪᔨᐊᓛᑦ ᐊᖏᖅᐸᑦ ᒥᓂᔅᑕᐅᑉ ᐱᓕᕆᔨᖓ ᑭᖑᕝᕕᖅᑕᐅᖁᓪᓗᒍᒃ. ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐃᖅᓱᑦᑏ, ᐃᓯᖅᑎᒍᓐᓇᖅᐱᐅᒃ? ᖃᐅᔨᒪᓂᐊᕋᑦᑕ ᒥᓂᔅᑕ ᒪᐃᓐ ᑭᒃᑰᓂᖏᑦ ᐱᓕᕆᔨᑎᑦ, ᒪᑐᐃᕈᑎᓐᓅᓕᕐᒥᓗᑎᑦ. ᒪᓕᒐᒃᓴᖅ 3 - ᑮᓇᐅᔭᐃᑦ ᐃᓚᒋᐊᕈᑎᑦ (ᐊᐅᓚᔾᔪᑏᑦ ᐋᖅᑭᐅᒪᐃᓐᓇᕈᑏᓪᓗ) ᒪᓕᒐᖅ ᓈᓴᐅᑖ 2, 2025- 2026 - ᑲᑎᒪᔨᕋᓛᓂᑦ ᐃᓱᒪᒃᓴᖅᓯᐅᖅᑕᐅᓂᖓ ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. ᑐᖏᓕᒃ ᑮᓇᐅᔭᓕᕆᓂᕐᒧᑦ, ᑖᓐ ᔭᖕ, ᓱᓕ ᑖᓐᓇ ᐱᖃᑎᒋᔭᕋ ᐊᒻᒪᓗ ᐃᓚᐅᓕᓵᖅᑐᖅ ᑯᕆᔅᑏᑦ ᐃᐅᓪᔅᕘᑦ, ᑖᓐᓇ ᑐᖏᓕᐅᔪᖅ ᐃᖅᑲᖅᑐᐃᔪᓕᕆᔨᒃᑯᓐᓂ. (ᑐᓵᔨᑎᒎᓕᖅᑐᖅ) ᐅᓪᓗᒥ ᑕᕝᕙᓃᑦᑐᖓ ᓴᖅᑭᑦᑎᔪᒪᓪᓗᖓ ᐱᖁᔭᒃᓴᖅ 3 − ᐃᓚᒋᐊᕈᑎᑦ ᑮᓇᐅᔭᑦ (ᐊᐅᓚᔾᔪᑎᓄᑦ ᐋᖅᑭᐅᒪᐃᓐᓇᕈᑎᓄᓪᓗ) ᐱᖁᔭᕐᒥᒃ, 2025-26; ᓈᓴᐅᑎᖓ 2.

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 35 ᐱᖁᔭᒃᓴᑎᒍᑦ, ᒐᕙᒪᒃᑯᑦ ᐅᓄᖅᓯᒋᐊᖅᑎᑦᑎᔪᒪᕗᑦ $158.55−ᒥᓕᐊᓂᒃ 2025-26−ᒥ ᐊᐅᓚᔾᔪᑎᓄᑦ ᐋᖅᑭᐅᒪᐃᓐᓇᕈᑎᓄᓪᓗ ᑕᓪᓕᒪᓄᑦ ᐱᓕᕆᕝᕕᖕᓄᑦ ᑐᕌᖓᔪᓂᑦ: ᒪᓕᒐᓕᕆᔨᒃᑯᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ, ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᓪᓗ ᓄᓇᕗᒻᒥ, ᓄᓇᓕᖕᓂ ᐱᔨᑦᑎᕋᖅᑎᒃᑯᑦ ᐃᓄᓕᕆᔨᒃᑯᓪᓗ. ᑐᒃᓯᕋᖅᑕᐅᔪᑦ ᓄᑖᙳᕆᐊᖅᓯᒪᔪᓂᑦ ᓇᓚᐅᑦᑖᖅᑕᐅᓯᒪᔪᓂᑦ ᑐᙵᕕᖃᖅᐳᑦ ᑮᓇᐅᔭᓕᕆᓐᓇᖅ ᐊᕐᕌᒍ ᓄᙳᐊᓄᑦ. ᐃᓚᖓᓂ 32.2 ᑮᓇᐅᔭᓂᒃ ᐊᐅᓚᑦᑎᓂᕐᒧᑦ ᐱᖁᔭᕐᒥ ᐱᓕᕆᕝᕖᑦ ᖄᖏᐅᑎᔭᕆᐊᖃᙱᑉᐳᑦ ᐊᖏᖅᑕᐅᓯᒪᔪᓂᒃ ᑮᓇᐅᔭᖅᑑᑎᖏᓐᓂᒃ, ᑕᐃᒪᐃᒻᒪᑦ ᐱᔭᕆᐊᖃᖅᐳᑦ ᐃᓚᒋᐊᕈᑎᓂᒃ ᑮᓇᐅᔭᓂᒃ. • ᒪᓕᒐᓕᕆᔨᒃᑯᑦ ᑐᒃᓯᕋᖅᐳᑦ $9.0 ᒥᓕᐊᓂᒃ ᓂᕆᐅᒋᔭᐅᔪᑦ ᐊᑭᓕᐅᑎᒃᓴᑦ ᑲᒪᒋᔭᐅᖁᓪᓗᒋᑦ ᒪᓕᒐᕐᓂᒃ ᐊᑐᓕᖅᑎᑦᑎᔨᓂᑦ. • ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑐᒃᓯᕋᖅᑐᑦ $99.2 ᒥᓕᐊᓂᒃ ᐊᒥᒐᖅᓯᔪᑦ ᑲᒪᒋᔭᐅᖁᓪᓗᒋᑦ ᖃᔅᓯᑲᓪᓚᓂᑦ ᐋᓐᓂᐊᕐᕕᖕᒥ ᑲᒪᒋᔭᐅᕙᒃᑐᓄᑦ ᐱᓕᕆᐊᖑᔪᓂᑦ. • ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᓪᓗ ᓄᓇᕗᒻᒥ ᐱᔭᕆᐊᓖᑦ $17.0 ᒥᓕᐊᓂᒃ ᐋᖅᑭᒋᐊᕈᑕᐅᓗᑎᒃ ᐊᑭᑦᑐᖅᐸᓪᓕᐊᔾᔪᑕᐅᔪᓄᑦ ᐊᐅᓚᔪᓐᓇᐅᑎᓕᕆᔨᒃᑯᓐᓂ, ᐃᓚᒋᔭᐅᓪᓗᑎᒃ ᑭᓱᑐᐃᓐᓇᐃᑦ ᐊᑭᑦᑐᖅᐸᓪᓕᐊᔪᑦ, ᑳᓐᑐᓛᒃᑕᐅᓯᒪᔪᑦ ᐊᑭᑦᑐᖅᐸᓪᓕᐊᔪᑦ, ᐆᒻᒪᖅᑯᑎᓪᓗ ᐊᑭᖏᑦ ᐊᑭᑐᓂᖅᓴᐅᓪᓗᑎᒃ. • ᓄᓇᓕᖕᓂ ᐱᔨᑦᑎᕋᖅᑏᑦ $12.0 ᒥᓕᐊᓂᒃ ᐱᔭᕆᐊᖃᖅᐳᑦ ᓂᕆᐅᓇᖏᑦᑐᓂᒃ ᐊᑭᓕᖅᑐᐃᔾᔪᑎᓄᑦ ᐱᓕᕆᐊᒃᓴᓂᑦ ᑲᔪᓯᑎᑕᐅᔪᓄᑦ, ᐱᖃᓯᐅᑎᓪᓗᒍ $10 ᒥᓕᐊᓐ ᐊᑭᓕᐅᑕᐅᓂᐊᖅᑐᑦ NAMIX-ᑯᓐᓄᑦ, ᓇᓪᓕᐅᒃᑯᒫᓕᕆᔨᐅᔪᑦ ᓄᓇᓕᖕᓂ ᒐᕙᒪᓕᒫᓄᑦ, ᐊᐅᓚᐃᓐᓇᕈᓐᓇᖁᓪᓗᒋᑦ. • ᐃᓄᓕᕆᔨᒃᑯᑦ ᕿᓂᕐᒪᑕ $21.35 ᒥᓕᐊᓂᒃ ᐊᒥᒐᖅᓯᔪᑦ ᑲᒪᒋᔭᐅᖁᓪᓗᒋᑦ ᐊᔾᔨᒌᙱᑦᑐᓂᒃ ᐱᓕᕆᐊᒃᓴᓂᒃ ᐅᑯᓇᓂᓗ ᐃᑲᔫᓯᐊᖅᑐᓕᕆᔨᒃᑯᑦ, ᐃᖅᑲᓇᐃᔮᕆᔭᐅᔪᒪᔪᓕᕆᔨᒃᑯᑦ ᐊᔪᖅᓴᓗᐊᖅᑕᐃᓕᒪᑎᑦᑎᔨᓪᓗ. ᐃᒃᓯᕙᐅᑖᖅ, ᐊᐅᓚᔾᔪᑎᓄᑦ ᐊᑭᓕᕆᐊᓕᑦ ᐊᑭᑦᑐᖅᐸᓪᓕᐊᖏᓐᓇᖅᑎᓪᓗᒋᑦ ᑲᓇᑕᓕᒫᒥ, ᑮᓇᐅᔭᓕᕆᔨᒃᑯᑦ ᐱᓕᕆᖃᑎᖃᑦᑎᐊᖅᐳᑦ ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᓕᒫᖏᓐᓂᒃ ᐊᑭᓕᖅᓱᕆᐊᓕᖕᓂᒃ ᐊᐅᓚᑦᑎᓗᑎᒃ. ᐱᓕᕆᕝᕖᑦ ᐱᓕᕆᕝᕕᖕᒥᓂ ᐱᓇᔪᒃᑐᒻᒪᕆᐅᕗᑦ ᐊᓯᔾᔨᖅᓯᓇᓱᒃᖢᑎᒃ ᐊᑐᕈᓐᓃᖅᑐᓂᒃ ᐃᑲᔫᑎᒃᓴᓂᒃ ᑮᓇᐅᔭᓂᒃ ᕿᓂᒃᑲᓐᓂᓚᐅᙱᓐᓂᖏᓐᓂ. ᑖᓐᓇ ᐊᐃᑉᐸᕆᓕᖅᑕᖓ ᐊᐅᓚᔾᔪᑎᓄᑦ ᐋᖅᑭᐅᒪᐃᓐᓇᕈᑎᓄᓪᓗ ᐃᓚᒋᐊᕈᑎᑦ ᑮᓇᐅᔭᑦ ᑐᒃᓯᕋᖅᑕᐅᔪᑦ 2025-26 ᑮᓇᐅᔭᓕᕆᓐᓇᐅᑉ ᐊᕐᕌᒍᒧᑦ. (ᑐᓵᔨᑎᒎᕈᓐᓃᖅᑐᖅ) ᒪ'ᓇ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᒪᐃᓐ. ᒪᓕᒐᓕᐅᖅᑏᑦ ᐅᖃᐅᓯᔅᓴᑐᐃᓐᓇᖃᖅᐸᑦ ᐃᓗᓕᖏᓐᓂᑦ ᐊᐱᖅᓲᑎᖃᓚᐅᙱᓂᑦᑎᓐᓂ? ᑕᑯᙱᑕᐃᓐᓇᕋᒪ, ᑲᔪᓯᓕᕐᓗᑕ ᐊᑐᓂ. ᐃᓚᒋᐊᕈᑎᑦᓴᒧᑦ ᒪᑉᐱᒐᖓ 4 ᐱᒋᐊᖅᑐᒍ ᐃᓚᒋᐊᕈᑎᑦᓴᓅᖓᔪᓂᑦ ᐸᐃᑉᐹᖁᑎᔅᓯᓂ. ᐃᓚᒋᐊᕈᑎᔅᓴᐃᑦ ᐊᐅᓚᔾᔪᑎᓄᑦ, ᓴᓇᔾᔪᑎᓄᑦ 2, 2025-2026. ᐃᖅᑲᖅᑐᐃᔪᓕᕆᔨᒃᑯᑦ ᐊᐅᓚᔾᔪᑎᓂᑦ ᐊᖏᖅᑕᐅᕌᓂᔅᓯᒪᙱᑦᑐᑦ. ᑲᑎᑦᑐᒋᑦ $9-ᒥᓕᐊᑦ ᑮᓇᐅᔭᑦ. ᐊᐱᖅᑯᑎᔅᓴᖃᕐᕕᐅᕙᑦ? ᐊᖏᖅᐱᓰ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐋᓐᓂᐊᖅᑐᓕᕆᔨᒃᑯᑦ ᐊᐅᓚᔾᔪᑏᑦ. ᒪᑉᐱᒐᖓᓃᑉᐳᖓ 5. ᐊᖏᖅᑕᐅᕌᓂᒃᓯᒪᙱᑦᑐᑦ ᑲᑎᑦᑐᒋᑦ $99,200,000. ᐊᐱᖅᑯᑎᔅᓴᖃᕐᕕᐅᕚ? ᐊᖏᖅᐱᓰ?

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 36 ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᑉᐱᒐᖓ 6. ᐃᖏᕐᕋᔪᓕᕆᔨᒃᑯᑦ ᐱᖁᑎᕐᔪᐊᓕᕆᔨᒃᑯᑦ ᓄᓇᕗᑦ, ᐊᐅᓚᔾᔪᑎᓄᑦ ᐋᖅᑭᐅᒪᐃᓐᓇᕈᑏᑦ, ᐊᖏᖅᑕᐅᕌᓂᒃᓯᒪᙱᑦᑐᑦ, ᑲᑎᑦᑐᒋᑦ $17-ᒥᓕᐊᓐ ᑮᓇᐅᔭᑦ. ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐊᐱᖅᑯᑎᖃᙱᑦᑐᖃᐃ? ᐊᖏᖅᐱᓰ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᑉᐱᒐᖓ 7, ᓄᓇᓕᓐᓂ ᐱᔨᔅᓯᖅᑎᒃᑯᑦ, ᐊᐅᓚᔾᔪᑎᓄᑦ ᐋᖅᑭᐅᒪᐃᓐᓇᕈᑎᓄᓪᓗ, ᐊᖏᖅᑕᐅᕌᓂᒃᓯᒪᙱᑦᑐᑦ, ᑲᑎᑦᑐᒋᑦ $12-ᒥᓕᐊᓐ ᑮᓇᐅᔭᑦ. ᐊᐱᖅᑯᑎᖃᙱᑦᑐᖃᐃ? ᐊᖏᖅᐱᓰ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᑉᐱᒐᖓ 8, ᐃᓄᓕᕆᔨᒃᑯᑦ, ᐊᐅᓚᔾᔪᑎᓄᑦ ᐋᖅᑭᐅᒪᐃᓐᓇᕈᑎᓄᓪᓗ, ᐊᖏᖅᑕᐅᕌᓂᒃᓯᒪᙱᑦᑐᑦ, ᑲᑎᑦᑐᒋᑦ $442,000. ᐊᐱᖅᑯᑎᖃᙱᑦᑐᖃᐃ? ᐊᖏᖅᐱᓰ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᑦᑐᒋᑦ ᐃᓚᒌᑦ ᖃᓄᐃᙱᑦᓯᐊᕐᓂᕐᒧᑦ. $16,176,000. ᐊᐱᖅᑯᑏᑦ? ᑲᑎᑦᑐᒋᑦ ᐃᑲᔫᓯᐊᖅᑐᓕᕆᔨᒃᑯᓐᓄᑦ. $4,856,000. ᐊᐱᖅᑯᑏᑦ? ᑲᑎᑦᑐᒋᑦ ᐃᖅᑲᓇᐃᔮᑉ ᐱᕙᓪᓕᐊᕈᑎᑦᓯᓂᕐᒧᑦ. $842,000. ᐊᐱᖅᑯᑏᑦ? ᑲᑎᑦᑐᒋᑦ ᓂᕿᑦᓴᖃᑦᓯᐊᕐᓂᕐᒧᑦ, ᐃᓚᑰᔪᖅ $82,000.00. ᐊᐱᖅᑯᑏᑦ? ᑲᑎᑦᑐᒋᑦ ᐃᓄᓕᕆᔨᒃᑯᑦ. $221,350,000. ᐊᖏᖅᐱᓰ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᓕᒐᒃᓴᖅ 3 ᐸᐃᑉᐹᖁᑎᑦᓯᖕᓂ. ᒪᓕᒐᒃᓴᖅ 3, ᐃᓚᒋᐊᕈᑎᓄᑦ ᑮᓇᐅᔭᖅᑐᕈᑎᒃᓴᐃᑦ (ᐊᐅᓚᔾᔪᑏ ᐋᖅᑭᐅᒪᐃᓐᓇᕈᑏᓪᓗ) ᐱᖁᔭᕐᔪᐊᑉ ᓈᓴᐅᑎᖓ 2, 2025-2026. ᑎᑎᕋᖅᓯᒪᓂᖓ 1. ᐊᐱᖅᑯᑎᒃᓴᖅᑕᖃᖅᐹ? ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑎᑎᕋᖅᓯᒪᓂᖓ 2, ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑎᑎᕋᖅᓯᒪᓂᖓ 3. ᐅᐃᒍᖓᓄᐊᕐᓗᓯ ᒪᑉᐱᒐᖅ 2-ᒦᑦᑐᒧᑦ. ᐅᐃᒍᖓ ᐃᓚᒋᐊᕈᑏᑦ ᑮᓇᐅᔭᖅᑐᕈᑎᒃᓴᑦ ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓄᑦ ᒫᑦᓯ 31, 2026-ᒧᑦ ᐃᓱᓕᓪᓗᒍ, ᑮᓇᐅᔭᖃᕐᕕᖓ 1, ᐊᐅᓚᔾᔪᑏᑦ ᐋᖅᑭᐅᒪᐃᓐᓇᕈᑏᓪᓗ. ᑲᑎᓪᓗᒋᑦ ᐃᓚᒋᐊᕈᑎᒃᓴᐃᑦ $158,550,000. ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑎᑎᕋᖅᓯᒪᓂᖓ 3, ᐊᖏᖅᐱᓯᐅᒃ?

