926 Sivumugiaq, 2nd Floor, Iqaluit, Nunavut X0A 3H0 926, rue Sivumugiaq, 2ème étage, Iqaluit, Nunavut X0A 867-975-5089 867-975-5051 Sivumugiaq, 2nd natiani, Iqaluit, Nunavut X0A 3H0 926 ᓯᕗᒧᒋᐊᖅ ᐊᑐᕆᐊᖅ , ᓇᑎᖅ 2, ᐃᖃᓗᐃᑦ. ᓄᓇᕗᑦ X0A 3H0 ᔫᓂ 02, 2026 ᐃᒃᓯᕙᐅᑕᖅ ᕗᕋᑦ ᐲᑐᓴᓐ ᐃᒃᓯᕙᐅᑕᕆᔭᐅᔪᖅ ᑲᑎᒪᔨᕋᓛᓄᑦ ᓄᓇᕗᒻᒥ ᒪᓕᒐᓕᐅᕐᕕᒃ 926 Sivumugiaq Street Iqaluit, Nunavut X0A 3H0 ᐱᔾᔪᑎᖓ: ᑐᑭᓯᓇᖅᓯᑎᑦᑎᒋᐊᕐᓂᖅ ᑲᑎᒪᔨᑐᐃᓐᓇᐃᑦ ᓴᖅᑭᓐᓂᖏᓐᓂᒃ, ᐅᐱᕐᖔᖅ 2026−ᒥ ᐊᐃᖓᐃ ᐃᒃᓯᕙᐅᑕᖅ ᐲᑐᓴᓐ, ᖁᔭᓐᓇᒦᒃ ᑲᑎᒪᔨᕋᓛᓪᓗ ᐊᐱᖅᑯᑎᑦᑎᐊᕙᖕᓄᑦ ᐊᐱᖅᑯᑎᒃᓴᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᑎᒪᔨᑐᐃᓐᓇᐃᑦ ᑲᑎᒪᑎᓪᓗᒋᑦ ᒪᐃ 25, 2026−ᒥ. ᑎᑎᕋᖅᑐᖓ ᑐᑭᓯᓇᖅᓯᑎᒋᐊᕈᒪᓪᓗᒍ ᑭᐅᔾᔪᑎᒐ ᐱᔾᔪᑎᒋᓪᓗᒍ ᐋᓐᓂᐊᕕᖕᒥ ᓇᓪᓕᐅᒃᑯᒫᑦ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ ᐊᐅᓚᑦᑎᔾᔪᑎᓄᑦ ᐱᖁᔭᖅ (HIHSSAA). ᑲᑎᒪᔨᕋᓛᖃᖅᑎᓪᓗᒋᑦ, ᐊᐱᕆᔭᐅᓚᐅᖅᐳᖓ ᐱᓕᕆᕝᕕᐅᑉ ᖃᖓᒃᑰᕋᔭᕐᓂᖓᓂᑦ ᑭᖑᓪᓕᖅᐹᖅᓯᐅᑎᓂᑦ ᒪᓕᒋᐊᓕᖕᓂᑦ ᐊᒃᑐᐊᓂᓕᖕᓂᑦ HIHSSAA−ᒧᑦ. ᒫᓐᓇ ᒪᕐᕉᖕᓂᑦ ᐃᓛᒃᑰᖓᔫᓐᓂᑦ ᐱᒋᐊᖅᑎᑦᑎᓯᒪᔪᖃᕐᒪᑦ ᑖᔅᓱᒪ ᒪᓕᒐᐅᑉ ᒥᒃᓵᓄᑦ. ᐱᖁᔭᒃᓴᖅ 79, ᐱᖁᔭᖅ ᐋᖅᑭᒋᐊᖅᑕᐅᖁᓪᓗᒍ ᐋᓐᓂᐊᕕᐊᓗᖕᒥ ᓇᓪᓕᐅᒃᑯᒫᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ ᐊᐅᓚᑦᑎᔾᔪᑎᓄᑦ ᐱᖁᔭᖓ ᐊᖏᖅᑕᐅᓚᐅᖅᐳᖅ ᓯᑎᐱᕆ 18, 2025-ᒥ. ᑖᒃᑯᐊ ᑐᕌᕆᔭᐅᔪᑦ ᐊᓯᔾᔨᕆᐊᖅᑕᐅᔪᑦ ᐋᖅᑭᒃᓯᒪᓕᖅᑎᑦᑎᓚᐅᖅᐳᑦ ᐱᖁᔭᓕᕆᓂᕐᒧᑦ ᐊᑐᖅᑕᐅᖃᑦᑕᕋᔭᖅᑐᒥᒃ ᖃᓄᐃᑦᑐᓐᓃᖅᐸᓪᓕᐊᓂᕐᒧᑦ ᒪᒥᓴᕐᓂᕐᒧᓪᓗ ᐃᓂᒋᔭᐅᔪᓄᑦ ᓄᓇᕗᒻᒥ, ᐃᓚᒋᔭᐅᓪᓗᓂ ᐊᖅᑯᓵᕆᐊᖅ. ᐱᓕᕆᕝᕕᒋᔭᐅᔪᖅ ᒫᓐᓇ ᐋᖅᑭᒃᓱᐃᕙᓪᓕᐊᕗᖅ ᐊᒃᑐᐊᓂᓕᖕᓂᑦ ᒪᓕᒃᑕᐅᔭᕆᐊᖃᖅᐸᒃᑐᓂᒃ, ᑕᒪᓐᓇᓗ ᐱᔭᕇᖅᑕᐅᓛᕋᓱᒋᔭᐅᓪᓗᓂ ᐊᕐᕌᒍᒋᔭᐅᔪᖅ ᐃᓱᓕᓚᐅᙱᓐᓂᖓᓂ. ᐊᓯᐊᒎᖓᓪᓗᓂ ᑖᔅᓱᒪᙵᑦ ᐱᓕᕆᐊᒥᑦ, ᐱᓕᕆᐊᖑᕙᓪᓕᐊᔪᒪᔪᖅ ᐅᖃᐅᓯᐅᓯᒪᔪᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ 2026- 2030−ᒧᑦ ᐱᓕᕆᐊᖃᕐᓂᐊᕐᓂᕐᒧᑦ ᐸᕐᓇᒃᓯᒪᔭᖓᓂ ᐃᓚᖃᖅᐳᖅ ᐊᖏᓂᖅᓴᒥᒃ ᕿᒥᕐᕈᒃᑲᓐᓂᕐᓂᕐᒥᒃ ᐆᒥᖓ, ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᕐᓂᕆᔭᐅᕙᒃᑐᓄᓪᓗ ᐊᐅᓚᑦᑎᕝᕕᖃᖅᐸᖕᓂᕐᒧᑦ ᐱᖁᔭᕐᒥᒃ ᐃᓗᐊᖅᓴᖅᑕᐅᕙᖕᓂᕐᒧᑦ ᐱᖁᔭᕐᒥᒃ, ᑐᕌᕆᔭᖃᖅᖢᑎᒃ ᐊᑐᕈᓐᓃᖅᑎᑦᑎᓂᕐᒥᒃ ᐃᓇᖐᓂᕐᒥᒡᓗ ᑕᒪᐃᓐᓂ ᐱᖁᔭᕐᓂᒃ. ᐱᓕᕆᕝᕕᐅᔪᖅ ᐸᕐᓇᓯᒪᔪᑦ ᐱᒋᐊᕈᒪᓪᓗᑎᒃ ᑐᓴᕆᐊᕐᕕᖃᖃᑦᑕᓂᕐᒥᒃ ᐅᐊᑦᑎᐊᕈᒃᑲᓐᓂᖅ ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓂ ᐃᓚᒋᔭᐅᓗᓂ ᕿᒥᕐᕈᓂᕐᒧᑦ. ᑐᑭᓯᓇᖅᓯᑎᒃᑲᓐᓂᕐᓗᒍ, ᒪᓕᒃᑕᐅᔭᕆᐊᓖᑦ ᐋᖅᑭᒃᓱᖅᑕᐅᕙᓪᓕᐊᔪᑦ ᐃᑲᔪᖅᑐᐃᔪᒪᓪᓗᑎᒃ ᐊᖅᑯᓵᕆᐊᕐᒥᒃ ᐃᓚᒋᔭᐅᕗᖅ ᐊᖏᓂᖅᓴᒧᑦ ᐊᑐᕈᓐᓃᖅᑎᑦᑎᓂᕐᒧᑦ−ᐃᓇᖐᓂᕐᒧᓪᓗ ᐱᓕᕆᐊᖑᕙᓪᓕᐊᔪᒪᔪᒧᑦ. ᑐᑭᓯᓇᖅᓯᑎᑦᑎᐊᕋᓱᒃᐸᕋ ᑲᑎᒪᔨᕋᓛᑦ ᑕᒻᒪᖅᑕᖅᓯᒪᙱᑦᑐᓂᒃ ᑐᓴᒐᒃᓴᖃᖁᓪᓗᒋᑦ ᑖᒃᑯᓂᖓ ᐱᓕᕆᐊᖑᕙᓪᓕᐊᔪᒪᔪᓂᑦ. ᐅᕙᙶᖅᑐᖅ, ᒪᓕᒐᓕᐅᖅᑎ ᔮᓇᑦ ᐱᑦᓯᐅᓛᖅ ᐳᕉᔅᑐ ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᒥᓂᔅᑕ ᑲᒪᒋᔭᓕᒃ ᐃᓅᓯᕐᒥᑦ ᑭᐱᓯᑦᑕᐃᓕᑎᑦᓯᓂᕐᒧᑦ ᐱᖃᑕᐅᔪᑦ: ᒪᐃᒐᓐ ᕼᐊᓐᑦ, ᒥᓂᔅᑕᐅᑉ ᑐᒡᓕᐊ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᒥᓂᔅᑕ ᔮᓂᑦ ᐱᑦᓯᐅᓛᖅ ᐳᕈᔅᑐ ᑎᑎᕋᕐᕕᖓ Minister Janet Pitsiulaaq Brewster’s Office Minista Janet Pitsiulaaq Brewster Titirarvinga Bureau du ministre Janet Pitsiulaaq Brewster