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 37 ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑎᑎᕋᖅᓯᒪᓂᖓ 4, ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑎᑎᕋᖅᓯᒪᓂᖓ 5, ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑎᑎᕋᖅᓯᒪᓂᖓ 6, ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑎᑎᕋᖅᓯᒪᓂᖓ 7, ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᒪᔩᑦ ᐊᖏᖅᐹᑦ ᒪᓕᒐᒃᓴᖅ 3−ᒧᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᒪᔩᑦ ᐊᖏᖅᐹᑦ ᑖᓐᓇ ᒪᓕᒐᒃᓴᖅ 3 ᑲᑎᒪᔾᔪᑎᒃᓴᓄᑦ ᐃᓕᔭᐅᖁᓪᓗᒍ ᐱᖓᔪᐊᓐᓂ ᐅᖃᓕᒫᖅᑕᐅᓂᐊᕐᒪᑦ? ᒪᑐᒋᐊᕈᑎᑎᑦ, ᒥᓂᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᖅᐸᒃᑲᓐᓂ ᑲᑎᒪᔩᑦ ᑖᒃᑯᓂᖓ ᐃᓱᒪᔅᓴᖅᓯᐅᕈᑎᖃᕋᑖᕐᒪᑕ ᐃᑲᔪᖅᑐᐃᕋᑖᕐᒪᑕᓗ. ᒪᑐᐃᕈᑎᓐᓂ ᐅᖃᖅᑲᐅᒐᒪᐃᓛᒃ ᑮᓇᐅᔭᓕᕆᔨᒃᑯᑦ ᐱᓕᕆᕕᖓ ᐃᖅᑲᓇᐃᔭᖃᑎᖃᕐᒪᑕ ᐱᓕᕆᕕᖕᓂ ᐊᑐᓂ ᓴᙱᑦᑎᒋᐊᖁᓪᓗᒋᑦ ᑮᓇᐅᔭᖅᑐᕈᑎᒃᓴᖏᓐᓂᒃ ᐊᑐᕈᒫᖅᑐᓂᒃ. ᑖᒃᑯᐊ ᐱᓕᕆᐊᖃᕈᓐᓇᕐᓂᐊᕋᑦᑕ ᖃᐅᔨᒪᓂᖅᓴᐅᓗᑕᓗ ᐊᑭᑦᑐᖅᐸᓪᓕᐊᔪᓂᒃ ᑕᒪᒃᑯᓂᖓ. ᐅᑎᖅᑕᕆᐊᖃᙱᓪᓗᑕ ᒪᓕᒐᓕᐅᕐᕕᖕᒧᑦ ᑮᓇᐅᔭᓂᒃ ᐱᓇᓱᒃᑲᓐᓂᕐᓗᑕ. ᑭᓯᐊᓂᓕ, ᐃᓚᖏᑦ ᐱᓕᕆᕖᑦ, ᐃᓚᖏᑦ ᐃᓄᓕᕆᔨᒃᑯᑦ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑖᒃᑯᐊ ᐊᑭᑦᑐᕆᐊᕈᑎᖏᑦ ᐅᓄᓪᓚᕆᖕᒪᑕ. ᖁᔭᓕᑦᑎᐊᖅᐳᒍᑦ ᐱᓕᕆᕕᓕᒫᑦ ᐱᓕᕆᖃᑕᐅᖕᒪᑕ ᑖᔅᓱᒥᖓ ᒐᕙᒪᒃᑯᑦ ᑮᓇᐅᔭᖁᑎᖏᓐᓂᒃ ᑲᒪᓪᓗᑎᒃ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᒪᐃᓐ. ᒪᓕᒐᒃᓴᖅ 4, ᐊᓯᖏᓐᓂᒃ ᑕᕝᕗᙵᐃᓂᐊᕆᕖᑦ ᓵᔅᓯᖕᓄᑦ? ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᐄ’. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᒪᔩᑦ ᐊᖏᖅᑳᑦ ᐱᓕᕆᔨᖁᑎᖏᑦ ᓵᔅᓯᓐᓃᖁᓪᓗᒋᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐃᖅᓱᑦᑏ, ᐃᓐᓇ ᐃᓯᖅᑎᓚᐅᕈᒃ. ᑎᑎᕋᖅᓯᒪᓂᐊᕐᒪᑦ, ᒥᓂᔅᑕ ᒪᐃᓐ ᑭᓇᐅᒻᒪᖔᖅ ᑖᓐᓇ ᐃᖅᑲᓇᐃᔭᖅᑎ ᒪᑐᐃᕈᑎᑎᑦ ᐅᖃᐅᓯᕆᓕᕐᓗᒋᑦ. ᒪᓕᒐᒃᓴᖅ 4 - ᑮᓇᐅᔭᐃᑦ ᐃᓚᒋᐊᕈᑎᖏᑦ (ᐊᑭᑐᔫᑎᓄᑦ) ᒪᓕᒐᖅ, ᓈᓴᐅᑎᖓ 4, 2025-2026 - ᑲᑎᒪᔨᕋᓛᓂᑦ ᐃᓱᒪᒃᓴᖅᓯᐅᖅᑕᐅᓂᖓ

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 38 ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᒪᒥᐊᑉᐳᖓ. ᐅᐃᖕᒪᒃᑎᑦᑎᒐᓚᒃᑲᒪ ᐃᖅᑲᓇᐃᔭᖅᑏᑦ ᑕᕝᕗᙵᖅᑎᓪᓗᒋᑦ. ᑖᓐ ᔭᖕ ᑕᕝᕙᓃᑦᑐᖅ ᓱᓕ ᓴᓂᑦᑎᓐᓂᐊᓐᓃᑦᑐᖅ ᑐᖏᓕᖓ ᑮᓇᐅᔭᓕᕆᔨᒃᑯᑦ, ᑲᐃᔪᓪ ᓰᓕ ᑖᓐᓇ ᐃᖏᕐᕋᔾᔪᑎᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᓪᓗ ᓄᓇᕗᒻᒥ ᐱᓕᕆᕕᖓᓂ, ᑖᓐᓇ ᐋᓪᓚᐅᙱᑦᑎᐊᖅᑐᖅ ᑕᕝᕙᓂ ᓵᒻᒥ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᐅᓪᓗᒥ ᑕᕝᕙᓃᑦᑐᖓ ᓴᖅᑭᑦᑎᔪᒪᓪᓗᖓ ᐱᖁᔭᒃᓴᖅ 4−ᒥᑦ − ᐃᓚᒋᐊᕈᑎᑦ ᑮᓇᐅᔭᑦ (ᐊᑭᑐᔫᑎᓄᑦ) ᐱᖁᔭᖅ, ᓈᓴᐅᑎᓕᒃ 4, 2025-26. ᐱᖁᔭᒃᓴᒃᑯᑦ, $41.885−ᒥᓕᐊᓂᒃ ᕿᓂᖅᑐᑦ ᐃᓚᒋᐊᕈᑎᓂᑦ ᐊᑭᑐᔫᑎᓄᑦ ᐊᑐᖅᑕᐅᓇᔭᖅᑐᓂᒃ 2025−26−ᒧᑦ. ᐊᖏᖅᑕᐅᒃᐸᑦ, ᐅᓄᖅᓯᒋᐊᕐᓂᐊᖅᐳᑦ 2025-26-ᒥᑦ ᐊᑭᑐᔫᑎᓄᑦ ᑮᓇᐅᔭᖅᑑᑎᒃᓴᑦ $646.948 ᒥᓕᐊᓂᒃ $688.833 ᒥᓕᐊᓄᑦ. ᕕᕝᕗᐊᕆ 2025−ᒥ, ᒪᓕᒐᓕᐅᕐᕕᖕᒥ ᐊᖏᓚᐅᖅᐳᑦ ᐱᖁᔭᒃᓴᖅ 82−ᒥ ᐃᓚᒋᐊᕈᑎᑦ ᑮᓇᐅᔭᑦ (ᐊᑭᑐᔫᑎᑦ) ᐱᖁᔭᖅ, ᓈᓴᐅᑖ 1, 2025-26, ᓯᕗᓂᐊᒍᑦ ᐊᖏᖅᑕᐅᓚᐅᖅᑐᒥᒃ ᓴᖅᑭᑎᑦᑎᓪᓗᑎᒃ ᐊᑭᑐᔫᑎᓄᑦ ᓅᑕᐅᓚᐅᖅᑐᓂᑦ 2024-25−ᒥᑦ 2025-26−ᒧᑦ. ᐊᖏᖅᑕᐅᓵᓕᓗᑎᒃ ᐱᓕᕆᕝᕖᑦ ᐊᒻᒪ ᐊᒃᑐᖅᑕᐅᓯᒪᔪᓪᓗ ᐃᓄᖕᓄᑦ ᑐᑦᑕᕐᕕᑦ ᐱᕕᖃᓕᖃᑦᑕᖅᐳᑦ ᑎᑭᓴᐃᔪᓐᓇᖅᓯᓪᓗᑎᒃ ᐃᓚᒃᓴᓂᒃ ᐅᒥᐊᕐᔪᐊᒃᑯᑦ ᑎᑭᓴᖅᑕᐅᔪᒃᓴᑦ ᓈᒻᒪᖅᑰᑦᑎᓪᓗᑎᒃ ᐊᒻᒪᓗ ᐱᓕᕆᐊᖑᐃᓐᓇᕐᓗᑎᒡᓗ ᐊᕐᕌᒍᒐᓴᖕᓄᑦ ᐱᓕᕆᐊᒃᓴᑦ. (ᑐᓵᔨᑎᒎᕈᓐᓃᖅᑐᖅ) ᐃᒃᓯᕙᐅᑖᖅ, (ᑐᓵᔨᑎᒎᓕᖅᑐᖅ)ᐱᒻᒪᕆᐅᕗᖅ ᐅᔾᔨᕆᔭᐅᓗᓂ ᑖᒃᑯᐊ ᐱᓕᕆᐊᒃᓴᑦ ᐊᖏᖅᑕᐅᓯᒫᓂᓕᕐᒪᑕ ᐊᑭᑐᔫᑎᓄᑦ ᐸᕐᓇᐅᑎᒋᔭᐅᓚᐅᖅᑐᑦ ᐊᑐᖅᖢᒋᑦ. ᓯᕗᓪᓕᖅᐹᑦ ᐋᖅᑭᒋᐊᖅᑕᐅᔪᑦ ᑐᙵᕕᖃᖅᑎᑕᐅᓚᐅᖅᐳᑦ ᓇᓚᐅᑦᑖᖅᑕᐅᓯᒪᔪᓂᒃ ᐊᑐᐃᓐᓇᐅᓛᓂᒃ ᖃᐅᔨᒋᐊᕈᑎᓂᒃ ᐊᑐᖅᖢᑎᒃ ᑕᐃᔅᓱᒪᓂᐅᑎᓪᓗᒍ. ᐊᑭᓕᒐᒃᓴᑦ, ᐱᓕᕆᐊᒃᓴᑦ ᐅᓂᒃᑳᑦ, ᐊᕐᕌᒎᓪᓗ ᓄᙳᐊᓂ ᑮᓇᐅᔭᑦ ᒪᑐᔭᐅᓂᖏᑦ ᐱᐊᓂᒃᑕᐅᓯᒪᓕᕐᒪᑕ, ᐊᖏᖅᑕᐅᖁᔨᓕᖅᐳᒍᑦ ᐋᖅᑭᒋᐊᖅᑕᐅᖁᓪᓗᒋᑦ ᓯᕗᓂᐊᒍᑦ ᓅᑕᐅᓚᐅᖅᑐᑦ. ᖃᔅᓯᑲᓪᓚᑦ ᐱᓕᕆᐊᒃᓴᑦ ᐋᖅᑭᒋᐊᖅᑕᐅᔭᕆᐊᖃᖅᐳᑦ ᓅᑎᑕᐅᔪᑦ ᐅᓄᕐᓂᖏᑦ, ᐊᑕᐅᓯᕐᓗ ᐱᓕᕆᐊᖅ ᐱᔭᕆᐊᖃᖅᖢᓂ ᓄᑖᓂᒃ ᐃᓚᒋᐊᕈᑎᓂᒃ ᑮᓇᐅᔭᓂᒃ. ᑖᒃᑯᐊ ᑮᓇᐅᔭᑦ ᐊᖏᖅᑕᐅᓯᒪᔪᑦ ᐱᑕᖃᙱᑉᐸᑕ, ᐱᓕᕆᕝᕖᑦ ᓈᒻᒪᒃᑐᓂᒃ ᑮᓇᐅᔭᖃᔾᔮᙱᑦᑐᑦ ᐊᒃᑐᖅᑕᐅᓯᒪᔪᓂᒃ ᐱᓕᕆᐊᒃᓴᓂᒃ ᐱᐊᓂᖁᓪᓗᒋᑦ. ᐱᓕᕆᐊᒃᓴᐃᑦ ᓄᖅᑲᖅᑎᑕᐅᔭᕆᐊᖃᕋᔭᖅᐳᑦ ᐅᖓᕙᕆᐊᖅᑕᐅᓗᑎᒡᓘᓐᓃᑦ ᑭᓯᐊᓂ ᓄᑖᓂᒃ ᑮᓇᐅᔭᓂᒃ ᐊᖏᖅᑕᐅᓯᒪᔪᓂᒃ ᒪᓂᒪᔪᖃᓕᖅᐸᑦ, ᑕᐃᒪᐃᖁᔨᙱᖦᖢᑕᓗ. ᓄᓇᕗᑦ ᒐᕙᒪᒃᑯᑦ ᐊᑭᑐᔫᑎᑦ ᐱᓕᕆᐊᒃᓴᓕᒫᑲᓴᖏᑦ ᐊᕐᕌᒍᒐᓴᖕᓄᑦ ᐱᓕᕆᐊᖑᓲᖑᖕᒪᑕ ᐊᒻᒪᓗ ᕿᓚᒥᑯᓗᒃ ᐃᒡᓗᓕᐅᕐᓇᖅᐸᒃᖢᓂ, ᐃᓚᖏᑦ ᓅᑕᐅᓂᐊᖅᑐᑦ ᓂᕆᐅᒋᔭᐅᔪᑦ ᐱᓕᕆᔭᕆᐊᖃᓪᓚᕆᒃᖢᑎᒡᓗ. ᓇᓗᓇᐃᖅᓯᔪᒪᖕᒥᔪᖓ ᑖᓐᓇ ᐱᖁᔭᒃᓴᖅ ᐃᓚᖃᖅᐳᖅ ᐊᑕᐅᓯᕐᒥᒃ ᓄᑖᒥᒃ ᑐᒃᓯᕋᐅᑕᐅᔪᒥᒃ $15 ᒥᓕᐊᓐᓂᒃ ᐃᖃᓗᖕᓂ ᒥᑦᑎᒪᑕᓕᖕᒥᓗ ᑐᓚᒃᑕᕐᕕᖕᓄᑦ ᐱᓕᕆᐊᒃᓴᓄᑦ. ᑖᒃᑯᐊ ᑮᓇᐅᔭᑦ ᐱᔭᐅᔭᕆᐊᖃᖅᐳᑦ ᐊᖑᒻᒪᑎᖁᓪᓗᒋᑦ ᓱᓕ ᐊᑭᓕᖅᓯᒪᙱᑦᑐᓂᒃ, ᐅᑯᓂᖓᓗ ᓄᓇᓕᖕᓂ ᐊᑭᒋᔭᐅᔪᑦ, ᐱᓕᕆᔨᓪᓚᕆᖕᓄᑦ ᐱᔨᑦᑎᕋᖅᑕᐅᔭᕆᐊᓕᑦ ᐊᒥᐊᒃᑯᑦ, ᐊᑕᐅᓯᐅᙱᑦᑐᒥᒃ−ᐊᑭᓕᖅᑕᐅᔪᖅ ᐋᖅᑭᒋᐊᖅᑕᐅᓗᓂ, ᒪᓕᒐᖅᑎᒍᓪᓗ ᐊᑭᓕᖅᓱᕆᐊᓕᑦ. (ᑐᓵᔨᑎᒎᕈᓐᓃᖅᑐᖅ) ᐃᒃᓯᕙᐅᑖᖅ, (ᑐᓵᔨᑎᒎᓕᖅᑐᖅ) ᐊᐱᖅᑯᑎᒃᓴᔅᓯᓐᓂᒃ ᑭᐅᔪᓐᓇᖅᓯᕗᖓ ᑮᓇᐅᔭᑦ ᐃᓚᒋᐊᕈᑎᑦ ᒥᒃᓵᓄᑦ ᐅᕝᕙᓘᓐᓃᑦ ᐊᑭᑐᔫᑎᓄᑦ ᐊᑐᖅᑐᒃᓴᑦ ᐱᓕᕆᐊᖑᕙᓪᓕᐊᔪᑦ. ᑎᓕᐅᕆᕗᖓ ᒪᓕᒐᓕᐅᖅᑎᓂᒃ ᑐᕌᖅᑎᑦᑎᖁᓪᓗᒋᑦ ᐱᓕᕆᐊᒃᓴᓄᑦ ᑐᕌᖓᔪᓂᑦ ᐊᐱᖅᑯᑎᒃᓴᓕᑦ ᒥᓂᔅᑕᓄᑦ ᑲᒪᒋᔭᓕᖕᓄᑦ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐃᒃᓯᕙᐅᑖᖅ.

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 39 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᒪᐃᓐ. ᐊᐱᖅᑯᑎᒃᓴᖅᑕᖃᖅᐹ ᑲᑎᒪᔨᓃᙶᖅᑐᓂᒃ ᐃᓗᓕᑯᓘᔭᖏᑎᒍᑦ ᐊᐱᖅᓱᓚᐅᙱᓐᓂᔅᓯᖕᓂᒃ? ᒫᓐᓇ ᒪᑉᐱᒐᖏᑎᒍᑦ ᕿᒥᕐᕈᓇᖕᓂᐊᖅᐳᒍᑦ ᐃᓚᒋᐊᕈᑎᒃᓴᓂᒃ. ᒪᑉᐱᒐᖅ 4-ᒥ ᐱᒋᐊᕐᓗᒍ, ᐃᓚᒋᐊᕈᑎᒃᓴᐃᑦ ᑮᓇᐅᔭᖅᑐᕈᑎᒃᓴᐃᑦ ᐊᑭᑐᔪᓄᑦ. ᐃᓚᒋᐊᕈᑦ ᑮᓇᐅᔭᖅᑐᕈᑎᒃᓴᑦ ᓈᓴᐅᑎᓕᒃ 4, 2025-2026, ᐱᓕᕆᕕᖓ ᑮᓇᐅᔭᕆᓕᔨᒃᑯᑦ ᐊᖏᖅᑕᐅᓯᒪᙱᑦᑐᑦ ᓯᕗᕐᖓᒍᑦ, ᑲᑎᓪᓗᒋᑦ $4,585,000. ᐊᐱᖅᑯᑎᒃᓴᐃᑦ? ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᒃᐱᒐ 5-ᒧᑦ, ᒪᓕᒐᓕᕆᔨᒃᑯᑦ ᐱᓕᕆᕕᖓ, ᐊᖏᖅᑕᐅᓯᒪᙱᑦᑐᑦ ᓯᕗᕐᖓᒍᑦ ᑲᑎᓪᓗᒋᑦ, $1,612,000 ᐊᐱᖅᑯᑎᒃᓴᐃᑦ? ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᒃᐱᒐᖅ 6, ᐃᓕᓐᓂᐊᖅᑐᓕᕆᔨᒃᑯᑦ ᓯᕗᕐᖓᒍᑦ ᐊᖏᖅᑕᐅᓯᒪᙱᑦᑐᑦ ᑲᑎᓪᓗᒋᑦ $5,148,000. ᐊᐱᖅᑯᑎᒃᓴᐃᑦ? ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᑉᐱᒐᖅ 7, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ, ᓯᕗᕐᖓᒍᑦ ᐊᖏᖅᑕᐅᓯᒪᙱᑦᑐᑦ, ᑲᑎᓪᓗᒋᑦ $9,531,000 ᐊᐱᖅᑯᑎᒃᓴᐃᑦ? ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᒃᐱᒐᖅ 8, ᐃᖏᕐᕋᔾᔪᑎᓕᕆᔨᒃᑯ ᐊᒻᒪᓗ ᐱᖁᑎᕐᔪᐊᓕᕆᔨᒃᑯᑦ ᓄᓇᕗᒻᒥ, ᓯᕗᕐᖓᒍᑦ ᐊᖏᖅᑕᐅᓯᒪᙱᑦᑐᑦ; ᒪᒃᐱᒐᖅ 9−ᒧᐊᕐᓗᒋᑦ, ᑲᑎᓪᓗᒋᑦ $16,186,000. ᐊᐱᖅᑯᑎᒃᓴᐃᑦ? ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᓄᓇᓕᖕᓄᑦ ᐱᔨᔅᓯᕈᑎᐅᔪᑦ, ᓯᕗᕐᖓᒍᑦ ᐊᖏᖅᑕᐅᓯᒪᙱᑦᑐᑦ, ᑲᑎᓪᓗᒋᑦ $4,644,000. ᐊᐱᖅᑯᑎᒃᓴᐃᑦ? ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᒃᐱᒐᖅ 11-ᒥ, ᐃᓄᓕᕆᔨᒃᑯᑦ ᐱᓕᕆᕕᖓᑦ, ᓯᕗᕐᖓᒍᑦ ᐊᖏᖅᑕᐅᓯᒪᙱᑦᑐᑦ, ᑲᑎᓪᓗᒋᑦ $179,000. ᐊᐱᖅᑯᑎᒃᓴᐃᑦ? ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. 10 ᒥᓂᑦᓯᒥ ᕿᑲᑲᐃᓐᓇᕐᓂᐊᖅᐳᒍᑦ. ᖁᔭᓐᓇᒦᒃ. >>ᑲᑎᒪᑐᐃᓐᓇᕐᓂᖅ ᓄᖅᑲᑲᐃᓐᓇᖅᑐᖅ 13:57 ᐊᒻᒪᓗ ᐱᒋᐊᒃᑲᓂᖅᑐᑦ 14:38 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ ᐅᑎᕐᒥᒐᔅᓯ. ᑲᑎᒪᓂᖅ ᐱᒋᐊᒃᑲᓐᓂᖁᓕᖅᑕᕋ. ᐱᖁᔭᔅᓴᖅ 4-ᒨᕆᔅᓯ ᐱᖁᔭᒃᑯᕕᔅᓯᖕᓂ.

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 40 ᐱᖁᔭᔅᓴᖅ 4 ᑮᓇᐅᔭᓂᒃ ᐃᓚᒋᐊᕆᔪᒪᔾᔪᑏᑦ (ᐊᑭᑐᔪᖅᑐᓄᑦ) ᓈᓴᐅᑎᓕᒃ 4, 2025-2026. ᑎᑎᕋᖅᓯᒪᓂᖓ 1, ᐊᖏᖅᑭᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑎᑎᕋᖅᓯᒪᓂᖓ 2, ᐊᖏᖅᑭᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐅᐃᒍᖓᓅᕆᔅᓯ ᒪᑉᐱᒐᖓ 2-ᒥ. ᐅᐃᒍᖓ, ᑮᓇᐅᔭᓂᒃ ᐃᓚᒋᐊᖅᓯᔪᒪᔾᔪᑏᑦ ᑮᓇᐅᔭᓕᕆᓐᓇᐅᑉ ᐊᕐᕌᒎᑉ ᐃᓱᐊᓄᑦ ᒫᑦᓯ 31, 2026. ᑮᓇᐅᔭᖃᕐᕕᖓ 2, ᐊᑭᑐᔪᖅᑐᕈᑎᔅᓴᑦ, ᑮᓇᐅᔭᓂᒃ ᐃᓚᒋᐊᖅᓯᒍᒪᔾᔪᑏᑦ $41,885,000. ᐊᖏᖅᑭᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑎᑎᕋᖅᓯᒪᓂᖓ 3, ᐊᖏᖅᑭᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑎᑎᕋᖅᓯᒪᓂᖓ 4, ᐊᖏᖅᑭᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑎᑎᕋᖅᓯᒪᓂᖓ 5, ᐊᖏᖅᑭᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑎᑎᕋᖅᓯᒪᓂᖓ 6, ᐊᖏᖅᑭᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑎᑎᕋᖅᓯᒪᓂᖓ 7, ᐊᖏᖅᑭᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᒪᔩᑦ ᐊᖏᖅᑳᑦ ᐱᖁᔭᔅᓴᖅ 4-ᒥᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᒪᔩᑦ ᐊᖏᖅᑳᑦ ᐱᖁᔭᔅᓴᖅ 4 ᑲᑎᒪᔾᔪᑎᒃᓴᓂ ᐃᓕᔭᐅᔪᓐᓇᖁᓪᓗᒍ ᐱᖓᔪᐊᓐᓂ ᐅᖃᓕᒫᖅᑕᐅᒍᓐᓇᖅᓯᓗᓂ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᑐᓯᒍᑎᔅᓴᖃᖅᑮᑦ ᓇᐃᓈᕐᓗᒋᑦ, ᒥᔅᑕ ᒪᐃᓐ?

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 41 ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᑲᑎᒪᔨᕋᓛᓯ ᕿᒥᕐᕈᑦᑎᐊᕋᑖᕐᖓᑕ ᑖᔅᓱᒥᖓ. ᐊᒻᒪ ᖁᔭᓕᕗᒍᑦ ᐃᑲᔪᖅᓯᖅᑕᐅᒐᑦᑕ ᐊᑭᑐᔪᖅᑐᕈᑎᔅᓴᐃᑦ ᑖᒃᑯᐊ ᐊᕐᕌᓂᓴᐃᑦ ᓄᑖᒧᑦ ᐊᐅᓪᓛᖅᑕᐃᑦ ᐊᓯᖏᓪᓗ ᑮᓇᐅᔭᐃᑦ ᐊᖏᖅᑕᐅᔪᐃᑦ. ᑕᐃᒃᑯᐊ ᑐᓚᒃᑕᕐᕕᒻᒧᓪᓗ ᑐᕌᖓᔪᐃᑦ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᒪᐃᓐ. ᒫᓐᓇ ᐃᓱᓕᑉᐳᖅ ᐱᓕᕆᐊᔅᓴᕆᖅᑲᐅᔭᖏᑦ ᑲᑎᒪᔨᕋᓛᑦ. ᐃᖅᓱᑦᑏ, ᐅᖃᕆᐊᖅᑐᖅᓯᒪᔪᐃᑦ ᐊᓂᑎᒍᓐᓇᓯᒻᒥᔭᑎᑦ. ᒫᓐᓇ ᓂᑯᕕᙳᓱᓕᕋᒪ ᐱᕙᓪᓕᐊᓂᕆᓯᒪᔭᑦᑎᓐᓂ ᐅᓂᒃᑳᕐᓗᖓ. >>ᑲᑎᒪᑐᐃᓐᓇᕐᓂᖅ ᓄᖅᑲᖅᑐᖅ ᐊᒻᒪᓗ ᒪᓕᒐᓕᐅᖅᑏᑦ ᑲᑎᒪᒋᐊᓯᔪᑦ 14:40 ᐅᖃᖅᑎ (ᑐᓵᔨᑎᒍᑦ): ᐃᖏᓪᓗᓯ. ᑲᑎᒪᔾᔪᑎᒃᓴᖅ 20, ᑲᑎᒪᔨᕋᓛᑦ ᑕᒪᐃᓐᓄᑦ ᐅᓂᒃᑳᖓ. ᒥᔅᑕ ᐲᑕᓴᓐ. ᑲᑎᒪᔾᔪᑎᒃᓴᖅ 20: ᑲᑎᒪᔨᕋᓛᑦ ᑕᒪᐃᓐᓄᑦ ᐅᓂᒃᑳᖏᑦ ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑲᑎᒪᔨᖁᑎᑎᑦ ᐃᓱᒪᔅᓴᖅᓯᐅᕈᑎᖃᕋᑖᕐᖓᑕ ᐱᖁᔭᔅᓴᖅ 1, 3 ᐊᒻᒪ 4. ᐊᒻᒪ ᐅᓂᒃᑳᕈᒪᔪᖓ ᐱᖁᔭᔅᓴᖅ 1, 3, ᐊᒻᒪᓗ 4 ᐱᔭᕇᕐᖓᑕ ᐱᖓᔪᐊᓐᓂ ᐅᖃᓕᒫᖅᑕᐅᒍᓐᓇᓯᓪᓗᑎᓪᓗ. ᐅᖃᖅᑏ, ᐱᒋᐊᖅᑎᑦᑎᕗᖓ ᑲᑎᒪᑎᑐᐃᓐᓇᕐᓂᐅᑉ ᑲᑎᒪᔾᔪᑎᖏᑦ ᓈᒻᒪᒋᔭᐅᖁᓪᓗᒋᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐱᖁᔨᕗᖔᖅᑕᖃᕐᖓᑦ. ᐊᐃᑉᐱᖅᑕᐅᕚ? ᒥᔅᑕ ᑕᖅᑐ. ᐱᖁᔨᕗᖔᕈᑎᒧᑦ ᓈᒻᒪᒃᓴᖅᑐᑦ? ᓈᒻᒪᓴᙱᑦᑐᑦ? ᐱᖁᔨᕗᖔᕈᑦ ᑲᔪᓯᕗᖅ. ᑲᑎᒪᔾᔪᑎᒃᓴᖅ 21. ᐱᖓᔪᐊᓐᓂ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ. ᒥᔅᑕ ᒪᐃᓐ. ᑲᑎᒪᔾᔪᑎᒃᓴᖅ 21: ᐱᖓᔪᐊᓐᓂ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ ᒪᓕᒐᒃᓴᖅ 1 - ᑮᓇᐅᔭᐃᑦ ᐊᑐᖅᑕᐅᑲᐃᓐᓇᕐᓂᐊᖅᑐᑦ (ᐊᐅᓚᔾᔪᑏᑦ ᐋᖅᑭᐅᒪᐃᓐᓇᕈᑏᓪᓗ) ᒪᓕᒐᖅ, 2026-2027 - ᐱᖓᔪᐊᓐᓂᒃ ᐅᖃᓕᒫᖅᑕᐅᓂᖓ ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᐱᒋᐊᖅᑎᑦᑎᕗᖓ ᐊᐃᑉᐱᖅᑕᐅᓪᓗᖓ ᒪᓕᒐᓕᐅᖅᑎᐅᔪᒧᑦ ᐃᖃᓗᐃᑦ−ᓯᓈᒧᑦ, ᐱᖁᔭᔅᓴᖅ 1, ᐊᑯᓐᓂᖓᓂᒃ ᑮᓇᐅᔭᕐᓄᑦ ᑐᔅᓯᕋᐅᑎ (ᐊᐅᓚᔾᔪᑎᓄᑦ ᐋᖅᑭᐅᒪᐃᓐᓇᕈᑎᓄᓪᓗ) ᐱᖁᔭᖅ, 2026-2027 ᐱᖓᔪᐊᓐᓂ ᐅᖃᓕᒫᖅᑕᐅᖁᓪᓗᒍ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐃᒃᓯᕙᐅᑕᖅ (ᑐᓵᔨᑎᒍᑦ): ᓈᒻᒪᓴᖅᑐᑦ? ᓈᒻᒪᓴᙱᑦᑐᑦ? ᐱᖁᔨᕗᖔᕈᑦ ᑲᔪᓯᕗᖅ. ᒪᓕᒐᒃᓴᖅ 1 ᐊᖏᖅᑕᐅᒍᓐᓇᖅᓯᕗᖅ ᑲᒥᓯᓇᒧᑦ. ᐱᖓᔪᐊᓐᓂ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᖅ, ᒥᓂᔅᑕ ᑮᓇᐅᔭᓕᕆᔨᒃᑯᓐᓄᑦ, ᒥᓂᔅᑕ ᒪᐃᓐ. ᒪᓕᒐᒃᓴᖅ 3 - ᑮᓇᐅᔭᐃᑦ ᐃᓚᒋᐊᕈᑎᖏᑦ (ᐊᐅᓚᔾᔪᑏᑦ ᐋᖅᑭᐅᒪᐃᓐᓇᕈᑏᓪᓗ) ᒪᓕᒐᖅ, ᓈᓴᐅᑎᖓ 2, 2025-2026 - ᐱᖓᔪᐊᓐᓂᒃ ᐅᖃᓕᒫᖅᑕᐅᓂᖓ ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᐱᒋᐊᖅᑎᑦᑎᕗᖓ ᐊᐃᑉᐱᖅᑕᐅᓪᓗᖓ ᒪᓕᒐᓕᐅᖅᑎᐅᔪᒧᑦ ᑲᖏᖅᓯᓂᐅᑉ ᓂᒋᐊᓄᑦ, ᐱᖁᔭᔅᓴᖅ 3 ᑮᓇᐅᔭᓂᒃ ᐃᓚᒋᐊᖅᓯᒍᒪᔾᔪᑎ ᐊᐅᓚᒍᑎᔅᓴᓄᑦ ᐋᖅᑭᐅᒪᒍᑎᔅᓴᓄᑦ ᓈᓴᐅᑎᓕᒃ 2, 2025-2026 ᐱᖓᔪᐊᓐᓂ ᐅᖃᓕᒫᖅᑕᐅᖁᓪᓗᒍ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᖁᔭᓐᓇᒦᒃ. ᐱᖁᔨᕗᖔᕈᑦ ᓈᒻᒪᖕᒪᑦ. ᓈᒻᒪᒃᓴᖅᑐᑦ ᐃᓵᓪᓕ. ᓈᒻᒪᓴᙱᑦᑐᑦ? ᐱᖁᔨᕗᖔᕈᑦ ᑲᔪᓯᕗᖅ. ᐱᖓᔪᐊᓐᓂ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ. ᒪᒥᐊᓇᖅ, ᒪᓕᒐᒃᓴᖅ 3 ᐊᖏᖅᑕᐅᒍᓐᓇᖅᓯᕗᖅ ᑲᒥᓯᓇᒧᑦ. ᐱᖓᔪᐊᓐᓂ ᐅᖃᓖᒫᖅᑕᐅᓂᖏᑦ ᒪᓕᒐᒃᓴᑦ. ᒥᓂᔅᑕ ᑮᓇᐅᔭᓕᕆᔨᒃᑯᓐᓄᑦ, ᒥᔅᑕ ᒪᐃᓐ.

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 42 ᒪᓕᒐᒃᓴᖅ 4 - ᑮᓇᐅᔭᐃᑦ ᐃᓚᒋᐊᕈᑎᑦ (ᐊᑭᑐᔪᓄᑦ) ᒪᓕᒐᖅ, ᓈᓴᐅᑎᖓ 4, 2025-2026 - ᐱᖓᔪᐊᓐᓂᒃ ᐅᖃᓕᒫᖅᑕᐅᓂᖓ ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᐱᒋᐊᖅᑎᑦᑎᕗᖓ ᐊᐃᑉᐱᖅᑕᐅᓪᓗᖓ ᒪᓕᒐᓕᐅᖅᑎᐅᔪᒧᑦ ᑐᓄᓂᕐᒧᑦ, ᐱᖁᔭᔅᓴᖅ 4, ᑮᓇᐅᔭᓂᒃ ᐃᓚᒋᐊᖅᓯᒍᒪᔾᔪᑎ ᐊᑭᑐᔪᓄᑦ ᓈᓴᐅᑎᓕᒃ 4, 2025- 2026, ᐱᖓᔪᐊᓐᓂ ᐅᖃᓕᒫᖅᑕᐅᖁᓪᓗᒍ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᖁᔭᓐᓇᒦᒃ. ᓈᒻᒪᒃᓴᙱᑦᑐᑦ? ᐱᖁᔨᕗᖔᕈᑦ ᑲᔪᓯᒋᕗᖅ. ᐱᖁᔭᒃᓴᖅ 4 ᑲᒥᓯᓇᒧᑦ ᐊᖏᖅᑕᐅᒍᓐᓇᖅᓯᒋᕗᖅᑕᐅᖅ. ᐊᓪᓚᒃᑎᒻᒪᕇᒃ, ᖃᐅᔨᒋᐊᕈᓐᓇᖅᐲᑦ ᑲᒥᓯᓇ ᐊᑐᐃᓐᓇᐅᒍᓐᓇᕐᒪᖔᖅ ᑕᕝᕗᖓ ᒪᓕᒐᓕᐅᕐᕕᒻᒨᕐᓂᐊᖁᓪᓗᒍ. ᐅᑕᖅᑭᓚᐅᑲᒋᔅᓯ. ᐊᖏᖅᑕᐅᓂᖏᑦ ᒪᓕᒐᒃᓴᐃᑦ ᑲᒥᓯᓇ ᐄᕙ ᐋᕆᐊᒃ: ᓄᓇᕗᒻᒧᑦ ᑲᒥᓴᓇᐅᓪᓗᖓ, ᖁᕕᐊᓱᒃᑐᖓ ᐅᑯᐊ ᐱᖁᔭᒃᓴᑦ ᐱᖖᒍᖅᑎᑦᑐᓐᓇᕋᒃᑭᑦ: • ᐱᖁᔭᒃᓴᖅ 1, ᐊᑯᓐᓂᖅᓱᖅᑐᑦ ᑮᓇᐅᔭᖅᑐᕈᑏᑦ (ᐊᐅᓚᔾᔪᑏᑦ ᒪᑭᒪᐅᑎᓪᓗ) ᐱᖁᔭᕐᔪᐊᖓᑦ, 2026- 2027 • ᐱᖁᔭᒃᓴᖅ 2, ᑮᓇᐅᔭᖅᑐᕈᑏᑦ (ᐊᑭᑐᔪᖅᑐᕈᑏᑦ) ᐱᖁᔭᕐᔪᐊᖓᑦ, 2026-2027 • ᐱᖁᔭᒃᓴᖅ 3, ᑮᓇᐅᔭᖅᑐᕈᑏᑦ ᐃᓚᒋᐊᕈᑎᖏᓐᓄᑦ (ᐊᐅᓚᔾᔪᑏᑦ ᒪᑭᒪᐅᑏᓪᓗ) ᐱᖁᔭᕐᔪᐊᖅ, ᓈᓴᐅᑎᓕᒃ 2, 2025-2026; ᐊᒻᒪ • ᐱᖁᔭᒃᓴᖅ 4, ᑮᓇᐅᔭᖅᑐᕈᑏᑦ ᐃᓚᒋᐊᕈᑎᖏᓐᓄᑦ (ᐊᑭᑐᔪᖅᑐᕈᑏᑦ) ᐱᖁᔭᕐᔪᐊᖅ, ᓈᓴᐅᑎᓕᒃ 4, 2025-2026 ᑖᒃᑯᐊᖑᕗᑦ ᒪᓕᒐᒃᓴᑦ. ᑎᑎᕋᕐᕕᒃᑎᒍᑦ ᐱᔪᓐᓇᕐᓂᖅᑖᖅᑎᑕᐅᓯᒪᓂᕋ ᐊᑐᖅᖢᒍ, 7-ᒋᔭᖓᓐᓂ ᒪᓕᒐᓕᐅᖅᑏᑦ ᓯᕗᓪᓕᖅᐹᖅ ᑲᑎᒪᕐᔪᐊᕐᓂᖓᑦ ᐃᓱᓕᑎᑉᐸᕋ, ᐊᒻᒪ ᒪᓕᒐᓕᐅᖅᑎᓕᒫᑦ ᑕᕝᕗᖓ ᑲᑎᒪᕐᔪᐊᕐᕕᖕᒧᑦ ᐅᑎᖁᓂᐊᖅᑕᒃᑲ 1:30- ᒧᐊᖅᐸᑦ ᑎᓴᒥᕐᒥ, ᒫᑦᓯ 19, 2026-ᒥ, ᒪᑐᐃᖅᑕᐅᓂᐊᕐᒪᑦ ᑐᒡᓕᐊᓂ ᑲᑎᒪᕐᔪᐊᕐᓇᖅ. ᖁᔭᓐᓇᒦᒃᕌᓗᒃ. ᐅᖃᖅᑎ: ᖁᔭᓐᓇᒦᒃ. ᑲᑎᒪᔾᔪᑎᕗᑦ ᓈᓴᐅᑎᖓ 22, (ᑐᓵᔨᑎᒎᓕᖅᑐᖅ) ᑲᑎᒪᔾᔪᑎᒃᓴᑦ. (ᑐᓵᔨᑎᒎᓕᖅᑐᖅ) ᑎᑎᕋᖅᑏ. ᑲᑎᒪᔾᔪᑎᒃᓴᖅ 22: ᑲᑎᒪᔾᔪᑎᒃᓴᐃᑦ ᑎᑎᕋᖅᑎ: ᖁᔭᓐᓇᒦᒃ, ᐅᖃᖅᑏ. ᒫᑦᓯ 19, 1:30−ᒥ ᐅᓐᓄᒃᓴᒃᑯᑦ: ᑲᑎᒪᔾᔪᑎᒃᓴᐃᑦ, ᒫᑦᓯ 19: 1. ᑐᒃᓯᐊᕐᓂᖅ 2. ᐊᖓᔪᖅᑳᑦ ᐅᖃᐅᓯᖏᑦ 3. ᒪᓕᒐᓕᐅᖅᑏᑦ ᐅᖃᐅᓯᖏᑦ

ᓇᒡᒐᔾᔭᐅᓕᖅᑭ, ᒫᑦᓯ 17, 2026 ᓄᓇᕗᑦ ᒪᓕᒐᓕᐅᕐᕕᖕᒥ ᑲᑎᒪᔾᔪᑎᒥᓃᑦ 43 4. ᑭᐅᔾᔪᑎᑦ ᐅᖃᐅᓯᒃᑯᑦ ᐊᐱᖅᑯᑎᓄᑦ 5. ᐃᓕᑕᖅᓯᓂᖅ ᐳᓛᖅᑎᓂᑦ 6. ᐅᖃᐅᓯᒃᑯᑦ ᐊᐱᖅᑯᑎᑦ 7. ᑎᑎᖅᑲᒃᑯᑦ ᐊᐱᖅᑯᑎᑦ 8. ᑭᐅᔾᔪᑎᑦ ᑎᑎᖅᑲᒃᑯᑦ ᐊᐱᖅᑯᑎᓄᑦ 9. ᑭᐅᔾᔪᑎᑦ ᒪᑐᐃᕈᑎᒧᑦ 10. ᐊᑎᓕᐅᕈᑕᐅᓯᒪᔪᑦ 11. ᑭᐅᔾᔪᑎᑦ ᐊᑎᓕᐅᕈᑕᐅᓯᒪᔪᓄᑦ 12. ᑲᑎᒪᔨᕋᓛᑦ ᑲᑎᒪᔨᕋᓛᖑᑲᐃᓐᓇᖅᑐᓪᓗ ᒪᓕᒐᒃᓴᓂᑦ ᐊᓯᖏᓐᓂᓪᓗ ᐅᓂᒃᑳᖏᑦ 13. ᑎᑎᖅᑲᓂᑦ ᓴᖅᑭᑎᕆᓂᖅ 14. ᖃᐅᔨᒃᑲᐃᒍᑎᑦ ᐱᒋᐊᖅᑎᑕᒃᓴᓂᑦ 15. ᖃᐅᔨᒃᑲᐃᒍᑎᑦ ᐱᒋᐊᖅᑎᑕᒃᓴᓂᑦ ᒪᓕᒐᒃᓴᐃᑦ ᐅᖃᓕᒫᕐᓂᒃᓴᒥᒃ ᓯᕗᓪᓕᖅᐹᖓᓐᓂᒃ 16. ᐱᒋᐊᖅᑎᑕᐃᑦ 17. ᓯᕗᓪᓕᖅᐹᒥᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 18. ᐊᐃᑉᐹᓂᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 19. ᑲᑎᒪᔨᕋᓛᑦ ᑕᒪᐃᓐᓄᑦ ᒪᓕᒐᒃᓴᓄᑦ ᐊᓯᖏᓐᓂᓪᓗ ᐃᓱᒪᖅᓴᖅᓯᐅᕐᓂᖏᑦ 20. ᑲᑎᒪᔨᕋᓛᑦ ᑕᒪᐃᓐᓄᑦ ᐅᓂᒃᑳᖓᑦ 21. ᐱᖓᔪᐊᓐᓂᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 22. ᑲᑎᒪᔾᔪᑎᒃᓴᐃᑦ ᖁᔭᓐᓇᒦᒃ. >>ᐸᑦᑕᑐᖅᑐᑦ ᐅᖃᖅᑎ (ᑐᓵᔨᑎᒍᑦ): ᖁᔭᓐᓇᒦᒃ. ᐅᓇ ᑲᑎᒪᕐᔪᐊᕐᕕᒃ ᒪᑐᓯᒪᓂᐊᓕᕐᒥᔪᖅ ᕿᑎᖅᑰᑎᕈᕋᓱᐊᕐᓂᖓᓂᒃ ᒫᑦᓯ 19, 1:30−ᒥ. ᐃᖅᓱᑦᑏ. >>ᑲᑎᒪᓂᖅ ᓄᖅᑲᖅᑐᖅ 14:49